လံာ်စီၤမိၤရှ့သၢဘ့ၣ်တဘ့ၣ်.

လံာ်စီၤမိၤရှ့သၢဘ့ၣ်တဘ့ၣ်.

၁

¹ ဒီးယွၤကိးထီၣ်စီၤမိၤရှ့, ဒီးကတိၤတၢ်ဒီးအီၤလၢတၢ် အိၣ်ဖှိၣ်အဒဲ, ဒီးစံးဝဲဒၣ်, ² ကတိၤတၢ်ဒီးပှၤအံၣ်စရ့လး ဖိဒီးစံးဘၣ်အီၤ, ပှၤတဂၤဂၤလၢသုကျါမ့ၢ်ဟဲစိာ်တၢ်မၤ ဘူၣ်ဆူယွၤအအိၣ်ဒီး, သုဘၣ်ဟဲစိာ်တၢ်မၤဘူၣ်လၢဆၣ် ဖိကီၢ်ဖိအဒၢ, ဂီၤဘုၣ်ဂီၤဖံး, သိဒီးမဲာ်တဲးလဲးအ ကျါလီၤ.

³ အတၢ်မၤဘူၣ်န့ၣ် မ့မ့ၢ်တၢ်လုၢ်မ့ၣ်အူလၢဂီၤဘုၣ်ဂီၤ ဖံးအကျါဒီး, မ်အမၤဘူၣ်အဖါအလၢအပှဲၤတဒုန့ၣ်တ က့ၢ်. ဘၣ်မၤဘူၣ်အီၤဒ်သိး အကဘၣ်တၢ်အသးဖဲတၢ် အိၣ်ဖှိၣ်အဒဲအကျဲစၢၤလၢယွၤအမဲာ်ညါလီၤ. ⁴ ဒီးဘၣ် ပာ်အစုလၢတၢ်လုၢ်မ့ၣ်အူအခိၣ်, ဒီးကဘၣ်တၢ်အသး လၢအဂီၢ်, ဒ်သိးအကမၤတၢ်ပူၤဖျဲးလၢအဂီၢ်လီၤ.

⁵ ဒီးပှၤဘၣ်မၤသံဂီၤဖံးတဒုန့ၣ်လၢယွၤအမဲာ်ညါ, ဒီး ပှၤလုၢ်တၢ်အဒိၣ်, စီၤအၤဟရိၣ်အဖိခွါတဖၣ်ဟဲစိာ်အ သွံၣ်, ဒီးဖှံဝးတရံးဝဲလၢ တၢ်လုၢ်လီၢ်အဖီခိၣ်လၢအ အိၣ်လၢတၢ်အိၣ်ဖှိၣ်အဒဲအကျဲစၢၤဃၢၤန့ၣ်လီၤ. ⁶ ဒီး ဘၣ်တဘျူးတၢ်လုၢ်န့ၣ်အဖံး, ဒီးဒီၣ်တဲာ်ဝဲတကူာ်တ ကူာ်လီၤ. ⁷ ဒီးပှၤလုၢ်တၢ်အဒိၣ်, စီၤအၤဟရိၣ်အဖိခွါ တဖၣ်ဘၣ်ပာ်မ့ၣ်အူလၢတၢ်လုၢ်လီၢ်အဖီခိၣ်, ဒီးပာ်က တဲာ်ကတီၤသ့ၣ်မုၣ်လၢမ့ၣ်အူအဖီခိၣ်လီၤ.

⁸ ဒီးပှၤလုၢ်တၢ်အဒိၣ်, စီၤအၤဟရိၣ်အဖိခွါတဖၣ်ဘၣ် ပာ်ကတဲာ်ကတီၤအကူာ်တဖၣ်, အခိၣ်, ဒီးအသိ, လၢ သ့ၣ်မုၣ်အဖီခိၣ်, လၢအအိၣ်လၢမ့ၣ်အူအဖီခိၣ်, လၢ တၢ်လုၢ်လီၢ်အဖီခိၣ်လီၤ. ⁹ မ့မ့ၢ်အပှံာ်, ဒီးအခီၣ်န့ၣ် ဘၣ်သ့စီလၢထံလီၤ. ဒီးပှၤလုၢ်တၢ်အဒိၣ်ဘၣ်ဆိၣ်ကဲၤ ကွံာ်ခဲလၢာ်လၢတၢ်လုၢ်လီၢ်အဖီခိၣ်လီၤ. မ့ၢ်တၢ်လုၢ် မ့ၣ်အူ, တၢ်လုၢ်လၢမ့ၣ်အူ, တၢ်နၢမူလၢယွၤအဂီၢ်လီၤ.

¹⁰ ဒီးလၢတၢ်လုၢ်မ့ၣ်အူအဂီၢ်န့ၣ်, အတၢ်မၤဘူၣ်မ့မ့ၢ် လၢသိမဲာ်တဲးလဲး, သိမ့ၢ်ဂ့ၤ, မဲာ်တဲးလဲးမ့ၢ်ဂ့ၤဒီး, ဘၣ် ဟဲစိာ်အဖါအလၢအပှဲၤတဒုလီၤ. ¹¹ ဒီးဘၣ်မၤသံအီၤ လၢတၢ်လုၢ်လီၢ်အကပၤလၢကလံၤစိးတခီ, လၢယွၤအ မဲာ်ညါ, ဒီးပှၤလုၢ်တၢ်အဒိၣ်, စီၤအၤဟရိၣ်အဖိခွါတ ဖၣ် ဘၣ်ဖှံအသွံၣ်ဝးတရံးဝဲလၢ တၢ်လုၢ်လီၢ်အဖီခိၣ် လီၤ. ¹² ဒီးဘၣ်ဒီၣ်တဲာ်အီၤတကူာ်တကူာ်, ဒီးအခိၣ်, ဒီးအသိ, ဒီးပှၤလုၢ်တၢ်အဒိၣ်ဘၣ်ပာ်ကတဲာ်ကတီၤအီၤ လၢသ့ၣ်မုၣ်အဖီခိၣ်လၢအအိၣ်လၢမ့ၣ်အူအဖီခိၣ်, လၢ အအိၣ်လၢတၢ်လုၢ်လီၢ်အဖီခိၣ်လီၤ. ¹³ မ့မ့ၢ်အပှံာ်ဒီးအ ခီၣ်န့ၣ်ဘၣ်သ့စီအီၤလၢထံလီၤ. ဒီးပှၤလုၢ်တၢ်အဒိၣ် ဘၣ်ဟဲစိာ်ခဲလၢာ်, ဒီးဆိၣ်ကဲၤကွံာ်အီၤလၢတၢ်လုၢ်လီၢ် အဖီခိၣ်လီၤ. မ့ၢ်တၢ်လုၢ်မ့ၣ်အူ, တၢ်လုၢ်လၢမ့ၣ်အူ, တၢ်နၢမူလၢယွၤအဂီၢ်လီၤ.

¹⁴ ဒီးအတၢ်မၤဘူၣ်အတၢ်လုၢ်မ့ၣ်အူ လၢယွၤအဂီၢ်န့ၣ် မ့မ့ၢ်လၢထိၣ်ဧိၤလံၣ်ဧိၤ, လၢထိၣ်လွံၢ်ဘုၣ်မ့ၢ်ဂ့ၤ, ကးက့ၣ် ဖိမ့ၢ်ဂ့ၤဒီး, ဘၣ်ဟဲစိာ်အတၢ်မၤဘူၣ်လီၤ. ¹⁵ ဒီးပှၤလုၢ်တၢ် အဒိၣ်ဘၣ်ဟဲစိာ်အီၤဆူတၢ်လုၢ်လီၢ်, ဒီးဝံာ်ကၢ်အကိာ်, ဒီးဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်, ဒီးအသွံၣ် န့ၣ် ပှၤဘၣ်စံၢ်ကွံာ်လၢတၢ်လုၢ်လီၢ်အကပၤလီၤ. ¹⁶ ဒီး ဘၣ်ထုးကွံာ်အကနံဒီးအအ့ၣ်, ဒီးကွံာ်တ့ၢ်ကွံာ်အီၤဆူ တၢ်လုၢ်လီၢ်အကပၤဆူ မုၢ်ထီၣ်တခီဆူဖၣ်ဆါအလီၢ်န့ၣ် လီၤ. ¹⁷ ဒီးဘၣ်ဒီၣ်ဖးအီၤအိၣ်ဒီးအဒံးဆ့ခဲလၢာ်ဘၣ်ဆၣ် ဒီး, တဘၣ်ဒီၣ်တဲာ်ကွံာ်အီၤဘၣ်. ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်, လၢသ့ၣ် မုၣ်အဖီခိၣ်, လၢအအိၣ်လၢမ့ၣ်အူအဖီခိၣ်လီၤ. မ့ၢ်တၢ် လုၢ်မ့ၣ်အူ, တၢ်လုၢ်လၢမ့ၣ်အူ, တၢ်နၢမူလၢယွၤအဂီၢ်လီၤ.

၂

¹ ဒီးတုၤပှၤမၤဘူၣ်တၢ်မၤဘူၣ်ကိၣ်လၢယွၤဒီး, ဘၣ်မ့ၢ် ကိၣ်ကမူၣ်, ဒီးဘၣ်လူလီၤသိလၢအဖီခိၣ်, ဒီးပာ်လီၢ် ဘၣ်လၢအဖီခိၣ်လီၤ. ² ဒီးဘၣ်ဟဲစိာ်အီၤဆူပှၤလုၢ်တၢ် အဒိၣ်, စီၤအၤဟရိၣ်အဖိခွါတဖၣ်အအိၣ်, ဒီးကဟံး န့ၢ်ကိၣ်ကမူၣ်တတၢၤဒုၣ်, ဒီးအသိ, ဒီးလီၢ်ဘၣ်ခဲလၢာ်, ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်အီၤလၢအတၢ် သ့ၣ်နီၣ်ထီၣ်အဂီၢ်လၢတၢ်လုၢ်လီၢ်အဖီခိၣ်, တၢ်လုၢ်မ့ၣ် အူ, တၢ်နၢမူလၢယွၤအဂီၢ်လီၤ.

³ ဒီးတၢ်အိၣ်လီၤတဲာ်လၢ တၢ်မၤဘူၣ်ကိၣ်န့ၣ်ကကဲ ထီၣ်စီၤအၤဟရိၣ်ဒီးအဖိခွါတဖၣ်အတၢ်လီၤ. မ့ၢ်တၢ် စီဆှံကတၢၢ်လၢတၢ်မၤဘူၣ်ယွၤလၢမ့ၣ်အူအကျါလီၤ.

⁴ ဒီးနမ့ၢ်ဟဲစိာ်တၢ်မၤဘူၣ်ကိၣ်, ကိၣ်ကုၢ်အသးလၢ ဖၣ်ကပူၤဒီး, ဘၣ်မ့ၢ်ကိၣ်ကမူၣ်ဃါဃုာ်ဒီး သိဒီးတ အိၣ်ဘၣ်ဒီးကိၣ်မံၣ်အဘ့ၣ်ဘၣ်တဖၣ်, မ့တမ့ၢ်ဘၣ်ဒီး ကိၣ်တဃါဃုာ်ဘၣ်ဒီး ကိၣ်မံၣ်အဘူသလါဖှူအသး ဒီးသိလီၤ.

⁵ ဒီးနတၢ်မၤဘူၣ်န့ၣ်မ့မ့ၢ်ကိၣ်ကုၢ်အသးလၢ တၢ်ဘ့ၣ် ဘၣ်အလိၤဒီး, ဘၣ်မ့ၢ်ကိၣ်ကမူၣ်တအိၣ်ဘၣ်ဒီးကိၣ် မံၣ်, ဃါဃုာ်ဒီးသိလီၤ. ⁶ နဘၣ်စိၢ်ဖးအီၤတလိၣ်တလိၣ်, ဒီးလူလီၤသိလၢအဖီခိၣ်လီၤ. မ့ၢ်တၢ်မၤဘူၣ်ကိၣ်လီၤ.

⁷ ဒီးနတၢ်မၤဘူၣ်န့ၣ် မ့မ့ၢ်တၢ်မၤဘူၣ်ကိၣ်ကုၢ်အသး လၢသပၢၤပူၤဒီး, ဘၣ်မ့ၢ်ကိၣ်ကမူၣ်ဒီးသိလီၤ.

⁸ ဒီးနဘၣ်ဟဲစိာ်တၢ်မၤဘူၣ်ကိၣ် လၢတၢ်မၤဝဲလၢတၢ် တဖၣ်န့ၣ်ဆူယွၤအအိၣ်လီၤ. ဒီးတုၤအတုၤလၢပှၤလုၢ် တၢ်အဒိၣ်အအိၣ်ဒီး, အဝဲဒၣ်ဘၣ်ဟဲစိာ်အီၤဆူတၢ်လုၢ် လီၢ်လီၤ. ⁹ ဒီးပှၤလုၢ်တၢ်အဒိၣ်ဘၣ်ဟံးန့ၢ်အတၢ်သ့ၣ် နီၣ်ထီၣ်က့ၤလၢတၢ်မၤဘူၣ်ကိၣ်အပူၤ, ဒီးဘၣ်ဆိၣ်ကဲၤ ကွံာ်အီၤလၢတၢ်လုၢ်လီၢ်အဖီခိၣ်လီၤ. မ့ၢ်တၢ်လုၢ်မ့ၣ် အူ, တၢ်နၢမူလၢယွၤအဂီၢ်လီၤ. ¹⁰ ဒီးတၢ်အိၣ်လီၤတဲာ် လၢတၢ်မၤဘူၣ်ကိၣ်န့ၣ် ကကဲထီၣ်စီၤအၤဟရိၣ်ဒီးအဖိ ခွါတဖၣ်အတၢ်လီၤ. မ့ၢ်တၢ်စီဆှံကတၢၢ် လၢတၢ်မၤ ဘူၣ်လၢယွၤလၢမ့ၣ်အူအကျါလီၤ.

¹¹ ဒီးတၢ်မၤဘူၣ်ကိၣ်လၢ သုဟဲစိာ်အီၤဆူယွၤအအိၣ် န့ၣ်တဘၣ်အိၣ်ဒီးကိၣ်မံၣ်နီတမံၤဘၣ်. အဂ့ၢ်ဒ်အံၤ, ကိၣ်မံၣ်ဂ့ၤ, ကနဲစီဂ့ၤ, သုတဘၣ်ဆိၣ်ကဲၤလၢတၢ် လုၢ်လၢမ့ၣ်အူအပူၤလၢယွၤအဂီၢ်ဘ.

¹² တၢ်မၤဘူၣ်သၣ်ဆိန့ၣ်, သုဘၣ်မၤဘူၣ်ယွၤလၢအီၤ လီၤ. ဘၣ်ဆၣ်ဒီးတဘၣ်ဆိၣ်ကဲၤဘၣ်အီၤ လၢတၢ် လုၢ်လီၢ်အဖီခိၣ်လၢတၢ်နၢမူအဂီၢ်ဘၣ်.

¹³ ဒီးကယဲၢ်နမၤဘူၣ်တၢ်လၢ နတၢ်မၤဘူၣ်ကိၣ်အကျါ န့ၣ်နဘၣ်ဒုးဟီအီၤဒီးအံသၣ်ကိးမံၤဒဲးလီၤ. ဒီးအံသၣ် ဘၣ်ဃးဒီးနကစၢ်အတၢ်အၢၣ်လီၤအီလီၤ မ့ၢ်တအိၣ် ဘၣ်ဒီး, နတၢ်မၤဘူၣ်ကိၣ်သုတအိၣ်တဂ့ၤ, နဘၣ်မၤ ဘူၣ်အံသၣ်လၢနတၢ်မၤဘူၣ်ခဲလၢာ်လီၤ.

¹⁴ ဒီးနမ့ၢ်မၤဘူၣ်ယွၤလၢတၢ်မၤဘူၣ်တၤသၣ်ဆိဒီး, န ဘၣ်မၤဘူၣ်နတၤသၣ်ဆိလၢ ဘုအစဲၤသံကစဲာ်မၤဃ့ဝဲ လၢမ့ၣ်အူ, ဘုတိၢ်အသးလၢအစဲၤပှဲၤအပူၤလီၤ. ¹⁵ ဒီး နဘၣ်ပာ်သိလၢအလိၤ, ဒီးပာ်လီၢ်ဘၣ်လၢအဖီခိၣ်လီၤ. မ့ၢ်တၢ်မၤဘူၣ်ကိၣ်လီၤ. ¹⁶ ဒီးပှၤလုၢ်တၢ်အဒိၣ်ဘၣ်ဆိၣ် ကဲၤအတၢ်သ့ၣ်နီၣ်ထီၣ်က့ၤ, ဘုလၢအတိၢ်အသးတနီၤ, ဒီးသိတနီၤ, ဒီးအလီၢ်ဘၣ်ခဲလၢာ်လီၤ. မ့ၢ်တၢ်လုၢ်မ့ၣ် အူလၢယွၤအဂီၢ်လီၤ.

၃

¹ ဒီးအတၢ်မၤဘူၣ်န့ၣ် မ့မ့ၢ်တၢ်လုၢ်မၤဃူမၤဖိးဒီးမ့ၢ်မၤ ဘူၣ်ဂီၤဘုၣ်ဂီၤဖံးတဒုဒီး, အမိၢ်ဂ့ၤဂ့ၤ, အဖါဂ့ၤဂ့ၤ, ဘၣ်မၤဘူၣ်တၢ်အလၢအပှဲၤလၢယွၤအမဲာ်ညါလီၤ.

² ဒီးဘၣ်ပာ်အစုလၢအတၢ်မၤဘူၣ်အခိၣ်, ဒီးမၤသံအီၤ ဖဲတၢ်အိၣ်ဖှိၣ်အဒဲအကျဲစၢၤလီၤ. ဒီးပှၤလုၢ်တၢ်အဒိၣ်, စီၤအၤဟရိၣ်အဖိခွါတဖၣ်, ဘၣ်ဖှံအသွံၣ်ဝးတရံးဝဲလၢ တၢ်လုၢ်လီၢ်အဖီခိၣ်လီၤ.

³ ဒီးလၢတၢ်လုၢ်မၤဃူမၤဖိးအတၢ်မၤဘူၣ်န့ၣ် ဘၣ်ဟဲ စိာ်တၢ်လုၢ်လၢမ့ၣ်အူလၢယွၤအဂီၢ်, သိလၢအပှံာ်သလီ အလိၤ, ဒီးကယဲၢ်တၢ်သိလၢအအိၣ်လၢအပှံာ်လိၤ, ⁴ ဒီး အကလ့ၢ်ခံဖျၢၣ်, ဒီးသိလၢအအိၣ်လၢအလိၤ, လၢအ အိၣ်လၢယီၢ်ဒ့အဃၢၤဒီးတၢ်အိၣ်လၢ အသူၣ်အလိၤန့ၣ် ဘၣ်ဟံးထီၣ်ကွံာ်ဒီးအကလ့ၢ်တဖၣ်လီၤ. ⁵ ဒီးစီၤအၤဟ ရိၣ်အဖိခွါတဖၣ် ဘၣ်ဆိၣ်ကဲၤကွံာ်အီၤလၢတၢ်လုၢ်လီၢ် အဖီခိၣ်လၢတၢ်လုၢ်မ့ၣ်အူအဖီခိၣ်လၢ အအိၣ်လၢသ့ၣ် မုၣ်အဖီခိၣ်လၢအအိၣ်လၢမ့ၣ်အူအဖီခိၣ်လီၤ. မ့ၢ်တၢ် လုၢ်လၢမ့ၣ်အူ, တၢ်နၢမူလၢယွၤအဂီၢ်လီၤ.

⁶ ဒီးအတၢ်မၤဘူၣ်ယွၤလၢ တၢ်လုၢ်မၤဃူမၤဖိးမ့မ့ၢ်သိ ဂ့ၤ, မဲာ်တဲးလဲးဂ့ၤဒီး, အမိၢ်မ့ၢ်ဂ့ၤ, အဖါမ့ၢ်ဂ့ၤ, ဘၣ် မၤဘူၣ်တၢ်အလၢအပှဲၤလီၤ.

⁷ ဒီးမ့ၢ်ဟဲစိာ်သိဖိတဒုလၢအတၢ်မၤဘူၣ်အဂီၢ်ဒီး, ဘၣ် ဟဲစိာ်အီၤဆူယွၤအမဲာ်ညါလီၤ. ⁸ ဒီးဘၣ်ပာ်အစုလၢ အတၢ်မၤဘူၣ်အခိၣ်, ဒီးမၤသံအီၤလၢတၢ်အိၣ်ဖှိၣ်အဒဲ အမဲာ်ညါလီၤ. ဒီးစီၤအၤဟရိၣ်အဖိခွါတဖၣ်ဘၣ်ဖှံအ သွံၣ်ဝးတရံးဝဲလၢတၢ်လုၢ်လီၢ်အဖီခိၣ်လီၤ. ⁹ ဒီးလၢတၢ်လုၢ်မၤဃူမၤဖိးအတၢ်မၤဘူၣ်န့ၣ် ဘၣ်ဟဲစိာ်တၢ်လုၢ်လၢမ့ၣ်အူလၢယွၤအဂီၢ်, အသိ, ဒီးအမဲၢ်ဘီၣ်ဒီဘိ, (ဘၣ်ဒီၣ်တဲာ်ဝဲဘူးဒီးအချၢဃံ), ဒီးသိအိၣ်လၢအပှံာ်သလီအလိၤ, ဒီးသိအိၣ်လၢအပှံာ်လိၤခဲလၢာ်,―

¹⁰ ဒီးအကလ့ၢ်ခံဖျၢၣ်, ဒီးသိလၢအအိၣ်လၢအလိၤလၢအ အိၣ်လၢအယီၢ်ဒ့အဃၢၤ, ဒီးတၢ်အိၣ်လၢအသူၣ်အလိၤ န့ၣ်ဘၣ်ဟံးထီၣ်ကွံာ်ဒီးအကလ့ၢ်တဖၣ်လီၤ.

¹¹ ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်အီၤလၢတၢ် လုၢ်လီၢ်အဖီခိၣ်လီၤ. မ့ၢ်တၢ်လုၢ်လၢမ့ၣ်အူအတၢ်အီၣ် လၢယွၤအဂီၢ်လီၤ.

¹² ဒီးအတၢ်မၤဘူၣ်န့ၣ် မ့မ့ၢ်မဲာ်တဲးလဲးတဒုဒီး, ဘၣ် ဟဲစိာ်အီၤဆူယွၤအမဲာ်ညါလီၤ. ¹³ ဒီးဘၣ်ပာ်အစုလၢ အခိၣ်, ဒီးမၤသံအီၤလၢတၢ်အိၣ်ဖှိၣ်အဒဲအမဲာ်ညါ, ဒီး စီၤအၤဟရိၣ်အဖိခွါတဖၣ် ဘၣ်ဖှံအသွံၣ်ဝးတရံးဝဲလၢ တၢ်လုၢ်လီၢ်အဖီခိၣ်လီၤ.

¹⁴ ဒီးဘၣ်မၤဘူၣ်အတၢ်မၤဘူၣ်န့ၣ်လၢအီၤ, တၢ်လုၢ်လၢ မ့ၣ်အူလၢယွၤအဂီၢ်, သိလၢအအိၣ်လၢအပှံာ်သလီအ လိၤ, ဒီးကယဲၢ်သိလၢအပှံာ်လိၤ, ¹⁵ ဒီးအကလ့ၢ်ခံဖျၢၣ်, ဒီးအသိလၢအအိၣ်လၢအလိၤလၢအယီၢ်ဒ့အဃၢၤ, ဒီး တၢ်အိၣ်လၢအသူၣ်အလိၤန့ၣ် ဘၣ်ဟံးထီၣ်ကွံာ်ဒီးအ ကလ့ၢ်တဖၣ်လီၤ. ¹⁶ ဒီးပှၤလုၢ်တၢ်အဒိၣ် ဘၣ်ဆိၣ်ကဲၤ ကွံာ်အီၤလၢတၢ်လုၢ်လီၢ်အဖီခိၣ်လီၤ. မ့ၢ်တၢ်လုၢ်လၢ မ့ၣ်အူအတၢ်အီၣ်လၢတၢ်နၢမူအဂီၢ်လီၤ. ကယဲၢ်တၢ်သိ န့ၣ်မ့ၢ်ယွၤအတၢ်ခဲလၢာ်လီၤ.

¹⁷ တၢ်အလုၢ်အလၢ်အထူအယိာ်လီၤလၢသုစၢၤသုသွဲၣ် အစိၤစိၤအဃၣ်ဃၣ်လၢ သုအိၣ်သုဆိးအလီၢ်တပူၤလၢ် လၢ်န့ၣ်မ့ၢ်လၢတၢ်သိဂ့ၤ, တၢ်သွံၣ်ဂ့ၤန့ၣ်သုသုတအီၣ် တဂ့ၤလီၤ.

၄

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― ကတိၤတၢ် ဒီးပှၤအံၣ်စရ့လးဖိဒီးစံး, ပှၤတဂၤဂၤမ့ၢ်ဟးဖျိးတၢ်ဒီးမၤ တၢ်ဒဲးဘးလၢတၢ်တမံၤမံၤအပူၤလၢ ယွၤမၤလိာ်အီၤ, မၤတဂ့ၤန့ၣ်, ဒီးမ့ၢ်မၤအီၤတမံၤမံၤဒီး, ³ ပှၤလုၢ်တၢ်အ ဒိၣ်လၢအဒိးဖှူအသးန့ၣ် မ့ၢ်မၤကမၣ်တၢ်, ဒီးဒုးဘၣ် ပှၤဂီၢ်မုၢ်လၢတၢ်ဒဲးဘးဒီး, ဘၣ်ဟဲစိာ်ဂီၤဖံးဖါဖိအလၢ အပှဲၤတဒုလၢအတၢ်ဒဲးဘးလၢအမၤဝဲအဃိ, ဆူယွၤအ အိၣ်လၢတၢ်လုၢ်တၢ်ဒဲးဘးအဂီၢ်လီၤ.

⁴ ဒီးဘၣ်ဟဲစိာ်ဂီၤဖံးန့ၣ်ဆူ တၢ်အိၣ်ဖှိၣ်အဒဲအကျဲစၢၤ လၢယွၤအမဲာ်ညါ, ဒီးဘၣ်ပာ်အစုလၢဂီၤဖံးအခိၣ်, ဒီး မၤသံဂီၤဖံးလၢယွၤအမဲာ်ညါလီၤ. ⁵ ဒီးပှၤလုၢ်တၢ်အဒိၣ် လၢအဒိးဖှူအသးန့ၣ် ဘၣ်ဟံးန့ၢ်ဂီၤဖံးအသွံၣ်, ဒီးစိာ် ဝဲဆူတၢ်အိၣ်ဖှိၣ်အဒဲပူၤ, ⁶ ဒီးပှၤလုၢ်တၢ်အဒိၣ်ဘၣ်ဘျၢ အစုမုၢ်တဘိလၢတၢ်သွံၣ်ပူၤ, ဒီးဖှံအသွံၣ်န့ၣ်နွံစုလၢ ယွၤအမဲာ်ညါ, လၢတၢ်အလီၢ်စီဆှံအယၣ်ဘျးထီၣ်အ သးလၢအမဲာ်ညါလီၤ.

⁷ ဒီးပှၤလုၢ်တၢ်အဒိၣ်ဘၣ်ပာ်အသွံၣ် လၢတၢ်လုၢ်လီၢ် ဆိၣ်ကဲၤနၢမူအနၢၤတဖၣ်အလိၤလၢယွၤအမဲာ်ညါ, လၢ အအိၣ်လၢတၢ်အိၣ်ဖှိၣ်အဒဲပူၤလီၤ. ဒီးဘၣ်လူလီၤဂီၤဖံး အသွံၣ်ခဲလၢာ် လၢတၢ်လုၢ်လီၢ်မ့ၣ်အူအခီၣ်ထံးလၢအ အိၣ်လၢတၢ်အိၣ်ဖှိၣ်အဒဲအကျဲစၢၤန့ၣ်လီၤ. ⁸ ဒီးဘၣ်ဟံး န့ၢ်ကွံာ် တၢ်လုၢ်တၢ်ဒဲးဘးအဂီၤဖံးအသိခဲလၢာ်, သိ အိၣ်လၢအပှံာ်သလီအလိၤ, ဒီးသိအိၣ်လၢအပှံာ်လိၤ,―

⁹ ဒီးအကလ့ၢ်ခံဖျၢၣ်, ဒီးအသိလၢအအိၣ်လၢအလိၤလၢ အအိၣ်လၢအယီၢ်ဒ့အဃၢၤန့ၣ်, ဒီးတၢ်အိၣ်လၢအသူၣ် အလိၤန့ၣ်ဘၣ်ဟံးထီၣ်ကွံာ်ဒီးကလ့ၢ်တဖၣ်, ¹⁰ ဒ်ပှၤဟံး ထီၣ်ကွံာ်လၢတၢ်လုၢ်မၤဃူမၤဖိးအဂီၤဖံးအသိးန့ၣ်လီၤ. ဒီးပှၤလုၢ်တၢ်အဒိၣ်ဘၣ်ဆိၣ်ကဲၤအီၤ လၢတၢ်လုၢ်လီၢ် မ့ၣ်အူအဖီခိၣ်လီၤ. ¹¹ ဒီးဂီၤဖံးအဖံး, ဒီးအညၣ်ခဲလၢာ်, ဒီးအခိၣ်ဒီးအခီၣ်, ဒီးအပှံာ်, ဒီးအအ့ၣ်, ¹² ဂီၤဖံးဒီဒု ဒၣ်လဲာ်ဘၣ်လဲၤစိာ်ကွံာ်ဆူပှၤသူၣ်ဒဲအလီၢ်လၢခိ, ဖဲအ လီၢ်ကဆှီဖဲပှၤဂၢ်လီၤဖၣ်ဆါ, ဒီးဘၣ်ဆူးထီၣ်ကွံာ်အီၤ လၢမ့ၣ်အူလၢသ့ၣ်မုၣ်အဖီခိၣ်လီၤ. ဖဲပှၤဂၢ်လီၤဖၣ်ဆါ န့ၣ်ပှၤဘၣ်ဆူးထီၣ်ကွံာ်အီၤဖဲန့ၣ်လီၤ.

¹³ ဒီးအံၣ်စရ့လးအတၢ်အိၣ်ဖှိၣ်ခဲလၢာ် မ့ၢ်ဟးဖျိးမၤက မၣ်တၢ်တမံၤ, ဒီးတၢ်တမံၤန့ၣ်မ့ၢ်အိၣ်တဒၢဒီးတၢ်အိၣ် ဖှိၣ်အမဲာ်, ဒီးမ့ၢ်မၤတၢ်တမံၤမံၤလၢယွၤမၤလိာ်ဝဲလၢအ တဂ့ၤမၤဘၣ်, ဒီးအတၢ်ဒဲးဘးမ့ၢ်အိၣ်ဒီး, ¹⁴ တုၤတၢ်ဒဲး ဘးလၢအမၤဝဲန့ၣ်အိၣ်ဖျါထီၣ်ဒီး, တၢ်အိၣ်ဖှိၣ်ဘၣ်မၤ ဘူၣ်ဂီၤဖံးဖါဖိလၢတၢ်ဒဲးဘးအဂီၢ်, ဒီးဟဲစိာ်အီၤဆူတၢ် အိၣ်ဖှိၣ်အဒဲအမဲာ်ညါလီၤ. ¹⁵ ဒီးတၢ်အိၣ်ဖှိၣ်အသူၣ်က့ သးပှၢ်တဖၣ် ဘၣ်ပာ်အစုလၢဂီၤဖံးအခိၣ်လၢယွၤအမဲာ် ညါ, ဒီးမၤသံဂီၤဖံးလၢယွၤအမဲာ်ညါလီၤ.

¹⁶ ဒီးပှၤလုၢ်တၢ်အဒိၣ်လၢအဒိးဖှူအသးန့ၣ် ဘၣ်ဟဲစိာ် ဂီၤဖံးအသွံၣ်ဆူတၢ်အိၣ်ဖှိၣ်အဒဲပူၤ, ¹⁷ ဒီးပှၤလုၢ်တၢ်အ ဒိၣ်ဘၣ်ဘျၢအစုမုၢ်တဘိလၢတၢ်သွံၣ်ပူၤ, ဒီးဖှံအီၤနွံဘျီ လၢယွၤအမဲာ်ညါ, လၢယၣ်ဘျးထီၣ်အသးအမဲာ်ညါ လီၤ. ¹⁸ ဒီးဘၣ်ပာ်တၢ်သွံၣ်လၢတၢ်လုၢ်လီၢ်အနၢၤတဖၣ် အလိၤလၢယွၤအမဲာ်ညါ, လၢအအိၣ်လၢတၢ်အိၣ်ဖှိၣ် အဒဲပူၤလီၤ. ဒီးဘၣ်လူလီၤတၢ်သွံၣ်ခဲလၢာ်လၢတၢ်လုၢ် လီၢ်မ့ၣ်အူအခီၣ်ထံးလၢအအိၣ်လၢ တၢ်အိၣ်ဖှိၣ်အဒဲအ ကျဲစၢၤလီၤ. ¹⁹ ဒီးဘၣ်ဟံးန့ၢ်အသိခဲလၢာ်, ဒီးဆိၣ်ကဲၤ ကွံာ်အီၤလၢတၢ်လုၢ်လီၢ်အဖီခိၣ်လီၤ.

²⁰ ဒီးဘၣ်မၤဂီၤဖံးန့ၣ် ဒ်အမၤဂီၤဖံးလၢတၢ်လုၢ်တၢ်ဒဲး ဘးအဂီၢ်အသိးလီၤ. ဘၣ်မၤအဝဲအံၤဒ်န့ၣ်အသိးလီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢအဂီၢ်, ဒီးတၢ် ကပျၢ်အတၢ်လီၤ. ²¹ ဒီးဘၣ်စိာ်ထီၣ်ကွံာ်ဂီၤဖံးန့ၣ်ဆူပှၤ သူၣ်ဒဲအလီၢ်လၢခိ, ဒီးဆူးထီၣ်ကွံာ်အီၤဒ်အဆူးထီၣ် ကွံာ်ဂီၤဖံးလၢအခီၣ်ထံးတဒုအသိးန့ၣ်လီၤ. အဝဲန့ၣ်မ့ၢ် တၢ်အိၣ်ဖှိၣ်အတၢ်လုၢ်တၢ်ဒဲးဘးလီၤ.

²² တုၤပဒိၣ်မၤတၢ်ဒဲးဘး, ဒီးတသ့ၣ်ညါဘၣ်ဒီး, မၤ တၢ်တမံၤမံၤ လၢယွၤအကစၢ်မၤလိာ်ဝဲ လၢတဂ့ၤမၤ ဘၣ်, ဒီးအတၢ်ဒဲးဘးအိၣ်, ²³ ဒီးတခီတၢ်မ့ၢ်ဘိးဘၣ် သ့ၣ်ညါအီၤလၢအတၢ်ဒဲးဘးလၢအမၤဝဲဒီး, ဘၣ်ဟဲစိာ် အတၢ်မၤဘူၣ်, မဲာ်တဲးလဲၤဖိအဖါအလၢအပှဲၤတဒုလီၤ.

²⁴ ဒီးဘၣ်ပာ်အစုလၢမဲာ်တဲးလဲးအခိၣ်, ဒီးမၤသံအီၤဖဲ အလီၢ်လၢအမၤသံတၢ်လုၢ်မ့ၣ်အူ လၢယွၤအမဲာ်ညါ လီၤ. အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.

²⁵ ဒီးပှၤလုၢ်တၢ်အဒိၣ်ဟံးန့ၢ် တၢ်လုၢ်တၢ်ဒဲးဘးအသွံၣ် လၢအစုမုၢ်တဘိ, ဒီးပာ်လၢတၢ်လုၢ်လီၢ်မ့ၣ်အူအနၢၤ တဖၣ်အလိၤ, ဒီးဘၣ်လူလီၤအသွံၣ်လၢတၢ်လုၢ်လီၢ် မ့ၣ်အူအခီၣ်ထံးလီၤ.

²⁶ ဒီးဘၣ်ဆိၣ်ကဲၤအသိခဲလၢာ်လၢ တၢ်လုၢ်လီၢ်အဖီခိၣ် ဒ်တၢ်လုၢ်မၤဃူမၤဖိးအသိအသိးန့ၣ်, ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအဂီၢ်လၢ အတၢ်ဒဲးဘးအဃိ, ဒီးတၢ်ကပျၢ်အတၢ်လီၤ.

²⁷ ဒီးပှၤကီၢ်ဖိတဂၤဂၤမ့ၢ်မၤတၢ်ဒဲးဘး, ဒီးတသ့ၣ်ညါ ဘၣ်ဒီး, မၤတၢ်တမံၤမံၤလၢယွၤမၤလိာ်ဝဲလၢအတဂ့ၤ မၤဘၣ်, ဒီးအတၢ်ဒဲးဘးအိၣ်ဝဲ, ²⁸ ဒီးတၢ်မ့ၢ်ဘိးဘၣ် သ့ၣ်ညါအီၤလၢအတၢ်ဒဲးဘးလၢအမၤဝဲဒီး, ဘၣ်ဟဲစိာ် အတၢ်မၤဘူၣ်, မဲာ်တဲးလဲးဖိအမိၢ်အလၢအပှဲၤတဒုလၢ အတၢ်ဒဲးဘးလၢအမၤဝဲအဃိလီၤ. ²⁹ ဒီးဘၣ်ပာ်အစုလၢတၢ်လုၢ်တၢ်ဒဲးဘးအခိၣ်, ဒီးမၤသံတၢ်လုၢ်တၢ်ဒဲးဘးန့ၣ် ဖဲတၢ်လုၢ်မ့ၣ်အူအလီၢ်လီၤ.―

³⁰ ဒီးပှၤလုၢ်တၢ်အဒိၣ် ဘၣ်ဟံးန့ၢ်အသွံၣ်လၢအစုမုၢ်တဘိ, ဒီးပာ်လၢတၢ်လုၢ်လီၢ်မ့ၣ်အူအနၢၤတဖၣ်အလိၤ, ဒီးဘၣ် လူလီၤအသွံၣ်ခဲလၢာ်လၢတၢ်လုၢ်လီၢ်အခီၣ်ထံးလီၤ.

³¹ ဒီးဘၣ်ဟံးထီၣ်ကွံာ်အသိခဲလၢာ် ဒ်ပှၤဟံးထီၣ်ကွံာ် တၢ်လုၢ်မၤဃူမၤဖိးအသိအသိးန့ၣ်, ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်လၢတၢ်လုၢ်လီၢ်အဖီခိၣ်, လၢတၢ်နၢ မူလၢယွၤအဂီၢ်လီၤ. ဒီးပှၤလုၢ်တၢ်အဒိၣ်ဘၣ်မၤတၢ်မၤ ပူၤဖျဲးလၢအဂီၢ်, ဒီးတၢ်ကပျၢ်အတၢ်လီၤ.

³² ဒီးမ့ၢ်ဟဲစိာ်သိဖိလၢတၢ်လုၢ်တၢ်ဒဲးဘးအဂီၢ်ဒီး, ဘၣ် ဟဲစိာ်အမိၢ်အလၢအပှဲၤတဒုလီၤ. ³³ ဒီးဘၣ်ပာ်အစုလၢ တၢ်လုၢ်တၢ်ဒဲးဘးအခိၣ်, ဒီးမၤသံအီၤလၢတၢ်လုၢ်တၢ် ဒဲးဘးအဂီၢ်, ဖဲပှၤမၤသံတၢ်လုၢ်မ့ၣ်အူလီၤ.

³⁴ ဒီးပှၤလုၢ်တၢ်အဒိၣ် ဘၣ်ဟံးန့ၢ်တၢ်လုၢ်တၢ်ဒဲးဘးအ သွံၣ်လၢအစုမုၢ်တဘိ, ဒီးပာ်လၢတၢ်လုၢ်လီၢ်မ့ၣ်အူအ နၢၤတဖၣ်အလိၤ, ဒီးတၢ်လူလီၤတၢ်သွံၣ်ခဲလၢာ်လၢတၢ် လုၢ်လီၢ်အခီၣ်ထံးလီၤ. ³⁵ ဒီးဘၣ်ဟံးထီၣ်ကွံာ်အသိခဲ လၢာ်ဒ်သိဖိအသိ ဘၣ်တၢ်ဟံးထီၣ်ကွံာ်အီၤလၢတၢ်လုၢ် မၤဃူမၤဖိးအသိးန့ၣ်, ဒီးပှၤလုၢ်တၢ်အဒိၣ်ဘၣ်ဆိၣ်ကဲၤ ကွံာ်အီၤလၢတၢ်လုၢ်လီၢ်အဖီခိၣ် ဒ်တၢ်လုၢ်မ့ၣ်အူလၢ ယွၤအဂီၢ်အသိးန့ၣ်လီၤ. ဒီးပှၤလုၢ်တၢ်အဒိၣ် ဘၣ်မၤ တၢ်ပူၤဖျဲးလၢအတၢ်ဒဲးဘးလၢအမၤဝဲအဃိ, ဒီးတၢ်က ပျၢ်အတၢ်လီၤ.

၅

¹ ဒီးပှၤတဂၤဂၤမ့ၢ်မၤတၢ်ဒဲးဘး လၢအနၢ်ဟူဆိၣ်တၢ် အကလုၢ်, ဒီးကဲထီၣ်ပှၤအုၣ်အသးလၢအထံၣ်ဘၣ်တၢ် ဂ့ၤ, သ့ၣ်ညါတၢ်ဂ့ၤ, ဒီးတစံးဘၣ်တၢ်ဘၣ်အဃိဒီး, ကဘၣ်အတၢ်ဒဲးဘးလီၤ. ² ဒီးပှၤတဂၤဂၤမ့ၢ်ထိးဘၣ် တၢ်တကဆှီဘၣ်တမံၤမံၤ, ဆၣ်ဖိကီၢ်ဖိအမံၤတကဆှီဘၣ်အစိၣ်ဂ့ၤဂ့ၤ, ဆၣ်ဖိကီၢ်ဖိအဒၢတကဆှီဘၣ်အစိၣ်ဂ့ၤဂ့ၤ, တၢ်အစွါတကဆှီဘၣ်အစိၣ်ဂ့ၤဂ့ၤ, ဒီးမ့ၢ်အိၣ်တဒၢဒီးအီၤဘၣ်ဆၣ်ဒီး, အဝဲဒၣ်န့ၣ်မ့ၢ်တကဆှီဘၣ်စ့ၢ်ကီးဒီး, အတၢ်ဒဲးဘးအိၣ် ဝဲလီၤ.

³ ဒီးမ့ၢ်ထိးဘၣ်ပှၤကညီအတၢ်တကဆှီဘၣ်, ကယဲၢ်တၢ် လၢအမၤတကဆှီဘၣ်အီၤတမံၤမံၤ, ဒီးမ့ၢ်အိၣ်တဒၢဒီး အီၤဒီး, တုၤအသ့ၣ်ညါဝဲဒီး, အတၢ်ဒဲးဘးကအိၣ်လီၤ.

⁴ ဒီးပှၤတဂၤဂၤမ့ၢ်ဆိၣ်တၢ်, မ့ၢ်စံးလၢအထးခိၣ်လၢအ ကမၤအၢမ့ၢ်ဂ့ၤ, မၤဂ့ၤမ့ၢ်ဂ့ၤ, ကယဲၢ်တၢ်လၢပှၤကစံး ဒီးတၢ်ဆိၣ်တမံၤမံၤ, ဒီးမ့ၢ်အိၣ်တဒၢဒီးအီၤဒီး, တုၤအ သ့ၣ်ညါဒီး, အတၢ်ဒဲးဘးကအိၣ်လၢတၢ်န့ၣ်တဖၣ်တ မံၤမံၤအဃိလီၤ. ⁵ ဒီးတုၤအတၢ်ဒဲးဘးအိၣ်လၢတၢ်တ ဖၣ်န့ၣ်တမံၤမံၤအဃိဒီး, တၢ်ကမၤအသးလၢအဘၣ်တဲ လီၤကျဲၤလီၤလၢအမၤတၢ်ဒဲးဘးလၢတၢ်န့ၣ်တမံၤလီၤ.

⁶ ဒီးဘၣ်ဟဲစိာ်အတၢ်လုၢ်တၢ်ကမၣ်လၢ အတၢ်ဒဲးဘး လၢအမၤဝဲအဃိ, အမိၢ်တဒု, သိဖိမ့ၢ်ဂ့ၤ, မဲာ်တဲးလဲးဖိ မ့ၢ်ဂ့ၤ, လၢအတၢ်ဒဲးဘးအဂီၢ်လီၤ. ဒီးပှၤလုၢ်တၢ်အဒိၣ် ဘၣ်မၤတၢ်ပူၤဖျဲးလၢအဂီၢ်လၢအတၢ်ဒဲးဘးအဃိလီၤ.

⁷ ဒီးအစုမ့ၢ်တချုးန့ၢ်ဘၣ်တၢ်ကြၢးဒီးသိဖိဘၣ်ဒီး, ဘၣ် ဟဲစိာ်ထိၣ်လွံၢ်ဘုၣ်ခံဘ့ၣ်ဂ့ၤဂ့ၤ, ကးက့ၣ်ဖိခံဘ့ၣ်ဂ့ၤ ဂ့ၤ, လၢအတၢ်ကမၣ်လၢအမၤဝဲအဃိ, ဆူယွၤအ အိၣ်လီၤ. လၢတၢ်လုၢ်တၢ်ဒဲးဘးအဂီၢ်တဘ့ၣ်ဒီး လၢ တၢ်လုၢ်မ့ၣ်အူအဂီၢ်တဘ့ၣ်လီၤ.

⁸ ဒီးဘၣ်ဟဲစိာ်အီၤဆူပှၤလုၢ်တၢ်အဒိၣ်အအိၣ်, ဒီးအ ဝဲဒၣ်ဘၣ်လုၢ်ဆိတၢ်လုၢ်တၢ်ဒဲးဘး, ဒီးဝံာ်ကၢ်ကွံာ်အ ကိာ်ဘၣ်ဆၣ်ဒီးတဘၣ်မၤတဲာ်ကွံာ်အီၤဘၣ်, ⁹ ဒီးဘၣ် ဖှံတၢ်လုၢ်တၢ်ဒဲးဘးအသွံၣ် လၢတၢ်လုၢ်လီၢ်အကပၤ, ဒီးတၢ်သွံၣ်လၢအအိၣ်လီၤတဲာ်န့ၣ် ဘၣ်စံၢ်ကွံာ်အသး လၢတၢ်လုၢ်လီၢ်အခီၣ်ထံးလီၤ. အဝဲန့ၣ်မ့ၢ်တၢ်လုၢ်တၢ် ဒဲးဘးလီၤ.

¹⁰ ဒီးဘၣ်လုၢ်ခံဘ့ၣ်တဘ့ၣ်န့ၣ်လၢတၢ်လုၢ်မ့ၣ်အူဒ်တၢ် သိၣ်တၢ်သီအသိး, ဒီးပှၤလုၢ်တၢ်အဒိၣ်ဘၣ်မၤတၢ်ပူၤ ဖျဲးလၢအဂီၢ်, လၢအတၢ်ဒဲးဘးလၢအမၤဝဲအဃိလီၤ. ဒီးတၢ်ကပျၢ်အတၢ်လီၤ.

¹¹ ဒီးထိၣ်လွံၢ်ခံဘ့ၣ်မ့ၢ်ဂ့ၤ, ကးက့ၣ်ဖိဖိခံဘ့ၣ်မ့ၢ်ဂ့ၤ, အ စုမ့ၢ်တချုးန့ၢ်ဘၣ်ဒီး, လၢအမၤဘူၣ်တၢ်အဂီၢ်န့ၣ်ပှၤ လၢအမၤတၢ်ဒဲးဘးတဂၤ ဘၣ်ဟဲစိာ်ကိၣ်ကမူၣ်တအ့ ဖးဆံဆဲၣ်ပူတပူလၢတၢ်လုၢ်တၢ်ဒဲးဘးအဂီၢ်လီၤ. သိ မ့ၢ်ဂ့ၤ, လီၢ်ဘၣ်မ့ၢ်ဂ့ၤ, တဘၣ်ပာ်လၢအဖီခိၣ်ဘၣ်, အဂ့ၢ်ဒ်အံၤ, အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ.

¹² ဒီးဘၣ်ဟဲစိာ်ဆူပှၤလုၢ်တၢ်အဒိၣ်အအိၣ်, ဒီးပှၤလုၢ် တၢ်အဒိၣ်ဘၣ်ဟံးန့ၢ်တတၢၤဒုၣ်လၢအီၤ, လၢအတၢ် သ့ၣ်နီၣ်ထီၣ်အဂီၢ်, ဒီးဆိၣ်ကဲၤကွံာ်အီၤလၢတၢ်လုၢ်လီၢ် အဖီခိၣ်, ဒ်တၢ်လုၢ်မ့ၣ်အူလၢယွၤအဂီၢ်အသိးန့ၣ်လီၤ. အဝဲန့ၣ်မ့ၢ်တၢ်လုၢ်တၢ်ဒဲးဘးလီၤ. ¹³ ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအတၢ်ဒဲးဘးလၢအမၤဝဲအဃိ, လၢတၢ်တဖၣ်န့ၣ် တမံၤမံၤလီၤ. ဒီးတၢ်ကပျၢ်အတၢ် လီၤ. ဒီးတၢ်အိၣ်လီၤတဲာ်ကကဲထီၣ်ပှၤလုၢ်တၢ်အဒိၣ် အတၢ်, ဒ်တၢ်မၤဘူၣ်ကိၣ်အသိးန့ၣ်လီၤ. ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်, ¹⁴ ပှၤတဂၤ ဂၤမ့ၢ်မၤကမၣ်တၢ်ဒီး တသ့ၣ်ညါဘၣ်ဒီးမၤတၢ်ဒဲးဘး လၢယွၤအတၢ်စီဆှံတဖၣ်အပူၤဒီး, ဘၣ်ဟဲစိာ်တၢ်အဖါ အလၢအပှဲၤတဒုလၢသိဒီးမဲာ်တဲးလဲးအကျါ, လၢအတၢ် ကမၣ်အဃိ, ဖဲနပာ်အပှ့ၤလၢၡက့လးစ့ဒ်တၢ်အလီၢ်စီဆှံ ၡက့လးအသိးန့ၣ်လၢအတၢ်လုၢ်တၢ်ကမၣ်အဂီၢ်လီၤ.―

¹⁶ ဒီးဘၣ်ဟ့ၣ်က့ၤတၢ်လၢအမၤကမၣ်တၢ်လၢတၢ်စီဆှံ တဖၣ်အပူၤအဂီၢ်, ဒီးပာ်ဖှိၣ်အတၢ်ယဲၢ်ပူတပူ, ဒီးဟ့ၣ် ပှၤလုၢ်တၢ်အဒိၣ်, ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲး လၢအဂီၢ်, လၢတၢ်လုၢ်တၢ်ကမၣ်အတၢ်အဖါတဒုလၢ သိဒီးမဲာ်တဲးလဲးအကျါလီၤ. ဒီးတၢ်ကပျၢ်အတၢ်လီၤ.

