လံာ်စီၤယၤကိာ်ကွဲးဝဲ

လံာ်စီၤယၤကိာ်ကွဲးဝဲ

၁

¹ ယွၤဒီးကစၢ်ယ့ၣ်ရှူးခရံာ်အခ့အပှၤ ယၤ, စီၤယၤကိာ်, ကတိၤဒိၣ် ပှၤတဆံခံဒူၣ်လၢအအိၣ်လၢတၢ်လီၤပြံလီၤ ပြါအပူၤလီၤ.

² ယဒီပုၢ်ဝဲၢ်သ့ၣ်ဧၢ, တုၤသုလီၤလၢတၢ်လ့ပစီအက လုာ်ကလုာ်အပူၤဒီး, ပာ်အီၤလၢတၢ်သူၣ်ခုသးခုခဲလၢာ် တက့ၢ်. ³ အဂ့ၢ်ဒ်အံၤ, သုသ့ၣ်ညါလၢတၢ်မၤကွၢ်သုတၢ် နာ်န့ၣ်, ဒုးအိၣ်ထီၣ်တၢ်ဝံသးစူၤလီၤ.― ⁴ ဘၣ်ဆၣ်ဒီးမ်တၢ် ဝံသးစူၤအိၣ်ဒီးအတၢ်မၤအလၢအပှဲၤ, ဒ်သိးသုကလၢ ထီၣ်ပှဲၤထီၣ်, ဒီးအိၣ်ဒီးတၢ်ခဲလၢာ်, ဒီးတလီၤစှၤဘၣ်လၢ တၢ်နီတမံၤဘၣ်န့ၣ်တက့ၢ်.

⁵ ဒီးသုဝဲသ့ၣ်တဂၤဂၤန့ၣ်, န့ၢ်တၢ်ကူၣ်သ့ကူၣ်ဘၣ်အ လီၢ်မ့ၢ်အိၣ်ဒီး, မ်အဃ့လၢယွၤ, လၢအဟ့ၣ်တၢ်ညီလၢ ပှၤခဲလၢာ်ဒီးတဒုၣ်ဒွဲၣ်ဘၣ်တၢ်ဘၣ်န့ၣ်တက့ၢ်, ဒီးက ဟ့ၣ်အီၤလီၤ. ⁶ ဘၣ်ဆၣ်ဒီး, မ်အဃ့တၢ်လၢတၢ်နာ်တ က့ၢ်. မ်အသးသုတဒ့ဒီနီတမံၤတဂ့ၤ. အဂ့ၢ်ဒ်အံၤ, ပှၤလၢ အသးဒ့ဒီန့ၣ် မၤအသးဒ်ပီၣ်လဲၣ်လပီလၢကလံၤအူဘၣ် အီၤ, ဒီးဟူးဝးဝဲအသိးန့ၣ်လီၤ. ⁷ အဂ့ၢ်ဒ်အံၤ, ပှၤတဂၤန့ၣ် မ်အသုတဆိကမိၣ်လၢ အကန့ၢ်တၢ်တမံၤမံၤလၢကစၢ် အအိၣ်န့ၣ်တဂ့ၤ. ⁸ ပှၤလၢအသးခံဖျၢၣ်တဂၤန့ၣ်, တဂၢၢ် တကျၢၤဘၣ်လၢအကျဲနီတပူၤဘၣ်လီၤ. ⁹ ဘၣ်ဆၣ်ဒီးဒီပုၢ်ဝဲၢ်လၢ အဘၣ်တၢ်ဆီၣ်လီၤအီၤတဂၤန့ၣ်, မ်အသးခုလၢအဘၣ်တၢ်ပာ်ထီၣ်ထီန့ၣ်တက့ၢ်.―

¹⁰ မ့မ့ၢ်ပှၤအထူးအတီၤတဂၤန့ၣ် မ်အသးခုလၢအဘၣ်တၢ် ဆီၣ်လီၤအီၤန့ၣ်တက့ၢ်. အဂ့ၢ်ဒ်အံၤ, ကလဲၤပူၤကွံာ်ဒ်နီၣ် အဖီအသိးလီၤ. ¹¹ အဂ့ၢ်ဒ်အံၤ, တုၤမုၢ်ဟဲထီၣ်ဒီးတၢ်ကိၢ် လူးဒီး, မၤဃ့ကွံာ်နီၣ်ဧိၤမံၤဧိၤ, ဒီးအဖီလီၤပလ့ၤဝဲ, ဒီးအ က့ၢ်အဂီၤအဃံအလၤဟးဂီၤကွံာ်ဝဲလီၤ. ပှၤအထူးအတီၤ န့ၣ်ကလီၤညွံးကွံာ်လၢအကျဲဒ်န့ၣ်အသိးလီၤ.

¹² ပှၤလၢအဒိးဘၣ်တၢ်လ့ပစီန့ၣ်, ဘၣ်တၢ်ဆိၣ်ဂ့ၤဝဲ လီၤ. အဂ့ၢ်ဒ်အံၤ, ဒိးတၢ်မၤကွၢ်အီၤဝံၤဒီး, ကန့ၢ်ဘၣ်တၢ် မူအခိၣ်သလုးလၢ ကစၢ်စံးပာ်လၢပှၤလၢအအဲၣ်အီၤတ ဖၣ်အဂီၢ်လီၤ.

¹³ ပှၤဘၣ်တၢ်လ့ပစီန့ၣ်, မ်အသုတစံးလၢယဘၣ်တၢ် လ့ပစီလၢယွၤ, နီတဂၤတဂ့ၤ. အဂ့ၢ်ဒ်အံၤ, ယွၤတဘၣ် ဘၣ်တၢ်လ့ပစီလၢတၢ်အၢတၢ်သီဘၣ်, ဒီးအကစၢ်ဒၣ်ဝဲ တလ့ပစီဘၣ်ပှၤနီတဂၤဘၣ်. ¹⁴ ဘၣ်ဆၣ်ဒီးတုၤပှၤတ ဂၤဂၤအတၢ်သးကွံဒၣ်ဝဲထုးအီၤ, ဒီးကလံာ်န့ၢ်အီၤဒီး, အ ဝဲဒၣ်ဘၣ်တၢ်လ့ပစီအီၤလီၤ. ¹⁵ လၢခံက့ၤဒီးတၢ်သးကွံ န့ၣ်ဒၢထီၣ်, ဒီးဆံးစၢ်တၢ်ဒဲးဘး, ဒီးတၢ်ဒဲးဘးန့ၣ်လၢ ထီၣ်ပှဲၤထီၣ်, ဒီးဆံးစၢ်တၢ်သံလီၤ.

