လံာ်ယံးရမံယၤ.
1၁
1 စီၤဃံးလကံယၤအဖိခွါ စီၤယံးရမံယၤလၢပှၤလုၢ်တၢ် အဒိၣ်အကျါလၢအအိၣ်ဝဲလၢဧၤနသိး လၢကီၢ်ဘံၣ်ယၤ မံၣ်အပူၤတဂၤအတၢ်ကတိၤ.
2 အဝဲဒၣ်န့ၣ်ယွၤအကလုၢ်ဘၣ်အီၤလၢ ယူဒၤအစီၤပၤ စီၤအၤမိၣ်အဖိခွါစီၤယိၤၡံယၤအမုၢ်နံၤတဖၣ် လၢအကဲ စီၤပၤပှဲၤထီၣ်တဆံသၢနံၣ်တနံၣ်န့ၣ်လီၤ. 3 ဒီးဘၣ်စ့ၢ် ကီးဝဲလၢယူဒၤအစီၤပၤစီၤယိၤၡံယၤအဖိခွါ စီၤယဟိယါ ကံၣ်အမုၢ်နံၤတဖၣ် တုၤလီၤလၢယူဒၤအစီၤပၤစီၤယိၤၡံ ယၤအဖိခွါစီၤစံးဒကံယၤ အနံၣ်ပှဲၤထီၣ်တဆံတနံၣ်, တုၤလီၤလၢတၢ်စိာ်မၢကဲကုၢ် ပှၤယရူၤၡလ့ၣ်ဖိလၢလါ ယဲၢ်လါတလါအပူၤလီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, 4 လၢယတချုး တ့လီၤဒံးဘၣ်နၤလၢပှၤဟၢဖၢပူၤန့ၣ်ဘၣ်ဒီး, ယသ့ၣ် ညါနၤ, ဒီးနတချုးဟဲထီၣ်ဒံးဘၣ်လၢ ပှၤဒၢလီၢ်အပူၤန့ၣ် ဘၣ်ဒီး, ယပာ်နၤလီၤဆီဒၣ်တၢ်, ဒီးပာ်နၤလၢဝံတဂၤ လၢပှၤကလုာ်တဖၣ်အဂီၢ်လီၤ.
6 ဒီးယစံး, အၣ်လါ, ကစၢ်ဧၢ, ကွၢ်ကွၢ်, ယကတိၤတၢ်တ သ့ဘၣ်. အဂ့ၢ်ဒ်အံၤ, ယမ့ၢ်ဖိသၣ်တဂၤလီၤ. 7 ဒီးယွၤစံးဘၣ်ယၤ, စံးလၢယမ့ၢ်ဖိသၣ်န့ၣ်တဂ့ၤ. အဂ့ၢ်ဒ်အံၤ, နဘၣ်လဲၤဆူကယဲၢ်ပှၤလၢ ယမၢလီၤနၤဆူအ အိၣ်, ဒီးနဘၣ်ကတိၤကယဲၢ်တၢ်လၢယမၤလိာ်နၤလီၤ.―
8 ပျံၤအမဲာ်တဂ့ၤ. အဂ့ၢ်ဒ်အံၤ, ယအိၣ်ဒီးနၤဒ်သိးယကမၤ ပူၤဖျဲးနၤလီၤ, ယွၤစံးဝဲဒၣ်. 9 ဒီးယွၤယူာ်ထီၣ်အစု, ဒီးထိး ဘၣ်ယထးခိၣ်, ဒီးယွၤစံးဘၣ်ယၤ, ကွၢ်ကွၢ်, ယပာ်တၢ် ကတိၤလၢနထးခိၣ်လံ.
10 ကွၢ်ကွၢ်, တၢ်လၢမုၢ်မဆါတနံၤအံၤ, ယပာ်လီၤနၤလၢ ပှၤကလုာ်တဖၣ်အဖီခိၣ်ဒီး လၢဘီမုၢ်တဖၣ်အဖီခိၣ်, ဒ် သိးနကထဲးထီၣ်တၢ်, ဒီးမၤလီၤပှီၢ်တၢ်, ဒီးမၤဟးဂီၤတၢ်, ဒီးရူၢ်လီၤတၢ်, ဒ်သိးနကမၤထီၣ်က့ၤတၢ်, ဒီးသူၣ်တၢ်ဖျး တၢ်လီၤ.
11 ဒီးယွၤအကလုၢ်ဘၣ်ယၤဒီးစံးဝဲဒၣ်, စီၤယံးရမံယၤဧၢ, နထံၣ်တၢ်မနုၤလဲၣ်. ဒီးယစံး, ယထံၣ်သ့ၣ်ၡၤကးအဘိ လီၤ.
12 ဒီးယွၤစံးဘၣ်ယၤ, နထံၣ်တၢ်ဘၣ်လံ. အဂ့ၢ်ဒ်အံၤ, ယ ကမၤလၢထီၣ်ပှဲၤထီၣ်ယကလုၢ်ချ့သဒံးလီၤ.
13 ဒီးယွၤအကလုၢ်ဘၣ်ယၤခံဘျီတဘျီ, ဒီးစံးဝဲဒၣ်, န ထံၣ်တၢ်မနုၤတမံၤလဲၣ်. ဒီးယစံး, ယထံၣ်ဘၣ်သပၢၤက လာ်ထီၣ်, ဒီးအမဲာ်ဃၣ်အသးလၢကလံၤစိးတခီ လီၤ.
14 ဒီးယွၤစံးဘၣ်ယၤ, တၢ်အၢလၢကလံၤစိးတခီကဟဲ ဘၣ်ပှၤထံဖိကီၢ်ဖိခဲလၢာ်လီၤ.
15 အဂ့ၢ်ဒ်အံၤ, ကွၢ်ကွၢ်, ယကကိးန့ၢ်ဘီဧိၤမုၢ်ဧိၤလၢက လံၤစိးအပှၤကလုာ်ခဲလၢာ်န့ၣ်, ယွၤစံးဝဲဒၣ်, ဒီးကဟဲဝဲ, ဒီးကပာ်တဂၤအလီၢ်ပစိာ်ဒၣ်ဝဲ, တဂၤအလီၢ်ပစိာ်ဒၣ်ဝဲ, ဖဲတၢ်လဲၤနုာ်လၢယရူၤၡလ့ၣ်အပဲတရီအပူၤ, ဒီးလၢအ ခိၣ်ဒူအဃၢၤဝးတရံးအီၤ, ဒီးလၢယူဒၤအဝ့ၢ်ခဲလၢာ်အ ဃၢၤလီၤ. 16 ယကစံၣ်ညီၣ်အကွီၢ်, ဒီးစံၣ်ညီၣ်ဃၣ်အီၤ လၢတၢ်အၢခဲလၢာ်အဃိ, လၢအလဲၤသဒၣ်ယၤ, ဒီးဆိၣ် ကဲၤတၢ်နၢမူလၢကစၢ်အဂၤတဖၣ်အဂီၢ်, ဒီးဘါတၢ်လၢ အစုတ့န့ၢ်ဝဲအဃိလီၤ.
17 ဒီးနဲဒၣ်အံၤကံာ်တူာ်နယီၢ်ဒ့, ဒီးဂဲၤဆၢထၢၣ်, ဒီးစံးဘၣ် အီၤလၢကယဲၢ်တၢ်လၢယမၤလိာ်နၤတက့ၢ်. ပျံၤအမဲာ် တဂ့ၤ. ယကပာ်မဲာ်ဆှးဘၣ်ဖုးနၤလၢအမဲာ်ညါလီၤ.
18 ဒီးကွၢ်ကွၢ်, လၢမုၢ်မဆါတနံၤအံၤ ယပာ်နၤလၢဝ့ၢ် အိၣ်ဒီးအခိၣ်ဒူတဖျၢၣ်, ဒီးထူၣ်ထးတကျီၣ်, ဒီးအဒူၣ် တိၢ်တဒူၣ်ထီဒါကီၢ်ဒီဘ့ၣ်ညါ, ဒီးထီဒါယူဒၤအစီၤပၤ, ဒီးထီဒါအပဒိၣ်ဖးဒိၣ်တဖၣ်, ထီဒါအပှၤလုၢ်တၢ်အဒိၣ်, ဒီးထီဒါထံဧိၤကီၢ်ဧိၤအပှၤဂီၢ်မုၢ်လီၤ. 19 ဒီးကဒုးတၢ်ဒီး နၤ, ဒီးတမၤဃၣ်ဘၣ်နၤဘၣ်. အဂ့ၢ်ဒ်အံၤ, ယအိၣ်ဒီးနၤ ဒ်သိးယကမၤပူၤဖျဲးနၤလီၤ. ယွၤစံးဝဲဒၣ်.
2၂
1 ဒီးယွၤအကလုၢ်ဘၣ်ယၤဒီးစံးဝဲဒၣ်, လဲၤတၢ်, ဒီးကိး ထီၣ်လၢယရူၤၡလ့ၣ်အနၢ်ပူၤ, ဒီးစံး, 2 ယွၤစံးဒ်အံၤ, ယ သ့ၣ်နီၣ်ထီၣ်က့ၤ နမုၣ်ကနီၤထီၣ်အဂ့ၤအဝါ လၢနဂီၢ်, တၢ်ဖျီနၤအတၢ်အဲၣ်, ဖဲနပိာ်ယခံလၢပှၢ်မုၢ်ကနၢ, လၢ ကီၢ်တဘ့ၣ်အပူၤဖဲတၢ်ချံတဖှံဘၣ်အသးဘၣ်လီၤ.
3 အံၣ်စရ့လးမ့ၢ်တၢ်စီဆှံလၢယွၤအဂီၢ်, အတၢ်အါထီၣ် အတၤသၣ်ဆိလီၤ. ကယဲၢ်ပှၤလၢအအီၣ်အီၤန့ၣ်ဘၣ် တၢ်ဒဲးဘးလီၤ. တၢ်အၢကဘၣ်အီၤလီၤ. ယွၤစံးဝဲဒၣ်.
4 ယၤကိာ်အပှၤဟံၣ်ဖိ, ဒီးအံၣ်စရ့လးအပှၤဟံၣ်ဖိအဒူၣ် ခဲလၢာ်သ့ၣ်ဧၢ, ကနၣ်ယွၤအကလုၢ်တက့ၢ်. 5 ယွၤစံးဒ် အံၤ, ဒ်သိးသုပၢ်ကလဲၤတၢ်ယံၤဒီးယၤ, ဒီးပိာ်တၢ်ကလီ ကလီအခံ, ဒီးကဲထီၣ်တၢ်ကလီကလီန့ၣ်ဒီး, မ့ၢ်အ ထံၣ်ဘၣ်တၢ်တတီအိၣ်လၢယပူၤမနုၤတမံၤလဲၣ်.
6 ဒီးအဝဲသ့ၣ်တစံးဘၣ်, ယွၤလၢအဒုးဟဲထီၣ်ပှၤလၢ ကီၢ်အဲၤကူပတူးအပူၤ, လၢအဆှၢပှၤလၢပှၢ်မုၢ်ကနၢ, ကီၢ်လၢတၢ်တမဲထီၣ်ဘၣ်အပူၤ, ဒီးအိၣ်ဒီးတၢ်အိပူၤတ ဖၣ်, ကီၢ်လၢထံတအိၣ်ဘၣ်, ဒီးအိၣ်ဒီးတၢ်သံအကဒု, ကီၢ်လၢပှၤတခီဂာ်ဘၣ်, ဒီးဖဲပှၤတအိၣ်တဆိးဘၣ်နီတ ဂၤဘၣ်န့ၣ်မ့ၢ်အအိၣ်ဖဲလဲၣ်န့ၣ်ဘၣ်လီၤ.
7 ဒီးယဒုးဟဲသုဆူကီၢ်အိၣ်ဝဲဒီး တၤသၣ်အလီၢ်တဖၣ်, ဒ်သိးသုကအီၣ်အတၤသၣ်ဒီးအတၢ်ဂ့ၤလီၤ. မ့မ့ၢ်တုၤ သုဟဲနုာ်ဒီး, သုမၤဘၣ်အၢယကီၢ်, ဒီးဒုးကဲထီၣ်ယတၢ် န့ၢ်သါန့ၣ်လၢတၢ်သးဘၣ်အၢအလီၢ်လီၤ.
8 ယွၤအိၣ်ဖဲလဲၣ်န့ၣ်, ပှၤလုၢ်တၢ်အဒိၣ်တစံးဘၣ်ဝဲဘၣ်. ဒီးပှၤလၢအသိၣ်လိတၢ်သိၣ်တၢ်သီန့ၣ် တသ့ၣ်ညါဘၣ် ယၤဘၣ်. ဒီးပှၤအခိၣ်န့ၣ် မၤကမၣ်ဘၣ်ယၤ, ဒီးဝံဧိၤ မီၣ်ဧိၤကတိၤတၢ် လၢဝံအကျိာ်လၢ ဘဧၤလးအကလုၢ်, ဒီးပိာ်တၢ်လၢအတဂိာ်တသီၣ်ဘၣ်အခံလီၤ.
9 မၤသးဒ်န့ၣ်ဒီး ယကဂ့ၢ်လိာ်ဘှီလိာ်ဒံးဒီးသု, ယွၤစံးဝဲ ဒၣ်, ဒီးယတဂ့ၢ်လိာ်ဘှီလိာ်ဒီး သုဖိသုလံၤအဖိအလံၤ လီၤ.
10 အဂ့ၢ်ဒ်အံၤ, လဲၤခီတၢ်ဆူကံးတံၣ်အပီၣ်လဲၣ်နံၤ, ဒီးကွၢ် တက့ၢ်. ဒီးမၢလီၤတၢ်ဆူက့ဒၢ်. ဒီးဆိကမိၣ်ထံထံဆး ဆး, ဒီးတၢ်ဒ်န့ၣ် မ့ၢ်အအိၣ်တအိၣ်လဲၣ်န့ၣ်ကွၢ်တက့ၢ်.
11 ပှၤတကလုာ်လဲလိာ်အကစၢ်, လၢအတမ့ၢ်ဘၣ်ကစၢ် ဒၣ်လဲာ်န့ၣ်စ့ၢ်ကီးဧါ. မ့မ့ၢ်ယပှၤဂီၢ်မုၢ်လဲလိာ်အလၤက ပီၤလၢတၢ်တဂိာ်တသီၣ်တၢ်ဘၣ်လီၤ.
12 မူခိၣ်ဧၢ, ပာ်ကမၢကမၣ်သုသးလၢတၢ်န့ၣ်အဃိတ က့ၢ်. ကနိးကစုာ်ဒီးသးကတုၤဒိၣ်ဒိၣ်ကလဲာ်တက့ၢ်, ယွၤစံးဝဲဒၣ်.
13 အဂ့ၢ်ဒ်အံၤ, ယပှၤဂီၢ်မုၢ်မၤတၢ်အၢခံမံၤ, လဲၤသဒၣ် ယၤ, ထံမူအထံထီၣ်ပၢၢ်, ဒီးကျိးန့ၢ်ကမါလၢအဂီၢ်ဒၣ်ဝဲ, ကမါသ့ၣ်ဖးလၢအဟံးဃာ်ထံတသ့ဘၣ်.
14 အံၣ်စရ့လးမ့ၢ်တၢ်အကုၢ်အပှၤဧါ. မ့ၢ်အအိၣ်ဖျဲၣ်လၢ ဟံၣ်ပူၤဧါ. ကဲတၢ်ဂုာ်န့ၢ်မ့ၢ်အဘၣ်မနုၤလဲၣ်.
15 ခ့ယုၢ်ဖိကညီၤထီၣ်လၢအလိၤ, ဒီးထုထီၣ်အကလုၢ်, ဒီးဒုးအိၣ်သယုၢ်အထံအကီၢ်လီၤ. အခူအဝ့ၢ်န့ၣ်မ့ၢ်အူ အီၣ်ကွံာ်လံ. ပှၤတအိၣ်လၢအပူၤနီတဂၤဘၣ်. ဒီးပှၤနိဖးဖိ, ဒီးပှၤတၤပါန့ၤဖိမၤသ့ၣ်ဖးနခိၣ်ဒီလံ.
17 မ့ၢ်နလဲၤသဒၣ်ယွၤနကစၢ် ဖဲအဆှၢနၤလၢကျဲပူၤသတး ဒီး, နဒုးဘၣ်လီၤနသးလၢတၢ်န့ၣ်တမံၤ, တမ့ၢ်ဘၣ်ဧါ.
18 ဒီးခဲကနံၣ်အံၤ, တၢ်ဘၣ်ဃးဒီးနၤလၢအဲၤကူးပတူးအ ကျဲဒ်သိးနကအီၡံဃိၢ်အထံန့ၣ် မ့ၢ်မနုၤတမံၤလဲၣ်. ဒီး တၢ်ဘၣ်ဃးဒီးနၤလၢအၤရှူၢ်အကျဲ, ဒ်သိးနကအီထံမိၢ် ပှၢ်အထံန့ၣ်မ့ၢ်မနုၤတမံၤလဲၣ်.
19 နတၢ်အၢဒၣ်နဲကသိၣ်ဃီၣ်နၤ, ဒီးနမၤကမၣ်တၢ်န့ၣ် ကမၤနးဖၤဖှီၣ်နၤလီၤ. ဒီးသ့ၣ်ညါဒီးကွၢ်ထံလၢနလဲၤ သဒၣ်ယွၤနကစၢ်, ဒီးတၢ်ပျံၤယၤတအိၣ်ဘၣ်လၢနပူၤ န့ၣ်မ့ၢ်တၢ်အၢဒီး တၢ်ဘၣ်ကိၢ်ဘၣ်ဂီၤန့ၣ်တက့ၢ်. ယွၤ တၢ်သုးမုၢ်ဂီၢ်မုၢ်အကစၢ်စံးဝဲဒၣ်.
20 မ့ၢ်မးလၢပျၢၤယမၤကၢ်နနီၣ်ယိးဘိ, ဒီးမၤတဲာ်ပျံၤစၢ ဃာ်နၤ, ဒီးနစံး, ယတမၤအတၢ်ဘၣ်. ဒီးလၢတၢ်စိခိၣ် ထီကိးဖျၢၣ်ဒဲးအလိၤ, ဒီးလၢသ့ၣ်သံကစဲာ်ကိးထံးဒဲးအ ဖီလာ်န့ၣ်နမံနီၤဒီးမၤကမၣ်မုၣ်ကမၣ်ခွါလီၤ.
21 ဒီးယဲဒၣ်အံၤယသူၣ်တ့ၢ်နၤလၢစပံးမုၢ်စိရ့း, တၢ်အချံ အသၣ်ဂ့ၤနီၢ်နီၢ်ဒီဖျၢၣ်, ဒီးနလဲလိာ်နသးလၢစပံးမုၢ်လၢ လၢအအၢလီၤဒၣ်တၢ်လၢယမဲာ်ညါန့ၣ် မ့ၢ်အဘၣ်မနုၤ လဲၣ်.
22 အဂ့ၢ်ဒ်အံၤ, နမ့ၢ်သ့စီနသးလၢဟီၣ်ခိၣ်အဆးပၠၣ်, ဒီး ဟံးန့ၢ်ဆးပၠၣ်လၢအအါဘၣ်ဆၣ်ဒီး, နတၢ်အၢကွဲးအ သးလၢယမဲာ်ညါလီၤန့ၣ်, ကစၢ်ယွၤစံးဝဲဒၣ်.
23 ယတဘၣ်အၢဘၣ်, ယတပိာ်ဘၣ်ဘဧၤလးတဖၣ်အ ခံဘၣ်န့ၣ်နကစံးဒ်လဲၣ်. ကွၢ်နကျဲလၢကစၢၢ်ကဆူးအ ပူၤ, သ့ၣ်ညါတၢ်လၢနမၤတၢ်တက့ၢ်. နမ့ၢ်ကီၤလၤအူး ဖိချ့တဒုလဲၤပိာ်အကျဲ, 24 ကသ့ၣ်ယီၤမံၤလၢအညီနုၢ်ပှၢ် မုၢ်ကနၢ, မူၤဝဲအဖၢမုၢ်ဒီး, သါသဖှိထီၣ်ကလံၤလီၤ. တုၤ အမူၤဝဲဒီး, မ့ၢ်မတၤဘိးဃၣ်အီၤသ့တဂၤလဲၣ်. ပှၤလၢ အဃုအီၤတမၤဘှံးဘၣ်အသးနီတဂၤဘၣ်, အလါဘၣ် ဒီးကထံၣ်န့ၢ်အီၤလီၤ.
25 ဒ်သိးနသုတအိၣ်ဘ့ၣ်ခီၣ်တဂ့ၤဒီး, တြီနခီၣ်တက့ၢ်. ဒီးနကိာ်ပူၤန့ၣ်ဒ်သိးတၢ်သုတသူနသးလၢထံတဂ့ၤ. ဒီး နစံး, မုၢ်လၢ်တၢ်အလီၢ်တအိၣ်ဘၣ်. အဂ့ၢ်ဒ်အံၤ, ယ အဲၣ်ပှၤဂၤ, ဒီးယကပိာ်အခံလီၤ.
26 ဒ်ပှၤဟုၣ်တၢ်ဘျၣ်တၢ်တဂၤ တုၤပှၤထံၣ်န့ၢ်အီၤဒီး, ပာ် မဲာ်ဆှးအသးအသိးန့ၣ်, အံၣ်စရ့လးအပှၤဟံၣ်ဖိအမဲာ် ဆှးဒ်န့ၣ်အသိး, အဝဲသ့ၣ်တဖၣ်န့ၣ်အစီၤပၤတဖၣ်, အ ပဒိၣ်ဖးဒိၣ်တဖၣ်, အပှၤလုၢ်တၢ်အဒိၣ်တဖၣ်, အဝံသ့ၣ် တဖၣ်န့ၣ်လီၤ. 27 အဝဲသ့ၣ်စံးသ့ၣ်တကျီၣ်, နဲဒၣ်နမ့ၢ်ယ ပၢ်လီၤ. ဒီးစံးလၢၢ်တဖျၢၣ်န့ၣ်, နဆံးစၢ်န့ၢ်ယၤလီၤ. အ ဂ့ၢ်ဒ်အံၤ, ဃၣ်ဒူချၢအသးဒီးယၤ, ဒီးတမ့ၢ်ဘၣ်အမဲာ် ဘၣ်. ဘၣ်ဆၣ်ဒီးလၢအတၢ်အၢအကတီၢ်န့ၣ်ကစံး, ဂဲၤ ဆၢထၢၣ်, ဒီးအုၣ်က့ၤခီၣ်က့ၤပှၤတက့ၢ်.
28 ဘၣ်ဆၣ်ဒီးနကစၢ်တဖၣ်လၢ နတ့လၢနဂီၢ်ဒၣ်နဲမ့ၢ် အအိၣ်ဖဲလဲၣ်. လၢတၢ်အၢအကတီၢ်န့ၣ်အုၣ်က့ၤခီၣ်က့ၤ နၤမ့ၢ်သ့ဒီး မ်အဂဲၤဆၢထၢၣ်တက့ၢ်. အဂ့ၢ်ဒ်အံၤ. နက စၢ်အါပှဲၤသိးဒီးနဝ့ၢ်တဖၣ်လီၤ. ယူဒၤဧၢ.
29 သုကလိာ်ကွီၢ်ဒီးယၤမ့ၢ်အဘၣ်မနုၤလဲၣ်. သုမၤကမၣ် ဘၣ်လံယၤကိးဂၤဒဲးလံ, ယွၤစံးဝဲဒၣ်.
30 ယတီၢ်လံသုဖိကလီကလီလံ. တဒိးန့ၢ်ဘၣ်တၢ်သိၣ် ဃီၣ်အီၤဘၣ်. သုနးဒၣ်သုဝဲအီၣ်ကွံာ်သုဝံတဖၣ်ဒ်ခ့ယုၢ် မၤဟးဂီၤတၢ်အသိးန့ၣ်လီၤ.
31 ပှၤတစိၤဧၢ, ကွၢ်ထံယွၤအကလုၢ်တက့ၢ်. ယကဲထီၣ် လံလၢပှၤမုၢ်ကနၢလၢအံၣ်စရ့လးအဂီၢ်စ့ၢ်ကီးဧါ, ကီၢ် တၢ်ခံးတဘ့ၣ်န့ၣ်ဧါ. ပဟးထူၣ်ဖျဲးတၢ်, ပတလဲၤလၢၤ ဘၣ်ဆူနအိၣ်ဘၣ်ယပှၤဂီၢ်မုၢ်စံးဝဲန့ၣ်, မ့ၢ်အဘၣ်မနုၤ လဲၣ်.
32 ပှၤမုၣ်ကနီၤကသးပ့ၤနီၣ်အကယၢကယဲ, တလးမူး ပိာ်မုၣ်အတၢ်ကူတၢ်သိးစ့ၢ်ကီးဧါ. ဘၣ်ဆၣ်ဒီးယပှၤ ဂီၢ်မုၢ်သးပ့ၤနီၣ်ယၤမုၢ်နံၤလၢပဂံၢ်တသ့ဘၣ်လီၤ.
33 နမၤဂ့ၤထီၣ်နကျဲဒ်သိး ကဃုတၢ်အဲၣ်န့ၣ်မ့ၢ်အဘၣ်မ နုၤလဲၣ်. မၤသးဒ်န့ၣ်ဒီးနသိၣ်လိပှၤပိာ်မုၣ်အၢလၢနကျဲ လီၤ.
34 ဒီးတၢ်ထံၣ်န့ၢ်ပှၤဖီှၣ်ဖိလၢ အတၢ်ဒဲးဘၣ်တအိၣ်ဘၣ်. အသွံၣ်လၢနဆ့အလိၤလီၤ. ယဃုထၢဒီးမၤဘၢၣ်ဖျိတၢ် သတးဒီး, ယထံၣ်ဘၣ်အီၤန့ၣ်တမ့ၢ်ဘၣ်. အဂ့ၢ်ဒ်အံၤ, အိၣ်ဝဲလၢတၢ်ခဲလၢာ်န့ၣ်အလိၤလီၤ. 35 ဘၣ်ဆၣ်ဒီးနစံး, မ့ၢ်ယတၢ်ဒဲးဘးတအိၣ်ဘၣ်ဒီး, အသးထီၣ်ကဃၣ်ကွံာ် အသးလၢယၤသပှၢ်တၢၢ်လီၤ. ကွၢ်ကွၢ်, ယကလိာ်ကွီၢ် ဒီးနၤလၢနစံးယတၢ်ဒဲးဘၣ်တအိၣ်ဘၣ်န့ၣ်အဃိလီၤ.
36 နဟးဝ့ၤဝီၤတၢ်လၢအအါဒ်သိး နကလဲလိာ်နကျဲန့ၣ် မ့ၢ်အဘၣ်မနုၤလဲၣ်. နမဲာ်ကဆှးစ့ၢ်ကီးလၢအဲၤကူပတူး အဃိဒ်နမဲာ်ဆှးလၢအၤရှူၢ်အဃိအသိးန့ၣ်လီၤ.
37 နကဟးထီၣ်စ့ၢ်ကီးလၢအပူၤအိၣ်ဒီး နစုလၢနခိၣ်အ ဖီခိၣ်လီၤ. အဂ့ၢ်ဒ်အံၤ, ယွၤညိကွံာ်တၢ်လၢနသန့ၤန သးလၢအီၤတဖၣ်, ဒီးနတဘီၣ်ထီၣ်ညီထီၣ်လၢအပူၤ ဘၣ်လီၤ.
3၃
1 တၢ်စံးဝဲ, ပှၤမ့ၢ်ပာ်မၢ်အမါ, ဒီးအဝဲဒၣ်ဟးဖးဒီးအီၤ, ဒီးကဲထီၣ်ပိာ်ခွါအဂၤအတၢ်ဒီး, အဝၤကက့ၤကဒါက့ၤ ဆူအအိၣ်စ့ၢ်ကီးဧါ. တၢ်လၢကီၢ်တဘ့ၣ်န့ၣ်ကဘၣ်အၢ ဖးဒိၣ်, တမ့ၢ်ဘၣ်ဧါ. ဘၣ်ဆၣ်ဒီးနမၤကမၤတၢ်ဒီးပှၤ လၢနအဲၣ်အီၤအါဂၤနာ်သက့ဒီး, ဟဲက့ၤဆူယအိၣ်တ က့ၢ်, ယွၤစံးဝဲဒၣ်.
2 ကျ့ထီၣ်နမဲာ်ဆူတၢ်အလီၢ်ထီၣ်ထီ, ဒီးကွၢ်တၢ်အလီၢ် ဖဲပှၤတမံဃုာ်ဘၣ်ဒီးနၤန့ၣ်တက့ၢ်. နဆ့ၣ်နီၤအိၣ်ခိးပှၤ လၢကျဲအဃၢၤဒ်ပှၤဧ့ရ့းဖိလၢပှၢ်မုၢ်ကနၢအသိးန့ၣ်, ဒီး နမၤဘၣ်အၢထံဧိၤကီၢ်ဧိၤလၢ နမၤကမၣ်မုၣ်ကမၣ်ခွါ, ဒီးနတၢ်အၢလီၤ.
3 မၤသးဒ်န့ၣ်ဒီးတၢ်တြီတၢ်စူၤ, ဒီးတၢ်ဟဲစူၤလၢခံအက တီၢ်န့ၣ်တအိၣ်ဘၣ်, ဒီးနအိၣ်ဒီးပှၤဃဲသဲမုၣ်အမဲာ်တူၢ် ခိၣ်, နတပာ်မဲာ်ဆှးဘၣ်နသးဘၣ်.
4 တုၤအံၤဆူညါနကကိးထီၣ်ယၤ, ယပၢ်ဧၢ, နမ့ၢ်ပှၤလၢ အကဆှၢယၤလၢယသးစၢ်ဒံး, တမ့ၢ်ဘၣ်ဧါ. 5 မ့ၢ်အ ကပာ်အသးထီၣ်လီၤစိၤလီၤထီဧါ. ကဝံသးဒိၣ်တုၤအ ကတၢၢ်န့ၣ်ဧါ. ကွၢ်ကွၢ်, နကတိၤတၢ်, ဘၣ်ဆၣ်ဒီးမၤ တၢ်အၢဖဲနမၤသ့လီၤ.
6 လၢစီၤပၤယိၤၡံယၤအမုၢ်နံၤန့ၣ်ယွၤစံးလၢယၤ, အံၣ်စ ရ့လးလၢအသးဟးဂီၤ မ့ၢ်အမၤဝဲဒ်လဲၣ်ဒ်လဲၣ်န့ၣ်နထံၣ် ဘၣ်စ့ၢ်ကီးဧါ. လဲၤထီၣ်ဝဲလၢကယဲၢ်ကစၢၢ်ထီအလိၤ, ဒီးလၢကယဲၢ်သ့ၣ်သံကစဲာ်အဖီလာ်, ဒီးမၤကမၣ်မုၣ် ကမၣ်ခွါဖဲန့ၣ်လီၤ. 7 ဒီးမၤဝဲဒ်န့ၣ်အလီၢ်ခံန့ၣ်ယစံး, ဟဲက့ၤကဒါက့ၤဆူယအိၣ်တက့ၢ်. ဒီးတဟဲက့ၤဘၣ်. ဒီးအဒီပုၢ်ဝဲၢ်မုၣ်ယူဒၤလၢ အကလုၢ်တတီဘၣ်န့ၣ်ထံၣ် ထံၣ်ဘၣ်ဝဲလီၤ. 8 ဒီးတုၤယပာ်မၢ်အံၣ်စရ့လးလၢအသး ဟးဂီၤ, ဒီးဟ့ၣ်အီၤလၢလံာ်လီၤဖှၣ်တဘ့ၣ်လၢအအဲၣ် ဘၢဝၤအဘျီခဲလၢာ်အဃိဒီး, ယထံၣ်ဘၣ်လၢအဒီပုၢ် ဝဲၢ်မုၣ်ယူဒၤလၢအကလုၢ်တတီဘၣ်န့ၣ် တပျံၤဘၣ်တၢ် ဘၣ်. ဒီးလဲၤဝဲဒီးမၤဃဲသဲမုၢ်အသးစ့ၢ်ကီးလီၤ.
9 ဒီးတၢ်မၤအသးလၢအမၤဃဲသဲမုၣ်အသးန့ၣ် ဟူထီသါ လီၤသတးဒီး, မၤဘၣ်အၢကီၢ်ဒီဘ့ၣ်ညါ, ဒီးအဲၣ်ဘၢ ဝၤဒီးလၢၢ်ဧိၤလ့ဧိၤ, ဒီးသ့ၣ်ဧိၤဝၣ်ဧိၤန့ၣ်လီၤ. 10 ဒီးလၢ တၢ်ခဲလၢာ်အဃိန့ၣ် အဒီပုၢ်ဝဲမုၣ်ယူဒၤလၢအကလုၢ် တတီဘၣ်န့ၣ် တဟဲက့ၤဘၣ်ဆူယအိၣ်ဒီးအသးဒီဖျၢၣ် ညါဘၣ်. မ့ၢ်အမၤဝဲလၢလီတၢ်လီၤ, ယွၤစံးဝဲဒၣ်. 11 ဒီးယွၤစံးဘၣ်ယၤ, အံၣ်စရ့လးလၢအသးဟးဂီၤန့ၣ်တီန့ၢ်လိၤန့ၢ်ယူဒၤလၢ အကလုၢ်တတီဘၣ်တက့ၢ်လီၤ.―
12 လဲၤကိးထီၣ်တၢ်ကတိၤအံၤ ဆူကလံၤစိးဒီးစံး, အံၣ်စရ့ လးလၢအသးဟးဂီၤဧၢ, ဟဲက့ၤတက့ၢ်. ဒီးယတလံထီၣ် လၢၤဘၣ်ယမဲာ်လၢသုဘၣ်, ယွၤစံးဝဲဒၣ်. အဂ့ၢ်ဒ်အံၤ, ယ အိၣ်ဒီးဘျုးဒီးဖှိၣ်ဒီး ယသးတထီၣ်ဘၣ်တထံၣ်ဃီဘၣ် န့ၣ်ယွၤစံးဝဲဒၣ်.
13 မၤထဲအံၤ, တဲလီၤကျဲၤလီၤနတၢ်ဒဲးဘးလၢနမၤကမၣ် ဘၣ်လံယွၤနကစၢ်, ဒီးလၢနဟးဝ့ၤဝီၤတၢ်ဆူပှၤဂၤအ အိၣ်လၢ ကယဲၢ်သ့ၣ်အသံကစဲာ်အဖီလာ်, ဒီးလၢသု တကနၣ်ဘၣ်ယကလုၢ်ဘၣ်န့ၣ်တက့ၢ်. ယွၤစံးဝဲဒၣ်.
14 ဖိသ့ၣ်လံၤသ့ၣ်လၢအသးဟးဂီၤသ့ၣ်ဧၢ, ဟဲက့ၤတ က့ၢ်. ယညိကွံာ်သုဘၣ်ဆၣ်ဒီး ယကတူၢ်လိာ်က့ၤသု, ယွၤစံးဝဲဒၣ်, တဂၤလၢဝ့ၢ်တဝ့ၢ်အပူၤ, ဒီးခံဂၤလၢပှၤတ ကလုာ်အကျါ, ဒီးယကဒုးဟဲသုဆူစံယိၣ်လီၤ.
15 ဒီးယကဟ့ၣ်သုလၢပှၤကွၢ်သိတဖၣ်လၢ အဘၣ်ယ သး, လၢအကဒုးအီၣ်သုလၢတၢ်သ့ၣ်ညါ, ဒီးတၢ်ဒုးပ လီၢ်သုသးလီၤ.
16 ဒီးတုၤသုအါထီၣ်ဂီၢ်ထီၣ်, ဒီးဂုၤထီၣ်ပသီထီၣ်လၢကီၢ် ပူၤဒီး, တၢ်လၢမုၢ်နံၤတဖၣ်န့ၣ်ယွၤစံးဝဲဒၣ်, ပှၤတစံး လၢၤဘၣ်, ယွၤအတၢ်အၢၣ်လီၤအီလီၤအတလါန့ၣ် ဘၣ်. ဒီးတဆိကမိၣ်လၢၤဘၣ်လၢအဂ့ၢ်ဘၣ်, ဒီးတသ့ၣ် နီၣ်ထီၣ်က့ၤလၢၤအီၤဘၣ်, ဒီးတအိၣ်သကိးလၢၤဘၣ် ဝဲဘၣ်. ဒီးတမၤလၢၤဘၣ်ဝဲဘၣ်.
17 အကတီၢ်ဖဲန့ၣ် တၢ်ကကိးယရူၤၡလ့ၣ်လၢယွၤအလီၢ် ပစိာ်, ဒီးပှၤအကလုာ်ခဲလၢာ်ကအိၣ်ဖှိၣ်ရိဖှိၣ်ဖဲန့ၣ်ဆူ ယွၤအမံၤ, ဆူယရူၤၡလ့ၣ်အပူၤလီၤ. ဒီးတလဲၤထွဲလၢၤ ဘၣ်အသးအၢအနၢ်က့ၣ်အခံဘၣ်.
18 တၢ်လၢမုၢ်နံၤတဖၣ်န့ၣ် ယူဒၤအပှၤဟံၣ်ဖိကလဲၤဃုာ် ဒီးအံၣ်စရ့လးအပှၤဟံၣ်ဖိ, ဒီးကဟဲတပူၤဃီလၢကီၢ် ကလံၤစိးဆူကီၢ်လၢယဟ့ၣ်န့ၢ်သါသုပၢ်တဖၣ်လီၤ.
19 ဒီးယစံး, ယကပာ်နၤလၢဖိသၣ်အကျါ, ဒီးဟ့ၣ်နၤ လၢအကီၢ်မုာ်, တၢ်န့ၢ်သါအလၤကပီၤလၢပှၤကလုာ်တ ဖၣ်အသုးမုၢ်အကျါဒ်လဲၣ်. ဒီးယစံး, နကကိးယၤ, ယပၢ် ဧၢ, ဒီးနတဃၣ်ကွံာ်ဘၣ်နသးလၢယၤဘၣ်.
20 ဘၣ်ဆၣ်ဒီးဒ်ပှၤမါလၢအကလုၢ်တတီဘၣ်ဒီး အဝၤ အသိးန့ၣ်သုကလုၢ်တတီဘၣ်ဒီးယၤဒ်န့ၣ်သိး, အံၣ်စ ရ့လးအပှၤဟံၣ်ဖိသ့ၣ်ဧၢ, ယွၤစံးဝဲဒၣ်.
21 တၢ်အသီၣ်ဟူထီၣ်လၢတၢ်စိခိၣ်အလိၤတဖၣ်လီၤ. မ့ၢ် ပှၤအံၣ်စရ့လးဖိဟီၣ်ဝဲ, ဒီးဃ့ကညးတၢ်လီၤ. အဂ့ၢ်ဒ် အံၤ, မၤဒၢကူဒၢက့ၣ်အကျဲ, ဒီးသးပ့ၤနီၣ်ယွၤအကစၢ် လီၤ.
22 ဖိသ့ၣ်လံၤသ့ၣ်လၢအသးဟးဂီၤသ့ၣ်ဧၢ, ဟဲက့ၤတ က့ၢ်. ဒီးယကမၤဘျါက့ၤသုသးဟးဂီၤန့ၣ်လီၤ.
23 ကွၢ်ကွၢ်, ပဟဲဆူနအိၣ်လီၤ. အဂ့ၢ်ဒ်အံၤ, နမ့ၢ်ယွၤပက စၢ်လီၤ. မ့ၢ်မးပဃုတၢ်မၤစၢၤလၢတၢ်စိခိၣ်တဖၣ်, ဒီးလၢ ကစၢၢ်ကလိအါန့ၣ်ကလီကလီလီၤ. မ့ၢ်မးအံၣ်စရ့လး အတၢ်အုၣ်က့ၤခီၣ်က့ၤန့ၣ် အိၣ်ဝဲလၢယွၤပကစၢ်အပူၤ လီၤ.
24 ဒီးတၢ်မဲာ်ဆှးအလီၢ် အီၣ်ကွံာ်ပပၢ်အစုလီၢ်အခီၣ်ခိၣ် လၢပဖိၣ်သၣ်ခွါထီၣ်လံၤလံၤ, အသိးအမဲာ်တဲးလဲး, ဒီး အဂီၤဘုၣ်ဂီၤဖံး, အဖိခွါဒီးအဖိမုၣ်လီၤ.
25 ပမံလီၤလၢပမဲာ်ဆှးအပူၤ, ဒီးတၢ်ပာ်မဲာ်ဆှးလုးဘၢ ပှၤလီၤ. အဂ့ၢ်ဒ်အံၤ, ပမၤကမၣ်ဘၣ်ယွၤပကစၢ်, ပဝဲဒၣ် ဒီးပပၢ်, လၢပဖိၣ်သၣ်ခွါထီၣ်လံၤလံၤတုၤမုၢ်မဆါတနံၤ အံၤ, ဒီးပတဒိကနၣ်ဘၣ်ယွၤပကစၢ်အကလုၢ်န့ၢ်ဘၣ် လီၤ.
4၄
1 နမ့ၢ်ဟဲက့ၤကဒါက့ၤ, အံၣ်စရ့လးဧၢ, ယွၤစံးဝဲဒၣ်, ဟဲ က့ၤဆူယအိၣ်တက့ၢ်. ဒီးနမ့ၢ်ပာ်ကွံာ်နတၢ်သးဘၣ်အၢ လၢယမဲာ်ညါဒီး, တၢ်တသုးကွံာ်နလီၢ်ဘၣ်.
2 ဒီးနကဆိၣ်တၢ်, ယွၤမူဝဲ, လၢတၢ်မ့ၢ်တၢ်တီ, လၢတၢ် စံၣ်ညီၣ်တီ, ဒီးလၢတၢ်တီတၢ်လိၤအပူၤ, ဒီးပှၤကလုာ် တဖၣ်န့ၣ်ကဆိၣ်ဂ့ၤလီၤအသးလၢယွၤအပူၤ, ဒီးကပာ် ကဖိအသးလၢအပူၤလီၤ.
3 အဂ့ၢ်ဒ်အံၤ, ယွၤစံးလၢယူဒၤဒီး ယရူၤၡလ့ၣ်အပှၤက ညီဒ်အံၤ, ထဲၣ်ထီၣ်သုဟီၣ်ခိၣ်လၢ အဘၣ်တၢ်ထဲၣ်အီၤ တက့ၢ်. ဒီးဖှံတၢ်လၢတၤဆှုၣ်အကျါတဂ့ၤ.
4 ကူးတရံးလီၤသုသးလၢယွၤအဂီၢ်, ဒီးသုးကွံာ်သုသး အဖံးန့ၣ်တက့ၢ်. ယူဒၤအပှၤကညီ, ဒီးယရူၤၡလ့ၣ်အဝ့ၢ် ဖိသ့ၣ်ဧၢ, ယသးထီၣ်ကဟဲဘၣ်ဖုးဒ်မ့ၣ်အူအသိး, ဒီး ကအီၣ်တၢ်တုၤပှၤမၤလီၤပံာ်အီၤတသ့ဘၣ်နီတဂၤဘၣ်, လၢသုမၤတၢ်အၢအဃိလီၤ.
5 ဒုးစံၣ်တဲၤတဲလီၤတၢ်လၢယူဒၤအပူၤ, ဒီးဒုးနၢ်ဟူတၢ် လၢယရူၤၡလ့ၣ်အပူၤ, ဒီးစံး, အူကွဲၤလၢကီၢ်ပူၤ, ကိးပသူ ထီၣ်, ဒီးစံး, အိၣ်ဖှိၣ်ရိဖှိၣ်, ဒီးလဲၤသကိးဆူဝ့ၢ်လၢအအိၣ် ဝဲဒီးအခိၣ်ဒူတဖၣ်အပူၤတက့ၢ်. 6 ယူာ်ထီၣ်သုးဖိအ လၣ်လၢစံယိၣ်တက့ၢ်. ဃ့ၢ်ထီၣ်ကွံာ်, အိၣ်ကတီၢ်တဂ့ၤ. အဂ့ၢ်ဒ်အံၤ, ယကဒုးဟဲတၢ်အၢလၢကလံၤစိး, ဒီးတၢ်မၤ ဟးဂီၤဖးဒိၣ်လီၤ.
7 ခ့ယုၢ်ဟဲထီၣ်လၢသဃာ်ကျါ, ဒီးပှၤမၤဟးဂီၤပှၤက လုာ်တဖၣ်ဟဲဝဲ, ဟးထီၣ်လံလၢအလီၢ်န့ၣ်ဒ်သိးအက မၤသယုၢ်နကီၢ်လီၤ. နခူနဝ့ၢ်ကအိၣ်သယုၢ်တုၤပှၤတ အိၣ်ဘၣ်လၢအပူၤဘၣ်လီၤ.
8 လၢတၢ်အံၤအဃိန့ၣ် ကံၢ်တူာ်သုယီၢ်ဒ့လၢထၢၣ်အ တၢ်ကံးညာ်, ဒဲသုသးနါပှၢ်ဒီးဟီၣ်ပသူထီၣ်တက့ၢ်. အ ဂ့ၢ်ဒ်အံၤ, ယွၤအသးကဲၤထီၣ်န့ၣ်တဃၣ်ကွံာ်အသးလၢ ပအိၣ်ဘၣ်.
9 ဒီးတၢ်ကမၤအသးလၢမုၢ်တနံၤန့ၣ် ယွၤစံးဝဲဒၣ်, စီၤပၤ အသးကဟးဂီၤ, ဒီးပဒိၣ်ဖးဒိၣ်အသး, ဒီးပှၤလုၢ်တၢ် အဒိၣ်အသးကကတုၤ, ဒီးဝံတဖၣ်ကပာ်အသးကမၢက မၣ်လီၤ.
10 တုၤနုၤတစုယစံး, အၣ်လါ, ကစၢ်ယွၤဧၢ, မ့ၢ်မးနလီန့ၢ် န့ၢ်ပှၤဂီၢ်မုၢ်အံၤဒီး ပှၤယရူၤၡလ့ၣ်ဖိဒိၣ်မးလီၤ. နစံးသုက အိၣ်ဒီးတၢ်ဃူတၢ်ဖိးဘၣ်ဆၣ်ဒီး, နးဧိၤဘီဧိၤနုာ်ပၢၢ်လၢ အသးလီၤ.
11 အကတီၢ်ဖဲန့ၣ်တၢ်ကစံးလၢ ပှၤဂီၢ်မုၢ်န့ၣ်ဒီးလၢပှၤယ ရူၤၡလ့ၣ်ဖိ, ကလံၤအူသူထီၣ်ဟဲလၢတၢ်စိခိၣ်တဖၣ်လၢ ပှၢ်မုၢ်ကနၢဆူယပှၤဂီၢ်မုၢ်အဖိမုၣ်အအိၣ်, တမ့ၢ်ဘၣ်ဒ် သိးအကပညၢဘု, ဒ်သိးအကမၤကဆှီတၢ်ဘၣ်. 12 က လံၤဆူၣ်န့ၢ်အန့ၣ်ကဟဲလၢယဂီၢ်လီၤ. ခဲကနံၣ်အံၤယ ကစံၣ်ညီၣ်ကွီၢ်ယဲလီၤ.
13 ကွၢ်ကွၢ်, ကဟဲထီၣ်ဒ်တၢ်အၢၣ်အသိး, ဒီးအလ့ၣ်က ဟၣ်ဒ်ကလံၤသဝံးအသိး, အကသ့ၣ်န့ၣ်လဲၤတၢ်ချ့န့ၢ် လံာ်ဧိၤတြၤဧိၤတက့ၢ်လီၤ. ပဘၣ်တၢ်အဖှီၣ်လီၤ. အဂ့ၢ် ဒ်အံၤ, တၢ်မၤဟးဂီၤပှၤလီၤ.
14 ယရူၤၡလ့ၣ်ဧၢ, သ့စီကွံာ်တၢ်အၢလၢနသး, ဒ်သိးနက တုၤလၢတၢ်အုၣ်က့ၤခီၣ်က့ၤနၤတက့ၢ်. တၢ်ကူၣ်အအၢ ဖးအသီကအိၣ်ကဆိးလၢနပူၤဆံးယံာ်လဲၣ်.
15 အဂ့ၢ်ဒ်အံၤ, လၢဒၣ်, တၢ်အကလုၢ်သီၣ်စံၣ်တဲၤတဲလီၤ တၢ်, ဒီးလၢကစၢၢ်အ့ဖရဲၣ်ဒုးနၢ်ဟူတၢ်နးတၢ်ဖှီၣ်လီၤ.
16 ဘိးဘၣ်သ့ၣ်ညါပှၤကလုာ်တဖၣ်တက့ၢ်. ကွၢ်ကွၢ်, ဒုး နၢ်ဟူတၢ်ထီဒါယရူၤၡလ့ၣ်, ပှၤခိးတၢ်ဖိဟဲလၢကီၢ်အ အယံၤ, ဒီးထုထီၣ်အကလုၢ်ထီဒါယူဒၤအခူဧိၤဝ့ၢ်ဧိၤ လီၤ.
17 ဒ်ပှၤပၢၤစံာ်ဧိၤပှဲၤဧိၤအသိးန့ၣ်, ပှၤအိၣ်ဝးတရံးထီဒါ အီၤလီၤ. အဂ့ၢ်ဒ်အံၤ, ပူထီၣ်ယၤလီၤ, ယွၤစံးဝဲဒၣ်.
18 နကျဲဧိၤကပူၤဧိၤ ဒီးနမၤတၢ်န့ၣ်မၤန့ၢ်နၤလၢတၢ်န့ၣ်တ ဖၣ်လီၤ. အန့ၣ်မ့ၢ်နတၢ်အၢတၢ်သီလီၤ. မ့ၢ်တၢ်မၤကိၢ်မၤ ဂီၤနးမးလီၤ. အဂ့ၢ်ဒ်အံၤ, ဆဲးပၢၢ်လၢနသးလီၤ.
19 ယပှံာ်ဧၢ, ယပှံာ်ဧၢ, တၢ်ဆိးကဲးလၢယသးကံၢ်ပူၤ လီၤ. ယသးသီၣ်ထီၣ်, ယအိၣ်ဘှီၣ်ကလာ်တကဲဘၣ်. အဂ့ၢ်ဒ်အံၤ, ယသးဧၢ, နနၢ်ဟူကွဲၤသီၣ်, တၢ်ဒုးတၢ်ယၤ အသီၣ်ထီၣ်လီၤ.
20 တၢ်ကိးထီၣ်တၢ်ဟးဂီၤလၢတၢ်ဟးဂီၤအဖီခိၣ်လီၤ. အ ဂ့ၢ်ဒ်အံၤ, ကီၢ်ဒီဘ့ၣ်ညါအိၣ်သယုၢ်လီၤ. တၢ်မၤဟးဂီၤ ယဒဲတဖၣ်သတူၢ်ကလာ်, ယဒဲအယၣ်သဒၢတၢ်သပြူၤ ကလာ်လီၤ. 21 ယကထံၣ်ဘၣ်သုးဖိအလၣ်, ယကနၢ် ဟူကွဲၤအသီၣ်န့ၣ်ဆံးယံာ်လဲၣ်.
22 အဂ့ၢ်ဒ်အံၤ, ယပှၤဂီၢ်မုၢ်မ့ၢ်ပှၤဟးဂီၤဖိ, တသ့ၣ်ညါ ဘၣ်ယၤဘၣ်. မ့ၢ်ဖိလၢအဟးဂီၤ, အသူၣ်ဆးအသး ဆးတအိၣ်ဘၣ်. ကူၣ်တၢ်သ့ထဲအကမၤတၢ်အၢလီၤ. လၢအကမၤတၢ်ဂ့ၤန့ၣ်, တသ့ၣ်ညါဘၣ်ဝဲဘၣ်.
23 ယကွၢ်ဟီၣ်ခိၣ်, ဒီးကွၢ်ကွၢ်, အိၣ်သယုၢ်ဒီးအိၣ်ကလီ, ဒီးယကွၢ်မူခိၣ်, ဒီးအတၢ်ကပီၤတအိၣ်ဘၣ်.
24 ယကွၢ်ကစၢၢ်ကလိ, ဒီးကွၢ်ကွၢ်, ဟူးဝးဝဲ, ဒီးတၢ်စိခိၣ် ခဲလၢာ်ဝးဆှဲးဆှိးဝဲလီၤ.
25 ယကွၢ်တၢ်, ဒီးကွၢ်ကွၢ်, ပှၤကညီတအိၣ်ဘၣ်. ဒီးမူက ပိာ်လိၤအထိၣ်ဧိၤလံၣ်ဧိၤယူၤကွံာ်လံ.
26 ယကွၢ်တၢ်, ဒီးကွၢ်ကွၢ်, တၤသၣ်အလီၢ်န့ၣ်မ့ၢ်ပှၢ်မုၢ် ကနၢ, ဒီးအခူအဝ့ၢ်ခဲလၢာ်လီၤပှီၢ်လၢယွၤအမဲာ်ညါလၢ အသးကဲၤထီၣ်အဃိလီၤ.
27 အဂ့ၢ်ဒ်အံၤ, ယွၤစံးဒ်အံၤ, ကီၢ်ဒီဘ့ၣ်ညါကအိၣ်သ ယုၢ်လီၤ. ဘၣ်ဆၣ်ဒီးယတမၤတုၤအလၢာ်ဘၣ်.
28 မၤသးဒ်န့ၣ်ဒီး ဟီၣ်ခိၣ်ကသူၣ်အုးသးအုး, ဒီးမူခိၣ်လၢ ထးခီကသူထီၣ်ဝဲလီၤ. အဂ့ၢ်ဒ်အံၤ, ယကတိၤတၢ်, ယ တိာ်တၢ်လံ, ဒီးယတပီၢ်ယၢ်လီၤက့ၤဘၣ်ယသးဘၣ်, ဒီးယတဂုၤက့ၤယသးလၢအီၤဘၣ်.
29 ဝ့ၢ်ဃ့ၢ်ထီၣ်ကွံာ်ဒီဝ့ၢ်ညါလၢကသ့ၣ်သုးဖိ, ဒီးပှၤခးချံၣ် ဖိအသီၣ်အဃိလီၤ. လဲၤဆူသဃာ်ကျါဒီးထီၣ်လၢၢ်ဧိၤ လ့ဧိၤလီၤ. ပှၤကလဲၤသဒၣ်ဝ့ၢ်ကိးဝ့ၢ်ဒဲး, ဒီးပှၤတအိၣ် တဆိးဘၣ်လၢအပူၤနီတဂၤဘၣ်.
30 ဒီးပှၤလၢအကဟးဂီၤနၤဧၢ, နကမၤဒ်လဲၣ်. နမ့ၢ်ကူသိး ဒီးတၢ်အဂီၤဘၣ်ဆၣ်ဒီး, နမ့ၢ်ကယၢကယဲနသးဒီးတၢ် ကယၢကယဲထူဘၣ်ဆၣ်ဒီး, နမ့ၢ်ဖှူနမဲာ်တုၤအသ့ၣ်ဖး လၢကသံၣ်ဘၣ်ဆၣ်ဒီး, နပာ်နသးလၢအဃံအလၤက လီကလီလီၤ. ပှၤလၢအအဲၣ်နၤတဖၣ် ကမၤတရီတ ပါနၤ, ကဃုနသးသမူလီၤ.
31 အဂ့ၢ်ဒ်အံၤ, ယနၢ်ဟူပှၤအကလုၢ်ဒ်ပိာ်မုၣ်လၢအဟုး ဆါအသိးန့ၣ်, တၢ်နးတၢ်ဖှီၣ်ဒ်ပိာ်မုၣ်လၢအဆံးစၢ်အ ဖိဝဲၢ်ကိအသိးန့ၣ်လီၤ. မ့ၢ်စံယိၣ်ဖိမုၣ်အကလုၢ်လီၤ. သါ သဖှိဝဲ, ယူာ်ထီၣ်အစုဒီးစံးဝဲ, ယဘၣ်အဖှီၣ်လီၤ. အဂ့ၢ် ဒ်အံၤ, ယသးလီၤဘှါလၢပှၤမၤသံပှၤကညီအဃိလီၤ.
5၅
1 ဃ့ၢ်ဝ့ၤဝီၤလၢယရူၤၡလ့ၣ်အကျဲပူၤ, ဒီးကွၢ်, ဒီးသ့ၣ်ညါ, ဒီးဃုတၢ်လၢအလီၢ်ဖးလဲၢ်န့ၣ်တက့ၢ်. သုမ့ၢ်ထံၣ်န့ၢ် ပှၤကညီတဂၤ, ပှၤမ့ၢ်အိၣ်လၢအမၤတၢ်စံၣ်ညီၣ်တီ, လၢ အဃုတၢ်မ့ၢ်တၢ်တီဒီး, ယကပျၢ်အတၢ်လီၤ.
2 ဒီးယွၤမူဝဲန့ၣ်, မ့ၢ်စံးဘၣ်ဆၣ်ဒီး, မ့ၢ်အဆိၣ်တၢ်က ဘျံးကဘျၣ်သပှၢ်တၢၢ်လီၤ.
3 ယွၤဧၢ, နမဲာ်ကွၢ်တၢ်တီတၢ်လိၤတမ့ၢ်ဘၣ်ဧါ. နတီၢ် အီၤဘၣ်ဆၣ်ဒီး, တသးအုးဝဲဘၣ်. နမၤလၢာ်အီၤဘၣ် ဆၣ်ဒီး, တဒိးဘၣ်တၢ်သိၣ်ဃီၣ်ဘၣ်. ပာ်အမဲာ်ကိၤန့ၢ် လၢၢ်တက့ၢ်လီၤ. ဟဲက့ၤကဒါက့ၤန့ၣ်အသးတအိၣ် ဘၣ်.
4 ဒီးယစံး, အဝဲသ့ၣ်အံၤမ့ၢ်ထဲပှၤဖှီၣ်ဖိယာ်ဖိ, မ့ၢ်ပှၤဟး ဂီၤဖိလီၤ. အဂ့ၢ်ဒ်အံၤ, တသ့ၣ်ညါဘၣ်ယွၤအကျဲ, အက စၢ်အတၢ်စံၣ်ညီၣ်ဘၣ်.
5 ယကလဲၤဆူပှၤအဒိၣ်တဖၣ်အအိၣ်, ဒီးယကတိၤတၢ် ဒီးအီၤလီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်သ့ၣ်ညါယွၤ အကျဲ, အကစၢ်အတၢ်စံၣ်ညီၣ်လီၤ. ဘၣ်ဆၣ်ဒီးအဝဲ သ့ၣ်တဖၣ်န့ၣ် မၤကၢ်နီၣ်ယိးဘိ, မၤတဲာ်ကွံာ်ပျံၤစၢဃာ် န့ၣ်လီၤ.
6 မၤသးဒ်န့ၣ်ဒီးခ့ယုၢ်လၢပှၢ်လၢ်ကျါကမၤသံအီၤ, ထွံၣ် မံၤမုၢ်ဟါကမၤဟးဂီၤအီၤ, ခ့စံၣ်ပိၣ်ကခိးခူသူၣ်လၢအ ခူအဝ့ၢ်အဃၢၤလီၤ. ကယဲၢ်ပှၤလၢအလဲၤထီၣ်ဆူခိတ ဂၤလၢ်လၢ်န့ၣ် တၢ်ကအ့ၣ်ဖှီကွံာ်အီၤလီၤ. အဂ့ၢ်ဒ်အံၤ, အတၢ်ကမၣ်အိၣ်အါမး, ဒီးအသးဟးဂီၤနးထီၣ်ဝဲလီၤ.
7 ယကပျၢ်နၤလၢတၢ်အံၤအဃိဒ်လဲၣ်. နဖိနလံၤလဲၤသ ဒၣ်ယၤလံ. ဒီးဆိၣ်တၢ်လၢတၢ်လၢအတမ့ၢ်ဘၣ်ကစၢ် အမဲာ်ညါလီၤ. ဒီးယဒုးဘျဲးအီၣ်အီၤဘၣ်ဆၣ်ဒီး, အဲၣ်ဘၢ တၢ်, ဒီးအိၣ်ဖှိၣ်ရိဖှိၣ်လၢပှၤဃဲသဲမုၢ်အဟံၣ်ပူၤလီၤ. 8 မ့ၢ် ဒ်ကသ့ၣ်ဖါလၢတၢ်ဒုးအီၣ်အဆၣ် လၢမုၢ်ဂီၤအသိးန့ၣ် တဂၤကဟဲးဝဲဆူပှၤလၢအဃၢၤအမါစုာ်စုာ်လီၤ.
9 ယကအိၣ်သကိးတၢ်လၢတၢ်န့ၣ်တဖၣ်အဃိ, တမ့ၢ် ဘၣ်ဧါ, ယွၤစံးဝဲဒၣ်. ဒီးယသးကမၤဆၢတၢ်အၢလၢပှၤ ကလုာ်ဒ်အံၤသိး, တမ့ၢ်ဘၣ်ဧါ.
10 ထီၣ်ဘးအခိၣ်ဒူ, ဒီးမၤဟးဂီၤတၢ်တက့ၢ်, ဘၣ်ဆၣ်ဒီး မၤတုၤအလၢာ်တဂ့ၤ. ကျီကွံာ်အစပံးမုၢ်အစုဖံးတက့ၢ်. အဂ့ၢ်ဒ်အံၤ, တမ့ၢ်ဘၣ်ယွၤအဝဲဘၣ်.
11 အဂ့ၢ်ဒ်အံၤ, အံၣ်စရ့လးအပှၤဟံၣ်ဖိဒီးယူဒၤအပှၤဟံၣ် ဖိမၤထီဒါယၤဒီးလီတၢ်ဒိၣ်မးလီၤ, ယွၤစံးဝဲဒၣ်. 12 ကတိၤ တၢ်ကဘျံးကဘျၣ်လၢယွၤအဂ့ၢ်, ဒီးစံးဝဲဒၣ်, တအိၣ် ဘၣ်ဝဲဘၣ်. ဒီးတၢ်အၢတဘၣ်ဘၣ်ပှၤဘၣ်. ဒီးပတထံၣ် နးဧိၤဘီဧိၤ, တၢ်သၣ်ဝံၤလီၤဒိဘၣ်. 13 ဒီးဝံတဖၣ်န့ၣ်မ့ၢ် ကလံၤသီၣ်ဂီၤ, ဒီးတၢ်အကလုၢ်န့ၣ်တအိၣ်ဘၣ်လၢအ ပူၤဘၣ်. တၢ်မၤအီၤဒ်န့ၣ်သိးလီၤ.
14 မၤသးဒ်န့ၣ်ဒီး တၢ်သုးမုၢ်ဂီၢ်မုၢ်အယွၤစံးဝဲဒ်အံၤ, မ့ၢ် သုကတိၤတၢ်ကတိၤတထံၣ်န့ၣ်ဒီး, ကွၢ်ကွၢ်, ယကပာ် ယတၢ်ကတိၤလၢနကိာ်ပူၤလၢမ့ၣ်အူ, ဒီးပှၤဂီၢ်မုၢ်အံၤ လၢသ့ၣ်မုၢ်, ဒီးကအီၣ်ကွံာ်ဝဲလီၤ.
15 ကွၢ်ကွၢ်, ယကဒုးဟဲပှၤကလုာ်ထီဒါသုလၢအယံၤ, အံၣ်စရ့လးအပှၤဟံၣ်ဖိသ့ၣ်ဧၢ, ယွၤစံးဝဲဒၣ်မ့ၢ်ပှၤတက လုာ်အဒိၣ်အဆူၣ်, ပှၤတကလုာ်လၢအအိၣ်ဝဲလၢပျၢၤ, ပှၤတကလုာ်လၢနတသ့ၣ်ညါဘၣ်အကျိာ်ဘၣ်, ဒီးမ့ၢ် အကတိၤတၢ်ဒ်လဲၣ်ဒ်လဲၣ်န့ၣ်နနၢ်တပၢၢ်ဘၣ်.
16 အလၢပီၤန့ၣ် မ့ၢ်တၢ်သွၣ်ခိၣ်ပူၤ အိၣ်အိးထီၣ်အသး လီၤ. မ့ၢ်ဝဲလၢပှၤအဆူၣ်ခဲလၢာ်လီၤ.
17 ဒီးကအီၣ်နဘု, ဒီးနကိၣ်လၢနဖိခွါဒီးနဖိမုၣ်ဂ့ၤအီၣ်ဝဲ, ကအီၣ်ကွံာ်နသိနမဲာ်တဲးလဲး, ဒီးနဂီၤဘုၣ်ဂီၤဖံး, ကအီၣ် ကွံာ်နစပံးမုၢ်, ဒီးနချၢၣ်ဒၢ, ကမၤဖှီၣ်လီၤဝ့ၢ်အိၣ်ဒီးအခိၣ် ဒူလၢနသန့ၤနသးလၢအီၤ, လၢနးဧီၤဘီဧိၤလီၤ.
18 ဘၣ်ဆၣ်ဒီးလၢမုၢ်နံၤတဖၣ်န့ၣ် ယတမၤသုတုၤသု လၢာ်ကွံာ်ဘၣ်, ယွၤစံးဝဲဒၣ်.
19 ဒီးတုၤသုစံး, ယွၤပကစၢ်မၤပှၤလၢတၢ်တဖၣ်န့ၣ်မ့ၢ် အဘၣ်မနုၤလဲၣ်န့ၣ်ဒီး, တၢ်ကမၤအသးလၢနကဘၣ် စံးဆၢအီၤ, ဒ်သုလဲၤသဒၣ်ယၤဒီး မၤတခီဘီမုၢ်ဖိအက စၢ်တဖၣ်အတၢ်လၢသုထံသုကီၢ်ပူၤအသိးန့ၣ် သုဘၣ် မၤပှၤတခီဘီမုၢ်ဖိအတၢ်လၢကီၢ်ပူၤလၢ အတမ့ၢ်ဘၣ် သုကီၢ်ဒ်န့ၣ်သိးလီၤ.
20 စံၣ်တဲၤတဲလီၤတၢ်အံၤလၢ ယၤကိာ်အပှၤဟံၣ်ဖိ, ဒီး ဒုးနၢ်ဟူတၢ်အံၤလၢယူဒၤအပူၤ, 21 ဒီးစံး, ပှၤဟးဂီၤဖိဂီၢ် မုၢ်လၢအသူၣ်ဆးသးဆးတအိၣ်ဘၣ်, လၢအမဲာ်အိၣ်, ဒီးတထံၣ်ဘၣ်တၢ်ဘၣ်, ဒီးအနၢ်အိၣ်, ဒီးတနၢ်ဟူဘၣ် တၢ်ဘၣ်သ့ၣ်ဧၢ, ကနၣ်တၢ်အံၤတက့ၢ်. 22 သုတပျံၤဘၣ် ယၤဘၣ်ဧါ, ယွၤစံးဝဲဒၣ်, သုတကနိးဘၣ်လၢယမဲာ်ညါ ဘၣ်ဧါ. ပှၤလၢအတနီၢ်ပီၣ်လဲၣ်နံၤလၢမဲးဧိၤဟီၣ်ဧိၤလၢ တၢ်မၤလိာ်အထူအယိာ်, လၢအလုၣ်သ့ၣ်ခါပတာ်တ သ့ဘၣ်. အလပီမ့ၢ်စံၣ်ပီပုဘၣ်ဆၣ်ဒီး, မၤဃၣ်တၢ်တ သ့ဘၣ်, မ့ၢ်သီၣ်ထီၣ်ရုၢ်ရုၢ်ဘၣ်ဆၣ်ဒီးလဲၤကပာ်ဝဲတ သ့ဘၣ်.
23 မ့မ့ၢ်ပှၤဂီၢ်မုၢ်အံၤအိၣ်ဝဲဒီးအသးလၢ အပူၤထီၣ်ဒၣ်တၢ်, ဒီးတၢထီၣ်တၢလီၤဒၣ်တၢ်လီၤ. ပူထီၣ်ဝဲ, ဒီးဟးထီၣ် ကွံာ်လံ.
24 ဒီးတစံးဘၣ်လၢအသးကံၢ်ပူၤ, မ်ပပျံၤယွၤပကစၢ်လၢ အဟ့ၣ်လီၤတၢ်စူၤ, တၢ်အဆိဒီးတၢ်အခံလၢအကတီၢ် ဒၣ်ဝဲ, လၢအပာ်ကျၢၤလၢပဂီၢ်ကူးဘုအနွံတဖၣ်တက့ၢ် န့ၣ်ဘၣ်.
25 သုတၢ်အၢတဖၣ် ဘိးကဒါကွံာ်တၢ်န့ၣ်တဖၣ်လၢသု အိၣ်, ဒီးသုတၢ်ဒဲးတြီတၢ်ဂ့ၤလၢသုလီၤ.
26 အဂ့ၢ်ဒ်အံၤ, ပှၤတတီတလိၤဘၣ်တဖၣ်အိၣ်ဝဲလၢယ ပှၤဂီၢ်မုၢ်အကျါလီၤ. ခိးခူသူၣ်ဝဲဒ်ပှၤမၤန့ၢ်ထိၣ်ဧိၤလံၣ် ဧိၤအသိးန့ၣ်, ပာ်ပျံၤသကွီၤဒ်သိးအကဖီၣ်န့ၣ်န့ၢ်ပှၤက ညီလီၤ.
27 ဒ်ထိၣ်အဒၢပှဲၤဝဲဒီးထိာ်ဧိၤလံၣ်ဧိၤအသိးန့ၣ်, အဟံၣ် ပှဲၤဝဲဒီး လီတၢ်ဝ့ၤတၢ်ဒ်န့ၣ်သိးလီၤ. မၤသးဒ်န့ၣ်ဒီးဒိၣ် ထီၣ်ဝဲ, ဒီးထူးထီၣ်တီၤထီၣ်ဝဲလီၤ.
28 သီၣ်ထီၣ်ဝဲ, ဘျ့ကဆှၣ်ထီၣ်ဝဲ, မ့ၢ်မးအမၤတၢ်အၢ န့ၣ်လုၣ်ကွံာ်လီၤ. တစံၣ်ညီၣ်ဘၣ်ပှၤအကွီၢ်, ပှၤဖိၣ်ဃဲ အကွီၢ်ဘၣ်. ဘၣ်ဆၣ်ဒီးဘီၣ်ထီၣ်ညီထီၣ်ဝဲလီၤ. ဒီးပှၤ ဖှီၣ်ဖိယာ်ဖိအကွီၢ်န့ၣ်တစံၣ်ညီၣ်ဘၣ်ဝဲဘၣ်.
29 ယကအိၣ်သကိးတၢ်လၢတၢ်န့ၣ်တဖၣ်အဃိ တမ့ၢ် ဘၣ်ဧါ. ယွၤစံးဝဲဒၣ်, ဒီးယသးကမၤဆၢတၢ်အၢလၢပှၤ ကလုာ်ဒ်အံၤသိး, တမ့ၢ်ဘၣ်ဧါ.
30 တၢ်ဒုးကတုၤပှၤသး, ဒီးတၢ်ဒုးကနိးကစုာ်တၢ်န့ၣ်မၤ အသးလၢကီၢ်ပူၤလီၤ. 31 ဝံၤဧိၤမီၣ်ဧိၤကတိၤတၢ်လၢဝံ ကျိာ်ကဘျံးကဘျၣ်, ဒီးပှၤလုၢ်တၢ်အဒိၣ်ပၢတၢ်လၢအ စုပူၤ, ဒီးယပှၤဂီၢ်မုၢ်အဲၣ်ဒိးတၢ်ဒ်န့ၣ်သိး, ဒီၤလၢအက တၢၢ်န့ၣ်သုကမၤဒ်လဲၣ်.
6၆
1 ပှၤဘံၣ်ယၤမံၣ်ဖိသ့ၣ်ဧၢ, ဃ့ၢ်ထီၣ်ကွံာ်လၢယရူၤၡ လ့ၣ်အပူၤ, ဒီးအူထီၣ်ကွံာ်ကွဲၤလၢတကိၤအပူၤ, ဒီးပာ် တၢ်ပနီၣ်မ့ၣ်အူလၢဘ့ၤသဟးကၤရ့ၣ်အပူၤတက့ၢ်. အ ဂ့ၢ်ဒ်အံၤ, တၢ်အၢကွၢ်လီၤဝဲလၢကလံၤစိးတခီ, ဒီးတၢ် မၤဟးဂီၤဖးဒိၣ်လီၤ.
2 ယကမၤဟးဂီၤကွံာ်စံယိၣ်အဖိမုၣ်, ပှၤအိၣ်ဒီးအဃံ အလၤ, ပှၤအစၢ်လီၤ. 3 ပှၤကွၢ်သိဖိအိၣ်ဒီးအသိအမဲာ် တဲးလဲးတဖၣ်ကဟဲဆူအအိၣ်, ကသူၣ်အဒဲအိၣ်ဝးတ ရံးအီၤ, ကဒုးအီၣ်အဆၣ်တဂၤလၢအလီၢ်ဒၣ်ဝဲ, တဂၤ လၢအလီၢ်ဒၣ်ဝဲန့ၣ်လီၤ. 4 ကတဲာ်ကတီၤတၢ်ဒုးသုးထီဒါအီၤ, ဂဲၤဆၢထၢၣ်, လဲၤထီၣ်သကိးဖဲမုၢ်ထူၣ်တက့ၢ်. ပဘၣ်အဖှီၣ်လီၤ. အဂ့ၢ်ဒ်အံၤ, မုၢ်ဃ့ၢ်လီၤ, မုၢ်ဟါအကဒုထုးထီထီၣ်အသးလီၤ.―
5 ဂဲၤဆၢထၢၣ်, လဲၤသကိးလၢမုၢ်နၤ, ဒီးမၤဟးဂီၤသကိး အနူၢ်ဧိၤစီၤဧိၤတဖၣ်တက့ၢ်.
6 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤစံးဒ်အံၤ, ကူာ်လီၤ သ့ၣ်, ဒီးပာ်ထီၣ်တိာ်ဧိၤတာ်ဧိၤ ထီဒါယရူၤၡလ့ၣ်တ က့ၢ်. ဝ့ၢ်လၢတၢ်ကအိၣ်သကိးအီၤဒီဝ့ၢ်ညါန့ၣ်မ့ၢ်အအံၤ လီၤ. တၢ်မၤအၢအိၣ်ပှဲၤဝဲလၢအသးကံၢ်ပူၤလီၤ.
7 ဒ်ထံထီၣ်ပၢၢ်ဒုးယွၤလီၤအထံအသိးန့ၣ်, အဝဲန့ၣ်ဒုး ယွၤလီၤအတၢ်အၢဒ်န့ၣ်သိးလီၤ. တၢ်မၤဆူၣ်, ဒီးတၢ်ဂုာ် န့ၢ်န့ၣ်ဟူထီၣ်ဝဲလၢအပူၤလီၤ. တၢ်ဘၣ်ဆဲးအလီၢ်, ဒီး တၢ်ပူၤလီၢ်အိၣ်ဝဲလၢယမဲာ်ညါတထံၣ်ဃီလီၤ.
8 ဒိးတၢ်သိၣ်ဃီၣ်တက့ၢ်, ယရူၤၡလ့ၣ်ဧၢ, ယသးကဟး ထီၣ်ကွံာ်ဘၣ်ဖုးလၢနအိၣ်လီၤ. ယကဒုးအိၣ်သယုၢ် ဘၣ်ဖုးနၤ, ကီၢ်လၢပှၤတအိၣ်တဆိးဘၣ်လၢအပူၤန့ၣ် လီၤ.
9 တၢ်သုးမုၢ်ဂီၢ်မုၢ်အယွၤစံးဝဲဒ်အံၤ, ပှၤကမၤန့ၢ်အံၣ်စ ရ့လးအပှၤအိၣ်လီၤတဲာ်စီဖ့ကလ့ၤ ဒ်စပံးမုၢ်အသၣ်အ သိးန့ၣ်လီၤ. ဃၣ်ဃီၤကဒီးနစုဒ်ပှၤဒဲးစပံးမုၢ်အသၣ်ဆူ နာ်ပူၤအသိးန့ၣ်တက့ၢ်.
10 ယကတိၤတၢ်, ဒီးသဆၣ်ထီၣ်မတၤအခံဒ်သိးအက ကနၣ်တဂၤလဲၣ်. ကွၢ်ကွၢ်, အနၢ်တဒိးတၢ်ကူးတရံး ဘၣ်, ဒီးနၢ်ဟူတၢ်တသ့ဘၣ်. ကွၢ်ကွၢ်, ယွၤအကလုၢ်မ့ၢ် တၢ်ဒုၣ်ဒွဲၣ်အလီၢ်လၢအဂီၢ်, တဘၣ်ဘၣ်အသးလၢအီၤ ဘၣ်.
11 မၤသးဒ်န့ၣ်ဒီး ယပှဲၤဒီးယွၤအသးကဲၤထီၣ်, ယကီၤယ သးတကဲဘၣ်. ယကလူလီၤအီၤလၢဖိသၣ်အိၣ်လၢကျဲ ပူၤ, ဒီးလၢဖိၣ်သၣ်ခွါအိၣ်ဖှိၣ်ရိဖှိၣ်အဖီခိၣ်န့ၣ်လီၤ. မ့ၢ် မးပှၤအဝၤဒီးပှၤအမါန့ၣ်တၢ်ကဖီၣ်န့ၢ်အီၤ, ပှၤအသးပှၢ်, ဒီးပှၤလၢအနံၤအသီပှဲၤထီၣ်လီၤ.
12 ဒီးအဟံၣ်အဃီန့ၣ်တၢ်ကဟ့ၣ်အီၤလၢပှၤဂၤ, အစံာ် အပှဲၤဒီးအဖိအမါတပူၤဃီလီၤ. အဂ့ၢ်ဒ်အံၤ, ယကယူာ် ထီၣ်ယစုလၢပှၤကီၢ်ဖိအဖီခိၣ်, ယွၤစံးဝဲဒၣ်.
13 အဂ့ၢ်ဒ်အံၤ, လၢအဆံးကတၢၢ်ပၢၢ်လၢအဒိၣ်ကတၢၢ် န့ၣ်ပှၤသးကွံတၢ်ကိးဂၤဒဲး, ဒီးလၢဝံဧိၤမီၣ်ဧိၤပၢၢ်လၢပှၤ လုၢ်တၢ်အဒိၣ်န့ၣ်ပှၤမၤဒီးလီတၢ်ကိးဂၤဒဲးလီၤ.
14 ဒီးမၤဘျါက့ၤကလီကလီယပှၤဂီၢ်မုၢ်အဖိမုၢ်အပူၤလီၢ်, ဒီးစံးဝဲ, တၢ်ဃူတၢ်ဖိး, တၢ်ဃူတၢ်ဖိးလီၤ. ဒီးတၢ်ဃူ တၢ်ဖိးတအိၣ်ဘၣ်.
15 တုၤအမၤတၢ်သးဘၣ်အၢဒီး, အမဲာ်ဆှးစ့ၢ်ကီးဧါ. တ မ့ၢ်ဘၣ်, အမဲာ်တဆှးဘၣ်လ့ၤတက့ၤဘၣ်. ဒီးပာ်မဲာ်ဆှး အသးန့ၣ်တသ့ၣ်ညါဘၣ်ဝဲဘၣ်. မၤသးဒ်န့ၣ်ဒီးကလီၤ ဃံၤလၢပှၤအလီၤဃံၤအကျါလီၤ. အဆၢကတီၢ်လၢ ယအိၣ်သကိးအီၤန့ၣ် အခီၣ်ကဘၣ်တိၢ်လီၤ, ယွၤစံးဝဲ ဒၣ်.
16 ယွၤစံးဒ်အံၤ, ဆၢထၢၣ်လၢကျဲပူၤ, ဒီးကွၢ်တၢ်, ဒီးသံ ကွၢ်တၢ်လၢကျဲလီၢ်လံၤတဖၣ်အဂ့ၢ်, ကျဲအဂ့ၤန့ၣ်မ့ၢ်အ အိၣ်ဖဲလဲၣ်န့ၣ်တက့ၢ်. ဒီးပိာ်ကျဲန့ၣ်တက့ၢ်. ဒီးသုက ထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ. ဒီးအဝဲသ့ၣ် စံးဝဲဒၣ်, ပတပိာ်ဘၣ်.
17 ဒီးယပာ်ပှၤပၢၤတၢ်ဖိလၢသုဖီခိၣ်, ဒီးစံး, ကနၣ်ကွဲၤ အသီၣ်တက့ၢ်. ဒီးအဝဲသ့ၣ်န့ၣ်စံးဝဲဒၣ်, ပတကနၣ်ဘၣ်.
18 မၤသးဒ်န့ၣ်ဒီးပှၤကလုာ်သ့ၣ်ဧၢ, ကနၣ်တက့ၢ်. ဒီးပှၤ ဂီၢ်မုၢ်အိၣ်ဖှိၣ်သ့ၣ်ဧၢ, သ့ၣ်ညါတၢ်အိၣ်ဝဲလၢအကျါတ က့ၢ်.
19 ဟီၣ်ခိၣ်ဧၢ, ကနၣ်တက့ၢ်. ကွၢ်ကွၢ်, ယကဒုးဘၣ်ပှၤ ဂီၢ်မုၢ်အံၤလၢတၢ်အၢ, အကူၣ်ထီၣ်ဖးလီၤတၢ်အတၤ သၣ်လီၤ. အဂ့ၢ်ဒ်အံၤ, တဒိကနၣ်ယကလုၢ်ဘၣ်, ဒီး ညိကွံာ်ယတၢ်သိၣ်တၢ်သီလီၤ.
20 ပှၤဟဲစိာ်လီၢ်ဘၣ်ဆူယအိၣ်လၢၡဘၤ, ဒီးလီၢ်ဟ့ၣ်န့ၣ် လၢထံယံၤကီၢ်ယံၤမ့ၢ်အဂိာ်မနုၤလဲၣ်. သုတၢ်လုၢ်မ့ၣ်အူ တဘၣ်ဘၣ်ယသးဘၣ်, ဒီးသုလုၢ်တၢ်န့ၣ်ယတအဲၣ်ဒိး ဘၣ်.
21 မၤသးဒ်န့ၣ်ဒီးယွၤစံးဒ်အံၤ, ကွၢ်ကွၢ်, ယကပာ်ခီၣ် ဘၣ်တိၢ်အလီၢ်အံၤလၢပှၤဂီၢ်မုၢ်အံၤအမဲာ်ညါလီၤ. ဒီးပၢ် ဒီးဖိကလီၤဃံၤတပူၤဃီလၢအဖီခိၣ်လီၤ. ဒီးပှၤလၢအ ဃၢၤ, ဒီးအတံၤသကိးကတုၤလၢ တၢ်ဟးဂီၤတပူၤဃီ လီၤ.
22 ယွၤစံးဒ်အံၤ, ကွၢ်ကွၢ်, ပှၤဂီၢ်မုၢ်ကဟဲဝဲလၢကလံၤစိး, ဒီးပှၤတကလုာ်ဖးဒိၣ် ကဂဲၤဆၢထၢၣ်လၢဟီၣ်ခိၣ်အက ပၤလီၤ.
23 ဟံးဃာ်ဝဲဒီးချံၣ်ဧိၤပျၢ်ဧိၤဒီးဘီဧိၤနးဧိၤ, အသူၣ်ကိၤအ သးကိၤ, ဒီးတသးကညီၤဘၣ်တၢ်ဘၣ်. အကလုၢ်သီၣ် ရုၢ်ရုၢ်ဒ်ပီၣ်လဲၣ်အသိးန့ၣ်, ဒီးဒိးကသ့ၣ်, ကတဲာ်ကတီၤ, ဒ်ပှၤသုးဖိအသိး, ထီဒါနၤ, စံယိၣ်အဖိမုၣ်ဧၢ.
25 လဲၤထီၣ်ဆူပျီပူၤတဂ့ၤ, လဲၤတၢ်လၢကျဲမုၢ်တဂ့ၤ, အ ဂ့ၢ်ဒ်အံၤ, တၢ်အဒုၣ်အဒါအနး, တၢ်မၤပျံၤမၤဖုးအိၣ် ကိးပူၤဒဲးလီၤ.
26 ယပှၤဂီၢ်မုၢ်အဖိမုၣ်ဧၢ, ကံၢ်တူာ်နယီၢ်ဒ့လၢထၢၣ်အ တၢ်ကံးညာ်, ဒီးကလိာ်နသးလၢဖၣ်ဆါအကျါ, သူၣ် အုးသးအုးဒ်လၢဖိခွါတဂၤဃီအသိးန့ၣ်, ဟီၣ်ပသူထီၣ် တက့ၢ်. အဂ့ၢ်ဒ်အံၤ, ပှၤမၤဟးဂီၤတၢ်န့ၣ်ကဟဲဘၣ်ပှၤ သတူၢ်ကလာ်လီၤ.
27 ယပာ်နၤလၢပှၤမၤကွၢ်တၢ်ဒီးတိာ်ဧိၤတာ်ဧိၤလၢယပှၤ ဂီၢ်မုၢ်အကျါ, ပှၤခိးတၢ်ဒ်သိးနကသ့ၣ်ညါ, ဒီးမၤကွၢ်အ ကျဲလီၤ.
28 အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဒီးပူထီၣ်ဝဲ, လဲၤတၢ် ဒီးကတိၤခဲၣ်တၢ်လီၤ. မ့ၢ်တိၢ်ဒီးထး, ပှၤမၤဘၣ်အၢတၢ် ကိးဂၤဒဲးလီၤ.
29 ဃိအကလံၤကသုၣ်ထီၣ်, ပှၤလၢာ်လၢမ့ၣ်အူပူၤလံ. ပှၤသိတၢ်ဖိသိဝဲကလီကလီလီၤ. အဂ့ၢ်ဒ်အံၤ, ပှၤတ တီတလိၤဘၣ်န့ၣ်တလီၤဖးဘၣ်.
30 စ့လၢတၢ်ညိကွံာ်အီၤန့ၣ် ပှၤကကိးအီၤလီၤ. အဂ့ၢ်ဒ် အံၤ, ယွၤညိကွံာ်အီၤလီၤ.
7၇
1 ယွၤအကလုၢ်လၢ အဘၣ်စီၤယံးရမံယၤဒီးစံးဝဲဒၣ်, ဆၢထၢၣ်လၢယွၤအဟံၣ်အကျဲစၢၤ, ဒီးကိးထီၣ်ဖဲန့ၣ် လၢတၢ်ကတိၤအံၤ, ဒီးစံး, 2 ကနၣ်ယွၤအကလုၢ်, ပှၤယူ ဒၤဖိလၢအလဲၤနုာ်ပဲတရီအံၤ ဒ်သိးသုကဘါထီၣ်ယွၤ ခဲလၢာ်သ့ၣ်ဧၢ. 3 တၢ်သုးမုၢ်ဂီၢ်မုၢ်အယွၤ, အံၣ်စရ့လး အကစၢ်စံးဒ်အံၤ, မၤဂ့ၤထီၣ်က့ၤသုကျဲဒီးသုမၤတၢ်တ က့ၢ်. 4 ဒီးယကဒုးအိၣ်ဒုးဆိးသုလၢအလီၢ်အံၤလီၤ. သ န့ၤသုသးလၢတၢ်ကတိၤကဘျံးကဘျၣ်လၢအစံး, ယွၤ အနူၢ်, ယွၤအနူၢ်, ယွၤအနူၢ်မ့ၢ်အဝဲအံၤန့ၣ်တဂ့ၤ.
5 အဂ့ၢ်ဒ်အံၤ, သုမ့ၢ်မၤဂ့ၤထီၣ်က့ၤသုကျဲဒီးသုမၤတၢ် ဂ့ၤဂ့ၤကလဲာ်, သုမ့ၢ်မၤတၢ်စံၣ်ညီၣ်ပှၤတဂၤဒီးပှၤလၢ အဃၢၤအကွီၢ်တီတီ, 6 ဒီးသုမ့ၢ်တမၤအၢဘၣ်ပှၤတခီ ဘီမုၢ်ဖိ, ပှၤဖိၣ်ဃဲ, ဒီးပှၤမုၣ်ကမဲ, ဒီးမ့ၢ်တလူလီၤတၢ် သွံၣ် လၢအတၢ်ဒဲးဘးတအိၣ်ဘၣ်ဖဲအံၤ, ဒီးမ့ၢ်တပိာ် ဘၣ်ကစၢ်အဂၤအခံလၢ သုတၢ်အၢဒၣ်သုဝဲအဂီၢ်ဘၣ် ဒီး, 7 ယကဒုးအိၣ်ဒုးဆိးသုလၢအလီၢ်ဖဲအံၤ, လၢကီၢ်ပူၤ လၢယဟ့ၣ်လီၤသုပၢ်လီၤစိၤလီၤထီလီၤ.
