ဝံယဃ့းစက့လး.

ဝံယဃ့းစက့လး.

၁

¹ ဒီးလၢအနံၣ်ပှဲၤထီၣ်သၢဆံနံၣ်တနံၣ်, လါပှဲၤထီၣ် လွံၢ်လါတလါ, လါထီၣ်ယဲၢ်နံၤတနံၤ, လၢယအိၣ် လၢပှၤကဲကုၢ်အကျါလၢထံမိၢ်ပှၢ်ကဘၢ်အနံၤန့ၣ် တၢ် မၤအသးလၢမူခိၣ်အိးထီၣ်အသး, ဒီးယထံၣ်တၢ်လၢ ညါခီဘၣ်ဃးဒီးယွၤလီၤ.

² လါထီၣ်ယဲၢ်နံၤတနံၤလၢ စီၤပၤယဟိၤယါခံၣ်ကဲကုၢ် ပှဲၤထီၣ်ယဲၢ်နံၣ်တနံၣ်အပူၤ, ³ ယွၤအကလုၢ်အိၣ်ထီၣ် ဝဲ, အိၣ်ဝဲဒီးစီၤဘူၤစံအဖိခွါပှၤလုၢ်တၢ်အဒိၣ်စီၤယဃ့း စက့လး, လၢပှၤက့ၤစ့းဖိအကီၢ်ပူၤလၢ ထံမိၢ်ပှၢ်က ဘၢ်အနံၤ, ဒီးယွၤအစုအိၣ်ဝဲလၢအလိၤဖဲန့ၣ်လီၤ.

⁴ ဒီးယကွၢ်တၢ်, ဒီးကွၢ်ကွၢ်, ကလံၤသဝံးဟဲထီၣ်လၢ ကလံၤစိးတခီ, တၢ်အၢၣ်ဖးဒိၣ်, ဒီးမ့ၣ်အူတလိၣ်သဝံး လီၤအသး, ဒီးတၢ်ကပြူၢ်ကပြီၤဝးတရံးဝဲ, ဒီးလၢအ သးကံၢ်ပူၤ, တၢ်မၤသးဒ်လၢၢ်ဆှံဘီအသိးန့ၣ်အိၣ်ဝဲ လၢမ့ၣ်အူအသးကံၢ်ပူၤန့ၣ်လီၤ.

⁵ ဒီးလၢအသးကံၢ်ပူၤန့ၣ် တၢ်သးလွံၢ်ဂၤအက့ၢ်အဂီၤ အိၣ်ဝဲလီၤ. ဒီးဖျါဝဲဒ်အံၤ, အိၣ်ဝဲဒီးပှၤကညီအက့ၢ်အ ဂီၤလီၤ. ⁶ ဒီးတဂၤအိၣ်ဝဲဒီအမဲာ်လွံၢ်ခီ, ဒီးအဒံးဆ့လွံၢ် ဘ့ၣ်, တဂၤအိၣ်ဝဲဒီးအမဲာ်လွံၢ်ခီ, ဒီးအဒံးဆ့လွံၢ်ဘ့ၣ် စုာ်စုာ်လီၤ. ⁷ ဒီးအခီၣ်န့ၣ်မ့ၢ်အဘျၢ, အခီၣ်ညါသးမၤ သးဒ်ဂီၤဖံးဖိအခီၣ်ညါသးသိးန့ၣ်လီၤ. ဒီးကယဲၢ်က ယူာ်ဒ်တိၢ်ဘီတြူာ်ကဆှၣ်အသးအသိးန့ၣ်လီၤ. ⁸ ဒီး ပှၤကညီအစုအိၣ်ဝဲလၢအဒံးဆ့အဖီလာ်လၢ အကပၤ လွံၢ်ခီအလိၤ, ဒီးလွံၢ်ဂၤန့ၣ်အိၣ်ဝဲဒီးအမဲာ်ဒီးအဒံးဆ့ လွံၢ်ခီလီၤ. ⁹ အဒံးဆ့တဖၣ်စဲဘူးလိာ်အသးလီၤ. တုၤ အလဲၤတၢ်ဒီး, တဃၣ်ဘၣ်အသးဘၣ်. လဲၤတၢ်စၢၢ် ဆၢပံၢ်ကလာ်လၢအမဲာ်ညါလီၤ.

¹⁰ တၢ်လၢအမဲာ်အက့ၢ်အဂီၤန့ၣ် လွံၢ်ဂၤအိၣ်ဝဲဒီးပှၤက ကညီအမဲာ်, ဒီးခ့ယုၢ်အမဲာ်လၢစုထွဲတခီ, ပှၤလွံၢ်ဂၤန့ၣ် အိၣ်ဝဲဒီးဂီၤဖံးဖါအမဲာ်လၢ စုစ့ၣ်တခီဒီးပှၤလွံၢ်ဂၤန့ၣ် အိၣ်စ့ၢ်ကီးဝဲဒီးလံာ်ကြီကြာ်အမဲာ်လီၤ. ¹¹ ဒီးအမဲာ်အိၣ် ဒ်န့ၣ်, ဒီးအဒံးဆ့ယူာ်ထီၣ်အသးဆူထးခီ, တဂၤအိၣ် ဒီးခံဘ့ၣ်စဲဘူးလိာ်အသး, ဒီးခံဘ့ၣ်ကျၢၢ်ဘၢအကစၢ် စုာ်စုာ်လီၤ. ¹² ဒီးလဲၤဝဲစၢၢ်ဆၢပံၢ်ကလာ်လၢအမဲာ်ညါ ကိးဂၤဒဲး, ဖဲဒၣ်အသးအိၣ်လၢအကလဲၤဝဲဒီး, လဲၤဝဲ လီၤ. တုၤအလဲၤတၢ်ဒီး, တဃၣ်ဘၣ်အသးဘၣ်, ¹³ တၢ် သးတဖၣ်အက့ၢ်အဂီၤန့ၣ် ဖျါဝဲမၤသးဒ်မ့ၣ်အူကဖး အသိး, မၤသးဒ်မ့ၣ်အူဒၢအသိးန့ၣ်လီၤ. မ့ၣ်အူန့ၣ်လဲၤ ထီၣ်ဟဲလီၤလၢတၢ်သးတဖၣ်အကျါ, ဒီးမ့ၣ်အူကဲၤက ပီၤထီၣ်, ဒီးလီဝၢ်အဒံးဟးထီၣ်လၢ မ့ၣ်အူကျါလီၤ.―

¹⁴ ဒီးတၢ်သးတဖၣ်န့ၢ်ဃ့ၢ်, ဒီးဟဲက့ၤဒ်လီဝၢ်အဒံးတဘျီ အသိးန့ၣ်လီၤ.

¹⁵ ဒီးယကွၢ်တၢ်အသးတဖၣ်အဖၢမုၢ်ဒီး, ကွၢ်ကွၢ်, လ့ၣ် ကဟၣ်အပၣ်အိၣ်ဝဲလၢဟီၣ်ခိၣ်ချၢ လၢတၢ်သးအိၣ် ဒီးအမဲာ်လွံၢ်ခီအဃၢၤ, တဘ့ၣ်လၢတၢ်တဂၤအဃၢၤ တဘ့ၣ်လၢတၢ်တဂၤအဃၢၤစုာ်စုာ်လီၤ.

¹⁶ လ့ၣ်ကဟၣ်အပၣ်အတၢ်အိၣ်ဖျါ, ဒီးတၢ်တ့အသး လၢအပူၤန့ၣ် မၤသဒ်တၢ်မျၢ်ဘီဟ့အလွဲၢ်အသိးန့ၣ်, ဒီး လွံၢ်ဘ့ၣ်အိၣ်ဝဲဒီးအက့ၢ်အဂီၤတမံၤဃီ, ဒီးအတၢ်အိၣ် ဖျါ, ဒီးတၢ်တ့အသးလၢအပူၤန့ၣ်မၤသးဒ်လ့ၣ်ကဟၣ် အပၣ်တသ့အိၣ်ဝဲလၢလ့ၣ်ကဟၣ်အပၣ်တဘ့ၣ်ဒၣ်အ ပူၤသိးန့ၣ်လီၤ. ¹⁷ တုၤအလဲၤတၢ်ဒီးလဲၤဝဲလၢအကပၤ လွံၢ်ခီလီၤ. တုၤအလဲၤတၢ်ဒီးတဃၣ်ဘၣ်အသးဘၣ်.―

¹⁸ ဒီးအခီၣ်ကွီၤန့ၣ်ထီဝဲ, တုၤအမၤပျံၤတၢ်, ဒီးအခီၣ်ကွီၤ န့ၣ်ပှဲၤဝဲဒီးအမဲာ်ဝးတရံးအီၤလွံၢ်ကွီၤစုာ်စုာ်လီၤ.

¹⁹ ဒီးတုၤတၢ်သးတဖၣ်လဲၤတၢ်ဒီး, လ့ၣ်ကဟၣ်အပၣ် တဖၣ်လဲၤဝဲလၢအဃၢၤလီၤ. ဒီးတုၤတၢ်သးတဖၣ်စိာ် ကစီၤထီၣ်အသးလၢဟီၣ်ခိၣ်ဒီး, လ့ၣ်ကဟၣ်အပၣ်စိာ် ထီၣ်အသးစ့ၢ်ကီးလီၤ.

²⁰ ဖဲဒၣ်အသးအိၣ်ဝဲလၢအကလဲၤတၢ်ဒီး, လဲၤဖဲဒၣ်သး ကလဲၤဝဲ, ဒီးလ့ၣ်ကဟၣ်အပၣ်စိာ်ကစီၤထီၣ်အသး လၢအဃၢၤလီၤ. အဂ့ၢ်ဒ်အံၤ, တၢ်သးအသးအိၣ်ဝဲလၢ လ့ၣ်ကဟၣ်အပၣ်အပူၤလီၤ.

²¹ တုၤအဝဲသ့ၣ်တဖၣ်န့ၣ်လဲၤဝဲဒီး, လ့ၣ်အပၣ်လဲၤဝဲ လီၤ. ဒီးတုၤအဝဲသ့ၣ်တဖၣ်န့ၣ်အိၣ်ကတီၢ်ဒီး, အိၣ် ကတီၢ်ဝဲလီၤ. ဒီးတုၤအဝဲသ့ၣ်တဖၣ်န့ၣ်စိာ်ကစီၤထီၣ် အသးလၢဟီၣ်ခိၣ်ဒီး, လ့ၣ်အပၣ်စိာ်ကစီၤထီၣ်အသး အဃၢၤလီၤ. အဂ့ၢ်ဒ်အံၤ, တၢ် အသးန့ၣ် အိၣ်ဝဲလၢလ့ၣ်ကဟၣ်အပၣ်အပူၤလီၤ.

²² ဒီးလၢတၢ်သးအခိၣ်အဖီခိၣ်န့ၣ် တၢ်ဖျါဝဲမၤသးဒ်မူ ကပိာ်လိၤ, ဒ်လၢၢ်ဖျါကလၤအသိး, လၢအမၤပျံၤတၢ် န့ၣ်သလၣ်ထီၣ်အသးလၢအခိၣ်အဖီခိၣ်လီၤ. ²³ ဒီးလၢ မူကပိာ်လိၤအဖီလာ်န့ၣ်, အဒံးဆ့တဖၣ်ယၤထီၣ်အ သးဘျၢယုၢ်ကလာ်လီၤ. တဂၤအိၣ်ဝဲဒီးအဒံးဆ့ခံဘ့ၣ် လၢအကျၢၢ်ဘၢအကစၢ်စုာ်စုာ်လီၤ. ²⁴ ဒီးတုၤအလဲၤ တၢ်ဒီး, ယနၢ်ဟူအဒံးဆ့အသီၣ်, ဒ်ထံဖးဒိၣ်အသီၣ် သိး, ဒ်တၢ်သ့တၢ်လၢာ်တဂၤအသီၣ်သိး, အကလုၢ် အသီၣ်န့ၣ်မၤသးဒ်တၢ်သုးမုၢ်ဂီၢ်မုၢ်အသီၣ်သိးလီၤ. ဒီး တုၤအအိၣ်ကတီၢ်ဒီး, ဘိၣ်လီၤအဒံးဆ့လီၤ.

²⁵ ဒီးတၢ်အကလုၢ်သီၣ်လီၤလၢမူကပိာ်လိၤလၢ အခိၣ် အဖီခိၣ်လီၤ. တုၤအဝဲသ့ၣ်အိၣ်ကတီၢ်ဒီး, ဘိၣ်လီၤ အဒံးဆ့န့ၣ်လီၤ.

²⁶ ဒီးလၢမူကပိာ်လိၤအဖီခိၣ်လၢ အအိၣ်ဝဲလၢအခိၣ်အ ဖီခိၣ်န့ၣ် တၢ်ဖျါမၤသးဒ်တၢ်မျၢ်နံၤလါအသိး, ဒ်တၢ် လီၢ်ပစိာ်အသိးန့ၣ် ဒီးလၢတၢ်ဖျါမၤအသးဒ်တၢ်လီၢ် ပစိာ်အသိးအဖီခိၣ်န့ၣ် တၢ်အက့ၢ်အဂီၤဒ်ပှၤကညီအ သိးန့ၣ်အိၣ်ဝဲလီၤ. ²⁷ ဒီးယထံၣ်တၢ်လီၤဂာ်လၢတိၢ်ဘီ စီ, မၤသးဒ်မ့ၣ်အူဝးတရံးဝဲလၢအပူၤအသိး, လၢအ ယီၢ်ဒ့အဖီခိၣ်လီၤ. ဒီးလၢအယီၢ်ဒ့အဖီလာ်ယထံၣ်တၢ် မၤအသးဒ်မ့ၣ်အူအသိးန့ၣ်, ဒီးအတၢ်ကပြုၢ်ကပြီၤအိၣ် ဝးတရံးအီၤလီၤ.

²⁸ ဒ်တၢၢ်ကွဲၤလၢတၢ်အၢၣ်လိၤလၢ တၢ်ဟဲစူၤအမုၢ်တ နံၤအသိး, တၢ်ကပြုကပြီၤဝးတရံးဝဲ မၤသးဒ်န့ၣ်သိး လီၤ. အဝဲန့ၣ်မ့ၢ်ယွၤအလၤကပီၤအက့ၢ်အဂီၤလီၤ. ဒီး တုၤယထံၣ်ဘၣ်ဒီး, ယလီၤဃံၤအီထီလာ်, ဒီးယနၢ်ဟူ ပှၤလၢအကတိၤတၢ်တဂၤအကလုၢ်လီၤ.

၂

¹ ဒီးစံးဘၣ်ယၤ, ပှၤကညီဖိခွါဧၢ, ဆၢထၢၣ်လၢနခီၣ် တက့ၢ်, ဒီးယကကတိၤတၢ်ဒီးနၤလီၤ.

² ဒီးတုၤအကတိၤတၢ်ဒီးယၤဒီး, သးန့ၣ်ဟဲနုာ်လၢယ ပူၤ, ဒီးပာ်ယၤလၢယခီၣ်, ဒီးယနၢ်ဟူပှၤလၢအကတိၤ တၢ်ဒီးယၤအကလုၢ်, ³ ဒီးစံးဘၣ်ယၤ, ပှၤကညီဖိခွါဧၢ, ယမၢလီၤနၤဆူပှၤအံၣ်စရ့လးဖိအအိၣ်, ပှၤပူထီၣ်ဒၣ် တၢ်တကလုာ်လၢအပူထီၣ်ယၤလီၤ. အဝဲသ့ၣ်ဒီးအ ပၢ်တဖၣ်န့ၣ်ပူထီၣ်ယၤတုၤမုၢ်မဆါတနံၤအံၤလီၤ. ⁴ ဖိ ခွါတဖၣ်လၢယကမၢလီၤနၤဆူအအိၣ်န့ၣ် မ့ၢ်ပှၤလၢ အမဲာ်ကဲၤ, ဒီးအကိာ်ဆူၣ်လီၤ. ဒီးနဘၣ်စံးဘၣ်အီၤ, ကစၢ်ယွၤစံးဒ်အံၤ, ⁵ ဒီးကနၣ်တၢ်မ့ၢ်ဂ့ၤ, ဆိတ့ၢ်မ့ၢ်ဂ့ၤ, ကသ့ၣ်ညါဝဲလၢဝံတဂၤအိၣ်ဝဲလၢအကျါလီၤ. အဂ့ၢ် ဒ်အံၤ, မ့ၢ်ပှၤဟံၣ်ဖိလၢအပူထီၣ်ဒၣ်တၢ်လီၤ.

⁶ ဒီးနဲဒၣ်ပှၤကညီဖိခွါဧၢ, ပျံၤအီၤတဂ့ၤ, ဒီးပျံၤအတၢ် ကတိၤတဂ့ၤ, မ့ၢ်တၤဆှုၣ်တၤမဲလၢနဂီၢ်, ဒီးနမ့ၢ်အိၣ် လၢပတ့ၤချဲးအကျါဘၣ်ဆၣ်ဒီး, ပျံၤအတၢ်ကတိၤတ ဂ့ၤ, ဘၣ်ယိၣ်တၢ်လၢအမဲာ်အဃိတဂ့ၤ, အဂ့ၢ်ဒ်အံၤ, မ့ၢ်ပှၤဟံၣ်ဖိလၢအပူထီၣ်ဒၣ်တၢ်လီၤ. ⁷ ဒီးကနၣ်တၢ် မ့ၢ်ဂ့ၤ, ဆိတ့ၢ်မ့ၢ်ဂ့ၤ, စံၣ်တဲၤတဲလီၤအီၤလၢယတၢ်က တိၤတက့ၢ်. အဂ့ၢ်ဒ်အံၤ, မ့ၢ်ပှၤပူထီၣ်နးကတၢၢ်လီၤ.

⁸ မ့မ့ၢ်နဲဒၣ်ပှၤကညီဖိခွါဧၢ, ဒိကနၣ်တၢ်လၢယကစံး ဘၣ်နၤတက့ၢ်, ပူထီၣ်ဒ်ပှၤဟံၣ်ဖိလၢအပူထီၣ်ဒၣ်တၢ် အသိးန့ၣ်တဂ့ၤ. အဲးထီၣ်နထးခိၣ်, ဒီးအီၣ်တၢ်လၢယ ကဟ့ၣ်လီၤနၤတက့ၢ်.

⁹ ဒီးယကွၢ်တၢ်, ဒီးကွၢ်ကွၢ်, တၢ်ယူာ်ထီၣ်အစုဆူယ အိၣ်, ဒီးကွၢ်ကွၢ်, လံာ်အထူတထူအိၣ်ဝဲလၢအစုပူၤ လီၤ. ¹⁰ ဒီးသလၣ်ထီၣ်ဝဲလၢယမဲာ်ညါ, ဒီးကွဲးအသး လၢအပူၤဒီးလၢအချၢ, ဒီးတၢ်ဟီၣ်တၢ်ယၢၤ, ဒီးတၢ် ဟီၣ်ပသူဟီၣ်ပသီ, ဒီးတၢ်မိၣ်တၢ်မးကွဲးအသးလၢအ ပူၤလီၤ.

၃

¹ ဒီးစံးဘၣ်ယၤ, ပှၤကညီဖိခွါဧၢ, အီၣ်တၢ်လၢနထံၣ် န့ၢ်တက့ၢ်, အီၣ်လံာ်အထူတထူအံၤ, ဒီးလဲၤကတိၤ တၢ်ဒီးအံၣ်စရ့လးအပှၤဟံၣ်ဖိတက့ၢ်.

² ဒီးယအဲးထီၣ်ယထးခိၣ်, ဒီးအဝဲဒၣ်ဟ့ၣ်အီၣ်ယၤလၢ လံာ်အထူတထူန့ၣ်လီၤ. ³ ဒီးစံးဘၣ်ယၤ, ပှၤကညီဖိ ခွါဧၢ, အီၣ်တၢ်, ဒီးမၤပှဲၤနသအိပူၤဒီးလံာ်အထူတထူ အံၤလၢယဟ့ၣ်လီၤနၤတက့ၢ်. ဒီးယအီၣ်တၢ်, ဒီးဆၢဝဲ လၢယကိာ်ပူၤဒ်ကနဲစီအသိးန့ၣ်လီၤ.

⁴ ဒီးစံးဘၣ်ယၤ, ပှၤကညီဖိခွါဧၢ, လဲၤတၢ်, လဲၤဆူအံၣ် စရ့လးအပှၤဟံၣ်ဖိအအိၣ်, ဒီးကတိၤဒီးအီၤလၢယတၢ် ကတိၤတက့ၢ်. ⁵ အဂ့ၢ်ဒ်အံၤ, တၢ်တမၢလီၤဘၣ်နၤဆူ ပှၤလၢအပျ့ၤယိာ်, ဒီးကတိၤအကျိာ်ကီတကလုာ်ဘၣ်, မ့ၢ်ဆူအံၣ်စရ့လးအပှၤဟံၣ်ဖိအအိၣ်လီၤ. ⁶ တမ့ၢ်ဘၣ် ဆူပှၤအါကလုာ်လၢအပျ့ၤယိာ်, ဒီးအကတိၤတၢ်အ ကျိာ်ကီ, လၢနနၢ်ပၢၢ်တသ့ဘၣ်န့ၣ်ဘၣ်. မ့ၢ်မးယမ့ၢ် မၢလီၤနၤဆူအအိၣ်ဒီး, ကဒိကနၣ်နကလုၢ်လီၤ.

⁷ ဘၣ်ဆၣ်ဒီးအံၣ်စရ့လးအပှၤဟံၣ်ဖိ တကနၣ်ဘၣ်န ကလုၢ်ဘၣ်. အဂ့ၢ်ဒ်အံၤ, တကနၣ်ယကလုၢ်ဘၣ်. အ ဂ့ၢ်ဒ်အံၤ, အံၣ်စရ့လးအပှၤဟံၣ်ဖိခဲလၢာ်အမဲာ်ကဲၤ, ဒီး အသးကိၤလီၤ. ⁸ ကွၢ်ကွၢ်, ယပာ်ဆူၣ်နမဲာ်ထီဒါအမဲာ်, ဒီးနမဲာ်တူၢ်ခိၣ်ထီဒါအမဲာ်တူၢ်ခိၣ်လီၤ. ⁹ ပာ်နမဲာ်တူၢ် ခိၣ်ဒ်လၢၢ်စံၣ်တၢ်မျၢ်အသိး, ကိၤန့ၢ်လၢၢ်မ့ၣ်တက့ၢ် လီၤ. ပျံၤအီၤတဂ့ၤ, ဘၣ်ယိၣ်တၢ်လၢအမဲာ်အဃိတဂ့ၤ. အဂ့ၢ်ဒ်အံၤ, မ့ၢ်ပှၤဟံၣ်ဖိလၢအပူထီၣ်ဒၣ်တၢ်လီၤ.

¹⁰ ဒီးစံးဘၣ်ယၤ, ပှၤကညီဖိခွါဧၢ, ကယဲၢ်တၢ်ကတိၤ လၢယကတိၤဒီးနၤခဲလၢာ်န့ၣ် ဒိးလၢနသးကံၢ်ပူၤ, ဒီး ကနၣ်လၢနနၢ်တက့ၢ်. ¹¹ ဒီးလဲၤတၢ်, လဲၤဆူပှၤကဲကုၢ် တဖၣ်, နပှၤဂီၢ်မုၢ်ဖိအအိၣ်, ဒီးကတိၤတၢ်ဒီးအီၤ, ဒီးက နၣ်တၢ်မ့ၢ်ဂ့ၤ, ဆိတ့ၢ်မ့ၢ်ဂ့ၤ, စံးဘၣ်အီၤ, ယွၤစံးဒ်အံၤတ က့ၢ်.

¹² ဒီးသးန့ၣ်စိာ်ထီၣ်ယၤ, ဒီးယနၢ်ဟူတၢ်ဃ့ၢ်သဖှိဆူၣ် အသီၣ်လၢယချၢဃံ, ဒီးစံးဝဲဒၣ်, ယွၤအလၤကပီၤလၢ အလီၢ်ပူၤန့ၣ်မ်အဘၣ်တၢ်ဆိၣ်ဂ့ၤတက့ၢ်. ¹³ ယနၢ်ဟူ စ့ၢ်ကီးတၢ်သးအဒံးဆ့လၢ အထိးလိာ်အသးအသီၣ်, ဒီးလ့ၣ်အပၣ်လၢအဃၢၤအသီၣ်, တၢ်ဃ့ၢ်သဖှိဆူၣ် အသီၣ်လီၤ. ¹⁴ ဒီးသးန့ၣ်စိာ်ထီၣ်ယၤ, ဒီးထုးထီၣ်ယၤ, ဒီးယလဲၤတၢ်လၢယသးတမုာ်ဘၣ်, လၢယသးကိၢ် လီၤ. ဒီးယွၤအစုအိၣ်ဝဲဆူၣ်ဆူၣ်ကလဲာ်လၢယလိၤလီၤ.

¹⁵ ဒီးယဟဲဆူပှၤလၢအကဲကုၢ်လၢ တ့ၤလၤဘံးအပူၤ, လၢအအိၣ်ဝဲဆိးဝဲလၢထံမိၢ်ပှၢ်ကဘၢ်အနံၤ, ဒီးယအိၣ် ဖဲအဝဲသ့ၣ်အိၣ်ဝဲ, ဒီးယဆ့ၣ်နီၤအိၣ်လၢယသးကတုၤ လၢအကျါနွံနံၤလီၤ.

¹⁶ ဒီးလၢနွံနံၤအကတၢၢ်န့ၣ် တၢ်မၤအသးလၢယွၤအက လုၢ်ဘၣ်ယၤ, ဒီးစံးဝဲဒၣ်, ¹⁷ ပှၤကညီဖိခွါဧၢ, ယပာ်နၤ လၢပှၤပၢၤတၢ်ဖိလၢအံၣ်စရ့လး အပှၤဟံၣ်ဖိအဂီၢ်, ဒီး ကနၣ်တၢ်ကတိၤလၢယထးခိၣ်, ဒီးသိၣ်က့ၤအီၤလၢ ယကလုၢ်တက့ၢ်.

¹⁸ တုၤယစံးဘၣ်ပှၤတတီတလိၤန့ၣ်, သံဒီးနကသံလီၤ န့ၣ်, ဒီးနမ့ၢ်တသိၣ်က့ၤသီက့ၤဘၣ်အီၤ, ဒီးတကတိၤ ဘၣ်တၢ်ဒီးအီၤ ဒ်သိးပှၤတတီတလိၤကဃၣ်ကွံာ်အ သးလၢအကျဲတတီတလိၤဘၣ်ဒီးမူဝဲဒီး တၢ်လၢပှၤ တတီတလိၤန့ၣ်ကသံဝဲလၢအတၢ်အၢအပူၤလီၤ. ဘၣ် ဆၣ်ဒီးယကဃုအသွံၣ်လၢနစုပူၤလီၤ.

¹⁹ ဒီးနမ့ၢ်သိၣ်က့ၤပှၤတတီတလိၤဒီး, မ့ၢ်တဃၣ်ကွံာ် ဘၣ်အသးလၢတၢ်တတီတလိၤဘၣ်, ဒီးလၢအကျဲတ တီတလိၤဘၣ်ဒီး, ကသံဝဲလၢအတၢ်အၢအပူၤလီၤ. ဘၣ်ဆၣ်ဒီးနမၤပူၤမၤဖျဲးလံနသးလံလီၤ.

²⁰ မၤကဒီးတစုတုၤပှၤအတီအလိၤ ဃၣ်ကွံာ်အသးလၢ အတၢ်တီတၢ်လိၤ, ဒီးမၤတၢ်ဒဲးဘး, ဒီးယပာ်ခီၣ်ဘၣ် တိၢ်အလီၢ်လၢအမဲာ်ညါဒီး, ကသံဝဲလီၤ. မ့ၢ်နတသိၣ် က့ၤဘၣ်အီၤဒီး, ကသံဝဲလၢအတၢ်ဒဲးဘးအပူၤ, ဒီး အတၢ်တီတၢ်လိၤလၢအမၤဝဲန့ၣ် တၢ်တသ့ၣ်နီၣ်ထီၣ် က့ၤဘၣ်. ဘၣ်ဆၣ်ဒီးယကဃုအသွံၣ်လၢနစုပူၤလီၤ.

²¹ မ့ၢ်နာ်သက့ဒ်န့ၣ်ဒီးနမ့ၢ်သိၣ်က့ၤပှၤတီပှၤလိၤ, ဒ်သိး ပှၤတီပှၤလိၤအသုတမၤတၢ်ဒဲးဘးတဂ့ၤဒီး, ပှၤတီပှၤ လိၤန့ၣ်မ့ၢ်တမၤတၢ်ဒဲးဘးဒီး, မူဒီးကမူဝဲလီၤ. အဂ့ၢ် ဒ်အံၤ, ဒိးတၢ်သိၣ်က့ၤအီၤလီၤ. ဒီးနဲဒၣ်အံၤနမၤပူၤမၤ ဖျဲးနသးလီၤ.

²² ဒီးယွၤအစုအိၣ်ဝဲလၢယလိၤဖဲန့ၣ်, ဒီးစံးဘၣ်ယၤ, ဂဲၤ ဆၢထၢၣ်, လဲၤတၢ်ဆူတၢ်ပျီပူၤ, ဒီးယကကတိၤတၢ်ဒီး နၤဖဲန့ၣ်လီၤ.

²³ ဒီးယဂဲၤဆၢထၢၣ်, ဒီးလဲၤဆူတၢ်ပျီပူၤ, ဒီးကွၢ်ကွၢ်, ယွၤအလၤကပီၤဆၢထၢၣ်ဖဲန့ၣ်, ဒ်တၢ်လၤကပီၤလၢ ယထံၣ်ဘၣ်လၢထံမိၢ်ပှၢ်ကဘၢ်အနံၤအသိးန့ၣ်, ဒီးယ လီၤဃံၤအီထီလာ်လီၤ.

²⁴ ဒီးသးန့ၣ်ဟဲနုာ်ဝဲလၢယပူၤ, ဒီးပာ်ဆၢထၢၣ်ယၤ, ဒီး ကတိၤတၢ်ဒီးယၤ, ဒီးစံးဘၣ်ယၤ, လဲၤကးတံာ်ဃာ်န သးလၢနဟံၣ်ပူၤတက့ၢ်. ²⁵ ဒီးနဲဒၣ်အံၤပှၤကညီဖိခွါဧၢ, ကွၢ်ကွၢ်, တၢ်ကပာ်ပျံၤစၢဃာ်လၢနလိၤ, ဒီးကစၢ ဃာ်နၤလၢအီၤ, ဒီးနတလဲၤထီၣ်ဘၣ်လၢပှၤတဖၣ်န့ၣ် အကျါဘၣ်. ²⁶ ဒီးယကဒုးစဲဘူးနပျ့ၤဒိးနခၣ်ခိၣ်, ဒီးန ကအိၣ်တအုၣ်, ဒီးတကဲထီၣ်ဘၣ်ပှၤသိၣ်ဃီၣ်တၢ်လၢ အဂီၢ်ဘၣ်. အဂ့ၢ်ဒ်အံၤ, မ့ၢ်ဝဲလၢပှၤဟံၣ်ဖိလၢအပူထီၣ် ဒၣ်တၢ်လီၤ.

²⁷ ဘၣ်ဆၣ်ဒီးတုၤယကတိၤတၢ်ဒီးနၤဒီး, ယကဒုးအဲး ထီၣ်နထးခိၣ်, ဒီးနကစံးဘၣ်အီၤ, ကစၢ်ယွၤစံးဒ်အံၤ, ပှၤလၢအကကနၣ်တၢ်န့ၣ် ကကနၣ်ဒၣ်ဝဲတက့ၢ်. ဒီး ပှၤလၢအဆိတ့ၢ်ဝဲန့ၣ်ကဆိတ့ၢ်ဒၣ်ဝဲတက့ၢ်.

၄

¹ ဒီးနဲဒၣ်အံၤပှၤကညီဖိခွါဧၢ, ဟံးန့ၢ်အူးခဲဘ့ၣ်ဘၣ်တ ဘ့ၣ်, ဒီးပာ်အီၤလၢနမဲာ်ညါ, ဒီးကွဲးဝ့ၢ်ယရူၤၡလ့ၣ်အ ဂီၤလၢအလိၤ, ² ဒီးကဝီၤဃာ်အီၤ, သူၣ်တိာ်ထီဒါအီၤ, ဒီးမၤထီၣ်ခိၣ်ဒူထီဒါအီၤ, ဒီးသူၣ်ဒဲထီဒါအီၤ, ဒီးပာ်နီၣ် ဘၢၣ်ဖျိတၢ်ဝးတရံးအီၤတက့ၢ်.

³ ဒီးနဲဒၣ်အံၤဟံးန့ၢ်သပၢၤထးဘ့ၣ်ဘၣ်တဘ့ၣ်, ဒီးပာ် အီၤလၢခိၣ်ဒူထးအဂီၢ်လၢနၤဒီးဝ့ၢ်အဘၢၣ်စၢၤ, ဒီးပာ်န မဲာ်ထီဒါအီၤတက့ၢ်. ဒီးကဘၣ်တၢ်ကဝီၤဃာ်အီၤ, ဒီး နကကဝီၤဃာ်အီၤလီၤ. အဝဲန့ၣ်ကကဲထီၣ်အပနီၣ်လၢ အံၣ်စရ့လးအပှၤဟံၣ်ဖိအဂီၢ်လီၤ.

⁴ ဒီးနဲဒၣ်အံၤမံလီၤလၢနကပၤအစ့ၣ်တခီ, ဒီးပာ်အံၣ် စရ့လးအပှၤဟံၣ်ဖိအတၢ်အၢလၢအလိၤတက့ၢ်. နက စိာ်အတၢ်အၢဒ်အမုၢ်နံၤတဖၣ် လၢနမံလီၤလၢအဖီခိၣ် အတၢ်ဂံၢ်အသိးန့ၣ်လီၤ.

⁵ အဂ့ၢ်ဒ်အံၤ, လၢအတၢ်အၢအနံၣ်တဖၣ်အဂီၢ် ယ ပာ်လီၤမုၢ်နံၤတဖၣ်လၢနဂီၢ်, အနံၤသၢကယၤခွံဆံလီၤ. ဒီးနကစိာ်အံၣ်စရ့လးအပှၤဟံၣ်ဖိအတၢ်အၢအနံၤ ပှဲၤ န့ၣ်လီၤ.

⁶ ဒီးတုၤနမၤပှဲၤထီၣ်မုၢ်နံၤတဖၣ်ဝံၤဒီး, မံလီၤကဒီးလၢ နကပၤအထွဲတခီတက့ၢ်. ဒီးနကစိာ်ယူဒၤအပှၤဟံၣ် ဖိအတၢ်အၢအနံၤလွံၢ်ဆံလီၤ. လၢတနံၣ်အဂီၢ်ယပာ် လီၤန့ၢ်နၤလၢမုၢ်တနံၤလီၤ.

⁷ ဒီးကွၢ်လၢနမဲာ်ဆူယရူၤၡလ့ၣ်လၢ တၢ်ကဝီၤဃာ် အီၤ, ဒီးမၤဘ့ၣ်ဆ့နစုဒုၣ်, ဒီၤကတိၤတၢ်လၢဝံအကျိာ် ထီဒါအီၤတက့ၢ်.

⁸ ဒီးကွၢ်ကွၢ်, ယကပာ်တၢ်စၢဃာ်လၢနလိၤ, ဒီးနတ ဃၣ်ကပၤဘၣ်နသးလၢ တခီဆူတခီဘၣ်တုၤနမၤ လၢာ်နကဝီၤဃာ်တၢ်အမုၢ်နံၤတဖၣ်လီၤ.

⁹ ဒီးနဲဒၣ်အံၤဟံးန့ၢ်ဘုကၠူၣ်, ဒီးဘုမုယီၤ, ဒီးဘီဘၣ် သၣ်, ဒီးပထိးသၣ်, ဒီးသွံသၣ်, ဒီးတုၤကူးစမ့းတဖၣ် လၢနဂီၢ်, ဒီးဒၢနုာ်အီၤလၢသပၢၤတဖျၢၣ်ဃီ, ဒီးမၤန ကိၣ်လၢအီၤလၢမုၢ်နံၤတဖၣ် လၢနကမံလီၤလၢနက ပၤန့ၣ်တက့ၢ်. သၢကယၤခွံဆံနံၤန့ၣ်နကအီၣ်တၢ်လၢ အီၤလီၤ.

¹⁰ ဒီးတၢ်အီၣ်လၢနကအီၣ်န့ၣ် နဘၣ်စီၤအီၤတနံၤၡက့ လးခံဆံ, တနံၤၡက့လးခံဆံလီၤ. နဘၣ်အီၣ်အီၤလၢ တကတီၢ်ဘၣ်တကတီၢ်လီၤ. ¹¹ ဃီၣ်ထံသတးဒီး, န ဘၣ်အီထံ, တဟံၣ်ဃုပူတပူလီၤ. နဘၣ်အီအီၤလၢ တကတီၢ်ဘၣ်တကတီၢ်လီၤ.

¹² ဒီးနဘၣ်အီၣ်ဘုမုယီၤအကိၣ်ဘ့ၣ်ဘၣ်, ဒီးနဘၣ်ကုၢ် အီၤလၢတၢ်အ့ၣ်လၢအဟဲလီၤလၢပှၤကညီအပူၤ, လၢ အဝဲသ့ၣ်အမဲာ်ညါလီၤ. ¹³ ဒီးယွၤစံးဝဲဒၣ်, ဒ်န့ၣ်သိးပှၤ အံၣ်စရ့လးဖိကအီၣ်အကိၣ် တကဆှီဘၣ်လၢပှၤက လုာ်တဖၣ်အကျါဖဲယကဟီထီၣ်ကွံာ်အီၤလီၤ.

¹⁴ ဒီးယစံး, အၣ်, ကစၢ်ဧၢ, ကွၢ်ကွၢ်, ယဲဒၣ်အံၤယသး တကဆှီတ့ၢ်နီတစုဘၣ်. အဂ့ၢ်ဒ်အံၤ, လၢယဖိၣ်သၣ် ခွါထီၣ်လံၤလံၤတုၤခဲကနံၣ်အံၤ တၢ်လၢအသံဒၣ်တၢ် မ့ၢ်ဂ့ၤ, ဒီးတၢ်လၢတၢ်အ့ၣ်ဖှီကွံာ်မ့ၢ်ဂ့ၤ, ယတအီၣ် ဘၣ်. ဒီးတၢ်ညၣ်တကဆှီဘၣ်န့ၣ် တနုာ်ဘၣ်လၢယ ကိာ်ပူၤဘၣ်.

¹⁵ တုၤနုၤတဘျီစံးဘၣ်ယၤ, ကွၢ်ကွၢ်, ယဟ့ၣ်လီၤနၤ လၢဂီၤဖံးအအ့ၣ်လၢပှၤကညီအအ့ၣ်အလီၢ်လီၤ. ဒီးန ဘၣ်ကုၢ်ကိၣ်လၢအီၤလီၤ.

¹⁶ ဒီးစံးဘၣ်ယၤ, ပှၤကညီဖိခွါဧၢ, ကွၢ်ကွၢ်, ယကမၤကၢ် ကွံာ်ကိၣ်အနီၣ်ထိးဘိလၢ ယရူၤၡလ့ၣ်အပူၤ, ဒီးပှၤက အီၣ်ကိၣ်လၢပှၤစီၤဝဲ, အိၣ်ဒီးအသးကတုၤ, ¹⁷ ဒ်သိး အကိၣ်ဒီးအထံကစှၤ, ဒီးအသးကကတုၤတဂၤဒီးတ ဂၤ, ဒီးကလၢာ်ကွံာ်ဝဲလၢအတၢ်အၢအဃိလီၤ.

၅

¹ ဒီးနဲဒၣ်အံၤ, ပှၤကညီဖိခွါဧၢ, ဟံးန့ၢ်ဒီလၢအကနၣ် အ့ၣ်ဂ့ၤတဘ့ၣ်, ပှၤလူၤတၢ်ဖိအဒီ, ဒီးလူၤနခိၣ်, ဒီးနခၣ် ဆူၣ်, ဒီးဟံးန့ၢ်စီးပီၢ်လၢအစီၤတၢ်, ဒီးနီၤဖးနခိၣ်သူဒီး နခၣ်ဆူၣ်အဆၢတက့ၢ်.

² တုၤတၢ်ကဝီၤဃာ်ဝ့ၢ်အမုၢ်နံၤတဖၣ်ကလၢာ်ဒီး, သၢ ပူတပူန့ၣ်နဘၣ်ဆူးထီၣ်ကွံာ်လၢမ့ၣ်အူလၢ ဝ့ၢ်အသး ကံၢ်ပူၤ, ဒီးနဘၣ်ဟံးန့ၢ်သၢပူတပူ, ဒီးကျီအီၤဝးတရံးဝဲ လၢနး, ဒီးသၢပူတပူန့ၣ် နဘၣ်မၤပြံပြါအီၤလၢက လံၤအကျါ, ဒီးယကဒုးပိာ်အခံလၢနးတဘ့ၣ်လီၤ. ³ ဒီး နဘၣ်ဟံးန့ၢ်စှၤဘိလၢအကျါ, ဒီးဘိၣ်ထီၣ်အီၤလၢန ဆ့အခီၣ်ထံးအပူၤလီၤ. ⁴ ဒီးလၢအဝဲသ့ၣ်အကျါန့ၣ် နဘၣ်ဟံးန့ၢ်ကဒီးတနီၤ, ဒီးဖၢလီၤအီၤလၢမ့ၣ်အူကျါ, ဒီးဆူးထီၣ်ကွံာ်အီၤလၢမ့ၣ်အူလီၤ. မ့ၣ်အူကဟဲထီၣ် လၢအီၤဒီးဘၣ်အံၣ်စရ့လးအပှၤဟံၣ်ဖိခဲလၢာ်လီၤ.

⁵ ကစၢ်ယွၤစံးဒ်အံၤ, အဝဲအံၤမ့ၢ်ယရူၤၡလ့ၣ်လီၤ. ယ ပာ်လီၤအီၤလၢပှၤကလုာ်တဖၣ်, ဒီးထံဧိၤကီၢ်ဧိၤအိၣ်ဝး တရံးအီၤတဖၣ်အသးကံၢ်ပူၤလီၤ. ⁶ ဒီးပူထီၣ်ယတၢ် စံၣ်ညီၣ်လၢအမၤတၢ်အၢအါန့ၢ် ပှၤကလုာ်တဖၣ်, ဒီး ယတၢ်သိၣ်တၢ်သီအါန့ၢ်ကီၢ်လၢ အဝးတရံးအီၤတ က့ၢ်လီၤ. အဂ့ၢ်ဒ်အံၤ, ညိကွံာ်ယတၢ်စံၣ်ညီၣ်, ဒီးတလဲၤ ဘၣ်လၢယတၢ်သိၣ်တၢ်သီအပူၤဘၣ်.

⁷ မၤသးဒ်န့ၣ်ဒီးကစၢ်ယွၤစံးဒ်အံၤ, မ့ၢ်သုပူထီၣ်အါန့ၢ် ပှၤကလုာ်တဖၣ်ဝးတရံးသု, ဒီးတလဲၤဘၣ်လၢယတၢ် သိၣ်တၢ်သီအပူၤ, ဒီးတတိၢ်န့ၢ်ဘၣ်ယတၢ်စံၣ်ညီၣ် ဘၣ်, ဒီးမ့ၢ်သုမၤတၢ်ဒ်ပှၤကလုာ်တဖၣ် အိၣ်ဝးတရံး သုအလုၢ်အလၢ်အသိးန့ၣ်ဒီး, ⁸ ကစၢ်ယွၤစံးဒ်အံၤ, ကွၢ်ကွၢ်, တၢ်လၢယၤအံၤ ယထီဒါနၤလီၤ. ဒီးယမၤတၢ် စံၣ်ညီၣ်တဖၣ် ထီဒါနၤလၢပှၤကလုာ်တဖၣ်အမဲာ်ညါ လီၤ. ⁹ ဒီးယကမၤနၤလၢတၢ်လၢယတမၤတ့ၢ်ဘၣ်, ဒီး တၢ်လၢယတမၤလၢၤဘၣ်လၢ နတၢ်အၢခဲလၢာ်အဃိ လီၤ.

¹⁰ မၤသးဒ်န့ၣ်ဒီးပၢ်တဖၣ်က အီၣ်အဖိခွါတဖၣ်လၢန ပူၤ, ဒီးဖိခွါတဖၣ်ကအီၣ်အပၢ်တဖၣ်, ဒီးယကမၤတၢ် စံၣ်ညီၣ်တဖၣ်လၢနပူၤ, ဒီးနတၢ်အိၣ်လီၤတဲာ်ခဲလၢာ် န့ၣ်ယကမၤလီၤပြံလီၤပြါအီၤဆူ ကလံၤကိးခီဒဲးအကျါ ခဲလၢာ်န့ၣ်လီၤ.

¹¹ မၤသးဒ်န့ၣ်ဒီးယမူယဲ, ယွၤစံးဝဲဒၣ်, မ့ၢ်နမၤဘၣ်အၢ ယလီၢ်စီဆှံလၢ နတၢ်တကဆှီဘၣ်ခဲလၢာ်ဒီးလၢန တၢ်သးဘၣ်အၢခဲလၢာ်ဒီး, ယကဃၣ်ကွံာ်ယမဲာ်လၢ နအိၣ်ဒီးယတသးလီဘၣ်, ဒီးယတသးကညီၤဘၣ် လီၤ.

¹² ပှၤသၢပူတပူလၢနပူၤန့ၣ်ကသံလၢ တၢ်သံသတြိာ်, ဒီးကလၢာ်ကွံာ်ဝဲလၢတၢ်သၣ်ဝံၤလီၤဒိလၢနပူၤ, ဒီးပှၤ သၢပူတပူကလီၤဃံၤလၢနးဝးတရံးနၤ, ဒီးယကမၤပြံ ပြါသၢပူတပူဆူ ကလံၤကိးခီဒဲးအကျါခဲလၢာ်, ဒီးယ ကဒုးပိာ်အခံလၢနးတဘ့ၣ်လီၤ.

¹³ ဒီးယသးထီၣ်ကလၢာ်ကွံာ်, ဒီးယကဒုးအိၣ်ဘှံးယ သးကဲၤထီၣ်လၢအလိၤ, ဒီးယသးကမုာ်ထီၣ်က့ၤလီၤ. ဒီးတုၤယမၤလၢထီၣ်ပှဲၤထီၣ်ယသးကဲၤထီၣ်လၢအလိၤ ဒီး, ကသ့ၣ်ညါလၢယၤ, ယွၤအံၤယကတိၤတၢ်လၢယ သးဆူၣ်လီၤ.

¹⁴ ဒီးယကမၤသယုၢ်နၤ, ဒီးတၢ်ဒုၣ်ဒွဲၣ်အလီၢ်လၢပှၤက လုာ်ခဲလၢာ်အကျါလၢအအိၣ်ဝးတရံးနၤ, လၢကယဲၢ် ပှၤလၢအလဲၤတြူာ်နၤအမဲာ်ညါခဲလၢာ်လီၤ. ¹⁵ တုၤယ မၤတၢ်စံၣ်ညီၣ်တဖၣ်လၢယသးထီၣ်, ဒီးလၢယသး ကဲၤထီၣ်, ဒီးလၢယသးကဲၤထီၣ်အသိၣ်ဃီၣ်တၢ်လၢန ပူၤဒီး, နကကဲထီၣ်တၢ်ဒုၣ်ဒွဲၣ်အလီၢ်, ဒီးတၢ်စံးအၢ အလီၢ်, တၢ်သိၣ်က့ၤအလီၢ်, ဒီးတၢ်ကမၢကမၣ်အလီၢ်, လၢပှၤကလုာ်တဖၣ်အိၣ်ဝးတရံးနၤအဂီၢ်လီၤ. တၢ်လၢ ယၤယွၤအံၤ, ယကတိၤတၢ်န့ၣ်လီၤ.

¹⁶ တုၤယပျၢ်တၢ်သၣ်ဝံၤလီၤဒိအပျၢ်အၢတဖၣ် ဆူအ လိၤ, လၢအမ့ၢ်လၢတၢ်မၤဟးဂီၤတၢ်အဂီၢ်, လၢယက မၢအမၤဟးဂီၤသု, ဒီးမၤဒိၣ်ထီၣ်တၢ်သၣ်ဝံၤလီၤဒိလၢ သုကျါ, ဒီးမၤကၢ်ကွံာ်သုကိၣ်အနီၣ်ထိးဘိဒီး, ကမၤ အသးလီၤ.

¹⁷ ဒီးယကမၢလီၤတၢ်သၣ်ဝံၤလီၤဒိ, ဒီးဆၣ်ဖိကီၢ်ဖိအ ဒူလၢအကမၤလၢာ်ကွံာ်နဖိနလံၤ, ဒီးတၢ်သံသတြိာ်, ဒီးတၢ်သွံၣ်န့ၣ်ကခီဂာ်နၤ, ဒီယကဒုးဘၣ်နၤလၢနးဧိၤ ဘီဧိၤလီၤ. တၢ်လၢယၤယွၤအံၤ, ယကတိၤလံတၢ်လံ.

၆

¹ ဒီးယွၤအကလုၢ်ဘၣ်ယၤဒီးစံးဝဲဒၣ်, ပှၤကညီဖိခွါ ဧၢ, ² ကွၢ်လၢနမဲာ်ဆူအံၣ်စရ့လးအကစၢၢ်ကလိ, ဒီး ကတိၤတၢ်လၢဝံကျိာ်လၢအဂ့ၢ်ဒီးစံး, ³ အံၣ်စရ့လးအ ကစၢၢ်သ့ၣ်ဧၢ, ကနၣ်ကစၢ်ယွၤအကလုၢ်တက့ၢ်. ယွၤ စံးဘၣ်ကစၢၢ်, ဒီးတၢ်စိခိၣ်, ဒီးထံဖိကျိ, ဒီးတၢ်ပျီပူၤ, ဒီး ကစၢၢ်ကဆူးဒ်အံၤ, ကွၢ်ကွၢ်, ယကဒုးဘၣ်သုလၢနးတ ဘ့ၣ်, ဒီးယကမၤဟးဂီၤသုလီၢ်ထီၣ်ထီတဖၣ်လီၤ. ⁴ ဒီး သုတၢ်လုၢ်လီၢ်တဖၣ်ကအိၣ်သယုၢ်, ဒီးသုတၢ်ဂီၤဃ မၣ်တဖၣ်ကကၢ်ကွံာ်, ဒီးယကတ့ၢ်လီၤသုပှၤဘၣ်တၢ် ကျီသံတဖၣ်လၢသုတၢ်ဂီၤတၢ်ဖီၣ်အမဲာ်ညါလီၤ.

⁵ ဒီးယပာ်လီၤပှၤအံၣ်စရ့လးဖိအစိၣ်တဖၣ် လၢအတၢ် ဂီၤတၢ်ဖီၣ်အမဲာ်ညါ, ဒီးယကမၤလီၤပြံလီၤပြါအဃံ အကွဲလၢသုတၢ်လုၢ်အလီၢ်အဃၢၤဝးတရံးဝဲလီၤ.

⁶ လၢသုအိၣ်သုဆိးအလီၢ်ခဲလၢာ်န့ၣ် တၢ်ကမၤလူၤခူ ဧိၤဝ့ၢ်ဧိၤ, ဒီးတၢ်အလီၢ်ထီၣ်ထီတဖၣ်န့ၣ် ကအိၣ်သ ယုၢ်, ဒ်သိးတၢ်ကမၤလူၤ, ဒီးမၤသယုၢ်အီၤ, ဒီးသုတၢ် ဂီၤတၢ်ဖီၣ်ကကၢ်ကွံာ်, ဒီးဆိတ့ၢ်, ဒီးဒ်သိးတၢ်ကကူာ် လီၤကွံာ်သုတၢ်ဂီၤဃမၣ်, ဒီးသုမၤတၢ်တဖၣ်န့ၣ်က တုၤလၢတၢ်ဟးဂီၤလီၤ. ⁷ ဒီးပှၤဘၣ်တၢ်မၤသံအီၤတ ဖၣ် ကလီၤဃံၤလၢသုကျါ, ဒီးသုကသ့ၣ်ညါလၢယမ့ၢ် ယွၤလီၤ.

⁸ ဘၣ်ဆၣ်ဒီးယကပာ်လီၤတဲာ် တၢ်အိၣ်လီၤတဲာ်, ဒ် သိးတုၤသုလီၤပြံလီၤပြါလၢကီၢ်တဖၣ်အကျါဒီး, သု ကအိၣ်ဒီးပှၤလၢအပူၤဖျဲးဒီးနး လၢပှၤကလုာ်တဖၣ်အ ကျါတနီၤလီၤ.

⁹ ဒီးပှၤလၢအပူၤဖျဲး လၢသုကျါန့ၣ် ကသ့ၣ်နီၣ်ထီၣ် က့ၤယၤလၢပှၤကလုာ်တဖၣ်အကျါ, ဖဲပှၤကစိာ်မၢကဲ ကုၢ်အီၤလီၤ. အဂ့ၢ်ဒ်အံၤ, ယကမၤဟးဂီၤအသးမၤက မၣ်မုၣ်ကမၣ်ခွါလၢအဟးသဒၣ်ယၤ, ဒီးအမဲာ်လၢအ လဲၤမၤကမၣ်မုၣ်ကမၣ်ခွါလၢ အတၢ်ဂီၤတၢ်ဖီၣ်လီၤ. ဒီးကသးဟ့လီၤအသးလၢတၢ်အၢလၢ အမၤဝဲလၢအ တၢ်သးဘၣ်အၢခဲလၢာ်အကျါအဃိလီၤ. ¹⁰ တုၤနုၤတ ဘျီကသ့ၣ်ညါဝဲ လၢယမ့ၢ်ယွၤ, ဒီးလၢယတစံးဘၣ် လၢယကမၤအီၤလၢတၢ်အၢအံၤကလီလီဘၣ်.

¹¹ ကစၢ်ယွၤစံးဒ်အံၤ, သီလၢနစု, ဒီးဆှ့ၣ်လၢနခီၣ်, ဒီး စံး, အါလၣ်, လၢအံၣ်စရ့လးအပှၤဟံၣ်ဖိအတၢ်သး ဘၣ်အၢအအၢအသီခဲလၢာ်အဃိတက့ၢ်. အဂ့ၢ်ဒ်အံၤ, ကလီၤဃံၤလၢနးဧိၤဘီဧိၤ, လၢတၢ်သၣ်ဝံၤလီၤဒိ, ဒီး လၢတၢ်သံသတြိာ်လီၤ.

¹² ပှၤအိၣ်ဝဲလၢအယံၤန့ၣ် ကသံလၢတၢ်သံသတြိာ်, ဒီး ပှၤအိၣ်ဝဲလၢအဘူးန့ၣ်ကလီၤဃံၤလၢနးဧိၤဘီဧိၤ, ဒီး ပှၤလၢအအိၣ်လီၤတဲာ်, လၢတၢ်ဝီၤဃာ်အီၤန့ၣ်ကသံ လၢတၢ်သၣ်ဝံၤလီၤဒိလီၤ. ယကမၤလၢထီၣ်ပှဲၤထီၣ်ယ သးကဲၤထီၣ်လၢအလိၤဒ်န့ၣ်လီၤ.

¹³ တုၤအပှၤဘၣ်တၤမၤသံအီၤအိၣ်ဝဲလၢ အတၢ်ဂီၤတၢ် ဖီၣ်အကျါဝးတရံးအတၢ်လုၢ်လီၢ်, လၢကယဲၢ်တၢ်စိခိၣ် ထီအလိၤ, လၢကယဲၢ်ကစၢၢ်ကလိအဒီခိၣ်ခဲလၢာ်, ဒီး လၢကယဲၢ်သ့ၣ်သံကစဲာ်အဖီလာ်, ဒီးလၢကယဲၢ်သ့ ထိးဖၣ်တီၣ်အဖီလာ်, ဖဲဒၣ်အလီၢ်လၢအမၤဘူၣ်အတၢ် ဂီၤတၢ်ဖီၣ်လၢတၢ်နၢမူဒီး, သုကသ့ၣ်ညါလၢယမ့ၢ်ယွၤ လီၤ.

¹⁴ ဒီးယကယူာ်ထီၣ်ယစုထီဒါအီၤ, ဒီးမၤသယုၢ်ထံဧိၤ ကီၢ်ဧိၤ, မ့ၢ်မးယကမၤသယုၢ်အီၤနးန့ၢ်ပှၢ်မုၢ်ကနၢဒံး ဘလးတက့ၢ်, လၢအအိၣ်အဆိးအလီၢ်ခဲလၢာ်အပူၤ, ဒီးကသ့ၣ်ညါဝဲလၢယမ့ၢ်ယွၤလီၤ.

၇

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ဒီးနဲဒၣ်အံၤ, ပှၤကညီဖိခွါဧၢ, ကစၢ်ယွၤစံးလၢအံၣ်စရ့လးအကီၢ် အဂ့ၢ်ဒ်အံၤ, တၢ်အကတၢၢ်, တၢ်အကတၢၢ်ဟဲဘၣ် ကီၢ်လွံၢ်နၢၣ်လီၤ. ³ ခဲကနံၣ်အံၤတၢ်အကတၢၢ်ဘၣ်နၤ လီၤ. အဂ့ၢ်ဒ်အံၤ, ယကပျၢ်ယသးထီၣ်ဆူနအိၣ်, ဒီးယ ကစံၣ်ညီၣ်နၤဒ်နကျဲတဖၣ်အသိး, ဒီးယကဟ့ၣ်ကၣ် နၤလၢနတၢ်သးဘၣ်အၢခဲလၢာ်န့ၣ်လီၤ. ⁴ ဒီးယမဲာ်တ သးလီဘၣ်နၤ, ဒီးယတသးကညီၤဘၣ်, ဒီးယကဟ့ၣ် ကၣ်နၤလၢနကျဲတဖၣ်, ဒီးနတၢ်သးဘၣ်အၢတဖၣ်န့ၣ် ကအိၣ်ဝဲလၢဝဲလၢနပူၤ, ဒီးသုကသ့ၣ်ညါလၢယမ့ၢ် ယွၤလီၤ.

⁵ ကစၢ်ယွၤစံးဝဲဒ်အံၤ, တၢ်အၢတမံၤ, တၢ်အၢ, ကွၢ်ကွၢ်, ဟဲဝဲလီၤ. ⁶ တၢ်အကတၢၢ်ဟဲဝဲ, တၢ်အကတၢၢ်ဟဲ ဝဲလီၤ. ဖုသံနီၣ်ဝဲထီဒါနၤ, ကွၢ်ကွၢ်, ဟဲဝဲလီၤ.

⁷ ပှၤလၢအအိၣ်အဆိးလၢကီၢ်ပူၤဧၢ, မုၢ်ဆ့ၣ်ထီၣ်န့ၢ် နၤ, တၢ်အဆၢအကတီၢ်ဘၣ်လံ, တၢ်တၢထီၣ်တၢလီၤ အမုၢ်တနံၤအိၣ်ဘူးထီၣ်လံ. တမ့ၢ်ဘၣ်တၢ်သးခုအ သီၣ်လၢကစၢၢ်ကလိဘၣ်.

⁸ ခဲကနံၣ်အံၤဘူးဒီးယကလူလီၤ ယသးကဲၤထီၣ်လၢန လိၤ, ဒီးမၤလၢာ်ယသးထီၣ်လၢနလိၤ, ဒီးယကစံၣ် ညီၣ်နၤဒ်နကျဲတဖၣ်အသိး, ဒီးယကဟ့ၣ်ကၣ်နၤလၢ နတၢ်သးဘၣ်အၢခဲလၢာ်လီၤ.

⁹ ဒီးယမဲာ်တသးလီဘၣ်, ဒီးယတသးကညီၤဘၣ်, ယ ကဟ့ၣ်ကၣ်တၢ်လၢနၤဒ်နကျဲတဖၣ်အသိးန့ၣ်, ဒီးန တၢ်သးဘၣ်အၢတဖၣ်ကဘၣ်နၤ, ဒီးသုကသ့ၣ်ညါလၢ ယၤယွၤအံၤ, ယကျီသုလီၤ.

¹⁰ ကွၢ်ကွၢ်, မုၢ်တနံၤန့ၣ်, ကွၢ်ကွၢ်, ဟဲဝဲ, မုၢ်ဆ့ၣ်ထီၣ်ဝဲ, နီၣ်ထိးဘိဆှိးထီၣ်လံ, တၢ်သးထီၣ်ထီဘိၣ်ထီၣ်လံ.

¹¹ တၢ်မၤန့ၢ်ဆူၣ်န့ၣ် ကဲထီၣ်လံတၢ်တတီတလိၤအနီၣ် တီၢ်လံ. အဝဲသ့ၣ်မ့ၢ်ဂ့ၤ, အပှၤဂီၢ်မုၢ်မ့ၢ်ဂ့ၤ, အတၢ်အိၣ် ဖှိၣ်မ့ၢ်ဂ့ၤ, တအိၣ်လီၤတဲာ်ဘၣ်နီတဂၤဘၣ်. ဒီးပှၤတ ဟီၣ်ဘၣ်လၢအဃိဘၣ်. ¹² အကတီၢ်ဟဲဘၣ်ဝဲ, မုၢ်တ နံၤန့ၣ်သုးဘူးအသးလီၤ. ပှၤလၢအပှ့ၤတၢ်န့ၣ်မ်အသု တသးခုတဂ့ၤ. ဒီးပှးလၢအဆါကွံာ်တၢ်န့ၣ်မ်အသုတ သးအုးတဂ့ၤ. အဂ့ၢ်ဒ်အံၤ, တၢ်သးထီၣ်ဘၣ်ပှၤဂီၢ်မုၢ်ခဲ လၢာ်လီၤ. ¹³ အဂ့ၢ်ဒ်အံၤ, ပှၤဆါတၢ်န့ၣ်မ့ၢ်မူဒံးဘၣ်ဆၣ် ဒီး, တက့ၤက့ၤဘၣ်ဆူတၢ်လၢအဘၣ်တၢ်ဆါကွံာ်အ သးအအိၣ်ဘၣ်. အဂ့ၢ်ဒ်အံၤ, တၢ်ထံၣ်လၢညါခီထီဒါ ပှၤဂီၢ်မုၢ်ခဲလၢာ်, တဟဲက့ၤနီတဂၤဘၣ်, ဒီးပှၤလၢအမူ ဝဲလၢအတၢ်အၢအပူၤ တမၤဆူၣ်ထီၣ်ဘၣ်အသးနီတ ဂၤဘၣ်. ¹⁴ အူထီၣ်ကွဲၤ, ဒီးကတဲာ်ကတီၤတၢ်ခဲလၢာ် တက့ၢ်. ဘၣ်ဆၣ်ဒီးပှၤတလဲၤဒုးသုးဘၣ်နီတဂၤဘၣ်. အဂ့ၢ်ဒ်အံၤ, ယသးထီၣ်ဘၣ်အပှၤဂီၢ်မုၢ်ခဲလၢာ်လီၤ.

¹⁵ နးဧိၤဘီဧိၤအိၣ်ဝဲလၢခိ, ဒီးတၢ်သံသတြိာ်, ဒီးတၢ် သၣ်ဝံၤလီၤဒိအိၣ်ဝဲလၢအပူၤလီၤ. ပှၤအိၣ်ဝဲလၢပှၢ်လၢ် ကျါန့ၣ်ကသံဝဲလၢနးဧိၤဘီဧိၤ, ဒီးပှၤအိၣ်ဝဲလၢဝ့ၢ်ပူၤ န့ၣ် တၢ်သၣ်ဝံၤလီၤဒိ, ဒီးတၢ်သံသတြိာ်န့ၣ်ကအီၣ်ကွံာ် အီၤလီၤ.

¹⁶ ဒီးပှၤလၢအပူၤဖျဲးတၢ်လၢအကျါတဖၣ်န့ၣ် ကအိၣ် ဝဲလၢကစၢၢ်ကလိဒ်ထိၣ်လွံၢ်လၢ ကစၢၢ်ကဆူးပူၤအ သိးန့ၣ်လီၤ. အသူၣ်အုးသးအုးခဲလၢာ်လၢအတၢ်အၢ အဃိကိးဂၤဒဲးလီၤ.

¹⁷ ပှၤအစုအဂံၢ်အဘါကစၢ်လီၤခဲလၢာ်, ဒီးပှၤအခီၣ်လ့ၢ် ခိၣ်ကကဲထီၣ်ထံခဲလၢာ်လီၤ. ¹⁸ ဒီးကကံၢ်တူာ်အယီၢ် ဒ့လၢထၢၣ်အတၢ်ကံးညာ်, ဒီးတၢ်မၤပျံၤတၢ်ကကျၢၢ် ဘၢအီၤ, ဒီးတၢ်မဲာ်ဆှးကအိၣ်ဝဲလၢ ပှၤအမဲာ်ခဲလၢာ်, ဒီးကယဲၢ်အခိၣ်ကလ့ၤခဲလၢာ်လီၤ.

¹⁹ ကကွံာ်တ့ၢ်အစ့လၢကျဲပူၤ, ဒီးတပးကဲဘၣ်အထူန့ၣ် ဘၣ်. အစ့ဒီးအထူမၤပူၤမၤဖျဲးအီၤလၢ ယွၤအတၢ်သး ထီၣ်အမုၢ်တနံၤတသ့ဘၣ်. အတၢ်သၣ်ဝံၤတဘျါလၢ အီၤ, ဒီးအဟၢဖၢတပှဲၤဘၣ်လၢအီၤဘၣ်. အဂ့ၢ်ဒ်အံၤ, မ့ၢ်အတၢ်ဒဲးဘးအခီၣ်ဘၣ်တိၢ်အလီၢ်န့ၣ်လီၤ.

²⁰ အဂ့ၢ်ဒ်အံၤ, ပာ်အကယၢကယဲအဃံအလၤလၢတၢ် သးထီၣ်ထီ, ဒီးတ့အတၢ်သးဘၣ်အၢ, ဒီးအတၢ်သးဟ့ အလီၢ်အဂီၤတဖၣ်လၢအီၤလီၤ. မၤသးဒ်န့ၣ်ဒီးယက ပာ်အီၤလၢတၢ်ဘၣ်အၢဘၣ်သီလၢအဂီၢ်လီၤ.

²¹ ဒီးယကဟ့ၣ်လီၤအီၤလၢ ပှၤတခီဘီမုၢ်ဖိအစုပူၤလၢ အတၢ်ဂုာ်ဆူၣ်ပျီဆူၣ်အဂီၢ်, ဒီးလၢဟီၣ်ခိၣ်အပှၤတတီ တလိၤဘၣ်လၢတၢ်ဂုာ်န့ၢ်အဂီၢ်, ဒီးအဝဲသ့ၣ်တဖၣ်န့ၣ် ကမၤအီၤလၢတၢ်တကဆှီဘၣ်လီၤ.

²² ဒီးယကဃၣ်ကွံာ်ယမဲာ်လၢအအိၣ်, ဒီးအဝဲသ့ၣ်က မၤတကဆှီဘၣ်ယလီၢ်အိၣ်တဒၢလီၤ. ဒီးတမျိၤတမျာ် တဖၣ်ကလဲၤနုာ်, ဒီးမၤအီၤတကဆှီဘၣ်လီၤ.

²³ တ့ပျံၤသွဲတဘိတက့ၢ်. အဂ့ၢ်ဒ်အံၤ, ထံဧိၤကီၢ်ဧိၤန့ၣ် ပှဲၤဝဲဒီးတၢ်မၤသံတၢ်တတီဘၣ်, ဒီးဝ့ၢ်န့ၣ်ပှဲၤဝဲဒီးတၢ် မၤန့ၢ်ဆူၣ်လီၤ. ²⁴ မၤသးဒ်န့ၣ်ဒီးယွၤကဒုးဟဲနုာ်ပှၤက လုာ်တဖၣ်လၢအအၢ, ဒီးကမၤန့ၢ်သုဟံၣ်သုဃီလီၤ. ဒီးယကဒုးဆိတ့ၢ်ပှၤအဆူၣ်အသးထီၣ်ထီ, ဒီးပှၤကမၤ တကဆှီဘၣ်အလီၢ်စီဆှံတဖၣ်လီၤ.

²⁵ တၢ်မၤဟးဂီၤဟဲဝဲ ဒီးပှၤကဃုတၢ်ဃူတၢ်ဖိး, ဒီးတ ထံၣ်န့ၢ်ဘၣ်ဝဲဘၣ်. ²⁶ တၢ်နးတၢ်ဖှီၣ်န့ၣ်ကဘၣ်တၢ်နး တၢ်ဖှီၣ်ဒီးတၢ်အကစီၣ်န့ၣ် ကဘၣ်တၢ်အကစီၣ်လီၤ. ဒီးကဃုတၢ်ထံၣ်တၢ်လၢညါခီလၢ ဝံအအိၣ်ဘၣ်ဆၣ် ဒီး, တၢ်သိၣ်တၢ်သီကဟါမၢ်လၢပှၤလုၢ်တၢ်အဒိၣ်အ အိၣ်, ဒီးတၢ်ဒုးကူၣ်တၢ်န့ၣ်လၢပှၤသးပှၢ်အအိၣ်လီၤ.

²⁷ စီၤပၤန့ၣ်အသူၣ်ကအုးအသးကအုး, ဒီးပဒိၣ်ဖးဒိၣ် တဖၣ်န့ၣ်ကကူကသိးဒီးတၢ်အသးကတုၤ, ဒီးပှၤကီၢ် ဖိအစုကဘၣ်တၢ်ကိၢ်တၢ်ဂီၤ, ဒီးယကမၤအီၤဒ်အကျဲ အကပူၤအသိးန့ၣ်, ဒီးဒ်အတၢ်စံၣ်ညီၣ်တဖၣ်အသိးန့ၣ် ယကစံၣ်ညီၣ်အီၤ, ဒီးကသ့ၣ်ညါဝဲလၢယမ့ၢ်ယွၤလီၤ.

၈

¹ လၢဃုနံၣ်တနံၣ်, လါဃုလါတလါ, ထီၣ်ယဲၢ်နံၤတ နံၤန့ၣ်ယဆ့ၣ်နီၤလၢယဟံၣ်ပူၤ, ဒီးယူဒၤအပှၤသူၣ်က့ သးပှၢ်ဆ့ၣ်နီၤဝဲလၢယမဲာ်ညါ, ဒီးတၢ်မၤအသးလၢက စၢ်ယွၤအစုလီၤဘၣ်ယၤဖဲန့ၣ်လီၤ.

² ဒီးကကွၢ်တၢ်, ဒီးကွၢ်ကွၢ်, တၢ်အက့ၢ်အဂီၤမၤအသး ဒ်မ့ၣ်အူအသိး, တၢ်ဖျါလၢအယီၢ်ဒ့အဖီလာ်ဒ်မ့ၣ်အူ အသိး, ဒီးလၢအယီၢ်ဒ့အဖီခိၣ်န့ၣ် ဒ်တၢ်ကပီၤကယဲၢ် ကယူာ်အသိး, ဒ်လၢၢ်ဆှံဘီအသိးန့ၣ်လီၤ.

³ ဒီးယူာ်ထီၣ်တၢ်ဖျါဒ်အစုအသိး, ဒီးဟံးဃာ်ယခိၣ် သူ, ဒီးသးန့ၣ်စိာ်ထီၣ်ယၤလၢမူခိၣ်ဒီးဟီၣ်ခိၣ်အဘၢၣ် စၢၤ, ဒီးစိာ်ထီၣ်ယၤလၢတၢ်ထံၣ်လၢညါခီဘၣ်ဃးဒီး ယွၤအပူၤဆူယရူၤၡလ့ၣ်, ဆူဂၢၤလၢညါတခီအပဲတ ရီအကျဲစၢၤလၢအဒိးဝဲဆူ ကလံၤစိးတခီ, ဖဲတၢ်သး က့ၣ်အတၢ်ဂီၤလၢ အထိၣ်ဂဲၤတၢ်သးက့ၣ်န့ၣ်အိၣ်ဝဲ လီၤ. ⁴ ဒီးကွၢ်ကွၢ်, အံၣ်စရ့လးအကစၢ်အလၤကပီၤ အိၣ်ဝဲဖဲန့ၣ်, ဒ်တၢ်ထံၣ်တၢ်လၢညါခီလၢ ယထံၣ်ဘၣ် လၢတၢ်ပျီပူၤအသိးန့ၣ်လီၤ.

⁵ တုၤနုၤတစုစံးလၢယၤ, ပှၤကညီဖိခွါဧၢ, ကျ့ထီၣ်နမဲာ် ဆူကလံၤစိးတခီတက့ၢ်. ဒီးယကျ့ထီၣ်ယမဲာ်ဆူက လံၤစိးတခီ, ဒီးကွၢ်ကွၢ်, လၢတၢ်လုၢ်လီၢ်အပဲတရီလၢ ကလံၤစိးတခီန့ၣ် တၢ်သးက့ၣ်အတၢ်ဂီၤအိၣ်ဝဲဖဲတၢ် လဲၤနုာ်လၢအလီၢ်လီၤ. ⁶ ဒီးစံးဘၣ်ယၤ, ပှၤကညီဖိခွါ ဧၢ, ပှၤမၤဝဲဒ်လဲၣ်ဒ်လဲၣ်န့ၣ်နထံၣ်ဘၣ်စ့ၢ်ကီးဧါ. တၢ် သးဘၣ်အၢလၢအံၣ်စရ့လးအပှၤဟံၣ်ဖိမၤဖဲအံၤ ဒ်သိး ယကလဲၤယံၤဒီးယလီၢ်စီဆှံန့ၣ်မ့ၢ်အဒိၣ်လီၤ. ဒီးနက ထံၣ်ဒံးတၢ်သးဘၣ်အၢဒိၣ်န့ၢ်အန့ၣ်တက့ၢ်လီၤ.

⁷ ဒီးစိာ်ယၤဆူတၢ်အဂၢၤအကျဲစၢၤ, ဒီးယကွၢ်တၢ်, ဒီး ကွၢ်ကွၢ်, တၢ်ဖျိလၢတၢ်အဒူၣ်တဖျိလီၤ. ⁸ ဒီးစံးဘၣ်ယၤ ပှၤကညီအဖိခွါဧၢ, ဘၢၣ်ဖျိတၢ်လၢတၢ်အဒူၣ်န့ၣ်တ က့ၢ်. ဒီးယဘၢၣ်ဖျိတၢ်လၢတၢ်အဒူၣ်န့ၣ်, ဒီးကွၢ်ကွၢ်, ကျဲစၢၤတဖျိလီၤ.

⁹ ဒီးစံးဘၣ်ယၤ, လဲၤနုာ်, ဒီးကွၢ်တၢ်သးဘၣ်အၢတဖၣ် လၢအဝဲသ့ၣ်မၤဖဲန့ၣ်တက့ၢ်.

¹⁰ ဒီးယလဲၤနုာ်, ဒီးယထံၣ်တၢ်, ဒီးကွၢ်ကွၢ်, ကယဲၢ်တၢ် စွါအကလုာ်ကလုာ်, ဒီးဆၣ်ဖိကီၢ်ဖိတကဆှီဘၣ်, ဒီး အံၣ်စရ့လးအတၢ်ဂီၤတၢ်ဖီၣ်တဖၣ်န့ၣ် ကွဲးအသးလၢ တၢ်အဒူၣ်လိၤန့ၣ်ဝးတရံးဝဲလီၤ.

¹¹ ဒီးအံၣ်စရ့လးအပှၤဟံၣ်ဖိ အပှၤသူၣ်က့သးပှၢ်နွံဆံ ဆၢထၢၣ်လၢအမဲာ်ညါ, ဒီးစီၤၡၤဖၣ်အဖိခွါစီၤယၤစါ နယၤအိၣ်ဝဲလၢအသးကံၢ်ပူၤ, ဒီးတဂၤအိၣ်ဒီးအသ ပၢၤမ့ၣ်အူ, တဂၤအိၣ်ဒီးအသပၢၤမ့ၣ်အူစုာ်စုာ်, ဒီးတၢ် ဆိၣ်ကဲၤနၢမူအတၢ်အၢၣ်ထီၣ်ဝဲလီၤ.

¹² ဒီးစံးဘၣ်ယၤ, ပှၤကညီဖိခွါဧၢ, တၢ်လၢအံၣ်စရ့လး အပှၤဟံၣ်ဖိအပှၤသူၣ်က့းသးပှၢ် မၤဝဲလၢတၢ်ခံးကျါ တဂၤလၢအတၢ်ဂီၤအဒၢးပူၤစုာ်စုာ်န့ၣ် နထံၣ်ဘၣ်စ့ၢ် ကီးဧါ. အဂ့ၢ်ဒ်အံၤ, စံးဝဲ, ယွၤတထံၣ်ဘၣ်ပှၤဘၣ်, ယွၤ လဲၤသဒၣ်လံထံဧိၤကီၢ်ဧိၤလံလီၤ. ¹³ ဒီးစံးဘၣ်ယၤ, န ကထံၣ်ဒံးတၢ်သးဘၣ်အၢအဒိၣ်တဖၣ် လၢအမၤဝဲန့ၣ် လီၤ.

¹⁴ ဒီးစိာ်ယၤဆူယွၤအဟံၣ်အပဲတရီအကျဲစၢၤ လၢအ အိၣ်ဝဲလၢကလံၤစိးတခီ, ဒီးကွၢ်ကွၢ်, ပိာ်မုၣ်တဖၣ်ဆ့ၣ် နီၤဟီၣ်ဝဲလၢတးမူးအဃိလီၤ. ¹⁵ ဒီးစံးဘၣ်ယၤ, ပှၤက ညီဖိခွါဧၢ, နထံၣ်ဘၣ်စ့ၢ်ကီးဧါ. ဒီးနကထံၣ်ဒံးတၢ်သး ဘၣ်အၢတဖၣ်ဒိၣ်န့ၢ်အန့ၣ်တက့ၢ်လီၤ.

¹⁶ ဒီးစိာ်ထီၣ်ယၤဆူ ယွၤအဟံၣ်အဂၢၤလၢညါတပူၤ, ဒီး ကွၢ်ကွၢ်, ဖဲယွၤအနူၢ်အကျဲစၢၤ, လၢတၢ်ခိၣ်ဒုးထီၣ်အ သးဒီးတၢ်လုၢ်လီၢ်အဘၢၣ်စၢၤန့ၣ် ပှၤကညီခံဆံယဲၢ် ဂၤဃၣ်ဃၣ်အိၣ်ဝဲဒီး ဃၣ်ဒူချၢအသးဒီး ယွၤအနူၢ်အ စီၤ, ဒီးဒိးအမဲာ်ဆူမုၢ်ထီၣ်တခီ, ဒီးဘါထီၣ်မုၢ်ဆူမုၢ် ထီၣ်တခီလီၤ.

