လံာ်စီၤပီလူးကွဲးန့ၢ်ပှၤဧ့ၤဘြံၤဖိ.

လံာ်စီၤပီလူးကွဲးန့ၢ်ပှၤဧ့ၤဘြံၤဖိ.

၁

¹ ယွၤကတိၤတၢ်ဒီး ပၢ်သ့ၣ်လၢပျၢၤအါတီၤဒီးအါကျိၤ လၢဝံတဖၣ်ဘၣ်ဆၣ်ဒီး, ² လၢနံၤကတၢၢ်တဖၣ်အံၤ, က တိၤတၢ်ဒီးပှၤ, လၢအဖိခွါလၢအပာ်အီၤလၢပှၤန့ၢ်ဘၣ် သါတၢ်ခဲလၢာ်, ဒီးတ့ဟီၣ်ခိၣ်စ့ၢ်ကီးလၢအီၤလီၤ. ³ အဝဲ ဒၣ်မ့ၢ်အလၤကပီၤအတၢ်ကပြုၢ်ကပြီၤ, ဒီးအကစၢ်မိၢ်ပှၢ် အက့ၢ်အဂီၤလီၤတံၢ်လီၤဆဲး, ဒီးစိာ်ထီၣ်ကယဲၢ်တၢ်ခဲ လၢာ်လၢအကလုၢ်အစိအကမီၤ, ဒီးမၤစီကွံာ်ပတၢ်ဒဲး ဘးလၢအကစၢ်ဒၣ်ဝဲဝံၤဒီး, ဆ့ၣ်နီၤလၢတၢ်အကဟုက ညီၢ်တဂၤအစုထွဲလၢတၢ်ထီၣ်ထီ, ⁴ ဒီးဂ့ၤန့ၢ်ကလူးတ ဖၣ်ထဲသိးဒီးအမံၤလၢအန့ၢ်ဘၣ်သါန့ၣ်, ဂ့ၤန့ၢ်အဝဲသ့ၣ် အမံၤတက့ၢ်လီၤ.

⁵ အဂ့ၢ်ဒ်အံၤ, နဲဒၣ်အံၤနမ့ၢ်ယဖိခွါလီၤ, ယမၤလိၣ်ထီၣ်လံနၤလၢမုၢ်မဆါတနံၤအံၤလံ,+ ၂မူၤ. ၇း၁၄|2Sam.7.14 * န့ၣ်, မ့ၢ်အစံးဘၣ်ကလူးတဘျီဘျီ, ဖဲလဲၣ်တဂၤလဲၣ်, ဒီး မၤကဒီးတစု, ယကကဲလၢအပၢ်ဒီးအဝဲဒၣ်ကကဲလၢယ ဖိခွါန့ၣ်လီၤ,+ ၂မူၤ. ၇း၁၄|2Sam.7.14 * မ့ၢ်အစံးတဘျီဘျီလၢက လူးဖဲလဲၣ်တဂၤလဲၣ်. ⁶ ဒီးမၤကဒီးတစု, တုၤအဟဲဆှၢ အဖိဝဲၢ်ကိဆူဟီၣ်ခိၣ်ဒီး, စံးဝဲဒၣ်, ယွၤအကလူးတဂၤ လၢ်လၢ်န့ၣ်, မ်အဘါထီၣ်အီၤတက့ၢ်.+ စံး. ၉၇း၇|Ps.97.7*.⁷ ဒီးစံးဝဲလၢကလူးတဖၣ်အဂ့ၢ်အကျိၤ, မ့ၢ်အမၤအကလူးတ ဖၣ်လၢကလံၤ,

⁸ ဒီးအခ့အပှၤလၢမ့ၣ်အူလၣ်လီၤ.+ စံး. ၁၀၄း၄|Ps.104.4 *. မ့မ့ၢ် လၢအဖိခွါအဂ့ၢ်န့ၣ်, ယွၤဧၢ, နလီၢ်ပစိာ်န့ၣ်အိၣ်ဝဲအစိၤစိၤအဃၣ်ဃၣ်, တၢ် တီတၢ်လိၤအနီၣ်ထိးန့ၣ်, မ့ၢ်နဘီနမုၢ်အနီၣ်ထိးလီၤ.

⁹ နအဲၣ်တၢ်တီတၢ်လိၤ, ဒီးနသးဟ့တၢ်အၢတၢ်သီလီၤ. မၤသးဒ်န့ၣ်ဒီးယွၤနကစၢ်ဖှူနလိၤ လၢတၢ်သးခုအသိ, လၢနတံၤနသကိးတဖီခိၣ်လီၤ.+ စံး. ၉၅း၆|Ps.95.6*.

¹⁰ ဒီးနဲဒၣ်, ကစၢ်ဧၢ, လၢထံးလၢသီန့ၣ်, နပာ်လီၤဟီၣ် ခိၣ်အခီၣ်ထံး, ဒီးမူခိၣ်န့ၣ်မ့ၢ်နစုအမၤတၢ်လီၤ.

¹¹ အဝဲသ့ၣ်ကတုၤလၢတၢ်ဟးဂီၤ, မ့မ့ၢ်နဲဒၣ်အံၤနအိၣ် နဆိးလီၤ. အဝဲသ့ၣ်ကလီၢ်လံၤဒ် တၢ်ကူတၢ်သိးတဘ့ၣ်အသိး,

¹² ဒီးဒ်ယၣ်တဘ့ၣ်အသိးန့ၣ်, နကချံးထီၣ်အီၤ, ဒီးက ဘၣ်လဲလိာ်အသးလီၤ. မ့မ့ၢ်နဲဒၣ်အံၤနအိၣ်နကစၢ်ဒၣ်နဲဒ်လီၢ်လီၢ်, ဒီးနနံၣ်တဖၣ်တလၢာ်ဘၣ်ဝဲဘၣ်.+ စံး. ၁၀၂း၂၅|Ps.102.25*.

¹³ ဆ့ၣ်နီၤလၢယစုထွဲ, တုၤယပာ်နဒုၣ်နဒါလၢနခီၣ်ယီၢ်အလီၢ်တက့ၢ်,+ စံး. ၁၁၀း၁|Ps.110.1 * န့ၣ်, မ့ၢ်အစံးဘၣ်ကလူးတဘျီဘျီဖဲလဲၣ် တဂၤလဲၣ်. ¹⁴ အဝဲသ့ၣ်ခဲလၢာ်မ့ၢ်သးလၢအဒိးမၢအသး ဒ်သိးအကမၤတၢ်အခ့အပှၤအတၢ်လၢ ပှၤလၢအကန့ၢ် ဘၣ်သါတၢ်အုၣ်က့ၤခီၣ်က့ၤတဖၣ်အဂီၢ်တမ့ၢ်ဘၣ်ဧါ.

၂

¹ မၤသးဒ်န့ၣ်ဒီး, တၢ်လၢပနၢ်ဟူန့ၣ်, ဒ်သိးပသုတလဲၤ ပူၤကွံာ်အီၤတဂ့ၤဒီး, ပဘၣ်ပလီၢ်ပသးဒိၣ်တက့ၢ်လီၤ.―

² အဂ့ၢ်ဒ်အံၤ, တၢ်ကတိၤလၢကလူးတဖၣ်အစုပူၤန့ၣ်, မ့ၢ် အိၣ်ဂၢၢ်အိၣ်ကျၢၤဝဲ, ဒီးကယဲၢ်တၢ်မၤကမၣ်ဒီးတၢ်တစူၢ် ဘၣ်န့ၣ်မ့ၢ်န့ၢ်ဘၣ်အဘူးအလဲတီတီဒီး, ³ ပမ့ၢ်ပာ်တၢ် အုၣ်က့ၤခီၣ်က့ၤဒိၣ်ထဲထဲအံၤ, လၢတၢ်နီတမံၤဘၣ်ဒီး, ပ ကဃ့ၢ်ပူၤဖျဲးဒ်လဲၣ်. အဝဲန့ၣ်ပကစၢ်စံးဘၣ်တဲဘၣ်ဝဲလၢ အခီၣ်ထံး, ဒီးပှၤလၢအနၢ်ဟူဝဲတဖၣ်န့ၣ်, မၤဂၢၢ်မၤကျၢၤ က့ၤဒီးပှၤလီၤ. ⁴ ယွၤအုၣ်ဃုာ်အသးဒီးအီၤ, လၢတၢ်ပနီၣ် လီၤလး, ဒီးတၢ်လီၤလိၢ်လီၤလး, ဒီးတၢ်အစိအကမီၤအါ မံၤ, ဒီးသးစီဆှံအတၢ်ဟ့ၣ်တဖၣ်, ဖဲအသးလီၤ.

⁵ အဂ့ၢ်ဒ်အံၤ, ခဲကိာ်တဃၣ်လၢပကတိၤတၢ်လၢအဂ့ၢ် န့ၣ်, တပာ်ဘၣ်ဝဲလၢကလူးတဖၣ်အဖီလာ်ဘၣ်. ⁶ မ့မ့ၢ် ပှၤတဂၤအုၣ်အသးတပူၤပူၤဒီးစံးဝဲဒၣ်, ပှၤကညီလၢနကသ့ၣ်နီၣ်ထီၣ်အီၤ, ဒီးပှၤကညီဖိခွါလၢနကအံးကွၢ်အီၤန့ၣ်, မ့ၢ်မနုၤ လဲၣ်.―

⁷ နပာ်အီၤလၢကလူးတဖၣ်အဖီလာ်တစဲး, နဒုးကုာ်ခိၣ်သလုးအီၤလၢတၢ်အကဟုအကညီၢ်, ဒီးတၢ်လၤကပီၤ, ဒီးနပာ်အီၤလၢနစုအတၢ်မၤတဖၣ်အဖီခိၣ်,― နပာ်တၢ်တမံၤလၢ်လၢ်လၢအခီၣ်အဖီလာ်လီၤ.+ စံး. ၈း၄၆|Ps.8.46*.⁸ အဂ့ၢ်ဒ်အံၤ, လၢအပာ်တၢ်တမံၤလၢ်လၢ်လၢအဖီလာ် ဒီး, တဒုးအိၣ်လီၤတဲာ်ဘၣ်တၢ်လၢအတပာ်လၢအဖီ လာ်န့ၣ်နီတမံၤဘၣ်.

⁹ မ့မ့ၢ်ခဲကနံၣ်အံၤ, တၢ်ပာ်တၢ်ခဲလၢာ်လၢအဖီလာ် န့ၣ်, ပတထံၣ်ဒံးဘၣ်. ဘၣ်ဆၣ်ဒီးပထံၣ်ယ့ၣ်ရှူး, လၢ အဘၣ်တၢ်ပာ်အီၤလၢကလူးတဖၣ်အဖီလာ်တစဲးစဲး, လၢအဒိးတၢ်သံ အတၢ်နးတၢ်ဖှီၣ်အဃိန့ၣ်ဒိးကုာ်ခိၣ် သလုးအသးလၢ တၢ်အကဟုအကညီၢ်ဒီးတၢ်လၤက ပီၤ, ဒ်သိးအကလ့ၣ်ကွၢ်တၢ်သံလၢပှၤကညီခဲလၢာ်အ ဂီၢ်, လၢယွၤအဘျုးအဖှိၣ်အဃိန့ၣ်လီၤ. ¹⁰ အဂ့ၢ်ဒ်အံၤ, ပှၤလၢတၢ်ခဲလၢာ်မ့ၢ်လၢအဂီၢ်, ဒီးတၢ်ခဲလၢာ်ကဲထီၣ် လၢအီၤတဂၤန့ၣ်, တုၤအဆှၢနုာ်အဖိခွါအါဂၤဆူတၢ် အလၤကပီၤအပူၤဒီး, ဂ့ၤဝဲလၢအကမၤလၢထီၣ်ပှဲၤ ထီၣ်အတၢ်အုၣ်က့ၤခီၣ်က့ၤအခိၣ်တဂၤန့ၣ်လၢတၢ်နး တၢ်ဖှီၣ်လီၤ.

¹¹ အဂ့ၢ်ဒ်အံၤ, ပှၤလၢအမၤစီဆှံတၢ်, ဒီးပှၤလၢအဒိးစီဆှံ အသးတဖၣ်န့ၣ်, မ့ၢ်အဘၣ်ဃးဒီးပှၤတဂၤဃီခဲလၢာ် လီၤ. မၤသးဒ်န့ၣ်ဒီးတၢ်ကိးအီၤလၢဒီပုၢ်ဝဲၢ်န့ၣ်, အမဲာ် တဆှးဘၣ်ဝဲဘၣ်, ¹² ဒီးစံးဝဲဒၣ်, ယကစံးဘၣ်တဲဘၣ်နမံၤလၢယဒီပုၢ်ဝဲၢ်, လၢတၢ်အိၣ်ဖှိၣ်အသးကံၢ်ပူၤန့ၣ်, ယကသးဝံၣ် ထီၣ်နၤလီၤ.+ စံး. ၂၂း၂၂|Ps.22.22*.

¹³ ဒီးမၤကဒီးတစု, ယကသန့ၤယသးလၢအီၤလီၤ.+ ၡါ. ၈း၁၈|Isa.8.18 * ဒီးမၤကဒီးတစု, ကွၢ်ကွၢ်, ယၤဒီးယဖိတဖၣ်လၢ ယွၤဟ့ၣ်လီၤယၤလီၤ.+ ၡါ. ၈း၁၈|Isa.8.18*.¹⁴ မၤသးဒ်န့ၣ်ဒီး, ဖိ တဖၣ်ဘၣ်ဃးဒီးတၢ်ညၣ်ဒီးတၢ်သွံၣ်သတးဒီး, အဝဲဒၣ် အကစၢ်ပှၢ်ဒိးန့ၢ်စ့ၢ်ကီးတၢ်တဖၣ်ဒ်န့ၣ်အသိး, ဒ်သိးလၢ တၢ်သံအဃိသတးဒီး, ကမၤဟးဂီၤပှၤအိၣ်ဒီးတၢ်သံအ စိအကမီၤ, ဒ်ပစံးတၢ်အသိး, မုၣ်ကီၤလံၢ်, ¹⁵ ဒီးကမၤထူၣ် ဖျဲးပှၤလၢအကဲကုၢ်တစိၤဒၣ်အီၤလၢ အပျံၤတၢ်သံအဃိ တဖၣ်လီၤ. ¹⁶ အဂ့ၢ်ဒ်အံၤ, တမ့ၢ်ဘၣ်အမၤစၢၤကလူးတဖၣ်လ့ၤတက့ၤဘၣ်. မ့ၢ်အမၤစၢၤစီၤအၤဘြၤဟၣ်အချံအသၣ်လီၤ.―

¹⁷ မၤသးဒ်န့ၣ်ဒီး ဂ့ၤလၢအဒ်သိးသိးဒီးအဒီပုၢ်ဝဲၢ်လၢတၢ်ခဲ လၢာ်အဂ့ၢ်, ဒ်သိးအကကဲထီၣ်ပှၤလုၢ်တၢ်အဒိၣ်လၢအ သးကညီၤတၢ်, ဒီးအကလုၢ်တီလၢတၢ်ဘၣ်ဃးဒီးယွၤ သတးဒီး, ကမၤပူၤဖျဲးတၢ်လၢပှၤကညီအတၢ်ဒဲးဘးအ ဂီၢ်လီၤ. ¹⁸ အဂ့ၢ်ဒ်အံၤ, မ့ၢ်အကစၢ်ဒၣ်ဝဲဒိးဘၣ်တၢ်, လၢ အဘၣ်တၢ်လ့ပစီအဃိဒီး, မၤစၢၤပှၤလၢအဘၣ်တၢ်လ့ ပစီတဖၣ်သ့ဝဲလီၤ.

၃

¹ မၤသးဒ်န့ၣ်ဒီး ပှၤလၢအန့ၢ်ဃုာ်တၢ်ကိးဘၣ်ဃးဒီးမူ ခိၣ်, ဒီပုၢ်ဝဲၢ်စီဆှံသ့ၣ်ဧၢ, ကွၢ်ဆိကမိၣ်ပှၤတၢ်မၢဖိဒီးပှၤ လုၢ်တၢ်အခိၣ်ဘၣ်ဃးဒီး ပတၢ်အၢၣ်လီၤအီလီၤ, ယ့ၣ်ရှူး န့ၣ်တက့ၢ်. ² အဝဲဒၣ်န့ၣ်မၤအကလုၢ်တီဒီးပှၤလၢအမၢ န့ၢ်အီၤ, ဒ်စီၤမိၤရှ့လၢအဟံၣ်ဒီဟံၣ်ညါ, အသိးန့ၣ်လီၤ.―

³ အဂ့ၢ်ဒ်အံၤ, အအံၤတဂၤကြၢးဒိးတၢ်လၤကပီၤအါန့ၢ်စီၤ မိၤရှ့, ထဲသိးဒီးပှၤဒုးကဲထီၣ်ဟံၣ်တဂၤကြၢးဒိးတၢ်ယူး ယီၣ်အါန့ၢ်ဟံၣ်တက့ၢ်လီၤ. ⁴ အဂ့ၢ်ဒ်အံၤ, ကယဲၢ်ဟံၣ်ခဲ လၢာ်န့ၣ်, ပှၤဒုးကဲထီၣ်ဝဲတဂၤဂၤလီၤ. မ့မ့ၢ်ပှၤလၢအဒုး ကဲထီၣ်တၢ်ခဲလၢာ်တဂၤန့ၣ်မ့ၢ်ယွၤလီၤ. ⁵ ဒီးစီၤမိၤရှ့မ့ၢ် မးပှၤအကလုၢ်တီလၢအဟံၣ်ဒီဟံၣ်ညါ, ဒ်တၢ်အခ့အ ပှၤအသိး, လၢတၢ်အုၣ်အသးဘၣ်ဃးဒီးတၢ်လၢအက ဘၣ်တၢ်ကတိၤဖျါထီၣ်အသးဆူညါအဂီၢ်လီၤ. ⁶ မ့မ့ၢ်ခ ရံာ်, ဒ်ဖိခွါလၢအဟံၣ်အဖီခိၣ်အသိးန့ၣ်လီၤ. ဒီးပဝဲဒၣ် အံၤ, ပမ့ၢ်ဟံးဃာ်တၢ်မုၢ်လၢ်အတၢ်သးခူတလ့ၢ်, ဒီးအ တၢ်သးခုဂၢၢ်ဂၢၢ်ကျၢၤကျၢၤတုၤအကတၢၢ်ဒီး, ပမ့ၢ်အ ဟံၣ်န့ၣ်လီၤ.