8 ကွၢ်ကွၢ်, သုသန့ၤသုသးလၢတၢ်ကတိၤကဘျံးက ဘျၣ်လၢအတဂိာ်တသီၣ်ဘၣ်တၢ်ဘၣ်. 9 မ့ၢ်သုကဟုၣ် တၢ်, ဒီးမၤသံပှၤကညီ, ဒီးအဲၣ်ဘၢမါအဲၣ်ဘၢဝၤဒီးဆိၣ် တၢ်တတီဘၣ်, ဒီးဆိၣ်ကဲၤတၢ်နၢမူလၢဘဧၤလးအဂီၢ်, ဒီးပိာ်ကစၢ်အဂၤတဖၣ်အခံလၢ သုတသ့ၣ်ညါဘၣ် အီၤ, 10 ဒီးဟဲဆၢထၢၣ်လၢယမဲာ်ညါ လၢဟံၣ်ပူၤအံၤ, လၢတၢ်ကိးအီၤလၢယမံၤဒီးစံး, ပပူၤဖျဲးလံ, ဒ်သိးသု ကမၤတၢ်သးဘၢအၢအံၤခဲလၢာ်န့ၣ်ဧါ.
11 ဟံၣ်အံၤလၢတၢ်ကိးအီၤလၢယမံၤ ကဲထီၣ်တမျိၤတ မျၣ်အပူၤလၢသုမဲာ်ညါစ့ၢ်ကီးဧါ. ကွၢ်ကွၢ်, ယဲဒၣ်အံၤ ယထံၣ်စ့ၢ်ကီးလံ, ယွၤစံးဝဲဒၣ်.
12 ဒီးလဲၤတၢ်ဆူယလီၢ်လၢၡံလိၤအပူၤ, ဖဲယပာ်ယမံၤ လၢအခီၣ်ထံး, ဒီးတၢ်လၢယမၤအီၤ, လၢယပှၤဂီၢ်မုၢ်အံၣ် စရ့လးအတၢ်အၢတၢ်သီအဃိန့ၣ်ကွၢ်တက့ၢ်.
13 ဒီးခဲကနံၣ်အံၤ မ့ၢ်သုမၤတၢ်အံၤခဲလၢာ်ဒီး, ယွၤစံးဝဲဒၣ်, ဒီးယကတိၤတၢ်ဒီးသု, ယဂဲၤဆၢထၢၣ်ဂီၤဂီၤ, ဒီးကတိၤ တၢ်, ဒီးသုတကနၣ်ဘၣ်တၢ်ဘၣ်. ဒီးယကိးထီၣ်သု, ဒီးသုတစံးဆၢဘၣ်. 14 မၤသးဒ်န့ၣ်ဒီးယကမၤဟံၣ်အံၤ လၢတၢ်ကိးလၢယမံၤ, ဖဲသုသန့ၤသုသးလၢအီၤ, တၢ် အလီၢ်လၢယဟ့ၣ်လီၤသုဒီးသုပၢ်တဖၣ်န့ၣ်, ဒ်ယမၤၡံ လိၤအသိးန့ၣ်လီၤ. 15 ဒီးယကညိကွံာ်သုလၢယမဲာ်ညါ, ဒ်ယညိကွံာ် သုဒီပုၢ်ဝဲခဲလၢာ်, အ့ဖရဲၣ်အချံအသၣ်ခဲ လၢာ်အသိးန့ၣ်လီၤ.
16 ဒီးနဲဒၣ်အံၤ ဘါထုကဖၣ်န့ၢ်ပှၤဂီၢ်မုၢ်အံၤအဂီၢ်တဂ့ၤ, ဒီးထုထီၣ်တၢ်ကိးပသူထီၣ်, တၢ်ထုကဖၣ်လၢအဂီၢ်တ ဂ့ၤ, ဒီးဃ့ကညးယၤလၢအဂီၢ်တဂ့ၤ, အဂ့ၢ်ဒ်အံၤ, ယ တကနၣ်ဘၣ်နကလုၢ်ဘၣ်.
17 တၢ်လၢအမၤဝဲလၢယူဒၤအခူအဝ့ၢ်, ဒီးလၢယရူၤၡ လ့ၣ်အကျဲပူၤန့ၣ်နတထံၣ်ဘၣ်ဧါ.
18 ဖိဒံဖိသၣ်ထၢဖှိၣ်သ့ၣ်မုၣ်, ဒီးအပၢ်တဖၣ်ဆိၣ်ကဲၤမ့ၣ် အူ, ဒီးပိာ်မုၣ်စံၢ်ကိၣ်သံကစဲာ်လၢ အကမၤကိၣ်ဘ့ၣ် ဘၣ်လၢမူခိၣ်အနီၢ်မၤမုၣ်အဂီၢ်, ဒီးလၢအကလူလီၤ တၢ်လုၢ်အီလၢကစၢ်အဂၤတဖၣ်အဂီၢ်, ဒ်သိးအကထိၣ် ဂဲၤယသးထီၣ်လီၤ.
19 မ့ၢ်အထိၣ်ဂဲၤယသးထီၣ်စ့ၢ်ကီးဧါ, ယွၤစံးဝဲဒၣ်, မၤလီၤ အသးတုၤအပာ်မဲာ်ဆှးအသးန့ၣ် တမ့ၢ်ဘၣ်ဧါ.
20 မၤသးဒ်န့ၣ်ဒီးယွၤစံးဝဲဒ်အံၤ, ကွၢ်ကွၢ်, ယသးထီၣ်, ဒီးယသးကဲၤထီၣ်ကလူလီၤအသးလၢ အလီၢ်အံၤအဖီ ခိၣ်, လၢပှၤကညီအလိၤ, ဒီးလၢဆၣ်ဖိကီၢ်ဖိအလိၤ, ဒီး လၢသ့ၣ်လၢပှၢ်လၢ်ကျါအဖီခိၣ်, ဒီးလၢဟီၣ်ခိၣ်အတၤ သၣ်အဖီခိၣ်လီၤ. ဒီးကအီၣ်ကွံာ်တၢ်, ဒီးတလီၤပံာ်ဘၣ် ဝဲဘၣ်.
21 တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်, စံးဒ်အံၤ, ပာ်ဖှိၣ်သုတၢ်လုၢ်မ့ၣ်အူလၢသုတၢ်လုၢ်အဖီခိၣ်, ဒီးအီၣ် တၢ်ညၣ်တက့ၢ်.
22 အဂ့ၢ်ဒ်အံၤ, မုၢ်တနံၤလၢယဒုးဟဲထီၣ်သုပၢ်လၢကီၢ် အဲၤကူပတူးအပူၤန့ၣ်ယတကတိၤဘၣ်ဒီးအီၤ, ယတမၤ လိာ်ဘၣ်အီၤလၢတၢ်လုၢ်မ့ၣ်အူ, ဒီးတၢ်လုၢ်အဂ့ၢ်အကျိၤ ဘၣ်. 23 မ့မ့ၢ်ယမၤလိာ်အီၤလၢတၢ်အံၤ, ဒီးစံး, ဒိကနၣ် ယကလုၢ်တက့ၢ်. ဒီးယကကဲထီၣ်သုကစၢ်, ဒီးသုကကဲ ထီၣ်ယပှၤဂီၢ်မုၢ်, ဒီးပိာ်ကျဲခဲလၢာ်လၢယမၤလိာ်သုဒ် သိးတၢ်ကဂ့ၤလၢသုဂီၢ်တက့ၢ်.
24 ဘၣ်ဆၣ်ဒီးတကနၣ်ဘၣ်ဒီးတဒိးအနၢ်ဘၣ်, လဲၤတၢ် ဖဲအသးအၢအနၢ်က့ၣ်အတၢ်ကူၣ်ထီၣ်ဖးလီၤအပူၤ, ဒီး ဂုၤက့ၤအခံ, ဒီးတလဲၤလၢညါဘၣ်.
25 လၢမုၢ်တနံၤလၢသုပၢ်ဟးထီၣ်လၢ အဲၤကူပတူးလံၤ လံၤန့ၣ် တုၤမုၢ်မဆါတနံၤအံၤ, ယမၢလီၤယခ့ယပှၤ ဝံတဖၣ်, ယဂဲၤဆၢထၢၣ်ဂီၤဂီၤကိးမုၢ်နံၤဒဲး, ဒီးယမၢ လီၤအီၤလီၤ. 26 ဘၣ်ဆၣ်ဒီးတကနၣ်ဘၣ်ယကလုၢ်ဘၣ်. မ့ၢ်အပာ်ဆူၣ်အကိာ်, တဒိးဘၣ်အနၢ်ဘၣ်, မၤဝဲနးန့ၢ် အပၢ်တက့ၢ်လီၤ.
27 ဒီးတုၤနကတိၤတၢ်ကတိၤခဲလၢာ်အံၤလၢအီၤဒီး, တ ကနၣ်ဘၣ်နကလုၢ်ဘၣ်, ဒီးတုၤနကိးအီၤဒီး, တစံးဆၢ ဘၣ်နၤဘၣ်. 28 မၤသးဒ်န့ၣ်ဒီးနဘၣ်စံးလၢအီၤ, အအံၤ မ့ၢ်ပှၤတကလုာ်လၢ အတဒိကနၣ်ဘၣ်ယွၤအကစၢ်အ ကလုၢ်ဘၣ်, ဒီးတတူၢ်လိာ်ဘၣ်တၢ်သိၣ်က့ၤဘၣ်. တၢ် မ့ၢ်တၢ်တီဟါမၢ်လံ, ဒီးဘၣ်ဒီၣ်တဲာ်ကွံာ်လၢအထးခိၣ် လံ.
29 တံာ်တဲာ်နခိၣ်သူ, ဒီးကွံာ်တ့ၢ်ကွံာ်အီၤတက့ၢ်. ဒီးဟီၣ် တၢ်ယၢၤတၢ်လၢတၢ်အလီၢ်ထီၣ်ထီအဖီခိၣ်တက့ၢ်. အ ဂ့ၢ်ဒ်အံၤ, ယွၤညိကွံာ်, ဒီးကွံာ်တ့ၢ်ကွံာ်ပှၤတစိၤလၢအ သးထီၣ်ဘၣ်အီၤလီၤ.
30 အဂ့ၢ်ဒ်အံၤ, ပှၤယူဒၤဖိမၤတၢ်အၢလၢယမဲာ်ညါ, ယွၤ စံးဝဲဒၣ်, ပာ်အတၢ်သးဘၣ်အၢတဖၣ်န့ၣ်လၢဟံၣ်ပူၤလၢ တၢ်ကိးအီၤလၢယမံၤ, ဒ်သိးအကမၤဘၣ်အၢအီၤလီၤ.
31 ဒီးမၤထီၣ်တိဖ့းအလီၢ်ထီၣ်ထီတဖၣ်လၢ အအိၣ်ဝဲလၢ ဟံၣ်နိၣ်အဖိခွါအကစၢၢ်ကဆူး ဒ်သိးအကဆူးကွံာ်အ ဖိခွါဒီးအဖိမုၣ်လၢမ့ၣ်အူ, လၢယတမၤလိာ်ဘၣ်ယဲ, ဒီး တအိၣ်ထီၣ်ဘၣ်လၢယသးကံၢ်ပူၤဘၣ်.
32 မၤသးဒ်န့ၣ်ဒီးကွၢ်ကွၢ်, မုၢ်နံၤတဖၣ်ကဘၣ်, ယွၤစံးဝဲ ဒၣ်, တိဖ့းမ့ၢ်ဂ့ၤ, ဟံၣ်နိၣ်အဖိခွါအစၢၢ်ကဆူးမ့ၢ်ဂ့ၤ, တၢ် တကိးလၢၤဘၣ်ဝဲဘၣ်. မ့ၢ်တၢ်မၤသံတၢ်အကစၢၢ်က ဆူးလီၤ. အဂ့ၢ်ဒ်အံၤ, ပှၤကခူၣ်လီၤကွံာ်တၢ်လၢတိဖ့း အပူၤတုၤအလီၢ်တအိၣ်လၢၤဘၣ်.
33 ဒီးပှၤဂီၢ်မုၢ်အံၤအစိၣ်တဖၣ် ကကဲထီၣ်တၢ်အီၣ်လၢမူ ကပိာ်လိၤအထိၣ်ဧိၤလံၣ်ဧိၤအဂီၢ်, ဒီးဟီၣ်ခိၣ်အဆၣ်ဖိ ကီၢ်ဖိအဂီၢ်, ဒီးတၢ်တဃါကွံာ်ဘၣ်အီၤဘၣ်.
34 ဒီးယကဒုးအိၣ်ဘှီၣ်တၢ်သူၣ်ဖှံသးညီအသီၣ်, ဒီးတၢ် သူၣ်ခုသးခုအသီၣ်, တလးမူးပိာ်ခွါအကလုၢ်, ဒီးတလး မူးပိာ်မုၣ်အကလုၢ်လၢယူဒၤအဝ့ၢ်တဖၣ်အပူၤ, ဒီးလၢ ယရူၤၡလ့ၣ်အကျဲပူၤ, ဒီးထံဧိၤကီၢ်ဧိၤကအိၣ်သယုၢ်လီၤ.
8၈
1 အကတီၢ်ဖဲန့ၣ်ယွၤစံးဝဲဒၣ်, ပှၤကဟဲစိာ်ယူဒၤအစီၤ ပၤတဖၣ်အဃံ, ဒီးအပဒိၣ်ဖးဒိၣ်တဖၣ်အဃံ, ဒီးပှၤလုၢ် တၢ်အဒိၣ်အဃံ, ဒီးဝံတဖၣ်အဃံ, ဒီးပှၤယရူၤၡလ့ၣ်ဖိ တဖၣ်အဃံလၢအသွၣ်ခိၣ်အပူၤလီၤ. 2 ဒီးကဒါလီၤအီၤ လၢမုၢ်အမဲာ်ညါ, ဒီးလါအမဲာ်ညါ, ဒီးမူခိၣ်အသုးမုၢ်ဂီၢ် မုၢ်အမဲာ်ညါလၢအအဲၣ်တ့ၢ်ဝဲ, လၢအမၤအတၢ်, လၢအ အပိာ်အခံ, လၢအဃုဝဲ, ဒီးလၢအဘူၣ်ဝဲဘါဝဲလီၤ. ဒီး တၢ်တထၢဖှိၣ်ဘၣ်အီၤဘၣ်, ဒီးတၢ်တခူၣ်လီၤကွံာ်ဘၣ် အီၤဘၣ်. ကအိၣ်ဝဲဒ်တၢ်အ့ၣ်အသိးန့ၣ်လၢ ဟီၣ်ခိၣ် ချၢလီၤ. 3 ဒီးပှၤလၢအအိၣ်လီၤတဲာ်လၢ ပှၤအၢတစိၤအံၤ အကျါလၢအအိၣ်လီၤတဲာ်လၢအလီၢ်ပူၤခဲလၢာ် ဖဲယ ဟီထီၣ်ကွံာ်အီၤခဲလၢာ်န့ၣ် ကဃုထၢတၢ်သံအါန့ၢ်တၢ် မူတက့ၢ်လီၤ, တၢ်သုးမုၢ်ဂီၢ်မုၢ်အယွၤစံးဝဲဒၣ်.
4 ဒီးနဘၣ်စံးလၢအီၤ, ယွၤစံးဒ်အံၤ, ကလီၤဃံၤ, ဒီးတ ဂဲၤဆၢထၢၣ်က့ၤဘၣ်ဧါ. ကဃၣ်ကွံာ်အသးဒီးတဟဲ က့ၤဘၣ်ဧါ. 5 ယရူၤၡလ့ၣ်အပှၤဂီၢ်မုၢ်အသးဟးဂီၤဒၣ် တၢ်ဒီး အသးဟးဂီၤတထံၣ်ဃီန့ၣ်မ့ၢ်အဘၣ်မနုၤလဲၣ်. ဟံးဃာ်ဝဲလၢလီတၢ်, ဟဲက့ၤန့ၣ်အသးတအိၣ်ဘၣ်.
6 ယကနၣ်တၢ်, ဒီးယနၢ်ဟူတၢ်, ဒီးတကတိၤဘၣ်ဝဲ လၢအတီအလိၤဘၣ်, ပှၤတပီၢ်ယၢ်လီၤက့ၤအသးလၢ တၢ်အၢဘၣ်. ဒီးယမၤမနုၤလဲၣ်န့ၣ် တစံးဘၣ်ဝဲဘၣ်. ပှၤဃၣ်ဃီၤအသးဆူအကျဲဒၣ်ဝဲကိးဂၤဒဲး, ဒ်ကသ့ၣ်ဃ့ၢ် သဖှိဆူဒုးသုးအပူၤအသိးန့ၣ်လီၤ. 7 မ့ၢ်မးထိၣ်ဒိၣ်လၢ မူကပိာ်လိၤန့ၣ် သ့ၣ်ညါအကတီၢ်, ဒီးထိၣ်လွံၢ်, ဒီးထိၣ် ဘျ့ၣ်ဘျီၣ်ဧိၤ, ဒီးထိၣ်ကၠိကၠၣ်န့ၣ်တိၢ်န့ၢ်အဆၢကတီၢ် လၢအကဟဲလီၤ. မ့မ့ၢ်ယပှၢ်ဂီၢ်မုၢ်တသ့ၣ်ညါဘၣ်ယွၤ အတၢ်စံၣ်ညီၣ်ဘၣ်. 8 ပကူၣ်တၢ်သ့, ဒီးယွၤအတၢ်သိၣ်တၢ်သီအိၣ်ဝဲဒီးပှၤန့ၣ်သုကစံးဒ်လဲၣ်. ကွၢ်ကွၢ်, မၤဝဲကလီကလီလီၤ. ပှၤကွဲးဆဲလံာ်အနီၣ်ကွဲးတၢ်န့ၣ် အိၣ်ဝဲကလီကလီလီၤ.―
9 ပှၤကူၣ်တၢ်သ့န့ၣ်အမဲာ်ဆှးလီၤ. အသးကတုၤ, ဒီးဘၣ် တၢ်ဖီၣ်န့ၢ်အီၤလီၤ. ကွၢ်ကွၢ်, တပးကဲဘၣ်ယွၤအအ လုၢ်ဘၣ်. မၤသးဒ်န့ၣ်ဒီးတၢ်ကူၣ်သ့အိၣ်ဝဲလၢအပူၤမ နုၤလဲၣ်.
10 မၤသးဒ်န့ၣ်ဒီးယကဟ့ၣ်အမါလၢပှၤဂၤ, အဟီၣ်ခိၣ် အကဝီၤတဖၣ်လၢပှၤလၢအကန့ၢ်သါအီၤလီၤ. အဂၢ်ဒ် အံၤ, လၢအဆံးပၢၢ်လၢအဒိၣ်န့ၣ် သးကွံတၢ်ကိးဂၤဒဲး လီၤ. လၢဝံဧိၤမီၣ်ဧိၤပၢၢ်လၢပှၤလုၢ်တၢ်အဒိၣ်န့ၣ်မၤဝဲဒီး လီတၢ်ကိးဂၤဒဲးလီၤ. 11 အဂ့ၢ်ဒ်အံၤ, မၤဘျါက့ၤယပှၤ ဂီၢ်မုၢ်အဖိမုၣ်အပူၤလီၢ်ကလီကလီ, ဒီးစံး, တၢ်အမုာ်, တၢ်အမုာ်, ဒီးတၢ်အမုာ်တအိၣ်ဘၣ်. 12 တုၤအမၤတၢ်သး ဘၣ်အၢဒီး, မ့ၢ်အမဲာ်ဆှးစ့ၢ်ကီးဧါ. အမဲာ်တဆှးဘၣ်လ့ၤ တက့ၤဘၣ်. တသ့ၣ်ညါဘၣ်တၢ်မဲာ်ဆှးဘၣ်. မၤသးဒ် န့ၣ်ဒီး ကလီၤဃံၤဝဲလၢပှၤလၢအလီၤဃံၤတဖၣ်အကျါ လီၤ. အဆၢကတီၢ်လၢတၢ်အအိၣ်သကိးအီၤန့ၣ် အ ခီၣ်ကဘၣ်တိၢ်လီၤ, ယွၤစံးဝဲဒၣ်. 13 မ့ၢ်မးယကမၤလၢာ် ကွံာ်အီၤစီဖ့ကလ့ၤ, ယွၤစံးဝဲဒၣ်. စပံးသၣ်တအိၣ်ဘၣ် လၢစပံးမုၢ်အလိၤ, ချၢၣ်ဒၢသၣ်တအိၣ်ဘၣ်လၢသ့ၣ် ချၢၣ်ဒၢအလိၤဘၣ်, ဒီးအလၣ်ကဃ့ထီၣ်, ဒီးတၢ်လၢယ ဟ့ၣ်အီၤတဖၣ်န့ၣ်ကလဲၤပူၤကွံာ်အီၤလီၤ.
14 ပဆ့ၣ်နီၤအိၣ်ဃိကလာ် မ့ၢ်အဘၣ်အနုၤလဲၣ်. အိၣ်ဖှိၣ် ရိဖှိၣ်, ဒီးလဲၤနုာ်သကိးဝ့ၢ်အိၣ်ဒီးအခိၣ်ဒူ, ဒီးအိၣ်ဘှီၣ် ကလာ်သကိးဖဲန့ၣ်တက့ၢ်. အဂ့ၢ်ဒ်အံၤ, ယွၤပကစၢ်ဒုး အိၣ်ဘီှၣ်ပှၤ, ဒီးဟ့ၣ်အီပှၤလၢစုၣ်ထံလီၤ. အဂ့ၢ်ဒ်အံၤ, ပ မၤကမၣ်ဘၣ်ယွၤလီၤ. 15 ပကွၢ်လၢ်တၢ်ဃူတၢ်ဖိးအကျဲ, ဒီးတၢ်အဂ့ၤတဟဲဘၣ်. လၢတၢ်မၤဘျါက့ၤအကတီၢ်, ဒီးကွၢ်ကွၢ်, တၢ်မၤပျံၤမၤဖုးတၢ်လီၤ.
16 အကသ့ၣ်သီၣ်ထီၣ်န့ၣ် ဟူထီၣ်ဝဲလၢဒၣ်, ဒီးကီၢ်ဟူး ဝးဝဲဒီဘ့ၣ်ညါလၢအတၢ်ဆူၣ်တဖၣ် အကဟံာ်ကဟဲး အသီၣ်ဟဲဝဲအဃိလီၤ. အဂ့ၢ်ဒ်အံၤ, ဟဲဝဲဒီးအီၣ်ကွံာ်ကီၢ်, ဒီးကယဲၢ်တၢ်အိၣ်ဝဲလၢအပူၤ, ဝ့ၢ်န့ၣ်ဒီးပှၤလၢအအိၣ် အဆိးလၢအပူၤလီၤ. 17 အဂ့ၢ်ဒ်အံၤ, ကွၢ်ကွၢ်, ယကမၢလီၤ ဂုၢ်ဧိၤဒးဧိၤ, ဂုၢ်မိာ်အိးဆူသုကျါလၢပှၤမၤအီၤလၢတၢ် အူတၢ်သမူတသ့ဘၣ်. ဒီးကဖျးသု, ယွၤစံးဝဲဒၣ်.
18 မ်တၢ်မၤမုာ်ထီၣ်က့ၤယၤလၢ ယသူၣ်အုးသးအုးတက့ၢ်. ယသးလီၤဘှါလၢယပူၤလီၤ. ကွၢ်ကွၢ်, ယပှၤဂီၢ်မုၢ်အဖိ မုၣ်အကိးပသူထီၣ်လၢထံယံၤကီၢ်ယံၤလီၤ. ယွၤအိၣ်ဝဲ လၢစံယိၣ်အပူၤတမ့ၢ်ဘၣ်ဧါ. အစီၤပၤအိၣ်ဝဲလၢအပူၤ တမ့ၢ်ဘၣ်ဧါ.
19 မၤသးထီၣ်ယၤလၢအတၢ်ဂီၤတၢ်ဖီၣ်, လၢပှၤတခီဘီ မုၢ်ဖိအတၢ်ကလီကလီန့ၣ်မ့ၢ်အဘၣ်မနုၤလဲၣ်.
20 တၢ်ကူးဘုအကတီၢ်ပူၤကွံာ်လံ. တၢ်ကိၢ်အကတီၢ် လၢာ်လံ. ဒီးပတတုၤဒံးဘၣ်လၢတၢ်အုၣ်က့ၤခီၣ်က့ၤ ဘၣ်. လၢယပှၤဂီၢ်မုၢ်အဖိမုၣ်ဘၣ်ဒိဆါအဃိန့ၣ် ယဘၣ် ဆါယဲလီၤ. ယသူၣ်အုးသးအုး, ယသးကတုၤလီၤ
22 သ့ၣ်စရံအထုးတအိၣ်ဘၣ်လၢ ကံးလဧးအပူၤဘၣ်ဧါ. ကသံၣ်သရၣ်တအိၣ်ဘၣ်ဖဲန့ၣ်ဧါ. မ့မ့ၢ်ဒ်န့ၣ်ဒီးယပှၤ ဂီၢ်မုၢ်အဖိမုၣ်အတၢ်ဆါတဘျါက့ၤဘၣ်န့ၣ် မ့ၢ်အဘၣ် မနုၤလဲၣ်.
9၉
1 အိ, မ်ယခိၣ်မ့ၢ်ထံဧိၤနိဧိၤ, ဒီးယမဲာ်ထံအထံထီၣ်ပၢၢ် တက့ၢ်. မ့မ့ၢ်ဒ်န့ၣ်ဒီးယမဲာ်ထံကလီၤလၢမုၢ်ဆါဆဲးလၢ မုၢ်နၤလၢပှၤဘၣ်တၢ်မၤသံအီၤဘၣ်ဃးဒီး ယပှၤဂီၢ်မုၢ် အဖိမုၣ်န့ၣ်လီၤ. 2 မ်ယအိၣ်ဒီးသရိာ်တဖျၢၣ်လၢ ပှၤတမှံၤအဂီၢ်လၢပှၢ်မုၢ်ကနၢ, ဒ်သိးယကလဲၤသဒၣ်ယပှၤဂီၢ်မုၢ်, ဒီးဟးထီၣ်ကွံာ်လၢအအိၣ်န့ၣ်တက့ၢ်. အဂ့ၢ်ဒ်အံၤ, မ့ၢ်ဝဲပှၤအဲၣ်ဘၢမါအဲၣ်ဘၢဝၤခဲလၢာ်, ပှၤလီတၢ်အတၢ်အိၣ်ဖှိၣ်လီၤ.― 3 ဘိးထီၣ်အပျ့ၤ, ဒ်အချံၣ်အသိးလၢလီတၢ်အဂီၢ်, ဒီးတပာ်ခူတလ့ၢ်အသးလၢ တၢ်မ့ၢ်တၢ်တီအဂီငလၢကီၢ်ပူၤဘၣ်. အဂ့ၢ်ဒ်အံၤ, လဲၤတၢ်လၢတၢ်အၢဆူတၢ်အၢ, ဒီးတ သ့ၣ်ညါဘၣ်ယၤဘၣ်, ယွၤစံးဝဲဒၣ်. 4 ပလီၢ်သုသးကိး ဂၤဒဲးလၢသုတံၤသကိးတက့ၢ်. ဒီးသန့ၤသုသးလၢသုဒီ ပုၢ်ဝဲၢ်နီတဂၤတဂ့ၤ. အဂ့ၢ်ဒ်အံၤ, ကယဲၢ်ဒီပုၢ်ဝဲၢ်တဂၤလၢ် လၢ်န့ၣ်ကလီတၢ်သပှၢ်တၢၢ်, ဒီးကယဲၢ်ပှၤတံၤပှၤသကိးတဂၤလၢ်လၢ်န့ၣ် ကလဲၤကတိၤခဲၣ်တၢ်လီၤ.― 5 ဒီးက ယဲၢ်ပှၤလီန့ၢ်ပှၤလၢအဃၢၤ, ဒီးတကတိၤဘၣ်တၢ်မ့ၢ် တၢ်တီဘၣ်. သိၣ်လိအပျ့ၤဒ်သိးအကကတိၤတၢ်ကဘျံးကဘျၣ်, မၤတၢ်အၢတုၤတၢ်ဘှံးအသးလီၤ. 6 ― နအိၣ်န ဆိးအလီၢ်န့ၣ်အိၣ်ဝဲလၢလီတၢ်အကျါလီၤ. မ့ၢ်အလီ တၢ်အဃိဒီးသ့ၣ်ညါယၤအံၤ အသးတအိၣ်ဘၣ်, ယွၤစံး ဝဲဒၣ်.
7 မၤသးဒ်န့ၣ်ဒီး တၢ်သုးမုၢ်ဂီၢ်မုၢ်အယွၤစံးဝဲဒ်အံၤ, ကွၢ် ကွၢ်, ယကပှံၢ်အီၤ, ဒီးမၤကွၢ်အီၤလီၤ. အဂ့ၢ်ဒ်အံၤ, လၢ ယပှၤဂီၢ်မုၢ်အဖိမုၣ်အဂီၢ်န့ၣ် ယကမၤတၢ်အဂုၤအဂၤ သ့ဒ်လဲၣ်. 8 အပျ့ၤမၤသးဒ်ပျၢ်ခးမၤသံတၢ်အသိးန့ၣ် လီၤ. ကတိၤလီတၢ်လီၤ. ပှၤကတိၤတၢ်ဃူတၢ်ဖိး, ဒီးအ ပှၤလၢအဃၢၤလၢအထးခိၣ်လီၤ. မ့မ့ၢ်လၢအသးကံၢ်ပူၤ န့ၣ်ခိးခူသူၣ်လၢအဂီၢ်လီၤ. 9 ယတအိၣ်သကိးဘၣ်အီၤ လၢတၢ်တဖၣ်န့ၣ်အဃိဘၣ်ဧါ. ယွၤစံးဝဲဒၣ်, ယသးက မၤဆၢတၢ်အၢလၢပှၤကလုာ်ဒ်အံၤသိး, တမ့ၢ်ဘၣ်ဧါ.
10 ယမဲာ်ထံကလီၤ, ဒီးယကဟီၣ်လၢကစၢၢ်ကလိအ ဃိ, ဒီးယကဟီၣ်လၢပှၢ်လၢ်ကျါအအီၣ်ဆၣ်အလီၢ်အ ဃိလီၤ. အဂ့ၢ်ဒ်အံၤ, မ့ၣ်အူအီၣ်ကွံာ်အီၤတုၤပှၤလဲၤခီ ဂာ်အီၤတသ့ဘၣ်. ဒီးဆၣ်ဖိကီၢ်ဖိအဒၢအကိးတၢ်န့ၣ် တဟူထီၣ်လၢၤဘၣ်. ဒီးလၢထိၣ်လၢမူကပိာ်လိၤပၢၢ် လၢဆၣ်ဖိကီၢ်ဖိန့ၣ်ဟးကွံာ်လံ, လၢာ်ကွံာ်လံ.
11 ဒီးယကမၤယရူၤၡလ့ၣ်လၢတၢ်ပူတဖၣ်, ထွံၣ်ဟီၣ်ခိၣ်အအိၣ်အလီၢ်, ဒီးယကမၤသယုၢ်ယူဒၤအဝ့ၢ်တဖၣ်တုၤ ပှၤအိၣ်ဝဲဆိးဝဲလၢအပူၤတအိၣ်ဘၣ်.
12 ပှၤကူၣ်တၢ်သ့လၢ အနၢ်ပၢၢ်တၢ်အံၤမ့ၢ်မတၤတဂၤ လဲၣ်. ဒီးပှၤလၢယွၤအထးခိၣ်ကတိၤလံတၢ်ဒီးအီၤ, ဒ်သိး အကဒုးနဲၣ်ဝဲန့ၣ် မ့ၢ်မတၤတဂၤလဲၣ်. ကီၢ်ဟးဂီၤ, မ့ၣ်အူ အီၣ်ကွံာ်အီၤဒ်ပှၢ်မုၢ်ကနၢအသိးန့ၣ် တုၤပှၤတလဲၤခီဂာ် ဘၣ်အီၤန့ၣ်မ့ၢ်အဘၣ်မနုၤလဲၣ်.
13 ဒီးယွၤစံးဝဲဒၣ်, မ့ၢ်အလဲၤသဒၣ်ယတၢ်သိၣ်တၢ်သီလၢ ယပာ်လီၤလၢအမဲာ်ညါ, ဒီးတဒိကနၣ်ဘၣ်ယကလုၢ်, ဒီးတလဲၤဘၣ်လၢအပူၤဘၣ်. 14 မ့ၢ်အလဲၤထွဲအသးဒၣ် ဝဲအနၢ်က့ၣ်အခံ, ဒီးလဲၤထွဲဘဧၤလးတဖၣ်အခံ လၢ အပၢ်သိၣ်သိအီၤလီၤ.
15 မၤသးဒ်န့ၣ်ဒီး တၢ်သုးမုၢ်ဂီၢ်မုၢ်အယွၤအံၣ်စရ့လးအ ကစၢ်စံးဝဲဒၣ်, ကွၢ်ကွၢ်, ယကဒုးအီၣ်ပှၤဂီၢ်မုၢ်အံၤလၢ သဘူးအပၤစံၣ်တူး, ဒီးဒုးအီအီၤလၢစုၣ်ထံလီၤ.
16 ယကမၤလီၤပြံလီၤပြါအီၤလၢ ပှၤကလုာ်တဖၣ်အကျါ လၢအဝဲသ့ၣ်မ့ၢ်ဂ့ၤ, ဒီးအပၢ်တဖၣ်မ့ၢ်ဂ့ၤတသ့ၣ်ညါဘၣ် အီၤဘၣ်. ဒီးယကမၢနးတဘ့ၣ်လဲၤပိာ်အခံတုၤယမၤ လၢာ်ကွံာ်အီၤလီၤ. 17 တၢ်သုးမုၢ်ဂီၢ်မုၢ်အယွၤစံးဒ်အံၤ, ဆိကမိၣ်တၢ်ဒီးကိးန့ၢ်ပိာ်မုၣ်လၢအဟီၣ်တၢ်ဒ်သိးအကဟဲ, ဒီးမၢလီၤတၢ်ဆူပှၤမၤတၢ်သ့ပိာ်မုၣ်အအိၣ်, ဒ်သိးအကဟဲတက့ၢ်.―
18 ဒီးမ်အမၤတၢ်ချ့ချ့, ဒီးဟီၣ်လၢပဃိဒ်သိးပမဲာ်ထံကယွၤ လီၤ, ဒီးပမဲာ်ထံဟဲဖျိးထီၣ်လၢပမဲာ်ဖံးန့ၣ်တက့ၢ်.
19 မ့ၢ်မးတၢ်ဟီၣ်အသီၣ်ဟူထီၣ်ဝဲလၢ စံယိၣ်အပူၤလီၤ. ပဘၣ်တၢ်မၤဆူၣ်န့ၢ်ပှၤဆံးဒိၣ်လဲၣ်. ပပာ်ဆှးပမဲာ်ဒိၣ် မးလီၤ. အဂ့ၢ်ဒ်အံၤ, ပဟးထီၣ်လၢကီၢ်ပူၤလီၤ. မ့ၢ်ပှၤမၤ လီၤပှီၢ်ကွံာ်ပဟံၣ်အဂ့ၢ်လီၤ. 20 ပိာ်မုၣ်သ့ၣ်ဧၢ, ကနၣ် ယွၤအကလုၢ်, ဒီးဒုးနၢ်ဟူသုနၢ်လၢ အထးခိၣ်အတၢ် ကတိၤ, ဒီးသိၣ်လိသုဖိမုၣ်လၢ အကဟီၣ်ဝဲတက့ၢ်. ဒီးမ် ပှၤသိၣ်လိတဂၤအဂိၤမီၣ်, တဂၤအဂိၤမိၣ်လၢဟီၣ်တၢ် ယၢၤတၢ်တက့ၢ်. 21 အဂ့ၢ်ဒ်အံၤ, တၢ်သံဟဲနုာ်လၢပ တၢ်ထူၣ်ဖျိ, ဟဲနုာ်လၢပနူၢ်တဖၣ်အပူၤ, ဒီးဒီၣ်တဲာ်ဖိ ဒံဖိသၣ်လၢခိ, ဒီးပှၤဖိၣ်သၣ်ခွါလၢကျဲမုၢ်ဖးလဲၢ်အပူၤ န့ၣ်လီၤ.
22 စံး, ယွၤစံးဒ်အံၤ, ပှၤကညီအစိၣ်တဖၣ်ကလီၤဃံၤဒ် တၢ်အ့ၣ်လၢတၢ်ပျီပူၤအသိး, ဒီးဒ်ဘုတစံၢ်လၢပှၤကူး ဘုဖိအလီၢ်ခံ, လၢပှၤတထၢထီၣ်ဘၣ်နီတဂၤဘၣ်အ သိးန့ၣ်လီၤ.
23 ယွၤစံးဒ်အံၤ, ပှၤကူၣ်တၢ်သ့န့ၣ် မ်အသုတစံးထီၣ်ပ တြၢၤလီၤအသးလၢအတၢ်ကူၣ်သ့အဃိတဂ့ၤ. ဒီးပှၤလၢ အဂံၢ်ဆူၣ်အဘါဆူၣ်န့ၣ် မ်အသုတစံးထီၣ်ပတြၢၤလီၤ အသးလၢအဂံၢ်အဘါအဃိတဂ့ၤ. ဒီးပှၤအထူးအတီၤ န့ၣ် မ်အသုတစံးထီၣ်ပတြၢၤလီၤအသးလၢအတၢ်ထူး တၢ်တီၤအဃိတဂ့ၤ.
24 မ့မ့ၢ်ပှၤလၢအစံးထီၣ်ပတြၢၤလီၤအသးန့ၣ် မ်အစံးထီၣ် ပတြၢၤလီၤအသးလၢအအံၤအဃိ, လၢအနၢ်ပၢၢ်ဒီးသ့ၣ် ညါယၤလၢအမ့ၢ်ယွၤလၢအမၤတၢ်ဘျုးတၢ်ဖှိၣ်, ဒီးတၢ် စံၣ်ညီၣ်တီ, ဒီးတၢ်တီတၢ်လိၤလၢဟီၣ်ခိၣ်ချၢန့ၣ်တ က့ၢ်. အဂ့ၢ်ဒ်အံၤ, ဘၣ်ယသးလၢတၢ်န့ၣ်တဖၣ်လီၤ, ယွၤစံးဝဲဒၣ်.
25 ယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲလၢယကအိၣ် သကိးကယဲၢ်ပှၤဒိးတၢ်ကူတရံးအိၣ်ဝဲဒီး ပှၤလၢအတ ဒိးဘၣ်တၢ်ကူးတရံးအတၢ်ဒဲးဘး, 26 အဲၤကူပတူး, ဒီးယူ ဒၤ, ဒီးအဒိၣ်, ပှၤဧၤမိၣ်ဖိ, ဒီးပှၤမိၤအးဖိ, ဒီးပှၤလၢအ လူၤအခၣ်ဆူၣ်အနၢၣ်တဖၣ် လၢအအိၣ်ဝဲဆိးဝဲလၢပှၢ် မုၢ်ကနၢလီၤ. အဂ့ၢ်ဒ်အံၤ, ပှၤကလုာ်ခဲလၢာ်န့ၣ်တဒိး ဘၣ်တၢ်ကူးတရံးဘၣ်, ဒီးအံၣ်စရ့လး အပှၤဟံၣ်ဖိခဲ လၢာ်တဒိးဘၣ် တၢ်ကူးတရံးလၢ အသးကံၢ်ပူၤဘၣ် လီၤ.
10၁၀
1 ဒိကနၣ်တၢ်ကတိၤလၢယွၤကတိၤတၢ်ဒီးသု, အံၣ်စ ရ့လးအပှၤဟံၣ်ဖိသ့ၣ်ဧၢ, ယွၤစံးဒ်အံၤ, 2 မၤလိပှၤက လုာ်တဖၣ်အကျဲတဂ့ၤ. ဒီးမူခိၣ်အတၢ်လီၤလးန့ၣ်ပှၤ ကလုာ်တဖၣ်ပျံၤအီၤနာ်သက့ဒီး, ပျံၤသုဝဲတဂ့ၤ.
3 အဂ့ၢ်ဒ်အံၤ, ပှၤဂီၢ်မုၢ်အလုၢ်အလၢ်န့ၣ်မ့ၢ်တၢ်ကလီက လီလီၤ. အဂ့ၢ်ဒ်အံၤ, ကူာ်လီၤဝဲလၢသ့ၣ်တထူၣ်လၢပှၢ် ကျါ, ပှၤမၤတၢ်သ့ဖိအစုစိးဝဲလၢကွါလီၤ. 4 ဒီးကယၢ ကယဲဝဲလၢကျိၣ်ဧိၤစ့ဧိၤ, ဒီးထူဧိၤလွဲဧိၤ, မၤဃာ်ဝဲလၢ ပနဲာ်ထးဒီးခံၣ်ခူၣ်, ဒ်သိးအသုးတဟူးဝးတဂ့ၤ. 5 အိၣ် ထူၣ်ကလာ်ဒ်သ့ၣ်စူၣ်ပလိၣ်အသိးဘၣ်ဆၣ်ဒီး, ကတိၤ တၢ်တသ့ဘၣ်, ပှၤဘၣ်စိာ်အီၤလီၤ. အဂ့ၢ်ဒ်အံၤ, လဲၤ တၢ်တသ့ဘၣ်. ပျံၤအီၤတဂ့ၤ. အဂ့ၢ်ဒ်အံၤ, မၤအၢတၢ် တသ့ဘၣ်, ဒီးမၤဂ့ၤတၢ်န့ၣ်တသ့စ့ၢ်ကီးဘၣ်.
6 မ့ၢ်မးတၢ်လီၤဂာ်လၢနၤတအိၣ်ဘၣ်, ယွၤဧၢ, နမ့ၢ်တၢ် အဒိၣ်, ဒီးနမံၤဒိၣ်ဝဲလၢတၢ်အစိကမီၤအဃိလီၤ. 7 ပှၤ လၢအတပျံၤဘၣ်နၤ, ပှၤကလုာ်တဖၣ်အစီၤပၤဧၢ, မ့ၢ်မ တၤတဂၤလဲၣ်. အဂ့ၢ်ဒ်အံၤ, တၢ်ပျံၤကြၢးဒီးနၤလီၤ. အဂ့ၢ် ဒ်အံၤ, လၢပှၤကူၣ်တၢ်သ့ခဲလၢာ်လၢပှၤကလုာ်တဖၣ် အကျါ, ဒီးလၢအဘီအမုၢ်ခဲလၢာ်အပူၤန့ၣ် တၢ်လီၤ ဂာ်ဒီးနၤတအိၣ်ဘၣ်. 8 မ့မ့ၢ်အဝဲသ့ၣ်တဖၣ်န့ၣ်မ့ၢ်ပှၤဒ် ဆၣ်ဖိကီၢ်ဖိအသိး, ဒီးပှၤဟးဂီၤဖိတပူၤဃီလီၤ. သ့ၣ်အ ထူၣ်ဒၣ်လဲာ်န့ၣ် မ့ၢ်တၢ်သိၣ်က့ၤသီက့ၤအတၢ်ကလီ ကလီလီၤ. 9 စ့ပိာ်ဘ့ၣ်ဘၣ်အသးန့ၣ် ပှၤဟဲစိာ်ဝဲလၢ တၢ်ၡံၣ်, ဒီးထူလၢအူဖစးန့ၣ်, ပှၤမၤတၢ်ဖိ, ဒီးပှၤသိတၢ် ဖိအစုမၤတၢ်လီၤ. တၢ်လါဒီးတၢ်လုးတကုာ်မ့ၢ်အကူ အသိးလီၤ. တၢ်ခဲလၢာ်န့ၣ်မ့ၢ်ပှၤမၤတၢ်သ့အတၢ်မၤ လီၤ. 10 မ့မ့ၢ်ယွၤမ့ၢ်ကစၢ်အမ့ၢ်အတီလီၤ. အဝဲဒၣ်မ့ၢ် ကစၢ်လၢအမူဝဲ, ဒီးစီၤပၤအထူအယိာ်လီၤ. ဟီၣ်ခိၣ် ကဟူးဝးလၢအသးထီၣ်အဃိ, ဒီးပှၤကလုာ်တဖၣ်အိၣ် ဝဲလၢအသးကဲၤထီၣ်အမဲာ်ညါတကဲဘၣ်.
11 သုဘၣ်စံးဘၣ်အီၤဒ်အံၤ, ကစၢ်တဖၣ်လၢအတတ့ လီၤမူခိၣ်ဒီးဟီၣ်ခိၣ်န့ၣ် ကဟါမၢ်လၢဟီၣ်ခိၣ်ချၢ, ဒီးလၢ မူခိၣ်အံၤအဖီလာ်လီၤ.
12 တ့လီၤဝဲဟီၣ်ခိၣ်လၢအစိကမီၤ, မၤကျၢၤလၢာ်ခိၣ်လၢ အတၢ်ကူၣ်သ့, ဒီးသလၣ်ထီၣ်မူခိၣ်လၢအတၢ်ကူၣ်တၢ် ဆးလီၤ.
13 တုၤအကလုၢ်သီၣ်ဒီး, ထံဂီၢ်မုၢ်အိၣ်ဝဲလၢမူကပိာ်လိၤ, ဒီးဒုးဟဲထီၣ်တၢ်ဘှ့ၣ်လၢဟီၣ်ခိၣ်အကတၢၢ်န့ၣ်လီၤ. တ့ လီဝၢ်ဒံးအိၣ်ဒီးတၢ်စူၤ, ဒီးဟဲစိာ်ကလံၤလၢအတၢ်ပာ် ဖှိၣ်အလီၢ်လီၤ. 14 တသ့ၣ်ညါဘၣ်တၢ်ဘၣ်ဒီး, ပှၤကညီ ခဲလၢာ်လီၤဂာ်ဒီးဆၣ်ဖိကီၢ်ဖိလီၤ. ကယဲၢ်ပှၤသိတၢ်ဖိ အတၢ်ဂီၤန့ၣ်ဒုးမဲာ်ဆှးအမဲာ်လီၤ. အဂ့ၢ်ဒ်အံၤ, အတၢ်ဂီၤ သိအသးမ့ၢ်တၢ်ကဘျံးကဘျၣ်, ဒီးအသါတအိၣ်ဘၣ် လၢအပူၤဘၣ်. 15 မ့ၢ်တၢ်ကလီကလီ, တၢ်ဒုၣ်ဒွဲၣ်အလီၢ် လီၤ. တုၤတၢ်အိၣ်သကိးအီၤဒီး, ကဟးဂီၤဝဲလီၤ. 16 စီၤ ယၤကိာ်အဂီၢ်န့ၣ်တလီၤဂာ်ဘၣ်အီၤဘၣ်. မ့ၢ်ပှၤတ့လီၤ တၢ်ခဲလၢာ်, ဒီးအံၣ်စရ့လး မ့ၢ်အတၢ်န့ၢ်သါအပှၤတဒူၣ် လီၤ. တၢ်သုးမုၢ်ဂီၢ်မုၢ်အယွၤန့ၣ်မ့ၢ်အမံၤလီၤ.
17 ထၢထီၣ်နတၢ်ဖိတၢ်လံၤလၢကီၢ်ပူၤတက့ၢ်. ပှၤအိၣ်ဝဲ ဆိးဝဲလၢတိာ်ပူၤတဂၤဧၢ. 18 အဂ့ၢ်ဒ်အံၤ, ယွၤစံးဒ်အံၤ, ကွၢ်ကွၢ်, ယကဘျုးကွံာ်ပှၤကီၢ်ဖိတဖၣ်လၢတကတီၢ် အံၤ, ဒီးယကမၤကိၢ်မၤဂီၤအီၤတုၤအသ့ၣ်ညါလၢအသး လီၤ.
19 မ့ၢ်ယဘၣ်တၢ်ဆိးက့ဒီး, ယဘၣ်အဖှီၣ်လီၤ. ယပူၤလီၢ် နးမးလီၤ. ဘၣ်ဆၣ်ဒီးယစံး, မ့ၢ်မးအဝဲအံၤမ့ၢ်ယတၢ်နး တၢ်ဖှီၣ်, ဒီးယဘၣ်ဝံသးစူၤလီၤ. 20 ယဒဲဟးဂီၤလံ, ဒီး ယပျံၤခဲလၢာ်, ထီၣ်တဲာ်ကွံာ်အသးလံ, ယဖိခဲလၢာ်ဟး ထီၣ်ကွံာ်လံလၢယအိၣ်, ဒီးတအိၣ်လၢၤဘၣ်. ပှၤစၢၢ် ထီၣ်ယဒဲ, ဒီးဘျးထီၣ်ယယၣ်သဒၢတၢ်န့ၣ်တအိၣ်လၢၤ ဘၣ်.
21 အဂ့ၢ်ဒ်အံၤ, ပှၤကွၢ်သိခဲလၢာ်န့ၣ်ကဲထီၣ်တၢ်လီၤဂာ် ဆၣ်ဖိကီၢ်ဖိ, ဒီးတဃုဘၣ်ယွၤဘၣ်, မၤသးဒ်န့ၣ်ဒီးတ ဘီၣ်ထီၣ်ညီထီၣ်ဘၣ်, ဒီးအသိတဖုလီၤပြံလီၤပြါခဲလၢာ် လီၤ.
22 တၢ်အကစီၣ်သီၣ်ထီၣ်, ကွၢ်ကွၢ်, ဟဲဝဲ, ဒီးတၢ်တၢထီၣ် တၢလီၤဖးဒိၣ်လၢကီၢ်လၢကလံၤစိး ဒ်သိးအကမၤသ ယုၢ်ယူဒၤအဝ့ၢ်တဖၣ်, ဒီးဒုးကဲအီၤလၢထွံၣ်ဟီၣ်ခိၣ်အ အိၣ်အဆိးအလီၢ်လီၤ.
23 ယွၤဧၢ, ယသ့ၣ်ညါလၢပှၤကညီတပၢဘၣ်အကျဲဘၣ်, ဒီးပှၤလၢအလဲၤတၢ်န့ၣ် စံၣ်ညီၣ်အထွဲတၢ်တသ့ဘၣ်ဝဲ ဘၣ်. 24 ယွၤဧၢ, သိၣ်ဃီၣ်ယၤထဲလၢတၢ်စံၣ်ညီၣ်တ က့ၢ်. မၤလၢနသးထီၣ်တဂ့ၤ, နကဒုးကဲထီၣ်ဘၣ်ဖုး ယၤလၢတၢ်နီတမံၤဘၣ်လီၤ. 25 လူလီၤနသးထီၣ်လၢပှၤ ကလုာ်တဖၣ်လၢအတသ့ၣ်ညါဘၣ်နၤဘၣ်, ဒီးလၢပှၤ အဒူၣ်တဖၣ်လၢအတကိးထီၣ်ဘၣ်နမံၤတက့ၢ်. အဂ့ၢ် ဒ်အံၤ, အီၣ်ကွံာ်စီၤယၤကိာ်, ဒီးယူၢ်လီၤကွံာ်အီၤ, ဒီးမၤ လၢာ်ကွံာ်အီၤ, ဒီးမၤသယုၢ်အအိၣ်အဆိးအလီၢ်လီၤ.
11၁၁
1 ယွၤအကလုၢ်လၢအဘၣ်စီၤယံးရမံယၤ ဒီးစံးဝဲဒၣ်.―
2 ကနၣ်တၢ်အၢၣ်လီၤအီလီၤအံၤအကလုၢ်, ဒီးကတိၤတၢ် ဒီးယူဒၤအပှၤကညီ, ဒီးပှၤယရူၤၡလ့ၣ်ဖိ, 3 ဒီးစံးဘၣ် အီၤ, ယွၤအံၣ်စရ့လးအကစၢ်စံးဒ်အံၤ, ပှၤလၢအတဒိ ကနၣ်ဘၣ်တၢ်အၢၣ်လီၤအီလီၤအံၤ အကလုၢ်လၢယ မၤလိာ်သုပၢ်န့ၣ် မ်အဘၣ်တၢ်ဆိၣ်အၢတက့ၢ်. လၢမုၢ် တနံၤလၢယဒုးဟးထီၣ်ကွံာ်အီၤ လၢကီၢ်အဲၤကူပတူး, လၢဖၣ်ကပူၤထးအပူၤ, 4 ယစံး, ဒိကနၣ်ယကလုၢ်, ဒီး မၤသုဝဲဒ်ကယဲၢ်တၢ်လၢယမၤလိာ်သု, ဒီးသုကကဲထီၣ် ယပှၤဂီၢ်မုၢ်, ဒီးယကကဲထီၣ်သုကစၢ်, 5 ဒ်သိးယကမၤ တၢ်လၢယဆိၣ်တၢ်ဒီးသုပၢ်လၢ ယကဟ့ၣ်လီၤအီၤလၢ ကီၢ်တဘ့ၣ်လၢ အယွၤဝဲဒီးတၢ်နုၢ်ထံဒီးကနဲစီ, ဒ်လၢ မုၢ်မဆါတနံၤအံၤအသိးန့ၣ်လီၤ. ဒီးယစံးဆၢတၢ်ဒီးစံး, အၤမ့ၣ်, ယွၤဧၢ.
6 ဒီးယွၤစံးဘၣ်ယၤ, ကိးထီၣ်တၢ်ကတိၤခဲလၢာ်အံၤ, လၢယူဒၤအဝ့ၢ်တဖၣ်အပူၤ, ဒီးလၢယရူၤၡလ့ၣ်အကျဲ ပူၤ. ဒီးစံး, တၢ်အၢၣ်လီၤအီလီၤအကလုၢ်အံၤကနၣ်, ဒီး မၤအီၤတက့ၢ်.
7 အဂ့ၢ်ဒ်အံၤ, ယအုၣ်ယသးသပှၢ်တၢၢ်ဒီးသုပၢ်လၢမုၢ် တနံၤလၢယဒုးဟးထီၣ်အီၤလၢ ကီၢ်အဲၤကူပတူးပၢၢ် လၢမုၢ်မဆါတနံၤအံၤ, ယဂဲၤဆၢထၢၣ်ဂီၤဂီၤဒီးအုၣ်ယ သးဒီးစံး, ကနၣ်ယကလုၢ်တက့ၢ်. 8 ဘၣ်ဆၣ်ဒီးတ ကနၣ်ဘၣ်ဝဲဘၣ်, ဒီးတဒိးဘၣ်အနၢ်ဘၣ်, ဒီးလဲၤထွဲဝဲ တဂၤအသးအၢအနၢ်က့ၣ်အခံစုာ်စုာ်လီၤ. မၤသးဒ်န့ၣ် ဒီးယဒုးဟဲဘၣ်အီၤလၢ တၢ်အၢၣ်လီၤအီလီၤအကလုၢ် အံၤခဲလၢာ်လၢ ယမၤလိာ်လၢအဘၣ်မၤ, မ့မ့ၢ်တမၤဘၣ် ဝဲဘၣ်.
9 ဒီးယွၤစံးဘၣ်ယၤ, တၢ်အုၣ်လီၤအအၢအိၣ်ဝဲလၢယူ ဒၤအပှၤကညီဒီးပှၤယရူၤၡလ့ၣ်ဖိအကျါလီၤ. 10 က့ၤက ဒါက့ၤဝဲဆူအပၢ်လၢအခီၣ်ထံးအတၢ်ကမၣ်, လၢအတ ဒိကနၣ်ဘၣ်ယတၢ်ကတိၤဘၣ်, ဒီးပိာ်ကစၢ်အဂၤတ ဖၣ်အခံဒ်သိးအကမၤအတၢ်လီၤ. အံၣ်စရ့လးအပှၤဟံၣ် ဖိ, ဒီးယူဒၤအပှၤဟံၣ်ဖိ, မၤဟးဂီၤလံတၢ်အၢၣ်လီၤအီ လီၤလၢယအၢၣ်လီၤအီလီၤဒီးအပၢ်လံ. 11 မၤသးဒ်န့ၣ်ဒီး ယွၤစံးဒ်အံၤ, ကွၢ်ကွၢ်, ယကဒုးဘၣ်အီၤလၢတၢ်အၢ, လၢ အပူၤဖျဲးဝဲတသ့ဘၣ်, ဒီးမ့ၢ်ကိးထီၣ်ယၤဘၣ်ဆၣ်ဒီး, ယ တကနၣ်ဘၣ်အကလုၢ်ဘၣ်. 12 ဒီးယူဒၤအဝ့ၢ်တဖၣ်, ဒီး ပှၤယရူၤၡလ့ၣ်ဖိကလဲၤကိးထီၣ်ဆူ အကစၢ်တဖၣ်လၢ အဆိၣ်ကဲၤတၢ်နၢမူလၢအဂီၢ်လီၤ. ဘၣ်ဆၣ်ဒီးလၢအ တၢ်အၢအကတီၢ်န့ၣ်တအုၣ်က့ၤခီၣ်က့ၤဘၣ်အီၤဘၣ်.―
13 အဂ့ၢ်ဒ်အံၤ, နကစၢ်တဖၣ်အိၣ်ဝဲပှဲၤသိးသိးဒီးနဝ့ၢ်တ ဖၣ်, ယူဒၤဧၢ, ဒီးသုမၤထီၣ်တၢ်လုၢ်အလီၢ်, တၢ်မဲာ်ဆှး အလီၢ်ပှဲၤသိးသိးဒီးယရူၤၡလ့ၣ်အကျဲတဖၣ်, တၢ်လုၢ် အလီၢ်ဒ်သိးသုကဆိၣ်ကဲၤတၢ်နၢမူလၢ ဘဧၤလးအဂီၢ် လီၤ.
14 မၤသးဒ်န့ၣ်ဒီးဘါထုကဖၣ်န့ၢ် ပှၤဂီၢ်မုၢ်အံၤအဂီၢ်တ ဂ့ၤ. ဒီးထုထီၣ်နကလုၢ်လၢတၢ်ဃ့ကညး, ဒီးလၢတၢ်ထု ကဖၣ်န့ၢ်အဂီၢ်တဂ့ၤ. အဂ့ၢ်ဒ်အံၤ, အကတီၢ်လၢအကိး ထီၣ်ယၤလၢအဘၣ်တၢ်ကိၢ်တၢ်ဂီၤအဃိဒီး, ယတက နၣ်ဘၣ်အကလုၢ်ဘၣ်.
15 ပှၤလၢယအဲၣ်အီၤကမၤတၢ်လၢ ယဟံၣ်ပူၤဘၣ်မနုၤ လဲၣ်. မ့ၢ်အမၤကမၣ်တၢ်ဒီးပှၤအါဂၤလီၤ. ဒီးတၢ်ညၣ်စီ ဆှံလဲၤပူၤကွံာ်လံလၢနအိၣ်လံ. တုၤနမၤတၢ်အၢဒီး, န သူၣ်ဖှံသးညီလီၤ.
16 ယွၤကိးနမံၤလၢသ့ၣ်စၤယံးသံကစဲာ်အဃံအလၤ, ဒီး အတၤသၣ်ဂ့ၤလီၤ. ဆိၣ်ကဲၤထီၣ်မ့ၣ်အူလၢအဖီခိၣ်အိၣ် ဒီးတၢ်အသီၣ်ဖးဒိၣ်, ဒီးအဒ့ကၢ်လီၤဝဲလီၤ.
17 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤလၢအသူၣ်လီၤနၤ န့ၣ်ကတိၤထီၣ်တၢ်အၢလၢနဂ့ၢ်နကျိၤ, ဒီးလၢအံၣ်စရ့ လးအပှၤဟံၣ်ဖိအတၢ်အၢအဃိ, ဒီးလၢယူဒၤအပှၤဟံၣ် ဖိအတၢ်အၢအဃိ, လၢအမၤဝဲထီဒါလီၤအသးလၢအ ဆိၣ်ကဲၤတၢ်နၢမူလၢဘဧၤလးအဂီၢ်, ဒီးထိၣ်ဂဲၤယသး ထီၣ်လီၤ.
18 ဒီးယွၤဘိးဘၣ်သ့ၣ်ညါယၤ, ဒီးယသ့ၣ်ညါလီၤ. တုၤ နုၤတစုနဒုးနဲၣ်ယၤလၢအမၤတၢ်လီၤ. 19 မ့မ့ၢ်ယဲဒၣ်အံၤ, ယမၤသးဒ်သိဖိအဘှါ လၢတၢ်ဆှၢမၤသံအီၤအသိးန့ၣ် လီၤ. ဒီးယတသ့ၣ်ညါဘၣ်လၢအကူၣ်ထီၣ်ဖးလီၤတၢ် ကူၣ်ထီဒါယၤဘၣ်ဒီးစံး, မ်ပမၤဟးဂီၤသ့ၣ်ဒီးအတၤ သၣ်တက့ၢ်, ဒီၣ်တဲာ်ကွံာ်အီၤလၢတၢ်မူအကီၢ်ပူၤဒ်သိး တၢ်သုတသ့ၣ်နီၣ်ထီၣ်လၢၤအမံၤတဂ့ၤန့ၣ်တက့ၢ်. 20 ဒီး တၢ်သုးမုၢ်ဂီၢ်မုၢ်အယွၤလၢအစံၣ်ညီၣ်တၢ်တီ, လၢအမၤ ကွၢ်ပကလ့ၢ်ဒီးပသးတဂၤဧၢ, ဒုးထံၣ်ဘၣ်ယၤလၢနမၤ ဆၢတၢ်အၢလၢအလိၤတက့ၢ်. အဂ့ၢ်ဒ်အံၤ, ယလီၣ်ဖျါ ယကွီၢ်လၢနမဲာ်ညါလီၤ.
21 မၤသးဒ်န့ၣ်ဒီး ယွၤစံးတၢ်ဘၣ်ဃးဒီး ပှၤဧၤနသိးဖိဒ် အံၤ, ပှၤလၢအဃုမၤသံနၤဒီးစံး, ဒ်သိးနသုတသံလၢပစု ပူၤတဂ့ၤဒီး, ကတိၤတၢ်လၢဝံအကျိာ်လၢယွၤအမံၤတဂ့ၤ န့ၣ်လီၤ. 22 မၤသးဒ်န့ၣ်ဒီး တၢ်သုးမုၢ်ဂီၢ်မုၢ်အယွၤစံးဒ် အံၤ, ကွၢ်ကွၢ်, ယကအိၣ်သကိးအီၤလီၤ. ပှၤဖိၣ်သၣ်ခွါ န့ၣ်ကသံလၢနး, အဖိခွါဒီးအဖိမုၣ်ကသံလၢတၢ်သၣ် ဝံၤလီၤဒိ, 23 ဒီးပှၤတအိၣ်လီၤတဲာ်လၢၤဘၣ်လၢအကျါ ဘၣ်. အဂ့ၢ်ဒ်အံၤ, ယကဒုးဘၣ်ပှၤဧၤနသိးဖိလၢတၢ် အၢ, တၢ်အိၣ်သကိးအီၤအနံၣ်အလါလီၤ.
12၁၂
1 တုၤယလိာ်ကွီၢ်ဒီးနၤဒီး, နတီနလိၤလီၤ, ယွၤဧၢ. ဘၣ် ဆၣ်ဒီး, ဒုးကတိၤယၤလၢ နစံၣ်ညီၣ်တၢ်အဂ့ၢ်အကျိၤတ က့ၢ်. ပှၤတတီတလိၤအကျဲဘီၣ်ထီၣ်ညီထီၣ်မ့ၢ်အဘၣ် မနုၤလဲၣ်. ပှၤလၢအမၤအကလုၢ်တတီဘၣ်ခဲလၢာ်န့ၣ် အိၣ်မုာ်မ့ၢ်အဘၣ်မနုၤလဲၣ်. 2 နသူၣ်လီၤအီၤ, ဒီးအဂံၢ် စဲၤလီၤ, ဒိၣ်ထီၣ်ဝဲ, ဒီးသၣ်ထီၣ်ဝဲလီၤ. နအိၣ်ဘူးလၢအ ထးခိၣ်, ဒီးယံၤလၢအသးလီၤ. 3 ဘၣ်ဆၣ်ဒီးယွၤဧၢ, န သ့ၣ်ညါယၤ, နကွၢ်ယၤ, ဒီးမၤကွၢ်ယသးလၢအအိၣ်ဒီး နၤလီၤ. ထုးထီၣ်ကွံာ်အီၤ ဒ်သိလၢတၢ်မၤသံအီၤအ ဂီၢ်အသိး, ဒီးပာ်အီၤလၢတၢ်မၤသံအမုၢ်နံၤ အဂီၢ်တ က့ၢ်. 4 ကီၢ်ကသူၣ်အုးသးအုး, ဒီးနီၣ်ဧိၤမံၤဧိၤလၢကီၢ် ဒီဘ့ၣ်ညါအပူၤ ကဃ့ထီၣ်ကွံာ်လၢပှၤလၢအအိၣ်ဝဲဆိး ဝဲလၢအပူၤအတၢ်အၢအဃိန့ၣ်ဆံးယံာ်လဲၣ်. ဆၣ်ဖိကီၢ် ဖိ, ဒီးထိၣ်ဧိၤလံၣ်ဧိၤလၢာ်ကွံာ်လီၤ. အဂ့ၢ်ဒ်အံၤ, စံးဝဲတ ကူၢ်သ့ၣ်, အဝဲဒၣ်တထံၣ်ဘၣ်ပကတၢၢ်ဘၣ်.
5 နမ့ၢ်ဃ့ၢ်ဒီးပှၤခီၣ်သုးဖိ, ဒီးအဝဲသ့ၣ်မၤဘှံးနသးဒီး, န ကမၤတၢ်ဒီးကသ့ၣ်သုးဖိဒ်လဲၣ်. ဒီးတၢ်မ့ၢ်မၤသးဒ်န့ၣ် လၢကီၢ်မုာ်အပူၤဒီး, တုၤယၢ်ဒ့ၣ်အထံလုၢ်ဘၢတၢ်ဒီး, နကမၤဒ်လဲၣ်. 6 အဂ့ၢ်ဒ်အံၤ, နဒီပုၢ်ဝဲၢ်ဒၣ်လဲာ်, နပၢ်အ ပှၤဟံၣ်ဖိမၤနၤဒီးလီတၢ်, ဒီးမ့ၢ်မးအကိးပသူထီၣ်ထွဲန ခံလီၤ. မ့ၢ်ကတိၤတၢ်မုာ်မုာ်ဒီးနၤဘၣ်ဆၣ်ဒီးနာ်အီၤတ ဂ့ၤ.
7 ယလဲၤသဒၣ်လံယဟံၣ်, ယဟးဖးလံဒီးယတၢ်န့ၢ် သါ, တၢ်လၢယသးအဲၣ်အီၤန့ၣ်ယဟ့ၣ်လီၤကွံာ်လံအီၤ ဆူအဒုၣ်အဒါအစုပူၤလံ. 8 ယတၢ်န့ၢ်သါမ့ၢ်လၢယဂီၢ် ဒ်ခ့ယုၢ်လၢပှၢ်လၢ်ကျါအသိးန့ၣ်လီၤ. ထုထီၣ်အကလုၢ် ထီဒါယၤလီၤ. မၤသးဒ်န့ၣ်ဒီးယသးဟ့အီၤလီၤ.
9 ယတၢ်န့ၢ်သါန့ၣ်မ့ၢ်လၢယဂီၢ်, မၤသးဒ်ထိၣ်အဒူတ ဘ့ၣ်အသိး, ထိၣ်အဒူအိၣ်ဝးတရံးဝဲထီဒါအီၤလီၤ. ဟဲ, ဒုးအိၣ်ဖှိၣ်ရိဖှိၣ်ဆၣ်ဖိကီၢ်ဖိအမံၤ လၢပှၢ်လၢ်ကျါန့ၣ်တ က့ၢ်. ဒုးဟဲအီၣ်တၢ်တက့ၢ်. 10 ပှၤကွၢ်သိအါဂၤမၤဟးဂီၤ လံယစပံးအလီၢ်, ယီၢ်လီၤတံၢ်ယဂီၢ်လၢအခီၣ်ဖီလာ်, မၤယဂီၢ်လၢအမုာ်ဝဲန့ၣ် လၢပှၢ်မုၢ်ကနၢအိၣ်သယုၢ် လီၤ. 11 မၤသယုၢ်အီၤလီၤ. အိၣ်ဝဲသယုၢ်ဒီးသူၣ်အုးသး အုးလၢယဂီၢ်လီၤ. ကီၢ်ဒီဘ့ၣ်ညါအိၣ်သယုၢ်လီၤ. အဂ့ၢ် ဒ်အံၤ, ပှၤတပးကဲဘၣ်လၢအသးနီတဂၤဘၣ်. 12 ပှၤဂုာ် ဆူၣ်ပျီဆူၣ်ဟဲထီၣ်ဘး တၢ်အလီၢ်ထီၣ်ထီခဲလၢာ်လၢ ပှၢ်မုၢ်ကနၢလီၤ. အဂ့ၢ်ဒ်အံၤ, ယွၤအနးအီၣ်တၢ်လၢကီၢ် အကတၢၢ်ပၢၢ်လၢကီၢ်အကတၢၢ်လီၤ. တၢ်ဖံးတၢ်ညၣ် တအိၣ်မုာ်ဘၣ်နီတဂၤဘၣ်. 13 ဖှံလံဘုကၠူၣ်, ဒီးကကူး တၤဆှုၣ်လီၤ. မၤဘှံးလီၤအသးလံ, ဒီးတဘၣ်ဘျုးဘၣ်. ကမဲာ်ဆှးလၢအတၤသၣ်အဃိ, လၢယွၤအသးကဲၤထီၣ် အဃိလီၤ.
14 ယွၤစံးထီဒါပှၤအအၢအိၣ်လၢ ယဃၢၤလၢအထိးဘၣ် တၢ်န့ၢ်သါလၢယဒုးန့ၢ်သါ ယပှၤဂီၢ်မုၢ်အံၣ်စရ့လးဒ် အံၤ, ကွၢ်ကွၢ်, ယကထဲးကွံာ်အီၤလၢအကီၢ်ပူၤ ဒီးယ ကကထဲးကွံာ်ယူဒၤအပှၤဟံၣ်ဖိလၢအကျါလီၤ.
15 ဒီးတၢ်ကမၤအသးလၢ ယထဲးထီၣ်ကွံာ်အီၤအလီၢ်ခံ န့ၣ်ယကဟဲက့ၤဒီးယကသးအိၣ်က့ၤအီၤ, ဒီးယကဒုး ဟဲက့ၤကဒါက့ၤအီၤဆူအတၢ်န့ၢ်သါစုာ်စုာ်, ဒီးဆူအ ကီၢ်ပူၤစုာ်စုာ်လီၤ. 16 ဒီးတၢ်ကမၤအသးလၢအမ့ၢ်မၤလိ ယပှၤဂီၢ်မုၢ်အကျဲသပှၢ်တၢၢ်, ဒ်သိးအကဆိၣ်တၢ်လၢ ယမံၤအမဲာ်ညါ, ယွၤမူဝဲ, ဒ်အသိၣ်လိတ့ၢ်ယပှၤဂီၢ်မုၢ် လၢအကဆိၣ်တၢ်လၢ ဘဧၤလးအမဲာ်ညါအသိးန့ၣ်ဒီး, တၢ်ကသူၣ်ထီၣ်ဝဲလၢ ယပှၤဂီၢ်မုၢ်အကျါလီၤ. 17 ဘၣ် ဆၣ်ဒီးမ့ၢ်တဒိကနၣ်ဘၣ်တၢ်ဘၣ်ဒီး, ယကထဲးထီၣ် ကွံာ်ပှၤတကလုာ်အဝဲန့ၣ်, ယွၤစံးဝဲဒၣ်, ဒီးမၤဟးဂီၤအီၤ လီၤ.
13၁၃
1 ယွၤစံးဘၣ်ယၤဒ်အံၤ, လဲၤမၤန့ၢ်နဂီၢ်လၢယီၢ်တကိးဖှီ ဝါကဆှၣ်ဒီးကံၢ်တူာ်နယီၢ်ဒ့တက့ၢ်. ဒီးပာ်အီၤလၢထံ ကျါတဂ့ၤ. 2 ဒီးယမၤန့ၢ်ယီၢ်တကိးတဘိဒ်ယွၤအက လုၢ်အသိး, ဒီးကံၢ်တူာ်ယယီၢ်ဒ့လီၤ.
3 ဒီးယွၤအကလုၢ်ဘၣ်ယၤပှဲၤထီၣ်ခံဘျီတဘျီ, ဒီးစံးဝဲ ဒၣ်. 4 ဟံးန့ၢ်နယီၢ်တကိးလၢနန့ၢ်ဘၣ်အီၤလၢအအိၣ်ဝဲ လၢနယီၢ်ဒ့အလိၤ, ဒီးဂဲၤဆၢထၢၣ်လဲၤဆူဖရၤသး, ဒီး ပာ်ခူသူၣ်အီၤလၢလၢၢ်အိပူၤဖဲန့ၣ်တက့ၢ်. 5 ဒီးယလဲၤ ပာ်ခူသူၣ်အီၤလၢဖရၤသး ဒ်ယွၤမၤလိာ်ယၤအသိးန့ၣ် လီၤ. 6 ဒီးအါနံၤအါသီအလီၢ်ခံန့ၣ်, ယွၤစံးဘၣ်ယၤ, ဂဲၤ ဆၢထၢၣ်လဲၤဆူဖရၤသး, ဒီးဟံးန့ၢ်ယီၢ်တကိးဖဲန့ၣ်လၢ ယမၤလိာ်နၤလၢ နကပာ်ခူသူၣ်အီၤဖဲန့ၣ်တက့ၢ်. 7 ဒီး ယလဲၤဆူဖရၤသး, ဒီးယခူၣ်လီၤ, ဒီးဟံးထီၣ်ယီၢ်တကိး တဘိန့ၣ်လၢအလီၢ်ဖဲယပာ်ခူသူၣ်အီၤ, ဒီးကွၢ်ကွၢ်, ယီၢ် တကိးန့ၣ်ဟးဂီၤလံ, တဂိာ်တသီၣ်ဘၣ်နီတမံၤဘၣ်. တုၤနုၤတစုယွၤအကလုၢ်ဘၣ်ယၤဒီးစံးဝဲဒၣ်, 8 ယွၤ စံးဒ်အံၤ, ယူဒၤအသးထီၣ်ထီ, ဒီးယရူၤၡလ့ၣ်အသးထီၣ် ထီဒိၣ်ဒိၣ်ကလဲာ်န့ၣ်ယကမၤဟးဂီၤအီၤဒ်န့ၣ်သိးလီၤ.―
10 ပှၤဂီၢ်မုၢ်အအၢအံၤလၢ အဒိကနၣ်ယကလုၢ်န့ၢ်အသး တအိၣ်ဘၣ်, လၢအလဲၤထွဲအသးအနၢ်က့ၣ်အခံ, ဒီးပိာ် ကစၢ်အဂၤတဖၣ်အခံ, ဒ်သိးအကမၤအတၢ်, ဒီးဘူၣ် ထီၣ်ဘါထီၣ်အီၤန့ၣ်ကမၤသးဒ် ယီၢ်တကိးတဘိအံၤ လၢအတဂိာ်တသီၣ်ဘၣ်တၢ်နီတမံၤဘၣ် အသိးန့ၣ် လီၤ. 11 အဂ့ၢ်ဒ်အံၤ, ဒ်ယီၢ်တကိးစဲဘူးဒီး ပှၤကညီအ ယီၢ်ဒ့အသိးန့ၣ် ယဒုးစဲဘူးအံၣ်စရ့လးအပှၤဟံၣ်ဖိ ခဲ လၢာ်ဒီးယူဒၤအပှၤဟံၣ်ဖိခဲလၢာ် ဒီးယၤဒ်န့ၣ်အသိး, ယွၤစံးဝဲဒၣ်, ဒ်သိးအကကဲထီၣ်ပှၤဂီၢ်မုၢ်တပူၤလၢယ ဂီၢ်, ဒီးလၢတၢ်အမံၤအဂီၢ်, ဒီးလၢတၢ်စံးထီၣ်ပတြၢၤ အလီၢ်အဂီၢ်, ဒီးလၢတၢ်လၤကပီၤအလီၢ်အဂီၢ်လီၤ. ဘၣ် ဆၣ်ဒီးတကနၣ်ဘၣ်ဝဲဘၣ်.
12 မၤသးဒ်န့ၣ်ဒီး နဘၣ်စံးဘၣ်အီၤလၢတၢ်ကတိၤအံၤ, ယွၤအံၣ်စရ့လးအကစၢ်စံးဒ်အံၤ, ကယဲၢ်ထၢၣ်တၢ်ဖံး ကပှဲၤဝဲဒီးစပံးထံလီၤ. ဒီးအဝဲသ့ၣ်ကစံးလၢနၤ, ပသ့ၣ် ညါလီၤတံၢ်လီၤဆဲးလၢ ကယဲၢ်ထၢၣ်တၢ်ဖံးကပှဲၤဝဲဒီး စပံးထံတမ့ၢ်ဘၣ်ဧါ. 13 တုၤနုၤတစုနဘၣ်စံးဘၣ်အီၤ, ယွၤစံးဒ်အံၤ, ကွၢ်ကွၢ်, ယကမၤပှဲၤပှၤကီၢ်ဖိခဲလၢာ်အံၤ, စီၤပၤတဖၣ်ဒၣ်လဲာ်လၢအဆ့ၣ်နီၤ လၢစီၤဒၤဝံးအလီၢ်ပ စိာ်, ဒီးပှၤလုၢ်တၢ်အဒိၣ်, ဒီးဝံတဖၣ်, ဒီးပှၤယရူၤၡလ့ၣ် ဖိခဲလၢာ်လၢတၢ်အီမူၤသးလီၤ. 14 ဒီးယကစုးလီၤဘၣ် ဒိလိာ်အသးတဂၤဒီးတဂၤ, ပၢ်ဒီးဖိခွါတပူၤဃီလီၤ, ယွၤ စံးဝဲဒၣ်, ဒ်သိးယသုတမၤဟးဂီၤအီၤတဂ့ၤဒီး, ယတသး ကညီၤဘၣ်. ယတလိးကီဘၣ်, ယသးတအိၣ်အီၤဘၣ်.
15 ကနၣ်, ဒီးဒိကနၣ်တက့ၢ်. ပာ်ထီၣ်ထီသုသးတဂ့ၤ. အဂ့ၢ်ဒ်အံၤ, ယွၤကတိၤတၢ်လီၤ. 16 လၢအတချုးမၤဒံး ဘၣ်တၢ်ခံး, လၢသုခီၣ်တချုးဘၣ်တိၢ်ဒံးဘၣ်လၢကစၢၢ် ခံးအလိၤ, ဒီးသုကွၢ်လၢ်တၢ်ကပီၤအကျဲအဖၢမုၢ်ဒီး, ဒုး ကဲထီၣ်က့ၤဝဲလၢတၢ်သံအကဒု, ဒီးပာ်ဝဲလၢတၢ်ခံးသူ ဒံးဘၣ်ဒီး, မၤလၤကပီၤယွၤသုကစၢ်တက့ၢ်. 17 မ့မ့ၢ်သု မ့ၢ်တကနၣ်ဘၣ်ဒီး, ယသးအမဲာ်ထံကလီၤလၢအလီၢ် အိၣ်တဒၢပူၤလၢသုသးထီၣ်ထီအဃိလီၤ. ယမဲာ်ထံက လီၤနးနးကလဲာ်, ဒီးယမဲာ်ထံကယွၤလီၤလီၤ. အဂ့ၢ်ဒ် အံၤ, ယွၤအသိတဖုန့ၣ်တၢ်ကစိာ်မၢကဲကုၢ်အီၤလီၤ.―
18 စံးဘၣ်စီၤပၤဒီးနီၢ်ပၤမုၣ်, ဆ့ၣ်နီၤလၢအလီၢ်ဖုၣ်သုဝဲန့ၣ် တက့ၢ်. အဂ့ၢ်ဒ်အံၤ, သုလၤကပီၤအခိၣ်သလုးကလီၤ တဲာ်လၢသုခိၣ်လိၤလီၤ.
19 ခူဧိၤဝ့ၢ်ဧိၤလၢကလံၤထံးတဖၣ် အတြဲၤကးတံာ်ဃာ် အသးလံ, ဒီးပှၤတအိးထီၣ်ဘၣ်အီၤနီတဂၤဘၣ်. ပှၤစိာ် ထီၣ်မၢကဲကုၢ်ယူဒၤခဲလၢာ်လီၤ. ပှၤစိာ်ထီၣ်မၢကဲကုၢ် အီၤတုၤအလၢာ်လံ. 20 ကျ့ထီၣ်သုမဲာ်, ဒီးကွၢ်ပှၤဟဲလၢ ကလံၤစိးတခီတက့ၢ်. သိတဖုလၢတၢ်ဟ့ၣ်လီၤနၤ, နသိ တဖုအိၣ်ဒီးအဃံအလၤန့ၣ်မ့ၢ်အအိၣ်ဖဲလဲၣ်. 21 တုၤအ အိၣ်သကိးနၤဒီး, နကစံးမနုၤလဲၣ်. အဂ့ၢ်ဒ်အံၤ, နသိၣ် လိအီၤဒ်သိးအကကဲထီၣ် ပဒိၣ်ဖးဒိၣ်လၢနဖီခိၣ်လီၤ. တၢ်သူၣ်အုးသးအုးကဟံးဃာ်နၤဒ်ပိာ်မုၣ်လၢ အဘၣ် ဟုးဆါအသိးန့ၣ်တမ့ၢ်ဘၣ်ဧါ. 22 ဒီးနမ့ၢ်စံးလၢနသး ကံၢ်ပူၤ, တၢ်အံၤတဖၣ်ဘၣ်ယၤမ့ၢ်အဘၣ်မနုၤလဲၣ်န့ၣ် ဒီး, လၢနတၢ်ဒဲးဘးအဒိၣ်အဃိန့ၣ် တၢ်သလဲထီၣ်န ခံ, ဒီးနခီၣ်နၢၣ်ခံအိၣ်ဘ့ၣ်ခီၣ်လီၤ.
23 ပှၤကူၤၡးဖိလဲလိာ်အဖံး, ခ့စံၣ်ပိၣ်လဲလိာ်အဖံးအကံၣ် ဃ့အဖျၢၣ်န့ၣ်ဘၣ်ကသ့ဧါ. မ့မ့ၢ်ဒ်န့ၣ်ဒီးသုဝဲစ့ၢ်ကီးလၢ အမၤညီနုၢ်ဒၣ်တၢ်အၢန့ၣ်ကမၤတၢ်ဂ့ၤလီၤ. 24 မၤသးဒ် န့ၣ်ဒီးယကမၤလီၤပြံလီၤပြါအီၤ ဒ်လီၢ်အကမူၣ်လၢအ ဒံကွံာ်လၢပှၢ်မုၢ်ကနၢ အကလံၤအမဲာ်ညါအသိးန့ၣ် လီၤ. 25 အန့ၣ်မ့ၢ်နဂီၢ်, တၢ်လၢယဃီၣ်န့ၢ်နၤ, ယွၤစံးဝဲဒၣ်. အဂ့ၢ်ဒ်အံၤ, နသးပ့ၤနီၣ်ယၤ, ဒီးသန့ၤနသးလၢတၢ်က ဘျံးကဘျၣ်လီၤ. 26 ဒီးယကဘ့ၣ်သဘျံးထီၣ်နဆ့ဆူန ခိၣ်တခီ, ဒီးနတၢ်မဲာ်ဆှးကအိၣ်ဖျါထီၣ်လီၤ. 27 ယထံၣ် နတၢ်အဲၣ်ဘၢမါအဲၣ်ဘၢဝၤဒီး နတၢ်သးကလုာ်ကလိၤ, နမၤကမၣ်မုၣ်ကမၣ်ခွါအတၢ်သးဘၣ်အၢအလီၢ် လၢ ကစၢၢ်လိၤ, လၢပျီပူၤလီၤ. ယရူၤၡလ့ၣ်ဧၢ, နဘၣ်အဖှီၣ် လီၤ. နတဒိးတၢ်မၤကဆှီနၤဘၣ်န့ၣ်နကအိၣ်ဆံးယံာ် လဲၣ်.
14၁၄
1 ယွၤအကလုၢ်လၢအဘၣ် စီၤယံးရမံယၤလၢတၢ်ယီၤ ဃ့အဂ့ၢ်အကျိၤလီၤ.
2 ယူဒၤသူၣ်အုးသးအုးဒီးအပဲတရီလီၤဘှါဝဲ, ဆုးလီၤ အခိၣ်ပၢၢ်လၢဟီၣ်ခိၣ်, ဒီးယရူၤၡလ့ၣ်အကိးပသူထီၣ် န့ၣ်လဲၤထီၣ်ဝဲလီၤ. 3 ဒီးပှၤအဒိၣ်တဖၣ်မၢလီၤပှၤအဆံး တဖၣ်ဆူထံအလီၢ်လီၤ. ဟဲဝဲဆူထံပူၤဒီးထံတအိၣ် ဘၣ်. ဟဲက့ၤကဒါက့ၤအိၣ်ဒီးအထံစဲၤအိၣ်ကလီလီၤ. အမဲာ်ဆှး, ဒီးပာ်မဲာ်ဆှးအသး, ဒီးကျၢၢ်ဘၢအခိၣ်လီၤ.―
4 အဂ့ၢ်ဒ်အံၤ, ဟီၣ်ခိၣ်သ့ၣ်ဖးလၢတၢ်တဟဲစူၤဘၣ်လၢ ကီၢ်ပူၤအဃိလီၤ. ပှၤမၤဟီၣ်ခိၣ်ဖိအမဲာ်ဆှး, ဒီးကျၢၢ်ဘၢ အခိၣ်လီၤ. 5 တၤဟိမိၢ်ဒၣ်လဲာ်ဖှံလီၤအဖိလၢပှၢ်လၢ် ကျါ, ဒီးလဲၤသဒၣ်အီၤလၢနီၣ်ဧိၤမံၤဧိၤတအိၣ်ဘၣ်အ ဃိလီၤ. 6 ဒီးကသ့ၣ်ယီၤအမံၤဆၢထၢၣ်ဝဲလၢတၢ်စိခိၣ်, ဒီးသါထီၣ်ကလံၤဒ်ထွံၣ်ဟီၣ်ခိၣ်အသိးန့ၣ်, အမဲာ်လၢာ် ကွံာ်လၢနီၣ်ဧိၤမံၤဧိၤတအိၣ်ဘၣ်အဃိလီၤ.
7 ယွၤဧၢ, ပတၢ်အၢတဖၣ်အုၣ်အသးထီဒါပှၤလီၤ. မၤ လၢနမံၤဒၣ်နဲအဃိတက့ၢ်. အဂ့ၢ်ဒ်အံၤ, ပသးဟးဂီၤလံ အါဘျီလံ. ပမၤကမၣ်ဘၣ်နၤလံ. 8 အံၣ်စရ့လးအတၢ် မုၢ်လၢ်, ပှၤအုၣ်က့ၤခီၣ်က့ၤအီၤလၢ အဘၣ်ကိၢ်ဘၣ်ဂီၤ အကတီၢ်တဂၤဧၢ, နကဲထီၣ်တၢ်ဒ်ပှၤတခီဘီမုၢ်ဖိလၢ ကီၢ်အပူၤ, ဒီးဒ်ပှၤပိာ်ကျဲတဂၤလၢအသလၣ်ထီၣ်အဒဲ လၢမုၢ်တနၤအဂီၢ်အသိးန့ၣ်မ့ၢ်အဘၣ်မနုၤလဲၣ်. 9 နမၤ သးဒ်ပှၤလၢအသးကတုၤ, ဒ်ပှၤအဆူၣ်လၢအအုၣ်က့ၤ ခီၣ်က့ၤတၢ်တသ့ဘၣ်အသိးန့ၣ် မ့ၢ်အဘၣ်မနုၤလဲၣ်. ဘၣ်ဆၣ်ဒီးယွၤဧၢ, နအိၣ်လၢပကျါ, ဒီးတၢ်ကိးပှၤလၢ နမံၤလီၤ. လဲၤသဒၣ်ပှၤတဂ့ၤ.
10 ယွၤစံးလၢပှၤဂီၢ်မုၢ်အံၤဒ်အံၤ, အဲၣ်ဒိးဝဲဒ်န့ၣ်လၢအက ဟးဖျိးတၢ်, တတြီဘၣ်အခီၣ်ဘၣ်. မၤသးဒ်န့ၣ်ဒီးယွၤ တတူၢ်လိာ်ဘၣ်အီၤဘၣ်. ခဲကနံၣ်အံၤကသ့ၣ်နီၣ်ထီၣ် အတၢ်အၢ, ဒီးအိၣ်သကိးအတၢ်ဒဲးဘးလီၤ. 11 တုၤနုၤ တစုယွၤစံးဘၣ်ယၤ, ဘါထုကဖၣ်လၢပှၤဂီၢ်မုၢ်အံၤအ တၢ်ဂ့ၤအဂီၢ်တဂ့ၤ. 12 တုၤအဒုၣ်တၢ်အီၣ်တၢ်အီဒီး, ယ တကနၣ်ဘၣ်အဃ့ကညးတၢ်ဘၣ်. တုၤအလုၢ်တၢ်လုၢ် မ့ၣ်အူ, ဒီးတၢ်မၤဘူၣ်ကိၣ်ဒီး, ယတတူၢ်လိာ်ဘၣ်အီၤ ဘၣ်. ယကမၤလၢာ်ကွံာ်အီၤလၢနး, ဒီးလၢတၢ်သၣ် ဝံၤလီၤဒိ, ဒီးလၢတၢ်သံသတြိာ်လီၤ.
