လံာ်စီၤမိၤရှ့ခံဘ့ၣ်တဘ့ၣ်.

လံာ်စီၤမိၤရှ့ခံဘ့ၣ်တဘ့ၣ်.

၁

¹ ဒီးအအံၤမ့ၢ်ပှၤအံၣ်စရ့လးဖိလၢအဟဲဆူအဲၤကူပတူး တဖၣ်အမံၤ, တဂၤဒီးအပှၤဟံၣ်ဖိ, တဂၤဒီးအပှၤဟံၣ် ဖိဟဲဝဲဒီးစီၤယၤကိာ်လီၤ. ² စီၤရူၤဘ့ၣ်, စီၤစူၤမ့းအိၣ် စီၤလ့ၤဝံ, ဒီးစီၤယူဒၤ, ³ စီၤယံးစၣ်ကၢ်, စီၤစဘူလိၣ်, ဒီးစီၤဘံၣ်ယၤမံၣ်, ⁴ စီၤဒၣ်, ဒီးစီၤနးသၤလံ, စီၤကး, ဒီးစီၤအၤရှ့ၢ်လီၤ.

⁵ ဒီးကယဲၢ်ပှၤအသးလၢအဟဲထီၣ်လၢ စီၤယၤကိာ်အ ယီၢ်ဒ့ခဲလၢာ်န့ၣ်မ့ၢ်ပှၤအသးနွံဆံလီၤ. အဂ့ၢ်ဒ်အံၤ, စီၤ ယိၤသးအိၣ်တ့ၢ်ဝဲလၢအဲၤကူပတူးအပူၤလီၤ. ⁶ ဒီးစီၤယိၤ သးသံဝဲ, ဒီးအဒီပုၢ်ဝဲၢ်ခဲလၢာ်, ဒီးကယဲၢ်ပှၤတစိၤန့ၣ် ခဲလၢာ်လီၤ.

⁷ ဒီးပှၤအံၣ်စရ့လးဖိသၣ်ထီၣ်, ဒီးအါထီၣ်, ဒီးဒိၣ် ထီၣ်, ဒီးဆူၣ်ထီၣ်ဒိၣ်ဒိၣ်ကလဲာ်လီၤ. ဒီးထံဧိၤကီၢ်ဧိၤ န့ၣ်ပှဲၤဝဲဒီးအီၤလီၤ.

⁸ ဒီးစီၤပၤအသီတဂၤအိၣ်ထီၣ်လၢ အဲၤကူပတူးအဖီ ခိၣ်လၢအတသ့ၣ်ညါဘၣ်စီၤယိၤသးဘၣ်. ⁹ ဒီးစံးဘၣ် အပှၤဂီၢ်မုၢ်, ကွၢ်ကွၢ်, ပှၤဂီၢ်မုၢ်, ပှၤအံၣ်စရ့လးဖိအါ န့ၢ်ဆူၣ်န့ၢ်ပှၤတက့ၢ်လီၤ. ¹⁰ ဟဲမီၣ်, မၤသကိးအီၤဒီးတၢ် ကူၣ်သ့တက့ၢ်. ကအါထီၣ်, ဒီးတၢ်ကမၤအသးဘၣ် ဖုးလၢတၢ်ဒုးတၢ်ယၤမ့ၢ်အိၣ်ထီၣ်တမံၤမံၤဒီး, အဝဲသ့ၣ် တဖၣ်န့ၣ်ကပာ်ဖှိၣ်အသးဒီးပဒုၣ်ပဒါ, ဒီးဒုးတၢ်ဒီးပှၤ, ဒီးဟးထီၣ်ကွံာ်လၢကီၢ်အံၤလီၤ.

¹¹ ဒီးပာ်သွဲအပဒိၣ်တဖၣ်လၢအဖီခိၣ်, ဒ်သိးအကမၤနး မၤဖှီၣ်အီၤလၢအတၢ်ဝံတၢ်ယိးလီၤ. ဒီးအဝဲသ့ၣ်မၤထီၣ် တၢ်ပာ်ဖှိၣ်အဝ့ၢ်တဖၣ်လၢဖၤရိၤအဂီၢ်, ဝ့ၢ်ပံသိၣ်, ဒီး ဝ့ၢ်ရၤမစ့လီၤ.

