လံာ်ယိၤနါ.

လံာ်ယိၤနါ.

၁

¹ ယွၤအကလုၢ်ဘၣ်စီၤအမံးတဲၤအဖိခွါစီၤယိၤနါ ဒီးစံး ဝဲဒၣ်, ² ဂဲၤဆၢထၢၣ်လဲၤဆူနံၤနဝ့, ဝ့ၢ်ဖးဒိၣ်တဖျၢၣ် န့ၣ်, ဒီးကိးထီၣ်တၢ်ထီဒါအီၤတက့ၢ်. အဂ့ၢ်ဒ်အံၤ, အ တၢ်ဒဲးဘးန့ၣ်ထီၣ်ဘးလၢယမဲာ်ညါလီၤ.

³ ဘၣ်ဆၣ်ဒီးစီၤယိၤနါ ဂဲၤဆၢထၢၣ်ဒ်သိးအကဃ့ၢ်တၢ် လၢယွၤအမဲာ်ညါဆူတၢ်ၡံၣ်, ဒီးလဲၤဝဲဆူယၤဖိၤအပူၤ, ဒီးထံၣ်န့ၢ်ကဘီတဘ့ၣ်လဲၤဆူတၢ်ၡံၣ်, ဒီးအဟ့ၣ်အဘူး အလဲ, ဒီးလဲၤလီၤလၢအပူၤဒ်သိးအကလဲၤတၢ်ဒီးပှၤတ ဖၣ်ဆူတၢ်ၡံၣ်လၢယွၤအမဲာ်ညါလီၤ. ⁴ ဒီးယွၤမၢလီၤ ကလံၤဖးဒိၣ်ဆူပီၣ်လဲၣ်, ဒီးကလံၤမုၢ်ထီၣ်လၢပီၣ်လဲၣ်ပူၤ, ဒီးကဘီဘူးဒီးအကဟးဂီၤလီၤ.―

⁵ ဒီးပှၤကဘီဖိပျံၤတၢ်, ဒီးကိးပသူထီၣ်ဝဲတဂၤဆူအကစၢ် အအိၣ်, တဂၤဆူအကစၢ်အအိၣ်, ဒီးတ့ၢ်လီၤကွံာ်တၢ် ဖိတၢ်လံၤလၢကဘီပူၤဆူပီၣ်လဲၣ်ပူၤ, ဒ်သိးအကဖှံထီၣ် ဝဲလီၤ. မ့မ့ၢ်စီၤယိၤနါလဲၤနုာ်တ့ၢ်ဆူကဘီအဒၢးပူၤဒီးမံ ဝဲဖဲန့ၣ်, ဒီးမံသပ့ၤဝဲလီၤ.

⁶ ဒီးပှၤကဘီအခိၣ်လဲၤဝဲဆူအအိၣ်, ဒီးစံးဝဲဒၣ်, နမံ သပ့ၤမ့ၢ်အဘၣ်မနုၤလဲၣ်. ဂဲၤဆၢထၢၣ်ကိးထီၣ်နကစၢ် တက့ၢ်. ဘၣ်တဘၣ်ကစၢ်တဂၤန့ၣ်ကမၤတၢ်လၢပဂီၢ်ဒ် သိးပသုတတုၤလၢတၢ်ဟးဂီၤတဂ့ၤလီၤ.

⁷ ဒီးပှၤတဖၣ်န့ၣ်စံးဝဲဒၣ်တဂၤဒီးတဂၤ, ဖးသကိးတၢ်ဒ် သိးပကသ့ၣ်ညါလၢတၢ်အၢအံၤ ဘၣ်ပှၤလၢမတၤမတၤ တဂၤအဃိန့ၣ်တက့ၢ်. ဒီးဖးဝဲ, ဒီးဘၣ်စီၤယိၤနါလီၤ.

⁸ ဒီးအဝဲသ့ၣ်စံးဘၣ်အီၤ, တၢ်အၢအံၤဘၣ်ပှၤလၢမတၤ မတၤတဂၤအဃိလဲၣ်, ဒုးနဲၣ်ပှၤတက့ၢ်. ဒီးနမၤတၢ်မ နုၤလဲၣ်, ဒီးနဟဲလၢလဲၣ်, ဒီးနမ့ၢ်မတၤအကီၢ်ဖိလဲၣ်, ဒီးနမ့ၢ်ပှၤမတၤကလုာ်လဲၣ်.

