လံာ်ပှၤစံၣ်ညီၣ်ကွီၢ်
1၁
1 ဒီးတၢ်မၤအသးလၢ စီၤယိၤရှူသံဝဲအလီၢ်ခံန့ၣ်, ပှၤ အံၣ်စရ့လးဖိသံကွၢ်ယွၤဒီးစံးဝဲဒၣ်, မ့ၢ်မတၤကလဲၤ ထီၣ်ဆိထီဒါပှၤကနၤဧၣ်ဖိလၢပဂီၢ် ဒ်သိးအကဒုးတၢ် ဒီးအီၤန့ၣ်တဂၤလဲၣ်.
2 ဒီးယွၤစံးဝဲဒၣ်, ယူဒၤကလဲၤထီၣ်လီၤ. ကွၢ်ကွၢ်, ယ ဟ့ၣ်လီၤလံထံဧိၤကီၢ်ဧိၤလၢအစုပူၤလံ.
3 ဒီးယူဒၤစံးဘၣ်အဒီပုၢ်ဝဲၢ်စူၤမ့းအိၣ်, ဟဲထီၣ်ဒီးယၤဆူ ယတၢ်အဂီၢ်အပူၤ ဒ်သိးပကဒုးသုးဒီး ပှၤကနၤဧၣ်ဖိ န့ၣ်တက့ၢ်. ဒီးယဲဒၣ်အံၤယကလဲၤစ့ၢ်ကီးဒီးနၤဆူနတၢ် အဂီၢ်ဒၣ်နဲအပူၤလီၤ. ဒီးစူၤမ့းအိၣ်လဲၤထီၣ်ဒီးအီၤလီၤ.
4 ဒီးယူဒၤလဲၤထီၣ်, ဒီးယွၤဟ့ၣ်လီၤပှၤကနၤဧၣ်ဖိ, ဒီး ပှၤပရးစၤဖိလၢအစုပူၤ, ဒီးကျီသံကွံာ်အီၤလၢဘ့အစ့း ပူၤ, ပှၤကညီတကလးလီၤ.
5 ဒီးထံၣ်န့ၢ်အဒိနံၤဘ့စ့းလၢဘ့စ့းအပူၤ, ဒီးဒုးသုးဒီး အီၤ, ဒီးကျီကွံာ်ပှၤကနၤဧၣ်ဖိ, ဒီးပှၤပရးစၤဖိန့ၣ်လီၤ.
6 ဒီးအဒိနံၤဘ့စ့းန့ၣ်ဃ့ၢ်ဝဲ, ဒီးအဝဲသ့ၣ်လူၤ, ဒီးချုးန့ၢ် အီၤ, ဒီးဒီၣ်တဲာ်ကွံာ်အစုမုၢ်ဒိၣ်, ဒီးအခီၣ်မုၢ်ဒိၣ်န့ၣ်လီၤ.
7 ဒီးအဒိနံၤဘ့စ့းန့ၣ်စံးဝဲဒၣ်, စီၤပၤနွံဆံလၢအစုမုၢ် ဒိၣ်ဒီးအခီၣ်မုၢ်ဒိၣ်ဘၣ်ဒီၣ်တဲာ်ကွံာ်န့ၣ် ထၢန့ၢ်တၢ်လၢ ယစီၢ်နီၤခိၣ်အဖီလာ်လီၤ. ဒ်ယမၤတ့ၢ်အသိးန့ၣ် က စၢ်ဟ့ၣ်ကၣ်ယၤ ဒ်န့ၣ်အသိးလီၤ. ဒီးပှၤဟဲစိာ်အီၤဆူ ယရူၤၡလ့ၣ်, ဒီးသံဝဲဖဲန့ၣ်လီၤ.
8 ဒီးပှၤယူဒၤဖိဒုးတၢ်ဒီးယရူၤၡလ့ၣ်, ဒီးမၤန့ၢ်အီၤ, ဒီး ကျီကွံာ်အီၤလၢနးအကနၣ်, ဒီးဆူးထီၣ်ကွံာ်ဝ့ၢ်န့ၣ်လၢ မ့ၣ်အူလီၤ.
9 လၢခံက့ၤဒီးပှၤယူဒၤဖိ လဲၤလီၤဒုးတၢ်ဒီးပှၤကနၤဧၣ် ဖိလၢအအိၣ်လၢကစၢၢ်ကလိ, ဒီးလၢကလံၤထံးတခီ, ဒီးလၢတၢ်ပျီပူၤလီၤ.
10 ဒီးယူဒၤလဲၤထီဒါပှၤကနၤဧၣ်ဖိလၢ အအိၣ်လၢဃ့ ဘြိၣ်အပူၤ, (ဒီးလၢသီန့ၣ်ဃ့ဘြိၣ်အမံၤမ့ၢ်ကံးရယးအၢ် ဘၤ), ဒီးကျီသံကွံာ်စီၤရှ့ၤၡဲ, ဒီးစီၤအဃံမ့ၣ်, ဒီးစီၤတးလ မဲလီၤ.
11 ဒီးလဲၤထီၣ်ဖဲန့ၣ်ထီဒါပှၤဒဘံၢ်ဖိ, ဒီးလၢသီန့ၣ်ဒဘံၢ် အမံၤမ့ၢ်ကံးရယးစ့ဖ့ၢ်လီၤ, 12 ဒီးစီၤကၤလ့းစံးဝဲဒၣ်, ပှၤ လၢအကျီကွံာ်ကံးရယးစ့ဖ့ၢ်, ဒီးမၤန့ၢ်အီၤတဂၤန့ၣ်ယ ကဟ့ၣ်လီၤအီၤလၢ ယဖိမုၣ်နီၢ်ဧၤကစ့ၤလၢအမါလီၤ.
13 ဒီးစီၤကၤလ့းအပုၢ်စီၤကနးစးအဖိခွါ, စီၤဧီၤသန့လး န့ၣ်မၤန့ၢ်ဝဲ, ဒီးအဝဲဒၣ်ဟ့ၣ်လီၤအီၤလၢအဖိမုၣ် နီၢ်ဧၤ ကစ့ၤလၢအမါန့ၣ်လီၤ. 14 ဒီးတုၤအဟဲဆူအအိၣ်ဒီးတၢ် မၤအသးလၢအထိၣ်ဂဲၤအီၤ ဒ်သိးအကဃ့ဟီၣ်ခိၣ်အက ဝီၤတပူၤလၢအပၢ်လီၤ. ဒီးယုၢ်လီၤဝဲလၢအကသ့ၣ်ယီၤ အလိၤ, ဒီးစီၤကၤလ့းစံးဘၣ်အီၤ, ဘၣ်နသးလၢမနုၤ တမံၤလဲၣ်.
15 ဒီးအဝဲဒၣ်စံးဘၣ်အီၤ, ဟ့ၣ်လီၤယၤလၢတၢ်ဆိၣ်ဂ့ၤ တက့ၢ်. အဂ့ၢ်ဒ်အံၤ, နဟ့ၣ်လီၤလံယၤလၢဟီၣ်ခိၣ်လၢ ကလံၤထံးတခီလံ. ဟ့ၣ်လီၤစ့ၢ်ကီးယၤလၢထံထီၣ်ပၢၢ် တဖၣ်တက့ၢ်. ဒီးစီၤကၤလ့းဟ့ၣ်လီၤအီၤလၢထံထီၣ်ပၢၢ် လၢထးခီ, ဒီးထံထီၣ်ပၢၢ်လၢလာ်ခီတဖၣ်န့ၣ်လီၤ.
16 ဒီးပှၤက့ၣ်ဖိ, စီၤမိၤရှ့အမံၤပှၢ်တဂၤအဖိတဖၣ်, လဲၤ ထီၣ်လၢသ့ၣ်စူၣ်ပလူၣ်အဝ့ၢ်အိၣ်ဒီး ပှၤယူဒၤဖိဆူယူဒၤ အပှၢ်မုၢ်ကနၢ လၢအအိၣ်လၢဧရးလၢကလံၤထံးတခီ, ဒီးလဲၤဝဲ, ဒီးအိၣ်ဝဲဆိးဝဲလၢပှၤဂီၢ်မုၢ်န့ၣ်အကျါလီၤ.
17 ဒီးယူဒၤလဲၤဝဲဒီး အဒီပုၢ်ဝဲၢ်စူၤမ့းအိၣ်, ဒီးအဝဲသ့ၣ် တဖၣ်န့ၣ် ကျီကွံာ်ပှၤကနၤဧၣ်ဖိလၢအအိၣ်ဝဲဆိးဝဲလၢ စ့ဖးအပူၤ, ဒီးမၤဟးဂီၤကွံာ်အီၤလီၤ. ဒီးဝ့ၢ်အမံၤမ့ၢ် ဃိၢ်မါလီၤ.
18 ဒီးယူဒၤ မၤန့ၢ်ဂါစၤဒီး အကီၢ်အဃၢၤ, ဒီးအၤၡ ကလိၣ်ဒီးအကီၢ်အဃၢၤဒီးဧ့ဘြိၣ်, ဒီးအကီၢ်အဃၢၤ န့ၣ်လီၤ.
19 ဒီးယွၤဆိၣ်ဝဲဒီးယူဒၤ, ဒီးဟီထီၣ်ကွံာ်ပှၤကစၢၢ်ခိၣ် ဖိလီၤ. မ့မ့ၢ်ဟီထီၣ်ကွံာ်တၢ်ပၢၤခိၣ်ဖိန့ၣ်တသ့ဘၣ်. အဂ့ၢ်ဒ်အံၤ, အိၣ်ဝဲဒီးလ့ၣ်ကဟၣ်ထးလီၤ.
20 ဒီးဟ့ၣ်လီၤဃ့ဘြိၣ်လၢစီၤကၤလ့း, ဒ်စီၤမိၤရှ့စံးဝဲအ သိးန့ၣ်လီၤ. ဒီးဟီထီၣ်ကွံာ်စီၤဧနးအဖိခွါသၢဂၤလီၤ.
21 ဒီးပှၤဘံၣ်ယၤမံၣ်ဖိ တဟီထီၣ်ကွံာ်ဘၣ်ပှၤယဘူၣ် ဖိလၢအအိၣ်ဝဲဆိးဝဲလၢယရူၤၡလ့ၣ်အပူၤဘၣ်. မ့မ့ၢ်ပှၤ ယဘူၣ်ဖိအိၣ်ဝဲဆိးဝဲဒီး ပှၤဘံၣ်ယၤမံၣ်ဖိလၢ ယရူၤၡ လ့ၣ်အပူၤတုၤမုၢ်မဆါတနံၤအံၤလီၤ.
22 ဒီးစီၤယိၤသးအပှၤဟံၣ်ဖိ လဲၤထီဒါစ့ၢ်ကီး ဘ့ၤသ့ လး, ဒီးယွၤအိၣ်ဒီးအီၤလီၤ. 23 ဒီးစီၤယိၤသးအပှၤဟံၣ် ဖိမၢလီၤပှၤလဲၤတရံးဘ့ၤသ့လးလီၤ. ဒီးလၢသီန့ၣ်ဝ့ၢ် အမံၤမ့ၢ်လူးစးလီၤ. 24 ဒီးပှၤခိးတၢ်တဖၣ်န့ၣ်ထံၣ်ဘၣ် ပှၤတဂၤဟဲထီၣ်လၢဝ့ၢ်ပူၤ, ဒီးစံးဘၣ်အီၤ, ဒုးနဲၣ်လၢ် ပှၤလၢတၢ်လဲၤနုာ်လၢဝ့ၢ်ပူၤန့ၣ်တက့ၢ်, ဒီးပကမၤနၤ လၢတၢ်ဘျုးတၢ်ဖှိၣ်လီၤ.
25 ဒီးအဝဲဒၣ်ဒုးနဲၣ်အီၤလၢတၢ်လဲၤနုာ်လၢဝ့ၢ်ပူၤ, ဒီးအ ဝဲသ့ၣ်တဖၣ်န့ၣ်ကျီကွံာ်ဝ့ၢ်န့ၣ်လၢနးအကနၣ်လီၤ. မ့မ့ၢ် ပှၤတဂၤ, ဒီးအပှၤဟံၣ်ဖိခဲလၢာ်န့ၣ် ပျၢ်ဝဲလီၤ. 26 ဒီးပှၤ တဂၤန့ၣ်လဲၤဝဲဆူပှၤဃ့ၤသးဖိအကီၢ်ပူၤ, ဒီးတ့ဝ့ၢ်တ ဝ့ၢ်, ဒီးယုၢ်ဝဲအမံၤလၢလူးစးလီၤ. အဝဲန့ၣ်မ့ၢ်အမံၤတုၤမုၢ် မဆါတနံၤအံၤလီၤ.
27 ဒီးမနၤရှ့ၤတဟီထီၣ်ကွံာ်ဘၣ် ပှၤအိၣ်ဝဲဆိးဝဲလၢဘ့ၤ သၡၣ်ဒီးအတဝီတဖၣ်, ဒီးပှၤအိၣ်လၢတၤနးဒီးအတဝီ တဖၣ်, ဒီးပှၤအိၣ်လၢဒိၢ်ဒီးအတဝီတဖၣ်, ဒီးပှၤအိၣ်လၢ ယံးဘျၣ်ဒီးအတဝီတဖၣ်, ဒီးပှၤအိၣ်လၢမကံးဒိၤဒီးအ တဝီတဖၣ်ဘၣ်. ဒီးပှၤကနၤဧၣ်ဖိအိၣ်ဒၣ် တၢ်လၢထံ ဧိၤကီၢ်ဧိၤအပူၤန့ၣ်လီၤ.
28 ဒီးတုၤအံၣ်စရ့လးဆူၣ်ထီၣ်ဒီး, တၢ်မၤအသးလၢအ ဒုးဟ့ၣ်ပှၤကနၤဧၣ်ဖိလၢသွဲ, ဒီးတဟီထီၣ်ကွံာ်ဘၣ်အီၤ သပှၢ်တၢၢ်ဘၣ်.
29 ဒီးအ့ဖရဲၣ်တဟီထီၣ်ကွံာ်ဘၣ် ပှၤကနၤဧၣ်ဖိလၢအ အိၣ်ဝဲဆိးဝဲလၢက့စ့ၢ်အပူၤဘၣ်. မ့မ့ၢ်ပှၤကနၤဧၣ်ဖိအိၣ် ဝဲလၢက့စ့ၢ်အပူၤလၢအကျါလီၤ.
30 ဒီးစဘူလိၣ်တဟီထီၣ်ကွံာ်ဘၣ် ပှၤအိၣ်ဝဲဆိးဝဲလၢ ကံတြိၣ်အပူၤ, ဒီးပှၤအိၣ်ဝဲလၢနၤဟလိလးအပူၤဘၣ်. ဒီးပှၤကနၤဧၣ်ဖိအိၣ်ဝဲဆိးဝဲလၢအကျါ, ဒီးကဲထီၣ်ပှၤ ဟ့ၣ်သွဲဖိလီၤ.
31 ဒီးအၤရှ့ၢ်တဟီထီၣ်ကွံာ်ဘၣ် ပှၤအိၣ်ဝဲဆိးဝဲလၢ ဧး ကိၤအပူၤ, ဒီးပှၤအိၣ်ဝဲလၢစံဒိၣ်အပူၤ, ဒီးလၢအၤဃလာ် အပူၤ, ဒီးလၢအၤကစံာ်အပူၤ, ဒီးလၢဃ့လဘၤအပူၤ, ဒီးလၢအဖံးအပူၤ, ဒီးလၢရဃိာ်အပူၤဘၣ်. 32 ဒီးပှၤအၤ ရှ့ၢ်ဖိအိၣ်ဝဲဆိးဝဲလၢပှၤကနၤဧၣ်ဖိ, ပှၤကီၢ်ဖိ, အကျါန့ၣ် လီၤ. အဂ့ၢ်ဒ်အံၤ, တဟီထီၣ်ကွံာ်ဘၣ်အီၤဘၣ်.
33 ဒီးနးသၤလံ တဟီထီၣ်ကွံာ်ဘၣ် ပှၤအိၣ်ဝဲဆိးဝဲလၢ ဘ့ၤသရှ့မ့ၣ်အပူၤ, ဒီးပှၤအိၣ်ဝဲဆိးဝဲလၢ ဘ့ၤသၤနးအ ပူၤဘၣ်. ဒီးအိၣ်ဝဲဆိးဝဲလၢပှၤကနၤဧၣ်ဖိ, ပှၤကီၢ်ဖိ, အ ကျါန့ၣ်လီၤ. ဘၣ်ဆၣ်ဒီးပှၤအိၣ်ဝဲလၢ ဘ့ၤသရှ့မ့ၣ်အ ပူၤ, ဒီးပှၤအိၣ်ဝဲလၢဘ့ၤသၤနးအပူၤတဖၣ်န့ၣ် ကဲထီၣ် ပှၤဟ့ၣ်သွဲလၢအီၤလီၤ.
34 ဒီးပှၤအမိၢ်ဖိ မၢဆူၣ်ပှၤဒၣ်ဖိ လဲၤထီၣ်ဆူ ကစၢၢ် အလိၤလီၤ. အဂ့ၢ်ဒ်အံၤ, တဟ့ၣ်အဟဲလီၤဆူ တၢ် ပၢၤခိၣ်ဘၣ်. 35 ဒီးပှၤအမိၢ်ဖိအိၣ်ဒၣ်တၢ်လၢကစၢၢ်ဃ့ ရ့း, လၢအးယၤလိၣ်အပူၤ, ဒီးလၢၡးလဘံၣ်အပူၤလီၤ. ဘၣ်ဆၣ်ဒီး စီၤယိၤသး အပှၤဟံၣ်ဖိအစုမၤနၢၤတၢ်, ဒီးအဝဲသ့ၣ်ကဲထီၣ်ပှၤဟ့ၣ်သွဲဖိလီၤ.
36 ဒီးပှၤအမိၢ်ဖိ အကီၢ်ဃၢၤန့ၣ် အိၣ်ဝဲလၢတၢ်ဟဲထီၣ် လၢဧးကရးဘံၣ်, လၢစ့လၤ, ဒီးဆူထးခီန့ၣ်လီၤ.
2၂
1 ဒီးယွၤအကလူးတဂၤန့ၣ်ဟဲထီၣ်လၢ ကံးလကၤ လးဆူဘိးကံၣ်, ဒီးစံးဝဲဒၣ်, ယဒုးဟဲထီၣ်ကွံာ်သုလၢ အဲၤကူပတူးအပူၤ, ဒီးယဒုးဟဲနုာ်သုဆူ ထံဧိၤကီၢ်ဧိၤ အပူၤလၢယဆိၣ်တၢ်ဒီးသုပၢ်တဖၣ် လၢအဂ့ၢ်အကျိၤ, ဒီးယစံး, စိၤရီၤယတမၤဟးဂီၤဘၣ် ယတၢ်အၢၣ်လီၤ အီလီၤဒီးသုဘၣ်. 2 ဒီးသုတဘၣ်မၤ တၢ်အၢၣ်လီၤအီ လီၤ ဒီးပှၤအိၣ်ဝဲဆိးဝဲလၢကီၢ်ပူၤအံၤဘၣ်. သုဘၣ်မၤ လီၤပှီၢ်ကွံာ်အတၢ်လုၢ်လီၢ်လီၤ. ဘၣ်ဆၣ်ဒီးသုတဒိ ကနၣ်ဘၣ် ယကလုၢ်ဘၣ်, သုမၤတၢ်အံၤမ့ၢ်အဘၣ် မနုၤလဲၣ်. 3 မၤသးဒ်န့ၣ်ဒီး ယစံးစ့ၢ်ကီးယတဟီထီၣ် ကွံာ်ဘၣ်အီၤလၢသုမဲာ်ညါဘၣ်. မ့ၢ်အကကဲထီၣ်တၤ ဆှုၣ်တၤမဲလၢသုကပၤပူၤ, ဒီးအကစၢ်တဖၣ်န့ၣ်ကကဲ ထီၣ်တၢ်ပျံၤသကွီၤလၢသုဂီၢ်လီၤ.
4 ဒီးယွၤအကလူးကတိၤတၢ်ကတိၤန့ၣ်ဒီး ပှၤအံၣ်စရ့ လးဖိခဲလၢာ်ဒီး, တၢ်မၤအသးလၢပှၤဂီၢ်မုၢ်ထုထီၣ်အက လုၢ်, ဒီးဟီၣ်ဝဲလီၤ. 5 ဒီးယုၢ်ဝဲတၢ်အလီၢ်အမံၤလၢဘိး ကံၣ်, ဒီးလုၢ်တၢ်လၢယွၤဖဲန့ၣ်လီၤ.
6 ဒီးလၢစီၤယိၤရှူပျၢ်ပှၤဂီၢ်မုၢ်န့ၣ် ပှၤအံၣ်စရ့လးဖိလဲၤ တဂၤဆူအတၢ်န့ၢ်သါ, တဂၤဆူအတၢ်န့ၢ်သါ, ဒ်သိး အကမၤန့ၢ် ထံဧိၤကီၢ်ဧိၤန့ၣ်လီၤ. 7 ဒီးပှၤဂီၢ်မုၢ်မၤယွၤ အတၢ်လၢ စီၤယိၤရှူအမုၢ်နံၤအပူၤခဲလၢာ်, ဒီးလၢပှၤ သူၣ်က့သးပှၢ်လၢအမူဒံးလၢစီၤယိၤရှူအလီၢ်ခံ, ဒီးထံၣ် ဘၣ်ယွၤအတၢ်မၤဖးဒိၣ် လၢအမၤလၢအံၣ်စရ့လးအဂီၢ် တဖၣ်အမုၢ်နံၤခဲလၢာ်န့ၣ်လီၤ.
8 ဒီးယွၤအခ့အပှၤ စီၤနိၣ်အဖိခွါစီၤယိၤရှူအသးပှၢ်အ နံၣ်တကယၤတဆံ, ဒီးသံဝဲလီၤ. 9 ဒီးပှၤခူၣ်လီၤကွံာ် အီၤလၢအတၢ်န့ၢ်သါအကီၢ်အဃၢၤ လၢတံမနးဃ့ရ့း လၢအအိၣ်လၢ ကစၢၢ်အ့ဖရဲၣ်အလိၤ လၢကစၢၢ်ကၤ ဧၣ် လၢကလံၤစိးတခီလီၤ. 10 ဒီးပှၤတစိၤခဲလၢာ်န့ၣ် ဘၣ်တၢ်ပာ်ဖှိၣ်အီၤစ့ၢ်ကီးဒီးအပၢ်တဖၣ်, ဒီးပှၤအဂၤ တစိၤအိၣ်ထီၣ်လၢအလီၢ်ခံလၢအတသ့ၣ်ညါဘၣ်ယွၤ, ဒီးအတၢ်မၤလၢအမၤဝဲလၢအံၣ်စရ့လးအဂီၢ်ဘၣ်လီၤ.
11 ဒီးပှၤအံၣ်စရ့လးဖိ မၤတၢ်အၢလၢယွၤအမဲာ်, ဒီးမၤ ဘဧၤလးအတၢ်လီၤ. 12 ဒီးလဲၤသဒၣ်ယွၤ, အပၢ်အက စၢ် လၢအဒုးဟးထီၣ်ကွံာ်အီၤ လၢအဲၤကူပတူးအပူၤ, ဒီးပိာ်ကစၢ်အဂၤတဖၣ်အခံ, ပှၤဂီၢ်မုၢ်လၢအအိၣ်ဝးတ ရံးအီၤအကစၢ်တဖၣ်, ဒီးဘူၣ်ထီၣ်ဘါထီၣ်အီၤ, ဒီးမၤ သးထီၣ်ယွၤလီၤ. 13 ဒီးလဲၤသဒၣ်ယွၤ, ဒီးမၤဘဧၤလး ဒီးဧၤၡတြိးအတၢ်လီၤ.
14 ဒီးယွၤအသးထီၣ်ကဲၤထီၣ်ဘၣ်အံၣ်စရ့လး, ဒီးဟ့ၣ် လီၤကွံာ်အီၤလၢပှၤဂုာ်န့ၢ်ဖိလၢအဂုာ်န့ၢ်အတၢ်, ဒီးဆါ ကွံာ်အီၤလၢ အဒုၣ်အဒါအိၣ်ဝးတရံးအီၤတဖၣ်အစုပူၤ, ဒီးဆၢထၢၣ်လၢအဒုၣ်အဒါအမဲာ်ညါတသ့လၢၤဘၣ်.
15 ဒီးဖဲဒၣ်အလဲၤတၢ်အပူၤလၢ်လၢ်န့ၣ် ယွၤအစုအိၣ်ဝဲ လၢအလိၤ လၢတၢ်အၢအဂီၢ်, ဒ်ယွၤစံးတ့ၢ်တၢ်အသိး န့ၣ်, ဒီးဒ်ယွၤဆိၣ်တ့ၢ်တၢ်ဒီးအီၤအသိးန့ၣ်, ဒီးအသူၣ် ကိၢ်အသးဂီၤဒိၣ်မးလီၤ.
16 ဘၣ်ဆၣ်ဒီး ယွၤဒုးဂဲၤဆၢထၢၣ် ပှၤစံၣ်ညီၣ်ကွီၢ်တ ဖၣ်လၢအမၤပူၤဖျဲးအီၤဒီး ပှၤလၢအဂုာ်န့ၢ်အတၢ်တဖၣ် အစုပူၤလီၤ. 17 ဒီးတဒိကနၣ်ဘၣ်စ့ၢ်ကီးပှၤစံၣ်ညီၣ်ကွီၢ် အကလုၢ်ဘၣ်. ဒီးလဲၤမၤကမၣ်ထွဲကစၢ်အဂၤတဖၣ် အခံ, ဒီးဘူၣ်ထီၣ်ဘါထီၣ်အီၤ, ဒီးဃၣ်ကွံာ်ချ့သဒံး လၢကျဲပူၤလၢအပၢ်တဖၣ် ဒိကနၣ်ယွၤအတၢ်မၤလိာ် ဒီးပိာ်ဝဲလီၤ. တမၤဘၣ်တၢ်ဒ်န့ၣ်ဘၣ်.
18 ဒီးယွၤဒုးဂဲၤဆၢထၢၣ်န့ၢ်ပှၤစံၣ်ညီၣ်ကွီၢ်လၢအဂီၢ်, ဒီး ယွၤအိၣ်ဒီးပှၤစံၣ်ညီၣ်ကွီၢ်, ဒီးမၤပူၤမၤဖျဲးအီၤဒီးအဒုၣ် အဒါအစုပူၤ, လၢပှၤစံၣ်ညီၣ်ကွီၢ် အမုၢ်နံၤခဲလၢာ်အ တီၢ်ပူၤန့ၣ်လီၤ. အဂ့ၢ်ဒ်အံၤ, ယွၤပီၢ်ယၢ်လီၤက့ၤအသး လၢအဝဲသ့ၣ်တဖၣ် အတၢ်ကအုကစွါအဃိလၢအအိၣ် လၢပှၤမၤအၢမၤသီ, ဒီးမၤကိၢ်မၤဂီၤအီၤအဃိလီၤ.
19 ဒီးတုၤပှၤစံၣ်ညီၣ်ကွီၢ်တဂၤသံဒီး, တၢ်မၤအသးလၢ အဝဲသ့ၣ်က့ၤကဒါက့ၤ, ဒီးမၤဘၣ်အၢလီၤအသးနးန့ၢ် အပၢ်တဖၣ်လၢအပိာ်ကစၢ်အဂၤတဖၣ်အခံ ဒ်သိးအက မၤအတၢ်, ဒီးဘူၣ်ထီၣ်ဘါထီၣ်အီၤ, ဒီးတဆိတ့ၢ်ဘၣ် လၢအတၢ်မၤတဖၣ်, ဒီးလၢကျဲကီန့ၣ်ဘၣ်.
20 ဒီးယွၤအသးထီၣ်ကဲၤထီၣ်ဘၣ် အံၣ်စရ့လး, ဒီးစံးဝဲ ဒၣ်, မ့ၢ်ပှၤဂီၢ်မုၢ်အံၤလုၣ်သ့ၣ်ခါပတာ် ယတၢ်အၢၣ် လီၤအီလီၤလၢ ယမၤလိာ်အပၢ်တဖၣ်, ဒီးတဒိကနၣ် ယကလုၢ်ဘၣ်ဒီး, 21 ယတဟီထီၣ်ကွံာ်စ့ၢ်ကီးလၢၤဘၣ် ပှၤကလုာ်တဖၣ်လၢစီၤယိၤရှူလၢအသံန့ၣ် ပာ်လီၤတဲာ် တဖၣ်လၢအမဲာ်ညါဘၣ်. 22 ဒ်သိးယကမၤကွၢ်အံၣ်စရ့ လးလၢအီၤ, ကတိၢ်န့ၢ်ယွၤအကျဲလၢအကပိာ်ဝဲဒ်အပၢ် မၤဝဲအသိးန့ၣ်ဧါ, တတိၢ်ဘၣ်လဲၣ်န့ၣ်လီၤ.
23 ဒီးယွၤပာ်လီၤတဲာ်ပှၤကလုာ်တဖၣ်, ဒီးတဟီထီၣ် ကွံာ်ဘၣ်အီၤချ့သဒံးဘၣ်. ဒီးတဟ့ၣ်လီၤကွံာ်အီၤလၢ စီၤယိၤရှူအစုပူၤဘၣ်.
3၃
1 ဒီးအဝဲအံၤမ့ၢ်ပှၤကလုာ်တဖၣ် လၢယွၤပာ်လီၤတဲာ်ဒ် သိးအကမၤကွၢ်အံၣ်စရ့လးလၢအီၤ, ကယဲၢ်ပှၤလၢအ တသ့ၣ်ညါဘၣ် ကနၤဧၣ်အတၢ်ဒုးသုးခဲလၢာ်န့ၣ်, 2 ဒ် သိးပှၤအံၣ်စရ့လးအစိၤတဖၣ် ကသ့ၣ်ညါမၤလိတၢ်ဒုး သုး, ဖဲဒၣ်ပှၤလၢအတသ့ၣ်ညါဘၣ်ဝဲလၢသီန့ၣ်လီၤ.―
3 ပှၤဖလ့ၡသးဖိအပဒိၣ်ယဲၢ်ဂၤ, ဒီးပှၤကနၤဧၣ်ဖိခဲလၢာ်, ဒီးပှၤစံဒိၣ်ဖိ, ဒီးပှၤဃံၤဝံဖိလၢအအိၣ်ဝဲဆိးဝဲလၢကစၢၢ် လဘၤနိၣ်အလိၤ, လၢဘဧၤလးဃ့ရမိၣ် ပၢၢ်လၢတၢ် လဲၤနုာ်လၢဃမါသးလီၤ.
4 ဒီးအိၣ်ဝဲဒ်သိးဒီးအကမၤကွၢ်အံၣ်စရ့လးလၢအီၤ, က ဒိကနၣ်ယွၤအတၢ်မၤလိာ်လၢ အမၤလိာ်အပၢ်တဖၣ် လၢစီၤမိၤရှ့အစုပူၤဧါ, တဒိကနၣ်ဘၣ်လဲၣ်န့ၣ် ဒ်သိး အကသ့ၣ်ညါလီၤ.
5 ဒီးပှၤအံၣ်စရ့လးဖိအိၣ်ဝဲဆိးဝဲလၢပှၤကနၤဧၣ်ဖိ, ပှၤ ဃ့ၤသးဖိ, ဒီးပှၤအမိၢ်ဖိ, ဒီးပှၤပရးစၤဖိ, ဒီးပှၤဃံၤဝံ ဖိ, ဒီးပှၤယဘူၣ်ဖိအကျါန့ၣ်လီၤ. 6 ဒီးဟံးန့ၢ်အဖိမုၣ် တဖၣ်လၢအမါ, ဒီးဟ့ၣ်လီၤအဖိမုၣ်တဖၣ်လၢအဝဲသ့ၣ် အဖိခွါတဖၣ်န့ၣ်, ဒီးမၤအကစၢ်တဖၣ်အတၢ်လီၤ.
7 ဒီးပှၤအံၣ်စရ့လးဖိ မၤတၢ်အၢလၢယွၤအမဲာ်, ဒီးသး ပ့ၤနီၣ်ယွၤ, အကစၢ်, ဒီးမၤဘဧၤလးဒီးအရှ့ရၤအတၢ် လီၤ.
8 ဒီးယွၤအသးထီၣ်ကဲၤထီၣ်ဘၣ်အံၣ်စရ့လး, ဒီးဆါ ကွံာ်အီၤလၢမ့းစပတၤမံ အစီၤပၤကူၡၣ်ရံးၡၤသဲၣ်အစု ပူၤ, ဒီးပှၤအံၣ်စရ့လးဖိမၤ စီၤကူၡၣ်ရံးၡၤသဲၣ်အတၢ် န့ၣ်ဃိးနံၣ်လီၤ.
9 ဒီးပှၤအံၣ်စရ့လးဖိ ကိးထီၣ်ယွၤ, ဒီးယွၤဒုးဂဲၤဆၢ ထၢၣ်တၢ်အုၣ်က့ၤခီၣ်က့ၤလၢ ပှၤအံၣ်စရ့လးဖိအဂီၢ်, လၢအအုၣ်က့ၤခီၣ်က့ၤအီၤ, စီၤကၤလ့းအပုၢ် စီၤက နးစးအဖိခွါစီၤဧီၤသန့လးလီၤ.
10 ဒီးယွၤအသးအိၣ်ထီၣ်လၢအလိၤ, ဒီးအဝဲဒၣ်စံၣ်ညီၣ် အံၣ်စရ့လး, ဒီးလဲၤထီၣ်ဒုးသုး, ဒီးယွၤဟ့ၣ်လီၤကွံာ် မ့းစပတၤမံ အစီၤပၤကူၡၣ်ရံးၡၤသဲၣ်လၢအစုပူၤဒီးအစု မၤနၢၤစီၤကူၡၣ်ရံးၡၣ်သဲၣ်လီၤ.
11 ဒီးထံဧိၤကီၢ်ဧိၤန့ၣ် အိၣ်ဘှံးအနံၣ်လွံၢ်ဆံ, ဒီးစီၤက နးစးအဖိခွါစီၤဧီၤသန့လးန့ၣ်သံဝဲလီၤ.
12 ဒီးပှၤအံၣ်စရ့လးဖိ မၤကဒီးတၢ်အၢလၢယွၤအမဲာ်ညါ ဒီးယွၤဒုးဆူၣ်ထီၣ် မိၤအးအစီၤပၤဧ့းကလိၣ် ထီဒါအံၣ် စရ့လးလီၤ. အဂ့ၢ်ဒ်အံၤ, မၤတၢ်အၢလၢယွၤအမဲာ် ညါလီၤ.
13 ဒီးဒုးအိၣ်ဖှိၣ်ပှၤဧၣ်မိၣ်ဖိ, ဒီးပှၤဧမၤလ့းဖိ, ဒီးလဲၤ ကျီကွံာ်အံၣ်စရ့လး, ဒီးမၤန့ၢ်သ့ၣ်စူၣ်ပလူၣ်အဝ့ၢ်န့ၣ် လီၤ. 14 ဒီးပှၤအံၣ်စရ့လးဖိမၤ မိၤအးအစီၤပၤဧ့းကလိၣ် အတၢ်တဆံဃိးနံၣ်လီၤ.
15 ဒီးပှၤအံၣ်စရ့လးဖိကိးထီၣ်ဆူယွၤ, ဒီးယွၤဒုးဂဲၤဆၢ ထၢၣ်က့ၤတၢ်အုၣ်က့ၤခီၣ်က့ၤအီၤ, ပှၤဘံၣ်ယၤမံၣ်ဖိ, ပှၤမၤတစ့ၣ်စု, စီၤက့ရၤအဖိခွါစီၤအ့ဟူာ်လီၤ. ဒီးပှၤ အံၣ်စရ့လးဖိ ဟ့ၣ်ယုၢ်ခိၣ်ဖးလၢ အစုပူၤဆူမိၤအးအစီၤ ပၤဧ့းကလိၣ်လီၤ. 16 ဒီးစီၤအ့ဟူာ်မၤဘီဒီဘ့ၣ်တၢ်ခံခီလၢာ် တဘ့ၣ်အထီတပျၢ်လၢအဂီၢ်, ဒီးစၢဃာ်လၢအကံၣ်ဒုၣ်ထွဲအ လိၤလၢအကူအသိးအဖီလာ်လီၤ. 17 ဒီးလဲၤစိာ်ခိၣ်ဖးန့ၣ်ဆူမိၤ အးအစီၤပၤ ဧ့းကလိၣ်အအိၣ်လီၤ. ဒီးစီၤဧ့းကလိၣ်န့ၣ်မ့ၢ်ပှၤအဘီၣ်ဒိၣ်မးလီၤ.― 18 ဒီးတုၤအဟ့ၣ်လီၤခိၣ်ဖးဝံၤဒီး, ပျၢ်ပှၤလၢအစိာ်ခိၣ်ဖးတဖၣ်န့ၣ်လီၤ. 19 မ့မ့ၢ်အကစၢ်ဒၣ် ဝဲန့ၣ် ဃၣ်အသးလၢတၢ်ခူၣ်လၢၢ်အလီၢ်လၢကံးလကၤ လးအဃၢၤ, ဒီးစံးဝဲဒၣ်, ယအိၣ်ဒီးတၢ်ကတိၤခူသူၣ်တ ထံၣ်လၢနဂီၢ်, စီၤပၤဧၢ, ဒီးအဝဲဒၣ်စံး, အိၣ်ဘှီၣ်က လာ် တက့ၢ်. ဒီးပှၤလၢအဆၢထၢၣ်လၢအဃၢၤန့ၣ်ဟးထီၣ် ကွံာ်လၢအအိၣ်ခဲလၢာ်လီၤ.
20 ဒီးစီၤအ့ဟူာ်ဟဲဆူအအိၣ်, ဒီးအဝဲဒၣ် ဆ့ၣ်နီၤလၢ ဒၢးခုၣ်ထီၣ်ထီအပူၤ ထဲအဝဲတဂၤဧိၤန့ၣ်လီၤ. ဒီးစီၤအ့ ဟူာ်စံးဝဲဒၣ်, ယအိၣ်ဒီးယွၤအတၢ်ကတိၤလၢနဂီၢ်လီၤ. ဒီးဂဲၤဆၢထၢၣ် လၢအလီၢ်ဆ့ၣ်နီၤလီၤ. 21 ဒီးစီၤအ့ဟူာ် ယူာ်ထီၣ်အစုစ့ၣ်, ဒီးဟံးန့ၢ်ဘီဒီန့ၣ်လၢအကံၣ်ဒုၣ်ထွဲ အလိၤ, ဒီးဆဲးဖှိးအီၤလၢအဟၢဖၢပူၤလီၤ. 22 ဒီးအတိၢ် လဲၤနုာ်ထွဲအကနၣ်အခံ, ဒီးတၢ်ညၣ်အသိစဲဘူးဒီးအ ကနၣ်, အဂ့ၢ်ဒ်အံၤ, တထုးထီၣ်ကွံာ်ဘီဒီန့ၣ်လၢအဟၢ ဖၢပူၤဘၣ်. ဒီးဟဲထီၣ်ဝဲလၢအချၢဃံလီၤ.
23 ဒီးစီၤအ့ဟူာ် ဟးထီၣ်ဝဲလၢတၢ်ခိၣ်ဒုးထီၣ်အပူၤ, ဒီး ကးတံာ်ဃာ်ဒၢးအတြဲၤ, ဒီးဝံာ်ဃာ်ဝဲလၢနီၣ်ဝံာ်လီၤ.