¹⁶ ယဒီပုၢ်ဝဲၢ်လၢတၢ်အဲၣ်အီၤသ့ၣ်ဧၢ, သုတဒိးတၢ်လီန့ၢ် သုတဂ့ၤ. ¹⁷ ကယဲၢ်တၢ်ဟ့ၣ်အဂ့ၤအဝါ, ဒီးကယဲၢ်တၢ် ဟ့ၣ်အလၢအပှဲၤတမံၤလၢ်လၢ်န့ၣ်, ဟဲလီၤလၢတၢ်ကပီၤ အပၢ်လၢထးန့ၣ်လီၤ. တၢ်ကဒံကဒါမ့ၢ်ဂ့ၤ, တၢ်ဃၣ်က့ၤ အကဒုမ့ၢ်ဂ့ၤ, တအိၣ်ဘၣ်ဒီးအီၤဘၣ်. ¹⁸ ဖဲအသးဒၣ်ဝဲ, အဝဲဒၣ်ထီၣ်ဖိပှၤလၢတၢ်မ့ၢ်တၢ်တီအကလုၢ်, ဒ်သိးပက ကဲထီၣ်အတၢ်တ့တဖၣ် အတၤသၣ်ဆိ တကလုာ်န့ၣ် လီၤ.

¹⁹ မၤသးဒ်န့ၣ်ဒီး, ယဒီပုၢ်ဝဲၢ်လၢတၢ်အဲၣ်အီၤသ့ၣ်ဧၢ, မ် ပှၤနၢ်ဟူတၢ်ချ့သဒံး, ကတိၤတၢ်နီၢ်ကတုၤ, သးထီၣ်နီၢ် ကတုၤကိးဂၤဒဲးတက့ၢ်. ²⁰ အဂ့ၢ်ဒ်အံၤ, ပှၤကညီအသးဒိၣ် ထီၣ်န့ၣ်, တမၤဘၣ်ယွၤအတၢ်တီတၢ်လိၤဘၣ်.

²¹ မ်ဒ်န့ၣ်ဒီးညိကွံာ်ကယဲၢ်တၢ်ဘၣ်အၢဘၣ်သီ, ဒီးတၢ် အၢတၢ်သီအတၢ်လုၣ်ကိလုၣ်ကပာ်ခဲလၢာ်န့ၣ်တက့ၢ်. ဒိးန့ၢ်တၢ်ကလုၢ်သူၣ်လီၤအသး, လၢအအုၣ်က့ၤခီၣ်က့ၤ သုသးသ့န့ၣ်လၢတၢ်သူၣ်စူၤသးစူၤတက့ၢ်.

²² ဒီးကဲထီၣ်ပှၤမၤတၢ်အကလုၢ်တက့ၢ်. ဒီးတမ့ၢ်ဘၣ်ပှၤ လီလီၤအသးဒီး ကဲထီၣ်ပှၤထဲ အနၢ်ဟူတၢ်ဧိၤန့ၣ်တ ဂ့ၤ. ²³ အဂ့ၢ်ဒ်အံၤ, ပှၤတဂၤဂၤမ့ၢ်ကဲထီၣ်ပှၤနၢ်ဟူတၢ်အ ကလုၢ်, ဒီးတမ့ၢ်ဘၣ်ပှၤမၤဘၣ်ဝဲန့ၣ်ဒီး, မ့ၢ်အမၤအသး ဒ်ပှၤကွၢ်အမဲာ်ဒၣ်ဝဲလၢမဲာ်ထံကလၤအသိးလီၤ. ²⁴ အဂ့ၢ် ဒ်အံၤ, ကွၢ်လီၤအသး, ဒီးဟးဝဲဒီး, သးပ့ၤနီၣ်အက့ၢ်အဂီၤ တကီၢ်ခါလီၤ. ²⁵ ဘၣ်ဆၣ်ဒီးပှၤလၢအကွၢ်ထံကွၢ်ဆး တၢ်သိၣ်တၢ်သီအလၢအပှဲၤဘၣ်ဃးဒီးတၢ်ထူၣ်ဖျဲး, ဒီး အိၣ်ဝဲဆိးဝဲလၢအပူၤန့ၣ်, တမ့ၢ်ဘၣ်ပှၤနၢ်ဟူတၢ်ဒီးသး ပ့ၤနီၣ်တၢ်ဘၣ်. မ့ၢ်ပှၤမၤတၢ်န့ၣ်, ဒီးအဝဲဒၣ်ကဘၣ်တၢ် ဆိၣ်ဂ့ၤလၢအမၤတၢ်အပူၤလီၤ.

²⁶ ပှၤတဂၤဂၤမ့ၢ်ဆိကမိၣ်လၢအမ့ၢ်ပှၤဘါယွၤဖိဒီး, မ့ၢ် တမၤနၢၤဘၣ်အပျ့ၤဘၣ်, မ့မ့ၢ်အလီလီၤအသးဒီး, အဝဲ ဒၣ်အတၢ်ဘူၣ်ထီၣ်ဘါထီၣ်န့ၣ်မ့ၢ်တၢ်ကလီကလီလီၤ.

²⁷ တၢ်ဘူၣ်ထီၣ်ဘါထီၣ်အစီအဆှံ, ဒီးတဘၣ်အၢဘၣ် သီဘၣ်တမံၤမ့ၢ်အအံၤ, တၢ်အိၣ်သကိးပှၤဖိၣ်ဃဲဒီးမုၣ် ကမဲလၢအဘၣ်တၢ်နးတၢ်ဖှီၣ်အပူၤ, ဒီးတၢ်ပလီၢ်အသး ဒ်သိးအသုတဘၣ်တၢ်ဃံၣ်တၢ်ဃူး လၢဟီၣ်ခိၣ်တဂ့ၤ န့ၣ်လီၤ.