⁷ မၤသးဒ်န့ၣ်ဒီး, ဒ်သးစီဆှံစံးဝဲဒၣ်အသိးန့ၣ်, မုၢ်မဆါတနံၤအံၤ, သုမ့ၢ်နၢ်ဟူအကလုၢ်ဒီး,―

⁸ မၤကိၤထီၣ်သုသး, ဒ်လၢတၢ်မၤတံာ်တာ်, လၢတၢ်လ့ပစီအမုၢ်တနံၤလၢပှၢ်မုၢ်ကနၢ,―

⁹ ဖဲသုပၢ်တဖၣ်လ့ပစီယၤ, မၤကွၢ်ယၤ, ဒီးထံၣ်ဘၣ်ယတၢ်မၤတဖၣ်အနံၣ်လွံၢ် ဆံညါ, အသိးတဂ့ၤ.―

¹⁰ အဝဲန့ၣ်အဃိဒီး, ယသးဒိၣ်ထီၣ်ပှၤတစိၤန့ၣ်, ဒီးယစံးယဲ, အဝဲသ့ၣ်လဲၤကမၣ်တၢ်လၢအသးတ ဘိယူၢ်ဃီ, ဒီးတသ့ၣ်ညါဘၣ်ယကျဲဘၣ်. ¹¹ ဒ်န့ၣ်အသိးယဆိၣ်လီၤယသးလၢယသးဒိၣ်ထီၣ်, လၢအဝဲသ့ၣ်တဘၣ်လဲၤနုာ်ဘၣ်လၢယတၢ်အိၣ်ဘှံးအပူၤန့ၣ်လီၤ.+ စံး. ၉၅း၇|Ps.95.7

¹² ဒီပုၢ်ဝဲၢ်သ့ၣ်ဧၢ, ပလီၢ်သုသးတက့ၢ်. ဒ်သိးသးဒ့ဒီအ အၢအသီသုတအိၣ်လၢသုဝဲတဂၤဂၤအပူၤ, လၢသုက ဟးထီၣ်ကွံာ်လၢ ယွၤလၢအမူဝဲအပူၤတဂ့ၤ. ¹³ မ့မ့ၢ်သ ဆၣ်ထီၣ်လိာ်သုခံကိးမုၢ်နံၤဖဲတၢ်ကိးလၢမုၢ်မဆါအဖၢ မုၢ်အံၤ, ဒ်သိးသုသးသုတကိၤလၢတၢ်ဒဲးဘးအတၢ်လီ တၢ်ဝ့ၤအဃိနီတဂၤတဂ့ၤန့ၣ်တက့ၢ်.― ¹⁴ အဂ့ၢ်ဒ်အံၤ, ပမ့ၢ် ဟံးဃာ် ပသူၣ်ဂၢၢ်သးကျၢၤအခီၣ်ထံး တုၤအကတၢၢ် ဒီး, ပမ့ၢ်ပှၤဘၣ်ဃးဒီးခရံာ်လီၤ.― ¹⁵ ဖဲတၢ်စံးဝဲ, မုၢ်မဆါ တနံၤအံၤသုမ့ၢ်နၢ်ဟူယကလုၢ်ဒီး, မၤကိၤသုသး, ဒ်လၢတၢ်မၤတံာ်တၢ်အသိးန့ၣ်တဂ့ၤ.― ¹⁶ အဂ့ၢ်ဒ်အံၤ, မ့ၢ်မတၤ နၢ်ဟူတၢ်, ဒီးမၤတံာ်တာ်လဲၣ်. မ့ၢ်ပှၤလၢအဟးထီၣ် ကွံာ်လၢအဲၤကူပတူးလၢစီၤမိၤရှ့အစုပူၤခဲလၢာ်, တမ့ၢ် ဘၣ်ဧါ. ¹⁷ ဒီးအနံၣ်လွံၢ်ဆံအတီၢ်ပူၤန့ၣ်, မ့ၢ်အသးဒိၣ် ထီၣ်မတၤတဖၣ်လဲၣ်. မ့ၢ်ပှၤလၢအမၤတၢ်ဒဲးဘး, လၢ အစိၣ်လီၤဃံၤဝဲလၢပှၢ်မုၢ်ကနၢန့ၣ်, တမ့ၢ်ဘၣ်ဧါ ¹⁸ ဒီး ဆိၣ်လီၤအသးလၢပှၤတနုာ်ဘၣ်လၢ အတၢ်အိၣ်ဘှံးအ ပူၤန့ၣ်မ့ၢ်လၢမတၤတဖၣ်လဲၣ်. မ့ၢ်ပှၤတနာ်ဘၣ်တၢ်, တမ့ၢ်ဘၣ်ဧါ, ¹⁹ ဒီးပထံၣ်လၢအနုာ်ဝဲတသ့ဘၣ်, လၢတၢ် တနာ်ဘၣ်အဃိလီၤ.

၄

¹ မၤသးဒ်န့ၣ်ဒီး, ပျံၤသကိးတၢ်တက့ၢ်, တၢ်ကလီၤဂာ် ဘၣ်ဖုးလၢတၢ်စံးပာ်အိၣ်လီၤတဲာ်လၢ ပကနုာ်ဘၣ်လၢ အတၢ်အိၣ်ဘှံးအပူၤဘၣ်ဆၣ်ဒီး, သုတတုၤဘၣ်တဂၤ ဂၤလီၤ. ² အဂ့ၢ်ဒ်အံၤ, တၢ်စံၣ်တဲၤတဲလီၤပဝဲဒၣ်အံၤစ့ၢ် ကီးလၢတၢ်သးခုအကစီၣ်, ဒ်အဝဲသ့ၣ်အသိးလီၤ. မ့မ့ၢ် တၢ်ကတိၤလၢအနၢ်ဟူန့ၣ်, တမၤဘျုးဘၣ်အီၤဘၣ်. အ ဂ့ၢ်ဒ်အံၤ, တဃါဃုာ်ဘၣ်ဒီးတၢ်နာ်လၢပှၤလၢအနၢ်ဟူ န့ၣ်ဘၣ်. ³ အဂ့ၢ်ဒ်အံၤ, ပှၤလၢအနာ်တၢ်ပဝဲဒၣ်အံၤ, ပနုာ် ဘၣ်လၢတၢ်အိၣ်ဘှံးအပူၤ, ဒ်အစံးဝဲအသိး, ဒ်ယဆိၣ် လီၤယသးလၢယသးဒိၣ်ထီၣ်န့ၣ်, လၢအဝဲသ့ၣ်တနုာ် လၢယတၢ်အိၣ်ဘှံးအပူၤဘၣ်.+ စံး. ၉၅း၁၁|Ps.95.11*. မ့ၢ်နာ်သက့ ဒ်န့ၣ်ဒီး, တၢ်မၤတဖၣ်ဝံၤထီၣ်ဝဲလၢဟီၣ်ခိၣ်အခီၣ်ထံး န့ၣ်လီၤ. ⁴ အဂ့ၢ်ဒ်အံၤ, စံးဝဲဒၣ်လၢတၢ်တပူၤလၢနွံနံၤတ နံၤအဂ့ၢ်အကျိၤဒ်အံၤ, ဒီးယွၤအိၣ်ဘှံးလၢအတၢ်မၤခဲ လၢာ်လၢနွံနံၤတနံၤန့ၣ်လီၤ.+ ၁မိၤ. ၂း၃|Gen.2.3*.⁵ ဒီးအအံၤတ ပူၤကဒီး, အဝဲသ့ၣ်တနုာ်ဘၣ်လၢယတၢ်အိၣ်ဘှံးအပူၤ ဘၣ်.

⁶ မၤသးဒ်န့ၣ်ဒီး တၢ်အိၣ်လီၤတဲာ်ဝဲလၢပှၤကလဲၤနုာ်ဝဲ တနီၤနီၤ, ဒီးပှၤလၢတၢ်စံၣ်တဲၤတဲလီၤအီၤလၢတၢ်သးခု အကစီၣ်အဆိတဖၣ်န့ၣ်, တနုာ်ဘၣ်လၢအတစူၢ်တနာ် ဘၣ်တၢ်အဃိသတးဒီး, ⁷ သ့ၣ်နံၤဖးသီကဒီး, ဒီးစံးလၢ စီၤဒၤဝံးအပူၤ, မုၢ်မဆါတနံၤအံၤ, လၢအကတီၢ်ယံာ်ထဲ န့ၣ်အလီၢ်ခံ, ဒ်တၢ်စံးဝဲအသိးန့ၣ်, မုၢ်မဆါတနံၤအံၤ, သုမ့ၢ်နၢ်ဟူအကလုၢ်ဒီး, မၤကိၤသုသးတဂ့ၤ. + စံး. ၉၅း၇, ၈|Ps.95.7-Ps.95.8*.

⁸ အဂ့ၢ်ဒ်အံၤ, စီၤယိၤရှူမ့ၢ်ဒုးအိၣ်ဘှံးတ့ၢ်အီၤဒီး, အဝဲန့ၣ် အလီၢ်ခံတကတိၤလၢၤဘၣ်လၢ နံၤအဂၤအဂ့ၢ်အကျိၤ ဘၣ်.

⁹ မၤသးဒ်န့ၣ်ဒီး, တၢ်အိၣ်ဘှံးအိၣ်လီၤတဲာ်မးလၢယွၤ အပှၤဂီၢ်မုၢ်အဂီၢ်လီၤ. ¹⁰ အဂ့ၢ်ဒ်အံၤ, ပှၤလၢအနုာ်ဘၣ်တ့ၢ် ဝဲလၢအတၢ်အိၣ်ဘှံးအပူၤတဂၤန့ၣ်, အဝဲဒၣ်အိၣ်ဘှံးစ့ၢ် ကီးလၢအတၢ်မၤ, ဒ်ယွၤလၢအတၢ်မၤဒၣ်ဝဲအသိး, န့ၣ် လီၤ. ¹¹ မၤသးဒ်န့ၣ်ဒီးမ်ပဂုာ်နုာ်ဘၣ်တၢ်အိၣ်ဘှံးတမံၤ အံၤ, ဒ်သိးပသုတလီၤဃံၤထွဲတၢ်တစူၢ်တနာ်ဘၣ်အဒိ အတဲာ်တမံၤဃီအခံ, နီတဂၤတဂ့ၤန့ၣ်တက့ၢ်.

¹² အဂ့ၢ်ဒ်အံၤ, ယွၤအကလုၢ်န့ၣ်မ့ၢ်တၢ်မူ, ဒီးမၤတၢ်သ့, ဒီးအကနၣ်အ့ၣ်တၢ်ဂ့ၤန့ၢ်နးတဘ့ၣ်လၢ အကနၣ်ခံခီ လိာ်, ဒီးဆဲးဖျိတုၤအနီၤဖးပတၢ်မူဒီးပသး, ဒီးတၢ်အဆၢ ဒီးတၢ်အကံၢ်, ဒီးမ့ၢ်တၢ်လၢအသ့ၣ်ညါပသးအတၢ်ဆိ ကမိၣ်ဒီးအတၢ်ကူၣ်တၢ်တဖၣ်န့ၣ်လီၤ. ¹³ ဒီးတၢ်လၢအ ဘၣ်တ့အသး, တအိၣ်တဒၢဘၣ်လၢအမဲာ်ညါနီတမံၤ ဘၣ်. မ့ၢ်ကယဲၢ်တၢ်တမံၤလၢ်လၢ်အိၣ်ဘ့ၣ်ဆ့, ဒီးအိၣ်ဖျါ ထီၣ်ဝဲလၢပှၤအကလုၢ်ဘၣ်ဃးဒီးပှၤန့ၣ်အမဲာ်လီၤ. ¹⁴ မၤသးဒ်န့ၣ်ဒီး, မ့ၢ်ပအိၣ်ဒီးပှၤလုၢ်တၢ်အခိၣ်ဖးဒိၣ်လၢအလဲၤနုာ်ဆူမူခိၣ်, ယွၤအဖိခွါယ့ၣ်ရှူးတဂၤသတးဒီး, မ်ပဟံးဃာ်တၢ်အၢၣ်လီၤအီလီၤသပှၢ်တၢၢ်တက့ၢ်.―

¹⁵ အဂ့ၢ်ဒ်အံၤ, ပအိၣ်ဒီးပှၤလုၢ်တၢ်အခိၣ်လၢအသးကညီၤ ပဂံၢ်စၢ်ဘါစၢ်တသ့ဘၣ်န့ၣ်, တမ့ၢ်ဘၣ်, မ့ၢ်အဘၣ်တၢ် လ့ပစီကိးအမံၤဒဲးဒ်ပဝဲအသိးန့ၣ်ဘၣ်ဆၣ်ဒီး, အတၢ်ဒဲး ဘးတအိၣ်ဘၣ်. ¹⁶ မၤသးဒ်န့ၣ်ဒီး, ဒ်သိးပကဒိးန့ၢ်တၢ် သးကညီၤ, ဒီးထံၣ်န့ၢ်တၢ်ဘျုးတၢ်ဖှိၣ်ဖဲတၢ်မၤစၢၤအ ဆၢအကတီၢ်အပူၤဒီးမ်ပသုးဘူးပသးအိၣ်ဒီးပသးခူတ လ့ၢ်ဆူတၢ်ဘျုးတၢ်ဖှိၣ်အလီၢ်ပစိာ်န့ၣ်တက့ၢ်.

၅

¹ အဂ့ၢ်ဒ်အံၤ, ကယဲၢ်ပှၤလုၢ်တၢ်အခိၣ်ကိးဂၤဒဲး, ဘၣ် တၢ်ဟံးန့ၢ်အီၤလၢပှၤကညီအကျါသတးဒီး, တၢ်ပာ်အီၤ လၢတၢ်ဘၣ်ဃးဒီးယွၤလၢပှၤကညီအဂီၢ်, ဒ်သိးအက ပာ်ထီၣ်တၢ်မၤဘူၣ်, ဒီးတၢ်လုၢ်လၢတၢ်ဒဲးဘးအဂီၢ်လီၤ.

² ဒီးမ့ၢ်တၢ်ဂံၢ်စၢ်ဘါစၢ် အိၣ်ဝးတရံးအကစၢ်ဒၣ်ဝဲသတး ဒီး, သးအိၣ်ပှၤလၢအတသ့ၣ်ညါဘၣ်တၢ်ဘၣ်, ဒီးပှၤလၢ အဟးကမၣ်ကျဲတဖၣ်, သ့လီၤ. ³ မၤသးဒ်န့ၣ်ဒီး, ဒ်လၢ ပှၤဂီၢ်မုၢ်အဂီၢ်အသိးန့ၣ်, ဘၣ်ပာ်ထီၣ်စ့ၢ်ကီးတၢ်လၢအ ဂီၢ်ဒၣ်ဝဲလၢတၢ်ဒဲးဘးအဃိလီၤ. ⁴ ဒီးပှၤတဂၤဟံးန့ၢ်ဒၣ် ဝဲတၢ်လၤကပီၤအံၤတမ့ၢ်ဘၣ်, မ့ၢ်ပှၤလၢယွၤကိးန့ၢ်အီၤ, ဒ်စီၤအၤဟရိၣ်အသိးန့ၣ်လီၤ. ⁵ ဒ်န့ၣ်အသိးခရံာ်တမၤ လၤမၤကပီၤဒၣ်အသး, ဒ်သိးအကကဲထီၣ်ပှၤလုၢ်တၢ်အ ခိၣ်ဘၣ်. မ့မ့ၢ်ပှၤစံးဘၣ်အီၤ, နဲဒၣ်အံၤနမ့ၢ်ယဖိခွါလီၤ. ယမၤလိၣ်ထီၣ်လံနၤလၢမုၢ်မဆါတနံၤအံၤလံ.+ စံး. ၂း၇|Ps.2.7*.

⁶ ဒီးဒ်အစံးဝဲလၢတပူၤဒၣ်အသိးန့ၣ်, နမ့ၢ်ပှၤလုၢ်တၢ်အဒိၣ်လီၤထူလီၤယိာ်, ဒ်စီၤမၤလကံစဒ့းအလုၢ်အလၢ်အသိးန့ၣ်လီၤ.+ စံး. ၁၁၀း၄|Ps.110.4*.―

⁷ အဝဲဒၣ်လၢအဖံးအညၣ်အမုၢ်နံၤတဖၣ်န့ၣ်, ဘါထုက ဖၣ်ဒီး ဃ့ကညးပှၤလၢအအုၣ်က့ၤခီၣ်က့ၤအီၤလၢတၢ် သံသ့တဂၤ, အိၣ်ဒီးတၢ်ကိးပသူထီၣ်, ဒီးမဲာ်ထံမဲာ်နိ, ဒီး မ့ၢ်အယူးယီၣ်ယွၤသတးဒီး, တၢ်ဒိကနၣ်အကလုၢ်လီၤ.

