လံာ်တၢ်သးခုကစီၣ်ဒ်စီၤမၢ်ကူးကွဲးဝဲအသိးန့ၣ်.

လံာ်တၢ်သးခုကစီၣ်ဒ်စီၤမၢ်ကူးကွဲးဝဲအသိးန့ၣ်.

၁

¹ ယွၤအဖိခွါ, ယ့ၣ်ရှူးခရံာ်အတၢ်သးခုကစီၣ် အခီၣ် ထံး, ² ဒ်တၢ်ကွဲးအသးလၢဝံယရှါယၤအပူၤအသိးန့ၣ်, ကွၢ်ကွၢ်, ယမၢလီၤယကလူးတဂၤလၢနမဲာ်ညါ, လၢအကမၤက့ၤနကျဲန့ၣ်လီၤ.+ မၤ. ၃း၁|Mal.3.1

³ တၢ်အကလုၢ်သီၣ်ထီၣ်လၢပှၢ်မုၢ်ကနၢ, ကတဲာ်ကတီၤယွၤအကျဲ, မၤလိၤအကျဲမုၢ်တဖၣ်န့ၣ်တက့ၢ်.+ ၡါ. ၄၀း၃|Isa.40.3*.

⁴ စီၤယိၤဟၣ်အိၣ်ထီၣ်ဒီး ဘျၢ*တၢ်လၢပှၢ်မုၢ်ကနၢ, ဒီး စံၣ်တဲၤတဲလီၤ တၢ်ဒိးဘျၢ*ဘၣ်ဃးဒီး တၢ်ပီၢ်ယၢ်လီၤ က့ၤအသးလၢတၢ်ပျၢ်တၢ်ဒဲးဘးအဂ့ၢ်လီၤ. ⁵ ဒီးကီၢ်ယူ ဒၤဒီကီၢ်ညါ, ဒီးပှၤယရူၤရှလ့ၣ်ဖိခဲလၢာ်န့ၣ်, လဲၤဆူအ အိၣ်, ဒီးတဲလီၤကျဲၤလီၤအတၢ်ဒဲးဘး, ဒီးဒိးဘျၢ*အသး လၢအစုပူၤ, လၢထံမိၢ်ပှၢ်ယၢ်ဒ့ၣ်အပူၤလီၤ.

⁶ ဒီးစီၤယိၤဟၣ်န့ၣ် ကူသိးဝဲလၢ ကီၤလၢအူးအဆူၣ်, ဒီးကံၢ်တူာ်အယီၢ်ဒ့ လၢယီၢ်တကိးတၢ်ဖံး, ဒီးအီၣ်ဒွဲၣ် ဧိၤတြၤဧိၤ, ဒီးကနဲမံၤအစီလီၤ. ⁷ ဒီးစံၣ်တဲၤတဲလီၤတၢ် ဒီးစံးဝဲဒၣ်, ပှၤဟဲလၢယလီၢ်ခံတဂၤန့ၣ်, သ့န့ၢ်ယၤတ က့ၢ်လီၤ. အဝဲဒၣ်န့ၣ် ယသကူးလီၤ ယသးဒီးဃ့ၣ်လီၤ ကွံာ်အခီၣ်ဖံးအပျံၤန့ၣ်, ယတဂ့ၤတဘၣ်ဘၣ်. ⁸ ယဲဒၣ် အံၤယဘျၢ*သုလၢထံကျါလီၤ. မ့မ့ၢ်အဝဲဒၣ်န့ၣ်ကဘျၢ* သုလၢသးစီဆှံအပူၤလီၤ.

⁹ ဒီးလၢမုၢ်နံၤတဖၣ်န့ၣ်, တၢ်မၤအသးလၢယ့ၣ်ရှူးဟဲ လၢနစၤရ့းဘၣ်ဃးဒီးကီၢ်ကၤလံၤလါ, ဒီးဒိးဘျၢ*အသး လၢစီၤယိၤဟၣ်အစုပူၤ, လၢယၢ်ဒ့ၣ်အပူၤလီၤ. ¹⁰ ဒီးဟဲ က့ၤထီၣ်လၢထံကျါတကီၢ်ခါ, ဒီးထံၣ်ဝဲလၢမူခိၣ်သ့ၣ် ဖးအသး, ဒီးသးန့ၣ်, မၤသးဒ်ထိၣ်လွံၢ်အသိး, ဟဲလီၤ လၢအလိၤလီၤ. ¹¹ ဒီးတၢ်ကလုၢ်သီၣ်လီၤလၢမူခိၣ်ဒီးစံး ဝဲဒၣ်, နဲဒၣ်အံၤနမ့ၢ်ယဖိခွါလၢယအဲၣ်, ဘၣ်ယသး လၢနၤလီၤ. ဒီးသးန့ၣ်မၢဆူၣ်အီၤဆူ ပှၢ်မုၢ်ကနၢတကီၢ်ခါလီၤ.

¹³ ဒီးအိၣ်ဝဲလၢပှၢ်မုၢ်ကနၢန့ၣ်အသီလွံၢ်ဆံ, ဒီးဘၣ်တၢ်လ့ ပစီလၢမုၣ်ကီၤလံၢ်, ဒီးအိၣ်ဝဲဒီးဆၣ်ဖိကီၢ်ဖိအမံၤ, ဒီးက လူးသ့ၣ်တဖၣ် ဟဲမၤအခ့အပှၤအတၢ်မၤလၢအဂီၢ်လီၤ.

¹⁴ ဒ်စီၤယိၤဟၣ် ဘၣ်တၢ်ဟ့ၣ်လီၤကွံာ်အီၤအလီၢ်ခံန့ၣ်, ယ့ၣ်ရှူးဟဲဆူကၤလံၤလါ, ဒီးစံၣ်တဲၤတဲလီၤ ယွၤအဘီ အမုၢ်အတၢ်သးခုအကစီၣ်, ¹⁵ ဒီးစံးဝဲဒၣ်, အဆၢကတီၢ် လၢထီၣ်ပှဲၤထီၣ်လံ, ဒီးယွၤအဘီအမုၢ်ဘူးထီၣ်လံ, ပီၢ် ယၢ်လီၤက့ၤသုသး, ဒီးစူၢ်က့ၤနာ်က့ၤတၢ်သးခုကစီၣ် တက့ၢ်.

¹⁶ ဒီးလဲၤဟးဝဲလၢပီၣ်လဲၣ်ကၤလံၤလါအနံၤ, ဒီးထံၣ်စီၤ ရှံမိၣ်, ဒီးအဒီပုၢ်ဝဲၢ်စီၤအၣ်ဒရ့း, တ့ၢ်လီၤစၤလၢပီၣ် လဲၣ်ပူၤလီၤ. ¹⁷ အဂ့ၢ်ဒ်အံၤ, မ့ၢ်ပှၤမၤညၣ်ဖိလီၤ.― ဒီး ယ့ၣ်ရှူးစံးဘၣ်အီၤ, ပိာ်ယခံတက့ၢ်. ဒီးယကဒုးကဲ ထီၣ်သုလၢပှၤမၤညၣ်ပှၤကညီဖိလီၤ. ဒီးအဝဲသ့ၣ်ဟး သဒၣ်အစၤတဖၣ် တကီၢ်ခါ, ဒီးပိာ်ထီၣ်အခံလီၤ.

¹⁹ ဒီးလဲၤပူၤကွံာ်ဝဲဖဲန့ၣ်တစဲးဖိ, ဒီးထံၣ်စီၤစ့းဘ့းဒဲအဖိ ခွါစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်, ဒီးအဝဲသ့ၣ် အိၣ်ဆးက့ၤအစၤတဖၣ် လၢကဘီပူၤလီၤ. ²⁰ ဒီးကိးန့ၢ် အီၤတကီၢ်ခါ, ဒီးအဝဲသ့ၣ်ဟးသဒၣ် အပၢ်စီၤစ့းဘ့းဒဲ, လၢကဘီပူၤ, အိၣ်ဒီးပှၤဒိးလဲအသးတဖၣ်, ဒီးပိာ်ထီၣ် အခံလီၤ.

²¹ ဒီးလဲၤနုာ်ဆူကပ့းရနီၣ်အပူၤ, ဒီးလၢအိၣ်ဘှံးနံၤန့ၣ် လဲၤနုာ်ဝဲတကီၢ်ခါဆူဘူၣ်ဘျီၣ်ပူၤ, ဒီးသိၣ်က့ၤသီက့ၤ တၢ်လီၤ. ²² ဒီးပှၤပာ်အသးကမၢကမၣ်လၢအသိၣ်တၢ် သီတၢ်အဃိလီၤ. အဂ့ၢ်ဒ်အံၤ, သိၣ်က့ၤသီက့ၤအီၤဒ်ပှၤ အိၣ်ဒီးအစိအကမီၤအသိး, ဒီးတမ့ၢ်ဘၣ်ဒ်ပှၤကွဲးလံာ် တဖၣ်အသိးန့ၣ်လီၤ.

²³ ဒီးပှၤလၢတၢ်နါအိၣ်လၢအလိၤ, အိၣ်ဝဲလၢဘူၣ်ဘျီၣ် ပူၤန့ၣ်တဂၤ, ဒီးကိးပသူထီၣ်ဒီးစံးဝဲဒၣ်, ²⁴ အၣ်လါ, ပှၤန စၤရ့းဖိယ့ၣ်ရှူးဧၢ, တၢ်ဘၣ်ဃးဒီးပှၤဒီးနၤမ့ၢ်မနုၤလဲၣ်, မ့ၢ်နဟဲမၤဟးဂီၤပှၤဧါ. နဲဒၣ်အံၤ, နမ့ၢ်မတၤမတၤယ သ့ၣ်ညါ, နမ့ၢ်ယွၤအတၢ်စီဆှံတဂၤန့ၣ်လီၤ. ²⁵ ဒီးယ့ၣ် ရှူးဒူအလိၤဒီးစံးဝဲဒၣ်, အိၣ်ဘှီၣ်ကလာ်, ဒီးဟးထီၣ် ကွံာ်လၢအလိၤတက့ၢ်. ²⁶ ဒီးတၢ်နါန့ၣ်မၤဒိၣ်ပျုၢ်အီၤ, ဒီး ကိးပသူထီၣ်လၢအကလုၢ်ဖးဒိၣ်, ဒီးဟးထီၣ်ကွံာ်လၢ အလိၤလီၤ. ²⁷ ဒီးပှၤခဲလၢာ်ကမၢကမၣ် တုၤဒၣ်လဲာ်အ သံကွၢ်လိာ်အသးဒီးစံးဝဲဒၣ်, တၢ်အံၤမ့ၢ်မနုၤလဲၣ်. တၢ် သိၣ်တၢ်သီအသီအံၤမးလဲၣ်. အဂ့ၢ်ဒ်အံၤ, မၤလိာ်တၢ် နါတဖၣ် လၢတၢ်အစိအကမီၤဒီး အတၢ်ဒိကနၣ်မး လဲၣ်. ²⁸ ဒီးအကစီၣ်န့ၣ်ဟူထီၣ်သါလီၤ တကီၢ်ခါလၢ ကၤလံၤလါဒီကီၢ်ညါလီၤ.

²⁹ ဒီးအဝဲသ့ၣ်ဟးထီၣ်ကွံာ် လၢဘူၣ်ဘျီၣ်ပူၤန့ၣ်တကီၢ် ခါ, ဒီးအိၣ်ဒီးစီၤယၤကိာ်ဒီးစီၤယိၤဟၣ်န့ၣ်, လဲၤနုာ်ဝဲ လၢစီၤရှံမိၣ်ဒီးစီၤအၣ်ဒရ့းအဟံၣ်ပူၤလီၤ. ³⁰ စီၤရှံမိၣ်အ မံၤပှၢ်ပိာ်မုၣ်တဂၤ, ဘၣ်တၢ်ညၣ်ဂိၢ်, ဒီးမံနီၤဝဲ, ဒီးအဝဲ သ့ၣ်စံးဘၣ်တၢ်ဘၣ်အီၤ တကီၢ်ခါ လၢအဂ့ၢ်အကျိၤ လီၤ. ³¹ ဒီးလဲၤဟံးဃာ်အစု, ဒီးဝံၣ်ဆၢထၢၣ်အီၤ, ဒီးအ ညၣ်ဂိၢ်ဟးထီၣ်ကွံာ်လၢအလိၤတကီၢ်ခါလီၤ. ဒီးမၤအ ခ့အပှၤအတၢ်မၤလၢအဝဲသ့ၣ်အဂီၢ်လီၤ.

³² ဒီးမုၢ်ဟါလီၤဖဲမုၢ်လီၤနုာ်န့ၣ်, ပှၤဟဲစိာ်ကယဲၢ်ပှၤလၢ အမၤတကဲဘၣ်ခဲလၢာ်, ဒီးပှၤလၢတၢ်နါအိၣ်လၢအလိၤ တဖၣ်ဆူအအိၣ်လီၤ. ³³ ဒီးပှၤဝ့ၢ်ဖိဒီဝ့ၢ်ညါ ဟဲအိၣ်ဖှိၣ် လၢဟံၣ်ကျဲအစၢၤန့ၣ်လီၤ. ³⁴ ဒီးမၤဘျါက့ၤပှၤလၢအမၤ တကဲဘၣ်, လၢတၢ်ဆူးတၢ်ဆါ အကလုာ်ကလုာ်အါ ဂၤ, ဒီးဟီထီၣ်ကွံာ်တၢ်နါအါဒု, ဒီးမ့ၢ်တၢ်နါတဖၣ်သ့ၣ် ညါအီၤဒီး, တဒုးကတိၤဘၣ်အီၤဘၣ်လီၤ.

³⁵ ဒီးမုၢ်ဆ့ၣ်ထီၣ်တၢ်ခံးဒံးဒီး, ဂဲၤဆၢထၢၣ်ဒီးဟးထီၣ်ဝဲ, ဒီးလဲၤဝဲဆူပှၢ်မုၢ်ကနၢအလီၢ်, ဒီးဘါထုကဖၣ်တၢ်ဖဲ န့ၣ်လီၤ. ³⁶ ဒီးစီၤရှံမိၣ်, ဒီးပှၤအိၣ်ဒီးအီၤတဖၣ်လူၤပိာ် ထွဲအခံလီၤ. ³⁷ ဒီးတုၤအထံၣ်န့ၢ်အီၤဒီးစံးဘၣ်အီၤ ပှၤခဲ လၢာ်ဃုနၤလီၤ. ³⁸ ဒီးစံးဘၣ်အဝဲသ့ၣ်, မ်ပလဲၤဆူခူ ဧိၤဝ့ၢ်ဧိၤအဘူးတဖၣ်, ဒ်သိးယကစံၣ်တဲၤတဲလီၤတၢ်ဖဲ န့ၣ်စ့ၢ်ကီးတက့ၢ်. အဂ့ၢ်ဒ်အံၤ, ယဟဲထီၣ်လၢတၢ်န့ၣ် အဂ့ၢ်လီၤ. ³⁹ ဒီးလဲၤစံၣ်တဲၤတဲလီၤတၢ်လၢဘူၣ်ဘျီၣ်တ ဖၣ်အပူၤလၢကၤလံၤလါဒီကီၢ်ညါ, ဒီးဟီထီၣ်ကွံာ်တၢ် နါတဖၣ်လီၤ. ⁴⁰ ဒီးပှၤဘၣ်တၢ်ဆါအၢတဂၤဟဲဆူအအိၣ်ဒီးဃ့ကညး အီၤ, ဒီးချံးလီၤ အခီၣ်လၢအမဲာ်ညါ, ဒီးစံးဘၣ်အီၤ, နသးမ့ၢ်အိၣ် လၢနကမၤကဆှီထီၣ်က့ၤယၤဒီး, နမၤ သ့လီၤ. ⁴¹ ဒီးယ့ၣ်ရှူး သးကညီၤအီၤ, ဒီးယူာ်ဃီၤအစု, ဒီးထိးဘၣ်အီၤ, ဒီးစံးဝဲဒၣ်ယသးအိၣ်, မ်နကဆှီထီၣ် က့ၤတက့ၢ်.

⁴² ဒီးဖဲအကတိၤတၢ်န့ၣ်, အတၢ်ဆါအၢန့ၣ်ဟးထီၣ်ကွံာ် လၢအလိၤတကီၢ်ခါ, ဒီးကဆှီထီၣ်က့ၤဝဲလီၤ. ⁴³ ဒီးယ့ၣ် ရှူးမၤလိာ်အီၤ ဆူၣ်ဆူၣ်ကလဲာ်, ဒီးပျၢ်က့ၤအီၤတကီၢ် ခါ, ⁴⁴ ဒီးစံးဘၣ်အီၤ, ပလီၢ်နသးဒ်သိးနသုတစံးဘၣ် တဲဘၣ်ပှၤနီတဂၤတဂ့ၤ, လဲၤတၢ်, ဒုးနဲၣ်နသးလၢပှၤ လုၢ်တၢ်အဒိၣ်, ဒီးမၤဘူၣ်တၢ်လၢနကဆှီထီၣ်က့ၤအဂ့ၢ်, ဒ်စီၤမိၤရှ့မၤလိာ်ဝဲအသိး, လၢတၢ်အုၣ်အသးလၢအဝဲ သ့ၣ်အဂီၢ်တက့ၢ်. ⁴⁵ ဒီးအဝဲဒၣ်ဟးထီၣ် ဒီးစံးဘၣ်တဲ ဘၣ်သီတၢ်အါအါကလဲာ်, ဒီးမၤဟူထီၣ်သါလီၤတၢ် န့ၣ်အဂ့ၢ်အကျိၤ, တုၤယ့ၣ်ရှူးလဲၤနုာ်အိၣ်ဖျါလၢဝ့ၢ်ပူၤ တသ့လၢၤဘၣ်. မ့မ့ၢ်အိၣ်ဝဲလၢခိ လၢပှၢ်မုၢ်ကနၢအ လီၢ်တဖၣ်, ဒီးပှၤဟဲလၢကိးပူၤဒဲးဆူအအိၣ်လီၤ.

၂

¹ ဒီးမုၢ်နံၤတဖၣ်ပူၤကွံာ်ဒီးယ့ၣ်ရှူးလဲၤနုာ်ကဒီးဆူကပ့း ရနီၣ်အပူၤ, ဒီးပှၤနၢ်ဟူလၢအအိၣ် လၢဟံၣ်ပူၤလီၤ.―

² ဒီးပှၤအိၣ်ဖှိၣ်ရိဖှိၣ်တကီၢ်ခါအါဂၤ, တုၤအလီၢ်တအိၣ် လၢၤဘၣ်, လၢကျဲစၢၤထံးဒၣ်လဲာ်န့ၣ်တအိၣ်လၢၤဘၣ် လီၤ. ဒီးစံၣ်တဲၤတဲလီၤအီၤလၢတၢ်အကလုၢ်ကထါလီၤ.

³ ဒီးဟဲစိာ်ပှၤသံတခီပၤတဂၤ, လၢပှၤလွံၢ်ဂၤစိာ်ဝဲ, ဆူ အအိၣ်လီၤ. ⁴ ဒီးမ့ၢ်အလဲၤစိာ်ဝဲဆူအဂီၤထံး တသ့ဘၣ် လၢပှၤဂီၢ်မုၢ်အဃိဒီး, မၤဟးဂီၤဟံၣ်ခိၣ်, ဒီးဘၢၣ်ဖျိ တၢ်လၢအအိၣ်ဝဲအလီၢ်အဖီခိၣ်, ဒီးစဲၤလီၤလီၢ်မံလၢ ပှၤသံတခီပၤတဂၤမံလီၤလၢအပူၤလီၤ. ⁵ ဒီးယ့ၣ်ရှူးထံၣ် အဝဲသ့ၣ်အတၢ်နာ်, ဒီးစံးဘၣ်ပှၤသံတခီပၤတဂၤန့ၣ်, ဖိဧၢ, နတၢ်ဒဲးဘးပျၢ်လံ. ⁶ ဒီးပှၤကွဲးလံာ်တနီၤနီၤဆ့ၣ် နီၤအိၣ်ဖဲန့ၣ်ဒီးကူၣ်တၢ်လၢအသးကံၢ်ပူၤ, ⁷ တၢ်လၢပှၤ တဂၤအံၤကတိၤကမၣ်ယွၤဒ်အံၤ, ဘၣ်မနုၤလဲၣ်. မ့တ မ့ၢ်ဘၣ် တၢ်တဂၤယွၤတဂၤန့ၣ်ဒီး, မ့ၢ်မတၤပျၢ်တၢ်ဒဲး ဘးသ့တဂၤလဲၣ်. ⁸ ဒီးယ့ၣ်ရှူးသ့ၣ်ညါထံ လၢအသး ကံၢ်ပူၤတကီၢ်ခါ, လၢပှၤတဖၣ်န့ၣ်ကူၣ်တၢ်လၢအသး ကံၢ်ပူၤဒ်န့ၣ်, ဒီးစံးဘၣ်အီၤ, ဘၣ်မနုၤလၢသုကူၣ်တၢ် န့ၣ်တဖၣ် လၢသုသးကံၢ်ပူၤလဲၣ်. ⁹ မ့ၢ်ပစံးဘၣ်ပှၤသံ တခီပၤညီဖဲလဲၣ်တမံၤလဲၣ်. မ့ၢ်ပစံးလၢနတၢ်ဒဲးဘးပျၢ် လံန့ၣ်ညီတက့ၢ်ဧါ, မ့ၢ်ပစံး, ဂဲၤဆၢထၢၣ်ဟံးန့ၢ်နလီၢ် မံ, ဒီးဟးန့ၣ်ညီတက့ၢ်လဲၣ်. ¹⁰ ဘၣ်ဆၣ်ဒီး, ဒ်သိးသုက သ့ၣ်ညါလၢပှၤကညီဖိခွါအံၤအိၣ်ဒီး အစိအကမီၤလၢ ဟီၣ်ခိၣ်ချၢ, လၢအကပျၢ်တၢ်ဒဲးဘးဒီး, (စံးဘၣ်ပှၤသံ တခီပၤတဂၤန့ၣ်), ¹¹ ယစံးဘၣ်နၤ, ဂဲၤဆၢထၢၣ်, ဒီး စိာ်ထီၣ်နလီၢ်မံ, ဒီးက့ၤက့ၤဆူနဟံၣ်တက့ၢ်. ¹² ဒီးဂဲၤ ဆၢထၢၣ်တကီၢ်ခါ, ဒီးစိာ်ထီၣ်အလီၢ်မံ, ဒီးဟးထီၣ် ကွံာ်ဝဲလၢပှၤခဲလၢာ်အမဲာ်ညါလီၤ. တၢ်မၤအသးဒ်န့ၣ် ဒီး, ပှၤပာ်ထီၣ်အသးကမၢကမၣ်ခဲလၢာ်, ဒီးစံးထီၣ် ပတြၢၤယွၤ, ဒီးစံးဝဲဒၣ်, ပတထံၣ်ဘၣ်တၢ်ဒ်အံၤအသိး နီတခီၣ်ဘၣ်လီၤ.

¹³ ဒီးဟးထီၣ်ကဒီးလၢပီၣ်လဲၣ်နံၤ, ဒီးပှၤဂီၢ်မုၢ်ခဲလၢာ် ဟဲဆူအအိၣ်, ဒီးအဝဲဒၣ်သိၣ်က့ၤသီက့ၤအီၤလီၤ.

¹⁴ ဒီးလဲၤတၢ်, ဒီးထံၣ်စီၤအၤလဖဲအဖိခွါ, စီၤလ့ၤဝံတ ဂၤ, ဆ့ၣ်နီၤလၢပှၤဃ့သွဲအလီၢ်, ဒီးစံးဘၣ်အီၤ, ပိာ်ယ ခံတက့ၢ်. ဒီးဂဲၤဆၢထၢၣ်ပိာ်ထီၣ်အခံလီၤ. ¹⁵ ဒီးတၢ်မၤ အသးလၢ ယ့ၣ်ရှူးဆ့ၣ်နီၤသန့ၤလၢ အဝဲဒၣ်အဟံၣ်အ ဖၢမုၢ်ဒီး, ပှၤဃ့သွဲ, ဒီးပှၤတၢ်ဒဲးဘးဖိအါဂၤဆ့ၣ်နီၤသ န့ၤဃုာ်ဒီးအီၤဒီးအပျဲၢ်အဘီၣ်လီၤ. အဂ့ၢ်ဒ်အံၤ, အိၣ်အါ ဂၤဒီးပိာ်အခံလီၤ. ¹⁶ ဒီးတုၤပှၤကွဲးလံာ်ဒီးပှၤဖၤရံၤရှဲသ့ၣ် တဖၣ် ထံၣ်လၢအအီၣ်တၢ်ဒီး ပှၤဃ့သွဲဒီးပှၤတၢ်ဒဲးဘး ဖိဒီး, စံးဘၣ်အပျဲၢ်အဘီၣ်, အဝဲဒၣ်အီၣ်တၢ်အီတၢ်ဒီး ပှၤဃ့သွဲဒီးပှၤတၢ်ဒဲးဘးဖိန့ၣ် ဘၣ်မနုၤလဲၣ်. ¹⁷ ဒီးယ့ၣ် ရှူးနၢ်ဟူဒီးစံးဘၣ်အီၤ, ပှၤလၢအအိၣ်ဆူၣ်အိၣ်ချ့တဖၣ် န့ၣ် မၤကသံၣ်သရၣ်အလီၢ်တအိၣ်ဘၣ်. မ့ၢ်ပှၤလၢအ မၤတကဲ ဘၣ်တဖၣ်န့ၣ်လီၤ. တမ့ၢ်ဘၣ်ယဟဲကိးက့ၤ ပှၤအတီအလိၤဘၣ်မ့ၢ်ပှၤတၢ်ဒဲးဘးဖိလီၤ.

¹⁸ ဒီးယိၤဟၣ်အပျဲၢ်အဘီၣ်ဒီး ပှၤဖၤရံၤရှဲ ဒုၣ်တၢ်အီၣ် တၢ်အီအဖၢမုၢ်န့ၣ်ဒီး ဟဲဆူအအိၣ်ဒီးစံးဝဲဒၣ်, ဘၣ်မ နုၤလၢစီၤယိၤဟၣ်အပျဲၢ်အဘီၣ်, ဒီးပှၤဖၤရံၤရှဲ အပျဲၢ်အ ဘီၣ်တဖၣ် ဒုၣ်တၢ်အီၣ်တၢ်အီ, ဒီးနပျဲၢ်နဘီၣ်တဖၣ် တဒုၣ်ဘၣ်တၢ်အီၣ်တၢ်အီလဲၣ်. ¹⁹ ဒီးယ့ၣ်ရှူးစံးဘၣ်အီၤ တၢ်လၢတလးမူးအပျဲၢ်အံၤ, လၢတလးမူးပိာ်ခွါအိၣ်ဒီး အီၤအဖၢမုၢ်ဒီး ဒုၣ်တၢ်အီၣ်တၢ်အီဘၣ်ကသ့ဧါ.―

²⁰ ဖဲအဆၢကတီၢ်လၢအအိၣ်ဒီး တလးမူးအပိာ်ခွါအဖၢ မုၢ်ဒီး ဒုၣ်တၢ်အီၣ်တၢ်အီတသ့ဘၣ်. ဘၣ်ဆၣ်ဒီးအနံၤ အသီကဘၣ်လၢတၢ်ကထုးဖး တလးမူးပိာ်ခွါလၢအီၤ လီၤ. တုၤနုၤတစုကဒုၣ်တၢ်အီၣ်တၢ်အီ လၢမုၢ်တနံၤ န့ၣ်လီၤ. ²¹ တၢ်ကူတၢ်သိးအလီၢ်လံၤန့ၣ် ပှၤတဆးကျး ဘၣ်အီၤလၢတၢ်အသီနီတဂၤဘၣ်. ပှၤမ့ၢ်မၤဒ်န့ၣ်ဒီး, တၢ်အသီဖှီတၢ်အလီၢ်လံၤဒီး အယာ်အပူၤလီၢ်လဲၢ်ထီၣ် ဝဲလီၤ. ²² ဒီးတၢ်လၢထံဒၢတၢ်ဖံးအလီၢ်လံၤအပူၤန့ၣ်, ပှၤ တဒၢနုာ်ဘၣ်စပံးထံအသီနီတဂၤဘၣ်. ပှၤမ့ၢ်မၤဒ်န့ၣ် ဒီး, စပံးထံအသီမၤပိၢ်ဖးထံဒၢတၢ်ဖံးန့ၣ်, ဒီးစပံးထံ ယွၤကွံာ်, ဒီးထံဒၢတၢ်ဖံးန့ၣ်ဟးဂီၤကွံာ်ဝဲလီၤ. မ့မ့ၢ်စပံး ထံအသီန့ၣ်, ပှၤဘၣ်ဒၢနုာ်အီၤလၢ ထံဒၢတၢ်ဖံးအသီ လီၤ.

²³ ဒီးတၢ်မၤအသးလၢ အလဲၤခီတြူာ်စံာ်ဧိၤပှဲၤဧိၤလၢမုၢ် အိၣ်ဘှံးနံၤ, ဒီးအပျဲၢ်အဘီၣ်တဖၣ်လဲၤတၢ်အဖၢမုၢ်ဒီး, ဒဲးသီဘုအစဲၤလီၤ. ²⁴ ဒီးပှၤဖၤရံၤရှဲသ့ၣ်တဖၣ်စံးဘၣ်အီၤ, ကွၢ်ကွၢ်, အဝဲသ့ၣ်မၤတၢ်တဂ့ၤမၤဘၣ်လၢမုၢ်အိၣ်ဘှံး အနံၤန့ၣ်မ့ၢ်အဘၣ်မနုၤလဲၣ်. ²⁵ ဒီးအဝဲဒၣ်စံးဘၣ်အီၤ, စီၤဒၤဝံးဒီး ပှၤလၢအသိးတဖၣ်, တုၤအန့ၢ်ဘၣ်တၢ်အ လီၢ်အိၣ်, ဒီးတၢ်သၣ်ဝံၤအသးဒီး, မ့ၢ်အမၤတၢ်ဒ်လဲၣ် ဒ်လဲၣ်န့ၣ်, သုတဖးဘၣ်နီတခီၣ်ဘၣ်ဧါ. ²⁶ မ့ၢ်အလဲၤနုာ် လၢယွၤအဟံၣ်ပူၤ, လၢပှၤလုၢ်တၢ်အခိၣ် စီၤအ့ဘယၤ သၢ်အစိၤ, ဒီးအီၣ်တၢ်မဲာ်ညါအကိၣ်, လၢအတဂ့ၤအီၣ် ဘၣ်, ဂ့ၤအီၣ်ထဲပှၤလုၢ်တၢ်အဒိၣ်တဖၣ်ဧိၤလီၤ. ဒီးဟ့ၣ် စ့ၢ်ကီးဝဲလၢပှၤအိၣ်ဒီးအီၤတဖၣ်လီၤ.― ²⁷ ဒီးစံးဘၣ်အီၤ, တၢ်လၢမုၢ်အိၣ်ဘှံးအနံၤန့ၣ်, ကဲထီၣ်ဝဲလၢပှၤကညီအ ဂီၢ်လီၤ. တမ့ၢ်ဘၣ်ပှၤကညီလၢမုၢ်အိၣ်ဘှံးအနံၤအဂီၢ် ဘၣ်. ²⁸ မၤသးဒ်န့ၣ်ဒီးပှၤကညီဖိခွါအံၤမ့ၢ်မုၢ်အိၣ်ဘှံးအ နံၤစ့ၢ်ကီးအကစၢ်လီၤ.

၃

¹ ဒီးလဲၤနုာ်ကဒီးဝဲဆူဘူၣ်ဘျီၣ်ပူၤ, ဒီးပှၤလၢအစုဃ့ထီ တခီ, အိၣ်ဝဲဖဲန့ၣ်တဂၤလီၤ. ² ဒီးလၢမုၢ်အိၣ်ဘှံးအနံၤ န့ၣ်, မ့ၢ်အကမၤဘျါက့ၤတၢ်တမၤဘျါက့ၤတၢ်လဲၣ်န့ၣ်, ပှၤကွၢ်ဟုၣ်အီၤ, ဒ်သိးအကဆှိးအီၤလီၤ. ³ ဒီးစံးဘၣ်ပှၤ လၢအစုဃ့ထီတခီန့ၣ်, ဂဲၤဆၢထၢၣ်လၢတၢ်သးကံၢ်ပူၤ တက့ၢ်. ⁴ ဒီးစံးဘၣ်ပှၤတဖၣ်န့ၣ်, တၢ်လၢမုၢ်အိၣ်ဘှံး အနံၤန့ၣ်, မ့ၢ်ပဂ့ၤမၤဂ့ၤတၢ်ဧါ, မ့ၢ်ပဂ့ၤမၤအၢတၢ်လဲၣ်. မ့ၢ်ပဂ့ၤအုၣ်က့ၤခီၣ်က့ၤပှၤအသးသမူဧါ, မ့ၢ်ပဂ့ၤမၤသံ တၢ်လဲၣ်. ⁵ ဒီးအဝဲသ့ၣ်အိၣ်ဘှီၣ်ကလာ်လီၤ. ဒီးမ့ၢ်အ သးအုးလၢအဝဲသ့ၣ်အသးကိၤဝဲအဃိဒီး, ကွၢ်တရံးအီၤ လၢအသးထီၣ်, ဒီးစံးဘၣ်ပှၤကညီတဂၤန့ၣ်, ယူာ်ထီၣ် နစုတက့ၢ်. ဒီးယူာ်ထီၣ်ဝဲ, ဒီးအစုဘျါက့ၤလီၤ.

⁶ ဒီးပှၤဖၤရံၤရှဲသ့ၣ်တဖၣ်န့ၣ် ဟးထီၣ်ကွံာ်တကီၢ်ခါ, ဒီးဒ်သိးအကမၤဟးဂီၤအီၤဒ်လဲၣ်ဒ်လဲၣ်န့ၣ်, ကူၣ်လိာ် အသးဒီးပှၤဟ့ၤရိာ်ဖိတဖၣ်ထီဒါအီၤလီၤ. ⁷ ဒီးယ့ၣ်ရှူး ဒီးအပျဲၢ်အဘီၣ်တဖၣ်, ဟးထီၣ်ကွံာ်ဝဲဆူ ပီၣ်လဲၣ်နံၤ, ဒီးပှၤဂီၢ်မုၢ်ဖးဒိၣ်လၢ ကၤလံၤလါပိာ်ထီၣ်အခံ, ဒီးပှၤ လၢကီၢ်ယူဒၤ, ⁸ ဒီးလၢယရူၤရှလ့ၣ်, ဒီးလၢကီၢ်အဒိၣ်, ဒီးလၢယၢ်ဒ့ၣ်ဝၢ်ဘးခီတဖၣ်, ဒီးပှၤအိၣ်ဝဲလၢ စိၢ်ဒီးစံ ဒိၣ်အဃၢၤတဖၣ်, ပှၤဂီၢ်မုၢ်ဖးဒိၣ်တုၤအနၢ်ဟူအမၤတၢ် ဒ်လဲၣ်ဒ်လဲၣ်ဒီး, ဟဲဆူအအိၣ်လီၤ. ⁹ ဒီးစံးဘၣ်အပျဲၢ်အ ဘီၣ်ဒ်သိးချံတဘ့ၣ်ကပိာ်အခံလၢပှၤဂီၢ်မုၢ်အဃိ, ဒ်သိး အသုတဆီၣ်သနံးအီၤတဂ့ၤလီၤ. ¹⁰ အဂ့ၢ်ဒ်အံၤ, မၤဘျါ က့ၤပှၤအါဂၤ တုၤဒၣ်လဲာ် ဖဲဒၣ်ပှၤလၢတၢ်ဆါအီၤတ ဖၣ်, ဟဲသဖှိဆူအအိၣ်ဒ်သိးအကထိးဘၣ်အီၤလီၤ. ¹¹ ဒီး တၢ်နါတဖၣ်, တုၤအထံၣ်ဘၣ်အီၤဒီး, ထိၣ်လီၤပှီၤအ သးလၢအခီၣ်ထံး, ဒီးကိးပသူထီၣ်ဒီးစံးဝဲဒၣ်, နဲဒၣ်အံၤ နမ့ၢ်ယွၤအဖိခွါလီၤ. ¹² ဒီးမၤလိာ်အီၤအါမး ဒ်သိးအသု တမၤဖျါထီၣ်အီၤတဂ့ၤလီၤ.