¹⁷ ဒီးပှၤတဂၤဂၤမ့ၢ်မၤတၢ်ဒဲးဘး, ဒီးမၤတၢ်တမံၤမံၤလၢ ယွၤမၤလိာ်မၤတဂ့ၤန့ၣ်ဒီး, မ့ၢ်တသ့ၣ်ညါဘၣ်နာ်သ က့ဒီး, အတၢ်ဒဲးဘးအိၣ်ဝဲ, ဒီးဘၣ်တူၢ်အတၢ်ဒဲးဘးလီၤ.

¹⁸ ဒီးဘၣ်ဟဲစိာ်တၢ်အဖါအလၢအပှဲၤတဒုလၢသိဒီးမဲာ် တဲးလဲးအကျါ, ဖဲနပာ်အပှ့ၤ, လၢတၢ်လုၢ်တၢ်ကမၣ် အဂီၢ်, ဆူပှၤလုၢ်တၢ်အဒိၣ်အအိၣ်, ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအဂီၢ်လၢ အတၢ်ဟးဖျိးလၢအ ဟးဖျိးဒီးတသ့ၣ်ညါဘၣ်အဃိလီၤ. ဒီးတၢ်ကပျၢ်အတၢ် လီၤ. ¹⁹ အဝဲန့ၣ်မ့ၢ်တၢ်လုၢ်တၢ်ကမၣ်လီၤ. မ့ၢ်အမၤက မၣ်ဘၣ်ယွၤသပှၢ်တၢၢ်လီၤ.

၆

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― ပှၤတဂၤ ဂၤမ့ၢ်မၤတၢ်ဒဲးဘး ဒီးမၤကမၣ်ဘၣ်ယွၤ, ဒီးကတိၤက ဘျံးကဘျၣ်ဒီးပှၤလၢအဃၢၤလၢ တၢ်ဘၣ်တၢ်ပာ်အီၤ လၢအစုပူၤအဂ့ၢ်အကျိၤဂ့ၤ, လၢတၢ်ဟ့ၣ်ကီၤအဂ့ၢ်အ ကျိၤဂ့ၤ, လၢတၢ်ဟံးန့ၢ်ဆူၣ်အဂ့ၢ်အကျိၤဂ့ၤ, ဒီးမ့ၢ်လီန့ၢ် ပှၤလၢအဃၢၤမ့ၢ်ဂ့ၤ, ³ မ့ၢ်ထံၣ်န့ၢ်တၢ်လၢအဟါမၢ်, ဒီး ကတိၤကဘျံးကဘျၣ်လၢအဂ့ၢ်အကျိၤ, ဒီးဆိၣ်တၢ်က ဘျံးကဘျၣ်မ့ၢ်ဂ့ၤ, ကယဲၢ်တၢ်န့ၣ်တမံၤမံၤလၢပှၤမၤဒီး မၤကမၣ်ဘၣ်တၢ်ဒီး, ⁴ မ့ၢ်အမၤကမၣ်တၢ်ဒီးအတၢ်ဒဲး ဘးအိၣ်ဝဲဒီး, တၢ်ကမၤအသးလၢအဘၣ်ဟ့ၣ်က့ၤတၢ် လၢအမၤန့ၢ်ဆူၣ်ဂ့ၤ, တၢ်လၢအမၤန့ၢ်လၢလီတၢ်ဂ့ၤ, တၢ် လၢတၢ်ပာ်လၢအစုပူၤဂ့ၤ, တၢ်လၢအဟါမၢ်ဒီးထံၣ်န့ၢ် ဂ့ၤ, ⁵ ကယဲၢ်တၢ်လၢအဆိၣ်တၢ်ကဘျံးကဘျၣ်လၢအဂ့ၢ် အကျိၤဂ့ၤ, ဘၣ်ဟ့ၣ်က့ၤတၢ်န့ၣ်အမိၢ်ပှၢ်, ဒီးဘၣ်ပာ်ဖှိၣ် အယဲၢ်ပူတပူဒီးအီၤလီၤ. ဒီးမုၢ်နံၤလၢတၢ်ထံၣ်န့ၢ်အတၢ် ဒဲးဘးန့ၣ် ဘၣ်ဟ့ၣ်က့ၤအီၤလၢပှၤလၢအ မ့ၢ်အတၢ်လီၤ.

⁶ ဒီးဘၣ်ဟဲစိာ်အတၢ်လုၢ်တၢ်ကမၣ် တၢ်အဖါအလၢ အပှဲၤတဒုလၢ သိဒီးမဲာ်တဲးလဲးအကျါဆူယွၤအအိၣ်, တၢ်အဖါအလၢအပှဲၤလၢ သိဒီးမဲာ်တဲးလဲးအကျါဖဲန ပာ်အပှ့ၤလၢတၢ်လုၢ်တၢ်ကမၣ်အဂီၢ်, ဆူပှၤလုၢ်တၢ် အဒိၣ်အအိၣ်လီၤ. ⁷ ဒီးပှၤလုၢ်တၢ်အဒိၣ်ဘၣ်မၤတၢ်ပူၤ ဖျဲးလၢအဂီၢ်လၢယွၤအမဲာ်ညါ, ဒီးတၢ်ကပျၢ်ကယဲၢ်တၢ် တမံၤမံၤလၢအမၤကမၣ်တၢ်လၢအပူၤလီၤ. ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်, ⁸ မၤလိာ်စီၤ အၤဟရိၣ်ဒီးအဖိခွါတဖၣ်ဒီးစံး, အအံၤမ့ၢ်တၢ်သိၣ်တၢ် သီဘၣ်ဃးဒီးတၢ်လုၢ်မ့ၣ်အူန့ၣ်, တၢ်လုၢ်မ့ၣ်အူဘၣ် အိၣ်လၢတၢ်လုၢ်လီၢ်အဖၣ်ကပူၤအဖီခိၣ် သီတနၤကျၢၤ တုၤမုၢ်ဂီၤလီၤ. ဒီးတၢ်လုၢ်လီၢ်အမ့ၣ်အူဘၣ်ကဲၤလၢအ လိၤတထံၣ်ဃီလီၤ. ¹⁰ ဒီးပှၤလုၢ်တၢ်အဒိၣ်ဘၣ်သိးအ ဆ့ဖှီဝါ, ဒီးအတၢ်ဖျီၣ်ခံဖှီဝါလၢအညၣ်အလိၤ, ဒီးဘၣ် ဟံးထီၣ်ဖၣ်ဆါလၢမ့ၣ်အူအီၣ်ကွံာ်ဝဲဒီး တၢ်လုၢ်မ့ၣ်အူ လၢတၢ်လုၢ်လီၢ်အဖီခိၣ်, ဒီးဘၣ်ပာ်အီၤလၢတၢ်လုၢ် လီၢ်အဃၢၤလီၤ. ¹¹ ဒီးဘၣ်ဘ့ၣ်ကွံာ်အကူအသိး, ဒီး သိးအဂၤတဖၣ်, ဒီးစိာ်ထီၣ်ကွံာ်ဖၣ်ဆါဆူအလီၢ်ကဆှီ လၢဒဲအလီၢ်လၢခိလီၤ.

¹² ဒီးမ့ၣ်အူလၢတၢ်လုၢ်လီၢ်အဖီခိၣ် ဘၣ်ကဲၤတထံၣ်ဃီ လီၤ. တဘၣ်လီၤပံာ်ဘၣ်ဝဲဘၣ်, ဒီးပှၤလုၢ်တၢ်အဒိၣ် ဘၣ်ဆိၣ်ကဲၤသ့ၣ်မုၣ်လၢအဖီခိၣ်ကိးဂီၤဒဲး, ဒီးပာ်က တဲာ်ကတီၤတၢ်လုၢ်မ့ၣ်အူလၢအဖီခိၣ်, ဒီးဘၣ်ဆိၣ်ကဲၤ ကွံာ်တၢ်မၤဃူမၤဖိးအသိလၢအဖီခိၣ်လီၤ. ¹³ ဒီးမ့ၣ်အူ ဘၣ်ကဲၤလၢတၢ်လုၢ်လီၢ်အဖီခိၣ် တထံၣ်ဃီလီၤ. တ ဘၣ်လီၤပံာ်ဘၣ်.

¹⁴ ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်မၤဘူၣ် ကိၣ်န့ၣ်, စီၤအၤဟရိၣ်အဖိခွါတဖၣ်ဘၣ်မၤဘူၣ်အီၤလၢ ယွၤအမဲာ်ညါလၢတၢ်လုၢ်လီၢ်အမဲာ်ညါလီၤ. ¹⁵ ဒီးဘၣ် ဟံးန့ၢ်တၢ်မၤဘူၣ်အကိၣ်ကမူၣ်တတၢၤဒုၣ်, ဒီးအသိ, ဒီး လီၢ်ဘၣ်လၢအအိၣ်လၢ တၢ်မၤဘူၣ်ကိၣ်အဖီခိၣ်ခဲလၢာ်, ဒီးဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်, တၢ်နၢ မူလၢတၢ်သ့ၣ်နီၣ်ထီၣ်က့ၤအီၤအဂ့ၢ်လၢယွၤအဂီၢ်လီၤ.

¹⁶ ဒီးတၢ်အိၣ်လီၤတဲာ်န့ၣ် စီၤအၤဟရိၣ်ဒီးအဖိခွါတ ဖၣ်ကအီၣ်ဘၣ်ဝဲလီၤ. ဘၣ်အီၣ်ဝဲဒီးကိၣ်တအိၣ်ဒီးကိၣ် မံၣ်လၢတၢ်အလီၢ်စီဆှံအပူၤလီၤ. ဘၣ်အီၣ်ဝဲလၢတၢ် အိၣ်ဖှိၣ်အဒဲအဂၢၤပူၤလီၤ.

¹⁷ ဒီးပှၤတဘၣ်ကုၢ်အီၤဒီးကိၣ်မံၣ်ဘၣ်. ယဟ့ၣ်လီၤအီၤ လၢအဂီၢ်လၢယတၢ်လုၢ်မ့ၣ်အူအပူၤလီၤ. မ့ၢ်တၢ်စီဆှံက တၢၢ်, ဒ်တၢ်လုၢ်တၢ်ဒဲးဘးအသိး, ဒီးဒ်တၢ်လုၢ်တၢ်က မၣ်အသိးန့ၣ်လီၤ. ¹⁸ ဒီးကယဲၢ်ပှၤပိာ်ခွါလၢစီၤအၤဟရိၣ် အဖိခွါအကျါကအီၣ်ဘၣ်ဝဲကိးဂၤဒဲးလီၤ. မ့ၢ်တၢ်အလုၢ် အလၢ်အထူအယိာ် လီၤလၢသုစၢၤသုသွဲၣ်အစိၤစိၤအ ဃၣ်ဃၣ်ဘၣ်ဃးဒီးတၢ်လုၢ်မ့ၣ်အူလၢယွၤအဂီၢ်လီၤ. က ယဲၢ်ပှၤလၢအထိးဘၣ်အီၤန့ၣ်ဘၣ်စီဆှံဝဲကိးဂၤဒဲးလီၤ. ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်, ¹⁹ အအံၤ မ့ၢ်စီၤအၤဟရိၣ်ဒီးအဖိခွါတဖၣ် အတၢ်မၤဘူၣ်လၢအ ဘၣ်မၤဘူၣ်ယွၤလၢမုၢ်နံၤလၢအဒိးဖှူအသး, ကိၣ်ကမူၣ် တအ့ဖးဆံဆဲၣ်ပူတပူလၢ တၢ်မၤဘူၣ်ကိၣ်အဂီၢ်တထံၣ် ဃီ, ဖးဖီတၢ်န့ၣ်လၢမုၢ်ဂီၤ, ဒီးဖးဖီတၢ်န့ၣ်လၢမုၢ်ဟါလီၤ.

²¹ ဘၣ်မၤအီၤဒီးသိလၢတၢ်ဘ့ၣ်ဘၣ်အလိၤ, ကုၢ်ဝဲဝံၤဒီး, နဘၣ်ဟဲစိာ်လီၤ. တၢ်မၤဘူၣ်အကူာ်တဖၣ်လၢအကုၢ်အ သးန့ၣ်, နဘၣ်မၤဘူၣ်အီၤလၢတၢ်နၢမူလၢယွၤအဂီၢ်လီၤ.

²² ဒီးပှၤလုၢ်တၢ်အဒိၣ် လၢအဖိခွါတဖၣ်အကျါလၢအ ဒိးဖှူအသးလၢအလီၢ်န့ၣ် ဘၣ်မၤဘူၣ်အီၤလီၤ. မ့ၢ်တၢ် အလုၢ်အလၢ်အထူအယိာ်လၢယွၤအဂီၢ်လီၤ. ဘၣ်ဆိၣ် ကဲၤကွံာ်တုၤအလၢာ်လီၤ. ²³ ဒီးကယဲၢ်တၢ်မၤဘူၣ်ကိၣ် လၢပှၤလုၢ်တၢ်အဒိၣ်အဂီၢ်န့ၣ် ဘၣ်ဆိၣ်ကဲၤကွံာ်တုၤအ လၢာ်လီၤ. ပှၤတဘၣ်အီၣ်အီၤဘၣ်လီၤ. ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်, ²⁴ ကတိၤ တၢ်ဒီးစီၤအၤဟရိၣ်အဖိခွါတဖၣ်, ဒီးစံးဘၣ်အီၤ, အ အံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်တၢ်ဒဲးဘး လီၤ. ဖဲပှၤမၤသံတၢ်လုၢ်မ့ၣ်အူအလီၢ်န့ၣ်ပှၤဘၣ်မၤသံ တၢ်လုၢ်တၢ်ဒဲးဘး, လၢယွၤအမဲာ်ညါလီၤ. မ့ၢ်တၢ်စီ ဆှံကတၢၢ်လီၤ.

²⁶ ဒီးပှၤလုၢ်တၢ်အဒိၣ်လၢအမၤပူၤဖျဲးတၢ်ဒဲးဘးလၢအီၤ န့ၣ်ဘၣ်အီၣ်ဝဲလီၤ. ဘၣ်အီၣ်ဝဲလၢတၢ်အလီၢ်စီဆှံလၢ တၢ်အိၣ်ဖှိၣ်အဒဲအဂၢၤပူၤလီၤ. ²⁷ ဒီးကယဲၢ်တၢ်လၢအထိး အညၣ်န့ၣ်ဘၣ်စီဆှံဝဲလီၤ. ဒီးတၢ်ကူတၢ်သိးတဘ့ၣ် ဘ့ၣ်မ့ၢ်ဘၣ်တၢ်ဖှံဘၣ်အီၤလၢအသွံၣ်ဒီး, နဘၣ်ဆှုၣ် တၢ်လၢအဘၣ်တၢ်ဖှံဘၣ်အီၤလၢတၢ်အလီၢ်စီဆှံပူၤလီၤ.

²⁸ ဒီးသပၢၤဟီၣ်ခိၣ်လၢ တၢ်ချီအီၤလၢအပူၤန့ၣ်ကဘၣ် တၢ်မၤကၢ်ကွံာ်အီၤ, ဒီးတၢ်မ့ၢ်ချီအီၤလၢသပၢၤတိၢ်အ ပူၤဒီး, ပှၤဘၣ်တြူာ်အီၤ, ဒီးသ့ကွံာ်အီၤလၢထံလီၤ.

²⁹ ကယဲၢ်ပှၤပိာ်ခွါ လၢပှၤလုၢ်တၢ်အဒိၣ်အကျါန့ၣ်က အီၣ်ဘၣ်ဝဲကိးဂၤဒဲးလီၤ. မ့ၢ်တၢ်စီဆှံကတၢၢ်လီၤ.

³⁰ ဒီးတၢ်လုၢ်တၢ်ဒဲးဘးလၢ ပှၤဟဲစိာ်အသွံၣ်ဆူတၢ် အိၣ်ဖှိၣ်အဒဲပူၤလၢအကမၤပူၤဖျဲးတၢ်လၢ တၢ်အလီၢ်စီ ဆှံအပူၤန့ၣ်, ပှၤတဘၣ်အီၣ်အီၤနီတမံၤဘၣ်. ကဘၣ် တၢ်ဆူးကွံာ်အီၤလၢမ့ၣ်အူလီၤ.

၇

¹ ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်တၢ် ကမၣ်, မ့ၢ်တၢ်စီဆှံကတၢၢ်လီၤ. ² ဖဲအမၤသံတၢ်လုၢ်မ့ၣ် အူအလီၢ်န့ၣ် ပှၤဘၣ်မၤသံတၢ်လုၢ်တၢ်ကမၣ်ဖဲန့ၣ်လီၤ. ဒီးဘၣ်ဖှံအသွံၣ်ဝးတရံးဝဲလၢတၢ်လုၢ်လီၢ်အဖီခိၣ်လီၤ.

³ ဒီးဘၣ်မၤန့ၢ်အသိခဲလၢာ်, အမဲၢ်ဘီၣ်, ဒီးအသိလၢ အပှံာ်သလီအလိၤ, ⁴ ဒီးအကလ့ၢ်ခံဖျၢၣ်, ဒီးသိလၢ အအိၣ်လၢအလိၤလၢအအိၣ်လၢအယီၢ်ဒ့အဃၢၤ, ဒီး တၢ်အိၣ်လၢအသူၣ်အလိၤန့ၣ် ဘၣ်ဟံးထီၣ်ကွံာ်ဒီးအ ကလ့ၢ်တဖၣ်လီၤ.

⁵ ဒီးပှၤလုၢ်တၢ်အဒိၣ်, ဘၣ်ဆိၣ်ကဲၤကွံာ်အီၤလၢတၢ် လုၢ်လီၢ်အဖီခိၣ်, တၢ်လုၢ်မ့ၣ်အူလၢယွၤအဂီၢ်လီၤ. မ့ၢ် တၢ်လုၢ်တၢ်ကမၣ်လီၤ.

⁶ ကယဲၢ်ပိာ်ခွါလၢ ပှၤလုၢ်တၢ်အဒိၣ်အကျါကအီၣ် ဘၣ်ဝဲလီၤ. ဘၣ်အီၣ်ဝဲလၢတၢ်အလီၢ်စီဆှံအပူၤလီၤ. မ့ၢ်တၢ်စီဆှံကတၢၢ်လီၤ. ⁷ ဒ်တၢ်လုၢ်တၢ်ဒဲးဘးအသိး န့ၣ်တၢ်လုၢ်တၢ်ကမၣ်ဒ်န့ၣ်အသိးလီၤ. အတၢ်သိၣ်တၢ် သီမ့ၢ်တမံၤဃီလီၤ. ပှၤလုၢ်တၢ်အဒိၣ်လၢအမၤပူၤဖျဲးတၢ် ဒီးအီၤန့ၣ်ကန့ၢ်ဘၣ်ဝဲလီၤ.

⁸ ဒီးပှၤလုၢ်တၢ်အဒိၣ် လၢအလုၢ်ပှၤတဂၤအတၢ်လုၢ် မ့ၣ်အူ, ပှၤလုၢ်တၢ်အဒိၣ်တဂၤန့ၣ် ကန့ၢ်ဘၣ်တၢ်လုၢ် မ့ၣ်အူလၢအလုၢ်ဝဲန့ၣ်အဖံးလၢအဂီၢ်ဒၣ်ဝဲလီၤ.

⁹ ဒီးကယဲၢ်တၢ်မၤဘူၣ်ကိၣ် လၢအကုၢ်အသးလၢဖၣ် ကပူၤ, ဒီးကယဲၢ်တၢ်လၢတၢ်ကုၢ်အီၤလၢသပၢၤပူၤမ့ၢ် ဂ့ၤ, လၢတၢ်ဘ့ၣ်ဘၣ်အဖီခိၣ်မ့ၢ်ဂ့ၤ, ကကဲထီၣ်ပှၤလုၢ် တၢ်အဒိၣ်လၢအမၤဘူၣ်ဝဲအတၢ်လီၤ.

¹⁰ ဒီးကယဲၢ်တၢ်မၤဘူၣ်ကိၣ်ဃါဃုာ်ဒီးသိ, ဒီးတၢ်အ ဃ့ခဲလၢာ်န့ၣ်စီၤအၤဟရိၣ်အဖိခွါ ကန့ၢ်ဘၣ်ကိးဂၤဒဲး, တဂၤဒ်တဂၤဒၣ်အသိးန့ၣ်လီၤ.

¹¹ ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်မၤဃူ မၤဖိးတၢ်လၢပှၤကမၤဘူၣ်ယွၤလီၤ. ¹² မ့ၢ်မၤဘူၣ်ဝဲလၢ တၢ်စံးထီၣ်ပတြၢၤအဂီၢ်ဒီး, ဘၣ်မၤဘူၣ်အီၤဒီးတၢ်စံး ထီၣ်ပတြၢၤအတၢ်လုၢ်လၢကိၣ်ဘ့ၣ်ဘၣ်တအိၣ်ဒီးကိၣ် မံၣ်ဃါဃုာ်ဒီးသိ, ဒီးကိၣ်ဘ့ၣ်ဘၣ်ဘူသလါတအိၣ်ဒီး ကိၣ်မံၣ်ဖှူဒီးသိ, ဒီးကိၣ်ဘ့ၣ်ဘၣ်တ့အသးလၢကိၣ်က မူၣ်ဃါဃုာ်ဒီးသိဒီးကုၢ်အသးလီၤ. ¹³ လၢကိၣ်ဘ့ၣ်ဘၣ် အမဲာ်ညါန့ၣ်, ဘၣ်မၤဘူၣ်ကိၣ်အိၣ်ဒီးကိၣ်မံၣ်အိၣ်ဒီး အတၢ်မၤဃူမၤဖိးအတၢ်လုၢ်စံးထီၣ်ပတြၢၤလီၤ.

¹⁴ ဒီးဘၣ်မၤဘူၣ်ကိၣ်တဘ့ၣ်လၢ တၢ်မၤဘူၣ်ခဲလၢာ် အကျါ, လၢတၢ်ဝံၢ်လၢယွၤအဂီၢ်, ဒီးကကဲထီၣ်ပှၤလုၢ် တၢ်အဒိၣ်လၢအဖှံ တၢ်လုၢ်မၤဃူမၤဖိးအတၢ်သွံၣ်န့ၣ်တ ဂၤအတၢ်လီၤ.

¹⁵ ဒီးအတၢ်မၤဃူမၤဖိးအတၢ်လုၢ်စံးထီၣ်ပတြၢၤအညၣ် န့ၣ်ဘၣ်အီၣ်ဝဲမုၢ်တနံၤဃီ လၢအမၤဘူၣ်န့ၣ်လီၤ. တ ဘၣ်ဒုးအိၣ်လီၤတဲာ်အီၤတုၤမုၢ်ဂီၤနီတစဲးဘၣ်.

¹⁶ ဒီးအတၢ်မၤဘူၣ်အတၢ်လုၢ်န့ၣ် မ့မ့ၢ်တၢ်ဘၣ်ဃးဒီး ဆိၣ်တၢ်ဂ့ၤဂ့ၤ, တၢ်မၤဘူၣ်ဒၣ်တၢ်ဂ့ၤဂ့ၤဒီး, မုၢ်တနံၤ လၢအမၤဘူၣ်အတၢ်လုၢ်န့ၣ်ဘၣ်အီၣ်ဝဲ, ဒီးမုၢ်ဆ့ၣ်ထီၣ် တနံၤန့ၣ်ဘၣ်အီၣ်ဝဲစ့ၢ်ကီးလီၤ. ¹⁷ မ့မ့ၢ်သၢနံၤတနံၤန့ၣ် တၢ်လုၢ်အညၣ်လၢအအိၣ်လီၤတဲာ်ကဘၣ်တၢ်ဆူးထီၣ် ကွံာ်အီၤလၢမ့ၣ်အူလီၤ.

¹⁸ ဒီးလၢသၢနံၤတနံၤန့ၣ် ပှၤမ့ၢ်အီၣ်တၢ်မၤဃူမၤဖိးအ တၢ်လုၢ်အညၣ်ဒီး, တၢ်တတူၢ်လိာ်ဘၣ်ဝဲဘၣ်, ဒီးတၢ် တပာ်ဘၣ်ဝဲလၢပှၤလၢအမၤဘူၣ်အီၤအဂီၢ်ဘၣ်, ကကဲ ထီၣ်တၢ်သးဘၣ်အၢ, ဒီးပှၤလၢအအီၣ်ဝဲန့ၣ်ကဘၣ်အ တၢ်ဒဲးဘးလီၤ.

¹⁹ ဒီးတၢ်ညၣ်လၢအထိး တၢ်တကဆှီဘၣ်တမံၤမံၤန့ၣ် ပှၤတဘၣ်အီၣ်အီၤဘၣ်. ကဘၣ်တၢ်ဆူးထီၣ်ကွံာ်လၢ မ့ၣ်အူလီၤ. ဒီးကယဲၢ်ပှၤအကဆှီတဂၤလၢ်လၢ်န့ၣ်က အီၣ်ဘၣ်တၢ်ညၣ်န့ၣ်လီၤ.

²⁰ ဘၣ်ဆၣ်ဒီးပှၤလၢအအိၣ်ဒီး အတၢ်တကဆှီဘၣ်လၢ အလိၤတဂၤဂၤလၢအအီၣ်တၢ်မၤဃူမၤဖိးအတၢ်လုၢ်အ ညၣ်လၢအဘၣ်ဃးဒီးယွၤန့ၣ် ကဘၣ်တၢ်ဒီၣ်တဲာ်ကွံာ် အီၤဒီးအပှၤတကလုာ်ဒၣ်ဝဲန့ၣ်လီၤ.

²¹ ဒီးပှၤကညီအတၢ်တကဆှီဘၣ်မ့ၢ်ဂ့ၤ, ဆၣ်ဖိကီၢ်ဖိ လၢအတကဆှီဘၣ်မ့ၢ်ဂ့ၤ, တၢ်သးဘၣ်အၢအတၢ်တ ကဆှီဘၣ်မ့ၢ်ဂ့ၤ, ပှၤလၢအထိးဘၣ်ထီရီၤတၢ်တကဆှီ ဘၣ်တမံၤမံၤ, ဒီးအီၣ်တၢ်မၤဃူမၤဖိးအတၢ်လုၢ်အညၣ် လၢအဘၣ်ဃးဒီးယွၤန့ၣ် ကဘၣ်တၢ်ဒီၣ်တဲာ်ကွံာ်အီၤ ဒီးအပှၤတကလုာ်ဒၣ်ဝဲန့ၣ်လီၤ. ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်, ²² ကတိၤ တၢ်ဒီး ပှၤအံၣ်စရ့လးဖိဒီးစံး, ဂီၤဖံးဂ့ၤဂ့ၤ, သိဂ့ၤဂ့ၤ, မဲာ်တဲးလဲးဂ့ၤဂ့ၤ, သုတအီၣ်အသိနီတမံၤတဂ့ၤ. ²⁴ ဒီး ဆၣ်ဖိကီၢ်ဖိလၢအသံဒၣ်တၢ်အသိ, ဒီးတၢ်လၢဆၣ်ဖိ ကီၢ်ဖိအ့ၣ်ဖှီအီၤအသိန့ၣ်, သုမၤအလီၢ်အဂၤမ့ၢ်အိၣ်ဒီး, သုကမၤဘၣ်လီၤ. မ့မ့ၢ်သုတအီၣ်အီၤတဂ့ၤ.

²⁵ အဂ့ၢ်ဒ်အံၤ, ကယဲၢ်ပှၤလၢအအီၣ်ဆၣ်ဖိကီၢ်ဖိအသိ လၢပှၤလုၢ်လၢတၢ်လုၢ်မ့ၣ်အူလၢယွၤအဂီၢ်န့ၣ်, ပှၤလၢ အအီၣ်ကဘၣ်တၢ်ဒီၣ်တဲာ်ကွံာ်အီၤလၢ အပှၤတကလုာ် ဒၣ်ဝဲလီၤ. ²⁶ ဒီးထိၣ်ဧိၤလံၣ်ဧိၤမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, သုတအီၣ်အသွံၣ်လၢ သုအိၣ်သုဆိးအလီၢ်နီတပူၤနီတမံၤတ ဂ့ၤ.

²⁷ ကယဲၢ်ပှၤလၢအအီၣ်တၢ်သွံၣ်တမံၤမံၤန့ၣ် အဝဲတဂၤက ဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ် ဝဲလီၤ. ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်, ²⁸ ကတိၤ တၢ်ဒီးပှၤအံၣ်စရ့လးဖိဒီးစံး, ပှၤလၢအမၤဘူၣ်ယွၤအ တၢ်လုၢ်မၤဃူမၤဖိးန့ၣ် ဘၣ်ဟဲစိာ်အတၢ်မၤဘူၣ်ဆူယွၤ လၢတၢ်လုၢ်တၢ်မၤဃူမၤဖိးလီၤ.

³⁰ ဒီးဘၣ်ဟဲစိာ်တၢ်လုၢ်မ့ၣ်အူလၢယွၤအဂီၢ် လၢအစု ဒၣ်ဝဲလီၤ. ဘၣ်ဟဲစိာ်အသိဒီးအသးနါပှၢ်, ဒ်သိးအသး နါပှၢ်ကဘၣ်တၢ်ဝၢ်အီၤ, တၢ်ဝၢ်လၢယွၤအမဲာ်ညါလီၤ.

³¹ ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်အသိလၢတၢ် လုၢ်လီၢ်အဖီခိၣ်လီၤ. မ့မ့ၢ်အသးနါပှၢ်န့ၣ်, ကကဲထီၣ် စီၤအၤဟၤရိၣ်ဒီးအဖိခွါတဖၣ်အတၢ်လီၤ.

³² ဒီးအဖံဘၣ်ခိၣ်အထွဲန့ၣ် သုဘၣ်ဟ့ၣ်အီၤလၢပှၤလုၢ် တၢ်အဒိၣ်လီၤ. မ့ၢ်တၢ်ဝံၢ်ဘၣ်ဃးဒီး သုတၢ်လုၢ်မၤဃူ မၤဖိးလီၤ.

³³ ပှၤလၢစီၤအၤဟရိၣ်အဖိခွါအကျါ, လၢအမၤဘူၣ်သု တၢ်လုၢ်မၤဃူမၤဖိးအသွံၣ်ဒီးအသိတဂၤန့ၣ် ကန့ၢ်ဘၣ် အဖံဘၣ်ခိၣ်အထွဲလၢအဂီၢ်လီၤ. ³⁴ အဂ့ၢ်ဒ်အံၤ, သးနါ ပှၢ်ဝၢ်ဒီးဖံဘၣ်ခိၣ်ဝံၢ်န့ၣ် ယဟံးန့ၢ်လၢပှၤအံၣ်စရ့လးဖိ လၢတၢ်လုၢ်မၤဃူမၤဖိးအပူၤ, ဒီးယဟ့ၣ်လီၤအီၤလၢပှၤ လုၢ်တၢ်အဒိၣ်စီၤအၤဟရိၣ်ဒီးအဖိခွါလၢ တၢ်အလုၢ်အ လၢ်အထူအယိာ်လၢပှၤအံၣ်စရ့လးဖိအကျါလီၤ.

³⁵ အဝဲန့ၣ်မ့ၢ်စီၤအၤဟရိၣ်အတၢ်ဘၣ်ဃးဒီး အဒိးဖှူအ သးဒီးအဖိခွါတဖၣ်အဒိးဖှူအသးလၢ တၢ်လုၢ်မ့ၣ်အူလၢ ယွၤအဂီၢ်အကျါ, လၢမုၢ်နံၤလၢအပာ်အီၤလၢအကမၤ ပှၤလုၢ်တၢ်အဒိၣ်အတၢ်မၤလၢယွၤအဂီၢ်လီၤ. ³⁶ မုၢ်နံၤ လၢအဖှူအီၤန့ၣ်ယွၤမၤလိာ်ဝဲလၢပှၤအံၣ်စရ့လးဖိ ဘၣ် ဟ့ၣ်အီၤလီၤ. မ့ၢ်တၢ်အလုၢ်အလၢ်အထူအယိာ်လီၤလၢ အစၢၤအသွဲၣ်အစိၤစိၤအဃၣ်ဃၣ်လီၤ.

³⁷ အဝဲန့ၣ်မ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်မ့ၣ်အူ, ဒီးတၢ်မၤဘူၣ်ကိၣ်, ဒီးတၢ်လုၢ်တၢ်ဒဲးဘး, ဒီးတၢ်လုၢ် တၢ်ကမၣ်, ဒီးတၢ်ပာ်စီဆှံတၢ်, ³⁸ ဒီးတၢ်လုၢ်မၤဃူမၤ ဖိးလၢယွၤမၤလိာ်စီၤမိၤရှ့လၢကစၢၢ်စံၤနါအလိၤ, မုၢ်တ နံၤလၢအမၤလိာ်ပှၤအံၣ်စရ့လးဖိလၢအဘၣ်မၤဘူၣ်ယွၤ လၢအတၢ်မၤဘူၣ်လၢစံၤနါအပှၢ်လၢ်ကျါန့ၣ်လီၤ.

၈

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― ဟံးန့ၢ်စီၤ အၤဟရိၣ်ဒီးအဖိခွါတဖၣ်ဒီးအီၤ, ဒီးတၢ်အကူအသိး, ဒီးသိဖှူတၢ်, ဒီးဂီၤဖံးလၢတၢ်လုၢ်တၢ်ဒဲးဘးအဂီၢ်တဒု, ဒီးသိဖါခံဒု, ဒီးနာ်တဖျၢၣ်အိၣ်ဒီးကိၣ်တအိၣ်ဘၣ်ဒီး ကိၣ်မံၣ်, ³ ဒီးဒုးအိၣ်ဖှိၣ်ရိဖှိၣ်တၢ်အိၣ်ဖှိၣ်ခဲလၢာ်လၢ တၢ်အိၣ်ဖှိၣ်အဒဲအကျဲစၢၤန့ၣ်တက့ၢ်. ⁴ ဒီးစီၤမိၤရှ့မၤဝဲ ဒ်ယွၤမၤလိာ်အီၤအသိး, ဒီးတၢ်အိၣ်ဖှိၣ်န့ၣ်အိၣ်ဖှိၣ်ရိဖှိၣ် ဖဲတၢ်အိၣ်ဖှိၣ်အဒဲကျဲစၢၤန့ၣ်လီၤ. ⁵ ဒီးစီၤမိၤရှ့စံးဘၣ် တၢ်အိၣ်ဖှိၣ်န့ၣ်, တၢ်လၢယွၤမၤလိာ်လၢပဘၣ်မၤန့ၣ်မ့ၢ် အအံၤ, ⁶ ဒီးစီၤမိၤရှ့ဟံးန့ၢ်စီၤအၤဟရိၣ်, ဒီးအဖိခွါတ ဖၣ်, ဒီးသ့စီအီၤဒီးထံလီၤ.

⁷ ဒီးဒုးသိးအီၤဒီးဆ့, ဒီးကံၢ်တူာ်အယီၢ်ဒ့ ဒီးယီၢ်တ ကိး, ဒီးဒုးသိးအီၤဒီးဆ့ဖးထီ, ဒီးပာ်အ့ဖိးလၢအလိၤ, ဒီး, ကံၢ်တူာ်အီၤဒီးအ့ဖိးအယီၢ်တကိးကံၣ်ဃ့, ဒီးမၤ ဃာ်အ့ဖိးဒီးအီၤ, ⁸ ဒီးပာ်သဃိးလၢအသးနါပှၢ်, ဒီးပာ် စ့ၢ်ကီးအူရံၣ်ဒီးတူမံၣ်လၢသဃိးအပူၤ, ⁹ ဒီးပာ်ခိၣ်ဖျီၣ် လၢအခိၣ်, ဒီးလၢခိၣ်ဖျီၣ်အဖီခိၣ်လၢအမဲာ်ညါတခီပာ် ထီၣ်တၢ်ဘ့ၣ်ဘၣ်ထူ, ခိၣ်သလုးစီဆှံ, ဒ်ယွၤမၤလိာ် စီၤမိၤရှ့အသိးန့ၣ်လီၤ.

¹⁰ ဒီးစီၤမိၤရှ့ဟံးန့ၢ်သိဖှူတၢ်, ဒီးဖှူတၢ်အိၣ်အလီၢ်, ဒီး ကယဲၢ်တၢ်အိၣ်လၢအပူၤ, ဒီးမၤစီဆှံအီၤလီၤ. ¹¹ ဒီးဖှံ တၢ်လုၢ်လီၢ်အဖီခိၣ်လၢအီၤနွံစု, ဒီးဖှံတၢ်လုၢ်လီၢ်ဒီးအ တၢ်ဖိတၢ်လံၤခဲလၢာ်, ဒီးသရာ်ဒီးအခီၣ်, ဒ်သိးအက မၤစီဆှံအီၤလီၤ.

¹² ဒီးလူလီၤသိဖှူတၢ်လၢစီၤအၤဟရိၣ်အဖီခိၣ်, ဒီးဖှူအီၤ ဒ်သိးအကမၤစီဆှံအီၤလီၤ.

¹³ ဒီးစီၤမိၤရှ့ဒုးဟဲစီၤအၤဟရိၣ်အဖိခွါတဖၣ်, ဒီးဒုးသိး အီၤဒီးဆ့, ဒီးကံၢ်တူာ်အယီၢ်ဒ့ဒီးယီၢ်တကိး, ဒီးဒုးဖျီၣ် အခိၣ်ဒီးခိၣ်ဖျီၣ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.

¹⁴ ဒီးဟဲစိာ်ဂီၤဖံးလၢတၢ်လုၢ်တၢ်ဒဲးဘးအဂီၢ်တဒု, ဒီးစီၤ အၤဟရိၣ်ဒီးအဖိခွါတဖၣ်န့ၣ် ပာ်အစုလၢဂီၤဖံးလၢတၢ် လုၢ်တၢ်ဒဲးဘးအဂီၢ်တဒုအခိၣ်လီၤ. ¹⁵ ဒီးမၤသံအီၤ, ဒီးစီၤ မိၤရှ့ဟံးန့ၢ်အသွံၣ်, ဒီးပာ်အီၤဒီးအစုမုၢ်လၢတၢ်လုၢ်လီၢ် အနၢၤတဖၣ်အလိၤဝးတရံးဝဲ, ဒီးမၤကဆှီထီၣ်တၢ်လုၢ် လီၢ်, ဒီးလူလီၤတၢ်သွံၣ်လၢတၢ်လုၢ်လီၢ်အခီၣ်ထံး, ဒီး မၤစီဆှံအီၤဒ်သိးအကမၤပူၤဖျဲးတၢ်လၢအဖီခိၣ်လီၤ.

¹⁶ ဒီးဟံးန့ၢ်သိလၢအပှံာ်လိၤခဲလၢာ်, ဒီးတၢ်အိၣ်လၢ အသူၣ်အလိၤ, ဒီးအကလ့ၢ်ခံဖျၢၣ်, ဒီးအသိ, ဒီးစီၤ မိၤရှ့ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်လီၤ. ¹⁷ မ့ မ့ၢ်ဂီၤဖံး, ဒီးအဖံး, ဒီးအညၣ်, ဒီးအအ့ၣ်န့ၣ်ဆူးထီၣ် ကွံာ်ဝဲဒီးမ့ၣ်အူလၢပှၤသူၣ်ဒဲအလီၢ်လၢခိ, ဒ်ယွၤမၤလိာ် စီၤမိၤရှ့အသိးန့ၣ်လီၤ.

¹⁸ ဒီးဟဲစိာ်သိဖါတဒုလၢတၢ်လုၢ်မ့ၣ်အူအဂီၢ်, ဒီးစီၤ အၤဟရိၣ်ဒီးအဖိခွါတဖၣ် ပာ်အစုလၢသိဖါတဒုအခိၣ် လီၤ. ¹⁹ ဒီးမၤသံအီၤ, ဒီးစီၤမိၤရှ့ဖှံအသွံၣ်လၢတၢ်လုၢ် လီၢ်အဖီခိၣ်ဝးတရံးဝဲလီၤ.

²⁰ ဒီးဒီၣ်တဲာ်သိဖါတကူာ်, တကူာ်, ဒီးစီၤမိၤရှ့ဆိၣ် ကဲၤကွံာ်အခိၣ်, ဒီးအကူာ်တဖၣ်, ဒီးအသိလီၤ. ²¹ ဒီး သ့စီအပှံာ်ဒီးအခီၣ်လၢထံ, ဒီးစီၤမိၤရှ့ဆိၣ်ကဲၤကွံာ်သိ ဖါဒီဒုလၢတၢ်လုၢ်လီၢ်အဖီခိၣ်လီၤ. မ့ၢ်တၢ်လုၢ်မ့ၣ်အူ လၢတၢ်နၢမူအဂီၢ်, တၢ်လုၢ်မ့ၣ်အူလၢယွၤအဂီၢ်, ဒ်ယွၤ မၤလိာ်စီၤမိၤရှ့အသိးန့ၣ်လီၤ.

²² ဒီးဟဲစိာ်သိဖါအဂၤတဒု, သိဖါဘၣ်ဃးဒီးတၢ်ပာ်စီ ဆှံ, ဒီးစီၤအၤဟရိၣ်ဒီးအဖိခွါတဖၣ်ပာ်အစုလၢသိဖါခိၣ် န့ၣ်လီၤ. ²³ ဒီးမၤသံအီၤ, ဒီးစီၤမိၤရှ့ဟံးန့ၢ်အသွံၣ်, ဒီးပာ် လၢစီၤအၤဟရိၣ်အနၢ်ကုခိၣ်အထွဲအဖီခိၣ်, ဒီးလၢအစု မုၢ်ဒိၣ်အထွဲအဖီခိၣ်, ဒီးလၢအခီၣ်မုၢ်ဒိၣ်အထွဲ အဖီခိၣ်လီၤ.

²⁴ ဒီးဒုးဟဲက့ၤစီၤအၤဟရိၣ်အဖိခွါတဖၣ်, ဒီးပာ်တၢ် သွံၣ်လၢအနၢ်ကုခိၣ်အထွဲအဖီခိၣ်, ဒီးလၢအစုမုၢ်ဒိၣ်အ ထွဲအဖီခိၣ်, ဒီးလၢအခီၣ်မုၢ်ဒိၣ်အထွဲအဖီခိၣ်လီၤ. ဒီးစီၤ မိၤရှ့ဖှံတၢ်သွံၣ်လၢတၢ်လုၢ်လီၢ်အဖီခိၣ်ဝးတရံးဝဲလီၤ.

²⁵ ဒီးဟံးန့ၢ်အသိ, ဒီးအမဲၢ်, ဒီးအသိလၢအအိၣ်လၢအ ပှံာ်လိၤခဲလၢာ်, ဒီးတၢ်အိၣ်လၢသူၣ်အလိၤ, ဒီးအက လ့ၢ်ခံဖျၢၣ်အသိ, ဒီးအဖံဘၣ်ခိၣ်အစုထွဲ, ²⁶ ဒီးလၢနာ် အိၣ်ဒီးကိၣ်တအိၣ်ဘၣ်ဒီးကိၣ်မံၣ် လၢအအိၣ်လၢယွၤ အမဲာ်ညါန့ၣ် ဟံးန့ၢ်ကိၣ်တအိၣ်ဘၣ်ဒီးကိၣ်မံၣ်တဘ့ၣ်, ဒီးကိၣ်အိၣ်ဒီးသိတဘ့ၣ်, ဒီးကိၣ်ဘူသလါတဘ့ၣ်, ဒီး ပာ်ဝဲလၢသိအဖီခိၣ်, ဒီးလၢဖံဘၣ်ခိၣ်အထွဲအဖီခိၣ်,―

²⁷ ဒီးပာ်အီၤလၢစီၤအၤဟရိၣ်အစုပူၤ, ဒီးလၢအဖိခွါတဖၣ် အစုပူၤ, ဒီးဝၢ်ဝဲလၢတၢ်ဝၢ်လၢယွၤအမဲာ်ညါလီၤ.

²⁸ ဒီးစီၤမိၤရှ့ဟံးန့ၢ်ဝဲလၢအဝဲသ့ၣ်အစုပူၤ, ဒီးဆိၣ်ကဲၤ ကွံာ်ဝဲလၢတၢ်လုၢ်လီၢ်မ့ၣ်အူအဖီခိၣ်လီၤ. မ့ၢ်တၢ်ပာ်စီ ဆှံလၢတၢ်နၢမူအဂီၢ်လီၤ. မ့ၢ်တၢ်လုၢ်မ့ၣ်အူလၢယွၤအ ဂီၢ်လီၤ.

²⁹ ဒီးစီၤမိၤရှ့ဟံးန့ၢ်အသးနါပှၢ်, ဒီးဝၢ်ဝဲလၢတၢ်ဝၢ်လၢ ယွၤအမဲာ်ညါလီၤ. လၢသိဖါပာ်စီဆှံတၢ်အပူၤန့ၣ်မ့ၢ်ဝဲ လၢစီၤမိၤရှ့အဂီၢ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.

³⁰ ဒီးစီၤမိၤရှ့ဟံးန့ၢ်သိဖှူတၢ်, ဒီးတၢ်သွံၣ်အိၣ်လၢတၢ် လုၢ်လီၢ်အဖီခိၣ်, ဒီးဖှံဝဲလၢစီၤအၤဟရိၣ်အလိၤ, ဒီး လၢအကူအသိးအလိၤ, ဒီးလၢအဖိခွါတဖၣ်အလိၤ, ဒီး လၢအဖိခွါတဖၣ်အိၣ်ဒီးအီၤအကူအသိးအလိၤ, ဒီးမၤ စီဆှံစီၤအၤဟရိၣ်ဒီးအကူအသိးဒီးအဖိခွါတဖၣ်, ဒီးအ ဖိခွါတဖၣ်အိၣ်ဒီးအီၤ, အကူအသိးလီၤ.

³¹ ဒီးစီၤမိၤရှ့စံးဘၣ် စီၤအၤဟရိၣ်ဒီးအဖိခွါတဖၣ်, ချီ တၢ်ညၣ်ဖဲတၢ်အိၣ်ဖှိၣ်အဒဲအကျဲစၢၤ, ဒီးအီၣ်အီၤဖဲန့ၣ် ဒီးကိၣ်အိၣ်လၢနာ်ဘၣ်ဃးဒီးတၢ်ပာ်စီဆှံအပူၤ, ဒ်ယ မၤလိာ်တၢ်ဒီးစံး, စီၤအၤဟရိၣ်ဒီးအဖိခွါတဖၣ်ဘၣ် အီၣ်အီၤန့ၣ်အသိးတက့ၢ်. ³² ဒီးတၢ်လၢအအိၣ်လီၤတဲာ် ဒီးတၢ်ညၣ်ဒီးကိၣ်န့ၣ်, သုဘၣ်ဆူးထီၣ်ကွံာ်အီၤလၢမ့ၣ် အူလီၤ.

³³ ဒီးသုတဘၣ်ဟးထီၣ်လၢ တၢ်အိၣ်ဖှိၣ်အဒဲအကျဲစၢၤ အပူၤနွံနံၤအတီၢ်ပူၤတုၤလၢ တၢ်ပာ်စီဆှံသုမုၢ်နံၤတဖၣ် လၢာ်လီၤ. အဂ့ၢ်ဒ်အံၤ, နွံနံၤန့ၣ်ကမၤစီဆှံထီၣ်သုလီၤ.

³⁴ ဒ်တၢ်မၤအသးလၢ မုၢ်မဆါတနံၤအံၤအသိးန့ၣ်ယွၤ မၤလိာ်လၢပှၤကမၤတၢ်ပူၤဖျဲးလၢသုဂီၢ်လီၤ.

³⁵ ဒီးသုဘၣ်အိၣ်လၢ တၢ်အိၣ်ဖှိၣ်အဒဲအကျဲစၢၤနွံနံၤသ့ သ့တနံၤသီသီတနၤ, ဒီးကွၢ်ယွၤအတၢ်ကွၢ်, ဒ်သိးသု သုတသံတဂ့ၤ. အဂ့ၢ်ဒ်အံၤ, တၢ်မၤလိာ်ယၤဒ်န့ၣ်လီၤ.

³⁶ ဒီးစီၤအၤဟရိၣ်ဒီးအဖိခွါတဖၣ် မၤကယဲၢ်တၢ်လၢ ယွၤမၤလိာ်ဝဲလၢစီၤမိၤရှ့အစုပူၤလီၤ.

၉

¹ ဒီးဃိးနံၤတနံၤန့ၣ်တၢ်မၤအသးလၢ စီၤမိၤရှ့ကိးန့ၢ်စီၤ အၤဟရိၣ်ဒီးအဖိခွါတဖၣ်, ဒီးပှၤအံၣ်စရ့လးဖိအသူၣ် က့သးပှၢ်တဖၣ်လီၤ.