⁸ မ့ၢ်ဖိခွါနာ်သက့ဒီး, မၤလိစူၢ်တၢ်အကလုၢ်လၢအဒိးတၢ် နးတၢ်ဖှီၣ်အဃိလီၤ. ⁹ ဒီးလၢထီၣ်ပှဲၤထီၣ်ဝဲဒီး, ကဲထီၣ် ပှၤလၢအစူၢ်အကလုၢ်တဖၣ်ခဲလၢာ် အတၢ်အုၣ်က့ၤခီၣ် က့ၤအီၤအထူအယိာ်အကစၢ်လီၤ. ¹⁰ ဒီးယွၤပာ်အီၤလၢ ပှၤလုၢ်တၢ်အခိၣ်ဒ် စီၤမၤလကံစဒ့းအလုၢ်အလၢ်အသိး န့ၣ်လီၤ.

¹¹ လၢအဝဲဒၣ်အဂ့ၢ်အကျိၤ ပအိၣ်ဒီးတၢ်ကတိၤအါထံၣ် လၢပမၤဖျါထီၣ်ကီမးလၢ သုကဲလၢပှၤအနၢ်ဃၢအဃိ လီၤ. ¹² အဂ့ၢ်ဒ်အံၤ, လၢအဆၢအကတီၢ်ဖဲသုဂ့ၤကဲထီၣ် သရၣ်တဖၣ်န့ၣ်ဒီး, ပှၤသိၣ်လိကဒီးသုလၢယွၤအက လုၢ်အကထါမိၢ်ပှၢ်အခီၣ်ထံးန့ၣ်, အလီၢ်အိၣ်, ဒီးသုကဲ ပှၤလၢအဂ့ၤန့ၢ်တၢ်နုၢ်ထံ, ဒီးတမ့ၢ်ဘၣ်တၢ်အီၣ်အသံး အကာ်ဘၣ်. ¹³ အဂ့ၢ်ဒ်အံၤ, ကယဲၢ်ပှၤလၢအအီၣ်နုၢ်ထံ တဖၣ်န့ၣ်, တညီနုၢ်ဘၣ်တၢ်တီတၢ်လိၤအတၢ်ကတိၤနီ တဂၤဘၣ်. အဂ့ၢ်ဒ်အံၤ, မ့ၢ်ဖိသၣ်လီၤ. ¹⁴ ဒီးတၢ်အီၣ်အသံး အကာ်န့ၣ်မ့ၢ်လၢပှၤဒိၣ်တုာ်ခိၣ်ပှဲၤအဂီၢ်, ပှၤလၢအအိၣ် ကတဲာ်ကတီၤအသး, ဒီးညီနုၢ်နီၤဖးတၢ်ဂ့ၤဒီးတၢ်အၢအ ဆၢန့ၣ်လီၤ.

၆

¹ မၤသးဒ်န့ၣ်ဒီး, မ်ပလဲၤပူၤကွံာ်ခရံာ်အကလုၢ်ကထါ အခီၣ်ထံးအဂ့ၢ်, ဒီးလဲၤလၢညါတုၤလၢတၢ်လၢတၢ်ပှဲၤ တက့ၢ်. တပာ်ကဒီးဘၣ်တၢ်အခီၣ်ထံးဘၣ်ဃးဒီးတၢ် ပီၢ်ယၢ်လီၤက့ၤပသးလၢတၢ်မၤလၢအသံန့ၣ်အဃိ, ဒီး တၢ်နာ်ယွၤ, ² တၢ်သိၣ်တၢ်သီဘၣ်ဃးဒီးတၢ်ဘျၢတ ဖၣ်, ဒီးတၢ်ပာ်စုတဖၣ်, ဒီးပှၤသံအတၢ်ဂဲၤဆၢထၢၣ်, ဒီး တၢ်စံၣ်ညီၣ်အထူအယိာ်ဘၣ်. ³ ဒီးယွၤမ့ၢ်ဒုးမၤပှၤဒီး, ပ ကမၤတၢ်န့ၣ်လီၤ. ⁴ အဂ့ၢ်ဒ်အံၤ, ပှၤလၢအသးကပီၤထီၣ် တဘျီ, ဒီးလ့ၣ်ကွၢ်မူခိၣ်အတၢ်ဟ့ၣ်, ဒီးကဲထီၣ်ပှၤန့ၢ် ဘၣ်ဃုာ်သးစီဆှံ, ⁵ ဒီးလ့ၣ်ကွၢ်ယွၤအကလုၢ်ဂ့ၤ, ဒီးခဲ ကိာ်တဃၣ်အစိအကမီၤတဖၣ်န့ၣ်, ⁶ မ့ၢ်လီၤတဲာ်ကွံာ်ဝဲ ဒီး, မ့ၢ်အပျၤထီကဒီးယွၤအဖိခွါလၢထူၣ်စုညါအလိၤ လၢအစုဒၣ်ဝဲ, ဒီးမၤမဲာ်ဆှးအီၤလၢတၢ်အိၣ်ဖျါသတးဒီး, တၢ်ဘိးဃၣ်ကဒါက့ၤအီၤဆူ တၢ်ပီၢ်ယၢ်လီၤက့ၤအသး န့ၣ်, တသ့ဘၣ်လီၤ. ⁷ အဂ့ၢ်ဒ်အံၤ, ဟီၣ်ခိၣ်လၢအစူၢ်ထီၣ် တၢ်ဟဲစူၤလၢအလီၤလၢအဖီခိၣ်တလီၢ်လီၢ်တလီၢ်လီၢ်, ဒီးဒုးမဲထီၣ်ဘုဧိၤဟုဧိၤ ကြၢးဒီးပှၤလၢတၢ်မၤအီၤလၢအ ဂီၢ်တဖၣ်န့ၣ်, ဘၣ်တၢ်ဆိၣ်ဂ့ၤလၢယွၤလီၤ. ⁸ မ့မ့ၢ်တၢ် လၢအဒုးမဲထီၣ်တၤဆှုၣ်တၤမဲ, ဒီးတၤဆှုၣ်တြံးဘလူး န့ၣ်, ဘၣ်တၢ်ညိကွံာ်အီၤ, ဒီးအိၣ်ဘူးဒီးတၢ်ဆိၣ်အၢဒီး အကတၢၢ်မ့ၢ်တၢ်ဆူးထီၣ်ကွံာ်အီၤလီၤ. ⁹ ဘၣ်ဆၣ်ဒီးပှၤလၢတၢ်အဲၣ်အီၤသ့ၣ်ဧၢ, ပကတိၤတၢ်ဒ်န့ၣ်နာ်သက့ဒီး, ပနာ်မးတၢ်ဂ့ၤန့ၢ်အန့ၣ်တက့ၢ်လၢသုဂ့ၢ်, ဒီးတၢ်လၢအဘၣ်ဃးဒီးတၢ်အုၣ်က့ၤခီၣ်က့ၤလီၤ.―

¹⁰ အဂ့ၢ်ဒ်အံၤ, ယွၤတမ့ၢ်ဘၣ်ပှၤတတီတလိၤဘၣ်လၢအ ကသးပ့ၤနီၣ်သုတၢ်မၤ, ဒီးသုတၢ်အဲၣ်တၢ်ကွံလၢသု အဲၣ်အမံၤ, ဒီးသုတၢ်မၤစၢၤတ့ၢ်, ဒီးသုမၤစၢၤဒံးပှၤစီဆှံ န့ၣ်, အဂ့ၢ်ဘၣ်.

¹¹ ဒီးပဆၢဒိၣ်မးလၢသုဝဲကိးဂၤဒဲး, ကမၤဖျါထီၣ်သုသး ဂဲၤလိာ်တမံၤဃီဆူတၢ်မုၢ်လၢ် အတၢ်လၢတၢ်ပှဲၤတုၤအ ကတၢၢ်, ¹² ဒ်သိးသုသုတကၢၣ်တကျူတဂ့ၤဒီး, သုက ကွၢ်လိပှၤလၢအနာ်တၢ်ဒီးဝံသးစူၤတၢ်သတးဒီး န့ၢ်သါ တၢ်စံးပာ်တဖၣ်လီၤ. ¹³ အဂ့ၢ်ဒ်အံၤ, လၢယွၤစံးပာ်တၢ် လၢစီၤအၤဘြၤဟၣ်န့ၣ်, မ့ၢ်တၢ်ဒိၣ်တက့ၢ်လၢအကဆိၣ် တၢ်လၢအမဲာ်ညါတအိၣ်ဘၣ်အဃိဒီး, ဆိၣ်တၢ်လၢအ ကစၢ်ဒၣ်ဝဲအမဲာ်ညါ, ¹⁴ ဒီးစံးဝဲဒၣ်, ဆိၣ်ဂ့ၤတၢ်ဒီး, ယက ဆိၣ်ဂ့ၤနၤ, ဒီးမၤအါထီၣ်တၢ်ဒီး, ယကမၤအါထီၣ်နၤ လီၤ. ¹⁵ ဒီးဒ်န့ၣ်အသိးဝဲဒၣ်အိၣ်ခိးစူၤသး, ဒီးချုးန့ၢ်တၢ်စံး ပာ်န့ၣ်လီၤ. ¹⁶ အဂ့ၢ်ဒ်အံၤ, ပှၤကညီဆိၣ်တၢ်လၢတၢ်အ ဒိၣ်တက့ၢ်အမဲာ်ညါ, ဒီးတၢ်ဆိၣ်လၢတၢ်မၤဂၢၢ်မၤကျၢၤ အဂီၢ်န့ၣ်, မ့ၢ်တၢ်တဲးလိာ်ဃိလိာ်ခဲလၢာ်အကတၢၢ်လီၤ.

¹⁷ ဒ်န့ၣ်အသိးယွၤအတၢ်ကူၣ်ပာ်ဟးဂီၤတသ့ဘၣ်. အဂ့ၢ် န့ၣ်, သါကဒုးနဲၣ်ဝဲလၢပှၤန့ၢ်သါတၢ်စံးပာ်, သပှၢ်တၢၢ် အဃိဒီး, ကတိၤဝဲလၢတၢ်ဆိၣ်, ¹⁸ ဒ်သိး, မ့ၢ်တၢ်ဂၢၢ်တၢ် ကျၢၤခံမံၤ, လၢယွၤကတိၤကဘျံးကဘျၣ်တသ့ဘၣ်သ တးဒီး, ပှၤလၢအဃ့ၢ်ပူၤဖျဲးဒ်သိးအကမၤန့ၢ်တၢ်မုၢ်လၢ် အိၣ်လၢအမဲာ်ညါ, ပဝဲဒၣ်အံၤ, ပကန့ၢ်ဘၣ်တၢ်ခုၣ်တၢ် မုာ်ဖးဒိၣ်လီၤ. ¹⁹ ပအိၣ်ဒီးတၢ်မုၢ်လၢ်အံၤ, ဒ်သးအနီၣ်သ က့ၤအသိး, လၢအစဲဘူးဃာ်ဒီးအိၣ်ဂၢၢ်ဆိးကျၢၤဒီးနုာ် ဘၣ်လၢယၣ်ဘျးလီၤအသးအပူၤ. ²⁰ ဖဲပှၤဃ့ၢ်တၢ်လၢ ညါ, ယ့ၣ်ရှူးတဂၤ, လဲၤနုာ်ဘၣ်ဝဲလၢပဂီၢ်, ဒီးကဲထီၣ်ပှၤ လုၢ်တၢ်အခိၣ်အထူအယိာ်, ဒ်စီၤမၤလကံစဒ့းအလုၢ်အ လၢ်အသိးန့ၣ်လီၤ.

၇

¹ အဂ့ၢ်ဒ်အံၤ, စီၤမၤလကံစဒ့းအံၤ, ၡၤလ့ၣ်အစီၤပၤ, တၢ်ထီကတၢၢ်ကစၢ်အပှၤလုၢ်တၢ်အခိၣ်န့ၣ်, ဟဲသဂၢၢ် စီၤအၤဘြၤဟၣ်လၢအဟဲက့ၤ လၢတၢ်ကျီကွံာ်စီၤပၤတ ဖၣ်, ဒီးဆိၣ်ဂ့ၤအီၤလီၤ. ² ဒီးစီၤအၤဘြၤဟၣ်နီၤဟ့ၣ်အီၤ လၢတၢ်ခဲလၢာ်အဆံဆဲၣ်ပူတပူလီၤ. အခီပညီအခီၣ်ထံး န့ၣ်, မ့ၢ်တၢ်တီတၢ်လိၤအစီၤပၤ, လၢခံက့ၤဒီးၡၤလ့ၣ်အ စီၤပၤ, ဒ်ပစံးတၢ်အသိး, တၢ်ဃူတၢ်ဖိးအစီၤပၤလီၤ. ³ အ မိၢ်တအိၣ်, အပၢ်တအိၣ်, အထူအထံးတအိၣ်, အနံၤအ သီအခီၣ်ထံးတအိၣ်, အသးသမူ အကတၢၢ်တအိၣ် ဘၣ်, တၢ်ပာ်အီၤလၢတၢ်လီၤဂာ်ယွၤအဖိခွါဒီး, မ့ၢ်ဝဲပှၤ လုၢ်တၢ်အဒိၣ်အစိၤစိၤဃၣ်ဃၣ်လီၤ. ⁴ အဝဲဒၣ်, လၢပပၢ် အခိၣ်စီၤအၤဘြၤဟၣ် ဟ့ၣ်အီၤလၢတၢ်ဂုာ်ဆူၣ်တၢ်အ ဆံဆဲၣ်ပူတပူ, မ့ၢ်ပှၤဆံးဒိၣ်လဲၣ်န့ၣ်, ဆိကမိၣ်ကွၢ်တ က့ၢ်. ⁵ ဒီးစီၤလ့ၤဝံအဖိခွါလၢအန့ၢ်ပှၤလုၢ်တၢ်အဒိၣ်အ လီၢ်, အိၣ်ဒီးတၢ်မၤလိာ်, ဒ်တၢ်သိၣ်တၢ်သီအသိး, ဒ်သိး အကဟံးန့ၢ်ပှၤဂီၢ်မုၢ်အတၢ်ဆံဆဲၣ်ပူတပူ, ဒ်ပစံးတၢ်အ သိး, အဒီပုၢ်ဝဲၢ်လၢအဟဲနာ်သက့လၢစီၤအၤဘြၤဟၣ် အယီၢ်ဒ့န့ၣ်လီၤ. ⁶ မ့မ့ၢ်ပှၤလၢအထူအထံးတဘၣ်ဃး ဘၣ်ဒီးအဝဲသ့ၣ်ဘၣ်တဂၤအံၤ, ဒိးန့ၢ်တၢ်ဆံဆဲၣ်ပူတပူ လၢစီၤအၤဘြၤဟၣ်, ဒီးဆိၣ်ဂ့ၤပှၤလၢအအိၣ်ဒီးတၢ်စံး ပာ်တဖၣ်န့ၣ်လီၤ. ⁷ ဒီးပှၤအဆံးဘၣ်တၢ်ဆိၣ်ဂ့ၤလၢပှၤ ဒိၣ်တက့ၢ်န့ၣ်, မ့ၢ်တၢ်လၢပဂ့ၢ်လိာ်ဘှီလိာ်တသ့ဘၣ်.― ⁸ ဒီးဖဲအံၤပှၤကညီလၢအသံတဖၣ်, ဒိးန့ၢ်တၢ်ဆံဆဲၣ်ပူတပူလီၤ. မ့မ့ၢ်ဖဲန့ၣ်ပှၤလၢတၢ်အုၣ်အသးလၢအမူဝဲလီၤ.―

⁹ ဒီးမ့ၢ်ဒ်ပစံးတၢ်အသိး, စီၤလ့ၤဝံလၢအဒိးန့ၢ်တၢ်ဆံဆဲၣ် ပူတပူန့ၣ်, ဟ့ၣ်တၢ်ဆံဆဲၣ်ပူတပူလၢစီၤအၤဘြၤဟၣ် အပူၤလီၤ. ¹⁰ အဂ့ၢ်ဒ်အံၤ, လၢစီၤမၤလကံစဒ့းဟဲသဂၢၢ် အီၤအခါန့ၣ်, အဝဲဒၣ်အိၣ်လၢအပၢ်အယီၢ်ဒ့ပူၤလီၤ.

¹¹ မၤသးဒ်န့ၣ်ဒီး တၢ်လၢတၢ်ပှဲၤမ့ၢ်အိၣ်လၢပှၤလုၢ်တၢ် အဒိၣ်အလီၢ်ဘၣ်ဃးဒီးပှၤလ့ၤဝံဖိဒီး, အဂ့ၢ်ဒ်အံၤ, ပှၤဂီၢ် မုၢ်န့ၢ်ဘၣ်တၢ်သိၣ်တၢ်သီလၢအီၤဒီး, ဘၣ်မနုၤလၢပှၤ လုၢ်တၢ်အဒိၣ်အဂၤ, ဒ်စီၤမၤလကံစဒ့းအလုၢ်အလၢ်. ဒီး တမ့ၢ်ဘၣ်ဒ် စီၤအၤဟရိၣ်အလုၢ်အလၢ်ဘၣ်, ဂဲၤဆၢ ထၢၣ်အလီၢ်အိၣ်ဒံးလဲၣ်. ¹² အဂ့ၢ်ဒ်အံၤ, ပှၤလုၢ်တၢ်အဒိၣ် အလီၢ်မ့ၢ်လဲက့ၤအသးဒီး, တၢ်သိၣ်တၢ်သီန့ၣ်ဘၣ်လဲ က့ၤအသးစ့ၢ်ကီးလီၤ. ¹³ အဂ့ၢ်ဒ်အံၤ, ပှၤလၢတၢ်စံၣ်တဲၤ အဂ့ၢ်အကျိၤတဂၤအံၤ, ဘၣ်ဃးဒီးပှၤအဒူၣ်လၢအဂၤ, လၢအတမၤဘၣ်တၢ်လၢ တၢ်လုၢ်အလီၢ်နီတဂၤဘၣ် လီၤ. ¹⁴ အဂ့ၢ်ဒ်အံၤ, အိၣ်ဖျါမးလၢပကစၢ်အိၣ်ထီၣ်လၢစီၤ ယူဒၤလီၤ. ဒီးစီၤမိၤရှ့တကတိၤဘၣ်လၢပှၤလုၢ်တၢ်အဒိၣ် ဘၣ်ဃးဒီးပှၤအံၤတဒူၣ်န့ၣ်, နီတမံၤဘၣ်, ¹⁵ ဒီးအဝဲန့ၣ် အိၣ်ဖျါဂ့ၤဒံးတက့ၢ်ဖးဒိၣ်, လၢပှၤလုၢ်တၢ်အဒိၣ်အဂၤ အိၣ်ထီၣ်ဒ်စီၤမၤလကံစဒ့းအသိး, ¹⁶ လၢအတဘၣ်ဃး ဒီးတၢ်သိၣ်တၢ်သီလၢပဖံးပညၣ်အတၢ်မၤလိာ်ဘၣ်. မ့ၢ် အဘၣ်ဃးဒီးတၢ်မူအထူအယိာ်အစိအကမီၤလီၤ. ¹⁷ အ ဂ့ၢ်ဒ်အံၤ, တၢ်အုၣ်အသးလၢ, နမ့ၢ်ပှၤလုၢ်တၢ်အဒိၣ်လီၤထူလီၤယိာ်, ဒ်စီၤမၤလကံစဒ့းအလုၢ်အလၢ်အသိးန့ၣ်လီၤ.+ စံး. ၁၀း၄|Ps.10.4*.

