တၢ်သးခုအကစီၣ်ဒ်စီၤယိၤဟၣ်ကွဲးဝဲအသိးန့ၣ်.

တၢ်သးခုအကစီၣ်ဒ်စီၤယိၤဟၣ်ကွဲးဝဲအသိးန့ၣ်.

၁

¹ လၢထံးလၢသီန့ၣ်တၢ်ကလုၢ်အိၣ်ဝဲ, ဒီးတၢ်ကလုၢ်န့ၣ် အိၣ်ဝဲဒီးယွၤ, ဒီးတၢ်ကလုၢ်န့ၣ်မ့ၢ်ယွၤလီၤ. ² အဝဲဒၣ်န့ၣ် အိၣ်ဒီးယွၤလၢထံးလၢသီလီၤ. ³ ကယဲၢ်တၢ်ခဲလၢာ်ခဲဆ့ အံၤကဲထီၣ်ဝဲလၢအစုပူၤ, ဒီးတၢ်လၢအကဲထီၣ်ဝဲန့ၣ်, တ ကဲထီၣ်ဘၣ်လၢအစုပူၤဒီး, တအိၣ်ဘၣ် နီတမံၤဘၣ်.―

⁴ တၢ်မူအိၣ်ဝဲလၢအပူၤ, ဒီးတၢ်မူန့ၣ် မ့ၢ်ပှၤကညီအတၢ် ကပီၤလီၤ. ⁵ ဒီးတၢ်ကပီၤန့ၣ်ကပီၤထီၣ်လၢတၢ်ခံးကျါဒီး တၢ်ခံးန့ၣ်တတူၢ်လိာ်ဘၣ်အီၤဘၣ်.

⁶ ပှၤကညီလၢအဘၣ်တၢ်မၢလီၤအီၤလၢယွၤန့ၣ် အိၣ်တ ဂၤ, အမံၤမ့ၢ်စီၤယိၤဟၣ်လီၤ. ⁷ ဒ်သိးပှၤခဲလၢာ်ကစူၢ်က့ၤ နာ်က့ၤတၢ်လၢအီၤဒီး, အဝဲဒၣ်ဟဲလၢတၢ်အုၣ်အသးအ ဂီၢ်, ဒ်သိးအကအုၣ်အသးလၢတၢ်ကပီၤအဂ့ၢ်လီၤ. ⁸ အဝဲ ဒၣ်န့ၣ်တမ့ၢ်ဘၣ်တၢ်ကပီၤန့ၣ်ဘၣ်. မ့ၢ်အဟဲဝဲဒ်သိးအ ကအုၣ်အသးလၢတၢ်ကပီၤန့ၣ်အဂ့ၢ်လီၤ. ⁹ တၢ်ကပီၤအ နီၢ်နီၢ်န့ၣ်မ့ၢ်တၢ်လၢအဒုးကပီၤထီၣ် ကယဲၢ်ပှၤကညီလၢ အဟဲနုာ်လၢဟီၣ်ခိၣ်ချၢအံၤလီၤ. ¹⁰ အိၣ်ဝဲလၢဟီၣ်ခိၣ်, ဒီး ဟီၣ်ခိၣ်ကဲထီၣ်လၢအစုပူၤ, ဒီးဟီၣ်ခိၣ်တသ့ၣ်ညါဘၣ် အီၤဘၣ်. ¹¹ ဟဲဆူအတၢ်ဒၣ်ဝဲ, ဒီးအပှၤဒၣ်ဝဲတတူၢ်လိာ် ဘၣ်အီၤဘၣ်. ¹² ဘၣ်ဆၣ်ဒီး, ဖဲဒၣ်ပှၤလၢအတူၢ်လိာ်အီၤ, ပှၤလၢအစူၢ်က့ၤနာ်က့ၤအမံၤတဖၣ်န့ၣ်, ဟ့ၣ်ဝဲလၢအစိ အကမီၤ, ဒ်သိးအကကဲထီၣ်ယွၤအဖိလီၤ. ¹³ ပှၤတဖၣ်န့ၣ် အိၣ်ဖျဲၣ်လၢတၢ်သွံၣ်တမ့ၢ်ဘၣ်, လၢတၢ်ညၣ်အသးတ မ့ၢ်ဘၣ်, လၢပှၤကညီအသးတမ့ၢ်ဘၣ်, မ့ၢ်ဝဲလၢယွၤလီၤ.

¹⁴ ဒီးတၢ်ကလုၢ်န့ၣ် ကဲထီၣ်လၢတၢ်ညၣ်, ဒီးလၢပှဲၤဒီး တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီ, ဒီးအိၣ်ဝဲဆိးဝဲလၢပ ကျါ, ဒီးပထံၣ်ဘၣ်အလၤအကပီၤလီၤဂာ်လၢပၢ်အဖိခွါ တဂၤဃီအလၤအကပီၤလီၤ.

¹⁵ စီၤယိၤဟၣ်အုၣ်အသးလၢအဂ့ၢ်, ဒီးကိးပသူထီၣ်ဒီး စံးဝဲဒၣ်, ပှၤအံၤမ့ၢ်ပှၤလၢယစံး, ပှၤဟဲလၢယလီၢ်ခံတဂၤ န့ၣ်, ဒိၣ်န့ၢ်ယၤတက့ၢ်လီၤ. အဂ့ၢ်ဒ်အံၤ, အိၣ်ဆိန့ၢ်ယၤ လီၤ. ¹⁶ ဒီးပဝဲဒၣ်ခဲလၢာ်အံၤ, ပဒိးန့ၢ်တၢ်လၢအဝဲဒၣ်အ တၢ်လၢတၢ်ပှဲၤအပူၤ, ဒီးတၢ်ဘျုးလၢ တၢ်ဘျုးအဖီခိၣ် လီၤ. ¹⁷ အဂ့ၢ်ဒ်အံၤ, တၢ်ဟ့ၣ်လီၤတၢ်သိၣ်တၢ်သီလၢစီၤ မိၤရှ့အစုပူၤ, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ်, အိၣ်ထီၣ်ဝဲလၢယ့ၣ်ရှူးခရံာ်န့ၣ်လီၤ. ¹⁸ ပှၤတထံၣ်ဘၣ်ယွၤ နီတခီၣ်နီတဂၤဘၣ်. အဖိခွါတဂၤဃီအိၣ်လၢပၢ်အသး နါပှၢ်န့ၣ်, လီၣ်ဖျါထီၣ်လံအီၤလံ.

¹⁹ ဒီးဖဲပှၤယူဒၤဖိတဖၣ် မၢလီၤပှၤလုၢ်တၢ်အဒိၣ် ဒီးပှၤ လ့ၤဝံဖိတဖၣ်, လၢယရူၤၡလ့ၣ်အပူၤဆူအအိၣ်, ဒ်သိး အကသံကွၢ်အီၤ, နဲဒၣ်အံၤနမ့ၢ်မတၤတဂၤလဲၣ်န့ၣ်ဒီး, စီၤယိၤဟၣ်အတၢ်အုၣ်အသးမ့ၢ်အအံၤ, ²⁰ ဒီးအုၣ်အသး ဒီးတသမၢဘၣ်ဝဲဘၣ်, ဒီးအုၣ်အသး, လၢယဲဒၣ်အံၤ, ယတမ့ၢ်ဘၣ်ခရံာ်ဘၣ်. ²¹ ဒီးအဝဲသ့ၣ်သံကွၢ်အီၤ, မ့မ့ၢ်ဒ် န့ၣ်ဒီး, နမ့ၢ်မတၤတဂၤလဲၣ်. နမ့ၢ်စီၤအ့ၤလံယၤဧါ. ဒီးစံး ဝဲဒၣ်, တမ့ၢ်ဘၣ်. မ့ၢ်နမ့ၢ်ဝံအဝဲန့ၣ်ဧါ. ဒီးကတိၤဆၢဝဲ, တမ့ၢ်ဘၣ်. ²² မၤသးဒ်န့ၣ်ဒီး, အဝဲသ့ၣ်စံးဘၣ်အီၤ, နမ့ၢ် မတၤတဂၤလဲၣ်, ဒ်သိးပကစံးဘၣ်က့ၤပှၤလၢအမၢလီၤ ပှၤန့ၣ်လီၤ. နစံးလၢနဂ့ၢ်နကျိၤဒၣ်နဲဒ်လဲၣ်. ²³ ဒီးစံးဝဲဒၣ်, ယမ့ၢ်ပှၤလၢအကိးထီၣ် လၢပှၢ်မုၢ်ကနၢအကလုၢ်သီၣ်, မၤလိၤက့ၤကစၢ်အကျဲဧိၤကပူၤဧိၤတက့ၢ်, ဒ်စီၤယၡါယၤ စံးဝဲအသိးန့ၣ်လီၤ.

²⁴ ဒီးပှၤလၢတၢ်မၢလီၤအီၤတဖၣ်န့ၣ်, ဘၣ်ဃးဒီး ပှၤဖၤ ရံၤၡဲန့ၣ်လီၤ. ²⁵ ဒီးသံကွၢ်အီၤ, ဒီးစံးဘၣ်အီၤ, မၤသးဒ် န့ၣ်ဒီး, နဲဒၣ်အံၤ, နမ့တမ့ၢ်ဘၣ်ခရံာ်န့ၣ်, နမ့တမ့ၢ်ဘၣ် စီၤအ့ၤလံယၤ, နမ့တမ့ၢ်ဘၣ်ဝံအဝဲန့ၣ်ဘၣ်ဒီး, ဘၣ်မနုၤ လၢနဘျၢ*တၢ်လဲၣ်. ²⁶ ဒီးစီၤယိၤဟၣ်ကတိၤဆၢအီၤဒီးစံး ဝဲဒၣ်, ယဲဒၣ်အံၤယဘျၢ*တၢ်လၢထံကျါလီၤ. ²⁷ ဘၣ်ဆၣ် ဒီးပှၤလၢသုကျါ, လၢသုတသ့ၣ်ညါဘၣ်အီၤန့ၣ်, အိၣ် ဝဲတဂၤလီၤ. အဝဲန့ၣ်ဟဲလၢယလီၢ်ခံ, ဒီးထဲယကဃ့ၣ် လီၤအခီၣ်ဖံးအပျံၤဒီး, ယတကြၢးဘၣ်ယဲဘၣ်.

²⁸ တၢ်န့ၣ်တဖၣ်မၤအသးဖဲ စီၤယိၤဟၣ်ဘျၢ*တၢ်လၢဘ့ၤ သနံအပူၤ, အိၣ်လၢယၢ်ဒ့ၣ်ဝၢ်ဘးခီလီၤ.

²⁹ မုၢ်ဆ့ၣ်ထီၣ်တနံၤန့ၣ်, (စီၤယိၤဟၣ်) ထံၣ်ဘၣ်ယ့ၣ် ရှူးဟဲဆူအအိၣ်ဒီးစံးဝဲဒၣ်, ကွၢ်ကွၢ်, ယွၤအသိဖိလၢအ စိာ်ထီၣ်ကွံာ်ပှၤဟီၣ်ခိၣ်ဖိအတၢ်ဒဲးဘးလီၤ. ³⁰ အဝဲဒၣ်အံၤ မ့ၢ်ပှၤလၢယစံးတ့ၢ်လၢအဂ့ၢ်, ပှၤဟဲလၢယလီၢ်ခံတဂၤ န့ၣ်, အိၣ်လၢယမဲာ်ညါလီၤ. အဂ့ၢ်ဒ်အံၤ, အိၣ်ဆိန့ၢ်ယၤ လီၤ. ³¹ ဒီးယဲဒၣ်အံၤ, ယတသ့ၣ်ညါဘၣ်အီၤဘၣ်, မ့မ့ၢ်ဒ် သိးအကအိၣ်ဖျါလၢအံၣ်စရ့လးဒီး, ယဟဲဘျၢ*တၢ်လၢ ထံကျါလီၤ.

³² ဒီးစီၤယိၤဟၣ်အုၣ်အသးဒီးစံးဝဲဒၣ်, ယထံၣ်သးန့ၣ် ဟဲလီၤလၢမူခိၣ်ဒ်ထိၣ်လွံၢ်အသိး, ဒီးအိၣ်ဝဲဆိးဝဲလၢအ လိၤလီၤ. ³³ ဒီးယဲဒၣ်အံၤ, ယတသ့ၣ်ညါဘၣ်အီၤဘၣ်. မ့မ့ၢ်ပှၤလၢအမၢ ယဟဲဘျၢ*တၢ်လၢထံကျါတဂၤ, အဝဲ ဒၣ်စံးဘၣ်ယၤ, ပှၤလၢနထံၣ်သးန့ၣ်ဟဲလီၤ, ဒီးအိၣ်ဝဲ ဆိးဝဲလၢအလိၤ, အဝဲတဂၤန့ၣ်ကဘျၢ*တၢ်လၢသးစီဆှံ အပူၤလီၤ. ³⁴ ဒီးယထံၣ်ဘၣ်လံ, ဒီးယအုၣ်လံယသး လၢအဝဲဒၣ်န့ၣ်မ့ၢ်ယွၤအဖိခွါလီၤ.

³⁵ မုၢ်ဆ့ၣ်ထီၣ်တနံၤ စီၤယိၤဟၣ်ဆၢထၢၣ်ကဒီးဒီးအပျဲၢ် ခံဂၤ, ဒီးကွၢ်ယ့ၣ်ရှူးလဲၤတၢ်, ဒီးစံးဝဲဒၣ်, ကွၢ်ကွၢ်, ယွၤ အသိဖိလီၤ. ³⁶ ဒီးအပျဲၢ်ခံဂၤန့ၣ်နၢ်ဟူအကတိၤတၢ်, ဒီး ပိာ်ထီၣ်ယ့ၣ်ရှူးအခံလီၤ. ³⁷ ဒီးယ့ၣ်ရှူးဃၣ်ဃီၤအသး, ဒီး ထံၣ်လၢအပိာ်အခံ, ဒီးစံးဘၣ်အီၤ, ³⁸ သုဃုမနုၤတမံၤ လဲၣ်. ဒီးအဝဲသ့ၣ်စံးဘၣ်အီၤ, ရၤဘံဧၢ, (အခီပညီမ့ၢ်သ ရၣ်), နအိၣ်နဆိးဖဲလဲၣ်ပူၤလဲၣ်. ³⁹ ဒီးအဝဲဒၣ်စံးဘၣ်အီၤ, ဟဲဒီးကွၢ်တက့ၢ်. ဒီးလဲၤကွၢ်ဖဲအအိၣ်ဝဲ, ဒီးမ့ၢ်တဆံနၣ် ရံၣ်ဃၣ်ဃၣ်သတးဒီး, အိၣ်ဒီးအီၤတနံၤန့ၣ်လီၤ.

⁴⁰ ဒီးပှၤလၢအနၢ်ဟူတၢ်လၢ စီၤယိၤဟၣ်, ဒီးပိာ်ထီၣ် (ယ့ၣ်ရှူး) အခံခံဂၤအကျါန့ၣ်, တဂၤမ့ၢ်စီၤၡံမိၣ်ပ့းတ ရူးအဒီပုၢ်ဝဲၢ်, စီၤအၣ်ဒရ့းလီၤ. ⁴¹ အဝဲဒၣ်န့ၣ်ထံၣ်န့ၢ်ဆိ အဒီပုၢ်ဝဲၢ်ဒၣ်ဝဲ, စီၤၡံမိၣ်, ဒီးစံးဘၣ်အီၤ, ပထံၣ်န့ၢ်လံ မ့းၡံအၤန့ၣ်လံ. (အခီပညီမ့ၢ်ခရံာ်လီၤ.) ⁴² ဒီးလဲၤဆှၢအီၤ ဆူယ့ၣ်ရှူးအအိၣ်လီၤ. ဒီးယ့ၣ်ရှူးကွၢ်အီၤဒီးစံးဝဲဒၣ်, နဲဒၣ် အံၤ, နမ့ၢ်စီၤယိၤနါအဖိခွါစီၤၡံမိၣ်လီၤ. တၢ်ကကိးက့ၤ နၤလၢစီၤက့ၤဖးလီၤ. (အခီပညီမ့ၢ်လၢၢ်လီၤ.)

⁴³ မုၢ်ဆ့ၣ်ထီၣ်တနံၤန့ၣ် (ယ့ၣ်ရှူး) သါကလဲၤဆူကၤလံၤ လါ, ဒီးထံၣ်န့ၢ်စီၤဖံလံးပူးဒီးစံးဘၣ်အီၤ, ပိာ်ယခံတ က့ၢ်. ⁴⁴ ဒီးစီၤဖံလံးပူးဘၣ်ဃးဒီး စီၤအၣ်ဒရ့းဒီးစီၤပ့းတရူး အဝ့ၢ်, ဘ့ၤသစဲဒၤလီၤ. ⁴⁵ ဒီးစီၤဖံလံးပူးန့ၣ်ထံၣ်န့ၢ်စီၤနၤ သန့လးဒီးစံးဘၣ်အီၤ, ပထံၣ်န့ၢ်လံ ပှၤလၢစီၤမိၤရှ့လၢ လံာ်တၢ်သိၣ်တၢ်သီအပူၤ, ဒီးဝံသ့ၣ်တဖၣ်န့ၣ်, ကွဲးဝဲလၢ အဂ့ၢ်, ပှၤနစၤရ့းဖိစီၤယိၤသးအဖိခွါ, ယ့ၣ်ရှူးတဂၤလံ.―

⁴⁶ ဒီးစီၤနၤသန့လးစံးဘၣ်အီၤ, တၢ်ဂ့ၤတၢ်ဝါတမံၤမံၤဟဲ ထီၣ်လၢနစၤရ့းအပူၤဘၣ်ကသ့ဧါ. ဒီးစီၤဖံလံးပူးစံးဘၣ် အီၤ, ဟဲကွၢ်တက့ၢ်. ⁴⁷ ယ့ၣ်ရှူးထံၣ်ဘၣ်စီၤနၤသန့လးဟဲ ဆူအအိၣ်ဒီးကတိၤတၢ်လၢအဂ့ၢ်, ကွၢ်ကွၢ်, ပှၤအံၣ်စရ့ လးဖိနီၢ်နီၢ်, လၢတၢ်လီတၢ်ဝ့ၤတအိၣ်လၢအပူၤဘၣ်တ ဂၤလီၤ. ⁴⁸ ဒီးစီၤနၤသန့လးစံးဘၣ်အီၤ, နသ့ၣ်ညါယၤဒ် လဲၣ်. ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ, လၢစီၤဖံ လံးပူးတချုးကိးဒံးဘၣ်နၤ, ဖဲနအိၣ်လၢချၢၣ်ဒၢအခီၣ်ထံး န့ၣ်, ယထံၣ်နၤလီၤ. ⁴⁹ ဒီးစီၤနၤသန့လးကတိၤဆၢတၢ် ဒီးစံးဘၣ်အီၤ, ရၤဘံဧၢ, နဲဒၣ်အံၤနမ့ၢ်ယွၤအဖိခွါ, နမ့ၢ် အံၣ်စရ့လးအစီၤပၤလီၤ. ⁵⁰ ဒီးယ့ၣ်ရှူးကတိၤဆၢတၢ်ဒီးစံး ဘၣ်အီၤ, မ့ၢ်ယစံးဘၣ်နၤလၢယထံၣ်နၤလၢချၢၣ်ဒၢအ ခီၣ်ထံးဒီး, မ့ၢ်နနာ်တၢ်စ့ၢ်ကီးဧါ. နကထံၣ်ဘၣ်တၢ်ဒိၣ် န့ၢ်တၢ်အံၤတဖၣ်တက့ၢ်လီၤ. ⁵¹ ဒီးစံးဘၣ်အီၤ, ယစံးဘၣ် တဲဘၣ်သုတီတီလိၤလိၤ, လၢခံက့ၤအံၤဒီး, သုကထံၣ် ဘၣ်မူခိၣ်အိးထီၣ်အသး, ဒီးယွၤအကလူးတဖၣ်န့ၣ်လဲၤ ထီၣ်ဒီးဟဲလီၤလၢပှၤကညီဖိခွါအံၤအလိၤလီၤ.

၂

¹ ဒီးလၢမုၢ်သၢနံၤတနံၤန့ၣ် တလးမူးအမူး အိၣ်ဝဲတ မူးလၢကၤနါ ဘၣ်ဃးဒီးကၤလံၤလါ, ဒီးယ့ၣ်ရှူးအမိၢ် အိၣ်ဝဲဖဲန့ၣ်လီၤ. ² ဒီးယ့ၣ်ရှူးဒီးအပျဲၢ်အဘီၣ်ဘၣ်တၢ်ကိး အီၤဆူမူးပူၤန့ၣ်လီၤ. ³ ဒီးတုၤစပံးထံလၢာ်ဝဲဒီး, ယ့ၣ်ရှူး အမိၢ်စံးဘၣ်အီၤ, အဝဲသ့ၣ်အစပံးထံတအိၣ်လၢၤဘၣ်.―

⁴ ဒီးယ့ၣ်ရှူးစံးဘၣ်အီၤ, ပိာ်မုၣ်ဧၢ, တၢ်ဘၣ်ဃးဒီးယၤဒီးနၤ အံၤ, မ့ၢ်မနုၤတမံၤလဲၣ်. ယနၣ်ရံၣ်တဘၣ်ဒံးဘၣ်. ⁵ ဒီး အမိၢ် စံးဘၣ်အခ့အပှၤ, ဖဲဒၣ်အစံးဘၣ်သုဒီး, မၤတ က့ၢ် ⁶ ဒီးဒ်ပှၤယူဒၤဖိမၤကဆှီတၢ်အလုၢ်အလၢ်အိၣ်ဝဲအ သိးန့ၣ်, သပၢၤလၢၢ်လၢအတြီၢ်ခံဘၤသး, သၢဘၤသး အိၣ်ဝဲဖဲန့ၣ်ဃုဖျၢၣ်လီၤ. ⁷ ဒီးယ့ၣ်ရှူးစံးဘၣ်အီၤ, မၤပှဲၤ သပၢၤလၢထံတက့ၢ်. ဒီးအဝဲသ့ၣ်မၤပှဲၤပၢၢ်လၢအခိၣ်ဒူ လီၤ. ⁸ ဒီးစံးဘၣ်အီၤ, ခဲကနံၣ်အံၤဘျၢၣ်န့ၢ်ဒီးလဲၤစိာ်ဆူ မူးခိၣ်တဂၤန့ၣ်တက့ၢ်. ဒီးလဲၤစိာ်ဝဲလီၤ. ⁹ ဒီးမူးခိၣ်တဂၤ လ့ၣ်ကွၢ်ထံလၢ အကဲထီၣ်စပံးထံန့ၣ်, ဒီးမ့ၢ်အဟဲလၢ လဲၣ်လၢလဲၣ်န့ၣ်တသ့ၣ်ညါဘၣ်ဝဲဘၣ်. မ့မ့ၢ်အခ့အပှၤ လၢအဘျၢၣ်ထံတဖၣ်န့ၣ်သ့ၣ်ညါဝဲလီၤ. ဒီးမူးခိၣ်တဂၤ ကိးတလးမူးပိာ်ခွါ, ¹⁰ ဒီးစံးဘၣ်အီၤ, ပှၤခဲလၢာ်ပာ်လီၤ ဆိစပံးထံလၢအဂ့ၤ, ဒီးတုၤပှၤအီဘျဲးအီဝဲဒီးလၢအဘျါ တမံၤလီၤ. မ့မ့ၢ်နဲဒၣ်အံၤ, နပာ်ပာ်စပံးထံလၢအဂ့ၤတုၤ ခဲကနံၣ်အံၤလံ. ¹¹ ယ့ၣ်ရှူးမၤတၢ်လီၤလးအခီၣ်ထံးအံၤ, လၢကၤနါဘၣ်ဃးဒီးကၤလံၤလါ, ဒီးလီၣ်ဖျါထီၣ်အလၤ အကပီၤ, ဒီးအပျဲၢ်အဘီၣ်နာ်အီၤလီၤ.

¹² လၢခံက့ၤဒီးလဲၤလီၤဝဲဆူကပ့းရနီၣ်, အကစၢ်ဒၣ်ဝဲဒီး အမိၢ်ဒီးအဒီပုၢ်ဝဲၢ်တဖၣ် ဒီးအပျဲၢ်အဘီၣ်တဖၣ်, ဒီးတ အိၣ်ဘၣ်ဖဲန့ၣ်အါနံၤအါသီဘၣ်.

¹³ ဒီးပှၤယူဒၤဖိ အဘူၣ်လဲၤကပာ်ဘူးထီၣ်, ဒီးယ့ၣ်ရှူး လဲၤထီၣ်ဆူယရူၤၡလ့ၣ်လီၤ. ¹⁴ ဒီးထံၣ်န့ၢ်ပှၤဆါဂီၤဖံး, ဒီး သိဒီးထိၣ်လွံၢ်, ဒီးပှၤတိာ်လီၤစ့သ့ၣ်တဖၣ်ဆ့ၣ်နီၤဝဲလၢ တၢ်လုၢ်ဟံၣ်အပူၤလီၤ. ¹⁵ ဒီးမၤနီၣ်ဖျ့လၢပျံၤဖိဒီးဟီထီၣ် ကွံာ်ပှၤခဲလၢာ်, ဒီးသိ, ဒီးဂီၤဖံးလီၤ. ဒီးဂၢ်လီၤကွံာ်ပှၤ တိာ်လီၤစ့တဖၣ်အစ့, ဒီးမၤကဒါကွံာ်အစ့အလီၢ်, ¹⁶ ဒီး စံးဘၣ်ပှၤလၢအဆါထိၣ်လွံၢ်န့ၣ်, က့ၤစိာ်ကွံာ်တၢ်တဖၣ် အံၤတက့ၢ်. ယပၢ်အဟံၣ်န့ၣ်, သုသုတမၤအီၤလၢပနံာ် တၢ်ကၤအဟံၣ်တဂ့ၤ. ¹⁷ ဒီးအပျဲၢ်အဘီၣ်သ့ၣ်နီၣ်ထီၣ်က့ၤ လၢတၢ်ကွဲးအသး, ယသးဆူၣ်လၢနဟံၣ်အဂီၢ်န့ၣ်အီၣ် ကွံာ်လံယၤလံ.+ စံး. ၆၉း၉|Ps.69.9

¹⁸ မၤသးဒ်န့ၣ်ဒီး ပှၤယူဒၤဖိကတိၤဆၢတၢ် ဒီးစံးဘၣ် အီၤ, မ့ၢ်နမၤတၢ်တဖၣ်န့ၣ်ဒီး, နဒုးနဲၣ်ပှၤလၢတၢ်ပနီၣ် လီၤလးမနုၤတမံၤလဲၣ်. ¹⁹ ယ့ၣ်ရှူးကတိၤဆၢတၢ်ဒီး စံး ဘၣ်အီၤ, ဃီၢ်လီၤကွံာ်တၢ်လုၢ်အဟံၣ်အံၤတက့ၢ်. ဒီး လၢသၢနံၤအတီၢ်ပူၤန့ၣ်, ယကဒုးဂဲၤဆၢထၢၣ်က့ၤအီၤ လီၤ. ²⁰ မၤသးဒ်န့ၣ်ဒီး, ပှၤယူဒၤဖိစံးဝဲဒၣ်, တၢ်လုၢ်အ ဟံၣ်အံၤ, ပှၤသူၣ်ဝဲလွံၢ်ဆံဃုနံၣ်ညါ, ဒီးလၢသၢနံၤအတီၢ် ပူၤန့ၣ်, နကဒုးဂဲၤဆၢထၢၣ်က့ၤအီၤဧါ. ²¹ ဘၣ်ဆၣ်ဒီးအ ဝဲဒၣ်ကတိၤတၢ်လၢတၢ်လုၢ်အဟံၣ်ဘၣ်ဃးဒီးအနီၢ်ခိအ ဂ့ၢ်လီၤ. ²² မၤသးဒ်န့ၣ်ဒီးတုၤအဂဲၤဆၢထၢၣ်က့ၤလၢတၢ် သံန့ၣ်ဒီး, အပျဲၢ်အဘီၣ်သ့ၣ်နီၣ်ထီၣ်က့ၤ လၢအစံးတၢ် န့ၣ်, ဒီးနာ်က့ၤတၢ်ကွဲးအသးဒီးယ့ၣ်ရှူးအကလုၢ်လၢအ စံးတၢ်န့ၣ်လီၤ.

²³ ဒီးဖဲယ့ၣ်ရှူးအိၣ်လၢယရူၤၡလ့ၣ် လၢဘူၣ်လဲၤကပာ် အဖၢမုၢ်န့ၣ်, ပှၤထံၣ်အတၢ်လီၤလးလၢအမၤဝဲ, ဒီးပှၤ အါဂၤစူၢ်က့ၤနာ်က့ၤအမံၤလီၤ. ²⁴ ဘၣ်ဆၣ်ဒီးယ့ၣ်ရှူးတ သန့ၤအသးလၢအီၤဘၣ်. အဂ့ၢ်ဒ်အံၤ, သ့ၣ်ညါတၢ်ခဲ လၢာ်, ²⁵ ဒီးပှၤအုၣ်အသးလၢပှၤကညီအဂ့ၢ်အကျိၤအလီၢ် တအိၣ်ဘၣ်. အဂ့ၢ်ဒ်အံၤ, တၢ်အိၣ်လၢပှၤကညီအပူၤန့ၣ် သ့ၣ်ညါဒၣ်ဝဲလီၤ.

၃

¹ ဒီးပှၤကညီတဂၤဘၣ်ဃးဒီးပှၤဖၤရံၤၡဲအကျါ, အမံၤ စီၤနံၤကဒ့မူး, ပှၤယူဒၤဖိအပဒိၣ်, အိၣ်ဝဲတဂၤလီၤ. ² အဝဲ ဒၣ်ဟဲဆူယ့ၣ်ရှူးအအိၣ် လၢမုၢ်နၤဒီးစံးဘၣ်အီၤ, ရၤဘံ ဧၢ, ပသ့ၣ်ညါလၢနမ့ၢ်သရၣ် လၢအဟဲလီၤလၢယွၤအ အိၣ်လီၤ. အဂ့ၢ်ဒ်အံၤ, တၢ်လီၤလးလၢနမၤန့ၣ်, ယွၤမ့ၢ် တအိၣ်ဘၣ်ဒီးအီၤဘၣ်ဒီး, ပှၤမၤတသ့ဘၣ်နီတဂၤဘၣ်.

³ ယ့ၣ်ရှူးကတိၤဆၢတၢ် ဒီးစံးဘၣ်အီၤ, ယစံးဘၣ်တဲ ဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ် ဒီး, ထံၣ်ယွၤအဘီအမုၢ်တသ့ဘၣ်. ⁴ စီၤနံၤကဒ့မူးစံးဘၣ် အီၤ, ပှၤလၢအသးပှၢ်တ့ၢ်န့ၣ်, အိၣ်ဖျဲၣ်ကသ့ဒ်လဲၣ်. နုာ်ဝဲ လၢအမိၢ်အဟၢဖၢပူၤခံစုတစု, ဒီးအိၣ်ဖျဲၣ်ဘၣ်ကသ့ဧါ.

⁵ ယ့ၣ်ရှူးကတိၤဆၢဝဲ, ယစံးဘၣ်တဲဘၣ်နၤ တီတီလိၤ လိၤ, ပှၤမ့ၢ်တအိၣ်ဖျဲၣ်ဘၣ်လၢထံဒီးသးန့ၣ်ဘၣ်ဒီး, လဲၤ နုာ်ဆူယွၤအဘီအမုၢ်တသ့ဘၣ်. ⁶ တၢ်အိၣ်ဖျဲၣ်လၢတၢ် ညၣ်, မ့ၢ်တၢ်ညၣ်, ဒီးတၢ်အိၣ်ဖျဲၣ်လၢသးမ့ၢ်သးလီၤ.―

⁷ မ့ၢ်ယစံးဘၣ်နၤလၢသုဘၣ်အိၣ်ဖျဲၣ်ကဒီးတစုဒီး, သုတ ကမၢကမၣ်တဂ့ၤ.

⁸ ကလံၤန့ၣ်, ဖဲဒၣ်အသးဒီး, အူဝဲတပူၤပူၤ, ဒီးနနၢ်ဟူ အသီၣ်, မ့မ့ၢ်အဟဲလၢလဲၣ်လၢလဲၣ်, ဒီးအလဲၤဆူလဲၣ် ဆူလဲၣ်န့ၣ်, နတသ့ၣ်ညါဘၣ်. ကယဲၢ်ပှၤအိၣ်ဖျဲၣ်ဝဲလၢ သးန့ၣ်, မၤအသးဒ်န့ၣ်အသိးကိးဂၤဒဲးလီၤ.

⁹ စီၤနံၤကဒ့မူးကတိၤဆၢတၢ်ဒီးစံးဘၣ်အီၤ, တၢ်န့ၣ်တ ဖၣ်မၤအသးကသ့ဒ်လဲၣ်. ¹⁰ ယ့ၣ်ရှူးကတိၤဆၢတၢ်ဒီးစံး ဘၣ်အီၤ, နဲဒၣ်အံၤ, နမ့ၢ်မးသရၣ်လၢအံၣ်စရ့လးအပူၤ ဒီး, တၢ်တဖၣ်အံၤနတသ့ၣ်ညါဘၣ်ဧါ. ¹¹ ယစံးဘၣ်တဲ ဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ, ဒီးပ အုၣ်ပသးလၢတၢ်လၢပထံၣ်, ဒီးသုတဟံးန့ၢ်ဘၣ်ပတၢ် အုၣ်ပသးန့ၣ်ဘၣ်. ¹² တၢ်အိၣ်လၢဟီၣ်ခိၣ်ယစံးဘၣ်သု ဒီး, သုမ့ၢ်တနာ်ဘၣ်ဒီး, တၢ်အိၣ်လၢမူခိၣ်န့ၣ်, ယမ့ၢ်စံး ဘၣ်သုဒီး, သုကနာ်ဒ်လဲၣ်. ¹³ ဒီးပှၤတလဲၤထီၣ်ဘၣ်ဆူမူ ခိၣ်နီတဂၤဘၣ်, လဲၤထီၣ်ထဲပှၤလၢအဟဲလီၤလၢမူခိၣ်, ပှၤကညီဖိခွါလၢအအိၣ်ဝဲလၢမူခိၣ်တဂၤအံၤလီၤ. ¹⁴ ဒီးဒ် စီၤမိၤရှ့ယူာ်ထီၣ်ဂုၢ်လၢပှၢ်မုၢ်ကနၢအသိးန့ၣ်, ပှၤကညီဖိ ခွါအံၤကဘၣ်တၢ်ယူာ်ထီၣ်အီၤဒ်န့ၣ်အသိး, ¹⁵ ဒ်သိးက ယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ်, ကန့ၢ် ဘၣ်တၢ်မူလီၤထူလီၤယိာ်လၢအီၤလီၤ. ¹⁶ အဂ့ၢ်ဒ်အံၤ, ယွၤ အဲၣ်ဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢ အစူၢ်က့ၤနာ်က့ၤအီၤ တဂၤလၢ်လၢ် န့ၣ်, အသုတဟးဂီၤတဂ့ၤဒီး, ကန့ၢ်ဘၣ်တၢ်မူအထူအ ယိာ်လီၤ. ¹⁷ အဂ့ၢ်ဒ်အံၤ, တမ့ၢ်ဘၣ်ယွၤမၢလီၤအဖိခွါဆူ ဟီၣ်ခိၣ်အံၤဒ်သိးအကစံၣ်ညီၣ်ဟီၣ်ခိၣ်ဖိဘၣ်. မ့ၢ်ဒ်သိး ဟီၣ်ခိၣ်ဖိကဘၣ်တၢ်အုၣ်က့ၤခီၣ်က့ၤလၢအီၤလီၤ. ¹⁸ ပှၤ လၢအစူၢ်က့ၤနာ်က့ၤအီၤန့ၣ်, တဘၣ်ဘၣ်တၢ်စံၣ်ညီၣ် ဘၣ်. မ့မ့ၢ်ပှၤလၢအတစူၢ်တနာ်အီၤန့ၣ်, ဘၣ်တၢ်စံၣ်ညီၣ် ခဲကနံၣ်အံၤလီၤ. အဂ့ၢ်ဒ်အံၤ, တနာ်ဘၣ်ယွၤအဖိခွါတ ဂၤဃီအမံၤဘၣ်လီၤ. ¹⁹ ဒီးတၢ်စံၣ်ညီၣ်မ့ၢ်အအံၤ, တၢ်က ပီၤဟဲလီၤလၢဟီၣ်ခိၣ်, ဒီးပှၤကညီအဲၣ်တၢ်ခံးအါန့ၢ်တၢ် ကပီၤတက့ၢ်လီၤ. အဂ့ၢ်ဒ်အံၤ, အတၢ်မၤမ့ၢ်အအၢအသီ လီၤ. ²⁰ အဂ့ၢ်ဒ်အံၤ, ကယဲၢ်ပှၤလၢအမၤတၢ်အၢတၢ်သီ တဂၤလၢ်လၢ်န့ၣ်, သးဟ့တၢ်ကပီၤ, ဒီးဒ်သိးအတၢ်မၤ သုတဘၣ်တၢ်သိၣ်ဃီၣ်တဂ့ၤဒီး, တဟဲဘၣ်ဆူတၢ်က ပီၤအအိၣ်ဘၣ်. ²¹ မ့မ့ၢ်ပှၤလၢအမၤတၢ်မ့ၢ်တၢ်တီန့ၣ်, ဒ် သိးအတၢ်ကမၤကအိၣ်ဖျါ လၢအမၤဝဲလၢယွၤအပူၤဒီး, ဟဲဝဲဆူတၢ်ကပီၤအအိၣ်လီၤ.

²² တၢ်န့ၣ်တဖၣ်အလီၢ်ခံဒီး, ယ့ၣ်ရှူးလဲၤဒီးအပျဲၢ်အဘီၣ် ဆူယူဒၤအကီၢ်ပူၤ, ဒီးအိၣ်ဝဲဒီးအီၤဖဲန့ၣ်, ဒီးဘျၢ*တၢ် လီၤ. ²³ ဒီးစီၤယိၤဟၣ်ဘျၢ*တၢ်လၢအဲၤနိၣ်ဘူးဒီးၡၤလ့ၣ် လီၤ. အဂ့ၢ်ဒ်အံၤ, ထံအါဖဲန့ၣ်လီၤ. ဒီးပှၤဟဲဒီးဒိးဘျၢ* အသးလီၤ. ²⁴ အဂ့ၢ်ဒ်အံၤ, စီၤယိၤဟၣ်တဘၣ်ဒံးဘၣ်တၢ် တ့ၢ်လီၤအီၤဆူဃိာ်ပူၤဘၣ်.

²⁵ မၤသးဒ်န့ၣ်ဒီး စီၤယိၤဟၣ်အပျဲၢ်အဘီၣ် ဒီးပှၤယူဒၤ ဖိတဂၤတဲးလိာ်ဃိလိာ်အသး လၢတၢ်မၤကဆှီအလုၢ် အလၢ်အဂ့ၢ်န့ၣ်လီၤ. ²⁶ ဒီးဟဲဝဲဆူစီၤယိၤဟၣ်အအိၣ်ဒီး စံးဘၣ်အီၤ, ရၤဘံဧၢ, ကွၢ်ကွၢ်, ပှၤအိၣ်ဒီးနၤလၢယၢ် ဒ့ၣ်ဝၢ်ဘးခီ, လၢနအုၣ်နသးလၢအဂ့ၢ်တဂၤန့ၣ်, ဘျၢ* တၢ်, ဒီးပှၤခဲလၢာ်ဟဲဆူအအိၣ်လီၤ.

²⁷ ဒီးစီၤယိၤဟၣ် ကတိၤဆၢတၢ်ဒီးစံးဝဲဒၣ်, တၢ်မ့ၢ်တ ဟ့ၣ်လီၤအတၢ်လၢမူခိၣ်ဘၣ်ဒီး, ပှၤကညီန့ၢ်ဘၣ်တၢ်တ သ့နီတမံၤဘၣ်, ²⁸ သုကအုၣ်သုးသးလၢသုကစၢ်ဒၣ်သု ဝဲလၢယစံး, ယဲဒၣ်အံၤ, ယတမ့ၢ်ဘၣ်ခရံာ်ဘၣ်. မ့ၢ်လၢ တၢ်မၢယဟဲလၢအမဲာ်ညါလီၤ. ²⁹ ပှၤလၢအအိၣ်ဒီးတလး မူးပိာ်မုၣ်န့ၣ်, မ့ၢ်တလးမူးပိာ်ခွါလီၤ. ဘၣ်ဆၣ်ဒီးတလး မူးပိာ်ခွါအတံၤအသကိး လၢအဆၢထၢၣ်, ဒီးနၢ်ဟူတ လးမူးပိာ်ခွါအကလုၢ်န့ၣ်, သးခုဒိၣ်မးလီၤ. မၤသးဒ်န့ၣ် ဒီးယတၢ်သးခုအံၤ လၢထီၣ်ပှဲၤထီၣ်လီၤ. ³⁰ အဝဲဒၣ်န့ၣ် ဘၣ်အါထီၣ်လီၤ. မ့မ့ၢ်ယဲဒၣ်အံၤ, ယဘၣ်စှၤလီၤလီၤ.―

³¹ ပှၤဟဲလီၤဝဲလၢထးန့ၣ်, အိၣ်လၢတၢ်ခဲလၢာ်အဖီခိၣ်လီၤ. ပှၤဟဲလၢဟီၣ်ခိၣ်, မ့ၢ်အဘၣ်ဃးဒီးဟီၣ်ခိၣ်, ဒီးကတိၤ တၢ်ဘၣ်ဃးဒီးဟီၣ်ခိၣ်လီၤ. ပှၤဟဲလီၤဝဲလၢမူခိၣ်, အိၣ် ဝဲလၢတၢ်ခဲလၢာ်အဖီခိၣ်လီၤ. ³² ဒီးဖဲဒၣ်အထံၣ်ဒီးနၢ်ဟူ ဝဲန့ၣ်, မ့ၢ်အအုၣ်အသးလၢအဂ့ၢ်, ဒီးအတၢ်အုၣ်အသး န့ၣ်, ပှၤတတူၢ်လိာ်ဘၣ်နီတဂၤဘၣ်. ³³ ပှၤလၢအတူၢ် လိာ်အတၢ်အုၣ်အသးန့ၣ်, မ့ၢ်အစဲပနီၣ်ဃာ်ဝဲလၢယွၤမ့ၢ် အမ့ၢ်အတီလီၤ. ³⁴ အဂ့ၢ်ဒ်အံၤ, ပှၤလၢယွၤမၢလီၤအီၤတ ဂၤန့ၣ်, စံၣ်တဲၤတဲလီၤယွၤအကလုၢ်အကထါလီၤ. အ ဂ့ၢ်ဒ်အံၤ, ယွၤဟ့ၣ်လီၤအီၤလၢသးန့ၣ်ဒီးတဃီၣ်နီၣ်ဘၣ် ဝဲဘၣ်. ³⁵ ပၢ်အဲၣ်ဖိခွါ, ဒီးဟ့ၣ်လီၤလံတၢ်ခဲလၢာ်လၢအစု ပူၤလံ. ³⁶ ပှၤလၢအစူၢ်က့ၤနာ်က့ၤဖိခွါန့ၣ်, အိၣ်ဒီးတၢ်မူ အထူအယိာ်လီၤ. မ့မ့ၢ်ပှၤလၢအတစူၢ်တနာ်ဘၣ်န့ၣ်, တထံၣ်ဘၣ်တၢ်မူဘၣ်. မ့ၢ်ယွၤအတၢ်သးဒိၣ်န့ၣ်အိၣ်ဝဲ ဆိးဝဲလၢအလိၤလီၤ.

၄

¹ မၤသးဒ်န့ၣ်ဒီးတုၤကစၢ်သ့ၣ်ညါလၢ ပှၤဖၤရံၤၡဲနၢ်ဟူ လၢယ့ၣ်ရှူးဒုးကဲထီၣ်အပျဲၢ်အဘီၣ်ဒီး ဘျၢ*တၢ်အါန့ၢ်စီၤ ယိၤဟၣ်, ² (ဘၣ်ဆၣ်ဒီး, တမ့ၢ်ဘၣ်ယ့ၣ်ရှူးအကစၢ်ဒၣ် ဝဲဘျၢ*တၢ်ဘၣ်, မ့ၢ်အပျဲၢ်အဘီၣ်)ဒီး, ³ ဟးထီၣ်လၢကီၢ် ယူဒၤ, ဒီးလဲၤကဒီးဝဲဆူကၤလံၤလါလီၤ. ⁴ ဒီးဘၣ်လဲၤ ခီဂာ်ကီၢ်ၡၤမရံလီၤ. ⁵ မၤသးဒ်န့ၣ်ဒီးလဲၤဆူဝ့ၢ်တဖျၢၣ် ကိးဝဲလၢစံဃၢ်, အိၣ်လၢၡၤမရံ, ဘူးဒီးဟီၣ်ခိၣ်အကဝီၤ လၢစီၤယၤကိာ်ဟ့ၣ်လီၤအဖိခွါ စီၤယိၤသးလီၤ. ⁶ ဒီးစီၤ ယၤကိာ်အထံပူၤအိၣ်ဖဲန့ၣ်လီၤ. မၤသးဒ်န့ၣ်ဒီးယ့ၣ်ရှူး လဲၤတၢ်သတးဒီး, တၢ်ဘှံးအသး, ဒီးဆ့ၣ်နီၤဝဲဖဲထံပူၤ အဃၢၤဒ်န့ၣ်လီၤ. ဒီးဘၣ်ဃုနၣ်ရံၣ်ဃၣ်ဃၣ်လီၤ.