² ဒီးစံးဘၣ်စီၤအၤဟရိၣ်, ဟံးန့ၢ်ဂီၤဖံးဖိတဒုလၢ တၢ် လုၢ်တၢ်ဒဲးဘးအဂီၢ်, ဒီးသိဖါအလၢအပှဲၤတဒုလၢတၢ် လုၢ်မ့ၣ်အူအဂီၢ်, ဒီးလုၢ်အီၤလၢယွၤအမဲာ်ညါတက့ၢ်.

³ ဒီးနဘၣ်ကတိၤတၢ်ဒီးပှၤအံၣ်စရ့လးဖိဒီးစံး, ဟံးန့ၢ် မဲာ်တဲးလဲးဖါတဒု လၢတၢ်လုၢ်တၢ်ဒဲးဘးအဂီၢ်ဒီးဂီၤဖံး ဖိတဒု, ဒီးသိဖိအလၢအပှဲၤတဒု, တၢ်တနံၣ်ဖိလၢတၢ် လုၢ်မ့ၣ်အူအဂီၢ်, ⁴ ဒီးဂီၤဖံးတဒု, ဒီးသိဖါတဒုလၢတၢ် လုၢ်တၢ်မၤဃူမၤဖိးအဂီၢ်, အိၣ်ဒီးတၢ်မၤဘူၣ်ကိၣ်ဃါ ဃုာ်ဒီးသိ, ဒ်သိးသုကလုၢ်အီၤလၢယွၤအမဲာ်ညါန့ၣ်တ က့ၢ်. အဂ့ၢ်ဒ်အံၤ, တၢ်လၢမုၢ်မဆါတနံၤအံၤယွၤကအိၣ် ဖျါထီၣ်လၢသုမဲာ်ညါလီၤ.

⁵ ဒီးတၢ်လၢစီၤမိၤရှ့မၤလိာ်ဝဲန့ၣ် အဝဲသ့ၣ်တဖၣ်ဟဲစိာ် ဆူတၢ်အိၣ်ဖှိၣ်အဒဲအမဲာ်ညါ, ဒီးကယဲၢ်ပှၤအိၣ်ဖှိၣ်ဖိ သုးဘူးအသး, ဒီးဆၢထၢၣ်လၢယွၤအမဲာ်ညါလီၤ.

⁶ ဒီးစီၤမိၤရှ့စံးဝဲဒၣ်, အဝဲအံၤမ့ၢ်တၢ်လၢယွၤမၤလိာ်လၢ သုဘၣ်မၤ, ဒီးယွၤအလၤကပီၤကအိၣ်ဖျါထီၣ်လၢသု မဲာ်ညါလီၤ.

⁷ ဒီးစီၤမိၤရှ့စံးဘၣ်စီၤအၤဟရိၣ်, လဲၤဆူတၢ်လုၢ်လီၢ်အ အိၣ်, ဒီးလုၢ်နတၢ်လုၢ်တၢ်ဒဲးဘး, ဒီးနတၢ်လုၢ်မ့ၣ်အူ, ဒီးမၤတၢ်ပူၤဖျဲးလၢနဂီၢ်ဒၣ်နဲ, ဒီးလၢပှၤဂီၢ်မုၢ်အဂီၢ်, ဒီး လုၢ်ပှၤဂီၢ်မုၢ်အတၢ်လုၢ်, ဒီးမၤတၢ်ပူၤဖျဲးလၢအဂီၢ်, ဒ် ယွၤမၤလိာ်ဝဲအသိးန့ၣ်တက့ၢ်.

⁸ ဒီးစီၤအၤဟရိၣ်လဲၤဆူတၢ်လုၢ်အလီၢ်အအိၣ်, ဒီးမၤ သံတၢ်လုၢ်တၢ်ဒဲးဘးအဂီၤဖံးဖိလၢအဂီၢ်ဒၣ်ဝဲလီၤ. ⁹ ဒီး စီၤအၤဟရိၣ်အဖိခွါတဖၣ်ဟဲစိာ်တၢ်သွံၣ်ဆူအအိၣ်, ဒီး အဝဲဒၣ်ဘျၢအစုမုၢ်လၢတၢ်သွံၣ်ပူၤ, ဒီးပာ်ဝဲလၢတၢ် လုၢ်လီၢ်အနၢၤတဖၣ်အလိၤလီၤ. ဒီးလူလီၤကွံာ်တၢ်သွံၣ် န့ၣ်လၢတၢ်လုၢ်လီၢ်အခီၣ်ထံးလီၤ. ¹⁰ မ့မ့ၢ်တၢ်လုၢ်တၢ် ဒဲးဘးအသိ, ဒီးအကလ့ၢ်တဖၣ်, ဒီးတၢ်အိၣ်လၢအသူၣ် အလိၤန့ၣ်ဆိၣ်ကဲၤကွံာ်လၢတၢ်လုၢ်လီၢ်အဖီခိၣ်, ဒ်ယွၤ မၤလိာ်စီၤမိၤရှ့အသိးန့ၣ်လီၤ. ¹¹ ဒီးအညၣ်, ဒီးအဖံးန့ၣ် ဆူးထီၣ်ကွံာ်လၢမ့ၣ်အူလၢပှၤသူၣ်ဒဲအလီၢ်လၢခိလီၤ.

¹² ဒီးမၤသံတၢ်လုၢ်မ့ၣ်အူ, ဒီးစီၤအၤဟရိၣ်အဖိခွါတဖၣ် ဟ့ၣ်အီၤလၢအသွံၣ်, ဒီးဖှံဝဲလၢတၢ်လုၢ်လီၢ်အဖီခိၣ်ဝး တရံးဝဲလီၤ. ¹³ ဒီးဟ့ၣ်အီၤလၢတၢ်လုၢ်မ့ၣ်အူ, ဒီးအကူာ် တဖၣ်, ဒီးအခိၣ်, ဒီးအဝဲဒၣ်ဆိၣ်ကဲၤကွံာ်အီၤလၢတၢ် လုၢ်လီၢ်အဖီခိၣ်လီၤ. ¹⁴ ဒီးသ့စီကွံာ်အပှံာ်, ဒီးအခီၣ်, ဒီးဆိၣ်ကဲၤကွံာ်အီၤလၢတၢ်လုၢ်မ့ၣ်အူအဖီခိၣ် လၢတၢ် လုၢ်လီၢ်အဖီခိၣ်လီၤ.

¹⁵ ဒီးဟဲစိာ်ပှၤဂီၢ်မုၢ်အတၢ်လုၢ်ဒီး ဟံးန့ၢ်မဲာ်တဲးလဲးဖါ တဒုလၢအမ့ၢ်တၢ်လုၢ်တၢ်ဒဲးဘးလၢပှၤဂီၢ်မုၢ်အဂီၢ်, ဒီး မၤသံအီၤ, ဒီးလုၢ်အီၤလၢတၢ်ဒဲးဘးအဂီၢ်ဒ်တၢ်အခီၣ် ထံးအသိးန့ၣ်လီၤ.

¹⁶ ဒီးဟဲစိာ်တၢ်လုၢ်မ့ၣ်အူ, ဒီးလုၢ်ဝဲဒ်တၢ်သိၣ်တၢ်သီ အသိးန့ၣ်လီၤ.

¹⁷ ဒီးဟဲစိာ်တၢ်မၤဘူၣ်ကိၣ်, ဒီးဟံးန့ၢ်တတၢၤဒုၣ်လၢ အီၤ, ဒီးလၢတၢ်လုၢ်မ့ၣ်အူလၢမုၢ်ဂီၤအမဲာ်ညါန့ၣ်ဆိၣ် ကဲၤကွံာ်အီၤလၢတၢ်လုၢ်လီၢ်အဖီခိၣ်လီၤ.

¹⁸ ဒီးမၤသံဂီၤဖံးတဒု, ဒီးသိဖါတဒု, တၢ်မၤဃူမၤဖိးအ တၢ်လုၢ်လၢအမ့ၢ်လၢပှၤဂီၢ်မုၢ်အဂီၢ်လီၤ. ဒီးစီၤအၤဟရိၣ် အဖိခွါတဖၣ်ဟ့ၣ်အီၤလၢအသွံၣ်ဒီး အဝဲဒၣ်ဖှံတၢ်လုၢ် လီၢ်အဖီခိၣ်ဝးတရံးလၢအီၤ, ¹⁹ ဒီးဂီၤဖံးဒီးသိဖါအသိ, အမဲၢ်ဘီၣ်, ဒီးတၢ်လၢအပှံာ်အဖီခိၣ်, ဒီးအကလ့ၢ်တ ဖၣ်, ဒီးတၢ်အိၣ်လၢအသူၣ်အလိၤလီၤ. ²⁰ ဒီးပာ်အသိ လၢအသးနါပှၢ်အဖီခိၣ်, ဒီးအဝဲဒၣ်ဆိၣ်ကဲၤကွံာ်သိလၢ တၢ်လုၢ်လီၢ်အဖီခိၣ်လီၤ. ²¹ ဒီးအသးနါပှၢ်, ဒီးအဖံဘၣ် ခိၣ်အထွဲန့ၣ်စီၤအၤဟရိၣ်ဝၢ်ဝဲလၢ တၢ်ဝၢ်လၢယွၤအမဲာ် ညါ, ဒ်ယွၤမၤလိာ်စီၤမိၤရှ့အသိးန့ၣ်လီၤ.

²² ဒီးစီၤအၤဟရိၣ်ယူာ်ထီၣ်အစုဆူပှၤဂီၢ်မုၢ်အအိၣ်, ဒီး ဆိၣ်ဂ့ၤအီၤ, ဒီးဟဲလီၤလၢအလုၢ်တၢ်လုၢ်တၢ်ဒဲးဘး, ဒီး တၢ်လုၢ်မ့ၣ်အူ, ဒီးတၢ်လုၢ်မၤဃူမၤဖိးတၢ်တဖၣ်န့ၣ်လီၤ.

²³ ဒီးစီၤမိၤရှ့, ဒီးစီၤအၤဟရိၣ်လဲၤနုာ်လၢ တၢ်အိၣ်ဖှိၣ် အဒဲပူၤ, ဒီးဟဲက့ၤထီၣ်, ဒီးဆိၣ်ဂ့ၤပှၤဂီၢ်မုၢ်, ဒီးယွၤအလၤ အကပီၤအိၣ်ဖျါထီၣ်လၢပှၤဂီၢ်မုၢ်ခဲလၢာ်အမဲာ်ညါလီၤ.

²⁴ ဒီးမ့ၣ်အူဟဲထီၣ်လၢယွၤအမဲာ်ညါ, ဒီးအီၣ်ကွံာ်တၢ် လုၢ်မ့ၣ်အူ, ဒီးသိလၢတၢ်လုၢ်လီၢ်အဖီခိၣ်လီၤ. ဒီးပှၤဂီၢ် မုၢ်ထံၣ်ဘၣ်ဝဲ, ဒီးကိးပသူထီၣ်, ဒီးထိၣ်လီၤပှီၤအသးလီၤ.

၁၀

¹ ဒီးစီၤအၤဟရိၣ်အဖိခွါစီၤနၤဒး, ဒီးစီၤအဘံဟူၤဟံးန့ၢ် သပၢၤမ့ၣ်အူ, တဂၤတဖျၢၣ်တဂၤဖျၢၣ်, ဒီးပာ်မ့ၣ်အူ လၢအပူၤ, ဒီးပာ်တၢ်နၢမူဆိၣ်ကဲၤလၢအဖီခိၣ်, ဒီးမၤ ဘူၣ်ယွၤလၢမ့ၣ်အူ လီၤဆီဒၣ်တၢ်လၢအတမၤလိာ်ဘၣ် အီၤဘၣ်, ² ဒီးမ့ၣ်အူဟဲထီၣ်လၢယွၤအအိၣ်, ဒီးအီၣ် ကွံာ်အီၤ, ဒီးသံဝဲလၢယွၤအမဲာ်ညါလီၤ.

³ ဒီးစီၤမိၤရှ့စံးဘၣ်စီၤအၤဟရိၣ်, အအံၤမ့ၢ်တၢ်လၢယွၤ ကတိၤတၢ်ဒီးစံး, ယကဒိးတၢ်ပာ်စီဆှံယၤလၢပှၤလၢအ သုးဘူးအသးဆူယအိၣ်, ဒီးလၢကယဲၢ်ပှၤဂီၢ်မုၢ်အမဲာ် ညါန့ၣ်ယကဒိးတၢ်မၤလၤကပီၤယၤလီၤ. ဒီးစီၤအၤဟ ရိၣ်အိၣ်ဘှီၣ်ကလာ်လီၤ.

⁴ ဒီးစီၤမိၤရှ့ကိးန့ၢ် စီၤအၤဟရိၣ်အဖါတံၢ် စီၤဧူးစံၤအ့ လးအဖိခွါစီၤမံၡအ့လး, ဒီးစီၤအ့လံစၤဖၣ်, ဒီးစံးဘၣ် အီၤ, ဟဲဃီၤ, ဒီးစိာ်ကွံာ်သုဒီပုၢ်ဝဲၢ်လၢတၢ်အလီၢ်စီဆှံ အမဲာ်ညါဆူပှၤသူၣ်ဒဲအလီၢ်လၢခိန့ၣ်တက့ၢ်. ⁵ ဒီးအဝဲ သ့ၣ်သုးဘူးအသး, ဒီးစိာ်ထီၣ်ကွံာ်အီၤအိၣ်ဒီးအဆ့ဆူ ပှၤသူၣ်ဒဲအလီၢ်လၢခိ, ဒ်စီၤမိၤရှ့စံးဝဲအသိးန့ၣ်လီၤ.

⁶ ဒီးစီၤမိၤရှ့စံးဘၣ်စီၤအၤဟရိၣ်, ဒီးအဖိခွါစီၤအလၤဧ စၢ်, ဒီးစီၤအံသမၢ်, မၤအိၣ်ဘ့ၣ်ခိၣ်သုခိၣ်တဂ့ၤ, ဖှီသု ကူသုသိးတဂ့ၤ, ဒ်သိးသုသုတသံတဂ့ၤ, ဒီးဒ်သိးပှၤဂီၢ် မုၢ်အသုတဘၣ်တၢ်သးထီၣ်အီၤတဂ့ၤဒီး, မ်သုဒီပုၢ်ဝဲၢ်, ပှၤအံၣ်စရ့လးဖိဒီဟံၣ်ညါ ဟီၣ်တၢ်ယၢၤတၢ်လၢမ့ၣ်အူ လၢယွၤဆိၣ်ကဲၤဝဲအဃိန့ၣ်တက့ၢ်. ⁷ ဒီးဒ်သိးသုသုတ သံတဂ့ၤဒီး, ဟးထီၣ်လၢတၢ်အိၣ်ဖှိၣ်အဒဲအကျဲစၢၤတ ဂ့ၤ. အဂ့ၢ်ဒ်အံၤ, ယွၤအသိဖှူတၢ်အိၣ်ဝဲလၢသုလိၤလီၤ. ဒီးမၤဝဲဒ်စီၤမိၤရှ့အတၢ်ကတိၤအသိးန့ၣ်လီၤ. ဒီးယွၤကတိၤတၢ်ဒီးစီၤအၤဟရိၣ်, ဒီးစံးဝဲဒၣ်, ⁸ ဒ် သိးသုသုတသံတဂ့ၤဒီး, တုၤသုလဲၤနုာ်လၢတၢ်အိၣ်ဖှိၣ် အဒဲပူၤဒီး, စပံးထံမ့ၢ်ဂ့ၤ, သံးမ့ၢ်ဂ့ၤ, နဲဒၣ်ဒီးနဖိခွါတ ဖၣ်န့ၣ်အီတဂ့ၤ, မ့ၢ်တၢ်အလုၢ်အလၢ်အထူအယိာ်လီၤ လၢသုစၢၤသုသွဲၣ်အစိၤစိၤအဃၣ်ဃၣ်လီၤ. ¹⁰ ဒီးဒ်သိး သုကနီၤဖးတၢ်စီဆှံ, ဒီးတၢ်တစီဆှံဘၣ်အဆၢ, ဒီး တၢ်ကဆှီ, ဒီးတၢ်တကဆှီဘၣ်အဆၢ, ¹¹ ဒီးဒ်သိးသု ကသိၣ်လိပှၤအံၣ်စရ့လးဖိလၢ ကယဲၢ်တၢ်မၤလိာ်လၢ ယွၤစံးဘၣ်အီၤလၢစီၤမိၤရှ့အစုပူၤန့ၣ်လီၤ.

¹² ဒီးစီၤမိၤရှ့စံးဘၣ် စီၤအၤဟရိၣ်ဒီးအဖိခွါတဖၣ်လၢအ အိၣ်လီၤတဲာ်, စီၤအလၤဧစၢ်ဒီးစီၤအံသမၢ်, ဟံးန့ၢ်တၢ် အိၣ်လီၤတဲာ်လၢတၢ်လုၢ်လၢမ့ၣ်အူ, လၢယွၤအဂီၢ်, တၢ် မၤဘူၣ်ကိၣ်န့ၣ်, ဒီးအီၣ်အီၤတအိၣ်ဒီးကိၣ်မံၣ်လၢတၢ် လုၢ်လီၢ်အဃၢၤတက့ၢ်. အဂ့ၢ်ဒ်အံၤ, မ့ၢ်တၢ်စီဆှံက တၢၢ်လီၤ.

¹³ ဒီးသုဘၣ်အီၣ်အီၤလၢအလီၢ်စီဆှံအပူၤလီၤ. အဂ့ၢ်ဒ် အံၤ, မ့ၢ်နဂီၢ်ဒီးနဖိခွါတဖၣ်အဂီၢ်လၢတၢ်လုၢ်မ့ၣ်အူလၢ ယွၤအဂီၢ်တဖၣ်အကျါလီၤ. အဂ့ၢ်ဒ်အံၤ, တၢ်မၤလိာ် ယၤဒ်န့ၣ်လီၤ.

¹⁴ ဒီးသးနါပှၢ်အဝၢ်, ဒီးဖံဘၣ်ခိၣ်အဝံၢ်န့ၣ်သုဘၣ်အီၣ် လၢတၢ်အလီၢ်ကဆှီ, နဲဒၣ်ဒီးနဖိခွါ, ဒီးနဖိမုၣ်အိၣ်ဒီး နၤလီၤ. အဂ့ၢ်ဒ်အံၤ, မ့ၢ်နဂီၢ်ဒီးနဖိခွါအဂီၢ်လၢတၢ်ဟ့ၣ် လၢပှၤအံၣ်စရ့လးဖိအတၢ်လုၢ်မၤဃူမၤဖိးအကျါလီၤ.

¹⁵ ဖံဘၣ်ခိၣ်အဝံၢ်ဒီးသးနါပှၢ်အဝၢ်န့ၣ်, ပှၤဘၣ်ဟဲစိာ် ဒီးတၢ်လုၢ်မ့ၣ်အူလၢတၢ်သိ, ဒ်သိးအကဝၢ်ဝဲလၢတၢ် ဝၢ်လၢယွၤအမဲာ်ညါလီၤ. ဒီးကကဲထီၣ်နတၢ်ဒီးနဖိခွါ လၢအအိၣ်ဒီးနၤအတၢ်လီၤ. မ့ၢ်တၢ်အလုၢ်အလၢ်အထူ အယိာ်, ဒ်ယွၤမၤလိာ်ဝဲအသိးန့ၣ်လီၤ.

¹⁶ ဒီးစီၤမိၤရှ့ဃုတၢ်လုၢ်တၢ်ဒဲးဘး အမဲာ်တဲးလဲးတဒုသ ပှၢ်ပှၢ်, ဒီးကွၢ်ကွၢ်, မ့ၣ်အူအီၣ်ကွံာ်လံအီၤလံဒီးအသး ထီၣ်ဘၣ်စီၤအၤဟရိၣ်အဖိခွါ လၢအအိၣ်လီၤတဲာ်, စီၤ အလၤဧစၢ်ဒီးစီၤအံသမၢ်, ဒီးစံးဝဲဒၣ်, ¹⁷ သုတအီၣ်ဘၣ် တၢ်လုၢ်တၢ်ဒဲးဘးလၢတၢ်အလီၢ်စီဆှံအပူၤဘၣ်, မ့ၢ်အ ဘၣ်မနုၤလဲၣ်, မ့ၢ်တၢ်စီဆှံကတၢၢ်ဒီးတၢ်ဟ့ၣ်လီၤသုဒ် သိးသုကစိာ်တၢ်အိၣ်ဖှိၣ်အတၢ်ဒဲးဘး, ဒီးမၤတၢ်ပူၤဖျဲးလၢ အဂီၢ်လၢယွၤအမဲာ်ညါလီၤ. ¹⁸ ကွၢ်ကွၢ်, ပှၤတဟဲစိာ်ဘၣ် အသွံၣ်ဆူတၢ်အလီၢ်စီဆှံအပူၤဘၣ်, သုဂ့ၤအီၣ်အီၤလၢ တၢ်အလီၢ်စီဆှံပူၤ, ဒ်ယမၤလိာ်တၢ်အသိးန့ၣ်လီၤ.

¹⁹ ဒီးစီၤအၤဟရိၣ်စံးဘၣ်စီၤမိၤရှ့, ကွၢ်ကွၢ်, တၢ်လၢမုၢ် မဆါတနံၤအံၤအဝဲသ့ၣ်လုၢ်အတၢ်လုၢ်တၢ်ဒဲးဘး, ဒီး အတၢ်လုၢ်မ့ၣ်အူလၢယွၤအမဲာ်ညါ, ဒီးတၢ်ဘၣ်ယၤဒ် တၢ်န့ၣ်တဖၣ်အသိး, ဒီးယမ့ၢ်အီၣ်တၢ်လုၢ်တၢ်ဒဲးဘး လၢမုၢ်မဆါတနံၤအံၤဒီး, မ့ၢ်အဂ့ၤလၢယွၤအမဲာ်ညါစ့ၢ် ကီးဧါ. ဒီးစီၤမိၤရှ့ကနၣ်ဝဲ, ဒီးဂ့ၤဝဲလၢအမဲာ်ညါလီၤ.

၁၁

¹ ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံး ဘၣ်အီၤ, ² ကတိၤတၢ်ဒီးပှၤအံၣ်စရ့လးဖိဒီးစံး, အအံၤ မ့ၢ်ဆၣ်ဖိကီၢ်ဖိလၢသုကအီၣ်ဘၣ်, လၢကယဲၢ်ဆၣ်ဖိကီၢ် ဖိလၢဟီၣ်ခိၣ်ချၢအကျါန့ၣ်လီၤ. ³ ကယဲၢ်တၢ်လၢအမၤ သ့ၣ်ဖးအခီၣ်, ဒီးအခီၣ်သ့ၣ်ဖး, ဒီးကလိာ်ထီၣ်အဆၣ်, လၢဆၣ်ဖိကီၢ်ဖိတမံၤလၢ်လၢ်န့ၣ်သုကအီၣ်ဘၣ်လီၤ.

⁴ ဘၣ်ဆၣ်ဒီးအအံၤ မ့ၢ်တၢ်လၢအကလိာ်ထီၣ်အဆၣ် မ့ၢ်ဂ့ၤ, တၢ်လၢအမၤသ့ၣ်ဖးအခီၣ်မ့ၢ်ဂ့ၤ, လၢသုတဘၣ် အီၣ်ဘၣ်အီၤန့ၣ်ကီၤလၤအူးလီၤ. အဂ့ၢ်ဒ်အံၤ, ကလိာ် ထီၣ်အဆၣ်ဘၣ်ဆၣ်ဒီးတမၤသ့ၣ်ဖးအခီၣ်ဘၣ်, မ့ၢ်တၢ် တကဆှီဘၣ်လၢသုဂီၢ်လီၤ. ⁵ ဒီးၡဖးလီၤ. အဂ့ၢ်ဒ်အံၤ, ကလိာ်ထီၣ်အဆၣ်ဘၣ်ဆၣ်ဒီး, တမၤသ့ၣ်ဖးဘၣ်အ ခီၣ်ဘၣ်. အဝဲန့ၣ်မ့ၢ်တၢ်တကဆှီဘၣ်လၢသုဂီၢ်လီၤ.

⁶ ဒီးယူၣ်လီၤ. အဂ့ၢ်ဒ်အံၤ, ကလိာ်ထီၣ်အဆၣ်ဘၣ် ဆၣ်ဒီး, တမၤသ့ၣ်ဖးအခီၣ်ဘၣ်, အဝဲန့ၣ်တကဆှီ ဘၣ်လၢသုဂီၢ်ဘၣ်.

⁷ ဒီးထိးလီၤ. အဂ့ၢ်ဒ်အံၤ, မၤသ့ၣ်ဖးအခီၣ်, ဒီးအခီၣ် သ့ၣ်ဖးဘၣ်ဆၣ်ဒီး, တကလိာ်ထီၣ်အဆၣ်ဘၣ်. အဝဲ န့ၣ်တကဆှီဘၣ်လၢသုဂီၢ်ဘၣ်. ⁸ အညၣ်န့ၣ် သုတ အီၣ်တဂ့ၤ, ဒီးအစိၣ်န့ၣ်သုတထိးတဂ့ၤ.

⁹ အအံၤမ့ၢ်တၢ်လၢသုကအီၣ်ဘၣ် လၢတၢ်လၢအအိၣ် လၢထံကျါခဲလၢာ်အကျါန့ၣ်လီၤ. ကယဲၢ်တၢ်လၢအ အိၣ်ဒီးအဒံး, ဒီးအသဒံၣ်လၢထံကျါ, လၢပီၣ်လဲၣ်ပူၤ, လၢထံကျိတဖၣ်အပူၤ, တမံၤလၢ်လၢ်န့ၣ် သုကအီၣ် ဘၣ်အီၤလီၤ.

¹⁰ ဒီးကယဲၢ်တၢ်လၢအဒံးတအိၣ်, အသဒံၣ်တအိၣ်လၢ ပီၣ်လဲၣ်ပူၤ, ဒီးလၢထံကျိတဖၣ်အပူၤ, လၢတၢ်လဲၤတၢ် လၢထံကျါခဲလၢာ်အကျါ, ဒီးတၢ်သးလၢအအိၣ်လၢ ထံကျါခဲလၢာ်အကျါန့ၣ် မ့ၢ်တၢ်သးဘၣ်အၢလၢသုဂီၢ် လီၤ. ¹¹ ကကဲထီၣ်တၢ်သးဘၣ်အၢလၢသုဂီၢ်လီၤ, သုတ အီၣ်အညၣ်တဂ့ၤ, ဒီးသုဘၣ်သးဘၣ်အၢအစိၣ်လီၤ.―

¹² ကယဲၢ်တၢ်လၢအဒံးတအိၣ်, အသဒံၣ်တအိၣ်လၢထံ ကျါတမံၤလၢ်လၢ်န့ၣ်မ့ၢ်တၢ်သးဘၣ်အၢလၢသုဂီၢ်လီၤ.

¹³ အအံၤမ့ၢ်တၢ်လၢ သုဘၣ်ပာ်လၢတၢ်သးဘၣ်အၢလၢ ထိၣ်အကျါန့ၣ်လီၤ. အီၣ်အီၤတဂ့ၤ. မ့ၢ်တၢ်သးဘၣ် အၢလီၤ. လံာ်ကြီကြၣ်, ဒီးလီတာ်ဖးဒိၣ်, ဒီးလံာ်ထိး ထံ, ¹⁴ ဒီးလံာ်ဃး, ဒီးလံာ်ထိးထီၣ် ဒ်အကလုာ်အ သိး, ¹⁵ ကယဲၢ်စိးဝၣ်ဃးဒ်အကလုာ်အသိး, ¹⁶ ဒီးထိၣ် ကီၤလၤအူး, ဒီးထိၣ်သဘၣ်, ဒီးထိၣ်ၡဃး, ဒီးလံာ်ပီၢ် တ့ဒ်အကလုာ်အသိး, ¹⁷ ဒီးဒိကအိ, ဒီးထိၣ်ကံၣ်ပီၣ်လဲၣ် ဒီးထိၣ်ဂီၤဖံး, ¹⁸ ဒီးထိၣ်လဲၤလုးတကုာ်, ဒီးထိၣ်စီၢ်မီ, ဒီးလီတာ်ဝါ, ¹⁹ ဒီးထိၣ်ဒိၣ်ဃၤစး, ဒီးဝါလၢၢ်ထံဒ်အက လုာ်အသိး, ဒီးဘီစံၣ်ဃီၣ်, ဒီးဘျါဧိၤတြၤဧိၤန့ၣ်လီၤ.

²⁰ ကယဲၢ်တၢ်လၢအယူၤ, ဒီးဟးလၢအခီၣ်လွံၢ်ခီန့ၣ်မ့ၢ် တၢ်သးဘၣ်အၢလၢသုဂီၢ်လီၤ. ²¹ ဘၣ်ဆၣ်ဒီးလၢကယဲၢ် တၢ်အယူၤဒီးဟးလၢအခီၣ်လွံၢ်ခီအကျါန့ၣ် သုကအီၣ် ဘၣ်တၢ်တဖၣ်အံၤလီၤ. တၢ်လၢအအိၣ်ဒီးအကံၣ်လၢ အခီၣ်အဖီခိၣ်ဒ်သိးအကစံၣ်လၢအီၤ လၢဟီၣ်ခိၣ်ချၢ လီၤ. ²² လၢတၢ်တဖၣ်န့ၣ်အကျါ သုကအီၣ်ဘၣ်ဒွဲၣ်ဒ်အ ကလုာ်အသိး, ဒီးဒွဲၣ်စ့လၣ်ဒ်အကလုာ်အသိးဒီးဒွဲၣ်သ ဘၣ်ဒ်အကလုာ်အသိး, ဒီးဒွဲၣ်ဃကာ်ဒ်အကလုာ်အ သိးန့ၣ်လီၤ. ²³ ဒီးကယဲၢ်တၢ်အဂၤလၢအယူၤဒီးဟးလၢ အခီၣ်လွံၢ်ခီန့ၣ်မ့ၢ်တၢ်သးဘၣ်အၢလၢသုဂီၢ်ခဲလၢာ်လီၤ.

²⁴ ဒီးသုကကဲထီၣ်တၢ်တကဆှီဘၣ် လၢအအံၤအဃိ, ဒီးကယဲၢ်ပှၤလၢအထိးဘၣ်အစိၣ် တဂၤလၢ်လၢ်န့ၣ်က ကဲထီၣ်တၢ်တကဆှီဘၣ်တုၤမုၢ်ဟါလီၤ. ²⁵ ဒီးကယဲၢ် ပှၤလၢအစိာ်အစိၣ်, ဘၣ်ဆှုၣ်အကူအသိး, ဒီးကကဲ ထီၣ်တၢ်တကဆှီဘၣ်တုၤမုၢ်ဟါလီၤ.

²⁶ ကယဲၢ်ဆၣ်ဖိကီၢ်ဖိလၢအတမၤသ့ၣ်ဖးအခီၣ်, ဒီးအ ခီၣ်တသ့ၣ်ဖးဘၣ်, ဒီးတကလိာ်ထီၣ်အဆၣ်ဘၣ်တမံၤ လၢ်လၢ်အစိၣ်န့ၣ် မ့ၢ်တကဆှီဘၣ်လၢသုဂီၢ်, ဒီးက ယဲၢ်ပှၤလၢအထိးဘၣ်အီၤန့ၣ် ကကဲထီၣ်တၢ်တကဆှီ ဘၣ်တုၤမုၢ်ဟါလီၤ.

²⁷ ဒီးလၢကယဲၢ်ဆၣ်ဖိကီၢ်ဖိ လၢအဟးလၢအခီၣ်လွံၢ်ခီ အကျါန့ၣ် တၢ်လၢအဟးလၢအခီၣ်ညါသးတမံၤလၢ် လၢ်မ့ၢ်တၢ်တကဆှီဘၣ်လၢသုဂီၢ်လီၤ. ကယဲၢ်ပှၤလၢ အထိးဘၣ်အစိၣ်န့ၣ် ကကဲထီၣ်တၢ်တကဆှီဘၣ်တုၤ မုၢ်ဟါလီၤ. ²⁸ ဒီးပှၤလၢအစိာ်အစိၣ်န့ၣ် ဘၣ်ဆှုၣ်အကူ အသိး, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ. အဝဲန့ၣ်မ့ၢ်တကဆှီဘၣ်လၢသုဂီၢ်လီၤ.

²⁹ ဒီးလၢတၢ်အစွါလၢအစွါလၢ ဟီၣ်ခိၣ်ချၢအကျါန့ၣ် အအံၤမ့ၢ်တၢ်တကဆှီဘၣ်လၢသုဂီၢ်လီၤ. ခီဃိလး, ဒီး ယူၣ်ဧၣ်ကၤဘၢ်, ဒီးပျဲာ်စဘးဒ်အကလုာ်အသိး, ³⁰ ဒီးဒီ လ့ၢ်, ဒီးခွံၣ်ယဲၤ, ဒီးခွံၣ်လတၤ, ဒီးခွံၣ်ဒိ, ဒီးခွံၣ်ထံၣ်ၡနး လီၤ. ³¹ အန့ၣ်မ့ၢ်တၢ်တကဆှီဘၣ်လၢသုဂီၢ်လၢကယဲၢ် တၢ်လၢအစွါအကျါလီၤ. တုၤအသံဝဲဒီး, ပှၤလၢအထိး ဘၣ်အီၤတဂၤလၢ်လၢ်, ကကဲထီၣ်တၢ်တကဆှီဘၣ်တုၤ မုၢ်ဟါလီၤ. ³² ဒီးတၢ်လၢတၢ်န့ၣ်တမံၤမံၤသံဝံၤဒီးလီၤတဲာ် လၢအလိၤတမံၤလၢ်လၢ်န့ၣ် ကကဲထီၣ်လၢတၢ်တက ဆှီဘၣ်လီၤ. လီခီသ့ၣ်မ့ၢ်ဂ့ၤ, တၢ်အကူအသိးမ့ၢ်ဂ့ၤ, တၢ် ဖံးမ့ၢ်ဂ့ၤ, ထၢၣ်မ့ၢ်ဂ့ၤ, ဖဲဒၣ်တၢ်လၢပှၤမၤတၢ်လၢအပူၤမ့ၢ် ဂ့ၤ, ပှၤဘၣ်ပာ်လီၤအီၤလၢထံကျါ, ဒီးကကဲထီၣ်တၢ်တ ကဆှီဘၣ်တုၤမုၢ်ဟါလီၤ. ဒီးကကဆှီထီၣ်က့ၤလီၤ.

³³ ဒီးကယဲၢ်လီခီဟီၣ်ခိၣ်ဖဲတၢ်န့ၣ်တမံၤမံၤ လီၤတဲာ်လၢ အပူၤန့ၣ်တၢ်အိၣ်လၢအပူၤခဲလၢာ် ကကဲထီၣ်တကဆှီ ဘၣ်, ဒီးသုဘၣ်မၤသ့ၣ်ဖးအီၤလီၤ. ³⁴ ဒီးထံလၢလီခီန့ၣ် မ့ၢ်ဘၣ်တၢ်အီၣ်လၢပှၤအီၣ်ဝဲတမံၤမံၤဒီး, ကကဲထီၣ်တၢ် တကဆှီဘၣ်, ဒီးတၢ်အီခဲလၢာ်လၢပှၤအီဝဲလၢလီခီတ ဖျၢၣ်ဖျၢၣ်န့ၣ်အပူၤကကဲထီၣ်တၢ်တကဆှီဘၣ်လီၤ.

³⁵ ဒီးကယဲၢ်တၢ်လၢအစိၣ်လီၤတဲာ်လၢအလိၤန့ၣ် ကကဲ ထီၣ်တၢ်တကဆှီဘၣ်ခဲလၢာ်လီၤ. ဖၣ်ကပူၤမ့ၢ်ဂ့ၤ, သ ပၢၤအလီၢ်မ့ၢ်ဂ့ၤ, ကဘၣ်တၢ်မၤဟးဂီၤအီၤလီၤ. မ့ၢ်တၢ် တကဆှီဘၣ်, ဒီးကကဲထီၣ်တၢ်တကဆှီဘၣ်လၢသုဂီၢ် လီၤ. ³⁶ ဘၣ်ဆၣ်ဒီးထံထီၣ်ပၢၢ်, ဒီးတၢ်ပူၤလၢထံအိၣ် အါအါကလဲာ်န့ၣ်ကကဆှီလီၤ. မ့မ့ၢ်တၢ်လၢအထိးအ စိၣ်, ကကဲထီၣ်တၢ်တကဆှီဘၣ်လီၤ.

³⁷ ဒီးအစိၣ်မ့ၢ်လီၤတဲာ်လၢတၢ်ချံလၢ အကဘၣ်ဖှံအသး လၢပှၤကဖှံဝဲဒီး, တၢ်ကကဆှီလီၤ. ³⁸ မ့မ့ၢ်တၢ်အချံန့ၣ် မ့ၢ်ဘၣ်ဒီးထံ, ဒီးအစိၣ်လီၤတဲာ်လၢအလိၤဒီး, တက ဆှီဘၣ်လၢသုဂီၢ်လီၤ.

³⁹ ဒီးဆၣ်ဖိကီၢ်ဖိလၢသုကအီၣ်ဘၣ်အီၤ မ့ၢ်သံတဒုဒုဒီး, ပှၤလၢအထိးအစိၣ်န့ၣ်ကကဲထီၣ်တၢ်တကဆှီဘၣ်တုၤ မုၢ်ဟါလီၤ. ⁴⁰ ဒီးပှၤလၢအအီၣ်အညၣ်န့ၣ်ဘၣ်ဆှုၣ်အ ကူအသိး, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ. ဒီးပှၤလၢအစိာ်အစိၣ်, ဘၣ်ဆှုၣ်အကူအသိး, ဒီးကဲ ထီၣ်တၢ်တကဆှီဘၣ်တုၤမုၢ်ဟါလီၤ.

⁴¹ ဒီးကယဲၢ်တၢ်စွါလၢအစွါလၢဟီၣ်ခိၣ်ချၢ, မ့ၢ်တၢ်သး ဘၣ်အၢလီၤ, သုတအီၣ်အီၤတဂ့ၤ. ⁴² ကယဲၢ်တၢ်စွါလၢ အဟၢဖၢ, ဒီးကယဲၢ်တၢ်လၢအစွါလၢအခီၣ်လွံၢ်ခီ, ဒီး တၢ်လၢအခီၣ်အိၣ်အါခီလၢတၢ်စွါလၢ အစွါလၢဟီၣ် ခိၣ်ချၢအကျါတမံၤလၢ်လၢ်န့ၣ် သုတအီၣ်အီၤနီတမံၤ တဂ့ၤ. အဂ့ၢ်ဒ်အံၤ, မ့ၢ်တၢ်သးဘၣ်အၢလီၤ.

⁴³ သုတမၤဘၣ်အၢလီၤသုသးဒီးတၢ်စွါလၢအစွါ, ဒီးသု တမၤတကဆှီဘၣ်သုသးဒီးအီၤ ဒ်သိးသုကကဲထီၣ်တၢ် တကဆှီဘၣ်လၢအီၤတဂ့ၤ.

⁴⁴ အဂ့ၢ်ဒ်အံၤ, ယမ့ၢ်ယွၤသုကစၢ်လီၤ. သုဘၣ်မၤစီဆှံ သုသး, ဒီးကဲထီၣ်ပှၤစီဆှံလီၤ. အဂ့ၢ်ဒ်အံၤ, ယမ့ၢ်တၢ် စီဆှံလီၤ. ဒီးသုတမၤတကဆှီဘၣ်သုသးဒီးတၢ်စွါလၢ အစွါလၢဟီၣ်ခိၣ်ချၢနီတမံၤတဂ့ၤ. ⁴⁵ အဂ့ၢ်ဒ်အံၤ, ယမ့ၢ် ယွၤလၢအဒုးဟဲထီၣ်သုလၢ ကီၢ်အဲၤကူပတူးအပူၤ, ဒ် သိးယကကဲထီၣ်သုကစၢ်လီၤ. ဒီးသုဘၣ်စီဆှံလီၤ. အ ဂ့ၢ်ဒ်အံၤ, ယစီဆှံလီၤ.

⁴⁶ အန့ၣ်မ့ၢ်တၢ်သိၣ်တၢ်သီဘၣ်ဃးဒီးဆၣ်ဖိကီၢ်ဖိ, ဒီး ထိၣ်ဖိလံၣ်ဖိ, ဒီးကယဲၢ်တၢ်သးဂဲၤလၢထံကျါ, ဒီးက ယဲၢ်တၢ်လၢအစွါလၢဟီၣ်ခိၣ်ချၢခဲလၢာ်လီၤ. ⁴⁷ ဒ်သိးပှၤ ကနီၤဖးတၢ်ကဆှီ, ဒီးတၢ်တကဆှီဘၣ်အဆၢ, ဒီး ဆၣ်ဖိကီၢ်ဖိလၢပှၤကအီၣ်ဘၣ်အီၤ, ဒီးဆၣ်ဖိကီၢ်ဖိလၢ ပှၤတဘၣ်အီၣ်ဘၣ်အီၤဘၣ်အဂ့ၢ်လီၤ.

၁၂

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,―ကတိၤတၢ် ဒီးပှၤအံၣ်စရ့လးဖိဒီးစံး, ပိာ်မုၣ်တဂၤမ့ၢ်ဒၢထီၣ်ဒီးဆံး စၢ်န့ၢ်ဖိပိာ်ခွါဒီး, ကကဲထီၣ်တၢ်တကဆှီဘၣ်နွံနံၤလီၤ. ဒ်မုၢ်နံၤလၢအအိၣ်လီၤဖးဝဲ လၢအတၢ်ဆါအဃိတဖၣ် အသိးန့ၣ်ဘၣ်ကဲထီၣ်တၢ်တကဆှီဘၣ်လီၤ.

³ ဒီးဃိးနံၤတနံၤန့ၣ် ဖိသၣ်ကဒိးတၢ်ကူးတရံးအတၢ် အဖံးလီၤ. ⁴ ဒီးဘၣ်အိၣ်ဒံးလၢတၢ်သွံၣ်ဘၣ်ဃးဒီးအ တၢ်မၤကဆှီအပူၤ, သၢဆံသၢနံၤလီၤ. အတၢ်တကဆှီ ဘၣ်အမုၢ်နံၤတဖၣ်တချုးပှဲၤထီၣ်ဒံးဘၣ်ဒီး, တဘၣ်ထိး တၢ်စီတၢ်ဆှံနီတမံၤဘၣ်. ဒီးတဘၣ်ဟဲနုာ်ဘၣ်လၢတၢ် အလီၢ်စီဆှံအပူၤဘၣ်.

⁵ ဒီးမ့ၢ်ဆံးစၢ်န့ၢ်အဖိပိာ်မုၣ်ဒီး, ဘၣ်ကဲထီၣ်တၢ်တက ဆှီဘၣ်ခံနွံ, ဒ်အအိၣ်လီၤမုၢ်လီၤဖးဝဲအသိး, ဒီးဘၣ် အိၣ်ဒံးလၢတၢ်သွံၣ်ဘၣ်ဃးဒီးအတၢ်မၤကဆှီန့ၣ်ဃုဆံ ဃုနံၤလီၤ. ⁶ ဒီးလၢအဖိခွါအဃိမ့ၢ်ဂ့ၤ, လၢအဖိမုၣ်အ ဃိမ့ၢ်ဂ့ၤ, တုၤအမုၢ်နံၤဘၣ်ဃးဒီး အတၢ်မၤကဆှီန့ၣ် ပှဲၤထီၣ်ဒီး, ဘၣ်ဟဲစိာ်သိဖိတနံၣ်ဖိတဒုလၢတၢ်လုၢ်မ့ၣ် အူအဂီၢ်, ဒီးကးက့ၣ်ဖိတဘ့ၣ်မ့ၢ်ဂ့ၤ, ထိၣ်လွံၢ်ဘုၣ်တ ဘ့ၣ်မ့ၢ်ဂ့ၤ, လၢတၢ်လုၢ်တၢ်ဒဲးဘးအဂီၢ်ဆူတၢ်အိၣ်ဖှိၣ် အဒဲအကျဲစၢၤ, ဆူပှၤလုၢ်တၢ်အဒိၣ်အအိၣ်, ⁷ ဒီးအဝဲ ဒၣ်ကလုၢ်အီၤလၢယွၤအမဲာ်ညါ, ဒီးမၤတၢ်ပူၤဖျဲးလၢအ ဂီၢ်, ဒီးကကဆှီထီၣ်လၢအသွံၣ်ပုာ်ထီၣ်အဂ့ၢ်လီၤ. ပှၤ လၢအဆံးစၢ်န့ၢ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤ, အန့ၣ်မ့ၢ် အတၢ်သိၣ်တၢ်သီလီၤ.

⁸ ဒီးအစုမ့ၢ်တချုးန့ၢ်ဘၣ်သိဖိဒီး, ဘၣ်ဟဲစိာ်ထိၣ်လွံၢ် ဘုၣ်ခံဘ့ၣ်မ့ၢ်ဂ့ၤ, ကးက့ၣ်ဖိခံဘ့ၣ်မ့ၢ်ဂ့ၤ, တဘ့ၣ်လၢ တၢ်လုၢ်မ့ၣ်အူအဂီၢ်, ဒီးတဘ့ၣ်ဒၣ်လၢတၢ်လုၢ်တၢ်ဒဲး ဘးအဂီၢ်လီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢ အဂီၢ်, ဒီးကကဆှီထီၣ်ဝဲလီၤ.

၁၃

¹ ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, ² တုၤပှၤတဂၤအိၣ်ဒီးတၢ်ပြုထီၣ်တဖျၢၣ်မ့ၢ်ဂ့ၤ, အ လီၢ်လၢအဖံးလီၤသဘျံးမ့ၢ်ဂ့ၤ အလီၢ်လၢအဖံးဝါထီၣ် မ့ၢ်ဂ့ၤ, လၢအညၣ်အဖံးလိၤဒ်တၢ်တီၢ်ဆါအသိးဒီး, ပှၤ ဘၣ်ဟဲစိာ်အီၤဆူပှၤလုၢ်တၢ်အဒိၣ်စီၤအၤဟရိၣ်အအိၣ်, မ့တမ့ၢ်ဘၣ်ဒ်န့ၣ်ဒီး, ဆူအဖိခွါတဂၤ, ပှၤလုၢ်တၢ်အ ဒိၣ်တဂၤအအိၣ်လီၤ.

³ ဒီးပှၤလုၢ်တၢ်အဒိၣ်ဘၣ်ကွၢ်တၢ်လီၢ်လၢအညၣ်အဖံး လိၤ, ဒီးအဆူၣ်လၢတၢ်တီၢ်လီၢ်မ့ၢ်ဝါထီၣ်ဒီး, တၢ်တီၢ် အလီၢ်မ့ၢ်ယိာ်ဆူအညၣ်အဖံးလာ်ဒီး, မ့ၢ်တၢ်ဆါအၢ အတၢ်တီၢ်လီၤ. ဒီးပှၤလုၢ်တၢ်အဒိၣ်ဘၣ်ကွၢ်အီၤ, ဒီး ဘၣ်ပာ်အီၤလၢတၢ်တကဆှီဘၣ်လီၤ.

⁴ ဒီးအလီၢ်လၢအဖံးဝါထီၣ်မ့ၢ်ဝါလၢအညၣ်အဖံးလိၤ, ဒီးမ့ၢ်တယိာ်ဘၣ်ဆူအဖံးလာ်, ဒီးအဆူၣ်တဝါထီၣ် ဘၣ်ဒီး, ပှၤလုၢ်တၢ်အဒိၣ်ဘၣ်ကးတံာ်ဃာ်တၢ်တီၢ်န့ၣ် နွံနံၤလီၤ. ⁵ ဒီးနွံနံၤတနံၤန့ၣ်ပှၤလုၢ်တၢ်အဒိၣ်ဘၣ်ကွၢ် ကဒီးအီၤ, ဒီးကွၢ်ကွၢ်, တၢ်တီၢ်လၢအလိၤမ့ၢ်အိၣ်ဒၣ်အ တၢ်, ဒီးတၢ်တီၢ်အလီၢ်မ့ၢ်တလဲၢ်ထီၣ်ဘၣ်လၢအဖံးလိၤ ဒီး, ပှၤလုၢ်တၢ်အဒိၣ်ဘၣ်ကးတံာ်ဃာ်အီၤနွံနံၤဒံးလီၤ.

⁶ ဒီးနွံနံၤတနံၤန့ၣ် ပှၤလုၢ်တၢ်အဒိၣ်ဘၣ်ကွၢ်ကဒီးအီၤ, ဒီးကွၢ်ကွၢ်, တၢ်တီၢ်အလီၢ်န့ၣ်မ့ၢ်ဃးထီၣ်, ဒီးတၢ်တီၢ် အလီၢ်မ့ၢ်တလဲၢ်ထီၣ်ဘၣ်လၢအဖံးလိၤဘၣ်ဒီး, ပှၤလုၢ် တၢ်အဒိၣ်ဘၣ်ပာ်အီၤလၢတၢ်ကဆှီလီၤ. မ့ၢ်အလီၢ်လၢ အဖံးလီၤသဘျံးလီၤ. ဒီးဘၣ်ဆှုၣ်အကူအသိး, ဒီးက ဆှီထီၣ်ဝဲလီၤ.

⁷ မ့မ့ၢ်အလီၢ်လၢအဖံးလီၤသဘျံးန့ၣ် မ့ၢ်လဲၢ်ထီၣ်အါ အါကလဲာ်လၢပှၤလုၢ်တၢ်အဒိၣ်ကွၢ်အီၤလၢ အကဆှီ ထီၣ်အဂ့ၢ်အလီၢ်ခံန့ၣ်ဒီး, ပှၤလုၢ်တၢ်အဒိၣ်ဘၣ်ကွၢ်က ဒီးအီၤလီၤ.

