လံာ်စီၤယိၤရှူ

လံာ်စီၤယိၤရှူ

၁

¹ ဒီးယွၤအခ့အပှၤစီၤမိၤရှ့သံဝဲအလီၢ်ခံန့ၣ်, တၢ်မၤအ သးလၢ ယွၤကတိၤတၢ်ဒီးစီၤမိၤရှ့အခ့အပှၤ စီၤနိၣ် အဖိခွါ စီၤယိၤရှူ, ဒီးစံးဝဲဒၣ်, ² ယခ့ယပှၤစီၤမိၤရှ့သံ လံဝဲလံ, ဒီးခဲကနံၣ်အံၤ ဂဲၤဆၢထၢၣ်လဲၤခီဂာ် ယၢ် ဒ့ၣ်အံၤ, နဲဒၣ်, ဒီးပှၤဂီၢ်မုၢ်ခဲလၢာ်အံၤဆူ ကီၢ်လၢယ ဟ့ၣ်လီၤလၢအီၤ, လၢပှၤအံၣ်စရ့လးဖိန့ၣ်တက့ၢ်―

³ ကယဲၢ်တၢ်အလီၢ်ဖဲသုခီၣ်ညါသးယီၢ်အီၤ တပူၤလၢ် လၢ်န့ၣ်ယဟ့ၣ်သု, ဒ်ယစံးဘၣ်စီၤမိၤရှ့အသိးန့ၣ်လီၤ.

⁴ လၢပှၢ်မုၢ်ကနၢဒီးလဘၤနိၣ်အံၤတုၤလၢ ထံမိၢ်ပှၢ်ဖး ဒိၣ်ဖရၤသး, ပှၤဃ့ၤသးဖိအကီၢ်ဒီဘ့ၣ်ညါ, ဒီးတုၤလၢ ပီၣ်လဲၣ်ဖးဒိၣ်လၢမုၢ်နုာ်တခီန့ၣ်ကကဲထီၣ် သုကီၢ်အ ဃၢၤတဖၣ်န့ၣ်လီၤ.

⁵ ပှၤဆၢထၢၣ်လၢ နမဲာ်ညါသ့တအိၣ်ဘၣ် နီတဂၤ တစိၤဒၣ်နၤဘၣ်. ဒ်ယအိၣ်ဒီး စီၤမိၤရှ့အသိးန့ၣ် ယ ကအိၣ်ဒီးနၤလီၤ. ယတလီၤစၢ်ဘၣ်လၢ နဂီၢ်ဘၣ်, ယတလဲၤသဒၣ်ဘၣ်နၤဘၣ်. ⁶ ပာ်ဆူၣ်နသး, ဒီး တံးတဟီၣ်တက့ၢ်. အဂ့ၢ်ဒ်အံၤ, နကနီၤဖး ထံဧိၤ ကီၢ်ဧိၤလၢ ယဆိၣ်ဒီးအပၢ်တဖၣ်လၢ ယကဟ့ၣ်လီၤ အီၤလၢပှၤဂီၢ်မုၢ်အံၤအန့ၢ်ဘၣ်သါတၢ်အဂီၢ်လီၤ.

⁷ ထဲပာ်ဆူၣ်နသး, ဒီးတံးတဟီၣ်တက့ၢ်. ဒ်သိးန ကပလီၢ်နသး, ဒီးမၤတၢ်ဒ်ကယဲၢ်တၢ်သိၣ်တၢ်သီလၢ ယခ့ယပှၤစီၤမိၤရှ့မၤလိာ်နၤန့ၣ်တက့ၢ်. စုထွဲမ့ၢ်ဂ့ၤ, စုစ့ၣ်မ့ၢ်ဂ့ၤ, ဃၣ်ကပၤလၢအီၤတဂ့ၤ, ဒ်သိးဖဲနလဲၤ တၢ်တပူၤလၢ်လၢ်န့ၣ်နကဘီၣ်ထီၣ်လီၤ.

⁸ လံာ်တၢ်သိၣ်တၢ်သီအံၤ တဘၣ်ဟးထီၣ်ကွံာ်လၢ နထးခိၣ်ဘၣ်, မ့မ့ၢ်နဘၣ် ဆိကမိၣ်လၢ အပူၤလၢ မုၢ်ဆါဒီးလၢမုၢ်နၤ, ဒ်သိးနကပလီၢ်နသး, ဒီးမၤတၢ် ဒ်ကယဲၢ်တၢ်ကွဲးအသးလၢအပူၤလီၤ. အဂ့ၢ်ဒ်အံၤ, တုၤ နုၤတစုနကဒုးဘီၣ်ထီၣ် ညီထီၣ်နကျဲ, ဒီးနကမၤဒီး တၢ်ကူၣ်သ့လီၤ.

⁹ ယမၤလိာ်လံနၤလံ, တမ့ၢ်ဘၣ်ဧါ. ပာ်ဆူၣ်နသး ဒီးတံးတဟီၣ်တက့ၢ်. ပျံၤတၢ်တဂ့ၤ, ဘၣ်ယိၣ်တၢ် တဂ့ၤ အဂ့ၢ်ဒ်အံၤ, ယွၤနကစၢ်အိၣ်ဒီးနၤဖဲ နလဲၤ တၢ် တပူၤလၢ်လၢ်လီၤ. ¹⁰ ဒီးစီၤယိၤရှူ မၤလိာ်ပှၤဂီၢ်မုၢ် အပှၤကွဲးလံာ် ဒီးစံးဝဲ ဒၣ်, ¹¹ လဲၤခီဂာ်ပှၤသူၣ်ဒဲအလီၢ်, ဒီးမၤလိာ်ပှၤဂီၢ်မုၢ် ဒီးစံးကတဲာ်ကတီၤ သုတၢ်အီၣ်တၢ်အီတက့ၢ်. အ ဂ့ၢ်ဒ်အံၤ, လၢသၢနံၤအတီၢ်ပူၤန့ၣ်သုကခီဂာ်ယၢ်ဒ့ၣ် အံၤ ဒ်သိးသုကလဲၤနုာ်မၤန့ၢ် ထံဧိၤကီၢ်ဧိၤလၢ ယွၤ သုကစၢ်ဟ့ၣ်လီၤသုလၢ သုကမၤန့ၢ်အီၤလီၤ.

¹² ဒီးစီၤယိၤရှူကတိၤတၢ်ဒီး ပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ်, ဒီးစံးဝဲဒၣ်, ¹³ သ့ၣ်နီၣ်ထီၣ် က့ၤ တၢ်ကတိၤလၢ ယွၤအခ့အပှၤစီၤမိၤရှ့မၤလိာ်သု ဒီးစံး ယွၤသုကစၢ်ဟ့ၣ်လီၤသုလၢ တၢ်အိၣ်ဘှံး, ဒီး ဟ့ၣ်လီၤသုလၢကီၢ်တဘ့ၣ်အံၤလီၤ. ¹⁴ သုဖိသုမါ, သု ဖိသုလံၤ, ဒီးသုဆၣ်ဖိကီၢ်ဖိအဒၢတဖၣ်န့ၣ်ကအိၣ် လီၤတဲာ်လၢ ကီၢ်တဘ့ၣ်အပူၤလၢ စီၤမိၤရှ့ဟ့ၣ်လီၤ သုလၢ ယၢ်ဒ့ၣ်လၢအအံၤတခီလီၤ. မ့မ့ၢ် သုဝဲသ့ၣ် အံၤ သုဘၣ်လဲၤခီဂာ်တၢ်လၢ သုဒီပုၢ်ဝဲၢ်အမဲာ်ညါ အိၣ်ဒီးသုစုကဝဲၤ, ကယဲၢ်ပှၤသုးဖိ, ပှၤအဆူၣ်ခဲလၢာ် ဒီးမၤစၢၤအီၤ, ¹⁵ တုၤလီၤလၢ ယွၤဟ့ၣ်လီၤသုဒီပုၢ်ဝဲၢ် လၢတၢ်အိၣ်ဘှံးဒ် သုဝဲဒၣ်အသိးန့ၣ်, ဒီးအဝဲသ့ၣ်မၤ န့ၢ်စ့ၢ်ကီးကီၢ်တဘ့ၣ်လၢ ယွၤသုကစၢ်ဟ့ၣ်လီၤအီၤ လီၤ. တုၤနုၤတစုသုကက့ၤက့ၤဆူ သုကီၢ်လၢသုမၤ န့ၢ်အီၤတဘ့ၣ်, ဒီးသုကအိၣ်လၢအကီၢ်ပူၤ, လၢယွၤ အခ့အပှၤစီၤမိၤရှ့ဟ့ၣ်လီၤသုလၢ ယၢ်ဒ့ၣ်လၢအအံၤတ ခီ, ဆူမုၢ်ထီၣ်တခီလီၤ. ¹⁶ ဒီးအဝဲသ့ၣ်စံးဆၢစီၤယိၤရှူ, ဒီးစံးဝဲဒၣ်, ကယဲၢ်တၢ်လၢနမၤလိာ်ပှၤခဲလၢာ်န့ၣ် ပကမၤ, ဒီးဖဲဒၣ်နမၢ လီၤပှၤတပူၤလၢ်လၢ်န့ၣ် ပကလဲၤလီၤ. ¹⁷ ဒ်ပဒိကနၣ် စီၤမိၤရှ့အကလုၢ်လၢ တၢ်ကိးမံၤဒဲးအသိးန့ၣ်, ပကဒိ ကနၣ်နကလုၢ်ဒ်န့ၣ်သိးလီၤ. မ်ယွၤကစၢ်အိၣ်ဒီးနၤ, ဒ်အ အိၣ်ဒီးစီၤမိၤရှ့အသိးန့ၣ်တက့ၢ်. ¹⁸ ― ကယဲၢ်ပှၤလၢအပူ ထီၣ်နတၢ်မၤလိာ်, ဒီးတဒိကနၣ်ဘၣ်နကလုၢ်နကထါ လၢနမၤလိာ်တၢ်ခဲလၢာ်န့ၣ် ကဘၣ်တၢ်မၤသံအီၤကိး ဂၤဒဲးလီၤ. ထဲပာ်ဆူၣ်နသးဒီးတံးတဟီၣ်တက့ၢ်.

၂

¹ ဒီးစီၤနိၣ်အဖိခွါစီၤယိၤရှူမၢ ပှၤခံဂၤလဲၤတၢ်လၢ ၡံး တံၣ်ဒ်သိးအကကွၢ်ခူသူၣ်တၢ်, ဒီးစံးဝဲဒၣ်, လဲၤကွၢ် ဟုၣ်ကီၢ်တဘ့ၣ်န့ၣ်, ဒီးယရံၤဃိန့ၣ်တက့ၢ်. ဒီးလဲၤ ဝဲ, ဒီးလဲၤနုာ်လၢ ပှၤဃဲသဲမုၣ်နီၢ်ရၤဃးအဟံၣ်ပူၤ, ဒီး မံဖဲန့ၣ်လီၤ.

² ဒီးပှၤစံးဘၣ်ယရံၤဃိအစီၤပၤ ဒီးစံးဝဲၣ်, ကွၢ်ကွၢ်, လၢမုၢ်နၤအံၤ ပှၤဟဲဖဲအံၤ, လၢပှၤအံၣ်စရ့လးဖိအ ကျါတဖၣ်, ဒ်သိးအကဃုကွၢ်ကီၢ်အံၤလီၤ.

³ ဒီးယရံၤဃိ အစီၤပၤမၢလီၤ ပှၤဆူနီၢ်ရၤဃးအအိၣ် ဒီးစံးဝဲဒၣ်, ဟဲစိာ်ထီၣ်ပှၤတဖၣ်လၢအဟဲဆူနအိၣ်, လၢအလဲၤနုာ်လၢနဟံၣ်ပူၤန့ၣ်တက့ၢ်. အဂ့ၢ်ဒ်အံၤ, ဟဲ ဃုကွၢ်ကီၢ်ဒီဘ့ၣ်ညါအံၤလီၤ.

⁴ ဒီးပိာ်မုၣ်န့ၣ်ဟံးန့ၢ်ပှၤခံဂၤ, ဒီးပာ်ခူသူၣ်အီၤ, ဒီးစံး ဒ်အံၤ, ပှၤခံဂၤဟဲဆူယအိၣ်, ဘၣ်ဆၣ်ဒီးမ့ၢ်အဟဲ လၢလဲၣ်လၢလဲၣ်န့ၣ်ယတသ့ၣ်ညါဘၣ်. ⁵ ဒီးလၢပှၤကး တံာ်ဃာ်ဝ့ၢ်အပဲတရီန့ၣ်, တုၤတၢ်ခံးလီၤဒီး, တၢ်မၤ အသးလၢပှၤတဖၣ်န့ၣ် ဟးထီၣ်ကွံာ်ဝဲလီၤ. ဖဲပှၤတ ဖၣ်လဲၤတၢ်န့ၣ် ယတသ့ၣ်ညါဘၣ်. လူၤပိာ်အခံချ့ချ့ တက့ၢ်. အဂ့ၢ်ဒ်အံၤ, သုကချုးန့ၢ်အီၤလီၤ.

⁶ ဘၣ်ဆၣ်ဒီးအဝဲဒၣ် ဒုးလဲၤထီၣ်တ့ၢ်ပှၤတဖၣ်န့ၣ်ဆူ အဟံၣ်ခိၣ်, ဒီးကျၢၢ်ဘၢအီၤဒီးခီမၤအဘိတဖၣ်လၢအ ကတဲာ်ကတီၤတ့ၢ်ဝဲလၢဟံၣ်ခိၣ်န့ၣ်လီၤ.

⁷ ဒီးအဝဲသ့ၣ်တဖၣ်န့ၣ်လူၤအီၤလၢ ကျဲ လဲၤဆူယၢ် ဒ့ၣ်ပၢၢ်လၢတၢ်ခီဂာ်အလီၢ်န့ၣ်လီၤ. ဒီးတုၤပှၤလူၤတၢ် တဖၣ်ဟးထီၣ်ကွံာ်ဝဲဒီး, ပှၤကးတံာ်ဃာ်ဝ့ၢ်အပဲတရီ လီၤ.

⁸ ဒီးပှၤခံဂၤန့ၣ် တချုးမံဒံးဘၣ်ဒီး, ပိာ်မုၣ်လဲၤထီၣ် ဆူအအိၣ်လၢဟံၣ်ခိၣ်န့ၣ်, ⁹ ဒီးစံးဘၣ်ပှၤတဖၣ်န့ၣ်, ယ သ့ၣ်ညါလၢယွၤဟ့ၣ်လီၤ သုလၢထံဧိၤကီၢ်ဧိၤ, ဒီး တၢ်ပျံၤသုန့ၣ်လီၤဘၣ်ပှၤ, ဒီးပှၤကီၢ်ဖိလီၤဘှါခဲလၢာ်လၢသုဃိလီၤ. ¹⁰ ― အဂ့ၢ်ဒ်အံၤ, ပနၢ်ဟူလၢသုဟဲထီၣ် လၢအဲၤကူပတူးန့ၣ် ယွၤမၤလီၤသံးကွံာ်ပီၣ်လဲၣ်ဆှဲအ ထံလၢသုဂီၢ်, ဒီးတၢ်လၢသုမၤပှၤအမိၢ်ဖိအစီၤပၤခံဂၤ လၢအအိၣ်လၢယၢ်ဒ့ၣ်ဝၢ်ဘးခီ, စီၤစံဃိၣ်, ဒီးစီၤဧိာ်လၢသုမၤဟးဂီၤအီၤသပှၢ်တၢၢ်လီၤ. ¹¹ ဒီးတုၤပနၢ်ဟူ ဒီး ပသးပှံၢ်လီၤကွံာ်, ဒီးပသးတဆၢထၢၣ်လၢၤဘၣ် လၢပပူၤဘၣ်လၢသုဃိလီၤ. အဂ့ၢ်ဒ်အံၤ, ယွၤသုကစၢ် န့ၣ်မ့ၢ်ကစၢ်လၢမူခိၣ်ပူၤလၢထးခီ, ဒီးလၢဟီၣ်ခိၣ်ချၢ လာ်ခီလီၤ. ¹² ဒီးခဲကနံၣ်အံၤ ဆိၣ်လီၤသုသးဒီးယၤလၢယွၤအမဲာ်ညါ, လၢ, မ့ၢ်ယမၤသုလၢတၢ်ဘျုးတၢ်ဖှိၣ်ဒီး, သုကမၤတၢ်ဘျုးတၢ်ဖှိၣ်ဒီးယပၢ်အပှၤဟံၣ်ဖိ, ဒီး ဟ့ၣ်လီၤယၤလၢတၢ်ပနီၣ်အမ့ၢ်အတီ, ¹³ ဒီးဒုးမူဒံးယ မိၢ်, ဒီးယပၢ်, ဒီးယဒီပုၢ်ဝဲၢ်ပိာ်ခွါ, ဒီးယဒီပုၢ်ဝဲၢ်ပိာ်မုၣ်, ဒီးကယဲၢ်တၢ်အိၣ်ဒီးအီၤ, ဒီးမၤပူၤမၤဖျဲးပသးဒီးတၢ်သံ န့ၣ်တက့ၢ်.

¹⁴ ဒီးပှၤတဖၣ်န့ၣ်စံးဆၢအီၤ, ပတၢ်တဖၣ်အံၤ သုမ့ၢ် တဒုးနဲၣ်ဘၣ်ဒီး, ပသးကသံလၢ သုသးအလီၢ်န့ၣ် လီၤ. ဒီးတုၤယွၤဟ့ၣ်လီၤပှၤလၢထံဧိၤကီၢ်ဧိၤဒီး, တၢ် ကမၤအသးလၢပကမၤနၤဒီး တၢ်ဘျုးတၢ်ဖှိၣ်, ဒီးတၢ် မ့ၢ်တၢ်တီလီၤ.

¹⁵ ဒီးအဝဲဒၣ် စဲၤလီၤအီၤ လၢပျံၤလၢတၢ်ထူၣ်ဖျိတပူၤ လီၤ. အဂ့ၢ်ဒ်အံၤ, အဟံၣ်အိၣ်ဝဲလၢဝ့ၢ်ခိၣ်ဒူအဖီခိၣ်, ဒီး အိၣ်ဝဲဆိးဝဲလၢဝ့ၢ်ခိၣ်ဒူအဖီခိၣ်လီၤ.

¹⁶ ဒီးပိာ်မုၣ်စံးဘၣ်အီၤ, လဲၤထီၣ်ဆူကစၢၢ်ကလိ, ဒ်သိး ပှၤလူၤတၢ်အသုတဘၣ်သဃိာ်ဒီးသုတဂ့ၤ, ဒီးပာ်ခူ သူၣ်သုသးဖဲန့ၣ်သၢနံၤ, တုၤပှၤလူၤတၢ်တဖၣ်ဟဲက့ၤက ဒါက့ၤန့ၣ်တက့ၢ်. လၢခံက့ၤဒီးသုကလဲၤပိာ်ဘၣ်က့ၤသု ကျဲန့ၣ်လီၤ. ¹⁷ ဒီးပှၤတဖၣ်န့ၣ်စံးဝဲဒၣ်, တၢ်ဆိၣ်လၢနဒုးဆိၣ်ပှၤအံၤ, ပ ကအိၣ်ပူၤဖျဲးဒီးအီၤလီၤ. ¹⁸ ကွၢ်ကွၢ်, တုၤပဟဲနုာ်လၢထံ ဧိၤကီၢ်ဧိၤအပူၤဒီး, နဘၣ်စၢဃာ်လုၣ်ဂီၤတဘိအံၤလၢ တၢ်ထူၣ်ဖျိလၢနစဲၤလီၤပှၤလၢအပူၤ, ဒီးနဘၣ်ဟဲစိာ်န မိၢ်, ဒီးနပၢ်, ဒီးနဒီပုၢ်ဝဲၢ်, ဒီးနပၢ်အပှၤဟံၣ်ဖိခဲလၢာ်ဆူနအိၣ်လၢဟံၣ်ပူၤလီၤ. ¹⁹ ဒီးတၢ်ကမၤ အသးလၢ က ယဲၢ်ပှၤလၢအဟးထီၣ်ကွံာ် လၢနဟံၣ်အတြဲၤဆူကျဲပူၤ တဂၤလၢ်လၢ်န့ၣ်အသွံၣ်ကအိၣ်လၢအခိၣ်ဒၣ်ဝဲ, ဒီးပဝဲ ဒၣ်အံၤပတၢ်ဒဲးဘးတအိၣ်ဘၣ်. ဒီးပှၤလၢအအိၣ်ဒီးနၤ လၢ ဟံၣ်ပူၤကိးဂၤဒဲးန့ၣ် ပှၤအစုမ့ၢ်အိၣ်လၢအလိၤ ဒီး, အသွံၣ်ကအိၣ်လၢပခိၣ်လီၤ. ²⁰ ဒီးနမ့ၢ်ဒုးနဲၣ်ပတၢ် တဖၣ်အံၤဒီး, ပကပူၤဖျဲးဒီး နတၢ်ဆိၣ်လၢနဒုးဆိၣ် ပှၤလီၤ.

²¹ ဒီးစံးဝဲဒၣ်, မ်တၢ်မၤအသးဒ်သုတၢ်ကတိၤအသိး န့ၣ်တက့ၢ်. ဒီးပျၢ်အီၤ, ဒီးပှၤတဖၣ်န့ၣ်ဟးထီၣ်ကွံာ်, ဒီး ပိာ်မုၣ်န့ၣ်စၢဃာ်လုၣ်ဂီၤတဘိလၢတၢ်ထူၣ်ဖျိန့ၣ်လီၤ.

²² ဒီးပှၤတဖၣ်န့ၣ်လဲၤတၢ်, ဒီးဟဲဝဲဆူကစၢၢ်ကလိ, ဒီး အိၣ်ဝဲဖဲန့ၣ်သၢနံၤတုၤပှၤလူၤတၢ်န့ၣ် က့ၤကဒါက့ၤလီၤ. ဒီးပှၤလူၤတၢ်တဖၣ်န့ၣ် ဃုအီၤလၢကျဲဒီဘိညါ, ဒီးတ ထံၣ်ဘၣ်ဝဲဘၣ်.

²³ ဒီးပှၤခံဂၤန့ၣ်က့ၤက့ၤ, ဒီးလဲၤလီၤလၢ ကစၢၢ်လိၤ, ဒီးခီဂာ်တၢ်, ဒီးလဲၤဆူစီၤနိၣ်အဖိခွါစီၤယိၤရှူအအိၣ်, ဒီးစံးဘၣ်တဲဘၣ်အီၤလၢကယဲၢ်တၢ်လၢအဘၣ်တ့ၢ်အီၤ လီၤ.

²⁴ ဒီးစံးဘၣ်စီၤယိၤရှူ, မ့ၢ်မး ယွၤဟ့ၣ်လီၤကီၢ်ဒီဘ့ၣ် ညါလၢပစုပူၤလီၤ. အဂ့ၢ်ဒ်အံၤ, ပှၤကီၢ်ဖိခဲလၢာ်လီၤ ဘှါလၢပဃိလီၤ.

၃

¹ ဒီးမုၢ်ဆ့ၣ်ထီၣ်န့ၣ်စီၤယိၤရှူဂဲၤဆၢထၢၣ်ဂီၤဂီၤ, ဒီးဟး ဝဲလၢၡံးတံၣ်, ဒီးဟဲဝဲဆူယၢ်ဒ့ၣ်အနံၤ, အဝဲဒၣ်ဒီးပှၤအံၣ် စရ့လးဖိခဲလၢာ်, ဒီးအိၣ်ဝဲဖဲန့ၣ် သီတနၤကျၢၤလၢ အတချုးခီဂာ်ဒံးဘၣ်လီၤ.

² ဒီးလၢသၢနံၤအလီၢ်ခံန့ၣ်တၢ်မၤအသးလၢ ပှၤကွဲး လံာ်တဖၣ်လဲၤခီဂာ်ပှၤသူၣ်ဒဲအလီၢ်န့ၣ်လီၤ. ³ ဒီးမၤ လိာ်ပှၤဂီၢ်မုၢ်ဒီးစံးဝဲဒၣ်, တုၤသုထံၣ်ဘၣ်ယွၤသုကစၢ် အတၢ်အၢၣ်လီၤအီလီၤအတလါ, ဒီးပှၤလုၢ်တၢ်အဒိၣ် ဒီးပှၤလ့ၤဝံဖိတဖၣ်စိာ်အီၤဒီး, သုဘၣ်ဟးလၢသုလီၢ်, ဒီး လဲၤပိာ်အခံလီၤ. ⁴ ဘၣ်ဆၣ်ဒီးတၢ်အဘၢၣ်စၢၤဘၣ်အိၣ် လၢသုဒီးအဝဲန့ၣ် အဘၢၣ်စၢၤလီၤ. ထိၣ်ဝဲသတးဒီး, ဘၣ်အိၣ်အပျၢ် ခံကထိဃၣ်ဃၣ်လီၤ. သုဘူးသုသးဆူ အအိၣ်တဂ့ၤ. ဒ်သိးသုကသ့ၣ်ညါကျဲလၢသုဘၣ်လဲၤ အဂ့ၢ်လီၤ. အဂ့ၢ်ဒ်အံၤ, သုတပိာ်ဘၣ်ကျဲအံၤလၢထံးလၢ မကိာ်ဘၣ်.

⁵ ဒီးစီၤယိၤရှူ စံးဘၣ်ပှၤဂီၢ်မုၢ်, မၤစီဆှံလီၤသုသးတ က့ၢ် အဂ့ၢ်ဒ်အံၤ, ယွၤကမၤတၢ်လီၤလးတဖၣ်လၢသု ကျါခဲဂီၤကိာ်န့ၣ်လီၤ.

⁶ ဒီးစီၤယိၤရှူကတိၤတၢ်ဒီး ပှၤလုၢ်တၢ်အဒိၣ်, ဒီးစံးဝဲ ဒၣ်, ဟံးထီၣ်တၢ်အၢၣ်လီၤအီလီၤအတလါ, ဒီးခီဂာ်တၢ် လၢပှၤဂီၢ်မုၢ်အမဲာ်ညါတက့ၢ်. ဒီးအဝဲသ့ၣ်ဟံးထီၣ်တၢ် အၢၣ်လီၤအီလီၤအတလါ, ဒီးလဲၤဝဲလၢပှၤဂီၢ်မုၢ်အမဲာ် ညါလီၤ.

⁷ ဒီးယွၤစံးဘၣ်စီၤယိၤရှူ, တၢ်လၢမုၢ်မဆါတနံၤအံၤ ယကပာ်ဒိၣ်သီနၤလၢ အံၣ်စရ့လးအမဲာ်ညါ, ဒ်သိး အဝဲသ့ၣ်ကသ့ၣ်ညါဒ်ယအိၣ်ဒီး စီၤမိၤရှ့အသိးန့ၣ်ယ ကအိၣ်ဒီးနၤလီၤ. ⁸ ဒီးနဘၣ်မၤလိာ်ပှၤလုၢ်တၢ်အဒိၣ် လၢအစိာ်တၢ်အၢၣ်လီၤအီလီၤအတလါ, ဒီးစံး, တုၤသု လဲၤတုၤလၢယၢ်ဒ့ၣ်အထံနံၤဒီး, သုဘၣ်ဆၢထၢၣ်အိၣ် ထူၣ်ကလာ်လၢယၢ်ဒ့ၣ်အပူၤလီၤ. ⁹ ဒီးယိၤရှူစံးဘၣ် ပှၤအံၣ်စရ့လးဖိ, ဟဲဖဲအံၤ, ဒီးက နၣ်ယွၤသုကစၢ်အကလုၢ်ကထါန့ၣ်တက့ၢ်. ¹⁰ ဒီးစီၤယိၤ ရှူစံးဝဲဒၣ်, လၢတၢ်အံၤသုကသ့ၣ်ညါလၢကစၢ်မူအိၣ် ဝဲလၢသုကျါ, ဒီးလၢသုမဲာ်ညါန့ၣ်ကဟီထီၣ်ကွံာ်သပှၢ် တၢၢ်ပှၤကနၤဧၣ်ဖိ, ဒီးပှၤဃ့ၤသးဖိ, ဒီးပှၤဃံၤဝံဖိ, ဒီး ပှၤပရးစၤဖိ, ဒီးပှၤကံၢ်ကၣ်ဖိ, ဒီးပှၤအမိၢ်ဖိ, ဒီးပှၤ ယဘူၣ်ဖိန့ၣ်လီၤ. ကွၢ်ကွၢ်, ဟီၣ်ခိၣ်ဒီဘ့ၣ်ညါအကစၢ်အတၢ်အၢၣ် လီၤအီလီၤအတလါန့ၣ် လဲၤခီဂာ်တၢ်လၢသုမဲာ်ညါ ဆူယၢ်ဒ့ၣ်အပူၤလီၤ. ¹¹ ကွၢ်ကွၢ်, ဟီၣ်ခိၣ်ဒီဘ့ၣ်ညါအကစၢ်အတၢ်အၢၣ်လီၤအီလီၤအတလါန့ၣ် လဲၤခီဂာ်တၢ်လၢသုမဲာ်ညါ ဆူယၢ်ဒ့ၣ်အပူၤလီၤ. ¹² ဒီးခဲကနံၣ်အံၤဟံးန့ၢ်ပှၤတဆံ ခံဂၤလၢ ပှၤအံၣ်စရ့လးဖိအဒူၣ်တဖၣ်အကျါတဒူၣ်တ ဂၤတဒူၣ်တဂၤန့ၣ်တက့ၢ်. ¹³ ဒီးတုၤပှၤလုၢ်တၢ်အဒိၣ်လၢ အစိာ်ယွၤ, ဟီၣ်ခိၣ်ဒီဘ့ၣ်ညါအကစၢ်, အတလါန့ၣ် အခီၣ်ညါသးအိၣ်ဘှံးဝဲလၢ ယၢ်ဒ့ၣ်အထံပူၤဒီး, တၢ် ကမၤအသးလၢ ယၢ်ဒ့ၣ်အထံကဒီၣ်တဲာ်ကွံာ်အသးဒီး ထံလၢ အဟဲလီၤလၢထးခီ, ဒီးကအိၣ်ဆၢထၢၣ်တပူ ဒၣ်လီၤ. ဒီးတုၤပှၤဂီၢ်မုၢ်ဟးထီၣ်ကွံာ်လၢအဒဲပူၤ ဒ်သိးအက ခီဂာ်ယၢ်ဒ့ၣ်, ဒီးပှၤလုၢ်တၢ်အဒိၣ်စိာ်တၢ်အၢၣ်လီၤအီ လီၤအတလါလၢပှၤဂီၢ်မုၢ်အမဲာ်ညါ, ¹⁴ ဒီးတုၤပှၤဂီၢ်မုၢ်ဟးထီၣ်ကွံာ်လၢအဒဲပူၤ ဒ်သိးအကခီဂာ်ယၢ်ဒ့ၣ်, ဒီးပှၤလုၢ်တၢ်အဒိၣ်စိာ်တၢ်အၢၣ်လီၤအီ လီၤအတလါလၢပှၤဂီၢ်မုၢ်အမဲာ်ညါ, ¹⁵ ဒီးတုၤပှၤလၢအ စိာ်တလါအခီၣ်တဖၣ်လီၤဘျၢလၢထံကျါဒီး, (အဂ့ၢ် ဒ်အံၤ, လၢကူးဘုအကတီၢ်န့ၣ် ယၢ်ဒ့ၣ်အထံလုၣ်ဘၢအ နံၤခဲလၢာ်), ¹⁶ ထံလၢအဟဲလီၤန့ၣ်ဆၢထၢၣ်ဝဲလၢတၢ်တ ပူအိၣ်ဝဲယံၤယံၤကလဲာ်ဖဲ ဝ့ၢ်အၤဒၣ်လၢအအိၣ်ဘူးဒီး စၤရတၣ်, ဒီးထံလၢအလဲၤလီၤဆူ တၢ်ပျီပူၤအပီၣ် လဲၣ်, ပီၣ်လဲၣ်အံသၣ်န့ၣ်, လၢာ်ကွံာ်ဝဲဒီး ဒီၣ်တဲာ် ကွံာ်အသး, ဒီးပှၤဂီၢ်မုၢ်ခီဂာ်တၢ် သဃီၤဒီးယရံၤဃိ လီၤ.

¹⁷ ဒီးပှၤလုၢ်တၢ်အဒိၣ် လၢအစိာ်ယွၤအတၢ်အၢၣ်လီၤအီ လီၤအတလါန့ၣ်ဆၢထၢၣ် အိၣ်ကျၢၤဝဲလၢခိလၢယၢ် ဒ့ၣ်အသးကံၢ်ပူၤ, ဒီးအံၣ်စရ့လးခဲလၢာ်ခီဂာ်တၢ်လၢ ခိလီၤ. ဒီးပှၤဂီၢ်မုၢ်ခီဂာ်ယၢ်ဒ့ၣ်တုၤအလၢာ်လီၤ.

၄

¹ ဒီးတုၤပှၤဂီၢ်မုၢ်ခီဂာ်ယၢ်ဒ့ၣ်တုၤအလၢာ်ဒီး, တၢ်မၤ အသးလၢယွၤကတိၤတၢ်ဒီး စီၤယိၤရှူဒီးစံးဝဲဒၣ်, ² ဟံး န့ၢ်ပှၤတဆံခံဂၤလၢပှၤဂီၢ်မုၢ်အကျါ, တဒူၣ်တဂၤ, တ ဒူၣ်တဂၤန့ၣ်တက့ၢ်, ³ ဒီးမၤလိာ်အီၤ, ဒီးစံး, ဟံးထီၣ် လၢၢ်တဆံခံဖျၢၣ် လၢယၢ်ဒ့ၣ်အပူၤ, လၢအလီၢ်ဖဲပှၤ လုၢ်တၢ်အဒိၣ်အခီၣ်တဖၣ် ဆၢထၢၣ်အိၣ်ကျၢၤန့ၣ်တ က့ၢ်, ဒီးသုဘၣ်စိာ်ကွံာ်အီၤဒီးသု, ဒီးပာ်လီၤတဲာ်အီၤ လၢတၢ်မံအလီၢ်ပူၤဖဲသုကမံခဲမုၢ်နၤအံၤလီၤ.

⁴ ဒီးစီၤယိၤရှူကိးန့ၢ် ပှၤတဆံခံဂၤလၢ အကတဲာ်က တီၤအီၤလၢ ပှၤအံၣ်စရ့လးဖိအကျါ တဒူၣ်တဂၤ, တ ဒူၣ်တဂၤ, ⁵ ဒီးစီၤယိၤရှူစံးဘၣ်အီၤ, ခီဂာ်တၢ်လၢယွၤ သုကစၢ်အတလါအမဲာ်ညါလၢ ယၢ်ဒ့ၣ် အသးကံၢ် ပူၤ, ဒီးဟံးထီၣ်လၢၢ်တဂၤတဖျၢၣ်, တဂၤတဖျၢၣ်ဒီးစိာ် လၢသုဖံဘၣ်ခိၣ်, ဒ်ပှၤအံၣ်စရ့လးဖိအဒူၣ် အတၢ်ဂံၢ် အသိးန့ၣ်တက့ၢ်, ⁶ ဒ်သိးတၢ်အံၤကကဲထီၣ်တၢ်ပနီၣ် လၢသုကျါ, ဒ်သိးတုၤသုဖိသုလံၤသံကွၢ်တၢ်ခဲကိာ်, ဒီး စံး, လၢၢ်တဖၣ်အံၤမ့ၢ် ဒ်လဲၣ်န့ၣ်ဒီး, ⁷ သုကစံးဆၢ အီၤ, ယၢ်ဒ့ၣ်အထံဒီၣ်တဲာ်ကွံာ်အသးလၢ ယွၤအတၢ် အၢၣ်လီၤအီလီၤ အတလါအမဲာ်ညါ, တုၤအခီဂာ် ယၢ်ဒ့ၣ်ဒီး, ယၢ်ဒ့ၣ်အထံဒီၣ်တဲာ်ကွံာ်အသးလီၤ. ဒီး လၢၢ်တဖၣ်အံၤကကဲထီၣ်နီၣ်သ့ၣ်နီၣ်ထီၣ်က့ၤလၢ ပှၤ အံၣ်စရ့လးဖိအဂီၢ် လီၤထူလီၤယိာ်လီၤ.

⁸ ဒီးပှၤအံၣ်စရ့လးဖိ မၤဝဲဒ်စီၤယိၤရှူ မၤလိာ်တၢ် အသိး, ဒီးဟံးထီၣ်လၢၢ်တဆံခံဖျၢၣ်လၢယၢ်ဒ့ၣ်အ သးကံၢ်ပူၤ, ဒ်ယွၤကတိၤတၢ်ဒီး စီၤယိၤရှူအသိး, ဒ်ပှၤ အံၣ်စရ့လးဖိအဒူၣ်တဖၣ်အတၢ်ဂံၢ်အသိး, ဒီးစိာ်ခီဂာ် အီၤလၢအသိးဆူတၢ်အလီၢ်ဖဲအမံ, ဒီးပာ်လီၤဝဲဖဲန့ၣ် လီၤ.

⁹ ဒီးစီၤယိၤရှူ ပာ်လၢၢ်ထူၣ်ကလာ်တဆံခံဖျၢၣ် လၢ ယၢ်ဒ့ၣ်အသးကံၢ်ပူၤဖဲအလီၢ် လၢပှၤလုၢ်တၢ်အဒိၣ် လၢအစိာ်တၢ် အၢၣ်လီၤအီလီၤအတလါ အခီၣ်ဆၢ ထၢၣ်, ဒီးအိၣ်ဝဲဖဲန့ၣ်တုၤမုၢ်မဆါတနံၤအံၤလီၤ.

¹⁰ အဂ့ၢ်ဒ်အံၤ, ပှၤလုၢ်တၢ်အဒိၣ်လၢအစိာ်တလါန့ၣ် ဆၢထၢၣ်လၢယၢ်ဒ့ၣ်အသးကံၢ်ပူၤ တုၤပှၤ မၤဝံၤက ယဲၢ်တၢ်လၢယွၤမၤလိာ်စီၤယိၤရှူစံးဘၣ်ပှၤဂီၢ်မုၢ်, ဒ်က ယဲၢ်တၢ်လၢစီၤမိၤရှ့မၤလိာ်စီၤယိၤရှူအသိးန့ၣ်, ဒီးပှၤ ဂီၢ်မုၢ်မၤချ့ချ့, ဒီးခီဂာ်တၢ်လီၤ.

¹¹ ဒီးတုၤပှၤဂီၢ်မုၢ်ခီဂာ်ကွံာ်တုၤအလၢာ်ဒီး, တၢ်မၤအသး လၢယွၤအတလါ, ဒီးပှၤလုၢ်တၢ်အဒိၣ်တဖၣ်ခီဂာ်တၢ် လၢပှၤဂီၢ်မုၢ်အမဲာ်ညါန့ၣ်လီၤ.

¹² ဒီးပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ် ခီဂာ်တၢ် အိၣ်ဒီး အစုကဝဲၤလၢ ပှၤအံၣ်စရ့လးဖိ အမဲာ်ညါ, ဒ်စီၤမိၤရှ့ကတိၤတၢ်ဒီးအီၤအသိးန့ၣ်လီၤ.

¹³ ပှၤလွံၢ်ကလးဃၣ်ဃၣ် ကတဲာ်ကတီၤအသးလၢ တၢ်ဒုးသုးအဂီၢ်န့ၣ် ခီဂာ်တၢ် လၢယွၤအမဲာ်ညါဆူ တၢ်ဒုးသုးအပူၤလၢ ယရံၤဃိအပျီန့ၣ်လီၤ.

¹⁴ တၢ်လၢမုၢ်တနံၤန့ၣ် ယွၤပာ်ဒိၣ်စီၤယိၤရှူလၢ အံၣ်စရ့ လးခဲလၢာ်အမဲာ်ညါ, ဒီးအဝဲသ့ၣ်ပျံၤအီၤ, ဒ်အပျံၤစီၤ မိၤရှ့အသိးန့ၣ်တစိၤဒၣ်အီၤလီၤ. ဒီးယွၤကတိၤတၢ်ဒီးစီၤယိၤရှူ, ဒီးစံးဝဲဒၣ်, ¹⁵ မၤ လိာ်ပှၤလုၢ်တၢ်အဒိၣ်လၢ အစိာ်တၢ်အၢၣ်လီၤအီလီၤ အတလါန့ၣ်ဒ်သိးအကဟဲထီၣ်လၢယၢ်ဒ့ၣ် အပူၤန့ၣ် တက့ၢ်.

¹⁷ ဒီးစီၤယိၤရှူမၤလိာ်ပှၤလုၢ်တၢ်အဒိၣ်တဖၣ်န့ၣ်, ဒီးစံး ဝဲဒၣ်, ဟဲထီၣ်လၢယၢ်ဒ့ၣ်အပူၤန့ၣ်တက့ၢ်.