24 ဒီးတုၤအဟးထီၣ်ဒီး, တၢ်အခ့အပှၤဟဲဝဲ, ဒီးထံၣ် ဘၣ်ဝဲ, ဒီးကွၢ်ကွၢ်, ဒၢးအတြဲၤဝံာ်ဃာ်အသးလၢနီၣ် ဝံာ်, ဒီးအဝဲသ့ၣ်န့ၣ်စံးဝဲဒၣ်, မ့ၢ်အလုးဘၢအခီၣ်လၢ ဒၢးခုၣ်ထီၣ်ထီအပူၤန့ၣ်လီၤ.
25 ဒီးအိၣ်ခိးတုၤအမဲာ်ဆှး, ဒီးကွၢ်ကွၢ်, အဝဲဒၣ်တအိး ထီၣ်ဘၣ်ဒၢးအတြဲၤဘၣ်, ဒီးဟံးန့ၢ်ဝဲလၢနီၣ်ဝံာ်, ဒီး အိးထီၣ်ဝဲ, ဒီးကွၢ်ကွၢ်, အကစၢ်လီၤဃံၤသံလံလၢဟီၣ် ခိၣ်အဖီခိၣ်လံ.
26 ဒီးလၢအဝဲသ့ၣ်အိၣ်ခိးအဖၢမုၢ်ဒီး, စီၤအ့ဟူာ်ပူၤဖျဲး ဝဲ, ဒီးလဲၤပူၤကွံာ်တၢ်ခူၣ်လၢၢ်အလီၢ်, ဒီးပူၤဖျဲးဝဲဆူစ့ ဧ့ၢ်သၤအပူၤလီၤ. 27 ဒီးတုၤအတုၤဒီး, တၢ်မၤအသးလၢ အအူကွဲၤလၢကစၢၢ်အ့ဖရဲၣ်အလိၤ, ဒီးပှၤအံၣ်စရ့လး ဖိ ဟဲလီၤဒီးအီၤလၢ ကစၢၢ်အလိၤ, ဒီးအဝဲဒၣ်အိၣ် လၢအမဲာ်ညါလီၤ. 28 ― ဒီးစံးဘၣ်အီၤ, ပိာ်ယခံတက့ၢ်. အဂ့ၢ်ဒ်အံၤယွၤဟ့ၣ်လီၤလံ သုဒုၣ်သုဒါပှၤမိၤအးဖိလၢ သုစုပူၤလံ. ဒီးအဝဲသ့ၣ်ဟဲလီၤပိာ်အခံ, ဒီးမၤန့ၢ်ယၢ် ဒ့ၣ်အတၢ်ခီဂာ်အလီၢ်ဆူမိၤအးတခီ, ဒီးတဟ့ၣ်ပှၤခီဂာ် နီတဂၤဘၣ်.
29 ဒီးအကတီၢ်ဖဲန့ၣ် ကျီကွံာ်ပှၤမိၤအးဖိတကလးဃၣ် ဃၣ်, ပှၤအဘီၣ်, ဒီးပှၤသုးဖိခဲလၢာ်, ဒီးတပူၤဖျဲးဘၣ် နီတဂၤဘၣ်. 30 ဒီးတၢ်လၢမုၢ်တနံၤန့ၣ် မိၤအးဃၣ်ဝဲ လၢအံၣ်စရ့လးအစုပူၤ, ဒီးထံဧိၤကီၢ်ဧိၤန့ၣ် အိၣ်ဘှံးဝဲ အနံၣ်ဃိးဆံလီၤ.
31 ဒီးအဝဲဒၣ်အလီၢ်ခံန့ၣ် စီၤဧးနးအဖိခွါ စီၤၡးမကၢ် အိၣ်ထီၣ် လၢအကျီသံကွံာ် ပှၤဖလ့ၡသးဖိဃုကယၤ လၢနီၣ်ဆဲးဂီၤဖံး, ဒီးအဝဲဒၣ် အုၣ်က့ၤခီၣ်က့ၤစ့ၢ်ကီး အံၣ်စရ့လးလီၤ.
4၄
1 ဒီးတုၤစီၤအ့ဟူာ်သံဝဲဒီး, ပှၤအံၣ်စရ့လးဖိ မၤကဒီး တၢ်အၢလၢယွၤအမဲာ်လီၤ. 2 ဒီးယွၤဆါကွံာ်အီၤလၢ ကနၤဧၣ်အစီၤပၤယၤဘံၣ်လၢအပၢတၢ်လၢဃါစိၢ်အပူၤ ဒီးအသုးမုၢ်အခိၣ်မ့ၢ်စီၤစံစရၤလၢအအိၣ်ဝဲဆိးဝဲလၢဃ ရိရှ့းဘၣ်ဃးဒီးပှၤကလုာ်တဖၣ်န့ၣ်လီၤ.
3 ဒီးပှၤအံၣ်စရ့လးဖိကိးထီၣ်ဆူယွၤလီၤ. အဂ့ၢ်ဒ်အံၤ, အိၣ်ဝဲဒီးလ့ၣ်ကဟၣ်ထးခွံကယၤ, ဒီးမၤအၢမၤသီပှၤ အံၣ်စရ့လးဖိအနံၣ်ခံဆံနးမးလီၤ.
4 ဒီးအကတီၢ်ဖဲန့ၣ် စီၤလံးပံအမါဝံပိာ်မုၣ် နီၢ်ဒဘိ ရၤစံၣ်ညီၣ်အံၣ်စရ့လးလီၤ. 5 ဒီးအိၣ်ဝဲဆိးဝဲလၢနီၢ်ဒ ဘိရၤအသ့ၣ်စူၣ်ပလူၣ်အဖီလာ်လၢရၤမါ, ဒီးဘ့ၤသ့ လးအဘၢၣ်စၢၤ, လၢကစၢၢ်အ့ဖရဲၣ်အလိၤ, ဒီးပှၤ အံၣ်စရ့လးဖိလဲၤဆူအအိၣ်လၢတၢ်စံၣ်ညီၣ်အဂီၢ်လီၤ.
6 ဒီးမၢလီၤတၢ်, ဒီးကိးန့ၢ်စီၤအဘံနိၣ်အဖိခွါစီၤဘါရး လၢက့ဒ့ၣ်နးသၤလံအပူၤ, ဒီးစံးဘၣ်အီၤ, ယွၤအံၣ်စ ရ့လးအကစၢ်မၤလိာ်ဝဲ, လဲၤတၢ်, သုဘူးနသးဆူက စၢၢ်တၤဘိၢ်, ဒီးဟံးန့ၢ်ဒီးနၤလၢ ပှၤနးသၤလံဖိ, ဒီးပှၤ စဘူလိၣ်ဖိတကလး, 7 ဒီးယကဒုးဟဲ စီၤယၤဘံၣ်အ သုးမုၢ်အခိၣ်စီၤစံစရၤဆူနအိၣ်, ဆူထံကျိကံၡိၣ်, အိၣ် ဒီးအလ့ၣ်ကဟၣ်တဖၣ်, ဒီးအပှၤဂီၢ်မုၢ်, ဒီးယကဟ့ၣ် လီၤကွံာ်အီၤလၢနစုပူၤ, တမ့ၢ်ဘၣ်ဧါ.
8 ဒီးစီၤဘါရးစံးဘၣ်အီၤ, နမ့ၢ်လဲၤဒီးယၤဒီး, ယကလဲၤ လီၤ. မ့မ့ၢ်နမ့ၢ်တလဲၤဘၣ်ဒီးယၤဘၣ်ဒီး, ယတလဲၤဘၣ်.
9 ဒီးစံးဝဲဒၣ်, ယကလဲၤဒီးနၤသပှၢ်တၢၢ်လီၤ. ဘၣ်ဆၣ် ဒီးနကျဲလၢ နလဲၤတၢ်တကဲထီၣ်ဘၣ်လၢ နလၤက ပီၤအဂီၢ်ဘၣ်. အဂ့ၢ်ဒ်အံၤ, ယွၤကဆါကွံာ်စီၤစံစရၤ လၢပိာ်မုၣ်တဂၤအစုပူၤလီၤ. ဒီးနီၢ်ဒဘိရၤဂဲၤဆၢထၢၣ် ဒီးလဲၤဃုာ်ဒီးစီၤဘါရးဆူက့ဒ့ၣ်လီၤ.
10 ဒီးစီၤဘါရးကိးန့ၢ်စဘူလိၣ် ဒီးနးသၤလံဆူက့ဒ့ၣ်, ဒီးလဲၤထီၣ်ဒီးပှၤတကလးလၢအခီၣ်ထံး, ဒီးနီၢ်ဒဘိ ရၤလဲၤဒီးအီၤလီၤ. 11 (ဒီးစီၤမိၤရှ့ အမံၤပှၢ်စီၤဃိတာ်အဖိ, စီၤဃ့ဘ့ၢ်, ပှၤက့ၣ်ဖိမၤလီၤဖးအသးဒီးပှၤက့ၣ်ဖိဒီးသူၣ်အဒဲလၢတၢ်ပျီပူၤစၤဧနဲၣ်လၢအအိၣ်လၢက့ဒ့ၣ်အဃၢၤန့ၣ်လီၤ).―
12 ဒီးပှၤဒုးနဲၣ်စီၤစံစရၤလၢ စီၤအဘံနိၣ်အဖိခွါ စီၤဘါရး လဲၤထီၣ်တ့ၢ်ဆူကစၢၢ်တၤဘိၢ်လီၤ.
13 ဒီးစီၤစံစရၤ ဒုးအိၣ်ဖှိၣ်အလ့ၣ်ကဟၣ်ခဲလၢာ်, လ့ၣ် ကဟၣ်ထးခွံကယၤ, ဒီးပှၤဂီၢ်မုၢ်ခဲလၢာ်လၢအအိၣ်ဒီး အီၤလၢဃရိရှ့းဘၣ်ဃးဒီး ပှၤကလုာ်တဖၣ်ပၢၢ်လၢထံ ကျိကံၡိၣ်လီၤ.
14 ဒီးနီၢ်ဒဘိရၤစံးဘၣ်စီၤဘါရး, ဂဲၤဆၢထၢၣ်တက့ၢ်. အဂ့ၢ်ဒ်အံၤ, အအံၤမ့ၢ်မုၢ်တနံၤလၢယွၤဟ့ၣ်လီၤစီၤစံစရၤ လၢနစုပူၤလီၤ. ယွၤလဲၤထီၣ်လံလၢနမဲာ်ညါ, တမ့ၢ်ဘၣ် ဧါ. ဒီးစီၤဘါရးလဲၤလီၤလၢ ကစၢၢ်တၤဘိၢ်ဒီးပှၤတက လးပိာ်အခံလီၤ.
15 ဒီးယွၤမၤဃၣ် စီၤစံစရၤ, ဒီးအလ့ၣ်ကဟၣ်ခဲလၢာ် ဒီးအသုးမုၢ်ခဲလၢာ်လၢနးအကနၣ် လၢစီၤဘါရးအမဲာ် ညါလီၤ. ဒီးစီၤစံစရၤယုၢ်လီၤလၢအလ့ၣ်ကဟၣ်, ဒီး ဃ့ၢ်ကွံာ်ဝဲလၢအခီၣ်လီၤ.
16 ဒီးစီၤဘါရးလူၤလ့ၣ်ကဟၣ်တဖၣ် ဒီးသုးမုၢ်ပၢၢ်လၢ ဃရိရှ့းဘၣ်ဃးဒီးပှၤကလုာ်တဖၣ်န့ၣ်လီၤ. ဒီးစီၤစံစ ရၤအသုးမုၢ်ခဲလၢာ်လီၤဃံၤဝဲလၢနးအကနၣ်လီၤ. ပှၤ တအိၣ်လီၤတဲာ်ဘၣ်နီတဂၤဘၣ်.
17 ဒီးစီၤစံစရၤဃ့ၢ်ဝဲလၢအခီၣ်ဆူ ပှၤက့ၣ်ဖိစီၤဃ့ဘ့ၢ်အ မါနီၢ်ယဧ့လးအဒဲအအိၣ်လီၤ. အဂ့ၢ်ဒ်အံၤ, ဃါစိၢ်အစီၤ ပၤယၤဘံၣ်ဃူဝဲဖိးဝဲဒီးပှၤက့ၣ်ဖိစီၤဃ့ဘ့ၢ် အပှၤဟံၣ်ဖိ လီၤ.
18 ဒီးနီၢ်ယဧ့လးလဲၤထီၣ်သဂၢၢ် စီၤစံစရၤဒီးစံးဘၣ်အီၤ, ဃ့ၢ်နုာ်, ယကစၢ်ဧၢ, ဃ့ၢ်နုာ်ဆူယအိၣ်တက့ၢ်. ဘၣ် ယိၣ်တၢ်တဂ့ၤ, ဒီးဃ့ၢ်နုာ်ဝဲဆူအအိၣ်, လၢအဒဲပူၤ, ဒီးအဝဲဒၣ်လုးဘၢအီၤလၢယၣ်တဘ့ၣ်လီၤ.
19 ဒီးစံးဘၣ်အီၤ, ဟ့ၣ်လီၤယၤလၢထံတစဲးတက့ၢ်. အ ဂ့ၢ်ဒ်အံၤ, တၢ်သူယသးလၢထံလီၤ. ဒီးအဝဲဒၣ်အိး ထီၣ်တၢ်နုၢ်ထံအဒၢတၢ်ဖံး, ဒီးဒုးအီဝဲ, ဒီးလုးဘၢက့ၤ အီၤလီၤ.
20 ဒီးအဝဲဒၣ် စံးဘၣ်အီၤ, ဆၢထၢၣ်လၢဒဲအကျဲစၢၤ န့ၣ်တက့ၢ်. ဒီးတုၤပှၤတဂၤဂၤဟဲသံကွၢ်နၤ, ဒီးစံး, ပှၤ ကညီအိၣ်ဖဲအံၤဧါန့ၣ်ဒီး, တၢ်ကမၤအသးလၢ နဘၣ် စံး, တအိၣ်ဘၣ်န့ၣ်လီၤ.
21 ဒီးစီၤဃ့ဘ့ၢ်အမါနီၢ်ယဧ့လးဟံးန့ၢ်ဝဲအနီၣ်ပျၤတဘိ, ဒီးဟံးန့ၢ်နီၣ်ဒိတဖျၢၣ်လၢအစုပူၤ, ဒီးလဲၤကစုကစုဆူ အအိၣ်, ဒီးပျၤနုာ်နီၣ်ပျၤလၢအနၢ်သက့ၤထံး, ဒီးမၤ ဃာ်ဝဲလၢဟီၣ်ခိၣ်အပူၤလီၤ. အဂ့ၢ်ဒ်အံၤ, မံသပ့ၤဝဲ, ဒီးတၢ်ဘှံးအသးလီၤ. ဒီးသံဝဲလီၤ.
22 ဒီးကွၢ်ကွၢ်, စီၤဘါရးလူၤစီၤစံစရၤ, ဒီးနီၢ်ယဧ့လး ဟဲထီၣ်သဂၢၢ်အီၤ, ဒီးစံးဘၣ်အီၤ, ဟဲက့ၤ, ဒီးယကဒုး နဲၣ်နၤလၢ ပှၤလၢနဃုအီၤတဂၤန့ၣ်လီၤ. ဒီးလဲၤနုာ်ဝဲ ဆူအအိၣ်ဒီးကွၢ်ကွၢ်, စီၤစံစရၤမံလီၤသံ, ဒီးနီၣ်ပျၤ အိၣ်ဝဲလၢအနၢ်သက့ၤထံးအပူၤလီၤ.
23 ဒီးလၢမုၢ်တနံၤန့ၣ် ယွၤမၤဃၣ်ကနၤဧၣ် အစီၤပၤ ယၤဘံၣ်လၢပှၤအံၣ်စရ့လးဖိအမဲာ်ညါလီၤ.
24 ဒီးပှၤအံၣ်စရ့လးဖိအစုမၤနၢၤကနၤဧၣ် အစီၤပၤယၤ ဘံၣ်အါထီၣ်အါထီၣ်, တုၤအမၤဟးဂီၤကနၤဧၣ်အစီၤ ပၤယၤဘံၣ်လီၤ.
5၅
1 ဒီးတၢ်လၢမုၢ်တနံၤန့ၣ် နီၢ်ဒဘိရၤ, ဒီးစီၤအဘံနိၣ် အဖိခွါစီၤဘါရးသးဝံၣ်တၢ်, ဒီးစံးဝဲဒၣ်,
2 မ့ၢ်အံၣ်စရ့လးထူၣ်ဖျဲးဝဲဒီး, ပှၤဂီၢ်မုၢ်ပာ်လီၤအသးတီနံဒၣ်တၢ်ဒီး, စံးထီၣ်ပတြၢၤယွၤတက့ၢ်.
3 ကနၣ်စီၤပၤသ့ၣ်ဧၢ, ဒိကနၣ်ပဒိၣ်သ့ၣ်ဧၢ, ယဲယကစံးထီၣ်ပတြၢၤယွၤဒၣ်ယဲ, ယကသးဝံၣ်ထီၣ်ယွၤ, အံၣ်စရ့လးအကစၢ်လီၤ.
4 ယွၤဧၢ, လၢနဟးထီၣ်လၢစ့ဧၢ်, လၢနလဲၤထီၣ်လၢအဒိၣ်အတၢ်ပျီပူၤန့ၣ်, ဟီၣ်ခိၣ်ဟူးဝးဝဲ, ဒီးမူခိၣ်ဒုးလီၤစီၤတၢ်, တၢ်အၢၣ်ဒုးလီၤစီၤစ့ၢ်ကီးထံလီၤ.
5 ကစၢၢ်ကလိပှံၢ်လီၤကွံာ်လၢယွၤအမဲာ်ညါ, စံၤနါန့ၣ်လၢယွၤအံၣ်စရ့လးအကစၢ်အမဲာ်ညါလီၤ.
6 လၢစီၤဧးနးအဖိခွါ, စီၤၡးမကၢ်အမုၢ်နံၤ, လၢနီၢ်ယဧ့လးအမုၢ်နံၤန့ၣ်ကျဲမုၢ်တဖၣ်အိၣ်ကလီ, ဒီး ပှၤလဲၤတၢ်ဖိပိာ်ကျဲဒၢက့ၣ်တဖၣ်န့ၣ်လီၤ.
7 တဝီတဖၣ်အိၣ်သယုၢ်, အိၣ်သယုၢ်လၢအံၣ်စရ့လး အပူၤ, တုၤလၢယၤ, နီၢ်ဒဘိရၤ, ဂဲၤဆၢထၢၣ်, တုၤယဂဲၤဆၢထၢၣ်မိၢ်တဂၤလၢအံၣ်စရ့လးအပူၤန့ၣ် လီၤ.
8 ပှၤဃုထၢအကစၢ်အသီတဖၣ်လီၤ. တုၤနုၤတစုတၢ်ဒုးသုးအိၣ်ဝဲလၢပဲတရီအထံး, ကတီၤတဘ့ၣ်ဂ့ၤ, ဘီတဘ့ၣ်ဂ့ၤ, အိၣ်ဖျါ, လၢအံၣ်စရ့လးလွံၢ်ကလးတဖၣ်အကျါဧါ.
9 ယသးအိၣ်အံၣ်စရ့လးအပဒိၣ်တဖၣ်လၢအဟ့ၣ်လီၤ ဒၣ်အသးလၢပှၤဂီၢ်မုၢ်အကျါလီၤ. စံးထီၣ်ပတြၢၤယွၤတက့ၢ်.
10 ပှၤလၢအဒိးကသ့ၣ်ယီၤဝါသ့ၣ်ဧၢ, ပှၤလၢအဆ့ၣ်နီၤစံၣ်ညီၣ်တၢ်သ့ၣ်ဧၢ, ဒီးပှၤပိာ်ကျဲမုၢ်သ့ၣ်ဧၢ, ပိၣ်ဃဲၤတက့ၢ်.
11 ပူၤဖျဲးဒီးပှၤခးတၢ်ဖိအသီၣ်ဖဲကျိးဧိၤကျးဧိၤအထံး, ဖဲန့ၣ်ပှၤကစံၣ်တဲၤတဲလီၤယွၤအမၤတၢ်တီတၢ်လိၤ, အမၤတၢ်တီတၢ်လိၤ ဘၣ်ဃးဒီးတဝီတဖၣ်လၢအံၣ်စ ရ့လးအကျါလီၤ. ဒီးယွၤအပှၤဂီၢ်မုၢ်ကလဲၤလီၤဆူပဲတရီတဖၣ်န့ၣ်လီၤ.
12 ဖုသံနီၣ်, ဖုသံနီၣ်, ဒဘိရၤဧၢ, ဖုသံနီၣ်, ဖုသံနီၣ်, အုၣ်တၢ်တက့ၢ်. ဂဲၤဆၢထၢၣ်, စီၤဘါရးဧၢ, ဒီးဆှၢကဲကုၢ်တၢ်လၢအမၢကဲကုၢ်နၤ, စီၤအဘံနိၣ်အဖိခွါဧၢ.
13 တုၤနုၤတစု ဒုးပၢပှၤလၢ အအိၣ်လီၤတဲာ်တဖၣ် လၢပဒိၣ်ဖးဒိၣ်လၢပှၤဂီၢ်မုၢ်တဖၣ်အကျါအဖီခိၣ်, ယွၤဒုးပၢယၤလၢပှၤအဆူၣ်တဖၣ်န့ၣ်အဖီခိၣ်လီၤ.
14 လၢအ့ဖရဲၣ်န့ၣ်ပှၤလၢအဂံၢ်အိၣ်လၢဧမၤလ့းအပူၤဟဲ ဝဲလီၤ. လၢနလီၢ်ခံဘံၣ်ယၤမံၣ်အိၣ်လၢ နပှၤဂီၢ်မုၢ်အ ကျါ, လၢမၤကံၢ်န့ၣ်ပဒိၣ်တဖၣ်ဟဲလီၤ, လၢစဘူလိၣ်န့ၣ်ပှၤကွဲးနီၣ်တၢ်အနီၣ်ထိး,
15 ဒီးယပဒိၣ်လၢယံးစၣ်ကၢ်အပူၤအိၣ်ဝဲဒီးနီၢ်ဒဘိရၤ, ဒီးယံးစၣ်ကၢ်ဒီးစီၤဘါရးစ့ၢ်ကီးန့ၣ်လီၤ. တၢ်မၢအလဲၤတၢ်လၢအခိၣ်ဆူတၢ်ပၢၤခိၣ်လီၤ. လၢရူၤဘ့ၣ်အဆၢတဖၣ်န့ၣ် တိာ်တၢ်လၢအသးကံၢ် ပူၤန့ၣ်ဒိၣ်မးဝဲလီၤ.
16 နအိၣ်လၢအကရၢအကျါဒ်သိးနကနၢ်ဟူသိကိးတၢ်န့ၣ်ဘၣ်မနုၤလဲၣ်. လၢရူၤဘ့ၣ်အဆၢတဖၣ်န့ၣ် ကူၣ်တၢ်ဖးတၢ်လၢအ သးကံၢ်ပူၤန့ၣ်ဒိၣ်မးဝဲလီၤ.
17 ကံးလဧးအိၣ်ဝဲဆိးဝဲလၢယၢ်ဒ့ၣ်ဝၢ်ဘးခီ, ဒီးဒၣ်အိၣ်ဝဲလၢကဘီပူၤန့ၣ်ဘၣ်မနုၤလဲၣ်. အၤရှ့ၢ်အိၣ်ဝဲလၢပီၣ်လဲၣ်နံၤ, ဒီးအိၣ်ဝဲဆိးဝဲလၢအထံကျိဖိအဃၢၤန့ၣ်လီၤ.
18 စဘူလိၣ်မ့ၢ်ပှၤဂီၢ်မုၢ်လၢအတပးကဲဘၣ်အသးပၢၢ် လၢတၢ်သံ, ဒီးနးသၤလံန့ၣ်လၢတၢ်ပျီပူၤအလီၢ်ထီၣ်ထီအဖီခိၣ်.
19 စီၤပၤတဖၣ်ဟဲဒုးသုး, တုၤနုၤတစုကနၤဧၣ်အစီၤပၤတဖၣ်ဒုးတၢ်, လၢတၤနးလၢထံမကံးဒိၤအနံၤ, တဟံးန့ၢ်ဘၣ်စ့နီတစဲးဘၣ်.
20 တၢ်ဒုးတၢ်လၢမူခိၣ်ဆၣ်ဧီၤဖီဧိၤလၢအကျိၤတဖၣ်အပူၤန့ၣ်ဒုးသုးတၢ်ဒီးစီၤစံ စရၤ,
21 ထံကျိကံၡိၣ်မၤလီၤထွံကွံာ်အီၤ, ထံကျိလၢပျၢၤထံကျိကံၡိၣ်လီၤ. နယီၢ်လီၤတၢ်အဂံၢ်အဘါ, ယသးဧၢ.
22 ဒီးကသ့ၣ်အခီၣ်မ့ၣ် သ့ၣ်ဖးလၢ အဃ့ၢ်ပတီၤတၢ် အဃိ, အကသ့ၣ်အဆူၣ်တဖၣ်လၢအဃ့ၢ်ပတီၤတၢ် အဃိလီၤ.
23 ဆိၣ်အၢမ့ရိးတက့ၢ်န့ၣ်, ယွၤအကလူးစံးဝဲဒၣ်, ဆိၣ်အၢလၢတၢ်ဆိၣ်အၢအပှၤဝ့ၢ်ဖိန့ၣ်တက့ၢ်. အဂ့ၢ်ဒ်အံၤ, တဟဲမၤစၢၤဘၣ်ယွၤဘၣ်, တမၤစၢၤဘၣ်ယွၤထီဒါပှၤအဆူၣ်န့ၣ်ဘၣ်.
24 ပှၤက့ၣ်ဖိစီၤဃ့ဘ့ၢ်အမါနီၢ်ယဧ့လးန့ၣ်, မ်အဘၣ်တၢ်ဆိၣ်ဂ့ၤလၢပိာ်မုၣ်တဖၣ်အဖီခိၣ်တက့ၢ်. မ်အဘၣ်တၢ်ဆိၣ်ဂ့ၤအါန့ၢ် ပိာ်မုၣ်တဖၣ်လၢဒဲပူၤတ က့ၢ်.
25 ဃ့ထံ, ဒီးအဝဲဒၣ်ဟ့ၣ်အီၤလၢတၢ်နုၢ်ထံ, ဟဲစိာ်တၢ်နုၢ်ထံလီၤသကၤလၢပဒိၣ်အလီခီအပူၤလီၤ.
26 ပာ်အစုလၢနီၣ်ပျၤအလိၤ, ဒီးအစုထွဲလၢပှၤမၤတၢ်သ့အနီၣ်ဒိအလိၤ, ဒီးတီၢ်စီၤစံစရၤလၢနီၣ်ဒိ, တီၢ်အခိၣ်, ဒီးဆဲးဖျိအနၢ်သက့ၤထံးလီၤ.
27 အဝဲဒၣ်ကိာ်လီၤလၢအခီၣ်ထံး, လီၤဃံၤဝဲ, မံလီၤဝဲ ဖဲအခီၣ်ထံးန့ၣ်ကိာ်လီၤဝဲ, လီၤဃံၤဝဲလီၤ. ဖဲအကိာ်လီၤဝဲန့ၣ်လီၤဃံၤသံဝဲဖဲန့ၣ်လီၤ.
28 စီၤစံစရၤအမိၢ်ကွၢ်တၢ်လၢတၢ်ထူၣ်ဖျိ, ဒီးကိးထီၣ်လၢတၢ်ထူၣ်ဖျိ, အလ့ၣ်ကဟၣ်ဟဲန့ၣ်မၤယံာ်မၤနီၢ်အသးဘၣ်မနုၤလဲၣ်. အလ့ၣ်ကဟၣ်အပၣ်ဃၢထဲထဲအံၤဘၣ်မနုၤလဲၣ်.
29 အပဒိၣ်မုၣ်လၢအကူၣ်တၢ်သ့တဖၣ်စံးဆၢအီၤ, မ့ၢ်မး, စံးဆၢလီၤအသးဒၣ်ဝဲ,
30 တထံၣ်န့ၢ်ဘၣ်တၢ်ဘၣ်ဧါ, နီၤဖးလံတၢ်ဂုာ်န့ၢ်, တမ့ၢ်ဘၣ်ဧါ, ပှၤတဂၤအဂီၢ်န့ၣ်ပမုၣ်ကနီၤတဂၤခံဂၤစုာ်စုာ်, လၢစီၤစံစရၤအဂီၢ်န့ၣ်တၢ်ဂုာ်န့ၢ်အတၢ်ကံၣ်ဃ့, တၢ်ဂုာ်န့ၢ်အတၢ်ကံၣ်ဃ့, လၢပှၤဆးအီၤခံခီလိာ်လၢ ပှၤဘၣ်ဂုာ်န့ၢ်အကိာ်အလိၤလီၤ.
31 မ်နဒုၣ်နဒါခဲလၢာ်ဟးဂီၤဒ်န့ၣ်, ယွၤဧၢ, မ့မ့ၢ်ပှၤလၢအအဲၣ်အီၤတဖၣ်န့ၣ်မ်အအိၣ်ဒ်မုၢ်လၢအလဲၤထီၣ်လၢအဂံၢ်ဆူၣ်အဘါဆူၣ် အသိးန့ၣ်တက့ၢ်. ဒီးထံဧိၤကီၢ်ဧိၤအိၣ်ဘှံးဝဲအနံၣ်လွံၢ်ဆံလီၤ.
6၆
1 ဒီးပှၤအံၣ်စရ့လးဖိမၤတၢ်အၢလၢယွၤအမဲာ်, ဒီးယွၤ ဟ့ၣ်လီၤကွံာ်အီၤဆူမံးဒယၣ်အစုပူၤနွံနံၣ်လီၤ.
2 ဒီးမံးဒယၣ်အစုမၤနၢၤအံၣ်စရ့လးလီၤ. ဒီးလၢပှၤမံး ဒယၣ်ဖိအဃိန့ၣ်ပှၤအံၣ်စရ့လးဖိ မၤန့ၣ်ဝဲလၢတၢ်က ဆူးတဖၣ်လၢကစၢၢ်ကလိအကျါ, ဒီးတၢ်အိပူၤ, ဒီး တိာ်တဖၣ်လီၤ.
3 ဒီးအံၣ်စရ့လးဖှံတၢ်ဝံၤဒီး တၢ်မၤအသးလၢပှၤမံးဒ ယၣ်ဖိဟဲဝဲ, ဒီးပှၤဧမၤလ့းဖိ, ဒီးပှၤမုၢ်ထီၣ်ဖိန့ၣ်ဟဲ ထီဒါအီၤလီၤ. 4 ဒီးသူၣ်ဒဲထီဒါအီၤ, ဒီးမၤဟးဂီၤက ယဲၢ်ဟီၣ်ခိၣ်အတၢ်အါထီၣ်ပၢၢ်လၢ နလဲၤနုာ်ဆူဂါစၤ, ဒီးသိဂ့ၤ, ဂီၤဖံးဂ့ၤ, ကသ့ၣ်ယီၤဂ့ၤ, တပာ်လီၤတဲာ်ဘၣ် လၢအံၣ်စရ့လးအဂီၢ်ဘၣ်.
5 အဂ့ၢ်ဒ်အံၤ, အဝဲသ့ၣ် ဟဲထီၣ်ဒီး အဆၣ်ဖိကီၢ်ဖိ အဒၢ, ဒီးအဒဲတဖၣ်, ဒီးဟဲအါဝဲ ဒ်ဒွဲၣ်ဧိၤသကံၤဧိၤ အသိးန့ၣ်လီၤ. အဝဲသ့ၣ်ဒီးအကီၤလၤအူးသ့ၣ်တဖၣ် န့ၣ်ပှၤဂံၢ်အီၤတသ့ဘၣ်, ဒီးဟဲနုာ်ထံဧိၤကီၢ်ဧိၤအပူၤ ဒ် သိးအကမၤဟးဂီၤအီၤလီၤ. 6 ဒီးပှၤအံၣ်စရ့လးဖိဘၣ် ဖှီၣ်နးနးကလဲာ်လၢပှၤမံးဒယၣ်ဖိအဃိလီၤ. ဒီးပှၤအံၣ် စရ့လးဖိကိးထီၣ်ယွၤလီၤ.
7 ဒီးတုၤပှၤအံၣ်စရ့လးဖိ ကိးထီၣ်ယွၤလၢပှၤမံးဒယၣ် ဖိအဃိဒီး, 8 တၢ်မၤအသးလၢ ယွၤမၢလီၤဝံတဂၤဆူပှၤ အံၣ်စရ့လးဖိအအိၣ်လၢအစံးဘၣ်အီၤ, ယွၤအံၣ်စရ့လး အကစၢ်စံးတၢ်ဒ်အံၤ, ယဒုးဟဲထီၣ်သုလၢအဲၤကူပတူး, ဒီးယဒုးဟဲထီၣ်သုလၢ ပှၤကုၢ်ဖိအဟံၣ်ပူၤ, 9 ဒီးယမၤပူၤ မၤဖျဲးသုလၢ ပှၤအဲၤကူပတူးဖိအစုပူၤ, ဒီးလၢကယဲၢ် ပှၤလၢအမၤနးမၤဖှီၣ်သုအစုပူၤခဲလၢာ်, ဒီးယဟီထီၣ် ကွံာ်အီၤလၢသုမဲာ်ညါ, ဒီးဟ့ၣ်လီၤသုလၢအထံအကီၢ်,―
10 ဒီးယစံးဘၣ်သု, ယဲဒၣ်အံၤယမ့ၢ်ယွၤသုကစၢ်လီၤ, ပျံၤ ပှၤအမိၢ်ဖိအကစၢ်တဖၣ် လၢသုအိၣ်လၢအကီၢ်ပူၤတ ဂ့ၤ. ဘၣ်ဆၣ်ဒီးသုတဒိကနၣ်ဘၣ်ယကလုၢ်ဘၣ်.
11 ဒီးယွၤအကလူးန့ၣ် ဟဲဆ့ၣ်နီၤလၢ သ့ထိးဖၣ်တ ထံးအဖီလာ် လၢအအိၣ်ဝဲလၢဧိၤဖြၤ ဘၣ်ဃးဒီးပှၤအ ဘံၤဧ့စ့ၢ်ဖိ စီၤယိၤအၣ်လီၤ. ဒီးအဖိခွါစီၤကံးဒဧိၣ်တီၢ် ဘူကၠူၣ်လၢ နီၣ်စံၢ်စပံးသၣ်အပူၤ, ဒ်သိးအကပာ်ခူ သူၣ်အီၤဒီးပှၤမံးဒယၣ်ဖိန့ၣ်လီၤ.
12 ဒီးယွၤအကလူးန့ၣ် လီၣ်ဖျါထီၣ်အသး လၢအမဲာ် ညါ, ဒီးစံးဘၣ်အီၤ, ယွၤအိၣ်ဒီးနၤ, ပှၤသုးဖိအဆူၣ် တဂၤဧၢ.
13 ဒီးစီၤကံးဒဧိၣ်စံးဘၣ်အီၤ, ယကစၢ်ဧၢ, ယွၤမ့ၢ်အိၣ် ဒီးပှၤဒီး, တၢ်ခဲလၢာ်အံၤ ဘၣ်ပှၤမ့ၢ်အဘၣ်မနုၤလဲၣ်. ဒီးအတၢ်လီၤလးခဲလၢာ်လၢ ပပၢ်စံၣ်တဲၤတဲလီၤပှၤ, ဒီး စံးဝဲ, ယွၤဒုးဟဲထီၣ်ပှၤလၢအဲၤကူပတူးအပူၤ, တမ့ၢ်ဘၣ် ဧါန့ၣ်, မ့ၢ်အအိၣ်ဖဲလဲၣ်. မ့မ့ၢ်ခဲကနံၣ်အံၤယွၤလဲၤသဒၣ် လံပှၤလံ, ဒီးဟ့ၣ်လီၤကွံာ်လံပှၤလၢပှၤမံးဒယၣ်ဖိအစု ပူၤလံ.
14 ဒီးယွၤကွၢ်အီၤ, ဒီးစံးဝဲဒၣ်, လဲၤတၢ်လၢ နဂံၢ်ဆူၣ် နဘါဆူၣ်အံၤတက့ၢ်. ဒီးနကအုၣ်က့ၤခီၣ်က့ၤ အံၣ်စရ့ လးလၢ ပှၤမံးဒယၣ်ဖိအစုပူၤလီၤ. ယမၢလီၤနၤတမ့ၢ် ဘၣ်ဧါ.
15 ဒီးအဝဲဒၣ်စံးဘၣ်အီၤ, ယကစၢ်ဧၢ, ယကအုၣ်က့ၤ ခီၣ်က့ၤအံၣ်စရ့လးလၢမနုၤတမံၤလဲၣ်. ကွၢ်ကွၢ်, ယမ့ၢ် ပှၤဖှီၣ်ဖိယာ်ဖိလၢမနၤရှ့ၤအပူၤ, ဒီးယဲဒၣ်အံၤ ယမ့ၢ်ပှၤ အဆံးကတၢၢ်လၢယပၢ်အပှၤဟံၣ်ဖိအကျါလီၤ.
16 ဒီးယွၤစံးဘၣ်အီၤ, မ့ၢ်မးယကအိၣ်ဒီးနၤ, ဒီးနက ကျီကွံာ်ပှၤမံးဒယၣ်ဖိဒ်ပှၤတဂၤဧိၤအသိးန့ၣ်လီၤ. 17 ဒီးအဝဲဒၣ်စံးဘၣ်အီၤ, ယမ့ၢ်ဘၣ်ဘျုးဘၣ်ဖှိၣ်လၢနမဲာ်ညါဒီး, ဒုးနဲၣ်လၢ်ယၤလၢတၢ်အပနီၣ်လီၤလးတ မံၤ, လၢနကတိၤတၢ်ဒီးယၤန့ၣ်တက့ၢ်. 18 သုတဟးထီၣ် လၢ်ဖဲန့ၣ်တုၤယဟဲက့ၤဆူနအိၣ်, ဒီးဟဲစိာ်ယခိၣ်ဖး, ဒီး ပာ်လီၤလၢနမဲာ်ညါန့ၣ်တဂ့ၤ. ဒီးစံးဝဲဒၣ်, ယကအိၣ် တုၤနဟဲက့ၤလီၤ.
19 ဒီးစီၤကံးဒဧိၣ်လဲၤနုာ်, ဒီးကတဲာ်ကတီၤမဲာ်တဲးလဲး ဖိတဒု, ဒီးကိၣ်ဘ့ၣ်ဘၣ်တအိၣ်ဒီး ကိၣ်မံၣ်လၢကိၣ် ကမူၣ်တအ့ဖးလီၤ. တၢ်ညၣ်န့ၣ်ပာ်ဝဲလၢနာ်တဖျၢၣ်အ ပူၤဒီးတၢ်ညၣ်အထံန့ၣ် ပာ်ဝဲလၢသပၢၤပူၤ, ဒီးဟဲစိာ် ဝဲဆူအအိၣ်လၢသ့ထိးဖၣ်အဖီလာ်, ဒီးပာ်လီၤဝဲလီၤ.
20 ဒီးယွၤအကလူးန့ၣ်စံးဘၣ်အီၤ, ဟံးန့ၢ်တၢ်ညၣ်, ဒီး ကိၣ်ဘ့ၣ်ဘၣ် တအိၣ်ဒီးကိၣ်မံၣ်, ဒီးပာ်အီၤလၢလၢၢ် တဖျၢၣ်အံၤအဖီခိၣ်, ဒီးလူလီၤတၢ်ညၣ်အထံန့ၣ်တက့ၢ် ဒီးမၤဝဲဒ်န့ၣ်လီၤ.