¹² ဘၣ်ဆၣ်ဒီး ဒံးမၤနးမၤဖှီၣ်အီၤဒီး, အဝဲသ့ၣ်ဒံးအါ ထီၣ်, ဒီးဒံးဒိၣ်ထီၣ်လီၤ. ဒီးအသးဆါလၢပှၤအံၣ်စရ့ လးဖိအဃိလီၤ. ¹³ ဒီးပှၤအဲၤကူပတူးဖိမၢပှၤအံၣ်စရ့လး ဖိမၤအတၢ်ဒီးဒူတၢ်လီၤ. ¹⁴ ဒီးမၤကိၢ်မၤဂီၤအသးသမူလၢ ကုၢ်အတၢ်မၤဘၣ်ဃးဒီးအီကတ့ၣ်, ဒီးအူးခဲ, ဒီးကယဲၢ် ကုၢ်အတၢ်မၤလၢစံာ်ပူၤပှဲၤပူၤတမံၤလၢ်လၢ်လီၤ. အတၢ် မၤလၢအမၢအမၤန့ၣ် အိၣ်ဝဲဒီး ဒူတၢ်ကိးမံၤဒဲးလီၤ.

¹⁵ ဒီးအဲၤကူပတူးအစီၤပၤစံးဘၣ် ပှၤဧ့ၤဘြံၤအပှၤကွၢ်ပ ဟုး (အဝဲတဂၤအမံၤမ့ၢ်နီၢ်ၡံးပရၤ, ဒီးအဝဲတဂၤအမံၤ မ့ၢ်နီၢ်ပူၤဧၤလီၤ.) ¹⁶ ဒီးစံးဝဲဒၣ်, တုၤသုမၤပှၤကွၢ်ပဟုး အလီၢ်လၢပှၤဧ့ၤဘြံၤမုၣ်အဂီၢ်ဒီး, အိၣ်ဒံးလၢလီၢ်ဆ့ၣ် နီၤဖိအဖီခိၣ်ဒီး, သုဘၣ်ကွၢ်တၢ်လီၤ. မ့မ့ၢ်အပိာ်ခွါဒီး, သုဘၣ်မၤသံအီၤလီၤ. ဘၣ်ဆၣ်မ့မ့ၢ်အပိာ်မုၣ်ဒီး, ကမူ ဘၣ်ဝဲလီၤ.

¹⁷ ဒီးပှၤကွၢ်ပဟုးတဖၣ်န့ၣ်ပျံၤယွၤ, ဒီးတမၤဘၣ်ဒ်အဲၤ ကူပတူးအစီၤပၤကတိၤတၢ်ဒီးအီၤအသိးဘၣ်, ဒီးဒုးမူ ဒံးဖိသၣ်ပိာ်ခွါတဖၣ်လီၤ. ¹⁸ ဒီးအဲၤကူပတူးအစီၤပၤကိး က့ၤပှၤကွၢ်ပဟုး, ဒီးစံးဘၣ်အီၤ, သုမၤတၢ်အံၤ, ဒီးဒုး မူဒံးဖိသၣ်ပိာ်ခွါတဖၣ်န့ၣ်မ့ၢ်အဘၣ်မနုၤလဲၣ်.

¹⁹ ဒီးပှၤကွၢ်ပဟုးစံးဘၣ်ဖၤရိၤ, အဂ့ၢ်ဒ်အံၤ, ပှၤဧ့ၤဘြံၤ မုၣ်တဒ်ဘၣ်ပှၤအဲၤကူပတူးမုၣ်အသိးဘၣ်, မ့ၢ်အဂံၢ် ဆူၣ်အဘါဆူၣ်သတးဒီး, ပှၤကွၢ်ပဟုးတချုးတုၤဒံး ဘၣ်လၢအအိၣ်ဒီး, ဆံးစၢ်န့ၢ်တၢ်လီၤ.

²⁰ ဒီးယွၤမၤဂ့ၤ ပှၤကွၢ်ပဟုး, ဒီးပှၤဂီၢ်မုၢ်အါထီၣ်, ဒီး ဆူၣ်ထီၣ်ဆူၣ်မးလီၤ. ²¹ ဒီးမ့ၢ်ပှၤကွၢ်ပဟုးပျံၤယွၤအဃိ ဒီး, ယွၤဒုးအိၣ်ထီၣ်အပှၤဟံၣ်ဖိလီၤ.