¹⁸ ဒီးတုၤပှၤလုၢ်တၢ်အဒိၣ်လၢ အစိာ်ယွၤအတၢ်အၢၣ် လီၤအီလီၤအတလါဟဲထီၣ်လၢယၢ်ဒ့ၣ်အသးကံၢ်ပူၤဝံၤ ဒီး, ပှၤလုၢ်တၢ်အဒိၣ်အခီၣ်ညါသး ခါထီၣ်လၢခိဒီး, တၢ်မၤအသးလၢယၢ်ဒ့ၣ်အထံဟဲက့ၤလီၤဆူအလီၢ်, ဒီး လုၣ်ဘၢထံနံၤ ဒ်လၢထံးလၢမကိာ်အသိးန့ၣ်လီၤ.

¹⁹ ဒီးလၢလါခီၣ်ထံး, လါထီၣ်ဆံဆဲၣ်နံၤတနံၤန့ၣ်ပှၤ ဂီၢ်မုၢ်ဟဲထီၣ်လၢ ယၢ်ဒ့ၣ်အပူၤ, ဒီးသူၣ်ဒဲလၢကံးလ ကၤလးအပူၤလၢယရံၤဃိအဃၢၤလၢမုၢ်ထီၣ်တခီလီၤ. ²⁰ ဒီးလၢၢ်တဆံခံဖျၢၣ်လၢအဟံးထီၣ်လၢယၢ်ဒ့ၣ်အပူၤ န့ၣ်စီၤယိၤရှူပာ်ဝဲလၢကံးလကၤလးအပူၤလီၤ. ²¹ ဒီးက တိၤတၢ်ဒီး ပှၤအံၣ်စရ့လးဖိဒီးစံးဝဲဒၣ်, တုၤသုဖိသု လံၤကသံကွၢ်အပၢ် ခဲကိာ်ဒီးစံး, လၢၢ်တဖၣ်အံၤမ့ၢ်ဒ်လဲၣ်န့ၣ်ဒီး, ²² သုဘၣ်ဘိးဘၣ်သ့ၣ်ညါသုဖိသုလံၤ, ဒီးစံး, အံၣ်စရ့လးဟဲခီဂာ်ယၢ်ဒ့ၣ်အံၤလၢခိလီၤ. ²³ အဂ့ၢ်ဒ် အံၤ, ယွၤသုကစၢ်မၤလီၤသံးကွံာ်ယၢ်ဒ့ၣ်အထံလၢ သု မဲာ်ညါတုၤသုခီဂာ်တၢ်, ဒ်ယွၤသုကစၢ် မၤပီၣ်လဲၣ် ဆှဲအသိးန့ၣ်, လၢအမၤလီၤသံးကွံာ်လၢပမဲာ်ညါတုၤ ပခီဂာ်ကွံာ်, ²⁴ ― ဒ်သိးပှၤဟီၣ်ခိၣ်ဖိခဲလၢာ်ကသ့ၣ်ညါယွၤ အစုအဂ့ၢ်အကျိၤ, လၢအဆူၣ်ဝဲ, ဒ်သိးသုကပျံၤယွၤသု ကစၢ်ကိးမုၢ်နံၤမုၢ်နၤဒဲးလီၤ.

၅

¹ တုၤပှၤအမိၢ်ဖိ အစီၤပၤခဲလၢာ်လၢ အအိၣ်လၢယၢ် ဒ့ၣ်လၢမုၢ်နုာ်တခီ, ဒီးပှၤကနၤဧၣ်ဖိလၢ အအိၣ်လၢ ပီၣ်လဲၣ်နံၤခဲလၢာ်န့ၣ် နၢ်ဟူဝဲလၢ ယွၤမၤလီၤသံးကွံာ် ယၢ်ဒ့ၣ်အထံလၢ ပှၤအံၣ်စရ့လးဖိအမဲာ်ညါတုၤအခီဂာ် ကွံာ်တၢ်ဒီး, တၢ်မၤအသးလၢ အသးပှံၢ်လီၤကွံာ်ဝဲ, ဒီးအသးတဆၢထၢၣ်လၢၤဘၣ်လၢအပူၤလၢ ပှၤအံၣ်စရ့ လးဖိအဃိန့ၣ်လီၤ.

² အကတီၢ်ဖဲန့ၣ်ယွၤစံးဘၣ် စီၤယိၤရှူ, တ့ဒီလၢၢ်တ ဖၣ်လၢနဂီၢ်, ဒီးကူးတရံးပှၤအံၣ်စရ့လးဖိခံဘျီတဘျီ န့ၣ်တက့ၢ်.

³ ဒီးစီၤယိၤရှူတ့ဒီလၢၢ်လၢအဂီၢ်, ဒီးကူးတရံးပှၤအံၣ် စရ့လးဖိလၢတၢ်စိခိၣ်ဧၤရလိးလီၤ.

⁴ ဒီးစီၤယိၤရှူကူးတရံးတၢ်, အဂ့ၢ်ဒ်အံၤ, ကယဲၢ်ပှၤဂီၢ် မုၢ်ပိာ်ခွါလၢအဟဲထီၣ်လၢ အဲၤကူပတူးပှၤသုးဖိခဲလၢာ် သံဝဲလၢပှၢ်မုၢ်ကနၢလၢကျဲပူၤ, လၢအဟးထီၣ်လၢအဲၤ ကူပတူးအလီၢ်ခံန့ၣ်လီၤ. ⁵ ဒီးကယဲၢ်ပှၤလၢ အဟဲ ထီၣ်ခဲလၢာ်န့ၣ် ဒိးတၢ်ကူးတရံးလီၤ. မ့မ့ၢ်ပှၤလၢအ အိၣ်ဖျဲၣ်လၢ ပှၤမုၢ်ကနၢကျဲပူၤ, လၢအဟးထီၣ်ကွံာ် လၢအဲၤကူပတူးအလီၢ်ခံန့ၣ်တဒိးဘၣ် တၢ်ကူးတရံးနီတဂၤဘၣ်.

⁶ အဂ့ၢ်ဒ်အံၤ, ပှၤအံၣ်စရ့လးဖိလဲၤတၢ် အနံၣ်လွံၢ်ဆံ လၢပှၢ်မုၢ်ကနၢတုၤကယဲၢ် ပှၤသုးဖိလၢ အဟးထီၣ် ကွံာ်လၢ အဲၤကူပတူးလၢာ်ဝဲလီၤ. အဂ့ၢ်ဒ်အံၤ, တဒိ ကနၣ်ဘၣ်ယွၤအကလုၢ်ကထါဘၣ်. မ့ၢ်ပှၤလၢ ယွၤ ဆိၣ်လီၤအသးဒီးအီၤလၢ အတဒုးနဲၣ်ဘၣ်အီၤလၢကီၢ် တဘ့ၣ်လၢ ယွၤဆိၣ်တၢ်ဒီး အပၢ်တဖၣ်လၢ အက ဟ့ၣ်လီၤပှၤ, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီး ကနဲစီလီၤ.

⁷ ဒီးအဖိတဖၣ်လၢ အဒုးဂဲၤဆၢထၢၣ်လၢ အလီၢ် န့ၣ်စီၤယိၤရှူကူးတရံးအီၤလၢ အတဒိးဒံးဘၣ်တၢ်ကူး တရံးအဃိန့ၣ်လီၤ. အဂ့ၢ်ဒ်အံၤ, တဒိးဘၣ်တၢ်ကူး တရံးလၢကျဲပူၤဘၣ်.

⁸ ဒီးတုၤအကူးတရံးပှၤဂီၢ်မုၢ်ခဲလၢာ်ဝံၤဒီး, တၢ်မၤအ သးလၢအအိၣ်ဝဲလၢအလီၢ်ဒၣ်ဝဲလၢ ပှၤသူၣ်ဒဲအလီၢ် ပူၤန့ၣ်တုၤအဘျါက့ၤဝဲလီၤ.

⁹ ဒီးယွၤစံးဘၣ်စီၤယိၤရှူ, တၢ်လၢမုၢ်မဆါတနံၤအံၤ, ယသလ့ၣ်ထီၣ်ကွံာ်ပှၤအဲၤကူပတူးအတၢ်ဒုၣ်ဒွဲၣ်လၢသု လိၤလီၤ. ဒီးတၢ်အလီၢ်တပူၤအမံၤန့ၣ် မ့ၢ်ကံးလကၤ လးတုၤမုၢ်မဆါတနံၤအံၤလီၤ.

¹⁰ ဒီးပှၤအံၣ်စရ့လးဖိသူၣ်ဒဲလၢ ကံးလကၤလးအပူၤ, ဒီးမၤဘူၣ်လဲၤကပာ်လၢ လါထီၣ်တဆံလွံၢ်နံၤလၢမုၢ် ဟါ, လၢယရံၤဃိအပျီန့ၣ်လီၤ.

¹¹ ဒီးအီၣ်ဝဲလၢကီၢ်အဘုလီၢ်လံၤလၢ မုၢ်ဆ့ၣ်ထီၣ်တ နံၤလၢ ဘူၣ်လဲၤကပာ်အလီၢ်ခံန့ၣ်, ကိၣ်တအိၣ်ဘၣ် ဒီးကိၣ်မံၣ်ဘ့ၣ်ဘၣ်တဖၣ်, ဒီးဘုဝဲာ်အသးန့ၣ်လၢမုၢ် တနံၤဃီလီၤ.

¹² ဒီးအီၣ်ဝဲလၢကီၢ်အဘုလီၢ်လံၤအလီၢ်ခံ, လၢမုၢ်ဆ့ၣ် ထီၣ်တနံၤန့ၣ်မၤနၤအိၣ်ကတီၢ်ဝဲလီၤ. ဒီးပှၤအံၣ်စရ့လး ဖိတန့ၢ်လၢၤဘၣ်မၤနၤဘၣ်. မ့မ့ၢ်အအီၣ်ကီၢ်ကနၤဧၣ်အ တၤသၣ်လၢတနံၣ်န့ၣ်လီၤ.

¹³ ဒီးတုၤစီၤယိၤရှူအိၣ်ဝဲလၢယရံၤဃိန့ၣ် တၢ်မၤအသး လၢအကျ့ထီၣ်အမဲာ်, ဒီးကွၢ်တၢ်, ဒီးကွၢ်ကွၢ်, ပှၤ ဆၢထၢၣ်လၢ အမဲာ်ညါအိၣ်ဒီး အနးဘ့ၣ်ထီၣ်အသး လၢအစုပူၤ, ဒီးစီၤယိၤရှူလဲၤထီၣ်ဆူအအိၣ်, ဒီးစံးလၢ အီၤ, နအိၣ်လၢပဂီၢ်, နအိၣ်လၢပဒုၣ်ပဒါအဂီၢ်လဲၣ်.

¹⁴ ဒီးစံးဝဲဒၣ်, တမ့ၢ်ဘၣ်. မ့ၢ်ယဟဲခဲကနံၣ်အံၤဒ်ယွၤ အတၢ်သုးမုၢ်အခိၣ်လီၤ. ဒီးစီၤယိၤရှူထိၣ်လီၤပှီၤအသး လၢဟီၣ်ခိၣ်, ဒီးဘါထီၣ်, ဒီးစံးလၢအီၤ, ယကစၢ် ကစံးဘၣ်အခ့အပှၤဒ်လဲၣ်.

¹⁵ ဒီးယွၤအသုးမုၢ်အခိၣ်တဂၤန့ၣ် စံးဘၣ် စီၤယိၤရှူ, ဃ့ၣ်လီၤကွံာ်နခီၣ်ဖံးလၢ နခီၣ်တက့ၢ်, အဂ့ၢ်ဒ်အံၤ, တၢ်အလီၢ်ဖဲနဆၢထၢၣ်န့ၣ် စီဆှံဝဲလီၤ. စီၤယိၤရှူမၤဝဲ ဒ်န့ၣ်လီၤ.

၆

¹ (ဒီးယရံၤဃိန့ၣ်ဘၣ် တၢ်မၤတံာ်ဃာ်အီၤသတံးက လာ်လၢပှၤအံၣ်စရ့လးဖိအဃိလီၤ. ပှၤတဟးထီၣ်ဘၣ်, ဒီးပှၤတလဲၤနုာ်ဘၣ်.)

² ဒီးယွၤစံးဘၣ်စီၤယိၤရှူ, ကွၢ်, ယဟ့ၣ်လီၤယရံၤဃိ, ဒီးအစီၤပၤ, ဒီးအသုးဖိ, ပှၤအဂံၢ်ဆူၣ်အဘါဆူၣ်တ ဖၣ်လၢနစုပူၤလီၤ. ³ ဒီးသုဘၣ်ကဝီၤဃာ်ဝ့ၢ်, ပှၤသုး ဖိခဲလၢာ်, ဒီးလဲၤတရံးဝ့ၢ်တဘျီလီၤ. သုဘၣ်မၤဒ်န့ၣ် ဃုနံၤလီၤ.

⁴ ဒီးပှၤလုၢ်တၢ်အဒိၣ် နွံဂၤ ဘၣ်စိာ်ကွဲၤသးခုနွံဖျၢၣ်, လၢတလါအမဲာ်ညါ, ဒီးနွံနံၤတနံၤန့ၣ် သုဘၣ်လဲၤ တရံးဝ့ၢ်န့ၣ်နွံဘျီဒီး ပှၤလုၢ်တၢ်အဒိၣ်ဘၣ်အူကွဲၤလီၤ.

⁵ ဒီးတုၤအအူသဖှိတၢ် ယံာ်လၢ ကွဲၤသးခု, ဒီးတုၤ သုနၢ်ဟူကွဲၤအသီၣ်ဒီး, တၢ်ကမၤအသးလၢ ပှၤဂီၢ် မုၢ်ကကိးပသူထီၣ်ဒီးတၢ်သီၣ်ဖးဒိၣ်, ဒီးဝ့ၢ်အခိၣ်ဒူက လီၤဃံၤလီၤပၢၤဝဲ, ဒီးပှၤဂီၢ်မုၢ်ကလဲၤထီၣ်, တဂၤဖဲ အလီၢ်စၢၢ်ဆၢလၢအမဲာ်ညါစုာ်စုာ်ကိးဂၤဒဲးလီၤ.

⁶ ဒီးစီၤနိၣ်အဖိခွါစီၤယိၤရှူကိးန့ၢ် ပှၤလုၢ်တၢ်အဒိၣ်တ ဖၣ်ဒီးစံးဘၣ်အီၤ, ဟံးထီၣ်တၢ် အၢၣ်လီၤအီလီၤအ တလါ, ဒီးပှၤလုၢ်တၢ် အဒိၣ်နွံဂၤ ဘၣ်စိာ်ကွဲၤသးခု နွံဖျၢၣ်လၢ ယွၤအတလါအမဲာ်ညါလီၤ.

⁷ ဒီးစံးဘၣ်ပှၤဂီၢ်မုၢ်န့ၣ်, လဲၤတၢ်ဒီး လဲၤတရံးဝ့ၢ်န့ၣ် တက့ၢ်, ဒီးပှၤလၢအအိၣ်ဒီးအစုကဝဲၤန့ၣ် မ်အလဲၤ တၢ်လၢယွၤအတလါအမဲာ်ညါန့ၣ်တက့ၢ်.

⁸ ဒီးတုၤစီၤယိၤရှူ ကတိၤတၢ်ဒီးပှၤဂီၢ်မုၢ်ဝံၤဒီး, တၢ်မၤ အသးလၢ ပှၤလုၢ်တၢ်အဒိၣ်နွံဂၤစိာ် ကွဲၤသးခုနွံဖျၢၣ် တဖၣ်န့ၣ်လဲၤတၢ်လၢ ယွၤအမဲာ်ညါ, အူထီၣ်ကွဲၤဒီး ယွၤအတၢ်အၢၣ်လီၤအီလီၤအတလါန့ၣ်ပိာ်အခံလီၤ.

⁹ ဒီးပှၤအိၣ်ဒီး အစုကဝဲၤတဖၣ် လဲၤဝဲလၢ ပှၤလုၢ် တၢ်အဒိၣ်လၢအအူကွဲၤအမဲာ်ညါ, ဒီးပှၤဂီၢ်မုၢ် လဲၤဝဲ လၢတလါအလီၢ်ခံန့ၣ်လီၤ. ပှၤလုၢ်တၢ်အဒိၣ်လဲၤတၢ်, ဒီးအူကွဲၤန့ၣ်လီၤ.

¹⁰ ဒီးစီၤယိၤရှူမၤလိာ်ပှၤဂီၢ်မုၢ်, ဒီးစံးဝဲဒၣ်, သုတကိး ပသူထီၣ်ဒီးမၤတၢ်သီၣ်လၢသုကလုၢ်နီတမံၤတဂ့ၤ, ဒီး တၢ်ကတိၤတဘၣ်ထီၣ်ဖျဲးလၢ သုထးခိၣ်တုၤလီၤလၢ မုၢ်တနံၤလၢ ယကမၤလိာ်သုဒ်သိးသုကကိးပသူထီၣ် န့ၣ်နီတဘီဘၣ်. တုၤနုၤတစုသုကကိးပသူထီၣ်လီၤ.

¹¹ ဒီးယွၤအတလါန့ၣ် လဲၤတရံးဝ့ၢ်န့ၣ်လီၤ. လဲၤတ ရံးတဘျီ, ဒီးဟဲက့ၤကဒါက့ၤဆူပှၤသူၣ်ဒဲအလီၢ်, ဒီး အိၣ်လၢမုၢ်နၤလၢပှၤသူၣ်ဒဲအလီၢ်ပူၤလီၤ. ¹² ဒီးမုၢ်ဆ့ၣ်ထီၣ်န့ၣ် စီၤယိၤရှူဂဲၤဆၢထၢၣ်ဂီၤဂီၤ, ဒီးပှၤ လုၢ်တၢ်အဒိၣ်တဖၣ် ဟံးထီၣ်ယွၤ အတလါ, ¹³ ပှၤ လုၢ်တၢ်အဒိၣ်နွံဂၤစိာ်ကွဲၤသးခုနွံဖျၢၣ်လၢ ယွၤအတ လါအမဲာ်ညါန့ၣ်လဲၤတၢ်တထံၣ်ဃီ, ဒီးအူကွဲၤ, ဒီး ပှၤအိၣ်ဒီးအစုကဝဲၤတဖၣ်န့ၣ် လဲၤဝဲလၢ အမဲာ်ညါ လီၤ. မ့မ့ၢ်ပှၤဂီၢ်မုၢ်လဲၤဝဲလၢ ယွၤအတလါအလီၢ်ခံ လီၤ. ပှၤလုၢ်တၢ်အဒိၣ်လဲၤဝဲ, ဒီးအူကွဲၤန့ၣ်လီၤ.

¹⁴ ဒီးခံနံၤတနံၤန့ၣ် လဲၤတရံးဝ့ၢ်န့ၣ်တဘျီ, ဒီးဟဲက့ၤ ကဒါက့ၤဆူ ပှၤသူၣ်ဒဲအလီၢ်ပူၤလီၤ. ဒီးမၤဝဲဒ်န့ၣ် သိးဃုနံၤလီၤ.

¹⁵ ဒီးတၢ်မၤအသးလၢ နွံနံၤတနံၤန့ၣ် ပှၤဂဲၤဆၢထၢၣ် ဂီၤဂီၤလၢ မုၢ်ဆ့ၣ်ဝါဃၣ်ဃၣ်, ဒီးလဲၤတရံးဝ့ၢ်န့ၣ်ဒ်န့ၣ် သိးနွံဘျီလီၤ.

¹⁶ ဒီးတၢ်မၤအသးလၢ နွံဘျီတဘျီန့ၣ် တုၤပှၤလုၢ် တၢ်အဒိၣ်တဖၣ်အူကွဲၤဒီး, စီၤယိၤရှူစံးဘၣ်ပှၤဂီၢ်မုၢ်, ကိးပသူထီၣ်တက့ၢ်. အဂ့ၢ်ဒ်အံၤ, ယွၤဟ့ၣ်လီၤဝ့ၢ် လၢသုလံ.

¹⁷ ဒီးဝ့ၢ်န့ၣ်ကဘၣ်တၢ်ဆိၣ်အၢ, အဝဲန့ၣ် ဒီးကယဲၢ် တၢ်အိၣ်လၢ အပူၤလၢယွၤအဃိလီၤ. ပှၤကမူဒံးထဲ ပှၤဃဲသဲမုၣ်နီၢ်ရၤဃး, ဒီးကယဲၢ်ပှၤလၢအအိၣ်ဒီးအီၤ လၢဟံၣ်ပူၤန့ၣ်လီၤ. အဂ့ၢ်ဒ်အံၤ, ပာ်ခူသူၣ်ကလူးတ ဖၣ်လၢတၢ်မၢလီၤအီၤန့ၣ်လီၤ.

¹⁸ ဒီးပလီၢ်သုသးလၢ တၢ်ဘၣ်ဆိၣ်အၢ သပှၢ်တၢၢ် တက့ၢ်. တုၤသုဟံးန့ၢ်တၢ်ဆိၣ်အၢ, ဒီးမၢပှၤအံၣ်စရ့ လးသူၣ်ဒဲအလီၢ်ကဲထီၣ်တၢ်ဆိၣ်အၢ, ဒီးမၤကိၢ်မၤဂီၤ အီၤဒီး, သုကကဲထီၣ်ဘၣ်ဖုး တၢ်ဆိၣ်အၢသုဝဲလီၤ.

¹⁹ မ့မ့ၢ်ကျိၣ်ဧိၤစ့ဧိၤ, ဒီးထူဧိၤလွဲဧိၤ, ဒီးလီခီတိၢ်, ဒီးလီ ခီထးခဲလၢာ်န့ၣ် မ့ၢ်တၢ်စီဆှံလၢယွၤအဂီၢ်လီၤ. တၢ်တ ဖၣ်န့ၣ်ဘၣ်ဟဲနုာ်လၢ ယွၤအတၢ်ပာ်ဖှိၣ်အလီၢ်ပူၤလီၤ.

²⁰ ဒီးပှၤကိးပသူထီၣ်, ဒီးအူကွဲၤ, ဒီးတုၤပှၤဂီၢ်မုၢ်နၢ် ဟူကွဲၤအသီၣ်ဒီး, ပှၤဂီၢ်မုၢ် ကိးပသူထီၣ်လၢ တၢ် သီၣ်ဖးဒိၣ်ဒီးတၢ်မၤအသးလၢ ဝ့ၢ်ခိၣ်ဒူလီၤဃံၤလီၤပၢၤ, ဒီးပှၤဂီၢ်မုၢ်လဲၤနုာ်လၢဝ့ၢ်ပူၤ, တဂၤစၢၢ်ဆၢလၢအမဲာ် ညါစုာ်စုာ်ကိးဂၤဒဲး, ဒီးမၤန့ၢ်ဝ့ၢ်လီၤ.

²¹ ဒီးမၤဟးဂူာ်ဟးဂီၤကယဲၢ်တၢ်အိၣ်လၢ ဝ့ၢ်ပူၤ လၢ ပိာ်ခွါဒီးပိာ်မုၣ်, ပှၤအသးစၢ်ဒီး ပှၤသးပှၢ်, ဒီးဂီၤ ဘုၣ်ဂီၤဖံး, ဒီးသိဒီးမဲာ်တဲးလဲး, ဒီးကသ့ၣ်ယီၤ, လၢ နးအကနၣ်ခဲလၢာ်လီၤ.

²² မ့မ့ၢ်စီၤယိၤရှူ စံးဘၣ်ပှၤခံဂၤလၢ အကွၢ်ဟုၣ်ကီၢ် န့ၣ်, လဲၤနုာ်လၢပှၤဃဲသဲမုၣ်အဟံၣ်ပူၤ, ဒီးဟဲစိာ်ဖဲန့ၣ် ပိာ်မုၣ်န့ၣ်, ဒီးကယဲၢ်တၢ်အိၣ်ဒီးအီၤ, ဒ်သုဆိၣ်တၢ် ဒီးအီၤအသိးန့ၣ်တက့ၢ်.

²³ ဒီးဖိၣ်သၣ်ခွါလၢအကွၢ်ဟုၣ်တၢ်တဖၣ်န့ၣ်, လဲၤနုာ်, ဒီးဟဲက့ၤစိာ် နီၢ်ရၤဃး, ဒီးအပၢ်, ဒီးအမိၢ်, ဒီးအဒီ ပုၢ်ဝဲၢ်တဖၣ်, ဒီးကယဲၢ်တၢ်လၢအအိၣ်ဒီးအီၤ, ဒီးဟဲ က့ၤစိာ်အဘူးအတံၢ်ခဲလၢာ်, ဒီးပာ်အီၤလၢ အံၣ်စရ့ လးသူၣ်ဒဲအလီၢ်လၢခိလီၤ.

²⁴ ဒီးဆူးထီၣ်ကွံာ်ဝ့ၢ်, ဒီးကယဲၢ် တၢ်အိၣ်လၢအပူၤ လၢမ့ၣ်အူလီၤ. ထဲအဒၢနုာ်ကျိၣ်ဧိၤစ့ဧိၤ, ဒီးထူဧိၤလွဲဧိၤ ဒီးလီခီထူ, ဒီးလီခီတိၢ်, ဒီးလီခီထးလၢ ယွၤအဟံၣ် အတၢ်ပာ်ဖှိၣ်အလီၢ်ပူၤန့ၣ်လီၤ.

²⁵ ဒီးစီၤယိၤရှူဒုးမူဒံးပှၤဃဲသဲမုၣ်နီၢ်ရၤဃး, ဒီးအပၢ်အ ပှၤဟံၣ်ဖိ, ဒီးကယဲၢ်တၢ်အိၣ်ဒီးအီၤလီၤ. ဒီးပိာ်မုၣ်တ ဂ ၤန့ၣ်အိၣ်ဝဲဆိးဝဲလၢ အံၣ်စရ့လး အကျါတုၤမုၢ်မ ဆါတနံၤအံၤလီၤ. အဂ့ၢ်ဒ်အံၤ, ပာ်ခူသူၣ်ကလူးတ ဖၣ်လၢ စီၤယိၤရှူမၢလီၤဝဲဒ်သိးအကကွၢ်ဟုၣ်ယရံၤဃိ န့ၣ်လီၤ.

²⁶ ဒီးအကတီၢ်ဖဲန့ၣ်စီၤယိၤရှူဒုးဆိၣ်တၢ်, ဒီးစံးဝဲဒၣ်, ပှၤလၢအဂဲၤဆၢထၢၣ်, ဒီးတ့က့ၤဝ့ၢ်ယရံၤဃိတဂၤန့ၣ် မ်အဘၣ်တၢ်ဆိၣ်အၢလၢယွၤအမဲာ်ညါတက့ၢ်. ကပာ် အခီၣ်ထံးတဖၣ်လၢအဖိဝဲၢ်ကိ, ဒီးကသူၣ်ထီၣ်အပဲတ ရီလၢအဖိသဒါလီၤ.

²⁷ ဒီးယွၤအိၣ်ဒီး စီၤယိၤရှူ, ဒီးအမံၤဟူထီသါလီၤလၢ ကီၢ်ဒီကီၢ်ညါအပူၤန့ၣ်လီၤ.

၇

¹ မ့မ့ၢ် ပှၤအံၣ်စရ့လးဖိ မၤကမၣ်တၢ်လၢ တၢ်ဘၣ် တၢ်ဆိၣ်အၢတမံၤအပူၤန့ၣ်လီၤ. အဂ့ၢ်ဒ်အံၤ, စီၤဧၤကၣ်, စီၤကၢ်မံၤအဖိခွါ, စီၤစးဘဒံၤအဖိခွါ, စီၤစ့ရၤအဖိခွါပှၤ ယူဒၤတဒူၣ်ဖိတဂၤ ဟံးန့ၢ်တၢ်ဘၣ်တၢ်ဆိၣ်အၢန့ၣ်လီၤ. ဒီးယွၤအသးထီၣ်ကဲၤထီၣ်ဘၣ်ပှၤအံၣ်စရ့လးဖိလီၤ.

² ဒီးစီၤယိၤရှူမၢလီၤ ပှၤကညီလၢယရံၤဃိဆူဂဲလၢအ အိၣ်ဝဲလၢဘ့ၤသအၤဝ့ၣ်အဃၢၤ လၢဘ့ၤသ့လးမုၢ်ထီၣ် တခီဒီးကတိၤတၢ်ဒီးအီၤဒီးစံးဝဲဒၣ်, လဲၤထီၣ်ဒီးကွၢ်ဟုၣ် ထံဧိၤကီၢ်ဧိၤန့ၣ်တက့ၢ်. ဒီးပှၤတဖၣ်န့ၣ် လဲၤထီၣ်ဝဲဒီး ကွၢ်ဟုၣ်ဝဲန့ၣ်လီၤ.

³ ဒီးဟဲက့ၤကဒါက့ၤဆူ စီၤယိၤရှူအအိၣ်, ဒီးစံးဘၣ် အီၤ, ဒုးလဲၤထီၣ်ပှၤဂီၢ်မုၢ်ခဲလၢာ်တဂ့ၤ, မ့မ့ၢ်ပှၤခံကထိ သၢကထိန့ၣ်ဒုးလဲၤထီၣ်ကျီကွံာ်အီၤလၢ ဂဲန့ၣ်တက့ၢ်. ဒုးလဲၤပှၤဂီၢ်မုၢ်ခဲလၢာ်ဆူန့ၣ်တဂ့ၤ. အဂ့ၢ်ဒ်အံၤ, အဝဲ သ့ၣ်တဖၣ်န့ၣ်မ့ၢ်စှၤဂၤလီၤ.

⁴ ဒီးပှၤသၢကထိဃၣ်ဃၣ် လၢပှၤဂီၢ်မုၢ်အကျါန့ၣ်လဲၤ ထီၣ်ဝဲ, ဒီးဃ့ၢ်ထီၣ်ကွံာ်ဝဲလၢ ပှၤဂဲဖိအမဲာ်ညါလီၤ.

⁵ ဒီးပှၤဂဲဖိကျီကွံာ် ပှၤသၢဆံဃုဂၤဃၣ်ဃၣ်လၢအကျါ လီၤ. အဂ့ၢ်ဒ်အံၤ, လူၤအီၤလၢဝ့ၢ်အပဲတရီအမဲာ်ညါ ပၢၢ်လၢၡဘၤရံၣ်, ဒီးကျီကွံာ်အီၤလၢ တၢ်လီၤဘံအ လီၢ်န့ၣ်လီၤ. ဒီးပှၤဂီၢ်မုၢ်အသးပှံၢ်လီၤကွံာ်, ဒီးမၤသးဒ်ထံ အသိးန့ၣ်လီၤ.

⁶ ဒီးစီၤယိၤရှူဖှီအဆ့, ဒီးထိၣ်လီၤပှီၤအသး လၢဟီၣ် ခိၣ်လၢယွၤအတလါအမဲာ်ညါတုၤမုၢ်ဟါလီၤ, အဝဲဒၣ်, ဒီးအံၣ်စရ့လး အသူၣ်က့သးပှၢ်, ဒီးပာ်ဟီၣ်ခိၣ်အက မူၣ်လၢအခိၣ်အဖီခိၣ်လီၤ.

⁷ ဒီးစီၤယိၤရှူစံးဝဲဒၣ်, အၣ်လါ, ကစၢ်ယွၤဧၢ, နဒုးခီဂာ် ပှၤဂီၢ်မုၢ်လၢ ယၢ်ဒ့ၣ်ဒ်သိးနကဟ့ၣ်လီၤကွံာ်ပှၤလၢပှၤ အမိၢ်ဖိအစုပူၤလၢ အကမၤဟးဂီၤပှၤ မ့ၢ်အဘၣ်မနုၤ လဲၣ်. မ်ပသူၣ်မံပသးမံတ့ၢ်, ဒီးပအိၣ်ပဆိးတ့ၢ်လၢယၢ် ဒ့ၣ်ဝၢ်ဘးခီန့ၣ်တက့ၢ်, ⁸ ကစၢ်ဧၢ, တုၤအံၣ်စရ့လးဃၣ် ဒူၣ်ချၢ အသးလၢ အဒုၣ်အဒါအမဲာ်ညါဒီး, ယကစံး ဒ်လဲၣ်. ⁹ အဂ့ၢ်ဒ်အံၤ, ပှၤကနၤဧၣ်ဖိ, ဒီးပှၤကီၢ်ဖိခဲလၢာ် ကနၢ်ဟူ, ဒီးကကဝီၤဃာ်ပှၤ, ဒီးကဒီၣ်တဲာ်ပမံၤလၢ ဟီၣ်ခိၣ်ချၢ, ဒီးနကမၤတၢ်ဒိၣ်နမံၤန့ၣ်ဒ်လဲၣ်.

¹⁰ ဒီးယွၤစံးဘၣ်စီၤယိၤရှူ, ဂဲၤဆၢထၢၣ်နဲ, နထိၣ်လီၤ ပှီၤနသးဘၣ်မနုၤလဲၣ်. ¹¹ အံၣ်စရ့လး မၤလံတၢ်ဒဲးဘး, ဒီးလုၣ်သ့ၣ်ခါပတာ်လံ ယတၢ်အၢၣ်လီၤအီလီၤလၢယ မၤလိာ်အီၤလံ. အဂ့ၢ်ဒ်အံၤ, ဟံးန့ၢ်တၢ်ဘၣ်ဆိၣ်အၢ, ဒီး ဟုၣ်တၢ်, ဒီးလီတၢ်စ့ၢ်ကီး, ဒီးပာ်ဝဲလၢ အတၢ်ဖိ တၢ်လံၤဒၣ်ဝဲအကျါလီၤ. ¹² ဒီးပှၤအံၣ်စရ့လးဖိ ဆၢ ထၢၣ်လၢအဒုၣ်အဒါအမဲာ်ညါတသ့ဘၣ်. ဃၣ်ဒူၣ်ချၢ အသးလၢအဒုၣ်အဒါအမဲာ်ညါလီၤ. အဂ့ၢ်ဒ်အံၤ, ဘၣ် တၢ်ဆိၣ်အၢဝဲလီၤ. ဒီးသုမ့ၢ်တမၤဟးဂီၤဘၣ်တၢ်ဘၣ် ဆိၣ်အၢတမံၤလၢသုကျါဘၣ်ဒီး, ယတအိၣ်လၢၤဘၣ် ဒီးသုဘၣ်.

¹³ ဂဲၤဆၢထၢၣ်မၤစီဆှံပှၤဂီၢ်မုၢ်, ဒီးစံး, မၤစီဆှံသုသး လၢခဲဂီၤကိာ်အဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့ လးအကစၢ်စံးဝဲဒ်အံၤ, တၢ်ဘၣ်ဆိၣ်အၢအိၣ်ဝဲလၢန ကျါတမံၤ, အံၣ်စရ့လးဧၢ, သုတချုးဟံးထီၣ်ကွံာ်ဒံး ဘၣ်တၢ်ဘၣ်ဆိၣ်အၢလၢသုကျါန့ၣ်ဒီး, နဆၢထၢၣ် လၢနဒုၣ်နဒါအမဲာ်ညါတသ့ဘၣ်.

¹⁴ ဒီးလၢမုၢ်ဂီၢ်န့ၣ် တၢ်ကဒုးဟဲသုဝဲဒ်သု ဒူၣ်တဖၣ် အသိးန့ၣ်, ဒီးတၢ်ကမၤအသးလၢ ပှၤတဒူၣ်လၢယွၤ ကဟံးန့ၢ်အီၤန့ၣ်ကဟဲ ဒ်အဒူၣ်တဖၣ်အသိး, ဒီးပှၤ တဒူၣ်လၢယွၤကဟံးန့ၢ်အီၤန့ၣ်ကဟဲဒ်အပှၤဟံၣ်ဖိအ သိး, ဒီးပှၤဟံၣ်ဖိလၢယွၤ ကဟံးန့ၢ်အီၤန့ၣ် ကဟဲ တဂၤဘၣ်တဂၤလီၤ.

¹⁵ ဒီးတၢ်ကမၤအသးလၢ ပှၤလၢအဘၣ် တၢ်ဟံးန့ၢ် အီၤအိၣ်ဒီး တၢ်ဘၣ်ဆိၣ်အၢတမံၤတဂၤန့ၣ် ကဘၣ် တၢ်ဆူးထီၣ်ကွံာ်အီၤလၢမ့ၣ်အူ, အဝဲဒၣ်, ဒီးကယဲၢ် တၢ်လၢအအိၣ်ဒီးအီၤလီၤ. အဂ့ၢ်ဒ်အံၤ, လုၣ်သ့ၣ်ခါပ တာ်ယွၤအတၢ်အၢၣ်လီၤအီလီၤ, ဒီးမၤတၢ်ဟးဂီၤလၢ အံၣ်စရ့လးအကျါလီၤ.

¹⁶ ဒီးမုၢ်ဆ့ၣ်ထီၣ်န့ၣ် စီၤယိၤရှူဂဲၤဆၢထၢၣ်ဂီၤဂီၤ, ဒီး ဒုးဟဲအံၣ်စရ့လးဒ်အဒူၣ်တဖၣ်အသိးန့ၣ်, ဒီးတၢ်ဟံး န့ၢ်ယူဒၤအဒူၣ်လီၤ. ¹⁷ ဒီးဒုးဟဲယူဒၤအဟံၣ်တဖၣ်, ဒီးတၢ်ဟံးန့ၢ်ပှၤစ့ရၤဖိအဟံၣ်လီၤ. ဒီးဒုးဟဲပှၤစ့ရၤဖိအပှၤဟံၣ်ဖိတဂၤဘၣ်တဂၤ, တဂၤဘၣ်တဂၤ, ဒီးတၢ်ဟံးန့ၢ်စီၤစးဘဒံၤလီၤ. ¹⁸ ဒီးဟဲစိာ်အပှၤဟံၣ်ဖိ တဂၤဘၣ်တဂၤ, ဒီးတၢ် ဟံးန့ၢ် စီၤဧၤကၣ်, စီၤကၢ်မံၤအဖိခွါ, စီၤစးဘဒံၤအ ဖိခွါ, စီၤစ့ရၤအဖိခွါ, ယူဒၤအဒူၣ်ဖိတဂၤလီၤ.

¹⁹ ဒီးစီၤယိၤရှူစံးဘၣ်စီၤဧၤကၣ်, ယဖိခွါဧၢ, ဟ့ၣ်လၤ ကပီၤလၢယွၤ အံၣ်စရ့လးအကစၢ်, ဒီးတဲလီၤကျဲၤ လီၤတၢ်လၢအီၤ, ဒီးစံးဘၣ်လၢ်ယၤတၢ်လၢနမၤန့ၣ်တ က့ၢ်. ပာ်ခူသူၣ်တၢ်ဒီးယၤတဂ့ၤ.

²⁰ ဒီးစီၤဧၤကၣ်စံးဆၢစီၤယိၤရှူဒီးစံးဝဲဒၣ်, မ့ၢ်မးယမၤက မၣ်ဘၣ်လံယွၤ, အံၣ်စရ့လးအကစၢ်လံ, ဒီးဒ်တၢ် အံၤတၢ်နုၤယမၤလံလီၤ. ²¹ ဒီးယထံၣ်ဘၣ်လၢ တၢ် ဂုာ်န့ၢ်အကျါလၢဆ့ဘၤဘူၤလိၣ်အဂ့ၤတဘ့ၣ်, ဒီးစ့ၡ က့လးခံကယၤ, ဒီးထူတဘိလီၤတယၢၢ်ၡက့လးယဲၢ်ဆံ ဒီးယသးကွံအီၤ, ဒီးယဟံးန့ၢ်အီၤလီၤ. ကွၢ်ကွၢ်အိၣ် ခူသူၣ်ဝဲလၢဟီၣ်ခိၣ်လာ်လၢယဒဲအသးကံၢ်ပူၤ, ဒီးစ့ န့ၣ်အိၣ်လၢအဖီလာ်လီၤ.

²² ဒီးစီၤယိၤရှူမၢလီၤကလူးတဖၣ်, ဒီးအဝဲသ့ၣ်ဃ့ၢ်ဆူ ဒဲပူၤ, ဒီးကွၢ်ကွၢ်, အိၣ်ခူသူၣ်ဝဲလၢအဒဲပူၤ, ဒီးစ့အိၣ် လၢအဖီလာ်လီၤ. ²³ ဒီးဟံးန့ၢ်ဝဲလၢဒဲအသးကံၢ်ပူၤ, ဒီး ဟဲစိာ်ဝဲဆူ စီၤယိၤရှူ, ဒီးဆူပှၤအံၣ်စရ့လးဖိခဲလၢာ် အအိၣ်ဒီးပာ်လီၤဝဲလၢယွၤအမဲာ်ညါလီၤ.