13 ဒီးယစံး, အၣ်လါ, ကစၢ်ယွၤဧၢ, ကွၢ်ကွၢ်, ဝံတဖၣ်စံး ဘၣ်အီၤ, သုတထံၣ်ဘၣ်နး, ဒီးသုတဘၣ်ဘၣ်တၢ်သၣ် ဝံၤလီၤဒိဘၣ်. မ့မ့ၢ်ယွၤကဟ့ၣ်သုလၢ တၢ်ဃူတၢ်ဖိးနီၢ် နီၢ်လၢအလီၢ်အံၤလီၤ.
14 ဒီးယွၤစံးဘၣ်ယၤ, ဝံတဖၣ်န့ၣ်ကတိၤတၢ်လၢဝံအ ကျိာ်ကဘျံးကဘျၣ်လၢယမံၤ, ယတမၢဘၣ်အီၤဘၣ်, ဒီးယတမၤလိာ်ဘၣ်အီၤဘၣ်, ဒီးယတကတိၤဘၣ်ဒီး အီၤဘၣ်. ကတိၤတၢ်လၢဝံအကျိာ်လၢတၢ်ထံၣ်တၢ်လီ တၢ်, ဒီးလၢတၢ်ဖးတၢ်, ဒီးလၢတၢ်ကလီကလီ, ဒီးတၢ် ဘၣ်ဃးဒီးလီတၢ်လၢအသးဒၣ်ဝဲအပူၤလီၤ. 15 မၤသးဒ် န့ၣ်ဒီး, ယွၤစံးလၢဝံလၢအကတိၤတၢ်လၢဝံအကျိာ်လၢ ယမံၤ, ဒီးယတမၢဘၣ်အီၤ, လၢအစံးဝဲ, နးဒီးတၢ်သၣ် ဝံၤလီၤဒိတအိၣ်ဘၣ်လၢ ကီၢ်အံၤအပူၤဘၣ်တဖၣ်န့ၣ်အ ဂ့ၢ်အကျိၤဒ်အံၤ, ဝံတဖၣ်န့ၣ်ကလၢာ်ဝဲလၢနး, ဒီးလၢ တၢ်ဝံၤလီၤဒိလီၤ. 16 ဒီးပှၤဂီၢ်မုၢ်လၢအဝဲသ့ၣ်ကတိၤတၢ် လၢဝံအကျိာ်ဒီးအီၤန့ၣ် ကဘၣ်တၢ်ကွံာ်တ့ၢ်ကွံာ်အီၤ ဆူယရူၤၡလ့ၣ်အကျဲပူၤလၢ တၢ်သၣ်ဝံၤလီၤဒိဒီးနးအ ဃိလီၤ. ဒီးအဝဲသ့ၣ်, ဒီးအမါ, ဒီးအဖိခွါ, ဒီးအဖိမုၣ် သ့ၣ်တဖၣ်န့ၣ် ပှၤခူၣ်လီၤကွံာ်အီၤတအိၣ်ဝဲဘၣ်. အဂ့ၢ် ဒ်အံၤ, ယကလူလီၤအတၢ်အၢလၢအလိၤလီၤ.
17 ဒီးနဘၣ်ကတိၤတၢ်ကတိၤအံၤဒီးအီၤ, မ်မဲာ်ထံယွၤ လီၤလၢယမဲာ်လၢမုၢ်ဆါဆဲးလၢမုၢ်နၤတက့ၢ်. ဒီးမ်အ သုတတုာ်တဂ့ၤ. အဂ့ၢ်ဒ်အံၤ, ယပှၤဂီၢ်မုၢ်အဖိမုၣ်လိၣ် ဘိဘၣ်တၢ်ဆဲးအီၤလၢတၢ်ဆဲးဖးဒိၣ်, ဒီးတၢ်ကျီအီၤနး မးလီၤ. 18 ယမ့ၢ်လဲၤတၢ်ဆူခိဒီး, ကွၢ်ကွၢ်, ပှၤလၢအဘၣ် တၢ်မၤသံအီၤလၢနး, ဒီးယမ့ၢ်လဲၤနုာ်လၢဝ့ၢ်ပူၤဒီး, ကွၢ် ကွၢ်, ပှၤလၢအဃဲၤဝဲလၢတၢ်သၣ်ဝံၤလီၤဒိလီၤ. မ့မ့ၢ်ဝံဒီး ပှၤလုၢ်တၢ်အဒိၣ်န့ၣ် ဟးဝဲဆူကီၢ်တဘ့ၣ်လၢအတသ့ၣ် ညါဘၣ်ဝဲဘၣ်.
19 နညိကွံာ်ယူဒၤလၢာ်လ့ၤတက့ၤဧါ. နသးဘၣ်အၢစံ ယိၣ်ဧါ. နတီၢ်ပှၤ, ဒီးတၢ်မၤဘျါက့ၤတအိၣ်ဘၣ်လၢပ ဂီၢ်န့ၣ်မ့ၢ်အဘၣ်မနုၤလဲၣ်. ပကွၢ်လၢ်တၢ်ဃူတၢ်ဖိးအ ကျဲ, ဒီးတၢ်ဂ့ၤတအိၣ်ဘၣ်. ပကကွၢ်လၢ်တၢ်မၤဘျါ က့ၤအကတီၢ်, ဒီးကွၢ်ကွၢ်, တၢ်မၤကိၢ်မၤဂီၤလီၤ. 20 ယွၤ ဧၢ, ပသ့ၣ်ညါပတၢ်အၢ, ဒီးပပၢ်အတၢ်အၢလီၤ. အဂ့ၢ် ဒ်အံၤ, ပမၤကမၣ်နၤလံ. 21 လၢနမံၤအဃိန့ၣ်ညိကွံာ်ပှၤ တဂ့ၤ, မၤဟးဂီၤနလီၢ်ပစိာ်အလၤကပီၤတဂ့ၤ. သ့ၣ် နီၣ်ထီၣ်က့ၤတက့ၢ်. မၤဟးဂီၤနတၢ်အၢၣ်လီၤအီလီၤဒီး ပှၤတဂ့ၤ.
22 လၢပှၤကလုာ်တဖၣ် အတၢ်ကလီကလီအကျါန့ၣ် ဟ့ၣ်လီၤတၢ်ဟဲစူၤသ့တမံၤမံၤဧါ. ဒီးမူကပိာ်လိၤဟ့ၣ် တၢ်လီၤသဖှံၣ်ဘၣ်ကသ့ဧါ, ယွၤပကစၢ်ဧၢ, နဲဒၣ်အံၤန မ့ၢ်အဝဲဒၣ်တမ့ၢ်ဘၣ်ဧါ. ဒီးပကသန့ၤပသးလၢနၤလီၤ. အဂ့ၢ်ဒ်အံၤ, နတ့လီၤတၢ်ခဲလၢာ်န့ၣ်လီၤ.
15၁၅
1 ဒီးယွၤစံးဘၣ်ယၤ, စီၤမိၤရှ့, ဒီးစီၤၡမူၤအ့လးမ့ၢ်ဆၢ ထၢၣ်လၢယမဲာ်ညါဘၣ်ဆၣ်ဒီး, ယတဃၣ်ဘၣ်ယသး ဆူပှၤဂီၢ်မုၢ်အံၤဘၣ်. ညိကွံာ်အီၤလၢယမဲာ်ညါတက့ၢ်. ဒီးဒုးဟးထီၣ်ကွံာ်အီၤတက့ၢ်. 2 ဒီးပှၤမ့ၢ်စံးလၢနၤ, ပက ဟးထီၣ်ဆူလဲၣ်န့ၣ်ဒီး, နဘၣ်စံးဘၣ်အီၤ, ယွၤစံးဒ်အံၤ, ပှၤလၢအအိၣ်ဝဲလၢတၢ်သံအဂီၢ်, ဆူတၢ်သံတအိၣ်, ဒီး ပှၤလၢအအိၣ်ဝဲလၢနးအဂီၢ်, ဆူနးအအိၣ်, ဒီးပှၤလၢအ အိၣ်ဝဲလၢတၢ်သၣ်ဝံၤလီၤဒိအဂီၢ်, ဆူတၢ်သၣ်ဝံၤလီၤဒိ အအိၣ်, ဒီးပှၤလၢအအိၣ်လၢတၢ်မၢကဲကုၢ်အဂီၢ်, ဆူ တၢ်မၢကဲကုၢ်အအိၣ်လီၤ. 3 ဒီးယွၤစံးဝဲဒၣ်, ယကပာ် တၢ်လွံၢ်မံၤလၢအဖီခိၣ်, နးတမံၤဒ်သိးအကမၤသံတၢ်, ဒီးထွံၣ်တမံၤဒ်သိးအကအ့ၣ်ဖှီတၢ်, ဒီးထိၣ်လၢမူကပိာ် လိၤတမံၤ, ဒီးဆၣ်ဖိကီၢ်ဖိလၢပှၢ်လၢ်ကျါတမံၤ ဒ်သိး အကအီၣ်တၢ်ဒီးမၤဟးဂီၤတၢ်လီၤ.
4 ဒီးယကမၤလီၤပြံလီၤပြါအီၤလၢ ဟီၣ်ခိၣ်အဘီမုၢ်ခဲ လၢာ်အပူၤ, လၢယူဒၤအစီၤပၤစီၤဃံးစကံယၤအဖိခွါစီၤ မနၤရှ့ၤအဃိ, လၢတၢ်လၢအမၤဝဲလၢယရူၤၡလ့ၣ်အပူၤ အဃိလီၤ.
5 အဂ့ၢ်ဒ်အံၤ, မ့ၢ်မတၤကသးကညီၤနၤတဂၤလဲၣ်, ယ ရူၤၡလ့ၣ်ဧၢ. မ့ၢ်မတၤကဟီၣ်လၢနဃိတဂၤလဲၣ်. ဒီးမ့ၢ် မတၤကဃၣ်အသးဒီးသံကွၢ်, နအိၣ်မုာ်စ့ၢ်ကီးဧါန့ၣ် တဂၤလဲၣ်. 6 ယွၤစံးဝဲဒၣ်, နလဲၤသဒၣ်လံယၤလံ, န ဂုၤကဒါက့ၤနလီၢ်ခံလီၤ. မၤသးဒ်န့ၣ်ဒီးယကယူာ်ထီၣ် ယစုထီဒါနၤ, ဒီးမၤဟးဂီၤနၤလီၤ. တၢ်ပီၢ်ယၢ်လီၤက့ၤ ယသးန့ၣ်တၢ်ဘှံးယသးလီၤ. 7 ယကဃၤအီၤလၢကီၢ် လဲၢ်လၢကီၢ်အပဲတရီပူၤ, ယကဟံးထီၣ်အဖိ, ယကမၤ ဟးဂီၤယပှၤဂီၢ်မုၢ်လီၤ. အဂ့ၢ်ဒ်အံၤ, တဟဲက့ၤကဒါက့ၤ ဘၣ်လၢအကျဲဘၣ်. 8 အပှၤမုၣ်ကမဲကအါန့ၢ်ပီၣ်လဲၣ် နံၤအမဲးတက့ၢ်. ယဒုးဟဲထီၣ်ထီဒါဖိၣ်သၣ်ခွါအမိၢ်န့ၣ် တၢ်ဂုာ်န့ၢ်တၢ်လၢမုၢ်ထူၣ်, ယဒုးလီၤဘၣ်အီၤလၢတၢ် ပျံၤတၢ်ဖုးသတူၢ်ကလာ်လီၤ. 9 ပှၤလၢအဆံးစၢ်နွံဂၤန့ၣ် လီၤဘှါဝဲ, အသးဟးထီၣ်ကွံာ်, အမုၢ်လီၤနုာ်လၢမုၢ်ဆါ ခီ, အမဲာ်ဆှး, ဒီးပာ်မဲာ်ဆှးအမဲာ်, ဒီးပှၤအိၣ်လီၤတဲာ် လၢအကျါန့ၣ်ယကဟ့ၣ်လီၤကွံာ်အီၤလၢ နးအဂီၢ်လၢ အဒုၣ်အဒါအမဲာ်ညါလီၤ, ယွၤစံးဝဲဒၣ်.
10 ယဘၣ်တၢ်အဖှီၣ်လီၤ, ယမိၢ်ဧၢ, နဆံးစၢ်န့ၢ်ယၤ, ဒ် သိးယကကဲထီၣ်ပှၤအ့ၣ်လိာ်ဆိးက့လိာ်တၢ်, ဒီးပှၤလၢ အဂ့ၢ်လိာ်ဘှီလိာ်ဒီးပှၤကီၢ်ဖိခဲလၢာ်လီၤ. ယတလိၢ်စ့, ဒီးယတဒုးလိၢ်ပှၤဂၤလၢစ့ဘၣ်. ဘၣ်ဆၣ်ဒီးပှၤခဲလၢာ် န့ၣ်ဆိၣ်အၢယၤကိးဂၤဒဲးလီၤ. 11 ဒီးယွၤစံၤဝဲဒၣ်, မ့ၢ်မးယကမၤပူၤဖျဲးနၤလၢတၢ်ဂ့ၢ်အဂီၢ်လီၤ. မ့ၢ်မးလၢတၢ်အၢအကတီၢ်, ဒီးလၢတၢ်မၤကိၢ်အကတီၢ်န့ၣ် ယကဒုးမၤစၢၤနၤလၢတၢ်အဒုၣ်အဒါ.― ပှၤမၤကၢ်ထး, ထးဒီးတိၢ်လၢကလံၤစိးဘၣ်ကသ့ဧါ.
13 နစုလီၢ်နခီၣ်ခိၣ်ဒီးနတၢ်ပာ်ဖှိၣ်တဖၣ်န့ၣ် ယကဟ့ၣ် လီၤလၢတၢ်ဂုာ်န့ၢ်လီၤ. လၢတၢ်အပှ့ၤအဃိတမ့ၢ်ဘၣ်. မ့ၢ်လၢနတၢ်ဒဲးဘးခဲလၢာ်လၢ နကီၢ်အဃၢၤခဲလၢာ်အ ဃိလီၤ. 14 ဒီးယကဒုးမၤနၤလၢ နဒုၣ်နဒါအတၢ်လၢ ကီၢ်တဘ့ၣ်အပူၤလၢနတသ့ၣ်ညါဘၣ်လီၤ. အဂ့ၢ်ဒ်အံၤ, ယသးထီၣ်ဆိၣ်ကဲၤထီၣ်မ့ၣ်အူ, ဒီးကအီၣ်တၢ်ထီဒါသု လီၤ.
15 ယွၤဧၢ, နသ့ၣ်ညါတၢ်ဘၣ်ဃးဒီးယၤလီၤ. သ့ၣ်နီၣ် ထီၣ်က့ၤယၤ, ဒီးအိၣ်သကိးယၤ, ဒီးမၤဆၢတၢ်အၢလၢ ပှၤလၢအမၤအၢယၤတက့ၢ်. မ့ၢ်နဝံသးစူၤတၢ်သတးဒီး ဟံးထီၣ်ကွံာ်ယၤတဂ့ၤ. သ့ၣ်ညါလၢယဘၣ်တၢ်ဒုၣ်ဒွဲၣ် လၢနဃိတက့ၢ်. 16 ယထံၣ်န့ၢ်နတၢ်ကတိၤ, ဒီးယအီၣ် ကွံာ်အီၤလီၤ. ဒီးနကလုၢ်မ့ၢ်ယသူၣ်ခုယသးခု, ဒီးယ သူၣ်ဖှံယသးညီအလီၢ်လီၤ. အဂ့ၢ်ဒ်အံၤ, ယွၤတၢ်သုးမုၢ် ဂီၢ်မုၢ်အကစၢ်ဧၢ, တၢ်ကိးယၤလၢနမံၤလီၤ. 17 ယတ ဆ့ၣ်နီၤလၢပှၤဒုၣ်ဒွဲၣ်တၢ်အတၢ်အိၣ်ဖှိၣ်အပူၤဘၣ်. ဒီး ယတသးခုဘၣ်. ယဆ့ၣ်နီၤတဂၤဃီလၢနစုအဃိလီၤ. အဂ့ၢ်ဒ်အံၤ, နမၤပှဲၤယသးဒီးတၢ်ကိၢ်တၢ်ဂီၤလီၤ. 18 ယတၢ်ဆိးကဲး အိၣ်ဝဲတထံၣ်ဃီ, ဒီးယပူၤလီၢ်လၢအတ အၢၣ်လီၤဘၣ်ဒီးတၢ်မၤဘျါက့ၤအီၤန့ၣ် ဘျါတသ့ဘၣ်, မ့ၢ်အဘၣ်မနုၤလဲၣ်. နကကဲထီၣ်လၢယဂီၢ်ဒ်ထံကျိလၢ အလီတၢ်တလိာ်အသိး, ဒ်ထံလၢအလီၤသံးဝဲအသိးန့ၣ် ဧါ.
19 မၤသးဒ်န့ၣ်ဒီး ယွၤစံးဒ်အံၤ, နမ့ၢ်ဟဲကဒါက့ၤဒီး, ယ ကဒုးဟဲက့ၤနၤ, ဒီးနကဆၢထၢၣ်လၢယမဲာ်ညါ, ဒီးနမ့ၢ် ထုးထီၣ်ကွံာ်တၢ်လုၢ်ဒိၣ်ပှ့ၤဒိၣ်လၢ တၢ်တဂိာ်တသီၣ် ဘၣ်တၢ်အကျါဒီး, နကမၤသးဒ် ယထးခိၣ်အသိးန့ၣ် လီၤ. အဝဲသ့ၣ်ကဟဲက့ၤဆူနအိၣ်လီၤ. မ့မ့ၢ်နဲဒၣ်အံၤ က့ၤက့ၤဆူအအိၣ်တဂ့ၤ. 20 ဒီးယကပာ်နၤလၢတၢ်အဒူၣ် တိၢ်လၢ ပှၤဂီၢ်မုၢ်အံၤအဂီၢ်, ဒီးတုၤအဒုးတၢ်ဒီးနၤဒီး, တမၤနၢၤဘၣ်နၤဘၣ်. အဂ့ၢ်ဒ်အံၤ, ယအိၣ်ဒီးနၤ, ဒ်သိး ယကအုၣ်က့ၤခီၣ်က့ၤနၤ, ဒီးမၤပူၤမၤဖျဲးနၤ, ယွၤစံးဝဲ ဒၣ်. 21 ဒီးယကမၤပူၤမၤဖျဲးနၤလၢ ပှၤတတီဘၣ်အစု ပူၤ, ဒီးယကပှ့ၤက့ၤနၤလၢပှၤမၤပျံၤတၢ်အစုပူၤလီၤ.
16၁၆
1 ဒီးယွၤအကလုၢ်ဘၣ်ယၤဒီးစံးဝဲဒၣ်,― န့ၢ်မါတဂ့ၤ. ဒီး ဖိခွါမ့ၢ်ဂ့ၤဖိမုၣ်မ့ၢ်ဂ့ၤ ထီၣ်ဖိလၢတၢ်အလီၢ်ဖဲအံၤတဂ့ၤ.―
3 အဂ့ၢ်ဒ်အံၤ, ယွၤစံးလၢဖိခွါဒီးဖိမုၣ်လၢအအိၣ်ဖျဲၣ်လၢ တၢ်အလီၢ်ဖဲအံၤအဂ့ၢ်, ဒီးလၢအမိၢ်လၢအဆံးစၢ်အီၤအ ဂ့ၢ်, ဒီးလၢအပၢ်လၢအထီၣ်ဖိအီၤလၢကီၢ်အံၤ အဂ့ၢ်ဒ် အံၤ, 4 ကသံဝဲလၢတၢ်သံတမုာ်ဘၣ်, ပှၤတဟီၣ်ဘၣ် လၢအဃိဘၣ်. ဒီးပှၤတခူၣ်လီၤကွံာ်ဘၣ်အီၤဘၣ်. က မၤသးဒ်တၢ်အ့ၣ်လၢဟီၣ်ခိၣ်ချၢအသိးန့ၣ်, ဒီးကလၢာ် ဝဲလၢနး, ဒီးတၢ်သၣ်ဝံၤလီၤဒိ, ဒီးအစိၣ်တဖၣ်ကကဲ ထီၣ်တၢ်အီၣ်လၢမူကပိာ်လိၤအထိၣ်အဂီၢ်, ဒီးလၢဟီၣ် ခိၣ်အဆၣ်ဖိကီၢ်ဖိအဂီၢ်လီၤ.
5 အဂ့ၢ်ဒ်အံၤ, ယွၤစံးဒ်အံၤ, လဲၤနုာ်လၢပှၤဟီၣ်တၢ်အ ဟံၣ်ပူၤတဂ့ၤ. ဒီးလဲၤဟီၣ်တၢ်လၢပှၤအဃိတဂ့ၤ. မၤမုာ် ထီၣ်က့ၤအီၤတဂ့ၤ. အဂ့ၢ်ဒ်အံၤ, ယွၤစံးဝဲဒၣ်, ယတၢ်မုာ် တၢ်ပၢၤ, ဒီးယဘျုးယဖှိၣ်, ဒီးယသးအိၣ်တၢ်န့ၣ်ယဟံး ထီၣ်ကွံာ်လံလၢပှၤဂီၢ်မုၢ်အံၤလီၤ. 6 ပှၤအဒိၣ်ဂ့ၤ, အဆံး ဂ့ၤ, ကသံဝဲလၢကီၢ်တဘ့ၣ်အံၤအပူၤ, ဒီးပှၤတခူၣ်လီၤ ကွံာ်ဘၣ်အီၤ, ဒီးပှၤတဟီၣ်ဘၣ်လၢအဃိဘၣ်. ဒီးပှၤတ တဂဲာ်အသးလၢအဃိဘၣ်, ဒီးပှၤတလူၤအခိၣ်လၢအ ဃိဘၣ်, 7 ဒီးပှၤတစိၢ်ဘျဲးကိၣ်လၢအဃိလၢ အသးအုး အဖၢမုၢ်ဒ်သိးအကမၤမုာ်ထီၣ်က့ၤအီၤလၢ ပှၤသံအဃိ ဘၣ်. ဒီးလၢအပၢ်အဃိမ့ၢ်ဂ့ၤ, လၢအမိၢ်အဃိမ့ၢ်ဂ့ၤ, ပှၤတဟ့ၣ်အီအီၤလၢလီခီမၤမုာ်တၢ်ဘၣ်.
8 ဒီးနတလဲၤဘၣ်ဆူတၢ်အီၣ်တၢ်အီအဟံၣ်ပူၤ ဒ်သိးန ဆ့ၣ်နီၤအီၣ်တၢ်ဒီးအီတၢ်ဒီးအီၤဘၣ်. 9 အဂ့ၢ်ဒ်အံၤ, တၢ် သုးမုၢ်ဂီၢ်မုၢ်အယွၤအံၣ်စရ့လးအကစၢ်စံးဝဲဒၣ်, ကွၢ် ကွၢ်, လၢသုမဲာ်ညါ, လၢသုနံၤသုသီန့ၣ်ယကဒုးဆိတ့ၢ် တၢ်သူၣ်ဖှံသးညီအသီၣ်, ဒီးတၢ်သူၣ်ခုသးခုအသီၣ်, ဒီး တလးမူးပိာ်ခွါအကလုၢ်, ဒီးတလးမူးပိာ်မုၣ်အကလုၢ် ဖဲအံၤလီၤ.
10 ဒီးတုၤနစံးဘၣ်တဲဘၣ်ပှၤဂီၢ်မုၢ်အံၤ လၢတၢ်ကတိၤခဲ လၢာ်န့ၣ်, ဒီးကစံးလၢနၤ, ယွၤစံးတၢ်အၢဖးဒိၣ်ထီဒါပှၤ အံၤမ့ၢ်အဘၣ်မနုၤလဲၣ်, ဒီးပတၢ်ဒဲးဘးမ့ၢ်မနုၤတမံၤ လဲၣ်, ဒီးပတၢ်ကမၣ်လၢ ပမၤကမၣ်ယွၤမ့ၢ်မနုၤလဲၣ် န့ၣ်ဒီး, 11 တၢ်ကမၤအသးလၢနဘၣ်စံးဆၢအီၤ, အဂ့ၢ်ဒ် အံၤ, သုပၢ်လဲၤသဒၣ်ယၤ, ယွၤစံးဝဲဒၣ်, ဒီးပိာ်ကစၢ်အ ဂၤတဖၣ်အခံ, ဒီးမၤအတၢ်, ဒီးဘူၣ်ထီၣ်ဘါထီၣ်အီၤ, ဒီး လဲၤသဒၣ်ယၤ, ဒီးတတိၢ်န့ၢ်ဘၣ်ယတၢ်သိၣ်တၢ်သီ ဘၣ်, 12 ဒီးသုမၤတၢ်အၢအါန့ၢ်သုပၢ်တဖၣ်လီၤ. အဂ့ၢ်ဒ် အံၤ, သုလဲၤထွဲတဂၤအသးအၢအနၢ်က့ၣ်အခံ, တဂၤ အသးအၢအနၢ်က့ၣ်အခံ, ဒီးသုတကနၣ်ဘၣ်ယကလုၢ် ဘၣ်လီၤ. 13 မၤသးဒ်န့ၣ်ဒီးယကဟီထီၣ်ကွံာ်သုလၢကီၢ် တဘ့ၣ်အံၤအပူၤ ဆူကီၢ်တဘ့ၣ်အပူၤလၢသုမ့ၢ်ဂ့ၤ, သု ပၢ်မ့ၢ်ဂ့ၤ, တသ့ၣ်ညါဘၣ်အီၤဘၣ်, ဒီးသုကမၤကစၢ်အ ဂၤတဖၣ်အတၢ်, လၢမုၢ်ဆါဆဲးလၢမုၢ်နၤဖဲန့ၣ်လီၤ. အ ဂ့ၢ်ဒ်အံၤ, ယတသးကညီၤဘၣ်သုဘၣ်. 14 မၤသးဒ်န့ၣ်ဒီးယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲဝဲလၢပှၤတစံးလၢၤဘၣ်, ယွၤမူဝဲလၢအဒုးဟးထီၣ်ကွံာ်ပှၤအံၣ်စရ့လးဖိ လၢကီၢ်အဲၤကူပတူးအပူၤန့ၣ်ဘၣ်.―
15 မ့ၢ်အကစံး, ယွၤမူဝဲလၢအဒုးဟးထီၣ်ကွံာ်ပှၤအံၣ်စရ့ လးဖိလၢကီၢ်ကလံၤစိးတခီ, ဒီးလၢကယဲၢ်ကီၢ်လၢအ ဟီထီၣ်ကွံာ်အီၤဆူအပူၤလီၤ. အဂ့ၢ်ဒ်အံၤ, ယကဒုးဟဲ က့ၤအီၤဆူအကီၢ်ဒၣ်ဝဲအပူၤလၢ ယဟ့ၣ်လီၤအပၢ်တ ဖၣ်လီၤ.
16 ကွၢ်ကွၢ်, ယွၤစံးဝဲဒၣ်, ယကမၢလီၤပှၤမၤညၣ်ဖိအါဂၤ, ဒီးကမၤန့ၢ်အီၤ, ဒီးလၢအလီၢ်ခံန့ၣ်ယကမၢလီၤပှၤလူၤ ခးဆၣ်ဖိကီၢ်ဖိတဖၣ်လၢ အကလူၤခးအီၤလၢကယဲၢ် ကစၢၢ်ကလိ, ဒီးလၢကယဲၢ်တၢ်စိခိၣ်, ဒီးလၢလၢၢ်အိပူၤ န့ၣ်လီၤ. 17 အဂ့ၢ်ဒ်အံၤ, ယမဲာ်အိၣ်ဝဲလၢအကျဲအဖီခိၣ် လီၤ. အဝဲသ့ၣ်တအိၣ်တဒၢဘၣ်လၢယမဲာ်ဘၣ်, ဒီးအ တၢ်ဒဲးဘးတအိၣ်ခူသူၣ်ဘၣ်လၢယမဲာ်ဘၣ်.
18 ဒီးလၢအခီၣ်ထံးန့ၣ် ယကမၤဆၢအတၢ်ဒဲးဘးဒီးအ တၢ်ကမၣ်ခံစးလီၤ. အဂ့ၢ်ဒ်အံၤ, မၤဘၣ်အၢယကီၢ်လၢ တၢ်အစိၣ်တဖၣ်လၢအလုၢ်တၢ်ဂီၤတၢ်ဖီၣ်, ဒီးမၤပှဲၤယ တၢ်န့ၢ်သါလၢတၢ်သးဟ့အလီၢ်တဖၣ်လီၤ.
19 ယဂံၢ်ယဘါ, ယတိာ်ယတာ်, ယအိၣ်တဒၢအလီၢ်လၢ တၢ်မၤကိၢ်မၤဂီၤအမုၢ်နံၤ, ယွၤဧၢ, ပှၤကလုာ်တဖၣ်က ဟဲဆူနအိၣ်လၢ ဟီၣ်ခိၣ်အကတၢၢ်တဖၣ်, ဒီးကစံး, မ့ၢ် မးပပၢ်တဖၣ်န့ၢ်သါတၢ်ကဘျံးကဘျၣ်, တၢ်ကလီက လီ, ဒီးတၢ်လၢအတဂိာ်တသီၣ်ဘၣ်လီၤ. 20 ပှၤကညီက တ့အကစၢ်လၢအဂီၢ်ဒၣ်ဝဲ, ဒီးတမ့ၢ်ဘၣ်ကစၢ်န့ၣ်စ့ၢ်ကီး ဧါ. 21 မၤသးဒ်န့ၣ်ဒီး, ကွၢ်ကွၢ်, အအံၤတဘျီယကဘိး ဘၣ်သ့ၣ်ညါအီၤ, ယကဘိးဘၣ်သ့ၣ်ညါအီၤလၢယစု, ဒီးယစိယကမီၤ, ဒီးကသ့ၣ်ညါဝဲလၢယမံၤမ့ၢ်ယွၤလီၤ.
17၁၇
1 ယူဒၤအတၢ်ဒဲးဘး ကွဲးအသးလၢနီၣ်ကွဲးထး, လၢ လၢၢ်စံၣ်အခိၣ်စူလီၤ. ကွဲးအသးလၢအသးအဘ့ၣ်ဘၣ် အလိၤ, ဒီးလၢတၢ်လုၢ်လီၢ်အနၢၤအလိၤလီၤ. 2 ဒီးအ ဖိအလံၤသ့ၣ်နီၣ်ထီၣ်က့ၤအတၢ်လုၢ်လီၢ်, ဒီးအရှ့ရၤအ တၢ်ဂီၤတဖၣ်လၢသ့ၣ်သံကစဲာ်အဃၢၤ, လၢတၢ်စိခိၣ် ထီအလိၤလီၤ. 3 ယကစၢၢ်ဒီးတၢ်အိၣ်လၢပျီပူၤဧၢ, ယ ကဟ့ၣ်လီၤနတၢ်ဖိတၢ်လံၤ, နတၢ်ပာ်ဖှိၣ်တဖၣ်လၢတၢ် ဂုာ်န့ၢ်အဂီၢ်, နလီၢ်ထီၣ်ထီလၢတၢ်ဒဲးဘးအဃိလၢန ကီၢ်ဃၢၤခဲလၢာ်လီၤ. 4 ဒီးနဲဒၣ်နကစၢ်ဒၣ်နဲနတအိၣ် လၢၤဘၣ်လၢနတၢ်န့ၢ်သါအပူၤ လၢယဟ့ၣ်လီၤနၤ, ဒီး ယကဒုးမၤနၤလၢနဒုၣ်နဒါအတၢ် လၢကီၢ်တဘ့ၣ်လၢ နတသ့ၣ်ညါဘၣ်အီၤအပူၤလီၤ. အဂ့ၢ်ဒ်အံၤ, ယဆိၣ်ကဲၤ ထီၣ်မ့ၣ်အူလၢယသးထီၣ်အပူၤလၢ အကအီၣ်ကွံာ်တၢ် လီၤထူလီၤယိာ်လီၤ.
5 ယွၤစံးဒ်အံၤ, ပှၤလၢအသန့ၤအသးလၢပှၤကညီ, ဒီး ပာ်ပှၤကညီလၢအစိအကမီၤ, ဒီးအသးလဲၤသဒၣ်ယွၤ န့ၣ်ဘၣ်ဆိၣ်အၢဝဲလီၤ. 6 ဒီးကမၤသးဒ်ပထိးသ့ၣ်ဧၢ်ရၢ် လၢပှၢ်မုၢ်ကနၢအသိးန့ၣ်လီၤ. တုၤတၢ်ဂ့ၤဟဲဒီး, တထံၣ် ဘၣ်ဝဲဘၣ်. ဒီးကအိၣ်ကဆိးဝဲလၢဟီၣ်ခိၣ်ဃ့လၢပှၢ်မုၢ် ကနၢအပူၤ, လၢဟီၣ်ခိၣ်အိၣ်ဒီးအံသၣ်, ဖဲပှၤတအိၣ် တဆိးဘၣ်လၢအပူၤလီၤ. 7 ပှၤလၢအသန့ၤအသးလၢ ယွၤ, လၢအတၢ်သန့ၤအလီၢ်မ့ၢ်ယွၤန့ၣ်ဘၣ်ဆိၣ်ဂ့ၤဝဲ လီၤ. 8 ကမၤသးဒ်သ့ၣ်သူၣ်အသးလၢထံနံၤ, လၢအ စဲၤလီၤအဂံၢ်လၢထံကျိအနံၤ, ဒီးတုၤတၢ်ကိၢ်ဟဲဝဲဒီး, တ ထံၣ်ဘၣ်ဝဲဘၣ်. အလၣ်အိၣ်သံကစဲာ်, ဒီးနံၣ်လၢတၢ် တဟဲစူၤဘၣ်န့ၣ်တလီၤညွံးဘၣ်ဝဲဘၣ်, ဒီးသၣ်ထီၣ်တၤ သၣ်န့ၣ်တတုာ်ဘၣ်ဝဲဘၣ်.
9 ပှၤကညီအသးန့ၣ် လီန့ၢ်တၢ်ဒိၣ်န့ၢ်အါန့ၢ်တၢ်ခဲလၢာ် တက့ၢ်, ဒီးအၢဝဲဒိၣ်မးလီၤ. မ့ၢ်မတၤသ့ၣ်ညါအီၤသ့တ ဂၤလဲၣ်. 10 ယၤ, ယွၤအံၤ, ယဃုတၢ်လၢပှၤအသးကံၢ် ပူၤ, ယမၤကွၢ်ပှၤအကလ့ၢ်ဒ်သိး ယကဟ့ၣ်လီၤပှၤက ညီစုာ်စုာ်ဒ်အကျဲအသိး, အမၤတၢ်အတၤသၣ်အသိး န့ၣ်လီၤ.
11 ဒ်ထိၣ်ဘှၢၣ်ဟုဒံၣ်တဖၣ်လၢ အတဒံၣ်ဘၣ်ဝဲအသိး န့ၣ်, ပှၤလၢအန့ၢ်ဘၣ်တၢ်ထူးတၢ်တီၤတတီန့ၣ်, ဘၣ် လဲၤသဒၣ်အီၤလၢအမုၢ်နံၤဖးဖီတဖၣ်, ဒီးကကဲထီၣ်ပှၤ ဟးဂီၤဖိလၢအကတၢၢ်လီၤ.
12 ပလီၢ်စီဆှံန့ၣ်မ့ၢ်တၢ်လီၢ်ပစိာ်အိၣ်ဒီး အလၤအကပီၤ လၢအခီၣ်ထံးလံၤလံၤန့ၣ်လီၤ. 13 အံၣ်စရ့လးဖိအတၢ် မုၢ်လၢ်, ယွၤဧၢ, ကယဲၢ်ပှၤလၢအလဲၤသဒၣ်နၤတဖၣ်န့ၣ် အမဲာ်ကဆှးခဲလၢာ်လီၤ. ဒီးပှၤလၢအလဲၤသဒၣ်ယၤတ ဖၣ်န့ၣ် အမံၤကကွဲးအသးလၢဟီၣ်ခိၣ်လီၤ. အဂ့ၢ်ဒ်အံၤ, လဲၤသဒၣ်ယွၤလၢအမ့ၢ်ထံမူအထံထီၣ်ပၢၢ်လီၤ.
14 ကစၢ်ဧၢ, မၤဘျါက့ၤယၤတက့ၢ်, ဒီးယကဘျါက့ၤ လီၤ. အုၣ်က့ၤခီၣ်က့ၤယၤတက့ၢ်, ဒီးယကတုၤလၢတၢ် အုၣ်က့ၤခီၣ်က့ၤယၤလီၤ. အဂ့ၢ်ဒ်အံၤ, နမ့ၢ်ယစံးထီၣ်ပ တြၢၤတၢ်အလီၢ်လီၤ. 15 ကွၢ်ကွၢ်, ပှၤစံးလၢယၤ, ယွၤအ ကလုၢ်အကထါအိၣ်ဖဲလဲၣ်, ကဟဲဒၣ်ဝဲတက့ၢ်. 16 မ့ မ့ၢ်တၢ်လၢယၤအံၤ, ကဲပှၤကွၢ်သိပိာ်နခံအလီၢ်န့ၣ်ယတ ဟးသဒၣ်ဘၣ်, ဒီးယတဆၢတၢ်နးတၢ်ဖှီၣ်အနံၤဘၣ်, နသ့ၣ်ညါနဲလီၤ. တၢ်ထီၣ်ဖျဲးလၢယထးခိၣ်န့ၣ်အိၣ်ဝဲ လၢနမဲာ်ညါလီၤ. 17 ကဲထီၣ်တၢ်ပျံၤအလီၢ်လၢယဂီၢ်တ ဂ့ၤ. နမ့ၢ်ယတၢ်မုၢ်လၢ်လၢ တၢ်အၢအမုၢ်နံၤအတီၢ်ပူၤ န့ၣ်လီၤ. 18 ပှၤလၢအမၤအၢယၤတဖၣ်န့ၣ်မ်အမဲာ်ဆှးတ က့ၢ်. မ့မ့ၢ်ယဲဒၣ်အံၤ မ်ယသုတဘၣ်တၢ်မဲာ်ဆှးတဂ့ၤ. မ်အဝဲသ့ၣ်တဖၣ်န့ၣ်ပျံၤတၢ်တက့ၢ်. မ့မ့ၢ်ယဲဒၣ်အံၤမ် ယသုတပျံၤတၢ်တဂ့ၤ, ဒုးဘၣ်အီၤလၢတၢ်အၢအမုၢ်တ နံၤ, ဒီးမၤဟးဂီၤအီၤလၢတၢ်ဟးဂီၤခံစးန့ၣ်တက့ၢ်.
19 ယွၤစံးဘၣ်ယၤဒ်အံၤ, လဲၤဆၢထၢၣ်လၢပှၤဂီၢ်မုၢ်အပဲ တရီ, ဖဲယူဒၤအစီၤပၤဟဲနုာ်, ဒီးဖဲအဟးထီၣ်, ဒီးလၢ ယရူၤၡလ့ၣ်အပဲတရီခဲလၢာ်အပူၤ, 20 ဒီးစံးဘၣ်အီၤ, ယူ ဒၤအစီၤပၤတဖၣ်, ဒီးပှၤယူဒၤဖိခဲလၢာ်, ဒီးကယဲၢ်ပှၤယ ရူၤၡလ့ၣ်ဖိလၢအလဲၤနုာ်လၢပဲတရီအံၤသ့ၣ်ဧၢ, ကနၣ် ယွၤအကလုၢ်အကထါတက့ၢ်. 21 ယွၤစံးဒ်အံၤ, ပလီၢ် သုသး, ဒီးစိာ်တၢ်ဝံတၢ်ယိးလၢမုၢ်အိၣ်ဘှံးနံၤတဂ့ၤ. ဟဲ စိာ်နုာ်တၢ်ဝံတၢ်ယိးလၢ ယရူၤၡလ့ၣ်အပဲတရီအပူၤတ ဂ့ၤ. 22 ဒီးစိာ်ထီၣ်တၢ်ဝံတၢ်ယိးလၢသုဟံၣ်ပူၤ, ဒီးမၤ တၢ်မၤလၢမုၢ်အိၣ်ဘှံးနံၤတဂ့ၤ. ဒီးပာ်စီဆှံမုၢ်အိၣ်ဘှံး နံၤဒ်ယမၤလိာ်သုပၢ်တဖၣ်အသိးန့ၣ်တက့ၢ်. 23 ဘၣ်ဆၣ် ဒီးတကနၣ်ဘၣ်, ဒီးတဒိကနၣ်ဘၣ်တၢ်ဘၣ်. မ့ၢ်အပာ် ဆူၣ်အကိာ်ဒ်သိးအသုတနၢ်ဟူဘၣ်, ဒီးအသုတဒိးဘၣ် တၢ်သိၣ်လိန့ၣ်တဂ့ၤလီၤ.
24 ဒီးသုမ့ၢ်ဒိကနၣ်ယကလုၢ်သပှၢ်တၢၢ်, ယွၤစံးဝဲဒၣ်, ဒီး တစိာ်ဘၣ်တၢ်ဝံတၢ်ယိးလၢ ဝ့ၢ်အံၤအပဲတရီပူၤလၢမုၢ် အိၣ်ဘှံးနံၤဘၣ်, ဒီးပာ်စီဆှံမုၢ်အိၣ်ဘှံးနံၤ ဒ်သိးသုသု တမၤတၢ်မၤလၢအပူၤတဂ့ၤဒီး, 25 တၢ်ကမၤအသးလၢ စီၤပၤတဖၣ်, ဒီးပဒိၣ်ဖးဒိၣ်တဖၣ်ဆ့ၣ်နီၤဝဲလၢ စီၤဒၤ ဝံးအလီၢ်ပစိာ်အဖီခိၣ်န့ၣ်ကလဲၤနုာ်လၢ ဝ့ၢ်အံၤအပဲတ ရီပူၤ, ဒိးလ့ၣ်ကဟၣ်, ဒီးဒိးကသ့ၣ်, အဝဲသ့ၣ်ဒီးအပ ဒိၣ်ဖးဒိၣ်, ယူဒၤအပှၤကညီ, ဒီးပှၤယရူၤၡလ့ၣ်ဖိ, ဒီးဝ့ၢ် အံၤကအိၣ်ဝဲဆိးဝဲလီၤထူလီၤယိာ်လီၤ. 26 ဒီးပှၤကဟဲဝဲ လၢယူဒၤအဝ့ၢ်တဖၣ်အပူၤ, ဒီးလၢတၢ်အလီၢ်တဖၣ် အိၣ်ဝးတရံးယရူၤၡလ့ၣ်, ဒီးလၢဘံၣ်ယၤမံၣ်အကီၢ်ပူၤ, ဒီးလၢတၢ်ပျီပူၤန့ၣ်, ဒီးလၢကစၢၢ်ကလိ, ဒီးလၢကလံၤ ထံး, ဒီးကဟဲစိာ်တၢ်လုၢ်မ့ၣ်အူ, ဒီးတၢ်လုၢ်, ဒီးတၢ်မၤ ဘူၣ်, ဒီးလီၢ်ဘၣ်, ဒီးကဟဲစိာ်တၢ်လုၢ်စံးထီၣ်ပတြၢၤဆူ ယွၤအဟံၣ်ပူၤလီၤ. 27 မ့မ့ၢ်သုမ့ၢ်တဒိကနၣ်ဘၢ်ယက လုၢ် ဒ်သိးသုကပာ်စီဆှံအိၣ်ဘှံးအနံၤ, ဒီးသုတစိာ် တၢ်ဝံတၢ်ယိးဒီးလဲၤနုာ်လၢ ယရူၤၡလ့ၣ်အပဲတရီပူၤ လၢမုၢ်အိၣ်ဘှံးနံၤတဂ့ၤန့ၣ်ဒီး, ယကဆိၣ်ကဲၤမ့ၣ်အူလၢ အပဲတရီလၢမုၢ်အိၣ်ဘှံးနံၤတဂ့ၤန့ၣ်ဒီး, ယကဆိၣ်ကဲၤ မ့ၣ်အူလၢအပဲတရီအပူၤ, ဒီးကအီၣ်ကွံာ်ယရူၤၡလ့ၣ် အနူၢ်အစီၤတဖၣ်, ဒီးတလီၤပံာ်ဘၣ်ဝဲဘၣ်.
18၁၈
1 ယွၤအကလုၢ်ဘၣ်စီၤယံးရမံယၤဒီးစံးဝဲဒၣ်,― ဂဲၤဆၢ ထၢၣ်, ဒီးလဲၤလီၤဆူပှၤတ့သပၢၤအဟံၣ်, ဒီးယကဒုးနၢ် ဟူနၤလၢယကလုၢ်ဖဲန့ၣ်လီၤ. 3 ဒီးယလဲၤလီၤဆူပှၤတ့ သပၢၤအဟံၣ်, ဒီးကွၢ်ကွၢ်, မၤသပၢၤလၢသ့ၣ်ဘၣ်အဖီ ခိၣ်လီၤ. 4 ဒီးသပၢၤလၢအတ့ဝဲလၢကပံာ်န့ၣ်ဟးဂီၤဝဲ လၢပှၤတ့သပၢၤအစုပူၤ, ဒီးမၤကဒီးသပၢၤတဖျၢၣ်ဒ်အ ဘၣ်ပှၤတ့သပၢၤအသးလၢအကမၤဝဲအသိးန့ၣ်လီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, 5 အံၣ်စရ့လးအ ပှၤဟံၣ်ဖိသ့ၣ်ဧၢ, ယမၤသုဒ်ပှၤတ့သပၢၤတဂၤအံၤအ သိးန့ၣ်တသ့ဘၣ်ဧါ, ယွၤစံးဝဲဒၣ်, ကွၢ်ကွၢ်, ဒ်ကပံာ်အိၣ် ဝဲလၢပှၤတ့သပၢၤအစုပူၤအသိးန့ၣ် သုအိၣ်ဝဲလၢယစု ပူၤဒ်န့ၣ်သိး, အံၣ်စရ့လးအပှၤဟံၣ်ဖိသ့ၣ်ဧၢ. 7 ယမ့ၢ် ကတိၤတၢ်တဘျီလၢပှၤတကလုၢ်အဂ့ၢ်, လၢတၢ်အဘီ မုၢ်အဂ့ၢ်, ဒ်သိးတၢ်ကထဲၤထီၣ်ကွံာ်, ဒီးမၤလီၤပှီၢ်, ဒီးမၤ ဟးဂီၤန့ၣ်ဒီး, 8 ပှၤတကလုာ်လၢယကတိၤတၢ်လၢအ ဂ့ၢ်န့ၣ် မ့ၢ်ဟဲက့ၤလၢအတၢ်အၢဒီး, ယကပီၢ်ယၢ်လီၤ က့ၤယသးလၢတၢ်အၢလၢယတိာ်မၤအီၤလီၤ. 9 ဒီးယ မ့ၢ်ကတိၤတၢ်တဘျီလၢပှၤတကလုာ်အဂ့ၢ်, တၢ်အဘီ မုၢ်အဂ့ၢ်လၢယကမၢထီၣ်အီၤ, ဒီးသူၣ်လီၤအီၤန့ၣ်ဒီး,―
10 မ့ၢ်မၤတၢ်အၢလၢယမဲာ်ညါ, ဒီးတဒိကနၣ်ဘၣ်ယက လုၢ်ဘၣ်ဒီး, ယကပီၢ်ယၢ်လီၤက့ၤယသးလၢတၢ်ဂ့ၤလၢ ယစံးယကမၤအီၤန့ၣ်လီၤ.
11 ဒီးခဲကနံၣ်အံၤကတိၤတၢ်ဒီးယူၤဒၤအပှၤကညီ, ဒီးပှၤ ယရူၤၡလ့ၣ်ဖိ, ဒီးစံး, ယွၤစံးဒ်အံၤ, ကွၢ်ကွၢ်, ယတိာ် တၢ်အၢထီဒါသု, ဒီးကူၣ်တၢ်ကူၣ်ထီဒါသုလီၤ. ဟဲက့ၤ ကဒါက့ၤတဂၤလၢအကျဲအၢစုာ်စုာ်, ဒီးမၤဂ့ၤထီၣ်က့ၤ သုကျဲဒီးသုတၢ်မၤတဖၣ်တက့ၢ်.
12 ဒီးစံးဝဲဒၣ်, မုၢ်လၢ်တၢ်အလီၢ်တအိၣ်ဘၣ်. ပကပိာ် ပကူၣ်ထီၣ်ဒၣ်ပဝဲအခံ, ဒီးပကမၤထွဲတဂၤအသးအၢအ နၢ်က့ၣ်အခံစုာ်စုာ်လီၤ.
13 မၤသးဒ်န့ၣ်ဒီးယွၤစံးဒ်အံၤ, သံကွၢ်တၢ်လၢပှၤကလုာ် တဖၣ်အကျါ, မ့ၢ်မတၤနၢ်ဟူတၢ်ဒ်န့ၣ်သိးတဂၤလဲၣ်. အံၣ်စရ့လးအပှၤမုၣ်လိၣ်ဘိမၤတၢ်အၢအဒိၣ်အယိာ်တ မံၤလီၤ. 14 လဘၤနိၣ်အမူခိၣ်ဖီကလီၤတူာ်ကွံာ်လၢတၢ် ပျီပူၤအလၢၢ်ခိၣ်န့ၣ်ဧါ. ထံခုၣ်လၢအယွၤလီၤလၢအယံၤ န့ၣ်, ကလီၤသံးစ့ၢ်ကီးဧါ. 15 ဘၣ်ဆၣ်ဒီးယပှၤဂီၢ်မုၢ်သး ပ့ၤနီၣ်လံယၤ, ဆိၣ်ကဲၤတၢ်နၢမူလၢတၢ်ကလီကလီအ ဂီၢ်, ဒီးအခီၣ်ဘၣ်တိၢ်လၢအကျဲလီၢ်လံၤအပူၤ, ဒ်သိး ကလဲၤလၢကျဲဖိ, ကျဲလၢတၢ်တမၤထီၣ်ဘၣ်ဝဲဘၣ်.―
16 ဒ်သိးအကပာ်အကီၢ်လၢ တၢ်အိၣ်သယုၢ်အလီၢ်, တၢ် ဒုၣ်ဒွဲၣ်အလီၢ်လီၤထူလီၤယိာ်လီၤ. ကယဲၢ်ပှၤလၢအလဲၤ ပူၤဝဲတဂၤလၢ်လၢ်န့ၣ် ကပာ်အသးကမၢကမၣ်, ဒီးဂံၤ ဂုၤအခိၣ်လီၤ. 17 ယကမၤပြံမၤပြါအီၤလၢအဒုၣ်အဒါအ မဲာ်ညါဒ်ကလံၤလၢမုၢ်ထီၣ်အသိးန့ၣ်လီၤ. လၢအတၢ် နးတၢ်ဖှီၣ်အမုၢ်တနံၤန့ၣ် ယကဒုးနဲၣ်အီၤလၢယချၢဃံ, ဒီးတမ့ၢ်ဘၣ်ယမဲာ်ဘၣ်လီၤ.
18 ဒီးပှၤစံးဝဲဒၣ်, ဟဲ, ကူၣ်သကိးတၢ်ထီဒါစီၤယံးရမံယၤ တက့ၢ်. အဂ့ၢ်ဒ်အံၤ, တၢ်သိၣ်တၢ်သီတဟါမၢ်ဘၣ်လၢ ပှၤလုၢ်တၢ်အဒိၣ်ဘၣ်, ဒီးတၢ်ကူၣ်န့ၣ်လၢပှၤကူၣ်တၢ် သ့ဘၣ်, ဒီးတၢ်အကလုၢ်န့ၣ်လၢဝံန့ၣ်ဘၣ်, ဟဲ, တီၢ် သကိးအီၤလၢပပျ့ၤတက့ၢ်. ဒီးပးကဲအတၢ်ကတိၤနီတ မံၤတဂ့ၤ.
19 ကနၣ်ယကလုၢ်တက့ၢ်, ယွၤဧၢ, ဒီးကနၣ်ပှၤလၢအဂ့ၢ် လိာ်ဘှီလိာ်ဒီးယၤတဖၣ်အတၢ်ကတိၤတက့ၢ်. 20 တၢ် ကမၤဆၢတၢ်အၢလၢတၢ်ဂ့ၤအဂီၢ်စ့ၢ်ကီးဧါ. အဂ့ၢ်ဒ်အံၤ, ပှၤခူၣ်လီၤတၢ်ပူၤလၢယသးသမူအဂီၢ်လီၤ. ယဆၢထၢၣ် လၢနမဲာ်ညါဒ်သိးယကကတိၤတၢ်ဂ့ၤလၢအဂီၢ်, ဒ်သိး ယကဘိးဃၣ်ကွံာ်နသးကဲၤထီၣ်လၢအအိၣ်န့ၣ် သ့ၣ် နီၣ်ထီၣ်က့ၤတက့ၢ်. 21 မၤသးဒ်န့ၣ်ဒီးဟ့ၣ်အဖိအလံၤ ဆူတၢ်သၣ်ဝံၤလီၤဒိ, ဒီးဟ့ၣ်လီၤကွံာ်အီၤလၢနးအက နၣ်တက့ၢ်. ဒီးမ်အမါကဲထီၣ်ပှၤတူာ်ဖိ, ဒီးပှၤမုၣ်ကမဲ တက့ၢ်. ဒီးမ်အပှၤဖိၣ်သၣ်ခွါဘၣ်တၢ်မၤသံအီၤလၢနး လၢဒုးသုးအပူၤတက့ၢ်. 22 တုၤနဒုးဟဲပှၤတဖုလၢအဖီ ခိၣ်သတူၢ်ကလာ်ဒီး, မ်တၢ်အသီၣ်ဟူထီၣ်လၢအဟံၣ် ပူၤတက့ၢ်. အဂ့ၢ်ဒ်အံၤ, ခူၣ်လီၤတၢ်ပူၤဒ်သိးအကမၤန့ၢ် ယၤ, ဒီးပာ်ခူသူၣ်ပျံၤသကွီၤလၢယခီၣ်အဂီၢ်လီၤ. 23 ဒီး နဲဒၣ်အံၤယွၤဧၢ, နသ့ၣ်ညါအတၢ်ကူၣ်ထီၣ်ထီဒါယၤ ဒ်သိးအမၤသံယၤခဲလၢာ်လီၤ. ပျၢ်အတၢ်ဒဲးဘးတဂ့ၤ. ဒီးတြူာ်ကွံာ်အတၢ်ကမၣ်လၢနမဲာ်ညါတဂ့ၤ. မ်အဘၣ် တၢ်မၤကဒံကဒါအီၤလၢနမဲာ်ညါတက့ၢ်. လၢနသး ထီၣ်အကတီၢ်န့ၣ်မၤအီၤတက့ၢ်.
19၁၉
1 ယွၤစံးဒ်အံၤ, လဲၤမၤန့ၢ်ပှၤတ့သပၢၤအသပၢၤစ့ၤကိာ်, ဒီးဟံးန့ၢ်ပှၤဂီၢ်မုၢ်အသးပှၢ်တနီၤ, ဒီးပှၤလုၢ်တၢ်အဒိၣ် အသးပှၢ်တနီၤ, 2 ဒီးလဲၤထီၣ်ဆူဟံၣ်နိၣ်အဖိခွါအက စၢၢ်ကဆူးဖဲတၢ်လဲၤနုာ်လၢပဲတရီသပၢၤက့, ဒီးကိးထီၣ် တၢ်ကတိၤလၢယကစံးဘၣ်နၤဖဲန့ၣ်, 3 ဒီးစံး, ယူဒၤအ စီၤပၤတဖၣ်, ဒီးပှၤယရူၤၡလ့ၣ်ဖိသ့ၣ်ဧၢ, ကနၣ်ယွၤ အကလုၢ်အကထါတက့ၢ်. တၢ်သုးမုၢ်ဂီၢ်မုၢ်အယွၤ, အံၣ် စရ့လးအကစၢ်စံးဒ်အံၤ, ကွၢ်ကွၢ်, ယကဒုးဟဲတၢ်အၢ ဘၣ်တၢ်အလီၢ်အံၤလၢ ပှၤလၢအနၢ်ဟူဝဲတဂၤလၢ်လၢ် အနၢ်ကဆါလီၤ. 4 အဂ့ၢ်ဒ်အံၤ, လဲၤသဒၣ်ယၤ, ဒီးပာ် တၢ်အလီၢ်အံၤလၢ ပှၤတခီဘီမုၢ်ဖိအလီၢ်, ဒီးဆိၣ် ကဲၤတၢ်နၢမူလၢအပူၤလၢကစၢ်အဂၤအဂီၢ် လၢအဝဲသ့ၣ် မ့ၢ်ဂ့ၤ, အပၢ်သ့ၣ်မ့ၢ်ဂ့ၤ, ယူဒၤအစီၤပၤသ့ၣ်မ့ၢ်ဂ့ၤ, တ သ့ၣ်ညါတ့ၢ်ဘၣ်, ဒီးမၤပှဲၤတၢ်အလီၢ်အံၤလၢ ပှၤလၢအ တၢ်ဒဲးဘးတအိၣ်ဘၣ်အသွံၣ်, 5 ဒီးမၤထီၣ်တၢ်အလီၢ် ထီၣ်ထီတဖၣ်လၢ ဘဧၤလးအဂီၢ်, ဒ်သိးအကဆူးထီၣ် အဖိခွါလၢမ့ၣ်အူလၢတၢ်လုၢ်မ့ၣ်အူလၢ ဘဧၤလးအဂီၢ် လၢယတမၤလိာ်ဘၣ်, ဒီးယတကတိၤဘၣ်လၢအဂ့ၢ်, ဒီးတအိၣ်ထီၣ်ဘၣ်လၢယသးကံၢ်ပူၤဘၣ်. 6 မၤသးဒ်န့ၣ် ဒီးကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်ဟဲလၢတၢ်တကိး လၢၤဘၣ်တၢ်အလီၢ်အံၤလၢတိဖ့း, လၢဟံၣ်နိၣ်အဖိခွါ အကစၢၢ်ကဆူးဘၣ်. မ့မ့ၢ်ကကိးလၢတၢ်မၤသံတၢ်အ ကစၢၢ်ကဆူးလီၤ.
7 ဒီးယကမၤဟးဂီၤယူဒၤ ဒီးယရူၤၡလ့ၣ်အတၢ်ကူၣ် လိာ်လၢတၢ်အလီၢ်ဖဲအံၤ, ဒီးယကဒုးလီၤဃံၤအီၤလၢ နးလၢအဒုၣ်အဒါအမဲာ်ညါ, ဒီးလၢပှၤလၢအဃုအသး သမူအစုပူၤ, ဒီးယကဟ့ၣ်အစိၣ်လၢတၢ်အီၣ်လၢမူက ပိာ်လိၤအထိၣ်ဧိၤလံၣ်ဧိၤအဂီၢ်, ဒီးလၢဟီၣ်ခိၣ်အဆၣ် ဖိကီၢ်ဖိအဂီၢ်လီၤ. 8 ဒီးယကပာ်ဝ့ၢ်အံၤလၢ တၢ်ကမၢ ကမၣ်အလီၢ်, ဒီးတၢ်ဒုၣ်ဒွဲၣ်အလီၢ်လီၤ. ကယဲၢ်ပှၤလၢ အလဲၤပူၤဝဲ, ကပာ်အသးကမၢကမၣ်, ဒီးဒုၣ်ဒွဲၣ်ဝဲလၢ အတၢ်နးတၢ်ဖှီၣ်ခဲလၢာ်အဃိလီၤ.
9 ဒီးယကဒုးအီၣ်အီၤလၢ အဖိခွါအညၣ်, ဒီးအဖိမုၣ်အ ညၣ်, ဒီးလၢအတၢ်ကဝီၤဃာ်အီၤဒီးလၢတၢ်ကိၢ်တၢ်ဂီၤ လၢအဒုၣ်အဒါဒီးပှၤလၢအဃုအသးသမူ ကမၤနးမၤ ဖှီၣ်အီၤအပူၤန့ၣ်ကအီၣ်တဂၤအတံၤသကိးအညၣ်, တ ဂၤအတံၤသကိးအညၣ်လီၤ.
10 တုၤနုၤတစုကမၤသ့ၣ်ဖးကွံာ် သပၢၤစ့ၤကိာ်တဖျၢၣ် လၢပှၤလၢအလဲၤဒီးနၤအမဲာ်ညါန့ၣ်, 11 ဒီးနကစံးဘၣ် အီၤ, တၢ်သုးမုၢ်ဂီၢ်မုၢ်အယွၤစံးဒ်အံၤ, ယမၤတၢ်ဟးဂီၤ ပှၤဂီၢ်မုၢ်အံၤ, ဒီးဝ့ၢ်တဖျၢၣ်အံၤ, ဒ်ပှၤမၤသ့ၣ်ဖးကွံာ်ပှၤ တ့သပၢၤအသပၢၤလၢပမၤက့ၤကဒီးဒီဖျၢၣ် တသ့ဘၣ် အသိးန့ၣ်, ဒီးပှၤကခူၣ်လီၤကွံာ်တၢ်လၢတိဖ့းအပူၤတုၤ တၢ်အလီၢ်လၢတၢ်ခူၣ်လီၤကွံာ် တအိၣ်လၢၤဘၣ်န့ၣ် လီၤ. 12 ယွၤစံးဝဲဒၣ်, ယကမၤတၢ်အလီၢ်ဖဲအံၤ, ဒီးပှၤ အိၣ်ဝဲဆိးဝဲလၢအပူၤဒ်သိး, ဒီးယကမၤဝ့ၢ်တဝ့ၢ်အံၤဒ် တိဖ့းအသိး, 13 ဒီးယရူၤၡလ့ၣ်အဟံၣ် ဒီးယူဒၤအစီၤ ပၤအဟံၣ်တဖၣ်လၢ အတဆှီဘၣ်န့ၣ်ကမၤသးဒ်တိဖ့း အသိးန့ၣ်, ဟံၣ်ခဲလၢာ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်အဖီခိၣ်လၢမူခိၣ်အသုးမုၢ်ခဲလၢာ်အဂီၢ်, ဒီးလူလီၤ တၢ်လုၢ်အီလၢကစၢ်အဂၤတဖၣ်အဂီၢ်လီၤ.
14 တုၤနုၤတစုစီၤယံးရမံယၤဟဲက့ၤလၢတိဖ့း, ဖဲယွၤမၢ လီၤအီၤဒ်သိးအကကတိၤတၢ်လၢဝံအကျိာ်, ဒီးဆၢ ထၢၣ်ဝဲလၢယွၤအဟံၣ်အဂၢၤပူၤ, ဒီးစံးဘၣ်ပှၤဂီၢ်မုၢ်ခဲ လၢာ်, 15 တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ် စံးဒ်အံၤ, ကွၢ်ကွၢ်, ယကဒုးဟဲဘၣ်ဝ့ၢ်အံၤ, ဒီးအဒူအတ ဝီခဲလၢာ်လၢကယဲၢ်တၢ်အၢလၢ ယစံးလၢအဂ့ၢ်လီၤ. အဂ့ၢ်ဒ်အံၤ, ပာ်ဆူၣ်အကိာ်ဒ်သိးအသုတကနၣ်ဘၣ် ယကလုၢ်တဂ့ၤလီၤ.
20၂၀
1 ဒီးပှၤလုၢ်တၢ်အဒိၣ်စီၤအံးမ့ၢ်အဖိခွါ စီၤပၣ်ၡဃူၢ်,(အ ဝဲဒၣ်မ့ၢ်တၢ်အခိၣ်လၢယွၤအဟံၣ်ပူၤ,) နၢ်ဟူစီၤယံးရမံ ယၤကတိၤလၢဝံကျိာ်လၢ တၢ်ကတိၤတဖၣ်န့ၣ်လီၤ.―
2 ဒီးစီၤပၣ်ၡဃူၢ်တီၢ်စီၤယံးရမံယၤ, ဒီးသိးဃာ်အီၤလၢ သိးဧိၤကျိၤဧိၤလၢအအိၣ်ဝဲလၢ ဘံၣ်ယၤမံၣ်အပဲတရီထီ လၢအအိၣ်ဝဲလၢယွၤအဟံၣ်အဃၢၤလီၤ. 3 ဒီးတၢ်မၤအ အသးလၢမုၢ်ဆ့ၣ်ထီၣ်တနံၤန့ၣ်လၢ စီၤပၣ်ၡဃူၢ်ဒုးဟး ထီၣ်စီၤယံးရမံယၤလၢသိးဧိၤကျိၤဧိၤအပူၤလီၤ. ဒီးစီၤ ယံးရမံယၤစံးဘၣ်အီၤ, ယွၤယုၢ်နမံၤလၢပၣ်ၡဃူၢ်တမ့ၢ် ဘၣ်, မ့ၢ်လၢမၤကိၢ်မံစဘံာ်လီၤ. 4 အဂ့ၢ်ဒ်အံၤ, ယွၤစံး ဒ်အံၤ, ကွၢ်ကွၢ်, ယကပာ်နၤလၢတၢ်ပျံၤအလီၢ်လၢနဂီၢ် ဒၣ်နဲ, ဒီးလၢနတံၤနသကိးအဂီၢ်ခဲလၢာ်, ဒီးအဝဲသ့ၣ်က လီၤဃံၤလၢအဒုၣ်အဒါအနး, ဒီးနမဲာ်ကထံၣ်ဘၣ်, ဒီး ယကဟ့ၣ်လီၤယူဒၤခဲလၢာ်လၢ ဘၤဘူၤလိၣ်အစီၤပၤ အစုပူၤ, ဒီးကစိာ်မၢကဲကုၢ်အီၤဆူဘၤဘူၤလိၣ်, ဒီးက မၤသံအီၤလၢနးလီၤ. 5 ဒီးယကဟ့ၣ်လီၤကယဲၢ်ဝ့ၢ်အံၤ အစုလီၢ်အခီၣ်ခိၣ်ခဲလၢာ်, ဒီးအတၢ်ဖိတၢ်လံၤခဲလၢာ်, ဒီးအတၢ်လုၢ်ဒိၣ်ပှ့ၤဒိၣ်ခဲလၢာ်, ဒီးကယဲၢ်တၢ်လၢယူဒၤ အစီၤပၤပာ်ဖှိၣ်ဝဲခဲလၢာ်န့ၣ် ယကဟ့ၣ်လီၤကွံာ်အီၤလၢ အဒုၣ်အဒါအစုပူၤလၢအကဂုာ်န့ၢ်အတၢ်, ဒီးဟံးဃာ် အီၤ, ဒီးစိာ်ကွံာ်အီၤဆူဘၤဘူၤလိၣ်အပူၤလီၤ. 6 ဒီးနဲဒၣ်, စီၤပၣ်ၡဃူၢ်, ဒီးကယဲၢ်ပှၤလၢအအိၣ်အဆိးလၢ နဟံၣ် ပူၤခဲလၢာ်သ့ၣ်ဧၢ, သုကလဲၤကဲကုၢ်, ဒီးသုကဘၣ်လဲၤ ဆူဘၤဘူၤလိၣ်, ဒီးနကသံဖဲန့ၣ်, ဒီးပှၤကခူၣ်လီၤကွံာ် နၤဖဲန့ၣ်, နဲဒၣ်, ဒီးနတံၤသကိးခဲလၢာ်လၢ နကတိၤ တၢ်ဒီးအီၤလၢဝံကျိာ်ကဘျံးကဘျၣ်လီၤ.
7 ယွၤဧၢ, နကလံာ်ယၤ, ဒီးယဒိးကလံာ်ယသး, နဆူၣ် န့ၢ်ယၤတက့ၢ်, ဒီးနမၤနၢၤတၢ်လီၤ. ယဘၣ်တၢ်ဒုၣ်ဒွဲၣ် ကိးမုၢ်နံၤမုၢ်နၤဒဲး, ပှၤကတိၤဒိးယၤကိးဂၤဒဲးလီၤ. 8 အဂ့ၢ် ဒ်အံၤ, ဖဲဒၣ်ယကတိၤတၢ်တဘျီဘျီန့ၣ် ယကိးပသူ ထီၣ်, ဒီးယကိး, တၢ်ဂုာ်န့ၢ်ဒီးတၢ်မၤဟးဂီၤလီၤ. အဂ့ၢ် ဒ်အံၤ, ယွၤအကလုၢ်ကထါကဲထီၣ်တၢ်ဒုၣ်ဒွဲၣ်အလီၢ်, ဒီးတၢ်မၤတရီတပါအလီၢ်လၢ ယဂီၢ်ကိးမုၢ်နံၤမုၢ်နၤဒဲး လီၤ. 9 ဒီးယစံး, ယတကတိၤလၢၤဘၣ်လၢအဂ့ၢ်အကျိၤ ဘၣ်, ဒီးယတကတိၤလၢၤဘၣ်တၢ်လၢအမံၤဘၣ်. ဘၣ် ဆၣ်ဒီးအတၢ်ကတိၤကဲထီၣ်လၢယသးကံၢ်ပူၤ ဒ်မ့ၣ်အူ အီၣ်တၢ်ကးတံာ်ဃာ်အသးလၢ အဃံပူၤအသိးန့ၣ်, ဒီး ယအိၣ်ဃိကလာ်န့ၣ်တၢ်ဘှံးယသး, ယအိၣ်တကဲ ဘၣ်. 10 အဂ့ၢ်ဒ်အံၤ, ယနၢ်ဟူပှၤဒုၣ်ဒွဲၣ်တၢ်အါဂၤ, တၢ် ပျံၤအလီၢ်အိၣ်ဝဲလၢကိးခီဒဲးလီၤ. ဒုးနဲၣ်တၢ်တက့ၢ်, စံး ဝဲဒၣ်, ဒီးပကဒုးနဲၣ်က့ၤတသါလီၤ. ကယဲၢ်ယသိၣ်တ ဖၣ်ခဲလၢာ်န့ၣ်, ကွၢ်ဝဲလၢယကလီၤဃံၤလီၤ. စံးဝဲ, ဘၣ် တဘၣ်ကဒိးတၢ်ကလံာ်အီၤ ဒီးပကမၤနၢၤအီၤ, ဒီးပက မၤဆၢတၢ်အၢလၢအလိၤလီၤ.
11 ဘၣ်ဆၣ်ဒီးယွၤအိၣ်တ့ၢ်ဒီးယၤဒ်ပှၤအဆူၣ်လၢ အစိ ဒိၣ်ကမီၤဒိၣ်အသိးန့ၣ်လီၤ. မၤသးဒ်န့ၣ်ဒီးယဒုၣ်ယဒါ အခီၣ်ဘၣ်တိၢ်, ဒီးတမၤနၢၤဘၣ်ဝဲဘၣ်. မ့ၢ်အတမၤ နၢၤဘၣ်ဒီး, အမဲာ်ဆှးဒိၣ်မးလီၤ. အမဲာ်ကဆှးလီၤထူ လီၤယိာ်လီၤ. တၢ်တသးပ့ၤနီၣ်ဘၣ်ဝဲဘၣ်. 12 တၢ်သုး မုၢ်ဂီၢ်မုၢ်အယွၤ, လၢအမၤကွၢ်ပှၤတီပှၤလိၤ, ပှၤလၢအ ထံၣ်ပသူၣ်ကံၢ်ပသးလဲတဂၤဧၢ, မ်ယထံၣ်ဘၣ်တၢ်မၤ ဆၢတၢ်အၢလၢအလိၤတက့ၢ်. အဂ့ၢ်ဒ်အံၤ, ယဒုးနဲၣ်ဖျါ ထီၣ်ယကွီၢ်လၢနၤလီၤ.
13 သးဝံၣ်ထီၣ်ယွၤ, စံးထီၣ်ပတြၢၤယွၤတက့ၢ်. အဂ့ၢ်ဒ် အံၤ, မၤပူၤမၤဖျဲးပှၤဖှီၣ်ဖိအသးသမူလၢ ပှၤတတီတ လိၤဘၣ်အစုပူၤလီၤ.
14 မုၢ်တနံၤလၢယအိၣ်ဖျဲၣ်န့ၣ် မ်အဘၣ်ဆိၣ်အၢတက့ၢ်. မုၢ်တနံၤလၢယမိၢ်ဆံးစၢ်ယၤန့ၣ် မ်အသုတဘၣ်ဆိၣ်ဂ့ၤ တဂ့ၤ. 15 ပှၤလၢအဟဲစံးဘၣ်တဲဘၣ်ယပၢ်, ဒီးစံး, ဖိပိာ် ခွါအိၣ်ဖျဲၣ်လၢနဂီၢ်, ဒီးဒုးသးခုအီၤဒိၣ်ဒိၣ်ကလဲာ်တဂၤ
16 န့ၣ်မ်အဘၣ်တၢ်ဆိၣ်အၢတက့ၢ်. မ်ပှၤတဂၤန့ၣ်မၤသး ဒ်ဝ့ၢ်တဖၣ်န့ၣ်လၢ ယွၤမၤလီၤပှီၢ်အီၤ, ဒီးတပီၢ်ယၢ်လီၤ က့ၤဘၣ်အသးအသိးန့ၣ်တက့ၢ်. မ်အနၢ်ဟူတၢ်ကိးမၤ ပျံၤတၢ်လၢမုၢ်ဂီၤ, ဒီးတၢ်ကိးပသူထီၣ်လၢမုၣ်ထူၣ်တ က့ၢ်. 17 အဂ့ၢ်ဒ်အံၤ, တမၤသံဘၣ်ယၤလၢတၢ်ဒၢလီၢ် အပူၤလံၤလံၤဘၣ်. မ့မ့ၢ်ဒ်န့ၣ်ဒီးယမိၢ်ကကဲထီၣ်ယသွၣ် ခိၣ်, ဒီးအဒၢလီၢ်ကဒိၣ်ဝဲဒီးယၤလီၤထူလီၤယိာ်လီၤ.―
18 ယဟဲထီၣ်လၢပှၤအဒၢလီၢ်, ဒ်သိးယကထံၣ်ဘၣ်တၢ်မၤ ကိၢ်မၤဂီၤဒီးတၢ်သူၣ်အုးသးအုး, ဒီးဒ်သိးယမုၢ်နံၤတဖၣ် ကလၢာ်ဝဲလၢတၢ်မဲာ်ဆှးအပူၤန့ၣ်မ့ၢ်အဘၣ်မနုၤလဲၣ်.
21၂၁
1 ယွၤအကလုၢ်ကထါလၢအဘၣ် စီၤယံးရမံယၤဖဲအ ကတိၢ်လၢစီၤပၤစံးဒကံယၤမၢလီၤ စီၤမၤလကံယၤအ ဖိခွါစီၤပၣ်ၡဃူၢ်, ဒီးပှၤလုၢ်တၢ်အဒိၣ်စီၤမၤစ့ယၤအဖိခွါ စီၤစဖါနယၤဆူအအိၣ်ဒီးစံးဝဲဒၣ်, 2 သံကွၢ်လၢ်ယွၤလၢ ပဂီၢ်တက့ၢ်. အဂ့ၢ်ဒ်အံၤ, ဘၤဘူၤလိၣ်အစီၤပၤနဘူၤကး န့စၢ်ဒုးတၢ်ဒီးပှၤလီၤ. ဘၣ်တဘၣ်ယွၤကမၤပှၤဒ်ကယဲၢ် အတၢ်မၤလီၤလးအသိးန့ၣ်, ဒီးအဝဲဒၣ်ကဟးထီၣ်ကွံာ် လၢပအိၣ်လီၤ.
3 ဒီးစီၤယံးရမံယၤစံးဘၣ်အီၤ, သုဘၣ်စံးဘၣ်စီၤစံးဒကံ ယၤဒ်အံၤ, 4 ယွၤအံၣ်စရ့လးအကစၢ်စံးဒ်အံၤ, ကွၢ်ကွၢ်, ယကဘိးဃၣ်ကဒါက့ၤသုစုကဝဲၤ အိၣ်လၢသုစုပူၤ လၢသုဒုးတၢ်ဒီးဘၤဘူၤလိၣ်အစီၤပၤ, ဒီးပှၤက့ၤစ့းဖိလၢ အကဝီၤဃာ်သုလၢသုဝ့ၢ်ခိၣ်ဒူလၢခိလၢအီၤ, ဒီးယက ဒုးအိၣ်ဖှိၣ်အဝဲသ့ၣ်တဖၣ်န့ၣ်လၢဝ့ၢ်အံၤ အသးကံၢ်ပူၤ လီၤ. 5 ဒီးယဲဒၣ်ယကစၢ်ဒၣ်ယဲယကဒုးတၢ်ဒီးသုလၢ ယစုယူာ်ထီၣ်အသး, ဒီးယစုဒုၣ်ဆူၣ်အိၣ်ဒီးသးထီၣ်, ဒီးသးကဲၤထီၣ်, ဒီးသးကိၢ်လူးဒိၣ်ဒိၣ်ကလဲာ်လီၤ. 6 ဒီး ယကတီၢ်တၢ်အိၣ်ဝဲဆိးဝဲလၢဝ့ၢ်အံၤအပူၤ, ပှၤကညီဒီး ဆၣ်ဖိကီၢ်ဖိ, ဒီးကသံဝဲလၢတၢ်သံသတြိာ်ဖးဒိၣ်လီၤ.―
7 ဒီးယွၤစံးဝဲဒၣ်, လၢအလီၢ်ခံန့ၣ်ယကဟ့ၣ်လီၤကွံာ်ယူ ဒၤအစီၤပၤစံးဒကံယၤဒီးအခ့အပှၤ, ဒီးပှၤဂီၢ်မုၢ်, ပှၤအိၣ် လီၤတဲာ်လၢတၢ်သံသတြိာ်, ဒီးလၢနး, ဒီးလၢတၢ်သၣ် ဝံၤလီၤဒိလၢဝ့ၢ်အံၤအပူၤ, ဆူဘၤဘူၤလိၣ်အစီၤပၤနဘူး ကးန့စၢ်အစုပူၤ, ဒီးဆူအဒုၣ်အဒါအစုပူၤ, ဒီးဆူပှၤလၢ အဃုအသးသမူအစုပူၤ, ဒီးကကျီအီၤလၢနးအကနၣ်, ဒီးတသးလီဘၣ်, ဒီးတလိးကီဘၣ်, ဒီးတသးကညီၤ ဘၣ်အီၤဘၣ်လီၤ. 8 ဒီးနဘၣ်စံးဘၣ်ပှၤဂီၢ်မုၢ်အံၤ, ယွၤစံးဒ်အံၤ, ကွၢ်ကွၢ်, ယပာ်တၢ်မူအကျဲ, ဒီးတၢ်သံအကျဲလၢသုမဲာ်ညါလီၤ.―
9 ပှၤလၢအအိၣ်အဆိးလၢဝ့ၢ်အံၤအပူၤန့ၣ် ကသံလၢနး, ဒီးလၢတၢ်သၣ်ဝံၤလီၤဒိ, ဒီးလၢတၢ်သံသတြိာ်လီၤ. မ့မ့ၢ် ပှၤလၢအဟးထီၣ်ဒီးဟ့ၣ်လီၤဒၣ်အသးလၢ ပှၤက့ၤစ့းဖိ အစုလၢအကဝီၤဃာ်သုန့ၣ်ကမူဝဲ, ဒီးအသးသမူန့ၣ် ကကဲထီၣ်ဝဲလၢအတၢ်ဂုာ်န့ၢ်လီၤ. 10 အဂ့ၢ်ဒ်အံၤ, ယပာ် ယမဲာ်လၢဝ့ၢ်အံၤအဖီခိၣ်လၢတၢ်အၢအဂီၢ်, ဒီးတမ့ၢ်ဘၣ် လၢတၢ်ဂ့ၤအဂီၢ်ဘၣ်, ယွၤစံးဝဲဒၣ်, တၢ်ကဟ့ၣ်လီၤကွံာ် အီၤလၢဘၤဘူၤလိၣ်အစီၤပၤအစုပူၤ, ဒီးကဆူးထီၣ်ကွံာ် အီၤလၢမ့ၣ်အူလီၤ.
11 ဒီးစံးယူဒၤအစီၤပၤ အပှၤဟံၣ်ဖိန့ၣ်, ကနၣ်ယွၤအက လုၢ်တက့ၢ်. 12 စီၤဒၤဝံးအပှၤဟံၣ်ဖိသ့ၣ်ဧၢ, ယွၤစံးဒ် အံၤ, မၤတၢ်စံၣ်ညီၣ်ချ့ချ့, ဒီးမၤပူၤမၤဖျဲးပှၤလၢအဘၣ် တၢ်ဂုာ်န့ၢ်အီၤလၢ ပှၤမၤအၢတၢ်အစုပူၤတက့ၢ်. ယသး ကဲၤထီၣ်ကလဲၤထီၣ်ဘၣ်ဖုးဒ်မ့ၣ်အူအသိး, ဒီးအီၣ်ကွံာ် တၢ်, ဒီးတၢ်မၤလီၤပံာ်အီၤတအိၣ်ဘၣ်လၢ သုမၤတၢ် အၢအဃိလီၤ. 13 ကွၢ်ကွၢ်, ယထီဒါနၤ, ပှၤအိၣ်ဝဲဆိးဝဲ လၢကစၢၢ်ကဆူး, တၢ်ပျီပူၤအလၢၢ်ဧိၤလ့ဧိၤတဂၤဧၢ, ယွၤစံးဝဲဒၣ်, ပှၤလၢအစံး, မ့ၢ်မတၤကဟဲလီၤထီဒါပှၤ တဖၣ်လဲၣ်, ဒီးမ့ၢ်မတၤကဟဲနုာ်လၢပအိၣ်ပဆိးအလီၢ် တဖၣ်န့ၣ်လဲၣ်. 14 ဒီးယွၤစံးဝဲဒၣ်, ယကအိၣ်သကိးသု ဒ်သုမၤတၢ်အတၤသၣ်အသိးန့ၣ်, ဒီးယကဆိၣ်ကဲၤမ့ၣ် အူလၢအပှၢ်လၢ်ကျါ, ဒီးကအီၣ်ကွံာ်ကယဲၢ်တၢ်အိၣ်ဝး တရံးဝဲလီၤ.
22၂၂
1 ယွၤစံးဒ်အံၤ, လဲၤလီၤဆူယူဒၤအစီၤပၤအဟံၣ်, ဒီးက တိၤတၢ်ကတိၤအံၤ, 2 ဒီးစံး, ယူဒၤအစီၤပၤလၢအဆ့ၣ်နီၤ လၢစီၤဒၤဝံးအလီၢ်ပစိာ်အဖီခိၣ်တဂၤဧၢ, ကနၣ်ယွၤအ ကလုၢ်ကထါတက့ၢ်. နဲဒၣ်, ဒီးနခ့နပှၤ, ဒီးနပှၤဂီၢ်မုၢ်လၢ အလဲၤနုာ်လၢပဲတရီအံၤတဖၣ်အပူၤလီၤ. 3 ယွၤစံးဒ်အံၤ, မၤတၢ်စံၣ်ညီၣ်, ဒီးတၢ်တီတၢ်လိၤ, ဒီးမၤပူၤမၤဖျဲးပှၤလၢ အဘၣ်တၢ်ဂုာ်န့ၢ်အီၤလၢ ပှၤမၤအၢတၢ်အစုပူၤတက့ၢ်. ဒီးတၢ်တတီဘၣ်မ့ၢ်ဂ့ၤ, တၢ်မၤန့ၢ်ဆူၣ်မ့ၢ်ဂ့ၤ, မၤပှၤတခီ ဘီမုၢ်ဖိ, ပှၤဖိၣ်ဃဲ, ပှၤမုၣ်ကမဲန့ၣ်တဂ့ၤ, ဒီးလူလီၤတၢ် သွံၣ်လၢအတၢ်ဒဲးဘးတအိၣ်ဘၣ်လၢ အလီၢ်ဖဲအံၤတ ဂ့ၤ. 4 အဂ့ၢ်ဒ်အံၤ, သုမ့ၢ်မၤတၢ်အံၤသပှၢ်တၢၢ်ဒီး, စီၤပၤ တဖၣ်ဆ့ၣ်နီၤလၢ စီၤဒၤဝံးအလီၢ်ပစိာ်ဖီခိၣ်, ဒိးလ့ၣ်က ဟၣ်, ဒီးဒိးကသ့ၣ်ကဟဲနုာ်လၢဟံၣ်အံၤအပဲတရီပူၤ, အဝဲဒၣ်, ဒီးအခ့အပှၤ, ဒီးအပှၤဂီၢ်မုၢ်လီၤ.
5 မ့မ့ၢ်သုမ့ၢ်တကနၣ်ဘၣ်တၢ်ကတိၤအံၤ, ယွၤစံးဝဲဒၣ်, ယဆိၣ်တၢ်လၢယမဲာ်ညါဒၣ်ယဲလၢ ဟံၣ်တဖျၢၣ်အံၤ ကကဲထီၣ်တၢ်အိၣ်သယုၢ်လီၤ. 6 အဂ့ၢ်ဒ်အံၤ, ယွၤစံးဘၣ် ယူဒၤအပှၤဟံၣ်ဖိဒ်အံၤ, နမ့ၢ်ကံလဧးလၢယဂီၢ်, လ ဘၤနိၣ်အဒီခိၣ်လီၤ. ဘၣ်ဆၣ်ဒီးယကမၤနၤလၢပှၢ်မုၢ် ကနၢ, ဝ့ၢ်လၢပှၤတအိၣ်တဆိးဘၣ်လၢအပူၤလီၤ. 7 ဒီး ယကကတဲာ်ကတီၤပှၤဟးဂီၤတၢ်တဖၣ်ထီဒါနၤ, တ ဂၤဒီးအစုကဝဲၤ, တဂၤဒီးအစုကဝဲၤ, ဒီးကကူာ်လီၤန သ့ၣ်ဆှိးအ့ရ့းအဂ့ၤကတၢၢ်တဖၣ်, ဒီးတ့ၢ်လီၤကွံာ်အီၤ လၢမ့ၣ်အူပူၤလီၤ. 8 ဒီးပှၤအါကလုာ်ကလဲၤပူၤကွံာ်ဝ့ၢ် တဖျၢၣ်အံၤ, ဒီးကစံး, တဂၤဒီးတဂၤန့ၣ်, ယွၤမၤဝ့ၢ်ဖး ဒိၣ်အံၤလၢတၢ်အံၤမ့ၢ်အဘၣ်မနုၤလဲၣ်, 9 ဒီးပှၤကစံး, ဆၢတၢ်, အဂ့ၢ်ဒ်အံၤ, လဲၤသဒၣ်ယွၤအကစၢ်အတၢ် အၢၣ်လီၤအီလီၤ, ဒီးဘူၣ်ထီၣ်ဘါထီၣ်ကစၢ်အဂၤတ ဖၣ်, ဒီးမၤအတၢ်လီၤ.
10 ဟီၣ်လၢပှၤသံအဃိတဂ့ၤ, ဟီၣ်တၢ်ယၢၤတၢ်လၢအ ဃိတဂ့ၤ. ဟီၣ်နးနးကလဲာ်လၢပှၤလၢအဟးထီၣ်အ အဃိတက့ၢ်. အဂ့ၢ်ဒ်အံၤ, တဟဲက့ၤလၢၤဘၣ်, ဒီးတ ထံၣ်လၢၤဘၣ်အကီၢ်ဒၣ်ဝဲဘၣ်. 11 အဂ့ၢ်ဒ်အံၤ, ယွၤစံး တၢ်ဘၣ်ဃးဒီးယူဒၤအစီၤပၤစီၤယိၤၡံယၤအဖိခွါ စီၤၡၤ လူၣ်လၢအကဲထီၣ်စီၤပၤလၢ အပၢ်စီၤယိၤၡံယၤအလီၢ်, လၢအဟးထီၣ်လၢအလီၢ်အံၤ တဟဲက့ၤလၢၤဘၣ်ဖဲအံၤ ဘၣ်. 12 မ့ၢ်အကသံဝဲဖဲအလီၢ်လၢပှၤမၢကဲကုၢ်အီၤလၢ အပူၤ, ဒီးတထံၣ်လၢၤဘၣ်ကီၢ်အံၤဘၣ်.