²² ဒီးဖၤရိၤမၤလိာ်အပှၤဂီၢ်မုၢ်ခဲလၢာ်, ဒီးစံးဝဲဒၣ်, ဖိခွါ လၢအအိၣ်ဖျဲၣ်တဖၣ်န့ၣ်, သုဘၣ်ကွံာ်တ့ၢ်ကွံာ်အီၤလၢ ထံမိၢ်ပှၢ်အပူၤကိးဂၤဒဲးလီၤ. မ့မ့ၢ်ပိာ်မုၣ်တဖၣ်န့ၣ်, သု ဘၣ်ဒုးမူအီၤကိးဂၤဒဲးလီၤ.

၂

¹ ဒီးပှၤလၢ လ့ၤဝံအပှၤဟံၣ်ဖိအကျါတဂၤ လဲၤန့ၢ်မါ လၢပှၤလ့ၤဝံဖိမုၣ်တဂၤလီၤ. ² ဒီးပိာ်မုၣ်န့ၣ်ဒၢထီၣ်, ဒီး ဆံးစၢ်န့ၢ်အဖိခွါ, ဒီးထံၣ်ဘၣ်ဝဲလၢအမ့ၢ်အဂ့ၤ, ဒီးပာ် ခူသူၣ်အီၤသၢလါလီၤ.

³ ဒီးပာ်ခူသူၣ်ဝဲတသ့လၢၤဘၣ်ဒီး, ဟံးန့ၢ်ဆှဲကိမ့ၤအ ချံဖိ, ဒီးဖှူဝဲဒီးကျဲတံးကိၢ်လိၣ်, ဒီးဆှိအထုး, ဒီးပာ်ဖိ သၣ်ပိာ်ခွါလၢအပူၤ, ဒီးပာ်လီၤအီၤလၢဆှဲကျါလၢထံ မိၢ်ပှၢ်အနံၤန့ၣ်လီၤ.

⁴ ဒီးတၢ်ကမၤအီၤဒ်လဲၣ်ဒ်လဲၣ်န့ၣ်, ဒ်သိးအကသ့ၣ် ညါဒီး, အဝဲၢ်မုၣ်တဂၤဆၢထၢၣ်စၢၢ်တလၢၢ်လီၤ. ⁵ ဒီးဖၤ ရိၤအဖိမုၣ်တဂၤဟဲလီၤလုၣ်ထံလၢထံမိၢ်ပှၢ်, ဒီးအကုၢ် အပှၤပိာ်မုၣ်တဖၣ်ဟးဝဲလၢထံမိၢ်ပှၢ်နံၤ, ဒီးထံၣ်ဘၣ်ချံ ဖိအိၣ်လၢဆှဲကျါ, ဒီးမၢအကုၢ်ပိာ်မုၣ်တဂၤလဲၤဟံးန့ၢ် ဝဲလီၤ.

⁶ ဒီးအိးထီၣ်ဝဲ, ဒီးထံၣ်ဘၣ်ဖိသၣ်ပိာ်ခွါ, ဒီးကွၢ်ကွၢ်, ဖိသၣ်န့ၣ်ဟီၣ်ဝဲလီၤ. ဒီးသးကညီၤအီၤ, ဒီးစံးဝဲဒၣ်, အဝဲအံၤမ့ၢ်ပှၤဧ့ၤဘြံၤဖိအဖိသၣ်ပိာ်ခွါတဂၤလီၤ.

⁷ ဒီးအဝဲၢ်မုၣ်စံးဘၣ်ဖၤရိၤအဖိမုၣ်, ယဘၣ်လဲၤကိးန့ၢ် နၤလၢပှၤဧ့ၤဘြံၤမုၣ်လၢအဒုးအီၣ်နုၢ်တၢ်တဂၤ, ဒ်သိး အကဒုးအီၣ်နုၢ်ဖိသၣ်အံၤလၢနဂီၢ်စ့ၢ်ကီးဧါ.