¹⁸ အဂ့ၢ်ဒ်အံၤ, တၢ်မၤလိာ်လၢညါတထံၣ်န့ၣ်တၢ်ညိ ကွံာ်လၢအတၢ်ဂံၢ်စၢ်ဘါစၢ်ဒီးအတၢ်တဂိာ်တသီၣ်ဘၣ် အဃိလီၤ. ¹⁹ (အဂ့ၢ်ဒ်အံၤ, တၢ်သိၣ်တၢ်သီတမၤလၢထီၣ် ပှဲၤထီၣ်ဘၣ်တၢ်နီတမံၤဘၣ်,) ဒီးတၢ်ဆှၢနုာ်တၢ်မုၢ်လၢ် ဂ့ၤန့ၢ်အန့ၣ်တက့ၢ်, လၢပသုးဘူးပသးဆူယွၤအအိၣ် လၢအဃိန့ၣ်လီၤ. ဒီးအအံၤတဂၤကဲထီၣ်န့ၣ်, မ့ၢ်လၢတၢ်ဆိၣ်န့ၣ်လီၤ.

²¹ ဘၣ်ဆၣ်ဒီး အဝဲသ့ၣ်ကဲထီၣ်ပှၤလုၢ်တၢ်အဒိၣ်လၢတၢ် ဆိၣ်တအိၣ်ဘၣ်လီၤ. အအံၤတဂၤန့ၣ်ကဲထီၣ်လၢတၢ် ဆိၣ်, ဒ်တၢ်စံးဘၣ်အီၤ, ယွၤဆိၣ်တၢ်ဒီးတပီၢ်ယၢ်လီၤ က့ၤဘၣ်အသး, နမ့ၢ်ပှၤလုၢ်တၢ်အဒိၣ်လီၤထူလီၤယိာ်, ဒ်စီၤမၤလကံစဒ့းအလုၢ်အလၢ်အသိးန့ၣ်လီၤ. ²² ထဲန့ၣ် အသိးယ့ၣ်ရှူးကဲထီၣ်တၢ်အၢၣ်လီၤအီလီၤဂ့ၤဒိၣ်တက့ၢ် အတၢ်ဂၢၢ်တၢ်ကျၢၤန့ၣ်လီၤ. ²³ ဒီးမ့ၢ်တၢ်တြီအအိၣ်ဒၣ် တၢ်, လၢတၢ်သံအဃိဒီး, အဝဲသ့ၣ်ဘၣ်ကဲထီၣ်လၢပှၤ လုၢ်တၢ်အဒိၣ်အါဂၤလီၤ. ²⁴ မ့မ့ၢ်အအံၤတဂၤအိၣ်ဝဲအစိၤ စိၤအဃၣ်ဃၣ်သတးဒီး, အပှၤလုၢ်တၢ်အဒိၣ်အလီၢ်တ လဲလိာ်အသးဘၣ်. ²⁵ မၤသးဒ်န့ၣ်ဒီး, မ့ၢ်အမူဝဲတထံၣ် ဃီဒ်သိးအကဃ့ကညးတၢ်လၢအဂီၢ်သတးဒီး, အုၣ်က့ၤ ခီၣ်က့ၤပှၤလၢ အဟဲဆူယွၤအအိၣ်လၢ အီၤတဖၣ်န့ၣ် တုၤအလၢာ်သ့လီၤ.

²⁶ အဂ့ၢ်ဒ်အံၤ, ပအိၣ်ဒီးပှၤလုၢ်တၢ်အခိၣ်ဒ်န့ၣ်အသိးတ ဂၤအလီၢ်အိၣ်, ပှၤလၢအစီအဆှံ, ပှၤလၢအတၢ်အၢတၢ် သီတအိၣ်, ပှၤလၢအတဘၣ်အၢဘၣ်သီဘၣ်, ပှၤလၢအ အိၣ်လီၤဖးဒီးပှၤတၢ်ဒဲးဘးဖိ, ဒီးကဲထီၣ်ထီန့ၢ်မူခိၣ်တ ဖၣ်လီၤ. ²⁷ အဝဲဒၣ်န့ၣ်ဒ်ပှၤလုၢ်တၢ်အခိၣ်တဖၣ်အသိး န့ၣ်, ဘၣ်ပာ်ထီၣ်တၢ်လုၢ်ကိးမုၢ်နံၤဒဲး, အဆိတမံၤလၢ အတၢ်ဒဲးဘးဒၣ်ဝဲအဃိ, ဒီးလၢခံက့ၤလၢပှၤဂီၢ်မုၢ်အဃိ, တမ့ၢ်ဘၣ်. အဂ့ၢ်ဒ်အံၤ, ဖဲအပာ်ထီၣ်အသးဒၣ်ဝဲဒီး, မ့ၢ်အ မၤတၢ်န့ၣ်တဘျီဧိၤလီၤ.

²⁸ အဂ့ၢ်ဒ်အံၤ, တၢ်သိၣ်တၢ်သီပာ်ပှၤကညီလၢအဂံၢ်စၢ် ဘါစၢ်တဖၣ်လၢပှၤလုၢ်တၢ်အခိၣ်လီၤ. မ့မ့ၢ်တၢ်ဆိၣ်အ ကလုၢ်လၢအအိၣ်ထီၣ်လၢတၢ်သိၣ်တၢ်သီအလီၢ်ခံန့ၣ်, ပာ်ထီၣ်ဖိခွါန့ၣ်လၢ အလၢထီၣ်ပှဲၤထီၣ်အစိၤစိၤအဃၣ် ဃၣ်လီၤ.

၈

¹ ဒီးတၢ်လၢပကတိၤတၢ်န့ၣ်အမိၢ်ပှၢ်မ့ၢ်အအံၤ, ပအိၣ် ဒီးပှၤလုၢ်တၢ်အခိၣ်ထဲထဲန့ၣ်, လၢအဆ့ၣ်နီၤဝဲလၢတၢ် ကဟုကညီၢ်အလီၢ်ပစိာ်အစုထွဲလၢမူခိၣ်လီၤ. ² အဝဲဒၣ် န့ၣ်မ့ၢ်တၢ်အလီၢ်စီဆှံ, ဒီးဒဲနီၢ်နီၢ်လၢကစၢ်သူၣ်ဝဲ, ဒီးတ မ့ၢ်ဘၣ်ပှၤကညီဘၣ်န့ၣ်, အခ့အပှၤလီၤ. ³ အဂ့ၢ်ဒ်အံၤ, တၢ်ပာ်ပှၤလုၢ်တၢ်အခိၣ်ကိးဂၤဒဲးန့ၣ်, လၢအကပာ်ထီၣ် တၢ်မၤဘူၣ်ဒီး တၢ်လုၢ်တၢ်ပာ်တဖၣ်အဂီၢ်န့ၣ်လီၤ. မၤ သးဒ်န့ၣ်ဒီး ပှၤတဂၤအံၤဘၣ်အိၣ်ဒီးတၢ်တမံၤမံၤလၢအ ကပာ်ထီၣ်စ့ၢ်ကီးလီၤ. ⁴ အဂ့ၢ်ဒ်အံၤ, အဝဲဒၣ်မ့ၢ်အိၣ်လၢ ဟီၣ်ခိၣ်ချၢဒီး, တကဲဘၣ်ပှၤလုၢ်တၢ်အဒိၣ်ဘၣ်. အဂ့ၢ်ဒ် အံၤ, ပှၤလၢအပာ်ထီၣ်တၢ်မၤဘူၣ် ဒ်တၢ်သိၣ်တၢ်သီအ သိးန့ၣ်အိၣ်ဝဲလီၤ. ⁵ အဝဲသ့ၣ်တဖၣ်န့ၣ်, မၤတၢ်ဘၣ်ဃး ဒီးမူခိၣ်အဒိအတဲာ်, ဒီးအတၢ်ကဒု, ဒ်စီၤမိၤရှ့လၢအက မၤတ့ၢ်ဒဲန့ၣ်, ဘၣ်တၢ်သိၣ်အီၤလၢယွၤအသိးန့ၣ်, အဂ့ၢ် ဒ်အံၤ, ကွၢ်တက့ၢ်, စံးဝဲဒၣ်, မၤတၢ်ခဲလၢာ်ဒ်တၢ်အဒိအ တဲာ်လၢတၢ်ဒုးနဲၣ်နၤလၢကစၢၢ်အလိၤတက့ၢ်.+ ၂မိၤ. ၂၅း၄၀|Exod.25.40*.⁶ မ့မ့ၢ်ခဲကနံၣ်အံၤအဝဲဒၣ်န့ၢ်ဘၣ်အတၢ်မၤဂ့ၤ န့ၢ်အန့ၣ်တက့ၢ်, ထဲသိးဒီးအကဲထီၣ်တၢ်အၢၣ်လီၤအီ လီၤအဂ့ၤတက့ၢ်, လၢတၢ်သူၣ်အီၤလၢတၢ်စံးပာ်ဂ့ၤတ က့ၢ်အဖီခိၣ်တမံၤန့ၣ်, အပှၤခံခီအဘၢၣ်စၢၤတဂၤန့ၣ် လီၤ.

⁷ အဂ့ၢ်ဒ်အံၤ, အခီၣ်ထံးတမံၤန့ၣ်အတၢ်ကမၣ်မ့ၢ်တ အိၣ်ဘၣ်ဒီး, တၢ်တဃုန့ၢ်ဘၣ်အလီၢ်လၢခံမံၤတမံၤအ ဂီၢ်ဘၣ်. ⁸ အဂ့ၢ်ဒ်အံၤ, ပာ်တၢ်ကမၣ်လၢအလိၤ, ဒီးစံး ဘၣ်အဝဲသ့ၣ်တဖၣ်န့ၣ်, ကွၢ်ကွၢ်, အနံၤအသီဟဲဝဲ, ယွၤစံးဝဲဒၣ်, ဒီးယကမၤတၢ်အၢၣ်လီၤအီလီၤအသီဒီးအံၣ်စရ့လး အဟံၣ်, ဒီးယူဒၤအဟံၣ်,―

⁹ ဒ်တၢ်အၢၣ်လီၤအီလီၤလၢယမၤဒီးအပၢ်တဖၣ်, မုၢ်နံၤလၢယဟံးန့ၢ်အစု, ဒီးဆှၢထီၣ်ကွံာ်အီၤလၢကီၢ်အဲၤကူပတူးအသိး, တမ့ၢ်ဘၣ်. အဂ့ၢ်ဒ်အံၤ, အဝဲသ့ၣ်တအိၣ်တဆိးဘၣ်လၢယတၢ် အၢၣ်လီၤအီလီၤအပူၤဘၣ်. ဒီးယတပာ်ကဲဘၣ်အီၤ ဘၣ်, ယွၤစံးဝဲဒၣ်.―

¹⁰ အဂ့ၢ်ဒ်အံၤ, တၢ်အၢၣ်လီၤအီလီၤလၢယကဟ့ၣ်လီၤ အံၣ်စရ့လးအဟံၣ်, လၢမုၢ်နံၤတဖၣ်န့ၣ်အလီၢ်ခံ, မ့ၢ် အအံၤ, ယွၤစံးဝဲဒၣ်, ယကပာ်ယတၢ်သိၣ်တၢ်သီလၢအသးကံၢ်ပူၤ, ဒီးယကကွဲးအီၤလၢအသးအလိၤ, ဒီးယကကဲထီၣ်အယွၤ, ဒီးအဝဲသ့ၣ်ကကဲထီၣ်ယခ့ယပှၤလီၤ.

¹¹ ဒီးတသိၣ်လိလၢၤဘၣ်တဂၤအပှၤလၢအဃၢၤ, တ ဂၤအပှၤလၢအဃၢၤ, ဒီးတဂၤအဒီပုၢ်ဝဲၢ်, တဂၤအဒီပုၢ်ဝဲၢ်, ဒီးစံး, သ့ၣ်ညါယွၤတက့ၢ်န့ၣ်ဘၣ်. အဂ့ၢ်ဒ်အံၤ, ပှၤခဲလၢာ်ကသ့ၣ်ညါယၤလၢအဆံးပၢၢ် လၢအဒိၣ်လီၤ.― ¹² အဂ့ၢ်ဒ်အံၤ, ယကသးကညီၤအတၢ်တတီတလိၤဘၣ်. ဒီးအတၢ်ဒဲးဘး, ဒီးအတၢ်ကမၣ်တဖၣ်န့ၣ်, ယတသ့ၣ်နီၣ်ထီၣ်လၢၤဘၣ်.+ ယံး. ၃၁း၃၁|Jer.31.31

¹³ စံးဝဲလၢတၢ်အသီဒီး, မ့ၢ်အပာ်အဂံၢ်ခိၣ်တမံၤလၢအ လီၢ်လံၤကွံာ်လံလီၤ. ဒီးတၢ်လၢအလီၢ်လံၤ, ဒီးပှၢ်ဝဲန့ၣ်, အိၣ်ဘူးဒီးအကဒံကွံာ်လီၤ.

၉

¹ မၤကဒီးတစု, အခီၣ်ထံးတမံၤန့ၣ်အိၣ်ဝဲဒီးတၢ်မၤအ လုၢ်အလၢ်ဘၣ်ဃးဒီးတၢ်မၤ, ဒီးအိၣ်ဒီးအလီၢ်စီဆှံလၢ ဟီၣ်ခိၣ်လီၤ. ² အဂ့ၢ်ဒ်အံၤ, တၢ်ကတဲာ်ကတီၤဒဲတဖျၢၣ် အဆၢခီၣ်ထံးန့ၣ် အိၣ်ဒီးမ့ၣ်အူဒၢအမိၢ်ပှၢ်ဒီးစီၢ်နီၤခိၣ်, ဒီးတၢ်မဲာ်ညါအကိၣ်, ဒီးတၢ်ကိးဝဲလၢလီၢ်စီဆှံလီၤ. ³ ဒီး လၢယၣ်ဘျးလီၤအသးခံဘ့ၣ်တဘ့ၣ်အမဲာ်ညါန့ၣ်, ဒဲ ကိးဝဲလၢတၢ်စီဆှံကတၢၢ်အိၣ်ဝဲလီၤ. ⁴ ဒီးအိၣ်ဒီးတၢ် လုၢ်လီၢ်ထူ, ဒီးတၢ်အၢၣ်လီၤအီလီၤအတလါပီၤအသး လၢထူဒီဖျၢၣ်ညါအိၣ်ဒီးလီခီထူလၢမၤနၤအိၣ်လၢအပူၤ ဒီးစီၤအၤဟရိၣ်အနီၣ်ထိးဘိလၢအဒိးထီၣ်, ဒီးတၢ်အၢၣ် လီၤအီလီၤ အလၢၢ်ဘ့ၣ်ဘၣ်တဖၣ်န့ၣ်လၢအပူၤလီၤ.―

⁵ ဒီးလၢအဖီခိၣ်န့ၣ် တၢ်လၤကပီၤအခ့ရူာ်လၢ အကဒု ဘၣ်တၢ်မၤပူၤဖျဲးတၢ်အလီၢ်န့ၣ်အိၣ်ဝဲလီၤ. လၢအဝဲန့ၣ် အဂ့ၢ်အကျိၤပကတိၤတၢ်ခဲကနံၣ်အံၤ လီၤတံၢ်လီၤဆဲး အလီၢ်တအိၣ်ဘၣ်.