13 ပှၤလၢအမၤဟံၣ်လၢတၢ်တတီတလိၤ, ဒီးအဒၢးလၢ ထးခီတဖၣ်လၢတၢ်စံၣ်ညီၣ်တတီဘၣ်, လၢအမၢပှၤ လၢအဃၢၤမၤအတၢ်, ဒီးတဟ့ၣ်ဘၣ်အဘူးအလဲ, ဒီး တဟ့ၣ်တၢ်လၢအမၤတၢ်အဂီၢ်, 14 ပှၤလၢအစံး, ယက မၤဟံၣ်ဖးဒိၣ်လၢယဂီၢ် အိၣ်ဒီးဒၢးဖးလဲၢ်တဖၣ်, ဒီးမၤ တၢ်ထူၣ်ဖျိ, ဒီးမၤထီၣ်အဟံၣ်ခိၣ်လၢညါခီလၢသ့ၣ်ဆှိ အ့ရ့း, ဒီးဖှူဝဲဒီးကသံၣ်ဂီၤတဂၤန့ၣ်ဘၣ်အဖှီၣ်လီၤ. 15 မ့ၢ် နထိၣ်သတြီၤနသးဒီးပှၤဂၤလၢ သ့ၣ်ဆှိးအ့ရ့းအတၢ်မၤ သတးဒီး, နကကဲစီၤပၤစ့ၢ်ကီးဧါ. နပၢ်အီၣ်တၢ်ဒီးအီ တၢ်, ဒီးစံၣ်ညီၣ်တၢ်, ဒီးမၤတၢ်တီတၢ်လိၤတမ့ၢ်ဘၣ် ဧါ. မၤသးဒ်န့ၣ်ဒီးတၢ်ဂ့ၤအိၣ်ဒီးအီၤလီၤ. 16 အဝဲဒၣ်စံၣ် ညီၣ်ပှၤဖှီၣ်ဖိယာ်ဖိဒီး ပှၤဘၣ်ဖှီၣ်ဘၣ်ယာ်အကွီၢ်လီၤ. တုၤနုၤတစုတၢ်ဂ့ၤအိၣ်ဒီးအီၤလီၤ. တၢ်န့ၣ်မ့ၢ်တၢ်သ့ၣ် ညါယၤ, တမ့ၢ်ဘၣ်ဧါ, ယွၤစံးဝဲဒၣ်. 17 မ့မ့ၢ်နမဲာ်ဒီးန သးအိၣ်ထဲလၢနသးကွံတၢ်အဂီၢ်, ဒီးလၢနကဂၢ်လီၤ တၢ်သွံၣ်လၢအတၢ်ဒဲးဘးတအိၣ်ဘၣ်အဂီၢ်, ဒီးလၢန မၤအၢတၢ်အဂီၢ်, ဒီးလၢနဂုာ်န့ၢ်တၢ်အဂီၢ်ဒ်သိးနကမၤ အီၤလီး.
18 မၤသးဒ်န့ၣ်ဒီးယွၤစံးဒ်အံၤ, လၢယူဒၤအစီၤပၤစီၤယိၤၡံ ယၤအဖိခွါစီၤယဟိၤယါကံၣ်အဂ့ၢ်, ပှၤတဟီၣ်ဘၣ်လၢ အဃိဒီးစံး, အၣ်လါယဒီပုၢ်ဝဲၢ်ခွါ, အၣ်လါယဒီပုၢ်ဝဲၢ် မုၣ်န့ၣ်ဘၣ်. တဟီၣ်ဘၣ်လၢအဃိဘၣ်. ဒီးစံး, အၣ်လါ ကစၢ်ဧၢ, အၣ်လါအလၤကပီၤန့ၣ်ဘၣ်. 19 ပှၤကခူၣ်လီၤ ကွံာ်အီၤလၢကသ့ၣ်ယီၤ အတၢ်ခူၣ်လီၤကွံာ်လီၤ. ကမိၤ အီၤ, ဒီးကွံာ်တ့ၢ်ကွံာ်အီၤလၢယရူၤၡလ့ၣ်အပဲတရီလၢ ခိလီၤ.
20 လဲၤထီၣ်ဘးလဘၤနိၣ်ဒီးကိးထီၣ်, ဒီးထုထီၣ်နကလုၢ် လၢဘၤၡၣ်အပူၤ, ဒီးကိးထီၣ်တၢ်လၢဧဘါရံၣ်တက့ၢ်. အဂ့ၢ်ဒ်အံၤ, ပှၤလၢအအဲၣ်နၤခဲလၢာ်န့ၣ်တုၤလံလၢတၢ် ဟးဂီၤလံ.
21 ယကတိၤတၢ်ဒီးနၤလၢနဘီၣ်ထီၣ်ညီထီၣ်အဖၢမုၢ်, ဒီး နစံး, ယတကနၣ်ဘၣ်. လၢနတဒိကနၣ်ယကလုၢ် န့ၣ်မ့ၢ်နလုၢ်နလၢ်လၢနမုၣ်ကနီၤထီၣ်လံၤလံၤလီၤ. 22 က လံၤကအီၣ်ကွံာ်နပှၤကွၢ်သိခဲလၢာ်, ဒီးပှၤလၢအအဲၣ်နၤ ကလဲၤကဲကုၢ်လီၤ. မ့ၢ်မးနမဲာ်ကဆှး, ဒီးနကပာ်ဆှး နမဲာ်လၢနတၢ်ဒဲးဘးခဲလၢာ်အဃိလီၤ. 23 ပှၤအိၣ်ဝဲဆိး ဝဲလၢလဘၤနိၣ်, လၢအမၤအသွံလၢသ့ၣ်ဆှိအ့ရ့းအခံ တဂၤဧၢ, တုၤတၢ်ဆါဘၣ်နၤ, ဒ်ပိာ်မုၣ်ဘၣ်ဟုးဆါ အသိးန့ၣ်ဒီး, နကဘၣ်တၢ်နးတၢ်ဖှီၣ်ဆံးဒိၣ်လဲၣ်.
24 ယမူယဲ, ယွၤစံးဝဲဒၣ်, ယူဒၤအစီၤပၤစီၤယဟိယါကံၣ် အဖိခွါစီၤကၤနယၤ မ့မ့ၢ်တၢ်စဲဃာ်ပနီၣ်လၢယစုထွဲ ဘၣ်ဆၣ်ဒီး, ယကထုးထီၣ်ကွံာ်နၤဖဲန့ၣ်, 25 ဒီးဟ့ၣ်လီၤ နၤလၢ ပှၤလၢအဃုနသးသမူအစုပူၤ, ဒီးလၢပှၤလၢန ပျံၤအီၤအစုပူၤ, လၢဘၤဘူၤလိၣ်အစီၤပၤနဘူးကးန့စၢ် အစုပူၤ, ဒီးလၢပှၤက့ၤစ့းဖိအစုပူၤလီၤ. 26 ယကဟီထီၣ် ကွံာ်နၤ, ဒီးနမိၢ်လၢအဆံးစၢ်နၤဆူကီၢ်အဂၤတဘ့ၣ်ဖဲ သုတအိၣ်ဖျဲၣ်ဘၣ်လၢအပူၤ, ဒီးသုကသံဖဲန့ၣ်လီၤ. 27 ― ဒီးတဟဲက့ၤလၢၤဘၣ်ဆူ ကီၢ်ဖဲအဆၢဟဲက့ၤန့ၣ်ဘၣ်. 28 စီၤကၤနယၤပှၤတဂၤအံၤ, မ့ၢ်သပၢၤသ့ၣ်ဖးလၢပှၤတပး ကဲဘၣ်အီၤဘၣ်ဧါ. မ့ၢ်တၢ်အဃၢၤအဃိၢ်လၢအတဘၣ် တၢ်အသးဘၣ်ဧါ. ဘၣ်တၢ်ဟီထီၣ်ကွံာ်အီၤ, အဝဲဒၣ်, ဒီးအချံအသၣ်, ဒီးလီၤဘၣ်လၢကီၢ်လၢအတသ့ၣ်ညါ ဘၣ်ဝဲအပူၤန့ၣ်မ့ၢ်အဘၣ်မနုၤလဲၣ်.
29 ဟီၣ်ခိၣ်ဧၢ, ဟီၣ်ခိၣ်ဧၢ, ဟီၣ်ခိၣ်ဧၢ, ကနၣ်ယွၤအက လုၢ်တက့ၢ်. 30 ယွၤစံးဒ်အံၤ, ကွဲးန့ၢ်ပှၤအံၤလၢပှၤတူာ်ဖိ တဂၤ, ပှၤလၢအတဘီၣ်ထီၣ်တညီထီၣ်ဘၣ်. တစိၤ ဒၣ်အီၤန့ၣ်တက့ၢ်. အဂ့ၢ်ဒ်အံၤ, ပှၤလၢအချံအသၣ်အ ကျါန့ၣ်တဘီၣ်ထီၣ်ညီထီၣ်ဘၣ်, ဒီးတဆ့ၣ်နီၤဘၣ်လၢ စီၤဒၤဝံးအလီၢ်ပစိာ်အဖီခိၣ်ဘၣ်. ဒီးတပၢလၢၤဘၣ်တၢ် လၢယူဒၤအပူၤနီတဂၤဘၣ်.
23၂၃
1 ပှၤကွၢ်သိလၢအမၤဟးဂီၤ, ဒီးမၤလီၤပြံလီၤပြါယတၢ် အီၣ်ဆၣ်အလီၢ်အသိတဖၣ်န့ၣ်, ဘၣ်အဖှီၣ်လီၤ, ယွၤစံး ဝဲဒၣ်. 2 မၤသးဒ်န့ၣ်ဒီးယွၤအံၣ်စရ့လးအကစၢ်စံးလၢပှၤ ကွၢ်သိလၢအကွၢ်ယပှၤဂီၢ်မုၢ်တဖၣ်အဂ့ၢ်, သုမၤလီၤပြံ လီၤပြါယသိတဖု, ဒီးဟီထီၣ်ကွံာ်အီၤ, ဒီးတအိၣ်သ ကိးဘၣ်အီၤဘၣ်. ကွၢ်ကွၢ်, ယကအိၣ်သကိးသုလၢသု မၤတၢ်အၢအဃိ, ယွၤစံးဝဲဒၣ်. 3 ဒီးယကထၢဖှိၣ်ယသိ တဖုအတၢ်အိၣ်လီၤတဲာ်လၢ ကယဲၢ်ကီၢ်လၢယဟီထီၣ် ကွံာ်အီၤဆူအပူၤ, ဒီးယကဒုးဟဲက့ၤအီၤဆူကရၢပူၤ, ဒီး ကသၣ်ထီၣ်, ဒီးကအါထီၣ်လီၤ. 4 ဒီးယကပာ်ပှၤကွၢ်သိ လၢအဖီခိၣ်လၢအကကွၢ်အီၤ, ဒီးတပျံၤလၢၤဘၣ်တၢ် ဘၣ်, ဒီးတဘၣ်ယိၣ်လၢၤဘၣ်တၢ်ဘၣ်, ဒီးတဟါမၢ် လၢၤဘၣ်, ယွၤစံးဝဲဒၣ်.
5 ကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်ဟဲလၢယကဒုး ဂဲၤဆၢထၢၣ်တၢ်အဒ့တီလၢစီၤဒၤဝံးအဂီၢ်, ဒီးစီၤပၤတ ဂၤကပၢတၢ်, ဒီးကဘီၣ်ထီၣ်ညီထီၣ်, ဒီးကမၤတၢ်စံၣ် ညီၣ်ဒီး တၢ်တီတၢ်လိၤလၢကီၢ်န့ၣ်လီၤ. 6 တၢ်လၢအ မုၢ်နံၤတဖၣ်န့ၣ်ယူဒၤကတုၤလၢတၢ်အုၣ်က့ၤခီၣ်က့ၤ, ဒီး အံၣ်စရ့လးကအိၣ်ဒီးတၢ်သန့ၤအသးအလီၢ်, ဒီးတၢ် ကကိးအမံၤလၢအအံၤ, ယွၤပတၢ်တီတၢ်လိၤလီၤ. 7 မၤ သးဒ်န့ၣ်ဒီးယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲလၢပှၤ တစံးလၢၤဘၣ်, ယွၤမူဝဲလၢအဒုးဟးထီၣ်ကွံာ် ပှၤအံၣ် စရ့လးဖိလၢကီၢ်အဲၤကူပတူးန့ၣ်ဘၣ်. 8 မ့ၢ်အကစံး, ယွၤမူဝဲလၢအဟဲစိာ်ထီၣ်, ဒီးဒုးဟဲနုာ်အံၣ်စရ့လးအပှၤ ဟံၣ်ဖိအချံအသၣ်လၢ ကီၢ်လၢကလံၤစိး, ဒီးလၢကီၢ် ခဲလၢာ် ဖဲယဟီထီၣ်ကွံာ်တ့ၢ်အီၤ, ဒီးကအိၣ်ကဆိးဝဲ လၢအကီၢ်ဒၣ်ဝဲအပူၤလီၤ.
9 လၢဝံတဖၣ်အဂ့ၢ်အကျိၤ. ယသူၣ်ကၢ်ယသးလီၤလၢယသးကံၢ်ပူၤ, ယဃံခဲ လၢာ်ကနိး, ယမၤသးဒ်ပှၤအီမူၤအသးအသိးန့ၣ်, ဒီးမၤ သးဒ်ပှၤလၢစပံးထံမၤနၢၤအီၤအသိးန့ၣ်, လၢယွၤအဃိ, ဒီးလၢအကလုၢ်စီဆှံအဃိန့ၣ်လီၤ.
10 အဂ့ၢ်ဒ်အံၤ, ကီၢ်ပှဲၤဝဲဒီးပှၤမၤကမၣ်ပမါပဝၤ, ကီၢ်သူၣ် အုးသးအုးလၢတၢ်ဆိၣ်အၢအဃိလီၤ. တၢ်အီၣ်ဆၣ်အ လီၢ်လၢပှၢ်လၢ်ကျါန့ၣ် ဃ့ထီၣ်ကွံာ်လီၤ. အဂ့ၢ်ဒ်အံၤ, အဝဲသ့ၣ်ဃ့ၢ်မၤတၢ်အၢ, ဒီးအဂံၢ်အဘါတတီဘၣ်.―
11 အဂ့ၢ်ဒ်အံၤ, ဝံမ့ၢ်ဂ့ၤ, ပှၤလုၢ်တၢ်အဒိၣ်မ့ၢ်ဂ့ၤ, တယူးတ ယီၣ်ဘၣ်တၢ်ဘၣ်. မ့ၢ်မးယထံၣ်န့ၢ်အတၢ်အၢလၢယ ဟံၣ်ပူၤဒၣ်လဲာ်, ယွၤစံးဝဲဒၣ်. 12 မၤသးဒ်န့ၣ်ဒီးအကျဲတ ကဲထီၣ်ဒ်တၢ်အလီၢ်ဘျ့လၢ တၢ်ခံးကျါအသိးလၢအဂီၢ်, တၢ်ကဟီထီၣ်ကွံာ်အီၤ, ဒီးကလီၤဃံၤဝဲလၢအပူၤလီၤ. အဂ့ၢ်ဒ်အံၤ, ယကဒုးဘၣ်အီၤလၢတၢ်အၢဖဲတၢ်အိၣ်သ ကိးအီၤအနံၣ်န့ၣ်, ယွၤစံးဝဲဒၣ်.
13 ယထံၣ်ပှၤဟးဂီၤဖိအတၢ်လၢ ၡၤမရံအဝံတဖၣ်အပူၤ လီၤ. ကတိၤတၢ်လၢဝံအကျိာ်လၢဘဧၤလး, ဒီးဒုးမၤက မၣ်ယပှၤဂီၢ်မုၢ်အံၣ်စရ့လးလီၤ. 14 ယထံၣ်တ့ၢ်စ့ၢ်ကီးတၢ် အၢနးမးလၢယရူၤၡလ့ၣ်အဝံတဖၣ်အပူၤလီၤ. အဲၣ်ဘၢ မါ, ဒီးလဲၤဝဲလၢတၢ်ကဘျံးကဘျၣ်အပူၤ, ဒီးဒုးဆူၣ်ထီၣ် ပှၤလၢအမၤတၢ်အၢအစု တုၤပှၤတဟဲက့ၤလၢအတၢ်ဒဲး ဘးနီတဂၤဘၣ်. အဝဲသ့ၣ်ခဲလၢာ်န့ၣ်အိၣ်ဝဲလၢယမဲာ် ညါဒ်စဒိၣ်အသိး, ဒီးအပှၤအိၣ်ဝဲဆိးဝဲန့ၣ်ဒ်ပှၤဂမိရၤဖိ အသိးန့ၣ်လီၤ.
15 မၤသးဒ်န့ၣ်ဒီး တၢ်သုးမုၢ်ဂီၢ်မုၢ်အယွၤစံးလၢဝံတဖၣ် အဂ့ၢ်ဒ်အံၤ, ကွၢ်ကွၢ်, ယကဒုးအီၣ်အီၤလၢသဘူးအပၤ စံၣ်တူး, ဒီးဒုးအီအီၤလၢစုၣ်ထံလီၤ. အဂ့ၢ်ဒ်အံၤ, တၢ် တယူးတယီၣ်ဘၣ်တၢ်ဘၣ်န့ၣ် လဲၤထီၣ်လၢယရူၤၡ လ့ၣ်အဝံတဖၣ်အအိၣ်ဆူကီၢ်ဒီဘ့ၣ်ညါအပူၤလီၤ.
16 တၢ်သုးမုၢ်ဂီၢ်မုၢ်အယွၤစံးဒ်အံၤ, ကနၣ်ဝံတဖၣ်အက လုၢ်လၢအကတိၤတၢ်လၢ ဝံအကျိာ်လၢသုကျါတဂ့ၤ. ကလံာ်သုဆူတၢ်ကလီကလီလီၤ. ကတိၤဝဲလၢတၢ် ထံၣ်လၢညါခီလၢအလိၣ်ထီၣ်လၢအသးဒၣ်ဝဲ, တမ့ၢ် ဘၣ်အဟဲလၢယွၤအထးခိၣ်ဘၣ်. 17 ဒီးအဝဲသ့ၣ်စံးတ ထံၣ်ဃီပှၤလၢအတပာ်ကဲဘၣ်ယၤတဖၣ်, ယွၤစံးတ့ၢ်ဝဲ, သုကအိၣ်ဒီးတၢ်ဃူတၢ်ဖိးလီၤ. ဒီးစံးကယဲၢ်ပှၤလၢအ ပိာ်ထွဲအသးအနၢ်က့ၣ်အခံန့ၣ်, တၢ်အၢတဘၣ်ဘၣ်သု နီတမံၤဘၣ်. 18 အဂ့ၢ်ဒ်အံၤ, မ့ၢ်မတၤဆၢထၢၣ်တ့ၢ်လၢ ယွၤအတၢ်ကူၣ်အပူၤ, ဒီးထံၣ်ဘၣ်, ဒီးနၢ်ဟူဘၣ်အက လုၢ်တဂၤလဲၣ်. မ့ၢ်မတၤကနၣ်ဝဲ, ဒီးနၢ်ဟူအတၢ်က တိၤတဂၤလဲၣ်.
19 ကွၢ်ကွၢ်, ကလံၤသဝံးဘၣ်ဃးဒီးယွၤလဲၤတၢ်ဆူၣ်ဆူၣ် ကလဲာ်, ကလံၤဆူၣ်သဝံးအသး ကဘၣ်ပှၤတတီဘၣ် အခိၣ်နးနးကလဲာ်လီၤ. 20 ယွၤအသးကဲၤထီၣ်တဃၣ် ကဒါဘၣ်တုၤအမၤတၢ်, ဒီးတုၤအမၤလၢထီၣ်ပှဲၤထီၣ် တၢ်လၢအကူၣ်တၢ်လၢအသးကံၢ်ပူၤလီၤ. လၢမုၢ်နံၤဆူ ညါန့ၣ်သုနၢ်ကပၢၢ်တၢ်လီၤတံၢ်လီၤဆဲးလီၤ.
21 ယတမၢလီၤဝံတဖၣ်န့ၣ်ဘၣ်, ဘၣ်ဆၣ်ဒီးဃ့ၢ်ဝဲလီၤ. ယတကတိၤဘၣ်တၢ်ဒီးအီၤဘၣ်, ဘၣ်ဆၣ်ဒီးကတိၤ တၢ်လၢဝံကျိာ်လီၤ. 22 ဒီးမ့ၢ်ဆၢထၢၣ်လၢယတၢ်ကူၣ်အ ပူၤဒီး, ကဒုးနၢ်ဟူယပှၤဂီၢ်မုၢ်လၢယတၢ်ကတိၤ, ဒီး ကဒုးဟဲက့ၤအီၤလၢအကျဲအၢ, ဒီၤလၢအမၤတၢ်အၢအ အိၣ်န့ၣ်လီၤ.
23 ယမ့ၢ်ကစၢ်အိၣ်လၢအဘူး, ဒီးတမ့ၢ်ဘၣ်ကစၢ်လၢအ ယံၤန့ၣ်ဘၣ်ဧါ, ယွၤစံးဝဲဒၣ်. 24 ပှၤပာ်ခူသူၣ်အသးလၢ အလီၢ်အိၣ်တဒၢအပူၤ ဖဲယတထံၣ်ဘၣ်အီၤတဂၤဂၤ န့ၣ်ဘၣ်ကသ့ဧါ. ယွၤစံးဝဲဒၣ်. ယမၤပှဲၤဟီၣ်ခိၣ်ဒီးမူ ခိၣ်န့ၣ်တမ့ၢ်ဘၣ်ဧါ, ယွၤစံးဝဲဒၣ်.
25 ဝံတဖၣ်လၢအကတိၤတၢ်လၢဝံကျိာ် ကဘျံးကဘျၣ် လၢယမံၤန့ၣ် ယနၢ်ဟူလံတၢ်လၢအစံးဝဲလံ. စံးဝဲ, ယ မံမီၢ်တၢ်, ယမံမီၢ်တၢ်လီၤ. 26 တၢ်န့ၣ်ကအိၣ်လၢဝံလၢ အကတိၤတၢ်လၢ ဝံကျိာ်ကဘျံးကဘျၣ်အသးကံၢ်ပူၤ ဆံးယံာ်လဲၣ်. မ့ၢ်လၢအသးလီတၢ်အဝံလီၤ. 27 ဆိက မိၣ်ဝဲလၢအကဒုးသးပ့ၤနီၣ်ယပှၤဂီၢ်မုၢ်လၢ ယမံၤလၢ အတၢ်မံမီၢ်တဖၣ်လၢအစံၣ်တဲၤတဲလီၤ တဂၤပှၤလၢအ ဃၢၤ, တဂၤပှၤလၢအဃၢၤ, ဒ်အပၢ်သးပ့ၣ်နီၣ်ယမံၤ လၢဘဧၤလးအဃိအသိးန့ၣ်လီၤ. 28 ဝံလၢအအိၣ်ဒီးတၢ် မံမီၢ်, မ်အစံၣ်တဲၤတဲလီၤဒၣ်ဝဲလၢတၢ်မံမီၢ်တက့ၢ်. ဒီး ပှၤလၢအအိၣ်ဒီးယကလုၢ်န့ၣ်, မ်အစံၣ်တဲၤတဲလီၤယ ကလုၢ်တီတီတက့ၢ်. ဖ့ထိၣ်သတြီၤဒီးဟုန့ၣ်မ့ၢ်မနုၤတ မံၤလဲၣ်, ယွၤစံးဝဲဒၣ်. 29 ယကလုၢ်မၤသးဒ်မ့ၣ်အူအသိး န့ၣ်တမ့ၢ်ဘၣ်ဧါ, ယွၤစံးဝဲဒၣ်, ဒီးမၤသးဒ်ခံၣ်ခူၣ်လၢအ မၤလီၤကလဲလၢၢ်ဧိၤလ့ဧိၤအသိးတမ့ၢ်ဘၣ်ဧါ.
30 မၤသးဒ်န့ၣ်ဒီး, ကွၢ်ကွၢ်, ယထီဒါဝံတဖၣ်လၢအဟုၣ် န့ၢ်ယကလုၢ်တဂၤလၢအဃၢၤ, တဂၤလၢပှၤလၢအ ဃၢၤ, ယွၤစံးဝဲဒၣ်. 31 ကွၢ်ကွၢ်, ယွၤစံးဝဲဒၣ်, ယထီဒါဝံတ ဖၣ်လၢအဟံးန့ၢ်အပျ့ၤဒီးစံး, အဝဲဒၣ်စံးဝဲဒၣ်န့ၣ်လီၤ.―
32 ကွၢ်ကွၢ်, ယွၤစံးဝဲဒၣ်, ယထီဒါပှၤလၢအကတိၤလၢဝံ အကျိာ်လၢတၢ်မံမီၢ်ကဘျံးကဘျၣ်, ဒီးစံၣ်တဲၤတဲလီၤ ဝဲ, ဒီးဒုးလီၤကမၣ်ယပှၤဂီၢ်မုၢ်လၢအတၢ်ကတိၤကဘျံး ကဘျၣ်, ဒီးလၢအပာ်ကဖိအသးန့ၣ်လီၤ. ဘၣ်ဆၣ်ဒီး ယတမၢလီၤဘၣ်အီၤဘၣ်, ဒီးတမၤလိာ်ဘၣ်အီၤဘၣ်, ဒီးပှၤဂီၢ်မုၢ်အံၤတဘၣ်ဘျုးဘၣ်ဖှိၣ်လၢအီၤ နီတမံၤဘၣ်, ယွၤစံးဝဲဒၣ်.
33 ဒီးတုၤပှၤဂီၢ်မုၢ်အံၤမ့ၢ်ဂ့ၤ, ဝံမ့ၢ်ဂ့ၤ, ပှၤလုၢ်တၢ်အဒိၣ်မ့ၢ် ဂ့ၤ, ကသံကွၢ်နၤ, ဒီးစံး, ယွၤအတၢ်ဝံတၢ်ယိးမ့ၢ်မနုၤလဲၣ် န့ၣ်ဒီး, နဘၣ်စံးဆၢအီၤ, တၢ်ဝံတၢ်ယိးမနုၤလဲၣ်, ယ ကညိကွံာ်သု, ယွၤစံးဝဲဒၣ်. 34 ဒီးဝံဂ့ၤ, ပှၤလုၢ်တၢ်အဒိၣ် ဂ့ၤ, ပှၤဂီၢ်မုၢ်ဂ့ၤ, လၢအစံးယွၤအတၢ်ဝံတၢ်ယိးန့ၣ်, ယ ကအိၣ်သကိးပှၤတဂၤန့ၣ်, ဒီးအပှၤဟံၣ်ဖိလီၤ. 35 သု ဘၣ်စံးဒ်အံၤ, တဂၤတဂၤ, ယွၤစံးဆၢတၢ်ဒ်လဲၣ်, ဒီးယွၤ ကတိၤတၢ်ဒ်လဲၣ်န့ၣ်လီၤ. 36 ဒီးယွၤအတၢ်ဝံတၢ်ယိးန့ၣ် သုတစံးဘၣ်လၢၤဘၣ်. အဂ့ၢ်ဒ်အံၤ, ပှၤကညီအကလုၢ် န့ၣ်ကကဲထီၣ်တဂၤအတၢ်ဝံတၢ်ယိးစုာ်စုာ်လီၤ. အဂ့ၢ် ဒ်အံၤ, သုမၤကဒံကဒါကစၢ်လၢ အမူဝဲအကလုၢ်, တၢ် သုးမုၢ်ဂီၢ်မုၢ်အယွၤ, ပကစၢ်လီၤ. 37 သုဘၣ်စံးလၢဝံ, ယွၤ စံးဆၢနၤဒ်လဲၣ်, ဒီးယွၤကတိၤထီၣ်တၢ်ဒ်လဲၣ်န့ၣ်လီၤ.―
38 မ့မ့ၢ်သုစံး, ယွၤအတၢ်ဝံတၢ်ယိးန့ၣ်ဒီး, မ့ၢ်မးယွၤစံးဒ် အံၤ, မ့ၢ်သုစံးတၢ်ကတိၤအံၤ, ယွၤအတၢ်ဝံတၢ်ယိး, ဒီး ယမၢလီၤတၢ်ဆူသုအိၣ်ဒီးစံး, သုတဘၣ်စံး, ယွၤအ တၢ်ဝံတၢ်ယိးန့ၣ်ဘၣ်ဒီး. 39 ကွၢ်ကွၢ်, ယကဟးထီၣ် သုစီဖ့ကလ့ၤ, ဒီးယကကွံာ်တ့ၢ်ကွံာ်သု, ဒီးဝ့ၢ်တဝ့ၢ်လၢ
40 ယဟ့ၣ်လီၤသုပၢ်တဖၣ်လၢ ယမဲာ်ညါလီၤ. ဒီးယက ပာ်တၢ်ဒုၣ်ဒွဲၣ်အထူအယိာ်, ဒီးတၢ်မဲာ်ဆှးလီၤစိၤလီၤ ထီလၢ တၢ်တသးပ့ၤနီၣ်ဘၣ်ဝဲဘၣ်လၢသုလိၤလီၤ.
24၂၄
1 ယွၤဒုးနဲၣ်ယၤ, ဒီးကွၢ်ကွၢ်, ချၢၣ်ဒၢသၣ်အနာ်ခံဖျၢၣ် အိၣ်ပာ်အသးလၢယွၤအနူၢ်အစီၤအမဲာ်ညါ လၢဘၤဘူၤ လိၣ်, အစီၤပၤနဘူးကးန့စၢ်စိာ်ယူဒၤအစီၤပၤစီၤယဟိ ယါကံၣ်အဖိခွါစီၤယံးကၤနံယၤ, ဒီးယူဒၤအပဒိၣ်ဖး ဒိၣ်, ဒီးပှၤစုသ့, ဒီးပှၤပိာ်တၢ်ဖိလၢယရူၤၡလ့ၣ်, ဒီးစိာ် မၢကဲကုၢ်အီၤဆူဘၤဘူၤလိၣ်အလီၢ်ခံန့ၣ်လီၤ. 2 နာ်တ ဖျၢၣ်အိၣ်ဝဲဒီးချၢၣ်ဒၢသၣ်ဂ့ၤမး, ဒ်ချၢၣ်ဒၢသၣ်လၢအ မံဆိအသိးန့ၣ်လီၤ. ဒီးနာ်တဖျၢၣ်ဒၣ်အိၣ်ဝဲဒီးချၢၣ်ဒၢ သၣ်အၢနးမးလီၤ. အၢန့ၢ်ပှၤအီၣ်ဝဲကဲတက့ၢ်လီၤ. 3 ဒီး ယွၤစံးဘၣ်ယၤ, စီၤယံးရမံယၤဧၢ, နထံၣ်ဘၣ်မနုၤ လဲၣ်. ဒီးယစံး, ချၢၣ်ဒၢသၣ်လိၤ. ချၢၣ်ဒၢသၣ်အဂ့ၤန့ၣ် ဂ့ၤဒိၣ်မးလီၤ. ဒီးချၢၣ်ဒၢသၣ်အအၢန့ၣ်အၢဒိၣ်မးလီၤ. အၢန့ၢ်ပှၤအီၣ်ဝဲကဲတက့ၢ်လၢအအၢအဃိလီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, 4 ယွၤအံၣ်စရ့လး အကစၢ်စံးဒ်အံၤ, ဒ်ချၢၣ်ဒၢသၣ်အဂ့ၤအံၤအသိးန့ၣ်ယ ကပာ်ပှၤလၢတၢ်စိာ်မၢကဲကုၢ်အီၤလၢ ယူဒၤအကျါလၢ ယဟီထီၣ်ကွံာ်လၢအလီၢ်အံၤ, ဆူပှၤက့ၤစ့းဖိအကီၢ်ပူၤ လၢအတၢ်ဂ့ၤအဂီၢ်လီၤ. 6 ဒီးယကပာ်ယမဲာ်လၢအလိၤ လၢတၢ်ဂ့ၤအဂီၢ်, ဒီးယကဒုးဟဲက့ၤအီၤဆူကီၢ်တဘ့ၣ် အံၤအပူၤ, ဒီးယကမၤထီၣ်မၤထီအီၤ, ဒီးယတမၤလီၤပှီၢ် ဘၣ်အီၤဘၣ်, ဒီးယကသူၣ်အီၤ, ဒီးယတထဲးကွံာ်ဘၣ် အီၤဘၣ်. 7 ယကဟ့ၣ်လီၤအီၤ လၢအသးသ့ၣ်ညါယၤ လၢယမ့ၢ်ယွၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယဲဒၣ်အံၤယကကဲထီၣ်အကစၢ်လီၤ. အဂ့ၢ်ဒ်အံၤ, က ဟဲက့ၤကဒါက့ၤဆူယအိၣ် ဒီးအသးဒီဖျၢၣ်ညါလီၤ.
8 မ့မ့ၢ်ချၢၣ်ဒၢသၣ်အအၢ, လၢအအၢန့ၢ်ပှၤအီၣ်ဝဲကဲတ က့ၢ်လၢအအၢအဃိန့ၣ်မ့ၢ်မးယွၤစံးဒ်အံၤ, ယကဟ့ၣ် လီၤကွံာ်ယူဒၤအစီၤပၤစံးဒကံယၤ, ဒီးအပဒိၣ်ဖးဒိၣ်တ ဖၣ်, ဒီးပှၤယရူၤၡလ့ၣ်ဖိအတၢ်အိၣ်လီၤတဲာ်လၢအအိၣ် လီၤ. တဲာ်ဝဲလၢကီၢ်အံၤအပူၤ, ဒီးပှၤလၢအအိၣ်ဝဲဆိး ဝဲလၢကီၢ်အဲၤကူပတူးအပူၤန့ၣ်, 9 ယကဟ့ၣ်လီၤကွံာ် အီၤဆူတၢ်မၤကိၢ်မၤဂီၤ, ဒီးဆူတၢ်နးတၢ်ဖှီၣ်လၢဟီၣ် ခိၣ်အဘီမုၢ်ခဲလၢာ်အပူၤ ဒ်သိးအကကဲထီၣ်တၢ်ဒုၣ်ဒွဲၣ် အလီၢ်, ဒီးတၢ်ကတိၤဒိအလီၢ်, ဒီးတၢ်မၤတရီတပါ အလီၢ်, ဒီးတၢ်ဆိၣ်အၢအလီၢ်လၢကယဲၢ်တၢ်အလီၢ်ဖဲ ယကဟီထီၣ်ကွံာ်အီၤလီၤ. 10 ဒီးယကမၢလီၤနးဧိၤဘီဧိၤ, ဒီးတၢ်သၣ်ဝံၤလီၤဒိ, ဒီးတၢ်သံသတြိာ်လၢအကျါ တုၤ အလၢာ်ကွံာ်ဝဲလၢကီၢ်တဘ့ၣ်အပူၤ လၢယဟ့ၣ်လီၤ အီၤ, ဒီးအပၢ်တဖၣ်န့ၣ်လီၤ.
25၂၅
1 လၢယူဒၤအစီၤပၤစီၤယိၤၡံယၤအဖိခွါ စီၤယဟိၤယါ ကံၣ်အနံၣ်ပှဲၤထီၣ်လွံၢ်နံၣ်တနံၣ်န့ၣ် (အဝဲန့ၣ်မ့ၢ်ဘၤ ဘူၤလိၣ်အစီၤပၤနဘူၤကးန့စၢ်အနံၣ်ခီၣ်ထံးန့ၣ်)တၢ်အ ကလုၢ်လၢအဘၣ် စီၤယံးရမံယၤလၢယူဒၤအပှၤဂီၢ်မုၢ် ခဲလၢာ်အဂ့ၢ်, 2 လၢဝံယံးရမံယၤကတိၤဝဲဒီး ယူဒၤအပှၤ ဂီၢ်မုၢ်ခဲလၢာ်, ဒီးပှၤယရူၤၡလ့ၣ်ဖိခဲလၢာ်, ဒီးစံးဝဲဒၣ်.
3 လၢယူဒၤအစီၤပၤအၤမိၣ်အဖိခွါ စီၤယိၤၡံယၤအနံၣ် ပှဲၤထီၣ်တဆံသၢနံၣ်တနံၣ်လံၤလံၤန့ၣ် တုၤလၢမုၢ်မဆါ တနံၤအံၤ, အနံၣ်ခံဆံသၢနံၣ်အတီၢ်ပူၤန့ၣ် ယွၤအက လုၢ်ဘၣ်ယၤ, ဒီးယကတိၤတၢ်ဒီးသု, ယဂဲၤဆၢထၢၣ် ဂီၤဂီၤဒီးကတိၤတၢ်, ဘၣ်ဆၣ်ဒီးသုတကနၣ်ဘၣ်သု ဝဲဘၣ်. 4 ဒီးယွၤမၢလီၤအခ့အပှၤ, ဝံခဲလၢာ်ဆူသုအိၣ်, ဂဲၤဆၢထၢၣ်ဂီၤဂီၤဒီးမၢလီၤဝဲ, ဒီးသုတကနၣ်ဘၣ်, သု တဒိးနူၤတဒိးနၢ်ဘၣ်. 5 ပှၤတဖၣ်န့ၣ်စံးဝဲဒၣ်, ဃၣ်ကွံာ် သုသးတဂၤလၢအကျဲအၢဒၣ်ဝဲ, တဂၤလၢအကျဲအၢ ဒၣ်ဝဲ, ဒီးလၢသုမၤတၢ်အၢတဖၣ်, ဒ်သိးသုကအိၣ်က ဆိးလၢကီၢ်ပူၤလၢယွၤဟ့ၣ်လီၤသု ဒီးသုပၢ်တဖၣ်လီၤ ထူလီၤယိာ်တက့ၢ်. 6 ဒီးလဲၤပိာ်ကစၢ်အဂၤတဖၣ်အခံ, ဒ်သိးသုကမၤအတၢ်, ဒီးဘူၣ်ထီၣ်ဘါထီၣ်အီၤတဂ့ၤ, ဒီးထိၣ်ဂဲၤယသးထီၣ်လၢသုစုအမၤတၢ်တဂ့ၤ, ဒီးယတ မၤအၢဘၣ်သုနီတမံၤဘၣ်. 7 ဘၣ်ဆၣ်ဒီးယွၤစံးဝဲဒၣ်, သုတကနၣ်ဘၣ်ယကလုၢ်, ဒ်သိးသုကထိၣ်ဂဲၤယသး ထီၣ်လၢသုစုအမၤတၢ်လၢ သုတၢ်နးတၢ်ဖှီၣ်ဒၣ်သုဝဲအ ဂီၢ်လီၤ.
8 မၤသးဒ်န့ၣ်ဒီးတၢ်သုးမုၢ်ဂီၢ်မုၢ်အယွၤစံးဒ်အံၤ, မ့ၢ်သု တကနၣ်ဘၣ်ယတၢ်ကတိၤဘၣ်ဒီး, 9 ကွၢ်ကွၢ်, ယက မၢလီၤတၢ်, ဒီးဟံးန့ၢ်ကယဲၢ်ပှၤအဒူၣ်လၢကလံၤစိး, ယွၤ စံးဝဲဒၣ်, ဒီးယခ့ယပှၤဘၤဘူၤလိၣ်အစီၤပၤနဘူၤကးန့ စၢ်, ဒီးယကဒုးဟဲအီၤထီဒါကီၢ်တဘ့ၣ်အံၤ, ဒီးထီဒါ ပှၤအိၣ်ဝဲဆိးဝဲလၢအပူၤ, ဒီးထီဒါပှၤကလုာ်တဖၣ်အိၣ် ဝးတရံးဝဲခဲလၢာ်, ဒီးယကမၤဟးဂီၤအီၤစီဖ့ကလံၤ, ဒီး ပာ်အီၤလၢတၢ်ကမၢကမၣ်အလီၢ်, ဒီးတၢ်ဒုၣ်ဒွဲၣ်အ လီၢ်, ဒီးတၢ်အိၣ်သယုၢ်အလီၢ် လီၤထူလီၤယိာ်လီၤ.―
10 ဒီးယကဒုးအိၣ်ဘှီၣ်အတၢ်သူၣ်ဖှံသးညီအသီၣ်, ဒီးအ တၢ်သူၣ်ခုသးခုအသီၣ်, ဒီးတလးမူးအပိာ်ခွါအကလုၢ်, ဒီးတလးမူးအပိာ်မုၣ်အကလုၢ်, ဒီးဆၢၣ်ဂူာ်လၢၢ်အ သီၣ်, ဒီးမၤပံာ်မ့ၣ်အူဒၢအတၢ်ကပီၤလီၤ. 11 ဒီးကီၢ်ဒီဘ့ၣ် ညါအံၤကကဲထီၣ်တၢ်အိၣ်သယုၢ်အလီၢ်, တၢ်ကမၢက မၣ်အလီၢ်, ဒီးပှၤကလုာ်တဖၣ်အံၤကမၤဘၤဘူၤလိၣ် အစီၤပၤအတၢ်အနံၣ်နွံဆံလီၤ.
12 ဒီးတုၤအနံၣ်နွံဆံပှဲၤထီၣ်ဒီး, တၢ်ကမၤအသးလၢယ ကအိၣ်သကိးဘၤဘူၤလိၣ်အစီၤပၤ, ဒီးပှၤတကလုာ် န့ၣ်ပှၤက့ၤစ့းဖိအကီၢ်လၢအတၢ်ဒဲးဘးအဃိ, ယွၤစံးဝဲ ဒၣ်, ဒီးယကမၤသယုၢ်အီၤလီၤထူလီၤယိာ်လီၤ. 13 ဒီး ယကဒုးဘၣ်ကီၢ်တဘ့ၣ်န့ၣ် လၢယတၢ်ကတိၤခဲလၢာ် လၢယကတိၤထီဒါအီၤ, ကယဲၢ်တၢ်လၢအကွဲးအသး လၢလံာ်အံၤအပူၤ, လၢစီၤယံးရမံယၤကတိၤတၢ်လၢဝံ ကျိာ်ထီဒါပှၤကလုာ်ခဲလၢာ်လီၤ. 14 အဂ့ၢ်ဒ်အံၤ, ပှၤအါ ကလုာ်, ဒီးစီၤပၤဖးဒိၣ်တဖၣ်ကဒုးမၤအီၤလၢအတၢ်, ဒီးယကမၤဆၢအီၤဒ်အမၤတၢ်အသိးန့ၣ်, ဒီးဒ်အစုမၤ တၢ်အသိးန့ၣ်လီၤ.
15 အဂ့ၢ်ဒ်အံၤ, ယွၤအံၣ်စရ့လးအကစၢ်စံးဘၣ်ယၤ, ဟံး န့ၢ်လီခီစပံးထံဘၣ်ဃးဒီး ယသးကဲၤထီၣ်လၢယစုပူၤ, ဒီးဒုးအီအီၤလၢပှၤကလုာ်ခဲလၢာ်လၢ ယကမၢလီၤနၤ ဆူအအိၣ်တက့ၢ်. 16 ဒီးကအီဝဲ, ဒီးကလဲၤတၢ်ကနူၤ ကပၤ, ဒီးပျုၢ်ထီၣ်လၢနးလၢယကမၢလီၤဆူအကျါတ ဘ့ၣ်အဃိန့ၣ်လီၤ.
17 ဒီးယဟံးန့ၢ်လီခီလၢယွၤအစုပူၤ, ဒီးယဒုးအီပှၤကလုာ် ခဲလၢာ်ဖဲယွၤမၢလီၤယၤဆူအအိၣ်, 18 ယရူၤၡလ့ၣ်ဒီးယူ ဒၤအဝ့ၢ်တဖၣ်, ဒီးအစီၤပၤတဖၣ်, ဒီးအပဒိၣ်ဖးဒိၣ်တ ဖၣ်ဒ်သိးအကကဲထီၣ်တၢ်အိၣ်သယုၢ်, ဒီးတၢ်မၢကမၣ် အလီၢ်, တၢ်ဒုၣ်ဒွဲၣ်အလီၢ်, ဒီးတၢ်ဆိၣ်အၢအလီၢ်, ဒ် လၢမုၢ်မဆါတနံၤအံၤအသိး, 19 အဲၤကူပတူးအစီၤပၤဖၤ ရိၤ, ဒီးအခ့အပှၤ, ဒီးအပဒိၣ်ဖးဒိၣ်တဖၣ်, ဒီးအပှၤဂီၢ် မုၢ်ခဲလၢာ်, 20 ဒီးကယဲၢ်ပှၤဃါဃုာ်အသး, ဒီးကီၢ်ဧူးစး အစီၤပၤခဲလၢာ်, ဒီးကီၢ်ဖလ့ၡသးအစီၤပၤခဲလၢာ်, ဒီး အၤၡကလိၣ်, ဒီးဂါစၤ, ဒီးဧ့ကြိၣ်, ဒီးအၤစဒိးအပှၤအိၣ် လီၤတဲာ်. 21 -အဒိၣ်, ဒီးမိၤအး, ဒီးပှၤဧၣ်မိၣ်ဖိ, 22 ― ဒီးစိၢ်အ စီၤပၤခဲလၢာ်, ဒီးစံဒိၣ်အစီၤပၤခဲလၢာ်, ဒီးထံယံၤကီၢ်ယံၤ လၢပီၣ်လဲၣ်နံၤအစီၤပၤခဲလၢာ်. 23 ဒဒၣ်, ဒီးတ့မၤ, ဒီးဘူ စး, ဒီးကယဲၢ်ပှၤလၢအတလူၤဘၣ်အခၣ်ဆူၣ်အနၢၣ်ခဲ လၢာ်န့ၣ်, 24 ဒီးဧ့ရ့းအစီၤပၤခဲလၢာ်, ဒီးပှၤဃါဃုာ်အ သးအဂီၢ်မုၢ်လၢအအိၣ်ဝဲဆိးဝဲလၢပှၢ်မုၢ်ကနၢအစီၤပၤခဲ လၢာ်, 25 ဒီးစံၣ်ရံၤအစီၤပၤခဲလၢာ်, ဒီးဧ့ၤလၣ်အစီၤပၤ ခဲလၢာ်, ဒီးပှၤမၤဒဲဖိအစီၤပၤခဲလၢာ်, 26 ဒီးကယဲၢ်စီၤပၤ လၢကလံၤစိး, ပှၤအိၣ်ဘူးဒီးပှၤအိၣ်ယံၤ, တဂၤဒီးတဂၤ, ဒီၤကယဲၢ်ဟီၣ်ခိၣ်အဘီမုၢ်လၢအအိၣ်ဝဲလၢ ဟီၣ်ခိၣ် ချၢခဲလၢာ်, ဒီးရှ့ၡးအစီၤပၤကအီဝဲလၢအဝဲသ့ၣ်အလီၢ် ခံန့ၣ်လီၤ.
27 ဒီးစံးဘၣ်အီၤ, တၢ်သုးမုၢ်ဂီၢ်မုၢ်အယွၤအံၣ်စရ့လးအ ကစၢ်စံးဒ်အံၤ, အီတၢ်, ဒီးအီမူၤသုသး, ဒီးဘှိးထီၣ်, ဒီး လီၤဃံၤတက့ၢ်. ဒီးသုတဂဲၤဆၢထၢၣ်လၢၤဘၣ်လၢနး လၢယကမၢလီၤလၢသုကျါတဘ့ၣ်အဃိဘၣ်လီၤ.
28 ဒီးအဝဲသ့ၣ်မ့ၢ်တဟံးဘၣ် လီခီလၢနစုပူၤဒီးအီတၢ်ဒီး, တၢ်ကမၤအသးလၢနဘၣ်စံးဘၣ်အီၤ, တၢ်သုးမုၢ်ဂီၢ်မုၢ် အယွၤစံးဒ်အံၤ, သုဘၣ်အီတၢ်သပှၢ်တၢၢ်လီၤ. 29 အဂ့ၢ် ဒ်အံၤ, ကွၢ်ကွၢ်, ယဒုးဟဲသီတၢ်အၢလၢဝ့ၢ်လၢတၢ်ကိး အီၤလၢယမံၤ, ဒီးသုတဘၣ်တူၢ်တၢ်ဒဲးဘးနီတမံၤဘၣ် ဧါ. သုတတူၢ်ဘၣ်တၢ်ဒဲးဘးဘၣ်ဒီး, သုတအိၣ်ဘၣ် ဘၣ်, အဂ့ၢ်ဒ်အံၤ, ယကကိးန့ၢ်နးတဘ့ၣ်ထီဒါပှၤဟီၣ် ခိၣ်ဖိခဲလၢာ်လီၤ. တၢ်သုးမုၢ်ဂီၢ်မုၢ်အယွၤစံးဝဲဒၣ်.
30 မၤသးဒ်န့ၣ်ဒီး ကတိၤလၢဝံကျိာ်တၢ်ကတိၤခဲလၢာ် အံၤထီဒါအီၤ, ဒီးစံးဘၣ်အီၤ, ယွၤကကိးပသူထီၣ်လၢ တၢ်ထီၣ်ထီ, ဒီးထုထီၣ်အကလုၢ်လၢအအိၣ်အဆိးအ လီၢ်စီဆှံ, ကကိးပသူကိးပသီလၢအအိၣ်အဆိးအလီၢ် အဖီခိၣ်, ကကိးထီၣ်ထီဒါပှၤဟီၣ်ခိၣ်ဖိခဲလၢာ်ဒ်ပှၤလၢ အယီၢ်စပံးသၣ်အသိးန့ၣ်လီၤ.
31 တၢ်အသီၣ်ဟူထီ ပၢၢ်လၢဟီၣ်ခိၣ်အကတၢၢ်လီၤ. အ ဂ့ၢ်ဒ်အံၤ, ယွၤလိာ်ကွီၢ်အလီၢ်အိၣ်ဝဲဒီးပှၤကလုာ်တဖၣ်, ကစံၣ်ညီၣ်တၢ်ဖံးတၢ်ညၣ်ခဲလၢာ်လီၤ. ကဟ့ၣ်ပှၤတ တီတလိၤဆူနးအစုပူၤ, ယွၤစံးဝဲဒၣ်. တၢ်သုးမုၢ်ဂီၢ်မုၢ်အယွၤစံးဝဲဒၣ်, ကွၢ်ကွၢ်, တၢ်အၢက ဟးထီၣ်လၢပှၤတကလုာ်ဆူပှၤတကလုာ်ဒၣ်, ဒီးက လံၤသဝံးဖးဒိၣ်ကထီၣ်ဘးလၢ ဟီၣ်ခိၣ်အကတၢၢ်လီၤ. 32 တၢ်သုးမုၢ်ဂီၢ်မုၢ်အယွၤစံးဝဲဒၣ်, ကွၢ်ကွၢ်, တၢ်အၢကဟးထီၣ်လၢပှၤတကလုာ်ဆူပှၤတကလုာ်ဒၣ်, ဒီးကလံၤသဝံဖးဒိၣ်ကထီၣ်ဘးလၢဟီၣ်ခိၣ်အကတၢၢ်လီၤ.―
33 ဒီးပှၤဘၣ်တၢ်မၤသံလၢယွၤန့ၣ် ကအိၣ်လၢဟီၣ်ခိၣ်အ အကတၢၢ်ပၢၢ်လၢဟီၣ်ခိၣ်အကတၢၢ်, ဒီးပှၤတဟီၣ် ဘၣ်လၢအဃိ, ဒီးပှၤတထၢဖှိၣ်ဘၣ်အီၤဘၣ်, ဒီးပှၤတ ခူၣ်လီၤကွံာ်ဘၣ်အီၤဘၣ်. ကကဲထီၣ်တၢ်အ့ၣ်လၢဟီၣ် ခိၣ်အဖီခိၣ်လီၤ.
34 ပှၤကွၢ်သိသ့ၣ်ဧၢ, ဟီၣ်ပသူထီၣ်, ဒီးကိးထီၣ်တက့ၢ်. ဒီးသိတဖုအခိၣ်သ့ၣ်ဧၢ, ကလိာ်သုသးလၢဟီၣ်ခိၣ်အ ကမူၣ်တက့ၢ်. အဂ့ၢ်ဒ်အံၤ, သုဘၣ်တၢ်မၤသံသု, ဒီးသု လီၤမုၢ်လီၤဖး, အမုၢ်နံၤတဖၣ်န့ၣ်ဘၣ်လံ. ဒီးသုကလီၤ ဃံၤဒ်လီၤခီဖျါဂ့ၤအသိးန့ၣ်လီၤ. 35 ဒီးပှၤကွၢ်သိဃ့ၢ်တၢ် န့ၣ်အကျဲတအိၣ်ဘၣ်. ဒီးသိတဖုအခိၣ်တဖၣ်ပူၤဖျဲးတၢ် န့ၣ်အကျဲတအိၣ်ဘၣ်.
36 ကနၣ်ပှၤကွၢ်သိတဖၣ်အကိးထီၣ်တၢ်အသီၣ်, ဒီးသိ တဖုအခိၣ်တဖၣ်အဟီၣ်ပသူထီၣ်တက့ၢ်. အဂ့ၢ်ဒ်အံၤ, ယွၤမၤဟးဂီၤအသိတဖုလီၤ. 37 မ့ၢ်မးတၢ်အီၣ်ဆၣ်အလီၢ် မုာ်တဖၣ်န့ၣ်ဟးဂီၤဝဲလၢယွၤအသးကဲၤထီၣ်အဃိလီၤ.
38 လဲၤသဒၣ်အအိၣ်တဒၢအလီၢ် ဒ်ခ့ယုၢ်အသိးန့ၣ်လီၤ. အဂ့ၢ်ဒ်အံၤ, အကီၢ်အိၣ်သယုၢ်လၢ နးမၤအၢတၢ်အဃိ, ဒီးလၢအသးကဲၤထီၣ်အဃိလီၤ.
26၂၆
1 လၢယူဒၤအစီၤပၤစီၤယိၤၡံယၤ အဖိခွါစီၤယဟိၤယါ ကံၣ်ကဲသီစီၤပၤန့ၣ်တၢ်ကတိၤအံၤဟဲထီၣ်လၢယွၤ, ဒီး စံးဝဲဒၣ်, 2 ယွၤစံးဒ်အံၤ, ဆၢထၢၣ်လၢယွၤအဟံၣ်အ ဂၢၤပူၤ, ဒီးစံးဘၣ်ကယဲၢ်ယူဒၤအဝ့ၢ်ခဲလၢာ်လၢအဟဲ ဘူၣ်ထီၣ်ဘါထီၣ်တၢ်လၢယွၤအဟံၣ်, လၢကယဲၢ်တၢ် ကတိၤလၢယမၤလိာ်နၤတက့ၢ်. ပာ်လီၤတဲာ်နီတဘီ တဂ့ၤ. 3 ဘၣ်တဘၣ်ကကနၣ်ဝဲ, ဒီးပှၤကဃၣ်ကွံာ်အ သးတဂၤလၢအကျဲအၢဒၣ်ဝဲ, တဂၤလၢအကျဲအၢဒၣ်ဝဲ စုာ်စုာ်, ဒ်သိးယကပီၢ်ယၢ်လီၤက့ၤယသး လၢတၢ်အၢ လၢယကူၣ်ထီၣ်လၢ ယကဒုးဘၣ်အီၤလၢအမၤတၢ်အၢ အဃိန့ၣ်လီၤ. 4 ဒီးနဘၣ်စံးဘၣ်အီၤ, ယွၤစံးဒ်အံၤ, သုမ့ၢ် တကနၣ်ယကလုၢ် ဒ်သိးသုကလဲၤလၢတၢ်သိၣ်တၢ်သီ, အပူၤလၢ ယပာ်လီၤလၢသုမဲာ်ညါ, 5 သုမ့ၢ်တကနၣ် ဘၣ်ယခ့ယပှၤဝံတဖၣ် အကလုၢ်လၢယမၢလီၤဆူသု အိၣ်ဒီး, (ယဂဲၤဆၢထၢၣ်ဂီၤဂီၤ, ဒီးမၢလီၤအီၤ, ဒီးသုတ ကနၣ်ဘၣ်,) 6 ယကပာ်ဟံၣ်တဟံၣ်အံၤဒ်ၡံလိၤအသိး, ဒီးယကပာ်ဝ့ၢ်တဝ့ၢ်အံၤ လၢတၢ်ဆိၣ်အၢအလီၢ်လၢ ဟီၣ်ခိၣ်အကလုာ်ခဲလၢာ်အဂီၢ်လီၤ.
7 ဒီးပှၤလုၢ်တၢ်အဒိၣ်, ဒီးဝံတဖၣ်, ဒီးပှၤဂီၢ်မုၢ်ခဲလၢာ် န့ၣ်နၢ်ဟူစီၤယံးရမံယၤကတိၤတၢ်ကတိၤန့ၣ် လၢယွၤ အဟံၣ်ပူၤလီၤ. 8 ဒီးတုၤစီၤယံးရမံယၤကတိၤဝံၤလၢာ် ကယဲၢ်တၢ်လၢယွၤမၤလိာ်အီၤလၢ အဘၣ်ကတိၤဒီးပှၤ ဂီၢ်မုၢ်ခဲလၢာ်ဒီး, တၢ်မၤအသးလၢပှၤလုၢ်တၢ်အဒိၣ်တ ဖၣ်, ဒီးဝံတဖၣ်, ဒီးပှၤဂီၢ်မုၢ်ခဲလၢာ်ဟံးဃာ်အီၤ, ဒီးစံး ဝဲဒၣ်, သံဒီးနကသံလီၤ. 9 နကတိၤတၢ်လၢဝံကျိာ်လၢ ယွၤအမံၤ, ဒီးစံး, ဟံၣ်တဖျၢၣ်အံၤကမၤသးဒ်ၡံလိၤအ သိး, ဒီးဝ့ၢ်တဝ့ၢ်အံၤကအိၣ်သယုၢ်, ပှၤအိၣ်ဝဲဆိးဝဲလၢ အပူၤတအိၣ်ဘၣ်န့ၣ်မ့ၢ်အဘၣ်မနုၤလဲၣ်. ဒီးပှၤဂီၢ်မုၢ်ခဲ လၢာ်အိၣ်ဖှိၣ်ရိဖှိၣ်ထီဒါ စီၤယံးရမံယၤလၢယွၤအဟံၣ် ပူၤန့ၣ်လီၤ.
10 ဒီးတုၤယူဒၤအပဒိၣ်ဖးဒိၣ်တဖၣ် နၢ်ဟူတၢ်တဖၣ်န့ၣ် ဒီး, ဟဲထီၣ်ဝဲလၢစီၤပၤအဟံၣ်ဆူယွၤအဟံၣ်ပူၤ, ဒီးဆ့ၣ် နီၤလၢကျဲစၢၤလၢယွၤအပဲတရီသီန့ၣ်, 11 ဒီးပှၤလုၢ်တၢ် အဒိၣ်, ဒီးဝံတဖၣ်စံးဘၣ်ပဒိၣ်ဖးဒိၣ်, ဒီးပှၤဂီၢ်မုၢ်ခဲလၢာ်, ဒီးစံးဝဲဒၣ်, ပှၤတဂၤအံၤကြၢးဘၣ်တၢ်စံၣ်ညီၣ်သံလီၤ. အဂ့ၢ်ဒ်အံၤ, ကတိၤတၢ်လၢဝံကျိာ်ထီဒါဝ့ၢ်တဝ့ၢ်အံၤ, ဒ်သုနၢ်ဟူလၢသုနၢ်အသိးန့ၣ်လီၤ.
12 ဒီးစီၤယံးရမံယၤကတိၤတၢ်ဒီးပဒိၣ်ဖးဒိၣ်ခဲလၢာ်, ဒီး ပှၤဂီၢ်မုၢ်ခဲလၢာ်, ဒီးစံးဝဲဒၣ်, ယွၤမၢယကတိၤတၢ်လၢဝံ ကျိာ်ထီဒါဟံၣ်တဖျၢၣ်အံၤ, ဒီးဝ့ၢ်တဝ့ၢ်အံၤလၢကယဲၢ် တၢ်ကတိၤလၢသုနၢ်ဟူလီၤ. 13 ဒီးခဲကနံၣ်အံၤ, မၤဂ့ၤ ထီၣ်သုကျဲဒီးသုမၤတၢ်, ဒီးကနၣ်ယွၤသုကစၢ်အကလုၢ် တက့ၢ်. ဒီးယွၤကပီၢ်ယၢ်လီၤက့ၤအသးလၢကယဲၢ်တၢ် အၢလၢ အကတိၤတၢ်လၢသုဂ့ၢ်လီၤ. 14 မ့မ့ၢ်ယဲဒၣ်အံၤ, ကွၢ်ကွၢ်, ယအိၣ်လၢသုစုပူၤလီၤ. မၤယၤဒ်တၢ်ဂ့ၤဝဲ, ဒီးတၢ်လိၤဝဲလၢသုမဲာ်ညါအသိးတက့ၢ်. ဘၣ်ဆၣ်ဒီး သ့ၣ်ညါသပှၢ်တၢၢ်, သုမ့ၢ်မၤသံယၤဒီး, သုကဒုးဟဲ ဘၣ်သုကစၢ်ဒၣ်သုဝဲ, ဒီးဝ့ၢ်တဝ့ၢ်အံၤ, ဒီးပှၤဝ့ၢ်ဖိတ ဖၣ်လၢတၢ်သွံၣ်လၢ အတၢ်ဒဲးဘးတအိၣ်ဘၣ်တက့ၢ်.―
15 အဂ့ၢ်ဒ်အံၤ, ဒ်တၢ်မ့ၢ်တၢ်တီအသိးန့ၣ်ယွၤမၢလီၤယၤဆူ သုအိၣ်ဒ်သိးယကကတိၤ တၢ်ကတိၤခဲလၢာ်အံၤလၢ သုနၢ်ပူၤလီၤ.
16 ဒီးပဒိၣ်ဖးဒိၣ်တဖၣ်, ဒီးပှၤဂီၢ်မုၢ်ခဲလၢာ်စံးဘၣ်ပှၤလုၢ် တၢ်အဒိၣ်, ဒီးဝံတဖၣ်န့ၣ်, ပှၤတဂၤအံၤတကြၢးဘၣ် တၢ်စံၣ်ညီၣ်သံဘၣ်. အဂ့ၢ်ဒ်အံၤ, ကတိၤတၢ်ဒီးပှၤလၢ ပကစၢ်အမံၤလီၤ. 17 ဒီးကီၢ်အပှၤသးပှၢ် တနီၤဂဲၤဆၢ ထၢၣ်, ဒီးစံးဘၣ်ပှၤဂီၢ်မုၢ်အတၢ်အိၣ်ဖှိၣ်, ဒီးစံးဝဲဒၣ်,―
18 ပှၤမိရၤၡးဖိစီၤမံၤကါကတိၤတၢ်လၢ ဝံကျိာ်လၢယူဒၤ အစီၤပၤဃံးစကံယၤအမုၢ်နံၤတဖၣ်, ဒီးကတိၤတၢ်ဒီး ယူဒၤအပှၤဂီၢ်မုၢ်ခဲလၢာ်, ဒီးစံးဝဲဒၣ်, တၢ်သုးမုၢ်အယွၤ စံးဝဲဒၣ်, ပှၤကထဲၣ်စံယိၣ်ဒ်ဟီၣ်ခိၣ်တကဝီၤအသိး, ဒီး ယရူၤၡလ့ၣ်ကကဲထီၣ်တၢ်အပူတဖၣ်, ဒီးဟံၣ်အကစၢၢ် န့ၣ်ကကဲထီၣ်ဒ်တၢ်အလီၢ်ထီၣ်ထီ လၢပှၢ်လၢ်ကျါအ သိးန့ၣ်လီၤ. 19 ယူဒၤအစီၤပၤဃံးစကံယၤ, ဒီးယူဒၤခဲ လၢာ်မ့ၢ်အမၤသံအီၤဧါ, မ့ၢ်အပျံၤယွၤဒီး, ဃ့ကညးယွၤ အဘျုးအဖှိၣ်, ဒီးယွၤပီၢ်ယၢ်လီၤက့ၤအသးလၢတၢ်နး တၢ်ဖှီၣ်လၢအစံးအကမၤအီၤန့ၣ်တမ့ၢ်ဘၣ်ဧါ. ဒ်န့ၣ်အ သိး, ပကမၤတၢ်အၢဖးဒိၣ်ထီဒါလီၤပသးဒၣ်ပဝဲလီၤ.
20 ဒီးပှၤလၢအကတိၤတၢ်လၢဝံကျိာ်လၢ ယွၤအမံၤအိၣ် ဝဲစ့ၢ်ကီးတဂၤ, စီၤအူၤရံယၤ, စီၤၡမါယၤလၢကံးရယး ယဧၤရံၣ်အပူၤအဖိခွါ, ဒီးကတိၤတၢ်လၢဝံအကျိာ်ထီ ဒါဝ့ၢ်တဝ့ၢ်အံၤ, ဒီးထီဒါကီၢ်တဘ့ၣ်အံၤဒ်စီၤယံးရမံယၤ အတၢ်ကတိၤခဲလၢာ်အသိးန့ၣ်လီၤ. 21 ဒီးတုၤစီၤယဟိၤ ယါကံၣ်ဒီးအပှၤဆူၣ်ဖိခဲလၢာ်, ဒီးအပဒိၣ်ဖးဒိၣ်ခဲလၢာ် န့ၣ်နၢ်ဟူအတၢ်ကတိၤဒီး, စီၤပၤဃုမၤသံအီၤလီၤ. ဒီးစီၤ အူၤရံယၤနၢ်ဟူဝဲ, ဒီးပျံၤတၢ်, ဒီးဃ့ၢ်ဝဲ, ဒီးလဲၤလီၤဆူအဲၤ ကူပတူးအပူၤလီၤ. 22 ဒီးစီၤပၤယဟိၤယါကံၣ် မၢလီၤ ပှၤကညီဆူအဲၤကူပတူးအပူၤ, စီၤဧးကဘိၢ်အဖိခွါစီၤ အ့လနၤသၣ်, ဒီးပှၤတဖၣ်အိၣ်ဒီးအီၤဆူအဲၤကူပတူးအ ပူၤလီၤ. 23 ဒီးအဝဲသ့ၣ်ဟဲစိာ်စီၤအူၤရံယၤလၢအဲၤကူပတူး အပူၤ, ဒီးဟဲစိာ်အီၤဆူစီၤပၤယဟိၤယါကံၣ်အအိၣ်, ဒီး အဝဲဒၣ်မၤသံအီၤလၢနး, ဒီးမၢပှၤကွံာ်တ့ၢ်ကွံာ်အစိၣ် လၢပှၤဖှီၣ်ဖိယာ်ဖိအသွၣ်ခိၣ်ပူၤလီၤ.
24 ဘၣ်ဆၣ်ဒီးစီၤၡၤဖၣ်အဖိခွါ စီၤအဃံကၣ်အစုအိၣ်ဝဲ ဒီးစီၤယံးရမံယၤ ဒ်သိးပှၤအသုတဟ့ၣ်လီၤကွံာ်အီၤဆူ ပှၤဂီၢ်မုၢ်အစုပူၤလၢအကမၤသံအီၤတဂ့ၤန့ၣ်လီၤ.
27၂၇
1 ယူဒၤအစီၤပၤစီၤယိၤၡံယၤအဖိခွါ စီၤစံးဒကံယၤကဲ သီစီၤပၤန့ၣ်, တၢ်အကလုၢ်အံၤဘၣ်စီၤယံးရမံယၤလၢ ယွၤ, ဒီးစံးဝဲဒၣ်, 2 ယွၤစံးဘၣ်ယၤဒ်အံၤ, မၤတၢ်စၢဃာ် အပျံၤဒီးနီၣ်ယိးဘိ, ဒီးပာ်အီၤလၢနကိာ်လိၤ, 3 ဒီးဟ့ၣ် ယုၢ်အီၤဆူအဒိၣ်အစီၤပၤ, ဒီးမိၤအးအစီၤပၤ, ဒီးပှၤဧၣ်မိၣ် ဖိအစီၤပၤ, ဒီးစိၢ်အစီၤပၤ, ဒီးစံဒိၣ်အစီၤပၤလၢကလူး တဖၣ်အစုပူၤလၢ အဟဲဆူယရူၤၡလ့ၣ်, ဆူယူဒၤအစီၤ ပၤစံးဒကံယၤအအိၣ်န့ၣ်တက့ၢ်. 4 ဒီးမၤလိာ်အီၤလၢအ ဘၣ်စံးဘၣ်အကစၢ်တဖၣ်န့ၣ်, တၢ်သုးမုၢ်ဂီၢ်မုၢ်အယွၤ အံၣ်စရ့လးအကစၢ်စံးဒ်အံၤ, 5 သုဘၣ်စံးဘၣ်သုကစၢ် တဖၣ်ဒ်အံၤ, ယတ့လီၤဟီၣ်ခိၣ်, ပှၤကညီ, ဒီးဆၣ်ဖိကီၢ် ဖိလၢအအိၣ်လၢ ဟီၣ်ခိၣ်အဖီခိၣ်လၢယစိဒိၣ်ယကမီၤ ထီ, ဒီးလၢယစုယူာ်ထီၣ်အသး, ဒီးယဟ့ၣ်လီၤအီၤလၢ ဖဲဒၣ်ပှၤလၢအဘၣ်ယသးလီၤ. 6 ဒီးခဲကနံၣ်အံၤယဟ့ၣ် လီၤကီၢ်ခဲလၢာ်အံၤလၢယခ့ယပှၤ, ဘၤဘူၤလိၣ်အစီၤပၤ နဘူၤကးန့စၢ်အစုပူၤ, ဒီးယဟ့ၣ်လီၤစ့ၢ်ကီးအီၤလၢဆၣ် ဖိကီၢ်ဖိလၢပှၢ်လၢ်ကျါဒ်သိးအကမၤအတၢ်လီၤ. 7 ဒီးပှၤ ကလုာ်ခဲလၢာ်ကမၤအတၢ်, ဒီးအဖိခွါအတၢ်, ဒီးအဖိ ခွါအဖိခွါအတၢ်တုၤအကီၢ်အမုၢ်အလါဘၣ်လီၤ. တုၤ နုၤတဘျီပှၤအါကလုာ်ဒီး စီၤပၤဖးဒိၣ်တဖၣ်န့ၣ်ကဒုး မၤအီၤလၢအတၢ်လီၤ. 8 ဒီးတၢ်ကမၤအသးလၢပှၤတ ကလုာ်ဒီးဘီမုၢ်တဘီမုၢ်လၢ အတမၤဘၣ်ဘၤဘူၤလိၣ် အစီၤပၤစီၤနဘူၤကးန့စၢ်အတၢ်, ဒီးတပာ်ဘၣ်အကိာ် လၢဘၤဘူၤလိၣ်အစီၤပၤအနီၣ်ယိးဘိအဖီလာ်န့ၣ် ယ ကအိၣ်သကိးပှးတကလုာ်န့ၣ်ဒီးနးဧိၤဘီဧိၤ, ဒီးတၢ် သၣ်ဝံၤလီၤဒိ, ဒီးတၢ်သံသတြိာ်တုၤယမၤလၢာ်အီၤ, လၢ အဝဲဒၣ်အစုလီၤ.
9 မၤသးဒ်န့ၣ်ဒီးကနၣ်သုဝံ, ဒီးသုပှၤဖးတၢ်ဖိ, ဒီးသု ပှၤမံမီၢ်တၢ်, ဒီးသုပှၢ်ကွၢ်တၢ်အၢၣ်ဖိ, ဒီးသုပှၤမၤကဒါ ပှၤမဲာ်လၢအစံးဘၣ်သု, ဒီးစံး, သုတမၤဘၣ်ဘၤဘူၤ လိၣ်အစီၤပၤအတၢ်သၣ်အကလုၢ်တဂ့ၤ. 10 အဂ့ၢ်ဒ်အံၤ, အဝဲသ့ၣ်ကတိၤတၢ်လၢဝံကျိာ်လၢ တၢ်ကဘျံးကဘျၣ် ဒီးသု, ဒ်သိးသုကဟးထီၣ်အိၣ်ယံၤဒီးသုထံသုကီၢ်, ဒီး ဒ်သိးယကဟီထီၣ်ကွံာ်သု, ဒီးသုကတုၤလၢတၢ်ဟးဂီၤ လီၤ. 11 မ့မ့ၢ်ပှၤတကလုာ်လၢအကပာ်အကိာ်လၢဘၤ ဘူၤလိၣ်အစီၤပၤအနီၣ်ယိးဘိအဖီလာ်, ဒီးမၤအတၢ်န့ၣ် ယကဒုးအိၣ်လီၤတဲာ်အီၤလၢ အကီၢ်ဒၣ်ဝဲအပူၤလီၤ, ယွၤစံးဝဲဒၣ်, ဒီးအဝဲသ့ၣ်ကမၤဟီၣ်ခိၣ် ဒီးအိၣ်ဝဲဆိးဝဲ လၢအပူၤလီၤ.
12 ဒီးယကတိၤတၢ်ဒီးယူဒၤအစီၤပၤစံးဒကံယၤ ဒ်တၢ် ကတိၤအံၤခဲလၢာ်အသိးန့ၣ်, ဒီးယစံး, ပာ်သုကိာ်လၢ ဘၤဘူၤလိၣ်အစီၤပၤအနီၣ်ယိးဘိအဖီလာ်, ဒီးမၤအ တၢ်, ဒီးအပှၤဂီၢ်မုၢ်အတၢ်, ဒီးမူတက့ၢ်. 13 သုကသံ, နဲ ဒၣ်ဒီးနပှၤဂီၢ်မုၢ်, လၢနးဧိၤဘီဧိၤ, ဒီးလၢတၢ်သၣ်ဝံၤလီၤ ဒိ, ဒီးလၢတၢ်သံသတြိာ်, ဒ်ယွၤကတိၤတၢ်လၢပှၤတကလုာ်အဂ့ၢ်လၢ အတမၤဘၣ်ဘၤဘူၤလိၣ်အစီၤပၤအ တၢ်အသိးန့ၣ်မ့ၢ်အဘၣ်မနုၤလဲၣ်. 14 မၤသးဒ်န့ၣ်ဒီးဝံတ ဖၣ်လၢအစံးဘၣ်သုဒီးစံး, သုတမၤဘၣ်ဘၤဘူၤလိၣ် အစီၤပၤအတၢ်ဘၣ်န့ၣ်ကနၣ်အကလုၢ်တဂ့ၤ. အဂ့ၢ်ဒ် အံၤ, ကတိၤတၢ်လၢဝံကျိာ်လၢတၢ်ကဘျံးကဘျၣ်ဒီးသု လီၤ. 15 အဂ့ၢ်ဒ်အံၤ, ယတမၢလီၤဘၣ်အီၤဘၣ်, ယွၤစံး ဝဲဒၣ်, မ့မ့ၢ်ကတိၤတၢ်လၢဝံကျိာ်လၢ တၢ်ကဘျံးက ဘျၣ်လၢယမံၤဒ်သိးယကဟီထီၣ်ကွံာ်သု, ဒီးဒ်သိးသု ကတုၤလၢတၢ်ဟးဂီၤသုဝဲ, ဒီးဝံတဖၣ်လၢအကတိၤ တၢ်လၢဝံကျိာ်ဒီးသုစ့ၢ်ကီးလီၤ.
16 ဒီးယကတိၤတၢ်ဒီးပှၤလုၢ်တၢ်အဒိၣ်, ဒီးပှၤဂီၢ်မုၢ်ခဲ လၢာ်အံၤ, ဒီးယစံး, ယွၤစံးဒ်အံၤ, ဝံတဖၣ်လၢအကတိၤ တၢ်လၢဝံကျိာ်ဒီးသုဒီးစံး, ကွၢ်ကွၢ်, ယွၤအဟံၣ်အဃၢၤ အဃိၢ်န့ၣ်ပှၤတဟဲက့ၤစိာ်အီၤချ့ချ့လၢ ဘၤဘူၤလိၣ်အ ပူၤန့ၣ်ကနၣ်အကလုၢ်တဂ့ၤ. အဂ့ၢ်ဒ်အံၤ, ကတိၤတၢ် လၢဝံကျိာ်ကဘျံးကဘျၣ်ဒီးသုလီၤ. 17 ကနၣ်အကလုၢ် တဂ့ၤ. မၤဘၤဘူၤလိၣ်စီၤပၤအတၢ်ဒီးမူတက့ၢ်. ဝ့ၢ်တ ဝ့ၢ်အံၤကဘၣ်တၢ်မၤသယုၢ်အီၤ မ့ၢ်အဘၣ်မနုၤလဲၣ်.―
18 ဘၣ်ဆၣ်ဒီးအဝဲသ့ၣ်မ့မ့ၢ်ဝံတဖၣ်, ဒီးယွၤအကလုၢ်မ့ၢ် အိၣ်ဒီးအီၤဒီး, မ်အဃ့ကညးတၢ်သုးမုၢ်ဂီၢ်မုၢ်အယွၤဒ် သိးတၢ်အဃၢၤအဃိၢ် လၢအအိၣ်လီၤတဲာ်တဖၣ်လၢ ယွၤအဟံၣ်ပူၤ, ဒီးလၢယူဒၤအစီၤပၤအဟံၣ်ပူၤ, ဒီးလၢ ယရူၤၡလ့ၣ်အပူၤ အသုတလဲၤစ့ၢ်ကီးဆူဘၤဘူၤလိၣ် န့ၣ်တဂ့ၤ. 19 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤစံးဒ် အံၤ လၢထူၣ်တဖၣ်အဂ့ၢ်, ဒီးလၢပီၣ်လဲၣ်တဖျၢၣ်အ ဂ့ၢ်, ဒီးလၢအခီၣ်တဖၣ်အဂ့ၢ်, ဒီးလၢတၢ်အဃၢၤအ ဃိၢ်လၢအအိၣ်လီၤတဲာ်လၢ ဝ့ၢ်တဝ့ၢ်အံၤအပူၤအဂ့ၢ်,―
20 လၢဘၤဘူၤလိၣ်အစီၤပၤ နဘူၤကးန့စၢ်တစိာ်ထီၣ်ဘၣ် ဖဲအကတီၢ်လၢအစိာ်ထီၣ်မၢကဲကုၢ် ယူဒၤအစီၤပၤစီၤ ယဟိၤယါကံၣ်အဖိခွါစီၤယံးကၤနံယၤလၢ ယရူၤၡလ့ၣ် ဆူဘၤဘူၤလိၣ်အအိၣ်, ဒီးယူဒၤဒီးယရူၤၡလ့ၣ်အပဒိၣ် ဖးဒိၣ်ခဲလၢာ်န့ၣ်ဒ်အံၤ, 21 မ့ၢ်မးတၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, လၢတၢ်အဃၢၤအဃိၢ်လၢ အအိၣ်လီၤတဲာ်လၢယွၤအဟံၣ်ပူၤ, ဒီးလၢယူဒၤအစီၤ ပၤအဟံၣ်ပူၤ, ဒီးလၢယရူၤၡလ့ၣ်အပူၤအဂ့ၢ်န့ၣ်, 22 ပှၤ ကစိာ်ထီၣ်ကွံာ်အီၤဆူဘၤဘူၤလိၣ်, ဒီးကအိၣ်ဖဲန့ၣ်တုၤ မုၢ်တနံၤလၢယကအိၣ်သကိးအီၤလီၤ. ယွၤစံးဝဲဒၣ်. တုၤ နုၤတဘျီယကဟဲက့ၤစိာ်အီၤ, ဒီးပာ်က့ၤအီၤလၢအလီၢ် ဖဲအံၤလီၤ.
28၂၈
1 ဒီးလၢတနံၣ်ဃီ, လၢယူဒၤအစီၤပၤစံးဒကံယၤကဲသီ စီၤပၤ, နံၣ်ပှဲၤထီၣ်လွံၢ်နံၣ်တနံၣ်, လၢလါယဲၢ်လါတလါ န့ၣ်တၢ်မၤအသးလၢ ပှၤကံးဘိၣ်ဖိဝံဧၤစူၢ်အဖိခွါစီၤဃ နၤနယၤတဂၤကတိၤတၢ်ဒီးယၤလၢယွၤအဟံၣ်ပူၤ လၢ ပှၤလုၢ်တၢ်အဒိၣ်, ဒီးပှၤဂီၢ်မုၢ်ခဲလၢာ်အမဲာ်ညါ, ဒီးစံးဝဲ ဒၣ်, 2 တၢ်သုးမုၢ်ဂီၢ်မုၢ်အယွၤအံၣ်စရ့လးအကစၢ်စံးဒ် အံၤ, ဒီးစံးဝဲဒၣ်, ယမၤကၢ်ဘၤဘူၤလိၣ်အစီၤပၤအနီၣ် ယိးဘိလံ. 3 လၢခံနံၣ်အတီၢ်ပူၤန့ၣ် ယကဒုးဟဲက့ၤ ကဒီးဆူတၢ်အလီၢ်အံၤ လၢယွၤအဟံၣ်အဃၢၤအဃိၢ်ခဲ လၢာ်လၢဘၤဘူၤလိၣ်အစီၤပၤနဘူၤကးန့စၢ် စိာ်ကွံာ် ဝဲလၢအလီၢ်ဖဲအံၤဆူဘၤဘူၤလိၣ်, 4 ဒီးယကဒုးဟဲက့ၤ ယူဒၤအစီၤပၤယဟိယါကံၣ်အဖိခွါဒီးစီၤယံးကၤနံယၤ, ဒီးကယဲၢ်ပှၤယူဒၤဖိလၢ အကဲကုၢ်ဒီးလဲၤဆူဘၤဘူၤ လိၣ်လီၤ, ယွၤစံးဝဲဒၣ်, အဂ့ၢ်ဒ်အံၤ, ယကမၤကၢ်ဘၤဘူၤ လိၣ်အစီၤပၤအနီၣ်ယိးဘိလီၤ.
5 ဒီးဝံယံးရမံယၤစံးဘၣ်ဝံဃနၤနယၤလၢ ပှၤလုၢ်တၢ် အဒိၣ်အမဲာ်ညါ, ဒီးလၢပှၤဂီၢ်မုၢ်ခဲလၢာ်လၢအဆၢထၢၣ် လၢယွၤအဟံၣ်ပူၤအမဲာ်ညါ, 6 ဝံယံးရမံယၤဒၣ်လဲာ်စံး ဝဲဒၣ်, အၤမ့ၣ်, မ်ယွၤမၤဒ်န့ၣ်သိးတက့ၢ်. မ်ယွၤမၤလၢ ထီၣ်ပှဲၤထီၣ်နတၢ်ကတိၤလၢ နကတိၤလၢဝံကျိာ်လၢ အကဒုးဟဲက့ၤယွၤအဟံၣ်အဃၢၤအဃိၢ်, ဒီးကယဲၢ်ပှၤ လၢတၢ်စိာ်မၢကဲကုၢ်အီၤလၢဘၤဘူၤလိၣ်ဆူတၢ်အလီၢ် အံၤတက့ၢ်. 7 ဘၣ်ဆၣ်ဒီးကနၣ်တၢ်ကတိၤအံၤလၢယ ကတိၤတၢ်လၢနနၢ်ပူၤ, ဒီးလၢပှၤဂီၢ်မုၢ်အံၤအနၢ်ပူၤတ က့ၢ်. 8 ဝံလၢပျၢၤလၢအကတိၤတၢ်လၢဝံကျိာ်လၢယမဲာ် ညါ, ဒီးလၢနမဲာ်ညါတဖၣ်န့ၣ် ကတိၤတၢ်လၢဝံကျိာ် စ့ၢ်ကီးထီဒါထံဧိၤကီၢ်ဧိၤအါဘ့ၣ်, ဒီးထီဒါဘီဧိၤမုၢ်ဧိၤ အဒိၣ်အထီတဖၣ်လၢတၢ်ဒုးသုးအဂ့ၢ်, ဒီးလၢတၢ်နး တၢ်ဖှီၣ်အဂ့ၢ်, ဒီးလၢတၢ်သံသတြိာ်အဂ့ၢ်လီၤ. 9 ဝံလၢ အကတိၤလၢဝံအကျိာ်လၢ တၢ်ဃူတၢ်ဖိးတဂၤအံၤ, တုၤ ဝံအကလုၢ်န့ၣ်လၢထီၣ်ပှဲၤထီၣ်ဒီး, ပှၤကသ့ၣ်ညါလၢ ယွၤမၢလီၤဝံတဂၤန့ၣ်နီၢ်နီၢ်လီၤ.
10 ဒီးဝံဃနၤနယၤဟံးထီၣ်ကွံာ်နီၣ်ယိးဘိလၢ ဝံယံးရ မံယၤအကိာ်လိၤ, ဒီးမၤကၢ်အီၤလီၤ. 11 ဒီးစီၤဃနၤန ယၤကတိၤတၢ်လၢပှၤဂီၢ်မုၢ်ခဲလၢာ်အမဲာ်ညါဒီးစံးဝဲဒၣ်, ယွၤစံၤဒ်အံၤ, ယကမၤကၢ်ကွံာ်ဘၤဘူၤလိၣ်အစီၤပၤန ဘူၤကးန့စၢ်အနီၣ်ယိးဘိလၢပှၤကိးကလုာ်ဒဲး အကိာ် လိၤဒ်န့ၣ်သိးလၢခံနံၣ် အမုၢ်နံၤတဖၣ်အတီၢ်ပူၤလီၤ. ဒီး ဝံယံးရမံယၤဟးထီၣ်ဝဲလီၤ.
12 လၢဝံဃနၤနယၤမၤကၢ်ကွံာ်နီၣ်ယိးဘိလၢ ဝံယံးရမံ ယၤအကိာ်လိၤအလီၢ်ခံန့ၣ် ယွၤအကလုၢ်ဘၣ် စီၤယံး ရမံယၤ, ဒီးစံးဝဲဒၣ်, 13 လဲၤစံးဘၣ်စီၤဃနၤနယၤဒီးစံး, ယွၤစံးဒ်အံၤ, နမၤကၢ်နီၣ်ယိးဘိသ့ၣ်လံ, ဒီးနဘၣ်မၤ နီၣ်ယိးဘိထးလၢအလီၢ်လီၤ. 14 အဂ့ၢ်ဒ်အံၤ, တၢ်သုးမုၢ် ဂီၢ်မုၢ်အယွၤအံၣ်စရ့လးအကစၢ်စံးဒ်အံၤ, ယပာ်လီၤလံ နီၣ်ယိးဘိထးလၢ ပှၤကလုာ်ခဲလၢာ်အံၤအကိာ်လိၤ, ဒ် သိးအကမၤဘၤဘူၤလိၣ် အစီၤပၤနဘူၤကးန့စၢ်အတၢ်, ဒီးအဝဲသ့ၣ်ဘၣ်မၤအတၢ်, ဒီးယဟ့ၣ်လီၤစ့ၢ်ကီးအီၤလၢ ဆၣ်ဖိကီၢ်ဖိလၢပှၢ်လၢ်ကျါလီၤ.
15 ဒီးဝံယံးရမံယၤစံးဘၣ်ဝံဃနၤနယၤ, စီၤဃနၤနယၤ ဧၢ, ကနၣ်လၢ်တက့ၢ်. ယွၤတမၢလီၤဘၣ်နၤဘၣ်, မ့ၢ်န ဒုးသန့ၤပှၤဂီၢ်မုၢ်အံၤအသးလၢတၢ်ကတိၤ ကဘျံးက ဘျၣ်လီၤ. 16 မၤသးဒ်န့ၣ်ဒီးယွၤစံးဒ်အံၤ, ကွၢ်ကွၢ်, ယက ညိကွံာ်နၤလၢဟီၣ်ခိၣ်ချၢလီၤ. အအံၤတနံၣ်အံၤနက သံလီၤ. အဂ့ၢ်ဒ်အံၤ, နကတိၤတၢ်ပူထီၣ်တၢ်ထီဒါယွၤ လီၤ. 17 ဒီးဝံဃနၤနယၤသံဝဲလၢနံၣ်တနံၣ်ဃီ, လါနွံ လါတလါအပူၤန့ၣ်လီၤ.
29၂၉
1 ဒီးအဝဲအံၤ မ့ၢ်လံာ်ဟ့ၣ်ယုၢ်အတၢ်ကတိၤလၢဝံယံး ရမံယၤဟ့ၣ်ယုၢ်လၢယရူၤၡလ့ၣ် ဆူပှၤသူၣ်က့သးပှၢ် လၢအအိၣ်လီၤတဲာ်လၢ တၢ်မၢကဲကုၢ်အီၤအကျါ, ဒီး ဆူပှၤလုၢ်တၢ်အဒိၣ်တဖၣ်, ဒီးဆူဝံတဖၣ်, ဒီးဆူပှၤဂီၢ် မုၢ်ခဲလၢာ်လၢစီၤနဘူၤကးန့စၢ်စိာ်မၢကဲကုၢ်အီၤ, လၢ ယရူၤၡလ့ၣ်ဆူဘၤဘူၤလိၣ်လီၤ. 2 (လၢစီၤပၤယံးကၤနံ ယၤ, ဒီးနီၢ်ပၤမုၣ်, ဒီးပှၤဒ့ဒံၣ်ဖိတဖၣ်, ဒီးယူဒၤဒီးယရူၤ ၡလ့ၣ်ပဒိၣ်ဖးဒိၣ်တဖၣ်, ဒီးပှၤစုသ့, ဒီးပှၤပိာ်တၢ်ဖိဟး ထီၣ်ကွံာ်လၢယရူၤၡလ့ၣ်အလီၢ်ခံန့ၣ်,) လၢစီၤၡၤဖၣ် အဖိခွါစီၤအ့လၤစၤအစုပူၤ, ဒီးစီၤဃံးလကံယၤအဖိခွါ စီၤကမၤရယၤအစုပူၤ (လၢယူဒၤအစီၤပၤစံးဒကံယၤ မၢလီၤဆူဘၤဘူၤလိၣ်အစီၤပၤနဘူၤကးန့စၢ်အအိၣ်), ဒီး စံးဝဲဒၣ်.