⁷ ဒီးပှၤၡၤမရံမုၣ်တဂၤ ဟဲဒၢၣ်ထံလီၤ. ယ့ၣ်ရှူးစံးဘၣ် အီၤ, ဟ့ၣ်အီယၤလၢထံတက့ၢ်. ⁸ အဂ့ၢ်ဒ်အံၤ, အပျဲၢ်အ ဘီၣ်တဖၣ်လဲၤလံဆူဝ့ၢ်ပူၤ ဒ်သိးအကပှ့ၤတၢ်အီၣ်လီၤ.―

⁹ မၤသးဒ်န့ၣ်ဒီး, ပှၤၡၤမရံမုၣ်စံးဘၣ်အီၤ, နဲဒၣ်အံၤနမ့ၢ်ပှၤ ယူဒၤဖိဒီးနဃ့အီထံလၢယၤ, ပှၤၡၤမရံမုၣ်အံၤ, ဘၣ်မနုၤ လဲၣ်. အဂ့ၢ်ဒ်အံၤ, ပှၤယူဒၤဖိဒီးပှၤၡၤမရံဖိ, တရ့လိာ် ဘၣ်အသးဘၣ်. ¹⁰ ယ့ၣ်ရှူးကတိၤဆၢတၢ်ဒီးစံးဘၣ်အီၤ, နမ့ၢ်သ့ၣ်ညါယွၤအတၢ်ဟ့ၣ်, ဒီးပှၤလၢအစံးဘၣ်နၤ, ဟ့ၣ် အီယၤလၢထံတက့ၢ်တဂၤန့ၣ်ဒီး, နကဃ့တ့ၢ်တၢ်လၢ အီၤ, ဒီးကဟ့ၣ်တ့ၢ်နၤလၢထံမူလီၤ. ¹¹ ပိာ်မုၣ်စံးဘၣ်အီၤ, ကစၢ်ဧၢ, နဒၢၣ်ထံန့ၣ်နတၢ်တအိၣ်ဘၣ်, ဒီးထံပူၤယိာ် မးလီၤ. မၤသးဒ်န့ၣ်ဒီး, နအိၣ်ဒီးထံမူဒ်လဲၣ်. ¹² မ့ၢ်နဒိၣ်န့ၢ် ပပၢ်စီၤယၤကိာ်လၢအဟ့ၣ်ပှၤလၢထံပူၤ, ဒီးအကစၢ်ပှၢ် ဒၣ်ဝဲ, ဒီးအဖိအလံၤ, ဒီးအဆၣ်ဖိကီၢ်ဖိသ့ၣ်တဖၣ်န့ၣ်, အီတၢ်လၢအပူၤအံၤ, တက့ၢ်ဧါ. ¹³ ယ့ၣ်ရှူးကတိၤဆၢတၢ် ဒီးစံးဘၣ်အီၤ, ကယဲၢ်ပှၤလၢအအီထံအံၤတဂၤလၢ်လၢ် န့ၣ်တၢ်ကသူကဒီးအသးလၢထံလီၤ. ¹⁴ မ့မ့ၢ်ဖဲဒၣ်ပှၤလၢ အအီထံလၢယကဟ့ၣ်အီၤတဂၤဂၤန့ၣ်, တၢ်တသူလၢၤ ဘၣ်အသးလၢထံနီတခီၣ်ဘၣ်, မ့မ့ၢ်ထံလၢယဟ့ၣ်အီၤ န့ၣ်, ကကဲထီၣ်လၢထံထီၣ်ပၢၢ်လၢအပူၤ, ဒီးကထီၣ်ဘး ဆူတၢ်မူလီၤထူလီၤယိာ်လီၤ. ¹⁵ ပိာ်မုၣ်စံးဘၣ်အီၤ, က စၢ်ဧၢ, ဒ်သိးတၢ်သုတသူယသးလၢထံဒီး ယသုတဟဲ ဒၢၣ်ထံဖဲအံၤတဂ့ၤဒီး, ဟ့ၣ်ယၤလၢထံအဝဲန့ၣ်တက့ၢ်.

¹⁶ ယ့ၣ်ရှူးစံးဘၣ်အီၤ, က့ၤကိးန့ၢ်နဝၤ, ဒီးဟဲက့ၤဖဲအံၤ တက့ၢ်. ¹⁷ ပိာ်မုၣ်ကတိၤဆၢတၢ်ဒီးစံးဝဲဒၣ်, ယဝၤတအိၣ် ဘၣ်. ယ့ၣ်ရှူးစံးဘၣ်အီၤ, နစံးတၢ်လၢနဝၤတအိၣ်ဘၣ် န့ၣ်ဘၣ်လံ. ¹⁸ အဂ့ၢ်ဒ်အံၤ, နဝၤအိၣ်တ့ၢ်လံယဲၢ်ဆီလံ. ဒီးပှၤလၢနအိၣ်ဒီးအီၤခဲကနံၣ်အံၤတဂၤန့ၣ် တမ့ၢ်ဘၣ်န ဝၤဘၣ်. နစံးတၢ်န့ၣ်မ့ၢ်လံတီလံ.

¹⁹ ပိာ်မုၣ်စံးဘၣ်အီၤ, ကစၢ်ဧၢ, ယထံၣ်လၢနမ့ၢ်ဝံတဂၤ လီၤ. ²⁰ ပပၢ်သ့ၣ်ဘူၣ်ထီၣ်ဘါထီၣ်တၢ်ဖဲကစၢၢ်အံၤအလိၤ လီၤ. ဒီးသုစံးလၢပဘၣ်ဘါတၢ်အလီၢ်န့ၣ်, မ့ၢ်ယရူၤၡ လ့ၣ်လီၤ. ²¹ ယ့ၣ်ရှူးစံးဘၣ်အီၤ, နီၢ်ဧၢ, နာ်ယၤတက့ၢ်. အဆၢကတီၢ်ဘၣ်ဝဲလၢ ကစၢၢ်အံၤမ့ၢ်ဂ့ၤ, လၢယရူၤၡ လ့ၣ်မ့ၢ်ဂ့ၤ, သုတဘါထီၣ်ဘၣ်ပၢ်ဘၣ်. ²² သုဝဲသ့ၣ်အံၤ, သုဘူၣ်ထီၣ်ဘါထီၣ်တၢ်လၢသုတသ့ၣ်ညါဘၣ်. ပဝဲဒၣ် အံၤ, ပဘူၣ်ထီၣ်ဘါထီၣ်တၢ်လၢပသ့ၣ်ညါလီၤ. အဂ့ၢ် ဒ်အံၤ, တၢ်အုၣ်က့ၤခီၣ်က့ၤန့ၣ်ဟဲထီၣ်လၢပှၤယူဒၤဖိအ ပူၤလီၤ. ²³ မ့မ့ၢ်အဆၢအကတီၢ်ဘၣ်ဝဲ, ဒီးဘၣ်ခဲကနံၣ် အံၤ, ဖဲပှၤဘါတၢ်နီၢ်နီၢ်တဖၣ်န့ၣ်, ကဘူၣ်ထီၣ်ဘါထီၣ် ပၢ်လၢသူၣ်လၢသး, ဒီးလၢတၢ်မ့ၢ်တၢ်တီလီၤ. အဂ့ၢ်ဒ် အံၤ, ပၢ်ဃုပှၤလၢအဘူၣ်ထီၣ်ဘါထီၣ်အီၤဒ်န့ၣ်အသိးတ ဖၣ်လီၤ. ²⁴ ယွၤမ့ၢ်သူၣ်မ့ၢ်သးလီၤ. ဒီးပှၤလၢအဘူၣ်ထီၣ် ဘါထီၣ်အီၤတဖၣ်န့ၣ်, ဘၣ်ဘူၣ်ထီၣ်ဘါထီၣ်လၢသူၣ် လၢသးဒီးတၢ်မ့ၢ်တၢ်တီလီၤ.

²⁵ ပိာ်မုၣ်န့ၣ်စံးဘၣ်အီၤ, ယသ့ၣ်ညါလၢမ့းၡံအၤဟဲဝဲ, (လၢပှၤကိးဝဲလၢခရံာ်န့ၣ်), တုၤအဟဲတုၤဝဲဒီး, ကစံး ဘၣ်တဲဘၣ်ပှၤလၢတၢ်ခဲလၢာ်လီၤ. ²⁶ ယ့ၣ်ရှူးစံးဘၣ်အီၤ, ပှၤလၢအကတိၤတၢ်ဒီးနၤ, ယၤအံၤ, မ့ၢ်အဝဲဒၣ်န့ၣ်လီၤ.― ²⁷ တုၤနုၤတစု အပျဲၢ်အဘီၣ်ဟဲက့ၤတုၤဝဲဒီး, မ့ၢ်အကတိၤလိာ်အသးဒီးပိာ်မုၣ်န့ၣ်ဒီး, ကမၢကမၣ်ဝဲ တကူၢ်သ့ၣ်လီၤ. ဘၣ်ဆၣ်ဒီးနဃုန့ၢ်မနုၤလဲၣ်, နကတိၤလိာ်နသးဒီးအီၤဘၣ်မနုၤလဲၣ်န့ၣ်, ပှၤတစံးဘၣ်ဝဲနီတဂၤဘၣ်.―

²⁸ မၤသးဒ်န့ၣ်ဒီး, ပိာ်မုၣ်ပာ်လီၤတဲာ်အသပၢၤထံ, ဒီးက့ၤ က့ၤဆူဝ့ၢ်ပူၤ, ဒီးစံးဘၣ်ပှၤကညီ, ²⁹ ဟဲကွၢ်ပှၤတဂၤလၢ အစံးဘၣ်တဲဘၣ်ယၤလၢ ကယဲၢ်တၢ်လၢယမၤတ့ၢ်တ မံၤလၢ်လၢ်န့ၣ်တက့ၢ်. အဝဲဒၣ်န့ၣ်မ့ၢ်ခရံာ်တမ့ၢ်ဘၣ်ဧါ.―

³⁰ မၤသးဒ်န့ၣ်ဒီး ပှၤတဖၣ်န့ၣ်ဟဲထီၣ်လၢဝ့ၢ်ပူၤ, ဒီးလဲၤဆူ အအိၣ်လီၤ.

³¹ ဖဲန့ၣ်အဖၢမုၢ်, အပျဲၢ်အဘီၣ်ဃ့ကညးအီၤဒီးစံးဝဲဒၣ်, ရၤဘံဧၢ, အီၣ်တၢ်တက့ၢ်, ³² ဒီးအဝဲဒၣ်စံးဘၣ်အီၤ, ယ တၢ်အီၣ်လၢ သုတသ့ၣ်ညါဘၣ်န့ၣ်အိၣ်ဝဲလီၤ. ³³ မၤ သးဒ်န့ၣ်ဒီး အပျဲၢ်အဘီၣ်စံးလိာ်အသး, မ့ၢ်ပှၤဟဲဟ့ၣ် အီၣ်တ့ၢ်အတၢ်တဂၤဂၤဧါ. ³⁴ ယ့ၣ်ရှူးစံးဘၣ်အီၤ, ယတၢ် အီၣ်မ့ၢ်လၢယကမၤတၢ်ဖဲပှၤလၢအမၢလီၤယၤ တဂၤန့ၣ် အသး, ဒီးမၤအတၢ်မၤတုၤအဝံၤဝဲန့ၣ်လီၤ. ³⁵ သုစံးသုဝဲ, အိၣ်ဒံးလွံၢ်လါဒီးကဘၣ်ကူးတၢ်အကတီၢ်တမ့ၢ်ဘၣ်ဧါ. ကွၢ်ကွၢ်, ယစံးဘၣ်သု, ကျ့ထီၣ်သုမဲာ်ဒီးကွၢ်စံာ်ဧိၤပှဲၤဧိၤ တက့ၢ်. အဂ့ၢ်ဒ်အံၤ, ခဲကနံၣ်အံၤဒၣ်လဲာ်, ဘုဂီၤလံလၢ တၢ်ကူးအဂီၢ်လံ. ³⁶ ဒီးပှၤလၢအကူးတၢ်န့ၣ်, န့ၢ်ဘၣ်အ ဘူးအလဲ, ဒီးဂၢ်ဖှိၣ်အတၤသူၣ်တၤသၣ်လၢတၢ်မူလီၤထူ လီၤယိာ်အဂီၢ်, ဒ်သိးပှၤလၢအဖှံတၢ်ဒီးပှၤလၢအကူးတၢ် န့ၣ်, အသးကခုဝဲခံဂၤလၢာ်လီၤ. ³⁷ အဂ့ၢ်ဒ်အံၤ, တၢ်က တိၤတဘီအံၤ, ပှၤဖှံတၢ်မ့ၢ်တဂၤဒီးပှၤကူးတၢ်မ့ၢ်တဂၤဒၣ် န့ၣ်, မ့ၢ်တၢ်အမ့ၢ်အတီလီၤ. ³⁸ ယမၢသုလဲၤကူးတၢ်လၢ သုတမၤဘၣ်အလီၢ်ဘၣ်လီၤ. ပှၤဂၤတဖၣ်န့ၣ်မၤတၢ်, ဒီး သုလဲၤနုာ်လၢအဝဲသ့ၣ်အတၢ်မၤအပူၤလီၤ. ³⁹ ဒီးပိာ်မုၣ်အုၣ်အသးလၢအဝဲဒၣ်စံးဘၣ်ယၤလၢ ယမၤတ့ၢ်တၢ်တမံၤလၢ်လၢ်, အတၢ်ကတိၤအဃိဒီး, ပှၤလၢဝ့ၢ်တဖျၢၣ်န့ၣ် ပှၤၡၤမရံဖိအါဂၤစူၢ်က့ၤနာ်က့ၤအီၤလီၤ.―

⁴⁰ မၤသးဒ်န့ၣ်ဒီး တုၤပှၤၡၤမရံဖိတဖၣ်ဟဲဆူအအိၣ်ဒီး, ဃ့ ကညးအီၤဒ်သိးအကအိၣ်ဒီးအီၤလီၤ. ဒီးအိၣ်ဖဲန့ၣ်ခံသီ လီၤ. ⁴¹ ဒီးမ့ၢ်အကလုၢ်အကထါဒၣ်ဝဲအဃိဒီး, ပှၤစူၢ်က့ၤ နာ်က့ၤအါထီၣ်အါဂၤလီၤ. ⁴² ဒီးစံးဘၣ်ပိာ်မုၣ်, အအံၤနုၤ အံၤ, တမ့ၢ်လၢၤဘၣ်လၢနကလုၢ်အဃိဒီး, ပစူၢ်က့ၤနာ် က့ၤတၢ်န့ၣ်ဘၣ်. အဂ့ၢ်ဒ်အံၤ, ပနၢ်ဟူဒၣ်ပဝဲ, ဒီးပသ့ၣ် ညါနီၢ်နီၢ်လၢပှၤအံၤမ့ၢ် ပှၤအုၣ်က့ၤခီၣ်က့ၤဟီၣ်ခိၣ်, ခရံာ် န့ၣ်လီၤ.

⁴³ ဒီးခံသီအလီၢ်ခံဒီး, ဟးထီၣ်ကွံာ်ဖဲန့ၣ်, ဒီးလဲၤဆူကၤ လံၤလါလီၤ. ⁴⁴ အဂ့ၢ်ဒ်အံၤ, ယ့ၣ်ရှူးအကစၢ်ဒၣ်ဝဲအုၣ်အ သးလၢဝံ, ဖဲအထံအကီၢ်ဒၣ်ဝဲန့ၣ်, အလၤအကပီၤတ အိၣ်ဘၣ်.

⁴⁵ မၤသးဒ်န့ၣ်ဒီး တုၤအလဲၤဆူကၤလံၤလါဒီး, ပှၤကၤ လံၤလါဖိတူၢ်လိာ်အီၤလီၤ. အဂ့ၢ်ဒ်အံၤ, အဝဲသ့ၣ်လဲၤဆူ ဘူၣ်ပူၤလၢယရူၤၡလ့ၣ်, ဒီးထံၣ်ဘၣ်လံအတၢ်မၤခဲလၢာ် လၢဘူၣ်ပူၤလံ. ⁴⁶ မၤသးဒ်န့ၣ်ဒီးယ့ၣ်ရှူးလဲၤကဒီးဆူကၤ နါဘၣ်ဃးဒီးကၤလံၤလါ, ဖဲအမၤကဲထီၣ်ထံလၢစပံးထံ န့ၣ်လီၤ.

⁴⁷ ဒီးပဒိၣ်တဂၤအဖိခွါမၤတကဲဘၣ် အိၣ်လၢကပ့းရနီၣ် လီၤ. အဝဲဒၣ်နၢ်ဟူလၢ ယ့ၣ်ရှူးဟဲလၢကီၢ်ယူဒၤဆူကၤ လံၤလါ, ဒီးလဲၤဆူအအိၣ်, ဒီးဃ့ကညးအီၤဒ်သိးအက ဟဲလီၤမၤဘျါက့ၤအဖိခွါလီၤ. အဂ့ၢ်ဒ်အံၤ, ကသံတ့ၢ် လီၤ. ⁴⁸ မၤသးဒ်န့ၣ်ဒီးယ့ၣ်ရှူးစံးဘၣ်အီၤ, သုမ့ၢ်တထံၣ် ဘၣ်တၢ်ပနီၣ်လီၤလး, ဒီးတၢ်လီၤလိၢ်လီၤလးဘၣ်ဒီး, သု တနာ်ဘၣ်. ⁴⁹ ဒီးပဒိၣ်စံးဘၣ်အီၤ, ကစၢ်ဧၢ, လၢယဖိ တချုးသံဒံးဘၣ်ဒီး, ဟဲလီၤလၢ်တက့ၢ်. ⁵⁰ ယ့ၣ်ရှူးစံးဘၣ် အီၤ, က့ၤက့ၤတက့ၢ်. နဖိခွါမူဝဲလီၤ. ဒီးပှၤတဂၤန့ၣ်နာ် တၢ်ကတိၤလၢယ့ၣ်ရှူးစံးဘၣ်အီၤ, ဒီးက့ၤက့ၤဝဲလီၤ. ⁵¹ ဒီး က့ၤလီၤဝဲအဖၢမုၢ်ဒီး, အခ့အပှၤဟဲသဂၢၢ်အီၤ, ဒီးတဲဘၣ် အီၤ, ဒီးစံးဝဲဒၣ်, နဖိမူဝဲလီၤ. ⁵² မၤသးဒ်န့ၣ်ဒီး, သံကွၢ် အီၤလၢနၣ်ရံၣ်လၢအကိညၢ်ထီၣ်သီဝဲလီၤ. ဒီးစံးဘၣ်အီၤ, မဟါတနံၤ လၢနွံနၣ်ရံၣ်န့ၣ်, အတၢ်ညၣ်ဂိၢ်ဘျါက့ၤဝဲ လီၤ. ⁵³ မၤသးဒ်န့ၣ်ဒီး အပၢ်သ့ၣ်ညါလၢအမ့ၢ်နၣ်ရံၣ်ဖဲ ယ့ၣ်ရှူးစံးဘၣ်အီၤ, နဖိခွါမူဝဲလီၤ. ဒီးအဝဲဒၣ်စူၢ်က့ၤနာ် က့ၤ, ဒီးအပှၤဟံၣ်ဖိဒီဟံၣ်ညါလီၤ. ⁵⁴ ယ့ၣ်ရှူးဟဲလၢကီၢ် ယူဒၤဆူကၤလံၤလါ, ဒီးမၤတၢ်လီၤလးတမံၤအံၤ, မ့ၢ် ကဒီး, ခံမံၤတမံၤလီၤ.

၅

¹ လၢတၢ်တဖၣ်န့ၣ်အလီၢ်ခံဒီး, ဘၣ်လၢပှၤယူဒၤဖိအ ဘူၣ်တဘူၣ်, ဒီးယ့ၣ်ရှူးလဲၤထီၣ်ဆူယရူၤၡလ့ၣ်လီၤ. ² ဒီး နိၣ်လၢယရူၤၡလ့ၣ်အပူၤ, လၢပဲတရီတၤသိအဃၢၤ, ကိး ဝဲအမံၤလၢဧ့ၤဘြံၤအကျိာ်, လၢဘ့ၤသ့းစဒါ, အိၣ်ဒီးတၢ် ခိၣ်ဒုးထီၣ်အသးယဲၢ်ဖျၢၣ်အိၣ်ဝဲတနိၣ်လီၤ. ³ ဒီးပှၤလၢ တၢ်ဆူးတၢ်ဆါအီၤ, ပှၤမဲာ်ဘျီၣ်, ပှၤခီၣ်ဟးဂီၤ, ပှၤဃ့စိၢ် ဃ့ထီ, ဂီၢ်မုၢ်ဖးဒိၣ်အိၣ်လၢအပူၤ, ဒီးကွၢ်လၢ်ထံကဝး ထီၣ်အကျဲလီၤ. ⁴ (အဂ့ၢ်ဒ်အံၤ, ဘၣ်အမုၢ်အလါဒီး, က လူးတဂၤဟဲလီၤဆူနိၣ်ပူၤ, ဒီးမၤဝးထီၣ်ထံလီၤ. မၤသးဒ် န့ၣ်ဒီးထံဝးထီၣ်အလီၢ်ခံန့ၣ်, ပှၤလၢအလဲၤလီၤဆိတဂၤ န့ၣ်) ဖဲဒၣ်တၢ်ဆါလၢအလိၤတမံၤမံၤန့ၣ်, ဘျါက့ၤဝဲ လီၤ. ⁵ ဒီးပှၤလၢတၢ်ဆါတ့ၢ်အီၤသၢဆံဃိးနံၣ်, အိၣ်ဝဲဖဲ န့ၣ်တဂၤလီၤ. ⁶ ယ့ၣ်ရှူးထံၣ်လၢအမံလီၤဝဲ, ဒီးသ့ၣ်ညါ လၢတၢ်ဆါအီၤယံာ်တ့ၢ်ဒီးစံးဘၣ်အီၤ, တၢ်မိၣ်ဘျါက့ၤ နသးဧါ. ⁷ ပှၤဆါတဂၤကတိၤဆၢအီၤ, ကစၢ်ဧၢ, တုၤထံ ဝးထီၣ်ဒီး, ပှၤလၢအကပာ်လီၤယၤလၢနိၣ်ပူၤတအိၣ်ဘၣ် ဒီးယၤဘၣ်, ဒီးယလဲၤလီၤအဖၢမုၢ်ဒီး, ပှၤဂၤလဲၤလီၤဆိဝဲ လၢယမဲာ်ညါလီၤ. ⁸ ယ့ၣ်ရှူးစံးဘၣ်အီၤ, ဂဲၤဆၢထၢၣ် ဟံးန့ၢ်နလီၢ်မံ, ဒီးဟးထီၣ်တက့ၢ်. ⁹ ဒီးဘျါက့ၤဝဲတကီၢ် ခါ, ဒီးဟံးန့ၢ်အလီၢ်မံ, ဒီးဟးထီၣ်ဝဲလီၤ.

¹⁰ ဒီးတၢ်လၢမုၢ်တနံၤန့ၣ်, မ့ၢ်မုၢ်အိၣ်ဘှံးအနံၤလီၤ. မၤ သးဒ်န့ၣ်ဒီးပှၤယူဒၤဖိတဖၣ် စံးဘၣ်ပှၤလၢအဘျါက့ၤတ ဂၤန့ၣ်, မ့ၢ်အိၣ်ဘှံးအနံၤ, ဒီးတဂ့ၤနစိာ်နလီၢ်မံဘၣ်. ¹¹ ဒီး စံးဆၢအီၤ, ပှၤလၢအမၤဘျါက့ၤယၤတဂၤန့ၣ်, အဝဲဒၣ် စံးဘၣ်ယၤ, ဟံးန့ၢ်နလီၢ်မံ, ဒီးဟးထီၣ်တက့ၢ်. ¹² ဒီးအ ဝဲသ့ၣ်သံကွၢ်အီၤ, ပှၤလၢအစံးဘၣ်နၤ, ဟံးန့ၢ်နလီၢ်မံ ဒီးဟးထီၣ်တက့ၢ်န့ၣ်, မ့ၢ်မတၤတဂၤလဲၣ်. ¹³ ဒီးမ့ၢ်မတၤ မတၤန့ၣ်, ပှၤလၢအဘျါက့ၤတဂၤန့ၣ်တသ့ၣ်ညါဘၣ်ဝဲ ဘၣ်. အဂ့ၢ်ဒ်အံၤ, ပှၤဂီၢ်မုၢ်အိၣ်ဖဲန့ၣ်, ဒီးယ့ၣ်ရှူးဟးထီၣ် ဝဲတဖျါဘၣ်လီၤ.

¹⁴ လၢတၢ်တဖၣ်န့ၣ်အလီၢ်ခံဒီး, ယ့ၣ်ရှူးထံၣ်န့ၢ်အီၤလၢ တၢ်လုၢ်အဟံၣ်ပူၤဒီးစံးဘၣ်အီၤ, ကွၢ်ကွၢ်, နအိၣ်ဆူၣ် အိၣ်ချ့လီၤ. ဒ်သိးတၢ်နးန့ၢ်အလီၢ်သုတဘၣ်နၤတဂ့ၤဒီး, သုတမၤလၢၤတၢ်ဒဲးဘးတဂ့ၤ. ¹⁵ ပှၤတဂၤန့ၣ်လဲၤစံးဘၣ် တဲဘၣ်ပှၤယူဒၤဖိ, လၢပှၤမၤဘျါက့ၤအီၤတဂၤန့ၣ်, မ့ၢ် ယ့ၣ်ရှူးလီၤ. ¹⁶ မၤသးဒ်န့ၣ်ဒီး, ပှၤယူဒၤဖိမၤအၢမၤသီ ယ့ၣ်ရှူး, အဂ့ၢ်ဒ်အံၤ, မၤတၢ်န့ၣ်လၢမုၢ်အိၣ်ဘှံးအနံၤလီၤ.―

¹⁷ ဒီးယ့ၣ်ရှူးစံးဆၢအီၤ, ယပၢ်မၤတၢ်တုၤခဲကနံၣ်အံၤ, ဒီး ယမၤစ့ၢ်ကီးယဲဒၣ်လီၤ. ¹⁸ မၤသးဒ်န့ၣ်ဒီးယ့ၣ်ရှူးလုၣ်သ့ၣ် ခါပတာ်မုၢ်အိၣ်ဘှံးအနံၤ, အခိၣ်တလိာ်, စံးဝဲလၢယွၤ မ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤသတးဒီး, ပှၤယူ ဒၤဖိဃုမၤသံအီၤနးန့ၢ်အလီၢ်တက့ၢ်လီၤ.

¹⁹ မၤသးဒ်န့ၣ်ဒီး, ယ့ၣ်ရှူးကတိၤဆၢတၢ်ဒီးစံးဘၣ်အီၤ, ယစံးဘၣ်တဲဘၣ်သုတီတီလိၤလိၤ, ဖိခွါမၤဒၣ်တၢ်တသ့ ဘၣ်နီတမံၤဘၣ်. မၤဝဲသ့ထဲတၢ်လၢအထံၣ်လၢပၢ်မၤန့ၣ် လီၤ. အဂ့ၢ်ဒ်အံၤ, ဖဲဒၣ်ပၢ်မၤတၢ်တမံၤလၢ်လၢ်န့ၣ်, ဖိခွါ မၤစ့ၢ်ကီးဝဲလီၤ. ²⁰ အဂ့ၢ်ဒ်အံၤ, ပၢ်အဲၣ်ဖိခွါ, ဒီးကယဲၢ် အမၤတၢ်ခဲလၢာ်န့ၣ်, ဒုးနဲၣ်ဝဲလၢအီၤလီၤ. ဒီးကဒုးနဲၣ် အီၤလၢတၢ်မၤဒိၣ်န့ၢ်အအံၤတက့ၢ်, ဒ်သိးသုကကမၢက မၣ်လီၤ. ²¹ အဂ့ၢ်ဒ်အံၤ, ဒ်ပၢ်မၤဂဲၤဆၢထၢၣ်က့ၤဒီးမၤမူ ထီၣ်ပှၤသံအသိးန့ၣ်, ဖိခွါဒ်န့ၣ်အသိးမၤမူထီၣ်ပှၤဖဲဒၣ် အသးစ့ၢ်ကီးလီၤ. ²² အဂ့ၢ်ဒ်အံၤ, ပၢ်တစံၣ်ညီၣ်ဘၣ်ပှၤနီ တဂၤဘၣ်. မ့ၢ်အဟ့ၣ်လီၤကယဲၢ်တၢ်စံၣ်ညီၣ်ခဲလၢာ်လၢ ဖိခွါအစုပူၤ, ²³ ဒ်သိးပှၤခဲလၢာ်ကယူးကယီၣ်ဖိခွါဒ်အယူး အယီၣ်ပၢ်အသိးန့ၣ်လီၤ. ပှၤလၢအတယူးတယီၣ်ဘၣ်ဖိ ခွါန့ၣ်, တယူးတယီၣ်ဘၣ်ပၢ်လၢအမၢလီၤအီၤန့ၣ်လီၤ.

²⁴ ယစံးဘၣ်တဲဘၣ်သုတီတီလိၤလိၤ, ပှၤလၢအနၢ်ဟူယ ကလုၢ်ယကထါ, ဒီးစူၢ်က့ၤနာ်က့ၤပှၤလၢအမၢလီၤယၤ န့ၣ်, အိၣ်ဒီးတၢ်မူလီၤထူလီၤယိာ်, ဒီးတဘၣ်ဘၣ်တၢ် စံၣ်ညီၣ်ဃၣ်ဘၣ်. မ့ၢ်အခီဂာ်ဝဲလၢတၢ်သံဆူတၢ်မူအပူၤ လီၤ. ²⁵ ယစံးဘၣ်သုတီတီလိၤလိၤလၢအဆၢအကတီၢ် ကဘၣ်ဝဲ, ဒီးဘၣ်လံခဲကနံၣ်အံၤ, လၢပှၤအသံကနၢ်ဟူ ယွၤအဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်, ကမူ ထီၣ်ဝဲလီၤ. ²⁶ အဂ့ၢ်ဒ်အံၤ, ဒ်ပၢ်အိၣ်ဒီးတၢ်မူလၢအပူၤဒၣ် ဝဲအသိးန့ၣ်, ဟ့ၣ်ဖိခွါစ့ၢ်ကီးအိၣ်ဒီးတၢ်မူလၢအပူၤဒၣ်ဝဲ ဒ်န့ၣ်အသိးလီၤ. ²⁷ ဒီးမ့ၢ်ဝဲပှၤကညီဖိခွါအဃိဒီး, ဟ့ၣ်လီၤ စ့ၢ်ကီးအီၤလၢတၢ်အစိအကမီၤ, ဒ်သိးအကစံၣ်ညီၣ်တၢ် လီၤ. ²⁸ သုတကမၢကမၣ်လၢတၢ်အံၤအဃိတဂ့ၤ. အဂ့ၢ် ဒ်အံၤ, အဆၢအကတီၢ်ဟဲဝဲ, လၢကယဲၢ်ပှၤအိၣ်လၢတၢ် သွၣ်ခိၣ်အပူၤခဲလၢာ်န့ၣ်, ကနၢ်ဟူအကလုၢ်သီၣ်, ²⁹ ဒီး ကဟဲက့ၤထီၣ်ဝဲ, ပှၤလၢအမၤတၢ်ဂ့ၤတဖၣ်န့ၣ်, ဆူတၢ် မူအတၢ်ဂဲၤဆၢထၢၣ်, ဒီးပှၤလၢအမၤတၢ်အၢတဖၣ်န့ၣ်, ဆူတၢ်စံၣ်ညီၣ်ဃၣ်အတၢ်ဂဲၤဆၢထၢၣ်န့ၣ်လီၤ.

³⁰ ယမၤဒၣ်တၢ်တသ့ဘၣ်နီတမံၤဘၣ်. ဒ်ယနၢ်ဟူတၢ် အသိးန့ၣ်, ယစံၣ်ညီၣ်တၢ်, ဒီးယတၢ်စံၣ်ညီၣ်န့ၣ်, မ့ၢ်အ တီအလိၤလီၤ. အဂ့ၢ်ဒ်အံၤ, ယဃုမၤဖဲဒၣ်ယသးဒၣ်ယဲ တမ့ၢ်ဘၣ်, မ့ၢ်ဖဲဒၣ်ပှၤလၢအမၢလီၤယၤတဂၤအသးလီၤ.

³¹ ယမ့ၢ်အုၣ်ယသးလၢယဂ့ၢ်ယကျိၤဒၣ်ယဲဒီး, ယတၢ်

³² အုၣ်ယသးန့ၣ်တတီဘၣ်. ပှၤဂၤအုၣ်အသး လၢယဂ့ၢ် ယကျိၤအိၣ်တဂၤ, ဒီးယသ့ၣ်ညါလၢအတၢ်အုၣ်အသး, လၢအအုၣ်အသးလၢ ယဂ့ၢ်ယကျိၤန့ၣ်, မ့ၢ်အမ့ၢ်အတီ လီၤ. ³³ သုမၢပှၤလဲၤဆူစီၤယိၤဟၣ်အအိၣ်, ဒီးအဝဲဒၣ် အုၣ်အသးလၢတၢ်မ့ၢ်တၢ်တီအဂ့ၢ်လီၤ. ³⁴ ဘၣ်ဆၣ်ဒီးပှၤ ကညီအတၢ်အုၣ်အသးန့ၣ်, ယတဟံးန့ၢ်ဘၣ်ယဲဘၣ်. မ့မ့ၢ်ဒ်သိးသုကတုၤလၢတၢ်အုၣ်က့ၤခီၣ်က့ၤသုဒီး, ယက တိၤတၢ်တဖၣ်အံၤလီၤ. ³⁵ အဝဲဒၣ်န့ၣ်မ့ၢ်မ့ၣ်အူဒၢလၢအ ကဲၤဝဲ, ဒီးကပီၤထီၣ်, ဒီးသုသးအိၣ်တစိၢ်လၢသုကသူၣ် ဖှံသးညီလၢအတၢ်ကပီၤအပူၤလီၤ. ³⁶ ဘၣ်ဆၣ်ဒီးယအိၣ် ဒီးတၢ်အုၣ်အသးဒိၣ်န့ၢ် စီၤယိၤဟၣ်အတၢ်အုၣ်အသး တက့ၢ်လီၤ. အဂ့ၢ်ဒ်အံၤ, တၢ်မၤလၢပၢ်ဟ့ၣ်လီၤယၤဒ်သိး ယကမၤတုၤအဝံၤ, တၢ်မၤတဖၣ်အံၤလၢယမၤန့ၣ်, အုၣ် အသးလၢယဂ့ၢ်, လၢပၢ်မၢလီၤယၤလီၤ. ³⁷ ဒီးပၢ်လၢအ မၢလီၤယၤန့ၣ်, အဝဲဒၣ်အုၣ်လံအသးလၢယဂ့ၢ်ယပီၢ်လံ. အကလုၢ်သီၣ်န့ၣ်သုတနၢ်ဟူဘၣ်, ဒီးအက့ၢ်အဂီၤန့ၣ်, သုတထံၣ်ဘၣ်နီတခီၣ်ဘၣ်. ³⁸ ဒီးအကလုၢ်အကထါန့ၣ် တအိၣ်တဆိးဘၣ်လၢသုပူၤဘၣ်. အဂ့ၢ်ဒ်အံၤ, ပှၤလၢ အမၢလီၤဝဲတဂၤန့ၣ်သုတနာ်ဘၣ်အီၤဘၣ်.

³⁹ သုဃုကွၢ်ထံ တၢ်ကွဲးအသးတဖၣ်လီၤ. အဂ့ၢ်ဒ်အံၤ, သုဆိကမိၣ်လၢသုကန့ၢ်ဘၣ် တၢ်မူအထူအယိာ်လၢအ ပူၤလီၤ. ဒီးအဝဲသ့ၣ်န့ၣ်မ့ၢ်တၢ်လၢအအုၣ်အသးလၢယ ဂ့ၢ်ယကျိၤလီၤ. ⁴⁰ ဒီးသုဟဲဆူယအိၣ်ဒ်သိးသုကန့ၢ်ဘၣ် တၢ်မူန့ၣ်, သုသးတအိၣ်ဘၣ်. ⁴¹ ယတဟံးန့ၢ်ဘၣ်တၢ် လၤကပီၤလၢပှၤကညီဘၣ်. ⁴² မ့မ့ၢ်ယသ့ၣ်ညါသုလၢသု တၢ်အဲၣ်ယွၤတအိၣ်ဘၣ်လၢသုပူၤဘၣ်. ⁴³ ယဲဒၣ်အံၤ, ယ ဟဲလၢယပၢ်အမံၤ, ဒီးသုတတူၢ်လိာ်ဘၣ်ယၤဘၣ်. ပှၤဂၤ မ့ၢ်ဟဲလၢအမံၤဒၣ်ဝဲဒီး, သုကတူၢ်လိာ်အီၤလီၤ. ⁴⁴ သုဒိးန့ၢ် တၢ်ပာ်လၤကပီၤလိာ်သုသးသကိးသကိး, ဒီးတဃုဘၣ် တၢ်လၤကပီၤဟဲလၢယွၤတဂၤဧိၤန့ၣ်ဒီး, သုနာ်တၢ်က သ့ဒ်လဲၣ်. ⁴⁵ သုတဆိကမိၣ်လၢယကပာ်တၢ်ကမၣ်လၢ သုလိၤလၢပၢ်အမဲာ်ညါန့ၣ်တဂ့ၤ. ပှၤလၢအပာ်တၢ်က မၣ်လၢသုလိၤအိၣ်ဝဲတဂၤ, ပှၤလၢသုသန့ၤသုသးလၢ အီၤ, စီၤမိၤရှ့န့ၣ်လီၤ. ⁴⁶ အဂ့ၢ်ဒ်အံၤ, သုမ့ၢ်နာ်စီၤမိၤရှ့န့ၣ်ဒီး, သုကနာ်စ့ၢ်ကီးယၤလီၤ. အဂ့ၢ်ဒ်အံၤ, အဝဲဒၣ်ကွဲးတၢ်လၢ ယဂ့ၢ်ယကျိၤလီၤ. ⁴⁷ မ့မ့ၢ်သုမ့ၢ်တနာ်ဘၣ်အဝဲဒၣ်အတၢ် ကွဲးတဖၣ်ဒီး, သုကနာ်ယတၢ်ကတိၤတဖၣ်န့ၣ်ဒ်လဲၣ်.

၆

¹ တၢ်န့ၣ်တဖၣ်အလီၢ်ခံဒီး, ယ့ၣ်ရှူးခီဂာ် ပီၣ်လဲၣ်ကၤ လံၤလါတံၤဘ့ၤရံဆူဝၢ်ဘးခီလီၤ. ² ဒီးပှၤဂီၢ်မုၢ်ဖးဒိၣ်ပိာ် ထီၣ်အခံ, အဂ့ၢ်ဒ်အံၤ, ထံၣ်အတၢ်လီၤလးလၢအမၤဝဲ လၢပှၤအဆူးအဆါတဖၣ်အလိၤလီၤ. ³ ဒီးယ့ၣ်ရှူးလဲၤ ထီၣ်ဆူကစၢၢ်တဖျၢၣ်အလိၤ, ဒီးဆ့ၣ်နီၤဝဲဒီး အပျဲၢ်အ ဘီၣ်ဖဲန့ၣ်လီၤ. ⁴ ဒီးပှၤယူဒၤဖိအဘူၣ်လဲၤကပာ်အိၣ်ဘူး တ့ၢ်ဝဲလီၤ. ⁵ မၤသးဒ်န့ၣ်ဒီးယ့ၣ်ရှူးကျ့ထီၣ်အမဲာ်, ဒီး ထံၣ်ပှၤဂီၢ်မုၢ်ဖးဒိၣ်ဟဲဆူအအိၣ်, ဒီးစံးဘၣ်စီၤဖံလံးပူး, အဝဲသ့ၣ်တဖၣ်, ဒ်သိးအကအီၣ်တၢ်ဒီး, ပပှ့ၤကိၣ်ကန့ၢ် ဖဲလဲၣ်ပူၤလဲၣ်. ⁶ ဒီးဒ်သိးအကမၤကွၢ်အီၤဒီး, ကတိၤတၢ် န့ၣ်လီၤ. အဂ့ၢ်ဒ်အံၤ, မ့ၢ်အကမၤဝဲဒ်လဲၣ်ဒ်လဲၣ်န့ၣ်, အ ကစၢ်ဒၣ်ဝဲသ့ၣ်ညါလီၤ. ⁷ ဒီးစီၤဖံလံးပူးစံးဆၢအီၤ, ဒ်သိး အဝဲသ့ၣ်ကန့ၢ်တဂၤတစဲးတဂၤတစဲးန့ၣ်ဒီး, ကိၣ်အပှ့ၤ ဒန့ၤရံၤခံကယၤတလၢဘၣ်ဝဲဘၣ်. ⁸ အပျဲၢ်အဘီၣ်, စီၤၡံ မိၣ်ပ့းတရူးအဒီပုၢ်ဝဲၢ်, စီၤအၣ်ဒရ့းတဂၤစံးဘၣ်အီၤ, ⁹ ဖိ သၣ်အိၣ်ဖဲအံၤတဂၤ, အကိၣ်အိၣ်ယဲၢ်ဖျၢၣ်, ဒီးအညၣ် အိၣ်ခံဘ့ၣ်လီၤ. ဘၣ်ဆၣ်ဒီးတၢ်တဖၣ်န့ၣ်, လၢပှၤပှဲၤ အံၤအဂီၢ်, မ့ၢ်အမ့ၢ်မနုၤလဲၣ်. ¹⁰ ဒီးယ့ၣ်ရှူးစံးဝဲဒၣ်, မၢပှၤ ကညီဆ့ၣ်နီၤသန့ၤတက့ၢ်. ဒီးအလီၢ်ဖဲန့ၣ်နီၣ်အိၣ်အါမး လီၤ. မၤသးဒ်န့ၣ်ဒီး, ပှၤဆ့ၣ်နီၤသန့ၤတၢ်တဖၣ်န့ၣ်, အ တၢ်ဂံၢ်အိၣ်ယဲၢ်ကထိဃၣ်ဃၣ်လီၤ. ¹¹ ဒီးယ့ၣ်ရှူးဟံးန့ၢ် ကိၣ်, ဒီးစံးထီၣ်ပတြၢၤတၢ်အဘျုးအဖှိၣ်ဝံၤဒီး, ဟ့ၣ်လီၤ ဝဲလၢပှၤလၢအဆ့ၣ်နီၤသန့ၤတဖၣ်လီၤ. ဒ်န့ၣ်အသိးညၣ် န့ၣ်စ့ၢ်ကီး, ဖဲပှၤမိၣ်န့ၢ်ဘၣ်အသးလီၤ. ¹² ဒီးတုၤအအီၣ် ဘျဲးအီၣ်ဝဲဒီး, စံးဘၣ်အပျဲၢ်အဘီၣ်, ဒ်သိးတၢ်သုတဟါ မၢ်နီတစဲးတဂ့ၤဒီး, ထၢဖှိၣ်က့ၤအဘျဲၣ်အစဲၢ်တက့ၢ်.―

¹³ မၤသးဒ်န့ၣ်ဒီး ပှၤအီၣ်ကိၣ်ယဲၢ်ဖျၢၣ်, ဒီးအဘျဲၣ်အစဲၢ် အိၣ်လီၤတဲာ်န့ၣ်, ထၢဖှိၣ်က့ၤဝဲပှဲၤကုတဆံခံဒုလီၤ. ¹⁴ မၤ သးဒ်န့ၣ်ဒီးပှၤတဖၣ်န့ၣ် တုၤအထံၣ်တၢ်ပနီၣ်လီၤလးလၢ ယ့ၣ်ရှူးမၤဝဲဒီး, စံးဝဲဒၣ်, အဝဲဒၣ်အံၤမ့ၢ်နီၢ်နီၢ်ဝံလၢအက ဟဲဆူဟီၣ်ခိၣ်တဂၤန့ၣ်လီၤ.

¹⁵ မၤသးဒ်န့ၣ်ဒီး, ယ့ၣ်ရှူးသ့ၣ်ညါလၢအဝဲသ့ၣ်ကဟဲဒီး ဟံးန့ၢ်ဆူၣ်အီၤ, ဒ်သိးအကပာ်ထီၣ်အီၤလၢစီၤပၤဒီး, လဲၤ ထီၣ်ကဒီးဆူကစၢၢ်အလိၤတဂၤဃီလီၤ. ¹⁶ ဒီးတုၤမုၢ်ဟါ လီၤဒီး, အပျဲၢ်အဘီၣ်လဲၤလီၤဆူပီၣ်လဲၣ်, ¹⁷ ဒီးလဲၤထီၣ် ဆူကဘီပူၤ, ဒီးခီဃီၤပီၣ်လဲၣ်ဆူကပ့းရနီၣ်လီၤ. ¹⁸ တုၤနုၤ တစုတၢ်ခံးလီၤ, ဒီးယ့ၣ်ရှူးဟဲတတုၤဒံးဘၣ်ဆူအအိၣ် ဘၣ်လီၤ. ဒီးကလံၤအူတၢ်ဆူၣ်ဒီး, ပီၣ်လဲၣ်ဟူးဂဲၤဝဲလီၤ. ¹⁹ မၤသးဒ်န့ၣ်ဒီးကၢၢ်ဝဲစတၤဒံအူၢ်ခံဆံယဲၢ်, သၢဆံဃၣ် ဃၣ်ဒီး, ထံၣ်ဘၣ်ယ့ၣ်ရှူးဟးလၢပီၣ်လဲၣ်အဖီခိၣ်, ဒီးဟဲ ဃီၤဘူးထီၣ်ဒီးကဘီန့ၣ်, ဒီးပျံၤတၢ်တကူၢ်သ့ၣ်လီၤ. ²⁰ ဒီး အဝဲဒၣ်စံးဘၣ်အီၤ, မ့ၢ်ယၤလီၤ, ပျံၤတၢ်တဂ့ၤ. ²¹ မၤသးဒ် န့ၣ်ဒီးအသူၣ်ခုအသးခုဒီးတူၢ်လိာ်အီၤလၢကဘီပူၤ, ဒီး ကဘီန့ၣ်တုၤတကီၢ်ခါလၢခိဖဲအကလဲၤဝဲအလီၢ်လီၤ.