21 ဒီးယွၤအကလူးန့ၣ် ယူာ်ထီၣ်နီၣ်ထိးဘိအနါစ့ၤလၢ အအိၣ်လၢအစုပူၤ, ဒီးထိးတၢ်ညၣ်ဒီးကိၣ်ဘ့ၣ်ဘၣ်တ အိၣ်ဒီးကိၣ်မံၣ်တဖၣ်န့ၣ် ဒီးမ့ၣ်အူဟဲထီၣ်လၢလၢၢ်ပူၤ, ဒီးအီၣ်ကွံာ်တၢ်ညၣ်, ဒီးကိၣ်ဘ့ၣ်ဘၣ်တအိၣ်ဘၣ်ဒီး ကိၣ်မံၣ်တဖၣ်န့ၣ်လီၤ. ဒီးယွၤအကလူးန့ၣ် ဟးထီၣ် ကွံာ်လၢအမဲာ်ညါလီၤ.
22 ဒီးတုၤစီၤကံးဒဧိၣ် ထံၣ်ဘၣ်ဝဲလၢအမ့ၢ်ယွၤအကလူး ဒီးစီၤကံးဒဧိၣ်စံးဝဲဒၣ်, အၣ်လါ, ကစၢ်ယွၤဧၢ, မ့ၢ်ယ ကွၢ်ဆၢညါဒီးယွၤအကလူးန့ၣ်အဂ့ၢ်လီၤ. 23 ဒီးယွၤစံး ဘၣ်အီၤ, မ်နဘၣ်တၢ်အမုာ်တက့ၢ်. ဘၣ်ယိၣ်တၢ်တ ဂ့ၤ, နတသံဘၣ်.
24 ဒီးစီၤကံးဒဧိၣ်မၤတၢ်လုၢ်လီၢ်ဖဲန့ၣ်လၢယွၤအဂီၢ်, ဒီး ယုၢ်ဝဲအမံၤလၢ ယွၤၡၤလိၣ်လီၤ. အိၣ်ဒံးတုၤမုၢ်မဆါ တနံၤအံၤလၢဧိးဖြၤလၢပှၤအဘံၤဧ့စ့ၢ်ဖိအကျါန့ၣ်လီၤ. 25 ဒီးတၢ်မၤအသးလၢမုၢ်တနၤန့ၣ်လၢယွၤစံးဘၣ်အီၤ, ဟံးန့ၢ်နပၢ် အဂီၤဖံးလၢအသးပှၢ်နွံနံၣ်, ခံဒုတဒု, ဒီးမၤလီၤပှီၢ်ကွံာ်ဘဧၤလးအတၢ်လုၢ်လီၢ်လၢအအိၣ်ဒီးန ပၢ်, ဒီးကူာ်လီၤကွံာ်အရှ့ရၤအိၣ်လၢအဃၢၤ, 26 ဒီးမၤ ထီၣ်တၢ်လုၢ်လီၢ်လၢ ယွၤနကစၢ်အဂီၢ်လၢ တိာ်တ ဖျၢၣ်အံၤအဖီခိၣ်, ကတဲာ်ကတီၤတၢ်, ဒီးဟံးန့ၢ်ဂီးဖံး ခံဒုတဒု, ဒီးလုၢ်တၢ်လုၢ်မ့ၣ်အူလၢအရှ့ရၤအသ့ၣ်လၢ နကူာ်လီၤကွံာ်န့ၣ်တက့ၢ်.
27 ဒီးစီၤကံးဒဧိၣ် ဟံးန့ၢ်ပှၤကညီဆံဆဲၣ်ဂၤလၢအခ့အ ပှၤအကျါ, ဒီးမၤဝဲဒ်ယွၤကတိၤတၢ်ဒီးအီၤအသိးန့ၣ်လီၤ. ဒီးမ့ၢ်အပျံၤအပၢ်အပှၤဟံၣ်ဖိ, ဒီးပှၤဝ့ၢ်ဖိဒီး, မၤဝဲလၢ မုၢ်ဆါခီတသ့ဘၣ်. ဒီးမၤဝဲလၢမုၢ်နၤလီၤ.
28 ဒီးမုၢ်ဆ့ၣ်ထီၣ်န့ၣ်ပှၤဝ့ၢ်ဖိဂဲၤဆၢထၢၣ်ဂီၤဂီၤ, ဒီးကွၢ် ကွၢ်, ဘဧၤလးအတၢ်လုၢ်လီၢ်လီၤပှီၢ်ကွံာ်လံ. ဒီးအရှ့ ရၤအိၣ်လၢအဃၢၤန့ၣ် ဘၣ်တၢ်ကူာ်လီၤကွံာ်လံအီၤ လံ. ဒီးဂီၤဖံးခံဒုတဒုဘၣ်တၢ်လုၢ်လံအီၤလၢ တၢ်လုၢ် လီၢ်လၢတၢ်မၤအီၤအဖီခိၣ်လံ.
29 ဒီးကတိၤလိာ်အသးတဂၤဒီးတဂၤ, မ့ၢ်မတၤမၤတၢ် အံၤတဂၤလဲၣ်. ဒီးဃုတၢ်, ဒီးသံကွၢ်တၢ်, ဒီးစံးဝဲဒၣ်, စီၤယိၤအၣ်အဖိခွါစီၤကံးဒဧိၣ်မၤတၢ်အံၤလီၤ.
30 ဒီးပှၤဝ့ၢ်ဖိစံးဘၣ်စီၤယိၤအၣ်, ဟဲစိာ်နဖိခွါဒ်သိးအ ကသံန့ၣ်တက့ၢ်. အဂ့ၢ်ဒ်အံၤ, မၤလီၤပှီၢ်ကွံာ်လံဘဧၤလးအတၢ်လုၢ်လီၢ်လံ. ဒီးအဂ့ၢ်ဒ်အံၤ, ကူာ်လီၤကွံာ်လံ အရှ့ရၤလၢအအိၣ်လၢအဃၢၤလံ.
31 ဒီးစီၤယိၤအၣ်စံးဘၣ် ကယဲၢ်ပှၤလၢအဆၢထၢၣ်ထီဒါ အီၤခဲလၢာ်န့ၣ်, သုကကတိၤကွီၢ်လၢဘဧၤလးအဂီၢ်စ့ၢ် ကီးဧါ, သုကအုၣ်က့ၤခီၣ်က့ၤအီၤစ့ၢ်ကီးဧါ. ပှၤလၢ အကကတိၤကွီၢ်လၢအဂီၢ်န့ၣ်, မ်အသံလၢမုၢ်ဂီၤဒံးအ ဖၢမုၢ်အံၤတက့ၢ်. မ့မ့ၢ်ကစၢ်တဂၤဒီး, ကကတိၤကွီၢ် လၢအဂီၢ်ဒၣ်ဝဲလီၤ. အဂ့ၢ်ဒ်အံၤ, ပှၤမၤလီၤပှီၢ်ကွံာ်အ တၢ်လုၢ်လီၢ်န့ၣ်လီၤ.
32 ဒီးတၢ်လၢမုၢ်တနံၤန့ၣ်, ပှၤယုၢ်ဝဲအမံၤလၢစီၤယရူ ဘဧၤလး, ဒ်ပစံးတၢ်အသိး, မ်ဘဧၤလးကတိၤကွီၢ် ဒီးအီၤတက့ၢ်. အဂ့ၢ်ဒ်အံၤ, မၤလီၤပှီၢ်ကွံာ်လံအတၢ် လုၢ်လီၢ်လံ.
33 ဒီးကယဲၢ်ပှၤမံးဒယၣ်ဖိ, ဒီးပှၤဧမၤလ့းဖိဒီးပှၤမုၢ် ထီၣ်ဖိအိၣ်ဖှိၣ်ရိဖှိၣ်, ဒီးလဲၤခီဂာ်တၢ်, ဒီးသူၣ်ဒဲလၢ တၢ်ပျီပူၤယံးစရ့လးအပူၤလီၤ.
34 ဒီးတၢ်ဒုးသိး စီၤကံဒဧိၣ်လၢယွၤအသး, ဒီးအဝဲဒၣ် အူကွဲၤ, ဒီးပှၤအဘံၤဧ့စ့ၢ်ဖိအိၣ်ဖှိၣ်ရိဖှိၣ်ထွဲအခံလီၤ.
35 ဒီးမၢလီၤကလူးတဖၣ် လဲၤလၢပှၤမနၤရှ့ၤဖိခဲလၢာ်အ ကျါဒီးအဝဲသ့ၣ်အိၣ်ဖှိၣ်ရိဖှိၣ်စ့ၢ်ကီးထွဲအခံ, ဒီးမၢလီၤ ကလူးတဖၣ်လၢပှၤအၤရှ့ၢ်ဖိအကျါ, ဒီးလၢပှၤစဘူလိၣ် ဖိအကျါ, ဒီးလၢနးသၤလံဖိအကျါ, ဒီးအဝဲသ့ၣ်ဟဲသ ဂၢၢ်အီၤလီၤ.
36 ဒီးစီၤကံးဒဧိၣ်စံးဘၣ်ယွၤ, နမ့ၢ်အုၣ်က့ၤခီၣ်က့ၤအံၣ် စရ့လးလၢယစုပူၤဒ်နစံးတ့ၢ်အသိးန့ၣ်ဒီး, 37 ကွၢ်ကွၢ်, ယ ကပာ်လီၤသိအဆူၣ်တလိၣ်လၢကြဲၢ်ပူၤလီၤ. ပစီၤထံ မ့ၢ်အိၣ်ထဲလၢသိအဆူၣ်တလိၣ်အလိၤဧိၤ, ဒီးဃ့ဝဲလၢ ဟီၣ်ခိၣ်ခဲလၢာ်အဖီခိၣ်ဒီး, ယကသ့ၣ်ညါလၢ နက အုၣ်က့ၤခီၣ်က့ၤ အံၣ်စရ့လးလၢယစုပူၤ, ဒ်နစံးတ့ၢ်အ သိးန့ၣ်လီၤ.
38 ဒီးတၢ်မၤအသးဒ်န့ၣ်လီၤ. ဒီးမုၢ်ဆ့ၣ်ထီၣ်န့ၣ်ဂဲၤဆၢ ထၢၣ်ဂီၤဂီၤ ဒီးစံၢ်သိအဆူၣ်တလိၣ် ဒီးဝံာ်လီၤကွံာ်ပ စီၤထံလၢသိအဆူၣ်တလိၣ်အပူၤန့ၣ် ပှဲၤသလၢတဖျၢၣ် လီၤ.
39 ဒီးစီၤကံးဒဧိၣ်စံးဘၣ်ယွၤ, မ်နသးထီၣ်အသုတကဲၤ ထီၣ်ဘၣ်ယၤတဂ့ၤ, ယကကတိၤတၢ်ထဲတဘီအံၤ, ဒုး မၤကွၢ်ယၤလၢနၤထဲတဘျီအံၤလၢ သိအဆူၣ်တလိၣ် န့ၣ်တက့ၢ်. မ်တၢ်ဃ့ထဲလၢသိအဆူၣ်တလိၣ်အလိၤဧိၤ န့ၣ်ဒီး ပစီၤထံအိၣ်ဝဲလၢဟီၣ်ခိၣ်န့ၣ်ခဲလၢာ်တက့ၢ်.
40 ဒီးလၢမုၢ်တနံၤန့ၣ်ယွၤမၤဝဲဒ်န့ၣ်, ဒီးတၢ်ဃ့ထဲလၢ သိအဆူၣ်တလိၣ်အလိၤဧိၤ, ဒီးပစီၤထံအိၣ်ဝဲလၢဟီၣ် ခိၣ်န့ၣ်ခဲလၢာ်လီၤ.
7၇
1 ဒီးစီၤယရူဘဧၤလး (အဝဲန့ၣ်မ့ၢ်စီၤကံးဒဧိၣ်), ဒီးပှၤ ဂီၢ်မုၢ်ခဲလၢာ်လၢ အအိၣ်ဒီးအီၤန့ၣ် ဂဲၤဆၢထၢၣ်လၢ မုၢ်ဆ့ၣ်ထီၣ်ဂီၤဂီၤ, ဒီးသူၣ်ဒဲလၢ ထံဃရိးအဃၢၤလီၤ ဒီးပှၤမံးဒယၣ်ဖိအသူၣ်ဒဲအလီၢ် အိၣ်ဝဲလၢကလံၤစိးတ ခီလၢတၢ်စိခိၣ်မိၤရံအခီၣ်ထံးလၢတၢ်ပျီပူၤလီၤ.
2 ဒီးယွၤစံးဘၣ်စီၤကံးဒဧိၣ်, ပှၤဂီၢ်မုၢ်လၢအအိၣ်ဒီးနၤ န့ၣ်အါကဲၣ်ဆိးလၢယကဟ့ၣ်လီၤ ပှၤမံးဒယၣ်ဖိလၢ အစုပူၤအဂီၢ်န့ၣ်လီၤ. အံၣ်စရ့လးကပာ်ကဖိဘၣ်ဖုးအ သးလၢယဖီခိၣ်ဒီးစံး, ယစုဒၣ်ယဲအံၤ အုၣ်က့ၤခီၣ် က့ၤယၤလီၤ. 3 ဒီးခဲကနံၣ်အံၤလဲၤကိးထီၣ်လၢပှၤဂီၢ်မုၢ် အနၢ်ပူၤ, ဒီးစံး ပှၤလၢအပျံၤတၢ်ဒီးဘၣ်ယိၣ်တၢ်န့ၣ် မ်အက့ၤကဒါက့ၤ, ဒီးဟးထီၣ်လၢကစၢၢ်ကံးလဧးဂီၤ ဂီၤတက့ၢ်. ဒီးပှၤက့ၤကဒါက့ၤလၢ ပှၤဂီၢ်မုၢ်အကျါန့ၣ် ပှၤခံကလးခံကထိ, ဒီးအိၣ်လီၤတဲာ်ပှၤတကလးလီၤ.
4 ဒီးယွၤစံးဘၣ်စီၤကံးဒဧိၣ်, ပှၤဂီၢ်မုၢ်န့ၣ်အါကဲၣ်ဆိး ဒံးလီၤ. ဒုးဟဲလီၤအီၤဆူထံနံၤ, ဒီးယကမၤကွၢ်အီၤဖဲ န့ၣ်လၢနဂီၢ်လီၤ. ဒီးဖဲဒၣ်ပှၤလၢယကစံးဘၣ်နၤ, အဝဲ ဒၣ်တဂၤအံၤကလဲၤဒီးနၤ, တၢ်ကမၤအသးလၢ အဝဲ န့ၣ်ကလဲၤဒီးနၤလီၤ. ဒီးဖဲဒၣ်ပှၤလၢယစံးဘၣ်နၤ, အဝဲ ဒၣ်တဂၤအံၤ တဘၣ်လဲၤဒီးနၤဘၣ်တဂၤလၢ်လၢ်န့ၣ်အ ဝဲဒၣ်န့ၣ်တဘၣ်လဲၤဘၣ်လီၤ.
5 ဒီးဒုးလဲၤလီၤပှၤဆူထံနံၤ, ဒီးယွၤစံးဘၣ်စီၤကံးဒဧိၣ် ကယဲၢ်ပှၤလၢ အလ့ၣ်ထံလၢအပျ့ၤ ဒ်ထွံၣ်လ့ၣ်တၢ်အ သိးန့ၣ်အဝဲဒၣ် နဘၣ်ပာ်လၢအလီၢ်တပူၤဒၣ် ကိးဂၤ ဒဲး, ဒီးတခီကယဲၢ်ပှၤလၢအကိာ်လီၤချံးခီၣ်ဒ်သိးအက အီတၢ်ကိးဂၤဒဲးန့ၣ်လီၤ.
6 ဒီးပှၤလၢအလ့ၣ်တၢ်လၢ အစုဆူအထးခိၣ်န့ၣ် ဂံၢ်ဝဲ သၢကယၤလီၤ. မ့မ့ၢ်ပှၤအိၣ်လီၤတဲာ်တဖၣ် ခဲလၢာ် ကိာ်လီၤလၢအခီၣ်လ့ၢ်ခိၣ်ဒ်သိးအကအီထံလီၤ.
7 ဒီးယွၤစံးဘၣ်စီၤကံးဒဧိၣ်, ယကအုၣ်က့ၤခီၣ်က့ၤသု လၢပှၤသၢကယၤလၢအလ့ၣ်တၢ်န့ၣ်, ဒီးဟ့ၣ်လီၤကွံာ် ပှၤမံးဒယၣ်ဖိလၢနစုပူၤ, ဒီးမ်ပှၤဂီၢ်မုၢ်ခဲလၢာ်က့ၤက ဒါက့ၤတဂၤဆူအလီၢ်ဒၣ်ဝဲ, တဂၤဆူအလီၢ်ဒၣ်ဝဲစုာ် စုာ်တက့ၢ်.
8 ဒီးပှၤဂီၢ်မုၢ်ဟံးန့ၢ် တၢ်အီၣ်တၢ်အီလၢအစုပူၤ, ဒီးအ ကွဲၤ, ဒီးတၢ်ပျၢ်အံၣ်စရ့လးခဲလၢာ်တဂၤဆူအဒဲဒၣ်ဝဲ, တဂၤဆူအဒဲဒၣ်ဝဲစုာ်စုာ်, ဒီးဟံးဃာ်ပှၤသၢကယၤ န့ၣ်လီၤ. ဒီးပှၤမံးဒယၣ်ဖိသူၣ်ဒဲအလီၢ်န့ၣ် အိၣ်ဝဲလၢ အဖီလာ်လၢတၢ်ပျီပူၤလီၤ.
9 ဒီးလၢမုၢ်တနၤန့ၣ် တၢ်မၤအသးလၢယွၤစံးဘၣ်အီၤ, ဂဲၤဆၢထၢၣ်, လဲၤလီၤဆူ ပှၤသူၣ်ဒဲအလီၢ်န့ၣ်တက့ၢ်, အဂ့ၢ်ဒ်အံၤ, ယဟ့ၣ်လီၤလံအီၤလၢနစုပူၤလံ, 10 ဘၣ် ဆၣ်ဒီးလဲၤလီၤန့ၣ်နမ့ၢ်ပျံၤတၢ်ဒီး, လဲၤဒီးနခ့နပှၤ စီၤ ဖူရါဆူပှၤသုးမုၢ်အလီၢ်န့ၣ်တက့ၢ်. 11 ဒီးနကနၢ်ဟူတၢ် လၢအကတိၤဝဲ, ဒီးနစုကဆူၣ်ထီၣ်လၢခံဒ်သိးနကလဲၤ လီၤဆူပှၤသုးမုၢ်အအိၣ်လီၤ. ဒီးလဲၤလီၤဒီးအခ့အပှၤစီၤ ဖူရါဆူပှၤသုးဖိလၢသူၣ်ဒဲအလီၢ်ပူၤအအိၣ်လၢခိလီၤ.
12 ဒီးပှၤမံးဒယၣ်ဖိ, ဒီးပှၤဧမၤလ့းဖိ, ဒီးပှၤမုၢ်ထီၣ်ဖိ ခဲလၢာ်, မံလီၤလၢပျီပူၤအါဝဲ ဒ်ဒွဲၣ်ဧိၤသကံၤဧိၤအသိး န့ၣ်, ဒီးအကီၤလၤအူးတဖၣ်န့ၣ် ပှၤဂံၢ်အီၤတသ့ဘၣ်, အါဝဲဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးန့ၣ်လီၤ.
13 ဒီးစီၤကံးဒဧိၣ်ဟဲတုၤဝဲ, ဒီးကွၢ်ကွၢ်, ပှၤတဂၤစံၣ်တဲၤ တဲလီၤအဂိၤမီၣ်လၢအတၢ်မံမီၢ်, ဒီးစံးဝဲဒၣ်, ကွၢ်ကွၢ်, ယမံမီၢ်တၢ်မံမီၢ်, ဒီးကွၢ်ကွၢ်, ဘုမုယီၤအကိၣ်ဘ့ၣ်ဘၣ် တဘ့ၣ်လီၤတဲာ်တလ့ၣ်အသးလၢ မံးဒယၣ်သူၣ်ဒဲအ လီၢ်ပူၤ, ဒီးလဲၤဝဲဆူဒဲအအိၣ်, ဒီးဘၣ်အီၤ, ဒီးမၤလီၤပှီၢ်, ဒီးမၤကဒါဝဲ, ဒီးဒဲအိၣ်ဒါလီၤအသးလၢဟီၣ်ခိၣ်ချၢလီၤ.
14 ဒီးအဂိၤမီၣ်စံးဆၢတၢ်ဒီးစံးဝဲဒၣ်, အဝဲန့ၣ်တမ့ၢ်ဘၣ် တၢ်ဂၤဘၣ်. မ့ၢ်ပှၤအံၣ်စရ့လးဖိ စီၤယိၤအၣ်အဖိခွါ စီၤကံးဒဧိၣ်အနးတဘ့ၣ်န့ၣ်လီၤ. ပကစၢ်ဟ့ၣ်လီၤလံပှၤ မံးဒယၣ်ဖိ, ဒီးသုးမုၢ်ခဲလၢာ်လၢအစုပူၤလံ.
15 ဒီးတုၤစီၤကံးဒဧိၣ်နၢ်ဟူ ပှၤစံၣ်တဲၤတဲလီၤတၢ်မံမီၢ်, ဒီးအဒိၣ်အယိာ်ဒီး, တၢ်မၤအသးလၢ အဘူၣ်ထီၣ် ဘါထီၣ်တၢ်ဒီးက့ၤကဒါက့ၤဆူ အံၣ်စရ့လးသူၣ်ဒဲအ လီၢ်, ဒီးစံးဝဲဒၣ်, ဂဲၤဆၢထၢၣ်တက့ၢ်. အဂ့ၢ်ဒ်အံၤ, ယွၤဟ့ၣ်လီၤကွံာ်လံမံးဒယၣ်အသုးမုၢ်လၢသုစုပူၤလံ.
16 ဒီးနီၤဖးပှၤသၢကယၤလၢပှၤသၢဖု, ဒီးဟ့ၣ်ကွဲၤတ ဖျၢၣ်လၢပှၤအစုပူၤ တဂၤလၢ်လၢ်, ဒီးသပၢၤအိၣ်က လီတဖျၢၣ်, ဒီးဆှီလၢသပၢၤပူၤလီၤ.
17 ဒီးစံးဘၣ်အီၤ, ကွၢ်လိယၤ, ဒီးမၤဒ်န့ၣ်သိးတက့ၢ်. ဒီး ကွၢ်ကွၢ်, တုၤယတုၤလၢသူၣ်ဒဲအလီၢ်လၢခိဒီး, တၢ်က မၤအသးလၢဒ်လၢယမၤအသိးန့ၣ် သုဘၣ်မၤဒ်န့ၣ်သိး လီၤ. 18 တုၤယအူကွဲၤ, ယဲဒၣ်ဒီးကယဲၢ်ပှၤလၢအအိၣ်ဒီး ယၤဒီး, အူကွဲၤစ့ၢ်ကီးလၢသူၣ်ဒဲအလီၢ်ကိးခီဒဲး ဒီးစံး, ယွၤဒီးစီၤကံးဒဧိၣ်အနးတဘ့ၣ်န့ၣ်တက့ၢ်.
19 ဒီးလၢပှၤဆိးသီတၢ်အကတီၢ် အခၢၣ်သးတတီၤအ ခီၣ်ထံး ဖဲပှၤပာ်သီပှၤခိးတၢ်န့ၣ်ဒီး, စီၤကံးဒဧိၣ်ဒီးပှၤ တကယၤအိၣ်ဒီးအီၤ, လဲၤတုၤလၢပှၤသူၣ်ဒဲအလီၢ်လၢ ခိ, ဒီးအူကွဲၤ, ဒီးမၤသ့ၣ်ဖးသပၢၤလၢအစုပူၤလီၤ.
20 ဒီးပှၤသၢဖုန့ၣ်အူကွဲၤ, ဒီးမၤသ့ၣ်ဖးသပၢၤ, ဒီးဟံးန့ၢ် ဆှီလၢအစုစ့ၣ်, ဒီးကွဲၤန့ၣ်လၢအစုထွဲလၢအကအူတၢ် ဒီးကိးထီၣ်, ယွၤဒီးစီၤကံးဒဧိၣ်အနးတဘ့ၣ်လီၤ.
21 ဒီးပှၤဆၢထၢၣ်တဂၤလၢအလီၢ်ဒၣ်ဝဲ, တဂၤလၢအ လီၢ်ဒၣ်ဝဲ, အိၣ်ဝတရံးပှၤသူၣ်ဒဲအလီၢ်န့ၣ်, ဒီးပှၤသုး မုၢ်ခဲလၢာ်ဃ့ၢ်, ဒီးကိးပသူ, ဒီးဟးဃ့ၢ်ဝဲလီၤ.
22 ဒီးပှၤသၢကယၤအူကွဲၤ, ဒီးယွၤပာ်ပှၤအနးထီဒါအ ဂိၤမီၣ်ကိးဂၤဒဲး, လၢပှၤသူၣ်ဒဲအလီၢ်ဒီပူၤညါ, ဒီးပှၤ သုးမုၢ်ဃ့ၢ်ဆူ ဘ့ၤသၡံးတၤလၢစ့ၤရ့းအပူၤဆူ အၤဘ့ လးမဃိလၤအဃၢၤ, ဆူတးဘးလီၤ.
23 ဒီးအံၣ်စရ့လးအပှၤကညီအိၣ်ဖှိၣ်ရိဖှိၣ်လၢနးသၤလံ, ဒီးလၢအၤရှ့ၢ်, ဒီးလၢမနၤရှ့ၤခဲလၢာ်အကျါ, ဒီးလူၤပှၤမံး ဒယၣ်ဖိန့ၣ်လီၤ.
24 ဒီးစီၤကံးဒဧိၣ်မၢလီၤကလူးတဖၣ်ဆူ ကစၢၢ်အ့ဖရဲၣ်ဒီ ဖျၢၣ်ညါ, ဒီးစံးဝဲဒၣ်, ဟဲက့ၤလီၤဒုးတၢ်ဒီးပှၤမံးဒယၣ်ဖိ, ဒီးမၤန့ၢ်ထံတဖၣ် ပၢၢ်လၢဘ့ၤသဘါရၤဒီးယၢ်ဒ့ၣ်လၢအ မဲာ်ညါတက့ၢ်. ဒီးအ့ဖရဲၣ်အပှၤကညီခဲလၢာ်အိၣ်ဖှိၣ်ရိ ဖှိၣ်, ဒီးမၤန့ၢ်ထံတဖၣ်ပၢၢ်လၢဘ့ၤသဘါရၤဒီးယၢ်ဒ့ၣ်လီၤ.
25 ဒီးမၤန့ၢ်ပှၤမံးဒယၣ်ဖိအပဒိၣ်ဖးဒိၣ်ခံဂၤ, စီၤဧိရ့ာ်ဒီး စီၤစအ့ာ်, ဒီးမၤသံစီၤဧိရ့ာ်လၢလၢၢ်ဧိရ့ာ်အလိၤ, ဒီးမၤ သံစီၤစအ့ာ်လၢနီၣ်စံၢ်စပံးသၣ်စအ့ာ်, ဒီးလူၤမံးဒယၣ်, ဒီး ဟဲစိာ်စီၤဧိရ့ာ်, ဒီးစီၤစအ့ာ် အခိၣ်တဖၣ်ဆူ စီၤ ကံးဒဧိၣ်အအိၣ်လၢယၢ်ဒ့ၣ်ဝၢ်ဘးခီန့ၣ်လီၤ.
8၈
1 ဒီးအ့ဖရဲၣ်အပှၤကညီစံးဘၣ်အီၤ, တုၤနလဲၤဒုးတၢ် ဒီးပှၤမံးဒယၣ်ဖိဒီး နတကိး ပှၤဘၣ်ဒီး, နမၤပှၤဒ် အံၤဘၣ်မနုၤလဲၣ်. ဒီးဂ့ၢ်လိာ်ဘှီလိာ်ဒီးအီၤဆူၣ်ဆူၣ်က လဲာ်လီၤ.
2 ဒီးအဝဲဒၣ်စံးဘၣ်အီၤ, ယမၤသတြီၤတၢ်ဒီးသု မနုၤ တမံၤလဲၣ်. စပံးသၣ်အိၣ်လီၤတဲာ်လၢအ့ဖရဲၣ်အထၢ ဖှိၣ်စပံးသၣ်န့ၣ် ဂ့ၤန့ၢ်အဘံၤဧ့ၢ်စ့အစပံးသၣ်ခဲလၢာ်တ က့ၢ်န့ၣ်တမ့ၢ်ဘၣ်ဧါ. 3 ယွၤဟ့ၣ်လီၤမံးဒယၣ်အပဒိၣ်ဖး ဒိၣ်ခံဂၤ, စီၤဧိရ့ာ်ဒီးစီၤစအ့ာ်လၢသုစုပူၤလီၤ. ဒီးယ မၤသတြီၤတၢ်ဒီးသုသ့မနုၤလဲၣ် ဒီးတုၤအစံးတၢ်န့ၣ်ဒီး, အတၢ်သးထီၣ်အီၤန့ၣ်စၢ်လီၤဝဲလီၤ.
4 ဒီးစီၤကံးဒဧိၣ်လဲၤခီဂာ်ယၢ်ဒ့ၣ်, အဝဲဒၣ်ဒီးပှၤသၢက ယၤအိၣ်ဒီးအီၤလီၤ. တၢ်ဘှံးအသးဘၣ်ဆၣ်ဒီးလူၤဝဲ လီၤ. 5 ဒီးစံးဘၣ်စူးကိၤသးအပှၤကညီ, ဟ့ၣ်လီၤစာ် ကိၣ်အဖျၢၣ်တဖၣ်လၢ ပှၤဂီၢ်မုၢ်လၢအပိာ်ယခံတက့ၢ်. အဂ့ၢ်ဒ်အံၤ, အသးလီၤဘှါ, ဒီးယလူၤစီၤစ့ဘၤ, ဒီးစီၤစး လမူနၤ, မံးဒယၣ်အစီၤပၤတဖၣ်လီၤ.
6 ဒီးစူးကိၤသးအပဒိၣ်ဖးဒိၣ်တဖၣ်စံးဝဲဒၣ်, မ့ၢ်စီၤစ့ဘၤ ဒီးစီၤစးလမူနၤအစုတဖၣ် အိၣ်လၢနစုပူၤလၢပကဟ့ၣ် ကိၣ်လၢနပှၤသုးမုၢ်စ့ၢ်ကီးဧါ.
7 ဒီးစီၤကံးဒဧိၣ်စံးဝဲဒၣ်, မၤသးဒ်န့ၣ်ဒီး တုၤယွၤဟ့ၣ် လီၤစီၤစ့ဘၤဒီး စီၤစးလမူနၤလၢယစုပူၤဒီး, ယကကွး ကွံာ်သုညၣ်လၢပှၢ်လၢ်ကျါအတၤဆှုၣ်ဒီးတၤဆှုၣ်တၤမဲ တဖၣ်လီၤ.
8 ဒီးလဲၤထီၣ်ဖဲန့ၣ်ဆူပနံၤအ့လး, ဒီးကတိၤတၢ်ဒီးပှၤ ဒ်န့ၣ်အသိးဒီး ပနံၤအ့လးအပှၤကညီစံးဆၢအီၤ ဒ်စူး ကိၤသးအပှၤကညီစံးဆၢတၢ်အသိးန့ၣ်လီၤ.
9 ဒီးစံးဘၣ်စ့ၢ်ကီးပနံၤအ့လးအပှၤကညီ, တုၤယဟဲက ဒါက့ၤမုာ်မုာ်ဒီး, ယကမၤလီၤပှီၢ်ကွံာ်တၢးထီတဖျၢၣ် အံၤလီၤ.
10 ဒီးစီၤစ့ဘၤဒီးစီၤစးလမူနၤအိၣ်လၢကၢ်ကိၢ်, ဒီးအသုး မုၢ်အိၣ်ဒီးအီၤ, ပှၤတကလးယဲၢ်ကထိဃၣ်ဃၣ်, ပှၤလၢ အအိၣ်လီၤတဲာ်လၢပှၤမုၢ်ထီၣ်ဖိအသုးမုၢ်ခဲလၢာ်အကျါ လီၤ. အဂ့ၢ်ဒ်အံၤ, ပှၤတကလီၤခံကလး လၢအဘီၣ် ထီၣ်နးန့ၣ်လီၤဃံၤဝဲလီၤ.
11 ဒီးစီၤကံးဒဧိၣ်လဲၤထီၣ်လၢ ပှၤလၢအအိၣ်ဝဲဆိးဝဲလၢ ဒဲပူၤတဖၣ်အကျဲလၢနိဘၤဒီး ယၤကဘၤအမုၢ်ထီၣ်တခီ ဒီးကျီကွံာ်ပှၤသုးမုၢ်လီၤ. အဂ့ၢ်ဒ်အံၤ, ပှၤသုးမုၢ်န့ၣ်တပ လီၢ်ဘၣ်အသးဘၣ်လီၤ.
12 ဒီးစီၤစ့ဘၤ, ဒီးစီၤစးလမူနၤဃ့ၢ်ဝဲ, ဒီးအဝဲဒၣ်လူၤ အီၤ, ဒီးမၤန့ၢ်မံးဒယၣ်အစီၤပၤခံဂၤ, စီၤစ့ဘၤဒီးစီၤစးလ မူနၤ, ဒီးမၤနၢၤပှၤသုးမုၢ်ခဲလၢာ်လီၤ.
13 ဒီးစီၤယိၤအၣ်အဖိခွါ စီၤကံးဒဧိၣ်ဟဲက့ၤကဒါက့ၤလၢ တၢ်ဒုးသုးလၢတၢ်ထီၣ်ထီဃ့ရ့းအလိၤန့ၣ်လီၤ.― 14 ဒီးဖီၣ် န့ၢ်ဖိၣ်သၣ်ခွါတဂၤလၢစူးကိၤသးအပှၤကညီတဖၣ်ကျါ, ဒီးသံကွၢ်အီၤ, ဒီးအဝဲဒၣ်ကွဲးန့ၢ်အီၤလၢစူးကိၤသးအပ ဒိၣ်တဖၣ်ဒီးအပှၤသူၣ်က့သးပှၢ်အမံၤ, ပှၤနွံဆံနွံဂၤလီၤ.
15 ဒီးဟဲက့ၤဆူစူးကိၤသးအပှၤကညီ, ဒီးစံးဝဲဒၣ်, ကွၢ် ကွၢ်, စီၤစ့ဘၤဒီးစီၤစးလမူနၤ လၢသုဒုၣ်ဒွဲၣ်ယၤလၢအ ဃိန့ၣ်, ဒီးသုစံး, စီၤစ့ဘၤဒီးစီၤစးလမူနၤ အစုတဖၣ် အိၣ်လၢနစုပူၤခဲကနံၣ်အံၤ, ဒ်သိးပကဟ့ၣ်ကိၣ်လၢန ခ့နပှၤလၢ တၢ်ဘှံးအသးန့ၣ်စ့ၢ်ကီၤဧါန့ၣ်လီၤ.
16 ဒီးဟံးန့ၢ် ဝ့ၢ်အပှၤသူၣ်က့သးပှၢ်, ဒီးပှၢ်လၢ်ကျါ, အတၤဆှုၣ်ဒီး တၤဆှုၣ်တၤမဲတဖၣ်, ဒီးသိၣ်ဃီၣ်စူး ကိၤသးအပှၤကညီလၢအီၤလီၤ.
17 ဒီးမၤလီၤပှီၢ်ကွံာ်ပနံၤအ့လးအတၢးထီတဖျၢၣ်န့ၣ်, ဒီး မၤသံဝ့ၢ်အပှၤကညီလီၤ.
18 ဒီးစံးဘၣ်စီၤစ့ဘၤဒီးစီၤစးလမူနၤ, ပှၤလၢသုမၤသံ အီၤဖဲတၤဘိၢ်န့ၣ်မ့ၢ်ပှၤဒ်လဲၣ်. ဒီးစံးဆၢဝဲဒၣ်, ဒ်နၤအ သိးအဝဲသ့ၣ်န့ၣ်မ့ၢ်ဒ်န့ၣ်အသိး, တဂၤလီၤဂာ်စီၤပၤအဖိ အသိးစုာ်စုာ်လီၤ. 19 ဒီးစံးဝဲဒၣ်, အဝဲသ့ၣ်န့ၣ် မ့ၢ်ယဒီပုၢ်ဝဲၢ်, ယမိၢ်အဖိခွါလီၤ. ယွၤမူဝဲ, သုမ့ၢ်အုၣ်က့ၤခီၣ်က့ၤတ့ၢ်အီၤမူဒံ ဒီး, ယတမၤသံဘၣ်သုဘၣ်. 20 ဒီးစံးဘၣ်အဖိဝဲၢ်ကိစီၤ ယ့သ့ၢ်, ဂဲၤဆၢထၢၣ်မၤသံအီၤတက့ၢ်. ဘၣ်ဆၣ်ဒီးဖိၣ် သၣ်ခွါတဂၤန့ၣ် တဘီၣ်ထီၣ်ဘၣ်အနးဘၣ်. အဂ့ၢ်ဒ် အံၤ, ပျံၤဝဲလီၤ. မ့ၢ်အဖိၣ်သၣ်ခွါဒံးလီၤ.
21 ဒီးစီၤစ့ဘၤ, ဒီၤစီၤစးလမူနၤစံးဝဲဒၣ်, ဂဲၤဆၢထၢၣ် နဲ, ဒီးကျီကွံာ်ပှၤတက့ၢ်. အဂ့ၢ်ဒ်အံၤ, ဒ်ပှၤကညီအသိး န့ၣ်အဂံၢ်အဘါအိၣ်ဒ်န့ၣ်အသိးလီၤ. ဒီးစီၤကံးဒဧိၣ်ဂဲၤ ဆၢထၢၣ်, ဒီးမၤသံစီၤစ့ဘၤဒီးစီၤစးလမူနၤ, ဒီးဟံးန့ၢ် လါအဂီၤတဖၣ် လၢအအိၣ်လၢအကီၤလၤအူးအကိာ် တဖၣ်လီၤ.
22 ဒီးအံၣ်စရ့လးအပှၤကညီစံးဘၣ်စီၤကံးဒဧိၣ်, ပၢပှၤနဲ ဒၣ်, ဒီးနဖိခွါအဖိန့ၣ်တက့ၢ်. အဂ့ၢ်ဒ်အံၤ, နမၤပူၤမၤ ဖျဲးပှၤလၢမံးဒယၣ်အစုပူၤလီၤ. 23 ဒီးစီၤကံးဒ ဧိၣ်စံးဝဲဒၣ်, ယတပၢဘၣ်သုဘၣ်, ဒီးယ ဖိခွါတပၢဘၣ်သုဘၣ်, ယွၤကပၢသုလီၤ. 24 ဒီးစီၤကံးဒ ဧိၣ်စံးဘၣ်အီၤ, ယကဃ့တၢ်တမံၤလၢသု, လၢသုက ဟ့ၣ်ယၤလၢသုတၢ်ဂုာ်န့ၢ်အပသံးကိးဂၤဒဲးလီၤ. အဂ့ၢ် ဒ်အံၤ, အိၣ်ဝဲဒီးအပသံးထူလီၤ. မ့ၢ်ဝဲလၢ ပှၤယံးၡ မၤဧ့လးဖိအဂ့ၢ်လီၤ.
25 ဒီးစံးဝဲဒၣ်, ပကဟ့ၣ်တီနံဒၣ်တၢ်လီၤ. ဒီးဒါလီၤ ယၢ်တဘ့ၣ်, ဒီးပှၤတ့ၢ်လီၤအတၢ်ဂုာ်န့ၢ်အပသံးလၢအ ပူၤကိးဂၤဒဲးလီၤ.