၂

¹ ယဒီပုၢ်ဝဲၢ်သ့ၣ်ဧၢ, တၢ်လၤကပီၤအကစၢ်, ပကစၢ် ယ့ၣ်ရှူးခရံာ်, အတၢ်နာ်န့ၣ်, သုတအိၣ်ဒီးတၢ်ကွၢ်မဲာ်တ ဂ့ၤ. ² အဂ့ၢ်ဒ်အံၤ, ပှၤလၢအသိးပသံးထူအိၣ်ဒီးအကူအ သိးကပြုၢ်ကပြီၤတဂၤမ့ၢ်ဟဲနုာ်ဆူသုဘူၣ်ဘျီၣ်ပူၤ, ဒီးပှၤ ဖှီၣ်ဖိယာ်ဖိတဂၤမ့ၢ်ဟဲနုာ်စ့ၢ်ကီး, အိၣ်ဒီးအကူအသိးတ ဂ့ၤဘၣ်, ³ ဒီးသုမ့ၢ်ကွၢ်မဲာ်ပှၤကူတၢ်သိးတၢ်ကပြုၢ်ကပြီၤ တဂၤ, ဒီးစံး, ဆ့ၣ်နီၤဖဲအံၤလၢအလီၢ်ဂ့ၤ, ဒီးစံးဘၣ်ပှၤဖှီၣ် ဖိယာ်ဖိတဂၤ, ဆၢထၢၣ်ဖဲန့ၣ်မ့ၢ်ဂ့ၤ, ဆ့ၣ်နီၤဖဲအံၤလၢယ ခီၣ်ယီၢ်လီၢ်အဖီလာ်မ့ၢ်ဂ့ၤဒီး, ⁴ သုစံၣ်ညီၣ်ဖုၣ်ထီလိာ် သုသး, ဒီးကဲထီၣ်ပှၤစံၣ်ညီၣ်တၢ်လၢအကူၣ်တၢ်အအၢ အသီန့ၣ်, တမ့ၢ်ဘၣ်ဧါ.

⁵ ယဒီပုၢ်ဝဲၢ်လၢတၢ်အဲၣ်အီၤသ့ၣ်ဧၢ, ဒိကနၣ်တက့ၢ်. ယွၤဃုထၢဟီၣ်ခိၣ်အပှၤဖှီၣ်ဖိယာ်ဖိ, ထူးဝဲတီၤဝဲလၢ တၢ်နၣ်, ဒ်သိးအကန့ၢ်ဘၣ်သါအဘီအမုၢ်လၢအစံးပာ် ဝဲလၢအကဟ့ၣ်လီၤပှၤလၢအအဲၣ်အီၤန့ၣ်, တမ့ၢ်ဘၣ် ဧါ. ⁶ မ့မ့ၢ်သုဝဲသ့ၣ်, သုမၤတရီတပါပှၤဖှီၣ်ဖိယာ်ဖိလီၤ. ပှၤထူးပှၤတီၤဆီၣ်ဘံးဆီၣ်ဘၢသု, ဒီးထုးသုဆူတၢ်စံၣ် ညီၣ်ကွီၢ်အအိၣ်န့ၣ်, တမ့ၢ်ဘၣ်ဧါ. ⁷ အဝဲသ့ၣ်တဖၣ်န့ၣ် ဒုၣ်ဒွဲၣ်တၢ်အမံၤဂ့ၤလၢတၢ်ကိးသုမံၤလၢအီၤန့ၣ်, တမ့ၢ် ဘၣ်ဧါ. ⁸ သုမ့ၢ်မၤလၢထီၣ်ပှဲၤထီၣ်တၢ်သိၣ်တၢ်သီစီၤပၤ, ဒ်တၢ်ကွဲးအသးအသိးန့ၣ်, အဲၣ်ပှၤလၢနဃၢၤ ဒ်နအဲၣ်လီၤနသးအသိးတက့ၢ်န့ၣ်ဒီး, သုမၤတၢ်ဂ့ၤဂ့ၤဘၣ်ဘၣ်လီၤ.―

⁹ မ့မ့ၢ်သုမ့ၢ်ကွၢ်မဲာ်ပှၤကညီဒီး, သုမၤတၢ်ဒဲးဘး, ဒီးဘၣ် တၢ်သိၣ်ဃီၣ်လၢတၢ်သိၣ်တၢ်သီ, ဒ်ပှၤမၤကမၣ်ဖိအသိး လီၤ. ¹⁰ အဂ့ၢ်ဒ်အံၤ, ဖဲဒၣ်ပှၤလၢအတိၢ်န့ၢ်တၢ်သိၣ်တၢ်သီ ခဲလၢာ်, ဒီးမၤကမၣ်တၢ်တထံၣ်ဧိၤတဂၤန့ၣ်, ကဲလၢပှၤ ဂ့ၤဘၣ်တၢ်လၢတၢ်ခဲလၢာ်အဃိလီၤ. ¹¹ အဂ့ၢ်ဒ်အံၤ, ပှၤ လၢအစံးဝဲ, အဲၣ်ဘၢမါအဲၣ်ဘၢဝၤတဂ့ၤန့ၣ်, စံးစ့ၢ်ကီးဝဲ, မၤသံပှၤကညီတဂ့ၤ.+ ၂မိၤ. ၂၀း၁၄|Exod.20.14*,သတးဒီး, န မ့ၢ်တအဲၣ်ဘၢမါအဲၣ်ဘၢဝၤဘၣ်ဆၣ်ဒီး, နမ့ၢ်မၤသံပှၤ ကညီဒီး, နကဲထီၣ်ပှၤလုၣ်သ့ၣ်ခါပတာ်တၢ်သိၣ်တၢ်သီ လီၤ. ¹² ကတိၤတၢ်ဒ်အံၤ, ဒီးမၤတၢ်ဒ်အံၤ, ဒ်ပှၤလၢအက ဘၣ်တၢ်စံၣ်ညီၣ်အီၤလၢ တၢ်ထူၣ်ဖျဲးအတၢ်သိၣ်တၢ်သီ အသိးန့ၣ်တက့ၢ်. ¹³ အဂ့ၢ်ဒ်အံၤ, ပှၤလၢအတသးကညီၤ ဘၣ်တၢ်ဘၣ်န့ၣ်, တၢ်သးကညီၤတအိၣ်ဘၣ်ဒီး, ကဘၣ် တၢ်စံၣ်ညီၣ်လီၤ. ဒီးတၢ်သးကညီၤန့ၣ်, ပာ်ဒိၣ်ပာ်ထီအ သးလၢတၢ်စံၣ်ညီၣ်အဖီခိၣ်လီၤ. ¹⁴ ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်စံးလၢ သါအိၣ်ဒီးတၢ်နာ်, ဒီးမ့ၢ်တအိၣ်ဘၣ်ဒီးတၢ်မၤဘၣ်ဒီး, မ့ၢ်အဘျုးမနုၤလဲၣ်. တၢ်နာ်န့ၣ်အုၣ်က့ၤခီၣ်က့ၤအီၤဘၣ်ကသ့ဧါ.―