4 တၢ်သုးမုၢ်ဂီၢ်မုၢ်အယွၤအံၣ်စရ့လး အကစၢ်စံးဘၣ် ကယဲၢ်ပှၤလၢတၢ်မၢကဲကုၢ်အီၤလၢ ယဒုးစိာ်အီၤလၢ ယရူၤၡလ့ၣ်ဆူဘၤဘူၤလိၣ်န့ၣ်, 5 မၤထီၣ်ဟံၣ်ဒီးအိၣ် လၢအပူၤဆိးလၢအပူၤ, ဒီးသူၣ်တၤသၣ်အလီၢ်, ဒီးအီၣ် အတၤသၣ်တက့ၢ်. 6 န့ၢ်မါ, ဒီးထီၣ်ဖိဖိခွါ, ဒီးဖိမုၣ်, ဒီး ဟံးန့ၢ်မါလၢသုဖိခွါအဂီၢ်, ဒီးဟ့ၣ်သုဖိမုၣ်လၢအဝၤဒ် သိးအကဆံးစၢ်န့ၢ်ဖိခွါဒီးဖိမုၣ်, ဒ်သိးသုကအါထီၣ်ဖဲ န့ၣ်, ဒီးသုသုတစှၤလီၤတဂ့ၤ. 7 ဒီးဃုဝ့ၢ်န့ၣ်အတၢ်ဃူ တၢ်ဖိးဖဲယမၢသုလဲၤကဲကုၢ်, ဒီးဘါထုကဖၣ်န့ၢ်ယွၤလၢ အဂီၢ်တက့ၢ်. အဂ့ၢ်ဒ်အံၤ, လၢအဝဲန့ၣ်အတၢ်ဃူတၢ် ဖိးအပူၤန့ၣ်သုကန့ၢ်တၢ်ဃူတၢ်ဖိးလီၤ.
8 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤ, အံၣ်စရ့လးအ ကစၢ်စံးဒ်အံၤ, ဒုးလီန့ၢ်သုသးလၢသုဝံ, ဒီးသုပှၤဖးတၢ် ဖိလၢအအိၣ်ဝဲလၢသုကျါတဂ့ၤ. ဒီးကနၣ်သုတၢ်မံမီၢ် လၢသုဒုးမံမီၢ်တဂ့ၤ. 9 အဂ့ၢ်ဒ်အံၤ, အဝဲသ့ၣ်ကတိၤလၢ ဝံကျိာ်ကဘျံးကဘျၣ်လၢယမံၤလီၤ. ယတမၢလီၤဘၣ် အီၤဘၣ်, ယွၤစံးဝဲဒၣ်. 10 အဂ့ၢ်ဒ်အံၤ, ယွၤစံးဝဲဒၣ်, အနံၣ် နွံဆံပှဲၤထီၣ်လၢဘၤဘူၤလိၣ်အပူၤအလီၢ်ခံန့ၣ် ယက အိၣ်သကိးသု, ဒီးမၤလၢထီၣ်ပှဲၤထီၣ်ယတၢ်ကတိၤဂ့ၤ လၢသုဂီၢ်, ဒီးမၢသုဟဲက့ၤကဒါက့ၤဆူတၢ်အလီၢ်အံၤ လီၤ. 11 အဂ့ၢ်ဒ်အံၤ, ယသ့ၣ်ညါတၢ်ကူၣ်လၢယကူၣ်ထီၣ် လၢသုဂီၢ်, ယွၤစံးဝဲဒၣ်, တၢ်ကူၣ်ဘၣ်ဃးဒီးတၢ်ဃူ တၢ်ဖိး, ဘၣ်ဃးဒီးတၢ်အၢတမ့ၢ်ဘၣ်, ဒ်သိးယကဟ့ၣ် သုကတၢၢ်အိၣ်ဒီးတၢ်မုၢ်လၢ်လီၤ. 12 ဒီးသုကကိးထီၣ် ယၤ, ဒီးသုကလဲၤဘါထုကဖၣ်တၢ်လၢယၤ, ဒီးယက ကနၣ်သုကလုၢ်လီၤ. 13 ဒီးသုကဃုယၤ, ဒီးတုၤသုဃု ယၤလၢသုသးဒီဖျၢၣ်ညါဒီး, သုထံၣ်န့ၢ်ယၤလီၤ. 14 ဒီး ယွၤစံးဝဲဒၣ်, သုကထံၣ်န့ၢ်ယၤဒီးယကဒုးဟဲက့ၤသုလၢ သုလဲၤကဲကုၢ်အလီၢ်, ဒီးယကထၢဖှိၣ်သုလၢကယဲၢ် ပှၤကလုာ်အကျါ, ဒီးလၢကယဲၢ်တၢ်အလီၢ်ဖဲယဟီထီၣ် ကွံာ်သုလီၤ, ယွၤစံးဝဲဒၣ်, ဒီးယကဒုးဟဲက့ၤကဒါက့ၤ သုဆူတၢ်အလီၢ်, ဖဲယမၢတၢ်စိာ်မၢကဲကုၢ်သုလီၤ.
15 အဂ့ၢ်ဒ်အံၤ, သုစံး, ယွၤဒုးဂဲၤဆၢထၢၣ်န့ၢ်ပှၤလၢဝံတ ဖၣ်လၢဘၤဘူၤလိၣ်အပူၤဒီး, 16 ယွၤစံးဒ်အံၤ, လၢစီၤပၤ လၢအဆ့ၣ်နီၤလၢ စီၤဒၤဝံးအလီၢ်ပစိာ်အဖီခိၣ်အဂ့ၢ်, ဒီးလၢကယဲၢ်ပှၤဂီၢ်မုၢ်လၢ အအိၣ်ဝဲလၢဝ့ၢ်အံၤအပူၤအ ဂ့ၢ်, လၢသုဒီပုၢ်ဝဲလၢ အတလဲၤကဲကုၢ်အဂ့ၢ်, 17 တၢ် သုးမုၢ်ဂီၢ်မုၢ်အယွၤစံးဒ်အံၤ, ကွၢ်ကွၢ်, ယကမၢလီၤနးဧိၤ ဘီဧိၤ, ဒီးတၢ်သၣ်ဝံၤလီၤဒိ, ဒီးတၢ်သံသတြိာ်လၢအ ကျါ, ဒီးယကပာ်အီၤဒ်ချၢၣ်ဒၢသၣ်အအၢ တုၤပှၤအီၣ် အီၤတကဲဘၣ်အသိးန့ၣ်လီၤ. 18 ဒီးယကလူၤအီၤဒီးနး ဧိၤဘီဧိၤ, ဒီးတၢ်သၣ်ဝံၤလီၤဒိ, ဒီးတၢ်သံသတြိာ်, ဒီး ယကဟ့ၣ်လီၤကွံာ်အီၤဆူ တၢ်မၤအၢအီၤလၢကယဲၢ် ဘီကယဲၢ်မုၢ်လၢဟီၣ်ခိၣ်ချၢခဲလၢာ်အကျါ, ဒ်သိးအက ကဲထီၣ်တၢ်ဆိၣ်အၢအလီၢ်, ဒီးတၢ်ကမၢကမၣ်အလီၢ်, ဒီးတၢ်ပယွဲအလီၢ်, ဒီးတၢ်ဒုၣ်ဒွဲၣ်အလီၢ်လၢ ကယဲၢ်ပှၤ ကလုာ်ခဲလၢာ်အကျါ, ဖဲယဟီထီၣ်ကွံာ်အီၤလီၤ.
19 အဂ့ၢ်ဒ်အံၤ, ယွၤစံးဝဲဒၣ်, လၢယမၢလီၤယခ့ယပှၤဝံ တဖၣ်ဆူအအိၣ်န့ၣ် တကနၣ်ယကလုၢ်ဘၣ်, ယဂဲၤဆၢ ထၢၣ်ဂီၤဂီၤ, ဒီးမၢလီၤအီၤ, ဒီးသုတကနၣ်ဘၣ်, ယွၤ စံးဝဲဒၣ်.
20 ဒီးသုဝဲသ့ၣ်အံၤ, ကယဲၢ်ပှၤလၢအလဲၤကဲကုၢ်လၢယ မၢလီၤလၢယရူၤၡလ့ၣ်ဆူဘၤဘူၤလိၣ်သ့ၣ်ဧၢ, ကနၣ် ယွၤအကလုၢ်တက့ၢ်. 21 တၢ်သုးမုၢ်ဂီၢ်မုၢ်အယွၤ, အံၣ်စ ရ့လးအကစၢ်စံးဒ်အံၤ, လၢစီၤကိၤလါယၤအဖိခွါစီၤအၤ ဃာ်အဂ့ၢ်, ဒီးလၢစီၤမၤစ့ယၤအဖိခွါစီၤစံးဒကံယၤအ ဂ့ၢ်, လၢအကတိၤတၢ်လၢဝံကျိာ်ကဘျံးကဘျၣ်လၢ ယမံၤ, ကွၢ်ကွၢ်, ယကဟ့ၣ်လီၤကွံာ်အီၤဆူဘၤဘူၤလိၣ် အစီၤပၤနဘူၤကးန့စၢ်အစုပူၤ, ဒီးကမၤသံအီၤလၢသုမဲာ် ညါလီၤ. 22 ဒီးပှၤယူဒၤဖိလၢအကဲကုၢ်လၢဘၤဘူၤလိၣ် အပူၤခဲလၢာ်ကပာ်အီၤလၢ တၢ်ဆိၣ်အၢအလီၢ်, ဒီးက စံး, မ်ယွၤပာ်နၤဒ်စီၤစံးဒကံယၤ, ဒီးဒ်စီၤအၤဃာ်လၢ ဘၤဘူၤလိၣ်အစီၤပၤဆူးထီၣ်ကွံာ်အီၤလၢ မ့ၣ်အူပူၤအ သိးန့ၣ်တက့ၢ်. 23 အဂ့ၢ်ဒ်အံၤ, မၤတၢ်အၢလၢအံၣ်စရ့လး အကျါ, ဒီးမၤကမၣ်ပှၤလၢအဃၢၤအမါ, ဒီးကတိၤတၢ် ကဘျံးကဘျၣ်လၢယမံၤ, လၢယတမၤလိာ်ဘၣ်အီၤ ဘၣ်. ယသ့ၣ်ညါယဲ, ဒီးယမ့ၢ်ပှၤအုၣ်အသးလီၤ, ယွၤ စံးဝဲဒၣ်. ဒီးနဘၣ်စံးဘၣ်ပှၤန့ဃလၣ်ဖိစီၤၡမါယၤဒီးစံးဒ်အံၤ,
25 တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, ဒီးစံးဝဲဒၣ်, မ့ၢ်နဟ့ၣ်ယုၢ်လံာ်လၢနမံၤဆူကယဲၢ်ပှၤလၢ အအိၣ်ဝဲလၢယရူၤၡလ့ၣ်အပူၤ, ဒီးဆူပှၤလုၢ်တၢ်အဒိၣ်, စီၤမၤစ့ယၤအဖိခွါစီၤစဖါနယၤ, ဒီးဆူပှၤလုၢ်တၢ်အဒိၣ် ခဲလၢာ်, ဒီးနစံး, 26 ယွၤပာ်နၤလၢပှၤလုၢ်တၢ်အဒိၣ်လၢ ပှၤလုၢ်တၢ်အဒိၣ်စီၤယဟိယဒါအလီၢ်န့ၣ်, ဒ်သိးပဒိၣ် တဖၣ်ကအိၣ်လၢယွၤအဟံၣ်ပူၤလၢ ကယဲၢ်ပှၤလၢအ ပျုၢ်ဝဲအဖီခိၣ်, ဒီးလၢပှၤလၢအပာ်အသးလၢဝံတဂၤလၢ် လၢ်အဖီခိၣ်န့ၣ်, ဒီးဒ်သိးနကဒၢနုာ်လၢဃိာ်ပူၤဒီးသိး ဃာ်လၢသိးဧိၤကျိၤဧိၤအပူၤလီၤ. 27 ဒီးခဲကနံၣ်အံၤ, နတ သိၣ်ဃီၣ်ပှၤဧၤနသိးဖိစီၤယံးရမံယၤလၢ အပာ်အသး လၢဝံတဂၤလၢသုဂီၢ်မ့ၢ်အဘၣ်မနုၤလဲၣ်. 28 အဂ့ၢ်ဒ်အံၤ, ဟ့ၣ်ယုၢ်တၢ်ဆူပှၤလၢဘၤဘူၤလိၣ်အပူၤဒ်အံၤ, ဒီးစံးဝဲ ဒၣ်, တၢ်အံၤမ့ၢ်အယံာ်, မၤထီၣ်ဟံၣ်ဒီးအိၣ်ဒီးဆိး, သူၣ် တၤသၣ်အလီၢ်ဒီးအီၣ်အတၤသၣ်တက့ၢ်. 29 ဒီးပှၤလုၢ် တၢ်အဒိၣ်စီၤစဖါနယၤဖးလံာ်တဘ့ၣ်န့ၣ်လၢ ဝံယံးရ မံယၤအနၢ်ပူၤလီၤ. ဒီးယွၤအကလုၢ်ဘၣ် ဝံယံးရမံယၤ, ဒီးစံးဝဲဒၣ်,
31 ဟ့ၣ်ယုၢ်တၢ်ဆူကယဲၢ်ပှၤကဲကုၢ်ဒီးစံး, ယွၤစံးလၢပှၤန့ ဃလၣ်ဖိစီၤၡမါယၤအဂ့ၢ်ဒ်အံၤ, မ့ၢ်စီၤၡမါယၤကတိၤ တၢ်လၢဝံအကျိာ်ဒီးသု, ဒီးယတမၢဘၣ်အီၤဘၣ်, ဒီးဒုး သန့ၤသုသးလၢတၢ်ကတိၤကဘျံးကဘျၣ်ဒီး, 32 ယွၤစံး ဒ်အံၤ, ကွၢ်ကွၢ်, ယကအိၣ်သကိးပှၤန့ဃလၣ်ဖိစီၤၡမါ ယၤဒီးအချံအသၣ်လီၤ. ပှၤလၢအကအိၣ်ကဆိးလၢ ပှၤဂီၢ်မုၢ်အံၤအကျါန့ၣ် တဘၣ်အိၣ်ဘၣ်ဒီးအီၤနီတဂၤ ဘၣ်, ဒီးတဘၣ်ထံၣ်ဘၣ်တၢ်ဂ့ၤလၢယကမၤယပှၤဂီၢ်မုၢ် ဘၣ်, ယွၤစံးဝဲဒၣ်. အဂ့ၢ်ဒ်အံၤ, ကတိၤတၢ်ပူထီၣ်ယွၤ လီၤ.
30၃၀
1 တၢ်ကတိၤလၢအဟဲဆူစီၤယံးရမံယၤလၢယွၤ, စံးဝဲ ဒၣ်, 2 ယွၤအံၣ်စရ့လးအကစၢ်စံးဒ်အံၤ, ဒီးစံးဝဲဒၣ်, က ယဲၢ်တၢ်ကတိၤလၢယကတိၤတ့ၢ်ဒီးနၤခဲလၢာ်န့ၣ် ကွဲး လၢလံာ်ပူၤတက့ၢ်. 3 အဂ့ၢ်ဒ်အံၤ, ကွၢ်ကွၢ်, မုၢ်နံၤတဖၣ် ကဟဲဝဲလၢယကဒုးဟဲက့ၤကဒါက့ၤပှၤလဲၤကဲကုၢ်, ယ ပှၤဂီၢ်မုၢ်အံၣ်စရ့လးဒီးယူဒၤ, ယွၤစံးဝဲဒၣ်, ဒီးယကဒုး ဟဲက့ၤအီၤဆူကီၢ်တဘ့ၣ် လၢယဟ့ၣ်အီၤလၢအပၢ်တ ဖၣ်, ဒီးကန့ၢ်ဘၣ်သါအီၤလီၤ. 4 ဒီးအအံၤမ့ၢ်တၢ်ကတိၤ လၢယွၤကတိၤဝဲလၢ အံၣ်စရ့လးအဂ့ၢ်, ဒီးလၢယူဒၤအ ဂ့ၢ်လီၤ.
5 မ့ၢ်မးယွၤစံးဝဲဒၣ်, တၢ်မၤကနိးအသီၣ်န့ၣ်ပနၢ်ဟူလံ, တၢ်ပျံၤအိၣ်ဝဲ, တၢ်ဃူတၢ်ဖိးတအိၣ်ဘၣ်. 6 သံကွၢ်တၢ် ဒီးထံၣ်ဘၣ်လၢပှၤပိာ်ခွါဘၣ် ဟုးဆါစ့ၢ်ကီးဧါတက့ၢ်. ယထံၣ်ဘၣ်ပှၤပိာ်ခွါကိးဂၤဒဲး အိၣ်ဝဲဒီးအစုလၢအယီၢ် ဒ့လိၤဒ်ပိာ်မုၣ်ဘၣ်ဟုးဆါအသိးန့ၣ်, ဒီးကယဲၢ်ပှၤအ မဲာ်လီၤဝါန့ၣ်မ့ၢ်အဘၣ်မနုၤလဲၣ်. 7 အၣ်လါ, တၢ်လၢ မုၢ်တနံၤအံၤမ့ၢ်အဒိၣ်လီၤ. တၢ်ဒ်န့ၣ်သိးတအိၣ်ဘၣ်, မ့ၢ် စီၤယၤကိာ်အတၢ်ကိၢ်တၢ်ဂီၤအကတီၢ်လီၤ. ဘၣ်ဆၣ် ဒီးတၢ်ကအုၣ်က့ၤခီၣ်က့ၤအီၤလၢအပူၤလီၤ.
8 တၢ်သုးမုၢ်ဂီၢ်မုၢ်အယွၤစံးဝဲဒၣ်, လၢမုၢ်တနံၤန့ၣ်တၢ် ကမၤအသးလၢ ယကမၤကၢ်ကွံာ်အနီၣ်ယိးဘိလၢ န ကိာ်လိၤ, ဒီးယကမၤတဲာ်ကွံာ်နပျံၤစၢဃာ်, ဒီးပှၤတ ခီဘီမုၢ်ဖိတဒုးမၤလၢၤအီၤလၢအတၢ်ဘၣ်. 9 မ့ၢ်အက မၤယွၤအကစၢ်အတၢ်, ဒီးအစီၤပၤစီၤဒၤဝံးအတၢ်လၢ ယကဒုးဂဲၤဆၢထၢၣ်လၢအဂီၢ်လီၤ.
10 မၤသးဒ်န့ၣ်ဒီးနဲဒၣ်ယခ့ယပှၤယၤကိာ်ဧၢ, ပျံၤတၢ်တ ဂ့ၤ, ယွၤစံးဝဲဒၣ်, ဒီးဘၣ်ယိၣ်တၢ်တဂ့ၤ, အံၣ်စရ့လးဧၢ, အဂ့ၢ်ဒ်အံၤ, ကွၢ်ကွၢ်, ယကအုၣ်က့ၤခီၣ်က့ၤနၤလၢအ ယံၤ, ဒီးနချံနသၣ်လၢအကဲကုၢ်အကီၢ်ပူၤ, ဒီးယၤကိာ် ကဟဲက့ၤကဒါက့ၤ, ဒီးကအိၣ်ဘှံး, ဒီးကအိၣ်မုာ်, ဒီးတၢ် တမၤပျံၤဘၣ်အီၤတနီတဂၤဘၣ်. 11 အဂ့ၢ်ဒ်အံၤ, ယက အိၣ်ဒီးနၤဒ်သိး ယကအုၣ်က့ၤခီၣ်က့ၤနၤလီၤ, ယွၤစံးဝဲ ဒၣ်, ယကမၤလၢာ်ကွံာ်ကယဲၢ်ပှၤကလုာ် ဖဲယမၤလီၤ ပြံလီၤပြါနၤလၢအကျါဘၣ်ဆၣ်ဒီး, ယတမၤလၢာ်ကွံာ် ဘၣ်နၤဘၣ်. မ့မ့ၢ်ယကသိၣ်ဃီၣ်နၤဒ်တၢ်တီတၢ်လိၤ အသိးန့ၣ်လီၤ. အဂ့ၢ်ဒ်အံၤ, ယတပာ်ဘၣ်နၤလၢနတၢ် ဒဲးဘးတအိၣ်ဘၣ်န့ၣ်ဘၣ်.
12 အဂ့ၢ်ဒ်အံၤ, ယွၤစံးဒ်အံၤ, နပူၤလီၢ်ဘျါတသ့ဘၣ်, န တၢ်ဆါအလီၢ်န့ၣ်ဆါနးမးလီၤ. 13 ပှၤဘှီက့ၤနတၢ်ဆါ တအိၣ်ဘၣ်. ကသံၣ်ကသီန့ၣ်ပှၤတဟ့ၣ်ဘၣ်နၤဘၣ်.―
14 ကယဲၢ်ပှၤလၢအအဲၣ်နၤခဲလၢာ်န့ၣ် သးပ့ၤနီၣ်နၤလံ, တ ဃုဘၣ်နၤဘၣ်. အဂ့ၢ်ဒ်အံၤ, ယဆဲးနၤလၢတၢ်အဒုၣ်အ ဒါအတၢ်ဆဲး, လၢပှၤတသးကညီၤဘၣ်တၢ်ဘၣ်အတၢ် သိၣ်ဃီၣ်, လၢနတၢ်အၢဒိၣ်အဃိ, လၢနတၢ်ဒဲးဘးအါ ထီၣ်အဃိလီၤ. 15 နဟီၣ်လၢနပူၤလီၢ်အဃိန့ၣ်မ့ၢ်အဘၣ် မနုၤလဲၣ်. နတၢ်ဆိးကဲးဘျါတသ့ဘၣ်. ယမၤနၤလၢ တၢ်န့ၣ်တဖၣ်လၢနတၢ်အၢဒိၣ်အဃိဒီးလၢ နတၢ်ဒဲး ဘးအါထီၣ်အဃိန့ၣ်လီၤ.
16 ဘၣ်ဆၣ်ဒီးကယဲၢ်ပှၤလၢအအီၣ်နၤခဲလၢာ်န့ၣ် တၢ်က အီၣ်အီၤလီၤ. ဒီးကယဲၢ်နဒုၣ်နဒါကိးဂၤဒဲးန့ၣ်ကလဲၤကဲ ကုၢ်, ဒီးပှၤလၢအမၤန့ၢ်ဆူၣ်နတၢ်တဖၣ်န့ၣ်ကကဲထီၣ် တၢ်မၤန့ၢ်ဆူၣ်အီၤ, ဒီးကယဲၢ်ပှၤလၢအဂုာ်ဆူၣ်ပျီဆူၣ် နတၢ်ခဲလၢာ်န့ၣ် ယကပာ်လၢတၢ်ဂုာ်ဆူၣ်ပျီဆူၣ်အီၤ လီၤ.
17 အဂ့ၢ်ဒ်အံၤ, ယကဒုးအိၣ်ဆူၣ်မၤကဲနၤ, ဒီးယကမၤ ဘျါက့ၤနပူၤလီၢ်, ယွၤစံးဝဲဒၣ်. အဂ့ၢ်ဒ်အံၤ, ပှၤကိးနၤလၢ ပှၤဘၣ်တၢ်ဟီထီၣ်ကွံာ်အီၤ, စံယိၣ်လၢပှၤတဃုဘၣ် အီၤနီတဂၤဘၣ်.
18 ယွၤစံးဒ်အံၤ, ကွၢ်ကွၢ်, ယကဟဲက့ၤစိာ်ယၤကိာ်အဒဲ လၢတၢ်ကဲကုၢ်အပူၤ, ဒီးယကသးကညီၤအအိၣ်အဆိး အလီၢ်, ဒီးပှၤကတ့က့ၤဝ့ၢ်န့ၣ်လၢအပူဒၣ်ဝဲအဖီခိၣ်, ဒီး ပှၤကအိၣ်ကဆိးလၢနူၢ်ဧိၤစီၤဧိၤအပူၤ ဒ်တၢ်စံၣ်ညီၣ်အ သိးလီၤ. 19 ဒီးတၢ်စံးထီၣ်ပတြၢၤ, ဒီးတၢ်သးခုအသီၣ်က သီၣ်ထီၣ်လၢအပူၤလီၤ. ဒီးယကမၤအါထီၣ်အီၤဒီးတ အိၣ်စှၤဂၤဘၣ်, ဒီးယကမၤလၤကပီၤအီၤ, ဒီးပှၤတမၤ တရီတပါဘၣ်အီၤဘၣ်. 20 ဒီးအဖိအလံၤကအိၣ်ဒ်လၢ ပျၢၤလၢထံးအသိးန့ၣ်, ဒီးအတၢ်အိၣ်ဖှိၣ်ကအိၣ်ဂၢၢ်ဆိး ကျၢၤလၢယမဲာ်ညါ, ဒီးယကအိၣ်သကိးကယဲၢ်ပှၤလၢ အမၤအၢအီၤလီၤ.
21 ဒီးအပဒိၣ်တဂၤကကဲထီၣ်လၢအကျါ, ဒီးအပှၤပၢတၢ် တဂၤန့ၣ်ကဟဲလၢအသးကံၢ်ပူၤဒၣ်ဝဲလီၤ. ဒီးယကဒုး သုးဘူးအသး, ဒီးကသုးဘူးအသးဆူယအိၣ်လီၤ. အဂ့ၢ် ဒ်အံၤ, မ့ၢ်မတၤပာ်ဒၣ်အသးလၢအကသုးဘူးအသးဆူ ယအိၣ်တဂၤလဲၣ်. ယွၤစံးဝဲဒၣ်.
22 ဒီးသုကကဲထီၣ်ယပှၤဂီၢ်မုၢ်, ဒီးယကကဲထီၣ်သုက စၢ်လီၤ.
23 ကွၢ်ကွၢ်, ကလံၤသဝံးဘၣ်ဃးဒီးယွၤလဲၤတၢ်ဆှုၣ် ဆှုၣ်ကလဲာ်, ကလံၤဆူၣ်လၢအတြူာ်တၢ်, ကဘၣ်ပှၤ တတီဘၣ်အခိၣ်တဖၣ်ဆူၣ်မးလီၤ. 24 ယွၤအသးကဲၤ ထီၣ်တဃၣ်ကဒါအသးတုၤအမၤဝံၤတၢ်, ဒီးတုၤအမၤ လၢထီၣ်ပှဲၤထီၣ်တၢ်လၢအကူၣ်ဝဲလၢအသးကံၢ်ပူၤလီၤ. လၢမုၢ်နံၤဆူညါန့ၣ်သုနၢ်ကပၢၢ်တၢ်လီၤ.
31၃၁
1 ယွၤစံးဝဲဒၣ်, တၢ်လၢအကတီၢ်ဖဲန့ၣ် ယကကဲထီၣ် အံၣ်စရ့လးအဒူၣ်တဖၣ်ခဲလၢာ်အကစၢ်, ဒီးအဝဲသ့ၣ် ကကဲထီၣ်ယပှၤဂီၢ်မုၢ်လီၤ. 2 ယွၤစံးဒ်အံၤ, အံၣ်စရ့လး ဘၣ်ဘျုးဘၣ်ဖှိၣ်လၢပှၢ်မုၢ်ကနၢ, ပှၤဂီၢ်မုၢ်အိၣ်လီၤတဲာ် လၢနးဧိၤဘီဧိၤလီၤ. ယလဲၤဒုးအိၣ်ဘှံးအီၤလီၤ. 3 ယွၤ လီၣ်ဖျါအသးလၢယမဲာ်ညါလၢအယံၤ, ဒီးစံးဝဲဒၣ်, ယ အဲၣ်တ့ၢ်နၤလၢတၢ်အဲၣ်အထူအယိာ်လီၤ. မၤသးဒ်န့ၣ် ဒီးယမိၤလံနၤလၢတၢ်ဘျုးတၢ်ဖှိၣ်လီၤ. 4 ယကမၤထီၣ် က့ၤကဒီးနၤ, ဒီးနကအိၣ်မၤက့ၤနသးလီၤ. အံၣ်စရ့လး အပှၤမုၣ်လိၣ်ဘိဧၢ, နကကယၢကယဲကဒီးနသးဒီးန ဒၢဖိ, ဒီးလဲၤဂဲၤကလံၣ်ဒီး ပှၤလၢအလိာ်ကွဲတၢ်လီၤ.― 5 နကသူၣ်ကဒီးစပံးမုၢ်အလီၢ်လၢ ၡၤမရံအကစၢၢ်လီၤ. ပှၤသူၣ်တၢ်ဖိကသူၣ်တၢ်, ဒီးကအီၣ်ဝဲအတၤသၣ်လီၤ.―
6 အဂ့ၢ်ဒ်အံၤ, မုၢ်တနံၤကဘၣ်လၢပှၤပၢၤတၢ်ဖိလၢကစၢၢ် အ့ဖရဲၣ်အလိၤကကိးထီၣ်ဝဲ, ဂဲၤဆၢထၢၣ်, လဲၤသကိး ဆူစံယိၣ်, ဆူယွၤပကစၢ်အအိၣ်တက့ၢ်လီၤ.
7 အဂ့ၢ်ဒ်အံၤ, ယွၤစံးဒ်အံၤ, အုၣ်တၢ်ဒီးတၢ်သးခုလၢစီၤ ယၤကိာ်အဃိ, ဒီးကိးပသူထီၣ်လၢပှၤကလုာ်တဖၣ်အ ခိၣ်အကျါ, ဒုးနၢ်ဟူတၢ်, စံးထီၣ်ပတြၢၤတၢ်ဒီးစံး, ယွၤ ဧၢ, အုၣ်က့ၤခီၣ်က့ၤနပှၤဂီၢ်မုၢ်, အံၣ်စရ့လးအပှၤအိၣ် လီၤတဲာ်လီၤ. 8 ကွၢ်ကွၢ်, ယကဟဲစိာ်အီၤလၢကီၢ်လၢ ကလံၤစိး, ဒီးထၢဖှိၣ်အီၤလၢဟီၣ်ခိၣ်အကတၢၢ်တဖၣ်, ပှၤမဲာ်ဘျီၣ်, ဒီးပှၤအခီၣ်ဟးဂီၤအိၣ်ဒီးအီၤ, ပိာ်မုၣ်လၢအ ဒၢတၢ်, ဒီးပိာ်မုၣ်လၢအဘၣ်ဟုးဆါတပူၤဃီလီၤ. ပှၤ တဖုဖးဒိၣ်ကဟဲက့ၤဖဲအံၤလီၤ. 9 ဟီၣ်ဝဲဒီးကဟဲ, ဒီးယ ကဆှၢအီၤဒီးတၢ်ဃ့ကညး, ဒီးယကဆှၢအီၤလၢထံကျိ အနံၤလၢကျဲလိၤအပူၤ ဖဲပှၤအခီၣ်တဘၣ်တိၢ်ဘၣ်, အ ဂ့ၢ်ဒ်အံၤ, ယမ့ၢ်ပှၤအပၢ်လၢအံၣ်စရ့လးအဂီၢ်, ဒီးအ့ဖ ရဲၣ်မ့ၢ်ယဖိဝဲၢ်ကိလီၤ.
10 ကနၣ်ယွၤအကလုၢ်, ပှၤတကလုာ်သ့ၣ်ဧၢ, ဒီးစံၣ်တဲ တဲလီၤအီၤလၢပီၣ်လဲၣ်နံၤအကီၢ်တဖၣ် အိၣ်ဝဲလၢအ ယံၤ, ဒီးစံး, ပှၤလၢအမၤလီၤပြံလီၤပြါအံၣ်စရ့လးတဂၤ န့ၣ်ကထၢဖှိၣ်အီၤ, ဒီးကွၢ်အီၤဒ်ပှၤကွၢ်သိန့ၣ်ကွၢ်အသိ တဖုအသိးန့ၣ်လီၤ. 11 အဂ့ၢ်ဒ်အံၤ, ယွၤပှ့ၤက့ၤလံယၤကိာ် ဒီးမၤပူၤမၤဖျဲးအီၤ ဒီးပှၤလၢအဆူၣ်န့ၢ်အီၤတက့ၢ်အစုပူၤ လီၤ. 12 ဒီးကဟဲဝဲ, ဒီးသးဝံၣ်တၢ်လၢစံယိၣ်အလီၢ်ထီၣ် ထီန့ၣ်, ဒီးကယွၤဝဲဆူယွၤအတၢ်ဂ့ၤအပူၤ, လၢဘုကၠူၣ် အဂီၢ်, ဒီးလၢစပံးထံအသီအဂီၢ်, ဒီးလၢသိဧိၤချါဧိၤ အဂီၢ်, ဒီးလၢသိဒီးမဲာ်တဲးလဲးအဂီၢ်, ဒီးလၢဂီၤဘုၣ်ဂီၤဖံး အဂီၢ်လီၤ. ဒီးအသးကမၤသးဒ်တၤသၣ်အလီၢ်လၢပှၤ ဖှိၣ်ထံလၢအပူၤကစီဒီအသိးန့ၣ်, ဒီးတသးအုးလၢၤ ဘၣ်. 13 တုၤနုၤတစုပှၤမုၣ်လိၣ်ဘိကသးခုလၢ တၢ်ဂဲၤ ကလံၣ်အပူၤဒီးပှၤဖိၣ်သၣ်ခွါဒီး ပှၤသးပှၢ်တပူၤဃီလီၤ. အဂ့ၢ်ဒ်အံၤ ယကဒုးကဲထီၣ်အတၢ်သးအုးလၢအတၢ် သးခု, ဒီးယကမၤမုာ်ထီၣ်က့ၤအီၤ, ဒီးဒုးသးခုအီၤလၢ အသးအုးအလီၢ်ခံန့ၣ်လီၤ.
14 ဒီးယကဒုးအီၣ်ကုးအီပှဲၤ ယပှၤလုၢ်တၢ်အဒိၣ်လၢသိ ဧိၤချါဧိၤ, ဒီးယပှၤဂီၢ်မုၢ်ကမံသူၣ်မံသးလၢယတၢ်ဂ့ၤတၢ် ဝါလီၤ, ယွၤစံးဝဲဒၣ်.
15 ယွၤစံးဒ်အံၤ, တၢ်အသီၣ်ဟူထီဝဲလၢရၤမါအပူၤလီၤ. ဟီၣ်တၢ်ယၢၤတၢ်, ဒီးဟီၣ်ပသူထီၣ်ပသီတၢ်လီၤ. နီၢ်ရၤ ဃ့လးဟီၣ်ဝဲလၢအဖိတဖၣ်အဃိ, ဒီးဒိးတၢ်မၤမုာ်ထီၣ် က့ၤအီၤအသးတအိၣ်ဘၣ်, မ့ၢ်အဖိတအိၣ်ဘၣ်အဃိ လီၤ.
16 ယွၤစံးဒ်အံၤ, ကီၤနကလုၢ်လၢဟီၣ်တၢ်, ဒီးနမဲာ်လၢ မဲာ်ထံတက့ၢ်. အဂ့ၢ်ဒ်အံၤ, မၤတၢ်ကအိၣ်ဒီးအဘူးအလဲ လီၤ. ယွၤစံးဝဲဒၣ်. ဒီးအဝဲသ့ၣ်ကဟဲက့ၤကဒါက့ၤလၢ အဒုၣ်အဒါအကီၢ်ပူၤလီၤ. 17 ဒီးနဖိကဟဲက့ၤကဒါက့ၤ ဆူအကီၢ်ဒၣ်ဝဲန့ၣ်တၢ်မုၢ်လၢ်အိၣ်ဝဲလၢနဂီၢ်ဆူညါလီၤ.
18 မ့ၢ်မးယနၢ်ဟူအ့ဖရဲၣ်ဘၣ်မိၣ်ဘၣ်မး, ဒီးစံးဝဲဒၣ်, န သိၣ်ဃီၣ်ယၤ, ဒီးယဒိးတၢ်သိၣ်ဃီၣ်ဒ်ဂီၤဖံးဖိလၢအတ မၤလိဘၣ်တၢ်အသိးန့ၣ်လီၤ. ဒုးဃၣ်ကဒါက့ၤယၤ, ဒီး ယကဃၣ်ယသးလီၤ. အဂ့ၢ်ဒ်အံၤ, နမ့ၢ်ယွၤယကစၢ် လီၤ. 19 မ့ၢ်မးလၢယဃၣ်ယသးအလီၢ်ခံန့ၣ် ယပီၢ်ယၢ် လီၤက့ၤယသး, ဒီးလၢယဒိးတၢ်သ့ၣ်ညါအလီၢ်ခံန့ၣ် ယသီလီၤယကံၣ်ဒုၣ်လီၤ. ယမဲာ်ဆှး, ဒီးယဝံတၢ်ဆှး ယမဲာ်လီၤ. အဂ့ၢ်ဒ်အံၤ, ယစိာ်ယဖိၣ်သၣ်ခွါထီၣ်အတၢ် ဒုၣ်ဒွဲၣ်လီၤ. 20 အ့ဖရဲၣ်မ့ၢ်ယဖိခွါသးဘိဧါ, မ့ၢ်ဖိသၣ်လၢ အဘၣ်ယသးဧါ. အဂ့ၢ်ဒ်အံၤ, လၢယကတိၤတၢ်ထီဒါ အီၤအလီၢ်ခံန့ၣ် ယသ့ၣ်နီၣ်ထီၣ်က့ၤဒံးအီၤသပှၢ်တၢၢ်ဒံး လီၤ. မၤသးဒ်န့ၣ်ဒီးယသးအိၣ်အီၤလီၤ. ယကသးက ညီၤအီၤသပှၢ်ပှၢ်, ယွၤစံးဝဲဒၣ်.
21 ပာ်ထီၣ်ကျဲအပနီၣ်လၢနဂီၢ်, ပာ်ထီၣ်ထူၣ်တဖၣ်လၢ နဂီၢ်, ပာ်နသးလျဲၢမုၢ်, ကျဲလၢနပိာ်တ့ၢ်, ဟဲက့ၤ, အံၣ်စ ရ့လးအမုၣ်လိၣ်ဘိဧၢ, ဟဲက့ၤဆူနဝ့ၢ်တဖၣ်အံၤတ က့ၢ်. 22 နကလဲၤဝ့ၤဝီၤတၢ်ဆံးယဲာ်လဲၣ်, ဖိမုၣ်လၢအ ဂုၤက့ၤအသးတဂၤဧၢ. အဂ့ၢ်ဒ်အံၤ, ယွၤတ့လီၤတၢ်အ သီတမံၤလၢဟီၣ်ခိၣ်ချၢလီၤ. ပိာ်မုၣ်ကအိၣ်တရံးပိာ်ခွါလီၤ.
23 တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, တုၤယဒုးဟဲက့ၤပှၤလၢအလဲၤကဲကုၢ်ဒီး, ပှၤကစံးကဒီး လၢယူဒၤအကီၢ်ပူၤ, ဒီးလၢအဝ့ၢ်တဖၣ်အပူၤ, မ်ယွၤဆိၣ် ဂ့ၤနၤတက့ၢ်. တၢ်တီအအိၣ်အဆိးအလီၢ်, တၢ်စီဆှံ အကစၢၢ်ဧၢ. 24 ဒီးယူဒၤကအိၣ်ကဆိးလၢအပူၤ, ဒီးအ ဝ့ၢ်တဖၣ်တပူၤဃီ, ဒီးပှၤမၤဟီၣ်ခိၣ်ဖိ, ဒီးပှၤလၢအဟး ထီၣ်ဒီးသိဒီးမဲာ်တဲးလဲးတဖၣ် ကအိၣ်လၢအပူၤလီၤ.―
25 အဂ့ၢ်ဒ်အံၤ, ယဒုးကျၢၤထီၣ်ကယဲၢ်ပှၤအသးလၢတၢ် ဘှံးအသး, ဒီးယကဒုးဘျဲးအီၣ်ကယဲၢ်ပှၤလၢအသးလီၤ ဘှါခဲလၢာ်လီၤ. 26 အန့ၣ်ဒီးယဖုသံနီၣ်ထီၣ်, ဒီးကွၢ်တၢ်, ဒီးယမံန့ၣ်မုာ်တ့ၢ်လၢယၤဒိၣ်မးလီၤ.
27 ယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲလၢယကဖှံပှၤ ကညီအချံ, ဒီးဆၣ်ဖိကီၢ်ဖိအချံ, လၢအံၣ်စရ့လးအဟံၣ် ပူၤ, ဒီးယူဒၤအဟံၣ်ပူၤလီၤ. 28 ဒီးဒ်ယကွၢ်အီၤဒ်သိးယ ကထဲးထီၣ်, ဒီးမၤကၢ်လီၤအီၤ, ဒီးမၤလီၤပှီၢ်, ဒီးမၤဟးဂီၤ, ဒီးမၤနးမၤဖှီၣ်အီၤအသိးန့ၣ် တၢ်ကမၤအသးလၢယက ကွၢ်အီၤဒ်သိးယကမၤထီၣ်, ဒီးသူၣ်လီၤအီၤဒ်န့ၣ်သိး, ယွၤစံးဝဲဒၣ်. 29 တၢ်လၢမုၢ်နံၤတဖၣ်န့ၣ်ပှၤတစံးလၢၤ ဘၣ်, ပၢ်တဖၣ်အီၣ်စပံးသၣ်ဆံၣ်, ဒီးဖိသၣ်တဖၣ်အမဲ ဆှံလီၤန့ၣ်ဘၣ်. 30 မ့မ့ၢ်ပှၤကသံလၢအတၢ်ဒဲးဘးဒၣ်ဝဲ အဃိကိးဂၤဒဲးလီၤ. ကယဲၢ်ပှၤလၢအအီၣ်စပံးသၣ်ဆံၣ် တဂၤလၢ်လၢ်န့ၣ်အမဲကဆှံလီၤ.
31 ကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်ကဟဲဝဲလၢယက အၢၣ်လီၤအီၤလီၤတၢ်အသီ ဒီးအံၣ်စရ့လးအပှၤဟံၣ်ဖိ, ဒီးယူဒၤအပှၤဟံၣ်ဖိလီၤ. 32 တမ့ၢ်ဘၣ်ဒ်တၢ်အၢၣ်လီၤ အီလီၤလၢယအၢၣ်လီၤဒီးအပၢ်တဖၣ်, ဖဲမုၢ်တနံၤလၢ ယဟံးဃာ်အစု ဒ်သိးယကဒုးဟးထီၣ်ကွံာ်အီၤလၢကီၢ် အဲၤကူပတူးအပူၤအသိးန့ၣ်ဘၣ်. တၢ်အၢၣ်လီၤအီၤန့ၣ် မ့ၢ်အမၤဟးဂီၤလီၤ. ဒီးယညိကွံာ်အီၤ, ယွၤစံးဝဲဒၣ်. 33 မ့ မ့ၢ်အအံၤမ့ၢ်တၢ်အၢၣ်လီၤအီၤလၢ ယကအၢၣ်လီၤအီ လီၤဒီးဒီးအံၣ်စရ့လးအပှၤဟံၣ်ဖိ, ယကပာ်ယတၢ်သိၣ် တၢ်သီလၢအသးကံၢ်ပူၤ, ဒီးယကကွဲးအီၤလၢအသးအ လိၤ, ဒီးယကကဲထီၣ်အကစၢ်, ဒီးအဝဲသ့ၣ်တဖၣ်န့ၣ် ကကဲထီၣ်ယခ့ယပှၤလီၤ. 34 ဒီးတသိၣ်လိလၢၤဘၣ်တ တဂၤပှၤလၢအဃၢၤ, တဂၤအဒီပုၢ်ဝဲၢ်, ဒီးစံး, သ့ၣ်ညါ ယွၤတက့ၢ်န့ၣ်ဘၣ်. အဂ့ၢ်ဒ်အံၤ, ပှၤကသ့ၣ်ညါယၤခဲ လၢာ်လၢအဆံးပၢၢ်လၢအဒိၣ်, ယွၤစံးဝဲဒၣ်, အဂ့ၢ်ဒ်အံၤ, ယကပျၢ်အတၢ်ကမၣ်, ဒီးယတသ့ၣ်နီၣ်ထီၣ်က့ၤလၢၤ ဘၣ်အတၢ်ဒဲးဘးန့ၣ်ဘၣ်.
35 ယွၤစံးဒ်အံၤ, ပှၤလၢအပာ်မုၢ်လၢတၢ်ကပီၤလၢမုၢ်ဆါ အဂီၢ်, ဒီးမၤလိာ်လါဒီးဆၣ်ဧိၤဖီဧိၤလၢ တၢ်ကပီၤလၢ မုၢ်နၤအဂီၢ်, လၢအထိၣ်ဂဲၤပီၣ်လဲၣ်အလပီသီၣ်ထီၣ်ရုၢ် ရုၢ်န့ၣ်, တၢ်သုးမုၢ်ဂီၢ်မုၢ်အယွၤမ့ၢ်အမံၤလီၤ. 36 ယွၤစံးဝဲ ဒၣ်, တၢ်မၤလိာ်တဖၣ်မ့ၢ်ဟးထီၣ်လၢယမဲာ်ညါဒီး. အံၣ်စရ့လးအချံအသၣ် တကဲလၢၤဘၣ်ပှၤတကလုာ် လၢယမဲာ်ညါဘၣ်လီၤ. 37 ယွၤစံးဒ်အံၤ, ပှၤထိၣ်မူခိၣ် လၢထးခီ, ဒီးဃုန့ၢ်ဟီၣ်ခိၣ်အခီၣ်ထံးလၢလာ်ခီန့ၣ်မ့ၢ် သ့ဒီး, ယကညိကွံာ်စ့ၢ်ကီးအံၣ်စရ့လးအချံအသၣ်ခဲ လၢာ်လၢအမၤတၢ်ခဲလၢာ်အဃိန့ၣ်, ယွၤစံးဝဲဒၣ်,
38 ကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်ဟဲလၢပှၤကတ့ဝ့ၢ် လၢယွၤအဂီၢ်, လၢတၢးထီဃနၤန့လးပၢၢ်လၢတၢ်ပဲတ ရီသနၢၣ်လီၤ. 39 ဒီးနီၣ်ထိၣ်ပျံၤကလဲၤထီၣ်အိၣ်သဃီၤ အီၤလၢတၢ်စိခိၣ်ကၢ်ရ့း, ဒီးကလဲၤတရံးတၢ်ဆူကိၤသး လီၤ. 40 ဒီးအစိၣ်တဖၣ်အကစၢၢ်ကဆူးဒီဘ့ၣ်ညါ, ဒီးဖၣ် ဆါ, ဒီးဟီၣ်ခိၣ်အကဝီၤတဖၣ်ခဲလၢာ် ပၢၢ်လၢထံကျိ ကံဒြိၣ်, ပၢၢ်လၢပဲတရီကသ့ၣ်အနၢၣ်လၢမုၢ်ထီၣ်တခီ န့ၣ်စီဆှံထီၣ်လၢယွၤအဂီၢ်လီၤ. တၢ်တထဲးကွံာ်လၢၤ ဘၣ်အီၤ, ဒီးတၢ်တမၤလီၤပှီၢ်လၢၤဘၣ်အီၤလီၤထူလီၤ ယိာ်လီၤ.
32၃၂
1 ယူဒၤအစီၤပၤစံးဒကံယၤအနံၣ်ပှဲၤထီၣ် ဆံဆဲၣ်နံၣ်န့ၣ် (အဝဲန့ၣ်မ့ၢ်စီၤနဘူၤကးန့စၢ်အနံၣ်ပှဲၤထီၣ်တဆံဃိးနံၣ် တနံၣ်န့ၣ်) ယွၤအကလုၢ်ဘၣ်စီၤယံးရမံယၤလီၤ. 2 အ ကတီၢ်ဖဲန့ၣ်ဘၤဘူၤလိၣ်အစီၤပၤအသုးမုၢ် ကဝီၤဃာ် ယရူၤၡလ့ၣ်, ဒီးဝံယံးရမံယၤအိၣ်ကးတံာ်ဃာ်အသး လၢဃိာ်အဂၢၤပူၤလၢအအိၣ်ဝဲလၢ ယူဒၤအစီၤပၤအ ဟံၣ်ပူၤလီၤ. 3 အဂ့ၢ်ဒ်အံၤ, ယူဒၤအစီၤပၤစံးဒကံယၤကး တံာ်ဃာ်တ့ၢ်အီၤ, ဒီးစံးဝဲဒၣ်, နကတိၤတၢ်လၢဝံကျိာ် ဒီးနစံး, ယွၤစံးဒ်အံၤ, ကွၢ်ကွၢ်, ယကဟ့ၣ်လီၤကွံာ်ဝ့ၢ် တဝ့ၢ်အံၤလၢဘၤဘူၤလိၣ်အစီၤပၤအစုပူၤ, ဒီးကမၤန့ၢ် အီၤလီၤ. 4 ဒီးယူဒၤအစီၤပၤစံးဒကံယၤတပူၤတဖျဲးဘၣ် လၢပှၤက့ၤစ့းဖိအစုဘၣ်. မ့မ့ၢ်တၢ်ကဟ့ၣ်လီၤကွံာ်အီၤ လၢဘၤဘူၤလိၣ်အစီၤပၤ အစုပူၤသပှၢ်တၢၢ်, ဒီးကက တိၤလိာ်အသးလၢထးခိၣ်သကိးထးခိၣ်လီၤ. ဒီးအမဲာ် ကထံၣ်ဘၣ်အမဲာ်, 5 ဒီးကဆှၢစီၤစံးဒကံယၤဆူဘၤဘူၤ လိၣ်, ဒီးကအိၣ်ဖဲန့ၣ်တုၤယအိၣ်သကိးအီၤလီၤ. ယွၤ စံးဝဲဒၣ်, သုမ့ၢ်ဒုးသုးဒီးပှၤက့ၤစ့းဖိဘၣ်ဆၣ်ဒီး, သုက ဘီၣ်ထီၣ်တညီထီၣ်ဘၣ်လီၤ.
6 ဒီးစီၤယံးရမံယၤစံးဝဲဒၣ်, ယွၤအကလုၢ်ဘၣ်ယၤဒီးစံး ဝဲဒၣ်, 7 ကွၢ်ကွၢ်, နဖါတံၢ်စီၤၡၤလူၣ်အဖိခွါစီၤဃနၤန့ လးကဟဲဆူနအိၣ်ဒီးစံး, ပှ့ၤယဟီၣ်ခိၣ်တကဝီၤလၢအ အိၣ်ဝဲလၢဧၤနသိးအပူၤလၢနဂီၢ်ဒၣ်နဲတက့ၢ်. အဂ့ၢ်ဒ် အံၤ, တၢ်စံၣ်ညီၣ်ပှ့ၤက့ၤအီၤန့ၣ် အိၣ်ဝဲလၢနကပှ့ၤအီၤ လီၤ. 8 ဒီးယဖါတံၢ်အဖိခွါစီၤဃနၤန့လးဟဲဝဲဆူယအိၣ် လၢဃိာ်အဂၢၤပူၤဒ်ယွၤအကလုၢ်အသိးန့ၣ်, ဒီးစံးဘၣ် ယၤ, ပှ့ၤယဟီၣ်ခိၣ်တကဝီၤလၢအအိၣ်ဝဲလၢဧၤနသိး, လၢဘံၣ်ယၤမံၣ်အကီၢ်ပူၤတက့ၢ်. အဂ့ၢ်ဒ်အံၤ, တၢ်စံၣ် ညီၣ်န့ၢ်သါအီၤ, ဒီးတၢ်ပှ့ၤက့ၤအီၤန့ၣ်ဘၣ်နၤလီၤ. ပှ့ၤ အီၤလၢနဂီၢ်ဒၣ်နဲတက့ၢ်. တုၤနုၤတစုယသ့ၣ်ညါလၢ တၢ်န့ၣ်မ့ၢ်ယွၤအကလုၢ်ကထါလီၤ.
9 ဒီးယပှ့ၤဟီၣ်ခိၣ်တကဝီၤလၢ အအိၣ်ဝဲလၢဧၤနသိးအ ပူၤလၢယဖါတံၢ်အဖိခွါစီၤဃနၤန့လးအစုပူၤ, ဒီးယစီၤ စ့ၡက့လးတဆံတဆံနွံဘ့ၣ်လၢအဂီၢ်လီၤ. 10 ဒီးယကွဲး တၢ်လၢလံာ်ပူၤ, ဒီးစဲဃာ်ပနီၣ်အီၤ, ဒီးဟံးန့ၢ်ပှၤအုၣ် အသးတဖၣ်, ဒီးစီၤစ့လၢစီၤပီၢ်အပူၤလီၤ. 11 ဒီးယဟံး န့ၢ်ပှ့ၤတၢ်အလံာ်အိၣ်စဲဃာ်, ပနီၣ်ဒ်တၢ်မၤလိာ်ဒီးတၢ် အလုၢ်အလၢ်အသိး, ဒီးလံာ်လၢအအိၣ်ဖျါတဘ့ၣ်လီၤ.
12 ဒီးယဟ့ၣ်ပှ့ၤတၢ်အလံာ်တဘ့ၣ်န့ၣ်လၢစီၤဘၤရူး, စီၤ န့ၤရံယၤအဖိခွါ, စီၤမၤစ့ယၤအဖိခွါလၢယဖါတံၢ်အဖိ ခွါစီၤဃနၤန့လးအမဲာ်ညါ, ဒီးလၢပှၤအုၣ်အသးလၢအ ကွဲးအမံၤလၢလံာ်ပှ့ၤတၢ်အလိၤတဖၣ်အမဲာ်ညါ, ဒီးလၢ ကယဲၢ်ပှၤယူဒၤဖိလၢအဆ့ၣ်နီၤလၢ ဃိာ်အဂၢၤပူၤအမဲာ် ညါခဲလၢာ်လီၤ. 13 ဒီးယမၤလိာ်စီၤဘၤရူးလၢအဝဲသ့ၣ် အမဲာ်ညါ, ဒီးယစံး, 14 တၢ်သုးမုၢ်ဂီၢ်မုၢ်အယွၤအံၣ်စရ့ လးအကစၢ်စံးဒ်အံၤ, ဟံးန့ၢ်လံာ်တဖၣ်အံၤတက့ၢ်. ပှ့ၤ တၢ်အလံာ်လၢအစဲဃာ်ပနီၣ်အသးတဘ့ၣ်, ဒီးလံာ် အိၣ်ဖျါတဘ့ၣ်ဒီးပာ်အီၤလၢ သပၢၤဟီၣ်ခိၣ်အပူၤ, ဒ် သိးအကအိၣ်အါနံၤအါသီအဂ့ၢ်န့ၣ်တက့ၢ်. 15 အဂ့ၢ်ဒ် အံၤ, တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံး ဒ်အံၤ, ဟံၣ်ဧိၤဃီဧိၤဒီးဟီၣ်ခိၣ်အကဝီၤ, ဒီးစပံးအလီၢ် န့ၣ်ပှၤကပှ့ၤဒံးအီၤလၢကီၢ်တဘ့ၣ်အံၤအပူၤလီၤ.
16 ဒီးလၢယဟ့ၣ်ပှ့ၤတၢ်အလံာ်လၢ စီၤန့ၤရံယၤအဖိခွါ စီၤဘၤရူးအစုပူၤအလီၢ်ခံန့ၣ်, ယဘါထုကဖၣ်ယွၤဒီး ယစံး, 17 ကစၢ်ယွၤဧၢ, ကွၢ်ကွၢ်, နတ့လီၤဟီၣ်ခိၣ်ဒီးမူခိၣ် လၢနစိဒိၣ်နကမီၤထီ, ဒီးလၢနစုယူာ်ထီၣ်အသးလီၤ. တၢ်ကီတၢ်ခဲတအိၣ်ဘၣ်ဒီးနၤဘၣ်. 18 နမၤဘျုးမၤဖှိၣ် ပှၤကထိတဖၣ်, ဒီးနမၤဆၢပၢ်တဖၣ်အတၢ်အၢလၢအ ဖိတဖၣ်လၢအလီၢ်ခံန့ၣ်အသးနါပှၢ်အပူၤလီၤ. တၢ်အ ဒိၣ်, တၢ်အစိအကမီၤအကစၢ်, တၢ်သုးမုၢ်ဂီၢ်မုၢ်အယွၤ မ့ၢ်အမံၤလီၤ. 19 ဒိၣ်ဝဲလၢကူၣ်တၢ်, ဒီးဒိၣ်ဝဲလၢမၤတၢ် လီၤ. အဂ့ၢ်ဒ်အံၤ, နမဲာ်အိၣ်အိးထီၣ်အသးလၢပှၤကညီ ဖိအကျဲခဲလၢာ်အလိၤ, ဒ်သိးနကဟ့ၣ်ပှၤဒ်အကျဲအသိး, ဒီးဒ်အမၤတၢ်အတၤသၣ်အသိးန့ၣ်, 20 လၢအပာ်တၢ်အ ပနီၣ်လီၤလး, ဒီးတၢ်လီၤလးလၢကီၢ်အဲၤကူပတူးအပူၤ တုၤမုၢ်မဆါတနံၤအံၤဒီးလၢအံၣ်စရ့လးအကျါ, ဒီးလၢ ပှၤကညီအဂၤတဖၣ်အကျါ, ဒီးပာ်ထီၣ်နမံၤတုၤမုၢ်မ ဆါတနံၤအံၤလီၤ. 21 အဂ့ၢ်ဒ်အံၤ, နဒုးဟးထီၣ်နပှၤဂီၢ်မုၢ် အံၣ်စရ့လးလၢကီၢ်အဲၤကူပတူးအပူၤအိၣ်ဒီး တၢ်အပ နီၣ်လီၤလး, ဒီးတၢ်လီၤလး, ဒီးနစုဆူၣ်, ဒီးနစုယူာ်ထီၣ် အသး, ဒီးတၢ်မၤပျံၤအလီၢ်ဖးဒိၣ်လီၤ. 22 ဒီးဟ့ၣ်လီၤအီၤ လၢကီၢ်တဘ့ၣ်အံၤလၢနဆိၣ်တၢ် ဒီးအပၢ်တဖၣ်လၢ နကဟ့ၣ်အီၤ, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီး ကနဲစီလီၤ. 23 ဒီးအဝဲသ့ၣ်ဟဲနုာ်န့ၢ်သါအီၤလီၤ. ဘၣ်ဆၣ် ဒီးတကနၣ်ဘၣ်နကလုၢ်, ဒီးတလဲၤဘၣ်လၢနတၢ်သိၣ် တၢ်သီအကျဲပူၤ, တၢ်လၢနမၤလိာ်အီၤလၢအဘၣ်မၤန့ၣ် တမၤဘၣ်ဝဲနီတမံၤဘၣ်. မၤသးဒ်န့ၣ်ဒီးနဒုးဘၣ်အီၤ လၢတၢ်အၢအံၤခဲလၢာ်လီၤ.
24 ကွၢ်ကွၢ်, နီၣ်ခးတၢ်မိၢ်ပှၢ်တဖၣ်ဟဲပၢၢ်လၢဝ့ၢ်ဒ်သိးအ ကမၤန့ၢ်ဝဲ, ဒီးတၢ်ဟ့ၣ်လီၤဝ့ၢ်လၢပှၤက့ၤစ့းဖိအစုပူၤ, လၢအဒုးတၢ်ဒီးအီၤလၢနးဧိၤဘီဧိၤ, ဒီးလၢတၢ်သၣ်ဝံၤ လီၤဒိ, ဒီးလၢတၢ်သံသတြိာ်လီၤ. တၢ်လၢနကတိၤ တ့ၢ်န့ၣ်မၤအသး, ဒီးကွၢ်ကွၢ်, နထံၣ်နဲလီၤ. 25 ဘၣ်ဆၣ် ဒီး, ကစၢ်ယွၤဧၢ, နစံးတ့ၢ်လၢယၤ, ပှ့ၤဟီၣ်ခိၣ်တက ဝီၤတဘ့ၣ်အံၤလၢစ့, ဒီးဟံးန့ၢ်ပှၤအုၣ်အသးတက့ၢ်. မ့ၢ် နာ်သက့ဒ်န့ၣ်ဒီးတၢ်ဟ့ၣ်လီၤကွံာ်ဝ့ၢ်လၢ ပှၤက့ၤစ့းဖိ အစုပူၤလီၤ.
26 တုၤနုၤတစုယွၤအကလုၢ်ဘၣ် စီၤယံးရမံယၤဒီးစံးဝဲ ဒၣ်, 27 ကွၢ်ကွၢ်, ယၤ, ယွၤအံၤယမ့ၢ်တၢ်ဖံးတၢ်ညၣ်ခဲ လၢာ်အကစၢ်လီၤ. တၢ်ကီတၢ်ခဲတမံၤမံၤအိၣ်ဒီးယၤ ဘၣ်ကသ့ဧါ. 28 မၤသးဒ်န့ၣ်ဒီးယွၤစံးဒ်အံၤ, ကွၢ်ကွၢ်, ယ ကဟ့ၣ်လီၤကွံာ်ဝ့ၢ်တဝ့ၢ်အံၤလၢ ပှၤက့ၤစ့းဖိအစုပူၤ, ဒီး လၢဘၤဘူၤလိၣ်အစီၤပၤနဘူၤကးန့စၢ်အစုပူၤ, ဒီးအဝဲ ဒၣ်ကမၤန့ၢ်အီၤလီၤ. 29 ဒီးပှၤက့ၤစ့းဖိလၢအဒုးတၢ်ဒီးဝ့ၢ် အံၤ ကဟဲဆိၣ်ကဲၤထီၣ်ဝ့ၢ်အံၤလၢမ့ၣ်အူ, ဒီးဆူးထီၣ် ကွံာ်အီၤ, ဒီးဟံၣ်တဖၣ်လၢ ပှၤဆိၣ်ကဲၤတၢ်နၢမူလၢဘ ဧၤလးအဂီၢ်, ဒီးလူလီၤတၢ်လုၢ်အီလၢကစၢ်အဂၤအဂီၢ် ဒ်သိးအကထိၣ်ဂဲၤယသးထီၣ်လၢအဟံၣ်ခိၣ်န့ၣ်လီၤ.―
30 အဂ့ၢ်ဒ်အံၤ, ပှၤအံၣ်စရ့လးဖိ, ဒီးပှၤယူဒၤဖိမၤထဲတၢ်အၢ လၢယမဲာ်ညါလၢ အဖိၣ်သၣ်ခွါထီၣ်လံၤလံၤလီၤ. အဂ့ၢ် ဒ်အံၤ, ပှၤအံၣ်စရ့လးဖိ, မၤထဲတၢ်ထိၣ်ဂဲၤယသးထီၣ် လၢအစုအတၢ်မၤလီၤ, ယွၤစံးဝဲဒၣ်. 31 အဂ့ၢ်ဒ်အံၤ, ဝ့ၢ်တ ဝ့ၢ်အံၤမ့ၢ်လၢယသးထီၣ်ဘၣ်အလီၢ်, ဒီးယသးကဲၤဘၣ် အလီၢ်လၢမုၢ်တနံၤလၢပှၤတ့အီၤ တုၤမုၢ်မဆါတနံၤအံၤ, ဒ်သိးယကသုးကွံာ်အီၤလၢယမဲာ်ညါ, 32 လၢပှၤအံၣ်စ ရ့လးဖိ, ဒီးပှၤယူဒၤဖိ အတၢ်အၢခဲလၢာ်လၢအမၤဝဲ ဒ်သိးအကထိၣ်ဂဲၤယသးထီၣ်, အဝဲသ့ၣ်, အစီၤပၤ, အ ပဒိၣ်ဖးဒိၣ်, အပှၤလုၢ်တၢ်အဒိၣ်, ဒီးအဝံ, ဒီးယူဒၤအပှၤ ကညီ, ဒီးပှၤယရူၤၡလ့ၣ်ဖိလီၤ. 33 အဂ့ၢ်ဒ်အံၤ, ဃၣ်ဒူၣ် ချၢအသးလၢယၤ, ဒီးတမ့ၢ်ဘၣ်အဃၣ်အမဲာ်ဆူယအိၣ် ဘၣ်. ယသိၣ်လိအီၤ, ယဂဲၤဆၢထၢၣ်ဂီၤဂီၤ, ဒီးယသိၣ် လိအီၤဘၣ်ဆၣ်ဒီး, တကနၣ်ဘၣ်ဒ်သိးကမၤလိတၢ် ဘၣ်. 34 မ့ၢ်အပာ်တၢ်သးဘၣ်အၢအလီၢ်လၢဟံၣ်ပူၤလၢ တၢ်ကိးအီၤလၢယမံၤ, ဒ်သိးအကမၤဘၣ်အၢအီၤလီၤ.―
35 ဒီးမၤထီၣ်ဘဧၤလးအလီၢ်ထီၣ်ထီလၢ ကစၢၢ်ကဆူး ဟံၣ်နိၣ်အပူၤဒ်သိးအကဒုးခီဂာ်အဖိမုၣ်, ဒီးအဖိခွါလၢ မ့ၣ်အူဆူမိလး, လၢယတမၤလိာ်ဘၣ်, ဒီးတအိၣ်ထီၣ် ဘၣ်လၢယသးကံၢ်ပူၤဘၣ်. မၤဝဲလၢတၢ်သးဘၣ်အၢ တမံၤန့ၣ်ဒ်သိးအကဒုးမၤပှၤယူဒၤဖိလၢတၢ်ဒဲးဘးလီၤ.
36 ဘၣ်ဆၣ်ဒီးခဲကနံၣ်အံၤ, ယွၤအံၣ်စရ့လးအကစၢ်စံး လၢဝ့ၢ်တဝ့ၢ်အံၤလၢသုစံးလၢ တၢ်ကဟ့ၣ်လီၤကွံာ်အီၤ လၢဘၤဘူၤလိၣ်အစီၤပၤအစုပူၤလၢနးဧိၤဘီဧိၤ, ဒီးလၢ တၢ်သၣ်ဝံၤလီၤဒိ, ဒီၤလၢတၢ်သံသတြိာ်အဂ့ၢ်အကျိၤ ဒ်အံၤ, 37 ကွၢ်ကွၢ်, ယကထၢဖှိၣ်ပှၤဝ့ၢ်ဖိ, လၢကီၢ်ခဲလၢာ် အပူၤဖဲယဟီထီၣ်ကွံာ်အီၤလၢယသးထီၣ်, ဒီးယသး ကဲၤထီၣ်, ဒီးယသးကိၢ်လူး, ဒီးယကဒုးဟဲက့ၤအီၤဆူ တၢ်အလီၢ်ဖဲအံၤ, ဒီးယကဒုးအိၣ်ဒုးဆိးအီၤ ဒီးတၢ်
38 သန့ၤအသးအလီၢ်လီၤ. ဒီးကကဲထီၣ်ယပှၤဂီၢ်မုၢ်, ဒီး ယကကဲထီၣ်အကစၢ်, 39 ဒီးယကဟ့ၣ်လီၤအီၤလၢအ သးတဖျၢၣ်ဃီ ဒ်သိးအကပျံၤယၤလီၤထူလီၤယိာ်လၢအ တၢ်ဂ့ၤအဂီၢ်, ဒီးလၢအဖိလၢအလီၢ်ခံအဂီၢ်လီၤ. 40 ဒီး ယကအၢၣ်လီၤအီလီၤ တၢ်အၢၣ်လီၤအီလီၤအထူအယိာ် ဒီးအီၤ, ဒီးလၢယမၤအီၤလၢတၢ်ဂ့ၤန့ၣ် ယတဃၣ်ကွံာ် ဘၣ်ယသးလၢအီၤဘၣ်. ဒီးယကပာ်ယတၢ်ပျံၤလၢအ သးကံၢ်ပူၤဒ်သိးအသုတဟးဖးဒီးယၤတဂ့ၤ. 41 ဒီးယက သးခုလၢအဖီခိၣ် ဒ်သိးယကမၤဂ့ၤအီၤ, ဒီးယကပာ်အီၤ လၢကီၢ်တဘ့ၣ်အံၤအပူၤသပှၢ်တၢၢ်, လၢယသးဒီဖျၢၣ် ဒီးလၢယသးတုၤအလၢာ်လီၤ.
42 အဂ့ၢ်ဒ်အံၤ, ယွၤစံးဒ်အံၤ, ဒ်ယဒုးဘၣ်ပှၤဂီၢ်မုၢ်အံၤ လၢတၢ်အၢဖးဒိၣ်အံၤခဲလၢာ်အသိးန့ၣ် ယကဒုးဘၣ်အီၤ လၢကယဲၢ်တၢ်ဂ့ၤလၢယစံးဘၣ်အီၤ ဒ်န့ၣ်အသိးခဲလၢာ် လီၤ.
43 ဒီးပှၤကပှ့ၤဟီၣ်ခိၣ်အကဝီၤတဖၣ် လၢကီၢ်တဘ့ၣ်အံၤ အပူၤလၢသုစံးလၢအဂ့ၢ်, ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ် ဂ့ၤ, တအိၣ်ဘၣ်လၢအပူၤ, ဒီးအိၣ်သယုၢ်ဝဲန့ၣ်, တၢ်ဟ့ၣ် လီၤကွံာ်အီၤဆူပှၤက့ၤစ့းဖိအစုပူၤန့ၣ်လီၤ. 44 ဒီးပှၤကပှ့ၤ ဟီၣ်ခိၣ်အကဝီၤတဖၣ်လၢစ့, ဒီးကွဲးအမံၤလၢလံာ်ပူၤ, ဒီးစဲဃာ်ပနီၣ်အီၤ, ဒီးဟံးန့ၢ်ပှၤအုၣ်အသးလၢဘံၣ်ယၤ မံၣ်အကီၢ်ပူၤ, ဒီးလၢတၢ်အလီၢ်အိၣ်ဝးတရံးယရူၤၡလ့ၣ် လၢခိ, ဒီးလၢယူဒၤအဝ့ၢ်တဖၣ်အပူၤ, ဒီးလၢကစၢၢ် ကလိအဝ့ၢ်တဖၣ်အပူၤ, ဒီးလၢကစၢၢ်ကဆူးအဝ့ၢ်တ ဖၣ်အပူၤ, ဒီးလၢတၢ်လၢကလံၤထံးအဝ့ၢ်တဖၣ်အပူၤ လီၤ. အဂ့ၢ်ဒ်အံၤ ယကဒုးဟဲက့ၤကဒါက့ၤအီၤလၢအ လဲၤကဲကုၢ်န့ၣ်လီၤ. ယွၤစံးဝဲဒၣ်.
33၃၃
1 ဒီးလၢစီၤယံးရမံယၤ အိၣ်ကးတံာ်ဃာ်ဒံးအသးလၢ ဃိာ်အဂၢၤပူၤန့ၣ်ယွၤအကလုၢ်ဘၣ်အီၤ ပှဲၤထီၣ်ခံဘျီ တဘျီ, ဒီးစံးဝဲဒၣ်, 2 ယွၤလၢအမၤတၢ်စံးဒ်အံၤ, ယွၤလၢ အမၤဝဲ, ဒ်သိးအကအိၣ်ကျၢၤဝဲ, ယွၤမ့ၢ်အမံၤလီၤ. 3 ကိး ထီၣ်ယၤတက့ၢ်, ဒီးယကစံးဆၢနၤ, ဒီးယကဒုးနဲၣ်နၤ လၢတၢ်အဒိၣ်အထီ, ဒီးတၢ်လီၤလးတဖၣ်, လၢနတ သ့ၣ်ညါဘၣ်လီၤ. 4 အဂ့ၢ်ဒ်အံၤ, ယွၤအံၣ်စရ့လးအက စၢ်စံးဒ်အံၤ, လၢဝ့ၢ်အံၤအဟံၣ်တဖၣ်အဂ့ၢ်, ဒီးလၢယူ ဒၤအစီၤပၤတဖၣ်အဟံၣ်လၢပှၤရူာ်လီၤကွံာ်လၢ နီၣ်ခး တၢ်မိၢ်ပှၢ်အဂီၢ်, ဒီးလၢပှၤသုးဖိစိာ်နးအဂီၢ်န့ၣ်, 5 ပှၤ ဟဲဒုးတၢ်ဒီးပှၤက့ၤစ့းဖိဒီး ဒ်သိးအကမၤပှဲၤတၢ်ဒီးပှၤက ညီအစိၣ်လၢယမၤသံအီၤလၢယသးထီၣ်, ဒီးလၢယသး ကဲၤထီၣ်လီၤ. အဂ့ၢ်ဒ်အံၤ, မ့ၢ်လၢပှၤခဲလၢာ်အတၢ်ဒဲးဘး အဃိဒီး, ယပာ်တဒၢယမဲာ်လၢဝ့ၢ်အံၤလီၤ. 6 ကွၢ်ကွၢ်, ယကဒုးအိၣ်ဆူၣ်မၤကဲအီၤ, ဒီးယကမၤဘျါက့ၤအီၤ, ဒီးယကလီၣ်ဖျါတၢ်ဃူတၢ်ဖိး, ဒီးတၢ်မ့ၢ်တၢ်တီအါအါ ကလဲာ်လၢအီၤလီၤ. 7 ဒီးယကဒုးဟဲက့ၤပှၤယူဒၤဖိလၢ အလဲၤကဲကုၢ်, ဒီးအံၣ်စရ့လးလၢအလဲၤကဲကုၢ်, ဒီးယ ကမၤထီၣ်အီၤဒ်လၢအခီၣ်ထံးအသိးန့ၣ်, 8 ဒီးယကသ့ စီတၢ်ကမၣ်ခဲလၢာ်လၢအလိၤလၢအမၤကမၣ်ဘၣ်ယၤ, ဒီးယကပျၢ်အတၢ်ဒဲးဘးခဲလၢာ် လၢအမၤကမၣ်ဘၣ် ယၤ, ဒီးလၢအပူထီၣ်ထီဒါယၤလီၤ. 9 ဒီးကကဲထီၣ်တၢ် သူၣ်ဖှံသးညီအမံၤလၢယဂီၢ်, တၢ်စံးထီၣ်ပတြၢၤအလီၢ်, ဒီးတၢ်လၤကပီၤအလီၢ်လၢ ပှၤကလုာ်လၢဟီၣ်ခိၣ်ချၢ ခဲလၢာ်အမဲာ်ညါလၢ အနၢ်ဟူကယဲၢ်တၢ်ဂ့ၤလၢယမၤ အီၤလီၤ. ဒီးကပျံၤဝဲ, ဒီးကကနိးဝဲလၢတၢ်ဂ့ၤခဲလၢာ်အ ဃိ, ဒီးလၢတၢ်ဘီၣ်တၢ်ညီခဲလၢာ်အဃိလၢယဒုးဘၣ် အီၤလီၤ.
10 ယွၤစံးဒ်အံၤ, တၢ်အလီၢ်အံၤလၢသုစံးလၢပှၤကညီမ့ၢ် ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တအိၣ်ဘၣ်လၢအပူၤ, အိၣ်သ ယုၢ်ဝဲန့ၣ်လၢယူဒၤအဝ့ၢ်တဖၣ်အပူၤ, ဖဲပှၤကညီတအိၣ်, ဖဲပှၤအိၣ်ဝဲဆိးဝဲမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတအိၣ်ဘၣ်, ဒီး အိၣ်သယုၢ်ဝဲန့ၣ်, တၢ်ကနၣ်ဟူကဒီးလၢအပူၤ, 11 တၢ် သူၣ်ဖှံသးညီအသီၣ်, ဒီးတၢ်သူၣ်ခုသးခုအသီၣ်, တလး မူးပိာ်ခွါအသီၣ်, ဒီးတလးမူးပိာ်မုၣ်အသီၣ်, ပှၤအသီၣ် လၢအစံး, စံးထီၣ်ပတြၢၤတၢ်သုးမုၢ်ဂီၢ်မုၢ်အယွၤတက့ၢ်. အဂ့ၢ်ဒ်အံၤ, ဂ့ၤဝဲလီၤ. မ့ၢ်အဘျုးအဖှိၣ်အိၣ်ဝဲလီၤစိၤလီၤ ထီလီၤ. ပှၤအသီၣ်ဒၣ်လဲာ်လၢအဟဲစိာ်တၢ်လုၢ်စံးထီၣ် ပတြၢၤဆူယွၤအဟံၣ်ပူၤလီၤ. အဂ့ၢ်ဒ်အံၤ, ယကဒုးဟဲ က့ၤပှၤကီၢ်ဖိလၢအလဲၤကဲကုၢ်, ဒ်လၢအခီၣ်ထံးအသိး န့ၣ်လီၤ, ယွၤစံးဝဲဒၣ်, 12 တၢ်သုးမုၢ်ဂီၢ်မုၢ်အယွၤစံးဝဲဒ်အံၤ, တၢ်အလီၢ်ဖဲအံၤလၢပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တအိၣ်ဘၣ်, ဒီးအိၣ်သယုၢ်ဝဲန့ၣ်, ပှၤကွၢ်သိလၢအဒုး ကိာ်လီၤအသိဒီးမဲာ်တဲးလဲးတဖၣ် အအိၣ်အဆိးအလီၢ် န့ၣ်ကအိၣ်ကဒီးဝဲ, ဒီးလၢအဝ့ၢ်တဖၣ်ခဲလၢာ်အပူၤန့ၣ် လီၤ. 13 လၢကစၢၢ်ကလိအဝ့ၢ်တဖၣ်, လၢတၢ်ပျီပူၤအ ဝ့ၢ်တဖၣ်, ဒီးလၢတၢ်လၢကလံၤထံးအဝ့ၢ်တဖၣ်, ဒီးလၢ ဘံၣ်ယၤမံၣ်အကီၢ်ပူၤ, ဒီးလၢတၢ်အလီၢ်အိၣ်ဝးတရံး ယရူၤၡလ့ၣ်လၢခိ, ဒီးလၢယူဒၤအဝ့ၢ်တဖၣ်အပူၤန့ၣ်သိ ဒီးမဲာ်တဲးလဲးတဖၣ်ကလဲၤတြူာ်ကဒီးလၢ ပှၤလၢအဂံၢ် အီၤအစုဖီလာ်လီၤ, ယွၤစံးဝဲဒၣ်.
14 ယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲလၢယကမၤတၢ် ဂ့ၤတမံၤလၢယစံးပာ်ပှၤအံၣ်စရ့လးဖိ, ဒီးပှၤယူဒၤဖိ လီၤ. 15 တၢ်လၢမုၢ်နံၤတဖၣ်, ဒီးတၢ်လၢအကတီၢ်န့ၣ်, ယကဒုးမဲထီၣ်တၢ်တီအဒ့တဒ့လၢစီၤဒၤဝံး, ဒီးကမၤ တၢ်စံၣ်ညီၣ်, ဒီးတၢ်တီတၢ်လိၤလၢဟီၣ်ခိၣ်ချၢလီၤ. 16 လၢ မုၢ်နံၤတဖၣ်န့ၣ်ယူဒၤကတုၤလၢ တၢ်အုၣ်က့ၤခီၣ်က့ၤ အီၤ, ဒီးယရူၤၡလ့ၣ်ကအိၣ်ကဆိးဒီး တၢ်သန့ၤအသး အလီၢ်, ဒီးလၢအအံၤတၢ်ကကိးအီၤ, ယွၤပတၢ်တီတၢ် လိၤန့ၣ်လီၤ. 17 အဂ့ၢ်ဒ်အံၤ, ယွၤစံးဒ်အံၤ, စီၤဒၤဝံးအပှၤက ညီလၢအကဆ့ၣ်နီၤလၢ အံၣ်စရ့လးအဟံၣ်အလီၢ်ပစိာ် အဖီခိၣ်န့ၣ်ကအိၣ်ဝဲ, 18 ဒီးပှၤလုၢ်တၢ်အဒိၣ်, ဒီးပှၤလ့ၤ ဝံဖိလၢအလုၢ်တၢ်လုၢ်မ့ၣ်အူ, ဒီးဆိၣ်ကဲၤတၢ်မၤဘူၣ်, ဒီးလၢ်တၢ်လုၢ်ကိးမုၢ်နံၤဒဲးန့ၣ် ကအိၣ်ဝဲလၢယမဲာ်ညါ လီၤ. ဒီးယွၤအကလုၢ်ဘၣ် စီၤယံးရမံယၤ ဒီးစံးဝဲဒၣ်,
20 ယွၤစံးဒ်အံၤ, သုမၤဟးဂီၤယတၢ်အၢၣ်လီၤအီလီၤဒီးမုၢ် နံၤ, ဒီၤယတၢ်အၢၣ်လီၤအီလီၤဒီးမုၢ်နၤတုၤမုၢ်နံၤ ဒီးမုၢ် နၤတအိၣ်ဘၣ်လၢအဆၢကတီၢ်န့ၣ်မ့ၢ်သ့ဒီး, 21 ယတၢ် အၢၣ်လီၤအီလီၤဒီးယခ့ယပှၤစီၤဒၤဝံးလၢ အဖိခွါကကဲ စီၤပၤလၢအလီၢ်ပစိာ်အဖီခိၣ်, ဒီးယတၢ်အၢၣ်လီၤအီလီၤ ဒီးယခ့ယပှၤပှၤလ့ၤဝံဖိ, ဒီးပှၤလုၢ်တၢ်အဒိၣ်န့ၣ်ဟးဂီၤ ကသ့လီၤ.
22 ဒ်ပဂံၢ်မူခိၣ်အသုးမုၢ်ဂီၢ်မုၢ်တသ့ဘၣ်အသိး, ဒီးဒ်ပီၣ် လဲၣ်အမဲးအဟီၣ်ပှၤဃီၣ်အီၤတသ့ဘၣ်အသိးန့ၣ်, ယ ကမၤအါထီၣ်ယခ့ယပှၤစီၤဒၤဝံးအချံအသၣ်, ဒီးပှၤလ့ၤ ဝံဖိလၢအမၤယတၢ်ဒ်န့ၣ်သိးလီၤ. ဒီးယွၤအကလုၢ်ဘၣ် စီၤယံးရမံယၤ ဒီးစံးဝဲဒၣ်,
24 တၢ်လၢပှၤဂီၢ်မုၢ်အံၤကတိၤတၢ်, ဒီးစံး, ပှၤခံဒူၣ်လၢယွၤ ဃုထၢအီၤန့ၣ်ညိကွံာ်လံဝဲလံန့ၣ် နတထံၣ်ဘၣ်ဧါ. ဒီး မၤတရီတပါယပှၤဂီၢ်မုၢ် ဒ်အတမ့ၢ်လၢၤဘၣ်ပှၤတက လုာ်လၢအမဲာ်ညါဘၣ်အသိးန့ၣ်, 25 ယွၤစံးဒ်အံၤ, ယ တၢ်အၢၣ်လီၤအီလီၤဒီးနံၤဒီးနၤ မ့ၢ်တအိၣ်လၢၤဘၣ်, ယ မ့ၢ်တပာ်ဘၣ်မူခိၣ်ဒီးဟီၣ်ခိၣ်အကလုၢ်အလၢ်ဘၣ်ဒီး,―
26 ယကညိကွံာ်စီၤယၤကိာ်အချံအသၣ်, ဒီးယခ့ယပှၤစီၤ ဒၤဝံး, ဒ်သိးယတဟံးန့ၢ်ဘၣ်အချံအသၣ် လၢပှၤပၢစီၤ အၤဘြၤဟၣ်, ဒီးစီၤအံၤစဲး, ဒီးစီၤယၤကိာ်အချံအသၣ် အဂီၢ်ဘၣ်လီၤ. အဂ့ၢ်ဒ်အံၤ, ယကဒုးဟဲက့ၤပှၤလၢအ လဲၤကဲကုၢ်, ဒီးယကသးအိၣ်အီၤလီၤ.
34၃၄
1 တုၤဘၤဘူၤလိၣ်အစီၤပၤနဘူၤကးန့စၢ်, ဒီးအသုးမုၢ် ခဲလၢာ်, ဒီးဟီၣ်ခိၣ်အဘီမုၢ်လၢအပၢဝဲခဲလၢာ်, ဒီးပှၤက လုာ်တဖၣ်ခဲလၢာ် ဒုးတၢ်ဒီးယရူၤၡလ့ၣ်, ဒီးအဝ့ၢ်တဖၣ် ဒီး, ယွၤအကလုၢ်ဘၣ်စီၤယံးရမံယၤ, ဒီးစံးဝဲဒၣ်, 2 ယွၤ အံၣ်စရ့လးအကစၢ်စံးဒ်အံၤ, လဲၤကတိၤတၢ်ဒီးယူဒၤ အစီၤပၤ, စီၤစံးဒကံယၤ, ဒီးစံးဘၣ်အီၤ, ယွၤစံးဒ်အံၤ, ကွၢ် ကွၢ်, ယကဟ့ၣ်လီၤဝ့ၢ်အံၤလၢဘၤဘူၤလိၣ်အစီၤပၤအစု ပူၤ, ဒီးအဝဲဒၣ်ကဆူးထီၣ်ကွံာ်အီၤလၢမ့ၣ်အူ, 3 ဒီးနတ ပူၤတဖျဲးဘၣ်လၢအစုပူၤဘၣ်, ဒီးတၢ်ကဖီၣ်န့ၢ်နၤသပှၢ် တၢၢ်, ဒီးဟ့ၣ်လီၤကွံာ်နၤလၢအစုပူၤ, ဒီးနမဲာ်ကထံၣ်ဘၤ ဘူၤလိၣ်အစီၤပၤအမဲာ်, ဒီးအထးခိၣ်ကကတိၤတၢ်ဒီး နထးခိၣ်, ဒီးနကလဲၤဆူဘၤဘူၤလိၣ်လီၤ. 4 ဘၣ်ဆၣ်ဒီး ကနၣ်ယွၤအကလုၢ်ကထါ, ယူဒၤအစီၤပၤစံးဒကံယၤ ဧၢ, ယွၤအကလုၢ်ကထါ, ယူဒၤအစီၤပၤစံးဒကံယၤဧၢ, ယွၤစံးလၢနဂ့ၢ်ဒ်အံၤ, နတသံဘၣ်လၢနးဘၣ်, 5 န ကသံမုာ်မုာ်, ဒီးဒ်နပၢ်တဖၣ်စီၤပၤလၢပျၢၤ, လၢအအိၣ် ဝဲလၢနမဲာ်ညါအတၢ်ဆိၣ်ကဲၤနၢမူအသိးန့ၣ် ပှၤကဆိၣ် ကဲၤတၢ်နၢမူဒ်န့ၣ်သိးလၢနဂီၢ်, ဒီးကဟီၣ်ဝဲလၢနဃိ, ဒီး စံးဝဲ, အၣ်လါ, ကစၢ်ဧၢန့ၣ်လီၤ. အဂ့ၢ်ဒ်အံၤ, ယကတိၤ လံတၢ်လံ, ယွၤစံးဝဲဒၣ်.
6 တုၤဘၤဘူၤလိၣ်အစီၤပၤအသုးမုၢ်ဒုးတၢ်ဒီး ယရူၤၡ လ့ၣ်, ဒီးယူဒၤအဝ့ၢ်ခဲလၢာ်လၢအအိၣ်လီၤတဲာ်, ဒီးလၤ ကံၣ်, ဒီးဧစ့ကၤဒီး, ဝံယံးရမံယၤစံးဘၣ်ယူဒၤအစီၤပၤ စံးဒကံယၤလၢတၢ်ကတိၤန့ၣ်ခဲလၢာ် လၢယရူၤၡလ့ၣ် အပူၤလီၤ. 7 အဂ့ၢ်ဒ်အံၤ, ဝ့ၢ်အိၣ်ဒီးအခိၣ်ဒူတဖၣ်န့ၣ် အိၣ်လီၤတဲာ်ဒံးဝဲလၢယူဒၤအဝ့ၢ်တဖၣ်အကျါလီၤ.