⁹ ဒီးစံးဝဲဒၣ်, ယမ့ၢ်ပှၤဧ့ၤဘြံၤဖိ, ဒီးယပျံၤယွၤ, မူခိၣ် အကစၢ်လၢအတ့လီၤပီၣ်လဲၣ်ဒီးခိလီၤ.

¹⁰ ဒီးပှၤတဖၣ်န့ၣ် ပျံၤတၢ်နးနးကလဲာ်ဒီးစံးဝဲဒၣ်, နမၤ တၢ်အံၤမ့ၢ်မနုၤတမံၤလဲၣ်. (အဂ့ၢ်ဒ်အံၤ, ပှၤတဖၣ်သ့ၣ် ညါဝဲလၢအဃ့ၢ်တၢ်လၢယွၤအမဲာ်ညါလီၤ. အဂ့ၢ်ဒ်အံၤ, အဝဲဒၣ်စံးဘၣ်တ့ၢ်အီၤလီၤ.)

¹¹ ဒီးစံးလၢအီၤ, ဒ်သိးပီၣ်လဲၣ်ကအိၣ်ဂၢၢ်တပၢၢ် လၢပ ဂီၢ်ဒီး, ပဘၣ်မၤနၤလၢမနုၤတမံၤလဲၣ်. (အဂ့ၢ်ဒ်အံၤ, ပီၣ် လဲၣ်လပီစံၣ်စုးဝဲ, ဒီးကလံၤမုၢ်တွၤအိၣ်ဝဲလီၤ.)

¹² ဒီးအဝဲဒၣ်စံးဘၣ်အီၤ, ဟံးထီၣ်ယၤ, ဒီးတ့ၢ်လီၤကွံာ် ယၤဆူပီၣ်လဲၣ်ပူၤတက့ၢ်. ဒီးပီၣ်လဲၣ်ကအိၣ်ဂၢၢ်တပၢၢ် လၢသုဂီၢ်လီၤ. အဂ့ၢ်ဒ်အံၤ, ယသ့ၣ်ညါလၢကလံၤမုၢ် တွၤအံၤဘၣ်သုလၢယဃိလီၤ.

¹³ ဘၣ်ဆၣ်ဒီးပှၤတဖၣ်န့ၣ်ကၢၢ်တၢ် ဆူၣ်ဆူၣ်ကလဲာ်ဒ် သိးအကထိးထီၣ်လၢခိလီၤ. ဒီးမ့ၢ်ပီၣ်လဲၣ်လပီစံၣ်စုးဒီး ကလံၤမုၢ်တွၤအိၣ်ဝဲဒီး, မၤတသ့ဘၣ်, ¹⁴ ဒီးကိးထီၣ်ယွၤ ဒီးစံးဝဲဒၣ်, ပဃ့ကညးနၤယွၤဧၢ, ပဃ့ကညးနၤ, မ်ပ သုတတုၤလၢတၢ်ဟးဂီၤ လၢပှၤတဂၤအံၤအသးအဃိတ ဂ့ၤ. ဒီးပာ်တၢ်သွံၣ်လၢအတၢ်ဒဲးဘးတအိၣ်ဘၣ် လၢပ လိၤတဂ့ၤ. အဂ့ၢ်ဒ်အံၤ, နဲဒၣ်ယွၤဧၢ, နမၤတၢ်လၢအ ဘၣ်နသးလီၤ.

¹⁵ ဒီးဟံးထီၣ်စီၤယိၤနါ, ဒီးတ့ၢ်လီၤကွံာ်အီၤဆူပီၣ်လဲၣ် ပူၤ, ဒီးပီၣ်လဲၣ်အိၣ်ဂၢၢ်တပၢၢ်လီၤ. ¹⁶ ဒီးပှၤကညီတဖၣ် န့ၣ်, ပျံၤယွၤဒိၣ်မးလီၤ. ဒီးလုၢ်ယွၤလၢတၢ်လုၢ်, ဒီးဆိၣ် လီၤအသးလၢအကမၤဘူၣ်တၢ်လီၤ.

¹⁷ ဒီးယွၤကတဲာ်ကတီၤတ့ၢ်ညၣ်ဖးဒိၣ်တဘ့ၣ် ဒ်သိးအ ကယူၢ်လီၤကွံာ်စီၤယိၤနါလီၤ. ဒီးစီၤယိၤနါ အိၣ်ဝဲလၢ ညၣ်ဖးဒိၣ်အဟၢဖၢပူၤန့ၣ်သၢနံၤဒီးသၢနၤလီၤ.