¹⁵ ဒီးဒီပုၢ်ဝဲၢ်မုၣ်မ့ၢ်ဂ့ၤဒီပုၢ်ဝဲၢ်ခွါမ့ၢ်ဂ့ၤ, မ့ၢ်အိၣ်ဘ့ၣ်ဆ့, ဒီးအ တၢ်အီၣ်တနံၤအဂီၢ်တနံၤအဂီၢ်မ့ၢ်တအိၣ်ဘၣ်ဒီး, ¹⁶ ပှၤ လၢသုကျါတဂၤမ့ၢ်စံးဘၣ်အီၤ, က့ၤက့ၤမုာ်မုာ်တက့ၢ်, အိၣ်လၢၤပုးတြူး, ဒီးအီၣ်ဘျဲးအီၣ်တၢ်တက့ၢ်န့ၣ်ဘၣ် ဆၣ်ဒီး, သုမ့ၢ်တဟ့ၣ်ဘၣ်တၢ်လၢအကြၢးဒီး အနီၢ်ခိ ဘၣ်ဒီး, မ့ၢ်အဘျုးမနုၤတမံၤလဲၣ်. ¹⁷ ဒ်န့ၣ်အသိးတၢ်နာ် မ့ၢ်တအိၣ်ဘၣ်ဒီးတၢ်မၤဒီး, မ့ၢ်တၢ်သံလၢအကစၢ်ဒၣ်ဝဲ လီၤ. ¹⁸ ဘၣ်ဆၣ်ဒီးပှၤတဂၤဂၤကစံး, နဲဒၣ်အံၤ, နအိၣ်ဒီး တၢ်နာ်, ယဲဒၣ်ယအိၣ်ဒီးတၢ်မၤလီၤ. တၢ်မၤတၢ်တအိၣ် ဘၣ်ဒီး, ဒုးနဲၣ်ယၤလၢနတၢ်နာ်တက့ၢ်. ဒီးယကဒုးနဲၣ် နၤယတၢ်နာ်လၢယမၤတၢ်အဃိလီၤ. ¹⁹ နနာ်လၢယွၤ အိၣ်တဂၤဃီလီၤ. နမၤတၢ်ဂ့ၤလီၤ. တၢ်နါတဖၣ်နာ်စ့ၢ် ကီးတၢ်, ဒီးကနိးကစုာ်လီၤ. ²⁰ ဘၣ်ဆၣ်ဒီးပှၤတဂိာ်တ သီၣ်ဘၣ်တၢ်တဂၤဧၢ, တၢ်မၤတဖၣ်တအိၣ်ဘၣ်ဒီး, တၢ် နာ်မ့ၢ်တၢ်သံန့ၣ်, တၢ်မိၣ်သ့ၣ်ညါနသးစ့ၢ်ကီးဧါ.

²¹ ပပၢ်စီၤအၤဘြၤဟၣ် ပာ်ထီၣ်အဖိခွါစီၤအံၤစဲးလၢတၢ် လုၢ်လီၢ်အဖီခိၣ်ဒီး, တၢ်ပာ်တီပာ်လိၤအီၤလၢတၢ်မၤတ ဖၣ်အဃိ, တမ့ၢ်ဘၣ်ဧါ. ²² နထံၣ်လၢတၢ်နာ်မၤဃုာ်ဒီးအ တၢ်မၤတဖၣ်, ဒီးတၢ်နာ်လၢထီၣ်ပှဲၤထီၣ်လၢတၢ်မၤ, တ မ့ၢ်ဘၣ်ဧါ. ²³ ဒီးလံာ်န့ၣ်လၢထီၣ်ပှဲၤထီၣ်လၢအစံးဝဲဒၣ်, ဒီးစီၤအၤဘြၤဟၣ်နာ်ယွၤ, ဒီးတၢ်ပးကဲလၢတၢ်တီတၢ် လိၤလၢအဂီၢ်,+ ၡါ. ၄၁း၈|Isa.41.8*,ဒီးတၢ်ကိးအီၤလၢယွၤ, အ တံၤအသကိးလီၤ.+ ၡါ. ၄၁း၈|Isa.41.8*.

²⁴ မၤသးဒ်န့ၣ်ဒီး, သုထံၣ်လၢပှၤကညီ ဘၣ်တၢ်ပာ်တီ ပာ်လိၤအီၤလၢတၢ်မၤတဖၣ်အဃိ, ဒီးတမ့ၢ်ဘၣ်ထဲတၢ် နာ်အဃိဘၣ်. ²⁵ ဒီးဒ်န့ၣ်အသိးဃဲသဲမုၣ်နီၢ်ရၤဃးတဂၤ တူၢ်လိာ်ကလူးတဖၣ်, ဒီးမၢအက့ၤက့ၤကျဲတဘိဒၣ်ဒီး, ဘၣ်စ့ၢ်ကီးတၢ်ပာ်တီပာ်လိၤအီၤလၢ တၢ်မၤတဖၣ်အ ဃိ, တမ့ၢ်ဘၣ်ဧါ. ²⁶ အဂ့ၢ်ဒ်အံၤ, ဒ်နီၢ်ခိတအိၣ်ဘၣ်ဒီးသး န့ၣ်မ့ၢ်တၢ်သံအသိးန့ၣ်တၢ်နာ်တအိၣ်ဘၣ်ဒီးတၢ်မၤတ ဖၣ်မ့ၢ်တၢ်သံစ့ၢ်ကီးဒ်န့ၣ်အသိးလီၤ.

၃

¹ ယဒီပုၢ်ဝဲၢ်သ့ၣ်ဧၢ, ကဲထီၣ်သရၣ်အါဂၤတဂ့ၤ, အဂ့ၢ် ဒ်အံၤ, ပသ့ၣ်ညါလၢပကဘၣ်တၢ်စံၣ်ညီၣ်နးန့ၢ်အလီၢ် တက့ၢ်လီၤ. ² အဂ့ၢ်ဒ်အံၤ, ပမၤကမၣ်တၢ်အါမံၤခဲလၢာ် လီၤ. ပှၤမ့ၢ်တမၤကမၣ်ဘၣ်လၢတၢ်ကတိၤဘၣ်တဂၤဂၤ ဒီး, အဝဲဒၣ်န့ၣ်မ့ၢ်ပှၤအလၢအပှဲၤတဂၤ, ဒီးမၤနၢၤအနီၢ်ခိ ဒီဂၤညါသ့စ့ၢ်ကီးလီၤ.