26 ဒီးပသံးထူလၢအဃ့ဝဲန့ၣ် လီၤတယၢၢ်ထူၡက့လးတ ကထိနွံကယၤလီၤ. လၢန့ၣ်အမဲာ်ညါလၢတၢ်ဂီၤတဖၣ် ဒီးနၢ်စဲၤနၢ်ဖီတဖၣ်, ဒီးတၢ်အကူအသိးလုးတကုာ်လၢ မံးဒယၣ်အစီၤပၤကူဝဲသိးဝဲ, ဒီးလၢန့ၣ်အမဲာ်ညါအကီၤ လၤအူးအသွဲတဖၣ်လၢအအိၣ်လၢအကိာ်န့ၣ်အိၣ်ဝဲလီၤ.
27 ဒီးစီၤကံးဒဧိၣ်တ့ဝဲလၢအ့ဖိးတဘ့ၣ်လၢအီၤ, ဒီးပာ်ဝဲ လၢအဝ့ၢ်ပူၤ, လၢဧိးဖြၤအပူၤ, ဒီးအံၣ်စရ့လးခဲလၢာ်လဲၤ မၤကမၣ်ဘၣ်ထွဲအခံဖဲန့ၣ်လီၤ. ဒီးတၢ်န့ၣ်တမံၤ ကဲ ထီၣ်တၢ်အပျံၤသကွီၢ်လၢ စီၤကံးဒဧိၣ်, ဒီးအပှၤဟံၣ်ဖိ အဂီၢ်လီၤ.
28 ဒီးမံးဒယၣ် ဃၣ်ဝဲလၢပှၤအံၣ်စရ့လးဖိအမဲာ်ညါ, ဒီး တမိာ်ထီၣ်လၢၤဘၣ် အခိၣ်ဘၣ်, ဒီးထံဧိၤကီၢ်ဧိၤန့ၣ် အိၣ်ဘှံးဝဲအနံၣ်လွံၢ်ဆံလၢ ကံးဒဧိၣ်အမုၢ်နံၤတဖၣ်အ ပူၤန့ၣ်လီၤ.
29 ဒီးစီၤယိၤအၣ်အဖိခွါ စီၤယရူဘဧၤလးက့ၤက့ၤ, ဒီး အိၣ်ဝဲလၢအဟံၣ်ဒၣ်ဝဲအပူၤလီၤ.
30 ဒီးစီၤကံးဒဧိၣ် အိၣ်ဒီးအဖိခွါနွံဆံလၢ အဟဲထီၣ် လၢအကံၣ်ဒုၣ်ပူၤလီၤ. အဂ့ၢ်ဒ်အံၤ, အိၣ်ဒီးအမါအါ ဂၤလီၤ. 31 ဒီးအသံၣ်မါလၢ အအိၣ်ဝဲလၢၡက့ၣ်တဂၤ ဆံးစၢ်န့ၢ်အီၤလၢအဖိခွါတဂၤ, ဒီးယုၢ်ဝဲအမံၤလၢစီၤ အဘံၤမ့လ့းလီၤ.
32 ဒီးစီၤယိၤအၣ်အဖိခွါ စီၤကံးဒဧိၣ်သံဝဲ, အခိၣ်ဝါဂ့ၤ လီၤ. ဒီးပှၤခူၣ်လီၤကွံာ်အီၤလၢအပၢ်စီၤယိၤအၣ်အသွၣ် ခိၣ်ပူၤလၢဧိးဖြၤအပူၤ, လၢပှၤအဘံၤဧ့စ့ၢ်ဖိအကျါလီၤ.
33 ဒီးတုၤစီၤကံးဒဧိၣ်သံဝဲဒီး, တၢ်မၤအသးလၢပှၤအံၣ် စရ့လးဖိဃၣ်ကဒီးအသး, ဒီးလဲၤမၤကမၣ်ထွဲဘဧၤလး တဖၣ်အခံ, ဒီးပာ်ဘဧၤလးဘရံး လၢအကစၢ်,
34 ဒီးပှၤအံၣ်စရ့လးဖိတသ့ၣ်နီၣ်ထီၣ်က့ၤဘၣ်ယွၤအကစၢ်, လၢ အမၤပူၤဖျဲးအီၤလၢ အဒုၣ်အဒါခဲလၢာ်အစုပူၤ လၢအ အိၣ်ဝးတရံးအီၤန့ၣ်ဘၣ်. 35 ဒီးတမၤဘျုးမၤဖှိၣ်ဘၣ်စီၤ ယရူဘဧၤလး, စီၤကံးဒဧိၣ်အပှၤဟံၣ်ဖိ, ဒ်ကယဲၢ်တၢ် လၢအဝဲဒၣ်မၤဂ့ၤ ပှၤအံၣ်စရ့လးဖိအသိးန့ၣ်ဘၣ်လီၤ.
9၉
1 ဒီးစီၤယရူဘဧၤလးအဖိခွါ စီၤအဘံၤမ့လ့း လဲၤဝဲ ဆူၡက့ၣ်အပူၤ, ဆူအမိၢ်အဒီပုၢ်ဝဲၢ်အအိၣ်, ဒီးကတိၤ လိာ်အသးဒီးအီၤ, ဒီးအမိၢ်အပၢ်အပှၤဟံၣ်ဖိခဲလၢာ်, ဒီးစံးဝဲဒၣ်, 2 ကတိၤတၢ်လၢပှၤၡက့ၣ်ဖိခဲလၢာ်အနၢ်ပူၤ, စီၤယရူဘဧၤလးအဖိခွါ ပှၤနွံဆံခဲလၢာ်ပၢသုဂ့ၤတက့ၢ် ဧါ, ပှၤတဂၤဃီပၢသုဂ့ၤတက့ၢ်လဲၣ်. ဒီးသ့ၣ်နီၣ်ထီၣ် က့ၤလၢယမ့ၢ်သုဃံဒီးသုညၣ်တက့ၢ်.
3 ဒီးအမိၢ်အဒီပုၢ်ဝဲၢ်တဖၣ် ကတိၤတၢ်ကတိၤခဲလၢာ် န့ၣ်လၢအဂ့ၢ်အကျိၤလၢ ပှၤၡက့ၣ်ဖိတဖၣ်အနၢ်ပူၤ, ဒီး အသးအိၣ်လၢအကပိာ် စီၤအဘံၤမ့လ့းအခံလီၤ. အဂ့ၢ် ဒ်အံၤ, စံးဝဲ, အဝဲဒၣ်မ့ၢ်ပဒီပုၢ်ဝဲၢ်လီၤ.
4 ဒီးဟ့ၣ်လီၤဝဲလၢအီၤလၢ စ့အဘ့ၣ်နွံဆံလၢဘဧၤလး ဘရံးအဟံၣ်ပူၤလီၤ. ဒီးစီၤအဘံၤမ့လ့း ငါဝဲလၢစ့န့ၣ် လၢပှၤကလီကလီဒီး ပှၤမၤတရီတပါတၢ်တဖၣ်လၢအ ပိာ်အခံလီၤ.
5 ဒီးလဲၤဝဲဆူအပၢ်အဟံၣ်လၢဧိးဖြၤ, ဒီးမၤသံအဒီပုၢ် ဝဲၢ်စီၤယရူဘဧၤလးအဖိခွါ, ပှၤနွံဆံလၢလၢၢ်တဖျၢၣ် ဃီအဖီခိၣ်လီၤ. ဘၣ်ဆၣ်ဒီး စီၤယရူဘဧၤလးအဖိသ ဒါစီၤယိၤသၣ်အိၣ်လီၤတဲာ်ဝဲလီၤ. အဂ့ၢ်ဒ်အံၤ, ပာ်ခူ သူၣ်အသးလီၤ.
6 ဒီးပှၤၡက့ၣ်ဖိခဲလၢာ်အိၣ်ဖှိၣ်ရိဖှိၣ်, ဒီးကယဲၢ်မံးလိၤ အဟံၣ်ဖိ, ဒီးလဲၤဝဲ, ဒီးပာ်စီၤအဘံၤမ့လ့းလၢ စီၤပၤ လၢတၢ်ထူၣ်အသ့ထိးဖၣ်အခီၣ်ထံးလၢ အအိၣ်ဝဲလၢ ၡက့ၣ်အပူၤလီၤ.
7 ဒီးပှၤစံးဘၣ် စီၤယိၤသၣ်, ဒီးအဝဲဒၣ်လဲၤတၢ်ဒီးဆၢ ထၢၣ်လၢ ကစၢၢ်ကရံးစံၣ်အဒီခိၣ်, ဒီးထုထီၣ်အက လုၢ်, ဒီးကိးထီၣ်, ဒီးစံးဘၣ်အီၤ, ကနၣ်ယကလုၢ်တ က့ၢ်, ၡက့ၣ်အပှၤကညီသ့ၣ်ဧၢ, ဒ်သိးယွၤကကနၣ် သုကလုၢ်အဂ့ၢ်လီၤ.
8 သ့ၣ်ဧိၤဝၣ်ဧိၤလဲၤဒီးလဲၤတၢ်, ဒ်သိးအကဖှူစီၤပၤတ ဂၤလၢအဖီခိၣ်, ဒီးစံးသ့ၣ်စၤယံး, ပၢပှၤတက့ၢ်. 9 ဒီး သ့ၣ်စၤယံးန့ၣ်စံးဘၣ်အီၤ, ယကလဲၤသဒၣ်ယသိလၢ ပှၤမၤလၤကပီၤယွၤဒီး ပှၤကညီလၢအီၤ, ဒီးလဲၤဟူးဝး လၢသ့ၣ်ဧိၤဝၣ်ဧိၤအဖီခိၣ်စ့ၢ်ကီးဧါ.
10 ဒီးသ့ၣ်ဧိၤဝၣ်ဧိၤန့ၣ် စံးဘၣ် ချၢၣ်ဒၢ, ဟဲနဲ, ပၢပှၤ တက့ၢ်. 11 ဒီးချၢၣ်ဒၢန့ၣ်စံးဘၣ်အီၤ, ယကလဲၤသဒၣ် ယတၢ်အဆၢ, ဒီးယသၣ်အဂ့ၤ, ဒီးလဲၤဟူးဝးလၢသ့ၣ် ဧိၤဝၣ်ဧိၤအဖီခိၣ်စ့ၢ်ကီးဧါ.
12 ဒီးသ့ၣ်ဧိၤဝၣ်ဧိၤန့ၣ်စံးဘၣ် စပံးမုၢ်, ဟဲနဲ, ပၢပှၤ တက့ၢ်. 13 ဒီးစပံးမုၢ်န့ၣ် စံးဘၣ်အီၤ, ယကလဲၤသ ဒၣ်ယစပံးထံ လၢအဒုးသးခုယွၤဒီးပှၤကညီ, ဒီးလဲၤ ဟူးဝးလၢ သ့ၣ်ဧိၤဝၣ်ဧိၤအဖီခိၣ်စ့ၢ်ကီးဧါ.
14 ဒီးသ့ၣ်ဧိၤဝၣ်ဧိၤခဲလၢာ်န့ၣ် စံးဘၣ်မးတီၢ်အၤတၤ, ဟဲနဲ, ပၢပှၤတက့ၢ်. 15 ဒီးမးတီၢ်အၤတၤန့ၣ်စံးဘၣ်သ့ၣ် ဧိၤဝၣ်ဧိၤ, သုမ့ၢ်ဖှူယၤလၢစီၤပၤလၢ သုဖီခိၣ်နီၢ်နီၢ်ဒီး, ဟဲသန့ၤသုသးလၢယကဒုပူၤတက့ၢ်. ဒီးမ့တမ့ၢ်ဘၣ် ဒီး, မ်မ့ၣ်အူဟဲထီၣ်လၢ မးတီၢ်အၤတၤအပူၤ, ဒီး အီၣ်ကွံာ်လဘၤနိၣ်အသ့ၣ်ဆှိအ့ရ့းန့ၣ်တက့ၢ်.
16 ဒီးခဲကနံၣ်အံၤလၢ သုပာ်စီၤအဘံၤမ့လ့းစီၤပၤန့ၣ် လၢသုမ့ၢ်မၤဒီးတၢ်အမ့ၢ်အတီဒီးတၢ်အလၢအပှဲၤဒီး, သု မ့ၢ်မၤဂ့ၤစီၤယရူဘဧၤလး, ဒီးအပှၤဟံၣ်ဖိ, ဒီးမၤအီၤ, ဒ်အစုကြၢးဝဲအသိးန့ၣ်ဒီး, 17 (အဂ့ၢ်ဒ်အံၤ, ယပၢ်ဒုးတၢ် လၢသုဂီၢ်, ဒီးညိကွံာ်အသးလၢသုဂီၢ်, ဒီးမၤပူၤမၤဖျဲး သုဒီးမံးဒယၣ်အစုပူၤလီၤ. 18 ဒီးသုဂဲၤဆၢထၢၣ်ထီဒါယ ပၢ်အပှၤဟံၣ်ဖိ လၢမုၢ်မဆါတနံၤအံၤ, ဒီးမၤသံလံအ ဖိခွါပှၤနွံဆံ လၢလၢၢ်တဖျၢၣ်ဃီအဖီခိၣ်, ဒီးပာ်လံအ ကုၢ်ပိာ်မုၣ်အဖိခွါစီၤအဘံၤမ့လ့း လၢပှၤၡက့ၣ်ဖိတဖၣ် အစီၤပၤလီၤ. အဂ့ၢ်ဒ်အံၤ, မ့ၢ်သုဒီပုၢ်ဝဲၢ်တဂၤလီၤ).―
19 ဒီးသုမ့ၢ်မၤစီၤယရူဘဧၤလးဒီးအပှၤဟံၣ်ဖိဒီးတၢ်မ့ၢ်တၢ် တီ, ဒီးတၢ်အလၢအပှဲၤလၢမုၢ်မဆါတနံၤအံၤဒီး, သးခု လၢစီၤအဘံၤမ့လ့းအပူၤ, ဒီးမ်အဝဲဒၣ်သးခုလၢသုပူၤ တက့ၢ်. 20 မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူဟဲထီၣ်လၢစီၤ အဘံမ့လ့းအပူၤဒီးအီၣ်ကွံာ်ပှၤၡက့ၣ်ဖိတဖၣ်, ဒီးမံးလိၤ အပှၤဟံၣ်ဖိ, ဒီးမ်မ့ၣ်အူဟဲထီၣ်လၢပှၤၡက့ၣ်ဖိအပူၤ, ဒီး လၢမံးလိၤအပှၤဟံၣ်ဖိအပူၤ, ဒီးအီၣ်ကွံာ်စီၤအဘံၤမ့လ့း န့ၣ်တက့ၢ်.
21 ဒီးစီၤယိၤသၣ်န့ၣ် ဟးထီၣ်ကွံာ်, ဒီးဃ့ၢ်တၢ်, ဒီး လဲၤဝဲဆူဘ့ၢ်, ဒီးအိၣ်ဝဲဆိးဝဲဖဲန့ၣ်လၢအဒီပုၢ်ဝဲၢ်စီၤအ ဘံၤမ့လ့းအဃိန့ၣ်လီၤ. ဒီးစီၤအဘံၤမ့လ့းပၢအံၣ်စရ့လးသၢနံၣ်, 22 ဒီးယွၤမၢ လီၤသးအၢတဂၤလၢစီၤအဘံၤမ့လ့းဒီး ပှၤၡက့ၢ်ဖိတ ဖၣ်အဘၢၣ်စၢၤ, ဒီးပှၤၡက့ၣ်ဖိတဖၣ် မၤစီၤအဘံၤမ့ လ့းဒီးလီတၢ်, 24 ဒ်သိးတၢ်မၤအၢစီၤယရူဘဧၤလးအဖိ ခွါပှၤနွံဆံန့ၣ်ကဟဲ, ဒီးဒ်သိးအသွံၣ်ကဘၣ်အဒီပုၢ်ဝဲၢ် စီၤအဘံၤမ့လ့းလၢအမၤသံအီၤ, ဒီးဘၣ်ပှၤၡက့ၣ်ဖိတ ဖၣ်လၢအမၤစၢၤအီၤလၢ အမၤသံအဒီပုၢ်ဝဲၢ်အပူၤန့ၣ် လီၤ.
25 ဒီးပှၤၡက့ၣ်ဖိတဖၣ်ပာ်ပှၤခိးခူသူၣ် တၢ်လၢကစၢၢ် ခိၣ်, ဒီးအဝဲသ့ၣ်မၤန့ၢ်ဆူၣ် ကယဲၢ်ပှၤလၢ အလဲၤ ပူၤတၢ်လၢအဃၢၤခဲလၢာ်အတၢ်လီၤ. ဒီးပှၤစံးဘၣ်တဲ ဘၣ်စီၤအဘံၤမ့လ့းလီၤ.
26 ဒီးစီၤဧ့ဘ့းအဖိခွါ စီၤကၤလးဟဲဝဲဒီးအဒီပုၢ်ဝဲၢ်, ဒီး လဲၤပူၤကွံာ်ဆူၡက့ၣ်, ဒီးပှၤၡက့ၣ်ဖိတဖၣ်န့ၣ် သန့ၤ အသးလၢအီၤလီၤ.
27 ဒီးလဲၤဝဲဆူစံာ်ဧိၤပျီဧိၤ, ဒီးထၢဖှိၣ်တၢ်လၢ အစပံး လီၢ်, ဒီးယီၢ်တၢ်, ဒီးမၤသးခုအသး, ဒီးလဲၤနုာ်လၢအ ကစၢ်အဟံၣ်ပူၤ, ဒီးအီၣ်တၢ်ဒီးအီတၢ်, ဒီးဆိၣ်အၢစီၤ အဘံၤမ့လ့းလီၤ.
28 ဒီးစီၤဧ့ဘ့းအဖိခွါစီၤကၤလးန့ၣ်စံးဝဲဒၣ်, စီၤအဘံၤမ့ လ့းန့ၣ်မ့ၢ်မတၤတဂၤလဲၣ်, ဒီးၡက့ၣ်အံၤမ့ၢ်မတၤလၢ ပကမၤအတၢ်န့ၣ်တဂၤလဲၣ်. မ့ၢ်စီၤယရူၤဘဧၤလးအ ဖိခွါ, တမ့ၢ်ဘၣ်ဧါ. ဒီးစီၤစဘူလးမ့ၢ်အပှၤကွၢ်တၢ်တ ဂၤ, တမ့ၢ်ဘၣ်ဧါ. မၤစီၤၡက့ၣ်အပၢ်စီၤဃမိၢ်အပှၤက ညီအတၢ်တက့ၢ်. ပကမၤအဝဲဒၣ်အတၢ်မ့ၢ်အဘၣ်မနုၤ လဲၣ်. 29 မ်ပှၤဂီၢ်မုၢ်အံၤ အိၣ်လၢယစုအဖီလာ်တက့ၢ်. ဒီးယကသုးကွံာ် စီၤအဘံၤမ့လ့းလီၤ. ဒီးစံးဘၣ်စီၤအ ဘံၤမ့လ့းန့ၣ်မၤအါထီၣ်နပှၤသုးမုၢ်, ဒီးဟဲထီၣ်တက့ၢ်.
30 ဒီးဝ့ၢ်အပဒိၣ်ဖးဒိၣ်စီၤစဘူလးန့ၣ် နၢ်ဟူစီၤဧ့ဘ့းအ ဖိခွါစီၤကၤလးအတၢ်ကတိၤ, ဒီးအသးထီၣ်လီၤ. 31 ဒီး မၢကလူးတဖၣ်လဲၤခူသူၣ်ဆူစီၤအဘံၤမ့လ့းအအိၣ်, ဒီး စံးဝဲဒၣ်, ကွၢ်ကွၢ်, စီၤဧ့ဘ့းအဖိခွါစီၤကၤလးဒီးအဒီပုၢ် ဝဲၢ်တဖၣ်ဟဲတုၤလၢၡက့ၣ်, ဒီးကွၢ်ကွၢ်, မၤတံာ်မၤတာ် ဝ့ၢ်ထီဒါနၤလီၤ. 32 ဒီးခဲကနံၣ်အံၤဂဲၤဆၢထၢၣ်လၢမုၢ်နၤ, နဲဒၣ်ဒီးပှၤအိၣ်ဒီးနၤ, ဒီးအိၣ်ခိးခူသူၣ်လၢစံာ်ဧိၤပျီဧိၤအ ပူၤတက့ၢ်. 33 ဒီးမုၢ်ဆ့ၣ်ထီၣ်န့ၣ်တုၤမုၢ်ဟဲထီၣ်ဒီး, တၢ် ကမၤအသးလၢနကဂဲၤဆၢထၢၣ်ဂီၤဂီၤ, ဒီးသလၣ်ထီၣ် တၢ်လၢဝ့ၢ်အမဲာ်ညါ, ဒီးကွၢ်ကွၢ်, အဝဲဒၣ်ဒီးပှၤအိၣ်ဒီး အီၤကဟဲထီၣ်ဆူနအိၣ်, ဒီးနကမၤဘၣ်အီၤ ဒ်နစုက ထံၣ်န့ၢ်တၢ်အသိးန့ၣ်လီၤ.
34 ဒီးစီၤအဘံၤမ့လ့း ဂဲၤဆၢထၢၣ် ဒီးပှၤအိၣ်ဒီးအီၤခဲ လၢာ်လၢမုၢ်နၤ, ဒီးခိးခူသူၣ်တၢ်လၢ ၡက့ၣ်အမဲာ်ညါ လၢပှၤလွံၢ်ဖုလီၤ.
35 ဒီးစီၤဧ့ဘ့းအဖိခွါစီၤကၤလးဟးထီၣ်, ဒီးဆၢထၢၣ် လၢတၢ်လဲၤနုာ်လၢဝ့ၢ်အပဲတရီအပူၤ, ဒီးစီၤအဘံၤမ့လ့း ဂဲၤထၢၣ်ဒီးပှၤအိၣ်ဒီးအီၤ လၢအအိၣ်ခိးခူသူၣ်တၢ်အပူၤ လီၤ.
36 ဒီးစီၤကၤလးန့ၣ်ထံၣ်ပှၤဂီၢ်မုၢ်, ဒီးစံးဘၣ်စီၤစဘူလး, ကွၢ်ကွၢ်, ပှၤဟဲလီၤလၢကစၢၢ်ခိၣ်လီၤ. ဒီးစီၤစဘူလး စံးဘၣ်အီၤ, နထံၣ်ဘၣ် ကစၢၢ်ကလိအကဒုဒ်ပှၤကညီ အသိးန့ၣ်လီၤ.
37 ဒီးစီၤကၤလးန့ၣ် ကတိၤကဒီးတၢ်, ဒီးစံးဝဲဒၣ်, ကွၢ် ကွၢ်, ပှၤဂီၢ်မုၢ်ဟဲလီၤလၢတၢ်ဒ့ပူၤ, ဒီးပှၤတဖုဒၣ်ဟဲဝဲ လၢမဧိနနံအသ့ထိးဖၣ်အခီၣ်ထံးလီၤ.
38 ဒီးစီၤစဘူလးန့ၣ်စံးဘၣ်အီၤ, နထးခိၣ်လၢ နစံး လၢအီၤ, တၢ်လၢစီၤအဘံၤမ့လ့း မ့ၢ်မတၤလၢပကမၤ အတၢ်တဂၤလဲၣ်န့ၣ်မ့ၢ်အအိၣ်ဖဲလဲၣ်. ပှၤဂီၢ်မုၢ်အံၤမ့ၢ် ပှၤလၢနမၤတရီတပါအီၤန့ၣ် တမ့ၢ်ဘၣ်ဧါ. ဟးထီၣ် လၢ်ခဲကနံၣ်အံၤ, ဒီးဒုးတၢ်ဒီးအီၤတက့ၢ်.
39 ဒီးစီၤကၤလးဟးထီၣ်လၢ ပှၤၡက့ၣ်ဖိတဖၣ် အမဲာ် ညါ, ဒီးဒုးတၢ်ဒီးစီၤအဘံၤမ့လ့းလီၤ.
40 ဒီးစီၤအဘံၤမ့လ့းလူၤအီၤ, ဒီးအဝဲဒၣ်ဃ့ၢ်ဝဲလၢအ မဲာ်ညါ, ဒီးအါဂၤလီၤဃံၤဝဲဒီးဘၣ်တၢ်ဆဲးအီၤ, ပၢၢ် လၢတၢ်လဲၤနုာ်လၢပဲတရီအပူၤလီၤ.
41 ဒီးစီၤအဘံၤမ့လ့း အိၣ်ဝဲဆိးဝဲလၢအရူမၤအပူၤ, ဒီး စီၤစဘူလးဟီထီၣ်ကွံာ် စီၤကၤလးဒီးအဒီပုၢ်ဝဲၢ်ဒ်သိး အသုတအိၣ်လၢၤလၢၡက့ၣ်အပူၤတဂ့ၤလီၤ.
42 ဒီးမုၢ်ဆ့ၣ်ထီၣ်တနံၤန့ၣ် တၢ်မၤအသးလၢ ပှၤဂီၢ် မုၢ်လဲၤဝဲဆူစံာ်ဧိၤပျီဧိၤအပူၤ, ဒီးစံးဘၣ်စီၤအဘံၤမ့လ့း
43 ဒီးအဝဲဒၣ်ဟံးန့ၢ်ပှၤဂီၢ်မုၢ်, ဒီးနီၤဖးအီၤလၢပှၤသၢဖု, ဒီး အိၣ်ခိးခူသူၣ်လၢစံာ်ဧိၤပျီဧိၤအပူၤ, ဒီးကွၢ်တၢ်ဒီး, ကွၢ် ကွၢ်, ပှၤဂီၢ်မုၢ်ဟဲထီၣ်လၢဝ့ၢ်ပူၤ, ဒီးအဝဲဒၣ်ဂဲၤဆၢထၢၣ် လၢအဖီခိၣ်, ဒီးကျီကွံာ်အီၤလီၤ. 44 ဒီးစီၤအဘံၤ မ့လး, ဒီးပှၤတဖုအိၣ်ဒီးအီၤန့ၣ် ဃ့ၢ်သဖှိ, ဒီးဆၢ ထၢၣ်လၢတၢ်လဲၤနုာ်ဝ့ၢ်အပဲတရီန့ၣ်, ဒီးပှၤခံဖုဒၣ်န့ၣ် ဃ့ၢ်သဖှိလၢ ကယဲၢ်ပှၤအိၣ်ဝဲလၢ တၢ်စံာ်ဧိၤပျီဧိၤအပူၤ အဖီခိၣ်, ဒီးကျီသံကွံာ်အီၤလီၤ.
45 ဒီးစီၤအဘံၤမ့လ့း ဒုးတၢ်ဒီးဝ့ၢ်န့ၣ် သ့တနံၤကျၢၤ, ဒီးမၤန့ၢ်ဝ့ၢ်, ဒီးမၤသံပှၤဂီၢ်မုၢ်လၢအအိၣ်လၢအပူၤ, ဒီး မၤလီၤပှီၢ်ဝ့ၢ်, ဒီးဖှံအံသၣ်လၢအလီၢ်န့ၣ်လီၤ.
46 ဒီးၡက့ၣ်အတၢးထီအပှၤကညီခဲလၢာ်နၢ်ဟူတၢ်, ဒီး လဲၤနုာ်လၢတိာ်တတိာ်အပူၤဘၣ်ဃးဒီး အကစၢ်ဘရံး အဟံၣ်န့ၣ်လီၤ.
47 ဒီးပှၤစံးဘၣ်တဲဘၣ်စီၤအဘံၤမ့လ့းလၢၡက့ၣ်အတၢး ထီအပှၤကညီခဲလၢာ်အိၣ်ဖှိၣ်ရိဖှိၣ်လီၤ. 48 ဒီးစီၤအဘံၤ မ့လ့းလဲၤထီၣ်ဆူကစၢၢ်စးလမိၣ်, အဝဲဒၣ်ဒီးကယဲၢ်ပှၤ အိၣ်ဒီးအီၤ, ဒီးစီၤအဘံၤမ့လ့းဟံးန့ၢ်ကွါလၢအစုပူၤဒီး ကူာ်လီၤကွံာ်သ့ၣ်ဒ့တဒ့, ဒီးဟံးန့ၢ်ဝဲ, ဒီးပာ်ဝဲလၢအ ဖံဘၣ်ခိၣ်, ဒီးစံးဘၣ်ပှၤဂီၢ်မုၢ်လၢအအိၣ်ဒီးအီၤ, တၢ် လၢသုထံၣ်လၢယမၤအံၤ, မၤချ့သဒံးသုဝဲဒ်န့ၣ်အသိး တက့ၢ်.
49 ဒီးပှၤဂီၢ်မုၢ်ခဲလၢာ် ကူာ်လီၤကွံာ်စ့ၢ်ကီးတဂၤအသ့ၣ် ဒ့တဒ့, တဂၤအသ့ၣ်ဒ့တဒ့စုာ်စုာ်, ဒီးပိာ်စီၤအဘံၤမ့ လ့းအခံ, ဒီးပာ်ဝဲလၢတိာ်န့ၣ်, ဒီးဆူးထီၣ်တိာ်လၢမ့ၣ် အူ, ဒီးပှၤကညီလၢၡက့ၣ်အတၢးထီအပူၤသံဝဲစ့ၢ်ကီး ခဲလၢာ်, ပိာ်မုၣ်ဒီးပိာ်ခွါပှၤတကထိဃၣ်ဃၣ်လီၤ. ဒီးစီၤအဘံၤမ့လ့းလဲၤဆူတ့ဘ့း, ဒီးမၤန့ၢ်အီၤလီၤ.
51 ဒီးတၢးထီခၢၣ်သနၢၣ်တဖျၢၣ်အိၣ်ဝဲလၢဝ့ၢ်ပူၤ, ဒီးပိာ်မုၣ် ဒီးပိာ်ခွါ, ဒီးကယဲၢ်ပှၤလၢဝ့ၢ်ပူၤန့ၣ်ဃ့ၢ်ဝဲဆူအပူၤ, ဒီး ကးတံာ်ဃာ်အသး, ဒီးလဲၤထီၣ်ဆူတၢးထီအဖီခိၣ်လီၤ.
52 ဒီးစီၤအဘံၤမ့လးလဲၤဆူတၢးထီန့ၣ်အအိၣ်, ဒီးဒုးတၢ် ဒီးအီၤ, ဒီးလဲၤဘူးဒီးတၢးထီအတြဲၤ, ဒ်သိးအကဆူး ထီၣ်ကွံာ်အီၤလၢမ့ၣ်အူလီၤ. 53 ဒီးပိာ်မုၣ်တဂၤ တ့ၢ်လီၤ ကွံာ်ဆၢၣ်ဂူာ်လၢၢ်တကူာ်လၢ စီၤအဘံၤမ့လးအခိၣ် အဖီခိၣ်, ဒီးမၤသ့ၣ်ဖးအခိၣ်သၣ်ဃံန့ၣ်လီၤ.
54 ဒီးအဝဲဒၣ်ကိးနၢ့်ချ့သဒံးပှၤဖိၣ်သၣ်ခွါလၢအစိာ်အစု ကဝဲၤဒီးစံးဘၣ်အီၤ, ဘီၣ်ထီၣ်နနး, ဒီးမၤသံယၤ, ဒ် သိးပှၤအသုတစံးလၢယဂ့ၢ် လၢပိာ်မုၣ်တဂၤမၤသံအီၤ န့ၣ်တဂ့ၤ, ဒီးအပှၤဖိၣ်သၣ်ခွါန့ၣ်ဆဲးဖျိအီၤ, ဒီးသံဝဲလီၤ.
55 ဒီးအံၣ်စရ့လးအပှၤကညီ ထံၣ်ဘၣ်ဝဲလၢ စီၤအ ဘံၤမ့လ့းသံလံ, ဒီးက့ၤက့ၤဝဲတဂၤဆူအလီၢ်ဒၣ်ဝဲ, တ ဂၤဆူအလီၢ်ဒၣ်ဝဲစုာ်စုာ်လီၤ. 56 ဒီးယွၤဟ့ၣ်ကၣ်စီၤအဘံၤမ့လ့းလၢ အတၢ်အၢလၢအမၤအပၢ်, လၢအမၤသံအဒီပုၢ်ဝဲၢ်နွံဆံအဃိန့ၣ်လီၤ.
57 ဒီးၡက့ၣ်အပှၤကညီအတၢ်အၢခဲလၢာ်န့ၣ် ယွၤဟ့ၣ်ကၣ် အီၤလၢအခိၣ်, ဒီးစီၤယရူဘဧၤလးအဖိခွါ စီၤယိၤသၣ် အတၢ်ဆိၣ်အၢန့ၣ်ဘၣ်အီၤလီၤ.
10၁၀
1 ဒီးလၢစီၤအဘံၤမ့လ့း အလီၢ်ခံန့ၣ် ပှၤယံးစၣ်ကၢ် ဖိစီၤဒိဒိၤအဖိခွါ, စီၤပူအၤအဖိခွါ, စီၤတိလၤတဂၤဂဲၤ ဆၢထၢၣ် ဒ်သိးအကအုၣ်က့ၤခီၣ်က့ၤအံၣ်စရ့လး, ဒီး အိၣ်ဝဲဆိးဝဲလၢၡၤမံၢ်လၢကစၢၢ်အ့ဖရဲၣ်အလိၤလီၤ. 2 ဒီး စံၣ်ညီၣ်အံၣ်စရ့လးခံဆံသၢနံၣ်, ဒီးသံဝဲ, ဒီးပှၤခူၣ်လီၤ ကွံာ်အီၤလၢၡၤမံၢ်အပူၤလီၤ. 3 ဒီး အဝဲဒၣ်အလီၢ်ခံန့ၣ် ပှၤကံးလဧးဖိ စီၤယၤအံၢ်ဂဲၤဆၢထၢၣ်, ဒီးစံၣ်ညီၣ်အံၣ်စရ့လးခံဆံခံနံၣ်လီၤ.―
4 ဒီးအိၣ်ဝဲဒီးအဖိခွါသၢဆံလၢ အဒိးကသ့ၣ်ယီၤဖိ, ဒီးအဝဲသ့ၣ်အိၣ်ဝဲဒီးဝ့ၢ်သၢဆံလၢပှၤကိးဝဲလၢ ဃၤပိးယၤအံၢ်တုၤ မုၢ်မဆါတနံၤအံၤလၢအအိၣ်လၢကီၢ်ကံးလဧးအပူၤလီၤ.― 5 ဒီးစီၤယၤအံၢ်သံဝဲ, ဒီးပှၤခူၣ်လီၤကွံာ်အီၤလၢ ကၤမိၣ်အပူၤလီၤ.
6 ဒီးပှၤအံၣ်စရ့လးဖိမၤကဒီးတၢ်အၢလၢယွၤအမဲာ်, ဒီး မၤဘဧၤလးတဖၣ်, ဒီးဧၤၡတြိး, ဒီးပှၤစူၤရံဖိအကစၢ် ဒီးစဒိၣ်အကစၢ်, ဒီးမိၤအးအကစၢ်, ဒီးပှၤဧၣ်မိၣ်ဖိအ ကစၢ်, ဒီးပှၤဖလ့ၡသးဖိ အကစၢ်သ့ၣ်တဖၣ်အတၢ်, ဒီးလဲၤသဒၣ်ယွၤ, ဒီးတမၤဘၣ်အတၢ်ဘၣ်.
7 ဒီးယွၤအသးထီၣ်ကဲၤထီၣ်ဘၣ် အံၣ်စရ့လးဒီး ဆါ ကွံာ်အီၤလၢပှၤဖလ့ၡသးဖိအစုပူၤ, ဒီးပှၤဧၣ်မိၣ်ဖိအစု ပူၤလီၤ.
8 ဒီးတၢ်လၢနံၣ်တနံၣ်န့ၣ် မၤကိၢ်မၤဂီၤတ့ၢ်ပှၤအံၣ်စရ့ လးဖိပှဲၤထီၣ်တဆံဃိးနံၣ်, ကယဲၢ်ပှၤအံၣ်စရ့လးဖိအိၣ် ဝဲလၢယၢ်ဒ့ၣ်ဝၢ်ဘးခီ, လၢပှၤအမိၢ်ဖိအကီၢ်ပူၤ လၢအ မ့ၢ်ကံးလဧးလီၤ.
9 ဒီးပှၤဧၣ်မိၣ်ဖိ ခီဂာ်ယၢ်ဒ့ၣ်ဒ်သိး အကဒုးစ့ၢ်ကီး တၢ်ဒီးယူဒၤ, ဒီးဘံၣ်ယၤမံၣ်, ဒီးအ့ဖရဲၣ်အပှၤဟံၣ်ဖိ လီၤ. ဒီးအံၣ်စရ့လးဘၣ်တၢ်ကိၢ်တၢ်ဂီၤဒိၣ်မးလီၤ.
10 ဒီးပှၤအံၣ်စရ့လးဖိ ကိးထီၣ်ယွၤ ဒီးစံးဝဲဒၣ်, ပမၤ ကမၣ်ဘၣ်လံနၤလံ, အဂ့ၢ်ဒ်အံၤ, ပလဲၤသဒၣ်ပကစၢ် ဒီးပမၤဘဧၤလးတဖၣ်အတၢ်လီၤ.
11 ဒီးယွၤစံးဘၣ်ပှၤအံၣ်စရ့လးဖိ, ယမၤပူၤမၤဖျဲးသုဒီး ပှၤအဲၤကူပတူးဖိ, ဒီးပှၤအမိၢ်ဖိ, ဒီးပှၤဧၣ်မိၣ်ဖိ, ဒီး ပှၤဖလ့ၡသးဖိတမ့ၢ်ဘၣ်ဧါ. 12 ဒီးပှၤစံဒိၣ်ဖိ, ဒီးပှၤဧ မၤလ့းဖိ, ဒီးပှၤမၤဧိၣ်ဖိသ့ၣ်တဖၣ်န့ၣ်မၤအၢမၤသီသု, ဒီးသုကိးထီၣ်ယၤ, ဒီးယအုၣ်က့ၤခီၣ်က့ၤသုလၢအစု ပူၤလီၤ. 13 ဘၣ်ဆၣ်ဒီးသုလဲၤသဒၣ်လံယၤလံ. ဒီးသု မၤကစၢ်အဂၤတဖၣ်အတၢ်လီၤ. မၤသးဒ်န့ၣ်ဒီးယတ အုၣ်က့ၤခီၣ်က့ၤလၢၤဘၣ်သုဘၣ်. 14 လဲၤကိးကစၢ်တ ဖၣ်လၢ သုဃုထၢအီၤတက့ၢ်. တုၤသုဘၣ်တၢ်ကိၢ် တၢ်ဂီၤန့ၣ်ဒီး, မ်အအုၣ်က့ၤခီၣ်က့ၤသုတက့ၢ်.
15 ဒီးပှၤအံၣ်စရ့လးဖိ စံးဘၣ်ယွၤ, ပမၤကမၣ်လံတၢ် လံ, မၤပှၤဒ်ကယဲၢ်တၢ်လၢအဂ့ၤလၢနမဲာ်ခဲလၢာ်အသိး န့ၣ်တက့ၢ်. ထဲမၤပူၤမၤဖျဲးလၢ်ပှၤလၢ မုၢ်မဆါတနံၤ အံၤတက့ၢ်. 16 ဒီးအဝဲသ့ၣ်သုးကွံာ်တခီဘီမုၢ်ဖိအကစၢ် တဖၣ်လၢအကျါ, ဒီးမၤယွၤအတၢ်, ဒီးယွၤအသးကိၢ် ထီၣ်လၢအံၣ်စရ့လးအတၢ်နးတၢ်ဖှီၣ်အဃိလီၤ.
17 ဒီးပှၤဧၣ်မိၣ်ဖိအိၣ်ဖှိၣ်ရိဖှိၣ်, ဒီးသူၣ်ဒဲလၢကံးလဧး အပူၤလီၤ. ဒီးပှၤအံၣ်စရ့လးဖိအိၣ်ဖှိၣ်ရိဖှိၣ်, ဒီးသူၣ်ဒဲ လၢမံးစပၤအပူၤလီၤ.