⁶ ဒီးတၢ်တဖၣ်န့ၣ် အိၣ်ကတဲာ်ကတီၤအသးဒ်န့ၣ်ဒီး, ပှၤလုၢ်တၢ်အဒိၣ်တဖၣ် လဲၤနုာ်ဆူဒဲအခီၣ်ထံးတဖျၢၣ် န့ၣ်အပူၤ, တဘိယူၢ်ဃီဒီးမၤတၢ်မၤလီၤ. ⁷ မ့မ့ၢ်ခံဖျၢၣ်တ ဖျၢၣ်န့ၣ်, ပှၤလုၢ်တၢ်အခိၣ်လဲၤနုာ်တဂၤဃီတနံၣ်တဘျီ တနံၣ်တဘျီအိၣ်ဒီးတၢ်သွံၣ်, လၢအပာ်ထီၣ်လၢအဂီၢ် ဒၣ်ဝဲ, ဒီးလၢပှၤဂီၢ်မုၢ်အတၢ်ကမၣ်အဂီၢ်လီၤ. ⁸ ဖဲဒဲခီၣ် ထံးအိၣ်ဒံးအဖၢမုၢ်န့ၣ်, သးစီဆှံဒုးနဲၣ်ဝဲလၢတၢ်စီဆှံတ ဖၣ်ကျဲတအိၣ်ဖျါထီၣ်ဒံးဘၣ်. ⁹ အအံၤမ့ၢ်အဒိအတဲာ် လၢအကတီၢ်ဖဲန့ၣ်အဂီၢ်, ဖဲတၢ်ဟ့ၣ်ဒီးတၢ်လုၢ်လၢပှၤ ပာ်ထီၣ်န့ၣ်မၤလၢထီၣ်ပှဲၤထီၣ်ပှၤလၢအပာ်ထီၣ်အီၤ, အ သးလၢအသ့ၣ်ညါဒၣ်တၢ်, တသ့ဘၣ်. ¹⁰ မ့ၢ်ထဲတၢ်အီၣ်, ဒီးတၢ်အီ, ဒီးတၢ်ဘျၢအကလုာ်ကလုာ်, တၢ်အလုၢ်အ လၢ်ဘၣ်ဃးဒီးတၢ်ဖံးတၢ်ညၣ်, လၢပှၤဘၣ်မၤတုၤလီၤ လၢတၢ်ဘှီက့ၤအကတီၢ်ဘၣ်လီၤ. ¹¹ မ့မ့ၢ်ခရံာ်ကဲထီၣ် လၢတၢ်အဂ့ၤလၢအကဟဲဝဲတဖၣ် အပှၤလုၢ်တၢ်အခိၣ် ဘၣ်ဃးဒီးဒဲလၢအဒိၣ်န့ၢ်, ဒီးလၢန့ၢ်ပှဲၤန့ၢ်အန့ၣ်တက့ၢ်, လၢတၢ်တမၤဘၣ်လၢစုဘၣ်, ဒ်ပစံးတၢ်အသိး, တမ့ၢ် ဘၣ်လၢတၢ်တ့အံၤဘၣ်, ¹² ဒီးအိၣ်ဒီးမဲာ်တဲးလဲးဒီးဂီၤဖံး ဖိအသွံၣ်တမ့ၢ်ဘၣ်, မ့ၢ်အအိၣ်ဒီးအသွံၣ်ဒၣ်ဝဲ, ဒီးလဲၤနုာ် ဝဲလၢလီၢ်စီဆှံကတၢၢ်အပူၤတဘျီ, ဒီးန့ၢ်ဘၣ်တၢ်ပူၤဖျဲး လီၤထူလီၤယိာ်လီၤ. ¹³ အဂ့ၢ်ဒ်အံၤ, ဂီၤဖံးဖါ, ဒီးမဲာ်တဲးလဲး အသွံၣ်, ဒီးဂီၤဖံးမိၢ်အဖၣ်ဆါဘၣ်ဖှံဝဲလၢတၢ်တကဆှီ ဘၣ်အလိၤန့ၣ်, မ့ၢ်မၤကဆှီထီၣ်လၢတၢ်မၤကဆှီပဖံးပ ညၣ်အဂီၢ်ဒီး, ¹⁴ ခရံာ်လၢအပာ်ထီၣ်အသးတသံၣ်သူတ မီၢ်ကျာ်လၢသးအထူအယိာ်အပူၤ, လၢယွၤအမဲာ်ညါ, အသွံၣ်န့ၣ် ကမၤစီဆှံပသးလၢအသ့ၣ်ညါဒၣ်တၢ်လၢ တၢ်မၤအသံ, ဒ်သိးပကမၤယွၤလၢအမူဝဲအတၢ်မၤဂ့ၤန့ၢ် ဒိၣ်န့ၢ်အန့ၣ်တက့ၢ်ဆံးဒိၣ်လဲၣ်. ¹⁵ ဒီးလၢတၢ်အံၤအဃိ, အဝဲဒၣ်ကဲ တၢ်အၢၣ်လီၤအီလီၤအသီအပှၤခံခီအဘၢၣ် စၢၤတဂၤ, ဒ်သိးအသံဒီးပှ့ၤက့ၤ တၢ်ကမၣ်လၢအဘၣ် ဃးဒီးတၢ်အၢၣ်လီၤအီလီၤအခီၣ်ထံးသတးဒီး, ပှၤလၢ အဘၣ်တၢ်ကိးတဖၣ်န့ၣ် ကန့ၢ်ဘၣ်တၢ်ဟ့ၣ်သါအထူ အယိာ်အတၢ်စံးပာ်လီၤ.

¹⁶ အဂ့ၢ်ဒ်အံၤ, ဖဲတၢ်န့ၢ်သါအတၢ်အၢၣ်လီၤအီလီၤအိၣ် ဝဲဒီး, ကမ့ၢ်လၢပှၤအၢၣ်လီၤတၢ်န့ၣ်, ဘၣ်သံလီၤ. ¹⁷ အဂ့ၢ် ဒ်အံၤ, တၢ်ဟ့ၣ်သါအတၢ်အၢၣ်လီၤအီလီၤအိၣ်ဂၢၢ်ဆိး ကျၢၤလၢပှၤသံအလီၢ်ခံလီၤ. မ့မ့ၢ်အမူဒံးအဖၢမုၢ်ဒီး, တ ဂၢၢ်တကျၢၤဘၣ်လီၤ.

¹⁸ မၤသးဒ်န့ၣ်ဒီး, တၢ်သွံၣ်တအိၣ်ဘၣ်ဒီးအခီၣ်ထံးတ ထံၣ်တကဲထီၣ်ဘၣ်. ¹⁹ အဂ့ၢ်ဒ်အံၤ, ဖဲစီၤမိၤရှ့စံၣ်တဲၤတဲ လီၤကယဲၢ်တၢ်မၤလိာ်လၢပှၤဂီၢ်မုၢ်ခဲလၢာ်, ဒ်တၢ်သိၣ် တၢ်သီအသိးဝံၤဒီး, ဟံးန့ၢ်ဂီၤဖံးဖိဒီးမဲာ်တဲးလဲးအသွံၣ်, ဒီးထံ, ဒီးသိအဆူၣ်ဂီၤ, ဒီးသ့ၣ်ကဖျီၣ်အ့စိး, ဒီးဖှံလံာ်ဒီး ပှၤဂီၢ်မုၢ်ခဲလၢာ်, ²⁰ ဒီးစံးဝဲဒၣ်, တၢ်အံၤမ့ၢ်တၢ်သွံၣ်ဘၣ် ဃးဒီးတၢ်အၢၣ်လီၤအီလီၤလၢယွၤမၤလိာ်သုလီၤ.+ ၂မိၤ. ၂၄း၈|Exod.24.8*.²¹ ဒီးဖှံဒဲဒီးကယဲၢ်တၢ်မၤအဃၢၤအဃိၢ်လၢတၢ် သွံၣ်ဒ်န့ၣ်အသိးလီၤ. ²² ဒီးဒ်တၢ်သိၣ်တၢ်သီအသိး, တၢ် ခဲလၢာ်ဃၣ်ဃၣ်ဘၣ်တၢ်မၤကဆှီအီၤလၢတၢ်သွံၣ်လီၤ. ဒီးတၢ်သွံၣ်လူလီၤအသးတအိၣ်ဘၣ်ဒီး, တၢ်ပျၢ်ကွံာ်တ အိၣ်ဘၣ်လီၤ.

²³ မၤသးဒ်န့ၣ်ဒီး, မူခိၣ်အဒိအတဲာ်တဖၣ်န့ၣ်ဘၣ်တၢ် မၤကဆှီအီၤလၢတၢ်န့ၣ်တဖၣ်လီၤ. မ့မ့ၢ်မူခိၣ်အတၢ်ဒၣ် ဝဲတဖၣ်န့ၣ်လၢတၢ်လုၢ်ဂ့ၤန့ၢ်အန့ၣ်တက့ၢ်လီၤ. ²⁴ အဂ့ၢ် ဒ်အံၤ, တၢ်အလီၢ်စီဆှံ, တၢ်မၤလၢပစု, လၢအမ့ၢ်တၢ်နီၢ် နီၢ်အဒိအတဲာ်န့ၣ်, ခရံာ်တလဲၤနုာ်ဘၣ်ဝဲဘၣ်, မ့မ့ၢ်လၢ မူခိၣ်အကစၢ်ဒၣ်ဝဲ ဒ်သိးအကအိၣ်ဖျါခဲကနံၣ်အံၤလၢ ယွၤအမဲာ်ညါလၢပဂီၢ်လီၤ. ²⁵ တမ့ၢ်ဘၣ်လၢအကပာ် ထီၣ်အသးတလီၢ်လီၢ်, ဒ်ပှၤလုၢ်တၢ်အခိၣ်လဲၤနုာ်တၢ် အလီၢ်စီဆှံကိးနံၣ်ဒဲး, အိၣ်ဒီးတၢ်ဂၤအသွံၣ်အသိးန့ၣ် ဘၣ်, ²⁶ တၢ်မ့ၢ်မၤအသးဒ်န့ၣ်ဒီး, လၢဟီၣ်ခိၣ်အခီၣ်ထံး လံၤလံၤန့ၣ်ကဘၣ်ဒိးဖှီၣ်အသးအါဘျီလီၤ. မ့မ့ၢ်ခဲကနံၣ် အံၤ, လၢတၢ်အစိၤကတၢၢ်န့ၣ်, အဝဲဒၣ်လီၣ်ဖျါအသးတ ဘျီ, ဒ်သိးအကပာ်ကွံာ်တၢ်ဒဲးဘးလၢအတၢ်လုၢ်ထီၣ်အ သးဒၣ်ဝဲလီၤ. ²⁷ ဒ်တၢ်ပာ်ပှၤကညီလၢအကသံဝဲတဘျီ, ဒီးလၢခံက့ၤတၢ်စံၣ်ညီၣ်, အသိးန့ၣ်, ²⁸ တၢ်ပာ်ထီၣ်ခရံာ် တဘျီဒ်သိးအကစိာ်ပှၤအါဂၤအတၢ်ဒဲးဘးဒ်န့ၣ်အသိး, ဒီးတၢ်ဒဲးဘးတအိၣ်ဘၣ်ဒီး, ကလီၣ်ဖျါထီၣ်အသးခံစု တစုလၢပှၤကွၢ်လၢ်အကျဲတဖၣ်အဂီၢ်, လၢတၢ်အုၣ်က့ၤ ခီၣ်က့ၤအီၤလီၤ.

၁၀

¹ အဂ့ၢ်ဒ်အံၤ, တၢ်သိၣ်တၢ်သီ အိၣ်ဒီးတၢ်ဂ့ၤလၢအက ဟဲဝဲန့ၣ်အကဒု, တမ့ၢ်ဘၣ်တၢ်န့ၣ်အက့ၢ်အဂီၤဒၣ်ဝဲ ဘၣ်သတးဒီး, မၤဝဲဒီးတၢ်လုၢ်တၢ်ပာ်ဒ်လီၢ်လီၢ်, လၢပှၤ ပာ်ထီၣ်တနံၣ်ဘၣ်တနံၣ်တထံၣ်ဃီန့ၣ်, မၤလၢမၤပှဲၤပှၤ လၢအလဲၤဃီၤဆူအအိၣ်န့ၣ် တသ့ဘၣ်နီတဘျီဘၣ် လီၤ. ² မ့ၢ်သ့ဒီး, တၢ်လုၢ်န့ၣ်ကဆိတ့ၢ်, တမ့ၢ်ဘၣ်ဧါ. အ ဂ့ၢ်ဒ်အံၤ, ပှၤဘါတၢ်တဖၣ်ကဆှီထီၣ်တဘျီန့ၣ်သတးဒီး အသးသ့ၣ်ညါဒၣ်တၢ်ဘၣ်ဃးဒီးတၢ်ဒဲးဘး, တအိၣ် လၢၤဘၣ်. ³ မ့မ့ၢ်လၢတၢ်န့ၣ်တဖၣ်အပူၤ, တၢ်သ့ၣ်နီၣ် တၢ်ဒဲးဘးအိၣ်ဝဲကိးနံၤဒဲးလီၤ. ⁴ အဂ့ၢ်ဒ်အံၤ, ဂီၤဖံးဖါ, ဒီး မဲာ်တဲးလဲးအသွံၣ်န့ၣ်, ပာ်ကွံာ်တၢ်ဒဲးဘးတသ့ဘၣ်.― ⁵ မၤသးဒ်န့ၣ်ဒီး, တုၤအဟဲလီၤလၢဟီၣ်ခိၣ်ချၢဒီး, စံးဝဲဒၣ်, တၢ်လုၢ်ဒီးတၢ်မၤဘူၣ်န့ၣ် တဘၣ်ဘၣ်နသးဘၣ်, မ့မ့ၢ်နကတဲာ်ကတီၤနီၢ်ခိလၢယဂီၢ်လီၤ.― ⁶ လၢတၢ်လုၢ်ဆိၣ်ကဲၤဒီဒု, ဒီးတၢ်လုၢ်တၢ်ဒဲးဘးအဂီၢ်န့ၣ်, တဘၣ်ဘၣ်နသးဘၣ်,―

⁷ တုၤနုၤတစုယစံး, ယဟဲယဲ, ကွၢ်ကွၢ်, လၢလံာ်တထူအပူၤန့ၣ်, တၢ်ကွဲးအသးလၢ ယဂ့ၢ်ယကျိၤ, ဒ်သိးယကမၤဖဲဒၣ်နသး, ကစၢ်ဧၢ,+ စံး. ၄၀း၆|Ps.40.6*.

⁸ လၢအစံးမကိာ်လၢတၢ်လုၢ်, ဒီးတၢ်မၤဘူၣ်, ဒီးတၢ် လုၢ်ဆိၣ်ကဲၤဒီဒု, ဒီးတၢ်လုၢ်လၢတၢ်ဒဲးဘးအဂီၢ်, လၢ တၢ်ပာ်ထီၣ်ဝဲဒ်တၢ်သိၣ်တၢ်သီအသိး, နတအဲၣ်ဘၣ်, ဒီး တဘၣ်ဘၣ်နသးဘၣ်, ⁹ တုၤနုၤတစုစံးဝဲဒၣ်, ကွၢ်ကွၢ်, ယဟဲမၤဖဲဒၣ်နသးန့ၣ်, မ့ၢ်လၢအပာ်ကွံာ်အခီၣ်ထံးတ မံၤ, ဒ်သိးအကမၤဂၢၢ်မၤကျၢၤခံမံၤတမံၤလီၤ. ¹⁰ လၢတၢ် ဘၣ်အသးအံၤပကဲထီၣ်တၢ်စီဆှံ, လၢတၢ်ပာ်ထီၣ်ယ့ၣ် ရှူးခရံာ်အနီၢ်ခိတဘျီအဃိလီၤ.

¹¹ ဒီးကယဲၢ်ပှၤလုၢ်တၢ်အဒိၣ်ကိးဂၤဒဲး, ဆၢထၢၣ်မၤတၢ် မၤတနံၤဘၣ်တနံၤဒီး ပာ်ထီၣ်တလီၢ်လီၢ်တၢ်လုၢ်တ မံၤ, လၢအစိာ်ကွံာ်တၢ်ဒဲးဘးတသ့ဘၣ်. ¹² မ့မ့ၢ်အဝဲဒၣ် န့ၣ်ပာ်ထီၣ်တၢ်လုၢ်လၢတၢ်ဒဲးဘးအဂီၢ်တဘျီဒီး, ဆ့ၣ် နီၤထီဘိလၢယွၤအစုထွဲတခီ, ¹³ ဒီးဆူညါကွၢ်လၢ်ဝဲတုၤ တၢ်ပာ်လီၤအဒုၣ်အဒါလၢအခီၣ်ယီၢ်အလီၢ်န့ၣ်လီၤ.―

¹⁴ အဂ့ၢ်ဒ်အံၤ, မ့ၢ်အပာ်ထီၣ်တၢ်တဘျီဒီး, မၤလၢထီၣ်ပှဲၤ ထီၣ်လံထီဘိပှၤလၢတၢ်မၤစီဆှံအီၤတဖၣ်န့ၣ်လံ. ¹⁵ ဒီး သးစီဆှံအုၣ်အသးလၢပဂီၢ်စ့ၢ်ကီးလီၤ. အဂ့ၢ်ဒ်အံၤ, က တိၤဝဲမကိာ်အလီၢ်ခံန့ၣ်, ¹⁶ တၢ်အံၤမ့ၢ်တၢ်အၢၣ်လီၤအီ လီၤလၢယကမၤဒီးအီၤလၢမုၢ်နံၤတဖၣ်အလီၢ်ခံန့ၣ်, ယွၤ စံးဝဲဒၣ်, ယကပာ်လီၤယတၢ်သိၣ်တၢ်သီလၢအသးကံၢ် ပူၤ, ဒီးယကကွဲးအီၤလၢအသးအလိၤ, ¹⁷ ဒီးအတၢ်ဒဲးဘး ဒီးအတၢ်အၢတၢ်သီန့ၣ်ယတသ့ၣ်နီၣ်ထီၣ်လၢၤဘၣ်.+ ယံး. ၃၁း၃၃|Jer.31.33*.¹⁸ ဘၣ်ဆၣ်ဒီးတၢ်ပျၢ်တဖၣ်န့ၣ်မ့ၢ် အိၣ်ဝဲဒီး, တၢ်တပာ်ထီၣ်လၢၤဘၣ်တၢ်လၢတၢ်ဒဲးဘးအ ဂီၢ်ဘၣ်.