⁸ ဒီးဖၤရိၤအဖိမုၣ်န့ၣ်စံးဘၣ်အီၤ, လဲၤတက့ၢ်. ဒီးပမုၣ် ကနီၤတဂၤန့ၣ် လဲၤကိးန့ၢ်ဖိသၣ်အမိၢ်လီၤ. ⁹ ဒီးဖၤရိၤ အဖိမုၣ်စံးဘၣ်အီၤ, က့ၤစိာ်ဖိသၣ်တဂၤအံၤ, ဒီးဒုးအီၣ် နုၢ်အီၤလၢယဂီၢ်တက့ၢ်. ဒီးယကဟ့ၣ်နဘူးနလဲလီၤ. ဒီးပိာ်မုၣ်န့ၣ်ဟံးန့ၢ်ဖိသၣ်, ဒီးဒုးအီၣ်နုၢ်အီၤလီၤ.

¹⁰ ဒီးဖိသၣ်ပိာ်ခွါန့ၣ်ဒိၣ်ထီၣ်, ဒီးအမိၢ်ဟဲက့ၤစိာ်အီၤ ဆူဖၤရိၤအဖိမုၣ်အအိၣ်, ဒီးကဲထီၣ်အဖိခွါ, ဒီးယုၢ်ဝဲ အမံၤလၢစီၤမိၤရှ့, အဂ့ၢ်ဒ်အံၤ, စံးဝဲဒၣ်, ယထုးထီၣ် အီၤလၢထံကျါလီၤ.

¹¹ ဒီးတၢ်မၤအသးလၢမုၢ်နံၤတဖၣ်န့ၣ် တုၤစီၤမိၤရှ့ဒိၣ် ထီၣ်ဒီး, လဲၤထီၣ်ဆူအဒီပုၢ်ဝဲၢ်အအိၣ်, ဒီးကွၢ်အတၢ် ဝံတၢ်ယိး, ဒီးထံၣ်ဘၣ်ပှၤအဲၤကူပတူးဖိကျီပှၤဧ့ၤဘြံၤဖိ, အဒီပုၢ်ဝဲၢ်တဂၤလီၤ. ¹² ဒီးဃၣ်ကွံာ်ဝဲလၢအံၤတခီဒီးလၢ န့ၣ်တခီ, တထံၣ်ပှၤနီတဂၤဘၣ်ဒီး, ကျီသံပှၤအဲၤကူ ပတူးဖိ, ဒီးမၤဘၢကွံာ်အီၤလၢမဲးကျါလီၤ.

¹³ ဒီးလဲၤထီၣ်ဝဲခံနံၤတနံၤဒီး, ကွၢ်ကွၢ်, ပှၤဧ့ၤဘြံၤဖိခံ ဂၤတီၢ်လိာ်အသး, ဒီးစံးဘၣ်ပှၤလၢအမၤတတီဘၣ်တ ဂၤ, နကျီနသကိးဘၣ်မနုၤလဲၣ်.

¹⁴ ဒီးစံးဝဲဒၣ်, မ့ၢ်မတၤပာ်နၤလၢပှၤပဒိၣ်ဖးဒိၣ်, ဒီးပှၤစံၣ် ညီၣ်ကွီၢ်လၢပဖီခိၣ်တဂၤလဲၣ်. နစံးလၢနကမၤသံယၤ, ဒ်နမၤသံပှၤအဲၤကူပတူးဖိအသိးစ့ၢ်ကီးဧါ. ဒီးစီၤမိၤရှ့ပျံၤ တၢ်, ဒီးစံးဝဲဒၣ်, မ့ၢ်မးပှၤသ့ၣ်ညါတၢ်န့ၣ်တမံၤလီၤ.