18 ဒီးပှၤဂီၢ်မုၢ်, ဒီးပဒိၣ်ဖးဒိၣ်တဖၣ်စံးလိာ်အသးတဂၤ ဒီးတဂၤပှၤလၢအကဒုးသုးဆိဒီး ပှၤဧၣ်မိၣ်ဖိန့ၣ်မ့ၢ်မတၤ တဂၤလဲၣ်, ကကဲထီၣ်ပှၤကံးလဧးဖိခဲလၢာ်အခိၣ်လီၤ.
11၁၁
1 ဒီးပှၤကံးလဧးဖိ စီၤယံးဖသၤမ့ၢ်ပှၤသုးဖိ, ပှၤအဆူၣ် တဂၤ, ဒီးမ့ၢ်ပှၤဃဲသဲမုၣ်အဖိခွါ, ဒီးစီၤကံးလဧးထီၣ်ဖိ စီၤယံးဖသၤလီၤ.
2 ဒီးစီၤကံးလဧးအမါ ဆံးစၢ်န့ၢ်အီၤလၢအဖိခွါတဖၣ် ဒီးအမါအဖိခွါတဖၣ်န့ၣ်ဒိၣ်ထီၣ်, ဒီးဟီထီၣ်ကွံာ် စီၤ ယံးဖသၤ, ဒီးစံးဘၣ်အီၤ, နတဘၣ်န့ၢ်သါဘၣ်တၢ် လၢပပၢ်အဟံၣ်ပူၤဘၣ်. အဂ့ၢ်ဒ်အံၤ, နမ့ၢ်ပိာ်မုၣ်အဂၤ တဂၤအဖိခွါလီၤ.
3 ဒီးစီၤယံးဖသၤဃ့ၢ်တၢ်လၢအဒီပုၢ်ဝဲၢ်အအိၣ်, ဒီးအိၣ် ဝဲဆိးဝဲလၢကီၢ်တိာ်အပူၤ, ဒီးပှၤကလီကလီအိၣ်ဖှိၣ်ရိ ဖှိၣ်လၢစီၤယံးဖသၤအအိၣ်, ဒီးလဲၤတၢ်ဒီးအီၤလီၤ.
4 ဒီးတၢ်မၤအသးလၢ မုၢ်နံၤတဖၣ်အကျါန့ၣ် ပှၤဧၣ် မိၣ်ဖိဒုးတၢ်ဒီးအံၣ်စရ့လးလီၤ. 5 ဒီးတုၤပှၤဧၣ်မိၣ်ဖိဒုး တၢ်ဒီးအံၣ်စရ့လးဒီး, တၢ်မၤအသးလၢကံးလဧးအ သူၣ်က့သးပှၢ်လဲၤဝဲ ဒ်သိးအကဟဲစိာ်စီၤယံးဖသၤလၢ ကီၢ်တိာ်အပူၤန့ၣ်လီၤ. 6 ဒီးစံးဘၣ်စီၤယံးဖသၤ, ဟဲက့ၤ ဒီးကဲထီၣ်ပခိၣ်ဒ်သိးပကဒုးတၢ်ဒီးပှၤဧၣ်မိၣ်ဖိတက့ၢ်.
7 ဒီးစီၤယံးဖသၤ စံးဘၣ်ကံးလဧးအပှၤသူၣ်က့သးပှၢ် သုသးဟ့ယၤ, ဒီးဟီထီၣ်ကွံာ်ယၤလၢယပၢ်အဟံၣ်ပူၤ န့ၣ်တမ့ၢ်ဘၣ်ဧါ. ဒီးတုၤသုဘၣ်တၢ်ကိၢ်တၢ်ဂီၤခဲကနံၣ် အံၤဒီး, သုဟဲဆူယအိၣ်ဘၣ်မနုၤလဲၣ်.
8 ဒီးကံးလဧးအပှၤသူၣ်က့သးပှၢ် စံးဘၣ်စီၤယံးဖသၤ ပဃၣ်ကဒါက့ၤပသးဆူ နအိၣ်ခဲကနံၣ်အံၤ, အဂ့ၢ်ဒ် အံၤ ဒ်သိးနကလဲၤတၢ်ဒီးပှၤ, ဒီးဒုးတၢ်ဒီးပှၤဧၣ်မိၣ်ဖိ, ဒီးကဲထီၣ်ပခိၣ်လၢပှၤကံးလဧးဖိခဲလၢာ်အဖီခိၣ်လီၤ.
9 ဒီးစီၤယံးဖသၤစံးဘၣ် ပှၤကံးလဧးအပှၤသူၣ်က့သး ပှၢ်, သုမ့ၢ်က့ၤစိာ်ယၤ ဒ်သိးယကဒုးတၢ်ဒီးပှၤဧၣ်မိၣ် ဖိ, ဒီးယွၤမ့ၢ်ဟ့ၣ်လီၤကွံာ်အီၤလၢ ယမဲာ်ညါဒီး, ယ ကကဲထီၣ်သုခိၣ်စ့ၢ်ကီးဧါ.
10 ဒီးကံးလဧးအပှၤသူၣ်က့သးပှၢ် စံးဘၣ်စီၤယံးဖသၤ, ပမ့ၢ်တမၤဘၣ် ဒ်နကလုၢ်အသိးဘၣ်ဒီး, မ်ယွၤကဲ ထီၣ်တၢ်အုၣ်အသးလၢပဘၢၣ်စၢၤတက့ၢ်.
11 ဒီးစီၤယံးဖသၤလဲၤဝဲဒီး ကံးလဧးအပှၤသူၣ်က့သးပှၢ်, ဒီးပှၤဂီၢ်မုၢ်ပာ်အီၤလၢအခိၣ်, ဒီးပဒိၣ်ဖးဒိၣ်လၢအဖီ ခိၣ်လီၤ. ဒီးစီၤယံးဖသၤ ကတိၤအတၢ်ကတိၤခဲလၢာ် လၢယွၤအမဲာ်ညါလၢမံးစပၤန့ၣ်လီၤ.
12 ဒီးစီၤယံးဖသၤမၢကလူးတဖၣ်လဲၤဝဲဆူ ပှၤဧၣ်မိၣ်ဖိ အစီၤပၤအအိၣ်, ဒီးစံးဝဲ, လၢနဟဲထီဒါယၤဒ်သိးန ကဒုးတၢ်လၢယကီၢ်ပူၤဒီး, မ့ၢ်နဘၣ်ဃးဒီးယၤဒ်လဲၣ်.
13 ဒီးပှၤဧၣ်မိၣ်ဖိ အစီၤပၤစံးဆၢစီၤယံးဖသၤအကလူး တဖၣ်, အဂ့ၢ်ဒ်အံၤ, လၢအံၣ်စရ့လးဟဲထီၣ်လၢအဲၤ ကူပတူးအပူၤန့ၣ် အဝဲသ့ၣ်ဟံးန့ၢ်ယထံယကီၢ်လၢအၢ် နိၣ်ပၢၢ်လၢယးဘိး, ဒီးပၢၢ်လၢယၢ်ဒ့ၣ်လီၤ. ဒီးခဲက နံၣ်အံၤ, ဟ့ၣ်က့ၤတၢ်န့ၣ်တဖၣ်မုာ်မုာ်တက့ၢ်.
14 ဒီးစီၤယံးဖသၤ မၢကဒီးကလူးတဖၣ်လဲၤဆူပှၤဧၣ်မိၣ် ဖိအစီၤပၤအအိၣ်, 15 ဒီးစံးဘၣ်အီၤ, စီၤယံးဖသၤစံးဒ် အံၤ, အံၣ်စရ့လးတဟံးန့ၢ်ဘၣ် မိၤအးအကီၢ်, ဒီး ပှၤဧၣ်မိၣ်ဖိအကီၢ်ဘၣ်. 16 မ့မ့ၢ်လၢ အံၣ်စရ့လးဟဲ ထီၣ်လၢအဲၤကူပတူး, ဒီးလဲၤခီဂာ်ပှၢ်မုၢ်ကနၢပၢၢ်လၢ ပီၣ်လဲၣ်ဂီၤ, ဒီးလဲၤတုၤလၢကၤဒ့ၣ်န့ၣ်, 17 အံၣ်စရ့လး မၢကလူးတဖၣ်လဲၤဆူအဒိၣ်အစီၤပၤအအိၣ်, ဒီးစံးဝဲ ဒၣ်, ဒုးလဲၤခီဂာ်ယၤလၢနကီၢ်ပူၤတက့ၢ်. ဘၣ်ဆၣ်ဒီး အဒိၣ်အစီၤပၤတကနၣ်ဘၣ်တၢ်ဘၣ်. ဒီးမၢတၢ်စ့ၢ်ကီး ဆူမိၤအးအစီၤပၤလီၤ. ဘၣ်ဆၣ်ဒီးအသးတအိၣ်ဘၣ်, ဒီးအံၣ်စရ့လးအိၣ်ဝဲလၢကၤဒ့ၣ်အပူၤလီၤ.
18 ဒီးလဲၤတၢ်လၢပှၢ်မုၢ်ကနၢ, ဒီးတရံးကီၢ်အဒိၣ်, ဒီး ကီၢ်မိၤအး, ဒီးဟဲလၢကီၢ်မိၤအးအဃၢၤလၢမုၢ်ထီၣ်တ ခီ, ဒီးသူၣ်ဒဲလၢအၢ်နိၣ်ဝၢ်ဘးခီလီၤ. ဘၣ်ဆၣ်ဒီးတ လဲၤဘၣ်လၢမိၤအးအဃၢၤအပူၤဘၣ်. အဂ့ၢ်ဒ်အံၤ, အၢ် နိၣ်မ့ၢ်မိၤအးအဃၢၤလီၤ. 19 ဒီးအံၣ်စရ့လးမၢပှၤကလူး တဖၣ်လဲၤဆူ ပှၤအမိၢ်ဖိအစီၤပၤစံဃိၣ်, ဃ့ၡဘိၣ်အ စီၤပၤ, ဒီးအံၣ်စရ့လးစံးဘၣ်အီၤ, ဒုးခီဂာ်လၢ်ပှၤလၢ နကီၢ်ပူၤဆူပလီၢ်တက့ၢ်. 20 ဒီးစီၤစံဃိၣ်တနာ်ဘၣ်အံၣ်စရ့လးအကလုၢ်ဒ်သိးအကခီဂာ်အထံအကီၢ်ဘၣ်. ဒီးစီၤစံဃိၣ်ဒုးအိၣ်ဖှိၣ်ရိဖှိၣ်အပှၤဂီၢ်မုၢ်, ဒီးသူၣ်ဒဲလၢယါစၤ, ဒီးဒုးတၢ်ဒီးအံၣ်စရ့ လးလီၤ. 21 ဒီးအံၣ်စရ့လးအကစၢ် ဟ့ၣ်လီၤကွံာ်စီၤစံ ဃိၣ်, ဒီးအပှၤဂီၢ်မုၢ်လၢအံၣ်စရ့လးအစုပူၤ, ဒီးအဝဲ သ့ၣ်ကျီကွံာ်အီၤလီၤ. ဒီးအံၣ်စရ့လးမၤန့ၢ် ပှၤအမိၢ်ဖိ, ပှၤကီၢ်ဖိအကီၢ်ဒီဘ့ၣ်ညါလီၤ. 22 ဒီးမၤန့ၢ်ပှၤအမိၢ်ဖိအ ကီၢ်ဃၢၤခဲလၢာ်လၢအၢ်နိၣ်ပၢၢ်လၢယးဘိး, ဒီးလၢပှၢ် မုၢ်ကနၢန့ၣ် ပၢၢ်လၢယၢ်ဒ့ၣ်လီၤ.
23 ဒီးခဲကနံၣ်အံၤ ယွၤအံၣ်စရ့လးအကစၢ်ဟီထီၣ်ကွံာ် ပှၤအမိၢ်ဖိလၢအပှၤဂီၢ်မုၢ်အမဲာ်ညါ, ဒီးနကမၤန့ၢ်အီၤ စ့ၢ်ကီးဧါ, 24 နကမၤန့ၢ်တၢ်လၢ နကစၢ် ကမိၣ်ဟ့ၣ်န မၤန့ၢ်အီၤ, တမ့ၢ်ဘၣ်ဧါ, ဒီးကယဲၢ်ပှၤလၢယွၤပကစၢ် ကဟီထီၣ်ကွံာ်လၢပမဲာ်ညါန့ၣ်ပကမၤန့ၢ်အီၤလီၤ. 25 ဒီး ခဲကနံၣ်အံၤမ့ၢ်နဂ့ၤန့ၢ် မိၤအးအစီၤပၤ စီၤစံးပိၢ်အဖိခွါ စီၤဘၤလးန့ၣ်တက့ၢ်ဧါ. မ့ၢ်အဝဲဒၣ်ဂ့ၢ်လိာ်ဘှီလိာ်ဒီး အံၣ်စရ့လးတဘျီဘျီဧါ. မ့ၢ်အဝဲဒၣ်ဒုးတၢ်ဒီးအီၤတဘျီ ဘျီဧါ. 26 လၢအံၣ်စရ့လးအိၣ်ဝဲဆိးဝဲလၢဃ့ၡဘိၣ်ဒီးအ တဝီတဖၣ်အပူၤ, ဒီးလၢဧရိၤဧ့ၢ်အပူၤ, ဒီးလၢကယဲၢ် ဝ့ၢ်တဖၣ် လၢအအိၣ်ဝဲလၢအၢ်နိၣ်အနံၤအပူၤအနံၣ်သၢ ကယၤအဖၢမုၢ်န့ၣ် သုတမၤန့ၢ်က့ၤဘၣ်အီၤလၢအက တီၢ်ဖဲန့ၣ်ဘၣ်မနုၤလဲၣ်.― 27 ဒီးယဲဒၣ်အံၤယတမၤကမၣ် ဘၣ်နၤဘၣ်. မ့မ့ၢ်နဒုးသုးဒီးယၤအံၤ နမၤအၢယၤလီၤ. မ်ယွၤ, တၢ်စံၣ်ညီၣ်ကွီၢ် တဂၤ, စံၣ်ညီၣ်တၢ်လၢမုၢ်မဆါ တနံၤအံၤ လၢပှၤအံၣ်စရ့လးဖိဒီးပှၤဧၣ်မိၣ်ဖိအဘၢၣ်စၢၤ န့ၣ်တက့ၢ်.
28 ဘၣ်ဆၣ် ပှၤဧၣ်မိၣ်ဖိအစီၤပၤတကနၣ်ဘၣ်စီၤယံးဖ သၤအတၢ်ကတိၤလၢအဟ့ၣ်ယုၢ်အီၤန့ၣ်ဘၣ်.
29 ဒီးယွၤအသးဟဲလီၤလၢ စီၤယံးဖသၤအလိၤ, ဒီးအ ဝဲဒၣ်ခီဂာ်ကံးလဧး, ဒီးမနၤရှ့ၤ, ဒီးခီဂာ်မံးစပၤဘၣ် ဃးဒီးကံးလဧး, ဒီးလၢမံးစပၤဘၣ်ဃးဒီးကံးလဧးန့ၣ် ခီဂာ်တၢ်ဆူပှၤဧၣ်မိၣ်ဖိအအိၣ်လီၤ. 30 ဒီးစီၤယံးဖသၤဆိၣ်တၢ်ဒီးယွၤ, ဒီးစံးဝဲဒၣ်, နမ့ၢ် ဟ့ၣ်လီၤပှၤဧၣ်မိၣ်ဖိလၢ ယစုပူၤသပှၢ်တၢၢ်ဒီး, 31 တုၤ ယဟဲကဒါက့ၤမုာ်မုာ် လၢပှၤဧၣ်မိၣ်ဖိအအိၣ်ဒီး, တၢ် ကမၤအသးလၢ ဖဲဒၣ်တၢ်ဟဲသဂၢၢ်ထီၣ်ယၤလၢယဟံၣ် အတြဲၤန့ၣ် ကကဲထီၣ်ယွၤအတၢ်သပှၢ်တၢၢ်, ဒီးယက လုၢ်အီၤလၢတၢ်လုၢ်မ့ၣ်အူလီၤ. 32 ဒီးစီၤယံးဖသၤ ခီဂာ်တၢ်ဆူပှၤဧၣ်မိၣ်ဖိ အအိၣ်ဒ်သိးအကဒုးတၢ်ဒီးအီၤ, ဒီးယွၤဟ့ၣ်လီၤကွံာ်အီၤလၢအ စုပူၤလီၤ. 33 ဒီးအဝဲဒၣ်ကျီကွံာ်အီၤလၢဧရိၤဧ့ၢ်ပၢၢ်လၢန လဲၤနုာ်လၢမံးနံး, ဝ့ၢ်ခံဆံ, ဒီးပၢၢ်လၢစပံးအလီၢ်တ ဖၣ်အတၢ်ပျီပူၤ, တၢ်မၤသံဖးဒိၣ်လီၤ. ဒီးပှၤဧၣ်မိၣ်ဖိ ဃၣ်ဝဲလၢပှၤအံၣ်စရ့လးဖိအမဲာ်ညါလီၤ.
34 ဒီးစီၤယံးဖသၤ က့ၤက့ၤတုၤလၢမံးစပၤဆူအဟံၣ်, ဒီး ကွၢ်ကွၢ် အဖိမုၣ်တဂၤဟဲထီၣ်သဂၢၢ်အီၤဒီးဒၢ ဒီးတၢ် ဂဲၤကလံၣ်လီၤ. ဒီးအဝဲဒၣ်မ့ၢ်အဖိတဂၤဃီလီၤ. လၢ အဝဲဒၣ်အမဲာ်ညါန့ၣ် ဖိမုၣ်မ့ၢ်ဂ့ၤ, ဖိခွါမ့ၢ်ဂ့ၤ, တအိၣ် ဘၣ်ဝဲဘၣ်.
35 ဒီးတုၤအထံၣ်ဘၣ်အီၤဒီး, တၢ်မၤအသးလၢ အဖှီအ ဆ့, ဒီးစံးဝဲဒၣ်, အၣ်လါ, ယဖိမုၣ်ဧၢ, နဆီၣ်လီၤယၤ နးမးလီၤ. နကဲထီၣ်ပှၤမၤကိၢ်မၤဂီၤယၤတဂၤလီၤ. အ ဂ့ၢ်ဒ်အံၤ, ယအဲးထီၣ်ယထးခိၣ်လၢယွၤအမဲာ်ညါ, ဒီး ယက့ၤကဒါက့ၤတသ့ဘၣ်. 36 ဒီးအဝဲဒၣ်စံးဘၣ်အီၤ, ယပၢ်ဧၢ, နမ့ၢ်အဲးထီၣ်နထးခိၣ်လၢယွၤအမဲာ်ညါဒီး မၤတၢ်ဒ်တၢ်ထီၣ်ဖျဲးလၢနထးခိၣ်န့ၣ်တက့ၢ်. အဂ့ၢ်ဒ်အံၤ, ယွၤမၤဆၢနဒုၣ်န ဒါ, ပှၤဧၣ်မိၣ်ဖိလၢနဂီၢ်လီၤ. ဒီးစံးဘၣ်အပၢ်, မ်တၢ်တမံၤအံၤမၤ အသးလၢယဂီၢ်, မ်ယအိၣ်ဒၣ်ယတၢ်ခံလါ, ဒ်သိးယ ကဟးဝ့ၤဝီၤလၢကစၢၢ်ကလိ, ဒီးဟီၣ်လၢယမုၣ်လိၣ်ဘိ အလီၢ်အဃိ, ယဲဒၣ်ဒီးယတံၤယသကိးတက့ၢ်.
38 ဒီးစံးဝဲဒၣ်, လဲၤတက့ၢ်, ဒီးပျၢ်အီၤခံလါ, ဒီးလဲၤဝဲ ဒီးအတံၤအသကိး, ဒီးဟီၣ်ဝဲလၢ အမုၣ်လိၣ်ဘိအ လီၢ်အဃိလၢကစၢၢ်ကလိန့ၣ်လီၤ.
39 ဒီးလၢခံလါအကတၢၢ်န့ၣ် တၢ်မၤအသးလၢအဟဲ က့ၤကဒါက့ၤဆူ အပၢ်အအိၣ်လၢအမၤအီၤ ဒ်အတၢ် ဆိၣ်လၢအဆိၣ်ဝဲအသိးန့ၣ်, ဒီးအဝဲဒၣ် တသ့ၣ်ညါ ဘၣ်ပိာ်ခွါဘၣ်. ဒီးကဲထီၣ်ဝဲလၢတၢ်အလုၢ်အလၢ်လၢ အံၣ်စရ့လးအပူၤ, 40 လၢတနံၣ်ဘၣ်တနံၣ်, တနံၣ်ဘၣ် တနံၣ်, ပှၤအံၣ်စရ့လးအဖိဖိမုၣ်တဖၣ် လဲၤစံၣ်ဃဲၤတၢ် လၢပှၤကံးလဧးဖိစီၤယံးဖသၤအဖိမုၣ်အဂ့ၢ်, တနံၣ်အ တီၢ်ပူၤန့ၣ်လွံၢ်နံၤလီၤ.
12၁၂
1 ဒီးပှၤအ့ဖရဲၣ်ဖိအိၣ်ဖှိၣ်ရိဖှိၣ်, ဒီးလဲၤဆူကလံၤစိးတ ခီ, ဒီးစံးဘၣ်စီၤယံးဖသၤ, နလဲၤခီဂာ်ဒုးတၢ်ဒီးပှၤဧၣ် မိၣ်ဖိ, ဒီးတကိးဘၣ်ပှၤ, ဒ်သိးပကလဲၤတၢ်ဒီးနၤန့ၣ် မ့ၢ်အဘၣ်မနုၤလဲၣ်. ပကဆူးထီၣ်ကွံာ်နဟံၣ်လၢမ့ၣ် အူလၢနဖီခိၣ်လီၤ.
2 ဒီးစီၤယံးဖသၤစံးဘၣ်အီၤ, ယဲဒၣ်ဒီး ယပှၤဂီၢ်မုၢ် အ့ၣ်လိာ်ပသးဒီးပှၤဧၣ်မိၣ်ဖိနးမးလီၤ. ဒီးလၢယကိး သုန့ၣ်သုတအုၣ်က့ၤခီၣ်က့ၤယၤလၢအစုပူၤဘၣ်.
3 ဒီးတုၤယထံၣ်လၢ သုတအုၣ်က့ၤခီၣ်က့ၤယၤလၢအ စုပူၤဘၣ်ဒီး, ယပာ်လီၤယသးသမူလၢ ယစုပူၤဒီးယခီ ဂာ်ထီဒါပှၤဧၣ်မိၣ်ဖိ, ဒီးယွၤဟ့ၣ်လီၤအီၤလၢယစုပူၤ လီၤ. ဒီးသုဟဲဒ်သိးသုကဒုးတၢ် ဒီးယၤလၢမုၢ်မဆါတ နံၤအံၤဘၣ်မနုၤလဲၣ်.
4 ဒီးစီၤယံးဖသၤဒုးအိၣ်ဖှိၣ်ရိဖှိၣ် ကံးလဧးအပှၤကညီခဲ လၢာ်, ဒီးဒုးတၢ်ဒီးအ့ဖရဲၣ်, ဒီးပှၤကံးလဧးအပှၤက ညီကျီကွံာ်အ့ဖရဲၣ်လီၤ. အဂ့ၢ်ဒ်အံၤ, စံးဝဲဒၣ်, သုဝဲ ပှၤကံးလဧးဖိမ့ၢ်ပှၤဃ့ၢ်ပူၤဖျဲးလၢ အ့ဖရဲၣ်လၢအ့ဖရဲၣ် အဘၢၣ်စၢၤဒီးမနၤရှ့ၤအဘၢၣ်စၢၤလီၤ.
5 ဒီးပှၤကံးလဧးဖိ မၤန့ၢ်ဆိ ကျဲခီဂာ်ယၢ်ဒ့ၣ်တဖၣ် လၢပှၤအ့ဖရဲၣ်ဖိအမဲာ်ညါလီၤ. ဒီးတုၤပှၤအ့ဖရဲၣ်ဖိလၢ အပူၤဖျဲးတၢ်စံးဝဲ ဒုးခီဂာ်ယၤတက့ၢ်န့ၣ်ဒီး, တၢ်မၤ အသးလၢကံးလဧးအပှၤကညီစံးဘၣ်အီၤ, နမ့ၢ်ပှၤအ့ ဖရဲၣ်ဖိစ့ၢ်ကီးဧါ. မ့ၢ်စံးဝဲတမ့ၢ်ဘၣ်န့ၣ်ဒီး, 6 အဝဲသ့ၣ် စံးဘၣ်အီၤ, စံးလၢ်ၡံးဘိၤလ့းန့ၣ်တက့ၢ်. ဒီးအဝဲဒၣ် စံးလၢစံးဘိၤလ့းလီၤ. ဒီးတကတဲာ်ကတီၤဘၣ်ဒ်သိး အကတိၤတၢ်ကျါဘၣ်. ဒီးအဝဲသ့ၣ်ဟံးဃာ်အီၤ, ဒီးမၤ သံအီၤဖဲ ကျဲခီဂာ်ယၢ်ဒ့ၣ်အပူၤလီၤ. ဒီးအကတီၢ်ဖဲ န့ၣ် ပှၤအ့ဖရဲၣ်ဖိလီၤဃံၤဝဲလွံၢ်ကလးခံကထိလီၤ.
7 ဒီးစီၤယံးဖသၤစံၣ်ညီၣ်အံၣ်စရ့လးဃုနံၣ်လီၤ. ဒီးပှၤ ကံးလဧးဖိ စီၤယံးဖသၤသံဝဲ, ဒီးပှၤခူၣ်လီၤကွံာ်အီၤ လၢ ကံးလဧၤအဝ့ၢ်တဖျၢၣ်အပူၤလီၤ.
8 ဒီးအဝဲဒၣ် အလီၢ်ခံန့ၣ် စီၤအံးဘစၣ်လၢ ဘ့ၤသ လ့ဃ့ၣ်န့ၣ်စံၣ်ညီၣ်အံၣ်စရ့လးလီၤ. 9 ဒီးအိၣ်ဝဲဒီးအဖိ ခွါသၢဆံ, ဒီးအဖိမုၣ်သၢဆံလၢ အဟံၣ်ဆူခိဒီးတူၢ် လိာ်ဖိမုၣ်သၢဆံလၢခိလၢအဖိခွါအဂီၢ်, ဒီးစံၣ်ညီၣ် အံၣ်စရ့လးနွံနံၣ်လီၤ. 10 ဒီးစီၤအံးဘစၣ်သံဝဲ, ဒီးပှၤခူၣ် လီၤကွံာ်အီၤလၢဘ့ၤသဃ့ဃ့ၣ်အပူၤလီၤ.
11 ဒီးအဝဲဒၣ်အလီၢ်ခံန့ၣ် ပှၤစဘူလိၣ်ဖိ စီၤအ့လိၣ်စံၣ် ညီၣ်အံၣ်စရ့လး, ဒီးစံၣ်ညီၣ်အံၣ်စရ့လး ဆံဆဲၣ်နံၣ် လီၤ. 12 ဒီးပှၤစဘူလိၣ်ဖိစီၤအ့လိၣ်သံဝဲ, ဒီးပှၤခူၣ်လီၤကွံာ် အီၤလၢ အးယၤလိၣ်အပူၤလၢစဘူလိၣ်အကီၢ်ပူၤ န့ၣ် လီၤ. 13 ဒီးအဝဲဒၣ် အလီၢ်ခံန့ၣ် ပှၤပံးရၤသိၣ်ဖိ စီၤဟံးလ့ လးအဖိခွါစီၤဧၤဘဒိၣ်စံၣ်ညီၣ်အံၣ်စရ့လးလီၤ. 14 ဒီးအဝဲဒၣ်အိၣ်ဒီးအဖိခွါလွံၢ်ဆံဒီး အလံၤသၢဆံလၢအဒိးကသ့ၣ်ယီၤဖိနွံဆံလီၤ. ဒီးစံၣ်ညီၣ်အံၣ်စရ့လးဃိးနံၣ်လီၤ.― 15 ဒီး ပှၤပံးရၤသိၣ်ဖိစီၤဟံးလ့လးအဖိခွါ စီၤဧၤဘဒိၣ်န့ၣ် သံ ဝဲ, ဒီးပှၤခူၣ်လီၤကွံာ်အီၤလၢ ပံးရၤသိၣ်လၢအ့ဖရဲၣ်အ ကီၢ်ပူၤ, လၢပှၤဧမၤလ့းဖိအကစၢၢ်လိၤလီၤ.
13၁၃
1 ဒီးပှၤအံၣ်စရ့လးဖိမၤကဒီးတၢ်အၢလၢယွၤအမဲာ်, ဒီး ယွၤဟ့ၣ်လီၤကွံာ်အီၤဆူ ပှၤဖလ့ၡသးဖိအစုပူၤ, အနံၣ် လွံၢ်ဆံလီၤ.
2 ဒီးပှၤလၢစိးရၤအိၣ်ဝဲတဂၤလၢပှၤဒၣ်ဖိအဒူၣ်ကျါ, ဒီး အမံၤမ့ၢ်စီၤမၤနိ, ဒီးအမါန့ၣ်မ့ၢ်ပှၤတူာ်ဖိ, ဒီးအဖိတ အိၣ်ဘၣ်.
3 ဒီးယွၤအကလူးလီၣ်ဖျါထီၣ်အသးလၢ ပိာ်မုၣ်န့ၣ် အမဲာ်ညါ, ဒီးစံးဘၣ်အီၤ, ကွၢ်ကွၢ်, ခဲကနံၣ်အံၤန မ့ၢ်ပှၤတူာ်ဖိ, ဒီးတဆံးစၢ်ဘၣ်တၢ်ဘၣ်. ဘၣ်ဆၣ်ဒီး နကဒၢထီၣ်, ဒီးနကဆံးစၢ်န့ၢ်နဖိပိာ်ခွါလီၤ. 4 ဒီးခဲက နံၣ်အံၤ ပလီၢ်နသးတက့ၢ်. ဒီးစပံးထံမ့ၢ်ဂ့ၤ, သံးဧိၤမ့ၤ ဧိၤမ့ၢ်ဂ့ၤ, အီတဂ့ၤ, ဒီးအီၣ်တၢ်တကဆှီဘၣ်နီတမံၤ တဂ့ၤ. 5 အဂ့ၢ်ဒ်အံၤ, ကွၢ်ကွၢ်, နကဒၢထီၣ်, ဒီးနက ဆံးစၢ်န့ၢ်နဖိပိာ်ခွါ, ဒီးဒီလူၤတဘၣ်ဘၣ်အခိၣ်ဘၣ်. အဂ့ၢ်ဒ်အံၤ, လၢအမိၢ်ဒၢလီၢ်လံၤလံၤန့ၣ်, ဖိသၣ်န့ၣ် ကကဲထီၣ် ပှၤနစၤရံဖိလၢ ယွၤအဂီၢ်လီၤ. ဒီးကမၤ ပူၤမၤဖျဲးသီအံၣ်စရ့လးလၢ ပှၤဖလ့ၡသးဖိအစုပူၤလီၤ.
6 ဒီးပိာ်မုၣ်န့ၣ်ဟဲတဲဘၣ်အဝၤ, ဒီးစံးဝဲဒၣ်, ယွၤအပှၤ ကညီတဂၤဟဲဆူယအိၣ်ဒီး အမဲာ်မၤသးဒ်ယွၤအကလူး တဂၤအမဲာ်အသိးန့ၣ်, တၢ်ပျံၤအလီၢ်ဒိၣ်မးလီၤ. ဘၣ် ဆၣ် မ့ၢ်အဟဲလၢလဲၣ်လၢလဲၣ်န့ၣ် ယတသံကွၢ်အီၤ ဘၣ်. ဒီးတစံးဘၣ်ယၤလၢအမံၤဘၣ်. 7 ဒီးစံးဘၣ်ယၤ, ကွၢ်ကွၢ်, နကဒၢထီၣ်, ဒီးနကဆံးစၢ်န့ၢ်နဖိပိာ်ခွါလီၤ. ဒီးခဲကနံၣ်အံၤစပံးထံမ့ၢ်ဂ့ၤ, သံးဧိၤမ့ၤဧိၤမ့ၢ်ဂ့ၤ, အီတ ဂ့ၤ, ဒီးတၢ်တကဆှီဘၣ်န့ၣ်အီၣ်နီတမံၤတဂ့ၤ. အဂ့ၢ်ဒ် အံၤ, ဖိသၣ်န့ၣ်ကကဲထီၣ် ပှၤနစၤရံဖိလၢယွၤအဂီၢ်လၢ အမိၢ်အဒၢလီၢ်လံၤလံၤန့ၣ်တုၤမုၢ်တနံၤလၢအသံဝဲလီၤ.
8 ဒီးစီၤမၤနိဃ့ကညးယွၤ, ဒီးစံးဝဲဒၣ်, အိယကစၢ်ဧၢ, မ်ယွၤအပှၤကညီလၢနမၢလီၤတဂၤန့ၣ် ဟဲက့ၤကဒီးဆူ ပအိၣ်, ဒီးပကမၤဖိသၣ်လၢ အကအိၣ်ဖျဲၣ်တဂၤဒ် လဲၣ်ဒ်လဲၣ်န့ၣ်သိၣ်လိပှၤတက့ၢ်.
9 ဒီးယွၤကနၣ်စီၤမၤနိအကလုၢ်, ဒီးဖဲပိာ်မုၣ်န့ၣ်ဆ့ၣ် နီၤလၢပျီပူၤဒီးယွၤအကလူးဟဲကဒီးဆူအအိၣ်လီၤ. ဒီး အဝၤစီၤမၤနိတအိၣ်ဘၣ်ဒီးအီၤဘၣ်.
10 ဒီးပိာ်မုၣ်န့ၣ် မၤဝဲချ့ချ့ဒီးဃ့ၢ်ဝဲ, ဒီးဒုးနဲၣ်တၢ်လၢအ ဝၤ, ဒီးစံးဘၣ်အီၤ, ကွၢ်ကွၢ်, ပှၤကညီလၢအဟဲဆူ ယအိၣ်လၢမုၢ်တနံၤန့ၣ် လီၣ်ဖျါထီၣ်လံအသးလၢယ မဲာ်ညါလံ. 11 ဒီးစီၤမၤနိန့ၣ် ဂဲၤဆၢထၢၣ်, ဒီးပိာ်အမါအခံ, ဒီးလဲၤတုၤလၢပှၤကညီန့ၣ်အအိၣ်, ဒီးစံးဘၣ်အီၤ, နမ့ၢ်ပှၤကညီလၢအကတိၤတၢ်ဒီးပိာ်မုၣ်န့ၣ်ဧါ. ဒီးစံးဝဲဒၣ် ယၤလီၤ. 12 ဒီးစီၤမၤနိစံးဝဲဒၣ်, ခဲကနံၣ်အံၤ, နတၢ်ကတိၤကကဲထီၣ် တၢ်လီၤ. ပကစံၣ်ညီၣ်ဖိသၣ်ဒ်လဲၣ်, ဒီးပကမၤအီၤဒ်လဲၣ်.
13 ဒီးယွၤအကလူးန့ၣ်စံးဘၣ်စီၤမၤနိ, ကယဲၢ်တၢ်လၢ ယစံးဘၣ်တဲဘၣ်ပိာ်မုၣ်န့ၣ် မ်အတိၢ်န့ၢ်တက့ၢ်.― 14 တ ဘၣ်အီၣ်တၢ်ဘၣ်ဃးဒီး စပံးသၣ်နီတမံၤဘၣ်. ဒီးစပံး ထံမ့ၢ်ဂ့ၤ, သံးဧိၤမ့ၤဧိၤမ့ၢ်ဂ့ၤ, မ်အသုတအီတဂ့ၤ. ဒီးတၢ် လၢအတကဆှီဘၣ်န့ၣ် မ်အသုတအီၣ် နီတမံၤတဂ့ၤ. ကယဲၢ်တၢ်လၢယမၤလိာ်အီၤန့ၣ်မ်အတိၢ်န့ၢ်တက့ၢ်.
15 ဒီးစီၤမၤနိစံးဘၣ်ယွၤအကလူးန့ၣ်, မ်ပကဒုးအိၣ်ဒံး နၤတက့ၢ်. ဒီးပကကတဲာ်ကတီၤ မဲာ်တဲးလဲးဖိတဒု လၢနဂီၢ်လီၤ.
16 ဒီးယွၤအကလူးန့ၣ်စံးဘၣ်စီၤမၤနိ, နမ့ၢ်ဒုးအိၣ်ဒံးယၤ ဘၣ်ဆၣ်ဒီး, ယတအီၣ်ဘၣ်နကိၣ်ဘၣ်. ဒီးနမ့ၢ်လုၢ်တၢ် လုၢ်မ့ၣ်အူဒီး, နဘၣ်လုၢ်အီၤလၢယွၤလီၤ. အဂ့ၢ်ဒ်အံၤ, စီၤမၤနိတသ့ၣ်ညါဘၣ်လၢအမ့ၢ်ယွၤအကလူးဘၣ်.
17 ဒီးစီၤမၤနိစံးဘၣ်ယွၤအကလူးန့ၣ် တုၤနကတိၤတၢ် န့ၣ်ကဲထီၣ်ဝဲဒီး, ဒ်သိးပကမၤလၤကပီၤနၤဒီး, နမံၤဒ် လဲၣ်.
18 ဒီးယွၤအကလူးန့ၣ် စံးဘၣ်အီၤ, မ့ၢ်ယမံၤမ့ၢ်တၢ် လီၤလးဒီး, နဃ့ယမံၤမ့ၢ်အဘၣ်မနုၤလဲၣ်.
19 ဒီးစီၤမၤနိဟံးန့ၢ်မဲာ်တဲးလဲးဖိ, ဒီးတၢ်မၤဘူၣ်ကိၣ်, ဒီးလုၢ်အီၤလၢယွၤလၢလၢၢ်တဖျၢၣ်အလိၤ, ဒီးတၢ်လီၤ လးမၤအသး, ဒီးစီၤမၤနိဒီးအမါကွၢ်ဝဲလီၤ.
20 ဒီးတုၤမ့ၣ်အူလၣ်ထီၣ်ဝဲလၢ တၢ်လုၢ်လီၢ်ဆူမူခိၣ်ဒီး, တၢ်မၤအသးလၢယွၤအကလူးန့ၣ် လဲၤထီၣ်လၢမ့ၣ်အူ လၣ်အကျါလၢတၢ်လုၢ်လီၢ်အဖီခိၣ်, ဒီးစီၤမၤနိဒီးအမါ ကွၢ်ဝဲ, ဒီးထိၣ်လီၤပှီၤအသးလၢဟီၣ်ခိၣ်အဖီခိၣ်လီၤ.
21 ဒီးယွၤအကလူးန့ၣ် တလီၣ်ဖျါထီၣ်လၢၤဘၣ်အသး လၢစီၤမၤနိဒီးအမါအမဲာ်ညါဘၣ်. တုၤနုၤတစုစီၤမၤနိ သ့ၣ်ညါဝဲလၢအမ့ၢ်ယွၤအကလူးလီၤ.
22 ဒီးစီၤမၤနိစံးဘၣ်အမါ, ပကသံသပှၢ်တၢၢ်လီၤ. အ ဂ့ၢ်ဒ်အံၤ, ပထံၣ်ဘၣ်လံယွၤလံလီၤ.
23 မ့မ့ၢ် အမါစံးဘၣ်အီၤ, ယွၤအသးမ့ၢ်အိၣ်လၢအက မၤသံပှၤဒီး, တတူၢ်လိာ်ဘၣ် တၢ်လုၢ်မ့ၣ်အူ, ဒီးတၢ် မၤဘူၣ်ကိၣ်လၢပစုပူၤဘၣ်. ဒီးတဒုးနဲၣ်ဘၣ်ပှၤလၢက ယဲၢ်တၢ်တဖၣ်ခဲလၢာ်န့ၣ်, ဒီးအကတီၢ်ဖဲအံၤ, တစံး ဘၣ်တဲဘၣ်ပှၤလၢတၢ်တဖၣ်ဒ်အံၤအသိးဘၣ်.