8 ဖဲစီၤပၤစံးဒကံယၤ အၢၣ်လီၤအီလီၤတၢ်ဒီးပှၤဂီၢ်မုၢ်ခဲ လၢာ်လၢအအိၣ်ဝဲလၢယရူၤၡလ့ၣ်အပူၤ လၢအကကိး ထီၣ်တၢ်မၤပူၤဖျဲးတၢ်, 9 ဒီးပှၤကိးဂၤဒဲးကပျၢ်အကုၢ်ပိာ် ခွါဒီးအကုၢ်ပိာ်မုၣ်လၢအမ့ၢ် ပှၤဧ့ၤဘြံၤဖိ, ဒ်သိးပှၤဧ့ၤ ဘြံၤဖိအသုတမၢကဲကုၢ်အဒီပုၢ်ဝဲၢ် တဂ့ၤအလီၢ်ခံန့ၣ် ယွၤအကလုၢ်ဘၣ်စီၤယံးရမံယၤ, 10 (ဒီးတုၤပဒိၣ်ဖးဒိၣ်, ဒီးပှၤဂီၢ်မုၢ်ခဲလၢာ်လၢအအၢၣ်လီၤအီလီၤတၢ်န့ၣ် နၢ်ဟူ ဝဲလၢပှၤကိးဂၤဒဲးဘၣ်ပျၢ်အကုၢ်ပိာ်ခွါ, ဒီးအကုၢ်ပိာ်မုၣ်, လၢအတမၢကဲကုၢ်လၢၤဘၣ်အီၤဘၣ်ဒီး, စူၢ်ဝဲ, ဒီးပျၢ်ဝဲ လီၤ. 11 မ့မ့ၢ်လၢအလီၢ်ခံန့ၣ်ဃၣ်အသး, ဒီးဒုးဟဲက့ၤ ကဒါက့ၤအကုၢ်ပိာ်ခွါဒီးအကုၢ်ပိာ်မုၣ်လၢအပျၢ်ဝဲ, ဒီးဒုး ကဲအီၤလၢကုၢ်ပိာ်ခွါ, ဒီးကုၢ်ပိာ်မုၣ်လီၤ. 12 ဒီးယွၤအက လုၢ်ဘၣ်စီၤယံးရမံယၤဒီးစံးဝဲဒၣ်,) 13 ယွၤအံၣ်စရ့လးအကစၢ်စံးဒ်အံၤ, ယအၢၣ်လီၤအီလီၤတၢ်ဒီးသုပၢ်တဖၣ် လၢမုၢ်နံၤတနံၤလၢ ယဒုးဟးထီၣ်အီၤလၢကီၢ်အဲၤကူပ တူး, လၢပှၤကုၢ်ဖိအဟံၣ်ပူၤ, ဒီးယစံး, 14 နွံနံၣ်အက တၢၢ်န့ၣ်သုဝဲကိးဂၤဒဲးဘၣ်ပျၢ် သုဒီပုၢ်ဝဲၢ်ပှၤဧ့ၤဘြံၤဖိလၢ ပှၤဆါကွံာ်အီၤလၢနၤ, ဒီးတုၤအမၤနတၢ်ဃုနံၣ်ဒီး, န ဘၣ်ပျၢ်အီၤလၢနအိၣ်လီၤ. ဒီးသုပၢ်တဖၣ်တကနၣ်ဘၣ် ယကလုၢ်ဘၣ်, ဒီးတဒိးနူၤတဒိးနၢ်ဘၣ်. 15 ဒီးလၢမုၢ်တ နံၤအံၤသုဃၣ်ဃီၤသုသး, ဒီးမၤတၢ်လိၤလၢယမဲာ်ညါ, ဒီးကိးထီၣ်တၢ်ထူၣ်ဖျဲးတဂၤလၢပှၤလၢ အဃၢၤခဲလၢာ်, ဒီးသုအၢၣ်လီၤအီလီၤတၢ်လၢဟံၣ်ပူၤလၢ တၢ်ကိးအီၤ လၢယမံၤလီၤ. 16 ဘၣ်ဆၣ်ဒီးသုဃၣ်ကဒါက့ၤသုသး, ဒီးမၤဘၣ်အၢယမံၤ, ဒီးသုဒုးဟဲက့ၤကဒါက့ၤ, ဒီးမၢကဲ ကုၢ်တဂၤအကုၢ်ပိာ်ခွါ, တဂၤအကုၢ်ပိာ်မုၣ်စုာ်စုာ်လၢ သုပျၢ်အလဲၤမၤဖဲဒၣ်အသးလီၤ.
17 မၤသးဒ်န့ၣ်ဒီးယွၤစံးဒ်အံၤ, သုတဒိကနၣ်ယကလုၢ် ဒီးကိးထီၣ်တၢ်ထူၣ်ဖျဲး, တဂၤလၢအဒီပုၢ်ဝဲၢ်, ဒီးတဂၤ လၢပှၤလၢအဃၢၤဘၣ်, ကွၢ်ကွၢ်, ယကိးထီၣ်တၢ်ထူၣ် ဖျဲးလၢသုဂီၢ်ဆူနးဧိၤဘီဧိၤ, ဒီးဆူတၢ်သၣ်ဝံၤလီၤဒိ, ဒီး ဆူတၢ်သံသတြိာ်, ဒီးယကဒုးဘၣ်သုလၢတၢ်ကိၢ်တၢ် ဂီၤလၢဟီၣ်ခိၣ်အဘီမုၢ်ခဲလၢာ်အပူၤလီၤ.
18 ဒီးပှၤလၢအလုၣ်သ့ၣ်ခါပတာ် ယတၢ်အၢၣ်လီၤအီ လီၤ, လၢအတတိၢ်န့ၢ်ဘၣ် တၢ်အၢၣ်လီၤအီလီၤအက လုၢ်လၢအအၢၣ်လီၤအီလီၤလၢယမဲာ်ညါ, ဖဲအဒီၣ်တဲာ် ကွံာ်ဂီၤဖံးဖိလၢခံခီ, ဒီးလဲၤဝဲလၢခံခီ, အဘၢၣ်စၢၤ, 19 ယူ ဒၤအပဒိၣ်ဖးဒိၣ်, ဒီးယရူၤၡလ့ၣ်အပဒိၣ်ဖးဒိၣ်, ပှၤဒ့ ဒံၣ်, ဒီးပှၤလုၢ်တၢ်အဒိၣ်, ဒီးထံဧိၤကီၢ်ဧိၤအပှၤကညီခဲ လၢာ်လၢအလဲၤတၢ်လၢ ဂီၤဖံးဖိခံခီအဘၢၣ်စၢၤန့ၣ်,―
20 ယကဟ့ၣ်လီၤအီၤလၢအဒုၣ်အဒါအစုပူၤ, ဒီးလၢပှၤ လၢအဃုအသးသမူတဖၣ်အစုပူၤ, ဒီးအစိၣ်န့ၣ်ကကဲ ထီၣ်တၢ်အီၣ်လၢမူကပိာ်လိၤ အထိၣ်အလံၣ်အဂီၢ်, ဒီး လၢဟီၣ်ခိၣ်အဆၣ်ဖိကီၢ်ဖိအဂီၢ်လီၤ. 21 ဒီးယူဒၤအစီၤ ပၤစံးဒကံယၤ, ဒီးအပဒိၣ်ဖးဒိၣ်တဖၣ်န့ၣ် ယကဟ့ၣ် လီၤကွံာ်လၢအဒုၣ်အဒါအစုပူၤ, ဒီးလၢပှၤလၢအဃုအ သးသမူအစုပူၤ, ဒီးလၢဘၤဘူၤလိၣ်အစီၤပၤအသုးမုၢ် အစုပူၤလၢအဟးထီၣ်လၢသုအိၣ်လီၤ. 22 ကွၢ်ကွၢ်, ယွၤ စံးဝဲဒၣ်, ယကမၤလိာ်တၢ်, ဒီးဒုးဟဲက့ၤအီၤဆူဝ့ၢ်အံၤ, ဒီးကဒုးတၢ်ဒီးအီၤ, ဒီးမၤန့ၢ်အီၤ, ဒီးဆူးထီၣ်ကွံာ်အီၤလၢ မ့ၣ်အူပူၤ, ဒီးယကပာ်ယူဒၤအဝ့ၢ်တဖၣ် လၢတၢ်အိၣ် သယုၢ်, အပှၤအိၣ်ဝဲဆိးဝဲလၢအပူၤတအိၣ်ဘၣ်လီၤ.
35၃၅
1 ယွၤအကလုၢ်လၢအဘၣ် စီၤယံးရမံယၤလၢယူဒၤအ စီၤပၤစီၤယိၤၡံယၤအဖိခွါ စီၤယဟိၤယါကံၣ်အမုၢ်နံၤတ ဖၣ်န့ၣ်, ဒီးစံးဝဲဒၣ်, 2 လဲၤဆူပှၤရ့ကးဖိအဟံၣ်ပူၤ, ဒီးက တိၤတၢ်ဒီးအီၤ, ဒီးဒုးဟဲအီၤဆူယွၤအဟံၣ်အဒၢးတဖျၢၣ် အပူၤ, ဒီးဟ့ၣ်အီအီၤလၢစပံးထံတက့ၢ်. 3 ဒီးယဟံး န့ၢ်စီၤဃဘၤစံနယၤအဖိခွါ စီၤယံးရမံယၤအဖိခွါစီၤယၤ စါနယၤ, ဒီးအဒီပုၢ်ဝဲၢ်, ဒီးအဖိခွါခဲလၢာ်, ဒီးစီၤရ့ကး အပှၤဟံၣ်ဖိခဲလၢာ်, 4 ဒီးယဒုးဟဲနုာ်အီၤလၢယွၤအဟံၣ် ပူၤဆူယွၤအပှၤကညီစီၤယံးကဒးလယၤအဖိခွါ စီၤဃၤ နၣ်အဖိခွါတဖၣ်အဒၢးပူၤလၢအအိၣ်ဝဲလၢ ပဒိၣ်ဖးဒိၣ် တဖၣ်အဒၢးပူၤလၢအအိၣ်ဝဲလၢ ပဒိၣ်ဖးဒိၣ်တဖၣ်အ ဒၢးဃၢၤလၢအအိၣ်ဝဲလၢ ပှၤပၢၤတြဲၤစီၤၡၤလူၣ်အဖိခွါ စီၤမၤစ့ယၤအဒၢးအဖီခိၣ်လီၤ.
5 ဒီးယပာ်သလၢပှဲၤဒီးစပံးထံ, ဒီးလီခီတဖၣ်, ဒီးယစံး အီၤ, အီစပံးထံတက့ၢ်.
6 ဒီးအဝဲသ့ၣ်တဖၣ်န့ၣ် စံးဝဲဒၣ်, ပတအီဘၣ်စပံးထံ ဘၣ်. အဂ့ၢ်ဒ်အံၤ, ပပၢ်စီၤရ့ကးအဖိခွါစီၤယိၤနဒာ်မၤ လိာ်ပှၤဒီးစံးဝဲဒၣ်, သုတအီစပံးထံတဂ့ၤ, သုဝဲ, ဒီးသုဖိ ခွါတဖၣ်လီၤထူလီၤယိာ်, အီတဂ့ၤ.
7 သုတမၤဟံၣ်တဂ့ၤ, သုတဖှံတၢ်အချံတဂ့ၤ, သုတသူၣ် စပံးအလီၢ်တဂ့ၤ. ဒီးအိၣ်ဒီးအီၤတဂ့ၤ. အိၣ်သုဝဲဆိးသု ဝဲလၢဒဲပူၤတစိၤဒၣ်သု, ဒ်သိးသုကမူအါနံၤအါသီလၢ ကီၢ်ပူၤဖဲသုမ့ၢ်ပှၤတခီဘီမုၢ်ဖိတက့ၢ်. 8 ဒီးပစူၢ်ပပၢ်စီၤ ရ့ကးအဖိခွါစီၤယိၤနဒာ်အကလုၢ်လၢ ကယဲၢ်အတၢ် မၤလိာ်ပှၤခဲလၢာ်, ဒ်သိးပသုတအီစပံးထံတစိၤဒၣ်ပှၤ, ပဝဲဒၣ်, ဒီးပမါ, ဒီးပဖိခွါ, ဒီးပဖိမုၣ်တဂ့ၤ. 9 ဒီးဒ်သိးပ သုတမၤဟံၣ်လၢ ပကအိၣ်ကဆိးလၢအပူၤတဂ့ၤ. ဒီး စပံးအလီၢ်မ့ၢ်ဂ့ၤ, ဟီၣ်ခိၣ်အကဝီၤမ့ၢ်ဂ့ၤ, တၢ်အချံအ သၣ်မ့ၢ်ဂ့ၤ, တအိၣ်ဘၣ်ဒီးပှၤဘၣ်. 10 မ့ၢ်ပအိၣ်ပဆိးလၢ ဒဲပူၤ, ဒီးပစူၢ်တ့ၢ်, ဒီးပမၤတ့ၢ်ဒ်ကယဲၢ်တၢ်လၢ ပပၢ်စီၤ ယိၤနဒာ်မၤလိာ်ပှၤအသိးန့ၣ်လီၤ. 11 ဒီးတုၤဘၤဘူၤလိၣ် အစီၤပၤနဘူၤကးန့စၢ်ဟဲထီၣ်ဆူကီၢ်ပူၤဒီး, တၢ်မၤအ သးလၢပစံး, ဟဲ, လဲၤသကိးဆူယရူၤၡလ့ၣ်အပူၤလၢပှၤ က့ၤစ့းဖိအသုးမုၢ်အမဲာ်ညါ, ဒီးပှၤစူၤရံဖိအသုးမုၢ်အမဲာ် ညါတက့ၢ်. မၤသးဒ်န့ၣ်ဒီးပအိၣ်ပဆိးလၢယရူၤၡလ့ၣ် အပူၤလီၤ.
12 တုၤနုၤတဘျီယွၤအကလုၢ်ဘၣ်စီၤယံးရမံယၤ ဒီးစံးဝဲ ဒၣ်, 13 တၢ်သုးမုၢ်ဂီၢ်မုၢ်အယွၤအံၣ်စရ့လးအကစၢ်စံးဒ် အံၤ, လဲၤစံးဘၣ်ယူဒၤအပှၤကညီ, ဒီးပှၤယရူၤၡလ့ၣ် ဖိ, သုတဒိးဘၣ်တၢ်သိၣ်က့ၤသီက့ၤဒ်သိးသုကကနၣ် ယကလုၢ်ဘၣ်ဧါ. ယွၤစံးဝဲဒၣ်. 14 စီၤရ့ကးအဖိခွါစီၤယိၤ နဒာ်အတၢ်ကတိၤလၢအမၤလိာ်အဖိခွါတဖၣ် ဒ်သိး အသုတအီစပံးထံတဂ့ၤန့ၣ် ပှၤတိၢ်န့ၢ်အီၤလီၤ. အဂ့ၢ်ဒ် အံၤ, အဝဲသ့ၣ်တအီဘၣ်ဝဲတုၤမုၢ်မဆါတနံၤအံၤ, ဒီးတိၢ် န့ၢ်အပၢ်အကလုၢ်လီၤ. ဒီးယကတိၤတၢ်ဒီးသု, ယဂဲၤ ဆၢထၢၣ်ဂီၤဂီၤဒီး ယကတိၤတၢ်ဘၣ်ဆၣ်ဒီး, သုတ ကနၣ်ဘၣ်ယကလုၢ်ဘၣ်. 15 ဒီးယမၢလီၤယခ့ယပှၤခဲ လၢာ်, ဝံတဖၣ်ဆူသုအိၣ်, ယဂဲၤဆၢထၢၣ်ဂီၤဂီၤဒီးမၢ လီၤအီၤ, ဒီးစံးဘၣ်အီၤဃၣ်ကွံာ်သုသးတဂၤလၢအကျဲ ဒၢဒၣ်ဝဲ, တဂၤလၢအကျဲအၢဒၣ်ဝဲ, ဒီးမၤဂ့ၤထီၣ်သုမၤ တၢ်တက့ၢ်. ဒီးလဲၤပိာ်ကစၢ်အဂၤတဖၣ်အခံလၢသုက မၤအတၢ်တဂ့ၤ, ဒီးသုကအိၣ်ကဆိးလၢကီၢ်အပူၤလၢ ယဟ့ၣ်သုဒီးသုပၢ်တဖၣ်လီၤ. ဘၣ်ဆၣ်ဒီးသုတဒိးနူၤ ဒိးနၢ်ဘၣ်, ဒီးသုတကနၣ်ဘၣ်ယကလုၢ်ဘၣ်. 16 စီၤရ့ ကးအဖိခွါစီၤယိၤနဒာ်အဖိခွါတဖၣ် တိၢ်န့ၢ်အပၢ်အတၢ် မၤလိာ်လၢအမၤလိာ်အီၤလီၤ. မ့မ့ၢ်ပှၤဂီၢ်မုၢ်အံၤတက နၣ်ဘၣ်ယကလုၢ်ဘၣ်. 17 မၤသးဒ်န့ၣ်ဒီးတၢ်သုးမုၢ်ဂီၢ် မုၢ်အယွၤ, အံၣ်စရ့လးအကစၢ်စံးဒ်အံၤ, ကွၢ်ကွၢ်, ယ ကဒုးဟဲဘၣ်ပှၤယူဒၤဖိဒီး ပှၤယရူၤၡလ့ၣ်ဖိခဲလၢာ်လၢ ကယဲၢ်တၢ်အၢလၢ ယကတိၤတၢ်လၢအဂ့ၢ်လီၤ. အဂ့ၢ် ဒ်အံၤ, ယကတိၤလံတၢ်, ဒီးအဝဲသ့ၣ်တကနၣ်ဘၣ်. ယကိးလံအီၤ, ဒီးအဝဲသ့ၣ်တစံးဆၢဘၣ်တၢ်ဘၣ်.
18 ဒီးစီၤယံးရမံယၤစံးဘၣ်စီၤရ့ကးအပှၤဟံၣ်ဖိ, တၢ်သုး မုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, မ့ၢ်သု စူၢ်သုပၢ်စီၤယိၤနဒာ်အတၢ်မၤလိာ်, ဒီးတိၢ်န့ၢ်အတၢ် သိၣ်က့ၤသီက့ၤခဲလၢာ်, ဒီးမၤဒ်ကယဲၢ်တၢ်လၢအမၤ လိာ်သုအသိးန့ၣ်ဒီး, 19 တၢ်သုးမုၢ်ဂီၢ်မုၢ်အယွၤ, အံၣ်စရ့ လးအကစၢ်စံးဒ်အံၤ, စီၤရ့ကးအဖိခွါစီၤယိၤနဒာ်ကအိၣ် ဒီးပှၤကညီလၢအကဆၢထၢၣ်လၢယမဲာ်ညါ လီၤထူ လီၤယိာ်လီၤ.
36၃၆
1 တၢ်မၤအသးလၢယူဒၤအစီၤပၤ စီၤယိၤၡံယၤအဖိခွါ စီၤယဟိၤယါကံၣ်အနံၣ်ပှဲၤထီၣ်လွံၢ်နံၣ်တနံၣ်န့ၣ် ယွၤ အကလုၢ်ဘၣ်စီၤယံးရမံယၤဒီးစံးဝဲဒၣ်, 2 ဟံးန့ၢ်လံာ် တထူ, ဒီးကွဲးလၢအပူၤလၢကယဲၢ်တၢ်ကတိၤလၢယ ကတိၤတ့ၢ်လၢအံၣ်စရ့လးအဂ့ၢ်, ဒီးလၢယူဒၤအဂ့ၢ်, ဒီး လၢပှၤကလုာ်ခဲလၢာ်အဂ့ၢ်, လၢမုၢ်တနံၤလၢယကတိၤ တၢ်ဒီးနၤလၢစီၤယိၤၡံယၤအမုၢ်နံၤတဖၣ် လံၤလံၤတုၤ မုၢ်မဆါတနံၤအံၤတက့ၢ်. 3 ဘၣ်တဘၣ်ယူဒၤအပှၤဟံၣ် ဖိတကနၣ်ကယဲၢ်တၢ်အၢလၢ ယတိာ်လၢယကမၤအီၤ ဒ်သိးအကဃၣ်ကွံာ်အသး တဂၤလၢအကျဲအၢဒၣ်ဝဲ, တဂၤလၢအကျဲအၢဒၣ်ဝဲ, ဒီးယကပျၢ်အတၢ်အၢ, ဒီးအ တၢ်ဒဲးဘးလီၤ.
4 ဒီးစီၤယံးရမံယၤကိးန့ၢ် စီၤန့ၤရံယၤအဖိခွါစီၤဘၤရူး, ဒီးစီၤဘၤရူး ကွဲးယွၤအကလုၢ်ခဲလၢာ်လၢအကတိၤတၢ် ဒီးစီၤယံးရမံယၤ, လၢစီၤယံးရမံယၤအထးခိၣ်လၢလံာ် တထူအပူၤလီၤ. 5 ဒီးစီၤယံးရမံယၤ မၤလိာ်စီၤဘၤရူးဒီး စံးဝဲဒၣ်, ယအိၣ်ကးတံာ်ဃာ်ယသးလီၤ. ယလဲၤဆူ ယွၤအဟံၣ်ပူၤတသ့ဘၣ်. 6 ဒီးလဲၤနဲ, ဒီးဖးယွၤအကလုၢ် လၢလံာ်တထူအပူၤလၢနကွဲးလၢယထးခိၣ်န့ၣ်, လၢ ပှၤဂီၢ်မုၢ်အနၢ်ပူၤ, လၢယွၤအဟံၣ်ပူၤဖဲတၢ်ဒုၣ်တၢ်အီၣ် အနံၤတနံၤန့ၣ်တက့ၢ်. ဒီးနဘၣ်ဖးစ့ၢ်ကီးအီၤလၢပှၤယူ ဒၤဖိလၢအဟဲထီၣ်လၢအဝ့ၢ်တဖၣ်အနၢ်ပူၤလီၤ. 7 ဘၣ် တဘၣ်ကဃ့ကညးတၢ်လၢယွၤအမဲာ်ညါ, ဒီးကဃၣ် ကွံာ်အသး, တဂၤလၢအကျဲအၢဒၣ်ဝဲ, တဂၤလၢအ ကျဲအၢဒၣ်ဝဲန့ၣ်လီၤ. အဂ့ၢ်ဒ်အံၤ, တၢ်သးထီၣ်, ဒီးတၢ် သးကဲၤထီၣ်, လၢယွၤကတိၤထီဒါပှၤဂီၢ်မုၢ်အံၤမ့ၢ်အဒိၣ် နီၢ်မးလီၤ.
8 ဒီးစီၤန့ၤရံယၤအဖိခွါစီၤဘၤရူးမၤဝဲ ဒ်ကယဲၢ်တၢ်က တိၤလၢဝံယံးရမံယၤမၤလိာ်အီၤ, ဒီးဖးယွၤအကလုၢ် လၢလံာ်ပူၤလၢယွၤအဟံၣ်ပူၤလီၤ.
9 ဒီးတၢ်မၤအသးလၢယူဒၤအစီၤပၤ ယိၤၡံယၤအဖိခွါ စီၤယဟိၤယါကံၣ်အနံၣ်ပှဲၤထီၣ်ယဲၢ်နံၣ်တနံၣ်, လါခွံ လါတလါန့ၣ် ပှၤဂီၢ်မုၢ်လၢယရူၤၡလ့ၣ်အပူၤခဲလၢာ်, ဒီးကယဲၢ်ပှၤလၢအဟဲဝဲလၢယူဒၤအဝ့ၢ်ဆူ ယရူၤၡလ့ၣ် အပူၤခဲလၢာ်, ကိးထီၣ်တၢ်ဒုၣ်တၢ်အီၣ်လၢယွၤအမဲာ် ညါလီၤ. 10 ဒီးစီၤဘၤရူးဖးစီၤယံးရမံယၤအတၢ် ကတိၤ လၢလံာ်ပူၤလၢယွၤအဟံၣ်ပူၤ, လၢပှၤကွဲးလံာ်စီၤၡၤဖၣ် အဖိခွါစီၤကမၤရယၤအဒၢးပူၤ, လၢတၢ်ဂၢၤထီၣ်ထီတ ပူၤဖဲတၢ်လဲၤနုာ်ယွၤအဟံၣ်အပဲတရီသီ, လၢပှၤဂီၢ်မုၢ် ခဲလၢာ်အနၢ်ပူၤလီၤ.
11 ဒီးစီၤၡၤဖၣ်အဖိခွါစီၤကမၤရယၤအဖိခွါ စီၤမံၤကါယၤ နၢ်ဟူယွၤအကလုၢ်ခဲလၢာ်လၢလံာ်ပူၤ, 12 ဒီးလဲၤလီၤဝဲ ဆူစီၤပၤအဟံၣ်ဆူပှၤကွဲးလံာ်အဒၢးပူၤ, ဒီးကွၢ်ကွၢ်, ပ ဒိၣ်ဖးဒိၣ်ခဲလၢာ်ဆ့ၣ်နီၤဖဲန့ၣ်, ပှၤကွဲးလံာ်စီၤအလံၡမၤ, ဒီးစီၤၡမါယၤအဖိခွါစီၤဒလါယၤ, ဒီးစီၤဧးကဘိၢ်အဖိ ခွါစီၤအ့လနၤသၣ်, ဒီးစီးၡၤဖၣ်အဖိခွါစီၤကမၤရယၤ, ဒီးစီၤစံးဒကံယၤအဖိခွါစီၤဃနၤနယၤ, ဒီးပဒိၣ်ဖးဒိၣ်ခဲ လၢာ်လီၤ. 13 ဒီးစီၤမံၤကါစံၣ်တဲၤတဲလီၤအီၤလၢ ကယဲၢ် တၢ်ကတိၤလၢအနၢ်ဟူဝဲလၢစီၤဘၤရူးဖးလံာ်လၢ ပှၤဂီၢ် မုၢ်အနၢ်ပူၤအဖၢမုၢ်လီၤ. 14 ဒီးပဒိၣ်ဖးဒိၣ်ခဲလၢာ်မၢလီၤ စီၤကူၤၡံအဖိခွါစီၤၡလ့မယၤ, စီၤနသၤနံယၤအဖိခွါစီၤ ယဟူဒံၤတဂၤဆူဘၤရူးအအိၣ်ဒီးစံးဝဲဒၣ်, ဟံးန့ၢ်လံာ် တထူန့ၣ်လၢနဖးလၢအပူၤ လၢပှၤဂီၢ်မုၢ်အနၢ်ပူၤ, ဒီးဟံး န့ၢ်လၢနစုပူၤ, ဒီးဟဲတက့ၢ်. 15 ဒီးစီၤန့ၤရံယၤအဖိခွါစီၤ ဘၤရူးဟံးန့ၢ်လံာ်တထူန့ၣ်လၢအစုပူၤ, ဒီးဟဲဆူအအိၣ် လီၤ. ဒီးအဝဲသ့ၣ်တဖၣ်န့ၣ်စံးဘၣ်အီၤ, ဆ့ၣ်နီၤ, ဒီးဖး လၢပနၢ်ပူၤတက့ၢ်. ဒီးစီၤဘၤရူးဖးဝဲလၢအနၢ်ပူၤလီၤ.―
16 ဒီးတုၤအနၢ်ဟူတၢ်ကတိၤခဲလၢာ်ဒီး, တၢ်မၤအသးလၢ အပျံၤဝဲတဂၤဒီးတဂၤ, ဒီးစံးဘၣ်စီၤဘၤရူး, ပကစံးဘၣ် စီၤပၤလၢတၢ်ကတိၤအံၤခဲလၢာ်သပှၢ်တၢၢ်န့ၣ်လီၤ. 17 ဒီး သံကွၢ်စီၤဘၤရူးဒီးစံးဝဲဒၣ်, စံးဘၣ်ပှၤ, နကွဲးတၢ်ကတိၤ အံၤခဲလၢာ်လၢအထးခိၣ်ဒ်လဲၣ်.
18 ဒီးစီၤဘၤရူးစံးဆၢအီၤ, အဝဲဒၣ်ကတိၤဝဲဒီးယၤလၢအ ထးခိၣ်, ဒီးယကွဲးလၢကသံၣ်ထံလၢလံာ်ပူၤလီၤ. 19 ဒီး ပဒိၣ်ဖးဒိၣ်တဖၣ်စံးဘၣ်စီၤဘၤရူး, လဲၤပာ်ခူသူၣ်နသး နဲဒၣ်, ဒီးစီၤယံးရမံယၤတက့ၢ်. ဒီးဒုးသ့ၣ်ညါပှၤဖဲသု အိၣ်န့ၣ်နီတဂၤတဂ့ၤ.
20 ဒီးလဲၤနုာ်ဝဲဆူစီၤပၤအအိၣ်လၢဂၢၤပူၤ, ဒီးပာ်လံာ်တ ထူလၢပှၤကွဲးလံာ်စီၤအလံၡမၤအဒၢးပူၤ, ဒီးစံၣ်တဲၤတဲ လီၤတၢ်ကတိၤခဲလၢာ်လၢစီၤပၤအနၢ်ပူၤလီၤ.
21 ဒီးစီၤပၤမၢလီၤစီၤယဟူဒံၤ ဒ်သိးအကဟဲစိာ်လံာ်တ ထူန့ၣ်, ဒီးဟံးန့ၢ်ဝဲလၢပှၤကွဲးလံာ်စီၤအလံၡမၤအဒၢးပူၤ လီၤ. ဒီးစီၤယဟူဒံၤဖးဝဲလၢစီၤပၤအနၢ်ပူၤ, ဒီးလၢပဒိၣ် ဖးဒိၣ်လၢအဆၢထၢၣ်လၢ စီၤပၤအဃၢၤတဖၣ်အနၢ်ပူၤ လီၤ.
22 ဒီးစီၤပၤဆ့ၣ်နီၤဝဲလၢတၢ်ဂိၢ်အကတီၢ်အဟံၣ်ပူၤ, လၢ လါပှဲၤထီၣ်ခွံလါတလါ, ဒီးမ့ၣ်အူကဲၤထီၣ်လၢဖၣ်က ပူၤလၢအမဲာ်ညါလီၤ. 23 ဒီးတုၤစီၤယဟူဒံၤဖးလံာ်သၢ တီၤလွံၢ်တီၤဒီး, တၢ်မၤအသးလၢအသွဲၣ်ကွံာ်လံာ်လၢ ပှၤကွဲးလံာ်အဒီတဘ့ၣ်, ဒီးဖၢလီၤကွံာ်လၢမ့ၣ်အူအိၣ် လၢဖၣ်ကပူၤတုၤလံာ်တထူလၢာ်ဝဲလီၤ. 24 ဒီးပှၤလၢအ နၢ်ဟူတၢ်ကတိၤန့ၣ်စီၤပၤမ့ၢ်ဂ့ၤ, အခ့အပှၤမ့ၢ်ဂ့ၤ, တပျံၤ ဘၣ်, ဒီးတဖှီဘၣ်အဆ့နီတဂၤဘၣ်. 25 မ့ၢ်နာ်သက့ဒ်န့ၣ် ဒီးစီၤအ့လနၤသၣ်, ဒီးစီၤဒလါယၤ, ဒီးစီၤကမၤရယၤန့ၣ် ဃ့ကညးစီၤပၤ ဒ်သိးအသုတဆူးထီၣ်ကွံာ်လံာ်တထူ န့ၣ်တဂ့ၤ, ဒီးတကနၣ်ဘၣ်အကလုၢ်ဘၣ်, 26 ဒီးစီၤပၤ မၤလိာ်စီၤဟံးမ့လ့းအဖိခွါစီၤယရၤဃမအ့လး, ဒီးစီၤ ဧၤစရံၤအ့လးအဖိခွါစီၤစရါယၤ, ဒီးစီၤဧၤဘံးဒ့လးအဖိ ခွါစီၤၡလ့မယၤ, ဒ်သိးအကဖီၣ်န့ၢ်ပှၤကွဲးလံာ်စီၤဘၤရူး, ဒီးဝံယံးရမံယၤလီၤ. ဘၣ်ဆၣ်ဒီးယွၤပာ်ခူသူၣ်အီၤလီၤ.
27 ဒီးလၢစီၤပၤဆူးထီၣ်ကွံာ်လံာ်တထူ, ဒီးတၢ်ကတိၤ လၢစီၤဘၤရူးကွဲးဝဲလၢ စီၤယံးရမံယၤအထးခိၣ်အလီၢ် ခံန့ၣ် ယွၤအကလုၢ်ဘၣ်စီၤယံးရမံယၤဒီးစံးဝဲဒၣ်, 28 ဟံး န့ၢ်ကဒိးလံာ်အထူအဂၤတထူ, ဒီးကွဲးကယဲၢ်တၢ်ကတိၤ လၢအခီၣ်ထံးလၢအလိၤလၢ အအိၣ်ဝဲလၢလံာ်ထူလၢ အခီၣ်ထံးတထူ, လၢယူဒၤအစီၤပၤစီၤယဟိၤယါကံၣ် ဆူးထီၣ်ကွံာ်န့ၣ်တက့ၢ်. 29 ဒီးနဘၣ်စံးဘၣ်ယူဒၤအစီၤ ပၤစီၤယဟိၤယါကံၣ်, ယွၤစံးဒ်အံၤ, နဆူးထီၣ်ကွံာ်လံ လံာ်တထူအံၤ, ဒီးနစံး, နကွဲးလၢအပူၤလၢဘၤဘူၤလိၣ် အစီၤပၤကဟဲသပှၢ်တၢၢ်, ဒီးမၤဟးဂီၤကီၢ်တဘ့ၣ်အံၤ, ဒီးကမၤစှီၢ်ပှၤကညီဒီးဆၣ်ဖိကီၢ်ဖိလၢအပူၤန့ၣ် မ့ၢ်အ ဘၣ်မနုၤလဲၣ်.
30 မၤသးဒ်န့ၣ်ဒီးယွၤစံးလၢယူဒၤအစီၤပၤ ယဟိၤယါ ကံၣ်အဂ့ၢ်ဒ်အံၤ, အဝဲဒၣ်တဘၣ်အိၣ်ဘၣ်ဒီးပှးလၢအ ကဆ့ၣ်နီၤလၢစီၤဒၤဝံးအလီၢ်ပစိာ်အဖီခိၣ် နီတဂၤဘၣ်. ဒီးပှၤကကွံာ်တ့ၢ်ကွံာ်အစိၣ် ဒ်သိးအကဘၣ်တၢ်ကိၢ် လၢမုၢ်ဆါခီ, ဒီးတၢ်ဂိၢ်လၢမုၢ်နၤခီလီၤ. 31 ဒီးယကအိၣ် သကိးအီၤ, ဒီးအချံအသၣ်, ဒီးအခ့အပှၤ, လၢအတၢ်အၢ အဃိ, ဒီးယကဒုးဘၣ်အီၤ, ဒီးပှၤယရူၤၡလ့ၣ်ဖိ, ဒီးယူ ဒၤအပှၤကညီလၢ ကယဲၢ်တၢ်အၢလၢယကတိၤတၢ်လၢ အဂ့ၢ်, ဒီးအဝဲသ့ၣ်တဒိကနၣ်ဘၣ်ဝဲဘၣ်လီၤ.
32 ဒီးစီၤယံးရမံယၤဟံးန့ၢ်လံၣ်တထူဒၣ်, ဒီးဟ့ၣ်ဝဲလၢ ပှၤကွဲးလံာ်စီၤန့ၤရံယၤအဖိခွါ စီၤဘၤရူးလၢအကွဲးဝဲက ယဲၢ်တၢ်ကတိၤလၢစီၤယံးရမံယၤအထးခိၣ်လၢ ယူဒၤ အစီၤပၤစီၤယဟိယါကံၣ် ဆူးထီၣ်ကွံာ်ဝဲလၢမ့ၣ်အူပူၤ န့ၣ်, ဒီးပာ်ဖှိၣ်တၢ်ကတိၤအါထံၣ်ဒ်အဝဲသ့ၣ်အသိးန့ၣ် လၢအဖီခိၣ်လီၤ.
37၃၇
1 ဒီးစီၤယိၤၡံယၤအဖိခွါစီၤစံးဒကံယၤ ကဲစီၤပၤလၢစီၤ ယဟိၤယါကံၣ်အဖိခွါ စီၤကၤနယၤအလီၢ်လၢဘၤဘူၤ လိၣ်အစီၤပၤနဘူၤကးန့စၢ် ပာ်စီၤပၤလၢကီၢ်ယူဒၤအပူၤ လီၤ. 2 ဘၣ်ဆၣ်ဒီးအဝဲဒၣ်မ့ၢ်ဂ့ၤ, အခ့အပှၤမ့ၢ်ဂ့ၤ, ကီၢ် အပှၤဂီၢ်မုၢ်မ့ၢ်ဂ့ၤ, တကနၣ်ဘၣ်ယွၤအကလုၢ်လၢအ ကတိၤဝဲလၢဝံယံးရမံယၤအစုပူၤန့ၣ်ဘၣ်. 3 ဒီးစီၤပၤစံး ဒကံယၤမၢလီၤစီၤၡလ့မယၤအဖိခွါ စီၤယဟူကၤလး, ဒီးပှၤလုၢ်တၢ်အဒိၣ်စီၤမၤစ့ယၤအဖိခွါ စီၤစဖါနယၤဆူ ဝံယံးရမံယၤအအိၣ်ဒီးစံးဝဲဒၣ်, ဘါထုကဖၣ်န့ၢ်ပဂီၢ် လၢယွၤပကစၢ်တက့ၢ်. 4 ဒီးစီၤယံးရမံယၤဟဲနုာ်, ဒီးဟးထီၣ်လၢပှၤဂီၢ်မုၢ်အကျါလီၤ. အဂ့ၢ်ဒ်အံၤ, တၢ်တဒၢနုာ်ဘၣ်အီၤလၢဃိာ်ပူၤဘၣ်.―
5 ဒီးဖၤရိၤအသုးမုၢ်ဟးထီၣ်တ့ၢ်လၢ ကီၢ်အဲၤကူပတူးအ ပူၤ, ဒီးပှၤက့ၤစ့းဖိလၢအကဝီၤဃာ် ယရူၤၡလ့ၣ်န့ၣ်နၢ် ဟူအကစီၣ်, ဒီးဟးထီၣ်ကွံာ်ဝဲလၢယရူၤၡလ့ၣ်လီၤ. ဒီးယွၤအကလုၢ်ဘၣ်ဝံယံးရမံယၤဒီးစံးဝဲဒၣ်, 6 ယွၤ အံၣ်စရ့လးအကစၢ်စံးဒ်အံၤ, သုကဘၣ်စံးဘၣ်ယူဒၤ အစီၤပၤလၢအမၢလီၤ သုဟဲသံကွၢ်တၢ်လၢယၤ, ကွၢ် ကွၢ်, ဖၤရိၤအသုးမုၢ်လၢအဟဲထီၣ်မၤစၢၤသုအံၤ ကက့ၤ ကဒါက့ၤဆူအကီၢ်ဒၣ်ဝဲအပူၤလီၤ. 8 ဒီးပှၤက့ၤစ့းဖိက ဟဲကဒီး, ဒီးဒုးတၢ်ဒီးဝ့ၢ်အံၤ, ဒီးမၤန့ၢ်အီၤ, ဒီးဆူးထီၣ် ကွံာ်အီၤလၢမ့ၣ်အူလီၤ. 9 ယွၤစံးဒ်အံၤ, လီလီၤသုသး လၢသုစံး, ပှၤက့ၤစ့းဖိကဟးထီၣ်လၢ ပအိၣ်သပှၢ်တၢၢ် န့ၣ်တဂ့ၤ. အဂ့ၢ်ဒ်အံၤ, တဟးထီၣ်ဘၣ်ဝဲဘၣ်. 10 အဂ့ၢ် ဒ်အံၤ, သုမ့ၢ်ကျီပှၤက့ၤစ့းဖိအသုးမုၢ်ခဲလၢာ်လၢ အဒုး တၢ်ဒီးသု, ဒီးအိၣ်လီၤတဲာ်ဝဲထဲပှၤလၢ အဘၣ်ဆဲးလၢ အကျါဘၣ်ဆၣ်ဒီး, ကဂဲၤဆၢထၢၣ်တဂၤလၢအဒဲဒၣ် ဝဲ, တဂၤလၢအဒဲဒၣ်ဝဲ, ဒီးဆူးထီၣ်ကွံာ်ဝ့ၢ်အံၤလၢမ့ၣ် အူလီၤ.
11 ဒီးတုၤပှၤက့ၤစ့းဖိအသုးမုၢ် ဟးထီၣ်ကွံာ်လၢယရူၤၡ လ့ၣ်လၢဖၤရိၤအသုးမုၢ်အဃိဒီး, 12 တၢ်မၤအသးလၢစီၤ ယံးရမံယၤဟးထီၣ်လၢယရူၤၡလ့ၣ် ဒ်သိးအကလဲၤဆူ ဘံၣ်ယၤမံၣ်အကီၢ်ပူၤ ဒ်သိးအကမၤန့ၢ်အဂီၢ်လၢပှၤဂီၢ် မုၢ်အကျါလီၤ. 13 ဒီးအိၣ်ဝဲလၢဘံၣ်ယၤမံၣ်အပဲတရီအ ဖၢမုၢ်ဒီး, ပှၤပၢၤတၢ်ဖိအခိၣ်တဂၤအိၣ်ဝဲဖဲန့ၣ်, အမံၤ မ့ၢ်စီၤယရံယၤ, စီၤၡလ့မယၤအဖိခွါစီၤဃနနယၤ, အဖိ ခွါလီၤ. ဒီးဟံးဃာ်ဝံယံးရမံယၤဒီးစံးဝဲဒၣ်, နကလဲၤ ဆူပှၤက့ၤစ့းဖိအအိၣ်န့ၣ်လီၤ.
14 ဒီးစီၤယံးရမံယၤစံးဝဲဒၣ်, မ့ၢ်တၢ်ကတိၤကဘျံးက ဘျၣ်လီၤ. ယတလဲၤဘၣ်ဆူပှၤက့ၤစ့းဖိအအိၣ်ဘၣ်. ဘၣ် ဆၣ်ဒီးစီၤယရံယၤတဒိကနၣ်ဘၣ်အကလုၢ်ဘၣ်, ဒီး ဟံးဃာ်စီၤယံးရမံယၤ, ဒီးဟဲစိာ်အီၤဆူပဒိၣ်ဖးဒိၣ်အ အိၣ်လီၤ. 15 ဒီးပဒိၣ်တဖၣ်န့ၣ်သးထီၣ်ဘၣ်စီၤယံးရမံ ယၤ, ဒီးတီၢ်အီၤ, ဒီးဒၢနုာ်အီၤလၢဃိာ်ပူၤလၢပှၤကွဲးလံာ် စီၤယိနၤသၣ်အဟံၣ်ပူၤလီၤ. အဂ့ၢ်ဒ်အံၤ, ပာ်ဟံၣ်အဝဲ န့ၣ်လၢဃိာ်လီၤ.
16 ဒီးတုၤစီၤယံးရမံယၤလဲၤနုာ်လၢဟံၣ်အတၢ်ပူၤ, ဒီးလၢ တၢ်ကဆူးပူၤဒီး, အိၣ်ဝဲဖဲန့ၣ်အါနံၤအါသီလီၤ. 17 ဒီး စီၤပၤစံးဒကံယၤမၢလီၤတၢ်, ဒီးဟံးထီၣ်က့ၤအီၤ, ဒီးစီၤ ပၤသံကွၢ်ခူသူၣ်အီၤလၢအဟံၣ်ပူၤ, ဒီးစံးဝဲဒၣ်, တၢ်အ ကလုၢ်လၢယွၤန့ၣ်အိၣ်ဝဲစ့ၢ်ကီးဧါ. ဒီးစီၤယံးရမံယၤစံး ဝဲဒၣ်, အိၣ်ဝဲလီၤ. အဂ့ၢ်ဒ်အံၤ, စံးဝဲဒၣ်, တၢ်ကဟ့ၣ်လီၤ ကွံာ်နၤဆူဘၤဘူၤလိၣ်အစီၤပၤအစုပူၤလီၤ.
18 ဒီးစီၤယံးရမံယၤစံးဘၣ်စီၤပၤစံးဒကံယၤ, နၤမ့ၢ်ဂ့ၤ, န ခ့နပှၤမ့ၢ်ဂ့ၤ, ပှၤဂီၢ်မုၢ်အံၤမ့ၢ်ဂ့ၤ, ယမၤကမၣ်ဘၣ်သု လၢသုဒၢနုာ်ယၤလၢ ဃိာ်ပူၤန့ၣ်မ့ၢ်မနုၤတမံၤလဲၣ်. 19 ဒီး ဝံတဖၣ်လၢအကတိၤတၢ်လၢဝံကျိာ်ဒီးသုဒီးစံးဝဲ, ဘၤ ဘူၤလိၣ်အစီၤပၤတဟဲထီဒါသု, တဟဲထီဒါကီၢ်အံၤ ဘၣ်န့ၣ်မ့ၢ်အအိၣ်ဖဲလဲၣ်. 20 ဒီးခဲကနံၣ်အံၤ, ယကစၢ်စီၤ ပၤဧၢ, ကနၢ်လၢ်တက့ၢ်, မ်ယဃ့ကညးတၢ်ဘၣ်နသးဒ် သိးနသုတဒုးက့ၤက့ၤယၤဆူ ပှၤကွဲးလံာ်စီၤယိနၤသၣ် အဟံၣ်ပူၤတဂ့ၤ, ယကသံဘၣ်ဖုးဖဲန့ၣ်လီၤ.
21 ဒီးစီၤပၤစံးဒကံယၤမၤလိာ်ဝဲလၢ ပှၤကပာ်စီၤယံးရမံ ယၤလၢဃိာ်အဂၢၤပူၤ, ဒီးလၢပှၤကဟ့ၣ်လီၤအီၤလၢ ကိၣ်တလိၣ်လၢပှၤကုၢ်ကိၣ်အကျဲပူၤ ကိးမုၢ်နံၤဒဲးတုၤ ကိၣ်လၢဝ့ၢ်ပူၤလၢာ်ဝဲလီၤ. ဒီးစီၤယံးရမံယၤအိၣ်ဝဲဆိး ဝဲလၢဃိာ်အဂၢၤပူၤလီၤ.
38၃၈
1 ဒီးစီၤမးတၣ်အဖိခွါစီၤၡဖၤတယၤ, ဒီးစီၤပၣ်ၡဃူၢ်အ ဖိခွါစီၤကဒါလယၤ, ဒီးစီၤၡလ့မယၤအဖိခွါစီၤယူကၤ လး, ဒီးစီၤမၤကလံယၤအဖိခွါစီၤပၣ်ၡဃူၢ်နၢ်ဟူတၢ်က တိၤလၢစီၤယံးရမံယၤကတိၤဝဲ ဒီးပှၤဂီၢ်မုၢ်လၢအစံးဝဲ,―
2 ယွၤစံးဒ်အံၤ, ပှၤလၢအအိၣ်ဝဲဆိးဝဲလၢဝ့ၢ်အံၤအပူၤန့ၣ် ကသံဝဲလၢနးဧိၤဘီဧိၤ, လၢတၢ်သၣ်ဝံၤလီၤဒိ, ဒီးလၢတၢ် သံသတြိာ်လီၤ. မ့မ့ၢ်ပှၤလၢအဟးထီၣ်ဆူပှၤက့ၤစ့းဖိ အအိၣ်န့ၣ်ကမူဝဲလီၤ, မ့ၢ်မးအသးသမူကကဲထီၣ်အ တၢ်ဂုာ်န့ၢ်, ဒီးကမူဝဲလီၤ. 3 ယွၤစံးဒ်အံၤ, တၢ်ကဟ့ၣ် လီၤကွံာ်ဝ့ၢ်အံၤလၢဘၤဘူၤလိၣ်အစီၤပၤ အသုးမုၢ်အစု ပူၤသပှၢ်တၢၢ်, ဒီးကမၤန့ၢ်အီၤလီၤ.
4 ဒီးပဒိၣ်ဖးဒိၣ်တဖၣ်စံးဘၣ်စီၤပၤ, မ်ပှၤတဂၤအံၤဘၣ် တၢ်မၤသံအီၤတက့ၢ်. အဂ့ၢ်ဒ်အံၤ, မ့ၢ်အကတိၤတၢ်ဒီး အီၤဒ်တၢ်ကတိၤတဖၣ်န့ၣ်အသိးဒီး, မၤစၢ်လီၤဝဲပှၤသုး ဖိအစုလၢအအိၣ်လီၤတဲာ်လၢဝ့ၢ်ပူၤ, ဒီးပှၤဂီၢ်မုၢ်ခဲလၢာ် အစုလီၤ. အဂ့ၢ်ဒ်အံၤ, တမ့ၢ်ဘၣ်ပှၤတဂၤအံၤဃုပှၤဂီၢ်မုၢ် အံၤအတၢ်ဃူတၢ်ဖိးဘၣ်, မ့ၢ်တၢ်မၤဟးဂီၤအီၤတခီလီၤ.
5 ဒီးစီၤပၤစံးဒကံယၤစံးဝဲဒၣ်, ကွၢ်ကွၢ်, အိၣ်ဝဲလၢသုစု ပူၤလီၤ. အဂ့ၢ်ဒ်အံၤ, စီၤပၤမၤတၢ်ထီဒါသုတသ့ဘၣ်နီ တမံၤဘၣ်. 6 ဒီးအဝဲသ့ၣ်ဟံးဃာ်စီၤယံးရမံယၤဒီးဒၢ နုာ်အီၤဆူစီၤဟးမ့လ့းအဖိခွါ စီၤမၤလကံယၤအတၢ်ပူၤ လၢအအိၣ်ဝဲလၢဃိာ်အဂၢၤပူၤ, ဒီးစဲၤလီၤစီၤယံးရမံယၤ လၢပျံၤတဖၣ်လီၤ. ဒီးထံတအိၣ်ဘၣ်လၢတၢ်ပူၤဘၣ်. အိၣ်ထဲကပံာ်, ဒီးစီၤယံးရမံယၤလီၤဘျၢလၢကပံာ်ကျါ လီၤ.
7 ဒီးပှၤကူၤၡးဖိစီးဧ့ၤဘ့းမ့လ့း, ပှၤဒ့ဒံၣ်ဖိလၢအအိၣ်ဝဲ လၢစီၤပၤအဟံၣ်ပူၤတဂၤနၢ်ဟူဝဲလၢ ပှၤဒၢနုာ်စီၤယံးရ မံယၤလၢတၢ်ပူၤလီၤ. ဒီးစီၤပၤဆ့ၣ်နီၤလၢဘံၣ်ယၤမံၣ် အပဲတရီအပူၤလီၤ. 8 ဒီးစီၤဧ့ၤဘ့းမ့လ့းန့ၣ်ဟးထီၣ်လၢ စီၤပၤအဟံၣ်ပူၤ, ဒီးကတိၤတၢ်ဒီးစီၤပၤ, ဒီးစံးဝဲဒၣ်, 9 ယ ကစၢ်စီၤပၤဧၢ, ပှၤတဖၣ်န့ၣ်မၤတၢ်အၢလၢကယဲၢ်တၢ် လၢအမၤဝံယံးရမံယၤလၢအဝဲသ့ၣ် တ့ၢ်လီၤကွံာ်အီၤ လၢတၢ်ပူၤ, ဒီးကသံဝဲလၢတၢ်သၣ်ဝံၤအသးအဃိလၢ တၢ်အလီၢ်ဖဲအအိၣ်ဝဲလီၤ. အဂ့ၢ်ဒ်အံၤ, ကိၣ်တအိၣ်လၢၤ ဘၣ်လၢဝ့ၢ်ပူၤဘၣ်.
10 ဒီးစီၤပၤမၤလိာ်ပှၤကူၤၡးဖိစီၤဧ့ၤဘ့းမ့လ့း, ဒီးစံးဝဲဒၣ်, ဟံးန့ၢ်ဖဲအံၤပှၤသၢဆံအိၣ်ဒီးနၤ, ဒီးဟံးထီၣ်က့ၤစီၤယံး ရမံယၤလၢတၢ်ပူၤလၢ အတချုးသံဒံးဘၣ်န့ၣ်တက့ၢ်.
11 ဒီးစီၤဧ့ၤဘ့းမ့လ့းဟံးန့ၢ်ပှၤကညီတဖၣ်အိၣ်ဒီးအီၤ, ဒီး လဲၤနုာ်လၢစီးပၤအဟံၣ်လၢ တၢ်ပာ်ဖှိၣ်စ့အဖီလာ်, ဒီး ဟံးထီၣ်ဖဲန့ၣ်လၢတၢ်ကံးညာ်လီၤလံၤ, ဒီးတၢ်အကူအ သိးလီၢ်လံၤ, ဒီးစဲၤလီၤအီၤဆူဝံယံးရမံယၤအအိၣ်လၢ တၢ်ပူၤန့ၣ်လီၤ. 12 ဒီးပှၤကူၤၡးဖိစီၤဧ့ၤဘ့းမ့လ့းစံးဘၣ်စီၤ ယံးရမံယၤ, ပာ်တၢ်ကံးညာ်ယာ်, ဒီးတၢ်ကူတၢ်သိးလီၢ် လံၤ, လၢနစုဆၢအဖီလာ် လၢပျံၤအဖီလာ်တက့ၢ်, ဒီး ဝံယံးရမံယၤမၤဝဲဒ်န့ၣ်လီၤ. 13 ဒီးပှၤစဲၤထီၣ်ကွံာ်စီၤယံး ရမံယၤလၢပျံၤတဖၣ် ဒီးထုးထီၣ်အီၤလၢတၢ်ပူၤ, ဒီးစီၤ ယံးရမံယၤအိၣ်ဝဲလၢဃိာ်အဂၢၤပူၤလီၤ.
14 ဒီးစီၤပၤစံးဒကံယၤမၢလီၤတၢ်, ဒီးဟံးန့ၢ်စီၤယံးရမံယၤ ဆူတၢ်လဲၤနုာ်ယွၤအဟံၣ်ပူၤသၢပူၤတပူၤ, ဒီးစီၤပၤစံး လၢစီၤယံးရမံယၤ, ယကသံကွၢ်နၤလၢတၢ်တမံၤ, ပာ် ခူသူၣ်ဒီးယၤလၢတၢ်နီတမံၤတဂ့ၤ.
15 ဒီးစီၤယံးရမံယၤစံးဘၣ်စီၤစံးဒကံယၤ, ယမ့ၢ်စံးဘၣ် တဲဘၣ်နၤဒီး, နကမၤသံယၤသပှၢ်တၢၢ်, တမ့ၢ်ဘၣ်ဧါ. ဒီးယမ့ၢ်ဒုးကူၣ်နၤဒီး, နတကနၣ်ဘၣ်ယကလုၢ်ဘၣ်.
16 ဒီးစီၤပၤစံးဒကံယၤဆိၣ်တၢ်ခူသူၣ် ဒီးစီၤယံးရမံယၤ, ဒီးစံးဝဲဒၣ်, ယွၤမူဝဲလၢအဟ့ၣ်လီၤပှးလၢပသးသမူအံၤ, ယတမၤသံဘၣ်နၤဘၣ်, ဒီးယတဟ့ၣ်လီၤကွံာ်ဘၣ်နၤ လၢပှၤလၢအဃုနသးသမူအစုပူၤဘၣ်.
17 တုၤနုၤတဘျီစီၤယံးရမံယၤစံးဘၣ်စီၤစံးဒကံယၤ, တၢ် သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, နမ့ၢ် လဲၤထီၣ်ဒၣ်တၢ်ဆူဘၤဘူၤလိၣ်အစီၤပၤ အပဒိၣ်ဖးဒိၣ် အအိၣ်ဒီး, နသးကမူဝဲ, ဒီးပှၤတဆူးကွံာ်ဘၣ်ဝ့ၢ်တဝ့ၢ် အံၤလၢမ့ၣ်အူဘၣ်, ဒီးနကမူ, ဒီးနပှၤဟံၣ်ဖိလီၤ. 18 မ့မ့ၢ် နမ့ၢ်တဟးထီၣ်ဘၣ်ဆူ ဘၤဘူၤလိၣ်အစီၤပၤအပဒိၣ်ဖး အအိၣ်ဘၣ်ဒီး, တၢ်ကဟ့ၣ်လီၤကွံာ်ဝ့ၢ်တဝ့ၢ်အံၤလၢပှၤ က့ၤစ့းဖိအစုပူၤ, ဒီးကဆူးထီၣ်ကွံာ်အီၤလၢမ့ၣ်အူ, ဒီး နတပူၤတဖျဲးဘၣ်လၢအစုပူၤဘၣ်.
19 ဒီးစီၤစံးဒကံယၤစံးဘၣ်စီၤယံးရမံယၤ, ယပျံၤပှၤယူ ဒၤဖိလၢအလဲၤတ့ၢ်ဒၣ်ဆူ ပှၤက့ၤစ့းဖိအအိၣ်န့ၣ်လီၤ. ကဟ့ၣ်လီၤကွံာ်ဘၣ်ဖုးယၤလၢအစုပူၤ, ဒီးပှၤကမၤယၤ တရီတပါလီၤ.
20 ဒီးစီၤယံးရမံယၤစံးဝဲဒၣ်, တဟ့ၣ်လီၤကွံာ်ဘၣ်နၤဘၣ်. စူၢ်လၢ်ယွၤအကလုၢ်လၢ ယကတိၤတၢ်ဒီးနၤတက့ၢ်. ဒီးတၢ်ကဂ့ၤထီၣ်လၢနဂီၢ်, ဒီးနသးကမူလီၤ. 21 မ့မ့ၢ်နမ့ၢ် တဟးထီၣ်ဘၣ်ဒီး, အအံၤမ့ၢ်တၢ်ကတိၤလၢ ယွၤဒုးနဲၣ် ယၤ, 22 ဒီးကွၢ်ကွၢ်, ကယဲၢ်ပှၤပိာ်မုၣ်လၢအအိၣ်လီၤ တဲာ်လၢယူဒၤအစီၤပၤအဟံၣ်ပူၤခဲလၢာ်န့ၣ် ပှၤကစိာ် ထီၣ်အီၤဆူဘၤဘူၤလိၣ်အစီၤပၤ အပဒိၣ်ဖးဒိၣ်တဖၣ် အအိၣ်, ဒီးကစံးဝဲ, နတံၤနသကိးထိၣ်ဂဲၤနၤ, ဒီးမၤနၢၤ နၤလီၤ. နခီၣ်လီၤဘျၢလၢကပံာ်ကျါ, ဒီးအဝဲသ့ၣ်ဃၣ် ကဒါက့ၤအသးလီၤ. 23 ဒီးပှၤကဟဲစိာ်နမါခဲလၢာ်ဒီးနဖိ နလံၤဆူပှၤက့ၤစ့းဖိအအိၣ်, ဒီးနတပူၤတဖျဲးဘၣ်လၢအ စုဘၣ်. ဒီးဘၤဘူၤလိၣ်အစီၤပၤအစုကဖီၣ်ဃာ်နၤ, ဒီးန ကဒုးဆူးထီၣ်ကွံာ်ဝ့ၢ်အံၤလၢမ့ၣ်အူလီၤ.
24 ဒီးစီၤစံးဒကံယၤစံးစီၤယံးရမံယၤ, ဘိးဘၣ်သ့ၣ်ညါ ပှၤကညီလၢတၢ်ကတိၤတဖၣ်အံၤနီတဂၤတဂ့ၤ, ဒီးနတ သံဘၣ်ဘၣ်. 25 ဒီးပဒိၣ်ဖးဒိၣ်တဖၣ်န့ၣ်မ့ၢ်နၢ်ဟူဝဲလၢ ယကတိၤတၢ်ဒီးနၤ, ဒီးဟဲဆူနအိၣ်, ဒီးစံးလၢနၤ, စံးဘၣ် ပှၤလၢတၢ်လၢနစံးလၢစီၤပၤတက့ၢ်, ပာ်ခူသူၣ်ဒီးပှၤတ ဂ့ၤ, ဒီးပတမၤသံဘၣ်နၤဘၣ်, ဒီးတၢ်လၢစီၤပၤစံးလၢ နၤန့ၣ်ဒီး, 26 နဘၣ်စံးဘၣ်အီၤ, ယဃ့ကညးစီးပၤဒ်သိး အသုတဒုးက့ၤယၤဆူ စီၤယိနၤသၣ်အဟံၣ်ပူၤဒ်သိးယ သုတသံဖဲန့ၣ်တဂ့ၤလီၤ.
27 ဒီးပဒိၣ်ဖးဒိၣ်ခဲလၢာ်န့ၣ်ဟဲဝဲဆူ စီၤယံးရမံယၤအအိၣ်, ဒီးသံကွၢ်အီၤ, ဒီးအဝဲဒၣ်စံးဘၣ်အီၤဒ်ကယဲၢ်တၢ်ကတိၤ လၢစီၤပၤမၤလိာ်အီၤလီၤ. ဒီးအဝဲသ့ၣ်အိၣ်ဃိကလာ်ဒီး ဟးထီၣ်လၢအအိၣ်လီၤ. အဂ့ၢ်ဒ်အံၤ, တထံၣ်ဘၣ်တၢ် ကတိၤတဖၣ်န့ၣ်ဘၣ်.
28 ဒီးစီၤယံးရမံယၤအိၣ်ဝဲလၢဃိာ်အဂၢၤပူၤ တုၤမုၢ်တနံၤ လၢပှၤမၤန့ၢ်ယရူၤှၡလ့ၣ်, ဒီးတုၤပှၤမၤန့ၢ်ယရူၤၡလ့ၣ်ဒီး, အိၣ်ဝဲလၢအပူၤလီၤ.
39၃၉
1 ယူဒၤအစီၤပၤစံးဒကံယၤအနံၣ်ပှဲၤထီၣ် ခွံနံၣ်တနံၣ်, လါဆံဆဲၣ်လါတလါန့ၣ် ဘၤဘူၤလိၣ်အစီၤပၤနဘူၤ ကးန့စၢ်, ဒီးအသုးမုၢ်ခဲလၢာ် ဟဲထီၣ်ဆူယရူၤၡလ့ၣ်ဒီး ကဝီၤဃာ်အီၤလီၤ. 2 ဒီးလၢစီၤစံးဒကံယၤအနံၣ်ပှဲၤထီၣ် တဆံတနံၣ်, လါလွံၢ်လါတလါ, လါထီၣ်ခွံနံၤတနံၤ န့ၣ်ဝ့ၢ်ဘၣ်တၢ်ဘၢၣ်ဖျိအီၤလီၤ. 3 ဒီးဘၤဘူၤလိၣ်အစီၤ ပၤအပဒိၣ်ဖးဒိၣ်ခဲလၢာ်ဟဲနုာ်ဝဲ, ဒီးဆ့ၣ်နီၤဝဲလၢပဲတ ရီတၢ်သးကံၢ်ပူၤ, ဒီးန့ရကၤလးၡရ့ၢ်စၢ်, စီၤစၤမကၢ်န ဘိ, ပှၤဒ့ဒံၣ်ဖိအခိၣ်စီၤစၢ်စကံၣ်, ပှၤမါကူးအခိၣ်, စီၤ န့ရကၤလးၡရှ့ၢ်စၢ်, ဒီးဘၤဘူၤလိၣ်အစီၤပၤအပဒိၣ်ဖး ဒိၣ်လၢအအိၣ်လီၤတဲာ်တဖၣ်န့ၣ်လီၤ.
4 ဒီးတုၤယူဒၤအစီၤပၤစံးဒကံယၤ, ဒီးပှၤသုးဖိခဲလၢာ် န့ၣ်ထံၣ်ဘၣ်အီၤဒီး, တၢ်မၤအသးလၢအဃ့ၢ်ထီၣ်ဝဲ, ဒီး ဟးထီၣ်လၢဝ့ၢ်ပူၤလၢ မုၢ်နၤလၢစီၤပၤအတၤသၣ်အလီၢ် အကျဲလၢပဲတရီအိၣ်ဝဲလၢတၢ်အဒူၣ်ခံဒူၣ် အဘၢၣ်စၢၤ, ဒီးဟးထီၣ်ဝဲလၢတၢ်ပျီပူၤအကျဲလီၤ. 5 ဒီးပှၤက့ၤစ့းအ သုးမုၢ်လူၤပိာ်အခံ, ဒီးချုးန့ၢ်စီၤစံးဒကံယၤလၢယရံၤဃိ အတၢ်ပျီပူၤ, ဒီးဖီၣ်န့ၢ်အီၤ, ဒီးစိာ်ထီၣ်အီၤဆူဘၤဘူၤ လိၣ်အစီၤပၤနဘူၤကးန့စၢ် အအိၣ်လၢ ရံးဘလၤ လၢ ကီၢ်ဃမါသးအပူၤ, ဒီးအဝဲဒၣ်စံၣ်ညီၣ်အီၤလီၤ. 6 ဒီး ဘၤဘူၤလိၣ်အစီၤပၤမၤသံ စီၤစံးဒကံယၤအဖိခွါတဖၣ် လၢအမဲာ်ညါလၢရံးဘလၤလၢကီၢ်ဃမါသးအပူၤ, ဒီး ဘၤဘူၤလိၣ်အစီၤပၤမၤသံ ကီၢ်ယူဒၤအပဒိၣ်ဖးဒိၣ်ခဲ လၢာ်လီၤ. 7 ဒီးအူခွဲးထီၣ်ကွံာ်စီၤစံးဒကံယၤအမဲာ်, ဒီးစၢ ဃာ်အီၤလၢသွဲတိၢ်ဒ်သိးအကစိာ်ထီၣ်ကွံာ်အီၤဆူ ဘၤ ဘူၤလိၣ်လီၤ. 8 ဒီးပှၤက့ၤစ့းဖိဆူးထီၣ်ကွံာ်စီၤပၤအဟံၣ်, ဒီးပှၤဂီၢ်မုၢ်အဟံၣ်တဖၣ်လၢမ့ၣ်အူ, ဒီးမၤလီၤပှီၢ်ကွံာ် ယရူၤၡလ့ၣ်အခိၣ်ဒူလီၤ.
9 ဒီးပှၤပၢၤတၢ်ဖိအခိၣ်စီၤနဘူစၢ်ရဒၣ် စိာ်မၢကဲကုၢ်ပှၤ ဂီၢ်မုၢ်လၢအအိၣ်လီၤတဲာ်လၢအအိၣ်ဝဲလၢဝ့ၢ်ပူၤ, ဒီးပှၤ လၢအလဲၤပာ်ဒၣ်တၢ်ဆူအအိၣ်, ဒီးပှၤဂီၢ်မုၢ်လၢအအိၣ် လီၤတဲာ်, ဆူဘၤဘူၤလိၣ်လီၤ. 10 ဒီးပှၤပၢၤတၢ်ဖိအခိၣ် စီၤနဘူစၢ်ရဒၣ်ပာ်လီၤတဲာ်ပှၤဖှီၣ်ဖိလၢ အတၢ်တအိၣ် ဘၣ်တနီၤလၢ ကီၢ်ယူဒၤအပူၤ, ဒီးဟ့ၣ်လီၤအီၤလၢစ ပံးလီၢ်တဖၣ်, ဒီးဟီၣ်ခိၣ်အကဝီၤတဖၣ်လၢ မုၢ်တနံၤ န့ၣ်လီၤ.
11 ဒီးဘၤဘူၤလိၣ်အစီၤပၤနဘူၤကးန့စၢ်မၤလိာ် ပှၤပၢၤ တၢ်ဖိအခိၣ် စီၤနဘူစၢ်ရဒၢ်လၢ စီၤယံးရမံယၤအဂ့ၢ် အကျိၤ, ဒီးစံးဝဲဒၣ်, 12 ဟံးန့ၢ်အီၤ, ဒီးအံးကွၢ်အီၤ, ဒီးမၤအၢ အီၤလၢတၢ်နီတမံၤတဂ့ၤ. ဒ်အကတိၤတၢ်ဒီးနၤအသိး န့ၣ် မၤအီၤဒ်န့ၣ်သိးတက့ၢ်. 13 ဒီးပှၤပၢၤတၢ်ဖိအခိၣ်စီၤ နဘူစၢ်ရဒၢ်, ဒီးပှၤဒ့ဒံၣ်ဖိအခိၣ်စီၤနဘူၡၤစဘၣ်, ဒီး ပှၤမါကူးအခိၣ်စီၤန့ရကၤလးၡရှ့ၢ်စၢ်, ဒီးဘၤဘူၤလိၣ် အစီၤပၤအပဒိၣ်ဖးဒိၣ်ခဲလၢာ်, 14 မၢလီၤတၢ်, ဒီးဟံးထီၣ် က့ၤစီၤယံးရမံယၤလၢဃိာ်အဂၢၤပူၤ, ဒီးဟ့ၣ်လီၤအီၤ လၢစီၤၡၤဖၣ်အဖိခွါစီၤအဃံကၣ်အဖိခွါ, စီၤကဒါလ ယၤအစုပူၤ ဒ်သိးအကစိာ်ထီၣ်အီၤဆူအဟံၣ်ပူၤလီၤ. ဒီး အိၣ်ဝဲဆိးဝဲလၢပှၤဂီၢ်မုၢ်အကျါလီၤ.
15 ဒီးလၢစီၤယံးရမံယၤအိၣ်ကးတံာ်ဃာ်အသးလၢ ဃိာ် အဂၢၤပူၤအဖၢမုၢ်ဒီး, ယွၤအကလုၢ်ဘၣ်အီၤ, ဒီးစံးဝဲ ဒၣ်, 16 လဲၤကတိၤတၢ်ဒီးပှၤကူၤၡးဖိစီၤဧ့ၤဘ့းမ့လ့း, ဒီးစံး, တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, ကွၢ်ကွၢ်, ယကမၤလၢထီၣ်ပှဲၤထီၣ်ယတၢ်ကတိၤလၢဝ့ၢ် အံးအဂ့ၢ်အကျိၤ လၢတၢ်အၢအဂီၢ်, တမ့ၢ်ဘၣ်လၢတၢ် ဂ့ၤအဂီၢ်ဘၣ်, ဒီးတၢ်လၢမုၢ်တနံၤန့ၣ်ကလၢထီၣ်ပှဲၤထီၣ် လၢနမဲာ်ညါလီၤ. 17 ဘၣ်ဆၣ်ဒီးယကမၤပူၤမၤဖျဲးနၤလၢ မုၢ်တနံၤန့ၣ်, ယွၤစံးဝဲဒၣ်, ဒီးတၢ်တဟ့ၣ်လီၤကွံာ်ဘၣ် နၤလၢပှၤကညီလၢနပျံၤအီၤအစုပူၤဘၣ်. 18 အဂ့ၢ်ဒ်အံၤ, ယကမၤပူၤမၤဖျဲးနၤသပှၢ်တၢၢ်, ဒီးနတလီၤဃံၤဘၣ်လၢ နးဘၣ်, မ့ၢ်နသးသမူကကဲထီၣ်တၢ်ဂုာ်န့ၢ်လၢနဂီၢ်လီၤ. အဂ့ၢ်ဒ်အံၤ, နသန့ၤနသးလၢယၤလီၤ.
40၄၀
1 လၢပှၤပၢၤတၢ်ဖိအခိၣ်စီၤနဘူစၢ်ရဒၢ်ပျၢ်စီၤယံးရမံယၤ လၢရၤမါအလီၢ်ခံန့ၣ် ယွၤအကလုၢ်ဘၣ်စီၤယံးရမံယၤ လီၤ. အဂ့ၢ်ဒ်အံၤ, စီၤနဘူစၢ်ရဒၣ်ဟံးန့ၢ်တ့ၢ်အီၤ, ဒီးစၢ ဃာ်အီၤလၢပျံၤသွဲလၢ ပှၤလၢအစိာ်ကဲကုၢ်ဆူဘၤဘူၤ လိၣ်တဖၣ်အကျါလီၤ.
2 ဒီးပှၤပၢၤတၢ်ဖိအခိၣ် ဟံးန့ၢ်စီၤယံးရမံယၤ, ဒီးစံးဘၣ် အီၤ, ယွၤနကစၢ်ကတိၤတၢ်အၢအံၤလၢတၢ်အလီၢ်အံၤ အဂ့ၢ်လီၤ. 3 ဒီးယွၤဒုးဘၣ်အီၤ, ဒီးမၤဝဲဒ်ကယဲၢ်တၢ်လၢ အစံးဝဲအသိးန့ၣ်လီၤ. အဂ့ၢ်ဒ်အံၤ, သုမၤကမၣ်ဘၣ်ယွၤ, ဒီးတဒိကနၣ်ဘၣ်အကလုၢ်ဘၣ်, မၤသးဒ်န့ၣ်ဒီးတၢ် အံၤတမံၤဘၣ်သုလီၤ. 4 ဒီးခဲကနံၣ်အံၤ, ကွၢ်ကွၢ်, ယမၤ ထူၣ်ဖျဲးနၤဒီးပျံၤသွဲလၢအအိၣ်ဝဲလၢနစုလိၤလီၤ. နဟဲဒီး ယၤဆူဘၤဘူၤလိၣ်န့ၣ် မ့ၢ်ဂ့ၤလၢနမဲာ်ညါဒီးဟဲတက့ၢ်. ဒီးယကအံးကွၢ်နၤလီၤ, ဒီးဟဲဒီးယၤဆူဘၤဘူၤလိၣ်န့ၣ် မ့ၢ်အၢလၢနမဲာ်ညါလီၤ, အိၣ်ဒၣ်နတၢ်တက့ၢ်. ကွၢ်ကွၢ်, ကီၢ်ဒီဘ့ၣ်ညါအိၣ်ဝဲလၢနမဲာ်ညါလီၤ. ဖဲအဂ့ၤဒီးအလိၤ လၢနမဲာ်ညါလၢနကလဲၤန့ၣ် လဲၤဆူန့ၣ်တက့ၢ်.
5 ဒီးတက့ၤက့ၤဒံးဘၣ်အဖၢမုၢ်ဒီး, စံးဝဲဒၣ်, က့ၤကဒါ က့ၤဆူစီၤၡၤဖၣ်အဖိခွါ, စီၤအဃံကၣ်အဖိခွါ, စီၤကဒါ လယၤအအိၣ်, လၢဘၤဘူၤလိၣ်အစီၤပၤပာ်လီၤပှၤအ ခိၣ်လၢယူဒၤအဝ့ၢ်တဖၣ်အဖီခိၣ်, ဒီးအိၣ်ဒီးအီၤလၢပှၤ ဂီၢ်မုၢ်အကျါတက့ၢ်. မ့တမ့ၢ်ဘၣ်ဒ်န့ၣ်ဒီး, ဖဲအဂ့ၤဒီး အလိၤလၢနမဲာ်ညါန့ၣ်လဲၤတက့ၢ်. ဒီးပှၤပၢၤတၢ်ဖိအ ခိၣ်န့ၣ်ဟ့ၣ်လီၤအီၤလၢတၢ်အီၣ်လၢကျဲအဂီၢ်, ဒီးခိၣ်ဖး, ဒီးပျၢ်အီၤလီၤ.
6 ဒီးစီၤယံးရမံယၤလဲၤဝဲဆူ စီၤအဃံကၣ်အဖိခွါစီၤက ဒါလယၤအအိၣ်လၢမံးစပၤအပူၤ, ဒီးအိၣ်ဝဲဒီးအီၤလၢ ပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါလီၤ.
7 ဒီးတုၤပှၤသုးဖိအခိၣ်လၢအအိၣ်ဝဲလၢ ပှၢ်လၢ်ကျါခဲ လၢာ်, အဝဲသ့ၣ်, ဒီးအပှၤကညီနၢ်ဟူဝဲလၢဘၤဘူၤလိၣ် အစီၤပၤပာ်စီၤအဃံကၣ်အဖိခွါ စီၤကဒါလယၤလၢကီၢ် အဖီခိၣ်, ဒီးပာ်လီၤပှၤပိာ်ခွါ, ဒီးပှၤပိာ်မုၣ်, ဒီးဖိဒံဖိသၣ်, ဒီးကီၢ်အပှၤဖှိၣ်ဖိယာ်ဖိတနီၤလၢအစုပူၤ, ပှၤလၢတၢ် တစိာ်မၢကဲကုၢ်ဘၣ်ဝဲဆူဘၤဘူၤလိၣ်အပူၤဘၣ်ဒီး, 8 စီၤ နသၤနံယၤအဖိခွါစီၤယံးၡမၤအ့လး, ဒီးစီၤကါရ့ၤအဖိ ခွါစီၤယိဃၤနၣ်, ဒီးစီၤယိနၤသၣ်, ဒီးစီၤတးနဃူမ့းအဖိ ခွါစီၤစရါယၤ, ဒီးပှၤနတိဖၤဖိ, စီၤဧ့ၤဖ့ၤအဖိခွါတဖၣ်, ဒီးပှၤမၤကးဖိတဂၤအဖိခွါ စီၤယစၤနယၤ, ဒီးအပှၤက ညီတဖၣ်န့ၣ် ဟဲဆူစီၤကဒါလကၤအအိၣ်လၢမံးစပၤ အပူၤလီၤ.
9 ဒီးစီၤၡဖၣ်အဖိခွါ, စီၤအဃံကၣ်အဖိခွါ, စီၤကဒါလ ယၤဆိၣ်တၢ်ဒီးအီၤ, ဒီးအပှၤကညီ, ဒီးစံးဝဲဒၣ်, ပျံၤတၢ် တဂ့ၤ, မၤပှၤက့ၤစ့းဖိအတၢ်တက့ၢ်. အိၣ်လၢကီၢ်ပူၤ, ဒီးမၤဘၤဘူၤလိၣ်အစီးပၤအတၢ်တက့ၢ်. ဒီးတၢ်ကဂ့ၤ ထီၣ်လၢသုဂီၢ်လီၤ.
10 မ့မ့ၢ်တၢ်လၢယၤအံၤ, ကွၢ်ကွၢ်, ယအိၣ်လၢမံးစပၤဒ် သိးယကမၤပှၤက့ၤစ့းဖိလၢ အကဟဲဆူပအိၣ်အတၢ် လီၤ. မ့မ့ၢ်သုဝဲသ့ၣ်ထၢဖှိၣ်စပံးထံ, ဒီးတၢ်ကိၢ်အက တီၢ်အတၤသၣ်, ဒီးသိဧိၤချါဧိၤ, ဒီးဒၢနုာ်အီၤလၢသု တၢ်ပူၤတၢ်လီၢ်အပူၤ, ဒီးအိၣ်လၢဝ့ၢ်ပူၤတဖၣ်လၢ သုမၤ န့ၢ်အီၤတက့ၢ်.
11 ဒီးတုၤပှၤယူဒၤဖိခဲလၢာ်လၢအအိၣ်ဝဲလၢ မိၤအးအပူၤ, ဒီးလၢပှၤဧၣ်မိၣ်ဖိအကျါ, ဒီးလၢအဒိၣ်အပူၤ, ဒီးပှၤလၢ အအိၣ်ဝဲလၢကီၢ်ခဲလၢာ်အပူၤန့ၣ် နၢ်ဟူဝဲလၢဘၤဘူၤ လိၣ်အစီၤပၤ ပာ်လီၤတဲာ်ပှၤလၢယူဒၤဖိအကျါ, ဒီးပာ် စီးၡၤဖၣ်အဖိခွါစီၤအဃံကၣ်အဖိခွါ စီၤကဒါလယၤလၢ အဖီခိၣ်ဒီး, 12 ပှၤယူဒၤဖိခဲလၢာ်ဟဲက့ၤဝဲလၢ အလီၢ်ဖဲ တၢ်ဟီထီၣ်ကွံာ်အီၤ, ဒီးဟဲဝဲဆူကီၢ်ယူဒၤဆူစီၤကဒါ လယၤအအိၣ်လၢမံးစပၤအပူၤ, ဒီးထၢဖှိၣ်စပံးထံ, ဒီး တၢ်ကိၢ်အကတီၢ်အတၤသၣ်အါအါကလဲာ်လီၤ.
13 ဒီးစီၤကါရ့ၤအဖိခွါစီၤယိဃၤနၣ်, ဒီးပှၤသုးဖိအခိၣ်လၢ အအိၣ်ဝဲလၢပှၢ်လၢ်ကျါခဲလၢာ် ဟဲဝဲဆူစီၤကဒါလယၤ အအိၣ်လၢမံးစပၤအပူၤ, 14 ဒီးစံးဘၣ်အီၤ, ပှၤဧၣ်မိၣ်ဖိအ စီၤပၤဘဧၤလံၣ်မၢလီၤ စီၤနသၤနံယၤအဖိခွါစီၤယံးၡ မၤအ့လးဒ်သိးအကမၤသံနၤန့ၣ် နသ့ၣ်ညါသပှၢ်တၢၢ် ဧါ. ဒီးစီၤအဃံကၣ်အဖိခွါ စီၤကဒါလယၤ တနာ်ဘၣ် ဝဲဘၣ်.
15 ဒီးစီၤကါရ့းအဖိခွါစီၤယဃနၣ် ကတိၤတၢ်ခူသူၣ်ဒီး စီၤကဒါလယၤလၢမံးစပၤအပူၤ, ဒီးစံးဝဲဒၣ်, ဒုးလဲၤလၢ် ယၤတက့ၢ်, ဒီးယတမၤသံစီၤနသၤနံယၤအဖိခွါစီၤယံး ၡမၤအ့လး, ဒီးပှၤတသ့ၣ်ညါဘၣ်နီတဂၤဘၣ်. ကမၤ သံနၤ, ဒီးပှၤယူဒၤဖိလၢအအိၣ်ဖှိၣ်လၢနအိၣ်ခဲလၢာ်က လီၤပြံလီၤပြါ, ဒီးပှၤအိၣ်လီၤတဲာ်လၢယူဒၤတဖၣ်ကဟး ဂူာ်ဟးဂီၤန့ၣ်မ့ၢ်အဘၣ်မနုၤလဲၣ်.
16 ဒီးစီၤအဃံကၣ်အဖိခွါ စီၤကဒါလယၤစံးဘၣ်စီၤကါ ရ့ၤအဖိခွါစီၤယိဃၤနၣ်, မၤတၢ်န့ၣ်တမံၤတဂ့ၤ, အဂ့ၢ် ဒ်အံၤ, နကတိၤတၢ်ကဘျံးကဘျၣ်လၢစီၤယံးၡမၤအ့လး အဂ့ၢ်လီၤ.
41၄၁
1 ဒီးတၢ်မၤအသးလၢလါနွံလါတလါန့ၣ် စီၤအလံၡမၤ အဖိခွါ, စီးနသၤနံယၤအဖိခွါ, စီၤယံးၡမၤအ့လး, စီၤ ပၤအစၢၤအသွဲၣ်တဂၤ, ဒီးစီၤပၤအပဒိၣ်ဖးဒိၣ်တဖၣ်, ဒီး ပှၤဆံဆဲၣ်ဂၤအိၣ်ဒီးအီၤန့ၣ် ဟဲဝဲဆူစီၤအဃံကၣ်အဖိ ခွါစီၤကဒါလယၤအအိၣ်, ဆူမံးစပၤအပူၤ, ဒီးအီၣ်ကိၣ် တပူၤဃီလၢမံးစပၤအပူၤလီၤ.
2 ဒီးစီၤနသၤနံယၤအဖိခွါစီၤယံးၡမၤအ့လး, ဒီးပှၤဆံ ဆဲၣ်ဂၤလၢအအိၣ်ဒီးအီၤ ဂဲၤဆၢထၢၣ်ကျီကွံာ်စီၤၡဖၣ် အဖိခွါ, စီၤအဃံကၣ်အဖိခွါ, စီၤကဒါလယၤလၢနး, ဒီး မၤသံပှၤလၢဘၤဘူၤလိၣ်အစီၤပၤပာ်လၢ ကီၢ်အဖီခိၣ် လီၤ. 3 ဒီးစီၤယံးၡမၤအ့လးမၤသံစ့ၢ်ကီးကယဲၢ်ပှၤယူဒၤ ဖိလၢအအိၣ်ဝဲဒီးစီၤကဒါလယၤ လၢမံးစပၤအပူၤခဲ လၢာ်, ဒီးပှၤက့ၤစ့းဖိအပှၤသုးဖိလၢအအိၣ်ဖဲန့ၣ်လီၤ.
4 ဒီးလၢအမၤသံစီၤကဒါလယၤအလီၢ်ခံ ပှဲၤထီၣ်ခံနံၤ တနံၤ, ဒီးပှၤတသ့ၣ်ညါဘၣ်နီတဂၤဘၣ်န့ၣ်, 5 တၢ်မၤ အသးလၢပှၤဃိးဆံဟဲဝဲလၢၡက့ၣ်, လၢၡံလိၤ, ဒီးလၢ ၡၤမရံ, ဒီးအခၣ်ဆူၣ်လူၤအသး, ဒီးအကူအသိးယာ်, ဒီး ဂဲာ်လီၤတ့ၢ်ဒၣ်အသး, ဒီးအိၣ်ဝဲဒီးတၢ်မၤဘူၣ်ကိၣ်, ဒီး လီၢ်ဘၣ်လၢအစုပူၤ ဒ်သိးကဟဲစိာ်ဝဲဆူယွၤအဟံၣ်ပူၤ လီၤ.
6 ဒီးစီၤနသၤနံယၤအဖိခွါ စီၤယံးၡမၤအ့လးလဲၤသဂၢၢ် ထီၣ်အီၤလၢမံးစပၤ, ဒီးလဲၤဟီၣ်လဲၤဟီၣ်, ဒီးတုၤအတုၤ လၢအအိၣ်ဒီး, တၢ်မၤအသးလၢအစံးဘၣ်အီၤ, ဟဲဆူစီၤ အဃံကၣ်အဖိခွါစီၤကဒါလယၤအအိၣ်တက့ၢ်.
7 ဒီးတုၤအဟဲနုာ်လၢဝ့ၢ်အသးကံၢ်ပူၤဒီး, တၢ်မၤအသး လၢစီၤနသၤနံယၤအဖိခွါ စီၤယံးၡမၤအ့လးမၤသံအီၤ, ဒီးကွံာ်လီၤကွံာ်အီၤလၢတၢ်ပူၤအသးကံၢ်ပူၤ, အဝဲဒၣ်ဒီး ပှၤကညီတဖၣ်လၢအအိၣ်ဝဲဒီးအီၤလီၤ. 8 ဘၣ်ဆၣ်ဒီးပှၤ ဆံဆဲၣ်ဂၤအိၣ်ဝဲလၢအကျါလၢ အစံးလၢစီၤယံးၡမၤအ့ လး, မၤသံပှၤတဂ့ၤ, အဂ့ၢ်ဒ်အံၤ, ပအိၣ်ဒီးဘုကၠူၣ်, ဒီးဘု မုယီၤ, ဒီးသိဧိၤချါဧိၤ, ဒီးကနဲစီပာ်ဖှိၣ်အသးလၢစံာ်ပူၤ လီၤ. ဒီးဆိတ့ၢ်ဝဲ, ဒီးတမၤသံဘၣ်အီၤလၢအဒီပုၢ်ဝဲၢ် အကျါဘၣ်.
9 ဒီးတၢ်ပူၤလၢစီၤယံးၡမၤအ့လး ကွံာ်လီၤကွံာ်ပှၤကညီ အစိၣ်လၢအမၤသံအီၤလၢအအိၣ်ဝဲလၢ စီၤကဒါလယၤ အဃၢၤန့ၣ်မ့ၢ်တၢ်ပူၤလၢ စီၤပၤအၤစါခူၣ်လီၤဝဲလၢပှၤ အံၣ်စရ့လးအစီၤပၤဘါၡၤအဃိလီၤ. စီၤနသၤနံယၤအ ဖိခွါစီၤယံးၡမၤအ့လးန့ၣ် မၤပှဲၤဝဲလၢပှၤဘၣ်တၢ်မၤသံ အီၤလီၤ.
10 ဒီးစီၤယံးၡမၤအ့လးစိာ်မၢကဲကုၢ် ကယဲၢ်ပှၤဂီၢ်မုၢ်လၢ အအိၣ်လီၤတဲာ်လၢမံးစပၤအပူၤ, စီၤပၤအဖိမုၣ် တ ဖၣ်, ဒီးကယဲၢ်ပှၤဂီၢ်မုၢ်လၢ အအိၣ်လီၤတဲာ်လၢမံးစပၤ လၢပှၤပၢၤတၢ်ဖိအခိၣ်စီၤနဘူစၢ်ရဒၣ်ပာ်လီၤဝဲလၢ စီၤ အဃံကၣ်အဖိခွါစီၤကဒါလယၤအစုပူၤလီၤ. ဒီးစီၤနသၤ နံယၤအဖိခွါစီၤယံးၡမၤအ့လးစိာ်မၢကဲကုၢ်အီၤ, ဒီးဟး ဝဲဒ်သိးအကလဲၤထီၣ်ဝဲဆူပှၤဧၣ်မိၣ်မိအအိၣ်လီၤ.