¹⁵ ဒီးဖၤရိၤနၢ်ဟူတၢ်တမံၤန့ၣ်, ဒီးဃုမၤသံစီၤမိၤရှ့လီၤ. ဒီးစီၤမိၤရှ့ဃ့ၢ်တၢ်လၢဖၤရိၤအမဲာ်ညါ, ဒီးအိၣ်လၢကီၢ် မံးဒယၣ်, ဒီးဆ့ၣ်နီၤလၢထံပူၤအဃၢၤလီၤ. ¹⁶ ဒီးကီၢ်မံးဒယၣ်အပှၤလုၢ်တၢ်အဒိၣ် အိၣ်ဒီးအဖိမုၣ်နွံဂၤ, ဒီးအဝဲသ့ၣ်ဟဲဒၢၣ်ထံ, ဒီးမၤပှဲၤထံကျိးဒ်သိးအကဒုးအီအပၢ်အသိဒီး အမဲာ်တဲးလဲးတဖၣ်အထံလီၤ.―

¹⁷ ဒီးပှၤကွၢ်တၢ်ဖိတဖၣ်ဟဲဟီထီၣ်ကွံာ်အီၤ, ဒီးစီၤမိၤရှ့ဂဲၤ ဆၢထၢၣ်အုၣ်က့ၤခီၣ်က့ၤအီၤ, ဒီးဒုးအီအသိဒီးအမဲာ် တဲးလဲးအထံလီၤ.

¹⁸ ဒီးအဝဲသ့ၣ်တဖၣ်န့ၣ် ဟဲဆူအပၢ် စီၤရူၤအ့လးအ အိၣ်, ဒီးအဝဲဒၣ်စံး, လၢမုၢ်မဆါတနံၤအံၤသုဟဲချ့သ ဒံးမ့ၢ်အဘၣ်မနုၤလဲၣ်.

¹⁹ ဒီးစံးဝဲဒၣ်, ပှၤအဲၤကူပတူးဖိတဂၤ မၤပူၤဖျဲးပှၤဒီးပှၤ ကွၢ်တၢ်ဖိအစုပူၤ, ဒီးဒၢၣ်ထံလၢလၢပှဲၤပှဲၤလၢပဂီၢ်, ဒီး ဒုးအီသိဒီးမဲာ်တဲးလဲးတဖၣ်အထံလီၤ.

²⁰ ဒီးစံးဘၣ်အဖိမုၣ်တဖၣ်န့ၣ်, ဒီးမ့ၢ်အအိၣ်ဖဲလဲၣ်, သု ဟဲသဒၣ်ပှၤတဂၤန့ၣ်ဘၣ်မနုၤလဲၣ်, ကိးန့ၢ်အီၤဒ်သိး အကအီၣ်တၢ်အီၣ်တက့ၢ်.

²¹ ဒီးဘၣ်စီၤမိၤရှ့အသးလၢ အကအိၣ်ဝဲဆိးဝဲဒီးပှၤတ ဂၤန့ၣ်, ဒီးဟ့ၣ်စီၤမိၤရှ့လၢအဖိမုၣ်နီၢ်စံးဖိရၤလီၤ. ²² ဒီး ဆံးစၢ်န့ၢ်အဖိခွါ, ဒီးယုၢ်ဝဲအမံၤလၢ စီၤက့ရၡိၣ်လီၤ. အဂ့ၢ်ဒ်အံၤ, စံးဝဲဒၣ်, ယမ့ၢ်တ့ၢ်ပှၤတမှံၤလၢတခီဘီမုၢ် အပူၤလီၤ.

²³ ဒီးအါနံၤအါသီပူၤကွံာ်ဒီး, တၢ်မၤအသးလၢအဲၤကူ ပတူးအစီၤပၤသံဝဲလီၤ. ဒီးပှၤအံၣ်စရ့လးဖိကအုကစွါ လၢအမၤကုၢ်အတၢ်မၤအဃိ, ဒီးအကိးပသူထီၣ်, ဒီးအ ဃ့ကညးတၢ်မၤလၢအမၤကုၢ်အတၢ်မၤအဃိန့ၣ်, ထီၣ် ဘးလၢယွၤအအိၣ်, ²⁴ ဒီးယွၤနၢ်ဟူအတၢ်ကအုကစွါ တၢ်, ဒီးယွၤသ့ၣ်နီၣ်ထီၣ်က့ၤအတၢ်အၢၣ်လီၤအီလီၤဒီး စီၤအၤဘြၤဟၣ်, ဒီးစီၤအံၤစဲး, ဒီးစီၤယၤကိာ်, ²⁵ ဒီးယွၤ ကွၢ်လီၤပှၤအံၣ်စရ့လးဖိ, ဒီးယွၤသ့ၣ်ညါဝဲလီၤ.