²⁴ ဒီးစီၤယိၤရှူ, ဒီးအံၣ်စရ့လးခဲလၢာ် အိၣ်ဒီးအီၤန့ၣ် ဟံးန့ၢ်စီၤစ့ရၤအဖိခွါစီၤဧၤကၣ်, ဒီးကျိၣ်ဧိၤစ့ဧိၤ, ဒီးဆ့ တဘ့ၣ်, ဒီးထူတဘိ, ဒီးအဖိခွါတဖၣ်, ဒီးအဖိမုၣ် မုၣ်တဖၣ်, ဒီးအဂီၤဘုၣ်ဂီၤဖံး, ဒီးအကသ့ၣ်ယီၤ, ဒီး အသိဒီးမဲာ်တဲးလဲး, ဒီးအဒဲ, ဒီးကယဲၢ် တၢ်အိၣ်ဒီး အီၤ, ဒီးဟဲစိာ်ဝဲဆူကစၢၢ်ကဆူးဧၤကိၢ်လီၤ. ²⁵ ဒီးစီၤယိၤရှူစံးဝဲဒၣ်, နမၤကိၢ်မၤဂီၤပှၤမ့ၢ်အဘၣ်မနုၤလဲၣ်. ယွၤကမၤကိၢ်မၤဂီၤနၤလၢမုၢ်မဆါတနံၤအံၤလီၤ. ဒီးအံၣ်စရ့လးခဲလၢာ်ကွံာ်အီၤလၢမ့ၣ်အူလီၤ.―ဒီးကွံာ် အီၤလၢလၢၢ်ဝံၤဒီး, ဆူးထီၣ်ကွံာ်အီၤလၢမ့ၣ်အူလီၤ.―

²⁶ ဒီးပာ်ဖှိၣ်တၢ်လၢအဖီခိၣ်လၢလၢၢ် တပူဖးဒိၣ်တုၤမုၢ်မ ဆါတနံၤအံၤလီၤ. ဒီးယွၤဃၣ်ကွံာ်လၢအသးထီၣ်ဆူၣ် န့ၣ်လီၤ. မၤသးဒ်န့ၣ်ဒီးတၢ်ကိးအလီၢ်ဖဲန့ၣ်အမံၤလၢက စၢၢ်ကဆူးဧၤကိၢ်န့ၣ် တုၤမုၢ်မဆါတနံၤအံၤလီၤ.

၈

¹ ဒီးယွၤစံးဘၣ်စီၤယိၤရှူ, ပျံၤတၢ်တဂ့ၤ, ဘၣ်ယိၣ် တၢ်တဂ့ၤ, ဟံးန့ၢ်ပှၤသုးဖိခဲလၢာ်ဒီးနၤ, ဒီးဂဲၤဆၢ ထၢၣ်လဲၤထီၣ်ဆူဂဲန့ၣ်တက့ၢ်. ကွၢ်, ယဟ့ၣ်လီၤဂဲအ စီၤပၤ, ဒီးအပှၤဂီၢ်မုၢ်, ဒီးအဝ့ၢ်, ဒီးအထံအကီၢ်လၢ နစုပူၤလီၤ. ² နကမၤဂဲဒီးအစီၤပၤ, ဒ်နမၤယရံၤဃိဒီးအ စီၤပၤအသိးလီၤ. ထဲအတၢ်ဖိတၢ်လံၤ, ဒီးအဆၣ်ဖိကီၢ် ဖိအဒၢတဖၣ်န့ၣ်သုကဟံးန့ၢ်လၢ တၢ်ဂုာ်န့ၢ်လၢသု ဂီၢ်ဒၣ်သုဝဲလီၤ. ပာ်နဲလၢပှၤခိးခူသူၣ်လၢ ဝ့ၢ်အဂီၢ် လၢအချၢဃံန့ၣ်တက့ၢ်.

³ ဒီးစီၤယိၤရှူဂဲၤဆၢထၢၣ်, ဒီးပှၤသုးဖိခဲလၢာ် ဒ်သိး အကလဲၤထီဒါဘၣ်ဂဲ, ဒီးစီၤယိၤရှူဃုထၢပှၤသုးဖိပှၤ အဆူၣ်သၢကလး, ဒီးမၢလီၤအီၤလၢမုၢ်နၤ. ⁴ ဒီးမၤလိာ် အီၤဒီးစံးဝဲဒၣ်, ကွၢ်, သုဘၣ်ခိးခူသူၣ်လၢဝ့ၢ်ဃၢၤလၢ ဝ့ၢ်ချၢဃံန့ၣ်လီၤ. လဲၤတၢ်စၢၢ်တလၢၢ်ဒီးဝ့ၢ်န့ၣ်တဂ့ၤ, ဒီးအိၣ်ကတဲာ်ကတီၤသုသးခဲလၢာ်တက့ၢ်. ⁵ ဒီးယဲဒၣ်ဒီးကယဲၢ်ပှၤလၢအအိၣ်ဒီးယၤခဲလၢာ်ကသုးဘူးပသးဆူဝ့ၢ်ပူၤ, ဒီးတၢ်ကမၤအသးတုၤအကဲထီဒါပှၤဒ်လၢသီအသိးဒီး, ပကဃ့ၢ်တၢ်လၢအမဲာ်ညါ.―

⁶ (အဂ့ၢ်ဒ်အံၤ, ကဟဲထီဒါပှၤ) တုၤပထုးထီၣ်အီၤလၢ ဝ့ၢ်ပူၤန့ၣ်လီၤ. အဂ့ၢ်ဒ်အံၤ, ကစံးဝဲ, အဝဲသ့ၣ်ဃ့ၢ် တၢ်လၢပမဲာ်ညါဒ်လၢအခီၣ်ထံးအသိးလီၤန့ၣ်, ဒီးပ ကဃ့ၢ်တၢ်လၢအမဲာ်ညါလီၤ.

⁷ ဒီးသုဘၣ်ဂဲၤဆၢထၢၣ်လၢ တၢ်ခိးခူသူၣ် အလီၢ်ပူၤ ဒီးမၤန့ၢ်ဆူၣ်ဝ့ၢ်န့ၣ်လီၤ. အဂ့ၢ်ဒ်အံၤ, ယွၤသုကစၢ်က ဟ့ၣ်လီၤကွံာ်အီၤလၢသုစုပူၤလီၤ. ⁸ ဒီးတုၤသုမၤန့ၢ်ဝ့ၢ် ဝံၤဒီး တၢ်ကမၤအသးလၢသုဘၣ် ဆူးထီၣ်ဝ့ၢ်လၢ မ့ၣ်အူလီၤ. ဒ်ယွၤအတၢ်မၤလိာ်အသိးန့ၣ် သုဘၣ်မၤ လီၤ. ကွၢ်, ယမၤလိာ်လံသုလံ.

⁹ ဒီးစီၤယိၤရှူမၢလီၤအီၤ, ဒီးအဝဲသ့ၣ် လဲၤအိၣ်ဝဲလၢ တၢ်ခိးခူသူၣ်အလီၢ်, ဒီးအိၣ်ဝဲလၢ ဘ့ၤသ့လးဒီးဂဲအ ဘၢၣ်စၢၤလၢမုၢ်နုာ်တခီလီၤ. မ့မ့ၢ် စီၤယိၤရှူအိၣ်ဝဲသီ တနၤကျၢၤလၢမုၢ်နၤတနၤန့ၣ်လၢ ပှၤဂီၢ်မုၢ်အကျါလီၤ

¹⁰ ဒီးမုၢ်ဆ့ၣ်ထီၣ်န့ၣ် စီၤယိၤရှူဂဲၤဆၢထၢၣ်ဂီၤဂီၤ, ဒီး ဂံၢ်ပှၤဂီၢ်မုၢ်, ဒီးလဲၤထီၣ်အဝဲဒၣ်, ဒီးပှၤအံၣ်စရ့လးဖိအ ပှၤသူၣ်က့သးပှၢ်ဆူပှၤဂဲဖိအမဲာ်ညါလီၤ. ¹¹ ဒီးပှၤဂီၢ်မုၢ် ခဲလၢာ်, ပှၤသုးဖိလၢအအိၣ်ဒီးအီၤ, လဲၤထီၣ်, ဒီး သုးဘူးအသး, ဒီးလဲၤတုၤလၢဝ့ၢ်အမဲာ်ညါ, ဒီးသူၣ်ဒဲ လၢ ဂဲအကလံၤစိးတခီလီၤ. ဒီးကစၢၢ်ကဆူး အိၣ် ဝဲလၢအဝဲသ့ၣ်တဖၣ်ဒီးဂဲအဘၢၣ်စၢၤန့ၣ်လီၤ.

¹² ဒီးဟံးန့ၢ်ဝဲလၢ ပှၤယဲၢ်ကထိဃၣ်ဃၣ်, ဒီးပာ်လီၤ အီၤဒ်သိးအကခိးခူသူၣ်လၢ ဘ့ၤသ့လးဒီး ဂဲအဘၢၣ် စၢၤလၢဝ့ၢ်လၢမုၢ်နုာ်တခီလီၤ.

¹³ ဒီးပာ်လီၤပှၤဂီၢ်မုၢ်, ပှၤသုးမုၢ်ခဲလၢာ်လၢ အအိၣ် လၢဝ့ၢ်လၢကလံၤစိးတခီ, ဒီးပှၤ ခိးခူသူၣ်တၢ်တဖၣ် လၢဝ့ၢ်လၢမုၢ်နုာ်တခီလီၤ. ဒီးစီၤယိၤရှူလဲၤဝဲလၢ မုၢ် နၤတနၤန့ၣ်လၢ ကစၢၢ်ကဆူးအသးကံၢ်ပူၤန့ၣ်လီၤ.

¹⁴ ဒီးတုၤဂဲအစီၤပၤထံၣ်ဘၣ်ဝဲဒီး, တၢ်မၤအသးလၢအ မၤချ့ချ့, ဒီးမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဂီၤဂီၤ, ဒီးပှၤ ဝ့ၢ်ဖိဟးထီၣ် ဒ်သိးအကဒုးတၢ်ဒီးအံၣ်စရ့လး, တုၤ အသ့ၣ်အဆၢဖးအကတီၢ်ဘၣ်ဝဲ, အဝဲဒၣ်ဒီး အပှၤ ဂီၢ်မုၢ်ခဲလၢာ်လီၤ. ဘၣ်ဆၣ်ဒီးတသ့ၣ်ညါဘၣ်လၢပှၤ ခိးခူသူၣ်တဖၣ် လၢအထီဒါအီၤအိၣ်ဝဲလၢဝ့ၢ်အချၢဃံ ဘၣ်.

¹⁵ ဒီးစီၤယိၤရှူ, ဒီးအံၣ်စရ့လးခဲလၢာ် ပာ်အသးဒ်အ ဃၣ်လၢ အမဲာ်ညါအသိးန့ၣ်, ဒီးဃ့ၢ်ဝဲလၢ ပှၢ်မုၢ် ကနၢအကျဲတဘိလီၤ.

¹⁶ ဒီးတၢ်ကိးန့ၢ် ကယဲၢ်ပှၤအိၣ်လၢ ဂဲပူၤဒ်သိးအက လူၤတၢ်, ဒီးအဝဲသ့ၣ်လူၤစီၤယိၤရှူ, ဒီးဘၣ်တၢ်ထုးန့ၢ် အီၤလၢဝ့ၢ်ပူၤလီၤ. ¹⁷ ဒီးပှၤကညီလၢ အတဟးထီၣ် ပိာ်အံၣ်စရ့လးအခံတအိၣ်ဘၣ်လၢ ဂဲပူၤဒီးလၢဘ့ၤသ့ လးအပူၤနီတဂၤဘၣ်, ဒီးပာ်လီၤတဲာ်ဝ့ၢ်အိၣ်အိးထီၣ် အသး, ဒီးလူၤအံၣ်စရ့လးလီၤ.

¹⁸ ဒီးယွၤစံးဘၣ် စီၤယိၤရှူ, ယူာ်ထီၣ် ဘီလၢအအိၣ် လၢနစုပူၤတဘိဆူဂဲန့ၣ်တက့ၢ်. အဂ့ၢ်ဒ်အံၤ, ယက ဟ့ၣ်လီၤအီၤလၢနစုပူၤလီၤ. ဒီးစီၤယိၤရှူယူာ်ထီၣ်ဘီ လၢအစုပူၤတဘိန့ၣ်ဆူဝ့ၢ်န့ၣ်လီၤ.

¹⁹ ဒီးပှၤခိးခူသူၣ်တၢ်တဖၣ်ဂဲၤဆၢထၢၣ် ချ့ချ့လၢအ လီၢ်ပူၤ, ဒီးတုၤအဝဲဒၣ်ယူာ်ထီၣ်အစုဒီး, ဃ့ၢ်ဝဲ, ဒီး လဲၤနုာ်လၢဝ့ၢ်ပူၤဒီးမၤန့ၢ်ဝဲ, ဒီးဆူးထီၣ်ဝဲလၢမ့ၣ်အူ ချ့ချ့လီၤ. ²⁰ ဒီးတုၤပှၤဂဲဖိဃၣ်အသးဆူအလီၢ်ခံ, ဒီး ကွၢ်တၢ်ဒီး, ကွၢ်ကွၢ်, ဝ့ၢ်အမ့ၣ်အူခုၣ်ထီၣ်ဆူမူခိၣ်, ဒီး အဝဲသ့ၣ်ဃ့ၢ်ဝဲ ဆူအံၤတခီဆူန့ၣ်တခီတသ့ဘၣ်, ဒီး ပှၤလၢအဃ့ၢ်တၢ်ဆူ ပှၢ်မုၢ်ကနၢတဖၣ်န့ၣ် ဃၣ်ကဒါ က့ၤဝဲဆူပှၤလူၤအီၤအဖီခိၣ်လီၤ.― ²¹ ဒီးတုၤစီၤယိၤရှူ, ဒီး အံၣ်စရ့လးခဲလၢာ် ထံၣ်လၢပှၤခိးခူသူၣ်တၢ်တဖၣ်မၤ န့ၢ်တ့ၢ်ဝ့ၢ်ဒီးဝ့ၢ်အမ့ၣ်အူခုၣ်ထီၣ်ဝဲဒီး, ဃၣ်အသး, ဒီး မၤသံပှၤဂဲဖိလီၤ. ²² ဒီးအဝဲသ့ၣ်တဖၣ်န့ၣ် ဟးထီၣ်လၢ ဝ့ၢ်ပူၤထီဒါအီၤလီၤ. ဒီးအိၣ်ဝဲလၢ အံၣ်စရ့လးအသး ကံၢ်ပူၤ, အဝဲသ့ၣ်အိၣ်လၢအအံၤတခီ, ဒီးအဝဲသ့ၣ် အိၣ်လၢ အန့ၣ်တခီ, ဒီးကျီကွံာ်အီၤ တုၤပှၤတအိၣ် လီၤတဲာ်ဘၣ်, ဒီးတပူၤတဖျဲးဘၣ်နီတဂၤဘၣ်.

²³ ဒီးဖီၣ်န့ၢ်ဂဲအစီၤပၤသမူဝဲ, ဒီးဟဲစိာ်အီၤဆူ စီၤယိၤ ရှူအအိၣ်လီၤ.

²⁴ ဒီးတၢ်မၤအသးလၢ အံၣ်စရ့လးမၤသံပှၤဂဲဖိခဲလၢာ် လၢတၢ်ပျီပူၤ, လၢပှၢ်မုၢ်ကနၢဖဲအလူၤအီၤ, ဒီးတုၤအ လီၤဃံၤလၢနးအကနၣ်အဖီခိၣ်ခဲလၢာ်ဒီး, ပှၤအံၣ်စရ့ လးဖိက့ၤက့ၤဆူဂဲပူၤ, ဒီးကျီတၢ်လၢနးအကနၣ်လီၤ.

²⁵ ဒီးပှၤလၢအလီၤဃံၤလၢမုၢ်တနံၤခဲလၢာ်ပိာ်မုၣ်ဂ့ၤဂ့ၤ, ပိာ်ခွါဂ့ၤဂ့ၤ, အိၣ်တကလးခံကထိ, ပှၤဂဲဖိပိာ်ခွါခဲ လၢာ်လီၤ.

²⁶ အဂ့ၢ်ဒ်အံၤ, စီၤယိၤရှူတထုးကဒါက့ၤဘၣ်အစုလၢ အယူာ်ထီၣ်ဘီတဘိန့ၣ် တုၤအမၤဟးဂီၤကွံာ်ပှၤဂဲဖိခဲ လၢာ်လီၤ.

²⁷ ထဲဆၣ်ဖိကီၢ်ဖိအဒၢ, ဒီးဝ့ၢ်အတၢ်ဖိတၢ်လံၤန့ၣ်အံၣ် စရ့လးဟံးန့ၢ်ဝဲလၢတၢ်ဂုာ်န့ၢ်လၢအဂီၢ်ဒၣ်ဝဲ, ဒ်ယွၤအ ကလုၢ်ကထါလၢအမၤလိာ်စီၤယိၤရှူအသိးန့ၣ်လီၤ.

²⁸ ဒီးစီၤယိၤရှူဆူးထီၣ်ကွံာ်ဂဲလၢမ့ၣ်အူ, ဒီးပာ်အီၤလၢ တၢ်ပူအထူအယိာ်, တၢ်အိၣ်သယုၢ် တုၤမုၢ်မဆါတ နံၤအံၤလီၤ.

²⁹ ဒီးဘျးထီၣ်ဂဲအစီၤပၤလၢ သ့ၣ်လိၤတုၤမုၢ်ဟါလီၤဒီး တုၤမုၢ်လီၤနုာ်ဒီး, စီၤယိၤရှူမၤလိာ်ဝဲလၢ ပှၤကဟံး လီၤအစိၣ်လၢသ့ၣ်လိၤ, ဒီးကွံာ်တ့ၢ်အီၤဆူဝ့ၢ် အပဲတ ရီအခီၣ်ထံး, ဒီးမၤထီၣ်ဖဲန့ၣ်လၢလၢၢ်တပူဖးဒိၣ်လီၤ. အိၣ်ဝဲတုၤ မုၢ်မဆါတနံၤအံၤလီၤ. ³⁰ တုၤနုၤတစု စီၤယိၤရှူမၤထီၣ်တၢ်လုၢ်လီၢ်လၢ ယွၤအံၣ်စရ့လးအကစၢ်အဂီၢ်, လၢကစၢၢ် ဧ့ၤဘါလးအ လိၤ, ³¹ ဒ်ယွၤအခ့အပှၤစီၤမိၤရှ့မၤလိာ်ပှၤအံၣ်စရ့လးဖိ အသိးန့ၣ်, ဒ်တၢ်ကွဲးအသးလၢ စီၤမိၤရှ့အလံာ်တၢ် သိၣ်တၢ်သီအပူၤအသိးန့ၣ်, တၢ်လုၢ်လီၢ်လၢလၢၢ်ဒီ ဖျၢၣ်တဖၣ်, လၢပှၤတယူာ်ထီၣ်ဘၣ်ထးလၢ အလိၤ ဘၣ်, ဒီးလုၢ်တၢ်လုၢ်မ့ၣ်အူလၢယွၤအဂီၢ်လၢအဖီခိၣ်, ဒီးလုၢ်တၢ်လုၢ်မၤဃူမၤဖိးလီၤ.

³² ဒီးကွဲးဝဲလၢလၢၢ်အလိၤလၢ စီၤမိၤရှ့အတၢ်သိၣ်တၢ် သီလၢအကွဲးဝဲလၢ ပှၤအံၣ်စရ့လးဖိအမဲာ်ညါန့ၣ်လီၤ.

³³ ဒီးအံၣ်စရ့လးခဲလၢာ်, ဒီးအပှၤသူၣ်က့သးပှၢ်, ဒီးအ ပှၤကွဲးလံာ်, ဒီးအပှၤစံၣ်ညီၣ်ကွီၢ်တဖၣ်န့ၣ်ဆၢထၢၣ် ဝဲလၢတလါအဃၢၤလၢအံၤတခီ, ဒီးလၢန့ၣ်တခီ, လၢ ပှၤလုၢ်တၢ်အဒိၣ်, ပှၤလ့ၤဝံဖိလၢ အစိာ်ယွၤအတၢ် အၢၣ်လီၤအတလါအမဲာ်ညါ, ပှၤတခီဘီမုၢ်ဖိမ့ၢ်ဂ့ၤဒီး ပှၤအိၣ်ဖျဲၣ်လၢအကျါမ့ၢ်ဂ့ၤ, ဒီးပှၤတဝာ်န့ၣ်အိၣ်ဝဲလၢ ကစၢၢ်ကရံးစံၣ်အမဲာ်ညါ, ဒီးပှၤအတဝာ်န့ၣ်အိၣ်ဝဲ လၢကစၢၤဧ့ၤဘါလးအမဲာ်ညါ, ဒ်ယွၤအခ့အပှၤ စီၤ မိၤရှ့မၤလိာ်တ့ၢ်လၢအခီၣ်ထံးအသိး, ဒ်သိးအကဆိၣ် ဂ့ၤအံၣ်စရ့လးအပှၤဂီၢ်မုၢ်လီၤ.

³⁴ လၢခံက့ၤဒီးဖးဝဲ ကယဲၢ်တၢ်သိၣ် တၢ်သီအတၢ်က တိၤခဲလၢာ်, တၢ်ဆိၣ်ဂ့ၤတဖၣ်, ဒီးတၢ်ဆိၣ်အၢတ ဖၣ်ဒ်ကယဲၢ်တၢ်ကွဲးအသးလၢ လံာ်တၢ်သိၣ်တၢ်သီအ ပူၤအသိးန့ၣ်လီၤ.

³⁵ တၢ်ကတိၤလၢစီၤမိၤရှ့မၤလိာ်ဝဲလၢ စီၤယိၤရှူတဖး ဘၣ်ဝဲလၢအံၣ်စရ့လးအတၢ်အိၣ်ဖှိၣ်အမဲာ်ညါ, အိၣ်ဒီး ပိာ်မုၣ်ပိာ်မၢၤ, ဒီးဖိဒံဖိသၣ်, ဒီးပှၤတခီဘီမုၢ်ဖိလၢအ လဲၤတၢ်လၢအကျါတဖၣ်, တအိၣ်ဘၣ်နီတထံၣ်ဘၣ်.

၉

¹ ဒီးတုၤစီၤပၤခဲလၢာ် အိၣ်လၢယၢ်ဒ့ၣ် လၢအံၤတခီ, လၢကစၢၢ်ကလိ, ဒီးလၢကစၢၢ်ကဆူး, ဒီးလၢပီၣ် လဲၣ်ဖးဒိၣ်အဃၢၤခဲလၢာ်သဃီၤဒီးလဘၤနိၣ်, ပှၤဃ့ၤ သးဖိ, ဒီးပှၤအမိၢ်ဖိ, ဒီးပှၤကနၣ်ဧၣ်ဖိဒီးပှၤပရးစၤဖိ, ဒီး ပှၤဃံၤဝံဖိ, ဒီးပှၤယဘူၣ်ဖိသ့ၣ်တဖၣ်န့ၣ်နၢ်ဟူတၢ်ဒီး,

² တၢ်မၤအသးလၢ အအိၣ်ဖှိၣ်ရိဖှိၣ်အသးတဖျၢၣ်ဃီ, ဒ် သိးအကဒုးသုဒီး စီၤယိၤရှူ, ဒီးအံၣ်စရ့လးလီၤ.

³ ဒီးတုၤပှၤကံးဘိၣ်ဖိနၢ်ဟူတၢ်လၢ စီၤယိၤရှူမၤယရံၤ ဃိ, ဒီးဂဲဒီး, ⁴ အဝဲသ့ၣ်မၤဝဲစ့ၢ်ကီးဒီးလီတၢ်, ဒီးလဲၤဝဲ, ဒီးပာ်အသးလၢတၢ်အကလူး, ဒီးစိာ်ဝဲဒီး ထၢၣ်လီၢ် လံၤလၢအကသ့ၣ်ယီၤအလိၤ, ဒီးစပံးထံအထၢၣ်တၢ် ဖံးလီၢ်လံၤဒီးယာ်ဝဲ, ဒီးဘိၣ်ထီၣ်အသး, ⁵ ဒီးခီၣ်ဖံး လီၢ်လံၤဆးကျးအသး လၢအခီၣ်လိၤ, ဒီးကူသိးဝဲဒီး အကူအသိးလီၢ်လံၤဒီး ကယဲၢ်ကိၣ်လၢအတၢ်အီၣ်အ ကျါန့ၣ်ဃ့ဝဲ, ဒီးကုၤထီၣ်ဝဲလီၤ. ⁶ ဒီးလဲၤဝဲဆူစီၤယိၤ ရှူအအိၣ်လၢ ပှၤသူၣ်ဒဲအလီၢ်လၢကံးလကၤလးအပူၤ, ဒီးစံးဘၣ်အီၤဒီးပှၤအံၣ်စရ့လးအပှၤကညီတဖၣ်, ပဟဲ လၢထံယံၤကီၢ်ယံၤ, ဒီးခဲကနံၣ်အံၤ, အၢၣ်လီၤအီလီၤ တၢ်အၢၣ်လီၤအီလီၤဒီးပှၤတက့ၢ်.

⁷ ဒီးအံၣ်စရ့လးအပှၤကညီစံးဘၣ်ပှၤဃံၤဝံၤဖိ, ဘၣ်တ ဘၣ်သုအိၣ်သုဆိးလၢပကျါလီၤ. ဒီးပကအၢၣ်လီၤအီ လီၤတၢ်အၢၣ်လီၤအီလီၤဒီးသုဒ်လဲၣ်.

⁸ ဒီးအဝဲသ့ၣ်စံးဘၣ်စီၤယိၤရှူ, ပဝဲဒၣ်အံၤပမ့ၢ်နခ့နပှၤ လီၤ. ဒီးစီၤယိၤရှူစံးဘၣ်အီၤ, သုမ့ၢ်မတၤတဖၣ်လဲၣ်, ဒီးသုဟဲလၢလဲၣ်. ⁹ ဒီးစံးဘၣ်အီၤ, နခ့နပှၤဟဲလၢကီၢ်တဘ့ၣ်ယံၤယံၤကလဲာ်လၢယွၤနကစၢ်အမံၤအဃိလီၤ. အဂ့ၢ်ဒ်အံၤ, ပနၢ်ဟူအကစီၣ်, ဒီးကယဲၢ်အမၤတၢ်လၢအဲၤကူပတူးအပူၤ,―

¹⁰ ဒီးကယဲၢ်အမၤပှၤအမိၢ်ဖိအစီၤပၤခံဂၤလၢ အအိၣ်လၢ ယၢ်ဒ့ၢ်ဝၢ်ဘးခီ, လၢဃ့ၡဘိၣ်အစီၤပၤစံဃိၣ်, ဒီးဘၤ ၡၣ်အစီၤပၤဧိာ်လၢအအိၣ်ဝဲလၢဧၤၡၤတြိးန့ၣ်လီၤ. ¹¹ ဒီး ပှၤ, သူၣ်က့သးပှၢ်, ဒီးကယဲၢ်ပထံဖိကီၢ်ဖိခဲလၢာ်က တိၤတၢ်ဒီးပှၤ, ဒီးစံးဝဲဒၣ်, ဟံးန့ၢ်တၢ်အီၣ်တၢ်အီလၢ သုလဲၤတၢ်အဂီၢ်, ဒီးလဲၤသဂၢၢ်အီၤ, ဒီးစံးဘၣ်အီၤ, ပဝဲဒၣ်အံၤ, ပမ့ၢ်သုခ့သုပှၤလီၤ. ဒီးခဲကနံၣ်အံၤအၢၣ် လီၤအီလီၤ တၢ်အၢၣ်လီၤအီလီၤဒီးပှၤတက့ၢ်. ¹² ပကိၣ် အံၤကိၢ်ဝဲဒီးပဟံးန့ၢ်အီၤလၢပဟံၣ်ပူၤ လၢပတၢ်အီၣ်အ ဂီၢ်လၢမုၢ်တနံၤလၢပဟးထီၣ်, ဒ်သိးပကဟဲဆူသုအိၣ် လီၤ. မ့မ့ၢ်ခဲကနံၣ်အံၤကွၢ်ကွၢ်, ဃ့ဝဲ, ဒီးကုၤထီၣ်ဝဲ လီၤ. ¹³ ဒီးစပံးထံအထၢၣ်တၢ်ဖံးအံၤအသီဒီးပမၤပှဲၤအီၤ လီၤ. ဒီးကွၢ်ကွၢ်, ယာ်ဝဲလီၤ. ဒီးပကူပသိးဒီးပခီၣ်ဖံး အံၤလီၢ်လံၤဝဲလၢပကျဲယံၤမးအဃိလီၤ.

¹⁴ ဒီးပှၤကညီတဖၣ်န့ၣ်ဟံးန့ၢ်အတၢ်အီၣ်တနီၤ, ဒီးတ သံကွၢ်တၢ်လၢယွၤအထးခိၣ်ဘၣ်. ¹⁵ ဒီးစီၤယိၤရှူမၤတၢ် ဃူတၢ်ဖိးဒီးအီၤ, ဒီးအၢၣ်လီၤအီလီၤတၢ်ဒီးအီၤ, လၢ အကဒုးမူဒံးအီၤလီၤ. ဒီးတၢ်အိၣ်ဖှိၣ်အပဒိၣ်တဖၣ်န့ၣ် ဆိၣ်တၢ်ဒီးအီၤလီၤ.

¹⁶ ဒီးအၢၣ်လီၤအီလီၤတၢ်ဒီးအီၤအလီၢ်ခံန့ၣ် ပူၤကွံာ်သၢ နံၤဒီး, တၢ်မၤအသးလၢအနၢ်ဟူဝဲလၢအမ့ၢ်ပှၤအိၣ်လၢ အဃၢၤ, ဒီးအိၣ်ဝဲဆိးဝဲလၢအကျါလီၤ. ¹⁷ ဒီးပှၤအံၣ်စ ရ့လးဖိလဲၤတၢ်, ဒီးသၢနံၤတနံၤန့ၣ်တုၤဝဲလၢအဝ့ၢ်တ ဖၣ်န့ၣ်လီၤ. ဒီးအဝ့ၢ်တဖၣ်န့ၣ်မ့ၢ်ကံးဘိၣ်, ဒီးကဖံရၤ, ဒီးဘအ့ရိး, ဒီးကံးရယးယဧၤရံၣ်လီၤ.

¹⁸ ဒီးပှၤအံၣ်စရ့လးဖိ တကျီသံဘၣ်အီၤဘၣ်. အဂ့ၢ်ဒ် အံၤ, တၢ်အိၣ်ဖှိၣ်အပဒိၣ်တဖၣ်ဆိၣ်တၢ်ဒီးအီၤလၢယွၤ, အံၣ်စရ့လးအကစၢ်အမဲာ်ညါလီၤ. ဒီးပှၤအိၣ်ဖှိၣ်ခဲလၢာ် ကဒူးကဒ့ၣ်တၢ်လၢပဒိၣ်တဖၣ်အလိၤလီၤ.

¹⁹ ဒီးကယဲၢ်ပဒိၣ်တဖၣ်န့ၣ် စံးဘၣ်တၢ်အိၣ်ဖှိၣ်ခဲလၢာ်, ပဆိၣ်တၢ်ဒီးအီၤလၢ ယွၤအံၣ်စရ့လးအကစၢ်အမဲာ်ညါ လီၤ. ဒီးခဲကနံၣ်အံၤပထိးအီၤတသ့ဘၣ်. ²⁰ ဒီးပကမၤ အီၤလၢတၢ်အံၤ, ပကဒုးမူဒံးအီၤဒ်သိးတၢ်သးထီၣ်အ သုတဘၣ်ပှၤလၢ တၢ်ဆိၣ်လၢပဆိၣ်တၢ်ဒီးအီၤ အဃိ တဂ့ၤန့ၣ်လီၤ.

²¹ ဒီးပဒိၣ်တဖၣ်န့ၣ်စံးလၢအဂ့ၢ်အကျိၤန့ၣ်, ကမူဒံးဒၣ် ဝဲတက့ၢ်. ဘၣ်ဆၣ်ဒီးမ်အကဲထီၣ်ပှၤကူာ်သ့ၣ်မုၣ်, ဒီး ပှၤဒၢၣ်ထံလၢတၢ်အိၣ်ဖှိၣ်ခဲလၢာ်အဂီၢ် ဒ်ပဒိၣ်တဖၣ် ကတိၤတၢ်အသိးန့ၣ်တက့ၢ်.

²² ဒီးစီၤယိၤရှူကိးန့ၢ်အီၤ, ဒီးစံးဘၣ်အီၤ, တုၤသုအိၣ် ဘူးဒီးပှၤဒီးသုစံး, ပအိၣ်ယံၤယံၤကလဲာ်ဒီးသုန့ၣ်, ဒီး သုလီန့ၢ်ပှၤ မ့ၢ်အဘၣ်မနုၤလဲၣ်. ²³ ဒီးခဲကနံၣ်အံၤသု ဘၣ်တၢ်ဆိၣ်အၢလီၤ. ဒီးလၢသုကကဲကုၢ်, ဒီးပှၤကူာ် သ့ၣ်မုၣ်, ဒီးပှၤဒၢၣ်ထံလၢယကစၢ်အဟံၣ်အဂီၢ်န့ၣ်သု တပူၤဖျဲးဘၣ်နီတဂၤဘၣ်.

²⁴ ဒီးအဝဲသ့ၣ်စံးဆၢစီၤယိၤရှူ, ဒီးစံးဝဲဒၣ်, အဂ့ၢ်ဒ်အံၤ, ပှၤစံးဘၣ်တဲဘၣ်နခ့နပှၤလၢ ယွၤနကစၢ်မၤလိာ်အခ့ အပှၤစီၤမိၤရှ့, လၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးလၢအကမၤဟးဂီၤ ပှၤကီၢ်ဖိခဲလၢာ် လၢသုမဲာ်ညါ လီၤ. ဒီးပဘၣ်ယိၣ်တၢ်လၢပသးသမူအဂီၢ်ဒိၣ်ဒိၣ်က လဲာ်လၢသုဃိ, ဒီးပမၤတၢ်အံၤတမံၤလီၤ. ²⁵ ဒီးခဲကနံၣ် အံၤကွၢ်ကွၢ်, ပအိၣ်လၢနစုပူၤဒ်သိးနကမၤပှၤဒ်တၢ်အ ဂ့ၤအတီလၢနမဲာ်ညါအသိးန့ၣ်လီၤ.

²⁶ ဒီးအဝဲဒၣ်မၤအီၤဒ်န့ၣ်, ဒီးမၤပူၤမၤဖျဲးအီၤဒီးပှၤအံၣ် စရ့လးဖိအစုပူၤ, ဒီးအဝဲသ့ၣ်တမၤသံဘၣ်အီၤဘၣ်.

²⁷ ဒီးတၢ်လၢမုၢ်တနံၤန့ၣ် စီၤယိၤရှူပာ်အီၤလၢပှၤကူာ် သ့ၣ်မုၣ်, ဒီးပှၤဒၢၣ်ထံလၢတၢ်အိၣ်ဖှိၣ်အဂီၢ်, ဒီးလၢ ယွၤအတၢ်လုၢ်လီၢ်အဂီၢ်ဖဲ အလီၢ်အိၣ်လၢအကဃုထၢ ဝဲတုၤမုၢ်မဆါတနံၤအံၤလီၤ.

၁၀

¹ ဒီးတုၤယရူၤၡလ့ၣ် အစီၤပၤအဒိၤနံၤစ့ဒ့း နၢ်ဟူဝဲ လၢ စီၤယိၤရှူမၤန့ၢ်ဂဲဒီး မၤဟးဂီၤကွံာ်အီၤ, ဒ်အမၤ ယရံၤဃိဒီးအစီၤပၤအသိး မၤဂဲဒီးအစီၤပၤဒ်န့ၣ်အသိး, ဒီးလၢပှၤကံးဘိၣ်ဖိ မၤဃူမၤဖိးဒီးပှၤအံၣ်စရ့လးဖိ, ဒီး အိၣ်ဝဲလၢအကျါန့ၣ်ဒီး, ² တၢ်မၤအသးလၢအပျံၤဝဲဖုးဝဲ ဒိၣ်မးလီၤ. အဂ့ၢ်ဒ်အံၤ, ကံးဘိၣ်မ့ၢ်ဝ့ၢ်ဖးဒိၣ်တဖျၢၣ်, ဒ်စီၤပၤအဝ့ၢ်တဝ့ၢ်အသိး, ဒီးဒိၣ်န့ၢ်ဂဲတက့ၢ်, ဒီးအ ပှၤကညီခဲလၢာ်န့ၣ် မ့ၢ်ပှၤအဆူၣ်လီၤ.

³ ဒီးယရူၤၡလ့ၣ်အစီၤပၤအဒိၤနံၤစ့ဒ့း မၢလီၤတၢ်ဆူဃ့ ဘြိၣ်အစီၤပၤဟိဟၣ်, ဒီးယၢ်မူသး အစီၤပၤပံးရၣ်ဒီး လၤကံၣ်အစီၤပၤယၤဖံ, ဒီးဧ့းကလိၣ် အစီၤပၤဒဘံၢ်, ဒီးစံးဝဲဒၣ်, ⁴ ဟဲဆူယအိၣ်, ဒီးမၤစၢၤယၤ ဒ်သိးပ ကကျီကွံာ်ကံးဘိၣ်န့ၣ်တက့ၢ်, အဂ့ၢ်ဒ်အံၤ, မၤဃူမၤ ဖိးဒီး စီၤယိၤရှူ, ဒီးပှၤအံၣ်စရ့လးဖိလီၤ.

⁵ ဒီးပှၤအမိၢ်ဖိအစီၤပၤယဲၢ်ဂၤ, ယရူၤၡလ့ၣ် အစီၤပၤ တဂၤ, ဃ့ဘြိၣ်အစီၤပၤတဂၤ, ယၢ်မူသးအစီၤပၤတ ဂၤ, လၤကံၣ်အစီၤပၤတဂၤ, ဧ့းကလိၣ်အစီၤပၤတဂၤ, အိၣ်ဖှိၣ်ရိဖှိၣ်, ဒီးလဲၤထီၣ်, အဝဲသ့ၣ်ဒီးအပှၤသုးမုၢ်ခဲ လၢာ်, ဒီးသူၣ်ဒဲလၢကံးဘိၣ်အမဲာ်ညါ, ဒီးဒုးတၢ်ဒီး အီၤလီၤ.

⁶ ဒီးကံးဘိၣ်အပှၤကညီ မၢလီၤတၢ်ဆူ စီၤယိၤရှူအ အိၣ်, ဖဲပှၤသူၣ်ဒဲအလီၢ်လၢကံးလကၤလး, ဒီးစံးဝဲဒၣ်, ပာ်စၢ်လီၤနစုလၢ နခ့နပှၤအဂီၢ်တဂ့ၤ, ဟဲထီၣ်ဆူပ အိၣ်ချ့ချ့, ဒီးအုၣ်က့ၤခီၣ်က့ၤပှၤဒီးမၤစၢၤပှၤတက့ၢ်. အ ဂ့ၢ်ဒ်အံၤ, ပှၤအမိၢ်ဖိအစီၤပၤခဲလၢာ်လၢ အအိၣ်အ ဆိးလၢ ကစၢၢ်ကလိန့ၣ်အိၣ်ဖှိၣ်ရိဖှိၣ်ထီဒါလံပှၤလံ.

⁷ ဒီးစီၤယိၤရှူလဲၤထီၣ်လၢကံးလကၤလး, အဝဲဒၣ်ဒီး, ပှၤသုးဖိခဲလၢာ်အိၣ်ဒီးအီၤ, ဒီးကယဲၢ်ပှၤအဆူၣ်ခဲလၢာ် လီၤ.

⁸ ဒီးယွၤစံးဘၣ် စီၤယိၤရှူ, ပျံၤအီၤတဂ့ၤ, အဂ့ၢ်ဒ်အံၤ ယဟ့ၣ်လီၤလံအီၤလၢနစုပူၤလံ. ပှၤအိၣ်လၢအကျါတ ဆၢထၢၣ်ဘၣ်လၢနမဲာ်ညါနီတဂၤဘၣ်.

⁹ ဒီးစီၤယိၤရှူ လဲၤဘၣ်အီၤသတူၢ်ကလာ် (လဲၤထီၣ် လၢကံးလကၤလးသီတနၤကျၢၤ)လီၤ.