¹⁷ ဒီးစံးဘၣ်ယၤ, ပှၤကညီဖိခွါဧၢ, နထံၣ်ဘၣ်စ့ၢ်ကီးဧါ. တၢ်သးဘၣ်အၢလၢယူဒၤအပှၤဟံၣ်ဖိ မၤဖဲအံၤမ့ၢ်တၢ် အဆံးလၢအဂီၢ်စ့ၢ်ကီးဧါ. အဂ့ၢ်ဒ်အံၤ, မၤပှဲၤထံဧိၤကီၢ် ဧိၤဒီးတၢ်မၤန့ၢ်ဆူၣ်, ဒီးထိၣ်ဂဲၤယသးထီၣ်, ဒီးကွၢ်ကွၢ်, ပာ်သ့ၣ်အဒ့ဆူအနးဒ့လီၤ.

¹⁸ မၤသးဒ်န့ၣ်ဒီး, ယကမၤအီၤစ့ၢ်ကီးလၢယသးကဲၤ ထီၣ်လီၤ. ယမဲာ်တသးလီဘၣ်, ဒီးယတသးကညီၤ ဘၣ်, ဒီးမ့ၢ်ကိးထီၣ်လၢယနၢ်ပူၤလၢ အကလုၢ်ဖးဒိၣ် ဘၣ်ဆၣ်ဒီး, ယတကနၣ်ဘၣ်အကလုၢ်ဘၣ်.

၉

¹ ဒီးကိးထီၣ်ဝဲလၢယနၢ်ပူၤ လၢအကလုၢ်ဖးဒိၣ်, ဒီးစံး ဝဲဒၣ်, ဒုးသုးဘူးပှၤလၢအဟဲအိၣ်သကိးဝ့ၢ်တဖၣ်, တ ဂၤဒီးအစုကဝဲၤလၢအမၤဟးဂီၤတၢ်လၢ အစုပူၤစုာ်စုာ် တက့ၢ်.

² ဒီးကွၢ်ကွၢ်, ပှၤဃုဂၤဟဲဝဲလၢပဲတရီလၢထးခီတဖျိ အကျဲလၢအဖျိဝဲဆူကလံၤစိး, ဒီးတဂၤဒီးအစုကဝဲၤမၤ သံတၢ်လၢအစုပူၤစုာ်စုာ်လီၤ. ဒီးပှၤကူသိးဖှီဝါကဆှၣ် အိၣ်ဝဲဒီးပှၤကွဲးလံာ်အနၢၤတဘိလၢ အယီၢ်ဒ့လိၤတ ဂၤ, အိၣ်ဝဲလၢအကျါလီၤ. ဒီးလဲၤနုာ်ဝဲ, ဒီးဆၢထၢၣ် ဝဲလၢတၢ်လုၢ်လီၢ်တိၢ်အဃၢၤလီၤ.

³ ဒီးအံၣ်စရ့လးအကစၢ်အလၤကပီၤ လဲၤထီၣ်ဝဲလၢခ့ ရူာ်အလိၤဖဲအအိၣ်ဆူဟံၣ်အကျဲစၢၤလီၤ. ဒီးကိးထီၣ် ဝဲဆူပှၤကူသိးဒီးတၢ်ဖှီဝါကဆှၣ်လၢ အအိၣ်ဒီးပှၤကွဲး လံာ်အနၢၤတဘိလၢအယီၢ်ဒ့တဂၤ, ⁴ ဒီးယွၤစံးဘၣ် အီၤ, လဲၤခီဂာ်ဝ့ၢ်အသးကံၢ်ပူၤ, လၢယရူၤၡလ့ၣ်အ သးကံၣ်ပူၤ, ဒီးမၤပနီၣ်ပှၤလၢအကအုကစွါဒီးဟီၣ်ဝဲ လၢတၢ်သးဘၣ်အၢလၢအမၤအသးလၢ အသးကံၢ်ပူၤ အဃိတဖၣ်အမဲာ်တူၢ်ခိၣ်န့ၣ်တက့ၢ်. ⁵ ဒီးစံးဘၣ်ပှၤ ဂၤလၢယနၢ်ပူၤ, လဲၤပိာ်အခံလၢဝ့ၢ်ပူၤ, ဒီးကျီတၢ်တ က့ၢ်. မ်သုမဲာ်သုတသးလီတဂ့ၤ. ⁶ ပှၤသးပှၢ်, ပှၤဖိၣ် သၣ်ခွါ, ပှၤမုၣ်ကနီၤ, ပှၤဖိဒံဖိသၣ်, ဒီးပှၤပိာ်မုၣ်ပိာ်မၢၤ န့ၣ်မၤသံအီၤသပှၢ်တၢၢ်တက့ၢ်. ဘၣ်ဆၣ်ဒီးသုးဘူး သုသးဆူပှၤလၢတၢ်ပနီၣ်အိၣ်ဝဲလၢ အလိၤန့ၣ်နီတဂၤ တဂ့ၤ, ဒီးမၤဆိတၢ်ဖဲယလီၢ်စီဆှံန့ၣ်တက့ၢ်.

⁷ ဒီးမၤဆိဝဲလၢပှၤသူၣ်က့သးပှၢ် လၢအအိၣ်ဝဲလၢဟံၣ် အမဲာ်ညါလီၤ. ဒီးစံးဘၣ်အီၤ, မၤဟံၣ်တကဆှီဘၣ်, ဒီး မၤပှဲၤတၢ်အဂၢၤ, လၢပှၤလၢအဘၣ်တၢ်မၤသံအီၤတ က့ၢ်. ဟးထီၣ်တက့ၢ်. ဒီးဟးထီၣ်ဝဲဒီးမၤသံတၢ်လၢဝ့ၢ် ပူၤလီၤ.

⁸ ဒီးလၢအမၤသံတၢ်အဖၢမုၢ်န့ၣ်ဒီး, ယအိၣ်လီၤတဲာ်, ဒီးတၢ်မၤအသးလၢ ယထိၣ်လီၤဃံၤအီထီလာ်ယသး, ဒီးယကိးထီၣ်ဒီးယစံး, ကစၢ်ယွၤဧၢ, နလူလီၤနသးကဲၤ ထီၣ်လၢယရူၤၡလ့ၣ်အဖီခိၣ်အဖၢမုၢ်ဒီး, နကမၤဟးဂီၤ ပှၤအံၣ်စရ့လးဖိလၢ အအိၣ်လီၤတဲာ်ခဲလၢာ်စ့ၢ်ကီးဧါ.

⁹ ဒီးစံးဘၣ်ယၤ, အံၣ်စရ့လးဒီးယူဒၤအပှၤဟံၣ်ဖိအ တၢ်ဒဲးဘးန့ၣ်ဒိၣ်နီၢ်မးလီၤ. ဒီးထံဧိၤကီၢ်ဧိၤပှဲၤဝဲဒီးတၢ် သွံၣ်, ဒီးဝ့ၢ်န့ၣ်ပှဲၤဝဲဒီးတၢ်မၤက့ၣ်မၤကူတၢ်စံၣ်ညီၣ် လီၤ. အဂ့ၢ်ဒ်အံၤ, စံးဝဲဒၣ်, ယွၤလဲၤသဒၣ်လံထံဧိၤကီၢ် ဧိၤလံ, ဒီးယွၤတထံၣ်ဘၣ်ဝဲဘၣ်.

¹⁰ မၤသးဒ်န့ၣ်ဒီးယမဲာ်တသးလီဘၣ်, ဒီးယတသးက ညီၤဘၣ်. ယကဟ့ၣ်ကၣ်အကျဲလၢအခိၣ်ဒၣ်ဝဲအဖီခိၣ် လီၤ.

¹¹ ဒီးကွၢ်ကွၢ်, ပှၤကူသိးဖှီဝါကဆှၣ်အိၣ်ဒီးကသံၣ်ထံ အနၢၤတဘိလၢအယီၢ်ဒ့လိၤတဂၤ ဟ့ၣ်က့ၤတၢ်က တိၤ, ဒီးစံးဝဲဒၣ်, ယမၤလံဒ်နမၤလိာ်ယၤအသိးန့ၣ်လံ.

၁၀

¹ ဒီးယကွၢ်တၢ်, ဒီးကွၢ်ကွၢ်, လၢမူကပိာ်လိၤလၢအအိၣ် ဝဲလၢခ့ရူာ်တဖၣ်အခိၣ်အဖီခိၣ်န့ၣ် တၢ်ဖျါဒ်တၢ်မျၢ်နံၤ လါအသိး, မၤသးဒ်တၢ်လီၢ်ပစိာ်အသိးန့ၣ်လီၤ. ² ဒီး ကတိၤတၢ်ဒီးပှၤကူသိးဖှီဝါကဆှၣ်, ဒီးစံးဝဲဒၣ်, လဲၤနုာ် လၢလ့ၣ်ကဟၣ်အပၣ်အဘၢၣ်စၢၤ လၢခ့ရူာ်အဖီလာ်, ဒီးမၤပှဲၤနစုညါသးဒီးမ့ၣ်ကဖးလၢအအိၣ်လၢ ခ့ရူာ်အ ဘၢၣ်စၢၤ, ဒီးဖှံအီၤလၢဝ့ၢ်အဖီခိၣ်န့ၣ်တက့ၢ်. ဒီးလဲၤနုာ် ဝဲလၢယမဲာ်ညါလီၤ.

³ တုၤပှၤကညီတဂၤန့ၣ်လဲၤနုာ်ဒီး, ခ့ရူာ်တဖၣ်ဆၢ ထၢၣ်လၢဟံၣ်လၢစုထွဲတခီ, ဒီးတၢ်အၢၣ်ပှဲၤတၢ်ဂၢၤ လၢညါတပူၤလီၤ. ⁴ ဒီးယွၤအလၤကပီၤထီၣ်ဝဲလၢခ့ ရူာ်အလိၤဆူဟံၣ်အကျဲစၢၤ, ဒီးဟံၣ်ပှဲၤဝဲဒီးတၢ်အၢၣ်, ဒီးတၢ်အဂၢၤပှဲၤဝဲဒီးယွၤအလၤကပီၤ အကယဲၢ်ကယူာ် လီၤ.

⁵ ဒီးခ့ရူာ်တဖၣ်အဒံးဆ့အသီၣ်ဟူထီၣ်ဝဲ ပၢၢ်လၢတၢ် အဂၢၤလၢခိတပူၤ ဒ်ယွၤအကလုၢ်လၢအကတိၤတၢ် အဖၢမုၢ်အသိးန့ၣ်လီၤ. ⁶ ဒီးတုၤအမၤလိာ်ပှၤကူသိးဖှီ ဝါကဆှၣ်, ဒီးစံးဝဲ, ဟံးန့ၢ်မ့ၣ်အူလၢလ့ၣ်ကဟၣ်အပၣ် အဘၢၣ်စၢၤဒီး, လၢခ့ရူာ်အဘၢၣ်စၢၤဒီး, တၢ်မၤအ သးလၢအလဲၤနုာ်, ဒီးဆၢထၢၣ်လၢလ့ၣ်ကဟၣ်အပၣ် အဘၢၣ်စၢၤလီၤ.

⁷ ဒီးခ့ရူာ်တဂၤယူာ်ထီၣ်အစုလၢ ခ့ရူာ်တဖၣ်အဘၢၣ် စၢၤဆူမ့ၣ်အူလၢအအိၣ်ဝဲလၢခ့ရူာ်တဖၣ်အဘၢၣ်စၢၤ, ဒီးဟံးန့ၢ်ဝဲ, ဒီးပာ်လီၤဝဲလၢပှၤကူသိးဖှီဝါကဆှၣ်တ ဂၤအစုပူၤ, ဒီးအဝဲဒၣ်ဟံးန့ၢ်, ဒီးဟးထီၣ်ဝဲလီၤ. ⁸ ဒီးပှၤ ကညီအစုအက့ၢ်အဂီၤအိၣ်ဖျါထီၣ်လၢ ခ့ရူာ်အဒံးဆ့ အဖီလာ်လီၤ.

⁹ ဒီးယကွၢ်တၢ်, ဒီးကွၢ်ကွၢ်, လ့ၣ်ကဟၣ်အပၣ်လွံၢ်ဘ့ၣ် အိၣ်ဝဲလၢခ့ရူာ်တဖၣ်အဃၢၤ, လ့ၣ်ကဟၣ်အပၣ်တ ဘ့ၣ်အိၣ်ဝဲလၢခ့ရူာ်တဂၤအဃၢၤ, ဒီးလ့ၣ်ကဟၣ်အ ပၣ်တဘ့ၣ်ဒၣ်အိၣ်ဝဲလၢခ့ရူာ်တဂၤဒၣ်အဃၢၤ, ဒီးလ့ၣ် ကဟၣ်အပၣ်ဖျါဝဲမၤသးဒ်တၢ်မျၢ်ဘီဟ့အသိးန့ၣ်လီၤ.

¹⁰ ဒီးတၢ်လွံၢ်မံၤန့ၣ် ဖျါဝဲလၢအက့ၢ်အဂီၤတမံၤဃီ, မၤ သးဒ်လ့ၣ်ကဟၣ်အပၣ်တဘ့ၣ်လၢ လ့ၣ်ကဟၣ်အပၣ် တဘ့ၣ်ဒၣ်အသးကံၢ်ပူၤအသိးန့ၣ်လီၤ. ¹¹ တုၤအလဲၤ တၢ်ဒီး, လဲၤဝဲလၢအကပၤလွံၢ်ခီလီၤ. တုၤအလဲၤတၢ် ဒီး, တဃၣ်ဘၣ်အသးဘၣ်, ဒီးလဲၤဝဲဆူတၢ်အလီၢ်ဖဲ အခိၣ်ကွၢ်ဝဲ, ပိာ်ဝဲအခံ, ဒီးတုၤအလဲၤတၢ်ဒီး, တဃၣ် ဘၣ်အသးဘၣ်. ¹² ဒီးအဖံးအညၣ်ဒီဂၤညါ, ဒီးအချၢဃံ, ဒီးအစုဒီးအဒံးဆ့, ဒီးအလ့ၣ်ကဟၣ်အပၣ်န့ၣ်ပှဲၤဝဲဒီး အမဲာ်ဝးတရံးဝဲ, လ့ၣ်ကဟၣ်အပၣ်လၢအအိၣ်ဝဲဒီးတၢ် တၢ်လွံၢ်ဂၤန့ၣ်လီၤ.

¹³ ဒီးတၢ်လၢလ့ၣ်ကဟၣ်အပၣ်တဖၣ်န့ၣ် တၢ်ကိးအီၤ လၢယနၢ်ပူၤလၢလ့ၣ်ပၣ်တရံးအသးလီၤ.

¹⁴ ဒီးတဂၤအိၣ်ဝဲဒီးအမဲာ်လွံၢ်ခီစုာ်စုာ်လီၤ. တၢ်အမဲာ် လၢအခီၣ်ထံးတခီန့ၣ်မ့ၢ်ခ့ရူာ်အမဲာ်လီၤ. ဒီးတၢ်အမဲာ် ခံခီတခီန့ၣ်မ့ၢ်ပှၤကညီအမဲာ်, ဒီးတၢ်အမဲာ်သၢခီတခီ န့ၣ်မ့ၢ်ခ့ယုၢ်အမဲာ်, ဒီးတၢ်အမဲာ်လွံၢ်ခီတခီန့ၣ်မ့ၢ်လံာ် ကြီကြာ်အမဲာ်လီၤ.

¹⁵ ဒီးခ့ရူာ်တဖၣ်စိာ်ထီၣ်အသးလီၤ. တၢ်န့ၣ်မ့ၢ်တၢ်သး တဖၣ်လၢယထံၣ်ဘၣ်လၢထံမိၢ်ပှၢ်ကဘၢ်အနံၤလီၤ.

¹⁶ ဒီးတုၤခ့ရူာ်တဖၣ်လဲၤတၢ်ဒီး, လ့ၣ်ကဟၣ်အပၣ်န့ၣ် လဲၤတၢ်လၢအဃၢၤ, ဒီးတုၤခ့ရူာ်ယူာ်ထီၣ်အဒံးဆ့ဒ် သိးအကယူၤထီၣ်လၢဟီၣ်ခိၣ်အဖီခိၣ်ဒီး, လ့ၣ်ကဟၣ် အပၣ်တဃၣ်ဘၣ်အသးလၢအဃၢၤဘၣ်. ¹⁷ တုၤအ အိၣ်ကတီၢ်ဝဲဒီး, အဝဲသ့ၣ်အိၣ်ကတီၢ်ဝဲလီၤ. ဒီးတုၤအ စိာ်ထီၣ်အသးဒီး, အဝဲသ့ၣ်န့ၣ်စိာ်ထီၣ်အသးလီၤ. အ ဂ့ၢ်ဒ်အံၤ, တၢ်သးတဖၣ်အသးအိၣ်ဝဲလၢအပူၤလီၤ.

¹⁸ ဒီးယွၤအလၤကပီၤဟးထီၣ်ဝဲလၢ ဟံၣ်အကျဲစၢၤဒီး ဆၢထၢၣ်ဝဲလၢခ့ရူာ်အဖီခိၣ်လီၤ. ¹⁹ ဒီးခ့ရူာ်တဖၣ်ယူာ် ထီၣ်အဒံးဆ့, ဒီးယူၤထီၣ်ဝဲလၢဟီၣ်ခိၣ်အဖီခိၣ်လၢယ မဲာ်ညါလီၤ. တုၤအဟးထီၣ်ဒီး, လ့ၣ်ကဟၣ်အပၣ်အိၣ် ဝဲလၢအဃၢၤ, ဒီးအိၣ်ကတီၢ်ဝဲလၢယွၤအဟံၣ်အပဲတ ရီလၢမုၢ်ထီၣ်တခီ, ဒီးအံၣ်စရ့လးအကစၢ်အလၤကပီၤ အိၣ်ဝဲလၢအဖီခိၣ်လီၤ.

²⁰ အဝဲအံၤမ့ၢ်တၢ်သးလၢယထံၣ်လၢ အံၣ်စရ့လးအက စၢ်အဖီလာ်လၢထံမိၢ်ပှၢ်ကဘၢ်အနံၤ, ဒီးယသ့ၣ်ညါ လၢအမ့ၢ်ခ့ရူာ်တဖၣ်န့ၣ်လီၤ.

²¹ အိၣ်ဝဲဒီးအမဲာ်လွံၢ်ခီစုာ်စုာ်, ဒီးအိၣ်ဝဲဒီးအဒံးဆ့လွံၢ် ဘ့ၣ်စုာ်စုာ်, ဒီးပှၤကညီအစုအက့ၢ်အဂီၤအိၣ်ဝဲလၢအ ဒံးဆ့အဖီလာ်လီၤ.

²² ဒီးအမဲာ်အက့ၢ်အဂီၤန့ၣ် မ့ၢ်တၢ်အမဲာ်လၢယထံၣ် လၢထံမိၢ်ပှၢ်ကဘၢ်အနံၤအက့ၢ်အဂီၤ, ဒီးအကစၢ်ဒၣ် ဝဲန့ၣ်လီၤ. ဒီးလဲၤဝဲစၢၢ်ဆၢပံၢ်ကလာ်လၢအမဲာ်ညါ လီၤ.

၁၁

¹ ဒီးသးန့ၣ်စိာ်ထီၣ်ယၤ, ဒီးဆှၢယၤဆူယွၤအဟံၣ်အ ပဲတရီတဖျိလၢမုၢ်ထီၣ်လၢအဒိးအသးဆူမုၢ်ထီၣ်တခီ, ဒီးကွၢ်ကွၢ်, ပှၤကညီခံဆံယဲၢ်ဂၤအိၣ်ဝဲလၢပဲတရီအ ကျဲစၢၤ, ဒီးယထံၣ်ပှၤဂီၢ်မုၢ်အပဒိၣ်ဖးဒိၣ်စီၤဧၤစူၢ်အဖိ ခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတ ယၤလၢအကျါလီၤ. ² ဒီးအဝဲဒၣ်စံးဘၣ်ယၤ, ပှၤကညီ ဖိခွါဧၢ, ပှၤကညီတဖၣ်အံၤမ့ၢ်ပှၤလၢအကူၣ်တၢ်မၤ အၢ, ဒီးကူၣ်စၢၤတၢ်အၢလၢဝ့ၢ်ပူၤအံၤ, ³ လၢအစံး, အ ကတီၢ်တဘၣ်ဘူးဒံးလၢပကမၤဟံၣ်ဘၣ်, ဝ့ၢ်အံၤမ့ၢ် သပၢၤတဖျၢၣ်ဒီးပဝဲဒၣ်အံၤပမ့ၢ်တၢ်ညၣ်လီၤ. ⁴ မၤသး ဒ်န့ၣ်ဒီးကတိၤတၢ်လၢဝံအကျိာ်ထီဒါအီၤ, ပှၤကညီဖိ ခွါဧၢ, ကတိၤတၢ်လၢဝံအကျိာ်တက့ၢ်.

⁵ ဒီးယွၤအသးလီၤဘၣ်ယၤဒီးစံးလၢယၤ, စံး, ယွၤစံးဒ် အံၤ, အံၣ်စရ့လးအပှၤဟံၣ်ဖိသ့ၣ်ဧၢ, သုစံးတ့ၢ်ဒ်န့ၣ် လီၤ. အဂ့ၢ်ဒ်အံၤ, တၢ်လိၣ်ထီၣ်လၢသုသးကံၢ်ပူၤအံၤ ယသ့ၣ်ညါယဲလီၤ. ⁶ သုမၤအါထီၣ်သုပှၤဘၣ်တၢ်မၤ သံအီၤလၢဝ့ၢ်ပူၤအံၤ, ဒီးသုမၤပှဲၤအကျဲဧိၤကပူၤဧိၤလၢ ပှၤဘၣ်တၢ်မၤသံအီၤလီၤ. ⁷ မၤသးဒ်န့ၣ်ဒီးကစၢ်ယွၤ စံးဒ်အံၤ, သုပှၤဘၣ်တၢ်မၤသံအီၤလၢသုပာ်လီၤလၢ အသးကံၢ်ပူၤန့ၣ်မ့ၢ်တၢ်ညၣ်, ဒီးဝ့ၢ်အံၤမ့ၢ်သပၢၤတ ဖျၢၣ်လီၤ. ဘၣ်ဆၣ်ဒီးယကဒုးဟးထီၣ်သုလၢအသး ကံၢ်ပူၤလီၤ.

⁸ သုပျံၤတ့ၢ်နးဧိၤဘီဧိၤ, ဒီးယကဒုးဟဲဘၣ်သုလၢနး ဧိၤဘီဧိၤလီၤ, ကစၢ်ယွၤစံးဝဲဒၣ်. ⁹ ဒီးယကဒုးဟးထီၣ် သုလၢအသးကံၢ်ပူၤ, ဒီးဟ့ၣ်လီၤကွံာ်သုဆူပှၤတခီဘီ မုၢ်ဖိအစုပူၤ, ဒီးမၤတၢ်စံၣ်ညီၣ်သုလီၤ.

¹⁰ သုကလီၤဃံၤလၢနးဧိၤဘီဧိၤ, ယကစံၣ်ညီၣ်သုလၢ အံၣ်စရ့လးအကီၢ်အဃၢၤ, ဒီးသုကသ့ၣ်ညါလၢယမ့ၢ် ယွၤလီၤ. ¹¹ ဝ့ၢ်အံၤတကဲထီၣ်ဘၣ်သုသပၢၤဘၣ်, ဒီးသု တကဲထီၣ်ဘၣ်တၢ်ညၣ်လၢအပူၤဘၣ်. ယကစံၣ်ညီၣ် သုလၢအံၣ်စရ့လးအကီၢ်အဃၢၤလီၤ. ¹² ဒီးသုကသ့ၣ် ညါလၢယမ့ၢ်ယွၤလီၤ. အဂ့ၢ်ဒ်အံၤ, သုတလဲၤဘၣ်လၢ ယတၢ်သိၣ်တၢ်သီအပူၤဘၣ်, ဒီးတမၤဘၣ်ယတၢ်စံၣ် ညီၣ်ဘၣ်. မ့ၢ်သုမၤတၢ်ဒ်ပှၤကလုာ်တဖၣ်လၢ အအိၣ် ဝးတရံးသုအလုၢ်အလၢ်အသိးန့ၣ်လီၤ.

¹³ ဒီးတုၤယကတိၤလၢဝံအကျိာ်ဒီး, တၢ်မၤအသးလၢ စီၤဘနါယၤအဖိခွါစီၤပလၤတယၤသံဝဲလီၤ. တုၤနုၤ တစုယထိၣ်လီၤဃံၤအီထီလာ်ယသး, ဒီးယကိးထီၣ် လၢယကလုၢ်ဖးဒိၣ်, ဒီးယစံး, ကစၢ်ယွၤဧၢ, နကမၤ လၢာ်အံၣ်စရ့လးအပှၤအိၣ်လီၤတဲာ်န့ၣ် လၢာ်စီဖ့က လ့ၤစ့ၢ်ကီးဧါ. ဒီးယွၤအကလုၢ်ဘၣ်ယၤဒီးစံးဝဲဒၣ်, ¹⁴ ပှၤကညီ ဖိခွါဧၢ, နဒီပုၢ်ဝဲၢ်, နဒီပုၢ်ဝဲၢ်ဒၣ်လဲာ်, ပှၤကညီလၢနဘူး နတံၢ်အကျါ, ဒီးအံၣ်စရ့လးအပှၤဟံၣ်ဖိခဲလၢာ်န့ၣ်မ့ၢ် ပှၤလၢယရူၤၡလ့ၣ်ဖိစံးဘၣ်အီၤ, လဲၤယံၤဒီးယွၤတက့ၢ်. အဂ့ၢ်ဒ်အံၤ, တၢ်ဟ့ၣ်ပှၤလၢထံဧိၤကီၢ်ဧိၤအံၤ ဒ်သိးပ ကန့ၢ်ဘၣ်အီၤလီၤ.

¹⁶ မၤသးဒ်န့ၣ်ဒီးစံး, ကစၢ်ယွၤစံးဒ်အံၤ, ယဟီထီၣ်ကွံာ် အီၤလၢအယံၤလၢ ပှၤကလုာ်တဖၣ်အကျါဘၣ်ဆၣ်, ယကမၤလီၤပြံလီၤပြါအီၤလၢ ကီၢ်တဖၣ်အကျါဘၣ် ဆၣ်ဒီး, ယကကဲထီၣ်တၢ်အလီၢ်စီဆှံတစိၢ်ဖိလၢအ ဂီၢ်, လၢကီၢ်တဖၣ်အပူၤဖဲအဟဲဝဲန့ၣ်လီၤ. ¹⁷ မၤသးဒ် န့ၣ်ဒီးစံး, ယွၤစံးဒ်အံၤ, ယကထၢဖှိၣ်သုလၢပှၤဂီၢ်မုၢ် အကျါ, ဒီးဒုးအိၣ်ဖှိၣ်သုလၢကီၢ်တဖၣ် ဖဲသုအိၣ်ပြံ အိၣ်ပြါလၢအပူၤ, ဒီးယကဟ့ၣ်လီၤသုလၢကီၢ်အံၣ်စ ရ့လးလီၤ. ¹⁸ ဒီးအဝဲသ့ၣ်ကဟဲဖဲန့ၣ်, ဒီးကဟံးထီၣ်ကွံာ် ကယဲၢ်အတၢ်သးဟ့အလီၢ်, ဒီးကယဲၢ်တၢ်သးဘၣ်အၢ အလီၢ်ဖဲန့ၣ်ခဲလၢာ်လီၤ.

¹⁹ ဒီးယကဟ့ၣ်လီၤအီၤလၢအသးတဖျၢၣ်ဃီ, ဒီးယက ဒၢနုာ်အသူၣ်သီအသးသီလၢအပူၤ, ဒီးယကထုးထီၣ် ကွံာ်အသးလၢၢ်လၢအပူၤ, ဒီးယကဟ့ၣ်လီၤအီၤလၢအ သးညၣ်, ²⁰ ဒ်သိးအကလဲၤတၢ်လၢယတၢ်သိၣ်တၢ်သီ အပူၤ, ဒီးတိၢ်န့ၢ်ယတၢ်စံၣ်ညီၣ်, ဒီးမၤအီၤ, ဒီးကကဲထီၣ် ယပှၤဂီၢ်မုၢ်, ဒီးယကကဲထီၣ်အကစၢ်လီၤ. ²¹ မ့မ့ၢ်ပှၤ လၢအသးလဲၤတၢ်ဖဲဒၣ်အတၢ်သးဟ့အလီၢ်, ဒီးအတၢ် သးဘၣ်အၢအလီၢ်တဖၣ်အသိးန့ၣ် ယကဟ့ၣ်ကၣ်အ ကျဲလၢအခိၣ်ဒၣ်ဝဲအဖီခိၣ်လီၤ. ကစၢ်ယွၤစံးဝဲဒၣ်.

²² တုၤနုၤတဘျီခ့ရူာ်တဖၣ်ယူာ်ထီၣ်အဒံးဆ့, ဒီးလ့ၣ် ကဟၣ်အပၣ်အိၣ်ဝဲလၢအဃၢၤ, ဒီးအံၣ်စရ့လးအက စၢ်အလၤကပီၤအိၣ်ဝဲလၢအဖီခိၣ်လီၤ. ²³ ဒီးယွၤအလၤ ကပီၤထီၣ်ဝဲလၢဝ့ၢ်အသးကံၢ်ပူၤ, ဒီးဆၢထၢၣ်လၢက စၢၢ်လိၤလၢအအိၣ်ဝဲလၢဝ့ၢ်လၢမုၢ်ထီၣ်တခီလီၤ.

²⁴ ဒီးသးန့ၣ်ဟံးထီၣ်ယၤ, ဒီးစိာ်ယၤလၢယွၤအသးလၢ တၢ်ထံၣ်တၢ်လၢညါခီ ဆူကီၢ်က့ၤစ့းအပူၤ, ဆူပှၤကဲ ကုၢ်တဖၣ်အအိၣ်လီၤ. ဒီးတၢ်ထံၣ်လၢညါခီလၢယ ထံၣ်ဘၣ်ဝဲန့ၣ်ဟးထီၣ်ကွံာ်ဝဲလၢယအိၣ်လီၤ.

²⁵ တုၤနုၤတဘျီယကတိၤတၢ်ဒီးပှၤ ကဲကုၢ်လၢကယဲၢ် တၢ်လၢယွၤဒုးနဲၣ်ယၤအဂ့ၢ်အကျိၤလီၤ.

၁၂

¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်,― ပှၤကညီဖိ ခွါဧၢ, နအိၣ်နဆိးလၢပှၤဟံၣ်ဖိလၢအပူထီၣ်ဒၣ်တၢ်, ပှၤလၢအမဲာ်အိၣ်ဒ်သိးအကထံၣ်တၢ်, ဒီးတထံၣ်ဘၣ် ဝဲဘၣ်. အိၣ်ဒီးအနၢ်ဒ်သိးအကနၢ်ဟူတၢ်, ဒီးတနၢ် ဟူဘၣ်ဝဲဘၣ်. အဂ့ၢ်ဒ်အံၤ, မ့ၢ်ပှၤဟံၣ်ဖိလၢအပူထီၣ် ဒၣ်တၢ်လီၤ.

³ မၤသးဒ်န့ၣ်ဒီးနဲဒၣ်ပှၤကညီဖိခွါဧၢ, ကတဲာ်ကတီၤ နတၢ်ဖိတၢ်လံၤလၢ နကဟးထီၣ်လၢကီၢ်ပူၤအဂီၢ်, ဒီး ဟးထီၣ်လၢမုၢ်ဆါခီလၢအမဲာ်ညါတက့ၢ်. ဒီးနဘၣ် ဟးလၢနလီၢ်ဆူအလီၢ်တပူၤဒၣ်လၢအမဲာ်ညါလီၤ. မ့ၢ် ပှၤဟံၣ်ဖိလၢအပူထီၣ်ဒၣ်တၢ်နာ်သက့ဒီး, ဘၣ်တဘၣ် ကကွၢ်ဆိကမိၣ်တၢ်လီၤ.

⁴ ဒီးစိာ်ထီၣ်နတၢ်ဖိတၢ်လံၤလၢ မုၢ်ဆါခီလၢအမဲာ် ညါ, ဒ်တၢ်ဖိတၢ်လံၤလၢပှၤကဟးဝဲအဂီၢ်သိးန့ၣ်. ဒီး ဟးထီၣ်လၢမုၢ်ဟါလၢအမဲာ်ညါ, ဒ်ပှၤလၢအလဲၤကဲ ကုၢ်အသိးန့ၣ်တက့ၢ်. ⁵ မၤဘၢၣ်ဖျိဟံၣ်အဒူၣ်လၢအ မဲာ်ညါ, ဒီးစိာ်ထီၣ်ကွံာ်တၢ်ဖဲန့ၣ်တက့ၢ်. ⁶ စိာ်တၢ် လၢနဖံဘၣ်ခိၣ်လၢအမဲာ်ညါ, ဒီးစိာ်တၢ်လၢမုၢ်ဟါ တက့ၢ်. ကျၢၢ်ဘၢနမဲာ်ဒ်သိးနသုတထံၣ်ဘၣ်ဟီၣ်ခိၣ် တဂ့ၤ. အဂ့ၢ်ဒ်အံၤ, ယပာ်လံနၤလၢတၢ်ပနီၣ်တမံၤလၢ အံၣ်စရ့လးအပှၤဟံၣ်ဖိအဂီၢ်လီၤ.

⁷ ဒီးယမၤတၢ်ဒ်တၢ်မၤလိာ်ယၤအသိးန့ၣ်လီၤ. ယဟဲ စိာ်ယတၢ်ဖိတၢ်လံၤလၢမုၢ်ဆါခီ, ဒ်တၢ်ဖိတၢ်လံၤလၢ ပှၤဟးထီၣ်ကွံာ်လၢကီၢ်ပူၤ စိာ်ထီၣ်ကွံာ်သိးန့ၣ်, ဒီး လၢမုၢ်ဟါန့ၣ်ယဘၢၣ်ဖျိဟံၣ်အဒူၣ်လၢယစု, ဒီးယစိာ် တၢ်လၢမုၢ်ဟါလီၤ. ယစိာ်တၢ်လၢယဖံဘၣ်ခိၣ်လၢအ မဲာ်ညါလီၤ.

⁸ ဒီးလၢမုၢ်ဆ့ၣ်ထီၣ်န့ၣ် ယွၤအကလုၢ်ဘၣ်ယၤဒီးစံးဝဲ ဒၣ်, ⁹ ပှၤကညီဖိခွါဧၢ, အံၣ်စရ့လးအပှၤဟံၣ်ဖိ, ပှၤ ဟံၣ်ဖိလၢအပူထီၣ်ဒၣ်တၢ်စံးနၤ, နမၤမနုၤလဲၣ်န့ၣ်တ မ့ၢ်ဘၣ်ဧါ. ¹⁰ စံးဘၣ်အီၤ, ကစၢ်ယွၤစံးဒ်အံၤ, တၢ်ဝံတၢ် ယိးအံၤဘၣ်ဃးဒီး ပဒိၣ်ဖးဒိၣ်လၢယရူၤၡလ့ၣ်အပူၤ, ဒီးအံၣ်စရ့လးအပှၤဟံၣ်ဖိခဲလၢာ်လၢ အအိၣ်ဝဲလၢအ ပူၤလီၤ. ¹¹ စံး, ယမ့ၢ်သုတၢ်ပနီၣ်လီၤ. ဒ်ယမၤတၢ်အ သိးန့ၣ်, တၢ်ကမၤသုဒ်န့ၣ်သိးလီၤ. ကဟးဝဲ, ဒီးလဲၤကဲ ကုၢ်လီၤ. ¹² ဒီးပဒိၣ်ဖးဒိၣ်အိၣ်လၢအကျါန့ၣ် ကစိာ် တၢ်လၢအဖံဘၣ်ခိၣ်လၢမုၢ်ဟါ, ဒီးကဟးထီၣ်လီၤ. က ဘၢၣ်ဖျိဟံၣ်ဒူၣ်, ဒီးစိာ်ထီၣ်တၢ်ဖဲန့ၣ်လီၤ. အဝဲဒၣ် ကကျၢၢ်ဘၢအမဲာ် ဒ်သိးအသုတထံၣ်ဘၣ်ဟီၣ်ခိၣ်တ ဂ့ၤလီၤ.

¹³ ဒီးယကဟုးယပှၤလၢအဖီခိၣ်, ဒီးကဘၣ်ယပျံၤသ ကွီၤ, ဒီးယကဟဲစိာ်အီၤဆူဘၤဘူၤလိၣ်, ဆူပှၤက့ၤစ့း ဖိအကီၢ်လီၤ. ကသံဖဲန့ၣ်ဘၣ်ဆၣ်ဒီး, တထံၣ်ဘၣ်အီၤ ဘၣ်. ¹⁴ ဒီးယကမၤပြံမၤပြါပှၤမၤစၢၤအီၤအိၣ်ဝးတရံး ဝဲခဲလၢာ်, ဒီးအပှၤအဖုတဖၣ်ခဲလၢာ်န့ၣ်ဆူကလံၤကိး ခီဒဲးအကျါ, ဒီးယကဒုးပိာ်အခံလၢနးတဘ့ၣ်လီၤ.―

¹⁵ ဒီးတုၤယမၤပြံမၤပြါအီၤလၢ ပှၤကလုာ်တဖၣ်အကျါ, ဒီးမၤလီၤမုၢ်လီၤဖးအီၤလၢ ကီၢ်တဖၣ်အကျါန့ၣ်ဒီး, က သ့ၣ်ညါဝဲလၢယမ့ၢ်ယွၤလီၤ.

¹⁶ ဘၣ်ဆၣ်ဒီးယကပာ်လီၤတဲာ် စှၤဂၤလၢအကပူၤဖျဲး ဒီးနးဧိၤဘီဧိၤ, ဒီးလၢတၢ်သၣ်ဝံၤလီၤဒိဒီးလၢတၢ်သံ သတြိာ်န့ၣ်ဒ်သိးအကစံၣ်တဲၤတဲလီၤ အတၢ်သးဘၣ် အၢခဲလၢာ်လၢပှၤကလုာ်တဖၣ်အကျါ ဖဲအဟဲဝဲ, ဒီး ကသ့ၣ်ညါဝဲလၢယမ့ၢ်ယွၤလီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, ¹⁷ ပှၤကညီ ဖိခွါဧၢ, အီၣ်နကိၣ်ဒီးဖုးတၢ်, အီနထံဒီးကနိးတၢ်ဒီး တၢ်သူၣ်ကိၢ်သးဂီၤတက့ၢ်. ¹⁹ ဒီးစံးဘၣ်ကီၢ်အပှၤဂီၢ်မုၢ် န့ၣ်, ကစၢ်ယွၤစံးဒ်အံၤ, လၢပှၤယရူၤၡလ့ၣ်ဖိလၢကီၢ် အံၣ်စရ့လးအပူၤ, ကအီၣ်အကိၣ်ဒီးအသးကိၢ်, ဒီးက အီအထံလၢအသးကတုၤ. ဒ်သိးအကီၢ်, ဒီးကယဲၢ် တၢ်အိၣ်လၢအပူၤခဲလၢာ်ကအိၣ်သယုၢ်လၢ ပှၤမၤဆူၣ် တၢ်လၢအအိၣ်ဝဲလၢအပူၤတဖၣ်န့ၣ်အဃိလီၤ. ²⁰ ဒီး တၢ်ကမၤလူၤဝ့ၢ်တဖၣ်လၢပှၤအိၣ်ဝဲဆိးဝဲလၢအပူၤ, ဒီး ကီၢ်ကအိၣ်သယုၢ်, ဒီးသုကသ့ၣ်ညါလၢယမ့ၢ်ယွၤလီၤ. ²¹ ဒီးယွၤအကလုၢ်ဘၣ်ယၤဒီးစံးဝဲဒၣ်.― ²² ပှၤကညီ ဖိခွါဧၢ, တၢ်ကတိၤဒိလၢအအိၣ်ဒီးသုလၢကီၢ်အံၣ်စ ရ့လးအပူၤလၢအစံး, မုၢ်နံၤတဖၣ်န့ၣ်သုးယံၤထီၣ်အ သး, ဒီးကယဲၢ်တၢ်ထံၣ်တၢ်လၢညါခီ ဟးဂီၤဝဲန့ၣ်မ့ၢ် အစံးဝဲဒ်လဲၣ်.

²³ မၤသးဒ်န့ၣ်ဒီးစံးဘၣ်အီၤ, ကစၢ်ယွၤစံးဒ်အံၤ, တၢ် ကတိၤဒိတထံၣ်န့ၣ် ယကဒုးဆိတ့ၢ်, ဒီးပှၤတကတိၤဒိ လၢၤဘၣ်အီၤလၢ အံၣ်စရ့လးအပူၤဘၣ်. မ့မ့ၢ်စံးဘၣ် အီၤ, မုၢ်နံၤတဖၣ်ဒီးတၢ်ထံၣ်တၢ်လၢညါခီခဲလၢာ်အိၣ် ဘူးထီၣ်လံ. ²⁴ အဂ့ၢ်ဒ်အံၤတၢ်ထံၣ်လၢညါခီကလီက လီ, ဒီးဖးတၢ်လၢအလီတၢ်န့ၣ်တအိၣ်လၢၤဘၣ်လၢ အံၣ်စရ့လးအဟံၣ်ပူၤဘၣ်.

²⁵ အဂ့ၢ်ဒ်အံၤ, ယမ့ၢ်ယွၤလီၤ. ယကတိၤတၢ်, ဒီးတၢ်က တိၤလၢယကတိၤတၢ်န့ၣ် ကမၤအသးလီၤ. ဒီးတသုး ယံၤထီၣ်အသးလၢၤဘၣ်. အဂ့ၢ်ဒ်အံၤ, ပှၤဟံၣ်ဖိလၢအ ပူထီၣ်ဒၣ်တၢ်သ့ၣ်ဧၢ, လၢသုမုၢ်နံၤတဖၣ်အပူၤန့ၣ်, ယ ကကတိၤတၢ်, ဒီးယကမၤအီၤ, ကစၢ်ယွၤစံးဝဲဒၣ်. ဒီးယွၤအကလုၢ်ဘၣ်ယၤဒီးစံးဝဲဒၣ်, ²⁶ ပှၤကညီ ဖိခွါဧၢ, ကွၢ်ကွၢ်, ပှၤအံၣ်စရ့လးအပှၤဟံၣ်ဖိစံးဝဲဒၣ်, တၢ်လၢအထံၣ်ဝဲလၢညါခီတမံၤန့ၣ် အိၣ်ဝဲလၢအါနံၤ အါသီခဲကိာ်အဂီၢ်လီၤ. ဒီးကတိၤတၢ်လၢဝံအကျိာ်လၢ အဆၢအကတီၢ်လၢအယံာ်အဂ့ၢ်အကျိၤလီၤ.

²⁸ မၤသးဒ်န့ၣ်ဒီးစံးဘၣ်အီၤ, ကစၢ်ယွၤစံးဒ်အံၤ, ယတၢ် ကတိၤတသုးယံၤထီၣ်အသးလၢၤဘၣ်. မ့မ့ၢ်တၢ်က တိၤလၢယကတိၤတ့ၢ်န့ၣ်ကမၤအသးလီၤ, ကစၢ်ယွၤ စံးဝဲဒၣ်.

၁၃

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါ ဧၢ, ကတိၤတၢ်လၢဝံအကျိာ်ထီဒါအံၣ်စရ့လး အဝံ တဖၣ်လၢအကတိၤတၢ်လၢဝံအကျိာ်, ဒီးစံးလၢပှၤလၢ အကတိၤလၢဝံကျိာ်လၢအသးဒၣ်ဝဲအပူၤန့ၣ်, ကနၣ် ယွၤအကလုၢ်တက့ၢ်. ³ ကစၢ်ယွၤစံးဒ်အံၤ, ဝံဟးဂီၤ ဖိလၢအလူၤအသးဒၣ်ဝဲ, ဒီးထံၣ်တၢ်လၢအတမ့ၢ်ဘၣ် တၢ်န့ၣ်ဘၣ်အဖှီၣ်လီၤ.

⁴ အံၣ်စရ့လးဧၢ, နဝံတဖၣ်မၤသးဒ်ထွံၣ်မံၤလၢပှၢ်မုၢ် ကနၢအသိးန့ၣ်လီၤ. ⁵ သုတလဲၤထီၣ်ဘၣ်လၢတၢ် ဘၢၣ်ဖျိအလီၢ်, ဒီးတမၤကရၢဝးတရံးအံၣ်စရ့လးအ ဟံၣ်, ဒ်သိးအကအိၣ်ကျၢၤလၢတၢ်ဒုးသုးအပူၤလၢယွၤ အမုၢ်တနံၤအပူၤဘၣ်.

⁶ အဝဲသ့ၣ်န့ၣ်ထံၣ်တၢ်ကလီကလီလၢညါခီ, ဒီးဖးတၢ် လၢလီတၢ်, ဒီးယွၤတမၢဘၣ်အီၤဘၣ်. ဘၣ်ဆၣ်ဒီး စံးဝဲ, ယွၤစံးဝဲဒၣ်န့ၣ်လီၤ. ဒီးဒုးမုၢ်လၢ်ပှၤကညီလၢ အတၢ်ကတိၤကမၤအသးလီၤ.

⁷ သုထံၣ်တၢ်ကလီကလီလၢညါခီတမ့ၢ်ဘၣ်ဧါ. သုက တိၤတၢ်လၢဖးတၢ်လၢလီတၢ်အဂ့ၢ်တမ့ၢ်ဘၣ်ဧါ. ဒီး သုစံး, ယွၤစံးဝဲဒၣ်, ဒီးယတကတိၤဘၣ်န့ၣ်တမ့ၢ်ဘၣ် ဧါ.

⁸ မၤသးဒ်န့ၣ်ဒီးကစၢ်ယွၤစံးဝဲဒၣ်, မ့ၢ်သုကတိၤတၢ် ကလီကလီ, ဒီးထံၣ်တၢ်ကဘျံးကဘျၣ်ဒီး, ကွၢ်ကွၢ်, ယ ထီဒါသု, ကစၢ်ယွၤစံးဝဲဒၣ်, ⁹ ဒီးယစုကထီဒါဝံလၢအ ထံၣ်တၢ်ကလီကလီ, ဒီးဖးတၢ်လၢလီတၢ်လီၤ. တအိၣ် လၢၤဘၣ်လၢယပှၤဂီၢ်မုၢ် အတၢ်အိၣ်ဖှိၣ်အကျါဘၣ်. ဒီးတၢ်တဆဲးလီၤအမံၤလၢ အံၣ်စရ့လးအဟံၣ်အလံာ် ပူၤဘၣ်, ဒီးတလဲၤနုာ်ဘၣ်လၢကီၢ်အံၣ်စရ့လးဘၣ်, ဒီးသုကသ့ၣ်ညါလၢယမ့ၢ်ကစၢ်ယွၤလီၤ.

¹⁰ အဂ့ၢ်ဒ်အံၤ, မ့ၢ်မးအဂ့ၢ်ဒ်အံၤ, သုလွဲကဒံလွဲကဒါယ ပှၤဂီၢ်မုၢ်ဒီးစံးတၢ်ဃူတၢ်ဖိးအိၣ်လီၤ, ဒီးတၢ်ဃူတၢ်ဖိး တအိၣ်ဘၣ်. ဒီးပှၤတဂၤမၤထီၣ်တၢ်အဒူၣ်, ဒီးကွၢ်ကွၢ်, ပှၤဂၤတဖၣ်ဖှူဝဲဒီးအီကတ့ၣ်လီၤ.

¹¹ စံးဘၣ်ပှၤလၢအဖှူဝဲလၢအီကတ့ၣ်, လၢအတၢ်က လီၤပှီၢ်န့ၣ်တက့ၢ်. တၢ်ကဟဲစူၤလုၣ်ဘၢတၢ်, သူၣ်ဖး ဒိၣ်တဖၣ်ကလီၤတဲာ်, ဒီးကလံၤမုၢ်ကမၤသ့ၣ်ဖးအီၤ လီၤ.

¹² ကွၢ်ကွၢ်, တုၤသုတၢ်အဒူၣ်လီၤပှီၢ်ဒီး, ပှၤကစံးဘၣ် သု, တၢ်ဖှူတၢ်လၢသုဖှူန့ၣ်မ့ၢ်အအိၣ်ဖဲလဲၣ်န့ၣ်, တမ့ၢ် ဘၣ်ဧါ. ¹³ မၤသးဒ်န့ၣ်ဒီးကစၢ်ယွၤစံးဒ်အံၤ, ယကမၤ သ့ၣ်ဖးအီၤလၢကလံၤမုၢ်လၢယသးကဲၤထီၣ်, ဒီးတၢ် ကဟဲစူၤလုၣ်ဘၢတၢ်လၢ ယသးထီၣ်, ဒီးသူၣ်ဖးဒိၣ် ကမၤလၢာ်ကွံာ်အီၤလၢယသးကဲၤထီၣ်လီၤ.

¹⁴ ဒီးယကမၤလီၤပှီၢ်တၢ်အဒူၣ် လၢသုဖှူလၢအီကတ့ၣ်, ဒီးဒုးလီၤဒါအီၤလၢဟီၣ်ခိၣ်လိၤ, ဒီးအခီၣ်ထံးကအိၣ် ဖျါထီၣ်လီၤ. ကလီၤပှီၢ်ဝဲ, ဒီးသုကဘၣ်တၢ်မၤလၢာ် ကွံာ်လၢအသးကံၢ်ပူၤ, ဒီးသုကသ့ၣ်ညါလၢယမ့ၢ်ယွၤ လီၤ.

¹⁵ ဒီးယကမၤလၢထီၣ်ပှဲၤထီၣ် ယသးကဲၤထီၣ်လၢတၢ် အဒူၣ်အလိၤ, ဒီးလၢပှၤလၢအဖှူဝဲလၢအီကတ့ၣ်တဖၣ် အလိၤ, ဒီးယကစံးဘၣ်သု, တၢ်အဒူၣ်မ့ၢ်ဂ့ၤ, ပှၤလၢအ ဖှူအီၤလၢအီကတ့ၣ်မ့ၢ်ဂ့ၤ, တအိၣ်လၢၤဘၣ်. ¹⁶ ဒ်ပစံး တၢ်အသိး, အံၣ်စရ့လးအဝံတဖၣ်လၢအကတိၤလၢ ဝံအကျိာ်လၢ ယရူၤၡလ့ၣ်အဂ့ၢ်အကျိၤ, လၢအထံၣ် တၢ်ဃူတၢ်ဖိးလၢအဂီၢ်, ဒီးတၢ်ဃူတၢ်ဖိးတအိၣ်ဘၣ် လၢအဂီၢ်ဘၣ်, ကစၢ်ယွၤစံးဝဲဒၣ်.

¹⁷ ဒီးနဲဒၣ်ပှၤကညီဖိခွါဧၢ, ပာ်နမဲာ်ထီဒါနပှၤဂီၢ်မုၢ်အ ဖိမုၣ်လၢအကတိၤတၢ်လၢဝံအကျိာ်လၢ အသးဒၣ်ဝဲ အပူၤ, ဒီးကတိၤတၢ်လၢဝံအကျိာ်ထီဒါအီၤ, ¹⁸ ဒီးစံး ဘၣ်အီၤ, ကစၢ်ယွၤစံးဒ်အံၤ, ပိာ်မုၣ်လၢအဆးစုတခူ လၢစုနၢၣ်ခံခဲလၢာ်အဂီၢ်, ဒီးမၤခိၣ်တခၢၣ်လၢကယဲၢ် ပှၤအဂီၢ်တဂၤလၢ်လၢ်အခိၣ်အဂီၢ်န့ၣ် ဒ်သိးအကက လံာ်ပှၤကညီဆူတၢ်ဟးဂီၤန့ၣ် ဘၣ်အဖှီၣ်လီၤ. သုက ဃုန့ၢ်ယပှၤဂီၢ်မုၢ်အသးသမူ, ဒီးဒုးမူဒံးပှၤအသးသမူ လၢသုဂီၢ်ဒၣ်သုဝဲဧါ.

¹⁹ သုမၤသံပှၤလၢ အတကြၢးသံဘၣ်, ဒီးဒုးမူဒံးပှၤလၢ အတကြၢးမူဒံးဘၣ်လၢ သုကတိၤတၢ်ကဘျံးကဘျၣ် ဒီးယပှၤဂီၢ်မုၢ်လၢ အကနၣ်သုတၢ်ကတိၤကဘျံးက ဘျၣ်အဃိ, သုမၤယၤတကဆှီဘၣ်လၢယပှၤဂီၢ်မုၢ်အ ကျါ, လၢဘုမုယီၤအတၢၤဒုၣ်တဖၣ်အဃိ, ဒီးလၢ ကိၣ်အလိၣ်တဖၣ်အဃိန့ၣ်လီၤ.

²⁰ မၤသးဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်, ယထီဒါ စုတခူန့ၣ်လၢသုကလံာ်ပှၤကညီ ဆူတၢ်ဟးဂီၤလၢ အီၤဒ်သိးအကပူၤဖျဲးဒီးသု, ဒီးယကထုးထီၣ်ကွံာ်စုတ ခူန့ၣ်လၢသုစု, ဒီးယကမၤပူၤမၤဖျဲးပှၤအသးတဖၣ်လၢ သုကလံာ်အီၤ, ဒီးအဝဲသ့ၣ်ကပူၤဖျဲးဒီးသုလီၤ.

²¹ ယကထုးထီၣ်ကွံာ်စ့ၢ်ကီး သုခိၣ်တခၢၣ်တဖၣ်န့ၣ်, ဒီးမၤပူၤမၤဖျဲးယပှၤဂီၢ်မုၢ်လၢသုစုပူၤ, ဒီးတအိၣ်လၢၤ ဘၣ်လၢသုစုပူၤဘၣ်, ဒ်သိးသုသုတကလံာ်လၢၤအီၤ တဂ့ၤ. ဒီးသုကသ့ၣ်ညါလၢယမ့ၢ်ယွၤလီၤ.

²² မ့ၢ်သုဒုးသူၣ်အုးသးအုး ပှၤအတီအလိၤလၢတၢ်က တိၤကဘျံးကဘျၣ်လၢ ယတဒုးသူၣ်အုးသးအုးဘၣ်, မ့ၢ်သုစံးလၢပှၤတတီတလိၤလၢ အကမူဝဲသတးဒီး, သုမၤဆူၣ်ထီၣ်အစုဒ်သိး အသုတဃၣ်ကွံာ်အသးလၢ အကျဲတတီတလိၤဘၣ်ဒီး, ²³ သုတထံၣ်လၢၤဘၣ်တၢ် ကလီကလီဘၣ်, ဒီးတဖးလၢၤဘၣ်တၢ်ဘၣ်, ဒီးယ ကမၤပူၤမၤဖျဲးယပှၤဂီၢ်မုၢ်လၢသုစုပူၤ, ဒီးသုသ့ၣ်ညါ လၢယမ့ၢ်ယွၤလီၤ.

၁၄

¹ ဒီးပှၤကညီလၢအံၣ်စရ့လး အပှၤသူၣ်က့သးပှၢ်အ ကျါတနီၤဟဲဝဲဆူယအိၣ်, ဒီးဆ့ၣ်နီၤလၢယမဲာ်ညါ, ² ဒီး ယွၤအကလုၢ်ဘၣ်ယၤ, ဒီးစံးဝဲဒၣ်, ³ ပှၤကညီဖိခွါဧၢ, ပှၤကညီတဖၣ်အံၤ ပာ်လံတၢ်ဂီၤတၢ်ဖီၣ်လၢအသးကံၢ် ပူၤ, ဒီးပာ်လံအတၢ်ဒဲးဘးအခီၣ်ဘၣ်တိၢ်အလီၢ်လၢအမဲာ်ညါလံ. ဒီးယကတူၢ်တၢ်သံကွၢ်ယၤလၢအီၤစ့ၢ်ကီး ဧါ.

⁴ မၤသးဒ်န့ၣ်ဒီးကတိၤတၢ်ဒီးအီၤ, ဒီးစံးဘၣ်အီၤ, က စၢ်ယွၤစံးဒ်အံၤ, ပှၤတဂၤဂၤလၢအံၣ်စရ့လးအပှၤဟံၣ်ဖိ အကျါလၢအပာ်အတၢ်ဂီၤလၢအသးကံၢ်ပူၤ, ဒီးပာ်အ တၢ်ဒဲးဘးအခီၣ်ဘၣ်တိၢ်အလီၢ်လၢအမဲာ်ညါ, ဒီးဟဲ ဝဲဆူဝံအအိၣ်န့ၣ်, ယၤယွၤအံၤယကစံးဆၢအီၤဒ်အတၢ် ဂီၤအါဒုအသိး, ⁵ ဒ်သိးယကမၤန့ၢ်အံၣ်စရ့လးအပှၤ ဟံၣ်ဖိလၢအသးလီၤ. အဂ့ၢ်ဒ်အံၤ, ကဲထီၣ်ဝဲလၢပှၤတ ခီဘီမုၢ်အဖိဒီးယၤလၢအတၢ်ဂီၤအဃိလီၤ.

⁶ မၤသးဒ်န့ၣ်ဒီးစံးဘၣ်အံၣ်စရ့လးအပှၤဟံၣ်ဖိ, ကစၢ် ယွၤစံးဒ်အံၤ, ဃၣ်ကွံာ်သုသး, ဃၣ်ကွံာ်သုသးလၢသု တၢ်ဂီၤ, ဒီးဃၣ်ကွံာ်သုမဲာ်လၢသုသးဘၣ်အၢတဖၣ် အအိၣ်တက့ၢ်. ⁷ အဂ့ၢ်ဒ်အံၤ, ပှၤတဂၤဂၤလၢအံၣ်စရ့ လးအပှၤဟံၣ်ဖိအကျါ, ဒီးလၢပှၤတခီဘီမုၢ်ဖိလၢအ အိၣ်အဆိးလၢပှၤအံၣ်စရ့လးဖိအကျါလၢ အမၤလီၤ မုၢ်လီၤဖးလီၤအသးဒီးယၤ, ဒီးပာ်တၢ်ဂီၤလၢအသးကံၢ် ပူၤ, ဒီးပာ်အတၢ်ဒဲးဘးအခီၣ်ဘၣ်တိၢ်အလီၢ်လၢအမဲာ် ညါ, ဒီးဟဲဆူဝံအအိၣ်ဒ်သိးအကသံကွၢ်တၢ်လၢယၤ န့ၣ်ယၤယွၤအံၤ ယကစံးဆၢအီၤလၢယကစၢ်ဒၣ်ယဲ,―

⁸ ဒီးယကကွၢ်ပှၤတဂၤန့ၣ်လၢယမဲာ်, ဒီးယကပာ်ပှၤတ ဂၤန့ၣ်လၢတၢ်အပနီၣ်, ဒီးတၢ်ကတိၤဒိအလီၢ်, ဒီးယ ကဒီၣ်တဲာ်ကွံာ်အီၤလၢ ယပှၤဂီၢ်မုၢ်အကျါ, ဒီးသုက သ့ၣ်ညါလၢယမ့ၢ်ယွၤလီၤ.

⁹ ဒီးဝံတဂၤတုၤအကတိၤတၢ်, ဒီးဘၣ်တၢ်လီန့ၢ်အီၤ ဒီး, ယၤယွၤအံၤယလီန့ၢ်ဝံတဂၤန့ၣ်, ဒီးယကယူာ်ထီၣ် ယစုလၢအလိၤ, ဒီးမၤဟးဂီၤအီၤလၢယပှၤဂီၢ်မုၢ်အံၣ်

¹⁰ စရ့လးအကျါလီၤ. ဒီးကဘၣ်အတၢ်ဒဲးဘး, ဝံကဘၣ် တၢ်ဒဲးဘးဒ်ပှၤလၢအသံကွၢ်တၢ်လၢအီၤဘၣ် အတၢ်ဒဲး ဘးအသိးန့ၣ်, ¹¹ ဒ်သိးအံၣ်စရ့လးအပှၤဟံၣ်ဖိအသုတ ဟးဖျိးလၢၤလၢယအိၣ်တဂ့ၤ, ဒီးဒ်သိးအသုတဘၣ် အၢလၢၤဘၣ်ဒီးအတၢ်ကမၣ်တဂ့ၤ, မ့ၢ်ဒ်သိးအကကဲ ထီၣ်ယပှၤဂီၢ်မုၢ်, ဒီးယကကဲထီၣ်အကစၢ်လီၤ, ကစၢ် ယွၤစံးဝဲဒၣ်. ဒီးယွၤအကလုၢ်ဘၣ်ယၤဒီးစံးဝဲဒၣ်, ¹² ပှၤကညီ ဖိခွါဧၢ, တုၤကီၢ်တဘ့ၣ်မၤတၢ်ဒဲးဘး, ဒီးမၤကမၣ် ဘၣ်ယၤနးမး, ဒီးယယူာ်ထီၣ်ယစုလၢအဖီခိၣ်, ဒီးမၤ ကၢ်အကိၣ်အနီၣ်ထိးဘိ, ဒီးမၢလီၤတၢ်သၣ်ဝံၤလီၤဒိဆူ အအိၣ်, ဒီးဒီၣ်တဲာ်ကွံာ်ပှၤကညီဒီးဆၣ်ဖိကီၢ်ဖိလၢအ ပူၤဒီး, ¹⁴ စီၤနိအၤ, စီၤဒၤနံးယ့လး, ဒီးစီၤယိၤဘးသၢဂၤ န့ၣ်မ့ၢ်အိၣ်လၢအပူၤဘၣ်ဆၣ်ဒီး, ကမၤပူၤမၤဖျဲးထဲအ သးဒၣ်ဝဲလၢ အတၢ်တီတၢ်လိၤလီၤ. ကစၢ်ယွၤစံးဝဲဒၣ်.

¹⁵ တုၤယမၢဆၣ်ဖိကီၢ်ဖိအဒူခီဂာ်ထံဧိၤကီၢ်ဧိၤန့ၣ်, ဒီး အတၢ်မၤဟးဂီၤအီၤ, ဒီးအိၣ်သယုၢ်ဝဲတုၤပှၤကညီတ ခီဂာ်ဘၣ်ဝဲလၢဆၣ်ဖိကီၢ်ဖိအဃိဒီး, ¹⁶ ပှၤသၢဂၤန့ၣ် မ့ၢ်အိၣ်ဝဲလၢအပူၤဘၣ်ဆၣ်ဒီး, ယမူယဲ, ကစၢ်ယွၤစံး ဝဲဒၣ်, အဖိမုၣ်မ့ၢ်ဂ့ၤ, အဖိခွါမ့ၢ်ဂ့ၤ, တမၤပူၤဖျဲးဘၣ်ဝဲ ဘၣ်, ကပူၤဖျဲးထဲအကစၢ်ဒၣ်ဝဲဧိၤလီၤ, ဒီးကီၢ်န့ၣ်က အိၣ်သယုၢ်လီၤ.

¹⁷ ဒီးတုၤယဒုးဟဲဘၣ်ကီၢ်န့ၣ်လၢနးတဘ့ၣ်, ဒီးစံး, နး ဧၢ, လဲၤခီဂာ်ကီၢ်န့ၣ်တက့ၢ်, ဒီးယကဒီၣ်တဲာ်ကွံာ် ပှၤကညီဒီးဆၣ်ဖိကီၢ်ဖိလၢအပူၤဒီး, ¹⁸ ပှၤသၢဂၤန့ၣ်မ့ၢ် အိၣ်လၢအပူၤဘၣ်ဆၣ်ဒီး, ယမူယဲ, ကစၢ်ယွၤစံးဝဲဒၣ်, အဖိမုၣ်မ့ၢ်ဂ့ၤ, အဖိခွါမ့ၢ်ဂ့ၤ, တမၤပူၤမၤဖျဲးဘၣ်ဝဲဘၣ်, ဒီးကပူၤကဖျဲးထဲအကစၢ်ဒၣ်ဝဲန့ၣ်ဧိၤလီၤ. ¹⁹ ဒီးတုၤယမၢလီၤ တၢ်သံသတြိာ်ဆူကီၢ်ပူၤန့ၣ်, ဒီးလူလီၤယသးကဲၤထီၣ်လၢတၢ်သွံၣ်လၢအဖီခိၣ်, ဒ်သိးယကဒီၣ်တဲာ်ကွံာ်ပှၤကညီဒီး ဆၣ်ဖိကီၢ်ဖိလၢအပူၤဒီး,―

²⁰ စီၤနိအၤ, ဒီးစီၤဒၤနံးယ့လး, ဒီးစီၤယိၤဘးမ့ၢ်အိၣ်လၢ အပူၤဘၣ်ဆၣ်ဒီး, ယမူယဲ, ကစၢ်ယွၤစံးဝဲဒၣ်, အဖိမုၣ် မ့ၢ်ဂ့ၤ, အဖိခွါမ့ၢ်ဂ့ၤ, တမၤပူၤမၤဖျဲးဘၣ်, ကမၤပူၤမၤဖျဲး လၢအတၢ်တီတၢ်လိၤထဲအကစၢ်ဒၣ်ဝဲန့ၣ်ဧိၤလီၤ. ²¹ မၤသးဒ်န့ၣ်ဒီးကစၢ်ယွၤစံးဝဲဒ်အံၤ, တုၤယမၢလီၤယတၢ်စံၣ်ညီၣ်အၢလွံၢ်မံၤလၢယရူၤၡလ့ၣ်အဖီခိၣ်, နးဧိၤဘီဧိၤ, ဒီးတၢ်သၣ်ဝံၤလီၤဒိ, ဒီးဆၣ်ဖိကီၢ်ဖိအဒူ, ဒီးတၢ်သံသတြိာ်ဒ်သိးအကဒီၣ်တဲာ်ကွံာ်ပှၤကညီဒီး ဆၣ်ဖိကီၢ်ဖိလၢအပူၤဒီး, နးန့ၢ်အန့ၣ်တက့ၢ်ဆံးဒိၣ်လဲၣ်.―

²² ဘၣ်ဆၣ်ဒီးကွၢ်ကွၢ်, တၢ်ကပာ်လီၤတဲာ်ပှၤလၢအက ပူၤဖျဲးတနီၤလၢအပူၤ, ဒီးတၢ်ကဒုးဟးထီၣ်အီၤ, ဖိမုၣ် ဒီးဖိခွါလီၤ. ကွၢ်ကွၢ်, ကဟဲထီၣ်ဆူသုအိၣ်, ဒီးသုက ထံၣ်ဘၣ်အကျဲ, ဒီးအမၤတၢ်, ဒီးတၢ်ကမၤမုာ်ထီၣ်က့ၤ သုလၢတၢ်အၢလၢ ယဒုးဟဲဘၣ်ယရူၤၡလ့ၣ်, လၢက ယဲၢ်တၢ်လၢယဒုးဟဲဘၣ်အီၤအဂ့ၢ်လီၤ.

²³ ဒီးတုၤသုထံၣ်ဘၣ်အကျဲ, ဒီးအမၤတၢ်ဒီး, ကမၤမုာ် ထီၣ်က့ၤသုသး, ဒီးသုကသ့ၣ်ညါလၢတမ့ၢ်ဘၣ်အဂ့ၢ် တအိၣ်ဘၣ်ဒီး, ယမၤအီၤလၢတၢ်ခဲလၢာ်လၢယမၤတ့ၢ် အီၤဘၣ်, ကစၢ်ယွၤစံးဝဲဒၣ်.

၁၅

¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်,― ပှၤကညီဖိခွါ ဧၢ, စပံးမုၢ်အသ့ၣ်စပံးမုၢ်အဒ့တဒ့လၢ သ့ၣ်ဧိၤဝၣ်ဧိၤ လၢပှၢ်လၢ်ကျါအကျါန့ၣ် ဂ့ၤန့ၢ်သ့ၣ်အဂၤလၢမနုလဲၣ်.

³ ပှၤတဟံးန့ၢ်အသ့ၣ်ဒ်သိး အကတ့တၢ်တမံၤလၢအီၤ စ့ၢ်ကီးဧါ. ပှၤကဟံးန့ၢ်ပနဲာ်စဲတဘိလၢအပူၤ ဒ်သိး အကဘျးထီၣ်တၢ်တမံၤမံၤလၢအဖီခိၣ်စ့ၢ်ကီးဧါ.

⁴ ကွၢ်ကွၢ်, ပှၤဖၢလီၤအီၤလၢမ့ၣ်အူကျါလၢသ့ၣ်မုၣ်အ ဂီၢ်, ဒီးမ့ၣ်အူအီၣ်ကွံာ်အစိးနါခံခီ, ဒီးအသးကံၢ်ပူၤ ဆူးထီၣ်ကွံာ်အသးလီၤ. အန့ၣ်ဒီးဂ့ၤဝဲဘၣ်ဝဲလၢတ့ တၢ်တမံၤမံၤအဂီၢ်စ့ၢ်ကီးဧါ.

⁵ ကွၢ်ကွၢ်, လၢအအိၣ်ဒီဘိန့ၣ်တဂ့ၤဘၣ်ဒီးတၢ်တ့တၢ် နီတမံၤဘၣ်. တုၤမ့ၣ်အူအီၣ်ကွံာ်အီၤ, ဒီးဆူးထီၣ်ကွံာ် အသးဝံၤဒီး, ကဂ့ၤဝဲလၢတ့တၢ်တမံၤမံၤအဂီၢ်ဒ်လဲၣ်.

⁶ မၤသးဒ်န့ၣ်ဒီး ကစၢ်ယွၤစံးဒ်အံၤ, ဒ်စပံးမုၢ်အသ့ၣ် လၢသ့ၣ်ဧိၤဝၣ်ဧိၤလၢပှၢ်လၢ်ကျါလၢ ယဟ့ၣ်လီၤအီၤ လၢမ့ၣ်အူလၢသ့ၣ်မုၣ်အဂီၢ်အသိးန့ၣ်, ယကဟ့ၣ်လီၤ ကွံာ်ပှၤယရူၤၡလ့ၣ်ဖိဒ်န့ၣ်သိးလီၤ. ⁷ ယကပာ်ယမဲာ် ထီဒါအီၤ, ဒီးအဝဲသ့ၣ်ကဟးထီၣ်ကွံာ်လၢမ့ၣ်အူအပူၤ, ဘၣ်ဆၣ်ဒီးမ့ၣ်အူကအီၣ်ကွံာ်အီၤလီၤ. ဒီးတုၤယပာ် ယမဲာ်ထီဒါအီၤဒီး, သုကသ့ၣ်ညါလၢယမ့ၢ်ယွၤလီၤ.―

⁸ ဒီးယကမၤသယုၢ်ထံဧိၤကီၢ်ဧိၤန့ၣ်လၢ အမၤကမၣ်တၢ် နးမးအဃိလီၤ, ကစၢ်ယွၤစံးဝဲဒၣ်.

၁၆

¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ² ― ပှၤကညီဖိ ခွါဧၢ, ဘိးဘၣ်သ့ၣ်ညါယရူၤၡလ့ၣ်လၢအတၢ်သးဘၣ် အၢတဖၣ်, ³ ဒီးစံး, ကစၢ်ယွၤစံးလၢယရူၤၡလ့ၣ်ဒ်အံၤ, နအိၣ်အလီၢ်လၢအခီၣ်ထံး, ဒီးနအိၣ်ဖျဲၣ်အလီၢ်န့ၣ်မ့ၢ် ကီၢ်ကနၤဧၣ်လီၤ. နပၢ်မ့ၢ်ပှၤအမိၢ်ဖိ, ဒီးနမိၢ်မ့ၢ်ပှၤဃ့ၤ သးဖိလီၤ. ⁴ ဒီးလၢနအိၣ်ဖျဲၣ်န့ၣ် တၢ်သကူးတဲာ်ဘၣ်နဒ့လၢမုၢ်တနံၤလၢနအိၣ်ဖျဲၣ်န့ၣ်, ဒီးတၢ်တသ့စီဘၣ်နၤလၢထံလၢနတကဆှီထီၣ်ဘၣ်, တၢ်တဖှံဘၣ်နၤလၢအံသၣ်ဘၣ်, ဒီးတဘိၣ်ထီၣ်ဘၣ်နၤလၢတၢ်သွံတၢ်စီၤဘၣ်.―

⁵ တၢ်အမဲာ်တသးအိၣ်ဘၣ်နၤ တုၤအကသးကညီၤနၤ, ဒ်သိးအကမၤတၢ်န့ၣ်တဖၣ်တမံၤမံၤ လၢနဂီၢ်ဘၣ်. မ့ မ့ၢ်လၢမုၢ်တနံၤလၢနအိၣ်ဖျဲၣ်န့ၣ် တၢ်ကွံာ်တ့ၢ်ကွံာ်နၤ ဆူတၢ်ပျီပူၤလၢတၢ်သးဘၣ်အၢနၤအဃိလီၤ.

⁶ ဒီးတုၤယလဲၤတြူာ်နၤ, ဒီးထံၣ်နၤလၢနကဘၣ်တၢ် ယီၢ်လီၤနၤလၢနသွံၣ်ဒၣ်နဲအပူၤဒီး, လၢနအိၣ်လၢန သွံၣ်ပူၤန့ၣ်, ယစံးနၤ, မူထီၣ်တက့ၢ်. မ့ၢ်မးယစံးဘၣ်နၤ လၢနအိၣ်လၢနသွံၣ်ပူၤန့ၣ်မူထီၣ်တက့ၢ်.

⁷ ယဒုးဒိၣ်ထီၣ်နၤဒ်တၢ်အမဲထီၣ်လၢပှၢ်လၢ်ကျါအသိး န့ၣ်, ဒီးနဒိၣ်ထီၣ်, ဒီးနနီၢ်ထီထီၣ်, ဒီးနကဲထီၣ်ပှၤအိၣ် ဒီးအဃံအလၤလီၤဆီဒၣ်တၢ်လီၤ. နနုၢ်ဒိးထီၣ်, ဒီးနခိၣ် သူထီထီၣ်လီၤ. မ့မ့ၢ်နအိၣ်ဘ့ၣ်ဆ့, ဒီးနကူနသိးတ အိၣ်ဘၣ်လီၤ.

⁸ ဒီးတုၤယလဲၤတြူာ်နၤ, ဒီးယထံၣ်နၤဒီး, ကွၢ်ကွၢ်, မ့ၢ် နကတီၢ်, တၢ်အဲၣ်အကတီၢ်လီၤ. ဒီးယဒါလီၤယယၣ် အသရ့ၤလၢနလိၤ, ဒီးလုးဘၢနတၢ်အိၣ်ဘ့ၣ်ဆ့, ဒီးယ ဆိၣ်တၢ်ဒီးနၤ, ဒီးယအၢၣ်လီၤအီလီၤတၢ်ဒီးနၤ, ဒီးနကဲ ထီၣ်ယတၢ်လီၤ, ယွၤစံးဝဲဒၣ်.

⁹ တုၤနုၤတဘျီယသ့စီနၤလၢထံ, မ့ၢ်မးယသ့စီကွံာ်န သွံၣ်လၢနလိၤစီဖ့ကလ့ၤ, ဒီးယဖှူနၤလၢသိလီၤ. ¹⁰ ဒီး ယဒုးကူဒုးသိးနၤဒီးတၢ်ကူတၢ်သိး ဆးကံၣ်ဃ့အသး, ဒီးယဖျီၣ်နခီၣ်ဒီးခီၣ်ဖံးတၢ်ဖံး, ဒီးကံၢ်တူာ်နယီၢ်ဒ့ဒီး ဖှီဝါကဆှၣ်, ဒီးကျၢၢ်ဘၢနၤလၢသတိၢ်လီၤ.

¹¹ ဒီးယကယၢကယဲနၤလၢ တၢ်ကယၢကယဲ, ဒီးယဒုး သိးနစုလၢထံဖှံၣ်, ဒီးယဒုးလံာ်နကိာ်လၢသွဲ, ¹² ဒီး ယဒုးတုၢ်ထီၣ်နၤလၢနးဒ့ကွီၤ, ဒီးယဒုးဒံးထီၣ်နၤလၢ နၢ်ဒံးပသံး, ဒီးယဒုးကုာ်နၤလၢတၢ်ခိၣ်သလုးအဃံ အလၤလီၤ.

¹³ ဒီးနအိၣ်ကယၢကယဲဒီးထူဧိၤလွဲဧိၤ, ကျိၣ်ဧိၤစ့ဧိၤ, ဒီး နကူနသိးမ့ၢ်ဖှီဝါကဆှၣ်, ဒီးသတိၢ်, ဒီးတၢ်ဆးကံၣ်ဃ့ အသးလီၤ. နအီၣ်ကိၣ်အကမူၣ်, ဒီးကနဲစီ, ဒီးသိ, ဒီး နဃံနလၤဂ့ၤမးလီၤ. ဒီးနဘီၣ်ထီၣ်ညီထီၣ်တုၤနကဲ ထီၣ်နီၢ်ပၤမုၣ်လီၤ.

¹⁴ ဒီးနမံၤဟူထီသါလီၤလၢနဃံနလၤအဃိ လၢပှၤက လုာ်တဖၣ်အကျါလီၤ. အဂ့ၢ်ဒ်အံၤ, မ့ၢ်အလၢအပှဲၤလၢ တၢ်အဂ့ၤအဘၣ်လၢ ယပာ်လၢနလိၤအဃိန့ၣ်လီၤ, ယွၤစံးဝဲဒၣ်.

¹⁵ ဘၣ်ဆၣ်ဒီးနသန့ၤနသးလၢနဃံနလၤ, ဒီးနမၤက မၣ်မုၣ်ကမၣ်ခွါလၢနမံၤနသၣ်အဃိ, ဒီးနမၤကမၣ်မုၣ် ကမၣ်ခွါအါမးဒီး ကယဲၢ်ပှၤလၢအလဲၤတြူာ်လၢနအိၣ် လီၤ. အန့ၣ်မ့ၢ်အဝဲဒၣ်အတၢ်လီၤ.

¹⁶ ဒီးနဟံးန့ၢ်တၢ်လၢနကူနသိးအကျါ, ဒီးနမၤတၢ်အ လီၢ်ထီၣ်ထီ, ကယၢကယဲဒီးတၢ်ကံၣ်ဃ့, ဒီးနမၤကမၣ် မုၣ်ကမၣ်ခွါလၢအဖီခိၣ်လီၤ. တၢ်ဒ်န့ၣ်သိးတဟဲလၢၤ ဘၣ်ဒီး တမၤလၢၤဘၣ်အသးဘၣ်. ¹⁷ ဒီးနဟံးန့ၢ်နကယၢကယဲ အဃံအလၤလၢယထူဧိၤလွဲဧိၤ, ဒီးယကျိၣ်ဧိၤစ့ဧိၤအကျါလၢယဟ့ၣ်တ့ၢ်နၤ, ဒီးတ့ပှၤပိာ်ခွါအဂီၤလၢအီၤလၢနဂီၢ်, ဒီးနမၤကမၣ်မုၣ် ကမၣ်ခွါဒီးအီၤ, ¹⁸ ဒီးနဟံးန့ၢ်နကူနသိးဆးကံၣ်ဃ့အ သး, ဒီးကျၢၢ်ဘၢအီၤ, ဒီးပာ်ယသိဧိၤချါဧိၤ, ဒီးယတၢ် ဆိၣ်ကဲၤနၢမူလၢအမဲာ်ညါလီၤ.