၃

¹ ဒီးစီၤမိၤရှ့ကွၢ်အမံၤပှၢ် ကီၢ်မံးဒယၣ်အပှၤလုၢ်တၢ်အ ဒိၣ်, စီၤယံးသရိၤအသိဒီးမဲာ်တဲးလဲးတဖု, ဒီးဆှၢသိဒီး မဲာ်တဲးလဲးတဖုဆူပှၢ်မုၢ်ကနၢအချၢဃံတခီ, ဒီးဟဲဆူ ကစၢ်အကစၢၢ်ဃိၤရ့းလီၤ.

² ဒီးယွၤအကလူးတဂၤ လီၣ်ဖျါထီၣ်အသးလၢအီၤလၢ မ့ၣ်အူလၣ်အကျါလၢသ့ၣ်တၤဆှုၣ်တခိၣ်အသးကံၢ်ပူၤ, ဒီးကွၢ်ဝဲ, ဒီးကွၢ်ကွၢ်, တၢ်ဆူးသ့ၣ်တၤဆှုၣ်န့ၣ်လၢမ့ၣ် အူ, ဒီးတၢ်တအီၣ်ဘၣ်သ့ၣ်တၤဆှုၣ်ဘၣ်.

³ ဒီးစီၤမိၤရှ့စံးဝဲဒၣ်, ယကဃၣ်ယသးခဲအံၤ, ဒီးကွၢ် တၢ်အိၣ်ဖျါလီၤလးအံၤ, လၢတၢ်တအီၣ်ဘၣ်သ့ၣ်တၤ ဆှုၣ်တခိၣ်န့ၣ်အဂ့ၢ်လီၤ.

⁴ ဒီးတုၤယွၤထံၣ်လၢအဃၣ်အသး ဒ်သိးအကကွၢ်တၢ် ဒီး, ယွၤကိးထီၣ်အီၤလၢသ့ၣ်တၤဆှုၣ်တခိၣ်အသးကံၢ် ပူၤ, ဒီးစံးဝဲဒၣ်, စီၤမိၤရှ့ဧၢ, စီၤမိၤရှ့ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ.

⁵ ဒီးစံးဝဲဒၣ်, သုးဘူးနသးဖဲအံၤတဂ့ၤ, ဃ့ၣ်လီၤကွံာ် နခီၣ်ဖံးလၢနခီၣ်တက့ၢ်. အဂ့ၢ်ဒ်အံၤ, ဖဲအလီၢ်လၢန ဆၢထၢၣ်န့ၣ်မ့ၢ်ဟီၣ်ခိၣ်စီဆှံလီၤ. ⁶ ဒီးစံးဝဲဒၣ်, ယမ့ၢ် နပၢ်အကစၢ်, စီၤအၤဘြၤဟၣ်အကစၢ်, စီၤအံၤစဲးအ ကစၢ်, ဒီးစီၤယၤကိာ်အကစၢ်လီၤ. ဒီးစီၤမိၤရှ့မၤဘံးအ မဲာ်လီၤ. အဂ့ၢ်ဒ်အံၤ, ကွၢ်ယွၤအမဲာ်န့ၣ်ပျံၤဝဲလီၤ.

⁷ ဒီးယွၤစံးဝဲဒၣ်, ယထံၣ်တ့ၢ်ယပှၤဂီၢ်မုၢ် လၢအအိၣ် လၢအဲၤကူပတူးအပူၤတဖၣ် အတၢ်နးတၢ်ဖှီၣ် သပှၢ် တၢၢ်ဒီး ယနၢ်ဟူအတၢ်ကိးပသူကိးပသီလၢ အတၢ်ဝံ တၢ်ယိးအကစၢ်အဃိလီၤ. အဂ့ၢ်ဒ်အံၤ, ယသ့ၣ်ညါ အသူၣ်ကိၢ်အသးဂီၤလီၤ. ⁸ ဒီးယဟဲလီၤဒ်သိးယကမၤ ပူၤမၤဖျဲးအီၤလၢပှၤအဲၤကူပတူးဖိအစုပူၤ, ဒီးဒုးဟးထီၣ် ကွံာ်အီၤလၢကီၢ်အဝဲန့ၣ် ဆူကီၢ်တဘ့ၣ်လၢအဂ့ၤဒီးလၢ အလဲၢ်, ဆူကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲ စီ, ဆူပှၤကနၤဧၣ်ဖိ, ဒီးပှၤဃ့ၤသးဖိ, ဒီးပှၤအမိၢ်ဖိ, ဒီးပှၤပရးစၤဖိ, ဒီးပှၤဃံၤဝံဖိ, ဒီးပှၤယဘူၣ်ဖိသ့ၣ်တ ဖၣ်အလီၢ်န့ၣ်လီၤ. ⁹ ဒီးခဲကနံၣ်အံၤကွၢ်ကွၢ်, ပှၤအံၣ်စရ့လးဖိအတၢ်ကိးပသူကိးပသီဟဲထီၣ်ဆူယအိၣ်, ဒီးယထံၣ်စ့ၢ်ကီးအတၢ်အၢတၢ်နးလၢ ပှၤအဲၤကူပတူးဖိမၤအၢမၤနးအီၤလီၤ.―