11 ဒီးတုၤစီၤကါရ့ၤအဖိခွါစီၤယိဃၤနၣ်, ဒီးပှၤသုးဖိအ ခိၣ်လၢအအိၣ်ဝဲဒီးအီၤခဲလၢာ်န့ၣ် နၢ်ဟူဝဲလၢကယဲၢ် တၢ်အၢလၢစီၤနသၤနံယၤအဖိခွါ စီၤယံးၡမၤအ့လးမၤ ဝဲဒီး, 12 ဟံးန့ၢ်ပှၤကညီခဲလၢာ်, ဒီးလဲၤဒုးတၢ်ဒီးစီၤနသၤ နံယၤအဖိခွါစီၤယံးၡမၤအ့လး, ဒီးထံၣ်န့ၢ်အီၤလၢထံဖး ဒိၣ်အဃၢၤလၢအအိၣ်ဝဲလၢကံးဘိၣ်အပူၤလီၤ. 13 ဒီးတုၤ ပှၤဂီၢ်မုၢ်လၢအအိၣ်ဝဲဒီးစီၤယံးၡမၤအ့လးခဲလၢာ် ထံၣ် ဘၣ်စီၤကါရ့ၤအဖိခွါ, စီၤယိဃၤနၣ်, ဒီးပှၤသုးမုၢ်အခိၣ် လၢအအိၣ်ဝဲဒီးအီၤခဲလၢာ်ဒီး, တၢ်မၤအသးလၢအသူၣ် ခုသးခုဝဲလီၤ. 14 ဒီးကယဲၢ်ပှၤလၢစီၤယံးၡမၤအ့လးစိာ် ထီၣ်မၢကဲကုၢ်လၢ မံးစပၤခဲလၢာ်န့ၣ်ဃၣ်ကဒါက့ၤအ သး, ဒီးဟဲက့ၤကဒါက့ၤ, ဒီးလဲၤဝဲဆူစီၤကါရ့ၤအဖိခွါ စီၤယိဃၤနၣ်အအိၣ်လီၤ. 15 ဘၣ်ဆၣ်ဒီးစီၤနသၤနံယၤ အဖိခွါစီၤယံးၡမၤအ့လး, ဒီးပှၤဃိးဂၤန့ၣ်ပူၤဖျဲးလၢစီၤ ယိဃၤနၣ်အစုပူၤ, ဒီးလဲၤဝဲဆူပှၤဧၣ်မိၣ်ဖိအအိၣ်လီၤ.
16 တုၤနုၤတဘျီစီၤကါရ့ၤအဖိခွါစီၤယိဃၤနၣ်, ဒီးပှၤသုး မုၢ်အခိၣ်လၢအအိၣ်ဝဲဒီးအီၤခဲလၢာ်, ဟံးန့ၢ်ပှၤဂီၢ်မုၢ်လၢ အအိၣ်လီၤတဲာ်လၢအမၤန့ၢ်လၢ စီၤနသၤနံယၤအဖိခွါ စီၤယံးၡမၤအ့လးအစုပူၤလၢအမၤသံ စီၤအဃံကၣ်အ ဖိခွါစီၤကဒါလယၤအလီၢ်ခံန့ၣ်, ပှၤအဆူၣ်ပှၤသုးဖိ, ဒီး ပိာ်မုၣ်, ဒီးဖိဒံဖိသၣ်, ဒီးပှၤဒ့ဒံၣ်လၢအဟဲက့ၤစိာ်လၢ ကံးဘိၣ်, 17 ဒီးဟးဝဲ, ဒီးအိၣ်ဝဲလၢကံးမဟၣ်အအိၣ်အ ဆိးအလီၢ်လၢ အအိၣ်ဝဲလၢဘ့ၤသလ့ဃ့ၢ်အဃၢၤဒ်သိး အအကလဲၤနုာ်လၢအဲၤကူပတူးအပူၤလၢ ပှၤက့ၤစ့းဖိ အဃိန့ၣ်လီၤ. 18 မ့ၢ်အပျံၤအီၤအဂ့ၢ်လီၤ. အဂ့ၢ်ဒ်အံၤ, စီၤ နသၤနံယၤအဖိခွါ စီၤယံးၡမၤအ့လးမၤသံတ့ၢ်စီၤအဃံ ကၣ်အဖိခွါစီၤကဒါလယၤလၢ ဘၤဘူၤလိၣ်အစီၤပၤ ပာ်လီၤဝဲလၢကီၢ်အဖီခိၣ်လီၤ.
42၄၂
1 ဒီးပှၤသုးမုၢ်အခိၣ်ခဲလၢာ်, ဒီးစီၤကါရ့ၤအဖိခွါစီၤယိ ဃၤနၣ်, ဒီးစီၤဟိၤၡၤယၤအဖိခွါစီၤယစါနယၤ, ဒီးပှၤဂီၢ် မုၢ်လၢအဆံးပၢၢ်လၢအဒိၣ်ခဲလၢာ်သုးဘူးအသး, 2 ဒီး စံးလၢဝံယံးရမံယၤ, မ်ပတၢ်ဃ့ကညးဘၣ်နသး, ဒီးဘါ ထုကဖၣ်န့ၢ်ယွၤနကစၢ်လၢပဂီၢ်, ပှၤအိၣ်လီၤတဲာ်အံၤခဲ လၢာ်အံၤအဂီၢ်, (အဂ့ၢ်ဒ်အံၤ, ပအိၣ်လီၤတဲာ်စှၤဂၤလၢ ပှၤအါဂၤအကျါ, ဒ်နမဲာ်ထံၣ်ဘၣ်ပှၤအသိးန့ၣ်,) 3 ဒ်သိး ယွၤနကစၢ်ကဒုးနဲၣ်ပှၤလၢကျဲလၢပကလဲၤ, ဒီးတၢ်လၢ ပကဘၣ်မၤတက့ၢ်.
4 ဒီးဝံယံးရမံယၤစံးဘၣ်အီၤ, ယနၢ်ဟူလံ, ကွၢ်ကွၢ်, ယ ကဘါထုကဖၣ်ယွၤသုကစၢ်ဒ် သုတၢ်ကတိၤအသိးန့ၣ်, ဒီးဖဲဒၣ်ယွၤကစံးဆၢသုတမံၤမံၤန့ၣ် တၢ်ကမၤအသး လၢယကစံးဘၣ်သုလီၤ, ယတပာ်တဒၢဒီးသုလၢတၢ် နီတမံၤဘၣ်.
5 ဒီးအဝဲသ့ၣ်စံးလၢစီၤယံးရမံယၤ, ပကမၤဒ်ကယဲၢ်တၢ် လၢယွၤနကစၢ်ကမၢလီၤနၤဆူပအိၣ် လၢအဂ့ၢ်အသိး န့ၣ်လီၤ. မ်ယွၤကဲထီၣ်ပှၤအုၣ်အသးအမ့ၢ်အတီလၢပ ဘၢၣ်စၢၤတက့ၢ်. 6 အဂ့ၤမ့ၢ်ဂ့ၤ, အအၢမ့ၢ်ဂ့ၤ, ပကဒိက နၣ်ယွၤပကစၢ်လၢ ပမၢလီၤနၤဆူအအိၣ်အကလုၢ်, ဒ် သိးတုၤပဒိကနၣ်ယွၤပကစၢ်အကလုၢ်ဝံၤဒီး တၢ်ကဂ့ၤ ထီၣ်လၢပဂီၢ်လီၤ.
7 ဒီးလၢဆံဆဲၣ်နံၤအလီၢ်ခံန့ၣ် တၢ်မၤအသးလၢယွၤအ ကလုၢ်ဘၣ်စီၤယံးရမံယၤလီၤ. 8 ဒီးကိးန့ၢ်စီၤကါရ့ၤအ ဖိခွါစီၤယိဃၤနၣ်, ဒီးပှၤသုးမုၢ်အခိၣ်ခဲလၢာ်လၢအအိၣ် ဒီးအီၤ, ဒီးပှၤဂီၢ်မုၢ်လၢအဆံးပၢၢ်လၢအဒိၣ်ခဲလၢာ်, 9 ဒီး စံးဝဲဒၣ်, ယွၤအံၣ်စရ့လးအကစၢ်လၢသုမၢလီၤယၤဒ် သိးယကပာ်သုတၢ်ဃ့ကညးလၢအမဲာ်ညါန့ၣ်, စံးဝဲဒ် အံၤ, 10 သုမ့ၢ်အိၣ်လၢကီၢ်အံၤအပူၤဒီး, ယကမၤထီၣ် သု, ဒီးယတမၤလီၤပှီၢ်ဘၣ်သုဘၣ်. ဒီးယကသူၣ်လီၤ သု, ဒီးယတထဲးထီၣ်ကွံာ်ဘၣ်သုဘၣ်. အဂ့ၢ်ဒ်အံၤ, ယ ပီၢ်ယၢ်လီၤက့ၤယသးလၢ တၢ်အၢလၢယမၤတ့ၢ်သု လီၤ. 11 ဘၤဘူၤလိၣ်အစီၤပၤလၢ သုပျံၤအီၤန့ၣ်ပျံၤအီၤ တဂ့ၤ, ယွၤစံးဝဲဒၣ်, ပျံၤအီၤတဂ့ၤ, အဂ့ၢ်ဒ်အံၤ, ယအိၣ် ဒီးသုဒ်သိးယကအုၣ်က့ၤခီၣ်က့ၤသု, ဒီးမၤပူၤမၤဖျဲးသု လၢအစုပူၤလီၤ. 12 ဒီးယကသးကညီၤသု, ဒီးအဝဲဒၣ်က သးကညီၤသု, ဒီးကမၢသုက့ၤကဒါက့ၤဆူသုကီၢ်ဒၣ်သု ဝဲအပူၤအပူၤလီၤ. မ့မ့ၢ်သုမ့ၢ်စံး, ပတအိၣ်ဘၣ်လၢကီၢ်အံၤအပူၤဘၣ်.
14 ဒီးတဒိကနၣ်ဘၣ်ယွၤသုကစၢ်ဘၣ်ဒီး, သုမ့ၢ်စံး, တမ့ၢ် ဘၣ်, ပကလဲၤလီၤဆူကီၢ်အဲၤကူပတူးအပူၤဖဲပတထံၣ် ဘၣ်တၢ်ဒုးသုးဘၣ်, ဒီးတနၢ်ဟူဘၣ်ကွဲၤအသီၣ်ဘၣ်, ဒီးတၢ်တသၣ်ဝံၤဘၣ်ပသးလၢကိၣ်ဘၣ်. ပကအိၣ်ဖဲန့ၣ် လီၤဒီး, 15 ခဲကနံၣ်အံၤ ယူဒၤအပှၤအိၣ်လီၤတဲာ်သ့ၣ်ဧၢ, ကနၣ်ယွၤအကလုၢ်အကထါတက့ၢ်. တၢ်သုးမုၢ်ဂီၢ်မုၢ် အယွၤ, အံၣ်စရ့လးအကစၢ်စံးဒ်အံၤ, သုမ့ၢ်ပာ်သုမဲာ် ဒ်သိးသုကလဲၤနုာ်လၢအဲၤကူပတူးအပူၤ, ဒီးလဲၤအိၣ် လဲၤဆိးဖဲန့ၣ်ဒီး, 16 တၢ်ကမၤအသးလၢနးလၢသုပျံၤအီၤ န့ၣ်ကချုးန့ၢ်သုဖဲန့ၣ်လၢ ကီၢ်အဲၤကူပတူးအပူၤ, ဒီးတၢ် သၣ်ဝံၤလီၤဒိလၢသုပျံၤအီၤန့ၣ် ကပိာ်သုခံဒုးဒုးဆူအဲၤ ကူၤပတူးအပူၤ, ဒီးသုကသံဖဲန့ၣ်လီၤ. 17 မ့ၢ်မးကယဲၢ် ပှၤကညီလၢအပာ်အမဲာ်လၢ အကလဲၤနုာ်လၢအဲၤကူ ပတူးအပူၤ ဒ်သိးအကအိၣ်ဖဲန့ၣ်ကသံဝဲလၢနးဧိၤဘီဧိၤ, ဒီးလၢတၢ်သၣ်ဝံၤလီၤဒိ, ဒီးလၢတၢ်သံသတြိာ်လီၤ. ဒီး ပှၤတအိၣ်လီၤတဲာ်ဘၣ်, ပှၤတပူၤဖျဲးဘၣ်ဒီးတၢ်အၢလၢ ယဒုးဟဲဘၣ်အီၤနီတဂၤဘၣ်.
18 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤ, အံၣ်စရ့လးအ ကစၢ်န့ၣ်စံးဒ်အံၤ, ဒ်ယသးထီၣ်, ဒီးယသးကဲၤထီၣ်လူ လီၤအသးလၢပှၤယရူၤၡလ့ၣ်ဖိအဖီခိၣ်အသိးန့ၣ်, တုၤ သုလဲၤနုာ်လၢအဲၤကူပတူးအပူၤဒီး, ယသးထီၣ်ကလူ လီၤအသးလၢသုဖီခိၣ်ဒ်န့ၣ်သိး, ဒီးသုကကဲထီၣ်တၢ် ဆိၣ်အၢအလီၢ်, ဒီးတၢ်ကမၢကမၣ်အလီၢ်, ဒီးတၢ်ဆိၣ် အၢအလီၢ်, ဒီးတၢ်ဒုၣ်ဒွဲၣ်အလီၢ်, ဒီးသုတထံၣ်လၢၤဘၣ် တၢ်အလီၢ်အံၤဘၣ်.
19 ပှၤအိၣ်လီၤတဲာ်လၢယူဒၤသ့ၣ်ဧၢ, ယွၤစံးဘၣ်သု, လဲၤ လီၤဆူအဲၤကူပတူးအပူၤတဂ့ၤ, သ့ၣ်ညါသပှၢ်တၢၢ်လၢ ယအုၣ်ယသးလၢ သုမဲာ်ညါလၢမုၢ်မဆါတနံၤအံၤတ က့ၢ်. 20 မ့ၢ်မးသုမၤကမၣ်ဘၣ်သုသးဒၣ်သုဝဲလီၤ. အဂ့ၢ် ဒ်အံၤ, သုမၢလီၤယၤဆူယွၤသုကစၢ်အအိၣ်ဒီးသုစံး, ဘါ ထုကဖၣ်န့ၢ်ယွၤပကစၢ်လၢပဂီၢ်, ဒီးဒ်ကယဲၢ်တၢ်လၢ ယွၤပကစၢ်ကစံးအသိးန့ၣ် စံးဘၣ်တဲဘၣ်ပှၤတက့ၢ်. ဒီးပကမၤအီၤလီၤ. 21 ခဲကနံၣ်အံၤယစံၣ်တဲၤတဲလီၤတၢ် န့ၣ်လၢသုလၢမုၢ်မဆါတနံၤအံၤလီၤ. ဘၣ်ဆၣ်ဒီးသုတ ဒိကနၣ်ယွၤသုကစၢ်အကလုၢ်ဘၣ်, ဒီးသုတကနၣ်ဘၣ် တၢ်လၢအမၢလီၤယၤဆူ သုအိၣ်လၢအဂ့ၢ်နီတမံၤ ဘၣ်. 22 ဒီးခဲကနံၣ်အံၤသ့ၣ်ညါသပှၢ်တၢၢ်လၢ သုက သံလၢနးဧိၤဘီဧိၤ, လၢတၢ်သၣ်ဝံၤလီၤဒိ, ဒီးလၢတၢ် သံသတြိာ်လၢတၢ်အလီၢ်ဖဲအဘၣ်သုသးလၢ သုကလဲၤ နုာ်အိၣ်လၢအပူၤလီၤ.
43၄၃
1 တုၤစီၤယံးရမံယၤကတိၤတၢ်ဒီး ပှၤဂီၢ်မုၢ်ခဲလၢာ်လၢ ယွၤအကစၢ်အကလုၢ်ကထါခဲလၢာ်လၢ ယွၤအကစၢ် မၢလီၤအီၤဆူအအိၣ်, တၢ်ကတိၤခဲလၢာ်န့ၣ်ဒီး, 2 တၢ်မၤ အသးလၢစီၤဟိၤၡၤယၤအဖိခွါစီၤဧစၤရယၤ, ဒီးစီၤကါ ရ့ၤအဖိခွါစီၤယိဃၤနၣ်, ဒီးပှၤလၢအပာ်ထီၣ်ထီအသး ခဲလၢာ်, ကတိၤထီၣ်တၢ်ဒီးစံးဘၣ်စီၤယံးရမံယၤ, နက တိၤတၢ်ကဘျံးကဘျၣ်လီၤ. ယွၤပကစၢ်တမၢလီၤဘၣ် နၤဒ်သိးနကစံး, လဲၤအိၣ်လဲၤဆိးလၢအဲၤကူပတူးအပူၤ တဂ့ၤန့ၣ်ဘၣ်. 3 မ့ၢ်စီၤန့ၤရံယၤအဖိခွါစီၤဘၤရူးထိၣ်ဂဲၤ နသးထီဒါပှၤ ဒ်သိးအကဟ့ၣ်လီၤကွံာ်ပှၤဆူပှၤက့ၤစ့း ဖိအစုပူၤလၢအကမၤသံပှၤ, ဒီးစိာ်မၢကဲကုၢ်ပှၤဆူဘၤ ဘူၤလိၣ်အပူၤလီၤ.
4 ဒီးစီၤကါရ့းအဖိခွါစီၤယိဃၤနၣ်, ဒီးပှၤသုးဖိအခိၣ်ခဲ လၢာ်, ဒီးပှၤဂီၢ်မုၢ်ခဲလၢာ်န့ၣ်တဒိကနၣ်ဘၣ်ယွၤအက လုၢ်လၢအကဘၣ်အိၣ်ဝဲလၢကီၢ်ယူဒၤအပူၤဘၣ်.
5 ဒီးစီၤကါရ့ၤအဖိခွါစီၤယိဃၤနၣ်, ဒီးပှၤသုးဖိအခိၣ်ခဲ လၢာ်န့ၣ်ဟံးန့ၢ်ဝဲလၢယူဒၤ အပှၤအိၣ်လီၤတဲာ်ခဲလၢာ် လၢအဟဲက့ၤကဒါက့ၤလၢ ပှၤကလုာ်ခဲလၢာ်အကျါဖဲ တၢ်ဟီကွံာ်အီၤဒ်သိးအကအိၣ်ကဆိးလၢ ကီၢ်ယူဒၤအ ပူၤ, 6 ဒီးပှၤပိာ်ခွါ, ဒီးပှၤပိာ်မုၣ်, ဒီးဖိဒံဖိသၣ်, ဒီးစီၤပၤ အဖိမုၣ်တဖၣ် ဒီးကယဲၢ်ပှၤလၢပှၤပၢၤတၢ်ဖိအခိၣ်စီၤန ဘူစၢ်ရဒၣ်ပာ်လီၤတဲာ်ဒီးစီၤၡၤဖၣ်အဖိခွါ စီၤအဃံကၣ် အဖိခွါ, စီၤကဒါလယၤ, ဒီးဝံယံးရမံယၤ, ဒီးစီၤန့ၤရံယၤ အဖိခွါစီၤဘၤရူးလီၤ. 7 ဒီးအဝဲသ့ၣ်ဟဲဝဲဆူကီၢ်အဲၤကူ ပတူးအပူၤလီၤ. အဂ့ၢ်ဒ်အံၤ, တဒိကနၣ်ဘၣ်ယွၤအက လုၢ်ဘၣ်, ဒီးဟဲဝဲဆူတၤပါန့ၤလီၤ.
8 ဒီးယွၤအကလုၢ်ဘၣ်စီၤယံးရမံယၤလၢ တၤပါန့ၤအ ပူၤဒီးစံးဝဲဒၣ်, 9 ဟံးန့ၢ်လၢၢ်ဖးဒိၣ်တဖၣ်လၢနစုပူၤ, ဒီး ပာ်ခူသူၣ်အီၤလၢကပံာ်ကျါလၢ အူးခဲအဖၣ်ကပူၤလၢ အအိၣ်ဝဲဖဲတၢ်လဲၤနုာ်လၢဖၤရိၤအဟံၣ်လၢ တၤပါန့ၤ အပူၤလၢယူဒၤအပှၤကညီအမဲာ်ညါ, 10 ဒီးစံးဘၣ်အီၤ, တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဝဲဒ်အံၤ, ကွၢ်ကွၢ်, ယကမၢလီၤတၢ်, ဒီးဟံးန့ၢ်ယခ့ယပှၤဘၤဘူၤ လိၣ်အစီၤပၤ, ဒီးယကပာ်အလီၢ်ပစိာ်လၢလၢၢ်လၢယ ပာ်ခူသူၣ်တဖၣ်အံၤအဖီခိၣ်လီၤ, ဒီးကသလၣ်ထီၣ်အ ယၣ်စီၤပၤလၢအဖီခိၣ်လီၤ.
11 ဒီးကဟဲဝဲ, ဒီးကကျီကီၢ်အဲၤကူပတူးလီၤ. ပှၤလၢအ အိၣ်ဝဲလၢတၢ်သံအဂီၢ်န့ၣ်ကသံ, ဒီးပှၤလၢအအိၣ်ဝဲလၢ တၢ်ကဲကုၢ်အဂီၢ်န့ၣ်, ကကဲကုၢ်, ဒီးပှၤလၢအအိၣ်ဝဲလၢ နးအဂီၢ်န့ၣ်, ကဘၣ်တၢ်လၢနးလီၤ. 12 ဒီးယကဆိၣ် ကဲၤမ့ၣ်အူလၢအဲၤကူပတူးအကစၢ်တဖၣ်အဟံၣ်ပူၤ, ဒီး ကဆူးထီၣ်ကွံာ်အီၤ, ဒီးစိာ်မၢကဲကုၢ်ဝဲ, ဒီးကကၤထီၣ် အသးလၢအဲၤကူပတူးအကီၢ် ဒ်ပှၤကွၢ်သိကၤထီၣ်အ သးလၢယၣ်အသိး, ဒီးကဟးထီၣ်ဖဲန့ၣ်အိၣ်ဃူအိၣ်ဖိး လီၤ.
13 ဒီးကမၤကၢ်ကွံာ်ဘ့ၤသၡမ့ၣ်အထူၣ်တဖၣ် လၢအ အိၣ်ဝဲလၢကီၢ်အဲၤကူပတူးအပူၤ, ဒီးအဲၤကူပတူးအက စၢ်တဖၣ်အဟံၣ်တဖၣ်န့ၣ် ကဆူးထီၣ်ကွံာ်လၢမ့ၣ်အူ လီၤ.
44၄၄
1 တၢ်ကလုၢ်ဘၣ်စီၤယံးရမံယၤလၢ ပှၤယူဒၤဖိလၢအ အိၣ်ဝဲလၢအဲၤကူပတူးအပူၤ, လၢအအိၣ်ဝဲလၢမံးကဒိး လးအပူၤ, ဒီးလၢတၤပါန့ၤအပူၤ, ဒီးလၢနိဖးအပူၤ, ဒီး လၢကီၢ်ပၤသြိၣ်အပူၤအဂ့ၢ်န့ၣ်ဒီးစံးဝဲဒၣ်, 2 တၢ်သုးမုၢ် ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, သုထံၣ် ဘၣ်ကယဲၢ်တၢ်အၢလၢယဒုးဟဲဘၣ်ယရူၤၡလ့ၣ်, ဒီး ယူဒၤအဝ့ၢ်ခဲလၢာ်, ဒီးကွၢ်ကွၢ်, တၢ်လၢမုၢ်မဆါတနံၤ အံၤအိၣ်သယုၢ်ဝဲ, ဒီးပှၤတအိၣ်တဆိးဘၣ်လၢအပူၤနီ တဂၤဘၣ်. 3 မ့ၢ်ဝဲလၢအတၢ်အၢလၢအမၤဝဲအဃိလီၤ. လဲၤဆိၣ်ကဲၤထီၣ်တၢ်နၢမူ ဒီးမၤကစၢ်အဂၤတဖၣ်လၢ အတသ့ၣ်ညါဘၣ်ဝဲအတၢ်, အဝဲသ့ၣ်, သုဝဲသ့ၣ်, ဒီးသု ပၢ်တဖၣ်သတးဒီး, ထိၣ်ဂဲၤယသးထီၣ်လီၤ. 4 ဒီးယမၢ လီၤယခ့ယပှၤခဲလၢာ်, ဝံတဖၣ်, ယဂဲၤဆၢထၢၣ်ဂီၤဂီၤဒီး မၢလီၤအီၤ, ဒီးယစံး, မ်သုသုတမၤတၢ်သးဘၣ်အၢတ မံၤအံၤလၢယသးဟ့အီၤတဂ့ၤ. 5 ဘၣ်ဆၣ်ဒီးတကနၣ် ဘၣ်, ဒီးတဒိးနူၤဒိးနၢ်, ဒ်သိးအကဃၣ်ကွံာ်အသးလၢ အတၢ်အၢဘၣ်, လၢအသုတဆိၣ်ကဲၤတၢ်နၢမူလၢက စၢ်အဂၤတဖၣ်အဂီၢ်တဂ့ၤန့ၣ်လီၤ. 6 မၤသးဒ်န့ၣ်ဒီးယ သးထီၣ်ဒီးယသးကဲၤထီၣ်လူလီၤအသး, ဒီးအီၣ်တၢ်လၢ ယူဒၤအဝ့ၢ်တဖၣ်အပူၤ, ဒီးလၢယရူၤၡလ့ၣ်အကျဲပူၤ, ဒီးအိၣ်သယုၢ်သညိ, ဒီးအိၣ်သယုၢ်တုၢ်တုၤမုၢ်မဆါတ နံၤအံၤလီၤ. 7 ဒီးခဲကနံၣ်အံၤ တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဒ်အံၤ, သုမၤတၢ်အၢဖးဒိၣ်အံၤထီဒါသုသးဒၣ်သုဝဲ, ဒ်သိးသုကဒီၣ်တဲာ်လၢသုလၢပှၤပိာ်ခွါ, ဒီးပှၤပိာ်မုၣ်, ဖိသၣ်ဒီးပှၤအီၣ်နုၢ်လၢယူဒၤအပူၤ, ဒီးတပာ်လီၤတဲာ်ဘၣ်လၢသုဂီၢ်နီတဂၤဘၣ်န့ၣ်မ့ၢ်အဘၣ်မနုၤလဲၣ်.―
8 သုမၤတၢ်လၢသုစုသတးဒီး, သုထိၣ်ဂဲၤယသးထီၣ်လီၤ. သုဆိၣ်ကဲၤထီၣ်တၢ်နၢမူလၢ ကစၢ်အဂၤအဂီၢ်လၢကီၢ် အဲၤကူပတူးအပူၤ ဖဲသုလဲၤအိၣ်လဲၤဆိးလၢတၢ်ကဒီၣ် တဲာ်ကွံာ်သု, ဒီးသုကကဲထီၣ်တၢ်ဆိၣ်အၢအလီၢ်, ဒီး တၢ်ဒုၣ်ဒွဲၣ်အလီၢ်လၢ ဟီၣ်ခိၣ်အပှၤကလုာ်ခဲလၢာ်အ ကျါန့ၣ်မ့ၢ်အဘၣ်မနုၤလဲၣ်.
9 သုပၢ်တဖၣ်အမၤတၢ်အၢ, ဒီးယူဒၤအစီၤပၤတဖၣ်အ မၤတၢ်အၢ, ဒီးအမါတဖၣ်အမၤတၢ်အၢ, ဒီးသုမၤတၢ် အၢဒၣ်သုဝဲ, ဒီးသုမါအတၢ်မၤ, လၢအမၤဝဲလၢကီၢ်ယူ ဒၤအပူၤ, ဒီးလၢယရူၤၡလ့ၣ်အကျဲပူၤန့ၣ်သုသးပ့ၤနီၣ် လံဧါ.
10 တဆီၣ်လီၤဒၣ်ဘၣ်အသးဘၣ် တုၤမုၢ်မဆါတနံၤအံၤ, ဒီးတပျံၤဘၣ်တၢ်ဘၣ်ဒီးတလဲၤဘၣ်လၢ ယတၢ်သိၣ် တၢ်သီဒီးယတၢ်မၤလိာ်လၢ ယပာ်လီၤလၢသုပၢ်တဖၣ် အမဲာ်ညါ, ဒီးလၢသုမဲာ်ညါဘၣ်.
11 မၤသးဒ်န့ၣ်ဒီးတၢ်သုးမုၢ်ဂီၢ်မုၢ်အယွၤ, အံၣ်စရ့လးအ ကစၢ်စံးဒ်အံၤ, ကွၢ်ကွၢ်, ယကပာ်ယမဲာ်လၢသုလိၤလၢ တၢ်အၢအဂီၢ်, ဒ်သိးယကဒီၣ်တဲာ်ကွံာ်ယူဒၤခဲလၢာ် လီၤ. 12 ဒီးယကဟံးန့ၢ်ပှၤအိၣ်လီၤတဲာ်လၢ ယူဒၤလၢ အပာ်အမဲာ်လၢအကလဲၤအိၣ်ဝဲဆိးဝဲလၢ ကီၢ်အဲၤကူ ပတူးအပူၤ, ဒီးကလၢာ်ကွံာ်ဝဲလၢကီၢ်အဲၤကူပတူးအ ပူၤ, ကလီၤဃံၤဝဲလၢနးဧိၤဘီဧိၤ, ဒီးလၢတၢ်သၣ်ဝံၤလီၤ ဒိလီၤ. ကလၢာ်ကွံာ်ဝဲလၢအဆံးပၢၢ်လၢအဒိၣ်လီၤ. က သံဝဲလၢနးဧိၤဘီဧိၤ, ဒီးလၢတၢ်သၣ်ဝံၤလီၤဒိ, ဒီးကကဲ ထီၣ်တၢ်ဆိၣ်အၢအလီၢ်, ဒီးတၢ်ကမၢကမၣ်အလီၢ်, ဒီး တၢ်ဆိၣ်ဃီၣ်အလီၢ်, ဒီးတၢ်ဒုၣ်ဒွဲၣ်အလီၢ်လီၤ. 13 ဒီးယ ကအိၣ်သကိး ပှၤလၢအအိၣ်ဝဲလၢ ကီၢ်အဲၤကူပတူးအ ပူၤ, ဒ်ယအိၣ်သကိးယရူၤၡလ့ၣ်အသိးန့ၣ်, အိၣ်ဒီးနး ဧိၤဘီဧိၤ, ဒီးတၢ်သၣ်ဝံၤလီၤဒိ, ဒီးတၢ်သံသတြိာ်လီၤ.
14 ဒီးပှၤအိၣ်လီၤတဲာ်လၢပှၤယူဒၤဖိအကျါလၢ အလဲၤ အိၣ်လဲၤဆိးလၢကီၢ်အဲၤပတူးအပူၤန့ၣ် တပူၤတဖျဲးဘၣ်, ဒီးတအိၣ်လီၤတဲာ်လၢ အကက့ၤက့ၤဆူကီၢ်ယူဒၤ, ဖဲ အဆၢက့ၤအိၣ်အလီၢ်နီတဂၤဘၣ်. ကအိၣ်လီၤတဲာ်ထဲ ပှၤဃ့ၢ်တၢ်ဖိဧိၤလီၤ.
15 တုၤနုၤတစုပှၤကညီလၢ အသ့ၣ်ညါလၢအမါဆိၣ်ကဲၤ ထီၣ်တၢ်နၢမူလၢ အကစၢ်အဂၤအဂီၢ်ခဲလၢာ်, ဒီးပိာ်မုၣ် လၢအဆၢထၢၣ်လၢအဃၢၤခဲလၢာ်, တၢ်အိၣ်ဖှိၣ်ဖးဒိၣ်, ဒီးကယဲၢ်ပှၤလၢ အအိၣ်ဝဲဆိးဝဲလၢ ကီၢ်အဲၤကူပတူး, လၢပၤသြိၣ်အပူၤ, စံးဆၢစီၤယံးရမံယၤဒီးစံးဝဲဒၣ်, 16 တၢ် ကတိၤလၢနစံးဘၣ်တဲဘၣ် ပှၤလၢယွၤအမံၤန့ၣ်ပတက နၣ်ဘၣ်နကလုၢ်ဘၣ်. 17 မ့မ့ၢ်ပကမၤဖဲဒၣ်တၢ်လၢအ ထီၣ်ဖျဲးလၢပထးခိၣ်လီၤတံၢ်လီၤဆဲးန့ၣ် လၢပကဆိၣ် ကဲၤထီၣ်တၢ်နၢမူလၢမူခိၣ်အနီၢ်ပၤမုၣ်အဂီၢ်, ဒီးလူလီၤ တၢ်လုၢ်အီလၢအဂီၢ်, ဒ်ပမၤတ့ၢ်အသိး, ပဝဲဒၣ်, ဒီးပပၢ် တဖၣ်, ပစီၤပၤတဖၣ်, ဒီးပဒိၣ်ဖးဒိၣ်တဖၣ်လၢယူဒၤအ ဝ့ၢ်တဖၣ်အပူၤ, ဒီးလၢယရူၤၡလ့ၣ်အကျဲပူၤန့ၣ်လီၤ. ဒီးပ အီၣ်ဘျဲးအီၣ်ကိၣ်, ဒီးပအိၣ်မုာ်, ဒီးပတထံၣ်ဘၣ်တၢ် အၢနီတမံၤဘၣ်. 18 မ့မ့ၢ်လၢပဆိတ့ၢ်ကွံာ်တၢ်ဆိၣ်ကဲၤ ထီၣ်တၢ်နၢမူလၢမူခိၣ်အနီၢ်ပၤမုၣ်အဂီၢ်, ဒီးတၢ်လူလီၤ တၢ်လုၢ်အီလံၤလံၤန့ၣ် ပတၢ်တအိၣ်ဘၣ်နီတမံၤဘၣ်, ဒီးပလၢာ်လၢနးဧိၤဘီဧိၤ, ဒီးလၢတၢ်သၣ်ဝံၤလီၤဒိလီၤ.
19 ဒီးတုၤပဆိၣ်ကဲၤတၢ်နၢမူလၢ မူခိၣ်အနီၢ်ပၤမုၢ်အဂီၢ်, ဒီးလူလီၤတၢ်လုၢ်အီလၢအဂီၢ်ဒီး, ပဝၤတဖၣ်တအိၣ် ဘၣ်ဒီး, ပမၤကိၣ်ဘ့ၣ်ဘၣ်လၢအဂီၢ်လၢ ပကဘါအီၤ, ဒီးလူလီၤတၢ်လုၢ်အီလၢအဂီၢ်စ့ၢ်ကီးဧါ.
20 ဒီးစီၤယံးရမံယၤစံးဘၣ်ပှၤဂီၢ်မုၢ်ခဲလၢာ်, ပှၤပိာ်ခွါ, ဒီး ပှၤပိာ်မုၣ်, ဒီးကယဲၢ်ပှၤဂီၢ်မုၢ်ခဲလၢာ်လၢအစံးဆၢအီၤ လၢတၢ်ကတိၤန့ၣ်ဒီးစံးဝဲဒၣ်, 21 တၢ်နၢမူလၢသုဆိၣ်ကဲၤ လၢယူဒၤအဝ့ၢ်တဖၣ်အပူၤ, ဒီးလၢယရူၤၡလ့ၣ်အကျဲ ပူၤ, သုဝဲ, ဒီးသုပၢ်တဖၣ်, သုစီၤပၤတဖၣ်, ဒီးသုပဒိၣ်ဖး ဒိၣ်တဖၣ်, ဒီးကီၢ်အပှၤဂီၢ်မုၢ်န့ၣ် ယွၤတသ့ၣ်နီၣ်ထီၣ် က့ၤဘၣ်အီၤ, ဒီးတဟဲထီၣ်လၢအသးကံၢ်ပူၤဘၣ်ဧါ.
22 ဒီးယွၤအိၣ်ဒၣ်အတၢ်လၢသုမၤတၢ်အအၢအဃိ, လၢ တၢ်သးဘၣ်အၢလၢသုမၤအဃိန့ၣ် တကဲလၢၤဘၣ်, ဒီး သုကီၢ်အိၣ်သယုၢ်, ဒီးကဲထီၣ်တၢ်ကမၢကမၣ်အလီၢ်, ဒီးတၢ်ဆိၣ်အၢအလီၢ်လီၤ. ပှၤတအိၣ်တဆိးဘၣ်လၢ အပူၤနီတဂၤဘၣ်ဒ်မုၢ်မဆါတနံၤအံၤအသိးလီၤ. 23 မ့ၢ် သုဆိၣ်ကဲၤတၢ်နၢမူ, ဒီးသုမၤကမၣ်ဘၣ်ယွၤ, ဒီးတဒိ ကနၣ်ဘၣ်ယွၤအကလုၢ်, ဒီးတလဲၤဘၣ်လၢအတၢ်သိၣ် တၢ်သီ, ဒီးလၢအတၢ်မၤလိာ်, ဒီးလၢအတၢ်အုၣ်အသး အပူၤဘၣ်ဒီး, တၢ်အၢအံၤဘၣ်သု ဒ်လၢမုၢ်မဆါတနံၤ အံၤအသိးန့ၣ်လီၤ.
24 ဒီးစီၤယံးရမံယၤစံးဘၣ်ပှၤဂီၢ်မုၢ်ခဲလၢာ်, ဒီးပှၤပိာ်မုၣ် ခဲလၢာ်န့ၣ်, ကနၣ်ယွၤအကလုၢ်တက့ၢ်, ပှၤယူဒၤဖိလၢ အဲၤကူပတူးအပူၤခဲလၢာ်သ့ၣ်ဧၢ. 25 တၢ်သုးမုၢ်ဂီၢ်မုၢ်အ ယွၤ, အံၣ်စရ့လးအကစၢ်စံးဒ်အံၤ, သုဝဲ, ဒီးသုမါကတိၤ လံတၢ်လၢသုးထးခိၣ်, ဒီးမၤပှဲၤတၢ်လၢသုစု, ဒီးသုစံး, တၢ်ဆိၣ်လၢပဆိၣ်ဒီးမူခိၣ်အနီၢ်ပၤမုၣ်လၢ ပကဆိၣ် ကဲၤတၢ်နၢမူလၢအဂီၢ်, ဒီးလူလီၤတၢ်လုၢ်အီလၢအဂီၢ် န့ၣ်ပကမၤတီလီၤ. သုကမၤဒ်သုဆိၣ်တၢ်အသိးတီတီ, သုကမၤတၢ်လၢသုဆိၣ်တၢ်သပှၢ်တၢၢ်လီၤ.
26 မၤအသးဒ်န့ၣ်ဒီးကနၣ်ယွၤအကလုၢ်တက့ၢ်, ပှၤယူ ဒၤဖိလၢအအိၣ်ဝဲလၢ ကီၢ်အဲၤကူပတူးအပူၤခဲလၢာ်သ့ၣ် ဧၢ, ကွၢ်ကွၢ်, ယဆိၣ်လံတၢ်လၢယမံၤဖးဒိၣ်အမဲာ်ညါ, ယွၤစံးဝဲဒၣ်, ပှၤတပှ့ၤဘၣ်လၢၤဘၣ်ယမံၤလၢပှၤယူဒၤ ဖိအထးခိၣ်, လၢကီၢ်အဲၤကူပတူးဒီဘ့ၣ်ညါအပူၤ, ဒီး စံးယွၤမူဝဲန့ၣ်နီတဂၤဘၣ်.
27 ကွၢ်ကွၢ်, ယကကွၢ်အီၤလၢတၢ်အၢအဂီၢ်, တမ့ၢ်ဘၣ် လၢတၢ်ဂ့ၤအဂီၢ်ဘၣ်. ဒီးကယဲၢ်ယူဒၤအပှၤကညီလၢ အအိၣ်ဝဲလၢကီၢ်အဲၤကူပတူးအပူၤန့ၣ် ကလၢာ်လၢနး ဧိၤဘီဧိၤ, ဒီးလၢတၢ်သၣ်ဝံၤလီၤဒိတုၤအလၢာ်ကွံာ် လီၤ. 28 ဒီးပှၤစှၤဂၤလၢအပူၤဖျဲးဒီးနးဧိၤဘီဧိၤန့ၣ် ကဟဲ က့ၤကဒါက့ၤလၢကီၢ်အဲၤကူပတူးအပူၤ ဆူကီၢ်ယူဒၤ အပူၤလီၤ. ဒီးယူဒၤအပှၤအိၣ်လီၤတဲာ်လၢအဟဲအိၣ်ဝဲ လၢ ကီၢ်အဲၤကူပတူးအပူၤခဲလၢာ်န့ၣ် မ့ၢ်ယကလုၢ်က ကျၢၤဧါ. အဝဲသ့ၣ်အကလုၢ်ကကျၢၤလဲၣ်န့ၣ်, ကသ့ၣ် ညါဝဲလီၤ.
29 ဒီးအဝဲအံၤကကဲထီၣ်တၢ်အပနီၣ်လၢသုဂီၢ်, လၢယ ကအိၣ်သကိးသုလၢအလီၢ်အံၤ, ယွၤစံးဝဲဒၣ်, ဒ်သိးသု ကသ့ၣ်ညါလၢယတၢ်ကတိၤကအိၣ်ကျၢၤလၢ သုတၢ် အၢအဂီၢ်သပှၢ်တၢၢ်လီၤ. 30 ယွၤစံးဒ်အံၤ, ကွၢ်ကွၢ်, ယက ဟ့ၣ်လီၤအဲၤကူပတူးအစီၤပၤ ဖၤရိၤဃါပြိၤလၢအဒုၣ် အဒါအစုပူၤ, ဒီးလၢပှၤလၢအဃုအသးသမူတဖၣ်အ စုပူၤ, ဒ်ယဟ့ၣ်လီၤယူဒၤအစီၤပၤစံးဒကံယၤလၢအဒုၣ် အဒါလၢအဃုအသးသမူ, ဘၤဘူၤလိၣ်အစီၤပၤနဘူၤ ကးန့စၢ်အစုပူၤအသိးန့ၣ်လီၤ.
45၄၅
1 တုၤစီၤန့ၤရံယၤအဖိခွါ စီၤဘၤရူးကွဲးတၢ်ကတိၤတဖၣ် န့ၣ်လၢလံာ်ပူၤလၢစီၤယံးရမံယၤအထးခိၣ်, လၢယူဒၤ အစီၤပၤစီၤယိၤၡံယၤအဖိခွါ စီၤယဧိၤယါကံၣ်အနံၣ်ပှဲၤ ထီၣ်လွံၢ်နံၣ်တနံၣ်န့ၣ်ဒီး, ဝံယံးရမံယၤစံးဘၣ်အီၤလၢ တၢ်ကတိၤအံၤဒီးစံးဝဲဒၣ်, 2 စီၤဘၤရူးဧၢ, ယွၤအံၣ်စရ့ လးအကစၢ်စံးဘၣ်နၤဒ်အံၤ, 3 နစံး, ယဘၣ်အဖှီၣ်လီၤ. အဂ့ၢ်ဒ်အံၤ, ယွၤပာ်တၢ်မၤကိၢ်မၤဂီၤလၢ ယသူၣ်အုး သးအုးအဖီခိၣ်လီၤ. ယကအုကစွါသတးဒီး, ယသး လီၤဘှါ, ဒီးယအိၣ်ဘှံးတသ့ဘၣ်. 4 နဘၣ်စံးလၢအီၤဒ် အံၤ, ယွၤစံးဒ်အံၤ, ကွၢ်ကွၢ်, တၢ်လၢယမၤထီၣ်န့ၣ်ယက မၤလီၤပှီၢ်, ဒီးတၢ်လၢယသူၣ်လီၤန့ၣ်ယကထဲးထီၣ်ကွံာ် လၢကီၢ်ဒီဘ့ၣ်ညါအံၤအပူၤလီၤ.
5 ဒီးနဃုတၢ်အဒိၣ်တဖၣ်လၢနဂီၢ်စ့ၢ်ကီးဧါ, ဃုအီၤတ ဂ့ၤ. အဂ့ၢ်ဒ်အံၤ, ကွၢ်ကွၢ်, ယကဒုးဘၣ်တၢ်ဖံးတၢ်ညၣ်ခဲ လၢာ်လၢတၢ်အၢလီၤ, ယွၤစံးဝဲဒၣ်, ဘၣ်ဆၣ်ဒီးဖဲနလဲၤ တၢ်တပူၤလၢ်လၢ်န့ၣ်, ယကဟ့ၣ်နသးသမူလၢတၢ်ဂုာ် န့ၢ်လၢနဂီၢ်လီၤ.
46၄၆
1 ယွၤအကလုၢ်လၢအဘၣ်ဝံယံးရမံယၤလၢ ပှၤကလုာ် တဖၣ်အဂ့ၢ်.
2 လၢအဲၤကူပတူးအဂ့ၢ်. လၢအဲၤကူပတူးအစီၤပၤဖၤရိၤနကိၤ အသုးမုၢ်အဂ့ၢ် လၢအအိၣ်ဝဲလၢထံမိၢ်ပှၢ်ဖရၤသးအနံၤ ဖဲကၢ်ကမံၣ်လၢ ဘၤဘူၤလိၣ်အစီၤပၤနဘူၤကးန့စၢ် မၤလူၤဝဲလၢယူဒၤ အစီၤပၤယိၤၡံယၤအဖိခွါ စီၤယဟိၤယါကံၣ်အနံၣ်ပှဲၤ ထီၣ်လွံၢ်နံၣ်တနံၣ်လီၤ.
3 ကတဲာ်ကတီၤကတီၤဖိ, ဒီးကတီၤဖးဒိၣ်, ဒီးသုးဘူး သုသးဆူတၢ်ဒုးသုးအပူၤတက့ၢ်. 4 ကယၢကယဲက သ့ၣ်, ကသ့ၣ်သုးဖိသ့ၣ်ဧၢ, ဒိးထီၣ်ကသ့ၣ်တက့ၢ်, ဒီး ဆၢထၢၣ်အိၣ်ဒီးခိၣ်ကုာ်သုးတက့ၢ်. ကျ့ကဆှၣ်ထီၣ် ဘီဧိၤနးဧိၤ, ဒီးသိးထီၣ်သဃိးတက့ၢ်.
5 ယထံၣ်ဘၣ်လၢပှၤပျံၤတၢ်ဖုးတၢ်, ဒီးဃၣ်ကဒါက့ၤ မ့ၢ်အတၢ်မနုၤလဲၣ်. မ့ၢ်အပှၤဆူၣ်ဘၣ်တၢ်တီၢ်လီၤဃံၤ အီၤ, ဒီးဃ့ၢ်သဖှိတၢ်, ဒီးတကွၢ်ဘၣ်လၢအလီၢ်ခံဘၣ်, ပျံၤတၢ်ဖုးတၢ်အိၣ်ဝးတရံးဝဲလီၤ. ယွၤစံးဝဲဒၣ်.
6 ပှၤဃ့ၢ်တၢ်ချ့န့ၣ်တဃ့ၢ်ထီၣ်ကွံာ်ဘၣ်, ဒီးပှၤအဆူၣ် န့ၣ်တပူၤတဖျဲးဘၣ်ဝဲဘၣ်. အခီၣ်ကဘၣ်တိၢ်, ဒီးကလီၤ ဃံၤဝဲလၢကလံၤစိးလၢထံမိၢ်ပှၢ်ဖရၤဖးအနံၤလီၤ.
7 မ့ၢ်မတၤဟဲထီၣ်ဒ်ထံမိၢ်ပှၢ်အသိးန့ၣ်, ဒီးအထံစံၣ်ပီပု ထီၣ်ဒ်ထံမိၢ်ပှၢ်တဖၣ်အသိးန့ၣ်တဂၤလဲၣ်.
8 အဲၤကူပတူးဟဲထီၣ်ဒ်ထံမိၢ်ပှၢ်အသိးန့ၣ်, ဒီးအထံစံၣ် ပီပုထီၣ်ဒ်ထံမိၢ်ပှၢ်အသိးန့ၣ်လီၤ. ဒီးစံးဝဲဒၣ်, ယကလဲၤ ထီၣ်, ဒီးလုၣ်ဘၢဟီၣ်ခိၣ်, ဒီးယကမၤဟးဂီၤဝ့ၢ်တဖၣ်, ဒီးပှၤအိၣ်ဝဲဆိးဝဲလၢအပူၤလီၤ.
9 ဟဲထီၣ်, ကသ့ၣ်သ့ၣ်ဧၢ, ဒီးဃ့ၢ်သဖှိတၢ်, လ့ၣ်ကဟၣ် သ့ၣ်ဧၢ, ဒီးမ်ပှၤအဆူၣ်ဟးဒုးတၢ်တက့ၢ်. ပှၤကူၤၡးဖိ, ဒီးပှၤပူၤတၤဖိလၢအဟံးဃာ်ကတီၤ, ဒီးပှၤလူၤဒံဖိလၢ အဟံးဃာ်ဒီးသူထီၣ်ချံၣ်န့ၣ်တက့ၢ်.
10 အဂ့ၢ်ဒ်အံၤ, အအံၤမ့ၢ်ယွၤ, တၢ်သုးမုၢ်ဂီၢ်မုၢ်အယွၤအ အမုၢ်တနံၤ, တၢ်မၤဆၢတၢ်အၢအမုၢ်တနံၤလၢအကမၤ ဆၢတၢ်အၢလၢ အဒုၣ်အဒါအလိၤလီၤ. ဒီးနးကအီၣ် တၢ်, ဒီးအီၣ်ဘျဲးအီၣ်, ဒီးအီမူၤအသးလၢအသွံၣ်လီၤ. အ ဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤအိၣ်ဝဲဒီးတၢ်လုၢ်လၢ ကီၢ်လၢကလံၤစိးအပူၤ, လၢထံမိၢ်ပှၢ်ဖရၤသးအနံၤလီၤ.
11 လဲၤထီၣ်ဆူကံးလဧး, ဒီးဟံးန့ၢ်သ့ၣ်စရံအထုးတက့ၢ်. အဲၤကူပတူးအဖိမုၣ်လိၣ်ဘိဧၢ, နမၤန့ၢ်ကသံၣ်အါက လုာ်ကလီကလီလီၤ. နတဘျါက့ၤလၢၤဘၣ်. 12 ပှၤက လုာ်တဖၣ်နၢ်ဟူလၢ နဘၣ်မဲာ်ဆှးအဂ့ၢ်, ဒီးနကိးပသူ ထီၣ်န့ၣ်ပှဲၤဟီၣ်ခိၣ်လီၤ. အဂ့ၢ်ဒ်အံၤ, ပှၤအဆူၣ်အခီၣ် ဘၣ်တိၢ်လၢပှၤအဆူၣ်လီၤ. လီၤဃံၤဝဲခံဂၤလိာ်တပူၤ ဃီလီၤ.
13 တၢ်ကတိၤလၢယွၤကတိၤဝဲဒီး ဝံယံးရမံယၤလၢဘၤ ဘူၤလိၣ်အစီၤပၤနဘူးကးန့စၢ် ကဟဲကျီကွံာ်ကီၢ်အဲၤ ကူပတူးအဂ့ၢ်.
14 စံၣ်တဲၤတဲလီၤတၢ်လၢ အဲၤကူပတူး, ဒုးနၢ်ဟူတၢ်လၢ မံးကဒိးလးအပူၤ, ဒီးဒုးနၢ်ဟူတၢ်လၢနိဖး, ဒီးလၢတၤ ပါန့ၤအပူၤတက့ၢ်. စံး, ပာ်ဆၢထၢၣ်နသး, ဒီးကတဲာ်က တီၤနသးတက့ၢ်. အဂ့ၢ်ဒ်အံၤ, နးကအီၣ်တၢ်အိၣ်ဝးတ ရံးနၤလီၤ. 15 နပှၤအဆူၣ်န့ၣ်လီၤဃံၤဝဲမ့ၢ်အဘၣ်မနုၤလဲၣ်. မ့ၢ်ယွၤမၤလီၤဃံၤအီၤဒီး, တဆၢထၢၣ်ဘၣ်ဝဲဘၣ်. ပှၤအခီၣ်ဘၣ်တိၢ်အါဂၤလီၤဃံၤဝဲ တဂၤလၢတဂၤအဖီခိၣ်လီၤ.―
16 ဒီးအဝဲသ့ၣ်စံးဝဲဒၣ်, ဂဲၤဆၢထၢၣ်, က့ၤက့ၤသကိးဆူ ပပှၤဂီၢ်မုၢ်ဒၣ်ပဝဲန့ၣ်, ဒီးဆူပအိၣ်ဖျဲၣ်အကီၢ်ပူၤလၢနး မၤအၢတၢ်အမဲာ်ညါတက့ၢ်.
17 ဖဲန့ၣ်ပှၤကိးထီၣ်, အဲၤကူပတူးအစီၤပၤဖၤရိၤဟးဂီၤ လံ, ဒုးလဲၤပူၤကွံာ်အဆၢကတီၢ်လံ.
18 ယမူယဲ, စီၤပၤလၢအမံၤမ့ၢ်တၢ်သုးမုၢ်ဂီၢ်မုၢ်အယွၤစံး ဝဲဒၣ်, ဒ်တၤဘိၢ်လၢကစၢၢ်ကလိအကျါအသိးန့ၣ်, ဒီးဒ် ကၢ်မ့ၤလးလၢပီၣ်လဲၣ်နံၤအသိးန့ၣ်, ကဟဲဝဲဒ်န့ၣ်သိး လီၤ.
19 ဖိမုၣ်လၢအအိၣ်ဝဲဆိးဝဲလၢ အဲၤကူပတူးအပူၤဧၢ, မၤ တၢ်အဃၢၤအဃိၢ်လၢ နလဲၤကဲကုၢ်အဂီၢ်တက့ၢ်. အဂ့ၢ် ဒ်အံၤ, နိဖးကအိၣ်သယုၢ်လီၤ. ဒီးပှၤကမၤလူၤအီၤဒီးပှၤ တအိၣ်တဆိးလၢအပူၤနီတဂၤဘၣ်.
20 အဲၤကူပတူးန့ၣ်မ့ၢ်ဂီၤဖံးမိၢ်လၢ အဃံအလၤဂ့ၤမးလီၤ. တၢ်ဟးဂီၤဟဲဝဲ, ဟဲဝဲလၢကလံၤစိးလီၤ.
21 ဒီးအပှၤဒိးလဲအသးလၢအကျါ မၤသးဒ်ဂီၤဖံးဘီၣ်အ သိးန့ၣ်လီၤ. ဘၣ်ဆၣ်ဒီးအဝဲသ့ၣ်တဖၣ်န့ၣ်ဃၣ်ကဒါ က့ၤအသးစ့ၢ်ကီး ဃ့ၢ်ဝဲတပူၤဃီ, တအိၣ်ကတီၢ်ဘၣ်. အဂ့ၢ်ဒ်အံၤ, တၢ်မၤဟးဂီၤအီၤအမုၢ်တနံၤ, ဒီးတၢ်အိၣ် သကိးအီၤအဆၢကတီၢ်န့ၣ်ဘၣ်လံဝဲလံ.
22 အသီၣ်န့ၣ်သီၣ်ထီၣ်ဝ်ဒ်ဂုၢ်အသီၣ်အသိးန့ၣ်လီၤ. အ ဂ့ၢ်ဒ်အံၤ, ပှၤဟဲထီဒါအီၤအိၣ်ဒီးပှၤသုးမုၢ်, ဒီးဟဲထီဒါ ကီၢ်အိၣ်ဒီးကွါဒ်ပှၤကူာ်လီၤသ့ၣ်အသိးန့ၣ်လီၤ. 23 ပှၤလဲၤ နုာ်တသ့ဘၣ်, ဘၣ်ဆၣ်ဒီး, ကကူာ်လီၤကွံာ်အသ့ၣ်တ ဖုလီၤ, ယွၤစံးဝဲဒၣ်. အဂ့ၢ်ဒ်အံၤ, အါန့ၢ်ဒွဲၣ်အၢ်ဘၤတ က့ၢ်, ဒီးပှၤဂံၢ်ဝဲတသ့ဘၣ်. 24 အဲၤကူပတူးအဖိမုၣ်က ပာ်ဆှးအမဲာ်လီၤ. တၢ်ကဟ့ၣ်လီၤကွံာ်အီၤလၢပှၤဂီၢ်မုၢ် လၢကလံၤစိးအစုပူၤလီၤ.
25 တၢ်သုးမုၢ်ဂီၢ်မုၢ်အယွၤ, အံၣ်စရ့လးအကစၢ်စံးဝဲဒၣ်, ကွၢ်ကွၢ်, ယကအီၣ်သကိးဧၣ်မိၣ်လၢနိအပူၤ, ဒီးဖၤရိၤ ဒီးအဲၤကူပတူး, ဒီးအကစၢ်တဖၣ်, ဒီးအစီၤပၤတဖၣ်, ဖၤ ရိၤဒီးကယဲၢ်ပှၤလၢအသန့ၤအသးလၢအီၤလီၤ. 26 ဒီးယ ကဟ့ၣ်လီၤကွံာ်အီၤလၢ ပှၤလၢအဃုအသးသမူတဖၣ် အစုပူၤ, ဒီးလၢဘၤဘူၤလိၣ်အစီၤပၤနဘူးကးန့စၢ်အစု ပူၤ, ဒီးလၢအခ့အပှၤအစုပူၤလီၤ. ဒီးလၢအလီၢ်ခံန့ၣ် ပှၤကအိၣ်ဝဲလၢအပူၤ ဒ်လၢမုၢ်နံၤတဖၣ်လၢပျၢၤအသိး န့ၣ်လီၤ.
27 မ့မ့ၢ်နဲဒၣ်, ယခ့ယပှၤယၤကိာ်ဧၢ, ပျံၤတၢ်တဂ့ၤ, ဒီး အံၣ်စရ့လးဧၢ, ဘၣ်ယိၣ်တၢ်တဂ့ၤ, အဂ့ၢ်ဒ်အံၤ, ကွၢ်ကွၢ်, ယကအုၣ်က့ၤခီၣ်က့ၤနၤလၢအယံၤအယိာ်, ဒီးနချံန သၣ်လၢကီၢ်လၢအကဲကုၢ်လၢအပူၤ, ဒီးယၤကိာ်တဟဲ က့ၤကဒါက့ၤ, ဒီးအိၣ်ဘှံး, ဒီးအိၣ်မုာ်, ဒီးတၢ်တမၤပျံၤ ဘၣ်အီၤဘၣ်. 28 ယခ့ယပှၤယၤကိာ်ဧၢ, ပျံၤတၢ်တဂ့ၤ, ယွၤစံးဝဲဒၣ်. အဂ့ၢ်ဒ်အံၤ, ယအိၣ်ဒီးနၤလီၤ. ယမၤလၢာ် ကွံာ်ပှၤကလုာ်ခဲလၢာ်ဖဲ ယဟီထီၣ်ကွံာ်နၤလၢအကျါ ဘၣ်ဆၣ်ဒီး, ယတမၤလၢာ်ကွံာ်နၤဘၣ်. မ့မ့ၢ်ယကသိၣ် ဃီၣ်နၤဒ်တၢ်တီတၢ်လိၤအသိးန့ၣ်လီၤ. အဂ့ၢ်ဒ်အံၤ, ယ တပာ်ဘၣ်နၤလၢနတၢ်ဒဲးဘးတအိၣ်ဘၣ်န့ၣ်ဘၣ်.
47၄၇
1 လၢဖၤရိၤတချုးမၤလူၤဒံးဘၣ်ဂါစၤန့ၣ်ဒီး, ယွၤအက လုၢ်လၢအဘၣ်ဝံယံးရမံယၤလၢပှၤဖလ့ၡသးဖိအဂ့ၢ်.
2 ယွၤစံးဒ်အံၤ, ကွၢ်ကွၢ်, ထံထီၣ်လၢကလံၤစိး, ဒီးကဲ ထီၣ်ထံလုၣ်ဘၢတၢ်လီၤ. ဒီးလုၣ်ဘၢထံဧိၤကီၢ်ဧိၤ, ဒီး ကယဲၢ်တၢ်လၢအအိၣ်ဝဲလၢအပူၤ, ဝ့ၢ်ဒီးပှၤအိၣ်ဝဲဆိးဝဲ လၢအပူၤလီၤ. ဒီးပှၤကညီကကိးပသူထီၣ်ဒီးပှၤကီၢ်ဖိ ကဟီၣ်ပသူထီၣ်ကိးဂၤဒဲးလီၤ. 3 လၢအကသ့ၣ်ဆှ့ၣ်အ ခီၣ်အသီၣ်အဃိ, လၢအလ့ၣ်ကဟၣ်ဃ့ၢ်သဖှိတၢ်အ သီၣ်အဃိ, လၢအလ့ၣ်ကဟၣ်အဒၢအသီၣ်အဃိလီၤ. ပၢ်တဖၣ်အစုအဂ့ၢ်စၢ်အဘါစၢ်အဃိ, 4 တကွၢ်ကဒါ လၢၤအဖိအဂီၢ်ဘၣ်လၢ မုၢ်တနံၤအဃိ လၢအကဟဲ ဝဲဒ်သိးအကမၤဟးဂီၤပှၤဖလ့ၡသးဖိခဲလၢာ်, ဒ်သိးအ ကဒီၣ်တဲာ်ကွံာ်ကယဲၢ်ပှၤလၢ အမၤစၢၤစိၢ်ဒီးစံဒိၣ်လၢ အအိၣ်လီၤတဲာ်ခဲလၢာ်လီၤ. အဂ့ၢ်ဒ်အံၤ, ယွၤကမၤဟး ဂီၤပှၤဖလ့ၡသးဖိ, ပှၤကီးကၤဖတိၢ်ဖိလၢအအိၣ်လီၤ တဲာ်လီၤ. 5 ဂါစၤအိၣ်လ့ၤခိၣ်, အၤၡကလိၣ်ဟးဂီၤလံ, အိၣ်ဒီးအကစၢၢ်ကဆူးတနီၤလၢ အအိၣ်လီၤတဲာ်လီၤ. နကဂဲာ်လီၤနသးဆံးယံာ်လဲၣ်.
6 ယွၤအနးတဘ့ၣ်ဧၢ, နတချုးအိၣ်ဘှံးဒံးဘၣ်န့ၣ်မ့ၢ် ဆံးယံာ်လဲၣ်. ဖျီၣ်နုာ်လၢနတြိးပူၤ, အိၣ်ဘှံး, ဒီးအိၣ် ဃိကလာ်တက့ၢ်.
7 နအိၣ်ဘှံးကသ့ဒ်လဲၣ်. အဂ့ၢ်ဒ်အံၤ, ယွၤမၤလိာ်အီၤထီ ဒါအၤၡကလိၣ်, ဒီးထီဒါပီၣ်လဲၤနံၤလီၤ. ပာ်လီၤဝဲဖဲ န့ၣ်လီၤ.
48၄၈
လၢမိၤအးအဂ့ၢ်.
1 တၢ်သုးမုၢ်ဂီၢ်မုၢ်အယွၤစံး, အံၣ်စရ့လးအကစၢ်စံးဒ် အံၤ, နဘိဘၣ်အဖှီၣ်လီၤ. အဂ့ၢ်ဒ်အံၤ, အိၣ်သယုၢ်ဝဲလီၤ. ကံးရယးသံၣ်ပာ်ဆှးအမဲာ်, ပှၤမၤန့ၢ်အီၤ, မးစကာ်ပာ် ဆှးအမဲာ်, ဒီးဘၣ်ယိၣ်တၢ်လီၤ.
2 မိၤအးအစံးထီၣ်ပတြၢၤလီၤအသးလၢ ဃ့ၡဘိၣ်အဃိ န့ၣ်တအိၣ်လၢၤဘၣ်. ပှၤကူၣ်လံတၢ်အၢထီဒါအီၤလီၤ. စံးဝဲဒၣ်, ဟဲ, ဒီၣ်တဲာ်သကိးအီၤလၢပှၤကလုာ်တဖၣ်အ ကျါတက့ၢ်. ဒီးမးဒမၣ်ဧၢ, နကတုၤလၢတၢ်ဟးဂီၤ, နး ဧိၤဘီဧိၤကလူၤနၤလီၤ.
3 တၢ်ကဲးပသူထီၣ်အသီၣ်ဟူထီၣ်ဝဲလၢဃိရနဲၣ်, တၢ်မၤ သယုၢ်, ဒီးတၢ်မၤဟးဂီၤဖးဒိၣ်လီၤ. 4 မိၤအးဟးဂီၤလံ, အဖိဒံဖိသၣ်ကဲးပသူထီၣ်လီၤ.
5 မ့ၢ်မးဖဲတၢ်လဲၤထီၣ်ဆူလူဃံးန့ၣ် ပှၤဟီၣ်ဝဲပိာ်ပှၤဟီၣ် ဝဲအခံလီၤ. မ့ၢ်မးဖဲတၢ်လဲၤလီၤဆူဃိရနဲၣ်န့ၣ်တၢ်အဒုၣ် အဒါနၢ်ဟူတၢ်ဟးဂီၤအသီၣ်လီၤ.
6 ဃ့ၢ်တၢ်, မၤပူၤမၤဖျဲးသုသး, ဒီးအိၣ်ဒ်ပထိးသ့ၣ်ဧၢ် ရၢ်အသိးန့ၣ်တက့ၢ်.
7 အဂ့ၢ်ဒ်အံၤ, မ့ၢ်နသန့ၤနသးလၢနမၤတၢ်, ဒီးနပာ် ဖှိၣ်တၢ်ဒီး, တၢ်ကမၤန့ၢ်နၤစ့ၢ်ကီးလီၤ. ဒီးကမိၣ်ကဘၣ် လဲၤကဲကုၢ်, အပှၤလုၢ်တၢ်အဒိၣ်တဖၣ်, ဒီးအပဒိၣ်ဖး ဒိၣ်တဖၣ်တပူၤဃီလီၤ. 8 ဒီးတၢ်မၤဟးဂီၤတၢ်ကဟဲ ထီၣ်ဘၣ်ဝ့ၢ်ကိးဖျၢၣ်ဒဲး, ဒီးဝ့ၢ်တပူၤတဖျဲးဘၣ်နီတဖျၢၣ် ဘၣ်. ကစၢၢ်ကဆူးကဟးဂီၤစ့ၢ်ကီး, ဒီးတၢ်ကမၤဟး ဂီၤတၢ်ပျီပူၤ, ဒ်ယွၤကတိၤတၢ်အသိးန့ၣ်လီၤ.
9 ဟ့ၣ်မိၤအးလၢဒံးဆ့ ဒ်သိးအကယူၤဝဲဒီးပူၤဖျဲးတက့ၢ်. အဂ့ၢ်ဒ်အံၤ, အဝ့ၢ်တဖၣ်န့ၣ်ကအိၣ်သယုၢ်, ဒီးပှၤအိၣ်ဝဲ ဆိးဝဲလၢအပူၤတအိၣ်ဘၣ်နီတဂၤဘၣ်.
10 ပှၤလၢအမၤယွၤအတၢ်မၤလၢ တၢ်ကၢၣ်တၢ်ကျူန့ၣ်, မ်အဘၣ်ဆိၣ်အၢတက့ၢ်. ဒီးပှၤလၢအတြီအနးဒီးတၢ် သွံၣ်န့ၣ်မ်အဘၣ်ဆိၣ်အၢတက့ၢ်.
11 မိၤအးအိၣ်ဘှံးဝဲလၢအဖိၣ်သၣ်ခွါထီၣ်လံၤလံၤ, ဒီးအိၣ် ဝဲဆိးဝဲလၢအသံးအကာ်အဖီခိၣ်, ဒီးတၢ်တလူလီၤအီၤ လၢလီခီအပူၤဆူလီခီအပူၤဘၣ်, ဒီးတလဲၤကဲကုၢ်ဘၣ်, မၤသးဒ်န့ၣ်ဒီးအတၢ်ဝံၣ်တၢ်ဆၢန့ၣ်အိၣ်ဝဲဒီးအီၤ, ဒီးအ စိအိၣ်ဒၣ်တၢ်လီၤ.
12 မၤသးဒ်န့ၣ်ဒီးကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်က ဟဲလၢယကမၢလီၤပှၤဘိးတခံၣ်ဖိလၢ အကဘိးတခံၣ် အီၤ, ဒီးကမၤစီအတၢ်ပူၤတၢ်လီၢ်, ဒီးကမၤဟးဂီၤအထံ ဒၢတၢ်ဖံးလီၤ.
13 ဒီးမိၤအးအမဲာ်ကဆှးလၢကမိၣ်အဃိ, ဒ်အံၣ်စရ့လး အပှၤဟံၣ်ဖိအမဲာ်ဆှးလၢတၢ်လၢ အသန့ၤအသးလၢ အီၤ, ဘ့ၤသ့လးအဃိအသိးန့ၣ်လီၤ.
14 ပမ့ၢ်ပှၤအဆူၣ်, ဒီးပှၤအိၣ်ဒီးအဂံၢ်ဆူၣ်အဘါဆူၣ်လၢ ဒုးသုးအဂီၢ်န့ၣ်သုစံးကသ့ဒ်လဲၣ်. 15 မိၤအးဟးဂီၤလံ, ဒီးအဝ့ၢ်တဖၣ်န့ၣ် လဲၤထီၣ်လံလၢမ့ၣ်ခုၣ်လံ. ဒီးအဖိၣ် သၣ်ခွါလၢတၢ်ဃုထၢအီၤတဖၣ်န့ၣ် လဲၤလီၤလံဆူတၢ် မၤသံအပူၤလံ. စီၤပၤလၢအမံၤမ့ၢ်တၢ်သုးမုၢ်ဂီၢ်မုၢ်အယွၤ စံးဝဲဒၣ်. 16 တၢ်မၤဟးဂီၤမိၤအးအိၣ်ဘူးတ့ၢ်လံ, ဒီးအ တၢ်မၤအၢအီၤန့ၣ်ဟဲချ့ချ့လီၤ. 17 ကယဲၢ်ပှၤအိၣ်ဝးတရံး အီၤခဲလၢာ်သ့ၣ်ဧၢ, ဟီၣ်လၢအဃိတက့ၢ်. ဒီးကယဲၢ် ပှၤလၢအသ့ၣ်ညါအမံၤခဲလၢာ်န့ၣ်မ်အစံး, စီၤပၤအနီၣ် ထိးဆူၣ်, နီၣ်ထိးဘိအဃံအလၤန့ၣ်ကၢ်ဝဲဒ်လဲၣ်.
18 ဖိမုၣ်လၢအအိၣ်အဆိးလၢ ဒံၤဘိၣ်တဂၤဧၢ, ဟဲလီၤ လၢနတၢ်လၤကပီၤ, ဒီးဆ့ၣ်နီၤလၢတၢ်သူနသးလၢထံ အပူၤတက့ၢ်. အဂ့ၢ်ဒ်အံၤ, တၢ်မၤဟးဂီၤမိၤအးကဟဲထီၣ် ဘၣ်နၤ, ကမၤဟးဂီၤနတိာ်နတာ်လီၤ. 19 ပှၤအိၣ်ဝဲဆိး ဝဲလၢဧရိၤဧ့ၢ်ဧၢ, ဆၢထၢၣ်လၢကျဲပူၤ, ဒီးကွၢ်တၢ်ဒီးသံ ကွၢ်ပှၤလၢအဃ့ၢ်ဝဲ, ဒီးပှၤလၢအပူၤဖျဲးဝဲ, ဒီးစံး, တၢ်မၤ အသးဒ်လဲၣ်.
20 မိၤအးအမဲာ်ဆှးလံ. အဂ့ၢ်ဒ်အံၤ, လီၤပှီၢ်လံ. ဟီၣ်ပသူ ထီၣ်, ဒီးကိးထီၣ်တက့ၢ်. စံၣ်တဲၤတဲလီၤ, မိၤအးဟးဂီၤ လံန့ၣ်လၢအၢ်နိၢ်အပူၤတက့ၢ်. 21 ဒီးတၢ်စံၣ်ညီၣ်ဘၣ်တၢ် ပၢၤခိၣ်, လၢဃိလိၣ်အလိၤ, ဒီးလၢယးဟစၤအလိၤ, ဒီး လၢမ့ဖၤအလိၤ, 22 ဒီးလၢဒံၤဘိၣ်အလိၤ, ဒီးလၢနဘိအ လိၤ, ဒီးလၢဘ့ၤသဒံးဘလၤသံၣ်အလိၤ, 23 ဒီးလၢကံး ယရးသံၣ်အလိၤ, ဒီးလၢဘ့ၤသကၤမူလးအလိၤ, ဒီးလၢ ဘ့ၤသမဧိၣ်အလိၤ. 24 ဒီးလၢကရံးယိးအလိၤ, ဒီးလၢဘိး စရၤအလိၤ, ဒီးလၢအယံၤမ့ၢ်ဂ့ၤ, လၢအဘူးမ့ၢ်ဂ့ၤလၢ ကီၢ်မိၤအးအဝ့ၢ်ခဲလၢာ်အလိၤလီၤ. 25 တၢ်ဒီၣ်တဲာ်လံမိၤ အးအနၢၤလံ, ဒီးအစုကၢ်လံ, ယွၤစံးဝဲဒၣ်.
26 ဒုးအီမူၤအီၤတက့ၢ်. အဂ့ၢ်ဒ်အံၤ, ပာ်ဒိၣ်ထီၣ်အသးလၢ ယွၤအဖီခိၣ်လီၤ. ဒိးမိၤအးကကလိာ်အသးလၢအဘှိး ထီၣ်တၢ်အပူၤ, ဒီးကကဲထီၣ်တၢ်နံၤဘၣ်ဖၣ်လဲအလီၢ် လီၤ.
27 အဂ့ၢ်ဒ်အံၤ, အံၣ်စရ့လးကဲထီၣ်တၢ်နံၤဘၣ်ဖၣ်လဲအ လီၢ်လၢနဂီၢ်, တမ့ၢ်ဘၣ်ဧါ. ပှၤထံၣ်န့ၢ်အီၤလၢပှၤဟုၣ် တၢ်ဖိအကျါစ့ၢ်ကီးဧါ. အဂ့ၢ်ဒ်အံၤ, ဖဲဒၣ်နကတိၤတၢ် လၢအဂ့ၢ်ဒီး, နဂံၤဂုၤနခိၣ်လီၤ.
28 ပှၤလၢအအိၣ်ဝဲဆိးဝဲလၢမိၤအးအပူၤသ့ၣ်ဧၢ, လဲၤသ ဒၣ်ဝ့ၢ်တဖၣ်, ဒီးအိၣ်ဒီးဆိးလၢလၢၢ်အိပူၤတက့ၢ်. ဒီးအိၣ် ဒ်ထိၣ်လွံၢ်လၢအမၤအသွံလၢ တၢ်အိပူၤအခိၣ်ထိးအက ပၤအသိးန့ၣ်တက့ၢ်.
29 ပနၢ်ဟူလံလၢမိၤအးအသးထီၣ်ထီန့ၣ် အဂ့ၢ်အကျိၤ, လၢအပာ်အသးထီၣ်ထီနးမး, ပာ်ဒိၣ်အသး, ဒီးပာ်အ သးကဖိလိ, ဒီးပာ်ကဖိအသး, ဒီးပာ်အသးကဖၢလၢန့ၣ် လီၤ.
30 ယွၤစံးဝဲဒၣ်, အသးကဲၤထီၣ်န့ၣ်ယသ့ၣ်ညါလၢအမ့ၢ် တၢ်ကလီကလီ, ဒီးအပာ်ကဖၢလၢအသးန့ၣ်တမၤကဲ ထီၣ်တၢ်နီတမံၤဘၣ်လီၤ.
31 မၤသးဒ်န့ၣ်ဒီးယကဟီၣ်လၢမိၤအးအဃိ, ဒီးယက ကိးပသူထီၣ်လၢမိၤအးခဲလၢာ်အဃိလီၤ. ဟီၣ်တၢ်ယၢၤ တၢ်လၢကံၢ်ဃ့ရ့းအပှၤကညီအဃိတက့ၢ်.
32 စံဘမၤအစပံးမုၢ်ဧၢ, ယကဟီၣ်လၢနဃိလၢယၤစ့ၢ် အတၢ်ဟီၣ်လီၤ. နဒ့နဖီလဲၤခီဂာ်ပီၣ်လဲၣ်ပၢၢ်လၢပီၣ် လဲၣ်ယၤစ့ၢ်လီၤ. တၢ်မၤဟးဂီၤတၢ်လီၤဘၣ်လၢနတၢ် ကိၢ်အကတီၢ်အတၤသၣ်အဖီခိၣ်, ဒီးလၢနစပံးသၣ်အ ဖီခိၣ်န့ၣ်လီၤ.
33 တၢ်ထုးထီၣ်ကွံာ်တၢ်သူၣ်ခုသးခု, ဒီးတၢ်သူၣ်ဖှံသး ညီလၢတၤသၣ်အလီၢ်, ဒီးလၢကီၢ်မိၤအးအပူၤလီၤ. ယ မၤလၢာ်စပံးထံလၢနီၢ်စံၢ်စပံးသၣ်အပူၤလီၤ. ပှၤတယီၢ် လၢၤဘၣ်အိၣ်ဒီးတၢ်ကိးပသူထီၣ်န့ၣ်ဘၣ်. တၢ်ကိးပ သူထီၣ်န့ၣ်တမ့ၢ်လၢၤဘၣ်တၢ်ကိးပသူထီၣ်ဘၣ်.
34 ထုထီၣ်အကလုၢ်လၢဃ့ၡဘိၣ်လၢ အကိးထီၣ်ပၢၢ်လၢ အ့လဧၤလ့ၤ, ပၢၢ်လၢယၤစ့ၢ်န့ၣ်, လၢစိဧၢ်ပၢၢ်လၢဃိရ နဲၣ်, ဂီၤဖံးမိၢ်အသးပှၢ်သၢနံၣ်လီၤ. အဂ့ၢ်ဒ်အံၤ, နံးမရံအ ထံတဖၣ်အိၣ်သယုၢ်ဝဲလီၤ. 35 ဒီးယွၤစံးဝဲဒၣ်, ယကမၤ လၢာ်ပှၤလၢ အလုၢ်တၢ်လၢတၢ်ထီၣ်ထီ, ဒီးလၢအဆိၣ် ကဲၤမ့ၣ်အူလၢအကစၢ်တဖၣ်အဂီၢ် လၢမိၤအးအပူၤလီၤ.
36 မၤသးဒ်န့ၣ်ဒီးယသးသီၣ်ထီၣ် ဒ်ပံဧိၤမီဧိၤအသိးလၢ မိၤအးအဃိ, ယသးသီၣ်ထီၣ်ဒ်ပံဧိၤမီဧိၤအသိးလၢကံၢ် ဃ့ရ့းအပှၤကညီအဃိလီၤ. အဂ့ၢ်ဒ်အံၤ, အတၢ်ဖိတၢ် လံၤလၢအအိၣ်လီၤတဲာ်န့ၣ်ဟါမၢ်လံ. 37 ကယဲၢ်ပှၤအ ခိၣ်လ့ၤ, ကယဲၢ်ပှၤအခၣ်ဆူၣ်တံာ်အသး, တၢ်ဂဲာ်အလီၢ် အိၣ်ဝဲလၢကယဲၢ်ပှၤအစု, ဒီးထၢၣ်အတၢ်ကံးညာ်အိၣ် ဝဲလၢပှၤအယီၢ်ဒ့အလိၤလီၤ.
38 ပှၤဟီၣ်ဝဲလၢမိၤအးအဟံၣ်ခိၣ်ခဲလၢာ်, ဒီးလၢအကျဲ ပူၤခဲလၢာ်လီၤ. အဂ့ၢ်ဒ်အံၤ, ယမၤသ့ၣ်ဖးမိၤအးဒ်လီခီ လၢအတဘၣ်ဘၣ်တၢ်အသးအသိးန့ၣ်ယွၤစံးဝဲဒၣ်.
39 ဟီၣ်ပသူတက့ၢ်. လီၤပှီၢ်ဝဲဒ်လဲၣ်. မိၤအးဃၣ်ဒူၣ်ချၢ အသးလၢအမဲာ်ဆှးအဃိဒ်လဲၣ်. ဒ်န့ၣ်အသိးမိၤအးက ကဲထီၣ်ဝဲလၢတၢ်နံၤဘၣ်ဖၣ်လဲအလီၢ်, ဒီးဒုးပျံၤတၢ်အ လီၢ်လၢကယဲၢ်ပှၤလၢအအိၣ်ဝးတရံးအီၤအဂီၢ်လီၤ.
40 အဂ့ၢ်ဒ်အံၤ, ယွၤစံးဒ်အံၤ, ကွၢ်ကွၢ်, အဝဲဒၣ်ကယူၤဝဲ ဒ်လံာ်ကြီကြာ်အသိးန့ၣ်, ဒီးကသလၣ်ထီၣ်အဒံးဆ့လၢ မိၤအးအဖီခိၣ်လီၤ. 41 တၢ်မၤန့ၢ်ကရံယိး, ဒီးတၢ်ဖီၣ်န့ၢ် တိာ်ဧိၤတာ်ဧိၤ, ဒီးမိၤအးအပှၤဆူၣ်အသးကမၤအသး လၢမုၢ်တနံၤန့ၣ်ဒ်ပိာ်မုၣ်လၢ အဘၣ်တၢ်ဟုးဆါအသး သိးန့ၣ်လီၤ. 42 ဒီးတၢ်ကမၤဟးဂီၤမိၤအး ဒ်သိးအသုတ တမ့ၢ်လၢၤပှၤတကလုာ်တဂ့ၤ. အဂ့ၢ်ဒ်အံၤ, ပာ်ဒိၣ်အ သးလၢယွၤအဖီခိၣ်လီၤ. 43 တၢ်ပျံၤ, ဒီးတၢ်ပူၤ, ဒီးတၢ်ပျံၤ သကွီၤန့ၣ်ဘၣ်နၤ, ပှၤအိၣ်ဝဲဆိးဝဲလၢမိၤအးအပူၤဧၢ, ယွၤစံးဝဲဒၣ်.
44 ပှၤလၢအဃ့ၢ်ဝဲလၢတၢ်ပျံၤအမဲာ်ညါန့ၣ် ကလီၤတဲာ် လၢတၢ်ပူၤ, ဒီးပှၤလၢအဟဲထီၣ်လၢတၢ်ပူၤန့ၣ်ကဘၣ် တၢ်ပျံၤသကွီၤလီၤ. အဂ့ၢ်ဒ်အံၤ, ယကဒုးဘၣ်မိၤအးလၢ တၢ်အိၣ်သကိးအီၤအနံၤလီၤ. ယွၤစံးဝဲဒၣ်.
45 ပှၤလၢအဃ့ၢ်တဖၣ်န့ၣ် ဆၢထၢၣ်ဒီးအဂံၢ်အဘါတ အိၣ်ဘၣ်လၢဃ့ၡဘိၣ်အကဒုပူၤလီၤ. ဘၣ်ဆၣ်ဒီးမ့ၣ် အူဟဲထီၣ်လၢဃ့ၡဘိၣ်, ဒီးမ့ၣ်အူလၣ်လၢစံယိၣ်အသး ကံၢ်ပူၤ, ဒီးအီၣ်ကွံာ်မိၤအးအဃၢၤ, ဒီးပှၤတၢထီၣ်တၢ လီၤတဖၣ်အခိၣ်ဒးလီၤ.
46 မိၤအးဧၢ, နဘၣ်အဖှီၣ်လီၤ. ကမိၣ်အပှၤဂီၢ်မုၢ်ဟးဂီၤ လံ. အဂ့ၢ်ဒ်အံၤ, တၢ်မၤန့ၢ်မၢကဲကုၢ်နဖိခွါတဖၣ်, ဒီးမၢ ကဲကုၢ်နဖိမုၣ်တဖၣ်လီၤ.
47 ဘၣ်ဆၣ်လၢမုၢ်နံၤအကတၢၢ်တဖၣ်, ယကဒုးဟဲက့ၤ မိၤအးလၢအလဲၤကဲကုၢ်န့ၣ်လီၤ. ယွၤစံးဝဲဒၣ်, တုၤဖဲအံၤ မ့ၢ်မိၤအးအတၢ်စံၣ်ညီၣ်လီၤ.
49၄၉
လၢပှၤဧၣ်မိၣ်ဖိအဂ့ၢ်.
1 ယွၤစံးဝဲဒ်အံၤ, အံၣ်စရ့လးအဖိခွါတဖၣ်တအိၣ်ဘၣ် ဧါ. အပှၤန့ၢ်သါတၢ်တအိၣ်ဘၣ်ဧါ. မံးလကိၣ်န့ၢ်သါ ကး, ဒီးအပှၤဂီၢ်မုၢ်အိၣ်ဝဲဆိးဝဲလၢအဝ့ၢ်တဖၣ် အပူၤမ့ၢ် အဘၣ်မနုၤလဲၣ်.
2 မၤသးဒ်န့ၣ်ဒီးကွၢ်ကွၢ်, ယွၤစံးဝဲဒၣ်, မုၢ်နံၤတဖၣ်ဟဲ လၢယကဒုးသီၣ်ထီၣ်တၢ်ဒုးသုးအသီၣ်လၢ ပှၤဧၣ်မိၣ် ဖိအရးဘးအပူၤ, ဒီးကကဲထီၣ်တၢ်ပူအိၣ်သယုၢ်, ဒီးတၢ် ကဆူးထီၣ်ကွံာ်အဖိမုၣ်လၢမ့ၣ်အူလီၤ. ဒီးအံၣ်စရ့လး ကန့ၢ်သါဘၣ်ပှၤလၢအန့ၢ်သါတ့ၢ်အီၤန့ၣ်, ယွၤစံးဝဲဒၣ်.
3 ဃ့ၡဘိၣ်ဧၢ, ဟီၣ်ပသူထီၣ်တက့ၢ်. အဂ့ၢ်ဒ်အံၤ, ဂဲဟး ဂီၤလံ. ရးဘးအဖိမုၣ်သ့ၣ်ဧၢ, ကိးပသူထီၣ်တက့ၢ်. ကံၢ် တူာ်သုယီၢ်ဒ့လၢထၢၣ်အတၢ်ကံးညာ်တက့ၢ်. ဟီၣ်ဒီး ဃ့ၢ်ဝ့ၤဝီၤတၢ်လၢအခိၣ်ဒူအဃၢၤတက့ၢ်. အဂ့ၢ်ဒ်အံၤ, မံးလကိၣ်လဲၤကဲကုၢ်, ဒီးအပှၤလုၢ်တၢ်အဒိၣ်, ဒီးအပဒိၣ် ဖးဒိၣ်တပူၤဃီလီၤ. 4 နပာ်ကဖိနသးလၢကစၢၢ်ကဆူး အဃိန့ၣ်မ့ၢ်အဘၣ်မနုၤလဲၣ်. ဒီးတၢ်ကယွၤဝဲလၢနက စၢၢ်ကဆူးအပူၤ, ဖိမုၣ်လၢအသးဟးဂီၤလၢအသန့ၤ အသးလၢအတၢ်ပာ်ဖှိၣ်အသးန့ၣ်, ဒီးစံးမ့ၢ်မတၤကဟဲ ဆူယအိၣ်လဲၣ်န့ၣ်တဂၤဧၢ. 5 ကွၢ်ကွၢ်, တၢ်သုးမုၢ်ဂီၢ်မုၢ် အယွၤစံးဝဲဒၣ်, ယကဒုးဘၣ်နၤလၢတၢ်ပျံၤလၢကယဲၢ် ပှၤလၢအအိၣ်ဝးတရံးနၤအဃိလီၤ. ဒီးတၢ်ကဟီထီၣ် ကွံာ်သုလၢအမဲာ်ညါကိးဂၤဒဲး, ဒီးပှၤထၢဖှိၣ်ပှၤလၢအ ဃ့ၢ်တၢ်န့ၣ်တအိၣ်ဘၣ်. 6 ဘၣ်ဆၣ်ဒီးလၢခံက့ၤဒီးယ ကဒုးဟဲက့ၤပှၤဧၣ်မိၣ်ဖိလၢ အလဲၤကဲကုၢ်န့ၣ်လီၤ, ယွၤ စံးဝဲဒၣ်.
7 လၢအဒိၣ်အဂ့ၢ်. တၢ်သုးမုၢ်ဂီၢ်မုၢ်အယွၤကစၢ်စံးဝဲဒၣ်, တၢ်ကူၣ်သ့တ အိၣ်လၢၤဘၣ်လၢတ့ၤမၣ်အပူၤဘၣ်ဧါ. ပှၤအကူၣ်အဆး န့ၣ်ဒုးကူၣ်တၢ်တကဲၤလၢၤဘၣ်ဧါ. အတၢ်ကူၣ်သ့န့ၣ် လၢာ်လံဧါ.
8 ဃ့ၢ်တၢ်, ဃၣ်သုသး, အိၣ်လၢတၢ်ယိာ်ပူၤတက့ၢ်. ပှၤ အိၣ်ဝဲဆိးဝဲလၢဒ့ဒၢ်သ့ၣ်ဧၢ, အဂ့ၢ်ဒ်အံၤ, ယကဒုးဘၣ် အီၤလၢဧ့ၡီၤအတၢ်ဟးဂီၤ, လၢအကတီၢ်ဖဲယကအိၣ် သကိးအီၤလီၤ.