24 ဒီးပိာ်မုၣ်န့ၣ် ဆံးစၢ်န့ၢ် အဖိခွါ, ဒီးယုၢ်အမံၤလၢ စီၤၡံၣ်ၡိၣ်လီၤ. ဒီးဖိသၣ်န့ၣ်ဒိၣ်ထီၣ်, ဒီးယွၤဆိၣ်ဂ့ၤ အီၤလီၤ.
25 ဒီးယွၤအသးထိၣ်ဂဲၤသီအီၤတဘျီဘျီ လၢဒၣ်အသူၣ် ဒဲအလီၢ်ပူၤ, လၢစိးရၤဒီးအ့ၤၡတိလးအဘၢၣ်စၢၤလီၤ.
14၁၄
1 ဒီးစီၤၡံၣ်ၡိၣ် လဲၤလီၤဆူတံးမနး, ဒီးထံၣ်ပိာ်မုၣ်တ ဂၤလၢ တံမနးအပူၤ, လၢပှၤဖလ့ၡသးဖိ အဖိမုၣ်အ ကျါလီၤ.
2 ဒီးဟဲက့ၤ စံၣ်တဲၤတဲလီၤအမိၢ်အပၢ်, ဒီးစံးဝဲဒၣ်, ယထံၣ်လံပိာ်မုၣ်တဂၤလၢ တံမနးအပူၤလၢ ပှၤဖလ့ ၡသးဖိအဖိမုၣ်အကျါလံ, ဒီးခဲကနံၣ်အံၤမၤန့ၢ်အီၤလၢ ယမါတက့ၢ်.
3 ဒီးအမိၢ်အပၢ်စံးဘၣ်အီၤ, မ့ၢ်ပိာ်မုၣ်လၢနဒီပုၢ်ဝဲၢ်အ ဖိမုၣ်အကျါ, လၢယပှၤတကလုာ်အကျါန့ၣ် တအိၣ် ဘၣ်ဒီး, နလဲၤမၤန့ၢ်နမါလၢ ပှၤတဒိးဘၣ်တၢ်ကူးတ ရံး, ပှၤဖလ့ၡသးဖိအကျါန့ၣ်ဧါ. ဒီးစီၤၡံၣ်ၡိၣ်စံးဘၣ် အပၢ်, မၤန့ၢ်အီၤလၢယဂီၢ်တက့ၢ်. အဂ့ၢ်ဒ်အံၤ, ဘၣ် မးယသးလၢအီၤလီၤ. 4 (ဘၣ်ဆၣ်ဒီး အမိၢ်အပၢ်တ သ့ၣ်ညါဘၣ်လၢ တၢ်တမံၤန့ၣ်ဟဲလၢယွၤ, လၢအဃု အလီၢ်လၢ ပှၤဖလ့ၡသးဖိန့ၣ်ဘၣ်. ဒီးအကတီၢ်ဖဲန့ၣ် ပှၤဖလ့ၡသးဖိ ပၢအံၣ်စရ့လးလီၤ).
5 ဒီးစီၤၡံၣ်ၡိၣ် ဒီးအမိၢ်ဒီးအပၢ်လဲၤလီၤဆူတံးမနး, ဒီး လဲၤတုၤလၢ တံးမနးအစပံးအလီၢ်တဖၣ်, ဒီးကွၢ်ကွၢ် ခ့ယုၢ်ဖိကညီၤဝဲလၢအလိၤလီၤ.
6 ဒီးယွၤအသးအိၣ်ထီၣ်လၢ အလိၤဆူၣ်ဆူၣ်ကလဲာ်, ဒီးစီၤၡံၣ်ၡိၣ်ဖှီကွံာ်အီၤ, ဒ်အကဖှီမဲာ်တဲးလဲးဖိအသိး, ဒီးတၢ်တအိၣ်လၢအစုပူၤနီတမံၤဘၣ်. ဒီးတၢ်လၢအ မၤဝဲန့ၣ်တစံးဘၣ်တဲဘၣ်အမိၢ်အပၢ်ဘၣ်.
7 ဒီးလဲၤလီၤဝဲဒီးကတိၤလိာ် အသးဒီးပိာ်မုၣ်, ဒီးဘၣ် မးစီၤၡံၣ်ၡိၣ်အသးလၢအီၤလီၤ.
8 မုၢ်နံၤတဖၣ်အလီၢ်ခံန့ၣ် ဟဲက့ၤဝဲဒ်သိး အကဟံး န့ၢ်အီၤ, ဒီးဃၣ်ကပၤအသး ဒ်သိးအကကွၢ်ခ့ယုၢ်အ စိၣ်လီၤ. ဒီးကွၢ်ကွၢ်, ကနဲတဖု, ဒီးကနဲစီအိၣ်ဝဲလၢ ခ့ယုၢ်အစိၣ်ပူၤလီၤ. 9 ဒီးဟံးန့ၢ်ဝဲလၢအစုပူၤ, ဒီးအီၣ် တၢ်ဒီးလဲၤတၢ်, ဒီးဟဲဆူအမိၢ်အပၢ်အအိၣ်, ဒီးဟ့ၣ် ဝဲလၢအီၤ, ဒီးအဝဲသ့ၣ်အီၣ်ဝဲလီၤ. ဘၣ်ဆၣ်ဒီးတစံး ဘၣ်အီၤလၢအဟံးန့ၢ်ကနဲစီလၢခ့ယုၢ်အစိၣ်ပူၤဘၣ်.
10 ဒီးအပၢ်လဲၤလီၤဆူပိာ်မုၣ်အအိၣ်, ဒီးစီၤၡံၣ်ၡိၣ်မၤ တလးမူးအမူးလီၤ. အဂ့ၢ်ဒ်အံၤ, ပှၤဖိၣ်သၣ်ခွါတဖၣ် န့ၣ်မၤဝဲဒ်န့ၣ်လီၤ.
11 ဒီးတုၤပှၤထံၣ်အီၤဒီး, တၢ်မၤအသးလၢအဟံးန့ၢ်ဟဲ စိာ်အတံၤသကိးသၢဆံ, ဒီးအိၣ်ဝဲဒီးအီၤလီၤ.
12 ဒီးစီၤၡံၣ်ၡိၣ်စံးဘၣ်အီၤ, ယကပှိၤပှီၢ်တၢ်ဒီးသုလီၤ. တၢ်အမူးနွံနံၤအတီၢ်ပူၤန့ၣ်သုမ့ၢ်ဖးန့ၢ်ယၤ, ဒီးထံၣ်န့ၢ် အီၤဒီး, ယကဟ့ၣ်သုလၢဆ့ဖှီဝါအဘ့ၣ်သၢဆံဒီးတၢ် ကလံၤသုသးအဂီၢ်အဘျီသၢဆံလီၤ. 13 မ့မ့ၢ်သုဖးန့ၢ် ယၤမ့ၢ်တသ့ဘၣ်ဒီး, သုဘၣ်ဟ့ၣ်ယၤလၢဆ့ဖှီဝါအ ဘ့ၣ်သၢဆံဒီးတၢ်ကလံၤယသးအဂီၢ်အဘျီသၢဆံလီၤ. ဒီးအဝဲသ့ၣ်စံးဝဲဒၣ်, ပှိၤပှီၢ်နတၢ်ပှိၤပှီၢ်တက့ၢ်, ဒီးပ ကနၢ်ဟူတၢ်လီၤ.
14 ဒီးအဝဲဒၣ်စံးဘၣ်အီၤ, လၢတၢ်အီၣ်တၢ်အပူၤန့ၣ်ဟဲထီၣ်တၢ်အီၣ်, ဒီးလၢတၢ်အဆူၣ်အပူၤန့ၣ်ဟဲထီၣ်တၢ်အဆၢ, ဒီးသၢနံၤအတီၢ်ပူၤန့ၣ် ဖးတၢ်ပှိၤပှီၢ်န့ၣ်တသ့ဘၣ်. 15 ဒီး လၢမုၢ်နွံနံၤတနံၤန့ၣ် တၢ်မၤအသးလၢအဝဲသ့ၣ်တဖၣ် န့ၣ်စံးဘၣ်စီၤၡံၣ်ၡိၣ်အမါ, လွဲကဒံလွဲကဒါနဝၤဒ်သိးအ ကဖးန့ၢ်ပှၤလၢတၢ်ပှိၤပှီၢ်န့ၣ်တက့ၢ်. ပကဆူးထီၣ်ကွံာ် ဘၣ်ဖုးနၤဒီးနပၢ်အဟံၣ်လၢမ့ၣ်အူလီၤ. သုကိးန့ၢ်ပှၤဒ် သိးသုကဟံးန့ၢ်ပတၢ်စ့ၢ်ကီးဧါ. မ့ၢ်ဒ်န့ၣ်တမ့ၢ်ဘၣ်ဧါ.
16 ဒီးစီၤၡံၣ်ၡိၣ်အမါ အမဲာ်ထံလီၤလၢအဖီခိၣ်ဒီးစံးဝဲဒၣ် ထဲနသးဟ့ယၤလီၤ. နတအဲၣ်ဘၣ်ယၤဘၣ်. နပှိၤပှီၢ် တၢ်ဒီးယပှၤတကလုာ်ဒၣ်ယဲအဖိ, ဒီးနတဖးန့ၢ်ဘၣ် ယၤဘၣ်. ဒီးစံးဝဲဒၣ်, ကွၢ်ကွၢ်, ယတဖးန့ၢ်ဘၣ်ယ မိၢ်ယပၢ်ဘၣ်, ဒီးယကဖးန့ၢ်နၤစ့ၢ်ကီးဧါ.
17 ဒီးနွံနံၤလၢအမူးအိၣ်အတီၢ်ပူၤန့ၣ် အမဲာ်ထံလီၤလၢ အဖီခိၣ်, ဒီးမုၢ်နွံနံၤတနံၤန့ၣ် တၢ်မၤအသးလၢအဖး န့ၢ်အီၤလီၤ. အဂ့ၢ်ဒ်အံၤ, သဆၣ်ထီၣ်ဆူၣ်အခံ, ဒီး အဝဲဒၣ်ဖးတၢ်ပှိၤပှီၢ်လၢအပှၤတကလုာ်ဒၣ်ဝဲအဖိလီၤ.
18 ဒီးမုၢ်နွံနံၤတနံၤန့ၣ်လၢမုၢ်တချုးလီၤနုာ်ဒံးဘၣ်ဒီး, ဝ့ၢ် အပှၤကညီစံးဘၣ်အီၤ, တၢ်လၢအဆၢန့ၢ်ကနဲစီမ့ၢ်မနုၤ တမံၤလဲၣ်, ဒီးတၢ်လၢအဆူၣ်န့ၢ်ခ့ယုၢ် မ့ၢ်မနုၤတမံၤ လဲၣ်. ဒီးအဝဲဒၣ်စံးဘၣ်အီၤ, သုမ့ၢ်တထဲၣ်တၢ်ဒီးယဂီၤဖံးမိၢ်တဒုဘၣ်ဒီး, သုတထံၣ်န့ၢ်ဘၣ်ယတၢ်ပှိၤပှီၢ်ဘၣ်.
19 ဒီးယွၤအသးလီၤဘၣ်လၢအလိၤ, ဒီးလဲၤလီၤဝဲဆူ အၤၡကလိၣ်, ဒီးမၤသံပှၤကညီသၢဆံလၢအကျါ, ဒီး မၤန့ၢ်အတၢ်ဖိတၢ်လံၤ, ဒီးဟ့ၣ်တၢ်ကလံၤအသးအဂီၢ် တဖၣ်လၢ ပှၤလၢအဖးတၢ်ပှိၢ်ပှီၢ်န့ၣ်လီၤ. ဒီးအသး ထီၣ်, ဒီးလဲၤဝဲဆူအပၢ်အဟံၣ်ပူၤလီၤ.
20 မ့မ့ၢ်စီၤၡံၣ်ၡိၣ်အမါန့ၣ် တၢ်ဟ့ၣ်လီၤအီၤလၢပှၤလၢ အဝဲဒၣ်မၤတ့ၢ်အီၤလၢအသကိးတဂၤန့ၣ်လီၤ.
15၁၅
1 ဒီးမုၢ်နံၤတဖၣ်န့ၣ်အလီၢ်ခံ လၢကူးဘုကၠူၣ်အမုၢ်နံၤ တဖၣ်အပူၤန့ၣ် တၢ်မၤအသးလၢ စီၤၡံၣ်ၡိၣ်လဲၤအိၣ် သကိးအမါအိၣ်ဒီးမဲာ်တဲးလဲးဖိတဒု, ဒီးစံးဝဲဒၣ်, ယက လဲၤနုာ်ဆူယမါအအိၣ်လၢဒၢးပူၤလီၤ. မ့မ့ၢ်ပိာ်မုၣ်အပၢ် န့ၣ်တပျဲလဲၤနုာ်ဘၣ်အီၤဘၣ်. 2 ဒီးအပၢ်စံးဝဲဒၣ်, ယဆိ ကမိၣ်နီၢ်နီၢ်လၢနသးဟ့အီၤသပှၢ်တၢၢ်, ဒီးယဟ့ၣ်အီၤ လၢနတံၤနသကိးတဂၤန့ၣ်လီၤ. အပုၢ်ပိာ်မုၣ်ဂ့ၤန့ၢ်အီၤ တက့ၢ်, တမ့ၢ်ဘၣ်ဧါ. ဟံးန့ၢ်လၢ်အီၤ လၢအလီၢ်တက့ၢ်.
3 ဒီးစီၤၡံၣ်ၡိၣ် စံးလၢအဂ့ၢ်အကျိၤ, ယမ့ၢ်မၤပှၤဖလ့ ၡသးဖိလၢတၢ်အၢဘၣ်ဆၣ်ဒီး, ယတၢ်ဒဲးဘးတအိၣ် ဘၣ်ထဲသိးဒီးအီၤဘၣ်.
4 ဒီးစီၤၡံၣ်ၡိၣ် လဲၤတၢ်ဒီး ဖီၣ်န့ၢ် ထွံၣ်ဟီၣ်ခိၣ်သၢ ကယၤ, ဒီးဟံးန့ၢ်ဆှီတဖၣ်, ဒီးဃၣ်တၢ်အမဲၢ်ဒီးတၢ် အမဲၢ်, ဒီးပာ်ဆှီတကဒိၣ်လၢမဲၢ်ခံဘိအဘၢၣ်စၢၤလီၤ.
5 ဒီးဒွဲၣ်ထီၣ်ဆှီတဖၣ်လၢမ့ၣ်အူ, ဒီးပျၢ်လီၤအီၤဒ်သိး အကလဲၤလၢပှၤဖလ့ၡသးဖိ အဘုလၢအဆၢထၢၣ်အ ကျါ, ဒီးမ့ၣ်အူအီၣ်ကွံာ်ဘုကဒိၣ်, ဒီးဘုလၢ အဆၢထၢၣ်, ဒီးစပံးအလီၢ်တဖၣ်, ဒီးသ့ၣ်စၤယံးအလီၢ်တဖၣ်န့ၣ်လီၤ.
6 ဒီးပှၤဖလ့ၡသးဖိစံးဝဲဒၣ်, မ့ၢ်မတၤမၤတၢ်အံၤလဲၣ်, ဒီးပှၤစံးဆၢဝဲ, ပှၤတံးမနးဖိအမာ်စီၤၡံၣ်ၡိၣ်လီၤ. အ ဂ့ၢ်ဒ်အ့ၤ, အဝဲဒၣ်ဟံးန့ၢ်အမါ, ဒီးဟ့ၣ်လီၤအီၤလၢအ တံၤအသကိးတဂၤန့ၣ်လီၤ. ဒီးပှၤဖလ့ၡသးဖိဟဲထီၣ်, ဒီးဆူးကွံာ်ပိာ်မုၣ်န့ၣ်ဒီးအပၢ်လၢလၢမ့ၣ်အူလီၤ.
7 ဒီးစီၤၡံၣ်ၡိၣ်စံးဘၣ်အီၤ, သုမၤတၢ်ဒ်အံၤသိး ဘၣ် ဆၣ်ဒီး, ယကမၤဆၢတၢ်အၢလၢသု, ဒီးလၢတၢ်န့ၣ်အ လီၢ်ခံယကဆိတ့ၢ်လီၤ. 8 ဒီးကျီကွံာ်အီၤလၢခီၣ်ဒုၣ်လၢ ကံၣ်ဒုၣ်အဖီခိၣ် လၢတၢ်ကျီသံကွံာ်ဖးဒိၣ်လီၤ. ဒီးလဲၤ လီၤ, ဒီးအိၣ်ဝဲဆိးဝဲလၢလၢၢ်အကဆူးဧ့ၤတၣ်အပူၤလီၤ.
9 ဒီးပှၤဖလ့ၡသးဖိလဲၤထီၣ်, ဒီးသူၣ်ဒဲလၢယူဒၤအပူၤ ဒီးသလၣ်ထီၣ်အသးလၢလ့ၤဃံအပူၤလီၤ.
10 ဒီးယူဒၤအပှၤကညီစံးဝဲဒၣ်, သုဟဲထီဒါပှၤဘၣ်မ နုၤလဲၣ်, ဒီးစံးဆၢအီၤ, ပဟဲထီၣ်ဒ်သိးပကစၢဃာ် စီၤၡံၣ်ၡိၣ်ဒ်သိးပကမၤအီၤဒ်အမၤပှၤအသိးန့ၣ်လီၤ.
11 ဒီးပှၤယူဒၤဖိ အပှၤကညီသၢကထိလဲၤထီၣ်ဆူလၢၢ် အကဆူးဧ့ၤတၣ်, ဒီးစံးဘၣ် စီၤၡံၣ်ၡိၣ်, ပှၤဖလ့ၡ သးဖိမ့ၢ်ပှၤပၢပှၤန့ၣ် နတသ့ၣ်ညါဘၣ်ဧါ. တၢ်လၢန မၤပှၤ မ့ၢ်မနုၤတမံၤအံၤလဲၣ်. ဒီးစံးဘၣ်အီၤ, ဒ်အဝဲ သ့ၣ်တဖၣ်မၤယၤအသိး ယမၤလံအီၤဒ်န့ၣ်အသိးလံ.
12 ဒီးအဝဲသ့ၣ်တဖၣ်န့ၣ်စံးဘၣ်အီၤ, ပဟဲဒ်သိးပကစၢ ဃာ်နၤ, လၢပကဟ့ၣ်လီၤနၤလၢ ပှၤဖလ့ၡသးဖိအစု ပူၤအဂ့ၢ်လီၤ. ဒီးစီၤၡံၣ်ၡိၣ်စံးဘၣ်အီၤ, ဆိၣ်တၢ်ဒီး ယၤလၢသုတကျီကွံာ်ဘၣ်ယၤ, သုကစၢ်ဒၣ်သုဝဲဘၣ် န့ၣ်တက့ၢ်.
13 ဒီးအဝဲသ့ၣ်ကတိၤတၢ်ဒီးအီၤဒီးစံးဝဲဒၣ်, တမ့ၢ်ဘၣ်, မ့ၢ်ပကစၢဃာ်နၤ, ဒီးဟ့ၣ်လီၤကွံာ်နၤလၢအစုပူၤလီၤ. ဒီးပတမၤသံဘၣ်နၤလ့ၤတက့ၤဘၣ်. ဒီးစၢဃာ်အီၤလၢ ပျံၤသီခံဘိ, ဒီးဟဲစိာ်ထီၣ်အီၤလၢလၢၢ်န့ၣ်လီၤ.
14 တုၤအတုၤလၢလ့ၤဃံဒီး ပှၤဖလ့ၡသးဖိကိးပသူထီၣ် လၢအဖီခိၣ်, ဒီးယွၤအသးလီၤဘၣ်လၢအလိၤဆူၣ်ဆူၣ် ကလဲာ်, ဒီးပျံၤတဖၣ်လၢအအိၣ်လၢအစုဒုၣ်လိၤန့ၣ်ကဲ ထီၣ်ဝဲဒ်ဘဲဘျံးလၢ မ့ၣ်အူအီၣ်ကွံာ်အီၤအသိးန့ၣ်ဒီးတၢ် စၢဃာ်အစုလီၤဃ့ၣ်ကွံာ်ဝဲလီၤ.
15 ဒီးထံၣ်န့ၢ်ဝဲလၢ ကသ့ၣ်ယီၤအခၣ်ဃံသံကစဲာ်တ ဘိ, ဒီးယူာ်ထီၣ်အစုဒီးဟံးန့ၢ်အီၤ, ဒီးကျီကွံာ်ပှၤတ ကထိလၢအီၤလီၤ. 16 ဒီးစီၤၡံၣ်ၡိၣ်စံးဝဲဒၣ်, လၢကသ့ၣ်ယီၤအခၣ်ဃံ, တပူခံပူ, လၢကသ့ၣ်ယီၤအခၣ် ဃံယကျီကွံာ်လံပှၤတကထိ လံ.
17 ဒီးတုၤအကတိၤတၢ်ဝံၤဒီး တၢ်မၤအသးလၢအကွံာ် တ့ၢ်ကွံာ်တၢ်အခၣ်ဃံလၢ အစုပူၤ, ဒီးကိးတၢ်အလီၢ် တပူၤန့ၣ်လၢရၤမးလ့ၤဃံလီၤ.
18 ဒီးတၢ်သူအသးလၢထံဒိၣ်မးလီၤ, ဒီးကိးထီၣ်ယွၤ, ဒီးစံးဝဲဒၣ်, နဟ့ၣ်လီၤလံတၢ်အုၣ်က့ၤခီၣ်က့ၤဖးဒိၣ်တ မံၤအံၤလၢ နခ့နပှၤအစုပူၤလံ, ဒီးခဲကနံၣ်အံၤယက သံလၢတၢ်သူယသးလၢထံအဃိ, ဒီးလီၤဘၣ်လၢပှၤ တဒိးဘၣ်တၢ်ကူးတရံးအစုပူၤစ့ၢ်ကီးဧါ.
19 ဒီးယွၤမၤသ့ၣ်ဖး တၢ်အိပူၤလၢလ့ၤဃံအပူၤ, ဒီးထံ ဟဲထီၣ်လၢအပူၤ, ဒီးအီဝဲ, ဒီးအသးဟဲက့ၤကဒါက့ၤ ဒီးအသးကျၢၤထီၣ်လီၤ. မၤသးဒ်န့ၣ်ဒီးယုၢ်ဝဲ အမံၤ လၢဧ့ၣ်ဟးကိရ့ၤလၢ အအိၣ်ဝဲလၢ လ့ၤဃံအပူၤတုၤမုၢ် မဆါတနံၤအံၤလီၤ.
20 ဒီးလၢပှၤဖလ့ၡသးဖိအမုၢ်နံၤတဖၣ်န့ၣ် စံၣ်ညီၣ်အံၣ် စရ့လးအနံၣ်ခံဆံလီၤ.
16၁၆
1 ဒီးစီၤၡံၣ်ၡိၣ်လဲၤဝဲဆူဂါစၤ, ဒီးထံၣ်ဘၣ်ပှၤဃဲသဲမုၣ် တဂၤဖဲန့ၣ်, ဒီးလဲၤနုာ်ဆူအအိၣ်လီၤ. 2 ဒီးပှၤစံးဘၣ်ပှၤ ဂါစၤဖိဒီးစံးဝဲဒၣ်, စီၤၡံၣ်ၡိၣ်ဟဲဖဲအံၤလီၤ. ဒီးအဝဲသ့ၣ် တဖၣ်န့ၣ် အိၣ်ဝးတရံးအီၤ, ဒီးခိးခူသူၣ်အီၤသီတနၤ ကျၢၤဖဲဝ့ၢ်အပဲတရီ, ဒီးအိၣ်ဘှီၣ်ကလာ်သီတနၤကျၢၤ ဒီးစံးဝဲဒၣ်, လၢမုၢ်ဂီၤန့ၣ်, တုၤတၢ်ကပီၤထီၣ်ဒီး, ပက မၤသံအီၤလီၤ.
3 ဒီးစီၤၡံၣ်ၡိၣ်မံဝဲတုၤဖးဖီမုၢ်, ဒီးလၢဖးဖီမုၢ်န့ၣ်ဂဲၤဆၢ ထၢၣ်ဒီး ဟံးန့ၢ်ဝ့ၢ်အပဲတရီအတြဲၤ, ဒီးကျဲစၢၤထူၣ်ခံ ထူၣ်, ဒီးလဲၤတၢ်ဒီးအီၤ, ဒီးနီၣ်ဘိ, ဒီးတၢ်ခဲလၢာ်, ဒီး ပာ်ထီၣ်အီၤလၢအဖံဘၣ်ခိၣ်, ဒီးစိာ်ထီၣ်အီၤဆူကစၢၢ် ခိၣ်လၢအအိၣ်လၢဃ့ဘြိၣ်အမဲာ်ညါလီၤ.
4 ဒီးတၢ်န့ၣ်တဖၣ်အလီၢ်ခံ တၢ်မၤအသးလၢအအဲၣ် ပိာ်မုၣ်တဂၤ လၢကစၢၢ်ကဆူးစိရ့းအပူၤ, ဒီးအမံၤမ့ၢ် နီၢ်ဒလံလၤလီၤ. 5 ဒီးပှၤဖလ့ၡသးဖိအပဒိၣ်ဖးဒိၣ်တဖၣ် ဟဲဆူအအိၣ်, ဒီးစံးဘၣ်အီၤ, လွဲန့ၢ်အီၤ, ဒီးအဂံၢ်ဆူၣ် အဘါဆူၣ်န့ၣ် မ့ၢ်အအိၣ်လၢမနုၤတမံၤလဲၣ်န့ၣ်, ဒီးပ ကမၤဃၣ်အီၤ လၢမနုၤမနုၤလဲၣ်န့ၣ်ကွၢ်တက့ၢ်, ဒ်သိး ပကစၢဃာ်အီၤ, ဒီးမၤနးမၤဖှီၣ်အီၤ, ဒီးပကဟ့ၣ်လီၤနၤ လၢစ့တဂၤအဘ့ၣ် တကထိတကယၤ, တဂၤအဘ့ၣ် တကထိတကယၤကိးအဂၤဒဲးလီၤ.
6 ဒီးနီၤဒလံလၤစံးဘၣ်စီၤၡံၣ်ၡိၣ်, နဂံၢ်ဆူၣ်နဘါဆူၣ် အိၣ်လၢမနုၤတမံၤလဲၣ်, ဒီးပှၤကစၢဃာ်နၤဒ်သိးအက မၤနးမၤဖှီၣ်နၤလၢမနုၤလဲၣ်န့ၣ်ဒုးနဲၣ်လၢ်ယၤတက့ၢ်.
7 ဒီးစီၤၡံၣ်ၡိၣ်စံးဘၣ်အီၤ, ပှၤမ့ၢ်စၢ်ဃာ်ယၤလၢပျံၤဆှီၣ် သံကစဲာ်လၢအတဃ့ဒံးဘၣ်နွံဘိဒီး, ယဂံၢ်ယဘါကစၢ် လီၤ, ဒီးယကမၤသးဒ်ပှၤကညီအဂၤအသိးန့ၣ်လီၤ.
8 ဒီးပှၤဖလ့ၡသးဖိအပဒိၣ်ဖးဒိၣ် ဟဲစိာ်န့ၢ်အီၤလၢပျံၤ ဆှီၣ်သံကစဲာ်လၢအတဃ့ဒံးဘၣ်နွံဘိ, ဒီးအဝဲဒၣ်စၢ ဃာ်စီၤၡံၡိၣ်လၢအီၤလီၤ. 9 (ဒီးပှၤခိးခူသူၣ်တၢ်လၢအဂီၢ် န့ၣ်ဆ့ၣ်နီၤဝဲလၢဒၢးပူၤလီၤ) ဒီးစံးဘၣ်အီၤ, ပှၤဖလ့ၡ သးဖိအိၣ်လၢနဖီခိၣ်, စီၤၡံၣ်ၡိၣ်ဧၢ, ဒီးအဝဲဒၣ်ထုးတဲာ် ကွံာ်ပျံၤဆှီၣ်န့ၣ်, ဒ်လုၢ်ခီမၤအအ့ၣ်နၢမ့ၣ်အူအသိးန့ၣ် လီၤ. ဒီးပှၤတသ့ၣ်ညါဘၣ်အဂံၢ်အဘါဘၣ်လီၤ.
10 ဒီးနီၢ်ဒလံလၤစံးဘၣ်စီၤၡံၣ်ၡိၣ်, ကွၢ်ကွၢ်, နမၤတ ရီတပါယၤ, ဒီးကတိၤတ့ၢ်တၢ် ကဘျံးကဘျၣ်ဒီးယၤ လီၤ. ခဲကနံၣ်အံၤဒုးနဲၣ်လၢ်ယၤလၢ တၢ်လၢပှၤကစၢ ဃာ်နၤတမံၤန့ၣ်တက့ၢ်.
11 ဒီးစံးဘၣ်အီၤ, ပှၤမ့ၢ်စၢဃာ်ယၤလၢ ပျံၤပိၤအသးသီ လၢပှၤတမၤဘၣ်လၢအီၤဒီး, ယဂံၢ်ယဘါကစၢ်လီၤ, ဒီး ယကကဲထီၣ်ဒ်ပှၤကညီအဂၤအသိးန့ၣ်လီၤ.
12 ဒီးနီၢ်ဒလံလၤဟံးန့ၢ် ပျံၤပိၤအသးသီ, ဒီးစၢဃာ်ဝဲ လၢအီၤ, ဒီးစံးဝဲဒၣ်, ပှၤဖလ့ၡသးဖိအိၣ်ဝဲလၢနဖီခိၣ် စီၤၡံၣ်ၡိၣ်ဧၢ, (ဒီးပှၤခိးခူသူၣ်တၢ်န့ၣ်အိၣ်ဝဲလၢဒၢးပူၤ လီၤ). ဒီးအဝဲဒၣ် ထုးတဲာ်ကွံာ် ပျံၤလၢအစုလိၤဒ်လုၢ် တဘိအသိးန့ၣ်လီၤ.
13 ဒီးနီၢ်ဒလံလၤစံးဘၣ်စီၤၡံၣ်ၡိၣ်, တုၤခဲကနံၣ်အံၤနမၤ တရီတပါယၤ, ဒီးကတိၤတၢ်ကဘျံးကဘျၣ်လီၤ. ဒုးနဲၣ် ယၤလၢတၢ်လၢပှၤကစၢဃာ်နၤတမံၤန့ၣ်တက့ၢ်. ဒီးစံး ဝဲဒၣ်, နမ့ၢ်ထါယခိၣ်သူအဘိၣ်နွံဘိၣ်လၢထၣ်ပူၤန့ၣ်လီၤ.
14 ဒီးပျၤနုာ်ဃၣ်နီၣ်ပျၤ, ဒီးစံးဘၣ်အီၤ, ပှၤဖလ့ၡသး ဖိအိၣ်ဝဲလၢနဖီခိၣ်, စီၤၡံၣ်ၡိၣ်ဧၢ, ဒီးဖုသံနီၣ်ထီၣ်, ဒီး ဟးထီၣ်ဝဲအိၣ်ဒီးနီၣ်ဘိအနီၣ်ပျၤ ဒီးထၣ်န့ၣ်လီၤ.
15 ဒီးစံးဘၣ်အီၤ, နသးတအိၣ်ဘၣ်ဒီးယၤဘၣ်ဒီး, နစံးနအဲၣ်ယၤန့ၣ်ကသ့ဒ်လဲၣ်, နမၤတရီတပါယၤသၢဘျီ လံ. နဂံၢ်ဆူၣ်နဘါဆူၣ်န့ၣ် မ့ၢ်အအိၣ်လၢမနုၤမနုၤလဲၣ် န့ၣ်နတဒုးနဲၣ်ဘၣ်ယၤဘၣ်.
16 ဒီးတုၤအမၤဆူၣ်အီၤကိးနံၤဒဲးလၢ အတၢ်ကတိၤတ တဖၣ်, ဒီးထိၣ်ဂဲၤအီၤ, ဒီးမၤကိၢ်အသးတုၤအကသံ တ့ၢ်ဒီး, 17 တၢ်မၤအသးလၢအကတိၤတၢ်ဒီးအီၤ လၢအ သးဒီဖျၢၣ်ညါ, ဒီးစံးဘၣ်အီၤ, ဒီလူၤတဘၣ်ဘၣ်ယ ခိၣ်ဘၣ်. အဂ့ၢ်ဒ်အံၤ, ယမ့ၢ်ပှၤနစၤရံဖိလၢယွၤအဂီၢ် လၢယမိၢ်အဒၢလီၢ်လံၤလံၤန့ၣ်လီၤ. ပှၤမ့ၢ်လူၤယခိၣ်ဒီး, ယဂံၢ်ယဘါကဟးထီၣ်ကွံာ်လၢယၤ, ဒီးယကမၤသးဒ် ကယဲၢ်ပှၤကညီအသိးန့ၣ်လီၤ.
18 ဒီးနီၢ်ဒလံလၤ ထံၣ်ဝဲလၢအစံးဘၣ်အီၤလၢအသး ဒီ ဖျၢၣ်ညါ, ဒီးမၢလီၤတၢ်ကိးန့ၢ် ပှၤဖလ့ၡသးဖိပဒိၣ် ဖးဒိၣ်, ဒီးစံးဝဲဒၣ်, ဟဲထီၣ်တဘျီအံၤတက့ၢ်. အဂ့ၢ်ဒ် အံၤ, အဝဲဒုးနဲၣ်လံယၤလၢအသးဒီဖျၢၣ်ညါလံ. ဒီး ပှၤဖလ့ၡသးဖိအပဒိၣ်ဖးဒိၣ်ဟဲထီၣ်ဆူအအိၣ်, ဒီးဟဲ စိာ်စ့လၢအစုပူၤလီၤ.
19 ဒီးပိာ်မုၣ်ဒုးမံအီၤလၢ အကံၣ်လူၢ်ခိၣ်, ဒီးကိးန့ၢ်ပှၤ တဂၤ, ဒီးမၢအလူၤကွံာ်အခိၣ်သူအဘိၣ်နွံဘိၣ်, ဒီးပိာ် မုၣ်န့ၣ်မၤနးမၤဖှီၣ်သီအီၤ, ဒီးအဂံၢ်အဘါဟးထီၣ်ကွံာ် လၢအီၤလီၤ.
20 ဒီးစံးဝဲဒၣ်, ပှၤဖလ့ၡသးဖိအိၣ်လၢနဖီခိၣ်, စီၤၡံၣ် ၡိၣ်ဧၢ, ဒီးဖုသံနီၣ်ထီၣ်, ဒီးစံးဝဲဒၣ်, ယကဟးထီၣ်ဒ် တၢ်တဘျီတဘျီအသိးန့ၣ်, ဒီးမၤဝးယသးလီၤ. ဒီးတ သ့ၣ်ညါဘၣ်လၢယွၤဟးထီၣ်ကွံာ်လံ လၢအလိၤ ဘၣ်.
21 ဒီးပှၤဖလ့ၡသးဖိဟံးန့ၢ်အီၤ, ဒီးအူခွဲးထီၣ်ကွံာ်အ မဲာ်, ဒီးဟဲစိာ်အီၤဆူဂါစၤအပူၤ, ဒီးစၢဃာ်အီၤလၢသွဲ တိၢ်, ဒီးအဝဲဒၣ်ဂူာ်ဆၢၣ်ဂူာ်လၢဃိာ်ပူၤလီၤ.
22 ဒီးလၢပှၤလူၤကွံာ်အခိၣ်သူအလီၢ်ခံန့ၣ် အခိၣ်သူထီၣ် ကဒီးအသီလီၤ.
23 ဒီးပှၤဖလ့ၡသးဖိအပဒိၣ်ဖးဒိၣ်တဖၣ် အိၣ်ဖှိၣ်ရိဖှိၣ်ဒ် သိးအကလုၢ်တၢ်လုၢ်ဖးဒိၣ် လၢအကစၢ်ဒၤကိၣ်, ဒီး သူၣ်ခုသးခုလီၤ. အဂ့ၢ်ဒ်အံၤ, စံးဝဲဒၣ်, ပကစၢ်ဟ့ၣ် လီၤလံပဒုၣ်ပဒါစီၤၡံၣ်ၡိၣ်လၢပစုပူၤလံ.
24 ဒီးပှၤဂီၢ်မုၢ်ထံၣ်ဘၣ်အီၤ, ဒီးစံးထီၣ်ပတြၢၤအကစၢ် လီၤ. အဂ့ၢ်ဒ်အံၤ, အဝဲသ့ၣ်စံးဝဲဒၣ်, ပကစၢ်ဟ့ၣ်လီၤ လံလၢပစုပူၤ ပဒုၣ်ပဒါ, ဒီးပှၤလၢအမၤဟးဂီၤပထံ ပကီၢ်, လၢအမၤသံပှၤလၢပကျါအါဂၤလံ.
25 ဒီးတုၤအသးမုာ်ထီၣ်ဒီး, တၢ်မၤအသးလၢ အစံးဝဲ ဒၣ်, ကိးန့ၢ်စီၤၡံၣ်ၡိၣ် ဒ်သိးအကလိာ်ကွဲတၢ်လၢပဂီၢ် တက့ၢ်. ဒီးတၢ်ကိးန့ၢ်စီၤၡံၣ်ၡိၣ်လၢဃိာ်ပူၤ, ဒီးလိာ် ကွဲဝဲလၢအမဲာ်ညါ, ဒီးတၢ်ပာ်အီၤလၢဟံၣ်ထူၣ်အက ဆူးပူၤလီၤ.
26 ဒီးစီၤၡံၣ်ၡိၣ်စံးဘၣ် ဖိၣ်သၣ်ခွါတဂၤလၢအဟံးအစု, ဒုးဟံးယၤလၢထူၣ်လၢ ဟံၣ်ဆၢထၢၣ်လၢအဖီခိၣ်, ဒ် သိးယကသန့ၤယသးလၢအီၤန့ၣ်တက့ၢ်.
27 ဒီးဟံၣ်န့ၣ်ပှဲၤဝဲဒီး ပိာ်မုၣ်ဒီးပိာ်ခွါ, ဒီးပှၤဖလ့ၡသး ဖိအပဒိၣ်ဖးဒိၣ်ခဲလၢာ်အိၣ်ဝဲဖဲန့ၣ်, ဒီးလၢဟံၣ်ခိၣ်န့ၣ် ပိာ်မုၣ်ဒီးပိာ်ခွါ အိၣ်သၢကထိဃၣ်ဃၣ် လၢအကွၢ်စီၤ ၡံၣ်ၡိၣ်လိာ်ကွဲတၢ်လီၤ.
28 ဒီးစီၤၡံၣ်ၡိၣ်ကိးထီၣ်ယွၤ, ဒီးစံးဝဲဒၣ်, ကစၢ်ဧၢ, သ့ၣ် နီၣ်ထီၣ်က့ၤလၢ်ယၤ, ဒီးဒုးဆူၣ်ထီၣ်ယၤထဲအအံၤတဘျီ ဒ်သိး ယကမၤဆၢပှၤဖလ့ၡသးဖိလၢ ယမဲာ်ခံတိၣ်အ ဃိန့ၣ်တက့ၢ်.
29 ဒီးစီၤၡံၣ်ၡိၣ် ဟံးဃာ်ထူၣ်ခံထူၣ် လၢတၢ်သးကံၢ်ပူၤ လၢဟံၣ်ဆၢထၢၣ်လၢအဖီခိၣ်, ဒီးသန့ၤအသးလၢအီၤ, တထူၣ်လၢအစုထွဲ, ဒီးတထူၣ်လၢအစုစ့ၣ်လီၤ.