¹⁰ ဒီးယွၤမၤဃၣ်အီၤလၢ အံၣ်စရ့လးအမဲာ်ညါ, ဒီးမၤ သံအီၤလၢတၢ်မၤသံဖးဒိၣ်ဖဲကံးဘိၣ်, ဒီးလူၤအီၤလၢ ကျဲလဲၤဆူဘ့ၤသဃိရိၣ်, ဒီးကျီကွံာ်အီၤ ပၢၢ်လၢဧစ့ ကၤဒီးပၢၢ်လၢမးက့ဒၤလီၤ. ¹¹ ဒီးအဝဲသ့ၣ်ဃ့ၢ်လၢအံၣ် စရ့လးအမဲာ်ညါအဖၢမုၢ်ဒီး, လၢအလဲၤလီၤလၢဘ့ၤ သဃိရိၣ်န့ၣ်, တၢ်မၤအသးလၢ ယွၤတ့ၢ်လီၤကွံာ် လၢၢ်ဖးဒိၣ်တဖၣ်လၢမူခိၣ်လၢ အဖီခိၣ်ဆူဧစ့ကၤ, ဒီး သံဝဲတကူၢ်သ့ၣ်လီၤ. ပှၤသံလၢသူၣ်အလၢၢ်န့ၣ် အါ န့ၢ်ပှၤအံၣ်စရ့လးဖိမၤသံအီၤလၢနးတက့ၢ်လီၤ.

¹² တုၤနုၤတစုမုၢ်တနံၤလၢ ယွၤဟ့ၣ်လီၤကွံာ် ပှၤအ မိၢ်ဖိလၢ ပှၤအံၣ်စရ့လးဖိအမဲာ်ညါန့ၣ် စီၤယိၤရှူက တိၤတၢ်ဒီးယွၤ, ဒီစံးဝဲဒၣ်, လၢအံၣ်စရ့လးအမဲာ်ညါ မုၢ်ဧၢ, အိၣ်ကတီၢ်လၢကံးဘိၣ်အလိၤ, ဒီးလါဧၢ, လၢ အးယၤလိၣ်အကစၢၢ်ကဆူးန့ၣ်တက့ၢ်.

¹³ ဒီးမုၢ်န့ၣ်အိၣ်ကတီၢ်, ဒီးလါန့ၣ်ဆၢထၢၣ်တုၤပှၤဂီၢ် မုၢ်မၤဆၢတၢ်အၢလၢ အဒုၣ်အဒါအလိၤလီၤ. အအံၤ ကွဲးအသးလၢ လံာ်ယၤၡၣ်အပူၤန့ၣ်တမ့ၢ်ဘၣ်ဧါ. ဒီး မုၢ်န့ၣ်အိၣ်ကတီၢ်လၢမူခိၣ်အသးကံၢ်ပူၤ, ဒီးတနံၤဒီနံၤ ညါဃၣ်ဃၣ်တလဲၤလီၤဘၣ်.

¹⁴ ဒီးဒ်သိးယွၤကကနၣ်ပှၤကညီအကလုၢ်ဒီး, လၢသီမ့ၢ်ဂ့ၤ, လၢခံမ့ၢ်ဂ့ၢ်, မုၢ်တနံၤ ဒ်န့ၣ်သိးတအိၣ်ဘၣ်. အ ဂ့ၢ်ဒ်အံၤ, ယွၤဒုးတၢ်လၢအံၣ်စရ့လးအဂီၢ်လီၤ.

¹⁵ ဒီးစီၤယိၤရှူက့ၤကဒါက့ၤဝဲ, ဒီးအံၣ်စရ့လးခဲလၢာ် အိၣ်ဒီးအီၤဆူ ပှၤသူၣ်ဒဲအလီၢ်လၢကံးလကၤလးအပူၤ န့ၣ်လီၤ.

¹⁶ မ့မ့ၢ်စီၤပၤယဲၢ်ဂၤန့ၣ်ဃ့ၢ်တၢ်, ဒီးပာ်ခူသူၣ်အသးလၢ ဟီၣ်ခိၣ်အအိပူၤလၢမးက့ဒၤအပူၤလီၤ. ¹⁷ ဒီးပှၤစံးဘၣ် တဲဘၣ် စီၤယိၤရှူဒီးစံးဝဲဒၣ်, ပှၤထံၣ်န့ၢ် စီၤပၤယဲၢ် ဂၤအိၣ်ခူသူၣ်လၢဟီၣ်ခိၣ်အအိပူၤလၢမးက့ဒၤအပူၤလီၤ

¹⁸ ဒီးစီၤယိၤရှူစံးဝဲဒၣ်, တလ့ၣ်လၢၢ်ဖးဒိၣ်တဖၣ်ဆူတၢ် အိပူၤအခိၣ်ထိး, ဒီးပာ်ပှၤကညီဒ်သိးအကခိးဝဲန့ၣ်တ က့ၢ်. ¹⁹ ဒီးအိၣ်ကတီၢ်သုဝဲတဂ့ၤ, လူၤသုဒုၣ်သုဒါ, ကျီ ကွံာ်ပှၤလၢ အအိၣ်လၢခံကတၢၢ်တဖၣ်န့ၣ်တက့ၢ်. ဒုး လဲၤနုာ်အီၤဆူ အဝ့ၢ်တဖၣ်အပူၤန့ၣ်တဂ့ၤ. အဂ့ၢ်ဒ်အံၤ ယွၤသုကစၢ်ဟ့ၣ်လီၤကွံာ်အီၤလၢသုစုပူၤလီၤ.

²⁰ ဒီးတုၤစီၤယိၤရှူဒီး ပှၤအံၣ်စရ့လးဖိမၤသံအီၤလၢတၢ် မၤသံဖးဒိၣ် တုၤအလၢာ်ဝံၤဒီး, တၢ်မၤအသးလၢပှၤ အိၣ်လီၤတဲာ်တဖၣ်န့ၣ် လဲၤနုာ်လၢဝ့ၢ်အိၣ်ဒီးအခိၣ်ဒူတ ဖၣ်အပူၤလီၤ.

²¹ ဒီးပှၤဂီၢ်မုၢ်က့ၤကဒါက့ၤဆူ ပှၤသူၣ်ဒဲအလီၢ်ဆူ စီၤ ယိၤရှူအအိၣ်ဖဲမးက့ဒၤန့ၣ် မုာ်မုာ်လီၤ. ပှၤတဝးဘၣ် အပျ့ၤလၢပှၤအံၣ်စရ့လးဖိအလိၤနီတဂၤဘၣ်.

²² ဒီးစီၤယိၤရှူစံးဝဲဒၣ်, အိးထီၣ်တၢ်အိပူၤအခိၣ်ထိးဒီး ဟဲစိာ်စီၤပၤယဲၢ်ဂၤန့ၣ်လၢအပူၤဆူယအိၣ်တက့ၢ်.

²³ ဒီးအဝဲသ့ၣ်မၤဒ်န့ၣ်, ဒီးဟဲစိာ် စီၤပၤယဲၢ်ဂၤန့ၣ်လၢ တၢ်အိပူၤဆူအအိၣ်, ယရူၤၡလ့ၣ်အစီၤပၤတဂၤ, ဃ့ဘြိၣ် အစီၤပၤတဂၤ, ယၢ်မူသးအစီၤပၤတဂၤ, လၤကံၣ်အ စီၤပၤတဂၤ, ဧ့းကလိၣ်အစီၤပၤတဂၤလီၤ.

²⁴ ဒီးတုၤအဟဲစိာ်စီၤပၤတဖၣ်န့ၣ်ဆူ စီၤယိၤရှူအအိၣ်ဒီး တၢ်မၤအသးလၢစီၤယိၤရှူကိးန့ၢ် အံၣ်စရ့လးအပှၤပိာ် ခွါခဲလၢာ်, ဒီးစံးဘၣ် ပှၤသုးမုၢ်အခိၣ်တဖၣ်လၢ အ လဲၤတၢ်ဒီးအီၤ, ဟဲသုးဘူးသုသး, ပာ်သုခီၣ်လၢ စီၤ ပၤတဖၣ်အံၤအကိာ်ဖီခိၣ်န့ၣ်တက့ၢ်. ဒီးအဝဲသ့ၣ်သုး ဘူးအသး, ဒီးပာ်အခီၣ်လၢအကိာ်အဖီခိၣ်လီၤ.

²⁵ ဒီးစီၤယိၤရှူစံးဘၣ်အီၤ, ပျံၤတၢ်တဂ့ၤ, ဒီးဘၣ်ယိၣ် တၢ်တဂ့ၤ, ဒီးပာ်ဆူၣ်သုသး, ဒီးတံးတဟီၣ်တက့ၢ်. အ ဂ့ၢ်ဒ်အံၤ, ယွၤကမၤသုဒုၣ်သုဒါလၢ သုဒုးသုးဒီးအီၤ ခဲလၢာ်န့ၣ်ဒ်န့ၣ်အသိးလီၤ. ²⁶ လၢခံက့ၤ စီၤယိၤရှူကျီကွံာ်စီၤပၤတဖၣ်န့ၣ်, ဒီးမၤသံအီၤ, ဒီးဘျးထီၣ်အီၤလၢသ့ၣ်လိၤယဲၢ်ထံး, ဒီးလီၤစဲၤဝဲ လၢသ့ၣ်လိၤတုၤမုၢ်ဟါလီၤ― ²⁷ ဒီးဖဲမုၢ်လီၤနုာ် အက တီၢ်န့ၣ် တၢ်မၤအသးလၢစီၤယိၤရှူမၤလိာ်တၢ်, ဒီးပှၤ ဟံးလီၤအီၤလၢသ့ၣ်လိၤ, ဒီးတ့ၢ်လီၤကွံာ်အီၤဆူဟီၣ် ခိၣ်အအိပူၤ, ဖဲအအိၣ်ခူသူၣ်တ့ၢ်လၢအပူၤ, ဒီးပာ် လၢၢ်ဖးဒိၣ်တဖၣ်လၢတၢ်အိပူၤအခိၣ်ထိးန့ၣ်လီၤ. အိၣ် တုၤမုၢ်မဆါတနံၤအံၤလီၤ.

²⁸ ဒီးတၢ်လၢမုၢ်တနံၤန့ၣ် စီၤယိၤရှူမၤန့ၢ်မးက့ဒၤ, ဒီး ကျီကွံာ်အီၤလၢနးအကနၣ်, ဒီးမၤဟးဂီၤကွံာ်အစီၤပၤ, အဝဲဒၣ်ဒီးကယဲၢ်ပှၤအိၣ်လၢဝ့ၢ်ပူၤလီၤ. တပာ်လီၤတဲာ် ဘၣ်နီတဂၤဘၣ်. ဒီးမၤမးက့ဒၤအစီၤပၤဒ်အမၤယရံၤဃိ အစီၤပၤအသိးန့ၣ်လီၤ.

²⁹ ဒီးစီၤယိၤရှူ ဟးထီၣ်လၢမးက့ဒၤ, ဒီးအံၣ်စရ့လးခဲ လၢာ်အိၣ်ဒီးအီၤဆူ လံးဘနၤ, ဒီးဒုးတၢ်ဒီးလံးဘနၤ န့ၣ်လီၤ. ³⁰ ဒီးယွၤဟ့ၣ်လီၤကွံာ်စ့ၢ်ကီးအီၤ, ဒီးအစီၤပၤ လၢအစုပူၤ, ဒီးကျီကွံာ်ဝဲလၢနးအကနၣ်, ဒီးကယဲၢ်ပှၤ အိၣ်လၢအပူၤလီၤ. တပာ်လီၤတဲာ်ဘၣ်လၢအပူၤနီတ ဂၤဘၣ်. ဒီးမၤအစီၤပၤဒ်အမၤ ယရံၤဃိအစီၤပၤအသိး န့ၣ်လီၤ.

³¹ ဒီးစီၤယိၤရှူ ဟးထီၣ်ကွံာ်လၢလံးဘနၤ, ဒီးအံၣ်စရ့ လးခဲလၢာ်အိၣ်ဒီးအီၤဆူလၤကံၣ်, ဒီးသူၣ်ဒဲထီဒါအီၤ, ဒီးဒုးတၢ်ဒီးအီၤလီၤ.

³² ဒီးယွၤဟ့ၣ်လီၤကွံာ် လၤကံၣ်လၢအံၣ်စရ့လးအစုပူၤ လၢအမၤန့ၢ်အီၤလၢခံနံၤတနံၤ, ဒီးကျီကွံာ်အီၤလၢနးအ ကနၣ်, ဒီးကယဲၢ်ပှၤအိၣ်လၢအပူၤ, ဒ်ကယဲၢ်တၢ်လၢအ မၤတ့ၢ်လံးဘနၤအသိးန့ၣ်လီၤ.

³³ တုၤနုၤတစု က့စ့ၢ်အစီၤပၤဟိရၣ် ဟဲဝဲဒ်သိးအက မၤစၢၤလၤကံၣ်, ဒီးစီၤယိၤရှူကျီကွံာ်အီၤ, ဒီးအပှၤဂီၢ်မုၢ် ဒီးတပာ်လီၤတဲာ်ဘၣ်နီတဂၤဘၣ်.

³⁴ ဒီးစီၤယိၤရှူဟးထီၣ်ကွံာ်လၢ လၤကံၣ်ဆူဧ့းကလိၣ်ဒီး အံၣ်စရ့လးခဲလၢာ်အိၣ်ဒီးအီၤ, ဒီးသူၣ်ဒဲထီဒါအီၤ, ဒီး ဒုးတၢ်ဒီးအီၤ, ³⁵ ဒီးမၤန့ၢ်အီၤလၢမုၢ်တနံၤန့ၣ်, ဒီးကျီ ကွံာ်အီၤလၢနးအကနၣ်, ဒီးကယဲၢ်ပှၤအိၣ်လၢအပူၤခဲ လၢာ်န့ၣ်မၤဟးဂူာ်ဟးဂီၤကွံာ်ဝဲလၢမုၢ်တနံၤန့ၣ် ဒ်က ယဲၢ်တၢ်လၢအမၤတ့ၢ်လၤကံၣ်အသိးန့ၣ်လီၤ.

³⁶ ဒီးစီၤယိၤရှူဟးထီၣ်ကွံာ်လၢ ဧ့းကလိၣ်ဆူဃ့ဘြိၣ်ဒီး အံၣ်စရ့လးခဲလၢာ်အိၣ်ဒီးအီၤ, ဒီးဒုးတၢ်ဒီးအီၤ, ³⁷ ဒီးမၤ န့ၢ်အီၤ, ဒီးကျီကွံာ်အီၤလၢနးအကနၣ်, ဒီးအစီၤပၤ, ဒီး အဝ့ၢ်တဖၣ်, ဒီးကယဲၢ်ပှၤအိၣ်လၢအပူၤခဲလၢာ်, ဒီးတ ပာ်လီၤတဲာ်ဘၣ်နီတဂၤဘၣ်, (ဒ်ကယဲၢ်တၢ်လၢအမၤ တ့ၢ်ဧ့းကလိၣ်အသိးန့ၣ်), ဒီးမၤဟးဂူာ်ဟးဂီၤကွံာ်ဝဲ, ဒီးကယဲၢ်ပှၤအိၣ်လၢအပူၤခဲလၢာ်လီၤ. ³⁸ ဒီးစီၤယိၤရှူက့ၤက့ၤ, ဒီးအံၣ်စရ့လးခဲလၢာ်အိၣ်ဒီး အီၤ, ဆူဒဘံၢ်, ဒီးဒုးတၢ်ဒီးအီၤ, ³⁹ ဒီးမၤန့ၢ်အီၤ, ဒီးအစီၤ ပၤ, ဒီးအဝ့ၢ်ခဲလၢာ်တဖၣ်, ဒီးကျီကွံာ်အီၤလၢနးအက နၣ်, ဒီးမၤဟးဂူာ်ဟးဂီၤကွံာ်ကယဲၢ်ပှၤအိၣ် လၢအပူၤခဲ လၢာ်လီၤ. တပာ်လီၤတဲာ်ဘၣ်နီတဂၤဘၣ်, ဒ်အမၤ တ့ၢ်ဃ့ဘြိၣ်အသိးန့ၣ် မၤဒဘံၢ်ဒီးအစီၤပၤဒ်န့ၣ်အသိး, ဒ်အမၤတ့ၢ်စ့ၢ်ကီးလံးဘနၤဒီးအစီၤပၤအသိးန့ၣ်လီၤ.

⁴⁰ ဒီးစီၤယိၤရှူကျီကွံာ်ကစၢၢ်ကလိအကီၢ်ဒီကီၢ်ညါ, ဒီး ကလံၤထံးအကီၢ်, ဒီးတၢ်ပၢၤခိၣ်အကီၢ်ဒီး တၢ်စိခိၣ်အ ကီၢ်, ဒီးအစီၤပၤခဲလၢာ်လီၤ. တပာ်လီၤတဲာ်ဘၣ်နီတဂၤ ဘၣ်. မၤဟးဂူာ်ဟးဂီၤကယဲၢ်တၢ်လၢအသါဝဲ, ဒ်ယွၤ အံၣ်စရ့လးအကစၢ်မၤလိာ်ဝဲအသိးန့ၣ်လီၤ.

⁴¹ ဒီးစီၤယိၤရှူကျီကွံာ်တၢ်လၢ ကၤဒ့ၣ်ဘၢ်န့ပၢၢ်လၢဂါ စၤ, ဒီးကိၡၣ်အကီၢ်ဒီဘ့ၣ်ညါပၢၢ်လၢကံးဘိၣ်လီၤ.

⁴² ဒီးစီၤပၤခဲလၢာ်န့ၣ် ဒီးအထံဧိၤကီၢ်ဧိၤန့ၣ် စီၤယိၤရှူ မၤန့ၢ်အီၤတပူၤဃီလီၤ. အဂ့ၢ်ဒ်အံၤ, ယွၤအံၣ်စရ့လး အကစၢ်ဒုးတၢ်လၢအံၣ်စရ့လးအဂီၢ်လီၤ.

⁴³ ဒီးစီၤယိၤရှူ က့ၤကဒါက့ၤ, ဒီးအံၣ်စရ့လးခဲလၢာ် အိၣ်ဒီးအီၤဆူပှၤသူၣ်ဒဲအလီၢ်လၢ ကံးလကၤလးအပူၤ န့ၣ်လီၤ.

၁၁

¹ ဒီးတုၤဃါစိၢ်အစီၤပၤယၤဘံၣ် နၢ်ဟူတၢ်ဒီး, တၢ်မၤ အသးလၢအမၢလီၤတၢ်ဆူမၤဒိၣ်အစီၤပၤယိဘာ်, ဒီးၡံး မရိၣ်အစီၤပၤ, ဒီးအးကၡးအစီၤပၤ, ² ဒီးစီၤပၤအိၣ်လၢ ကစၢၢ်ကလိလၢကလံၤစိးတခီ, ဒီးလၢတၢ်ပၢၤခိၣ်လၢ ကံးန့ၤရ့သး အကလံၤထံးတခီ, ဒီးအိၣ်လၢကစၢၢ်က ဆူး, ဒီးလၢဒိၢ်အဃၢၤလၢမုၢ်နုာ်တခီ, ³ ဒီးပှၤကနၤဧၣ် ဖိလၢမုၢ်ထီၣ်ဒီးလၢမုၢ်နုာ်, ဒီးပှၤအမိၢ်ဖိ, ဒီးပှၤဃ့ၤသး ဖိ, ဒီးပှၤပရးစၤဖိ, ဒီးပှၤယဘူၣ်ဖိလၢကစၢၢ်အလိၤ, ဒီး ပှၤဃံၤဝံဖိလၢဃ့ရမိၣ်အခီၣ်ထံး လၢကီၢ်မံးစပၤအပူၤ န့ၣ်လီၤ.

⁴ ဒီးဟးထီၣ်ဝဲ, အဝဲသ့ၣ် ဒီးအသုးမုၢ်ခဲလၢာ်အိၣ်ဒီး အီၤ, ပှၤဂီၢ်မုၢ်အါအါကလဲာ်, အါဝဲဒ်မဲးအိၣ်ဝဲလၢပီၣ် လဲၣ်နံၤအသိးန့ၣ်, အိၣ်ဒီးကသ့ၣ်တဖၣ်, ဒီးလ့ၣ်က ဟၣ်အါဆိလီၤ. ⁵ ဒီးတုၤစီၤပၤခဲလၢာ်န့ၣ် အိၣ်ဖှိၣ်ရိ ဖှိၣ်လၢအသ့ၣ်နံၤဖးသီအကတီၢ်ဒီး, ဟဲသူၣ်ဒဲတပူၤဃီ လၢမ့ၤရိၣ်အထံနံၤဒ်သိးအကဒုးတၢ်ဒီးအံၣ်စရ့လးလီၤ.

⁶ ဒီးယွၤစံးဘၣ်စီၤယိၤရှူ, ဘၣ်ယိၣ်တၢ်လၢအဃိန့ၣ် တဂ့ၤ. အဂ့ၢ်ဒ်အံၤ, ခဲဂီၤကိာ်ဆၢအလီၢ်အံၤဃၣ်ဃၣ်န့ၣ် ယကဟ့ၣ်လီၤအဘၣ်တၢ်မၤသံအီၤခဲလၢာ် လၢအံၣ်စရ့ လးအမဲာ်ညါလီၤ. ဒီးနဘၣ်ပဲာ်တဲာ်အကသ့ၣ်အခီၣ် အထူၣ်, ဒီးဆူးထီၣ်ကွံာ်အလ့ၣ်ကဟၣ်လၢမ့ၣ်အူလီၤ.

⁷ ဒီးစီၤယိၤရှူလဲၤဝဲ, ဒီးပှၤသုးဖိခဲလၢာ်အိၣ်ဒီးအီၤထီ ဒါအီၤသတူၢ်ကလာ်, ဒီးကျီကွံာ်အီၤလီၤ. ⁸ ဒီးယွၤဟ့ၣ် လီၤကွံာ်အီၤဆူ အံၣ်စရ့လးအစုပူၤဒီး အဝဲသ့ၣ်ကျီ ကွံာ်အီၤ, ဒီးလူၤအီၤပၢၢ်လၢစံဒိၣ်ဖးဒိၣ်, ဒီးပၢၢ်လၢ မံးစြဖိးမၤယံၣ်, ဒီးပၢၢ်လၢကစၢၢ်ကဆူး မံးစပၤလၢမုၢ် ထီၣ်တခီ, ဒီးကျီကွံာ်အီၤတုၤအတပာ်လီၤတဲာ်ဘၣ်နီ တဂၤဘၣ်.

⁹ ဒီးစီၤယိၤရှူမၤဘၣ်အီၤ ဒ်ယွၤမၤလိာ်အီၤအသိးန့ၣ် လီၤ. ပဲာ်တဲာ်အကသ့ၣ်အခီၣ်အထူၣ်, ဒီးဆူးထီၣ်ကွံာ် လ့ၣ်ကဟၣ်လၢမ့ၣ်အူလီၤ.

¹⁰ ဒီးအကတီၢ်ဖဲန့ၣ်စီၤယိၤရှူက့ၤကဒါက့ၤ, ဒီးမၤန့ၢ်ဃါ စိၢ်ဒီးကျီကွံာ်အစီၤပၤလၢနးလီၤ. အဂ့ၢ်ဒ်အံၤ, လၢအ ခီၣ်ထံးန့ၣ် ဃါစိၢ်မ့ၢ်ဘီမုၢ်ခဲလၢာ်န့ၣ်အခိၣ်လီၤ. ¹¹ ဒီး ကျီကွံာ်ကယဲၢ်ပှၤအိၣ်လၢအပူၤ လၢနးအကနၣ်ခဲလၢာ် ဒီး မၤဟးဂူာ်ဟးဂီၤကွံာ်အီၤလီၤ. ပှၤလၢအသါဝဲန့ၣ် တအိၣ်လီၤတဲာ်ဘၣ်နီတဂၤဘၣ်, ဒီးဆူးထီၣ်ကွံာ်ဃါ စိၢ်လၢမ့ၣ်အူလီၤ.

¹² ဒီးစီၤပၤတဖၣ်န့ၣ်အဝ့ၢ်ခဲလၢာ်, ဒီးအစီၤပၤခဲလၢာ် န့ၣ်စီၤယိၤရှူမၤန့ၢ်ဝဲ, ဒီးကျီကွံာ်အီၤလၢ နးအကနၣ် လီၤ. မၤဟးဂူာ်ဟးဂီၤကွံာ်အီၤ, ဒ်ယွၤအခ့အပှၤစီၤမိၤ ရှ့မၤလိာ်ဝဲအသိးန့ၣ်လီၤ.

¹³ မ့မ့ၢ်ဝ့ၢ်လၢအဆၢထၢၣ်လၢ တၢ်စိခိၣ်တဖၣ်န့ၣ်အံၣ် စရ့လးတဆူးထီၣ်ကွံာ်အီၤဘၣ်. ဆူးထီၣ်ကွံာ်ထဲဃါ စိၢ်တဝ့ၢ်ဧိၤလီၤ. အဝဲန့ၣ်စီၤယိၤရှူဆူးထီၣ်ကွံာ်ဝဲလီၤ.

¹⁴ ဒီးဝ့ၢ်တဖၣ်အတၢ်ဖိတၢ်လံၤခဲလၢာ်, ဒီးအဆၣ်ဖိကီၢ် ဖိန့ၣ် ပှၤအံၣ်စရ့လးဖိဟံးန့ၢ်ဝဲလၢတၢ်ဂုာ်န့ၢ်လၢအဂီၢ် ဒၣ်ဝဲလီၤ. မ့မ့ၢ်ပှၤကညီန့ၣ် ကျီကွံာ်ဝဲလၢနးအကနၣ် တုၤအမၤဟးဂီၤအီၤ ကိးဂၤဒဲးန့ၣ်လီၤ. တပာ်လီၤတဲာ် ဘၣ်ပှၤလၢအသါဝဲနီတဂၤဘၣ်.

¹⁵ ဒ်ယွၤမၤလိာ်အခ့အပှၤစီၤမိၤရှ့အသိးန့ၣ်, စီၤမိၤရှ့မၤ လိာ်စီၤယိၤရှူဒ်န့ၣ်အသိး, ဒီးစီၤယိၤရှူမၤဝဲဒ်န့ၣ်အသိး လီၤ. တၢ်လၢယွၤမၤလိာ် စီၤမိၤရှ့ခဲလၢာ်န့ၣ်တပာ်လီၤ တဲာ်ဘၣ်နီတမံၤဘၣ်.

¹⁶ ဒီးစီၤယိၤရှူမၤန့ၢ်ကီၢ်ဒီဘ့ၣ်ညါ, ကစၢၢ်ကလိ, ဒီးကီၢ် လၢကလံၤထံးဒီကီၢ်ညါ, ဒီးကိၡၣ်ဒီကီၢ်ညါ, ဒီးက စၢၢ်ကဆူး, ဒီးတၢ်ပၢၤခိၣ်, ဒီးအံၣ်စရ့လးအကစၢၢ်ကလိ ဒီးအကစၢၢ်ကဆူးန့ၣ်, ¹⁷ လၢကစၢၢ်ဃၤလးလၢအလဲၤ ထီၣ်ဆူစ့ဧၢ်ပၢၢ်လၢဘဧၤလးကးလၢ လဘၤနိၣ် အ စ်ၢၢကဆူးပူၤ, လၢကစၢၢ်ဃ့ရမိၣ်အခီၣ်ထံးလီၤ. ဒီးမၤ န့ၢ်အစီၤပၤခဲလၢာ်, ဒီးကျီကွံာ်အီၤ, ဒီးမၤသံအီၤလီၤ. စီၤယိၤရှူဒုးသုးဒီးစီၤပၤခဲလၢာ်န့ၣ်အါနံၤအါသီလီၤ.

¹⁹ ဒီးဝ့ၢ်လၢအမၤဃူမၤဖိးလိာ်အသးဒီး ပှၤအံၣ်စရ့လးဖိ တအိၣ်ဘၣ်နီတဝ့ၢ်ဘၣ်. အိၣ်ထဲဃံၤဝံဖိ, ပှၤအိၣ်ဝဲဆိးဝဲ လၢကံးဘိၣ်အပူၤန့ၣ်လီၤ. ဒုးသုးဒီး မၤန့ၢ်အီၤခဲလၢာ် လီၤ.

²⁰ အဂ့ၢ်ဒ်အံၤ, ဟဲဝဲလၢယွၤ, လၢအဝဲသ့ၣ်အသးက ဆူၣ်ထီၣ် ဒ်သိးအကဟဲသဂၢၢ် အံၣ်စရ့လးလၢတၢ်ဒုး သုးပူၤ, ဒ်သိးအကမၤဟးဂူာ်ဟးဂီာ်ကွံာ်အီၤ, ဒ်သိးအ သုတဘၣ်ဘျုးဘၣ်ဖှိၣ်တဂ့ၤ. ဒ်သိးအကမၤဟးဂီၤကွံာ် အီၤ, ဒ်ယွၤမၤလိာ်စီးမိၤရှ့အသိးန့ၣ်လီၤ.

²¹ ဒီးတၢ်လၢ အကတီၢ်န့ၣ် စီၤယိၤရှူဟဲဒီၣ်တဲာ်ကွံာ် ပှၤဧနးဖိလၢကစၢၢ်ကလိ, လၢဃ့ဘြိၣ်, လၢဒဘံၢ်, လၢ ဧနာ်, ဒီးလၢကစၢၢ်ယူဒၤခဲလၢာ်, ဒီးလၢကစၢၢ်အံၣ်စရ့ လးခဲလၢာ်လီၤ. စီၤယိၤရှူမၤဟးဂီၤကွံာ်အီၤဒီးအဝ့ၢ်တ ဖၣ်န့ၣ်လီၤ.

²² ဒီးပှၤဧနးဖိတအိၣ်လီၤတဲာ်ဘၣ်လၢ ပှၤအံၣ်စရ့လးဖိ အကျါဘၣ်. အိၣ်ထဲလၢဂါစၤအပူၤ, လၢကၤသးအပူၤ, ဒီး လၢအၤစဒိာ်အပူၤလီၤ. အိၣ်လီၤတဲာ်ဝဲဖဲန့ၣ်လီၤ.

²³ ဒီးစီၤယိၤရှူ မၤန့ၢ်ကီၢ်ဒီဘ့ၣ်ညါ, ဒ်ကယဲၢ်တၢ်လၢ ယွၤစံးဘၣ်စီၤမိၤရှ့အသိးန့ၣ်, ဒီးစီၤယိၤရှူဟ့ၣ်လီၤအီၤ လၢအံၣ်စရ့လး လၢတၢ်န့ၢ်သါအလီၢ် ဒ်တၢ်နီၤဖးတပူ တပူအသိး, ဒ်အဒူၣ်တဖၣ်အသိးန့ၣ်လီၤ. ဒီးထံဧိၤ ကီၢ်ဧိၤန့ၣ်အိၣ်ဘှံးဝဲလၢဒုးတၢ်လီၤ.

၁၂

¹ ဒီးအအံၤမ့ၢ်ကီၢ်အစီၤပၤတဖၣ်လၢ ပှၤအံၣ်စရ့လးဖိ ကျီကွံာ်ဝဲ, ဒီးမၤန့ၢ်အကီၢ်တဖၣ်လၢ ယၢ်ဒ့ၣ်ဝၢ်ဘးခီ, လၢမုၢ်ထီၣ်တခီ, လၢထံမိၢ်ပှၢ်အၢ်နိၣ်ပၢၢ်လၢကစၢၢ်ဃ့ ရမိၣ် ဒီးတၢ်ပၢၤခိၣ်ဒီဘ့ၣ်ညါလၢမုၢ်ထီၣ်တခီလီၤ.

² ပှၤအမိၢ်ဖိအစီၤပၤစံဃိၣ် လၢအအိၣ်ဝဲဆိးဝဲလၢဃ့ၡ ဘိၣ်အပူၤ, ဒီးပၢတၢ်လၢဧရိၤဧ့ၢ်လၢအအိၣ်လၢထံမိၢ်ပှၢ် အၢ်နိၣ်အချၢအနံၤ, ဒီးတၢ်အိၣ်ဝဲလၢထံကျိအသးကံၢ်ပူၤ လၢဖးဖီကံးလဧး, ဒီးပၢၢ်လၢထံယးဘိလၢအအိၣ်ဝဲ လၢပှၤဧၣ်မိၣ်ဖိအကီၢ်အဃၢၤ, ³ ဒီးတၢ်ပျီပူၤပၢၢ်လၢပီၣ် လဲၣ်ကံးန့ၤရ့သးလၢမုၢ်ထီၣ်တခီ, ဒီးပၢၢ်လၢတၢ်ပျီပူၤ အပီၣ်လဲၣ်, ပီၣ်လဲၣ်အံသၣ်လၢမုၢ်ထီၣ်တခီ, ကျဲဘ့ၤ သၤယၡံမိး, ဒီးလၢကလံၤထံးလၢ အၤၡဒိးပံးစကၤအ ခီၣ်ထံးလီၤ.

⁴ ဒီးကီၢ်အဃၢၤတဖၣ်ဘၣ်ဃးဒီး ဘၤၡၣ်အစီၤပၤဧိာ် လၢအအိၣ်လၢပှၤနီၢ်ဒိၣ်ဖိလၢအအိၣ် လီၤတဲာ်အကျါ, လၢအအိၣ်အဆိးလၢဧၤၡတြိး, ဒီးအ့ဒြံၤအပူၤတဖၣ်အ

⁵ ကျါတဂၤန့ၣ်လီၤ. ဒီးပၢဝဲလၢကစၢၢ်ဃ့ရမိၣ်, ဒီးလၢ စၤလကး, ဒီးလၢဘၤၡၣ်ဒီဘ့ၣ်ညါပၢၢ်လၢပှၤကရှူၢ်ဖိ, ဒီးပှၤမၤကးဖိ, ဒီးဖးဖီကံးလဧးအကီၢ်ဃၢၤ, ဃ့ၡဘိၣ် အစီၤပၤစံဃိၣ်အကီၢ်ဃၢၤလီၤ.

⁶ အဝဲသ့ၣ်တဖၣ်န့ၣ်ယွၤအခ့အပှၤစီၤမိၤရှ့, ဒီးပှၤအံၣ်စ ရ့လးဖိကျီကွံာ်အီၤ, ဒီးယွၤအခ့အပှၤစီၤမိၤရှ့ဟ့ၣ်လီၤအ ကီၢ်လၢပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ် လၢတၢ်န့ၢ်သါအဂီၢ်လီၤ.

⁷ ဒီးအအံၤမ့ၢ် ကီၢ်အစီၤပၤတဖၣ်လၢစီၤယိၤရှူ, ဒီးပှၤ အံၣ်စရ့လးဖိကျီကွံာ်ဝဲလၢယၢ်ဒ့ၣ် လၢအအံၤတခီလၢ မုၢ်နုာ်တခီ, လၢဘဧၤလးကးလၢလဘၤနိၣ်အကစၢၢ် ကဆူးအပူၤပၢၢ်လၢကစၢၢ်ဃၤလး, လၢအလဲၤထီၣ်ဆူ စ့ဧၢ်တဖၣ်လၢစီၤယိၤရှူဟ့ၣ်လီၤအကီၢ်လၢ ပှၤအံၣ်စရ့ လးဖိအဒူၣ်တဖၣ်လၢအတၢ်န့ၢ်သါအဂီၢ်, ဒ်အတၢ်နီၤဖး တပူတပူအသိးန့ၣ် ⁸ လၢကစၢၢ်ကလိ, ဒီးလၢကစၢၢ်က ဆူး, ဒီးလၢတၢ်ပျီပူၤ, ဒီးလၢတၢ်စိခိၣ်, ဒီးလၢပှၢ်မုၢ်က နၢ, ဒီးလၢကီၢ်ကလံၤထံး, ပှၤဃ့ၤသးဖိ, ပှၤအမိၢ်ဖိ, ပှၤ ကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိလီၤ.

⁹ ယရံၤဃိအစီၤပၤတဂၤ, ဂဲလၢအအိၣ်လၢဘ့ၤသ့လး အဃၢၤအစီၤပၤတဂၤ, ¹⁰ ယရူၤၡလ့ၣ်အစီၤပၤတဂၤ, ဃ့ဘြိၣ်အစီၤပၤတဂၤ, ¹¹ ― ယၢ်မူသးအစီၤပၤတဂၤ, လၤကံၣ်အစီၤပၤတဂၤ, ¹² ― ဧ့းကလိၣ်အစီၤပၤတဂၤ, က့စ့ၢ်အစီၤ ပၤတဂၤ, ¹³ ― ဒဘံၢ်အစီၤပၤတဂၤ, က့ဒ့ၢ်အစီၤပၤတဂၤ, ¹⁴ ― ဃိၢ်မါအစီၤပၤတဂၤ, ဧရ့းအစီၤပၤတဂၤ, ¹⁵ ― လံးဘ နၤအစီၤပၤတဂၤ, ဧဒူးလၣ်အစီၤပၤတဂၤ, ¹⁶ ― မးက့ဒၤအ စီၤပၤတဂၤ, ဘ့ၤသ့လးအစီၤပၤတဂၤ, ¹⁷ ― တးပူၤအစီၤပၤ တဂၤ, ဃ့ဖ့ၢ်အစီၤပၤတဂၤ, ¹⁸ ― အဖ့းအစီၤပၤတဂၤ, လး ၡၤရိၣ်အစီၤပၤတဂၤ, ¹⁹ ― မၤဒိၣ်အစီၤပၤတဂၤ, ဃါစိၢ်အ စီၤပၤတဂၤ, ²⁰ ― ၡံးမရိၣ်မရိၣ်အစီၤပၤတဂၤ, အၤကၡးအ စီၤပၤတဂၤ, ²¹ ― တၤနးအစီၤပၤတဂၤ, မကံဒိၤအစီၤပၤတ ဂၤ, ²² ― က့ဒ့ၣ်အစီၤပၤတဂၤ, ယၤကနၣ်လၢကၢ်မ့ၤလးအ လိၤအစီၤပၤတဂၤ, ²³ ဒိၢ်အစီၤပၤလၢ ဒိၢ်အလီၢ်ထီၣ်ထီကံးလကၤလးအကလုာ်တဖၣ်အစီၤပၤတဂၤ,― ²⁴ တံးရ စၢ်အစီၤပၤတဂၤန့ၣ်လီၤ. စီၤပၤခဲလၢာ်န့ၣ်အိၣ်ဝဲသၢဆံ တဂၤလီၤ.

၁၃

¹ ဒီးစီၤယိၤရှူအသးပှၢ်တ့ၢ်, ဒီးလဲၤနုာ်တ့ၢ်လၢနံၣ်တ ဖၣ်အကျါလီၤ. ဒီးယွၤစံးဘၣ်အီၤ, နသးပှၢ်တ့ၢ်လံ, ဒီး ဟီၣ်ခိၣ်လၢ ပှၤဘၣ်မၤန့ၢ်အီၤန့ၣ် အိၣ်လီၤတဲာ်ဒံးအါ အါကလဲာ်လီၤ.

² အအံၤမ့ၢ်ဟီၣ်ခိၣ်လၢအအိၣ်လီၤတဲာ်ဒံးလီၤ.

³ ပှၤဖလ့ၡသးဖိအကီၢ်ဃၢၤခဲလၢာ်, ဒီးပှၤကရှူဖိအ ကီၢ်ဒီဘ့ၣ်ညါလၢၡံဃိၢ် လၢအအိၣ်လၢအဲၤကူပတူးအ မဲာ်ညါ, ပၢၢ်လၢဧ့ကြိၣ်အကီၢ်ဃၢၤလၢကလံၤစိးတခီ, လၢတၢ်ပာ်လၢ ပှၤကနၤဧၣ်ဖိအဂီၢ်, ဖလ့ၡသးဖိအပ ဒိၣ်ယဲၢ်ဂၤအကီၢ်, ပှၤဂါစၤဖိအကီၢ်, ဒီးပှၤအၤစဒိာ်ဖိ အကီၢ်, ပှၤအၤၡကလိၣ်ဖိအကီၢ်ဒီးပှၤကၤသးဖိအကီၢ်, ဒီးဧ့ကြိၣ်ဒီးပှၤဧၤဝံဖိအကီၢ်စ့ၢ်ကီးလီၤ.

⁴ လၢကလံၤထံးတခီန့ၣ် ပှၤကနၤဧၣ်ဖိအကီၢ်ဒီဘ့ၣ် ညါ, ဒီးမၤရါလၢအအိၣ်လၢ ပှၤစံဒိၣ်ဖိအကီၢ်ဃၢၤပၢၢ် လၢအဖ့း, ပၢၢ်လၢအမိၢ်ဖိအကီၢ်ဃၢၤ, ⁵ ဒီးပှၤကံးဘလး ဖိအကီၢ်, ဒီးလဘၤနိၣ်လၢမုၢ်ထီၣ်တခီဒီဖျၢၣ်ညါ, လၢ ဘဧၤလးကး လၢကစၢၢ်ဃ့ရမိၣ်အခီၣ်ထံးပၢၢ်လၢတၢ် လဲၤနုာ်လၢဃမါသးလီၤ. ⁶ ကယဲၢ်ကစၢၢ်ဖိလၢလဘၤ နိၣ်ပၢၢ်လၢမံးစြဖိးမၤယံၣ်, ပှၤစံဒိၣ်ဖိခဲလၢာ်န့ၣ်ယက ဟီထီၣ်ကွံာ်အီၤလၢပှၤအံၣ်စရ့လးဖိအမဲာ်ညါလီၤ. မ့မ့ၢ် နဲဒၣ်အံၤဖးတၢ်သတးဒီး, နီၤဖးတၢ်န့ၣ်လၢ တၢ်န့ၢ်သါ အဂီၢ်, ဒ်ယမၤလိာ်နၤအသိးန့ၣ်တက့ၢ်.