²² မုၢ်ဆ့ၣ်ထီၣ်တနံၤန့ၣ်, ပှၤဂီၢ်မုၢ်အိၣ်ဆၢထၢၣ်လၢပီၣ် လဲၣ်ဝၢ်ဘးခီတဖၣ်, သ့ၣ်ညါလၢ ကဘီအဂၤတအိၣ် ဘၣ်, အိၣ်ထဲတဘ့ၣ်လၢအပျဲၢ်အဘီၣ် လဲၤနုာ်ဝဲန့ၣ်ဧိၤ လီၤ. ဒီးယ့ၣ်ရှူးတလဲၤထီၣ်ဃုာ်ဒီးအပျဲၢ်အဘီၣ်ဆူကဘီ ပူၤဘၣ်, ဒီးဟးထီၣ်ဝဲထဲအပျဲၢ်အဘီၣ်ဧိၤလီၤ. ²³ မ့မ့ၢ်က ဘီအဂၤတဖၣ်ဟဲလၢတံၤဘ့ၤရံ, ဘူးဒီးအလီၢ်လၢကစၢ် စံးထီၣ်ပတြၢၤတၢ်အဘျုး, ဒီးပှၤအီၣ်ကိၣ်န့ၣ်လီၤ. ²⁴ မၤ သးဒ်န့ၣ်ဒီးတုၤပှၤဂီၢ်မုၢ်သ့ၣ်ညါလၢယ့ၣ်ရှူးမ့ၢ်ဂ့ၤ, အပျဲၢ် အဘီၣ်မ့ၢ်ဂ့ၤ, တအိၣ်ဘၣ်ဖဲန့ၣ်ဘၣ်ဒီး, ဒိးထီၣ်ကဘီ, ဒီးလဲၤဃုယ့ၣ်ရှူးဆူကပ့းရနီၣ်လီၤ. ²⁵ ဒီးတုၤအထံၣ်န့ၢ် အီၤလၢပီၣ်လဲၣ်ဝၢ်ဘးခီဒီး, စံးဘၣ်အီၤ, ရၤဘံဧၢ, နဟဲဖဲ အံၤအခါဖဲလဲၣ်. ²⁶ ဒီးယ့ၣ်ရှူးစံးဆၢအီၤ, ဒီးစံးဝဲဒၣ်, ယ စံးဘၣ်တဲဘၣ်သုတီတီလိၤလိၤ, သုထံၣ်တၢ်ပနီၣ်လီၤ လးဒီး, သုဟဲဃုယၤတမ့ၢ်ဘၣ်. မ့ၢ်လၢသုအီၣ်ဘၣ်ကိၣ် ဒီးဘျဲးအီၣ်အဃိလီၤ. ²⁷ တၢ်အီၣ်လၢအဟးဂီၤဒၣ်တၢ်အ ဂီၢ်န့ၣ်, သုတမၤတဂ့ၤ. မ့မ့ၢ်တၢ်အီၣ်လၢအအိၣ်ဝဲဆိးဝဲ လၢတၢ်မူလီၤထူလီၤယိာ်, လၢပှၤကညီဖိခွါကဟ့ၣ်လီၤ သုန့ၣ်မၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ပၢ်ယွၤတဂၤစဲ ပနီၣ်ဃာ်ဝဲလီၤ. ²⁸ မၤသးဒ်န့ၣ်ဒီးအဝဲသ့ၣ်တဖၣ်စံးဘၣ် အီၤ, ဒ်သိးပကမၤယွၤအတၢ်မၤတဖၣ်ဒီး, ပကမၤမနုၤ လဲၣ်. ²⁹ ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ, ယွၤအ တၢ်မၤန့ၣ်မ့ၢ်အအံၤ, မ့ၢ်လၢသုကစူၢ်က့ၤနာ်က့ၤပှၤလၢအ ဝဲဒၣ်မၢလီၤအီၤတဂၤလီၤ. ³⁰ မၤသးဒ်န့ၣ်ဒီးအဝဲသ့ၣ်တ ဖၣ်စံးဘၣ်အီၤ, နမၤတၢ်ပနီၣ်လီၤလးလၢပကထံၣ်ဘၣ် အီၤ, ဒီးစူၢ်က့ၤနာ်က့ၤနၤန့ၣ်, မ့ၢ်မနုၤတမံၤလဲၣ်. နမၤမ နုၤလဲၣ်. ³¹ ပပၢ်သ့ၣ်အီၣ်မၤနၤလၢပှၢ်မုၢ်ကနၢ်, ဒ်တၢ်ကွဲး အသးအသိးန့ၣ်, တၢ်ဟ့ၣ်အီၣ်အီၤလၢကိၣ်လၢမူခိၣ်လီၤ.+ စံး. ၇၈း၂၄|Ps.78.24³² မၤသးဒ်န့ၣ်ဒီးယ့ၣ်ရှူးစံးဘၣ်အီၤ, ယစံး ဘၣ်တဲဘၣ်သုတီတီလိၤလိၤ, စီၤမိၤရှ့တဟ့ၣ်ဘၣ်သု ကိၣ်လၢမူခိၣ်ဘၣ်. မ့မ့ၢ်ယပၢ်န့ၣ်, ဟ့ၣ်သုကိၣ်နီၢ်နီၢ်လၢ မူခိၣ်လီၤ. ³³ အဂ့ၢ်ဒ်အံၤ, ယွၤအကိၣ်မ့ၢ်ပှၤလၢအဟဲလီၤ လၢမူခိၣ်, ဒီးဟ့ၣ်လီၤတၢ်မူလၢဟီၣ်ခိၣ်တဂၤန့ၣ်လီၤ.

³⁴ မၤသးဒ်န့ၣ်ဒီးအဝဲသ့ၣ်တဖၣ်န့ၣ်စံးဘၣ်အီၤ, ကစၢ် ဧၢ, ဟ့ၣ်လီၤပှၤလၢကိၣ်အဝဲန့ၣ်တထံၣ်ဃီတက့ၢ်. ³⁵ ဒီး ယ့ၣ်ရှူးစံးဘၣ်အီၤ, ယဲဒၣ်, ယမ့ၢ်ကိၣ်မူန့ၣ်လီၤ. ပှၤလၢ အဟဲဆူယအိၣ်န့ၣ် တၢ်တသၣ်ဝံၤလၢၤဘၣ်အသးဘၣ်. ဒီးပှၤလၢအစူၢ်က့ၤနာ်က့ၤယၤန့ၣ်, တၢ်တသူလၢၤဘၣ် အသးလၢထံဘၣ်. ³⁶ မ့မ့ၢ်ယစံးဘၣ်တ့ၢ်သုလၢသုထံၣ် လံယၤလံ. ဒီးသုတနာ်ဘၣ်ယၤဘၣ်. ³⁷ ကယဲၢ်ပှၤလၢ ယပၢ်ဟ့ၣ်လီၤယၤတဂၤလၢ်လၢ်န့ၣ်, ကဟဲဆူယအိၣ် လီၤ. ဒီးပှၤလၢအဟဲဆူယအိၣ်န့ၣ်, ယတဟီထီၣ်ကွံာ် ဘၣ်အီၤဘၣ်. ³⁸ အဂ့ၢ်ဒ်အံၤ, တမ့ၢ်ဘၣ်ယဟဲလီၤလၢမူ ခိၣ်ဒ်သိးယကမၤဖဲဒၣ်ယသးဘၣ်, မ့ၢ်ဖဲဒၣ်ပှၤလၢအမၢ လီၤယၤတဂၤအသးလီၤ. ³⁹ ကယဲၢ်ပှၤလၢအဟ့ၣ်လီၤယၤ တဂၤလၢ်လၢ်န့ၣ်, ဒ်သိးယသုတဒုးဟါမၢ်တဂ့ၤ, မ့ၢ်ဒ် သိးယကဒုးဂဲၤဆၢထၢၣ်က့ၤအီၤ လၢမုၢ်နံၤကတၢၢ်န့ၣ်, မ့ၢ်ပှၤလၢအမၢလီၤယၤတဂၤ အသးန့ၣ်လီၤ. ⁴⁰ အဂ့ၢ်ဒ် အံၤ, ကယဲၢ်ပှၤလၢအထံၣ်ဖိခွါဒီးစူၢ်က့ၤနာ်က့ၤအီၤတ ဂၤလၢ်လၢ်န့ၣ် ဒ်သိးကန့ၢ်ဘၣ် တၢ်မူအထူအယိာ်န့ၣ်, မ့ၢ်ယပၢ်အသးလီၤ. ဒီးယကဒုးဂဲၤဆၢထၢၣ်က့ၤအီၤလၢ မုၢ်နံၤကတၢၢ်လီၤ. မၤသးဒ်န့ၣ်ဒီးမ့ၢ်အစံးဝဲဒၣ်, ယဲဒၣ်အံၤ, ယမ့ၢ်ကိၣ်ဟဲ လီၤလၢမူခိၣ်ဒီး, ပှၤယူဒၤဖိကဒူးကဒ့ၣ်တၢ်လၢအလိၤ, ⁴¹ မၤသးဒ်န့ၣ်ဒီးမ့ၢ်အစံးဝဲဒၣ်, ယဲဒၣ်အံၤ, ယမ့ၢ်ကိၣ်ဟဲလီၤလၢမူခိၣ်ဒီး, ပှၤယူဒၤဖိကဒူးကဒ့ၣ်တၢ်လၢအလိၤ,―

⁴² ဒီးစံးဝဲဒၣ်, ပှၤအံၤမ့ၢ်စီၤယိၤသးအဖိခွါယ့ၣ်ရှူး, တမ့ၢ် ဘၣ်ဧါ. အမိၢ်ဒီးအပၢ်န့ၣ်, ပသ့ၣ်ညါ, တမ့ၢ်ဘၣ်ဧါ. မ့မ့ၢ် ဒ်န့ၣ်ဒီး, ဘၣ်မနုၤလၢအစံးဝဲ, ယဟဲလီၤလၢမူခိၣ်လဲၣ်.

⁴³ ယ့ၣ်ရှူးကတိၤဆၢတၢ်ဒီးစံးဘၣ်အီၤ, ကဒူးကဒ့ၣ်လိာ် သုသးသကိးသကိးတဂ့ၤ. ⁴⁴ ယပၢ်လၢအမၢလီၤယၤန့ၣ် မ့ၢ်တမိၤဘၣ်ဒီး, ပှၤဟဲဆူယအိၣ်တသ့ဘၣ်နီတဂၤဘၣ်. ဒီးယကဒုးဂဲၤဆၢထၢၣ်က့ၤအီၤ လၢမုၢ်နံၤကတၢၢ်လီၤ.―

⁴⁵ တၢ်ကွဲးအသးလၢဝံသ့ၣ်တဖၣ်အပူၤ, ဒီးယွၤကသိၣ်လိ အီၤခဲလၢာ်လီၤ.+ ၡါ. ၅၄း၁၃|Isa.54.13*. ကယဲၢ်ပှၤလၢအနၢ်ဟူ ပၢ်သိၣ်တၢ်သီတၢ်ဒီးမၤလိဝဲတဖၣ်န့ၣ်, ဟဲဝဲဆူယအိၣ် လီၤ. ⁴⁶ လၢပှၤတဂၤဂၤထံၣ်ပၢ်န့ၣ်တမ့ၢ်ဘၣ်. ပှၤလၢအ ဟဲလၢယွၤန့ၣ်, အဝဲဒၣ်မ့ၢ်ပှၤလၢအထံၣ်ပၢ်န့ၣ်လီၤ.

⁴⁷ ယစံးဘၣ်တဲဘၣ်သုတီတီလိၤလိၤ, ပှၤလၢအစူၢ်က့ၤ နာ်က့ၤယၤန့ၣ်, အိၣ်ဒီးတၢ်မူအထူအယိာ်လီၤ. ⁴⁸ ယဲဒၣ် အံၤ, ယမ့ၢ်တၢ်မူအကိၣ်လီၤ. ⁴⁹ သုပၢ်တဖၣ်အီၣ်မၤနၤ လၢပှၢ်မုၢ်ကနၢဒီးသံဝဲလီၤ. ⁵⁰ ကိၣ်လၢ အဟဲလီၤလၢမူ ခိၣ်, မ့ၢ်အအံၤ, ဒ်သိးပှၤလၢအအီၣ်ဝဲတဖၣ်, အသုတသံ တဂ့ၤလီၤ. ⁵¹ ယဲဒၣ်အံၤ, ယမ့ၢ်တၢ်မူအကိၣ်လၢအဟဲ လီၤလၢမူခိၣ်လီၤ. ပှၤမ့ၢ်အီၣ်ကိၣ်အံၤဒီး, ကမူဝဲလီၤထူ လီၤယိာ်လီၤ. ဒီးကိၣ်လၢယဟ့ၣ်န့ၣ်, မ့ၢ်ယညၣ်လၢ ယဟ့ၣ်လၢဟီၣ်ခိၣ်အတၢ်မူအဂီၢ်လီၤ. ⁵² မၤသးဒ်န့ၣ်ဒီး ပှၤယူဒၤဖိတဲးလိာ်ဃိလိာ်အသးဒီးစံးဝဲဒၣ်, အဝဲဒၣ်န့ၣ်ဟ့ၣ်အီၣ်ပှၤလၢအညၣ်ကသ့ဒ်လဲၣ်.―

⁵³ မၤသးဒ်န့ၣ်ဒီးယ့ၣ်ရှူးစံးဘၣ်အီၤ, ယစံးဘၣ်တဲဘၣ်သု တီတီလိၤလိၤ, သုမ့ၢ်တအီၣ်ဘၣ်ပှၤကညီဖိခွါအညၣ်, ဒီးသုမ့ၢ်တအီဘၣ်အသွံၣ်ဘၣ်ဒီး, တၢ်မူတအိၣ်ဘၣ်လၢ သုပူၤဘၣ်. ⁵⁴ ပှၤလၢအအီၣ်ယညၣ်, ဒီးအီယသွံၣ်န့ၣ်, အိၣ်ဒီးတၢ်မူလီၤထူလီၤယိာ်, ဒီးယကဒုးဂဲၤဆၢထၢၣ် က့ၤအီၤလၢမုၢ်နံၤကတၢၢ်လီၤ. ⁵⁵ အဂ့ၢ်ဒ်အံၤ, ယညၣ်မ့ၢ် တၢ်အီၣ်နီၢ်နီၢ်, ဒီးယသွံၣ်မ့ၢ်တၢ်အီနီၢ်နီၢ်လီၤ. ⁵⁶ ပှၤလၢ အအီၣ်ယညၣ်, ဒီးအီယသွံၣ်န့ၣ်, အိၣ်ဝဲဆိးဝဲလၢယပူၤ, ဒီးယအိၣ်ယဆိးယဲလၢအပူၤလီၤ. ⁵⁷ ဒ်ပၢ်လၢအမၢလီၤ ယၤမူဝဲ, ဒီးယမူစ့ၢ်ကီးလၢပၢ်အသိးန့ၣ်, ပှၤလၢအအီၣ် ယၤကမူဝဲစ့ၢ်ကီးလၢယၤလီၤ. ⁵⁸ တၢ်အံၤမ့ၢ်ကိၣ်လၢအ ဟဲလီၤလၢမူခိၣ်လီၤ. တမ့ၢ်ဘၣ်ဒ်သုပၢ်သ့ၣ်အီၣ်မၤနၤ, ဒီးသံဝဲအသိးန့ၣ်ဘၣ်. ပှၤလၢအအီၣ်ကိၣ်အအံၤ, ကမူဝဲ လီၤထူလီၤယိာ်လီၤ.

⁵⁹ တၢ်တဖၣ်န့ၣ်, စံၣ်တဲၤတဲလီၤဝဲလၢဘူၣ်ဘျီၣ်ပူၤ, ဖဲအ သိၣ်က့ၤသီက့ၤတၢ်လၢကပ့းရနီၣ်အပူၤအဖၢမုၢ်န့ၣ်လီၤ.

⁶⁰ မၤသးဒ်န့ၣ်ဒီး အပျဲၢ်အဘီၣ်အါဂၤ နၢ်ဟူဒီးစံးဝဲဒၣ်, တၢ်ကတိၤအံၤကီမးလီၤ. မ့ၢ်မတၤဒိကနၣ်အီၤသ့တဂၤ လဲၣ်. ⁶¹ ဒီးယ့ၣ်ရှူးသ့ၣ်ညါလၢအသးဒၣ်ဝဲ, လၢအပျဲၢ်အ ဘီၣ်ကဒူးကဒ့ၣ်တၢ်လၢ တၢ်န့ၣ်အဂ့ၢ်အကျိၤဒီးစံးဘၣ် အီၤ, မ့ၢ်တၢ်န့ၣ်အဃိဒီး, သုသးဟးဂီၤဧါ. ⁶² သုမ့ၢ်ထံၣ် ဘၣ်ပှၤကညီဖိခွါအံၤက့ၤထီၣ်ဆူအလီၢ် လၢအအိၣ်တ့ၢ် လၢအခီၣ်ထံးန့ၣ်ဒီး, သုကဆိကမိၣ်ဒ်လဲၣ်. ⁶³ တၢ်မၤမူ တၢ်န့ၣ်မ့ၢ်သးလီၤ. တၢ်ညၣ်တဂိာ်တသီၣ်ဘၣ်တၢ်နီတ မံၤဘၣ်. တၢ်ကတိၤလၢယစံးဘၣ်သုန့ၣ်, မ့ၢ်သးဒီးတၢ် မူလီၤ. ⁶⁴ ဘၣ်ဆၣ်ဒီးလၢသုဝဲဒၣ်အကျါအံၤ, ပှၤတစူၢ် တနာ်ဘၣ်အိၣ်ဝဲတနီၤနီၤလီၤ. အဂ့ၢ်ဒ်အံၤ, လၢအခီၣ်ထံး လံၤလံၤန့ၣ်မ့ၢ်မတၤလၢအတနာ်ဘၣ်ဝဲဘၣ်, ဒီးမ့ၢ်မတၤ လၢအကဟ့ၣ်လီၤကွံာ်အီၤန့ၣ် ယ့ၣ်ရှူးသ့ၣ်ညါဝဲလီၤ.―

⁶⁵ ဒီးစံးဝဲဒၣ်, မၤသးဒ်န့ၣ်ဒီး, ယစံးဘၣ်တဲဘၣ်လံသုလၢ ယပၢ်မ့ၢ်တဒုးဟဲဘၣ်ပှၤဆူယအိၣ်ဘၣ်ဒီး, ဟဲဝဲတသ့ ဘၣ်နီတဂၤဘၣ်.

⁶⁶ လၢန့ၣ်လံၤလံၤဒီး, အပျဲၢ်အဘီၣ်အါဂၤ တပိာ်လၢၤ ဘၣ်အခံဘၣ်. ဒီးက့ၤကဒါက့ၤဆူအလီၢ်ခံတကူၢ်သ့ၣ် လီၤ.

⁶⁷ မၤသးဒ်န့ၣ်ဒီးယ့ၣ်ရှူးစံးဘၣ်ပှၤတဆံခံဂၤ, သုကက့ၤ ကဒါက့ၤစ့ၢ်ကီးဧါ. ⁶⁸ စီၤၡံမိၣ်ပ့းတရူးစံးဆၢအီၤ, ကစၢ် ဧၢ, ပကလဲၤဆူမတၤတဂၤအအိၣ်လဲၣ်. တၢ်မူအထူအ ယိာ်အတၢ်ကတိၤန့ၣ်အိၣ်ဒီးနၤလီၤ. ⁶⁹ ဒီးပနာ်လံ, ဒီးပ သ့ၣ်ညါလံလၢ နမ့ၢ်ယွၤအတၢ်စီဆှံတဂၤန့ၣ်လီၤ. ⁷⁰ ဒီး ယ့ၣ်ရှူးစံးဆၢအီၤ, ယဃုထၢသုတဆံခံဂၤန့ၣ်တမ့ၢ်ဘၣ် ဧါ. ဒီးပှၤလၢသုကျါတဂၤန့ၣ်မ့ၢ်မုၣ်ကီၤလံၢ်လီၤ. ⁷¹ ဒီး ကတိၤတၢ်န့ၣ်မ့ၢ်လၢစီၤၡံမိၣ်အဖိခွါ, စီၤယူဒၤအံၣ်စကၤ ရံၤအိာ်အဂ့ၢ်လီၤ. အဂ့ၢ်ဒ်အံၤ, အဝဲဒၣ်ကဟ့ၣ်လီၤကွံာ် အီၤ, ဒီးအိၣ်ဝဲလၢပှၤတဆံခံဂၤန့ၣ်အကျါလီၤ.

၇

¹ လၢတၢ်န့ၣ်တဖၣ်အလီၢ်ခံဒီး, ယ့ၣ်ရှူးဟးဝ့ၤဝီၤဝဲလၢ ကၤလံၤလါလီၤ. အဂ့ၢ်ဒ်အံၤ, တၢ်တမိၣ်ဟးဝ့ၤဝီၤဘၣ် အသးလၢကီၢ်ယူဒၤဘၣ်. အဂ့ၢ်ဒ်အံၤ, ပှၤယူဒၤဖိဃုမၤ သံအီၤလီၤ. ဒီးပှၤယူဒၤဖိ အဘူၣ်ဒဲန့ၣ် အိၣ်ဘူးတ့ၢ်လီၤ. ² မၤ သးဒ်န့ၣ်ဒီးအဒီပုၢ်ဝဲၢ်သ့ၣ်တဖၣ်စံးဘၣ်အီၤ, ဒ်သိးနပျဲၢ် နဘီၣ်ကထံၣ်ဘၣ် နတၢ်မၤလၢနမၤတဖၣ်န့ၣ်ဒီး, ဟး ထီၣ်ဖဲအံၤဒီးလဲၤဆူကီၢ်ယူဒၤတက့ၢ်. ⁴ အဂ့ၢ်ဒ်အံၤ, ပှၤ မ့ၢ်ဃုအိၣ်ဖျါအကစၢ်ဒၣ်ဝဲဒီး, တမၤဘၣ်တၢ်လၢတၢ်ခူ သူၣ်နီတမံၤဘၣ်. တၢ်န့ၣ်တဖၣ်နမ့ၢ်မၤဒီး, မၤဖျါထီၣ် နသးလၢဟီၣ်ခိၣ်တက့ၢ်. ⁵ အဂ့ၢ်ဒ်အံၤ, အဒီပုၢ်ဝဲၢ်သ့ၣ် တဖၣ်န့ၣ် တနာ်စ့ၢ်ကီးဘၣ်အီၤဘၣ်. ⁶ မၤသးဒ်န့ၣ်ဒီး ယ့ၣ်ရှူးစံးဘၣ်အီၤ, ယမုၢ်ယလါတဘၣ်ဒံးဘၣ်. မ့မ့ၢ် သုမုၢ်သုလါဘၣ်ထီဘိဒၣ်တၢ်လီၤ. ⁷ ဟီၣ်ခိၣ်သးဟ့သု တသ့ဘၣ်. မ့မ့ၢ်သးဟ့ယၤလီၤ. အဂ့ၢ်ဒ်အံၤ, ယအုၣ် ယသးလၢအတၢ်မၤန့ၣ်မ့ၢ်အအၢအသီလီၤ. ⁸ လဲၤထီၣ် သုဝဲဆူဘူၣ်ပူၤတက့ၢ်. ယဲဒၣ်အံၤယတလဲၤထီၣ်ဒံးဘၣ် ဆူဘူၣ်တဘူၣ်အံၤဘၣ်. အဂ့ၢ်ဒ်အံၤ, ယမုၢ်ယလါတ ဘၣ်ဒံးဘၣ်လီၤ. စံးဘၣ်တၢ်န့ၣ်တဖၣ်, ဒီးအိၣ်ဝဲလၢကၤလံၤလါလီၤ.

¹⁰ ဘၣ်ဆၣ်ဒီးတုၤအဒီပုၢ်ဝဲၢ်တဖၣ် လဲၤထီၣ်ဝဲဝံၤဒီးအဝဲဒၣ် လဲၤထီၣ်စ့ၢ်ကီးဆူဘူၣ်ပူၤ, တမ့ၢ်ဘၣ်လၢ တၢ်အိၣ်ဖျါ ဘၣ်, မ့ၢ်ဒ်လၢတၢ်ခူသူၣ်အသိးလီၤ.

¹¹ မၤသးဒ်န့ၣ်ဒီး ပှၤယူဒၤဖိတဖၣ်ဃုအီၤလၢဘူၣ်ပူၤ ဒီး စံးဝဲဒၣ်, မ့ၢ်အအိၣ်ဖဲလဲၣ်ပူၤလဲၣ်. ¹² ဒီးပှၤဂီၢ်မုၢ်ကဒူးက ဒ့ၣ်တၢ်အါအါကလဲာ် လၢအဂ့ၢ်အကျိၤလီၤ. ပှၤတနီၤ နီၤစံးဝဲလၢအမ့ၢ် ပှၤအဂ့ၤလီၤ. အဂၤတနီၤနီၤစံးဝဲဒၣ်, တမ့ၢ်ဘၣ်. မ့ၢ်ပှၤလၢအလီန့ၢ်ပှၤဂီၢ်မုၢ်လီၤ. ¹³ ဘၣ်ဆၣ် ဒီးမ့ၢ်အပျံၤပှၤယူဒၤဖိဒီး, ကတိၤဖျါတၢ်လၢအဂ့ၢ်အကျိၤ တဘူၣ်ဘၣ်နီတဂၤဘၣ်.

¹⁴ ဒီးတၢ်မၤဘူၣ်အကတီၢ်ဖးဖီန့ၣ်ဒီး, ယ့ၣ်ရှူးလဲၤထီၣ် ဆူတၢ်လုၢ်အဟံၣ်ပူၤ, ဒီးသိၣ်က့ၤသီက့ၤတၢ်လီၤ. ¹⁵ ဒီး ပှၤယူဒၤဖိတဖၣ်ကမၢကမၣ်ဒီးစံးဝဲဒၣ်, အဝဲဒၣ်အံၤတ မၤလိဘၣ်တၢ်ဘၣ်ဒီးမ့ၢ်အသ့ၣ်ညါလံာ်ဒ်လဲၣ်. ¹⁶ မၤသး ဒ်န့ၣ်ဒီးယ့ၣ်ရှူးကတိၤဆၢအီၤဒီးစံးဝဲဒၣ်, ယတၢ်သိၣ်တၢ် သီအံၤ, တမ့ၢ်ဘၣ်ယတၢ်ဒၣ်ယဲဘၣ်. မ့ၢ်ပှၤလၢအမၢ လီၤယၤတဂၤအတၢ်လီၤ. ¹⁷ တၢ်သိၣ်တၢ်သီအံၤမ့ၢ်အဘၣ် ဃးဒီးယွၤ, မ့ၢ်ယကတိၤဒၣ်ယဲလဲၣ်န့ၣ်, ပှၤအသးမ့ၢ် အိၣ်လၢအကမၤဖဲဒၣ်ယွၤအသးတဂၤဂၤဒီး, ကသ့ၣ်ညါ ဝဲလီၤ. ¹⁸ ပှၤလၢအကတိၤတၢ်လၢအဂ့ၢ်အကျိၤဒၣ်ဝဲန့ၣ်, မ့ၢ်အဃုအလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤ လၢအမၢလီၤအီၤအလၤအကပီၤတဂၤန့ၣ်, မ့ၢ်ပှၤအတီ, ဒီးတၢ်တတီတလိၤဘၣ်တအိၣ်ဘၣ်လၢအပူၤဘၣ်.

¹⁹ စီၤမိၤရှ့ဟ့ၣ်သုလၢတၢ်သိၣ်တၢ်သီ, တမ့ၢ်ဘၣ်ဧါ. ဒီး သုတမၤဘၣ်တၢ်သိၣ်တၢ်သီနီတဂၤဘၣ်. ဘၣ်မနုၤလၢ သုဃုမၤသံယၤလဲၣ်. ²⁰ ဒီးပှၤဂီၢ်မုၢ်ကတိၤဆၢတၢ်ဒီးစံးဝဲ ဒၣ်, တၢ်နါအိၣ်လၢနလိၤလီၤ. မ့ၢ်မတၤဃုမၤသံနၤတ ဂၤလဲၣ်. ²¹ ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ, ယမၤ လံတၢ်မၤတမံၤ, ဒီးသုကမၢကမၣ်ခဲလၢာ်လီၤ. ²² မ်ဒ်န့ၣ် ဒီး, စီၤမိၤရှ့ဟ့ၣ်လံသုလၢတၢ်ကူးတရံးလံ. တမ့ၢ်ဘၣ် လၢအဘၣ်ဃးဒီးစီၤမိၤရှ့, မ့ၢ်အဘၣ်ဃးဒီးပၢ်သ့ၣ်တဖၣ် လီၤ. ဒီးလၢမုၢ်အိၣ်ဘှံးအနံၤန့ၣ် သုကူးတရံးပှၤကညီ လီၤ. ²³ ဒ်သိးတၢ်သုတလုၣ်သ့ၣ်ခါပတာ်စီၤမိၤရှ့အတၢ် မၤလိာ်တဂ့ၤဒီး, ပှၤမ့ၢ်ဒိးတၢ်ကူးတရံးလၢအိၣ်ဘှံးအနံၤ ဒီး, ယဲဒၣ်အံၤ, လၢယမၤဘျါက့ၤပှၤဒီဂၤညါလၢအိၣ်ဘှံး အနံၤဒီး, သုသးဒိၣ်ထီၣ်ယၤဧါ. ²⁴ သုတစံၣ်ညီၣ်တၢ်ဒ် သုမဲာ်ထံၣ်တၢ်အသိးတဂ့ၤ. စံၣ်ညီၣ်တၢ်တီတီတက့ၢ်.

²⁵ မၤသးဒ်န့ၣ်ဒီး, ပှၤလၢယရူၤၡလ့ၣ်တနီၤနီၤစံးဝဲဒၣ်, အဝဲဒၣ်အံၤမ့ၢ်ပှၤလၢအဝဲသ့ၣ်ဃုမၤသံအီၤ, တမ့ၢ်ဘၣ် ဧါ. ²⁶ ဒီးကွၢ်ကွၢ်, ကတိၤတၢ်ခူတလ့ၢ်, ဒီးပှၤတစံးဘၣ် အီၤနီတမံၤဘၣ်. လၢအဝဲဒၣ်အံၤမ့ၢ်ခရံာ်န့ၣ်, ပဒိၣ်ပပှၢ် မ့ၢ်အသ့ၣ်ညါသပှၢ်တၢၢ်ဧါ. ²⁷ ဘၣ်ဆၣ်ဒီးအဝဲဒၣ်အံၤ အိၣ်ထီၣ်လၢလဲၣ်လၢလဲၣ်န့ၣ်, ပသ့ၣ်ညါလီၤ. မ့မ့ၢ်တုၤ ခရံာ်ဟဲဝဲဒီး, မ့ၢ်အအိၣ်ထီၣ်လၢလဲၣ်လၢလဲၣ်န့ၣ်, ပှၤ တသ့ၣ်ညါဘၣ်နီတဂၤဘၣ်.

²⁸ မၤသးဒ်န့ၣ်ဒီး ယ့ၣ်ရှူးသိၣ်က့ၤသီက့ၤတၢ်လၢတၢ်လုၢ် အဟံၣ်ပူၤအဖၢမုၢ်ဒီး, ကိးပသူထီၣ်ဒီးစံးဝဲဒၣ်, သုသ့ၣ် ညါယၤ, ဒီးယအိၣ်ထီၣ်လၢလဲၣ်လၢလဲၣ်န့ၣ်, သုသ့ၣ် ညါစ့ၢ်ကီးလီၤ. ဒီးယတဟဲဘၣ်ဖဲဒၣ်ယသးဒၣ်ယဲဘၣ်. မ့မ့ၢ်ပှၤလၢအမၢလီၤယၤမ့ၢ်အမ့ၢ်အတီလီၤ. ဒီးသုတသ့ၣ် ညါဘၣ်အီၤဘၣ်. ²⁹ ယဲဒၣ်အံၤယသ့ၣ်ညါအီၤ, အဂ့ၢ်ဒ် အံၤ, ယဟဲလၢအအိၣ်, ဒီးအဝဲဒၣ်မၢလီၤယၤလီၤ. ³⁰ မၤ သးဒ်န့ၣ်ဒီး, ပှၤဃုဟံးဃာ်အီၤလီၤ. ဒီးပှၤတပာ်ဘၣ်အ စုလၢအလိၤနီတဂၤဘၣ်. အဂ့ၢ်ဒ်အံၤ, အဆၢအကတီၢ် တဘၣ်ဒံးဘၣ်.

³¹ ဒီးပှၤအိၣ်လၢပှၤဂီၢ်မုၢ်အကျါ စူၢ်က့ၤနာ်က့ၤအီၤအါ ဂၤ, ဒီးစံးဝဲဒၣ်, တုၤခရံာ်ဟဲဝဲဒီး, မ့ၢ်အကမၤတၢ်လီၤ လးအါန့ၢ်အဝဲတဂၤအံၤမၤတၢ်တက့ၢ်ဧါ. ³² ဒီးပှၤဖၤရံၤၡဲ တဖၣ်နၢ်ဟူလၢ ပှၤဂီၢ်မုၢ်ကဒူးကဒ့ၣ်တၢ်န့ၣ်တဖၣ်လၢ အဂ့ၢ်, ဒီးပှၤဖၤရံၤၡဲဒီးပှၤလုၢ်တၢ်အဒိၣ်တဖၣ်န့ၣ်မၢအခ့ အပှၤလဲၤဟံးဃာ်အီၤလီၤ. ³³ မၤသးဒ်န့ၣ်ဒီးယ့ၣ်ရှူးစံးဝဲ ဒၣ်, ယအိၣ်ဒံးဒီးသုတစိၢ်ဖိ, ဒီးယကက့ၤထီၣ်ဆူပှၤလၢ အမၢလီၤယၤတဂၤအအိၣ်လီၤ. ³⁴ သုကဃုယၤ, ဒီးသု တထံၣ်န့ၢ်ဘၣ်လီၤ. ဒီးဖဲယအိၣ်အလီၢ်န့ၣ်, သုဟဲတသ့, ဘၣ်. ³⁵ မၤသးဒ်န့ၣ်ဒီးပှၤယူဒၤဖိတဖၣ်ကတိၤလိာ်အသး ဒီးစံးဝဲဒၣ်, ဒ်သိးပသုတထံၣ်န့ၢ်အီၤတဂ့ၤဒီး, မ့ၢ်အက လဲၤဆူလဲၣ်. မ့ၢ်အကလဲၤဆူပှၤလီၤပြံလီၤပြါလၢပှၤဟ့း လ့ၣ်ဖိအကျါအအိၣ်, ဒီးသိၣ်က့ၤသီက့ၤ ပှၤဟ့းလ့ၣ်ဖိ ဧါ. ³⁶ တၢ်ကတိၤအံၤလၢအစံးဝဲဒၣ်, သုကဃုယၤ, ဒီးသု တထံၣ်န့ၢ်ဘၣ်, ဒီးဖဲယအိၣ်အလီၢ်န့ၣ်, သုဟဲတသ့ ဘၣ်, မ့ၢ်တၢ်ကတိၤမနုၤလဲၣ်.

³⁷ ဒီးလၢ ဘူၣ်အကတၢၢ်တနံၤဖးဒိၣ်န့ၣ်, ယ့ၣ်ရှူးဆၢ ထၢၣ်, ဒီးကိးပသူထီၣ်ဒီးစံးဝဲဒၣ်, ပှၤမ့ၢ်သူအသးလၢ ထံတဂၤဂၤန့ၣ်, မ်အဟဲဆူယအိၣ်ဒီးအီတၢ်တက့ၢ်. ³⁸ ဒ် တၢ်ကွဲးအသး စံးဝဲအသိးန့ၣ်, ပှၤလၢအစူၢ်က့ၤနာ်က့ၤ ယၤအံၤ, ထံကျိမူတဖၣ်ကယွၤလီၤလၢအဟၢဖၢပူၤလီၤ.―

³⁹ ဘၣ်ဆၣ်ဒီးစံးတၢ်န့ၣ်, မ့ၢ်လၢသး, လၢပှၤစူၢ်က့ၤနာ်က့ၤ အီၤကဒိးန့ၢ်ဝဲအဂ့ၢ်အကျိၤလီၤ. အဂ့ၢ်ဒ်အံၤ, တၢ်တဟ့ၣ် လီၤဒံးဘၣ်သးစီဆှံဘၣ်. အဂ့ၢ်ဒ်အံၤ, ယ့ၣ်ရှူးတဘၣ် ဒံးဘၣ်အလၤကပီၤဘၣ်.

⁴⁰ မၤသးဒ်န့ၣ်ဒီး လၢပှၤဂီၢ်မုၢ်အကျါပှၤအါဂၤနၢ်ဟူအ ကလုၢ်အကထါ, ဒီးစံးဝဲဒၣ်, အဝဲဒၣ်အံၤမ့ၢ်မးဝံတဂၤ န့ၣ်နီၢ်နီၢ်လီၤ. ⁴¹ အဂၤတနီၤနီၤစံးဝဲဒၣ်, အဝဲဒၣ်အံၤမ့ၢ် ခရံာ်န့ၣ်လီၤ. မ့မ့ၢ်အဂၤတနီၤနီၤစံးဝဲဒၣ်, ခရံာ်န့ၣ်မ့ၢ် အဟဲလၢကၤလံၤလါဧါ. ⁴² လံာ်စံးဝဲလၢခရံာ်ဟဲလၢစီၤ ဒၤဝံးအချံအသၣ်ဒီးလၢစီၤဒၤဝံးအလီၢ်, သဝီဘ့ၤသလ့ ဃ့ၣ်, တမ့ၢ်ဘၣ်ဧါ. ⁴³ မၤသးဒ်န့ၣ်ဒီး, ပှၤဂီၢ်မုၢ်တဖၣ် မၤအသးဖုၣ်ထံၣ်ဖုၣ်ထီလၢအဂ့ၢ်အကျိၤလီၤ. ⁴⁴ ဒီးပှၤလၢ အကျါတနီၤနီၤ တၢ်မိၣ်ဟံးဃာ်အသးလၢအီၤဘၣ်ဆၣ် ဒီး, တပာ်ဘၣ်အစုလၢအလိၤနီတဂၤဘၣ်. ⁴⁵ မၤသးဒ်န့ၣ်ဒီးအခ့အပှၤတဖၣ်န့ၣ် က့ၤဆူပှၤလုၢ်တၢ်အဒိၣ်ဒီး ပှၤဖၤရံၤၡဲတဖၣ်အအိၣ်လီၤ. ဒီးအဝဲသ့ၣ်စံးဘၣ်အီၤ, ဘၣ်မနုၤလၢ သုတဟဲက့ၤမိၤဘၣ်အီၤလဲၣ်.―

⁴⁶ ဒီးအခ့အပှၤတဖၣ်ကတိၤဆၢဝဲ, ဒ်ပှၤတဂၤအံၤကတိၤ တၢ်အသိးန့ၣ်, ပှၤကညီတကတိၤဘၣ်နီတဂၤနီတခီၣ် ဘၣ်. ⁴⁷ မၤသးဒ်န့ၣ်ဒီးပှၤဖၤရံၤၡဲကတိၤဆၢအီၤ, မ့ၢ်သု ဘၣ်တၢ်လီန့ၢ်သုစ့ၢ်ကီးဧါ. ⁴⁸ ပဒိၣ်ပပှၢ်မ့ၢ်ဂ့ၤ, ပှၤဖၤရံၤၡဲ မ့ၢ်ဂ့ၤ, မ့ၢ်အနာ်အီၤတဂၤဂၤဧါ. ⁴⁹ မ့မ့ၢ်ပှၤဂီၢ်မုၢ်အံၤလၢ အတသ့ၣ်ညါဘၣ်တၢ်သိၣ်တၢ်သီန့ၣ် ဘၣ်တၢ်ဆိၣ်အၢ လီၤ. ⁵⁰ ပှၤလၢအဟဲတ့ၢ်လၢမုၢ်နၤဆူအအိၣ်, စီၤနံၤကဒ့ မူးတဂၤ, အိၣ်ဝဲလၢအဝဲသ့ၣ်အကျါ, ဒီးစံးဘၣ်အီၤ,―

⁵¹ ပတၢ်သိၣ်တၢ်သီမ့ၢ်တနၢ်ဟူဆိဘၣ်လၢအဂ့ၢ်, ဒီးမ့ၢ်တ သ့ၣ်ညါဘၣ်လၢအမၤတၢ်မနုၤမနုၤလဲၣ်န့ၣ်ဒီး, မ့ၢ်အစံၣ် ညီၣ်ပှၤကညီတဂၤဂၤဧါ. ⁵² ဒီးအဝဲသ့ၣ်ကတိၤဆၢတၢ်ဒီး စံးဘၣ်အီၤ, နမ့ၢ်ပှၤကၤလံၤလါဖိစ့ၢ်ကီးဧါ. ဃုကွၢ်လီၤ တံၢ်လီၤဆဲး, ဒီးသ့ၣ်ညါလၢဝံတအိၣ်ထီၣ်ဘၣ်လၢကၤ လံၤလါနီတဂၤဘၣ်န့ၣ်တက့ၢ်. ⁵³ ဒီးပှၤက့ၤဝဲတဂၤဆူအ ဟံၣ်တဂၤဆူအဟံၣ်လီၤ. ဒီးယ့ၣ်ရှူးဟးထီၣ်ဆူကစၢၢ် သ့ၣ်စၤယံးအလိၤလီၤ.

၈

¹ ဒီးမုၢ်ဆ့ၣ်ထီၣ်န့ၣ်, ဟဲကဒီးဆူတၢ်လုၢ်အဟံၣ်ပူၤ,―

² ဒီးပှၤဂီၢ်မုၢ်ခဲလၢာ်ဟဲဆူအအိၣ်, ဒီးဆ့ၣ်နီၤဝဲဒီးသိၣ်က့ၤ သီက့ၤအီၤလီၤ. ³ ဒီးပှၤကွဲးလံာ်ဒီးပှၤဖၤရံၤၡဲသ့ၣ်တဖၣ်, ဟဲဆှၢပိာ်မုၣ်လၢပှၤဖီၣ်န့ၢ်ဝဲ လၢအအဲၣ်ဘၢတၢ်အဖၢမုၢ်, ဒီးပာ်လီၤအီၤလၢတၢ်အသးကံၢ်ပူၤ, ⁴ ဒီးစံးဝဲဒၣ်, သရၣ် ဧၢ, ပိာ်မုၣ်တဂၤအံၤပှၤဖီၣ်န့ၢ်အီၤ ဖဲအအဲၣ်ဘၢတၢ်အဖၢ မုၢ်ဒၣ်လဲာ်လီၤ. ⁵ ဒီးစီၤမိၤရှ့မၤလိာ်ဝဲလၢတၢ်သိၣ်တၢ်သီ အပူၤ, ပှၤဒ်န့ၣ်တဖၣ်ကဘၣ်တၢ်ကွံာ်အီၤလၢလၢၢ်လီၤ. မၤသးဒ်န့ၣ်ဒီးမ့ၢ်နကစံးနဲဒ်လဲၣ်. ⁶ ဘၣ်ဆၣ်ဒီးစံးတၢ် န့ၣ်မ့ၢ်အလ့ပစီအီၤ, ဒ်သိးအပာ်တၢ်ကမၣ်လၢအလိၤအ လီၢ်ကအိၣ်လီၤ. ⁷ ဒီးယ့ၣ်ရှူးသကူးလီၤအသးဒီးကွဲးလီၤ ဟီၣ်ခိၣ်လၢအစုမုၢ်စုနၢလီၤ. ဒီးပှၤသံကွၢ်ဒံးတၢ်လၢအီၤ ဒီးအဝဲဒၣ်စူၣ်ထီၣ်အသး ဒီးစံးဘၣ်အီၤ, ပှၤလၢသုကျါ လၢအတၢ်ဒဲးဘးတအိၣ်ဘၣ်တဂၤန့ၣ်, ကကွံာ်ဆိအီၤ လၢလၢၢ်တဖျၢၣ်တက့ၢ်. ⁸ ဒီးသကူးလီၤကဒီးအသး, ဒီး ကွဲးလီၤက့ၤဟီၣ်ခိၣ်လီၤ. ⁹ ဒီးပှၤလၢအနၢ်ဟူတၢ်တဖၣ် န့ၣ်, အသးလၢအသ့ၣ်ညါဒၣ်တၢ်သိၣ်ဃီၣ်အီၤ, ဒီးလၢ အသးပှၢ်ကတၢၢ်တုၤလီၤလၢအသးစၢ်ကတၢၢ်တဂၤန့ၣ်, ဟးထီၣ်ကွံာ်ဝဲတဂၤဘၣ်တဂၤ, တဂၤဘၣ်တဂၤလီၤ. ဒီး ယ့ၣ်ရှူးအိၣ်လီၤတဲာ်ဝဲတဂၤဃီ, ဒီးပိာ်မုၣ်အိၣ်ဆၢထၢၣ် ဝဲလၢတၢ်သးကံၢ်ပူၤလီၤ. ¹⁰ ဒီးယ့ၣ်ရှူးစူၣ်ထီၣ်အသး, ဒီး တထံၣ်ဘၣ်ပှၤနီတဂၤဘၣ်. ထံၣ်ထဲပိာ်မုၣ်တဂၤန့ၣ်ဒီး စံးဘၣ်အီၤ, နီၢ်ဧၢ, ပှၤလၢအပာ်တၢ်ကမၣ်လၢနလိၤတ ဖၣ်န့ၣ်, အိၣ်ဖဲလဲၣ်. မ့ၢ်အတစံၣ်ညီၣ်ဃၣ်ဘၣ်နၤနီတ ဂၤဘၣ်ဧါ. ¹¹ ဒီးစံးဝဲဒၣ်, နီတဂၤဘၣ်, ကစၢ်ဧၢ. ဒီးယ့ၣ် ရှူးစံးဘၣ်အီၤ, ယဲဒၣ်အံၤ, ယတစံၣ်ညီၣ်ဃၣ်စ့ၢ်ကီးဘၣ် နၤဘၣ်. က့ၤက့ၤ, ဒီးမၤလၢၤတၢ်ဒဲးဘးတဂ့ၤ.