¹³ ဒီးလဲၤထီၣ်ဝဲဆူ ကစၢၢ်တဖျၢၣ်အလိၤ, ဒီးဖဲဒၣ်အ ဘၣ်အသးကိးန့ၢ်ပှၤတဖၣ်, ဒီးအဝဲသ့ၣ်ဟဲဆူအအိၣ် လီၤ. ¹⁴ ဒီးပာ်ထီၣ်ပှၤတဆံခံဂၤ ဒ်သိးအကအိၣ်ဒီးအီၤ, ဒီးဒ်သိးအကမၢ အလဲၤစံၣ်တဲၤတဲလီၤတၢ်, ¹⁵ ဒီးဒ်သိး အကအိၣ်ဒီးအစိကမီၤလၢ အကမၤဘျါက့ၤ တၢ်ဆူး တၢ်ဆါ, ဒီးဟီၣ်ထီၣ်ကွံာ်တၢ်နါတဖၣ်လီၤ. ¹⁶ ဒီးကိး က့ၤစီၤရှံမိၣ်အမံၤသီလၢစီၤပ့းတရူး, ¹⁷ ဒီးကိးက့ၤစီၤစ့း ဘ့းဒဲအဖိခွါစီၤယၤကိာ်, ဒီးစီၤယၤကိာ်အဒီပုၢ်ဝဲၢ်စီၤ ယိၤဟၣ်အမံၤသီလၢဘအၤန့ၢ်က့း, ဒ်ပစံးတၢ်အသိး, လီသီၣ်အဖိခွါ, ¹⁸ ဒီးစီၤအၣ်ဒရ့း, ဒီးစီၤဖံလံးပူး, ဒီးစီၤ ဘၢ်သလီမဲ, ဒီးစီၤမးသဲ, ဒီးစီၤသိၤမါ, ဒီးစီၤအၤလ ဖဲအဖိခွါစီၤယၤကိာ်, ဒီးစီၤသးဒဲ, ဒီးပှၤကနၤနံဖိစီၤရှံ မိၣ်, ¹⁹ ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤ ကွံာ်စ့ၢ်ကီးအီၤလီၤ.

²⁰ ဒီးအဝဲသ့ၣ်တဖၣ်န့ၣ်လဲၤနုာ်ဝဲဆူဟံၣ်ပူၤ, ဒီးပှၤဂီၢ် မုၢ်အိၣ်ဖှိၣ်ရိဖှိၣ်ကဒီး တုၤအအီၣ်တၢ်ဒၣ်လဲာ် တသ့ ဘၣ်လီၤ. ²¹ ဒီးတုၤယ့ၣ်ရှူးအဘူးအတံၢ်နၢ်ဟူဒီး, လဲၤ ထီၣ်ဝဲဒ်သိးအကဟံးဃၣ်အီၤလီၤ. အဂ့ၢ်ဒ်အံၤ, စံးဝဲ ဒၣ်, မ့ၢ်အပျုၢ်လီၤ.

²² ဒီးပှၤကွံာ်လံာ်လၢအဟဲလီၤလၢ ယရူၤရှလ့ၣ်တဖၣ် စံးဝဲဒၣ်, လၢအအိၣ်ဒီးဘၤဧၤလစဘူာ်, ဒီးဟီထီၣ်ကွံာ် တၢ်နါလၢတၢ်နါအခိၣ်လီၤ. ²³ ဒီးအဝဲဒၣ်ကိးန့ၢ်ပှၤတ ဖၣ်န့ၣ်, ဒီးကတိၤတၢ်ဒီးအီၤလၢတၢ်ကတိၤဒိ, မုၣ်ကီၤ လံၢ်ဟီထီၣ်ကွံာ်မုၣ်ကီၤလံၢ်ကသ့ဒ်လဲၣ်. ²⁴ ဒီးတၢ်အဘီ အမုၢ်မ့ၢ်မၤလီၤဖးလီၤ အသးဒၣ်ဝဲဒီး, တၢ်အဘီအမုၢ် န့ၣ်အိၣ်ဂၢၢ်အိၣ်ကျၢၤတသ့ဘၣ်. ²⁵ ဒီးဟံၣ်တဖျၢၣ်မ့ၢ်မၤ လီၤဖးလီၤအသးဒၣ်ဝဲဒီး, ဟံၣ်ဝဲန့ၣ်အိၣ်ဂၢၢ်အိၣ်ကျၢၤ တသ့ဘၣ်. ²⁶ ဒီးမုၣ်ကီၤလံၢ်မ့ၢ်ထီဒါလီၤအသးဒၣ်ဝဲဒီး မၤလီၤဖးလီၤအသးဒၣ်ဝဲဒီး, အိၣ်ဂၢၢ်အိၣ်ကျၢၢၤတသ့ ဘၣ်. မ့ၢ်အအိၣ်ဒီးအကတၢၢ်လီၤ. ²⁷ ပှၤလဲၤနုာ်ဆူပှၤဂံၢ် ဆူၣ်ဘါဆူၣ်အဟံၣ်ပူၤ, ဒီးဂုာ်န့ၢ်အတၢ်တသ့ဘၣ်နီ တဂၤဘၣ်. မ့မ့ၢ်ဘၣ်စၢဃာ်ဆိပှၤဂံၢ်ဆူၣ်ဘါဆူၣ်ဝံၤ ဒီး, ကဂုာ်န့ၢ်အဟံၣ်န့ၣ်လီၤ. ²⁸ ယစံးဘၣ်တဲဘၣ်သု တီတီအံၤ, လၢကယဲၢ်တၢ်ဒဲးဘးခဲလၢာ်, ဒီးတၢ်က တိၤအၢဖဲဒၣ်အကအတိၤအၢတဖၣ်န့ၣ်တၢ်ကမၤပူၤဖျဲး န့ၢ်ပှၤကညီဖိတဖၣ်လီၤ. ²⁹ မ့မ့ၢ်ဖဲဒၣ်ပှၤလၢအကတိၤ အၢဘၣ်သးစီဆှံတဂၤဂၤန့ၣ်, တၢ်တပျၢ်ဘၣ် အတၢ်ဒဲး ဘးနီတခီၣ်ဘၣ်. မ့ၢ်အဂ့ၤဘၣ်ဝဲ တၢ်ဒဲးဘးအထူအ ယိာ်လီၤ. ³⁰ အဂ့ၢ်ဒ်အံၤ, အဝဲသ့ၣ်တဖၣ်န့ၣ်စံးဝဲဒၣ်, မ့ၢ်တၢ်နါအိၣ်လၢအလိၤလီၤ.

³¹ မၤသးဒ်န့ၣ်ဒီးအမိၢ်ဒီးအဒီပုၢ်ဝဲၢ်သ့ၣ်တဖၣ် ဟဲဆၢ ထၢၣ်လၢခိ, ဒီးမၢပှၤလဲၤကိးန့ၢ်အီၤလီၤ. ³² ဒီးပှၤဂီၢ်မုၢ် ဆ့ၣ်နီၤဝးတရံးအီၤ, ဒီးစံးဘၣ်အီၤ, ကွၢ်ကွၢ်, နမိၢ်ဒီးတ ဒီပုၢ်ဝဲၢ်သ့ၣ်တဖၣ်ဃုနၤလၢခိလီၤ. ³³ ဒီးစံးဆၢအီၤဒီးစံး ဝဲဒၣ်, ယမိၢ်မ့ၢ်ဂ့ၤ, ယဒီပုၢ်ဝဲၢ်မ့ၢ်ဂ့ၤ, မ့ၢ်မတၤတဖၣ် လဲၣ်. ³⁴ ဒီးကွၢ်တရံးပှၤဆ့ၣ်နီၤဝးတရံးအီၤတဖၣ်, ဒီးစံး ဝဲဒၣ်, ကွၢ်ကွၢ်, ယမိၢ်ဒီးယဒီပုၢ်ဝဲၢ်တဖၣ်လီၤ. ³⁵ အဂ့ၢ် ဒ်အံၤ, ဖဲဒၣ်ပှၤလၢအမၤတၢ်ဘၣ် ယွၤအသးတဂၤဂၤ န့ၣ်, အဝဲဒၣ်မ့ၢ်ယဒီပုၢ်ဝဲၢ်မုၣ်, ဒီးယဒီပုၢ်ဝဲၢ်ခွါ, ဒီးယ မိၢ်လီၤ.

၄

¹ ဒီးသိၣ်က့ၤသီက့ၤတၢ်လၢပီၣ်လဲၣ်နံၤ, ဒီးပှၤဂီၢ်မုၢ်ဖး ဒိၣ်ဟဲအိၣ်ဖှိၣ်ရိဖှိၣ်လၢအအိၣ်သတးဒီး, အဝဲဒၣ်လဲၤ ထီၣ်လၢကဘီတဘ့ၣ်အပူၤ, ဒီးဆ့ၣ်နီၤဝဲလၢပီၣ်လဲၣ် ပူၤ, ဒီးပှၤဂီၢ်မုၢ်ခဲလၢာ်အိၣ်လၢပီၣ်လဲၣ်နံၤလၢခိလီၤ.―

² ဒီးအဝဲဒၣ်သိၣ်က့ၤသီက့ၤအီၤလၢ တၢ်အါမံၤလၢတၢ် ကတိၤဒိ, ဒီးစံးဘၣ်အီၤလၢ အတၢ်သိၣ်တၢ်သီအပူၤ, ဒီးစံးဝဲဒၣ်.

³ ကနၣ်တက့ၢ်. ကွၢ်ကွၢ်, ပှၤလၢအဖှံတၢ်တဂၤ, လဲၤ ဖှံတၢ်လီၤ. ⁴ ဒီးတၢ်မၤအသးလၢအဖှံတၢ်န့ၣ်, တနီၤနီၤ လီၤဘၣ်လၢကျဲအသရ့ၤ, ဒီးထိၣ်ဖိလံၣ်ဖိဟဲအီၣ်ကွံာ် အီၤလီၤ. ⁵ ဒီးအဂၤတနီၤလီၤဘၣ်ဝဲလၢလၢၢ်ကျါဖဲဟီၣ် ခိၣ်တအါဘၣ်, ဒီးမ့ၢ်ဟီၣ်ခိၣ်တယိာ်ဘၣ်ဒီး, မဲထီၣ်ဝဲ တကီၢ်ခါ, ⁶ ဒီးတုၤမုၢ်ဟဲထီၣ်ဒီးဆါဆဲးဘၣ်ဝဲဒီး, မ့ၢ်အ ဂံၢ်တအိၣ်ဘၣ်ဒီး ဃ့ထီၣ်ကွံာ်ဝဲလီၤ. ⁷ ဒီးအဂၤတနီၤ လီၤဘၣ်ဝဲလၢ တၤဆှုၣ်တၤမဲအကျါဒီး တၤဆှုၣ်တၤမဲ န့ၣ်မဲထီၣ်ဒီးခဲဘၢကွံာ်အီၤ, ဒီးတသၣ်ထီၣ်ဘၣ်ဝဲဘၣ်.―

⁸ ဒီးအဂၤတနီၤ လီၤဘၣ်ဝဲလၢဟီၣ်ခိၣ်ဂ့ၤ, ဒီးသၣ်ထီၣ်, ဒီးအါထီၣ်ဝဲအါန့ၢ်အလီၢ်, တနီၤသၢဆံ, ဒီးတနီၤဃု ဆံ, ဒီးတနီၤတကယၤလီၤ. ⁹ ဒီးစံးဝဲဒၣ်, ပှၤအိၣ်ဒီးအ နၢ်လၢအနၢ်ဟူတၢ်န့ၣ်, မ်အနၢ်ဟူတၢ်တက့ၢ်.

¹⁰ ဒီးတုၤအအိၣ်တပူၤဒၣ်, တၢ်မၤအသးလၢပှၤအိၣ်တ ရံးအီၤ, ဒီးပှၤတဆံခံဂၤန့ၣ်, သံကွၢ်အီၤလၢတၢ် က တိၤဒိအဂ့ၢ်အကျိၤလီၤ. ¹¹ ဒီးစံးဘၣ်တဲဘၣ်အီၤ, ယွၤအ ဘီအမုၢ်အတၢ်ခူသူၣ်န့ၣ်, တၢ်ဟ့ၣ်သ့ၣ်ညါသုလီၤ. မ့ မ့ၢ်လၢပှၤအိၣ်လၢခိတဖၣ်န့ၣ်, တၢ်ခဲလၢာ်ကဲထီၣ်လၢ တၢ်ကတိၤဒိလၢအမဲာ်ညါ, ¹² ဒ်သိးကွၢ်တၢ်ဒီး, ကကွၢ် ဝဲ, ဒီးတထံၣ်ဘၣ်တၢ်ဘၣ်, ဒီးနၢ်ဟူတၢ်ဒီး, ကနၢ်ဟူ ဝဲ, ဒီးအနၢ်တပၢၢ်ဘၣ်, ဒ်သိးအသုတဃၣ်လိၤအသး, ဒီးတၢ်သုတပျၢ်အတၢ်ဒဲးဘးတဂ့ၤလီၤ.+ ၡါ. ၆း၉|Isa.6.9*.―

¹³ ဒီးစံးဘၣ်အီၤတၢ်ကတိၤဒိအံၤ, မ့ၢ်သုနၢ်တပၢၢ်ဘၣ်ဧါ. မ့မ့ၢ်ဒ်န့ၣ်ဒီး, သုနၢ်ကပၢၢ်တၢ်ကတိၤဒိခဲလၢာ်ဒ်လဲၣ်. ပှၤလၢအဖှံတၢ်န့ၣ်, ဖှံတၢ်အကလုၢ်အကထါလီၤ.

¹⁵ အအံၤတဖၣ်မ့ၢ်ပှၤလၢအအိၣ်လၢကျဲအသရ့ၤ, ဖဲတၢ် အကလုၢ်ဖှံအသး, ဒီးတုၤအနၢ်ဟူတၢ်ဒီး, မုၣ်ကီၤလံၢ် ဟဲတကီၢ်ခါဒီး ဟံးထီၣ်ကွံာ်တၢ်အကလုၢ်လၢ အဖှံအ သးလၢအသးကံၢ်ပူၤလီၤ. ¹⁶ ဒီးဒ်န့ၣ်အသိး, အအံၤတ ဖၣ်မ့ၢ်ပှၤလၢအဖှံအသးလၢလၢၢ်ကျါ, အဝဲသ့ၣ်တုၤအ နၢ်ဟူတၢ်အကလုၢ်ဒီး, ဒိးန့ၢ်လၢအသူၣ်ခုအသးခု တ ကီၢ်ခါလီၤ. ¹⁷ ဒီးအဂံၢ်တအိၣ်ဘၣ် လၢအကစၢ်ဒၣ်ဝဲအ ပူၤ, ဘၣ်ဆၣ်ဒီးအိၣ်ဝဲတစိၢ်ဖိလီၤ. လၢခံက့ၤ, တုၤတၢ် နးတၢ်ဖှီၣ်မ့ၢ်ဂ့ၤ, တၢ်မၤအၢမၤနးမ့ၢ်ဂ့ၤ, အိၣ်ထီၣ်ဝဲလၢ တၢ်အကလုၢ်အဃိဒီး, အသူၣ်ဟးဂူာ်ဟးဂီၤတကီၢ်ခါ လီၤ. ¹⁸ ဒီးအဂၤတဖၣ်, မ့ၢ်ပှၤလၢအဖှံအသးလၢတၤဆှုၣ် တၤမဲအကျါ, ပှၤတဖၣ်အံၤမ့ၢ်ပှၤလၢအနၢ်ဟူတၢ်အက လုၢ်, ¹⁹ ဒီးတၢ်ဘၣ်ယိၣ်ဘၣ်ဃးဒီးအအံၤတဃၣ်, ဒီးတၢ် လီတၢ်ဝ့ၤဘၣ်ဃးဒီးတၢ်ထူးတၢ်တီၤ, ဒီးတၢ်သးကွံအ ဂုၤအဂၤတဖၣ်, ဟဲနုာ်ဝဲဒီးခဲဘၢကွံာ်တၢ်အကလုၢ်, ဒီး တသၣ်ထီၣ်ဘၣ်ဝဲဘၣ်. ²⁰ ဒီးအအံၤတဖၣ်မ့ၢ်ပှၤလၢအ ဘၣ်တၢ်ဖှံအသးလၢဟီၣ်ခိၣ်ဂ့ၤန့ၣ်, မ့ၢ်ပှၤလၢအနၢ်ဟူ တၢ်အကလုၢ်, ဒီးဒိးန့ၢ်ဝဲ, ဒီးသၣ်ထီၣ်ဝဲတနီၤအါန့ၢ်အ လီၢ်သၢဆံ, ဒီးတနီၤဃုဆံ, ဒီးတနီၤတကယၤလီၤ.

²¹ ဒီးစံးဘၣ်အဝဲသ့ၣ်တဖၣ်, ပှၤဟဲစိာ် မ့ၣ်အူဒၢဒ်သိး တၢ်ကပာ်အီၤလၢနာ်တဖျၢၣ်အဖီလာ်, မ့တမ့ၢ်ဘၣ်, လၢလီၢ်မံခးအဖီလာ်န့ၣ်ဧါ. မ့ၢ်ဒ်သိးတၢ်ကပာ်ထီၣ်အီၤ လၢမ့ၣ်အူဒၢအလီၢ်အဖီခိၣ်, တမ့ၢ်ဘၣ်ဧါ, ²² အဂ့ၢ်ဒ်အံၤ, တၢ်ခူသူၣ်လၢတၢ်တပာ်ဖျါထီၣ်ဘၣ်အီၤန့ၣ်, တအိၣ်ဘၣ် နီတမံၤဘၣ်. ဒီးတၢ်ကဲခူသူၣ်လၢအတမ့ၢ်ဘၣ်လၢတၢ် အိၣ်ဖျါထီၣ်အဂီၢ်န့ၣ်, တအိၣ်ဘၣ်နီတမံၤဘၣ်. ²³ ပှၤ အိၣ်ဒီးအနၢ်လၢအနၢ်ဟူတၢ်န့ၣ်, မ်အနၢ်ဟူတၢ်တက့ၢ်. ²⁴ ဒီးစံးဘၣ်အီၤ, သုနၢ်ဟူတၢ်မနုၤမနုၤလဲၣ်န့ၣ်, ပလီၢ် သုသးတက့ၢ်. သုကဘၣ်တၢ်ဃီၣ် န့ၢ်သုလၢတၢ်လၢ သုဃီၣ်န့ၣ်လီၤ, ဒီးတၢ်ကဟ့ၣ်အါထီၣ် ဒံးတၢ်လၢသု လီၤ.

²⁵ အဂ့ၢ်ဒ်အံၤ, ဖဲဒၣ်ပှၤလၢအတၢ်အိၣ်ဝဲတဂၤဂၤန့ၣ်, တၢ် ကဟ့ၣ်တၢ်လၢအီၤလီၤ. ဒီးပှၤလၢအတၢ်တအိၣ်ဘၣ် န့ၣ်, ဖဲအတၢ်အိၣ်န့ၣ်တၢ်ကထုးကွံာ်လၢအီၤလီၤ.

²⁶ ဒီးစံးဝဲဒၣ်, ယွၤအဘီအမုၢ်အံၤ မၤအသးဒ်အံၤ, မၤအ သးဒ်ပှၤကညီဖှံလီၤတၢ်ချံလၢဟီၣ်ခိၣ်, ²⁷ ဒီးမံ, ဒီးဂဲၤဆၢ ထၢၣ်လၢမုၢ်နၤဒီးလၢမုၢ်ဆါ, ဒီးတၢ်ချံမဲထီၣ်, ဒီးဒိၣ် ထီၣ်ဒ်လဲၣ်ဒ်လဲၣ်န့ၣ်, တသ့ၣ်ညါဘၣ်ဝဲဘၣ် အသိး လီၤ. ²⁸ အဂ့ၢ်ဒ်အံၤ, ဟီၣ်ခိၣ်ဒုးမဲထီၣ်ဒၣ်အတၤသၣ်, အ ခီၣ်ထံးန့ၣ်အလၣ်, လၢခံက့ၤအစဲၤ, လၢခံက့ၤဒီး, အ သၣ်ပှဲၤထီၣ်လၢအစဲၤလိၤလီၤ. ²⁹ ဒီးတုၤအသၣ်ဂီၤထီၣ် ဒီး, ပှၤကူးဝဲလၢထါဂဲၤတကီၢ်ခါလီၤ. အဂ့ၢ်ဒ်အံၤ, ကူး ဘုအကတီၢ်ဘၣ်လံဝဲလံ. ³⁰ ဒီးစံးဝဲဒၣ်, မ့ၢ်ပကပာ်သတြီၤ ယွၤအဘီအမုၢ်ဒီး တၢ်မနုၤလဲၣ်. ပကဒိလီၤအီၤလၢ တၢ်ကတိၤဒိမနုၤ လဲၣ်.

³¹ မ့ၢ်အမၤအသးဒ်သဘၣ်အချံအသိးလီၤ. အဝဲန့ၣ်လၢအ ဖှံအသးလၢဟီၣ်ခိၣ်အဖီခိၣ်န့ၣ်, ပြံန့ၢ်ကယဲၢ်ချံလၢဟီၣ် ခိၣ်ချၢခဲလၢာ်တက့ၢ်လီၤ. ³² ဒီးဖှံအသးဝံၤဒီး, မဲထီၣ်, ဒီး ဒိၣ်ထီၣ်ဒိၣ်န့ၢ်နီၣ်ဧိၤမံၤဧိၤခဲလၢာ်, ဒီးအဒ့ထီၣ်ဝဲဒီးအဒ့ ဖးဒိၣ်, တုၤထိၣ်ဖိလံာ်ဖိလၢတၢ်ဖးဖီန့ၣ်အိၣ်လၢအက ဒုပူၤသ့လီၤ. ³³ ကတိၤဒိတၢ်ဒ်န့ၣ်အသိးအါမံၤ, ဒီးစံၣ်တဲၤတဲလီၤအီၤ လၢတၢ်ကလုၢ်, ဒ်ပှၤဒိကနၣ်တၢ်သ့အသိးန့ၣ်လီၤ.―

³⁴ ဒီးတၢ်ကတိၤဒိတအိၣ်ဘၣ်ဒီး, တကတိၤဘၣ်တၢ်ဒီး အီၤဘၣ်. ဒီးအိၣ်ဝဲလၢတၢ်တဒၢဒီး, တဲဖျါထီၣ်တၢ်ခဲ လၢာ်လၢအပျဲၢ်အဘီၣ်လီၤ.

³⁵ ဒီးလၢမုၢ်တနံၤန့ၣ်, တုၤမုၢ်ဟါလီၤဒီး, အဝဲဒၣ်စံး ဘၣ်အဝဲသ့ၣ်, မ်ပခီဃီၤဆူဝၢ်ဘးခီတက့ၢ်. ³⁶ ဒီးအဝဲ သ့ၣ်လဲၤသဒၣ်ပှၤဂီၢ်မုၢ်, ဒီးဟံးန့ၢ်အီၤဒ်အအိၣ်ဝဲအသိး လၢကဘီပူၤန့ၣ်, ဒီးကဘီလၢအဂၤတဖၣ်အိၣ်ဝဲဒီးအီၤ လီၤ. ³⁷ ဒီးကလံၤတပျုၢ်တပျီၤထီၣ်ဖးဒိၣ်, ဒီးလပီတဖၣ် ဟဲနုာ်ဆူကဘီပူၤ တုၤအကပှဲၤတ့ၢ်ကဘီပူၤလီၤ. ³⁸ ဒီး အဝဲဒၣ်မံလၢ ခိၣ်တခၢၣ်အလိၤလၢကဘီအခံ, ဒီးအဝဲ သ့ၣ်ထိၣ်ဂဲၤအီၤ, ဒီးစံးဘၣ်အီၤ, သရၣ်ဧၢ, ပကဟးဂီၤ န့ၣ်, မ့ၢ်နတပာ်ဘၣ်လၢတၢ်နီတမံၤဘၣ်ဧါ. ³⁹ ဒီးအဝဲ ဒၣ်ဂဲၤဆၢထၢၣ်, ဒီးဒူကလံၤအလိၤ, ဒီးစံးဘၣ်ပီၣ်လဲၣ်, အိၣ်ဂၢၢ်တပၢၢ်, အိၣ်ဃိကလာ်တက့ၢ်, ဒီးကလံၤတုာ် ဝဲ, ဒီးပီၣ်လဲၣ်အိၣ်ဂၢၢ်တပၢၢ်ဒိၣ်မးလီၤ. ⁴⁰ ဒီးစံးဘၣ်အဝဲ သ့ၣ်, ဘၣ်မနုၤလၢသုပျံၤတၢ်ဒ်န့ၣ်လဲၣ်. ဘၣ်မနုၤသု တၢ်နာ်တအိၣ်ဘၣ်လဲၣ်. ⁴¹ ဒီးအဝဲသ့ၣ်တဖၣ် ပျံၤတၢ် လၢအသူၣ်ပျံၤအသးဖုးဒိၣ်မး, ဒီးစံးလိာ်အသးသကိး သကိး, တၢ်အံၤဒီးပှၤတဂၤအံၤ မ့ၢ်ပှၤဒ်လဲၣ်. ကလံၤ, ဒီးပီၣ်လဲၣ်ဒၣ်လဲာ်, ဒိကနၣ်မးအကလုၢ်လဲၣ်.

၅

¹ ဒီးဟဲဝဲဆူပီၣ်လဲၣ်ဝၢ်ဘးခီ, ဆူပှၤကဒါရၤဖိအကီၢ် လီၤ. ² ဒီးတုၤအဟးထီၣ်ကွံာ်လၢကဘီပူၤဒီး, ပှၤလၢ တၢ်နါအိၣ်လၢအလိၤတဂၤ, ဟဲသဂၢၢ်အီၤတကီၢ်ခါ, လၢလိပူၤလီၤ. ³ အဝဲန့ၣ်အိၣ်ဝဲဆိးဝဲလၢလိပူၤ, ဒီးပှၤစၢ ဃာ်အီၤလၢထးသွဲဒၣ်လဲာ်, တသ့ဘၣ်နီတဂၤဘၣ်.―

⁴ အဂ့ၢ်ဒ်အံၤ, ပှၤသိးဃာ်တ့ၢ်အခီၣ်, ဒီးစၢဃာ်တ့ၢ်အီၤ လၢထးသွဲတလီၢ်လီၢ်တလီၢ်လီၢ်, ဒီးထုးထီၣ်တဲာ်ထး သွဲ, ဒီးဘိးကၢ်ကွံာ်သိး, ဒီးပှၤမၤဘှါအီၤတသ့ဘၣ်နီတ ဂၤဘၣ်. ⁵ ဒီးအိၣ်လၢလိပူၤဒီး လၢကစၢၢ်ကလိလၢမုၢ် နံၤဒီးမုၢ်နၤထီဘိ, ဒီးကိးပသူထီၣ်ဒီးဂဲာ်လီၤအသးလၢ လၢၢ်လီၤ. ⁶ ဒီးထံၣ်သကွ့ၤယ့ၣ်ရှူး, ဒီးလဲၤဃ့ၢ်ဝဲဆူအ အိၣ်, ဒီးတီၤလီၤကဒွံကျိာ်, ⁷ ဒီးကိးပသူထီၣ်လၢအက လုၢ်ဖးဒိၣ်, ဒီးစံးဝဲဒၣ်, တၢ်ထီကတၢၢ်ယွၤအဖိခွါယ့ၣ် ရှူးဧၢ, တၢ်ဘၣ်ဃးဒီးယၤဒီးနၤမ့ၢ်မနုၤလဲၣ်. ဒ်သိးနသု တမၤနးမၤဖှီၣ်ယၤတဂ့ၤဒီး, ယဃ့ကညးနၤလၢယွၤအ မဲာ်ညါလီၤ. ⁸ အဂ့ၢ်ဒ်အံၤ, အဝဲဒၣ်စံးဘၣ်တ့ၢ်အီၤ, တၢ် နါဧၢ, ဟးထီၣ်လၢပှၤန့ၣ်အလိၤတက့ၢ်န့ၣ်လီၤ. ⁹ ဒီးသံ ကွၢ်အီၤ, နမံၤမ့ၢ်ဒ်လဲၣ်. ဒီးစံးဘၣ်အီၤ, ယမံၤမ့ၢ်လ့း ကူၣ်လီၤ. အဂ့ၢ်ဒ်အံၤပမ့ၢ်အါဒုလီၤ. ¹⁰ ဒီးဃ့ကညးအီၤ သပှၢ်ပှၢ် ဒ်သိးအသုတဟီထီၣ်ကွံာ်အီၤလၢ ကီၢ်န့ၣ်အ ပူၤတဂ့ၤလီၤ.

¹¹ ဒီးထိးတဖုဖးဒိၣ် အီၣ်အဆၣ်လၢ ကစၢၢ်အလိၤဖဲ န့ၣ်, ¹² ဒီးတၢ်နါဃ့ကညးအီၤဒီးစံးဝဲဒၣ်, မၢပလဲၤဆူထိး တဖၣ်အအိၣ်, ဒ်သိးပကနုာ်လၢအပူၤတက့ၢ်. ¹³ ဒီးယ့ၣ် ရှူးဒုးလဲၤအီၤတကီၢ်ခါလီၤ. ဒီးတၢ်နါတဖၣ် ဟးထီၣ် ကွံာ်, ဒီးလဲၤနုာ်ဝဲလၢထိးတဖၣ်အပူၤ, ဒီးထိးတဖုန့ၣ်, ဃ့ၢ်လီၤလၢကၢၢ်ဖးထီအလိၤဆူပီၣ်လဲၣ်ပူၤ, ဒီးအိၣ်ဝဲခံ ကထိဃၣ်ဃၣ်, ဒီးလီၤအုးသံကွံာ်ဝဲ လၢပီၣ်လဲၣ်ပူၤ လီၤ. ¹⁴ ဒီးပှၤကွၢ်ထိးတဖၣ်န့ၣ်ဃ့ၢ်ထီၣ်ဝဲ, ဒီးစံးဘၣ်တဲ ဘၣ်တၢ်လၢဝ့ၢ်ပူၤ, ဒီးလၢပှၢ်လၢ်ကျါလီၤ. ဒီးတၢ်မၤအ သးမ့ၢ်တၢ်ဒ်လဲၣ်ဒ်လဲၣ်န့ၣ်, ပှၤဟဲကွၢ်ဝဲလီၤ. ¹⁵ ဒီးဟဲဝဲ ဆူယ့ၣ်ရှူးအအိၣ် ဒီးထံၣ်ဘၣ်ပှၤလၢ တၢ်နါလ့းကူၣ် အိၣ်တ့ၢ်လၢအလိၤတဂၤန့ၣ်, ဆ့ၣ်နီၤဒီးကူတၢ်သိးတၢ် ဒီးအသးဂ့ၤထီၣ်က့ၤ, ဒီးအသူၣ်ပျံၤအသးဖုးဝဲတကူၢ် သ့ၣ်လီၤ. ¹⁶ ဒီးတၢ်မၤအသးဘၣ်ဃးဒီး ပှၤလၢတၢ်နါ အိၣ်လၢအလိၤ, ဒီးထိးတဖၣ်အဂ့ၢ်အကျိၤန့ၣ်, ပှၤလၢ အထံၣ်ဝဲတဖၣ်, စံၣ်တဲၤတဲလီၤပှၤတဖၣ်န့ၣ်လီၤ. ¹⁷ ဒီးပှၤ တဖၣ်န့ၣ် ဃ့ကညးယ့ၣ်ရှူးဒ်သိးအကဟးထီၣ်ကွံာ်လၢ အထံအကီၢ်လီၤ.

¹⁸ ဒီးတုၤအလဲၤနုာ်လၢကဘီပူၤဒီး, ပှၤလၢတၢ်နါအိၣ် တ့ၢ်လၢအလိၤတဂၤန့ၣ်, ဃ့ကညးအီၤဒ်သိးအကအိၣ် ဒီးအီၤလီၤ. ¹⁹ ဒီးတဒုးအိၣ်အီၤဘၣ်. မ့မ့ၢ်စံးဘၣ်အီၤ, က့ၤက့ၤဆူနဟံၣ်, ဆူနတံၤသကိး, ဒီးဖဲဒၣ်ကစၢ်မၤနၤ ဒီးသးကညီနၤန့ၣ်, စံးဘၣ်တဲဘၣ် အဝဲသ့ၣ်တက့ၢ်.―

²⁰ ဒီးက့ၤဝဲ, ဒီးဖဲဒၣ်ယ့ၣ်ရှူးမၤအီၤတဖၣ်န့ၣ်, စံးဘၣ်တဲ ဘၣ်ဝဲလၢဒ့းကၤပလံၣ်အပူၤ, ဒီးပှၤခဲလၢာ်ကမၢကမၣ် ဝဲလီၤ.

²¹ ဒီးတုၤယ့ၣ်ရှူးခီဃီၤက့ၤ ကဒီးလၢကဘီပူၤဆူဝၢ်ဘး ခီဒီး, ပှၤဂီၢ်မုၣ်ဖးဒိၣ်ဟဲအိၣ်ဖှိၣ်ရိဖှိၣ်ဆူအအိၣ်, ဒီးအိၣ် ဝဲဘူးဒီးပီၣ်လဲၣ်လီၤ. ²² ဒီးကွၢ်ကွၢ်, ပှၤဘူၣ်ဘျီၣ်အခိၣ် အကျါ, အမံၤစီၤယၤအ့ၤရူးတဂၤဟဲဝဲလီၤ. ဒီးထံၣ်အီၤဒီး ထိၣ်လီၤပှီၤအသးလၢအခီၣ်ထံး, ²³ ဒီးဃ့ကညးအီၤသ ပှၢ်ပှၢ်ဒီးစံးဝဲဒၣ်, ယဖိမုၣ်လၢအနီၢ်ဆံးတဂၤ ကသံတ့ၢ် လီၤ. ဟဲပာ်နစုလၢအခိၣ်လိၤဒ်သိးအကဘျါက့ၤဒီးမူဝဲ တက့ၢ်. ²⁴ ဒီးအဝဲဒၣ်လဲၤဒီးအီၤ, ဒီးပှၤဂီၢ်မုၢ်ဖးဒိၣ်လဲၤ ပိာ်အခံဒီးတနံးအီၤလီၤ.

²⁵ ဒီးပိာ်မုၣ်တဂၤလၢအအိၣ်ဒီး အဆါသွံၣ်လီၤတဆံခံ နံၣ်, ²⁶ ဒီးဒိးတၢ်နးတၢ်ဖှီၣ်အါမံၤလၢ ကသံၣ်သရၣ်အါ ဂၤအစုပူၤ, ဒီးလၢာ်အစုလီၢ်အခီၣ်ခိၣ်ခဲလၢာ်ဒီးတဘျါ ဘၣ်အခိၣ်တလိၣ်နးထီၣ်တခီန့ၣ်, ²⁷ နၢ်ဟူဝဲလၢယ့ၣ် ရှူးအဂ့ၢ်အကျိၤ, ဒီးဟဲလၢပှၤဂီၢ်မုၢ်အကျါလၢအချၢဃံ, ဒီးထိးဘၣ်အကူအသိးလီၤ. ²⁸ အဂ့ၢ်ဒ်အံၤ, စံးဝဲဒၣ်, ယ မ့ၢ်ထိးဘၣ်ထဲအကူအသိးဧိၤဒီးယကဘျါက့ၤလီၤ. ²⁹ ဒီး အသွံၣ်လီၤန့ၣ်ဃ့ထီၣ်တကီၢ်ခါ, ဒီးသ့ၣ်ညါလၢအနီၢ်ခိ လၢအတၢ်ဆါဘျါက့ၤဝဲလီၤ. ³⁰ ဒီးယ့ၣ်ရှူးသ့ၣ်ညါဒၣ်ဝဲ တကီၢ်ခါလၢ တၢ်စိတၢ်ကမီၤဟးထီၣ်လၢအလိၤန့ၣ်, ဒီးဃၣ်ဃီၤအသးလၢပှၤဂီၢ်မုၢ်အကျါ, ဒီးစံးဝဲဒၣ်, မ့ၢ်မ တၤထိးဘၣ်ယကူယသိးတဂၤလဲၣ်. ³¹ ဒီးအပျဲၢ်အဘီၣ် စံးဘၣ်အီၤ, နထံၣ်ပှၤဂီၢ်မုၢ်တနံးနၤ, ဒီးနစံး, မ့ၢ်မတၤ ထိးယၤတဂၤလဲၣ်န့ၣ်ဧါ. ³² ဒီးဒ်သိးအကထံၣ်ဘၣ်ပှၤ လၢအမၤတၢ်အံၤတမံၤဒီး, ကွၢ်တရံးတၢ်လီၤ. ³³ ဒီးပိာ် မုၣ်န့ၣ်သ့ၣ်ညါတၢ်မၤအသးလၢအလိၤ, ဒီးပျံၤဝဲ, ဒီးက နိးဝဲ, ဒီးဟဲဃီၤဝဲ, ဒီးထိၣ်လီၤပှီၤအသးလၢအဂီၤထံး, ဒီးစံးဘၣ်တဲဘၣ်အီၤလၢ တၢ်အမ့ၢ်အတီခဲလၢာ်လီၤ.―

³⁴ ဒီးအဝဲဒၣ်စံးဘၣ်အီၤ, ဖိမုၣ်ဧၢ, နတၢ်နာ်မၤဘျါက့ၤလံ နၤလံ. က့ၤမုာ်မုာ်, ဒီးအိၣ်ဘျါက့ၤလၢနတၢ်ဆါတက့ၢ်.