⁷ ဒီးခဲကနံၣ်အံၤနီၤဖးထံဧိၤကီၢ်ဧိၤအံၤလၢ တၢ်န့ၢ်သါ အလီၢ်လၢပှၤခွံဒူၣ်, ဒီးပှၤမနၤရှ့ၤဖိတခီဒူၣ်အဂီၢ်န့ၣ် တ

⁸ က့ၢ်. ဒီးအဝဲသ့ၣ်, ဒီးပှၤရူၤဘ့ၣ်ဖိ, ဒီးပှၤကးဖိန့ၢ်ဘၣ် လံအတၢ်န့ၢ်သါလၢ စီၤမိၤရှ့ဟ့ၣ်လီၤအီၤလၢယၢ်ဒ့ၣ်ဝၢ် ဘးခီလၢမုၢ်ထီၣ်တခီ, ဒ်ယွၤအခ့အပှၤ စီၤမိၤရှ့ဟ့ၣ် လီၤအီၤအသိးန့ၣ်, ⁹ ဧရိၤဧ့ၢ်လၢအအိၣ်လၢအၢ်နိၣ်အထံ နံၤ, ဒီးဝ့ၢ်အိၣ်ဝဲလၢထံကျိအသးကံၢ်ပူၤ, ဒီးတၢ်ပျီပူၤမ့ဒ ဘၤဒီဘ့ၣ်ညါပၢၢ်လၢဒံဘိၣ်, ¹⁰ ― ဒီးပှၤအမိၢ်ဖိအစီၤပၤစံ ဃိၣ်လၢအပၢတၢ်လၢ ဃ့ၡဘိၣ်အပူၤတဂၤအဝ့ၢ်တဖၣ် ခဲလၢာ်, ပၢၢ်လၢပှၤဧၣ်မိၣ်ဖိအကီၢ်ဃၢၤ, ¹¹ ဒီးကံးလဧး, ဒီးပှၤကရှူၢ်ဖိ, ဒီးပှၤမၤကးဖိအကီၢ်ဃၢၤ, ဃ့ရမိၣ်ဒီဖျၢၣ် ညါ, ဒီးဘၤၡၣ်ဒီဘ့ၣ်ညါပၢၤလၢစၤလကး,― ¹² ဒီးဘၤၡၣ် အစီၤပၤဧိာ် လၢအပၢတၢ်လၢဧၤၡတြိးအပူၤ, ဒီးလၢအ့ ဒြံၤအပူၤလၢအအိၣ်လီၤတဲာ်လၢ ပှၤနီၢ်ဒိၣ်ဖိလၢအအိၣ် လီၤတဲာ်အကျါတဂၤအဘီအမုၢ်ဒီဘ့ၣ်ညါလီၤ. ဒီးစီၤ မိၤရှ့ကျီကွံာ်အီၤ, ဒီးဟီထီၣ်ကွံာ်အီၤလီၤ.

¹³ ဘၣ်ဆၣ်ဒီးပှၤအံၣ်စရ့လးဖိ တဟီထီၣ်ကွံာ်ဘၣ်ပှၤ ကရှူၢ်ဖိ, ဒီးပှၤမၤကးဖိဘၣ်, မ့မ့ၢ်ပှၤကရှူၢ်ဖိ, ဒီးပှၤမၤ ကးဖိအိၣ်ဝဲဆိးဝဲလၢ ပှၤအံၣ်စရ့လးဖိအကျါ တုၤမုၢ်မ ဆါတနံၤအံၤလီၤ.

¹⁴ မ့မ့ၢ်ပှၤလ့ၤဝံဖိန့ၣ် တဟ့ၣ်ဘၣ်အီၤလၢ တၢ်န့ၢ်သါ ဘၣ်, ယွၤအံၣ်စရ့လးအကစၢ် အတၢ်လုၢ်မ့ၣ်အူမ့ၢ်အ တၢ်န့ၢ်သါ, ဒ်အစံးဘၣ်အီၤအသိးန့ၣ်လီၤ.

¹⁵ ဒီးစီၤမိၤရှ့ ဟ့ၣ်လီၤတၢ်လၢပှၤရူၤဘ့ၣ်ဖိတဒူၣ်, ဒ်အ ဟံၣ်တဖၣ်အသိးန့ၣ်လီၤ. ¹⁶ ဒီးအကီၢ်ဃၢၤန့ၣ်မ့ၢ်လၢဧ ရိၤဧ့ၢ်လၢအအိၣ်လၢထံမိၢ်ပှၢ်အၢ်နိၣ်အနံၤ, ဒီးဝ့ၢ်အိၣ်ဝဲ လၢထံကျိအသးကံၢ်ပူၤ, ဒီးတၢ်ပျီပူၤဒီဘ့ၣ်ညါလၢမ့ၤဒ ဘၤအဃၢၤ, ¹⁷ ဃ့ၡဘိၣ်, ဒီးအဝ့ၢ်ခဲလၢာ်လၢအအိၣ်ဝဲ လၢတၢ်ပျီပူၤ, ဒံၤဘိၣ်, ဒီးဘၤမိးဘဧၤလး, ဒီးဘ့ၤသဘ ဧၤလးမဧိၣ်, ¹⁸ ဒီးယးဟစၤ, ဒီးကဒမိး, ဒီးမ့ဖၤ. ¹⁹ ဒီးကံးရယးသံၣ်, ဒီးစံးဘမၤ, ဒီးစ့ၤရ့းၡဃၢ်လၢတၢ်ကစၢၢ်ကဆူးအကစၢၢ်လိၤ,― ²⁰ ဒီးဘ့ၤသပဧိၢ်, ဒီးအၤၡဒိးပံးစကၤ, ဒီးဘ့ၤသၤယၡံမိး, ²¹ ဒီးတၢ်ပျီပူၤအဝ့ၢ်ခဲလၢာ်, ဒီးပှၤအ မိၢ်ဖိအစီၤပၤစံဃိၣ် လၢအပၢတၢ်လၢဃ့ၡဘိၣ်အပူၤတ ဂၤအဘီအမုၢ်ဒီဘ့ၣ်ညါ, ပှၤလၢစီၤမိၤရှ့ကျီကွံာ်အိၣ်ဒီး မံးဒယၣ်အပဒိၣ်ဖးဒိၣ်တဖၣ်, စီၤအဝံၤ, ဒီးစီၤရ့က့ၣ်, ဒီး စီၤစူၢ်, ဒီးစီၤဃူၢ်လၢအမ့ၢ် စံဃိၣ်အပဒိၣ်ဖးဒိၣ်တဖၣ် အိၣ်ဝဲဆိးဝဲလၢထံဧိၤကီၢ်ဧိၤအပူၤန့ၣ်လီၤ.

²² စီၤဘဧိၢ်အဖိခွါဝံဘံးလၣ်န့ၣ် ပှၤအံၣ်စရ့လးဖိမၤသံ အီၤလၢနးလၢပှၤလၢအဘၣ် တၢ်မၤသံလၢအီၤအကျါ န့ၣ်လီၤ.

²³ ဒီးပှၤရူၤဘ့ၣ်ဖိအကီၢ်ဃၢၤန့ၣ် မ့ၢ်ထံယၢ်ဒ့ၣ်ဒီးအသ ရ့ၤလီၤ. အဝဲန့ၣ်မ့ၢ်ပှၤရူၤဘ့ၣ်ဖိအတၢ်န့ၢ်သါ, ဒ်အဟံၣ် တဖၣ်အသိးန့ၣ်, အဝ့ၢ်တဖၣ်, ဒီးအတဝီတဖၣ်န့ၣ်လီၤ. ²⁴ ဒီးစီၤမိၤရှ့ဟ့ၣ်လီၤတၢ်လၢကးတဒူၣ်န့ၣ်, လၢပှၤကးဖိ ဒ်အဟံၣ်တဖၣ်အသိးန့ၣ်လီၤ. ²⁵ ဒီးအကီၢ်ဃၢၤန့ၣ်မ့ၢ် ယၤစ့ၢ်, ဒီးကံးလဧးအဝ့ၢ်ခဲလၢာ်, ဒီးပှၤဧၣ်မိၣ်ဖိအကီၢ် ဖးဖီကီၢ်, ပၢၢ်လၢဧရိၤဧ့ၢ်လၢအအိၣ်လၢရးဘးအမဲာ်ညါ ²⁶ ဒီးလၢဃ့ၡဘိၣ်ပၢၢ်လၢရၤမါမံးစပၤ, ဒီးဘတိနံၣ်, ဒီးလၢမၤဃန့ၤပၢၢ်လၢဒဘံၢ်အကီၢ်ဃၢၤ,― ²⁷ ဒီးအိၣ်ဝဲလၢ ကစၢၢ်ကဆူးအပူၤန့ၣ်ဘ့ၤသဟၤရၣ်, ဒီးဘ့ၤသနံးမရၤ, ဒီးစူးကိၤသး, ဒီးစၤဖိၣ်, တၢ်အိၣ်လီၤတဲာ်လၢဃ့ၡဘိၣ် အစီၤပၤစံဃိၣ်အဘီမုၢ်, ထံကျိယၢ်ဒ့ၣ်ဒီးအသရ့ၤ ပၢၢ် လၢပီၣ်လဲၣ်ကံးန့ၤရ့သးအနံၤလၢ ယၢ်ဒ့ၣ်ဝၢ်ဘးခီလၢ မုၢ်ထီၣ်တခီလီၤ.

²⁸ အဝဲန့ၣ်မ့ၢ်ပှၤကးဖိအတၢ်န့ၢ်သါ, ဒ်အဟံၣ်တဖၣ်အ သိးန့ၣ်, ဝ့ၢ်တဖၣ်အိၣ်ဒီးအတဝီတဖၣ်လီၤ.

²⁹ ဒီးစီၤမိၤရှ့ဟ့ၣ်လီၤတၢ်လၢပှၤမနၤရှ့ၤဖိတခီဒူၣ်, ဒီးအ အံၤမ့ၢ် ပှၤမနၤရှ့ၤဖိတခီဒူၣ်အတၢ်, ဒ်အဟံၣ်တဖၣ်အ သိးန့ၣ်လီၤ. ³⁰ ဒီး အကီၢ်ဃၢၤအိၣ်ဝဲလၢမၤဃန့ၤ, ဘၤၡၣ်ဒီဘ့ၣ်ညါ, ဘၤၡၣ်အစီၤပၤဧိာ်အဘီမုၢ်ဒီဘ့ၣ်ညါ, ဒီးယၤအံၢ်အဝ့ၢ် လၢအအိၣ်လၢဘၤၡၣ်အပူၤခဲလၢာ်, ဝ့ၢ်ဃုဆံလီၤ. ³¹ ဒီးတခီကံးလဧး, ဒီးဧၤၡတြိး, ဒီးအ့ဒြံၤ, ဝ့ၢ်တဖၣ်အိၣ်လၢ စီၤဧိာ်အဘီမုၢ်အပူၤ လၢဘၤၡၣ်ဘၣ်ဃးဒီး စီၤမနၤရှ့ၤ အဖိခွါစီၤမၤကံၢ်အဖိ, လၢစီၤမၤကံၢ်အဖိတခီဟံၣ်, ဒ်အဟံၣ်တဖၣ်အသိးန့ၣ်လီၤ.― ³² အဝဲန့ၣ်မ့ၢ်တၢ်လၢစီၤမိၤ ရှ့ဟ့ၣ်နီၤဖးလၢတၢ်န့ၢ်သါအဂီၢ် လၢမိၤအးအတၢ်ပျီပူၤ လၢယၢ်ဒ့ၣ်ဝၢ်ဘးခီသဃီၤဒီး ယရံၤဃိလၢမုၢ်ထီၣ်တခီ လီၤ.

³³ မ့မ့ၢ်ပှၤလ့ၤဝံတဒူၣ်န့ၣ် စီၤမိၤရှ့တဟ့ၣ်လီၤဘၣ်အီၤ လၢတၢ်န့ၢ်သါဘၣ်. ယွၤအံၣ်စရ့လးအကစၢ်မ့ၢ်အတၢ် န့ၢ်သါ, ဒ်အစံးဘၣ်အီၤအသိးန့ၣ်လီၤ.

၁၄

¹ ဒီးအဝဲအံၤမ့ၢ်တၢ်လၢ ပှၤအံၣ်စရ့လးဖိ န့ၢ်သါလၢ ကီၢ်ကနၤဧၣ်အပူၤ, လၢပှၤလုၢ်တၢ်အဒိၣ် စီၤအလၤဧ စၢ်, ဒီးစီၤနိၣ်အဖိခွါစီၤယိၤရှူ, ဒီးပှၤအံၣ်စရ့လးဖိအဒူၣ် တဖၣ်အပၢ်အခိၣ်တဖၣ်, ဟ့ၣ်နီၤဖးန့ၢ်အီၤလၢတၢ်န့ၢ် သါအဂီၢ်လီၤ. ² ဖးတၢ်သတးဒီး, န့ၢ်ဘၣ်အတၢ်န့ၢ်သါ ဒ်ယွၤမၤလိာ်လၢ စီၤမိၤရှ့အစုပူၤအသိး, လၢပှၤခွံဒူၣ်, ဒီးတခီဒူၣ်အဂီၢ်လီၤ.

³ အဂ့ၢ်ဒ်အံၤ, စီၤမိၤရှ့ဟ့ၣ်တ့ၢ်ပှၤခံဒူၣ်ဒီး တခီဒူၣ်အ တၢ်န့ၢ်သါလၢ ယၢ်ဒ့ၣ်ဝၢ်ဘးခီလီၤ. မ့မ့ၢ်လၢပှၤလ့ၤ ဝံဖိန့ၣ်တဟ့ၣ်ဘၣ်လၢတၢ်န့ၢ်သါလၢအကျါဘၣ်.

⁴ အဂ့ၢ်ဒ်အံၤ, စီၤယိၤသးအဖိမ့ၢ် ပှၤခံဒူၣ်, မနၤရှ့ၤဒီး အ့ဖရဲၣ်လီၤ. ဒီးတဟ့ၣ်လီၤဘၣ်တၢ်အဂီၢ်လၢပှၤလ့ၤဝံဖိ လၢထံဧိၤကီၢ်ဧိၤအပူၤဘၣ်, ဟ့ၣ်ထဲဝ့ၢ်တဖၣ်လၢအက အိၣ်ကဆိးလၢအပူၤ, ဒီးတၢ်အီၣ်ဆၣ်အလီၢ် ဝးတရံး အီၤလၢအဆၣ်ဖိကီၢ်ဖိအဒၢအဂီၢ်, ဒီးလၢအတၢ်ဖိတၢ် လံၤအဂီၢ်လီၤ.

⁵ ဒ်ယွၤမၤလိာ်စီၤမိၤရှ့အသိးန့ၣ်, ပှၤအံၣ်စရ့လးဖိမၤဝဲ ဒ်န့ၣ်သိး, ဒီးနီၤဖးထံဧိၤကီၢ်ဧိၤအဆၢန့ၣ်လီၤ.

⁶ ဒီးပှၤယူဒၤဖိဟဲဆူစီၤယိၤရှူအအိၣ် လၢကံးလကၤလး အပူၤ, ဒီးပှၤကနးဖိ, စီၤယဖူန့ၤအဖိခွါစီၤကၤလ့းစံးဘၣ် အီၤ, တၢ်လၢယွၤစံးဘၣ်ယွၤအခ့အပှၤစီၤမိၤရှ့လၢယဂ့ၢ် ယကျိၤ, ဒီးနဂ့ၢ်နကျိၤလၢကၤဒ့ၣ်ဘၢ်န့အပူၤန့ၣ်, နသ့ၣ် ညါလီၤ. ⁷ လၢယွၤအခ့အပှၤစီၤမိၤရှ့မၢလီၤယၤလၢကၤ ဒ့ၣ်ဘၢ်န့ ဒ်သိးယကကွၢ်ဟုၣ် ထံဧိၤကီၢ်ဧိၤန့ၣ်ယသး ပှၢ်အနံၣ်လွံၢ်ဆံ, ဒီးယဟဲစိာ်အီၤလၢတၢ်ကတိၤလၢအ အိၣ်လၢယသးကံၢ်ပူၤန့ၣ်လီၤ. ⁸ ဒီးယဒီပုၢ်ဝဲၢ်လၢအလဲၤ ထီၣ်ဒီးယၤတဖၣ်န့ၣ်မၤပှံၢ်လီၤပှၤဂီၢ်မုၢ်အသးလီၤ. မ့မ့ၢ် ယဲဒၣ်အံၤယပိာ်ယွၤယကစၢ်အကျဲ လၢလၢပှဲၤပှဲၤလီၤ―

⁹ ဒီးတၢ်လၢမုၢ်တနံၤန့ၣ် စီၤမိၤရှ့ဆိၣ်တၢ် ဒီးစံးဝဲဒၣ်, မ့ၢ်မးကီၢ်လၢနယီၢ်လီၤအီၤကကဲထီၣ်နတၢ်န့ၢ်သါ, ဒီး နဖိအတၢ်လီၤထူလီၤယိာ်လီၤ. အဂ့ၢ်ဒ်အံၤ, နပိာ်ယွၤ ယကစၢ်အကျဲလၢလၢပှဲၤပှဲၤလံလီၤ. ဒီးခဲကနံၣ်အံၤကွၢ်ကွၢ်, ယွၤဒုးမူဒံးယၤ, ဒ်အစံးဝဲ အသိးန့ၣ်လွံၢ်ဆံယဲၢ်နံၣ်အံၤ, လၢယွၤကတိၤတၢ်ကတိၤ တထံၣ်ဒီးစီၤမိၤရှ့လံၤလံၤ, လၢပှၤအံၣ်စရ့လးဖိဟးဝ့ၤ ဝီၤလၢပှၢ်မုၢ်ကနၢအဖၢမုၢ်န့ၣ်လီၤ. ဒီးခဲကနံၣ်အံၤကွၢ် ကွၢ်, တၢ်လၢမုၢ်မဆါတနံၤအံၤယသးပှၢ်တ့ၢ်ဃိးဆံယဲၢ် နံၣ်လံ, ¹⁰ ဒီးခဲကနံၣ်အံၤကွၢ်ကွၢ်, ယွၤဒုးမူဒံးယၤ, ဒ်အစံးဝဲအသိးန့ၣ်လွံၢ်ဆံယဲၢ်နံၣ်အံၤ, လၢယွၤကတိၤတၢ်ကတိၤတထံၣ်ဒီးစီၤမိၤရှ့လံၤလံၤ, လၢပှၤအံၣ်စရ့လးဖိဟးဝ့ၤဝီၤလၢပှၢ်မုၢ်ကနၢအဖၢမုၢ်န့ၣ်လီၤ. ဒီးခဲကနံၣ်အံၤကွၢ်ကွၢ်, တၢ်လၢမုၢ်မဆါတနံၤအံၤယသးပှၢ်တ့ၢ်ဃိးဆံယဲၢ် နံၣ်လံ. ¹¹ ဘၣ်ဆၣ်ဒီးယဂံၢ်ဆူၣ်ယဘါဆူၣ်လၢမုၢ်မဆါ တနံၤအံၤ, ဒ်မုၢ်တနံၤလၢစီၤမိၤရှ့မၢလီၤယၤအသိးန့ၣ်, ဒ် ယဂံၢ်ယဘါအိၣ်အကတီၢ်ဖဲန့ၣ် ယဂံၢ်ယဘါအိၣ်ဝဲခဲ ကနံၣ်အံၤ ဒ်န့ၣ်သိးလၢတၢ်ဒုးသုးအဂီၢ်, ဒီးလၢဟးထီၣ်အဂီၢ်, ဒီးလၢဟဲနုာ်အဂီၢ်န့ၣ်လီၤ.― ¹² ဒီးခဲကနံၣ်အံၤ ဟ့ၣ်လီၤယၤလၢကစၢၢ်တဖျၢၣ်န့ၣ် လၢယွၤကတိၤတၢ် လၢအဂ့ၢ်အကျိၤလၢမုၢ်တနံၤန့ၣ်တက့ၢ်. အဂ့ၢ်ဒ်အံၤ, န နၢ်ဟူလၢမုၢ်တနံၤန့ၣ် လၢပှၤဧနးဖိအိၣ်ဖဲန့ၣ်, ဒီးဝ့ၢ်တ ဖၣ်န့ၣ်ဒိၣ်ဝဲ, ဒီးအိၣ်ဒီးအခိၣ်ဒူန့ၣ်လီၤ. ယွၤမ့ၢ်အိၣ်ဒီး ယၤဒီး, ယကဟီထီၣ်ကွံာ်အီၤဒ်ယွၤစံးဝဲအသိးန့ၣ်လီၤ.

¹³ ဒီးစီၤယိၤရှူဆိၣ်ဂ့ၤအီၤ, ဒီးဟ့ၣ်လီၤပှၤကနးဖိ, စီၤယ ဖူန့ၤအဖိခွါစီၤကၤလ့း လၢဃ့ဘြိၣ်လၢ အတၢ်န့ၢ်သါ န့ၣ်လီၤ.

¹⁴ မၤသးဒ်န့ၣ်ဒီးဃ့ဘြိၣ်ကဲထီၣ် ပှၤကနးဖိစီၤယဖူန့ၤ အဖိခွါစီၤကၤလ့းအတၢ်န့ၢ်သါ တုၤမုၢ်မဆါတနံၤအံၤ လီၤ. အဂ့ၢ်ဒ်အံၤ, ပိာ်ယွၤအံၣ်စရ့လးအကစၢ်အကျဲ လၢလၢပှဲၤပှဲၤလီၤ.

¹⁵ ဒီးလၢအခီၣ်ထံးန့ၣ်ဃ့ဘြိၣ် အမံၤမ့ၢ်စီၤအၢ်ဘၤအဝ့ၢ် လီၤ. အဝဲဒၣ်န့ၣ်မ့ၢ်ပဒိၣ်တဂၤလၢပှၤဧနးဖိအကျါလီၤ. ဒီးထံဧိၤကီၢ်ဧိၤန့ၣ် အိၣ်ဘှံးဝဲလၢ တၢ်ဒုးသုးန့ၣ်လီၤ.

၁၅

¹ အအံၤမ့ၢ်ပှၤယူဒၤဖိတဒူၣ်အဂီၢ် ဒ်အဟံၣ်တဖၣ်အ သိးန့ၣ်, ပၢၢ်လၢအဒိၣ်အကီၢ်ဃၢၤ, ပှၢ်မုၢ်ကနၢစံၣ်လၢ ကလံၤထံးတခီန့ၣ်မ့ၢ်ကီၢ်လၢ ကလံၤထံးအဃၢၤက တၢၢ်, ² ဒီးအကီၢ်ဃၢၤလၢကလံၤထံးန့ၣ် အိၣ်လၢပီၣ် လဲၣ်အံသၣ်အနၢၣ်ပူၤ လၢအကွၢ်ဆူကလံၤထံး, ³ ဒီး လဲၤတၢ်ဆူကလံၤထံးဆူမၤလ့ၤကြၤဘံၣ်, ဒီးလဲၤဝဲဆူ စံၣ်, ဒီးလဲၤထီၣ်လၢကလံၤထံးပၢၢ်လၢကၤဒ့ၣ်ဘၢ်န့, ဒီး လဲၤတၢ်ဆူဃ့စရိၣ်, ဒီးလဲၤထီၣ်ဆူအးဒၢ်, ဒီးလဲၤတရံး တၢ်ဆူကၢ်ကၤ, ⁴ လဲၤထီၣ်ဝဲဆူဧၤစမိၣ်, ဒီးဟးထီၣ်ဝဲ ဆူအဲၤကူပတူးအထံမိၢ်ပှၢ်, ဒီးအကီၢ်ဃၢၤဟးထီၣ်ကွံာ် ဝဲဖဲန့ၣ်ဖဲပီၣ်လဲၣ်နံၤလီၤ. အဝဲန့ၣ်မ့ၢ်သုကီၢ်ဃၢၤလၢက လံၤထံးတခီလီၤ.

⁵ ဒီးကီၢ်အဃၢၤလၢမုၢ်ထီၣ်တခီန့ၣ် မ့ၢ်ပီၣ်လဲၣ်အံသၣ် ပၢၢ်လၢယၢ်ဒ့ၣ်အကတၢၢ်, ဒီးကီၢ်အဃၢၤလၢကလံၤစိး တခီန့ၣ် မ့ၢ်လၢပီၣ်လဲၣ်အနၢၣ်ပူၤ လၢယၢ်ဒ့ၣ်အက တၢၢ်လီၤ. ⁶ ဒီးကီၢ်အဃၢၤန့ၣ်လဲၤတၢ်လၢဘ့ၤသဃါက လၤ ဒီးလဲၤဝဲဆူဘ့ၤသဧါရဘၤလၢကလံၤစိးတခီ, ဒီး ကီၢ်အဃၢၤန့ၣ်လဲၤထီၣ်ဆူ စီၤရူၤဘ့ၣ်အဖိခွါစီၤဘိဟၣ် အလၢၢ်တဖျၢၣ်, ⁷ ဒီးကီၢ်အဃၢၤန့ၣ်လဲၤထီၣ်ဝဲဆူဒဘံၢ် လၢကစၢၢ်ကဆူးဧၤကိၢ်, ဒီးလၢကလံၤစိးတခီ, ကွၢ်ဝဲ ဆူကံးလကၤလးလၢအအိၣ်ဝဲလၢ တၢ်လဲၤထီၣ်ဆူအဒူ မံၣ်အမဲာ်ညါ လၢအအိၣ်ဝဲလၢ ထံကျိလၢကလံၤထံး တခီ, ဒီးကီၢ်အဃၢၤန့ၣ်လဲၤဝဲဆူဧၣ်ရှ့မ့ၣ်အထံ, ဒီးဟး ထီၣ်ဝဲန့ၣ်ဖဲဧ့ၣ်ရိၤက့လး, ⁸ ဒီးကီၢ်အဃၢၤန့ၣ်လဲၤထီၣ် ဆူစီၤဟံၣ်နိၣ်အဖိခွါအကစၢၢ်ကဆူး ဆူယဘူၣ်လၢက လံၤထံးတခီ, အဝဲန့ၣ်မ့ၢ်ယရူၤၡလ့ၣ်လီၤ. ဒီးကီၢ်အ ဃၢၤန့ၣ်လဲၤထီၣ်ဘးကစၢၢ်ဒီခိၣ် လၢအအိၣ်လၢကစၢၢ် ကဆူးဟံၣ်နိၣ်အမဲာ်ညါလၢမုၢ်နုာ်တခီ, ပှၤနီၢ်ဒိၣ်ဖိအ ကစၢၢ်ကဆူးအကတၢၢ်လၢကလံၤစိးန့ၣ်လီၤ. ⁹ ဒီးတၢ် ထိၣ်ကီၢ်အဃၢၤ, လၢကစၢၢ်အဒီခိၣ်ပၢၢ်လၢထံန့ဖတိၤ အထံထီၣ်ပၢၢ်, ဒီးလဲၤထီၣ်ဝဲဆူကစၢၢ်ဧ့ၤဖရိၣ်အဝ့ၢ်တ ဖၣ်, ဒီးတၢ်ထိၣ်ကီၢ်အဃၢၤန့ၣ်ဆူ ဘဧၤလၤလၢအမ့ၢ် ကံးရယးယဧၤရံၣ်,― ¹⁰ ဒီးကီၢ်အဃၢၤန့ၣ် လဲၤတရံးတၢ် လၢဘဧၤလၤမုၢ်နုာ်တခီဆူကစၢၢ်စ့ဧၢ်, ဒီးလဲၤတၢ်ဆူ ကစၢၢ်ယဧၤရံၣ်အကပၤ (အဝဲန့ၣ်မ့ၢ်ကစ့လိၣ်) လၢက လံၤစိးတခီ, ဒီးလဲၤလီၤဆူဘ့ၤသရှ့မၣ်, ဒီးလဲၤတၢ်ဆူတံး မနၤ, ¹¹ ဒီးကီၢ်အဃၢၤန့ၣ်ဟးထီၣ်ဆူဧ့ကြိၣ်အဃၢၤလၢ ကလံၤစိးတခီ, ဒီးတၢ်ထိၣ်ကီၢ်အဃၢၤန့ၣ်ဆူၡံကြိၣ်, ဒီး လဲၤဝဲဆူကစၢၢ်ဘဧၤလး, ဒီးဟးထီၣ်ဝဲဆူယးဘန့လး, ဒီးကီၢ်အဃၢၤဟးထီၣ်ကွံာ်ဝဲန့ၣ်ဖဲ ပီၣ်လဲၣ်နံၤလီၤ.

¹² ဒီးကီၢ်အဃၢၤလၢမုၢ်နုာ်တခီန့ၣ် မ့ၢ်ပီၣ်လဲၣ်ဖးဒိၣ်, ဒီးအသရ့ၤန့ၣ်လီၤ. အဝဲန့ၣ်မ့ၢ်ပှၤယူဒၤဖိအကီၢ်ဃၢၤဝး တရံးဝဲ, ဒ်အဟံၣ်တဖၣ်အသိးန့ၣ်လီၤ.

¹³ ဒီးဟ့ၣ်လီၤ စီၤယဖူန့ၤအဖိခွါစီၤကၤလ့းအဂီၢ်လၢပှၤ ယူဒၤဖိအကျါ, ဒ်ယွၤမၤလိာ်စီၤယိၤရှူအသိးန့ၣ်, စီၤဧ နးအပၢ်စီၤအၢ်ဘၤအဝ့ၢ်လၢအမ့ၢ်ဃ့ဘြိၣ်လီၤ.

¹⁴ ဒီးစီၤကၤလ့းန့ၣ် ဟီထီၣ်ကွံာ်ဖဲန့ၣ်ပှၤဧနးအဖိခွါသၢ ဂၤ, စီၤရှ့ၡဲ, စီၤအဃံမ့ၣ်, ဒီးစီၤတးလမဲ, စီၤဧနးအဖိခွါ တဖၣ်လီၤ. ¹⁵ ဒီးလဲၤဝဲဖဲန့ၣ်ဆူပှၤဒဘံၢ်ဖိအအိၣ်လီၤ. ဒီး လၢသီန့ၣ်ဒဘံၢ်အမံၤမ့ၢ်ကံးရယးစ့ဖ့ၢ်လီၤ.

¹⁶ ဒီးစီၤကၤလ့းစံးဝဲဒၣ်, ပှၤလၢအကျီကွံာ်ကံးရယးစ့ ဖ့ၢ်ဒီးမၤန့ၢ်အီၤတဂၤန့ၣ် ယကဟ့ၣ်လီၤအီၤလၢ ယဖိ မုၣ်နီၢ်ဧၤကစ့ၤလၢအမါလီၤ.

¹⁷ ဒီးစီၤကၤလ့းအဒီပုၢ်ဝဲၢ်စီၤကနးစးအဖိခွါ စီၤဧီၤသန့ လးတဂၤန့ၣ်မၤန့ၢ်ဝဲ, ဒီးဟ့ၣ်လီၤအီၤလၢအဖိမုၣ်နီၤဧၤ ကစ့ၤလၢအမါလီၤ. ¹⁸ ဒီး လၢပိာ်မုၣ်လဲၤတၢ်န့ၣ် တၢ်မၤအသးလၢအထိၣ်ဂဲၤအီၤဒ်သိးအကဃ့ဟီၣ်ခိၣ်တကဝီၤလၢအပၢ်လီၤ. ဒီးပိာ်မုၣ်န့ၣ်ယုၢ်လီၤလၢအကသ့ၣ်ယီၤအလိၤလီၤ. ဒီးစီၤ ကၤလ့းစံးဘၣ်အီၤ, ဘၣ်နသးလၢမနုၤတမံၤလဲၣ်, ¹⁹ ဒီးစံး ဆၢအီၤ, နဟ့ၣ်လီၤယၤလၢ ကီၢ်လၢကလံၤထံးတခီ လံ, ဟ့ၣ်လီၤလၢ်စ့ၢ်ကီးလၢ ထံထီၣ်ပၢၢ်တဖၣ်န့ၣ်တ က့ၢ်. ဒီးအဝဲဒၣ်ဟ့ၣ်လီၤအီၤလၢ ထံထီၣ်ပၢၢ်လၢထးခီ, ဒီးထံထီၣ်ပၢၢ်လၢလာ်ခီန့ၣ်လီၤ.

²⁰ အအံၤမ့ၢ် ပှၤယူဒၤဖိတဒူၣ်အတၢ်န့ၢ်သါ ဒ်အဟံၣ် တဖၣ်အသိးန့ၣ်လီၤ. ²¹ ဒီးပှၤယူဒၤဖိတဒူၣ်အဝ့ၢ်တဖၣ်လၢအယံၤကတၢၢ်ဆူကီၢ်အဒိၣ်အဃၢၤလၢကလံၤထံးတခီန့ၣ်မ့ၢ်ဘစ့လးဒီး ဧ့စ့ၢ်, ဒီးယၤကူၢ် ²² ဒီးကံနၤ, ဒီးဒံမိၤနၤ, ဒီးဧဒၤဒၤ,― ²³ ― ဒီးကၤဒ့ၣ်, ဒီးဃါစိၢ်, ဒီးယံသနၣ်,― ²⁴ စံဖး, ဒီးတ့ လ့ၣ်, ဒီးဘဧၤလိး, ²⁵ ဒီးဃါစိၢ်ဃဒးတၤ, ဒီးကရံယိး, ဒီးဃ့စရိၣ်(အဝဲန့ၣ်မ့ၢ်ဃါစိၢ်,) ²⁶ အမၣ်, ဒီးၡမၤ, ဒီးမိၤလဒၤ, ဒီးဃစၣ်ကးဒၤ, ဒီးဃ့ၡမိၣ်, ဒီးဘ့ၤသပၤလ့း,

²⁷ ဒီးမိၤလဒၤ, ဒီးဃစၣ်ကးဒၤ, ဒီးဃ့ၡမိၣ်, ဒီးဘ့ၤသ ပၤလ့း, ²⁸ ဒီးဃစၢ်ရှူဧလး, ဒီးဘ့ၢ်ၡဘၤ, ဒီးဘံစယိၤသၤ,― ²⁹ ဘဧၤလၤ, ဒီးဧံယံၣ်, ဒီးဧၤစ့ၣ်, ³⁰ ― ဒီးအ့းလတိလး, ဒီးကသံလး, ဒီးဃိၢ်မါ, ³¹ ဒီးစံကလး, ဒီးမၤဒမးနၤ, ဒီးစၤ နစးနၤ, ³² ဒီးလဘၤအိသး, ဒီးၡံလဃံၣ်, ဒီးဧ့ၣ်, ဒီးရံးမိၣ် လီၤ. ဝ့ၢ်ခဲလၢာ်န့ၣ်မ့ၢ်ခံဆံခွံဝ့ၢ်အိၣ်ဒီးအတဝီတဖၣ်လီၤ. လၢကစၢၢ်ကဆူးန့ၣ် အ့ၤၡတိလး, ဒီးစိးရဧၤ, ဒီးအါၡနၤ, ³³ လၢကစၢၢ်ကဆူးန့ၣ် အ့ၤၡတိလး, ဒီးစိးရဧၤ, ဒီးအါၡ နၤ, ³⁴ ဒီးစါနိ, ဒီးဧ့ၣ်ကနၣ်, ဒီးတးပူၤ, ဒီးဧ့ၤနၣ်,―, ³⁵ ယၢ်မူသး, ဒီးဧဒူးလၣ်, ဒီးစိကိၤ, ဒီးဧစ့ကၤ. ³⁶ ဒီးၡၤရ ယံၣ်, ဒီးဧဒံသံၣ်, ဒီးကဒ့ရၤ, ဒီးကဒ့ရိၤသံၣ်လီၤ. ဝ့ၢ် တဆံလွံၢ်ဝ့ၢ်အိၣ်ဒီးအတဝီတဖၣ်လီၤ. ³⁷ ဒီးဒံလၣ်, ဒီးမံးဒစပၤ, ဒီးယိးကသ့လး,―လၤ ကံၣ်, ဒီးဘိးစကး, ဒီးဧ့းကလိၣ်စနၣ်, ဒီးကဒါ ၡၤ, ဒီးမံးကဒးလကး, ³⁸ ဒီးဒံလၣ်, ဒီးမံးဒစပၤ, ဒီးယိးက သ့လး,― ³⁹ လၤကံၣ်, ဒီးဘိးစကး, ဒီးဧ့းကလိၣ်,― ⁴⁰ ဒီး ကးဘိၣ်, ဒီးလၤမၣ်, ဒီးကံသလံၣ်, ⁴¹ ဒီးကဒ့ရိၣ်, ဒီး ဘ့ၤသဒၤကိၣ်, ဒီးနၤဧမၣ်, ဒီးမးက့ဒၤန့ၣ်လီၤ. ဝ့ၢ်တ ဆံဃုဝ့ၢ်အိၣ်ဒီးအတဝီတဖၣ်လီၤ. ⁴² လံးဘနၤ, ဒီးဧ့သ့ၢ်, ဒီးဧၤၡၣ်, ⁴³ ဒီးယံးဖတၤ, ဒီးအါနၤ, ဒီးနစံာ်, ⁴⁴ ဒီးကံလၤ, ဒီးအၤကစံာ်, ဒီးမရ့ၡၤလီၤ. ဝ့ၢ်ခွံဝ့ၢ်အိၣ်ဒီးအတဝီတဖၣ်လီၤ. ⁴⁵ ဧ့ကြိၣ်, ဒီးအဝ့ၢ်တဖၣ်ဒီးအတဝီတဖၣ်လီၤ.― ⁴⁶ လၢ ဧ့ကြိၣ်ဒီးပီၣ်လဲၣ်န့ၣ် ကယဲၢ်ဝ့ၢ်လၢ အအိၣ်ဘူးဒီးအၤ စဒိာ်ဒီးအတဝီတဖၣ်,― ⁴⁷ အၤစဒိာ်, ဒီးအဝ့ၢ်တဖၣ်ဒီးအ တဝီတဖၣ်, ဂါစၤ, ဒီးအဝ့ၢ်တဖၣ်ဒီးအတဝီတဖၣ်ပၢၢ် လၢအဲၤကူပတူးအထံမိၢ်ပှၢ်, ဒီးပီၣ်လဲၣ်ဖးဒိၣ်, ဒီးအသ ရ့ၤန့ၣ်လီၤ. ဒီးလၢကစၢၢ်အလိၤ, ၡၤမံၢ်, ဒီးယးတံၢ်, ဒီးစိကိၤ, ⁴⁸ ဒီးဒးနၤ, ဒီးကံးရယးစးနၤ,(အဝဲန့ၣ်မ့ၢ်ဒဘံၢ်) ⁴⁹ ဒီးဒးနၤ, ဒီးကံးရယးစးနၤ,(အဝဲန့ၣ်မ့ၢ်ဒဘံၢ်), ⁵⁰ -ဒီး ဧနာ်, ဒီးအ့ၡတမိး, ဒီးဧၤနံၣ်,― ⁵¹ ဒီးကိၡၣ်, ဒီးဟိလိၣ်, ဒီးကံလိၤန့ၣ်လီၤ.― ⁵² ဝ့ၢ်တဆံတဝ့ၢ်အိၣ်ဒီး အတဝီတဖၣ် လီၤ. ⁵³ အၤရာ်, ဒီးဒူမၤ, ဒီးအ့ၡၣ်, ⁵⁴ ဒီးယၤနူၣ်, ဒီးဘ့ၤသတးပူၤ, ဒီးအဖ့ကၤ, ⁵⁵ ဒီးဃူမတၤ, ဒီးကံးရယးအၢ်ဘၤ, (အ ဝဲန့ၣ်မ့ၢ်ဃ့ဘြိၣ်,)ဒီးစံဧိၢ်န့ၣ်လီၤ. ဝ့ၢ်ခွံဝ့ၢ်အိၣ်ဒီးအတဝီ တဖၣ်လီၤ. ⁵⁶ ဒီးယံး စကံလး, ဒီးယိးကဒၣ်, ဒီးစါနိၤ, မၤဧိၣ်, ဒီးကၢ်မ့လး, ဒီးစံဖး, ဒီးယူးတၤ,― ⁵⁷ ဒီးယံးစကံလး, ဒီးယိးကဒၣ်, ဒီးစါနိၤ,― ⁵⁸ ကၤယံၣ်, ဒီးကံဘဧၤ, ဒီးတံးမနၤန့ၣ်လီၤ. ဝ့ၢ်တဆံအိၣ်ဒီးအတဝီတဖၣ်လီၤ. ⁵⁹ ဃၤလဃူလး, ဘ့ၤသစူၢ်, ဒီးကဒိၣ်,― ⁶⁰ ဒီးမၤရး, ဒီး ဘ့ၤသၤနိး, ဒီးအ့လတးကိၣ်န့ၣ်လီၤ. ဝ့ၢ်ဃုဝ့ၢ်အိၣ်ဒီး အတဝီတဖၣ်လီၤ.