⁸ ဒီးပှၤလုၢ်တၢ်အဒိၣ်မ့ၢ်ကွၢ်, ဒီးကွၢ်ကွၢ်, အလီၢ်လၢ အဖံးလီၤသဘျံးန့ၣ်မ့ၢ်လဲၢ်ထီၣ်ဒီး, ပှၤလုၢ်တၢ်အဒိၣ်ဘၣ် ပာ်အီၤလၢတၢ်တကဆှီဘၣ်လီၤ. မ့ၢ်တၢ်ဆါအၢလီၤ.

⁹ တုၤတၢ်ဆါအၢအတၢ်တီၢ်အိၣ်ဝဲလၢ ပှၤတဂၤအလိၤ ဒီး, ပှၤဘၣ်ဟဲစိာ်အီၤဆူပှၤလုၢ်တၢ်အဒိၣ်အအိၣ်, ¹⁰ ဒီး ပှၤလုၢ်တၢ်အဒိၣ်ကကွၢ်, ဒီးကွၢ်ကွၢ်, တၢ်ပြုထီၣ်တ ဖျၢၣ်မ့ၢ်ဝါလၢအဖံးလိၤ, ဒီးမၤဝါထီၣ်အဆူၣ်ဒီးညၣ်မူ သံကစဲာ်မ့ၢ်အိၣ်လၢတၢ်ပူၤလီၢ်ဒီး, ¹¹ မ့ၢ်တၢ်ဆါအၢလီၢ် လံၤလၢအညၣ်အဖံး, ဒီးပှၤလုၢ်တၢ်အဒိၣ်ပာ်အီၤလၢ တၢ်တကဆှီဘၣ်, ဒီးတဘၣ်ကးတံာ်ဃာ်အီၤဘၣ်, အ ဂ့ၢ်ဒ်အံၤ, မ့ၢ်အတကဆှီဘၣ်လီၤ. ¹² ဒီးတၢ်ဆါအၢမ့ၢ်လဲၢ်ထီၣ်လၢအဖံးလိၤ, ဒီးတၢ်ဆါအၢမ့ၢ်အိၣ်လၢအဖံးလိၤဒီဂၤညါ, တၢ်တီၢ်န့ၣ်အိၣ်လၢအခိၣ်ပၢၢ်လၢအခီၣ်, ဖဲဒၣ်ပှၤလုၢ်တၢ်အဒိၣ်ကွၢ်ဝဲဒီး,―

¹³ ပှၤလုၢ်တၢ်အဒိၣ်ဘၣ်ကွၢ်, ဒီးကွၢ်ကွၢ်, တၢ်ဆါအၢမ့ၢ် အိၣ်လၢအညၣ်လိၤဒီဂၤညါဒီး, ဘၣ်ပာ်တၢ်တီၢ်န့ၣ်လၢ တၢ်ကဆှီလီၤ. ဝါထီၣ်ဝဲခဲလၢာ်လီၤ. မ့ၢ်တၢ်ကဆှီလီၤ.

¹⁴ ဘၣ်ဆၣ်ဒီးတုၤညၣ်သံကစဲာ်အိၣ်ဖျါထီၣ်လၢအလိၤ ဒီး, ကကဲထီၣ်တၢ်တကဆှီဘၣ်လီၤ. ¹⁵ ဒီးပှၤလုၢ်တၢ် အဒိၣ်ဘၣ်ကွၢ်အညၣ်မူန့ၣ်, ဒီးပာ်အီၤလၢတၢ်တကဆှီ ဘၣ်လီၤ. ညၣ်သံကစဲာ်န့ၣ်မ့ၢ်တၢ်တကဆှီဘၣ်, မ့ၢ်တၢ် ဆါအၢလီၤ. ¹⁶ မ့တမ့ၢ်ဘၣ်ဒ်န့ၣ်ဒီးအညၣ်သံကစဲာ်မ့ၢ် ကဒါအသးဒီးဝါထီၣ်ဒီး, ဘၣ်ဟဲဆူပှၤလုၢ်တၢ်အဒိၣ် အအိၣ်, ¹⁷ ဒီးပှၤလုၢ်တၢ်အဒိၣ်ဘၣ်ကွၢ်အီၤ, ဒီးကွၢ်ကွၢ်, တၢ်တီၢ်န့ၣ်မ့ၢ်ဝါထီၣ်ဒီး, ပှၤလုၢ်တၢ်အဒိၣ်ဘၣ်ပာ်တၢ် တီၢ်လၢတၢ်ကဆှီလီၤ. ကဆှီဝဲလီၤ.

¹⁸ ဒီးပှၤအညၣ်လၢတၢ်ဝ့အိၣ်တ့ၢ်လၢအဖံးလိၤ, ဒီးဘျါ တ့ၢ်, ¹⁹ ဒီးလၢဝ့အလီၢ်န့ၣ်တၢ်ပြုထီၣ်ဝါတဖျၢၣ်မ့ၢ်ဂ့ၤ, အလီၢ်ဂီၤဝါမ့ၢ်ဂ့ၤ, မ့ၢ်အိၣ်ဒီး, ပှၤမ့ၢ်ဒုးနဲၣ်အီၤလၢပှၤလုၢ် တၢ်အဒိၣ်, ²⁰ ဒီးတုၤပှၤလုၢ်တၢ်အဒိၣ်ထံၣ်ဘၣ်အီၤဒီး, ကွၢ်ကွၢ်, အလီၢ်မ့ၢ်ယိာ်ဆူအဖံးလာ်ဒီးအဆူၣ်မ့ၢ်ဝါထီၣ် ဒီး, ပှၤလုၢ်တၢ်အဒိၣ်ဘၣ်ပာ်အီၤလၢအတကဆှီဘၣ်, မ့ၢ်တၢ်ဆါအၢအတၢ်တီၢ်အိၣ်ထီၣ်လၢတၢ်ဝ့အပူၤလီၤ.

²¹ မ့မ့ၢ်ပှၤလုၢ်တၢ်အဒိၣ်မ့ၢ်ကွၢ်အီၤ, ဒီးကွၢ်ကွၢ်, အဆူၣ် ဝါတအိၣ်ဘၣ်, ဒီးအလီၢ်တယိာ်ဘၣ်ဆူအဖံးလာ်ဒီး မ့ၢ်ဃးထီၣ်ဒီး, ပှၤလုၢ်တၢ်အဒိၣ်ဘၣ်ကးတံာ်ဃာ်အီၤ နွံနံၤလီၤ.

²² ဒီးမ့ၢ်လဲၢ်ထီၣ်အါအါကလဲာ်လၢအဖံးလိၤဒီး, ပှၤလုၢ် တၢ်အဒိၣ်ဘၣ်ပာ်အီၤလၢတၢ်တကဆှီဘၣ် မ့ၢ်ဝဲလၢ တၢ်တီၢ်လီၤ.

²³ မ့မ့ၢ်အလီၢ်န့ၣ်မ့ၢ်အိၣ်ဒၣ်တၢ် ဒီးတလဲၢ်ထီၣ်ဘၣ်ဒီး, မ့ၢ်ဝဲလၢဝ့အလီၢ်လီၤ. ဒီးပှၤလုၢ်တၢ်အဒိၣ်ဘၣ်ပာ်အီၤ လၢတၢ်ကဆှီလီၤ.

²⁴ မ့တမ့ၢ်ဘၣ်ဒ်န့ၣ်ဒီး ညၣ်ကိၢ်ဃိာ်လၢမ့ၣ်အူမ့ၢ်အိၣ် လၢအဖံးလိၤဒီး, ညၣ်သံကစဲာ်လၢမ့ၣ်အူအီၣ်ဝဲန့ၣ်မ့ၢ် ပြုထီၣ်ဂီၤဝါတဖျၢၣ်မ့ၢ်ဂ့ၤ, ဝါတဖျၢၣ်မ့ၢ်ဂ့ၤဒီး, ²⁵ ပှၤ လုၢ်တၢ်အဒိၣ်ဘၣ်ကွၢ်အီၤ, ဒီးကွၢ်ကွၢ်, အဆူၣ်လၢ တၢ်ဝါအလီၢ်ပူၤမ့ၢ်ဝါထီၣ်, ဒီးဖျါယိာ်ဆူအဖံးလာ်ဒီး, မ့ၢ်တၢ်ဆါအၢလၢအအိၣ်ထီၣ်လၢတၢ်ကိၢ်အူအလီၢ်လီၤ. ဒီးပှၤလုၢ်တၢ်အဒိၣ်ဘၣ်ပာ်အီၤလၢအတကဆှီဘၣ်, မ့ၢ် ဝဲလၢတၢ်ဆါအၢအတၢ်တီၢ်လီၤ.

²⁶ မ့မ့ၢ်ပှၤလုၢ်တၢ်အဒိၣ်မ့ၢ်ကွၢ်အီၤ, ဒီးကွၢ်ကွၢ်, အဆူၣ် ဝါတအိၣ်ဘၣ်လၢအလီၢ်ဝါ, ဒီးတယိာ်ဘၣ်ဆူအဖံး လာ်, ဒီးဃးထီၣ်ဒီး, ပှၤလုၢ်တၢ်အဒိၣ်ဘၣ်ကးတံာ် ဃာ်အီၤနွံနံၤလီၤ. ²⁷ ဒီးနွံနံၤတနံၤန့ၣ် ပှၤလုၢ်တၢ်အဒိၣ် ဘၣ်ကွၢ်အီၤလီၤ. မ့ၢ်လဲၢ်ထီၣ်အါအါကလဲာ်လၢအဖံး လိၤဒီး, ပှၤလုၢ်တၢ်အဒိၣ်ဘၣ်ပာ်အီၤလၢအတကဆှီ ဘၣ်, မ့ၢ်ဝဲလၢတၢ်ဆါအၢအတၢ်တီၢ်လီၤ.

²⁸ မ့မ့ၢ်တၢ်ဝါအလီၢ်မ့ၢ်အိၣ်ဒၣ်တၢ်, တလဲၢ်ထီၣ်ဘၣ် လၢအဖံးအလိၤ, ဒီးဃးထီၣ်ဒီး, မ့ၢ်ဝဲလၢတၢ်ပြုထီၣ် လၢတၢ်ကိၢ်ဃိာ်အလီၢ်, ဒီးပှၤလုၢ်တၢ်အဒိၣ်ဘၣ်ပာ် အီၤလၢတၢ်ကဆှီလီၤ. အဂ့ၢ်ဒ်အံၤ, မ့ၢ်ဝဲလၢတၢ်ကိၢ် ဃိာ်အလီၢ်လီၤ.

²⁹ ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, လၢအခိၣ်မ့ၢ်ဂ့ၤ, လၢအ ခၣ်ဆူၣ်မ့ၢ်ဂ့ၤ, မ့ၢ်အိၣ်ဒီးတၢ်တီၢ်ဒီး, ³⁰ ပှၤလုၢ်တၢ်အ ဒိၣ်ဘၣ်ကွၢ်တၢ်တီၢ်န့ၣ်, ဒီးကွၢ်ကွၢ်, အလီၢ်မ့ၢ်လီၤ ဆၢၣ်လၢအဖံးအလိၤ, ဒီးအဆူၣ်ဘီစှၤဘိမ့ၢ်အိၣ်လၢအ ပူၤဒီး, ပှၤလုၢ်တၢ်အဒိၣ်ဘၣ်ပာ်အီၤလၢ တၢ်တကဆှီ ဘၣ်လီၤ. မ့ၢ်ဝဲလၢတၢ်ဃာ်, တၢ်ဆါအၢလၢခိၣ်မ့ၢ်ဂ့ၤ, လၢခၣ်ဆူၣ်မ့ၢ်ဂ့ၤလီၤ.

³¹ မ့မ့ၢ်ပှၤလုၢ်တၢ်အဒိၣ်မ့ၢ်ကွၢ်တၢ်ဃာ်အတၢ်တီၢ်, ဒီး ကွၢ်ကွၢ်, အလီၢ်တယိာ်ဘၣ်ဆူအဖံးလာ်, ဒီးဆူၣ်သူ တအိၣ်ဘၣ်လၢအပူၤဒီး, ပှၤလုၢ်တၢ်အဒိၣ် ဘၣ်ကး တံာ်ဃာ်တၢ်တီၢ်န့ၣ်နွံနံၤလီၤ. ³² ဒီးနွံနံၤတနံၤန့ၣ်, ပှၤ လုၢ်တၢ်အဒိၣ်ဘၣ်ကွၢ်တၢ်တီၢ်, ဒီးကွၢ်ကွၢ်, တၢ်ဃာ် မ့ၢ်တလဲၢ်ထီၣ်ဘၣ်, ဒီးဆူၣ်ဘီမ့ၢ်တအိၣ်ဘၣ်, ဒီးအ လီၢ်မ့ၢ်တယိာ်ဘၣ်ဆူအဖံးလာ်ဒီး, ³³ ပှၤဘၣ်လူၤအီၤ လီၤ. မ့မ့ၢ်တဘၣ်လူၤတၢ်ဃာ်အလီၢ်ဘၣ်. ဒီးပှၤလုၢ် တၢ်အဒိၣ်ဘၣ်ကးတံာ်ဃာ်ဒံးတၢ်တီၢ်န့ၣ်နွံနံၤဒံးလီၤ.

³⁴ ဒီးနွံနံၤတနံၤန့ၣ်ပှၤလုၢ်တၢ်အဒိၣ် ဘၣ်ကွၢ်တၢ်ဃာ်, ဒီးကွၢ်ကွၢ်, တၢ်ဃာ်န့ၣ်မ့ၢ်တလဲၢ်ထီၣ်ဘၣ်လၢအဖံး လိၤ, ဒီးအလီၢ်မ့ၢ်တယိာ်ဘၣ်ဆူအဖံးလာ်ဒီး, ပှၤလုၢ် တၢ်အဒိၣ် ဘၣ်ပာ်အီၤလၢတၢ်ကဆှီလီၤ. ဒီးအဝဲဒၣ် ဘၣ်ဆှုၣ်အကူအသိး, ဒီးကဆှီထီၣ်ဝဲလီၤ.

³⁵ ဒီးလၢအကဆှီထီၣ်အလီၢ်ခံန့ၣ် တၢ်ဃာ်မ့ၢ်လဲၢ်ထီၣ် သပှၢ်တၢၢ်လၢအဖံးလိၤဒီး, ³⁶ ပှၤလုၢ်တၢ်အဒိၣ်ဘၣ်ကွၢ် အီၤ, ဒီးကွၢ်ကွၢ်, တၢ်ဃာ်မ့ၢ်လဲၢ်ထီၣ်လၢအဖံးလိၤဒီး, ပှၤလုၢ်တၢ်အဒိၣ်တဘၣ်ဃုဘၣ်ဆူၣ်ဘီဘၣ်. မ့ၢ်ဝဲလၢ တၢ်တကဆှီဘၣ်လီၤ.

³⁷ မ့မ့ၢ်တၢ်ဃာ်အလိၤမ့ၢ်အိၣ်ဒၣ်တၢ်, ဆူၣ်သူမ့ၢ်ထီၣ် လၢအပူၤဒီး, တၢ်ဃာ်ဘျါလံဒီးကဆှီထီၣ်လံလီၤ. ဒီး ပှၤလုၢ်တၢ်အဒိၣ်ဘၣ်ပာ်အီၤလၢတၢ်ကဆှီလီၤ.

³⁸ ဒီးပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, မ့ၢ်အိၣ်ဒီးတၢ်ဖှံ, ဝါ လၢအညၣ်အဖံးလိၤဒီး, ³⁹ ပှၤလုၢ်တၢ်အဒိၣ်ဘၣ်ကွၢ်ဝဲ, ဒီးကွၢ်ကွၢ်, တၢ်ဖှံလၢအညၣ်အဖံးလိၤမ့ၢ်ဝါသူဒီး, မ့ၢ်ဝဲ လၢတၢ်ဖှံလၢအအိၣ်ထီၣ်လၢအဖံးလိၤလီၤ. ကဆှီဝဲလီၤ.

⁴⁰ ဒီးပှၤလၢအခိၣ်လ့ၤန့ၣ် မ့ၢ်အခိၣ်ကျၤဘၣ်ဆၣ်ဒီးက ဆှီဝဲလီၤ. ⁴¹ ဒီးပှၤလၢအခိၣ်လ့ၤလၢအခိၣ်ဒးန့ၣ်မ့ၢ်ဝဲလၢ အခိၣ်ကျၤလၢအခိၣ်ဒးလီၤ. ဘၣ်ဆၣ်ဒီးကဆှီဝဲလီၤ.

⁴² ဒီးလၢအခိၣ်လ့ၤလိၤမ့ၢ်ဂ့ၤ, လၢအခိၣ်လ့ၤလၢအခိၣ် ဒးအလိၤမ့ၢ်ဂ့ၤ, တၢ်တီၢ်ဂီၤဝါမ့ၢ်အိၣ်ဒီး, မ့ၢ်တၢ်ဆါ အၢလၢအအိၣ်ထီၣ်လၢအခိၣ်လ့ၤမ့ၢ်ဂ့ၤ, အခိၣ်လ့ၤလၢ အခိၣ်ဒးမ့ၢ်ဂ့ၤလီၤ.

⁴³ ဒီးပှၤလုၢ်တၢ်အဒိၣ်ဘၣ်ကွၢ်အီၤ, ဒီးကွၢ်ကွၢ်, တၢ် တီၢ်အပြုထီၣ်တဖျၢၣ်လၢအခိၣ်လ့ၤအလိၤမ့ၢ်ဂ့ၤ, လၢ အခိၣ်လ့ၤလၢအခိၣ်ဒးအလိၤမ့ၢ်ဂ့ၤ, မ့ၢ်ဂီၤဝါမၤအသး ဒ်တၢ်ဆါအၢလၢညၣ်အဖံးလိၤအသိးန့ၣ်ဒီး, ⁴⁴ မ့ၢ်ဝဲလၢ ပှၤဘၣ်တၢ်ဆါအၢ, မ့ၢ်တကဆှီဘၣ်, ပှၤလုၢ်တၢ်အ ဒိၣ်ဘၣ်ပာ်အီၤတကဆှီဘၣ်သပှၢ်တၢၢ်လီၤ. အတၢ်တီၢ် န့ၣ်အိၣ်ဝဲလၢအခိၣ်လိၤလီၤ.

⁴⁵ ဒီးပှၤဘၣ်တၢ်ဆါအၢလၢအအိၣ်ဒီး တၢ်တီၢ်န့ၣ်ဘၣ် ဖှီအကူအသိး, ဒီးအိၣ်ဘ့ၣ်ခိၣ်, ဒီးကျၢၢ်ဘၢအခၣ်, ဒီးဘၣ်ကိးထီၣ်, တကဆှီဘၣ်, တကဆှီဘၣ်န့ၣ်လီၤ.

⁴⁶ လၢတၢ်တီၢ်အိၣ်လၢအလိၤအမုၢ်နံၤခဲလၢာ်န့ၣ် ဘၣ် မ့ၢ်တၢ်တကဆှီဘၣ်လီၤ. မ့ၢ်ဝဲတၢ်တကဆှီဘၣ်လီၤ. ဘၣ်အိၣ်ဝဲဆိးဝဲတဂၤဃီလီၤ. အအိၣ်အလီၢ်န့ၣ်ကအိၣ် လၢပှၤသူၣ်ဒဲလၢခိလီၤ.

⁴⁷ ဒီးတၢ်အကူအသိးလၢအအိၣ်ဒီးတၢ်ဆါအၢန့ၣ်, သး ကလးမ့ၢ်ဂ့ၤ, တၢ်ကံးညာ်မ့ၢ်ဂ့ၤ, ⁴⁸ လုၣ်အထၢၣ်ဂ့ၤ, အ ဃီၤဂ့ၤ, လၢသးကလးမ့ၢ်ဂ့ၤ, လၢတၢ်ကံးညာ်မ့ၢ်ဂ့ၤ, လၢတၢ်ဖံးမ့ၢ်ဂ့ၤ, လၢတၢ်မၤလၢတၢ်ဖံးမ့ၢ်ဂ့ၤ, ⁴⁹ တၢ် တီၢ်မ့ၢ်လါဟ့ဂ့ၤဂ့ၤ, မ့ၢ်ဂီၤဂ့ၤဂ့ၤ, လၢတၢ်အကူအသိး အလိၤဂ့ၤဂ့ၤ, လၢတၢ်ဖံးအလိၤဂ့ၤဂ့ၤ, လၢလုၣ်အထၢၣ် ဂ့ၤဂ့ၤ, အဃီၤဂ့ၤဂ့ၤ, မ့ၢ်တၢ်ဆါအၢအတၢ်တီၢ်လီၤ. ဒီး ပှၤဘၣ်ဒုးနဲၣ်အီၤလၢပှၤလုၢ်တၢ်အဒိၣ်လီၤ. ⁵⁰ ဒီးနွံနံၤတနံၤန့ၣ်ဘၣ်ကွၢ် တၢ်တီၢ်န့ၣ်လီၤ. တၢ်တီၢ်န့ၣ်မ့ၢ်လဲၢ်ထီၣ်လၢတၢ်အကူ အသိးအလိၤမ့ၢ်ဂ့ၤ, လၢလုၣ်အထၢၣ်မ့ၢ်ဂ့ၤ, အဃီၤဂ့ၤ, လၢတၢ်ဖံးအလိၤမ့ၢ်ဂ့ၤ, လၢတၢ်မၤလၢတၢ်ဖံးမ့ၢ်ဂ့ၤ, မ့ၢ် တၢ်ဆါအၢဆိးကဲးလီၤ. မ့ၢ်ဝဲလၢတၢ်တကဆှီဘၣ်လီၤ.

⁵² ဒီးတၢ်လၢတၢ်ကူတၢ်သိးန့ၣ် လၢလုၣ်အထၢၣ်ဂ့ၤ, အဃီၤဂ့ၤ, လၢသးကလးမ့ၢ်ဂ့ၤ, လၢတၢ်ကံးညာ်မ့ၢ်ဂ့ၤ, တၢ်မၤလၢအဖံးမ့ၢ်ဂ့ၤ, လၢတၢ်တီၢ်အိၣ်လၢအပူၤန့ၣ်ပှၤ ဘၣ်ဆူးထီၣ်ကွံာ်အီၤလၢမ့ၣ်အူလီၤ. အဂ့ၢ်ဒ်အံၤ, မ့ၢ်တၢ် ဆါအၢဆိးကဲး, တၢ်ကဆူးထီၣ်ကွံာ်အီၤလၢမ့ၣ်အူလီၤ. ⁵³ ဒီးပှၤလုၢ်တၢ်အဒိၣ်ဘၣ်ကွၢ်, ဒီးကွၢ်ကွၢ်, တၢ်တီၢ်မ့ၢ်တလဲၢ်ထီၣ်ဘၣ်လၢတၢ်အကူအသိးအလိၤ, လၢလုၣ်အထၢၣ်ဂ့ၤ, အဃီၤဂ့ၤ, လၢတၢ်မၤလၢတၢ်ဖံးအလိၤဂ့ၤ,―

⁵⁴ ပှၤလုၢ်တၢ်အဒိၣ် ဘၣ်မၤလိာ်လၢပှၤဘၣ်ဆှုၣ်တၢ်အိၣ် ဒီးတၢ်တီၢ်ဒီးဘၣ်ကးတံာ်ဃာ်ဒံးအီၤနွံနံၤဒံးလီၤ.

⁵⁵ ဒီးလၢအဘၣ်တၢ်ဆှုၣ်အလီၢ်ခံန့ၣ် ပှၤလုၢ်တၢ်အဒိၣ် ဘၣ်ကွၢ်တၢ်တီၢ်, ဒီးကွၢ်ကွၢ်, တၢ်တီၢ်အလွဲၢ်မ့ၢ်တလီၤ ဆီဘၣ်, ဒီးတၢ်တီၢ်မ့ၢ်တလဲၢ်ထီၣ်ဘၣ်ဒီး, မ့ၢ်တကဆှီ ဘၣ်လီၤ. ဒီးနဘၣ်ဆူးထီၣ်ကွံာ်အီၤလၢမ့ၣ်အူလီၤ. လ့ၤ ဝဲလၢညါမ့ၢ်ဂ့ၤ, လၢခိမ့ၢ်ဂ့ၤ, မ့ၢ်တၢ်အီၣ်လၢအပူၤလီၤ.

⁵⁶ ဒီးပှၤလုၢ်တၢ်အဒိၣ်မ့ၢ်ကွၢ်, ဒီးကွၢ်ကွၢ်, လၢတၢ် တီၢ်ဘၣ်ဆှုၣ်အသးအလီၢ်ခံန့ၣ်မ့ၢ်ဃးထီၣ်ဒီး, လၢတၢ် အကူအသိးအပူၤဂ့ၤ, လၢတၢ်ဖံးအပူၤဂ့ၤ, လၢလုၣ်အ ထၢၣ်ဂ့ၤ, အဃီၤဂ့ၤ, ဘၣ်ဖှီကွံာ်အီၤလီၤ. ⁵⁷ ဒီးမ့ၢ်အိၣ် ဖျါထီၣ်ဒံးလၢတၢ်အကူအသိးအပူၤ, လၢလုၣ်အထၢၣ် ဂ့ၤ, အဃီၤဂ့ၤ, လၢတၢ်မၤလၢတၢ်ဖံးဂ့ၤဒီး, မ့ၢ်လၢ အလဲၢ်ထီၣ်ဒၣ်တၢ်လီၤ. နဘၣ်ဆူးထီၣ်ကွံာ်တၢ်လၢအ တၢ်တီၢ်အိၣ်လၢအလိၤ, လၢမ့ၣ်အူလီၤ.

⁵⁸ ဒီးတၢ်အကူအသိးလုၣ်အထၢၣ်မ့ၢ်ဂ့ၤ, လုၣ်အဃီၤ မ့ၢ်ဂ့ၤ, ဖဲဒၣ်တၢ်လၢတၢ်မၤလၢ တၢ်ဖံးတမံၤမံၤမ့ၢ်ဂ့ၤ, လၢနဆှုၣ်အီၤန့ၣ် တၢ်တီၢ်မ့ၢ်ဟးထီၣ်ကွံာ်လၢအလိၤဒီး, ဘၣ်ဆှုၣ်အီၤခံဘျီတဘျီ, ဒီးကကဆှီထီၣ်ဝဲလီၤ.

⁵⁹ လၢတၢ်အကူအသိး, သးကလးမ့ၢ်ဂ့ၤ, တၢ်ကံးညာ် မ့ၢ်ဂ့ၤ, လၢလုၣ်အထၢၣ်မ့ၢ်ဂ့ၤ, လုၣ်အဃီၤဂ့ၤ, လၢ တၢ်အဖံးတမံၤမံၤမ့ၢ်ဂ့ၤ, အန့ၣ်မ့ၢ်တၢ်သိၣ်တၢ်သီဘၣ် ဃးဒီးတၢ်ဆါအၢလၢအပူၤန့ၣ် ဒ်သိးတၢ်ကပာ်အီၤလၢ တၢ်ကဆှီမ့ၢ်ဂ့ၤ, တကဆှီဘၣ်မ့ၢ်ဂ့ၤလီၤ.

၁၄

¹ ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,― မုၢ်တနံၤ လၢပှၤဘၣ်တၢ်ဆါအၢကဆှီထီၣ်န့ၣ် အအံၤမ့ၢ်တၢ်သိၣ် တၢ်သီဘၣ်ဃးဒီးအီၤလီၤ. ပှၤကဒုးဟဲအီၤဆူ ပှၤလုၢ် တၢ်အဒိၣ်အအိၣ်, ³ ဒီးပှၤလုၢ်တၢ်အဒိၣ်ဘၣ်လဲၤထီၣ် ဆူပှၤသူၣ်ဒဲအလီၢ်လၢခိ, ဒီးပှၤလုၢ်တၢ်အဒိၣ်ဘၣ်ကွၢ်, ဒီးကွၢ်ကွၢ်, တၢ်ဆါအၢအတၢ်တီၢ်မ့ၢ်ဘျါက့ၤလၢပှၤ ဘၣ်တၢ်ဆါအၢအလိၤဒီး, ⁴ ပှၤလုၢ်တၢ်အဒိၣ်ဘၣ်မၤ လိာ်, ဒီးလၢပှၤလၢအကဆှီထီၣ်အဂီၢ်န့ၣ် ပှၤဘၣ်ဟံး န့ၢ်ထိၣ်ကဆှီခံဘ့ၣ်လၢအမူဝဲ, ဒီးသ့ၣ်ဆှိအ့ရ့း, ဒီး တၢ်ဂီၤ, ဒီးကဖျီၣ်အ့စိးလီၤ.

⁵ ဒီးပှၤလုၢ်တၢ်အဒိၣ်ဘၣ်မၤလိာ်လၢ ပှၤကမၤသံထိၣ် တဘ့ၣ်လၢသပၢၤဟီၣ်ခိၣ်အပူၤလၢထံမူအဖီခိၣ်လီၤ.

⁶ ထိၣ်လၢအမူဝဲတဘ့ၣ်န့ၣ်ဘၣ်ဟံးန့ၢ်အီၤ, ဒီးသ့ၣ်ဆှိ အ့ရ့း, ဒီးတၢ်ဂီၤ, ဒီးကဖျီၣ်အ့စိး, ဒီးဘၣ်ဘျၢအီၤဒီး ထိၣ်လၢအမူဝဲ, လၢထိၣ်လၢအဘၣ်တၢ်မၤသံအီၤလၢ ထံမူအဖီခိၣ်တဘ့ၣ်အသွံၣ်ပူၤလီၤ.

⁷ ဒီးဘၣ်ဖှံတၢ်လၢပှၤလၢအကဆှီထီၣ် လၢတၢ်ဆါအၢ တဂၤအလိၤနွံဘျီ, ဒီးဘၣ်ပာ်အီၤလၢတၢ်ကဆှီ, ဒီး ဘၣ်ပျၢ်ထိၣ်လၢအမူဝဲတဘ့ၣ်လၢပျီပူၤလီၤ.

⁸ ဒီးပှၤလၢအကဆှီထီၣ်တဂၤန့ၣ် ဘၣ်ဆှုၣ်အကူအ သိးဒီးလူၤကွံာ်အခိၣ်သူဒီးအဆူၣ်ခဲလၢာ်, ဒီးသ့စီအ သးလၢထံကျါ, ဒ်သိးအကကဆှီထီၣ်လီၤ. လၢခံက့ၤ န့ၣ်ကဟဲက့ၤဆူပှၤသူၣ်ဒဲအလီၢ်ပူၤ, ဒီးကအိၣ်လၢအဒဲ လၢခိနွံနံၤလီၤ.

⁹ ဒီးနွံနံၤတနံၤန့ၣ် ဘၣ်လူၤအခိၣ်ဒီဖျၢၣ်ညါ, ဒီးအခၣ် ဆူၣ်, ဒီးအမဲာ်တူၢ်ခိၣ်အဆူၣ်, ဒီးဘၣ်လူၤကွံာ်အဆူၣ် ခဲလၢာ်, ဒီးဘၣ်ဆှုၣ်အကူအသိး, ဒီးဘၣ်သ့စီအညၣ် လၢထံကျါ, ဒီးကကဆှီထီၣ်ဝဲလီၤ.

¹⁰ ဒီးဃိးနံၤတနံၤန့ၣ် ဘၣ်ဟံးန့ၢ်သိဖါဖိခံဒုအလၢအ ပှဲၤ, ဒီးသိမိၢ်ဖိတနံၣ်ဖိအလၢအပှဲၤ, ဒီးကိၣ်ကမူၣ်သၢ အ့စရိၣ်ကိၣ်ဃါဃုာ်ဒီးသိလၢ တၢ်မၤဘူၣ်ကိၣ်အဂီၢ်, ဒီးသိတလိာ်လီၤ.

¹¹ ဒီးပှၤလုၢ်တၢ်အဒိၣ် လၢအပာ်ကဆှီအီၤ တဂၤန့ၣ် ဘၣ်ပာ်ပှၤလၢအကဆှီထီၣ်တဂၤ, ဒီးတၢ်တဖၣ်န့ၣ်လၢ ယွၤအမဲာ်ညါ, ဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.

¹² ဒီးပှၤလုၢ်တၢ်အဒိၣ်ဘၣ်ဟံးန့ၢ်သိဖါဖိတဒု, ဒီးလုၢ် ထီၣ်အီၤလၢတၢ်လုၢ်တၢ်ကမၣ်အဂီၢ်, ဒီးသိတလိာ်န့ၣ်, ဒီးဝၢ်အီၤလၢတၢ်ဝၢ်လၢယွၤအမဲာ်ညါလီၤ.

¹³ ဒီးဘၣ်မၤသံသိဖါဖိဖဲအလီၢ်လၢ မၤသံတၢ်လုၢ်တၢ် ဒဲးဘး, ဒီးတၢ်လုၢ်မ့ၣ်အူ, လၢတၢ်အလီၢ်စီဆှံအပူၤလီၤ. အဂ့ၢ်ဒ်အံၤ, ဒ်တၢ်လုၢ်တၢ်ဒဲးဘးန့ၣ်မ့ၢ်ပှၤလုၢ်တၢ်အဒိၣ် အတၢ်အသိး, တၢ်လုၢ်တၢ်ကမၣ်မ့ၢ်ဒ်န့ၣ်သိးလီၤ. မ့ၢ် တၢ်စီဆှံကတၢၢ်လီၤ.

¹⁴ ဒီးပှၤလုၢ်တၢ်အဒိၣ်ဘၣ်ဟံးန့ၢ် တၢ်လုၢ်တၢ်ကမၣ်အ သွံၣ်, ဒီးပှၤလုၢ်တၢ်အဒိၣ်ဘၣ်ပာ်ဝဲလၢပှၤလၢအကဆှီ ထီၣ်အနၢ်ကုခိၣ်အထွဲအဖီခိၣ်, ဒီးလၢအစုမုၢ်ဒိၣ်အထွဲ အဖီခိၣ်, ဒီးလၢအခီၣ်မုၢ်ဒိၣ်အထွဲအဖီခိၣ်လီၤ.

¹⁵ ဒီးပှၤလုၢ်တၢ်အဒိၣ်ဘၣ်ဟံးန့ၢ်သိတလိာ်, ဒီးလူလီၤ တနီၤဆူအစုစ့ၣ်ဒၣ်ဝဲအညါသးအပူၤလီၤ.

¹⁶ ဒီးပှၤလုၢ်တၢ်အဒိၣ် ဘၣ်ဘျုးအစုမုၢ်အထွဲတဘိလၢ သိလၢအအိၣ်လၢအစုစ့ၣ်ပူၤ, ဒီးဘၣ်ဖှံသိလၢအစုမုၢ် လၢယွၤအမဲာ်ညါနွံဘျီလီၤ.

¹⁷ ဒီးသိလၢအအိၣ်လီၤတဲာ်လၢအစုပူၤန့ၣ် ပှၤလုၢ်တၢ် အဒိၣ် ဘၣ်ပာ်လၢပှၤလၢအကဆှီထီၣ်တဂၤ အနၢ်ကု ခိၣ်အထွဲအဖီခိၣ်, ဒီးလၢအစုမုၢ်ဒိၣ်အထွဲအဖီခိၣ်, ဒီး လၢအခီၣ်မုၢ်ဒိၣ်အထွဲအဖီခိၣ်, လၢတၢ်လုၢ်တၢ်ကမၣ် အသွံၣ်အဖီခိၣ်လီၤ.

¹⁸ ဒီးသိလၢအအိၣ်လီၤတဲာ်လၢ ပှၤလုၢ်တၢ်အဒိၣ်အစု ပူၤန့ၣ်ဘၣ်လူလီၤလၢပှၤလၢ အကကဆှီထီၣ်တဂၤအ ခိၣ်, ဒီးပှၤလုၢ်တၢ်အဒိၣ်တဂၤဘၣ်မၤတၢ်ပူၤဖျဲးလၢအ ဂီၢ်လၢယွၤအမဲာ်ညါလီၤ.

¹⁹ ဒီးပှၤလုၢ်တၢ်အဒိၣ်ဘၣ်လုၢ်တၢ်လုၢ်တၢ်ဒဲးဘး, ဒီး မၤတၢ်ပူၤဖျဲးလၢ ပှၤလၢအကကဆှီထီၣ်လၢ အတၢ်တ ကဆှီဘၣ်အဂီၢ်လီၤ. လၢခံက့ၤဒီးဘၣ်မၤသံတၢ်လုၢ်မ့ၣ် အူလီၤ.

²⁰ ဒီးပှၤလုၢ်တၢ်အဒိၣ်ဘၣ်လုၢ်တၢ်လုၢ်မ့ၣ်အူ, ဒီးတၢ် မၤဘူၣ်ကိၣ်လၢတၢ်လုၢ်လီၢ်အဖီခိၣ်, ဒီးပှၤလုၢ်တၢ်အ ဒိၣ်ဘၣ်မၤတၢ်ပူၤဖျဲးလၢအဂီၢ်, ဒီးကကဆှီထီၣ်ဝဲလီၤ.

²¹ ဒီးမ့ၢ်ဖှီၣ်မ့ၢ်ယာ်, ဒီးအစုတချုးန့ၢ်ဘၣ်တၢ်တဖၣ်န့ၣ် ဒီး, ဘၣ်ဟံးန့ၢ်သိဖိတဒုလၢတၢ်လုၢ်တၢ်ကမၣ်အဂီၢ်, လၢပှၤကဝၢ်ဝဲ ဒ်သိးအကမၤတၢ်ပူၤဖျဲးလၢအဂီၢ်, ဒီး ကိၣ်ကမူၣ်တအ့စရိၣ်ဃါဃုာ်ဒီးသိလၢ တၢ်မၤဘူၣ်အ ဂီၢ်, ဒီးသိတလိာ်, ²² ဒီးထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ကး က့ၣ်ဖိခံဘ့ၣ်မ့ၢ်ဂ့ၤ, တၢ်လၢအစုကချုးန့ၢ်အီၤလီၤ. ဒီး အဝဲတဘ့ၣ် ကကဲထီၣ်တၢ်လုၢ်တၢ်ဒဲးဘး, ဒီးအဝဲတ ဘ့ၣ်လၢတၢ်လုၢ်မ့ၣ်အူလီၤ.

²³ ဒီးဃိးနံၤတနံၤန့ၣ် ဘၣ်ဟဲစိာ်အီၤဆူပှၤလုၢ်တၢ်အ ဒိၣ်အအိၣ်လၢအကကဆှီထီၣ်အဂီၢ်, ဆူတၢ်အိၣ်ဖှိၣ်အ ဒဲအကျဲစၢၤလၢယွၤအမဲာ်ညါလီၤ.

²⁴ ဒီးပှၤလုၢ်တၢ်အဒိၣ်ဘၣ်ဟံးန့ၢ်သိဖိ, တၢ်လုၢ်တၢ်က မၣ်, ဒီးသိတလိာ်န့ၣ်, ဒီးပှၤလုၢ်တၢ်အဒိၣ်ဘၣ်ဝၢ်အီၤ လၢတၢ်ဝၢ်လၢယွၤအမဲာ်ညါလီၤ.

²⁵ ဒီးပှၤလုၢ်တၢ်အဒိၣ်ဘၣ်မၤသံသိဖိ, တၢ်လုၢ်တၢ်က မၣ်, ဒီးပှၤလုၢ်တၢ်အဒိၣ်ဘၣ်ဟံးန့ၢ်တၢ်လုၢ်တၢ်ကမၣ် အသွံၣ်, ဒီးပာ်ဝဲလၢပှၤလၢအကကဆှီထီၣ်အနၢ်ကုခိၣ် အထွဲအဖီခိၣ်, ဒီးလၢအစုမုၢ်ဒိၣ်အထွဲအဖီခိၣ်, ဒီးလၢ အခီၣ်မုၢ်ဒိၣ်အထွဲအဖီခိၣ်လီၤ.

²⁶ ဒီးပှၤလုၢ်တၢ်အဒိၣ် ဘၣ်လူလီၤသိတနီၤဆူအစုစ့ၣ် ဒၣ်ဝဲအညါသးအပူၤလီၤ.

²⁷ ဒီးပှၤလုၢ်တၢ်အဒိၣ် ဘၣ်ဖှံတၢ်လၢအစုမုၢ်အထွဲတ ဘိလၢသိအိၣ်လၢအစုစ့ၣ်ပူၤန့ၣ် လၢယွၤအမဲာ်ညါနွံ ဘျီလီၤ.

²⁸ ဒီးပှၤလုၢ်တၢ်အဒိၣ် ဘၣ်ပာ်သိအိၣ်လၢအစုပူၤလၢပှၤ လၢအကကဆှီထီၣ်တဂၤ အနၢ်ကုခိၣ်အထွဲအဖီခိၣ်, ဒီး လၢအစုမုၢ်ဒိၣ်အထွဲအဖီခိၣ်, ဒီးလၢအခီၣ်မုၢ်ဒိၣ်အထွဲ အဖီခိၣ်လၢတၢ်လုၢ်တၢ်ကမၣ်အသွံၣ်လီၢ်အဖီခိၣ်န့ၣ်လီၤ.

²⁹ ဒီးသိလၢအအိၣ်လီၤတဲာ်လၢ ပှၤလုၢ်တၢ်အဒိၣ်အစု ပူၤန့ၣ်ဘၣ်ပာ်ဝဲလၢ ပှၤလၢအကကဆှီထီၣ်တဂၤအခိၣ်, ဒ်သိးအကမၤ တၢ်ပူၤဖျဲးလၢအဂီၢ် လၢယွၤအမဲာ်ညါ လီၤ. ³⁰ ဒီးလၢထိၣ်လွံၢ်ဘုၣ်မ့ၢ်ဂ့ၤ, ကးက့ၣ်ဖိမ့ၢ်ဂ့ၤ, လၢ တၢ်လၢအစုချုးန့ၢ်အီၤ, ဘၣ်လုၢ်တဘ့ၣ်, ³¹ ဖဲဒၣ်တၢ် လၢအစုချုးန့ၢ်တဘ့ၣ်လၢတၢ်လုၢ်တၢ်ဒဲးဘးအဂီၢ်, ဒီး တဘ့ၣ်လၢတၢ်လုၢ်မ့ၣ်အူအဂီၢ် အိၣ်ဒီးတၢ်မၤဘူၣ်ကိၣ် လီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢပှၤလၢ အကကဆှီထီၣ်တဂၤအဂီၢ်, လၢယွၤအမဲာ်ညါလီၤ.

³² အန့ၣ်မ့ၢ်တၢ်သိၣ်တၢ်သီဘၣ်ဃးဒီး ပှၤလၢတၢ်ဆါ အၢအတၢ်တီၢ်အိၣ်လၢအလိၤ လၢအစုတချုးန့ၢ်ဘၣ် တၢ်ဘၣ်ဃးဒီးအကကဆှီထီၣ်တဂၤန့ၣ်လီၤ.

³³ ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, ³⁴ တုၤသုလဲၤနုာ်လၢကီၢ်ကနၤဧၣ်အပူၤလၢယက ဟ့ၣ်လီၤသုလၢတၢ်ဟံးဃာ်, ဒီးယပာ်တၢ်ဆါအၢအ တၢ်တီၢ်လၢဟံၣ်တဖျၢၣ်အပူၤ လၢကီၢ်လၢသုန့ၢ်ဘၣ် အပူၤဒီး, ³⁵ ဟံၣ်ကစၢ်ဘၣ်ဟဲစံးဘၣ်ပှၤလုၢ်တၢ်အဒိၣ်, ဒီးဘၣ်စံး, ယကွၢ်ယဲလၢတၢ်တီၢ်အိၣ်ဝဲလၢဟံၣ်ပူၤန့ၣ် လီၤ. ³⁶ ဒီးပှၤလုၢ်တၢ်အဒိၣ်ဘၣ်မၤလိာ်လၢပှၤလုၢ်တၢ် အဒိၣ်တချုးလဲၤနုာ်ဒံးဘၣ်ဒီး, ပှၤဘၣ်ကတဲာ်ကတီၤ တၢ်ဒ်သိးကယဲၢ်တၢ်အိၣ်လၢဟံၣ်ပူၤ အသုတကဲထီၣ် ဘၣ်တၢ်တကဆှီဘၣ်တဂ့ၤလီၤ. လၢခံက့ၤန့ၣ်ပှၤလုၢ် တၢ်အဒိၣ်ကလဲၤနုာ်ကွၢ်ဟံၣ်န့ၣ်လီၤ.

³⁷ ဒီးကကွၢ်တၢ်တီၢ်န့ၣ်, ဒီးကွၢ်ကွၢ်, တၢ်တီၢ်န့ၣ်မ့ၢ်အိၣ် လၢဟံၣ်ဒူၣ်အလိၤ, ဒီးအလီၢ်လီၤဆၢၣ်တဖၣ်လါဟ့တ စဲးစဲးမ့ၢ်ဂ့ၤ, ဂီၤတစဲးစဲးမ့ၢ်ဂ့ၤ, လၢအလီၢ်လီၤဆၢၣ်လၢ ဒူၣ်အလိၤဒီး, ³⁸ ပှၤလုၢ်တၢ်အဒိၣ်ဘၣ်ဟးထီၣ်လၢဟံၣ် ဆူဟံၣ်အကျဲစၢၤ, ဒီးကးတံာ်ဃာ်အတြဲၤနွံနံၤလီၤ.

³⁹ ဒီးနွံနံၤတနံၤန့ၣ် ပှၤလုၢ်တၢ်အဒိၣ်ဘၣ်ဟဲကဒီး, ဒီး ကွၢ်, ဒီးကွၢ်ကွၢ်, တၢ်တီၢ်န့ၣ်မ့ၢ်လဲၢ်ထီၣ်လၢဟံၣ်အ ဒူၣ်လိၤဒီး, ⁴⁰ ပှၤလုၢ်တၢ်အဒိၣ်ဘၣ်မၤလိာ်တၢ်, လၢပှၤက ဟံးထီၣ်ကွံာ်လၢၢ်လၢအအိၣ်ဒီးတၢ်တီၢ်န့ၣ်, ဒီးဘၣ်ကွံာ် တ့ၢ်ကွံာ်အီၤလၢ အလီၢ်တကဆှီဘၣ်ဖဲဝ့ၢ်လၢခိလီၤ.

⁴¹ ဒီးဘၣ်မၢပှၤကွးကွံာ်ဟံၣ်အပူၤဝးတရံးဝဲ, ဒီးဘၣ်ဂၢ် ကွံာ်အကမူၣ်လၢအကွးကွံာ်, လၢဝ့ၢ်လၢခိဖဲအလီၢ်တ ကဆှီဘၣ်လီၤ.

⁴² ဒီးဘၣ်ဟံးန့ၢ်လၢၢ်အဂၤတဖၣ်, ဒီးပာ်ဝဲလၢလၢၢ်တ ဖၣ်အလီၢ်, ဒီးဘၣ်ဟံးန့ၢ်အီကတ့ၣ်အဂၤ, ဒီးဖှူဟံၣ် န့ၣ်လီၤ.

⁴³ ဒီးဟံးထီၣ်ကွံာ်လၢၢ်ဒီးကွးကွံာ်ဟံၣ်ဒီးဖှူအီၤ ဒီးအီ ကတ့ၢ်အလီၢ်ခံန့ၣ် တၢ်တီၢ်မ့ၢ်ဟဲထီၣ်ကဒီး, ဒီးအိၣ် ထီၣ်လၢဟံၣ်တဖျၢၣ်န့ၣ်အပူၤဒီး, ⁴⁴ ပှၤလုၢ်တၢ်အဒိၣ် ဘၣ်ဟဲ, ဒီးကွၢ်, ဒီးကွၢ်ကွၢ်, တၢ်တီၢ်မ့ၢ်လဲၢ်ထီၣ်လၢ ဟံၣ်န့ၣ်ဒီး, မ့ၢ်မးတၢ်ဆါအၢဆိးကဲးလၢဟံၣ်ပူၤန့ၣ် လီၤ. မ့ၢ်တကဆှီဘၣ်လီၤ.

⁴⁵ ဒီးဘၣ်မၤလီၤပှီၢ်ကွံာ်ဟံၣ်န့ၣ်, အလၢၢ်တဖၣ်, ဒီးအ သ့ၣ်တဖၣ်, ဒီးဟံၣ်အအီကတ့ၣ်ခဲလၢာ်ဒီးဘၣ်စိာ်ထီၣ် ကွံာ်အီၤဆူဝ့ၢ်လၢခိ, ဆူအလီၢ်တကဆှီဘၣ်လီၤ.

⁴⁶ လၢန့ၣ်အမဲာ်ညါမုၢ်နံၤခဲလၢာ်လၢ ဟံၣ်ကးတံာ်ဃာ် အသးအဖၢမုၢ်န့ၣ်ဒီး, ပှၤလၢအလဲၤနုာ်န့ၣ်ကကဲထီၣ် တၢ်တကဆှီဘၣ်တုၤမုၢ်ဟါလီၤ.

⁴⁷ ဒီးပှၤလၢအမံလၢဟံၣ်ပူၤန့ၣ်, ဘၣ်ဆှုၣ်အကူအသိး, ဒီးပှၤလၢအအီၣ်တၢ်လၢအဟံၣ်ပူၤန့ၣ်, ဘၣ်ဆှုၣ်အကူ အသိးလီၤ.

⁴⁸ ဒီးပှၤလုၢ်တၢ်အဒိၣ်မ့ၢ်ဟဲဒီးကွၢ်ဝဲ, ဒီးကွၢ်ကွၢ်, တၢ် တီၢ်မ့ၢ်တလဲၢ်ထီၣ်ဘၣ်လၢဟံၣ်ပူၤ, လၢအဘၣ်တၢ်ဖှူ အီၤဒီးအီကတ့ၣ်အလီၢ်ခံန့ၣ်ဒီး, ပှၤလုၢ်တၢ်အဒိၣ်ဘၣ် ပာ်ဟံၣ်တဖျၢၣ်န့ၣ်လၢအကဆှီလီၤ. အဂ့ၢ်ဒ်အံၤ, တၢ် တီၢ်ဘျါဝဲလံလီၤ. ⁴⁹ ဒီးဒ်သိးအကမၤကဆှီဟံၣ်န့ၣ်ဒီး, ဘၣ်ဟံးန့ၢ်ထိၣ်ခံဘ့ၣ်, ဒီးသ့ၣ်ဆှိအ့ရ့း, ဒီးတၢ်ဂီၤ, ဒီးကဖျီၣ်အ့စိးလီၤ.―

⁵⁰ ဒီးဘၣ်မၤသံထိၣ်တဘ့ၣ် လၢသပၢၤဟီၣ်ခိၣ်အပူၤလၢ ထံမူအဖီခိၣ်လီၤ.