¹⁹ မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ, မ့ၢ်ပအိၣ်ဒီးပသးခူ တလ့ၢ်လၢပကလဲၤနုာ်ဆူ အလီၢ်စီဆှံအပူၤလၢယ့ၣ်ရှူး အသွံၣ်အဃိ, ²⁰ လၢကျဲအသီဒီးမူဝဲတဘိလၢအမၤထီၣ် သီလၢပဂီၢ်လၢအလဲၤဖျိယၣ်ဘျးလီၤအသး, ဒ်ပစံးတၢ် အသိး, အဖံးအညၣ်န့ၣ်, ²¹ ဒီးမ့ၢ်ပအိၣ်ဒီးပှၤလုၢ်တၢ်အ ဒိၣ်ဖးဒိၣ်လၢယွၤအဟံၣ်အဖီခိၣ်န့ၣ်သတးဒီး, ²² မ်ပသုး ဘူးပသးလၢပသးအမ့ၢ်အတီ, ဒီးလၢတၢ်နာ်လၢလၢပှဲၤ ပှဲၤအိၣ်ဒီးပသးန့ၣ် ဒိးဖှံကဆှီလၢပသးသ့ၣ်ညါဒၣ်တၢ် အအၢ, ဒီးပနီၢ်ခိန့ၣ် ဒိးသ့စီအသးလၢထံအဆှံန့ၣ်တ က့ၢ်. ²³ တကဒံကဒါဘၣ်ဒီး, မ်ပဟံးဃာ်ပတၢ်မုၢ်လၢ်အ တၢ်အၢၣ်လီၤအီလီၤတက့ၢ်. အဂ့ၢ်ဒ်အံၤ, ပှၤလၢအစံးပာ် တၢ်န့ၣ်, မ့ၢ်ပှၤအကလုၢ်တီလီၤ. ²⁴ မ်ပကွၢ်လိာ်ပသးတ ဂၤဒီးတဂၤ, ဒ်သိးပကသဆၣ်ထီၣ်လိာ်ပခံဆူတၢ်အဲၣ် တၢ်ကွံ, ဒီးတၢ်မၤဂ့ၤတၢ်န့ၣ်တက့ၢ်. ²⁵ ဟးဆှဲးပတၢ်အိၣ် ဖှိၣ်ရိဖှိၣ်, ဒ်ပှၤတနီၤနီၤအလုၢ်အလၢ်အသိးန့ၣ်တဂ့ၤ, ပ သဆၣ်ထီၣ်လိာ်ပခံဒီး, ပထံၣ်အမုၢ်တနံၤဒံးဘူးထီၣ်ဒီး, မ်ပသဆၣ်ထီၣ်လိာ်ပခံဒံးအါထီၣ်တက့ၢ်.

²⁶ အဂ့ၢ်ဒ်အံၤ, ဖဲဒၣ်ပသးပမ့ၢ်မၤတၢ်ဒဲးဘးလၢပတူၢ် လိာ်တၢ်သ့ၣ်ညါတၢ်မ့ၢ်တၢ်တီအလီၢ်ခံဒီး, တၢ်လုၢ်လၢ တၢ်ဒဲးဘးအဂီၢ်တအိၣ်လီၤတဲာ်လၢၤဘၣ်. ²⁷ မ့မ့ၢ်တၢ် ကွၢ်လၢ်တၢ်စံၣ်ညီၣ် ဘၣ်ဃးဒီးတၢ်ပျံၤတၢ်ဖုး, ဒီးတၢ် သးဒိၣ်ဆူၣ်အမ့ၣ်အူလၢ အကအီၣ်ကွံာ်အဒုၣ်အဒါန့ၣ် လီၤ. ²⁸ ပှၤလၢအညိကွံာ်စီၤမိၤရှ့အတၢ်သိၣ်တၢ်သီန့ၣ် တၢ်သးကညီၤတအိၣ်ဘၣ်ဒီး, သံဝဲလၢပှၤအုၣ်အသးခံ ဂၤသၢဂၤအဃိန့ၣ်လီၤ. ²⁹ ပှၤလၢအယီၢ်တံၢ်ယွၤအဖိခွါ, ဒီးပာ်တၢ်အၢၣ်လီၤအီလီၤအသွံၣ်လၢ အမၤစီဆှံထီၣ် အီၤလၢတၢ်တကဆှီဘၣ်, ဒီးမၤတရီတပါသးဘၣ်ဃး ဒီးတၢ်ဘျုးတၢ်ဖှိၣ်တဂၤန့ၣ်, သုဆိကမိၣ်လၢအဂ့ၤဘၣ် တၢ်ဒဲးဘးနးန့ၢ်အန့ၣ်တက့ၢ်ဆံးဒိၣ်လဲၣ်. ³⁰ အဂ့ၢ်ဒ်အံၤ, ပသ့ၣ်ညါပှၤလၢအစံးဝဲဒၣ်, တၢ်စံၣ်ညီၣ်ဃၣ် အိၣ်ဒီး ယၤလီၤ, ယကမၤကၣ်တၢ်ယဲလီၤ, ယွၤစံးဝဲဒၣ်,+ ၅မိၤ. ၃၂း၃၅|Deut.32.35*.ဒီးမၤကဒီးတစု, ယွၤကစံၣ်ညီၣ်အပှၤဂီၢ်မုၢ် လီၤ. ³¹ တၢ်လီၤတဲာ်ဆူယွၤလၢအမူဝဲတဂၤအစုပူၤန့ၣ်, မ့ၢ်တၢ်ဘၣ်ပျံၤအလီၢ်လီၤ.

³² ဒီးတၢ်အနံၤအသီလၢအခီၣ်ထံး, ဖဲသုဒိးကပီၤထီၣ်သု သးအလီၢ်ခံန့ၣ်, သုဘၣ်တၢ်ဒုးလိာ်ယၤလိာ်လၢတၢ်ဖှီၣ် ဒိၣ်ဒိၣ်ကလဲာ်အပူၤန့ၣ်, သ့ၣ်နီၣ်ထီၣ်တက့ၢ်. ³³ တနီၤမ့ၢ် သုကဲတၢ်ကွၢ်ကီအလီၢ်ဘၣ်ဃးဒီးတၢ်ဒုၣ်ဒွဲၣ်, ဒီးတၢ်နး တၢ်ဖှီၣ်, ဒီးတနီၤမ့ၢ်သုကဲပှၤလၢတၢ်မၤအီၤဒ်န့ၣ်အသိး တဖၣ်, အသကိးလီၤ. ³⁴ အဂ့ၢ်ဒ်အံၤ, သုသးကညီၤပှၤလၢ အဘၣ်စၢဃာ်တဖၣ်, ဒီးသုတူၢ်တၢ်ဂုာ်န့ၢ်သုတၢ်, အိၣ် ဒီးသုသူၣ်ခုသးခုလီၤ. အဂ့ၢ်ဒ်အံၤ, သုသ့ၣ်ညါလၢသု တၢ်ဂ့ၤန့ၢ်ကျၢၤန့ၢ်အန့ၣ်တက့ၢ်, အိၣ်ဝဲလၢမူခိၣ်လီၤ.

³⁵ မၤသးဒ်န့ၣ်ဒီးညိကွံာ်သုတၢ်သးခူတလ့ၢ်, လၢအ အိၣ်ဒီးအဘူးအလဲဒိၣ်ဒိၣ်ကလဲာ်အံၤ, တဂ့ၤ. ³⁶ အဂ့ၢ်ဒ် အံၤ, သုဝံသးစူၤအလီၢ်အိၣ်ဝဲ, ဒ်သိးသုမၤဖဲယွၤအသးဝံၤ ဒီး, သုကန့ၢ်ဘၣ်တၢ်စံးပာ်တဖၣ်လီၤ. ³⁷ အဂ့ၢ်ဒ်အံၤ, အိၣ် ဒံးတစိၢ်ဖိဒီး, ပှၤလၢအဟဲတဂၤန့ၣ်, ကဟဲဝဲ, ဒီးတမၤ ယံာ်မၤနီၢ်ဘၣ်တၢ်ဘၣ်. ³⁸ ဘၣ်ဆၣ်ဒီးပှၤအတီအလိၤ န့ၣ်ကမူဝဲလၢတၢ်နာ်လီၤ. ဒီးပှၤမ့ၢ်ဂုၤက့ၤအသးဒီး, ယ သးတမုာ်လၤဘၣ်လၢအီၤဘၣ်.+ ဃဘး. ၂း၃၄|Hab.2.34*.― ³⁹ မ့မ့ၢ် ပဝဲဒၣ်အံၤ, ပတမ့ၢ်ဘၣ်ပှၤလၢအဂုၤက့ၤအသးဆူတၢ် ဟးဂီၤအပူၤဘၣ်, မ့မ့ၢ်ပှၤလၢအစူၢ်က့ၤနာ်က့ၤတၢ်ပၢၢ် လၢတၢ်အုၣ်က့ၤခီၣ်က့ၤအီၤလီၤ.

၁၁

¹ ဒီးတၢ်စူၢ်တၢ်နာ်မ့ၢ်တၢ်မုၢ်လၢ်န့ၣ်အတၢ်သန့ၤပသး, ဒီးတၢ်လၢပတထံၣ်ဘၣ်တဖၣ်အတၢ်သ့ၣ်ညါလီၤ. ² အ အဂ့ၢ်ဒ်အံၤ, လၢအဝဲန့ၣ်အပူၤ, ပမှံၤပပှၢ်ဒိးတၢ်အုၣ်အ သးလၢအဂီၢ်လီၤ.

³ လၢတၢ်နာ်, ပသ့ၣ်ညါလၢဟီၣ်ခိၣ်ဘၣ်တၢ်တ့အီၤ လၢယွၤအကလုၢ်အကထါလီၤ. မၤသးဒ်န့ၣ်ဒီး, တၢ်လၢ ပထံၣ်အီၤတဖၣ်န့ၣ်, တမ့ၢ်ဘၣ်အကဲထီၣ်ဝဲလၢတၢ်လၢ အအိၣ်ဖျါတဖၣ်န့ၣ်ဘၣ်.

⁴ စီၤဟ့းဘ့းလးဟဲစိာ်တၢ်လုၢ်ဆူယွၤအအိၣ်, ဂ့ၤန့ၢ်စီၤ ကၤယံၣ်တက့ၢ်, လၢတၢ်နာ်လီၤ. ဒီးတၢ်အုၣ်အသးလၢ အဂီၢ်လၢအဝဲန့ၣ်အဃိ, လၢအမ့ၢ်ပှၤတီပှၤလိၤ, အဂ့ၢ်ဒ် အံၤ, ယွၤအုၣ်အသးလၢအတၢ်ဟ့ၣ်တဖၣ်အဃိလီၤ. ဒီး သံဘၣ်ဆၣ်ဒီးကတိၤဒံးတၢ်, လၢအတၢ်နာ်အဃိလီၤ.

⁵ လၢတၢ်နာ်, စီၤဃနိၣ်ဒိးတၢ်လဲက့ၤအသးဒ်သိးအသု တထံၣ်တၢ်သံတဂ့ၤလီၤ. ဒီးတၢ်ဃုအီၤတန့ၢ်လၢၤဘၣ်. အဂ့ၢ်ဒ်အံၤ, ယွၤလဲက့ၤအီၤလီၤ. အဂ့ၢ်ဒ်အံၤ, တချုးတၢ် လဲက့ၤအီၤဒီး, တၢ်အုၣ်အသးလၢယွၤဘၣ်အသးလၢ အီၤလီၤ. ⁶ မ့မ့ၢ်တၢ်နာ်တအိၣ်ဘၣ်ဒီး, တၢ်ဘၣ်အသးတ သ့ဘၣ်. အဂ့ၢ်ဒ်အံၤ, ပှၤလၢအဟဲဃီၤဆူယွၤအအိၣ်, ဘၣ်နာ်လၢအအိၣ်, ဒီးလၢအမ့ၢ်ပှၤဟ့ၣ်လီၤတၢ်ဘျုး လၢပှၤလၢအဃုအီၤတဖၣ်န့ၣ်လီၤ.

⁷ လၢတၢ်နာ်, စီၤနိအၤဘၣ်တၢ်သိၣ်အီၤလၢတၢ်တအိၣ် ဖျါထီၣ်ဒံးဘၣ်အဂ့ၢ်အကျိၤ, ဒီးအိၣ်ဒီးတၢ်ပျံၤဘၣ်ဃး ဒီးယွၤဒီး, တ့ကဘီလၢတၢ်အုၣ်က့ၤခီၣ်က့ၤအဟံၣ်ဖိအ ဂီၢ်လီၤ. အဝဲန့ၣ်အဃိဒီး, မ့ၢ်အစံၣ်ညီၣ်ဃၣ်ဟီၣ်ခိၣ်, ဒီး ကဲထီၣ်ပှၤန့ၢ်ဘၣ်သါ တၢ်တီတၢ်လိၤဘၣ်ဃးဒီးတၢ်နာ် န့ၣ်လီၤ.

⁸ လၢတၢ်နာ်စီၤအၤဘြၤဟၣ် တုၤအဘၣ်တၢ်ကိးအီၤ ဒီး, ဒိကနၣ်ဝဲဒ်သိးအကဟးထီၣ်ဆူအလီၢ်လၢအကန့ၢ် ဘၣ်သါ, ဒီးလဲၤဆူလဲၣ်ဆူလဲၣ်န့ၣ်တသ့ၣ်ညါဘၣ်နာ် သက့ဒီး, ဟးထီၣ်ကွံာ်ဝဲလီၤ. ⁹ လၢတၢ်နာ်န့ၣ်, အိၣ်ဝဲဆိး ဝဲလၢကီၢ်ဘၣ်ဃးဒီးတၢ်စံးပာ်, ဒ်တခီဘီမုၢ်ဖိအသိး, ဒီး အိၣ်ဝဲဆိးဝဲလၢဒဲပူၤဒီးစီၤအံၤစဲးဒီးစီၤယၤကိာ်, ပှၤလၢအ ကန့ၢ်ဃုာ်တၢ်ဟ့ၣ်သါဒီးအီၤ, လၢတၢ်စံးပာ်တမံၤဃီ လီၤ. ¹⁰ အဂ့ၢ်ဒ်အံၤ, ကွၢ်လၢ်ဝ့ၢ်တဖျၢၣ်လၢအအိၣ်ဒီးအ ခီၣ်ထံးတဖၣ်, လၢပှၤသူၣ်အီၤဒီးတ့အီၤတဂၤန့ၣ်, မ့ၢ်ယွၤ လီၤ.

¹¹ လၢတၢ်နာ်, နီၢ်စၤရါအကစၢ်ဒၣ်ဝဲ, ဒိးန့ၢ်အဂံၢ်အဘါ လၢအကဒၢထီၣ်အချံအသၣ်, လၢအဟုးတုၢ်အလီၢ်ခံ လီၤ. အဂ့ၢ်ဒ်အံၤ, ပာ်ပှၤလၢအစံးပာ်တၢ်တဂၤလၢအက လုၢ်တီလီၤ. ¹² မၤသးဒ်န့ၣ်ဒီး, ပှၤအါဝဲဂီၢ်ဝဲဒ်မူခိၣ်အဆၣ် ဧိၤဖီဧိၤအသိး, ဒီးဒ်မဲးလၢပီၣ်လဲၣ်နံၤ, လၢတၢ်ဂံၢ်တ လၢာ်ဘၣ်အသိးန့ၣ်, အိၣ်ဖျဲၣ်ဝဲလၢပှၤတဂၤ, ဒီးအဝဲဒၣ် န့ၣ်မၤသးဒ်ပှၤသံတ့ၢ်အသိးန့ၣ်လီၤ.

¹³ အဝဲသ့ၣ်ခဲလၢာ်န့ၣ်, တန့ၢ်ဘၣ်တၢ်စံးပာ်ဘၣ်, ဒီးသံ ဝဲလၢတၢ်နာ်အပူၤလီၤ. မ့ၢ်အထံၣ်သကွ့ၤတၢ်တဖၣ်န့ၣ်, ဒီးဖိးဝဲ, ဒီးအၢၣ်လီၤလၢအမ့ၢ်ပှၤတမှံၤ, ဒီးပှၤတခီဘီမုၢ် ဖိလၢဟီၣ်ခိၣ်ချၢလီၤ. ¹⁴ အဂ့ၢ်ဒ်အံၤ, ပှၤလၢအစံးတၢ်ဒ် န့ၣ်သိးတဖၣ်န့ၣ်, လီၣ်ဖျါထီၣ်ဝဲလၢအဃုအထံအကီၢ် လီၤ. ¹⁵ ဒီးမ့ၢ်သ့ၣ်နီၣ်ထီၣ်က့ၤအထံအကီၢ်လၢအဟး ထီၣ်ကွံာ်လၢအပူၤဒီး, အကတီၢ်လၢအကက့ၤက့ၤအဂီၢ် န့ၣ်, အိၣ်ဝဲသ့လီၤ. ¹⁶ မ့မ့ၢ်ခဲကနံၣ်အံၤ, ဆၢန့ၢ်တၢ်လၢအ ဂ့ၤန့ၢ်အန့ၣ်တက့ၢ်, ဒ်ပစံးတၢ်အသိး, တၢ်ဘၣ်ဃးဒီးမူ ခိၣ်လီၤ. မၤသးဒ်န့ၣ်ဒီး, ပှၤကိးယွၤလၢအဝဲသ့ၣ်အကစၢ် န့ၣ်, ယွၤအမဲာ်တဆှးဘၣ်. အဂ့ၢ်ဒ်အံၤ, ကတဲာ်ကတီၤ တ့ၢ်ဝ့ၢ်တဖျၢၣ်လၢအဂီၢ်လီၤ.