⁶¹ ကံးရယးဘဧၤလး, (အဝဲန့ၣ် မ့ၢ်ကံးရယး ယဧၤ ရံၣ်), ဒီးရးဘးန့ၣ်လီၤ. ဝ့ၢ်ခံဝ့ၢ်အိၣ်ဒီးအတဝီတဖၣ်လီၤ. ⁶² ဒီးလၢပှၢ်မုၢ်ကနၢန့ၣ် ဘ့ၤသဧါရဘၤ, မံးဒံၣ်, ဒီးစ ကၤကၤ, ⁶³ ဒီးနံးဘၡၣ်, ဒီးဝ့ၢ်အံသၣ်, ဒီးဧ့ၣ်က့ဒံၤန့ၣ် လီၤ. ဝ့ၢ်ဃုဝ့ၢ်အိၣ်ဒီးအတဝီတဖၣ်လီၤ.

⁶⁴ မ့မ့ၢ်ပှၤယဘူၣ်ဖိ, ပှၤယရူၤၡလ့ၣ်ဖိန့ၣ်, ပှၤယူဒၤဖိ ဟီထီၣ်ကွံာ်အီၤတသ့ဘၣ်လီၤ. ဒီးပှၤယဘူၣ်ဖိအိၣ်ဝဲ ဆိးဝဲဒီးပှၤယူဒၤဖိလၢ ယရူၤၡလ့ၣ်အပူၤတုၤမုၢ်မဆါ တနံၤအံၤလီၤ.

၁၆

¹ ဒီးစီၤယိၤသးအဖိအဂီၢ်န့ၣ် လီၤဘၣ်လၢယၢ်ဒ့ၣ်လၢ ယရံၤဃိအဃၢၤလၢ ထံယရံၤဃိ, လၢမုၢ်ထီၣ်တခီ, ပၢၢ်လၢပှၢ်မုၢ်ကနၢ လၢအလဲၤထီၣ်ဝဲလၢယရံၤဃိဆူက စၢၢ်ဘ့ၤသ့လးဒီဖျၢၣ်ညါ, ² ဒီးလဲၤထီၣ်လၢဘ့ၤသ့းလး ပၢၢ်လၢလူးစး, ဒီးလဲၤတၢ်ဆူ အၢ်ကံအဃၢၤပၢၢ်လၢ ဧးတၤရိး,―

³ ဒီးလဲၤလီၤလၢမုၢ်နုာ်တခီဆူယးဖလံတံၤပၢၢ်လၢဘ့ၤ သဃိရိၣ်လၢလာ်ခီ, ဒီးက့စ့ၢ်, ဒီးဟးထီၣ်ဝဲန့ၣ်ဖဲပီၣ်လဲၣ် နံၤလီၤ. ⁴ ဒီးစီၤယိၤသးအဖိခွါစီၤမနၤရှ့ၤ, ဒီးစီၤအ့ဖရဲၣ် ဟံးန့ၢ်ဝဲအတၢ်န့ၢ်သါလီၤ.

⁵ ဒီးအအံၤမ့ၢ်စီၤအ့ဖရဲၣ်အဖိအကီၢ်ဃၢၤ, ဒ်အဟံၣ်တ ဖၣ်အသိးန့ၣ် အတၢ်န့ၢ်သါအဃၢၤလၢမုၢ်ထီၣ်တခီန့ၣ် မ့ၢ်ဧးတၤရိးအးဒၤပၢၢ်လၢဘ့ၤသဃိရိၣ်လၢထးခီ, ⁶ ဒီး ကီၢ်အဃၢၤန့ၣ်ဟးထီၣ်ဆူပီၣ်လဲၣ်နံၤ, ဆူမံးကမသၤ လၢကလံၤစိးတခီ, ဒီးကီၢ်အဃၢၤန့ၣ် ဃၣ်အသးဆူ မုၢ်ထီၣ်တခီ, ဆူတၤနးၡံလိၤ, ဒီးလဲၤပူၤကွံာ်အီၤလၢ မုၢ်ထီၣ်တခီဆူယၤနိဃၤ, ⁷ ဒီးလဲၤလီၤလၢယၤနိဃၤဆူ ဧးတၤရိး, ဒီးဆူနၤရး, ဒီးဘၣ်လၢယရံၤဃိ, ဒီးဟးထီၣ် ကွံာ်လၢယၢ်ဒ့ၣ်န့ၣ်လီၤ. ⁸ ကီၢ်အဃၢၤန့ၣ်ဟးထီၣ်ကွံာ် လၢတးပူၤလၢမုၢ်နုာ်တခီဆူထံကျိကါနၤ, ဒီးဟးထီၣ် ကွံာ်ဝဲဖဲန့ၣ်ဖဲပီၣ်လဲၣ်နံၤလီၤ. အဝဲန့ၣ်မ့ၢ်ပှၤအ့ဖရဲၣ်ဖိတ ဒူၣ်အတၢ်န့ၢ်သါ, ဒ်အဟံၣ်တဖၣ်အသိးန့ၣ်လီၤ.

⁹ ဒီးဝ့ၢ်လၢအလီၤဖးလၢ အ့ဖရဲၣ်ဖိအဂီၢ်န့ၣ်အိၣ်ဝဲလၢ ပှၤမနၤရှ့ၤဖိအတၢ်န့ၢ်သါအပူၤန့ၣ်, ဝ့ၢ်ခဲလၢာ်န့ၣ်အိၣ် ဒီးအတဝီတဖၣ်လီၤ.

¹⁰ ဒီးတဟီထီၣ်ကွံာ်ဘၣ် ပှၤကနၤဧၣ်ဖိလၢအအိၣ်ဝဲ လၢက့စ့ၢ်အပူၤဘၣ်, ဒီးပှၤကနၤဧၣ်ဖိအိၣ်ဝဲဆိးဝဲလၢပှၤ အ့ဖရဲၣ်ဖိအကျါ တုၤမုၢ်မဆါတနံၤအံၤလီၤ. ဒီးမၤအ တၢ်, ဒီးဟ့ၣ်သွဲလီၤ.

၁၇

¹ ဒီးတၢ်အဂီၢ် အိၣ်ဝဲလၢမနၤရှ့ၤတဒူၣ်အဂီၢ်လီၤ. အ ဂ့ၢ်ဒ်အံၤ, မ့ၢ်ဝဲလၢစီၤယိၤသးအဖိဝဲၢ်ကိလီၤ. အိၣ်ဝဲလၢ စီၤမနၤရှ့ၤအဖိဝဲၢ်ကိ စီၤမၤကံၢ်, စီၤကံးလဧးအပၢ်တ ဂၤန့ၣ်အဂီၢ်လီၤ. အဂ့ၢ်ဒ်အံၤ, မ့ၢ်ပှၤသုးဖိလီၤ. ဒီး ကံးလဧးဒီးဘၤၡၣ်န့ၣ်အိၣ်ဝဲလၢအဂီၢ်လီၤ.

² ဒီးတၢ်အဂီၢ်အိၣ်လၢ စီၤမနၤရှ့ၤအဖိလၢအအိၣ်လီၤ တဲာ်တဖၣ်အဂီၢ်, ဒ်အဟံၣ်တဖၣ်အသိးန့ၣ်, လၢစီၤအ ဘံဧ့စ့ၢ်အဖိအဂီၢ်, ဒီးလၢစီၤဃ့လ့းအဖိအဂီၢ်, ဒီးလၢ စီၤအးစရံၤအ့လးအဖိအဂီၢ်, ဒီးလၢစီၤၡက့ၣ်အဖိအဂီၢ် ဒီးလၢစီၤဃ့ဖ့ၢ်အဖိအဂီၢ်, ဒီးလၢစီၤၡမံဒၤအဖိအဂီၢ်န့ၣ် လီၤ. အဝဲသ့ၣ်န့ၣ် မ့ၢ်စီၤယိၤသးအဖိခွါစီၤမနၤရှ့ၤအဖိ ပိာ်ခွါ, ဒ်အဟံၣ်တဖၣ်အသိးန့ၣ်လီၤ.

³ မ့မ့ၢ်စီၤစလၤဖဃး, စီၤဃ့ဖၢ်အဖိခွါ, စီၤကးလဧး အဖိခွါစီၤမၤကံၢ်အဖိခွါတဂၤန့ၣ် အဖိခွါတအိၣ်ဘၣ်, အိၣ်ဒီးအဖိမုၣ်တဖၣ်လီၤ. ဒီးအဖိမုၣ်အမံၤမ့ၢ်အအံၤ, နီၢ် မၤလၤ, ဒီးနီၢ်နိဧၤ, နီၢ်ဃၤကလၤ, ဒီးနီၢ်မံးလကၤ, ဒီး နီၢ်တံးရစၢ်လီၤ.

⁴ ဒီးအဝဲသ့ၣ်တဖၣ် သုးဘူးအသးဆူ ပှၤလုၢ်တၢ်အ ဒိၣ်စီၤအလၤဧစၢ်အအိၣ်, ဒီးစီၤနိၣ်အဖိခွါစီၤယိၤရှူအ အအိၣ်, ဒီးပဒိၣ်တဖၣ်အအိၣ်, ဒီးစံးဝဲဒၣ်, ယွၤမၤလိာ် စီၤမိၤရှ့ဒ်သိးအကဟ့ၣ်လီၤ ပှၤလၢတၢ်န့ၢ်သါလၢပဒီပုၢ် ဝဲၢ်အကျါလီၤ. ဒီးဒ်တၢ်ဟဲလၢ ယွၤအထးခိၣ်အသိး န့ၣ်, အဝဲဒၣ်ဟ့ၣ်လီၤအီၤလၢတၢ်န့ၢ်သါလၢ အပၢ်အဒီ ပုၢ်ဝဲၢ်အကျါန့ၣ်လီၤ.

⁵ ဒီးလၢကီၢ်ကံးလဧး, ဒီးဘၤၡၣ်လၢ ယၢ်ဒ့ၣ်ဝၢ်ဘးခီ အမဲာ်ညါန့ၣ်အဂီၢ် ဆံဆဲၣ်ပူလီၤဘၣ်လၢ မနၤရှ့ၤအ ဂီၢ်လီၤ. ⁶ အဂ့ၢ်ဒ်အံၤ, စီၤမနၤရှ့ၤအဖိမုၣ် တဖၣ်န့ၣ် န့ၢ်ဘၣ်တၢ်န့ၢ်သါလၢအဖိခွါအကျါ, ဒီးအဖိခွါလၢအ အိၣ်လီၤတဲာ်တဖၣ်န့ၣ် န့ၢ်ဘၣ်ကီၢ်ကံးလဧးလီၤ.

⁷ ဒီးမနၤရှ့ၤအကီၢ်ဃၢၤန့ၣ် အိၣ်ဝဲလၢအၤရှ့ၢ်ပၢၢ်လၢမံး ကမ့သၤလၢအအိၣ်ဝဲလၢၡက့ၣ်အမဲာ်ညါ, ဒီးကီၢ်အ ဃၢၤန့ၣ်လဲၤတၢ်ဆူစုထွဲဆူပှၤဧ့ၣ်တးပူၤဖိအအိၣ်လီၤ.

⁸ မနၤရှ့ၤန့ၢ်ဘၣ် ကီၢ်တးပူၤလီၤ. မ့မ့ၢ်ဝ့ၢ်တးပူၤအိၣ် ဝဲလၢမနၤရှ့ၤအကီၢ်ဃၢၤန့ၣ်ပှၤအ့ဖရဲၣ်ဖိန့ၢ်ဘၣ်ဝဲလီၤ.

⁹ ဒီးကီၢ်အဃၢၤန့ၣ်လဲၤလီၤဆူထံကျိကၤနၤ, ထံကျိလၢ ကလံၤထံးတခီလီၤ. အ့ဖရဲၣ်အဝ့ၢ်တဖၣ်န့ၣ်အိၣ်ဝဲလၢမ နၤရှ့ၤအဝ့ၢ်တဖၣ်အကျါလီၤ. မနၤရှ့ၤအကီၢ်ဃၢၤန့ၣ်အိၣ်ဝဲလၢထံကျိလၢကလံၤစိးတခီ, ဒီးဟးထီၣ်ကွံာ်ဝဲ န့ၣ်ဖဲပီၣ်လဲၣ်နံၤလီၤ. ¹⁰ လၢကလံၤထံးတခီန့ၣ် မ့ၢ်အ့ၤ ဖရဲၣ်အတၢ်, ဒီးလၢကလံၤစိးတခီန့ၣ်မ့ၢ်မနၤရှ့ၤအတၢ်, ဒီးပီၣ်လဲၣ်န့ၣ်မ့ၢ်အကီၢ်ဃၢၤလီၤ. ဒီးဘၣ်သဃိာ်လိာ် အသးလၢအၤရှ့ၢ်လၢ ကလံၤစိးတခီ, ဒီးလၢယံးစၣ် ကၢ်လၢမုၢ်ထီၣ်တခီလီၤ.

¹¹ ဒီးလၢယံးစၢ်ကၢ်အကီၢ်ပူၤ, ဒီးလၢအၤရှ့ၢ်အကီၢ်ပူၤ န့ၣ် မနၤရှ့ၤအိၣ်ဒီးဘ့ၤသၡၣ်ဒီးအတဝီတဖၣ်, ဒီးယံး ဘျၣ်ဒီးအတဝီတဖၣ်, ဒီးပှၤဒိၢ်ဖိဒီးအတဝီတဖၣ်, ဒီးပှၤ ဧ့ၣ်ဒိၢ်ဖိဒီးအတဝီတဖၣ်, ဒီးပှၤတၤနးဖိဒီးအတဝီတဖၣ်, ဒီးပှၤမကးဒိၤဖိဒီးအတဝီတဖၣ်, အကီၢ်သၢဘ့ၣ်လီၤ.

¹² ဒီးပှၤမနၤရှ့ၤဖိဟီထီၣ်ကွံာ်ပှၤဝ့ၢ်ဖိတသ့ဘၣ်. ပှၤက နၤဧၣ်ဖိအိၣ်ဒၣ်တၢ်လၢကီၢ်ပူၤန့ၣ်လီၤ. ¹³ ဒီးတုၤပှၤအံၣ် စရ့လးဖိဆူၣ်ထီၣ်ဒီး, တၢ်မၤအသးလၢအမၢပှၤကနၤ ဧၣ်ဖိဟ့ၣ်သွဲလီၤ. ဒီးတဟီထီၣ်ကွံာ်ဘၣ်အီၤ သပှၢ် တၢၢ်ဘၣ်.

¹⁴ ဒီးစီၤယိၤသးအဖိတဖၣ်န့ၣ် ကတိၤတၢ်ဒီးစီၤယိၤရှူ ဒီးစံးဝဲဒၣ်, နဟ့ၣ်ယၤလၢတၢ်အဂီၢ်ထဲတမံၤ, ဒီးတၢ် နီၤဖးထဲတပူဧိၤလၢ ယကန့ၢ်ဘၣ်သါန့ၣ် မ့ၢ်အဘၣ် မနုၤလဲၣ်. ယမ့ၢ်ပှၤဂီၢ်မုၢ်ဖးဒိၣ်လီၤ. အဂ့ၢ်ဒ်အံၤ တုၤ ခဲကနံၣ်အံၤ ယွၤဆိၣ်ဂ့ၤယၤလီၤ.

¹⁵ ဒီးစီၤယိၤရှူစံးဆၢအီၤ, နမ့မ့ၢ်ပှၤဂီၢ်မုၢ်ဖးဒိၣ်, ဒီးက စၢၢ်အ့ဖရဲၣ် မ့ၢ်အံၣ်ကဲၣ်ဆိးလၢနဂီၢ်ဒီး, လဲၤထီၣ်ဆူ သ့ၣ်ကျါဒီး ကူာ်လီၤကွံာ်လၢနဂီၢ်ဒၣ်နဲဖဲန့ၣ်, လၢပှၤ ပရးစၤဖိ, ဒီးပှၤနီၢ်ဒိၣ်ဖိအကီၢ်ပူၤန့ၣ်တက့ၢ်.

¹⁶ ဒီးစီၤယိၤသးအဖိတဖၣ်စံးဝဲဒၣ်, ကစၢၢ်တဖျၢၣ်န့ၣ် ပမၤတန့ၢ်ဘၣ်. အဂ့ၢ်ဒ်အံၤ, ပှၤကနၤဧၣ်ဖိလၢအ အိၣ်လၢကစၢၢ်ကဆူးအကီၢ်ပူၤန့ၣ် အိၣ်ဝဲဒီးလ့ၣ်က ဟၣ်ထး, ပှၤလၢဘ့ၤသၡၣ်ဒီး အတဝီတဖၣ်, ဒီးပှၤ လၢယံးစရ့လးအကစၢၢ်ကဆူးအပူၤန့ၣ်လီၤ. ¹⁷ ဒီးစီၤယိၤရှူကတိၤတၢ်ဒီး စီၤယိၤသးအပှၤဟံၣ်ဖိ, ဒီးစီၤအ့ဖရဲၣ်, ဒီးစီၤမနၤရှ့ၤ, ဒီးစံးဝဲဒၣ်, နမ့ၢ်ပှၤဂီၢ်မုၢ်ဖးဒိၣ်, ဒီးနစိနကမီၤဒိၣ်ဝဲလီၤ. နကန့ၢ်ဘၣ်ထဲတၢ်အဂီၢ် တမံၤဧိၤတမ့ၢ်ဘၣ်. ¹⁸ ဒီးကစၢၢ်တဖျၢၣ်န့ၣ် ကကဲ ထီၣ်နတၢ်လီၤ. အဂ့ၢ်ဒ်အံၤ, မ့ၢ်သ့ၣ်အလီၢ်လီၤ. ဒီး နဘၣ်ကူာ်လီၤကွံာ်အီၤ, ဒီးအကတၢၢ်န့ၣ် ကကဲထီၣ်န တၢ်လီၤ. အဂ့ၢ်ဒ်အံၤ, ပှၤကနၤဧၣ်ဖိအိၣ်ဒီးလ့ၣ်က ဟၣ်ထး, ဒီးအဂံၢ်ဆူၣ်အဘါဆူၣ်ဘၣ်ဆၣ်ဒီး, နက ဟီထီၣ်ကွံာ်အီၤလီၤ.

၁၈

¹ ဒီးပှၤအံၣ်စရ့လးဖိ အတၢ်အိၣ်ဖှိၣ်ခဲလၢာ်အိၣ်ဖှိၣ်ရိ ဖှိၣ် ဖဲၡံလိၤ, ဒီးသူၣ်တၢ်အိၣ်ဖှိၣ် အဒဲဖဲန့ၣ်, ဒီးပှၤ ကီၢ်ဖိန့ၣ် ဘၣ်တၢ်မၤနၢၤမၤဃၣ်လၢအမဲာ်ညါလီၤ.

² ဒီးပှၤလၢအတန့ၢ်ဒံးဘၣ် တၢ်န့ၢ်သါန့ၣ် ပှၤနွံဒူၣ် အိၣ်လီၤတဲာ်ဝဲလၢပှၤအံၣ်စရ့လးဖိအကျါလီၤ.

³ ဒီးစီၤယိၤရှူစံးဘၣ်ပှၤအံၣ်စရ့လးဖိန့ၣ်, သုကပာ်စၢ် သုဂံၢ်သုဘါလၢသုတမၤန့ၢ် ထံဧိၤကီၢ်ဧိၤလၢယွၤသု ပၢ်အကစၢ်ဟ့ၣ်လီၤသုန့ၣ် ဆံးယံာ်လဲၣ်. ⁴ ဟ့ၣ်ယၤ လၢသုကျါလၢပှၤတဒူၣ်သၢဂၤ, ပှၤတဒူၣ်သၢဂၤတက့ၢ်, ဒီးယကမၢလီၤအီၤ, ဒီးကဂဲၤဆၢထၢၣ် ဒီးလဲၤတၢ် လၢ ကီၢ်ဒီဘ့ၣ်ညါအပူၤ, ဒီးကွဲးတၢ်လၢအဂ့ၢ်အကျိၤ ဒ်အတၢ်န့ၢ်သါအသိး, ဒီးကဟဲက့ၤကဒါက့ၤဆူယ အိၣ်လီၤ. ⁵ ဒီးကနီၤဖးအီၤလၢနွံပူလီၤ. ယူဒၤဘၣ် အိၣ်လၢအဃၢၤလၢ ကလံၤထံးတခီ, ဒီးစီၤယိၤသး အပှၤဟံၣ်ဖိဘၣ်အိၣ်လၢအဃၢၤလၢကလံၤစိးတခီလီၤ.

⁶ ဒီးသုဘၣ်ကွဲးတၢ်လၢ ကီၢ်အဂ့ၢ်အကျိၤလၢနွံပူ, ဒီး ဟဲစိာ်ဖဲအံၤဆူယအိၣ်, ဒီးယကဖးတၢ်ဖဲအံၤ, လၢသု ဂီၢ်လၢယွၤပကစၢ်အမဲာ်ညါလီၤ.

⁷ မ့မ့ၢ်ပှၤလ့ၤဝံဖိအဂီၢ်တအိၣ်ဘၣ်လၢသုကျါဘၣ်. အ ဂ့ၢ်ဒ်အံၤ, ပှၤလုၢ်တၢ်အဒိၣ်အလီၢ်န့ၣ် မ့ၢ်အတၢ်န့ၢ် သါလီၤ. ဒီးကး, ဒီးရူၤဘ့ၣ်, ဒီးမနၤရှ့ၤတခီဒူၣ်န့ၣ်န့ၢ် ဘၣ်လံအတၢ်န့ၢ်သါလၢ ယၢ်ဒ့ၣ်ဝၢ်ဘးခီလၢမုၢ်ထီၣ် တခီ, လၢယွၤအခ့အပှၤစီၤမိၤရှ့ဟ့ၣ်လီၤအီၤလီၤ.

⁸ ဒီးပှၤတဖၣ်န့ၣ်ဂဲၤဆၢထၢၣ်, ဒီးလဲၤတၢ် (ဒီးစီၤယိၤ ရှူမၤလိာ်တ့ၢ် ပှၤလၢအလဲၤတၢ်တဖၣ်, လၢအကကွဲး ဟီၣ်ခိၣ်အဂ့ၢ်အကျိၤ, ဒီးစံးဝဲဒၣ်, လဲၤဟးဝ့ၤဝီၤလၢထံ ဧိၤကီၢ်ဧိၤအပူၤ, ဒီးကွဲးတၢ်လၢအဂ့ၢ်အကျိၤ, ဒီးဟဲ က့ၤကဒါက့ၤဆူယအိၣ်တက့ၢ်. ဒီးယကဖးတၢ်ဖဲအံၤ လၢသုဂီၢ်လၢယွၤအမဲာ်ညါလၢၡံလိၤအပူၤလီၤ.)

⁹ ဒီးပှၤတဖၣ်န့ၣ်လဲၤတၢ်, ဒီးခီဂာ်ထံဧိၤကီၢ်ဧိၤ, ဒီးကွဲး ဝဲဒ်အဝ့ၢ်တဖၣ်အိၣ်ဝဲအသိးလၢနွံပူလၢလံာ်ပူၤ, ဒီးဟဲ က့ၤကဒါက့ၤဆူ စီၤယိၤရှူအအိၣ်လၢ ပှၤသူၣ်ဒဲအလီၢ် လၢၡံလိၤအပူၤလီၤ.

¹⁰ ဒီးစီၤယိၤရှူဖးတၢ်လၢအဂီၢ် လၢၡံလိၤအပူၤလၢယွၤ အမဲာ်ညါလီၤ. ဒီးစီၤယိၤရှူနီၤဖးထံဧိၤကီၢ်ဧိၤ လၢပှၤ အံၣ်စရ့လးဖိအဂီၢ်, ဒ်တၢ်နီၤဖးအသိးန့ၣ်လီၤ.

¹¹ ပှၤဘံၣ်ယၤမံၣ်ဖိတဒူၣ် အတၢ်ဖးလၢအဂီၢ်န့ၣ် ဟဲ ထီၣ်ဒ်အဟံၣ်တဖၣ်အသိးန့ၣ်, ဒီးအတၢ်ဖးလၢအဂီၢ် အကီၢ်ဃၢၤဟဲထီၣ်လၢ ယူဒၤဖိဒီးယိၤသးဖိ အဘၢၣ် စၢၤလီၤ. ¹² ဒီးအကီၢ်ဃၢၤလၢကလံၤစိးတခီ အိၣ်ဝဲလၢ ယၢ်ဒ့ၣ်, ဒီးကီၢ်အဃၢၤန့ၣ်လဲၤထီၣ်ဆူယရံၤဃိအဃၢၤ လၢကလံၤစိးတခီ, ဒီးလဲၤထီၣ်ဘးကစၢၢ်ကလိလၢမုၢ် နုာ်တခီ, ဒီးဟးထီၣ်ကွံာ်ဝဲန့ၣ်ဖဲပှၢ်မုၢ်ကနၢဘ့ၤသအၤ ဝ့ၣ်, ¹³ ဒီးကီၢ်အဃၢၤန့ၣ် ခီဂာ်တၢ်ဖဲန့ၣ်ဆူ လူးစးအ ဃၢၤလၢကလံၤထံးတခီ,(အဝဲန့ၣ်မ့ၢ်ဘ့ၤသ့လး)ဒီးကီၢ် အဃၢၤန့ၣ် လဲၤလီၤဆူဧးတၤရိးအးဒၢ်လၢ ကစၢၢ်တ ဖျၢၣ်အိၣ်လၢဘ့ၤသဃိရိၣ် လၢလာ်ခီတဝ့ၢ်လၢကလံၤ ထံးတခီလီၤ. ¹⁴ ဒီးတၢ်ထိၣ်ကီၢ်အဃၢၤ, ဒီးလဲၤတရံးပီၣ် လဲၣ်အနၢၣ်လၢကလံၤထံးတခီ, လၢကစၢၢ်တဖျၢၣ်လၢ အအိၣ်လၢဘ့ၤသဃိရိၣ်အမဲာ်ညါလၢ ကလံၤထံးတခီ, ဒီးဟးထီၣ်ကွံာ်ဝဲန့ၣ်ဖဲကံးရယးဘဧၤလး, (အဝဲန့ၣ်မ့ၢ် ကံးရယးယဧၤရံၣ်) ပှၤယူဒၤဖိအဝ့ၢ်တဝ့ၢ်လီၤ. အဝဲန့ၣ် မ့ၢ်လၢမုၢ်နုာ်တခီလီၤ. ¹⁵ ဒီးကလံၤထံးတခီန့ၣ် အိၣ်ဝဲလၢကံးရယးယဧၤရံၣ် အကတၢၢ်, ဒီးကီၢ်အဃၢၤန့ၣ်ဟးထီၣ်ကွံာ်ဆူမုၢ်နုာ် တခီ, ဒီးလဲၤတၢ်ဆူန့ဖတိၤအထံထီၣ်ပၢၢ်တဖၣ်အအိၣ်, ¹⁶ ဒီးကီၢ်အဃၢၤန့ၣ် ဟဲလီၤလၢ ကစၢၢ်တဖျၢၣ် အက တၢၢ်လၢအအိၣ်လၢ စီၤဟံၣ်နိၣ်အဖိခွါ အကစၢၢ်က ဆူးအမဲာ်ညါ, လၢအအိၣ်လၢပှၤနီၢ်ဒိၣ်ဖိအကစၢၢ်က ဆူးအပူၤလၢ ကလံၤစိးတခီ, ဒီးလဲၤလီၤဆူကစၢၢ်က ဆူးဟံၣ်နိၣ်, လၢယဘူၣ်အဃၢၤလၢကလံၤထံးတခီ, ဒီးလဲၤလီၤဆူဧ့ၣ်ရိၤက့လးလီၤ. ¹⁷ ဒီးတၢ်ထိၣ်လၢကလံၤစိး တခီ, ဒီးလဲၤထီၣ်ဝဲဆူဧ့ၣ်ရှ့မ့ၣ်, ဒီးလဲၤထီၣ်ဆူကလံလိး လၢအအိၣ်သဃီၤဒီးတၢ်လဲၤထီၣ်ဆူအဒူမ့ၣ်, ဒီးလဲၤလီၤ လၢစီၤရူၤဘ့ၣ်အဖိခွါ စတိဟၣ်အလၢၢ်တဖျၢၣ်အအိၣ်, ¹⁸ ဒီးလဲၤတၢ်လၢအဃၢၤ လၢအအိၣ်သဃီၤဒီးဧၤရဘၤ လၢကလံၤစိးတခီ, ဒီးလဲၤလီၤဆူဧၤရဘၤလီၤ. ¹⁹ ဒီးကီၢ် အဃၢၤန့ၣ် လဲၤတၢ်ဆူဘ့ၤသဃါကလၤအဃၢၤလၢက လံၤစိးတခီ, ဒီးဟးထီၣ်ကွံာ်ဝဲဖဲန့ၣ် ဖဲပီၣ်လဲၣ်အံသၣ် အသနၢၣ်လၢကလံၤစိးတပူၤလၢ ယၢ်ဒ့ၣ်ကလံၤထံးတ ခီလီၤ. အဝဲန့ၣ်မ့ၢ်ကီၢ်အဃၢၤလၢကလံၤထံးတခီလီၤ.

²⁰ ဒီးယၢ်ဒ့ၣ်မ့ၢ်ကီၢ်အဃၢၤလၢမုၢ်ထီၣ်တခီလီၤ. အဝ့ၢ် န့ၣ်မ့ၢ်ပှၤဘံၣ်ယၤမံၣ်ဖိအတၢ်န့ၢ်သါ, ဒ်အကီၢ်အဃၢၤ တဖၣ်အိၣ်ဝးတရံးဝဲအသိး, ဒ်အဟံၣ်တဖၣ်အသိးန့ၣ် လီၤ. ²¹ ဒီးပှၤဘံၣ်ယၤမံၣ်ဖိတဒူၣ်အဝ့ၢ်တဖၣ်, ဒ်ဒူၣ် တဖၣ်အသိးန့ၣ်, မ့ၢ်ယရံၤဃိ, ဒီးဘ့ၤသဃါကလၤ, ဒီး ကစံးအကစၢၢ်ကဆူး, ²² ဒီးဘ့ၤသဧါရဘၤ, ဒီးစမၤရဲၣ်, ဒီးဘ့ၤသ့လး ²³ ဒီးဧၤဝံၣ်, ဒီးပါရၤ, ဒီးဧိၤဖြၤ―

²⁴ ဒီးကဖၢ် ဧမိနဲ, ဒီးဧိးဖနံၤ, ဒီးက့ဘၤလီၤ. ဝ့ၢ်တဆံခံဝ့ၢ်အိၣ်ဒီးအ တဝီတဖၣ်လီၤ. ²⁵ ကံးဘိၣ်, ဒီးရၤမါ, ဒီးတအ့ရိး, ²⁶ ဒီးမံးစပၤ, ဒီးကဖံရၤ, ဒီးမိစၤ,― ²⁷ ဒီးရ့က့ၣ်, ဒီးယံရဖၤအ့လး, ဒီးတၤရါ လး, ²⁸ ဒီးစ့လၤ, ဒီးအ့လ့ာ်, ဒီးယဘူၣ်, (အဝဲန့ၣ်မ့ၢ်ယရူၤ ၡလ့ၣ်), ကံဘဧး, ဒီးကံးရယးန့ၣ်လီၤ. ဝ့ၢ်တဆံလွံၢ်ဝ့ၢ် အိၣ်ဒီးအတဝီတဖၣ်လီၤ. အဝဲန့ၣ်မ့ၢ်ပှၤဘံၣ်ယၤမံၣ်ဖိအ တၢ်န့ၢ်သါ, ဒ်အဟံၣ်တဖၣ်အသိးန့ၣ်လီၤ.

၁၉

¹ တၢ်ဖးခံမံၤတမံၤန့ၣ် ဟဲထီၣ်လၢ စူၤမ့းအိၣ်အဂီၢ်, လၢပှၤစူၤမ့းအိၣ်ဖိတဒူၣ်အဂီၢ်, ဒ်အဟံၣ်တဖၣ်အသိး န့ၣ်လီၤ. ဒီးအတၢ်န့ၢ်သါန့ၣ်အိၣ်ဝဲလၢပှၤယူဒၤဖိအတၢ် န့ၢ်သါအပူၤလီၤ.

² ဒီးလၢအတၢ်န့ၣ်သါအကျါန့ၣ် အိၣ်ဝဲလၢဘ့ၣ်ၡဘၤ, ဒီးရှ့ဘၤ, ဒီးမိလဒၤ ³ ဒီးဃစၢ်ရှူဧလး, ဒီးဘၤလၤ, ဒီးဧၤ စ့ၣ်, ⁴ အ့းလတိလး, ဒီးဘသူလး, ဒီးဃိၢ်မါ,― ဒီးစံ ကလး, ဒီၤဘ့ၤသမၢ်ကဘိး, ဒီးဃစၢ်စူစၤ, ⁵ ဒီးဘ့ၤ

⁶ သလဘိး, ဒီးၡရူၤဃ့ၣ်လီၤ. ဝ့ၢ်တဆံသၢဝ့ၢ်အိၣ်ဒီးအ တဝီတဖၣ်လီၤ.

⁷ ဧ့ၣ်, ဒီးရံးမိၣ်, ဒီးဧ့သ့ၢ်, ဒီးဧၤၡၣ်လီၤ. ဝ့ၢ်လွံၢ်ဝ့ၢ်အိၣ်ဒီး အတဝီတဖၣ်လီၤ. ⁸ ဒီးကယဲၢ်တဝီလၢအအိၣ်ဝးတရံး ဝ့ၢ်တဖၣ်ပၢၢ်လၢ ဘဧၤလးဘ့ၢ်, ရၤမးလၢကလံၤထံး တခီလီၤ. အဝဲန့ၣ်မ့ၢ်ပှၤစူၤမ့းအိၣ်ဖိအတၢ်န့ၢ်သါ, ဒ်အ ဟံၣ်တဖၣ်အသိးန့ၣ်လီၤ.

⁹ တၢ်ဟံးန့ၢ်ပှၤစူၤမ့းအိၣ်ဖိအတၢ်န့ၢ်သါလၢပှၤယူဒၤဖိ အတၢ်န့ၢ်သါအကျါလီၤ. အဂ့ၢ်ဒ်အံၤ, ပှၤယူဒၤအဂီၢ်န့ၣ် အါကဲၣ်ဆိးလၢအဂီၢ်လီၤ. မၤသးဒ်န့ၣ်ဒီးပှၤစူၤမ့းအိၣ် ဖိန့ၢ်ဘၣ်အတၢ်န့ၢ်သါလၢအကျါလီၤ.

¹⁰ ဒီးတၢ်ဖးသၢမံၤတမံၤန့ၣ် ဟဲထီၣ်လၢပှၤစဘူလိၣ်ဖိ အဂီၢ် ဒ်အဟံၣ်တဖၣ်အသိးန့ၣ်, ဒီးအတၢ်န့ၢ်သါအ ကီၢ်ဃၢၤန့ၣ် အိၣ်ဝဲပၢၢ်လၢစၤရံး, ¹¹ ဒီးအကီၢ်ဃၢၤန့ၣ် လဲၤထီၣ်ဆူပီၣ်လဲၣ်နံၤ, ဒီးမရၤလၤ, ဒီးဘၣ်လၢဒးဘးရှ့, ဒီးဘၣ်လၢထံကျိနံၤ အိၣ်ဝဲလၢယၤကနၣ်အမဲာ်ညါ,―

¹² ဒီးဃၣ်အသးလၢစၤရံး လၢမုၢ်ထီၣ်တခီဆူမုၢ်ထီၣ်ပၢၢ် လၢကံးစလိးတၤဘိၢ်အကီၢ်ဃၢၤ, ဒီးဟးထီၣ်ဝဲဆူဒၤ ဘြး, ဒီးလဲၤထီၣ်ဝဲဆူယၤဖံ, ¹³ ဒီးလဲၤထီၣ်ဖဲန့ၣ် ဆူမုၢ် ထီၣ်တခီ, ဆူကံးတၤဃ့ဖ့ၢ်, ဆူဧ့းတၤကစံၣ်, ဒီးဟး ထီၣ်ဝဲဆူရံးမိၣ်မသိၢ်, ဆူန့ဧၤ, ¹⁴ ဒီးကီၢ်အဃၢၤလၢက လံၤစိးတခီန့ၣ် လဲၤတရံးတၢ်ဆူဃးနသိၣ်, ဒီးဟး ထီၣ်ကွံာ်ဝဲဖဲန့ၣ်ဖဲကစၢၢ်ကဆူးယံးဖတ့းလ, ¹⁵ ဒီးကး တး, ဒီးနဟးလလး, ဒီးၡံးမရိၣ်, ဒီးယံးဒၤလၤ, ဒီးဘ့ၤသ လ့ဃ့ၣ်လီၤ. ဝ့ၢ်တဆံခံဝ့ၢ်အိၣ်ဒီးအတဝီတဖၣ်လီၤ.―

¹⁶ အဝဲန့ၣ် မ့ၢ်ပှၤစဘူလိၣ်ဖိ အတၢ်န့ၢ်သါ, ဒ်အဟံၣ်တ တဖၣ်အသိးန့ၣ်, ဝ့ၢ်တဖၣ်န့ၣ်အိၣ်ဒီးအတဝီဖၣ်လီၤ.

¹⁷ ဒီးတၢ်ဖးလွံၢ်မံၤတမံၤန့ၣ် ဟဲထီၣ်လၢယံးစၣ်ကၢ်အ ဂီၢ်, လၢပှၤယံးစၣ်ကၢ်ဖိအဂီၢ်, ဒ်အဟံၣ်တဖၣ်အသိး န့ၣ်, ¹⁸ ဒီးအကီၢ်အဃၢၤန့ၣ် အိၣ်ဝဲဆူယံးစရ့လးဒီးယံး စူးလိး, ဒီးရှူန့ၣ်, ¹⁹ ဒီးဃဖၢ်ရဲၣ်, ဒီးၡံအိၣ်, ဒီးအနၤဃရး,― ဒီးရးဘံး, ဒီးကံးၡယိၣ်, ဒီးအၤဘ့း ²⁰ ဒီးရ့မ့း, ဒီးဧ့ၣ်ကး နံၣ်, ဒီးဧ့ၣ်ဃးဒၤ, ဒီးဘ့ၤသပးစ့, ²¹ ဒီးအကီၢ်ဃၢၤန့ၣ်

²² ဘၣ်လၢတၤဘိၢ်, ဒီးၡၤကစံမၤ, ဒီးဘ့ၤသရှ့မ့ၣ်, ဒီးကီၢ် အဃၢၤဟးထီၣ်ဝဲန့ၣ်ဖဲယၢ်ဒ့ၣ်လီၤ. ဝ့ၢ်တဆံဃုဝ့ၢ်အိၣ် ဒီးအတဝီတဖၣ်လီၤ. ²³ အဝဲန့ၣ်မ့ၢ် ပှၤယံးစၣ်ကၢ်ဖိတ ဒူၣ်အတၢ်န့ၢ်သါ, ဒ်အဟံၣ်တဖၣ်အသိးန့ၣ်, ဝ့ၢ်တဖၣ် န့ၣ်အိၣ်ဒီးအတဝီတဖၣ်လီၤ.

²⁴ ဒီးတၢ်ဖးယဲၢ်မံၤတမံၤန့ၣ် ဟဲထီၣ်လၢပှၤအၤရှ့ၢ်ဖိတ ဒူၣ်အဂီၢ်, ဒ်အဟံၣ်တဖၣ်အသိးန့ၣ်လီၤ.