¹² မၤသးဒ်န့ၣ်ဒီးယ့ၣ်ရှူးစံးဘၣ်ကဒီးပှၤတဖၣ်, ဒီးစံးဝဲ ဒၣ်, ယဲဒၣ်အံၤ, ယမ့ၢ်ဟီၣ်ခိၣ်အကပီၤလီၤ. ပှၤလၢအ ပိာ်ယခံတဖၣ်န့ၣ်, တဟးဘၣ်ဝဲလၢတၢ်ခံးကျါဘၣ်, ဒီး ကန့ၢ်ဘၣ်တၢ်မူအတၢ်ကပီၤလီၤ. ¹³ မၤသးဒ်န့ၣ်ဒီးပှၤဖၤ ရံၤၡဲသ့ၣ်တဖၣ်စံးဘၣ်အီၤ, နအုၣ်နသးလၢနကစၢ်ဒၣ်နဲ အဂ့ၢ်လီၤ. နတၢ်အုၣ်နသးန့ၣ်တတီဘၣ်. ¹⁴ ဒီးယ့ၣ်ရှူး ကတိၤဆၢတၢ်ဒီးစံးဘၣ်အီၤ, ယအုၣ်ယသးလၢယဂ့ၢ်ဒၣ် ယဲဘၣ်ဆၣ်ဒီး, ယတၢ်အုၣ်ယသးန့ၣ်မ့ၢ်အမ့ၢ်အတီလီၤ. အဂ့ၢ်ဒ်အံၤ, မ့ၢ်ယဟဲလၢလဲၣ်လၢလဲၣ်, မ့ၢ်ယကက့ၤဆူ လဲၣ်ဆူလဲၣ်န့ၣ်, ယသ့ၣ်ညါလီၤ. မ့မ့ၢ်သုဝဲသ့ၣ်အံၤ, မ့ၢ် ယဟဲလၢလဲၣ်လၢလဲၣ်, မ့ၢ်ယကက့ၤဆူလဲၣ်ဆူလဲၣ်န့ၣ်, သုတသ့ၣ်ညါဘၣ်သုဝဲဘၣ်. ¹⁵ သုဝဲသ့ၣ်အံၤ, သုစံၣ်ညီၣ် တၢ်ဒ်တၢ်ညၣ်အသိးလီၤ. ယဲဒၣ်အံၤ, ယတစံၣ်ညီၣ်ဘၣ် ပှၤနီတဂၤဘၣ်. ¹⁶ ဒီးယမ့ၢ်စံၣ်ညီၣ်တၢ်ဒီး, ယတၢ်စံၣ်ညီၣ် န့ၣ်မ့ၢ်အတီလီၤ. အဂ့ၢ်ဒ်အံၤ, ယအိၣ်တဂၤဧိၤတမ့ၢ်ဘၣ်, ယအိၣ်ဒီးပၢ်လၢအမၢလီၤယၤလီၤ. ¹⁷ ဒီးတၢ်ကွဲးအသး လၢသုတၢ်သိၣ်တၢ်သီအပူၤ, လၢပှၤခံဂၤအတၢ်အုၣ်အ သးန့ၣ်မ့ၢ်အတီလီၤ.+ ၅မိၤ. ၁၉း၁၅|Deut.19.15*.¹⁸ ယဲဒၣ်အံၤ, ယအုၣ်ယသးလၢယဂ့ၢ်, ဒီးပၢ်လၢအမၢလီၤယၤန့ၣ်အုၣ် အသးလၢယဂ့ၢ်လီၤ. ¹⁹ မၤသးဒ်န့ၣ်ဒီး အဝဲသ့ၣ်စံးဘၣ် အီၤ, နပၢ်အိၣ်ဖဲလဲၣ်. ယ့ၣ်ရှူးကတိၤဆၢဝဲဒၣ်, ယၤမ့ၢ်ဂ့ၤ, ယပၢ်မ့ၢ်ဂ့ၤ, သုတသ့ၣ်ညါဘၣ်သုဝဲဘၣ်. သုမ့ၢ်သ့ၣ် ညါယၤဒီး, သုကသ့ၣ်ညါယပၢ်စ့ၢ်ကီးလီၤ.

²⁰ ယ့ၣ်ရှူးသိၣ်က့ၤသီက့ၤတၢ်လၢ တၢ်လုၢ်အဟံၣ်ပူၤအ ဖၢမုၢ်ဒီး, အိၣ်လၢစ့ပာ်ဖှိၣ်အလီၢ်, ဒီးစံးဘၣ်တၢ်တဖၣ် န့ၣ်လီၤ. ဒီးပှၤတပာ်ဘၣ်အစုလၢအလိၤ နီတဂၤဘၣ်. အဂ့ၢ်ဒ်အံၤ, အဆၢအကတီၢ်တဘၣ်ဒံးဘၣ်လီၤ. ²¹ မၤသးဒ်န့ၣ်ဒီးယ့ၣ်ရှူးစံးဘၣ်ကဒီးပှၤတဖၣ်, ယလဲၤတၢ်, ဒီးသုကဃုယၤ, ဒီးသုကသံလၢသုတၢ်ဒဲးဘးအပူၤ, ဒီးဖဲယလဲၤတၢ်အလီၢ်န့ၣ်, သုလဲၤတသ့ဘၣ်လီၤ.―

²² မၤသးဒ်န့ၣ်ဒီးပှၤယူဒၤဖိတဖၣ်စံးဝဲဒၣ်, အဝဲန့ၣ်စံးဝဲ, ဖဲ ယလဲၤတၢ်အလီၢ်န့ၣ်သုလဲၤတသ့ဘၣ်ဒီး, မ့ၢ်အကမၤသံ လီၤအသးန့ၣ်ဧါ. ²³ ဒီးစံးဘၣ်အီၤ, သုဝဲသ့ၣ်အံၤ, သုဘၣ် ဃးဒီးတၢ်လၢလာ်ခီ, မ့မ့ၢ်ယဲဒၣ်အံၤ, ယဘၣ်ဃးဒီးတၢ် လၢထးခီလီၤ. သုဝဲသ့ၣ်အံၤ, သုဘၣ်ဃးဒီးဟီၣ်ခိၣ်, မ့ မ့ၢ်ယဲဒၣ်အံၤ, ယတဘၣ်ဃးဘၣ်ဒီးဟီၣ်ခိၣ်ဘၣ်. ²⁴ မၤ သးဒ်န့ၣ်ဒီး, ယစံးတ့ၢ်သုလၢသုကသံလၢသုတၢ်ဒဲးဘး အပူၤလီၤ. အဂ့ၢ်ဒ်အံၤ, သုမ့ၢ်တနာ်ဘၣ်လၢယမ့ၢ်တၢ် န့ၣ်ဒီး, သုကသံလၢသုတၢ်ဒဲးဘးအပူၤလီၤ. ²⁵ မၤသးဒ် န့ၣ်ဒီး အဝဲသ့ၣ်တဖၣ်စံးဘၣ်အီၤ, နဲဒၣ်အံၤနမ့ၢ်မတၤ လဲၣ်. ဒီးယ့ၣ်ရှူးစံးဘၣ်အီၤ, ယမ့ၢ်ဒ်ယစံးဘၣ်တဲဘၣ် သုလၢသီလံၤလံၤအသိးန့ၣ်လီၤ. ²⁶ ယကတိၤတၢ်ဒီးယ စံၣ်ညီၣ်တၢ်လၢသုဂ့ၢ်သုကျိၤအလီၢ်အိၣ်အါမံၤလီၤ. မ့မ့ၢ် ပှၤလၢအမၢလီၤယၤတဂၤန့ၣ်, မ့ၢ်အတီအလိၤ, ဒီးတၢ် လၢယနၢ်ဟူလၢအီၤန့ၣ်, ယစံးဘၣ်ပှၤဟီၣ်ခိၣ်ဖိလီၤ.―

²⁷ ဒီးအဝဲသ့ၣ်တသ့ၣ်ညါဘၣ်လၢ အကတိၤတၢ်လၢပၢ်အ ဂ့ၢ်အကျိၤန့ၣ်ဘၣ်.

²⁸ မၤသးဒ်န့ၣ်ဒီးယ့ၣ်ရှူးစံးဘၣ်အီၤ, တုၤသုယူာ်ထီၣ်ပှၤ ကညီဖိခွါအံၤဒီး, သုကသ့ၣ်ညါလၢယမ့ၢ်တၢ်န့ၣ်, ဒီး လၢယတမၤဒၣ်ယတၢ်နီတမံၤဘၣ်. မ့ၢ်ဒ်ယပၢ်သိၣ်လိ ယၤအသိးယကတိၤတၢ်, ²⁹ ဒီးပှၤလၢအမၢလီၤယၤတဂၤ န့ၣ်အိၣ်ဒီးယၤလီၤ. တဟးသဒၣ်ဘၣ်ယၤဘၣ်. အဂ့ၢ်ဒ် အံၤ, တၢ်လၢအဘၣ်အသးတဖၣ်န့ၣ်, ယမၤတထံၣ်ဃီ လီၤ. ³⁰ စံးဘၣ်တဲဘၣ်တၢ်တဖၣ်န့ၣ်အဖၢမုၢ်ဒီး, ပှၤစူၢ် က့ၤနာ်က့ၤအီၤအါဂၤလီၤ.

³¹ မၤသးဒ်န့ၣ်ဒီးယ့ၣ်ရှူးစံးဘၣ် ပှၤယူဒၤဖိလၢအစူၢ်က့ၤ နာ်က့ၤအီၤတဖၣ်န့ၣ်, သုမ့ၢ်အိၣ်မ့ၢ်ဆိးလၢယကလုၢ်က ထါအပူၤဒီး, သုမ့ၢ်ယပျဲၢ်ယဘီၣ်အနီၢ်အသံးလီၤ. ³² ဒီး သုကသ့ၣ်ညါတၢ်မ့ၢ်တၢ်တီ, ဒီးတၢ်မ့ၢ်တၢ်တီန့ၣ်ကမၤ ထူၣ်ဖျဲးသုလီၤ. ³³ ဒီးအဝဲသ့ၣ်စံးဆၢအီၤ, ပဝဲဒၣ်အံၤ, ပ မ့ၢ်စီၤအၤဘြၤဟၣ်အချံအသၣ်, ဒီးပတကဲကုၢ်လၢပှၤတ ဂၤဂၤအစုပူၤနီတခီၣ်ဘၣ်. နစံးလၢတၢ်ကမၤထူၣ်ဖျဲးသု န့ၣ်မ့ၢ်ဒ်လဲၣ်. ³⁴ ဒီးယ့ၣ်ရှူးကတိၤဆၢအီၤ, ယစံးဘၣ်သု တီတီလိၤလိၤလၢကယဲၢ်ပှၤလၢအမၤတၢ်ဒဲးဘးန့ၣ်, မ့ၢ် တၢ်ဒဲးဘးအကုၢ်လီၤ. ³⁵ ဒီးကုၢ်န့ၣ်တအိၣ်ဘၣ်လၢဟံၣ် ပူၤတဘိယူၢ်ဃီဘၣ်. မ့မ့ၢ်ဖိခွါန့ၣ်အိၣ်ဝဲတဘိယူၢ်ဃီ လီၤ. ³⁶ မၤသးဒ်န့ၣ်ဒီး, ဖိခွါမ့ၢ်မၤထူၣ်ဖျဲးသုဒီး, သုကထူၣ် ဖျဲးနီၢ်နီၢ်လီၤ. ³⁷ ယသ့ၣ်ညါလၢသုမ့ၢ်စီၤအၤဘြၤဟၣ်အချံ အသၣ်လီၤ. ဘၣ်ဆၣ်ဒီးသုဃုမၤသံယၤလီၤ. အဂ့ၢ်ဒ်အံၤ, ယကလုၢ်ယကထါ တအိၣ်တဆိးဘၣ်လၢသုပူၤဘၣ်.―

³⁸ တၢ်လၢယထံၣ်လၢယပၢ်အအိၣ်န့ၣ် ယကတိၤယဲ, ဒီး တၢ်လၢသုထံၣ်လၢသုပၢ်အအိၣ်န့ၣ်, သုမၤသုဝဲလီၤ.

³⁹ ဒီးအဝဲသ့ၣ်စံးဆၢတၢ်ဒီးစံးဘၣ်အီၤ, စီၤအၤဘြၤဟၣ် မ့ၢ်ပပၢ်လီၤ. ဒီးယ့ၣ်ရှူးစံးဘၣ်အီၤ, သုမ့မ့ၢ်စီၤအၤဘြၤ ဟၣ်အဖိဒီး, သုကမၤစီၤအၤဘြၤဟၣ်အတၢ်မၤလီၤ. ⁴⁰ ဒီး ခဲကနံၣ်အံၤ, သုဃုမၤသံယၤ, ပှၤလၢအစံးဘၣ်တဲဘၣ် သုလၢတၢ်မ့ၢ်တၢ်တီ လၢယနၢ်ဟူလၢယွၤန့ၣ်လီၤ. စီၤ အၤဘြၤဟၣ်တမၤဘၣ်ဒ်န့ၣ်ဘၣ်. ⁴¹ သုဝဲသ့ၣ်အံၤ, သုမၤ သုပၢ်အတၢ်မၤလီၤ. မၤသးဒ်န့ၣ်ဒီး, အဝဲသ့ၣ်စံးဘၣ်အီၤ, ပဝဲဒၣ်အံၤပတအိၣ်ဖျဲၣ်ဘၣ်လၢပှၤမၤကမၣ်မုၣ်ကမၣ်ခွါ ဘၣ်, ပအိၣ်ဒီးပပၢ်ယွၤတဂၤဃီန့ၣ်လီၤ. ⁴² မၤသးဒ်န့ၣ်ဒီး ယ့ၣ်ရှူးစံးဘၣ်အီၤ, ယွၤမ့မ့ၢ်သုပၢ်ဒီး, သုကအဲၣ်ယၤလီၤ. အဂ့ၢ်ဒ်အံၤ, ယဟးထီၣ်လၢယွၤအအိၣ်, ဒီးယဟဲလီၤယဲ လီၤ. အဂ့ၢ်ဒ်အံၤ, တမ့ၢ်ဘၣ်ယဟဲဒၣ်ယဲဘၣ်, မ့ၢ်အမၢ လီၤယၤလီၤ. ⁴³ ဘၣ်မနုၤလၢသုနၢ်တပၢၢ်ဘၣ်ယတၢ်က တိၤလဲၣ်. မ့ၢ်သုဒိကနၣ်ယကလုၢ်ကထါတသ့ဘၣ်အဂ့ၢ် လီၤ. ⁴⁴ သုဝဲသ့ၣ်အံၤ, သုဘၣ်ဃးဒီးသုပၢ်မုၣ်ကီၤလံၢ်, ဒီး ဖဲဒၣ်သုပၢ်အသးန့ၣ်, တၢ်မိၣ်မၤသုသးလီၤ. အဝဲန့ၣ်လၢ သီလံၤလံၤ, မ့ၢ်ပှၤလၢအမၤသံပှၤကညီ, ဒီးတဆၢထၢၣ် ဘၣ်လၢတၢ်မ့ၢ်တၢ်တီအပူၤဘၣ်. အဂ့ၢ်ဒ်အံၤ, တၢ်မ့ၢ်တၢ် တီတအိၣ်ဘၣ်လၢအပူၤဘၣ်. တုၤအကတိၤတၢ်ကဘျံး ကဘျၣ်ဒီး, မ့ၢ်အကတိၤတၢ်လၢအတၢ်ဒၣ်ဝဲလီၤ. အဂ့ၢ် ဒ်အံၤ, မ့ၢ်ပှၤလၢအကတိၤတၢ်ကဘျံးကဘျၣ်, ဒီးမ့ၢ်တၢ် ကတိၤကဘျံးကဘျၣ်အပၢ်လီၤ. ⁴⁵ ဒီးယဲဒၣ်အံၤ, ယက တိၤတၢ်မ့ၢ်တၢ်တီအဃိဒီး, သုတနာ်ဘၣ်ယၤဘၣ်.

⁴⁶ မ့ၢ်မတၤလၢသုကျါ ကဒုးနဲၣ်ယၤလၢတၢ်ကမၣ်အဂ့ၢ် တဂၤလဲၣ်. ဒီးယမ့ၢ်ကတိၤတၢ်မ့ၢ်တၢ်တီဒီး, ဘၣ်မနုၤ လၢသုတနာ်ဘၣ်ယၤလဲၣ်. ⁴⁷ ပှၤဘၣ်ဃးဒီးယွၤန့ၣ်, ဒိ ကနၣ်ယွၤအကလုၢ်ကထါလီၤ. မ်ဒ်န့ၣ်ဒီးသုဝဲသ့ၣ်အံၤ, မ့ၢ်သုတဘၣ်ဃးဘၣ်ဒီးယွၤဘၣ်ဒီး, သုတဒိကနၣ်သုဝဲ ဘၣ်လီၤ.

⁴⁸ မၤသးဒ်န့ၣ်ဒီး ပှၤယူဒၤဖိ ကတိၤဆၢတၢ်ဒီးစံးဘၣ် အီၤ, နဲဒၣ်အံၤ, ပစံးဘၣ်မး, လၢနမ့ၢ်ပှၤၡၤမရံဖိ, ဒီးတၢ် နါအိၣ်လၢနလိၤ, တမ့ၢ်ဘၣ်ဧါ. ⁴⁹ ဒီးယ့ၣ်ရှူးကတိၤဆၢဝဲ ဒၣ်, တၢ်နါတအိၣ်ဘၣ်လၢယလိၤဘၣ်. မ့မ့ၢ်ယယူးယီၣ် ယပၢ်, ဒီးသုတယူးတယီၣ်ဘၣ်ယၤဘၣ်. ⁵⁰ ယတဃု ဘၣ်ယလၤယကပီၤဒၣ်ယဲဘၣ်. ပှၤလၢအဃုတၢ်ဒီးစံၣ် ညီၣ်တၢ်န့ၣ်, အိၣ်တဂၤလီၤ. ⁵¹ ယစံးဘၣ်တဲဘၣ်သုတီတီ လိၤလိၤ, ပှၤမ့ၢ်တိၢ်န့ၢ်ယကလုၢ်ယကထါ တဂၤဂၤဒီး, လီၤထူလီၤယိာ်, တထံၣ်ဘၣ်တၢ်သံဘၣ်. ⁵² မၤသးဒ်န့ၣ် ဒီးပှၤယူဒၤဖိစံးဘၣ်အီၤ, အအံၤတစုအံၤ, ပသ့ၣ်ညါလၢ တၢ်နါအိၣ်လၢနလိၤလီၤ. စီၤအၤဘြၤဟၣ်ဒီးဝံသ့ၣ်တဖၣ် န့ၣ်သံလံဝဲလံ, ဒီးနစံးနဲ, ပှၤတဂၤမ့ၢ်တိၢ်န့ၢ်ယကလုၢ်ယ ကထါဒီး, လီၤထူလီၤယိာ်တလ့ၣ်ကွၢ်ဘၣ်တၢ်သံဘၣ်.―

⁵³ နဲဒၣ်အံၤ, မ့ၢ်နဒိၣ်န့ၢ်ပပၢ်စီၤအၤဘြၤဟၣ်လၢအသံတ့ၢ် တဂၤန့ၣ်ဧါ. ဒီးဝံသ့ၣ်တဖၣ်သံဝဲလီၤ. နဲဒၣ်အံၤ, နမၤန သးလၢမတၤတဂၤလဲၣ်. ⁵⁴ ယ့ၣ်ရှူးစံးဆၢဝဲဒၣ်, ယဲဒၣ် အံၤ, ယမ့ၢ်မၤလၤကပီၤလီၤယသးဒီး, ယလၤကပီၤန့ၣ်မ့ၢ်တၢ်ကလီကလီလီၤ. ပှၤလၢအမၤလၤကပီၤယၤ, မ့ၢ် ယပၢ်လၢသုစံး လၢအမ့ၢ်သုကစၢ်လီၤ. ⁵⁵ ဒီးသုတသ့ၣ် ညါဘၣ်အီၤဘၣ်. မ့မ့ၢ်ယဲဒၣ်အံၤယသ့ၣ်ညါအီၤလီၤ. ဒီး ယမ့ၢ်စံးလၢယတသ့ၣ်ညါဘၣ်အီၤဒီး, ယကကဲလၢပှၤ ကတိၤတၢ်ကဘျံးကဘျၣ်ဒ်သိးဒီးသုလီၤ. မ့မ့ၢ်ယသ့ၣ် ညါအီၤ, ဒီးယတိၢ်န့ၢ်အကလုၢ်အကထါလီၤ. ⁵⁶ သုပၢ်စီၤ အၤဘြၤဟၣ်ဆၢထံၣ်ဘၣ်ယနံၤယသီအံၤ, ဒီးထံၣ်ဝဲဒီးအ သူၣ်ဖှံအသးညီလီၤ. ⁵⁷ မၤသးဒ်န့ၣ်ဒီး, ပှၤယူဒၤဖိစံးဘၣ် အီၤ, နဲဒၣ်အံၤနသးတအိၣ်ဒံးဘၣ်အနံၣ်ယဲၢ်ဆံဘၣ်ဒီး, မ့ၢ်နထံၣ်လံ စီၤအၤဘြၤဟၣ်လံဧါ. ⁵⁸ ဒီးယ့ၣ်ရှူးစံးဘၣ် အီၤ, ယစံးဘၣ်တဲဘၣ်သုတီတီလိၤလိၤ, စီၤအၤဘြၤဟၣ် တချုးအိၣ်ထီၣ်ဒံးဘၣ်န့ၣ်ယမ့ၢ်ယဲလီၤ. မၤသးဒ်န့ၣ်ဒီး, အဝဲသ့ၣ်ဟံးထီၣ်လၢၢ်ဒ်သိးအကကွံာ်အီၤလီၤ. ⁵⁹ ဒီးယ့ၣ် ရှူးပာ်ခူသူၣ်အသး, ဒီး (ခီတူာ်လၢအကျါဒီး, ဟးပူၤကွံာ် ဒ်န့ၣ်, ဒီး) ဟးထီၣ်ကွံာ်ဝဲလၢတၢ်လုၢ်အဟံၣ်ပူၤလီၤ.

၉

¹ ဒီးလဲၤပူၤကွံာ်တၢ်အဖၢမုၢ်ဒီး, ထံၣ်ပှၤမဲာ်ဘျီၣ်လၢအ အိၣ်ဖျဲၣ်မဲာ်ဘျီၣ်တဂၤလီၤ. ² ဒီးအပျဲၢ်အဘီၣ်သံကွၢ်အီၤ ဒီးစံးဝဲဒၣ်, ရၤဘံဧၢ, မ့ၢ်မတၤမၤတၢ်ဒဲးဘးလၢပှၤတဂၤ အံၤကအိၣ်ဖျဲၣ်အမဲာ်ဘျီၣ်လဲၣ်. မ့ၢ်ပှၤတဂၤအံၤ, မ့ၢ်အ မိၢ်အပၢ်လဲၣ်. ³ ဒီးယ့ၣ်ရှူးစံးဆၢဝဲဒၣ်, အဝဲဒၣ်မ့ၢ်ဂ့ၤ, အမိၢ်အပၢ်မ့ၢ်ဂ့ၤ, တမၤဘၣ်တၢ်ဒဲးဘးဘၣ်. မ့ၢ်ဒ်သိးယွၤ အတၢ်မၤ ကအိၣ်ဖျါလၢအလိၤလီၤ. ⁴ ပှၤလၢအမၢလီၤ ယၤတဂၤအတၢ်မၤန့ၣ်ယဘၣ်မၤလၢမုၢ်ဆါခီလီၤ. မုၢ်နၤ လၢပှၤမၤတၢ်တသ့ဘၣ်နီတဂၤဘၣ်ကဟဲဝဲလီၤ. ⁵ ဖဲယ အိၣ်လၢဟီၣ်ခိၣ်အဖၢမုၢ်ဒီး, ယမ့ၢ်ဟီၣ်ခိၣ်အကပီၤလီၤ.

⁶ စံးတၢ်န့ၣ်ဒီး, ထူးပှဲာ်ဟီၣ်ခိၣ်, ဒီးမၤကပံာ်လၢအထူး ပျ့ၤ, ဒီးပဲလီၤကပံာ်လၢပှၤမဲာ်ဘျီၣ်အမဲာ်, ⁷ ဒီးစံးဘၣ် အီၤ, လဲၤဆူနိၣ်ၡံလိၤ, (အခီပညီမ့ၢ်တၢ်မၢလီၤ), ဒီးပျၢ် ကွံာ်တက့ၢ်. မၤသးဒ်န့ၣ်ဒီးအဝဲဒၣ်လဲၤပျၢ်ကွံာ် ဒီးထံၣ် ထီၣ်တၢ်ဒီးဟဲက့ၤဝဲလီၤ.

⁸ ဒီးပှၤအိၣ်လၢအဃၢၤ, ဒီးပှၤလၢအထံၣ်တ့ၢ်အီၤလၢ အမဲာ်ဘျီၣ်န့ၣ်, စံးဝဲဒၣ်, အဝဲအံၤမ့ၢ်ပှၤလၢအဆ့ၣ်နီၤဃ့ အီၣ်တၢ်, တမ့ၢ်ဘၣ်ဧါ. ⁹ အဂၤတနီၤစံးဝဲဒၣ်, မ့ၢ်အဝဲ ဒၣ်သၢၣ်. အဂၤတနီၤစံးဝဲဒၣ်, မ့ၢ်အလီၤဂာ်လၢအဝဲဒၣ် န့ၣ်လီၤ. အကစၢ်စံးဝဲဒၣ်, မ့ၢ်ယၤလီၤ. ¹⁰ မၤသးဒ်န့ၣ်ဒီး အဝဲသ့ၣ်စံးဘၣ်အီၤ, နမဲာ်အိးထီၣ်အသးဒ်လဲၣ်. ¹¹ ဒီး ကတိၤဆၢတၢ်ဒီးစံးဝဲဒၣ်, ပှၤကိးဝဲအမံၤလၢယ့ၣ်ရှူးတဂၤ န့ၣ်, မၤကပံာ်ဒီးပဲလီၤယမဲာ်, ဒီးစံးဘၣ်ယၤ, လဲၤဆူနိၣ် ၡံလိၤ, ဒီးပျၢ်ကွံာ်တက့ၢ်. ဒီးယလဲၤပျၢ်ကွံာ်ဒီးယထံၣ် ထီၣ်တၢ်လီၤ. ¹² မၤသးဒ်န့ၣ်ဒီးအဝဲသ့ၣ်စံးဘၣ်အီၤ, မ့ၢ် အအိၣ်ဖဲလဲၣ်. ဒီးစံးဝဲဒၣ်, ယတသ့ၣ်ညါဘၣ်.

¹³ ဒီးအဝဲသ့ၣ်လဲၤဆှၢ ပှၤလၢအမဲာ်ဘျီၣ်တ့ၢ်တဂၤ, ဆူ ပှၤဖၤရံၤၡဲအအိၣ်လီၤ. ¹⁴ ဒီးလၢယ့ၣ်ရှူးမၤကပံာ် ဒီးအိး ထီၣ်အမဲာ်န့ၣ်, မ့ၢ်အိၣ်ဘှံးအနံၤလီၤ. ¹⁵ မၤသးဒ်န့ၣ်ဒီး ပှၤဖၤရံၤၡဲသ့ၣ်တဖၣ်သံကွၢ်ကဒီးအီၤ, မ့ၢ်နထံၣ်ထီၣ်တၢ် ဒ်လဲၣ်. ဒီးအဝဲဒၣ်စံးဘၣ်အီၤ, ပဲလီၤယမဲာ်လၢကပံာ်, ဒီးယပျၢ်ကွံာ်ဒီးယထံၣ်ထီၣ်တၢ်လီၤ. ¹⁶ မၤသးဒ်န့ၣ်ဒီးပှၤ ဖၤရံၤၡဲတနီၤနီၤစံးဝဲဒၣ်, ပှၤတဂၤန့ၣ်တတိၢ်န့ၢ်ဘၣ်အိၣ် ဘှံးအနံၤဘၣ်ဒီး, တဘၣ်ဃးဘၣ်ဒီးယွၤဘၣ်လီၤ. အဂၤ တနီၤစံးဝဲဒၣ်, ပှၤတၢ်ဒဲးဘးဖိမၤတၢ်လီၤလးထဲအံၤကသ့ ဒ်လဲၣ်. ဒီးဖုၣ်ထံၣ်ဖုၣ်ထီလိာ်အသးတကူၢ်သ့ၣ်လီၤ. ¹⁷ ဒီး စံးဘၣ်ကဒီးပှၤမဲာ်ဘျီၣ်, အဝဲဒၣ်လၢအအိးထီၣ်နမဲာ်အ ဃိဒီး, နစံးနဲလၢအဂ့ၢ်အကျိၤဒ်လဲၣ်. ဒီးစံးဝဲဒၣ်, မ့ၢ်ဝံတ ဂၤလီၤ.

¹⁸ ဒီးပှၤယူဒၤဖိ, တချုးအကိးဒံးဘၣ်ပှၤလၢအထံၣ်ထီၣ် တၢ်တဂၤအမိၢ်အပၢ်ဒီး, တနာ်ဘၣ်လၢအမဲာ်ဘျီၣ်တ့ၢ် ဒီးထံၣ်ထီၣ်က့ၤတၢ်န့ၣ်ဘၣ်. ¹⁹ ဒီးသံကွၢ်အီၤဒီးစံးဝဲဒၣ်, အဝဲအံၤမ့ၢ်သုဖိခွါ, လၢသုစံးလၢအအိၣ်ဖျဲၣ်မဲာ်ဘျီၣ်န့ၣ် ဧါ. မၤသးဒ်န့ၣ်ဒီး မ့ၢ်အထံၣ်ထီၣ်တၢ်ခဲကနံၣ်အံၤ ဒ် လဲၣ်. ²⁰ အမိၢ်အပၢ်ကတိၤဆၢအီၤဒီးစံးဝဲဒၣ်, ပသ့ၣ်ညါ လၢအဝဲအံၤမ့ၢ်ပဖိခွါ, ဒီးလၢအအိၣ်ဖျဲၣ်မဲာ်ဘျီၣ်လီၤ.―

²¹ ဘၣ်ဆၣ်ဒီးမ့ၢ်အထံၣ်ထီၣ်တၢ်ခဲကနံၣ်အံၤ ဒ်လဲၣ်ဒ်လဲၣ် န့ၣ်, ပတသ့ၣ်ညါဘၣ်. ဒီးမ့ၢ်မတၤအိးထီၣ်အမဲာ်တဂၤ န့ၣ်, ပတသ့ၣ်ညါဘၣ်. အဝဲဒၣ်န့ၣ်ဒိၣ်တုာ်ခိၣ်ပှဲၤလံ. သံကွၢ်အီၤတက့ၢ်. ကကတိၤတၢ်လၢအဂီၢ်ဒၣ်ဝဲလီၤ. ²² အမိၢ်အပၢ်ပျံၤပှၤယူဒၤဖိဒီး, စံးတၢ်တဖၣ်န့ၣ်လီၤ. အဂ့ၢ် ဒ်အံၤ, ပှၤယူဒၤဖိတဖၣ်ပာ်လီၤအသး လၢပှၤတဂၤဂၤ မ့ၢ်အၢၣ်လီၤအီလီၤလၢခရံာ်န့ၣ်ဒီး, ကဘၣ်တၢ်ဟီထီၣ် ကွံာ်လၢဘူၣ်ဘျီၣ်ပူၤလီၤ. ²³ မ်ဒ်န့ၣ်ဒီးအမိၢ်အပၢ်စံးဝဲလၢ အဒိၣ်တုာ်ခိၣ်ပှဲၤလံ. သံကွၢ်လၢအီၤတက့ၢ်.

²⁴ မၤသးဒ်န့ၣ်ဒီးအဝဲသ့ၣ်တဖၣ်ကိးန့ၢ်ခံစုတစု ပှၤလၢ အမဲာ်ဘျီၣ်န့ၣ်ဒီးစံးဘၣ်အီၤ, မၤလၤကပီၤယွၤတက့ၢ်. ပ သ့ၣ်ညါလၢပှၤတဂၤအံၤမ့ၢ်ပှၤတၢ်ဒဲးဘးဖိလီၤ. ²⁵ မၤသး ဒ်န့ၣ်ဒီးအဝဲဒၣ်ကတိၤဆၢတၢ်ဒီးစံးဝဲဒၣ်, ပှၤတဂၤအံၤ မ့ၢ်ပှၤတၢ်ဒဲးဘးဖိဧါ, ယတသ့ၣ်ညါဘၣ်. တၢ်တမံၤလၢ ယမ့ၢ်တ့ၢ်ပှၤမဲာ်ဘျီၣ်ဒီး ခဲကနံၣ်အံၤယထံၣ်ထီၣ်တၢ်န့ၣ်, ယသ့ၣ်ညါလီၤ. ²⁶ ဒီးအဝဲသ့ၣ်စံးဘၣ်ကဒီးအီၤ, မ့ၢ်အမၤ နၤလၢမနုၤလဲၣ်. မ့ၢ်အအိးထီၣ်နမဲာ်ဒ်လဲၣ်. ²⁷ အဝဲဒၣ် ကကတိၤဆၢအီၤဒီးစံးဝဲဒၣ်, ယစံးဘၣ်တဲဘၣ်လံမးသု တစုလံ, ဒီးသုတကနၣ်ဘၣ်. တၢ်မိၣ်နၢ်ဟူကဒီးသုသး ဘၣ်မနုၤလဲၣ်. တၢ်မိၣ်ကဲထီၣ်သုသးလၢ အပျဲၢ်အဘီၣ် ဧါ. ²⁸ ဒီးအဝဲသ့ၣ်ဒုၣ်ဒွဲၣ်အီၤဒီးစံးဝဲဒၣ်, နဲဒၣ်အံၤနမ့ၢ်အ ဝဲန့ၣ်အပျဲၢ်အဘီၣ်, မ့မ့ၢ်ပဝဲဒၣ်အံၤ, ပမ့ၢ်စီၤမိၤရှ့အပျဲၢ် အဘီၣ်လီၤ. ²⁹ ပသ့ၣ်ညါလၢယွၤကတိၤတၢ်ဒီး စီၤမိၤရှ့ လီၤ. မ့မ့ၢ်အဝဲတဂၤအံၤ, မ့ၢ်အအိၣ်ထီၣ်လၢလဲၣ်လၢလဲၣ် န့ၣ်, ပတသ့ၣ်ညါဘၣ်. ³⁰ ပှၤကညီတဂၤန့ၣ်ကတိၤဆၢ တၢ်ဒီးစံးဘၣ်အီၤ, အအံၤမ့ၢ်တၢ်ကမၢကမၣ်အလီၢ်လီၤ. အဂ့ၢ်ဒ်အံၤ, မ့ၢ်အအိးထီၣ်နာ်သက့ယမဲာ်ဒီး, အိၣ်ထီၣ် လၢလဲၣ်လၢလဲၣ်န့ၣ်, သုတသ့ၣ်ညါဘၣ်. ³¹ ဘၣ်ဆၣ်ဒီး ပသ့ၣ်ညါလၢပှၤတၢ်ဒဲးဘးဖိတဖၣ်န့ၣ်, ယွၤတဒိကနၣ် ဘၣ်ဝဲဘၣ်. မ့မ့ၢ်ပှၤလၢအယူးယီၣ်ယွၤ, ဒီးမၤဝဲဖဲယွၤအ သးတဂၤန့ၣ်, ယွၤဒိကနၣ်အကလုၢ်လီၤ. ³² တၢ်အိးထီၣ် ပှၤအိၣ်ဖျဲၣ်မဲာ်ဘျီၣ်တဂၤအမဲာ်န့ၣ် လၢဟီၣ်ခိၣ်ခီၣ်ထံး လံၤလံၤ ပှၤတနၢ်ဟူဘၣ်နီတခီၣ်ဘၣ်. ³³ အဝဲဒၣ်မ့ၢ်တ ဘၣ်ဃးဘၣ်ဒီးယွၤဘၣ်ဒီး, မၤတၢ်တသ့နီတမံၤဘၣ်.―

³⁴ ဒီးအဝဲသ့ၣ်ကတိၤဆၢတၢ်ဒီးစံးဘၣ်အီၤ, နဲဒၣ်အံၤ, နအိၣ် ဖျဲၣ်လၢတၢ်ဒဲးဘးအပူၤလၢာ်လ့ၤတက့ၤဒီး, မ့ၢ်နသိၣ်က့ၤ ပှၤဧါ. ဒီးဟီထီၣ်ကွံာ်အီၤလီၤ. ³⁵ ဒီးယ့ၣ်ရှူးနၢ်ဟူလၢအဘၣ်တၢ်ဟီထီၣ်ကွံာ်, ဒီးထံၣ်န့ၢ်အီၤ, ဒီးစံးဘၣ်အီၤ, ယွၤအဖိခွါန့ၣ်နနာ်စ့ၢ်ကီးဧါ.―

³⁶ ဒီးအဝဲဒၣ်ကတိၤဆၢတၢ်ဒီးစံးဘၣ်အီၤ, ကစၢ်ဧၢ, ဒ်သိး ယကနာ်အီၤဒီး, မ့ၢ်အမ့ၢ်မတၤတဂၤလဲၣ်. ³⁷ ဒီးယ့ၣ်ရှူး စံးဘၣ်အီၤ, နထံၣ်အီၤ, ဒီးပှၤလၢအကတိၤတၢ်ဒီးနၤ အံၤ, မ့ၢ်အဝဲဒၣ်လီၤ. ³⁸ ဒီးစံးဝဲဒၣ်, ကစၢ်ဧၢ, ယနာ်လီၤ. ဒီးဘူၣ်ထီၣ်ဘါထီၣ်အီၤလီၤ.

³⁹ ဒီးယ့ၣ်ရှူးစံးဝဲဒၣ်, ပှၤလၢအတထံၣ်ဘၣ် တၢ်တဖၣ် န့ၣ်, ဒ်သိးအကထံၣ်တၢ်, ဒီးပှၤလၢအထံၣ်တၢ်တဖၣ် န့ၣ်, ဒ်သိးအမဲာ်ကဘျီၣ်ဒီး, ယဟဲဆူဟီၣ်ခိၣ်အံၤ, လၢ တၢ်စံၣ်ညီၣ်အဂီၢ်လီၤ. ⁴⁰ ဒီးပှၤဖၤရံၤၡဲလၢအအိၣ်ဒီးအီၤ တနီၤနီၤနၢ်ဟူဝဲဒီးစံးဘၣ်အီၤ, ပဝဲဒၣ်အံၤ, ပမဲာ်ဘျီၣ် စ့ၢ်ကီးဧါ. ယ့ၣ်ရှူးစံးဘၣ်အီၤ, သုမဲာ်မ့ၢ်ဘျီၣ်ဒီးသုတၢ် ဒဲးဘးတအိၣ်ဘၣ်. မ့မ့ၢ်ခဲကနံၣ်အံၤ, သုစံးလၢသုထံၣ် တၢ်, မၤသးဒ်န့ၣ်ဒီး, သုတၢ်ဒဲးဘးအိၣ်ဒၣ်တၢ်လီၤ.

၁၀

¹ ယစံးဘၣ်တဲဘၣ်သု တီတီလိၤလိၤ, ပှၤလၢအတဟဲ နုာ်ဘၣ်လၢ သိကရၢအကျဲစၢၤဘၣ်, ဒီးဟဲခါပတာ်အ လီၢ်တပူၤဒၣ်န့ၣ်, မ့ၢ်တၢ်ဟုၣ်တၢ်ဘျၣ်ဒီး တမျိးတမျာ် လီၤ. ² မ့မ့ၢ်ပှၤလၢအဟဲနုာ်လၢကျဲစၢၤတဂၤန့ၣ်, မ့ၢ်ပှၤ ကွၢ်သိလီၤ. ³ ဒီးပှၤပၢၤကျဲစၢၤတဂၤန့ၣ်အိးထီၣ်န့ၢ်အဂီၢ်, ဒီးအသိတဖၣ်န့ၣ်ကနၣ်အကလုၢ်, ဒီးကိးထီၣ်အသိဒၣ် ဝဲလၢအမံၤ, ဒီးဟးထီၣ်ယုၤအီၤလီၤ. ⁴ တုၤအဒုးဟးထီၣ် အသိဒၣ်ဝဲဒီး, လဲၤဝဲလၢညါ, ဒီးသိန့ၣ်ပိာ်ထီၣ်အခံလီၤ. အဂ့ၢ်ဒ်အံၤ, သ့ၣ်ညါအကလုၢ်လီၤ. ⁵ မ့မ့ၢ်ပှၤတမှံၤအခံ န့ၣ်တပိာ်ဘၣ်ဝဲဘၣ်. မ့ၢ်အဃ့ၢ်ကွံာ်လၢအအိၣ်လီၤ. အ ဂ့ၢ်ဒ်အံၤ, တသ့ၣ်ညါဘၣ်ပှၤတမှံၤအကလုၢ်ဘၣ်.

⁶ ယ့ၣ်ရှူးစံးဘၣ်အီၤလၢတၢ်ကတိၤဒိအံၤ ဘၣ်ဆၣ်ဒီး, ပှၤအနၢ်တပၢၢ်ဘၣ်တၢ်လၢအစံးလၢအီၤဘၣ်.

⁷ မၤသးဒ်န့ၣ်ဒီးယ့ၣ်ရှူးစံးဘၣ်ကဒီးအီၤ, ယစံးဘၣ်တဲ ဘၣ်သုတီတီလိၤလိၤ, ယဲဒၣ်အံၤ, ယမ့ၢ်သိအကျဲစၢၤ လီၤ. ⁸ ကယဲၢ်ပှၤဟဲဆိလၢယမဲာ်ညါတဂၤလၢ်လၢ်န့ၣ်, မ့ၢ်တၢ်ဟုၣ်တၢ်ဘျၣ်ဒီးတမျိးတမျာ်လီၤ. မ့မ့ၢ်အဝဲသ့ၣ် န့ၣ်, သိတကနၣ်ဘၣ်အကလုၢ်ဘၣ်. ⁹ ယဲဒၣ်အံၤ, ယမ့ၢ် ကျဲစၢၤလီၤ. မ့ၢ်ယၤသတးဒိး, ပှၤမ့ၢ်ဟဲနုာ်ဝဲဒီး, ကတုၤ လၢတၢ်အုၣ်က့ၤခီၣ်က့ၤအီၤ, ဒီးကနုာ်က့ၤဟးထီၣ်, နုာ် က့ၤဟးထီၣ်ဝဲ, ဒီးကထံၣ်န့ၢ်တၢ်အီၣ်တၢ်အီလီၤ. ¹⁰ တၢ် ဟုၣ်တၢ်ဘျၣ်န့ၣ်, မ့တမ့ၢ်ဘၣ်ဒ်သိးအကဟုၣ်တၢ်, ဒီး မၤသံတၢ်, ဒီးမၤဟးဂီၤတၢ်ဒီး, တဟဲဘၣ်ဝဲဘၣ်. မ့မ့ၢ် ယဲဒၣ်အံၤ, ဒ်သိးအကန့ၢ်ဘၣ်တၢ်မူဒီး န့ၢ်ဘါအါအါ ကလဲာ်ဒီး, ယဟဲယဲလီၤ.

¹¹ ယဲဒၣ်အံၤ, ယမ့ၢ်ပှၤကွၢ်သိ, လၢအဂ့ၤတဂၤလီၤ. ပှၤ ကွၢ်သိလၢအဂ့ၤတဂၤန့ၣ်, ပာ်လီၤကွံာ်အသးသမူလၢသိ အဂီၢ်လီၤ. ¹² မ့မ့ၢ်ပှၤဒိးလဲအသးဒီး တမ့ၢ်ဘၣ်ပှၤကွၢ်သိ ဘၣ်, လၢသိတမ့ၢ်ဘၣ်အတၢ်ဘၣ်န့ၣ်, တုၤအထံၣ်ထွံၣ် မံၤဟဲဒီး, ဃ့ၢ်သဒၣ်သိ, ဒီးထွံၣ်မံၤဂုာ်အ့ၣ်အီၤ, ဒီးမၤ လီၤပြံလီၤပြါကွံာ်သိတဖၣ်လီၤ. ¹³ ပှၤဒိးလဲအသးတဂၤ န့ၣ်, မ့ၢ်ပှၤလၢအဒိးလဲအသးအဃိဒီး, အသးတအိၣ် ဘၣ်သိဘၣ်, ဒီးဃ့ၢ်သဒၣ်ကွံာ်ဝဲလီၤ. ယဲဒၣ်အံၤ, ယ မ့ၢ်ပှၤကွၢ်သိလၢအဂ့ၤတဂၤလီၤ. ¹⁴ ဒီးယသ့ၣ်ညါယတၢ်, ဒီးယတၢ်သ့ၣ်ညါယၤ, ¹⁵ ဒ်ပၢ်သ့ၣ်ညါယၤ, ဒီးယသ့ၣ် ညါပၢ်အသိးန့ၣ်လီၤ. ဒီးယပာ်လီၤကွံာ်ယသးသမူလၢ သိအဂီၢ်လီၤ. ¹⁶ ဒီးယသိလၢအဂုၤအဂၤ, လၢအတမ့ၢ် ဘၣ်လၢကရၢအံၤဘၣ်တဖၣ်န့ၣ်, ယဘၣ်ဟဲယုၤအီၤ, ဒီး အဝဲသ့ၣ်ကဒိကနၣ်ယကလုၢ်, ဒီးကကဲထိၣ်သိတဖုဃီ, ပှၤကွၢ်သိတဂၤဃီလီၤ. ¹⁷ မၤသးဒ်န့ၣ်ဒီး ယပၢ်အဲၣ်ယၤ လီၤ. အဂ့ၢ်ဒ်အံၤ, မ့ၢ်ယပာ်လီၤကွံာ်ယသးသမူဒ်သိးယ ကဟံးက့ၤအီၤလီၤ. ¹⁸ ပှၤတဂုာ်န့ၢ်ပျီန့ၢ်ဘၣ်အီၤလၢယၤ နီတဂၤဘၣ်. မ့ၢ်ယပာ်လီၤကွံာ်ဒၣ်အိၤလီၤ. ယပာ်လီၤ ကွံာ်အီၤသ့, ဒီးယဟံးထီၣ်က့ၤအီၤသ့လီၤ. တၢ်မၤလိာ် န့ၣ်ယဒိးန့ၢ်လၢယပၢ်လီၤ. ¹⁹ မၤသးဒ်န့ၣ်ဒီး လၢတၢ်ကတိၤတဖၣ်န့ၣ်အဃိဒီး, ပှၤယူဒၤဖိတဖၣ် မၤထီၣ်ကဒီးအသးဖုၣ်ထံၣ်ဖုၣ်ထီလီၤ.―

²⁰ ဒီးပှၤအါဂၤလၢအကျါစံးဝဲဒၣ်, မ့ၢ်တၢ်နါအိၣ်လၢအလိၤ, ဒီးမ့ၢ်ပှၤအပျုၢ်လီၤ. ဘၣ်မနုၤလၢ သုဒိကနၣ်အကလုၢ် လဲၣ်. ²¹ အဂၤတနီၤစံးဝဲဒၣ်, တၢ်ကတိၤတဖၣ်အံၤ, တ မ့ၢ်ဘၣ်ပှၤလၢတၢ်နါအိၣ်လၢအလိၤ အတၢ်ကတိၤဘၣ်. တၢ်နါအိးထီၣ်ပှၤမဲာ်ဘျီၣ်အမဲာ်ဘၣ်ကသ့ဧါ.