၂

¹ ဒီးစီၤယိၤနါဘါထုကဖၣ်ယွၤလၢညၣ်အဟၢဖၢပူၤ, ဒီး စံးဝဲဒၣ်, ² လၢယဘၣ်တၢ်နးတၢ်ဖှီၣ်န့ၣ် ယကိးထီၣ်ယွၤ, ဒီးစံးဆၢယၤလီၤ. လၢပျုၤပူၤအဟၢဖၢပူၤန့ၣ် ယကိးပ သူထီၣ်လီၤ. နကနၢ်ဟူယကလုၢ်လီၤ.

³ ဒီးနတ့ၢ်လီၤကွံာ်ယၤလၢထံယိာ်ပူၤ, လၢပီၣ်လဲၣ်အ သးကံၢ်ပူၤ, ဒီးထံကျိအိၣ်ဝးတရံးယၤ, ကယဲၢ်နလပီဝါ ခိၣ်, ဒီးနလပီမုၢ်ဟဲကျၢၢ်ဘၢယၤလီၤ. ⁴ တုၤနုၤတဘျီ, ယစံး, တၢ်ဟီထီၣ်ကွံာ်ယၤလၢနမဲာ်ညါ, ဘၣ်ဆၣ်ဒီး ယကကွၢ်ကဒီးဆူနနူၢ်စီဆှံအအိၣ်လီၤ.

⁵ ထံလုၣ်ဘၢယၤ, ထံယိာ်ပူၤအိၣ်ဝးတရံးယၤ, ဆှဲန့ၣ် ဘိၣ်ထီၣ်ယခိၣ်, ⁶ ယလဲၤလီၤဆူကစၢၢ်အခီၣ်ထံး, ဟီၣ် ခိၣ်အနီၣ်ဘိကးတံာ်ဃာ်ယၤလီၤထူလီၤယိာ်လီၤ. ဘၣ် ဆၣ်ဒီးနဒုးဟဲထီၣ်ယသးသမူလၢတၢ်ဟးဂီၤအပူၤ, ယွၤ ယကစၢ်ဧၢ.

⁷ တုၤတၢ်လုၣ်ဘၢယသးဒီး, ယသ့ၣ်နီၣ်ထီၣ်က့ၤယွၤ လီၤ. ဒီးယဘါထုကဖၣ်တၢ်ဟဲနုာ်လၢနအိၣ်ဆူနနူၢ်စီဆှံ အပူၤလီၤ.

⁸ ပှၤလၢအတိၢ်န့ၢ်လီတၢ်အတၢ်ကလီကလီန့ၣ် လဲၤသ ဒၣ်အတၢ်ဘျုးတၢ်ဖှိၣ်ဒၣ်ဝဲလီၤ. ⁹ မ့မ့ၢ်ယဲဒၣ်အံၤယက လုၢ်နၤလၢတၢ်လုၢ်အိၣ်ဒီးတၢ်စံးထီၣ်ပတြၢၤ အကလုၢ် လီၤ. ¹⁰ တၢ်လၢယဆိၣ်တၢ်န့ၣ်ယကမၤလီၤ. တၢ်အုၣ် က့ၤခီၣ်က့ၤတၢ်န့ၣ်အိၣ်ဒီးယွၤလီၤ.

¹¹ ဒီးယွၤမၤလိာ်ညၣ်တဘ့ၣ်န့ၣ် ဒီးအတၢ်ဘှိးထီၣ်ကွံာ် စီၤယိၤနါလၢခိလီၤ.

၃

¹ ဒီးယွၤအကလုၢ်ဘၣ် စီၤယိၤနါခံဘျီတဘျီ ဒီးစံးဝဲ ဒၣ်, ² ဂဲၤဆၢထၢၣ်လဲၤဆူနံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးကိးထီၣ်အီၤလၢတၢ်လၢယမၤလိာ်နၤတက့ၢ်.

³ ဒီးစီၤယိၤနါဂဲၤဆၢထၢၣ်, ဒီးလဲၤဝဲဆူနံၤနဝ့ ဒ်ယွၤအ ကလုၢ်အသိးန့ၣ်လီၤ. ဒီးနံၤနဝ့မ့ၢ်ဝ့ၢ်ဖးဒိၣ်တဖျၢၣ်လၢ ကစၢ်အမဲာ်ညါ, သၢနံၤလဲၤကျဲလီၤ.