¹⁹ ဒီးယတၢ်အီၣ်လၢယဟ့ၣ်လီၤနၤ, ကိၣ်ကမူၣ်, ဒီးသိ, ဒီးကနဲစီလၢယလုၢ်အီၣ်နၤလၢအီၤန့ၣ် နပာ်လီၤလၢ အမဲာ်ညါလၢတၢ်နၢမူအိၣ်ဘှံးအဂီၢ်လီၤ. ဒီးတၢ်မၤအ သးဒ်န့ၣ်, ကစၢ်ယွၤစံးဝဲဒၣ်.

²⁰ ဒီးနဟံးန့ၢ်နဖိမုၣ်, ဒီးနဖိခွါလၢနဆံးစၢ်န့ၢ်ယၤ, ဒီး လုၢ်ထီၣ်အီၤ, လၢတၢ်ကအီၣ်ကွံာ်အီၤအဂ့ၢ်လီၤ. နမၤ ကမၣ်မုၣ်ကမၣ်ခွါန့ၣ် မ့ၢ်အတအါဘၣ်ဒီး, ²¹ နမၤသံ ယဖိ, ဒီးဟ့ၣ်လီၤကွံာ်အီၤဒ်သိးအကခီဂာ်မ့ၣ်အူလၢ အဂီၢ်န့ၣ်စ့ၢ်ကီးဧါ.

²² ဒီးလၢနတၢ်သးဘၣ်အၢခဲလၢာ်အပူၤ, ဒီးနမၤကမၣ် မုၣ်ကမၣ်ခွါခဲလၢာ်အပူၤန့ၣ် နတသ့ၣ်နီၣ်ထီၣ်က့ၤန ဖိသၣ်ဒံးအမုၢ်နံၤတဖၣ်ဖဲနအိၣ်ဘ့ၣ်ဆ့, ဒီးနကူနသိး တအိၣ်ဘၣ်, ဒီးဘူးဒီးတၢ်ကယီၢ်လီၤနၤလၢနသွံၣ်ပူၤ လီၤ.

²³ နဘၣ်အဖှီၣ်, နဘၣ်အဖှီၣ်လီၤ. ကစၢ်ယွၤစံးဝဲဒၣ်, ဒီးလၢနတၢ်အၢခဲလၢာ်အလီၢ်ခံန့ၣ်, ²⁴ တၢ်မၤအသး လၢနမၤတၢ်ခိၣ်ဒုးထီၣ်အသးလၢနဂီၢ်, ဒီးမၤတၢ်အ လီၢ်ထီၣ်ထီလၢကျဲမုၢ်ကိးဘိဒဲးအပူၤလၢနဂီၢ်လီၤ. ²⁵ န မၤနလီၢ်ထီၣ်ထီလၢ ကယဲၢ်ကျဲအခီၣ်ထံး, ဒီးဒုးသး ဘၣ်အၢနဃံနလၤ, ဒီးနသကါနခီၣ်လၢကယဲၢ်ပှၤလၢ အလဲၤတြူာ်လၢနၤတဂၤလၢ်လၢ်အဂီၢ်, ဒီးမၤအါထီၣ် နမၤကမၣ်မုၣ်ကမၣ်ခွါလီၤ.

²⁶ ဒီးနမၤကမၣ်မုၣ်ကမၣ်ခွါ ဒီးပှၤအဲၤကူပတူးဖိ, ပှၤ အိၣ်ဝဲလၢနဃၢၤ, လၢအဖံးအညၣ်ဖးဒိၣ်, ဒီးမၤအိၣ် ထီၣ်နမၤကမၣ်မုၣ်ကမၣ်ခွါတဖၣ်လၢ နကထိၣ်ဂဲၤ ယသးထီၣ်အဂ့ၢ်လီၤ. ²⁷ မၤသးဒ်န့ၣ်ဒီး, ကွၢ်ကွၢ်, ယ ယူာ်ထီၣ်ယစုထီဒါနၤ, ဒီးမၤစှၤလီၤနတၢ်အီၣ်တၢ်အီ, ဒီးဟ့ၣ်လီၤကွံာ်နၤဖဲပှၤအသးလၢအသးဟ့နၤ, ပှၤဖလ့ ၡသးဖိအဖိမုၣ်လၢအမဲာ်ဆှးလၢ နကျဲကလုာ်ကလိၤ အဃိလီၤ.

²⁸ ဒီးနမၤကမၣ်မုၣ်ကမၣ်ခွါဒီး ပှၤအၤရှူၢ်ဖိလၢနမၤဘျဲး မၤတသ့ဘၣ်အဃိလီၤ. မ့ၢ်မးနမၤကမၣ်မုၣ်ကမၣ်ခွါ ဒီးအီၤ, ဘၣ်ဆၣ်ဒီးနမၤဘျဲးမၤတသ့ဘၣ်. ²⁹ ဒီးနမၤ အါထီၣ်နမၤကမၣ်မုၣ်ကမၣ်ခွါလၢ ကီၢ်ကနၤဧၣ်ပၢၢ် လၢကီၢ်က့ၤစ့း, ဒီးနမၤဘျဲးမၤတသ့ဘၣ်.

³⁰ မ့ၢ်နမၤတၢ်ခဲလၢာ်န့ၣ်လၢ ပိာ်မုၣ်လၢအပာ်ဒူအသး, ဒီးမၤကမၣ်မုၣ်ကမၣ်ခွါတဂၤမၤဝဲဒီး, နသးအဂံၢ်စၢ် ဘါစၢ်ဒ်လဲၣ်, ကစၢ်ယွၤစံးဝဲဒၣ်. ³¹ ဒီးနမၤနတၢ်ခိၣ်ဒုး ထီၣ်အသးလၢကျဲကိးဘိဒဲးအခီၣ်ထံး, ဒီးမၤနတၢ်အ လီၢ်ထီၣ်ထီလၢကျဲမုၢ်ကိးဘိဒဲးအပူၤ, ဒီးနတဒ်ဘၣ် ပှၤဃဲသဲမုၣ်အသိးဘၣ်. အဂ့ၢ်ဒ်အံၤ, နတပးကဲဘၣ် တၢ်အဘူးအလဲဘၣ်. ³² မ့ၢ်ဒ်မါလၢအအဲၣ်ဘၢအဝၤ အသိးန့ၣ်လၢအဟံးန့ၢ် ပှၤဂၤလၢအဝၤအလီၢ်လီၤ.―

³³ ပှၤပိာ်ခွါဟ့ၣ်တၢ်အဘူးအလဲလၢ ပှၤဃဲသဲမုၣ်ခဲလၢာ် လီၤ. မ့မ့ၢ်နဲဒၣ်အံၤနဟ့ၣ်ကယဲၢ်ပှၤလၢအအဲၣ်နၤအ ဘူးအလဲ, ဒီးနမၢလဲၤအီၤလၢစ့ဒ်သိး အကဟဲလၢ ကိးခီဒဲးဆူနအိၣ်, လၢအကမၤကမၣ်မုၣ်ကမၣ်ခွါဒီးနၤ အဂီၢ်လီၤ. ³⁴ ဒီးလၢနမၤကမၣ်မုၣ်ကမၣ်ခွါအပူၤန့ၣ်န လီၤဆီန့ၢ်ပိာ်မုၣ်အဂၤတက့ၢ်လီၤ. အဂ့ၢ်ဒ်အံၤ, ပှၤတ လူၤဘၣ်နၤဒ်သိးအကမၤကမၣ်မုၣ်ကမၣ်ခွါဒီးနၤနီတ ဂၤဘၣ်. မ့မ့ၢ်နဟ့ၣ်တၢ်အဘူးအလဲ, ဒီးတၢ်တဟ့ၣ် ဘၣ်နၤလၢနဘူးနလဲဘၣ်. မၤသးဒ်န့ၣ်ဒီးနလီၤဆီဒၣ် တၢ်လီၤ.

³⁵ မၤသးဒ်န့ၣ်ဒီးပှၤဃဲသဲမုၣ်ဧၢ, ကနၣ်ယွၤအကလုၢ် တက့ၢ်. ³⁶ ကစၢ်ယွၤစံးဒ်အံၤ, မ့ၢ်နတၢ်ဘၣ်အၢလူလီၤ အသးဒီးနအိၣ်ဘ့ၣ်ဆ့အလီၢ်အိၣ်ဖျါလၢ နမၤကမၣ် မုၣ်ကမၣ်ခွါလၢပှၤလၢနအဲၣ်အီၤအဃိ, ဒီးလၢနတၢ် သးဘၣ်အၢအတၢ်ဂီၤအဃိ, ဒီးလၢနဖိတဖၣ်အသွံၣ် လၢနဟ့ၣ်အီၤအဃိဒီး, ³⁷ ကွၢ်ကွၢ်, မၤသးဒ်န့ၣ်ဒီးယက ဒုးအိၣ်ဖှိၣ်ရိဖှိၣ်ပှၤလၢနအဲၣ်အီၤခဲလၢာ်, ပှၤလၢနမုာ် လၤဒီးအီၤ, ကယဲၢ်ပှၤလၢနအဲၣ်အီၤဒီး ကယဲၢ်ပှၤလၢန သးဟ့အီၤ, ဒီးယကဒုးအိၣ်ဖှိၣ်ရိဖှိၣ်အီၤဝးတရံးထီဒါ နၤ, ဒီးယကလီၣ်ဖျါထီၣ်နတၢ်အိၣ်ဘ့ၣ်ဆ့ လၢအမဲာ် ညါ, ဒ်သိးအကထံၣ်ဘၣ်နအိၣ်ဘ့ၣ်ဆ့အလီၢ်ခဲလၢာ် လီၤ.

³⁸ ယကစံၣ်ညီၣ်နၤဒ်ပိာ်မုၣ်လၢအအဲၣ်ဘၢအဝၤ, ဒီးလူ တၢ်သွံၣ်တဖၣ်ဘၣ်တၢ်စံၣ်ညီၣ်အီၤအသိး, ဒီးယက ဟ့ၣ်လီၤနၤလၢတၢ်သွံၣ်လၢ ယသးကဲၤထီၣ်ဒီးယသး က့ၣ်လီၤ. ³⁹ ဒီးယကဟ့ၣ်လီၤကွံာ်နၤလၢအစုပူၤ, ဒီးက မၤလီၤပှီၢ်ကွံာ်နတၢ်ခိၣ်ဒုးထီၣ်အသး, ဒီးကမၤဟးဂီၤ ကွံာ်နလီၢ်ထီၣ်ထီတဖၣ်, ဒီးကဘ့ၣ်ကွံာ်နကူနသိး, ဒီး ကဟံးထီၣ်ကွံာ်နကယၢကယဲလၢအဃံအလၤ, ဒီးက ပာ်လီၤတဲာ်နၤအိၣ်ဘ့ၣ်ဆ့, ဒီးနကူနသိးတအိၣ်ဘၣ် လီၤ.

⁴⁰ ဒီးကဒုးဟဲထီဒါနၤလၢပှၤတဖု, ဒီးကကွံာ်နၤလၢ လၢၢ်ဒီးဆဲးဖျိထီၣ်နၤလၢ အနးလီၤ. ⁴¹ ဒီးကဆူးထီၣ် ကွံာ်နဟံၣ်တဖၣ်လၢမ့ၣ်အူ, ဒီးမၤတၢ်စံၣ်ညီၣ်တဖၣ် လၢနၤလၢပိာ်မုၣ်အါဂၤအမဲာ်ညါ, ဒီးယကဒုးဆိတ့ၢ် နမၤကမၣ်မုၣ်ကမၣ်ခွါ, ဒီးနတဟ့ၣ်လၢၤဘၣ်တၢ်အ ဘူးအလဲဘၣ်.

⁴² ဒီးယကဒုးဆိတ့ၢ်ယသးကဲၤထီၣ်နၤ, ဒီးယသးက့ၣ် ကဟးထီၣ်ကွံာ်လၢနၤ, ဒီးယကအိၣ်ဃိကလာ်, ဒီးယ သးတထီၣ်လၢၤဘၣ်.

⁴³ မ့ၢ်နတသ့ၣ်နီၣ်ထီၣ်က့ၤနဖိသၣ်ဒံး အမုၢ်နံၤတဖၣ်, ဒီးထိၣ်ဂဲၤယသးထီၣ်လၢတၢ်ခဲလၢာ်အဃိဒီး, ကွၢ်ကွၢ်, မၤသးဒ်န့ၣ်ဒီးယကဟ့ၣ်ကၣ်နကျဲလၢ နခိၣ်အဖီခိၣ် လီၤ, ကစၢ်ယွၤစံးဝဲဒၣ်. ဒီးနတမၤလၢၤဘၣ်တၢ်ကလုာ် ကလိၤအံၤလၢနတၢ်သးဘၣ်အၢခဲလၢာ်အဖီခိၣ်ဘၣ်.

⁴⁴ ကွၢ်ကွၢ်, ကယဲၢ်ပှၤလၢအကတိၤဒိတၢ်န့ၣ်ကကတိၤ ဒိတၢ်လၢနဂ့ၢ်ဒီးစံး, ဒ်မိၢ်အသိးန့ၣ်ဖိမုၣ်မ့ၢ်ဒ်န့ၣ်အသိး လီၤ.

⁴⁵ နဲဒၣ်အံၤနမ့ၢ်နမိၢ်အဖိမုၣ်လၢ အသးဘၣ်အၢအဝၤ ဒီးအဖိအလံၤ, ဒီးနမ့ၢ်နဒီပုၢ်ဝဲၢ်မုၣ်တဖၣ်အဒီပုၢ်ဝဲၢ်မုၣ် လၢအသးဘၣ်အၢအဝၤဒီးအဖိအလံၤလီၤ. သုမိၢ်မ့ၢ် ပှၤဃ့ၤသးဖိ, ဒီးသုပၢ်မ့ၢ်ပှၤအမိၢ်ဖိလီၤ. ⁴⁶ ဒီးနဝဲၢ်မုၣ် မ့ၢ်ၡၤမရံအိၣ်ဒီးအဖိမုၣ်တဖၣ်, လၢအအိၣ်ဝဲဆိးဝဲလၢ နစုစ့ၣ်တခီ, ဒီးနပုၢ်မုၣ်လၢအအိၣ်အဆိးလၢနစုထွဲ နခီ, မ့ၢ်စဒိၣ်အိၣ်ဒီးအဖိမုၣ်တဖၣ်လီၤ.

⁴⁷ ဘၣ်ဆၣ်ဒီးနတပိာ်ဘၣ်အကျဲဘၣ်. ဒီးနတမၤဘၣ် ဒ်အတၢ်သးဘၣ်အၢအသိးန့ၣ်ဘၣ်. အန့ၣ်နပာ်လၢ တၢ်အဆံးကဲၣ်ဆိး, ဒီးနအၢန့ၢ်အဝဲသ့ၣ်လၢနကျဲပူၤ ခဲလၢာ်တက့ၢ်လီၤ.

⁴⁸ ယမူယဲ, ကစၢ်ယွၤစံးဝဲဒၣ်, နပုၢ်မုၣ်စဒိၣ်အဝဲဒၣ်မ့ၢ် ဂ့ၤ, အဖိမုၣ်မ့ၢ်ဂ့ၤ, တမၤဘၣ်တၢ်ဒ်နမၤနဲဒီးနဖိမုၣ်တ ဖၣ်အသိးန့ၢ်ဘၣ်. ⁴⁹ ကွၢ်ကွၢ်, နပုၢ်မုၣ်စဒိၣ်အတၢ်ဒဲး ဘး, မ့ၢ်အအံၤ, ပာ်အသးထီၣ်ထီ, အီၣ်ဘျဲးအီၣ်တၢ်, ဒီးတၢ်အိၣ်ဘှံးအါအါကလဲာ်န့ၣ်, အိၣ်ဝဲဆိးဝဲလၢအ ပူၤ, ဒီးလၢအဖိမုၣ်တဖၣ်အပူၤ, ဒီးတမၤဆူၣ်ထီၣ်ပှၤ ဖှီၣ်ဖိယာ်ဖိ, ဒီးပှၤဘၣ်နးဘၣ်ဖှီၣ်အစုဘၣ်. ⁵⁰ ဒီးပာ် ကဖိအသး, ဒီးမၤတၢ်သးဘၣ်အၢလၢယမဲာ်ညါလီၤ. ဒီးတုၤယထံၣ်တၢ်ဒီး, ယညိကွံာ်အီၤလီၤ.

⁵¹ ဒီးၡၤမရံတမၤဖးဖီဘၣ်နတၢ်ဒဲးဘးဘၣ်. မ့ၢ်နမၤအါ ထီၣ်နတၢ်သးဘၣ်အၢအါန့ၢ်အဝဲသ့ၣ်, ဒီးနပာ်တီနဒီ ပုၢ်ဝဲၢ်မုၣ်တဖၣ်, လၢကယဲၢ်နတၢ်သးဘၣ်အၢအပူၤလၢ နမၤနဲလီၤ.

⁵² နဲဒၣ်အံၤအိၣ်စ့ၢ်ကီးဒီးနမဲာ်ဆှးဒၣ်နဲလၢ နစံၣ်ညီၣ် နဒီပုၢ်ဝဲၢ်မုၣ်အဃိတက့ၢ်. အဂ့ၢ်ဒ်အံၤ, အဝဲသ့ၣ်တဖၣ် န့ၣ်တီန့ၢ်နၤတက့ၢ်လၢနတၢ်ဒဲးဘးလၢ နမၤတၢ်သး ဘၣ်အၢနးန့ၢ်အဝဲသ့ၣ်တက့ၢ်အဃိလီၤ. မ့ၢ်မးပာ်ဆှး နမဲာ်ဒီးအိၣ်ဒၣ်တၢ်ဒီးနမဲာ်ဆှးတက့ၢ်.

⁵³ ဒီးယကဒုးဟဲက့ၤအပှၤလဲၤကဲကုၢ်, စဒိၣ်ဒီးအဖိမုၣ် တဖၣ်လၢအလဲၤကဲကုၢ်, ဒီးၡၤမရံဒီးအဖိမုၣ်တဖၣ်လၢ အလဲၤကဲကုၢ်, ဒီးယကဒုးဟဲက့ၤနၤလၢနလဲၤကဲကုၢ် လၢအကျါ, ⁵⁴ ဒ်သိးနကအိၣ်ဒၣ်တၢ်ဒီး, နမဲာ်ဆှးဒၣ် နဲဒိးနကပာ်ဆှးနမဲာ်လၢ ကယဲၢ်တၢ်လၢနမၤအဃိ, လၢနမၤမုာ်ထီၣ်က့ၤအီၤအဃိလီၤ.

⁵⁵ ဒီးနဒီပုၢ်ဝဲၢ်မုၣ်, စဒိၣ်ဒီးအဖိမုၣ်တဖၣ်ကက့ၤက့ၤဝဲ ဆူအလီၢ်လၢအခီၣ်ထံး, ဒီးၡၤမရံဒီးအဖိမုၣ်တဖၣ်က က့ၤက့ၤဆူအလီၢ်လၢအခီၣ်ထံး, ဒီးနဲဒၣ်ဒီးနဖိမုၣ်တ ဖၣ်န့ၣ်ကက့ၤက့ၤဆူသုလီၢ်လၢအခီၣ်ထံးလီၤ.

⁵⁶ အဂ့ၢ်ဒ်အံၤ, လၢနပာ်ထီၣ်ထီနသးအမုၢ်တနံၤလၢန တၢ်ဒဲးဘးတချုးအိၣ်ဖျါဒံးဘၣ်န့ၣ် နတပှ့ၤဘၣ်နဒီပုၢ် ဝဲၢ်မုၣ်စဒိၣ်အမံၤလၢနထးခိၣ်ဘၣ်. ⁵⁷ ဒ်လၢနဘၣ်တၢ် ဒုၣ်ဒွဲၣ်လၢပှၤစူၤရံဖိ, ဒီးလၢကယဲၢ်ပှၤအိၣ်ဝးတရံးအီၤ, ဒီးလၢပှၤဖလ့ၡသးဖိအဖိမုၣ်တဖၣ်လၢ အမၤတရီတ ပါနၤကိးခီဒဲးအခါအသိးန့ၣ်လီၤ. ⁵⁸ နကဘၣ်ဒၣ်နသး, ကလုာ်ကလိၤ, ဒီးနတၢ်သးဘၣ်အၢတဖၣ်န့ၣ်လီၤ. ကစၢ်ယွၤစံးဝဲဒၣ်.

⁵⁹ အဂ့ၢ်ဒ်အံၤ, ကစၢ်ယွၤစံးဒ်အံၤ, ယကမၤနၤ, ဒ်နမၤ နဲအသိး, ပှၤလၢအတပးကဲဘၣ်တၢ်ဆိၣ်န့ၣ်ဒီး မၤ ဟးဂီၤတၢ်အၢၣ်လီၤအီလီၤန့ၣ်လီၤ.

⁶⁰ ဘၣ်ဆၣ်ဒီးယကသ့ၣ်နီၣ်ထီၣ်က့ၤ ယအၢၣ်လီၤအီ လီၤတၢ်ဒီးနၤလၢနဖိသၣ်ဒံးအမုၢ်နံၤတဖၣ်န့ၣ်, ဒီးယ ကဒုးအိၣ်ဂၢၢ်ဆိးကျၢၤဒီးနၤလၢ တၢ်အၢၣ်လီၤအီလီၤ အထူအယိာ်လီၤ.

⁶¹ ဒီးတုၤနတူၢ်လိာ်နဒီပုၢ်ဝဲၢ်မုၣ်တဖၣ်, နဝဲၢ်မုၣ်, ဒီးနပုၢ် မုၣ်ဒီး, နကသ့ၣ်နီၣ်ထီၣ်က့ၤနကျဲတဖၣ်, ဒီးနမဲာ်က ဆှးလီၤ. ဒီးယကဟ့ၣ်လီၤအီၤဒ်သိးအကကဲထီၣ်နဖိ မုၣ်တဖၣ်, ဘၣ်ဆၣ်ဒီးတမ့ၢ်ဘၣ်လၢနတၢ်အၢၣ်လီၤ အီလီၤအပူၤဘၣ်လီၤ.

⁶² ဒီးယကဒုးအိၣ်ဂၢၢ်ဆိးကျၢၤ ယတၢ်အၢၣ်လီၤအီလီၤ ဒီးနၤ, ဒီးနကသ့ၣ်ညါလၢယမ့ၢ်ယွၤလီၤ. ⁶³ ဒ်သိးတုၤ ယပျၢ်ကယဲၢ်တၢ်လၢနမၤဒီး, နကသ့ၣ်နီၣ်ထီၣ်က့ၤဒီး နသးကကတုၤ, ဒီးနသုတအဲးထီၣ်လၢၤဘၣ်နထးခိၣ် တဂ့ၤ, လၢနမဲာ်ဆှးအဃိလီၤ. ကစၢ်ယွၤစံးဝဲဒၣ်.

၁၇

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါ ဧၢ, ပှိၢ်ပှီၤတၢ်, ဒီးကတိၤဒိတၢ်ဒီးအံၣ်စရ့လးအပှၤ ဟံၣ်ဖိ, ³ ဒီးစံး, ကစၢ်ယွၤစံးဒ်အံၤ, လံာ်ကြီကြာ်ဖး ဒိၣ်, အိၣ်ဒီးအဒံးဆ့ဖးလဲၢ်, ဒီးအဒံးဖးထီ, ဒီးပှဲၤဝဲဒီးအ ဒံးဆ့လၢအကံၣ်ဃ့တဘ့ၣ် ဟဲဝဲဆူလဘၤနိၣ်, ဒီးဟံး န့ၢ်သ့ၣ်ဆှိအ့ရ့းအဒ့တဒ့လၢအထီကတၢၢ်လီၤ.

⁴ ဒ့ဝဲလၢအဒ့ဖိအစိးနါ, ဒီးစိာ်ထီၣ်ဝဲဆူကီၢ်ကၤတၢ် အပူၤ, ဒီးပာ်ဝဲလၢပှၤကၤတၢ်ဖိအဝ့ၢ်ပူၤလီၤ. ⁵ ဒီးဟံး န့ၢ်ကီၢ်အချံအသၣ်, ဒီးသူၣ်ဝဲလၢဟီၣ်ခိၣ်အကဝီၤလၢ အဒုးသၣ်ထီၣ်ဝဲလီၤ. သူၣ်ဝဲလၢထံဖးဒိၣ်အနံၤ, ပာ်ဝဲ ဒ်သ့ၣ်ပံၢ်သလီအသိးန့ၣ်လီၤ.

⁶ ဒီးဒိၣ်ထီၣ်ဝဲ, ဒီးကဲထီၣ်စပံးမုၢ်ဖုၣ်လၢအခိၣ်ကဟု တမုၢ်လီၤ. အဒ့တဖၣ်ဃၣ်အသးဆူအအိၣ်, ဒီးအ ဂံၢ်တဖၣ်အိၣ်ဝဲလၢအဖီလာ်လီၤ. ဒီးကဲထီၣ်ဝဲလၢစပံး မုၢ်တမုၢ်, ဒီးဖးဒ့ထီၣ်, ဒီးဒိၣ်ထီၣ်လီၤ.

⁷ ဒီးလံာ်ကြီကြာ်ဖးဒိၣ်အဂၤတဘ့ၣ် အိၣ်ဝဲဒီးအဒံးဆ့ ဖးလဲၢ်, ဒီးအဒံးအါအါကလဲာ်လီၤ. ဒီးကွၢ်ကွၢ်, စပံး မုၢ်တမုၢ်န့ၣ်စဲၤလီၤအဂံၢ်ဆူအအိၣ်, ဒီးယူာ်လီၤအဒ့ ဆူအအိၣ်ဒ်သိးအကဖှိၣ်ထံလၢအီၤလၢ ထံကျိဖဲတၢ် အလီၢ်လၢအသူၣ်အသးလၢအပူၤန့ၣ်လီၤ.

⁸ သူၣ်အသးလၢဟီၣ်ခိၣ်ဂ့ၤတကဝီၤအပူၤ လၢထံဖး ဒိၣ်အနံၤ ဒ်သိးအကဖးဒ့ထီၣ်, ဒီးသၣ်ထီၣ်, ဒီးကဲထီၣ် စပံးမုၢ်တမုၢ်လၢအဃံအလၤလီၤ.

⁹ စံးနဲ, ကစၢ်ယွၤစံးဒ်အံၤ, ကဘီၣ်ထီၣ်ညီထီၣ်စ့ၢ်ကီး ဧါ. ကထဲးထီၣ်ကွံာ်အီၤလၢအဂံၢ်, ဒီးကဒ့ကွံာ်အသၣ် ဒ်သိးအကလီၤဘဲန့ၣ်တမ့ၢ်ဘၣ်ဧါ. အဖးဒ့ထီၣ်အဒိး အလၣ်ခဲလၢာ်ကလီၤဘဲလီၤ. မ့ၢ်မးတၢ်စိတၢ်ကမီၤတ ဒိၣ်ဘၣ်, ဒီးပှၤဂီၢ်မုၢ်တအါဘၣ်ဒီး, ကထဲးထီၣ်ကွံာ်အီၤ လၢအဂံၢ်လီၤ.

¹⁰ ဒီးကွၢ်ကွၢ်, သူၣ်လံအသးလံ. ဘၣ်ဆၣ်ဒီးကဘီၣ် ထီၣ်ညီထီၣ်စ့ၢ်ကီးဧါ. တုၤကလံၤလၢမုၢ်ထီၣ်ဘၣ်အီၤ ဒီး, ကလီၤဘဲဒီမုၢ်ညါတမ့ၢ်ဘၣ်ဧါ. ကလီၤဘဲလၢတၢ် ကျိၤအပူၤဖဲအမဲထီၣ်လီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, ¹¹ စံးဘၣ်ပှၤ ဟံၣ်ဖိလၢအပူထီၣ်ဒၣ်တၢ်, တၢ်န့ၣ်တဖၣ်မ့ၢ်ဒ်လဲၣ်ဒ် လဲၣ်န့ၣ်သုတသ့ၣ်ညါဘၣ်ဧါ. စံး, ကွၢ်ကွၢ်, ဘၤဘူၤ လိၣ်အစီၤပၤဟဲဝဲဆူယရူၤၡလ့ၣ်, ဒီးဟံးန့ၢ်အစီၤပၤ, ဒီးအပဒိၣ်ဖးဒိၣ်တဖၣ်, ဒီးစိာ်ထီၣ်အီၤဒီးအကစၢ်ဒၣ် ဝဲဆူဘၤဘူၤလိၣ်, ¹³ ဒီးဟံးန့ၢ်ပှၤလၢစီၤပၤအချံအသၣ် အကျါတဂၤ, ဒီးအၢၣ်လီၤအီလီၤတၢ်ဒီးအီၤ, ဒီးဒုးဆိၣ် အီၤလၢတၢ်, ဒီးဟံးထီၣ်ကွံာ်ပှၤအဆူၣ်လၢကီၢ်ပူၤ,―

¹⁴ ဒ်သိးအကဒုးဆီၣ်လီၤဘီမုၢ်အသး, ဒီးအတၢ်သုတပာ် ထီၣ်ထီအသးတဂ့ၤ, ဒ်သိးအကတိၢ်န့ၢ်တၢ်အၢၣ်လီၤ အီလီၤ, ဒီးအတၢ်ကအိၣ်ဂၢၢ်ဆိးကျၢၤလီၤ.

¹⁵ ဘၣ်ဆၣ်ဒီးမ့ၢ်အမၢလီၤအကလူးတဖၣ်ဆူ အဲၤကူ ပတူးဒ်သိးအကဟ့ၣ်အီၤလၢကသ့ၣ်, ဒီးပှၤဂီၢ်မုၢ်အါ ဂၤသတးဒီး, ပူထီၣ်ဝဲလီၤ. ကဘီၣ်ထီၣ်ညီထီၣ်စ့ၢ်ကီး ဧါ. ဒီးကမၤဟးဂီၤတၢ်အၢၣ်လီၤအီလီၤ, ဒီးတၢ်ကမၤ ပူၤဖျဲးအီၤစ့ၢ်ကီးဧါ.

¹⁶ ယမူယဲ, ကစၢ်ယွၤစံးဝဲဒၣ်, မ့ၢ်မးဖဲစီၤပၤတဂၤလၢအ ပာ်အီၤလၢစီၤပၤအိၣ်ဝဲဆိးဝဲအလီၢ်, ပှၤလၢအတပးကဲ ဘၣ်အတၢ်ဆိၣ်, ဒီးမၤဟးဂီၤအတၢ်အၢၣ်လီၤအီလီၤ န့ၣ်ကသံဝဲဒီး အဝဲဒၣ်ဒၣ်လဲာ်လၢဘၤဘူၤလိၣ်အသး ကံၢ်ပူၤလီၤ.

¹⁷ ဒီးဖၤရိၤဒီးအသုးမုၢ်ဂီၢ်မုၢ်, ဒီးပှၤဂီၢ်မုၢ်ဖးဒိၣ်န့ၣ်က မၤထီၣ်တၢ်ခိၣ်ဒူ, ဒီးမၤတိာ်ဧိၤတာ်ဧိၤ ဒ်သိးအကဒီၣ် တဲာ်ကွံာ်ပှၤအါဂၤဘၣ်ဆၣ်ဒီး တမၤဘၣ်လၢအဂီၢ်လၢ တၢ်ဒုးသုးအပူၤနီတမံၤဘၣ်.

¹⁸ အဂ့ၢ်ဒ်အံၤ, တပးကဲဘၣ်တၢ်ဆိၣ်ဘၣ်, ဒီးမၤဟးဂီၤ တၢ်အၢၣ်လီၤအီလီၤလီၤ. ဒီးကွၢ်ကွၢ်, ဟ့ၣ်တ့ၢ်အစုဘၣ် ဆၣ်ဒီးမၤတၢ်ခဲလၢာ်အံၤလီၤ. တပူၤတဖျဲးဘၣ်ဘၣ်ဝဲ ဘၣ်.

¹⁹ မၤသးဒ်န့ၣ်ဒီးကစၢ်ယွၤစံးဒ်အံၤ, ယမူယဲ, မ့ၢ်မးယ တၢ်ဆိၣ်လၢအတပးကဲဘၣ်, ဒီးယတၢ်အၢၣ်လီၤအီ လီၤလၢအမၤဟးဂီၤန့ၣ် ယကဟ့ၣ်ကၣ်အီၤလၢအခိၣ် ဒၣ်ဝဲအဖီခိၣ်လီၤ. ²⁰ ဒီးယကဟုးယပှာ်လၢအဖီခိၣ်, ဒီး ကဘၣ်ယပျံၤသကွီၤ, ဒီးယကစိာ်ထီၣ်အီၤဆူဘၤဘူၤ လိၣ်, ဒီးယကလိာ်ကွီၢ်ဒီးအီၤဖဲန့ၣ်လၢ အတၢ်ကမၣ် လၢအမၤကမၣ်ဘၣ်ယၤအဃိန့ၣ်လီၤ.

²¹ ဒီးအပှၤလၢအဃ့ၢ်တၢ်, ဒီးအသုးမုၢ်ခဲလၢာ်န့ၣ်က လီၤဃံၤလၢနးဧိၤဘီဧိၤ, ဒီးပှၤအိၣ်လီၤတဲာ်တဖၣ်န့ၣ် ကလီၤပြံလီၤပြါဆူကလံၤခဲလၢာ်အကျါလီၤ. ဒီးသု ကသ့ၣ်ညါလၢယၤယွၤအံၤ, ယကတိၤတၢ်လီၤ.

²² ကစၢ်ယွၤစံးဒ်အံၤ, ယကဟံးန့ၢ်စ့ၢ်ကီးသ့ၣ်ဆှိအ့ရ့း ထီတထံးအဒ့, ဒီးယကသူၣ်အီၤ, ဒီးယကဒ့ကွံာ်တၢ် အဒိးလၢအဒ့ထီကတၢၢ်အခံ, ဒီးယကသူၣ်အီၤလၢက စၢၢ်ထီဒီးဖးထီလီၤဆီဒၣ်တၢ်တဖျၢၣ်အလိၤလီၤ.

²³ လၢအံၣ်စရ့လးအကစၢၢ်ဖးထီအလိၤန့ၣ် ယကသူၣ် အီၤ, ဒီးကဖးဒ့ထီၣ်, ဒီးသၣ်ထီၣ်, ဒီးကဲထီၣ်သ့ၣ်ဆှိအ့ ရ့းအဂ့ၤတထံး, ဒီးထိၣ်ဧိၤလံၣ်ဧိၤကိးကလုာ်ဒဲးကအိၣ် ကဆိးလၢအဖီလာ်, ဒီးလၢအဒ့တဖၣ်အကဒုကျါန့ၣ် ကအိၣ်ကဆိးဝဲလီၤ.

²⁴ ဒီးကယဲၢ်သ့ၣ်လၢပှၢ်လၢ်ကျါခဲလၢာ်န့ၣ် ကသ့ၣ်ညါ ဝဲလၢတၢ်လၢယၤယွၤအံၤ ယမၤဖုၣ်လီၤသ့ၣ်ထီ, ဒီးပာ် ထီၣ်သ့ၣ်ဖုၣ်, ဒီးယဒုးဃ့ထီၣ်ကွံာ်သ့ၣ်သံကစဲာ်, ဒီးယ ဒုးဒိးထီၣ်က့ၤသ့ၣ်ဃ့န့ၣ်လီၤ. တၢ်လၢယၤယွၤအံၤ, ယ ကတိၤတၢ်, ဒီးယကမၤယဲလီၤ.

၁၈

¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်,― ပၢ်တဖၣ် အီၣ်စပံးသၣ်ဆံၣ်, ဒီးဖိသၣ်တဖၣ်အမဲဆှံလီၤန့ၣ်သု လၢအကတိၤဒိတၢ်န့ၣ်လၢကီၢ်အံၣ်စရ့လးအဂ့ၢ်, မ့ၢ် သုစံးဒ်လဲၣ်.

³ ယမူယဲ, ကစၢ်ယွၤစံးဝဲဒၣ်, သုကတိၤဒိတၢ်အံၤလၢ အံၣ်စရ့လးအပူၤအလီၢ်တအိၣ်လၢၤဘၣ်.

⁴ ကွၢ်ကွၢ်, ပှၤအသးခဲလၢစမ့ၢ်ယတၢ်လီၤ. ဒ်ပၢ်အသး အသိးန့ၣ်ဖိခွါန့ၣ် မ့ၢ်ယတၢ်ဒ်န့ၣ်သိးလီၤ. ပှၤအသး လၢအမၤတၢ်ဒဲးဘးန့ၣ်ကသံဝဲဒၣ်လီၤ.

⁵ မ့မ့ၢ်ပှၤမ့ၢ်တီမ့ၢ်လိၤ, ဒီးမၤတၢ်စံၣ်ညီၣ်ဒီးတၢ်တီတၢ် လိၤန့ၣ်, ⁶ ဒီးမ့ၢ်တအီၣ်ဘၣ်တၢ်လၢကစၢၢ်လိၤ, ဒီးမ့ၢ် တကျ့ထီၣ်ဘၣ်အမဲာ်ဆူ အံၣ်စရ့လးအပှၤဟံၣ်ဖိအ တၢ်ဂီၤဘၣ်, ဒီးမ့ၢ်တမၤဘၣ်အၢပှၤလၢအဃၢၤအမါ ဘၣ်, ဒီးမ့ၢ်တသုးဘူးဘၣ်အသးဆူပိာ်မုၣ်လၢအဆှုၣ် အသးအအိၣ်, ⁷ ဒီးမ့ၢ်တမၤအၢဘၣ်ပှၤနီတဂၤဘၣ်, ဒီးမ့ၢ်ဟ့ၣ်က့ၤ ပှၤလၢအကမၢ်အိၣ်လၢအတၢ်ဟ့ၣ်ကီၤ, ဒီးမ့ၢ်တမၤန့ၢ်ဆူၣ်ပှၤဂၤအတၢ်, မ့ၢ်ဟ့ၣ်အတၢ်အီၣ်လၢ ပှၤတၢ်သၣ်ဝံၤအသး, ဒီးမ့ၢ်လုးဘၢပှၤအိၣ်ဘ့ၣ်ဆ့လၢ ယၣ်တဘ့ၣ်, ⁸ ဒီးမ့ၢ်တဟ့ၣ်တၢ်လၢစ့အအ့ၣ်အဂီၢ်, ဒီး မ့ၢ်တဟံးန့ၢ်စ့အအ့ၣ်ဘၣ်, မ့ၢ်ထုးက့ၤအစုလၢတၢ်အၢ, ဒီးမ့ၢ်စံၣ်ညီၣ်တၢ်တီလၢပှၤကညီဒီး ပှၤကညီအဘၢၣ် စၢၤ, ⁹ ဒီးမ့ၢ်လဲၤတၢ်လၢယတၢ်သိၣ်တၢ်သီအပူၤ, ဒီးမ့ၢ် တိၢ်န့ၢ်ယတၢ်စံၣ်ညီန့ၣ် ဒ်သိးအကမၤတၢ်အမ့ၢ်အတီ ဒီး, အဝဲဒၣ်မ့ၢ်အတီအလိၤ, မူဒီးကမူဝဲလီၤ, ကစၢ်ယွၤ စံးဝဲဒၣ်.

¹⁰ မ့မ့ၢ်အဝဲဒၣ်မ့ၢ်ထီၣ်ဖိအဖိခွါတဂၤလၢ အမ့ၢ်ပှၤတ မျိၤတမျာ်, ပှၤလူလီၤတၢ်သွံၣ်, ဒီးမ့ၢ်မၤတၢ်ဒ်န့ၣ်အသိး တမံၤမံၤ, ¹¹ ဒီးမ့ၢ်တတိၢ်န့ၢ်ဘၣ်တၢ်ခဲလၢာ်န့ၣ်ဘၣ်, ဒီး မ့ၢ်အီၣ်တၢ်လၢကစၢၢ်အလိၤ, ဒီးမ့ၢ်မၤဘၣ်အၢပှၤလၢ အဃၢၤအမါ, ¹² မ့ၢ်မၤအၢပှၤဖှီၣ်ဖိယာ်ဖိ, ဒီးပှၤဘၣ် နးဘၣ်ဖှီၣ်, မ့ၢ်မၤန့ၢ်ဆူၣ်ပှၤဂၤအတၢ်, ဒီးမ့ၢ်တဟ့ၣ် က့ၤဘၣ် တၢ်ဟ့ၣ်ကီၤဘၣ်, ဒီးမ့ၢ်ကျ့ထီၣ်အမဲာ်ဆူတၢ် ဂီၤ, ဒီးမ့ၢ်မၤတၢ်သးဘၣ်အၢ, ¹³ ဒီးမ့ၢ်ဟ့ၣ်တၢ်လၢစ့လၢ အကန့ၢ်အအ့ၣ်အဂီၢ်, ဒီးမ့ၢ်ဟံးန့ၢ်စ့အအ့ၣ်န့ၣ်ဒီး, က မူဝဲစ့ၢ်ကီးဧါ. တမူဘၣ်ဝဲဘၣ်, မၤလံတၢ်သးဘၣ်အၢခဲ လၢာ်လံ. သံဒီးကသံဝဲလီၤ. အသွံၣ်ကအိၣ်ဝဲလၢအလိၤ ဒၣ်ဝဲလီၤ.

¹⁴ ဘၣ်ဆၣ်ဒီးကွၢ်ကွၢ်, မ့ၢ်ထီၣ်ဖိအဖိခွါတဂၤလၢအ ထံၣ်ဘၣ်အပၢ်အတၢ်ဒဲးဘးခဲလၢာ်လၢအမၤဝဲ, မ့ၢ်ထံၣ် ဘၣ်ဝဲ, ဒီးတမၤဘၣ်ဒ်န့ၣ်ဘၣ်, ¹⁵ မ့ၢ်တအီၣ်ဘၣ်တၢ် လၢကစၢၢ်အလိၤ, ဒီးမ့ၢ်တကျ့ထီၣ်ဘၣ်အမဲာ်ဆူအံၣ် စရ့လးအပှၤဟံၣ်ဖိအတၢ်ဂီၤဘၣ်, ဒီးမ့ၢ်တမၤဘၣ်အၢ ဘၣ်ပှၤလၢအဃၢၤအမါဘၣ်, ¹⁶ ဒီးမ့ၢ်တမၤအၢဘၣ်ပှၤ နီတဂၤဘၣ်, ဒီးမ့ၢ်တဟံးကီၤဘၣ်, ဒီးမ့ၢ်တမၤန့ၢ်ဆူၣ် ပှၤဂၤအတၢ်, ဒီးမ့ၢ်ဟ့ၣ်အတၢ်အီၣ်လၢပှၤတၢ်သၣ်ဝံၤ အသး, ဒီးမ့ၢ်လုးဘၢပှၤအိၣ်ဘ့ၣ်ဆ့လၢယၣ်, ¹⁷ ဒီးမ့ၢ် တပာ်အစုလၢပှၤဖှီၣ်ဖိယာ်ဖိအလိၤ, ဒီးမ့ၢ်တဟံးန့ၢ် စ့အအ့ၣ်ဒီးတၢ်အါထီၣ်ဘၣ်, ဒီးမ့ၢ်မၤယတၢ်စံၣ်ညီၣ်, ဒီးလဲၤတၢ်လၢယတၢ်သိၣ်တၢ်သီအပူၤန့ၣ်ဒီး, အဝဲဒၣ် တဘၣ်သံဘၣ်လၢအပၢ်အတၢ်ဒဲးဘးအဃိဘၣ်, မူဒီး ကမူဝဲလီၤ.

¹⁸ တၢ်လၢအပၢ်တဂၤန့ၣ်မ့ၢ်အမၤအၢတၢ်လၢ အသး ကိၤ, ဒီးမၤန့ၢ်ဆူၣ်အဒီပုၢ်ဝဲၢ်အတၢ်, ဒီးမၤတၢ်လၢအတ ဂ့ၤဘၣ်လၢအပှၤဂီၢ်မုၢ်အကျါဒီး, ကွၢ်ကွၢ်, အဝဲဒၣ်က သံလၢအတၢ်ဒဲးဘးအပူၤလီၤ.

¹⁹ ဘၣ်ဆၣ်ဒီးသုစံး, ဖိခွါတဘၣ်ဘၣ်ပၢ်အတၢ်ဒဲးဘး န့ၣ်မ့ၢ်အဘၣ်မနုၤလဲၣ်. တုၤဖိခွါမၤတၢ်စံၣ်ညီၣ်ဒီးတၢ် တီတၢ်လိၤ, တိၢ်န့ၢ်ဝဲလၢယတၢ်သိၣ်တၢ်သီခဲလၢာ်, ဒီး မၤအီၤဒီး, မူဒီးကမူဝဲလီၤ.

²⁰ ပှၤအသးလၢအမၤတၢ်ဒဲးဘးန့ၣ် အဝဲဒၣ်ကသံလီၤ. ဖိခွါတဘၣ်ဘၣ်အပၢ်အတၢ်ဒဲးဘးဘၣ်, ဒီးအပၢ်တ ဘၣ်ဘၣ်အဖိခွါအတၢ်ဒဲးဘးဘၣ်, ပှၤတီပှၤလိၤအတၢ် တီတၢ်လိၤန့ၣ် ကအိၣ်ဝဲလၢအလိၤ, ဒီးပှၤတတီတလိၤ အတၢ်တတီတလိၤန့ၣ် ကအိၣ်ဝဲလၢအလိၤလီၤ.

²¹ ဒီးပှၤတတီတလိၤမ့ၢ်ဃၣ်ကွံာ်အသးလၢ အတၢ်ဒဲး ဘးခဲလၢာ်လၢအမၤဝဲ, ဒီးမ့ၢ်တိၢ်န့ၢ်ယတၢ်သိၣ်တၢ် သီခဲလၢာ်, ဒီးမၤတၢ်စံၣ်ညီၣ်, ဒီးတၢ်တီတၢ်လိၤဒီး, မူ ဒီးကမူဝဲလီၤ, တသံဝဲဘၣ်, ²² တၢ်တသ့ၣ်နီၣ်ထီၣ်က့ၤ ထီဒါအီၤလၢအတၢ်ကမၣ်လၢ အမၤဝဲနီတမံၤဘၣ်, ကမူဝဲလၢအတၢ်တီတၢ်လိၤလၢအမၤဝဲအပူၤလီၤ.

²³ ပှၤတတီတလိၤသံဝဲန့ၣ် ဘၣ်ယသးတစဲးဧိၤဒၣ်လဲာ် န့ၣ်ဧါ. ကစၢ်ယွၤစံးဝဲဒၣ်, ဃၣ်ကွံာ်အသးလၢအကျဲဒီး မူဝဲန့ၣ်ဘၣ်ယသးတမ့ၢ်ဘၣ်ဧါ.

²⁴ ဒီးတုၤပှၤတီပှၤလိၤဃၣ်ကွံာ် အသးလၢအတၢ်တီတၢ် လိၤ, ဒီးမၤတၢ်ဒဲးဘးဒီးမၤဝဲ ဒ်ကယဲၢ်တၢ်သးဘၣ်အၢ လၢပှၤတတီတလိၤမၤဝဲအသိးန့ၣ်ဒီး, ကမူဝဲစ့ၢ်ကီးဧါ. တၢ်တသ့ၣ်နီၣ်ထီၣ်က့ၤဘၣ်အတၢ်တီတၢ်လိၤ လၢအ မၤဝဲနီတမံၤဘၣ်. လၢအတၢ်ကမၣ်လၢအမၤဝဲအပူၤ, ဒီးလၢအတၢ်ဒဲးဘးလၢအမၤဝဲအပူၤန့ၣ် ကသံဝဲလၢ အပူၤလီၤ.

²⁵ ဘၣ်ဆၣ်ဒီးသုစံး, ယွၤအကျဲန့ၣ်တတီတဘၣ်ဘၣ်. အံၣ်စရ့လးအပှၤဟံၣ်ဖိသ့ၣ်ဧၢ, ကနၣ်တက့ၢ်, ယကျဲ တတီတဘၣ်ဘၣ်ဧါ. သုကျဲတဖၣ်တတီတဘၣ်ဘၣ် န့ၣ်တမ့ၢ်ဘၣ်ဧါ.

²⁶ တုၤပှၤတီပှၤလိၤ ဃၣ်ကွံာ်အသးလၢအတၢ်တီတၢ် လိၤ, ဒီးမၤတၢ်ဒဲးဘး, ဒီးသံဝဲလၢအပူၤဒီး, လၢအတၢ် ဒဲးဘးလၢအမၤဝဲအဃိန့ၣ်သံဝဲလီၤ.

²⁷ ဒီးတုၤပှၤတတီတလိၤ ဘၣ်ဃၣ်ကွံာ်အသးလၢအ တၢ်တတီတလိၤဘၣ်လၢအမၤဝဲ, ဒီးမၤတၢ်စံၣ်ညီၣ်, ဒီးတၢ်တီတၢ်လိၤဒီး, အသးကမူဝဲလီၤ. ²⁸ မ့ၢ်အကွၢ် ဆိကမိၣ်, ဒီးဃၣ်ကွံာ်အသးလၢအတၢ်ကမၣ်လၢအ မၤဝဲန့ၣ်ဒီး, မူဒီးကမူဝဲလီၤ. တသံဘၣ်ဝဲဘၣ်.

²⁹ ဘၣ်ဆၣ်ဒီးအံၣ်စရ့လးအပှၤဟံၣ်ဖိစံးဝဲဒၣ်, ယွၤအ ကျဲတတီတဘၣ်ဘၣ်. အံၣ်စရ့လးအပှၤဟံၣ်ဖိသ့ၣ်ဧၢ, သုကျဲတဘၣ်တတီဘၣ်န့ၣ်တမ့ၢ်ဘၣ်ဧါ. ³⁰ မၤသးဒ် န့ၣ်ဒီးအံၣ်စရ့လးအပှၤဟံၣ်ဖိသ့ၣ်ဧၢ, ယကစံၣ်ညီၣ် သု, တဂၤဒ်အကျဲဒၣ်ဝဲအသိးန့ၣ်စုာ်စုာ်လီၤ. ကစၢ်ယွၤ စံးဝဲဒၣ်, ဃၣ်သုသး, ဃၣ်သုသးလၢသုတၢ်ကမၣ် ခဲလၢာ်န့ၣ်တက့ၢ်, ဒီးတၢ်ဒဲးဘးတမၤဟးဂီၤဘၣ်သု ဘၣ်.

³¹ ကွံာ်တ့ၢ်ကွံာ်သုတၢ်ကမၣ်လၢ သုမၤကမၣ်, ဒီးမၤ အိၣ်ထီၣ်သုသူၣ်သီသးသီတက့ၢ်. အဂ့ၢ်ဒ်အံၤ, အံၣ်စရ့ လးအပှၤဟံၣ်ဖိသ့ၣ်ဧၢ, သုကသံမ့ၢ်အဘၣ်မနုၤလဲၣ်.

³² အဂ့ၢ်ဒ်အံၤ, ပှၤသံဝဲန့ၣ်တဘၣ်ဘၣ်ယသးဘၣ်, က စၢ်ယွၤစံးဝဲဒၣ်, မၤသးဒ်န့ၣ်ဒီးဃၣ်ကွံာ်သုသး, ဒီးမူတ က့ၢ်.

၁၉

¹ ဒီးနဲဒၣ်အံၤ, မၤထါဟီၣ်တၢ်လၢအံၣ်စရ့လးအပဒိၣ် ဖးဒိၣ်အဃိ, ² ဒီးစံး, နမိၢ်မ့ၢ်မနုၤလဲၣ်, မ့ၢ်ခ့ယုၢ်မိၢ်တဒု လီၤ. ကိာ်လီၤလၢခ့ယုၢ်အကျါ, ဘုၣ်အီၣ်အဖိလၢခ့ယုၢ် အကျါလီၤ.

³ ဘုၣ်အီၣ်အဖိတဒုလီၤ. ကဲထီၣ်ဝဲလၢခ့ယုၢ်တလိၤတ ဒု, ဒီးမၤလိဂုာ်ဆူၣ်ပျီဆူၣ်တၢ်, အီၣ်ကွံာ်ပှၤကညီလီၤ.

⁴ ဒီးပှၤကလုာ်တဖၣ်နၢ်ဟူတၢ်လၢအဂ့ၢ်လီၤ. အဝဲသ့ၣ် ဖီၣ်န့ၢ်အီၤလၢအတၢ်ပူၤ, ဒီးမိၤထီၣ်အီၤလၢနီၣ်ကွးဆူ ကီၢ်အဲၤကူပတူးအပူၤလီၤ.

⁵ ဒီးတုၤအမိၢ်ထံၣ်ဘၣ်ဝဲလၢ အအိၣ်ခိးကလီကလီ, ဒီးအတၢ်မုၢ်လၢ်အလီၢ်ဟးဂီၤဝဲဒီး, ဟံးန့ၢ်အဖိအဂၤ တဒု, ဒီးပာ်အီၤလၢခ့ယုၢ်တလိၤတဒုလီၤ. ⁶ ဒီးအတၢ် ဟးဝ့ၤဝီၤတၢ်လၢခ့ယုၢ်အကျါ, ဒီးကဲထီၣ်ခ့ယုၢ်တလိၤ တဒု, ဒီးမၤလိဂုာ်ဆူၣ်ပျီဆူၣ်, အီၣ်ကွံာ်ပှၤကညီလီၤ.

⁷ ဒီးသ့ၣ်ညါဝဲအပှၤအမုၣ်ကမဲ, ဒီးမၤလူၤအဝ့ၢ်တဖၣ်, ဒီးထံဧိၤကီၢ်ဧိၤဒီးတၢ်မၤပှဲၤအီၤန့ၣ် အိၣ်သယုၢ်ဝဲလၢ အကိးပသူထီၣ်အသီၣ်အဃိလီၤ.

⁸ တုၤနုၤတဘျီပှၤကလုာ်တဖၣ် ပာ်အသးထီဒါအီၤ အိၣ်ဝးတရံးလၢကီၢ်တဖၣ်အပူၤ, ဒီးဟုးအပှာ်လၢအ ဖီခိၣ်, ဒီးဖီၣ်န့ၢ်အီၤလၢအတၢ်ပူၤလီၤ.

⁹ ဒီးဒၢနုာ်အီၤအိၣ်ဒီးနီၣ်ကွးလၢတၢ်အပူၤ, ဒီးစိၤဝဲဆူ ဘၤဘူၤလိၣ်အစီၤပၤအအိၣ်, ဒီးဒၢနုာ်အီၤလၢဃိာ်ပူၤ, ဒ်သိးအသီၣ်အသုတဟူထီၣ်လၢၤဘၣ်လၢ အံၣ်စရ့လး အကစၢၢ်ကလိအလိၤတဂ့ၤ.

¹⁰ နမိၢ်ဒ်နကစၢ်ဒၣ်နဲအသိး မၤသးဒ်စပံးမုၢ်သူၣ်အသး လၢထံနံၤအသိးန့ၣ်လီၤ. မ့ၢ်ထံအါအိၣ်သတးဒီး, သၣ် ထီၣ်ဝဲ, ဒီးပှဲၤဝဲဒီးအဒ့အဖီလီၤ.

¹¹ ဒီးအိၣ်ဝဲဒီးအနီၣ်ထိးဘိဆူၣ်လၢ ပှၤလၢအပၢတၢ် အနီၣ်ထိးစီၤပၤအဂီၢ်, ဒီးအမုၢ်ထီဝဲလၢဒ့တဖၣ်အကျါ, ဒီးအိၣ်ဖျါထီထီကလဲာ်လၢအဒ့အါဒ့အကျါလီၤ.

¹² ဘၣ်ဆၣ်ဒီးတၢ်ထဲးကွံာ်အီၤလၢ အသးကဲၤထီၣ်, တၢ် မၤလီၤဒါအီၤလၢ ဟီၣ်ခိၣ်အဖီခိၣ်, ဒီးကလံၤမုၢ်ထီၣ်မၤ ဃ့ထီၣ်ကွံာ်အတၤသၣ်, အနီၣ်ထိးဘိတဖၣ်ကၢ်ဝဲ, ဒီး လီၤဘဲလီၤ. မ့ၣ်အူအီၣ်ကွံာ်အီၤလီၤ.

¹³ ဒီးခဲကနံၣ်အံၤ သူၣ်အသးလၢလၢပှၢ်မုၢ်ကနၢ, လၢ ဟီၣ်ခိၣ်ဃ့, ဒီးတၢ်သူစဃ့အပူၤလီၤ. ¹⁴ ဒီးမ့ၣ်အူဟဲ ထီၣ်လံလၢအနီၣ်ထိးတဘိအပူၤလၢအဒ့ကျါ, ဒီးအီၣ် ကွံာ်လံအတၤသၣ်လံ. ဒီးတအိၣ်ဘၣ်ဒီးနိၣ်ထိးဆူၣ်, နီၣ်ထိးစီၤပၤလၢအကပၢတၢ်အဂီၢ်ဘၣ်. အဝဲန့ၣ်မ့ၢ် ထါဟီၣ်တၢ်, ဒီးကကဲထီၣ်တၢ်လၢထါဟီၣ်တၢ်အဂီၢ် လီၤ.

၂၀

¹ ဒီးလၢနံၣ်နွံနံၣ်တနံၣ်, လါယဲၢ်လါတလါ, ထီၣ်ဆံ ဆဲၣ်နံၤတနံၤန့ၣ် တၢ်မၤအသးလၢအံၣ်စရ့လးအပှၤ သူၣ်က့သးပှၢ်တနီၤဟဲသံကွၢ်ယွၤ, ဒီးဆ့ၣ်နီၤဝဲလၢယ မဲာ်ညါလီၤ. ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ² ပှၤကညီဖိခွါ ဧၢ, ကတိၤတၢ်ဒီးအံၣ်စရ့လးအပှၤသူၣ်က့သးပှၢ်ဒီးစံး ဘၣ်အီၤ, ကစၢ်ယွၤစံးဒ်အံၤ, သုဟဲသံကွၢ်ယၤစ့ၢ်ကီး ဧါ. ယမူယဲ, ကစၢ်ယွၤစံးဝဲဒၣ်, ယတဒိးတၢ်သံကွၢ်လၢ သုဘၣ်.

⁴ နကစံၣ်ညီၣ်အီၤစ့ၢ်ကီးဧါ. ပှၤကညီဖိခွါဧၢ, နကစံၣ် ညီၣ်အီၤစ့ၢ်ကီးဧါ. ဘိးဘၣ်သ့ၣ်ညါအီၤလၢအပၢ်တ ဖၣ်အတၢ်သးဘၣ်အၢ, ⁵ ဒီးစံးဘၣ်အီၤ, ကစၢ်ယွၤစံးဒ် အံၤ, မုၢ်တနံၤလၢယဃုထၢအံၣ်စရ့လး, ဒီးယူာ်ထီၣ် ယစုဆူယၤကိာ် အပှၤဟံၣ်ဖိအချံအသၣ်, ဒီးလီၣ်ဖျါ ထီၣ်ယသးလၢအမဲာ်ညါလၢ ကီၢ်အဲၤကူပတူးအပူၤဖဲယ ယူာ်ထီၣ်ယစုဆူအအိၣ်ဒီးစံး, ယမ့ၢ်ယွၤသုကစၢ်ဒီး,―

⁶ မုၢ်တနံၤန့ၣ်ယယူၣ်ထီၣ်ယစုဆူအအိၣ်ဒီး ယဆိၣ်လၢ ယကဒုးဟးထီၣ်အီၤလၢ ကီၢ်အဲၤကူပတူးအပူၤ, ဆူကီၢ် တဘ့ၣ်လၢယဃုတ့ၢ်လၢအဂီၢ်, လၢအယွၤဝဲဒီးတၢ်နုၢ် ထံဒီးကနဲစီလၢအမ့ၢ်ကီၢ်ခဲလၢာ်အဃံအလၤ, ⁷ ဒီးယ စံးဘၣ်အီၤ, ညိကွံာ်တဂၤသုတၢ်သးဘၣ်အၢလၢသုမဲာ် ညါစုာ်စုာ်တက့ၢ်. ဒီးမၤဘၣ်အၢသုသးဒီး အဲၤကူပ တူးအတၢ်ဂီၤတၢ်ဖီၣ်တဂ့ၤ. ယဲဒၣ်အံၤယမ့ၢ်ယွၤသုက စၢ်လီၤ.

⁸ ဘၣ်ဆၣ်ဒီးအဝဲသ့ၣ်ပူထီၣ်ယၤ, ဒီးတကနၣ်ဘၣ်ယ ကလုၢ်ဘၣ်, တညိကွံာ်ဘၣ်အတၢ်သးဘၣ်အၢလၢအ မဲာ်ညါစုာ်စုာ်ဘၣ်. ဒီးတလဲၤသဒၣ်ဘၣ်အဲၤကူပတူး အတၢ်ဂီၤတၢ်ဖီၣ်ဘၣ်. တုၤနုၤတစုယစံး, ယကလူလီၤ ယသးကဲၤထီၣ်လၢအလိၤ, ဒီးမၤလၢထီၣ်ပှဲၤထီၣ်ယ သးထီၣ်လၢအဖီခိၣ်လၢကီၢ်အဲၤကူပတူးအပူၤလီၤ.

⁹ ဘၣ်ဆၣ်ဒီးယမၤတၢ်လၢယမံၤအဃိ, ဒ်သိးအသုတ ဘၣ်အၢလၢပှၤကလုာ်တဖၣ်အမဲာ်ညါလၢ အဝဲသ့ၣ် အိၣ်ဝဲလၢအကျါ, ဒီးလၢယဒုးဟးထီၣ်အီၤလၢကီၢ်အဲၤ ကူပတူးသတးဒီး, ယလီၣ်ဖျါထီၣ်ယသးလၢအဝဲသ့ၣ် အမဲာ်ညါလီၤ.

¹⁰ ဒီးယဒုးဟးထီၣ်အီၤလၢ ကီၢ်အဲၤကူပတူးအပူၤ, ဒီး ဆှၢအီၤဆူပှၢ်မုၢ်ကနၢလီၤ. ¹¹ ဒီးယဟ့ၣ်လီၤအီၤလၢယ တၢ်သိၣ်တၢ်သီ, ဒီးယဘိးဘၣ်သ့ၣ်ညါအီၤလၢယတၢ် စံၣ်ညီၣ်လၢပှၤမ့ၢ်တိၢ်န့ၢ်ဒီး, ကမူဝဲလၢအပူၤလီၤ. ¹² ဒီး ယဟ့ၣ်စ့ၢ်ကီးအီၤလၢ ယအိၣ်ဘှံးနံၤတဖၣ်လၢအကဲ ထီၣ်တၢ်အပနီၣ်လၢယၤဒီးအီၤအဘၢၣ်စၢၤ, ဒ်သိးအ ကသ့ၣ်ညါလၢယၤယွၤအံၤ, ယပာ်စီဆှံအီၤလီၤ.

¹³ ဘၣ်ဆၣ်ဒီးအံၣ်စရ့လးအပှၤဟံၣ်ဖိ ပူထီၣ်ယၤလၢ ပှၢ်မုၢ်ကနၢလီၤ. တလဲၤဘၣ်လၢယတၢ်သိၣ်တၢ်သီအ ပူၤဘၣ်, ဒီးတပးကဲဘၣ်ယတၢ်စံၣ်ညီၣ်လၢ ပှၤမ့ၢ်တိၢ် န့ၢ်အီၤဒီး, ကမူဝဲလၢအပူၤ, ဒီးမၤဘၣ်အၢယအိၣ်ဘှံး အနံၤတဖၣ်နးမးလီၤ. တုၤနုၤတစုယစံး, ယကလူလီၤ ယသးကဲၤထီၣ်လၢအလိၤလၢပှၢ်မုၢ်ကနၢ, ဒ်သိးယက မၤလၢာ်ကွံာ်အီၤလီၤ.

¹⁴ ဘၣ်ဆၣ်ဒီးယမၤတၢ်လၢ ယမံၤအဃိဒ်သိးအသုတ ဘၣ်အၢလၢပှၤကလုာ်တဖၣ်အကျါလၢ ယဒုးဟးထီၣ် ကွံာ်အဝဲသ့ၣ်လၢအမဲာ်ညါလီၤ. ¹⁵ ဒီးယယူာ်ထီၣ်ယ စုဆူအအိၣ်လၢ ပှၢ်မုၢ်ကနၢ, ဒီးယဆိၣ်လၢယတဒုးဟဲ နုာ်အီၤလၢကီၢ်ပူၤလၢ ယဟ့ၣ်တ့ၢ်အီၤလၢအယွၤဝဲဒီး တၢ်နုၢ်ထံ, ဒီးကနဲစီလၢအမ့ၢ်ကီၢ်ခဲလၢာ်အဃံအလၤ ဘၣ်လီၤ. ¹⁶ အဂ့ၢ်ဒ်အံၤ, တပးကဲဘၣ်ယတၢ်စံၣ်ညီၣ်တ ဖၣ်, ဒီးတလဲၤဘၣ်လၢယတၢ်သိၣ်တၢ်သီအပူၤဘၣ်, ဒီးမၤဘၣ်အၢယအိၣ်ဘှံးနံၤတဖၣ်လီၤ. အဂ့ၢ်ဒ်အံၤ, အ သးလဲၤပိာ်အတၢ်ဂီၤတၢ်ဖီၣ်တဖၣ်အခံလီၤ. ¹⁷ မ့ၢ်နာ် သက့ဒ်န့ၣ်ဒီးယမဲာ်သးလီအီၤ, ဒီးယတမၤဟးဂီၤဘၣ် အီၤ, ဒီးယတမၤလၢာ်ကွံာ်ဘၣ်အီၤလၢပှၢ်မုၢ်ကနၢ ဘၣ်.

¹⁸ ဒီးယစံးဘၣ်အဖိအလံၤလၢ ပှၢ်မုၢ်ကနၢန့ၣ်လဲၤတၢ် လၢသုပၢ်အလုၢ်အလၢ်တဂ့ၤ, ဒီးတိၢ်န့ၢ်အတၢ်စံၣ်ညီၣ် တဂ့ၤ, ဒီးသုသုတမၤဘၣ်အၢသုသးလၢ အတၢ်ဂီၤ တၢ်ဖီၣ်တဂ့ၤ.

¹⁹ ယဲဒၣ်အံၤယမ့ၢ်ယွၤသုကစၢ်လီၤ. လဲၤလၢယတၢ် သိၣ်တၢ်သီအပူၤ, ဒီးတိၢ်န့ၣ်ယတၢ်စံၣ်ညီၣ်, ဒီးမၤအီၤ တက့ၢ်. ²⁰ ဒီးပာ်စီဆှံယအိၣ်ဘှံးနံၤတဖၣ်တက့ၢ်. ဒီး ကကဲထီၣ်တၢ်အပနီၣ်လၢယၤဒီးသုအဘၢၣ်စၢၤ, ဒ်သိး သုကသ့ၣ်ညါလၢယမ့ၢ်ယွၤသုကစၢ်လီၤ.

²¹ ဘၣ်ဆၣ်ဒီးအဖိအလံၤပူထီၣ်ယၤ, ဒီးတလဲၤဘၣ်လၢ ယတၢ်သိၣ်တၢ်သီအပူၤ, ဒီးတတိၢ်န့ၢ်ဘၣ်ယတၢ်စံၣ် ညီၣ်ဒ်သိးအကမၤအီၤအဂ့ၢ်, လၢပှၤမ့ၢ်မၤအီၤဒီး, ကမူ ဝဲလၢအပူၤန့ၣ်ဘၣ်. ဒီးမၤဘၣ်အၢယအိၣ်ဘှံးအနံၤတ ဖၣ်လီၤ. တုၤနုၤတစုယစံး, ယကလူလီၤယသးကဲၤထီၣ် လၢအလိၤ, ဒီးမၤလၢထီၣ်ပှဲၤထီၣ်ယသးထီၣ်လၢအ လိၤလၢပှၢ်မုၢ်ကနၢလီၤ.

²² ဘၣ်ဆၣ်ဒီးယထုးက့ၤယစု, ဒီးမၤတၢ်လၢယမံၤအ ဃိ, ဒ်သိးအသုတဘၣ်အၢလၢပှၤကလုာ်တဖၣ်အမဲာ် ညါလၢယဒုးဟးထီၣ်အဝဲသ့ၣ်တဖၣ်လၢ အမဲာ်ညါ လီၤ. ²³ ယယူာ်ထီၣ်စ့ၢ်ကီးယစုဆူအအိၣ်လၢပှၢ်မုၢ်က ကနၢ, ဒီးယဆိၣ်လၢယကမၤပြံမၤပြါအီၤလၢပှၤက လုာ်တဖၣ်အကျါ, ဒီးမၤလီၤမုၢ်လီၤဖးအီၤလၢကီၢ်တ ဖၣ်အပူၤလီၤ. ²⁴ အဂ့ၢ်ဒ်အံၤ, တမၤဘၣ်ယတၢ်စံၣ်ညီၣ်, ဒီးတပးကဲဘၣ်ယတၢ်သိၣ်တၢ်သီ, ဒီးမၤဘၣ်အၢယ အိၣ်ဘှံးနံၤတဖၣ်, ဒီးအမဲာ်ကွၢ်ထွဲအပၢ်တဖၣ်အတၢ် ဂီၤတၢ်ဖီၣ်အခံလီၤ.

²⁵ ဒီးယဟ့ၣ်စ့ၢ်ကီးအီၤလၢ တၢ်အလုၢ်အလၢ်လၢအတ ဂ့ၤဘၣ်, ဒီးတၢ်စံၣ်ညီၣ်လၢအတမူဘၣ်ဝဲလၢအပူၤ ဘၣ်. ²⁶ ဒီးယမၤဘၣ်အၢအီၤလၢ အမၤဘူၣ်တၢ်အ ပူၤလၢအဒုးခီဂာ်ကယဲၢ်ပှၤအဖိဝဲၢ်ကိလၢ မ့ၣ်အူပူၤအ ဃိ, ဒ်သိးယကမၤဟးဂီၤအီၤ, လၢအကသ့ၣ်ညါလၢ ယမ့ၢ်ယွၤအဂ့ၢ်လီၤ.

²⁷ မၤသးဒ်န့ၣ်ဒီးပှၤကညီဖိခွါဧၢ, ကတိၤတၢ်ဒီးအံၣ်စ ရ့လးအပှၤဟံၣ်ဖိဒီးစံးဘၣ်အီၤ, ကစၢ်ယွၤစံးဒ်အံၤ, လၢ တၢ်အံၤတမံၤစ့ၢ်ကီးသုပၢ်တဖၣ်ဒုၣ်ဒွဲၣ်ယၤ, ဒီးမၤက မၣ်ဘၣ်ယၤလီၤ.

²⁸ အဂ့ၢ်ဒ်အံၤ, တုၤယဒုးဟဲနုာ်အီၤလၢ ကီၢ်ပူၤလၢယ ယူာ်ထီၣ်ယစုဒီးဆိၣ်လၢယကဟ့ၣ်လီၤလၢအီၤဒီး, အ ဝဲသ့ၣ်ထံၣ်ဘၣ်ဝဲလၢတၢ်စိခိၣ်ထီခဲလၢာ်, ဒီးသ့ၣ်က ဟုခဲလၢာ်, ဒီးလုၢ်အတၢ်လုၢ်ဖဲန့ၣ်, ဒီးမၤဘူၣ်တၢ်လၢ အထိၣ်ဂဲၤတၢ်သးထီၣ်, ဒီးမၤဘူၣ်အတၢ်နၢမူဖဲန့ၣ်, ဒီး လူလီၤအတၢ်လုၢ်အီဖဲန့ၣ်လီၤ.

²⁹ တုၤနုၤတစုယစံးဘၣ်အီၤ, တၢ်အလီၢ်ထီၣ်ထီဖဲသု လဲၤတၢ်န့ၣ်မ့ၢ်ဒ်လဲၣ်. ဘၣ်ဆၣ်ဒီးအမံၤမ့ၢ်တၢ်အလီၢ် ထီၣ်ထီတုၤမုၢ်မဆါတနံၤအံၤလီၤ.

³⁰ မၤသးဒ်န့ၣ်ဒီးစံးဘၣ် အံၣ်စရ့လးအပှၤဟံၣ်ဖိ, က စၢ်ယွၤစံးဒ်အံၤ, သုဘၣ်အၢဒ်သုပၢ်အသိး, ဒီးသုမၤ ကမၣ်မုၣ်ကမၣ်ခွါ ထွဲအတၢ်သးဘၣ်အၢအခံစ့ၢ်ကီး ဧါ. ³¹ ဒီးတုၤသုမၤဘူၣ်သုတၢ်, ဒီးတုၤသုဒုးခီဂာ်သု ဖိခွါလၢမ့ၣ်အူပူၤဒီး, သုမၤဘၣ်အၢသုသးလၢသုတၢ် ဂီၤတၢ်ဖီၣ်တုၤလၢမုၢ်မဆါတနံၤအံၤ, ဒီးယကဒိးတၢ် သံကွၢ်လၢသုစ့ၢ်ကီးဧါ. ယမူယဲ, ကစၢ်ယွၤစံးဝဲဒၣ်, ယတဒိးဘၣ်တၢ်သံကွၢ်လၢသုဘၣ်.

³² တၢ်လၢအလိၣ်ထီၣ်လၢသုသး, ဖဲသုစံးပကမၤပသး ဒ်ပှၤကလုာ်တဖၣ်အသိး, ဒ်ထံဧိၤကီၢ်ဧိၤအဒူၣ်တဖၣ် လၢအမၤသ့ၣ်ဧိၤဝၣ်ဧိၤ, ဒီးလၢၢ်ဧိၤလ့ဧိၤအတၢ်မၤအ သိးန့ၣ်, အဝဲန့ၣ်တကဲထီၣ်ဘၣ်တၢ်ဘၣ်.

³³ ယမူယဲ, ကစၢ်ယွၤစံးဝဲဒၣ်, မ့ၢ်မးယကပၢသုလၢ ယစုဆူၣ်, ဒီးအစုဒုၣ်ယူာ်ထီၣ်အသး, ဒီးလၢယသး ကဲၤထီၣ်လူလီၤအသးလီၤ. ³⁴ ဒီးယကဒုးဟးထီၣ်သု လၢပှၤကလုာ်တဖၣ်အကျါ, ဒီးယကထၢဖှိၣ်သုလၢ ကီၢ်တဖၣ်အပူၤ ဖဲသုအိၣ်ပြံအိၣ်ပြါလၢအပူၤလၢယစု ဆူၣ်, ဒီးယစုဒုၣ်ယူာ်ထီၣ်အသး, ဒီးယသးကဲၤထီၣ်လူ လီၤအသးလီၤ.

³⁵ ဒီးယကဒုးဟဲသုဆူပှၤကလုာ်တဖၣ် အပှၢ်မုၢ်ကနၢ, ဒီးယကစံၣ်ညီၣ်သုကွၢ်ဆၢညါယမဲာ်ဖဲန့ၣ်လီၤ. ³⁶ ဒ်ယ စံၣ်ညီၣ်သုပၢ်လၢကီၢ်အဲၤကူပတူး အပှၢ်မုၢ်ကနၢအသိး န့ၣ်, ယကစံၣ်ညီၣ်သုဒ်န့ၣ်သိးလီၤ, ကစၢ်ယွၤစံးဝဲဒၣ်.

³⁷ ဒီးယကဒုးခီဂာ်သုလၢနီၣ်တီၢ်အဖီလာ်, ဒီးယကဒုး

³⁸ ဟဲနုာ်သုလၢတၢ်အၢၣ်လီၤအနီၣ်စၢဃာ်အပူၤလီၤ. ဒီး ယကဒုးဟးထီၣ်ကွံာ်ပှၤပူထီၣ်ဖိ, ဒီးပှၤလၢအမၤကမၣ် ဘၣ်ယၤလၢသုကျါ, ဒီးယကဒုးဟးထီၣ်ကွံာ်အီၤလၢ ကီၢ်ပူၤဖဲအအိၣ်အဆိးလၢအပူၤ, ဒီးတလဲၤနုာ်ဘၣ်လၢ ကီၢ်အံၣ်စရ့လးအပူၤဘၣ်, ဒီးသုကသ့ၣ်ညါလၢယ မ့ၢ်ယွၤလီၤ.

³⁹ တၢ်လၢသုအံၤ, အံၣ်စရ့လးအပှၤဟံၣ်ဖိသ့ၣ်ဧၢ, က စၢ်ယွၤစံးဒ်အံၤ, သုမ့ၢ်တဒိကနၣ်ဘၣ်ယကလုၢ်ဘၣ် ဒီး, လဲၤတၢ်, မၤသုတၢ်ဂီၤတၢ်ဖီၣ်အတၢ်စုာ်စုာ်ဆူညါ တက့ၢ်. ဘၣ်ဆၣ်ဒိးမၤဘၣ်အၢလၢၤယမံၤစီဆှံလၢသု တၢ်မၤဘူၣ်ဒီးသုတၢ်ဂီၤန့ၣ်တဂ့ၤ.

⁴⁰ အဂ့ၢ်ဒ်အံၤ, လၢယကစၢၢ်စီဆှံအလိၤ, လၢအံၣ်စ ရ့လးအကစၢၢ်ထီအလိၤန့ၣ် အံၣ်စရ့လးအပှၤဟံၣ်ဖိ ခဲလၢာ်, ကယဲၢ်ပှၤလၢအအိၣ်လၢကီၢ်ပူၤခဲလၢာ်န့ၣ်က မၤယတၢ်ဖဲန့ၣ်လီၤ. ယကတူၢ်လိာ်အီၤဖဲန့ၣ်, ဒီးဖဲန့ၣ် ယကဃ့သုမၤဘူၣ်တၢ်, ဒီးသုမၤဘူၣ်တၢ်အတၤသၣ် ဆိ, ဒီးတၢ်လၢသုပာ်စီဆှံခဲလၢာ်လီၤ.

⁴¹ တုၤယဒုးဟးထီၣ်သုလၢပှၤကလုာ်တဖၣ်အကျါ, ဒီး ထၢဖှိၣ်သုလၢကယဲၢ်ကီၢ်လၢ သုအိၣ်ပြံပြါလၢအပူၤ ဒီး, ယကတူၢ်လိာ်သုဒ်တၢ်နၢမူအသိးလီၤ. ဒီးတၢ်က ပာ်စီဆှံယၤလၢ သုဃိလၢပှၤကလုာ်တဖၣ် အမဲာ် ညါလီၤ.

⁴² ဒီးတုၤယဒုးဟဲသုဆူ ကီၢ်အံၣ်စရ့လးအပူၤဆူကီၢ်ပူၤ လၢယယူာ်ထီၣ်ယစုဒီးဆိၣ်လၢ ယကဟ့ၣ်လီၤအီၤ လၢသုပၢ်တဖၣ်ဒီး, သုကသ့ၣ်ညါလၢယမ့ၢ်ယွၤလီၤ.

⁴³ ဒီးဖဲန့ၣ်သုကသ့ၣ်နီၣ်ထီၣ်က့ၤသုကျဲဧိၤကပူၤဧိၤ, ဒီး သုမၤတၢ်ခဲလၢာ်လၢသုဘၣ်အၢလၢအပူၤ, ဒီးသုက သးဟ့လီၤသုသးလၢ ကယဲၢ်သုမၤတၢ်အၢလၢသုမၤ အီၤအဃိလီၤ.