²² ဒီးဘၣ်တၢ်ဂိၢ်အခါ, ဒီးဘၣ်လၢပှၤမၤဘူၣ်အ့းကဲနံၤ လၢယရူၤၡလ့ၣ်အပူၤ, ²³ ဒီးယ့ၣ်ရှူးဟးယဲၤယီၤလၢတၢ် လုၢ်အဟံၣ်ဖဲစီၤၡလိၤမိၤ အတၢ်ခိၣ်ဒုးထီၣ်အသးအပူၤ လီၤ. ²⁴ မၤသးဒ်န့ၣ်ဒီးပှၤယူဒၤဖိ ဟဲအိၣ်တရံးအီၤဒီးစံး ဘၣ်အီၤ, နဲဒၣ်အံၤ, နကမၤဒ့ဒီပသးဆံးယံာ်လဲၣ်. နမ့ မ့ၢ်ခရံာ်ဒီးစံးဘၣ်တဲဘၣ်ပှၤစၢၢ်ဆၢပံၢ်ကလံာ်တက့ၢ်.

²⁵ ဒီးယ့ၣ်ရှူးကတိၤဆၢအီၤ, ယစံးဘၣ်တဲဘၣ်တ့ၢ်သု, ဒီးသုတနာ်ဘၣ်သုဝဲဘၣ်. တၢ်မၤလၢယမၤလၢယပၢ်အ မံၤတဖၣ်န့ၣ်, အုၣ်အသးလၢယဂ့ၢ်ယကျိၤလီၤ. ²⁶ မ့မ့ၢ် သုဝဲသ့ၣ်အံၤ, သုတနာ်ဘၣ်သုဝဲဘၣ်. အဂ့ၢ်ဒ်အံၤ, သု တမ့ၢ်ဘၣ်ယသိဘၣ်. ²⁷ ဒ်ယစံးတ့ၢ်သုအသိးန့ၣ်, ယသိ တဖၣ်ဒိကနၣ်ယကလုၢ်, ဒီးယသ့ၣ်ညါအီၤ, ဒီးအဝဲသ့ၣ် ပိာ်ယခံလီၤ. ²⁸ ဒီးယဟ့ၣ်လီၤအီၤလၢတၢ်မူအထူအယိာ်, ဒီးတဟးဂူာ်ဟးဂီၤဘၣ်ဝဲနီတခီၣ်ဘၣ်. ²⁹ ဒီးပှၤတဂုာ်န့ၢ် ပျီန့ၢ်ဘၣ်အီၤလၢယစုပူၤနီတဂၤဘၣ်. ယပၢ်လၢအဟ့ၣ် လီၤအီၤလၢယၤတဂၤန့ၣ်, ဒိၣ်န့ၢ်ကယဲၢ်တၢ်ခဲလၢာ်, ဒီး ပှၤဂုာ်န့ၢ်ပျီန့ၢ်အီၤလၢယပၢ်အစုပူၤ တသ့နီတဂၤဘၣ်.―

³⁰ ယဲဒၣ်ဒီးယပၢ်န့ၣ်, မ့ၢ်တၢ်တမံၤဃီလီၤ.

³¹ မၤသးဒ်န့ၣ်ဒီးပှၤယူဒၤဖိတဖၣ်, ဒ်သိးအကကွံာ်ဘၣ် အီၤလၢလၢၢ်ဒီး, ထၢထီၣ်ကဒီးလၢၢ်လီၤ. ³² ဒီးယ့ၣ်ရှူးက တိၤဆၢအီၤ, ယဒုးနဲၣ်သုလၢတၢ်မၤလၢအဂ့ၤအါမံၤလၢ ယပၢ်လံ, ဒီးလၢတၢ်တဖၣ်န့ၣ်အကျါ, မ့ၢ်သုကကွံာ် ယၤလၢလၢၢ်, လၢဖဲလဲၣ်တမံၤအဃိလဲၣ်. ³³ ပှၤယူဒၤဖိ ကတိၤဆၢအီၤဒီးစံးဝဲဒၣ်, ပကွံာ်နၤလၢလၢၢ်န့ၣ်, တမ့ၢ် ဘၣ်လၢတၢ်မၤဂ့ၤအဃိဘၣ်. မ့ၢ်လၢတၢ်ဒုၣ်ဒွဲၣ်ယွၤ, ဒီး လၢနမ့ၢ်ပှၤကညီဘၣ်ဆၣ်ဒီး, နပာ်နသးလၢယွၤန့ၣ်အ ဃိလီၤ. ³⁴ ယ့ၣ်ရှူးကတိၤဆၢအီၤ, တၢ်ကွဲးအသးလၢသု တၢ်သိၣ်တၢ်သီအပူၤ, လၢယစံးတ့ၢ်လၢသုမ့ၢ်ကစၢ်သ့ၣ်, တမ့ၢ်ဘၣ်ဧါ.+ စံး. ၈၂း၆|Ps.82.6³⁵ ပှၤလၢအဒိးန့ၢ်ယွၤအကလုၢ် ကထါတဖၣ်န့ၣ်, တၢ်မ့ၢ်ကိးအီၤလၢကစၢ်တဖၣ်, ဒီး လံာ်အကလုၢ်န့ၣ်ဟးဂီၤတသ့ဘၣ်သတးဒီး, ³⁶ ပှၤလၢပၢ် ပာ်စီဆှံအီၤ, ဒီးမၢလီၤအီၤဆူဟီၣ်ခိၣ်တဂၤန့ၣ်မ့ၢ်အစံး ဝဲ, ယဲဒၣ်အံၤယမ့ၢ်ယွၤအဖိခွါဒီး, မ့ၢ်သုစံးလၢအဒုၣ်ဒွဲၣ် ယွၤန့ၣ်ဧါ. ³⁷ ယပၢ်အတၢ်မၤန့ၣ်, ယမ့ၢ်တမၤဘၣ်ဒီး, နာ်ယၤတဂ့ၤ. ³⁸ ယမ့ၢ်မၤဒီး, သုတနာ်ဘၣ်ယၤနာ်သက့ ဒီး, နာ်တၢ်မၤန့ၣ်ဒ်သိးသုကသ့ၣ်ညါဒီး နာ်လၢပၢ်အိၣ် လၢယပူၤ, ဒီးယအိၣ်လၢပၢ်အပူၤန့ၣ်တက့ၢ်. ³⁹ မၤသး ဒ်န့ၣ်ဒီး အဝဲသ့ၣ်ဃုဟံးဃာ်ကဒီးအီၤ, ဒီးအဝဲဒၣ်ဟး ထီၣ်ကွံာ်လၢအစုပူၤလီၤ.

⁴⁰ ဒီးလဲၤကဒီးဆူယၢ်ဒ့ၣ်ဝၢ်ဘးခီ, ဖဲစီၤယိၤဟၣ်ဘျၢ*တၢ် လၢအခီၣ်ထံးအလီၢ်, ဒီးအိၣ်ဝဲဖဲန့ၣ်လီၤ. ⁴¹ ဒီးပှၤအါဂၤ ဟဲဆူအအိၣ်ဒီးစံးဝဲဒၣ်, စီၤယိၤဟၣ်တမၤဘၣ်တၢ်လီၤ လးနီတမံၤဘၣ်. မ့မ့ၢ်ကယဲၢ်တၢ်လၢစီၤယိၤဟၣ်ကတိၤ လၢအဝဲတဂၤအံၤအဂ့ၢ်အကျိၤန့ၣ်, မ့ၢ်အမ့ၢ်အတီလီၤ.―

⁴² ဒီးပှၤအါဂၤနာ်အီၤဖဲန့ၣ်လီၤ.

၁၁

¹ ဒီးမတၤတဂၤ, စီၤလါစရူး, ဘၣ်ဃးဒီးဘ့ၤသနံ, လၢ အမ့ၢ်နီၢ်မၤရံဒီးအဒီပုၢ်ဝဲၢ်မုၣ်နီၢ်မၢ်သၤအသဝီန့ၣ်, ဘၣ် တၢ်ဆါအီၤလီၤ. ² ဒီးနီၢ်မၤရံ, လၢအဒီပုၢ်ဝဲၢ်စီၤလါစရူး ဘၣ်တၢ်ဆါအီၤန့ၣ်, မ့ၢ်ပှၤလၢအဖှူကစၢ်လၢသိနၢမူဒီး တြူၢ်ဝဲအခီၣ်လၢအခိၣ်သူလီၤ. ³ မၤသးဒ်န့ၣ်ဒီးအဒီပုၢ် ဝဲၢ်မုၣ်တဖၣ်မၢပှၤလဲၤဆူအအိၣ်ဒီးစံးဝဲဒၣ်, ကစၢ်ဧၢ, ကွၢ် ကွၢ်, ပှၤလၢနအဲၣ်အီၤတဂၤန့ၣ် ဘၣ်တၢ်ဆါအီၤလီၤ.―

⁴ ဒီးယ့ၣ်ရှူးနၢ်ဟူဒီးစံးဝဲဒၣ်, တၢ်ဆါန့ၣ်တမ့ၢ်ဘၣ်တၢ်ဆါ တုၤအသံဘၣ်. မ့ၢ်လၢယွၤအလၤကပီၤအဂီၢ်, ဒ်သိးယွၤ အဖိခွါအလၤကပီၤကအိၣ်ဖျါထီၣ်လၢအဃိလီၤ.

⁵ ဒီးယ့ၣ်ရှူးအဲၣ်နီၢ်မၢ်သၤဒီးအဒီပုၢ်ဝဲၢ်မုၣ်, ဒီးစီၤလါစ ရူးလီၤ. ⁶ မၤသးဒ်န့ၣ်ဒီးတုၤအနၢ်ဟူဝဲလၢအဘၣ်တၢ်ဆူး တၢ်ဆါဒီး, အိၣ်ဝဲဖဲအလီၢ်လီၢ်န့ၣ်ခံနံၤလီၤ. ⁷ လၢခံက့ၤ ဒီးစံးဘၣ်အပျဲၢ်အဘီၣ်, မ်ပကလဲၤကဒီးဆူကီၢ်ယူဒၤတ က့ၢ်. ⁸ ဒီးအပျဲၢ်အဘီၣ်စံးဘၣ်အီၤ, ရၤဘံဧၢ, ခဲကနံၣ် အံၤဒၣ်လဲာ်ပှၤယူဒၤဖိဃုကွံာ်နၤလၢလၢၢ်, ဒီးနကလဲၤက ဒီးဆူန့ၣ်ဧါ. ⁹ ဒီးယ့ၣ်ရှူးစံးဆၢဝဲဒၣ်, တၢ်လၢမုၢ်ဆါခီ န့ၣ်, အိၣ်တဆံခံနၣ်ရံၣ်, တမ့ၢ်ဘၣ်ဧါ. ပှၤမ့ၢ်ဟးလၢမုၢ် ဆါခီဒီး, တဘၣ်ဒိဘၣ်ထံးဘၣ်. အဂ့ၢ်ဒ်အံၤ, မ့ၢ်အထံၣ် ဟီၣ်ခိၣ်အံၤအတၢ်ကပီၤလီၤ. ¹⁰ မ့မ့ၢ်ပှၤမ့ၢ်လဲၤတၢ်လၢမုၢ် နၤဒီး, ဘၣ်ဒိဘၣ်ထံးလီၤ. အဂ့ၢ်ဒ်အံၤ, တၢ်ကပီၤတ အိၣ်ဘၣ်လၢအပူၤဘၣ်. ¹¹ ကတိၤတၢ်န့ၣ်တဖၣ်ဝံၤဒီးစံးဘၣ်အီၤ, ပတခွါစီၤလါစရူးမံသပ့ၤဝဲ, မ့မ့ၢ်ယလဲၤဒ်သိးကထိၣ်ဂဲၤထီၣ်အီၤလီၤ.―

¹² မၤသးဒ်န့ၣ်ဒီးအပျဲၢ်အဘီၣ်စံးဝဲဒၣ်, ကစၢ်ဧၢ, မ့ၢ်မံသပ့ၤ ဒီး, ကကိညၢ်ဝဲလီၤ. ¹³ ဒီးယ့ၣ်ရှူးကတိၤတၢ်လၢအသံဝဲ အဂ့ၢ်ဘၣ်ဆၣ်ဒီး, အဝဲသ့ၣ်ဆိကမိၣ်လၢအစံးလၢအမံ အိၣ်ဘှံးဝဲအဂ့ၢ်လီၤ. ¹⁴ တုၤနုၤတစုယ့ၣ်ရှူးစံးဘၣ်အီၤလိၤ လိၤ, စီၤလါစရူးသံလံဝဲလံ. ¹⁵ ဒီးယတအိၣ်ဘၣ်ဖဲန့ၣ်ဒီး ယသးခုလၢသုဂီၢ်ဒ်သိးသုကနာ်တၢ်လီၤ. ဘၣ်ဆၣ်မ်ပ လဲၤဆူအအိၣ်တက့ၢ်. ¹⁶ မၤသးဒ်န့ၣ်ဒီး, စီၤသိၤမါကိးဝဲ စီၤဒံဒူၤမူးတဂၤ စံးဘၣ်အပျဲၢ်အဘီၣ်သကိးဒီးအီၤတဖၣ် န့ၣ်, မ်ပလဲၤစ့ၢ်ကီးဒီးပဝဲဒ်သိးပကသံဃုာ်ဒီးအီၤတက့ၢ်.

¹⁷ မၤသးဒ်န့ၣ်ဒီးယ့ၣ်ရှူးလဲၤတုၤဝဲဒီး, ထံၣ်န့ၢ်လၢ အ အိၣ်တ့ၢ်လံလၢတၢ်သွၣ်ခိၣ်အပူၤန့ၣ်လွံၢ်နံၤလံ. ¹⁸ ဒီးဘ့ၤ သနံအိၣ်ယံၤဒီးယရူၤၡလ့ၣ် တဆံယဲၢ်စတၤဒံအူၢ်ဃၣ် ဃၣ်, ¹⁹ ဒီးပှၤယူဒၤဖိအါဂၤဟဲဒ်သိးအကကတိၤမုာ်ထီၣ် က့ၤနီၢ်မၢ်သၤဒီးနီၢ်မၤရံအသးလၢအဒီပုၢ်ဝဲၢ်အဂ့ၢ်လီၤ.

²⁰ မၤသးဒ်န့ၣ်ဒီး တုၤနီၢ်မၢ်သၤနၢ်ဟူလၢယ့ၣ်ရှူးဟဲဝဲန့ၣ် ဒီး, လဲၤထီၣ်သဂၢၢ်အီၤလီၤ. မ့မ့ၢ်နီၢ်မၤရံတဂၤန့ၣ်, ဆ့ၣ် နီၤအိၣ်ဒၣ်တၢ်လၢဟံၣ်ပူၤလီၤ. ²¹ မၤသးဒ်န့ၣ်ဒီးနီၢ်မၢ်သၤ စံးဘၣ်ယ့ၣ်ရှူး, ကစၢ်ဧၢ, နမ့ၢ်အိၣ်တ့ၢ်ဖဲအံၤဒီး, ယဒီပုၢ် ဝဲၢ်ခွါတသံဘၣ်ဝဲဘၣ်. ²² ဘၣ်ဆၣ်ခဲကနံၣ်အံၤဒၣ်လဲာ်, ယသ့ၣ်ညါလၢဖဲဒၣ်နဃ့တၢ်လၢယွၤတဖၣ်န့ၣ်, ယွၤက ဟ့ၣ်နၤလီၤ. ²³ ယ့ၣ်ရှူးစံးဘၣ်အီၤ, နဒီပုၢ်ဝဲၢ်ခွါကဂဲၤဆၢ ထၢၣ်က့ၤလီၤ. ²⁴ နီၢ်မၢ်သၤစံးဘၣ်အီၤ, ကဂဲၤဆၢထၢၣ် က့ၤဝဲလၢမုၢ်နံၤကတၢၢ် အတၢ်ဂဲၤဆၢထၢၣ်က့ၤန့ၣ်, ယ သ့ၣ်ညါလီၤ. ²⁵ ယ့ၣ်ရှူးစံးဘၣ်အီၤ, ယဲဒၣ်အံၤယမ့ၢ်တၢ် ဂဲၤဆၢထၢၣ်က့ၤဒီးတၢ်မူလီၤ. ပှၤလၢအစူၢ်က့ၤနာ်က့ၤ ယၤန့ၣ်, မ့ၢ်သံဘၣ်ဆၣ်ဒီး, ကမူထီၣ်ဝဲလီၤ. ²⁶ ဒီးကယဲၢ် ပှၤလၢအမူဝဲ, ဒီးစူၢ်က့ၤနာ်က့ၤယၤတဂၤလၢ်လၢ်န့ၣ်, တ သံဘၣ်ဝဲနီတခီၣ်ဘၣ်. တၢ်န့ၣ်နနာ်စ့ၢ်ကီးဧါ. ²⁷ ဒီးစံး ဘၣ်အီၤ, ယနာ်လီၤ, ကစၢ်ဧၢ. ယနာ်လၢနမ့ၢ်ပှၤဟဲ လီၤဆူဟီၣ်ခိၣ်ချၢ, ယွၤအဖိခွါ, ခရံာ်န့ၣ်လီၤ.

²⁸ ကတိၤတၢ်ဒ်န့ၣ်ဒီး, လဲၤကိးန့ၢ်အဒီပုၢ်ဝဲၢ် နီၢ်မၤရံက သွံဒံ, ဒီးစံးဝဲဒၣ်, သရၣ်ဟဲတုၤလံ, ဒီးကိးနၤလီၤ. ²⁹ ဒီးတုၤ အနၢ်ဟူဝဲဒီး, ဂဲၤဆၢထၢၣ်ချ့သဒံးဒီးလဲၤဝဲဆူအအိၣ်လီၤ.

³⁰ ဒီးယ့ၣ်ရှူးတဟဲနုာ်ဒံးဘၣ်ဆူသဝီပူၤဘၣ်. မ့ၢ်အအိၣ် ဝဲဖဲနီၢ်မၢ်သၤဟဲသဂၢၢ်အီၤအလီၢ်လီၤ. ³¹ မၤသးဒ်န့ၣ်ဒီး ပှၤယူဒၤဖိ လၢအကတိၤမုာ်ထီၣ်က့ၤအီၤဒီး အိၣ်ဒီးအီၤ လၢဟံၣ်ပူၤတဖၣ်န့ၣ်, ထံၣ်ဝဲလၢနီၢ်မၤရံဂဲၤဆၢထၢၣ်ချ့ သဒံး, ဒီးဟးထီၣ်ဝဲဒီး, ပိာ်ထီၣ်အခံဒီးစံးဝဲလၢအလဲၤဆူ တၢ်သွၣ်ခိၣ်ဒ်သိးအကဟီၣ်ဝဲဖဲန့ၣ်လီၤ.

³² မၤသးဒ်န့ၣ်ဒီး တုၤနီၢ်မၤရံလဲၤတုၤဝဲဖဲယ့ၣ်ရှူးအအိၣ် ဒီးထံၣ်အီၤဒီး, တီၤလီၤကဒွံကျိာ်လၢအခီၣ်ထံး, ဒီးစံး ဘၣ်အီၤ, ကစၢ်ဧၢ, နမ့ၢ်အိၣ်တ့ၢ်ဖဲအံၤဒီး, ယဒီပုၢ်ဝဲၢ် ခွါတသံဘၣ်ဝဲဘၣ်.

³³ မၤသးဒ်န့ၣ်ဒီး ယ့ၣ်ရှူးထံၣ်အီၤလၢအဟီၣ်ဝဲ, ဒီးပှၤ ယူဒၤဖိဟဲဒီးအီၤလၢအဟီၣ်ဝဲသတးဒီး, ကအုကစွါထီၣ် လၢအသးကံၢ်ပူၤ, ဒီးအသူၣ်ကိၢ်အသးဂီၤ, ³⁴ ဒီးစံးဝဲဒၣ်, သုပာ်အီၤဖဲလဲၣ်ပူၤလဲၣ်. ဒီးအဝဲသ့ၣ်စံးဘၣ်အီၤ, ကစၢ်

³⁵ ဧၢ, ဟဲကွၢ်တက့ၢ်. ဒီးယ့ၣ်ရှူးအမဲာ်ထံလီၤဝဲလီၤ.

³⁶ မၤသးဒ်န့ၣ်ဒီးပှၤယူဒၤဖိစံးဝဲဒၣ်, ကွၢ်ကွၢ်, မ့ၢ်အအဲၣ် အီၤဆံးဒိၣ်လဲၣ်. ³⁷ ဒီးပှၤလၢအကျါတနီၤနီၤစံးဝဲဒၣ်, ပှၤ လၢအဒုးထံၣ်ထီၣ်က့ၤ ပှၤမဲာ်ဘျီၣ်တဂၤန့ၣ်, ဒ်သိးပှၤ အံၤသုတသံတဂ့ၤဒီး, မၤဝဲတသ့ဘၣ်ဧါ. ³⁸ မၤသးဒ်န့ၣ် ဒီးယ့ၣ်ရှူးကအုကစွါကဒီးလၢအသးကံၢ်ပူၤ, ဒီးဟဲပၢၢ် လၢတၢ်သွၣ်ခိၣ်အလီၢ်, ဒီးမ့ၢ်ဟီၣ်ခိၣ်အအိပူၤလီၤ. ဒီး ကျၢၢ်ဘၢအသးလၢလၢၢ်လီၤ.

³⁹ ယ့ၣ်ရှူးစံးဝဲဒၣ်, ဟံးထီၣ်ကွံာ်လၢၢ်န့ၣ်တက့ၢ်. ဒီးပှၤ လၢအသံအဒီပုၢ်ဝဲၢ်မုၣ်, နီၢ်မၢ်သၤတဂၤ, စံးဘၣ်အီၤ, ကစၢ်ဧၢ, ခဲကနံၣ်အံၤအိၣ်တ့ၢ်လံလွံၢ်နံၤလံ. ဒီးကနၢ အုၣ်လီၤ. ⁴⁰ ဒီးယ့ၣ်ရှူးစံးဘၣ်အီၤ, ယစံးဘၣ်တဲဘၣ်နၤ လၢနမ့ၢ်နာ်တၢ်ဒီး, နကထံၣ်ဘၣ်ယွၤအလၤအကပီၤ, တမ့ၢ်ဘၣ်ဧါ.

⁴¹ မၤသးဒ်န့ၣ်ဒီး ပှၤတဖၣ်ဟံးထီၣ်ကွံာ် လၢၢ်န့ၣ်လီၤ. ဒီးယ့ၣ်ရှူးကျ့ထီၣ်အမဲာ်ဒီးစံးဝဲဒၣ်, ပၢ်ဧၢ, ယစံးထီၣ်ပ တြၢၤနဘျုးနဖှိၣ်, လၢနကနၣ်ယကလုၢ်လီၤ. ⁴² ဒီးယ သ့ၣ်ညါလၢနကနၣ်ဒၣ်ယကလုၢ်တဘိယူၢ်ဃီလီၤ. မ့မ့ၢ် ဒ်သိးပှၤဂီၢ်မုၢ်အိၣ်ဝးတရံးယၤအံၤ, ကနာ်ဝဲလၢနမၢလီၤ ယၤဒီး, ယစံးတၢ်လၢအဝဲသ့ၣ်အဂီၢ်လီၤ. ⁴³ ဒီးစံးတၢ် န့ၣ်တဖၣ်ဒီးကိးပသူထီၣ်လၢအကလုၢ်ဖးဒိၣ်, စီၤလါစ ရူးဧၢ, ဟဲက့ၤထီၣ်တက့ၢ်. ⁴⁴ ဒီးပှၤလၢအသံတ့ၢ်တဂၤ န့ၣ်, ဟဲက့ၤထီၣ်ဒီးအစုအခီၣ်ဘိၣ်ဃာ်အသးလၢတၢ်ကံး ညာ်, ဒီးအမဲာ်ကျၢၢ်ဘၢဃာ်အသးလၢတၢ်စှၢၤလီၤ. ဒီး ယ့ၣ်ရှူးစံးဘၣ်အဝဲသ့ၣ်, ဃ့ၣ်လီၤကွံာ်အီၤ, ဒီးပျၢ်ကွံာ် အီၤတက့ၢ်.

⁴⁵ မၤသးဒ်န့ၣ်ဒီးပှၤယူဒၤဖိ လၢအဟဲဆူနီၢ်မၤရံအအိၣ် ဒီးထံၣ်ယ့ၣ်ရှူးအမၤတၢ်ဒီး, နာ်အီၤအါဂၤလီၤ. ⁴⁶ မ့မ့ၢ် တနီၤနီၤလဲၤဝဲဆူပှၤဖၤရံၤၡဲအအိၣ်, ဒီးစံးဘၣ်တဲဘၣ်အီၤ လၢတၢ်လၢယ့ၣ်ရှူးမၤဝဲန့ၣ်လီၤ.

⁴⁷ မၤသးဒ်န့ၣ်ဒီးပှၤလုၢ်တၢ်အခိၣ်ဒီး ပှၤဖၤရံၤၡဲသ့ၣ်တ ဖၣ်န့ၣ်, ဒုးအိၣ်ဖှိၣ်ရိဖှိၣ် ပှၤကူၣ်လိာ်အသးဒီးစံးဝဲဒၣ်, မ့ၢ်ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤ လးအါမးလီၤ. ⁴⁸ ပမ့ၢ်ပျဲမၤအီၤဒ်န့ၣ်ဒီး, ပှၤခဲလၢာ်ကစူၢ် က့ၤနာ်က့ၤအီၤ, ဒီးပှၤရိမ့ၤဖိကဟဲမၤဟးဂီၤကွံာ်ပလီၢ်, ဒီးပပှၤတကလုာ်အံၤလီၤ. ⁴⁹ ဒီးပှၤလၢအကျါ, စီၤကၤယါ ဖၤတဂၤ, လၢအမ့ၢ်ပှၤလုၢ်တၢ်အခိၣ်လၢနံၣ်တနံၣ်န့ၣ်, စံးဘၣ်အီၤ, သုဝဲသ့ၣ်အံၤ, သုတသ့ၣ်ညါဘၣ်တၢ်နီတ မံၤဘၣ်. ⁵⁰ ဒီးလၢပှၤတဂၤသံဝဲလၢပှၤဂီၢ်မုၢ်အဂီၢ်, ဂ့ၤန့ၢ် ပှၤဒီကလုာ်ညါဟးဂီၤကွံာ်ဝဲန့ၣ်, သုတဆိကမိၣ်ဘၣ်.―

⁵¹ စံးတၢ်န့ၣ်, တမ့ၢ်ဘၣ်အစံးဒၣ်ဝဲဘၣ်. မ့ၢ်ဝဲလၢပှၤလုၢ် တၢ်အခိၣ်လၢနံၣ်တနံၣ်န့ၣ်သတးဒီး, ကတိၤတၢ်လၢဝံ အကျိာ်, လၢယ့ၣ်ရှူးကသံလၢ ပှၤတကလုာ်န့ၣ်အဂီၢ် လီၤ. ⁵² ဒီးတမ့ၢ်ဘၣ်ထဲပှၤတကလုာ်န့ၣ်ဧိၤအဂီၢ်ဘၣ်. မ့ၢ် ဒ်သိးယွၤအဖိလီၤမုၢ်လီၤဖးတဖၣ်န့ၣ် ကအိၣ်ဖှိၣ်ဝဲတမံၤ ဃီအဂီၢ်လီၤ.

⁵³ မၤသးဒ်န့ၣ်ဒီး လၢမုၢ်တနံၤန့ၣ်လံၤလံၤဒီး, အဝဲသ့ၣ် တဖၣ်န့ၣ်ကူၣ်လိာ်အသးဒ်သိးအကမၤသံအီၤလီၤ. ⁵⁴ မၤ သးဒ်န့ၣ်ဒီး ယ့ၣ်ရှူးတလဲၤအိၣ်ဖျါဘၣ်လၢပှၤယူဒၤဖိအ ကျါဘၣ်. မ့ၢ်အဟးထီၣ်ကွံာ်ဖဲန့ၣ်, ဒီးလဲၤဆူဝ့ၢ်လၢတၢ် ကိးဝဲလၢအ့ဖရဲၣ်လၢကီၢ်တဘ့ၣ်, ဘူးဒီးပှၢ်မုၢ်ကနၢ, ဒီး အိၣ်ဝဲဒီးအပျဲၢ်အဘီၣ်ဖဲန့ၣ်လီၤ.

⁵⁵ ဒီးပှၤယူဒၤဖိအဘူၣ်လဲၤကပာ်အိၣ်ဘူးထီၣ်, ဒီးဘူၣ် လဲၤကပာ်တချုးဘၣ်ဒံးဘၣ်ဒီး, ပှၤအါဂၤဒ်သိးအကမၤ ကဆှီအသးဒီး, လဲၤထီၣ်လၢကီၢ်န့ၣ်ဆူ ယရူၤၡလ့ၣ် လီၤ. ⁵⁶ မၤသးဒ်န့ၣ်ဒီးအဝဲသ့ၣ်ဃုယ့ၣ်ရှူး, ဒီးဆၢထၢၣ် လၢတၢ်လုၢ်အဟံၣ်ပူၤ, ဒီးကတိၤလိာ်အသး, သုဆိက မိၣ်ဒ်လဲၣ်. တဟဲဘၣ်ဆူဘူၣ်ပူၤအံၤဧါ. ⁵⁷ ဒီးပှၤလုၢ်တၢ် အဒိၣ်, ဒီးပှၤဖၤရံၤၡဲသ့ၣ်တဖၣ်န့ၣ်, ပာ်လီၤအကလုၢ်ဒ် သိး ပှၤမ့ၢ်သ့ၣ်ညါအအိၣ်အလီၢ်တဂၤဂၤဒီး, ကဘၣ်ဒုး နဲၣ်ဝဲဒ်သိးအကဟံးဃာ်အီၤလီၤ.

၁၂

¹ မၤသးဒ်န့ၣ်ဒီး ဘူၣ်လဲၤကပာ်တချုးဘၣ်ဒံးဘၣ် ဃု နံၤဒီး, ယ့ၣ်ရှူးလဲၤဆူဘ့ၤသနံ, ဖဲစီၤလါစရူးလၢအသံတ့ၢ် ဒီးယ့ၣ်ရှူးမၤဂဲၤဆၢထၢၣ်က့ၤအီၤတဂၤန့ၣ်, အိၣ်ဝဲအလီၢ် လီၤ. ² မၤသးဒ်န့ၣ်ဒီးပှၤသ့ၣ်တဖၣ်မၤတၢ်အီၣ်တၢ်အီလၢ အဂီၢ်ဖဲန့ၣ်, ဒီးနီၢ်မၢ်သၤမၤတၢ်လုၢ်အီၣ်လုၢ်အီ, ဒီးစီၤ လါစရူးအိၣ်ဒီးပှၤဆ့ၣ်နီၤသန့ၤဃုာ်ဒီးအီၤအကျါလီၤ.

³ မၤသးဒ်န့ၣ်ဒီးနီၢ်မၤရံဟံးန့ၢ်သိနၢမူနၢ်ဒး, လၢအလုၢ် ဒိၣ်ပှ့ၤဒိၣ်, တလံတြၤ, ဒီးဖှူယ့ၣ်ရှူးအခီၣ်, ဒီးတြူာ်ကွံာ် အခီၣ်လၢအခိၣ်သူလီၤ. ဒီးသိန့ၣ်အနၢမူမၤပှဲၤဟံၣ်န့ၣ် လီၤ. ⁴ မၤသးဒ်န့ၣ်ဒီးပှၤအိၣ်လၢအပျဲၢ်အဘီၣ်အကျါ, လၢ အကဟ့ၣ်လီၤကွံာ်အီၤ, စီၤယူဒၤအံၣ်စကၤရံၤအိာ်တဂၤ, စံးဝဲဒၣ်, ⁵ သိနၢမူအံၤဘၣ်မနုၤလၢပှၤတဆါကွံာ်လၢဒန့ၤ ရံၤသၢကယၤ, ဒီးဟ့ၣ်လီၤလၢပှၤဖှီၣ်ဖိယာ်ဖိန့ၣ်လဲၣ်.―

⁶ ဘၣ်ဆၣ်ဒီး တမ့ၢ်ဘၣ်အသးအိၣ်ပှၤဖှီၣ်ဖိယာ်ဖိ, ဒီးစံး တၢ်န့ၣ်ဘၣ်. မ့ၢ်အမ့ၢ်ပှၤဟုၣ်တၢ်, ဒီးအိၣ်ဒီးစ့အထၢၣ် ဒီးစိာ်ထီၣ်ကွံာ်တၢ်လၢပှၤဒၢနုာ်လၢအပူၤအဃိလီၤ. ⁷ မၤ သးဒ်န့ၣ်ဒီးယ့ၣ်ရှူးစံးဝဲဒၣ်, ပျဲအီၤတက့ၢ်. လၢယဘၣ် တၢ်ခူၣ်လီၤအမုၢ်နံၤအဂီၢ်န့ၣ် မ့ၢ်အပာ်န့ၢ်တၢ်အံၤလီၤ.―

⁸ အဂ့ၢ်ဒ်အံၤ, ပှၤဖှီၣ်ဖိယာ်ဖိတဖၣ်န့ၣ်အိၣ်ဒီးသုတထံၣ်ဃီ လီၤ. မ့မ့ၢ်ယဲဒၣ်အံၤယတအိၣ်ဒီးသုတထံၣ်ဃီဘၣ်.

⁹ မၤသးဒ်န့ၣ်ဒီး, ပှၤယူဒၤဖိ, ဒီးပှၤဂီၢ်မုၢ်ဖးဒိၣ်, သ့ၣ်ညါ လၢယ့ၣ်ရှူးအိၣ်ဖဲန့ၣ်, ဒီးဟဲဝဲ, တမ့ၢ်ဘၣ်ထဲယ့ၣ်ရှူးအ ဃိဘၣ်, မ့ၢ်ဒ်သိးအကထံၣ်စ့ၢ်ကီးစီၤလါစရူးလၢအမၤ ဂဲၤဆၢထၢၣ်က့ၤလၢတၢ်သံန့ၣ်လီၤ.

¹⁰ ဒီးပှၤလုၢ်တၢ်အခိၣ်သ့ၣ်တဖၣ်, ဒ်သိးအကမၤသံစ့ၢ် ကီးစီၤလါစရူးဒီး, ကူၣ်လိာ်အသးလီၤ. ¹¹ အဂ့ၢ်ဒ်အံၤ, မ့ၢ်လၢအဝဲဒၣ်အဃိဒီး, ပှၤယူဒၤဖိအါဂၤဟးထီၣ်ကွံာ်, ဒီးစူၢ်က့ၤနာ်က့ၤယ့ၣ်ရှူးလီၤ.

¹² မုၢ်ဆ့ၣ်ထီၣ်တနံၤဒီး, ပှၤဂီၢ်မုၢ်လၢအဟဲဆူ ဘူၣ်ပူၤ တဖၣ်န့ၣ်, နၢ်ဟူလၢယ့ၣ်ရှူးဟဲဆူယရူၤၡလ့ၣ်, ¹³ ဒီးဟံး န့ၢ်စူၣ်ပလိၣ်အဒ့, ဒီးလဲၤသဂၢၢ်အီၤ, ဒီးကိးပသူထီၣ်, မ်အအုၣ်က့ၤခီၣ်က့ၤခဲကနံၣ်အံၤတက့ၢ်. အံၣ်စရ့လးအ စီၤပၤလၢ အဟဲလၢယွၤအမံၤန့ၣ်, မ်အဘၣ်ဆိၣ်ဂ့ၤတ က့ၢ်. ¹⁴ ဒီးယ့ၣ်ရှူးထံၣ်န့ၢ်ကသ့ၣ်ယီၤအဖိတဒု, ဒီးဒိးထီၣ် ဝဲ, ဒ်တၢ်ကွဲးအသးအသိးန့ၣ်,

¹⁵ စံယိၣ်အဖိမုၣ်ဧၢ, ပျံၤတၢ်တဂ့ၤ. ကွၢ်ကွၢ်, နစီၤပၤဟဲ, ဒိးကသ့ၣ်ယီၤဖိ, ဆူနအိၣ်လီၤ.+ ကၤ. ၉း၉|Zech.9.9

¹⁶ တၢ်တဖၣ်န့ၣ်, အပျဲၢ်အဘီၣ်အနၢ်တပၢၢ်ဘၣ်လၢသီ ဘၣ်ဆၣ်ဒီး, တုၤယ့ၣ်ရှူးအလၤအကပီၤအိၣ်ဖျါထီၣ်ဒီး, သ့ၣ်နီၣ်ထီၣ်က့ၤဝဲလၢ တၢ်န့ၣ်အိၣ်ကွဲးအသးလၢအဂ့ၢ်, ဒီးလၢအမၤအီၤလၢတၢ်န့ၣ်တဖၣ်လီၤ.

¹⁷ မၤသးဒ်န့ၣ်ဒီး ပှၤဂီၢ်မုၢ်လၢ အအိၣ်ဒီးအီၤတဖၣ်န့ၣ်, အုၣ်အသးလၢအကိးထီၣ် စီၤလါစရူးလၢအသွၣ်ခိၣ်ပူၤ, ဒီးဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ. ¹⁸ မ်ဒ်န့ၣ်ဒီး ပှၤဂီၢ်မုၢ်ဟဲသဂၢၢ်အီၤလီၤ. အဂ့ၢ်ဒ်အံၤ, နၢ်ဟူလၢအမၤ တ့ၢ်တၢ်လီၤလးအံၤလီၤ. ¹⁹ မၤသးဒ်န့ၣ်ဒီး, ပှၤဖၤရံၤၡဲ သ့ၣ်တဖၣ်စံးလိာ်အသး, သုထံၣ်လၢသုမၤတၢ်တဂိာ်တ သီၣ်တၢ်နီတမံၤဘၣ်. ကွၢ်ကွၢ်, ပှၤဟီၣ်ခိၣ်ဖိခဲလၢာ်လဲၤ ပိာ်လံမးအခံလဲၣ်.

²⁰ ဒီးပှၤဟ့းလ့ၣ်ဖိတနီၤနီၤ အိၣ်လၢ ပှၤဟဲဘါတၢ်လၢ ဘူၣ်ပူၤအကျါလီၤ. ²¹ မၤသးဒ်န့ၣ်ဒီးအဝဲသ့ၣ်တဖၣ်န့ၣ်, ဟဲဆူပှၤကၤလံၤလါဖိ, ပှၤဘ့ၤသစဲဒၤဖိ, စီၤဖံလံးပူးအ အိၣ်, ဒီးသံကွၢ်အီၤဒီးစံးဝဲဒၣ်, ကစၢ်ဧၢ, တၢ်မိၣ်ထံၣ်ဘၣ် ပသးလၢယ့ၣ်ရှူးလီၤ. ²² စီၤဖံလံးပူးစံးဘၣ်စီၤအၣ်ဒရ့း, ဒီး စီၤအၣ်ဒရ့းဒီးစီၤဖံလံးပူးလဲၤစံးဘၣ်က့ၤယ့ၣ်ရှူးလီၤ.

²³ ဒီးယ့ၣ်ရှူးကတိၤဆၢအီၤဒီးစံးဝဲဒၣ်, နၣ်ရံၣ်လၢပှၤက ညီဖိခွါအလၤအကပီၤကအိၣ်ဖျါန့ၣ်, ဘၣ်လံဝဲလံ. ²⁴ ယ စံးဘၣ်တဲဘၣ်သုတီတီလိၤလိၤ, ဘုချံတဖျၢၣ်မ့ၢ်တလီၤ တဲာ်လၢဟီၣ်ခိၣ်ဒီးအုၣ်သံဘၣ်ဒီး အိၣ်ဒၣ်အတၢ်တဖျၢၣ် ဧိၤလီၤ. မ့မ့ၢ်, မ့ၢ်အုၣ်သံဒီး, သၣ်ထီၣ်ဝဲအါဖျၢၣ်လီၤ.―

²⁵ ပှၤလၢအသးလီအသးန့ၣ်, မၤဟါမၢ်ကွံာ်အီၤလီၤ. ဒီး ပှၤလၢအသးဟ့လီၤအသးလၢဟီၣ်ခိၣ်ချၢအံၤ, ကန့ၢ်က့ၤ အသးလီၤထူလီၤယိာ်လီၤ. ²⁶ ပှၤမ့ၢ်မၤယတၢ်တဂၤဂၤဒီး, မ်အပိာ်ယခံတက့ၢ်. ဒီးဖဲယအိၣ်အလီၢ်န့ၣ်ယခ့ယပှၤက အိၣ်ဝဲဖဲန့ၣ်စ့ၢ်ကီးလီၤ. ဒီးပှၤမ့ၢ်မၤ ယတၢ်တဂၤဂၤဒီး, ပၢ်ကဒုးလၤကပီၤအီၤလီၤ.

²⁷ ခဲကနံၣ်အံၤ, ယသူၣ်ကိၢ်ယသးကိၢ်လီၤ. ဒီးယက စံးတၢ်ဒ်လဲၣ်. မ့ၢ်ယကစံး, ပၢ်ဧၢ, အုၣ်က့ၤခီၣ်က့ၤယၤ လၢနၣ်ရံၣ်အံၤတက့ၢ်ဧါ. မ့မ့ၢ်လၢတၢ်အံၤအဃိယဟဲဆူ နၣ်ရံၣ်အံၤလီၤ. ပၢ်ဧၢ, ဒုးလၤကပီၤနမံၤတက့ၢ်. ²⁸ မၤ သးဒ်န့ၣ်ဒီးတၢ်အကလုၢ်သီၣ်လီၤလၢမူခိၣ်, ယဒုးလၤ ကပီၤလံ, ဒီးယကဒုးလၤကပီၤကဒီးလီၤ.

²⁹ မၤသးဒ်န့ၣ်ဒီး ပှၤဂီၢ်မုၢ်လၢအဆၢထၢၣ်ဒီးနၢ်ဟူတၢ် န့ၣ်, စံးဝဲလၢလီသီၣ်လီၤ. အဂၤတနီၤစံးဝဲဒၣ်, မ့ၢ်ကလူး တဂၤကတိၤတၢ်ဒီးအီၤလီၤ. ³⁰ ယ့ၣ်ရှူးကတိၤဆၢတၢ်ဒီး စံးဝဲဒၣ်, တၢ်အကလုၢ်သီၣ်န့ၣ်တမ့ၢ်လၢယဂီၢ်ဘၣ်. မ့ၢ် လၢသုဂီၢ်လီၤ. ³¹ ခဲကနံၣ်အံၤဟီၣ်ခိၣ်ဘၣ်တၢ်စံၣ်ညီၣ်လီၤ. ခဲကနံၣ်အံၤ, ဟီၣ်ခိၣ်အခိၣ် ဘၣ်တၢ်ဟီထီၣ်ကွံာ်အီၤ လီၤ. ³² ယဲဒၣ်အံၤ, ယမ့ၢ်ဘၣ်ယူာ်ထီၣ်ယသးလၢဟီၣ်ခိၣ် ချၢဒီး, ယကမိၤဃီၤပှၤခဲလၢာ်ဆူယအိၣ်လီၤ. ³³ ကတိၤတၢ် န့ၣ်မ့ၢ်အဒုးနဲၣ်ဝဲလၢအကသံဒ်လဲၣ်ဒ်လဲၣ်အဂ့ၢ်န့ၣ်လီၤ.

³⁴ ဒီးပှၤဂီၢ်မုၢ်စံးဆၢအီၤ, ပနၢ်ဟူလၢ လံာ်တၢ်သိၣ်တၢ် သီအပူၤ, လၢခရံာ်ကအိၣ်အစိၤစိၤအဃၣ်ဃၣ်လီၤ. ဒီး ဘၣ်မနုၤလၢနစံးနဲလၢပှၤကညီဖိခွါ ကဘၣ်ယူာ်ထီၣ်အ သးလဲၣ်. ပှၤကညီဖိခွါန့ၣ်မ့ၢ်မတၤတဂၤလဲၣ်. ³⁵ မၤသး ဒ်န့ၣ်ဒီးယ့ၣ်ရှူးစံးဘၣ်အီၤ, တၢ်ကပီၤအိၣ်ဒံးဒီးသုတစိၢ် ဒံးလီၤ. တၢ်ကပီၤအိၣ်ဒံးဝဲအဖၢမုၢ်န့ၣ်, ဒ်သိးတၢ်သု တခံးန့ၢ်သုတဂ့ၤဒီး, ဟးတၢ်တက့ၢ်. ဒီးပှၤဟးတၢ်လၢ တၢ်ခံးကျါန့ၣ်, မ့ၢ်အလဲၤဆူလဲၣ်ဆူလဲၣ်န့ၣ်တသ့ၣ်ညါ ဘၣ်ဝဲဘၣ်. ³⁶ သုအိၣ်ဒီးတၢ်ကပီၤအဖၢမုၢ်န့ၣ်, ဒ်သိးသု ကကဲထီၣ် ပှၤတၢ်ကပီၤဖိခွါတဖၣ်ဒီးစူၢ်က့ၤနာ်က့ၤတၢ် ကပီၤတက့ၢ်. ယ့ၣ်ရှူးစံးတၢ်တဖၣ်န့ၣ်ဒီး, ဟးထီၣ်ကွံာ်, ဒီးပာ်ခူသူၣ်ကွံာ်အသးလၢအဝဲသ့ၣ်လီၤ.