30 ဒီးစီၤၡံၣ်ၡိၣ်စံးဝဲဒၣ်, မ်ယသံဒီး ပှၤဖလ့ၡသးဖိတ က့ၢ်. ဒီးသကူးလီၤအသးလၢအဂံၢ်အဘါ, ဒီးဟံၣ်န့ၣ် လီၤပှီၢ်ဝဲလၢ ပဒိၣ်ဖးဒိၣ်အဖီခိၣ်, ဒီးလၢကယဲၢ်ပှၤလၢ အအိၣ်လၢအပူၤ အဖီခိၣ်လီၤ. ဒီးလၢအသံန့ၣ်မၤသံပှၤ အါန့ၢ်အမၤသံလၢအမူဒံးအဖၢမုၢ်တက့ၢ်လီၤ.
31 ဒီးအဒီပုၢ်ဝဲၢ်, ဒီးအပၢ်အပှၤဟံၣ်ဖိခဲလၢာ်န့ၣ်လဲၤလီၤ, ဒီးဟံးန့ၢ်အီၤ, ဒီးဟဲစိာ်အီၤ, ဒီးခူၣ်လီၤကွံာ်အီၤလၢစိးရၤ ဒီးအ့ၤၡတိလးအဘၢၣ်စၢၤ, လၢအပၢ်စီၤမၤနိအသွၣ် ခိၣ်အပူၤလီၤ. ဒီးစံၣ်ညီၣ်အံၣ်စရ့လးအနံၣ်ခံဆံလီၤ.
17၁၇
1 ဒီးပှၤလၢ ကစၢၢ်အ့ဖရဲၣ်အိၣ်ဝဲတဂၤ, ဒီးအမံၤမ့ၢ် စီၤမံၤကါလီၤ. 2 ဒီးစံးဘၣ်အမိၢ်, စ့တကထိတက ယၤလၢတၢ်ဟံးန့ၢ်လၢနၤ, လၢနဆိၣ်အၢတၢ်အဃိ, ဒီး ကတိၤတၢ်လၢယနၢ်ပူၤလၢအဂ့ၢ်န့ၣ်, ကွၢ်ကွၢ်, စ့န့ၣ် အိၣ်ဒီးယၤလီၤ. ယဟံးန့ၢ်ယဲလီၤ. ဒီးအမိၢ်စံးဝဲဒၣ်, မ်နဘၣ်တၢ်ဆိၣ်ဂ့ၤလၢယွၤတက့ၢ်. ယဖိခွါဧၢ.
3 ဒီးဟ့ၣ်က့ၤစ့တကထိတကယၤလၢအမိၢ်ဝံၤဒီး, အမိၢ် စံးဝဲဒၣ်, ယပာ်စီဆှံစ့န့ၣ်လၢယွၤသပှၢ်တၢၢ်လၢယစုပူၤ လၢယဖိခွါအဂီၢ်, ဒ်သိးအကတ့တၢ်ဂီၤစိးပျၤအသးဒီး တၢ်ဂီၤသိအသးလီၤ. ဒီးခဲကနံၣ်အံၤ ယကဟ့ၣ်က့ၤ အီၤလၢနၤလီၤ.
4 ဘၣ်ဆၣ်ဒီး ဟ့ၣ်က့ၤစ့လၢအမိၢ်, ဒီးအမိၢ်ဟံးန့ၢ်စ့ ခံကယၤ, ဒီးဟ့ၣ်လီၤလၢပှၤသိတၢ်ဖိ, ဒီးအဝဲဒၣ်တ့ တၢ်ဂီၤစိးပျၤအသးဒီး တၢ်ဂီၤသိအသးလၢအီၤ, ဒီး အိၣ်ဝဲလၢစီၤမံၤကါအဟံၣ်ပူၤလီၤ.
5 ဒီးပှၤကညီစီၤမံၤကါတဂၤန့ၣ် အိၣ်ဒီးအကစၢ်တဖၣ် အဟံၣ်တဖျၢၣ်, ဒီးတ့အ့ဖိး, ဒီးတၢ်ဂီၤတရၤဖး, ဒီးပာ် စီဆှံအဖိခွါတဂၤ, ဒီးအဝဲဒၣ်ကဲထီၣ် အပှၤလုၢ်တၢ်အ ဒိၣ်လီၤ.
6 တၢ်လၢမုၢ်နံၤတဖၣ်န့ၣ်အပူၤ, စီၤပၤတအိၣ်ဘၣ်လၢ အံၣ်စရ့လးအပူၤဘၣ်. ပှၤမၤတၢ်လၢအလိၤလၢအမဲာ် ဒၣ်ဝဲန့ၣ်ကိးဂၤဒဲးလီၤ.
7 ဒီးပှၤလၢယူဒၤဖိအဒူၣ်အကျါလၢဘ့ၤသလ့ဃ့ၢ် ယူ ဒၤအပူၤ, ဖိၣ်သၣ်ခွါအိၣ်ဝဲတဂၤ, ဒီးအဝဲဒၣ်မ့ၢ်ပှၤ လ့ၤဝံဖိလီၤ. 8 ဒီးပှၤတဂၤန့ၣ် ဟးထီၣ်လၢဝ့ၢ်ပူၤ, လၢ ဘ့ၤသလ့ဃ့ၣ်ယူဒၤအပူၤ, ဒ်သိးအကအိၣ်ကဆိးဖဲအ ထံၣ်န့ၢ်အလီၢ်လီၤ. ဒီးလၢအလဲၤတၢ်န့ၣ်ဟဲဝဲဆူ က စၢၢ်အ့ဖရဲၣ်ဆူစီၤမံၤကါအဟံၣ်ပူၤလီၤ.
9 ဒီးစီၤမံၤကါစံးဘၣ်အီၤ, နဟဲလၢလဲၣ်. ဒီးအဝဲဒၣ် စံးဘၣ်အီၤ, ယမ့ၢ်ပှၤလ့ၤဝံဖိလၢဘ့ၤသဃ့ဃ့ၣ်ယူဒၤ, ဒီးယလဲၤအိၣ်ဖဲယကထံၣ်န့ၢ်အလီၢ်လီၤ.
10 ဒီးစီၤမံၤကါစံးဘၣ်အီၤ, အိၣ်ဒီးယၤ, ဒီးကဲထီၣ်ယပၢ် ဒီးယပှၤလုၢ်တၢ်အဒိၣ်တက့ၢ်, ဒီးယကဟ့ၣ်လီၤနၤတ နံၣ်တနံၣ်လၢစ့ဆံဆဲၣ်ဘ့ၣ်, ဒီးတၢ်အကူအသိးလၢအ ဘၣ်, ဒီးနတၢ်အီၣ်တၢ်အီလီၤ. ဒီးပှၤလ့ၤဝံဖိလဲၤဝဲလီၤ.
11 ဒီးပှၤလ့ၤဝံဖိ အိၣ်ဝဲဆိးဝဲဒီး ပှၤတဂၤန့ၣ် မုာ်အ သးလီၤ. ဒီးဖိၣ်သၣ်ခွါန့ၣ်အိၣ်ဒီးအီၤဒ်အဖိခွါတဂၤအ သိးန့ၣ်လီၤ.
12 ဒီးစီၤမံၤကါပာ်စီဆှံပှၤလ့ၤဝံဖိ, ဒီးဖိၣ်သၣ်ခွါန့ၣ်ကဲ ထီၣ်အပှၤလုၢ်တၢ်အဒိၣ်, ဒီးအိၣ်ဝဲလၢ စီၤမံၤကါအ ဟံၣ်ပူၤလီၤ.
13 ဒီးစီးမံၤကါစံးဝဲဒၣ်, ခဲကနံၣ်အံၤ ယသ့ၣ်ညါလၢ ယွၤကမၤဂ့ၤယၤလီၤ. အဂ့ၢ်ဒ်အံၤ, ယအိၣ်ဒီးပှၤလ့ၤဝံ ဖိလၢယပှၤလုၢ်တၢ်အဒိၣ်အဃိလီၤ.
18၁၈
1 တၢ်လၢမုၢ်နံၤတဖၣ်န့ၣ် စီၤပၤတအိၣ်ဘၣ်လၢအံၣ် စရ့လးအပူၤဘၣ်. ဒီးတၢ်လၢမုၢ်နံၤတဖၣ်န့ၣ် ပှၤဒၣ် ဖိတဒူၣ်ဃုဝဲအတၢ်န့ၢ်သါ လၢအကအိၣ်ကဆိးလၢ အပူၤလီၤ. အဂ့ၢ်ဒ်အံၤ, တုၤလီၤလၢမုၢ်တနံၤန့ၣ်တၢ် န့ၢ်သါတလီၤဘၣ်လၢအဂီၢ်လၢ အံၣ်စရ့လးအဒူၣ်တ ဖၣ်အကျါဒံးဘၣ်လီၤ.
2 ဒီးလၢပှၤဟံၣ်ဖိအကျါန့ၣ် ပှၤဒၣ်ဖိမၢလီၤပှၤယဲၢ်ဂၤ လၢအကီၢ်ဃၢၤ, ပှၤသုးဖိလၢစိးရၤဒီးလၢအ့ၤၡတိလးဒ် သိးအကကွၢ်ဟုၣ်ထံဧိၤကီၢ်ဧိၤ, ဒီးကွၢ်ထံအီၤ, ဒီးစံးဘၣ် အီၤ, လဲၤဃုကွၢ်ထံဧိၤကီၢ်ဧိၤတက့ၢ်. ဒီးလဲၤတုၤလၢက စၢၢ်အ့ဖရဲၣ်လၢစီၤမံၤကါအဟံၣ်ပူၤ, ဒီးမံဖဲန့ၣ်လီၤ.
3 ဒီးအဝဲသ့ၣ်တဖၣ်န့ၣ် အိၣ်ဝဲလၢ စီၤမံၤကါအဟံၣ် ဃၢၤ, ဒီးသ့ၣ်ညါဝဲလၢ ပှၤဖိၣ်သၣ်ခွါ, ပှၤလ့ၤဝံဖိအ ကလုၢ်, ဒီးဃၣ်နုာ်ဖဲန့ၣ်, ဒီးစံးဘၣ်အီၤ, မ့ၢ်မတၤဒုး ဟဲနၤဖဲအံၤတဂၤလဲၣ်. ဒီးနမၤတၢ်ဖဲအံၤလၢမနုၤလဲၣ်. ဒီးနတၢ်အိၣ်ဖဲအံၤလၢမနုၤလဲၣ်.
4 ဒီးအဝဲဒၣ်စံးဘၣ်အီၤ, စီၤမံၤကါမၤယၤ ဒ်အံၤဒ်နုၤ, ဒီးငါယၤလၢစ့, ဒီးယကဲထီၣ်အပှၤလုၢ်တၢ်အဒိၣ်လီၤ.
5 ဒီးအဝဲသ့ၣ်န့ၣ် စံးဘၣ်အီၤ, သံကွၢ်လၢ်တၢ်လၢယွၤ, ပကျဲလၢ ပလဲၤတၢ်ကဘီၣ်ထီၣ်ကညီထီၣ်ဧါန့ၣ် ဒ်သိး ပကသ့ၣ်ညါတက့ၢ်.
6 ဒီးပှၤလုၢ်တၢ်အဒိၣ်န့ၣ် စံးဝဲဒၣ်, လဲၤတၢ်မုာ်မုာ်တ က့ၢ်. ကျဲလၢသုပိာ်တဘိန့ၣ် အိၣ်ဝဲလၢ ယွၤအမဲာ်ညါ လီၤ.
7 ဒီးပှၤယဲၢ်ဂၤန့ၣ် ဟးထီၣ်ဝဲ, ဒီးလဲၤနုာ်လၢလ့ရှ့ၣ်, ဒီးထံၣ်ပှၤဂီၢ်မုၢ်လၢအပူၤ, တပလီၢ်ဘၣ်အသးဒီးအိၣ် ဝဲဆိးဝဲ, ဒ်ပှၤစံဒိၣ်ဖိအသိး, ခုၣ်ခုၣ်မုာ်မုာ်ဒီးတပလီၢ် ဘၣ်အသး, ဒီးပှၤန့ၢ်သါတၢ်စံၣ်ညီၣ်ကွီၢ် လၢအကမၤ မဲာ်ဆှးအီၤ လၢတၢ်တမံၤမံၤန့ၣ်တအိၣ်ဘၣ်, ဒီးအိၣ်ဝဲ ယံၤဒီးပှၤစံဒိၣ်ဖိ, ဒီးအတၢ်ဘၣ်ဃးဒီးပှၤဂၤတအိၣ်ဘၣ်.
8 ဒီးက့ၤက့ၤဆူအဒီပုၢ်ဝဲၢ်အအိၣ်လၢစိးရၤအပူၤ, ဒီးလၢ အ့ၤၡတိလးအပူၤ, ဒီးအဒီပုၢ်ဝဲၢ်စံးဘၣ်အီၤ, သုစံး ဒ်လဲၣ်.
9 ဒီးစံးဝဲဒၣ်, ဂဲၤဆၢထၢၣ်, ဒီးပကလဲၤထီဒါအီၤလီၤ. အဂ့ၢ်ဒ်အံၤ, ပထံၣ်လံအထံအကီၢ်လံ, ဒီးကွၢ်ကွၢ်, ဂ့ၤ ဝဲဒိၣ်မးလီၤ. ဒီးသုအိၣ်ဃိကလာ်စ့ၢ်ကီးဧါ. ဒ်သိးသု ကမၤန့ၢ်ထံဧိၤကီၢ်ဧိၤဒီး, ပာ်ကၢၣ်သုသးတဂ့ၤ.
10 ဒီးတုၤသုလဲၤတၢ်ဒီး, သုကလဲၤနုာ်ဆူပှၤဂီၢ်မုၢ်အကျါ လၢအတပလီၢ်ဘၣ်အသး, ဒီးလၢကီၢ်ဖးလဲၢ်တဘ့ၣ် အပူၤလီၤ. အဂ့ၢ်ဒ်အံၤ, ယွၤဟ့ၣ်လီၤအီၤလၢသုစုပူၤလံ. တၢ်အလီၢ်ဖဲ ပှၤန့ၢ်ဘၣ်အါထီၣ်တၢ်တမံၤမံၤ လၢဟီၣ် ခိၣ်ချၢအံၤအလီၢ်တအိၣ်ဘၣ်.
11 ဒီးပှၤကညီကတဲာ်ကတီၤ အသးဒီးပှၤသုးဖိအစုက ဝဲၤ, ပှၤဃုကယၤ, လဲၤထီၣ်ဖဲန့ၣ်လၢ ပှၤဒၣ်ဖိအဒူၣ် ကျါလၢစိးရၤ, ဒီးအ့ၤၡတိလးအပူၤန့ၣ်လီၤ.
12 ဒီးလဲၤထီၣ်ဝဲ, ဒီးသူၣ်ဒဲလၢကံးရယးယဧၤရံၣ်လၢယူ ဒၤအပူၤလီၤ. မၤသးဒ်န့ၣ်ဒီးကိးဝဲအမံၤလၢမၤဃန့ၤဒၣ် တုၤမုၢ်မဆါတနံၤအံၤလီၤ. ကွၢ်ကွၢ်, အိၣ်ဝဲလၢကံးရ ယးယဧၤရံၣ်အချၢဃံလီၤ.
13 ဒီးဟးဖဲန့ၣ်ဆူ ကစၢၢ်အ့ဖရဲၣ်, ဒီးဟဲပၢၢ်လၢစီၤမံ ကါအဟံၣ်လီၤ.
14 ဒီးပှၤလၢအလဲၤကွၢ်ဟုၣ်ကီၢ်လ့ရှ့ၣ်ယဲၢ်ဂၤန့ၣ် ကတိၤ တၢ်ဒီးစံးဘၣ်အဒီပုၢ်ဝဲၢ်, အ့ဖိး, ဒီးတၢ်ဂီၤတရၤဖး, ဒီး တၢ်ဂီၤစိးပျၤအသး, ဒီးတၢ်ဂီၤသိအသးန့ၣ် အိၣ်ဝဲလၢ ဟံၣ်တဖၣ်အံၤအပူၤန့ၣ် သုသ့ၣ်ညါစ့ၢ်ကီးဧါ. ဒီးခဲက နံၣ်အံၤတၢ်လၢသုကမၤတမံၤန့ၣ်သ့ၣ်ညါတက့ၢ်.
15 ဒီးဃၣ်အသးဆူန့ၣ်, ဒီးဟဲဝဲဆူပှၤလ့ၤဝံဖိပှၤဖိၣ်သၣ် ခွါအဟံၣ်, ဆူစီၤမံၤကါအဟံၣ်, ဒီးကတိၤဒိၣ်အီၤလီၤ.
16 ဒီးပှၤကတဲာ်ကတီၤအသးဒီးသုးဖိအစုကဝဲၤ, ပှၤဃု ကယၤလၢပှၤဒၣ်ဖိအကျါန့ၣ် ဆၢထၢၣ်ဝဲဖဲ တၢ်လဲၤ နုာ်လၢပဲတရီန့ၣ်လီၤ.
17 ဒီးပှၤလၢအလဲၤကွၢ်ဟုၣ်ထံဧိၤကီၢ်ဧိၤယဲၢ်ဂၤန့ၣ် လဲၤ ထီၣ်ဟဲနုာ်ဖဲန့ၣ်ဒီးဟံးန့ၢ်တၢ်ဂီၤစိးပျၤအသးဒီးအ့ဖိး, ဒီး တၢ်ဂီၤတရၤဖး, ဒီးတၢ်ဂီၤသိအသးလီၤ. ဒီးပှၤလုၢ်တၢ် အဒိၣ်န့ၣ် ဆၢထၢၣ်လၢတၢ်လဲၤနုာ်လၢ ပဲတရီအိၣ်ဒီး ပှၤဃုကယၤကတဲာ်ကတီၤအသးဒီးသုးဖိ အစုကဝဲၤ လီၤ. 18 ဒီးပှၤတဖၣ်န့ၣ်လဲၤနုာ်လၢစီၤမံၤကါအဟံၣ်ပူၤ, ဒီးဟဲစိာ်တၢ်ဂီၤစိးပျၤအသး, အ့းဖိ, ဒီးတၢ်ဂီၤတရၤ ဖးဒီးတၢ်ဂီၤသိအသးလီၤ. ဒီးပှၤလုၢ်တၢ်အဒိၣ်န့ၣ် စံး ဘၣ်အီၤ, သုမၤဒ်လဲၣ်.
19 ဒီးစံးဘၣ်အီၤ, အိၣ်ဘှီၣ်ကလာ်တက့ၢ်. ပာ်နစုလၢ နထးခိၣ် ဒီးလဲၤတၢ်ဒီးပှၤ, ဒီးကဲထီၣ်ပပၢ်ဒီးပပှၤလုၢ် တၢ်အဒိၣ်တက့ၢ်. နကဲထီၣ်ပှၤလုၢ်တၢ်အဒိၣ်လၢပှၤတ ဂၤအဂီၢ်ဂ့ၤတက့ၢ်ဧါ, နကဲထီၣ်ပှၤလုၢ်တၢ်အဒိၣ်လၢပှၤ တကလုာ်ဒီး ပှၤတဒူၣ်လၢ အံၣ်စရ့လးအကျါအဂီၢ် န့ၣ်ဂ့ၤတက့ၢ်လဲၣ်.
20 ဒီးပှၤလုၢ်တၢ်အဒိၣ်အသးမုာ်ထီၣ်က့ၤ, ဒီးဟံးန့ၢ်အ့ ဖိး, ဒီးတၢ်ဂီၤတရၤဖး, ဒီးတၢ်ဂီၤစိးပျၤအသး, ဒီးလဲၤ နုာ်လၢပှၤဂီၢ်မုၢ်အကျါလီၤ.
21 ဒီးအဝဲသ့ၣ်တဖၣ်န့ၣ်ဃၣ်အသး, ဒီးဟးထီၣ်ဝဲ, ဒီး ပာ်ဖိဒံဖိသၣ်, ဒီးဆၣ်ဖိကီၢ်ဖိအဒၢ, ဒီးတၢ်ဖိတၢ်လံၤ လၢအမဲာ်ညါလီၤ.
22 ဒီးအဝဲသ့ၣ်အိၣ်ယံၤဒီးစီၤမံၤကါအဟံၣ်, ဒီၤပှၤကညီ အိၣ်ဝဲလၢဟံၣ်တဖၣ် ဘူးဒီးစီၤမံၤကါအဟံၣ်န့ၣ် အိၣ် ဖှိၣ်ရိဖှိၣ်, ဒီးလဲၤချုးန့ၢ်ပှၤဒၣ်ဖိလီၤ. 23 ဒီးကိးထီၣ်ဝဲဆူ ပှၤဒၣ်ဖိ, ဒီးအဝဲသ့ၣ်ဃၣ်ဃီၤအမဲာ်, ဒီးစံးဘၣ်စီၤမံၤ ကါ, မနုၤဘၣ်နၤလၢနဟဲဒီးပှၤဂီၢ်မုၢ်ထဲထဲအံၤလဲၣ်.
24 ဒီးစံးဝဲဒၣ်, သုစိာ်ထီၣ်ကွံာ်ယကစၢ်တဖၣ်လၢ ယ တ့အီၤ, ဒီးပှၤလုၢ်တၢ်အဒိၣ်, ဒီးသုဟးထီၣ်ကွံာ်, ဒီး တၢ်အိၣ်ဒံးဒီးယၤလၢမနုၤတမံၤလဲၣ်, ဒီးသုစံးဘၣ်ယၤ, မနုၤဘၣ်နၤလဲၣ်န့ၣ်မ့ၢ်မနုၤတမံၤအံၤလဲၣ်.
25 ဒီးပှၤဒၣ်ဖိစံးဘၣ်အီၤ, ဒုးနၢ်ဟူနကလုၢ်လၢပကျါတ ဂ့ၤ, ပှၤအသးဆါတဖၣ် ကဃ့ၢ်သဖှိဘၣ်ဖုးဆူနအိၣ်, ဒီးနသးဒီးနပှၤဟံၣ်ဖိအသးတဖၣ်ကဟါမၢ်လီၤ.
26 ဒီးပှၤဒၣ်ဖိလဲၤတၢ်, ဒီးစီၤမံၤကါထံၣ်ဝဲလၢအဝဲသ့ၣ် ဆူၣ်န့ၢ်အီၤတက့ၢ်, ဒီးဃၣ်အသး, ဒီးက့ၤကဒါက့ၤ ဆူအဟံၣ်လီၤ.
27 ဒီးဟံးန့ၢ်တၢ်လၢ စီၤမံၤကါတ့လီၤတ့ၢ်အီၤ, ဒီးအ ပှၤလုၢ်တၢ်အဒိၣ်, ဒီးလဲၤဝဲဆူလ့ရှ့ၣ်, ဆူပှၤဂီၢ်မုၢ်လၢ အအိၣ်မုာ်, ဒီးတပလီၢ်ဘၣ်အသးတဖၣ်, ဒီးကျီကွံာ် အီၤလၢနးအကနၣ်, ဒီးဆူးထီၣ်ဝ့ၢ်န့ၣ်လၢမ့ၣ်အူလီၤ.
28 ဒီးပှၤမၤပူၤမၤဖျဲးတၢ်တအိၣ်ဘၣ်, အဂ့ၢ်ဒ်အံၤ, အိၣ် ယံၤဝဲဒီးစံဒိၣ်, ဒီးအတၢ်ဘၣ်ဃးဒီးပှၤဂၤတအိၣ်ဘၣ်. ဒီးအိၣ်ဝဲလၢကစၢၢ်ကဆူးဘ့ၤသရဃိာ်အဃၢၤလီၤ. ဒီး တ့လီၤဝ့ၢ်တဝ့ၢ်, ဒီးအိၣ်ဝဲဆိးဝဲလၢအပူၤလီၤ. 29 ဒီးယုၢ် ဝဲအမံၤလၢဒၣ်, ဒ်အပၢ်စီၤဒၣ်အမံၤအသိးလၢစီၤအံၣ်စ ရ့လးထီၣ်ဖိအီၤလီၤ. ဘၣ်ဆၣ်ဒီးလၢအခီၣ်ထံးန့ၣ် ဝ့ၢ် အမံၤမ့ၢ်လ့ရှ့ၣ်လီၤ.
30 ဒီးပှၤဒၣ်ဖိပာ်ထူၣ်ကလာ်တၢ်ဂီၤစိးပျၤအသး, ဒီးစီၤ မိၤရှ့အဖိခွါ, စီၤက့ရၡိၣ်အဖိခွါစီၤယိနၤသၣ်, အဝဲဒၣ်ဒီး အဖိခွါတဖၣ် မ့ၢ်ပှၤလုၢ်တၢ်အဒိၣ်လၢ ဒၣ်တကလုာ်အ ဂီၢ်တုၤလီၤလၢထံဧိၤကီၢ်ဧိၤဘၣ်တၢ်မၤလူၤမၤဝဲၤအီၤလီၤ.
31 ဒီးကယဲၢ်မုၢ်နံၤမုၢ်နၤလၢ ယွၤအဟံၣ်အိၣ်ဝဲဆိးဝဲလၢ ၡံလိၣ်အပူၤအဖၢမုၢ်န့ၣ်, ပာ်လီၤဝဲလၢစီၤမံၤကါအတၢ် ဂီၤစိးပျၤအသးလၢအတ့အီၤလီၤ.
19၁၉
1 ဒီးတၢ်မၤအသးဖဲ စီၤပၤတအိၣ်ဘၣ်လၢ အံၣ်စရ့ လးအမုၢ်နံၤတဖၣ်န့ၣ်, လၢပှၤလ့ၤဝံဖိ အိၣ်ဝဲဆိးဝဲ လၢကစၢၢ်အ့ဖရဲၣ်အကပၤတဂၤလၢအဟံးန့ၢ် အသံၣ် မါတဂၤလၢဘ့ၤသလ့ဃ့ၣ်ယူဒၤအပူၤလီၤ.
2 ဒီးအသံၣ်မါအဲၣ်ဘၢအီၤ, ဒီးလဲၤသဒၣ်အီၤဆူအပၢ် အဟံၣ်လၢဘ့ၤသလ့ဃ့ၣ်ယူဒၤအပူၤ, ဒီးအိၣ်ဝဲဖဲန့ၣ် လွံၢ်လါညါလီၤ.
3 ဒီးအဝၤန့ၣ်ဂဲၤဆၢထၢၣ်, ဒီးလဲၤလူၤက့ၤအီၤဒ်သိး အကကတိၤမုာ်အသး လၢအကဟဲက့ၤကဒါက့ၤလီၤ. ဒီးအကုၢ်အပှၤတဂၤ, ဒီးကသ့ၣ်ယီၤခံဒုအိၣ်ဒီးအီၤ, ဒီး ပိာ်မုၣ်န့ၣ် ဒုးဟဲနုာ်အီၤဆူအပၢ်အဟံၣ်ပူၤ, ဒီးတုၤပိာ် မုၣ်အပၢ်ထံၣ်ဘၣ်အီၤဒီး, သဂၢၢ်ဝဲ, ဒီးသးခုဝဲလီၤ.
4 ဒီးအမံၤပှၢ်ပိာ်ခွါ, ပိာ်မုၣ်န့ၣ်အပၢ်, ဒုးအိၣ်ဒုးဆိး အီၤ, ဒီးအဝဲဒၣ် အိၣ်ဒီးအီၤသၢသီ, ဒီးအီၣ်တၢ်အီ တၢ်ဒီးမံဝဲဖဲန့ၣ်လီၤ.
5 ဒီးတၢ်မၤအသးလၢ လွံၢ်နံၤတနံၤန့ၣ် တုၤပှၤဂဲၤဆၢ ထၢၣ်လၢမုၢ်ဆ့ၣ်ထီၣ်ဂီၤဂီၤဒီး, အဝဲဒၣ်ဂဲၤဆၢထၢၣ်ဒ် သိးအကလဲၤတၢ်, ဒီးပိာ်မုၣ်န့ၣ် အပၢ်စံးဘၣ်အမာ်, မၤ ကျၢၤနသးလၢကိၣ်တလိၣ်, ဒီးလၢအလီၢ်ခံန့ၣ်က့ၤက့ၤ တက့ၢ်.
6 ဒီးဆ့ၣ်နီၤဝဲ, ဒီးအီၣ်တၢ်ဒီးအီတၢ်ခံဂၤလၢာ်, ဒီးပိာ် မုၣ်အပၢ်စံးဘၣ်ပှၤကညီန့ၣ် သူၣ်မံသးမံ, ဒီးအိၣ်သီတ နၤကျၢၤ, ဒီးမၤမုာ်နသးတက့ၢ်.
7 ဒီးတုၤပှၤကညီန့ၣ်ဂဲၤဆၢထၢၣ်ဒ်သိးအကလဲၤတၢ်ဒီး အမံၤပှၢ်ပိာ်ခွါန့ၣ်ညးဝဲ, ဒီးမံကဒီးဝဲဖဲန့ၣ်လီၤ.
8 ဒီးယဲၢ်နံၤတနံၤန့ၣ် ဂဲၤဆၢထၢၣ်လၢမုၢ်ဆ့ၣ်ထီၣ်ဂီၤဂီၤ ဒ်သိးအကလဲၤတၢ်, ဒီးပိာ်မုၣ်န့ၣ်အပၢ်စံးဝဲဒၣ်, မၤမုာ် လၢ်နသးတက့ၢ်. ဒီးအိၣ်ဝဲတုၤမုၢ်ဃ့ၢ်လီၤ, ဒီးအီၣ်တၢ် ခံဂၤလၢာ်လီၤ.
9 ဒီးတုၤပှၤကညီန့ၣ်ဂဲၤဆၢထၢၣ်ဒ်သိး အကလဲၤတၢ် အဝဲဒၣ်, ဒီးအသံၣ်မါဒီးအကုၢ်အပှၤတဂၤဒီး, အမံၤပှၢ် ပိာ်မုၣ်အပၢ်, စံးဘၣ်အီၤ, ကွၢ်ကွၢ်, ခဲကနံၤအံၤမုၢ်ဟါ လံ, အိၣ်လၢ်သီတနၤကျၢၤတက့ၢ်. ကွၢ်ကွၢ်, မုၢ်ဘၣ် လံ. မံဖဲအံၤ, ဒီးမၤမုာ်နသးတက့ၢ်. ဒီးခဲဂီၤကိာ်န့ၣ်လဲၤ တၢ်ဂီၤဂီၤ, ဒ်သိးနကလဲၤတုၤလၢနဒဲပူၤန့ၣ်တက့ၢ်.
10 ဒီးပှၤကညီန့ၣ် အိၣ်ဒီးမံသီတနၤကျၢၤန့ၣ် အသး တအိၣ်ဘၣ်, ဒီးဂဲၤဆၢထၢၣ်, ဒီးဟးထီၣ်ကွံာ်, ဒီးလဲၤ တုၤသဃီၤဒီးယဘူၣ် (အဝဲန့ၣ်မ့ၢ်ယရူၡလ့ၣ်), ဒီးက သ့ၣ်ယီၤဂီၤကၢ်အသးခံဒုအိၣ်ဒီးအီၤ, ဒီးအသံၣ်မါအိၣ် စ့ၢ်ကီးဝဲဒီးအီၤလီၤ.
11 တုၤအဝဲသ့ၣ်တုၤသဃီၤဒီးယဘူၣ်ဒီး, မုၢ်ဘၣ်, ဒီးအ ကုၢ်အပှၤစံးဘၣ်အကစၢ်, ဟဲလၢ်ဒီး ပကလဲၤနုာ်လၢ ပှၤယဘူၣ်ဖိအဝ့ၢ်တဝ့ၢ်အံၤအပူၤ, ဒီးမံဖဲန့ၣ်လီၤ.
12 ဒီးအကစၢ်စံးဘၣ်အီၤ, ပတဃၣ်ကပၤဘၣ်ဖဲန့ၣ်ဆူ ပှၤတခီဘီမုၢ်ဖိအဝ့ၢ်လၢ အတဘၣ်ဃးဘၣ်ဒီးပှၤအံၣ် စရ့လးဖိဘၣ်. ပကခီဂာ်တၢ်ဆူကံဘဧၤလီၤ.
13 ဒီးစံးဘၣ်အကုၢ်အပှၤ, ဟဲ, ပကသုးဘူးပသးဆူ အလီၢ်တပူၤပူၤအံၤ, ဆူကံဘဧၤမ့ၢ်ဂ့ၤ, ဆူရၤမါမ့ၢ်ဂ့ၤ, ဒ်သိးပကမံဖဲန့ၣ်လီၤ. 14 ဒီး လဲၤပူၤကွံာ်, ဒီးလဲၤတၢ်, ဒီးမုၢ်လီၤနုာ်န့ၢ်အီၤလၢကံ ဘဧၤအဃၢၤ, လၢအဘၣ်ဃးဒီး ဘံၣ်ယၤမံၣ်လီၤ. 15 ဒီးဃၣ်ဃီၤဝဲဆူန့ၣ်ဒ်သိး အကလဲၤနုာ်မံလၢကံဘဧၤအ ပူၤလီၤ. ဒီးလဲၤနုာ်ဒီး ဆ့ၣ်နီၤဝဲလၢဝ့ၢ်အကျဲပူၤ, ဒီးပှၤ တူၢ်လိာ်အီၤလၢဟံၣ်ပူၤဒ်သိးအကမံန့ၣ် တအိၣ်ဘၣ်နီ တဂၤဘၣ်.
16 ဒီးကွၢ်ကွၢ်, လၢမုၢ်ဟါန့ၣ် ပှၤသးပှၢ်တဂၤဟဲနုာ်လၢ အမၤတၢ်, လၢစံာ်ဧိၤပှဲၤဧိၤအပူၤလီၤ. ဒီးမ့ၢ်ပှၤကစၢၢ် အ့ဖရဲၣ်ဖိ, ဒီးအိၣ်ဝဲဆိးဝဲလၢကံဘဧၤလီၤ. မ့မ့ၢ်ပှၤက ညီလၢတၢ်အလီၢ်ဖဲန့ၣ်မ့ၢ်ပှၤဘံၣ်ယၤမံၣ်ဖိလီၤ. 17 ဒီးကျ့ ထီၣ်အမဲာ်, ဒီးထံၣ်ဘၣ်ပှၤလဲၤတၢ်ဖိ လၢဝ့ၢ်အကျဲပူၤ, ဒီးပှၤသးပှၢ်တဂၤန့ၣ်စံးဝဲဒၣ်, နကလဲၤဆူလဲၣ်, ဒီးနဟဲ လၢလဲၣ်.
18 ဒီးစံးဘၣ်အီၤ, ပခီဂာ်တၢ်လၢဘ့ၤသဃ့ဃ့ၣ် ယူဒၤ ဆူကစၢၢ်အ့ဖရဲၣ်အကပၤလီၤ. ယဟဲဖဲန့ၣ်, ဒီးယလဲၤ တ့ၢ်ဆူဘ့ၤသဃ့ဃ့ၣ်ယူဒၤ, ဒီးယလဲၤခဲကနံၣ်အံၤ ဆူ ယွၤအဟံၣ်ပူၤ, ဒီးပှၤတူၢ်လိာ်ယၤလၢအဟံၣ်ပူၤ တ အိၣ်ဘၣ်. 19 ဘၣ်ဆၣ်ဒီးလီၢ်ဧိၤဒံးဧိၤ, ဒီးတၢ်အီၣ်လၢပ ကသ့ၣ်ယီၤအဂီၢ်အိၣ်ဝဲ, ဒီးကိၣ်, ဒီးစပံးထံအိၣ်ဝဲစ့ၢ် ကီးလၢယဂီၢ်, လၢနကုၢ်ပိာ်မုၣ်အဂီၢ်, ဒီးလၢဖိၣ်သၣ် ခွါအဂီၢ်လၢအအိၣ်ဒီးနခ့နပှၤလီၤ. တၢ်န့ၢ်ဘၣ်တၢ်တ မံၤမံၤအလီၢ်တအိၣ်ဘၣ်.
20 ဒီးပှၤသးပှၢ်စံးဝဲဒၣ်, မ်တၢ်အမုာ်အိၣ်ဒီးနၤတက့ၢ်. နာ်သက့ဒီးတၢ်လၢနန့ၢ်ဘၣ်အလီၢ်အိၣ်ခဲလၢာ်န့ၣ် မ် အအိၣ်လၢယလိၤတက့ၢ်. မ်နသုတမံလၢကျဲပူၤလ့ၤ တက့ၤတဂ့ၤ.
21 ဒီးဒုးဟဲနုာ်အီၤ လၢအဟံၣ်ပူၤ, ဒီးဟ့ၣ်လီၤအက သ့ၣ်ယီၤအဆၣ်, ဒီးအဝဲသ့ၣ်သ့ကွံာ်အခီၣ်, ဒီးအီၣ်တၢ်, ဒီးအီတၢ်လီၤ.
22 ဖဲအဝဲသ့ၣ်တဖၣ်န့ၣ်မၤမုာ်အသးအဖၢမုၢ်န့ၣ်ဒီး, ကွၢ် ကွၢ်, ဝ့ၢ်အပှၤကညီ, ပှၤကညီလၢဘလးယဧၤလးဖိအ ကျါတဖၣ်န့ၣ် အိၣ်ဝးတရံးဟံၣ်ဒီး ဒိတကျိာ်တြဲၤဆူၣ် ဆူၣ်ကလဲာ်, ဒီးကတိၤတၢ်ဒီးဟံၣ်ကစၢ်, ပှၤသးပှၢ် တဂၤန့ၣ်, ဒီးစံးဝဲဒၣ်, ဟဲစိာ်ထီၣ်ပှၤကညီလၢအလဲၤ နုာ်လၢနဟံၣ်ပူၤဒ်သိးပကသ့ၣ်ညါအီၤတက့ၢ်.
23 ဒီးပှၤကညီဟံၣ်ကစၢ်တဂၤန့ၣ်, ဟးထီၣ်ဆူအအိၣ်, ဒီးစံးဘၣ်အီၤ, တမ့ၢ်ဘၣ်ဒီပုၢ်ဝဲၢ်သ့ၣ်ဧၢ, မၤလၢ်တၢ် အၢတမံၤအံၤတဂ့ၤ, မ့ၢ်ပှၤတဂၤအံၤဟဲနုာ်လၢယဟံၣ် ပူၤဒီး, မၤတၢ်ဟးဂီၤတမံၤအံၤတဂ့ၤ. 24 ကွၢ်ကွၢ်, ယဖိ မုၣ်, ပှၤမုၣ်လိၣ်ဘိ, ဒီးပှၤတဂၤန့ၣ်အသံၣ်မါန့ၣ်အိၣ် လီၤယကဟဲစိာ်အီၤ, ဒီးဆီၣ်လီၤအီၤ, ဒီးမၤအီၤလၢတၢ် ဂ့ၤလၢသုမဲာ်တက့ၢ်. မ့မ့ၢ်ပှၤတဂၤအံၤမၤအီၤလၢတၢ် ဟးဂီၤတမံၤန့ၣ်တဂ့ၤ.
25 ဘၣ်ဆၣ်ဒီး ပှၤကညီတဖၣ်န့ၣ် ဒိကနၣ်အကလုၢ် န့ၣ်အသးတအိၣ်ဘၣ်. ဒီးပှၤကညီတဂၤန့ၣ် ဟံးန့ၢ် အသံၣ်မါ, ဒီးဟဲစိာ်အီၤဆူအအိၣ်, ဒီးအဝဲသ့ၣ်သ့ၣ် ညါအီၤ, ဒီးမၤတရီတပါအီၤ သီတနၤကျၢၤလီၤ. ဒီး တုၤမုၢ်ဆ့ၣ်ထီၣ်ဒီး, ပျၢ်အီၤလီၤ.