³⁵ ကတိၤတၢ်အဖၢမုၢ်ဒီး, ပှၤတဖၣ်ဟဲလၢဘူၣ်ဘျီၣ်အ ခိၣ်တဂၤအဟံၣ်, ဒီးစံးဝဲဒၣ်, နဖိမုၣ်သံလံ. ဘၣ်မနုၤ လၢနမၤတံာ်တာ်ဒံးသရၣ်လဲၣ်. ³⁶ ဒီးယ့ၣ်ရှူးနၢ်ဟူ တ ကီၢ်ခါတၢ်ကတိၤလၢပှၤစံးဘၣ်တဲဘၣ်, ဒီးစံးဘၣ်ပှၤ ဘူၣ်ဘျီၣ်အခိၣ်တဂၤန့ၣ်, ပျံၤတၢ်တဂ့ၤ, ထဲနာ်တၢ်တ က့ၢ်. ³⁷ ဒီးတဒုးပိာ်ဘၣ်ပှၤလၢအခံနီတဂၤဘၣ်. ဒုးပိာ် ထဲစီၤပ့းတရူး, ဒီးစီၤယၤကိာ်, ဒီးစီၤယၤကိာ်အဒီပုၢ်ဝဲၢ် စီၤယိၤဟၣ်တဖၣ်ဧိၤလီၤ. ³⁸ ဒီးလဲၤနုာ်ဆူပှၤဘူၣ်ဘျီၣ် အခိၣ်အဟံၣ်ပူၤ, ဒီးထံၣ်တၢ်ကလာ်အဲးအဲး, ဒီးပှၤဟီၣ် တၢ်ယၢၤတၢ်, ဒီးပှၤကဲးပသူကဲးပသီ, ³⁹ ဒီးလဲၤနုာ်ဝဲ, ဒီး စံးဘၣ်အီၤဘၣ်မနုၤလၢ သုကလာ်အဲးအဲးဒီးဟီၣ်တၢ် ယၢၤတၢ်လဲၣ်. တမ့ၢ်ဘၣ်ပိာ်မုၣ်ဖိသၣ်သံဘၣ်, မ့ၢ်အမံ သပ့ၤလီၤ. ⁴⁰ ဒီးအဝဲသ့ၣ်နံၤဘၣ်ဖၣ်လဲအီၤလီၤ. ဒီးအ ဝဲဒၣ်ဟီထီၣ်ကွံာ်အီၤခဲလၢာ်, ဒီးဟံးန့ၢ်ဖိသၣ်အမိၢ်ဒီး အပၢ်ဒီးပှၤအိၣ်ဒီးအသိးတဖၣ်, ဒီးလဲၤနုာ်ဆူဖိသၣ်အိၣ် ဝဲအလီၢ်လီၤ. ⁴¹ ဒီးဟံးဖိသၣ်အစု, ဒီးစံးဘၣ်အီၤ, တၤ လံၤသၤကူမံၤ, ဒ်ပစံးတၢ်အသိး, ပိာ်မုၣ်ဖိသၣ်ဧၢ, ယစံး ဘၣ်နၤ, ဂဲၤဆၢထၢၣ်တက့ၢ်. ⁴² ― ဒီးပိာ်မုၣ်ဖိသၣ်န့ၣ်ဂဲၤ ဆၢထၢၣ်, ဒီးဟးဝဲတကီၢ်ခါလီၤ. အဂ့ၢ်ဒ်အံၤ, အနံၣ် အိၣ်တဆံခံနံၣ်လီၤ. ဒီးအဝဲသ့ၣ်တဖၣ်ပာ်အသးကမၢ ကမၣ်ဒိၣ်နီၢ်မးလီၤ. ⁴³ ဒီးမၤလိာ်အီၤသပှၢ်ပှၢ်, ဒ်သိးအ သုတဘိးဘၣ်သ့ၣ်ညါပှၤလၢ တၢ်မၤအသးနီတဂၤတ ဂ့ၤ. ဒီးမၤလိာ်ဝဲလၢပှၤကဟ့ၣ်အီၣ်အတၢ်လီၤ.

၆

¹ ဒီးဟးထီၣ်ကွံာ်ဖဲန့ၣ်, ဒီးက့ၤက့ၤဝဲဆူ အကီၢ်ဒၣ်ဝဲ, ဒီးအပျဲၢ်အဘီၣ်ပိာ်အခံလီၤ. ² ဒီးဘၣ်မုၢ်အိၣ်ဘှံးအနံၤ, ဒီးသိၣ်က့ၤသီက့ၤတၢ်လၢဘူၣ်ဘျီၣ်ပူၤလီၤ. ဒီးပှၤနၢ်ဟူ တၢ်အါဂၤ, ဒီးပာ်အသးကမၢကမၣ်, ဒီးစံးဝဲဒၣ်, အဝဲ တဂၤအံၤ, မ့ၢ်အန့ၢ်ဘၣ်တၢ်န့ၣ်တဖၣ်ဖဲလဲၣ်. ဒီးတၢ် ကူၣ်သ့ကူၣ်ဘၣ် လၢတၢ်ဟ့ၣ်လီၤအီၤန့ၣ်, မ့ၢ်ဒ်လဲၣ်. ဒီးတၢ်လီၤလးလၢအမၤအသး လၢအစုပူၤထဲထဲအံၤန့ၣ် ကဲထီၣ်ဒ်လဲၣ်.― ³ ပှၤအံၤမ့ၢ်ပှၤစုသ့ နီၢ်မၤရံအဖိခွါ, တ မ့ၢ်ဘၣ်ဧါ. မ့ၢ်စီၤယၤကိာ်, စီၤယိၤစ့, ဒီးစီၤယူဒၤ, ဒီးစီၤ ရှံမိၣ်အဒီပုၢ်ဝဲၢ်, တမ့ၢ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ် အိၣ်လၢပသိးဖဲအံၤ, တမ့ၢ်ဘၣ်ဧါ. ဒီးအသးဆါထီၣ် လၢအဃိလီၤ. ⁴ ဒီးယ့ၣ်ရှူးစံးဘၣ်အီၤ, တၢ်လၢဝံဧိၤမီၣ် ဧိၤ, တမ့ၢ်ဘၣ်အလၤအကပီၤတအိၣ်ဘၣ်န့ၣ်ဘၣ်. အ လၤကပီၤတအိၣ်ဘၣ်ထဲလၢ အထံအကီၢ်ဒၣ်ဝဲအပူၤ န့ၣ်ဧိၤလီၤ. ⁵ ဒီးမ့တမ့ၢ်ဘၣ်အပာ်လီၤအစု လၢပှၤတ အိၣ်ဆူၣ်အိၣ်ချ့ဘၣ်စှၤဂၤအလိၤ ဒီးမၤဘျါက့ၤအီၤဘၣ် ဒီး, မၤတၢ်လီၤလးဖဲန့ၣ်တသ့ဘၣ်နီတမံၤဘၣ်. ⁶ ဒီးက မၢကမၣ်ဝဲလၢပှၤတနာ်ဘၣ်တၢ်အဃိလီၤ. ဒီးဟးဝ့ၤဝီၤ သိၣ်က့ၤသီက့ၤတၢ်လၢသဝီတဖၣ်အပူၤလီၤ.

⁷ ဒီးကိးန့ၢ် အပျဲၢ်အဘီၣ်တဆံခံဂၤန့ၣ်, ဒီးမၢအလဲၤ တၢ်ခံဂၤခံဂၤန့ၣ်လီၤ. ဒီးဟ့ၣ်လီၤအီၤလၢတၢ်အစိအက မီၤလၢတၢ်နါတဖၣ်အဖီခိၣ်လီၤ. ⁸ ဒီးမၤလိာ်အီၤ, လၢမ့ တမ့ၢ်နီၣ်ထိးဘိဘၣ်ဒီး, အသုတစိာ်တၢ်လၢကျဲအဂီၢ်, ထၢၣ်မ့ၢ်ဂ့ၤ, ကိၣ်မ့ၢ်ဂ့ၤ, တိၢ်လၢယီၢ်တကိးအပူၤမ့ၢ်ဂ့ၤ န့ၣ်တဂ့ၤ. ⁹ မ့မ့ၢ်လၢအကသိးခီၣ်ဖံး, ဒီးသုတသိးဆ့ခံ ဘ့ၣ်တဂ့ၤလီၤ. ¹⁰ ဒီးစံး ဘၣ်အီၤ, ဖဲအလီၢ်လၢသုလဲၤနုာ် ဆူဟံၣ်တဖျၢၣ်ဖျၢၣ်အပူၤဒီး, အိၣ်ဖဲန့ၣ်တုၤသုဟးထီၣ် ကွံာ်လၢအလီၢ်ဖဲန့ၣ်တက့ၢ်. ¹¹ ဒီးဖဲဒၣ်ပှၤလၢအတတူၢ် လိာ်ဘၣ်သု, ဒီးတကနၣ်ဘၣ်သု, ဒီးတကနၣ်ဘၣ်သု ကလုၢ်ဘၣ်န့ၣ်, တုၤသုဟးထီၣ်ကွံာ်ဖဲန့ၣ်ဒီး, ဒ်သိးအ ကကဲထီၣ်တၢ်အုၣ်အသးလၢအဂ့ၢ်ဒီး, တြုၤလီၤကွံာ် ဟီၣ်ခိၣ်အကမူၣ်လၢသုခီၣ်အဖီလာ်တက့ၢ်. ယစံးဘၣ် တဲဘၣ်သုတီတီအံၤ, လၢတၢ်စံၣ်ညီၣ်အမုၢ်တနံၤန့ၣ်, စဒိၣ်ဒီးဂမိၤရၤကဘၣ် တၢ်ဘီၣ်န့ၢ်ဝ့ၢ်တဖျၢၣ်န့ၣ် တ က့ၢ်လီၤ.

¹² ဒီးအဝဲသ့ၣ်တဖၣ်ဟးထီၣ်, ဒီးစံၣ်တဲၤတဲလီၤတၢ်လၢ ပှၤဘၣ်ပီၢ်ယၢ်လီၤက့ၤအသးလီၤ. ¹³ ဒီးဟီထီၣ်ကွံာ်တၢ် နါအါဒု, ဒီးဖှူပှၤတအိၣ်ဆူၣ်အိၣ်ချ့ဘၣ်လၢသိအါဂၤ, ဒီးမၤဘျါက့ၤအီၤလီၤ.

¹⁴ ဒီးစီၤပၤဟ့ၤရိာ်နၢ်ဟူတၢ်, (အဂ့ၢ်ဒ်အံၤ, အမံၤဟူထီၣ် သါလီၤဝဲ) ဒီးစံးဝဲဒၣ်, ပှၤဘျၢ*တၢ်စီၤယိၤဟၣ်ဂဲၤဆၢ ထၢၣ်က့ၤလၢတၢ်သံလီၤ. မၤသးဒ်န့ၣ်ဒီး, တၢ်လီၤလး မၤအသးလၢအီၤလီၤ. ¹⁵ ဒီးအဂၤတနီၤနီၤ စံးလၢအမ့ၢ်ဝံ ဒ်လၢဝံအကျါတဂၤဂၤအသိးလီၤ. ¹⁶ မ့မ့ၢ်တုၤစီၤဟ့ၤရိာ် နၢ်ဟူဒီး, စံးဝဲဒၣ်, အအံၤမ့ၢ်စီၤယိၤဟၣ်လၢယဒီၣ်တဲာ် ကွံာ်အကိာ်တဂၤလီၤ. အဝဲဒၣ်ဂဲၤဆၢထၢၣ်က့ၤလၢတၢ် သံလံ. ¹⁷ အဂ့ၢ်ဒ်အံၤ, မ့ၢ်အဒီပုၢ်ဝဲၢ်စီၤဖံလံးပူးအမါ, နီၢ် ဟ့ၤရိၤဒံ, လၢအန့ၢ်မါလၢအီၤအဃိဒီး, စီၤဟ့ၤရိာ်အ ကစၢ်ဒၣ်ဝဲ မၢပှၤလဲၤဟံးဃာ်စီၤယိၤဟၣ်, ဒီးစၢဃာ် အီၤလၢဃိာ်ပူၤလီၤ. ¹⁸ အဂ့ၢ်ဒ်အံၤ, စီၤယိၤဟၣ်စံးဘၣ် စီၤဟ့ၤရိာ်နဟံးန့ၢ်နဒီပုၢ်ဝဲၢ်အမါန့ၣ်, တတီဘၣ်လီၤ.―

¹⁹ ဒီးနီၢ်ဟ့ၤရိၤဒံပာ်သးအီၤ, ဒီးတၢ်မိၣ်မၤသံအသးလၢ အီၤ, ဒီးမၤဝဲတသ့ဘၣ်လီၤ.― ²⁰ အဂ့ၢ်ဒ်အံၤ, စီၤဟ့ၤရိာ် သ့ၣ်ညါဝဲလၢ စီၤယိၤဟၣ်မ့ၢ်ပှၤအတီအလိၤ, ဒီးပှၤအ စီအဆှံသတးဒီး, ပျံၤအီၤ, ဒီးအံးက့ၤကွၢ်က့ၤအီၤ, ဒီး တုၤအနၢ်ဟူအကလုၢ်ဒီး, မၤဝဲအါမံၤ, ဒီးနၢ်ဟူအက လုၢ်လၢအသူၣ်ခုသးခုန့ၣ်လီၤ.

²¹ ဒီးတုၤအဆၢကတီၢ်ဂ့ၤအမုၢ်နံၤဘၣ်, လၢစီၤဟ့ၤရိာ် အိၣ်ဖျဲၣ်အမုၢ်တနံၤဆၢအလီၢ်ဒီး, ဒုးအီၣ်ဒုးအီအပဒိၣ် ပပှၢ်, ဒီးပှၤသုးဖိတကထိအခိၣ်တဖၣ်, ဒီးပှၤကဲအခိၣ် တဖၣ်လၢကၤလံၤလါလီၤ. ²² ဒီးနီၢ်ဟ့ၤရိၤဒံအကစၢ်ဒၣ် ဝဲအဖိမုၣ်ဟဲနုာ်, ဒီးဂဲၤကလံၣ်, ဒီးဘၣ်စီၤဟ့ၤရိာ်အသး ဒီးပှၤဆ့ၣ်နီၤသန့ၤဃုာ်ဒီးအီၤတဖၣ်အသး, ဒီးစီၤပၤစံး ဘၣ်ဖိသၣ်ပိာ်မုၣ်န့ၣ်, ဖဲဒၣ်တၢ်ဘၣ်နသးန့ၣ်, ဃ့လၢ ယၤတက့ၢ်. ဒီးယကဟ့ၣ်နၤလီၤ. ²³ ဒီးဆိၣ်လီၤအသး လၢအီၤ, ဖဲဒၣ်တၢ်လၢနဃ့လၢယၤန့ၣ်, ယကဟ့ၣ်နၤ တုၤဖးဖီယဘီယမုၢ်လီၤ, ²⁴ ဒီးဖိသၣ်ပိာ်မုၣ်န့ၣ်ဟးထီၣ် ဒီးစံးဘၣ်အမိၢ်, မ့ၢ်ယကဃ့မနုၤတမံၤလဲၣ်. ဒီးအဝဲဒၣ် စံးဘၣ်အီၤ, ပှၤဘျၢ*တၢ်စီၤယိၤဟၣ်အခိၣ်လီၤ. ²⁵ ဒီးလဲၤ တကီၢ်ခါချ့သဒံးဆူစီၤပၤအအိၣ်, ဒီးဃ့တၢ်ဒီးစံးဝဲဒၣ်, ယသးအိၣ်လၢနကဟ့ၣ်ယၤ ပှၤဘျၢ*တၢ် စီၤယိၤဟၣ် အခိၣ်လၢသီတ့ၤအပူၤ, ခဲအံၤလီၤ. ²⁶ ဒီးစီၤပၤအသူၣ်အုး သးအုးဒိၣ်မးဘၣ်ဆၣ်ဒီး, မ့ၢ်အတၢ်ဆိၣ်တဖၣ်, ဒီးပှၤ လၢအဆ့ၣ်နီၤသန့ၤဃုာ်ဒီး အီၤတဖၣ်အဃိဒီး, ဂ့ၢ်လိာ် တၢ်ဒီးဖိသၣ်ပိာ်မုၣ်န့ၣ်အသးတအိၣ်ဘၣ်.― ²⁷ ဒီးစီၤပၤမၢ န့ၢ်တကီၢ်ခါပှၤပၢၤတၢ်တဂၤ, ဒီးမၤလိာ်လၢအကဟဲ စိာ်အခိၣ်လီၤ. ²⁸ ဒီးအဝဲဒၣ်လဲၤဒီၣ်တဲာ်အကိာ်လၢဃိာ် ပူၤ, ဒီးဟဲက့ၤစိာ်အခိၣ်လၢသီတ့ၤအပူၤ, ဒီးဟ့ၣ်ဖိသၣ် ပိာ်မုၣ်, ဒီးဖိသၣ်ပိာ်မုၣ်န့ၣ်ဟ့ၣ်လီၤလၢအမိၢ်လီၤ. ²⁹ ဒီး အပျဲၢ်အဘီၣ်နၢ်ဟူဝဲ, ဒီးဟဲဟံးက့ၤအစိာ်, ဒီးလဲၤခူၣ် လီၤဝဲလၢ တၢ်သွၣ်ခိၣ်အပူၤလီၤ.

³⁰ ဒီးပှၤတၢ်မၢဖိတဖၣ် ဟဲအိၣ်ဖှိၣ်လၢယ့ၣ်ရှူးအအိၣ်, ဒီးဖဲဒၣ်အမၤတၢ်တဖၣ်, ဒီးဖဲဒၣ်အသိၣ်က့ၤသီက့ၤတၢ် တဖၣ်န့ၣ်, စံးဘၣ်တဲဘၣ်အီၤခဲလၢာ်လီၤ. ³¹ ဒီးစံးဘၣ် အဝဲသ့ၣ်, ဟဲသုကစၢ်ဒၣ်သုဝဲဆူ တၢ်တဒၢလၢပှၢ်မုၢ် ကနၢအလီၢ်, ဒီးအိၣ်ဘှံးတစိၢ်တလီၢ်တက့ၢ်. အဂ့ၢ်ဒ် အံၤ, ပှၤဟဲက့ၤက့ၤဝဲအါဂၤသတးဒီး အီၣ်တၢ်အဆၢက တီၢ်တအိၣ်ဘၣ်လီၤ. ³² ဒီးလဲၤလၢကဘီပူၤဆူပှၢ်မုၢ်က နၢအလီၢ်ကစုဒုလီၤ. ³³ ဒီးပှၤအါဂၤထံၣ်လၢ အဝဲသ့ၣ် ဟးထီၣ်ကစုဒု, ဒီးသ့ၣ်ညါဝဲဒီးဟးထီၣ်လၢ ကယဲၢ်ခူ ဧိၤဝ့ၢ်ဧိၤခဲလၢာ်န့ၣ်, ဒီးဃ့ၢ်လၢအခီၣ်ဖဲန့ၣ်, ဒီးလဲၤတုၤ ဆိလၢအဝဲသ့ၣ်အမဲာ်ညါလီၤ. ³⁴ ဒီးယ့ၣ်ရှူးဟးထီၣ်ဒီး ထံၣ်ပှၤဂီၢ်မုၢ်ဖးဒိၣ်, ဒီးအသးအိၣ်အီၤလီၤ. အဂ့ၢ်ဒ်အံၤ, မၤအသးဒ်သိလၢပှၤကွၢ်အီၤတအိၣ်ဘၣ်အသိး, ဒီးသိၣ် က့ၤသီက့ၤအီၤအါမံၤလီၤ.

³⁵ ဒီးတုၤအါနၣ်ရံၣ်ပူၤကွံာ်ဒီး, အပျဲၢ်အဘီၣ်ဟဲဃီၤဆူ အအိၣ်ဒီးစံးဝဲဒၣ်, တၢ်ဖဲအံၤမ့ၢ်ပှၢ်မုၢ်ကနၢအလီၢ်, ဒီး ခဲကနံၣ်အံၤဘၣ်လံအါနၣ်ရံၣ်လံ. ³⁶ ဒ်သိးပှၤကလဲၤပှ့ၤ န့ၢ်ကိၣ်လၢအဂီၢ်ဒၣ်ဝဲလၢပှၢ်လၢ်ကျါဝးတရံးဝဲ, ဒီးလၢ သဝီတဖၣ်အပူၤဒီး, ပျၢ်ကွံာ်အီၤတက့ၢ်. အဂ့ၢ်ဒ်အံၤ, အတၢ်အီၣ်တၢ်အီတအိၣ်ဘၣ်နီတမံၤဘၣ်. ³⁷ ဒီးအဝဲဒၣ် စံးဆၢတၢ်ဒီးစံးဘၣ်အီၤ, သုဝဲသ့ၣ်အံၤ, ဟ့ၣ်အီၣ်အတၢ် တက့ၢ်. ဒီးအဝဲသ့ၣ်စံးဘၣ်အီၤ, မ့ၢ်ပဘၣ်လဲၤပှ့ၤကိၣ် လၢစ့ဒန့ၤရံၤခံကယၤ, ဒီးဟ့ၣ်အီၣ်အတၢ်န့ၣ်ဧါ. ³⁸ ဒီး အဝဲဒၣ်စံးဘၣ်အီၤ, သုကိၣ်အိၣ်ပှံၤဖျၢၣ်လဲၣ်. က့ၤကွၢ် တက့ၢ်. ဒီးတုၤအသ့ၣ်ညါဝဲဒီး, စံးဝဲဒၣ်, ယဲၢ်ဖျၢၣ်ဒီး ညၣ်ခံဘ့ၣ်လီၤ. ³⁹ ဒီးမၤလိာ်ဝဲလၢအကဆ့ၣ်နီၤတကူၢ် သ့ၣ်ခဲလၢာ်လၢ နီၣ်သံကစဲာ်အဖီခိၣ် တဖုတဖုလီၤ.―

⁴⁰ ဒီးဆ့ၣ်နီၤဝဲ တဂ့ၢ်တဂ့ၢ်န့ၣ်တကယၤ, ဒီးတဂ့ၢ်တဂ့ၢ် န့ၣ်ယဲၢ်ဆံလီၤ. ⁴¹ ဒီးဟံးန့ၢ်ကိၣ်ယဲၢ်ဖျၢၣ် ဒီးညၣ်ခံဘ့ၣ် န့ၣ်, ဒီးကွၢ်ထီၣ်တၢ်ဆူမူခိၣ်ဒီးဆိၣ်ဂ့ၤတၢ်, ဒီးစိၢ်ဘျဲး ကိၣ်, ဒီးဟ့ၣ်လီၤအပျဲၢ်အဘီၣ် ဒ်သိးအကပာ်လီၤလၢ အဝဲသ့ၣ် အမဲာ်ညါလီၤ ဒီးညၣ်ခံဘ့ၣ်န့ၣ်, ဟ့ၣ်နီၤပှၤခဲလၢာ်လီၤ. ⁴² ဒီးပှၤခဲလၢာ်အီၣ်ဝဲ, ဒီးဘျဲအီၣ်ဝဲလီၤ. ⁴³ ဒီးပှၤထၢထီၣ်အဘျဲၣ်အစဲၣ် ပှဲၤကုတဆံခံဒု, ဒီးလၢ ညၣ်တနီၤန့ၣ်လီၤ. ⁴⁴ ဒီးပှၤပိာ်ခွါလၢအအီၣ်ကိၣ်တဖၣ် န့ၣ်အိၣ်ယဲၢ်ကထိဃၣ်ဃၣ်လီၤ.― ⁴⁵ ဒီးမၢဆူၣ်အပျဲၢ်အ ဘီၣ်လဲၤနုာ်လၢအကဘီပူၤတကီၢ်ခါ, ဒီးခီဂာ်ဆူဝၢ်ဘး ခီဆူဘ့ၤသစဲဒၤ, ဖဲအကစၢ်ပှၢ်ပျၢ်ကွံာ် ပှၤဂီၢ်မုၢ်တဖၣ် အဖၢမုၢ်န့ၣ်လီၤ.― ⁴⁶ ဒီးတုၤအပျၢ်ကွံာ်အီၤဝံၤဒီး, လဲၤထီၣ် ဘါထုကဖၣ်တၢ်လၢကစၢၢ်တဖျၢၣ်အလိၤလီၤ. ⁴⁷ ဒီးတုၤမုၢ်ဟါလီၤဒီး, ကဘီန့ၣ်အိၣ်ဝဲလၢပီၣ်လဲၣ် အသးကံၢ်ပူၤ, ဒီးအကစၢ်ဒၣ်ဝဲ အိၣ်ဝဲလၢခိတဂၤ ဃီလီၤ.

⁴⁸ ဒီးထံၣ်အဝဲသ့ၣ်ကၢၢ်တၢ်, ဒီးမၤဘှံးအသးလီၤ. အဂ့ၢ်ဒ် အံၤ, ကလံၤတလိၤဘၣ်လၢအဂီၢ်ဘၣ်. ဒီးလၢတၢ်ပၢၤ တၢ်လၢမုၢ်နၤလွံၢ်တီၤတတီၤဃၣ်ဃၣ်န့ၣ်, အဝဲဒၣ်ဟး လၢပီၣ်လဲၣ်အဖီခိၣ်ဒီးဟဲဆူအအိၣ်, ဒီးပာ်အသးဒ်အ ကလဲၤပူၤကွံာ်အီၤအသိးလီၤ. ⁴⁹ ဒီးတုၤအဝဲသ့ၣ် ထံၣ် ဘၣ်လၢအဟးလၢပီၣ်လဲၣ်အဖီခိၣ်ဒီး, ဆိကမိၣ်ဝဲလၢ အမ့ၢ်ပှၤသဃၣ်, ဒီးကဲးကိးပသူထီၣ်ဝဲလီၤ.

⁵⁰ အဂ့ၢ်ဒ်အံၤ, ပှၤခဲလၢာ်ထံၣ်အီၤ ဒီးအသူၣ်ကိၢ်အသး ဂီၤလီၤ. ဒီးအဝဲဒၣ်ကတိၤတၢ်ဒီးအီၤတကီၢ်ခါ, ဒီးစံး ဘၣ်အီၤ, ပာ်သုသးခူတလ့ၢ်တက့ၢ်. မ့ၢ်ယၤလီၤပျံၤတၢ် တဂ့ၤ.― ⁵¹ ဒီးလဲၤထီၣ်ဆူအအိၣ် လၢကဘီပူၤ, ဒီးကလံၤတုာ်ဝဲလီၤ. ဒီးတၢ်လီၤလး လၢအမဲာ်ဒိၣ်မး, ဒီးကမၢကမၣ်ဝဲတကူၢ်သ့ၣ်လီၤ.― ⁵² အဂ့ၢ်ဒ်အံၤ, မ့ၢ်အသးကီ, ဒီး တဆိကမိၣ်ဘၣ်လၢကိၣ်တဖၣ်အဂ့ၢ်အကျိၤဘၣ်လီၤ.

⁵³ ဒီးတုၤအခီဂာ်ဝဲဝံၤဒီး, ဟဲဝဲဆူကီၢ်ကံးန့ၤရ့သး, ဒီး ထိးထီၣ်ကဘီဖဲန့ၣ်လီၤ. ⁵⁴ ဒီးတုၤအဟးထီၣ်လၢကဘီ ပူၤဒီး, ပှၤသ့ၣ်ညါနီၣ်အီၤတကီၢ်ခါ, ⁵⁵ ဒီးလဲၤဃ့ၢ်ဝ့ၤဝီၤ တၢ်လၢကီၢ်န့ၣ်ဒီဘ့ၣ်ညါ, ဒီးပှၤလဲၤစိာ်ဝ့ၤဝီၤပှၤမၤတ ကဲဘၣ်တဖၣ်လၢလီၢ်မံပူၤ, ဆူအလီၢ်ဖဲအနၢ်ဟူလၢအ အိၣ်ဝဲန့ၣ်လီၤ. ⁵⁶ ဒီးဖဲအလဲၤနုာ်ဝဲလၢသဝီပူၤမ့ၢ်ဂ့ၤ, လၢ ဝ့ၢ်ပူၤမ့ၢ်ဂ့ၤ, ပှၢ်လၢ်ကျါမ့ၢ်ဂ့ၤ, ပှၤပာ်လီၤပှၤဘၣ်ဆူး ဘၣ်ဆါတဖၣ် လၢဖၠါတဖၣ်အပူၤ, ဒီးဃ့ကညးအီၤဒ် သိးအကထိး, မ့မ့ၢ်ထဲအကူအသိးအနွံဧိၤလီၤ. ဒီးဖဲ ဒၣ်ပှၤလၢအထိးဘၣ်အီၤတဖၣ်န့ၣ်, ဘျါက့ၤဝဲလီၤ.

၇

¹ ဒီးပှၤဖၤရံၤရှဲတဖၣ်, ဒီးပှၤကွဲးလံာ်တနီၤနီၤလၢအဟဲ လၢယရူၤရှလ့ၣ်န့ၣ်, အိၣ်ဖှိၣ်ရိဖှိၣ်လၢအအိၣ်,― ² ဒီးထံၣ် ဘၣ်လၢအပျဲၢ်အဘီၣ်တနီၤနီၤ အီၣ်ကိၣ်လၢအစုတက ဆှီဘၣ်, ဒ်ပစံးတၢ်အသိး, အစုလၢအတသ့ကွံာ်ဘၣ် လီၤ. ³ အဂ့ၢ်ဒ်အံၤ, ပှၤဖၤရံၤရှဲ, ဒီးပှၤယူဒၤဖိခဲလၢာ်န့ၣ်, မ့ၢ်အတိၢ်ပမှံၤပပှၢ်အတၢ်စံၣ်စိၤတဲစိၤဒီး, မ့ၢ်တသ့ကွံာ် ဘၣ်အစုလၢအစုခိၣ်ဒီး, တအီၣ်ဘၣ်တၢ်ဘၣ်. ⁴ ဒီးတုၤ အဟဲက့ၤလၢဖၠါပူၤန့ၣ်, မ့ၢ်တဘျၢ*ဘၣ်အသးဒီး, တ အီၣ်ဘၣ်တၢ်ဘၣ်. လၢန့ၣ်အမဲာ်ညါ, အိၣ်ဒံးတၢ်အဂုၤ အဂၤအါမံၤ, လၢအဒိးန့ၢ်ဝဲဒ်သိးအကတိၢ်န့ၢ်လီၤ. ဘျၢ* လီခီ, ဒီးသလူသ့ၣ်, ဒီးသလူတိၢ်ဘီ,+ ဒီးစီၢ်နီၤခိၣ်လီၤ. ⁵ တုၤနုၤတစုပှၤဖၤရံၤရှဲ, ဒီးပှၤကွဲးလံာ်သ့ၣ်တဖၣ် န့ၣ်သံကွၢ်အီၤ, ဘၣ်မနုၤလၢနပျဲၢ်တလဲၤဘၣ်ဒ်ပမှံၤပပှၢ် အတၢ်စံၣ်စိၤတဲစိၤအသိးဘၣ်, ဒီးအီၣ်တၢ်အီတၢ်ဒီးအ စုတသ့ကွံာ်ဘၣ်န့ၣ်လဲၣ်. ⁶ ဒီးအဝဲဒၣ်စံးဆၢတၢ်ဒီးစံး ဘၣ်အီၤ, စီၤယရှါယၤကတိၤတၢ်လၢဝံအကျိာ် လၢပှၤ လီတၢ်ဖိသုဝဲသ့ၣ်အဂ့ၢ်အကျိၤ, ဘၣ်မးလီၤ. တၢ်ကွဲးအ သးဒ်အံၤ, ပှၤတကလုာ်အံၤယူးယီၣ်ယၤလၢအပျုၤမ့မ့ၢ်အသးန့ၣ်ယံၤဝဲဒီးယၤလီၤ,

⁷ မ့ၢ်အဝဲသ့ၣ်သိၣ်လိတၢ်လၢပှၤကညီအတၢ်မၤ လိာ်လၢတၢ်သိၣ်တၢ်သီအလီၢ်ဒီး, ဘူၣ်ထီၣ်ဘါထီၣ်ယၤကလီကလီ.+ ၡါ. ၂၉း၁၃|Isa.29.13*.

⁸ သုပာ်ကွံာ်ယွၤအတၢ်သိၣ်တၢ်သီ, ဒီးသုတိၢ်န့ၢ်ပှၤက ညီအတၢ်စံၣ်စိၤတဲစိၤလီၤ. ⁹ ဒီးစံးဘၣ်အီၤ, ဒ်သိးသုက တိၢ်န့ၢ်သုတၢ်စံၣ်စိၤတဲစိၤဒီး, သုမၤယွၤအတၢ်သိၣ်တၢ် သီလၢတၢ်ကလီကလီ, ဘၣ်မးလဲၣ်. ¹⁰ အဂ့ၢ်ဒ်အံၤ, စီၤ မိၤရှ့စံးဝဲဒၣ်, ယူးယီၣ်နမိၢ်ဒီးနပၢ်တက့ၢ်. ဒီးအမိၢ်မ့ၢ် ဂ့ၤ, အပၢ်မ့ၢ်ဂ့ၤ, ပှၤလၢအကတိၤအၢအီၤန့ၣ်, မ်အသံ သပှၢ်တၢၢ်တက့ၢ်.+ ၂မိၤ. ၂၀း၁၂|Exod.20.12*.― ¹¹ မ့မ့ၢ်သု ဝဲသ့ၣ်အံၤသုစံး, ပှၤကညီမ့ၢ်စံးဘၣ်အမိၢ်အပၢ်, ဖဲဒၣ် တၢ်လၢနဂ့ၤန့ၢ်ဘၣ် လၢယၤတမံၤမံၤအံၤ, မ်အကကဲ လၢကီၤဘၣ်+ ဒ်ပစံးတၢ်အသိးတၢ်မၤဘူၣ်(ဒ်ပစံးတၢ်အသိးတၢ်မၤဘူၣ်)တက့ၢ်န့ၣ် ဒီး, ¹² သုတဒုးမၤစၢၤလၢၤဘၣ်အီၤ လၢအမိၢ်အပၢ် ဘၣ်. ¹³ အန့ၣ်ဒီးသုမၤဟးဂီၤ ယွၤအကလုၢ်အကထါ လၢသုတၢ်စံၣ်စိၤတဲစိၤ လၢသုစံၣ်ဃဲၤက့ၤန့ၣ်လီၤ. ဒီး တၢ်ဂုၤတၢ်ဂၤဒ်န့ၣ်အသိး, သုမၤအါမံၤလီၤ. ¹⁴ ဒီးကိးန့ၢ်ပှၤဂီၢ်မုၢ်ခဲလၢာ်ဆူအအိၣ်ဒီးစံးဘၣ်အီၤ, ကနၣ်ယကလုၢ်သုဝဲခဲလၢာ်, ဒီးနၢ်ပၢၢ်တက့ၢ်.―

¹⁵ တၢ်အိၣ်လၢခိလၢအလဲၤနုာ်ဝဲဆူပှၤကညီအပူၤန့ၣ်, မၤတ ကဆှီဘၣ်အီၤတသ့ဘၣ်နီတမံၤဘၣ်. မ့မ့ၢ်တၢ်လၢအ ဟဲထီၣ်လၢအပူၤတဖၣ်န့ၣ်, မ့ၢ်တၢ်လၢအမၤကဆှီဘၣ် ပှၤကညီလီၤ. ¹⁶ ပှၤမ့ၢ်အိၣ်ဒီးအနၢ်လၢ အနၢ်ဟူတၢ်တ ဂၤဂၤဒီး, မ်အနၢ်ဟူတၢ်တက့ၢ်.