⁴⁴ ဒီးတုၤယမၤသုလၢယမံၤအဃိဒီး, တမ့ၢ်ဘၣ်ဒ်သုကျဲ အၢအသိး, ဒီးတမ့ၢ်ဘၣ်ဒ်သုမၤတၢ်သးဘၣ်အၢအသိး ဘၣ်ဒီး, သုကသ့ၣ်ညါလၢယမ့ၢ်ယွၤလီၤ, အံၣ်စရ့လး အပှၤဟံၣ်ဖိသ့ၣ်ဧၢ, ကစၢ်ယွၤစံးဝဲဒၣ်. ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ⁴⁵ ပှၤကညီ ဖိခွါဧၢ, ဒိးနမဲာ်ဆူကလံၤထံးတက့ၢ်. ဒီးဒုးလီၤစီၤန တၢ်ကတိၤဆူကလံၤထံး, ဒီးကတိၤတၢ်လၢဝံကျိာ်ထီ ဒါသ့ၣ်တဖုလၢပှၢ်လၢ်ကျါလၢကလံၤထံးန့ၣ်တက့ၢ်.―

⁴⁷ ဒီးစံးဘၣ်သ့ၣ်တဖုလၢ ကလံၤထံးတခီ, ကနၣ်ယွၤအ ကလုၢ်တက့ၢ်. ကစၢ်ယွၤစံးဒ်အံၤ, ကွၢ်ကွၢ်, ယက ဆိၣ်ကဲၤထီၣ်မ့ၣ်အူလၢနကျါလၢ အကအီၣ်ကွံာ်က ယဲၢ်သ့ၣ်သံကစဲာ်ဒီး ကယဲၢ်သ့ၣ်ဃ့တထံးလၢ်လၢ်လၢ နကျါလီၤ. မ့ၣ်အူလၣ်တလီၤပံာ်ဘၣ်, ဒီးကအီၣ်ကွံာ် ပှၤအမဲာ်ခဲလၢာ်လၢကလံၤထံး ပၢၢ်လၢကလံၤစိးန့ၣ် လီၤ.

⁴⁸ ဒီးကယဲၢ်တၢ်ဖံးတၢ်ညၣ်ကထံၣ်ဝဲလၢ ယၤယွၤအံၤ, ယဆိၣ်ကဲၤထီၣ်အီၤ, ဒီးတလီၤပံာ်ဘၣ်ဝဲဘၣ်.

⁴⁹ ဒီးယစံး, အၣ်, ကစၢ်ယွၤဧၢ, ပှၤစံးလၢယဂ့ၢ်န့ၣ်, က တိၤတၢ်ကတိၤဒိ, တမ့ၢ်ဘၣ်ဧါ.

၂၁

¹ ဒီးကစၢ်ယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီ ဖိခွါဧၢ, ဒိးနမဲာ်ဆူယရူၤၡလ့ၣ်, ဒီးဒုးလီၤစီၤနတၢ်က တိၤဆူတၢ်အလီၢ်စီဆှံတဖၣ်အအိၣ်, ဒီးကတိၤလၢဝံ ကျိာ်ထီဒါကီၢ်အံၣ်စရ့လး, ³ ဒီးစံးလၢကီၢ်အံၣ်စရ့လး, ယွၤစံးဒ်အံၤ, ကွၢ်ကွၢ်, ယထီဒါနၤ, ဒီယကဘီၣ်ထီၣ် ကွံာ်ယနးလၢအတြိးပူၤ, ယကဒီၣ်တဲာ်ကွံာ်ပှၤတီ, ဒီး ပှၤတတီဘၣ်လၢနပူၤလီၤ.

⁴ မ့ၢ်ယကဒီၣ်တဲာ်ကွံာ်ပှၤတီ, ဒီးပှၤတတီဘၣ်လၢနပူၤဒီး, ယနးကဟဲထီၣ်လၢအတြိးပူၤ ထီဒါတၢ်ဖံးတၢ်ညၣ် ခဲလၢာ်လၢကလံၤထံးပၢၢ်လၢကလံၤစိးလီၤ. ⁵ ဒီးတၢ် ဖံးတၢ်ညၣ်ခဲလၢာ် ကသ့ၣ်ညါလၢတၢ်လၢယၤယွၤ အံၤ, ယဘီၣ်ထီၣ်ကွံာ်ယနးလၢတြိးပူၤ, ဒီးတဖျီၣ်နုာ် လၢၤဘၣ်အသးဘၣ်.

⁶ ဒီးနဲဒၣ်အံၤပှၤကညီဖိခွါဧၢ, ကအုကစွါတက့ၢ်. က အုကစွါနးနးကလဲာ်ဒီးနယီၢ်ဒ့ကၢ်လၢ အဝဲသ့ၣ်အမဲာ် ညါတက့ၢ်.

⁷ ဒီးတုၤပှၤစံးလၢနၤ, နကအုကစွါမ့ၢ်အဘၣ်မနုၤလဲၣ် န့ၣ်ဒီး, တၢ်ကမၤအသးလၢနကစံး, လၢတၢ်အကစီၣ် အဃိ, အဂ့ၢ်ဒ်အံၤ, ဟဲဝဲအဃိလီၤ. ဒီးပှၤအသးကပှံၢ် ကွံာ်ကိးဂၤဒဲး, ဒီးပှၤအစုကစၢ်လီၤခဲလၢာ်, ဒီးပှၤအသး ကလီၤဘှါကိးဂၤဒဲး, ဒီးပှၤအခီၣ်လ့ၢ်ခိၣ်ကစၢ်ဒ်ထံအ သိးခဲလၢာ်လီၤ. ကွၢ်ကွၢ်, ဟဲဝဲ, ဒီးကမၤအသးလီၤ, က စၢ်ယွၤစံးဝဲဒၣ်. ဒီးယွၤအကလုၢ်ဘၣ်ယၤဒီးစံးဝဲဒၣ်, ⁸ ပှၤကညီဖိခွါ ဧၢ, ကတိၤလၢဝံအကျိာ်ဒီးစံး, ယွၤစံးဒ်အံၤ, စံး, နးတ ဘ့ၣ်, နးတဘ့ၣ်, ကျ့လံအသး, ဒီးတြူာ်ကဆှၣ်လံ အသးလံ. ¹⁰ ကျ့လံအသးဒ်သိးအကမၤသံတၢ်နးနးက လဲာ်, တြူာ်ကဆှၣ်လံအသးဒ်သိးအကကပြူၢ်ကပြီၤ လီၤ. မ့မ့ၢ်ဒ်န့ၣ်ဒီးပကသးဖှံစ့ၢ်ကီးဧါ. ယဖိခွါအနီၣ်ထိး ဘိမၤတရီတပါသ့ၣ်ကိးထံးဒဲးလီၤ.

¹¹ ဒီးဟ့ၣ်ဝဲဒ်သိးပှၤကတြူာ်ကဆှၣ်လၢ ပှၤကမၤတၢ် လၢအီၤလီၤ. နးတဘ့ၣ်န့ၣ်ကျ့လံအသး, ဒီးတြူာ်က ဆှၣ်လံအသး, ဒ်သိးတၢ်ကဟ့ၣ်အီၤလၢပှၤမၤသံတၢ် အစုပူၤလီၤ.

¹² ပှၤကညီဖိခွါဧၢ, ကိးထီၣ်, ဒီးဟီၣ်ပသူထီၣ်တက့ၢ်. အဂ့ၢ်ဒ်အံၤ, ကဘၣ်ယပှၤဂီၢ်မုၢ်, ကဘၣ်အံၣ်စရ့လးအ ပဒိၣ်ဖးဒိၣ်ခဲလၢာ်အလိၤလီၤ. တၢ်ဟ့ၣ်လီၤကွံာ်အီၤ လၢနးဧိၤဘီဧိၤအိၣ်ဒီးယပှၤဂီၢ်မုၢ်လီၤ. မၤသးဒ်န့ၣ်ဒီး သီနကံၣ်ဒုၣ်တက့ၢ်.

¹³ အဂ့ၢ်ဒ်အံၤ, တၢ်မၤကွၢ်လံတၢ်လံဒီးနီၣ်ထိးလၢအမၤ တရီတပါတဘိန့ၣ် မ့ၢ်တအိၣ်လၢၤဘၣ်ဒီး, မ့ၢ်ဒ်လဲၣ်, ကစၢ်ယွၤစံးဝဲဒၣ်.

¹⁴ ဒီးနဲဒၣ်အံၤပှၤကညီဖိခွါဧၢ, ကတိၤတၢ်လၢဝံကျိာ်, ဒီးဒဲနစုတက့ၢ်. အဂ့ၢ်ဒ်အံၤ, နးဧိၤဘီဧိၤဟဲဝဲခံဘျီသၢ ဘျီလီၤ. နးတဘ့ၣ်လၢအမၤသံတၢ်, နးတဘ့ၣ်လၢအ မၤသံတၢ်အါအါကလဲာ်, လၢအအိၣ်ဝးတရံးအီၤကိး ခီဒဲးလီၤ.

¹⁵ ယပာ်နးလၢအမၤပျံၤတၢ်ထီဒါအပဲတရီခဲလၢာ်, ဒ် သိးအသးကလီၤဘှါ, ဒီးအတၢ်လီၤပှီၢ်အလီၢ်ကအါ ထီၣ်လီၤ. အၣ်, တၢ်ဒုးကပြုၢ်ကပြီၤအီၤဒ်လဲၣ်, တြူာ် ကဆှၣ်အသးလၢမၤသံတၢ်အဂီၢ်လီၤ.

¹⁶ အိၣ်တပူၤဃီ, ကျီတၢ်လၢစုထွဲတခီတက့ၢ်. ကတဲာ် ကတီၤနသး, ကျီတၢ်လၢနစုစ့ၣ်တက့ၢ်, ဖဲနဒိးနမဲာ်န့ၣ် တက့ၢ်.

¹⁷ ဒီးယဲဒၣ်အံၤယကဒဲစ့ၢ်ကီးယစု, ဒီးယသးကဲၤထီၣ် ကဆိတ့ၢ်လီၤ. ယၤယွၤအံၤ, ယကတိၤတၢ်လီၤ. ¹⁸ ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ¹⁹ ဒီးပှၤ ကညီဖိခွါဧၢ, ပာ်ကျဲခံဘိလၢဘၤဘူၤလိၣ်အစီၤပၤအ နးတဘ့ၣ်ကဟဲအဂီၢ်တက့ၢ်. ခံဘိဘၣ်ဟဲထီၣ်လၢကီၢ် တဘ့ၣ်ဃီအပူၤလီၤ. ဒီးဃုထၢန့ၣ်တၢ်အလီၢ်တပူၤ, ဃုထၢလၢကျဲလဲၤဆူဝ့ၢ်ပူၤတဘိ အခီၣ်ထံးန့ၣ်တက့ၢ်.

²⁰ ပာ်ကျဲတဘိဒ်သိးနးတဘ့ၣ်န့ၣ်ကဟဲဆူ ပှၤဧၤမိၣ်ဖိ အရးဘးအပူၤ, ဒီးဆူယူဒၤ, ဆူယရူၤၡလ့ၣ်, ဝ့ၢ်တဝ့ၢ် အိၣ်ဝဲဒီးအခိၣ်ဒူန့ၣ်တက့ၢ်.

²¹ အဂ့ၢ်ဒ်အံၤ, ဘၤဘူၤလိၣ်အစီၤပၤဆၢထၢၣ်ဝဲဖဲကျဲဖး ဒ့လၢကျဲခံဘိအခီၣ်ထံး ဒ်သိးအကဖးတၢ်လီၤ. ကမၤ ဃါဃုာ်အပျၢ်ဧိၤစၤဧိၤ, ကသံကွၢ်တၢ်လၢတၢ်ဂီၤတရၤ ဖး, ကကွၢ်ဝဲလၢတၢ်အသူၣ်လီၤ. ²² ကဟံးတၢ်ဖး, ယ ရူၤၡလ့ၣ်လၢအစုထွဲန့ၣ်, ဒ်သိးပှၤကပာ်လီၤနီၣ်ဘၢၣ် ဖျိတၢ်, ဒ်သိးပှၤကအဲးထီၣ်အထးခိၣ်ဒီးကိးပသူထီၣ်, ဒ်သိးပှၤကထုထီၣ်အကလုၢ်, ဒ်သိးပှၤကပာ်နီၣ်ဘၢၣ် ဖျိတၢ်ထီဒါတြဲၤတဖၣ်, ဒ်သိးပှၤကမၤတိာ်ဧိၤတာ်ဧိၤ လီၤ.

²³ ဒီးမ့ၢ်အဝဲသ့ၣ်ဆိၣ်တၢ်ဒီးအီၤအဃိဒီး, အန့ၣ်ကမၤ အသးဒ်တၢ်ဖးလီတၢ်လၢအမဲာ်ညါအသိးလီၤ. ဘၣ် ဆၣ်ဒီးကသ့ၣ်နီၣ်က့ၤအဝဲသ့ၣ်အတၢ်ဒဲးဘး ဒ်သိးအ ကဘၣ်တၢ်မၤန့ၢ်အီၤလီၤ.

²⁴ မၤသးဒ်န့ၣ်ဒီးကစၢ်ယွၤစံးဒ်အံၤ, မ့ၢ်သုတၢ်ကမၣ် အိၣ်ဖျါထီၣ်ဒီး, သုဒုးသ့ၣ်နီၣ်ထီၣ်က့ၤတၢ်လၢသုတၢ် ဒဲးဘး, ဒီးသုတၢ်ဒဲးဘးအိၣ်ဖျါဝဲလၢ သုမၤတၢ်ခဲလၢာ် အပူၤဒီး, မ့ၢ်သုဒုးသ့ၣ်နီၣ်ထီၣ်က့ၤတၢ်လၢသုဒီး, တၢ် ကမၤန့ၢ်သုလၢအစုလီၤ.

²⁵ ဒီးနဲဒၣ်အံၤ, အံၣ်စရ့လးအပဒိၣ်ဖးဒိၣ်အအၢဒီးတ တီတလိၤဘၣ်, လၢအမုၢ်တနံၤဘၣ်ဖဲအတၢ်ဒဲးဘးအ ကတၢၢ်တဂၤဧၢ, ²⁶ ကစၢ်ယွၤစံးဒ်အံၤ, ဘီၣ်လီၤကွံာ်ခိၣ် ဖၢၣ်, ထုးထီၣ်ကွံာ်ခိၣ်သလုးတက့ၢ်. တမ့ၢ်လၢၤဘၣ် နတၢ်ဘၣ်. ပာ်ထီၣ်ထီပှၤလၢအအိၣ်ဆီၣ်လီၤ, ဒီးဆီၣ် လီၤပှၤလၢအအိၣ်ထီၣ်ထီတက့ၢ်.

²⁷ ယကကျၢၢ်အီထီလာ်, ယကကျၢၢ်အီထီလာ်, ယက ကျၢၢ်အီထီလာ်အီၤလီၤ. ဒီးတအိၣ်လၢၤဘၣ်တုၤပှၤတ ဂၤဟဲလၢအမ့ၢ်အတၢ်နီၢ်နီၢ်, ဒီးယကဟ့ၣ်အီၤလီၤ.

²⁸ ဒီးနဲဒၣ်ပှၤကညီဖိခွါဧၢ, ကတိၤလၢဝံကျိာ်, ဒီးစံး, က စၢ်ယွၤစံးလၢပှၤဧၣ်မိၣ်ဖိအဂ့ၢ်, ဒီးလၢအတၢ်ဒုၣ်ဒွဲၣ်အ ဂ့ၢ်ဒ်အံၤဒီးစံးနဲ, နးဧိၤဘီဧိၤ, နးဧိၤဘီဧိၤဘီၣ်ထီၣ်ကွံာ် လံအသးလံ, တြူာ်ကဆှၣ်လံအသး, ကပြူၢ်ကပြီၤလံ လၢတၢ်မၤသံတၢ်အဂီၢ် လၢတၢ်မၤလၢာ်ကွံာ်တၢ်အ ဂီၢ်လီၤ. ²⁹ ဖဲအဝဲသ့ၣ်ထံၣ်တၢ်ကလီကလီလၢနဂီၢ်, ဒီး ဖးတၢ်ကဘျံးကဘျၣ်လၢနဂီၢ် ဒ်သိးအကဒုးလီၤဘၣ် နၤလၢပှၤတတီတလိၤဘၣ်အကိာ်လၢ အဘၣ်တၢ်မၤ သံအီၤ, ပှၤလၢအမုၢ်တနံၤဘၣ်ဖဲအတၢ်ဒဲးဘးကက တၢၢ်လီၤ.

³⁰ ဖျီၣ်နုာ်နးလၢအတြိးပူၤတက့ၢ်. ယကစံၣ်ညီၣ်နၤဖဲ တၢ်အလီၢ်လၢတၢ်တ့လီၤနၤလၢအပူၤ, လၢနအိၣ်ဖျဲၣ် အကီၢ်ပူၤလီၤ. ³¹ ဒီးယကလူလီၤယသးထီၣ်ဆူၣ်လၢ နလိၤယကအူဘၣ်နၤလၢ ယသးကဲၤထီၣ်အမ့ၣ်အူဒီး ယကဟ့ၣ်လီၤကွံာ်နၤလၢပှၤလီၤဂာ် ဆၣ်ဖိကီၢ်ဖိအစု ပူၤ, လၢအမၤဟးဂီၤတၢ်သ့လီၤ.

³² နကကဲထီၣ်သ့ၣ်မုၣ်လၢမ့ၣ်အူအဂီၢ်, နသွံၣ်ကအိၣ် လၢကီၢ်အသးကံၢ်ပူၤလီၤ. ပှၤကညီတသ့ၣ်နီၣ်ထီၣ် လၢၤဘၣ်နၤဘၣ်. အဂ့ၢ်ဒ်အံၤ, တၢ်လၢယၤယွၤအံၤ, ယကတိၤတၢ်လီၤ.

၂၂

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ဒီးနဲဒၣ်အံၤ ပှၤကညီဖိခွါဧၢ, နကစံၣ်ညီၣ်, နကစံၣ်ညီၣ်ဝ့ၢ်အိၣ်ဒီး တၢ်သွံၣ်န့ၣ်ဧါ. ဒီးဘိးဘၣ်သ့ၣ်ညါအီၤလၢအတၢ်သး ဘၣ်အၢခဲလၢာ်န့ၣ်တက့ၢ်. ³ ဒီးစံး, ကစၢ်ယွၤစံးဒ်အံၤ, ဝ့ၢ်လၢအလူလီၤတၢ်သွံၣ်လၢ နသးကံၢ်ပူၤဒ်သိးနဆၢ နကတီၢ်ကဘၣ်, ဒီးတ့နတၢ်ဂီၤဒ်သိးအကမၤဘၣ်အၢ လီၤအသးတဝ့ၢ်ဧၢ.

⁴ နဘၣ်တၢ်ဒဲးဘးလၢတၢ်သွံၣ်လၢ နလူလီၤအီၤအဃိ, ဒီးနမၤဘၣ်အၢလီၤနသးလၢနတၢ်ဂီၤလၢ နတ့အီၤအ ဃိ, ဒီးနဒုးဟဲဘူးနမုၢ်နံၤတဖၣ်, ဒီးနဒုးဘၣ်နနံၣ်န လါလီၤ. မၤသးဒ်န့ၣ်ဒီးယပာ်နၤလၢ တၢ်ဒုၣ်ဒွဲၣ်အ လီၢ်လၢပှၤကလုာ်တဖၣ်အကျါ, ဒီးတၢ်မၤတရီတပါ အလီၢ်လၢကီၢ်ခဲလၢာ်အပူၤလီၤ. ⁵ ပှၤအိၣ်ဘူး, ဒီးပှၤ အိၣ်ယံၤဒီးနၤကမၤတရီတပါနၤ, ဒ်ပှၤလၢအမံၤဘၣ် အၢ, ပှၤဘၣ်တၢ်ကိၢ်တၢ်ဂီၤနးမးအသိးန့ၣ်လီၤ.

⁶ ကွၢ်ကွၢ်, အံၣ်စရ့လးအပဒိၣ်ဖးဒိၣ်တဖၣ်န့ၢ်အိၣ်ဝဲ လၢနပူၤ, အစုအိၣ်လၢအကလူလီၤတၢ်သွံၣ်ကိးဂၤဒဲး လီၤ.

⁷ ပှၤမၤတရီတပါအမိၢ်ဒီးအပၢ်လၢနပူၤန့ၣ်, ပှၤမၤအၢ ပှၤတခီဘီမုၢ်ဖိလၢနပူၤန့ၣ်, ပှၤမၤအၢပှၤဖိၣ်ဃဲ, ဒီး ပှၤမုၣ်ကမဲလၢနပူၤန့ၣ်လီၤ. ⁸ နတပးကဲဘၣ်ယတၢ် စီဆှံတဖၣ်, ဒီးနမၤဘၣ်အၢယမုၢ်အိၣ်ဘှံးနံၤတဖၣ် လီၤ. ⁹ ပှၤလဲၤကတိၤခဲၣ်တၢ်ဒ်သိးအကလူလီၤတၢ်သွံၣ် အိၣ်ဝဲလၢနပူၤလီၤ. ပှၤအီၣ်တၢ်လၢကစၢၢ်ခိၣ်လၢနပူၤ လီၤ. ပှၤမၤတၢ်ကလုာ်ကလိၤလၢနပူၤလီၤ.

¹⁰ ပှၤလီၣ်ဖျါအပၢ်အတၢ်အိၣ်ဘ့ၣ်ဆ့လၢနပူၤလီၤ. ပှၤ ဆီၣ်လီၤပိာ်မုၣ်လၢအအိၣ်တကဆှီဘၣ်လၢနပူၤလီၤ.

¹¹ ဒီးပှၤတဂၤမၤတၢ်သးဘၣ်အၢဒီး ပှၤလၢအဃၢၤအ မါ, ဒီးပှၤတဂၤမၤဘၣ်အၢအဒဲၣ်လၢအသးကလုာ်က လိၤ, ဒီးပှၤအဂၤတဂၤဆီၣ်လီၤအဒီပုၢ်ဝဲၢ်မုၣ်, အပၢ်အ ဖိမုၣ်လၢနပူၤလီၤ.

¹² ပှၤဟံးန့ၢ်ခိၣ်ဖးလၢနပူၤ, ဒ်သိးအကလူလီၤတၢ်သွံၣ် လီၤ. ဒီးနဟံးန့ၢ်စ့အအ့ၣ်ဒီးတၢ်အါထီၣ်, ဒီးနအီၣ်က ဘျံးအီၣ်ကဘျၣ်ပှၤလၢ နဃၢၤအတၢ်သတးဒီး, နမၤ အါထီၣ်နတၢ်, ဒီးနသးပ့ၤနီၣ်ယၤလီၤ. ကစၢ်ယွၤစံးဝဲ ဒၣ်.

¹³ မၤသးဒ်န့ၣ်ဒီးကွၢ်ကွၢ်, ယဒဲယစုလၢနအီၣ်ကဘျံး အီၣ်ကဘျၣ်တၢ်လၢနန့ၢ်အီၤ, ဒီးလၢပှၤအသွံၣ်လၢအ လူလီၤအသးလၢနသးကံၢ်ပူၤလီၤ.

¹⁴ မုၢ်တနံၤလၢယကမၤနၤန့ၣ် နသးတူၢ်ဘၣ်ကကဲဧါ. နစုကဆူၣ်ထီၣ်စ့ၢ်ကီးဧါ. တၢ်လၢယၤယွၤအံၤယက တိၤတၢ်, ဒီးယကမၤတၢ်လီၤ.

¹⁵ ဒီးယကမၤလီၤပြံလီၤပြါနၤလၢပှၤကလုာ်တဖၣ် အ ကျါ, ဒီးမၤလီၤမုၢ်လီၤဖးနၤလၢကီၢ်တဖၣ်အပူၤ, ဒီးယ ကမၤလၢာ်ကွံာ်နတၢ်အၢလၢနပူၤလီၤ. ¹⁶ ဒီးနကမၤ ဘၣ်အၢလီၤနသးလၢပှၤကလုာ်တဖၣ်အမဲာ်ညါ, ဒီးန ကသ့ၣ်ညါလၢယမ့ၢ်ယွၤလီၤ. ¹⁷ ဒီးယွၤအကလုၢ်ဘၣ်ယၤဒီးစံးဝဲဒၣ်, ¹⁸ ပှၤကညီ ဖိခွါဧၢ, အံၣ်စရ့လးအပှၤဟံၣ်ဖိကဲထီၣ်လၢတၢ်အအ့ၣ် လၢယဂီၢ်လီၤ. အဝဲသ့ၣ်ခဲလၢာ်မ့ၢ်တိၢ်, ဒီးပှာ်, ဒီးထး, ဒီးပှာ်သူလၢဖၣ်ကပူၤအပူၤန့ၣ်လီၤ. မ့ၢ်စ့အအ့ၣ်လီၤ.

¹⁹ မၤသးဒ်န့ၣ်ဒီး ကစၢ်ယွၤစံးဒ်အံၤ, မ့ၢ်သုဝဲခဲလၢာ် ကဲထီၣ်တၢ်အအ့ၣ်ဒီး, ကွၢ်ကွၢ်, မၤသးဒ်န့ၣ်ဒီးယကဒုး အိၣ်ဖှိၣ်သုလၢ ယရုၤၡလ့ၣ်အသးကံၢ်ပူၤလီၤ.

²⁰ ဒ်ပှၤပာ်ဖှိၣ်စ့, ဒီးတိၢ်, ဒီးထး, ဒီးပှာ်သူ, ဒီးပှာ်လၢဖၣ် ကပူၤအသးကံၢ်ပူၤ ဒ်သိးအကအူဘၣ်မ့ၣ်အူလၢအဖီ ခိၣ်, ဒီးမၤပှံၢ်အီၤအသိးန့ၣ်, ယကပာ်ဖှိၣ်သုလၢယသး ထီၣ်, ဒီးလၢယသးကဲၤထီၣ်, ဒီး, ယကပာ်လီၤသုဖဲန့ၣ်, ဒီးမၤပှံၢ်သုဒ်န့ၣ်သိးလီၤ. ²¹ မ့ၢ်မးယကပာ်ဖှိၣ်သု, ဒီး ယကအူဘၣ်သုလၢယသးကဲၤထီၣ်အမ့ၣ်အူ, ဒီးသုက ပှံၢ်လီၤလၢအသးကံၢ်ပူၤလီၤ. ²² ဒ်စ့ပှံၢ်လီၤလၢဖၣ်ကပူၤ အသးကံၢ်ပူၤအသိးန့ၣ် သုကပှံၢ်လီၤလၢအသးကံၢ်ပူၤ ဒ်န့ၣ်သိး, ဒီးသုကသ့ၣ်ညါလၢယၤယွၤအံၤလူလီၤယ သးကဲၤထီၣ်လၢသုလိၤလီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, ²³ ပှၤကညီ ဖိခွါဧၢ, စံးဘၣ်အီၤ, မ့ၢ်ကီၢ်တဘ့ၣ်လၢတၢ်တမၤကဆှီ ဘၣ်, ဒီးတၢ်တဟဲစူၤဘၣ်လၢအဖီခိၣ်, လၢယသးကဲၤ ထီၣ်အမုၢ်တနံၤအပူၤဘၣ်.

²⁵ ဝံတဖၣ်အတၢ်အုၣ်လီၤအၢအိၣ်ဝဲလၢအပူၤလီၤ. ဒ်ခ့ ယုၢ်လၢအကညီၤထီၣ်တၢ်ဒီး အ့ၣ်ဖှီတၢ်ဂုာ်န့ၢ်တၢ်အ သိးန့ၣ်, အီၣ်ကွံာ်ပှၤအသး, မၤန့ၢ်တၢ်ပာ်ဖှိၣ်အသး, ဒီး တၢ်လုၢ်ဒိၣ်ပှ့ၤဒိၣ်, ဒုးကဲထီၣ်ပှၤမုၣ်ကမဲအါဂၤလၢအ သးကံၢ်ပူၤလီၤ. ²⁶ အပှၤလုၢ်တၢ်အဒိၣ်တဖၣ်န့ၣ်လုၣ် သ့ၣ်ခါပတာ်ယတၢ်သိၣ်တၢ်သီ, ဒီးမၤဘၣ်အၢယတၢ် စီဆှံတဖၣ်, ဒီးတနီၤဖးဘၣ်တၢ်စီဆှံဒီး တၢ်ဘၣ် အၢအဆၢဘၣ်, ဒီးတဒုးနဲၣ်ဘၣ်တၢ်ကဆှီဒီးတၢ်တ ကဆှီဘၣ်အဆၢဘၣ်. ဒီးပာ်တဒၢအမဲာ်လၢယမုၢ်အိၣ် ဘှံးအနံၤတဖၣ်, ဒီးယဘၣ်တၢ်မၤဘၣ်အၢယၤလၢအ ကျါလီၤ.

²⁷ အပဒိၣ်ဖးဒိၣ်လၢအပူၤ မၤသးဒ်ထွံၣ်မံၤအ့ၣ်ဖှီတၢ်ဂုာ် န့ၢ်အသိးန့ၣ်လီၤ. လူလီၤတၢ်သွံၣ်, မၤသံပှၤအသး, ဒ် သိးအကန့ၢ်ဘၣ်အစုလီၢ်အခီၣ်ခိၣ်လီၤ.

²⁸ ဒီးအဝံတဖၣ်ဖှူဝဲဒီးအီကတ့ၣ်, ထံၣ်ဘၣ်တၢ်ကလီ ကလီ, ဒီးဖးတၢ်လၢအဂီၢ်, ဒီးစံး, ကစၢ်ယွၤစံးဒ်အံၤ, ဒီး ယွၤတကတိၤဘၣ်တၢ်ဘၣ်.

²⁹ ထံဧိၤကီၢ်ဧိၤအပှၤဂီၢ်မုၢ်မၤအၢတၢ်, ဒီးဂုာ်ဆူၣ်ပျီဆူၣ် တၢ်, ဒီးသုမၤကိၢ်မၤဂီၤပှၤဖှီၣ်ဖိယာ်ဖိ, ဒီးပှၤဘၣ်နး ဘၣ်ဖှီၣ်, ဒီးမၤအၢပှၤတခီဘီမုၢ်ဖိ, ဒီးတၢ်စံၣ်ညီၣ်တ အိၣ်ဘၣ်.

³⁰ ဒီးယဃုပှၤလၢအကျါတဂၤလၢ အကမၤထီၣ်ကရၢ, ဒီးဆၢထၢၣ်လၢတၢ်ဘျၢၣ်ဖျိအလီၢ်လၢ ယမဲာ်ညါလၢ ကီၢ်အဂီၢ် ဒ်သိးယသုတမၤဟးဂီၤအီၤတဂ့ၤ. ဘၣ်ဆၣ် ဒီးယတထံၣ်န့ၢ်ဘၣ်နီတဂၤဘၣ်. ³¹ မၤသးဒ်န့ၣ်ဒီးယ လူလီၤလံယသးဆူၣ်လၢအဖီခိၣ်, ယမၤလၢာ်ကွံာ်အီၤ လၢယသးကဲၤထီၣ်အမ့ၣ်အူပူၤလံလီၤ. ယဟ့ၣ်ကၣ်အ ကျဲလၢအခိၣ်ဒၣ်ဝဲအဖီခိၣ်လံလီၤ. ကစၢ်ယွၤစံးဝဲဒၣ်.

၂၃

¹ ယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါဧၢ, ပှၤပိာ်မုၣ်ခံဂၤ, အမိၢ်တဂၤဃီအဖိမုၣ်အိၣ်ဝဲလီၤ. ³ ဒီး မၤကမၣ်မုၣ်ကမၣ်ခွါလၢ အဲၤကူပတူးအပူၤ, မၤကမၣ် မုၣ်ကမၣ်ခွါလၢအမုၣ်ကနီၤထီၣ်အဖၢမုၣ်လီၤ. ဟ့ၣ်ပှၤ ဟံးအနုၢ်ဖဲန့ၣ်, ဒီးဖဲန့ၣ်ဟ့ၣ်ပှၤဟံးအမုၣ်လိၣ်ဘိထီၣ် အနုၢ်ခိၣ်မီၣ်လီၤ.

⁴ အမံၤမ့ၢ်နီၢ်အၤဟိးလၤအဝဲၢ်တဂၤ, ဒီးနီၢ်အၤဟိးလံ ဘၤအပုၢ်တဂၤလီၤ. ဒီးကဲထီၣ်ယတၢ်, ဒီးဆံးစၢ်န့ၢ်ဖိ ခွါတဖၣ်, ဒီးဖိမုၣ်တဖၣ်လီၤ. တၢ်လၢအမံၤန့ၣ်နီၢ်အၤ ဟိးလၤမ့ၢ်ၡၤမရံ, ဒီးနီၢ်အၤဟိးလံဘၤမ့ၢ်ယရူၤၡလ့ၣ် လီၤ.

⁵ ဒီးဖဲအမ့ၢ်ယတၢ်န့ၣ် နီၢ်အၤဟိးလၤမၤကမၣ်မုၣ်က မၣ်ခွါလီၤ. ဒီးအဲၣ်လၢအသးကလုာ်ကလိၤပှၤလၢအ အဲၣ်အီၤ, ပှၤလၢအဃၢၤ, ပှၤအၤရှူၢ်ဖိ, ⁶ ကူသိးဒီးတၢ် လါ, ပဒိၣ်ဖးဒိၣ်တဖၣ်, ဒီးပဒိၣ်တဖၣ်, ပှၤဖိၣ်သၣ်ခွါ လၢဘၣ်ပှၤအသးခဲလၢာ်, ပှၤဒိးကသ့ၣ်ဖိလၢအဒိးက သ့ၣ်လီၤ.

⁷ ဒီးမၤကမၣ်မုၣ်ကမၣ်ခွါဒီးအီၤ, ဒီးကယဲၢ်အၤရှူၢ်အ ပှၤဃုထၢဖိခဲလၢာ်, ဒီးကယဲၢ်ပှၤလၢအအဲၣ်အီၤလၢအ သးကလုာ်ကလိၤ, မၤဘၣ်အၢအသးလၢအတၢ်ဂီၤတၢ် ဖီၣ်ခဲလၢာ်လီၤ.

⁸ ဒီးတလဲၤသဒၣ်ဘၣ် အတၢ်မၤကမၣ်မုၣ်ကမၣ်ခွါ ဘၣ်ဃးဒီးအဲၤကူပတူးဘၣ်. အဂ့ၢ်ဒ်အံၤ, အဝဲသ့ၣ်မံ ဃုာ်ဒီးအီၤလၢအမုၣ်ကနီၤထီၣ်အဖၢမုၣ်, ဒီးဟံးအမုၣ် လိၣ်ဘိအနုၢ်ခိၣ်မီၣ်, ဒီးလူလီၤအတၢ်မၤကမၣ်မုၣ်က မၣ်ခွါလၢအလိၤလီၤ.

⁹ မၤသးဒ်န့ၣ်ဒီးယဟ့ၣ်လီၤကွံာ်အီၤလၢ ပှၤလၢအအဲၣ် အီၤအစုပူၤလၢ ပှၤအၤရှူၢ်ဖိလၢအအဲၣ်အီၤလၢအသး ကလုာ်ကလိၤ, အစုပူၤလီၤ.

¹⁰ အဝဲသ့ၣ်တဖၣ်န့ၣ် လီၣ်ဖျါထီၣ်အတၢ်အိၣ်ဘ့ၣ်ဆ့ လီၤ. ဟံးန့ၢ်အဖိခွါဒီးအဖိမုၣ်တဖၣ်, ဒီးမၤသံအီၤလၢ နး, ဒီးအမံၤဟူထီၣ်ဝဲလၢပိၣ်မုၣ်အကျါလီၤ. အဂ့ၢ်ဒ် အံၤ, မၤအီၤလၢတၢ်စံၣ်ညီၣ်လီၤ.

¹¹ ဒီးအဒီပုၢ်ဝဲၢ်မုၣ် နီၢ်အၤဟိးလံဘၤထံၣ်ဘၣ်တၢ်န့ၣ် ဘၣ်ဆၣ်ဒီး, အဲၣ်တၢ်လၢအသးကလုာ်ကလိၤနးန့ၢ်အ ဝဲတဂၤတက့ၢ်လီၤ. ဒီးမၤကမၣ်မုၣ်ကမၣ်ခွါနးန့ၢ်အဒီ ပုၢ်ဝဲၢ်အမၤကမၣ်မုၣ်ကမၣ်ခွါတက့ၢ်လီၤ.

¹² အဲၣ်ပှၤလၢအဃၢၤလၢအသးကလုာ်ကလိၤ, ပှၤအၤ ရှူၢ်ဖိ, ပဒိၣ်ဖးဒိၣ်တဖၣ်, ဒီးပဒိၣ်တဖၣ်, ကူသိးတၢ် လၢလၢပှဲၤပှဲၤ, ပှၤဒိးကသ့ၣ်ဖိ, လၢအဒိးကသ့ၣ်, ပှၤဖိၣ် သၣ်ခွါလၢအဘၣ်ပှၤအသးခဲလၢာ်လီၤ.

¹³ တုၤနုၤတစုယထံၣ်လၢအဘၣ်အၢ, လၢပှၤခံဂၤန့ၣ် ပိာ်ကျဲတဘိဃီလီၤ. ¹⁴ ဘၣ်ဆၣ်ဒီးမၤအါထီၣ်အတၢ် ကမၣ်မုၣ်ကမၣ်ခွါလီၤ. အဂ့ၢ်ဒ်အံၤ, ထံၣ်ပှၤကညီအ ဂီၤကွဲးအသးလၢတၢ်ဒူၣ်အလိၤ, ပှၤက့ၤစ့းဖိအဂီၤကွဲး အသးလၢကသံၣ်ဂီၤ, ¹⁵ ကံၢ်တူာ်အယီၢ်ဒ့လၢယီၢ်တ ကိး, အိၣ်ဝဲဒီးအခိၣ်ဖၢၣ်ဒိၣ်ကံၣ်ဃ့, ဖျါဝဲဒ်ပဒိၣ်ဖး ဒိၣ်ခဲလၢာ်အသိး, ဒ်ပှၤဘၤဘူၤလိၣ်ဖိလၢကီၢ်က့ၤစ့း အပူၤ, ဖဲအအိၣ်ဖျဲၣ်အကီၢ်လီၤ. ¹⁶ ဒီးတုၤအထံၣ်အီၤ လၢအမဲာ်ဒီး, အဲၣ်အီၤလၢအသးကလုာ်ကလိၤ, ဒီးမၢ အကလူးတဖၣ်လဲၤဆူအအိၣ် လၢကီၢ်က့ၤစ့းအပူၤ လီၤ.

¹⁷ ဒီးဘၤဘူၤလိၣ်အဖိခွါတဖၣ် ဟဲဆူအအိၣ်လၢတၢ် အဲၣ်အလီၢ်မံပူၤ, ဒီၤမၤဘၣ်အၢအီၤလၢအမၤကမၣ်မုၣ် ကမၣ်ခွါ, ဒီးအဝဲဒၣ်ဘၣ်အၢလၢအီၤ, အသးလီၤဖှၣ် ဒီးအီၤလီၤ.

¹⁸ ဒီးလီၣ်ဖျါထီၣ်အတၢ်မၤကမၣ်မုၣ်ကမၣ်ခွါ, ဒီးလီၣ် ဖျါထီၣ်အတၢ်အိၣ်ဘ့ၣ်ဆ့လီၤ. တုၤနုၤတဘျီယသး လီၤဖှၣ်ဒီးအီၤ, ဒ်ယသးလီၤဖှၣ်တ့ၢ်ဒီးအဒီပုၢ်ဝဲၢ်တဂၤ အသိးန့ၣ်လီၤ. ¹⁹ အဂ့ၢ်ဒ်အံၤ, မ့ၢ်အသ့ၣ်နီၣ်ထီၣ်က့ၤအ မုၣ်ကနီၤထီၣ်အမုၢ်နံၤတဖၣ် ဖဲအမၤကမၣ်မုၣ်ကမၣ် ခွါလၢကီၢ်အဲၤကူပတူးအပူၤသတးဒီး, မၤအါထီၣ်အ တၢ်မၤကမၣ်မုၣ်ကမၣ်ခွါလီၤ. ²⁰ ဒီးအဲၣ်ဝဲအပှၤသံၣ် ဝၤလၢအဖံးအညၣ်မၤသး ဒ်ကသ့ၣ်ယီၤအဖံးအညၣ် အသိး, ဒီးအလူတၢ်န့ၣ်မၤသးဒ်ကသ့ၣ်အလူတၢ်အ သိးန့ၣ်လီၤ. ²¹ ဒီးနသ့ၣ်နီၣ်ထီၣ်က့ၤနမုၣ်ကနီၤထီၣ်အ သးကလုာ်ကလိၤဖဲ ပှၤအဲၤကူပတူးဖိဟံးနနုၢ်ခိၣ်မီၣ် လၢနမုၣ်ကနီၤထီၣ်အနုၢ်အဃိလီၤ.

²² မၤသးဒ်န့ၣ်ဒီး နီၢ်အၤဟိးလံဘၤဧၢ, ကစၢ်ယွၤစံးဒ် အံၤ, ကွၢ်ကွၢ်, ယကထိၣ်ဂဲၤပှၤလၢနအဲာ်အီၤထီဒါနၤ, ပှၤလၢနသးလီၤဖှၣ်ဒီးအီၤ, ဒီးယကဒုးဟဲအီၤထီဒါနၤ ဝးတရံးဝဲ, ²³ ပှၤဘၤဘူၤလိၣ်ဖိ, ဒီးပှၤက့ၤစ့းဖိခဲလၢာ်, ပှၤတၢ်အခိၣ်, ပှၤထူးပှၤတီၤ, ဒီးပှၤအဒိၣ်, ပှၤအၤရှူၢ်ဖိ အိၣ်ဒီးအီၤခဲလၢာ်, အဝဲသ့ၣ်ခဲလၢာ်န့ၣ်မ့ၢ်ပှၤဖိၣ်သၣ် ခွါလၢအဘၣ်ပှၤအသး, ပဒိၣ်ဖးဒိၣ်တဖၣ်, ဒီးပဒိၣ်တ ဖၣ်, ပှၤသုးဖိအခိၣ်တဖၣ်, ပှၤလၢအမံၤဟူထီၣ်တဖၣ်, ဒီးအဝဲသ့ၣ်ခဲလၢာ်ဒိးကသ့ၣ်လီၤ.

²⁴ ဒီးကဟဲထီဒါနၤအိၣ်ဒီးကတီၤ, ဒီးလ့ၣ်ကဟၣ်, ဒီး လ့ၣ်ကဟၣ်အပၣ်, ဒီးပှၤဂီၢ်မုၢ်အဖုဖးဒိၣ်တဖၣ်လီၤ. ကပာ်အသးထီဒါနၤအိၣ်ဒီးကတီၤဖိ, ဒီးကတီၤဖးဒိၣ်, ဒီးခိၣ်ကုာ်သုးဝးတရံးဝဲ, ဒီးယကပာ်တၢ်စံၣ်ညီၣ်လၢ အမဲာ်ညါ, ဒီးကစံၣ်ညီၣ်နၤဒ်အတၢ်စံၣ်ညီၣ်တဖၣ်အ သိးန့ၣ်လီၤ.

²⁵ ဒီးယကပာ်ယသးက့ၣ်ထီဒါနၤ, ဒီးအဝဲသ့ၣ်ကမၤ နၤလၢအသးကဲၤထီၣ်လီၤ. ကဟံးထီၣ်ကွံာ်နနါဒ့, ဒီး နနၢ်, ဒီးနတၢ်အိၣ်လီၤတဲာ်ကလီၤဃံၤလၢနးလီၤ. က ဟံးန့ၢ်နဖိခွါဒီးနဖိမုၣ်, ဒီးမ့ၣ်အူကအီၣ်ကွံာ်နတၢ်အိၣ် လီၤတဲာ်လီၤ.

²⁶ ဒီးကဘ့ၣ်ကွံာ်နကူနသိး, ဒီးကဟံးထီၣ်ကွံာ်နက ယၢကယဲအဃံအလၤလီၤ.

²⁷ ဒ်န့ၣ်အသိး ယကဒုးဆိတ့ၢ်နသးကလုာ်ကလိၤလၢ နၤ, ဒီးနတၢ်မၤကမၣ်မုၣ်ကမၣ်ခွါဘၣ်ဃးဒီး အဲၤကူ ပတူး, ဒီးနတကျ့ထီၣ်လၢၤဘၣ်နမဲာ်ဆူအကီၢ်, ဒီးတ သ့ၣ်နီၣ်ထီၣ်က့ၤလၢၤဘၣ်အဲၤကူပတူးဘၣ်.

²⁸ အဂ့ၢ်ဒ်အံၤ, ကစၢ်ယွၤစံးဒ်အံၤ, ကွၢ်ကွၢ်, ယကဟ့ၣ် လီၤကွံာ်နၤဆူပှၤလၢနသးဟ့အီၤအစုပူၤ, လၢပှၤလၢ နသးလီၤဖှၣ်ဒီးအီၤအစုပူၤလီၤ.

²⁹ ဒီးကမၤနၤလၢတၢ်အသးဟ့, ဒီးကဟံးထီၣ်ကွံာ်န တၢ်မၤခဲလၢာ်, ဒီးကလဲၤသဒၣ်နၤလၢနအိၣ်ဘ့ၣ်ဆ့ ဒီးနကူနသိးတအိၣ်ဘၣ်. ဒီးနမၤကမၣ်မုၣ်ကမၣ်ခွါ အတၢ်အိၣ်ဘ့ၣ်ဆ့, နသးကလုာ်ကလိၤ, ဒီးနတၢ်မၤ ကမၣ်မုၣ်ကမၣ်ခွါန့ၣ်ကအိၣ်ဖျါထီၣ်လီၤ.

³⁰ ယကမၤနၤလၢတၢ်န့ၢ်တဖၣ်လၢ နလဲၤမၤကမၣ်မုၣ် ကမၣ်ခွါထွဲပှၤကလုာ်တဖၣ်အခံအဃိ, လၢနဘၣ်အၢ လၢအတၢ်ဂီၤတဖၣ်အဃိလီၤ. ³¹ နပိာ်နဒီပုၢ်ဝဲၢ်မုၣ်အ ကျဲ, ဒီးယကဟ့ၣ်လီၤအလီခီလၢနစုပူၤလီၤ.

³² ကစၢ်ယွၤစံးဝဲဒ်အံၤ, နကအီနဒီပုၢ်ဝဲၢ်မုၣ်အလီခီလၢ အယိာ်ဒီးအဒိၣ်လီၤ. တြီၢ်တၢ်အါမးလီၤ. နကကဲထီၣ် တၢ်နံၤဘၣ်ဖၣ်လဲအလီၢ်, ဒီးတၢ်ဒုၣ်ဒွဲၣ်အလီၢ်လီၤ.

³³ နကပှဲၤဒီးတၢ်အီမူၤနသး, ဒီးတၢ်သူၣ်အုးသးအုးလီၤ. တၢ်သးကတုၤ, ဒီးတၢ်ကမၢကမၣ်အလီခီန့ၣ်မ့ၢ်နဒီ ပုၢ်ဝဲၢ်မုၣ်ၡၤမရံအလီခီန့ၣ်လီၤ.

³⁴ နကအီအီၤ, ဒီးစူၢ်ထီၣ်ကွံာ်, ဒီးအ့ၣ်လီခီအက့အခီ, ဒီးထုးထီၣ်ကွံာ်နနုၢ်လီၤ. အဂ့ၢ်ဒ်အံၤ, ယကတိၤလံတၢ် လံ, ကစၢ်ယွၤစံးဝဲဒၣ်.

³⁵ မၤသးဒ်န့ၣ်ဒီးကစၢ်ယွၤစံးဒ်အံၤ, မ့ၢ်နသးပ့ၤနီၣ်ယၤ, ဒီးကွံာ်တ့ၢ်ကွံာ်ယၤဆူနချၢဃံဒီး, တူၢ်ဒၣ်နသးကလုာ် ကလိၤ, ဒီးနမၤကမၣ်မုၣ်ကမၣ်ခွါန့ၣ်တက့ၢ်.

³⁶ ဒီးယွၤစံးဘၣ်ယၤ, ပှၤကညီဖိခွါဧၢ, နကစံၣ်ညီၣ်နီၢ် အၤဟိးလၤ, ဒီးနီၢ်အၤဟိးလံဘၤစ့ၢ်ကီးဧါ. မ့ၢ်မးဒုးနဲၣ် အီၤလၢအတၢ်သးဘၣ်အၢတဖၣ်န့ၣ်, ³⁷ လၢအအဲၣ်ဘၢ မါအဲၣ်ဘၢဝၤ, ဒီးတၢ်သွံၣ်အိၣ်ဝဲလၢအစုပူၤ, ဒီးအဲၣ် ဘၢမါအဲၣ်ဘၢဝၤဒီးအတၢ်ဂီၤတဖၣ်, ဒီးမၢအဖိခွါလၢ အဆံးစၢ်န့ၢ်ယၤတဖၣ် ခီဂာ်မ့ၣ်အူလၢတၢ်ကအီၣ်ကွံာ် အီၤအဂ့ၢ်လီၤ. ³⁸ မၤစ့ၢ်ကီးယၤလၢတၢ်အံၤ, မၤဘၣ်အၢယလီၢ်စီဆှံ, ဒီးမၤတကဆှီဘၣ် ယမုၢ်အိၣ်ဘှံးအနံၤတနံၤဃီလီၤ.―

³⁹ အဂ့ၢ်ဒ်အံၤ, တုၤအမၤသံအဖိအလံၤလၢအတၢ်ဂီၤတ ဖၣ်အဂီၢ်ဒီး, ဟဲဆူယလီၢ်စီဆှံအပူၤ လၢအကမၤဘၣ် အၢအီၤတနံၤဃီလီၤ. ဒီးကွၢ်ကွၢ်, မၤဝဲဒ်န့ၣ်လၢယ ဟံၣ်အသးကံၢ်ပူၤန့ၣ်လံ.

⁴⁰ လၢန့ၣ်အမဲာ်ညါသုမၢလီၤပှၤကညီဟဲလၢ အယံၤ, သုမၢကလူးတဖၣ်လဲၤ, ဆူအအိၣ်, ဒီးကွၢ်ကွၢ်, ဟဲဝဲ လီၤ. နသ့စီနသးလၢအဂီၢ်, နဖှူနမဲာ်, ဒီးနကယၢကယဲ နသးလီၤ. ⁴¹ ဒီးနဆ့ၣ်နီၤလၢတၢ်အလီၢ်မံအဃံအလၤ, ဒီးကတဲာ်ကတီၤစီၢ်နီၤခိၣ်လၢအမဲာ်ညါ, ဒီးနပာ်ဖဲန့ၣ် ယတၢ်နၢမူဒီးယသိလီၤ.

⁴² ဒီးပှၤဂီၢ်မုၢ်အိၣ်မုာ်အသီၣ်အိၣ်ဝဲဒီးအီၤတပူၤဃီ, ဒီး ပှၤဟဲစိာ်ပှၤအီလုၣ်ကိတၢ်ဒီးပှၤကညီလၢ ပှၤဂီၢ်မုၢ်အ ကျါတနီၤလၢပှၢ်မုၢ်ကနၢ, ဒီးအဝဲသ့ၣ်ဒုးသိးအစုလၢ ထံဖှံၣ်, ဒီးဒုးကုာ်ခိၣ်သလုးအဃံအလၤလၢအခိၣ်န့ၣ် လီၤ.

⁴³ တုၤနုၤတစု ယစံးလၢပှၤလၢ အသးပှၢ်တ့ၢ်လံလၢ တၢ်အဲၣ်ဘၢမါအဲၣ်ဘၢဝၤအပူၤတဂၤအဂ့ၢ်, ခဲကနံၣ် အံၤအဝဲသ့ၣ်ကမၤကမၣ်မုၣ်ကမၣ်ခွါဒီးအီၤ, ဒီးအဝဲ ဒၣ်ဒီးအဝဲသ့ၣ်စ့ၢ်ကီးဧါ.

⁴⁴ ဒီးအဝဲသ့ၣ်လဲၤနုာ်ဆူအအိၣ်, ဒ်ပှၤလဲၤနုာ်ဆူပှၤဃဲ သဲမုၣ်အအိၣ်အသိးန့ၣ်လီၤ. ဒီးလဲၤနုာ်ဆူပိာ်မုၣ်လၢ အသးကလုာ်ကလိၤနီၢ်အၤဟိးလၤ, ဒီးနီၢ်အၤဟိးလံ ဘၤအအိၣ်ဒ်န့ၣ်သိးလီၤ.

⁴⁵ ဒီးပှၤကညီအတီအလိၤတဖၣ် ကစံၣ်ညီၣ်အီၤဒ်ပှၤ အဲၣ်ဘၢဝၤဘၣ်တၢ်စံၣ်ညီၣ်အသိး, ဒီးဒ်ပိာ်မုၣ်လၢအ လူလီၤတၢ်သွံၣ်ဘၣ်တၢ်စံၣ်ညီၣ်အသိးလီၤ. အဂ့ၢ်ဒ် အံၤ, မ့ၢ်ပှၤအဲၣ်ဘၢဝၤ, ဒီးတၢ်သွံၣ်အိၣ်ဝဲလၢအစုပူၤ လီၤ.

⁴⁶ အဂ့ၢ်ဒ်အံၤ, ကစၢ်ယွၤစံးဒ်အံၤယကဒုးဟဲထီဒါအီၤ လၢပှၤတဖုဖးဒိၣ်, ဒီးယကဟ့ၣ်ပှၤမၤကိၢ်မၤဂီၤအီၤ, ဒီး ဂုာ်ဆူၣ်ပျီဆူၣ်အတၢ်လီၤ. ⁴⁷ ဒီးပှၤတဖုန့ၣ်ကကွံာ်အီၤ လၢလၢၢ်, ဒီးဒီၣ်တဲာ်ကွံာ်အီၤလၢနး, ဒီးကမၤသံအ ဖိခွါ, ဒီးအဖိမုၣ်တဖၣ်, ဒီးဆူးကွံာ်အဟံၣ်လၢမ့ၣ်အူ လီၤ.

⁴⁸ ဒီးယကဒုးဆိတ့ၢ်တၢ်သးကလုာ်ကလိၤလၢ ကီၢ်ပူၤ, ဒ်သိးပိာ်မုၣ်ခဲလၢာ်ကပလီၢ်အသး, ဒ်သိးအသုတမၤ ထွဲအဝဲသ့ၣ်အသးကလုာ်ကလိၤအခံတဂ့ၤ.

⁴⁹ ဒီးကဟ့ၣ်ကၣ်သုသးကလုာ်ကလိၤလၢသုလိၤ, ဒီး သုကတူၢ်သုတၢ်ဂီၤတဖၣ်အတၢ်ဒဲးဘး, ဒီးသုကသ့ၣ် ညါလၢယမ့ၢ်ကစၢ်ယွၤလီၤ.

၂၄

¹ ဒီးလၢခွံနံၣ်တနံၣ်, လါဆံဆဲၣ်လါတလါ, ထီၣ်ဆံ ဆဲၣ်နံၤတနံၤန့ၣ်ယွၤအကလုၢ်ဘၣ်ယၤ, ဒီးစံးဝဲဒၣ်,―

² ပှၤကညီဖိခွါဧၢ, ကွဲးမုၢ်တနံၤအမံၤ, မုၢ်တနံၤအံၤဒၣ် လဲာ်တက့ၢ်. ဘၤဘူၤလိၣ်အစီၤပၤပာ်လီၤအသးထီဒါ ယရူၤၡလ့ၣ်လၢမုၢ်တနံၤဃီအံၤလီၤ.

³ ဒီးကတိၤဒိတၢ်ဒီးပှၤဟံၣ်ဖိလၢအပူၤထီၣ်ဒၣ်တၢ်, ဒီး စံးဘၣ်အီၤ, ကစၢ်ယွၤစံးဒ်အံၤ, ပာ်ထီၣ်သပၢၤ, ပာ်ထီၣ် အီၤ, ဒီးလူလီၤထံလၢအပူၤတက့ၢ်.

⁴ ထၢဖှိၣ်, ဒီးဒၢနုာ်တၢ်အလိၣ်တဖၣ်လၢအပူၤ, ကယဲၢ် တၢ်အလိၣ်လၢအဂ့ၤ, ကံၣ်ဒုၣ်ဒီးဖံဘၣ်ခိၣ်, မၤပှဲၤအီၤ ဒီးတၢ်အဃံအကွဲလၢအဂ့ၤအဘၣ်တက့ၢ်. ⁵ ဒီးဟံးန့ၢ် တၢ်အဂ့ၤကတၢၢ်လၢသိဒီးမဲာ်တဲးလဲးအကျါ, ဒီးမၤ တၢ်တပူလၢအဖီလာ်လၢတၢ်အဃံအကွဲ, ဒုးကလာ် ထီၣ်အီၤဧ့ၢ်ဂ့ၤ, ဒီးချီတၢ်ဃံတဖၣ်လၢအပူၤတက့ၢ်.

⁶ မၤသးဒ်န့ၣ်ဒီးကစၢ်ယွၤစံးဒ်အံၤ, ဝ့ၢ်အိၣ်ဒီးတၢ်သွံၣ်, သပၢၤလၢတိၢ်အအ့ၣ်အိၣ်ဝဲလၢအပူၤ, ဒီးအအ့ၣ်တ ဟးထီၣ်ကွံာ်လၢအီၤဘၣ်န့ၣ်ဘၣ်အဖှီၣ်လီၤ. ဟဲစိာ် ထီၣ်အီၤတလိၣ်ဘၣ်တလိၣ်တက့ၢ်. မ်ပှၤသုတဖးလၢ အဂီၢ်တဂ့ၤ. ⁷ အဂ့ၢ်ဒ်အံၤ, တၢ်အသွံၣ်အိၣ်ဝဲလၢအ သးကံၢ်ပူၤ, လူဝဲလၢလၢၢ်ခိၣ်ပျီ, တလူလီၤဘၣ်ဝဲလၢ ဟီၣ်ခိၣ်အဖီခိၣ်, ဒ်သိးအကမၤဘၢဝဲလၢဟီၣ်ခိၣ်အက မူၣ်ဘၣ်. ⁸ ဒ်သိးတၢ်အသးကကဲၤထီၣ်, ဒ်သိးတၢ်က မၤဆၢတၢ်အၢဒီး, ယပာ်လီၤအသွံၣ်လၢလၢၢ်ခိၣ်ပျီ ဒ် သိးအသုတလီၤဘၢတဂ့ၤလီၤ.

⁹ မၤသးဒ်န့ၣ်ဒီး ကစၢ်ယွၤစံးဒ်အံၤ, ဝ့ၢ်အိၣ်ဒီးတၢ်သွံၣ် န့ၣ်ဘၣ်အဖှီၣ်လီၤ. ယကမၤတၢ်ပူဒိၣ်လီၤ. ¹⁰ ပာ်ဖှိၣ် သ့ၣ်မုၣ်, ဆိၣ်ကဲၤထီၣ်မ့ၣ်အူ, ချီမံတၢ်ညၣ်, ဒၢနုာ်တၢ် ဟဲတၢ်ဆှီ, ဒီးဆူးထီၣ်ကွံာ်တၢ်ဃံတၢ်ကွဲတက့ၢ်.

¹¹ တုၤနုၤတဘျီပာ်သပၢၤန့ၣ် အိၣ်ကလီလၢမ့ၣ်ကဖး အဖီခိၣ်, ဒ်သိးအတိၢ်ကကိၢ်ထီၣ်, ဒီးကဆူးထီၣ်ကွံာ်, ဒီးအတၢ်ဘၣ်အၢကပှံၢ်ဝဲလၢအပူၤ, ဒီးအအ့ၣ်ကလၢာ် ကွံာ်န့ၣ်တက့ၢ်.

¹² အဝဲန့ၣ်မၤဘှံးယသးလၢတၢ်မၤဘၣ်ဆၣ်ဒီး, အအ့ၣ် တဟးထီၣ်ဘၣ်လၢအပူၤဘၣ်. အအ့ၣ်အိၣ်ဒၣ်အတၢ် လၢမ့ၣ်အူကျါလီၤ. ¹³ တၢ်ကလုာ်ကလိၤအိၣ်ဝဲလၢန တၢ်တကဆှီဘၣ်အပူၤလီၤ. အဂ့ၢ်ဒ်အံၤ, တုၤယမၤက ဆှီနၤဒီး, နတကဆှီထီၣ်ဘၣ်. တၢ်တသ့စီလၢၤဘၣ် တၢ်အၢလၢနလိၤတုၤယမၤလၢထီၣ်ပှဲၤထီၣ်ယသးကဲၤ ထီၣ်လၢနလိၤလီၤ.

¹⁴ ယၤယွၤအံၤယကတိၤလံတၢ်လံ. ကမၤအသး, ဒီးယ ကမၤယဲလီၤ. ယတဃၣ်ကွံာ်ဘၣ်ယသးဘၣ်, ဒီးယ တသးလီဘၣ်, ဒီးယတပီၢ်ယၢ်လီၤက့ၤဘၣ်ယသး ဘၣ်. ဒ်နကျဲအသိးန့ၣ်, ဒီးဒ်နမၤတၢ်အသိးန့ၣ်ပှၤက စံၣ်ညီၣ်နၤလီၤ, ကစၢ်ယွၤစံးဝဲဒၣ်. ¹⁵ ဒီးယွၤအကလုၢ်ဘၣ်ယၤဒီးစံးဝဲဒၣ်, ¹⁶ ပှၤကညီ ဖိခွါဧၢ, ကွၢ်ကွၢ်, ယဟံးထီၣ်ကွံာ်တၢ်လၢအဘၣ်နမဲာ် လၢတၢ်တီၢ်တဘျီလီၤ. ဘၣ်ဆၣ်ဒီးနတဘၣ်ဟီၣ်ဘၣ် ယၢၤဘၣ်, ဒီးနမဲာ်ထံတဘၣ်ယွၤလီၤဘၣ်. ¹⁷ ကအု ကစွါအိၣ်ဃိကလာ်တက့ၢ်, ဟီၣ်လၢပှၤသံအဃိတ ဂ့ၤ. ဖၢၣ်ထီၣ်နခိၣ်ဖၢၣ်လၢနခိၣ်, ဖျီၣ်ထီၣ်နခီၣ်ဖံးလၢ နခီၣ်, ဒီးကျၢၢ်ဘၢနထးခိၣ်တဂ့ၤ, ဒီးအီၣ်ပှၤဖှီၣ်ဖိအ ကိၣ်တဂ့ၤ.

¹⁸ ဒီးယကတိၤတၢ်ဒီးပှၤဂီၢ်မုၢ်လၢမုၢ်ဂီၤ, ဒီးလၢမုၢ်ဟါ န့ၣ်ယမါသံဝဲလီၤ. ဒီးမုၢ်ဆ့ၣ်ထီၣ်န့ၣ်ယမၤတၢ်ဒ်တၢ် မၤလိာ်ယၤအသိးန့ၣ်လီၤ.

¹⁹ ဒီးပှၤဂီၢ်မုၢ်စံးဘၣ်ယၤ, တၢ်တဖၣ်လၢနမၤန့ၣ်ဘၣ် ဃးဒီးပှၤဒ်လဲၣ်န့ၣ်နတစံးဘၣ်ပှၤဘၣ်ဧါ. ဒီးယစံးဘၣ်အီၤ, ယွၤအကလုၢ်ဘၣ်ယၤဒီးစံးဝဲဒၣ်,

²¹ စံးဘၣ်အံၣ်စရ့လးအပှၤဟံၣ်ဖိ, ကစၢ်ယွၤစံးဒ်အံၤ, ကွၢ်ကွၢ်, ယကမၤဘၣ်အၢယလီၢ်စီဆှံ, သုသန့ၤသု သးအလီၢ်လၢသုပာ်ကဖိသုသးလၢအဃိ, တၢ်လၢအ ဘၣ်သုမဲာ်, ဒီးတၢ်လၢသုသးလီအီၤလီၤ. ဒီးသုဖိခွါ, ဒီးသုဖိမုၣ်လၢအအိၣ်လီၤတဲာ်ဒီးသုန့ၣ် ကလီၤဃံၤလၢ နးဧိၤဘီဧိၤလီၤ.

²² ဒီးသုကမၤတၢ်ဒ်ယမၤအသိးန့ၣ်လီၤ. သုတကျၢၢ် ဘၢသုးထးခိၣ်ဘၣ်, ဒီးတအီၣ်ဘၣ်ပှၤဖှီၣ်ဖိအကိၣ် ဘၣ်. ²³ ဒီးသုခိၣ်ဖၢၣ်ကအိၣ်လၢသုခိၣ်, ဒီးသုခီၣ်ဖံး ကအိၣ်လၢသုခီၣ်လီၤ. သုတဟီၣ်တယၢၤဘၣ်, ဒီးသု ကဃဲၤလီၤကွံာ်လၢသုတၢ်ဒဲးဘးအပူၤ, ဒီးသုကက အုကစွါတဂၤဒီးတဂၤသကိးသကိးလီၤ. ²⁴ ဒီးစီၤယ ဃ့းစက့လးကကဲထီၣ်တၢ်ပနီၣ်တမံၤလၢ သုဂီၢ်လီၤ. ဒ်အဝဲဒၣ်မၤတ့ၢ်တၢ်ခဲလၢာ်အသိးန့ၣ် သုကမၤလီၤ. တုၤအဝဲန့ၣ်မၤအသးဒီး, သုကသ့ၣ်ညါလၢယမ့ၢ်ကစၢ် ယွၤလီၤ.

²⁵ ဒီးနဲဒၣ်ပှၤကညီဖိခွါဧၢ, မုၢ်တနံၤလၢယဟံးထီၣ်က့ၤ အဂံၢ်အဘါ, အလၤကပီၤအသူၣ်ဖှံသးညီ, တၢ်လၢ အဘၣ်အမဲာ်, ဒီးတၢ်လၢအသးလီအီၤ, အဖိခွါ, ဒီးအ ဖိမုၣ်တဖၣ်န့ၣ်ဒီး, ²⁶ တၢ်လၢမုၢ်တနံၤန့ၣ်ပှၤလၢအပူၤ ဖျဲးတၢ်တဂၤကဟဲဆူနအိၣ် ဒ်သိးအကဒုးနၢ်ဟူနၤလၢ တၢ်လၢနနၢ်ပူၤလီၤ.

²⁷ တၢ်လၢမုၢ်တနံၤန့ၣ်နထးခိၣ် ကအဲးထီၣ်အသးလၢ ပှၤလၢအပူၤဖျဲးတၢ်အဂီၢ်, ဒီးနကကတိၤတၢ်, ဒီးတ အိၣ်တအုၣ်လၢၤဘၣ်, ဒီးနကကဲထီၣ်တၢ်ပနီၣ်တမံၤ လၢအဂီၢ်, ဒီးကသ့ၣ်ညါဝဲလၢယမ့ၢ်ယွၤလီၤ.

၂၅

¹ ယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါဧၢ, ကွၢ်လၢနမဲာ်ဆူပှၤဧၣ်မိၣ်ဖိအအိၣ်, ဒီးကတိၤတၢ်လၢ ဝံအကျိာ်ထီဒါအီၤ, ³ ဒီးစံးဘၣ်ပှၤဧၣ်မိၣ်ဖိ, ကနၣ်ယွၤ အကလုၢ်တက့ၢ်. ကစၢ်ယွၤစံးဒ်အံၤ, တုၤယလီၢ်စီဆှံ ဘၣ်တၢ်မၤဘၣ်အၢအီၤ, ဒီးတုၤအံၣ်စရ့လးအတၢ်အိၣ် သယုၢ်, ဒီးတုၤယူဒၤအပှၤဟံၣ်ဖိလဲၤကဲကုၢ်ဒီး, မ့ၢ်န စံးထီဒါအီၤ, ⁴ မၤသးဒ်န့ၣ်ဒီး, ကွၢ်ကွၢ်, ယကဟ့ၣ် လီၤကွံာ်နၤလၢပှၤမုၢ်ထီၣ်ဖိလၢ အန့ၢ်သါတၢ်အလီၢ်, ဒီးကမၤသိအဂၢၤတဖၣ်လၢနပူၤ, ဒီးကမၤအအိၣ်အ ဆိးအလီၢ်လၢနပူၤ, ကအီၣ်ဘၣ်နတၤသၣ်, ဒီးကအီ နတၢ်နုၢ်ထံလီၤ.

⁵ ဒီးယကပာ်ရးဘးလၢ ကီၤလၤအူးအအိၣ်အလီၢ်, ဒီး ပှၤဧၣ်မိၣ်ဖိအကီၢ်လၢ သိဒီးမဲာ်တဲးလဲးတဖၣ်အကိာ် လီၤအလီၢ်, ဒီးသုကသ့ၣ်ညါလၢယမ့ၢ်ယွၤလီၤ.

⁶ အဂ့ၢ်ဒ်အံၤ, ကစၢ်ယွၤစံးဒ်အံၤ, မ့ၢ်နဒဲနစု, ဒီးနဆှ့ၣ် နခီၣ်, ဒီးနသးခုလၢနတၢ်သးဟ့ခဲလၢာ်ထီဒါကီၢ်အံၣ် စရ့လးဒီး, ⁷ ကွၢ်ကွၢ်, ယကယူာ်ထီၣ်ယစုဆူနလိၤ, ဒီး ပာ်နၤလၢတၢ်ဂုာ်ဆူၣ်ပျီဆူၣ်လၢ ပှၤကလုာ်တဖၣ်အ ဂီၢ်, ဒီးယကဒီၣ်တဲာ်ကွံာ်နၤလၢပှၤကလုာ်တဖၣ်အ ကျါ, ဒီးယကမၤဟါမၢ်နၤလၢကီၢ်တဖၣ်အပူၤ, ဒီး ယကမၤဟးဂီၤနၤ, ဒီးနကသ့ၣ်ညါလၢယမ့ၢ်ယွၤလီၤ.

⁸ ကစၢ်ယွၤစံးဒ်အံၤ, မ့ၢ်မိၤအးဒီးစ့ဧၢ်န့ၣ်စံး, ကွၢ်ကွၢ်. ယူဒၤအပှၤဟံၣ်ဖိမၤသးဒ် ပှၤကလုာ်ခဲလၢာ်အသိးန့ၣ် ဒီး, ⁹ ကွၢ်ကွၢ်, မၤသးဒ်န့ၣ်ဒီးယကအိးထီၣ်မိၤအးအ ကပၤ, လၢအဝ့ၢ်တဖၣ်အိၣ်ဝဲလၢအဃၢၤ, ထံဧိၤကီၢ် ဧိၤအလၤကပီၤ, ဘ့ၤသယၡံမိး, ဘဧၤလးမဧိၣ်, ဒီးကံး ရယးသံၣ်လီၤ. ¹⁰ ယကဟ့ၣ်အီၤလၢတၢ်န့ၢ်သါလၢပှၤ မုၢ်ထီၣ်ဖိအိၣ်ဒီးပှၤဧၣ်မိၣ်ဖိ, ဒ်သိးတၢ်သုတသ့ၣ်နီၣ် ထီၣ်လၢၤဘၣ်ပှၤဧၣ်မိၣ်ဖိ လၢပှၤကလုာ်တဖၣ်အကျါ တဂ့ၤလီၤ. ¹¹ ဒီးယကမၤတၢ်စံၣ်ညီၣ်လၢမိၤအးအလိၤ, ဒီးကသ့ၣ်ညါဝဲလၢယမ့ၢ်ယွၤလီၤ.

¹² ကစၢ်ယွၤစံးဒ်အံၤ, မ့ၢ်အဒိၣ်မၤထီဒါယူဒၤအပှၤဟံၣ် ဖိ, ဒီးမၤတၢ်ဒဲးဘးအဒိၣ်အယိာ်, ဒီးမၤဆၢတၢ်အၢ လၢအလိၤဒီး, ¹³ ကစၢ်ယွၤစံးဒ်အံၤ, ယကယူာ်ထီၣ် ယစုလၢအဒိၣ်အဖီခိၣ်, ဒီးယကမၤစှီၢ်ကွံာ်ပှၤကညီဒီး ဆၣ်ဖိကီၢ်ဖိလၢအပူၤ, ဒီးယကမၤသယုၢ်အီၤလၢတ့ မၣ်, ဒီးပှၤကလီၤဃံၤလၢ နးဧိၤဘီဧိၤပၢၢ်လၢ ဒဒၣ်ဖိ လီၤ. ¹⁴ ဒီးယကမၤဆၢတၢ်အၢလၢ အဒိၣ်အလိၤလၢ ယပှၤဂီၢ်မုၢ်အံၣ်စရ့လးအစု, ဒီးကမၤဘၣ်အဒိၣ်ဒ်ယ သးထီၣ်ဒီးဒ်ယသးကဲၤထီၣ်အသိး, ဒီးကသ့ၣ်ညါဝဲ လၢယမၤဆၢတၢ်အၢန့ၣ်လီၤ, ကစၢ်ယွၤစံးဝဲဒၣ်.

¹⁵ ကစၢ်ယွၤစံးဒ်အံၤ, မ့ၢ်ပှၤဖလ့ၡသးဖိမၤတၢ်လၢတၢ် မၤဆၢတၢ်အၢ, ဒီးမၤဆၢတၢ်အၢလၢတၢ်မၤတရီတပါ ဒ်သိးအကမၤဟးဂီၤတၢ်လၢ တၢ်သးဟ့လၢပျၢၤအ ဃိ, ¹⁶ မၤသးဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်, ယက ယူာ်ထီၣ်ယစုလၢပှၤဖလ့ၡသးဖိအဖီခိၣ်, ဒီးယကဒီၣ် တဲာ်ကွံာ်ပှၤကရံသးဖိ, ဒီးမၤဟးဂီၤတၢ်အိၣ်လီၤတဲာ် လၢပီၣ်လဲၣ်နံၤလီၤ.

¹⁷ ဒီးယကမၤဆၢတၢ်အၢ နးနးကလဲာ်လၢအလိၤအိၣ် ဒီးတၢ်သိၣ်ဃီၣ်လၢတၢ်သးကဲၤထီၣ်, ဒီးတုၤယမၤဆၢ တၢ်အၢလၢအလိၤဒီး, ကသ့ၣ်ညါဝဲလၢယမ့ၢ်ယွၤလီၤ.

၂၆

¹ ဒီးလၢနံၣ်တဆံတနံၣ်, လါထီၣ်တနံၤန့ၣ်တၢ်မၤအ သးလၢယွၤအကလုၢ်ဘၣ်ယၤဒီးစံးဝဲဒၣ်, ² ပှၤကညီ ဖိခွါဧၢ, မ့ၢ်စိၢ်စံးထီဒါယရူၤၡလ့ၣ်, ကျၢၤသး, ပှၤလၢ အမ့ၢ်ပှၤကလုာ်တဖၣ်အပဲတရီန့ၣ်ကၢ်ကွံာ်လံ, တၢ် ဃၣ်လံအသးဆူယအိၣ်လံ, ယကလၢထီၣ်ပှဲၤထီၣ် ယဲလီၤ. အဂ့ၢ်ဒ်အံၤ, အဝဲဒၣ်အိၣ်သယုၢ်လံ, ³ မၤသး ဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်, ယထီဒါနၤ, စိၢ်ဧၢ, ဒီးယကမၢပှၤအါကလုာ်ဟဲထီဒါနၤ, ဒ်ပီၣ်လဲၣ်ဒုးဟဲ ထီၣ်အလပီတဖၣ်အသိးန့ၣ်လီၤ.

⁴ ဒီးယကမၤဟးဂီၤစိၢ်အခိၣ်ဒူ, ဒီးယကမၤလီၤပှီၢ်အ တၢးထီတဖၣ်, ဒီးယကဝာ်ကွံာ်အဟီၣ်ခိၣ်အကမူၣ် လၢအဖီခိၣ်, ဒီးပာ်အီၤဒ်လၢၢ်ခိၣ်ပျီတဖျၢၣ်အသိးန့ၣ် လီၤ.

⁵ ကကဲထီၣ်တၢ်အလီၢ်လၢပီၣ်လဲၣ်ပူၤ ဖဲပှၤလိလီၤအ ပှာ်ဧိၤစၤဧိၤလၢအဖီခိၣ်လီၤ. အဂ့ၢ်ဒ်အံၤ, ယကတိၤ လံတၢ်လံ, ကစၢ်ယွၤစံးဝဲဒၣ်, ဒီးကကဲထီၣ်တၢ်ဂုာ် ဆူၣ်ပျီဆူၣ်လၢပှၤကလုာ်တဖၣ်အဂီၢ်လီၤ. ⁶ ဒီးအဖိ မုၣ်တဖၣ်အိၣ်ဝဲလၢပျီပူၤ ကဘၣ်တၢ်မၤသံအီၤလၢနး ဧိၤဘီဧိၤ, ဒီးကသ့ၣ်ညါဝဲလၢယမ့ၢ်ယွၤလီၤ.

⁷ အဂ့ၢ်ဒ်အံၤ, ကစၢ်ယွၤစံးဒ်အံၤ, ကွၢ်ကွၢ်, ယကဒုးဟဲ ဘၣ်စိၢ်လၢဘၤဘူၤလိၣ်အစီၤပၤနဘူၤကးန့စၢ်, စီၤပၤ တဖၣ်အစီၤပၤလၢကလံၤစိး, အိၣ်ဝဲဒီးကသ့ၣ်, ဒီးလ့ၣ် ကဟၣ်, ဒီးပှၤဒိးကသ့ၣ်, ဒီးပှၤအဖုတဖၣ်, ဒီးပှၤဂီၢ်မုၢ် အါအါကလဲာ်လီၤ.

⁸ ဒီးကမၤသံနဖိမုၣ်တဖၣ် လၢပျီပူၤလၢနးဧိၤဘီဧိၤ, ဒီး ကမၤတၢ်ခိၣ်ဒူထီဒါနၤ, ဒီးမၤတိာ်ဧိၤတာ်ဧိၤထီဒါနၤ, ဒီးကယူာ်ထီၣ်ကတီၤထီဒါနၤလီၤ.

⁹ ဒီးကပာ်လီၤအနီၣ်ဘၢၣ်ဖျိတၢ်ထီဒါနခိၣ်ဒူ, ကမၤ လီၤပှီၢ်နတိာ်နတာ်လၢအကွါတဖၣ်လီၤ. ¹⁰ မ့ၢ်ကသ့ၣ် အိၣ်အါဒုသတးဒီး တၢ်အကမူၣ်ကလုၣ်ဘၢနၤလီၤ. တုၤအဟဲနုာ်လၢနပဲတရီ ဒ်ပှၤကညီဟဲနုာ်ဝ့ၢ်လၢတၢ် ဘၢၣ်ဖျိအခိၣ်ဒူအသိးန့ၣ်ဒီး, နခိၣ်ဒူကဟူးဝးဝဲလၢပှၤ ဒိးကသ့ၣ်, ဒီးလ့ၣ်ကဟၣ်အပၣ်, ဒီးလ့ၣ်ကဟၣ် အသီၣ်အဃိလီၤ.

¹¹ ကယီၢ်လီၤနကျဲခဲလၢာ်လၢ အကသ့ၣ်အခီၣ်မ့ၣ်လီၤ. ကမၤသံနပှၤဂီၢ်မုၢ်လၢနးဧိၤဘီဧိၤ ဒီးနဂံၢ်နဘါအတၢ် ဂီၤတၢ်ဖီၣ်ကလီၤဒါလၢဟီၣ်ခိၣ်အဖီခိၣ်လီၤ.