²⁵ ဒီးအကီၢ်အဃၢၤန့ၣ်မ့ၢ်ဃ့လကး, ဒီးဃလံ, ဒီးဘ့ တ့ၣ်ဒီးအကၡး, ²⁶ ဒီးအလးမ့လ့း, ဒီးဧၤမး, ဒီးမံၤရှ့လး, ဒီးဘၣ်လၢကၢ်မ့ၤလး လၢမုၢ်နုာ်တခီ, ဒီးပၢၢ်လၢၡံဃိၢ် လံးဘနး, ²⁷ ဒီးဃၣ်အသးဆူမုၢ်ထီၣ်, ဆူဘ့ၤသဒၤကိၣ်, ဒီးဘၣ်လၢစဘူလိၣ်, ဒီးပၢၢ်လၢကစၢၢ်ကဆူးယံးဖတ့ လးလၢဘ့ၤသဧ့ၤမ့း, ဒီးနဧ့လးလၢကလံၤစိးတခီ, ဒီး ဟးထီၣ်ဝဲဆူကၤဘူလးလၢစုစ့ၣ်တခီ, ²⁸ ဒီးဃ့ဘြိၣ်, ဒီး ရဃိၣ်, ဒီးဃမိၤ, ဒီးကါနၤ, ပၢၢ်လၢစံဒိၣ်ဖးဒိၣ်, ²⁹ ဒီး ကီၢ်အဃၢၤန့ၣ်ဃၣ်အသးဆူရၤမါ, ဒီးဆူဝ့ၢ်ခၢၣ်သနၢၢ် စိၢ်, ဒီးကီၢ်အဃၢၤန့ၣ်ဃၣ်အသးဆူဃိစၤ, ဒီးဟးထီၣ် ဝဲန့ၣ်ဖဲပီၣ်လဲၣ်နံၤ, လၢအသရ့ၤန့ၣ်ဆူအၤကစံာ်, ³⁰ ဒီးဧူး မၤ, ဒီးအဖ့း, ဒီးရဃိာ်န့ၣ်လီၤ. ဝ့ၢ်ခံဆံခံဝ့ၢ်အိၣ်ဒီးအ တဝီတဖၣ်လီၤ. ³¹ အဝဲန့ၣ်မ့ၢ်ပှၤအၤရှ့ၢ်ဖိတဒူၣ် အတၢ် န့ၢ်သါ, ဒ်အဟံၣ်တဖၣ်အသိးန့ၣ်, ဝ့ၢ်တဖၣ်န့ၣ်အိၣ် ဒီးအတဝီတဖၣ်လီၤ.

³² တၢ်ဖးဃုမံၤတမံၤန့ၣ် ဟဲထီၣ်လၢ ပှၤနးသၤလံဖိ အဂီၢ်, လၢပှၤနးသၤလံဖိအဂီၢ် ဒ်အဟံၣ်တဖၣ်အသိး န့ၣ်လီၤ. ³³ ဒီးအကီၢ်ဃၢၤန့ၣ်အိၣ်ဝဲလၢယ့လ့ာ်, လၢ အးလိၣ်ဆူစဧးနဲၣ်, ဒီးအဒၣ်မံၤ, ဒီးန့က့ာ်, ဒီးယးဘန့ လးပၢၢ်လၢလးကူၣ်, ဒီးဟးထီၣ်ဝဲဖဲန့ၣ်ဖဲယၢ်ဒ့ၣ်,― ³⁴ ဒီးကီၢ်အဃၢၤန့ၣ်ဃၣ်အသးဆူမုၢ်နုာ်တခီ, ဆူအၤစ နိးတၤဘိၢ်, ဒီးဟးထီၣ်ဝဲဖဲန့ၣ်ဆူဃူးကိး, ဒီးဘၣ်လၢစ ဘူလိၣ်လၢကလံၤထံးတခီ, ဒီးဘၣ်လၢအၤရှ့ၢ်လၢမုၢ်နုာ် တခီဒီးပၢၢ်လၢယူဒၤလၢယၢ်ဒ့ၣ်အနံၤဆူမုၢ်ထီၣ်န့ၣ်လီၤ. ³⁵ ဒီးဝ့ၢ်အိၣ်ဒီးအခိၣ်ဒူန့ၣ်မ့ၢ်စံးဒံၣ်, ဒီးစ့ၢ်, ဒီးဃးမး, ရး ကး, ဒီးကံးနရ့း, ³⁶ ဒီးအဒၤမၤ, ဒီးရၤမါ, ဒီးဃါစိၢ်,― ³⁷ ဒီးက့ဒ့ၣ်, ဒီးအ့ဒြံၤ, ဒီးဧ့ၣ်ဃစိၢ်, ³⁸ ဒီးယံးရိၣ်, ဒီးမံးကဒၤ လ့လး, ဃိးရ့ၣ်, ဒီးဘ့ၤသၤနးဒီးဘ့ၤသရှ့မ့ၣ်လီၤ. ဝ့ၢ်တ ဆံခွံဝ့ၢ်အိၣ်ဒီးအတဝီတဖၣ်လီၤ. ³⁹ အဝဲန့ၣ်မ့ၢ်ပှၤနးသၤ လံဖိတဒူၣ်အတၢ်န့ၢ်သါ, ဒ်အဟံၣ်တဖၣ် အသိးန့ၣ် ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ. ⁴⁰ ဒီးတၢ်ဖးနွံမံၤတမံၤန့ၣ် ဟဲထီၣ်လၢပှၤဒၣ်ဖိတဒူၣ် အဂီၢ်, ဒ်အဟံၣ်တဖၣ်အသိးန့ၣ်လီၤ. ⁴¹ အတၢ်န့ၢ်သါအကီၢ်ဃၢၤန့ၣ်မ့ၢ်စိးရၤ, ဒီးအ့ၤၡတိလး, ဒီးဧံၢ်ရှ့မ့ၣ်,― ⁴² ဒီး ၡၤလးဘံၣ်, ဒီးအးယးလိၣ်, ဒီးယံးသလၤ, ⁴³ ဒီးအ့လိၣ်, ဒီးသံမနၤသၤ, ဒီးဧ့ကြိၣ်,― ⁴⁴ ဒီးအ့လတက့ၤ, ကံးဘဘိၣ်, ဒီးဘဧၤလး,― ⁴⁵ ဒီးယဟူး, ဒီးဘန့ဘရး, ဒီးကၤသးရံးမိၣ်,― ⁴⁶ ဒီးမ့ယၢ်ကိၣ်, ဒီးရးကိၣ်, ဒီးကီၢ်အဃၢၤအိၣ်ဝဲ လၢယၤဖိၤအမဲာ်ညါလီၤ.

⁴⁷ ဒီးပှၤဒၣ်ဖိအကီၢ်ဃၢၤန့ၣ် ဟးထီၣ်ကွံာ်လၢအီၤလီၤ. ဒီးပှၤဒၣ်ဖိလဲၤဒုးတၢ်ဒီးလ့ရှ့ၣ်, ဒီးမၤန့ၢ်ဝဲ, ဒီးကျီကွံာ်ဝဲ လၢနးအကနၣ်, ဒီးမၤန့ၢ်ဆူၣ်အီၤ, ဒီးအိၣ်ဝဲဆိးဝဲလၢအ ပူၤ, ဒီးယုၢ်လ့ရှ့ၣ်အမံၤလၢဒၣ်, ဒ်အပၢ်အမံၤအသိးန့ၣ် လီၤ. ⁴⁸ အဝဲန့ၣ်မ့ၢ်ပှၤဒၣ်ဖိတဒူၣ် အတၢ်န့ၢ်သါဒ်အဟံၣ် တဖၣ်အသိးန့ၣ်, ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ. ⁴⁹ ဒီးတုၤအနီၤဖးကီၢ်လၢတၢ်န့ၢ်သါအဂီၢ်အဆၢ, ဒ်ကီၢ်အဃၢၤတဖၣ်အသိးန့ၣ်ဝံၤဒီး, ပှၤအံၣ်စရ့လးဖိဟ့ၣ် လီၤစီၤနိၣ်အဖိခွါစီၤယိၤရှူအတၢ်န့ၢ်သါလၢအကျါ, ⁵⁰ ဒ် တၢ်လၢယွၤအထးခိၣ်အသိးန့ၣ် ဟ့ၣ်ဝဲလၢဝ့ၢ်တဝ့ၢ်လၢ အဃ့အီၤ, တံးမနးစ့ရၤလၢ ကစၢၢ်အ့ဖရဲၣ်အလိၤ လီၤ. ဒီးတ့လီၤဝ့ၢ်န့ၣ်, ဒီးအိၣ်ဝဲဆိးဝဲဖဲန့ၣ်လီၤ.

⁵¹ အဝဲသ့ၣ်တဖၣ်န့ၣ် မ့ၢ်တၢ်န့ၢ်သါတဖၣ်လၢပှၤလုၢ် တၢ်အဒိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤရှူ, ဒီး ပှၤအံၣ်စရ့လးဖိအဒူၣ်အပၢ်အခိၣ်တဖၣ် ဖးတၢ်သတး ဒီး နီၤဖးလၢတၢ်န့ၢ်သါအဂီၢ် လၢၡံလိၤအပူၤလၢယွၤအ မဲာ်ညါဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ. ဒီးနီၤဖးထံ ဧိၤကီၢ်ဧိၤအဆၢဝံၤဝဲလီၤ.

၂၀

¹ ဒီးယွၤကတိၤတၢ်ဒီးစီၤယိၤရှူဒီးစံးဝဲဒၣ်,― ကတိၤတၢ် ဒီးပှၤအံၣ်စရ့လးဖိဒီးစံး, ပာ်လီၤဝ့ၢ်တူၢ်လိာ်တၢ်လၢ သုဂီၢ်လၢယကတိၤတၢ်ဒီးသုလၢ စီၤမိၤရှ့အစုပူၤလၢ အဂ့ၢ်အကျိၤ, ³ ဒ်သိးပှၤလၢအမၤသံပှၤတဂၤလၢတၢ် ဟးဖျိးအဃိဒီးတသ့ၣ်ညါဘၣ်န့ၣ်ကဃ့ၢ်ဆူအအိၣ်, ဒီး ကကဲထီၣ်တၢ်ပူၤဖျဲးဒီး ပှၤမၤကၣ်တၢ်သွံၣ်အလီၢ်လၢသု ဂီၢ်န့ၣ်လီၤ.

⁴ ဒီးတုၤပှၤလၢ အဃ့ၢ်ဆူဝ့ၢ်တဖျၢၣ်ဖျၢၣ် ကဆၢ ထၢၣ်လၢဝ့ၢ်ပဲတရီအကျဲစၢၤ, ဒီးတကတိၤတၢ်လၢဝ့ၢ် အပှၤသူၣ်က့သးပှၢ်အနၢ်ပူၤဒီး, အဝဲသ့ၣ်ကဟံးန့ၢ်အီၤ ဆူဝ့ၢ်ပူၤဆူအအိၣ်, ဒီးဟ့ၣ်လီၤအီၤလၢအလီၢ်, ဒ်သိး အကအိၣ်ဝဲဆိးဝဲလၢအကျါလီၤ.

⁵ ဒီးပှၤမၤကၣ်တၢ်သွံၣ်န့ၣ် မ့ၢ်လူၤအီၤဒီး, တဘၣ် ဟ့ၣ်လီၤကွံာ်ပှၤမၤသံတၢ်လၢအစုဘၣ်. အဂ့ၢ်ဒ်အံၤ, တ သ့ၣ်ညါဘၣ်ဒီး, ကျီသံပှၤလၢအဃၢၤ, ဒီးတသးဟ့ဘၣ် အီၤမဟါမဟိဘၣ်.

⁶ ဒီးကအိၣ်လၢဝ့ၢ်အပူၤန့ၣ် တုၤအဆၢထၢၣ်လၢတၢ် အိၣ်ဖှိၣ်အမဲာ်ညါ လၢတၢ်စံၣ်ညီၣ်အဂီၢ်, ဒီးတုၤပှၤလုၢ် တၢ်အခိၣ်လၢအအိၣ်လၢမုၢ်နံၤတဖၣ်န့ၣ်သံဝဲလီၤ. တုၤ နုၤတစု ပှၤမၤသံတၢ်ကဟဲက့ၤ, ဒီးက့ၤက့ၤဝဲဆူအဝ့ၢ် ဒၣ်ဝဲန့ၣ်, ဒီးဆူအဟံၣ်ဒၣ်ဝဲ, ဆူဝ့ၢ်တဖျၢၣ်လၢအဃ့ၢ် ထီၣ်ကွံာ်တ့ၢ်လၢအီၤလီၤ.

⁷ ဒီးပာ်လီၤဝဲလၢက့ဒ့ၣ် လၢကၤလံၤလါအပူၤ, လၢ ကစၢၢ်နးသၤလံအလိၤ, ဒီးၡက့ၣ်လၢကစၢၢ်အ့ဖရဲၣ်အ လိၤ, ဒီးကံးရယးအၢ်ဘၤ, (အဝဲန့ၣ်မ့ၢ်ဃ့တြိၣ်), လၢ ကစၢၢ်ယူဒၤအလိၤလီၤ.

⁸ ဒီးလၢယၢ်ဒ့ၣ်ဝၢ်ဘးခီ, သဃီၤဒီးယရံးဃိ လၢမုၢ် ထီၣ်တခီန့ၣ် ပာ်လီၤဝဲလၢ ဘ့စ့ၢ်လၢ ပှၢ်မုၢ်ကနၢ လၢတၢ်ပျီပူၤ လၢရူၤဘ့ၣ်တဒူၣ်အကျါ, ဒီးရၤမိးလၢ ကံးလဧးအပူၤလၢ ကးတံဒူၣ်အကျါ, ဒီးကိလၣ်လၢ ဘၤၡၣ်အပူၤလၢမနၤရှ့ၤတဒူၣ်တကျါလီၤ.

⁹ ဒီးအဝဲသ့ၣ်တဖၣ်န့ၣ် မ့ၢ်ဝ့ၢ်ပာ်လီၤအသးလၢ ပှၤ အံၣ်စရ့လးဖိခဲလၢာ်အဂီၢ်, ဒီးလၢပှၤတခီဘီမုၢ်ဖိလၢ အအိၣ်ဝဲလၢအကျါအဂီၢ်, ဒ်သိးဖဲဒၣ်ပှၤလၢအမၤသံပှၤ တဂၤလၢတၢ်ဟးဖျိးအဃိတဂၤဂၤန့ၣ် ကဃ့ၢ်ဆူန့ၣ်, ဒီးတသံဘၣ်လၢပှၤမၤကၣ်တၢ်သွံၣ်အစု, တုၤလီၤလၢ အဆၢထၢၣ်လၢတၢ်အိၣ်ဖှိၣ်အမဲာ်ညါန့ၣ်လီၤ.

၂၁

¹ ဒီးပှၤလ့ၤဝံဖိအပၢ်အခိၣ်တဖၣ် သုးဘူးအသးဆူပှၤ လုၢ်တၢ်အဒိၣ် စီၤအလၤဧစၢ်, ဒီးစီၤနိၣ်အဖိခွါစီၤယိၤ ရှူ, ဒီးဆူပှၤအံၣ်စရ့လးဖိအဒူၣ်တဖၣ်အပၢ်အခိၣ်တဖၣ် အအိၣ်, ² ဒီးကတိၤတၢ်ဒီးအီၤလၢၡံလိၤလၢကနၤဧၣ်အ ကီၢ်ပူၤ, ဒီးစံးဝဲဒၣ်, ယွၤမၤလိာ်တၢ်လၢစီၤမိၤရှ့အစုပူၤ, လၢကဟ့ၣ်လီၤပှၤလၢဝ့ၢ်တဖၣ်, ဒ်သိးပကအိၣ်ကဆိး လၢအပူၤ, ဒီးအတၢ်အီၣ်ဆၣ်အလီၢ်တဖၣ်လၢပဆၣ်ဖိ ကီၢ်ဖိအဒၢအဂီၢ်လီၤ.

³ ဒီးပှၤအံၣ်စရ့လးဖိ ဟ့ၣ်လီၤပှၤလ့ၤဝံဖိအတၢ်န့ၢ်သါ လၢအကျါ, ဖဲယွၤအထးခိၣ်န့ၣ်, ဝ့ၢ်တဖၣ်အံၤ, ဒီးအ တၢ်အီၣ်ဆၣ်အလီၢ်တဖၣ်လီၤ.

⁴ ဒီးတၢ်ဖးန့ၣ်ဟဲထီၣ်လၢ ပှၤကဃးဖိအဟံၣ်တဖၣ် အဂီၢ်လီၤ. ဒီးပှၤလုၢ်တၢ်အဒိၣ်စီၤအၤဟရိၣ်အဖိ လၢ ပှၤလ့ၤဝံဖိအကျါန့ၣ် ဖးတၢ်သတးဒီးန့ၢ်ဘၣ်ဝ့ၢ်တဆံ သၢဝ့ၢ်လၢယူဒၤတဒူၣ်အကျါ, ဒီးလၢစူၤမ့းအိၣ်တဒူၣ် အကျါ, ဒီးလၢဘံၣ်ယၤမံၣ်တဒူၣ်အကျါန့ၣ်လီၤ.

⁵ ဒီးပှၤကဃးဖိလၢ အအိၣ်လီၤတဲာ်တဖၣ်န့ၣ်ဖးတၢ် သတးဒီး, န့ၢ်ဘၣ်ဆံဆဲၣ်ဝ့ၢ်လၢအ့ဖရဲၣ်တဒူၣ်အဟံၣ် တဖၣ်အကျါ, ဒီးလၢဒၣ်တဒူၣ်အကျါ, ဒီးလၢမနၤ ရှ့ၤတခီဒူၣ်အကျါလီၤ.

⁶ ဒီးပှၤက့ရၡိၣ်ဖိန့ၣ် ဖးတၢ်သတးဒီး, န့ၢ်ဘၣ်ဝ့ၢ်တ ဆံသၢဝ့ၢ်လၢ ပှၤယံးစၣ်ကၢ်တဒူၣ်အဟံၣ်တဖၣ်အကျါ ဒီးလၢပှၤအၤရှ့ၢ်တဒူၣ်အကျါ, ဒီးလၢနးသၤလံတဒူၣ်အ ကျါ, ဒီးလၢမနၤရှ့ၤတခီဒူၣ်အကျါ, လၢဘၤၡၣ်အပူၤ လီၤ.

⁷ ဒီးပှၤမရၤရံဖိ, ဒ်အဟံၣ်တဖၣ်အသိးန့ၣ် န့ၢ်ဘၣ်ဝ့ၢ် တဆံခံဝ့ၢ်လၢရူၤဘ့ၣ်တဒူၣ်အကျါ, ဒီးလၢကးတဒူၣ် အကျါ, ဒီးလၢစဘူလိၣ်တဒူၣ်အကျါလီၤ.

⁸ ဒီးပှၤအံၣ်စရ့လးဖိဖးတၢ်သတးဒီး, ဟ့ၣ်လီၤပှၤလ့ၤ ဝံဖိလၢဝ့ၢ်တဖၣ်, ဒီးအတၢ်အီၣ်ဆၣ်အလီၢ်တဖၣ်, ဒ် ယွၤမၤလိာ်တၢ်လၢစီၤမိၤရှ့အစုပူၤအသိးန့ၣ်လီၤ.

⁹ ဒီးလၢပှၤယူဒၤဖိတဒူၣ်အကျါ, ဒီးလၢပှၤစူၤမ့းအိၣ်ဖိ တဒူၣ်အကျါန့ၣ် ဟ့ၣ်လီၤဝဲလၢဝ့ၢ်တဖၣ်အံၤလၢပစံး လၢအမံၤ, ¹⁰ ဒီးစီၤအၤဟရိၣ်အဖိ လၢပှၤကဃးဖိအကျါ, လၢပှၤလ့ၤဝံဖိအကျါန့ၣ်န့ၢ်ဘၣ်ဝဲ, (အဂ့ၢ်ဒ်အံၤ, အဝဲ န့ၣ် မ့ၢ်တၢ်ဖးလၢအခီၣ်ထံးတမံၤ), ¹¹ ဒီးတၢ်ဟ့ၣ်လီၤ အီၤလၢစီၤအၢ်ဘၤအဝ့ၢ်, စီၤဧနးအပၢ်, (အဝဲန့ၣ်မ့ၢ်ဃ့ ဘြိၣ်) အိၣ်ဝဲလၢယူဒၤအကစၢၢ်ကလိ, အိၣ်ဒီးအတၢ်အီၣ်ဆၣ်အလီၢ်ဝးတရံးဝဲလီၤ.― ¹² မ့မ့ၢ်ဟီၣ်ခိၣ်အကဝီၤ တဖၣ်ဘၣ်ဃးဒီးဝ့ၢ်န့ၣ်, ဒီးအတဝီတဖၣ်ဟ့ၣ်လီၤဝဲလၢ စီၤယဖူန့ၤအဖိခွါ စီၤက့ၤလ့းလၢအတၢ်န့ၢ်သါအဂီၢ်လီၤ.

¹³ ဒီးဟ့ၣ်လီၤဝဲလၢ ပှၤလုၢ်တၢ်အဒိၣ်စီၤအၤဟရိၣ်အ ဖိလၢဃ့ဘြိၣ်အိၣ်ဒီး အတၢ်အီၣ်ဆၣ်အလီၢ်, ဝ့ၢ်တူၢ် လိာ်တၢ်လၢ ပှၤမၤသံတၢ်အဂီၢ်, ဒီးလံးဘနၤအိၣ်ဒီး တၢ်အီၣ်ဆၣ်အလီၢ်, ¹⁴ ဒီးယးတံၢ်, ဒီးအတၢ်အီၣ်ဆၣ်အ အလီၢ်, ဒီးအ့ၤၡတမိဒီးအတၢ်အီၣ်ဆၣ်အလီၢ်,― ¹⁵ ဒီးဟိ လိၣ်ဒီးအတၢ်အီၣ်ဆၣ်အလီၢ်, ဒီးဒဘံၢ်ဒီးအတၢ်အီၣ် ဆၣ်အလီၢ်, ¹⁶ ဒီးဧ့ၣ်ဒီးအတၢ်အီၣ်ဆၣ်အလီၢ်, ဒီးယူး တၤဒီးအတၢ်အီၣ်ဆၣ်အလီၢ်, ဒီးဘ့ၤသရှ့မ့ၣ်ဒီးအတၢ် အီၣ်ဆၣ်အလီၢ်, ဝ့ၢ်ခွံဝ့ၢ်လၢပှၤခံဒူၣ်န့ၣ်အကျါလီၤ.

¹⁷ ဒီးလၢဘံၣ်ယၤမံၣ်တဒူၣ်အကျါန့ၣ် ကံးဘိၣ်ဒီးအ တၢ်အီၣ်ဆၣ်အလီၢ်, ဒီးက့ဘၤဒီး အတၢ်အီၣ်ဆၣ်အ လီၢ်, ¹⁸ ဧၤနသိးဒီးအတၢ်အီၣ်ဆၣ်အလီၢ်, ဒီးဧၤလမိၣ် ဒီးအတၢ်အီၣ်ဆၣ်အလီၢ်, ဝ့ၢ်လွံၢ်ဝ့ၢ်လီၤ,― ¹⁹ ပှၤလုၢ်တၢ် အဒိၣ်, စီၤအၤဟရိၣ်အဖိအဝ့ၢ်ခဲလၢာ်န့ၣ်မ့ၢ်တဆံသၢ ဝ့ၢ်အိၣ်ဒီးအတၢ်အီၣ်ဆၣ်အလီၢ်တဖၣ်လီၤ.

²⁰ ဒီးပှၤကဃးဖိအဟံၣ်တဖၣ်, ပှၤလ့ၤဝံဖိလၢအအိၣ် လီၤတဲာ်လၢပှၤကဃးဖိအကျါန့ၣ်, အဝဲသ့ၣ်န့ၢ်ဘၣ်အ တၢ်ဖးအဝ့ၢ်တဖၣ်လၢ အ့ဖရဲၣ်တဒူၣ်အကျါလီၤ. ²¹ ဒီးဟ့ၣ်လီၤအီၤလၢၡက့ၣ်ဒီး အတၢ်အီၣ်ဆၣ်အလီၢ်လၢကစၢၢ်အ့ဖရဲၣ်အလိၤ, ဝ့ၢ်တူၢ်လိာ်တၢ်လၢ ပှၤမၤ သံတၢ်အဂီၢ်, ဒီးက့စ့ၢ်ဒီးအတၢ်အီၣ်ဆၣ်အလီၢ်, ²² ကံး ဘစဲၣ်ဒီး အတၢ်အီၣ်ဆၣ်အလီၢ်, ဒီးဘ့ၤသဃိရိၣ်ဒီး အတၢ်အီၣ်ဆၣ်အလီၢ်, ဝ့ၢ်လွံၢ်ဝ့ၢ်လီၤ. ²³ ဒီးလၢဒၣ်တ ဒူၣ်အကျါန့ၣ်အ့လတက့ၤ, ဒီးအတၢ်အီၣ်ဆၣ်အလီၢ်, ကံးဘသိၣ်ဒီးအတၢ်အီၣ်ဆၣ်အလီၢ်,― ²⁴ အးယၤလိၣ်ဒီး အတၢ်အီၣ်ဆၣ်အလီၢ်, ကၤသရံးမိၣ်ဒီးအတၢ်အီၣ်အ လီၢ်, ဝ့ၢ်လွံၢ်ဝ့ၢ်လီၤ.

²⁵ ဒီးလၢမနၤရှ့ၤတခီဒူၣ်အကျါန့ၣ် တၤနးဒီး အတၢ် အီၣ်ဆၣ်အလီၢ်, ဒီးကၤသရံးမိၣ်ဒီးအတၢ်အီၣ်ဆၣ်အ လီၢ်, ဝ့ၢ်ခံဝ့ၢ်လီၤ. ²⁶ ဝ့ၢ်ခဲလၢာ်အိၣ်ဒီးအတၢ်အီၣ်ဆၣ် အလီၢ်တဖၣ်လၢ ပှၤကဃးဖိအဟံၣ်တဖၣ်လၢအအိၣ် လီၤတဲာ်အဂီၢ်န့ၣ်မ့ၢ်ဆံဆဲၣ်ဝ့ၢ်လီၤ.

²⁷ ဒီးပှၤက့ရၡိၣ်ဖိအဟံၣ်လၢပှၤလ့ၤဝံဖိအကျါန့ၣ် န့ၢ် ဘၣ်ကိလၣ်ဒီးအတၢ်အီၣ်ဆၣ်အလီၢ်လၢ ဘၤၡၣ်အ ပူၤ, ဝ့ၢ်တူၢ်လိာ်တၢ်လၢပှၤမၤသံတၢ်အဂီၢ်, ဒီးဘဧ့ၡ တရၤဒီးအတၢ်အီၣ်ဆၣ်အလီၢ်, ဝ့ၢ်ခံဝ့ၢ်လၢမနၤရှ့ၤတ ခီဒူၣ်အကျါလီၤ. ²⁸ ဒီးလၢယံးစၣ်ကၢ်အဒူၣ်တကျါန့ၣ် ကံၡိၣ်ဒီးအတၢ်အီၣ်ဆၣ်အလီၢ်, ဒီးဒၤဘြးဒီးအတၢ်အီၣ်ဆၣ်အလီၢ်,―

²⁹ ယၢ်မူသးဒီးအတၢ်အီၣ်ဆၣ်အလီၢ်, ဧ့ၣ်ကးနံၣ်ဒီး အတၢ်အီၣ်ဆၣ်အလီၢ်, ဝ့ၢ်လွံၢ်ဝ့ၢ်လီၤ. ³⁰ ဒီးလၢအၤရှ့ၢ်တဒူၣ်အကျါန့ၣ် မံၤရှ့လးဒီးအတၢ်အီၣ်ဆၣ်အလီၢ်, ဒီးဧၤဘဒိၣ်ဒီးအတၢ်အီၣ်ဆၣ်အလီၢ်,―

³¹ ဃ့လကးဒီး အတၢ်အီၣ်ဆၣ်အလီၢ်, ဒီးရဃိာ်ဒီးအ တၢ်အီၣ်ဆၣ်အလီၢ်, ဝ့ၢ်လွံၢ်ဝ့ၢ်လီၤ.

³² ဒီးလၢနးသၤလံတဒူၣ်အကျါန့ၣ် က့ဒ့ၣ်လၢကၤလံၤ လါအပူၤဒီးအတၢ်အီၣ်ဆၣ်အလီၢ်, ဝ့ၢ်တူၢ်လိာ်တၢ်လၢ ပှၤမၤသံတၢ်အဂီၢ်, ဒီးဃၤမိးဒိၣ်ဒီး အတၢ်အီၣ်ဆၣ် အလီၢ်, ဒီးကၢ်တၢ်ဒီးအတၢ်အီၣ်ဆၣ်အလီၢ်, ဝ့ၢ်သၢဝ့ၢ် လီၤ.

³³ ပှၤက့ရၡိၣ်ဖိအဝ့ၢ်ခဲလၢာ် ဒ်အဟံၣ်တဖၣ်အသိးန့ၣ် မ့ၢ်ဝ့ၢ်တဆံသၢဝ့ၢ်အိၣ်ဒီး အတၢ်အီၣ်ဆၣ်အလီၢ်တဖၣ် လီၤ. ³⁴ ဒီးပှၤမရၤရံၤဖိအဟံၣ်တဖၣ်, ပှၤလ့ၤဝံဖိလၢအအိၣ်လီၤတဲာ်တဖၣ်န့ၣ် န့ၢ်ဘၣ်ယးနၣ်ဒီးအတၢ်အီၣ်ဆၣ် အလီၢ်, ³⁵ ဒီးကၢ်တၤဒံးမနၤ ဒီးအတၢ်အီၣ်ဆၣ်အလီၢ်, နဟးလလးဒီးအတၢ်အီၣ် ဆၣ်အလီၢ်, ဝ့ၢ်လွံၢ်ဝ့ၢ်လၢစဘူလိၣ်တဒူၣ်တကျါလီၤ. ဒီးလၢရူၤဘ့ၣ်တဒူၣ်အကျါန့ၣ် ဘ့စ့ၢ်ဒီးအတၢ်အီၣ် ဆၣ်အလီၢ်, ဒီးယးဟစၢ်ဒီးအတၢ်အီၣ်ဆၣ်အလီၢ်, ³⁶ ဒီးလၢရူၤဘ့ၣ်တဒူၣ်အကျါန့ၣ် ဘ့စ့ၢ်ဒီးအတၢ်အီၣ်ဆၣ်အလီၢ်, ဒီးယးဟစၢ်ဒီးအတၢ်အီၣ်ဆၣ်အလီၢ်,― ³⁷ ကဒ့မိးဒီးအတၢ်အီၣ်ဆၣ်အလီၢ်, ဒီးမ့ဖၤဒီးအတၢ်အီၣ် ဆၣ်အလီၢ်, ဝ့ၢ်လွံၢ်ဝ့ၢ်လီၤ. ဒီးလၢကးတဒူၣ်အကျါန့ၣ် ရၤမိးဒီးအတၢ်အီၣ်ဆၣ် အလီၢ်လၢကံးလဧးအပူၤ, ဝ့ၢ်တူၢ်လိာ်တၢ်လၢပှၤမၤသံ တၢ်အဂီၢ်, ဒီးမၤဃန့ၤဒီးအတၢ်အီၣ်ဆၣ်အလီၢ်, ³⁸ ဒီး လၢကးတဒူၣ်အကျါန့ၣ် ရၤမိးဒီးအတၢ်အီၣ်ဆၣ်အလီၢ်လၢကံးလဧးအပူၤ, ဝ့ၢ်တူၢ်လိာ်တၢ်လၢပှၤမၤသံ တၢ်အဂီၢ်, ဒီးမၤဃန့ၤဒီးအတၢ်အီၣ်ဆၣ်အလီၢ်, ³⁹ ဒီးဃ့ၡဘိၣ်ဒီးအတၢ်အီၣ်ဆၣ်အလီၢ်, ဒီးယၤစ့ၢ်ဒီးအတၢ်အီၣ်ဆၣ်အလီၢ်, ဝ့ၢ်ခဲလၢာ်န့ၣ်လွံၢ်ဝ့ၢ်လီၤ.― ⁴⁰ ဒီးပှၤမရၤ ရံၤဖိဒ်အဟံၣ်တဖၣ်အသိး လၢအအိၣ်လီၤတဲာ်လၢပှၤ လ့ၤဝံဖိအဟံၣ်တဖၣ်အကျါန့ၣ် အတၢ်ဖးအဝ့ၢ်ခဲလၢာ် မ့ၢ်ဝ့ၢ်တဆံခံဝ့ၢ်လီၤ. ⁴¹ ဒီးပှၤလ့ၤဝံဖိအဝ့ၢ်ခဲလၢာ်လၢအအိၣ်ဝဲလၢပှၤအံၣ်စရ့ လးဖိ အတၢ်န့ၢ်သါအကျါန့ၣ် မ့ၢ်ဝ့ၢ်လွံၢ်ဆံဒီးဃိးဝ့ၢ် အိၣ်ဒီးအတၢ်အီၣ်ဆၣ်အလီၢ်တဖၣ်လီၤ. ⁴² ဝ့ၢ်တဖၣ်န့ၣ် မ့ၢ်ဝ့ၢ်အိၣ်ဒီးအတၢ်အီၣ်ဆၣ်အလီၢ်ဝးတရံးအီၤ, တဝ့ၢ် အိၣ်ဒီး အတၢ်အီၣ်ဆၣ်အလီၢ်ဝးတရံးအီၤ စုာ်စုာ်လီၤ. ဝ့ၢ်ခဲလၢာ်န့ၣ်အိၣ်ဒ်န့ၣ်လီၤ.

⁴³ ဒီးယွၤဟ့ၣ်လီၤ အံၣ်စရ့လးလၢထံဧိၤကီၢ်ဧိၤဒီဘ့ၣ် ညါလၢအဆိၣ်တၢ်ဒီးအပၢ်တဖၣ်လၢအကဟ့ၣ်အီၤ, ဒီး အဝဲသ့ၣ်မၤန့ၢ်အီၤ, ဒီးအိၣ်ဝဲဆိးဝဲလၢအပူၤလီၤ.

⁴⁴ ဒီးယွၤဟ့ၣ်လီၤအီၤလၢ တၢ်အိၣ်ဘှံးဝးတရံးအီၤ, ဒ် ကယဲၢ်တၢ်လၢအဆိၣ်တၢ်ဒီးအပၢ်တဖၣ်အသိးန့ၣ်, ဒီး လၢအဒုၣ်အဒါခဲလၢာ်အကျါန့ၣ် ပှၤတဆၢထၢၣ်ဘၣ် လၢအမဲာ်ညါနီတဂၤဘၣ်. ယွၤဟ့ၣ်လီၤကွံာ်အဒုၣ်အ ဒါခဲလၢာ်လၢအစုပူၤလီၤ.

⁴⁵ လၢကယဲၢ်တၢ်ကတိၤအဂ့ၤအကျါ လၢယွၤစံးဘၣ်တဲ ဘၣ် အံၣ်စရ့လးအပှၤဟံၣ်ဖိန့ၣ် တဟါမူၤတဟါမၢ် ဘၣ်နီတထံၣ်ဘၣ်, လၢထီၣ်ပှဲၤထီၣ်ဝဲခဲလၢာ်လီၤ.

၂၂

¹ တုၤနုၤတစုစီၤယိၤရှူကိးန့ၢ်ပှၤရူၤဘ့ၣ်ဖိဒီးပှၤကးဖိ, ဒီး ပှၤမနၤရှ့ၤဖိတခီဒူၣ်, ² ဒီးစံးဘၣ်အီၤ, သုတိၢ်န့ၢ်လံက ယဲၢ်တၢ်လၢယွၤအခ့အပှၤစီၤမိၤရှ့မၤလိာ်သုဒီး သုဒိက နၣ်လံယကလုၢ်လၢ ကယဲၢ်တၢ်လၢယမၤလိာ်သုလံ.―

³ အါနံၤအါသီ တုၤမုၢ်မဆါတနံၤအံၤ, သုတလဲၤသ ဒၣ်ဘၣ်သုဒီပုၢ်ဝဲဘၣ်. သုတိၢ်န့ၢ်လံ တၢ်ကွၢ်အလီၢ် ဘၣ်ဃးဒီးယွၤသုကစၢ်အတၢ်မၤလိာ်လီၤ. ⁴ ဒီးခဲကနံၣ် အံၤယွၤသုကစၢ်ဟ့ၣ်လီၤလံ တၢ်အိၣ်ဘှံးလၢသုဒီပုၢ်ဝဲၢ် လံ, ဒ်အကတိၤတၢ်ဒီးအီၤအသိးန့ၣ်လီၤ. ဒီးခဲကနံၣ် အံၤက့ၤက့ၤသုဝဲဆူသုဒဲပူၤ, ဆူသုကီၢ်လၢသုန့ၢ်ဘၣ်သါ အီၤန့ၣ် လၢယွၤအခ့အပှၤစီၤမိၤရှ့ ဟ့ၣ်လီၤသုလၢယၢ် ဒ့ၣ်ဝၢ်ဘးခီန့ၣ်တက့ၢ်. ⁵ ဒီးပလီၢ်သုသးသပှၢ်တၢၢ် ဒ် သိးသုကတိၢ်န့ၢ်တၢ်မၤလိာ်သု, လၢသုကအဲၣ်ယွၤသု ကစၢ်, ဒီးပိာ်အကျဲခဲလၢာ်, ဒီးတိၢ်န့ၢ်အတၢ်မၤလိာ်, ဒီး စဲဘူးဒီးအီၤ, ဒီးမၤအတၢ်လၢသုသူၣ်ကံၢ်သးလဲ ဒီးသု သးဒီဖျၢၣ်ညါန့ၣ်တက့ၢ်.

⁶ ဒီးစီၤယိၤရှူဆိၣ်ဂ့ၤအီၤ, ဒီးပျၢ်အီၤ, ဒီးအဝဲသ့ၣ်က့ၤ က့ၤဝဲဆူအဒဲတဖၣ်အပူၤလီၤ.

⁷ ဒီးစီၤမိၤရှ့ဟ့ၣ်လီၤတၢ်လၢ မနၤရှ့ၤတခီဒူၣ်လၢဘၤ ၡၣ်အပူၤ, ဒီးစီၤယိၤရှူဟ့ၣ်လီၤတၢ်လၢအဝဲတခီတဒူၣ် လၢယၢ်ဒ့ၣ်အအံၤတခီလၢမုၢ်နုာ်တခီလီၤ. တုၤစီၤယိၤ ရှူပျၢ်စ့ၢ်ကီးအီၤ, ဒ်သိးအကလဲၤဆူအဒဲပူၤဒီး ဆိၣ်ဂ့ၤ ဆိၣ်ဝါအီၤလီၤ.

⁸ ဒီးကတိၤတၢ်ဒီးအီၤ, ဒီးစံးဝဲဒၣ် က့ၤကဒါက့ၤဆူ သုဒဲပူၤအိၣ်ဒီး တၢ်စုလီၢ်ခိၣ်ခိၣ်လၢအအါ, ဒီးဆၣ်ဖိ ကီၢ်ဖိအဒၢအါအါကလဲာ်, ဒီးကျိၣ်ဧိၤစ့ဧိၤ, ဒီးထူဧိၤလွဲ ဧိၤ, ဒီးတိၢ်ဧိၤပှာ်ဧိၤ, ဒီးထးဧိၤတြၤဧိၤ, ဒီးတၢ်အကူ အသိးအါအါကလဲာ်တက့ၢ်. တၢ်ဂုာ်န့ၢ်လၢ သုဒုၣ် သုဒါန့ၣ်နီၤဖးအီၤဒီးသုဒီပုၢ်ဝဲၢ်တဖၣ်န့ၣ်တက့ၢ်.

⁹ ဒီးပှၤရူၤဘ့ၣ်ဖိ, ဒီးပှၤကးဖိ, ဒီးမနၤရှ့ၤတခီဒူၣ်န့ၣ်က့ၤ ကဒါက့ၤဝဲ, ဒီးဟးထီၣ်ဝဲလၢ ပှၤအံၣ်စရ့လးဖိအအိၣ် လၢၡံလိၤအပူၤလၢအအိၣ်လၢကီၢ်ကနၤဧၣ်အပူၤ, ဒ်သိး အကလဲၤထီၣ်ဆူ ကီၢ်ကံးလဧးအတၢ်န့ၢ်သါ အဟီၣ် ခိၣ်လၢအန့ၢ်ဘၣ်ဝဲဖဲ ယွၤအထးခိၣ်လၢစီၤမိၤရှ့အစုပူၤ န့ၣ်လီၤ.

¹⁰ ဒီးတုၤအဟဲတုၤလၢ ယၢ်ဒ့ၣ်အနံၤလၢကီၢ်ကနၤဧၣ် အပူၤန့ၣ်ဒီး, ပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိ တခီဒူၣ်န့ၣ်မၤထီၣ်တၢ်လုၢ်လီၢ်လၢယၢ်ဒ့ၣ်အနံၤ, တၢ် လုၢ်လီၢ်အိၣ်ဖျါဖးဒိၣ်တဖျၢၣ်လီၤ.

¹¹ ဒီးပှၤအံၣ်စရ့လးဖိနၢ်ဟူပှၤစံး, ကွၢ်ကွၢ်, ပှၤရူၤဘ့ၣ်ဖိ ဒီးပှၤကးဖိ, ဒီးပှၤမနၤရှ့ၤဖိတခီဒူၣ်န့ၣ် မၤထီၣ်လံတၢ် လုၢ်လီၢ်သဃီၤဒီး ကီၢ်ကနၤဧၣ်အပူၤလၢ ယၢ်ဒ့ၣ်အနံၤ ဖဲပှၤအံၣ်စရ့လးဖိခီဂာ်တၢ်န့ၣ်လီၤ.