¹⁷ ဒီးတုၤအဟးထီၣ်လၢပှၤဂီၢ်မုၢ် အအိၣ်ဒီးလဲၤနုာ်လၢ ဟံၣ်ပူၤဒီး, အပျဲၢ်အဘီၣ်သံကွၢ်အီၤလၢတၢ်ကတိၤဒိန့ၣ် အဂ့ၢ်လီၤ. ¹⁸ ဒီးစံးဘၣ်အီၤ, သုသူၣ်ဆးသးဆးတအိၣ် ဘၣ်စ့ၢ်ကီးဒ်န့ၣ်အသိးဧါ. ကယဲၢ်တၢ်အိၣ်လၢခိလၢအ လဲၤနုာ်ဆူပှၤကညီအပူၤန့ၣ်, မၤတကဆှီဘၣ်အီၤတသ့ ဘၣ်န့ၣ်, သုနၢ်တပၢၢ်ဘၣ်ဧါ. ¹⁹ အဂ့ၢ်ဒ်အံၤ, တလဲၤနုာ် ဘၣ်ဝဲဆူအသးအပူၤဘၣ်. မ့မ့ၢ်ဆူအဟၢဖၢပူၤဒီး လဲၤ လီၤဝဲဆူအ့ၣ်ဆါအလီၢ်သတးဒီး, မၤကဆှီထီၣ်ကယဲၢ် တၢ်အီၣ်တၢ်အီခဲလၢာ်လီၤ. ²⁰ ဒီးစံးဝဲဒၣ်, တၢ်လၢအဟဲ ထီၣ်လၢပှၤကညီအပူၤန့ၣ်, မၤတကဆှီဘၣ်ပှၤကညီ လီၤ. ²¹ အဂ့ၢ်ဒ်အံၤ, တၢ်ကူၣ်အအၢတဖၣ်, တၢ်မၤက မၣ်မုၣ်ကမၣ်ခွါ, တၢ်ဟုၣ်တၢ်ဘျၣ်, တၢ်မၤသံပှၤက ညီ, ²² တၢ်အဲၣ်ဘံးအဲၣ်ဘၢ, တၢ်သူၣ်ကွံသးကွံ, တၢ် အၢတၢ်သီ, တၢ်လီတၢ်ဝ့ၤ, တၢ်လုၣ်ကိလုၣ်ကပာ်, တၢ်သးကါ, တၢ်ဒုၣ်ဒွဲၣ်, တၢ်ပာ်ထီၣ်ထီပသး, တၢ် ကူၣ်တဘၣ်ဘၣ်တဖၣ်န့ၣ်, ဟဲထီၣ်ဝဲလၢအပူၤ, လၢပှၤ ကညီအသးကံၢ်ပူၤန့ၣ်လီၤ. ²³ ကယဲၢ်တၢ်အၢတဖၣ်အံၤ ခဲလၢာ်ဟဲထီၣ်လၢအပူၤ, ဒီးမၤကဆှီဘၣ်ပှၤကညီလီၤ.

²⁴ ဒီးဂဲၤဆၢထၢၣ်ဖဲန့ၣ်, ဒီးလဲၤဝဲဆူစိၢ်ဒီးစံဒိၣ်အကီၢ်အ ဃၢၤ, ဒီးလဲၤနုာ်ဝဲလၢဟံၣ်တဖျၢၣ်အပူၤ, ဒီးအသးအိၣ် လၢပှၤသုတသ့ၣ်ညါနီတဂၤတဂ့ၤ, ဒီးအိၣ်ခူသူၣ်ဝဲတ သ့ဘၣ်လီၤ. ²⁵ အဂ့ၢ်ဒ်အံၤ, ပိာ်မုၣ်လၢတၢ်နါအိၣ်လၢ အဖိမုၣ်အလိၤတဂၤ, နၢ်ဟူအဂ့ၢ်အကျိၤ, ဒီးဟဲဝဲ, ဒီး ထိၣ်လီၤပှီၤအသးလၢအခီၣ်ထံးလီၤ. ²⁶ ဒီးပိာ်မုၣ်န့ၣ်မ့ၢ် ပှၤဟ့းလ့ၣ်ဖိအကလုာ်, ကီၢ်စူၤရံဖံၤနံက့ၤဖိလီၤ. ဒီးဃ့ ကညးဝဲလၢ အကဟီထီၣ်ကွံာ် တၢ်နါလၢအဖိမုၣ်အ လိၤလီၤ. ²⁷ ဒီးယ့ၣ်ရှူးစံးဘၣ်အီၤ, ပျဲဖိသၣ်တဖၣ်က အီၣ်ဘျဲးအီၣ်ဆိဒၣ်ကလိာ်တက့ၢ်. အဂ့ၢ်ဒ်အံၤ, တၢ်လၢ ဖိအတၢ်အီၣ်န့ၣ်, တဂ့ၤဟံးန့ၢ်ဒီးကွံာ်လီၤန့ၢ်လၢ ထွံၣ် တဖၣ်ဘၣ်. ²⁸ ဒီးအဝဲဒၣ်စံးဆၢတၢ်ဒီးစံးဘၣ်အီၤ, မ့ၢ် လံ, ကစၢ်ဧၢ. အဂ့ၢ်ဒ်အံၤ, ထွံၣ်အိၣ်လၢစီၢ်နီၤခိၣ်အ ဖီလာ်တဖၣ်န့ၣ်, အီၣ်ဖိသၣ်အတၢ် လီၤဆှုလီၤပလ့ၤ လီၤ. ²⁹ ဒီးစံးဘၣ်အီၤ, မ့ၢ်နတၢ်ကတိၤတထံၣ်န့ၣ်အဃိ ဒီး, က့ၤတက့ၢ်. တၢ်နါဟးထီၣ်ကွံာ်လံလၢနဖိမုၣ်အ လိၤလံ. ³⁰ ဒီးတုၤအက့ၤတုၤလၢဟံၣ်ဒီး, ထံၣ်ဘၣ်ဝဲလၢ တၢ်နါဟးထီၣ်ကွံာ်လံ, ဒီးအဖိမုၣ်မံလီၤလၢအလီၢ်မံ ပူၤလီၤ.

³¹ ဒီးဟးထီၣ်ကွံာ်ကဒီးဝဲလၢကီၢ်စိၢ်, ဒီးခီဂာ်စံဒိၣ်အ ကီၢ်, ဒီးလဲၤဆူပီၣ်လဲၣ်ကၤလံၤလါ, ဒီးခီဂာ်ဒ့းကးပ လံၣ်အကီၢ်ဃၢၤအသးကံၢ်ပူၤလီၤ. ³² ဒီးပှၤဟဲစိာ်ပှၤလၢ အနၢ်တအၢဒီး အုးအးကတာ်ပျ့ၤတဂၤ, ဆူအအိၣ်ဒီး ဃ့ကညးအီၤ, ဒ်သိးအကပာ်ထီၣ်အစုလၢအလိၤလီၤ.―

³³ ဒီးဟံးန့ၢ်ဒီးဆှၢထီၣ်ကွံာ်အီၤ လၢပှၤဂီၢ်မုၢ်အကျါ, ဆူ တၢ်တဒၢ, ဒီးအူနုာ်အစုနၢဆူအနၢ်ပူၤ, ဒီးထူးပှဲာ်ဝဲ, ဒီး ထိးဘၣ်အပျ့ၤလီၤ.― ³⁴ ဒီးကွၢ်ထီၣ်တၢ်ဆူမူခိၣ်ဒီးကအုက စွါဝဲ, ဒီးစံးဘၣ်အီၤ, အ့ၤဖးသါ, ဒ်ပစံးတၢ်အသိး, အိး ထီၣ်တက့ၢ်.

³⁵ ဒီးအနၢ်ကပီၤထီၣ်တကီၢ်ခါ, ဒီးအပျ့ၤအထူၣ်အပျၢ် လီၤဆှၣ်က့ၤဝဲ, ဒီးကတိၤက့ၤတၢ်ကစီဒီလီၤ. ³⁶ ဒီးမၤ လိာ်အဝဲသ့ၣ်, ဒ်သိးအသုတစံးဘၣ်တဲဘၣ်ပှၤနီတဂၤ တဂ့ၤလီၤ, ဘၣ်ဆၣ်ဒီး, ဒံးမၤလိာ်ဝဲန့ၣ်, အဝဲသ့ၣ်ဒံး စံးဘၣ်တဲဘၣ်အါထီၣ်အါအါကလဲာ်လီၤ. ³⁷ ဒီးပာ်အ သးကမၤကမၣ်တကူၢ်သ့ၣ် ဒိၣ်ဒိၣ်ကလဲာ်, ဒီးစံးဝဲ, အဝဲဒၣ်မၤတၢ်လံခဲလၢာ်ကစီဒီလံ. ပှၤလၢအနၢ်တအၢ တဖၣ်န့ၣ်, ဒုးနၢ်ဟူဝဲ, ဒီးပှၤလၢအတအုၣ်တဖၣ်န့ၣ်, ဒုးကတိၤဝဲလီၤ.

၈

¹ တၢ်လၢမုၢ်နံၤတဖၣ်န့ၣ် ပှၤဂီၢ်မုၢ်အိၣ်ကဒီးအါအါက လဲာ်, ဒီးတၢ်လၢအကအီၣ်ဝဲန့ၣ် တအိၣ်ဘၣ်နီတမံၤ ဘၣ်. ဒီးအဝဲဒၣ်ကိးန့ၢ် အပျဲၢ်အဘီၣ်ဆူအအိၣ်ဒီး စံး ဘၣ်အီၤ. ² ယသးကညီၤပှၤဂီၢ်မုၢ်လီၤ. အဂ့ၢ်ဒ်အံၤ, အိၣ် တ့ၢ်ဝဲဒီးယၤသၢနံၤလံဒီးအတၢ်လၢအကအီၣ်ဝဲန့ၣ်, တ အိၣ်ဘၣ်နီတမံၤဘၣ်. ³ ဒီတၢ်သၣ်ဝံၤအသးအဖၢမုၢ်ဒီး, ယမ့ၢ်ပျၢ် ကွံာ်အီၤဆူ အဟံၣ်ဒီး, ကလီၤဘှါဝဲလၢကျဲလီၤ. အဂ့ၢ်ဒ်အံၤ, တနီၤနီၤဟဲဝဲလၢအယံၤလီၤ.

⁴ ဒီးအပျဲၢ်အဘီၣ်စံးဆၢအီၤ, ဒ်သိး ပှၤကဒုးအီၣ်ဘျဲး အီၣ်အဝဲသ့ၣ်တဖၣ်အံၤဒီး, ကထံၣ်န့ၢ်ကိၣ်လၢ ပှၢ်မုၢ် ကနၢအံၤဒ်လဲၣ်. ⁵ ဒီးအဝဲဒၣ်သံကွၢ်အီၤ, သုကိၣ်အိၣ်ပှံၤ ဖျၢၣ်လဲၣ်. ဒီးစံးဝဲဒၣ်နွံဖျၢၣ်လီၤ. ⁶ ဒီးမၤလိာ်ပှၤဂီၢ်မုၢ်, ဒ် သိးအကဆ့ၣ်နီၤလၢဟီၣ်ခိၣ်အဖီခိၣ်, ဒီးဟံးန့ၢ်ကိၣ်နွံ ဖျၢၣ်န့ၣ်, ဒီးစံးထီၣ်ပတြၢၤတၢ်အဘျုးအဖှိၣ်ဝံၤဒီး, စိၢ် ဘျဲးဝဲ, ဒီးဟ့ၣ်အပျဲၢ်အဘီၣ် ဒ်သိးအကပာ်လီၤလၢအ မဲာ်ညါ, ဒီးအဝဲသ့ၣ်ပာ်လီၤဝဲလၢပှၤဂီၢ်မုၢ်န့ၣ် အမဲာ် ညါလီၤ. ⁷ ဒီးအိၣ်ဒီးညၣ်ဖိစှၤဘ့ၣ်, ဒီးဆိၣ်ဂ့ၤတၢ်, ဒီး မၤလိာ်ဝဲ, ဒ်သိးအကပာ်လီၤဝဲလၢ အမဲာ်ညါစ့ၢ်ကီး လီၤ. ⁸ ဒီးပှၤအီၣ်ဘျဲးအီၣ်ဝဲ, ဒီးထၢဖှိၣ်က့ၤအဘျဲၣ်အ စဲၢ်, န့ၢ်စဲာ်နွံဖျၢၣ်လီၤ. ⁹ ဒီးပှၤအီၣ်တၢ်တဖၣ်န့ၣ် အိၣ် လွံၢ်ကထိဃၣ်ဃၣ်လီၤ. ဒီးပျၢ်ကွံာ်အီၤလီၤ.

¹⁰ ဒီးလဲၤနုာ်လၢကဘီပူၤဒီး အပျဲၢ်အဘီၣ်တကီၢ်ခါ, ဒီး ဟဲဆူ ဒၤလမၤနူၤသၤအထံအကီၢ်လီၤ. ¹¹ ဒီးပှၤဖၤရံၤရှဲ သ့ၣ်တဖၣ်ဟဲထီၣ်, ဒီးသံကွၢ်သံဒိးအီၤ, ဒီးလ့ပစီအီၤ, ဒီးဃ့တၢ်ပနီၣ်လီၤလးတမံၤလၢမူခိၣ်လၢအီၤလီၤ. ¹² ဒီး ကအုကစွါဝဲလၢအသးကံၢ်ပူၤဒီးစံးဝဲဒၣ်, ဘၣ်မနုၤလၢ ပှၤတစိၤအံၤဃုတၢ်ပနီၣ်လီၤလးလဲၣ်. ယစံးဘၣ်တဲဘၣ် သုတီတီအံၤ, တၢ်တဟ့ၣ်ဘၣ်တၢ်ပနီၣ်လီၤလးလၢ ပှၤ တစိၤအံၤဘၣ်.― ¹³ ဒီးဟးသဒၣ်ကွံာ်အီၤဒီး လဲၤနုာ်ကဒီး ဆူကဘီပူၤ, ဒီးခီဂာ်ဆူဝၢ်ဘးခီလီၤ.

¹⁴ ဒီးအဝဲသ့ၣ်သးပ့ၤနီၣ်လၢ အကဟံးန့ၢ်ကိၣ်, ဒီးကိၣ် အိၣ်ဒီးအီၤလၢ ကဘီပူၤထဲတဖျၢၣ်ဧိၤလီၤ. ¹⁵ ဒီးမၤလိာ် အီၤဒီးစံးဝဲဒၣ်, တိၢ်သုသး, ဒီးပလီၢ်သုသးလၢပှၤဖၤရံၤ ရှဲအကိၣ်မံၣ်, ဒီးစီၤဟ့ၤရိာ်အကိၣ်မံၣ်န့ၣ်တက့ၢ်. ¹⁶ ဒီး အဝဲသ့ၣ်ကတိၤလိာ်အသးတဂၤဒီးတဂၤ, ဒီးစံးဝဲဒၣ်, ပမ့ၢ်တအိၣ်ဘၣ်ဒီးကိၣ်အဃိလီၤ. ¹⁷ ဒီးယ့ၣ်ရှူးသ့ၣ်ညါ ဝဲဒီးစံးဘၣ်အီၤ, ဘၣ်မနုၤလၢသုကတိၤတၢ်လၢ သုတ အိၣ်ဘၣ်ဒီးကိၣ်အဂ့ၢ်လဲၣ်. မ့ၢ်သုတသ့ၣ်ညါဘၣ်. မ့ၢ် သုနၢ်တပၢၢ်ဒံးဘၣ်ဧါ. သုသးကိၤဒံးဧါ. ¹⁸ သုမဲာ်အိၣ် ဒီးမ့ၢ်သုတထံၣ်ဘၣ်ဧါ. သုနၢ်အိၣ်ဒီးသုတနၢ်ဟူဘၣ် ဧါ. မ့ၢ်သုတသ့ၣ်နီၣ်ထီၣ်က့ၤဘၣ်ဧါ. ¹⁹ လၢယစိၢ်ဘျဲး ကိၣ်ယဲၢ် ဖျၢၣ်လၢပှၤယဲၢ်ကထိအဂီၢ်န့ၣ်, မ့ၢ်သုထၢဖှိၣ် န့ၢ်အဘျဲၣ်အစဲၢ်ပှဲၤကုပှံၤဒုလဲၣ်. ဒီးစံးဘၣ်အီၤ, တဆံ ခံဒုလီၤ. ²⁰ ဒီးလၢယစိၢ်ဘျဲးကိၣ်နွံဖျၢၣ်လၢပှၤလွံၢ်ကထိ အဂီၢ်န့ၣ်, မ့ၢ်သုထၢဖှိၣ်န့ၢ်ပှဲၤစဲာ်ပှံၤဖျၢၣ်လဲၣ်. ဒီးစံးဝဲ ဒၣ်, နွံဖျၢၣ်လီၤ. ²¹ ဒီးစံးဘၣ်အဝဲသ့ၣ်န့ၣ်, သုနၢ်တပၢၢ် ဘၣ်န့ၣ်, မ့ၢ်ဒ်လဲၣ်.

²² ဒီးဟဲက့ၤဝဲဆူဘ့ၤသစဲဒၤ, ဒီးပှၤဟဲစိာ်ပှၤမဲာ်ဘျီၣ်တ ဂၤဆူအအိၣ်, ဒီးဃ့ကညးအီၤဒ်သိး အကထိးဘၣ်အီၤ လီၤ. ²³ ဒီးဟံးဃာ်ပှၤမဲာ်ဘျီၣ်အစု, ဒီးလဲၤဆှၢအီၤဆူသ ဝီအချၢ, ဒီးထူးပှဲာ်ဝဲလၢအမဲာ်သၣ်လိၤ, ဒီးပာ်ထီၣ်အ စုလၢအလိၤ, ဒီးသံကွၢ်အီၤ, မ့ၢ်အထံၣ်တၢ်တမံၤမံၤ ဧါ. ²⁴ ဒီးကွၢ်ထီၣ်, ဒီးစံးဝဲဒၣ်, ယထံၣ်ပှၤကညီ, အဂ့ၢ် ဒ်အံၤ, ဒ်သ့ၣ်အသိး, ယထံၣ်အလဲၤတၢ်လီၤ. ²⁵ တုၤနုၤ တစုပာ်ထီၣ်ကဒီးအစု လၢအမဲာ်အလိၤ, ဒီးမၢအကွၢ် ထီၣ်တၢ်, ဒီးဘျါက့ၤဝဲ, ဒီးထံၣ်တၢ်ကိးမံၤဒဲးလီၤတံၢ် လီၤဆဲးလီၤ. ²⁶ ဒီးမၢအက့ၤက့ၤဆူအဟံၣ် ဒီးစံးဝဲဒၣ်, လဲၤနုာ်ဆူသဝီပူၤတဂ့ၤ, ဒီးစံးဘၣ်တဲဘၣ်ပှၤအိၣ်လၢ သဝီပူၤနီတဂၤတဂ့ၤ.

²⁷ ဒီးယ့ၣ်ရှူးအပျဲၢ်အဘီၣ်ဟးထီၣ်ဝဲဆူ ဖံလံးပံၤကဲၤစါ ရံၤအသဝီတဖၣ်, ဒီးအိၣ်ဝဲလၢကျဲအဖၢမုၢ်ဒီး, သံကွၢ် အပျဲၢ်အဘီၣ်ဒီးစံးဘၣ်အီၤ, ပှၤကညီစံးဝဲလၢ ယမ့ၢ်မ တၤတဂၤလဲၣ်. ²⁸ ဒီးအဝဲသ့ၣ်စံးဆၢအီၤ, ဒီးစံးဝဲဒၣ်, ပှၤ ဘျၢ*တၢ်စီၤယိၤဟၣ်လီၤ. ဒီးအဂၤတနီၤနီၤစံးဝဲလၢ စီၤ အ့ၤလံယၤ, ဒီးအဂၤတနီၤနီၤစံးဝဲလၢ ဝံတဂၤဂၤလီၤ.―

²⁹ ဒီးအဝဲဒၣ်စံးဘၣ်အီၤ. မ့မ့ၢ်သုဝဲသ့ၣ်အံၤ, သုစံးလၢယ မ့ၢ်မတၤတဂၤလဲၣ်. စီၤပ့းတရူးစံးဆၢတၢ်, ဒီးစံးဘၣ် အီၤ, နမ့ၢ်ခရံာ်န့ၣ်လီၤ. ³⁰ ဒီးမၤလိာ်အီၤဒ်သိးအသုတက တိၤတၢ်လၢအဂ့ၢ်အကျိၤလၢပှၤနီတဂၤတဂ့ၤလီၤ.

³¹ ဒီးသိၣ်က့ၤသီက့ၤအီၤလၢ ပှၤကညီဖိခွါအံၤ ဘၣ်ဒိး တၢ်နးတၢ်ဖှီၣ်အါမံၤ, ဒီးကဘၣ်တၢ်ညိကွံာ်အီၤလၢပှၤ သူၣ်က့းသးပှၢ်, ဒီးပှၤလုၢ်တၢ်အခိၣ်, ဒီးပှၤကွဲးလံာ် သ့ၣ်တဖၣ်အစုပူၤ, ဒီးကဘၣ်တၢ်မၤသံအီၤ, ဒီးကဂဲၤဆၢ ထၢၣ်က့ၤဝဲလၢသၢနံၤတနံၤလီၤ. ³² ဒီးကတိၤအိၣ်ဖျါတၢ် ကတိၤတဘီန့ၣ်လီၤ. ဒီးစီၤပ့းတရူးဟံးန့ၢ်အီၤဒီး သိၣ် ဃီၣ်သီအီၤလီၤ.― ³³ ဒီးအဝဲဒၣ်ဃၣ်ဃီၤအသးဒီးထံၣ်အ ပျဲၢ်အဘီၣ်တဖၣ်, ဒီးသိၣ်ဃီၣ်စီၤပ့းတရူး, ဒီးစံးဝဲဒၣ် ဒုၣ်ဒါဧၢ, ဟးကွံာ်ဆူယလီၢ်ခံတက့ၢ်. အဂ့ၢ်ဒ်အံၤ, န သးတအိၣ်ဘၣ်ယွၤအတၢ်ဘၣ်. မ့ၢ်နသးအိၣ်ပှၤကညီ အတၢ်တခီလီၤ.

³⁴ ဒီးကိးန့ၢ်ပှၤဂီၢ်မုၢ်ဒီး အပျဲၢ်အဘီၣ်ဆူအအိၣ်, ဒီးစံး ဘၣ်အီၤ, ဖဲဒၣ်ပှၤလၢတၢ်မိၣ်ဟဲပိာ်အသးလၢယခံတ ဂၤဂၤန့ၣ်, မ်အညိကွံာ်အသးဒၣ်ဝဲ, ဒီးဟံးန့ၢ်အထူၣ်စု ညါ, ဒီးပိာ်ယခံတက့ၢ်. ³⁵ အဂ့ၢ်ဒ်အံၤ, ဖဲဒၣ်ပှၤလၢအ သးအိၣ်အုၣ်က့ၤခီၣ်က့ၤအသးတဂၤဂၤန့ၣ်, ကမၤဟါ မၢ်ကွံာ်အီၤလီၤ. ဒီးဖဲဒၣ်ပှၤလၢအသးဟါမၢ်ကွံာ်ဝဲလၢ ယဃိ, ဒီးလၢတၢ်သးခုအကစီၣ်အဃိတဂၤဂၤန့ၣ်, က အုၣ်က့ၤခီၣ်က့ၤအသးလီၤ. ³⁶ အဂ့ၢ်ဒ်အံၤ, ပှၤကညီမ့ၢ် န့ၢ်ဘၣ်ဟီၣ်ခိၣ်ဒီဘ့ၣ်ညါ, ဒီးမၤဟါမၢ်ကွံာ်အသးဒီး, မ့ၢ်အန့ၢ်ဘျုးမနုၤလဲၣ်. ³⁷ မ့တမ့ၢ်ဘၣ်ဒီး, ပှၤကညီက ဟ့ၣ်အပှ့ၤလၢအသးအဂီၢ်လၢမနုၤတမံၤလဲၣ်. ³⁸ အဂ့ၢ်ဒ် အံၤ, ဖဲဒၣ်ပှၤလၢအမဲာ်ဆှးယၤဒီး ယကလုၢ်ယကထါ လၢပှၤအဲၣ်ဘၢတၢ်ဒီး ပှၤတၢ်ဒဲးဘးဖိတစိၤအံၤအကျါ ဒီး, ပှၤကညီဖိခွါအံၤကမဲာ်ဆှးအီၤ, ဖဲအဟဲလၢအပၢ် အလၤကပီၤ, အိၣ်ဒီးအကလူးစီဆှံတဖၣ်န့ၣ်လီၤ.

၉

¹ ဒီးစံးဘၣ်အီၤ, ယစံးဘၣ်တဲဘၣ်သုတီတီအံၤ, ပှၤတ နီၤနီၤအိၣ်ဝဲလၢ ပှၤဆၢထၢၣ်ဖဲအံၤ အကျါလၢအတချုး ထံၣ်ဒံးဘၣ် ယွၤအဘီအမုၢ်ဟဲဒီးအစိကမီၤန့ၣ်ဒီး, တ လ့ၣ်ကွၢ်ဘၣ်တၢ်သံဘၣ်. ² လၢန့ၣ်အလီၢ်ထံဃုနံၤဒိး, ယ့ၣ်ရှူးဟံးန့ၢ်စီၤပ့း တရူး, ဒီးစီၤယၤကိာ်, ဒီးစီၤယိၤဟၣ်, ဒီးလဲၤဆှၢ ထီၣ်အီၤဆူကစၢၢ်ဖးထီတဖျၢၣ်အလိၤ, ထဲအကစၢ် ဒၣ်ဝဲတဖၣ်လီၤ. ဒီးအက့ၢ်အဂီၤလဲလိာ်အသးလၢ အဝဲသ့ၣ်အမဲာ်ညါ,

³ ဒီးအကူအသိးကယဲၢ်ကယူာ် ဒီးဝါဒိၣ်မးဒ် မူခိၣ်ဖိအ သိးလီၤ. ပှၤဆှုၣ်တၢ်ဖိလၢဟီၣ်ခိၣ်ချၢမၤဝါထီၣ်တၢ် ဒ် န့ၣ်အသိးတသ့ဘၣ်လီၤ. ⁴ ဒီးစီၤအ့ၤလံၤယၤ, ဒီးစီၤမိၤ ရှ့အိၣ်ဖျါထီၣ်လၢအဝဲသ့ၣ်အမဲာ်ညါ, ဒီးကတိၤလိာ်အ သးဒီးယ့ၣ်ရှူးလီၤ. ⁵ ဒီးစီၤပ့းတရူးကတိၤတၢ်ဒီးစံးဘၣ် ယ့ၣ်ရှူး, ရၤဘံဧၢ, ပအိၣ်ဖဲအံၤဂ့ၤမးလီၤ. ဒီးမ်ပမၤဒဲသၢ ဖျၢၣ်, လၢနဂီၢ်တဖျၢၣ်, ဒီးလၢစီၤမိၤရှ့အဂီၢ်တဖျၢၣ်, ဒီး လၢစီၤအ့ၤလံယၤအဂီၢ်တဖျၢၣ် န့ၣ်တက့ၢ်. ⁶ အဂ့ၢ်ဒ် အံၤ, ကစံးတၢ်ဒ်လဲၣ်ဒ်လဲၣ်န့ၣ်, တသ့ၣ်ညါဝဲဘၣ်. အ ဂ့ၢ်ဒ်အံၤ, အဝဲသ့ၣ်ပျံၤတၢ်ဒိၣ်မးလီၤ.― ⁷ ဒီးတၢ်အၢၣ်တ လိၣ်ကဒုဘၣ်အီၤ, ဒီးတၢ်အကလုၢ်သီၣ်လီၤ လၢတၢ် အၢၣ်အပူၤစံးဝဲဒၣ်, အဝဲတဂၤအံၤမ့ၢ်ယဖိခွါလၢယအဲၣ် အီၤ, ကနၣ်အကလုၢ်တက့ၢ်.― ⁸ ဒီးကွၢ်တရံးတၢ်သတူၢ် ကလာ်, ဒီးတထံၣ်ဘၣ်ပှၤနီတဂၤဘၣ်. ထံၣ်ထဲယ့ၣ် ရှူးဒီးအကစၢ်ပှၢ်ဒၣ်ဝဲသ့ၣ်တဖၣ်န့ၣ်ဧိၤလီၤ.

⁹ ဒီးအဝဲသ့ၣ်ဟဲက့ၤလီၤလၢ ကစၢၢ်လိၤအဖၢမုၢ်ဒီး, အဝဲဒၣ်မၤလိာ်အီၤဒ်သိး တၢ်လၢအထံၣ်ဝဲတဖၣ်န့ၣ်, မ့တမ့ၢ်ဘၣ်လၢပှၤကညီဖိခွါဂဲၤဆၢထၢၣ်က့ၤလၢ တၢ် သံအလီၢ်ခံဒီး, အသုတစံးဘၣ်တဲဘၣ် ပှၤနီတဂၤတ ဂ့ၤ. ¹⁰ ဒီးတၢ်ကတိၤတဘီန့ၣ်, အဝဲသ့ၣ်ဟံးဃာ်လၢအ ကျါဒၣ်ဝဲ, ဒီးသံကွၢ်လိာ်အသး, တၢ်ဂဲၤဆၢထၢၣ်က့ၤ လၢတၢ်သံန့ၣ်, မ့ၢ်အမ့ၢ်မနုၤလဲၣ်.

¹¹ ဒီးအဝဲသ့ၣ်သံကွၢ်အီၤဒီးစံးဝဲဒၣ်, ဘၣ်မနုၤလၢ ပှၤ ကွဲးလံာ်စံးဝဲလၢစီၤအ့ၤလံယၤဘၣ်ဟဲဆိလဲၣ်.― ¹² ဒီးအဝဲ ဒၣ်စံးဆၢတၢ်ဒီးစံးဘၣ်အီၤ, စီၤအ့ၤလံယၤဟဲဆိဝဲသပှၢ် တၢၢ်ဒီးမၤက့ၤတၢ်ခဲလၢာ်လီၤ. ဒီးတၢ်ကွဲးအသးလၢပှၤ ကညီဖိခွါအံၤအဂ့ၢ်, လၢအကဘၣ်တၢ်အါမံၤ, ဒီးပှၤ ကမၤအီၤတရီတပါန့ၣ်ဒ်လဲၣ်. ¹³ မ့မ့ၢ်ယစံးဘၣ်တဲဘၣ် သုလၢစီၤအ့ၤလံယၤဟဲတုၤဝံၤလံဝဲလံ. ဒီးဒ်တၢ်ကွဲးအ သးလၢအဂ့ၢ်အသိးန့ၣ်, အဝဲသ့ၣ်မၤအီၤဖဲဒၣ်အသးလီၤ.

¹⁴ ဒီးတုၤအဟဲတုၤဝဲလၢ အပျဲၢ်အဘီၣ်အအိၣ်ဒီး, ထံၣ် လၢပှၤဂီၢ်မုၢ်ဖးဒိၣ်အိၣ်ဝးတရံးအီၤ, ဒီးပှၤကွဲးလံာ်သ့ၣ် တဖၣ်သံကွၢ်လိာ်အသးဒီး အဝဲသ့ၣ်လီၤ. ¹⁵ ဒီးပှၤဂီၢ်မုၢ် ခဲလၢာ်တုၤအထံၣ်အီၤဒီး, ကမၢကမၣ်တကီၢ်ခါဒိၣ်မး, ဒီးဃ့ၢ်ဃီၤဆူအအိၣ်, ဒီးကတိၤဒိၣ်အီၤလီၤ. ¹⁶ ဒီးအဝဲ ဒၣ်သံကွၢ်အီၤ, သုသံကွၢ်သံဒီးတၢ်ဒီးပှၤတဖၣ်န့ၣ်, လၢ မနုၤတမံၤလဲၣ်.― ¹⁷ ဒီးပှၤအိၣ်လၢပှၤဂီၢ်မုၢ်အကျါတဂၤစံး ဆၢတၢ်ဒီးစံးဝဲဒၣ်, သရၣ်ဧၢ, ယဖိခွါလၢတၢ်နါတအုၣ် အိၣ်လၢအလိၤတဂၤန့ၣ်, ယဟဲစိာ်ဆူနအိၣ်လီၤ. ¹⁸ ဒီးဖဲ ဒၣ်အဟံးဃာ်အီၤတပူၤပူၤန့ၣ်, ထွၣ်လီၤဃံၤဆူၣ်အီၤ, ဒီးအကိာ်ပူၤသဘှဲထီၣ်, ဒီးအမဲအ့ၣ်တဃံး, ဒီးဃဲၤလီၤ ဝဲလီၤ. ဒီးယစံးဘၣ်တဲဘၣ်နပျဲၢ်နဘီၣ်, ဒ်သိးအကဟီ ထီၣ်ကွံာ်အီၤ, ဒီးမၤဝဲတသ့ဘၣ်,― ¹⁹ ဒီးအဝဲဒၣ်စံးဆၢပှၤ တဖၣ်န့ၣ်ဒီးစံးဝဲဒၣ်, သုဝဲသ့ၣ်ပှၤလၢအတနာ်ဘၣ်တၢ် တစိၤဧၢ, မ့ၢ်ယကအိၣ်ဒီးသုဆံးယံာ်လဲၣ်. ယကဝံသး စူၤသုဆံးယံာ်လဲၣ်. ဟဲစိာ်အီၤဆူယအိၣ်တက့ၢ်. ²⁰ ဒီးပှၤ ဟဲစိာ်အီၤဆူအအိၣ်ဒီးတုၤအထံၣ်အီၤဒီး, တၢ်နါမၤပျုၢ် ထိးထီၣ်အီၤတကီၢ်ခါ, ဒီးလီၤဃံၤဝဲလၢ ဟီၣ်ခိၣ်အဖီ ခိၣ်, ဒီးအကိာ်ပူၤသဘှဲထီၣ်, ဒီးတလ့ၣ်ကံးကူးအသး လီၤ.― ²¹ ဒီးသံကွၢ်အပၢ်, တၢ်မၤအီၤဒ်အံၤအသိး ဆံးယံာ် တ့ၢ်လံလဲၣ်, ဒီးစံးဝဲဒၣ်, လၢအဖိသၣ်လံၤလံၤန့ၣ် လီၤ. ²² ဒီးတၢ်တ့ၢ်လီၤကွံာ်အီၤဆူမ့ၣ်အူပူၤ, ဒီးဆူထံ ကျါတလီၢ်လီၢ်တလီၢ်လီၢ်ဒ်သိးအကမၤဟးဂီၤအီၤလီၤ. မ့မ့ၢ်နဲဒၣ်အံၤ, နမၤမ့ၢ်သ့တမံၤမံၤဒီး, သူၣ်ကညီၤသး ကညီၤပှၤ, ဒီးမၤစၢၤပှၤတက့ၢ်. ²³ ဒီးယ့ၣ်ရှူးစံးဘၣ်အီၤ, နနာ်မ့ၢ်သ့ဒီး, တၢ်သ့တၢ်လၢာ်လၢပှၤလၢအနာ်တၢ်အ ဂီၢ်လီၤ. ²⁴ ဒီးဖိသၣ်အပၢ်န့ၣ်, ကိးပသူထီၣ်တကီၢ်ခါ, ဒီးအမဲာ်ထံလီၤဒီးစံးဝဲဒၣ်, ယနာ်လီၤ, ယတၢ်တနာ် ဘၣ်အံၤမၤစၢၤလၢ်တက့ၢ်. ²⁵ ဒီးတုၤယ့ၣ်ရှူးထံၣ်လၢပှၤ ဂီၢ်မုၢ်ဟဲဃ့ၢ်ဖှိၣ်ဝဲဒီး, ဒူတၢ်နါဒီး စံးဘၣ်အီၤ, တၢ်နါ တအုၣ်ဒီးအနၢ်တအၢတဒုဧၢ, ယမၤလိာ်နၤယဲ, ဟး ထီၣ်ကွံာ်လၢအလိၤတက့ၢ်. ဒီးလၢအလိၤန့ၣ်လဲၤနုာ် လၢၤတဂ့ၤ. ²⁶ ဒီးကိးပသူထီၣ်, ဒီးမၤပျုၢ်ထိးထီၣ်အီၤနး မး, ဒီးဟးထီၣ်ကွံာ်ဝဲလီၤ. ဒီးအဝဲဒၣ်ကဲထီၣ်ဒ်ပှၤသံ အသိး, တုၤပှၤအါဂၤစံးဝဲလၢအသံလီၤ. ²⁷ ဘၣ်ဆၣ်ဒီး ယ့ၣ်ရှူးဟံးဃာ်အစု, ဒီးဝံၣ်ဆၢထၢၣ်အီၤ, ဒီးဂဲၤဆၢ ထၢၣ်က့ၤဝဲလီၤ.