³ ကွၢ်ကွၢ်, ဒ်သိးကသ့ၣ်ကစူၢ်ပှၤဒီး, ပဒုးအ့ၣ်ထီၣ်အ ထးဒီး, ပဃၣ်အမိၢ်ပှၢ်ဒီဒုညါလီၤ. ⁴ ကွၢ်စ့ၢ်ကီးကဘီတ ဖၣ်ဒိၣ်ထဲအံၤ, ဒီးဘၣ်တၢ်ဆီၣ်ဖျိးအီၤလၢကလံၤမုၢ်ဘၣ် ဆၣ်ဒီး, ဘၣ်တၢ်ဘိးဃၣ်အီၤလၢနီၣ်ဝံာ်ခံအဆံးကိာ်, ဖဲ အဘၣ်ပှၤလၢအဝံာ်န့ၢ်အခံတဂၤအသးလီၤ. ⁵ ဒ်န့ၣ်အ သိးပျ့ၤမ့ၢ်တၢ်အက့ၢ်အဂီၤဆံးကိာ်, ဒီးကတိၤသူၣ်ဂဲၤ တၢ်ဖးဒိၣ်လီၤ. ကွၢ်ကွၢ်, မ့ၣ်အူဆံးကိာ်မၤကဲထီၣ်သ့ၣ် မုၣ်အါအါကလဲာ်လီၤ. ⁶ ဒီးပျ့ၤမ့ၢ်မ့ၣ်အူ, မ့ၢ်တၢ်အၢတၢ် သီအဟီၣ်ခိၣ်တဘ့ၣ်လီၤ. ဒ်န့ၣ်အသိးပျ့ၤန့ၣ်ဘၣ်တၢ် ပာ်အီၤလၢပက့ၢ်ပဂီၤအကျါ, ဒီးမၤဘၣ်အၢပနီၢ်ခိဒီဂၤ ညါ, ဒီးဆိၣ်ကဲၤပသးသမူအကျဲ, ဒီးဘၣ်တၢ်ဆိၣ်ကဲၤအ သးလၢလရာ်လီၤ. ⁷ အဂ့ၢ်ဒ်အံၤ, ကယဲၢ်ဆၣ်ဖိကီၢ်ဖိအ မံၤ, ဒီးထိၣ်ဧိၤလံၣ်ဧိၤ, ဒီးတၢ်စွါတၢ်စွဲ, ဒီးတၢ်အိၣ်လၢပီၣ် လဲၣ်ပူၤတမံၤလၢ်လၢ်န့ၣ်, ဘၣ်တၢ်မၤဘှါအီၤ, ဒီးဘၣ်လံ တၢ်မၤဘှါအီၤလၢပှၤကညီတကလုာ်, ခဲလၢာ်လံ. ⁸ မ့မ့ၢ် ပျ့ၤန့ၣ်ပှၤမၤဘှါအီၤတသ့ဘၣ်နီတဂၤဘၣ်. မ့ၢ်တၢ်အၢ လၢပှၤမၤအီၤတနၢၤဘၣ်, ဒီးလၢပှဲၤဝဲဒီးတၢ်အစုၣ်အပျၢ် လၢအမၤသံတၢ်လီၤ. ⁹ ပဆိၣ်ဂ့ၤယွၤပၢ်တဂၤန့ၣ်, လၢ အီၤ, ဒီးပဆိၣ်အၢပှၤကညီလၢအဘၣ်တၢ်တ့အီၤဒ်ယွၤ အက့ၢ်အဂီၤအသိး, လၢအီၤလီၤ. ¹⁰ တၢ်ဆိၣ်ဂ့ၤ, ဒီးတၢ် ဆိၣ်အၢန့ၣ်, ဟဲထီၣ်လၢပထးခိၣ်တပူၤဃီလီၤ. ယဒီပုၢ် ဝဲၢ်သ့ၣ်ဧၢ, တၢ်န့ၣ်တဖၣ်တဂ့ၤမၤဘၣ်အသးဒ်န့ၣ်ဘၣ်. ¹¹ ထံထီၣ်ပၢၢ်တပူၤဃီန့ၣ်, မ့ၢ်အထီၣ်ပၢၢ်တၢ်အဆၢဒီးတၢ် အခၣ်စ့ၢ်ကီးဧါ. ¹² ယဒီပုၢ်ဝဲၢ်သ့ၣ်ဧၢ, ချၢၣ်ဒၢတထံးန့ၣ် သၣ်ထီၣ်သ့ၣ်စၤယံးအသၣ်, ဒီးစပံးမုၢ်သၣ်ထီၣ်ချၢၣ်ဒၢ အသၣ်န့ၣ်, ဘၣ်ကသ့ဧါ. ဒ်န့ၣ်အသိးထံဟီဒီးထံဘျါ န့ၣ်, ထီၣ်ပၢၢ်တပူၤဃီတသ့ဘၣ်.

¹³ ပှၤအိၣ်ဒီးအတၢ်ကူၣ်သ့ကူၣ်ဘၣ်, ဒီးအတၢ်သ့ၣ်ညါ လၢသုကျါန့ၣ်မ့ၢ်မတၤတဂၤလဲၣ်. လၢအတၢ်ကျဲးစၢး တၢ်ဂ့ၤန့ၣ်, မ်အဒုးနဲၣ်အတၢ်မၤလၢတၢ်ကူၣ်သ့အတၢ် သူၣ်စူၤသးစူၤန့ၣ်တက့ၢ်. ¹⁴ ဘၣ်ဆၣ်ဒီးသုမ့ၢ်အိၣ်ဒီးသး ဆဲးအဲးအခၣ်, ဒီးတၢ်ဂ့ၢ်လိာ်ဘှီလိာ်လၢသုသးကံၢ်ပူၤဒီး, ပာ်သုသးကဖၢလၢဒီး ကတိၤတၢ်ကဘျံးကဘျၣ်ထီဒါ တၢ်မ့ၢ်တၢ်တီတဂ့ၤ. ¹⁵ တၢ်န့ၣ်တမ့ၢ်ဘၣ် တၢ်ကူၣ်သ့ ကူၣ်ဘၣ်လၢအဟဲလီၤလၢထးန့ၣ်ဘၣ်. မ့ၢ်အဘၣ်ဃး ဒီးဟီၣ်ခိၣ်, ဒီးပှၤကညီအသး, ဒီးတၢ်ဝံတၢ်နါတဖၣ်န့ၣ် လီၤ. ¹⁶ အဂ့ၢ်ဒ်အံၤ, ဖဲတၢ်သးဆဲးအဲးဒီးတၢ်ဂ့ၢ်လိာ်ဘှီ လိာ်အိၣ်ဝဲန့ၣ်, တၢ်တၢထီၣ်တၢလီၤ, ဒီးတၢ်မၤအၢမၤသီ ကိးမံၤဒဲး, အိၣ်ဝဲဖဲန့ၣ်လီၤ. ¹⁷ မ့မ့ၢ်တၢ်ကူၣ်ဘၣ်ကူၣ်သ့ လၢထးန့ၣ်, မ့ၢ်လၢအဆိလၢတၢ်စီတၢ်ဆှံ, လၢခံက့ၤ, တၢ်မုာ်တၢ်ဖိး, တၢ်သူၣ်စူၤတၢ်သးစူၤ, ဒိးတၢ်ကညးန့ၢ် အီၤညီ, လၢထီၣ်ပှဲၤထီၣ်ဒီးတၢ်သးကညီၤဒီးတၤသၣ်အ ဂ့ၤ, တကွၢ်မဲာ်ဘၣ်တၢ်ဘၣ်, ဒီးတၢ်လီတၢ်ဝ့ၤတအိၣ် ဘၣ်လၢအပူၤဘၣ်လီၤ. ¹⁸ ဒီးတၢ်တီတၢ်လိၤအတၤသၣ် န့ၣ်, ဘၣ်ဖှံလီၤအသးလၢတၢ်ဃူတၢ်ဖိးအပူၤလၢပှၤလၢ အမၤတၢ်ဃူတၢ်ဖိးအစုပူၤလီၤ.