³⁷ ဒီးမၤတၢ်လီၤလးအါထဲန့ၣ် လၢအဝဲသ့ၣ်အမဲာ်ညါ ဘၣ်ဆၣ်ဒီး, အဝဲသ့ၣ်တနာ်ဘၣ်အီၤဘၣ်. ³⁸ မၤသးဒ် န့ၣ်ဒီး ဝံယၡါယၤအကလုၢ်အကထါ လၢထီၣ်ပှဲၤထီၣ် လၢအစံးဝဲဒၣ်, ကစၢ်ဧၢ, မ့ၢ်မတၤနာ်လံပကစီၣ်တဂၤလဲၣ်. ယွၤအစုဒုၣ်အိၣ်ဖျါထီၣ်လံလၢမတၤတဂၤအမဲာ်ညါလဲၣ်.+ ၡါ. ၅၃း၁|Isa.53.1*.

³⁹ မ်ဒ်န့ၣ်ဒီး စူၢ်က့ၤနာ်က့ၤတၢ်တသ့ဘၣ်. အဂ့ၢ်ဒ်အံၤ စီၤယၡါယၤစံးဝဲ, ⁴⁰ ဒ်သိးအသုတထံၣ်တၢ်လၢအမဲာ်, ဒီးအသုတသ့ၣ်ညါတၢ်လၢအသး, ဒီးအသုတဃၣ်လိၤအသး, ဒီးယသုတမၤဘျါက့ၤအီၤတဂ့ၤဒီး, တၢ်မၤခံးအမဲာ်, ဒီးမၤကိၤအသးလီၤ.+ ၡါ. ၆း၁၀|Isa.6.10

⁴¹ လၢစီၤယၡါယၤထံၣ်ဘၣ်အလၤကပီၤ, ဒီးစံၣ်တဲၤတဲ လီၤတၢ်လၢ အဂ့ၢ်အကျိၤအဃိန့ၣ်, စံးတၢ်တဖၣ်အံၤ လီၤ. ⁴² မ့ၢ်နာ်သက့ဒ်န့ၣ်ဒီးပဒိၣ်ပပှၢ်ဒၣ်လဲာ်စူၢ်က့ၤနာ် က့ၤအီၤအါဂၤလီၤ. မ့မ့ၢ်လၢပှၤဖၤရံၤၡဲသ့ၣ်တဖၣ်အဃိ, ဒ်သိးအသုတဘၣ်တၢ်ဟီထီၣ်ကွံာ်အီၤ လၢဘူၣ်ဘျီၣ်ပူၤ တဂ့ၤဒီး, တအၢၣ်လီၤအီလီၤဘၣ်ဝဲဘၣ်. ⁴³ အဂ့ၢ်ဒ်အံၤ, အဲၣ်ဒိးပှၤကညီ အတၢ်စံးထီၣ်ပတြၢၤ ဒိၣ်န့ၢ်အအဲၣ်ဒိး ယွၤအတၢ်စံးထီၣ်ပတြၢၤတက့ၢ်လီၤ.

⁴⁴ ဒီးယ့ၣ်ရှူးကိးပသူထီၣ်ဒီးစံးဝဲဒၣ်, ပှၤလၢအစူၢ်က့ၤ နာ်က့ၤယၤအံၤ, တမ့ၢ်ဘၣ် အစူၢ်က့ၤနာ်က့ၤယၤဘၣ်, မ့ၢ်အစူၢ်က့ၤနာ်က့ၤပှၤလၢအမၢလီၤယၤတဂၤလီၤ. ⁴⁵ ဒီး ပှၤလၢအထံၣ်ယၤအံၤ, မ့ၢ်အထံၣ်ပှၤလၢအမၢလီၤယၤတ ဂၤလီၤ. ⁴⁶ ယမ့ၢ်တၢ်ကပီၤဟဲဆူဟီၣ်ခိၣ်ချၢဒ်သိးကယဲၢ် ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတ အိၣ်တဆိးလၢတၢ်ခံးကျါတဂ့ၤလီၤ. ⁴⁷ ပှၤမ့ၢ်နၢ်ဟူယက လုၢ်ကထါ, ဒီးတတိၢ်န့ၢ်ဘၣ်န့ၣ်, ယတစံၣ်ညီၣ်ဘၣ်အီၤ ဘၣ်. အဂ့ၢ်ဒ်အံၤ, တမ့ၢ်ဘၣ်ယဟဲဒ်သိးယကစံၣ်ညီၣ် ဟီၣ်ခိၣ်ဘၣ်. မ့ၢ်ဒ်သိးယကအုၣ်က့ၤခီၣ်က့ၤအီၤလီၤ.―

⁴⁸ ပှၤလၢအညိကွံာ်ယၤ ဒီးတဟံးန့ၢ်ဘၣ် ယကလုၢ်ကထါ ဘၣ်န့ၣ်, တၢ်စံၣ်ညီၣ်အီၤအိၣ်ဝဲလီၤ. တၢ်ကလုၢ်လၢယ ကတိၤတၢ်န့ၣ်, အဝဲန့ၣ်ကစံၣ်ညီၣ်အီၤလၢမုၢ်နံၤကတၢၢ် လီၤ. ⁴⁹ အဂ့ၢ်ဒ်အံၤ, တမ့ၢ်ဘၣ်ယကတိၤတၢ်ဒၣ်ယဲဘၣ်. မ့ၢ်ပၢ်လၢအမၢလီၤယၤန့ၣ် မၤလိာ်ယကစံးတၢ်ဒ်လဲၣ်ဒ် လဲၣ်, ဒီးယကကတိၤတၢ်ဒ်လဲၣ်ဒ်လဲၣ်န့ၣ်လီၤ. ⁵⁰ ဒီးယ သ့ၣ်ညါလၢအတၢ်မၤလိာ်မ့ၢ်တၢ်မူအထူအယိာ်လီၤ. မၤ သးဒ်န့ၣ်ဒီးယကတိၤတၢ်န့ၣ်, ဒ်ယပၢ်စံးဘၣ်တဲဘၣ်ယၤ အသိးန့ၣ်ယကတိၤတၢ်ဒ်န့ၣ်အသိးလီၤ.

၁၃

¹ ဒီးဘူၣ်လဲၤကပာ် တချုးဘၣ်ဒံးဘၣ်ဒီး, ဒ်သိးအက ဟးထီၣ်လၢဟီၣ်ခိၣ်ချၢအံၤဆူပၢ်အအိၣ်ဒီး ယ့ၣ်ရှူးသ့ၣ် ညါလၢအနၣ်ရံၣ်ဘၣ်ဒီး, အဲၣ်အပှၤဒၣ်ဝဲလၢအအိၣ်လၢ ဟီၣ်ခိၣ်ချၢဒီး, အဲၣ်အီၤတုၤအကတၢၢ်လီၤ. ² ဒီးတၢ် အီၣ်လၢဟါအီၣ်ဘၣ်ဝဲ, ဒီးမုၣ်ကီၤလံၢ်ဒၢနုာ်တ့ၢ်တၢ်ဝံၤ လံလၢစီၤၡံမိၣ်အဖိခွါ, စီၤယူဒၤအံၣ်စကၤရံၤအိာ်တဂၤ အသး, ဒ်သိးအကဟ့ၣ်လီၤကွံာ်အီၤလီၤ. ³ ဒီးယ့ၣ်ရှူး သ့ၣ်ညါလံလၢ ပၢ်ဟ့ၣ်လီၤကွံာ်တၢ်ခဲလၢာ်လၢအစုပူၤ လံ, ဒီးလၢအဟဲလၢယွၤအအိၣ်, ဒီးကက့ၤဆူယွၤအအိၣ် န့ၣ်သတးဒီး, ⁴ ဂဲၤဆၢထၢၣ်လၢတၢ်အီၣ်လၢဟါအီၣ်, ဒီး ပာ်ကွံာ်အယၣ်, ဒီးဟံးန့ၢ်တၢ်ဝါဒီးကံၢ်တူာ်ထီၣ်အယီၢ်ဒ့ လီၤ. ⁵ အဝဲန့ၣ်ဝံၤဒီး, ဂၢ်လီၤထံလၢသရာ်ပူၤ, ဒီးသ့ကွံာ် အပျဲၢ်အဘီၣ်အခီၣ်, ဒီးတြူာ်ကွံာ်ဝဲလၢတၢ်ဝါလၢအကံၢ် တူၢ်အယီၢ်ဒ့န့ၣ်လီၤ. ⁶ မၤသးဒ်န့ၣ်ဒီး ဟဲဆူစီၤၡံမိၣ်ပ့းတရူးအအိၣ်, ဒီးအဝဲဒၣ်စံးဘၣ်အီၤ, ကစၢ်ဧၢ, မ့ၢ်နကသ့ကွံာ်ယခီၣ်ဧါ.―

⁷ ယ့ၣ်ရှူးစံးဆၢတၢ်ဒီးစံးဘၣ်အီၤ, တၢ်လၢယမၤခဲကနံၣ် အံၤ, နတသ့ၣ်ညါဘၣ်. တၢ်တဖၣ်အံၤအလီၢ်ခံဒီး, နက သ့ၣ်ညါလီၤ. ⁸ စီၤပ့းတရူးစံးဘၣ်အီၤ, စိၤရီၤနတသ့ကွံာ် ယခီၣ်ဘၣ်. ယ့ၣ်ရှူးစံးဆၢအီၤ, ယမ့ၢ်တသ့ကွံာ်နၤဘၣ် ဒီး, နတဘၣ်ဃးဘၣ်ဒီးယၤဘၣ်. ⁹ စီၤပ့းတရူးစံးဘၣ် အီၤ, ကစၢ်ဧၢ, ထဲယခီၣ်ဧိၤတမ့ၢ်ဘၣ်, မ့ၢ်ယစု, ဒီးယခိၣ် လီၤ. ¹⁰ ယ့ၣ်ရှူးစံးဘၣ်အီၤ, ပှၤလၢအလုၣ်တ့ၢ်ထံန့ၣ်, သ့ ကွံာ်အသးအလီၢ်တအိၣ်ဘၣ်, သ့ကွံာ်အလီၢ်အိၣ်ထဲအ ခီၣ်ဧိၤ, မ့ၢ်အကဆှီဝဲဒီဂၤညါလီၤ. ဒီးသုဝဲသ့ၣ်အံၤ, သု ကဆှီဘၣ်ဆၣ်ဒီး, သုတကဆှီဘၣ်ခဲလၢာ်ဘၣ်. ¹¹ အဂ့ၢ် ဒ်အံၤ, သ့ၣ်ညါဝဲလၢပှၤလၢအဟ့ၣ်လီၤကွံာ်အီၤတဂၤ, မၤသးဒ်န့ၣ်ဒီးစံးဝဲဒၣ်, သုတကဆှီဘၣ်ခဲလၢာ်ဘၣ်လီၤ.

¹² မၤသးဒ်န့ၣ်ဒီး, တုၤအသ့ကွံာ်အခီၣ်ဝံၤဒီး, ဟံးက့ၤအ ယၣ်ဒီးဆ့ၣ်နီၤသန့ၤကဒီးဝဲ, ဒီးစံးဘၣ်အီၤ, ယမၤသုလၢ မနုၤလဲၣ်န့ၣ်, သုနၢ်ပၢၢ်စ့ၢ်ကီးဧါ. ¹³ သုကိးယၤလၢသ ရၣ်, ဒီးကစၢ်လီၤ. ဒီးသုကတိၤတၢ်န့ၣ်မ့ၢ်အဘၣ်လီၤ. အဂ့ၢ်ဒ်အံၤ, ယမ့ၢ်တၢ်န့ၣ်လီၤ. ¹⁴ မၤသးဒ်န့ၣ်ဒီး, သုသရၣ်, ဒီးသုကစၢ်ယၤအံၤ, ယမ့ၢ်သ့ကွံာ်သုခီၣ်ဒီး, သုဝဲဒၣ်အံၤ, သုဂ့ၤသ့ကွံာ်လိာ်သုခီၣ်သကိးသကိးလီၤ. ¹⁵ အဂ့ၢ်ဒ်အံၤ, ဒ်သိးသုကမၤတၢ်ဒ်ယမၤသုအသိးဒီး, ယဟ့ၣ်နဲၣ်သုလၢ အဒိအတဲာ်လီၤ. ¹⁶ ယစံးဘၣ်တဲဘၣ်သု တီတီလိၤလိၤ, ကုၢ်တဒိၣ်န့ၢ်ဘၣ်အကစၢ်ဘၣ်, ဒီးပှၤတၢ်မၢဖိတဒိၣ်န့ၢ် ဘၣ်ပှၤလၢအမၢလီၤအီၤဘၣ်. ¹⁷ တၢ်န့ၣ်တဖၣ်သုမ့ၢ်သ့ၣ် ညါဒီးသုမ့ၢ်မၤအီၤဒီး, သုဘၣ်ဆိၣ်ဂ့ၤသုဝဲလီၤ.

¹⁸ တမ့ၢ်ဘၣ်ယစံးလၢသုခဲလၢာ်အဂ့ၢ်ဘၣ်. ပှၤလၢယဃု ထၢအီၤတဖၣ်န့ၣ်, ယသ့ၣ်ညါအီၤလီၤ. မ့မ့ၢ်ဒ်သိးလံာ် ကလၢထီၣ်ပှဲၤထီၣ်ဒီး ပှၤလၢအအီၣ်ဃုာ်ကိၣ်ဒီးယၤတ ဂၤန့ၣ်, ထူယၤလၢအခီၣ်နၢၣ်ခံလီၤ.+ စံး. ၄၁း၉|Ps.41.9¹⁹ ယစံး ဘၣ်သုခဲကနံၣ်အံၤ, လၢတၢ်တချုးမၤဒံးဘၣ်အသး, ဒ် သိးတုၤအမၤအသးဒီး, သုကနာ်လၢယမ့ၢ်အဝဲဒၣ်လီၤ.―

²⁰ ယစံးဘၣ်သုတီတီလိၤလိၤ, ပှၤမ့ၢ်တူၢ်လိာ် ပှၤလၢယမၢ လီၤအီၤဒီး, မ့ၢ်အတူၢ်လိာ်ယၤဒီး ပှၤလၢအတူၢ်လိာ်ယၤ န့ၣ်, မ့ၢ်အတူၢ်လိာ်ပှၤလၢအမၢလီၤယၤလီၤ. ²¹ တၢ်န့ၣ်တဖၣ်ယ့ၣ်ရှူးစံးဝဲဒီး, အသူၣ်ကိၢ်အသးဂီၤ, ဒီးအုၣ်အသးဒီးစံးဝဲဒၣ်, ယစံးဘၣ်တဲဘၣ်သု တီတီလိၤလိၤ, ပှၤအိၣ်လၢသုကျါတဂၤကဟ့ၣ်လီၤကွံာ်ယၤလီၤ.―

²² မ့ၢ်အစံးမတၤမတၤန့ၣ်ဒီး, အပျဲၢ်အဘီၣ်အသးဒ့ဒီ, ဒီး ကွၢ်လိာ်အသး သကိးသကိးလီၤ. ²³ အပျဲၢ်အဘီၣ်လၢ ယ့ၣ်ရှူးအဲၣ်အီၤတဂၤန့ၣ် ဆ့ၣ်နီၤသန့ၤဝဲလၢ ယ့ၣ်ရှူးအ သးနါပှၢ်အပူၤလီၤ. ²⁴ မၤသးဒ်န့ၣ်ဒီး ဒ်သိးအကသံကွၢ် လၢအစံးမတၤတဂၤလဲၣ်န့ၣ်ဒီး, စီၤၡံမိၣ်ပ့းတရူးကျၢၢ် ကျာ်ဆူအအိၣ်လီၤ. ²⁵ မၤသးဒ်န့ၣ်ဒီးအဝဲဒၣ်န့ၣ်အခိၣ်သ န့ၤအသးဒ်န့ၣ် လၢယ့ၣ်ရှူးအသးနါပှၢ်အလိၤဒီးစံးဘၣ် အီၤ, ကစၢ်ဧၢ, မ့ၢ်မတၤတဂၤလဲၣ်. ²⁶ ဒီးယ့ၣ်ရှူးစံးဆၢဝဲ ဒၣ်, မ့ၢ်ပှၤလၢယကဘျၢလီၤတၢ်တမီ, ဒီးဟ့ၣ်လီၤအီၤ တဂၤလီၤ. ဒီးဘျၢလီၤတၢ်တမီ, ဒီးဟ့ၣ်လီၤစီၤၡံမိၣ်အ ဖိခွါ, စီၤယူဒၤအံၣ်စကၤရံၤအိာ်တဂၤလီၤ. ²⁷ ဒီးတၢ်တမီ န့ၣ်အလီၢ်ခံဒီး, မုၣ်ကီၤလံၢ်လဲၤနုာ်လၢအပူၤလီၤ. မၤသး ဒ်န့ၣ်ဒီး ယ့ၣ်ရှူးစံးဘၣ်အီၤ, နမၤတၢ်န့ၣ်မၤရၤရၤတက့ၢ်.

²⁸ ဒီးမ့ၢ်အဘၣ်မနုၤမနုၤ လၢအစံးတၢ်န့ၣ်လၢအီၤ, ပှၤ ဆ့ၣ်နီၤသန့ၤလၢအဃၢၤတဖၣ်, တသ့ၣ်ညါဘၣ်နီတဂၤ ဘၣ်. ²⁹ အဂ့ၢ်ဒ်အံၤ, တနီၤနီၤဆိကမိၣ်လၢစီၤယူဒၤစိာ် စ့အထၢၣ်အဃိဒီး, ယ့ၣ်ရှူးစံးဘၣ်အီၤ, ပှ့ၤတၢ်တမံၤမံၤ လၢအလီၢ်အိၣ်လၢ ဘူၣ်အဂီၢ်တက့ၢ်. မ့တမ့ၢ်ဘၣ်ဒီး, ကဘၣ်ဟ့ၣ်ပှၤဖှီၣ်ဖိယာ်ဖိအတၢ်တမံၤမံၤလီၤ.

³⁰ မၤသးဒ်န့ၣ်ဒီး ဟံးန့ၢ်တၢ်တမီ, ဒီးဟးထီၣ်ကွံာ်ဝဲတ ကီၢ်ခါ, ဒီးမ့ၢ်လၢမုၢ်နၤလီၤ.

³¹ မၤသးဒ်န့ၣ်ဒီးတုၤအဟးထီၣ်ဒီး, ယ့ၣ်ရှူးစံးဝဲဒၣ်, ပှၤ ကညီဖိခွါအလၤကပီၤအိၣ်ဖျါထီၣ်ဝဲခဲကနံၣ်အံၤ, ဒီးယွၤ အလၤကပီၤအိၣ်ဖျါထီၣ်စ့ၢ်ကီးလၢအပူၤလီၤ. ³² (ယွၤအ လၤကပီၤမ့ၢ်အိၣ်ဖျါထီၣ်လၢအပူၤ) ဒီး, ယွၤကဒုးလၤ ကပီၤစ့ၢ်ကီးအီၤလၢအကစၢ်ဒၣ်ဝဲလီၤ. ဒီးကဒုးလၤကပီၤ အီၤချ့သဒံးလီၤ. ³³ ဖိသ့ၣ်လံၤသ့ၣ်ဧၢ, ယအိၣ်ဒံးဒီးသုတ စိၢ်ဖိဒီး, သုကဃုယၤ, ဒီးဒ်ယစံးဘၣ်ပှၤယူဒၤဖိအသိး န့ၣ်, ခဲကနံၣ်အံၤယစံးဘၣ်က့ၤသု, တၢ်လၢယလဲၤအ လီၢ်န့ၣ်, သုလဲၤတသ့ဘၣ်. ³⁴ ယဟ့ၣ်သုလၢတၢ်မၤလိာ် အသီတထံၣ်, ဒ်သိးသုကအဲၣ်လိာ်ကွံလိာ်သုသးသကိး သကိး, ဒ်ယအဲၣ်သုအသိး, ဒ်သိးသုကအဲၣ်လိာ်ကွံလိာ် သုသးသကိးသကိးလီၤ. ³⁵ လၢတၢ်အံၤ, လၢသုအဲၣ်လိာ် ကွံလိာ်သုသးအဃိဒီး, ပှၤခဲလၢာ်ကသ့ၣ်ညါလၢသုမ့ၢ် ယပျဲၢ်ယဘီၣ်လီၤ.

³⁶ စီၤၡံမိၣ်ပ့းတရူးစံးဘၣ်အီၤ, ကစၢ်ဧၢ, မ့ၢ်နကလဲၤဆူ လဲၣ်. ယ့ၣ်ရှူးစံးဆၢအီၤ, မ့ၢ်ယကလဲၤဆူလဲၣ်ဆူလဲၣ် န့ၣ်, ခဲကနံၣ်အံၤနပိာ်ယခံတသ့ဘၣ်. ဆူညါနကပိာ် ယခံလီၤ. ³⁷ ဒီးစီၤပ့းတရူးစံးဘၣ်အီၤ, ကစၢ်ဧၢ, ဘၣ်မနုၤ လၢယပိာ်နခံခဲကနံၣ်အံၤတသ့ဘၣ်လဲၣ်. ယကပာ်လီၤ ကွံာ်ယသးသမူလၢနဂီၢ်လီၤ.― ယ့ၣ်ရှူးစံးဆၢအီၤ, မ့ၢ်န ကပာ်လီၤကွံာ်နသးသမူလၢယဂီၢ်ဧါ. ယစံးဘၣ်တဲဘၣ် နၤတီတီလိၤလိၤ, ဆီဖါတချုးအိၣ်အိထီၣ်ဒံးဘၣ်ဒီး, န ကသမၢယၤသၢဘျီလီၤ.

၁၄

¹ သုဝဲသ့ၣ်အံၤ, သုတသူၣ်ကိၢ်သးဂီၤတဂ့ၤ, စူၢ်က့ၤနာ် က့ၤယွၤဒီးစူၢ်က့ၤနာ်က့ၤယၤစ့ၢ်ကီးတက့ၢ်. ² တၢ်အိၣ်အ လီၢ်လၢယပၢ်အဟံၣ်ပူၤန့ၣ်, အိၣ်အါပူၤလီၤ. မ့တမ့ၢ် ဘၣ်ဒီး, ယကစံးဘၣ်တဲဘၣ်တ့ၢ်သုလီၤ. ယလဲၤကတဲာ် ကတီၤသုလီၢ်တပူၤလီၤ. ³ ဒီးယမ့ၢ်လဲၤကတဲာ်ကတီၤသု လီၢ်တပူၤဒီး, ယကဟဲက့ၤကဒီးဆူသုအိၣ်လီၤ. ဒီးယ ကဟံးက့ၤသုဆူယကစၢ်ဒၣ်ယဲအအိၣ် ဒ်သိးဖဲယအိၣ်အ လီၢ်န့ၣ်, သုကအိၣ်စ့ၢ်ကီးလီၤ. ⁴ ဒီးဖဲယလဲၤန့ၣ်, သု သ့ၣ်ညါ, ဒီးကျဲန့ၣ်သုသ့ၣ်ညါလီၤ.

⁵ စီၤသိၤမါစံးဘၣ်အီၤ, ကစၢ်ဧၢ, မ့ၢ်နကလဲၤဆူလဲၣ် ဆူလဲၣ်န့ၣ်, ပတသ့ၣ်ညါဘၣ်, ဒီးပသ့ၣ်ညါကျဲကသ့ ဒ်လဲၣ်. ⁶ ယ့ၣ်ရှူးစံးဘၣ်အီၤ, ယဲဒၣ်အံၤယမ့ၢ်ကျဲ, ဒီး တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်ဘၣ်ယၤဒီး, ပှၤ တဟဲဘၣ်ဆူပၢ်အအိၣ်နီတဂၤဘၣ်. ⁷ သုမ့ၢ်သ့ၣ်ညါယၤ ဒီး, သုသ့ၣ်ညါယပၢ်စ့ၢ်ကီးလီၤ. ဒီးတုၤအံၤဆူညါ, သု သ့ၣ်ညါအီၤ, ဒီးသုထံၣ်အီၤလီၤ.

⁸ စီၤဖံလံးပူးစံးဘၣ်အီၤ, ကစၢ်ဧၢ, ဒုးနဲၣ်ပှၤလၢပၢ်, ဒီး ကမံသူၣ်မံသးပှၤလီၤ. ⁹ ယ့ၣ်ရှူးစံးဘၣ်အီၤ, စီၤဖံလံးပူး ဧၢ, ယအိၣ်တ့ၢ်ဒီးသုယံာ်ထဲအံၤဒီး, နတသ့ၣ်ညါယၤ ဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤလၢနစံး, ဒုးနဲၣ်ပၢ်လၢပှၤန့ၣ် လဲၣ်. ¹⁰ မ့ၢ်နတနာ်ဘၣ်လၢယအိၣ်လၢပၢ်အပူၤ, ဒီးပၢ် အိၣ်လၢယပူၤဘၣ်ဧါ. တၢ်ကတိၤလၢ ယကတိၤဒီးသု န့ၣ်, တမ့ၢ်ဘၣ်ယကတိၤဒၣ်ယဲဘၣ်. တၢ်လၢယမၤတ ဖၣ်န့ၣ်, မ့ၢ်ပၢ်အိၣ်လၢယပူၤမၤဝဲဒၣ်လီၤ. ¹¹ နာ်ယၤလၢ ယအိၣ်လၢပၢ်အပူၤ, ဒီးပၢ်အိၣ်လၢယပူၤတက့ၢ်. မ့တ မ့ၢ်ဘၣ်ဒီး, နာ်ယၤလၢယတၢ်မၤတဖၣ်န့ၣ်အဃိတက့ၢ်.

¹² ယစံးဘၣ်တဲဘၣ်သုတီတီလိၤလိၤ, ပှၤလၢအစူၢ်က့ၤ နာ်က့ၤယၤန့ၣ်တၢ်မၤလၢယမၤန့ၣ်ကမၤစ့ၢ်ကီးဝဲ, ဒီးက မၤတၢ်ဒိၣ်န့ၢ်အန့ၣ်တက့ၢ်လီၤ. အဂ့ၢ်ဒ်အံၤ, ယက့ၤထီၣ် ဆူယပၢ်အအိၣ်, ¹³ ဒီးဖဲဒၣ်သုဃ့တၢ်လၢယမံၤတမံၤလၢ် လၢ်န့ၣ်, ယကမၤအဝဲန့ၣ်, ဒ်သိးပၢ်အလၤအကပီၤက အိၣ်ဖျါဝဲလၢ အဖိခွါအပူၤလီၤ. ¹⁴ သုမ့ၢ်ဃ့တၢ်တမံၤမံၤ လၢယမံၤဒီး, ယကမၤလီၤ.

¹⁵ သုမ့ၢ်အဲၣ်ယၤဒီး, တိၢ်န့ၢ် ယတၢ်မၤလိာ်တဖၣ်တ က့ၢ်. ¹⁶ ဒီးယကဃ့တၢ်လၢပၢ်ဒီးကဟ့ၣ်သုလၢပှၤမၤစၢၤ တၢ်လၢအဂၤတဂၤ ဒ်သိးအကအိၣ်ဒီးသုလီၤထူလီၤယိာ် လီၤ. ¹⁷ အဝဲန့ၣ်မ့ၢ်သးလၢအဘၣ်ဃးဒီးတၢ်မ့ၢ်တၢ်တီလၢ ဟီၣ်ခိၣ်ဖိတူၢ်လိာ်အီၤတသ့ဘၣ်. အဂ့ၢ်ဒ်အံၤ, တထံၣ် ဘၣ်အီၤဒီးတသ့ၣ်ညါဘၣ်အီၤဘၣ်. မ့မ့ၢ်သုဝဲသ့ၣ်အံၤ သုသ့ၣ်ညါအီၤလီၤ. အဂ့ၢ်ဒ်အံၤ, အိၣ်ဝဲ ဆိးဝဲဒီးသု, ဒီးကအိၣ်ဝဲလၢ သုပူၤလီၤ. ¹⁸ ယတပာ်လီၤတဲာ်ဖိၣ်ဃဲ ဘၣ်သုဘၣ်, ယကဟဲက့ၤဆူသုအိၣ်လီၤ. ¹⁹ တစိၢ်ဖိပူၤ ကွံာ်ဒီး, ဟီၣ်ခိၣ်တထံၣ်လၢၤဘၣ်ယၤဘၣ်. မ့မ့ၢ်သုဝဲ သ့ၣ်အံၤ, သုကထံၣ်ယၤလီၤ. မ့ၢ်ယမူဒီး, သုကမူစ့ၢ် ကီးလီၤ. ²⁰ လၢမုၢ်တနံၤန့ၣ်သုကသ့ၣ်ညါလၢယအိၣ်လၢ ပၢ်အပူၤ, ဒီးသုအိၣ်လၢယပူၤ, ဒီးယအိၣ်လၢသုပူၤလီၤ.―

²¹ ပှၤလၢအအိၣ်ဒီးယတၢ်မၤလိာ်ဒီးတိၢ်န့ၢ်ဝဲန့ၣ်, အဝဲဒၣ် မ့ၢ်ပှၤလၢအအဲၣ်ယၤလီၤ. ဒီးပှၤလၢအအဲၣ်ယၤန့ၣ်, ယပၢ် ကအဲၣ်အီၤ, ဒီးယဲဒၣ်အံၤ, ယကအဲၣ်အီၤ, ဒီးယကဒုး နဲၣ်ယသးလၢအီၤလီၤ.

²² စီၤယူဒၤ, (တမ့ၢ်ဘၣ်အံၣ်စကၤရံၤအိာ်) တဂၤ စံး ဘၣ်အီၤ, ကစၢ်ဧၢ, နကဒုးနဲၣ်နသးလၢပဝဲဒၣ်အံၤ, ဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်မ့ၢ်ဒ်လဲၣ်. ²³ ယ့ၣ်ရှူး စံးဆၢတၢ်ဒီးစံးဘၣ်အီၤ, ပှၤမ့ၢ်အဲၣ်ယၤဒီး, ကတိၢ်န့ၢ် ယကလုၢ်ကထါ, ဒီးယပၢ်ကအဲၣ်အီၤ, ဒီးပကဟဲဆူအ အိၣ်, ဒီးမၤန့ၢ်ပအိၣ်အလီၢ်ဒီးအီၤလီၤ. ²⁴ ပှၤလၢအတ အဲၣ်ဘၣ်ယၤဘၣ်န့ၣ်, တတိၢ်န့ၢ်ဘၣ်ယကလုၢ်ကထါ ဘၣ်. ဒီးတၢ်ကတိၤလၢသုနၢ်ဟူန့ၣ်, တမ့ၢ်ဘၣ်ယက လုၢ်ဘၣ်. မ့ၢ်ပၢ်လၢအမၢလီၤယၤအကလုၢ်လီၤ.

²⁵ ယအိၣ်ဒီးသု အဖၢမုၢ်ဒီး, ယစံးဘၣ်တဲဘၣ်သုလၢ တၢ်န့ၣ်တဖၣ်လံလီၤ. ²⁶ ဘၣ်ဆၣ်ဒီးပှၤမၤစၢၤတၢ်, သးစီ ဆှံလၢပၢ်မၢလီၤအီၤလၢယမံၤ, အဝဲဒၣ်ကသိၣ်လိသုလၢ တၢ်ခဲလၢာ်, ဒီးကဒုးသ့ၣ်နီၣ်ထီၣ်က့ၤသုလၢတၢ်လၢယ စံးဘၣ်တဲဘၣ်သုခဲလၢာ်လီၤ.

²⁷ ယပာ်လီၤတဲာ်တၢ်ဃူတၢ်ဖိးဒီးသု, ယတၢ်ဃူတၢ်ဖိး န့ၣ်, ယဟ့ၣ်လီၤသုလီၤ. ယတဟ့ၣ်ဘၣ်သု ဒ်ဟီၣ်ခိၣ် ဟ့ၣ်တၢ်အသိးဘၣ်. သုသးန့ၣ် သုတကိၢ်သုတဂီၤတ ဂ့ၤ, ဒီးသုသုတသးအုးတဂ့ၤ. ²⁸ သုနၢ်ဟူလံလၢယစံးဘၣ် သု, ယလဲၤတၢ်, ဒီးယဟဲက့ၤဆူသုအိၣ်န့ၣ်, သုမ့ၢ်အဲၣ် ယၤဒီး, မ့ၢ်ယစံးလၢယကလဲၤထီၣ်ဆူပၢ်အအိၣ်ဒီး, သု ကသးခုလီၤ. အဂ့ၢ်ဒ်အံၤ, ယပၢ်ဒိၣ်န့ၢ်ယၤတက့ၢ်လီၤ.―

²⁹ ဒီးခဲကနံၣ်အံၤယစံးဘၣ်ပာ်သုလၢ အတချုးမၤဒံးဘၣ် အသး, ဒ်သိးတုၤမ့ၢ်အမၤအသးဒီး, သုကနာ်တၢ်လီၤ.

³⁰ ဆူညါယတကတိၤလၢၤဘၣ်ဒီး သုလၢအအါဘၣ်. အဂ့ၢ်ဒ်အံၤ, ဟီၣ်ခိၣ်အခိၣ်တဂၤဟဲဝဲဒီး အတၢ်တအိၣ် ဘၣ်လၢယပူၤနီတမံၤဘၣ်. ³¹ မ့မ့ၢ်ဒ်သိးဟီၣ်ခိၣ်ကသ့ၣ် ညါလၢယအဲၣ်ပၢ်, ဒီးဒ်ပၢ်မၤလိာ်ယၤအသိးန့ၣ်, ယမၤ ယဲဒ်န့ၣ်အသိးလီၤ. ဂဲၤဆၢထၢၣ် ဟးထီၣ်ကွံာ်သကိးဖဲ အံၤတက့ၢ်.

၁၅

¹ ယဲဒၣ်အံၤ, ယမ့ၢ်စပံးအမုၢ်နီၢ်နီၢ်, ဒီးယပၢ်မ့ၢ်ပှၤပၢၤ စပံးမုၢ်အလီၢ်လီၤ. ² ကယဲၢ်ဒ့လၢယလိၤလၢအတသၣ် ထီၣ်ဘၣ်ဝဲန့ၣ်, ပဲာ်ကွံာ်ဝဲ, ဒီးကယဲၢ်ဒ့လၢအသၣ်ထီၣ် ဝဲန့ၣ်, ဒ်သိးအကသၣ်အါထီၣ်ဒီး, ပဲာ်ဃိကဆှီထီၣ်ဝဲ ဒၣ်လီၤ. ³ သုကဆှီလံလၢယကလုၢ်ယကထါလၢယစံး ဘၣ်တ့ၢ်သုအဃိလီၤ.

⁴ အိၣ်သုဝဲဆိးသုဝဲလၢယပူၤ, ဒီးယကအိၣ်ယကဆိး လၢသုပူၤလီၤ. ဒ်ဒ့မ့ၢ်တအိၣ်တဆိးဘၣ်လၢ စပံးမုၢ်အ လိၤဘၣ်ဒီး သၣ်ဒၣ်တၢ်တသ့ဘၣ်အသိးန့ၣ်, သုဝဲသ့ၣ် အံၤ, သုမ့ၢ်တအိၣ်ဘၣ်လၢယပူၤဘၣ်ဒီး, သုသၣ်ထီၣ် တသ့ဘၣ်ဒ်န့ၣ်အသိးလီၤ. ⁵ ယဲဒၣ်အံၤ, ယမ့ၢ်စပံးအမုၢ်, သုဝဲသ့ၣ်အံၤ, သုမ့ၢ်အဒ့အဖီလီၤ. ပှၤလၢအအိၣ်လၢ ယပူၤ, ဒီးယအိၣ်လၢအပူၤန့ၣ်, သၣ်ထီၣ်ဝဲဒၣ်အါဖျၢၣ် လီၤ. အဂ့ၢ်ဒ်အံၤ, မ့တမ့ၢ်ဘၣ်လၢယၤဒီး, သုမၤတၢ်တ သ့ဘၣ်နီတမံၤဘၣ်. ⁶ ပှၤမ့ၢ်တအိၣ်တဆိးဘၣ်လၢယ ပူၤဘၣ်ဒီး, ကဘၣ်တၢ်ညိကွံာ်အီၤ, ဒ်တၢ်အဒ့အသိး, ဒီးကဃ့ထီၣ်ကွံာ်ဝဲလီၤ. ဒီးပှၤကထၢဖှိၣ်အီၤ, ဒီးဖၢလီၤ အီၤလၢမ့ၣ်အူအပူၤ, ဒီးမ့ၣ်အူကအီၣ်ကွံာ်အီၤလီၤ. ⁷ သု မ့ၢ်အိၣ်လၢယပူၤ, ဒီးယကလုၢ်ယကထါမ့ၢ်အိၣ်လၢသု ပူၤဒီး, ဖဲဒၣ်သုသးသုကဃ့တၢ်ဒီး, သုကန့ၢ်ဘၣ်လီၤ.

⁸ လၢသုသၣ်ထီၣ်အါမးအဃိန့ၣ်, ယပၢ်အလၤကပီၤ အိၣ်ဖျါထီၣ်, ဒီးသုကကဲထီၣ်ယပျဲၢ်ယဘီၣ်လီၤ. ⁹ ဒ်ပၢ် အဲၣ်ယၤအသိးန့ၣ်ယကအဲၣ်သုစ့ၢ်ကီးလီၤ. အိၣ်ဆိးလၢ ယတၢ်အဲၣ်အပူၤတက့ၢ်. ¹⁰ သုမ့ၢ်တိၢ်န့ၢ်ယတၢ်မၤလိာ် တဖၣ်ဒီး, သုကအိၣ်ကဆိးလၢယတၢ်အဲၣ်အပူၤ, ဒ်ယ တိၢ်န့ၢ်ယပၢ်အတၢ်မၤလိာ်တဖၣ်, ဒီးယအိၣ်ယဆိးလၢ အတၢ်အဲၣ်အပူၤအသိးန့ၣ်လီၤ.

¹¹ ဒ်သိးယတၢ်သးခုကအိၣ်ကဆိးလၢသုပူၤ, ဒီးသုတၢ် သးခုကလၢထီၣ်ပှဲၤထီၣ်ဒီး, ယစံးဘၣ်တဲဘၣ်လံသုလၢ တၢ်န့ၣ်တဖၣ်လံ. ¹² အဝဲအံၤမ့ၢ်ယတၢ်မၤလိာ်, လၢသု ကအဲၣ်လိာ်ကွံလိာ်သုသးသကိးသကိး, ဒ်ယအဲၣ်သုအ သိးန့ၣ်လီၤ. ¹³ ပှၤမ့ၢ်ပာ်လီၤကွံာ်အသးသမူလၢအတံၤအ သကိးအဂီၢ်ဒီး, ပှၤတအိၣ်ဘၣ်ဒီးတၢ်အဲၣ်တၢ်ကွံဒိၣ်န့ၢ် အဝဲန့ၣ်နီတဂၤဘၣ်. ¹⁴ ဖဲဒၣ်ယမၤလိာ်သုတဖၣ်န့ၣ်, သု မ့ၢ်မၤဒီး, သုမ့ၢ်ယတံၤယသကိးလီၤ.

¹⁵ ဒီးယတကိးလၢၤဘၣ်သု လၢကုၢ်လၢပှၤဘၣ်. အဂ့ၢ် ဒ်အံၤ, အကစၢ်မၤမနုၤမနုၤန့ၣ်, ကုၢ်တသ့ၣ်ညါဘၣ်ဝဲ ဘၣ်. ယကိးက့ၤလံသုလၢတံၤလၢသကိးလံ. အဂ့ၢ်ဒ် အံၤ, ကယဲၢ်ယနၢ်ဟူတၢ်လၢပၢ်အအိၣ်န့ၣ်, ယဘိးဘၣ် သ့ၣ်ညါသုလီၤ. ¹⁶ သုဃုထၢလံယၤတမ့ၢ်ဘၣ်. မ့ၢ်ယ ဃုထၢလံသုဒီးပာ်လီၤသု, ဒ်သိးသုကလဲၤသၣ်ထီၣ်, ဒီး သုတၤသၣ်ကအိၣ်ကဆိး, ဒ်သိးဖဲဒၣ်သုဃ့တၢ်လၢယ မံၤလၢပၢ်န့ၣ်ဒီး, အဝဲဒၣ်ကဟ့ၣ်လီၤသုလီၤ.

¹⁷ တၢ်တဖၣ်အံၤ, ယမၤလိာ်သု, ဒ်သိးသုကအဲၣ်လိာ် ကွံလိာ်သုသးသကိးသကိးလီၤ. ¹⁸ ဟီၣ်ခိၣ်မ့ၢ်သးဟ့သု ဒီး, သုသ့ၣ်ညါလၢအသးဟ့ယၤဆိန့ၢ် အသးဟ့သုတ က့ၢ်လီၤ. ¹⁹ သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ် အတၢ်ဒၣ်ဝဲလီၤ. မ့မ့ၢ်သုဝဲသ့ၣ်အံၤ, မ့ၢ်သုတဘၣ်ဃး ဘၣ်ဒီးဟီၣ်ခိၣ်, ဒီးမ့ၢ်ယဃုထၢကွံာ်သုလၢဟီၣ်ခိၣ်အ ဃိဒီး, ဟီၣ်ခိၣ်သးဟ့သုလီၤ. ²⁰ သ့ၣ်နီၣ်ထီၣ်က့ၤတၢ်က တိၤလၢယစံးဘၣ်သု, ကုၢ်တဒိၣ်န့ၢ်ဘၣ်အကစၢ်ဘၣ်န့ၣ် တက့ၢ်. အဝဲသ့ၣ်မ့ၢ်မၤအၢယၤဒီး, ကမၤအၢသုစ့ၢ်ကီး လီၤ. မ့ၢ်တိၢ်န့ၢ်ယကလုၢ်ဒီး, ကတိၢ်န့ၢ်သုကလုၢ်စ့ၢ်ကီး လီၤ. ²¹ ဘၣ်ဆၣ်ဒီးကမၤသုလၢ တၢ်န့ၣ်တဖၣ်ခဲလၢာ် လၢယမံၤအဃိ, အဂ့ၢ်ဒ်အံၤ, တသ့ၣ်ညါဘၣ်ပှၤလၢအ မၢလီၤယၤဘၣ်.

²² ယမ့ၢ်တဟဲ စံးဘၣ်တဲဘၣ်အီၤဒီး, အတၢ်ကမၣ်တ အိၣ်ဘၣ်. မ့မ့ၢ်ခဲကနံၣ်အံၤ, တၢ်ကတိၤပူၤဖျဲးအတၢ်က မၣ်, တအိၣ်ဘၣ်ဝဲဘၣ်. ²³ ပှၤလၢအသးဟ့ယၤန့ၣ်, မ့ၢ် အသးဟ့ယပၢ်စ့ၢ်ကီးလီၤ. ²⁴ တၢ်မၤလၢပှၤဂၤတမၤဘၣ် နီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါ ဘၣ်ဒီး, အတၢ်ကမၣ်တအိၣ်ဘၣ်. မ့မ့ၢ်ခဲကနံၣ်အံၤ, ထံၣ်ဝဲဒီးသးဟ့ယၤဒီးယပၢ်ခံဂၤလိာ်လီၤ. ²⁵ တၢ်မၤအသး အံၤဒ်သိးတၢ်ကတိၤကွဲးအသးလၢ အတၢ်သိၣ်တၢ်သီအ ပူၤ, ကလၢထီၣ်ပှဲၤထီၣ်ဝဲ, လၢအသးဟ့ယၤကလီက လီလီၤ.+ စံး. ၆၉း၄|Ps.69.4*.

²⁶ ဘၣ်ဆၣ်ဒီးတုၤပှၤမၤစၢၤတၢ်လၢ ယကမၢလီၤအီၤလၢ ယပၢ်အအိၣ်, သးလၢအဘၣ်ဃးဒီး တၢ်မ့ၢ်တၢ်တီလၢ အဟဲထီၣ်လၢပၢ်အအိၣ်န့ၣ်ဟဲဝဲဒီး, အဝဲဒၣ်ကအုၣ်အ သးလၢယဂ့ၢ်ယကျိၤလီၤ. ²⁷ ဒီးသုဝဲသ့ၣ်အံၤသုကအုၣ်သု သးစ့ၢ်ကီးလီၤ. အဂ့ၢ်ဒ်အံၤ, သုအိၣ်ဒီးယၤလၢအခီၣ် ထံးလံၤလံၤလီၤ.