²⁸ ဒီးလဲၤနုာ်ဝဲဆူဟံၣ်ပူၤ, ဒီးအပျဲၢ်အဘီၣ် သံကွၢ်အီၤ ကစုဒု, ပဝဲဒၣ်အံၤ, ပဟီထီၣ်ကွံာ်အီၤတသ့ဘၣ်န့ၣ်, မ့ၢ်အဘၣ်မနုၤလဲၣ်. ²⁹ ဒီးစံးဘၣ်အီၤ, အအံၤတကလုာ် ဟးထီၣ်ကွံာ်လၢ တၢ်ဂုၤတၢ်ဂၤတသ့ဘၣ်, သ့ထဲလၢ တၢ်ဘါထုကဖၣ်+ ဒီးတၢ်ဒုၣ်တၢ်အီၣ်တၢ်အီဧိၤလီၤ. ³⁰ ဒီးဟးထီၣ်ဖဲန့ၣ်, ဒီးလဲၤခီဂာ်ကွံာ်ကၤလံၤလါ, ဒီးတၢ်တမိၣ်ဒုးသ့ၣ်ညါဘၣ်အသးလၢ ပှၤနီတဂၤဘၣ်. ³¹ အဂ့ၢ်ဒ်အံၤ, သိၣ်က့ၤသီက့ၤအပျဲၢ်အဘီၣ် ဒီးစံးဘၣ်အီၤ, လၢပှၤကညီဖိခွါအံၤဘၣ်တၢ်ဟ့ၣ် လီၤဝဲဆူ ပှၤကညီအစုပူၤ, ဒီးကမၤသံအီၤလီၤ. ဒီးဘၣ်တၢ်မၤသံအီၤ အလီၢ်ခံပှဲၤထီၣ် သၢနံၤတနံၤ န့ၣ်, ကဂဲၤဆၢထၢၣ်က့ၤဝဲလီၤ.

³² ဒီးတၢ်ကတိၤတဘီန့ၣ်, အနၢ်တပၢၢ်ဘၣ်ဝဲဘၣ်. ဒီးသံ ကွၢ်အီၤတဘူၣ်ဘၣ်လီၤ.

³³ ဒီးဟဲဝဲဆူကပ့းရနီၣ်, ဒီးအိၣ်ဝဲလၢဟံၣ်ပူၤ, ဒီးအဝဲ ဒၣ်သံကွၢ်အဝဲသ့ၣ်, သုအိၣ်လၢကျဲအဖၢမုၢ်ဒီး, သုက တိၤလိာ်သုသးလၢမနုၤတမံၤအဂ့ၢ်လဲၣ်. ³⁴ ဒီးအိၣ်ဝဲဘှီၣ် ကလာ်တကူၢ်သ့ၣ်လီၤ. အဂ့ၢ်ဒ်အံၤ, မ့ၢ်မတၤမတၤမ့ၢ် အဒိၣ်ကတၢၢ်အဂ့ၢ်န့ၣ်, ကတိၤလိာ်အသးလၢကျဲပူၤ လီၤ. ³⁵ ဒီးဆ့ၣ်နီၤဝဲ, ဒီးကိးဃီၤပှၤတဆံခံဂၤန့ၣ်ဒီးစံး ဘၣ်အီၤ. ပှၤမ့ၢ်မိၣ်ကဲဘၣ်အသးလၢ တၢ်အခိၣ်တဂၤ ဂၤဒီး, ကကဲထီၣ်ပှၤအဆံးကတၢၢ်လၢ ပှၤခဲလၢာ်အ ကျါ, ဒီးပှၤခဲလၢာ်အခ့အပှၤလီၤ. ³⁶ ဒီးဟံးန့ၢ်ဖိသၣ်တ ဂၤ, ဒီးပာ်လီၤအီၤလၢအကျါ, ဒီးဖိးဃာ်အီၤလၢအစု, ဒီးစံးဘၣ်အဝဲသ့ၣ်, ဖဲဒၣ်ပှၤလၢအတူၢ်လိာ်ဖိသၣ်ဒ်အံၤ အသိးတဂၤ, လၢယမံၤအဃိန့ၣ်ဒီး, မ့ၢ်အတူၢ်လိာ်ယၤ လီၤ. ³⁷ ဒီးဖဲဒၣ်ပှၤလၢအတူၢ်လိာ်ယၤန့ၣ်, တမ့ၢ်ဘၣ်အ တူၢ်လိာ်ယၤဘၣ်. မ့ၢ်အတူၢ်လိာ်ပှၤလၢ အမၢလီၤယၤ တဂၤလီၤ.

³⁸ ဒီးစီၤယိၤဟၣ်ကတိၤဆၢတၢ်လၢအီၤ ဒီးစံးဝဲဒၣ်, သ ရၣ်ဧၢ, ပထံၣ်မတၤတဂၤလၢအတပိာ်ဘၣ်ပခံ, ဒီးဟီ ထီၣ်ကွံာ်တၢ်နါလၢနမံၤ, ဒီးပတြီအီၤလီၤ. အဂ့ၢ်ဒ်အံၤ, မ့ၢ်အတပိာ်ဘၣ်ပခံဘၣ်လီၤ. ³⁹ ဒီးယ့ၣ်ရှူးစံးဝဲဒၣ်, တြီ အီၤဂ့ၤ, အဂ့ၢ်ဒ်အံၤ, ပှၤလၢအမၤတၢ်လီၤလးလၢယမံၤ န့ၣ်, စံးအၢယၤညီကဒၣ်တသ့ဘၣ်နီတဂၤဘၣ်. ⁴⁰ အဂ့ၢ်ဒ်အံၤပှၤလၢအထီဒါဘၣ်ပှၤန့ၣ် မ့ၢ်အိၣ်လၢပပူၤလီၤ.―

⁴¹ အဂ့ၢ်ဒ်အံၤ, ဖဲဒၣ်ပှၤလၢအဒုးအီသုလၢ ထံခုၣ်တလီခီ လၢယမံၤလၢ သုဘၣ်ဃးဒီးခရံာ်အဃိဒီး, ယစံးဘၣ် တဲဘၣ်သုတီတီအံၤ, အဘျုးတဟါမၢ်ဘၣ်ဝဲဘၣ်. ⁴² ဒီး ပှၤအဆံးလၢ အနာ်က့ၤယၤတဖၣ်အကျါတဂၤန့ၣ်, ဖဲ ဒၣ်ပှၤလၢအဒုးလီၤဃံၤအီၤဒီး, ဆၢၣ်ဂူာ်လၢၢ် မ့ၢ်ဘၣ် စၢဃာ်လၢအကိာ်, ဒီးအဝဲဒၣ် ဘၣ်တၢ်တ့ၢ်လီၤကွံာ် အီၤဆူပီၣ်လဲၣ်ပူၤဒီး, ကဂ့ၤဒၣ်တၢ်လၢအဂီၢ်လီၤ. ⁴³ ဒီးနစု မ့ၢ်ဒုးလီၤဃံၤနၤဒီး, ဒီၣ်တဲာ်ကွံာ်အီၤတက့ၢ်. နမ့ၢ်လဲၤ နုာ်ဆူတၢ်မူအပူၤလၢနစုတူာ်န့ၣ်, ဂ့ၤန့ၢ်နလဲၤဆူလရာ် ပူၤလၢ မ့ၣ်အူလၢအလီၤပံာ်တသ့ဘၣ်အပူၤအိၣ်ဒီး နစု ခံခီလၢာ်တက့ၢ်လီၤ. ⁴⁴ တၢ်ဖဲန့ၣ်အလၢၣ် တသံဘၣ်. ဒီးမ့ၣ်အူတလီၤပံာ်ဘၣ်လီၤ. ⁴⁵ ဒီးနခီၣ်မ့ၢ်မၤလီၤဃံၤနၤ ဒီး, ဒီၣ်တဲာ်ကွံာ်အီၤတက့ၢ်. နမ့ၢ်လဲၤနုာ်ဆူတၢ်မူအပူၤ ဒီးနခီၣ်တူာ်န့ၣ်, ဂ့ၤန့ၢ်နဘၣ်တၢ်တ့ၢ်လီၤနၤဆူလရာ် ပူၤ, ဆူမ့ၣ်အူလၢအလီၤပံာ်တသ့ဘၣ်အပူၤ, အိၣ်ဒီးန ခီၣ်ခံခီလာ်တက့ၢ်လီၤ. ⁴⁶ တၢ်ဖဲန့ၣ်အလၢၣ်တသံဘၣ်, ဒီးမ့ၣ်အူတလီၤပံာ်ဘၣ်လီၤ. ⁴⁷ ဒီးနမဲာ်မ့ၢ်မၤလီၤဃံၤနၤဒီး, ကွံာ်တ့ၢ်ကွံာ်အီၤတက့ၢ်. နမ့ၢ်လဲၤနုာ်ဆူယွၤအဘီ အမုၢ်အပူၤဒီးနမဲာ်တခီဧိၤန့ၣ်, ဂ့ၤန့ၢ်နဘၣ်တၢ်တ့ၢ်လီၤ ကွံာ်နၤဆူလရာ်မ့ၣ်အူအပူၤ, အိၣ်ဒီးနမဲာ်ခံခီလၢာ်တ က့ၢ်လီၤ. ⁴⁸ တၢ်ဖဲန့ၣ်အလၢၣ်တသံဘၣ်, ဒီးမ့ၣ်အူတ လီၤပံာ်ဘၣ်လီၤ.― ⁴⁹ အဂ့ၢ်ဒ်အံၤ, ကယဲၢ်ပှၤကိးဂၤဒဲးက ဘၣ်တၢ်ဃါအီၤလၢမ့ၣ်အူ, ဒီးကယဲၢ်တၢ်လုၢ်ခဲလၢာ် ကဘၣ်တၢ်ဃါအီၤလၢအံသၣ်လီၤ. ⁵⁰ အံသၣ်န့ၣ်မ့ၢ်တၢ် အဂ့ၤလီၤ. ဘၣ်ဆၣ်ဒီး, အံသၣ်အဟီမ့ၢ်ဘျါဒီး, မ့ၢ်သု ကဒုးဟီက့ၤအီၤလၢမနုၤတမံၤလဲၣ်. သုဝဲသ့ၣ်အံၤ, အိၣ် ဒီးအံသၣ်လၢသုပူၤဒၣ်သုဝဲ, ဒီးအိၣ်ဃူလိာ်ဖိးလိာ်သု သးတက့ၢ်.

၁၀

¹ ဒီးဂဲၤဆၢထၢၣ်လၢတၢ်အလီၢ်ဖဲန့ၣ်, ဒီးလဲၤကျဲလၢ ယၢ်ဒ့ၣ်ဝၢ်ဘးခီ, ဆူယူဒၤအကီၢ်ဃၢၤန့ၣ်လီၤ. ဒီးပှၤဂီၢ် မုၢ်ဟဲအိၣ်ဖှိၣ်ကဒီးဆူအအိၣ်, ဒီးအဝဲဒၣ် ဒ်အလုၢ်အ လၢ်အသိး, သိၣ်က့ၤသီက့ၤကဒီးအီၤလီၤ.

² ဒီးပှၤဖၤရံၤရှဲတဖၣ်ဟဲဝဲ, ဒီးလ့ပစီအီၤ, ဒီးသံကွၢ် အီၤလၢပှၤပာ်မၢ်အမါဂ့ၤစ့ၢ်ကီးဧါ. ³ ဒီးအဝဲဒၣ်စံးဆၢ တၢ်ဒီးစံးဘၣ်အီၤ, မ့ၢ်စီၤမိၤရှ့မၤလိာ်သုဒ်လဲၣ်. ⁴ ဒီးအ ဝဲသ့ၣ်စံးဝဲဒၣ်, စီၤမိၤရှ့ဒုးကွဲးလံာ်လီၤဖှၣ်, ဒီးဒုးပာ်မၢ် အီၤလီၤ. ⁵ ဒီးယ့ၣ်ရှူးစံးဆၢတၢ်ဒီးစံးဘၣ်အီၤ မ့ၢ်အကွဲး န့ၢ်သုတၢ်မၤလိာ်တမံၤအံၤ, လၢသုသူၣ်ကိၤသးကိၤအ ဃိလီၤ. ⁶ လၢအတ့လီၤတၢ်အခီၣ်ထံးန့ၣ် ယွၤတ့လီၤ ပိာ်မုၣ်ဒီးပိာ်ခွါလီၤ.―+ ၁မိၤ. ၁း၂၇|Gen.1.27*.⁷ အကူၢ်မ့ၢ်ဒ်န့ၣ်ဒီး, ပိာ်ခွါကဟးသဒၣ်အမိၢ်ဒီးအပၢ်, ဒီးကဘျုးအသးဒီး အမါ, ဒီးတၢ်လၢပှၤခံဂၤန့ၣ်ကကဲထီၣ်ပှၤတသွံၣ်ဃီတ ညၣ်ဃီလီၤ-+ ၁မိၤ. ၂း၂၄|Gen.2.24⁸ မၤသးဒ်န့ၣ်ဒီး, တမ့ၢ်လၢၤဘၣ်, ပှၤခံဂၤဘၣ်, မ့ၢ်ပှၤတသွံၣ်ဃီတညၣ်ဃီလီၤ.―

⁹ မၤသးဒ်န့ၣ်ဒီး, တၢ်လၢယွၤပာ်ဃုာ်ဝဲန့ၣ်, မ်ပှၤကညီ သုတထုးဖှၣ်တဂ့ၤ.

¹⁰ ဒီးလၢဟံၣ်ပူၤန့ၣ်, အပျဲၢ်အဘီၣ်သံကွၢ်ကဒီးအီၤလၢ တၢ်န့ၣ်တမံၤအဂ့ၢ်အကျိၤလီၤ. ¹¹ ဒီးအဝဲဒၣ်စံးဘၣ်အီၤ ဖဲဒၣ်ပှၤလၢအပာ်မၢ်အမါ, ဒီးအိၣ်ဃုာ်ဒီးပိာ်မုၣ်အဂၤ တဂၤဂၤန့ၣ်, မ့ၢ်အအဲၣ်ဘၢအမါလီၤ.― ¹² ဒီးပိာ်မုၣ်မ့ၢ်ပာ် မၢ်အဝၤ, ဒီးအိၣ်ဃုာ်ဒိးပိာ်ခွါအဂၤတဂၤန့ၣ်ဒီး, မ့ၢ်အ အဲၣ်ဘၢအဝၤလီၤ.

¹³ ဒီးပှၤဟဲစိာ်ဖိသၣ်တဖၣ်ဆူအအိၣ်, ဒ်သိးအကထိး ဘၣ်အီၤ, ဒီးအပျဲၢ်အဘီၣ်ဒူပှၤလၢအဟဲစိာ်အီၤတဖၣ် အလိၤလီၤ. ¹⁴ ဘၣ်ဆၣ်ဒီးယ့ၣ်ရှူးထံၣ်ဝဲဒီးတဘၣ်ဘၣ် အသးဘၣ်, ဒီးစံးဘၣ်အီၤ, ပျဲဖိသၣ်တဖၣ်န့ၣ်ဟဲဆူယ အိၣ်တက့ၢ်. ဒီးတြီအီၤတဂ့ၤ. အဂ့ၢ်ဒ်အံၤ, ယွၤအဘီဖိ မုၢ်ဖိမ့ၢ်ပှၤဒ်န့ၣ်အသိးလီၤ. ¹⁵ ယစံးဘၣ်တဲဘၣ်သုတီတီ အံၤ, ဖဲဒၣ်ပှၤလၢအတဒိးန့ၢ်ဘၣ် ယွၤအဘီအမုၢ်ဒ်ဖိ သၣ်အသိးတဂၤဂၤန့ၣ်, တနုာ်ဘၣ်လၢအပူၤ လ့ၤတ က့ၤဘၣ်. ¹⁶ ဒီးစိာ်ဖိးထီၣ်အီၤလၢအစုဒုၣ်လိၤ, ဒီးပာ်အ စုလၢအလိၤ, ဒီးဆိၣ်ဂ့ၤအီၤလီၤ.

¹⁷ ဒီးတုၤအဟးထီၣ်ဝဲဆူကျဲအပူၤဒီး, ပှၤတဂၤဟဲဃ့ၢ် ဆူအအိၣ်, ဒီးချံးလီၤအခီၣ်, ဒီးသံကွၢ်အီၤ, သရၣ်လၢ အဂ့ၤဧၢ, ဒ်သိးယကန့ၢ်ဘၣ်သါတၢ်မူအထူအယိာ်ဒီး, ယဘၣ်မၤတၢ်မနုၤတမံၤလဲၣ်.― ¹⁸ ဒီးယ့ၣ်ရှူးစံးဘၣ်အီၤ, ဘၣ်မနုၤလၢ နကိးယၤလၢအဂ့ၤလဲၣ်. ပှၤအဂ့ၤတအိၣ် ဘၣ်, အိၣ်ထဲယွၤတဂၤဧိၤလီၤ. ¹⁹ တၢ်မၤလိာ်တဖၣ်န သ့ၣ်ညါလံ. မၤသံပှၤကညီတဂ့ၤ. အဲၣ်ဘၢမါအဲၣ်ဘၢ ဝၤတဂ့ၤ, ဟုၣ်တၢ်တဂ့ၤ, အုၣ်နသးလၢတၢ်ကတိၤက ဘျံးကဘျၣ်တဂ့ၤ, လီအီၣ်ပှၤဂၤအတၢ်တဂ့ၤ, ယူးယီၣ် နမိၢ်ဒီးနပၢ်တက့ၢ်လီၤ.+ ၂မိၤ. ၂၀း၁၂-၁၆|Exod.20.12-Exod.20.16*.²⁰ ဒီးအဝဲ ဒၣ်စံးဆၢတၢ်ဒီးစံးဘၣ်အီၤ, သရၣ်ဧၢ, တၢ်န့ၣ်တဖၣ် ခဲလၢာ်ယတိၢ်န့ၢ်လၢ ယဖိၣ်သၣ်ခွါထီၣ်လံၤလံၤန့ၣ် လီၤ. ²¹ ဒီးယ့ၣ်ရှူးကွၢ်အီၤဒီးအဲၣ်အီၤ, ဒီးစံးဘၣ်အီၤ, န တလၢတပှဲၤဘၣ်အိၣ်တမံၤလီၤ. ဖဲဒၣ်နတၢ်အိၣ်တဖၣ် န့ၣ်, လဲၤဆါကွံာ်, ဒီးဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. ဒီးနကအိၣ်ဒီးနတၢ်လုၢ်ဒိၣ်ပှ့ၤဒိၣ်လၢမူခိၣ်, ဒီးဟဲပိာ် ယခံတက့ၢ်. ²² ဒီးအမဲာ်လီၤသပှၢ်လၢတၢ်ကတိၤတထံၣ် န့ၣ်အဃိ, ဒီးအသူၣ်အုးအသးအုး, ဒီးက့ၤက့ၤဝဲလီၤ. အဂ့ၢ်ဒ်အံၤ, အစုလီၢ်အခီၣ်ခိၣ်အိၣ်အါမးလီၤ.

²³ ဒီးယ့ၣ်ရှူးကွၢ်တရံးဝဲ, ဒီးစံးဘၣ်အပျဲၢ်အဘီၣ်, ပှၤအ ထူးအတီၤတဖၣ်လဲၤနုာ်ဆူ ယွၤအဘီအမုၢ်အပူၤန့ၣ်ကီ ဆံးဒိၣ်လဲၣ်. ²⁴ ဒီးအပျဲၢ်အဘီၣ် ကမၢကမၣ်ဝဲလၢ အ တၢ်ကတိၤတဖၣ်အဃိလီၤ. ဒီးယ့ၣ်ရှူးစံးဆၢကဒီးတၢ်, ဒီးစံးဘၣ်အီၤ, ဖိသ့ၣ်လံၤသ့ၣ်ဧၢ, ပှၤလၢအသန့ၤအ သးလၢ အတၢ်ထူးတၢ်တီၤတဖၣ်န့ၣ်, လဲၤနုာ်ဆူယွၤ အဘီအမုၢ်အပူၤန့ၣ်ကီဆံးဒိၣ်လဲၣ်. ²⁵ ကီၤလၤအူးဝၣ်ဖျိ ထးအမဲၢ်ခံပူၤန့ၣ်, ညီန့ၢ်ပှၤအထူးအတီၤလဲၤနုာ်ဆူယွၤ အဘီအမုၢ်အပူၤတက့ၢ်လီၤ. ²⁶ ဒီးအဝဲသ့ၣ်ပာ်အသးက မၢကမၣ်ဒိၣ်ဒိၣ်ကလဲာ်, ဒီးစံးလိာ်အသး, ဒီးမ့ၢ်မတၤ တုၤလၢတၢ်အုၣ်က့ၤခီၣ်က့ၤကသ့တဂၤလဲၣ်.― ²⁷ ဒီးယ့ၣ် ရှူးကွၢ်ထံအီၤ, ဒီးစံးဝဲဒၣ်, တသ့ဘၣ်ဒီးပှၤကညီဘၣ် ဆၣ်ဒီး, တသ့ဘၣ်ဒီးယွၤန့ၣ် တမ့ၢ် ဘၣ်. အဂ့ၢ်ဒ်အံၤ, ယွၤသ့တၢ်လၢာ်လီၤ.

²⁸ ဒီးစီၤပ့းတရူးစံးဘၣ်အီၤ, ကွၢ်ကွၢ်, ပဝဲဒၣ်အံၤ, ပဟး သဒၣ်တၢ်ခဲလၢာ်, ဒီးပပိာ်နခံလံ. ²⁹ ဒီးယ့ၣ်ရှူးစံးဆၢ တၢ်, ဒီးစံးဝဲဒၣ်, ယစံးဘၣ်တဲဘၣ်သုတီတီအံၤ, ပှၤ လၢအဟးသဒၣ်အဟံၣ်အဃီမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ် ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အမိၢ်မ့ၢ်ဂ့ၤ, အပၢ်မ့ၢ်ဂ့ၤ, အဖိ အမါမ့ၢ်ဂ့ၤ, အဖိအလံၤမ့ၢ်ဂ့ၤ, အစံာ်ဧိၤပှဲၤဧိၤမ့ၢ်ဂ့ၤ, လၢယဃိဒီးလၢတၢ်သးခုကစီၣ်အဃိန့ၣ်, ³⁰ ကန့ၢ်က့ၤ အါန့ၢ်အလီၢ်တကယၤ လၢအအံၤတဃၣ်, ဒီးအဟံၣ် အဃီ, ဒီးအဒီပုၢ်ဝဲၢ်မုၣ်, ဒီးအဒီပုၢ်ဝဲၢ်ခွါ, ဒီးအမိၢ်, ဒီး အဖိအလံၤ, ဒီးစံာ်ဧိၤပှဲၤဧိၤ, အိၣ်ဒီးတၢ်မၤအၢမၤနးအီၤ, ဒီးတၢ်မူအထူအယိာ်လၢခဲကိာ်တဃၣ်န့ၣ်, ကိးဂၤဒဲး လီၤ. ³¹ ဘၣ်ဆၣ်ဒီးပှၤအိၣ်ဝဲ လၢညါအါဂၤန့ၣ် ကအိၣ် က့ၤဝဲလၢခံ, ဒီးပှၤအိၣ်ဝဲလၢထံန့ၣ် ကအိၣ်က့ၤဝဲလၢ ညါလီၤ.

³² ဒီးအိၣ်ဝဲလၢကျဲဖဲအလဲၤထီၣ်ဆူယရူၤရှလ့ၣ်လီၤ. ဒီး ယ့ၣ်ရှူးလဲၤလၢညါ, ဒီးအဝဲသ့ၣ်ကမၢကမၣ်ဒီးအသူၣ် ပျံၤအသးဖုးဒီးပိာ်ဝဲအခံလီၤ. ဒီးဟံးန့ၢ်ကဒီးပှၤတဆံခံ ဂၤန့ၣ်, ဒီးစံးဘၣ်တဲဘၣ်အီၤလၢတၢ်လၢအကဟဲဘၣ် အကစၢ်ဒၣ်ဝဲအဂ့ၢ်န့ၣ်လီၤ. ³³ စံးဝဲ, ကွၢ်ကွၢ်, ပလဲၤ ထီၣ်ဆူယရူၤရှလ့ၣ်, ဒီးပှၤကညီဖိခွါအံၤ ကဘၣ်တၢ် ဟ့ၣ်လီၤကွံာ်အီၤဆူပှၤလုၢ်တၢ်အခိၣ် ဒီးပှၤကွဲးလံာ်သ့ၣ် တဖၣ်အစုပူၤ, ဒီးကစံၣ်ညီၣ်ဘၢသံအီၤဒီး ကဟ့ၣ်လီၤ ကွံာ်အီၤဆူ ပှၤကလုာ်တဖၣ်အစုပူၤ, ³⁴ ဒီးအဝဲသ့ၣ်တ ဖၣ်ကဒုၣ်ဒွဲၣ်အီၤ, ဒီးကတီၢ်အီၤ, ဒီးကထူးပှဲာ်ဘၣ်အီၤ, ဒီးကမၤသံအီၤလီၤ. ဒီးလၢသၢနံၤတနံၤန့ၣ် ကဂဲၤဆၢ ထၢၣ်က့ၤဝဲလီၤ.

³⁵ ဒီးစီၤစ့းဘ့းဒဲအဖိခွါ, စီၤယၤကိာ်ဒီးစီၤယိၤဟၣ်, ဟဲ ဆူအအိၣ်ဒီးစံးဝဲဒၣ်, သရၣ်ဧၢ, ဖဲဒၣ်ပဃ့တၢ်တမံၤ န့ၣ်, ပသးအိၣ်လၢနကမၤန့ၢ်ပှၤလီၤ. ³⁶ ဒီးအဝဲဒၣ်စံးဘၣ်အီၤ, သုသးအိၣ်လၢယကမၤန့ၢ်သုလၢမနုၤတမံၤလဲၣ်, ³⁷ ဒီးအဝဲသ့ၣ်စံးဘၣ်အီၤ, ဟ့ၣ်ပှၤလၢပကဆ့ၣ် နီၤလၢနစုထွဲတဂၤ, ဒီးလၢနစုစ့ၣ်တဂၤ, လၢနလၤကပီၤအပူၤတက့ၢ်.

³⁸ ဒီးယ့ၣ်ရှူးစံးဘၣ်အီၤ, သုဃ့မနုၤမနုၤလဲၣ်န့ၣ်, သုတ သ့ၣ်ညါဘၣ်. လီခီလၢယအီန့ၣ်, သုအီဘၣ်ကကဲဧါ. ဒီးတၢ်ဒိးဘျၢ*လၢယဒိးဘျၢ*န့ၣ်, သုဒိးဘျၢ*ဘၣ်ကကဲ ဧါ. ³⁹ ဒီးအဝဲသ့ၣ်စံးဘၣ်အီၤ, ကဲဝဲသၢၣ်. ဒီးယ့ၣ်ရှူးစံး ဘၣ်အီၤ သုကအီလီခီလၢယအီန့ၣ်သပှၢ်တၢၢ်, ဒီးတၢ် ဒိးဘျၢ*လၢယဒိးဘျၢ*န့ၣ်, သုကဒိးဘျၢ*လီၤ. ⁴⁰ ဘၣ် ဆၣ်ဒီးတၢ်ဆ့ၣ်နီၤလၢ ယစုထွဲ, ဒီးလၢယစုစ့ၣ်န့ၣ် မ့ တမ့ၢ်ဘၣ်ပှၤလၢတၢ်ကတီၤပာ်လၢအဂီၢ်ဒီး, တမ့ၢ်ဘၣ် ယတၢ်လၢယကဟ့ၣ်အီၤဘၣ်.

⁴¹ ဒီးတုၤပှၤဆံဆဲၣ်ဂၤန့ၣ် နၢ်ဟူဝဲဒီး, အသးဒိၣ်ထီၣ် ဘၣ်စီၤယၤကိာ်, ဒီးစီၤယိၤဟၣ်လီၤ. ⁴² ဒီးယ့ၣ်ရှူးကိး ဃီၤအီၤဆူအအိၣ်ဒီးစံးဘၣ်အီၤ, သုသ့ၣ်ညါလၢပှၤလၢ အကဲထီၣ်ပှၤကလုာ်တဖၣ်အခိၣ်, ပာ်ကစၢ်အသးလၢ အဖီခိၣ်လီၤ. ဒီးအပဒိၣ်ပပှၢ်မၤအီၤလၢအစိကမီၤလီၤ.―

⁴³ ဘၣ်ဆၣ်ဒီးတၢ်တဘၣ် မၤဘၣ်အသးဒီးသုဒ်န့ၣ်အသိး ဘၣ်. မ့မ့ၢ်ဖဲဒၣ်ပှၤလၢတၢ်မိၣ်ကဲဒိၣ်အသးလၢသုကျါ တဂၤဂၤန့ၣ်, ကကဲထီၣ်သုခ့သုပှၤလီၤ. ⁴⁴ ဒီးဖဲဒၣ်ပှၤ လၢတၢ်မိၣ်ကဲထီၣ်အသး လၢအခိၣ်လၢသုကကျါတ ဂၤဂၤန့ၣ်, ကကဲပှၤခဲလၢာ်အကုၢ်အပှၤလီၤ. ⁴⁵ အဂ့ၢ်ဒ် အံၤ, ပှၤကညီဖိခွါအံၤ, တဟဲဘၣ်ဝဲဒ်သိးပှၤကမၤအီၤ လၢအခ့အပှၤအတၢ်ဘၣ်. မ့ၢ်ဒ်သိးအကမၤအခ့အပှၤအ တၢ်မၤ, ဒီးဟ့ၣ်လီၤအသးလၢပှၤကညီအါဂၤအပှ့ၤလီၤ.

⁴⁶ ဒီးဟဲဝဲဆူယရံၤဃိလီၤ. ဒီးဖဲအဟးထီၣ်ကွံာ်ဒီးအပျဲၢ် အဘီၣ်ဒီးပှၤဂီၢ်မုၢ်ဖးဒိၣ်လၢယရံၤဃိဒီး, စီၤတံၤမဲအဖိ ခွါ, စီၤဘၣ်တံၤမဲအမဲာ်ဘျီၣ်တဂၤ, ဆ့ၣ်နီၤဃ့တၢ်လၢ ကျဲစၢၤလီၤ. ⁴⁷ ဒီးတုၤအနၢ်ဟူဝဲလၢအမ့ၢ် ပှၤနစၤရ့းဖိ ယ့ၣ်ရှူးဒီး, ကိးပသူထီၣ်ဒီးစံးဝဲဒၣ်, စီၤဒၤဝံးအဖိခွါ, ယ့ၣ်ရှူးဧၢ, သူၣ်ကညီၤသးကညီၤစာ်ယၤတက့ၢ်. ⁴⁸ ဒီး ပှၤအါဂၤဒူအလိၤဒ်သိး အကအိၣ်ဘှီၣ်ကလာ်ဘၣ်ဆၣ် ဒီး, အဝဲဒၣ်ကိးပသူထီၣ်ဒိၣ်န့ၢ်အန့ၣ်တက့ၢ် အါအါ ကလဲာ်, စီၤဒၤဝံးအဖိခွါဧၢ, သူၣ်ကညီၤသးကညီၤစာ် ယၤတက့ၢ်. ⁴⁹ ဒီးယ့ၣ်ရှူးအိၣ်ကတီၢ်, ဒီးမၤလိာ်ဝဲလၢ ပှၤကကိးဃီၤအီၤလီၤ. ဒီးပှၤကိးဃီၤပှၤမဲာ်ဘျီၣ်, ဒီး စံးဘၣ်အီၤ, ပာ်နသးခူတလ့ၢ်တက့ၢ်. ဂဲၤဆၢထၢၣ်, အဝဲဒၣ်ကိးနၤလီၤ. ⁵⁰ ဒီးအဝဲဒၣ်ကွံာ်လီၤကွံာ်အယၣ်, ဒီးဂဲၤဆၢထၢၣ်ဒီး လဲၤဃီၤဝဲဆူယ့ၣ်ရှူးအအိၣ်လီၤ. ⁵¹ ဒီး ယ့ၣ်ရှူးကတိၤဆၢတၢ် ဒီးစံးဘၣ်အီၤ, ဘၣ်နသးလၢ ယကမၤနၤလၢမနုၤတမံၤလဲၣ်. ဒီးပှၤမဲာ်ဘျီၣ်စံးဘၣ် အီၤ, ယကစၢ်ဧၢ, မ်ယကထံၣ်ထီၣ်တၢ်တက့ၢ်. ⁵² ဒီး ယ့ၣ်ရှူးစံးဘၣ်အီၤ, လဲၤတၢ်တက့ၢ်. နတၢ်နာ်န့ၣ်အုၣ် က့ၤခီၣ်က့ၤလံနၤလံ. ဒီးထံၣ်ထီၣ်တၢ်တကီၢ်ခါ, ဒီးပိာ် ထီၣ်ယ့ၣ်ရှူးအခံလၢကျဲန့ၣ်လီၤ.