၄

¹ တၢ်ဒုးလိာ်ယၤလိာ်, ဒီးတၢ်အ့ၣ်လိာ်ဆိးက့လိာ်န့ၣ်, အိၣ်ထီၣ်လၢသုကျါလၢလဲၣ်ခီလဲၣ်. လၢသုသးကွံတၢ် တဖၣ်လၢအဒုးတၢ်ယၤတၢ်လၢသုက့ၢ်သုဂီၤအကျါ, တ မ့ၢ်ဘၣ်ဧါ, ² သုသးကွံတၢ်ဒီးသုတန့ၢ်ဘၣ်တၢ်ဘၣ်, သု မၤသံပှၤကညီဒီးသုသးက့ၣ်တၢ်, ဒီးသုန့ၢ်ဘၣ်တၢ်တ သ့ဘၣ်. သုဒုးတၢ်ယၤတၢ်, ဒီးအ့ၣ်လိာ်ဆိးက့လိာ်သု သး, ဒီးသုတန့ၢ်ဘၣ်တၢ်ဘၣ်. အဂ့ၢ်ဒ်အံၤ, သုတဃ့ဘၣ် တၢ်ဘၣ်. ³ သုဃ့တၢ်ဒီးတန့ၢ်ဘၣ်တၢ်ဘၣ်. အဂ့ၢ်ဒ်အံၤ, သုဃ့ကမၣ်တၢ်, ဒ်သိး သုကအီၣ်လၢာ်ဂီၤတၢ်လၢသု တၢ်မုာ်တၢ်လၤအပူၤလီၤ.

⁴ ပှၤအဲၣ်ဘၢမါအဲၣ်ဘၢဝၤသ့ၣ်ဧၢ, မ့ၢ်သုတသ့ၣ်ညါ ဘၣ်လၢတၢ်ရ့လိာ်ဒီး ဟီၣ်ခိၣ်မ့ၢ်တၢ်ထီဒါယွၤန့ၣ်ဘၣ် ဧါ. မၤသးဒ်န့ၣ်ဒီး, ဖဲဒၣ်ပှၤလၢတၢ်မိၣ်ကဲဘၣ်အသးလၢ ဟီၣ်ခိၣ်အတံၤအသကိးန့ၣ်, ဒုးကဲထီၣ်အသးလၢယွၤ အဒုၣ်အဒါလီၤ. ⁵ မ့ၢ်သုဆိကမိၣ်လံာ်စံးတၢ်ကလီက လီန့ၣ်ဧါ. သးအိၣ်ဝဲဆိးဝဲလၢပပူၤဆၢတၢ်သးကါန့ၣ် ဧါ. ⁶ မ့ၢ်အဟ့ၣ်လီၤတၢ်အဘျုးအဖှိၣ်အါတက့ၢ်သတး ဒီးစံးဝဲဒၣ်, ယွၤထီဒါပှၤပာ်ထီၣ်ထီအသး, ဒီးဟ့ၣ်လီၤတၢ်ဘျုးတၢ်ဖှိၣ်လၢပှၤဆီၣ်လီၤအသး လီၤ.+ ကတိၤ. ၃း၃၄|Prov.3.34

⁷ မ်ဒ်န့ၣ်ဒီးပာ်သုသးလၢယွၤအဖီလာ်တက့ၢ်. ထီဒါမုၣ် ကီၤလံၢ်တက့ၢ်, ဒီးကဃ့ၢ်ထီၣ်ကွံာ်လၢသုအိၣ်လီၤ. ⁸ သုး ဘူးသုသးဆူယွၤအအိၣ်တက့ၢ်, ဒီးကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, မၤကဆှီသုစုတက့ၢ် ဒီးပှၤသးခံဖျၢၣ်သ့ၣ်ဧၢ, မၤစီဆှံသုသးတက့ၢ်. ⁹ ဒုးဖှီၣ် လီၤသုသး, ဒီးသူၣ်ကၢ်သးလီၤ, ဒီးဟီၣ်ဒီးယၢၤတက့ၢ်. မၤလဲလိာ်သုနံၤသုအ့န့ၣ်လၢတၢ်သူၣ်အုးသးအုး, ဒီးသု တၢ်သူၣ်ခုသးခုန့ၣ် လဲလိာ်လၢတၢ်သူၣ်ဃၢသးဃၢတ က့ၢ်. ¹⁰ ဆီၣ်လီၤသုသးလၢကစၢ်အမဲာ်ညါတက့ၢ်, ဒီးက ပာ်ထီထီၣ်သုလီၤ.