⁵¹ ဒီးဘၣ်ဟံးန့ၢ်သ့ၣ်ဆှိအ့ရ့း, ဒီးကဖျီၣ်အ့စိး, ဒီးတၢ် ဂီၤ, ဒီးထိၣ်လၢအမူဝဲတဘ့ၣ်, ဒီးဘျၢအီၤလၢထိၣ်လၢ တၢ်မၤသံအီၤတဘ့ၣ်အသွံၣ်, ဒီးလၢထံမူအပူၤ, ဒီးဖှံ ဟံၣ်န့ၣ်နွံဘျီလီၤ.

⁵² ဒီးဘၣ်မၤကဆှီထီၣ်ဟံၣ်လၢထိၣ်အသွံၣ်, ဒီးထံမူ, ဒီးထိၣ်လၢအမူဝဲ, ဒီးသ့ၣ်ဆှိအ့ရ့း, ဒီးကဖျီၣ်အ့စိး, ဒီးတၢ်ဂီၤလီၤ. ⁵³ မ့မ့ၢ်ထိၣ်လၢအမူဝဲတဘ့ၣ်န့ၣ်ဘၣ်ပျၢ် ကွံာ်လၢဝ့ၢ်ပူၤဆူပျီပူၤ, ဒီးဘၣ်မၤတၢ်ပူၤဖျဲးလၢဟံၣ်အ ဂီၢ်, ဒီးကကဆှီထီၣ်လီၤ.

⁵⁴ အန့ၣ်မ့ၢ်တၢ်သိၣ်တၢ်သီဘၣ်ဃးဒီး ကယဲၢ်တၢ်ဆါ အၢ, ဒီးတၢ်ဃာ်အတၢ်တီၢ်, ⁵⁵ ဒီးတၢ်အကူအသိး, ဒီး ဟံၣ်ဧိၤဃီဧိၤအတၢ်ဆါအၢ, ⁵⁶ ဒီးတၢ်ပြုထီၣ်, ဒီးအဖံး လီၤသဘျံးအလီၢ်, ဒီးအလီၢ်ဝါ, ⁵⁷ ဒ်သိးအကသိၣ်လိ တၢ်လၢမုၢ်နံၤလၢအတကဆှီဘၣ်, ဒီးမုၢ်နံၤလၢအကဆှီ ထီၣ်တၢ်န့ၣ်လီၤ. အန့ၣ်မ့ၢ်တၢ်သိၣ်တၢ်သီဘၣ်ဃးဒီး တၢ်ဆါအၢန့ၣ်လီၤ.

၁၅

¹ ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်, ² ကတိၤတၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤ ပှၤကညီအိၣ်ဒီးတၢ်ယွၤလီၤလၢအညၣ်ဒီး, ကကဲထီၣ် တၢ်တကဆှီဘၣ်လၢအတၢ်ယွၤလီၤအဃိလီၤ.

³ ဒီးအအံၤမ့ၢ်အတၢ်တကဆှီဘၣ် လၢအတၢ်ယွၤလီၤ, အညၣ်ယွၤလီၤလၢအတၢ်ယွၤလီၤမ့ၢ်ဂ့ၤ, ဆိတ့ၢ်လၢအ တၢ်ယွၤလီၤမ့ၢ်ဂ့ၤ, မ့ၢ်အတၢ်တကဆှီဘၣ်လီၤ.

⁴ ကယဲၢ်လီၢ်မံလၢပှၤအိၣ်ဒီးတၢ်ယွၤလီၤ တဂၤမံလီၤ လၢအလိၤန့ၣ်မ့ၢ်တၢ်တကဆှီဘၣ်လီၤ. ဒီးကယဲၢ်တၢ် လၢအဆ့ၣ်နီၤလၢအဖီခိၣ်န့ၣ်မ့ၢ်အတကဆှီဘၣ်လီၤ.

⁵ ဒီးကယဲၢ်ပှၤလၢအထိးဘၣ်အလီၢ်မံန့ၣ် ဘၣ်ဆှုၣ်အ ကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤ မုၢ်ဟါလီၤ. ⁶ ဒီးပှၤလၢအဆ့ၣ်နီၤလၢတၢ်တမံၤမံၤလၢ ပှၤအိၣ်ဒီးတၢ်ယွၤလီၤ ဆ့ၣ်နီၤတ့ၢ်ဝဲန့ၣ် ဘၣ်ဆှုၣ်အ ကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤ မုၢ်ဟါလီၤ.

⁷ ဒီးပှၤလၢအထိးဘၣ် ပှၤအိၣ်ဒီးတၢ်ယွၤလီၤတဂၤအ ညၣ်န့ၣ်ဘၣ်ဆှုၣ်အကူအသိး, ဒီးလုၣ်ထံ, ဒီးကဲထီၣ် တၢ်တကဆှီဘၣ်တုၤမုၢ်ဟါလီၤ.

⁸ ဒီးပှၤအိၣ်ဒီးတၢ်ယွၤလီၤ, မ့ၢ်ထူးပှဲာ်ဘၣ်လၢပှၤအက ဆှီအလိၤဒီး, အဝဲဒၣ်ဘၣ်ဆှုၣ်အကူအသိး, ဒီးလုၣ် ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.

⁹ ဒီးကယဲၢ်ဂီၤကၢ်လၢ ပှၤအိၣ်ဒီးတၢ်ယွၤလီၤတဂၤဒိးဝဲ လၢအဖီခိၣ်န့ၣ်ကကဲထီၣ်တၢ်တကဆှီဘၣ်လီၤ.

¹⁰ ဒီးကယဲၢ်ပှၤလၢအထိးဘၣ်တၢ်တမံၤမံၤလၢ အအိၣ် တ့ၢ်လၢအဖီလာ်န့ၣ်ကကဲထီၣ်တၢ် တကဆှီဘၣ်တုၤ မုၢ်ဟါဒီးပှၤလၢအစိာ်ထီၣ် အတၢ်တမံၤမံၤန့ၣ်ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.

¹¹ ဒီးကယဲၢ်ပှၤလၢအဘၣ်တၢ်ထိးအီၤလၢ ပှၤအိၣ်ဒီး တၢ်ယွၤလီၤဒီးတသ့ကွံာ်အစုလၢထံဘၣ်န့ၣ်, ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.

¹² ဒီးသပၢၤဒီးလီခီဟီၣ်ခိၣ် လၢအဘၣ်တၢ်ထိးအီၤလၢ ပှၤအိၣ်ဒီးတၢ်ယွၤလီၤန့ၣ် ကဘၣ်တၢ်မၤသ့ၣ်ဖး, ဒီး ကယဲၢ်လီခီသ့ၣ်န့ၣ်ကဘၣ်တၢ်သ့စီကွံာ်အီၤလၢထံလီၤ.

¹³ ဒီးတုၤပှၤအိၣ်ဒီးတၢ်ယွၤလီၤန့ၣ် ကဆှီထီၣ်ဝဲလၢတၢ် ယွၤလီၤဒီး, ဘၣ်ဂံၢ်ဝဲနွံနံၤလၢအဂီၢ်ဒၣ်ဝဲ, လၢအက ဆှီထီၣ်အဂ့ၢ်, ဒီးဆှုၣ်အကူအသိး, ဒီးသ့စီအညၣ်လၢ ထံမူလီၤ. ဒီးကကဆှီထီၣ်ဝဲလီၤ.

¹⁴ ဒီးဃိးနံၤတနံၤန့ၣ် ထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ကး က့ၣ်ဖိခံဘ့ၣ်မ့ၢ်ဂ့ၤ, ဘၣ်ဟံးန့ၢ်လၢအဂီၢ်, ဒီးလဲၤဆူ ယွၤအမဲာ်ညါ, ဆူတၢ်အိၣ်ဖှိၣ်အဒဲအကျဲစၢၤ, ဒီးဟ့ၣ် အီၤလၢပှၤလုၢ်တၢ်အဒိၣ်လီၤ.

¹⁵ ဒီးပှၤလုၢ်တၢ်အဒိၣ်ဘၣ်လုၢ်အီၤ, တဘ့ၣ်လၢတၢ် လုၢ်တၢ်ဒဲးဘးအဂီၢ်, ဒီးတဘ့ၣ်လၢတၢ်လုၢ်မ့ၣ်အူအ ဂီၢ်လီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢအဂီၢ် လၢယွၤအမဲာ်ညါလၢအတၢ်ယွၤလီၤအဃိလီၤ.

¹⁶ ဒီးပှၤကညီအချံဘၣ်ဃးဒီးအမံဃုာ်တၢ်န့ၣ် မ့ၢ်ဟး ထီၣ်လၢအပူၤဒီး, ဘၣ်သ့စီအညၣ်ခဲလၢာ်လၢထံ, ဒီး ကဲထီၣ်တၢ်တကဆှီဘၣ်တုၤမုၢ်ဟါလီၤ.

¹⁷ ဒီးကယဲၢ်တၢ်အကူအသိး, ဒီးကယဲၢ်တၢ်ဖံးအိၣ်ဒီး တၢ်ချံဘၣ်ဃးဒီးမံဃုာ်တၢ်န့ၣ် ကဘၣ်တၢ်ဆှုၣ်အီၤ လၢထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.

¹⁸ ဒီးပိာ်မုၣ်လၢပိာ်ခွါမံဃုာ်ဒီးအီၤန့ၣ် ဘၣ်လုၣ်ထံ, ဒီး ကဲထီၣ်တၢ်တကဆှီဘၣ်တုၤမုၢ်ဟါခံဂၤလိာ်လီၤ.

¹⁹ ဒီးပိာ်မုၣ်မ့ၢ်အိၣ်ဒီးတၢ်ယွၤလီၤ, ဒီးအတၢ်ယွၤလီၤ လၢအညၣ်မ့မ့ၢ်သွံၣ်လီၤဒီး, ပှၤဘၣ်ပာ်အီၤတပူၤဒၣ်နွံ နံၤလီၤ. ဒီးကယဲၢ်ပှၤလၢအထိးဘၣ်အီၤန့ၣ်ကကဲထီၣ် တကဆှီဘၣ်တုၤမုၢ်ဟါလီၤ.

²⁰ ဒီးလၢအအိၣ်တပူၤဒၣ်အဖၢမုၢ်ဒီး, ကယဲၢ်တၢ်လၢအ ဝဲဒၣ်မံလီၤလၢအဖီခိၣ်န့ၣ်ကကဲထီၣ်တၢ်တကဆှီဘၣ်, ဒီးကယဲၢ်တၢ်လၢအဝဲဒၣ်ဆ့ၣ်နီၤ လၢအဖီခိၣ်န့ၣ်ကကဲ ထီၣ်တၢ်တကဆှီဘၣ်လီၤ.

²¹ ဒီးကယဲၢ်ပှၤလၢ အထိးဘၣ်အလီၢ်မံန့ၣ် ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.

²² ဒီးကယဲၢ်ပှၤလၢအထိးဘၣ်တၢ်တမံၤမံၤ လၢအဆ့ၣ် နီၤလၢအဖီခိၣ်န့ၣ် ဘၣ်ဆှုၣ်အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ. ²³ ဒီးမ့ၢ်အိၣ် လၢအလီၢ်မံမ့ၢ်ဂ့ၤ, လၢတၢ်လၢအဆ့ၣ်နီၤလၢအဖီခိၣ် မ့ၢ်ဂ့ၤဒီး, တုၤပှၤထိးဘၣ်ဝဲဒီး, ကကဲထီၣ်တၢ်တကဆှီ ဘၣ်တုၤမုၢ်ဟါလီၤ.

²⁴ ဒီးပိာ်ခွါတဂၤမ့ၢ်မံဃုာ်ဒီးအီၤ, ဒီးတၢ်လၢအယွၤလီၤ လၢအီၤမ့ၢ်အိၣ်လၢအလိၤဒီး, ကကဲထီၣ်တၢ်တကဆှီ ဘၣ်နွံနံၤ, ဒီးဖဲဒၣ်လီၢ်မံလၢ အမံဝဲလၢအလိၤန့ၣ်က ကဲထီၣ်တၢ်တကဆှီဘၣ်လီၤ.

²⁵ ဒီးပိာ်မုၣ်အသွံၣ်မ့ၢ်လီၤ အါနံၤအါသီ လၢအတမ့ၢ် ဘၣ်အဆၢအကတီၢ်လၢအအိၣ်တပူၤဒၣ်ဂ့ၤ, မ့ၢ်ပူၤကွံာ် အအိၣ်တပူၤဒၣ်အဆၢအကတီၢ်ဂ့ၤ, အတၢ်ယွၤလီၤတ ကဆှီဘၣ်အမုၢ်နံၤခဲလၢာ်ကမၤအသး ဒ်မုၢ်နံၤလၢအအိၣ် တပူၤဒၣ်အသိးန့ၣ်လီၤ. မ့ၢ်ဝဲလၢတၢ်တကဆှီဘၣ်လီၤ.

²⁶ ဖဲအတၢ်ယွၤလီၤအမုၢ်နံၤခဲလၢာ်န့ၣ်, ကယဲၢ်လီၢ်မံ လၢအမံလၢအဖီခိၣ်ကကဲထီၣ်လၢအဂီၢ်ဒ်လီၢ်မံဘၣ်ဃး ဒီးအအိၣ်တပူၤဒၣ်အသိးလီၤ. ဒီးကယဲၢ်တၢ်လၢအဝဲဒၣ် ဆ့ၣ်နီၤလၢအဖီခိၣ်, ကကဲထီၣ်တၢ်တကဆှီဘၣ်, ဒ်တၢ် တကဆှီဘၣ်ဘၣ်ဃးဒီးအအိၣ်တပူၤဒၣ်အသိးန့ၣ်လီၤ.

²⁷ ဒီးကယဲၢ်ပှၤလၢအထိးဘၣ်တၢ်တဖၣ်န့ၣ် ကကဲထီၣ် တၢ်တကဆှီဘၣ်, ဒီးဘၣ်ဆှုၣ်အကူအသိး, ဒီးလုၣ် ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.

²⁸ ဒီးမ့ၢ်ကဆှီထီၣ်လၢအတၢ်ယွၤလီၤန့ၣ်ဒီး, ဘၣ်ဂံၢ်နွံ နံၤလၢအဂီၢ်ဒၣ်ဝဲဒီး, လၢခံက့ၤန့ၣ်ကကဆှီထီၣ်လီၤ.

²⁹ ဒီးဃိးနံၤတနံၤန့ၣ်ထိၣ်လွံၢ်ခံဘ့ၣ်မ့ၢ်ဂ့ၤ, ကးက့ၣ်ဖိခံ ဘ့ၣ်မ့ၢ်ဂ့ၤ, ဘၣ်ဟံးန့ၢ်လၢအဂီၢ်ဒီး, ဟဲစိာ်အီၤဆူပှၤလုၢ် တၢ်အဒိၣ်အအိၣ်, ဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.

³⁰ ဒီးပှၤလုၢ်တၢ်အဒိၣ် ဘၣ်လုၢ်တဘ့ၣ်လၢတၢ်လုၢ်တၢ် ဒဲးဘးအဂီၢ်, ဒီးတဘ့ၣ်လၢတၢ်လုၢ်မ့ၣ်အူအဂီၢ်, ဒီးပှၤ လုၢ်တၢ်အဒိၣ်ဘၣ်မၤတၢ်ပူၤဖျဲးလၢအဂီၢ် လၢယွၤအမဲာ် ညါ, လၢအတၢ်ယွၤလီၤအတၢ်တကဆှီဘၣ်အဃိလီၤ.

³¹ ဒီးသုဘၣ်မၤလီၤဖး ပှၤအံၣ်စရ့လးဖိဒီး အတၢ်တ ကဆှီဘၣ်, ဒ်သိးအသုတမၤဘၣ်အၢယအိၣ်အလီၢ်လၢ အအိၣ်လၢအကျါန့ၣ်ဒီးသံလၢ အတၢ်တကဆှီဘၣ်အ ပူၤတဂ့ၤလီၤ.

³² အန့ၣ်မ့ၢ်တၢ်သိၣ်တၢ်သီဘၣ်ဃးဒီး ပှၤလၢအအိၣ် ဒီးတၢ်ယွၤလီၤ, ဒီးပှၤလၢအချံဟးထီၣ်လၢအပူၤလၢအ ကဲထီၣ်တၢ်တကဆှီဘၣ်လၢအဃိ, ³³ ဒီးပိာ်မုၣ်လၢအ ဆှုၣ်အသး, ဒီးပှၤလၢတၢ်ယွၤလီၤလၢအပူၤ, ပိာ်ခွါဒီး ပိာ်မုၣ်, ဒီးပိာ်ခွါလၢအမံဃုာ်ဒီးပိာ်မုၣ်လၢအတကဆှီ ဘၣ်န့ၣ်လီၤ.

၁၆

¹ ဒီးစီၤအၤဟရိၣ်အဖိခွါခံဂၤ ဖဲအလုၢ်တၢ်လၢယွၤအ မဲာ်ညါဒီးသံဝဲအလီၢ်ခံန့ၣ်, ယွၤကတိၤတၢ်ဒီးစီၤမိၤရှ့,―

² ဒီးယွၤစံးဘၣ်စီၤမိၤရှ့, စံးဘၣ်နဒီပုၢ်ဝဲၢ်စီၤအၤဟရိၣ်, လၢအသုတလဲၤနုာ်ကိးအဆၢအကတီၢ်ဒဲးဆူ တၢ်အ လီၢ်စီဆှံအပူၤလၢ ယၣ်ဘျးထီၣ်အသးလၢညါခီ, လၢ တၢ်မၤပူၤဖျဲးအလီၢ်အမဲာ်ညါ လၢအအိၣ်လၢတလါအ ဖီခိၣ်, ဒ်သိးအသုတသံတဂ့ၤ. အဂ့ၢ်ဒ်အံၤ, ယက အိၣ်ဖျါထီၣ်လၢတၢ်အၢၣ်အပူၤ လၢတၢ်မၤပူၤဖျဲးအလီၢ် အဖီခိၣ်လီၤ.

³ စီၤအၤဟရိၣ် ဘၣ်လဲၤဆူတၢ်အလီၢ်စီဆှံအပူၤအိၣ် ဒီးတၢ်အံၤ, ဂီၤဖံးဖိလၢတၢ်လုၢ်တၢ်ဒဲးဘးအဂီၢ်, ဒီး သိဖါလၢတၢ်လုၢ်မ့ၣ်အူအဂီၢ်လီၤ.

⁴ ဒီးဘၣ်သိးဆ့ဖှီဝါစီဆှံ, ဒီးအိၣ်ဒီးအတၢ်ဖျီၣ်ခံဖှီဝါ လၢအညၣ်လိၤ, ဒီးအိၣ်ကံၢ်တူာ်အယီၢ်ဒ့ဒီးယီၢ်တကိး ဖှီဝါ, ဒီးအိၣ်ဒီးခိၣ်သလုးဖှီဝါလီၤ. တၢ်တဖၣ်န့ၣ်မ့ၢ် တၢ်အကူအသိးစီဆှံ, ဒီးဘၣ်သ့စီအညၣ်လၢထံ, ဒီး ကူထီၣ်သိးထီၣ်ဝဲလီၤ.

⁵ ဒီးဘၣ်ဟံးန့ၢ်မဲာ်တဲးလဲးဖါခံဒုလၢ ပှၤအံၣ်စရ့လးဖိ အတၢ်အိၣ်ဖှိၣ်အစုပူၤ လၢတၢ်လုၢ်တၢ်ဒဲးဘးအဂီၢ်, ဒီး သိဖါတဒုလၢတၢ်လုၢ်မ့ၣ်အူအဂီၢ်လီၤ.

⁶ ဒီးစီၤအၤဟရိၣ် ဘၣ်လုၢ်အဂီၤဖံးတဒုလၢတၢ်လုၢ် တၢ်ဒဲးဘးအဂီၢ်လၢအဂီၢ်ဒၣ်ဝဲ, ဒီးမၤတၢ်ပူၤဖျဲးလၢအ ဂီၢ်ဒၣ်ဝဲ, ဒီးလၢအပှၤဟံၣ်ဖိအဂီၢ်လီၤ.

⁷ ဒီးဘၣ်ဟံးန့ၢ်မဲာ်တဲးလဲးခံဒု, ဒီးပာ်အီၤလၢယွၤအ မဲာ်ညါဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.

⁸ ဒီးစီၤအၤဟရိၣ်ဘၣ်ဖးတၢ်လၢမဲာ်တဲးလဲးအဂီၢ်, တ ဂီၢ်လၢယွၤအဂီၢ်, ဒီးတဂီၢ်လၢဧ့စ့ၤစ့လးအဂီၢ် ⁹ ဒီးစီၤ အၤဟရိၣ်ဘၣ်ဟဲစိာ်မဲာ်တဲးလဲးလၢအလီၤဘၣ်လၢယွၤအဂီၢ်တဒု, ဒီးလုၢ်အီၤလၢတၢ်လုၢ်တၢ်ဒဲးဘးအဂီၢ်လီၤ.

¹⁰ မ့မ့ၢ်မဲာ်တဲးလဲးလၢအလီၤဘၣ်လၢ ဧ့စ့ၤစ့လးအဂီၢ် တဒုန့ၣ်ကဘၣ်တၢ်ပာ်အီၤအိၣ်မူလၢ ယွၤအမဲာ်ညါဒ် သိးကမၤတၢ်ပူၤဖျဲးဒီးအီၤ, ဒီးပျၢ်အီၤဆူပှၢ်မုၢ်ကနၢလၢ ဧ့စ့ၤစ့လးအဂီၢ်လီၤ.

¹¹ ဒီးစီၤအၤဟရိၣ်ဘၣ်ဟဲစိာ်ဂီၤဖံး လၢတၢ်လုၢ်တၢ်ဒဲး ဘးအဂီၢ်, လၢအမ့ၢ်လၢအဂီၢ်ဒၣ်ဝဲတဒု, ဒီးဘၣ်မၤတၢ် ပူၤဖျဲးလၢအဂီၢ်ဒၣ်ဝဲ, ဒီးလၢအပှၤဟံၣ်ဖိအဂီၢ်, ဒီးဘၣ် မၤသံဂီၤဖံးလၢတၢ်လုၢ်တၢ်ဒဲးဘးလၢအဂီၢ်ဒၣ်ဝဲလီၤ.

¹² ဒီးဘၣ်မၤပှဲၤသပၢၤမ့ၣ်အူလၢ မ့ၣ်အူကဖး, လၢအ ဟံးန့ၢ်လၢတၢ်လုၢ်လီၢ်အဖီခိၣ် အိၣ်လၢယွၤအမဲာ်ညါ, ဒီးအစုပှဲၤဒီးတၢ်နၢမူဆိၣ်ကဲၤ, တိၢ်ကမူၣ်အသး, ဒီး စိာ်ဝဲဆူတၢ်ယၣ်ဘျးထီၣ်အသးလၢညါခီလီၤ.

¹³ ဒီးဘၣ်ပာ်တၢ်နၢမူဆိၣ်ကဲၤ လၢမ့ၣ်အူအဖီခိၣ်လၢ ယွၤအမဲာ်ညါ, ဒ်သိးတၢ်နၢမူဆိၣ်ကဲၤအခုၣ်ကကျၢၢ် ဘၢတၢ်မၤပူၤဖျဲးအလီၢ်လၢအအိၣ်လၢ တၢ်အၢၣ်လီၤအီ လီၤအဖီခိၣ်, လၢအသုတသံတဂ့ၤန့ၣ်လီၤ.

¹⁴ ဒီးဘၣ်ဟံးန့ၢ်ဂီၤဖံးအသွံၣ်တနီၤ, ဒီးဖှံလၢအစုမုၢ်တ ဘိလၢတၢ်မၤပူၤဖျဲးအလီၢ်အဖီခိၣ်လၢမုၢ်ထီၣ်တခီ, ဒီး လၢတၢ်မၤပူၤဖျဲးအလီၢ်အမဲာ်ညါန့ၣ် ဘၣ်ဖှံတၢ်သွံၣ် လၢအစုမုၢ်တဘိနွံဘျီလီၤ.

¹⁵ ဒီးဘၣ်မၤသံမဲာ်တဲးလဲးလၢ တၢ်လုၢ်တၢ်ဒဲးဘးအဂီၢ် လၢအမ့ၢ်လၢပှၤဂီၢ်မုၢ်အဂီၢ်, ဒီးစိာ်နုာ်အသွံၣ်လၢယၣ် ဘျးထီၣ်အသးလၢညါခီ, ဒီးမၤအသွံၣ်ဒ်အမၤဂီၤဖံးအ သွံၣ်အသိးန့ၣ်, ဒီးဖှံအီၤလၢတၢ်မၤပူၤဖျဲးအလီၢ် အဖီ ခိၣ်, ဒီးလၢတၢ်မၤပူၤဖျဲးအလီၢ်အမဲာ်ညါလီၤ.

¹⁶ ဒီးဘၣ်မၤတၢ်မၤပူၤဖျဲးလၢ တၢ်အလီၢ်စီဆှံအဂီၢ်, လၢပှၤအံၣ်စရ့လးဖိအတၢ်တကဆှီဘၣ်အဃိ, ဒီးလၢ အတၢ်ကမၣ်လၢအတၢ်ဒဲးဘးခဲလၢာ်အဃိ, ဒီးဘၣ်မၤ ဒ်န့ၣ်သိးလၢတၢ်အိၣ်ဖှိၣ်အဒဲအဂီၢ် လၢအအိၣ်လၢအ ကျါလၢအတၢ်တကဆှီဘၣ်အသးကံၢ်ပူၤလီၤ.

¹⁷ ဒီးတုၤအလဲၤနုာ်ဒ်သိး အကမၤတၢ်ပူၤဖျဲးလၢတၢ်အ လီၢ်စီဆှံအပူၤဒီး, ပှၤတဘၣ်အိၣ်လၢတၢ်အိၣ်ဖှိၣ်အဒဲ ပူၤနီတဂၤဘၣ်တုၤလီၤလၢ အမၤတၢ်ပူၤဖျဲးလၢအဂီၢ်ဒၣ် ဝဲ, ဒီးလၢအပှၤဟံၣ်ဖိအဂီၢ်, ဒီးလၢပှၤအံၣ်စရ့လးဖိခဲ လၢာ်အဂီၢ်, ဒီးဟဲက့ၤထီၣ်ဝဲန့ၣ်လီၤ.

¹⁸ ဒီးဘၣ်ဟဲထီၣ်ဆူတၢ်လုၢ်လီၢ် လၢအအိၣ်လၢယွၤ အမဲာ်ညါ, ဒီးမၤတၢ်ပူၤဖျဲးလၢအဂီၢ်, ဒီးဘၣ်ဟံးန့ၢ် ဂီၤဖံးအသွံၣ်, ဒီးမဲာ်တဲးလဲးအသွံၣ်, ဒီးပာ်ဝဲလၢတၢ် လုၢ်လီၢ်အနၢၤတဖၣ်ဝးတရံးအီၤလီၤ. ¹⁹ ဒီးဘၣ်ဖှံတၢ် သွံၣ်လၢအဖီခိၣ် လၢအစုမုၢ်တဘိနွံဘျီ, ဒီးမၤကဆှီ ထီၣ်အီၤ, ဒီးမၤစီဆှံထီၣ်အီၤလၢပှၤအံၣ်စရ့လးဖိအတၢ် တကဆှီဘၣ်အဃိန့ၣ်လီၤ.

²⁰ ဒီးတုၤအမၤတၢ်ပူၤဖျဲးလၢ တၢ်အလီၢ်စီဆှံအဂီၢ်, ဒီး တၢ်အိၣ်ဖှိၣ်အဒဲအဂီၢ်, ဒီးတၢ်လုၢ်လီၢ်အဂီၢ်ဝံၤဒီး, ဘၣ် ဟဲစိာ်မဲာ်တဲးလဲးလၢအမူတဒုလီၤ. ²¹ ဒီးစီၤအၤဟရိၣ် ဘၣ်ပာ်အစုခံခီလၢမဲာ်တဲးလဲးလၢအမူဝဲတဒုအခိၣ်, ဒီး တဲလီၤကျဲၤလီၤ ပှၤအံၣ်စရ့လးဖိအတၢ်အၢတၢ်သီခဲလၢာ်, ဒီးအတၢ်ကမၣ်ခဲလၢာ်, အတၢ်ဒဲးဘးတဖၣ်ခဲလၢာ်ဒၣ်လဲာ်, ဒီးပာ်အီၤလၢမဲာ်တဲးလဲးအခိၣ်, ဒီးပျၢ်ဝဲလၢပှၤ ဘၣ်တၢ်ဃုထၢအီၤတဂၤအစုပူၤဆူပှၢ်မုၢ်ကနၢလီၤ.

²² မဲာ်တဲးလဲးတဒုန့ၣ်ကစိာ်ထီၣ်ကွံာ် ကယဲၢ်အတၢ်သ ရူးတၢ်ကမၣ်ဆူ ကီၢ်အိၣ်သယုၢ်တဘ့ၣ်, ဒီးအဝဲဒၣ် ဘၣ်ပျၢ်ကွံာ်မဲာ်တဲးလဲးန့ၣ်ဆူပှၢ်မုၢ်ကနၢလီၤ.

²³ ဒီးစီၤအၤဟရိၣ်ဘၣ်ဟဲနုာ်လၢ တၢ်အိၣ်ဖှိၣ်အဒဲပူၤ, ဒီးအကူအသိးဖှီဝါ လၢအကူထီၣ်သိးထီၣ်ဖဲအလဲၤနုာ် လၢတၢ်အလီၢ်စီဆှံန့ၣ် ဘၣ်ဘ့ၣ်ကွံာ်ဒီးပာ်လီၤတဲာ် အီၤဖဲန့ၣ်လီၤ.

²⁴ ဒီးဘၣ်သ့စီအညၣ်လၢထံ လၢတၢ်အလီၢ်စီဆှံအပူၤ, ဒီးကူထီၣ်သိးထီၣ်အကူအသိးဒီးဟဲထီၣ်, ဒီးလုၢ်အ တၢ်လုၢ်မ့ၣ်အူ, ဒီးပှၤဂီၢ်မုၢ်အတၢ်လုၢ်မ့ၣ်အူ, ဒီးမၤ တၢ်ပူၤဖျဲးလၢအဂီၢ်ဒၣ်ဝဲဒီးလၢပှၤဂီၢ်မုၢ်အဂီၢ်လီၤ.

²⁵ ဒီးဘၣ်ဆိၣ်ကဲၤကွံာ် တၢ်လုၢ်တၢ်ဒဲးဘးအသိန့ၣ်လၢ တၢ်လုၢ်လီၢ်အဖီခိၣ်လီၤ.

²⁶ ဒီးပှၤလၢအပျၢ်ကွံာ် မဲာ်တဲးလဲးလၢဧ့စ့ၤစ့လးအဂီၢ် တဂၤန့ၣ်ဘၣ်ဆှုၣ်အကူအသိး, ဒီးသ့စီအညၣ်လၢထံ, ဒီးလၢခံက့ၤန့ၣ် ကဟဲက့ၤနုာ်ဘၣ်ဆူပှၤသူၣ်ဒဲအလီၢ် ပူၤလီၤ.

²⁷ ဒီးဂီၤဖံးလၢတၢ်လုၢ်တၢ်ဒဲးဘးအဂီၢ်တဒု, ဒီးမဲာ်တဲး လဲးလၢတၢ်လုၢ်တၢ်ဒဲးဘးအဂီၢ်တဒု, လၢပှၤဟဲစိာ်အ သွံၣ်ဆူအလီၢ်စီဆှံအပူၤ ဒ်သိးအကမၤတၢ်ပူၤဖျဲးန့ၣ်ပှၤ ဘၣ်စိာ်ထီၣ်ကွံာ်အီၤဆူပှၤသူၣ်ဒဲအလီၢ်လၢခိ, ဒီးဘၣ် ဆူးထီၣ်ကွံာ်အဖံး, ဒီးအညၣ်, ဒီးအအ့ၣ်လၢမ့ၣ်အူလီၤ.

²⁸ ဒီးပှၤလၢအဆူးထီၣ်ကွံာ်အီၤတဂၤန့ၣ် ဘၣ်ဆှုၣ်အ ကူအသိး, ဒီးသ့စီအညၣ်လၢထံလီၤ. လၢခံက့ၤဒီး ကဟဲနုာ်ဘၣ်လၢပှၤသူၣ်ဒဲအလီၢ်ပူၤလီၤ.

²⁹ အအံၤမ့ၢ်တၢ်အလုၢ်အလၢ်အထူအယိာ် လၢသုဂီၢ်, လၢလါနွံဘ့ၣ်တဘ့ၣ်, လါထီၣ်ဆံဆဲၣ်နံၤတနံၤန့ၣ်သု ဘၣ်ဆီၣ်လီၤသုသး, ဒီးပှၤလၢသုကလုာ်ဒၣ်ဝဲမ့ၢ်ဂ့ၤ, ပှၤတခီဘီတခီမုၢ်ဖိ လၢအအိၣ်လၢသုကျါမ့ၢ်ဂ့ၤ, တ ဘၣ်မၤတၢ်မၤနီတမံၤဘၣ်.

³⁰ အဂ့ၢ်ဒ်အံၤ, တၢ်လၢမုၢ်တနံၤန့ၣ်တၢ်ကမၤတၢ်ပူၤဖျဲး လၢသုဂီၢ် ဒ်သိးသုကကဆှီထီၣ်လၢ သုတၢ်ဒဲးဘးခဲ လၢာ်လၢယွၤအမဲာ်ညါလီၤ.

³¹ ကကဲထီၣ်အိၣ်ဘှံးအနံၤ အတၢ်အိၣ်ဘှံးလၢသုဂီၢ်, ဒီးသုဘၣ်ဆီၣ်လီၤသုသးလီၤ. မ့ၢ်တၢ်မၤလိာ်အထူအ ယိာ်လီၤ.

³² ဒီးပှၤလုၢ်တၢ်အဒိၣ်လၢတၢ်ဖှူအီၤ ဒီးပာ်စီဆှံအီၤဒ် သိးအကမၤပှၤလုၢ်တၢ်အဒိၣ်အတၢ် လၢအပၢ်အလီၢ် တဂၤန့ၣ်ဘၣ်မၤတၢ်ပူၤဖျဲး, ဒီးကူထီၣ်သိးထီၣ်တၢ်အ ကူအသိးဖှီဝါ, တၢ်အကူအသိးစီဆှံလီၤ.

³³ ဒီးဘၣ်မၤတၢ်ပူၤဖျဲး လၢတၢ်အလီၢ်စီဆှံအဂီၢ်, ဒီး ဘၣ်မၤတၢ်ပူၤဖျဲးလၢတၢ်အိၣ်ဖှိၣ်အဒဲအဂီၢ်, ဒီးလၢတၢ် လုၢ်လီၢ်အဂီၢ်, ဒီးဘၣ်မၤတၢ်ပူၤဖျဲးလၢပှၤလုၢ်တၢ်အ ဒိၣ်တဖၣ်အဂီၢ်, ဒီးလၢတၢ်အိၣ်ဖှိၣ်အပှၤဂီၢ်မုၢ်ခဲလၢာ် အဂီၢ်လီၤ.

³⁴ ဒီးအန့ၣ်ကကဲထီၣ် တၢ်အလုၢ်အလၢ်အထူအယိာ် လၢသုဂီၢ်, လၢအကမၤတၢ်ပူၤဖျဲးလၢပှၤအံၣ်စရ့လးဖိ အဂီၢ်, လၢအတၢ်ဒဲးဘးခဲလၢာ်အဂီၢ်တနံၣ်တဘျီတနံၣ် တဘျီလီၤ. ဒီးမၤဝဲဒ်ယွၤမၤလိာ်စီၤမိၤရှ့အသိးန့ၣ်လီၤ.

၁၇

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― ကတိၤတၢ် ဒီးစီၤအၤဟရိၣ်ဒီးအဖိခွါတဖၣ်, ဒီးပှၤအံၣ်စရ့လးဖိခဲ လၢာ်, ဒီးစံးဘၣ်အီၤ, အအံၤမ့ၢ်တၢ်လၢယွၤမၤလိာ်ဒီး စံး, ³ ဂီၤဖံးမ့ၢ်ဂ့ၤ, သိဖိမ့ၢ်ဂ့ၤ, မဲာ်တဲးလဲးမ့ၢ်ဂ့ၤ, ဖဲ ဒၣ်ပှၤလၢအမၤသံအီၤလၢပှၤသူၣ်ဒဲအလီၢ်ပူၤမ့ၢ်ဂ့ၤ, လၢ အမၤသံအီၤလၢပှၤသူၣ်ဒဲအလီၢ်လၢခိမ့ၢ်ဂ့ၤ, ⁴ ဒီးတဟဲ စိာ်ဘၣ်ဆူတၢ်အိၣ်ဖှိၣ်အဒဲအကျဲစၢၤ, ဒ်သိးအကမၤ ဘူၣ်တၢ်မၤဘူၣ်လၢယွၤ, လၢယွၤအတၢ်အိၣ်အလီၢ်တ ဂၤဂၤန့ၣ် တၢ်ကပာ်လၢအလိၤလၢအဂၢ်လီၤတၢ်သွံၣ်, ဒီးကဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ်ဝဲ န့ၣ်လီၤ.

⁵ အဝဲန့ၣ်မ့ၢ်ဒ်သိးပှၤအံၣ်စရ့လးဖိ ကဟဲစိာ်အတၢ်လုၢ် တဖၣ်လၢအလုၢ်ဝဲလၢပျီပူၤ, ဒီးဟဲစိာ်အီၤဆူယွၤအ အိၣ်ဖဲတၢ်အိၣ်ဖှိၣ်အဒဲအကျဲစၢၤ, ဆူပှၤလုၢ်တၢ်အဒိၣ် အအိၣ်, ဒီးလုၢ်အီၤလၢတၢ်လုၢ်တၢ်မၤဃူမၤဖိးလၢယွၤ အဂီၢ်လီၤ.

⁶ ဒီးပှၤလုၢ်တၢ်အဒိၣ်ဘၣ်ဖှံတၢ်သွံၣ် လၢယွၤအတၢ် လုၢ်လီၢ်အဖီခိၣ်, ဖဲတၢ်အိၣ်ဖှိၣ်အဒဲအကျဲစၢၤ, ဒီးဆိၣ် ကဲၤသိလၢတၢ်နၢမူအဂီၢ်လၢယွၤအဂီၢ်လီၤ.

⁷ ဒီးတဘၣ်လုၢ်လၢၤဘၣ်အတၢ်လုၢ်လၢ တၢ်အိၣ်ဒီး အဆူၣ်တဖၣ်, လၢအမၤကမၣ်မုၣ် ကမၣ်ခွါထွဲအခံ ဘၣ်, အဝဲနၣ်မ့ၢ်တၢ်မၤလိာ်အထူအယိာ်လၢအဂီၢ်လီၤ လၢအစၢၤအသွဲၣ်အစိၤစိၤအဃၣ်ဃၣ်လီၤ. ⁸ ဒီးနဘၣ်စံးဘၣ်အီၤ, ဖဲဒၣ်ပှၤလၢပှၤအံၣ်စရ့လးအဟံၣ်ဖိအကျါမ့ၢ်ဂ့ၤ, လၢပှၤတခီဘီမုၢ်ဖိလၢအအိၣ်လၢသုကျါမ့ၢ်ဂ့ၤ, လၢအလုၢ်တၢ်လုၢ်မ့ၣ်အူ, တၢ်လုၢ်ဂ့ၤ,―

⁹ ဒီးတဟဲစိာ်ဘၣ်ဆူတၢ်အိၣ်ဖှိၣ်အဒဲအကျဲစၢၤ, ဒ်သိး အကလုၢ်အီၤလၢယွၤန့ၣ် ကဘၣ်တၢ်ဒီၣ်တဲာ်ကွံာ်အီၤ ဒီးအပှၤတကလုာ်ဒၣ်ဝဲန့ၣ်လီၤ.

¹⁰ ဒီးပှၤလၢပှၤအံၣ်စရ့လးအဟံၣ်ဖိအကျါမ့ၢ်ဂ့ၤ, ပှၤလၢ တခီဘီမုၢ်ဖိလၢအအိၣ်လၢသုကျါမ့ၢ်ဂ့ၤ, ဖဲဒၣ်ပှၤလၢ အီၣ်တၢ်သွံၣ်တမံၤမံၤန့ၣ် ယကပာ်ယမဲာ်ထီဒါပှၤလၢ အအီၣ်တၢ်သွံၣ်န့ၣ်, ဒီးယကဒီၣ်တဲာ်ကွံာ်အီၤလၢပှၤ တကလုာ်ဒၣ်ဝဲန့ၣ်လီၤ. ¹¹ အဂ့ၢ်ဒ်အံၤ, တၢ်ညၣ်အသး သမူအိၣ်လၢအသွံၣ်, ဒီးယဟ့ၣ်အီၤလၢသုလၢတၢ်လုၢ် လီၢ်အဖီခိၣ်, ဒ်သိးအကမၤတၢ်ပူၤဖျဲးလၢသုသးအဂီၢ် လီၤ. အဂ့ၢ်ဒ်အံၤ, တၢ်သွံၣ်န့ၣ်မၤတၢ်မၤပူၤဖျဲးလၢပှၤ အသးအဂီၢ်လီၤ.

¹² မၤသးဒ်န့ၣ်ဒီးယစံးဘၣ်ပှၤအံၣ်စရ့လးဖိ, ပှၤလၢသု ကျါတဘၣ်အီၣ်တၢ်သွံၣ်နီတဂၤဘၣ်, ဒီးပှၤတခီဘီမုၢ် ဖိလၢအအိၣ်လၢသုကျါ တဘၣ်အီၣ်တၢ်သွံၣ်နီတဂၤ ဘၣ်န့ၣ်လီၤ.

¹³ ပှၤအံၣ်စရ့လးဖိမ့ၢ်ဂ့ၤ, ပှၤတခီဘီမုၢ်ဖိလၢအအိၣ်လၢ သုကျါမ့ၢ်ဂ့ၤ, ဖဲဒၣ်ပှၤလၢအခိးခးတၢ်, ဒီးမၤန့ၢ်ဆၣ် ဖိကီၢ်ဖိမ့ၢ်ဂ့ၤ, ထိၣ်ဧိၤလံၣ်ဧိၤမ့ၢ်ဂ့ၤ, လၢပှၤဂ့ၤအီၣ်ဘၣ် တမံၤမံၤ, ဘၣ်ဂၢ်လီၤကွံာ်အသွံၣ်, ဒီးကျၢၢ်ဘၢအီၤဒီး ဟီၣ်ခိၣ်အကမူၣ်လီၤ. ¹⁴ အဂ့ၢ်ဒ်အံၤ, ဖဲအဘၣ်ဃးဒီး တၢ်ညၣ်ခဲလၢာ်အသးသမူန့ၣ်အသွံၣ်န့ၣ် မ့ၢ်တၢ်တမံၤ ဃီဒီးအသးသမူလီၤ. မ့ၢ်ဝဲလၢအသးသမူလီၤ. မၤသး ဒ်န့ၣ်ဒီးယစံးဘၣ်တ့ၢ်ပှၤအံၣ်စရ့လးဖိ, သုတအီၣ်တၢ် ညၣ်အသွံၣ်နီတမံၤတဂ့ၤ, အဂ့ၢ်ဒ်အံၤ, ကယဲၢ်တၢ်ညၣ် အသးသမူမ့ၢ်အသွံၣ်လီၤ. ဖဲဒၣ်ပှၤလၢအအီၣ်အီၤတဂၤ ဂၤန့ၣ်ကဘၣ်တၢ်ဒီၣ်တဲာ်ကွံာ်ဝဲလီၤ.

¹⁵ ဒီးတၢ်လၢအသံဒၣ်တၢ်မ့ၢ်ဂ့ၤ, တၢ်လၢဆၣ်ဖိကီၢ်ဖိ အ့ၣ်ဖှီသံအီၤမ့ၢ်ဂ့ၤ, ကယဲၢ်ပှၤလၢအအီၣ်ဝဲ, ပှၤကီၢ်ဖိ မ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, ဘၣ်ဆှုၣ်အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ. ဒီးကကဆှီထီၣ်ဝဲလီၤ.

¹⁶ ဒီးမ့ၢ်တဆှုၣ်ဘၣ်ဝဲဘၣ်, ဒီးမ့ၢ်တလုၣ်ထံဘၣ်ဒီး, ကဘၣ်အတၢ်ဒဲးဘးလီၤ.

၁၈

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, ယဲဒၣ်အံၤယ မ့ၢ်ယွၤသုကစၢ်လီၤ.

³ ဒ်ပှၤအတၢ်မၤလၢကီၢ်အဲၤကူပတူး လၢသုအိၣ်သုဆိး တ့ၢ်လၢအပူၤအသိးန့ၣ်သုတမၤတဂ့ၤ, ဒီးဒ်ပှၤအတၢ်မၤ လၢကီၢ်ကနၤဧၣ်, ဖဲယဒုးလဲၤသုဆူအပူၤအသိးန့ၣ်သု တမၤတဂ့ၤ, ဒီးသုတလဲၤလၢအလုၢ်အလၢ်အပူၤတဂ့ၤ.

⁴ သုဘၣ်မၤဖဲယစံၣ်ညီၣ်တၢ်, ဒီးတိၢ်န့ၢ်ယလုၢ်ယလၢ် ဒ်သိးသုကလဲၤလၢအပူၤလီၤ. ယဲဒၣ်အံၤယမ့ၢ်ယွၤသု ကစၢ်လီၤ.

⁵ ဒီးသုဘၣ်တိၢ်န့ၢ်ယလုၢ်ယလၢ်, ဒီးယတၢ်စံၣ်ညီၣ် တဖၣ်, လၢပှၤလၢအမၤအီၤန့ၣ်ကမူဝဲလၢအီၤလီၤ. ယဲ ဒၣ်အံၤယမ့ၢ်ယွၤလီၤ.

⁶ ပှၤလၢသုကျါန့ၣ် မ်အသုတမၤဘူးအသးဒီးအဘူးအ တံၢ်ဒ်သိးအကလီၣ်ဖျါထီၣ် အတၢ်ဘ့ၣ်ဆ့နီတဂၤတ ဂ့ၤ, ယဲဒၣ်အံၤယမ့ၢ်ယွၤလီၤ.

⁷ နပၢ်အတၢ်ဘ့ၣ်ဆ့ဂ့ၤ, နမိၢ်အတၢ်ဘ့ၣ်ဆ့ဂ့ၤ, လီၣ် ဖျါထီၣ်အီၤတဂ့ၤ. အဝဲဒၣ်မ့ၢ်နမိၢ်လီၤ. လီၣ်ဖျါထီၣ် အတၢ်ဘ့ၣ်ဆ့တဂ့ၤ.

⁸ နပၢ်အမါအတၢ်ဘ့ၣ်ဆ့န့ၣ် လီၣ်ဖျါထီၣ်အီၤတဂ့ၤ. အဝဲန့ၣ်မ့ၢ်နပၢ်အတၢ်ဘ့ၣ်ဆ့လီၤ.

⁹ နဒီပုၢ်ဝဲၢ်မုၣ်နပၢ်အဖိမုၣ်ဂ့ၤ, နမိၢ်အဖိမုၣ်ဂ့ၤ, အိၣ် ဖျဲၣ်လၢဟံၣ်ပူၤဂ့ၤ, အိၣ်ဖျဲၣ်လၢခိဂ့ၤ, လီၣ်ဖျါထီၣ်အ တၢ်ဘ့ၣ်ဆ့တဂ့ၤ.

¹⁰ နဖိခွါအဖိမုၣ်ဂ့ၤ, နဖိမုၣ်အဖိမုၣ်ဂ့ၤ, လီၣ်ဖျါထီၣ် အတၢ်ဘ့ၣ်ဆ့တဂ့ၤ. အဂ့ၢ်ဒ်အံၤ, အဝဲန့ၣ်မ့ၢ်နတၢ် ဘ့ၣ်ဆ့ဒၣ်နဲလီၤ.

¹¹ နပၢ်အမါအဖိမုၣ်, ပှၤလၢနပၢ်ထီၣ်ဖိ, မ့ၢ်နဒီပုၢ်ဝဲၢ် မုၣ်, လီၣ်ဖျါထီၣ်အတၢ်ဘ့ၣ်ဆ့တဂ့ၤ.

¹² လီၣ်ဖျါထီၣ်နပၢ်အဒီပုၢ်ဝဲၢ်မုၣ် အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နပၢ်အဘူးအတံၢ်လီၤ.

¹³ လီၣ်ဖျါထီၣ်နမိၢ်အဒီပုၢ်ဝဲၢ်ခွါ အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နမိၢ်အဘူးအတံၢ်လီၤ.

¹⁴ လီၣ်ဖျါထီၣ်နပၢ်အဒီပုၢ်ဝဲၢ်ခွါ အတၢ်ဘ့ၣ်ဆ့တဂ့ၤ, မၤဘူးဒီးအမါတဂ့ၤ. အဝဲန့ၣ်မ့ၢ်နမုၢ်ဂၢ်လီၤ.

¹⁵ လီၣ်ဖျါထီၣ်နဒဲၣ်အတၢ်ဘ့ၣ်ဆ့တဂ့ၤ. အဝဲန့ၣ်မ့ၢ် နဖိခွါအမါလီၤ. လီၣ်ဖျါထီၣ်အတၢ်ဘ့ၣ်ဆ့တဂ့ၤ.