၁၁

¹ ဒီးတုၤအလဲၤဘူးထီၣ်ဒီး ယရူၤရှလ့ၣ်လၢ ဘ့ၤသဖၤ က့ဒီးဘ့ၤသနံပၢၢ်လၢကစၢၢ်သ့ၣ်စၤယံးဒီး, မၢလီၤဝဲအ ပျဲၢ်အဘီၣ်ခံဂၤဒီးစံးဘၣ်အီၤ, ² လဲၤထီၣ်ဆူသဝီအိၣ်သ ဃီၤဒီးသုတက့ၢ်. ဒီးဖဲသုလဲၤနုာ်လၢအပူၤဒီး, သုက ထံၣ်န့ၢ်တကီၢ်ခါကသ့ၣ်ယီၤဖိ, လၢပှၤတဒိးဘၣ်အီၤနီ တဂၤဘၣ်, အိၣ်စၢဃာ်အသးတဒုလီၤ. ဃ့ၣ်လီၤကွံာ် အီၤ, ဒီးဟဲက့ၤမိၤအီၤတက့ၢ်. ³ ဒီးပှၤတဂၤဂၤမ့ၢ်စံးဘၣ် သု, သုမၤတၢ်အံၤဘၣ်မနုၤလဲၣ်ဒီး, စံးလၢကစၢ်မၤအီၤ အလီၢ်အိၣ်န့ၣ်တက့ၢ်. ဒီးကဟ့ၣ်ယုၢ်အီၤ တကီၢ်ခါဆူ အံၤလီၤ. ⁴ ဒီးအဝဲသ့ၣ်ဟးထီၣ်ဝဲ, ဒီးထံၣ်န့ၢ်ကသ့ၣ်ယီၤ ဖိဘၣ်စၢဃာ်အသးလၢ ကျဲစၢၤလၢခိဖဲ ကျဲခံဘိဖးဒ့ ထီၣ်အခီၣ်ထံး, ဒီးဃ့ၣ်လီၤကွံာ်အီၤလီၤ. ⁵ ဒီးပှၤလၢအ ဆၢထၢၣ်ဖဲန့ၣ်တနီၤနီၤ စံးဘၣ်အီၤ, ဘၣ်မနုၤလၢသု ဃ့ၣ်လီၤကွံာ် ကသ့ၣ်ယီၤဖိလဲၣ်. ⁶ ဒီးအဝဲသ့ၣ်စံးဘၣ် အီၤ ဒ်ယ့ၣ်ရှူးမၤလိာ်ဝဲအသိးန့ၣ်, ဒီးပှၤပျဲအီၤလီၤ. ⁷ ဒီး ဟဲက့ၤမိၤကသ့ၣ်ယီၤဖိဆူယ့ၣ်ရှူးအအိၣ်, ဒီးပာ်ထီၣ်အယၣ်တဖၣ်လၢအလိၤ, ဒီးယ့ၣ်ရှူးဆ့ၣ်နီၤလၢအဖီခိၣ် လီၤ. ⁸ ဒီးပှၤအါဂၤဒါလီၤအယၣ်တဖၣ်လၢကျဲ, ဒီးအဂၤတဖၣ်ပဲာ်လီၤသနူလၢသ့ၣ်, ဒီးကလ့ၣ်လီၤအီၤလၢကျဲပူၤလီၤ.― ⁹ ဒီးပှၤလဲၤလၢညါဒီး ပှၤပိာ်အခံတဖၣ်န့ၣ်, ကိးပသူထီၣ်ဒီးစံးဝဲဒၣ်, အုၣ်က့ၤခီၣ်က့ၤခဲကနံၣ်အံၤတက့ၢ်. ပှၤလၢအဟဲလၢကစၢ်အမံၤတဂၤအံၤ, မ်အဘၣ် တၢ်ဆိၣ်ဂ့ၤတက့ၢ်. ¹⁰ ပပၢ်စီၤဒၤဝံးအဘီအမုၢ်လၢအဟဲန့ၣ်, မ်အဘၣ်တၢ်ဆိၣ်ဂ့ၤတက့ၢ်. အုၣ်က့ၤခီၣ်က့ၤခဲက နံၣ်အံၤ, လၢတၢ်ထီၣ်ထီကတၢၢ်တက့ၢ်. ¹¹ ဒီးယ့ၣ်ရှူး လဲၤနုာ်ဆူယရူၤရှလ့ၣ်, ဒီးဆူတၢ်လုၢ်ဟံၣ်ပူၤ, ဒီးကွၢ်တရံးတၢ်ခဲလၢာ်ဒီးမ့ၢ်မုၢ်ဟါလံဒီး, ဟးထီၣ်ဝဲဒီးပှၤတဆံခံဂၤန့ၣ်, ဆူဘ့ၤသနံအပူၤလီၤ. ¹² ဒီးမုၢ်ဆ့ၣ်ထီၣ်တနံၤန့ၣ် ဟးထီၣ်ဝဲလၢဘ့ၤသနံအပူၤ, ဒီးတၢ်သၣ်ဝံၤအသးလီၤ.― ဒီးထံၣ်သကွ့ၤ ချၢၣ်ဒၢတထံးအိၣ်ဒီးအလၣ်, ဒီးဘၣ်တဘၣ်ကထံၣ်န့ၢ်တၢ်အိၣ် လၢအလိၤတမံၤမံၤဒီး, လဲၤဃီၤဝဲ, ဒီးတထံၣ်ဘၣ်တၢ် နီတမံၤဘၣ်, ထံၣ်န့ၢ်ထဲအဒိးအလၣ်ဧိၤလီၤ. ¹³ အဂ့ၢ်ဒ်အံၤ, ချၢၣ်ဒၢသၣ်အခါတဘၣ်ဒံးဘၣ်လီၤ. ¹⁴ ဒီးကတိၤ ဆၢတၢ်ဒီးစံးဘၣ်အီၤ, မ်ပှၤသုတအီၣ်လၢၤတၤသၣ်လၢ နလိၤနီတဂၤနီတခီၣ်တဂ့ၤ. ဒီးအပျဲၢ်အဘီၣ်နၢ်ဟူဝဲလီၤ.

¹⁵ ဒီးလဲၤဝဲဆူယရူၤရှလ့ၣ်, ဒီးလဲၤနုာ်ဆူတၢ်လုၢ်အဟံၣ် ပူၤ, ဒီးဟီထီၣ်ကွံာ် ပှၤပှ့ၤတၢ်ဒီးပှၤဆါတၢ်လၢတၢ်လုၢ် ဟံၣ်ပူၤ, ဒီးမၤလီၤဃံၤပှၤတိာ်လီၤစ့အလီၢ်, ဒီးပှၤဆါ ထိၣ်လွံၢ် အလီၢ်ဆ့ၣ်နီၤတဖၣ်န့ၣ်လီၤ. ¹⁶ ဒီးတဒုးစိာ်ခီ ဂာ်ပှၤလၢအသပၢၤ လၢတၢ်လုၢ်ဟံၣ်ပူၤနီတဂၤဘၣ်.―

¹⁷ ဒီးသိၣ်က့ၤသီက့ၤတၢ်ဒီးစံးဘၣ်အီၤ, တၢ်ကွဲးအသးလၢ ယဟံၣ်ကဘၣ်တၢ်ကိးအီၤလၢ တၢ်ဘါထုကဖၣ် အ ဟံၣ်လၢပှၤကိးကလုာ်ဒဲးအဂီၢ်န့ၣ်, တမ့ၢ်ဘၣ်ဧါ. မ့မ့ၢ် သုမၤအီၤလၢတၢ်ဟုၣ်တၢ်ဘျၣ်အတၢ်ပူၤလီၤ.+ ယံး. ၇း၁၁|Jer.7.11*.¹⁸ ဒီးပှၤကွဲးလံာ်, ဒီးပှၤလုၢ်တၢ်အခိၣ် သ့ၣ်တဖၣ်န့ၣ်, နၢ်ဟူဝဲ, ဒီးကမၤဟးဂီၤအီၤဒ်လဲၣ်န့ၣ် ဃုဝဲလီၤ. အဂ့ၢ်ဒ်အံၤ, ပျံၤအီၤလီၤ. အဂ့ၢ်ဒ်အံၤ, ပှၤဂီၢ် မုၢ်ပာ်အသးကမၢကမၣ်လၢ အသိၣ်တၢ်သီတၢ်အဃိ ခဲလၢာ်လီၤ. ¹⁹ ဒီးတုၤမုၢ်ဟါလီၤဒီး, အဝဲဒၣ်ဟးထီၣ် ကွံာ်ဝဲဆူဝ့ၢ်အချၢလီၤ.

²⁰ ဒီးတုၤမုၢ်ဆ့ၣ်ထီၣ်န့ၣ် အဝဲသ့ၣ်လဲၤတြူာ်ဝဲအဖၢမုၢ် ဒီး, ထံၣ်လၢချၢၣ်ဒၢတထံးန့ၣ်, ဃ့ထီၣ်ကွံာ်လၢအဂံၢ် လီၤ. ²¹ ဒီးစီၤပ့းတရူးသ့ၣ်နီၣ်ထီၣ်က့ၤတၢ်, ဒီးစံးဘၣ်အီၤ, ကစၢ်ဧၢ, ကွၢ်ကွၢ်, ချၢၣ်ဒၢလၢနဆိၣ်အၢအီၤတထံၣ် န့ၣ်, ဃ့ထီၣ်ကွံာ်လံ. ²² ဒီးယ့ၣ်ရှူးစံးဆၢတၢ်ဒီး စံးဘၣ် အီၤ, အိၣ်ဒီးတၢ်နာ်ယွၤတက့ၢ်. ²³ အဂ့ၢ်ဒ်အံၤ, ယစံး ဘၣ်တဲဘၣ်သုတီတီအံၤ, ဖဲဒၣ်ပှၤလၢအစံးဘၣ်ကစၢၢ် အံၤ, သုးကွံာ်နသး, ဒီးကွံာ်လီၤနသးဆူပီၣ်လဲၣ်ပူၤတ က့ၢ်, ဒီးအသးမ့ၢ်တဒ့ဒီဘၣ်, ဒီးမ့ၢ်နာ်ဝဲလၢ တၢ်ကမၤ အသးဒ်အစံးဝဲအသိးန့ၣ်ဒီး, ဖဲဒၣ်အစံးတၢ်န့ၣ်ကမၤ အသးလၢအဂီၢ်လီၤ. ²⁴ မၤသးဒ်န့ၣ်ဒီးယစံးဘၣ်သု, ဖဲ ဒၣ်သုဃ့ဘါထုကဖၣ်ဒီး ဃ့တၢ်တဖၣ်ခဲလၢာ်န့ၣ်, နာ် လၢသုဒိးန့ၢ်အီၤတက့ၢ်. ဒီးကကဲထီၣ်န့ၢ်သုဂီၢ်လီၤ. ဒီးတုၤသုဆၢထၢၣ်ဘါထုကဖၣ်တၢ်န့ၣ်ဒီး, သုမ့ၢ် ပာ်ကမၣ်လၢပှၤဂၤအလိၤဒီး, ပျၢ်အီၤဒ်သိး သုပၢ်အိၣ် လၢမူခိၣ်ကပျၢ်ကွံာ် သုလီၤကမၣ်တၢ်စ့ၢ်ကီးတက့ၢ်. ²⁵ ဒီးတုၤသုဆၢထၢၣ်လါထုကဖၣ်တၢ်န့ၣ်ဒီး, သုမ့ၢ် ပာ်ကမၣ်လၢ ပှၤဂၤအလိၤဒီး, ပျၢ်အီၤဒ်သိးသုပၢ် အိၣ်လၢမူခိၣ် ကပျၢ်ကွံာ်သုလီၤ ကမၣ်တၢ်စ့ၢ်ကီး တက့ၢ်.

²⁶ ဒီးသုမ့ၢ်တပျၢ်ဘၣ်ဒီး, သုပၢ်အိၣ်လၢမူခိၣ်န့ၣ်, တပျၢ် စ့ၢ်ကီးဘၣ်သုလီၤကမၣ်တၢ်ဘၣ်လီၤ. ²⁷ ဒီးဟဲကဒီးဝဲဆူ ယရူၤရှလ့ၣ်, ဒီးဟးယဲၤယီၤဝဲလၢ တၢ်လုၢ်ဟံၣ်အပူၤ အဖၢမုၢ်ဒီး, ပှၤလုၢ်တၢ်အခိၣ်ဒီး ပှၤကွဲးလံာ်ဒီး ပှၤသူၣ် က့သးပှၢ်သ့ၣ်တဖၣ်ဟဲဆူအအိၣ်, ဒီးစံးဘၣ်အီၤ, ²⁸ န မၤတၢ်တဖၣ်အံၤလၢမတၤအစိကမီၤလဲၣ်. ဒီးဒ်သိးနက မၤတၢ်တဖၣ်အံၤဒီး, မ့ၢ်မတၤဟ့ၣ်နစိနကမီၤအံၤတဂၤ လဲၣ်. ²⁹ ဒီးယ့ၣ်ရှူးစံးဆၢတၢ်ဒီးစံးဘၣ်အီၤ, ယကသံ ကွၢ်စ့ၢ်ကီးသုတၢ်တမံၤလီၤ. ဒီးစံးဆၢယၤတက့ၢ်. ဒီးယ မၤတၢ်တဖၣ်အံၤလၢမတၤမတၤအစိကမီၤန့ၣ်, ယက စံးဘၣ်သုလီၤ. ³⁰ စီၤယိၤဟၣ်အတၢ်ဘျၢ*န့ၣ်, မ့ၢ်အဟဲ လၢမူခိၣ်, မ့ၢ်အဟဲလၢပှၤကညီလဲၣ်. စံးဆၢယၤတ က့ၢ်. ³¹ ဒီးအဝဲသ့ၣ်ကူၣ်ထီၣ်ဖး လီၤလိာ်အသးဒီးစံးဝဲ ဒၣ်, ပမ့ၢ်စံးလၢမူခိၣ်န့ၣ်ဒီး, ကစံးဆၢပှၤ, မ့မ့ၢ်ဒ်န့ၣ်ဒီး ဘၣ်မနုၤ လၢသုတနာ်ဘၣ်အီၤလဲၣ်. ³² မ့မ့ၢ်ပမ့ၢ်စံးလၢ ပှၤကညီဒီးအဝဲသ့ၣ်ပျံၤပှၤဂီၢ်မုၢ်လီၤ. အဂ့ၢ်ဒ်အံၤ, ပှၤခဲ လၢာ်ပာ်စီၤယိၤဟၣ်လၢဝံနီၢ်နီၢ်လီၤ. ³³ ဒီးစံးဆၢတၢ်ဒီး စံးဘၣ်ယ့ၣ်ရှူး, ပတသ့ၣ်ညါဘၣ်. ဒီးယ့ၣ်ရှူးစံးဆၢတၢ် ဒီးစံးဘၣ်အီၤ, ယဲဒၣ်ယမၤတၢ်တဖၣ်အံၤလၢမတၤအ စိကမီၤန့ၣ်, ယတစံးဘၣ်တဲဘၣ်စ့ၢ်ကီးသုဘၣ်.

၁၂

¹ ဒီးကတိၤတၢ်ဒီးအီၤလၢ တၢ်ကတိၤဒိတဖၣ်လီၤပှၤ တဂၤသူၣ်စပံးအလီၢ်ဒီးကရၢဃာ်ဝဲ, ဒီးခူၣ်လီၤနီၣ်စံၢ် စပံးသၣ်အပူၤဒီးမၤတၢးထီတဖျၢၣ်, ဒီးငါလီၤဝဲလၢ ပှၤ မၤဟီၣ်ခိၣ်ဖိအစုပူၤ, ဒီးဟးဝဲဆူတခီထံတခီကီၢ်လီၤ.―

² ဒီးအဆၢကတီၢ်ဘၣ်ဒီး, ဒ်သိးအကန့ၢ်ဘၣ် စပံးလီၢ်အ သၣ်လၢပှၤမၤဟီၣ်ခိၣ်ဖိအစုပူၤဒီး, မၢအကုၢ်တဂၤလဲၤ ဆူပှၤမၤဟီၣ်ခိၣ်ဖိအအိၣ်န့ၣ်လီၤ. ³ ဒီးအဝဲသ့ၣ်ဟံးန့ၢ် အီၤ, ဒီးတီၢ်အီၤ, ဒီးဒုးက့ၤအီၤ အိၣ်ကလီလီၤ. ⁴ ဒီးမၤ ကဒီးတဘျီ မၢအကုၢ်အဂၤတဂၤ လဲၤဆူအအိၣ်ဒီးအဝဲ သ့ၣ်ကွံာ်အီၤလၢလၢၢ်, ဒီးမၤဘၣ်ဒိအခိၣ်ဒီးမၤအီၤတရီ တပါ, ဒီးဒုးက့ၤက့ၤအီၤလီၤ. ⁵ ဒီးမၤကဒီးတဘျီ, မၢ လီၤအဂၤတဂၤ, ဒီးအဝဲသ့ၣ်မၤသံအီၤ, ဒီးအဂၤအါဂၤ န့ၣ်, တီၢ်ဝဲတနီၤ, မၤသံဝဲတနီၤလီၤ. ⁶ မၤသးဒ်န့ၣ်ဒီး, အဖိခွါလၢအအဲၣ်အီၤတဂၤအိၣ်ဒံးဝဲ, ဒီးမၢလီၤစ့ၢ်ကီး အီၤလၢခံကတၢၢ်တဘျီဆူအအိၣ်, ဒီးစံးဝဲဒၣ်, အဝဲသ့ၣ် တဖၣ်န့ၣ် ကယူးယီၣ်ယဖိခွါလီၤ. ⁷ ဘၣ်ဆၣ်ဒီးပှၤမၤ ဟီၣ်ခိၣ်ဖိတဖၣ်အံၤစံးလိာ်အသးတဂၤဒီးတဂၤ, အဝဲ ဒၣ်အံၤမ့ၢ်ပှၤန့ၢ်ဘၣ်သါတၢ်တဂၤန့ၣ်လီၤ. ဟဲဃီၤမၤသံ သကိးအီၤတက့ၢ်. ဒီးတၢ်န့ၢ်သါန့ၣ်ကကဲလၢပတၢ်လီၤ.―

⁸ ဒီးအဝဲသ့ၣ်ဖီၣ်ဃာ်အီၤ, ဒီးမၤသံအီၤ, ဒီးညိကွံာ်အီၤဆူ စပံးလီၢ်အချၢလီၤ. ⁹ မၤသးဒ်န့ၣ်ဒီးစပံးလီၢ်အကစၢ်က မၤဝဲဒ်လဲၣ်. ကဟဲမၤဟးဂီၤပှၤမၤဟီၣ်ခိၣ်ဖိတဖၣ်န့ၣ်, ဒီးကဟ့ၣ်စပံးလီၢ် လၢပှၤဂၤလီၤ.― ¹⁰ တၢ်ကွဲးအသးတ ထံၣ်အံၤမ့ၢ်သုတဖးဘၣ်ဧါ. လၢၢ်လၢပှၤသူၣ်ဟံၣ်တဖၣ် ညိကွံာ်ဝဲတဖျၢၣ်န့ၣ်, ကဲထီၣ်လၢတၢ်သနၢၣ်အခိၣ်လီၤ.

¹¹ တၢ်အံၤဟဲလၢယွၤဒီး မ့ၢ်တၢ်လီၤလး လၢပမဲာ်ညါ လီၤ.+ စံး. ၁၁၈း၂၂|Ps.118.22*.

¹² ဒီးအဝဲသ့ၣ်သုဟံးဃာ်အီၤဘၣ်ဆၣ်ဒီး, ပျံၤပှၤဂီၢ်မုၢ် န့ၣ်လီၤ. အဂ့ၢ်ဒ်အံၤ, သ့ၣ်ညါဝဲလၢအကတိၤတၢ်က တိၤဒိန့ၣ်ထီဒါအီၤလီၤ. ဒီးပာ်လီၤတဲာ်အီၤဒီးဟးကွံာ်ဝဲ တကူၢ်သ့ၣ်လီၤ. ¹³ ဒီးအဝဲသ့ၣ်တဖၣ်န့ၣ်, ဒ်သိးအက တုၢ်န့ၢ်အတၢ်ကတိၤဒီး, မၢလီၤပှၤဖၤရံၤရှဲဒီး ပှၤဟ့ၤရိာ် ဖိတနီၤနီၤ, လဲၤဆူအအိၣ်လီၤ. ¹⁴ ဒီးဟဲဝဲဒီးစံးဘၣ်အီၤ. သရၣ်ဧၢ, ပသ့ၣ်ညါလၢနမ့ၢ်ပှၤအမ့ၢ်အတီ, ဒီးနတပျံၤ ဘၣ်ပှၤကညီနီတဂၤဘၣ်. အဂ့ၢ်ဒ်အံၤ, နတကွၢ်မဲာ်ပှၤ ကညီဘၣ်. မ့မ့ၢ်နသိၣ်တၢ်သီတၢ်လၢယွၤအကျဲနီၢ်နီၢ် လီၤ. ပဟ့ၣ်သွဲလၢ ကဲစၢ်မ့ၢ်အကြၢး, မ့ၢ်အတကြၢး ဘၣ်လဲၣ်. မ့ၢ်ပဘၣ်ဟ့ၣ်, မ့ၢ်ပတဘၣ်ဟ့ၣ်ဘၣ်လဲၣ်.―

¹⁵ ဒီးအဝဲဒၣ်သ့ၣ်ညါအတၢ်လီတၢ်ဝ့ၤ, ဒီးစံးဘၣ်အီၤ, ဘၣ် မနုၤသုလ့ပစီယၤလဲၣ်. ဟဲစိာ်န့ၢ်ယၤလၢ စ့ဒန့ၤရံတ ဘ့ၣ်, ဒ်သိးယကထံၣ်ဘၣ်အီၤတက့ၢ်. ¹⁶ ဒီးဟဲစိာ်ဝဲလီၤ. ဒီးစံးဘၣ်အီၤ, အအံၤမ့ၢ်မတၤအက့ၢ်အဂီၤ, ဒီးမ့ၢ်မတၤ အတၢ်ကွဲးအိၣ်လၢအလိၤလဲၣ်. ဒီးအဝဲသ့ၣ်စံးဘၣ်အီၤ, ကဲစၢ်အဝဲလီၤ. ¹⁷ ဒီးယ့ၣ်ရှူးစံးဆၢတၢ် ဒီးစံးဘၣ်အီၤ, ဟ့ၣ်ကဲစၢ်လၢကဲစၢ်အတၢ်, ဒီးယွၤလၢယွၤအတၢ်တ က့ၢ်. ဒီးကမၢကမၣ်ဝဲတကူၢ်သ့ၣ်လၢအဃိလီၤ.

¹⁸ ဒီးပှၤစးဒူၤကဲလၢအစံးဝဲ, တၢ်ဂဲၤဆၢထၢၣ်က့ၤ တ အိၣ်ဘၣ်န့ၣ်, ဟဲဆူအအိၣ်, ဒီးသံကွၢ်အီၤ, ဒီးစံးဝဲ ဒၣ်, ¹⁹ သရၣ်ဧၢ, စီၤမိၤရှ့ကွဲးန့ၢ်ပှၤလၢပှၤတဂၤဂၤမ့ၢ်သံ သဒၣ်အမါဒီးအဖိတအိၣ်လီၤတဲာ်ဒီး, အဒီပုၢ်ဝဲၢ်ခွါဘၣ် ဟံးန့ၢ်အမါ, ဒီးဒုးအိၣ်ထီၣ်န့ၢ်အဒီပုၢ်ဝဲၢ်ခွါအချံအသၣ် လီၤ.+ ၅မိၤ. ၂၅း၅|Deut.25.5*.²⁰ ပှၤဒီပုၢ်ဝဲၢ်ခွါအိၣ်နွံဂၤလီၤ. ဒီးအ ခီၣ်ထံးတဂၤ ဟံးန့ၢ်အမါဒီးသံဝဲ, ဒီးအချံအသၣ် တ အိၣ်လီၤတဲၣ်ဘၣ်ဝဲဘၣ်. ²¹ ဒီးခံဂၤတဂၤန့ၣ် ဟံးန့ၢ်ပိာ် မုၣ်န့ၣ်ဒီးသံဝဲ, ဒီးအချံအသၣ် တအိၣ်လီၤတဲာ်စ့ၢ်ကီး ဘၣ်. ဒ်န့ၣ်အသိး, သၢဂၤတဂၤလီၤ. ²² ဒီးပှၤနွံဂၤန့ၣ် ဟံးန့ၢ်ပိာ်မုၣ်န့ၣ်ဒီး အချံအသၣ် တပာ်လီၤတဲာ်ဘၣ် လီၤ. ဒီးလၢပှၤခဲလၢာ်န့ၣ်အခံကတၢၢ်ပိာ်မုၣ်န့ၣ် သံစ့ၢ် ကီးဝဲလီၤ. ²³ မၤသးဒ်န့ၣ်ဒီးလၢတၢ်ဂဲၤဆၢထၢၣ်က့ၤအ ပူၤ, တုၤအဂဲၤဆၢထၢၣ်ဝဲဒီး, မ့ၢ်အကကဲဝဲလၢ ပှၤတ ဖၣ်န့ၣ်အမါဖဲလဲၣ်တဂၤလဲၣ်. အဂ့ၢ်ဒ်အံၤ, ပှၤနွံဂၤန့ၣ် န့ၢ်မါလၢအီၤလီၤ. ²⁴ ဒီးယ့ၣ်ရှူးစံးဆၢတၢ်ဒီးစံးဘၣ်အီၤ, မ့ၢ်သုတသ့ၣ်ညါဘၣ်တၢ်ကွဲးအသး, ဒီးယွၤအစိကမီၤ ဘၣ်သတးဒီး, သုနာ်ကမၣ်တၢ်, တမ့ၢ်ဘၣ်ဧါ. ²⁵ အဂ့ၢ် ဒ်အံၤ, တုၤအဂဲၤဆၢထၢၣ်က့ၤလၢတၢ်သံအပူၤဒီး, ပှၤ တန့ၢ်မါန့ၢ်ဝၤဘၣ်. မ့ၢ်အအိၣ်ဝဲဒ်ယွၤအကလူးတဖၣ် လၢမူခိၣ်အသိးန့ၣ်လီၤ. ²⁶ ဒီးတၢ်လၢအပှၤသံ အဂ့ၢ်အ ကျိၤလၢအကဂဲၤဆၢထၢၣ်က့ၤန့ၣ်, မ့ၢ်သုတဖးဘၣ်လၢ စီၤမိၤရှ့အလံာ်အပူၤ, ဖဲယွၤစံးဘၣ်အီၤလၢ သ့ၣ်တၤ ဆှုၣ်တခိၣ်အပူၤဘၣ်ဧါ. တၢ်လၢယၤအံၤယမ့ၢ်စီၤအၤ ဘြၤဟၣ်အကစၢ်, ဒီးစီၤအံၤစဲးအကစၢ်, ဒီးစီၤယၤကိာ် အကစၢ်လီၤ.+ ၂မိၤ. ၃း၆|Exod.3.6*.²⁷ အဝဲဒၣ်န့ၣ်တမ့ၢ်ဘၣ်ပှၤ သံအကစၢ်ဘၣ်, မ့ၢ်ပှၤမူအကစၢ်လီၤ. မၤသးဒ်န့ၣ်ဒီး, သုနာ်ကမၣ်တၢ်ယိာ်မးလီၤ,

²⁸ ဒီးပှၤကွဲးလံာ်တဂၤဟဲဒီး နၢ်ဟူလၢအဝဲသ့ၣ်အတၢ် သံကွၢ်လိာ်အသး, ဒီးသ့ၣ်ညါဝဲလၢအစံးဆၢတၢ်ဘၣ် ဒီးသံကွၢ်အီၤ, တၢ်မၤလိာ်ခဲလၢာ်အကျါန့ၣ်, အခိၣ်သ့ၣ် မ့ၢ်ဖဲလဲၣ်တထံၣ်လဲၣ်. ²⁹ ဒီးယ့ၣ်ရှူးစံးဆၢအီၤ, လၢတၢ် မၤလိာ်ခဲလၢာ်အကျါအခိၣ်သ့ၣ်စံးဝဲဒၣ်, ကနၣ်တက့ၢ်, အံၣ်စရ့လးဧၢ, ယွၤပကစၢ်န့ၣ် မ့ၢ်ယွၤတဂၤဃီလီၤ.―

³⁰ ဒီးနဘၣ်အဲၣ်ယွၤနကစၢ်လၢနသူၣ်ကံၢ်သးလဲ, ဒီးနသး ဒီဖျၢၣ်ညါ, ဒီးနတၢ်ကူၣ်တၢ်ဆးတုၤအလၢာ်, ဒီးနဂံၢ်န ဘါခဲလၢာ်တက့ၢ်.+ ၅မိၤ. ၆း၄|Deut.6.4*, အအံၤမ့ၢ်တၢ်မၤ လိာ်အခိၣ်သ့ၣ်တထံၣ်လီၤ. ³¹ ဒီးခံထံၣ်တထံၣ်န့ၣ်လီၤ ဂာ်လၢအီၤလီၤ. အဲၣ်ပှၤလၢနဃၢၤဒ်နအဲၣ်လီၤနသးဒၣ် နဲအသိးန့ၣ်တက့ၢ်.+ ၃မိၤ. ၁၉း၁၈|Lev.19.18*. တၢ်မၤလိာ်အဂုၤ အဂၤဒိၣ်န့ၢ်အဝဲတဖၣ်န့ၣ်တအိၣ်ဘၣ်. ³² ဒီးပှၤကွဲးလံာ် တဂၤန့ၣ်စံးဘၣ်အီၤ, ဘၣ်မးလီၤ, သရၣ်ဧၢ, နစံးလံ တၢ်မ့ၢ်တၢ်တီလီၤ. အဂ့ၢ်ဒ်အံၤ, ကစၢ်အိၣ်တဂၤဃီလီၤ. ဒီးလၢအဝဲဒၣ်အမဲာ်ညါန့ၣ်, ကစၢ်အဂုၤအဂၤတအိၣ် ဘၣ်. ³³ ဒီးပှၤအဲၣ်အီၤလၢအသးဒီဖျၢၣ်ညါ, ဒီးလၢအသး သ့ၣ်ညါနၢ်ပၢၢ်ခဲလၢာ်ဒီးအသူၣ်ကံၢ်သးလဲ, ဒီးလၢအ ဂံၢ်အဘါခဲလၢာ်, ဒီးတၢ်အဲၣ်ပှၤအိၣ်လၢ အဃၢၤဒ်အ ကစၢ်ဒၣ်ဝဲအသိးန့ၣ်, ဂ့ၤန့ၢ်တၢ်လုၢ်ဆိၣ်ကဲၤဒီဒု, ဒီး တၢ်လုၢ်ခဲလၢာ်တက့ၢ်လီၤ. ³⁴ ဒီးယ့ၣ်ရှူးသ့ၣ်ညါဝဲလၢ အစံးဆၢတၢ်လၢ အသူၣ်ဆးအသးဆး ဒီးစံးဘၣ်အီၤ, နဲဒၣ်အံၤနတယံၤဘၣ်ဒီး ယွၤအဘီအမုၢ်ဘၣ်, ဒီးပှၤသံ ကွၢ်အီၤတဘူၣ်လၢၤဘၣ်နီတဂၤဘၣ်.

³⁵ ဒီးဖဲအသိၣ်က့ၤသီက့ၤတၢ်လၢ တၢ်လုၢ်အဟံၣ်ပူၤ န့ၣ်, ယ့ၣ်ရှူးကတိၤဆၢတၢဒီးစံးဝဲဒၣ်, ပှၤကွဲးလံာ်သ့ၣ် တဖၣ်စံးဝဲလၢခရံာ်န့ၣ် မ့ၢ်စီၤဒၤဝံးအဖိခွါဒ်လဲၣ်. ³⁶ အ ဂ့ၢ်ဒ်အံၤ, စီၤဒၤဝံးအကစၢ်ဒၣ်ဝဲစံးလၢအသးစီဆှံအပူၤ, ယွၤစံးဘၣ်ယကစၢ်, ဆ့ၣ်နီၤလၢယစုထွဲ, တုၤယပာ်နဒုၣ်နဒါတဖၣ်လၢ နခီၣ်ယီၢ်လီၤအလီၢ် န့ၣ်တက့ၢ်.+ စံး. ၁၁၀း၁|Ps.110.1*.³⁷ မၤသးဒ်န့ၣ်ဒီးစီၤဒၤဝံးအ ကစၢ်ဒၣ်ဝဲန့ၣ်, ကိးအီၤလၢအကစၢ်, ဒီးကမ့ၢ်အဖိခွါဒ် လဲၣ်. ဒီးပှၤဂီၢ်မုၢ်ဖးဒိၣ်ဒိကနၣ်ဝဲမုာ်မးတကူၢ်သ့ၣ်လီၤ.

³⁸ ဒီးဖဲအသိၣ်က့ၤသီက့ၤတၢ်န့ၣ်ဒီး, စံးဘၣ်အီၤ, ပလီၢ် သုသးလၢပှၤကွဲးလံာ်တဖၣ်တက့ၢ်. အဝဲသ့ၣ်တဖၣ်န့ၣ် အဲၣ်ဒိးဝဲအလဲၤတၢ်လၢအသိးဆ့ထီထီကလဲာ်, ဒီးတၢ် ကတိၤဒိၣ်အီၤလၢဖၠါပူၤ, ³⁹ ဒီးအလီၢ်ဆ့ၣ်နီၤလၢအဂ့ၤက တၢၢ်လၢဘူၣ်ဘျီၣ်ပူၤ, ဒီးတၢ်အလီၢ်လၢအဂ့ၤကတၢၢ် လၢပှၤအီၣ်တၢ်အီတၢ်အကျါလီၤ. ⁴⁰ ဒီးအီၣ်ကွံာ်ပှၤမုၣ် ကမဲအဟံၣ်, ဒီးလၢတၢ်အိၣ်ဖျါအဂီၢ်န့ၣ်, ဘါထုက ဖၣ်တၢ်ထီထီကလဲာ်လီၤ. အဝဲသ့ၣ်တဖၣ်န့ၣ် ကဘၣ် ဒိးတၢ်စံၣ်ညီၣ်နးတက့ၢ်လီၤ.

⁴¹ ဒီးယ့ၣ်ရှူးဆ့ၣ်နီၤသဃီၤဒီးစ့ပာ်ဖှိၣ်အလီၢ်, ဒီးကွၢ်ဝဲ လၢပှၤဂီၢ်မုၢ်ခဲလၢာ်တ့ၢ်လီၤတိၢ်လၢ တၢ်ပာ်ဖှိၣ်အလီၢ် အပူၤလီၤ. ဒီးပှၤအထူးအတီၤအါဂၤ တ့ၢ်လီၤဝဲလၢအ အါလီၤ. ⁴² ဒီးပှၤမုၣ်ကမဲအဖှီၣ်အယာ်တဂၤဟဲဝဲ, ဒီးတ့ၢ် လီၤကးခံဘ့ၣ်. လၢအမ့ၢ်တိၢ်တဘ့ၣ်လီၤ. ⁴³ ဒီးကိးန့ၢ်အ ပျဲၢ်အဘီၣ်ဆူအအိၣ်ဒီးစံးဘၣ်အီၤ, ယစံးဘၣ်သုတီတီ, လၢပှၤလၢအတ့ၢ်လီၤတၢ်လၢ တၢ်ပာ်ဖှိၣ်အလီၢ်ပူၤန့ၣ်, ပှၤမုၣ်ကမဲအဖှီၣ်အယာ်တဂၤအံၤ, တ့ၢ်လီၤတၢ်အါန့ၢ် အဝဲသ့ၣ်ခဲလၢာ်တက့ၢ်လီၤ. ⁴⁴ အဂ့ၢ်ဒ်အံၤ, အဝဲသ့ၣ်ခဲ လၢာ်တ့ၢ်လီၤလၢအတၢ်ပှဲၤလုၣ်ကွံာ်န့ၣ်လီၤ. မ့မ့ၢ်ပိာ် မုၣ်တဂၤအံၤ, လၢအတၢ်တလၢဘၣ်အပူၤန့ၣ် တ့ၢ်လီၤ ဖဲဒၣ်အတၢ်အိၣ်ဒီးအီၤခဲလၢာ်, လၢအမ့ၢ် အတၢ်လုၢ် အီၣ်လုၢ်အီအီၤခဲလၢာ်လီၤ.

၁၃

¹ ဒီးတုၤအဟးထီၣ်ကွံာ်လၢတၢ်လုၢ်ဟံၣ်ပူၤဒီး, အပျဲၢ် အဘီၣ်တဂၤစံးဘၣ်အီၤ, သရၣ်ဧၢ, ကွၢ်ကွၢ်, လၢၢ်တ ဖၣ်ဒိၣ်မးဒ်လဲၣ်, ဒီးဟံၣ်တဖၣ်ဒိၣ်မးဒ်လဲၣ်. ² ဒီးယ့ၣ်ရှူး စံးဆၢတၢ်ဒီးစံးဘၣ်အီၤ, တၢ်လၢဟံၣ်ဖးဒိၣ်တဖၣ်အံၤန ထံၣ်စ့ၢ်ကီးဧါ. လၢၢ်လၢလၢၢ်အဖီခိၣ်လၢတၢ်တမၤလီၤ ပှီၢ်ကွံာ်ဘၣ်န့ၣ်, တၢ်တဒုးအိၣ်လီၤတဲာ်နီတဖျၢၣ်ဘၣ်.