¹² ဒီးကဂုာ်ဆူၣ်န့ၢ်နတၢ်ထူးတၢ်တီၤ, ဒီးကမၤန့ၢ်ဆူၣ် တၢ်လၢနကၤတၢ်န့ၣ်, ဒီးကမၤလီၤပှီၢ်ကွံာ်နခိၣ်ဒူ, ဒီး မၤဟးဂီၤကွံာ်နဟံၣ်အဃံအလၤ, ဒီးကကွံာ်တ့ၢ်ကွံာ်နလၢၢ်, ဒီးနသ့ၣ်, ဒီးနဟီၣ်ခိၣ်အကမူၣ်လၢထံ ကျါလီၤ. ¹³ ဒီးယကမၤဘှီၣ်နတၢ်သးဝံၣ်အသီၣ်, ဒီးန တနၢ်အသီၣ်တဟူထီၣ်လၢၤဘၣ်.

¹⁴ ဒီးယကမၤနၤဒ်လၢၢ်ခိၣ်ပျီတဖျၢၣ်အသိးလီၤ. နက ကဲထီၣ်တၢ်အလီၢ်ဖဲပှၤလိလီၤအပှာ်ဧိၤစၤဧိၤလၢ အဖီ ခိၣ်လီၤ. ဒီးပှၤတမၤထီၣ်လၢၤဘၣ်နၤဘၣ်. အဂ့ၢ်ဒ်အံၤ, တၢ်လၢယၤယွၤအံၤ, ယကတိၤလံတၢ်လံ, ကစၢ်ယွၤ စံးဝဲဒၣ်.

¹⁵ ကစၢ်ယွၤစံးလၢစိၢ်ဒ်အံၤ, ကီးတဖၣ်ကဟူးဝးဝဲလၢ နလီၤပှီၢ်အသီၣ်အဃိ, လၢပှၤဘၣ်ဆဲးအကအုကစွါ အဃိ, ဒီးလၢတၢ်မၤသံတၢ်လၢအမၤအသးလၢနပူၤ အဃိလီၤ.

¹⁶ ဒီးပီၣ်လဲၣ်အပဒိၣ်ဖးဒိၣ်ခဲလၢာ် ကဟဲလီၤလၢအလီၢ် ပစိာ်, ဒီးပာ်ကွံာ်အဆ့ဖးထီ, ဒီးဘ့ၣ်ကွံာ်အကူအ သိးကံၣ်ဃ့လီၤ. ကကူကသိးအသးဒီးတၢ် ကနိးဒီး ဆ့ၣ်နီၤလၢဟီၣ်ခိၣ်အဖီခိၣ်, ဒီးကကနိးကစုာ်, ဒီးအ သးကကတုၤလၢနဃိလီၤ.

¹⁷ ဒီးကမၤထါဟီၣ်တၢ်လၢနဃိ, ဒီးစံးလၢနၤ, တၢ်လၢ အအိၣ်အဆိးလၢပီၣ်လဲၣ်အဖီခိၣ်, ဝ့ၢ်လၢအမံၤဟူထီၣ် သါလီၤ, လၢအအိၣ်ခၢၣ်သနၢၢ်လၢပီၣ်လဲၣ်ပူၤဧၢ, န ဟးဂီၤဒ်လဲၣ်. အဝဲဒၣ်ဒီးအပှၤဝ့ၢ်ဖိလၢအမၤပျံၤကယဲၢ် ပှၤလၢအအိၣ်ဝဲဆိးဝဲလၢအဃၢၤလီၤ.

¹⁸ ခဲကနံၣ်အံၤကီးတဖၣ်ကဟူးဝးဝဲလၢ နလီၤဃံၤအမုၢ် တနံၤလီၤ. မ့ၢ်မးကီးတဖၣ်အိၣ်ဝဲလၢပီၣ်လဲၣ်ပူၤကဆှဲး ဆှိးလၢနဟးထီၣ်ကွံာ်အဃိလီၤ.

¹⁹ အဂ့ၢ်ဒ်အံၤ, ကစၢ်ယွၤစံးဒ်အံၤ, တုၤယပာ်နၤလၢ ဝ့ၢ်အိၣ်သယုၢ်, ဒ်ဝ့ၢ်တဖၣ်လၢပှၤဝ့ၢ်ဖိတအိၣ်တဆိး ဘၣ်လၢအပူၤအသိးန့ၣ်, တုၤယဒုးဟဲထီၣ်ထံယိာ်ပူၤ လၢနဖီခိၣ်, ဒီးထံဖးဒိၣ်ကလုၣ်ဘၢနၤဒီး, ²⁰ ယက ဆီၣ်လီၤနၤပၢၢ်လၢအလဲၤလီၤဆူတၢ်ပူၤ, ပှၤဂီၢ်မုၢ်လၢ အအိၣ်လၢပျၢၤ, ဒီးယကဒုးအိၣ်နၤလၢဟီၣ်ခိၣ်လာ် လၢအလီၢ်အိၣ်သယုၢ်လၢပျၢၤ, အိၣ်ဒီးပှၤလၢအလဲၤ လီၤဆူတၢ်ပူၤ, ဒ်သိးပှၤအသုတအိၣ်တဆိးလၢၤလၢ နပူၤတဂ့ၤ, ဒီးယကပာ်တၢ်လၤကပီၤလၢတၢ်မူအကီၢ် ပူၤလီၤ. ²¹ ဒီးယကပာ်နၤလၢတၢ်အိၣ်သယုၢ်အလီၢ်, ဒီး နတအိၣ်လၢၤဘၣ်. ပှၤမ့ၢ်ဃုနၤဘၣ်ဆၣ်ဒီး, တထံၣ် န့ၢ်လၢၤဘၣ်နၤဘၣ်, ကစၢ်ယွၤစံးဝဲဒၣ်.

၂၇

¹ ယွၤအကလုၢ်ဘၣ်ယၤ, ဒီးစံးဝဲဒၣ်,― ပှၤကညီဖိခွါ ဧၢ, မၤထါဟီၣ်တၢ်လၢစိၢ်အဃိ, ³ ဒီးစံးလၢစိၢ်, ဝ့ၢ်လၢ အအိၣ်အဆိးလၢ တၢ်လဲၤနုာ်ပီၣ်လဲၣ်ပူၤ, ပှၤကလုာ် တဖၣ်အပှၤကၤတၢ်ဖိလၢ ကီၢ်လၢပီၣ်လဲၣ်နံၤအါဘ့ၣ် အဂီၢ်တဝ့ၢ်ဧၢ, ကစၢ်ယွၤစံးဒ်အံၤ, စိၢ်ဧၢ, နစံး, ယဃံ ယလၤလၢထီၣ်ပှဲၤထီၣ်လီၤ.

⁴ နကီၢ်အဃၢၤအိၣ်ဝဲလၢပီၣ်လဲၣ်ပူၤ, နပှၤမၤတၢ်ဖိမၤ လၢထီၣ်ပှဲၤထီၣ်နဃံနလၤလီၤ. ⁵ ပှၤမၤနသ့ၣ်ဘ့ၣ်ဘၣ် ခဲလၢာ်လၢစနံၢ်အသ့ၣ်ဆှိ, ဟံးန့ၢ်သ့ၣ်ဆှိအ့ရ့းလၢလ ဘၤနိၣ်ဒ်သိးအကမၤယၢ်ထူၣ်လၢနဂီၢ်လီၤ. ⁶ ပှၤမၤန ငၢတဖၣ်လၢ ဘၤၡၣ်အသ့ထိးအီၣ်လီၤ. ပှၤမၤနဆ့ၣ် နီၤအလီၢ်ထီလၢသ့ၣ်ဆှိတအၤရှူၢ်ဟဲလၢ ကံးတံၣ်အ ပီၣ်လဲၣ်နံၤဒီးကံၣ်ဃ့ဝဲဒီးကဆီမဲလီၤ.

⁷ ဖှီဝါကဆှၣ်, ဒီးတၢ်ကံၣ်ဃ့ဟဲလၢအဲၤကူပတူးန့ၣ် မ့ၢ်တၢ်လၢသလၣ်ထီၣ်လၢနယၢ်လၣ်အဂီၢ်လီၤ. တၢ် လါ, ဒီးတၢ်လုးတကုာ်ဟဲလၢအလံၤၡါအပီၣ်လဲၣ်နံၤ န့ၣ်မ့ၢ်တၢ်ကျၢၢ်ဘၢနၤလီၤ.

⁸ ပှၤအိၣ်ဝဲဆိးဝဲလၢစံဒိၣ်, ဒီးအၢ်ဝးမ့ၢ်နကဘီဖိလီၤ. နပှၤကူၣ်တၢ်သ့လၢအအိၣ်ဝဲလၢ နပူၤန့ၣ်မ့ၢ်နပှၤရိာ် သန့ဖိ, စိၢ်ဧၢ, ⁹ ကံးဘလးအပှၤသူၣ်က့သးပှၢ်ဒီးပှၤမၤ တၢ်သ့လၢအပူၤန့ၣ် မ့ၢ်နပှၤမၤတံာ်ဘံးတၢ်ဖိလီၤ. ပီၣ်လဲၣ်အကဘီခဲလၢာ်, ဒီးအကဘီဖိအိၣ်ဝဲလၢနပူၤ, ဒ် သိးအကမၤန့ၢ်နပနံာ်တၢ်ကၤလီၤ.

¹⁰ ပှၤပၤရၣ်ဖိ, ဒီးပှၤလူၤဒံဖိ, ဒီးပှၤပူၤတၢ်ဖိအိၣ်ဝဲလၢ နသုးမုၢ်အကျါလီၤ. ဘျးထီၣ်ကတီၤ, ဒီးခိၣ်ကုာ်သုး, လၢနပူၤလီၤ. မၤလၤကပီၤနၤလီၤ.

¹¹ ပှၤအၢ်ဝးဖိဒီးနသုးမုၢ်ခဲလၢာ်အိၣ်ဝဲလၢ နခိၣ်ဒူအဖီ ခိၣ်ဝးတရံးဝဲ, ဒီးပှၤသုးဖိဆူၣ်အိၣ်ဝဲလၢနတၢးထီအ ပူၤလီၤ. ဘျးထီၣ်အကတီၤလၢနခိၣ်ဒူအလိၤဝးတရံး ဝဲလီၤ. မၤလၢထီၣ်ပှဲၤထီၣ်နဃံနလၤလီၤ.

¹² တၢ်ၡံၣ်မ့ၢ်နပှၤကၤတၢ်ဖိလၢတၢ်ဖိတၢ်လံၤ ကိးက လုာ်ဒဲးအိၣ်ဝဲအါအါကလဲာ်အဃိလီၤ. ဒီးဆါကွံာ်စ့, ဒီးထး, ဒီးပှာ်, ဒီးပှာ်သူန့ၣ်လၢနဖၠါပူၤလီၤ.

¹³ ယၤဝၣ်, ဒီးတူၤဘလး, ဒီးမ့ၤၡးန့ၣ်မ့ၢ်နပှၤကၤတၢ်ဖိ လီၤ. ဆါကွံာ်ဝဲပှၤကညီ, ဒီးသပၢၤတိၢ်လၢနဖၠါပူၤလီၤ.

¹⁴ တိကးရမၤအပှၤဟံၣ်ဖိဆါကွံာ်ကသ့ၣ်, ဒီးကသ့ၣ် လၢပှၤဒိးဝဲ, ဒီးကသ့ၣ်လၤလၢနဖၠါပူၤလီၤ.

¹⁵ ပှၤဒဒၣ်ဖိမ့ၢ်နပှၤကၤတၢ်ဖိလီၤ. ကီၢ်အါဘ့ၣ်လၢပီၣ် လဲၣ်နံၤကၤတၢ်ဒီးနၤတဖၣ်လီၤ. ဟ့ၣ်ကၣ်နၤလၢက ဆီမဲ, ဒီးသ့ၣ်သီလမူာ်လီၤ.

¹⁶ စူၤရံမ့ၢ်နပှၤကၤတၢ်ဖိလၢ နတ့တၢ်အါမံၤအဃိလီၤ. ဆါကွံာ်တၢ်မျၢ်ဂီၤ, ဒီးတၢ်လုးတကုာ်, ဒီးတၢ်ဆးကံၣ် ဃ့, ဒီးဖှီဝါကဆှၣ်, ဒီးလၢၢ်နၢၤ, ဒီးတၢ်မျၢ်ဂီၤဆှုၣ်လၢ နဖၠါပူၤလီၤ.

¹⁷ ယူဒၤဒီးအံၣ်စရ့လးအပှၤကီၢ်ဖိ မ့ၢ်နပှၤကၤတၢ်ဖိလီၤ. ဆါကွံာ်မံနံးအဘုကၠူၣ်, ဒီးကိၣ်ဆၢ, ဒီးကနဲစီ, ဒီးတၢ် သီ, ဒီးသ့ၣ်စရံအထုးလၢနဖၠါပူၤလီၤ.

¹⁸ ဒၤမ့ၤစ့းမ့ၢ်နပှၤကၤတၢ်ဖိလၢ နတ့တၢ်အါမံၤအဃိ, လၢနတၢ်ဖိတၢ်လံၤကိးကလုာ်ဒဲး အိၣ်အါအါကလဲာ် အဃိလီၤ. ဆါကွံာ်ဃ့လ့ဘိၣ်အစပံးထံ, ဒီးသိအ ဆူၣ်ဝါလီၤ.

¹⁹ ဝဒၣ်ဒီးယၤဝၣ်ဟဲစိာ်လုၣ်ဧိၤနဲဧိၤဆူနဖၠါပူၤလီၤ. ထး တ့အသး, ကဒါရါအဖံး, ဒီးလီၢ်ဟ့ၣ်အိၣ်ဝဲလၢနဖၠါပူၤ လီၤ.

²⁰ ဒဒၣ်မ့ၢ်နပှၤကၤတၢ်ဖိလီၤ. ဟဲစိာ်ယၣ်ဧိၤသွံဧိၤလၢ လ့ၣ်ကဟၣ်အဂီၢ်လီၤ.

²¹ ဧ့ရ့း, ဒီးက့ဒၢ်အပဒိၣ်ဖးဒိၣ်ခဲလၢာ်န့ၣ် မ့ၢ်နပှၤကၤ တၢ်ဖိလၢနစုအဃၢၤလီၤ. ကၤဝဲဒီးသိဖိ, ဒီးသိဖါ, ဒီး မဲာ်တဲးလဲးလၢနၤလီၤ.

²² ၡဘၤဒီးရၤဧမၤန့ၣ် မ့ၢ်နပှၤကၤတၢ်ဖိလီၤ. ဒီးဆါဝဲလၢတၢ်နၢမူအကလုာ်ကလုာ်, တၢ်မျၢ်အကလုာ်က လုာ်, ဒီးထူဧိၤလွဲဧိၤလၢနဖၠါပူၤလီၤ.

²³ ဃၤရၣ်, ဒီးကးနၤ, ဒီးဧ့ဒ့ၣ်, ဒီးၡဘၤ, ဒီးအၤရှူၢ်, ဒီးကံ လမးအပှၤကၤတၢ်ဖိမ့ၢ်နပှၤကၤတၢ်ဖိလီၤ.

²⁴ အဝဲသ့ၣ်တဖၣ်ဆါဝဲလၢ တၢ်ကူတၢ်သိးအလၢအ ပှဲၤ, ဒီးယၣ်တၢ်လါ, ဒီးတၢ်ဆးကံၣ်ဃ့, ဒီးတလါသ့ၣ် ဆှိအ့ရ့းပှဲၤဒီးတၢ်ကူတၢ်သိးအဂ့ၤအဝါ, ဒီးစၢဃာ်အ သးဒီးပျံၤလၢနဖၠါပူၤလီၤ.

²⁵ တၢ်ၡံၣ်အကဘီန့ၣ်မ့ၢ်တၢ်လၢ အစိာ်နပနံာ်တၢ်ကၤ, ဒီးနလၢထီၣ်ပှဲၤထီၣ်, ဒီးအိၣ်ဝဲဒီးတၢ်အလၤကပီၤဒိၣ် မးလၢပီၣ်လဲၣ်ပူၤလီၤ.

²⁶ နပှၤကၢၢ်ကဘီဖိစိာ်နၤဆူထံဖးဒိၣ်အပူၤ, ကလံၤမုၢ် ထီၣ်မၤကၢ်ကွံာ်နၤလၢပီၣ်လဲၣ်အသးကံၢ်ပူၤန့ၣ်လီၤ.

²⁷ နတၢ်ထူးတၢ်တီၤ, ဒီးနဖၠါဧိၤဖီဧိၤ, ဒီးနပှၤကဘီဖိ, ဒီးနပှၤရိာ်သန့ဖိ, ဒီးနပှၤတံာ်ဘံးဖိ, ဒီးပှၤကၤတၢ်လၢ နပနံာ်တၢ်ကၤ, ဒီးနပှၤသုးဖိခဲလၢာ်အိၣ်ဝဲလၢနပူၤ, ဒီး နတၢ်အိၣ်ဖှိၣ်လၢနပူၤခဲလၢာ်န့ၣ် ကလီၤတဲာ်လၢပီၣ် လဲၣ်ပူၤလၢနတုၤလၢတၢ်ဟးဂီၤအမုၢ်တနံၤအပူၤလီၤ.

²⁸ တၢ်အလီၢ်အိၣ်လၢခိဝးတရံးနၤတဖၣ် ကကဆှဲးက ဆှိးလၢနပှၤရိာ်သန့ဖိ အကိးပသူထီၣ်အသီၣ်အဃိ လီၤ.

²⁹ ဒီးကယဲၢ်ပှၤလၢအကၢၢ်တငၢခဲလၢာ်, ပှၤကဘီဖိ, ပီၣ်လဲၣ်အပှၤရိာ်သန့ဖိခဲလၢာ် ကယုၢ်လီၤလၢအက ဘီပူၤလီၤ. ကဆၢထၢၣ်လၢခိ, ³⁰ ဒီးကဒုးဟူထီၣ်အ ကလုၢ်လၢနဃိ, ဒီးကဟီၣ်နးနးကလဲာ်, ဒီးကဖှံထီၣ် ဟီၣ်ခိၣ်အကမူၣ်လၢအခိၣ်အဖီခိၣ်, ဒီးကကလိာ်အ သးလၢဖၣ်ဆါအပူၤလီၤ.

³¹ ဒီးကလူၤအခိၣ်စီဖ့ကလ့ၤလၢနဃိ, ဒီးကံၢ်တူာ်အ သးလၢထၢၣ်အတၢ်ကံးညာ်, ဒီးကဟီၣ်လၢနဃိလၢ အသးဆါ, ဒီးဟီၣ်နးနးကလဲာ်လီၤ.

³² ဒီးဟီၣ်တၢ်ယၢၤတၢ်အဖၢမုၢ်ဒီး, ကမၤထါဟီၣ်တၢ်, ဒီးကဟီၣ်လၢနဃိ, ဒီးစံး, ဝ့ၢ်မၤသးဒ်စိၢ်အသိး, တၢ် ဟးဂီၤဝဲလၢပီၣ်လဲၣ်အသးကံၢ်ပူၤန့ၣ်မ့ၢ်မနုၤလဲၣ်.

³³ တုၤနပနံာ်တၢ်ကၤဟးထီၣ်လၢပီၣ်လဲၣ်ပူၤန့ၣ်ဒီး, န ဒုးမံသူၣ်မံသးပှၤအါကလုာ်, နဒုးထူးထီၣ်တီၤထီၣ် ဟီၣ်ခိၣ်အစီၤပၤတဖၣ်လၢ နတၢ်ထူးအါနတၢ်တီၤဒိၣ်, ဒီးနပနံာ်တၢ်ကၤလီၤ.

³⁴ တုၤနဟးဂီၤကွံာ်လၢ ပီၣ်လဲၣ်ပူၤလၢထံယိာ်အပူၤန့ၣ် ဒီး, ပနံာ်တၢ်ကၤ, ဒီးနပှၤအိၣ်ဖှိၣ်လၢနပူၤခဲလၢာ်န့ၣ် ကတုၤလၢတၢ်ဟးဂီၤဝဲလီၤ.

³⁵ ပှၤကီၢ်လၢပီၣ်လဲၣ်နံၤဖိ အသးကတုၤလၢနဃိခဲ လၢာ်, ဒီးအစီၤပၤပျံၤတၢ်, ဒီးအညၣ်ထီၣ်ဆူၣ်, ဒီးအမဲာ် လီၤသပှၢ်လီၤ. ³⁶ ပှၤကၤတၢ်ဖိလၢပှၤကလုာ်တဖၣ်အ ကျါကဒုၣ်ဒွဲၣ်နၤ, နအိၣ်သယုၢ်, ဒီးနတအိၣ်လၢၤဘၣ် လီၤထူလီၤယိာ်ဘၣ်လီၤ.

၂၈

¹ ယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါဧၢ, စံးဘၣ်စိၢ်အပဒိၣ်ဖးဒိၣ်, ကစၢ်ယွၤစံးဒ်အံၤ, မ့ၢ်နသး အိၣ်ထီၣ်ထီ, ဒီးနစံး, ယမ့ၢ်ကစၢ်တဂၤ, ယဆ့ၣ်နီၤလၢ ကစၢ်အလီၢ်ဆ့ၣ်နီၤ, လၢပီၣ်လဲၣ်အသးကံၢ်ပူၤလီၤ, ဒီး နပာ်နသးဒ်ကစၢ်တဂၤအသးနာ်သက့ဒီး, နမ့ၢ်ပှၤက ညီဒီးတမ့ၢ်ဘၣ်ကစၢ်တဂၤဘၣ်. ³ ကွၢ်ကွၢ်, နပာ်နသး ကူၣ်သ့န့ၢ်စီၤဒၤနံးယ့လးတက့ၢ်. ဒီးတၢ်ခူသူၣ်တအိၣ် တဒၢဒီးနၤနီတမံၤဘၣ်. ⁴ လၢနထူးထီၣ်တီၤထီၣ်လၢ နကူၣ်တၢ်သ့ဒီး နတၢ်ကူၣ်တၢ်ဆးအဃိဒီး, နအိၣ် ဒီးထူဒီးစ့လၢနပာ်ဖှိၣ်အလီၢ်ပူၤလီၤ. ⁵ နမၤအါထီၣ်န တၢ်ထူးတၢ်တီၤလၢတၢ်ကူၣ်သ့ဖးဒိၣ်, လၢနကၤတၢ် လီၤ. ဒီးနသးပာ်ထီၣ်ထီအသးလၢနတၢ်ထူးတၢ်တီၤ အဃိလီၤ.

⁶ မၤသးဒ်န့ၣ်ဒီး ကစၢ်ယွၤစံးဒ်အံၤ, မ့ၢ်နပာ်နသးဒ် ကစၢ်တဂၤအသးအသိးဒီး, ⁷ ကွၢ်ကွၢ်, ယကဒုးဟဲဘၣ် နၤလၢပှၤတခီဘီမုၢ်ဖိ, ပှၤမၤပျံၤတၢ်လၢပှၤကလုာ်တ ဖၣ်အကျါ, ဒီးကဘီၣ်ထီၣ်အနးထီဒါနတၢ်ကူၣ်သ့အ ဃံအလၤ, ဒီးကမၤဘၣ်အၢနတၢ်ကယဲၢ်ကယူာ်လီၤ.―

⁸ ဒီးအဝဲသ့ၣ်ကဆီၣ်လီၤနၤဆူတၢ်ပူၤ, ဒီးနကသံဒ်ပှၤ လၢအဘၣ်တၢ်မၤသံအီၤလၢ ပီၣ်လဲၣ်အသးကံၢ်ပူၤအ သိးန့ၣ်လီၤ.

⁹ လၢပှၤလၢအမၤသံနၤအမဲာ်ညါန့ၣ် နကစံးဒံးယမ့ၢ် ကစၢ်တဂၤန့ၣ်ဧါ. မ့မ့ၢ်နမ့ၢ်ပှၤကညီဒီးတမ့ၢ်ဘၣ်က စၢ်တဂၤ, လၢပှၤလၢအမၤသံနၤအစုပူၤလီၤ.

¹⁰ နကသံဒ်ပှၤလၢအတဒိးဘၣ် တၢ်ကူးတရံးသံဝဲအ သိး, လၢပှၤတခီဘီမုၢ်ဖိအစုပူၤလီၤ. အဂ့ၢ်ဒ်အံၤ, ယဲ ဒၣ်အံၤယကတိၤလံတၢ်လံ. ကစၢ်ယွၤစံးဝဲဒၣ်. ¹¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ¹² ပှၤကညီ ဖိခွါဧၢ, မၤထါဟီၣ်တၢ်လၢစိၢ်အစီၤပၤအဃိ, ဒီးစံး ဘၣ်အီၤ, ကစၢ်ယွၤစံးဒ်အံၤ, နစဲဃာ်ပနီၣ်တၢ်ပာ်ဖှိၣ် ပှဲၤဒီးတၢ်ကူၣ်သ့, ဒီးလၢထီၣ်ပှဲၤထီၣ်ဒီးတၢ်အဃံအ လၤလီၤ.

¹³ နအိၣ်တ့ၢ်လၢဧ့ၤဒ့ၣ်ကစၢ်အတၤသၣ်အလီၢ်လီၤ. တၢ် မျၢ်ကိးကလုာ်ဒဲးမ့ၢ်တၢ်ကျၢၢ်ဘၢနၤ, တၢ်မျၢ်ဆီသွံၣ်, တၢ်မျၢ်ဘီအူသပၤယၤ, ဒီးတၢ်မျၢ်မဟူယၤတိၤအသး, တၢ်မျၢ်ဘီဟ့, တၢ်မျၢ်မဟူယၤ, ဒီးတၢ်မျၢ်နကၤသွဲး, တၢ်မျၢ်နံၤလါ, တၢ်မျၢ်ဂီၤ, တၢ်မျၢ်ဟ့မၠး, ဒီးထူဧိၤလွဲဧိၤ လီၤ. နဒၢဖိဒီးပံဧိၤတြၤဧိၤအတ့အသးအိၣ်လၢနပူၤ, မုၢ် တနံၤလၢနအိၣ်ဖျဲၣ်န့ၣ်ကတဲာ်ကတီၤအသးလီၤ.

¹⁴ နမ့ၢ်တ့ၢ်ခ့ရူာ်ဖိဖှူအသးတဂၤလၢအကဒုတၢ်, ဒီးယ ပာ်နၤလၢကစၢ်အကစၢၢ်စီဆှံအလိၤလီၤ. နလဲၤဝ့ၤဝီၤ တၢ်လၢလၢၢ်မ့ၣ်အူအကျါလီၤ.

¹⁵ နလၢထီၣ်ပှဲၤထီၣ်လၢနကျဲလၢ နမုၢ်တနံၤလၢနအိၣ် ဖျဲၣ်လံၤလံၤတုၤတၢ်ထံၣ်န့ၢ်တၢ်ဒဲးဘးလၢနပူၤလီၤ.

¹⁶ နပှဲၤဒီးတၢ်တတီတလိၤလၢ နပနံၣ်တၢ်ကၤအါအါ ကလဲာ်အဃိ, ဒီးနမၤလံတၢ်ဒဲးဘးလံ. မၤသးဒ်န့ၣ်ဒီး ယကကွံာ်တ့ၢ်ကွံာ်နၤလၢ ကစၢ်အကစၢၢ်အလိၤဒ်တၢ် သးဘၣ်အၢအသိးလီၤ. ဒီးခ့ရူာ်လၢအကဒုတၢ်တဂၤ ဧၢ, ယကမၤဟးဂီၤနၤလၢလၢၢ်မ့ၣ်အူအကျါလီၤ.

¹⁷ နပာ်နသးအိၣ်ထီၣ်ထီလၢနဃံနလၤအဃိ, နမၤဘၣ် အၢနတၢ်ကူၣ်သ့လၢ နတၢ်ကယဲၢ်ကယူာ်အဃိလီၤ. ယကတ့ၢ်လီၤကွံာ်နၤလၢဟီၣ်ခိၣ်အဖီခိၣ်, ယကပာ် နၤလၢစီၤပၤတဖၣ်အမဲာ်ညါဒ်သိးအကကွၢ်ကီနၤလီၤ.

¹⁸ နမၤဘၣ်အၢနလီၢ်စီဆှံတဖၣ်လၢ နတၢ်ဒဲးဘးအါ အဃိ, လၢနကၤတၢ်တတီတလိၤအဃိလီၤ. ဒီးယက ဒုးဟဲထီၣ်မ့ၣ်အူလၢနသးကံၢ်ပူၤလၢ အကအီၣ်ကွံာ် နၤ, ဒီးယကဒုးကဲထီၣ်နၤလၢဖၣ်ဆါလၢဟီၣ်ခိၣ်ချၢ, လၢပှၤလၢအကွၢ်နၤတဖၣ်အမဲာ်ညါခဲလၢာ်လီၤ.

¹⁹ ကယဲၢ်ပှၤလၢအသ့ၣ်ညါနၤလၢ ပှၤဂီၢ်မုၢ်ခဲလၢာ်အ ကျါ, အသးကတုၤလၢနဃိလီၤ. နကဲထီၣ်လံတၢ် အိၣ်သယုၢ်အလီၢ်လံ, ဒီးနတအိၣ်လၢၤဘၣ်လီၤထူလီၤ ယိာ်လီၤ. ဒီးယွၤအကလုၢ်ဘၣ်ယၤဒီးစံးဝဲဒၣ်, ²⁰ ပှၤကညီဖိ ခွါဧၢ, ကွၢ်တၢ်လၢနမဲာ်ဆူစံဒိၣ်အအိၣ်, ဒီးကတိၤတၢ် လၢဝံအကျိာ်, ²² ဒီးစံး, ကစၢ်ယွၤစံးဒ်အံၤ, ကွၢ်ကွၢ်, စံ ဒိၣ်ဧၢ, ယထီဒါနၤ, ဒီးယကဒိးတၢ်လၤကပီၤလၢနသး ကံၢ်ပူၤ, ဒီးတုၤယမၤတၢ်စံၣ်ညီၣ်လၢအပူၤ, ဒီးတၢ်ပာ် စီဆှံယၤလၢအပူၤဒီး, ကသ့ၣ်ညါဝဲလၢယမ့ၢ်ယွၤလီၤ.

²³ ဒီးယကမၢလီၤတၢ်သံသတြိာ်ဆူအအိၣ်, ဒီးတၢ်သွံၣ် လၢအကျဲပူၤ, ဒီးပှၤဘၣ်ဆဲးအသးကလီၤဃံၤလၢအ သးကံၢ်ပူၤလၢ နးဧိၤဘီဧိၤလၢအအိၣ်ဝးတရံးထီဒါအီၤ, ဒီးကသ့ၣ်ညါလၢယမ့ၢ်ယွၤလီၤ.

²⁴ ဒီးတၤဆှုၣ်လၢအဘၣ်ဆိးတၢ်မ့ၢ်ဂ့ၤ, ဒီးတၤဆှုၣ်လၢ အမၤဆါတၢ်မ့ၢ်ဂ့ၤ, တအိၣ်လၢၤဘၣ်ဒီးအံၣ်စရ့လးအ ပှၤဟံၣ်ဖိလၢပှၤလၢအဝးတရံးအီၤခဲလၢာ်အကျါ, လၢ အမၤတရီတပါဒၣ်အီၤဘၣ်, ဒီးကသ့ၣ်ညါဝဲလၢယ မ့ၢ်ယွၤလီၤ.

²⁵ ဒီးကစၢ်ယွၤစံးဒ်အံၤ, တုၤယထၢဖှိၣ်အံၣ်စရ့လးအ ပှၤဟံၣ်ဖိလၢ ပှၤကလုာ်တဖၣ်အကျါဖဲအအိၣ်ပြံပြါ လၢအကျါ, ဒီးတၢ်ကပာ်စီဆှံယၤလၢအဃိ လၢပှၤ ကလုာ်တဖၣ်အမဲာ်ညါဒီး, ကအိၣ်ကဆိးဝဲလၢကီၢ် တဘ့ၣ်လၢယဟ့ၣ်လီၤတ့ၢ် ယခ့ယပှၤစီၤယၤကိာ်အ ပူၤလီၤ. ²⁶ ကအိၣ်ကဆိးဖဲန့ၣ်အိၣ်ခၢၣ်တနၢၢ်, ဒီးကမၤ ဟံၣ်ဧိၤဃီဧိၤ, ဒီးသူၣ်စပံးအလီၢ်, ဒီးတုၤယမၤတၢ်စံၣ် ညီၣ်လၢပှၤလၢအမၤတရီတပါအီၤ ဝးတရံးဝဲခဲလၢာ် အလိၤဒီး မ့ၢ်မးကအိၣ်ကဆိးဝဲခၢၣ်သနၢၢ်, ဒီးကသ့ၣ် ညါဝဲလၢယမ့ၢ်ယွၤအကစၢ်လီၤ.

၂၉

¹ နံၣ်ဆံဆဲၣ်နံၣ်တနံၣ်, လါဆံဆဲၣ်လါတလါ, ထီၣ် တဆံခံနံၤတနံၤန့ၣ် ယွၤအကလုၢ်ဘၣ်ယၤဒီးစံးဝဲ ဒၣ်, ² ပှၤကညီဖိခွါဧၢ, ကွၢ်တၢ်လၢနမဲာ်ဆူအဲၤကူပ တူးအစီၤပၤဖၤရိၤအအိၣ်, ဒီးကတိၤတၢ်လၢဝံကျိာ်လၢ အဂ့ၢ်, ဒီးလၢအဲၤကူပတူးဒီဘ့ၣ်ညါအဂ့ၢ်, ³ ဒီးကတိၤ တၢ်, ဒီးစံး, ကစၢ်ယွၤစံးဒ်အံၤ, ကွၢ်ကွၢ်, ယထီဒါနၤ, ဖၤရိၤအဲၤကူပတူးအစီၤပၤသမၣ်ဖးဒိၣ်လၢအမံလီၤလၢ ထံမိၢ်ပှၢ်အပူၤ, ဒီးစံး, ယထံမိၢ်ပှၢ်မ့ၢ်ယတၢ်, ယတ့အီၤ လၢယဂီၢ်ဒၣ်ယဲ, တဂၤဧၢ.

⁴ ယကကွးနခၣ်လၢနီၣ်ကွး, ဒီးယကဒုးစဲဘူးဒ့ၣ်ဧိၤ ညၣ်ဧိၤဒီးနသဒံၣ်, ဒီးယကမိၤထီၣ်နၤလၢနထံမိၢ်ပှၢ် အသးကံၢ်ပူၤ, ဒီးကယဲၢ်ဒ့ၣ်ဧိၤညၣ်ဧိၤလၢနထံမိၢ်ပှၢ် အပူၤလၢအစဲဘူးဒီးနသဒံၣ်လီၤ.

⁵ ဒီးယကွံာ်တ့ၢ်ကွံာ်နၤဆူ ပှၢ်မုၢ်ကနၢ, နဲဒၣ်ဒီးဒ့ၣ်ဧိၤ ညၣ်ဧိၤလၢနထံမိၢ်ပှၢ်အပူၤခဲလၢာ်, နကလီၤလၢတၢ် ပျီပူၤ, ဒီးတၢ်တပာ်ဖှိၣ်ဘၣ်နၤ, ဒီးတၢ်တထၢဖှိၣ်ဘၣ် နၤဘၣ်. ယဟ့ၣ်လီၤလံနၤလၢဆၣ်ဖိကီၢ်ဖိလၢပှၢ်လၢ် ကျါ, ဒီးလၢထိၣ်ဧိၤလံၣ်ဧိၤလၢမူကပိာ်လိၤ, လၢတၢ် အီၣ်အဂီၢ်လီၤ.

⁶ ဒီးမ့ၢ်အကဲထီၣ်နီၣ်ထိးတပိၢ်တဘိလၢ အံၣ်စရ့လး အပှၤဟံၣ်ဖိအဂီၢ်ဒီး, ပှၤအဲၤကူပတူးဖိခဲလၢာ်ကသ့ၣ် ညါဝဲလၢယမ့ၢ်ယွၤလီၤ.

⁷ တုၤအဟံးန့ၢ်နၤလၢအစုဒီး, နကၢ်ကွံာ်, ဒီးအဖံဘၣ် ခိၣ်ဘၣ်တူာ်ခဲလၢာ်လီၤ. ဒီးတုၤအသန့ၤအသးလၢနၤ ဒီး, နကၢ်ကွံာ်ဒီးဒုးကနိးအယီၢ်ဒ့လီၤ.

⁸ မၤသးဒ်န့ၣ်ဒီး ကစၢ်ယွၤစံးဒ်အံၤ, ကွၢ်ကွၢ်, ယကဒုး ဘၣ်နၤလၢနးတဘ့ၣ်, ဒီးဒီၣ်တဲာ်ကွံာ်ပှၤကညီ, ဒီးဆၣ် ဖိကီၢ်ဖိလၢနပူၤလီၤ.

⁹ ဒီးကီၢ်အဲၤကူပတူးကအိၣ်သယုၢ်, ဒီးကသ့ၣ်ညါဝဲ လၢယမ့ၢ်ယွၤလီၤ. အဂ့ၢ်ဒ်အံၤ, စံးဝဲ, ထံမိၢ်ပှၢ်မ့ၢ်ယ တၢ်, ဒီးယတ့အီၤလီၤ.

¹⁰ မၤသးဒ်န့ၣ်ဒီးကွၢ်ကွၢ်, ယထီဒါနၤ, ဒီးယထီဒါနထံ မိၢ်ပှၢ်တဖၣ်, ဒီးယကမၤသယုၢ်ကီၢ်အဲၤကူပတူး, ဒီး ကအိၣ်ကလီစီဖ့ကလ့ၤလၢမံးကဒိးလးပၢၢ်လၢစဝ့န့ၤ, ဒီးပၢၢ်လၢကူၡးအကီၢ်အဃၢၤလီၤ.

¹¹ ပှၤကညီအခီၣ်တခီဂာ်ဘၣ်အီၤ, ဒီးဆၣ်ဖိကီၢ်ဖိအ ခီၣ်တခီဂာ်ဘၣ်အီၤ, ဒီးပှၤတအိၣ်တဆိးဘၣ်လၢအ ပူၤအနံၣ်လွံၢ်ဆံလီၤ.

¹² ဒီးယကမၤသယုၢ်ကီၢ်အဲၤကူပတူးလၢ ကီၢ်တဖၣ် လၢအအိၣ်သယုၢ်အကျါလီၤ. ဒီးအဝ့ၢ်တဖၣ်လၢဝ့ၢ် တဖၣ်လၢတၢ်မၤလူၤအီၤအကျါန့ၣ် ကအိၣ်သယုၢ်အ နံၣ်လွံၢ်ဆံလီၤ. ဒီးယကမၤလီၤပြံလီၤပြါပှၤအဲၤကူပ တူးဖိလၢ ပှၤကလုာ်တဖၣ်အကျါ, ဒီးယကမၤလီၤ မုၢ်လီၤဖးအီၤလၢကီၢ်တဖၣ်အကျါလီၤ.

¹³ ဒီးကစၢ်ယွၤစံးဒ်အံၤ, အနံၣ်လွံၢ်ဆံအကတၢၢ်န့ၣ်ယ ကထၢဖှိၣ်ပှၤအဲၤကူပတူးဖိလၢ ပှၤကလုာ်တဖၣ်အ ကျါဖဲအအိၣ်ပြံပြါ, ¹⁴ ဒီးယကဒုးဟဲက့ၤအဲၤကူပတူး အပှၤလဲၤကဲကုၢ်, ဒီးယကဒုးဟဲကဒါက့ၤအီၤဆူ ကီၢ် ပၤသြိၣ်အပူၤ, ဆူကီၢ်ဖဲအအိၣ်ဖျဲၣ်လၢအပူၤ, ဒီးဘီမုၢ် လၢအလၤကပီၤတအိၣ်ဘၣ်တဘီမုၢ်ကအိၣ်ဖဲန့ၣ်လီၤ.

¹⁵ အလၤကပီၤကဆံးန့ၢ် ဘီမုၢ်ခဲလၢာ်အလၤကပီၤတ က့ၢ်လီၤ. ဒီးတပာ်ထီၣ်ထီလၢၤဘၣ်အသးလၢ ပှၤက လုာ်တဖၣ်အဖီခိၣ်ဘၣ်. ဒီးယကမၤစှၤလီၤအီၤဒ်သိး အသုတပၢလၢၤပှၤကလုာ်တဖၣ်တဂ့ၤလီၤ.

¹⁶ ဒီးတကဲထီၣ်လၢၤဘၣ် အံၣ်စရ့လးအပှၤဟံၣ်ဖိအ တၢ်သန့ၤအသးအလီၢ်ဘၣ်, ဒီးတၢ်တဒုးသ့ၣ်နီၣ်ထီၣ် က့ၤအတၢ်ဒဲးဘးလၢအဃၣ်ထွဲအဝဲသ့ၣ်အခံ, ဒီးက သ့ၣ်ညါဝဲလၢယမ့ၢ်ကစၢ်ယွၤလီၤ. ¹⁷ ဒီးတၢ်မၤအသးလၢနံၣ်ခံဆံနွံနံၣ်တနံၣ်, လါခီၣ်ထံး, လါထီၣ်တနံၤန့ၣ် ယွၤအကလုၢ်ဘၣ်ယၤဒီးစံးဝဲဒၣ်,―

¹⁸ ပှၤကညီဖိခွါဧၢ, ဘၤဘူၤလိၣ်အစီၤပၤနဘူၤကးန့စၢ် ဒုးမၤအသုးမုၢ်လၢအတၢ်မၤဖးဒိၣ်ထီဒါစိၢ်လီၤ. ကယဲၢ် ပှၤအခိၣ်လ့ၤ, ဒီးကယဲၢ်ပှၤအဖံဘၣ်ခိၣ်န့ၣ်လ့ၤဝဲလီၤ. ဘၣ်ဆၣ်ဒီးအဝဲဒၣ်မ့ၢ်ဂ့ၤ, အသုးမုၢ်မ့ၢ်ဂ့ၤ, တန့ၢ်ဘၣ် အဘူးအလဲလၢစိၢ်အစုပူၤ, လၢတၢ်မၤလၢအမၤထီဒါ အီၤအဃိဘၣ်.

¹⁹ မၤသးဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်, ယကဟ့ၣ် လီၤကီၢ်အဲၤကူပတူးလၢဘၤဘူၤလိၣ် အစီၤပၤနဘူၤ ကးန့စၢ်အစုပူၤ, ဒီးကမၤန့ၢ်အပှၤဂီၢ်မုၢ်, ဒီးကဂုာ်ဆူၣ် ပျီဆူၣ်အတၢ်, ဒီးကဂုာ်န့ၢ်အတၢ်, ဒီးကကဲထီၣ်အဘူး အလဲလၢအသုးမုၢ်အဂီၢ်လီၤ. ²⁰ ယဟ့ၣ်လီၤအီၤလၢ ကီၢ်အဲၤကူပတူးလၢအမၤတၢ်လၢ အမၤဝဲထီဒါအီၤအ အဃိလီၤ. အဂ့ၢ်ဒ်အံၤ, မၤတၢ်လၢယဂီၢ်လီၤ. ကစၢ် ယွၤစံးဝဲဒၣ်.

²¹ တၢ်လၢမုၢ်တနံၤန့ၣ် ယကဒုးထီၣ်အံၣ်စရ့လးအပှၤ ဟံၣ်ဖိအနၢၤတဘိ, ဒီးယကဟ့ၣ်နအဲးထီၣ်နထးခိၣ် လၢအကျါ, ဒီးကသ့ၣ်ညါဝဲလၢယမ့ၢ်ယွၤလီၤ.

၃၀

¹ ယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါဧၢ, ကတိၤတၢ်လၢဝံကျိာ်ဒီးစံး, ကစၢ်ယွၤစံးဒ်အံၤ, ဟီၣ်ပ သူထီၣ်တက့ၢ်. နံၤတနံၤန့ၣ်ဘၣ်အဖှီၣ်လီၤ.

³ အဂ့ၢ်ဒ်အံၤ, မုၢ်တနံၤန့ၣ်အိၣ်ဘူးထီၣ်လံ. ယွၤအမုၢ် တနံၤအိၣ်ဘူးထီၣ်လံ. မုၢ်တနံၤအိၣ်ဒီးတၢ်အၢၣ်လီၤ. ပှၤကလုာ်တဖၣ်အဆၢကတီၢ်ဘၣ်လံ.

⁴ ဒီးနးဧိၤဘီဧိၤ ကဘၣ်အဲၤကူပတူး, ဒီးတုၤပှၤဘၣ် တၢ်မၤသံအီၤတဖၣ်လီၤဃံၤလၢ အဲၤကူပတူးအပူၤဒီး, တၢ်ပျံၤတၢ်ဖုးကအိၣ်ဝဲလၢကူၤၡးအပူၤ, ဒီးတၢ်ကဟံး ထီၣ်ကွံာ်အပှၤဂီၢ်မုၢ်, ဒီးအခီၣ်ထံးတဖၣ်ကလီၤပှီၢ်ကွံာ် လီၤ.

⁵ ကူၤၡး, ပူၤတၤ, ဒီးလူၤဒံ, ဒီးပှၤဃါဃုာ်အသးခဲလၢာ်, ဒီးကူာ်, ဒီးကယဲၢ်ပှၤကီၢ်ဖိလၢအအၢၣ်လီၤအီလီၤတၢ် ဒီးအီၤခဲလၢာ်န့ၣ်ကလီၤဃံၤ အိၣ်ဒီးအီၤလၢနးဧိၤဘီဧိၤ လီၤ.

⁶ ကစၢ်ယွၤစံးဒ်အံၤ, ပှၤလၢအမၤစၢၤအဲၤကူပတူးတ ဖၣ်ကလီၤဃံၤ, ဒီးအစိၤကမီၤအတၢ်ပာ်ထီၣ်ထီအသး န့ၣ်တၢ်ကဆီၣ်လီၤအီၤလီၤ. လၢမံးကဒိးလးပၢၢ်လၢစ ဝ့န့ၤကလီၤဃံၤလၢနးဧိၤဘီဧိၤလၢအပူၤလီၤ, ကစၢ်ယွၤ စံးဝဲဒၣ်.

⁷ ဒီးကအိၣ်သယုၢ်လၢ ကီၢ်လၢအအိၣ်သယုၢ်တဖၣ်အ ကျါ, ဒီးအဝ့ၢ်တဖၣ်ကအိၣ်ဝဲလၢဝ့ၢ်လၢတၢ်မၤလူၤအီၤ အကျါလီၤ.

⁸ ဒီးတုၤယဆိၣ်ကဲၤထီၣ်မ့ၣ်အူလၢ အဲၤကူပတူးအပူၤ, ဒီးပှၤမၤစၢၤအီၤကတုၤလၢတၢ်ဟးဂီၤဒီး, ကသ့ၣ်ညါ ဝဲလၢယမ့ၢ်ယွၤလီၤ.

⁹ တၢ်လၢမုၢ်တနံၤန့ၣ်ကလူးတဖၣ်ကဟးထီၣ်လၢ ယ အိၣ်လၢကဘီပူၤဒ်သိးအကမၤပျံၤ ပှၤကူၤၡးဖိလၢအ တပလီၢ်ဘၣ်အသးဘၣ်, ဒီးတၢ်ပျံၤတၢ်ဖုးဒ်လၢအဲၤကူ ပတူးအမုၢ်တနံၤအသိးန့ၣ်ကဘၣ်အီၤလီၤ. အဂ့ၢ်ဒ်အံၤ, ကွၢ်ကွၢ်, ဟဲဝဲလီၤ.

¹⁰ ကစၢ်ယွၤစံးဒ်အံၤ, ဒီးယကမၤစှီၢ်ကွံာ်အဲၤကူပတူး အပှၤဂီၢ်မုၢ်လၢဘၤဘူၤလိၣ်အစီၤပၤနဘူၤကးန့စၢ် အစု ပူၤလီၤ.

¹¹ အဝဲဒၣ်ဒီးအပှၤဂီၢ်မုၢ်အိၣ်ဝဲဒီးအီၤ, တၢ်မၤပျံၤတၢ်လၢ ပှၤကလုာ်တဖၣ်အကျါန့ၣ် ကဟဲမၤဟးဂီၤကီၢ်တဘ့ၣ် န့ၣ်, ဒီးကဘီၣ်ထီၣ်အနးထီဒါအဲၤကူပတူး, ဒီးမၤပှဲၤ ကီၢ်တဘ့ၣ်န့ၣ်လၢပှၤဘၣ်တၢ်မၤသံအီၤလီၤ.

¹² ဒီးယကဒုးလီၤသံးကွံာ်ထံမိၢ်ပှၢ်အထံ, ဒီးကဆါကွံာ် ကီၢ်န့ၣ်လၢပှၤတတီတလိၤဘၣ်အစုပူၤ, ဒီးယကမၤ သယုၢ်ကီၢ်, ဒီးကယဲၢ်တၢ်လၢအအိၣ်ဝဲလၢအပူၤလၢ ပှၤတခီဘီတခီမုၢ်ဖိအစုပူၤလီၤ. ယၤယွၤအံၤယကတိၤ လံတၢ်လံ.

¹³ ကစၢ်ယွၤစံးဒ်အံၤ, ယကမၤဟးဂီၤတၢ်ဂီၤတၢ်ဖီၣ်တ ဖၣ်, ယကမၤစှီၢ်ကွံာ်တၢ်ဂီၤတၢ်ဖီၣ်လၢနိဖးအပူၤ, ဒီး ပဒိၣ်ဖးဒိၣ်တဂၤတအိၣ်လၢၤဘၣ်လၢ ကီၢ်အဲၤကူပတူး အပူၤဘၣ်, ဒီးယကဒုးဘၣ်ကီၢ်အဲၤကူပတူးလၢတၢ် ပျံၤတၢ်ဖုးလီၤ.

¹⁴ ယကမၤသယုၢ်ပၤသြိၣ်, ဒီးယကဆိၣ်ကဲၤထီၣ်မ့ၣ် အူလၢစိၤဧၢ်အပူၤ, ဒီးယကမၤတၢ်စံၣ်ညီၣ်လၢနိအလိၤ လီၤ.

¹⁵ ဒီးယကလူလီၤယသးကဲၤထီၣ်လၢစံၤ, အဲၤကူပတူး အဂံၢ်အဘါအဖီခိၣ်, ဒီးယကဒီၣ်တဲာ်ကွံာ်နိအပှၤဂီၢ် မုၢ်လီၤ.

¹⁶ ဒီးယကဆိၣ်ကဲၤထီၣ်မ့ၣ်အူလၢအဲၤကူပတူးအပူၤ, ဒီး စံၤန့ၣ်ကကဆှဲးကဆှိး, ဒီးနိန့ၣ်ကသ့ၣ်ဖး, ဒီးနိဖးက ဘၣ်တၢ်မၤဆူၣ်အီၤလၢမုၢ်ဆါခီလီၤ.

¹⁷ အၤဝ့ၣ်, ဒီးပံၤဘ့စ့းအပှၤဖိၣ်သၣ်ခွါန့ၣ်ကလီၤဃံၤ လၢနး, ဒီးပိာ်မုၣ်တဖၣ်န့ၣ်ကလဲၤကဲကုၢ်လီၤ.

¹⁸ တုၤယမၤကၢ်ကွံာ်အဲၤကူပတူးအနီၣ်ယိးဘိ လၢအ ပူၤ, ဒီးအဂံၢ်အဘါအသးထီၣ်ကဆိတ့ၢ်လၢအပူၤဒီး, မုၢ် နံၤကခံးလီၤလၢတၤပါန့ၤအပူၤလီၤ, တၢ်အၢၣ်ကလုၣ် ဘၢအီၤ, ဒီးအဖိမုၣ်တဖၣ်ကလဲၤကဲကုၢ်လီၤ. ¹⁹ ဒီးယ ကမၤတၢ်စံၣ်ညီၣ်လၢအဲၤကူပတူးအပူၤ, ဒီးကသ့ၣ် ညါဝဲလၢယမ့ၢ်ယွၤလီၤ.

²⁰ ဒီးလၢနံၣ်တဆံတနံၣ်, လၢလါခီၣ်ထံး, လါထီၣ်နွံ နံၤတနံၤန့ၣ် တၢ်မၤအသးလၢယွၤအကလုၢ်ဘၣ်ယၤ ဒီးစံးဝဲဒၣ်, ²¹ ပှၤကညီဖိခွါဧၢ, ယမၤကၢ်လံအဲၤကူပ တူးအစီၤပၤဖၤရိၤအစုဒုၣ်လံ, ဒီးကွၢ်ကွၢ်, တၢ်တဘိၣ် ဘံထီၣ်ဘၣ်အီၤဒ်သိးအကပာ်ကသံၣ်လၢအလိၤဘၣ်, တၢ်တဘိၣ်ဘံဘိၣ်ဃာ်ဘၣ်အီၤ ဒ်သိးအကဒုးဆူၣ် ထီၣ်အီၤလၢအကဟံးဃာ်နးန့ၣ်အဂ့ၢ်ဘၣ်.

²² မၤသးဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်, ယထီဒါ အဲၤကူပတူးအစီၤပၤဖၤရိၤ, ဒီးယကမၤကၢ်အစုဒုၣ်ခံ ခီ, အဆူတခီ, ဒီးအကၢ်တခီ, ဒီးယကဒုးလီၤတဲာ်နး လၢအစုပူၤလီၤ.

²³ ဒီးယကမၤလီၤပြံလီၤပြါပှၤအဲၤကူပတူးဖိလၢ ပှၤက လုာ်တဖၣ်အကျါ, ဒီးယကမၤလီၤမုၢ်လီၤဖးအီၤလၢ ကီၢ်တဖၣ်အကျါလီၤ.

²⁴ မ့မ့ၢ်ယကဒုးဆူၣ်ထီၣ်ဘၤဘူၤလိၣ် အစီၤပၤအစုဒုၣ်, ဒီးယကဒၢနုာ်ယနးလၢအစုပူၤလီၤ. ဒီးယကမၤကၢ် ကွံာ်ဖၤရိၤအစုဒုၣ်, ဒီးကကအုကစွါလၢအမဲာ်ညါဒ်ပှၤ လၢအဘၣ်ဆဲးသံအတၢ်ကအုကစွါအသိးန့ၣ်လီၤ.

²⁵ မ့ၢ်မးယကဒုးဆူၣ်ထီၣ် ဘၤဘူၤလိၣ်အစီၤပၤအစုဒုၣ်, ဒီးဖၤရိၤအစုဒုၣ်ကလီၤဘှါလီၤ. ဒီးတုၤယဒၢနုာ်ယနး လၢဘၤဘူၤလိၣ်အစီၤပၤအစုပူၤ, ဒီးအဝဲဒၣ်ကယူာ် ထီၣ်အီၤလၢကီၢ်အဲၤကူပတူးအဖီခိၣ်ဒီး, ကသ့ၣ်ညါဝဲ လၢယမ့ၢ်ယွၤလီၤ.

²⁶ ဒီးယကမၤလီၤပြံလီၤပြါ ပှၤအဲၤကူပတူးဖိလၢပှၤက လုာ်တဖၣ်အကျါ, ဒီးမၤလီၤမုၢ်လီၤဖးအီၤလၢကီၢ်တ ဖၣ်အကျါ, ဒီးကသ့ၣ်ညါဝဲလၢယမ့ၢ်ယွၤလီၤ.

၃၁

¹ ဒီးတၢ်မၤအသးလၢနံၣ်တဆံတနံၣ်, လါသၢလါတ လါထီၣ်တနံၤန့ၣ် ယွၤအကလုၢ်ဘၣ်ယၤဒီးစံးဝဲဒၣ်,―

² ပှၤကညီဖိခွါဧၢ, စံးဘၣ်အဲၤကူပတူးအစီၤပၤဖၤရိၤဒီး အပှၤဂီၢ်မုၢ်, လၢနတၢ်ဒိၣ်တၢ်ထီအပူၤန့ၣ်နလီၤဂာ်မ တၤတဂၤလဲၣ်.

³ ကွၢ်ကွၢ်, ပှၤအၤရှူၢ်ဖိမ့ၢ်တ့ၢ် သ့ၣ်ဆှိအ့ရ့းလၢလဘၤ နိၣ်အလိၤအိၣ်ဒီးအဒ့တဖၣ် အဃံအလၤတထံး, မ့ၢ် သ့ၣ်ကဟု, ဒီးအထူၣ်ထီ, ဒီးအခံအိၣ်ဝဲလၢအဒ့အါဒ့အ ကျါလီၤ.

⁴ ထံဒုးဒိၣ်ထီၣ်အီၤ, ထံယိာ်ဒုးထီထီၣ်အီၤ, အထံကျိ တဖၣ်ယွၤလီၤဝးတရံးအတၢ်သူၣ်အသးအလီၢ်, ဒီးဖး ဒ့ထီၣ်အထံကျိဖိဆူကယဲၢ်သ့ၣ်အိၣ်လၢ ဟီၣ်ခိၣ်အက ဝီၤအပူၤခဲလၢာ်လီၤ.

⁵ မၤသးဒ်န့ၣ်ဒီးအထူၣ်ထီန့ၣ် ကယဲၢ်သ့ၣ်လၢပှၢ်လၢ် ကျါတက့ၢ်, ဒီးအဒ့အါထီၣ်, ဒီးအဒ့ထီထီၣ်လၢထံအါ အဃိဖဲအဒိးထီၣ်လီၤ.

⁶ ထိၣ်ဧိၤလံၣ်ဧိၤလၢ မူကပိာ်လိၤခဲလၢာ်မၤအသွံလၢ အခံ, ဒီးဆၣ်ဖိကီၢ်ဖိလၢပှၢ်လၢ်ကျါခဲလၢာ်န့ၣ်ဖှံလီၤ အဖိလၢအကဟုလာ်, ဒီးပှၤကလုာ်ဖးဒိၣ်ခဲလၢာ်အိၣ် ဝဲဆိးဝဲလၢအကဒုပူၤလီၤ.

⁷ ဒီးအိၣ်ဝဲဒီးအဃံအလၤလၢ အတၢ်ဒိၣ်တၢ်ထီအဃိ လၢအဒ့ထီအဃိလီၤ. အဂ့ၢ်ဒ်အံၤ, အဂံၢ်အိၣ်ဝဲလၢထံ အါအလီၢ်လီၤ.

⁸ သ့ၣ်ဆှိအ့ရ့းလၢကစၢ်အတၤသၣ်အလီၢ်, မၤတဒၢ အီၤတသ့ဘၣ်, သ့ၣ်ဆှိတထဲသိးဘၣ်ဒီးအဒ့ဘၣ်, ဒီး သ့ၣ်ဧၢ်မိၢ်တထဲသိးဘၣ်ဒီးအဒ့အဖီဘၣ်, ဒီးသ့ၣ်ထဲ သိးဒီးအီၤအိၣ်ဒီးအဃံအလၤတအိၣ်ဘၣ်လၢ ကစၢ် အတၤသၣ်အလီၢ်ဘၣ်.

⁹ ယပာ်အဃံအလၤလၢအဒ့အါအဃိ, ဒီးကယဲၢ်ဧ့ၤ ဒ့ၣ်အသ့ၣ်လၢကစၢ်အတၤသၣ်အလီၢ်ခဲလၢာ်န့ၣ် သး ကါအီၤလီၤ.

¹⁰ မၤသးဒ်န့ၣ်ဒီးကစၢ်ယွၤစံးဒ်အံၤ မ့ၢ်အပာ်ထီအသး, ဒီးယူာ်ထီၣ်အခံလၢဒ့အါဒ့အကျါ, ဒီးပာ်အသးထီၣ် ထီလၢအထီအဃိဒီး, ¹¹ ယဟ့ၣ်လီၤကွံာ်အီၤလၢပှၤအ ဆူၣ်လၢပှၤကလုာ်တဖၣ်တဂၤအစုပူၤ, ဒီးအဝဲဒၣ်က မၤအီၤလီၤ. ကဟီထီၣ်ကွံာ်အီၤလၢအတၢ်ဒဲးဘးအဃိ လီၤ.

¹² ဒီးပှၤတခီဘီမုၢ်ဖိ, တၢ်မၤပျံၤတၢ်လၢပှၤကလုာ်တ ဖၣ်အကျါ, ကူာ်လီၤကွံာ်အီၤ, ဒီးလဲၤသဒၣ်အီၤ, အဒ့ လီၤဒါလၢကစၢၢ်လိၤ, ဒီးလၢကစၢၢ်ကဆူးခဲလၢာ်အ ပူၤ, ဒီးအဒ့ကၢ်ကွံာ်လၢ တၢ်တြိခဲလၢာ်အပူၤ, ဒီးပှၤကိး ကလုာ်ဒဲးလၢဟီၣ်ခိၣ်ချၢဟးထီၣ်လၢအကဟုလာ်, ဒီး လဲၤသဒၣ်အီၤလီၤ.

¹³ လၢအသဃာ်ပူၤန့ၣ် မူကပိာ်လိၤအထိၣ်ဧိၤလံၣ်ဧိၤ န့ၣ်စီၢ်လီၤ, ဒီးဆၣ်ဖိကီၢ်ဖိလၢပှၢ်လၢ်ကျါအိၣ်ဝဲလၢ အဒ့တဖၣ်အဖီခိၣ်ခဲလၢာ်, ¹⁴ ဒ်သိးသ့ၣ်လၢထံနံၤအသု တပာ်ထီၣ်ထီအသးလၢအထီအဃိနီတထံးတဂ့ၤ, ဒီး အသုတယူာ်ထီၣ်အခံ လၢကဟုကျါတဂ့ၤ, ဒီးဒ်သိး သ့ၣ်လၢအအီထံအသုတဆၢထၢၣ်လၢ အထီဝဲအဃိနီ တထံးတဂ့ၤလီၤ. အဂ့ၢ်ဒ်အံၤ, တၢ်ဟ့ၣ်လီၤကွံာ်အီၤဆူ တၢ်သံ, ဆူဟီၣ်ခိၣ်လာ်လၢပှၤကညီဖိအကျါ, ဆူပှၤ လၢအလဲၤလီၤဆူတၢ်ပူၤလီၤ.

¹⁵ ကစၢ်ယွၤစံးဒ်အံၤ, မုၢ်တနံၤလၢအလဲၤလီၤဆူပျုၤပူၤ န့ၣ်ယဒုးဟီၣ်တၢ်လီၤ. ယကျၢၢ်ဘၢထံယိာ်လၢအဃိ, ဒီးယတြီတၢ်လၢအဃိ, အထံကျိတဖၣ်, ဒီးထံဖးဒိၣ် တဖၣ်အိၣ်ကတီၢ်ဝဲလီၤ. ဒီးယဒုးဟီၣ်လဘၤနိၣ်လၢ အဃိ, ဒီးသ့ၣ်လၢပှၢ်လၢ်ကျါခဲလၢာ်အသးလီၤဘှါလၢ အဃိလီၤ.

¹⁶ တုၤယတ့ၢ်လီၤကွံာ်အီၤဆူပျုၤပူၤ, ဒီးဆူပှၤလၢအလဲၤ လီၤဆူတၢ်ပူၤအအိၣ်ဒီး, ယဒုးကနိးပှၤကလုာ်တဖၣ် လၢအလီၤဃံၤအသီၣ်လီၤ. ဒီးဧ့ၤဒ့ၣ်အသ့ၣ်ခဲလၢာ်, ဒီး တၢ်ဘၣ်ဃုထၢအီၤ, ဒီးတၢ်အဂ့ၤလၢလဘၤနိၣ်အလိၤ, ကယဲၢ်တၢ်လၢအအီထံခဲလၢာ်န့ၣ် ကမုာ်ထီၣ်က့ၤလၢ ဟီၣ်ခိၣ်လာ်လီၤ.

¹⁷ အဝဲသ့ၣ်တဖၣ်န့ၣ် လီၤစ့ၢ်ကီးလၢပျုၤပူၤဒီးအီၤဆူပှၤ ဘၣ်တၢ်မၤသံအီၤလၢနးဧိၤဘီဧိၤအအိၣ်လီၤ. ဒီးပှၤလၢ အမ့ၢ်တ့ၢ်အစုလၢအအိၣ်အဆိးလၢ အကဟုလာ်လၢ ပှၤကလုာ်တဖၣ်အကျါလီၤ.

¹⁸ နလၤကပီၤဒီးနတၢ်ဒိၣ်တၢ်ထီန့ၣ် နလီၤဂာ်ဒီးမတၤ တဂၤလၢဧ့ၤဒ့ၣ်အသ့ၣ်ကျါလဲၣ်. မ့ၢ်မးနကဘၣ်တၢ် ဆီၣ်လီၤနၤဒီးဧ့ၤဒ့ၣ်အသ့ၣ်တဖၣ်ဆူ ဟီၣ်ခိၣ်လာ်လီၤ. နကမံလီၤဒီးပှၤတဒိးတၢ်ကူးတရံးဖိ, ဒီးပှၤဘၣ်တၢ်မၤ သံအီၤလၢနးဧိၤဘီဧိၤအကျါလီၤ. အဝဲန့ၣ်မ့ၢ်ဖၤရိၤဒီး အပှၤဂီၢ်မုၢ်ခဲလၢာ်လီၤ. ကစၢ်ယွၤစံးဝဲဒၣ်.

၃၂

¹ ဒီးလၢနံၣ်တဆံခံနံၣ်တနံၣ်, လါတဆံခံလါတလါ ထီၣ်တနံၤန့ၣ်တၢ်မၤအသးလၢ ကစၢ်ယွၤအကလုၢ် ဘၣ်ယၤ, ဒီးစံးဝဲဒၣ်, ² ပှၤကညီဖိခွါဧၢ, မၤထါဟီၣ်တၢ် လၢအဲၤကူပတူးအစီၤပၤဖၤရိၤအဃိ, ဒီးစံးလၢအီၤ, န လီၤဂာ်ခ့ယုၢ်ဖိလၢပှၤကလုာ်တဖၣ်အကျါ, ဒီးနလီၤ ဂာ်သမၣ်လၢပီၣ်လဲၣ်အပူၤလီၤ. နဟဲဆူနထံမိၢ်ပှၢ်တ ဖၣ်အပူၤ, ဒီးနမၤဒုထီၣ်လံလၢနခီၣ်, ဒီးမၤတဆှံဘၣ် ထံမိၢ်ပှၢ်အထံလီၤ.

³ ကစၢ်ယွၤစံးဒ်အံၤ, ယကဟုးယပှာ်လၢနဖီခိၣ်လၢ ပှၤကလုာ်ဂီၢ်မုၢ်အကျါ, ဒီးကမိၤထီၣ်နၤလၢယပှာ်ပူၤ လီၤ.

⁴ ဒီးယကတ့ၢ်လီၤကွံာ်နၤလၢခိ, ဒီးယကကွံာ်တ့ၢ်ကွံာ် နၤလၢတၢ်ပျီပူၤ, ဒီးယကဒုးစီၢ်လီၤမူကပိာ်လိၤအထိၣ် ဧိၤလံၣ်ဧိၤလၢနဖီခိၣ်ခဲလၢာ်, ဒီးယကဒုးအီၣ်ဘျဲးအီၣ် ဟီၣ်ခိၣ်ဒီဘ့ၣ်ညါအဆၣ်ဖိကီၢ်ဖိလၢနၤလီၤ.

⁵ ဒီးယကပာ်လီၤနညၣ်လၢ ကစၢၢ်ကလိအလိၤ, ဒီးယ ကမၤပှဲၤကစၢၢ်ကဆူးဒီးနစိၣ်လီၤ.

⁶ ဒီးထံဧိၤကီၢ်ဧိၤလၢနဘျိၣ်လၢအပူၤန့ၣ် ယကဖှိၣ်အီၤ လၢနသွံၣ်ပၢၢ်လၢကစၢၢ်ကလိ, ဒီးထံကျိတဖၣ်ကပှဲၤ ဒီးနၤလီၤ.

⁷ ဒီးတုၤယမၤလီၤပံာ်နၤ, ဒီးယကလုၣ်ဘၢမူခိၣ်, ဒီးဒုး ခံးလီၤဆၣ်ဧိၤဖီဧိၤ, ယကမၤလီၤကဒုမုၢ်လၢတၢ်အၢၣ်, ဒီးလါတကပီၤထီၣ်ဘၣ်.

⁸ ကယဲၢ်တၢ်ကပီၤကယဲၢ်ကယူာ်လၢမူခိၣ်န့ၣ် ယက ဒုးခံးလီၤလၢနဖီခိၣ်, ဒီးဒုးခံးန့ၢ်နကီၢ်ဒီဘ့ၣ်ညါလီၤ, ကစၢ်ယွၤစံးဝဲဒၣ်.

⁹ တုၤယမၤဟးဂီၤနၤလၢ ပှၤကလုာ်တဖၣ်အကျါ, လၢ ကီၢ်တဖၣ်အပူၤလၢနတသ့ၣ်ညါဘၣ်အီၤဒီး, ယကမၤ ကိၢ်မၤဂီၤပှၤအါကလုာ်အသးလီၤ.

¹⁰ တုၤယဝံၢ်ဝၢ်နသးလၢအမဲာ်ညါဒီး, ယကဒုးကတုၤ ပှၤဂီၢ်မုၢ်အါပူၤအသးလၢနဃိ, ဒီးအစီၤပၤအသးကက တုၤဒိၣ်ဒိၣ်ကလဲာ်လၢနဃိလီၤ. ဒီးကကနိးတထံၣ် ဃီ, လၢအသးသမူဒၣ်ဝဲအဃိစုာ်စုာ်, ဖဲမုၢ်တနံၤလၢ နလီၤဃံၤလီၤ.

¹¹ အဂ့ၢ်ဒ်အံၤ, ကစၢ်ယွၤစံးဒ်အံၤ, ဘၤဘူၤလိၣ်အစီၤ ပၤအနးကဘၣ်နၤလီၤ. ¹² ယကဒုးလီၤဃံၤနပှၤဂီၢ်မုၢ် လၢပှၤအဆူၣ်အနးတဖၣ်, ပှၤခဲလၢာ်န့ၣ်မ့ၢ်ပှၤမၤပျံၤ တၢ်လၢပှၤကလုာ်တဖၣ်အကျါ, ဒီးကမၤဟးဂီၤအဲၤ ကူပတူးအသးထီၣ်ထီ, ဒီးအပှၤဂီၢ်မုၢ်ကတုၤလၢ တၢ် ဟးဂီၤခဲလၢာ်လီၤ.

¹³ ဒီးယကမၤဟးဂီၤအဆၣ်ဖိကီၢ်ဖိအဒၢ လၢထံဖးဒိၣ် အဃၢၤ, ဒီးပှၤကညီအခီၣ်တမၤဒုထီၣ်လၢၤဘၣ်အီၤ ဘၣ်, ဒီးဆၣ်ဖိကီၢ်ဖိအဒၢအခီၣ်တယီၢ်လီၤလၢၤဘၣ် တၢ်လၢထံဖးဒိၣ်အကျါဘၣ်.

¹⁴ တုၤနုၤတစု ယကဒုးဆှံထီၣ်အထံတဖၣ်, ဒီးဒုးယွၤ လီၤအထံမိၢ်ပှၢ်အထံ ဒ်သိအသိးန့ၣ်, ကစၢ်ယွၤစံးဝဲ ဒၣ်, ¹⁵ ဖဲအကတီၢ်လၢယမၤသယုၢ်ကီၢ်အဲၤကူပတူး, ဒီး ကီၢ်အိၣ်ကလီလၢကယဲၢ်တၢ်လၢ အပှဲၤတ့ၢ်အီၤလၢအ ပူၤ, ဖဲအကတီၢ်လၢယကကျီကွံာ်ကယဲၢ်ပှၤလၢအအိၣ် အဆိးလၢအပူၤဒီး, ကသ့ၣ်ညါဝဲလၢယမ့ၢ်ယွၤလီၤ.

¹⁶ အဝဲအံၤမ့ၢ်ထါဟီၣ်တၢ်လၢ ပှၤကမၤဝဲလၢအဃိလီၤ. ပှၤကလုာ်အဖိမုၣ်တဖၣ်န့ၣ် ကမၤထါဟီၣ်တၢ်လၢ အဃိလီၤ. ကမၤထါဟီၣ်တၢ်လၢအဲၤကူပတူးအဃိ, ဒီးလၢအပှၤဂီၢ်မုၢ်အဃိလီၤ. ကစၢ်ယွၤစံးဝဲဒၣ်.

¹⁷ ဒီးလၢနံၣ်တဆံခံနံၣ်တနံၣ်, လါထီၣ်တဆံယဲၢ်နံၤ တနံၤန့ၣ်, တၢ်မၤအသးလၢကစၢ်ယွၤအကလုၢ်ဘၣ် ယၤ, ဒီးစံးဝဲဒၣ်, ¹⁸ ပှၤကညီဖိခွါဧၢ, ဟီၣ်လၢအဲၤကူပ တူးအပှၤဂီၢ်မုၢ်အဃိ, ဒီးတ့ၢ်လီၤကွံာ်အီၤ, အဝဲဒၣ်, ဒီး ပှၤကလုာ်တဖၣ်လၢ အမံၤဟူထီၣ်သါလီၤအဖိမုၣ်တ ဖၣ်ဆူဟီၣ်ခိၣ်လာ် ဆူပှၤလၢအလဲၤလီၤဆူတၢ်ပူၤအ အိၣ်န့ၣ်တက့ၢ်.

¹⁹ နဃံနလၤဒိၣ်န့ၢ်မတၤတဂၤလဲၣ်. ဟဲလီၤဒီးမံလီၤဒီး ပှၤလၢအတဒိးဘၣ်တၢ်ကူးတရံးတဖၣ်န့ၣ်တက့ၢ်.

²⁰ ကလီၤဃံၤဝဲလၢပှၤလၢအဘၣ် တၢ်မၤသံအီၤလၢနး တဖၣ်အကျါလီၤ. တၢ်ဟ့ၣ်လီၤတ့ၢ်နးဧိၤဘီဧိၤလီၤ. မိၤ ထီၣ်ကွံာ်အီၤဒီးအပှၤဂီၢ်မုၢ်ခဲလၢာ်န့ၣ်တက့ၢ်.

²¹ ပှၤအဆူၣ်ကတၢၢ်လၢ ပှၤအဆူၣ်အကျါန့ၣ်လၢပျၢၤ အသးကံၢ်ပူၤကကတိၤတၢ်ဒီးအီၤ, ဒီးပှၤလၢအမၤစၢၤ အီၤလီၤ. အဂ့ၢ်ဒ်အံၤ, လဲၤလီၤလံ, မံလီၤ, ဒီးတဒိးဘၣ် တၢ်ကူးတရံးဘၣ်, ဘၣ်တၢ်မၤသံအီၤလၢနးလီၤ.

²² အၤရှူၢ်ဒီးအတၢ်အိၣ်ဖှိၣ်ခဲလၢာ်အိၣ်ဝဲဖဲန့ၣ်လီၤ. အ တၢ်သွၣ်ခိၣ်အိၣ်ဝးတရံးအီၤ, ဘၣ်တၢ်မၤသံအီၤခဲ လၢာ်, လီၤဃံၤဝဲလၢနးဧိၤဘီဧိၤလီၤ.

²³ အတၢ်သွၣ်ခိၣ်အိၣ်ဝဲလၢတၢ်ပူၤအခံဒး, ဒီးအတၢ် အိၣ်ဖှိၣ်ဝးတရံးဝဲအတၢ်သွၣ်ခိၣ်ပူၤလီၤ. ဘၣ်တၢ်မၤ သံအီၤခဲလၢာ်, လီၤဃံၤဝဲလၢနးဧိၤဘီဧိၤ, ပှၤလၢအမၤ ပျံၤတၢ်လၢကီၢ်မူအပူၤန့ၣ်လီၤ.

²⁴ ဧ့ၤလၣ်ဒီးအပှၤဂီၢ်မုၢ်ခဲလၢာ် အိၣ်ဝးတရံးဝဲလၢအ တၢ်သွၣ်ခိၣ်ပူၤ, ဘၣ်တၢ်မၤသံအီၤခဲလၢာ်, လီၤဃံၤဝဲ လၢနးဧိၤဘီဧိၤ, တဒိးဘၣ်တၢ်ကူးတရံးဘၣ်ဒီး, လဲၤ လီၤဝဲဆူဟီၣ်ခိၣ်လာ်, ပှၤလၢအမၤပျံၤတၢ်လၢကီၢ်မူ အပူၤလီၤ, ဒီးတူၢ်လံအတၢ်မဲာ်ဆှးဒီးပှၤလၢ အလဲၤလီၤ ဆူတၢ်ပူၤန့ၣ်လီၤ.

²⁵ ပှၤပာ်လီၤန့ၢ်အီၤလၢအလီၢ်မံ အိၣ်ဒီးအပှၤဂီၢ်မုၢ်ခဲ လၢာ်လၢပှၤဘၣ်တၢ်မၤသံအီၤအကျါ, အတၢ်သွၣ်ခိၣ် ပူၤတဖၣ်အိၣ်ဝးတရံးအီၤလီၤ. တဒိးဘၣ်တၢ်ကူးတ ရံးနီတဂၤဘၣ်ဒီး, ဘၣ်တၢ်မၤသံအီၤလီၤ. မၤပျံၤတၢ် လၢကီၢ်မူအပူၤဘၣ်ဆၣ်ဒီး, တူၢ်လံအတၢ်မဲာ်ဆှးဒ်ပှၤ လၢအလဲၤလီၤတ့ၢ်ဆူတၢ်ပူၤအသိးလီၤ. တၢ်ပာ်လီၤ အီၤလၢပှၤလၢအဘၣ်တၢ်မၤသံအီၤအကျါလီၤ.

²⁶ မ့ၤၡး, ဒီးတူၤဘလး, ဒီးအပှၤဂီၢ်မုၢ်ခဲလၢာ်အိၣ်ဝဲဖဲ န့ၣ်, အတၢ်သွၣ်ခိၣ်ပူၤတဖၣ်အိၣ်ဝးတရံးအီၤ, ခဲလၢာ် တဒိးဘၣ်တၢ်ကူးတရံး, မၤပျံၤတၢ်လၢကီၢ်မူအပူၤဘၣ် ဆၣ်ဒီး, ဘၣ်တၢ်မၤသံအီၤလၢနးဧိၤဘီဧိၤလီၤ.

²⁷ မၤပျံၤတၢ်လၢကီၢ်မူအပူၤဘၣ်ဆၣ်ဒီး ကမံလီၤဒီးပှၤ အဆူၣ်လၢအတဒိးဘၣ်တၢ်ကူးတရံးတဖၣ် လၢအ လီၤဃံၤဝဲလၢအကျါ လၢအလဲၤလီၤဆူပျၢၤပူၤအိၣ်ဒီး အဒုးတၢ်အစုကဝဲၤ, တၢ်ပာ်အနးလၢအခိၣ်ဖီလာ်, ဒီး အတၢ်အၢတၢ်သီအိၣ်ဝဲလၢ အဃံအကွဲအဖီခိၣ်န့ၣ် တမ့ၢ်ဘၣ်ဧါ.