9 ပှၤထၢဖှိၣ်စပံးသၣ်တဖၣ် မ့ၢ်ဟဲဆူနအိၣ်ဒီး, စပံးသၣ် အိၣ်ပြံပြါတနီၤကပာ်လီၤတဲာ်, တမ့ၢ်ဘၣ်ဧါ. တမျိၤ တမျာ်မ့ၢ်ဟဲလၢမုၢ်နၤဒီး, ကမၤဟးဂီၤတၢ်တုၤ အတၢ် အါလံန့ၣ်တမ့ၢ်ဘၣ်ဧါ. 10 မ့ၢ်မ့ၢ်ယကမၤလ့ၤကဒိဧ့ၡီၤ, ယကလီၣ်ဖျါထီၣ်အလီၢ်အိၣ်ခူသူၣ်, ဒီးပာ်ခူသူၣ်အသး တသ့ဘၣ်. အချံအသၣ်ဒီးအဒီပုၢ်ဝဲၢ်, ဒီးပှၤလၢအဃၢၤ န့ၣ်ကတုၤလၢတၢ်ဟးဂီၤ, ဒီးအဝဲဒၣ်တအိၣ်လၢၤဘၣ်.
11 ပာ်လီၤတဲာ်နဖိဖိၣ်ဃဲတဖၣ်တက့ၢ်. ဒီးယကဒုးမူဒံး အီၤလီၤ. ဒီးမ်နမုၣ်ကမဲတဖၣ် သန့ၤအသးလၢယၤတ က့ၢ်.
12 အဂ့ၢ်ဒ်အံၤ, ယွၤစံးဒ်အံၤ, ပှၤလၢအတဘၣ်ဃးဘၣ် ဒီးအီၤလၢအကအီလီခီန့ၣ် အီလံသပှၢ်တၢၢ်လံ. ဒီးနမ့ၢ် ပှၤလၢတၢ်တပာ်ဘၣ်တၢ်ဒဲးဘးလၢနလိၤဘၣ်ဧါ. တၢ် တပာ်ဘၣ်နၤလၢနတၢ်ဒဲးဘးတအိၣ်ဘၣ်. မ့ၢ်မးအီဒီး နကအီလီၤ. 13 အဂ့ၢ်ဒ်အံၤ, ယွၤစံးဝဲဒၣ်, ယဆိၣ်တၢ်လၢ ယကစၢ်ဒၣ်ယဲအမဲာ်ညါ, ဘိးစရၤကကဲထီၣ်တၢ်ကမၢ ကမၣ်အလီၢ်, တၢ်ဒုၣ်ဒွဲၣ်အလီၢ်, တၢ်အိၣ်သယုၢ်အ လီၢ်, ဒီးတၢ်ဆိၣ်အၢအလီၢ်, ဒီးအဝ့ၢ်တဖၣ်န့ၣ်ကအိၣ် သယုၢ်ဝဲလီၤထူလီၤယိာ်လီၤ. 14 ယနၢ်ဟူတၢ်အကစီၣ် လၢယွၤ, ဒီးတၢ်မၢကလူးတဂၤလဲၤဝဲဆူပှၤကလုာ်တ ဖၣ်အကျါ, စံးဝဲဒၣ်, အိၣ်ဖှိၣ်ရိဖှိၣ်, ဒီးဟဲထီဒါအီၤ, ဒီးဂဲၤ ဆၢထၢၣ်လၢတၢ်ဒုးသုးအဂီၢ်တက့ၢ်. 15 အဂ့ၢ်ဒ်အံၤ, ကွၢ် ကွၢ်, ယပာ်နၤလၢအဆံးလၢ ပှၤကလုာ်တဖၣ်အကျါ, ပှၤလၢတၢ်တပးကဲဘၣ်အီၤလၢပှၤကညီအကျါလီၤ.
16 နမၤပျံၤတၢ်, နသးထီၣ်ထီန့ၣ်လီန့ၢ်နသး, လၢနအိၣ် နဆိးလၢလၢၢ်အိပူၤအဃိ, ဒီးလၢနအိၣ်လၢတၢ်စိခိၣ်အ ဒီခိၣ်အဃိလီၤ. နမ့ၢ်ပာ်နသွံထီဒ်လံာ်ကြီကြာ်အသိး ဘၣ်ဆၣ်ဒီး, ယကထုးလီၤနၤဖဲန့ၣ်လီၤ, ယွၤစံးဝဲဒၣ်.
17 ဒီးအဒိၣ်ကကဲထီၣ်တၢ်ကမၢကမၣ်အလီၢ်လီၤ. က ယဲၢ်ပှၤလၢအလဲၤတြူာ်အီၤန့ၣ် ကပာ်အသးကမၢက မၣ်, ဒီးကဒုၣ်ဒွဲၣ်ဝဲလၢအတၢ်နးတၢ်ဖှီၣ်အဃိလီၤ.
18 ယွၤစံးဝဲဒၣ်, ဒ်လၢတၢ်မၤဟးဂီၤစဒိၣ်. ဒီးဂမိရၤ, ဒီးဝ့ၢ် တဖၣ်အိၣ်ဝဲလၢအဃၢၤအသိးန့ၣ် ပှၤတအိၣ်ဘၣ်ဖဲန့ၣ် ဘၣ်, ဒီးပှၤကညီဖိတအိၣ်တဆိးလၢအပူၤဘၣ်.
19 ကွၢ်ကွၢ်, ကကဲထီၣ်ဒ်ခ့ယုၢ်လၢယၢ်ဒ့ၣ်အထံလုၢ်ဘၢ တၢ်အသိး, ထီဒါတၢ်အလီၢ်ခၢၣ်သနၢၢ်လီၤ. လၢတၢ်တ ဖျးမဲာ်, ယကဒုးဃ့ၢ်ထီၣ်ကွံာ်အီၤလၢအအိၣ်လီၤ. ဒီး ပှၤဃုထၢဖိလၢယကပာ်လၢအဖီခိၣ်န့ၣ် မ့ၢ်မတၤတဂၤ လဲၣ်, အဂ့ၢ်ဒ်အံၤ, မ့ၢ်မတၤလီၤဂာ်ယၤတဂၤလဲၣ်. ဒီးမ့ၢ် မတၤကသ့ၣ်နံၤဖးသီလၢယဂီၢ်တဂၤလဲၣ်. ဒီးပှၤကွၢ် သိလၢအဆၢထၢၣ်လၢယမဲာ်ညါသ့န့ၣ် မ့ၢ်မတၤတဂၤ လဲၣ်.
20 မၤသးဒ်န့ၣ်ဒီးကနၣ်ယွၤအတိာ်တၢ်လၢ အတိာ်ထီဒါ အဒိၣ်, ဒီးတၢ်ကူၣ်တၢ်လၢအကူၣ်ထီဒါပှၤတ့ၤမၣ်ဖိတ က့ၢ်. မ့ၢ်မးပှၤအဆံးတဖၣ်လၢသိတဖုအကျါန့ၣ်ကမိၤ ထီၣ်အီၤလီၤ. မ့ၢ်မးအအိၣ်အဆိးအလီၢ်န့ၣ်ကအိၣ်သ ယုၢ်လၢအဃိလီၤ.
21 ဟီၣ်ခိၣ်ကဟူးဝးဝဲလၢ အလီၤဃံၤအသီၣ်အဃိ, တၢ် အသီၣ်န့ၣ်ကဟူထီၣ်ဝဲဖဲပီၣ်လဲၣ်ဆှဲအနံၤလီၤ. 22 ကွၢ် ကွၢ်, ဒ်လံာ်ကြီကြာ်အသိးန့ၣ်ကဟဲထီၣ်, ဒီးယူၤဝဲ, ဒီး သလၣ်ထီၣ်အဒံးဆ့လၢဘိးစရၤအဖီခိၣ်, ဒီးတၢ်လၢ မုၢ်တနံၤန့ၣ် အဒိၣ်အပှၤအဆူၣ်တဖၣ်အသးန့ၣ် ကမၤ အသးဒ်ပိာ်မုၣ်လၢအဟုးဆါအသးအသိးန့ၣ်လီၤ.
23 လၢဒၤမ့ၤစ့းအဂ့ၢ်ဃမါသးဒီးအ့ၢ်ဖးအမဲာ်ဆှးလီၤ. မ့ၢ်အနၢ်ဟူတၢ်အၢ အကစီၣ်ဒီးအသးလီၤဘှါလီၤ. တၢ်ဟူးဝးဝဲလၢပီၣ်လဲၣ် ပူၤ, အိၣ်ဘှံးဝဲတသ့ဘၣ်. 24 ဒၤမ့ၤစ့းန့ၣ်အဂံၢ်စၢ်လီၤ. ဃၣ် ဃီၤအသးဒ်သိးအကဃ့ၢ်ထီၣ်ကွံာ်, ဒီးတၢ်ပျံၤဟံးဃာ် အီၤ, တၢ်မၤကိၢ်မၤဂီၤ, ဒီးတၢ်သူၣ်အုးသးအုးဘၣ်အီၤဒ် ပိာ်မုၣ်လၢအဘၣ်တၢ်ဟုးဆါအသိးန့ၣ်လီၤ.
25 ဝ့ၢ်လၢအဒိးတၢ်စံးထီၣ်ပတြၢၤ, ယသူၣ်ဖှံသးညီအဝ့ၢ် န့ၣ်ပှၤလဲၤသဒၣ်အီၤဒ်လဲၣ်. 26 မၤသးဒ်န့ၣ်ဒီးလၢမုၢ်တနံၤန့ၣ် အပှၤဖိၣ်သၣ်ခွါကလီၤဃံၤလၢအကျဲမုၢ်အပူၤ, ဒီးအပှၤသုးဖိခဲလၢာ်ကတုၤလၢတၢ်ဟးဂီၤလီၤ. ယွၤတၢ်သုးမုၢ်ဂီၢ်မုၢ်အယွၤစံးဝဲဒၣ်.―
27 ဒီးယကဆိၣ်ကဲၤထီၣ်မ့ၣ်အူလၢ ဒၤမ့ၤစ့းအဝ့ၢ်ခိၣ်ဒူအ ဖီခိၣ်, ဒီးကအီၣ်ကွံာ်ဘ့ၣ်ဟဒးအနူၢ်တဖၣ်လီၤ.
28 လၢက့ဒၢ်အဂ့ၢ်, ဒီးလၢဃါစိၢ်အဘီမုၢ်တဖၣ်လၢဘၤ ဘူၤလိၣ်အစီၤပၤနဘူၤကးန့စၢ်ကကျီကွံာ်ဝဲအဂ့ၢ်.
29 ယွၤစံးဒ်အံၤ, ဂဲၤဆၢထၢၣ်လဲၤထီၣ်ဆူက့ဒၢ်, ဒီးမၤဟး ဂီၤပှၤမုၢ်ထီၣ်ဖိတက့ၢ်. ပှၤကဟံးန့ၢ်အဒဲဒီးအသိအမဲာ် တဲးလဲး, ဒီးယၣ်သဒၢတၢ်, ဒီးအတၢ်ဖိတၢ်လံၤခဲလၢာ်, ဒီးကစိာ်ထီၣ်ကွံာ်အကီၤလၤအူးလၢအဂီၢ်ဒၣ်ဝဲလီၤ. ဒီး ကကိးထီၣ်ဝဲလၢအဃိ, တၢ်ပျံၤတၢ်ဖုးအိၣ်ဝးတရံးဝဲ လီၤ.
30 ဃ့ၢ်, လဲၤဆူအယံၤ, အိၣ်လၢအယိာ်တက့ၢ်, ပှၤဃါစိၢ် ဖိသ့ၣ်ဧၢ, ယွၤစံးဝဲဒၣ်. အဂ့ၢ်ဒ်အံၤ, ဘၤဘူၤလိၣ်အစီၤပၤ နဘူၤကးန့စၢ်တိာ်တၢ်ထီဒါသု, ဒီးကူၣ်တၢ်ထီဒါသု လီၤ.
31 ဂဲၤဆၢထၢၣ်, လဲၤထီၣ်ဆူပှၤလၢအတပလီၢ်ဘၣ်အ သး, လၢအနာ်လီၤအသးတကလုာ်အအိၣ်တက့ၢ်, ယွၤ စံးဝဲဒၣ်. အတြဲၤမ့ၢ်ဂ့ၤ, အနီၣ်ဘိမ့ၢ်ဂ့ၤ, တအိၣ်ဘၣ်, အိၣ် ဝဲတကလုာ်ဃီလီၤ. 32 ဒီးအကီၤလၤအူးတဖၣ်ကကဲ ထီၣ်တၢ်ဂုာ်န့ၢ်, ဒီးအဆၣ်ဖိကီၢ်ဖိအဒၢဂီၢ်မုၢ်ကကဲထီၣ် နတၢ်ဂုာ်ဆူၣ်, ဒီးပှၤလၢအအိၣ်ဝဲဒီးပှၤလၢအလူၤအခၣ် ဆူၣ်အနၢၣ်တဖၣ် ယကမၤလီၤပြံလီၤပြါဆူကလံၤကိး ခီဒဲးအကျါ, ဒီးယကဒုးဟဲဘၣ်အီၤလၢအတၢ်နးတၢ်ဖှီၣ် လၢကိးခီဒဲးလီၤ, ယွၤစံးဝဲဒၣ်. 33 ဒီးဃါစိၢ်ကကဲထီၣ်ထွံၣ် ဟီၣ်ခိၣ်အအိၣ်အလီၢ်, တၢ်အိၣ်သယုၢ်အလီၢ်လီၤထူ လီၤယိာ်လီၤ. ဒီးပှၤကညီတအိၣ်ဘၣ်လၢအပူၤ, ဒီးပှၤ ကညီဖိတအိၣ်တဆိးဘၣ်လၢအပူၤဘၣ်. လၢယူဒၤအစီၤပၤစံးဒကံယၤကဲသီစီၤပၤန့ၣ် ယွၤအ ကလုၢ်ဘၣ်ဝံယံးရမံယၤ လၢဧ့ၤလၣ်အဂ့ၢ်, စံးဝဲဒၣ်, 34 တၢ်သုးမုၢ်ဂီၢ်မုၢ်အယွၤစံးဒ်အံၤ, ကွၢ်ကွၢ်, ယကဘိးကၢ် ကွံာ်ဧ့ၤလၣ်အချံၣ်, အစိအကမီၤအခိၣ်လီၤ. 35 ဒီးယ ကဒုးဟဲဘၣ်ဧ့ၤလၣ်လၢ ကလံၤလွံၢ်ခီလၢမူခိၣ်လွံၢ်ခီ, ဒီးယကမၤလီၤပြံလီၤပြါအီၤ ဆူကလံၤခဲလၢာ်အကျါ, ဒီးဖဲပှၤဘၣ်တၢ်ဟီထီၣ်ကွံာ်လၢ ဧ့ၤလၣ်တဟဲဘၣ်န့ၣ် ပှၤတကလုာ်တအိၣ်ဘၣ်နီတကလုာ်ဘၣ်.
37 အဂ့ၢ်ဒ်အံၤ, ယကဒုးပျံၤပှၤဧ့ၤလၣ်ဖိလၢအဒုၣ်အဒါ အမဲာ်ညါ, ဒီးလၢပှၤလၢအဃုအသးသမူအမဲာ်ညါ, ဒီး ယကဒုးဘၣ်အီၤလၢတၢ်အၢ, ယသးကဲၤထီၣ်န့ၣ်ယွၤစံး ဝဲဒၣ်, ဒီးယကမၢလီၤနးဧိၤဘီဧိၤလူၤအီၤတုၤယမၤလၢာ် အီၤလီၤ.
38 ဒီးယကပာ်လီၤယလီၢ်ပစိာ်လၢဧ့ၤလၣ်အပူၤ, ဒီးယ ကမၤဟးဂီၤစီၤပၤတဖၣ်, ဒီးပဒိၣ်ဖးဒိၣ်တဖၣ်န့ၣ်, ယွၤ စံးဝဲဒၣ်. 39 ဘၣ်ဆၣ်ဒီးလၢမုၢ်နံၤအကတၢၢ်တဖၣ်န့ၣ် တၢ်ကမၤအသးလၢယကဒုးဟဲက့ၤ ဧ့ၤလၣ်အလဲၤကဲ ကုၢ်န့ၣ်, ယွၤစံးဝဲဒၣ်.
50၅၀
1 တၢ်ကတိၤလၢယွၤကတိၤတၢ်လၢ ဘၤဘူၤလိၣ်အဂ့ၢ်, ဒီးလၢပှၤက့ၤစ့းဖိအကီၢ်အဂ့ၢ်လၢ ဝံယံးရမံယၤအစုပူၤ.
2 စံၣ်တဲၤတဲလီၤတၢ်လၢပှၤကလုာ်တဖၣ်အကျါ, ဒီးဒုး နၢ်ဟူတၢ်, ဒီးယူာ်ထီၣ်သုးအလၣ်တက့ၢ်. ဒုးနၢ်ဟူတၢ် တက့ၢ်. ပာ်ခူသူၣ်တဂ့ၤ. စံး, ပှၤမၤန့ၢ်ဘၤဘူၤလိၣ်, ဘ့ လးမဲာ်ဆှး, မရိဒးအသးကတုၤ, အတၢ်ဂီၤမဲာ်ဆှး, အ သ့ၣ်ကျီၣ်အသးကတုၤလီၤ. 3 အဂ့ၢ်ဒ်အံၤ, ပှၤတကလုာ် ဟဲထီၣ်ထီဒါအီၤလၢကလံၤစိးလၢ အကမၤသယုၢ်အ ကီၢ်, ဒီးပှၤတအိၣ်တဆိးဘၣ်လၢအပူၤဘၣ်. ပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဃ့ၢ်ထီၣ်ကွံာ်လံ, ဟးထီၣ်ကွံာ် လံလီၤ.
4 ယွၤစံးဝဲဒၣ်, တၢ်လၢမုၢ်နံၤတဖၣ်န့ၣ်, ဒီးတၢ်လၢအဆၢ အကတီၢ်န့ၣ်ပှၤအံၣ်စရ့လးဖိကဟဲ, ဒီးကလဲၤဃုယွၤ အကစၢ်လီၤ. 5 အမဲာ်ကွၢ်ဆူန့ၣ်ဒီးကသံကွၢ်ကျဲလဲၤဆူ စံယိၣ်, ဒီးကစံးဟဲ, မၤစဲဘူးသကိးပသးဒီးယွၤလၢ တၢ်အၢၣ်လီၤအီလီၤအထူအယိာ်, လၢတၢ်တသးပ့ၤနီၣ် ဘၣ်န့ၣ်တက့ၢ်.
6 ယပှၤဂီၢ်မုၢ်မ့ၢ်တ့ၢ်သိလၢ အဟးဖျိးကျဲ, အပှၤကွၢ်သိ တဖၣ်ဒုးဟးဖျိးအီၤလၢကျဲ, ဒုးလဲၤဝဲဆူကစၢၢ်ကလိ လီၤ. ဟးလၢကစၢၢ်ဆူတၢ်စိခိၣ်, သးပ့ၤနီၣ်အအိၣ်ဘှံး အလီၢ်လီၤ. 7 ကယဲၢ်ပှၤလၢအထံၣ်န့ၢ်အီၤအီၣ်ကွံာ်အီၤ, ဒီးအဒုၣ်အဒါစံးဝဲဒၣ်, တၢ်တပာ်တၢ်ဒဲးဘးလၢပလိၤ ဘၣ်. အဂ့ၢ်ဒ်အံၤ, အဝဲသ့ၣ်မၤကမၣ်ဘၣ်ယွၤ, တၢ်အီၣ် ဆၣ်အလီၢ်အတီအလိၤ, ယွၤအပၢ်တဖၣ်အတၢ်မုၢ်လၢ် လီၤ. 8 ဟးထီၣ်လၢဘၤဘူၤလိၣ်အသးကံၢ်ပူၤ, ဒီးဟးထီၣ် ကွံာ်လၢပှၤက့ၤစ့းဖိအကီၢ်ပူၤ, ကဲထီၣ်တၢ်ဒ်မဲာ်တဲးလဲးဖါလၢသိဒီးမဲာ်တဲးလဲးဖုအမဲာ်ညါ အသိးန့ၣ်တက့ၢ်.―
9 အဂ့ၢ်ဒ်အံၤ, ကွၢ်ကွၢ်, ယကဒုးဂဲၤဆၢထၢၣ်, ဒီးဒုးဟဲထီ ဒါဘၤဘူၤလိၣ်လၢပှၤကလုာ်ဖးဒိၣ် အတၢ်အိၣ်ဖှိၣ်လၢ ကီၢ်လၢကလံၤစိးတခီလီၤ. ဒီးကပာ်အသးထီဒါအီၤ, ဒီးတၢ်ကဟံးထီၣ်က့ၤအီၤဖဲန့ၣ်လီၤ. အပျၢ်ကမၤသးဒ် ပှၤအဆူၣ်လၢအခးတၢ်သ့အပျၢ်သိးန့ၣ်လီၤ. တဟဲက့ၤ ကဒါက့ၤကလီဘၣ်. 10 ဒီးကီၢ်က့ၤစ့းကဟဲထီၣ်တၢ်ဂုာ် ဆူၣ်ပျီဆူၣ်, ဒီးကယဲၢ်ပှၤလၢအဂုာ်ဆူၣ်အတၢ်ခဲလၢာ် န့ၣ်ကမံသူၣ်မံသးလီၤ.
11 အဂ့ၢ်ဒ်အံၤ, သုသူၣ်ခုသးခု, အဂ့ၢ်ဒ်အံၤ, သုသူၣ်ဖှံသး ညီလီၤ, ပှၤဂုာ်န့ၢ်ယတၢ်န့ၢ်သါသ့ၣ်ဧၢ. အဂ့ၢ်ဒ်အံၤ, သုစံၣ်ထီၣ်ဒ်ဂီၤဖံးမိၢ်လၢအယီၢ်ဘုအသိးန့ၣ်, ဒီးကဟဲး ထီၣ်ဒ်ကသ့ၣ်ဖါအသိးန့ၣ်လီၤ. 12 သုမိၢ်အမဲာ်ဆှးနးမး လီၤ. ပှၤလၢအဆံးစၢ်သုန့ၣ်ပာ်ဆှးအမဲာ်လီၤ. ကွၢ်ကွၢ်, ပှၤကလုာ်တဖၣ်အကတၢၢ်န့ၣ် မ့ၢ်ပှၤမုၢ်ကနၢ, မံၤခိၣ် သိၣ်လာ်, ဒီးတၢ်အိၣ်သယုၢ်လီၤ. 13 ပှၤတအိၣ်တဆိး ဘၣ်လၢအပူၤလၢယွၤအသးထီၣ်အဃိ, ဒီးကအိၣ်သ ယုၢ်စီဖ့ကလ့ၤလီၤ. ကယဲၢ်ပှၤလၢအလဲၤတြူာ်လၢဘၤ ဘူၤလိၣ်ကကမၢကမၣ်, ဒီးကဒုၣ်ဒွဲၣ်တၢ်လၢကယဲၢ် အတၢ်နးတၢ်ဖှီၣ်အဃိလီၤ.
14 ပာ်သုသးထီဒါဘၤဘူၤလိၣ်အိၣ်ဝးတရံးအီၤ, ပှၤလၢ အသူထီၣ်ချံၣ်ခဲလၢာ်သ့ၣ်ဧၢ, ခးဘၣ်အီၤတက့ၢ်. သး လီပျၢ်နီတဘ့ၣ်တဂ့ၤ. အဂ့ၢ်ဒ်အံၤ, မၤကမၣ်ဘၣ်လံယွၤ လံ.
15 ကိးပသူထီၣ်ထီဒါအီၤဝးတရံးဝဲတက့ၢ်. ဆီၣ်လီၤအ သးလံ, အခီၣ်ထံးတဖၣ်လီၤပှီၢ်လံ, အခိၣ်ဒူဟးဂီၤလံ. အဂ့ၢ်ဒ်အံၤ, မ့ၢ်ယွၤမၤဆၢတၢ်အၢလီၤ. မၤဆၢတၢ်အၢ လၢအလိၤတက့ၢ်. ဒ်အမၤဝဲအသိးန့ၣ်မၤအီၤဒ်န့ၣ်သိး တက့ၢ်. 16 ဒီၣ်တဲာ်ကွံာ်ပှၤဖှံတၢ်ချံလၢဘၤဘူၤလိၣ်, ဒီး ပှၤလၢအဟံးဃာ်ထါဂဲာ်လၢ ကူးဘုအခါန့ၣ်တက့ၢ်. မ့ၢ်လၢနးမၤအၢတၢ်အဃိန့ၣ် ပှၤကဃၣ်ဃီၤအသးတ ဂၤဆူအပှၤတကလုာ်ဒၣ်ဝဲ, တဂၤဆူအပှၤတကလုာ် ဒၣ်ဝဲ, ဒီးကဃ့ၢ်ဝဲတဂၤဆူအကီၢ်ဒၣ်ဝဲ, တဂၤဆူအကီၢ် ဒၣ်ဝဲန့ၣ်စုာ်စုာ်လီၤ.
17 အံၣ်စရ့လးမ့ၢ်တ့ၢ်ဒ်သိလၢ အလီၤပြံလီၤပြါအသိး လီၤ. ခ့ယုၢ်ဟီထီၣ်ကွံာ်အီၤလီၤ. လၢအခီၣ်ထံးန့ၣ်အၤ ရှူၢ်အစီၤပၤအီၣ်အီၤ, ဒိးလၢအကတၢၢ်အံၤဘၤဘူၤလိၣ် အစီၤပၤနဘူၤကးန့စၢ်မၤကၢ်အဃံလီၤ. 18 မၤသးဒ်န့ၣ် ဒီးတၢ်သုးမုၢ်ဂီၢ်မုၢ်အယွၤအံၣ်စရ့လး အကစၢ်စံးဒ်အံၤ, ကွၢ်ကွၢ်, ယကအိၣ်သကိးဘၤဘူၤလိၣ်အစီၤပၤ, ဒီးအ ထံအကီၢ်, ဒ်ယအိၣ်သကိးအၤရှူၢ်အစီၤပၤ အသိးန့ၣ် လီၤ. 19 ဒီးယကဒုးဟဲက့ၤကဒါက့ၤအံၣ်စရ့လးဆူအအိၣ် အဆိးအလီၢ်, ဒီးကအီၣ်အဆၣ်လၢကၢ်မ့ၤလးအလိၤ, ဒီးလၢဘၤၡၣ်အလိၤ, ဒီးအသးကဘျဲးအီၣ်လၢကစၢၢ် အ့ဖရဲၣ်ဒီးကံးလဧးအလိၤလီၤ. 20 ယွၤစံးဝဲဒၣ်, တၢ်လၢ မုၢ်နံၤတဖၣ်, ဒီးတၢ်လၢအဆၢအကတီၢ်န့ၣ်တၢ်ကဃု အံၣ်စရ့လးအတၢ်အၢ, ဒီးတအိၣ်ဘၣ်, ယူဒၤအတၢ်ဒဲး ဘးန့ၣ်ဒီးတထံၣ်န့ၢ်ဘၣ်. အဂ့ၢ်ဒ်အံၤ, ပှၤလၢယပာ်လီၤ တဲာ်တဖၣ်န့ၣ်ယကပျၢ်အတၢ်ဒဲးဘးလီၤ.
21 လဲၤထီၣ်ထီဒါကီၢ်မရၤသဲၣ်, ဒီးထီဒါပှၤပကိးဖိတက့ၢ်. မၤသယုၢ်အီၤ, ဒီးမၤဟးဂီၤတၢ်စီဖ့ကလ့ၤလၢအလီၢ်ခံ န့ၣ်တက့ၢ်, ယွၤစံးဝဲဒၣ်. ဒီးမၤတၢ်ဒ်ကယဲၢ်တၢ်လၢယ မၤလိာ်နၤအသိးန့ၣ်တက့ၢ်.
22 တၢ်ဒုးသုး, ဒီးတၢ်မၤဟးဂီၤဖးဒိၣ်အသီၣ် အိၣ်ဝဲလၢ ကီၢ်ပူၤလီၤ. 23 ဟီၣ်ခိၣ်ဒီဘ့ၣ်ညါအခံၣ်ခူၣ်န့ၣ်ဒီၣ်တဲာ် အသး, ဒီးကၢ်အသးဒ်လဲၣ်. ဘၤဘူၤလိၣ်ကဲထီၣ်တၢ် ကမၢကမၣ်အလီၢ်လၢ ပှၤကလုာ်တဖၣ်အကျါဒ်လဲၣ်.
24 ဘၤဘူၤလိၣ်ဧၢ, ယဒိးပျံၤသကွီၤလၢနဂီၢ်, ဒီးဘၣ်န့ၢ် နၤ, ဒီးနတသ့ၣ်ညါဘၣ်. တၢ်ထံၣ်န့ၢ်နၤ, ဒီးမၤန့ၢ်စ့ၢ် ကီးနၤလီၤ. အဂ့ၢ်ဒ်အံၤ, နဒုးတၢ်ဒီးယွၤလီၤ.
25 ယွၤအိးထီၣ်လံအစုကဝဲၤပာ်ဖှိၣ်အလီၢ်, ဒီးဟဲစိာ်လံ အသးထီၣ်အစုကဝဲၤလံ. အဂ့ၢ်ဒ်အံၤ, အဝဲအံၤတၢ်သုး မုၢ်ဂီၢ်မုၢ်အယွၤမၤတၢ်မၤလၢ ပှၤက့ၤစ့းဖိအကီၢ်ပူၤလီၤ.
26 ဟဲဆူအအိၣ်လၢတၢ်အကတၢၢ်, အိးထီၣ်အတၢ်ပာ် ဖှိၣ်အလီၢ်, မၤအီၤလၢတၢ်ပူတဖၣ်, ဒီးမၤဟးဂီၤအီၤလၢာ် လ့ၤတက့ၤတက့ၢ်. ပာ်လီၤတဲာ်အီၤလၢတၢ်နီတမံၤတ ဂ့ၤ. 27 မၤသံအဂီၤဘုၣ်ဂီၤဖံးခဲလၢာ်တက့ၢ်. မ်အလဲၤ လီၤဒီးအီၤဆူတၢ်မၤသံအပူၤတက့ၢ်. အဝဲသ့ၣ်ဘၣ်အ ဖှီၣ်လီၤ. အဂ့ၢ်ဒ်အံၤ, အမုၢ်တနံၤ, အတၢ်အိၣ်သကိးအီၤ အကတီၢ်န့ၣ်ဘၣ်လံဝဲလံ. 28 ပှၤလၢအဃ့ၢ်ပူၤဖျဲးဝဲလၢ ဘၤဘူၤလိၣ်တဖၣ်အကလုၢ်သီၣ်ထီၣ်လံ, ဒ်သိးအဒုး နဲၣ်ပှၤစံယိၣ်ဖိလၢယွၤပကစၢ်မၤဆၢတၢ်အၢ, မၤဆၢတၢ် အၢဘၣ်ဃးဒီးအနူၢ်အစီၤန့ၣ်လီၤ.
29 ကိးဖှိၣ်ပှၤခးတၢ်ဖိထီဒါဘၤဘူၤလိၣ်, ပှးလၢအသူချံၣ် ခဲလၢာ်သ့ၣ်ဧၢ, သူၣ်ဒဲဝးတရံးအီၤတက့ၢ်. ဒုးပူၤဖျဲးပှၤနီ တဂၤတဂ့ၤ. ဟ့ၣ်ကၣ်အီၤဒ်အမၤတၢ်အသိး, ဒ်ကယဲၢ် တၢ်လၢအမၤဝဲအသိးန့ၣ်မၤအီၤတက့ၢ်. အဂ့ၢ်ဒ်အံၤ, ပာ် ကဖိအသးထီဒါယွၤ, ထီဒါအံၣ်စရ့လးအတၢ်စီဆှံ လီၤ. 30 မၤသးဒ်န့ၣ်ဒီးအပှၤဖိၣ်သၣ်ခွါကလီၤဃံၤလၢ ကျဲပူၤ, ဒီးအပှၤသုးဖိခဲလၢာ်ကတုၤလၢတၢ်ဟးဂီၤလၢ မုၢ်တနံၤန့ၣ်လီၤ. ယွၤစံးဝဲဒၣ်.
31 ကွၢ်ကွၢ်, ယအိၣ်ထီဒါနၤ, တၢ်ပာ်ထီၣ်ထီအသးတ ဂၤဧၢ, တၢ်သုးမုၢ်ဂီၢ်မုၢ်အယွၤစံးဝဲဒၣ်. အဂ့ၢ်ဒ်အံၤ, နမုၢ် တနံၤ, တၢ်အဆၢအကတီၢ်လၢ ယအိၣ်သကိးနၤအံၤ ဘၣ်လံဝဲလံ. 32 ဒီးတၢ်ပာ်ထီၣ်ထီအသးန့ၣ် အခီၣ်က ဘၣ်တိၢ်ဒီးကလီၤဃံၤဝဲ, ဒီးတၢ်တဝံၣ်ဆၢထၢၣ်ဘၣ်အီၤ ဘၣ်. ဒီးယကဆိၣ်ကဲၤထီၣ်မ့ၣ်အူလၢအဝ့ၢ်တဖၣ်အပူၤ, ဒီးကအီၣ်ကွံာ်တၢ်ဝးတရံးခဲလၢာ်န့ၣ်လီၤ.
33 တၢ်သုးမုၢ်ဂီၢ်မုၢ်အယွၤစံးဒ်အံၤ, ပှၤအံၣ်စရ့လးဖိ, ဒီး ပှၤယူဒၤဖိဘၣ်တၢ်မၤအၢအီၤတပူၤဃီ, ဒီးကယဲၢ်ပှၤလၢ အမၢကဲကုၢ်အီၤခဲလၢာ်န့ၣ်ဟံးဃာ်အီၤလီၤ. ပျၢ်အီၤန့ၣ် အသးတအိၣ်ဘၣ်.
34 တၢ်ပှ့ၤက့ၤအီၤန့ၣ် မ့ၢ်အဆူၣ်, တၢ်သုးမုၢ်ဂီၢ်မုၢ်အယွၤ န့ၣ်မ့ၢ်အမံၤလီၤ. ကလိာ်အကွီၢ်သပှၢ်တၢၢ်, ဒ်သိးအက ဒုးအိၣ်ဘှံးပှၤဟီၣ်ခိၣ်ဖိ, ဒီးဒုးကနိး ပှၤဘၤဘူၤလိၣ်ဖိ လီၤ.
35 နးကဘၣ်ပှၤက့ၤစ့းဖိ, ယွၤစံးဝဲဒၣ်, ဒီးကဘၣ်ပှၤဘၤ ဘူၤလိၣ်ဖိ, ဒီးအပဒိၣ်ဖးဒိၣ်ဒီးအပှၤကူၣ်တၢ်သ့, 36 နး ကဘၣ်ပှၤလီတၢ်, ဒီးကကဲထီၣ်ပှၤဟးဂီၤဖိ, နးကဘၣ် အပှၤအဆူၣ်, ဒီးအသးကကတုၤလီၤ.
37 နးကဘၣ်အကသ့ၣ်, ဒီးအလ့ၣ်ကဟၣ်, ဒီးကယဲၢ် ပှၤလၢအဃါဃုာ်အသးအိၣ်ဝဲလၢအကျါ, ဒီးကမၤသး ဒ်ပိာ်မုၣ်အသိးန့ၣ်လီၤ. နးကဘၣ်အတၢ်ပာ်ဖှိၣ်, ဒီးပှၤ ကဂုာ်ဆူၣ်ပျီဆူၣ်အီၤလီၤ.
38 နးကဘၣ်အထံတဖၣ်, ဒီးကလီၤသံးကွံာ်ဝဲလီၤ. အ ဂ့ၢ်ဒ်အံၤ, မ့ၢ်ဝဲတၢ်ဂီၤစိးပျၤအသးအကီၢ်, ဒီးပျုၢ်ထီၣ် ဝဲလၢအတၢ်ဂီၤမၤပျံၤတၢ်အဃိလီၤ.
39 မၤသးဒ်န့ၣ်ဒီးပှၢ်လၢ်ကျါအဆၣ်ဖိကီၢ်ဖိအမံၤဒီး ထွံၣ် ဟီၣ်ခိၣ်ကအိၣ်ကဆိးဖဲန့ၣ်, ဒီးထိၣ်ကီၤလၤအူးကအိၣ် ကဆိးဖဲန့ၣ်, ဒီးပှၤတအိၣ်ဘၣ်လီၤထူလီၤယိာ်ဖဲန့ၣ် ဘၣ်, ဒီးပှၤတအိၣ်တဆိးဘၣ်လၢအပူၤအစိၤစိၤအဃၣ် ဃၣ်ဘၣ်.
40 ဒ်ယွၤမၤဟးဂီၤစဒိၣ်, ဒီးဂမိရၤ, ဒီးဝ့ၢ်တဖၣ်အိၣ်လၢ အဃၢၤအသိးန့ၣ်, ပှၤကညီတအိၣ်ဘၣ်လၢအပူၤဘၣ်. ဒီးပှၤကညီဖိတအိၣ်တဆိးဘၣ်လၢအပူၤနီတဂၤဘၣ်.
41 ကွၢ်ကွၢ်, ပှၤဂီၢ်မုၢ်ဟဲဝဲလၢကလံၤစိး, ပှၤတကလုာ်ဖး ဒိၣ်, ဒီးစီၤပၤအါဂၤကဂဲၤဆၢထၢၣ်လၢဟီၣ်ခိၣ်အသ နၢၣ်လီၤ. 42 ကဟံးန့ၢ်ချံၣ်ဒီးဘီ, တသးလီဘၣ်, ဒီးတ သးကညီၤဘၣ်တၢ်ဘၣ်. အကလုၢ်ကသီၣ်ထီၣ်ဒ်ပီၣ် လဲၣ်အသိးန့ၣ်, ဒီးကဒိးကသ့ၣ်ကတဲာ်ကတီၤအသး ဒ်ပှၤကညီလၢအကဒုးတၢ်အဂီၢ်အသိး ထီဒါနၤန့ၣ်, ဘၤ ဘူၤလိၣ်အဖိမုၣ်ဧၢ. 43 ဘၤဘူၤလိၣ်အစီၤပၤနၢ်ဟူအက စီၣ်, ဒီးအစုလီၤဘှါ, တၢ်နးတၢ်ဖှီၣ်ဟံးဃာ်အီၤဒ်ပိာ်မုၣ် လၢအဘၣ်ဟုးဆါအသိးန့ၣ်လီၤ.
44 ကွၢ်ကွၢ်, ကဟဲထီၣ်ဒ်ခ့ယုၢ်တဒုလၢယၢ်ဒ့ၣ်အထံလုၢ် ဘၢတၢ်ဆူတၢ်အဆူၣ်အအိၣ်အဆိးအလီၢ်လီၤ. ဒီးတ ဖျးမဲာ်, ယကဒုးဃ့ၢ်ထီၣ်ကွံာ်ပှၤတဖၣ်လၢအအိၣ်လီၤ. ဒီးပှၤဃုထၢဖိလၢယကပာ်လၢအဖီခိၣ်န့ၣ် မ့ၢ်မတၤတ ဂၤလဲၣ်. အဂ့ၢ်ဒ်အံၤ, မ့ၢ်မတၤလီၤဂာ်ဒီးယၤတဂၤလဲၣ်. ဒီးမ့ၢ်မတၤကသ့ၣ်နံၤဖးသီလၢယဂီၢ်တဂၤလဲၣ်. ဒီးပှၤ ကွၢ်သိလၢအကဆၢထၢၣ်လၢယမဲာ်ညါန့ၣ် မ့ၢ်မတၤ တဂၤလဲၣ်.
45 မၤသးဒ်န့ၣ်ဒီးကနၣ်တၢ်တိာ်လၢယွၤတိာ်ဝဲလၢ ဘၤ ဘူၤလိၣ်အဂ့ၢ်, ဒီးတၢ်ကူၣ်လၢအကူၣ်ဝဲလၢပှၤက့ၤစ့း ဖိအကီၢ်အဂ့ၢ်န့ၣ်တက့ၢ်. မ့ၢ်မးတၢ်အဆံးလၢသိတဖု အကျါကမိၤထီၣ်ဝဲန့ၣ်, မ့ၢ်မးကမၤသယုၢ်အအိၣ်အဆိး အလီၢ်လီၤ.
46 လၢဘၤဘူၤလိၣ်ဘၣ်တၢ်မၤန့ၢ်အီၤ အသီၣ်ဃိန့ၣ်ဟီၣ် ခိၣ်ဟူးဝးဝဲ, ဒီးအသီၣ်န့ၣ်ဟူထီၣ်ဝဲလၢပှၤကလုာ်တ ဖၣ်အကျါလီၤ.
51၅၁
1 ယွၤစံးဒ်အံၤ, ကွၢ်ကွၢ်, ယကဒုးဟဲထီၣ်ကလံၤမၤဟး ဂီၤတၢ်ထီဒါဘၤဘူၤလိၣ်, ဒီးထီဒါပှၤလၢအအိၣ်ဝဲဆိး ဝဲလၢယဒုၣ်ယဒါအကျါလီၤ.
2 ဒီးယကမၤလီၤပှၤဂုၤဃၤတၢ်ဖိဆူ ဘၤဘူၤလိၣ်, ဒီးက ဂုၤဃၤအီၤ, ဒီးမၤအိၣ်ကလီအကီၢ်လီၤ. အဂ့ၢ်ဒ်အံၤ, လၢ တၢ်ကိၢ်တၢ်ဂီၤအမုၢ်တနံၤန့ၣ် ကအိၣ်ဝးတရံးထီဒါအီၤ လီၤ.
3 မ်ပှၤခးတၢ်ဖိသူထီၣ်အချံၣ်ထီဒါပှၤလၢ အသူထီၣ် တၢ်, ဒီးထီဒါပှၤလၢအပာ်ထီၣ်ထီအသးလၢအသဃိး အပူၤန့ၣ်တက့ၢ်, ဒီးသးလီအပှၤဖိၣ်သၣ်ခွါတဂ့ၤ. မၤဟး ဂီၤအပှၤသုးမုၢ်ခဲလၢာ်စီဖ့ကလ့ၤတက့ၢ်. 4 ဒီးပှၤဘၣ် တၢ်မၤသံအီၤကလီၤဃံၤလၢပှၤက့ၤစ့းဖိအကီၢ်ပူၤ, ဒီးပှၤ လၢအဘၣ်တၢ်ဆဲးဖျိအီၤကလီၤဃံၤလၢကျဲအပူၤလီၤ.
5 အဂ့ၢ်ဒ်အံၤ, တၢ်တပာ်ဘၣ်အံၣ်စရ့လးလၢပှၤကမဲ ဘၣ်, ဒီးယူဒၤအကစၢ်, တၢ်သုးမုၢ်ဂီၢ်မုၢ်အယွၤတပာ် ဘၣ်အီၤလၢပှၤကမဲဘၣ်. အဂ့ၢ်ဒ်အံၤ, အထံအကီၢ်ပှဲၤ ဒီးတၢ်မၤသရူးမၤကမၣ်ဘၣ် အံၣ်စရ့လးအတၢ်စီဆှံ တဂၤလီၤ.
6 ဃ့ၢ်ထီၣ်ကွံာ်လၢဘၤဘူၤလိၣ်အသးကံၢ်ပူၤ, ဒီးမၤပူၤ မၤဖျဲးတဂၤအသးသမူဒၣ်ဝဲ, တဂၤအသးသမူဒၣ်ဝဲတ က့ၢ်. ဘၣ်တၢ်ဒီၣ်တဲာ်ကွံာ်သုလၢအတူၢ်တၢ်ဒဲးဘးအ ပူၤတဂ့ၤ. အဂ့ၢ်ဒ်အံၤ, အဝဲအံၤမ့ၢ်ယွၤမၤဆၢတၢ်အၢအ ကတီၢ်လီၤ. ဟ့ၣ်ကၣ်ဝဲလၢအီၤလီၤ. 7 ဘၤဘူၤလိၣ်မ့ၢ် လီခီထူလၢယွၤအစုပူၤလၢ အဒုးအီမူၤပှၤဟီၣ်ခိၣ်ဖိခဲ လၢာ်လီၤ. ပှၤကလုာ်တဖၣ်အီအစပံးထံလီၤ. မၤသး ဒ်န့ၣ်ဒီးပှၤကလုာ်တဖၣ်ပျုၢ်ထီၣ်ဝဲလီၤ.
8 ဘၤဘူၤလိၣ်လီၢ်ပှီၢ်သတူၢ်ကလာ်, ဒီးဟးဂီၤဝဲလီၤ. ဟီၣ်ပသူထီၣ်လၢအဃိတက့ၢ်. ဟံးန့ၢ်သ့ၣ်စရံအထုး လၢအပူၤလီၢ်အဂီၢ်တက့ၢ်. ဘၣ်တဘၣ်ကဘျါက့ၤလီၤ. 9 ပဘှီဘၤဘူၤလိၣ်အတၢ်ဆါဘၣ်ဆၣ်ဒီး, ဘျါတသ့ဘၣ်. လဲၤသဒၣ်အီၤတက့ၢ်, လဲၤသကိးတဂၤဆူအကီၢ်ဒၣ်ဝဲ, တဂၤဆူအကီၢ်ဒၣ်ဝဲတက့ၢ်. အဂ့ၢ်ဒ်အံၤ, အတၢ်စံၣ်ညီၣ်ထီၣ်ဆူမူခိၣ်, ဒီထီၣ်ထီပၢၢ်လၢတၢ်အၢၣ်လီၤ.―
10 ယွၤဒုးဟဲထီၣ်ပတၢ်တီတၢ်လိၤလီၤ. ဟဲ, စံၣ်တဲၤတဲလီၤ သကိးယွၤပကစၢ်အမၤတၢ်လၢစံယိၣ်အပူၤန့ၣ်တက့ၢ်.
11 ကျ့ကဆှၣ်ပျၢ်အကနၣ်န့ၣ်, မၤပှဲၤကတီၤတက့ၢ်. ယွၤ ထိၣ်ဂဲၤမၤဒဲအစီၤပၤတဖၣ်အသးလီၤ. အဂ့ၢ်ဒ်အံၤ, ကူၣ် ထီၣ်တၢ်ထီဒါဘၤဘူၤလိၣ် ဒ်သိးအကမၤဟးဂီၤအီၤ လီၤ. အဂ့ၢ်ဒ်အံၤ, မ့ၢ်ဝဲလၢယွၤအမၤဆၢတၢ်အၢ, တၢ် မၤဆၢတၢ်အၢလၢအနူၢ်အစီၤအဃိန့ၣ်လီၤ.
12 ပာ်သုအလၣ်လၢဘၤဘူၤလိၣ်အခိၣ်ဒူဖီခိၣ်, မၤဆူၣ် ထီၣ်ပှၤပၢၤတၢ်ဖိတတီၤ, ပာ်ပှၤပၢၤတၢ်ဖိလၢအလီၢ်, က တဲာ်ကတီၤပှၤခိးတၢ်ခူသူၣ်တက့ၢ်. အဂ့ၢ်ဒ်အံၤ, ယွၤကူၣ် တၢ်, ဒီးမၤတၢ်လၢအကတိၤတၢ်လၢပှၤဘၤဘူၤလိၣ်ဖိ အဂ့ၢ်လီၤ.
13 တၢ်လၢအအိၣ်ဝဲဆိးဝဲလၢထံဒိၣ်အနံၤ, လၢအလုၢ်ဒိၣ် ပှ့ၤဒိၣ်အါတဂၤဧၢ, နကတၢၢ်န့ၣ်ဘၣ်လံ, ဒီးနသးကွံ တၢ်အနီၣ်ဃီၣ်ပှဲၤထီၣ်လံ. 14 ယွၤတၢ်သုးမုၢ်အကစၢ်ဆိၣ် တၢ်လၢအကစၢ်ဒၣ်ဝဲအမဲာ်ညါ, ဒီးစံးဝဲဒၣ်မ့ၢ်မးယက မၤပှဲၤနၤဒီးပှၤကညီဒ်လၢ ဒွဲၣ်ယ့ၤလ့းအသိးန့ၣ်, ဒီးက ကိးထီၣ်တၢ်ဒုးသုးအကိးပသူထီၣ်ထီဒါနၤလီၤ.
15 တ့လီၤဝဲဟီၣ်ခိၣ်လၢအစိအကမီၤ, မၤကျၢၤလၢာ်ခိၣ် လၢအတၢ်ကူၣ်သ့, ဒီးသလၣ်ထီၣ်မူခိၣ်လၢအတၢ်ကူၣ် တၢ်ဆးလီၤ.
16 တုၤအကလုၢ်သီၣ်ဒီး, ထံဂီၢ်မုၢ်အိၣ်ဝဲလၢမူကပိာ်လိၤ, ဒီးဒုးဟဲထီၣ်တၢ်ဘှ့ၣ်လၢဟီၣ်ခိၣ်အကတၢၢ်န့ၣ်လီၤ. တ့ လီၤဝၢ်အဒံးအိၣ်ဒီးတၢ်စူၤ, ဒီးဟဲစိာ်ကလံၤလၢအတၢ် ပာ်ဖှိၣ်အလီၢ်ပူၤလီၤ. 17 တသ့ၣ်ညါဘၣ်တၢ်ဘၣ်ဒီး, ပှၤ ကညီခဲလၢာ်လီၤဂာ်ဆၣ်ဖိကီၢ်ဖိလီၤ. ကယဲၢ်ပှၤသိတၢ် အတၢ်ဂီၤန့ၣ်မဲာ်ဆှးလီၤ. အဂ့ၢ်ဒ်အံၤ, အတၢ်ဂီၤသိအ သးမ့ၢ်တၢ်ကဘျံးကဘျၣ်, ဒီးအသါတအိၣ်ဘၣ်လၢအ ပူၤဘၣ်. 18 မ့ၢ်ဝဲလၢတၢ်ကလီကလီ, တၢ်ဒုၣ်ဒွဲၣ်အလီၢ် လီၤ. တုၤတၢ်အိၣ်သကိးအီၤဒီး, ကဟးဂီၤဝဲလီၤ. 19 စီၤ ယၤကိာ်အဂီၢ်န့ၣ်တလီၤဂာ်ဘၣ်အီၤဘၣ်. မ့ၢ်တၢ်တ့ လီၤတၢ်ခဲလၢာ်, ဒီး(အံၣ်စရ့လး) မ့ၢ်အတၢ်န့ၢ်သါအ နီၣ်ထိၣ်လီၤ. တၢ်သုးမုၢ်ဂီၢ်မုၢ်အယွၤန့ၣ်မ့ၢ်အမံၤလီၤ.
20 နမ့ၢ်တ့ၢ်ယဒုးတၢ်အခံၣ်ခူၣ်, ယဒုးသုးအစုကဝဲၤလီၤ. အဂ့ၢ်ဒ်အံၤ, ယကမၤကၢ်လီၤကလဲပှၤအကလုာ်ကလုာ် လၢနၤ, ဒီးယကမၤဟးဂီၤဘီဧိၤမုၢ်ဧိၤလၢနၤ, 21 ဒီးယ ကမၤကၢ်လီၤကသ့ၣ်ဒီး ပှၤဒိးကသ့ၣ်လၢနၤ, ဒီးယက မၤကၢ်လီၤလ့ၣ်ကဟၣ်ဒီးပှၤဒိးလ့ၣ်ကဟၣ်လၢနၤ, 22 ဒီး ယကမၤကၢ်လီၤပှၤပိာ်ခွါဒီးပှၤပိာ်မုၣ်လၢနၤ, ဒီးယက မၤကၢ်လီၤပှၤသးပှၢ်ဒီးပှၤသးစၢ်လၢနၤ, ဒီးယကမၤကၢ် လီၤ ပှၤမုၣ်ကနီၤဒီးပှၤဖိၣ်သၣ်ခွါလၢနၤ, 23 ဒီးယကမၤ ကၢ်လီၤ ပှၤကွၢ်သိဒီးအသိတဖုလၢနၤ, ဒီးယကမၤကၢ် လီၤပှၤမၤဟီၣ်ခိၣ်ဖိဒီးအဂီၤဖံးဖါတဆိလၢနၤ, ဒီးယက မၤကၢ်လီၤပဒိၣ်ဖးဒိၣ်ဒီးပဒိၣ်ပပှၢ်လၢနၤလီၤ.
24 ဒီးယကဟ့ၣ်ကၣ်တၢ်လၢဘၤဘူၤလိၣ်, ဒီးလၢပှၤက့ၤ စ့းဖိလၢကယဲၢ်တၢ်အၢလၢ အမၤဘၣ်စံယိၣ်လၢသုမဲာ် ညါလီၤ, ယွၤစံးဝဲဒၣ်.
25 ယွၤစံးဝဲဒၣ်, ကွၢ်ကွၢ်, ယထီဒါနၤ, ကစၢၢ်လၢအမၤ ဟးဂီၤတၢ်, လၢအမၤဟးဂီၤဟီၣ်ခိၣ်ဒီဘ့ၣ်ညါနၤဧၢ, ယကယူာ်ထီၣ်ယစုလၢနဖီခိၣ်, ဒီးတလ့ၣ်လီၤနၤလၢ လၢၢ်ဧိၤလ့ဧိၤအဖီခိၣ်, ဒီးယကမၤနၤလၢကစၢၢ်လၢမ့ၣ် အူအီၣ်ကွံာ်အီၤလီၤ. 26 ဒီးလၢၢ်တဖျၢၣ်လၢတၢ်အသနၢၣ် အဂီၢ်မ့ၢ်ဂ့ၤ, လၢၢ်လၢတၢ်ခီၣ်ထံးအဂီၢ်မ့ၢ်ဂ့ၤ, ပှၤတဟံး န့ၢ်ဘၣ်လၢနၤဘၣ်. မ့ၢ်နကအိၣ်သယုၢ်လီၤထူလီၤယိာ် လီၤ, ယွၤစံးဝဲဒၣ်.
27 ပာ်ထီၣ်သုးအလၣ်လၢထံဧိၤကီၢ်ဧိၤအပူၤ, အူထီၣ်ကွဲၤ လၢပှၤကလုာ်တဖၣ်အကျါ, ထိၣ်ဂဲၤပှၤကလုာ်တဖၣ် ထီဒါအီၤ, ကိးဖှိၣ်ထီဒါအီၤလၢအရၤရ့း, မံးနံး, ဒီးအၤ ၡကံနးအဘီအမုၢ်တဖၣ်တက့ၢ်. ပာ်ထီၣ်သုးဖိအခိၣ် ထီဒါအီၤ, ဒီးဒုးဟဲထီၣ်ကသ့ၣ်သုးဖိဒ်ဒွဲၣ်ယ့ၤလ့းလၢ အဆူၣ်စဃိးအသိးန့ၣ်, 28 ထိၣ်ဂဲၤထီဒါအီၤလၢပှၤက လုာ်တဖၣ်, မၤဒဲအစီၤပၤ, အပဒိၣ်ဖးဒိၣ်, ဒီးအပဒိၣ်ပပှၢ် ဒီးအပှၤကီၢ်ဖိလၢအပၢဝဲခဲလၢာ်တက့ၢ်. 29 ဒီးဟီၣ်ခိၣ်က ဟူးဝး, ဒီးကဟူးဝးဆှဲးဆှိးလီၤ. အဂ့ၢ်ဒ်အံၤ, ယွၤအကူၣ် တၢ်ထီဒါဘၤဘူၤလိၣ်န့ၣ် ကမၤအသးလၢအကမၤသ ယုၢ်ဘၤဘူၤလိၣ်န့ၣ်ကမၤအသးလၢ အကမၤသယုၢ်ဘၤ ဘူၤလိၣ်, ဒီးပှၤတအိၣ်တဆိးဘၣ်လၢအပူၤဘၣ်လီၤ. 30 ဘၤဘူၤလိၣ်အပှၤဆူၣ်န့ၣ် ဆိတ့ၢ်ဒုးတၢ်, အိၣ်ဒၣ်အတၢ်လၢအတိာ်အတာ်အပူၤ, အဂံၢ်အဘါလီၤစၢ်ကွံာ်လံ. မၤအသးဒ်ပိာ်မုၣ်အသိးန့ၣ်လီၤ. မ့ၣ်အူအီၣ်ကွံာ်လံအအိၣ်အဆိးအလီၢ်လံ. အနီၣ်ဘိတဖၣ်ကၢ်ကွံာ်လံ.―
31 ပှၤဃ့ၢ်တၢ်ဖိသဂၢၢ်ပှၤဃ့ၢ်တၢ်ဖိ, ဒီးပှၤသလိတၢ်ကတိၤ သဂၢၢ်ပှၤသလိတၢ်ကတိၤ, ဒ်သိးအကစံးဘၣ်တဲဘၣ် ဘၤဘူၤလိၣ်အစီၤပၤလၢ အဝ့ၢ်ဘၣ်တၢ်မၤန့ၢ်အီၤခဲလၢာ် လီၤ. 32 ကျဲလဲၤနုာ်တၢ်တဖၣ်န့ၣ်တၢ်မၤန့ၢ်လံအီၤလံ, ဒီး တပိၢ်တဖၣ်န့ၣ်မ့ၣ်အူအီၣ်ကွံာ်လံ, ဒီးပှၤသုးဖိပျံၤတၢ် ဖုးတၢ်လီၤ.
33 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤအံၣ်စရ့လးအက စၢ်စံးဒ်အံၤ, ဘၤဘူၤလိၣ်အဖိမုၣ်မၤသးဒ်တၢ်ယီၢ်ဘုအ လီၢ်ဖဲတၢ်ယီၢ်အီၤလီၤ. အိၣ်ဒံးတစိၢ်ဖိ, ဒီးတၢ်ကူးဘုအ ကတီၢ်ကဘၣ်လၢအဂီၢ်လီၤ.
34 ဘၤဘူၤလိၣ်အစီၤပၤနဘူၤကးန့စၢ်န့ၣ် အီၣ်ကွံာ်ယၤ လံ, မၤလၢာ်ယၤလံ, ပာ်ယၤလၢလီခီအိၣ်ကလီလံ, ယူၢ် လီၤကွံာ်ယၤဒ်ပယိၤအသိးလံ. အီၣ်ဘျဲးအီၣ်ကွံာ်ယတၢ် အီၣ်ဝံၣ်လံ, ဟီထီၣ်ကွံာ်ယၤလံ.
35 ပှၤစံယိၣ်ဖိကစံး, တၢ်မၤဆူၣ်ယၤဒီးယဖံးယညၣ်န့ၣ် မ်အဘၣ်ဘၤဘူၤလိၣ်တက့ၢ်, ဒီးယရူၤၡလ့ၣ်ဖိကစံး, မ် ယသွၣ်ဘၣ်ပှၤက့ၤစ့းဖိအလိၤတက့ၢ်.
36 မၤသးဒ်န့ၣ်ဒီးယွၤစံးဒ်အံၤ, ကွၢ်ကွၢ်, ယကလိာ်နကွီၢ်, ဒီးမၤဘၣ်တၢ်အၢလၢနဂီၢ်, ဒီးယကမၤလီၤသံးကွံာ်အ ပီၣ်လဲၣ်, ဒီးယကမၤလၢာ်ကွံာ်အထံထီၣ်ပၢၢ်လီၤ. 37 ဒီး ဘၤဘူၤလိၣ်ကကဲထီၣ်လၢတၢ်ပူတဖၣ်, ထွံၣ်ဟီၣ်ခိၣ် အအိၣ်အလီၢ်, ပှၤကမၢကမၣ်တၢ်အလီၢ်, ဒီးတၢ်ဒုၣ်ဒွဲၣ် အလီၢ်, ဒီးပှၤတအိၣ်တဆိးဘၣ်လၢအပူၤနီတဂၤဘၣ်.―
38 သီၣ်ထီၣ်ရုၢ်ရုၢ်တပူၤဃီဒ်ခ့ယုၢ်အသိး, ကိးပသူထီၣ်ဒ် ခ့ယုၢ်အသိးန့ၣ်လီၤ. 39 လၢအသူၣ်ပိၢ်သးဝးန့ၣ်ယက ပာ်အတၢ်အီ, ဒီးယကဒုးအီမူၤအီၤဒ်သိးအကသူၣ်ဖှံသး ညီ, ဒီးမံလီၤထူလီၤယိာ်, ဒီးတဖုသံနီၣ်ဘၣ်, ယွၤစံးဝဲ ဒၣ်. 40 ယကဒုးဟဲလီၤအီၤဒ်သိဖိဆူ တၢ်မၤသံတၢ်အ သိး, ဒ်သိဖါဒီးမဲာ်တဲးလဲးဖါအသိးန့ၣ်လီၤ. 41 တၢ်မၤန့ၢ်ၡံၡးဒ်လဲၣ်, ဒီးတၢ်ဖီၣ်န့ၢ်ဟီၣ်ခိၣ်ဒီဘ့ၣ်ညါအတၢ်စံးထီၣ်ပတြၢၤဒ်လဲၣ်. ဘၤဘူၤလိၣ်ကဲထီၣ်တၢ်ကမၢကမၣ်အလီၢ်လၢပှၤကလုာ်တဖၣ်အကျါဒ်လဲၣ်.―
42 ပီၣ်လဲၣ်ဟဲထီၣ်ဘၤဘူၤလိၣ်, လီၤဘျၢဝဲလၢအလပီဂီၢ် မုၢ်အကျါလီၤ. 43 အဝ့ၢ်တဖၣ်န့ၣ်ကဲထီၣ်တၢ်အိၣ်သယုၢ်, ပှၢ်မုၢ်ကနၢ, တၢ်မံၤခိၣ်သိၣ်လာ်လၢကီၢ်တဘ့ၣ်ဖဲပှၤက ညီတအိၣ်တဆိးလၢအပူၤ, ဒီးပှၤကညီဖိတလဲၤခီဂာ် ဘၣ်ဝဲဘၣ်. 44 ဒီးယကအိၣ်သကိးဘ့လးလၢဘၤဘူၤ လိၣ်အပူၤ, ဒီးယကထုးထီၣ်လၢအကိာ်ပူၤ တၢ်လၢအ ယူၢ်လီၤဝဲလီၤ, ဒီးပှၤကလုာ်တဖၣ်တအိၣ်ဖှိၣ်လၢၤဘၣ် ဆူအအိၣ်ဘၣ်. ဒီးဘၤဘူၤလိၣ်အခိၣ်ဒူကလီၤပှီၢ်ဝဲလီၤ.
45 ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအကျါ, ဒီးမၤပူၤ မၤဖျဲးတဂၤအသးဒၣ်ဝဲ, တဂၤအသးဒၣ်ဝဲလၢယွၤအသး ကဲၤထီၣ်အဃိန့ၣ်တက့ၢ်. 46 ဒီးမ်သုသးအသုတလီၤဘှါ တဂ့ၤ, ဒီးသုတဘၣ်ယိၣ်တၢ်လၢ တၢ်အကစီၣ်လၢအ ကဟူထီၣ်ဝဲလၢကီၢ်ပူၤအဃိန့ၣ်တဂ့ၤ. အအံၤတနံၣ် တၢ်အကစီၣ်ကဟဲဝဲ, ဒီးခဲကိာ်တနံၣ်တၢ်အကစီၣ်က ဟဲဝဲတမံၤဒၣ်, ဒီးတၢ်မၤန့ၢ်ဆူၣ်ကအိၣ်ဝဲလၢကီၢ်ပူၤ, ပ ဒိၣ်ဖးဒိၣ်ထီဒါပဒိၣ်ဖးဒိၣ်လီၤ.
47 မၤသးဒ်န့ၣ်ဒီးကွၢ်ကွၢ်, မုၢ်နံၤတဖၣ်ဟဲဝဲလၢယက အိၣ်သကိးဘၤဘူၤလိၣ်အတၢ်ဂီၤတၢ်ဖီၣ်, ဒီးအပှၤကီၢ် ဖိခဲလၢာ်ကမဲာ်ဆှး, ဒီးအပှၤလၢအဘၣ်တၢ်မၤသံအီၤခဲ လၢာ်န့ၣ်ကလီၤဃံၤလၢအကျါလီၤ. 48 တုၤနုၤတစုမူခိၣ် ဒီးဟီၣ်ခိၣ်, ဒီးကယဲၢ်တၢ်လၢအအိၣ်ဝဲလၢအပူၤခဲလၢာ် န့ၣ်ကသးခုလၢဘၤဘူၤလိၣ်အလိၤလီၤ. အဂ့ၢ်ဒ်အံၤ, ပှၤ မၤဟးဂီၤတၢ်တဖၣ်န့ၣ် ကဟဲထီဒါအီၤလၢကလံၤစိး န့ၣ်လီၤ, ယွၤစံးဝဲဒၣ်. 49 ပှၤလၢအဘၣ်တၢ်မၤသံအီၤလၢ အံၣ်စရ့လးအကျါသ့ၣ်ဧၢ, ဘၤဘူၤလိၣ်ကလီၤဃံၤစ့ၢ် ကီး, ပှၤလၢအဘၣ်တၢ်မၤသံအီၤလၢဟီၣ်ခိၣ်ဒီဘ့ၣ်ညါ သ့ၣ်ဧၢ, ပှၤလၢဘၤဘူၤလိၣ်တဖၣ်ကလီၤဃံၤဝဲလီၤ.―
50 ပှၤလၢအပူၤဖျဲးလၢနးသ့ၣ်ဧၢ, ဟးထီၣ်တက့ၢ်, အိၣ်က တီၢ်တဂ့ၤ, သ့ၣ်နီၣ်ထီၣ်က့ၤယွၤအိၣ်လၢအယံၤ, ဒီးဒုး အိၣ်ထီၣ်ယရူၤၡလ့ၣ်လၢသုသးကံၢ်ပူၤတက့ၢ်.
51 မ့ၢ်ပနၢ်ဟူတၢ်ဒုၣ်ဒွဲၣ်ဒီး, ပသးကတုၤလီၤ. တၢ်မဲာ်ဆှး ကျၢၢ်ဘၢပမဲာ်လီၤ. အဂ့ၢ်ဒ်အံၤ, ပှၤတခီဘီမုၢ်ဖိဟဲနုာ် လၢယွၤအဟံၣ်အလီၢ်စီဆှံတဖၣ်အပူၤလီၤ. 52 မၤသးဒ် န့ၣ်ဒီးယွၤစံးဝဲဒၣ်, ကွၢ်ကွၢ်, မုၢ်နံၤတဖၣ်ဟဲဝဲလၢယက အိၣ်သကိးအတၢ်ဂီၤတၢ်ဖီၣ်, ဒီးပှၤဘၣ်ဆဲးအသးတဖၣ် ကကအုကစွါလၢအကီၢ်ဒီဘ့ၣ်ညါအပူၤလီၤ.
53 ဘၤဘူၤလိၣ်မ့ၢ်ထီၣ်ဘးမူခိၣ်, ဒီးမၤဆူၣ်ထီၣ်အဂံၢ်အ ဘါအလီၢ်ထီၣ်ထီဘၣ်ဆၣ်ဒီး, ပှၤမၤဟးဂီၤတၢ်တဖၣ် ကဟဲထီဒါအီၤလၢယၤလီၤ, ယွၤစံးဝဲဒၣ်.
54 ကနၣ်တက့ၢ်. တၢ်သီၣ်လၢဘၤဘူၤလိၣ်, ဒီးတၢ်မၤဟး ဂီၤဖးဒိၣ်အသီၣ်လၢပှၤက့ၤစ့းဖိအကီၢ်ပူၤ န့ၣ်ဟူထီၣ် လံ. 55 အဂ့ၢ်ဒ်အံၤ, ယွၤမၤဟးဂီၤဘၤဘူၤလိၣ်, ဒီးမၤဘှီၣ် အသီၣ်ဖးဒိၣ်လီၤ. အလပီတဖၣ်ဟးထီၣ်သွးသွးဒ်ထံ ဖးဒိၣ်အသိးန့ၣ် အတၢထီၣ်တၢလီၤအသီၣ်န့ၣ်ဟူထီၣ် ဝဲလီၤ. 56 အဂ့ၢ်ဒ်အံၤ, တၢ်မၤဟးဂီၤဟဲထီဒါဘၤဘူၤလိၣ်, ဒီးတၢ်ကမၤန့ၢ်အပှၤဆူၣ်ဖိ, အချံၣ်အပျၢ်ကကၢ်ကွံာ်ဝဲ လီၤ. အဂ့ၢ်ဒ်အံၤ, ယွၤမ့ၢ်တၢ်မၤကၣ်တၢ်အၢအကစၢ်လီၤ, အဝဲဒၣ်ကဟ့ၣ်ကၣ်တၢ်လၢလၢပှဲၤပှဲၤလီၤ. 57 ဒီးယက ဒုးအီမူၤအပှၤအခိၣ်ဒီးအပှၤကူၣ်သ့, အပဒိၣ်ဖးဒိၣ်, ဒီး အပဒိၣ်ပပှၢ်, ဒီးအပှၤဆူၣ်ဖိလီၤ. ဒီးကမံလီၤထူလီၤယိာ်, ဒီးတဖုသံနီၣ်လၢၤဘၣ်, စီၤပၤလၢအမံၤမ့ၢ်တၢ်သုးမုၢ်ဂီၢ် မုၢ်အယွၤစံးဝဲဒၣ်.
58 တၢ်သုးမုၢ်ဂီၢ်မုၢ်အယွၤစံးဝဲဒၣ်, ဘၤဘူၤလိၣ်အခိၣ်ဒူ ဖးလဲၢ်ကလီၤပှီၢ်လၢာ်လ့ၤတက့ၤ, ဒီးမ့ၣ်အူကအီၣ်ကွံာ် အတြဲၤဖးထီလီၤ. ဒီးပှၤဂီၢ်မုၢ်ကမၤတၢ်လၢတၢ်ကလီ ကလီအဂီၢ်, ဒီးပှၤကလုာ်တဖၣ်ကမၤဘှံးတ့ၢ်အသးလၢ မ့ၣ်အူအဂီၢ်လီၤ.
59 တၢ်ကတိၤလၢဝံယံးရမံယၤမၤလိာ်စီၤစရါယၤ, စီၤန့ၤ ရံယၤအဖိခွါ, စီၤမၤစ့ယၤအဖိခွါ, ဖဲအလဲၤတၢ်ဒီးယူ ဒၤအစီၤပၤစီၤစံးဒကံယၤဆူဘၤဘူၤလိၣ်လၢ အကဲထီၣ် စီၤပၤပှဲၤထီၣ်လွံၢ်နံၣ်တနံၣ်န့ၣ်လီၤ. ဒီးစီၤစရါယၤမ့ၢ်ပ ဒိၣ်ဖးဒိၣ်လၢအမၤမုာ်တၢ်တဂၤလီၤ. 60 ဒီးစီၤယံးရမံယၤ ကွဲးဝဲလၢလံာ်ပူၤ ကယဲၢ်တၢ်အၢလၢအကဟဲဘၣ်ဘၤ ဘူၤလိၣ်, ကယဲၢ်တၢ်ကတိၤခဲလၢာ်န့ၣ် လၢအကွဲးအ သးဘၤဘူၤလိၣ်အဂ့ၢ်လီၤ. 61 ဒီးဝံယံးရမံယၤစံးဘၣ်စီၤ စရါယၤ, တုၤနတုၤလၢဘၤဘူၤလိၣ်, ဒီးနထံၣ်ဘၣ်တၢ် ဒီးဖးတၢ်ကတိၤအံၤခဲလၢာ်ဒီး, 62 နဘၣ်စံး, ယွၤဧၢ, နက တိၤတၢ်ထီဒါတၢ်အလီၢ်အံၤ လၢနကမၤဟးဂီၤအီၤ, လၢ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တအိၣ်လီၤတဲာ်ဘၣ် လၢအပူၤဘၣ်, လၢအကအိၣ်သယုၢ်လီၤထူလီၤယိာ် လီၤ.
63 ဒီးတုၤနဖးလံာ်အံၤဝံၤဒီး, တၢ်ကမၤအသးလၢနဘၣ် စၢဃာ်လၢၢ်တဖျၢၣ်ဒီးအီၤ, ဒီးကွံာ်တ့ၢ်ကွံာ်အီၤဆူထံ မိၢ်ပှၢ်ဖရၤသးအပူၤ, 64 ဒီးနဘၣ်စံး, ဘၤဘူၤလိၣ်ကလီၤ ဒးဒ်အံၤအသိး, ဒီးတထီၣ်ဖီဘၣ်လၢတၢ်အၢလၢယက ဒုးဟဲဘၣ်အီၤန့ၣ်ဘၣ်. ဒီးတၢ်ကဘှံးအသးလီၤ. တုၤဖဲ အံၤမ့ၢ်စီၤယံးရမံယၤအတၢ်ကတိၤလီၤ.
52၅၂
1 လၢစီၤစံးဒကံယၤကဲထီၣ်စီၤပၤန့ၣ် အသးပှၢ်ခံဆံတ နံၣ်, ဒီးကဲစီၤပၤလၢယရူၤၡလ့ၣ်အပူၤတဆံတနံၣ်, ဒီး အမိၢ်အမံၤမ့ၢ်နီၢ်ဃမူတလး, စီၤယံးရမံယၤလၢလံးဘ နၤအဖိမုၣ်လီၤ.
2 ဒီးမၤတၢ်အၢလၢယွၤအမဲာ်, ဒ်ကယဲၢ်တၢ်လၢစီၤယ ဟိၤယါကံၣ်မၤဝဲအသိးန့ၣ်လီၤ. 3 အဂ့ၢ်ဒ်အံၤ, လၢယွၤ အသးထီၣ်အဃိန့ၣ် တၢ်မၤအသးလၢယရူၤၡလ့ၣ်, ဒီး လၢယူဒၤအပူၤတုၤအဟီထီၣ်ကွံာ်အီၤလၢအမဲာ်ညါ, ဒီး စီၤစံးဒကံယၤပူထီၣ်ဘၤဘူၤလိၣ်အစီၤပၤန့ၣ်လီၤ.
4 ဒီးလၢအကဲစီၤပၤအနံၣ်ပှဲၤထီၣ်ခွံနံၣ်တနံၣ် လၢဆံ ဆဲၣ်လါ, လၢလါထီၣ်ဆံဆဲၣ်နံၤတနံၤန့ၣ်တၢ်မၤအသး လၢပှၤဘၤဘူၤလိၣ်အစီၤပၤနဘူၤကးန့စၢ် ဟဲထီဒါယ ရူၤၡလ့ၣ်, အဝဲဒၣ်, ဒီးအပှၤသုးမုၢ်ခဲလၢာ်, ဒီးသူၣ်ဒဲထီ ဒါအီၤ, ဒီးသူၣ်တိာ်ဝးတရံးထီဒါအီၤလီၤ.
5 ဒီးဝ့ၢ်န့ၣ်ဘၣ်တၢ်ဝီၤဃာ်အီၤ တုၤလီၤလၢစီၤပၤစံးဒကံ ယၤအနံၣ်ပှဲၤထီၣ်တဆံတနံၣ်န့ၣ်လီၤ. 6 ဒီးလွံၢ်လါတ လါထီၣ်ခွံနံၤတနံၤန့ၣ် တၢ်သၣ်ဝံၤလီၤဒိဆူၣ်ထီၣ်ဝဲလၢ ဝ့ၢ်ပူၤ, ဒီးကိၣ်တအိၣ်ဘၣ်လၢကီၢ်အပှၤဂီၢ်မုၢ်အဂီၢ်ဘၣ်.
7 ဒီးဝ့ၢ်န့ၣ်ဘၣ်တၢ်ဘၢၣ်ဖျိဝဲ, ဒီးကယဲၢ်ပှၤသုးဖိဃ့ၢ်ဝဲ, ဒီးဟးထီၣ်လၢဝ့ၢ်ပူၤလၢမုၢ်နၤလၢ ပဲတရီအကျဲလၢအ အိၣ်လၢတၢ်ခိၣ်ဒူခံကထၢအဘၢၣ်စၢၤ, လၢအအိၣ်ဝဲ လၢ စီၤပၤအတၤသၣ်အလီၢ်အဃၢၤန့ၣ်လီၤ. ဒီးပှၤက့ၤ စ့းဖိအိၣ်ဝးတရံးထီဒါဝ့ၢ်န့ၣ်လီၤ. ဒီးလဲၤကျဲဆူတၢ်ပျီ ပူၤလီၤ.
8 ဒီးပှၤက့ၤစ့းဖိအပှၤသုးမုၢ်လူၤစီၤပၤ, ဒီးချုးန့ၢ်စီၤစံးဒ ကံယၤလၢယရံၤဃိအပျီပူၤ, ဒီးအပှၤသုးမုၢ်ခဲလၢာ်လီၤ ပြံလီၤပြါလၢအအိၣ်န့ၣ်လီၤ.
9 ဒီးဖီၣ်န့ၢ်စီၤပၤ, ဒီးဟဲစိာ်အီၤဆူဘၤဘူၤလိၣ်အစီၤပၤ အအိၣ်လၢရံးဘလးလၢကီၢ်ဃမါသးအပူၤ, ဒီးအဝဲဒၣ် စံၣ်ညီၣ်အီၤလီၤ.
10 ဒီးဘၤဘူၤလိၣ်အစီၤပၤမၤသံ စီၤစံးဒကံယၤအဖိခွါတ ဖၣ်လၢအမဲာ်ညါ, ဒီးမၤသံစ့ၢ်ကီးယူဒၤအပဒိၣ်ဖးဒိၣ် ခဲလၢာ်လၢရံးဘလးအပူၤ, 11 ဒီးအူခွဲးထီၣ်ကွံာ်စီၤစံးဒ ကံယၤအမဲာ်, ဒီးစၢဃာ်အီၤလၢတိၢ်သွဲ, ဒီးဘၤဘူၤ လိၣ်အစီၤပၤစိာ်အီၤဆူဘၤဘူၤလိၣ်, ဒီးပာ်အီၤလၢဃိာ် ပူၤတုၤမုၢ်တနံၤလၢအသံလီၤ.
12 ဒီးယဲၢ်လါတလါ, လါထီၣ်ဆံဆဲၣ်နံၤန့ၣ်, ဘၤဘူၤ လိၣ်အစီၤပၤနဘူၤကးန့စၢ်အနံၣ်ပှဲၤထီၣ် တဆံခွံနံၣ်တ နံၣ်န့ၣ်ပှၤပၢၤတၢ်ဖိအခိၣ်လၢအခိးတၢ်လၢ ဘၤဘူၤလိၣ် အစီၤပၤအမဲာ်ညါ, စီၤနဘူစၢ်ရဒၢ်ဟဲဝဲဆူယရူၤၡလ့ၣ် အပူၤ, 13 ဒီးဆူးထီၣ်ကွံာ်ယွၤအဟံၣ်, ဒီးစီၤပၤအဟံၣ်, ဒီးဟံၣ်လၢယရူၤၡလ့ၣ်အပူၤခဲလၢာ်, ဒီးကယဲၢ်ပှၤအ ဒိၣ်ခဲလၢာ်အဟံၣ်န့ၣ်ဆူးထီၣ်ကွံာ်ဝဲလၢမ့ၣ်အူလီၤ.
14 ဒီးပှၤက့းစ့းဖိအပှၤသုးမုၢ်ခဲလၢာ်လၢ အအိၣ်ဝဲဒီးပှၤ ပၢၤတၢ်ဖိအခိၣ်န့ၣ်မၤလီၤပှီၢ်ကွံာ် ယရူၤၡလ့ၣ်အခိၣ်ဒူ ဝးတရံးဝဲလီၤ.
15 ဒီးပှၤဖှီၣ်ဖိယာ်ဖိလၢပှၤဂီၢ်မုၢ်တနီၤ, ဒီးပှၤဂီၢ်မုၢ်လၢ အအိၣ်လီၤတဲာ်လၢဝ့ၢ်ပူၤ, ဒီးပှၤလဲၤသဒၣ်တၢ်ဖိလၢအ လဲၤသဒၣ်တၢ်ဆူဘၤဘူၤလိၣ်အစီၤပၤအအိၣ်, ဒီးပှၤဂီၢ် မုၢ်အတၢ်အိၣ်လီၤတဲာ်န့ၣ် ပှၤပၢၤတၢ်ဖိအခိၣ်စီၤနဘူစၢ် ရဒၣ်စိာ်မၢကဲကုၢ်လီၤ.
16 မ့မ့ၢ်ပှၤကီၢ်ဖိအပှၤဖှီၣ်ဖိယာ်ဖိတနီၤန့ၣ် ပှၤပၢၤတၢ်ဖိ အခိၣ်ပာ်လီၤတဲာ် ဒ်သိးအကကဲထီၣ်ပှၤမၤတၤသၣ်အ လီၢ်, ဒီးပှၤမၤဟီၣ်ခိၣ်ဖိန့ၣ်လီၤ.
17 ဒီးထူၣ်တိၢ်တဖၣ် လၢအအိၣ်လၢယွၤအဟံၣ်ပူၤ, ဒီး တၢ်အခီၣ်တဖၣ်, ဒီးပီၣ်လဲၣ်တိၢ်လၢအအိၣ်ဝဲလၢယွၤ အဟံၣ်ပူၤန့ၣ်ပှၤက့ၤစ့းဖိမၤလီၤကလဲအီၤ, ဒီးစိာ်ထီၣ် ကွံာ်အတိၢ်ခဲလၢာ်ဆူဘၤဘူၤလိၣ်န့ၣ်လီၤ.
18 ဒီးသပၢၤဒီးတပူာ်, ဒီးနီၣ်တံာ်ကွံာ်တၢ်, ဒီးသလၢဖှံ တၢ်, ဒီးနီၣ်တၢၤ, ဒီးကယဲၢ်တၢ်အဃၢၤအဃိၢ်တိၢ်လၢ ပှၤမၤတၢ်လၢအီၤခဲလၢာ်န့ၣ် စိာ်ကွံာ်ဝဲလီၤ. 19 ဒီးသလၢ ဖှံတၢ်ဒီးသပၢၤမ့ၣ်အူ, ဒီးသလၢ, ဒီးသပၢၤ, ဒီးမ့ၣ်အူဒၢ, ဒီးလီခီဖျၢၣ်သလၢၣ်, ဒီးသလၢလၢပှၤလူလီၤတၢ်လၢ အီၤ, တၢ်တ့အသးလၢထူ, အထူဧိၤလွဲဧိၤ, ဒီးတၢ်တ့အ သးလၢစ့, အကျိၣ်ဧိၤစ့ဧိၤန့ၣ်ပှၤပၢၤတၢ်ဖိအခိၣ်စိာ်ကွံာ် ဝဲလီၤ.
20 ဒီးထူၣ်ခံထူၣ်, ပီၣ်လဲၣ်တဖျၢၣ်, ဒီးဂီၤဖံးတိၢ်တဆံခံဒု လၢအဖီလာ်, ဒီးတၢ်အခီၣ်တဖၣ်လၢစီၤၡလိၤမိၤတ့ဝဲ လၢယွၤအဟံၣ်အဂီၢ်န့ၣ် တၢ်တဖၣ်ခဲလၢာ်အတိၢ်အ တၢ်လီၤတယၢၢ်တအိၣ်ဘၣ်.
21 ထူၣ်တထူၣ်အထီမ့ၢ်တဆံဃိးပျၢ်, ဒီးအကဝီၤန့ၣ်ပျံၤ အထီတဆံခံပျၢ်အတဝီအီၤ, ဒီးအတီၣ်မ့ၢ်တဖံး, ဒီးအိၣ် ဝဲဒီးအအိပူၤလီၤ. 22 ဒီးအခိၣ်လၢအဖီခိၣ်မ့ၢ်တိၢ်, ဒီးအ ခိၣ်အထီမ့ၢ်ယဲၢ်ပျၢ်, ဒီးစၤအတၢ်မၤ, ဒီးသလဲသၣ်လၢ အခိၣ်လိၤဝးတရံးန့ၣ် မ့ၢ်တိၢ်ခဲလၢာ်လီၤ. ဒီးအဝဲတ ထူၣ်, ဒီးသလဲသၣ်န့ၣ် မ့ၢ်ဒ်အဝဲသ့ၣ်တဖၣ်အသိးန့ၣ် လီၤ. 23 ဒီးသလဲသၣ်န့ၣ်အိၣ်ခွံဆံဃုဖျၢၣ်တခီ, ဒီးသ လဲသၣ်ခဲလၢာ်န့ၣ် မ့ၢ်တကယၤလၢစၤအတၢ်မၤဝးတ ရံးဝဲလီၤ.
24 ဒီးပှၤပၢၤတၢ်ဖိအခိၣ်ဟံးန့ၢ် ပှၤလုၢ်တၢ်အခိၣ်စီၤစရါ ယၤ, ဒီးပှၤလုၢ်တၢ်အခိၣ်ခံဂၤတဂၤစီၤစဖါနယၤ, ဒီးပှၤ ပၢၤတြဲၤသၢဂၤလီၤ. 25 ဒီးလၢဝ့ၢ်ပူၤန့ၣ်ဟံးန့ၢ်ပှၤဒ့ဒံၣ်ဖိ တဂၤလၢအအိၣ်ဝဲလၢ ပှၤသုးဖိအဖီခိၣ်, ဒီးပှၤနွံဂၤလၢ အကွၢ်စီၤပၤအမဲာ်လၢ အထံၣ်န့ၢ်ဝဲလၢဝ့ၢ်ပူၤ, ဒီးပှၤသုး မုၢ်အပှၤကွဲးလံာ်အခိၣ်လၢ အဒုးအိၣ်ဖှိၣ်ကီၢ်အပှၤဂီၢ်မုၢ်, ဒီးပှၤဃုဆံလၢကီၢ်အပှၤဂီၢ်မုၢ်အကျါ, လၢအထံၣ်န့ၢ်ဝဲ လၢဝ့ၢ်ပူၤလီၤ. 26 ဒီးပှၤပၢၤတၢ်ဖိအခိၣ်စီၤနဘူစၢ်ရဒၣ်ဟံး န့ၢ်အဝဲသ့ၣ်တဖၣ်န့ၣ်, ဒီးစိာ်ကွံာ်အီၤဆူဘၤဘူၤလိၣ် အစီၤပၤအအိၣ်လၢရံးဘလးန့ၣ်လီၤ.
27 ဒီးဘၤဘူၤလိၣ်အစီၤပၤကျီကွံာ်အီၤ, ဒီးမၤသံအီၤလၢ ရံးဘလးလၢကီၢ်ဃမါသးအပူၤလီၤ. ဒီးစိာ်ကွံာ်ယူဒၤ လၢအကီၢ်ပူၤ, ဒီးမၢကဲကုၢ်အီၤလီၤ.
28 အအံၤမ့ၢ်ပှၤဂီၢ်မုၢ်လၢနဘူၤကးန့စၢ် စိာ်မၢကဲကုၢ်လၢ အနံၣ်ပှဲၤထီၣ်နွံနံၣ်တနံၣ်န့ၣ်, ပှၤယူဒၤဖိသၢကထိခံဆံ သၢဂၤ, 29 ဒီးလၢစီၤနဘူၤကးန့စၢ်အနံၣ်ပှဲၤထီၣ်တဆံ ဃိးနံၣ်န့ၣ်, ပှၤယရူၤၡလ့ၣ်ဖိဃိးကယၤသၢဆံခံဂၤ,―
30 လၢစီၤနဘူၤကးန့စၢ်အနံၣ်ပှဲၤထီၣ် ခံဆံသၢနံၣ်တနံၣ် န့ၣ် ပှၤပၢၤတၢ်ဖိအခိၣ်စီၤနဘူစၢ်ရဒၣ်စိာ်မၢကဲကုၢ်ပှၤ ယူဒၤဖိနွံကယၤလွံၢ်ဆံယဲၢ်ဂၤလီၤ. ပှၤခဲလၢာ်န့ၣ်မ့ၢ်ပှၤ လွံၢ်ကထိဃုကယၤလီၤ.
31 ဒီးယူဒၤအစီၤပၤယဟိၤယါခံၣ် ကဲကုၢ်ပှဲၤထီၣ်သၢဆံ နွံနံၣ်, လါတဆံခံလါတလါ, လါထီၣ်ခံဆံယဲၢ်နံၤတ နံၤန့ၣ် တၢ်မၤအသးလၢ ဘၤဘူၤလိၣ်အစီၤပၤအ့ဝလး မရၤဒိးကဲသီစီၤပၤတနံၣ်ဒီး, ဝံၣ်ထီၣ်ယူဒၤအစီၤပၤယ ဟိၤယါခံၣ်အခိၣ်, ဒီးဟဲစိာ်အီၤလၢဃိာ်ပူၤန့ၣ်လီၤ.
32 ဒီးကတိၤတၢ်မုာ်မုာ်ဒီးအီၤ, ဒီးပာ်အလီၢ်ပစိာ်ထီန့ၢ် စီၤပၤတဖၣ်အလီၢ်ပစိာ်လၢ အအိၣ်ဒီးအီၤလၢဘၤဘူၤ လိၣ်အပူၤန့ၣ်လီၤ. 33 ဒီးလဲက့ၤဃိာ်အတၢ်ကူတၢ်သိး, ဒီးအဝဲဒၣ်အီၣ်ကိၣ်လၢအမဲာ်ညါ တထံၣ်ဃီတစိၤဒၣ် အီၤလီၤ. 34 ဒီးတၢ်နီၤဖးဟ့ၣ်အီၤလၢစီၤပၤအအိၣ်တထံၣ် ဃီ, အတၢ်တနံၤအဂီၢ်တနံၤအဂီၢ်တစိၤဒၣ်အီၤလီၤ.