³ ဒီးဆ့ၣ်နီၤဝဲလၢ ကစၢၢ်သ့ၣ်စၤယံၤအလိၤအိၣ်သဃီၤ ဒီးတၢ်လုၢ်အဟံၣ်, ဒီးစီၤပ့တရူးဒီးစီၤယၤကိာ်ဒီးစီၤယိၤ ဟၣ်ဒီးစီၤအၣ်ဒရ့းသ့ၣ်တဖၣ်, သံကွၢ်အီၤကစုဒု, ⁴ တၢ် န့ၣ်တဖၣ်ဆံးယံာ်ကမၤအသးလဲၣ်. ဒီးတၢ်န့ၣ်တဖၣ်ခဲ လၢာ် တုၤအကလၢထီၣ်ပှဲၤထီၣ်ဒီး, မ့ၢ်မနုၤတၢ်ပနီၣ် ကမၤအသးတမံၤလၣ်, စံးဘၣ်တဲဘၣ်ပှၤတက့ၢ်.

⁵ ဒီးယ့ၣ်ရှူးစံးဆၢတၢ်ဒီးစံးဘၣ်အီၤ, ဒ်သိးပှၤသုတလီ န့ၢ်သုနီတဂၤတဂ့ၤဒီး, ပလီၢ်သုသးတက့ၢ်.― ⁶ အဂ့ၢ်ဒ် အံၤ, ပှၤအါဂၤကဟဲလၢယမံၤ, ဒီးစံး, မ့ၢ်ယၤ, ဒီးက လီန့ၢ်ပှၤအါဂၤလီၤ. ⁷ ဒီးတုၤသုနၢ်ဟူတၢ်ဒုးသုးဒုးသံၣ် တဖၣ်အဂ့ၢ်ဒီးတၢ်ဒုးတၢ်ယၤတဖၣ်အကစီၣ်န့ၣ်ဒီး, သု တသူၣ်ကိၢ်သးဂီၤတဂ့ၤ. အဂ့ၢ်ဒ်အံၤ, တၢ်န့ၣ်တဖၣ် ဘၣ်မၤအသးလီၤ. မ့မ့ၢ်တၢ်အကတၢၢ်တအိၣ်ဒံးဘၣ်.―

⁸ အဂ့ၢ်ဒ်အံၤ, ပှၤကညီတကလုာ်ကထီဒါပှၤကညီတက လုာ်, ဒီးတဘီတမုၢ်ကထီဒါတဘီတမုၢ်လီၤ. ဒီးဟီၣ် ခိၣ်ကဟူးဝးဆှဲးဆှိးဝဲ လၢအံၤတပူၤလၢန့ၣ်တပူၤ, ဒီး တၢ်အိၣ်ဝံၤအိၣ်ဃဲၤ, ဒီးတၢ်မၤကိၢ်မၤဂီၤတဖၣ် ကအိၣ် ထီၣ်လီၤ. တၢ်န့ၣ်တဖၣ်မ့ၢ်တၢ်နးတၢ်ဖှီၣ်အခီၣ်ထံးလီၤ.

⁹ ဒီးပလီၢ်သုသးတက့ၢ်. အဂ့ၢ်ဒ်အံၤ, ပှၤကဟ့ၣ်လီၤ ကွံာ်သုဆူပှၤသးပှၢ်အတၢ်အိၣ်ဖှိၣ်အပူၤ, ဒီးကတီၢ်သု လၢဘူၣ်ဘျီၣ်ပူၤ, ဒီးသုကဆၢထၢၣ်လၢပဒိၣ်ပပှၢ်, ဒီး စီၤလိာ်စီၤပၤ တဖၣ်အမဲာ်ညါလီၤ. ¹⁰ ဒီးတၢ်သးခုကစီၣ် န့ၣ် ကဘၣ်တၢ်စံၣ်တဲၤတဲလီၤဆိအီၤလၢ ပှၤကညီအ ကလုာ်ခဲလၢာ်လီၤ.

¹¹ ဒီးတုၤပှၤမိၤဟ့ၣ်လီၤကွံာ်သုဒီး, မ့ၢ်သုကကတိၤတၢ် ဒ်လဲၣ်ဒ်လဲၣ်န့ၣ်, သုတကူၣ်ပာ်တဂ့ၤ, သုတဆိကမိၣ် ပာ်စၢၤတဂ့ၤ, ဒ်တၢ်ဟ့ၣ်ကတိၤသုတစုဃီဖဲန့ၣ်အသိး ဒီး, ကတိၤတၢ်တက့ၢ်. အဂ့ၢ်ဒ်အံၤ, တမ့ၢ်ဘၣ်သုက တိၤဒၣ်သုဝဲဘၣ်, မ့ၢ်သးစီဆှံန့ၣ်လီၤ. ¹² ဒီးပှၤဒီပုၢ်ဝဲၢ်ခွါ ကဟ့ၣ်လီၤကွံာ် အဒီပုၢ်ဝဲၢ်ခွါဆူတၢ်သံအပူၤ, ဒီးပၢ်အ ဖိလီၤ. ဒီးဖိတဖၣ်ကထီဒါအမိၢ်အပၢ်, ဒီးကဒုးသံ အီၤလီၤ. ¹³ ဒီးကယဲၢ်ပှၤခဲလၢာ်န့ၣ်ကသးဟ့သုလၢ ယ မံၤအဃိလီၤ. မ့မ့ၢ်ပှၤလၢ အအိၣ်ဂၢၢ်ဆိးကျၢၤဝဲတုၤအ ကတၢၢ်န့ၣ်, ကတုၤဝဲလၢတၢ်အုၣ်က့ၤခီၣ်က့ၤအီၤလီၤ.

¹⁴ ဒီးတုၤသုထံၣ်ဘၣ် တၢ်သးဘၣ်အၢဘၣ်ဃးဒီး တၢ် မၤသယုၢ်, လၢဝံဒၤနံးယ့လးကတိၤဝဲလၢအဂ့ၢ်, ဆၢ ထၢၣ်ဖဲအတကြၢးအိၣ်ဘၣ်အလီၢ်, (ပှၤလၢအဖးန့ၣ်, မ် အနၢ်ပၢၢ်တၢ်တက့ၢ်)ဒီး, ပှၤအိၣ်ဝဲလၢ ကီၢ်ယူဒၤတဖၣ် န့ၣ်, မ်အဃ့ၢ်ဆူကစၢၢ်ကလိတက့ၢ်. ¹⁵ ဒီးပှၤလၢအအိၣ် ဝဲလၢဟံၣ်ခိၣ်န့ၣ်, မ်အသုတယုၢ်လီၤဆူအဟံၣ်ပူၤတ ဂ့ၤ, မ်အသုတလဲၤနုာ်ဒ်သိးအကဟံးန့ၢ် တၢ်တမံၤမံၤ လၢအဟံၣ်ပူၤတဂ့ၤ. ¹⁶ ဒီးပှၤအိၣ်ဝဲလၢ စံာ်ပျီပူၤန့ၣ်, ဒ် သိးအကဟံးန့ၢ်အကူအသိးဒီး, မ်အသုတက့ၤကဒါ က့ၤဆူအလီၢ်ခံတဂ့ၤ. ¹⁷ ဒီးပှၤလၢအဒၢထီၣ်ဝဲ, ဒီးပှၤလၢ အဒုးအီၣ်နုၢ်တၢ်လၢမုၢ်နံၤတဖၣ်န့ၣ်, ဘၣ်ဖှီၣ်လီၤ.― ¹⁸ ဒီး ဒ်သိးသုဃ့ၢ်န့ၣ် သုတဘၣ်လၢ တၢ်ဂိၢ်အခါတဂ့ၤဒီး, ဘါထုကဖၣ်တၢ်တက့ၢ်. ¹⁹ အဂ့ၢ်ဒ်အံၤ, တၢ်လၢမုၢ်နံၤ တဖၣ်န့ၣ်, တၢ်နးတၢ်ဖှီၣ်ကအိၣ်ဝဲလီၤ. တၢ်ဒ်န့ၣ်အ သိး, ဒိၣ်ထဲန့ၣ်, လၢတၢ်တ့လီၤသီတၢ်လၢ ယွၤတ့လီၤ ဝဲန့ၣ်, တုၤခဲကနံၣ်အံၤ, တအိၣ်ဘၣ်နီတခီၣ်ဘၣ်. ဒီး လၢခံလၢလာ်န့ၣ်တအိၣ်ထီၣ်လၢၤဘၣ်. ²⁰ ဒီးယွၤမ့ၢ်တ မၤစှၤလီၤမုၢ်နံၤတဖၣ်န့ၣ်ဘၣ်ဒီး, တၢ်ဖံးတၢ်ညၣ်တတုၤ ဘၣ်လၢ တၢ်အုၣ်က့ၤခီၣ်က့ၤနီတဂၤဘၣ်. မ့မ့ၢ်လၢပှၤ ဘၣ်တၢ်ဃုထၢအီၤလၢ အဃုထၢဝဲအဃိဒီး, ကမၤစှၤ လီၤမုၢ်နံၤတဖၣ်န့ၣ်လီၤ.

²¹ ဒီးတုၤနုၤတစု, ပှၤတဂၤဂၤမ့ၢ်စံးဘၣ်သု, ကွၢ်ကွၢ်, ခရံာ်န့ၣ်အိၣ်ဖဲအံၤမ့ၢ်ဂ့ၤ, ကွၢ်ကွၢ်, အိၣ်ဖဲန့ၣ်မ့ၢ်ဂ့ၤဒီး. သုတနာ်တဂ့ၤ. ²² အဂ့ၢ်ဒ်အံၤ, ခရံာ်အဘျၣ်တဖၣ်ဒီး ဝံ အဘျၣ်တဖၣ်ကအိၣ်ထီၣ်ဝဲ, ဒီးကဟ့ၣ်တၢ်အပနီၣ်လီၤ လးဒီး တၢ်လီၤလိၢ်လီၤလးသ့ၣ်တဖၣ်, ဒ်သိးမ့ၢ်သ့ဒီး, ကလီန့ၢ် ပှၤလၢအဘၣ်တၢ်ဃုထၢအီၤတဖၣ် ဒၣ်လဲာ် လီၤ. ²³ မ့မ့ၢ်သုဝဲသ့ၣ်အံၤ, ပလီၢ်သုသးတက့ၢ်. ကွၢ် ကွၢ်, ယစံၣ်တဲၤတဲလီၤပာ်သုလၢ တၢ်ခဲလၢာ်လီၤ.

²⁴ ဘၣ်ဆၣ်ဒီး တၢ်လၢမုၢ်နံၤတဖၣ်န့ၣ် လၢတၢ်နးတၢ် ဖှီၣ်အံၤအလီၢ်ခံ, မုၢ်ကခံးဝဲ, ဒီးလါတဟ့ၣ်လီၤဘၣ်အ တၢ်ကပီၤဘၣ်. ²⁵ ဒီးဆၣ်ဧိၤဖီဧိၤကလီၤတဲာ်ကွံာ်လၢမူ ခိၣ်, ဒီးတၢ်စိကမီၤလၢမူခိၣ်တဖၣ်ကဟူးဝးဝဲဒၣ်လီၤ.―

²⁶ တုၤနုၤတစု ပှၤကထံၣ်ဘၣ်ပှၤကညီဖိခွါအံၤဟဲလီၤလၢ တၢ်အၢၣ်တဖၣ်အကျါ အိၣ်ဒီးအစိဒိၣ်အကမီၤဒိၣ်, ဒီး အလၤအကပီၤလီၤ. ²⁷ ဒီးတုၤနုၤတစုကမၢလီၤအကလူး တဖၣ်ဒီး ကဒုးအိၣ်ဖှိၣ်ရိဖှိၣ် အပှၤဃုထၢဖိတဖၣ် လၢ ကလံၤလွံၢ်ကျိၤ, လၢဟီၣ်ခိၣ်အကတၢၢ်ပၢၢ်လၢ မူခိၣ် အကတၢၢ်လီၤ.

²⁸ အအံၤဒီး, မၤလိတၢ်အဒိအတဲာ်လၢချၢၣ်ဒၢန့ၣ်, တ က့ၢ်. တုၤအဒ့အဖီစၢ်ထီၣ်, ဒီးအလၣ်ဒီးထီၣ်န့ၣ်ဒီး, သု သ့ၣ်ညါလၢတၢ်ကိၢ်အခါဘူးထီၣ်လီၤ. ²⁹ ဒ်န့ၣ်အသိး, တုၤသုထံၣ်ဘၣ်တၢ်န့ၣ်တဖၣ် မၤအသးဒီး, သ့ၣ်ညါ လၢအအိၣ်ဘူးထီၣ်, အအိၣ်လၢကျဲစၢၤအခီၣ်ထံးလံန့ၣ် တက့ၢ်. ³⁰ ယစံးဘၣ်တဲဘၣ်သုတီတီ, လၢပှၤတစိၤအံၤ တပူၤကွံာ်ဒံးဘၣ်ဒီး, တၢ်န့ၣ်တဖၣ်ကမၤအသးခဲလၢာ် လီၤ. ³¹ မူခိၣ်ဒီးဟီၣ်ခိၣ်ကပူၤကွံာ်, မ့မ့ၢ်ယကလုၢ်ထါ န့ၣ်တပူၤကွံာ်ဝဲဘၣ်.

³² ဘၣ်ဆၣ်ဒီးတၢ်လၢမုၢ်တနံၤန့ၣ်, ဒီးနၣ်ရံၣ်အဝဲန့ၣ်, ပှၤတသ့ၣ်ညါဘၣ်နီတဂၤဘၣ်, သ့ၣ်ညါထဲပၢ်တဂၤဧိၤ လီၤ. ³³ ပလီၢ်သုသးတက့ၢ်. ဆိးသီဒီးဘါထုကဖၣ်တၢ် တက့ၢ်. အဂ့ၢ်ဒ်အံၤ, အမုၢ်အလါကဘၣ်ဝဲခဲလဲၣ်ခဲလဲၣ် န့ၣ်, သုတသ့ၣ်ညါဘၣ်လီၤ.― ³⁴ တၢ်မၤအသးဒ်ပှၤတဂၤ ပာ်လီၤတဲာ်အဟံၣ်, ဒီးလဲၤဆူတခီထံတခီကီၢ်, ဒီးဟ့ၣ် အကုၢ်အပှၤလၢအစိကမီၤ, ဒီးတဂၤအတၢ်မၤလၢအဂီၢ်, တဂၤအတၢ်မၤလၢအဂီၢ်, ဒီးမၤလိာ်ပှၤပၢၤကျဲစၢၤတဂၤ ဒ်သိးအကဆိးသီလီၤ. ³⁵ မၤသးဒ်န့ၣ်ဒီးဆိးသီတက့ၢ်. အဂ့ၢ်ဒ်အံၤ, ဟံၣ်ကစၢ်ကဟဲက့ၤဖဲလဲၣ်ဖဲလဲၣ်, လၢမုၢ် ဟါဧါ, လၢဖးဖီမုၢ်ဧါ, လၢဆီဖါအိၣ်အိထီၣ်ဧါ, လၢ မုၢ်ဆ့ၣ်ဝါဧါန့ၣ်, သုတသ့ၣ်ညါဘၣ်လီၤ. ³⁶ မ့တမ့ၢ်ဘၣ် ဒီး, ကဟဲက့ၤဘၣ်ဖုးသတူၢ်ကလာ်, ဒီးထံၣ်န့ၢ်သုမံသ ပ့ၤလီၤ. ³⁷ တၢ်လၢယစံးဘၣ်သု, ယစံးဘၣ်ပှၤခဲလၢာ် လီၤ. ဆိးသီတက့ၢ်.

၁၄

¹ ဒီးခံနံၤအလီၢ်ခံန့ၣ် ဘၣ်ဘူၣ်လဲၤကပာ်ဒီးဘူၣ်ကိၣ် တအိၣ်ဘၣ်ဒီးကိၣ်မံၣ်ဒီး, ပှၤလုၢ်တၢ်အခိၣ်ဒီး ပှၤကွဲး လံာ်သ့ၣ်တဖၣ်ဃုကူၣ်ဝဲ ဒ်သိးအကဟံးဃာ်မၤသံအီၤ လၢတၢ်လီတၢ်ဝ့ၤလီၤ. ² ဘၣ်ဆၣ်ဒီးစံးဝဲဒၣ်, မၤလၢ ဘူၣ်ပူၤတဂ့ၤ, ပှၤဂီၢ်မုၢ်ကတၢထီၣ်တၢလီၤဘၣ်ဖုးလီၤ.

³ ဒီးအဝဲဒၣ်အိၣ်ဝဲလၢဘ့ၤသနံအပူၤ လၢပှၤဆါအၢစီၤ ရှံမိၣ်တဂၤအဟံၣ်ပူၤ, ဒီးဆ့ၣ်နီၤသန့ၤတၢ်အဖၢမုၢ်ဒီး, ပိာ်မုၣ်တဂၤအိၣ်ဒီးပလီလၢၢ်ဝါ အိၣ်ဒီးသိနၢမူနၢ်ဒူၤနီၢ် နီၢ်လၢအလုၢ်ပှ့ၤဒိၣ်, ဒီးမၤသ့ၣ်ဖးပလီလၢၢ်ဝါ, ဒီးလူ လီၤဝဲလၢအခိၣ်အဖီခိၣ်လီၤ. ⁴ ဒီးပှၤတနီၤနီၤအသးထီၣ် လၢအသးကံၢ်ပူၤ, ဒီးစံးဝဲဒၣ်, မၤလၢာ်ဂီၤသိနၢမူအံၤမ့ၢ် အဘၣ်မနုၤလဲၣ်. ⁵ အဂ့ၢ်ဒ်အံၤ, သိနၢမူအံၤ, မ့ၢ်ဆါကွံာ် ဝဲဒီး, ကန့ၢ်အပှ့ၤလၢစ့ဒန့ၤရံၤသၢကယၤဘျဲၣ်, ဒီးဟ့ၣ် လီၤလၢပှၤဖှီၣ်ဖိယာ်ဖိသ့လီၤ. ဒီးပာ်တၢ်ကမၣ်လၢပိာ် မုၣ်အလိၤတကူၢ်သ့ၣ်လီၤ. ⁶ ဒီးယ့ၣ်ရှူးစံးဝဲဒၣ်, ပျဲအီၤ တက့ၢ်. ဘၣ်မနုၤလၢသုမၤတံာ်တံာ်အီၤလဲၣ်. မၤလံ ယၤလၢတၢ်မၤအဂ့ၤလံ. ⁷ အဂ့ၢ်ဒ်အံၤ, ပှၤဖှီၣ်ဖိယာ်ဖိ တဖၣ်န့ၣ်, အိၣ်ဒီးသုတဘိယူၢ်ဃီ, ဒီးဖဲသုသးအိၣ်လၢသုကမၤဂ့ၤအီၤဒီး, သုမၤသ့လီၤ. မ့မ့ၢ်သုအိၣ်ဒီးယၤတ ဘိယူၢ်ဃီတမ့ၢ်ဘၣ်. ⁸ ပိာ်မုၣ်အံၤဖဲအမၤသ့ဒီးမၤလံဝဲ လံ. ဟဲလူလီၤပာ်သိနၢမူအံၤလၢယနီၢ်ခိအလိၤ, လၢယ ဘၣ်တၢ်ခူၣ်လီၤကွံာ်အဂီၢ်လီၤ. ⁹ ယစံးဘၣ်တဲဘၣ်သု တီတီအံၤ, ဖဲဒၣ်တၢ်သးခုအကစီၣ်အံၤ ဘၣ်တၢ်စံၣ် တဲၤတဲလီၤလၢဟီၣ်ခိၣ်ဒီဘ့ၣ်ညါဒီး, တၢ်လၢပိာ်မုၣ်မၤ တၢ်တမံၤအံၤ, ကဘၣ်တၢ်စံၣ်ဃဲၤ စ့ၢ်ကီးလၢ တၢ်သ့ၣ် နီၣ်ထီၣ်က့ၤအီၤအဂီၢ်လီၤ.

¹⁰ ဒီးပှၤတဆံခံဂၤအကျါ, စီၤယူဒၤအံၣ်စကၤရံၤအိာ်တ ဂၤ, လဲၤဆူပှၤလုၢ်တၢ်အခိၣ်တဖၣ်အအိၣ်, ဒ်သိးအက ဟ့ၣ်လီၤကွံာ်အီၤ လၢအစုပူၤလီၤ. ¹¹ ဒီးတုၤအဝဲသ့ၣ်နၢ် ဟူဝဲဒီး, အသူၣ်ခုအသးခုဝဲ, ဒီးအၢၣ်လီၤအီလီၤလၢ သါကဟ့ၣ်အီၤလၢစ့လီၤ. ဒီးကဟ့ၣ်လီၤကွံာ် ဒ်လဲၣ်ဒ် လဲၣ်န့ၣ်ဃုဝဲအဆၢကတီၢ်လၢအဘၣ်လီၤ.

¹² ဒီးဘူၣ်တအိၣ်ဘၣ်ဒီးကိၣ်မံၣ်အခီၣ်ထံးတနံၤ, လၢပှၤ မၤသံဘူၣ်လဲၤကပာ်န့ၣ်, အပျဲၢ်အဘီၣ်စံးဘၣ်အီၤ, ဒ် သိးနကအီၣ်ဘူၣ်လဲၤကပာ်ဒီး, ဘၣ်နသးလၢပလဲၤက တဲာ်ကတီၤတၢ်ဖဲလဲၣ်ပူၤလဲၣ်. ¹³ ဒီးမၢလီၤအပျဲၢ်အဘီၣ် ခံဂၤ, ဒီးစံးဘၣ်အီၤ, လဲၤဆူဝ့ၢ်ပူၤ, ဒီးပှၤစိာ်သပၢၤထံ ကဘၣ်သဃိာ်သုတဂၤလီၤ. ပိာ်ထီၣ်အခံတက့ၢ်. ¹⁴ ဒီး ဖဲဒၣ်အလဲၤနုာ်ဝဲတပူၤပူၤန့ၣ်, စံးဘၣ်ဟံၣ်ကစၢ်လၢသ ရၣ်စံးဝဲဒၣ်, ဒၢးတဖျၢၣ်ဖဲယကအီၣ်ဘူၣ်လဲၤကပာ်ဒီး ယပျဲၢ်ယဘီၣ်န့ၣ်အိၣ်ဖဲလဲၣ်. ¹⁵ ဒီးကဒုးနဲၣ်သုလၢ ဒၢး ဖးဒိၣ်ထီၣ်ထီတတီၤမၤဂ့ၤထီၣ်အသး, ဒီးကတဲာ်ကတီၤ ပာ်အသးလီၤ. ဒီးကတဲာ်ကတီၤပာ်တၢ်လၢပဂီၢ်ဖဲန့ၣ် တက့ၢ်. ¹⁶ ဒီးအပျဲၢ်အဘီၣ်ဟးထီၣ်, ဒီးလဲၤဝဲဆူဝ့ၢ်ပူၤ, ဒီးထံၣ်န့ၣ်တၢ်ဒ်ယ့ၣ်ရှူးစံးဘၣ်အီၤအသိး, ဒီးကတဲာ်က တီၤဘူၣ်လဲၤကပာ်လီၤ.

¹⁷ ဒီးတုၤမုၢ်ဟါလီၤဒီး, ဟဲဝဲဒီးအပျဲၢ်အီၣ်တဆံခံဂၤန့ၣ် လီၤ. ¹⁸ ဒီးဆ့ၣ်နီၤသန့ၤဒီးအီၣ်တၢ်အဖၢမုၢ်ဒီး, ယ့ၣ်ရှူးစံး ဝဲဒၣ်, ယစံးဘၣ်တဲဘၣ်သုတီတီအံၤ, လၢပှၤလၢသု ကျါလၢအအီၣ်ဃုာ်တၢ်ဒီးယၤတဂၤ, ကဟ့ၣ်လီၤကွံာ် ယၤလီၤ. ¹⁹ ဒီးအဝဲသ့ၣ်အသူၣ်အုးအသးအုး, ဒီးစံးဘၣ် အီၤတဂၤဘၣ်တဂၤ, မ့ၢ်ယၤဧါ, ဒီးအဝဲတဂၤ, မ့ၢ်ယၤ ဧါ. ²⁰ ဒီးအဝဲဒၣ်စံးဆၢတၢ်ဒီးစံးဘၣ်အီၤ, မ့ၢ်လၢပှၤတ ဆံခံဂၤန့ၣ်အကျါ, ပှၤလၢအဘျၢလီၤဃုာ်တၢ်လၢလီခီ ပူၤဒီးယၤတဂၤလီၤ. ²¹ ဒ်တၢ်ကွဲးအသးလၢ အဂ့ၢ်အသိး န့ၣ်, ပှၤကညီဖိခွါအံၤက့ၤဝဲလီၤ. ဘၣ်ဆၣ်ဒီးပှၤလၢအ ဟ့ၣ်လီၤကွံာ်ပှၤကညီဖိခွါတဂၤန့ၣ်ဘၣ်အဖှီၣ်လီၤ. ပှၤ တဂၤန့ၣ် မ့ၢ်တအိၣ်ဖျဲၣ်ဘၣ်ဒီး ကဂ့ၤဒၣ်တၢ်လၢအဂီၢ် လီၤ.

²² ဒီးအီၣ်တၢ်အဖၢမုၢ်ဒီး, ယ့ၣ်ရှူးဟံးန့ၢ်ကိၣ်, ဒီးဆိၣ် ဂ့ၤတၢ်ဒီးစိၢ်ဘျဲးဝဲဒီးဟ့ၣ်လီၤအဝဲသ့ၣ်, ဒီးစံးဝဲဒၣ်, ဟံး န့ၢ်အီၣ်တက့ၢ်. အအံၤမ့ၢ်ယနီၢ်ခိလီၤ.― ²³ ဒီးဟံးန့ၢ်လီခီ, ဒီးစံးထီၣ်ပတြၢၤ တၢ်အဘျုးအဖှိၣ်, ဒီးဟ့ၣ်လီၤအဝဲ သ့ၣ်, ဒီးအဝဲသ့ၣ်တဖၣ်ခဲလၢာ် အီတၢ်လၢအပူၤလီၤ.―

²⁴ ဒီးစံးဘၣ်အီၤ, အအံၤမ့ၢ်ယသွံၣ်ဘၣ်ဃးဒီး တၢ်အၢၣ် လီၤအီလီၤအသီ, လၢအလူလီၤအသးလၢ ပှၤအါဂၤအ ဂီၢ်လီၤ. ²⁵ ယစံးဘၣ်သုတီတီ, လၢယတအီလၢၤဘၣ်စ ပံးသၣ်အထံ, တုၤမုၢ်တနံၤလၢယအီအီၤအသီလၢယွၤ အဘီအမုၢ်အပူၤလီၤ.

²⁶ ဒီးသးဝံၣ်တၢ်ဝံၤဒီး, လဲၤထီၣ်ဝဲဆူ ကစၢၢ်သ့ၣ်စၤယံး အလိၤလီၤ. ²⁷ ဒီးယ့ၣ်ရှူးစံးဘၣ်အီၤ, ခဲမုၢ်နၤအံၤသုသး ကဟးဂီၤလၢယဃိခဲလၢာ်လီၤ. အဂ့ၢ်ဒ်အံၤ, တၢ်ကွဲးအ သး, ယကကျီကွံာ်ပှၤကွၢ်သိဒီး သိတဖၣ်ကလီၤပြံ လီၤပြါဝဲလီၤ.+ ကၤ. ၁၃း၇|Zech.13.7*.²⁸ ဘၣ်ဆၣ်ဒီးယဂဲၤဆၢ ထၢၣ်က့ၤအလီၢ်ခံန့ၣ်, ယကလဲၤပာ်လၢသုမဲာ်ညါ ဆူ ကၤလံၤလါလီၤ.

²⁹ ဒီးစီၤပ့းတရူးစံးဘၣ်အီၤ, ပှၤအသးမ့ၢ်ဟးဂီၤလၢနဃိ ခဲလၢာ်ဘၣ်ဆၣ်ဒီး, ယသးတဟးဂီၤဘၣ်. ³⁰ ဒီးယ့ၣ်ရှူး စံးဘၣ်အီၤ, ယစံးဘၣ်နၤတီတီအံၤ, လၢအအံၤတနံၤ အံၤ, နကသမၢယၤသၢစုလီၤ. ³¹ ဒီးအဝဲဒၣ်ကတိၤတၢ် ဆူၣ်န့ၢ်အန့ၣ်တက့ၢ်, ယမ့ၢ်ဘၣ်သံဃုာ်နာ်သက့ဒီးနၤ ဒီး, ယတသမၢဘၣ်နၤဘၣ်. ဒီးအဝဲသ့ၣ်ခဲလၢာ်စံးစ့ၢ် ကီးဝဲဒ်န့ၣ်အသိးလီၤ.

³² ဒီးလဲၤဝဲဆူအလီၢ်ကိးဝဲလၢက့ၤသစ့ၤမနၤ, ဒီးစံးဘၣ် အပျဲၢ်အဘီၣ်, ဆ့ၣ်နီၤသုဝဲဖဲအံၤ တုၤယဘါထုကဖၣ် တၢ်တက့ၢ်. ³³ ဒီးဟံးန့ၢ်စီၤပ့းတရူးဒီး စီၤယၤကိာ်ဒီးစီၤ ယိၤဟၣ်အိၣ်ဒီးအီၤလီၤ. ဒီးကမၢကမၣ်ဝဲ, ဒီးအသးလီၤ ဘဲ, ³⁴ ဒီးစံးဘၣ်အီၤ, တၢ်သးအုးအိၣ်ဝးတရံၤယၤ တုၤ ယကသံတ့ၢ်လီၤ. အိၣ်ဖဲအံၤဒီးဆိးသီတက့ၢ်. ³⁵ ဒီးလဲၤ လၢညါတစဲးဖိ, ဒီးထိၣ်လီၤပှီၤအသးလၢ ဟီၣ်ခိၣ်အ ဖီခိၣ်, ဒီးဘါထုကဖၣ်တၢ်ဒ်သိးမ့ၢ်သ့ဒီး, နၣ်ရံၣ်ကလဲၤ ပူၤကွံာ်ဒီးအီၤလီၤ. ³⁶ ဒီးစံးဝဲဒၣ်, အးဘၤ, ပၢ်ဧၢ, နသ့ တၢ်လၢာ်လီၤ. ဟံးထီၣ်ကွံာ်လီခီအံၤလၢယအိၣ်တက့ၢ်. ဘၣ်ဆၣ်ဒီးဖဲဒၣ်ယသးတမ့ၢ်ဘၣ်, မ့ၢ်ဖဲဒၣ်နသးတက့ၢ်.

³⁷ ဒီးဟဲက့ၤဝဲဒီးထံၣ်န့ၢ်လၢအဝဲသ့ၣ်မံသပ့ၤ, ဒီးစံးဘၣ် စီၤပ့းတရူး, စီၤရှံမိၣ်ဧၢ, နမံသပ့ၤဧါ, နဆိးသီတနၣ် ရံၣ်ဧိၤတကဲဘၣ်ဧါ. ³⁸ ဒ်သိးသုသုတလဲၤနုာ်ဆူတၢ် လ့ပစီအပူၤတဂ့ၤဒီး, ဆိးသီဒီးဘါထုကဖၣ်တၢ်တက့ၢ်. သးတမံၤအသးအိၣ်မး, မ့မ့ၢ်တၢ်ဖံးတၢ်ညၣ်တမံၤအဂံၢ် စၢ်ဘါစၢ်လီၤ.

³⁹ ဒီးလဲၤကဒီးဝဲ, ဒီးဘါထုကဖၣ်တၢ်, ဒီးကတိၤတၢ်ဒ် လီၢ်လီၢ်လီၤ. ⁴⁰ ဒီးဟဲက့ၤဝဲဒီးထံၣ်န့ၢ်လၢ အမံသပ့ၤက ဒီးလီၤ. အဂ့ၢ်ဒ်အံၤ, အမဲာ်ဖံးဃၢဝဲ, ဒီးကစံးဆၢတၢ်ဒ် လဲၣ်ဒ်လဲၣ်န့ၣ် အဝဲသ့ၣ်တသ့ၣ်ညါဘၣ်ဝဲဘၣ်.

⁴¹ ဒီးဟဲက့ၤသၢစုတစုဒီးစံးဘၣ်အီၤ, အကတီၢ်လၢအ အိၣ်လီၤတဲာ်ဒံးန့ၣ်မံဒီးအိၣ်ဘှံးတက့ၢ်. ပှဲၤန့ၣ်လီၤ. နၣ် ရံၣ်န့ၣ်ဘၣ်လံ. ကွၢ်ကွၢ်, တၢ်ဟ့ၣ်လီၤကွံာ်ပှၤကညီဖိ ခွါအံၤဆူပှၤတၢ်ဒဲးဘးဖိအစုပူၤလီၤ. ⁴² ဂဲၤဆၢထၢၣ်, မ်ပ လဲၤတၢ်တက့ၢ်. ကွၢ်ကွၢ်, ပှၤလၢအဟ့ၣ်လီၤကွံာ်ယၤ တဂၤန့ၣ်ဘူးထီၣ်လံဝဲလံ.

⁴³ ဒီးတကီၢ်ခါ, ဖဲအကတိၤတၢ်အဖၢမုၢ်ဒီး, ပှၤလၢတ ဆံခံဂၤန့ၣ်အကျါ, စီၤယူဒၤအံၣ်စကၤရံၤအိာ်တဂၤ, ဟဲ တုၤဝဲဒီးပှၤဂီၢ်မုၢ်ဖးဒိၣ်, အိၣ်ဒီးနး, ဒီးနီၣ်တီၢ်တဖၣ်, လၢပှၤလုၢ်တၢ်အခိၣ်ဒီး ပှၤကွဲးလံာ်ဒီး ပှၤသူၣ်က့သး ပှၢ်အအိၣ်လီၤ. ⁴⁴ ဒီးပှၤလၢပှၤဟ့ၣ်လီၤကွံာ်အီၤတဂၤန့ၣ်, ဟ့ၣ်တၢ်ပနီၣ်တမံၤလၢပှၤတဖၣ်န့ၣ်, ဒီးစံးဝဲဒၣ်, ဖဲဒၣ် ပှၤလၢယနၢမူအီၤတဂၤန့ၣ်, မ့ၢ်အဝဲဒၣ်န့ၣ်လီၤ. ဟံး ဃာ်ဒီး က့ၤစိာ်အီၤကျၢၤကျၢၤတက့ၢ်. ⁴⁵ ဒီးဟဲတုၤဝဲဒီး, လဲၤတကီၢ်ခါဆူအအိၣ်, ဒီးစံးဝဲဒၣ်, ရၤဘံဧၢ, ရၤဘံ ဧၢ, ဒီးနၢမူအီၤလီၤ.

⁴⁶ ဒီးအဝဲသ့ၣ်တဖၣ်န့ၣ်ပာ်ထီၣ်အစုလၢအလိၤ, ဒီးဟံး ဃာ်အီၤလီၤ. ⁴⁷ ဒီးပှၤဆၢထၢၣ်ဖဲန့ၣ်အကျါတဂၤ ဘ့ၣ် ထီၣ်အနး, ဒီးကျီပှၤလုၢ်တၢ်အခိၣ်အခ့အပှၤတဂၤ, ဒီး အနၢ်တူာ်ကွံာ်တခီလီၤ. ⁴⁸ ဒီးယ့ၣ်ရှူးကတိၤဆၢတၢ်ဒီး စံးဘၣ်အီၤ, သုဟဲဖီၣ်န့ၢ်ယၤဒ်တၢ်ဘျၣ်အသိး, အိၣ်ဒီး နးဒီးနီၣ်တီၢ်တဖၣ်န့ၣ်ဧါ. ⁴⁹ ယအိၣ်လၢသုကျါဒီးသိၣ် က့ၤသီက့ၤတၢ်လၢ တၢ်လုၢ်ဟံၣ်အပူၤသ့သ့တနံၤ, ဒီး သုတဟံးဃာ်ဘၣ်ယၤဘၣ်. ဘၣ်ဆၣ်ဒီးမ့ၢ်ဒ်သိးတၢ် ကွဲးအသးတဖၣ်ကလၢထီၣ်ပှဲၤထီၣ်လီၤ. ⁵⁰ ဒီးပှၤခဲလၢာ် န့ၣ် လဲၤသဒၣ်အီၤ, ဒီးဃ့ၢ်ထီၣ်ကွံာ်ဝဲလီၤ.