၁၆

¹ ဒ်သိးသုသုတဘၣ်တၢ်လီၤကမၣ်အလီၢ်တဂ့ၤဒီး, ယ စံးဘၣ်တဲဘၣ်လံသုလၢ တၢ်တဖၣ်န့ၣ်လံ. ² ပှၤကဟီ ထီၣ်ကွံာ်သုလၢဘူၣ်ဘျီၣ်ပူၤ, ဒီးအဆၢအကတီၢ်ကဘၣ် ဝဲလၢကယဲၢ်ပှၤလၢအမၤသံသုန့ၣ်, ကဆိကမိၣ်လၢအ မၤယွၤအတၢ်လီၤ. ³ မ့ၢ်အတသ့ၣ်ညါဘၣ်ပၢ်မ့ၢ်ဂ့ၤ, ယၤ မ့ၢ်ဂ့ၤ, အဃိဒီး, ကမၤတၢ်န့ၣ်တဖၣ်လီၤ. ⁴ မ့မ့ၢ်တၢ်န့ၣ် တဖၣ်ယစံးဘၣ်သု, ဒ်သိးတုၤမ့ၢ်အနၣ်ရံၣ်ဘၣ်ဒီး, သုက သ့ၣ်နီၣ်ထီၣ်က့ၤအီၤ, လၢယစံးဘၣ်တဲဘၣ်တ့ၢ်သုလီၤ. တၢ်န့ၣ်တဖၣ်ယတစံးဘၣ်သုလၢအခီၣ်ထံးဘၣ်. အဂ့ၢ် ဒ်အံၤ, မ့ၢ်ယအိၣ်ဒံးဒီးသုလီၤ.

⁵ မ့မ့ၢ်ခဲကနံၣ်အံၤ, ယကက့ၤဆူပှၤလၢအမၢလီၤယၤတ ဂၤအအိၣ်, ဒီးသုတသံကွၢ်ဘၣ်ယၤလၢနကလဲၤဆူလဲၣ် ဆူလဲၣ်န့ၣ်နီတဂၤဘၣ်. ⁶ ဘၣ်ဆၣ်ဒီးမ့ၢ်ယစံးဘၣ်သု လၢတၢ်န့ၣ်တဖၣ်အဃိဒီး, သုသးအုးပှဲၤဆၢၣ်ကလာ် လီၤ. ⁷ ဘၣ်ဆၣ်ဒီးယစံးဘၣ်သုလၢတၢ်မ့ၢ်တၢ်တီ, ယ လဲၤတၢ်န့ၣ်, မ့ၢ်အဂ့ၤဒၣ်တၢ်လၢသုဂီၢ်လီၤ. အဂ့ၢ်ဒ်အံၤ, ယမ့ၢ်တလဲၤဘၣ်ဒီး, ပှၤမၤစၢၤတၢ်တဂၤ, တဟဲဘၣ်ဆူ သုအိၣ်ဘၣ်. မ့မ့ၢ်ယမ့ၢ်လဲၤဒီး, ယကမၢအဟဲလီၤဆူသု အိၣ်လီၤ. ⁸ ဒီးတုၤအဟဲဝဲဒီး, ကသိၣ်ဃီၣ်ဟီၣ်ခိၣ်လၢ တၢ်ဒဲးဘးအဂ့ၢ်, ဒီးလၢတၢ်တီတၢ်လိၤအဂ့ၢ်, ဒီးလၢတၢ် စံၣ်ညီၣ်အဂ့ၢ်လီၤ. ⁹ လၢတၢ်ဒဲးဘးအဂ့ၢ်လၢ အတစူၢ် တနာ်ဘၣ်ယၤအဃိ, ¹⁰ လၢတၢ်တီတၢ်လိၤအဂ့ၢ်လၢယ လဲၤထီၣ်ဆူပၢ်အအိၣ်ဒီးသုတထံၣ်လၢၤဘၣ်ယၤအဃိ,―

¹¹ ဒီးလၢတၢ်စံၣ်ညီၣ်အဂ့ၢ်, လၢဟီၣ်ခိၣ်အခိၣ်ဘၣ်တၢ်စံၣ် ညီၣ်အီၤအဃိလီၤ.

¹² ယကတိၤတၢ်ဒီးသု အလီၢ်အိၣ်ဒံးလၢအအါ, ဘၣ် ဆၣ်ဒီးခဲကနံၣ်အံၤသုဒိးန့ၢ်တကဲဘၣ်. ¹³ မ့မ့ၢ်သးလၢအ ဘၣ်ဃးဒီးတၢ်မ့ၢ်တၢ်တီန့ၣ်, တုၤအဟဲဝဲဒီး, ကဆှၢသု ဆူတၢ်မ့ၢ်တၢ်တီခဲလၢာ်အပူၤလီၤ. အဂ့ၢ်ဒ်အံၤ, တက တိၤဘၣ်လၢအဂ့ၢ်ဒၣ်ဝဲဘၣ်. မ့မ့ၢ်ဖဲဒၣ်အနၢ်ဟူတၢ်ဒီး, ကကတိၤဝဲဒီးကစံၣ်တဲၤတဲလီၤသု တၢ်လၢအကဟဲတ ဖၣ်န့ၣ်လီၤ. ¹⁴ အဝဲဒၣ်ကမၤဖျါထီၣ်ယလၤယကပီၤလီၤ. အဂ့ၢ်ဒ်အံၤ, ကဟံးန့ၢ်တၢ်ဘၣ်ဃးဒီးယၤ, ဒီးကစံၣ်တဲၤ တဲလီၤသုလီၤ. ¹⁵ ကယဲၢ်ပၢ်အတၢ်တမံၤလၢ်လၢ်န့ၣ်, မ့ၢ် ယတၢ်လီၤ. မ်ဒ်န့ၣ်ဒီး, ယစံးဘၣ်တဲဘၣ်သုလၢအကဟံး န့ၢ်ယတၢ်ဒီး ယကစံၣ်တဲၤတဲလီၤသုလီၤ. ¹⁶ တစိၢ်ဖိဒီး, သုတထံၣ်ဘၣ်ယၤဘၣ်. မၤကဒီးတစိၢ်ဖိဒီး, သုကထံၣ် ယၤလီၤ. အဂ့ၢ်ဒ်အံၤ, ယလဲၤထီၣ်ဆူယပၢ်အအိၣ်လီၤ. ¹⁷ မၤသးဒ်န့ၣ်ဒီး အပျဲၢ်အဘီၣ်တနီၤနီၤ စံးလိာ်အသး, တၢ်လၢအစံးဝဲ, တစိၢ်ဖိဒီးသုတထံၣ်ဘၣ်ယၤဘၣ်, မၤကဒီးတစိၢ်ဖိဒီး သုကထံၣ်ဘၣ်ယၤလီၤ. ဒီးအဂ့ၢ်ဒ်အံၤ, ယလဲၤထီၣ်ဆူ ယပၢ်အအိၣ်န့ၣ်, မ့ၢ်အစံးတၢ်မနုၤလဲၣ်.―

¹⁸ မၤသးဒ်န့ၣ်ဒီးအဝဲသ့ၣ်စံးဝဲ, တၢ်လၢအစံး, တၢ်တစိၢ်ဖိ အံၤ, မ့ၢ်မနုၤလဲၣ်. မ့ၢ်အစံးမနုၤမနုၤပတသ့ၣ်ညါဘၣ်.

¹⁹ မၤသးဒ်န့ၣ်ဒီးယ့ၣ်ရှူးသ့ၣ်ညါဝဲ လၢအဝဲသ့ၣ်တၢ်မိၣ် သံကွၢ်အသးလၢအီၤဒီး, စံးဘၣ်အီၤ, ယစံးဘၣ်တဲဘၣ် သု, တစိၢ်ဖိဒီးသုတထံၣ်ဘၣ်ယၤဘၣ်, ဒီးမၤကဒီးတ စိၢ်ဖိဒီးသုကထံၣ်ဘၣ်ယၤအဂ့ၢ်န့ၣ်, မ့ၢ်သုသံကွၢ်လိာ်သု သးဧါ. ²⁰ ယစံးဘၣ်တဲဘၣ်သုတီတီလိၤလိၤ, လၢသု မဲာ်ထံကလီၤ, ဒီးသုကဟီၣ်ကယၢၤလီၤ. မ့မ့ၢ်ဟီၣ်ခိၣ် န့ၣ်ကသးခုလီၤ. ဒီးသုဝဲဒၣ်အံၤ, သုကသူၣ်အုးသးအုး, ဘၣ်ဆၣ်ဒီး သုတၢ်သးအုးန့ၣ် ကကဲကဒါက့ၤလၢတၢ် သးခုလီၤ. ပိာ်မုၣ်တုၤအဆံးစၢ်အဖိဒီး, သူၣ်အုးသးအုး လီၤ. ²¹ အဂ့ၢ်ဒ်အံၤ, အမုၢ်အလါဘၣ်လံ. မ့မ့ၢ်တုၤဖိသၣ် အိၣ်ဖျဲၣ်ဝဲဒီး, သးခုဝဲလၢပှၤကညီတဂၤအိၣ်ဖျဲၣ်လၢဟီၣ် ခိၣ်ချၢသတးဒီး, တသ့ၣ်နီၣ်ထီၣ်က့ၤလၢၤဘၣ်အတၢ်နး တၢ်ဖှီၣ်ဘၣ်. ²² မၤသးဒ်န့ၣ်ဒီး, ခဲကနံၣ်အံၤ, သုသူၣ် အုးသးအုးဘၣ်ဆၣ်ဒီး, ယကထံၣ်က့ၤကဒီးသု, ဒီးသု ကသူၣ်ခုသးခု, ဒီးသုတၢ်သးခုန့ၣ်, ပှၤတဟံးထီၣ်ကွံာ် လၢသုနီတဂၤဘၣ်.

²³ တၢ်လၢမုၢ်တနံၤန့ၣ်, သုတသံကွၢ်ယၤလၢတၢ်နီတမံၤ ဘၣ်. ယစံးဘၣ်တဲဘၣ်သုတီတီလိၤလိၤ, ဖဲဒၣ်သုဃ့ တၢ်လၢယမံၤလၢပၢ်န့ၣ်, ကဟ့ၣ်ဝဲလၢသုလီၤ. ²⁴ တုၤလီၤ ခဲကနံၣ်အံၤ, သုတဃ့ဒံးဘၣ်တၢ်လၢယမံၤနီတမံၤဘၣ်. ဃ့တၢ်တက့ၢ်, ဒီးသုကန့ၢ်တၢ်, ဒ်သိးသုတၢ်သးခုက လၢထီၣ်ပှဲၤထီၣ်လီၤ.

²⁵ တၢ်တဖၣ်န့ၣ်ယစံးဘၣ်တဲဘၣ်သုလံ. လၢတၢ်ကတိၤ အဒိလံ. မ့မ့ၢ်တၢ်အဆၢအကတီၢ်ကဘၣ်ဝဲ, လၢယတ စံးဘၣ်တဲဘၣ်လၢၤဘၣ်သုလၢတၢ်ကတိၤအဒိဘၣ်. မ့ၢ် ယကစံးဘၣ်တဲဘၣ်သုလၢပၢ်အဂ့ၢ်အကျိၤ စၢၢ်ဆၢပံာ် ကလာ်လီၤ. ²⁶ လၢမုၢ်တနံၤန့ၣ်, သုကဃ့တၢ်လၢယမံၤ, ဒီးယတစံးဘၣ်တဲဘၣ်သုလၢ ယကဃ့န့ၢ်သုဂီၢ်လၢပၢ် န့ၣ်ဘၣ်. ²⁷ အဂ့ၢ်ဒ်အံၤ, ပၢ်အကစၢ်ဒၣ်ဝဲအဲၣ်သုလၢသု အဲၣ်ယၤ, ဒီးလၢသုနာ်လၢယဟဲလၢ ယွၤအအိၣ်အဃိ လီၤ. ²⁸ ယဟဲထီၣ်လၢပၢ်အအိၣ်, ဒီးယဟဲလီၤဆူဟီၣ်ခိၣ် ချၢအံၤလီၤ. မၤကဒီးတစု, ယကဟးထီၣ်ကွံာ်လၢဟီၣ် ခိၣ်, ဒီးယကလဲၤထီၣ်က့ၤဆူပၢ်အအိၣ်လီၤ.

²⁹ အပျဲၢ်အဘီၣ်စံးဘၣ်အီၤ, ကွၢ်ကွၢ်, ခဲကနံၣ်အံၤနက တိၤတၢ်စၢၢ်ဆၢပံာ်ကလာ်, ဒီးနတကတိၤဘၣ်လၢတၢ် ကတိၤအဒိဘၣ်. ³⁰ ခဲကနံၣ်အံၤ, ပသ့ၣ်ညါလၢနသ့ၣ်ညါ တၢ်ခဲလၢာ်, ဒီးပှၤတဂၤဂၤသံကွၢ်နၤအလီၢ်တအိၣ်ဘၣ်. လၢတၢ်အံၤအဃိ, ပနာ်လၢနဟဲလၢယွၤအအိၣ်လီၤ. ယ့ၣ်ရှူးစံးဆၢအီၤ, မ့ၢ်သုနာ်တၢ် ခဲကနံၣ်အံၤဧါ.

³² ကွၢ်ကွၢ်, တၢ်အဆၢအကတီၢ်ကဘၣ်, ဒီးဘၣ်ခဲကနံၣ် အံၤ, လၢသုကလီၤပြံလီၤပြါ, တဂၤဆူအလီၢ်ဒၣ်ဝဲ, တ ဂၤဆူအလီၢ်ဒၣ်ဝဲ, ဒီးသုကလဲၤသဒၣ်ယၤ, ဒီးသုကပာ် လီၤတဲာ်ယၤတဂၤဃီလီၤ. ဘၣ်ဆၣ်ဒီးယတအိၣ်ဘၣ်တ ဂၤဃီဘၣ်. အဂ့ၢ်ဒ်အံၤ, ပၢ်အိၣ်ဒီးယၤလီၤ.

³³ ယစံးဘၣ်သုလၢတၢ်န့ၣ်တဖၣ်, ဒ်သိးသုကအိၣ်ဒီး တၢ်ဃူတၢ်ဖိးလၢယပူၤလီၤ. လၢဟီၣ်ခိၣ်အံၤ, သုက ဘၣ်တၢ်ဖှီၣ်လီၤ. ဘၣ်ဆၣ်ဒီးပာ်သုသးခူတလ့ၢ်တက့ၢ်. ယမၤနၢၤလံဟီၣ်ခိၣ်လံ.

၁၇

¹ တၢ်တဖၣ်န့ၣ်ယ့ၣ်ရှူးကတိၤဝဲဒီး ကျ့ထီၣ်အမဲာ်ဆူမူ ခိၣ်ဒီးစံးဝဲဒၣ်, ပၢ်ဧၢ, တၢ်အနၣ်ရံၣ်ဘၣ်လံ, မၤလၤမၤက ပီၤနဖိခွါ, ဒ်သိးနဖိခွါကမၤလၤမၤကပီၤနၤတက့ၢ်. ² ဒ်န ဟ့ၣ်လီၤအီၤလၢတၢ်အစိအကမီၤ လၢတၢ်ညၣ်ခဲလၢာ် အဖီခိၣ်အသိးန့ၣ် ဒ်သိးအဝဲဒၣ်ကဟ့ၣ်ပှၤလၢနဟ့ၣ်လီၤ အီၤကိးဂၤဒဲးလၢတၢ်မူအထူအယိာ်န့ၣ်လီၤ. ³ ဒီးတၢ်မူ အထူအယိာ်န့ၣ်မ့ၢ်တၢ်သ့ၣ်ညါနၤ, ယွၤနီၢ်နီၢ်တဂၤဃီ, ဒီးယ့ၣ်ရှူးခရံာ်လၢနမၢလီၤအီၤန့ၣ်လီၤ. ⁴ ယလီၣ်ဖျါလံ နလၤနကပီၤလၢဟီၣ်ခိၣ်ချၢလံ. တၢ်မၤလၢနဟ့ၣ်ယၤ လၢယကမၤန့ၣ်, ယမၤဝံၤလံ. ⁵ ဒီးခဲကနံၣ်အံၤ, ပၢ်ဧၢ, ဒုးလၤဒုးကပီၤယၤလၢနကစၢ်ဒၣ်နဲ, လၢတၢ်လၤတၢ်က ပီၤလၢအအိၣ်ဒီးယၤ, လၢယအိၣ်ဒီးနၤလၢဟီၣ်ခိၣ်တချုး ကဲထီၣ်ဒံးဘၣ်န့ၣ်တက့ၢ်. ⁶ ပှၤလၢနဟ့ၣ်ယၤလၢဟီၣ် ခိၣ်ဖိအကျါန့ၣ်, ယလီၣ်ဖျါလံနမံၤလၢအီၤလံ. အဝဲသ့ၣ် တဖၣ်န့ၣ်မ့ၢ်နတၢ်, ဒီးနဟ့ၣ်လီၤအီၤလၢယၤ, ဒီးအဝဲသ့ၣ် တိၢ်န့ၢ်လံနကလုၢ်နကထါလံ. ⁷ ခဲကနံၣ်အံၤ, အဝဲသ့ၣ် သ့ၣ်ညါလၢဖဲဒၣ်တၢ်လၢနဟ့ၣ်ယၤခဲလၢာ်န့ၣ်, မ့ၢ်အ ဟဲလၢနအိၣ်လီၤ. ⁸ အဂ့ၢ်ဒ်အံၤ, တၢ်ကတိၤလၢနဟ့ၣ် ယၤတဖၣ်န့ၣ်, ယဟ့ၣ်က့ၤလၢအီၤ, ဒီးအဝဲသ့ၣ်ဟံးန့ၢ် ဝဲ, ဒီးသ့ၣ်ညါနီၢ်နီၢ်လၢယဟဲလၢနအိၣ်, ဒီးနာ်ဝဲလၢန မၢလီၤယၤလီၤ. ⁹ ယဃ့တၢ်လၢအဂီၢ်လီၤ. ယတဃ့ဘၣ် တၢ်လၢဟီၣ်ခိၣ်အဂီၢ်ဘၣ်, မ့ၢ်လၢပှၤလၢနဟ့ၣ်ယၤတ ဖၣ်အဂီၢ်လီၤ. အဂ့ၢ်ဒ်အံၤ, မ့ၢ်နတၢ်လီၤ. ¹⁰ ဒီးကယဲၢ် ယတၢ်ခဲလၢာ်န့ၣ်မ့ၢ်နတၢ်, ဒီးနတၢ်မ့ၢ်ယတၢ်, ဒီးယဒိး တၢ်လၤကပီၤလၢအဝဲသ့ၣ်အပူၤလီၤ.

¹¹ ဒီးယတအိၣ်လၢၤဘၣ်လၢဟီၣ်ခိၣ်အချၢဘၣ်. မ့မ့ၢ်အ ဝဲသ့ၣ်တဖၣ်အံၤ, အိၣ်ဝဲလၢဟီၣ်ခိၣ်အချၢ, ဒီးယဲဒၣ်အံၤ, ယက့ၤထီၣ်ဆူနအိၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤ ယၤတဖၣ်န့ၣ်, ဒ်သိးအကကဲထီၣ်တၢ်တမံၤဃီ, ဒ်နၤဒီး ယၤအသိးဒီး, အံးက့ၤကွၢ်က့ၤအီၤ လၢနမံၤအပူၤတ က့ၢ်. ¹² ဖဲယအိၣ်ဒီးအီၤလၢဟီၣ်ခိၣ်ချၢန့ၣ်, ယအံးက့ၤ ကွၢ်က့ၤအီၤလၢနမံၤအပူၤလီၤ. ပှၤလၢနဟ့ၣ်လီၤယၤတ ဖၣ်န့ၣ်, ယပၢၤလံအီၤလံ, ဒီးမ့တမ့ၢ်ဘၣ်တၢ်ဟးဂီၤအ ဖိခွါတဂၤ, ဒ်သိးလံာ်ကလၢထီၣ်ပှဲၤထီၣ်ဒီး, တဟါမၢ် ဘၣ်နီတဂၤဘၣ်. ¹³ ဒီးခဲကနံၣ်အံၤ, ယဟဲဆူနအိၣ်ဒီး ယကတိၤတၢ်အံၤတဖၣ်လၢဟီၣ်ခိၣ်ချၢ, ¹⁴ ဒ်သိးအဝဲသ့ၣ် ကအိၣ်ဒီး ယတၢ်သးခုလၢထီၣ်ပှဲၤထီၣ် လၢအပူၤဒၣ်ဝဲ လီၤ. ယဟ့ၣ်လီၤလံအီၤလၢနကလုၢ်နကထါလံ, ဒီးဟီၣ် ခိၣ်သးဟ့အီၤလီၤ. အဂ့ၢ်ဒ်အံၤ, အဝဲသ့ၣ်တဘၣ်ဃးဘၣ် ဒီးဟီၣ်ခိၣ် ဒ်ယတဘၣ်ဃးဘၣ်ဒီးဟီၣ်ခိၣ်အသိး န့ၣ် လီၤ. ¹⁵ ဒ်သိးနကဟံးထီၣ်ကွံာ်အီၤလၢဟီၣ်ခိၣ်န့ၣ်, ယ တဃ့ဘၣ်. မ့ၢ်လၢနကအံးက့ၤကွၢ်က့ၤအီၤ, ဒ်သိးတၢ် အၢတၢ်သီ သုတဘၣ်အီၤတဂ့ၤန့ၣ်လီၤ. ¹⁶ အဝဲသ့ၣ်တ ဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဘၣ်ဒီးဟီၣ်ခိၣ် အသိးန့ၣ်လီၤ. ¹⁷ မၤစီဆှံအီၤလၢနတၢ်မ့ၢ်တၢ်တီတက့ၢ်. နကလုၢ်နကထါန့ၣ်မ့ၢ်တၢ်မ့ၢ်တၢ်တီလီၤ. ¹⁸ ဒ်နမၢလီၤ ယၤဆူဟီၣ်ခိၣ်အသိးန့ၣ်, ယမၢလီၤစ့ၢ်ကီးအီၤဆူဟီၣ် ခိၣ်လီၤ. ¹⁹ ဒီးဒ်သိးအဝဲသ့ၣ်ကစီဆှံထီၣ်လၢ တၢ်မ့ၢ်တၢ် တီအပူၤဒီး, ယမၤစီဆှံထီၣ်ယသးလၢအဃိလီၤ. ²⁰ ယတ ဃ့ဘၣ်ထဲအဝဲသ့ၣ်အဂီၢ်ဧိၤဘၣ်, မ့ၢ်ပှၤလၢအစူၢ်က့ၤနာ် က့ၤယၤလၢ အဝဲသ့ၣ်အကလုၢ်အကထါအဃိစ့ၢ်ကီး,―

²¹ ဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ, ပၢ်ဧၢ, ဒ်နအိၣ် လၢယပူၤ, ဒီးယအိၣ်လၢနပူၤအသိး, ဒ်သိးအဝဲသ့ၣ်က မ့ၢ်တၢ်တမံၤဃီလၢပပူၤ, ဒ်သိးဟီၣ်ခိၣ်ကစူၢ်က့ၤနာ်က့ၤ လၢနမၢလီၤယၤလီၤ. ²² ဒီးတၢ်လၤကပီၤလၢနဟ့ၣ်ယၤ န့ၣ်, ယဟ့ၣ်လၢအီၤ, ဒ်သိးအဝဲသ့ၣ်ကမ့ၢ်တၢ်တမံၤဃီ, ဒ်ပမ့ၢ်တၢ်တမံၤဃီအသိးန့ၣ်လီၤ. ²³ ယအိၣ်လၢအဝဲသ့ၣ် အပူၤ, ဒီးနအိၣ်လၢယပူၤ, ဒ်သိးအဝဲသ့ၣ်ကလၢထီၣ်ပှဲၤ ထီၣ်လၢတၢ်တမံၤဃီ, ဒ်သိးဟီၣ်ခိၣ်ကသ့ၣ်ညါလၢနမၢ လီၤယၤ, ဒီးနအဲၣ်အီၤဒ်နအဲၣ်ယၤအသိးန့ၣ်လီၤ.

²⁴ ပၢ်ဧၢ, ဒ်သိးပှၤလၢနဟ့ၣ်လီၤယၤကထံၣ်ဘၣ်ယလၤ ယကပီၤလၢနဟ့ၣ်ယၤန့ၣ်ဒီး, ယသးအိၣ်လၢအဝဲသ့ၣ် ကအိၣ်ဒီးယၤစ့ၢ်ကီးဖဲ ယအိၣ်အလီၢ်လီၤ. အဂ့ၢ်ဒ်အံၤ, ဟီၣ်ခိၣ်အခီၣ်ထံး တချုးကဲထီၣ်ဒံးဘၣ်ဒီး, နအဲၣ်ယၤ လီၤ. ²⁵ တၢ်တီတၢ်လိၤပၢ်ဧၢ, ဟီၣ်ခိၣ်တသ့ၣ်ညါဘၣ် နၤဘၣ်. မ့မ့ၢ်ယဲဒၣ်အံၤ, ယသ့ၣ်ညါနၤဒီးအဝဲသ့ၣ်တ ဖၣ်အံၤ, သ့ၣ်ညါလၢနမၢလီၤယၤလီၤ. ²⁶ ဒီးဒ်သိးတၢ် အဲၣ်လၢနအဲၣ်ယၤအံၤ, ကအိၣ်လၢအပူၤဒီးယကအိၣ် လၢအပူၤဒီး, ယဘိးဘၣ်သ့ၣ်ညါလံအီၤလၢနမံၤ, ဒီး ယကဘိးဘၣ်သ့ၣ်ညါလီၤ.

၁၈

¹ ယ့ၣ်ရှူးစံးဘၣ်တဲဘၣ်တၢ်တဖၣ်န့ၣ်ဝံၤဒီး ဟးထီၣ်ဝဲ ဒီးအပျဲၢ်အဘီၣ်ဆူ ကံဒြိၣ်အကျိဝၢ်ဘးခီ, ဖဲတၤသၣ် အလီၢ်အိၣ်တပူၤ, ဒီးလဲၤနုာ်ဝဲဒီးအပျဲၢ်အဘီၣ်လီၤ. ² ဒီး ပှၤလၢအဟ့ၣ်လီၤကွံာ်အီၤ, စီၤယူဒၤန့ၣ်, သ့ၣ်ညါအ လီၢ်စ့ၢ်ကီးလီၤ. အဂ့ၢ်ဒ်အံၤ, ယ့ၣ်ရှူးအိၣ်ဖှိၣ်ဝဲဒီးအပျဲၢ် အဘီၣ်ဖဲန့ၣ်အါဘျီလီၤ.

³ မၤသးဒ်န့ၣ်ဒီးန့ၢ်ဘၣ်သုးဖိတဖု, ဒီးတၢ်အခိၣ်တဖၣ်, လၢပှၤလုၢ်တၢ်အခိၣ်ဒီးပှၤဖၤရံၤၡဲတဖၣ်အစုပူၤ, ဒီးလဲၤ ဆူန့ၣ်ဒီးဆှီဒီးမ့ၣ်အူဒၢဒီးတၢ်အစုကဝဲၤလီၤ. ⁴ မၤသးဒ် န့ၣ်ဒီးယ့ၣ်ရှူးသ့ၣ်ညါ တၢ်လၢအကဟဲဘၣ်အီၤခဲလၢာ် ဒီး, လဲၤထီၣ်ဆူပှၤတဖၣ်န့ၣ်အအိၣ်, ဒီးစံးဘၣ်အီၤ, သု ဃုမတၤတဂၤလဲၣ်.

⁵ ဒီးအဝဲသ့ၣ်စံးဘၣ်အီၤ, ပှၤနစၤရ့းဖိယ့ၣ်ရှူးလီၤ. ဒီး ယ့ၣ်ရှူးစံးဘၣ်အီၤ, မ့ၢ်ယၤလီၤ. ဒီးပှၤလၢအဟ့ၣ်လီၤ ကွံာ်အီၤ, စီၤယူဒၤတဂၤ, အိၣ်ဆၢထၢၣ်စ့ၢ်ကီးဒီးအဝဲ သ့ၣ်တဖၣ်လီၤ.

⁶ မၤသးဒ်န့ၣ်ဒီးတုၤအစံးဘၣ်အီၤ, မ့ၢ်ယၤဒီးအဝဲသ့ၣ် တဖၣ်န့ၣ်ဂုၤက့ၤအလီၢ်ခံ, ဒီးလီၤဃံၤဝဲလၢဟီၣ်ခိၣ်အဖီ ခိၣ်တကူၢ်သ့ၣ်လီၤ.

⁷ မၤသးဒ်န့ၣ်ဒီးယ့ၣ်ရှူးသံကွၢ်ကဒီးအီၤ, သုဃုမတၤ တဂၤလဲၣ်. ဒီးစံးဝဲဒၣ်, ပှၤနစၤရ့းဖိယ့ၣ်ရှူးလီၤ. ⁸ ယ့ၣ်ရှူး စံးဆၢဝဲ, ယစံးတ့ၢ်သု, မ့ၢ်ယၤလီၤ. မၤသးဒ်န့ၣ်ဒီးသု မ့ၢ်ဃုယၤဒီး, ဒုးဟးထီၣ်ကွံာ်ပှၤတဖၣ်အံၤတက့ၢ်. ⁹ ဒ် သိးတၢ်အကလုၢ်လၢအစံးဝဲ, လၢပှၤလၢနဟ့ၣ်လီၤယၤ တဖၣ်န့ၣ်, ယတမၤဟါမၢ်ကွံာ်ဘၣ် နီတဂၤဘၣ်န့ၣ်, ကလၢထီၣ်ပှဲၤထီၣ်ဝဲလီၤ.

¹⁰ မၤသးဒ်န့ၣ်ဒီး စီၤၡံမိၣ်ပ့းတရူးတဂၤအိၣ်ဒီးအနးတ ဘ့ၣ်, ဒီးဘ့ၣ်ထီၣ်ဝဲ, ဒီးကျီပှၤလုၢ်တၢ်အခိၣ်အခ့အပှၤ တဂၤ, ဒီးအနၢ်ထွဲတူာ်ကွံာ်လီၤ. အခ့အပှၤအမံၤမ့ၢ်စီၤ မါလဃူးလီၤ. ¹¹ မၤသးဒ်န့ၣ်ဒီး, ယ့ၣ်ရှူးစံးဘၣ်စီၤပ့းတ ရူး, ဖျီၣ်နုာ်က့ၤနးဆူအတြိးပူၤတက့ၢ်. လီခီလၢယပၢ် ဟ့ၣ်ယၤန့ၣ်, မ့ၢ်ယတဘၣ်အီဘၣ်ဧါ. ¹² မၤသးဒ်န့ၣ်ဒီးပှၤသုးဖိတဖု, ဒီးပှၤသုးဖိတကထိအခိၣ်, ဒီးပှၤယူဒၤဖိအတၢ်အခိၣ်တဖၣ်, ဟံးန့ၢ်ယ့ၣ်ရှူးဒီးစၢဃာ်အီၤ, ဒီးလဲၤဆှၢဆိအီၤဆူစီၤအၣ်နၣ်အအိၣ်လီၤ.―

¹³ အဂ့ၢ်ဒ်အံၤ, အဝဲဒၣ်မ့ၢ်စီၤကၤယါဖၤ လၢအကဲထီၣ်ပှၤ လုၢ်တၢ်အခိၣ်လၢနံၣ်အဝဲန့ၣ်အမံၤပှၢ်လီၤ. ¹⁴ ဒီးစီၤကၤ ယါဖၤမ့ၢ်ပှၤလၢအသိၣ်လိ ပှၤယူဒၤဖိလၢပှၤတဂၤဂ့ၤသံ လၢပှၤတကလုာ်န့ၣ်အဂီၢ်လီၤ.

¹⁵ စီၤၡံမိၣ်ပ့းတရူး, ဒီးအပျဲၢ်အဘီၣ်လၢအဂၤတဂၤ, ပိာ် ထီၣ်ယ့ၣ်ရှူးအခံလီၤ. ဒီးအပျဲၢ်အဂၤတဂၤအံၤ, ဘၣ်တၢ် သ့ၣ်ညါအီၤလၢပှၤလုၢ်တၢ်အခိၣ်ဒီး, လဲၤနုာ်ဝဲဒီး ယ့ၣ် ရှူးဆူပှၤလုၢ်တၢ်အခိၣ်အဟံၣ်အဂၢၤပူၤလီၤ. ¹⁶ မ့မ့ၢ်စီၤပ့း တရူးတဂၤန့ၣ်, ဆၢထၢၣ်လၢခိလၢကျဲစၢၤအဃၢၤလီၤ. မၤသးဒ်န့ၣ်ဒီးအပျဲၢ်အဘီၣ်တဂၤ လၢပှၤလုၢ်တၢ်အခိၣ် သ့ၣ်ညါအီၤတဂၤန့ၣ်, ဟးထီၣ်ဒီးကတိၤတၢ်ဒီး ပှၤပိာ် မုၣ်လၢအပၢၤကျဲစၢၤတဂၤဒီး, ဒုးလဲၤနုာ် စီၤပ့းတရူး လီၤ. ¹⁷ မၤသးဒ်န့ၣ်ဒီး ပိာ်မုၣ်လၢအပၢၤကျဲစၢၤတဂၤစံး ဘၣ်စီၤပ့းတရူး, နမ့ၢ်ပှၤတဂၤန့ၣ်အပျဲၢ်အဘီၣ်တမ့ၢ်ဘၣ် ဧါ. အဝဲဒၣ်စံး, တမ့ၢ်ဘၣ်.

¹⁸ ဒီးမ့ၢ်တၢ်ဂိၢ်ဒီး, ပှၤကုၢ်ဖိဒီး တၢ်အခိၣ်သ့ၣ်တဖၣ်, ဆိၣ်ကဲၤမ့ၣ်အူဒီးဆူးဝဲတကူၢ်သ့ၣ်, ဒီးစီၤပ့းတရူးအိၣ်ဒီး အီၤ, ဒီးဆၢထၢၣ်ဆူးမ့ၣ်အူစ့ၢ်ကီးလီၤ.

¹⁹ မၤသးဒ်န့ၣ်ဒီးပှၤလုၢ်တၢ်အခိၣ် သံကွၢ်ယ့ၣ်ရှူးလၢအ ပျဲၢ်အဘီၣ်အဂ့ၢ်အကျိၤ, ဒီးအတၢ်သိၣ်တၢ်သီအဂ့ၢ်အ ကျိၤလီၤ. ²⁰ ယ့ၣ်ရှူးကတိၤဆၢအီၤ, ယကတိၤတၢ်ဒီးဟီၣ် ခိၣ်လၢတၢ်အိၣ်ဖျါ, ယသိၣ်က့ၤသီက့ၤတၢ်တဘိယူၢ်ဃီ လၢဘူၣ်ဘျီၣ်ပူၤ, ဒီးလၢတၢ်လုၢ်ဟံၣ်ပူၤ, ဖဲပှၤယူဒၤဖိ အိၣ်ဖှိၣ်ရိဖှိၣ်အလီၢ်လီၤ. ဒီးလၢတၢ်ခူသူၣ်အပူၤန့ၣ်ယတ ကတိၤတၢ် နီတမံၤဘၣ်. ²¹ နသံကွၢ်ယၤဘၣ်မနုၤလဲၣ်. ယကတိၤတၢ်ဒ်လဲၣ်ဒ်လဲၣ်န့ၣ် သံကွၢ်ပှၤလၢအနၢ်ဟူဝဲ န့ၣ်တက့ၢ်. ကွၢ်ကွၢ်, တၢ်လၢယစံးဘၣ်အီၤန့ၣ်, အဝဲ သ့ၣ်သ့ၣ်ညါလီၤ.

²² တၢ်န့ၣ်တဖၣ်ကတိၤဝဲ, ဒီးတၢ်အခိၣ်ဆၢထၢၣ်ဖဲန့ၣ် တဂၤ, ဒဲယ့ၣ်ရှူးဒီးစံးဝဲဒၣ်, နကတိၤဆၢပှၤလုၢ်တၢ်အ ခိၣ်ဒ်န့ၣ်ဧါ. ²³ ယ့ၣ်ရှူးစံးဆၢအီၤ, ယမ့ၢ်ကတိၤတၢ်အၢ ဒီး, အုၣ်နသးလၢတၢ်အၢအဂ့ၢ်န့ၣ်တက့ၢ်. မ့မ့ၢ်တၢ်ဂ့ၤ ဒီး, ဘၣ်မနုၤလၢနဒဲယၤလဲၣ်.

²⁴ မၤသးဒ်န့ၣ်ဒီး စီၤအၣ်နၣ်မၢလီၤအီၤ အိၣ်စၢဃာ်အ သးဆူပှၤလုၢ်တၢ်အခိၣ်, စီၤကၤယါဖၤအအိၣ်လီၤ. ²⁵ ဒီး စီၤၡံမိၣ်ပ့းတရူးဆၢထၢၣ်ဆူးမ့ၣ်အူလီၤ. မၤသးဒ်န့ၣ်ဒီး ပှၤစံးဘၣ်အီၤ, နဲဒၣ်အံၤ, နမ့ၢ်အပျဲၢ်အဘီၣ်တမ့ၢ်ဘၣ် ဧါ. အဝဲဒၣ်သမၢတၢ်ဒီးစံးဝဲဒၣ်, တမ့ၢ်ဘၣ်. ²⁶ ဒီးပှၤလၢ စီၤပ့းတရူးကျီတူာ်ကွံာ်အနၢ်တဂၤန့ၣ်အဘူးအတံၢ်, ပှၤ လုၢ်တၢ်အခိၣ်အခ့အပှၤတဂၤ, စံးဝဲဒၣ်, ယထံၣ်တ့ၢ်နၤ လၢတၤသၣ်အလီၢ်ဒီးအဝဲဒၣ်န့ၣ်တမ့ၢ်ဘၣ်ဧါ. ²⁷ မၤသး ဒ်န့ၣ်ဒီးစီၤပ့းတရူးသမၢကဒီးတၢ်, ဒီးဆီဖါအိၣ်အိထီၣ် ဝဲတကီၢ်ခါလီၤ.

²⁸ မၤသးဒ်န့ၣ်ဒီး အဝဲသ့ၣ်လဲၤဆှၢယ့ၣ်ရှူးလၢစီၤကၤယါ ဖၤအအိၣ်ဆူကွီၢ်ဘျီၣ်ပူၤ, ဒီးဘၣ်ဖဲမုၢ်ဆ့ၣ်ထီၣ်လီၤ. ဒီး အဝဲသ့ၣ်, ဒ်သိးအသုတဘၣ်တၢ်တကဆှီဘၣ်တဂ့ၤ, ဒီး ဒ်သိးအကအီၣ်ဘူၣ်လဲၤကပာ်သ့ဒီး, တလဲၤနုာ်ဘၣ်ဆူ ကွီၢ်ဘျီၣ်ပူၤဘၣ်. ²⁹ မၤသးဒ်န့ၣ်ဒီးစီၤပံၤလးလဲၤထီၣ်ဆူ အအိၣ်ဒီးစံးဝဲဒၣ် ပှၤတဂၤအံၤသုပာ်တၢ်ကမၣ် လၢအ လိၤလၢမနုၤတမံၤလဲၣ်. ³⁰ ဒီးအဝဲသ့ၣ်စံးဆၢတၢ်ဒီးစံး ဘၣ်အီၤ, မ့တမ့ၢ်ဘၣ်ပှၤမၤတၢ်အၢဒီး, ပတဟ့ၣ်လီၤ ကွံာ်ဘၣ်အီၤလၢနၤဘၣ်. ³¹ မၤသးဒ်န့ၣ်ဒီးစီၤပံၤလးစံး ဘၣ်အီၤ, ဟံးန့ၢ်အီၤ, ဒီးစံၣ်ညီၣ်အီၤဒ်သုတၢ်သိၣ်တၢ်သီ အသိးန့ၣ်တက့ၢ်. မၤသးဒ်န့ၣ်ဒီး ပှၤယူဒၤဖိစံးဘၣ်အီၤ, တၢ်တဒုးမၤသံဘၣ်ပှၤလၢပှၤကညီနီတဂၤဘၣ်.― ဒ်သိး

³² ယ့ၣ်ရှူးအကလုၢ် လၢအစံးဝဲဒီးဒုးနဲၣ်ဝဲလၢအကဘၣ်သံ လၢတၢ်သံဒ်လဲၣ်ဒ်လဲၣ်န့ၣ်, ကလၢထီၣ်ပှဲၤထီၣ်လီၤ.

³³ မၤသးဒ်န့ၣ်ဒီးစီၤပံၤလးက့ၤနုာ်ကဒီးဆူ ကွီၢ်ဘျီၣ်ပူၤ, ဒီးကိးက့ၤယ့ၣ်ရှူးဒီးစံးဘၣ်အီၤ, နဲဒၣ်အံၤ, နမ့ၢ်ပှၤယူဒၤ ဖိအစီၤပၤဧါ. ³⁴ ယ့ၣ်ရှူးစံးဆၢအီၤ, ဖဲနသးဒၣ်နဲ, မ့ၢ်နစံး တၢ်အံၤဧါ. ³⁵ မ့တမ့ၢ်ဘၣ်ဒ်န့ၣ်ဒီး, မ့ၢ်ပှၤဂၤစံးဘၣ်နၤ လၢယဂ့ၢ်လဲၣ်. စီၤပံၤလးစံးဆၢဝဲ, ယဲဒၣ်အံၤ, ယမ့ၢ်ပှၤ ယူဒၤဖိဧါ. နပှၤတကလုာ်ဒၣ်နဲ, ဒီးပှၤလုၢ်တၢ်အခိၣ်သ့ၣ် တဖၣ်န့ၣ်, ဟ့ၣ်လီၤနၤလၢယၤလံ. နမၤတၢ်မနုၤတမံၤ လဲၣ်. ³⁶ ယ့ၣ်ရှူးစံးဆၢဝဲ, ယဘီယမုၢ်တဘၣ်ဃးဘၣ်ဒီး ဟီၣ်ခိၣ်အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤ ဒီး, ဒ်သိးယသုတလီၤလၢပှၤယူဒၤဖိအစုပူၤတဂ့ၤဒီး, ယ ခ့ယပှၤကဒုးတၢ်လီၤ. မ့မ့ၢ်ခဲကနံၣ်အံၤယဘီယမုၢ်တမ့ၢ် ဘၣ်လၢတၢ်ဖဲအံၤဘၣ်. ³⁷ မၤသးဒ်န့ၣ်ဒီးစီၤပံၤလးစံးဘၣ် အီၤ, မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ. ယ့ၣ်ရှူးစံးဆၢဝဲ, နစံးတၢ်လၢယမ့ၢ်စီၤပၤတဂၤလီၤ. ဒ်သိးယကအုၣ်ယ သးလၢတၢ်မ့ၢ်တၢ်တီအဂ့ၢ်ဒီး, ယအိၣ်ဖျဲၣ်, ဒီးယဟဲ လီၤလၢဟီၣ်ခိၣ်ချၢလံ. ကယဲၢ်ပှၤလၢအဘၣ်ဃးဒီးတၢ် မ့ၢ်တၢ်တီန့ၣ်, ဒိကနၣ်ယကလုၢ်ယကထါလီၤ.

³⁸ စီၤပံၤလးစံးဘၣ်အီၤ, တၢ်မ့ၢ်တၢ်တီမ့ၢ်တၢ်မနုၤတမံၤ လဲၣ်. စံးတၢ်န့ၣ်ဒီး, လဲၤထီၣ်ကဒီးဆူပှၤယူဒၤဖိအအိၣ်ဒီး စံးဘၣ်အီၤ, အဝဲတဂၤန့ၣ်, ယတထံၣ်ဘၣ်တၢ်ကမၣ်လၢ အလိၤနီတမံၤဘၣ်. ³⁹ ဘၣ်ဆၣ်ဒီးသုလုၢ်သုလၢ်အိၣ်ဝဲ, လၢယဘၣ်ပျၢ်န့ၢ်သုလၢ ပှၤတဂၤလၢဘူၣ်လဲၤကပာ်အ ပူၤလီၤ. မၤသးဒ်န့ၣ်ဒီးဘၣ်သုသးလၢယကပျၢ်န့ၢ်သုလၢ ပှၤယူဒၤဖိအစီၤပၤန့ၣ်ဧါ. ⁴⁰ မၤသးဒ်န့ၣ်ဒီးပှၤခဲလၢာ်ကိးပ သူထီၣ်ကဒီး, ဒီးစံးဝဲဒၣ်, အဝဲန့ၣ်တမ့ၢ်ဘၣ်. မ့ၢ်စီၤဘၤ ရးဘါလီၤ. ဒီးစီၤဘၤရးဘါန့ၣ်မ့ၢ်တမျိးတမျာ်တဂၤလီၤ.

၁၉

¹ မၤသးဒ်န့ၣ်ဒီးအကတီၢ်ဖဲန့ၣ် စီၤပံၤလးဟံးန့ၢ်ယ့ၣ်ရှူး, ဒီးတီၢ်အီၤလီၤ. ² ဒီးပှၤသုးဖိတဖၣ်ထ့ခိၣ်သလုးလၢတၤ ဆှုၣ်, ဒီးပာ်ထီၣ်ဝဲလၢအခိၣ်, ဒီးဒုးသိးထီၣ်အီၤလၢဆ့ လုးတကုာ်, ³ ဒီးစံးဝဲဒၣ်, ပှၤယူဒၤဖိအစီၤပၤဧၢ, ဒီးဒဲ အီၤလီၤ. ⁴ ဒီးစီၤပံၤလးလဲၤထီၣ်ကဒီးဆူခိဒီးစံးဘၣ်ပှၤတ ဖၣ်န့ၣ်, ကွၢ်ကွၢ်, ဒ်သိးသုကသ့ၣ်ညါလၢယတထံၣ်ဘၣ် တၢ်ကမၣ်လၢအလိၤနီတမံၤဘၣ်ဒီး, ယဟဲဆှၢထီၣ်အီၤ ဆူသုအိၣ်လၢခိလီၤ. ⁵ မၤသးဒ်န့ၣ်ဒီးယ့ၣ်ရှူးကုာ်ခိၣ်သ လုးတၤဆှုၣ်, ဒီးသိးဆ့လုးတကုာ်, ဒီးလဲၤထီၣ်ဝဲဆူခိ လီၤ. ဒီးစံးဘၣ်အဝဲသ့ၣ်, ကွၢ်ကွၢ်, ပှၤကညီတဂၤန့ၣ်လီၤ.