¹⁷ လၢတၢ်နာ်, စီၤအၤဘြၤဟၣ်ဘၣ်တၢ်မၤကွၢ်အီၤဒီး, ပာ်ထီၣ်စီၤအံၤစဲးလီၤ. ဒီးပှၤလၢအန့ၢ်ဘၣ်တၢ်စံးပာ်တ ဖၣ်န့ၣ်, ပာ်ထီၣ်အဖိခွါတဂၤဃီလီၤ. ¹⁸ တၢ်စံးလၢအဂ့ၢ် န့ၣ်, နချံနသၣ်ကဘၣ်ကိးအီၤလၢစီၤအံၤစဲးအပူၤလီၤ.―

¹⁹ ဒီးဆိကမိၣ်လၢ ယွၤဒုးဂဲၤဆၢထၢၣ်က့ၤအီၤလၢတၢ်သံ အပူၤသ့သတးဒီး, လၢအဝဲန့ၣ်အပူၤန့ၢ်ဘၣ်က့ၤအီၤ, လၢ တၢ်အဒိအတဲာ်လီၤ.

²⁰ လၢတၢ်နာ်, စီၤအံၤစဲးဆိၣ်ဂ့ၤစီၤယၤကိာ်ဒီးစီၤဧ့ၡီၤ, လၢတၢ်ကမၤအသးဆူညါအဂ့ၢ်အကျိၤလီၤ.

²¹ လၢတၢ်နာ်, စီၤယၤကိာ်ကသံတ့ၢ်ဒီး, ဆိၣ်ဂ့ၤစီၤယိၤ သးအဖိခွါခံဂၤလိာ်, ဒီးဘါတၢ်,+ ဒီးသန့ၤအသးလၢအ နီၣ်ထိးဘိအခိၣ်လီၤ.

²² လၢတၢ်နာ်, စီၤယိၤသးကသံတ့ၢ်ဒီး, ကတိၤဝဲလၢ အံၣ်စရ့လးအဖိခွါတဖၣ်အတၢ်ဟးထီၣ်ကွံာ်အဂ့ၢ်, ဒီး မၤလိာ်တၢ်လၢအဃံအဂ့ၢ်အကျိၤလီၤ.

²³ လၢတၢ်နာ်, စီၤမိၤရှ့အိၣ်ဖျဲၣ်ဒီး, အမိၢ်အပၢ်ပာ်ခူသူၣ် အီၤသၢလါလီၤ. အဂ့ၢ်ဒ်အံၤ, ထံၣ်ဝဲလၢဖိသၣ်အက့ၢ်အ ဂီၤဂ့ၤ, ဒီးတပျံၤဘၣ်စီၤပၤအတၢ်မၤလိာ်ဘၣ်.

²⁴ လၢတၢ်နာ်, စီၤမိၤရှ့ဒိၣ်ထီၣ်ဒီး, တအၢၣ်လီၤအီလီၤ ဘၣ်လၢပှၤကကိးအီၤလၢ စီၤပၤဖၤရိၤအဖိမုၣ်န့ၣ်အဖိခွါ ဘၣ်. ²⁵ ဘၣ်နးဘၣ်ဖှီၣ်ဃုာ်ဒီးယွၤအပှၤဂီၢ်မုၢ်န့ၣ်, ဘၣ် အသးဒိၣ်န့ၢ်အမုာ်လၤတၢ်လၢတၢ်ဒဲးဘးအတၢ်မုာ်တၢ် လၤအပူၤတစိၢ်တလီၢ်န့ၣ်တက့ၢ်လီၤ. ²⁶ ဆိကမိၣ်ဝဲလၢ ခရံာ်အတၢ်ဒုၣ်ဒွဲၣ်, မ့ၢ်တၢ်အထူးအတီၤဒိၣ်န့ၢ်အဲၤကူပ တူးအတၢ်လုၢ်ဒိၣ်ပှ့ၤဒိၣ်တက့ၢ်လီၤ. အဂ့ၢ်ဒ်အံၤ, ကွၢ်ဃီၤ ဝဲဆူတၢ်အဘူးအလဲလီၤ.

²⁷ လၢတၢ်နာ်, တပျံၤဘၣ်စီၤပၤအသးဒိၣ်ထီၣ်ဘၣ်, ဒီး ဟးထီၣ်ကွံာ်လၢအဲၤကူပတူးအပူၤလီၤ. အဂ့ၢ်ဒ်အံၤ, သူၣ်ဂၢၢ်သးကျၢၤ ဒ်အထံၣ်ပှၤလၢအတအိၣ်ဖျါဘၣ်တ ဂၤအသိးလီၤ.

²⁸ လၢတၢ်နာ်, မၤဘူၣ်လဲၤကပာ်, ဒီးတၢ်ဂၢ်လီၤတၢ် သွံၣ်, ဒ်သိးပှၤလၢအမၤဟးဂီၤကွံာ်ဖိဝဲၢ်ကိန့ၣ်, အသုတ ထိးဘၣ်အီၤတဂ့ၤလီၤ.

²⁹ လၢတၢ်နာ်ခီဂာ်ပီၣ်လဲၣ်ဂီၤဒ်လၢခိအသိး, ဒီးပှၤအဲၤ ကူပတူးဖိန့ၣ်ဂုာ်မၤဝဲဒ်န့ၣ်ဒီး, လီၤအုးသံကွံာ်ဝဲလီၤ.

³⁰ လၢတၢ်နာ်, ပှၤလဲၤတရံးယရံၤဃိအဝ့ၢ်ခိၣ်ဒူနွံနံၤဒီး, လီၤပှီၢ်ကွံာ်လီၤ.

³¹ လၢတၢ်နာ်, ပှၤဃဲသဲမုၣ်နီၢ်ရၤဃးတဂၤတူၢ်လိာ်ပှၤ ကွၢ်ဟုၣ်တၢ်လၢတၢ်ဃူတၢ်ဖိးသတးဒီး, တဟးဂီၤဃုာ် ဒီးပှၤတစူၢ်တနာ်ဘၣ်န့ၣ်ဘၣ်.

³² ဒီးမ့ၢ်ယကစံးဒံးလၢမနုၤတမံၤလဲၣ်. အဂ့ၢ်ဒ်အံၤ, ယ မ့ၢ်စံၣ်တဲၤတဲလီၤတၢ်ဘၣ်ဃးဒီးစီၤကံးဒဧိၣ်, ဒီးစီၤဘါ ရး, ဒီးစီၤၡံၡိၣ်, ဒီးစီၤယံးဖသၤ, ဒီးစီၤဒၤဝံး, ဒီးစီၤၡမူၤအ့ လး, ဒီးဝံသ့ၣ်တဖၣ်အဂ့ၢ်အကျိၤဒီး, အဆၢအကတီၢ်တ လၢတပှဲၤဘၣ်လီၤ. ³³ အဝဲသ့ၣ်တဖၣ်လၢတၢ်နာ်အဃိ န့ၣ်, မၤနၢၤတၢ်အဘီအမုၢ်, မၤတၢ်တီတၢ်လိၤ, ဒိးန့ၢ်တၢ် စံးပာ်, ပအၢဃာ်ခ့ယုၢ်အထးခိၣ်, ³⁴ မၤလီၤပံာ်မ့ၣ်အူအစိ အကမီၤ, ပူၤဖျဲးကွံာ်နးအကနၣ်, လၢတၢ်ဂံၢ်စၢ်ဘါစၢ်အ ပူၤ, တၢ်ဒုးအိၣ်ထီၣ်အဂံၢ်အဘါ, လၢတၢ်ဒုးတၢ်ယၤအ ပူၤကဲထီၣ်ပှၤခူ, မၤဃၣ်ကွံာ်ပှၤတခီဘီမုၢ်ဖိ အသုးမုၢ် သံၣ်ဘိန့ၣ်လီၤ.

³⁵ ပိာ်မုၣ်တဖၣ်ဒိးန့ၢ်က့ၤ အပှၤသံလၢ တၢ်ဒုးဂဲၤဆၢ ထၢၣ်က့ၤအီၤလီၤ. ဒီးအဂၤတနီၤ, ဘၣ်တၢ်မၤအၢမၤနး အီၤဒီးတတူၢ်လိာ်ဘၣ်တၢ်ထူၣ်ဖျဲးဘၣ်, ဒ်သိးအကန့ၢ် ဘၣ်တၢ်ဂဲၤဆၢထၢၣ်က့ၤလၢအဂ့ၤတက့ၢ်လီၤ.

³⁶ ဒီးအဂၤတနီၤဘၣ်တၢ်မၤကွၢ်အီၤလၢတၢ်ဒုၣ်ဒွဲၣ်, ဒီး တၢ်တီၢ်တၢ်ဝ့ၤ, ဒီးလၢန့ၣ်အမဲာ်ညါလၢတၢ်စၢဃာ်, ဒီး တၢ်လီၤဘၣ်လၢဃိာ်ပူၤလီၤ. ³⁷ တၢ်ကွံာ်အီၤလၢလၢၢ်, တၢ်ပူာ်တဲာ်အီၤ, တၢ်လ့ပစီအီၤ, တၢ်မၤသံအီၤလၢနး, ဟးဝ့ၤဝီၤကူသိးလၢသိအဖံး, ဒီးမဲာ်တဲးလဲးအဖံး, ဒီးဘၣ် ဖှီၣ်ဘၣ်ယာ်, ဘၣ်နးဘၣ်ဖှီၣ်, ဘၣ်တၢ်မၤအၢမၤနးအီၤ,―

³⁸ (ဟီၣ်ခိၣ်တဂ့ၤဘၣ်ဒီးအီၤဘၣ်), ဟးဝ့ၤဝီၤလၢပှၢ်မုၢ်က နၢဒီးလၢအကစၢၢ်ကလိအကျါ, ဒီးလၢလၢၢ်အအိပူၤ, ဒီး လၢဟီၣ်ခိၣ်အအိပူၤလီၤ.

³⁹ အဝဲသ့ၣ်ခဲလၢာ်န့ၣ်ဘၣ်တၢ်အုၣ်အသးလၢအဂီၢ်လၢ တၢ်နာ်အဃိဘၣ်ဆၣ်ဒီး, တန့ၢ်ဘၣ်တၢ်စံးပာ်တဖၣ် ဘၣ်. ⁴⁰ ယွၤပာ်တ့ၢ်တၢ်ဂ့ၤန့ၢ်အန့ၣ်တက့ၢ်လၢပဂီၢ်, ဒ် သိးပဝဲဒၣ်တအိၣ်ဘၣ်ဒီး, အဝဲသ့ၣ်အသုတလၢထီၣ်ပှဲၤ ထီၣ်တဂ့ၤလီၤ.

၁၂

¹ မၤသးဒ်န့ၣ်ဒီး, ပှၤအုၣ်အသးဂီၢ်မုၢ်ပှဲၤန့ၣ်အိၣ်ဝးတ ရံးပှၤသတးဒီး, မ်ပဝဲဒၣ်စ့ၢ်ကီးပာ်လီၤကွံာ်ကယဲၢ်တၢ် အဃၢတမံၤလၢ်လၢ်, ဒီးတၢ်ဒဲးဘးလၢပမၤအီၤညီ, ဒီး တၢ်ဃ့ၢ်သတြီၤအိၣ်လၢပမဲာ်ညါန့ၣ်, မ်ပဃ့ၢ်လၢတၢ် သးစူၤတက့ၢ်. ² ဒီးပှၤလၢအဒုးကဲထီၣ်ဒီးမၤလၢထီၣ်ပှဲၤ ထီၣ်ပတၢ်နာ်, ယ့ၣ်ရှူးတဂၤန့ၣ်, မ်ပကွၢ်ဃီၤတၢ်ဆူအ အိၣ်တက့ၢ်. အဝဲဒၣ်ဒိးထူၣ်စုညါ, ဒီးပာ်တၢ်မဲာ်ဆှးလၢ တၢ်နီတမံၤဘၣ်, လၢတၢ်သးခုအိၣ်ပာ်လီၤအသးလၢအ မဲာ်ညါအဃိ, ဒီးဆ့ၣ်နီၤဝဲလၢယွၤအလီၢ်ပစိာ်အစုထွဲတ ခီလီၤ. ³ အဂ့ၢ်ဒ်အံၤ, ကွၢ်ဆိကမိၣ်ပှၤလၢအဝံသးစူၤပှၤ မၤတၢ်ဒဲးဘးအတၢ်မၤတံာ်တာ်ထီဒါအီၤထဲန့ၣ်, ဒ်သိး တၢ်ဘှံးသုသးသုတအိၣ်, ဒီးသုသုတလီၤဘှံးလီၤတီၤ တဂ့ၤန့ၣ်တက့ၢ်.

⁴ သုတဂုာ်မၤနၢၤတၢ်ဒဲးဘးဒီး တြီတၢ်တုၤလၢတၢ်သွံၣ် ဒံးဘၣ်. ⁵ ဒီးသုသးပ့ၤနီၣ်လံတၢ်သဆၣ်ထီၣ်သုခံ, လၢ အကတိၤတၢ်ဒီးသုဒ်ဖိခွါတဖၣ်အသိးလံ. ယဖိခွါဧၢ. သုတပာ်ကလီကလီကစၢ်အသိၣ်တၢ်သီ တၢ်တဂ့ၤ. ဒီးတုၤအသိၣ်ဃီၣ်နၤဒီး, မ်နသုတလီၤဘှံးလီၤတီၤတ ဂ့ၤ.

⁶ အဂ့ၢ်ဒ်အံၤ, ကစၢ်သိၣ်က့ၤသီက့ၤပှၤလၢအအဲၣ်, ဒီးဖျ့ ကယဲၢ်အဖိခွါလၢအတူၢ်လိာ်, ကိးအဂၤဒဲးလီၤ.+ ကတိၤ. ၃း၁၁|Prov.3.11*.

⁷ သုမ့ၢ်ဒိးတၢ်သိၣ်တၢ်သီဒီး, ယွၤမၤသုဒ်ဖိခွါတဖၣ်အ သိးန့ၣ်လီၤ. အဂ့ၢ်ဒ်အံၤ, ဖိခွါလၢအပၢ်တသိၣ်က့ၤသီ က့ၤဘၣ်န့ၣ်, မ့ၢ်မတၤတဂၤလဲၣ်. ⁸ မ့မ့ၢ်သုမ့ၢ်တဒိးဘၣ် တၢ်သိၣ်က့ၤသီက့ၤသု, လၢအဘၣ်ပှၤကိးအဂၤဒဲးန့ၣ်ဒီး သုတမ့ၢ်ဘၣ်ဖိခွါဘၣ်, သုမ့ၢ်ပှၤဒၢဘၢဖိလီၤ.

⁹ လၢန့ၣ်အမဲာ်ညါ, ပအိၣ်ဒီးပဖံးပညၣ်အပၢ်လၢအ သိၣ်က့ၤသီက့ၤပှၤဒီး, ပယူးပယီၣ်အီၤလီၤ. ဒီးပပာ်ပသး လၢသးတဖၣ်အပၢ်အဖီလာ်ဒီးမူပဝဲန့ၣ်, ဂ့ၤဒၣ်တၢ်ဖး ဒိၣ်, တမ့ၢ်ဘၣ်ဧါ. ¹⁰ အဂ့ၢ်ဒ်အံၤ, အဝဲသ့ၣ်တဖၣ်န့ၣ်, သိၣ် က့ၤသီက့ၤပှၤစှၤနံၤစှၤသီဖဲဒၣ်အသးလီၤ. မ့မ့ၢ်အဝဲဒၣ် န့ၣ်, လၢတၢ်ဘျုးတၢ်ဖှိၣ်အဂီၢ်, ဒ်သိးပကန့ၢ်ဘၣ်ဃုာ် အတၢ်စီဆှံလီၤ.

¹¹ ဒီးကယဲၢ်သိၣ်ဃီၣ်တၢ်လၢအဘၣ်ပှၤအဖၢမုၢ်န့ၣ်, တ လီၤဂာ်ဘၣ်တၢ်သးခုနီတမံၤဘၣ်, မ့မ့ၢ်တၢ်သးအုးလီၤ. ဘၣ်ဆၣ်ဒီးလၢခံက့ၤန့ၣ် ပှၤလၢအဒိးအသးညီနုၢ်တဖၣ် န့ၣ်, သၣ်ထီၣ်ဝဲလၢတၢ်တီတၢ်လိၤ အတၤသၣ်လၢအ ဘၣ်ဃးဒီးတၢ်မုာ်တၢ်ဖိးလီၤ.

¹² မၤသးဒ်န့ၣ်ဒီး, ပှၤအစုလၢအလီၤဘျ့, ဒီးအခီၣ်လ့ၢ်ခိၣ် လၢအဂံၢ်အဘါတအိၣ်ဘၣ်န့ၣ်, မၤဆူၣ်ထီၣ်တက့ၢ်.+ ၡါ. ၃၅း၃|Isa.35.3*.¹³ မၤလိၤကျဲဧိၤကပူၤဧိၤလၢသုခီၣ်အဂီၢ်, ဒ် သိးပှၤလၢအခီၣ်ဟးဂီၤ အသုတဘၣ်ဃၣ်ကွံာ်အသးတ ဂ့ၤ, မ့မ့ၢ်ကဘျါက့ၤန့ၣ်တက့ၢ်.