¹² ဒီးတုၤပှၤအံၣ်စရ့လးဖိ နၢ်ဟူဝဲဒီး ပှၤအံၣ်စရ့လးဖိ အတၢ်အိၣ်ဖှိၣ်ခဲလၢာ်န့ၣ် အိၣ်ဖှိၣ်ရိဖှိၣ်လၢၡံလိၤအပူၤဒ် သိးအကလဲၤဒုးသုးဒီးအီၤလီၤ. ¹³ ဒီးပှၤအံၣ်စရ့လးမၢလီၤပှၤလုၢ်တၢ်အဒိၣ်စီၤအလၤဧစၢ်အဖိခွါစီၤဖံၤနဃၣ်တဂၤဆူပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ်အအိၣ်လၢကီၢ်ကံးလဧးအပူၤ,―

¹⁴ ဒီးအိၣ်ဒီးအီၤလၢ ပဒိၣ်ဆံဆဲၣ်ဂၤတဟံၣ်အခိၣ်တဂၤ, တဟံၣ်အခိၣ်တဂၤ လၢအံၣ်စရ့လးအဒူၣ်ခဲလၢာ် အ ကျါ, ဒီးတဂၤမ့ၢ်အပၢ်အဟံၣ်အခိၣ်, တဂၤမ့ၢ်အပၢ်အ ဟံၣ်အခိၣ် လၢအံၣ်စရ့လးအကထိတဖၣ်အကျါ န့ၣ် စုာ်စုာ်လီၤ.

¹⁵ ဒီးဟဲဝဲဆူပှၤရူၤဘ့ၣ်ဖိ, ပှၤကးဖိ, ပှၤမနၤရှ့ၤဖိတခီ ဒူၣ်အအိၣ်, ဆူကီၢ်ကံးလဧး, ဒီးကတိၤတၢ်ဒီးအီၤဒီး စံးဝဲဒၣ်, ¹⁶ ယွၤအတၢ်အိၣ်ဖှိၣ်ခဲလၢာ်စံးဒ်အံၤ, တၢ်က မၣ်လၢသုမၤကမၣ်ဘၣ် အံၣ်စရ့လးအကစၢ်အံၤ မ့ၢ်ဒ် လဲၣ်. လၢသုဃၣ်သုသးလၢ တၢ်ပိာ်ယွၤအကျဲလၢ မုၢ်မဆါတနံၤအံၤ, လၢသုမၤထီၣ်တၢ်လုၢ်လီၢ်ဒ်သိးသု ကပူထီၣ်ယွၤလၢ မုၢ်အဆါတနံၤအံၤမးလဲၣ်.

¹⁷ ပဧိၢ်အတၢ်အၢလၢပတကဆှီဒံးဘၣ် တုၤမုၢ်မဆါ တနံၤအံၤမ့ၢ်ဆံးကဲၣ်ဆိးလၢပဂီၢ်စ့ၢ်ကီးဧါ, တၢ်သံသ တြိာ်အိၣ်တ့ၢ်လၢယွၤအတၢ်အိၣ်ဖှိၣ်ဘၣ်ဆၣ်ဒီး, ¹⁸ သု ဘၣ်ဃၣ်ကွံာ်သုသးလၢ တၢ်ပိာ်ယွၤအကျဲလၢမုၢ်မဆါ တနံၤအံၤဧါ. ဒီးတၢ်ကမၤအသးလၢ သုကပူထီၣ်ယွၤ လၢမုၢ်မဆါတနံၤအံၤ, ဒီးခဲဂီၤတနံၤန့ၣ်ကသးထီၣ်ဘၣ် အံၣ်စရ့လးအတၢ်အိၣ်ဖှိၣ်ခဲလၢာ်လီၤ.

¹⁹ ဘၣ်ဆၣ်ဒီး သုတၢ်ဟံးဃာ်အကီၢ်မ့ၢ်တကဆှီဘၣ် ဒီး, ခီဂာ်ဆူယွၤအတၢ်န့ၢ်သါအကီၢ်ပူၤ, ဖဲယွၤအအိၣ် အလီၢ်န့ၣ်အိၣ်ဝဲ, ဒီးမၤန့ၢ်တၢ်လၢပကျါတက့ၢ်. မ့မ့ၢ်မ် သုသုတပူထီၣ်ယွၤဒီးပူထီၣ်ပှၤ, လၢသုမၤတၢ်လုၢ်လီၢ် လၢယွၤပကစၢ် အတၢ်လုၢ်လီၢ်အမဲာ်ညါအဃိန့ၣ်တ ဂ့ၤ. ²⁰ စီၤစ့ရၤအဖိခွါ စီၤဧၤကၣ်မၤကမၣ်တၢ်လၢတၢ် ဘၣ်ဆိၣ်အၢ, ဒီးတၢ်သးထီၣ်လီၤဘၣ်လၢအံၣ်စရ့လး အတၢ်အိၣ်ဖှိၣ်ခဲလၢာ်အလိၤတမ့ၢ်ဘၣ်ဧါ. ဒီးပှၤတဂၤ န့ၣ်တဟးဂီၤဘၣ်တဂၤဃီလၢအတၢ်အၢအပူၤဘၣ်.

²¹ ဒီးပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိတခီဒူၣ် စံးဆၢတၢ်, ဒီးစံးဘၣ်အံၣ်စရ့လးအထိတဖၣ်အခိၣ်တ ဖၣ်, ²² ယွၤ, ကစၢ်တဖၣ်အကစၢ်, ယွၤ, ကစၢ်တဖၣ် အကစၢ်န့ၣ်သ့ၣ်ညါဝဲ, ဒီးအံၣ်စရ့လး ကသ့ၣ်ညါဝဲ လီၤ, မ့မ့ၢ် တၢ်ပူထီၣ်ဒီးတၢ်မၤကမၣ်ဘၣ်ယွၤဒီးအုၣ် က့ၤခီၣ်က့ၤပှၤလၢ မုၢ်မဆါတနံၤအံၤတဂ့ၤ. ²³ ပမ့ၢ်မၤ ထီၣ်တၢ်လုၢ်လီၢ်အံၤ ဒ်သိးပကဃၣ်ပသးလၢတၢ်ပိာ် ယွၤအကျဲ, ဒ်သိးပကလုၢ်တၢ်လုၢ်မ့ၣ်အူမ့ၢ်ဂ့ၤ, တၢ်မၤ ဘူၣ်ကိၣ်မ့ၢ်ဂ့ၤ, လၢအဖီခိၣ်, ဒ်သိးပကလုၢ်တၢ်လုၢ် မၤဃူမၤဖိးလၢအဖီခိၣ်ဒီး, မ်ယွၤအကစၢ်ဒၣ်ဝဲဃုတၢ် တက့ၢ်. ²⁴ မ့ၢ်ပမၤလၢပဘၣ်ယိၣ်တၢ်အံၤအဃိ, ခဲကိာ်န့ၣ်သုဖိသုလံၤကကတိၤတၢ်ဒီးပဖိပလံၤ, ဒီးကစံး, သု ဘၣ်ဃးဒီးယွၤအံၣ်စရ့လးအကစၢ်န့ၣ်ဒ်လဲၣ်. ²⁵ ဒီးယွၤ ပာ်ယၢ်ဒ့ၣ်လၢတၢ်အဃၢၤလၢသုဒီးပှၤအဘၢၣ်စၢၤ, ပှၤ ရူၤဘ့ၣ်ဖိ, ဒီးပှၤကးဖိသ့ၣ်ဧၢ, သုဂီၢ်တအိၣ်ဘၣ်လၢယွၤ အပူၤဘၣ်လီၤ. ဒီးသုဖိသုလံၤတဒုးပျံၤလၢၤဘၣ် ပဖိပ လံၤလၢယွၤဘၣ်. ²⁶ ဒီးပစံး, ကတဲာ်ကတီၤသကိးပသးတက့ၢ်. ဒ်သိးပကမၤထီၣ်တၢ်လုၢ်လီၢ်လၢတၢ်လုၢ်မ့ၣ်အူအဂီၢ်တမ့ၢ် ဘၣ်, လၢတၢ်လုၢ်အဂီၢ်တမ့ၢ်ဘၣ်. ²⁷ မ့ၢ်ဒ်သိးအက ကဲထီၣ်တၢ်အုၣ်အသးလၢပဘၢၣ်စၢၤ, ဒီးသုဘၢၣ်စၢၤ ဒီးပစၢၤပသွဲၣ်လၢပလီၢ်ခံ, ဒ်သိးပကမၤယွၤအတၢ် လၢအမဲာ်ညါဒီးပတၢ်လုၢ်မ့ၣ်အူ, ဒီးပတၢ်လုၢ်, ဒီးပ တၢ်မၤဃူမၤဖိး, ဒ်သိးခဲကိာ်န့ၣ်သုဖိသုလံၤအသုတ စံးဘၣ်ပဖိပလံ, သုဂီၢ်တအိၣ်ဘၣ်လၢယွၤအပူၤဘၣ် န့ၣ်တဂ့ၤလီၤ.―

²⁸ မၤသးဒ်န့ၣ်ဒီးပစံး, ခဲကိာ်န့ၣ်တုၤအကစံးတၢ်လၢ ပှၤမ့ၢ်ဂ့ၤ, ပစၢၤပသွဲၣ်မ့ၢ်ဂ့ၤဒီး, တၢ်ကမၤအသးလၢ ပကစံးပဝဲ, ကွၢ်ကွၢ်, ယွၤအတၢ်လုၢ်လီၢ်အဂီၢ်လၢပ ပၢ်တဖၣ်မၤဝဲလၢတၢ်လုၢ်မ့ၣ်အူအဂီၢ်တမ့ၢ်ဘၣ်, ဒီး လၢတၢ်လုၢ်တၢ်အဂီၢ်တမ့ၢ်ဘၣ်, မ့ၢ်တၢ်အုၣ်အသး လၢသုဒီးပှၤအဘၢၣ်စၢၤန့ၣ်လီၤ. ²⁹ လၢယွၤပကစၢ်အ တၢ်လုၢ်လီၢ် လၢအအိၣ်ဝဲလၢအအိၣ်အဆိးအလီၢ်အဖီ ခိၣ်န့ၣ် တၢ်လုၢ်လီၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, လၢ တၢ်မၤဘူၣ်ကိၣ်အဂီၢ်မ့ၢ်ဂ့ၤ, လၢတၢ်လုၢ်အဂီၢ်မ့ၢ်ဂ့ၤ, မ်ပသုတမၤထီၣ်အီၤ, ဒီးပူထီၣ်ဘၣ်ယွၤဒီးဃၣ်ပသး လၢတၢ်ပိာ်ယွၤအကျဲလၢမုၢ်မဆါတနံၤအံၤတဂ့ၤ.

³⁰ ဒီးတုၤပှၤလုၢ်တၢ်အဒိၣ်, စီၤဖံၤနဃၣ်, ဒီးတၢ်အိၣ်ဖှိၣ် အပဒိၣ်, ဒီးအံၣ်စရ့လးအခိၣ်တဖၣ်လၢ အအိၣ်ဒီး အီၤသ့ၣ်တဖၣ်န့ၣ် နၢ်ဟူတၢ်ကတိၤလၢ ပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိကတိၤဝဲန့ၣ်ဒီး, ဂ့ၤဝဲလၢ အမဲာ်လီၤ.

³¹ ဒီးပှၤလုၢ်တၢ်အဒိၣ်စီၤအလၤဧစၢ်အဖိခွါ စီၤဖံၤနဃၣ် န့ၣ်စံးဘၣ်ပှၤရူၤဘ့ၣ်ဖိ, ဒီးပှၤကးဖိ, ဒီးပှၤမနၤရှ့ၤဖိ, တၢ်လၢမုၢ်မဆါတနံၤအံၤ ပသ့ၣ်ညါလၢယွၤအိၣ်ဝဲလၢ ပကျါလီၤ. အဂ့ၢ်ဒ်အံၤ, သုတမၤကမၣ်ဘၣ်ယွၤလၢ တၢ်ကမၣ်အံၤဘၣ်. မ့ၢ်သုမၤပူၤမၤဖျဲးလံ ပှၤအံၣ်စရ့ လးဖိလၢယွၤအစုပူၤလံ.

³² ဒီးပှၤလုၢ်တၢ်အဒိၣ်စီၤအလၤဧစၢ် အဖိခွါ စီၤဖံၤန ဃၣ်, ဒီးပဒိၣ်သ့ၣ်တဖၣ်န့ၣ်က့ၤကဒါက့ၤလၢပှၤရူၤဘ့ၣ် ဖိဒီးပှၤကးဖိအအိၣ်, လၢကီၢ်ကံးလဧးအပူၤဆူကီၢ်က နၤဧၣ်အပူၤ, ဆူပှၤအံၣ်စရ့လးဖိအအိၣ်, ဒီးက့ၤစိာ်အီၤ လၢတၢ်ကတိၤန့ၣ်လီၤ.

³³ ဒီးဂ့ၤဝဲလၢပှၤအံၣ်စရ့လးဖိအမဲာ်, ဒီးပှၤအံၣ်စရ့လး ဖိစံးထီၣ်ပတြၢၤယွၤ, ဒီးတစံးလၢၤဘၣ်လၢ အက လဲၤဒုးသုးဒ်သိး အကမၤဟးဂီၤထံဧိၤကီၢ်ဧိၤဖဲ ပှၤရူၤ ဘ့ၣ်ဖိဒီး ပှၤကးဖိ, အိၣ်ဝဲဆိးဝဲလၢအပူၤဘၣ်.

³⁴ ဒီးပှၤရူၤဘ့ၣ်ဖိဒီးပှၤကးဖိ ယုၢ်တၢ်လုၢ်လီၢ်အမံၤလၢ ဧ့ဒးလီၤ. အဂ့ၢ်ဒ်အံၤ, မ့ၢ်တၢ်အုၣ်အသးလၢပဘၢၣ် စၢၤလၢယွၤမ့ၢ်ပကစၢ်လီၤ.

၂၃

¹ ဒီးယွၤဒုးအိၣ်ဘှံးအံၣ်စရ့လး လၢအဒုၣ်အဒါအိၣ်ဝး တရံးအီၤအလီၢ်ခံအါနံၤအါသီဒီး, တၢ်မၤအသးလၢ စီၤယိၤရှူအသးပှၢ်တ့ၢ်, ဒီးလဲၤနုာ်တ့ၢ်လၢ မုၢ်နံၤတ ဖၣ်အကျါလီၤ. ² ဒီးစီၤယိၤရှူကိးန့ၢ်အံၣ်စရ့လးခဲလၢာ်, အပှၤသူၣ်က့သးပှၢ်, ဒီးအခိၣ်တဖၣ်, ဒီးအပှၤစံၣ် ညီၣ်ကွီၢ်, ဒီးအပှၤကွဲးလံာ်, ဒီးစံးဘၣ်အီၤ, ယသးပှၢ်တ့ၢ် လံ. ယလဲၤနုာ်လံလၢမုၢ်နံၤတဖၣ်အကျါလံ. ³ ဒီးသုထံၣ် ဘၣ်လံ ကယဲၢ်တၢ်လၢ ယွၤမၤပှၤအကလုာ်တဖၣ်အံၤ လၢသုဃိလံ. အဂ့ၢ်ဒ်အံၤ, ယွၤသုကစၢ်မ့ၢ်ပှၤလၢအဒုး တၢ်လၢသုဂီၢ်လီၤ.

⁴ ကွၢ်ကွၢ်, ဖးတၢ်သတးဒီးယနီၤဖးလံ ပှၤကလုာ်တ ဖၣ် လၢအအိၣ်လီၤတဲာ်လၢတၢ်န့ၢ်သါ လၢသုဒူၣ်တ ဖၣ်အဂီၢ်, လၢယၢ်ဒ့ၣ်ဒီး ကယဲၢ်ပှၤကလုာ်ခဲလၢာ်လၢ ယဒီၣ်တဲာ်ကွံာ်အီၤ ပၢၢ်လၢပီၣ်လဲၣ်ဖးဒိၣ်လၢမုၢ်နုာ်တ ခီလံ. ⁵ ဒီးယွၤသုကစၢ်န့ၣ် ကဒုးဃ့ၢ်ထီၣ်ကွံာ်အီၤလၢ သုမဲာ်ညါ, ဒီးဟီထီၣ်ကွံာ်အီၤလၢသုမဲာ်ညါ, ဒီးသုက န့ၢ်ဘၣ်သါအကီၢ်, ဒ်ယွၤသုကစၢ်ကတိၤတၢ်အသိးန့ၣ် လီၤ. ⁶ ဒီးပာ်ဆူၣ်သုသးသပှၢ်တၢၢ်, ဒ်သိးသုကတိၢ်န့ၢ်, ဒီးမၤကယဲၢ်တၢ်ကွဲးအသးလၢ လံာ်စီၤမိၤရှ့အတၢ်သိၣ်တၢ်သီအပူၤ, ဒ်သိးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ, သုသုတ ဃၣ်ကပၤလၢအီၤတဂ့ၤ, ⁷ ဒ်သိးသုသုတလဲၤလၢပှၤ ကလုာ်လၢအအိၣ်လီၤတဲာ်တဖၣ်အကျါ, ဒီးသုသုတ ပှ့ၤဘၣ်အကစၢ်တဖၣ်အမံၤ, ဒီးသုသုတဒုးဆိၣ်တၢ် လၢအမဲာ်ညါ, သုသုတမၤအတၢ်, ဒီးသုသုတဘူၣ် ထီၣ်ဘါအီၤန့ၣ်တဂ့ၤလီၤ. ⁸ မ့မ့ၢ်သုဘၣ်စဲဘူဒီးယွၤ သုကစၢ်, ဒ်သုမၤတုၤမုၢ်မဆါတနံၤအံၤအသိးန့ၣ်လီၤ. ဒီးယွၤဟီထီၣ်ကွံာ်ပှၤကလုာ်တဖၣ် ဒိၣ်ဝဲဒီးဆူၣ်ဝဲ, လၢသုမဲာ်ညါလီၤ. မ့မ့ၢ်သုဝဲသ့ၣ်တဖၣ်အံၤပှၤကညီ ဆၢထၢၣ်လၢသုမဲာ်ညါသ့ တအိၣ်ဘၣ်နီတဂၤဘၣ်တုၤ မုၢ်မဆါတနံၤအံၤလီၤ. ⁹ ဒီးယွၤဟီထီၣ်ကွံာ်ပှၤကလုာ်တဖၣ် ဒိၣ်ဝဲဒီးဆူၣ်ဝဲ, လၢသုမဲာ်ညါလီၤ. မ့မ့ၢ်သုဝဲသ့ၣ်တဖၣ်အံၤပှၤကညီဆၢထၢၣ်လၢသုမဲာ်ညါသ့တအိၣ်ဘၣ်နီတဂၤဘၣ်တုၤ မုၢ်မဆါတနံၤအံၤလီၤ. ¹⁰ ပှၤလၢသုကျါတဂၤကဒုးဃ့ၢ် ပှၤတကထိလီၤ. အဂ့ၢ်ဒ်အံၤ, ယွၤသုကစၢ်န့ၣ် မ့ၢ်ပှၤ လၢအဒုးတၢ်လၢသုဂီၢ်, ဒ်အကတိၤတၢ်အသိးန့ၣ်လီၤ. ပလီၢ်သုသးသပှၢ်တၢၢ် ဒ်သိးသုကအဲၣ်ယွၤသုကစၢ် တက့ၢ်. ¹¹ ပလီၢ်သုသးသပှၢ်တၢၢ်ဒ်သိးသုကအဲၣ်ယွၤသုကစၢ် တက့ၢ်. ¹² မ့မ့ၢ်သုမ့ၢ်က့ၤကဒါက့ၤ, ဒီးစဲဘူးဒီးပှၤကလုာ် တဖၣ် လၢအအိၣ်လီၤတဲာ်လၢသုကျါ, ဒီးဖျီလိာ်သု သးဒီးအီၤ, ဒီးလဲၤနုာ်ဆူအအိၣ်, ဒီးအဝဲသ့ၣ်တဖၣ် န့ၣ်ဟဲနုာ်ဆူသုအိၣ်ဒီး,― ¹³ သ့ၣ်ညါသပှၢ်တၢၢ်လၢ ယွၤ သုကစၢ်တဟီထီၣ်ကွံာ်လၢၤဘၣ် ပှၤကလုာ်တဖၣ်န့ၣ် လၢသုမဲာ်ညါဘၣ်, ဒီးအဝဲသ့ၣ်ကကဲထီၣ်ပျံၤသကွီၤ, ဒီးထုဧိၤဃ့ဧိၤလၢသုဂီၢ်, ဒီးနီၣ်ဖျ့လၢသုကပၤအလိၤ, ဒီးတၤဆှုၣ်တၤမဲ လၢသုမဲာ်အပူၤတုၤသုတုၤလၢ တၢ် ဟးဂူာ်ဟးဂီၤလၢကီၢ်ဂ့ၤတဘ့ၣ်အံၤအပူၤ လၢယွၤသုက စၢ်ဟ့ၣ်လီၤတ့ၢ်သုလီၤ.

¹⁴ ဒီးကွၢ်ကွၢ်, လၢမုၢ်မဆါတနံၤအံၤယပိာ်ပှၤဟီၣ်ခိၣ် ဖိခဲလၢာ်အကျါ, ဒီးသုသ့ၣ်ညါလၢသုသးခဲလၢာ်, ဒီး လၢသုသူၣ်ကံၢ်သးလဲအပူၤခဲလၢာ်, လၢတၢ်တဟါမၢ် ဘၣ်နီတမံၤ လၢကယဲၢ်တၢ်ဂ့ၤလၢယွၤသုကစၢ်ကတိၤ တၢ်လၢ သုဂ့ၢ်သုကျိၤန့ၣ်ဘၣ်. တၢ်မၤအသးလၢသု ဂီၢ်ခဲလၢာ်လီၤ. တၢ်တဟါမၢ်ဘၣ်လၢအကျါနီတမံၤ ဘၣ်.

¹⁵ ဒီးဒ်ယွၤဒုးမၤအသးလၢ သုဂီၢ်လၢ ကယဲၢ်တၢ်အ ဂ့ၤလၢယွၤသုကစၢ်ကတိၤတၢ်ဒီးသုအသိးန့ၣ်, တၢ်က မၤအသးလၢ ယွၤကဒုးမၤအသးလၢသုဂီၢ်လၢကယဲၢ် တၢ်အၢတုၤအမၤဟးဂီၤကွံာ်သုလၢ ကီၢ်ဂ့ၤတဘ့ၣ်အံၤ အပူၤလၢယွၤသုကစၢ်ဟ့ၣ်လီၤတ့ၢ်သုဒ်န့ၣ်အသိးလီၤ.

¹⁶ တုၤသုလုၣ်သ့ၣ်ခါပတာ် ယွၤသုကစၢ်အတၢ်အၢၣ် လီၤအီလီၤလၢအမၤလိာ်သု, ဒီးလဲၤမၤကစၢ်အဂၤတဖၣ် အတၢ်, ဒီးဘူၣ်ထီၣ်ဘါထီၣ်အီၤဒီး, ယွၤအသးထီၣ် ကကဲၤထီၣ်ဘၣ်ဖုးသု, ဒီးသုကဟးဂီၤကွံာ်ချ့သဒံးလၢ ကီၢ်ဂ့ၤတဘ့ၣ်အံၤအပူၤလၢအဟ့ၣ်လီၤတ့ၢ်သုလီၤ.

၂၄

¹ ဒီးစီၤယိၤရှူ ဒုးအိၣ်ဖှိၣ်ရိဖှိၣ် ကယဲၢ်အံၣ်စရ့လးအ ပှၤဒူၣ်တဖၣ်ဆူၡက့ၣ်, ဒီးကိးန့ၢ် အံၣ်စရ့လးအပှၤ သူၣ်က့သးပှၢ်, ဒီးအခိၣ်, ဒီးအပှၤစံၣ်ညီၣ်ကွီၢ်, ဒီးအ ပှၤကွဲးလံာ်သ့ၣ်တဖၣ်န့ၣ်, ဒီးအဝဲသ့ၣ်ပာ်လီၤအသး လၢယွၤအမဲာ်ညါလီၤ.

² ဒီးစီၤယိၤရှူစံးဘၣ်ပှၤဂီၢ်မုၢ်န့ၣ်, ယွၤအံၣ်စရ့လးအက စၢ်စံးဒ်အံၤ, လၢပျၢၤလၢကစၢၤန့ၣ် သုပၢ်တဖၣ်အိၣ်ဝဲ ဆိးဝဲလၢထံမိၢ်ပှၢ်ဝၢ်ဘးခီ, စီၤအၤဘြၤဟၣ်အပၢ်, ဒီး စီၤနၤဃိၢ်အပၢ်စီၤတ့ရၤ, ဒီးမၤဝဲလၢကစၢ်အဂၤတဖၣ် အတၢ်လီၤ. ³ ဒီးယဟံးန့ၢ် သုပၢ်စီၤအၤဘြၤဟၣ်လၢ ထံမိၢ်ပှၢ်ဝၢ်ဘးခီ, ဒီးဒုးလဲၤအီၤလၢကီၢ်ကနၤဧၣ်ဒီကီၢ် ညါအပူၤ, ဒီးမၤအါထီၣ်အချံအသၣ်, ဒီးယဟ့ၣ်လီၤ အီၤလၢစီၤအံၤစဲးလီၤ. ⁴ ဒီးယဟ့ၣ်လီၤ စီၤအံၤစဲးန့ၣ် လၢစီၤယၤကိာ်ဒီး စီၤဧ့ၡီၤ, ဒီးယဟ့ၣ်လီၤစီၤဧ့ၡီၤန့ၣ် လၢကစၢၢ်စ့ဧၢ် လၢတၢ်န့ၢ်သါအဂီၢ်လီၤ. မ့မ့ၢ်စီၤယၤ ကိာ်, ဒီးအဖိအလံၤလဲၤလီၤဆူအဲၤကူပတူးအပူၤလီၤ.

⁵ ဒီးယမၢလီၤစီၤမိၤရှ့ဒီးစီၤအၤဟရိၣ်, ဒီးယတီၢ်ပှၤအဲၤ ကူပတူးဖိ, ဒ်တၢ်လၢယမၤလၢအကျါအသိးန့ၣ်, ဒီး လၢခံက့ၤဒီး ယဒုးဟးထီၣ်ကွံာ်သုလီၤ. ⁶ ဒီးယဒုး ဟးထီၣ်ကွံာ်သုပၢ်တဖၣ်လၢ အဲၤကူပတူးဖိပိာ်သုပၢ် တဖၣ်အခံအိၣ်ဒီးလ့ၣ်ကဟၣ်, ဒီးပှၤဒိးကသ့ၣ်ဆူပီၣ် လဲၣ်ဂီၤအပူၤလီၤ.

⁷ ဒီးတုၤအဝဲသ့ၣ် ကိးထီၣ်ယွၤဒီး, အဝဲဒၣ်ပာ်တၢ် ခံးလၢသုဘၢၣ်စၢၤ, ဒီးပှၤအဲၤကူပတူးဖိအဘၢၣ်စၢၤ, ဒီးဒုးဟဲပီၣ်လဲၣ်လၢအဖီခိၣ်, ဒီးလုၣ်ဘၢကွံာ်အီၤလီၤ. ဒီးတၢ်လၢယမၤလၢအဲၤကူပတူးအပူၤန့ၣ် သုမဲာ်ထံၣ် ဘၣ်လံ. ဒီးသုအိၣ်သုဆိးလၢပှၢ်မုၢ်ကနၢအါနံၤအါသီ လီၤ.

⁸ ဒီးယဒုးဟဲသုဆူ ပှၤအမိၢ်ဖိအကီၢ်ပူၤလၢ အအိၣ် ဝဲလၢယၢ်ဒ့ၣ်ဝၢ်ဘးခီ, ဒီးအဝဲသ့ၣ်တဖၣ်န့ၣ် ဒုးတၢ် ဒီးသု, ဒီးယဟ့ၣ်လီၤအီၤလၢသုစုပူၤ ဒ်သိးသုကမၤ န့ၢ်အကီၢ်, ဒီးယမၤဟးဂီၤအီၤလၢသုမဲာ်ညါလီၤ. ⁹ ဒီးစီၤစံးပိၢ်အဖိခွါစီးဘၤလး, မိၤအးအစီၤပၤန့ၣ် ဂဲၤဆၢထၢၣ်, ဒီးဒုးတၢ်ဒီးအံၣ်စရ့လး, ဒီးမၢပှၤလဲၤကိးန့ၢ်စီၤဘဧိၢ်အဖိခွါစီၤဘံးလၣ်ဒ်သိးအကဆိၣ်အၢ သုလီၤ. ¹⁰ ဒီးယပာ်ယသးလၢယတကနၣ်ဘၣ် စီၤ ဘံးလၣ်အကလုၢ်ဘၣ်. ဒီးအဝဲဒၣ်ဆိၣ်ဂ့ၤသုသပှၢ်ပှၢ် လီၤ. ဒီးယမၤပူၤဖျဲးသုလၢအစုပူၤလီၤ.

¹¹ ဒီးသုခီဂာ်ယၢ်ဒ့ၣ်, ဒီးဟဲဆူယရံၤဃိ, ဒီးပှၤယရံၤ ဃိဖိဒုးတၢ်ဒီးသု, ပှၤအမိၢ်ဖိ, ဒီးပှၤပရးစၤဖိ, ဒီးပှၤကနၤ ဧၣ်ဖိ, ဒီးပှၤဃ့ၤသးဖိ, ဒီးပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိန့ၣ်, ဒီးယဟ့ၣ်လီၤအီၤလၢသုစုပူၤလီၤ.

¹² ဒီးယမၢဖျၢဧိၤဖျါဧိၤလဲၤလၢ သုမဲာ်ညါလၢအဟီထီၣ် ကွံာ်အီၤလၢသုမဲာ်ညါ, ပှၤအမိၢ်ဖိအစီၤပၤ ခံဂၤလီၤ. လၢနနးနဘီ, လၢနချံၣ်နပျၢ် တမ့ၢ်ဘၣ်.

¹³ ဒီးယဟ့ၣ်လီၤလံသုလၢကီၢ်တဘ့ၣ်လၢ သုတမၤ ဘၣ်လၢအဂီၢ်ဘၣ်. ဒီးခူဧိၤဝ့ၢ်ဧိၤ လၢသုတတ့ဘၣ် အီၤတဖၣ်န့ၣ် သုအိၣ်သုဆိးလၢအပူၤလီၤ. စပံးမုၢ်အ လီၢ်, ဒီးသ့ၣ်စၤယံးအလီၢ်လၢ သုတသူၣ်ဘၣ်အီၤ တဖၣ်န့ၣ် သုအီၣ်တၢ်လၢအီၤလီၤ.

¹⁴ ဒီးခဲကနံၣ်အံၤပျံၤယွၤ, ဒီးမၤတၢ်လၢလၢပှဲၤပှဲၤ, တီ တီလိၤလိၤ, ဒီးသုးကွံာ်ကစၢ်တဖၣ် လၢသုပၢ်မၤအ တၢ်လၢထံမိၢ်ပှၢ်ဝၢ်ဘးခီ, ဒီးလၢအဲၤကူပတူးအပူၤ, ဒီး မၤယွၤအတၢ်တက့ၢ်.

¹⁵ ဒီးမ့မ့ၢ်တၢ်အၢလၢသုမဲာ် လၢသုကမၤယွၤအတၢ်ဒီး, ကစၢ်တဖၣ်လၢ သုပၢ်မၤအတၢ်လၢအအိၣ်လၢထံမိၢ်ပှၢ် ဝၢ်ဘးခီမ့ၢ်ဂ့ၤ, ပှၤအမိၢ်ဖိလၢသုအိၣ်သုဆိးလၢအကီၢ် ပူၤအကစၢ်တဖၣ်မ့ၢ်ဂ့ၤ, ဃုထၢလၢမုၢ်မဆါတနံၤအံၤ ပှၤလၢသုကမၤအတၢ်န့ၣ်တက့ၢ်. မ့မ့ၢ်ယဲဒၣ်အံၤ, ဒီး ယပှၤဟံၣ်ဖိ, ပကမၤယွၤအတၢ်လီၤ. ¹⁶ ဒီးပှၤဂီၢ်မုၢ်စံးဆၢတၢ်ဒီးစံးဝဲဒၣ်, မ်ပသုတလဲၤသဒၣ်ယွၤဒ်သိးပကမၤကစၢ်အဂၤတဖၣ်အတၢ်တဂ့ၤ.―

¹⁷ အဂ့ၢ်ဒ်အံၤ, ယွၤပကစၢ်မ့ၢ်ပှၤလၢအဒုးဟဲထီၣ်ပှၤ, ဒီး ပပၢ်တဖၣ်, လၢကီၢ်အဲၤကူပတူးအပူၤ, ဒီးလၢပှၤကုၢ် ဖိအဟံၣ်ပူၤ, ဒီးမၤတၢ်လီၤလးဖးဒိၣ်လၢပမဲာ်ညါ, ဒီး အံးလီၤကွၢ်လီၤပှၤလၢကျဲလၢပပိာ်အီၤဒီဘိညါ, ဒီးလၢ ကယဲၢ်ပှၤဂီၢ်မုၢ်အကျါ လၢပလဲၤခီဂာ်အီၤန့ၣ်လီၤ. ¹⁸ ဒီး ယွၤဟီထီၣ်ကွံာ် ပှၤဂီၢ်မုၢ်လၢပမဲာ်ညါ, ပှၤအမိၢ်ဖိလၢ အအိၣ်ဝဲလၢ ထံဧိၤကီၢ်ဧိၤအပူၤန့ၣ်လီၤ. ပဝဲဒၣ်ပကမၤ စ့ၢ်ကီးယွၤအတၢ်လီၤ. အဂ့ၢ်ဒ်အံၤ, အဝဲဒၣ်မ့ၢ်ပကစၢ် လီၤ.

¹⁹ ဒီးစီၤယိၤရှူစံးဘၣ်ပှၤဂီၢ်မုၢ်, သုမၤယွၤအတၢ်တကဲ ဘၣ်. အဂ့ၢ်ဒ်အံၤ, မ့ၢ်ကစၢ်အစီဆှံ, ကစၢ်အသးက့ၣ် တၢ်လီၤ. တပျၢ်ဘၣ်သုတၢ်ကမၣ်, ဒီးသုတၢ်ဒဲးဘး ဘၣ်. ²⁰ သုမ့ၢ်လဲၤသဒၣ်ယွၤ, ဒီးမၤတခီဘီမုၢ်ဖိအက စၢ်တဖၣ်အတၢ်ဒီး, ကဃၣ်အသးဒီးမၤအၢသု, ဒီးလၢ အမၤဂ့ၤသုအလီၢ်ခံန့ၣ်ကမၤလၢာ်ကွံာ်သုလီၤ.

²¹ ဒီးပှၤဂီၢ်မုၢ်စံးဘၣ်စီၤယိၤရှူ တမ့ၢ်ဘၣ်, ပကမၤယွၤ အတၢ်လီၤ.

²² ဒီးစီၤယိၤရှူစံးဘၣ်ပှၤဂီၢ်မုၢ်, သုမ့ၢ်ပှၤအုၣ်အသးထီဒါ သုကစၢ်ဒၣ်သုဝဲလၢ သုဃုထၢလံယွၤသုကစၢ်ဒ်သိးသု ကမၤအတၢ်လီၤ. ဒီးစံးဝဲဒၣ်, ပမ့ၢ်ပှၤအုၣ်အသးလီၤ.

²³ ဒီးခဲကနံၣ်အံၤ, သုကွံးတခီဘီမုၢ်ဖိအကစၢ်တဖၣ် လၢအအိၣ်လၢသုကျါ, ဒီးပာ်သုသးလၢယွၤအံၣ်စရ့ လးအကစၢ်အပူၤတက့ၢ်.

²⁴ ဒီးပှၤဂီၢ်မုၢ်စံးဘၣ်စီၤယိၤရှူ, ယွၤပကစၢ်န့ၣ်ပကမၤ အတၢ်, ဒီးအကလုၢ်အကထါန့ၣ်ပကဒိကနၣ်လီၤ.

²⁵ ဒီးတၢ်လၢမုၢ်တနံၤန့ၣ် စီၤယိၤရှူမၤတၢ်အၢၣ်လီၤအီ လီၤဒီးပှၤဂီၢ်မုၢ်, ဒီးပာ်လီၤတၢ်မၤလိာ်လၢအဂီၢ်, ဒီးတၢ် စံၣ်ညီၣ်လၢၡက့ၣ်အပူၤလီၤ.

²⁶ ဒီးစီၤယိၤရှူကွဲး တၢ်ကတိၤတဖၣ်အံၤ လၢလံာ်ယွၤ သိၣ်တၢ်သီတၢ်အပူၤ, ဒီးဟံးန့ၢ်လၢၢ်ဖးဒိၣ်တဖျၢၣ်, ဒီး ပာ်အီၤထူၣ်ကလာ်ဖဲန့ၣ် လၢသ့ထိးဖၣ်တထံး အဖီ လာ်လၢအအိၣ်ဝဲလၢယွၤအလီၢ်စီဆှံအဃၢၤန့ၣ်လီၤ.

²⁷ ဒီးစီၤယိၤရှူစံးဘၣ်ပှၤဂီၢ်မုၢ်ခဲလၢာ်, ကွၢ်ကွၢ်, လၢၢ်တ ဖျၢၣ်အံၤကကဲထီၣ်တၢ်အုၣ်အသးလၢပဂီၢ်လီၤ. အဂ့ၢ်ဒ် အံၤ, နၢ်ဟူဝဲကယဲၢ်ယွၤအတၢ်ကတိၤလၢအကတိၤတၢ် ဒီးပှၤလီၤ. ဒီးကကဲထီၣ်ဝဲလၢတၢ်အုၣ်အသးလၢသုဂီၢ် ဒ်သိးသုသုတသမၢသုကစၢ်တဂ့ၤလီၤ.

²⁸ ဒီးစီၤယိၤရှူပျၢ်ပှၤဂီၢ်မုၢ်တဂၤဆူအတၢ်န့ၢ်သါ, တဂၤ ဆူအတၢ်န့ၢ်သါစုာ်စုာ်လီၤ.

²⁹ ဒီးတၢ်တဖၣ်န့ၣ်အလီၢ်ခံ ယွၤအခ့အပှၤစီၤနိၣ်အဖိခွါ စီၤယိၤရှူအသးပှၢ်အနံၣ်တကယၤတဆံ, ဒီးသံဝဲလီၤ.

³⁰ ဒီးပှၤခူၣ်လီၤကွံာ်အီၤလၢ အတၢ်န့ၢ်သါအဃၢၤလၢ တံမနးစ့ရၤ လၢအအိၣ်လၢကစၢၢ်အ့ဖရဲၣ်အလိၤ လၢ ကစၢၢ်ကၤဧၣ်လၢကလံၤစိးတခီလီၤ.

³¹ ဒီးအံၣ်စရ့လးမၤယွၤအတၢ်လၢ စီၤယိၤရှူအမုၢ်နံၤအ ပူၤခဲလၢာ်, ဒီးလၢပှၤသူၣ်က့သးပှၢ်လၢအမူဒံး လၢစီၤ ယိၤရှူအလီၢ်ခံ, ဒီးသ့ၣ်ညါယွၤအမၤတၢ်ခဲလၢာ်, လၢ အမၤတ့ၢ်လၢအံၣ်စရ့လးအဂီၢ်တဖၣ် အမုၢ်နံၤခဲလၢာ် န့ၣ်လီၤ.

³² ဒီးစီၤယိၤသးအဃံလၢ ပှၤအံၣ်စရ့လးဖိ ဟဲစိာ်လၢ အဲၤကူပတူးအပူၤန့ၣ် ပှၤခူၣ်လီၤကွံာ်ဝဲလၢ ရက့ၣ်အ ပူၤလၢဟီၣ်ခိၣ်တကဝီၤအပူၤ လၢစီၤယၤကိာ်ပှ့ၤဝဲလၢ စီၤၡက့ၣ်အပၢ်စီၤဃမိၢ်အဖိခွါတဖၣ် လၢစ့တကယၤ လီၤ. ဒီးကဲထီၣ်ဝဲလၢစီၤယိၤသးအဖိအတၢ်န့ၢ်သါလီၤ.

³³ ဒီးစီၤအၤဟရိၣ်အဖိခွါ စီၤအလၤဧစၢ်န့ၣ်သံဝဲ, ဒီးပှၤ ခူၣ်လီၤကွံာ်အီၤလၢ ကစၢၢ်တဖျၢၣ်အလိၤ လၢအဘၣ် ဃးဒီးအဖိခွါစီၤဖံၤနဃၣ် လၢပှၤဟ့ၣ်လီၤအီၤလၢ က စၢၢ်အ့ဖရဲၣ်အလိၤန့ၣ်လီၤ.