¹¹ ဒီပုၢ်ဝဲၢ်သ့ၣ်ဧၢ, သုတစံးအၢစံးသီလိာ် သုသးတဂ့ၤ. ပှၤလၢအစံးအၢအဒီပုၢ်ဝဲၢ် ဒီးစံၣ်ညီၣ်အဒီပုၢ်ဝဲၢ်န့ၣ်, စံး အၢတၢ်သိၣ်တၢ်သီဒီးစံၣ်ညီၣ်တၢ်သိၣ်တၢ်သီလီၤ. ဒီးန မ့ၢ်စံၣ်ညီၣ်တၢ်သိၣ်တၢ်သီဒီး, နမ့ၢ်ပှၤစံၣ်ညီၣ်တၢ်, ဒီးတ မ့ၢ်ဘၣ်ပှၤစူၢ်တၢ်သိၣ်တၢ်သီဘၣ်. ¹² ပှၤဟ့ၣ်တၢ်သိၣ်တၢ် သီဒီးစံၣ်ညီၣ်တၢ်န့ၣ်အိၣ်ဝဲတဂၤလီၤ. အဝဲဒၣ်န့ၣ်အုၣ် က့ၤခီၣ်က့ၤတၢ်သ့, ဒီးမၤဟးဂီၤတၢ်သ့လီၤ. ပှၤလၢအစံၣ် ညီၣ်ပှၤဂၤနဲဒၣ်အံၤ, နမ့ၢ်မတၤတဂၤလဲၣ်.

¹³ ခဲကနံၣ်အံၤဟဲဃီၤ, ပှၤလၢအစံးဝဲ, မဆါအံၤ, ဒီးခဲဂီၤ, ပကလဲၤဆူဝ့ၢ်ပူၤအံၤ, ဒီးအိၣ်ဖဲန့ၣ်တနံၣ်, ဒီးကၤတၢ်, ဒီး မၤအါထီၣ်ပတၢ်န့ၣ်သ့ၣ်သုဧၢ. ¹⁴ တၢ်ကမၤအသးခဲဂီၤ တနံၤန့ၣ်, သုတသ့ၣ်ညါဘၣ်, အဂ့ၢ်ဒ်အံၤ, သုသးသမူ န့ၣ်မ့ၢ်မနုၤတမံၤလဲၣ်. မ့ၢ်တၢ်ဘှ့ၣ်လၢအအိၣ်ဖျါတစိၢ် ဖိ, ဒီးလၢအလီၢ်ခံန့ၣ်ဒံကွံာ်ဝဲလီၤ. ¹⁵ လၢတၢ်န့ၣ်အလီၢ်, ဂ့ၤသုစံး, မ့ၢ်ဘၣ်ကစၢ်အသးဒီးပမ့ၢ်မူဒီး, ပကမၤတၢ်ဒ် အံၤဒ်နုၤလီၤ. ¹⁶ မ့မ့ၢ်ခဲကနံၣ်အံၤသုစံးထီၣ်ပတြၢၤလီၤသု သးလၢသုပာ်သုသးကဖၢလၢအဃိလီၤ. ကယဲၢ်တၢ်စံး ထီၣ်ပတြၢၤဒ်န့ၣ်သိးန့ၣ်, မ့ၢ်တၢ်အၢ တၢ်သီခဲလၢာ် လီၤ. ¹⁷ မၤသးဒ်န့ၣ်ဒီး, ပှၤလၢအသ့ၣ်ညါမၤတၢ်ဂ့ၤ, ဒီးတ မၤဘၣ်ဝဲဘၣ်န့ၣ်, မ့ၢ်တၢ်ဒဲးဘးလၢအဂီၢ်လီၤ.

၅

¹ ခဲကနံၣ်အံၤ, ဟဲဃီၤပှၤအထူးအတီၤသ့ၣ်ဧၢ, ကိးပသူ ထီၣ်, ဒီးဟီၣ်တၢ်ယၢၤတၢ်, လၢတၢ်နးတၢ်ဖှီၣ်လၢအက ဘၣ်သုအဃိန့ၣ်တက့ၢ်. ² သုထူးသုတီၤန့ၣ်, အုၣ်သံ ကျၣ်သံ, ဒီးသုကူသုသိးန့ၣ်တၢ်အဃၢ်အီၣ်အီၤလီၤ.―

³ သုထူဒီးသုစ့န့ၣ်ဘၣ်ထီၣ်အ့ၣ်န့ၣ် ကကဲထီၣ်တၢ်အုၣ် အသးထီဒါသု, ဒီးကအီၣ်သုဖံးသုညၣ်ဒ်မ့ၣ်အူအသိး လီၤ. သုပာ်ဖှိၣ်တၢ်လၢမုၢ်နံၤကတၢၢ်တဖၣ်အပူၤလီၤ.

⁴ ကွၢ်ကွၢ်, ပှၤလၢအကူးန့ၢ်သုဘု, အဘူးအလဲလၢသု ဟံးဃာ်ကဘျံးကဘျၣ်န့ၣ်, ကိးပသူထီၣ်, ဒီးပှၤကူးတၢ် ဖိအကလုၢ်နုာ်ဘၣ်လံလၢတၢ်သုးမုၢ်ဂီၢ်မုၢ်, ကစၢ်အနၢ် ပူၤလံ. ⁵ သုမၤမုာ်မၤလၤသုသးလၢဟီၣ်ခိၣ်ချၢ, ဒီးအီၣ် ဝံၣ်အီဆၢတၢ်လီၤ. သုဘုၣ်အီၣ်ဘုၣ်အီလီၤသုသးလၢမၤ သံတၢ်အမုၢ်နံၤန့ၣ်လီၤ. ⁶ သုစံၣ်ညီၣ်ဃၣ်, သုမၤသံပှၤ တီပှၤလိၤ, ဒီးတတြီဆၢဘၣ်သုဘၣ်.

⁷ မၤသးဒ်န့ၣ်ဒီး, ဒီပုၢ်ဝဲၢ်သ့ၣ်ဧၢ, အိၣ်ခိးစူၤသးတုၤက စၢ်ဟဲန့ၣ်တက့ၢ်. ကွၢ်ကွၢ်, ပှၤမၤဟီၣ်ခိၣ်န့ၣ်, ကွၢ်လၢ် ဟီၣ်ခိၣ်အတၤသၣ်လၢအလုၢ်ဒိၣ်အပှ့ၤဒိၣ်, ဒီးအိၣ်ခိးစူၤ သးအီၤ, တုၤအန့ၢ်ဘၣ်တၢ်ဟဲစူၤအဂံၢ်ခိၣ်, ဒီးတၢ်ဟဲစူၤ လၢခံန့ၣ်လီၤ. ⁸ အိၣ်ခိးစူၤသးစ့ၢ်ကီးသုဝဲ, ဒီးမၤဂၢၢ်မၤ ကျၢၤသုသးတက့ၢ်. အဂ့ၢ်ဒ်အံၤ, ကစၢ်ဟဲဝဲန့ၣ်သုးဘူး လံအသးလံ. ⁹ ဒီပုၢ်ဝဲၢ်သ့ၣ်ဧၢ, ဒ်သိးသုသုတဘၣ်တၢ် စံၣ်ညီၣ်တဂ့ၤဒီး, ကဒူးကဒ့ၣ်လိာ်သုသးတဂ့ၤ. ကွၢ်ကွၢ်, ပှၤစံၣ်ညီၣ်ကွီၢ်တဂၤဆၢထၢၣ်လၢတြဲၤအဂီၤထံးလီၤ.―