²⁸ ဒီးနဲဒၣ်, နကကၢ်လီၤကွံာ်လၢပှၤတဒိးဘၣ်တၢ်ကူး တရံးအကျါ, ဒီးကမံလီၤဒီးပှၤလၢအဘၣ်တၢ်မၤသံ အီၤလၢနးဧီၤဘီဧိၤလီၤ.

²⁹ အဒိၣ်အိၣ်ဖဲန့ၣ်ဒီးအစီၤပၤတဖၣ်, ဒီးအပဒိၣ်ဖးဒိၣ် တဖၣ်အိၣ်ဝဲဒီးအဂံၢ်ဆူၣ်အဘါဆူၣ်ခဲလၢာ်န့ၣ် မံလီၤ ဒီးပှၤလၢအဘၣ်တၢ်မၤသံအီၤလၢ နးဧိၤဘီဧိၤန့ၣ်လီၤ. မံလီၤဝဲဒီးပှၤတဒိးဘၣ်တၢ်ကူးတရံး ဒီးပှၤလၢအလဲၤ လီၤတ့ၢ်ဆူတၢ်ပူၤလီၤ.

³⁰ ကလံၤစိးအပဒိၣ်ဖးဒိၣ်အိၣ်ဖဲန့ၣ်, အဝဲသ့ၣ်ခဲလၢာ် ဒီးပှၤစံဒိၣ်ဖိခဲလၢာ် လၢအလဲၤလီၤဆူပှၤဘၣ်တၢ်မၤ သံအီၤလီၤ. လၢအတၢ်မၤပျံၤတၢ်လၢအမၤဝဲ, လၢအစိ အကမီၤအဃိ, အဝဲသ့ၣ်မဲာ်ဆှးလီၤ. တဒိးဘၣ်တၢ်ကူး တရံးဒီး, မံလီၤဝဲအိၣ်ဒီးပှၤလၢအဘၣ်တၢ်မၤသံအီၤ လၢနးဧိၤဘီဧိၤ, ဒီးတူၢ်အတၢ်မဲာ်ဆှးဒီးပှၤလၢအလဲၤ လီၤဆူတၢ်ပူၤအပူၤလီၤ.

³¹ ဖၤရိၤကထံၣ်ဘၣ်အီၤ, ဒီးကမၤမုာ်ထီၣ်က့ၤအသး လၢအပှၤဂီၢ်မုၢ်ခဲလၢာ်အဃိ, ဖၤရိၤဒီးအသုးမုၢ်လၢအ ဘၣ်တၢ်မၤသံအီၤလၢနးဧိၤဘီဧိၤခဲလၢာ်လီၤ. ကစၢ် ယွၤစံးဝဲဒၣ်.

³² ယဟ့ၣ်အတၢ်မၤပျံၤလၢကီၢ်မူအပူၤ, ဒီးတၢ်ကပာ် လီၤအီၤလၢပှၤတဒိးဘၣ် တၢ်ကူးတရံးအကျါ, အိၣ်ဒီး ပှၤလၢအဘၣ်တၢ်မၤသံအီၤလၢနးဧိၤဘီဧိၤ, ဖၤရိၤဒီး အပှၤဂီၢ်မုၢ်ခဲလၢာ်လီၤ, ကစၢ်ယွၤစံးဝဲဒၣ်.

၃၃

¹ ဒီးယွၤအကလုၢ်ဘၣ်ယၤ, ဒီးစံးဝဲဒၣ်,― ပှၤကညီဖိ ခွါဧၢ, ကတိၤတၢ်ဒီးနပှၤဂီၢ်မုၢ်ဖိ, ဒီးစံးဘၣ်အီၤ, တုၤယ ဒုးဘၣ်ကီၢ်လၢနးဧိၤဘီဧိၤဒီး, ပှၤကီၢ်ဖိမ့ၢ်ဟံးန့ၢ်ပှၤတ ဂၤလၢအကီၢ်ပူၤ, ဒီးပာ်အီၤလၢပှၤပၢၤတၢ်ဖိဒီး, ³ တုၤ အထံၣ်နးဧိၤဘီဧိၤဟဲဘၣ်ကီၢ်န့ၣ်ဒီး, မ့ၢ်အူထီၣ်ကွဲၤ ဒီးဒုးပလီၢ်ပှၤဂီၢ်မုၢ်အသးဒီး, ⁴ ဖဲဒၣ်ပှၤလၢအနၢ်ဟူ ကွဲၤအသီၣ်, ဒီးတပလီၢ်ဘၣ်အသးတဂၤဂၤန့ၣ်နးဧိၤ ဘီဧိၤမ့ၢ်ဟဲဒီး စိာ်ထီၣ်ကွံာ်အီၤဒီး, အသွံၣ်ကအိၣ်လၢ အခိၣ်ဒၣ်ဝဲအဖီခိၣ်လီၤ. ⁵ နၢ်ဟူကွဲၤအသီၣ်, ဒီးတပ လီၢ်ဘၣ်အသးဘၣ်. အသွံၣ်ကအိၣ်လၢအလိၤလီၤ. မ့ မ့ၢ်ပှၤလၢအပလီၢ်အသးန့ၣ် ကမၤပူၤမၤဖျဲးအသးလီၤ.

⁶ မ့မ့ၢ်ပှၤပၢၤတၢ်ဖိမ့ၢ်ထံၣ်ဘၣ် နးဧိၤဘီဧိၤဟဲဝဲ, ဒီးတ အူထီၣ်ဘၣ်ကွဲၤ, ဒီးတဒုးပလီၢ်ဘၣ်ပှၤဂီၢ်မုၢ်အသးဘၣ် ဒီး, နးဧိၤဘီဧိၤန့ၣ်မ့ၢ်ဟဲဒီး စိာ်ထီၣ်ကွံာ်ပှၤတဂၤဂၤ လၢအကျါဒီး, တၢ်စိာ်ထီၣ်ကွံာ်အီၤလၢအတၢ်ဒဲးဘး အဃိလီၤ. ဘၣ်ဆၣ်ဒီးယကဃုအသွံၣ်လၢပှၤပၢၤတၢ် ဖိအစုပူၤလီၤ.

⁷ ဒီးနဲဒၣ်ပှၤကညီဖိခွါဧၢ, ယပာ်တ့ၢ်နၤလၢပှၤပၢၤတၢ် ဖိလၢအံၣ်စရ့လးအပှၤဟံၣ်ဖိအဂီၢ်, ဒီးနဘၣ်ကနၣ် တၢ်ကတိၤလၢယထးခိၣ်, ဒီးဒုးပလီၢ်အသးလၢယၤ လီၤ.

⁸ တုၤယစံးဘၣ်ပှၤတတီတလိၤဘၣ်, ပှၤတတီတလိၤ ဘၣ်တဂၤဧၢ, သံဒီးနကသံဒီး, နမ့ၢ်တကတိၤဘၣ်ဒ် သိးနကဒုးပလီၢ်ပှၤတတီတလိၤအသးလၢ အကဃၣ် ကွံာ်အသးလၢအကျဲဘၣ်ဒီး, တၢ်လၢပှၤတတီတလိၤ ဘၣ်တဂၤန့ၣ် ကသံဝဲလၢအတၢ်ဒဲးဘးအဃိလီၤ. ဘၣ်ဆၣ်ဒီးယကဃုအသွံၣ်လၢနစုပူၤလီၤ.

⁹ မ့ၢ်နာ်သက့ဒ်န့ၣ်ဒီး နမ့ၢ်ဒုးပလီၢ်ပှၤတတီတလိၤအ သးလၢအကဃၣ်ကွံာ်အသးလၢအကျဲဒီး, မ့ၢ်တဃၣ် ကွံာ်ဘၣ်အသးလၢအကျဲဘၣ်ဒီး, ကသံဝဲလၢအတၢ် ဒဲးဘးအဃိလီၤ. ဘၣ်ဆၣ်ဒီးနမၤပူၤမၤဖျဲးနသးလံလီၤ.

¹⁰ ဒီးနဲဒၣ်အံၤပှၤကညီဖိခွါဧၢ, စံးဘၣ်အံၣ်စရ့လးအပှၤ ဟံၣ်ဖိ, သုကတိၤတၢ်, ဒီးသုစံး, ပတၢ်ကမၣ်ဒီးပတၢ် ဒဲးဘးအိၣ်လၢပလိၤ, ဒီးပဃဲၤလီၤကွံာ်လၢအဃိ, ဒီးပ ကမူဒံးဒ်လဲၣ်.

¹¹ စံးဘၣ်အီၤ, ယမူယဲ, ကစၢ်ယွၤစံးဝဲဒၣ်, ပှၤတတီဘၣ် သံန့ၣ်တမ့ၢ်ဘၣ်အဘၣ်ယသးဘၣ်, မ့ၢ်အဘၣ်ယသး လၢအကဃၣ်ကွံာ်အသးလၢအကျဲဒီး မူဝဲလီၤ. ဃၣ် ကွံာ်သုသး, ဃၣ်ကွံာ်သုသးလၢသုကျဲအၢန့ၣ်တက့ၢ်. အဂ့ၢ်ဒ်အံၤ, အံၣ်စရ့လးအပှၤဟံၣ်ဖိသ့ၣ်ဧၢ, သုကသံ မ့ၢ်အဘၣ်မနုၤလဲၣ်.

¹² ဒီးနဲဒၣ်အံၤပှၤကညီဖိခွါဧၢ, စံးဘၣ်နပှၤဂီၢ်မုၢ်ဖိ, ပှၤ အတီတဂၤအတၢ်တီန့ၣ် တမၤပူၤမၤဖျဲးအီၤလၢအမၤ ကမၣ်တၢ်အမုၢ်နံၤဘၣ်. ဒီးပှၤတတီဘၣ်တဂၤန့ၣ်တ လီၤဃံၤဘၣ်လၢအတၢ်တတီဘၣ်အဃိ လၢမုၢ်နံၤဖဲအ ဃၣ်ကွံာ်အသးလၢအတၢ်တတီတလိၤန့ၣ်ဘၣ်. ဒီးပှၤ တီန့ၣ်တမူဘၣ်လၢမုၢ်တနံၤဖဲအမၤတၢ်ဒဲးဘးန့ၣ်ဘၣ်.

¹³ တုၤယစံးလၢပှၤအတီအလိၤအဂ့ၢ်န့ၣ်, မူဒီးကမူဝဲ လီၤန့ၣ်ဒီး, မ့ၢ်သန့ၤအသးလၢအတၢ်တီ, ဒီးမၤတၢ်ဒဲး ဘးဒီး, တၢ်တသ့ၣ်နီၣ်ထီၣ်က့ၤဘၣ်အတၢ်တီနီတမံၤ ဘၣ်. မ့မ့ၢ်အကသံဝဲလၢအတၢ်ဒဲးဘးလၢအမၤဝဲအ ဃိလီၤ.

¹⁴ ဒီးတုၤယစံးလၢပှၤတတီတလိၤဘၣ်အဂ့ၢ်, သံဒီးက သံဝဲဒီး, မ့ၢ်ဃၣ်ကွံာ်အသးလၢအတၢ်ဒဲးဘးန့ၣ်, ဒီးမၤ တၢ်စံၣ်ညီၣ်, ဒီးတၢ်တီတၢ်လိၤဒီး, ¹⁵ ပှၤတတီဘၣ်မ့ၢ် ဟ့ၣ်က့ၤတၢ်ဟ့ၣ်ကီၤ, မ့ၢ်ဟ့ၣ်ကၣ်တၢ်လၢအဂုာ်ဆူၣ် ပျီဆူၣ်, ဒီးတမၤတၢ်ဒဲးဘးဘၣ်, ဒီးမ့ၢ်လဲၤတၢ်လၢတၢ် မူအတၢ်သိၣ်တၢ်သီအပူၤဒီး, မူဒီးကမူဝဲလီၤ.

¹⁶ တၢ်တသ့ၣ်နီၣ်ထီၣ်ဘၣ် ထီဒါအီၤလၢအတၢ်ဒဲးဘး လၢအမၤဝဲနီတမံၤဘၣ်. မၤတ့ၢ်ဝဲလၢတၢ်စံၣ်ညီၣ်ဒီး တၢ်တီတၢ်လိၤလီၤ. မူဒီးကမူဝဲလီၤ.

¹⁷ ဘၣ်ဆၣ်ဒီးနပှၤဂီၢ်မုၢ်ဖိစံး, ယွၤအကျဲတတီတဘၣ် ဘၣ်လီၤ. မ့မ့ၢ်အဝဲသ့ၣ်အကျဲတတီတဘၣ်ဘၣ်လီၤ.

¹⁸ ဒီးတုၤပှၤတီပှၤလိၤဃၣ်ကွံာ်အသးလၢ အတၢ်တီ တၢ်လိၤ, ဒီးမၤတၢ်ဒဲးဘးဒီး, ကသံဝဲလၢအဃိလီၤ.

¹⁹ ဒီးတုၤပှၤတတီတလိၤဃၣ်ကွံာ်အသးလၢ အတၢ်တ တီတလိၤဘၣ်, ဒီးမၤတၢ်စံၣ်ညီၣ်, ဒီးတၢ်တီတၢ်လိၤ ဒီး, ကမူဝဲလၢအဃိလီၤ.

²⁰ ဘၣ်ဆၣ်ဒီးသုစံး, ယွၤအကျဲတတီတလိၤဘၣ်လီၤ. ပှၤအံၣ်စရ့လးအပှၤဟံၣ်ဖိသ့ၣ်ဧၢ, ယစံၣ်ညီၣ်သု, တ ဂၤဒ်အကျဲဒၣ်ဝဲအသိး, တဂၤဒ်အကျဲဒၣ်ဝဲအသိး, စုာ် စုာ်လီၤ.

²¹ ဒီးလၢပကဲကုၢ်အနံၣ်တဆံခံနံၣ်တနံၣ်, လါဆံဆဲၣ် လါတလါထီၣ်ယဲၢ်နံၤတနံၤန့ၣ် တၢ်မၤအသးလၢပှၤ လၢအပူၤဖျဲးဒီးယရူၤၡလ့ၣ်တဂၤဟဲဝဲဆူယအိၣ်, ဒီးစံး ဝဲဒၣ်, တၢ်မၤလူၤလံဝ့ၢ်န့ၣ်လံ.

²² ယွၤအစုအိၣ်တ့ၢ်ဝဲလၢ ယလိၤလၢမဟါတနံၤလၢမုၢ် ဟါလၢပှၤလၢအပူၤဖျဲးတဂၤတချုးဟဲဒံးဘၣ်န့ၣ်ဒီး ဒုး အဲးထီၣ်တ့ၢ်ယထးခိၣ်တုၤအဝဲဒၣ် ဟဲဆူယအိၣ်လၢ မုၢ်ဂီၤလီၤ. ဒုးအဲးထီၣ်ယထးခိၣ်, ဒီးယတအိၣ်တအုၣ် လၢၤဘၣ်. ဒီးယွၤအကလုၢ်ဘၣ်ယၤဒီးစံးဝဲဒၣ်, ²³ ပှၤကညီဖိ ခွါဧၢ, ပှၤလၢအအိၣ်အဆိးလၢအံၣ်စရ့လးအလီၢ်အိၣ် သယုၢ်တဖၣ်အပူၤန့ၣ် ကတိၤတၢ်ဒီးစံးဝဲ, စီၤအၤဘြၤ ဟၣ်မ့ၢ်ပှၤတဂၤဃီ, ဒီးန့ၢ်ဘၣ်သါထံဧိၤကီၢ်ဧိၤန့ၣ်လီၤ. မ့မ့ၢ်ပဝဲဒၣ်အံၤပမ့ၢ်ပှၤအါဂၤလီၤ. တၢ်ဟ့ၣ်လီၤပှၤလၢ ထံဧိၤကီၢ်ဧိၤလၢပန့ၢ်သါတၢ်အဂီၢ်လီၤ.

²⁵ မၤသးဒ်န့ၣ်ဒီးစံးဘၣ်အီၤ, ကစၢ်ယွၤစံးဒ်အံၤ, သုအီၣ် တၢ်ဒီးတၢ်သွံၣ်, ဒီးသုကျ့ထီၣ်သုမဲာ်ဆူသုတၢ်ဂီၤတၢ် ဖီၣ်, ဒီးသုလူလီၤတၢ်သွံၣ်လီၤ. ဒီးသုကန့ၢ်ဘၣ်ထံဧိၤ ကီၢ်ဧိၤစ့ၢ်ကီးဧါ.

²⁶ သုသန့ၤသုသးလၢသုနးလီၤ. သုမၤတၢ်သးဘၣ်အၢ ဒီးသုမၤဘၣ်အၢပှၤလၢအဃၢၤအမါ, တဂၤပှၤလၢအ ဃၢၤအမါစုာ်စုာ်လီၤ. ဒီးသုကန့ၢ်ဘၣ်ထံဧိၤကီၢ်ဧိၤန့ၣ် စ့ၢ်ကီးဧါ.

²⁷ စံးဘၣ်အီၤဒ်အံၤ, ကစၢ်ယွၤစံးဒ်အံၤ, ယမူယဲ, မ့ၢ်မး ပှၤအိၣ်ဝဲလၢတၢ်အိၣ်သယုၢ်အပူၤတဖၣ်န့ၣ် ကလီၤ ဃံၤလၢနးဧိၤဘီဧိၤ, ဒီးပှၤလၢအအိၣ်ဝဲလၢပှၢ်လၢ်ကျါ န့ၣ်ယကဟ့ၣ်လီၤကွံၤအီၤလၢ ဆၣ်ဖိကီၢ်ဖိဒ်သိးအ ကအီၣ်ကွံာ်အီၤ, ဒီးပှၤအိၣ်ဝဲလၢတိာ်ဧိၤတာ်ဧိၤအပူၤ, ဒီးလၢတၢ်အိပူၤန့ၣ် ကသံဝဲလၢတၢ်သံသတြိာ်လီၤ.

²⁸ ဒီးယကမၤသယုၢ်တုၢ်ထံဧိၤကီၢ်ဧိၤန့ၣ်, ဒီးအဂံၢ်အဘါ အသးထီၣ်ထီန့ၣ်ကဆိတ့ၢ်, ဒီးအံၣ်စရ့လးအကစၢၢ် ကလိကအိၣ်သယုၢ်တုၤပှၤတခီဂာ်ဘၣ်အီၤနီတဂၤဘၣ်.

²⁹ တုၤယမၤသယုၢ်တုၢ်ထံဧိၤကီၢ်ဧိၤန့ၣ်လၢ အတၢ်သး ဘၣ်အၢလၢအမၤဝဲအဃိဒီး, ကသ့ၣ်ညါဝဲလၢယမ့ၢ် ယွၤလီၤ.

³⁰ ဒီးနဲဒၣ်အံၤ, ပှၤကညီဖိခွါဧၢ, နပှၤဂီၢ်မုၢ်ဖိကတိၤတၢ် လၢနဂ့ၢ်လၢတၢ်အဒူၣ်အဃၢၤ, ဒီးလၢဟံၣ်အကျဲစၢၤ ဃၢၤ, ဒီးကတိၤတၢ်တဂၤဒီးတဂၤ, ဒီးတဂၤဒီးအဒီ ပုၢ်ဝဲၢ်, ဒီးစံး, ဟဲလၢ်, ဒီးတၢ်ကတိၤလၢအဟဲလၢယွၤ အအိၣ်န့ၣ်မ့ၢ်ဒ်လဲၣ်ဒ်လဲၣ်န့ၣ်ကနၣ်တက့ၢ်.

³¹ ဒီးဟဲဝဲဆူနအိၣ် ဒ်ပှၤဂီၢ်မုၢ်အိၣ်ဖှိၣ်ရိဖှိၣ်အသိး, ဒီး ဆ့ၣ်နီၤလၢနမဲာ်ညါဒ်ယပှၤဂီၢ်မုၢ်အသိး, ဒီးနၢ်ဟူတၢ် ကတိၤဘၣ်ဆၣ်ဒီး, တမၤဘၣ်အီၤဘၣ်. အဂ့ၢ်ဒ်အံၤ, အဲၣ်ဒိးတၢ်လၢအထးခိၣ်လီၤ. မ့မ့ၢ်အသးလဲၤထွဲအသး ကွံတၢ်အခံလီၤ.

³² ဒီးကွၢ်ကွၢ်, နအိၣ်လၢအဂီၢ်မၤသးဒ်ပှၤလၢအကလုၢ် မုာ်, လၢအသံကျံတၢ်သ့မးတဂၤအတၢ်သးဝံၣ်မုာ်မုာ် အသိးန့ၣ်လီၤ. အဂ့ၢ်ဒ်အံၤ, နၢ်ဟူနတၢ်ကတိၤဘၣ်ဆၣ် ဒီး, တမၤဘၣ်အီၤဘၣ်.

³³ ဒီးတုၤတၢ်န့ၣ်မၤအသးဒီး, (ကွၢ်ကွၢ်, ကမၤအသး လီၤ.), တုၤနုၤတစုကသ့ၣ်ညါဝဲလၢဝံတဂၤအိၣ်တ့ၢ် လံလၢအကျါလံလီၤ.

၃၄

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါ ဧၢ, ကတိၤတၢ်လၢဝံကျိာ်ထီဒါအံၣ်စရ့လး အပှၤကွၢ် သိ, ကတိၤတၢ်လၢဝံကျိာ်ဒီးစံးဘၣ်အီၤ, ပှၤကွၢ်သိတ ဖၣ်ဒၣ်လဲာ်, ကစၢ်ယွၤစံးဒ်အံၤ, အံၣ်စရ့လးအပှၤကွၢ် သိလၢအကွၢ်လီၤအသးတဖၣ်န့ၣ် ဘၣ်အဖှီၣ်လီၤ, ပှၤ ကွၢ်သိကြၢးဒုးအီၣ်အသိတဖုအဆၣ်, တမ့ၢ်ဘၣ်ဧါ.

³ သုအီၣ်တၢ်အဘီၣ်, ဒီးသုကူသိးဒီးသိအဆူၣ်, သုမၤ သံတၢ်အဘီၣ်လီၤ. မ့မ့ၢ်သုတဒုးအီၣ်တၤသိတဖုအ ဆၣ်ဘၣ်.

⁴ တၢ်လၢအဂံၢ်စၢ်အဘါစၢ်န့ၣ် သုတဒုးဆူၣ်ထီၣ်ဘၣ် အီၤဘၣ်, ဒီးတၢ်လၢအဆါဝဲန့ၣ်သုတမၤဘျါဘၣ်အီၤ ဘၣ်, ဒီးတၢ်လၢအဘၣ်တူာ်န့ၣ်သုတဘိၣ်ထီၣ်ဘၣ် အီၤဘၣ်, ဒီးတၢ်လၢတၢ်ဟီထီၣ်ကွံာ်အီၤန့ၣ်သုတဟဲ က့ၤစိာ်ဘၣ်အီၤဘၣ်, ဒီတၢ်လၢအဟးဖျိးကျဲန့ၣ်သုတ ဃုဘၣ်အီၤဘၣ်. မ့မ့ၢ်သုပၢအီၤလၢတၢ်မၤဆူၣ်, ဒီးတၢ် အစုဆူၣ်အခီၣ်သကးလီၤ.

⁵ မၤသးဒ်န့ၣ်ဒီး မ့ၢ်ပှၤကွၢ်သိဖိတအိၣ်ဘၣ်ဒီး, အိၣ်ပြံ ပြါဝဲ, ဒီးကဲထီၣ်တၢ်အီၣ်လၢကယဲၢ်ဆၣ်ဖိကီၢ်ဖိလၢ ပှၢ်လၢ်ကျါအဂီၢ်, ဒီးအိၣ်ပြံပြါဝဲလီၤ.

⁶ ယသိးဟးဖျိးလၢကစၢၢ်ကလိခဲလၢာ်အလိၤ, ဒီးလၢတၢ်စိခိၣ်ထီကိးဖျၢၣ်ဒဲးအလိၤလီၤ. မ့ၢ်မးယသိတဖု လီၤပြံလီၤပြါဝဲလၢကီၢ်ဒီဘ့ၣ်ညါအပူၤ, ဒီးပှၤဃုအီၤ တအိၣ်, ပှၤချုအီၤတအိၣ်ဘၣ်လီၤ.

⁷ မၤသးဒ်န့ၣ်ဒီးပှၤကွၢ်သိသ့ၣ်ဧၢ, ကနၣ်ယွၤအကလုၢ် တက့ၢ်. ⁸ ယမူယဲ, ကစၢ်ယွၤစံးဝဲဒၣ်, မ့ၢ်မးမ့ၢ်ယသိတ ဖုကဲထီၣ်တၢ်ဂုာ်န့ၢ်, ဒီးယသိတဖုကဲထီၣ်တၢ်အီၣ်လၢ ကယဲၢ်ဆၣ်ဖိကီၢ်ဖိလၢပှၢ်လၢ်ကျါခဲလၢာ်အဂီၢ်, လၢ ပှၤကွၢ်သိတအိၣ်ဘၣ်အဃိ, ဒီးမ့ၢ်ယပှၤကွၢ်သိတဃု ဘၣ်ယသိတဖုဘၣ်, ဒီးကွၢ်လီၤဒၣ်အသး, ဒီးတဒုး အီၣ်ဘၣ်ယသိတဖုအဆၣ်ဘၣ်ဒီး, ⁹ ပှၤကွၢ်သိသ့ၣ်ဧၢ, ကနၣ်ယွၤအကလုၢ်တက့ၢ်. ¹⁰ ကစၢ်ယွၤစံးဒ်အံၤ, ကွၢ် ကွၢ်, ယထီဒါပှၤကွၢ်သိ, ဒီးယကဃုယသိတဖုလၢအ စုပူၤ, ဒီးဒုးဆိတ့ၢ်အကွၢ်သိတဖုန့ၣ်, ဒီးပှၤကွၢ်သိဖိတ ကွၢ်လီၤလၢၤဘၣ်အသးဒၣ်ဝဲဘၣ်. ဒီးယကမၤပူၤမၤ ဖျဲးယသိတဖုလၢအထးခိၣ်ဒ်သိး, အသုတကဲထီၣ်တၢ် အီၣ်လၢအဂီၢ်တဂ့ၤလီၤ. ¹¹ အဂ့ၢ်ဒ်အံၤ, ကစၢ်ယွၤစံးဒ်အံၤ, ကွၢ်ကွၢ်, ယဲဒၣ်အံၤ, ယၤဒၣ်လဲာ်, ယကဃုယသိတဖု, ဒီးယကချုအီၤ,―

¹² ဒ်ပှၤကွၢ်သိအသိတဖုလၢ မုၢ်တနံၤလၢအအိၣ်လၢအ သိလၢအအိၣ်ပြံပြါအကျါအသိးန့ၣ် ယကဃုယသိ တဖုဒ်န့ၣ်သိး, ဒီးမၤပူၤဖျဲးအီၤလၢကယဲၢ်တၢ်အလီၢ် လၢအလီၤပြံလီၤပြါလၢ မုၢ်တနံၤလၢအအိၣ်ဒီးတၢ် အၢၣ်ဒီးတၢ်ခံးန့ၣ်လီၤ.

¹³ ဒီးယကဒုးဟဲထီၣ်အီၤလၢ ပှၤကလုာ်တဖၣ်အကျါ, ဒီးထၢဖှိၣ်အီၤလၢကီၢ်ခဲလၢာ်အပူၤ, ဒီးယကဒုးဟဲက့ၤ အီၤဆူအကီၢ်ဒၣ်ဝဲအပူၤ, ဒီးဒုးအီၣ်အဆၣ်လၢအံၣ်စ ရ့လးအကစၢၢ်ကလိ, လၢတၢ်တြိတဖၣ်အပူၤ, ဒီးလၢ ပှၤအိၣ်ဝဲဆိးဝဲလၢအလီၢ်ပူၤခဲလၢာ် လၢထံဧိၤကီၢ်ဧိၤ အပူၤလီၤ.

¹⁴ ယကဒုးအီၣ်အဆၣ်လၢတၢ်အီၣ်ဆၣ်အလီၢ်ဂ့ၤ, ဒီး လၢအံၣ်စရ့လး အကစၢၢ်ကလိထီန့ၣ်အဂၢၤကအိၣ်, ဒီးကကိာ်လီၤဖဲန့ၣ်လၢအဂၢၤဂ့ၤအပူၤ, ဒီးကအီၣ်အ

¹⁵ ဆၣ်ဝံၣ်လၢအံၣ်စရ့လးအကစၢၢ်ကလိလီၤ. ယကဒုး အီၣ်ယသိတဖုအဆၣ်, ဒီးယကဒုးကိာ်လီၤအီၤလီၤ, ကစၢ်ယွၤစံးဝဲဒၣ်.

¹⁶ ယကဃုတၢ်လၢအဟါမၢ်, ဒီးဟဲက့ၤတၢ်လၢတၢ်ဟီ ထီၣ်ကွံာ်အီၤ, ဒီးယကဘိၣ်ထီၣ်တၢ်လၢအကၢ်, ဒီးယ ကဒုးဆူၣ်ထီၣ်တၢ်လၢအဆါလီၤ. မ့မ့ၢ်တၢ်လၢအဘီၣ် ဝဲဒီးဆူၣ်ဝဲန့ၣ် ယကမၤဟးဂီၤအီၤလီၤ. ယကကွၢ်အီၤ လၢတၢ်စံၣ်ညီၣ်လီၤ.

¹⁷ တၢ်လၢသုအံၤ, ယသိဒီးမဲာ်တဲးလဲးတဖုဧၢ. ကစၢ်ယွၤ စံးဒ်အံၤ, ကွၢ်ကွၢ်, ယစံၣ်ညီၣ်တၢ်လၢသိဒီးသိအဘၢၣ် စၢၤ, ဒီးလၢသိဖါဒီးမဲာ်တဲးလဲးဖါအဘၢၣ်စၢၤလီၤ.

¹⁸ သုအီၣ်ကွံာ်တၢ်အီၣ်ဆၣ်အလီၢ်ဂ့ၤ မ့ၢ်အဆံးသတးဒီး, သုယီၢ်လီၤတံၢ်လၢ သုခီၣ်တၢ်အိၣ်လီၤတဲာ်လၢသုအီၣ် ဆၣ်အလီၢ်စ့ၢ်ကီးဧါ. ဒီးသုအီထံနိၣ်မ့ၢ်အဆံးသတးဒီး သုမၤဒုထီၣ်ထံအိၣ်လီၤတဲာ်လၢ သုခီၣ်န့ၣ်စ့ၢ်ကီးဧါ.

¹⁹ တၢ်လၢယသိဒီးယမဲာ်တဲးလဲးန့ၣ် မ့ၢ်အအီၣ်တၢ်လၢ သုယီၢ်လီၤတံၢ်လၢသုခီၣ်, ဒီးအီတၢ်လၢသုမၤဒုထီၣ် လၢသုခီၣ်လီၤ.

²⁰ မၤသးဒ်န့ၣ်ဒီးကစၢ်ယွၤစံးလၢအီၤဒ်အံၤ, ကွၢ်ကွၢ်, ယဲ ဒၣ်အံၤ, ယၤဒၣ်လဲာ်, ယကစံၣ်ညီၣ်တၢ်လၢသိဘီၣ်ဒီး သိဃဲၤအဘၢၣ်စၢၤလီၤ.

²¹ မ့ၢ်သုဆီၣ်တနံးတၢ်လၢ သုကပၤဒီးလၢသုဖံဘၣ်ခိၣ်, ဒီးဘျၢၣ်ကယဲၢ်တၢ်လၢအဆါ, လၢသုနၢၤတုၤသုမၤ လီၤပြံပြါအီၤဒီး, ²² ယကအုၣ်က့ၤခီၣ်က့ၤယသိတဖု, ဒီးတကဲထီၣ်လၢၤဘၣ်တၢ်ဂုာ်န့ၢ်အလီၢ်, ဒီးယကစံၣ် ညီၣ်တၢ်လၢသိဒီးသိအဘၢၣ်စၢၤလီၤ.

²³ ဒီးယကပာ်ပှၤကွၢ်သိတဂၤလၢအဖီခိၣ်, ဒီးကကွၢ် အီၤ, ယခ့ယပှၤစီၤဒၤဝံးဒၣ်လဲာ်လီၤ. ကကွၢ်အီၤ, ဒီးက ကဲထီၣ်အပှၤကွၢ်သိလီၤ.

²⁴ ဒီးယၤယွၤအံၤ, ယကကဲထီၣ်အကစၢ်, ဒီးယခ့ယပှၤ စီၤဒၤဝံးကကဲထီၣ် ပဒိၣ်ဖးဒိၣ်တဂၤလၢအကျါလီၤ. ယၤယွၤအံၤယကတိၤလံတၢ်လံ.

²⁵ ယကအၢၣ်လီၤအီလီၤတၢ်ဃူတၢ်ဖိး အတၢ်အၢၣ်လီၤ အီလီၤလီၤ. ဒီးယကမၤစှီၢ်ကွံာ်ဆၣ်ဖိကီၢ်ဖိအဒူလၢထံ ဧိၤကိၢ်ဧိၤအပူၤ, ဒီးကအိၣ်ဝဲဆိးဝဲခၢၣ်သနၢၢ်လၢပှၢ်မုၢ် ကနၢ, ဒီးမံဝဲလၢသ့ၣ်ပှၢ်လၢ်အကျါလီၤ.

²⁶ ဒီးယကပာ်အီၤဒီးတၢ်ဝးတရံးယတၢ်စိခိၣ်လၢ တၢ် ဆိၣ်ဂ့ၤအလီၢ်, ဒီးယကဒုးဟဲတၢ်စူၤလၢအကတီၢ်ဒၣ်ဝဲ အပူၤလီၤ. တၢ်ဆိၣ်ဂ့ၤအတၢ်ဟဲစူၤန့ၣ်ကအိၣ်ဝဲလီၤ.

²⁷ ဒီးသ့ၣ်လၢဟီၣ်ခိၣ်အကဝီၤပူၤန့ၣ်ကသၣ်ထီၣ်, ဒီး ဟီၣ်ခိၣ်ကဒုးအါထီၣ်တၢ်, ဒီးအဝဲသ့ၣ်ကအိၣ်ခၢၣ်သ နၢၣ်လၢအကီၢ်ပူၤ, ဒီးတုၤယမၤတဲာ်ကွံာ်အနီၣ်ယိးဘိ အပျံၤ, ဒီးမၤပူၤမၤဖျဲးအီၤဒီးပှၤလၢအမၢကဲကုၢ်အီၤဒီး, ကသ့ၣ်ညါဝဲလၢယမ့ၢ်ယွၤလီၤ.

²⁸ ဒီးတကဲထီၣ်လၢၤဘၣ်တၢ်ဂုာ်န့ၢ်အလီၢ်လၢ ပှၤက လုာ်တဖၣ်အဂီၢ်ဘၣ်, ဒီးထံဧိၤကီၢ်ဧိၤအဆၣ်ဖိကီၢ်ဖိ တအီၣ်ကွံာ်ဘၣ်အီၤဘၣ်. ဒီးကအိၣ်ခၢၣ်သနၢၢ်, ဒီးတၢ် တမၤပျံၤဘၣ်အီၤနီတမံၤဘၣ်.

²⁹ ယကဒုးမဲထီၣ်တၤသၣ်အလီၢ်လၢ တၢ်အမံၤလၤသၣ် ကပီၤအဂီၢ်, ဒီးပှၤတလၢာ်လၢၤဘၣ် လၢကီၢ်ပူၤလၢ တၢ်သၣ်ဝံၤအသးအဃိဘၣ်. ဒီးတဘၣ်လၢၤဘၣ်တၢ် မဲာ်ဆှးဘၣ်ဃးဒီးပှၤကလုာ်တဖၣ်ဘၣ်.

³⁰ တုၤနုၤတဘျီကသ့ၣ်ညါဝဲလၢယၤယွၤအံၤ, အကစၢ် န့ၣ်အိၣ်ဝဲဒီးအီၤ, ဒီးအဝဲသ့ၣ်အံၣ်စရ့လးအပှၤဟံၣ်ဖိ န့ၣ်မ့ၢ်ယပှၤဂီၢ်မုၢ်လီၤ.

³¹ ဒီးသုဝဲသ့ၣ်, ယသိတဖု, ယတၢ်အီၣ်ဆၣ်အလီၢ်အသိ တဖု, မ့ၢ်ယပှၤဂီၢ်မုၢ်လီၤ. ဒီးယဲဒၣ်အံၤ, ယမ့ၢ်သုကစၢ် လီၤ, ကစၢ်ယွၤစံးဝဲဒၣ်.

၃၅

¹ ဒီးကစၢ်ယွၤအကလုၢ်ဘၣ်ယၤဒီးစံးဝဲဒၣ်, ² ― ပှၤကညီ ဖိခွါဧၢ, ကွၢ်လၢနမဲာ်ဆူကစၢၢ်စ့ဧၢ်, ဒီးကတိၤတၢ်လၢ ဝံကျိာ်လၢအလိၤ, ³ ဒီးစံးလၢအီၤ, ကစၢ်ယွၤစံးဒ်အံၤ, ကစၢၢ်စ့ဧၢ်ဧၢ, ကွၢ်ကွၢ်, ယထီဒါနၤ, ဒီးယကယူာ်ထီၣ် ယစုလၢနဖီခိၣ်, ဒီးယကမၤသယုၢ်တုၢ်နၤလီၤ. ⁴ ဒီး ယကမၤလူၤနဝ့ၢ်တဖၣ်, ဒီးနကအိၣ်သယုၢ်, ဒီးနက သ့ၣ်ညါလၢယမ့ၢ်ယွၤလီၤ.

⁵ အဂ့ၢ်ဒ်အံၤ, နသးဟ့တၢ်ထီဘိ, ဒီးနဟ့ၣ်လီၤကွံာ်ပှၤ အံၣ်စရ့လးဖိလၢနးအကနၣ်လၢအဘၣ် နးဘၣ်ဖှီၣ်အ ကတီၢ်, ဖဲအကတီၢ်လၢတၢ်ဒဲးဘးမၤလၢာ်တၢ်လီၤ.

⁶ မၤသးဒ်န့ၣ်ဒီးယမူယဲ, ကစၢ်ယွၤစံးဝဲဒၣ်, ယကက တဲာ်ကတီၤနၤလၢတၢ်သွံၣ်အဂီၢ်, ဒီးတၢ်သွံၣ်ကလူၤ နၤလီၤ. မ့ၢ်နတသးဟ့ဘၣ်တၢ်သွံၣ်ဘၣ်ဒီး, တၢ်သွံၣ် ကလူၤနၤလီၤ.

⁷ ဒီးယကမၤသယုၢ်တုၢ်ကစၢၢ်စ့ဧၢ်, ဒီးယကဒီၣ်တဲာ် ကွံာ်ပှၤလၢအဟးထီၣ်, ဒီးပှၤလၢအဟဲက့ၤလီၤ.

⁸ ဒီးယကမၤပှဲၤအကစၢၢ်ကလိလၢ ပှၤဘၣ်တၢ်မၤသံ အီၤလီၤ. လၢနတၢ်စိခိၣ်အလိၤ, ဒီးလၢနတၢ်ပျီပူၤ, ဒီး လၢနကစၢၢ်ကဆူးအပူၤခဲလၢာ်န့ၣ် ပှၤလၢအဘၣ်တၢ် မၤသံအီၤလၢနးကလီၤဃံၤဝဲလီၤ.

⁹ ယကမၤသယုၢ်တုၢ်နၤလီၤထူလီၤယိာ်, ဒီးပှၤတအိၣ် တဆိးဘၣ်လၢနဝ့ၢ်တဖၣ်အပူၤန့ၣ်, ဒီးသုကသ့ၣ်ညါ လၢယမ့ၢ်ယွၤလီၤ.

¹⁰ မ့ၢ်နစံးလၢပှၤခံကလုာ်အံၤ, ဒီးကီၢ်ခံဘ့ၣ်အံၤကကဲ ထီၣ်ပတၢ်, ဒီးပကမၤန့ၢ်အီၤဒီး, (ဘၣ်ဆၣ်ဒီးယွၤအိၣ် တ့ၢ်ဖဲန့ၣ်,) ¹¹ မၤသးဒ်န့ၣ်ဒီးယမူယဲ, ကစၢ်ယွၤစံးဝဲ ဒၣ်, ယကမၤယဲဒ်နမၤလၢနသးထီၣ်ဒီးနသးကါ လၢ နသးဟ့အီၤအဃိအသိးန့ၣ်, ဒီးတုၤယစံၣ်ညီၣ်နၤဒီး, ယကလီၣ်ဖျါထီၣ်ယသးလၢအမဲာ်ညါလီၤ.

¹² ဒီးသုကသ့ၣ်ညါလၢယမ့ၢ်ယွၤ, ဒီးလၢယနၢ်ဟူသု ဒုၣ်ဒွဲၣ်တၢ်လၢ သုကတိၤတၢ်ထီဒါအံၣ်စရ့လးအက စၢၢ်ကလိ, ဒီးနစံး, အိၣ်သယုၢ်ဝဲ, တၢ်ဟ့ၣ်လီၤအီၤလၢ ပှၤလၢပကမၤလၢာ်ကွံာ်အီၤလီၤ.

¹³ ဒီးသုပာ်ကဖိသုသးလၢ သုထးခိၣ်ထီဒါယၤ, ဒီးမၤ အါထီၣ်နတၢ်ကတိၤထီဒါယၤလီၤ. ယနၢ်ဟူလံအဝဲ န့ၣ်လံ.

¹⁴ ကစၢ်ယွၤစံးဒ်အံၤ, တုၤဟီၣ်ခိၣ်ဒီဘ့ၣ်ညါသးခုဒီး, ယကကတဲာ်ကတီၤ တၢ်အိၣ်သယုၢ် တုၢ်လၢနဂီၢ် လီၤ. ¹⁵ ဒ်နသးခုလၢအံၣ်စရ့လးအဟံၣ်, ယတၢ်န့ၢ် သါအဖီခိၣ်လၢအအိၣ်သယုၢ်အဃိအသိးန့ၣ်, ယက မၤနၤဒ်န့ၣ်သိးလီၤ. ကစၢၢ်စ့ဧၢ်, ဒီးအဒိၣ်ဒီဘ့ၣ်ညါက အိၣ်သယုၢ်, ဒီးကသ့ၣ်ညါဝဲလၢယမ့ၢ်ယွၤလီၤ.

၃၆

¹ ဒီးနဲဒၣ်ပှၤကညီဖိခွါဧၢ, ကတိၤတၢ်လၢဝံကျိာ်လၢ အံၣ်စရ့လးအကစၢၢ်ကလိအဂ့ၢ်, ဒီးစံး, အံၣ်စရ့လးအ ကစၢၢ်သ့ၣ်ဧၢ, ကနၣ်ကစၢ်ယွၤအကလုၢ်တက့ၢ်.

² ကစၢ်ယွၤစံးဒ်အံၤ, မ့ၢ်တၢ်အဒုၣ်အဒါစံးလၢသုဂ့ၢ်, ကျၢၤသးတၢ်အလီၢ်ထီၣ်ထီအထူအယိာ် ကဲထီၣ်ပတၢ် န့ၢ်သါအလီၢ်လံဒီး, ³ ကတိၤတၢ်လၢဝံကျိာ်ဒီးစံး, က စၢ်ယွၤစံးဒ်အံၤ, မ့ၢ်မးမ့ၢ်ပှၤမၤသယုၢ်သု, ဒီးယူၢ်လီၤ ကွံာ်သုကိးခီဒဲး, ဒ်သိးသုကကဲထီၣ်တၢ်န့ၢ်သါလၢပှၤ ကလုာ်တဖၣ်လၢအအိၣ်လီၤတဲာ်အဂီၢ်, ဒီးတၢ်ကတိၤ တၢ်အလီၢ်လၢ ပှၤကတိၤဒၣ်တၢ်အဂီၢ်ဒီးတၢ်ဒုၣ်ဒွဲၣ် အလီၢ်လၢပှၤဂီၢ်မုၢ်အဂီၢ်,

⁴ မၤသးဒ်န့ၣ်ဒီးအံၣ်စရ့လးအကစၢၢ်သ့ၣ်ဧၢ, ကနၣ် ကစၢ်ယွၤအကလုၢ်တက့ၢ်. ကစၢ်ယွၤစံးလၢကစၢၢ်က လိ, ဒီးတၢ်စိခိၣ်, ဒီးကစၢၢ်ကဆူး, ဒီးတၢ်ပျီပူၤတၢ်အ လီၢ်အိၣ်သယုၢ်, ဒီးဝ့ၢ်တဖၣ်လၢပှၤလဲၤသဒၣ်အီၤလၢ အကဲထီၣ်တၢ်ဂုာ်န့ၢ်, ဒီးတၢ်မၤတရီတပါအလီၢ်လၢ ပှၤကလုာ်လၢအအိၣ်လီၤတဲာ်တဖၣ်အဂီၢ်, ⁵ မၤသးဒ် န့ၣ်ဒီးကစၢ်ယွၤစံးဒ်အံၤ, မ့ၢ်မးယကတိၤတ့ၢ်တၢ်လၢ ယသးက့ၣ်ထီဒါပှၤကလုာ်တဖၣ်လၢအအိၣ်လီၤတဲာ်, ဒီးထီဒါပှၤအဒိၣ်ဖိခဲလၢာ်လၢအဟံးန့ၢ်ပာ် ယကီၢ်လၢ အဂီၢ်ဒၣ်ဝဲလၢအသးခုလၢအသးဒီဖျၢၣ်ညါ, ဒီးပာ်က ဖိအသးဒ်သိးအကပာ်အီၤလၢ တၢ်ဂုာ်န့ၢ်အလီၢ်လၢအ သးလီၤ.

⁶ မၤသးဒ်န့ၣ်ဒီးကတိၤတၢ်လၢဝံကျိာ် လၢကီၢ်အံၣ်စ ရ့လးအဂ့ၢ်, ဒီးစံးဘၣ်ကစၢၢ်ကလိ, ဒီးတၢ်စိခိၣ်, ဒီးက စၢၢ်ကဆူး, ဒီးတၢ်ပျီပူၤ, ကစၢ်ယွၤစံးဒ်အံၤ, ကွၢ်ကွၢ်, ယကတိၤတ့ၢ်တၢ်လၢယသးက့ၣ်, ဒီးလၢယသးကဲၤ ထီၣ်လီၤ. အဂ့ၢ်ဒ်အံၤ, သုဘၣ်တ့ၢ်ပှၤကလုာ်တဖၣ် အတၢ်ဒုၣ်ဒွဲၣ်လီၤ.

⁷ မၤသးဒ်န့ၣ်ဒီးကစၢ်ယွၤစံးဒ်အံၤ, ယယူာ်ထီၣ်လံယ စုလံ, ဒီးယဆိၣ်, မ့ၢ်မးပှၤကလုာ်တဖၣ်လၢအအိၣ်ဝး တရံးသု, အဝဲသ့ၣ်ကဘၣ်အတၢ်ဒုၣ်ဒွဲၣ်လီၤ.

⁸ မ့မ့ၢ်သုဝဲသ့ၣ်အံၣ်စရ့လးအကစၢၢ်သ့ၣ်ဧၢ, သုကယူာ် ထီၣ်သုသ့ၣ်အဒ့, ဒီးသၣ်ထီၣ်တၢ်လၢယပှၤဂီၢ်မုၢ်အံၣ် စရ့လးအဂီၢ်လီၤ. အဂ့ၢ်ဒ်အံၤ, ဘူးဒီးအကဟဲလီၤ. ⁹ အ ဂ့ၢ်ဒ်အံၤ, ကွၢ်ကွၢ်, ယအိၣ်လၢသုဂီၢ်, ဒီးယကဃၣ်ယ သးဆူသုအိၣ်, ဒီးပှၤကထဲၣ်သု, ဒီးဖှံတၢ်လၢသုလိၤလီၤ.

¹⁰ ဒီးယကမၤအါထီၣ်ပှၤကညီလၢသုလိၤ, ကယဲၢ်အံၣ် စရ့လးအပှၤဟံၣ်ဖိခဲလၢာ်ဒၣ်လဲာ်, အဝဲသ့ၣ်ခဲလၢာ်, ဒီးပှၤကအိၣ်ကဆိးလၢဝ့ၢ်တဖၣ်အပူၤ, ဒီးပှၤကမၤထီၣ် က့ၤတၢ်အိၣ်သယုၢ်လီၤ.

¹¹ ဒီးယကမၤအိၣ်ထီၣ်ပှၤကညီ, ဒီးဆၣ်ဖိကီၢ်ဖိလၢသု လိၤ, ဒီးကအါထီၣ်ဝဲ, ဒီးသၣ်ထီၣ်, ဒီးတၢ်ကအိၣ်က ဆိးလၢသုလိၤဒ်လၢပျၢၤအသိးန့ၣ်, ဒီးယကမၤသုဂ့ၤ န့ၢ်လၢအခီၣ်ထံးတက့ၢ်, ဒီးသုကသ့ၣ်ညါလၢယမ့ၢ် ယွၤလီၤ.

¹² ဒီးယကဒုးလဲၤပှၤကညီလၢသုလိၤ, ယပှၤဂီၢ်မုၢ်အံၣ် စရ့လးဒၣ်လဲာ်, ဒီးကန့ၢ်သါနၤ, ဒီးနကကဲထီၣ်အတၢ် န့ၢ်သါ, ဒီးနတမၤတူာ်ဖိလၢၤဘၣ်အဖိဘၣ်.

¹³ ကစၢ်ယွၤစံးဒ်အံၤ, မ့ၢ်အဝဲသ့ၣ်စံးဘၣ်သု, နအီၣ်ကွံာ် ပှၤကညီ, ဒီးမၤတူာ်ဖိပှၤကလုာ်တဖၣ်လီၤ. ¹⁴ မၤသးဒ် န့ၣ်ဒီးနတအီၣ်လၢၤဘၣ်ပှၤကညီဘၣ်, ဒီးနတဒုးတူာ် ဖိလၢၤဘၣ်နပှၤကလုာ်တဖၣ်ဘၣ်, ကစၢ်ယွၤစံးဝဲ ဒၣ်, ¹⁵ ဒီးယတဒုးဟူထီၣ်လၢၤဘၣ် ပှၤကလုာ်တဖၣ် အတၢ်ဒုၣ်ဒွဲၣ်နၤဘၣ်, ဒီးနတဘၣ်လၢၤဘၣ်ပှၤဂီၢ်မုၢ်အ တၢ်မၤတရီတပါဘၣ်, ဒီးနတဒုးတူာ်ဖိလၢၤဘၣ်နပှၤ ကလုာ်ဘၣ်, ကစၢ်ယွၤစံးဝဲဒၣ်. ¹⁶ ဒီးယွၤအကလုၢ်ဘၣ်ယၤ, ဒီးစံးဝဲဒၣ်, ¹⁷ ပှၤကညီ ဖိခွါဧၢ, လၢပှၤအံၣ်စရ့လးဖိအိၣ်ဆိးဝဲလၢ အကီၢ်ဒၣ် ဝဲအပူၤန့ၣ်မၤဘၣ်အၢအီၤလၢအကျဲ, ဒီးလၢအမၤတၢ် လီၤ. အကျဲလၢယမဲာ်ညါမၤသးဒ်ပိာ်မုၣ်လၢအဆှုၣ် အသးအတၢ်တကဆှီဘၣ်အသိးန့ၣ်လီၤ.

¹⁸ ဒီးယလူလီၤယသးကဲၤထီၣ်လၢအဖီခိၣ်လၢ တၢ်သွံၣ် လၢအလူလီၤဝဲလၢထံဧိၤကီၢ်ဧိၤအပူၤအဃိ, ဒီးလၢအ မၤဘၣ်အၢအီၤလၢအတၢ်ဂီၤတၢ်ဖီၣ်အဃိလီၤ.

¹⁹ ဒီးယမၤလီၤပြံလီၤပြါအီၤလၢ ပှၤကလုာ်တဖၣ်အ ကျါ, ဒီးလီၤမုၢ်လီၤဖးဝဲလၢကီၢ်တဖၣ်အပူၤလီၤ. ယစံၣ် ညီၣ်အီၤဒ်အကျဲအသိး, ဒီးဒ်အမၤတၢ်အသိးန့ၣ်လီၤ.

²⁰ ဒီးတုၤအလဲၤတုၤဝဲလၢပှၤကလုာ်တဖၣ်အကျါ, ဖဲအ လဲၤတၢ်ဒီး, မၤဘၣ်အၢယမံၤစီဆှံလီၤ. ပှၤစံးလၢအဂ့ၢ် န့ၣ်, အဝဲအံၤမ့ၢ်ယွၤအပှၤဂီၢ်မုၢ်, ဒီးဟးထီၣ်ကွံာ်လၢအ ကီၢ်ပူၤလီၤ.

²¹ ဒီးယသးလီယမံၤစီဆှံလၢ ပှၤအံၣ်စရ့လးဖိမၤဘၣ် အၢဝဲလၢပှၤကလုာ်တဖၣ်အကျါဖဲအလဲၤတၢ်လီၤ.

²² မၤသးဒ်န့ၣ်ဒီးစံးဘၣ်အံၣ်စရ့လးအပှၤဟံၣ်ဖိ, ကစၢ် ယွၤစံးဒ်အံၤ, အံၣ်စရ့လးအပှၤဟံၣ်ဖိသ့ၣ်ဧၢ, ယမၤတၢ် အံၤလၢသုဃိတမ့ၢ်ဘၣ်, မ့ၢ်လၢယမံၤစီဆှံလၢသုမၤ ဘၣ်အၢအီၤလၢပှၤကလုာ်တဖၣ်အကျါ ဖဲသုလဲၤတၢ် အဃိလီၤ.

²³ ဒီးယကပာ်စီဆှံယမံၤဒိၣ် လၢအဘၣ်အၢလၢပှၤက လုာ်တဖၣ်အကျါ လၢသုမၤဘၣ်အၢအီၤလၢအပူၤ, ဒီးတုၤတၢ်ပာ်စီဆှံယၤလၢသုဃိလၢအမဲာ်ညါဒီး, ပှၤက လုာ်တဖၣ်ကသ့ၣ်ညါဝဲလၢ ယမ့ၢ်ယွၤလီၤ, ကစၢ်ယွၤ စံးဝဲဒၣ်.

²⁴ အဂ့ၢ်ဒ်အံၤ, ယကဟံးထီၣ်ကွံာ်သုလၢပှၤကလုာ်တ ဖၣ်အကျါ, ဒီးယကထၢဖှိၣ်သုလၢကီၢ်ခဲလၢာ်အကျါ, ဒီးယကဒုးဟဲက့ၤသုဆူသုကီၢ်ဒၣ်သုဝဲအပူၤလီၤ. ²⁵ တုၤ နုၤတဘျီယကဖှံထံဆှံလၢသုဖီခိၣ်, ဒီးသုကကဆှီထီၣ် လီၤ. ယကသ့စီသုတၢ်ဘၣ်အၢလၢသုလိၤခဲလၢာ်, ဒီး သုတၢ်ဂီၤအတၢ်ဘၣ်အၢလၢသုလိၤခဲလၢာ်လီၤ.

²⁶ ဒီးယကဟ့ၣ်လီၤသုသးသီ, ဒီးသုသးဆိကမိၣ်တၢ် အသီယကပာ်လၢသုပူၤ, ဒီးယကဟံးထီၣ်ကွံာ်သုသး လၢၢ်လၢသုဖံးသုညၣ်အပူၤ, ဒီးယကဟ့ၣ်လီၤသုသး ညၣ်လီၤ.

²⁷ ဒီးယကပာ်ယသးလၢသုပူၤ, ဒီးဒုးလဲၤသုလၢယတၢ် သိၣ်တၢ်သီအပူၤ, ဒီးသုကတိၢ်န့ၢ်ယတၢ်စံၣ်ညီၣ်, ဒီး မၤအီၤလီၤ. ²⁸ ဒီးသုကအိၣ်ကဆိးလၢကီၢ်ပူၤ လၢယ ဟ့ၣ်တ့ၢ်သုပၢ်တဖၣ်, ဒီးသုကမ့ၢ်ယပှၤဂီၢ်မုၢ်, ဒီးယက မ့ၢ်သုကစၢ်လီၤ.

²⁹ ဒီးယကအုၣ်က့ၤခီၣ်က့ၤသုလၢ သုတၢ်တကဆှီဘၣ် အပူၤ, ဒီးယကကိးန့ၢ်သုဘုဧိၤဟုဧိၤ, ဒီးမၤအါထီၣ် အီၤ, ဒီးတဒုးဘၣ်ဘၣ်သုလၢတၢ်သၣ်ဝံၤလီၤဒိနီတမံၤ ဘၣ်.

³⁰ ဒီးယကမၤအါထီၣ်အတၤသၣ်, ဒီးတၢ်အါထီၣ်လၢ စံာ်ပူၤ, ဒ်သိးသုသုတဘၣ်လၢၤဘၣ်တၢ်သၣ်ဝံၤလီၤဒိ အတၢ်ဒုၣ်ဒွဲၣ်လၢပှၤကလုာ်တဖၣ်အကျါတဂ့ၤလီၤ.

³¹ တုၤနုၤတဘျီ သုကသ့ၣ်နီၣ်ထီၣ်က့ၤသုကျဲအၢဒၣ် သုဝဲ, ဒီးသုမၤတၢ်လၢအတဂ့ၤဘၣ်, ဒီးသုကသးဟ့ လီၤသုသးလၢသုမဲာ်ညါဒၣ်သုဝဲလၢ သုတၢ်ဒဲးဘးအ ဃိ, ဒီးလၢသုတၢ်သးဘၣ်အၢအဃိလီၤ.

³² ယမၤတၢ်အံၤတမ့ၢ်ဘၣ်လၢသုဃိဒၣ်သုဝဲဘၣ်, ကစၢ် ယွၤစံးဝဲဒၣ်, သ့ၣ်ညါသုဝဲတက့ၢ်. ပာ်ဆှးသုမဲာ်, ဒီးအိၣ် ဒီးသုသးကတုၤလၢသုကျဲအဃိတက့ၢ်. အံၣ်စရ့လး အပှၤဟံၣ်ဖိသ့ၣ်ဧၢ.

³³ ကစၢ်ယွၤစံးဒ်အံၤ, မုၢ်တနံၤလၢယသ့စီသုတၢ်ဒဲးဘး လၢသုလိၤခဲလၢာ်န့ၣ် ယကဒုးအိၣ်ဒုးဆိးတၢ်လၢဝ့ၢ် တဖၣ်အပူၤ, ဒီးဒုးမၤထီၣ်က့ၤတၢ်အိၣ်သယုၢ်အလီၢ် တဖၣ်န့ၣ်လီၤ.

³⁴ ဒီးပှၤကထဲၣ်ထီၣ်ဟီၣ်ခိၣ်အိၣ်သယုၢ်လီၤ. ဘၣ်ဆၣ် ဒီးအိၣ်တ့ၢ်သယုၢ်ဝဲလၢ ကယဲၢ်ပှၤလၢအလဲၤတြူာ်ဝဲ အမဲာ်ညါခဲလၢာ်လီၤ.

³⁵ တုၤနုၤတဘျီပှၤကစံးဝဲ, ဟီၣ်ခိၣ်အံၤလၢအအိၣ်တ့ၢ် သယုၢ်န့ၣ်ကဲထီၣ် ဒ်ဧ့ၤဒ့ၣ်အတၤသၣ်လီၢ်အသိးန့ၣ်, ဒီးဝ့ၢ်လၢတၢ်မၤလူၤအီၤ, ဒီးအိၣ်သယုၢ်ဝဲ, ဒီးလီၤပှီၢ် တဖၣ်အိၣ်ဒီးအခိၣ်ဒူဒီးပှၤအိၣ်ဝဲဆိးလၢအပူၤလီၤ.

³⁶ ဒီးပှၤကလုာ်တဖၣ်လၢ အအိၣ်လီၤတဲာ်ဝးတရံးသု, ကသ့ၣ်ညါလၢယၤယွၤအံၤ ယမၤထီၣ်က့ၤတၢ်လၢအ လီၤပှီၢ်တ့ၢ်, ဒီးယသူၣ်တၢ်ဖျးတၢ်လၢတၢ်လၢအအိၣ် တ့ၢ်သယုၢ်အပူၤလီၤ. ယၤယွၤအံၤယကတိၤလံတၢ်လံ, ဒီးယကမၤတၢ်န့ၣ်လီၤ.

³⁷ ကစၢ်ယွၤစံးဒ်အံၤ, ဘၣ်ဆၣ်ဒီးယကဒိးတၢ်ဃုယၤ လၢအံၣ်စရ့လးအပှၤဟံၣ်ဖိ, ဒ်သိးယကမၤတၢ်အံၤလၢ အဂီၢ်လီၤ. ယကမၤအါထီၣ်အီၤလၢပှၤကညီဒ်သိတဖု အသိးန့ၣ်လီၤ. ³⁸ ဒ်သိတဖုစီဆှံအသိး, ဒ်ယရူၤၡလ့ၣ် အသိတဖုလၢ မၤဘူၣ်တၢ်အဆၢအကတီၢ်အသိးန့ၣ် ဝ့ၢ်အိၣ်သယုၢ်တဖၣ်ကပှဲၤဝဲဒီး ပှၤကညီအဖုတဖၣ်ဒ် န့ၣ်သိး, ဒီးကသ့ၣ်ညါဝဲလၢယမ့ၢ်ယွၤလီၤ.

၃၇

¹ ယွၤအစုအိၣ်ဝဲလၢယလိၤ, ဒီးစိာ်ထီၣ်ယၤလၢယွၤအ သး, ဒီးပာ်လီၤယၤလၢကစၢၢ်ကဆူးအပူၤ, လၢအပှဲၤ ဝဲဒီးတၢ်ဃံတၢ်ကွဲ, ² ဒီးဒုးလဲၤတြူာ်ယၤဝးတရံးဝဲ, ဒီး ကွၢ်ကွၢ်, အိၣ်ဝဲအါမးလၢကစၢၢ်ကဆူးအပူၤ, ဒီးကွၢ် ကွၢ်, ဃ့ဝဲနးမးလီၤ.

³ ဒီးစံးဘၣ်ယၤ, ပှၤကညီဖိခွါဧၢ, တၢ်ဃံတၢ်ကွဲအံၤမူ ထီၣ်ဝဲဘၣ်ကသ့ဧါ. ဒီးယစံး, ကစၢ်ယွၤဧၢ, နသ့ၣ်ညါ နဲလီၤ.

⁴ ဒီးစံးဘၣ်ယၤ, ကတိၤတၢ်လၢဝံကျိာ်လၢတၢ်ဃံတၢ် ကွဲအံၤအဖီခိၣ်, ဒီးစံးဘၣ်အီၤ, တၢ်ဃံဃ့သ့ၣ်ဧၢ, က နၣ်ယွၤအကလုၢ်တက့ၢ်. ⁵ ကစၢ်ယွၤစံးဘၣ်တၢ်ဃံ တၢ်ကွဲအံၤ, ကွၢ်ကွၢ်, ယကဒုးနုာ်သုသါလၢသုပူၤ, ဒီး သုကမူထီၣ်လီၤ. ⁶ ဒီးယကပာ်တၢ်အထူၣ်တဖၣ်လၢ သုလိၤ, ဒီးယကဒုးထီၣ်သုလိၤလၢတၢ်ညၣ်, ဒီးယက ကျၢၢ်ဘၢသုလၢတၢ်ဖံး, ဒီးယကဒုးနုာ်သုသါလၢသု ပူၤ, ဒီးသုကမူထီၣ်, ဒီးသုကသ့ၣ်ညါလၢယမ့ၢ်ယွၤလီၤ.

⁷ ဒီးယကတိၤတၢ်လၢဝံကျိာ် ဒ်တၢ်မၤလိာ်ယၤအသိး န့ၣ်, ဒီးလၢယကတိၤတၢ်လၢဝံကျိာ်အဖၢမုၢ်ဒီး, တၢ် သီၣ်ထီၣ်, ဒီးကွၢ်ကွၢ်, တၢ်ဟူးဝးအိၣ်ဝဲ, ဒီးတၢ်ဃံတ ဖၣ်န့ၣ်သုးဖှိၣ်အသးတဘိဒီးတဘိလီၤ.

⁸ ဒီးယကွၢ်တၢ်, ဒီးကွၢ်ကွၢ်, တၢ်အထူၣ်တဖၣ်အိၣ်ဝဲ လၢအလိၤ, ဒီးတၢ်ညၣ်ထီၣ်လၢအလိၤ, ဒီးတၢ်ဖံးကျၢၢ် ဘၢအီၤလၢအဖီခိၣ်လီၤ. ဘၣ်ဆၣ်ဒီးအသါတအိၣ်လၢ အပူၤဘၣ်.

⁹ တုၤနုၤတဘျီယွၤစံးဘၣ်ယၤ, ကတိၤတၢ်လၢဝံကျိာ် ဆူတၢ်အသါန့ၣ်, ကတိၤလၢဝံကျိာ်တက့ၢ်, ပှၤကညီ ဖိခွါဧၢ, ဒီးစံးလၢတၢ်အသါန့ၣ်, ကစၢ်ယွၤစံးဒ်အံၤ, ဟဲ လၢကလံၤလွံၢ်ခီတက့ၢ်, တၢ်အသါဧၢ, ဒီးသါထီၣ်လၢ ပှၤဘၣ်တၢ်မၤသံအီၤတဖၣ်အံၤအလိၤ, ဒ်သိးအကမူ ထီၣ်န့ၣ်တက့ၢ်.

¹⁰ ဒီးယကတိၤတၢ်လၢဝံကျိာ် ဒ်အမၤလိာ်ယၤအသိး, ဒိးအသါဟဲနုာ်လၢအပူၤ, ဒီးမူထီၣ်ဝဲ, ဒီးဆၢထၢၣ်ဝဲ လၢအခီၣ်, ပှၤဂီၢ်မုၢ်ဖးဒိၣ်လီၤ.

¹¹ ဒီးစံးဘၣ်ယၤ, ပှၤကညီဖိခွါဧၢ, တၢ်အဃံအကွဲအံၤ, မ့ၢ်အံၣ်စရ့လးအပှၤဟံၣ်ဖိခဲလၢာ်လီၤ. ကွၢ်ကွၢ်, စံးဝဲ, ပဃံပကွဲဃ့ထီကွံာ်လံ, ဒီးပတၢ်မုၢ်လၢ်ဟါမၢ်လံ, တၢ်ဒီၣ်တဲာ်ကွံာ်ပှၤလီၤ.

¹² မၤသးဒ်န့ၣ်ဒီးကတိၤတၢ်လၢဝံကျိာ်, ဒီးစံးဘၣ်အီၤ, ယွၤစံးဒ်အံၤ, ကွၢ်ကွၢ်, ယပှၤဂီၢ်မုၢ်ဧၢ, ယကအိးထီၣ် သုသွၣ်ခိၣ်ပူၤ, ဒီးဒုးဟဲထီၣ်သုလၢသွၣ်ခိၣ်ပူၤ, ဒီးဒုး ဟဲက့ၤသုဆူကီၢ်အံၣ်စရ့လးအပူၤလီၤ.

¹³ ယပှၤဂီၢ်မုၢ်ဧၢ, တုၤယအိးထီၣ်သုသွၣ်ခိၣ်ပူၤ, ဒီးဒုး ဟဲထီၣ်သုလၢသုသွၣ်ခိၣ်ပူၤဒီး, သုကသ့ၣ်ညါလၢယ မ့ၢ်ယွၤလီၤ. ¹⁴ ဒီးယကဒၢနုာ်ယသါလၢသုပူၤ, ဒီးသု ကမူထီၣ်, ဒီးယကပာ်သုလၢသုကီၢ်ဒၣ်သုဝဲအပူၤလီၤ. ဒီးသုကသ့ၣ်ညါလၢယၤယွၤအံၤ, ယကတိၤလံတၢ်ဒီး မၤလံတၢ်လံလီၤ. ယွၤစံးဝဲဒၣ်. ယွၤအကလုၢ်ဘၣ်ယၤဒီးစံးဝဲဒၣ်, ¹⁵ ဒီးနဲဒၣ်အံၤ ပှၤကညီဖိခွါဧၢ, ဟံးန့ၢ်သ့ၣ်တဘိဒီးကွဲးလၢအလိၤ, လၢယူဒၤအဂီၢ်ဒီးလၢအတံၤအသကိး ပှၤအံၣ်စရ့လးဖိ အဂီၢ်န့ၣ်တက့ၢ်. ဒီးဟံးန့ၢ်သ့ၣ်တဘိဒၣ်, ဒီးကွဲးလၢ အလိၤလၢစီၤယိၤသးအဂီၢ်, အ့ဖရဲၣ်အသ့ၣ်တဘိ, ဒီး လၢအတံၤအသကိး အံၣ်စရ့လးအပှၤဟံၣ်ဖိခဲလၢာ်အ ဂီၢ်တက့ၢ်. ¹⁷ ဒီးထီဘူၣ်အီၤလၢသ့ၣ်တဘိဃီတက့ၢ်. ဒီးကကဲထီၣ်တၢ်တဘိဃီလၢနစုပူၤလီၤ.

¹⁸ ဒီးတုၤနပှၤဂီၢ်မုၢ်ဖိကတိၤတၢ်ဒီးနၤဒီးစံး, တၢ်န့ၣ်တ ဖၣ်မ့ၢ်ဒ်လဲၣ်ဒ်လဲၣ်န့ၣ် နတဒုးနဲၣ်ဘၣ်ပှၤဘၣ်ဧါန့ၣ် ဒီး, ¹⁹ စံးဘၣ်အီၤ, ကစၢ်ယွၤစံးဒ်အံၤ, ကွၢ်ကွၢ်, ယကဟံး န့ၢ်စီၤယိၤသးဒီးအတံၤအသကိး အံၣ်စရ့လးအဒူၣ်တ ဖၣ်အသ့ၣ်တဘိလၢ အအိၣ်ဝဲလၢအ့ဖရဲၣ်အစုပူၤ, ဒီး ယကထီဘူၣ်အီၤဒီးအဝဲဒၣ်, ဒီးယူဒၤအသ့ၣ်တဘိ, ဒီး ယကထီဘူၣ်အီၤလၢသ့ၣ်တဘိဃီ, ဒီးကကဲထီၣ်တ ဘိဃီလၢယစုပူၤလီၤ.

²⁰ ဒီးသ့ၣ်အဘိတဖၣ်လၢ နကွဲးတၢ်လၢအလိၤန့ၣ်က အိၣ်ဒၣ်ဝဲလၢနစုပူၤလၢအမဲာ်ညါတက့ၢ်.

²¹ ဒီးစံးဘၣ်အီၤ, ကစၢ်ယွၤစံးဒ်အံၤ, ကွၢ်ကွၢ်, ယကဟံး န့ၢ်ပှၤအံၣ်စရ့လးဖိလၢ ပှၤကလုာ်တဖၣ်အကျါဖဲအ လဲၤတၢ်, ဒီးယကထၢဖှိၣ်အီၤဝးတရံးဝဲ, ဒီးဒုးဟဲအီၤ ဆူအကီၢ်ဒၣ်ဝဲအပူၤလီၤ.

²² ဒီးယကပာ်အီၤလၢ ပှၤတကလုာ်ဃီလၢထံဧိၤကီၢ်ဧိၤ အပူၤလၢအံၣ်စရ့လးအကစၢၢ်ကလိအလိၤ, ဒီးစီၤပၤ တဂၤဃီကကဲထီၣ်အဝဲသ့ၣ်ခဲလၢာ်အစီၤပၤ, ဒီးတကဲ လၢၤဘၣ်ပှၤခံကလုာ်ဘၣ်, ဒီးတၢ်တမၤလီၤဖးလၢၤ အီၤလၢပှၤခံကလုာ်လၢၤဘၣ်, ²³ ဒီးတမၤဘၣ်အၢအီၤ လၢၤဘၣ်အသးဒီးအတၢ်ဂီၤတၢ်ဖီၣ်, ဒီးအတၢ်သးဘၣ် အၢ, ဒီးအတၢ်သရူးကမၣ်နီတမံၤဘၣ်. ဒီးယကအုၣ် က့ၤခီၣ်က့ၤအီၤလၢကယဲၢ်အအိၣ်အဆိးအလီၢ်ပူၤ, ဖဲအ မၤကမၣ်တၢ်, ဒီးယကသ့စီအီၤ, ဒီးကကဲထီၣ်ယပှၤ ဂီၢ်မုၢ်, ဒီးယကကဲထီၣ်အကစၢ်လီၤ.

²⁴ ဒီးယခ့ယပှၤစီၤဒၤဝံး ကကဲထီၣ်စီၤပၤလၢ အဖီခိၣ်, ဒီးကအိၣ်ဒီးပှၤကွၢ်သိတဂၤဃီ, ဒီးကလဲၤတၢ်လၢယ တၢ်စံၣ်ညီၣ်အပူၤ, ဒီးတိၢ်န့ၢ်ယတၢ်သိၣ်တၢ်သီ, ဒီး မၤအီၤလီၤ.

²⁵ ဒီးကအိၣ်ကဆိးလၢထံဧိၤကီၢ်ဧိၤအပူၤ လၢယဟ့ၣ် လီၤယခ့ယပှၤစီၤယၤကိာ်, ဖဲသုပၢ်တဖၣ်အိၣ်ဝဲဆိးဝဲ, ဒီးကအိၣ်ကဆိးလၢအပူၤ, အဝဲသ့ၣ်ဒီးအဖိခွါတဖၣ်, ဒီးအဖိခွါအဖိခွါတဖၣ်လီၤစိၤလီၤထီလီၤ. ဒီးယခ့ယ ပှၤစီၤဒၤဝံးကကဲထီၣ်အခိၣ်ဒူလီၤထူလီၤယိာ်လီၤ.

²⁶ ဒီးယကအၢၣ်လီၤအီလီၤတၢ်ဃူတၢ်ဖိး အတၢ်အၢၣ် လီၤဒီးအီၤ, ဒီးကကဲထီၣ်တၢ်အၢၣ်လီၤအီလီၤအထူအ ယိာ်ဒီးအီၤ, ဒီးယကဆှၢအီၤ, ဒီးမၤအါထီၣ်အီၤ, ဒီးပာ် ယလီၢ်စီဆှံလၢအကျါလီၤထူလီၤယိာ်လီၤ. ²⁷ ဒီးယအိၣ်ယဆိးအလီၢ်ကအိၣ်ဒီးအီၤ, ဒီးယကမ့ၢ်အကစၢ်, ဒီးအဝဲသ့ၣ်တဖၣ်န့ၣ် ကမ့ၢ်ယပှၤဂီၢ်မုၢ်လီၤ.―

²⁸ ဒီးတုၤယလီၢ်စီဆှံအိၣ်ဝဲလၢအကျါ လီၤစိၤလီၤထီဒီး, ပှၤအကလုာ်တဖၣ်ကသ့ၣ်ညါဝဲလၢ ယမ့ၢ်ယွၤလၢအ မၤစီဆှံပှၤအံၣ်စရ့လးဖိလီၤ.

၃၈

¹ ဒီးယွၤအကလုၢ်ဘၣ်ယၤဒီးစံးဝဲဒၣ်,― ပှၤကညီဖိခွါ ဧၢ, ကွၢ်လၢနမဲာ်ဆူစီၤကိးအအိၣ်လၢ ကီၢ်မါကူးအ ပူၤ, ရိၣ်, မ့ၤရှ့း, ဒီးတူၤဘလးအပဒိၣ်ဖးဒိၣ်, ဒီးကတိၤ တၢ်ထီဒါအီၤလၢဝံကျိာ်ဒီးစံးဘၣ်အီၤ, ³ ကစၢ်ယွၤစံး ဒ်အံၤ, ကွၢ်ကွၢ်, ယထီဒါနၤစီၤကိး, ရိၣ်, မ့ၤရှ့း, ဒီးတူၤဘ လးအပဒိၣ်ဖးဒိၣ်, ⁴ ယကဘိးဃၣ်ကဒါက့ၤနၤ, ဒီးယ ကကွးနီၣ်ကွးလၢနခၣ်ပူၤ, ဒီးယကမိၤထီၣ်နၤ, ဒီးနသုးမုၢ်ခဲလၢာ်, ကသ့ၣ်, ဒီးပှၤဒိးကသ့ၣ်တဖၣ်လီၤ. ကူသိး ဝဲဒီးတၢ်အကူအသိးအဃံအလၤခဲလၢာ်လီၤ. မ့ၢ်တၢ် တဖုဖးဒိၣ်အိၣ်ဒီးကတီၤဖိ, ဒီးကတီၤဖးဒိၣ်လီၤ. မၤဒီး နးဧိၤဘီဧိၤခဲလၢာ်လီၤ.

⁵ ပှၤပၤရၣ်ဖိ, ပှၤကူၤၡးဖိ, ဒီးပှၤပူၤတၤဖိအိၣ်ဝဲဒီးအီၤ လီၤ. အဝဲသ့ၣ်အိၣ်ဝဲဒီးကတီၤဒီးခိၣ်ကုာ်သုးလီၤ.

⁶ ကိမၢၤဒီးအပှၤအဖုခဲလၢာ်, တိၤကးရမၤအပှၤဟံၣ်ဖိ လၢကလံၤစိး, ဒီးအသုးမုၢ်ခဲလၢာ်, ပှၤအါကလုာ်အိၣ် ဝဲဒီးနၤလီၤ.

⁷ အိၣ်ကတဲာ်ကတီၤနသး, ဒီးကတဲာ်ကတီၤတၢ်လၢ နဂီၢ်ဒၣ်နဲ, နဲဒၣ်ဒီးနပှၤတဖုလၢအအိၣ်ဖှိၣ်ရိဖှိၣ်ဆူန အိၣ်, ဒီးကဲထီၣ်နဲလၢအခိၣ်န့ၣ်တက့ၢ်.

⁸ အါနံၤအါသီပူၤကွံာ်ဒီး, တၢ်ကအိၣ်သကိးနၤလီၤ. လၢနံၣ်လၢခံတဖၣ်န့ၣ် နကဟဲဆူကီၢ်လၢတၢ်မၤန့ၢ် က့ၤလၢနးအစုပူၤ, လၢတၢ်ထၢဖှိၣ်လၢပှၤအါကလုာ် အကျါ, ဆူအံၣ်စရ့လးအကစၢၢ်ကလိလၢ အအိၣ်တ့ၢ် သယုၢ်တထံၣ်ဃီလီၤ. ဘၣ်ဆၣ်ဒီး, တၢ်ဒုးဟဲထီၣ်အီၤ လၢပှၤကလုာ်တဖၣ်အကျါ, ဒီးကအိၣ်ဝဲဆိးဝဲခၢၣ်သ နၢၢ်ခဲလၢာ်လီၤ.

⁹ နကထီၣ်ဒ်ကလံၤမုၢ်အသိး, ဒီးနကဟဲထီၣ်လုၢ်ဘၢ ထံဧိၤကီၢ်ဧိၤဒ်တၢ်အၢၣ်အသိး, နဲဒၣ်ဒီးနပှၤအဖုခဲ လၢာ်, ဒီးပှၤအါကလုာ်အိၣ်ဝဲဒီးနၤလီၤ.