⁴ ဒီးစီၤယိၤနါလဲၤဆိတနံၤလဲၤကျဲဆူဝ့ၢ်ပူၤ, ဒီးကိးထီၣ် ဝဲဒီးစံးဝဲဒၣ်, အိၣ်ဒံးအနံၤလွံၢ်ဆံ ဒီးနံၤနဝ့ကဘၣ်တၢ် မၤဟးဂီၤကွံာ်အီၤလီၤ.

⁵ ဒီးပှၤနံၤနဝ့ဖိန့ၣ်နာ်ယွၤ, ဒီးကိးထီၣ်တၢ်ဒုၣ်တၢ်အီၣ်, ဒီးသိးထီၣ်ထၢၣ်အတၢ်ကံးညာ်, လၢအဒိၣ်ပၢၢ်လၢအ ဆံးလီၤ. ⁶ ဒီးတၢ်ကတိၤတုၤဘၣ်နံၤနဝ့အစီၤပၤ, ဒီးအ ဝဲဒၣ်ဂဲၤဆၢထၢၣ်လၢအလီၢ်ပစိာ်အဖီခိၣ်, ဒီးဘ့ၣ်ကွံာ် စီၤပၤအကူအသိး, ဒီးကျၢၢ်ဘၢအသးလၢထၢၣ်အတၢ် ကံးညာ်, ဒီးဆ့ၣ်နီၤဝဲလၢဖၣ်ဆါအကျါ, ⁷ ဒီးစီၤပၤဒီး အပဒိၣ်ဖးဒိၣ်တဖၣ်မၤလိာ်တၢ်သတးဒီး, ပှၤကိးထီၣ် တၢ်လၢနံၤနဝ့ဒီဝ့ၢ်ညါအပူၤ, ဒီးစံးဝဲဒၣ်, ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤ, သိဒီးမဲာ်တဲးလဲး မ့ၢ်ဂ့ၤ, မ်အသုတအီၣ်ကွၢ်တၢ်နီတမံၤတဂ့ၤ. မ်အသုတ အီၣ်အဆၣ်, ဒီးအသုတအီထံတဂ့ၤ. ⁸ မ်ပှၤကညီဒီး ဆၣ်ဖိကီၢ်ဖိအိၣ်ကျၢၢ်ဘၢအသးဒီးထၢၣ်အတၢ်ကံးညာ်, ဒီးမ်အကိးပသူထီၣ်ဆူယွၤတက့ၢ်, ဒီးမ်အဃၣ်ကွံာ်အ သးလၢအကျဲအၢ ဒီးလၢအဂုာ်ဆူၣ်ပျီဆူၣ်တၢ်လၢ အ အိၣ်ဝဲလၢအစုပူၤန့ၣ်တက့ၢ်.

⁹ ဘၣ်တဘၣ်ယွၤကဃၣ်အသး, ဒီးပီၢ်ယၢ်လီၤက့ၤအ သး, ဒီးဃၣ်ကွံာ်အသးလၢအသးကဲၤထီၣ်, ဒ်သိးပသု တတုၤလၢတၢ်ဟးဂီၤတဂ့ၤန့ၣ်, မ့ၢ်မတၤသ့ၣ်ညါတဂၤ လဲၣ်.

¹⁰ ဒီးယွၤထံၣ်ဘၣ်အမၤတၢ်တဖၣ် လၢအဃၣ်ကွံာ်အ သးလၢအကျဲအၢလီၤ. ဒီးယွၤပီၢ်ယၢ်လီၤက့ၤအသးလၢ တၢ်အၢလၢအစံးလၢသါကမၤအီၤ, ဒီးတမၤဘၣ်ဝဲဘၣ်.