¹⁰ ယဒီပုၢ်ဝဲၢ်သ့ၣ်ဧၢ, ပာ်ဝံလၢအစံၣ်တဲၤတဲလီၤလၢကစၢ် အမံၤတဖၣ်, အဒိးတၢ်နးတၢ်ဖှီၣ်, ဒီးအဝံသးစူၤတၢ်န့ၣ်, လၢတၢ်အဒိအတဲာ်တက့ၢ်. ¹¹ ကွၢ်ကွၢ်, ပှၤလၢအဝံသးစူၤ တၢ်န့ၣ်, ပစံးလၢအဘၣ်ဆိၣ်ဂ့ၤဝဲလီၤ. သုနၢ်ဟူဘၣ်စီၤ ယိၤဘးအတၢ်ဝံသးစူၤအဂ့ၢ်အကျိၤ, ဒီးသုထံၣ်ဘၣ်က စၢ်အကတၢၢ်လၢကစၢ်သူၣ်အိၣ်သးအိၣ်တၢ်, ဒီးသူၣ်က ညီၤသးကညီၤတၢ်အါမးလီၤ.

¹² ဘၣ်ဆၣ်ဒီး, ယဒီပုၢ်ဝဲၢ်သ့ၣ်ဧၢ, လၢကယဲၢ်တၢ်ခဲလၢာ် အဖီခိၣ်န့ၣ်, လၢမူခိၣ်အမဲာ်ညါမ့ၢ်ဂ့ၤ, လၢဟီၣ်ခိၣ်အမဲာ်ညါမ့ၢ်ဂ့ၤ, လၢတၢ်ဆိၣ်အဂုၤအဂၤမ့ၢ်ဂ့ၤ, သုတဆိၣ်တၢ် ထုတၢ်တဂ့ၤ. မ့မ့ၢ်ဒ်သိးသုသု တလီၤတဲာ်လၢတၢ်စံၣ် ညီၣ်ဃၣ်အပူၤတဂ့ၤဒီး, မ့မ့ၢ်တၢ်ဒီး, စံးလၢအမ့ၢ်, မ့တ မ့ၢ်ဘၣ်တၢ်ဘၣ်ဒီး, စံးလၢ အတမ့ၢ်ဘၣ်န့ၣ်တက့ၢ်.

¹³ ပှၤလၢသုကျါမ့ၢ်အဘၣ်နးဘၣ်ဖှီၣ်တဂၤဂၤဧါ. မ်အ ဘါထုကဖၣ်တၢ်တက့ၢ်. မ့ၢ်အသူၣ်ဖှံသးညီတဂၤဂၤဧါ. မ်အသးဝံၣ်တၢ်တက့ၢ်. ¹⁴ ပှၤလၢသုကျါမ့ၢ်အဘၣ်တၢ် ဆါတဂၤဂၤဧါ. မ်အကိးတၢ်အိၣ်ဖှိၣ်အသးပှၢ်တဖၣ်တ က့ၢ်. ဒီးမ်အဝဲသ့ၣ်ဖှူအလိၤလၢသိလၢကစၢ်အမံၤဒီးဘါ ထုကဖၣ်တၢ်လၢအဂီၢ်တက့ၢ်. ¹⁵ ဒီးတၢ်စူၢ်တၢ်နာ်အ တၢ်ထုကဖၣ်န့ၣ်, ကအုၣ်က့ၤခီၣ်က့ၤပှၤဆါ, ဒီးကစၢ်က ဒုးဂဲၤဆၢထၢၣ်အီၤ, ဒီးအတၢ်ဒဲးဘးလၢအမၤတ့ၢ်လံမ့ၢ် အိၣ်ဒီး, တၢ်ကပျၢ်ကွံာ်အီၤလီၤ.

¹⁶ တဲာ်လီၤကျဲၤလီၤလိာ် သုတၢ်သရူးတၢ်ကမၣ်သကိး သကိး, ဒီးဘါထုကဖၣ်လိာ်သုဂီၢ်သကိးသကိး, ဒ်သိး သုကဘျါက့ၤတက့ၢ်. ပှၤအတီအလိၤအတၢ်ထုကဖၣ် သပှၢ်သပှၢ်န့ၣ်, မၤန့ၢ်တၢ်အါမးလီၤ. ¹⁷ စီၤအ့ၤလံယၤမ့ၢ် ပှၤကညီ, ဒ်ပဝဲအသိး, ဒီးဘါထုကဖၣ်သပှၢ်ပှၢ်ဒ်သိးတၢ် သုတဟဲစူၤတဂ့ၤ, ဒီးလၢသၢနံၣ်ဒီးဃုလါအတီၢ်ပူၤန့ၣ်, တၢ်တဟဲစူၤဘၣ်လၢဟီၣ်ခိၣ်အဖီခိၣ်ဘၣ်. ¹⁸ ဒီးဘါထု ကဖၣ်ကဒီးဝဲဒီးမူခိၣ်ဒုးဟဲစူၤလီၤတၢ်လီၤ, ဒီးဟီၣ်ခိၣ်ဒုး မဲထီၣ်အတၤသူၣ်တၤသၣ်လီၤ. ¹⁹ ဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါန့ၣ်, မ့ၢ်မၤကမၣ်တၢ်မ့ၢ်တၢ်တီ, ဒီးပှၤတဂၤဂၤမ့ၢ်ဘိးဃၣ်က့ၤအီၤဒီး,―

²⁰ မ်အသ့ၣ်ညါလၢ ပှၤလၢအဘိးဃၣ်က့ၤပှၤမၤတၢ်ဒဲးဘး လၢအကျဲကမၣ်န့ၣ်ဒီး, မ့ၢ်အအုၣ်က့ၤခီၣ်က့ၤပှၤတဂၤ အသးလၢတၢ်သံအပူၤ, ဒီးမၤပူၤဖျဲးတၢ်ဒဲးဘးအါမးန့ၣ် တက့ၢ်.