¹⁰ ကစၢ်ယွၤစံးဒ်အံၤ, တၢ်ကမၤအသးလၢမုၢ်တနံၤန့ၣ် လၢတၢ်ကလိၣ်ထီၣ်လၢနသးကံၢ်ပူၤ, ဒီးနကကူၣ်ထီၣ် တၢ်ကူၣ်အၢ, ¹¹ ဒီးနကစံး, ယကလဲၤထီၣ်ဆူတဝီလၢ အခိၣ်ဒူတအိၣ်ဘၣ်အကီၢ်တဘ့ၣ်, ယကလဲၤဆူပှၤ လၢအအိၣ်ဘှံး, လၢအအိၣ်အဆိးဒီးတပလီၢ်ဘၣ်အ သးအအိၣ်, ပှၤခဲလၢာ်လၢအအိၣ်အဆိး, ဒီးအခိၣ်ဒူတ အိၣ်ဘၣ်, ဒီးနီၣ်ဘိမ့ၢ်ဂ့ၤ, တြဲၤမ့ၢ်ဂ့ၤ, တအိၣ်ဘၣ်, ¹² ဒ် သိးယကဂုာ်ဆူၣ်ပျီဆူၣ်တၢ်, ဒီးဂုာ်န့ၢ်တၢ်, ဒ်သိးနက ပာ်နစုလၢတၢ်အိၣ်သယုၢ်အလီၢ်အဖီခိၣ်, လၢပှၤအိၣ် ဝဲဆိးဝဲလၢအပူၤ, ဒီးလၢပှၤဂီၢ်မုၢ်အလိၤလၢတၢ်ထၢ ဖှိၣ်အီၤလၢပှၤကလုာ်အကျါလၢ အအိၣ်ဝဲဒီးဆၣ်ဖိကီၢ် ဖိအဒၢ, ဒီးတၢ်ဖိတၢ်လံၤလၢအအိၣ်အဆိးလၢဟီၣ်ခိၣ် အသးကံၢ်ပူၤလီၤ.

¹³ ၡဘၤ, ဒီးဒဒၣ်, ဒီးတၢ်ၡံၣ်အပှၤကၤတၢ်ဖိ, ဒီးအပဒိၣ် ဖိၣ်သၣ်ခွါခဲလၢာ်န့ၣ် ကစံးဘၣ်နၤ, နဟဲဂုာ်ဆူၣ်ပျီ ဆူၣ်တၢ်န့ၣ်စ့ၢ်ကီးဧါ. နဒုးအိၣ်ဖှိၣ်နပှၤတဖုဒ်သိးနက ဂုာ်န့ၢ်တၢ်စ့ၢ်ကီးဧါ. ဒ်သိးနကစိာ်ထီၣ်ကွံာ်ကျိၣ်ဧိၤစ့ ဧိၤ, ဒီးထူဧိၤလွဲဧိၤ, ဒ်သိးနကဟံးထီၣ်ကွံာ်ဆၣ်ဖိကီၢ်ဖိ အဒၢ, ဒီးတၢ်ဖိတၢ်လံၤ, ဒ်သိးနကဂုာ်ဆူၣ်ပျီဆူၣ်တၢ် ဖးဒိၣ်စ့ၢ်ကီးဧါ.

¹⁴ မၤသးဒ်န့ၣ်ဒီး ပှၤကညီဖိခွါဧၢ, ကတိၤတၢ်လၢဝံ ကျိာ်, ဒီးစံးဘၣ်စီၤကိး, ကစၢ်ယွၤစံးဒ်အံၤ, မုၢ်တနံၤလၢ ယပှၤဂီၢ်မုၢ်အိၣ်ခၢၣ်သနၢၢ်န့ၣ်နကသ့ၣ်ညါတမ့ၢ်ဘၣ် ဧါ, ¹⁵ ဒီးနကဟဲလၢနလီၢ်ပူၤလၢကလံၤစိးတခီ, နဲဒၣ်, ဒီးပှၤအါကလုာ်အိၣ်ဒီးနၤ, အဝဲသ့ၣ်ခဲလၢာ်ဒိးကသ့ၣ် ဒီးပှၤတဖုဖးဒိၣ်, ဒီးပှၤသုးမုၢ်ဂီၢ်မုၢ်လီၤ.

¹⁶ ဒီးနကလဲၤထီဒါယပှၤဂီၢ်မုၢ်အံၣ်စရ့လး ဒ်သိးနက လုၣ်ဘၢထံဧိၤကီၢ်ဧိၤဒ်တၢ်အၢၣ်အသိးန့ၣ်လီၤ. တၢ် ကမၤအသးလၢမုၢ်နံၤလၢခံတဖၣ်န့ၣ် ယကဒုးဟဲထီၣ် နၤထီဒါယထံယကီၢ် ဒ်သိးပှၤကလုာ်တဖၣ်ကသ့ၣ် ညါယၤဖဲယဘၣ်တၢ်ပာ်စီဆှံယၤလၢနပူၤလီၤ, စီၤကိး ဧၢ.

¹⁷ ကစၢ်ယွၤစံးဒ်အံၤ, နမ့ၢ်ပှၤလၢယကတိၤတၢ်လၢအ ဂ့ၢ်လၢပျၢၤလၢယခ့ယပှၤအံၣ်စရ့လး အဝံတဖၣ်အစု ပူၤ, လၢအကတိၤတၢ်လၢဝံကျိာ်လၢ မုၢ်နံၤတဖၣ်န့ၣ် အါနံၣ်, လၢယကဒုးဟဲနၤထီဒါအီၤတဂၤန့ၣ်ဧါ.

¹⁸ ဒီးလၢမုၢ်တနံၤလၢစီၤကိးကဟဲထီဒါ ကီၢ်အံၣ်စရ့လး ဒီး, တၢ်ကမၤအသးလၢယသးကဲၤထီၣ်ကထီၣ်ဝဲလီၤ. ကစၢ်ယွၤစံးဝဲဒၣ်. ¹⁹ အဂ့ၢ်ဒ်အံၤ, ယကတိၤတ့ၢ်တၢ်လၢ ယသးဆူၣ်, ဒီးလၢယသးကဲၤထီၣ်အမ့ၣ်အူလီၤ, မ့ၢ်မး လၢမုၢ်တနံၤန့ၣ်တၢ်ဟူးဝးဖးဒိၣ် ကအိၣ်ဝဲလၢကီၢ်အံၣ် စရ့လးအပူၤလီၤ. ²⁰ ဒီးဒ့ၣ်ဧိၤညၣ်ဧိၤလၢပီၣ်လဲၣ်ပူၤ, ဒီး ထိၣ်ဧိၤလံၣ်ဧိၤလၢမူကပိာ်လိၤ, ဒီးဆၣ်ဖိကီၢ်ဖိလၢပှၢ် လၢ်ကျါဒီးတၢ်စွါလၢအစွါဝဲလၢ ဟီၣ်ခိၣ်ချၢကိးမံၤဒဲး, ဒီးကယဲၢ်ပှၤကညီလၢအအိၣ်ဝဲ လၢဟီၣ်ခိၣ်ချၢခဲလၢာ် န့ၣ်ကကနိးလၢယမဲာ်ညါလီၤ. ဒီးတၢ်ကတ့ၢ်လီၤကွံာ် ကစၢၢ်ကလိဒီးတၢ်အထီဘံကလီၤပှီၢ်, ဒီးတၢ်အဒူၣ် ခဲလၢာ်ကလီၤပှီၢ်လၢဟီၣ်ခိၣ်အဖီခိၣ်လီၤ.

²¹ ဒီးယကကိးန့ၢ်နးတဘ့ၣ်ထီဒါအီၤလၢ ယကစၢၢ်က လိခဲလၢာ်အကျါ, ကစၢ်ယွၤစံးဝဲဒၣ်, ဒီးပှၤအနးကအိၣ် လၢအဒီပုၢ်ဝဲၢ်အလိၤ, ပှၤအနးကအိၣ်လၢအဒီပုၢ်ဝဲၢ်အ လိၤစုာ်စုာ်လီၤ. ²² ဒီးယကစံၣ်ညီၣ်တၢ်သံသတြိာ်, ဒီး တၢ်သွံၣ်ဘၣ်အီၤ, ဒီးယကဒုးဟဲစူၤတၢ်လုၣ်ဘၢတၢ်, ဒီး သူၣ်ဖးဒိၣ်, ဒီးမ့ၣ်အူ, ဒီးကးလၢအဖီခိၣ်, ဒီးလၢအပှၤ ဂီၢ်မုၢ်အဖီခိၣ်, ဒီးလၢပှၤအါကလုာ်လၢအအိၣ်ဝဲဒီးအီၤ အဖီခိၣ်လီၤ.

²³ ဒီးယကပာ်ဒိၣ်ယသး, ဒီးပာ်စီဆှံယသး, ဒီးယက ဒိးတၢ်သ့ၣ်ညါယၤလၢ ပှၤအါကလုာ်အမဲာ်ညါ, ဒီးက သ့ၣ်ညါဝဲလၢယမ့ၢ်ယွၤလီၤ.

၃၉

¹ ဒီးနဲဒၣ်ပှၤကညီဖိခွါဧၢ, ကတိၤတၢ်လၢဝံကျိာ်လၢ စီၤကိးအဂ့ၢ်, ဒီးစံး, ကစၢ်ယွၤစံးဒ်အံၤ, ကွၢ်ကွၢ်, ယထီ ဒါနၤ, ရိၣ်, မ့ၤရှ့း, ဒီးတူၤဘလးအပဒိၣ်ဖးဒိၣ်ဧၢ, ² ယ ကဘိးဃၣ်ကဒါက့ၤနၤ, ဒီးယကဆှၢဝ့ၤဝီၤနၤ, ဒီးယ ကဒုးဟဲထီၣ်နၤလၢ ကလံၤစိးတခီဒီးယကဒုးဟဲထီၣ် နၤလၢအံၣ်စရ့လးအကစၢၢ်ကလိလီၤ.

³ ဒီးယကကျီကွံာ်နချံၣ်လၢနစုစ့ၣ်ပူၤ, ဒီးယကဒုးလီၤ တဲာ်နပျၢ်ဧိၤစၤဧိၤလၢနစုထွဲလီၤ.

⁴ နကလီၤဃံၤလၢအံၣ်စရ့လးအကစၢၢ်လိၤ, နဲဒၣ်, ဒီးန ပှၤအဖုတဖၣ်, ဒီးပှၤကလုာ်တဖၣ်လၢအအိၣ်ဒီးနၤ, ဒီး ယကဟ့ၣ်လီၤကွံာ်နၤဆူထိၣ်ဒူအကလုာ်ကလုာ်, ဒီး လၢဆၣ်ဖိကီၢ်ဖိလၢပှၢ်လၢ်ကျါဒ်သိးအကအီၣ်ကွံာ်နၤ လီၤ. ⁵ နကလီၤဃံၤလၢပျီပူၤလီၤ. အဂ့ၢ်ဒ်အံၤ, ယက တိၤလံတၢ်လံ, ကစၢ်ယွၤစံးဝဲဒၣ်.

⁶ ဒီးယကမၤလီၤမ့ၣ်အူလၢမါကူးအပူၤ, ဒီးလၢပှၤအိၣ် ခၢၣ်သနၢၢ်လၢကီၢ်လၢပီၣ်လဲၣ်နံၤတဖၣ်အပူၤ, ဒီးက သ့ၣ်ညါဝဲလၢယမ့ၢ်ယွၤလီၤ.

⁷ ဒီးယကဘိးဘၣ်သ့ၣ်ညါတၢ်လၢ ယမံၤစီဆှံလၢယ ပှၤဂီၢ်မုၢ်အံၣ်စရ့လးအကျါ, ဒီးယတဒုးမၤအၢလၢၤ ဘၣ်ယမံၤစီဆှံဘၣ်, ဒီးပှၤကလုာ်တဖၣ်ကသ့ၣ်ညါဝဲ လၢယမ့ၢ်ယွၤ, တၢ်စီဆှံတဂၤလၢအံၣ်စရ့လးအကျါ လီၤ.

⁸ ကွၢ်ကွၢ်, ဟဲဝဲ, ဒီးမၤအသးလီၤ, ကစၢ်ယွၤစံးဝဲဒၣ်, မ့ၢ် မုၢ်တနံၤလၢယကတိၤတၢ်လၢအဂ့ၢ်န့ၣ်လီၤ.

⁹ တုၤနုၤတဘျီပှၤလၢအအိၣ်အဆိးလၢ အံၣ်စရ့လးအ ဝ့ၢ်ပူၤတဖၣ်န့ၣ်ကဟးထီၣ်, ဒီးကဆိၣ်ကဲၤထီၣ်, ဒီးဆူး ထီၣ်ကွံာ်အစုကဝဲၤ, ကတီၤဖးဒိၣ်, ဒီးကတီၤဖိ, ချံၣ်, ဒီး ပျၢ်, ဒီးအစုအနီၣ်တီၢ်, ဒီးဘီတဖၣ်, ဒီးကဆူးထီၣ်ကွံာ် အီၤလၢမ့ၣ်အူနွံနံၣ်လီၤ.

¹⁰ ဒီးတဟံးန့ၢ်ဘၣ်သ့ၣ်မုၣ်လၢပှၢ်လၢ်ကျါ, ဒီးတကူာ် လီၤကွံာ်တၢ်လၢသ့ၣ်တဖၣ်အကျါဘၣ်. အဂ့ၢ်ဒ်အံၤ, ကဆူးထီၣ်ကွံာ်တၢ်အစုကဝဲၤလၢမ့ၣ်အူ, ဒီးကဂုာ် ဆူၣ်ပှၤအတၢ်လၢအဂုာ်ဆူၣ်အတၢ်, ဒီးဂုာ်န့ၢ်ပှၤအ တၢ်လၢအဂုာ်န့ၢ်အတၢ်လီၤ, ကစၢ်ယွၤစံးဝဲဒၣ်.

¹¹ ဒီးတၢ်မၤအသးလၢမုၢ်တနံၤန့ၣ် လၢယကဟ့ၣ်လီၤ စီၤကိးလၢအသွၣ်ခိၣ်အလီၢ်ဖဲန့ၣ် လၢအံၣ်စရ့လးအ ပူၤ, လၢကစၢၢ်ကဆူးပှၤခီဂာ်တၢ်, လၢပီၣ်လဲၣ်အမုၢ် ထီၣ်တခီ, ဒီးကတြီပှၤခီဂာ်တၢ်အကျဲလီၤ. ဒီးကခူၣ် လီၤကွံာ်စီၤကိး, ဒီးအပှၤဂီၢ်မုၢ်ခဲလၢာ်ဖဲန့ၣ်, ဒီးကယုၢ် အမံၤလၢကစၢၢ်ကိးအပှၤဂီၢ်မုၢ်လီၤ.

¹² ဒီးပှၤအံၣ်စရ့လးအပှၤဟံၣ်ဖိ ကခူၣ်လီၤကွံာ်အီၤနွံ လါဒ်သိးအကမၤကဆှီထံဧိၤကီၢ်ဧိၤန့ၣ်လီၤ. ¹³ ဒီးပှၤ ကီၢ်ဖိခဲလၢာ်ကခူၣ်လီၤကွံာ်အီၤ, ဒီးကကဲထီၣ်လၢအ မံၤလၢအဂီၢ်, လၢမုၢ်တနံၤလၢတၢ်ကပာ်လၤပာ်ကပီၤ ယၤလီၤ.

¹⁴ ဒီးကပာ်ပှၤကညီလၢ အကမၤတၢ်မၤန့ၣ်တထံၣ်ဃီ, ဒီးအဝဲသ့ၣ်န့ၣ်ဒီးပှၤလၢအလဲၤတြူာ်တၢ်တဖၣ် ကခူၣ် လီၤကွံာ်ပှၤလၢ အအိၣ်လီၤတဲာ်လၢဟီၣ်ခိၣ်အဖီခိၣ်ဒ် သိးအကမၤကဆှီတၢ်အဂ့ၢ်လီၤ. ဒီးနွံလါအလီၢ်ခံန့ၣ် ကဃုတၢ်လီၤ.

¹⁵ ဒီးပှၤလဲၤတၢ်တဖၣ် တုၤအခီဂာ်ထံဧိၤကီၢ်ဧိၤန့ၣ်ဒီး, မ့ၢ်ထံၣ်ဘၣ်ပှၤကညီအဃံဒီး, ကမၤပနီၣ်တၢ်လၢအ ဃၢၤတုၤပှၤကခူၣ်လီၤကွံာ်တ့ၢ်အီၤလၢ ကစၢၢ်ကိးအ ပှၤဂီၢ်မုၢ်အပူၤလီၤ.

¹⁶ ဝ့ၢ်အမံၤကမ့ၢ်စ့ၢ်ကီးတၢ်ဂီၢ်မုၢ်, ဒီးကမၤကဆှီထံဧိၤ ကီၢ်ဧိၤန့ၣ်လီၤ.

¹⁷ ဒီးနဲဒၣ်အံၤပှၤကညီဖိခွါဧၢ, ကစၢ်ယွၤစံးဒ်အံၤ, စံး ဘၣ်ကယဲၢ်ထိၣ်ဧိၤလံၣ်ဧိၤ အကလုာ်ကလုာ်, ဒီးက ယဲၢ်ဆၣ်ဖိကီၢ်ဖိလၢပှၢ်လၢ်ကျါ, အိၣ်ဖှိၣ်ရိဖှိၣ်ဒီးဟဲ, အိၣ်ဖှိၣ်ရိဖှိၣ်လၢကိးခီဒဲး, ဆူတၢ်လုၢ်လၢယလုၢ်လၢ သုဂီၢ်, တၢ်လုၢ်ဖးဒိၣ်လၢအံၣ်စရ့လး အကစၢၢ်အလိၤ တက့ၢ်. ¹⁸ ဒီးသုကအီၣ်တၢ်ညၣ်, ဒီးအီတၢ်သွံၣ်န့ၣ်, သု ကအီၣ်ပှၤအဆူၣ်အညၣ်, ဒီးသုကအီဟီၣ်ခိၣ်အပဒိၣ် ဖးဒိၣ်အသွံၣ်, သိဖါ, သိဖိ, ဒီးမဲာ်တဲးလဲး, ဂီၤဖံးဖါတ ဖၣ်အသွံၣ်, ဘၤၡၣ်အတၢ်ဘီၣ်ခဲလၢာ်လီၤ.

¹⁹ ဒီးသုကအီၣ်တၢ်သိတုၤသုအီၣ်ကုးအီၣ်ပှဲၤ, ဒီးအီတၢ် သွံၣ်တုၤသုအီမူၤသုသးလီၤ. မ့ၢ်အဘၣ်ဃးဒီးယတၢ် လုၢ်လၢယလုၢ်လၢသုဂီၢ်လီၤ.

²⁰ ဒီးသုကအီၣ်ကုးအီၣ်ပှဲၤလၢ ယစီၢ်နီၤခိၣ်လၢကသ့ၣ်, ဒီးပှၤဒိးကသ့ၣ်, ဒီးပှၤဆူၣ်, ဒီးပှၤသုးဖိအကလုာ်က လုာ်လီၤ, ကစၢ်ယွၤစံးဝဲဒၣ်.

²¹ ဒီးယကပာ်လီၤယလၤကပီၤ လၢပှၤကလုာ်တဖၣ် အကျါ, ဒီးပှၤကိးကလုာ်ဒဲးကထံၣ်ဘၣ်ယတၢ်စံၣ်ညီၣ် လၢယမၤအီၤ, ဒီးယစုလၢယပာ်လၢအဖီခိၣ်လီၤ.

²² ဒီးလၢမုၢ်တနံၤလံၤလံၤ ဆူညါန့ၣ်ပှၤအံၣ်စရ့လးအ ပှၤဟံၣ်ဖိကသ့ၣ်ညါဝဲလၢယမ့ၢ်ယွၤအကစၢ်လီၤ.

²³ ဒီးပှၤကလုာ်တဖၣ်ကသ့ၣ်ညါဝဲလၢ အံၣ်စရ့လးအ ပှၤဟံၣ်ဖိလဲၤကဲကုၢ်လၢအတၢ်ဒဲးဘးအဃိလီၤ. အဂ့ၢ် ဒ်အံၤ, မၤကမၣ်ဘၣ်ယၤ, ဒီးယပာ်တဒၢယမဲာ်လၢအီၤ, ဒီးယဟ့ၣ်လီၤကွံာ်အီၤဆူ အဒုၣ်အဒါအစုပူၤ, ဒီးလီၤ ဃံၤဝဲလၢနးဧိၤဘီဧိၤလီၤ.

²⁴ ဒ်အတၢ်တကဆှီဘၣ်အသိး, ဒီးဒ်အတၢ်ကမၣ်အ သိးန့ၣ်ယမၤအီၤ, ဒီးပာ်တဒၢယမဲာ်ဒီးအီၤလီၤ.

²⁵ မၤသးဒ်န့ၣ်ဒီးကစၢ်ယွၤစံးဒ်အံၤ, ယကဒုးဟဲက့ၤယၤ ကိာ်အပှၤလဲၤကဲကုၢ်, ဒီးယသးကအိၣ်အံၣ်စရ့လးအ ပှၤဟံၣ်ဖိခဲလၢာ်, ဒီးယကသးက့ၣ်တၢ်လၢယမံၤစီဆှံ အဂီၢ်လီၤ. ²⁶ တုၤနုၤတဘျီအမဲာ်ကဆှးလၢအတၢ်မၤ ကမၣ်လၢအမၤကမၣ်ယၤ, ဖဲအအိၣ်ခၢၣ်သနၢၢ်လၢ အကီၢ်ပူၤ, ဒီးတၢ်တမၤပျံၤဘၣ်အီၤဘၣ်, ²⁷ ဖဲယဒုးဟဲ က့ၤအီၤလၢပှၤကလုာ်တဖၣ်အကျါ, ဒီးထၢဖှိၣ်အီၤလၢ အဒုၣ်အဒါအကီၢ်ပူၤ, ဒီးတၢ်ပာ်စီဆှံယၤလၢအဃိလၢ ပှၤအါကလုာ်အမဲာ်ညါန့ၣ်လီၤ. ²⁸ ဒီးကသ့ၣ်ညါဝဲလၢ ယမ့ၢ်ယွၤအကစၢ်လၢ အမၢကဲကုၢ်အီၤလၢပှၤကလုာ် တဖၣ်အကျါ, ဒီးထၢဖှိၣ်အီၤဆူအကီၢ်ဒၣ်ဝဲအပူၤ, ဒီး တလဲၤသဒၣ်အီၤဖဲန့ၣ်နီတဂၤဘၣ်.

²⁹ ဒီးယတပာ်တဒၢလၢၤဘၣ်ယမဲာ်လၢအီၤဘၣ်. အဂ့ၢ် ဒ်အံၤ, ယလူလီၤလံယသးလၢအံၣ်စရ့လးအပှၤဟံၣ် ဖိအလိၤလံ, ကစၢ်ယွၤစံးဝဲဒၣ်.

၄၀

¹ ပကဲကုၢ်အနံၣ်ခံဆံယဲၢ်နံၣ်တနံၣ်, လါခီၣ်ထံး, လါ ထီၣ်ဆံဆဲၣ်နံၤတနံၤလၢ ဝ့ၢ်ဘၣ်တၢ်မၤလူၤအီၤအလီၢ် ခံတဆံလွံၢ်နံၣ်တနံၣ်, လၢမုၢ်တနံၤဃီန့ၣ်ယွၤအစုအိၣ် ဝဲလၢယလိၤ, ဒီးစိာ်ထီၣ်ယၤဆူန့ၣ်လီၤ.

² လၢတၢ်ထံၣ်တၢ်လၢညါခီ ဘၣ်ဃးဒီးယွၤန့ၣ်တၢ်စိာ် ထီၣ်ယၤဆူကီၢ်အံၣ်စရ့လးအပူၤ, ဒီးပာ်ယၤလၢကစၢၢ် ထီထီကလဲာ်တဖျၢၣ်အလိၤ, ဒီးတၢ်မၤသးဒ်ဝ့ၢ်တဝ့ၢ် မၤထီၣ်အသးလၢအလိၤလၢကလံၤထံးတခီလီၤ.

³ ဒီးတုၤအစိာ်ထီၣ်ယၤဆူန့ၣ်ဒီး, ကွၢ်ကွၢ်, ပှၤကညီဖျါ ဝဲဒ်တိၢ်အသိးအိၣ်ဝဲဒီးပျံၤလုၣ်တဘိလၢအစုပူၤ, ဒီး အိၣ်ဝဲဒီးနီၣ်ထိၣ်တပိၢ်, ဒီးဆၢထၢၣ်လၢပဲတရီအပူၤ လီၤ.

⁴ ဒီးပှၤကညီတဂၤန့ၣ်စံးဘၣ်ယၤ, ပှၤကညီဖိခွါဧၢ, ကွၢ်လၢနမဲာ်, ဒီးကနၣ်လၢနနၢ်, ဒီးတိၢ်လၢနသးလၢ ကယဲၢ်တၢ်လၢယကဒုးနဲၣ်နၤန့ၣ်တက့ၢ်. အဂ့ၢ်ဒ်အံၤ, တၢ်ဟဲစိာ်နၤဖဲအံၤ ဒ်သိးယကဒုးနဲၣ်တၢ်တဖၣ်န့ၣ်လၢ နၤလီၤ. ကယဲၢ်တၢ်လၢနထံၣ်ဘၣ်န့ၣ်ဒုးနဲၣ်အံၣ်စရ့ လးအပှၤဟံၣ်ဖိခဲလၢာ်တက့ၢ်.

⁵ ဒီးကွၢ်ကွၢ်, တၢ်အဒူၣ်အိၣ်ဝးတရံးဟံၣ်လၢခိ, ဒီးလၢ ပှၤတဂၤန့ၣ်အစုပူၤနီၣ်ထိၣ်တပိၢ်လၢအထီဃုပျၢ် (တ ပျၢ်န့ၣ်မ့ၢ်တပျၢ်ဒီးတထါ,) အိၣ်ဝဲလီၤ. ဒီးထိၣ်တၢ် အဒူၣ်အဒီၣ်ဃီၤမ့ၢ်တစိၤ, ဒီးအကစီၤထီၣ်မ့ၢ်တစိၤလီၤ.

⁶ ဒီးဟဲဝဲဆူပဲတရီလၢအဖျိဝဲဆူမုၢ်ထီၣ်တခီ ဒီးလဲၤ ထီၣ်ဝဲအဃီလိၤ, ဒီးထိၣ်အကျဲစၢၤအကျိၤထံး အဒီၣ် ဃီၤမ့ၢ်တစိၤ, ဒီးပဲတရီကျဲစၢၤအကျိၤထံးလၢအဒီၣ်ဃီၤ မ့ၢ်တစိၤလီၤ.

⁷ ဒီးကယဲၢ်ဒၢးဖိတပူၤလၢ်လၢ်န့ၣ် အထီမ့ၢ်တစိၤ, ဒီး အဒီၣ်ဃီၤမ့ၢ်တစိၤ, ဒီးလၢဒၢးဖိတဖၣ်အဘၢၣ်စၢၤန့ၣ် မ့ၢ်တၢ်ယဲၢ်ပျၢ်, ဒီးကျဲစၢၤအကျိၤထံးလၢပဲတရီအတၢ် ခိၣ်ဒုးထီၣ်အသးလၢညါမ့ၢ်တစိၤလီၤ.

⁸ ဒီးထိၣ်ပဲတရီအတၢ်ခိၣ်ဒုးထီၣ်အသး လၢညါတစိၤ လီၤ. ⁹ ဒီးထိၣ်ပဲတရီအတၢ်ခိၣ်ဒုးထီၣ်အသးလၢဃိး ပျၢ်, ဒီးတၢ်ဒူၣ်အထူၣ်တဖၣ်လၢခံပျၢ်, ဒီးပဲတရီအ အတၢ်ခိၣ်ဒုးထီၣ်အသးလၢညါခီလီၤ.

¹⁰ ဒီးဒၢးဖိဘၣ်ဃးဒီး ပဲတရီလၢမုၢ်ထီၣ်တခီန့ၣ်မ့ၢ်သၢ ဒၢးလၢအဝဲတခီ, ဒီးသၢဒၢးလၢအဝဲတခီလီၤ. အဝဲ သၢဒၢးန့ၣ်တုၤသိးသိးဒီးတၢ်ဒူၣ်အထူၣ်တဖၣ်လၢ အ ဝဲတခီဒီးလၢအဝဲတခီတုၤသိးသိးလီၤ.

¹¹ ဒီးထိၣ်တၢ်လဲၤနုာ်ပဲတရီ အဒီၣ်ဃီၤလၢအပျၢ်တဆံ လီၤ. ဒီးတၢ်လဲၤနုာ်ပဲတရီအထီန့ၣ်မ့ၢ်တဆံသၢပျၢ် လီၤ.

¹² တၢ်အဃၢၤလၢဒၢးဖိအမဲာ်ညါန့ၣ်မ့ၢ်တပျၢ်, ဒီးတၢ် အဃၢၤလၢအဝဲတခီမ့ၢ်တပျၢ်, ဒီးဒၢးဖိန့ၣ်မ့ၢ်ဃုပျၢ် လၢအဝဲတခီ, ဒီးဃုပျၢ်လၢအဝဲတခီလီၤ.

¹³ ဒီးထိၣ်ပဲတရီလၢဒၢးဖိအခိၣ် တဒၢးပၢၢ်လၢဒၢးဖိအ ခိၣ်တဒၢးလီၤ. အဒီၣ်ဃီၤမ့ၢ်ခံဆံယဲၢ်ပျၢ်လီၤ. ကျဲစၢၤ အိၣ်သဃီၤဒီးကျဲစၢၤလီၤ.

¹⁴ ဒီးမၤတၢ်အဒူၣ်အထူၣ်တဖၣ်လၢ အပျၢ်ဃုဆံပၢၢ်လၢ တၢ်အဂၢၤဝးတရံးဝဲ အပဲတရီအထူၣ်လီၤ.

¹⁵ ဒီးလၢတၢ်လဲၤနုာ်အပဲတရီအမဲာ်ညါ ပၢၢ်လၢပဲတ ရီလၢညါခီအတၢ်ခိၣ်ဒုးထီၣ်အသးအမဲာ်ညါ အိၣ်ဝဲ အပျၢ်ယဲၢ်ဆံလီၤ.

¹⁶ ဒီးတၢ်ထူၣ်ဖျိအံၣ်အိၣ်ဝဲလၢဒၢးဖိအပူၤ, ဒီးလၢတၢ် ဒူၣ်အထူၣ်ပူၤ, လၢညါတခီဖဲပဲတရီဝးတရံးဝဲလီၤ. အိၣ် စ့ၢ်ကီးဝဲလၢသကျီၤပူၤလီၤ. တၢ်ထူၣ်ဖျိအံၣ်အိၣ်ဝဲလၢ ညါခီဝးတရံးဝဲ, ဒီးသ့ၣ်စူၣ်ပလိၣ်အိၣ်ဝဲလၢတၢ်အဒူၣ် အထူၣ်အလိၤလီၤ.

¹⁷ ဒီးဟဲစိာ်ယၤဆူတၢ်အဒၢးလၢခိတခီ, ဒီးကွၢ်ကွၢ်, တၢ် အဒၢးဖိတဖၣ်, ဒီးတၢ်ဒါလၢၢ်မၤအသးလၢတၢ်အဂၢၤ အဂီၢ်ဝးတရံးဝဲလီၤ. တၢ်အဒၢးဖိအိၣ်ဝဲသၢဆံလၢတၢ် ဒါလၢၢ်အဖီခိၣ်လီၤ.

¹⁸ ဒီးတၢ်ဒါလၢၢ်လၢပဲတရီအဃၢၤသဃီၤဝဲဒီး ပဲတရီ အထီန့ၣ်မ့ၢ်တၢ်ဒါလၢၢ်လၢလာ်တခီတတီၤလီၤ.

¹⁹ ဒီးထိၣ်အဒီၣ်ဃီၤလၢပဲတရီလၢလာ်ခီအမဲာ်ညါ ပၢၢ် လၢတၢ်ဂၢၤလၢညါခီအမဲာ်ညါလၢခိလီၤ. အိၣ်ဝဲအပျၢ် တကယၤလၢမုၢ်ထီၣ်တခီ, ဒီးလၢကလံၤစိးတခီလီၤ.

²⁰ ဒီးတၢ်အဂၢၤလၢခိတခီအပဲတရီ လၢအဖျိထီၣ်ဝဲဆူ ကလံၤစိးန့ၣ်ထိၣ်ဝဲအထီဒီးအဒီၣ်ဃီၤလီၤ.

²¹ ဒီးဒၢးဖိသၢဒၢးလၢအဝဲတခီ, ဒီးသၢဒၢးလၢအဝဲတ ခီ, ဒီးတၢ်အဒူၣ်အထူၣ်တဖၣ်, ဒီးအသကျီၤတဖၣ်န့ၣ် တုၤသိးသိးဒီးပဲတရီလၢအခီၣ်ထံးတဖျိလီၤ. အထီမ့ၢ် အပျၢ်ယဲၢ်ဆံ, ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.

²² ဒီးအထူၣ်ဖိအံၣ်, ဒီးအသကျီၤ, ဒီးအသ့ၣ်စူၣ်ပလိၣ် တဖၣ်န့ၣ်တုၤသိးသိးဒီး တၢ်ဘၣ်ဃးဒီး ပဲတရီလၢ အဖျိထီၣ်ဆူမုၢ်ထီၣ်တခီ, ဒီးပှၤထီၣ်ဘးအီၤလၢသွါနွံ သွါ, ဒီးအသကျီၤန့ၣ်အိၣ်ဝဲလၢအမဲာ်ညါလီၤ.

²³ ဒီးတၢ်အဂၢၤလၢညါတခီအပဲတရီ အိၣ်သဃီၤဒီးပဲ တရီဆူကလံၤစိးတခီ, ဒီးဆူမုၢ်ထီၣ်တခီလီၤ. ဒီးထိၣ် တၢ်လၢပဲတရီပၢၢ်လၢပဲတရီန့ၣ်အပျၢ်တကယၤလီၤ.

²⁴ ဒီးစိာ်ယၤဆူကလံၤထံးတခီ, ဒီးကွၢ်ကွၢ်, ပဲတရီအိၣ် ဝဲဆူကလံၤထံးတခီလီၤ. ဒီးထိၣ်တၢ်အဒူၣ်အထူၣ်တ ဖၣ်, ဒီးအသကျီၤတဖၣ်တုၤသိးသိးဒီးအဝဲန့ၣ်လီၤ.

²⁵ ဒီးတၢ်ထူၣ်ဖျိအံၣ် အိၣ်ဝဲလၢအပူၤ, ဒီးလၢအသကျီၤ အပူၤဝးတရံးဝဲဒ်တၢ်ထူၣ်ဖျိန့ၣ်အသိးလီၤ. အထီမ့ၢ် အပျၢ်ယဲၢ်ဆံ, ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.

²⁶ ဒီးလၢပှၤထီၣ်ဝဲအဂီၢ်န့ၣ် သွါနွံသွါအိၣ်ဝဲ, ဒီးအသ ကျီၤအိၣ်ဝဲလၢအမဲာ်ညါ, ဒီးအိၣ်ဝဲဒီးသ့ၣ်စူၣ်ပလိၣ်အ ထူၣ်လၢတၢ်ဒူၣ်အထူၣ်အလိၤလၢအဝဲတခီ, ဒီးလၢ အဝဲတခီလီၤ.

²⁷ ဒီးလၢဂၢၤလၢညါခီတပူၤန့ၣ် ပဲတရီတဖျိအိၣ်ဝဲလၢ ကလံၤထံးန့ၣ်, ဒီးထိၣ်တၢ်လၢပဲတရီပၢၢ်လၢပဲတရီ ဆူကလံၤထံးတခီအပျၢ်တကယၤလီၤ.

²⁸ ဒီးဟဲစိာ်နုာ်ယၤဆူတၢ်ဂၢၤလၢညါခီ တပူၤလၢပဲတ ရီလၢကလံၤထံးန့ၣ် ဒီးထိၣ်ပဲတရီလၢကလံၤထံးတုၤ သိးသိးဒီးအဝဲန့ၣ်, ²⁹ ဒီးအဒၢးဖိတဖၣ်ဒီးတၢ်အဒူၣ်အ ထူၣ်တဖၣ်, ဒီးအသကျီၤတဖၣ်တုၤသိးသိးဒီးအဝဲသ့ၣ် န့ၣ်လီၤ. ဒီးတၢ်ထူၣ်ဖျိအံၣ်အိၣ်ဝဲလၢအပူၤ, ဒီးလၢအ သကျီၤအပူၤဝးတရံးဝဲလီၤ. အထီမ့ၢ်အပျၢ်ယဲၢ်ဆံ, ဒီး အဒီၣ်ဃီၤမ့ၢ်ခံဆံယဲၢ်ပျၢ်လီၤ.

³⁰ ဒီးအသကျီၤဝးတရံးဝဲန့ၣ် အထီမ့ၢ်ခံဆံယဲၢ်ပျၢ်, ဒီး အဒီၣ်ဃီၤမ့ၢ်ယဲၢ်ပျၢ်လီၤ.

³¹ ဒီးအသကျီၤတဖၣ်န့ၣ် ဒိးဝဲဆူတၢ်အဂၢၤလၢခိတပူၤ, ဒီးသ့ၣ်စူၣ်ပလိၣ်အိၣ်ဝဲလၢတၢ်အဒူၣ်အထူၣ်လိၤ, ဒီး အတၢ်လဲၤထီၣ်ဘးန့ၣ်အိၣ်ဝဲဒီးအသွါဃိးသွါလီၤ.

³² ဒီးစိာ်ထီၣ်ယၤဆူတၢ်ဂၢၤလၢညါခီတပူၤလၢ မုၢ်ထီၣ် တခီ, ဒီးထိၣ်ပဲတရီတုၤသိးသိးဒီးအဝဲသ့ၣ်န့ၣ်လီၤ.

³³ ဒီးအဒၢးဖိတဖၣ်, ဒီးတၢ်အဒူၣ်အထူၣ်တဖၣ်, ဒီးအ သကျီၤတဖၣ်တုၤအသိးသိးဒီး အဝဲသ့ၣ်န့ၣ်လီၤ. ဒီး တၢ်ထူၣ်ဖျိအံၣ်အိၣ်ဝဲလၢအပူၤ, ဒီးလၢသကျီၤတဖၣ် အပူၤဝးတရံးဝဲလီၤ. အထီမ့ၢ်အပျၢ်ယဲၢ်ဆံ, ဒီးအဒီၣ် ဃီၤမ့ၢ်ခံဆံယဲၢ်ပျၢ်လီၤ.

³⁴ ဒီးအသကျီၤတဖၣ်န့ၣ်ဒိးဝဲဆူ တၢ်ဂၢၤလၢခိတပူၤ, ဒီးသ့ၣ်စူၣ်ပလိၣ်အိၣ်ဝဲလၢ တၢ်အဒူၣ်အထူၣ်လိၤလၢ အဝဲတခီ, ဒီးလၢအဝဲတခီ, ဒီးအတၢ်ထီၣ်ဘးအီၤန့ၣ် အိၣ်ဝဲဒီးအသွါဃိးသွါလီၤ.

³⁵ ဒီးစိာ်ယၤဆူပဲတရီလၢ ကလံၤစိးတခီ, ဒီးထိၣ်ဝဲတုၤ သိးသိးဒီးအဝဲသ့ၣ်တဖၣ်န့ၣ်လီၤ. ³⁶ အဒၢးဖိတဖၣ်, တၢ်တၢ်အဒူၣ်အထူၣ်တဖၣ်, ဒီးအသကျီၤတဖၣ်, ဒီး တၢ်ထူၣ်ဖျိအံၣ်အိၣ်ဝဲဝးတရံးဝဲန့ၣ်လီၤ. အထီမ့ၢ်အပျၢ် ယဲၢ်ဆံ, ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.

³⁷ ဒီးအသကျီၤတဖၣ်ဒိးဝဲဆူတၢ်ဂၢၤလၢခိတပူၤ, ဒီး သ့ၣ်စူၣ်ပလိၣ်အိၣ်ဝဲလၢ တၢ်အဒူၣ်အထူၣ်တဖၣ်အ လိၤ, လၢအဝဲတခီ, ဒီးလၢအဝဲတခီ, အတၢ်ထီၣ်အ လီၢ်န့ၣ်အိၣ်ဝဲဒီးသွါဃိးသွါလီၤ.

³⁸ ဒီးဒၢးတဒၢးအိၣ်ဝဲ, ဒီးအကျဲစၢၤန့ၣ်အိၣ်ဝဲလၢပဲတ ရီအထူၣ်အဃၢၤဖဲပှၤသ့ကွံာ်တၢ်လုၢ်မ့ၣ်အူလီၤ.

³⁹ ဒီးလၢပဲတရီအတၢ်ခိၣ်ဒုးထီၣ်အသးန့ၣ် စီၢ်နီၤခိၣ် အိၣ်ဝဲခံဖျၢၣ်လၢအဝဲတခီ, ဒီးစီၢ်နီၤခိၣ်အိၣ်ခံဖျၢၣ်လၢ အဝဲတခီ, ဒ်သိးပှၤကမၤသံတၢ်လုၢ်မ့ၣ်အူ, ဒီးတၢ် လုၢ်တၢ်ဒဲးဘး, ဒီးတၢ်လုၢ်တၢ်ကမၣ်လၢအဖီခိၣ်လီၤ.

⁴⁰ ဒီးလၢအဃၢၤလၢခိန့ၣ် ဖဲပှၤလဲၤထီၣ်ဆူတၢ်လဲၤနုာ် လၢပဲတရီလၢကလံၤစိးန့ၣ်စီၢ်နီၤခိၣ်အိၣ်ဝဲခံဖျၢၣ်, ဒီး လၢအဝဲတခီလၢ ပဲတရီအဝဲတခီန့ၣ်တၢ်ခိၣ်ဒုးထီၣ် အသးန့ၣ်စီၢ်နီၤခိၣ်အိၣ်ဝဲခံဖျၢၣ်လီၤ.

⁴¹ စီၢ်နီၤခိၣ်လွံၢ်ဖျၢၣ်အိၣ်ဝဲလၢ အဝဲတခီ, ဒီးစီၢ်နီၤခိၣ် လွံၢ်ဖျၢၣ်အိၣ်ဝဲလၢအဝဲတခီလီၤ. လၢပဲတရီအဝဲတခီ န့ၣ်စီၢ်နီၤခိၣ် ဖဲအမၤသံတၢ်လုၢ်လၢအဖီခိၣ်အိၣ်ဝဲဃိး ဖျၢၣ်လီၤ.

⁴² ဒီးစီၢ်နီၤခိၣ်လွံၢ်ဖျၢၣ်န့ၣ် တ့အသးလၢလၢၢ်စိးအသး လၢတၢ်လုၢ်မ့ၣ်အူအဂီၢ်လီၤ. အထီမ့ၢ်တပျၢ်ဒီးတထါ, ဒီးအဒီၣ်ဃီၤမ့ၢ်တပျၢ်ဒီးတထါ, ဒီးအကစီၤထီၣ်န့ၣ် မ့ၢ်တပျၢ်လီၤ. ဒီးပာ်လီၤအစုကဝဲၤ လၢအမၤသံတၢ် လုၢ်မ့ၣ်အူဒီးတၢ်လုၢ်လၢအဖီခိၣ်လီၤ.

⁴³ ဒီးအခိၣ်ဒူတ့အသးလၢ သ့ၣ်ဘ့ၣ်ဘၣ်အဒီၣ်ဃီၤမ့ၢ် တထါန့ၣ်ကတဲာ်ကတီၤအသး လၢညါခီဝးတရံးဝဲ လီၤ. ဒီးတၢ်လုၢ်အတၢ်ညၣ်အိၣ်ဝဲလၢစီၢ်နီၤခိၣ်အဖီခိၣ် လီၤ.

⁴⁴ ဒီးလၢပဲတရီလၢညါတဖျိလၢ ခိပှၤသးဝံၣ်တၢ်ဖိအ ဒၢးတဖၣ်လၢတၢ်အဂၢၤလၢညါခီတပူၤန့ၣ်အိၣ်ဝဲလီၤ. အိၣ်ဝဲလၢပဲတရီလၢကလံၤစိးအဃၢၤအဝဲတခီန့ၣ် ဒိး ဝဲဆူကလံၤထံးလီၤ. ဒၢးလၢပဲတရီမုၢ်ထီၣ်တခီအဃၢၤ လၢအဒိးဝဲဆူကလံၤစိးတခီအိၣ်ဝဲတဒၢးလီၤ.

⁴⁵ ဒီးစံးဘၣ်ယၤ, တၢ်အဒၢးတဒၢးအံၤလၢအဒိးဝဲဆူ ကလံၤထံးန့ၣ်မ့ၢ်လၢပှၤလုၢ်တၢ်အဒိၣ်, လၢအပၢၤဟံၣ် န့ၣ်အဂီၢ်လီၤ.

⁴⁶ ဒီးတၢ်အဒၢးတဒၢးလၢအဒိးဝဲဆူ ကလံၤစိးန့ၣ်မ့ၢ် လၢပှၤလုၢ်တၢ်အဒိၣ်လၢ အကွၢ်တၢ်ပၢၤဘၣ်ဃးဒီး တၢ်လုၢ်လီၢ်အဂီၢ်လီၤ. အဝဲသ့ၣ်န့ၣ်မ့ၢ်စီၤစၤဒိးအဖိခွါ လၢပှၤလ့ၤဝံအဖိခွါအကျါလၢ အသုးဘူးအသးဆူယွၤ အအိၣ်ဒ်သိးအကမၤအတၢ်လီၤ.

⁴⁷ ဒီးထိၣ်တၢ်အဂၢၤန့ၣ်အထီမ့ၢ်အပျၢ်တကယၤ, ဒီးအ ဒီၣ်ဃီၤမ့ၢ်အပျၢ်တကယၤ, မ့ၢ်တၢ်လွံၢ်နၢၣ်, ဒီးတၢ်လုၢ် လီၢ်အိၣ်ဝဲလၢဟံၣ်အမဲာ်ညါလီၤ.

⁴⁸ ဒီးစိာ်ယၤဆူဟံၣ်အတၢ်ခိၣ်ဒုးထီၣ်အသး, ဒီးထိၣ် တၢ်ခိၣ်ဒုးထီၣ်အသးအကျဲစၢၤအထူၣ်အဃၢၤ, ယဲၢ်ပျၢ် လၢအဝဲတခီ, ဒီးယဲၢ်ပျၢ်လအဝဲတခီလီၤ. ဒီးပဲတရီ အဒီၣ်ဃီၤန့ၣ်မ့ၢ်သၢပျၢ်လၢအဝဲတခီ, ဒီးသၢပျၢ်လၢ အဝဲတခီလီၤ.

⁴⁹ တၢ်ခိၣ်ဒုးထီၣ်အသးအထီန့ၣ်မ့ၢ်အပျၢ်ခံဆံ, ဒီးအ ဒီၣ်ဃီၤန့ၣ်မ့ၢ်တဆံတပျၢ်လီၤ. ဒီးပှၤထီၣ်ဝဲလၢသွါတ ဖၣ်လီၤ. ဒီးတၢ်အဒူၣ်အထူၣ်အထူၣ်တဖၣ်အိၣ်ဝဲလၢ ကျဲစၢၤအထူၣ်အဃၢၤ, တထူၣ်လၢအဝဲတခီဒီးတထူၣ် လၢအဝဲတခီလီၤ.

၄၁

¹ ဒီးစိာ်ထီၣ်ယၤဆူနူၢ်ပူၤ, ဒီးထိၣ်တၢ်အဒူၣ်အထူၣ် လီၤ. အဒီၣ်ဃီၤမ့ၢ်ဃုပျၢ်လၢအဝဲတခီ, ဒီးအဒီၣ်ဃီၤ မ့ၢ်ဃုပျၢ်လၢအဝဲတခီလီၤ. အဝဲန့ၣ်မ့ၢ်ဟံၣ်အဒီၣ်ဃီၤ လီၤ. ² ဒီးကျဲစၢၤအဒီၣ်ဃီၤန့ၣ်မ့ၢ်တဆံပျၢ်, ဒီးကျဲစၢၤ အဃၢၤမ့ၢ်ယဲၢ်ပျၢ်လၢအဝဲတခီ, ဒီးယဲၢ်ပျၢ်လၢအဝဲတ ခီလီၤ. ဒီးထိၣ်အထီလၢအပျၢ်လွံၢ်ဆံ, ဒီးအဒီၣ်ဃီၤခံ ဆံလီၤ. ³ ဒီးလဲၤနုာ်လၢညါ, ဒီးထိၣ်ကျဲစၢၤအဃၢၤခံ ပျၢ်, ဒီးကျဲစၢၤန့ၣ်ဃုပျၢ်, ဒီးကျဲစၢၤအဒီၣ်ဃီၤနွံၢ်ပျၢ်လီၤ.

⁴ ဒီးထိၣ်တၢ်အလီၢ်လၢအထီအပျၢ်ခံဆံ, ဒီးအဒီၣ်ဃီၤ လၢအပျၢ်ခံဆံလၢနူၢ်ပူၤ, ဒီးစံးဘၣ်ယၤ, အဝဲအံၤမ့ၢ် တၢ်အလီၢ်စီဆှံကတၢၢ်လီၤ.

⁵ ဒီးထိၣ်ဟံၣ်အဒူၣ်လၢဃုပျၢ်, ဒီးဒၢးဖိလၢအကပၤပူၤ တဒၢးတဒၢးန့ၣ်လၢလွံၢ်ပျၢ်စုာ်စုာ်ဝးတရံးဝဲ, ဝးတရံး ဟံၣ်တခီလၢ်လၢ်လီၤ.

⁶ ဒၢးဖိလၢအကပၤပူၤန့ၣ်အိၣ်ဝဲ, တဒၢးလၢတဒၢးအ ဖီခိၣ်သၢဆီဒီးတဆီဒီးတဆီအိၣ်ဝဲသၢဆံဖျၢၣ်လီၤ. ဒီး နုာ်ဝဲလၢဒူၣ်ဘၣ်ဃးဒီး ဟံၣ်လၢဒၢးဖိတဖၣ်လၢ တၢ် ကပၤဝးတရံးဝဲအဂီၢ် ဒ်သိးအကဘၣ်တံၢ်ဒီးအီၤလီၤ. ဘၣ်ဆၣ်ဒီးတစဲဘူးဒီးဟံၣ်အဒူၣ်ဘၣ်.

⁷ ဒီးဒၢးဖိတဖၣ်လၢ တၢ်အကပၤပူၤန့ၣ်လဲၤထီၣ်, ဒီးပ ဝံာ်အသးလီၤ. အဂ့ၢ်ဒ်အံၤ, ဟံၣ်အပဝံာ်ထီၣ်န့ၢ်ထီၣ်ဝဲ ဝးတရံးဟံၣ်လီၤ. မၤသးဒ်န့ၣ်ဒီးဟံၣ်လဲၢ်တက့ၢ်လၢ ထးခီ, ဒီးပှၤထီၣ်ဝဲလၢဒၢးလၢလာ်ခီတတီၤပၢၢ်လၢဒၢး လၢထးခီတတီၤလၢ ဒၢးအဘၢၣ်စၢၤတတီၤအသးကံၢ် ပူၤလီၤ.

⁸ ယထံၣ်ဘၣ်စ့ၢ်ကီးဟံၣ်အကစီၤထီၣ် ဝးတရံးဝဲလီၤ. ဒၢးတဖၣ်အကပၤပူၤအခီၣ်ထံးန့ၣ် မ့ၢ်နီၣ်ထိၣ်တစိၤ ဒီးဘိတုၤသိးသိးဃုပျၢ်လီၤ.

⁹ ဒၢးလၢတၢ်အကပၤပူၤအဒူၣ်တဒူၣ်အတီၣ် လၢခိတ ခီမ့ၢ်ယဲၢ်ပျၢ်, အလီၢ်အိၣ်လီၤတဲာ်န့ၣ်မ့ၢ်ဒၢးဖိတဖၣ်လၢ ဟံၣ်အကပၤပူၤအလီၢ်လီၤ.

¹⁰ ဒီးလၢဒၢးအဘၢၣ်စၢၤအပျၢ်ခံဆံ အိၣ်ဝးတရံးဟံၣ် တခီလၢ်လၢ်လီၤ.

¹¹ ဒီးဒၢးဖိလၢတၢ်အကပၤပူၤ အကျဲစၢၤဖျိထီၣ်ဝဲဆူတၢ် အလီၢ်လၢအအိၣ်လီၤတဲာ်, ကျဲစၢၤတဖျိန့ၣ်ဖျိဝဲဆူက လံၤစိးတခီ, ဒီးကျဲစၢၤတဖျိဒၣ်ဖျိဝဲဆူ ကလံၤထံးတ ခီလီၤ. ဒီးတၢ်အလီၢ်အိၣ်လီၤတဲာ်န့ၣ် လဲၢ်ဝဲယဲၢ်ပျၢ်ဝး တရံးဝဲလီၤ.

¹² ဒီးဒၢးတဒၢးလၢတၢ်လီၤဖးအလီၢ်အမဲာ်ညါ, အဃၢၤ လၢမုာ်နုာ်တခီန့ၣ်အဒီၣ်ဃီၤမ့ၢ်အပျၢ်နွံဆံ, ဒီးဒၢးအ ဒူၣ်န့ၣ်အတီၣ်မ့ၢ်ယဲၢ်ပျၢ်ဝးတရံးဝဲ, ဒီးအထီမ့ၢ်အပျၢ် ခွံဆံလီၤ.

¹³ ဒီးထိၣ်ဟံၣ်အထီအပျၢ်တကယၤ, ဒီးတၢ်အလီၢ်လီၤ ဖးတပူၤ, ဒီးဒၢးန့ၣ်ဒီးအဒူၣ်တဖၣ်န့ၣ်အထီမ့ၢ်အပျၢ် တကယၤလီၤ.

¹⁴ ဒီးဟံၣ်အမဲာ်ညါအဒီၣ်ဃီၤန့ၣ်, ဒီးတၢ်အလီၢ်လီၤဖး တပူၤဆူမုၢ်ထီၣ်န့ၣ်မ့ၢ်အပျၢ်တကယၤလီၤ.

¹⁵ ဒီးထိၣ်ဒၢးတဒၢးန့ၣ်အထီလၢ တၢ်အလီၢ်လီၤဖးတ ပူၤအမဲာ်ညါ, ဒီးလၢအချၢဃံန့ၣ်, ဒီးအထူၣ်လၢအဝဲ တခီ, ဒီးလၢအဝဲတခီန့ၣ်, မ့ၢ်အပျၢ်တကယၤ, ဒီးနူၢ် လၢညါခီတဖျၢၣ်ဒီးတၢ်အဂၢၤအတၢ်ခိၣ်ဒုးထီၣ်အသး တဖၣ်, ¹⁶ ကျဲစၢၤအကျိၤထံးတဖၣ်, ဒီးတၢ်ထူၣ်ဖျိအံၣ်, ဒီးအထူၣ်လၢဝးတရံးသၢခီလီၤ. အိၣ်သဃီၤဒီးတြဲၤ, ကျဲစၢၤကျိၤထံးန့ၣ်စီၢ်နီၤခိၣ်သ့ၣ်အိၣ်ဝးတရံးဝဲ, လၢ ဟီၣ်ခိၣ်ပၢၢ်လၢတၢ်ထူၣ်ဖျိ, ဒီးတၢ်ထူၣ်ဖျိကျၢၢ်ဘၢအ အသးလၢအီၤလီၤ. ¹⁷ အိၣ်ဝဲလၢတၢ်အလီၢ်လၢကျဲစၢၤ အဖီခိၣ်ဒီးလၢ ဟံၣ်လၢညါခီတဖျၢၣ်ဒီးလၢခိ, ဒီးလၢ တၢ်ဒူၣ်အဃၢၤဝးတရံးဝဲလၢညါခီ, ဒီးလၢခိဒ်တၢ်ထိၣ် ဝဲအသိးန့ၣ်လီၤ.

¹⁸ ဒီးတၢ်တ့ခ့ရူာ်တဖၣ်, ဒီးသ့ၣ်စူၣ်ပလိၣ်တဖၣ်, ဒီး သ့ၣ်စူၣ်ပလိၣ်တထူၣ်အိၣ်ဝဲလၢ ခ့ရူာ်ခံဂၤအဘၢၣ် စၢၤ, ¹⁹ ဒီးခ့ရူာ်တဂၤအိၣ်ဒီးအမဲာ်ခံခီ, ဒီးပှၤကညီအမဲာ် ဒိးအမဲာ်ဆူသ့ၣ်စူၣ်ပလိၣ်လၢတခီ, ဒီးခ့ယုၢ်တလိၤအ မဲာ်ဒိးအမဲာ်လၢတခီဒၣ်လီၤ. တၢ်မၤအသးလၢဟံၣ်ဒီ ဖျၢၣ်ညါဝးတရံးဝဲဒ်န့ၣ်သိးလီၤ. ²⁰ လၢဟီၣ်ခိၣ်ပၢၢ်လၢ ကျဲစၢၤအဖီခိၣ်န့ၣ် ခ့ရူာ်တဖၣ်, ဒီးသ့ၣ်စူၣ်ပလိၣ်တ ဖၣ်တ့အသး, ဒီးလၢနူၢ်အဒူၣ်လိၤစ့ၢ်ကီးလီၤ. ²¹ နူၢ်အ ထူၣ်တဖၣ်မ့ၢ်အိၣ်ဒီး အနၢၣ်လွံၢ်နၢၣ်, ဒီးတၢ်စီဆှံအ လီၢ်ဖျါဝဲဒ်န့ၣ်သိးလီၤ.

²² တၢ်လုၢ်လီၢ်သ့ၣ်န့ၣ်အကစီၤထီၣ်မ့ၢ်သၢပျၢ်, ဒီးအ ထီမ့ၢ်ခံပျၢ်, ဒီးအနၢၣ်တဖၣ်, ဒီးအခီၣ်ထံးန့ၣ်, ဒီးအဒူၣ် တဖၣ်န့ၣ်မ့ၢ်သ့ၣ်လီၤ. ဒီးအဝဲဒၣ်စံးဘၣ်ယၤ, အဝဲအံၤ မ့ၢ်စီၢ်နီၤခိၣ်လၢအအိၣ်လၢ ယွၤအမဲာ်ညါလီၤ. ²³ ဒီး နူၢ်န့ၣ်ဒီးတၢ်အလီၢ်စီဆှံအိၣ်ဝဲဒီးပဲတရီခံပူၤ, ²⁴ ဒီးပဲတ ရီတဖၣ်အိၣ်ဝဲဒီးအလၣ်ခံခီစုာ်စုာ်, အလၣ်ခံခီလၢအ တရံးအသးလီၤ. ပဲတရီတဘ့ၣ်အိၣ်ဝဲဒီးအလၣ်ခံခီ, ဒီးပဲတရီတဘ့ၣ်ဒၣ်အိၣ်ဝဲဒီးအလၣ်ခံခီလီၤ.

²⁵ ဒီးခ့ရူာ်တဖၣ် ဒီးသ့ၣ်စူၣ်ပလိၣ်တဖၣ်တ့အသးလၢ အလိၤ, လၢနူၢ်အပဲတရီလိၤဒၣ်လဲာ်, ဒ်တၢ်လၢအ အိၣ်လၢဒူၣ်အလိၤအသိးန့ၣ်လီၤ. ဒီးကျဲစၢၤကျိၤထံး သ့ၣ်အိၣ်ဝဲလၢ တၢ်ခိၣ်ဒုးထီၣ်အသးအမဲာ်ညါလၢခိ လီၤ. ²⁶ ဒီးသ့ၣ်စူၣ်ပလိၣ်အိၣ်ဝဲလၢတၢ်ထူၣ်ဖျိအံၣ်လၢ အဝဲတခီဒီးလၢအဝဲတခီ, အိၣ်ဝဲလၢတၢ်ခိၣ်ဒုးထီၣ်အ သးအကပၤလိၤ, ဒီးဟံၣ်အဒၢးဖိလၢအကပၤပူၤအ လိၤ, ဒီးလၢကျဲစၢၤကျိၤထံးတဖၣ်အလိၤလီၤ.

၄၂

¹ ဒီးစိာ်ထီၣ်ယၤဆူတၢ်အဂၢၤလၢခိတပူၤလၢ ကျဲလဲၤ လၢကလံၤစိးတခီ, ဒီးစိာ်ယၤဆူဒၢးဖိတဖၣ်လၢအ အိၣ်ဝဲလၢတၢ်အလီၢ်လီၤဖး, ဒီးဒၢးတဒၢးန့ၣ်အမဲာ်ညါ ဆူကလံၤစိးတခီလီၤ.

² လၢပဲတရီလၢကလံၤစိးအမဲာ်ညါန့ၣ် အထီမ့ၢ်အပျၢ် တကယၤ, ဒီးအဒီၣ်ဃီၤမ့ၢ်အပျၢ်ယဲၢ်ဆံလီၤ.

³ ထူၣ်တဖၣ်လၢထူၣ်တဖၣ် အမဲာ်ညါန့ၣ်အိၣ်ဝဲသၢ ဂ့ၢ်သဃီၤဒီးဂၢၤလၢညါတပူၤအပျၢ်ခံဆံ, ဒီးသဃီၤဒီး တၢ်ဒါလၢၢ်လၢတၢ်အဂၢၤလၢခိတပူၤလီၤ.

⁴ ဒီးတၢ်ဟးဝ့ၤဝီၤအလီၢ် အဒီၣ်ဃီၤဆံဆဲၣ်ပျၢ်လၢညါ တခီ, ကျဲတပျၢ်အိၣ်ဝဲလၢဒၢးဖိတဖၣ်အမဲာ်ညါန့ၣ် လီၤ. ဒီးအကျဲစၢၤဖျိထီၣ်ဝဲဆူကလံၤစိးလီၤ.

⁵ ဒီးဒၢးဖိလၢထးခီတဖၣ်န့ၣ် အံၣ်န့ၢ်ဒၢးတဖၣ်အိၣ်ဝဲ လၢလာ်ခီတတီၤ, ဒီးလၢဒၢးတဖၣ်အိၣ်ဝဲလၢတၢ်အ ဘၢၣ်စၢၤတတီၤတက့ၢ်လီၤ. အဂ့ၢ်ဒ်အံၤ, ထူၣ်တဖၣ် န့ၣ် ဟံးန့ၢ်အလီၢ်လီၤ.

⁶ အဂ့ၢ်ဒ်အံၤ, အိၣ်ဝဲသၢတီၤလီၤ. ဘၣ်ဆၣ်ဒီးထူၣ်တ ဖၣ်ဒ်ထူၣ်လၢတၢ်ဂၢၤပူၤအသိးန့ၣ်တအိၣ်ဘၣ်. မၤသး ဒ်န့ၣ်ဒီးအံၣ်န့ၢ်တၢ်လၢလာ်ခီတတီၤ, ဒီးတၢ်လၢအ ဘၢၣ်စၢၤတတီၤတက့ၢ်န့ၣ်လီၤ.

⁷ ဒီးတၢ်အဒူၣ်လၢခိ အိၣ်သဃီၤဒီးဒၢးဖိတဖၣ်ဆူတၢ် အဂၢၤလၢခိတပူၤလၢဒၢးဖိတဖၣ်အမဲာ်ညါန့ၣ် အထီ မ့ၢ်အပျၢ်ယဲၢ်ဆံလီၤ.

⁸ အဂ့ၢ်ဒ်အံၤ, ဒၢးဖိတဖၣ်လၢတၢ်အဂၢၤလၢခိတပူၤ န့ၣ်အထီမ့ၢ်အပျၢ်ယဲၢ်ဆံလီၤ. မ့မ့ၢ်လၢနူၢ်အမဲာ်ညါန့ၣ် မ့ၢ်အပျၢ်တကယၤလီၤ.

⁹ ဒီးလၢဒၢးဖိတဖၣ်အဖီလာ်န့ၣ် ကျဲလဲၤနုာ်လၢအဖျိ ထီၣ်ဆူမုၢ်ထီၣ်တခီ, အိၣ်ဝဲဖဲပှၤလဲၤနုာ်ဆူအပူၤလၢ တၢ်အဂၢၤလၢခိလီၤ.

¹⁰ လၢတၢ်အဂၢၤအဒူၣ်အတီၤပူၤ ဆူမုၢ်ထီၣ်တခီ, လၢ တၢ်အလီၢ်လီၤဖးအမဲာ်ညါ, ဒီးလၢဒၢးတဖျၢၣ်အမဲာ် ညါန့ၣ်ဒၢးဖိတဖၣ်အိၣ်ဝဲလီၤ. ¹¹ ဒီးကျဲအိၣ်ဝဲလၢအမဲာ် ညါမၤသးဒ်တၢ်လၢဒၢးဖိတဖၣ် လၢအအိၣ်ဝဲဆူကလံၤ စိးအသိးန့ၣ်လီၤ. အထီတုၤသိးသိး, ဒီးအဒီၣ်ဃီၤတုၤ တုၤသိးသိး, ဒီးအဟးထီၣ်အလီၢ်ခဲလၢာ်, ဒီးအက့ၢ် အဂီၤ, ဒီးအကျဲစၢၤန့ၣ်မ့ၢ်ဒ်သိးသိးလီၤ.

¹² ဒီးဒၢးဖိတဖၣ်အိၣ်ဝဲဒီးကျဲစၢၤဖျိထီၣ်ဝဲဆူ ကလံၤထံး တခီဒ်န့ၣ်သိးလီၤ. ကျဲအခီၣ်ထံးအိၣ်ဝဲဒီးကျဲစၢၤတဖျိ လၢကျဲတဘိအိၣ်ဝဲလၢ တၢ်ဒူၣ်အမဲာ်ညါဆူမုၢ်ထီၣ် တခီဖဲပှၤလဲၤနုာ်လၢအပူၤလီၤ.

¹³ ဒီးအဝဲဒၣ်စံးဘၣ်ယၤ, ဒၢးဖိတဖၣ်လၢကလံၤစိးတ ခီ, ဒီးဒၢးဖိတဖၣ်လၢကလံၤထံးတခီလၢအအိၣ်လၢ တၢ်အလီၢ်လီၤဖးအမဲာ်ညါန့ၣ် မ့ၢ်ဒၢးဖိစီဆှံဖဲပှၤလုၢ် တၢ်အဒိၣ်တုၤအသုးဘူးအသးဆူ ယွၤအအိၣ်န့ၣ်ဒီး, အီၣ်ဘၣ်တၢ်စီဆှံကတၢၢ်လီၤ. ဘၣ်ပာ်တၢ်စီဆှံက တၢၢ်တဖၣ်, ဒီးတၢ်မၤဘူၣ်တၢ်အီၣ်, ဒီးတၢ်လုၢ်တၢ်ဒဲး ဘးဒီးတၢ်လုၢ်တၢ်ကမၣ်ဖဲန့ၣ်လီၤ. အဂ့ၢ်ဒ်အံၤ, တၢ် အလီၢ်န့ၣ်စီဆှံဝဲလီၤ.

¹⁴ တုၤပှၤလုၢ်တၢ်အဒိၣ်လဲၤနုာ်ဒီး, တဘၣ်ဟးထီၣ်ဘၣ် ဆူတၢ်အဂၢၤလၢခိအပူၤဘၣ်. မ့ၢ်အဘၣ်ပာ်အကူအ သိးလၢအမၤတၢ်အခ့အပှၤအတၢ် လၢအပူၤဖဲန့ၣ်လီၤ. အဂ့ၢ်ဒ်အံၤ, မ့ၢ်တၢ်စီဆှံလီၤ. ဒီးကဘၣ်ကူသိးတၢ်အ ကူအသိးအဂၤ, ဒီးသုးဘူးအသးဆူတၢ်ဘၣ်ဃးဒီးပှၤ ဂီၢ်မုၢ်လီၤ.

¹⁵ ဒီးထိၣ်ဟံၣ်လၢညါတဖျၢၣ်ခဲလၢာ်ဝံၤဒီး, စိာ်ထီၣ် ယၤဆူပဲတရီလၢအဖျိဝဲဆူမုၢ်ထီၣ်တခီ, ဒီးထိၣ်ဝဲဝး တရံးလီၤ.

¹⁶ ဒီးထိၣ်အဃၢၤလၢမုၢ်ထီၣ်တခီလၢနီၣ်ထိၣ်တပိၢ်, ဒီး အိၣ်ဝဲအစိၤယဲၢ်ကယၤဝးတရံးဝဲလီၤ. ¹⁷ ထိၣ်ဝဲအဃၢၤ လၢကလံၤစိးလၢနီၣ်ထိၣ်တပိၢ်, ဒီးအိၣ်ဝဲအစိၤယဲၢ် ကယၤဝးတရံးဝဲလီၤ. ¹⁸ ထိၣ်အဃၢၤလၢကလံၤထံးတ ခီလၢနီၣ်ထိၣ်တပိၢ်, ဒီးအိၣ်ဝဲအစိၤယဲၢ်ကယၤဝးတ ရံးဝဲလီၤ.

¹⁹ ဃၣ်အသးဆူမုၢ်ထီၣ်တခီ, ဒီးထိၣ်ဝဲအစိၤယဲၢ်ကယၤ လၢနီၣ်ထိၣ်တပိၢ်လီၤ.

²⁰ ထိၣ်တၢ်အဒူၣ်လၢအကပၤလွံၢ်ခီဝးတရံးဝဲလီၤ. အ ထီမ့ၢ်ယဲၢ်ကယၤ, ဒီးအဒီၣ်ဃီၤမ့ၢ်ယဲၢ်ကယၤ, ဒ်သိးက နီၤဖးတၢ်စီဆှံအလီၢ်ဒီး တၢ်တကဆှီဘၣ်အလီၢ်အဆၢ န့ၣ်လီၤ.

၄၃

¹ ဒီးလၢခံက့ၤစိာ်ယၤဆူပဲတရီလၢ အဖျိဝဲဆူမုၢ်ထီၣ် တခီ, ² ဒီးကွၢ်ကွၢ်, အံၣ်စရ့လးအကစၢ်အလၤကပီၤ ဟဲဝဲလၢမုၢ်ထီၣ်အကျဲ, ဒီးအသီၣ်န့ၣ်မၤအသးဒ်ထံအါ အသီၣ်သိးန့ၣ်, ဒီးဟီၣ်ခိၣ်ကပီၤထီၣ်ဝဲလၢအလၤက ပီၤလီၤ.

³ ဒီးတၢ်ဖျါဝဲမၤအသးဒ်တၢ်ထံၣ်လၢညါခီ လၢယထံၣ် ဒ်တၢ်ထံၣ်လၢညါခီလၢယထံၣ်ဖဲယဟဲမၤဟးဂီၤဝ့ၢ်အ သိးန့ၣ်, ဒီးတၢ်ထံၣ်လၢညါခီန့ၣ်မၤသးဒ်တၢ်လၢယ ထံၣ်ဘၣ်လၢကဘၢ်အထံနံၤအသိးန့ၣ်လီၤ. ဒီးယထိၣ် လီၤဃံၤအီထီလာ်ယသးလီၤ.

⁴ ဒီးယွၤအလၤကပီၤ ဟဲနုာ်လၢဟံၣ်ပူၤလၢကျဲအပဲတ ရီအပူၤလၢအဖျိထီၣ်ဆူမုၢ်ထီၣ်တခီလီၤ.

⁵ ဒီးသးန့ၣ်ဟံးန့ၢ်ယၤ, ဒီးစိာ်ယၤဆူတၢ်ဂၢၤလၢညါ ခီတပူၤ, ဒီးကွၢ်ကွၢ်, ယွၤအလၤကပီၤမၤပှဲၤဟံၣ်လီၤ.

⁶ ဒီးယနၢ်ဟူတၢ်တဂၤ ကတိၤတၢ်ဒီးယၤလၢဟံၣ်ပူၤ, ဒီးပှၤကညီတဂၤ ဆၢထၢၣ်လၢအဃၢၤလီၤ. ⁷ ဒီးစံး ဘၣ်ယၤ, ပှၤကညီဖိခွါဧၢ, ယလီၢ်ပစိာ်အလီၢ်ဒီးယခီၣ် ညါသးအလီၢ်ဖဲ ယကအိၣ်လၢပှၤအံၣ်စရ့လးဖိအကျါ လီၤထူလီၤယိာ်မ့ၢ်ဖဲအံၤလီၤ. ဒီးပှၤအံၣ်စရ့လးဖိတမၤ ဘၣ်အၢလၢၤဘၣ်ယမံၤစီဆှံဘၣ်, အဝဲသ့ၣ်မ့ၢ်ဂ့ၤ, အ စီၤပၤတဖၣ်မ့ၢ်ဂ့ၤ, တမၤဘၣ်အၢဝဲလၢအမၤကမၣ်မုၣ် ကမၣ်ခွါအဃိ, ဒီးလၢအစီၤပၤအစိၣ်လၢ အလီၢ်ထီၣ် ထီတဖၣ်အဃိဘၣ်. ⁸ မ့ၢ်အသူၣ်အကျဲစၢၤကျိၤထံးလၢ ယကျဲစၢၤကျိၤထံးအဃၢၤ, ဒီးအထူၣ်လၢယထူၣ်အ ဃၢၤ, ဒီးအိၣ်ထဲအဒူၣ်တဒူၣ်လၢယၤဒီးအဝဲသ့ၣ်အ ဘၢၣ်စၢၤန့ၣ်ဒီး, မၤဘၣ်အၢယမံၤစီဆှံလၢအတၢ်သး ဘၣ်အၢလၢအမၤဝဲလီၤ. ဒီးယမၤလၢာ်ကွံာ်အီၤလၢယ သးထီၣ်န့ၣ်လီၤ.

⁹ ခဲကနံၣ်အံၤ မ်အပာ်အတၢ်မၤကမၣ်မုၣ်ကမၣ်ခွါယံၤ ဒီးယၤ, ဒီးအစီၤပၤအစိၣ်တဖၣ်ယံၤဒီးယၤတက့ၢ်, ဒီး ယကအိၣ်လၢအကျါလီၤထူလီၤယိာ်လီၤ.

¹⁰ နဲဒၣ်အံၤပှၤကညီဖိခွါဧၢ, ဒုးနဲၣ်ပှၤအံၣ်စရ့လးအပှၤ ဟံၣ်ဖိလၢဟံၣ်တဖျၢၣ်အံၤ, ဒ်သိးအမဲာ်ကဆှးလၢအ တၢ်ဒဲးဘးအဃိ, ဒီးမ်အထိၣ်တၢ်အဒိအတဲာ်န့ၣ်တ က့ၢ်.

¹¹ ဒီးအမဲာ်မ့ၢ်ဆှးလၢ ကယဲၢ်တၢ်လၢအမၤဝဲအဃိဒီး, ဘိးဘၣ်သ့ၣ်ညါအီၤလၢအဒိအတဲာ်ဒီးအက့ၢ်အဂီၤ, ဒီး ကျဲဟဲနုာ်ဒီးလဲၤထီၣ်တဖၣ်, ဒီးအဂီၤတဖၣ်ခဲလၢာ်, ဒီး တၢ်မၤလိာ်ခဲလၢာ်, ဒီးအဒိအတဲာ်ခဲလၢာ်, ဒီးအတၢ် သိၣ်တၢ်သီတဖၣ်ခဲလၢာ်န့ၣ်, ဒီးကွဲးတၢ်န့ၣ်လၢအမဲာ် ညါဒ်သိးအကတိၢ်န့ၢ် တၢ်အဒိအတဲာ်ဒီဖျၢၣ်ညါ, ဒီး အတၢ်မၤလိာ်ခဲလၢာ်, ဒီးမၤအီၤန့ၣ်တက့ၢ်.

¹² အအံၤမ့ၢ်ဟံၣ်အတၢ်သိၣ်တၢ်သီ, လၢကစၢၢ်ဒီခိၣ်န့ၣ် တၢ်အိၣ်ဝဲလၢအဃၢၤဝးတရံးဝဲဒီဖျၢၣ်ညါ ကမ့ၢ်တၢ် စီဆှံကတၢၢ်လီၤ. ကွၢ်ကွၢ်, အဝဲန့ၣ်မ့ၢ်ဟံၣ်အတၢ်သိၣ် တၢ်သီလီၤ.

¹³ ဒီးတၢ်ထိၣ်တၢ်လုၢ်လီၢ်လၢပျၢ်တဖၣ်ဒ်အံၤ, (တပျၢ် န့ၣ်မ့ၢ်တပျၢ်ဒီးတထါလီၤ.) တၢ်လၢလာ်ခီန့ၣ်အက စီၤထီၣ်ကမ့ၢ်ဝဲတပျၢ်, ဒီးအဒီၣ်ဃီၤတပျၢ်, ဒီးအခိၣ်ဒူ လၢအကနူၤအဃၢၤဝးတရံးဝဲန့ၣ် ကမ့ၢ်တထါလီၤ. ဒီးအဝဲန့ၣ်မ့ၢ်တၢ်လုၢ်လီၢ်အလီၢ်လၢခိတခီလီၤ.

¹⁴ ဒီးလၢလာ်ခီလၢဟီၣ်ခိၣ်အဖီခိၣ် ပၢၢ်လၢအကနူၤ လၢလာ်ခီန့ၣ်မ့ၢ်ခံပျၢ်, ဒီးအဒီၣ်ဃီၤတပျၢ်, ဒီးလၢအ ကနူၤအအံၣ်ပၢၢ်လၢအကနူၤအလဲၢ်န့ၣ် မ့ၢ်လွံၢ်ပျၢ်, ဒီး အဒီၣ်ဃီၤမ့ၢ်တပျၢ်လီၤ.

¹⁵ ဒီးတၢ်လုၢ်လီၢ်မ့ၢ်လွံၢ်ပျၢ်, ဒီးလၢတၢ်လုၢ်လီၢ်ဆူထး ခီန့ၣ်အနၢၣ်လွံၢ်နၢၣ်ကအိၣ်ဝဲလီၤ.

¹⁶ ဒီးတၢ်လုၢ်လီၢ်အထီမ့ၢ်တဆံခံပျၢ်, အဒီၣ်ဃီၤတဆံ ခံပျၢ်, တၢ်လွံၢ်နၢၣ်, အကပၤတုၤသိးသိးလီၤ.

¹⁷ ဒီးအကနူၤအထီကမ့ၢ်တဆံလွံၢ်ပျၢ်, ဒီးအိၣ်ဝဲလၢအ ဒီၣ်ဃီၤတဆံလွံၢ်ပျၢ်လၢတၢ်လွံၢ်ကပၤလီၤ. ဒီးအခိၣ်ဒူ လၢအဃၢၤမ့ၢ်ဖးဖီပျၢ်, ဒီးအခီၣ်ထံးန့ၣ်မ့ၢ်တပျၢ်ဝးတ ရံးဝဲ, ဒီးအဃီန့ၣ်ကစဲၤလီၤဝဲဆူမုၢ်ထီၣ်တခီလီၤ.

¹⁸ ဒီးစံးဘၣ်ယၤ, ပှၤကညီဖိခွါဧၢ, ကစၢ်ယွၤစံးဒ်အံၤ, အဝဲန့ၣ်မ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်လီၢ်လၢ မုၢ်တနံၤလၢပှၤကတ့အီၤဒ်သိး အကလုၢ်တၢ်လုၢ်မ့ၣ် အူလၢအဖီခိၣ်, ဒီးဖှံတၢ်သွံၣ်လၢအဖီခိၣ်န့ၣ်လီၤ.