၄

¹ ဒီးစီၤယိၤနါ အသူၣ်ကိၢ်အသးဂီၤဒိၣ်မး, ဒီးအသး ထီၣ်ဝဲလီၤ. ဒီးဘါထုကဖၣ်ယွၤဒီးစံးဝဲဒၣ်, ² ယွၤဧၢ, အဝဲအံၤမ့ၢ်ယကလုၢ်လၢ ယအိၣ်ဒံးလၢယကီၢ်ဒၣ်ယဲအ ပူၤ, တမ့ၢ်ဘၣ်ဧါ. မၤသးဒ်န့ၣ်ဒီးယဃ့ၢ်ဆိလၢနမဲာ်ညါ ဆူတၢ်ၡံၣ်လီၤ. အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ် လၢအသးကညီၤတၢ်, ဒီးသးအိၣ်တၢ်, လၢအသးထီၣ် ကီ, ဒီးအဘျုးအဖှိၣ်အိၣ်အါ, ဒီးနပီၢ်ယၢ်ဒၣ်နသးလၢ တၢ်အၢအဂ့ၢ်လီၤ. ³ ဒီးခဲကနံၣ်အံၤယွၤဧၢ, ဟံးန့ၢ်ယသး သမူလၢယၤတက့ၢ်. အဂ့ၢ်ဒ်အံၤ, ယသံဂ့ၤန့ၢ်ယမူတ က့ၢ်လီၤ. ⁴ ဒီးယွၤစံးဘၣ်အီၤ, နသးထီၣ်န့ၣ်ဂ့ၤစ့ၢ်ကီးဧါ.

⁵ ဒီးစီၤယိၤနါဟးထီၣ်လၢဝ့ၢ်ပူၤဆူခိ, ဒီးဆ့ၣ်နီၤဝဲလၢ ဝ့ၢ်လၢမုၢ်ထီၣ်တခီ, ဒီးမၤထီၣ်ဒဲတဖျၢၣ်, ဒီးဆ့ၣ်နီၤဝဲ လၢအပူၤလၢအကဒုပူၤ တုၤအကထံၣ်ဘၣ်တၢ်လၢအ ကမၤအသးလၢဝ့ၢ်န့ၣ်လီၤ.

⁶ ဒီးယွၤကတဲာ်ကတီၤ မာ်တိတထံး, ဒီးဒုးဒိးထီၣ်အီၤ လၢစီၤယိၤနါအဖီခိၣ်, ဒ်သိးအကလီၤကဒုလၢအခိၣ်, ဒီးမၤပူၤဖျဲးအီၤဒီးတၢ်အၢလီၤ. ဒီးစီၤယိၤနါသးခုလၢမာ် တိအဃိဒိၣ်မးလီၤ.

⁷ ဒီးမုၢ်ဆ့ၣ်ထီၣ်တနံၤလၢဂီၤဂီၤန့ၣ် ယွၤကတဲာ်ကတီၤ တၢ်ဖိဃၢ်တဘိ, ဒီးအတၢ်အီၣ်မာ်တိ, ဒီးအလၣ်လီၤ ဘဲဝဲလီၤ.

⁸ ဒီးလၢမုၢ်ဟဲထီၣ်န့ၣ် တၢ်မၤအသးလၢယွၤကတဲာ်က တီၤကလံၤကိၢ်လၢမုၢ်ထီၣ်တခီ, ဒီးမုၢ်ဆဲးဘၣ်စီၤယိၤနါ အခိၣ်, ဒီးလီၤဘှါဝဲ, ဒီးဃ့ဝဲလၢအကသံလီၤ. ဒီးစံးဝဲ ဒၣ်, ယသံဂ့ၤန့ၢ်ယမူတက့ၢ်လီၤ.

⁹ ဒီးယွၤစံးလၢစီၤယိၤနါ, နသးထီၣ်လၢမာ်တိအဃိဂ့ၤ စ့ၢ်ကီးဧါ. ဒီးစံးဝဲဒၣ်, ယသးထီၣ်တုၤယသံန့ၣ်ဂ့ၤလီၤ.

¹⁰ ဒီးယွၤစံးဝဲဒၣ်, နသးလီမာ်တိလၢ နတမၤဘၣ်တၢ် လၢအဂီၢ်ဘၣ်, လၢနတဒုးဒိၣ်ထီၣ်ဘၣ်, လၢအမဲထီၣ် လၢမုၢ်တနၤဖိ, ဒီးဟးဂီၤလၢမုၢ်တနၤဖိလီၤ. ¹¹ ဒီးနံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဖဲပှၤလၢအတသ့ၣ်ညါအစုထွဲဒီး အစုစ့ၣ်အဆၢဘၣ်, အိၣ်ဝဲတကလးအဘျီတဆံခံဒီးအ ဘျဲၣ်, ဒီးဆၣ်ဖိကီၢ်ဖိအဒၢအါအါကလဲာ်န့ၣ်ယဲဒၣ်အံၤ ယတသးလီဘၣ်အီၤဘၣ်ဧါ.