¹⁶ လီၣ်ဖျါထီၣ်နဒီပုၢ်ဝဲၢ်ခွါအမါ အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နဒီပုၢ်ဝဲၢ်ခွါအတၢ်ဘ့ၣ်ဆ့လီၤ.

¹⁷ လီၣ်ဖျါထီၣ်ပိာ်မုၣ်တဂၤ, ဒီးအဖိမုၣ်အတၢ်ဘ့ၣ်ဆ့ တဂ့ၤဒီးဟံးန့ၢ်အဖိခွါအဖိမုၣ်ဂ့ၤ, အဖိမုၣ်အဖိမုၣ်ဂ့ၤ, ဒ်သိးနကလီၣ်ဖျါထီၣ်အတၢ်ဘ့ၣ်ဆ့တဂ့ၤ. အဝဲသ့ၣ်တ ဖၣ်န့ၣ်မ့ၢ်နဘူးနတံၢ်လီၤ. အန့ၣ်မ့ၢ်တၢ်အအၢအသီလီၤ.

¹⁸ ဒီးဟံးန့ၢ်ပိာ်မုၣ်အဒီပုၢ်ဝဲၢ်မုၣ် လၢအဖီခိၣ်လၢအက မၤကိၢ်အသး, ဒ်သိးလၢအမူဒံးအဖၢမုၢ်န့ၣ်နကလီၣ်ဖျါ ထီၣ်အတၢ်ဘ့ၣ်ဆ့လၢအဖီခိၣ်န့ၣ်တဂ့ၤ.

¹⁹ ဒီးလၢပိာ်မုၣ်အိၣ်တပူၤဒၣ်လၢ အတၢ်တကဆှီဘၣ် အဃိအဖၢမုၢ်န့ၣ်, မၤဘူးဒီးအီၤဒ်သိးနကလီၣ်ဖျါထီၣ် အတၢ်ဘ့ၣ်ဆ့တဂ့ၤ.

²⁰ မံဃုာ်ဒီးပှၤလၢနဃၢၤအမါ ဒ်သိးနကမၤတကဆှီ လီၤဘၣ်နသးဒီးအီၤတဂ့ၤ.

²¹ ဒီးဒုးခီဂာ်နချံနသၣ်ဆူမိလးအအိၣ်နီတဂၤတဂ့ၤ, ဒီး မၤဘၣ်အၢနကစၢ်အမံၤတဂ့ၤ, ယဲဒၣ်အံၤယမ့ၢ်ယွၤလီၤ.

²² မံဃုာ်ဒီးပိာ်ခွါဒ်ပိာ်မုၣ်အသိးန့ၣ်တဂ့ၤ. အဝဲန့ၣ်မ့ၢ် တၢ်သးဘၣ်အၢလီၤ.

²³ ဒီးမံဃုာ်ဒီးဆၣ်ဖိကီၢ်ဖိဒ်သိး နကမၤတကဆှီဘၣ် နသးဒီးအီၤနီတမံၤတဂ့ၤ. ဒီးမ်ပိာ်မုၣ်အသုတဆၢထၢၣ် လၢဆၣ်ဖိကီၢ်ဖိအမဲာ်ညါ, ဒ်သိးအကမံလီၤဒီးအီၤနီ တဂၤတဂ့ၤ. အဝဲန့ၣ်မ့ၢ်တၢ်အၢတၢ်သီလီၤ.

²⁴ မၤတၢ်တကဆှီဘၣ်သုသးဒီး တၢ်တဖၣ်န့ၣ်နီတမံၤ တဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ် ကွံာ်အီၤလၢသုမဲာ်ညါန့ၣ် တကဆှီဘၣ်ဒီးတၢ်တဖၣ် န့ၣ်ခဲလၢာ်လီၤ.

²⁵ ဒီးထံဧိၤကီၢ်ဧိၤတကဆှီဘၣ်လီၤ. မၤသးဒ်န့ၣ်ဒီးယ ဒုးအိၣ်သကိးအီၤလၢအတၢ်အၢတၢ်သီ, ဒီးကီၢ်န့ၣ်ဘှိး ထီၣ်ကွံာ်ပှၤအိၣ်ဝဲဆိးဝဲလၢအပူၤလီၤ.

²⁶ ဒီးတိၢ်န့ၢ်ယလုၢ်ယလၢ်, ဒီးယတၢ်စံၣ်ညီၣ်တဖၣ်တ က့ၢ်. ဒီးပှၤလၢသုကလုာ်ဒၣ်သုဝဲမ့ၢ်ဂ့ၤ, မ်အသုတမၤ တၢ်သးဘၣ်အၢနီတဂၤတဂ့ၤ. ²⁷ (အဂ့ၢ်ဒ်အံၤ, ကယဲၢ် တၢ်သးဘၣ်အၢတဖၣ်န့ၣ် ပှၤကီၢ်ဖိလၢအအိၣ်တ့ၢ်လၢ သုမဲာ်ညါမၤဝဲ, ဒီးထံဧိၤကီၢ်ဧိၤတကဆှီဘၣ်လီၤ.) ²⁸ ဒ် သိးကီၢ်န့ၣ်အသုတဘှိးထီၣ်ကွံာ်သုဖဲ သုမၤဘၣ်အၢ အီၤဒ်အဘှိးထီၣ်ကွံာ် ပှၤကလုာ်တဖၣ်လၢအအိၣ်လၢ သုမဲာ်ညါအသိးန့ၣ်တဂ့ၤလီၤ.

²⁹ အဂ့ၢ်ဒ်အံၤ, ကယဲၢ်ပှၤလၢအမၤတၢ်သးဘၣ်အၢအံၤ တမံၤမံၤန့ၣ်ကဘၣ်တၢ်ဒီၣ်တဲာ်ကွံာ်အီၤဒီး အပှၤတက လုာ်ဒၣ်ဝဲလီၤ.

³⁰ ဒီးတိၢ်န့ၢ်ယတၢ်သိၣ်တၢ်သီ ဒ်သိးသုသုတမၤတၢ် သးဘၢအၢအလုၢ်အလၢ် လၢပှၤလၢသုမဲာ်ညါမၤဝဲန့ၣ် တဂ့ၤ. ဒီးဒ်သိးသုသုတမၤဘၣ်အၢလီၤသုသးလၢအီၤ တဂ့ၤန့ၣ်တက့ၢ်. ယဲဒၣ်အံၤယမ့ၢ်ယွၤသုကစၢ်လီၤ.

၁၉

¹ ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,― ကတိၤ တၢ်ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်, ဒီးစံးဘၣ် အီၤ, သုဘၣ်ကဲထီၣ်ပှၤစီဆှံလီၤ. အဂ့ၢ်ဒ်အံၤ, တၢ် လၢယၤယွၤသုကစၢ်အံၤယမ့ၢ်စီဆှံလီၤ.

³ သုဘၣ်ပျံၤတဂၤအမိၢ်အပၢ်, တဂၤအမိၢ်အပၢ်စုာ် စုာ်, ဒီးတိၢ်န့ၢ်ယအိၣ်ဘှံးနံၤတဖၣ်လီၤ. ယဲဒၣ်အံၤ ယမ့ၢ်ယွၤသုကစၢ်လီၤ.

⁴ ဃၣ်ကဒါသုသးဆူတၢ်ဂီၤတဂ့ၤ ဒီးမၤကစၢ်တဖၣ် လၢအသိအသးလၢသုဂီၢ်တဂ့ၤ, ယဲဒၣ်အံၤယမ့ၢ်ယွၤ သုကစၢ်လီၤ. ဒီးသုမ့ၢ်လုၢ်တၢ်လုၢ်မၤဃူမၤဖိးလၢယွၤဒီး, ⁵ သုဘၣ် လုၢ်အီၤဒ်သိးတၢ်ကဘၣ်အသးလၢသုလီၤ. ⁶ ပှၤဘၣ် အီၣ်အီၤလၢမုၢ်တနံၤဃီဒီးမုၢ်နံၤလၢသုလုၢ်အီၤ, ဒီးလၢ မုၢ်ဆ့ၣ်ထီၣ်တနံၤလီၤ. တၢ်မ့ၢ်အိၣ်လီၤတဲာ်တုၤမုၢ်သၢ နံၤတနံၤဒီး, ပှၤဘၣ်ဆူးထီၣ်ကွံာ်အီၤလၢမ့ၣ်အူလီၤ.

⁷ သၢနံၤတနံၤန့ၣ် ပှၤမ့ၢ်အီၣ်ဒံးအီၤဒီးမ့ၢ်တၢ်သးဘၣ် အၢလီၤ. တဘၣ်ဘၣ်တၢ်အသးဘၣ်. ⁸ ဒီးပှၤလၢအအီၣ် တၢ်န့ၣ်ကဘၣ်အတၢ်ဒဲးဘးလီၤ. အဂ့ၢ်ဒ်အံၤ, မၤဘၣ် အၢယွၤအတၢ်စီဆှံလီၤ. ဒီးတၢ်လၢပှၤတဂၤန့ၣ်, ကဘၣ် တၢ်ဒီၣ်တဲာ်ကွံာ်အီၤဒီးအပှၤတကလုာ်ဒၣ်ဝဲလီၤ.

⁹ ဒီးတုၤသုကူးသုဟီၣ်ခိၣ်အဘုဒီး, ကူးတၢ်လၢနစံာ် အသနၢၣ်တုၤအလၢာ်တဂ့ၤ, ဒီးထၢထီၣ်တၢ်လီၤတဲာ် လၢနကူးတၢ်အပူၤန့ၣ်တဂ့ၤ.

¹⁰ ဒီးထၢထီၣ်တၢ်လီၤတဲာ်လၢနစပံးလီၢ်ပူၤတဂ့ၤ. ဒီး ထၢဖှိၣ်နစပံးသၣ်ခဲလၢာ်လၢနစပံးလီၢ်ပူၤတဂ့ၤ. နဘၣ် ပာ်လီၤတဲာ်တၢ်လၢပှၤဖှီၣ်ဖိယာ်ဖိ, ဒီးပှၤတခီဘီမုၢ်ဖိ အဂီၢ်လီၤ. ယဲဒၣ်အံၤယမ့ၢ်ယွၤသုကစၢ်လီၤ.

¹¹ သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသု တကတိၤကဘျံးကဘျၣ်လိာ်သုသးတဂ့ၤ.

¹² သုတဆိၣ်လီၤသုသးကဘျံးကဘျၣ် လၢယမံၤတ ဂ့ၤ, ဒီးသုတမၤဘၣ်အၢနကစၢ်အမံၤတဂ့ၤ, ယဲဒၣ်အံၤ ယမ့ၢ်ယွၤလီၤ.

¹³ သုတအီၣ်ကဘျံးကဘျၣ် ပှၤလၢနဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ, ပှၤလၢအဒိးလဲအသးတဂၤအဘူးအ လဲန့ၣ်ဒုးအိၣ်ဒီးနၤ သီတနၤကျၢၤတုၤမုၢ်ဆ့ၣ်ထီၣ်တဂ့ၤ.

¹⁴ ဆိၣ်အၢပှၤနၢ်တအၢတဂ့ၤ, ဒီးပာ်တၢ်လီၤဃံၤအလီၢ် လၢပှၤမဲာ်ဘျီၣ်အမဲာ်ညါတဂ့ၤ, ဒီးနဘၣ်ပျံၤနကစၢ် လီၤ. ယဲဒၣ်အံၤယမ့ၢ်ယွၤလီၤ.

¹⁵ လၢတၢ်စံၣ်ညီၣ်အပူၤန့ၣ် မၤတၢ်တတီတလိၤဘၣ် တဂ့ၤ. ကွၢ်မဲာ်ပှၤဖှီၣ်ဖိယာ်ဖိတဂ့ၤ. ဒီးပာ်လၤကပီၤ ပှၤအဒိၣ်တဂ့ၤ. နဘၣ်စံၣ်ညီၣ်ပှၤလၢနဃၢၤဒီးတၢ်တီ တၢ်လိၤလီၤ.

¹⁶ သုတလဲၤဝ့ၤဝီၤခဲၣ်ကပိာ်ခဲၣ်ကပၤတၢ်လၢ သုပှၤဂီၢ် မုၢ်အကျါတဂ့ၤ. ဒီးဆၢထၢၣ်ထီဒါ ပှၤလၢနဃၢၤအ သွံၣ်တဂ့ၤ. ယဲဒၣ်အံၤယမ့ၢ်ယွၤလီၤ.

¹⁷ သးဟ့နဒီပုၢ်ဝဲၢ်လၢနသးကံၢ်ပူၤတဂ့ၤ. နဘၣ်သိၣ်ဃီၣ် ပှၤလၢနဃၢၤဒ်သိးနသုတဘၣ်တၢ်ဒဲးဘးလၢအဃိတဂ့ၤ.

¹⁸ မၤအၢဆၢတၢ်တဂ့ၤ. ဒီးဃုမၤကၣ်တၢ်ထီဒါနပှၤဂီၢ် မုၢ်ဖိတဂ့ၤ. ဒီးနဘၣ်အဲၣ်ပှၤလၢနဃၢၤဒ်နကစၢ်ဒၣ်နဲ အသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.

¹⁹ သုဘၣ်တိၢ်န့ၢ်ယလုၢ်ယလၢ်လီၤ. ဒုးဒၢထီၣ်နဆၣ်ဖိ ကီၢ်ဖိလၢအကလုာ်လီၤဆီလိာ်အသးတဂ့ၤ. ဖှံလီၤန တၢ်ချံခံမံၤလီၤဆီလိာ်အသး လၢနစံာ်ပူၤတဂ့ၤ. ဒီးကူ ထီၣ်သိးထီၣ်တၢ်အကူအသိးမၤဝဲလၢ လုၣ်လီၤဆီကျီၣ် ကျဲလိာ်အသးန့ၣ်တဂ့ၤ.

²⁰ ဒီးပှၤမ့ၢ်မံဃုာ်ဒီးပိာ်မုၣ်လၢအမ့ၢ် ကုၢ်ပိာ်မုၣ်အဲၣ်တီ ဒီးအဝၤ, ဒီးတဘၣ်တၢ်ပှ့ၤက့ၤဒံးဘၣ်အီၤမ့ၢ်ဂ့ၤ, တၢ် တဟ့ၣ်ဒံးဘၣ်အတၢ်ထူၣ်ဖျဲးဘၣ်မ့ၢ်ဂ့ၤဒီး, အဝဲသ့ၣ်က ဘၣ်တၢ်တီၢ်အီၤလီၤ. တဘၣ်တၢ်မၤသံအီၤဘၣ်. အဂ့ၢ် ဒ်အံၤ, ပိာ်မုၣ်တမ့ၢ်ဘၣ်ပှၤထူၣ်ဖျဲးဖိဘၣ်, ²¹ ဒီးပိာ်ခွါ န့ၣ်ဘၣ်ဟဲစိာ် အတၢ်လုၢ်တၢ်ကမၣ် ဆူယွၤအအိၣ်ဖဲ တၢ်အိၣ်ဖှိၣ်အဒဲအကျဲစၢၤ, သိဖါတဒုလၢတၢ်လုၢ်တၢ် ကမၣ်အဂီၢ်လီၤ.

²² ဒီးပှၤလုၢ်တၢ်အဒိၣ် ဘၣ်မၤတၢ်ထူၣ်ဖျဲးလၢအဂီၢ်ဒီး သိဖါအတၢ်လုၢ်တၢ်ကမၣ်လၢ ယွၤအမဲာ်ညါလၢအ တၢ်ဒဲးဘးလၢအမၤဝဲအဃိလီၤ. ဒီးတၢ်ကပျၢ်အတၢ်ဒဲး ဘးလၢအမၤဝဲန့ၣ်လီၤ.

²³ ဒီးတုၤသုလဲၤနုာ်လၢကီၢ်ပူၤ, ဒီးသူၣ်လီၤသ့ၣ်လၢတၢ် အီၣ်အဂီၢ်, ဒီးသုဘၣ်ပာ်အသၣ်လၢအတၢ်တဒိးဒံးတၢ် ကူးတရံးန့ၣ်လီၤ. သၢနံၣ်ဘၣ်ကဲလၢတၢ်တဒိးတၢ်ကူး တရံးလၢသုဂီၢ်လီၤ. အီၣ်အီၤတဂ့ၤ. ²⁴ ဒီးလွံၢ်နံၣ်တနံၣ် န့ၣ်ကယဲၢ်အသၣ်ကကဲထီၣ် တၢ်စီဆှံဘၣ်ဃးဒီးတၢ် စံးထီၣ်ပတြၢၤယွၤလီၤ. ²⁵ ဒီးယဲၢ်နံၣ်တနံၣ်န့ၣ်သုကအီၣ် အသၣ်ဒ်သိးအကမၤအါထီၣ်တၢ်လၢသုဂီၢ်လီၤ. ယဲဒၣ် အံၤယမ့ၢ်ယွၤသုကစၢ်လီၤ.

²⁶ အီၣ်တၢ်ဒီးအသွံၣ်တဂ့ၤ. ဒီးဟိၣ်တၢ်လိၢ်တၢ်တဂ့ၤ. ဒီးသုတဒုၣ်တၢ်အဆၢအကတီၢ်တဖၣ်တဂ့ၤ.

²⁷ သုတမၤကဝီသုခိၣ်အနၢၣ်တဖၣ်တဂ့ၤ. ဒီးသုတမၤ ဟးဂီၤသုခၣ်ဆူၣ်အနၢၣ်တဖၣ်တဂ့ၤ.

²⁸ သုတဂဲာ်သုညၣ်လၢပှၤသံအဃိတဂ့ၤ. ဒီးသုတဆဲး တၢ်ပနီၣ်လၢသုလိၤတဂ့ၤ. ယဲဒၣ်အံၤယမ့ၢ်ယွၤလီၤ.

²⁹ သုတဒုးဟးဂီၤနဖိမုၣ်ဒ်သိး အကကဲထီၣ်ပှၤဃဲသဲ မုၣ်တဂ့ၤ, ဒ်သိးကီၢ်သုတလီၤရၢၢ်လၢတၢ်မၤကမၣ်မုၣ် ကမၣ်ခွါအပူၤ, ဒီးထံဧိၤကီၢ်ဧိၤသုတပှဲၤဒီးတၢ်အၢတၢ် သီန့ၣ်တဂ့ၤလီၤ.

³⁰ သုဘၣ်တိၢ်န့ၢ်ယအိၣ်ဘှံးနံၤတဖၣ်, ဒီးယူးယီၣ်ယ လီၢ်စီဆှံလီၤ. ယဲဒၣ်အံၤယမ့ၢ်ယွၤလီၤ.

³¹ ဃၣ်သုသးဆူပှၤမၤန့ၢ်ပှၤသံအကလၤတဂ့ၤ. ဒီးသု တဃုန့ၢ်ပှၤမဲာ်ထံၣ်ဝံလၢသုကကဲထီၣ် တၢ်တကဆှီ ဘၣ်တဂ့ၤ. ယဲဒၣ်အံၤယမ့ၢ်ယွၤသုကစၢ်လီၤ.

³² နဘၣ်ဂဲၤဆၢထၢၣ်လၢတၢ်ခိၣ်ဝါအမဲာ်ညါ, ဒီးပာ် လၤကပီၤပှၤသးပှၢ်အမဲာ်, ဒီးပျံၤနကစၢ်လီၤ. ယဲဒၣ် အံၤယမ့ၢ်ယွၤလီၤ.

³³ ဒီးပှၤတခီဘီတခီမုၢ်ဖိမ့ၢ်အိၣ်မ့ၢ်ဆိးလၢ သုကီၢ်ပူၤဒီး သုတမၤနးမၤဖှီၣ်အီၤတဂ့ၤ. ³⁴ ဒီးပှၤတခီဘီမုၢ်ဖိလၢအ အိၣ်အဆိးဒီးသုန့ၣ် ဘၣ်ကဲထီၣ်လၢသုမဲာ်ညါ ဒ်ပှၤ အိၣ်ဖျဲၣ်လၢသုကျါအသိးန့ၣ်လီၤ. ဒီးနဘၣ်အဲၣ်အီၤဒ် နအဲၣ်လီၤနကစၢ်ဒၣ်နဲအသိးန့ၣ်လီၤ. အဂ့ၢ်ဒ်အံၤ, သု မ့ၢ်တ့ၢ်ပှၤတခီဘီတခီမုၢ်ဖိ လၢကီၢ်အဲၤကူပတူးအပူၤ လီၤ. ယဲဒၣ်အံၤယမ့ၢ်ယွၤသုကစၢ်လီၤ.

³⁵ လၢစံၣ်ညီၣ်တၢ်အပူၤမ့ၢ်ဂ့ၤ, လၢထိၣ်တၢ်အပူၤမ့ၢ်ဂ့ၤ, လၢတၢ်လီၤတယၢၢ်အပူၤမ့ၢ်ဂ့ၤ, လၢဃီၣ်တၢ်အပူၤမ့ၢ် ဂ့ၤ, သုတမၤတၢ်တတီတလိၤတဂ့ၤ, ³⁶ သုဘၣ်အိၣ်ဒီး စီၤပီၢ်အတီအလိၤ, ဒီးစီၤပီၢ်သၣ်အတီအလိၤ, အ့ဖၤ တဖျၢၣ်အတီအလိၤ, ဒီးဟံၣ်တဖျၢၣ်အတီအလိၤလီၤ. ယဲဒၣ်အံၤယမ့ၢ်ယွၤသုကစၢ် လၢအဒုးဟးထီၣ်သုလၢ ကီၢ်အဲၤကူပတူးအပူၤလီၤ.

³⁷ ဒီးသုဘၣ်တိၢ်န့ၢ် ယလုၢ်ယလၢ်ခဲလၢာ်, ဒီးယတၢ် စံၣ်ညီၣ်ခဲလၢာ်, ဒီးမၤအီၤလီၤ. ယဲဒၣ်အံၤယမ့ၢ်ယွၤလီၤ.

၂၀

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― ဒီးနဘၣ်စံး ဘၣ်ပှၤအံၣ်စရ့လးဖိ, ဖဲဒၣ်ပှၤလၢပှၤအံၣ်စရ့လးဖိအ ကျါမ့ၢ်ဂ့ၤ, ပှၤတခီဘီတခီမုၢ်ဖိလၢအအိၣ်ဝဲလၢပှၤအံၣ် စရ့လးဖိအကျါမ့ၢ်ဂ့ၤ, လၢအဟ့ၣ်အချံအသၣ်လၢမိ လးတဂၤဂၤန့ၣ် ကဘၣ်တၢ်မၤသံအီၤသပှၢ်တၢၢ်လီၤ. ပှၤကီၢ်ဖိဘၣ်ကွံာ်အီၤလၢလၢၢ်လီၤ.

³ ဒီးယကပာ်ထီဒါယမဲာ်လၢပှၤတဂၤန့ၣ်အလိၤ, ဒီး ယကဒီၣ်တဲာ်ကွံာ်အီၤလၢ အပှၤတကလုာ်ဒၣ်အီၤန့ၣ် လီၤ. အဂ့ၢ်ဒ်အံၤ, ဟ့ၣ်တၢ်အချံအသၣ်လၢမိလးဒ်သိး အကမၤယလီၢ်စီဆှံတကဆှီဘၣ်, ဒီးမၤဘၣ်အၢယမံၤ စီဆှံလီၤ. ⁴ ဒီးပှၤကီၢ်ဖိမ့ၢ်မၤဘ့ၣ်အမဲာ်တစဲးဧိၤ လၢပှၤလၢအဟ့ၣ်အချံအသၣ်လၢမိလး, ဒီးတမၤသံဘၣ်အီၤဒီး,―

⁵ ယကပာ်ထီဒါယမဲာ်လၢ ပှၤတဂၤန့ၣ်အလိၤ, ဒီးလၢ အပှၤဒူၣ်ဖိအလိၤ, ဒီးယကဒီၣ်တဲာ်ကွံာ်အီၤ, ဒီးကယဲၢ် ပှၤလၢအမၤကမၣ်ထွဲအခံ ဒ်သိးအကမၤကမၣ်တၢ်ဒီး မိလးခဲလၢာ်, လၢအပှၤတကလုာ်ဒၣ်ဝဲလီၤ.

⁶ ဒီးပှၤလၢအဃၣ်အသးဆူ ပှၤလၢအမၤန့ၢ်ပှၤသံအက လၤ, ဒီးပှၤအမဲာ်ထံၣ်ဝံလၢအကမၤကမၣ်ထွဲအခံတဂၤ ဂၤန့ၣ်ယကပာ်ထီဒါယမဲာ်လၢပှၤတဂၤန့ၣ်အလိၤ, ဒီး ယကဒီၣ်တဲာ်ကွံာ်အီၤလၢအပှၤတကလုာ်ဒၣ်အီၤလီၤ.

⁷ ဒီးမၤစီဆှံလီၤသုသး, ဒီးကဲထီၣ်ပှၤစီဆှံတက့ၢ်. အ ဂ့ၢ်ဒ်အံၤ, ယမ့ၢ်ယွၤသုကစၢ်လီၤ. ⁸ ဒီးသုဘၣ်တိၢ်န့ၢ်ယ လုၢ်ယလၢ်ဒီးမၤအီၤလီၤ. ယမ့ၢ်ယွၤလၢအမၤစီဆှံသုလီၤ.

⁹ အဂ့ၢ်ဒ်အံၤ, ဖဲဒၣ်ပှၤလၢအဆိၣ်အၢအမိၢ်အပၢ်တဂၤ ဂၤန့ၣ်ကဘၣ်တၢ်မၤသံအီၤသပှၢ်တၢၢ်လီၤ. ဆိၣ်အၢလံ အမိၢ်အပၢ်လံ, အသွံၣ်ကအိၣ်လၢအလိၤလီၤ.

¹⁰ ဒီးပှၤလၢအမၤကမၣ်ပှၤအမါ, လၢအမၤကမၣ်ပှၤလၢ အဃၢၤအမါန့ၣ်, ကဘၣ်တၢ်မၤသံအီၤ, ပှၤလၢအမၤ ကမၣ်ပှၤအမါဒီး ပှၤလၢအအဲၣ်ဘၢအဝၤန့ၣ် ကဘၣ် တၢ်မၤသံအီၤသပှၢ်တၢၢ်လီၤ.

¹¹ ဒီးပှၤလၢအမံဃုာ်ဒီးအပၢ်အမါတဂၤန့ၣ် မ့ၣ်အလီၣ် ဖျါထီၣ်အပၢ်အတၢ်ဘ့ၣ်ဆ့လီၤ. ကဘၣ်တၢ်မၤသံအီၤ ခံဂၤလိာ်လီၤ. အသွံၣ်ကအိၣ်လၢအလိၤလီၤ.

¹² ဒီးပှၤမ့ၢ်မံဃုာ်ဒီးအဒဲၣ်ဒီး, ကဘၣ်တၢ်မၤသံအီၤခံဂၤ လိာ်သပှၢ်တၢၢ်လီၤ. မၤလံတၢ်အၢလံ. အသွံၣ်ကအိၣ် လၢအလိၤလီၤ.

¹³ ဒီးပှၤမ့ၢ်မံဃုာ်ဒီးပိာ်ခွါ ဒ်အမံဃုာ်ဒီးပိာ်မုၣ်အသိး, ပှၤခံဂၤလိာ်န့ၣ်မၤလံတၢ်သးဘၣ်အၢလံ, ကဘၣ်တၢ် မၤသံအီၤသပှၢ်တၢၢ်လီၤ. အသွံၣ်ကအိၣ်လၢအလိၤလီၤ.

¹⁴ ဒီးပှၤမ့ၢ်အိၣ်ဃုာ်ဒီးအမါဒီး အမါအမိၢ်ဒီး, မ့ၢ်တၢ် အၢတၢ်သီလီၤ. ကဘၣ်တၢ်ဆူးထီၣ်ကွံာ်အီၤလၢမ့ၣ်အူ, ပိာ်ခွါတဂၤဒီးပိာ်မုၣ်ခံဂၤ, ဒ်သိးတၢ်အၢတၢ်သီအသု တအိၣ်လၢသုကျါတဂ့ၤလီၤ.

¹⁵ ဒီးပှၤမ့ၢ်မံဃုာ်ဆၣ်ဖိကီၢ်ဖိတဒုဒီး, ကဘၣ်တၢ်မၤသံ အီၤသပှၢ်တၢၢ်လီၤ. ဒီးသုဘၣ်မၤသံဆၣ်ဖိကီၢ်ဖိတဒု န့ၣ်လီၤ.

¹⁶ ဒီးပိာ်မုၣ်မ့ၢ်မၤဘူးအသးဒီးဆၣ်ဖိကီၢ်ဖိ, ဒီးမံလီၤဒီး အီၤဒီး, နဘၣ်မၤသံအီၤသပှၢ်တၢၢ်လီၤ. အသွံၣ်ကအိၣ် လၢအလိၤလီၤ.

¹⁷ ဒီးပှၤမ့ၢ်ဟံးန့ၢ်အဒီပုၢ်ဝဲၢ်မုၣ်, အပၢ်အဖိမုၣ်မ့ၢ်ဂ့ၤ, အမိၢ်အဖိမုၣ်မ့ၢ်ဂ့ၤ, ဒီးထံၣ်ဘၣ်အတၢ်ဘ့ၣ်ဆ့, ဒီးအ ဝဲဒၣ်ထံၣ်ဘၣ်ပိာ်ခွါအတၢ်ဘ့ၣ်ဆ့ဒီး, မ့ၢ်တၢ်အၢတၢ် သီလီၤ. ဒီးကဘၣ်တၢ်ဒီၣ်တဲာ်ကွံာ်အီၤလၢ အပှၤတ ကလုာ်ဒၣ်ဝဲအမဲာ်ညါလီၤ. မ့ၢ်အလီၣ်ဖျါထီၣ်အဒီပုၢ် ဝဲၢ်မုၣ်အတၢ်ဘ့ၣ်ဆ့လီၤ. ကဘၣ်အတၢ်ဒဲးဘးလီၤ.

¹⁸ ဒီးပှၤမ့ၢ်မံဃုာ်ဒီးပိာ်မုၣ်လၢ အဆှုၣ်အသးအဖၢမုၢ်ဒီး လီၣ်ဖျါထီၣ်အတၢ်ဘ့ၣ်ဆ့ဒီး, မ့ၢ်အမၤအိၣ်ဖျါအတၢ်ထီၣ် ပၢၢ်, ဒီးလီၣ်ဖျါထီၣ်အသွံၣ်ထီၣ်ပၢၢ်လီၤ. ကဘၣ်တၢ် ဒီၣ်တဲာ်ကွံာ်အီၤလၢ အပှၤတကလုာ်ဒၣ်ဝဲခံဂၤလိာ်လီၤ.

¹⁹ ဒီးနမိၢ်အဒီပုၢ်ဝဲၢ်မုၣ်အတၢ်ဘ့ၣ်ဆ့မ့ၢ်ဂ့ၤ, နပၢ်အဒီ ပုၢ်ဝဲၢ်မုၣ်အတၢ်ဘ့ၣ်ဆ့မ့ၢ်ဂ့ၤ, လီၣ်ဖျါထီၣ်တဂ့ၤ, အ ဂ့ၢ်ဒ်အံၤ ပှၤလၢအလီၣ်ဖျါထီၣ်အဘူးအတံၢ်အတၢ်ဘ့ၣ် ဆ့တဖၣ်န့ၣ်ကဘၣ်အတၢ်ဒဲးဘးလီၤ.

²⁰ ဒီးပှၤမ့ၢ်မံဃုာ်ဒီးအဖါတံၢ်အမါဒီး, မ့ၢ်အလီၣ်ဖျါ ထီၣ်အဖါတံၢ်အတၢ်ဘ့ၣ်ဆ့လီၤ. အဝဲသ့ၣ်တဖၣ်က ဘၣ်အတၢ်ဒဲးဘးလီၤ. ကသံဝဲတူာ်ဖိလီၤ.

²¹ ပှၤမ့ၢ်ဟံးန့ၢ်အဒီပုၢ်ဝဲၢ်ခွါအမါဒီး, မ့ၢ်တၢ်တကဆှီ ဘၣ်လီၤ. လီၣ်ဖျါထီၣ်အဒီပုၢ်ဝဲၢ်ခွါအတၢ်ဘ့ၣ်ဆ့လီၤ. ကအိၣ်တူာ်ဖိဝဲလီၤ.

²² ဒီးသုဘၣ်တိၢ်န့ၢ်ယလုၢ်ယလၢ်ခဲလၢာ်, ဒီးယတၢ် စံၣ်ညီၣ်ခဲလၢာ်, ဒီးမၤအီၤ, ဒ်သိးကီၢ်လၢယဒုးလဲၤနုာ် သုဆူအပူၤလၢသုကအိၣ်ကဆိးဖဲန့ၣ် အသုတဘှိးထီၣ် ကွံာ်သုတဂ့ၤလီၤ.

²³ ဒီးသုတလဲၤလၢပှၤကလုာ်တဖၣ် လၢယဟီထီၣ်ကွံာ် အီၤလၢသုမဲာ်ညါအလုၢ်အလၢ်အပူၤတဂ့ၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်မၤတၢ်တဖၣ်န့ၣ်ခဲလၢာ်, ဒီးယသး ဘၣ်အၢအီၤလီၤ.

²⁴ ဒီးယစံးတ့ၢ်သုလၢသုကန့ၢ်ဘၣ်သါအကီၢ်န့ၣ်, ဒီး ယကဟ့ၣ်လီၤအီၤဒ်သိးသုကဟံးန့ၢ်အီၤ, ကီၢ်လၢအ ယွၤဝဲဒီးတၢ်နုၢ်ထံ, ဒီးကနဲစီန့ၣ်လီၤ. ယဲဒၣ်အံၤယမ့ၢ် ယွၤသုကစၢ်လၢအမၤလီၤဖးသုဒီးပှၤကလုာ်တဖၣ်လီၤ.

²⁵ ဒီးသုဘၣ်နီၤဖးဆၣ်ဖိကီၢ်ဖိကဆှီ ဒီးဆၣ်ဖိကီၢ်ဖိတ ကဆှီဘၣ်အဆၢ, ဒီးထိၣ်ဧိၤလံၣ်ဧိၤအကဆှီဒီးထိၣ်ဧိၤ လံၣ်ဧိၤတကဆှီဘၣ်အဆၢလီၤ. ဒီးသုတမၤဘၣ်အၢ သုသးလၢဆၣ်ဖိကီၢ်ဖိမ့ၢ်ဂ့ၤ, ထိၣ်ဧိၤလံၣ်ဧိၤမ့ၢ်ဂ့ၤ, တၢ် အစွါလၢဟီၣ်ခိၣ်ချၢတမံၤမံၤမ့ၢ်ဂ့ၤ, လၢယပာ်လီၤဖး ဒီးသုလၢတၢ်တကဆှီဘၣ်န့ၣ်တဂ့ၤ.

²⁶ ဒီးသုကစီဆှံလၢယဂီၢ်လီၤ. အဂ့ၢ်ဒ်အံၤ, တၢ်လၢ ယၤယွၤအံၤ, ယမ့ၢ်စီဆှံ, ဒီးယမၤလီၤဖးသုဒီးပှၤက လုာ်တဖၣ်ဒ်သိးသုကမ့ၢ်ယတၢ်လီၤ.

²⁷ ဒီးပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, ပှၤလၢအအိၣ်ဒီးပှၤ သံအကလၤမ့ၢ်ဂ့ၤ, ပှၤလၢအမဲာ်ထံၣ်ဝံမ့ၢ်ဂ့ၤ, ကဘၣ် တၢ်မၤသံအီၤသပှၢ်တၢၢ်လီၤ. ပှၤဘၣ်ကွံာ်အီၤလၢလၢၢ် လီၤ. အသွံၣ်ကအိၣ်လၢအလိၤလီၤ.

၂၁

¹ ဒီးယွၤစံးဘၣ်စီၤမိၤရှ့, ကတိၤတၢ်ဒီးပှၤလုၢ်တၢ်အဒိၣ် စီၤအၤဟရိၣ်အဖိခွါတဖၣ်, ဒီးစံးဘၣ်အီၤ, မ်အသုတ မၤတကဆှီလီၤဘၣ်အသးလၢ တၢ်သံအဃိလၢပှၤဂီၢ် မုၢ်အကျါနီတဂၤတဂ့ၤ.

² မ့မ့ၢ်လၢအဘူးအတံၢ်လၢအဘူးဒီးအီၤအဃိ, လၢအ မိၢ်အဃိ, ဒီးလၢအပၢ်အဃိ, ဒီးလၢအဖိခွါအဃိဒီး လၢအဖိမုၣ်အဃိ, ဒီးလၢအဒီပုၢ်ဝဲၢ်ခွါအဃိ, ³ ဒီးလၢ အဒီပုၢ်ဝဲၢ်မုၣ်လိၣ်ဘိလၢအဘူးဒီးအီၤ, ဒီးအဝၤတအိၣ် ဘၣ်န့ၣ်အဃိကမၤတကဆှီလီၤဘၣ်အသးလီၤ. ⁴ မ့မ့ၢ် လၢပှၤအဒိၣ်လၢအပှၤဂီၢ်မုၢ်အကျါအဃိန့ၣ် တဘၣ်မၤ တကဆှီဘၣ်အသးလၢအကမၤဘၣ်အၢအသးဘၣ်.

⁵ မ်အသုတမၤအခိၣ်လ့ၤတဂ့ၤ, ဒီးလူၤအခၣ်ဆူၣ်အ နၢၣ်တဂ့ၤ, ဒီးဂဲာ်အညၣ်တဂ့ၤ.

⁶ ဒီးဘၣ်စီဆှံလၢအကစၢ်အဂီၢ်, ဒီးတဘၣ်မၤဘၣ်အၢ အကစၢ်အမံၤဘၣ်. အဂ့ၢ်ဒ်အံၤ, လုၢ်ယွၤအတၢ်လုၢ်မ့ၣ် အူ, ဒီးအကစၢ်အကိၣ်လီၤ. မၤသးဒ်န့ၣ်ဒီးဘၣ်စီဆှံလီၤ.

⁷ ပှၤဃဲသဲမုၣ်မ့ၢ်ဂ့ၤ, ပိာ်မုၣ်ဟးဂီၤမ့ၢ်ဂ့ၤ, မ်အသုတ ဟံးနၢ်အမါလၢအီၤတဂ့ၤ, ဒီးတဘၣ်ဟံးန့ၢ်ပိာ်မုၣ်လၢ အလီၤဖှၣ်ဒီးအဝၤတဂၤဘၣ်. အဂ့ၢ်ဒ်အံၤ, မ့ၢ်အစီဆှံ ဝဲလၢအကစၢ်အဂီၢ်လီၤ.

⁸ ဒီးနဘၣ်ပာ်စီဆှံအီၤလီၤ. အဂ့ၢ်ဒ်အံၤ, လုၢ်ထီၣ်နကစၢ် အကိၣ်လီၤ. ကကဲထီၣ်တၢ်စီဆှံလၢသုမဲာ်ညါလီၤ. အဂ့ၢ် ဒ်အံၤ, တၢ်လၢယၤယွၤလၢအမၤစီဆှံသုယစီဆှံဝဲလီၤ.

⁹ ဒီးပှၤလုၢ်တၢ်အဒိၣ်အဖိမုၣ်တဂၤ မ့ၢ်မၤဘၣ်အၢလီၤ အသးလၢအမၤကမၣ်မုၣ်ကမၣ်ခွါဒီး, မ့ၢ်အမၤဘၣ်အၢ အပၢ်လီၤ. ပှၤဘၣ်ဆူးထီၣ်ကွံာ်အီၤလၢမ့ၣ်အူလီၤ.

¹⁰ ဒီးပှၤလုၢ်တၢ်အခိၣ်လၢအဒိၣ်န့ၢ်အဒီပုၢ်ဝဲၢ်တဖၣ်လၢ ပှၤလူလီၤသိဖှူတၢ်လၢအခိၣ်, ဒီးတၢ်ပာ်စီဆှံအီၤဒ်သိး အကကူထီၣ်သိးထီၣ်တၢ်ကူတၢ်သိးန့ၣ် တဘၣ်မၤအိၣ် ဘ့ၣ်အခိၣ်, ဒီးတဘၣ်ဖှီဘၣ်အကူအသိးဘၣ်.

¹¹ ဒီးတဘၣ်လဲၤနုာ်ဘၣ်ဆူတၢ်သံအအိၣ်, ဒီးလၢအမိၢ် အဃိမ့ၢ်ဂ့ၤ, လၢအပၢ်အဃိမ့ၢ်ဂ့ၤ, တဘၣ်မၤတကဆှီ ဘၣ်အသးဘၣ်လီၤ.

¹² ဒီးတဘၣ်ဟးထီၣ်လၢတၢ်အလီၢ်စီဆှံအပူၤ, ဒီးတ ဘၣ်မၤဘၣ်အၢအကစၢ်အလီၢ်စီဆှံဘၣ်. အဂ့ၢ်ဒ်အံၤ, အကစၢ်အသိဖှူတၢ်အခိၣ်သလုး အိၣ်လၢအလိၤလီၤ. ယဲဒၣ်အံၤယမ့ၢ်ယွၤလီၤ.

¹³ ဒီးဘၣ်ဟံးန့ၢ်အမါလၢပှၤမုၣ်လိၣ်ဘိလီၤ. ပှၤမုၣ် ကမဲမ့ၢ်ဂ့ၤ, ပိာ်မုၣ်လၢအလီၤဖှၣ်ဒီးအဝၤမ့ၢ်ဂ့ၤ, ပိာ်မုၣ် လၢအဟးဂီၤမ့ၢ်ဂ့ၤ, ပှၤဃဲသဲမုၣ်မ့ၢ်ဂ့ၤ, မ်အသုတဟံး န့ၢ်တဂ့ၤ. ဘၣ်ဟံးန့ၢ်အမါပှၤမုၣ်လိၣ်ဘိလၢအပှၤတ ကလုာ်ဒၣ်ဝဲအကျါလီၤ.

¹⁵ ဒီးမ်အသုတမၤဘၣ်အၢအချံအသၣ်, လၢအပှၤတက လုာ်ဒၣ်ဝဲအကျါတဂ့ၤ. အဂ့ၢ်ဒ်အံၤ, တၢ်လၢယၤယွၤ အံၤယမၤစီဆှံအီၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ¹⁶ ကတိၤ တၢ်ဒီးစီၤအၤဟရိၣ်, ဒီးစံး, ပှၤလၢနချံနသၣ်လၢအစၢၤ အသွဲၣ်အကျါလၢအအိၣ်ဒီးအမဲၣ်တဂၤဂၤန့ၣ်, မ်အသု တသုးဘူးအသးဒ်သိးအကလုၢ်ထီၣ် အကစၢ်အတၢ် အီၣ်တဂ့ၤ.

¹⁸ အဂ့ၢ်ဒ်အံၤ, ဖဲဒၣ်ပှၤလၢအအိၣ်ဒီးအမဲၣ်န့ၣ်တဘၣ် သုးဘူးဘၣ်အသးနီတဂၤဘၣ်. ပှၤမဲာ်ဘျီၣ်ဂ့ၤ, ပှၤအ ခီၣ်ဟးဂီၤဂ့ၤ, ပှၤအနါဒ့ပၢၤဂ့ၤ, ပှၤအိၣ်ဒီးတၢ်တမံၤ မံၤအါကဲၣ်ဆိးဂ့ၤ, ¹⁹ ပှၤလၢအခီၣ်ကၢ်ဂ့ၤ, ပှၤလၢအစု ကၢ်ဂ့ၤ, ²⁰ ပှၤအချၢသကူးလီၤအသးဂ့ၤ, ပှၤလၢအနီၢ်ဖုၣ် ဂ့ၤ, ပှၤအိၣ်ဒီးအမဲၣ်လၢအမဲာ်သၣ်ပူၤဂ့ၤ, ပှၤလၢအအိၣ် ဒီးတၢ်လိၤသးအၢဂ့ၤ, ပှၤလၢအဖံးလီၤသဘျံးဂ့ၤ, ပှၤလၢ အဒံၣ်သၣ်သဘှံးဂ့ၤ, ²¹ ပှၤလၢအအိၣ်ဒီးအမဲၣ်လၢပှၤလုၢ် တၢ်အဒိၣ်စီၤအၤဟရိၣ်အချံအသၣ်အကျါန့ၣ် တဘၣ် သုးဘူးအသး ဒ်သိးအကလုၢ်ထီၣ်ယွၤလၢတၢ်လုၢ်လၢ မ့ၣ်အူနီတဂၤဘၣ်. အိၣ်ဝဲဒီးအမဲၣ်လီၤ. မ်အသုတသုး ဘူးအသးဒ်သိးအကလုၢ်ထီၣ်အကစၢ်အတၢ်အီၣ်တဂ့ၤ.

²² ကအီၣ်အကစၢ်ယွၤအကိၣ်လၢတၢ်စီဆှံကတၢၢ်, ဒီး လၢတၢ်စီဆှံန့ၣ်လီၤ. ²³ မ့မ့ၢ်လဲၤနုာ်လၢယၣ်ဘျးထီၣ် အသးတမံၤတဘၣ်လဲၤနုာ်ဘၣ်, ဒီးတဘၣ်သုးဘူးဘၣ် အသးဆူတၢ်လုၢ်လီၢ်အအိၣ်ဘၣ်. အဂ့ၢ်ဒ်အံၤ, အိၣ်ဝဲဒီး အမဲၣ်လီၤ. ဒ်သိးအသုတမၤဘၣ်အၢယလီၢ်စီဆှံတဖၣ် တဂ့ၤလီၤ. အဂ့ၢ်ဒ်အံၤ, တၢ်လၢယၤယွၤအံၤယမၤစီဆှံ တၢ်န့ၣ်တဖၣ်လီၤ.

²⁴ ဒီးစီၤမိၤရှ့စံးဘၣ်တဲဘၣ်စီၤအၤဟရိၣ်, ဒီးအဖိခွါတ ဖၣ်ဒီးပှၤအံၣ်စရ့လးဖိခဲလၢာ်လီၤ.

၂၂

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,―စံးဘၣ်စီၤ အၤဟရိၣ်ဒီးအဖိခွါတဖၣ်, လၢအဘၣ်မၤလီၤဖးလီၤ အသးဒီးပှၤအံၣ်စရ့လးဖိအတၢ်စီဆှံတဖၣ်, ဒ်သိးအသု တမၤဘၣ်အၢယမံၤစီဆှံလၢ တၢ်လၢအဝဲသ့ၣ်ပာ်စီဆှံ လၢယဂီၢ်န့ၣ်အဃိတဂ့ၤလီၤ. ယဲဒၣ်အံၤယမ့ၢ်ယွၤလီၤ.

³ စံးဘၣ်အီၤ, ဖဲဒၣ်ပှၤလၢသုချံသုသၣ်လၢသုစၢၤသု သွဲၣ်အကျါ, လၢအအိၣ်ဒီးအတၢ်တကဆှီဘၣ်လၢအ လိၤ, ဒီးလဲၤဆူတၢ်စီဆှံတဖၣ်အအိၣ်လၢပှၤအံၣ်စရ့လး ဖိပာ်စီဆှံလၢယွၤအဂီၢ်တဂၤဂၤန့ၣ် ကဘၣ်တၢ်ဒီၣ်တဲာ် ကွံာ်အီၤလၢယမဲာ်ညါလီၤ. ယဲဒၣ်အံၤယမ့ၢ်ယွၤလီၤ. ⁴ ဖဲဒၣ်ပှၤလၢ စီၤအၤဟရိၣ်အချံအသၣ်အကျါတဂၤဂၤန့ၣ်မ့မ့ၢ်ပှၤဘၣ်တၢ်ဆါအၢမ့ၢ်ဂ့ၤ, မ့ၢ်အိၣ်ဒီးတၢ်ယွၤလီၤမ့ၢ်ဂ့ၤ, တချုးအကဆှီထီၣ်ဒံးဘၣ်ဒီး,― တဘၣ်အီၣ်တၢ် စီဆှံတဖၣ်ဘၣ်. ဒီးဖဲဒၣ်ပှၤလၢအထိးဘၣ်တၢ်တက ဆှီဘၣ်, တၢ်သံဂ့ၤ, ပှၤလၢအချံဟဲထီၣ်လၢအပူၤဂ့ၤ,―

⁵ ဒီးပှၤလၢအထိးဘၣ်တၢ်လၢအစွါတမံၤမံၤ လၢအမၤတ ကဆှီဘၣ်အီၤဂ့ၤ, ပှၤလၢအဘၣ်တၢ်တကဆှီဘၣ်လၢ အီၤဖဲဒၣ်တၢ်တကဆှီဘၣ် အိၣ်ဒီးအီၤဂ့ၤ, ⁶ ပှၤလၢအ ထိးဘၣ်တၢ်ဒ်န့ၣ်အသိးတဂၤန့ၣ် ကကဲထီၣ်တၢ်တက ဆှီဘၣ်တုၤမုၢ်ဟါ, ဒီးမ့ၢ်တသ့စီဘၣ်အညၣ်လၢထံ ဘၣ်ဒီး, တဘၣ်အီၣ်တၢ်စီဆှံတဖၣ်ဘၣ်.

⁷ ဒီးတုၤမုၢ်လီၤနုာ်ဒီး, ကကဆှီထီၣ်, ဒီးကအီၣ်တၢ် စီဆှံတဖၣ်လၢခံန့ၣ်လီၤ. အဂ့ၢ်ဒ်အံၤ, မ့ၢ်အတၢ်အီၣ်လီၤ.

⁸ တၢ်လၢအသံဒၣ်တၢ်, ဒီးတၢ်လၢတၢ်အ့ၣ်ဖှီသံန့ၣ်ဒ် သိးအကမၤတကဆှီဘၣ်အသးန့ၣ်ဒီး, မ်အသုတအီၣ် အီၤတဂ့ၤ. ယဲဒၣ်အံၤယမ့ၢ်ယွၤလီၤ.