⁶ မၤသးဒ်န့ၣ်ဒီးတုၤပှၤလုၢ်တၢ်အဒိၣ် ဒီးတၢ်အခ့အပှၤ သ့ၣ်တဖၣ်ထံၣ်အီၤဒီး, ကိးပသူထီၣ်ဒီးစံးဝဲဒၣ်, ပျၤထီ ကွံာ်အီၤလၢထူၣ်စုညါအလိၤ, ပျၤထီကွံာ်အီၤလၢထူၣ်စု ညါအလိၤတက့ၢ်. စီၤပံၤလးစံးဘၣ်အီၤ, ဟံးန့ၢ်အီၤဒီး ပျၤထီကွံာ်အီၤသုဝဲလၢထူၣ်စုညါအလိၤတက့ၢ်. အဂ့ၢ်ဒ် အံၤ, ယဲဒၣ်အံၤယတထံၣ်ဘၣ်တၢ်ကမၣ်လၢအလိၤနီတ မံၤဘၣ်. ⁷ ပှၤယူဒၤဖိစံးဆၢအီၤ, ပတၢ်သိၣ်တၢ်သီအိၣ်, ဒီးဒ်ပတၢ်သိၣ်တၢ်သီအသိးန့ၣ် အဝဲဒၣ်ဂ့ၤဘၣ်သံလီၤ. အဂ့ၢ်ဒ်အံၤ, စံးလီၤအသးလၢယွၤအဖိခွါလီၤ.

⁸ မၤသးဒ်န့ၣ်ဒီး တုၤစီၤပံၤလးနၢ်ဟူ တၢ်ကတိၤတဘီ န့ၣ်ဒီး, အသူၣ်ပျံၤအသးပျံၤဒိၣ်န့ၢ်အလီၢ်တက့ၢ်လီၤ. ⁹ ဒီး က့ၤနုာ်ကဒီးဆူကွီၢ်ဘျီၣ်ပူၤ, ဒီးစံးဘၣ်ယ့ၣ်ရှူး, နအိၣ် ထီၣ်ဖဲလဲၣ်. ဒီးယ့ၣ်ရှူးတစံးဆၢဘၣ်အီၤနီတမံၤဘၣ်.―

¹⁰ မၤသးဒ်န့ၣ်ဒီးစီၤပံၤလးစံးဘၣ်အီၤ, နတစံးဆၢဘၣ်ယၤ ဘၣ်ဧါ. ယအိၣ်ဒီးယစိယကမီၤလၢယကပျၤထီနၤလၢ ထူၣ်စုညါအလိၤမ့ၢ်ဂ့ၤ, ယစိယကမီၤလၢယကပျၢ်နၤမ့ၢ် ဂ့ၤန့ၣ်, နတသ့ၣ်ညါဘၣ်ဧါ. ¹¹ ယ့ၣ်ရှူးစံးဆၢဝဲ, တၢ်လၢ ထးန့ၣ် မ့ၢ်တဟ့ၣ်နၤဘၣ်ဒီး, နစိနကမီၤထီဒါယၤအိၣ် တသ့ဘၣ်နီတမံၤဘၣ်. မ်ဒ်န့ၣ်ဒီး, ပှၤတဂၤလၢအဟ့ၣ် လီၤယၤလၢနစုပူၤန့ၣ်, အတၢ်ဒဲးဘးဒိၣ်န့ၢ်အန့ၣ်တက့ၢ် လီၤ. ¹² လၢန့ၣ်လံၤလံၤဒီး, စီၤပံၤလးဃုပျၢ်ကွံာ်အီၤလီၤ. မ့မ့ၢ်ပှၤယူဒၤဖိကိးပသူထီၣ်ဒီးစံးဝဲဒၣ်, အဝဲတဂၤအံၤ, နမ့ၢ်ပျၢ်ကွံာ်ဒီး, နတမ့ၢ်ဘၣ်ပှၤအဲၣ်ကဲစၢ်ဘၣ်. ကယဲၢ် ပှၤလၢအပာ်အသးလၢ စီၤပၤတဂၤလၢ်လၢ်န့ၣ်, မ့ၢ်အ ကတိၤထီဒါကဲစၢ်လီၤ.

¹³ စီၤပံၤလး နၢ်ဟူအဝဲသ့ၣ်အတၢ်ကတိၤန့ၣ်ဒီး, ဆှၢ ထီၣ်ယ့ၣ်ရှူးဆူခိ, ဒီးဆ့ၣ်နီၤဝဲလၢကွီၢ်အလီၢ်ပစိာ်, အိၣ် လၢအလီၢ်ကိးဝဲအမံၤလၢလၢၢ်ဘ့ၣ်ဘၣ်, မ့မ့ၢ်ပှၤဧ့ၤဘြံၤ ဖိအကျိာ်န့ၣ် ကိးဝဲအမံၤလၢကၤဘၤသါလီၤ. ¹⁴ (ဒီးမ့ၢ် ဘူၣ်လဲၤကပာ်ကတဲာ်ကတီၤတၢ်အနံၤ, ဒီးဘၣ်လၢဃု နၣ်ရံၣ်ဃၣ်ဃၣ်) ဒီးစံးဘၣ်ပှၤယူဒၤဖိ, ကွၢ်ကွၢ်, သုစီၤပၤ လီၤ. ¹⁵ ဒီးအဝဲသ့ၣ်ကိးပသူထီၣ်, စိာ်ကွံာ်, စိာ်ကွံာ်, ပျၤ ထီအီၤလၢထူၣ်စုညါအလိၤတက့ၢ်. စီၤပံၤလးစံးဘၣ်အီၤ, မ့ၢ်ယကပျၤထီသုစီၤပၤလၢထူၣ်စုညါအလိၤဧါ. ပှၤလုၢ် တၢ်အခိၣ်တဖၣ်စံးဆၢဝဲ, ပစီၤပၤတအိၣ်ဘၣ်, အိၣ်ထဲကဲ စၢ်ဧိၤလီၤ. ¹⁶ မၤသးဒ်န့ၣ်ဒီးတဘျီဃီန့ၣ်, ဒ်သိးအကဘၣ် ပျၤထီအီၤလၢထူၣ်စုညါအလိၤဒီး, ဟ့ၣ်လီၤအီၤလၢအစု ပူၤလီၤ. မၤသးဒ်န့ၣ်ဒီးအဝဲသ့ၣ်ဟံးန့ၢ်ယ့ၣ်ရှူးလီၤ.

¹⁷ ဒီးအဝဲဒၣ်ဟးထီၣ်ယိးအထူၣ်စုညါ ဆူအလီၢ်ကိးဝဲ အမံၤလၢတၢ်ခိၣ်ဃံ, လၢဧ့ၤဘြံၤအကျိာ်န့ၣ်, ကိးဝဲလၢ ကီၤလၤကီၤသါလီၤ. ¹⁸ ဒီးပျၤထီအီၤလၢထူၣ်စုညါအလိၤ ဖဲန့ၣ်, ဒီးပှၤအဂၤခံဂၤဒီးအီၤ, လၢအဝဲတခီတဂၤ, ဒီး လၢအဝဲတခီတဂၤ, ဒီးယ့ၣ်ရှူးလၢအဘၢၣ်စၢၤလီၤ. ¹⁹ ဒီး စီၤပံၤလးကွဲးစ့ၢ်ကီးလံာ်လၢအခိၣ်တီ, ဒီးစဲထီၣ်ဝဲလၢ ထူၣ်စုညါအလိၤလီၤ. ဒီးအိၣ်ကွဲးအသး, ပှၤနစၤရ့းဖိ ယ့ၣ်ရှူးပှၤယူဒၤဖိအစီၤပၤလီၤ.

²⁰ မၤသးဒ်န့ၣ်ဒီးလံာ်ခိၣ်တီန့ၣ်, ပှၤယူဒၤဖိဖးဝဲအါဂၤ လီၤ. အဂ့ၢ်ဒ်အံၤ, အလီၢ်ဖဲယ့ၣ်ရှူးဘၣ်ပျၤထီလၢထူၣ်စု ညါအလိၤ, အိၣ်ဘူးဒီးဝ့ၢ်န့ၣ်လီၤ. ဒီးအိၣ်ကွဲးအသးလၢ ဧ့ၤဘြံၤအကျိာ်, ဒီးဟ့းလ့ၣ်အကျိာ်, ဒီးရိမ့ၤအကျိာ် လီၤ. ²¹ မၤသးဒ်န့ၣ်ဒီးပှၤယူဒၤဖိအပှၤလုၢ်တၢ်အခိၣ်တ ဖၣ်န့ၣ်စံးဘၣ်စီၤပံၤလး, ကွဲးလၢပှၤယူဒၤဖိအစီၤပၤတ ဂ့ၤ, မ့ၢ်လၢအစံးဝဲ, ယမ့ၢ်ပှၤယူဒၤဖိအစီၤပၤန့ၣ်တက့ၢ်.―

²² စီၤပံၤလးစံးဆၢဝဲ, တၢ်လၢယကွဲးန့ၣ်, ယကွဲးလံလီၤ.

²³ မၤသးဒ်န့ၣ်ဒီး, တုၤပှၤသုးဖိတဖၣ်ပျၤထီယ့ၣ်ရှူးလၢ ထူၣ်စုညါအလိၤဝံၤဒီး, ဟံးန့ၢ်အကူအသိး, ဒီးနီၤဖးဝဲ လွံၢ်ပူလၢသုးဖိန့ၣ်, တဂၤတပူတဂၤတပူ, ဒီးအဆ့လီၤ. မ့မ့ၢ်အဆ့န့ၣ်ထါပီၤအသးလၢ ခိၣ်ပၢၢ်လၢခံဒီဘ့ၣ်ညါ, ဒီးအတိၤတအိၣ်ဘၣ်လီၤ. ²⁴ မၤသးဒ်န့ၣ်ဒီး စံးလိာ်အ သး, မ်ပသုတမၤယာ်အီၤတဂ့ၤ, မ်ပဖးလၢအဂီၢ်တက့ၢ်. ဒ်သိးတၢ်ကွဲးအသးကလၢထီၣ်ပှဲၤထီၣ်လၢအစံးဝဲဒၣ်, အဝဲသ့ၣ်တဖၣ်နီၤဖးယကူယသိးလၢအကျါ, ဒီးဖးဝဲလၢယဆ့အဂီၢ်လီၤ.+ စံး. ၂၂း၁၈|Ps.22.18မၤသးဒ်န့ၣ်ဒီးတၢ်တဖၣ်န့ၣ်ပှၤသုးဖိမၤဝဲလီၤ.

²⁵ ဒီးအမိၢ်, ဒီးအမိၢ်အဒီပုၢ်ဝဲၢ်မုၣ် စီၤကျ့းအီၤပၤအမါ နီၢ်မၤရံ, ဒီးပှၤမၤကဒၤလ့ၣ်ဖိနီၢ်မၤရံသ့ၣ်တဖၣ်ဆၢထၢၣ် ဝဲလၢယ့ၣ်ရှူးအထူၣ်စုညါအဃၢၤန့ၣ်လီၤ. ²⁶ မၤသးဒ်န့ၣ် ဒီး, ယ့ၣ်ရှူးထံၣ်အမိၢ်ဒီးအပျဲၢ်အဘီၣ်လၢအအဲၣ်ဝဲတဂၤ န့ၣ်ဆၢထၢၣ်, ဒီးစံးဘၣ်အမိၢ်, ပိာ်မုၣ်ဧၢ, ကွၢ်ကွၢ်, နဖိ ခွါလီၤ. ²⁷ တုၤနုၤတစုစံးဘၣ်အပျဲၢ်အဘီၣ်, ကွၢ်ကွၢ်, နမိၢ် လီၤ. လၢအဆၢအကတီၢ်န့ၣ်အလီၢ်ခံဒီး, အပျဲၢ်အဘီၣ် တဂၤန့ၣ်က့ၤစိာ်အီၤဆူအအိၣ်အလီၢ်ဒၣ်ဝဲလီၤ.

²⁸ လၢတၢ်န့ၣ်အလီၢ်ခံဒီး, ယ့ၣ်ရှူးသ့ၣ်ညါလၢအမၤဝံၤ တၢ်ခဲလၢာ်ဒီး, ဒ်သိးတၢ်ကွဲးအသးကလၢထီၣ်ပှဲၤထီၣ် ဒီးစံးဝဲဒၣ်, တၢ်သူယသးလၢထံလီၤ. ²⁹ ဒီးသပၢၤပှဲၤထီၣ် ဒီးတၤဆံၣ်ထံအိၣ်ဝဲဖဲန့ၣ်, ဒီးပှၤစုၣ်စီၣ်ကုၤပီၣ်လဲၣ်တ လိၣ်လၢတၤဆံၣ်အထံန့ၣ်, ဒီးစဲထီၣ်ဝဲလၢသ့ၣ်အ့စိးဒီး ယူာ်ထီၣ်ဝဲဆူအထးခိၣ်လီၤ. ³⁰ မၤသးဒ်န့ၣ်ဒီး, တုၤယ့ၣ် ရှူးဒိးန့ၢ်တၤဆံၣ်အထံဒီး, စံးဝဲဒၣ်, တၢ်လၢထီၣ်ပှဲၤထီၣ် လံ. ဒီးဖျးလီၤအခိၣ်, ဒီးဟ့ၣ်လီၤကွံာ်အသးလီၤ. ³¹ မၤသးဒ်န့ၣ်ဒီးမ့ၢ်ကတဲာ်ကတီၤ တၢ်အမုၢ်တနံၤသတးဒီး, ဒ်သိးအစိၣ်တဖၣ်အသုတအိၣ်လၢထူၣ်စုညါအလိၤလၢအိၣ်ဘှံးအနံၤတဂ့ၤ, (အဂ့ၢ်ဒ်အံၤ, အိၣ်ဘှံးအနံၤန့ၣ်မ့ၢ်တၢ်ဒိၣ်အနံၤ) ဒီး, ပှၤယူဒၤဖိဃ့လၢစီၤပံၤလး, ဒ်သိးတၢ်ကမၤကၢ်ကွံာ်အခီၣ်ဒုၣ်, ဒီးစိာ်ကွံာ်အီၤလီၤ,―

³² မၤသးဒ်န့ၣ်ဒီးပှၤသုးဖိ လဲၤမၤကၢ်အခီၣ်ထံးတဂၤအခီၣ် ဒုၣ်, ဒီးအဝဲတဂၤလၢအဘၣ်ပျၤထီလၢထူၣ်စုညါအလိၤ ဒီးအီၤလီၤ. ³³ မ့မ့ၢ်တုၤအတုၤလၢယ့ၣ်ရှူးအအိၣ်ဒီး, ထံၣ် ဝဲလၢအသံတ့ၢ်လံဒီး, တမၤကၢ်ဘၣ်အခီၣ်ဒုၣ်ဘၣ်.―

³⁴ ဘၣ်ဆၣ်ဒီး, ပှၤသုးဖိတဂၤဆဲးထီၣ်အကပၤလၢဘီ, ဒီး တၢ်သွံၣ်ဒီးထံဟဲလီၤဝဲတကီၢ်ခါလီၤ.

³⁵ ပှၤလၢအထံၣ်တၢ်အံၤတဖၣ် အုၣ်အသး, ဒီးအတၢ် အုၣ်အသးန့ၣ်မ့ၢ်အမ့ၢ်အတီ, ဒီးသ့ၣ်ညါဝဲလၢအကတိၤ တၢ်မ့ၢ်တၢ်တီ, ဒ်သိးသုကနာ်တၢ်စ့ၢ်ကီးလီၤ. ³⁶ အဂ့ၢ်ဒ် အံၤ, တၢ်န့ၣ်တဖၣ်မၤသးဒ်သိးတၢ်ကွဲးအသးကလၢထီၣ် ပှဲၤထီၣ်ဝဲ, အဃံတကၢ်ဘၣ်နီတဘိဘၣ်.+ ၂မိၤ. ၁၂း၄၆|Exod.12.46*.³⁷ ဒီးတၢ်ကွဲးအသးလၢအဂၤစံးဝဲဒၣ်, အဝဲသ့ၣ်တ ဖၣ်န့ၣ်ကကွၢ် ပှၤလၢအဆဲးဝဲတဂၤလီၤ.+ ကၤ. ၁၂း၁၀|Zech.12.10*.

³⁸ လၢတၢ်န့ၣ်တဖၣ်အလီၢ်ခံဒီး, ပှၤအရံၤမၤသဲဖိ, စီၤ ယိၤသးဃ့က့ၤယ့ၣ်ရှူးအစိၣ်လၢစီၤပံၤလးလီၤ. အဝဲဒၣ် န့ၣ်မ့ၢ်ယ့ၣ်ရှူးအပျဲၢ်အဘီၣ်ဘၣ်ဆၣ်ဒီး, မ့ၢ်အပျံၤပှၤယူ ဒၤဖိဒီး, မ့ၢ်အပျဲၢ်အဘီၣ်အိၣ်ခူသူၣ်လီၤ. ဒီးစီၤပံၤလး ဟ့ၣ်မၤအီၤလီၤ. မၤသးဒ်န့ၣ်ဒီး, လဲၤဟံးန့ၢ်ယ့ၣ်ရှူးအစိၣ် လီၤ. ³⁹ ဒီးစီၤနံၤကဒ့မူး လၢအဟဲလၢသီလၢယ့ၣ်ရှူးအ အိၣ်လၢမုၢ်နၤတဂၤန့ၣ်, ဟဲစ့ၢ်ကီး, ဒီးဟဲစိာ်တၢ်နၢမူမူ ရၣ်, လၢအဃါဃုာ်ဒီးအကၠီၣ် သၢဆံလံတြၤဃၣ်ဃၣ် လီၤ. ⁴⁰ မၤသးဒ်န့ၣ်ဒီးအဝဲသ့ၣ်ဟံးန့ၢ်ယ့ၣ်ရှူးအစိၣ်, ဒီး ဘိၣ်ထီၣ်လၢဖှီဝါကဆှၣ်ဒီးတၢ်နၢမူ, ဒ်ပှၤယူဒၤဖိခူၣ်လီၤ ကွံာ်တၢ်အလုၢ်အလၢ်အသိးန့ၣ်လီၤ.

⁴¹ ဒီးဖဲအလီၢ်လၢ ယ့ၣ်ရှူးဘၣ်ပျၤထီလၢ ထူၣ်စုညါအ လိၤန့ၣ်, တၤသၣ်အလီၢ်အိၣ်ဝဲ, ဒီးလၢတၤသၣ်အလီၢ် န့ၣ်, တၢ်သွၣ်ခိၣ်အသီ, လၢပှၤတဘၣ်ခူၣ်လီၤဒံးဘၣ်လၢ အပူၤနီတဂၤဘၣ်, အိၣ်ဝဲတပူၤလီၤ. ⁴² မၤသးဒ်န့ၣ်ဒီးမ့ၢ် အဘၣ်လၢ ပှၤယူဒၤဖိကတဲာ်ကတီၤတၢ်အနံၤ, ဒီးတၢ် သွၣ်ခိၣ်န့ၣ်အိၣ်ဘူးဝဲအဃိဒီး, ခူၣ်လီၤယ့ၣ်ရှူးဖဲန့ၣ်လီၤ.

၂၀

¹ ဒီးလၢမုၢ်နွံနံၤအကျါ, မုၢ်ခီၣ်ထံးတနံၤဂီၤဂီၤ, တၢ်ခံး ဒံးန့ၣ်, ပှၤမၤကဒၤလ့ၣ်ဖိနီၢ်မၤရံလဲၤဆူတၢ်သွၣ်ခိၣ်န့ၣ်, ဒီးထံၣ်ဝဲလၢလၢၢ်အိၣ်လၢတၢ်သွၣ်ခိၣ်အပူၤန့ၣ်, တလ့ၣ် ကွံာ်အသးလီၤ. ² မၤသးဒ်န့ၣ်ဒီးဃ့ၢ်ဝဲ, ဒီးဟဲဆူစီၤပ့းတ ရူးဒီး အပျဲၢ်အဘီၣ်အဂၤ လၢယ့ၣ်ရှူးအဲၣ်အီၤတဂၤအ အိၣ်, ဒီးစံးဘၣ်အီၤ, ပှၤလဲၤစိာ်ကွံာ်လံကစၢ်လၢတၢ်သွၣ် ခိၣ်အပူၤလံ. ဒီးပာ်က့ၤအီၤဖဲလဲၣ်န့ၣ်, ပတသ့ၣ်ညါဘၣ်.

³ မၤသးဒ်န့ၣ်ဒီးစီၤပ့းတရူး ဒီးအပျဲၢ်အဘီၣ်အဂၤတဂၤ န့ၣ်, ဟးထီၣ်ဝဲ, ဒီးလဲၤဝဲဆူတၢ်သွၣ်ခိၣ်လီၤ. ⁴ ဒီးပှၤခံဂၤ ဃ့ၢ်ဃုာ်, ဒီးအပျဲၢ်အဘီၣ်အဂၤတဂၤန့ၣ်ဃ့ၢ်ပူၤကွံာ်စီၤ ပ့းတရူး, ဒီးတုၤဆိလၢတၢ်သွၣ်ခိၣ်လီၤ. ⁵ ဒီးသကူးလီၤ အသး, ဒီးထံၣ်ဖှီဝါကဆှၣ်အိၣ်ပာ်လီၤအသးဘၣ်ဆၣ် ဒီး, တလဲၤနုာ်ဘၣ်ဝဲဘၣ်. ⁶ မၤသးဒ်န့ၣ်ဒီးစီၤၡံမိၣ်ပ့းတ ရူးတုၤလၢအလီၢ်ခံ, ဒီးလဲၤနုာ်ဝဲဆူတၢ်သွၣ်ခိၣ်အပူၤလီၤ. ဒီးထံၣ်ဖှီဝါကဆှၣ်အိၣ်ပာ်လီၤအသး, ⁷ ဒီးတၢ်စှၢၤလၢ အဘံဃာ်အခိၣ်န့ၣ်တအိၣ်ဘၣ်ဒီးဖှီဝါကဆှၣ်ဘၣ်. မ့ၢ် အအိၣ်ထူထီၣ်အသးလၢအလီၢ်တပူၤဒၣ်လီၤ. ⁸ မၤသး ဒ်န့ၣ်ဒီးအပျဲၢ်အဘီၣ်အဂၤတဂၤ, လၢအလဲၤတုၤဆိဆူ တၢ်သွၣ်ခိၣ်န့ၣ်, လဲၤနုာ်ဝဲဒီးထံၣ်တၢ်, ဒီးနာ်တၢ်လီၤ.―

⁹ အဂ့ၢ်ဒ်အံၤ, တၢ်ကွဲးအသးလၢအဘၣ်ဂဲၤဆၢထၢၣ်က့ၤ လၢတၢ်သံန့ၣ်, အဝဲသ့ၣ်အနၢ်တပၢၢ်ဒံးဘၣ်.

¹⁰ မၤသးဒ်န့ၣ်ဒီး အပျဲၢ်အဘီၣ်က့ၤကဒါက့ၤဆူ အပှၤ ဒၣ်ဝဲအအိၣ်လီၤ. မ့မ့ၢ်နီၢ်မၤရံ ဆၢထၢၣ်လၢတၢ်သွၣ်ခိၣ် အဃၢၤ, ဒီးဟီၣ်ဝဲလီၤ. ¹¹ မၤသးဒ်န့ၣ်ဒီးဟီၣ်ဝဲအဖၢမုၢ် ဒီးသကူးလီၤအသး, ဒီးကွၢ်နုာ်လၢတၢ်သွၣ်ခိၣ်အပူၤ,―

¹² ဒီးထံၣ်ကလူးခံဂၤ လၢအကူအသိးဝါဝဲ, ဆ့ၣ်နီၤဖဲယ့ၣ် ရှူးအစိၣ်ပာ်လီၤအသးအလီၢ်န့ၣ်, လၢအခိၣ်တဂၤ, ဒီး လၢအခီၣ်တဂၤလီၤ. ¹³ ဒီးအဝဲသ့ၣ်စံးဘၣ်အီၤ, နီၢ်ဧၢ, ဘၣ်မနုၤလၢနဟီၣ်လဲၣ်. ဒီးအဝဲဒၣ်စံးဘၣ်အီၤ, အဂ့ၢ် ဒ်အံၤ, ပှၤလဲၤစိာ်ကွံာ်ယကစၢ်, ဒီးပာ်အီၤဖဲလဲၣ်ဖဲလဲၣ် န့ၣ် ယတသ့ၣ်ညါဘၣ်.

¹⁴ စံးတၢ်န့ၣ်တဖၣ်ဝံၤဒီး ဃၣ်ဃီၤအသးဆူအလီၢ်ခံ, ဒီး ထံၣ်ယ့ၣ်ရှူးဆၢထၢၣ်, ဒီးတသ့ၣ်ညါဘၣ်လၢအမ့ၢ်ယ့ၣ် ရှူးဘၣ်လီၤ. ¹⁵ ယ့ၣ်ရှူးစံးဘၣ်အီၤ, နီၢ်ဧၢ, ဘၣ်မနုၤနဟီၣ် လဲၣ်. နဃုမတၤတဂၤလဲၣ်. အဝဲဒၣ်ဆိကမိၣ်လၢအမ့ၢ် ပှၤပၢၤတၤသၣ်အလီၢ်, ဒီးစံးဘၣ်အီၤ, ကစၢ်ဧၢ, နမ့ၢ် စိာ်ကွံာ်အီၤဒီး, နပာ်အီၤဖဲလဲၣ်ဖဲလဲၣ်န့ၣ်, စံးဘၣ်တဲဘၣ် ယၤတက့ၢ်. ဒီးယကလဲၤဟံးန့ၢ်အီၤလီၤ. ¹⁶ ယ့ၣ်ရှူးစံးဘၣ် အီၤ, နီၢ်မၤရံဧၢ. အဝဲဒၣ်ဃၣ်ဃီၤအသး ဒီးစံးဘၣ်အီၤ လၢဧ့ၤဘြံၤအကျိာ်, ရၤဘူနံၤဧၢ, (အခီပညီန့ၣ်မ့ၢ်သရၣ် ကစၢ်လီၤ.). ¹⁷ ယ့ၣ်ရှူးစံးဘၣ်အီၤ, ထိးယၤတဂ့ၤ. ယတ လဲၤထီၣ်ဒံးဘၣ်ဆူယပၢ်အအိၣ်ဘၣ်. မ့မ့ၢ်လဲၤဆူယဒီပုၢ် ဝဲၢ်တဖၣ်အအိၣ်, ဒီးစံးဘၣ်အီၤ, ယလဲၤထီၣ်ဆူယပၢ်ဒီး သုပၢ်အအိၣ်, ဒီးဆူယယွၤဒီးသုယွၤအအိၣ်န့ၣ်လီၤ.

¹⁸ ပှၤမၤကဒၤလ့ၣ်ဖိနီၢ်မၤရံ က့ၤစံးဘၣ်တဲဘၣ် အပျဲၢ် အဘီၣ်လၢ သါထံၣ်ဘၣ်ကစၢ်န့ၣ်, ဒီးလၢအစံးဘၣ်သါ လၢတၢ်န့ၣ်တဖၣ်လီၤ.

¹⁹ မၤသးဒ်န့ၣ်ဒီးလၢမုၢ်နွံနံၤအကျါ မုၢ်ခီၣ်ထံးတနံၤန့ၣ်, ဘၣ်မုၢ်ဟါလီၤ, ဒီးမ့ၢ်အပျံၤပှၤယူဒၤဖိသတးဒီး, အပျဲၢ် အဘီၣ်အိၣ်ဖှိၣ်ရိဖှိၣ် ကးတံာ်ဃာ်တြဲၤအဖၢမုၢ်ဒီး, ယ့ၣ် ရှူးဟဲဒီးဆၢထၢၣ်လၢအကျါလၢတၢ်အသးကံၢ်ပူၤ, ဒီးစံး ဝဲဒၣ်, ²⁰ မ်တၢ်မုာ်တၢ်ဖိးအိၣ်ဒီးသုတက့ၢ်. စံးတၢ်န့ၣ်ဝံၤ ဒီး, ဒုးနဲၣ်အစုလၣ်, ဒီးအကပၤလၢအီၤလီၤ. မၤသးဒ် န့ၣ်ဒီးအပျဲၢ်အဘီၣ် ထံၣ်ဘၣ်ကစၢ်န့ၣ် ဒီးအသးခုထီၣ် ဝဲလီၤ.

²¹ မၤသးဒ်န့ၣ်ဒီးယ့ၣ်ရှူးစံးကဒီးဝဲ, မ်တၢ်မုာ်တၢ်ဖိးအိၣ် ဒီးသုတက့ၢ်. ဒ်ယပၢ်မၢလီၤယၤအသိးန့ၣ်, ယမၢလီၤ သုစ့ၢ်ကီးလီၤ. ²² စံးတၢ်န့ၣ်တဖၣ်ဝံၤဒီး, သါသဖှိထီၣ် လၢအလိၤ, ဒီးစံးဘၣ်အီၤ, ဒိးန့ၢ်သးစီဆှံတက့ၢ်. ²³ ဖဲဒၣ် ပှၤအတၢ်ကမၣ်လၢသုပျၢ်ကွံာ်အီၤတဖၣ်န့ၣ်, ကဘၣ်ပျၢ် ကွံာ်အီၤလီၤ. ဒီးဖဲဒၣ်ပှၤအတၢ်ကမၣ်လၢသုဟံးဃာ်အီၤ တဖၣ်န့ၣ်, ကဘၣ်ဟံးဃာ်အီၤလီၤ.

²⁴ ဒီးဖဲယ့ၣ်ရှူးဟဲန့ၣ်, ပှၤလၢပှၤတဆံခံဂၤအကျါ, စီၤ သိၤမါကိးဝဲလၢစီၤဒံဒူၤမူးတဂၤ, တအိၣ်ဘၣ်ဒီးအဝဲသ့ၣ် ဘၣ်. ²⁵ မၤသးဒ်န့ၣ်ဒီးအပျဲၢ်အဘီၣ်တဖၣ်စံးဘၣ်အီၤ, ပ ထံၣ်ဘၣ်လံကစၢ်န့ၣ်လံ. ဒီးအဝဲဒၣ်န့ၣ်စံးဆၢအီၤ, ယမ့ၢ် တထံၣ်ဘၣ်ထးအလီၢ်လၢအစုလၣ်ပူၤ, ဒီးယမ့ၢ်တအူ ဘၣ်အပူၤလီၢ်လၢယစုနၢ, ဒီးယမ့ၢ်တဘုးဘၣ်အကပၤ အပူၤလီၢ်လၢယစုဘၣ်ဒီး, ယတနာ်ယဲဘၣ်.

²⁶ ဒီးဃိးနံၤအလီၢ်ခံန့ၣ် အပျဲၢ်အဘီၣ် အိၣ်ကဒီးလၢ ဟံၣ်ပူၤ, ဒီးစီၤသိၤမါအိၣ်ဒီးအီၤလီၤ. တြဲၤကးတံာ်ဃာ် အသးဒီး, ယ့ၣ်ရှူးဟဲဆၢထၢၣ်လၢအကျါ, ဒီးစံးဝဲဒၣ်, တၢ်မုာ်တၢ်ဖိးမ်အအိၣ်ဒီးသုတက့ၢ်. ²⁷ တုၤနုၤတစု, စံး ဘၣ်စီၤသိၤမါ, ယူာ်ထီၣ်နစုနၢဖဲအံၤ, ဒီးကွၢ်ယစုလၣ်, ဒီးယူာ်ထီၣ်နစုဒီး ဘုးကွၢ်ယကပၤအပူၤလီၢ်အံၤတက့ၢ်. ဒီးနသးသုတဒ့ဒီတဂ့ၤ, မ့မ့ၢ်နာ်တၢ်တက့ၢ်. ²⁸ စီၤသိၤမါ စံးဆၢတၢ်ဒီးစံးဘၣ်အီၤ, ယကစၢ်, ဒီးယယွၤန့ၣ်လီၤ.―

²⁹ ယ့ၣ်ရှူးစံးဘၣ်အီၤ, မ့ၢ်နထံၣ်ယၤဒီးနနာ်နဲ, ပှၤလၢအ တထံၣ်ဘၣ်ဝဲဒီးနာ်ဝဲတဖၣ်န့ၣ်, ဘၣ်ဆိၣ်ဂ့ၤဝဲလီၤ.

³⁰ မၤသးဒ်န့ၣ်ဒီး တၢ်လီၤလးလၢအဂုၤအဂၤလၢ အတ ကွဲးဘၣ်အသးလၢလံာ်အံၤအပူၤဘၣ်န့ၣ်, ယ့ၣ်ရှူးမၤစ့ၢ် ကီးဝဲအါမံၤ, လၢအပျဲၢ်အဘီၣ်အမဲာ်ညါလီၤ. ³¹ ဘၣ်ဆၣ် ဒီးဒ်သိးသုကနာ်လၢ ယ့ၣ်ရှူးမ့ၢ်ခရံာ်, ယွၤအဖိခွါ, ဒီးသု နာ်တၢ်သတးဒီး, ဒ်သိးသုကန့ၢ်ဘၣ်တၢ်မူလၢအမံၤဒီး, တၢ်အံၤတဖၣ်ဘၣ်ကွဲးအသးလီၤ.

၂၁

¹ လၢတၢ်တဖၣ်န့ၣ်အလီၢ်ခံဒီး, ယ့ၣ်ရှူးဒုးနဲၣ်ကဒီးအ သးလၢအပျဲၢ်အဘီၣ်ဖဲပီၣ်လဲၣ်တံၤဘ့ၤရံအနံၤလီၤ. ဒီးဒုး နဲၣ်အသးဒ်အံၤ.

² စီၤၡံမိၣ်ပ့းတရူးဒီး စီၤသိၤမါကိးဝဲလၢစီၤဒံဒူၤမူး, ဒီး ပှၤကၤနါဖိလၢကၤလံၤလါ, စီၤနၤသန့လး, ဒီးစီၤစ့းဘ့း ဒဲအဖိခွါတဖၣ်, ဒီးအပျဲၢ်အဘီၣ်လၢအဂၤခံဂၤသ့ၣ်တ ဖၣ်န့ၣ်, အိၣ်ဝဲတပူၤဃီလီၤ. ³ စီၤၡံမိၣ်ပ့းတရူးစံးဘၣ် အီၤ, ယကလဲၤမၤအီၣ်ညၣ်လီၤ. အဝဲသ့ၣ်တဖၣ်စံးဘၣ် အီၤ, ပလဲၤစ့ၢ်ကီးဒီးနၤလီၤ. ဒီးဟးထီၣ်ဒီးလဲၤနုာ်လၢက ဘီပူၤဒီးလၢမုၢ်တနၤန့ၣ်တမၤန့ၢ်ဘၣ်တၢ်နီတမံၤဘၣ်.

⁴ ဒီးဖဲမုၢ်ဆ့ၣ်ထီၣ်န့ၣ်, ယ့ၣ်ရှူးဆၢထၢၣ်လၢထံနံၤလီၤ. ဘၣ်ဆၣ်ဒီးအပျဲၢ်အဘီၣ် တသ့ၣ်ညါဘၣ်လၢအမ့ၢ်ယ့ၣ် ရှူးဘၣ်. ⁵ မၤသးဒ်န့ၣ်ဒီးယ့ၣ်ရှူးစံးဘၣ်အီၤ, ဖိသ့ၣ်လံၤ သ့ၣ်ဧၢ, တၢ်အီၣ်အိၣ်တမံၤမံၤဧါ. ဒီးစံးဆၢအီၤ, တအိၣ် ဘၣ်. ⁶ ဒီးစံးဘၣ်အီၤ, တ့ၢ်လီၤစၤလၢကဘီအဃၢၤစုထွဲ တခီ, ဒီးသုကထံၣ်န့ၢ်တၢ်လီၤ. မၤသးဒ်န့ၣ်ဒီးအဝဲသ့ၣ် တ့ၢ်လီၤဝဲ, ဒီးဘၣ်ညၣ်ဂီၢ်မုၢ်ဒီးထုးစၤတန့ၢ်ဘၣ်လၢညၣ် ဂီၢ်မုၢ်အဃိလီၤ.

⁷ မၤသးဒ်န့ၣ်ဒီးအပျဲၢ်အဘီၣ် လၢယ့ၣ်ရှူးအဲၣ်အီၤတဂၤ စံးဘၣ်စီၤပ့းတရူး, မ့ၢ်ကစၢ်လီၤ. မၤသးဒ်န့ၣ်ဒီးစီၤပ့းတ ရူးနၢ်ဟူလၢအမ့ၢ်ကစၢ်န့ၣ်ဒီး, မ့ၢ်လၢအအိၣ်ဘ့ၣ်ဆ့ဒီး, သိးထီၣ်က့ၤအဆ့ဖးဒိၣ်, ဒီးကံၢ်တူာ်ဝဲ, ဒီးစံၣ်လီၤဝဲလၢ ပီၣ်လဲၣ်အပူၤလီၤ. ⁸ ဒီးအပျဲၢ်အဘီၣ်လၢအဂၤတဖၣ်န့ၣ် ဟဲလၢကဘီပူၤ, အဂ့ၢ်ဒ်အံၤ, တယံၤဘၣ်ဒီးခိဘၣ်. မ့ၢ်အ ယံၤအပျၢ်ခံကယၤဃၣ်ဃၣ်, ဒီးထုးစၤအိၣ်ဒီးညၣ် န့ၣ် လီၤ.

⁹ မၤသးဒ်န့ၣ်ဒီးတုၤအဝဲသ့ၣ်လဲၤထီၣ်လၢခိဒီး, ထံၣ်မ့ၣ် အူကဖးဒီးညၣ်အိၣ်လၢအဖီခိၣ်, ဒီးကိၣ်လီၤ. ¹⁰ ယ့ၣ်ရှူး စံးဘၣ်အီၤ, ဟဲစိာ်ညၣ်လၢသုမၤန့ၢ်ခဲကနံၣ်အံၤတနီၤတ က့ၢ်. ¹¹ စီၤၡံမိၣ်ပ့းတရူးလဲၤထီၣ်, ဒီးထုးထီၣ်စၤ, လၢပှဲၤ ထီၣ်ဒီးညၣ်ဖးဒိၣ် တကယၤယဲၢ်ဆံသၢဘ့ၣ်, ဆူခိလီၤ. အါထဲန့ၣ်ဘၣ်ဆၣ်ဒီးစၤတယာ်ဘၣ်ဝဲဘၣ်.

¹² ယ့ၣ်ရှူးစံးဘၣ်အီၤ, ဟဲအီၣ်တၢ်အီၣ် လၢဂီၤအီၣ်တ က့ၢ်. ဒီးအပျဲၢ်အဘီၣ်သံကွၢ်အီၤ လၢနမ့ၢ်မတၤမတၤ န့ၣ်, တဘူၣ်ဘၣ်နီတဂၤဘၣ်. အဂ့ၢ်ဒ်အံၤ, သ့ၣ်ညါလၢ အမ့ၢ်ကစၢ်န့ၣ်လီၤ. ¹³ မၤသးဒ်န့ၣ်ဒီးယ့ၣ်ရှူးဟဲဃီၤ, ဒီး ဟံးန့ၢ်ကိၣ်, ဒီးဟ့ၣ်အီၤ, ဒီးညၣ်ဒ်န့ၣ်အသိးလီၤ. ¹⁴ ယ့ၣ် ရှူးဂဲၤဆၢထၢၣ်က့ၤလၢတၢ်သံဝံၤဒီး, ဒုးနဲၣ်အသးလၢအ ပျဲၢ်အဘီၣ်တစုအံၤ, မ့ၢ်အပှဲၤထီၣ်သၢစုတစုလီၤ.

¹⁵ မၤသးဒ်န့ၣ်ဒီး တုၤအအီၣ်တၢ်အီၣ်လၢဂီၤအီၣ်ဝံၤဒီး, ယ့ၣ်ရှူးစံးဘၣ်စီၤၡံမိၣ်ပ့းတရူး, စီၤယိၤနါအဖိခွါ, စီၤၡံ မိၣ်ဧၢ, မ့ၢ်နအဲၣ်ယၤအါန့ၢ်အဝဲသ့ၣ်တဖၣ်န့ၣ်ဧါ. ဒီးစံး ဘၣ်အီၤ, မ့ၢ်လံ. ကစၢ်ဧၢ, နသ့ၣ်ညါလၢယအဲၣ်နၤ လီၤ. ဒီးစံးဘၣ်အီၤ, လုၢ်အီၣ်လုၢ်အီယသိဖိတက့ၢ်.

¹⁶ စံးဘၣ်ကဒီးအီၤ ပှဲၤထီၣ်ခံဘျီတဘျီ, စီၤယိၤနါအဖိ ခွါ, စီၤၡံမိၣ်ဧၢ, နအဲၣ်ယၤဧါ. ဒီးစံးဘၣ်အီၤ, မ့ၢ်လံ, ကစၢ်ဧၢ, နသ့ၣ်ညါလၢယအဲၣ်နၤလိၤ. ဒီးစံးဘၣ်အီၤ, အံးက့ၤကွၢ်က့ၤယသိတက့ၢ်. ¹⁷ စံးဘၣ်အီၤသၢဘျီတဘျီ, စီၤယိၤနါအဖိခွါ, စီၤၡံမိၣ်ဧၢ, နအဲၣ်ယၤဧါ. ဒီးစီၤပ့းတ ရူးအသးတမုာ်ဘၣ်လၢအစံးဘၣ်အီၤနအဲၣ်ယၤဧါ, ပှဲၤ ထီၣ်သၢဘျီဒီးစံးဘၣ်အီၤ, ကစၢ်ဧၢ, နသ့ၣ်ညါတၢ်လၢာ်, နသ့ၣ်ညါလၢယအဲၣ်နၤလီၤ. ယ့ၣ်ရှူးစံးဘၣ်အီၤ, လုၢ်အီၣ် လုၢ်အီယသိတက့ၢ်.

¹⁸ ယစံးဘၣ်နၤတီတီလိၤလိၤ, ဖဲနသးစၢ်ဒံးဒီး, နကံၢ် တူာ်ထီၣ်နသး, ဒီးဖဲဒၣ်နသးန့ၣ်, နဟးလီၤ. မ့မ့ၢ်တုၤန သးပှၢ်ဒီး, နကယူာ်ထီၣ်နစုဒီးပှၤဂၤကကံၢ်တူာ်နၤ, ဒီး ကလဲၤစိာ်နၤဖဲတၢ်တမိၣ်လဲၤဘၣ်နသးအလီၢ်န့ၣ်လီၤ.

¹⁹ ဒီးစံးတၢ်န့ၣ်, မ့ၢ်အဒုးနဲၣ်လၢအဝဲဒၣ်ကမၤလၤမၤက ပီၤယွၤလၢအသံဒ်အံၤဒ်နုၤအဂ့ၢ်လီၤ.

²⁰ ဒီးစံးတၢ်န့ၣ်ဒီး, စံးဘၣ်အီၤ, ပိာ်ယခံတက့ၢ်. ဒီးစီၤပ့း တရူးဃၣ်ဃီၤအသး, ဒီးထံၣ်အပျဲၢ်အဘီၣ် လၢယ့ၣ်ရှူး အဲၣ်အီၤတဂၤ, ပိာ်ဝဲအခံလီၤ. (ဒီးအဝဲဒၣ်မ့ၢ်ပှၤလၢအ သန့ၤအသးလၢအသးနါပှၢ်အလိၤ လၢတၢ်အီၣ်တၢ်အီ အပူၤဒီးစံးဘၣ်အီၤ, ကစၢ်ဧၢ, မ့ၢ်မတၤကဟ့ၣ်လီၤကွံာ် နၤတဂၤလဲၣ်န့ၣ်လီၤ.) ²¹ စီၤပ့းတရူးထံၣ်အဝဲတဂၤဒီး, စံးဘၣ်ယ့ၣ်ရှူး, ကစၢ်ဧၢ, ဒီးအဝဲတဂၤအံၤ, တၢ်ကမၤအ သးလၢအီၤဒ်လဲၣ်. ²² ယ့ၣ်ရှူးစံးဘၣ်အီၤ, အဝဲတဂၤအံၤ, ယသးမ့ၢ်အိၣ်လၢအကအိၣ်တုၤယဟဲက့ၤဒီး, မ့ၢ်အဘၣ် ဃးဒီးနၤဒ်လဲၣ်. နဲဒၣ်အံၤ, ပိာ်ယခံတက့ၢ်.

²³ မၤသးဒ်န့ၣ်ဒီး တၢ်ဟူထီသါလီၤလၢဒီပုၢ်ဝဲၢ်အကျါ, လၢအပျဲၢ်အဘီၣ်တဂၤန့ၣ်တသံဘၣ်ဝဲဘၣ်. ဘၣ်ဆၣ်ဒီး လၢအတသံဘၣ်န့ၣ်ယ့ၣ်ရှူးတစံးဘၣ်. မ့ၢ်အစံးဝဲ, အဝဲ တဂၤအံၤယသးမ့ၢ်အိၣ်လၢ အကအိၣ်တုၤယဟဲက့ၤဒီး, မ့ၢ်အဘၣ်ဃးဒီးနၤဒ်လဲၣ်.

²⁴ အဝဲတဂၤအံၤ မ့ၢ်အပျဲၢ်အဘီၣ်, လၢအအုၣ်အသး လၢတၢ်န့ၣ်တဖၣ်, ဒီးကွဲးတၢ်တဖၣ်အံၤလီၤ. ဒီးပသ့ၣ် ညါလၢအတၢ်အုၣ်အသးန့ၣ်မ့ၢ်အမ့ၢ်အတီလီၤ.

²⁵ ဒီးတၢ်အဂုၤအဂၤလၢယ့ၣ်ရှူးမၤဝဲန့ၣ် အိၣ်စ့ၢ်ကီးအါ မံၤလီၤ. ဒီးကယဲၢ်တၢ်တဖၣ်န့ၣ်, မ့ၢ်ဘၣ်ကွဲးအသးကိး မံၤဒဲးဒီး, ယဆိကမိၣ်လၢလံာ်လၢအကဘၣ်ကွဲးအသး န့ၣ်ဟီၣ်ခိၣ်တတြီၢ်ဘၣ်ဝဲဘၣ်.