¹⁴ လူၤတၢ်မုာ်တၢ်ဖိးဒီးပှၤခဲလၢာ်, ဒီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီး, ပှၤတထံၣ်ဘၣ် ယွၤနီတဂၤ ဘၣ်. ¹⁵ ကွၢ်ထံကွၢ်ဆး, ဒ်သိးပှၤသုတလီၤတိၢ်လၢယွၤအ ဘျုးအဖှိၣ်နီတဂၤတဂ့ၤ, ဒ်သိးဂံၢ်အခၣ်တဘိသုတမဲ ထီၣ်မၤတံာ်တာ်သု, ဒီးပှၤအါဂၤဘၣ်တၢ်မၤဘၣ်အၢလၢ အဃိတဂ့ၤ, ¹⁶ ဒ်သိးပှၤမၤကမၣ်ပိာ်မုၣ်ပိာ်မၢၤမ့ၢ်ဂ့ၤ, ပှၤ လၢအမၤတရီတပါတၢ်ဒ် စီၤဧ့ၡီၤလၢအဆါကွံာ်အတၢ် ဝဲၢ်ကိအလီၢ်လၢ တၢ်အီၣ်ဘျဲးအီၣ်တဘျီအဂီၢ်အသိးမ့ၢ် ဂ့ၤ, အသုတအိၣ်တဂ့ၤ. ¹⁷ အဂ့ၢ်ဒ်အံၤ, လၢခံက့ၤဒီး, တုၤ အမိၣ်န့ၢ်ဘၣ်သါက့ၤတၢ်ဆိၣ်ဂ့ၤဒီး, ဘၣ်တၢ်ညိကွံာ် အီၤန့ၣ်သုသ့ၣ်ညါလီၤ. အဂ့ၢ်ဒ်အံၤ, ဃုတၢ်ပီၢ်ယၢ်လီၤ က့ၤအသးအလီၢ်, အိၣ်ဒီးတၢ်မဲာ်ထံမဲာ်နိဘၣ်ဆၣ်ဒီး, တထံၣ်န့ၢ်ဘၣ်ဝဲဘၣ်.

¹⁸ အဂ့ၢ်ဒ်အံၤ, ဆူကစၢၢ်လၢတၢ်ထိးဘၣ်အီၤသ့, ဒီးတၢ် ကဲၤလၢမ့ၣ်အူ, ဒီးဆူတၢ်အၢၣ်သူ, ဒီးတၢ်ခံး, ဒီးကလံၤသ ဝံး, ¹⁹ ဒီးကွဲၤအသီၣ်, ဒီးတၢ်ကတိၤအသီၣ်လၢပှၤလၢအ နၢ်ဟူဝဲတဖၣ်ဃ့ကညးဒ်သိး တၢ်သုတကတိၤလၢၤဒီး အီၤတဂ့ၤန့ၣ်, သုဟဲဃီၤတမ့ၢ်ဘၣ်. ²⁰ အဂ့ၢ်ဒ်အံၤ, ပှၤဒိး ဘၣ်တၢ်မၤလိာ်အဝဲန့ၣ်တကဲဘၣ်, ဒီးဆၣ်ဖိကီၢ်ဖိအမံၤ မ့ၢ်ထိးဘၣ်ကစၢၢ်အလိၤဒီး, ကဘၣ်တၢ်ကွံာ်အီၤလၢ လၢၢ်လီၤ.+ ၂မိၤ. ၁၉း၁၂|Exod.19.12*.²¹ ဒီးတၢ်အိၣ်ဖျါမ့ၢ်တၢ် ပျံၤအလီၢ်တုၤစီၤမိၤရှ့စံးဝဲဒၣ်, ယပျံၤတၢ်, ဒီးယကနိးက စုာ်မးလီၤ.+ ၅မိၤ. ၉း၃၀|Deut.9.30*.²² မ့မ့ၢ်သုဟဲဃီၤဆူကစၢၢ်စံ ယိၣ်, ဒီးဆူယွၤလၢအမူဝဲတဂၤအခူအဝ့ၢ်, ယရူၤၡလ့ၣ် လၢအဘၣ်ဃးဒီးမူခိၣ်, ဒီးဆူကလူးလၢပှၤဂံၢ်အီၤတ လၢာ်ဘၣ်အအိၣ်, ²³ ဆူပှၤဂီၢ်မုၢ်ခဲလၢာ်ဒီးတၢ်အိၣ်ဖှိၣ် ဘၣ်ဃးဒီးဝဲၢ်ကိလၢအမံၤ အိၣ်ကွဲးအသးလၢမူခိၣ်တ ဖၣ်အအိၣ်, ဒီးဆူယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢ အလၢဝဲပှဲၤဝဲတဖၣ်အ အိၣ်, ²⁴ ဒီးဆူတၢ်အၢၣ်လီၤအီလီၤအသီတမံၤ အပှၤခံခီ အဘၢၣ်စၢၤတဂၤယ့ၣ်ရှူးအအိၣ်, ဒီးဆူတၢ်ဖှံတၢ်သွံၣ် လၢအကတိၤတၢ်ဂ့ၤန့ၢ် စီၤဟ့းဘ့းလးအတၢ်ကတိၤတ က့ၢ်အအိၣ်လီၤ. ²⁵ ပလီၢ်သုသးဒ်သိးသုသု တဂ့ၢ်လိာ်ဘှီလိာ်ပှၤလၢအကတိၤတၢ်န့ၣ်တဂ့ၤ. အဂ့ၢ်ဒ်အံၤ, ပှၤဂ့ၢ်လိာ်ဘှီလိာ်ပှၤလၢအကတိၤတၢ်လၢဟီၣ်ခိၣ်ချၢမ့ၢ်တပူၤဖျဲးဘၣ်ဒီး, ပမ့ၢ်ဃၣ်ကွံာ်ပသးလၢ ပှၤလၢအကတိၤတၢ်လၢမူခိၣ်တဂၤန့ၣ်ဒီး, ပပူၤဖျဲးတသ့ဘၣ်နးထီၣ်ဒိၣ်ဒိၣ်ကလဲာ်လီၤ.― ²⁶ အဝဲဒၣ်အကလုၢ်သီၣ်လၢအကတီၢ်ဖဲန့ၣ်, မၤဟူးဝးဟီၣ် ခိၣ်လီၤ. ဘၣ်ဆၣ်ဒီးခဲကနံၣ်အံၤ, ကတိၤပာ်ဒီးစံးဝဲဒၣ်, ယမၤဟူးဒံးတဘျီထဲဟီၣ်ခိၣ်တမ့ၢ်ဘၣ်, မ့ၢ်မူခိၣ်စ့ၢ်ကီး လီၤ.+ ဃး. ၂း၆, ၇|Hag.2.6-Hag.2.7²⁷ တၢ်အိၣ်ဒံးတဘျီဒံးန့ၣ်, ဒုးနဲၣ်တၢ် မၤသုးကွံာ်တၢ်လၢအဟူးဝးတဖၣ်, ဒ်တၢ်လၢအဘၣ်တ့ အသးအသိးန့ၣ်, ဒ်သိးတၢ်လၢအတဟူးတဝးဘၣ်တ ဖၣ်န့ၣ်ကအိၣ်ဒၣ်တၢ်လီၤ.

²⁸ မၤသးဒ်န့ၣ်ဒီး, ပန့ၢ်တၢ်အဘီအမုၢ်လၢအတဟူးတ ဝးဘၣ်သတးဒီး, မ်ပအိၣ်ဒီးတၢ်ဘျုးတၢ်ဖှိၣ်, ဒ်သိးပက မၤယွၤအတၢ်ဖဲအဘၣ်အသး, အိၣ်ဒီးတၢ်ယူးတၢ်ယီၣ်, ဒီးတၢ်ပျံၤယွၤန့ၣ်တက့ၢ်. ²⁹ အဂ့ၢ်ဒ်အံၤ, ပကစၢ်န့ၣ်မ့ၢ်မ့ၣ် အူလၢအအီၣ်ကွံာ်တၢ်လီၤ.+ ၅မိၤ. ၄း၂၄|Deut.4.24*.

၁၃

¹ တၢ်အဲၣ်ပုၢ်အဲၣ်ဝဲၢ်န့ၣ်, မ်အအိၣ်ဒၣ်တၢ်တက့ၢ်.―တၢ် အဲၣ်ပှၤတမှံၤန့ၣ်သးပ့ၤနီၣ်တဂ့ၤ. အဂ့ၢ်ဒ်အံၤ, လၢတၢ် န့ၣ်အပူၤ, ပှၤတနီၤနီၤတသ့ၣ်ညါဘၣ်ဒီး, တ ူၢ်လိာ်ကလူး တဖၣ်လီၤ.

³ ပှၤလၢအဘၣ်စၢဃာ်န့ၣ်, သ့ၣ်နီၣ်ထီၣ်က့ၤအီၤဒ်သု ဘၣ်တၢ်စၢဃာ်ဃုာ်ဒီးအီၤအသိး, ဒီးပှၤလၢအဘၣ်ဖှီၣ် ဘၣ်နး, ဒ်သုအိၣ်လၢနီၢ်ခိအသိးန့ၣ်တက့ၢ်.

⁴ မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီး အလၤအကပီၤလၢပှၤခဲလၢာ်အကျါတက့ၢ်. မ့မ့ၢ်ပှၤမၤ ကမၣ်ပိာ်မုၣ်ပိာ်မၢၤ, ဒီးပှၤလၢအမၤကမၣ်ပှၤမါန့ၣ်, ယွၤ ကစံၣ်ညီၣ်အီၤလီၤ.

⁵ သုမၤတၢ်ဖံးတၢ်န့ၣ်, မ်အထူၣ်ဖျဲးဒီးတၢ်အဲၣ်ကျိၣ်ဧိၤ စ့ဧိၤတက့ၢ်. ဖဲသုတၢ်အိၣ်တဖၣ်န့ၣ်, သူၣ်မံသးမံဒီးအီၤ တက့ၢ်. အဂ့ၢ်ဒ်အံၤ, တၢ်စံးဝဲဒၣ်, ယတညိကွံာ်ဘၣ်နၤ ဘၣ်, ယတလဲၤသဒၣ်ဘၣ်နၤဘၣ်.+ ရှူ. ၁း၅|Josh.1.5*.⁶ မၤသး ဒ်န့ၣ်ဒီး, ပကစံးလၢပသးခူတလ့ၢ်, ယွၤမ့ၢ်ပှၤမၤစၢၤယၤ, ဒီးဖဲဒၣ်ပှၤကညီကမၤဘၣ်ယၤန့ၣ်, ယတပျံၤဘၣ်.+ စံး. ၁၁၈း၆|Ps.118.6*.

⁷ ပှၤလၢအကဲတ့ၢ်သုခိၣ် လၢအစံၣ်တဲၤတဲလီၤသုလၢ ယွၤအကလုၢ်အကထါတဖၣ်န့ၣ်, သ့ၣ်နီၣ်ထီၣ်အီၤတ က့ၢ်. ဒီးကွၢ်ထံအတၢ်ကျဲးစၢးအကတၢၢ်, ဒီးမၤထွဲအတၢ် နာ်အခံတက့ၢ်.

⁸ မဟါ, ဒီးမဆါအံၤ, ဒီးအစိၤစိၤအဃၣ်ဃၣ်န့ၣ်, ယ့ၣ်ရှူး ခရံာ်မ့ၢ်တၢ်ဒ်လီၢ်လီၢ်လီၤ. ⁹ သုတဒုးစိာ်ဝ့ၤဝီၤသုသး လၢတၢ်သိၣ်တၢ်သီလီၤဆီအကလုာ်ကလုာ်တဂ့ၤ. အ ဂ့ၢ်ဒ်အံၤ, ဂ့ၤလၢပသူၣ်ဂၢၢ်ပသးကျၢၤလၢတၢ်ဘျုးတၢ် ဖှိၣ်အပူၤ, ဒီးတမ့ၢ်ဘၣ်လၢတၢ်အီၣ်တဖၣ်, လၢပှၤလဲၤ လၢအပူၤ, တန့ၢ်ဘၣ်တၢ်ဘျုးဘၣ်န့ၣ်ဘၣ်.

¹⁰ ပအိၣ်ဒီးတၢ်လုၢ်အလီၢ်လၢ ပှၤလၢအမၤဒဲအတၢ်မၤ တဖၣ်န့ၣ်, တဂ့ၤအီၣ်ဘၣ်တၢ်လၢအီၤဘၣ်. ¹¹ အဂ့ၢ်ဒ်အံၤ ဆၣ်ဖိကီၢ်ဖိလၢပှၤလုၢ်တၢ်အခိၣ်စိာ်အသွံၣ်ဆူလီၢ်စီဆှံ အပူၤလၢတၢ်ဒဲးဘးအဃိန့ၣ်, တၢ်ဆူးထီၣ်ကွံာ်အမိၢ်ပှၢ် လၢပှၤသူၣ်ဒဲအလီၢ်လၢခိလီၤ. ¹² မၤသးဒ်န့ၣ်ဒီး, ယ့ၣ်ရှူး, ဒ်သိးအကမၤစီဆှံပှၤကညီလၢအသွံၣ်ဒၣ်ဝဲဒီး, ဒိးတၢ် လၢပဲတရီအခိတခီလီၤ. ¹³ အန့ၣ်ဒီးမ်ပဝံပစိာ်အတၢ်ဒုၣ် ဒွဲၣ်, ဒီးလဲၤဃီၤဆူအအိၣ်လၢပှၤသူၣ်ဒဲအလီၢ်လၢခိတ က့ၢ်. ¹⁴ အဂ့ၢ်ဒ်အံၤ, ပခူပဝ့ၢ်လၢအအိၣ်ဒၣ်တၢ်တအိၣ် ဘၣ်ဖဲအံၤဘၣ်, မ့ၢ်ပဃုတၢ်လၢ အကအိၣ်ဆူညါန့ၣ် လီၤ.

¹⁵ မၤသးဒ်န့ၣ်ဒီးလၢအဝဲဒၣ်အဃိ, မ်ပပာ်ထီၣ်တၢ်လုၢ် စံးထီၣ်ပတြၢၤယွၤတဘိယူၢ်ဃီ, ဒ်ပစံးတၢ်အသိး, ပထး ခိၣ်အတၤသၣ်လၢ တၢ်အၢၣ်လီၤအီလီၤ အမံၤန့ၣ်တ က့ၢ်. ¹⁶ ဘၣ်ဆၣ်ဒီးတၢ်မၤဂ့ၤတၢ်, ဒီးတၢ်ဟ့ၣ်ညီတၢ်န့ၣ်, သးပ့ၤနီၣ်တဂ့ၤ. အဂ့ၢ်ဒ်အံၤ, တၢ်လုၢ်ဒ်န့ၣ်တဖၣ်န့ၣ် ဘၣ်ယွၤအသးလီၤ.

¹⁷ ပှၤလၢအကဲထီၣ်သုခိၣ်တဖၣ်န့ၣ်, စူၢ်အကလုၢ်, ဒီး ဆီၣ်လီၤသုသးလၢအဖီလာ်တက့ၢ်. အဂ့ၢ်ဒ်အံၤ, အဝဲ သ့ၣ်ဆိးသီလၢသုသးအဂီၢ်, ဒ်ပှၤလၢအကဘၣ်စံးဆၢ တၢ်အသိး, ဒ်သိးအကမၤတၢ်အံၤလၢတၢ်သးခုဒီးတမ့ၢ် ဘၣ်လၢတၢ်သးအုးဘၣ်န့ၣ်လီၤ. အဂ့ၢ်ဒ်အံၤ, အဝဲန့ၣ်တ မၤအါထီၣ်ဘၣ်သုဘျုးဘၣ်.

¹⁸ ဘါထုကဖၣ်တၢ်လၢပဂီၢ်တက့ၢ်. အဂ့ၢ်ဒ်အံၤ, ပဆိက မိၣ်လၢပအိၣ်ဒီးပသးသ့ၣ်ညါဒၣ်တၢ်အဂ့ၤ, ဒီးတၢ်မိၣ် မၤပသးလၢတၢ်အဂ့ၤလၢတၢ်ခဲလၢာ်အပူၤလီၤ. ¹⁹ ဒီးယ ဃ့ကညးသုလၢသုကမၤဒ်န့ၣ်အါတက့ၢ်, ဒ်သိးယက တုၤက့ၤလၢသုအိၣ်ချ့တက့ၢ်လီၤ.

²⁰ ဒီးတၢ်ဃူတၢ်ဖိးအကစၢ်, လၢအဆှၢထီၣ်က့ၤသိအ ပှၤကွၢ်သိအဒိၣ်တဂၤ, ပကစၢ်ယ့ၣ်ရှူး, လၢတၢ်သံအပူၤ, လၢတၢ်အၢၣ်လီၤအီလီၤ အထူအယိာ်အသွံၣ်အဃိန့ၣ်,

²¹ မ်အမၤလၢထီၣ်ပှဲၤထီၣ်သုလၢတၢ်မၤဂ့ၤကိးအမံၤဒဲး, ဒ် သိးသုကမၤဖဲဒၣ်အသး, ဒီးမ်အမၤတၢ်လၢပပူၤဖဲအဘၣ် အသးလၢအမဲာ်ညါလၢယ့ၣ်ရှူးခရံာ်န့ၣ်တက့ၢ်. ဒီးအဝဲဒၣ်န့ၣ်, မ်အအိၣ်ဒီးအလၤအကပီၤအစိၤစိၤအဃၣ်ဃၣ် တက့ၢ်. အၤမ့ၣ်.

²² ဘၣ်ဆၣ်ဒီးဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုက ဒိးတၢ်ကတိၤသဆၣ်ထီၣ်သုခံန့ၣ်လီၤ. အဂ့ၢ်ဒ်အံၤ, ယ ကွဲးဟ့ၣ်ယုၢ်သုတၢ်စှၤကိာ်လီၤ.

²³ ဒီပုၢ်ဝဲၢ်စီၤတံၤမသ့းထူၣ်ဖျဲးလံန့ၣ်, မ်သုသ့ၣ်ညါတ က့ၢ်. အဝဲဒၣ်မ့ၢ်ဟဲချ့ဒီး, ယကထံၣ်ဃုာ်သုဒီးအီၤလီၤ.

²⁴ ပှၤလၢအကဲထီၣ်သုခိၣ်ခဲလၢာ်, ဒီးပှၤစီဆှံကိးအဂၤ ဒဲးန့ၣ်, ကတိၤဒိၣ်အီၤတက့ၢ်. ပှၤအံၤတလံဖိန့ၣ်ကတိၤ ဒိၣ်သုလီၤ.

²⁵ မ်တၢ်ဘျုးတၢ်ဖှိၣ်အိၣ်ဒီးသုခဲလၢာ်တက့ၢ်. အၤမ့ၣ်.