⁹ ဒီးဘၣ်တိၢ်န့ၢ်ယတၢ်သိၣ်တၢ်သီ, ဒ်သိးအသုတဘၣ် တၢ်ဒဲးဘးလၢအဃိ, ဒ်သိးအသုတသံလၢအမၤဘၣ်အၢ အီၤအဃိတဂ့ၤ. တၢ်လၢယၤယွၤအံၤယမၤစီဆှံအီၤလီၤ.

¹⁰ ပှၤတခီဘီမုၢ်ဖိ တဘၣ်အီၣ်တၢ်စီဆှံန့ၣ်နီတဂၤဘၣ်. ပှၤလၢအအိၣ်ဝဲဆိးဝဲဒီးပှၤလုၢ်တၢ်အဒိၣ်မ့ၢ်ဂ့ၤ, ပှၤဒိးလဲ အသးဖိမ့ၢ်ဂ့ၤ, တဘၣ်အီၣ်တၢ်စီဆှံန့ၣ်ဘၣ်.

¹¹ မ့မ့ၢ်ပှၤလုၢ်တၢ်အဒိၣ်မ့ၢ်ပှ့ၤပှၤတဂၤလၢအစ့ဒီး, က အီၣ်ဝဲလီၤ. ဒီးပှၤလၢအအိၣ်ဖျဲၣ်လၢအဟံၣ်ပူၤတဖၣ်န့ၣ် ကအီၣ်အတၢ်အီၣ်လီၤ.

¹² ဒီးပှၤလုၢ်တၢ်အဒိၣ်အဖိမုၣ်မ့ၢ်န့ၢ်ဝၤ လၢပှၤတခီဘီ မုၢ်ဖိဒီး, တဘၣ်အီၣ်တၢ်မၤဘူၣ်စီဆှံဘၣ်လီၤ. ¹³ မ့မ့ၢ် ပှၤလုၢ်တၢ်အဒိၣ်အဖိမုၣ်မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီး အဝၤမ့ၢ်ဂ့ၤ, ဒီးအချံအသၣ်တအိၣ်ဘၣ်. ဒီးက့ၤက့ၤဆူ အပၢ်အဟံၣ်ပူၤဒ်လၢအသးစၢ်အသိးန့ၣ်, ကအီၣ်အပၢ် အတၢ်အီၣ်လီၤ. မ့မ့ၢ်ပှၤတခီဘီမုၢ်ဖိ တဘၣ်အီၣ်အီၤ ဘၣ်လီၤ.

¹⁴ ဒီးပှၤမ့ၢ်အီၣ်ကမၣ်တၢ်စီဆှံဒီး, ဘၣ်ပာ်လၢတၢ်န့ၣ် အဖီခိၣ်ယဲၢ်ပူတပူ, ဒီးဟ့ၣ်အီၤဒီးတၢ်စီဆှံလၢပှၤလုၢ် တၢ်အဒိၣ်လီၤ.

¹⁵ ဒီးတဘၣ်မၤဘၣ်အၢဘၣ် ပှၤအံၣ်စရ့လးဖိအတၢ်စီ ဆှံတဖၣ်လၢအမၤဘူၣ်ယွၤဘၣ်, ¹⁶ ဒီးတဘၣ်ဒုးဘၣ် အီၤလၢအတၢ်ဒဲးဘးဘၣ်ဃးဒီး အတၢ်ကမၣ်လၢအ အီၣ်အတၢ်စီဆှံတဖၣ်အဃိဘၣ်. အဂ့ၢ်ဒ်အံၤ, တၢ်လၢ ယၤယွၤအံၤယမၤစီဆှံအီၤလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ¹⁷ ကတိၤ တၢ်ဒီးစီၤအၤဟရိၣ်ဒီးအဖိခွါတဖၣ်, ဒီးကယဲၢ်ပှၤအံၣ် စရ့လးဖိ, ဒီးစံးဘၣ်အီၤ, ဖဲဒၣ်ပှၤလၢအံၣ်စရ့လးအ ဟံၣ်ဖိအကျါမ့ၢ်ဂ့ၤ, လၢပှၤတခီဘီမုၢ်ဖိလၢပှၤအံၣ်စရ့ လးဖိအကျါမ့ၢ်ဂ့ၤ, လၢအကမၤဘူၣ်တၢ်မၤဘူၣ်ဘၣ် ဃးဒီးဆိၣ်တၢ်တမံၤမံၤ, တၢ်မၤဘူၣ်ဒၣ်တၢ်တမံၤမံၤ လၢအကမၤဘူၣ်ယွၤလၢတၢ်လုၢ်မ့ၣ်အူအဂီၢ်န့ၣ်, ¹⁹ ဒ် သိးအကဘၣ်တၢ်အသးဒီး, ဘၣ်မၤဘူၣ်ဂီၤဖံးဂ့ၤ, သိ ဂ့ၤ, မဲာ်တဲးလဲးဂ့ၤ, တၢ်အဖါအလၢအပှဲၤတဒုလီၤ.

²⁰ မ့မ့ၢ်တၢ်အိၣ်ဒီးအမဲၣ်န့ၣ် သုတမၤဘူၣ်အီၤနီတဒုတ ဂ့ၤ. အဂ့ၢ်ဒ်အံၤ, တဘၣ်ဘၣ်တၢ်အသးလၢသုဂီၢ်ဘၣ်.

²¹ ဒီးဖဲဒၣ်ပှၤလၢအမၤဘူၣ်ယွၤ လၢတၢ်မၤဃူမၤဖိးအ တၢ်လုၢ်, ဒ်သိးအကမၤတီအကလုၢ်လၢအဆိၣ်လီၤအ သးမ့ၢ်ဂ့ၤ, လၢအသါကဟ့ၣ်ဒၣ်တၢ်မ့ၢ်ဂ့ၤ, လၢဂီၤဖံးဂ့ၤ, လၢသိလၢမဲာ်တဲးလဲးဂ့ၤ, အဝဲန့ၣ်ဘၣ်လၢဘၣ်ပှဲၤဒ်သိး အကဘၣ်တၢ်အသးလီၤ. အမဲၣ်တဘၣ်အိၣ်လၢအလိၤ ဘၣ်.

²² တၢ်လၢအမဲာ်ဘျီၣ်ဂ့ၤ, လၢအကၢ်အသးဂ့ၤ, လၢအ ညၣ်သၣ်ထီၣ်ဂ့ၤ, လၢတၢ်လိၤသးအီၤဂ့ၤ, လၢအဖံး လီၤသဘျံးဂ့ၤ, သုတဘၣ်မၤဘူၣ်ယွၤလၢအီၤဘၣ်. သု တဘၣ်လုၢ်ဘၣ်အီၤလၢမ့ၣ်အူ လၢတၢ်လုၢ်လီၢ်အဖီခိၣ် လၢယွၤအဂီၢ်ဘၣ်.

²³ ဂီၤဖံးဂ့ၤ, သိဖိမဲာ်တဲးလဲးဖိဂ့ၤ, လၢအတၢ်တမံၤမံၤ ထီကဲၣ်ဆိးမ့ၢ်ဂ့ၤ, လၢအတၢ်တမံၤမံၤဖုၣ်ကဲာ်ဆိးမ့ၢ်ဂ့ၤ, နကမၤဘူၣ်အီၤလၢနတၢ်မၤဘူၣ်ဒၣ်တၢ်အဂီၢ်လီၤ. မ့မ့ၢ် လၢတၢ်မၤဘူၣ်ဘၣ်ဃးဒီး ဆိၣ်တၢ်အဂီၢ်န့ၣ်တဘၣ် တၢ်အသးဘၣ်.

²⁴ တၢ်လၢအဘၣ်တံၢ်ဂ့ၤ, ဘၣ်တိၢ်ဂ့ၤ, ဘၣ်ကၢ်ဂ့ၤ, ဘၣ်ဂဲာ်ဂ့ၤ, သုတဘၣ်မၤဘူၣ်ယွၤလၢအီၤဘၣ်. ဒီးသု တဘၣ်မၤအီၤလၢသုကီၢ်ပူၤဘၣ်.

²⁵ ဒီးသုတဘၣ်မၤဘူၣ် သုကစၢ်အတၢ်အီၣ်လၢတၢ်န့ၣ် တမံၤမံၤလၢပှၤတခီဘီမုၢ်ဖိအစုဘၣ်, အဂ့ၢ်ဒ်အံၤ, အ တၢ်အၢအိၣ်လၢအစုပူၤ, အမဲၣ်အိၣ်လၢအလိၤလီၤ. တ ဘၣ်ဘၣ်တၢ်အသးလၢသုဂီၢ်ဘၣ်. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ²⁶ ဂီၤဖံး ဂ့ၤ, သိဂ့ၤ, မဲာ်တဲးလဲးဂ့ၤ, အိၣ်ဖျဲၣ်ဝဲဒီး, ကအိၣ်ဒီး အမိၢ်နွံနံၤလီၤ. ဒီးလၢဃိးနံၤတနံၤအလီၢ်ခံန့ၣ်ကဘၣ် တၢ်အသးလၢတၢ်လုၢ်မ့ၣ်အူလၢယွၤအဂီၢ်လီၤ.

²⁸ ဂီၤဖံးမိၢ်ဂ့ၤ, သုတမၤသံအီၤဒီးအဖိလၢမုၢ်တနံၤဃီ တဂ့ၤ.

²⁹ ဒီးတုၤသုလုၢ် တၢ်စံးထီၣ်ပတြၢၤအတၢ်လုၢ်လၢယွၤ အဂီၢ်ဒီး, လုၢ်အီၤလၢအကဘၣ်တၢ်အသးတက့ၢ်.

³⁰ သုဘၣ်အီၣ်အီၤလၢမုၢ်တနံၤဃီလီၤ. သုတဘၣ်ပာ် လီၤတဲာ်တၢ်တုၤမုၢ်ဆ့ၣ်ထီၣ်တနံၤနီတစဲးဘၣ်. ယဲဒၣ် အံၤယမ့ၢ်ယွၤလီၤ.

³¹ ဒီးသုဘၣ်တိၢ်န့ၢ်ယတၢ်မၤလိာ်တဖၣ်, ဒီးမၤအီၤလီၤ. ယဲဒၣ်အံၤယမ့ၢ်ယွၤလီၤ.

³² ဒီးသုတမၤဘၣ်အၢယမံၤစီဆှံတဂ့ၤ. ယကဒိးတၢ်ပာ် စီဆှံယၤလၢပှၤအံၣ်စရ့လးဖိအသးကံၢ်ပူၤလီၤ.

³³ ယဲဒၣ်အံၤယမ့ၢ်ယွၤလၢအမၤစီဆှံထီၣ်သု, လၢအဒုး ဟးထီၣ်ကွံာ်သုလၢကီၢ်အဲၤကူပတူး ဒ်သိးယကမ့ၢ်သု ကစၢ်လီၤ. ယဲဒၣ်အံၤယမ့ၢ်ယွၤလီၤ.

၂၃

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, တၢ်လၢယွၤအ မၤဘူၣ်အနံၤလၢ သုဘၣ်ကိးထီၣ်တၢ်မၤဘူၣ်စီဆှံတဖၣ် န့ၣ်, အအံၤမ့ၢ်ယမၤဘူၣ်အနံၤတဖၣ်လီၤ.

³ ဃုနံၤန့ၣ်ပှၤဘၣ်မၤတၢ်မၤလီၤ. မ့မ့ၢ်နွံနံၤတနံၤန့ၣ်မ့ၢ် အိၣ်ဘှံးအနံၤအတၢ်အိၣ်ဘှံး, တၢ်မၤဘူၣ် အနံၤစီဆှံ လီၤ. သုတမၤတၢ်မၤနီတမံၤလၢအပူၤတဂ့ၤ. မ့ၢ်ယွၤအ တၢ်အိၣ်ဘှံးလၢသုအိၣ်သုဆိးအလီၢ်တပူၤလၢ်လၢ်လီၤ.

⁴ အအံၤမ့ၢ်ယွၤအတၢ်မၤဘူၣ်အနံၤ, မၤဘူၣ်အနံၤစီဆှံ တဖၣ်လၢသုဘၣ်ကိးထီၣ် ဖဲအဆၢအကတီၢ်ဘၣ်န့ၣ် လီၤ.

⁵ လါခီၣ်ထံးတလါထီၣ်တဆံလွံၢ်နံၤတနံၤန့ၣ် မ့ၢ်ယွၤ အတၢ်လဲၤကပာ်လီၤ. ⁶ ဒီးလါတလါဃီထီၣ်တဆံယဲၢ် နံၤတနံၤန့ၣ်မ့ၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်လၢယွၤ အဂီၢ်လီၤ. နွံနံၤန့ၣ်သုဘၣ်အီၣ်ကိၣ်တအိၣ်ဘၣ်ဒီးကိၣ် မံၣ်န့ၣ်လီၤ.

⁷ မုၢ်ခီၣ်ထံးန့ၣ်သုဘၣ်အိၣ်ဒီးတၢ်မၤဘူၣ်စီဆှံလီၤ. မၤ တၢ်အကုၢ်အပှၤအတၢ်မၤနီတမံၤလၢအပူၤတဂ့ၤ.

⁸ သုဘၣ်လုၢ်တၢ်လုၢ်မ့ၣ်အူလၢယွၤအဂီၢ်နွံနံၤလီၤ. နွံ နံၤတနံၤန့ၣ်မ့ၢ်တၢ်မၤဘူၣ်စီဆှံလီၤ. မၤတၢ်အကုၢ်အ ပှၤအတၢ်မၤနီတမံၤတဂ့ၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ⁹ ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤသုလဲၤနုာ်ဆူ ကီၢ်ပူၤလၢယဟ့ၣ်လီၤသု, ဒီးသုကကူးအဘုန့ၣ်ဒီး, သုဘၣ်ဟဲစိာ်ဘုသၣ်ဆိတကဒိၣ်လၢ သုဘုဧိၤဟုဧိၤ အကျါဆူပှၤလုၢ်တၢ်အဒိၣ်လီၤ. ¹¹ ဒီးအဝဲဒၣ်ဘၣ်ဝၢ်ဘု တကဒိၣ်န့ၣ်လၢယွၤအမဲာ်ညါ လၢအကဘၣ်တၢ်အ သးလၢသုဂီၢ်လီၤ. အိၣ်ဘှံးပူၤကွံာ်တနံၤန့ၣ် ပှၤလုၢ် တၢ်အဒိၣ်ဘၣ်ဝၢ်အီၤလီၤ.

¹² ဒီးမုၢ်နံၤလၢ သုဝၢ်ဘုတကဒိၣ်န့ၣ် သုဘၣ်လုၢ်သိ ဖါဖိအလၢအပှဲၤတနံၣ်ဖိလၢ တၢ်လုၢ်မ့ၣ်အူလၢယွၤအ ဂီၢ်လီၤ.

¹³ ဒီးအတၢ်မၤဘူၣ်ကိၣ်န့ၣ် မ့ၢ်ကိၣ်ကမူၣ်ခံအ့စရိၣ်ဃါ ဃုာ်ဒီးသိလီၤ. မ့ၢ်တၢ်မၤဘူၣ်လၢမ့ၣ်အူလၢယွၤအဂီၢ်, လၢတၢ်နၢမူအဂီၢ်လီၤ. ဒီးအတၢ်လုၢ်အီန့ၣ်မ့ၢ်စပံးထံ တဟံၣ်လွံၢ်ပူတပူလီၤ.

¹⁴ ဒီးမုၢ်တနံၤလၢသုဟဲစိာ်တၢ်မၤဘူၣ် ဆူသုကစၢ်တ ချုးဘၣ်ဒံးဘၣ်ဒီးကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအ စဲၤသံကစဲာ်ဂ့ၤ, အီၣ်အီၤတဂ့ၤ. မ့ၢ်အလုၢ်အလၢ်အထူ အယိာ်လီၤလၢသုစၢၤသုသွဲၣ်အစိၤစိၤအဃၣ်ဃၣ်, လၢ သုအိၣ်သုဆိးအလီၢ်တပူၤလၢ်လၢ်လီၤ.

¹⁵ ဒီးလၢအိၣ်ဘှံးနံၤပူၤကွံာ်တနံၤ, လၢမုၢ်တနံၤလၢသု ဟဲစိာ်ဘုကဒိၣ်ဝၢ်အလီၢ်ခံန့ၣ် သုဘၣ်ဂံၢ်နွံအိၣ်ဘှံးနံၤ လၢလၢပှဲၤပှဲၤလၢသုဂီၢ်လီၤ. ¹⁶ တုၤလီၤလၢနွံအိၣ်ဘှံးနံၤ ပူၤကွံာ်တနံၤန့ၣ် သုဘၣ်ဂံၢ်ထီၣ်မုၢ်နံၤယဲၢ်ဆံလီၤ. ဒီး သုဘၣ်မၤဘူၣ်ယွၤလၢတၢ်မၤဘူၣ်ကိၣ်အသီလီၤ.

¹⁷ ဒီးသုဘၣ်ဟဲစိာ်ထီၣ် ကိၣ်ဝၢ်အသးခံဖျၢၣ်လၢခံအ့ စရိၣ်လၢသုအိၣ်သုဆိးအလီၢ်ပူၤလီၤ. ဘၣ်မၤအသး လၢကိၣ်ကမူၣ်, ဒီးဘၣ်ကုၢ်အီၤဒီးကိၣ်မံၣ်လီၤ. မ့ၢ် တၤသၣ်ဆိလၢယွၤအဂီၢ်လီၤ.

¹⁸ ဒီးသုဘၣ်မၤဘူၣ်သိဖိအလၢအပှဲၤတနံၣ်ဖိနွံဒု, ဒီး ဂီၤဖံးဖိတဒု, ဒီးသိဖါခံဒုဒီးကိၣ်န့ၣ်လီၤ. ဒီးကကဲထီၣ် တၢ်လုၢ်မ့ၣ်အူလၢယွၤအဂီၢ်, ဒီးတၢ်မၤဘူၣ်ကိၣ်, ဒီး တၢ်လုၢ်အီန့ၣ်, တၢ်လုၢ်လၢမ့ၣ်အူ, တၢ်နၢမူလၢယွၤ အဂီၢ်လီၤ.

¹⁹ ဒီးသုဘၣ်လုၢ်မဲာ်တဲးလဲးဖါတဒုလၢ တၢ်လုၢ်တၢ်ဒဲး ဘးအဂီၢ်, ဒီးသိဖိတနံၣ်ဖိခံဒုလၢတၢ်မၤဃူမၤဖိးအတၢ် လုၢ်အဂီၢ်လီၤ.

²⁰ ပှၤလုၢ်တၢ်အဒိၣ်ဘၣ်ဝၢ်အီၤဒီး တၤသၣ်ဆိအကိၣ်, တၢ်ဝၢ်လၢယွၤအမဲာ်ညါအိၣ်ဒီးသိဖိခံဒုလီၤ. ကကဲထီၣ် တၢ်စီဆှံလၢယွၤအဂီၢ်လၢပှၤလုၢ်တၢ်အဒိၣ်အဂီၢ်လီၤ.

²¹ ဒီးလၢမုၢ်တနံၤဃီဒၣ်ဝဲန့ၣ် သုဘၣ်ကိးထီၣ်တၢ်မၤ ဘူၣ်စီဆှံလၢသုဂီၢ်လီၤ. မၤတၢ်အကုၢ်အပှၤအတၢ်မၤနီ တမံၤတဂ့ၤ. မ့ၢ်အလုၢ်အလၢ်အထူအယိာ်လၢသုအိၣ် သုဆိးအလီၢ်တပူၤလၢ်လၢ်, လီၤလၢသုစၢၤသုသွဲၣ်အ စိၤစိၤအဃၣ်ဃၣ်လီၤ.

²² ဒီးတုၤသုကူးဘုဒီး, သုတကူးဘုလၢနစံာ်အသနၢၣ် ပူၤတုၤအလၢာ်တဂ့ၤ. ဒီးထၢထီၣ်ဘုလီၤတဲာ်ဖဲနကူး တၢ်န့ၣ်တဂ့ၤ. နဘၣ်ပာ်လီၤတဲာ်အီၤလၢပှၤဖှီၣ်ဖိယာ်ဖိ, ဒီးပှၤတခီဘီမုၢ်ဖိအဂီၢ်လီၤ. ယဲဒၣ်အံၤယမ့ၢ်ယွၤသုက စၢ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ²³ ကတိၤ ထီၣ်တၢ်ဒီးပှၤအံၣ်စရ့လးဖိဒီးစံး, နွံလါတလါထီၣ်တ နံၤန့ၣ်သုဘၣ်အိၣ်ဒီး တၢ်အိၣ်ဘှံးအတၢ်သ့ၣ်နီၣ်ထီၣ် က့ၤတၢ်ဒီးတၢ်အူကွဲၤ, တၢ်မၤဘူၣ်စီဆှံလီၤ. ²⁵ သုတ မၤတၢ်အကုၢ်အပှၤအတၢ်မၤနီတမံၤတဂ့ၤ. ဒီးသုဘၣ် လုၢ်ယွၤလၢတၢ်လုၢ်မ့ၣ်အူလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ²⁶ ဒီးမ့မ့ၢ် လါနွံလါတလါအံၤထီၣ် ဆံဆဲၣ်နံၤတနံၤန့ၣ်မ့ၢ်တၢ်ပူၤ ဖျဲးအနံၤလီၤ. ကကဲထီၣ်တၢ်မၤဘူၣ်စီဆှံလၢသုဂီၢ်ဒီးသု ဘၣ်ဆီၣ်လီၤသုသး, ဒီးလုၢ်ယွၤလၢ တၢ်လုၢ်မ့ၣ်အူ လီၤ. ²⁸ ဒီးလၢတနံၤဃီန့ၣ် သုတမၤတၢ်မၤနီတမံၤတ ဂ့ၤ. အဂ့ၢ်ဒ်အံၤ, မ့ၢ်တၢ်မၤပူၤဖျဲးအနံၤလၢအကမၤတၢ် ပူၤဖျဲးလၢသုဂီၢ်လၢယွၤသုကစၢ်အမဲာ်ညါလီၤ.

²⁹ အဂ့ၢ်ဒ်အံၤ, လၢမုၢ်တနံၤဃီဒၣ်ဝဲန့ၣ် ပှၤလၢအတ ဆီၣ်လီၤဘၣ်အသးတဂၤလၢ်လၢ်န့ၣ် ကဘၣ်တၢ်ဒီၣ် တဲာ်ကွံာ်အီၤဒီးအပှၤတကလုာ်ဒၣ်အီၤလီၤ. ³⁰ ဒီးကယဲၢ် ပှၤလၢအမၤတၢ်တမံၤမံၤလၢ မုၢ်တနံၤဃီဒၣ်ဝဲန့ၣ်တဂၤ လၢ်လၢ်ဒီး, ယကမၤဟးဂီၤကွံာ်ပှၤတဂၤန့ၣ်လၢအပှၤ ဂီၢ်မုၢ်အကျါလီၤ. ³¹ ဒီးမၤတၢ်မၤနီတမံၤတဂ့ၤ. မ့ၢ်တၢ် အလုၢ်အလၢ်အထူအယိာ်, လီၤလၢသုစၢၤသုသွဲၣ်, လၢ သုအိၣ်သုဆိးအလီၢ်ခဲလၢာ်အပူၤလီၤ. ³² ကကဲထီၣ်တၢ် အိၣ်ဘှံးအတၢ်အိၣ်ဘှံး, ဒီးသုဘၣ်ဆီၣ်လီၤသုသးလီၤ. လါထီၣ်ခွံနံၤတနံၤန့ၣ်သုဘၣ်အိၣ်ဘှံးလၢမုၢ်ဟါခီ, လၢ မုၢ်ဟါတုၤလၢမုၢ်ဟါ, သုဘၣ်တိၢ်န့ၢ်သုအိၣ်ဘှံးအနံၤ လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ³³ ကတိၤ တၢ်ဒီးပှၤအံၣ်စရ့လးဖိဒီးစံး, လါနွံလါတလါန့ၣ်လါ ထီၣ်တဆံယဲၢ်နံၤတနံၤ, မ့ၢ်ဘူၣ်ဒဲနွံနံၤ လၢယွၤအဂီၢ် လီၤ. ³⁵ မုၢ်ခီၣ်ထံးန့ၣ်မ့ၢ်တၢ်မၤဘူၣ်စီဆှံလီၤ. မၤတၢ် အကုၢ်အပှၤအတၢ်မၤနီတမံၤတဂ့ၤ.

³⁶ သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဃိး နံၤတနံၤန့ၣ်မ့ၢ်တၢ်မၤဘူၣ်စီဆှံလၢသုဂီၢ်, ဒီးသုဘၣ် လုၢ်ယွၤလၢတၢ်လုၢ်မ့ၣ်အူလီၤ. မ့ၢ်တၢ်မၤဘူၣ်ဖးဒိၣ် တနံၤလီၤ. မၤတၢ်အကုၢ်အပှၤအတၢ်မၤနီတမံၤတဂ့ၤ.

³⁷ အဝဲသ့ၣ်တဖၣ်န့ၣ်မ့ၢ်ယွၤအတၢ်မၤဘူၣ်အနံၤ လၢသု ဘၣ်ကိးထီၣ်လၢတၢ်ကိးဖှိၣ်စီဆှံတဖၣ်, ဒ်သိးပှၤကလုၢ် ယွၤလၢတၢ်လၢမ့ၣ်အူ, တၢ်လုၢ်မ့ၣ်အူ, ဒီးတၢ်မၤဘူၣ် ကိၣ်, တၢ်လုၢ်, ဒီးတၢ်လုၢ်အီတဖၣ်တနံၤအတၢ်လၢ အနံၤဒၣ်ဝဲအပူၤလီၤ.

³⁸ လၢယွၤအတၢ်အိၣ်ဘှံးနံၤတဖၣ်အမဲာ်ညါ, ဒီးလၢသု မၤဘူၣ်တၢ်အမဲာ်ညါ, ဒီးလၢသုမၤဘူၣ်ဘၣ်ဃးဒီးဆိၣ် တၢ်ခဲလၢာ်အမဲာ်ညါ, ဒီးလၢသုမၤဘူၣ်ဒၣ်တၢ်ခဲလၢာ် လၢသုဟ့ၣ်လၢယွၤအမဲာ်ညါ, အန့ၣ်အိၣ်ဝဲလီၤ.

³⁹ ဒီးမ့မ့ၢ်လါနွံလါတလါ, လါထီၣ်တဆံယဲၢ်နံၤတနံၤ န့ၣ်တုၤသုထၢဖှိၣ်ဟီၣ်ခိၣ်အတၤသၣ်ဝံၤဒီး, သုဘၣ်မၤ ဘူၣ်တၢ်လၢယွၤနွံနံၤလီၤ. မုၢ်ခီၣ်ထံးန့ၣ်မ့ၢ်အိၣ်ဘှံးနံၤ, ဒီးဃိးနံၤတနံၤန့ၣ်မ့ၢ်အိၣ်ဘှံးနံၤလီၤ. ⁴⁰ ဒီးမုၢ်ခီၣ်ထံးန့ၣ် သုဘၣ်ဟံးန့ၢ်သ့ၣ်အဃံအလၤအတၤသၣ်ဒီး စူၣ်ပလိၣ် အဒ့, ဒီးသ့ၣ်ခဲအဒ့, ဒီးထံကျိအပံၢ်သလိလီၤ. ဒီးသု ဘၣ်သူၣ်ခုသးခုလၢယွၤသုကစၢ်အမဲာ်ညါနွံနံၤလီၤ.

⁴¹ ဒီးသုဘၣ်မၤအီၤလၢတၢ်ဘူၣ်လၢယွၤအဂီၢ် တနံၣ်နွံ နံၤလီၤ. မ့ၢ်တၢ်အလုၢ်အလၢ်အထူအယိာ် လီၤလၢသု စၢၤသုသွဲၣ်အစိၤစိၤအဃၣ်ဃၣ်လီၤ. သုဘၣ်မၤဘူၣ်တၢ် န့ၣ်လၢလါနွံလါတလါအပူၤလီၤ.

⁴² သုဘၣ်အိၣ်ဘၣ်ဆိးလၢဒဲပူၤနွံနံၤဒီး, ကယဲၢ်ပှၤလၢ အအိၣ်ဖျဲၣ်ပှၤအံၣ်စရ့လးဖိခဲလၢာ် ဘၣ်အိၣ်ဘၣ်ဆိး လၢဒဲပူၤ, ⁴³ ဒ်သိးသုစၢၤသုသွဲၣ်ကသ့ၣ်ညါလၢယဒုး အိၣ်ဒုးဆိးအီၤလၢ ဒဲပူၤတုၤယဒုးဟးထီၣ်ပှၤအံၣ်စရ့ လးဖိလၢကီၢ်အဲၤကူပတူးအပူၤန့ၣ်လီၤ. ယဲဒၣ်အံၤယ မ့ၢ်ယွၤသုကစၢ်လီၤ.

⁴⁴ ဒီးစီၤမိၤရှ့စံးဘၣ်တဲဘၣ်ပှၤအံၣ်စရ့လးဖိ လၢယွၤအ မၤဘူၣ်အနံၤတဖၣ်လီၤ.

၂၄

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― မၤလိာ် ပှၤအံၣ်စရ့လးဖိ, လၢအကဟဲစိာ်န့ၢ်နၤလၢသ့ၣ်စၤယံး သိစီတိၢ်အသး, လၢတၢ်ကပီၤအဂီၢ်, ဒ်သိးအကဒုး ကဲၤထီၣ်မ့ၣ်အူဒၢတထံၣ်ဃီလီၤ.

³ ဒီးစီၤအၤဟရိၣ်ဘၣ်ကတဲာ်ကတီၤအီၤလၢ တၢ်အၢၣ် လီၤအီလီၤအယၣ်ဘျးထီၣ်အသးလၢခိ, လၢတၢ်အိၣ် ဖှိၣ်အဒဲပူၤလၢမုၢ်ဟါတုၤလၢမုၢ်ဂီၤ, လၢယွၤအမဲာ်ညါ တထံၣ်ဃီလီၤ. မ့ၢ်တၢ်အလုၢ်အလၢ်အထူအယိာ်လီၤ လၢသုစၢၤသုသွဲၣ်အစိၤစိၤအဃၣ်ဃၣ်လီၤ. ⁴ ဘၣ်က တဲာ်ကတီၤမ့ၣ်အူဒၢတဖၣ် လၢမ့ၣ်အူဒၢမိၢ်ပှၢ်စီအဖီ ခိၣ်လၢယွၤအမဲာ်ညါတထံၣ်ဃီလီၤ.

⁵ ဒီးနဘၣ်ဟံးန့ၢ်ကိၣ်ကမူၣ်, ဒီးကုၢ်ထီၣ်ကိၣ်တဆံခံ ဘ့ၣ်လၢအီၤလီၤ. ကိၣ်ကမူၣ်ခံအ့စရိၣ် လၢတဘ့ၣ်တ

⁶ ဘ့ၣ်အဂီၢ်လီၤ. ဒီးနဘၣ်ပာ်အီၤလၢခံဂ့ၢ်, ဃုဘ့ၣ်တဂ့ၢ်, လၢစီၢ်နီၤခိၣ်စီဆှံအဖီခိၣ် လၢယွၤအမဲာ်ညါလီၤ. ⁷ န ဘၣ်ပာ်လီၢ်ဘၣ်စီလၢတဂ့ၢ်တဂ့ၢ်အဖီခိၣ်, ဒ်သိးအက အိၣ်လၢကိၣ်အဖီခိၣ် လၢတၢ်သ့ၣ်နီၣ်ထီၣ်က့ၤတၢ်အဂီၢ်, တၢ်လုၢ်လၢမ့ၣ်အူလၢယွၤအဂီၢ်လီၤ.

⁸ ဘၣ်ကတဲာ်ကတီၤအီၤ ကိးအိၣ်ဘှံးအနံၤဒဲး, လၢ ယွၤအမဲာ်ညါတထံၣ်ဃီလီၤ. မ့ၢ်လၢပှၤအံၣ်စရ့လးဖိ အဂီၢ်လၢတၢ်အၢၣ်လီၤအီလီၤအထူအယိာ်လီၤ. ⁹ ဒီးက ကဲထီၣ်စီၤအၤဟရိၣ်ဒီးအဖိခွါတဖၣ်အတၢ်, ဒီးဘၣ်အီၣ် ဝဲလၢတၢ်အလီၢ်စီဆှံအပူၤလီၤ. အဂ့ၢ်ဒ်အံၤ, အဝဲန့ၣ်မ့ၢ် တၢ်စီဆှံကတၢၢ်လၢအဂီၢ် လၢတၢ်လုၢ်မ့ၣ်အူလၢယွၤ အဂီၢ်အကျါလီၤ. မ့ၢ်တၢ်အလုၢ်အလၢ်အထူအယိာ်လီၤ.

¹⁰ ဒီးပှၤအံၣ်စရ့လးမုၣ်အဖိခွါလၢအပၢ်မ့ၢ် ပှၤအဲၤကူပ တူးဖိတဂၤဟးထီၣ်လၢ ပှၤအံၣ်စရ့လးဖိအကျါလီၤ. ဒီး ပှၤအံၣ်စရ့လးမုၣ်အဖိခွါတဂၤန့ၣ် အ့ၣ်လိာ်အသးဒီး ပှၤအံၣ်စရ့လးဖိတဂၤလၢပှၤသူၣ်ဒဲအလီၢ်ပူၤလီၤ.

¹¹ ဒီးပှၤအံၣ်စရ့လးမုၣ်အဖိခွါတဂၤန့ၣ် ဒုၣ်ဒွဲၣ်တၢ်အ မံၤ, ဒီးဆိၣ်အၢတၢ်, ဒီးပှၤလဲၤစိာ်အီၤဆူ စီၤမိၤရှ့အ အိၣ်လီၤ. (ဒီးအမိၢ်အမံၤမ့ၢ်နီၢ်ၡလိမံး, စီၤဒၣ်အဒူၣ် ဖိစီၤဒံးဘရံၤအဖိမုၣ်လီၤ.) ¹² ဒီးပာ်အီၤလၢပၢၤတၢ်အ လီၢ်ပူၤတုၤတၢ်ကဒုးနဲၣ်အီၤလၢယွၤအသးလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ¹³ ဟဲစိာ် ထီၣ်ပှၤလၢအဆိၣ်အၢတၢ်ဆူပှၤသူၣ်ဒဲအလီၢ်လၢခိ, ဒီး ကယဲၢ်ပှၤလၢအနၢ်ဟူတၢ်န့ၣ် မ်အပာ်အစုလၢအခိၣ်, ဒီးကယဲၢ်တၢ်အိၣ်ဖှိၣ်ခဲလၢာ်န့ၣ် မ်အကွံာ်အီၤလၢလၢၢ် တက့ၢ်.

¹⁵ ဒီးနဘၣ်ကတိၤတၢ်ဒီးပှၤအံၣ်စရ့လးဖိဒီးစံး, ဖဲဒၣ် ပှၤလၢအဆိၣ်အၢအယွၤတဂၤဂၤန့ၣ် ကဘၣ်အတၢ်ဒဲး ဘးလီၤ.

¹⁶ ဒီးပှၤလၢအဒုၣ်ဒွဲၣ်ယွၤအမံၤန့ၣ် ကဘၣ်တၢ်မၤသံ အီၤသပှၢ်တၢၢ်လီၤ. ပှၤအိၣ်ဖှိၣ်ဖိခဲလၢာ်ဘၣ်ကွံာ်အီၤ လၢလၢၢ်သပှၢ်တၢၢ်လီၤ. ဒ်ပှၤတခီဘီမုၢ်ဖိအသိး, ပှၤ အိၣ်ဖျဲၣ်လၢကီၢ်ပူၤမ့ၢ်ဒ်န့ၣ်သိး, တုၤအဒုၣ်ဒွဲၣ်တၢ်အ မံၤဒီး, ကဘၣ်တၢ်မၤသံအီၤသပှၢ်တၢၢ်လီၤ.

¹⁷ ဒီးပှၤလၢအမၤသံပှၤတဂၤဂၤန့ၣ် ကဘၣ်တၢ်မၤသံ အီၤသပှၢ်တၢၢ်လီၤ.

¹⁸ ဒီးပှၤလၢအမၤသံဆၣ်ဖိကီၢ်ဖိအဒၢတဒုန့ၣ် ဘၣ်ဟ့ၣ် က့ၤအတၢ်, တဒုလၢတဒုအလီၢ်လီၤ. ¹⁹ ဒီးပှၤမ့ၢ်မၤ အိၣ်ထီၣ်တၢ်အမဲၣ်လၢ ပှၤလၢအဃၢၤအလိၤဒီး, ဒ်အ မၤတၢ်အသိးန့ၣ် တၢ်ကမၤဆၢလၢအလိၤ ဒ်န့ၣ်သိး လီၤ. ²⁰ တၢ်ကၢ်လၢတၢ်ကၢ်အဂီၢ်, မဲာ်တတိၣ်လၢမဲာ်တ တိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်န့ၣ်လီၤ. ဒ်အ မၤအိၣ်ထီၣ်တၢ်အမဲၣ်လၢ ပှၤအလိၤအသိးန့ၣ်တၢ်က ပာ်လၢအလိၤဒ်န့ၣ်သိးလီၤ.

²¹ ဒီးပှၤလၢအမၤသံဆၣ်ဖိကီၢ်ဖိအဒၢတဒုန့ၣ်ဘၣ်ဟ့ၣ် က့ၤအတၢ်လီၤ. ဒီးပှၤလၢအမၤသံပှၤကညီတဂၤန့ၣ်က ဘၣ်တၢ်မၤသံအီၤလီၤ.

²² ဒီးသုဘၣ်အိၣ်ဒီးတၢ်စံၣ်ညီၣ်တမံၤဃီ, ဒ်ပှၤတခီဘီ မုၢ်ဖိအသိး, ပှၤအိၣ်ဖျဲၣ်လၢကီၢ်ပူၤဒ်န့ၣ်သိးလီၤ. အဂ့ၢ် ဒ်အံၤ, ယဲဒၣ်အံၤယမ့ၢ်ယွၤသုကစၢ်လီၤ.

²³ ဒီးစီၤမိၤရှ့စံးဘၣ်တဲဘၣ် ပှၤအံၣ်စရ့လးဖိလၢအဘၣ် ဟဲစိာ်ပှၤအံၣ်စရ့လးဖိလၢအဆိၣ်အၢတၢ်တဂၤ ဆူပှၤ သူၣ်ဒဲအလီၢ်လၢခိ, ဒီးကွံာ်အီၤလၢလၢၢ်လီၤ. ဒီးပှၤ အံၣ်စရ့လးဖိမၤဝဲဒ်ယွၤမၤလိာ်စီၤမိၤရှ့အသိးန့ၣ်လီၤ.

၂၅

¹ ဒီးယွၤကတိၤတၢ်ဒီးစီၤမိၤရှ့ လၢကစၢၢ်စံၤနါအလိၤ, ဒီးစံးဝဲဒၣ်, ² ကတိၤတၢ်ဒီးပှၤအံၣ်စရ့လးဖိ, ဒီးစံးဘၣ် အီၤ, တုၤသုဟဲနုာ်လၢကီၢ်လၢယဟ့ၣ်လီၤသုဒီး, ဟီၣ် ခိၣ်ဘၣ်အိၣ်ဘှံးအတၢ်အိၣ်ဘှံးလၢယွၤအဂီၢ်လီၤ. ³ ဃု နံၣ်န့ၣ်နကဖှံတၢ်လၢနစံာ်ပူၤ, ဒီးဃုနံၣ်န့ၣ်နကပဲာ်ဃိ ကဆှီထီၣ်ဘၣ်နစပံးအလီၢ်, ဒီးထၢဖှိၣ်အသၣ်လီၤ.―

⁴ မ့မ့ၢ်နွံနံၣ်တနံၣ်န့ၣ်ကကဲထီၣ် တၢ်အိၣ်ဘှံးစီဆှံအတၢ် အိၣ်ဘှံးလၢဟီၣ်ခိၣ်အဂီၢ်, တၢ်အိၣ်ဘှံးလၢယွၤအဂီၢ် လီၤ. ဖှံတၢ်လၢနစံာ်ပူၤတဂ့ၤ. ဒီးပဲာ်ဃိကဆှီထီၣ်နစ ပံးအလီၢ်တဂ့ၤ.

⁵ တၢ်လၢအမဲထီၣ်ဒၣ်တၢ်လၢနကူးဘုအလီၢ်န့ၣ် နတ ဘၣ်ကူးဘၣ်. ဒီးနစပံးမုၢ်လၢနတကတဲာ်ကတီၤဘၣ် န့ၣ်နတဘၣ်ဒဲးဖှိၣ်ဘၣ်အသၣ်ဘၣ်. မ့ၢ်တၢ်အိၣ်ဘှံးအ နံၣ်လၢဟီၣ်ခိၣ်အဂီၢ်လီၤ.

⁶ ဒီးဟီၣ်ခိၣ်အတၢ်အိၣ်ဘှံးန့ၣ် ကကဲထီၣ်တၢ်အီၣ်လၢ သုဂီၢ်, လၢနဂီၢ်, ဒီးလၢနကုၢ်ပိာ်ခွါအဂီၢ်, ဒီးလၢန ကုၢ်ပိာ်မုၣ်အဂီၢ်, ဒီးလၢနပှၤလၢအဒိးလဲအသးအဂီၢ်, ဒီးလၢပှၤတခီဘီမုၢ်ဖိလၢအအိၣ်ဒီးနၤအဂီၢ်, ⁷ ဒီးလၢ နဆၣ်ဖိကီၢ်ဖိအဒၢအဂီၢ်, ဒီးဆၣ်ဖိကီၢ်ဖိအမံၤလၢန ကီၢ်ပူၤအဂီၢ်န့ၣ်တၢ်မဲထီၣ်ကကဲထီၣ်အတၢ်အီၣ်လီၤ.

⁸ ဒီးနဘၣ်ဂံၢ်လၢနဂီၢ်နွံအိၣ်ဘှံးနံၣ်, နွံနံၣ်နွံဘျီလီၤ. ဒီးနွံအိၣ်ဘှံးတၢ်အမုၢ်နံၤတဖၣ် ကကဲထီၣ်လၢနဂီၢ်လွံၢ် ဆံခွံနံၣ်လီၤ.

⁹ ဒီးလၢလါနွံလါတလါထီၣ် ဆံဆဲၣ်နံၤတနံၤန့ၣ်နဘၣ် ဒုးခီဂာ်ကွဲၤအသီၣ်ဖးဒိၣ်လီၤ. လၢတၢ်ပူၤဖျဲးအမုၢ်တနံၤ န့ၣ်သုဘၣ်ဒုးခီဂာ်ကွဲၤအသီၣ်လၢသုကီၢ်ဒီကီၢ်ညါလီၤ.

¹⁰ ယဲၢ်ဆံနံၣ်တနံၣ်န့ၣ် သုဘၣ်ပာ်စီဆှံအီၤဒီးကိးထီၣ် တၢ်ထူၣ်ဖျဲးလၢပှၤကီၢ်ဖိခဲလၢာ်အဂီၢ် လၢကီၢ်ပူၤဒီကီၢ် ညါလီၤ. ကကဲထီၣ်တၢ်သူၣ်ခုသးခုလၢသုဂီၢ်, ဒီးသု ကက့ၤက့ၤ တဂၤဆူအတၢ်ဟံးဃာ်စုာ်စုာ်, ဒီးသုက က့ၤက့ၤတဂၤဆူအပှၤဒူၣ်ဖိအအိၣ်စုာ်စုာ်လီၤ.

¹¹ တၢ်လၢယဲၢ်ဆံအနံၣ်တနံၣ်န့ၣ် ကကဲထီၣ်တၢ်သူၣ်ခု သးခုလၢသုဂီၢ်လီၤ. သုတဘၣ်ဖှံတၢ်ဘၣ်. ဒီးသုတ ဘၣ်ကူးတၢ်လၢအမဲထီၣ်ဒၣ်တၢ်ဘၣ်. ဒီးတဘၣ်ဒဲးဖှိၣ် နစပံးမုၢ်အသၣ်လၢနတကတဲာ်ကတီၤအီၤန့ၣ်ဘၣ်.

¹² အဂ့ၢ်ဒ်အံၤ, မ့ၢ်တၢ်သူၣ်ခုသးခုအကတီၢ်လီၤ. က ဘၣ်ကဲထီၣ်တၢ်စီဆှံလၢသုဂီၢ်လီၤ. သုဘၣ်အီၣ်အတၢ် မဲထီၣ်လၢပျီပူၤလီၤ. ¹³ လၢတၢ်သူၣ်ခုသးခုအနံၣ်န့ၣ်သု ကက့ၤက့ၤတဂၤဆူအတၢ်ဟံးဃာ်, တဂၤဆူအတၢ်ဟံး ဃာ်ဒၣ်ဝဲစုာ်စုာ်လီၤ.

¹⁴ ဒီးနမ့ၢ်ဆါကွံာ်တၢ်တမံၤမံၤဒီး ပှၤလၢနဃၢၤမ့ၢ်ဂ့ၤ, နမ့ၢ်ပှ့ၤတၢ်လၢပှၤလၢနဃၢၤအစုပူၤမ့ၢ်ဂ့ၤ, သုတဘၣ် မၤအၢလိာ်သုသးတဂၤဒီးတဂၤဘၣ်.

¹⁵ ဒ်နံၣ်ပူၤကွံာ်တၢ်သူၣ်ခုသးခုအကတီၢ် အတၢ်ဂံၢ်အ သိးန့ၣ် နဘၣ်ပှ့ၤတၢ်လၢပှၤလၢနဃၢၤလီၤ. ဒ်နံၣ်လၢ အသၣ်အိၣ်အတၢ်ဂံၢ်အသိးန့ၣ်ဘၣ်ဆါတၢ်ဒီးနၤလီၤ.

¹⁶ ဖဲဒၣ်အနံၣ်အါအဝဲအသိးန့ၣ် နဘၣ်မၤအါထီၣ်အပှ့ၤ လီၤ. ဒီးဖဲဒၣ်အနံၣ်စှၤဝဲအသိးန့ၣ်နဘၣ်မၤစှၤလီၤအပှ့ၤ လီၤ. အဂ့ၢ်ဒ်အံၤ, ဖဲဒၣ်တၢ်ဂံၢ်တၤသူၣ်တၤသၣ်အသိး န့ၣ်ဆါဝဲဒီးနၤလီၤ.

¹⁷ ဒီးသုတဘၣ်မၤအၢလိာ်သုသး တဂၤဒီးတဂၤဘၣ်. ဒီးနဘၣ်ပျံၤနကစၢ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ် ယွၤသုကစၢ်လီၤ.

¹⁸ ဒီးသုဘၣ်မၤယလုၢ်ယလၢ်, ဒီးတိၢ်န့ၢ်ယတၢ်စံၣ်ညီၣ်, ဒီးမၤအီၤလီၤ. ဒီးသုကအိၣ်ကဆိးလၢကီၢ်ပူၤန့ၣ်ကျၢၤ ကျၢၤလီၤ. ¹⁹ ဒီးဟီၣ်ခိၣ်ကဟ့ၣ်အတၤသၣ်, ဒီးသုက အီၣ်ကုးအီပှဲၤ, ဒီးသုကအိၣ်လၢအပူၤကျၢၤကျၢၤလီၤ.

²⁰ ဒီးသုမ့ၢ်စံး, နွံနံၣ်တနံၣ်န့ၣ်ပကအီၣ်တၢ်မနုၤလဲၣ်န့ၣ်, ကွၢ်ကွၢ်ပတဘၣ်ဖှံတၢ်ဘၣ်. ဒီးပတဘၣ်ထၢဖှိၣ်အတၤ သၣ်ဘၣ်န့ၣ်ဒီး, ²¹ ယကမၤလိာ်ယတၢ်ဆိၣ်ဂ့ၤဘၣ်လၢ သုလိၤဃုနံၣ်တနံၣ်အတီၢ်ပူၤ, ဒီးကသၣ်ထီၣ်လၢသၢ နံၣ်အဂီၢ်လီၤ. ²² ဒီးဃိးနံၣ်တနံၣ်န့ၣ်သုဘၣ်ဖှံတၢ်, ဒီးအီၣ် တၤသၣ်လီၢ်လံၤတုၤလီၤလၢ ခွံနံၣ်တနံၣ်ဖဲအတၤသၣ် တချုးဟဲထီၣ်ဘၣ်ဒီး သုကအီၣ်တၢ်လီၢ်လံၤလီၤ.

²³ ဟီၣ်ခိၣ်တဘၣ်တၢ်ဆါကွံာ်ဘၣ်အီၤ အထူအယိာ် ဘၣ်. အဂ့ၢ်ဒ်အံၤ, ဟီၣ်ခိၣ်န့ၣ်မ့ၢ်ယတၢ်လီၤ. ဒီးသု မ့ၢ်ပှၤတခီဘီမုၢ်ဖိ, ဒီးပှၤတမှံၤလၢယမဲာ်ညါလီၤ.

²⁴ ဒီးလၢဟီၣ်ခိၣ်လၢ သုန့ၢ်ဘၣ်ဒီဘ့ၣ်ညါအပူၤ, သု ဘၣ်ဟ့ၣ်ပှၤပှ့ၤက့ၤအဟီၣ်ခိၣ်လီၤ.

²⁵ နဒီပုၢ်ဝဲၢ်တဂၤမ့ၢ်ဖှီၣ်လီၤ, ဒီးဆါကွံာ်အတၢ်ဟံးဃာ် ဒီး, ပှၤလၢအဘူးကတၢၢ်ဒီးအီၤဘၣ်ဟဲဒီး ပှ့ၤက့ၤတၢ် လၢအဒီပုၢ်ဝဲၢ်ဆါကွံာ်ဝဲန့ၣ်လီၤ. ²⁶ ဒီးပှၤတဂၤန့ၣ်အပှၤ ပှ့ၤက့ၤတၢ်မ့ၢ်တအိၣ်ဘၣ်, ဒီးအစုဒၣ်ဝဲန့ၣ်မ့ၢ်ချုးန့ၢ်တၢ် အကြၢးအဘၣ်လၢအပှ့ၤက့ၤအီၤဒီး, ²⁷ လၢအဆါကွံာ် တၢ်လံၤလံၤန့ၣ် မ်အဂံၢ်အနံၣ်အလါ, ဒီးလၢအတၢ်အါ ထီၣ်န့ၣ်မ်အဟ့ၣ်က့ၤပှၤလၢ အဝဲဆါကွံာ်တ့ၢ်အတၢ် လၢအီၤတက့ၢ်, ဒီးကက့ၤက့ၤဆူအတၢ်ဟံးဃာ်န့ၣ်လီၤ.