¹⁹ ဒီးနဘၣ်ဟ့ၣ်ပှၤလုၢ်တၢ်အဒိၣ်, ပှၤလ့ၤဝံဖိ, စီၤစၤဒိး အချံအသၣ်လၢအသုးဘူးအသးဆူယအိၣ်, ဒ်သိးအ ကမၤယတၢ်န့ၣ်လၢဂီၤဖံးဖါဖိတဒုလၢ တၢ်လုၢ်တၢ်ဒဲး ဘးအဂီၢ်လီၤ.

²⁰ ဒီးနဘၣ်ဟံးန့ၢ်အသွံၣ်, ဒီးပာ်လၢတၢ်အနၢၣ်လွံၢ် နၢၣ်အလိၤ, ဒီးလၢအကနူၤလွံၢ်နၢၣ်အလိၤ, ဒီးလၢ အခိၣ်ဒူဝးတရံးဝဲအလိၤလီၤ. နဘၣ်မၤကဆှီအီၤ, ဒီးမၤ တၢ်ပူၤဖျဲးလၢအဂီၢ်လီၤ.

²¹ နဘၣ်ဟံးန့ၢ်တၢ်လုၢ်တၢ်ဒဲးဘးအဂီၤဖံးဖါတဒု, ဒီး ပှၤဘၣ်ဆူးထီၣ်ကွံာ်အီၤလၢ တၢ်မၤလိာ်ပာ်အလီၢ်လၢ ဟံၣ်ပူၤလၢတၢ်အလီၢ်စီဆှံလၢခိလီၤ.

²² ဒီးမုၢ်ခံနံၤတနံၤန့ၣ် နကဘၣ်လုၢ်မဲာ်တဲးလဲးဖါအလၢ အပှဲၤတဒုလၢ တၢ်လုၢ်တၢ်ဒဲးဘးအဂီၢ်, ဒီးပှၤကမၤ ကဆှီတၢ်လုၢ်လီၢ်ဒ်အမၤကဆှီဝဲလၢ ဂီၤဖံးဖါတဒုအ သိးန့ၣ်လီၤ.

²³ ဒီးတုၤနမၤကဆှီအီၤဝံၤဒီး, နဘၣ်လုၢ်ဂီၤဖံးဖါဖိအ လၢအပှဲၤတဒု, ဒီးတၢ်အဖါလၢသိဒီးမဲာ်တဲးလဲးအ ကျါအလၢအပှဲၤတဒုလီၤ.

²⁴ ဒီးနဘၣ်လုၢ်အီၤလၢယွၤအမဲာ်ညါ, ဒီးပှၤလုၢ်တၢ်အ ဒိၣ်တဖၣ်ဘၣ်ဖၢလီၤအံသၣ်လၢအဖီခိၣ်, ဒီးလုၢ်ထီၣ် အီၤလၢတၢ်လုၢ်မ့ၣ်အူလၢယွၤအဂီၢ်လီၤ.

²⁵ နွံနံၤအတီၢ်ပူၤန့ၣ် နဘၣ်လုၢ်မဲာ်တဲးလဲးတဒုလၢတၢ် လုၢ်တၢ်ဒဲးဘးအဂီၢ်ကိးနံၤဒဲးလီၤ. ဒီးပှၤဘၣ်လုၢ်ဂီၤဖံး ဖါဖိတဒု, ဒီးတၢ်အဖါအလၢအပှဲၤတဒုလၢ သိဒီးမဲာ် တဲးလဲးအကျါလီၤ.

²⁶ နွံနံၤအတီၢ်ပူၤန့ၣ် ပှၤဘၣ်မၤကဆှီထီၣ်, ဒီးမၤတၢ်ပူၤ ဖျဲးလၢတၢ်လုၢ်လီၢ်အဂီၢ်ဒီးဘၣ်ပာ်စီဆှံအီၤလီၤ.

²⁷ ဒီးတၢ်လၢမုၢ်နံၤတဖၣ်န့ၣ်ပူၤကွံာ်ဒီး, တၢ်ကမၤအ သးလၢမုၢ်ဃိးနံၤတနံၤဒီးဆူညါ, ပှၤလုၢ်တၢ်အဒိၣ်တ ဖၣ်န့ၣ်ဘၣ်လုၢ်သုတၢ်လုၢ်မ့ၣ်အူ, ဒီးသုတၢ်လုၢ်မၤဃူ မၤဖိးလၢသုတၢ်လုၢ်လီၢ်အဖီခိၣ်, ဒီးသုကဘၣ်ယသး လီၤ, ကစၢ်ယွၤစံးဝဲဒၣ်.

၄၄

¹ ဒီးစိာ်ထီၣ်ကဒါက့ၤယၤလၢ ကျဲဆူတၢ်အလီၢ်စီဆှံ အပဲတရီလၢခိတဖျိလၢအဖျိဝဲဆူမုၢ်ထီၣ်တခီ, ဒီးကး တံာ်ဃာ်အသးလီၤ.

² ဒီးယွၤစံးဘၣ်ယၤ, ပဲတရီတဖျိအံၤဘၣ်ကးတံာ်ဃာ် အသးလီၤ. တၢ်တဘၣ်အိးထီၣ်အီၤဘၣ်. ဒီးပှၤတဘၣ် လဲၤနုာ်ဘၣ်လၢအပူၤနီတဂၤဘၣ်. အဂ့ၢ်ဒ်အံၤ, ယွၤအံၣ် စရ့လးအကစၢ်လဲၤနုာ်တ့ၢ်လၢအီၤလီၤ. မၤသးဒ်န့ၣ် ဒီးကဘၣ်ကးတံာ်ဃာ်အသးလီၤ.

³ ပဒိၣ်ဖးဒိၣ်, ပဒိၣ်ဖးဒိၣ်အဝဲဒၣ်ကဆ့ၣ်နီၤဝဲလၢအ ပူၤဒ်သိးအကအီၣ်တၢ်အီၣ်လၢယွၤအမဲာ်ညါ, ကလဲၤ နုာ်ဝဲလၢပဲတရီအတၢ်ခိၣ်ဒုးထီၣ်အသး, ဒီးကဟးထီၣ် ဝဲလၢအကျဲတဘိဃီန့ၣ်လီၤ.

⁴ ဒီးစိာ်ထီၣ်ယၤဆူပဲတရီလၢကလံၤစိးတခီ လၢဟံၣ် အမဲာ်ညါ, ဒီးယကွၢ်, ဒီးကွၢ်ကွၢ်, ယွၤအလၤကပီၤမၤ ပှဲၤယွၤအဟံၣ်, ဒီးယထိၣ်လီၤဃံၤအီထီလာ်ယသး လီၤ.

⁵ ဒီးယွၤစံးဘၣ်ယၤ, ပှၤကညီဖိခွါဧၢ, တိၢ်လၢနသးဒီး ကွၢ်လၢနမဲာ်, ဒိးနနၢ်လၢ ကယဲၢ်တၢ်လၢယစံးဘၣ်နၤ လၢယွၤအဟံၣ်အတၢ်မၤလိာ်အဂ့ၢ်ဒီး အတၢ်သိၣ်တၢ် သီ, ဒီးတိၢ်လၢနသးလၢတၢ်လဲၤနုာ်ဟံၣ်ပူၤ, ဒီးကယဲၢ် တၢ်ဟးထီၣ်လၢ တၢ်အလီၢ်စီဆှံအကျဲတဘိလၢ်လၢ် န့ၣ်တက့ၢ်.

⁶ ဒီးစံးဘၣ်ပှၤအံၣ်စရ့လးအပှၤဟံၣ်ဖိ, လၢအပူထီၣ် ဒၣ်တၢ်, ကစၢ်ယွၤစံးဒ်အံၤ, ပှၤအံၣ်စရ့လးအပှၤဟံၣ် ဖိသ့ၣ်ဧၢ, ⁷ လၢကယဲၢ်သုတၢ်မၤဘၣ်အၢတဖၣ်အဖီ ခိၣ်န့ၣ်မ့ၢ်သုဒုးဟဲနုာ်ပှၤတခီဘီမုၢ်ဖိ, ပှၤတဒိးဘၣ်တၢ် ကူးတရံးလၢသး, ဒီးတဒိးတၢ်ကူးတရံးလၢညၣ်, လၢ ယလီၢ်စီဆှံအပူၤသတးဒီး, သုမၤဘၣ်အၢယဟံၣ်ဖဲအ ကတီၢ်လၢသုမၤဘူၣ်တၢ်အီၣ်, တၢ်သိ, ဒီးတၢ်သွံၣ်, ဒီး မၤဟးဂီၤယတၢ်အၢၣ်လီၤအီလီၤလၢ သုတၢ်သးဘၣ် အၢအဃိသတးဒီး, မ်သုမံသူၣ်မံသးလၢသုတၢ်သး ဘၣ်အၢအဂ့ၢ်တက့ၢ်.

⁸ ဒီးသုတကွၢ်ဘၣ်တၢ်ပၢၤယလီၢ်စီဆှံဘၣ်, မ့မ့ၢ်သုပာ် ပှၤကွၢ်တၢ်ပၢၤယလီၢ်စီဆှံလၢသုဂီၢ်ဒၣ်သုဝဲလီၤ.

⁹ ကစၢ်ယွၤစံးဒ်အံၤ, ပှၤတခီဘီမုၢ်ဖိတဒိးဘၣ်တၢ်ကူး တရံးလၢသး, ဒီးတဒိးဘၣ်တၢ်ကူးတရံးလၢညၣ်လၢ ပှၤတခီဘီမုၢ်ဖိအိၣ်လၢ ပှၤအံၣ်စရ့လးဖိအကျါန့ၣ်တ ဘၣ်လဲၤနုာ်ဘၣ်ဆူယလီၢ်စီဆှံအပူၤနီတဂၤဘၣ်.

¹⁰ မ့မ့ၢ်ပှၤလ့ၤဝံဖိဒၣ်လဲာ်လၢ အလဲၤသဒၣ်ယၤဆူအ ယံၤဖဲအကတီၢ်လၢ အံၣ်စရ့လးဟးဖျိးကျဲလၢအဟး ဖျိးတၢ်လၢယၤ, ဒီးလဲၤထွဲအတၢ်ဂီၤတၢ်ဖီၣ်အခံန့ၣ်အ ဝဲသ့ၣ်တဖၣ်န့ၣ်ကဘၣ်အတၢ်ဒဲးဘးလီၤ.

¹¹ ဘၣ်ဆၣ်ဒီးကမၤယခ့ယပှၤအတၢ်လၢ ယလီၢ်စီဆှံ အပူၤ, ကပၢၤတၢ်ဖဲဟံၣ်အပဲတရီ, ဒီးကမၤဟံၣ်အခ့ အပှၤအတၢ်မၤလီၤ. ကမၤသံတၢ်လုၢ်မ့ၣ်အူ, ဒီးတၢ်လုၢ် လၢပှၤဂီၢ်မုၢ်အဂီၢ်, ဒီးကဆၢထၢၣ်လၢအမဲာ်ညါဒ်သိး အကမၤပှၤဂီၢ်မုၢ်အခ့အပှၤအတၢ်လီၤ.

¹² မ့ၢ်အမၤတၢ်အခ့အပှၤအတၢ်လၢ အတၢ်ဂီၤတၢ်ဖီၣ် အမဲာ်ညါ, ဒီးဒုးလီၤကမၣ်အံၣ်စရ့လးအပှၤဟံၣ်ဖိဒီး, ယယူာ်ထီၣ်လံယစုထီဒါအီၤ, ဒီးယဆိၣ်လၢအက ဘၣ်အတၢ်ဒဲးဘးလီၤ, ကစၢ်ယွၤစံးဝဲဒၣ်.

¹³ ဒီးတဘၣ်သုးဘူးအသးဆူယအိၣ် ဒ်သိးအကမၤပှၤ လုၢ်တၢ်အဒိၣ်အတၢ်လၢယဂီၢ်, ဒီးတဘၣ်သုးဘူးဘၣ် အသးဒ်သိး အကမၤယတၢ်စီဆှံတမံၤလၢတၢ်အလီၢ် စီဆှံကတၢၢ်နီတမံၤဘၣ်လီၤ. မ့မ့ၢ်ဘၣ်တူၢ်အတၢ်မဲာ် ဆှးဒီးအတၢ်သးဘၣ်အၢလၢအမၤတ့ၢ်တၢ်လီၤ.

¹⁴ ဘၣ်ဆၣ်ဒီးယကပာ်အီၤလၢ ပှၤကွၢ်တၢ်ပၢၤဟံၣ်လၢ အတၢ်မၤခဲလၢာ်အဂီၢ်, ဒီးလၢကယဲၢ်တၢ်လၢပှၤကမၤ ဝဲလၢအပူၤခဲလၢာ်အဂီၢ်လီၤ.

¹⁵ မ့မ့ၢ်ပှၤလုၢ်တၢ်အဒိၣ်, ပှၤလ့ၤဝံဖိ, စီၤစၤဒိးအဖိခွါလၢ အကွၢ်တၢ်ပၢၤယလီၢ်စီဆှံဖဲ အကတီၢ်လၢပှၤအံၣ်စရ့ လးဖိဟးဖျိလၢယအိၣ်န့ၣ် ကသုးဘူးအသးဆူယအိၣ် ဒ်သိးအကမၤယခ့ယပှၤအတၢ်, ဒီးကဆၢထၢၣ်လၢ ယမဲာ်ညါဒ်သိးအကလုၢ်ယၤလၢ တၢ်သိဒီးတၢ်သွံၣ်, ကစၢ်ယွၤစံးဝဲဒၣ်.

¹⁶ ကလဲၤနုာ်ဝဲဆူယလီၢ်စီဆှံအပူၤ, ဒီးကသုးဘူးအသး ဆူယစီၢ်နီၤခိၣ်အအိၣ်ဒ်သိး အကမၤယခ့ယပှၤအတၢ်, ဒီးကကွၢ်ယတၢ်ပၢၤလီၤ.

¹⁷ ဒီးတုၤအလဲၤနုာ်လၢ တၢ်အဂၢၤလၢညါတပူၤအပဲ တရီန့ၣ်တၢ်ကမၤအသးလၢ အကသိးဝဲဒီး ဖှီဝါက ဆှၣ်, ဒီးသိအဆူၣ်တဘၣ်ဟဲဘူးဘၣ်ဒီးအီၤ လၢအမၤ တၢ်လၢတၢ်ဂၢၤလၢညါတပူၤအပဲတရီ, ဒီးလၢဟံၣ်လၢ ညါခီအဖၢမုၢ်န့ၣ်ဘၣ်.

¹⁸ ဒီးဘၣ်အိၣ်ဒီးအခိၣ်ဖၢၣ်ဖှီဝါကဆှၣ် လၢအခိၣ်, ဒီး တၢ်ဖျီၣ်ခံဖှီဝါကဆှၣ်လၢအယီၢ်ဒ့, ဒီးတဘၣ်ကံၢ်တူာ် ဘၣ်အသးလၢတၢ်ဒုးကပၢၤထီၣ်တၢ်ဘၣ်.

¹⁹ ဒီးတုၤအဟးထီၣ်ဆူဂၢၤလၢခိတပူၤ, ဆူဂၢၤလၢခိ လၢပှၤဂီၢ်မုၢ်အအိၣ်ဒီး, ကဘ့ၣ်ကွံာ်အကူအသိးလၢ အမၤအတၢ်လၢအပူၤဒီး ပာ်အီၤလၢဒၢးဖိစီဆှံတဖၣ် အပူၤ, ဒီးကူထီၣ်သိးထီၣ်တၢ်အကူအသိးအဂၤ, ဒ်သိး အသုတမၤစီဆှံပှၤဂီၢ်မုၢ်လၢအကူအသိးတဂ့ၤလီၤ.

²⁰ ဒီးတဘၣ်လူၤဘၣ်အခိၣ်ဘၣ်, ဒီးတဘၣ်ဒုးထီထီၣ် အခိၣ်သူထီထီကလဲာ်ဘၣ်. ဘၣ်တံာ်အခိၣ်သူလီၤ.

²¹ ဒီးတုၤပှၤလုၢ်တၢ်အဒိၣ် လဲၤနုာ်လၢဂၢၤလၢညါခီတ ပူၤဒီး, တဘၣ်အီဘၣ်စပံးထံနီတဂၤဘၣ်.

²² ဒီးပှၤမုၣ်ကမဲမ့ၢ်ဂ့ၤ, ပိာ်မုၣ်လီၤဖှၣ်ဒီးအဝၤမ့ၢ်ဂ့ၤ, တ ဘၣ်န့ၢ်ဘၣ်မါလၢအီၤဘၣ်. ဘၣ်ဟံးန့ၢ်ပှၤမုၣ်ကနီၤ လၢအံၣ်စရ့လးအပှၤဟံၣ်ဖိအချံအသၣ်အကျါလီၤ. မ့ တမ့ၢ်ဘၣ်ဒီးကဟံးန့ၢ် ပှၤမုၣ်ကမဲလၢအမ့ၢ်တ့ၢ်ပှၤလုၢ် တၢ်အဒိၣ်အမါလီၤ.

²³ ဒီးကသိၣ်လိယပှၤဂီၢ်မုၢ်လၢတၢ်စီဆှံ ဒီးတၢ်တဘၣ် ပာ်စီဆှံအီၤအဆၢ, ဒီးဒုးနီၤဖးအီၤလၢတၢ်ကဆှီဒီးတၢ် တကဆှီဘၣ်အဆၢလီၤ.

²⁴ ဒီးလၢပှၤလိာ်ကွီၢ်န့ၣ် ကဆၢထၢၣ်ဝဲဒ်သိးအကစံၣ် ညီၣ်ကွီၢ်လီၤ. ကစံၣ်ညီၣ်ဝဲဒ်ယတၢ်စံၣ်ညီၣ်အသိးန့ၣ် ဒီးတိၢ်န့ၢ်ယတၢ်သိၣ်တၢ်သီ, ဒီးယတၢ်မၤလိာ်လၢယ မၤဘူၣ်အဆၢအကတီၢ်ခဲလၢာ်အပူၤ, ဒီးကပာ်စီဆှံယ အိၣ်ဘှံးနံၤတဖၣ်လီၤ.

²⁵ ဒီးတဘၣ်ဟဲဘူးဘၣ်ဆူ ပှၤသံလၢအကမၤတကဆှီ ဘၣ်အသးနီတဂၤဘၣ်. ဘၣ်ဆၣ်ဒီးလၢပၢ်အဂီၢ်မ့ၢ်ဂ့ၤ, လၢမိၢ်အဂီၢ်မ့ၢ်ဂ့ၤ, လၢဖိခွါအဂီၢ်မ့ၢ်ဂ့ၤ, လၢဖိမုၣ်အ ဂီၢ်မ့ၢ်ဂ့ၤ, လၢဒီပုၢ်ဝဲၢ်ခွါအဂီၢ်မ့ၢ်ဂ့ၤ, လၢဒီပုၢ်ဝဲၢ်မုၣ် လၢအဝၤတအိၣ်ဘၣ်အဂီၢ်မ့ၢ်ဂ့ၤ, ကမၤတကဆှီဘၣ် အသးလီၤ. ²⁶ ဒီးလၢတၢ်သ့စီကွံာ်အီၤအလီၢ်ခံန့ၣ်, ပှၤကဂံၢ်လၢအ ဂီၢ်နွံနံၤလီၤ. ²⁷ မုၢ်တနံၤလၢအလဲၤနုာ်လၢတၢ်အလီၢ် စီဆှံအပူၤ, ဆူဂၢၤလၢညါခီတပူၤဒ်သိး အကမၤတၢ် လၢတၢ်အလီၢ်စီဆှံအပူၤဒီး, ကလုၢ်အတၢ်လုၢ်တၢ်ဒဲး ဘးလီၤ, ကစၢ်ယွၤစံးဝဲဒၣ်.

²⁸ ဒီးတၢ်န့ၣ်ကကဲထီၣ်အတၢ်န့ၢ်သါလီၤ. ယဲဒၣ်အံၤ ယမ့ၢ်အတၢ်န့ၢ်သါလီၤ. ဒီးသုတဘၣ်ဟ့ၣ်လီၤဘၣ်အီၤ လၢတၢ်န့ၢ်သါလၢအံၣ်စရ့လးအကျါ နီတမံၤဘၣ်, ယဲ ဒၣ်အံၤယမ့ၢ်အတၢ်န့ၢ်သါလီၤ.

²⁹ ကအီၣ်ဘၣ်တၢ်မၤဘူၣ်ကိၣ်, ဒီးတၢ်လုၢ်တၢ်ဒဲးဘး, ဒီးတၢ်လုၢ်တၢ်ကမၣ်, ဒီးကယဲၢ်တၢ်မၤဘူၣ်လၢအံၣ်စ ရ့လးအကျါတမံၤလၢ်လၢ်, ကကဲထီၣ်အတၢ်လီၤ.

³⁰ ဒီးတၤသၣ်ဆိအခီၣ်ထံးလၢ တၢ်ခဲလၢာ်အကျါ, ဒီး ကယဲၢ်တၢ်ဝံၢ်လၢသုဝံၢ်ထီၣ် မၤဘူၣ်ခဲလၢာ်အကျါကိး မံၤဒဲးန့ၣ်ကကဲထီၣ်ပှၤလုၢ်တၢ်အဒိၣ်အတၢ်လီၤ. သု ဘၣ်ဟ့ၣ်ပှၤလုၢ်တၢ်အဒိၣ်လၢ သုကိၣ်ကမူၣ်ဆိဒ်သိး အကဒုးအိၣ်ဒုးဆိးတၢ်ဆိၣ်ဂ့ၤလၢသုဟံၣ်ပူၤလီၤ.

³¹ ထိၣ်ဧိၤလံၣ်ဧိၤမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တၢ်လၢအ သံဒၣ်တၢ်မ့ၢ်ဂ့ၤ, လၢအဘၣ်တၢ်အ့ၣ်ဖှီကွံာ်အီၤမ့ၢ်ဂ့ၤ န့ၣ်ပှၤလုၢ်တၢ်အဒိၣ်တဘၣ်အီၣ်ဘၣ်လီၤ.

၄၅

¹ ဒီးသုဖးတၢ်သတးဒီး, တုၤသုနီၤဖးထံဧိၤကီၢ်ဧိၤလၢ တၢ်န့ၢ်သါအဂီၢ်ဒီး, သုဘၣ်မၤဘူၣ်တၢ်ဝံၢ်ထီၣ်လၢ ယွၤအဂီၢ်, ကီၢ်တနီၤစီဆှံလီၤ. အထီကမ့ၢ်အနီၣ်ထိၣ် တပိၢ်အစိၤခံကလးယဲၢ်ကထိ, ဒီးအဒီၣ်ဃီၤကမ့ၢ်အ စိၤတကလးလီၤ. အဝဲန့ၣ်ကစီဆှံဝဲလၢအဃၢၤ ဝးတ ရံးဝဲခဲလၢာ်လီၤ.

² လၢအဝဲန့ၣ်အပူၤအထီအစိၤယဲၢ်ကယၤ, ဒီးအဒီၣ် ဃီၤအစိၤယဲၢ်ကယၤ ကအိၣ်ဝဲလၢအလီၢ်စီဆှံအဂီၢ်, တၢ်လွံၢ်နၢၣ်ဝးတရံးဝဲလီၤ. ဒီးကလီၢ်ကအိၣ်လၢခိဝး တရံးဝဲန့ၣ်အဒီၣ်ဃီၤအပျၢ်ယဲၢ်ဆံလီၤ.

³ ဒီးလၢတၢ်ထိၣ်တ့ၢ်တၢ်အပူၤန့ၣ် နဘၣ်ထိၣ်အထီအ စိၤခံကလးယဲၢ်ကထိ, ဒီးအဒီၣ်ဃီၤအစိၤတကလး, ဒီး ကကဲထီၣ်အလီၢ်စီဆှံ, အလီၢ်စီဆှံကတၢၢ်လီၤ.

⁴ အန့ၣ်မ့ၢ်တၢ်စီဆှံလၢကီၢ်ပူၤအဂီၢ်တဂီၢ်, ကအိၣ်ဝဲ လၢပှၤလုၢ်တၢ်အဒိၣ်အဂီၢ်, ပှၤလၢအမၤတၢ်အလီၢ်စီ ဆှံအခ့အပှၤအတၢ်တဖၣ်, လၢအသုးဘူးအသးဒ်သိး, အကမၤယွၤအခ့အပှၤအတၢ်လီၤ. ဒီးကအိၣ်ဝဲလၢအ ဟံၣ်တဖၣ်အလီၢ်, ဒီးလၢတၢ်အလီၢ်စီဆှံအဂီၢ်, လၢ ယွၤအလီၢ်စီဆှံအဂီၢ်လီၤ.

⁵ ဒီးတၢ်လၢအထီမ့ၢ်အစိၤခံကလးယဲၢ်ကထိ, ဒီးအဒီၣ် ဃီၤအစိၤတကလးန့ၣ် ကအိၣ်ဝဲလၢပှၤလ့ၤဝံဖိ, ပှၤလၢ အမၤဟံၣ်အတၢ်မၤတဖၣ်, အဂီၢ်ဒၣ်ဝဲ, လၢအတၢ်ဟံး ဃာ်အဂီၢ်, ဒီးဒၢးဖိအဒၢးခံဆံလီၤ.

⁶ ဒီးသုဘၣ်ပာ်တၢ်အဒီၣ်ဃီၤအစိၤယဲၢ်ကထိ, ဒီးအ ထီအစိၤခံကလးယဲၢ်ကထိလၢဝ့ၢ်အဂီၢ် သဃီၤဒီးတၢ် အလီၢ်စီဆှံယူာ်ထီၣ်အသးလီၤ. ကအိၣ်ဝဲလၢအံၣ်စရ့ လးအပှၤဟံၣ်ဖိခဲလၢာ်အဂီၢ်လီၤ.

⁷ ဒီးတၢ်အဂီၢ်တဖၣ်လၢ ပဒိၣ်ဖးဒိၣ်အဂီၢ်န့ၣ်ကအိၣ် ဝဲလၢတၢ်စီဆှံအလီၢ်ယူာ်ထီၣ်အသး ဒီးလၢဝ့ၢ်အတၢ် ဟံးဃာ်လၢအဝဲတခီ, ဒီးလၢအဝဲတခီ, ဒီးလၢတၢ် အလီၢ်စီဆှံယူာ်ထီၣ်အသးဒီး ဝ့ၢ်အတၢ်ဟံးဃာ်အမဲာ် ညါလၢအဃၢၤလၢ မုၢ်နုာ်တခီဆူမုၢ်နုာ်တခီ, ဒီးလၢ အဃၢၤလၢမုၢ်ထီၣ်တခီဆူမုၢ်ထီၣ်တခီ, ဒီးအထီန့ၣ် ကအိၣ်သဃီၤဒီးတၢ်အဂီၢ်ကိးမံၤဒဲးလၢ အဃၢၤလၢမုၢ် နုာ်တခီပၢၢ်လၢအဃၢၤလၢမုၢ်ထီၣ်တခီလီၤ.

⁸ တၢ်လၢဟီၣ်ခိၣ်တပူၤန့ၣ် ကကဲထီၣ်အတၢ်ဟံးဃာ် လၢအံၣ်စရ့လးအကျါ ဒ်သိးယပဒိၣ်ဖးဒိၣ်တဖၣ်တ မၤအၢလၢၤဘၣ်ယပှၤဂီၢ်မုၢ်လၢၤဘၣ်. မ့မ့ၢ်ဒ်သိးအက ဟ့ၣ်လီၤဟီၣ်ခိၣ်လၢအအိၣ်လီၤတဲာ်န့ၣ်လၢ အံၣ်စရ့ လးအပှၤဟံၣ်ဖိဒ်အဒူၣ်တဖၣ်အသိးန့ၣ်လီၤ.

⁹ ကစၢ်ယွၤစံးဒ်အံၤ, မ်တၢ်န့ၣ်အါလၢသုဂီၢ်တက့ၢ်, အံၣ်စရ့လးအပဒိၣ်သ့ၣ်ဧၢ, ပာ်ကွံာ်တၢ်မၤန့ၢ်ဆူၣ်, ဒီး တၢ်ဂုာ်ဆူၣ်ပျီဆူၣ်လၢသုအိၣ်တက့ၢ်, ဒီးမၤတၢ်စံၣ် ညီၣ်, ဒီးတၢ်တီတၢ်လိၤတက့ၢ်, ဒီးဆိတ့ၢ်သုဟီထီၣ် ကွံာ်ယပှၤဂီၢ်မုၢ်တက့ၢ်, ကစၢ်ယွၤစံးဝဲဒၣ်. အိၣ်ဒီးစီၤပီၢ်တီ, ဒီးအ့ဖးတီ, ဒီးဘၤသးတီတက့ၢ်.

¹¹ အ့ဖး, ဒီးဘၤသးဘၣ်တြီၢ်တၢ်ထဲသိးသိး, ဒ်သိးဘၤသး ကတြီၢ်ဃိမ့ၢ်ဆံဆဲၣ်ပူတပူ, ဒီးအ့ဖးကတြီၢ်ဃိမ့ၢ်ဆံ ဆဲၣ်ပူတပူလီၤ. တၢ်အဃီၣ်န့ၣ်ကမ့ၢ်ဃိမ့ၢ်အတၢ်ဃီၣ် လီၤ.

¹² ဒီးၡက့လးကထဲသိးဒီးက့ရၤခံဆံလီၤ. ၡက့လးခံဆံ, ၡက့လးခံဆံယဲၢ်, ဒီးၡက့လးတဆံယဲၢ်န့ၣ်ကကဲထီၣ် မၤနၤတမၤနၤလၢသုဂီၢ်လီၤ.

¹³ အအံၤမ့ၢ်တၢ်ယူာ်ထီၣ်လၢ သုဘၣ်မၤဘူၣ်လၢ ဘု ကၠူၣ်တဃိမ့ၢ်အပူၤန့ၣ် အ့ဖးဃုပူတပူ, ဒီးလၢဘုမု ယီၤတဃိမ့ၢ်အပူၤန့ၣ်အ့ဖးဃုပူတပူလီၤ.

¹⁴ တၢ်မၤလိာ်ဘၣ်ဃးဒီးတၢ်သိန့ၣ် သုဘၣ်မၤဘူၣ်ဘၤ သးဆံဆဲၣ်ပူတပူလၢကိၢ်တကိၢ်အပူၤလီၤ. တကိၢ်န့ၣ် မ့ၢ်ဆံဆဲၣ်ဘၤသးလီၤ. အဂ့ၢ်ဒ်အံၤ, ဆံဆဲၣ်ဘၤသးမ့ၢ် တဃိမ့ၢ်လီၤ.

¹⁵ ဒီးသုဘၣ်မၤဘူၣ်တၢ်အဖိတဒုလၢ သိဒီးမဲာ်တဲးလဲး အကျါ, လၢခံကယၤလၢအအိၣ်ဝဲလၢအံၣ်စရ့လးအ တၢ်အီၣ်ဆၣ်အလီၢ် ဘၣ်စီၣ်ကစီဒီတဖၣ်အကျါလၢ တၢ်မၤဘူၣ်ကိၣ်, ဒီးလၢတၢ်လုၢ်မ့ၣ်အူအဂီၢ်, ဒီးလၢတၢ် လုၢ်စံးထီၣ်ပတြၢၤအဂီၢ်ဒ်သိး အကမၤတၢ်ပူၤဖျဲးလၢ အဂီၢ်လီၤ, ကစၢ်ယွၤစံးဝဲဒၣ်.

¹⁶ ပှၤကီၢ်ဖိခဲလၢာ်မၤဘူၣ် တၢ်ဝံၢ်ထီၣ်အံၤလၢအံၣ်စရ့ လးအပဒိၣ်ဖးဒိၣ်အဂီၢ်လီၤ.

¹⁷ ဒီးပဒိၣ်ဖးဒိၣ်န့ၣ်ဘၣ်ဟ့ၣ်တၢ်လုၢ်မ့ၣ်အူ, ဒီးတၢ်မၤ ဘူၣ်ကိၣ်, ဒီးတၢ်လုၢ်အီလၢတၢ်မၤဘူၣ်နံၤတဖၣ်အပူၤ, ဒီးလၢလါထီၣ်သီအနံၤတဖၣ်, ဒီးလၢတၢ်အိၣ်ဘှံးအ နံၤတဖၣ်, လၢအံၣ်စရ့လးအပှၤဟံၣ်ဖိအတၢ်အိၣ်ဖှိၣ် အမုၢ်နံၤခဲလၢာ်အပူၤလီၤ. ဒီးဘၣ်တၢ်မၤဘူၣ်တၢ်လုၢ် တၢ်ဒဲးဘး, ဒီးတၢ်မၤဘူၣ်ကိၣ်, ဒီးတၢ်လုၢ်မ့ၣ်အူ, ဒီး တၢ်လုၢ်မၤဃူမၤဖိး, ဒ်သိးအကမၤတၢ်ပူၤဖျဲးလၢအံၣ် စရ့လးအပှၤဟံၣ်ဖိအဂီၢ်လီၤ.

¹⁸ ကစၢ်ယွၤစံးဒ်အံၤ, လၢလါခီၣ်ထံး, လါထီၣ်တနံၤန့ၣ် နဘၣ်ဟံးန့ၢ်ဂီၤဖံးဖါဖိအလၢအပှဲၤတဒု, ဒီးမၤကဆှီ တၢ်အလီၢ်စီဆှံလီၤ.

¹⁹ ဒီးပှၤလုၢ်တၢ်အဒိၣ်ကဘၣ်ဟံးန့ၢ် တၢ်လုၢ်တၢ်ဒဲးဘး အသွံၣ်တနီၤ, ဒီးပာ်လၢဟံၣ်အထူၣ်တဖၣ်အလိၤ, ဒီး လၢတၢ်လုၢ်လီၢ်အသကျီၤလွံၢ်နၢၣ်အလိၤ, ဒီးလၢတၢ် ဂၢၤလၢညါခီတပူၤအပဲတရီအထူၣ်လိၤလီၤ.

²⁰ ပှၤလၢအနာ်ကမၣ်တၢ်အဃိမ့ၢ်ဂ့ၤ, ပှၤလၢအတမၤ လိဘၣ်တၢ်ဘၣ်အဃိမ့ၢ်ဂ့ၤ, မ့ၢ်မၤကမၣ်တၢ်ဒီး, လါ ထီၣ်နွံနံၤတနံၤန့ၣ် နဘၣ်မၤဒ်န့ၣ်အသိးလီၤ. ဒီးသုဘၣ် မၤတၢ်ပူၤဖျဲးလၢဟံၣ်အဂီၢ်လီၤ.

²¹ လါခီၣ်ထံး, လါထီၣ်တဆံလွံၢ်နံၤတနံၤန့ၣ်သုဘၣ် မၤဘူၣ်လဲၤကပာ်တၢ်, ဘၣ်မၤဘူၣ်နွံနံၤလီၤ. ပှၤဘၣ် အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်ကိးဂၤဒဲးလီၤ.

²² ဒီးတၢ်လၢမုၢ်တနံၤန့ၣ်ပဒိၣ်ဖးဒိၣ် ဘၣ်လုၢ်ဂီၤဖံးဖါ တဒုလၢတၢ်လုၢ်တၢ်ဒဲးဘးအဂီၢ်, လၢအဂီၢ်ဒၣ်ဝဲ, ဒီး လၢပှၤဂီၢ်မုၢ်လၢထံဧိၤကီၢ်ဧိၤအပူၤခဲလၢာ်အဂီၢ်လီၤ.

²³ ဒီးလၢတၢ်မၤဘူၣ်နွံနံၤအတီၢ်ပူၤန့ၣ် ဘၣ်လုၢ်ယွၤလၢ တၢ်လုၢ်မ့ၣ်အူ, ဂီၤဖံးဖါနွံဒု, ဒီးသိဖါနွံဒုအလၢအပှဲၤ, ကိးနံၤဒဲးလၢနွံနံၤအတီၢ်ပူၤ, ဒီးမဲာ်တဲးလဲးဖါတဒုလၢ တၢ်လုၢ်တၢ်ဒဲးဘးအဂီၢ်ကိးမုၢ်နံၤဒဲးလီၤ.

²⁴ ဒီးဘၣ်မၤဘူၣ်တၢ်မၤဘူၣ်ကိၣ်, တအ့ဖးလၢဂီၤဖံးတ ဒုအဂီၢ်, ဒီးတအ့ဖးလၢသိဖါတဒုအဂီၢ်, ဒီးတၢ်သိတ ဟံၣ်လၢတအ့ဖးအဂီၢ်လီၤ.

²⁵ လၢလါနွံလါတလါ, ထီၣ်တဆံယဲၢ်နံၤတနံၤန့ၣ်ဘၣ် မၤဒ်န့ၣ်, ဒီးလၢတၢ်မၤဘူၣ်နွံနံၤအတီၢ်ပူၤ ဒ်တၢ်လုၢ် တၢ်ဒဲးဘးဒီးတၢ်လုၢ်မ့ၣ်အူ, ဒီးတၢ်မၤဘူၣ်ကိၣ်, ဒီး တၢ်သိန့ၣ်အသိးလီၤ.

၄၆

¹ ကစၢ်ယွၤစံးဒ်အံၤ, ဂၢၤလၢညါခီအပဲတရီလၢအဖျိ ဝဲဆူမုၢ်ထီၣ်တခီန့ၣ်ကကးတံာ်ဃာ်အသးလၢ ပှၤမၤ တၢ်ဃုနံၤအတီၢ်ပူၤလီၤ. မ့မ့ၢ်လၢမုၢ်အိၣ်ဘှံးနံၤကအိး ထီၣ်အသး, ဒီးလၢလါထီၣ်သီအနံၤကအိးထီၣ်အသး လီၤ.

² ဒီးပဒိၣ်ဖးဒိၣ်န့ၣ်ကလဲၤနုာ်လၢ ပဲတရီလၢခိတဖျိ အတၢ်ခိၣ်ဒုးထီၣ်အသးဒီး ကဆၢထၢၣ်လၢပဲတရီအ ထူၣ်အဃၢၤ, ဒီးပှၤလုၢ်တၢ်အဒိၣ်ကလုၢ်အတၢ်လုၢ် မ့ၣ်အူ, ဒီးအတၢ်လုၢ်မၤဃူမၤဖိးလီၤ. ဒီးကဘါတၢ် လၢပဲတရီအခီၣ်ထံး, ဒီးကဟးထီၣ်ဝဲလီၤ. ဘၣ်ဆၣ် ဒီးပဲတရီတကးတံာ်ဃာ်ဘၣ်အသးတုၤမုၢ်ဟါဘၣ်.

³ ဒီးပှၤကီၢ်ဖိကဘါတၢ်လၢပဲတရီအံၤ အကျဲစၢၤခီၣ် ထံးလၢယွၤအမဲာ်ညါ, လၢအိၣ်ဘှံးနံၤတဖၣ်, ဒီးလၢ လါထီၣ်သီအနံၤတဖၣ်န့ၣ်လီၤ.

⁴ ဒီးတၢ်လုၢ်မ့ၣ်အူလၢပဒိၣ်ဖးဒိၣ်ဘၣ်လုၢ်ယွၤ, လၢမုၢ် အိၣ်ဘှံးနံၤမ့ၢ်သိဖိအလၢအပှဲၤဃုဒု, ဒီးသိဖါအလၢအ ပှဲၤတဒုလီၤ.

⁵ ဒီးတၢ်မၤဘူၣ်ကိၣ်န့ၣ် ကမ့ၢ်တအ့ဖးလၢသိဖါတဒု အဂီၢ်, ဒီးတၢ်မၤဘူၣ်လၢသိဖိတဖၣ်အဂီၢ် ကမ့ၢ်ဖဲအ ဟ့ၣ်ဝဲသ့, သိတဟံၣ်ကအိၣ်ဝဲလၢတအ့ဖးအဂီၢ်လီၤ.

⁶ ဒီးလၢလါထီၣ်သီအနံၤ ကမ့ၢ်ဂီၤဖံးဖါဖိအလၢအပှဲၤ တဒု, ဒီးသိဖိဃုဒု, ဒီးသိဖါဖိတဒုလီၤ. ကမ့ၢ်အလၢအ ပှဲၤလီၤ. ⁷ ဒီးဘၣ်မၤဘူၣ်တအ့ဖးလၢဂီၤဖံးတဒုအဂီၢ်, ဒီးတအ့ဖးလၢသိဖါတဒုအဂီၢ်, ဒီးလၢသိဖိတဖၣ်အဂီၢ် န့ၣ်ဖဲအဟ့ၣ်ဝဲသ့, ဒီးသိတဟံၣ်လၢတအ့ဖးအဂီၢ်လီၤ.

⁸ ဒီးတုၤပဒိၣ်ဖးဒိၣ်လဲၤနုာ်ဝဲဒီး, ဘၣ်လဲၤနုာ်လၢပဲတ ရီအတၢ်ခိၣ်ဒုးထီၣ်အသး, ဒီးဘၣ်ဟးထီၣ်လၢကျဲဖဲ န့ၣ်လီၤ.

⁹ ဘၣ်ဆၣ်ဒီးတုၤပှၤကီၢ်ဖိဟဲဆူယွၤအမဲာ်ညါ လၢမၤ ဘူၣ်အနံၤတဖၣ်ဒီး, ပှၤလၢအလဲၤနုာ်ဘါတၢ်လၢပဲတ ရီလၢကလံၤစိးန့ၣ် ဘၣ်ဟးထီၣ်လၢပဲတရီလၢကလံၤ ထံးအကျဲလီၤ. ဒီးပှၤလၢအဟဲနုာ်လၢပဲတရီကလံၤထံး န့ၣ် ဘၣ်ဟးထီၣ်လၢ ပဲတရီကလံၤစိးအကျဲန့ၣ်လီၤ. တက့ၤကဒါက့ၤလၢပဲတရီအကျဲ ဖဲအလဲၤနုာ်ဘၣ်, ဘၣ်ဟးထီၣ်သဃီၤဒီးအီၤလီၤ.

¹⁰ ဒီးတုၤအဝဲသ့ၣ်လဲၤနုာ်ဒီး, ပဒိၣ်ဖးဒိၣ်ကလဲၤနုာ်လၢ အကျါ, ဒီးတုၤအဝဲသ့ၣ်ဟးထီၣ်ဒီး, အဝဲဒၣ်ကဟးထီၣ် လီၤ.

¹¹ ဒီးလၢတၢ်မၤဘူၣ်အနံၤတဖၣ်, ဒီးလၢတၢ်အိၣ်ဖှိၣ်ဘါ တၢ်န့ၣ်တၢ်မၤဘူၣ်ကိၣ်န့ၣ် ကမ့ၢ်တအ့ဖးလၢဂီၤဖံးဖါ တဒုအဂီၢ်, ဒီးတအ့ဖးလၢသိဖါတဒုအဂီၢ်, ဒီးလၢသိ ဖိတဖၣ်အဂီၢ်န့ၣ်ဖဲအဟ့ၣ်ဝဲသ့, ဒီးသိတဟံၣ်ကအိၣ် လၢတအ့ဖးအဂီၢ်လီၤ.

¹² ဒီးတုၤပဒိၣ်ဖးဒိၣ်မၤဘူၣ်ယွၤလၢ တၢ်မၤဘူၣ်ဒၣ်တၢ်, တၢ်လုၢ်မ့ၣ်အူမ့ၢ်ဂ့ၤ, တၢ်မၤဃူမၤဖိးဒၣ်တၢ်မ့ၢ်ဂ့ၤဒီး, ပှၤဘၣ်အိးထီၣ်န့ၢ်အီၤလၢပဲတရီဖျိထီၣ်ဝဲ ဆူမုၢ်ထီၣ် လီၤ. ဒီးအတၢ်လုၢ်မ့ၢ်ဂ့ၤ, အတၢ်လုၢ်မၤဃူမၤဖိးမ့ၢ်ဂ့ၤ, ကမၤဘူၣ်ဝဲဒ်အမၤဝဲလၢ မုၢ်အိၣ်ဘှံးနံၤအသိးန့ၣ်, ဒီး ကဟးထီၣ်ဝဲ, ဒီးလၢအဟးထီၣ်ဝဲအလီၢ်ခံဒီး, ပှၤက ကးတံာ်ဃာ်အီၤလီၤ.

¹³ ဒီးနဘၣ်လုၢ်ယွၤလၢ သိတနံၣ်ဖိအလၢအပှဲၤတဒု, လၢတၢ်လုၢ်မ့ၣ်အူအဂီၢ်ကိးမုၢ်နံၤဒဲးလီၤ. နဘၣ်လုၢ် အီၤလၢမုၢ်ဂီၤ, ကိးဂီၤဒဲးလီၤ.

¹⁴ ဒီးနဘၣ်မၤဘူၣ်ဒီးအီၤလၢ တၢ်မၤဘူၣ်ကိၣ်, တအ့ဖး ဃုပူတပူ, ဒီးသိတဟံၣ်သၢပူတပူအကမၤဘၣ်စီၣ် ကိၣ်အကမူၣ်လၢတၢ်မၤဘူၣ်ကိၣ်လၢ ယွၤအဂီၢ်ကိး ဂီၤဒဲးလီၤ. မ့ၢ်တၢ်မၤလိာ်အထူအယိာ်လီၤ.

¹⁵ ဒ်န့ၣ်အသိးဘၣ်ကတဲၤကတီၤသိဖိတဒု, ဒီးတၢ်မၤ ဘူၣ်ကိၣ်, ဒီးသိလၢတၢ်လုၢ်မ့ၣ်အူအဂီၢ်တထံၣ်ဃီ လီၤ. ¹⁶ ကစၢ်ယွၤစံးဒ်အံၤ, ပဒိၣ်ဖးဒိၣ်မ့ၢ်ဟ့ၣ်တၢ်ဟ့ၣ် လၢအဖိခွါတဂၤဂၤဒီး, အဖိခွါန့ၣ်ကန့ၢ်သါအီၤလီၤ. ကကဲထီၣ်လၢအတၢ်န့ၢ်သါလီၤ. ¹⁷ ဘၣ်ဆၣ်ဒီးမ့ၢ်ဟ့ၣ် တၢ်လၢအတၢ်န့ၢ်သါအပူၤတမံၤလၢ အခ့အပှၤတဂၤ ဒီး, ကကဲထီၣ်အတၢ်တုၤတၢ်ထူၣ်ဖျဲးအနံၣ်တနံၣ်လီၤ. လၢအလီၢ်ခံန့ၣ်ကကဲထီၣ်က့ၤ ပဒိၣ်ဖးဒိၣ်အတၢ်လီၤ. မ့မ့ၢ်တၢ်န့ၢ်သါလၢအဟ့ၣ်အဖိခွါတဖၣ်န့ၣ် ကကဲထီၣ် အဝဲသ့ၣ်အတၢ်လီၤ.

¹⁸ ဒီးပဒိၣ်ဖးဒိၣ်တဘၣ်ဟံးန့ၢ်ဘၣ်တၢ်လၢ ပှၤဂီၢ်မုၢ်အ တၢ်န့ၢ်သါ, ဒ်သိးအကဟီထီၣ်ကွံာ်အီၤလၢအတၢ်န့ၢ် သါအပူၤဘၣ်. ဘၣ်ဟ့ၣ်သါအဖိခွါတဖၣ်အတၢ်န့ၢ် သါလၢအတၢ်ဒၣ်ဝဲအပူၤ, ဒ်သိးယပှၤဂီၢ်မုၢ်အသုတ ဘၣ်တၢ်ဟီထီၣ်ကွံာ်အီၤလၢ အတၢ်န့ၢ်သါအပူၤနီတ ဂၤတဂ့ၤလီၤ.

¹⁹ ဒီးစိာ်ထီၣ်ယၤလၢတၢ်လဲၤနုာ်အလီၢ်လၢ အအိၣ်ဝဲ လၢပဲတရီအဃၢၤ ဆူပှၤလုၢ်တၢ်အဒိၣ်အဒၢးစီဆှံတ ဖၣ်အပူၤ, လၢအဒိးဝဲဆူကလံၤစိး, ဒီးကွၢ်ကွၢ်, အလီၢ် အိၣ်ဝဲလၢအချၢဃံဆူမုၢ်နုာ်တခီလီၤ.

²⁰ ဒီးစံးဘၣ်ယၤ, တၢ်ဖဲအံၤမ့ၢ်အလီၢ်ဖဲပှၤလုၢ်တၢ်အဒိၣ် ဘၣ်ချီတၢ်လုၢ်တၢ်ကမၣ်, ဒီးတၢ်လုၢ်တၢ်ဒဲးဘး, ဒီးဖဲ အဘၣ်ကုၢ်တၢ်မၤဘူၣ်ကိၣ်, ဒ်သိးအသုတစိာ်ထီၣ်အီၤ ဆူဂၢၤလၢခိလၢအကမၤစီဆှံပှၤဂီၢ်မုၢ်တဂ့ၤလီၤ.

²¹ ဒီးစိာ်ထီၣ်ယၤဆူဂၢၤလၢခိတပူၤ, ဒီးဒုးလဲၤတြူာ်ယၤ လၢအဂၢၤလွံၢ်သနၢၣ်, ဒီးကွၢ်ကွၢ်, ဂၢၤဖိတပူၤအိၣ်ဝဲ လၢဂၢၤအသနၢၣ်ပူၤစုာ်စုာ်လီၤ.

²² လၢဂၢၤလွံၢ်သနၢၣ်အပူၤန့ၣ် ဂၢၤအိၣ်ဒီးအခိၣ်ဒူအိၣ် ဝဲလွံၢ်ပူၤလီၤ. အထီမ့ၢ်အပျၢ်လွံၢ်ဆံ, ဒီးအဒီၣ်ဃီမ့ၢ်အ ပျၢ်သၢဆံလီၤ. တၢ်လွံၢ်သနၢၣ်န့ၣ်တုၤသိးသိးလီၤ.

²³ ဒီးတၢ်အဒူၣ်တဒူၣ်အိၣ်ဝဲလၢအပူၤ ဝးတရံးဝဲလၢ တၢ်လွံၢ်သနၢၣ်အပူၤဒၣ်လဲာ်, ဒီးချီတၢ်အလီၢ်တဖၣ် အိၣ်ဝဲလၢတၢ်အဒူၣ်န့ၣ် အဖီလာ်ဝးတရံးဝဲတဖၣ်န့ၣ် လီၤ.

²⁴ ဒီးစံးဘၣ်ယၤ, အဝဲတဖၣ်အံၤမ့ၢ်ပှၤချီတၢ်အလီၢ်, ဖဲ ပှၤမၤဟံၣ်အခ့အပှၤအတၢ်န့ၣ် ချီပှၤဂီၢ်မုၢ်အလုၢ်တၢ် လီၤ.

၄၇

¹ ဒီးစိာ်ထီၣ်ယၤဆူဟံၣ်အကျဲစၢၤ, ဒီးကွၢ်ကွၢ်, ထံထီၣ် လၢဟံၣ်အကျဲစၢၤကျိၤထံး အဖီလာ်ဆူမုၢ်ထီၣ်တခီ လီၤ. အဂ့ၢ်ဒ်အံၤ, ဟံၣ်အမဲာ်ညါဒိးဝဲဆူမုၢ်ထီၣ်တခီ, ဒီးထံယွၤလီၤလၢဟံၣ်အဃၢၤလၢတၢ်လုၢ်လီၢ် အက လံၤထံးတခီလီၤ.

² ဒီးစိာ်ထီၣ်ယၤလၢပဲတရီအကျဲဆူ ကလံၤစိးတခီ, ဒီး ဆှၢထီၣ်ယၤလၢကျဲလၢခိဆူ ပဲတရီလၢခိတဖျိလၢအ ဖျိထီၣ်ဆူမုၢ်ထီၣ်တခီ, ဒီးကွၢ်ကွၢ်, ထံထီၣ်ဒီးယွၤလီၤ ဝဲလၢအစုထွဲတခီလီၤ.

³ ဒီးတုၤပှၤအိၣ်ဒီးပျံၤတဘိလၢ အစုပူၤတဂၤန့ၣ်ဟး ထီၣ်ဆူမုၢ်ထီၣ်တခီဒီး, ထိၣ်အပျၢ်တကထိလီၤ, ဒီးဆှၢ ထီၣ်ယၤလၢထံကျါ, ဒီးထံတုၤပခီၣ်ဒ့လီၤ.

⁴ ဒီးထိၣ်ကဒီးအပျၢ်တကထိ, ဒီးဆှၢထီၣ်ယၤလၢထံ ကျါ, ဒီးထံယိာ်တုၤပခီၣ်လ့ၢ်ခိၣ်လီၤ. ဒီးထိၣ်ကဒီးအ ပျၢ်တကထိ, ဒီးဆှၢထီၣ်ယၤလၢထံကျါ, ဒီးထံယိာ် တုၤပယီၢ်ဒ့လီၤ.

⁵ ဒီးထိၣ်ကဒီးအပျၢ်တကထိ, ဒီးထံမ့ၢ်ထံမိၢ်ပှၢ်လၢပ ခီဂာ်တန့ၢ်ဘၣ်. အဂ့ၢ်ဒ်အံၤ, ထံယိာ်, ထံလၢပှၤဘၣ်ပီၢ် ထံ, ထံမိၢ်ပှၢ်လၢပခီဂာ်တန့ၢ်ဘၣ်.

⁶ ဒီးစံးဘၣ်ယၤ, ပှၤကညီဖိခွါဧၢ, အအံၤနထံၣ်လံစ့ၢ် ကီးဧါ. ဒီးစိာ်ထီၣ်ယၤ, ဒီးဒုးက့ၤက့ၤယၤဆူထံမိၢ်ပှၢ် အနံၤလီၤ.

⁷ ဒီးတုၤယက့ၤက့ၤဒီး, ကွၢ်ကွၢ်, သ့ၣ်အါထံးအိၣ်ဝဲလၢ ထံနံၤခံခီလၢာ်လီၤ.

⁸ ဒီးစံးဘၣ်ယၤ, ထံတဖၣ်အံၤယွၤလီၤဝဲဆူကီၢ်လၢမုၢ် ထီၣ်တခီ, ဒီးယွၤလီၤဝဲဆူပှၢ်မုၢ်ကနၢ, ဒီးယွၤလီၤဆူ ပီၣ်လဲၣ်ပူၤလီၤ. ယွၤလီၤဝဲဆူပီၣ်လဲၣ်ပူၤ, ဒီးထံတဖၣ် ကဘျါက့ၤဝဲလီၤ.

⁹ ဒီးတၢ်ကမၤအသးလၢ ကယဲၢ်တၢ်သးလၢအဂဲၤဝဲဖဲ ထံမိၢ်ပှၢ်ကဟဲဝဲတမံၤလၢ်လၢ်န့ၣ်ကမူဝဲလီၤ. ဒီးဒ့ၣ်ဧိၤ ညၣ်ဧိၤအါအါကလဲာ်ကအိၣ်ဖဲန့ၣ်လီၤ. အဂ့ၢ်ဒ်အံၤ, ကဘျါက့ၤဝဲလီၤ. ဒီးဖဲထံမိၢ်ပှၢ်ဟဲဝဲတပူၤလၢ်လၢ်န့ၣ် တၢ်ကမူဝဲတမံၤလၢ်လၢ်လီၤ.

¹⁰ ဒီးတၢ်ကမၤအသးလၢ ပှၤမၤညၣ်ဖိကဆၢထၢၣ်လၢ အနံၤလီၤ. လၢဧ့ၣ်က့ၤဒံပၢၢ်လၢဧ့ၣ်ဧ့ကလဲၣ်န့ၣ်တၢ် အလီၢ်လၢပှၤကဟုးပှာ်ဧိၤစၤဧိၤကအိၣ်လီၤ. ဒီးဒ့ၣ်ဧိၤ ညၣ်ဧိၤ ကအိၣ်ဒ်အကလုာ်ဒၣ်ဝဲအသိးန့ၣ်လီၤ. ဒ်ပီၣ် လဲၣ်ဖးဒိၣ်အညၣ်အသိးန့ၣ်အါအါကလဲာ်လီၤ.

¹¹ မ့မ့ၢ်တၢ်ကပံာ်အလီၢ်, ဒီးကပျၢၤတဖၣ်န့ၣ်တဘျါ ဘၣ်ဝဲဘၣ်. တၢ်ကပာ်အီၤလၢအံသၣ်အဂီၢ်လီၤ.

¹² ဒီးလၢထံနံၤလၢအဝဲတခီ, ဒီးလၢအဝဲတခီန့ၣ်သ့ၣ် ကိးကလုာ်ဒဲးကမဲထီၣ်လၢတၢ်အီၣ်အဂီၢ်, ဒီးအလၣ် တလီၤဘဲဘၣ်, ဒီးအတၤသၣ်တလၢာ်ကွံာ်ဘၣ်. က သၣ်ထီၣ်တၤသၣ်သီကိးလါဒဲးလီၤ. အဂ့ၢ်ဒ်အံၤ, အထံ တဖၣ်ယွၤလီၤဝဲလၢတၢ်အလီၢ်စီဆှံအပူၤန့ၣ်လီၤ. ဒီး အတၤသၣ်ကမ့ၢ်လၢတၢ်အီၣ်အဂီၢ်, ဒီးအလၣ်လၢက သံၣ်အဂီၢ်လီၤ.

¹³ ကစၢ်ယွၤစံးဒ်အံၤ, အအံၤမ့ၢ်တၢ်အဃၢၤလၢသုဘၣ် နီၤဖးထံဧိၤကီၢ်ဧိၤ ဒ်အံၣ်စရ့လးအဒူၣ်တဆံခံဒူၣ်အ သိးလီၤ. စီၤယိၤသးကအိၣ်ဒီးအဂီၢ်ခံဂီၢ်လီၤ.

¹⁴ ဒီးသုကန့ၢ်သါတၢ်တဒူၣ် ဒ်တဒူၣ်အသိးစုာ်စုာ်လီၤ. ကယူာ်ထီၣ်ယစုလၢ ယကဟ့ၣ်လီၤအီၤလၢသုပၢ်တ ဖၣ်, ဒီးကီၢ်တဘ့ၣ်အံၤကလီၤဘၣ်လၢ သုန့ၢ်သါတၢ် အဂီၢ်လီၤ. ¹⁵ ဒီးအအံၤမ့ၢ်ကီၢ်အဃၢၤဆူ ကလံၤစိးတခီ, လၢပီၣ်လဲၣ်ဖးဒိၣ်ဆူကျဲလၢဃ့သလိၣ်, ဒ်ပှၤလဲၤဝဲဆူစဒး,―

¹⁶ ဃမါသး, ဘ့ၤရိသး, စံးဘြံၣ်လၢအအိၣ်ဝဲလၢဒၤမ့ၤစ့း အဃၢၤ, ဒီးလၢဃမါသးအဃၢၤ, အဘၢၣ်စၢၤဃၤစ့ၢ် ဟတံကိၣ်လၢအအိၣ်ဝဲလၢဃၤရၣ်အဃၢၤလီၤ.

¹⁷ ဒီးတၢ်အဃၢၤလၢပီၣ်လဲၣ်တခီန့ၣ် မ့ၢ်ဃစၢ်ဧ့နၣ်ဖဲ ဒၤမ့ၤစ့းအဃၢၤ, လၢကလံၤစိးဆူကလံၤစိးတခီန့ၣ်, ဒီးဃမါသးအဃၢၤအိၣ်ဝဲလီၤ. ဒီးအအံၤမ့ၢ်အဃၢၤလၢ ကလံၤစိးတခီန့ၣ်လီၤ.

¹⁸ ဒီးအဃၢၤလၢမုၢ်ထီၣ်တခီန့ၣ် သုဘၣ်ထိၣ်လၢဃၤ ရၣ်, ဒီးလၢဒၤမ့ၤစ့းအဘၢၣ်စၢၤ, ဒီးလၢကံးလဧး, ဒီး ကီၢ်အံၣ်စရ့လးအဘၢၣ်စၢၤလၢ ယၢ်ဒ့ၣ်အနံၤ, လၢအ ဃၢၤပၢၢ်လၢပီၣ်လဲၣ်လၢ မုၢ်ထီၣ်တခီလီၤ. အအံၤမ့ၢ် အဃၢၤလၢမုၢ်ထီၣ်တခီလီၤ.

¹⁹ ဒီးအဃၢၤလၢကလံၤထံးတခီ ဆူကလံၤထံးန့ၣ်က အိၣ်လၢတၤမၢ်ပၢၢ်လၢထံအ့ၣ်လိာ်လၢ ကၤဒ့ၣ်အပူၤ ပၢၢ်လၢထံမိၢ်ပှၢ်လၢပီၣ်လဲၣ်ဖးဒိၣ်အဃၢၤလီၤ. အအံၤ မ့ၢ်အဃၢၤလၢကလံၤထံးတခီလီၤ.

²⁰ အဃၢၤလၢမုၢ်နုာ်တခီန့ၣ် ကမ့ၢ်ပီၣ်လဲၣ်ဖးဒိၣ်လၢ အဃၢၤပၢၢ်လၢပှၤဟဲသဃီၤဒီးဃမါသးလီၤ. အအံၤ မ့ၢ်အဃၢၤလၢမုၢ်နုာ်တခီလီၤ.

²¹ ဒီးသုကနီၤဖးကီၢ်တဘ့ၣ်အံၤ အဆၢလၢသုဂီၢ်ဒ်အံၣ် စရ့လးအဒူၣ်တဖၣ်အသိးန့ၣ်လီၤ.

²² ဒီးဖးတၢ်သတးဒီး, သုကနီၤဖးကီၢ်အဆၢလၢတၢ်န့ၢ် သါလၢသုဂီၢ်ဒီးလၢ ပှၤတခီဘီမုၢ်ဖိလၢအအိၣ်အဆိး လၢသုကျါ, လၢအထီၣ်ဖိလၢသုကျါန့ၣ်အဂီၢ်လီၤ. အ ဝဲသ့ၣ်တဖၣ်န့ၣ်ကမၤအသးဒ် ပှၤအိၣ်ဖျဲၣ်လၢကီၢ်ပူၤ လၢပှၤအံၣ်စရ့လးဖိအကျါအသိးလီၤ. ကန့ၢ်သါတၢ် ဒီးသုလၢအံၣ်စရ့လးအဒူၣ်တဖၣ်အကျါလီၤ. ²³ ဒီးတၢ် ကမၤအသးလၢဖဲဒၣ်အဒူၣ်လၢ ပှၤတခီဘီမုၢ်ဖိအိၣ်ဝဲ ဆိးဝဲလၢအကျါန့ၣ် သုဘၣ်ဟ့ၣ်လီၤအီၤလၢအတၢ်န့ၢ် သါဖဲန့ၣ်လီၤ, ကစၢ်ယွၤစံးဝဲဒၣ်.

၄၈

¹ ဒီးအအံၤမ့ၢ်ဒူၣ်တဖၣ်အမံၤ. လၢကလံၤစိးတခီလၢ ဃ့သလိၣ်အဃၢၤဖဲပှၤလဲၤဝဲ ဆူဃမါသး, ဃစၢ်ဧ့နၣ်, ဒၤမ့ၤစ့းအဃၢၤဆူကလံၤစိး, ဆူဃမါသးအဃၢၤ, ဒီးလၢမုၢ်ထီၣ်တခီပၢၢ်လၢမုၢ်နုာ် တခီန့ၣ်မ့ၢ်အဃၢၤလီၤ. အန့ၣ်မ့ၢ်ဒၣ်တဒူၣ်လီၤ.

² ဒီးလၢဒၣ်အဃၢၤန့ၣ် လၢမုၢ်ထီၣ်တခီ ပၢၢ်လၢမုၢ် နုာ်တခီန့ၣ်, အၤရှ့ၢ်တဒူၣ်လီၤ.

³ ဒီးလၢအၤရှ့ၢ်အဃၢၤန့ၣ်လၢမုၢ်ထီၣ်တခီ ပၢၢ်လၢမုၢ် နုာ်တခီန့ၣ်နးသၤလံတဒူၣ်လီၤ.

⁴ ဒီးလၢနးသၤလံအဃၢၤန့ၣ်လၢမုၢ်ထီၣ်တခီ ပၢၢ်လၢ မုၢ်နုာ်တခီန့ၣ်မနၤရှ့ၤတဒူၣ်လီၤ.

⁵ ဒီးလၢမနၤရှ့ၤအဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်, အ့ဖရဲၣ်တဒူၣ်လီၤ.

⁶ ဒီးလၢအ့ဖရဲၣ်အဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်, ရူၤဘ့ၣ်တဒူၣ်လီၤ.

⁷ ဒီးလၢရူဘ့ၣ်အဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်, ယူဒၤတဒူၣ်လီၤ.

⁸ ဒီးလၢယူဒၤအဃၢၤန့ၣ် လၢမုၢ်ထီၣ်ပၢၢ်လၢမုၢ်နုာ်တ ခီန့ၣ်တၢ်ဝံၢ်ထီၣ်လၢသုကမၤဘူၣ်န့ၣ် ကအိၣ်ဝဲအဒီၣ် ဃီၤနီၣ်ထိၣ်တပိၢ် အစိၤခံကလးယဲၢ်ကထိ, ဒီးအထီ တုၤသိးသိးဒီးတၢ်အဂီၢ်တဂီၢ်လၢမုၢ်ထီၣ်တခီ, ပၢၢ်လၢ မုၢ်နုာ်တခီလီၤ. ဒီးတၢ်အလီၢ်စီဆှံကအိၣ်ဝဲလၢအသး ကံၢ်ပူၤလီၤ.

⁹ တၢ်ဝံၢ်ထီၣ်လၢသုဘၣ်မၤဘူၣ်ယွၤန့ၣ် အထီကမ့ၢ် နီၣ်ထိၣ်တပိၢ်အစိၤခံကလးယဲၢ်ကထိ, ဒီးအဒီၣ်ဃီၤ န့ၣ်အစိၤတကလးလီၤ.

¹⁰ ဒီးတၢ်ဝံၢ်ထီၣ်စီဆှံန့ၣ် ကအိၣ်ဝဲလၢအဝဲသ့ၣ်အဂီၢ်, ကအိၣ်ဝဲလၢပှၤလုၢ်တၢ်အဒိၣ်အဂီၢ်န့ၣ် လၢကလံၤစိး တခီအထီအစိးခံကလးယဲၢ်ကထိ, ဒီးဆူမုၢ်နုာ်တခီ အဒီၣ်ဃီၤအစိၤတကလး, ဒီးဆူမုၢ်ထီၣ်အဒီၣ်ဃီၤအ စိၤတကလး, ဒီးဆူကလံၤထံးတခီ အထီအစိၤခံက လးယဲၢ်ကထိန့ၣ်လီၤ. ဒီးယွၤအလီၢ်စီဆှံကအိၣ်ဝဲလၢ အသးကံၢ်ပူၤလီၤ.

¹¹ ကအိၣ်ဝဲလၢ ပှၤလုၢ်တၢ်အဒိၣ်လၢတၢ်ပာ်စီဆှံအီၤ လၢစီၤစၤဒိးအဖိခွါ, လၢအကွၢ်တ့ၢ်ယတၢ်ပၢၤ, လၢအ တဟးဖျိးဖဲအကတီၢ်လၢပှၤအံၣ်စရ့လးဖိဟးဖျိဝဲ, ဒ်ပှၤ လ့ၤဝံဖိဟးဖျိတၢ်အသိးန့ၣ်အဂီၢ်လီၤ.

¹² ဒီးကကဲလၢတၢ်မၤဘူၣ်စီဆှံကတၢၢ်လၢ ပှၤလ့ၤဝံဖိ အဃၢၤလၢဟီၣ်ခိၣ်ဝံၢ်ထီၣ်အသးအကျါလီၤ.

¹³ ဒီးအိၣ်သဃီၤဒီးပှၤလုၢ်တၢ်အဒိၣ် အဃၢၤန့ၣ်ပှၤလ့ၤ ဝံဖိကအိၣ်ဒီးတၢ်လၢအထီ အစိၤခံကလးယဲၢ်ကထိ, ဒီးအဒီၣ်ဃီၤအစိၤတကလးလီၤ. အထီဒီဘိညါမ့ၢ်အ စိၤခံကလးယဲၢ်ကထိ, ¹⁴ ဒီးတဘၣ်ဆါကွံာ်ဘၣ်အီၤနီ တစဲးဘၣ်, ဒီးတဘၣ်လဲလိာ်ဘၣ်အီၤ, ဒီးတဘၣ်ဟ့ၣ် လီၤကွံာ်ဘၣ်အတၤသၣ်ဆိဘၣ်. အဂ့ၢ်ဒ်အံၤ, မ့ၢ်တၢ် စီဆှံလၢယွၤအဂီၢ်လီၤ.

¹⁵ ဒီးတၢ်အစိၤယဲၢ်ကထိလၢ အအိၣ်လီၤတဲာ်လၢတၢ် ဒီၣ်ဃီၤအဖီခိၣ်အိၣ်သဃီၤဒီးတၢ်အစိၤခံကလးယဲၢ်က ထိန့ၣ် ကကဲလၢအလီၢ်တကဆှီဘၣ်လၢဝ့ၢ်အဂီၢ်, လၢ ပှၤအိၣ်ဝဲဆိးဝဲအလီၢ်အဂီၢ်, ဒီးလၢအလီၢ်အိၣ်လၢဝ့ၢ် လၢခိအဂီၢ်လီၤ. ဒီးဝ့ၢ်န့ၣ်ကအိၣ်ဝဲလၢအသးကံၢ်ပူၤ လီၤ.

¹⁶ ဒီးအအံၤမ့ၢ်အထိၣ်ဝဲန့ၣ် အထီလၢကလံၤစိးတခီ, မ့ၢ်အစိၤလွံၢ်ကထိယဲၢ်ကယၤ, ဒီးလၢကလံၤထံးတခီ အစိၤလွံၢ်ကထိယဲၢ်ကယၤ, ဒီးလၢမုၢ်ထီၣ်တခီအစိၤ လွံၢ်ကထိယဲၢ်ကယၤ, ဒီးလၢမုၢ်နုာ်တခီအစိၤလွံၢ်က ထိယဲၢ်ကယၤလီၤ.

¹⁷ ဒီးတၢ်အလီၢ်အိၣ်ဝဲလၢ ဝ့ၢ်လၢခိန့ၣ်အစိၤခံကယၤ ယဲၢ်ဆံကအိၣ်လၢကလံၤစိးတခီ, ဒီးအစိၤခံကယၤယဲၢ် ဆံကအိၣ်လၢကလံၤထံးတခီ, ဒီးအစိၤခံကယၤယဲၢ် ဆံကအိၣ်လၢမုၢ်ထီၣ်တခီ, ဒီးအစိၤခံကယၤယဲၢ်ဆံ ကအိၣ်လၢမုာ်နုာ်တခီလီၤ.

¹⁸ ဒီးတၢ်အိၣ်လီၤတဲာ်လၢအထီန့ၣ်, အိၣ်သဃီၤဒီးတၢ် ဝံၢ်ထီၣ်အသးစီဆှံန့ၣ် အစိၤတကလးဆူမုၢ်ထီၣ်တခီ, ဒီးအစိၤတကလးဆူမုၢ်နုာ်တခီ, အိၣ်သဃီၤဒီးတၢ်ဝံၣ် ထီၣ်အသးစီဆှံန့ၣ်အတၢ်အါထီၣ်န့ၣ် ကကဲလၢတၢ် အီၣ်လၢပှၤလၢအမၤဝ့ၢ်အတၢ်အဂီၢ်လီၤ.

¹⁹ ဒီးပှၤလၢအမၤဝ့ၢ်အတၢ်န့ၣ် ကမၤဝဲလၢအံၣ်စရ့လး အဒူၣ်ခဲလၢာ်အကျါလီၤ.

²⁰ တၢ်ဝံၢ်ထီၣ်အသးဒီဘ့ၣ်ညါန့ၣ် အထီကမ့ၢ်အစိၤခံ ကလးယဲၢ်ကထိ, ဒီးအဒီၣ်ဃီၤအစိၤခံကလးယဲၢ်က ထိလီၤ. သုဘၣ်မၤဘူၣ်တၢ်ဝံၢ်ထီၣ်စီဆှံလၢ တၢ်လွံၢ် နၢၣ်အိၣ်ဒီးဝ့ၢ်အတၢ်ဟံးဃာ်လီၤ.

²¹ ဒီးတၢ်အိၣ်လီၤတဲာ်လၢအတၢ်ဝံၢ်ထီၣ်အသးစီဆှံ ခံ ခီလိာ်ဒီးလၢဝ့ၢ်အတၢ်ဟံးဃာ်န့ၣ် အိၣ်သဃီၤဒီးတၢ် အစိၤခံကလးယဲၢ်ကထိ ဆူတၢ်အဃၢၤလၢမုၢ်ထီၣ်တ ခီ, ဒီးသဃီၤဒီးတၢ်အစိၤခံကလးယဲၢ်ကထိဆူ တၢ် အဃၢၤလၢမုၢ်နုာ်တခီ, လၢပှၤအဒူၣ်အဂီၢ်တဖၣ် အ ဃၢၤန့ၣ် ကအိၣ်ဝဲလၢပဒိၣ်ဖးဒိၣ်အဂီၢ်လီၤ. ဒီးတၢ် ဝံၢ်ထီၣ်အသးစီဆှံ, ဒီးဟံၣ်အလီၢ်စီဆှံကအိၣ်ဝဲလၢ အသးကံၢ်ပူၤလီၤ.

²² တၢ်အိၣ်လီၤတဲာ်လၢ ပှၤလ့ၤဝံဖိအတၢ်ဒီးလၢဝ့ၢ်န့ၣ် အတၢ်လၢအအိၣ်ဝဲလၢ ပဒိၣ်ဖးဒိၣ်အတၢ်ဘၢၣ်စၢၤ, လၢအအိၣ်ဝဲလၢယူဒၤအဃၢၤ ဒီးဘံၣ်ယၤမံၣ်အဃၢၤ အဘၢၣ်စၢၤန့ၣ်ကကဲလၢပဒိၣ်ဖးဒိၣ်အတၢ်လီၤ.

²³ ပှၤအဒူၣ်လၢအအိၣ်လီၤတဲာ်တဖၣ်အံၤ, လၢမုၢ်ထီၣ် တခီပၢၢ်လၢမုၢ်နုာ်တခီန့ၣ်, ဘံၣ်ယၤမံၣ်တဒူၣ်လီၤ.

²⁴ ဒီးလၢဘံၣ်ယၤမံၣ်အဃၢၤန့ၣ် လၢမုၢ်ထီၣ်တခီပၢၢ် လၢမုၢ်နုာ်တခီန့ၣ်, စူၤမ့းအိၣ်တဒူၣ်လီၤ.

²⁵ ဒီးလၢစူၤမ့းအိၣ်အဃၢၤန့ၣ် လၢမုၢ်ထီၣ်တခီပၢၢ်လၢ မုၢ်နုာ်တခီန့ၣ်, ယံးစၣ်ကၢ်တဒူၣ်လီၤ.

²⁶ ဒီးလၢယံးစၣ်ကၢ်အဃၢၤန့ၣ် လၢမုၢ်ထီၣ်တခီ ပၢၢ် လၢမုၢ်နုာ်တခီန့ၣ်, စဘူလိၣ်တဒူၣ်လီၤ.

²⁷ ဒီးလၢစဘူလိၣ်အဃၢၤန့ၣ် လၢမုၢ်ထီၣ်တခီပၢၢ်လၢ မုာ်နုာ်တခီန့ၣ်, ကးတဒူၣ်လီၤ.

²⁸ ဒီးလၢကးအဃၢၤန့ၣ်လၢကလံၤထံးတခီ ဆူကလံၤ ထံးန့ၣ်, လၢတၤမၢ်ပၢၢ်လၢထံအ့ၣ်လိာ်လၢကၤဒ့ၣ်အ ပူၤ, ပၢၢ်လၢထံမိၢ်ပှၢ်န့ၣ်လၢ ပီၣ်လဲၣ်ဖးဒိၣ်အဃၢၤ ကအိၣ်လီၤ.

²⁹ ဖးတၢ်သတးဒီး, အအံၤမ့ၢ်ကီၢ်တဘ့ၣ်လၢသုကဟ့ၣ် နီၤဖးလၢပှၤအံၣ်စရ့လးအဒူၣ်တဖၣ် လၢအတၢ်န့ၢ်သါ အဂီၢ်, ဒီးအအံၤမ့ၢ်အဂီၢ်တဖၣ်လီၤ. ကစၢ်ယွၤစံးဝဲဒၣ်.

³⁰ ဒီးအအံၤမ့ၢ်ဝ့ၢ်အပဲတရီတဖၣ်, လၢကလံၤစိးတခီန့ၣ် ကမ့ၢ်အနီၣ်ထိၣ်တပိၢ်အစိၤလွံၢ်ကထိယဲၢ်ကယၤလီၤ.

³¹ ဒီးဝ့ၢ်အပဲတရီတဖၣ်အမံၤန့ၣ် ကဒ်သိးလီၤပျိာ်ဒီး အံၣ်စရ့လးအဒူၣ်တဖၣ်အမံၤလီၤ. လၢကလံၤစိးတခီ န့ၣ်ပဲတရီသၢဖျိအိၣ်, ရူၤဘ့ၣ်အပဲတရီတဖျိ, ယူဒၤ အပဲတရီတဖျိ, လ့ၤဝံအပဲတရီတဖျိလီၤ.

³² ဒီးလၢမုၢ်ထီၣ်တခီန့ၣ် ကမ့ၢ်အနီၣ်ထိၣ်တပိၢ်အစိၤ လွံၢ်ကထိယဲၢ်ကယၤ, ဒီးပဲတရီသၢဖျိအိၣ်, ယိၤသး အပဲတရီတဖျိ, ဘံၣ်ယၤမံၣ်အပဲတရီတဖျိ, ဒၣ်အပဲတ ရီတဖျိလီၤ.

³³ ဒီးလၢကလံၤထံးတခီန့ၣ် ကမ့ၢ်အနီၣ်ထိၣ်တပိၢ်အ စိၤလွံၢ်ကထိယဲၢ်ကယၤ, ဒီးပဲတရီသၢဖျိထီၣ်, စူၤမ့း အိၣ်အပဲတရီတဖျိ, ယံးစၣ်ကၢ်အပဲတရီတဖျိ, စဘူ လိၣ်အပဲတရီတဖျိလီၤ.

³⁴ လၢမုၢ်နုာ်တခီန့ၣ် ကမ့ၢ်အနီၣ်ထိၣ်တပိၢ်အစိၤလွံၢ် ကထိယဲၢ်ကယၤ, ဒီးအပဲတရီသၢဖျိအိၣ်, ကးအပဲတ ရီတဖျိ, အၤရှ့ၢ်အပဲတရီတဖျိ, နးသၤလံအပဲတရီတဖျိ လီၤ.

³⁵ အနီၣ်ထိၣ်တပိၢ်ဝးတရံးဝဲန့ၣ် မ့ၢ်အစိၤတကလးဃိး ကထိလီၤ. ဒီးလၢမုၢ်တနံၤန့ၣ်လံၤလံၤဝ့ၢ်အမံၤမ့ၢ်, ယွၤ အိၣ်ဖဲန့ၣ်လီၤ.