26 ဒီးမုၢ်ဆ့ၣ်ဝါထီၣ်န့ၣ် ပိာ်မုၣ်ဟဲဝဲ, ဒီးလီၤဃံၤဝဲလၢ ပှၤကညီအဟံၣ်တြဲၤထံး, ဖဲအကစၢ်အိၣ်လၢအပူၤ, တုၤ တၢ်ကပီၤထီၣ်လီၤ. 27 ဒီးလၢမုၢ်ဂီၤန့ၣ်အကစၢ်ဂဲၤဆၢထၢၣ်, ဒီးအိးထီၣ်ဟံၣ်အတြဲၤ, ဒီးဟးထီၣ်ဒ်သိးအကလဲၤတၢ်, ဒီးကွၢ်ကွၢ်, အသံၣ်မါ, ပိာ်မုၣ်န့ၣ်အိၣ်လီၤဃံၤဝဲလၢတြဲၤထံး, ဒီး အစုအိၣ်ဝဲလၢကျဲစၢၤအကျိၤထံးတဖီခိၣ်လီၤ. 28 ဒီးစံးဘၣ် အီၤ, ဂဲၤဆၢထၢၣ်လဲၤသကိးတၢ်တက့ၢ်. ဒီးတစံးဆၢ ဘၣ်တၢ်ဘၣ်. ဒီးပှၤကညီန့ၣ် ဟံးထီၣ်ပာ်အီၤလၢက သ့ၣ်ယီၤအဖီခိၣ်, ဒီးပှၤကညီန့ၣ်ဂဲၤဆၢထၢၣ်, ဒီးလဲၤဝဲ ဆူအလီၢ်န့ၣ်လီၤ.
29 ဒီးတုၤအဟဲ တုၤလၢဟံၣ်ပူၤဒီး, ဟံးန့ၢ်ဒီတဘ့ၣ် ဒီးဟံးန့ၢ်အသံၣ်မါ, ဒီးဒီၣ်နီၤဖးအီၤ အိၣ်ဒီးအဃံလၢ တဆံခံကူာ်, ဒီးဟ့ၣ်ယုၢ်အီၤလၢ အံၣ်စရ့လးအကီၢ် ဃၢၤခဲလၢာ်အပူၤလီၤ.
30 ဒီးကယဲၢ်ပှၤလၢ အထံၣ်ဘၣ်ဝဲတဖၣ်န့ၣ် တၢ်မၤအ သးလၢအစံးဝဲဒၣ်, ပှၤတထံၣ်ဘၣ်တၢ်ဒ်အံၤသိးလၢမုၢ် တနံၤလၢပှၤအံၣ်စရ့လးဖိ ဟဲထီၣ်လၢကီၢ်အဲၤကူပတူး အပူၤတုၤမုၢ်မဆါတနံၤအံၤဘၣ်. ဆိကမိၣ်တၢ်သုကစၢ် ဒၣ်သုဝဲ, ကူၣ်လိာ်သုသး, ဒီးကတိၤတၢ်တက့ၢ်.
20၂၀
1 ဒီးပှၤအံၣ်စရ့လးဖိဟးထီၣ်ခဲလၢာ်, ဒီးတၢ်အိၣ်ဖှိၣ် န့ၣ်အိၣ်ဖှိၣ်ရိဖှိၣ်ဒ်ပှၤတဂၤဃီအသိးလၢဒၣ်ပၢၢ်လၢဘ့ၢ် ၡဘၤ, ဒီးကံးလဧးအပှၤကီၢ်ဖိ, ဆူယွၤအအိၣ်လၢမံးစ ပၤလီၤ.
2 ဒီးပှၤဂီၢ်မုၢ်အခိၣ်ခဲလၢာ်, ပှၤအံၣ်စရ့လးအဒူၣ်ကိး ဒူၣ်ဒဲးန့ၣ်ပာ်လီၤအသးလၢ ယွၤအပှၤဂီၢ်မုၢ်အတၢ်အိၣ် ဖှိၣ်အကျါ, ပှၤခီၣ်သုးလၢအဘီၣ်ထီၣ်နး လွံၢ်ကလီၤ လီၤ. 3 (ဒီးပှၤဘံၣ်ယၤမံၣ်ဖိနၢ်ဟူဝဲ, လၢပှၤအံၣ်စရ့လး ဖိလဲၤတ့ၢ်ဆူမံးစပၤ), ဒီးပှၤအံၣ်စရ့လးဖိစံးဝဲဒၣ်, တၢ် မၤအၢအံၤမ့ၢ်ဒ်လဲၣ်န့ၣ်စံးဘၣ်တဲဘၣ်ပှၤတက့ၢ်.
4 ဒီးပှၤလ့ၤဝံဖိ, ပိာ်မုၣ်လၢအဘၣ်တၢ်မၤသံအီၤအဝၤ တဂၤကတိၤဆၢတၢ်, ဒီးစံးဝဲဒၣ်, ယလဲၤနုာ်လၢကံ ဘဧၤဘံၣ်ယၤမံၣ်အပူၤ, ယဲဒၣ်ဒီးယသံၣ်မါ, ဒ်သိး ယကမံဖဲန့ၣ်လီၤ. 5 ဒီးကံဘဧၤအပှၤကညီဂဲၤဆၢထၢၣ် လၢယဖီခိၣ်, ဒီးအိၣ်ဝးတရံးဟံၣ်လၢယဖီခိၣ်လၢမုၢ်နၤ, ဒီးပာ်အသးလၢအကမၤသံယၤ, ဒီးဆီၣ်လီၤယသံၣ်မါ, ဒီးအဝဲဒၣ်သံလံဝဲလံ. 6 ဒီးယဟံးန့ၢ်ယသံၣ်မါ, ဒီးယ ဒီၣ်တဲာ်အီၤတကူာ်တကူာ်, ဒီးဟ့ၣ်ယုၢ်အီၤလၢကီၢ်လၢ အံၣ်စရ့လးအတၢ်န့ၢ်သါဒီဘ့ၣ်ညါလီၤ. အဂ့ၢ်ဒ်အံၤ, မၤ ဝဲလၢတၢ်မၤကမၣ်မုၣ်, ဒီးတၢ်ဟးဂီၤလၢအံၣ်စရ့လးအ ပူၤလီၤ. 7 ကွၢ်ကွၢ်, သုမ့ၢ်အံၣ်စရ့လးအဖိခဲလၢာ်, ဟ့ၣ် သုတၢ်ကတိၤ, ဒီးတၢ်ကူၣ်လိာ်တက့ၢ်.
8 ဒီးပှၤဂီၢ်မုၢ်ခဲလၢာ်န့ၣ် ဂဲၤဆၢထၢၣ်ဒ်ပှၤတဂၤဃီ အ သိး, ဒီးစံးဝဲဒၣ်, ပတက့ၤကဒါက့ၤဆူ ပဒဲပူၤနီတဂၤ ဘၣ်, ဒီးပတဃၣ်ကပၤဆူ ပဟံၣ်ပူၤနီတဂၤဘၣ်. 9 ဒီး ခဲကနံၣ်အံၤ ပကမၤကံဘဧၤလၢတၢ်အံၤ, ပကဖးတၢ် လၢအဖီခိၣ်လီၤ.
10 ဒီးလၢပှၤတကယၤအကျါန့ၣ်ပကဟံးန့ၢ်ဆံဆဲၣ်, ဒီး လၢပှၤတကထိအကျါန့ၣ် ပှၤတကယၤ, ဒီးလၢပှၤတ ကလးအကျါန့ၣ် ပှၤတကထိလၢအံၣ်စရ့လးအဒူၣ်ကိး ဒူၣ်ဒဲးအကျါန့ၣ်ဒ်သိး အကဟဲစိာ်တၢ်အီၣ်တၢ်အီလၢ ပှၤဂီၢ်မုၣ်အဂီၢ်လၢအကမၤတၢ်, တုၤအတုၤလၢကံဘဧၤ ဘံၣ်ယၤမံၣ်, ဒ်ကယဲၢ်တၢ်မၤဟးဂီၤ လၢအမၤဝဲလၢအံၣ် စရ့လးအပူၤအသိးန့ၣ်လီၤ.
11 ဒီးအံၣ်စရ့လးအပှၤကညီ အိၣ်ဖှိၣ်ရိဖှိၣ် ထီဒါဝ့ၢ်တ ဝ့ၢ်န့ၣ်စၢဃာ်လိာ်အသးဒ်ပှၤတဂၤဃီအသိးန့ၣ်လီၤ 12 ဒီးပှၤအံၣ်စရ့လးဖိအဒူၣ်တဖၣ်န့ၣ်မၢလီၤ ပှၤလဲၤဆူဘံၣ်ယၤမံၣ်တဒူၣ်အကျါဒီဒူၣ်ညါ, ဒီးစံးဝဲဒၣ်, တၢ်အၢအံၤလၢအမၤအသးလၢသုကျါန့ၣ် မ့ၢ်မနုၤတမံၤ လဲၣ်.
13 ဒီးခဲကနံၣ်အံၤ ဟ့ၣ်လီၤကွံာ်ပှၤကညီ, ပှၤဘလးယဧၤ လးဖိ, လၢအအိၣ်လၢကံဘဧၤ, ဒ်သိးပကမၤသံအီၤ, ဒီးသုးကွံာ်တၢ်အၢလၢအံၣ်စရ့လးန့ၣ်တက့ၢ်. ဘၣ်ဆၣ် ဒီးပှၤဘံၣ်ယၤမံၣ်ဖိတကနၣ်ဘၣ်အဒီပုၢ်ဝဲၢ်, ပှၤအံၣ်စရ့ လးဖိအကလုၢ်ဘၣ်.
14 ဒီးပှၤဘံၣ်ယၤမံၣ်ဖိ အိၣ်ဖှိၣ်ရိဖှိၣ်လၢဝ့ၢ်တဖၣ်အပူၤ ဆူကံဘဧၤ, ဒ်သိးဒီးအကဒုးသုးဒီးပှၤအံၣ်စရ့လးဖိလီၤ.
15 ဒီးတၢ်လၢမုၢ်တနံၤန့ၣ် ပှၤဘံၣ်ယၤမံၣ်ဖိ လၢဝ့ၢ်တ ဖၣ်အပူၤန့ၣ် အိၣ်ခံကလးဃုကထိလၢ အဘီၣ်ထီၣ် နးလီၤ. လၢန့ၣ်အမဲာ်ညါပှၤကံဘဧၤဖိလၢတၢ်ဂံၢ်အီၤ လၢပှၤလၢအဘၣ်တၢ်ဃုထၢအီၤနွံကယၤလီၤ.
16 လၢပှၤဂီၢ်မုၢ်ခဲလၢာ်အကျါန့ၣ် ပှၤလၢအဘၣ်တၢ် ဃုထၢအီၤလၢအမၤ တစ့ၣ်စုအိၣ်နွံကယၤလီၤ. ကွံာ်ဝဲ လၢလၢၢ်လၢခိၣ်သူတဘိဒီးဘၣ်ဝဲကိးဂၤဒဲးလီၤ.
17 ဒီးအံၣ်စရ့လးအပှၤကညီ လၢဘံၣ်ယၤမံၣ်အမဲာ်ညါ န့ၣ်တၢ်ဂံၢ်အီၤ ပှၤလွံၢ်ကလီၤလၢအဘီၣ်ထီၣ်နးလီၤ. အ ဝဲသ့ၣ်ခဲလၢာ်န့ၣ်မ့ၢ်ပှၤသုးဖိလီၤ.
18 ဒီးပှၤအံၣ်စရ့လးဖိဂဲၤဆၢထၢၣ်, ဒီးလဲၤထီၣ်ဆူဘ့ၤ သ့လး, ဒီးသံကွၢ်ယွၤ, ဒီးစံးဝဲဒၣ်, မ့ၢ်မတၤလၢပကျါ ကလဲၤထီၣ်ဆိ ဒ်သိးအကဒုးတၢ်ဒီးပှၤဘံၣ်ယၤမံၣ်ဖိန့ၣ် လဲၣ်. ဒီးယွၤစံးဝဲဒၣ်, ယူဒၤအိၣ်လၢအမဲာ်ညါလီၤ.
19 ဒီးလၢမုၢ်ဂီၤန့ၣ်ပှၤအံၣ်စရ့လးဖိဂဲၤဆၢထၢၣ်, ဒီးသူၣ် ဒဲထီဒါကံဘဧၤန့ၣ်လီၤ.
20 ဒီးအံၣ်စရ့လးအပှၤကညီ ဟးထီၣ်ဒ်သိးအကဒုးတၢ် ဒီးဘံၣ်ယၤမံၣ်, ဒီးအံၣ်စရ့လးအပှၤကညီ ကတဲာ်က တီၤအသးဒ်သိးအကဒုးတၢ်ဒီးအီၤဖဲ ကံဘဧၤန့ၣ်လီၤ.
21 ဒီးပှၤဘံၣ်ယၤမံၣ်ဖိဟဲထီၣ်လၢကံဘဧၤ, ဒီးလၢမုၢ် တနံၤန့ၣ်ကျီလီၤကွံာ် ပှၤအံၣ်စရ့လးဖိ ခံကလးခံက ထိဆူဟီၣ်ခိၣ်လီၤ.
22 ဒီးပှၤဂီၢ်မုၢ်, ပှၤအံၣ်စရ့လးဖိ, ဒုးဆူၣ်ထီၣ်လိာ်အသး, ဒီးကတဲာ်ကတီၤအတၢ်ဒုးဖဲအလီၢ်တပူၤဃီ လၢအက တဲာ်ကတီၤတၢ်လၢမုၢ်အခီၣ်ထံးတနံၤန့ၣ်လီၤ.
23 (ဒီးပှၤအံၣ်စရ့လးဖိ လဲၤထီၣ်ဒီးအမဲာ်ထံလီၤလၢယွၤ အမဲာ်ညါတုၤမုၢ်ဟါ, ဒီးသံကွၢ်ယွၤ ဒီးစံးဝဲဒၣ်ယက လဲၤထီၣ်ဒုးကဒီးတၢ်ဒီး ယဒီပုၢ်ဝဲၢ်ဘံၣ်ယၤမံၣ်န့ၣ်စ့ၢ် ကီးဧါ, ဒီးယွၤစံးဝဲဒၣ်, လဲၤထီၣ်ထီဒါအီၤတက့ၢ်).
24 ဒီးခံနံၤတနံၤန့ၣ် ပှၤအံၣ်စရ့လးဖိသုးဘူးအသးထီဒါ ပှၤဘံၣ်ယၤမံၣ်ဖိလီၤ. 25 ဒီးခံနံၤတနံၤန့ၣ်ပှၤဘံၣ်ယၤမံၣ် ဖိဟးထီၣ်ထီဒါအီၤလၢကံဘဧၤအပူၤ, ဒီးကျီလီၤကွံာ် ကဒီးပှၤအံၣ်စရ့လးဖိ တကလးဃိးကထိ ဆူဟီၣ်ခိၣ် လီၤ. အဝဲသ့ၣ်န့ၣ်ဘီၣ်ထီၣ်နးခဲလၢာ်လီၤ.
26 ဒီးပှၤအံၣ်စရ့လးဖိခဲလၢာ်န့ၣ် လဲၤထီၣ်ဆူဘ့ၤသ့လး ဒီးအမဲာ်ထံလီၤ. ဒီးဆ့ၣ်နီၤဖဲန့ၣ်, ဒီးဒုၣ်တၢ်အီၣ်တၢ် အီလၢမုၢ်တနံၤန့ၣ်တုၤလၢမုၢ်ဟါ, ဒီးလုၢ်တၢ်လုၢ်မ့ၣ် အူ, ဒီးတၢ်လုၢ်မၤဃူမၤဖိးလၢယွၤအမဲာ်ညါလီၤ.
27 ဒီးပှၤအံၣ်စရ့လးဖိသံကွၢ်ယွၤ, (အဂ့ၢ်ဒ်အံၤ, တၢ်လၢ မုၢ်နံၤတဖၣ်န့ၣ် ယွၤအတၢ်အၢၣ်လီၤအီလီၤ အတလါ အိၣ်ဖဲန့ၣ်, 28 ဒီးလၢမုၢ်နံၤတဖၣ်န့ၣ် စီၤအၤဟရိၣ်အဖိ ခွါလီၤ. 29 ဒီးအံၣ်စရ့လး ပာ်ပှၤခိးခူသူၣ်တၢ်ဝးတရံး ကံဘၤ ဧလီၤ. 30 ဒီးသၢနံၤတနံၤန့ၣ် ပှၤအံၣ်စရ့လးဖိလဲၤထီၣ် ထီဒါပှၤဘံၣ်ယၤမံၣ်ဖိ, ဒီးကတဲာ်ကတီၤအသးထီဒါ ကံဘဧၤဒ်တဘျီတဘျီအသိးန့ၣ်လီၤ.
31 ဒီးပှၤဘံၣ်ယၤမံၣ်ဖိ ဟဲထီၣ်သဂၢၢ်ပှၤဂီၢ်မုၢ်, ဒီးဘၣ် တၢ်ထုးကွံာ်အီၤလၢဝ့ၢ်ပူၤ, ဒီးကျီကွံာ်သီပှၤဂီၢ်မုၢ်, ဒီးမၤ သံပှၤလၢအံၣ်စရ့လးအကျါသၢဆံဃၣ်ဃၣ်ဒ်တဘျီတဘျီအသိးလၢကျဲမုၢ်တဖၣ်, ဖဲကျဲတဘိလဲၤထီၣ်ဆူဘ့ၤ သ့လး, ဒီးအဝဲတဘိဆူကံဘဧၤလၢတၢ်ပျီပူၤန့ၣ်လီၤ.
32 ဒီးပှၤဘံၣ်ယၤမံၣ်ဖိစံးဝဲဒၣ်, ကျီကွံာ်လံအသးလၢအသး လၢပမဲာ်ညါဒ်လၢအခီၣ်ထံးအသိးန့ၣ်လံ. မ့မ့ၢ်ပှၤအံၣ် စရ့လးဖိစံးဝဲဒၣ်, ဃ့ၢ်သကိး, ဒီးထုးထီၣ်ကွံာ်အီၤလၢ ဝ့ၢ်ပူၤဆူကျဲမုၢ်တဖၣ်န့ၣ်တက့ၢ်.
33 ဒီးအံၣ်စရ့လးအပှၤကညီခဲလၢာ် ဂဲၤဆၢထၢၣ်လၢအ လီၢ်, ဒီးကတဲာ်ကတီၤအသးဖဲဘဧၤလးတၤမၢ်, ဒီးအံၣ် စရ့လးအပှၤခိးခူသူၣ်တၢ်န့ၣ်ဟဲထီၣ်လၢအလီၢ်, လၢကံ ဘဧၤအပျီပူၤန့ၣ်လီၤ. 34 ဒီးတၢ်ဟဲထီဒါကံဘဧၤပှၤဘၣ် တၢ်ဃုထၢအီၤတကလးလၢ ပှၤအံၣ်စရ့လးခဲလၢာ်အ ကျါလီၤ. ဒီးတၢ်ဒုးန့ၣ်ကီမးလီၤ. ဒီးတသ့ၣ်ညါဘၣ် လၢတၢ်အၢအိၣ်ဘူးဒီးအီၤဘၣ်.
35 ဒီးယွၤကျီကွံာ်ဘံၣ်ယၤမံၣ်လၢ အံၣ်စရ့လးအမဲာ်ညါ, ဒီးပှၤအံၣ်စရ့လးဖိ မၤဟးဂီၤကွံာ်ပှၤခံကလးယဲၢ်ကထိ တကယၤ, လၢပှၤဘံၣ်ယၤမံၣ်ဖိအကျါလၢမုၢ်တနံၤန့ၣ် လီၤ. အဝဲသ့ၣ်န့ၣ်ဘီၣ်ထီၣ်နးခဲလၢာ်လီၤ.
36 ဒီးပှၤဘံၣ်ယၤမံၣ်ဖိ ထံၣ်ဘၣ်ဝဲလၢ အဘၣ်တၢ်ကျီ ကွံာ်အီၤလီၤ. အဂ့ၢ်ဒ်အံၤ, ပှၤအံၣ်စရ့လးဖိဟ့ၣ်ပှၤဘံၣ် ယၤမံၣ်ဖိအလီၢ်လီၤ. အဂ့ၢ်ဒ်အံၤ, သန့ၤအသးလၢပှၤ ခိးခူသူၣ်တၢ်လၢအပာ်လၢကံဘဧၤအဃၢၤလီၤ.
37 ဒီးပှၤခိးခူသူၣ်တၢ်မၤချ့ချ့, ဒီးဃ့ၢ်သဖှိဆူ ကံဘဧၤ, ဒီးပှၤခိးခူသူၣ်တၢ်တဖၣ်သလၣ်ထီၣ်အသး, ဒီးကျီဝ့ၢ် ဒီဝ့ၢ်ညါလၢနးကနၣ်လီၤ.
38 ဒီးတၢ်ပနီၣ်လၢအအိၣ်သ့ၣ်ပာ်ဝဲ လၢအံၣ်စရ့လးအ ပှၤကညီ, ဒီးပှၤခိးခူသူၣ်တၢ်အဘၢၣ်စၢၤန့ၣ်မ့ၢ်လၢအ ကဒုးထီၣ်မ့ၣ်အူလၣ်, ဒီးမ့ၣ်အူခုၣ်လၢဝ့ၢ်ပူၤလီၤ.
39 ဒီးတုၤပှၤအံၣ်စရ့လးဖိဃ့ၢ်လၢ တၢ်ဒုးသုးအပူၤန့ၣ် ဒီးဘံၣ်ယၤမံၣ်ကျီကွံာ်သီ, ဒီးမၤသံပှၤသၢဆံဃၣ်ဃၣ် လၢပှၤအံၣ်စရ့လးဖိအကျါန့ၣ်လီၤ. အဂ့ၢ်ဒ်အံၤ, စံးဝဲ ဒၣ်, မ့ၢ်မးဘၣ်တၢ်ကျီကွံာ်အီၤလၢပမဲာ်ညါဒ်လၢတၢ်ဒုး သုးအခီၣ်ထံးတဘျီအသိးန့ၣ်လီၤ. 40 မ့မ့ၢ် တုၤမ့ၣ်အူ လၣ်ထီၣ်သီ, ဒီးမ့ၣ်အူခုၣ်တထူၣ်အိၣ်လၢဝ့ၢ်ပူၤဒီး, ပှၤ ဘံၣ်ယၤမံၣ်ဖိ ကွၢ်တၢ်ဆူအလီၢ်ခံ, ဒီးကွၢ်ကွၢ်, ဝ့ၢ်အ မ့ၣ်အူလၣ်ထီၣ်ဆူမူခိၣ်လီၤ.
41 ဒီးတုၤအံၣ်စရ့လးအပှၤကညီ ဃၣ်ကဒါက့ၤအသး ဒီး, ဘံၣ်ယၤမ့ၣ်အပှၤကညီပာ်အသးကမၢကမၣ်လီၤ. အဂ့ၢ်ဒ်အံၤ, ထံၣ်ဘၣ်ဝဲလၢ တၢ်အၢတၢ်သီဟဲဘၣ်အီၤ လီၤ. 42 ဒီးဃၣ်အသးလၢအံၣ်စရ့လးအမဲာ်ညါဆူပှၢ်မုၢ်ကနၢအကျဲလီၤ. ဘၣ်ဆၣ်ဒီးတၢ်ဒုးသုးချုးန့ၢ်အီၤ, ဒီး ပှၤလၢအဟဲထီၣ်လၢ ဝ့ၢ်တဖၣ်အပူၤန့ၣ် မၤဟးဂီၤကွံာ် အီၤလၢတၢ်ဘၢၣ်စၢၤန့ၣ်လီၤ.
43 တၢ်ကဝီၤ ပှၤဘံၣ်ယၤမံၣ်ဖိဝးတရံး, ဒီးလူၤအီၤ, ဒီး ယီၢ်တံၢ်အီၤ ညီကဒၣ်သဃီၤဒီးကံဘဧၤဆူမုၢ်ထီၣ်တခီ လီၤ. 44 ဒီးပှၤလၢဘံၣ်ယၤမံၣ်အကျါန့ၣ် လီၤဃံၤဝဲတ ကလးဃိးကထိလီၤ. အဝဲသ့ၣ်မ့ၢ်ပှၤသုးဖိခဲလၢာ်လီၤ.
45 ဒီးဃၣ်အသး, ဒီးဃ့ၢ်ဆူပှၢ်မုၢ်ကနၢ, ဆူလၢၢ်ရံးမိၣ် အအိၣ်လီၤ. ဒီးထၢထီၣ်န့ၢ်လၢအီၤပှၤယဲၢ်ကထိ, လၢကျဲ မုၢ်တဖၣ်အပူၤ, ဒီးလူၤသပှၢ်အီၤဆူကံဒိၣ်, ဒီးမၤသံပှၤခံ ကထိလၢအကျါန့ၣ်လီၤ. 46 ဒီးကယဲၢ်ပှၤလၢဘံၣ်ယၤမံၣ် အကျါလၢအဘီၣ်ထီၣ်နးတဖၣ် လၢအလီၤဃံၤလၢမုၢ် တနံၤန့ၣ်, မ့ၢ်ပှၤခံကလးယဲၢ်ကထိလီၤ. ဒီးအဝဲသ့ၣ်မ့ၢ် ပှၤသုးဖိခဲလၢာ်လီၤ.
47 ဒီးပှၤကညီဃုကယၤဃၣ်အသး, ဒီးဃ့ၢ်ဆူပှၢ်မုၢ်က နၢဆူလၢၢ်ရံးမိၣ်အအိၣ်, ဒီးအိၣ်ဝဲလၢ လၢၢ်ရံးမိၣ်လွံၢ် လါလီၤ.
48 ဒီးအံၣ်စရ့လးအပှၤကညီ ဃၣ်ကဒီးအသးဆူ ပှၤ ဘံၣ်ယၤမံၣ်ဖိအအိၣ်, ဒီးကျီကွံာ်အီၤလၢနးအကနၣ်, ဒီးဝ့ၢ်အပှၤကညီ, ဒီးဆၣ်ဖိကီၢ်ဖိအဒၢ, ကယဲၢ်တၢ် လၢအထံၣ်န့ၢ်အီၤခဲလၢာ်န့ၣ် ဆူးထီၣ်ကွံာ်ဝဲလၢ မ့ၣ် အူစ့ၢ်ကီးလီၤ.
21၂၁
1 ဒီးပှၤအံၣ်စရ့လးဖိ ဆိၣ်လီၤတ့ၢ်အသးလၢ မံးစပၤ, ဒီးစံးဝဲဒၣ်, ပှၤလၢပကျါန့ၣ် တဘၣ်ဟ့ၣ်အဖိမုၣ်လၢ ဘံၣ်ယၤမံၣ်န့ၣ်နီတဂၤဘၣ်.
2 ဒီးပှၤဂီၢ်မုၢ်ဟဲထီၣ်ဆူဘ့ၤသ့လး, ဒီးအိၣ်ဝဲဖဲန့ၣ်တုၤ မုၢ်ဟါလၢယွၤအမဲာ်ညါ, ဒီးထုထီၣ်အကလုၢ်ဒီးအမဲာ် ထံလီၤနးမးလီၤ. 3 ဒီးစံးဝဲဒၣ်, ယွၤအံၣ်စရ့လးအက စၢ်ဧၢ, လၢအံၣ်စရ့လးအဒူၣ်တဖၣ်ကျါ, အံၣ်စရ့လး လီၤစှၤပှၤတဒူၣ် လၢမုၢ်မဆါတနံၤအံၤ, တၢ်မၤအသး အံၤမ့ၢ်အဘၣ်မနုၤလဲၣ်.
4 ဒီးမုၢ်ဆ့ၣ်ထီၣ်တနံၤန့ၣ် တၢ်မၤအသးလၢပှၤဂီၢ်မုၢ် ဂဲၤဆၢထၢၣ်ဂီၤဂီၤ, ဒီးမၤထီၣ်တၢ်လုၢ်အလီၢ်ဖဲန့ၣ်, ဒီး လုၢ်ထီၣ်တၢ်လုၢ်မ့ၣ်အူ, ဒီးတၢ်လုၢ်မၤဃူမၤဖိးလီၤ.
5 ဒီးပှၤအံၣ်စရ့လးဖိစံးဝဲဒၣ်, ပှၤလၢအံၣ်စရ့လး အ ဒူၣ်ခဲလၢာ်အကျါ လၢအတဟဲထီၣ်ဘၣ် ဒီးတၢ်အိၣ် ဖှိၣ်ဆူယွၤအအိၣ်န့ၣ် မ့ၢ်မတၤတဂၤလဲၣ်. အဂ့ၢ်ဒ်အံၤ, ဆိၣ်တၢ်ဆိၣ်ဖးဒိၣ်လၢပှၤလၢအတဟဲဘၣ်ဆူယွၤ အ အိၣ်ဆူမံးစပၤအဂ့ၢ်အကျိၤ, ဒီးစံးဝဲဒၣ်, သံဒီးကဘၣ် တၢ်မၤသံအီၤလီၤ. 6 ဒီးပှၤအံၣ်စရ့လးဖိသ့ၣ်နီၣ်ပီၢ်ယၢ်လီၤက့ၤအသးလၢအဒီပုၢ်ဝဲၢ်ဘံၣ်ယၤမံၣ်အဃိ, ဒီးစံးဝဲဒၣ်, ပှၤတဒူၣ်ဒီၣ်တဲာ်အသးဒီးအံၣ်စရ့လးလၢမုၢ်မဆါတနံၤအံၤလီၤ.―
7 မ့ၢ်ပဆိၣ်လီၤပသးလၢယွၤအမဲာ်ညါ လၢပတဟ့ၣ်ဘၣ် အီၤလၢပဖိမုၣ်လၢအမါဘၣ်ဒီး, ပကမၤလၢပှၤလၢအ အိၣ်လီၤတဲာ်တဖၣ်အဂီၢ်ဒ်သိးအကန့ၢ်မါန့ၣ်ဒ်လဲၣ်.
8 ဒီးစံးဝဲဒၣ်, လၢအံၣ်စရ့လး အဒူၣ်တဖၣ်အကျါန့ၣ် ပှၤလၢအတဟဲထီၣ်ဘၣ် ဆူယွၤအအိၣ်န့ၣ် မ့ၢ်မနုၤတ ဒူၣ်လဲၣ်. ဒီးကွၢ်ကွၢ်, ပှၤတဟဲဘၣ်ဆူပှၤသူၣ်ဒဲအလီၢ် လၢယၤဘ့ၣ်ကံးလဧးဆူတၢ်အိၣ်ဖှိၣ်ဘၣ်. 9 အဂ့ၢ်ဒ်အံၤ, ပှၤဂီၢ်မုၢ်ဘၣ်တၢ်ဂံၢ်အီၤ, ဒီးကွၢ်ကွၢ်, ပှၤယၤဘ့ၣ်ကံး လဧးဖိတအိၣ်ဘၣ်ဖဲန့ၣ်ဘၣ်. 10 ဒီးတၢ်အိၣ်ဖှိၣ်မၢလီၤ ပှၤကညီလၢအဆူၣ်ကတၢၢ်တကလးခံကထိလဲၤဆူန့ၣ်, ဒီးမၤလိာ်အီၤ, ဒီးစံးဝဲဒၣ်, လဲၤကျီကွံာ် ပှၤယၤဘ့ၣ်ကံးလဧးဖိလၢနးအက နၣ်, ဒီးပိာ်မုၣ်ပိာ်မၢၤ, ဒီးဖိဒံဖိသၣ်န့ၣ်တက့ၢ်. 11 ဒီးသုဘၣ်မၤ တၢ်အံၤ, သုဘၣ်မၤဟးဂီၤကွံာ်ကယဲၢ်ပိာ်ခွါဒီး ကယဲၢ် ပိာ်မုၣ်လၢအသ့ၣ်ညါမံဃုာ်ဒီး ပိာ်ခွါကိးဂၤဒဲးလီၤ.
12 ဒီးထံၣ်န့ၢ်ဝဲလၢ ပှၤယၤဘ့ၣ်ကံးလဧးဖိအကျါလၢဖိ သၣ်ပိာ်မုၣ်, ပှၤမုၣ်လိၣ်ဘိလွံၢ်ကယၤ လၢအတသ့ၣ် ညါမံဃုာ်ဒီးပိာ်ခွါဘၣ်, ဒီးဟဲစိာ်အီၤဆူ ပှၤသူၣ်ဒဲအ လီၢ်ဖဲၡံလိၤလၢအအိၣ်ဝဲလၢကီၢ်ကနၤဧၣ်အပူၤလီၤ.
13 ဒီးတၢ်အိၣ်ဖှိၣ်ခဲလၢာ် မၢပှၤလဲၤကတိၤတၢ်ဒီးပှၤဘံၣ် ယၤမံၣ်ဖိလၢအအိၣ်လၢလၢၢ်ရံးမိၣ်, ဒီးကိးန့ၢ်အီၤ မုာ် မုာ်လီၤ.
14 ဒီးအကတီၢ်ဖဲန့ၣ် ဘံၣ်ယၤမံၣ်ဟဲက့ၤကဒါက့ၤ, ဒီး တၢ်ဟ့ၣ်လီၤအမါ လၢယၤဘ့ၣ်ကံးလဧးပိာ်မုၣ်လၢအဝဲ သ့ၣ်ဒုးမူဒံးအီၤလီၤ. ဘၣ်ဆၣ်ဒီး တအါဘၣ်လၢအဂီၢ် ဘၣ်.
15 ဒီးပှၤဂီၢ်မုၢ် သ့ၣ်နီၣ်ပီၢ်ယၢ်လီၤက့ၤ အသးလၢဘံၣ် ယၤမံၣ်အဃိလီၤ. အဂ့ၢ်ဒ်အံၤ, ယွၤမၤတၢ်လီၤပှီၢ်လၢ အံၣ်စရ့လးအဒူၣ်အကျါတဖၣ်လီၤ.
16 ဒီးတၢ်အိၣ်ဖှိၣ်အသးပှၢ်စံးဝဲဒၣ်, ပှၤလၢအအိၣ်လီၤ တဲာ်တဖၣ်န့ၣ် ပကမၤဒ်သိး အကန့ၢ်ဘၣ်အမါဒ် လဲၣ်. အဂ့ၢ်ဒ်အံၤ, ပိာ်မုၣ်ဟးဂီၤလံလၢ ဘံၣ်ယၤမံၣ် အကျါလံ.
17 ဒီးစံးဝဲဒၣ်, တၢ်န့ၢ်သါဘၣ်အိၣ်လၢ ပှၤလၢအပူၤ ဖျဲးလၢဘံၣ်ယၤမံၣ်အကျါန့ၣ် ဒ်သိးပှၤတဒူၣ်အသုတ ဟါမၢ်လၢပှၤအံၣ်စရ့လးဖိအကျါန့ၣ်တဂ့ၤလီၤ.
18 ဘၣ်ဆၣ်ဒီးပဝဲဒၣ်အံၤ ပတဘၣ်ဟ့ၣ်အမါလၢပဖိ မုၣ်အကျါဘၣ်. အဂ့ၢ်ဒ်အံၤ, ပှၤအံၣ်စရ့လးဖိဆိၣ်တ့ၢ် တၢ်, ဒီးစံးဝဲဒၣ်, ပှၤလၢအဟ့ၣ်အမါလၢဘံၣ်ယၤမံၣ် န့ၣ် မ်အဘၣ်တၢ်ဆိၣ်အၢတက့ၢ်.
19 ဒီးစံးဝဲဒၣ်, ကွၢ်ကွၢ်, တၢ်မၤဘူၣ်ယွၤလၢအိၣ်ဝဲလၢၡံ လိၤအပူၤကိးနံၣ်ဒဲး ဖဲအလီၢ်လၢဘ့ၤသ့လးလၢမုၢ်နုာ်တ ခီ, လၢကျဲမုၢ်လၢအလဲၤထီၣ်လၢဘ့ၤသ့လးဆူၡက့ၣ်လၢ ကလံၤစိးတခီ, ဒီးလၢလဘိနၤလၢကလံၤထံးတခီလီၤ.
20 ဒီးမၤလိာ်ပှၤဘံၣ်ယၤမံၣ်ဖိ, ဒီးစံးဝဲဒၣ်, လဲၤခိးခူသူၣ် တၢ်လၢစပံးအလီၢ်တဖၣ်အပူၤန့ၣ်တက့ၢ်. 21 ဒီးကွၢ်, ဒီး ကွၢ်ကွၢ်, ပှၤၡံလိၤဖိအဖိမုၣ် မ့ၢ်ဟဲထီၣ်ဂဲၤကလံၣ်လၢ တၢ်ဂဲၤကလံၣ်အပူၤဒီး, ဟဲထီၣ်သုဝဲလၢစပံးအလီၢ်ပူၤ, ဒီးဖီၣ်န့ၢ်တဂၤအမါ, တဂၤအမါ, လၢပှၤၡံလိၤဖိအဖိမုၣ် အကျါ, ဒီးက့ၤက့ၤဆူ ဘံၣ်ယၤမံၣ်အကီၢ်ပူၤတက့ၢ်.―
22 ဒီးတုၤအပၢ်တဖၣ်မ့ၢ်ဂ့ၤ, အဒီပုၢ်ဝဲၢ်မ့ၢ်ဂ့ၤ, ဟဲကဒူးက ဒ့ၣ်တၢ်လၢပအိၣ်ဒီး, တၢ်ကမၤအသးလၢပကစံးဘၣ် အီၤ, သးအိၣ်အဝဲသ့ၣ်န့ၣ်လၢပဃိတက့ၢ်. အဂ့ၢ်ဒ်အံၤ, လၢတၢ်ဒုးသုးအပူၤန့ၣ်ပတပာ်လီၤတဲာ်ဘၣ်အမါ, တ ဂၤလၢအဂီၢ်ဒၣ်ဝဲ, တဂၤလၢအဂီၢ်ဒၣ်ဝဲဘၣ်. ဒီးသုတ ဟ့ၣ်စ့ၢ်ကီးအီၤဘၣ်. မ့တမ့ၢ်ဒ်န့ၣ်ဒီးခဲကနံၣ်အံၤသုတၢ် ဒဲးဘးကအိၣ်လီၤ.
23 ဒီးပှၤဘံၣ်ယၤမံၣ်ဖိမၤဝဲဒ်န့ၣ်, ဒီးဟံးန့ၢ်အမါ ဒ်အ တၢ်ဂံၢ်အသိး, လၢပှၤဂဲၤကလံၣ်အကျါလၢအဖီၣ်န့ၢ်အီၤ လီၤ. ဒီးလဲၤတၢ်, ဒီးက့ၤက့ၤဆူအတၢ်န့ၢ်သါအအိၣ်, ဒီးမၤက့ၤအဝ့ၢ်တဖၣ်, ဒီးအိၣ်ဝဲဆိးဝဲလၢအပူၤလီၤ.
24 ဒီးအကတီၢ်ဖဲန့ၣ် ပှၤအံၣ်စရ့လးဖိ ဟးထီၣ်ဖဲန့ၣ် တဂၤဆူအဒူၣ်ဒၣ်ဝဲ, ဒီးဆူအဟံၣ်ဒၣ်ဝဲကိးဂၤဒဲးလီၤ. ဒီးဟးထီၣ်ဖဲန့ၣ် တဂၤဆူအတၢ်န့ၢ်သါဒၣ်ဝဲ, တဂၤဆူ အတၢ်န့ၢ်သါဒၣ်ဝဲစုာ်စုာ်လီၤ.
25 တၢ်လၢမုၢ်နံၤတဖၣ်န့ၣ် စီၤပၤတအိၣ်ဘၣ်လၢအံၣ် စရ့လးအပူၤဘၣ်. ပှၤမၤတၢ်လၢအလိၤလၢအမဲာ်ဒၣ်ဝဲ န့ၣ်ကိးဂၤဒဲးလီၤ.