²⁸ ဒီးအစုမ့ၢ်တချုးန့ၢ်ဘၣ်တၢ်အကြၢးအဘၣ် လၢအက ဟ့ၣ်က့ၤအီၤဒီး တၢ်လၢအဘၣ်တၢ်ဆါကွံာ်အီၤန့ၣ်က အိၣ်ဒံးလၢပှၤလၢအပှ့ၤအီၤအစုပူၤ တုၤတၢ်သူၣ်ခုသးခု အနံၣ်လီၤ. ဒီးလၢတၢ်သူၣ်ခုသးခုအနံၣ်န့ၣ်ကဟးထီၣ် ကွံာ်, ဒီးအဝဲဒၣ်ကက့ၤဆူအတၢ်ဟံးဃာ်လီၤ.

²⁹ ဒီးပှၤမ့ၢ်ဆါကွံာ် တၢ်အိၣ်တၢ်ဆိးအဟံၣ်တဖျၢၣ်လၢ ဝ့ၢ်အိၣ်ဒီးအခိၣ်ဒူဒီး, လၢအဆါကွံာ်အလီၢ်ခံတနံၣ်ညါ န့ၣ်ပှ့ၤက့ၤအီၤသ့လီၤ. တနံၣ်ညါအတီၢ်ပူၤန့ၣ်တၢ်ဟ့ၣ် အပှ့ၤက့ၤအီၤလီၤ.

³⁰ ဒီးမ့ၢ်တပှ့ၤက့ၤဘၣ်လၢတနံၣ်ညါအပူၤဒီး, ဟံၣ်လၢ အအိၣ်လၢဝ့ၢ်အိၣ်ဒီးအခိၣ်ဒူတဖျၢၣ်န့ၣ် ကအိၣ်စံာ်အိၣ် ကျၢၤဒီးပှၤလၢအပှ့ၤအီၤ လီၤလၢအစၢၤအသွဲၣ်ခဲလၢာ် လီၤ. တဘၣ်ဟးထီၣ်လၢတၢ်သူၣ်ခုသးခုအကတီၢ်ဘၣ်.

³¹ မ့မ့ၢ်ဟံၣ်ဧိၤဃီဧိၤအိၣ်ဝဲလၢ သဝီလၢအခိၣ်ဒူဝးတရံး အီၤတအိၣ်ဘၣ်တဖၣ်န့ၣ်, တၢ်ဘၣ်ပာ်အီၤဒ်စံာ်ဧိၤပှဲၤ ဧိၤလၢခိအသိးန့ၣ်လီၤ. တၢ်ဟ့ၣ်ပှၤပှ့ၤက့ၤအီၤ, ဒီးက ဟးထီၣ်ကွံာ်လၢတၢ်သူၣ်ခုသးခုအကတီၢ်လီၤ.

³² ဘၣ်ဆၣ်ဒီးပှၤလ့ၤဝံဖိအဝ့ၢ်တဖၣ်န့ၣ် ဒီးအဟံၣ်အ ဃီလၢအဝ့ၢ်လၢအကဲထီၣ် အတၢ်ဟံးဃာ်န့ၣ်တၢ်ဟ့ၣ် ပှၤလ့ၤဝံဖိပှ့ၤက့ၤအီၤတဘျီလၢ်လၢ်လီၤ.

³³ ဒီးပှၤလ့ၤဝံဖိမ့ၢ်ပှ့ၤက့ၤတၢ်ဒီး, အဟံၣ်လၢတၢ်ဆါ ကွံာ်အီၤ, ဒီးအဝ့ၢ်လၢအကဲထီၣ်အတၢ်ဟံးဃာ်ဘၣ် ဟးထီၣ်ကွံာ်လၢတၢ်သူၣ်ခုသးခုအကတီၢ်လီၤ. အဂ့ၢ် ဒ်အံၤ, ဟံၣ်ဧိၤဃီဧိၤလၢပှၤလ့ၤဝံဖိအဝ့ၢ်ပူၤန့ၣ် မ့ၢ်အ တၢ်ဟံးဃာ်လၢပှၤအံၣ်စရ့လးဖိအကျါလီၤ.

³⁴ ဒီးအစံာ်အပှဲၤလၢအဝ့ၢ်ဃၢၤတဖၣ်န့ၣ် တဘၣ်ဘၣ် တၢ်ဆါကွံာ်အီၤဘၣ်. အဂ့ၢ်ဒ်အံၤ, မ့ၢ်အတၢ်ဟံးဃာ် အထူအယိာ်လီၤ.

³⁵ ဒီးနဒီပုၢ်ဝဲၢ်မ့ၢ်ဖှီၣ်လီၤ, ဒီးအစုလီၤစၢ်ဒီးနၤဒီး, န ဘၣ်ဒုးဆူၣ်ထီၣ် အဂံၢ်အဘါ, ပှၤတခီဘီမုၢ်ဖိမ့ၢ်ဂ့ၤ, ပှၤတမှံၤမ့ၢ်ဂ့ၤ, ဒ်သိးအကမူဒီးနၤလီၤ.

³⁶ စ့အအ့ၣ်မ့ၢ်ဂ့ၤ, တၢ်အါထီၣ်မ့ၢ်ဂ့ၤ, ဟံးန့ၢ်လၢအီၤ တဂ့ၤ. ဒီးပျံၤနကစၢ်, ဒီးဒုးမူနဒီပုၢ်ဝဲၢ်ဒီးနၤတက့ၢ်.

³⁷ နတဘၣ်ဟ့ၣ်အီၤလၢနစ့လၢ တၢ်အ့ၣ်ထီၣ်အဂီၢ် ဘၣ်. ဒီးနတဘၣ်ဟ့ၣ်အီၤလၢ နတၢ်အီၣ်လၢတၢ်အါ ထီၣ်အဂီၢ်ဘၣ်.

³⁸ ယဲဒၣ်အံၤ ယမ့ၢ်ယွၤသုကစၢ်လၢအဒုးဟးထီၣ်ကွံာ် သုလၢကီၢ်အဲၤကူပတူးအပူၤ, ဒ်သိးယကဟ့ၣ်လီၤသု လၢကီၢ်ကနၤဧၣ်, ဒီးကဲထီၣ်သုကစၢ်လီၤ. ³⁹ ဒီးနဒီပုၢ်ဝဲၢ်လၢနဃၢၤမ့ၢ်ဖှီၣ်လီၤ, ဒီးဘၣ်တၢ်ဆါကွံာ်အီၤလၢနၤဒီး, နတဘၣ်မၢအမၤနကုၢ်နပှၤအတၢ်ဘၣ်,―

⁴⁰ ဒ်ပှၤဒိးလဲအသးအသိး, ဒ်ပှၤတမှံၤအသိးန့ၣ် ကဘၣ် အိၣ်ဒီးနၤလီၤ. ကမၤနတၢ်တုၤလၢတၢ်သူၣ်ခုသးခုအ နံၣ်လီၤ. ⁴¹ တုၤနုၤတဘျီကဟးထီၣ်ဝဲလၢနအိၣ်, အ ဝဲဒၣ်ဒီးအဖိအလံၤအိၣ်ဒီးအီၤ, ဒီးကက့ၤက့ၤဆူအဒူၣ် ဒၣ်ဝဲအအိၣ်, ဒီးဖဲအပၢ်တဖၣ်အတၢ်ဟံးဃာ်အအိၣ် န့ၣ်ကက့ၤက့ၤဝဲလီၤ.

⁴² အဂ့ၢ်ဒ်အံၤ, အဝဲသ့ၣ်တဖၣ်မ့ၢ်ယခ့ယပှၤလၢယဒုး ဟးထီၣ်ကွံာ်လၢကီၢ်အဲၤကူပတူးအပူၤန့ၣ်လီၤ. တဘၣ် ဘၣ်တၢ်ဆါကွံာ်အီၤဒ်ပှၤအကုၢ်အပှၤအသိးဘၣ်. ⁴³ န တဘၣ်ပၢအီၤဒီး နစုဆူၣ်နခီၣ်သကးဘၣ်. မ့မ့ၢ်န ဘၣ်ပျံၤနကစၢ်လီၤ.

⁴⁴ နကုၢ်ပိာ်ခွါတဖၣ်, ဒီးနကုၢ်ပိာ်မုၣ်တဖၣ်, လၢအ အိၣ်ဒီးနၤန့ၣ် ကမ့ၢ်ပှၤကလုာ်တဖၣ်အဖိလၢအအိၣ်ဝး တရံးသုလီၤ. သုကန့ၢ်ဘၣ်ကုၢ်ပိာ်ခွါ, ဒီးကုၢ်ပိာ်မုၣ် လၢအီၤလီၤ.

⁴⁵ ဒီးသုကန့ၢ်ဘၣ်စ့ၢ်ကီးလၢ အပှၤကလုာ်တဖၣ်အဖိ လၢအအိၣ်ဝဲဆိးဝဲလၢသုကျါ, ဒီးလၢပှၤအဒူၣ်ဖိလၢအ အိၣ်ဒီးသု, လၢအထီၣ်ဖိလၢသုကီၢ်ပူၤ, ဒီးကကဲလၢ သုတၢ်ဟံးဃာ်လီၤ.

⁴⁶ ဒီးသုကန့ၢ်ဘၣ်သါအီၤ လၢသုဖိသုလံၤအဂီၢ်လၢသု လီၢ်ခံန့ၣ်ဒ်သိးအကန့ၢ်ဘၣ်သါဝဲလၢ အတၢ်ဟံးဃာ် လီၤစိၤလီၤထီလီၤ. မ့မ့ၢ်သုဒီပုၢ်ဝဲၢ်ပှၤအံၣ်စရ့လးဖိအံၤ, သုတဘၣ်ပၢလိာ်သုသးသကိးသကိးဒီး သုစုဆူၣ်ခီၣ် သကးဘၣ်. ⁴⁷ ဒီးပှၤတခီဘီမုၢ်ဖိမ့ၢ်ဂ့ၤ, ပှၤတမှံၤမ့ၢ်ဂ့ၤ, မ့ၢ်ထူးထီၣ်တီၤထီၣ်ဒီးနၤ, ဒီးနဒီပုၢ်ဝဲၢ်အိၣ်လၢအဃၢၤမ့ၢ်ဖှီၣ်လီၤ, ဒီးဆါလီၤကွံာ်အသးလၢပှၤတခီဘီမုၢ်ဖိဂ့ၤ, ပှၤတမှံၤဂ့ၤ, လၢပှၤတခီဘီမုၢ်ဖိအဒူၣ်ဖိဂ့ၤအိၣ်လၢနဃၢၤဒီး,―

⁴⁸ ဆါလီၤကွံာ်အသးအလီၢ်ခံန့ၣ် တၢ်ဟ့ၣ်ပှၤကပှ့ၤက့ၤ အီၤလီၤ. အဒီပုၢ်ဝဲၢ်တဂၤဂၤကပှ့ၤက့ၤအီၤလီၤ. ⁴⁹ အဖါ တံၢ်မ့ၢ်ဂ့ၤ, အဖါတံၢ်အဖိမ့ၢ်ဂ့ၤ, ကပှ့ၤက့ၤအီၤလီၤ. အဘူးအတံၢ်လၢအဒူၣ်ဒၣ်ဝဲတဂၤဂၤကပှ့ၤက့ၤအီၤလီၤ. ဒီးအစုမ့ၢ်ချုးန့ၢ်တၢ်ဒီး, ကပှ့ၤက့ၤလီၤအသးလီၤ.

⁵⁰ ဒီးဘၣ်ဂံၢ်တၢ်ဒီးပှၤလၢအပှ့ၤအီၤလၢ နံၣ်လၢအဆါ လီၤကွံာ်အသးတုၤလီၤလၢ တၢ်သူၣ်ခုသးခုအနံၣ်, ဒီး အပှ့ၤန့ၣ်ကဒ်အနံၣ်အလါအသိးလီၤ. ကမၤအသးဒီး အီၤဒ်ပှၤဒိးလဲဖိအမုၢ်နံၤတဖၣ်အသိးန့ၣ်လီၤ. ⁵¹ ဒီးမ့ၢ် အိၣ်ဒံးအါနံၣ်ဒီး, ဒ်အဝဲသ့ၣ်အသိးန့ၣ်ဘၣ်ဟ့ၣ်က့ၤ အပှ့ၤလၢစ့လၢတၢ်ပှ့ၤအီၤအပူၤလီၤ.

⁵² ဒီးမ့ၢ်အိၣ်ဒံးစှၤနံၣ်တုၤလၢ တၢ်သူၣ်ခုသးခုအနံၣ်ဒီး, ဘၣ်ဂံၢ်တၢ်ဒီးအီၤ, ဒီးဒ်အနံၣ်အိၣ်ဝဲအသိးန့ၣ်ဘၣ်ဟ့ၣ် က့ၤအတၢ်ပှ့ၤက့ၤန့ၣ်လီၤ. ⁵³ ဒ်ပှၤဒိးလဲအသးတနံၣ်တ နံၣ်အသိးန့ၣ်ကအိၣ်ဒီးအီၤလီၤ. တဘၣ်ပၢအီၤဒီးအစု ဆူၣ်အခီၣ်သကးလၢနမဲာ်ညါဘၣ်.

⁵⁴ ဒီးမ့ၢ်တပှ့ၤက့ၤဘၣ်အီၤလၢ တၢ်အံၤတဖၣ်ဘၣ်ဒီး, ကဟးထီၣ်ကွံာ်လၢတၢ်သူၣ်ခုသးခုအနံၣ်, အဝဲဒၣ်ဒီး အဖိအလံၤအိၣ်ဒီးအီၤလီၤ.

⁵⁵ အဂ့ၢ်ဒ်အံၤ, ပှၤအံၣ်စရ့လးဖိမ့ၢ်တၢ်အခ့အပှၤလၢယ ဂီၢ်လီၤ. အဝဲသ့ၣ်တဖၣ်န့ၣ်မ့ၢ်ယခ့ယပှၤလၢယဒုးဟး ထီၣ်ကွံာ်လၢ ကီၢ်အဲၤကူပတူးအပူၤလီၤ. ယဲဒၣ်အံၤ, ယမ့ၢ်ယွၤသုကစၢ်လီၤ.

၂၆

¹ တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤ, သု တတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်အထူၣ် အိၣ်ဒီးတၢ်ဂီၤတဂ့ၤ. ဒီးသုတပာ်လၢၢ်အိၣ်ဒီးတၢ်ဂီၤတ ဖၣ်လၢအလိၤလၢသုကီၢ်ပူၤ, ဒ်သိးသုကဘါအီၤန့ၣ်တ ဂ့ၤ. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤသုကစၢ်လီၤ.

² သုဘၣ်တိၢ်န့ၢ်ယအိၣ်ဘှံးအနံၤတဖၣ်, ဒီးယူးယီၣ် ယလီၢ်စီဆှံလီၤ. ယဲဒၣ်အံၤယမ့ၢ်ယွၤလီၤ.

³ သုမ့ၢ်လဲၤတၢ်လၢယလုၢ်ယလၢ်အပူၤ, ဒီးတိၢ်န့ၢ်ယ တၢ်မၤလိာ်, ဒီးမၤအီၤဒီး, ⁴ ယကဟ့ၣ်လီၤသုလၢတၢ် စူၤလၢအဆၢအကတီၢ်ဒၣ်ဝဲ, ဒီးဟီၣ်ခိၣ်ကဟ့ၣ်အတၢ် အါထီၣ်ဒီးသ့ၣ်လၢပှၢ်လၢ်ကျါန့ၣ်အတၤသၣ်, ⁵ ဒီးသု ယီၢ်ဘုကချုးန့ၢ်တၢ်ထၢဖှိၣ်စပံးသၣ်, ဒီးတၢ်ထၢဖှိၣ်စ ပံးသၣ်ကချုးန့ၢ်တၢ်ဖှံတၢ်အဆၢအကတီၢ်, ဒီးသုက အီၣ်ကုးအီပှဲၤ, ဒီးအိၣ်လၢသုကီၢ်ပူၤကျၢၤကျၢၤလီၤ.―

⁶ ဒီးယကပာ်လီၤတၢ်ဃူတၢ်ဖိးလၢထံဧိၤကီၢ်ဧိၤအပူၤ, ဒီး သုကမံလီၤ, ဒီးပှၤတမၤပျံၤမၤဖုးသုနီတဂၤဘၣ်, ဒီး ယကဒုးဟးထီၣ်ကွံာ် ဆၣ်ဖိကီၢ်ဖိအအၢလၢသုကီၢ်ပူၤ, ဒီးနးဧိၤဘီဧိၤတလဲၤခီဂာ်ဘၣ်သုကီၢ်ဘၣ်.

⁷ ဒီးသုကလူၤဟီထီၣ်ကွံာ်သုဒုၣ်သုဒါ, ဒီးကလီၤဃံၤ လၢသုမဲာ်ညါလၢနးဧိၤဘီဧိၤလီၤ. ⁸ ဒီးပှၤယဲၢ်ဂၤလၢသု ကျါကလူၤဟီထီၣ်ကွံာ်ပှၤတကယၤ, ဒီးပှၤတကယၤ လၢသုကျါကလူၤဟီထီၣ်ကွံာ်ပှၤတကလး, ဒီးသုဒုၣ် သုဒါကလီၤဃံၤလၢသုမဲာ်ညါလၢနးဧိၤဘီဧိၤလီၤ.

⁹ အဂ့ၢ်ဒ်အံၤ, ယကကွၢ်မဲာ်သု, ဒီးယကဒုးသၣ်ထီၣ် သု, ဒီးမၤအါထီၣ်သု, ဒီးဒုးအိၣ်ဂၢၢ်ဆိးကျၢၤယတၢ် အၢၣ်လီၤအီလီၤဒီးသုလီၤ.

¹⁰ ဒီးသုကအီၣ်တၢ်လီၢ်လံၤ, ဒီးစိာ်ထီၣ်ကွံာ်တၢ်လီၢ် လံၤလၢတၢ်အသီအဃိလီၤ.

¹¹ ဒီးယကပာ်ယအိၣ်ယဆိးအလီၢ်လၢသုကျါ, ဒီးယ တသးဘၣ်အၢဘၣ်သုဘၣ်. ¹² ဒီးယကလဲၤတၢ်လၢသု ကျါ, ဒီးယကမ့ၢ်သုကစၢ်, ဒီးသုမ့ၢ်ယပှၤဂီၢ်မုၢ်လီၤ.

¹³ ယဲဒၣ်အံၤယမ့ၢ်ယွၤသုကစၢ် လၢအဒုးဟးထီၣ်ကွံာ် သုလၢကီၢ်အဲၤကူပတူးအပူၤ, ဒ်သိးသုသုတမ့ၢ်လၢၤ အဝဲသ့ၣ်အကုၢ်အပှၤတဂ့ၤ. ဒီးယမၤကၢ်လံသုနီၣ်ယိး အဘိဒီးဒုးလဲၤထူၣ်ကလာ်သုလီၤ.

¹⁴ မ့မ့ၢ်သုမ့ၢ်တဒိကနၣ်ဘၣ်ယကလုၢ်, ဒီးတတိၢ်န့ၢ် ဘၣ်ယတၢ်မၤလိာ်ခဲလၢာ်. ¹⁵ ဒီးသုမ့ၢ်မၤတရီတပါယ လုၢ်ယလၢ်, ဒီးသုမ့ၢ်သးဘၣ်အၢယတၢ်စံၣ်ညီၣ်တုၤသု တတိၢ်န့ၢ်ဘၣ်ကယဲၢ်ယတၢ်မၤလိာ်ဘၣ်, ဒီးလုၣ်သ့ၣ် ခါပတာ်ယတၢ်အၢၣ်လီၤအီလီၤဒီး, ¹⁶ မ့ၢ်မးယကမၤသု လၢတၢ်အံၤလီၤ, ယကဒုးအိၣ်သကိးသုလၢတၢ်ပျံၤတၢ် ဖုး, တၢ်ဃဲၤလီၤကွံာ်, ဒီးတၢ်ညၣ်ဂိၢ်ကိၢ်လၢအကမၤ လၢာ်သုမဲာ်, ဒီးဒုးအိၣ်ထီၣ်တၢ်သူၣ်အုးသးအုး, ဒီးသု ကဖှံသုချံကလီကလီလီၤ. အဂ့ၢ်ဒ်အံၤ သုဒုၣ်သုဒါက အီၣ်ကွံာ်အီၤလီၤ.

¹⁷ ဒီးယကပာ်ထီဒါယမဲာ်လၢသုလိၤ, ဒီးသုကဘၣ်တၢ် မၤသံသုလၢသုဒုၣ်သုဒါအမဲာ်ညါလီၤ. ပှၤလၢအသး ဟ့သုကပၢသုလီၤ. တုၤပှၤတလူၤဘၣ်သုနီတဂၤဘၣ် ဒီး, သုကဃ့ၢ်လီၤ.

¹⁸ ဒီးလၢတၢ်န့ၣ်တဖၣ်အဃိ သုမ့ၢ်တဒိကနၣ်ဘၣ်ယ ကလုၢ်ဒီး, ယကသိၣ်ဃီၣ်ဒံးသုလၢသုတၢ်ဒဲးဘးအဃိ နွံဘျီဒံးလီၤ. ¹⁹ ဒီးယကမၤကၢ်ကွံာ်သုစိသုကမီၤအတၢ် ထီၣ်ထီ, ဒီးပာ်သုမူခိၣ်ဒ်ထးအသိး, ဒီးသုဟီၣ်ခိၣ်ဒ် တိၢ်အသိးန့ၣ်လီၤ. ²⁰ ဒီးသုကလၢာ်ဂံၢ်လၢာ်ဘါကလီ ကလီလီၤ. အဂ့ၢ်ဒ်အံၤ, ဟီၣ်ခိၣ်တဟ့ၣ်ဘၣ်အတၢ် အါထီၣ်ဘၣ်, ဒီးသ့ၣ်လၢဟီၣ်ခိၣ်န့ၣ်တသၣ်ထီၣ်ဘၣ် အတၤသၣ်ဘၣ်. ²¹ ဒီးသုမ့ၢ်လဲၤတၢ်ထီဒါဒီးယၤ, ဒီးတ ဒိကနၣ်ဘၣ်ယကလုၢ်ဘၣ်ဒီး, ယကဒုးဟဲဘၣ်ဒံးသု လၢတၢ်နးတၢ်ဖှီၣ်နွံဘျီဒံး, ဒ်သုတၢ်ဒဲးဘးအိၣ်ဝဲအသိး န့ၣ်လီၤ. ²² ဒီးယကမၢလီၤဆၣ်ဖိကီၢ်ဖိအမံၤလၢသုကျါ လၢအကမၤန့ၢ်ဆူသုဖိသုလံၤ, ဒီးမၤဟးဂီၤကွံာ်သုဆၣ် ဖိကီၢ်ဖိအဒၢ, ဒီးမၤစှၤလီၤသု, ဒီးသုကျဲဧိၤကပူၤဧိၤ ကအိၣ်သယုၢ်လီၤ.

²³ ဒီးသုမ့ၢ်တဃၣ်လိၤက့ၤဘၣ်သုသးလၢ တၢ်န့ၣ်တ ဖၣ်အဃိ, ဒီးလဲၤတၢ်ထီဒါယၤဒီး, ယကလဲၤတၢ်ထီ ဒါစ့ၢ်ကီးသု, ²⁴ ဒီးသိၣ်ဃီၣ်ဒံးသုလၢသုတၢ်ဒဲးဘးအဃိ နွံဘျီဒံးလီၤ. ²⁵ ဒီးယကဒုးလဲၤနုာ်နးလၢသုကျါလၢအ ကမၤကၣ်တၢ်လၢ ယတၢ်အၢၣ်လီၤအီလီၤအဃိလီၤ. ဒီးတုၤသုအိၣ်ဖှိၣ်ရိဖှိၣ်လၢသုဝ့ၢ်တဖၣ်အပူၤဒီး, ယက မၢလီၤတၢ်သံသတြိာ်လၢသုကျါလီၤ. ဒီးတၢ်ကဟ့ၣ် လီၤကွံာ်သုဆူသုဒုၣ်သုဒါအစုပူၤလီၤ.

²⁶ ဒီးတုၤယမၤကၢ်သုကိၣ်အနီၣ်ထိးဘိဒီး, ပိာ်မုၣ်ဆံ ဆဲၣ်ဂၤကကုၢ်ကိၣ်လၢဖၣ်ကပူၤတပူၤ, ဒီးပှၤကဟ့ၣ် လီၤသုကိၣ်လၢတၢ်လီၤတယၢၢ်, ဒီးသုကအီၣ်တၢ်, ဒီး တဘျဲးအီၣ်ဘၣ်လီၤ.

²⁷ ဒီးလၢတၢ်ခဲလၢာ်အဃိန့ၣ် သုမ့ၢ်တဒိကနၣ်ယက လုၢ်ဘၣ်, ဒီးလဲၤထီဒါယၤဒီး, ²⁸ ယကလဲၤထီဒါသုစ့ၢ် ကီးလၢတၢ်သးထီၣ်ဆူၣ်, ဒီးယကသိၣ်ဃီၣ်သု, လၢ သုတၢ်ဒဲးဘးအဃိနွံဘျီလီၤ. ²⁹ ဒီးသုကအီၣ်သုဖိခွါတ ဖၣ်အညၣ်, ဒီးသုဖိမုၣ်တဖၣ်အညၣ်န့ၣ်, သုကအီၣ် အီၤလီၤ. ³⁰ ဒီးယကမၤဟးဂီၤသုလီၢ်ထီၣ်ထီ, ဒီးယက ကူာ်လီၤကွံာ်သုတၢ်ဂီၤဃမၣ်, ဒီးယကကွံာ်တ့ၢ်ကွံာ် သုစိၣ်, လၢသုတၢ်ဂီၤအမိၢ်ပှၢ်အဖီခိၣ်, ဒီးယကသးဘၣ် အၢသုလီၤ. ³¹ ဒီးယကမၤသယုၢ်သုဝ့ၢ်တဖၣ်, ဒီးမၤဟး ဂီၤကွံာ်သုလီၢ်စီဆှံ, ဒီးယတနၢဘၣ်သုတၢ်နၢမူဘၣ်.

³² ဒီးယကမၤသယုၢ်ထံဧိၤကီၢ်ဧိၤ, ဒီးသုဒုၣ်သုဒါလၢ အအိၣ်အဆိးလၢအပူၤန့ၣ်ကပာ်အသးကမၢကမၣ်လီၤ.

³³ ဒီးယကမၤပြံပြါသုလၢ ပှၤကလုာ်ဂၤအကျါ, ဒီးယ ကဘီၣ်ထီၣ်နးတဘ့ၣ်လၢသုလီၢ်ခံ, ဒီးသုကီၢ်ကအိၣ် သယုၢ်, ဒီးသုဝ့ၢ်တဖၣ်ကဟးဂီၤလီၤ.

³⁴ တုၤနုၤတစုထံဧိၤကီၢ်ဧိၤကမုာ်လၤဝဲ လၢအတၢ်အိၣ် ဘှံးအနံၤတဖၣ်, ကယဲၢ်မုၢ်နံၤလၢအအိၣ်သယုၢ်, ဒီး သုအိၣ်လၢသုဒုၣ်သုဒါအကီၢ်ပူၤလီၤ. တုၤနုၤတစုထံ ဧိၤကီၢ်ဧိၤကအိၣ်ဘှံး, ဒီးမုာ်လၤလၢအအိၣ်ဘှံးအနံၤ တဖၣ်အပူၤလီၤ.

³⁵ မုၢ်နံၤခဲလၢာ်လၢကီၢ်အိၣ်သယုၢ်န့ၣ်ကအိၣ်ဘှံး, လၢ အတအိၣ်ဘှံးဘၣ်လၢအိၣ်ဘှံးအနံၤ လၢသုအိၣ်လၢအ ပူၤအဖၢမုၢ်အဃိလီၤ.

³⁶ ဒီးသုပှၤလၢအအိၣ်လီၤတဲာ်တဖၣ်န့ၣ် ယကဒုးလီၤ ဘှါအီၤလၢအဒုၣ်အဒါအကီၢ်ပူၤ, ဒီးသ့ၣ်လၣ်ဟူးဝးအ သီၣ်ကလူၤအီၤ, ဒီးကဃ့ၢ်ကွံာ်ဒ်လၢနးတဘ့ၣ်အအိၣ် အသိး, ဒီးပှၤမ့ၢ်တလူၤဘၣ်အီၤနီတဂၤဘၣ်ဒီး, က လီၤဃံၤဝဲလီၤ.

³⁷ ဒီးပှၤတလူၤအီၤနီတဂၤဘၣ်ဒီး, ကလီၤဃံၤလိာ်အ သးတဂၤလၢတဂၤအဖီခိၣ်, ဒ်အအိၣ်လၢနးဧိၤဘီဧိၤ အမဲာ်ညါအသိးန့ၣ်လီၤ. ဒီးသုဆၢထၢၣ်လၢသုဒုၣ်သု ဒါအမဲာ်ညါတကဲဘၣ်လီၤ.

³⁸ ဒီးသုကတုၤလၢတၢ်ဟးဂူာ်ဟးဂီၤ လၢပှၤကလုာ်တ ဖၣ်အကျါ, ဒီးသုဒုၣ်သုဒါအကီၢ်န့ၣ်ကအီၣ်ကွံာ်သုလီၤ.

³⁹ ဒီးသုပှၤလၢအအိၣ်လီၤတဲာ်တဖၣ် ကဃဲၤလီၤကွံာ် လၢအတၢ်ဒဲးဘးအပူၤ, လၢသုဒုၣ်သုဒါအကီၢ်ပူၤ, ဒီး လၢအပၢ်တဖၣ် အတၢ်ဒဲးဘးစ့ၢ်ကီးအပူၤန့ၣ် ကဃဲၤ လီၤကွံာ်ဝဲဒီးအီၤလီၤ.

⁴⁰ ဒီးကအၢၣ်လီၤအီလီၤအတၢ်ဒဲးဘး, ဒီးအပၢ်တဖၣ် အတၢ်ဒဲးဘး, ဒီးအတၢ်ကမၣ်လၢအမၤကမၣ်ယၤ, ဒီး လၢအလဲၤထီဒါယၤဒီး, ⁴¹ ယလဲၤထီဒါအီၤ, ဒီးဒုးလဲၤအီၤ ဆူအဒုၣ်အဒါအကီၢ်ပူၤန့ၣ်လီၤ. တုၤနုၤတစုအသးလၢ အတဒိးတၢ်ကူးတရံးဘၣ်မ့ၢ်ဆီၣ်လီၤအသး, ဒီးမ့ၢ်တူၢ် လိာ်တၢ်ဒဲးဘးလၢယဒုးဘၣ်အီၤဒီး, ⁴² ယကသ့ၣ်နီၣ် ထီၣ်က့ၤယတၢ်အၢၣ်လီၤအီလီၤဒီးစီၤယၤကိာ်, ဒီးယ တၢ်အၢၣ်လီၤအီၤလီၤဒီးစီၤအံၤစဲးစ့ၢ်ကီး, ဒီးယတၢ်အၢၣ် လီၤအီလီၤဒီးစီၤအၤဘြၤဟၣ်စ့ၢ်ကီး, ဒီးယကသ့ၣ်နီၣ် ထီၣ်က့ၤအီၤ, ဒီးယကသ့ၣ်နီၣ်ထီၣ်က့ၤထံဧိၤကီၢ်ဧိၤလီၤ.

⁴³ ဒီးထံဧိၤကီၢ်ဧိၤကဘၣ်တၢ်လဲၤသဒၣ်အီၤ, ဒီးကမုာ် လၤလၢအအိၣ်ဘှံးအနံၤ, ဖဲအအိၣ်သယုၢ်လၢအဝဲသ့ၣ် တအိၣ်ဘၢအဖၢမုၢ်န့ၣ်, ဒီးအဝဲသ့ၣ်တဖၣ်န့ၣ်ကတူၢ် လိာ်တၢ်ဒဲးဘးလၢအဘၣ်အီၤလီၤ. အဂ့ၢ်ဒ်အံၤ, မၤတ ရီတပါယတၢ်စံၣ်ညီၣ်တဖၣ်, ဒီးသးဘၣ်အၢယလုၢ် ယလၢ်လီၤ.

⁴⁴ ဘၣ်ဆၣ်ဒီးတုၤအအိၣ်လၢ အဒုၣ်အဒါအကီၢ်ပူၤဒီး, ယတကွံာ်တ့ၢ်ကွံာ်ဘၣ်အီၤဘၣ်. ဒီးယတသးဘၣ်အၢ အီၤတုၤယကမၤဟးဂီၤအီၤခဲလၢာ်, ဒီးမၤဟးဂီၤယတၢ် အၢၣ်လီၤအီလီၤဒီးအီၤဘၣ်. အဂ့ၢ်ဒ်အံၤ, ယမ့ၢ်ယွၤ အကစၢ်လီၤ.

⁴⁵ ဒီးလၢအဂီၢ်န့ၣ်ယကသ့ၣ်နီၣ်ထီၣ်က့ၤ အထူအထံး အတၢ်အၢၣ်လီၤအီလီၤ, လၢယဒုးဟးထီၣ်အီၤလၢကီၢ် အဲၤကူပတူးအပူၤလၢပှၤကလုာ်တဖၣ်အမဲာ်ညါ ဒ်သိး ယကမ့ၢ်အကစၢ်လီၤ. ယဲဒၣ်အံၤယမ့ၢ်ယွၤလီၤ.

⁴⁶ အန့ၣ်မ့ၢ်တၢ်အလုၢ်အလၢ်, ဒီးတၢ်စံၣ်ညီၣ်, ဒီးတၢ် သိၣ်တၢ်သီတဖၣ်, လၢယွၤပာ်လီၤလၢအဘၢၣ်စၢၤဒီး ပှၤအံၣ်စရ့လးဖိအဘၢၣ်စၢၤ, လၢစီၤမိၤရှ့အစုပူၤလၢ ကစၢၢ်စံၤနါအလိၤလီၤ.

၂၇

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤပှၤဆိၣ်လီၤ အသးလီၤဆီဒၣ်တၢ်ဒီး, ဖဲနပာ်အပှ့ၤန့ၣ် ပှၤတဂၤက အိၣ်လၢယွၤအဂီၢ်လီၤ.

³ ဒီးနမ့ၢ်ပာ်ပှၤပိာ်ခွါလၢ အသးပှၢ်အနံၣ်ခံဆံတုၤလၢ အသးပှၢ်အနံၣ်ဃုဆံအပှ့ၤဒီး နဘၣ်ပာ်အပှ့ၤလၢစ့ၡ က့လးယဲၢ်ဆံ, ဒ်တၢ်အလီၢ်စီဆှံအၡက့လးအသိးန့ၣ် လီၤ.

⁴ ဒီးမ့မ့ၢ်ပိာ်မုၣ်တဂၤဒီး, နဘၣ်ပာ်အပှ့ၤလၢစ့ၡက့လး သၢဆံလီၤ.

⁵ ဒီးမ့မ့ၢ်လၢအသးပှၢ်ယဲၢ်နံၣ် တုၤလၢအသးပှၢ်အနံၣ် ခံဆံဒီး, နဘၣ်ပာ်ပိာ်ခွါအပှ့ၤလၢစ့ၡက့လးခံဆံ, ဒီး ပိာ်မုၣ်လၢစ့ၡက့လးတဆံလီၤ.

⁶ ဒီးလၢအသးပှၢ်တလါတုၤလၢ အသးပှၢ်ယဲၢ်နံၣ်ဒီး, နဘၣ်ပာ်ပိာ်ခွါအပှ့ၤလၢစ့ယဲၢ်ၡက့လး, ဒီးနဘၣ်ပာ် ပိာ်မုၣ်အပှ့ၤလၢစ့သၢၡက့လးလီၤ.

⁷ ဒီးမ့မ့ၢ်လၢအသးပှၢ်အနံၣ်ဃုဆံဒီးအဖီခိၣ်ဒီး, နဘၣ် ပာ်ပိာ်ခွါအပှ့ၤလၢစ့တဆံယဲၢ်ၡက့လး, ဒီးပိာ်မုၣ်လၢ စ့ဆံဆဲၣ်ၡက့လးလီၤ.

⁸ ဒီးမ့ၢ်ဖှီၣ်န့ၢ်အပှ့ၤလၢနပာ်အီၤတက့ၢ်ဒီး, ဘၣ်ပာ်အ သးလၢပှၤလုၢ်တၢ်အဒိၣ်အမဲာ်ညါ, ဒီးပှၤလုၢ်တၢ်အဒိၣ် ဘၣ်ပာ်အပှ့ၤ, ဒ်ပှၤလၢအဆိၣ်လီၤအသး အစုချုးန့ၢ် တၢ်အသိးန့ၣ်, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ.

⁹ ဒီးမ့မ့ၢ်ဆၣ်ဖိကီၢ်ဖိလၢ ပှၤမၤဘူၣ်ယွၤလၢအီၤဒီး, ကယဲၢ်တၢ်လၢပှၤမၤဘူၣ်ယွၤလၢအီၤခဲလၢာ်န့ၣ် ကကဲ ထီၣ်တၢ်စီဆှံလီၤ.

¹⁰ တပာ်ဘၣ်တၢ်အဂၤလၢအလီၢ်ဘၣ်, ဒီးအဂ့ၤတဒု လၢအအၢတဒုအဂီၢ်မ့ၢ်ဂ့ၤ, အအၢတဒုလၢအဂ့ၤတဒု အဂီၢ်မ့ၢ်ဂ့ၤ, တဘၣ်လဲလိာ်အီၤဘၣ်. ဒီးမ့ၢ်လဲလိာ်တ ဒုလၢတဒုအဂီၢ်သပှၢ်တၢၢ်ဒီး, အဝဲတဒုဒီးတၢ်လၢအ လဲလိာ်တဒုကကဲထီၣ်တၢ်စီဆှံလီၤ.

¹¹ ဒီးမ့မ့ၢ်ဆၣ်ဖိကီၢ်ဖိတကဆှီဘၣ် တဒုဒုလၢပှၤတမၤ ဘၣ်လၢတၢ်လုၢ်လၢယွၤအဂီၢ်ဒီး, ကဘၣ်ပာ်ဆၣ်ဖိကီၢ် ဖိတဒုလၢပှၤလုၢ်တၢ်အဒိၣ်အမဲာ်ညါလီၤ. ¹² ဒီးဂ့ၤမ့ၢ်ဂ့ၤ, အၢမ့ၢ်ဂ့ၤ, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ. ဒ်ပှၤလုၢ် တၢ်အဒိၣ်နဲဒၣ်အံၤပာ်အပှ့ၤအသိးန့ၣ်ဘၣ်အိၣ်လီၤ.

¹³ ဒီးပှၤမ့ၢ်ပှ့ၤက့ၤအီၤသပှၢ်တၢၢ်ဒီး, ဘၣ်ပာ်ဖှိၣ်အပှ့ၤ ယဲၢ်ပူတပူလၢတၢ်လၢနပာ်အပှ့ၤအဖီခိၣ်လီၤ.

¹⁴ ဒီးတုၤပှၤပာ်စီဆှံအဟံၣ်တဖျၢၣ်လၢယွၤအဂီၢ်ဒီး, ဂ့ၤ မ့ၢ်ဂ့ၤ, အၢမ့ၢ်ဂ့ၤ, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ. ဒ်ပှၤလုၢ်တၢ်အဒိၣ်ပာ်အပှ့ၤအသိးန့ၣ် ကအိၣ်ဂၢၢ်အိၣ် ကျၢၤလီၤ.

¹⁵ ဒီးပှၤလၢအပာ်စီဆှံအီၤ, မ့ၢ်ပှ့ၤက့ၤအဟံၣ်ဒီး, တၢ် လၢနပာ်အပှ့ၤအစ့ယဲၢ်ပူတပူ ဘၣ်ပာ်ဖှိၣ်လၢအဖီခိၣ် လီၤ. အန့ၣ်ဒီးကကဲထီၣ်က့ၤအတၢ်လီၤ.

¹⁶ ဒီးပှၤမ့ၢ်ပာ်စီဆှံအစံာ်လၢ အအိၣ်ဒီးအီၤတကူာ်လၢ ယွၤအဂီၢ်ဒီး, နဘၣ်ပာ်အပှ့ၤဒ်အတၢ်ချံအသိးန့ၣ်လီၤ. ဘုမုယီၤအချံတဃိမ့ၢ်အပှ့ၤမ့ၢ်စ့ၡက့လးယဲၢ်ဆံလီၤ.

¹⁷ ဒီးမ့ၢ်ပာ်စီဆှံအစံာ်ဧိၤပှဲၤဧိၤ လၢတၢ်သူၣ်ခုသးခုအ နံၣ်လံၤလံၤဒီး, ဒ်နပာ်အပှ့ၤအသိးန့ၣ်ကအိၣ်ကျၢၤလီၤ.

¹⁸ ဒီးမ့ၢ်ပာ်စီဆှံအစံာ်လၢ တၢ်သူၣ်ခုသးခုအနံၣ်အလီၢ် ခံန့ၣ်ဒီး, ပှၤလုၢ်တၢ်အဒိၣ်ဘၣ်ဂံၢ်စ့လၢအဂီၢ်, ဒ်နံၣ်တ ဖၣ်လၢအအိၣ်လီၤတဲာ်, တုၤလၢတၢ်သူၣ်ခုသးခုအနံၣ် အသိးလီၤ. ဒီးကဘၣ်တၢ်ထုးထီၣ်ကွံာ်အီၤလၢနပာ်အ ပှ့ၤအပူၤလီၤ.

¹⁹ ဒီးပှၤလၢအပာ်စီဆှံစံာ်ဧိၤပှဲၤဧိၤန့ၣ် မ့ၢ်ပှ့ၤက့ၤအီၤသ ပှၢ်တၢၢ်ဒီး, ဘၣ်ပာ်ဖှိၣ်စ့လၢနပာ်အပှ့ၤယဲၢ်ပူတပူလၢ အဖီခိၣ်, ဒီးကအိၣ်စံာ်အိၣ်ကျၢၤဝဲလၢအဂီၢ်လီၤ. ²⁰ ဒီးပှၤမ့ၢ်တပှ့ၤက့ၤဘၣ်စံာ်မ့ၢ်ဂ့ၤ, မ့ၢ်ဆါကွံာ်တ့ၢ်အီၤလၢပှၤဂၤမ့ၢ်ဂ့ၤဒီး, တဘၣ်ပှ့ၤက့ၤလၢၤဘၣ်အီၤဘၣ်.―

²¹ ဒီးတုၤစံာ်ဧိၤပှဲၤဧိၤဟးထီၣ်လၢ တၢ်သူၣ်ခုသးခုအနံၣ် ဒီး, ကကဲထီၣ်တၢ်စီဆှံလၢယွၤအဂီၢ်, ဒ်စံာ်လၢတၢ် ဟ့ၣ်လီၤကွံာ်အီၤအသိးန့ၣ်လီၤ. ပှၤလုၢ်တၢ်အဒိၣ်ကန့ၢ် ဘၣ်အီၤလီၤ.

²² ဒီးပှၤမ့ၢ်ပာ်စီဆှံစံာ်တပူၤလၢ အပှ့ၤဝဲလၢယွၤအဂီၢ်, လၢအတမ့ၢ်ဘၣ်တၢ်လၢအန့ၢ်ဘၣ်သါဒီး, ²³ ပှၤလုၢ်တၢ် အဒိၣ်ဘၣ်ဂံၢ်န့ၢ်အီၤအပှ့ၤလၢ နပာ်တုၤလၢတၢ်သူၣ်ခု သးခုအနံၣ်, ဒီးဘၣ်ဟ့ၣ်အပှ့ၤလၢနပာ်လၢမုၢ်နံၤန့ၣ် လၢတၢ်စီဆှံလၢယွၤအဂီၢ်လီၤ.

²⁴ ဒီးလၢတၢ်သူၣ်ခုသးခုအနံၣ်န့ၣ် စံာ်ဧိၤပှဲၤဧိၤကက့ၤ က့ၤဆူပှၤလၢအဆါကွံာ်အီၤ, ပှၤလၢဟီၣ်ခိၣ်န့ၣ်မ့ၢ်အ တၢ်ဟံးဃာ်တဂၤန့ၣ်လီၤ.

²⁵ ဒီးနပာ်အပှ့ၤခဲလၢာ်န့ၣ် ဘၣ်ဒ်တၢ်အလီၢ်စီဆှံအၡ က့လးအသိးန့ၣ်လီၤ. က့ရၤခံဆံန့ၣ်မ့ၢ်တၡက့လးလီၤ.

²⁶ မ့မ့ၢ်ဆၣ်ဖိကီၢ်ဖိအဝဲၢ်ကိလၢ အမ့ၢ်ယွၤအတၢ်ဝဲၢ်ကိ န့ၣ်ပှၤတဘၣ်ပာ်စီဆှံအီၤနီတဂၤဘၣ်. ဂီၤဖံးမ့ၢ်ဂ့ၤ, သိ ဒီးမဲာ်တဲးလဲးမ့ၢ်ဂ့ၤ, မ့ၢ်ယွၤအတၢ်လီၤ.

²⁷ ဒီးမ့မ့ၢ်ဆၣ်ဖိကီၢ်ဖိတကဆှီဘၣ်ဒီး, ဘၣ်ပှ့ၤက့ၤအီၤ ဒ်နပာ်အပှ့ၤအသိးန့ၣ်, ဒီးဘၣ်ပာ်ယဲၢ်ပူတပူလၢအဖီ ခိၣ်လီၤ. ဒီးမ့ၢ်တပှ့ၤက့ၤအီၤဘၣ်ဒီး ဘၣ်ဆါကွံာ်အီၤ, ဒ်နပာ်အပှ့ၤအသိးန့ၣ်လီၤ.

²⁸ ဘၣ်ဆၣ်ဒီးတၢ်လၢပှၤပာ်အီၤဒီး တၢ်ဆိၣ်လၢပှၤဆိၣ် တၢ်ဒီးပာ်လၢယွၤအဂီၢ်လၢ ကယဲၢ်အတၢ်ဖိတၢ်လံၤအ ကျါ, ပှၤကညီဂ့ၤ, ဆၣ်ဖိကီၢ်ဖိဂ့ၤ, စံာ်ဧိၤပှဲၤဧိၤလၢ အမ့ၢ်အတၢ်ဟံးဃာ်ဂ့ၤ, တၢ်တဘၣ်ဆါကွံာ်ဒီးတၢ်တ ဘၣ်ပှ့ၤက့ၤအီၤနီတမံၤဘၣ်. ကယဲၢ်တၢ်လၢပှၤပာ်ဒီး တၢ်ဆိၣ်န့ၣ်မ့ၢ်တၢ်စီဆှံကတၢၢ်လၢယွၤအဂီၢ်လီၤ.

²⁹ တၢ်လၢအဘၣ်တၢ်ပာ်ဒီးတၢ်ဆိၣ်လၢ ပှၤကညီပာ် ဒီးတၢ်ဆိၣ်န့ၣ် ပှၤတဘၣ်ပှ့ၤက့ၤနီတဂၤဘၣ်. သံဒီး ကသံလီၤ.

³⁰ ဒီးဟီၣ်ခိၣ်အတၢ်ချံမ့ၢ်ဂ့ၤ, သ့ၣ်အသၣ်မ့ၢ်ဂ့ၤ, ကယဲၢ် တၢ်ဘၣ်ဃးဒီးဟီၣ်ခိၣ် ဆံဆဲၣ်ပူတပူန့ၣ်မ့ၢ်ယွၤအတၢ် လီၤ. မ့ၢ်တၢ်စီဆှံလၢယွၤအဂီၢ်လီၤ.

³¹ ဒီးပှၤမ့ၢ်ပှ့ၤက့ၤအတၢ်ဆံဆဲၣ်ပူတပူဒီး, ဘၣ်ပာ်ဖှိၣ် လၢအဖီခိၣ်ယဲၢ်ပူတပူလီၤ.

³² ဒီးကယဲၢ်ဂီၤဖံးဆံဆဲၣ်ဒုတဒုမ့ၢ်ဂ့ၤ, သိမဲာ်တဲးလဲး ဆံဆဲၣ်ဒုတဒုမ့ၢ်ဂ့ၤ, ဖဲဒၣ်တၢ်လၢအခီဂာ်တၢ်လၢနီၣ် ထိးဘိအဖီလာ်ခဲလၢာ်ဆံဆဲၣ်ဒုတဒု ကကဲထီၣ်တၢ်စီ ဆှံလၢယွၤအဂီၢ်လီၤ.

³³ ဒီးမ့ၢ်အဂ့ၤဧါမ့ၢ်အအၢဧါန့ၣ်တဘၣ်ဃု, ဒီးတဘၣ် လဲလိာ်အီၤဘၣ်. မ့ၢ်လဲလိာ်အီၤသပှၢ်တၢၢ်ဒီး, အဝဲ န့ၣ်ဒီးတၢ်လၢအလဲလိာ်လၢအီၤန့ၣ် ကကဲထီၣ်တၢ်စီ ဆှံလီၤ. တၢ်တဘၣ်ပှ့ၤက့ၤအီၤဘၣ်.

³⁴ တၢ်တဖၣ်န့ၣ်မ့ၢ်တၢ်မၤလိာ်လၢ ယွၤမၤလိာ်စီၤမိၤရှ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.