⁵¹ ဒီးပှၤဖိၣ်သၣ်ခွါတဂၤပိာ်အဝဲဒၣ်အခံ, ဒီးကူထဲယၣ် ဖီဝါကဆှၣ်တဘ့ၣ်ဧိၤလီၤ. ဒီးတၢ်အခ့အပှၤတဖၣ်ဟံး ဃာ်အီၤ, ⁵² ဒီးအဝဲဒၣ်ညိကွံာ်အယၣ်န့ၣ်, ဒီးဃ့ၢ်ထီၣ် ကွံာ် အိၣ်ဘ့ၣ်ဆ့လၢ အဝဲသ့ၣ်အအိၣ်လီၤ.

⁵³ ဒီးဆှၢထီၣ်ယ့ၣ်ရှူးဆူပှၤလုၢ်တၢ်အခိၣ်အအိၣ်လီၤ. ဒီး ပှၤလုၢ်တၢ်အခိၣ်ခဲလၢာ်, ဒီးပှၤသူၣ်က့သးပှၢ်, ဒီးပှၤ ကွဲးလံာ်သ့ၣ်တဖၣ်, ဟဲအိၣ်ဖှိၣ်လၢအအိၣ်လီၤ. ⁵⁴ ဒီးစီၤ ပ့းတရူးပိာ်ထီၣ်စိအခံ ပၢၢ်လၢပှၤလုၢ်တၢ်အခိၣ်အဂၢၤ ပူၤ, ဒီးဆ့ၣ်နီၤဝဲအိၣ်ဒီးတၢ်အခ့အပှၤ, ဒီးဆူးမ့ၣ်အူလီၤ.

⁵⁵ ဒီးပှၤလုၢ်တၢ်အခိၣ်တဖၣ်, ဒီးပှၤသးပှၢ်အတၢ်အိၣ် ဖှိၣ်ခဲလၢာ်ဃုပှၤအုၣ်အသးထီဒါယ့ၣ်ရှူး, ဒ်သိးအကမၤ သံအီၤလီၤ. ဒီးတထံၣ်န့ၢ်ဘၣ်ဝဲဘၣ်. ⁵⁶ အဂ့ၢ်ဒ်အံၤ, ပှၤ အုၣ်အသး လၢတၢ်ကဘျံးကဘျၣ်ထီဒါအီၤအါဂၤဘၣ် ဆၣ်ဒီး, အတၢ်ကတိၤတလီၤပလိာ်ဘၣ်. ⁵⁷ ဒီးပှၤတနီၤ နီၤဂဲၤဆၢထၢၣ်, ဒီးအုၣ်အသးလၢ တၢ်ကဘျံးကဘျၣ် ထီဒါအီၤ, ဒီးစံးဝဲဒၣ်, ⁵⁸ ပနၢ်ဟူပှၤတဂၤအံၤစံးဝဲ, သါ ကမၤလီၤပှီၢ်ကွံာ်တၢ်လုၢ်အဟံၣ်အံၤ, လၢတၢ်မၤဝဲလၢ စု, ဒီးသၢနံၤအတီၢ်ပူၤန့ၣ်, သါကမၤထီၣ်အဂၤတဖျၢၣ်, လၢတၢ်တမၤဘၣ်လၢစုဘၣ်လီၤ. ⁵⁹ ဒီးဒ်န့ၣ်အသိးဒၣ် လဲာ် အဝဲသ့ၣ်အတၢ်ကတိၤတလီၤပလိာ်စ့ၢ်ကီးဘၣ်.

⁶⁰ ဒီးပှၤလုၢ်တၢ်အခိၣ်ဂဲၤဆၢထၢၣ်လၢ တၢ်သးကံၢ်ပူၤ, ဒီးသံကွၢ်ယ့ၣ်ရှူး, ဒီးစံးဝဲဒၣ်, နတစံးဆၢဘၣ်တၢ်နီ တမံၤဘၣ်ဧါ. အဝဲသ့ၣ်တဖၣ်အံၤ အုၣ်အသးထီဒါနၤ လၢမနုၤလဲၣ်. ⁶¹ ဒီးအိၣ်ဘှီၣ်ကလာ်, ဒီးတကတိၤဆၢ တၢ်နီတမံၤဘၣ်. ဒီးပှၤလုၢ်တၢ်အခိၣ် သံကွၢ်ကဒီးအီၤ, ဒီးစံးဘၣ်အီၤ, နမ့ၢ်ခရံာ်, တၢ်ဘၣ်ဆိၣ်ဂ့ၤတဂၤ အဖိ ခွါန့ၣ်ဧါ. ⁶² ဒီးယ့ၣ်ရှူးစံးဝဲဒၣ်, ယမ့ၢ်လီၤ. ဒီးသုကထံၣ် ပှၤကညီဖိခွါအံၤဆ့ၣ်နီၤလၢတၢ်အစိကမီၤအစုထွဲတခီ, ဒီးဟဲလီၤဝဲအိၣ်ဒီးမူခိၣ်အတၢ်အၢၣ်တဖၣ်လီၤ. ⁶³ ဒီးပှၤ လုၢ်တၢ်အခိၣ် ဖှီအကူအသိးဒီးစံးဝဲဒၣ်, ပမၤဒံးတၢ် အုၣ်အသးအလီၢ်အိၣ်ဒ်လဲၣ်. ⁶⁴ အတၢ်ကတိၤကမၣ်န့ၣ်, သုနၢ်ဟူလံ. တၢ်အိၣ်ဖျါလၢသုမဲာ်ညါဒ်လဲၣ်. ဒီးပှၤခဲ လၢာ်စံၣ်ညီၣ်လၢအဂ့ၤဘၣ်သံလီၤ.

⁶⁵ ဒီးပှၤတနီၤနီၤထူးပှဲာ်ဘၣ်အီၤ, ဒီးကျၢၢ်ဘၢအမဲာ်, ဒီး ထိအီၤဒီးစံးဘၣ်အီၤ, ကတိၤတၢ်လၢဝံအကျိာ်တက့ၢ်. ဒီးတၢ်အခ့အပှၤတဖၣ်ဟံးန့ၢ်အီၤဒီးဒဲအီၤလီၤ.

⁶⁶ ဒီးစီၤပ့းတရူးအိၣ်လၢ လာ်ခီလၢဂၢၤပူၤအဖၢမုၢ်ဒီး, ပှၤလုၢ်တၢ်အခိၣ်အခ့အပှၤပိာ်မုၣ်တဂၤဟဲဝဲ,― ⁶⁷ ဒီးထံၣ် စီၤပ့းတရူးဆူးမ့ၣ်အူ, ဒီးကွၢ်ဝဲလီၤတံၢ်လီၤဆဲး ဒီးစံးဝဲ ဒၣ်, နဲဒၣ်အံၤနအိၣ်တ့ၢ်ဒီး ပှၤနစၤရ့းဖိယ့ၣ်ရှူးစ့ၢ်ကီး လီၤ. ⁶⁸ ဒီးအဝဲဒၣ်သမၢဝဲဒီးစံးဝဲဒၣ်, ယတသ့ၣ်ညါ ဘၣ်, ဒီးနကတိၤတၢ်န့ၣ်ယနၢ်တပၢၢ်ဘၣ်. ဒီးဟးထီၣ် ဝဲဆူဂၢၤလၢခိ, ဒီးဆီဖါအိၣ်အိထီၣ်ဝဲလီၤ.

⁶⁹ ဒီးအခ့အပှၤပိာ်မုၣ် ထံၣ်ကဒီးအီၤ, ဒီးစံးဘၣ်ပှၤလၢ အဆၢထၢၣ်လၢအဃၢၤတဖၣ်န့ၣ်, အဝဲတဂၤအံၤအိၣ် တ့ၢ်လၢပှၤတဖၣ်န့ၣ်အကျါလီၤ. ဒီးအဝဲဒၣ်သမၢကဒီး ဝဲလီၤ.

⁷⁰ ဒီးတစိၢ်ဖိပူၤကွံာ်ဒီး, ပှၤဆၢထၢၣ်လၢအဃၢၤတဖၣ် န့ၣ်စံးဘၣ်ကဒီးစီၤပ့းတရူး, နဲဒၣ်အံၤ, နဘၣ်ဃးဒီးအ ဝဲသ့ၣ်တဖၣ်န့ၣ်သပှၢ်တၢၢ်လီၤ. အဂ့ၢ်ဒ်အံၤ, နမ့ၢ်စ့ၢ်ကီး ပှၤကၤလံၤလါဖိ, ဒီးနကလုၢ်လီၤပလိာ်ဝဲန့ၣ်လီၤ. ⁷¹ ဒီး အဝဲဒၣ်ဆိၣ်အၢဆိၣ်သီတၢ်, ဒီးဆိၣ်လီၤအသးလၢယ တသ့ၣ်ညါဘၣ်ပှၤလၢ သုစံးတဂၤန့ၣ်ဘၣ်. ⁷² ဒီးဆီဖါ အိၣ်အိထီၣ်တကီၢ်ခါခံစုတစုလီၤ. ဒီးစီၤပ့းတရူးသ့ၣ် နီၣ်ထီၣ်က့ၤအသး, လၢတၢ်ကတိၤတထံၣ်လၢယ့ၣ်ရှူး စံးတ့ၢ်အီၤလၢ ဆီဖါတချုးအိၣ်အိထီၣ်ဒံးဘၣ်ခံစုဒီး, န ကသမၢယၤသၢစုလီၤ. ဒီးဆိကမိၣ်ထီၣ်ဝဲ, ဒီးဟီၣ်ဝဲလီၤ.

၁၅

¹ ဒီးမုၢ်ဆ့ၣ်ထီၣ်တကီၢ်ခါ, ပှၤလုၢ်တၢ်အခိၣ်တဖၣ် ကူၣ်လိာ်အသးဒီး ပှၤသူၣ်က့သးပှၢ်ဒီးပှၤကွဲးလံာ်ဒီးပှၤ သးပှၢ်အတၢ်အိၣ်ဖှိၣ်ခဲလၢာ်, ဒီးစၢဃာ်ယ့ၣ်ရှူး, ဒီးလဲၤ ဆှၢအီၤ, ဒီးဟ့ၣ်လီၤကွံာ်အီၤလၢစီၤပံၤလးလီၤ. ² ဒီးစီၤ ပံၤလးသံကွၢ်အီၤ, နဲဒၣ်အံၤနမ့ၢ်ပှၤယူဒၤဖိအစီၤပၤဧါ. ဒီး အဝဲဒၣ်စံးဆၢတၢ်ဒီးစံးဘၣ်အီၤ, နစံးတၢ်လီၤ. ³ ဒီးပှၤ လုၢ်တၢ်အခိၣ်တဖၣ်ပာ်တၢ်ကမၣ်လၢအလိၤအါမံၤလီၤ.

⁴ ဒီးစီၤပံၤလးသံကွၢ်ကဒီးအီၤဒီးစံးဝဲဒၣ်, နတစံးဆၢ ဘၣ်တၢ်နီတမံၤဘၣ်ဧါ. မ့ၢ်ပှၤအုၣ်အသးထီဒါနၤဆံး အါဆံးအါလဲၣ်န့ၣ်, ကွၢ်တက့ၢ်. ⁵ ဘၣ်ဆၣ်ဒီး, ယ့ၣ် ရှူးတစံးဆၢလၢၤဘၣ်တၢ်နီတမံၤဘၣ်. မၤသးဒ်န့ၣ်ဒီး, စီၤပံၤလးကမၢကမၣ်ဝဲလီၤ.

⁶ ဒီးတၢ်လၢဘူၣ်န့ၣ်, ပဒိၣ်ပျၢ်ပှၤဃိာ်ဖိတဂၤလၢအဝဲ သ့ၣ်အဂီၢ်, ဖဲဒၣ်အဃ့ပှၤတဂၤဂၤန့ၣ်လီၤ. ၊

⁷ ဒီးပှၤတဂၤ ကိးဝဲအမံၤလၢ စီၤဘၤရးဘါအိၣ်ဒီး အသကိးတဖၣ်, ဘၣ်တၢ်စၢဃာ်လၢဃိာ်ပူၤ, လၢအမၤတ့ၢ်တၢ်တၢထီၣ် တၢလီၤဒီးမၤသံပှၤကညီလၢ တၢ်တၢထီၣ်တၢလီၤအပူၤ လီၤ. ⁸ ဒီးပှၤဂီၢ်မုၢ်ကိးပသူထီၣ် ဒီးဃ့ဝဲဒ်သိးအကမၤ တၢ်လၢအီၤဒ်အလုၢ်အလၢ်အိၣ်ဝဲအသိးလီၤ. ⁹ ဘၣ်ဆၣ် ဒီးစီၤပံၤလးစံးဆၢအီၤဒီးစံးဝဲဒၣ်, ဘၣ်သုသးလၢယက ပျၢ်န့ၢ်သုလၢပှၤယူဒၤဖိအစီၤပၤဧါ.

¹⁰ အဂ့ၢ်ဒ်အံၤ, သ့ၣ် ညါဝဲလၢ ပှၤလုၢ်တၢ်အခိၣ်တဖၣ်န့ၣ်, လၢအသးက့ၣ် အီၤအဃိဒီးဟ့ၣ်လီၤကွံာ်အီၤလီၤ. ¹¹ ဒီးပှၤလုၢ်တၢ်အဒိၣ် တဖၣ်န့ၣ်သဆၣ်ထီၣ်ပှၤဂီၢ်မုၢ်အခံ ဒ်သိးကပျၢ်စီၤဘၤ ရးဘါလၢအီၤလီၤ. ¹² ဒီးစီၤပံၤလးစံးဆၢအီၤ, မ့မ့ၢ်ဒ်န့ၣ် ဒီး, ဘၣ်သုသးလၢယကမၤပှၤလၢသုကိးအီၤလၢ ပှၤ ယူဒၤဖိအစီၤပၤတဂၤန့ၣ်ဒ်လဲၣ်. ¹³ ဒီးပှၤကိးပသူထီၣ်

ကဒီး, ပျၤထီကွံာ်အီၤလၢထူၣ်စုညါအလိၤတက့ၢ်. ¹⁴ ဒီး စီၤပံၤလးစံးဘၣ်အီၤ, ဘၣ်မနုၤလဲၣ်. မ့ၢ်အမၤတၢ်အၢမ နုၤတမံၤလဲၣ်. ဒီးအဝဲသ့ၣ်ကိးပသူထီၣ်ဝဲ ဒိၣ်န့ၢ်အန့ၣ် တက့ၢ်, ပျၤထီကွံာ်အီၤလၢထူၣ်စုညါ အလိၤတက့ၢ်.

¹⁵ ဒီးစီၤပံၤလးန့ၣ်အသးအိၣ်လၢအကမၤ တၢ်ဘၣ်ပှၤ ဂီၢ်မုၢ်အသး, ဒီးပျၢ်စီၤဘၤရးဘါလၢအဂီၢ်, ဒီးတီၢ်ယ့ၣ် ရှူးဒီးဟ့ၣ်လီၤကွံာ်အီၤ, ဒ်သိးအကဘၣ်တၢ်ပျၤထီကွံာ် အီၤလၢ ထူၣ်စုညါအလိၤလီၤ, ¹⁶ ဒီးပှၤသုးဖိတဖၣ်ဆှၢ အီၤဆူဂၢၤပူၤလၢအမ့ၢ် ပဒိၣ်အသုးဖိအလီၢ်, ဒီးကိးဖှိၣ် ပှၤသုးဖိဒီဖုညါ, ¹⁷ ဒီးဒုးကူဒုးသိးအဝဲဒၣ် လၢတၢ်လုး တကုာ်, ဒီးထ့ခိၣ်သလုးလၢတၤဆှုၣ်, ဒီးဒုးကုာ်ထီၣ်ဝဲ လီၤ. ¹⁸ ဒီးကတိၤဒိၣ်အီၤ, ဒီးစံးဝဲဒၣ်, ပှၤယူဒၤဖိအစီၤ ပၤဧၢ, ¹⁹ ဒီးဒိအခိၣ်လၢတပိၢ်တဘိ, ဒီးထူးပှဲာ်ဘၣ်အီၤ, ဒီးချံးလီၤအခီၣ်လၢအမဲာ်ညါ, ဒီးဘါထီၣ်အီၤတကူၢ် သ့ၣ်လီၤ. ²⁰ ဒီးတုၤအဒုၣ်ဒွဲၣ်အီၤဝံၤဒီး, ဘ့ၣ်လီၤကွံာ်အ ကူအသိးလုးတကုာ်, ဒီးဒုးကူဒုးသိးက့ၤ အကူအသိး ဒၣ်ဝဲ, ဒီးလဲၤဆှၢအီၤ, ဒ်သိးအကပျၤထီအီၤလၢ ထူၣ်စု ညါအလိၤလီၤ. ²¹ ဒီးမၤဆူၣ်ပှၤကူၤရ့ၤန့ဖိ, စီၤအ လ့းစၣ်ဒြူး ဒီး စီၤရူၤပၤအပၢ်, စီၤရှံမိၣ်တဂၤ, အဟဲဝဲလၢပှၢ်လၢ်ကျါ ဒီးလဲၤတြူာ်ဝဲတဂၤ, ဒ်သိးအကယိးအထူၣ်စုညါ န့ၣ်လီၤ.

²² ဒီးဆှၢအီၤပၢၢ်လၢတၢ်အလီၢ်ကီၤလၤကီၤသါ,+ အခီပ ညီမ့ၢ်ခိၣ်ဃံအလီၢ်,²³ ဒီးဟ့ၣ်အီအီၤလၢ စပံးထံဃါဃုာ်ဒီးမူရၣ်, ဘၣ်ဆၣ်ဒီး, တဟံးန့ၢ် ဘၣ်ဝဲဘၣ်. ²⁴ ဒီး ပျၤထီအီၤလၢထူၣ်စုညါအလိၤ, ဒီးနီၤဖးအကူအသိး, ဒီးပှၤတဂၤဒီးတဂၤကဟံးန့ၢ်မနုၤမနုၤန့ၣ်ဒီး, ဖးဝဲလၢ အီၤလီၤ. ²⁵ ဒီးဘၣ်သၢနၣ်ရံၣ်, ဒီးပျၤထီအီၤလီၤ.―

²⁶ ဒီးလံာ်ပာ်ကမၣ်အိၣ်ကွဲးအသးလၢအဖီခိၣ်, ပှၤယူဒၤဖိ အစီၤပၤလီၤ.

²⁷ ဒီးပျၤထီဃုာ်ဒီးအီၤတၢ်ဘျၣ်ခံဂၤ, လၢအစုထွဲတဂၤ ဒီးလၢအစုစ့ၣ်တဂၤလီၤ. ²⁸ ဒီးတၢ်ကွဲးအသးတထံၣ်လၢ ထီၣ်ပှဲၤထီၣ်ဝဲ, စံးဝဲဒၣ်, အဝဲဒၣ်, တၢ်ဂံၢ်အီၤလၢပှၤမၤ ကမၣ်တၢ်ဖိအကျါလီၤ.+ ၡါ. ၅၃း၅|Isa.53.5*.²⁹ ဒီးပှၤလ့ၢ်လိၤ လ့ၢ်ထီၣ်တဖၣ်ကျၢၢ်ကျာ်အခိၣ်, ဒီးဒုၣ်ဒွဲၣ်အီၤ, ဒီးစံးဝဲ ဒၣ်, ဟဲး, ပှၤလၢ အမၤလီၤပှီၢ်ကွံာ်တၢ်လုၢ်အဟံၣ်, ဒီး မၤက့ၤအီၤလၢသၢနံၤအတီၢ်ပူၤတဂၤဧၢ. ³⁰ အုၣ်က့ၤခီၣ် က့ၤလီၤနသးဒၣ်နဲ, ဒီးဟဲက့ၤလီၤလၢထူၣ်စုညါအလိၤ တက့ၢ်. ³¹ ဒ်န့ၣ်အသိး, ပှၤလုၢ်တၢ်အခိၣ်တဖၣ်ဒုၣ်ဒွဲၣ် အီၤစ့ၢ်ကီး, ဒီးစံးလိာ်အသးဒီး ပှၤကွဲးလံာ်သ့ၣ်တဖၣ်, အဝဲဒၣ်အုၣ်က့ၤခီၣ်က့ၤပှၤဂၤ, အုၣ်က့ၤခီၣ်က့ၤလီၤအ သးဒၣ်ဝဲတသ့ဘၣ်. ³² မ်ခရံာ်အံၣ်စရ့လးအစီၤပၤ, ဟဲ က့ၤလီၤလၢ ထူၣ်စုညါအလိၤခဲကနံၣ်အံၤ, ဒ်သိးပက ထံၣ်ဒီးနာ်တၢ်တက့ၢ်. ဒီးပှၤလၢအဘၣ်ပျၤထီဃုာ်ဒီး အီၤလၢ ထူၣ်စုညါအလိၤန့ၣ်, ဒုၣ်ဒွဲၣ်အီၤလီၤ.

³³ ဒီးတုၤဃုနၣ်ရံၣ်ဘၣ်ဒီး, တၢ်ခံးဝဲလၢကီၢ်ဒီဘ့ၣ်ညါ တုၤလီၤလၢခွံနၣ်ရံၣ်လီၤ, ³⁴ ဒီးဘၣ်ခွံနၣ်ရံၣ်ဒီး, ယ့ၣ်ရှူး ကိးထီၣ်လၢအကလုၢ်ဖးဒိၣ်ဒီးစံးဝဲဒၣ်, အ့းလိအံၤ, အ့း လိအံၤ, လၤမါစၤဘၤဃသၤနံ, အခီပညီမ့ၢ်, ယကစၢ် ဧၢ, ယကစၢ်ဧၢ, ဘၣ်မနုၤလဲၤသဒၣ်ယၤလဲၣ်. ³⁵+ စံး. ၂၂း၁|Ps.22.1*. ဒီးပှၤဆၢထၢၣ်ဘၣ်လၢအဃၢၤတနီၤနီၤ, တုၤအနၢ် ဟူတၢ်န့ၣ်ဒီး, စံးဝဲဒၣ်, ကွၢ်ကွၢ်, မ့ၢ်အကိးစီၤအ့ၤလံ ယၤလီၤ. ³⁶ ဒီးပှၤတဂၤဃ့ၢ်ဝဲဒီး စုၣ်စီၣ်ကုၤပီၣ်လဲၣ်တ လိၣ်လၢတၤဆံၣ်ထံ, ဒီးစဲထိၣ်ဝဲလၢတပိၢ်တဘိ, ဒီးဒုး အီအီၤဒီးစံးဝဲဒၣ်, ကအိၣ်ဒၣ်ဝဲတက့ၢ်. မ့ၢ်စီၤအ့ၤလံ ယၤကဟဲစိာ်လီၤအီၤ, တဟဲဘၣ်လဲၣ်န့ၣ်, ကွၢ်သကိး တက့ၢ်. ³⁷ ဒီးယ့ၣ်ရှူးကိးထီၣ်လၢအကလုၢ်ဖးဒိၣ်, ဒီးအ သးဟးထီၣ်ကွံာ်ဝဲလီၤ. ³⁸ ဒီးတၢ်လုၢ်ဟံၣ် အယၣ်ဘျး လီၤအသးန့ၣ်, သ့ၣ်ဖးလၢအစိးပၢၢ်လၢအခီၣ်ထံး, ခံခီ လီၤ. ³⁹ ဒီးပှၤသုးဖိတကယၤအခိၣ်တဂၤ, လၢအဆၢ ထၢၣ်သဃီၤဒီးအီၤ, ထံၣ်ဝဲလၢအကိးပသူထီၣ်ဒ်န့ၣ်ဒီး အသးဟးဂီၤကွံာ်ဝဲဒီး, စံးဝဲဒၣ်, ပှၤကညီတဂၤအံၤ, မ့ၢ် မးယွၤအဖိခွါနီၢ်နီၢ်လီၤ.

⁴⁰ ဒီးပှၤပိာ်မုၣ် လၢအကွၢ်သကွ့ၤ တၢ်တနီၤနီၤအိၣ်ဝဲ လီၤ. နီၢ်မၤရံမၤကဒၤလ့ၣ်, ဒီးစီၤယၤကိာ်သးစၢ်ဒီးစီၤ ယိၤစ့ၣ်အမိၢ်နီၢ်မၤရံ, ဒီးနီၢ်စၤလိၣ်သ့ၣ်တဖၣ်အိၣ်ဝဲလၢ အကျါ, ⁴¹ ဒီးဖဲယ့ၣ်ရှူးအိၣ်တ့ၢ်လၢကၤလံၤလါန့ၣ်, အဝဲ သ့ၣ်တဖၣ်ပိာ်အခံ, ဒီးမၤအခ့အပှၤအတၢ်မၤ, ဒီးပိာ် မုၣ်အဂၤလၢအဟဲပိာ်အခံဆူ ယရူၤရှလ့ၣ်, အိၣ်ဝဲအါ ဂၤစ့ၢ်ကီးလီၤ.

⁴² ဒီးတုၤမုၢ်ဟါလီၤတ့ၢ်, ဒီးမ့ၢ်မုၢ်ကတဲာ်ကတီၤတနံၤ, ဒ်ပစံးတၢ်အသိး, မုၢ်အိၣ်ဘှံးအနံၤတချုးဘၣ်ဒံးဘၣ်တ နံၤသတးဒီး, ⁴³ ပှၤအရံၤမၤသဲဖိ, စီၤယိၤသး, ပှၤကူၣ် လိာ်အသးဖိအိၣ်ဒီးအလၤကပီၤ, လၢအကစၢ်ဒၣ်ဝဲ စ့ၢ် ကီးကွၢ်လၢ်ယွၤအဘီအမုၢ်အကျဲတဂၤ, ဟဲဝဲဒီးပာ်အ သးခူတလ့ၢ်, ဒီးလဲၤနုာ်ဝဲ စီၤပံၤလးအအိၣ်, ဒီးဃ့က့ၤ ယ့ၣ်ရှူးအစိၣ်လီၤ. ⁴⁴ ဒီးမ့ၢ်အသံတ့ၢ်လံဒီး, စီၤပံၤလးကမၢကမၣ်, ဒီးကိးန့ၢ်ပှၤသုးဖိတကယၤအခိၣ်တဂၤဆူအအိၣ်, ဒီးမ့ၢ်အသံယံာ်တ့ၢ်လံဧါန့ၣ် သံကွၢ်ဝဲဒၣ်လီၤ. ⁴⁵ ဒီးတုၤအသ့ၣ်ညါဝဲလၢ ပှၤသုးဖိတကယၤအခိၣ် န့ၣ်ဒီး, ဟ့ၣ်လီၤအစိၣ်လၢစီၤယိၤသး လီၤ. ⁴⁶ ဒီးအဝဲ ဒၣ်ပှ့ၤဖှီဝါဆှၣ်, ဒီးဟံးလီၤက့ၤအစိာၣ်, ဒီးဘိၣ် ဃာ်ဝဲလၢဖှီဝါကဆှၣ်န့ၣ်, ဒီးပာ်ဝဲလၢတၢ်သွၣ် ခိၣ်လၢအစးကျိၤန့ၢ်ဝဲလၢလၢၢ်ပူၤလီၤ. ⁴⁷ ဒီးနီၢ်မၤရံမၤကဒၤလ့ၣ်, ဒီး စီၤယိၤစ့ၣ်အမိၢ်နီၢ်မၤရံ, ထံၣ်အလီၢ်ဖဲ တၢ်ပာ်လီၤအီၤ န့ၣ်လီၤ.

၁၆

¹ ဒီးတုၤအိၣ်ဘှံးအနံၤပူၤကွံာ်ဒီး, နီၢ်မၤရံမၤကဒၤလ့ၣ်, ဒီးစီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်သ့ၣ်တဖၣ် န့ၣ်, ပှ့ၤတၢ်နၢမူဒ်သိး အကလဲၤဖှူအီၤလီၤ. ² ဒီးနွံနံၤအကျါမုၢ်ခီၣ်ထံးတနံၤဂီၤဂီၤကလဲာ်ဒီး, ပိာ် မုၣ်တဖၣ်န့ၣ်ဟဲဝဲတုၤလၢ တၢ်သွၣ်ခိၣ်ဖဲမုၢ်ဟဲထီၣ် န့ၣ်လီၤ.

³ ဒီးစံးလိာ်အသး, မ့ၢ်မတၤကတလ့ၣ်ကွံာ်န့ၢ်ပှၤလၢလၢၢ် အိၣ်လၢတၢ်သွၣ်ခိၣ်အခိၣ်ထိးတဂၤလဲၣ်. ⁴ ဒီးကွၢ်ထီၣ် ဝဲဒီးထံၣ်လၢလၢၢ်န့ၣ်တလ့ၣ်ကွံာ်လံအသးလံ. အဂ့ၢ်ဒ် အံၤ, မ့ၢ်တၢ်ဒိၣ်မးလီၤ.― ⁵ ဒီးလဲၤနုာ်ဝဲဆူတၢ်သွၣ်ခိၣ်အ ပူၤ, ဒီးထံၣ်ဘၣ်ဖိၣ်သၣ်ခွါတဂၤ, သိးဆ့ဝါဖးထီ, ဒီး ဆ့ၣ်နီၤဝဲလၢစုထွဲတခီ, ဒီးအဝဲသ့ၣ်ကမၢကမၣ်ဒိၣ်မး လီၤ. ⁶ ဒီးအဝဲဒၣ်စံးဘၣ်အီၤ, သုတကမၢကမၣ်တဂ့ၤ. သုဃုပှၤနစၤရ့းဖိယ့ၣ်ရှူးလၢ ပှၤပျၤထီအီၤလၢထူၣ်စု ညါအလိၤလီၤ. ဂဲၤဆၢထၢၣ်က့ၤလံဝဲလံ. တအိၣ်ဘၣ်ဖဲ အံၤဘၣ်. ကွၢ်ကွၢ်, အလီၢ်ဖဲပှၤပာ်အီၤတက့ၢ်.― ⁷ ဘၣ် ဆၣ်ဒီးက့ၤစံးဘၣ်အပျဲၢ်အဘီၣ်သ့ၣ်တဖၣ်, ဒီးစီၤပ့းတ ရူး, လၢအလဲၤပာ်လၢသုမဲာ်ညါဆူကၤလံၤလါတက့ၢ်. ဒ်အစံးဘၣ်တ့ၢ်သုအသိးန့ၣ်, သုကထံၣ်အီၤဖဲန့ၣ်လီၤ.―

⁸ ဒီးဟးထီၣ်ကွံာ်ဝဲဒီး ဃ့ၢ်ကွံာ်လၢ တၢ်သွၣ်ခိၣ်အအိၣ်, ဒီးကနိးဝဲဒီးအသးကတုၤ, ဒီးတစံးဘၣ်ပှၤနီတဂၤလၢ တၢ်နီတမံၤဘၣ်. အဂ့ၢ်ဒ်အံၤ, ပျံၤတၢ်လီၤ.

⁹ ဒီးနွံနံၤအကျါမုၢ်ခီၣ်ထံးတနံၤလၢဂီၤဂီၤန့ၣ်, ယ့ၣ်ရှူး ဂဲၤဆၢထၢၣ်က့ၤ, ဒီးဒုးနဲၣ်ဆိအသးလၢနီၢ်မၤရံမၤကဒၤ လ့ၣ်, လၢအဟီထီၣ်ကွံာ်တ့ၢ် တၢ်နါနွံဒုလၢအလိၤတ ဂၤလီၤ. ¹⁰ ဒီးအဝဲဒၣ်စံးဘၣ်တဲဘၣ်ပှၤလၢအအိၣ်တ့ၢ်ဒီး ယ့ၣ်ရှူးတဖၣ်, ဖဲအဟီၣ်တၢ်ယၢၤတၢ်ဒီး အမဲာ်ထံလီၤ အဖၢမုၢ်. ¹¹ ဒီးတုၤအဝဲသ့ၣ်နၢ်ဟူလၢအမူဝဲ, ဒီးလၢပိာ် မုၣ်ထံၣ်အီၤဒီး, တနာ်ဘၣ်ဝဲဘၣ်. ¹² တၢ်န့ၣ်တဖၣ်အလီၢ်ခံ, ပှၤလၢအဝဲသ့ၣ်အကျါ ခံဂၤ, ဟးဝဲဒီးလဲၤဆူ ပှၢ်လၢ်ကျါအဖၢမုၢ်န့ၣ်, အ ဝဲဒၣ်လီၣ်ဖျါထီၣ်အသးလၢအီၤ, လၢအက့ၢ်အဂီၤ လီၤဆီတမံၤလီၤ.

¹³ ဒီးအဝဲသ့ၣ်လဲၤစံးဘၣ်တဲဘၣ် ပှၤအိၣ်လီၤတဲာ်တဖၣ်, ဒီးတနာ်စ့ၢ်ကီးဘၣ်အီၤဘၣ်.

¹⁴ လၢခံက့ၤန့ၣ်, ပှၤတဆံတဂၤ ဆ့ၣ်နီၤသန့ၤအဖၢမုၢ် ဒီး, အဝဲဒၣ်လီၣ်ဖျါထီၣ်အသးလၢအီၤ, ဒီးမ့ၢ်အတနာ် ဘၣ်ပှၤလၢအထံၣ်ဘၣ်အီၤ လၢအဂဲၤဆၢထၢၣ်က့ၤအ လီၢ်ခံဒီး, ဒူဝဲအလိၤလၢ အတနာ်ဘၣ်တၢ်ဘၣ်အဃိ, ဒီးလၢအသးကိၤဝဲအဃိလီၤ. ¹⁵ ဒီးစံးဘၣ်အီၤ, လဲၤလၢ ဟီၣ်ခိၣ်ဒီဘ့ၣ်ညါ, ဒီးစံၣ်တဲၤတဲလီၤတၢ်သးခုကစီၣ် လၢကယဲၢ်တၢ်ဘၣ်တ့ အသးတဂၤလၢ်လၢ်တက့ၢ်. ¹⁶ ပှၤ လၢအစူၢ်က့ၤနာ်က့ၤဝဲ, ဒီးဒိးဘျၢ*အသးန့ၣ်, ကတုၤ လၢတၢ်အုၣ်က့ၤခီၣ်က့ၤအီၤလီၤ. မ့မ့ၢ်ပှၤလၢအတစူၢ် တနာ်ဘၣ်န့ၣ်, ကဘၣ်တၢ်စံၣ်ညီၣ်ဃၣ်အီၤလီၤ. ¹⁷ ဒီး ပှၤလၢအစူၢ်က့ၤနာ်က့ၤတၢ်တဖၣ်န့ၣ်, တၢ်ပနီၣ်တဖၣ် ကမၤအသးလၢအီၤဒ်အံၤ, ကဟီထီၣ်ကွံာ်တၢ်နါ လၢ ယမံၤ, ကကတိၤတၢ်လၢပျ့ၤအသီတဖၣ်, ¹⁸ ကဟံးထီၣ် ဂုၢ်ဧိၤဒးဧိၤ, ဒီးမ့ၢ်အီတၢ်မူၤသံဘၣ်ဆၣ်ဒီးတဘၣ်ဘၣ် တၢ်နီတမံၤဘၣ်. ကပာ်ထီၣ်အစုလၢ ပှၤဆူးပှၤဆါတ ဖၣ်အလိၤ, ဒီးကဘျါက့ၤဝဲလီၤ.

¹⁹ မၤသးဒ်န့ၣ်ဒီး ကစၢ်န့ၣ်ကတိၤတၢ်ဒီး အဝဲသ့ၣ်အ လီၢ်ခံဒီး, ဘၣ်တၢ်စိာ်ထီၣ်အီၤဆူမူခိၣ်, ဒီးဆ့ၣ်နီၤဝဲ လၢယွၤအစုထွဲတခီလီၤ. ²⁰ ဒီးအဝဲသ့ၣ်တဖၣ်န့ၣ် လဲၤ စံၣ်တဲၤတဲလီၤတၢ်ကိးပူၤဒဲး, ဒီးကစၢ်န့ၣ်မၤဃုာ်တၢ်ဒီး အီၤ, ဒီးမၤဂၢၢ်မၤကျၢၤတၢ်အကလုၢ်အကထါ လၢတၢ် ပနီၣ်လၢမၤအသးလၢအီၤလီၤ