¹⁰ ဒီးခဲကနံၣ်အံၤဟဲ, ဒီးယကမၢလီၤနၤဆူဖၤရိၤအအိၣ်ဒ် သိးနကဒုးဟးထီၣ် ယပှၤဂီၢ်မုၢ်ပှၤအံၣ်စရ့လးဖိ, လၢ အဲၤကူပတူးအပူၤန့ၣ်လီၤ.

¹¹ ဒီးစီၤမိၤရှ့စံးဘၣ်ယွၤ, ယဲဒၣ်အံၤ ယမ့ၢ်မတၤတဂၤ လၢယကလဲၤဆူဖၤရိၤအအိၣ်, ဒီးဒုးဟးထီၣ်ကွံာ်ပှၤ အံၣ်စရ့လးဖိလၢအဲၤကူပတူးအပူၤန့ၣ်လဲၣ်.

¹² ဒီးစံးဝဲဒၣ်, ယကအိၣ်ဒီးနၤလီၤ. ဒီးအအံၤမ့ၢ်တၢ်ပ နီၣ်လၢယမၢလီၤနၤလီၤ, တုၤနဒုးဟးထီၣ်ကွံာ်ပှၤဂီၢ်မုၢ် လၢအဲၤကူပတူးအပူၤဒီး, သုကမၤယွၤအတၢ်လၢကစၢၢ် တဖျၢၣ်အံၤအလိၤလီၤ.

¹³ ဒီးစီၤမိၤရှ့စံးဘၣ်ယွၤ, ကွၢ်ကွၢ်, ယဲဒၣ်အံၤတုၤယဟဲ ဆူပှၤအံၣ်စရ့လးဖိအအိၣ်, ဒီးစံးဘၣ်အီၤ, သုပၢ်အက စၢ်မၢလီၤယၤဆူသုအိၣ်, ဒီးအဝဲသ့ၣ်တဖၣ်ကစံးဘၣ် ယၤ, အမံၤမ့ၢ်မနုၤလဲၣ်ဒီး, ယကစံးဘၣ်အီၤဒ်လဲၣ်.

¹⁴ ဒီးယွၤစံးဘၣ်စီၤမိၤရှ့, ယမ့ၢ်တၢ်လၢယမ့ၢ်လီၤ. ဒီး စံးဝဲဒၣ်, နဘၣ်စံးဘၣ်ပှၤအံၣ်စရ့လးဖိဒ်အံၤ, ယမ့ၢ် မၢလီၤယၤဆူသုအိၣ်လီၤ. ¹⁵ ဒီးယွၤစံးဒံးစီၤမိၤရှ့, နဘၣ် စံးဘၣ်ပှၤအံၣ်စရ့လးဖိဒ်အံၤ, ယွၤသုပၢ်အကစၢ်, စီၤ အၤဘြၤဟၣ်အကစၢ်, စီၤအံၤစဲးအကစၢ်, ဒီးစီၤယၤ ကိာ်အကစၢ်, မၢလီၤယၤဆူသုအိၣ်လီၤ. အန့ၣ်မ့ၢ်ယ မံၤလီၤထူလီၤယိာ်, ဒီးအန့ၣ်မ့ၢ်တၢ်ဒုးသ့ၣ်နီၣ်ထီၣ်ယၤ အစိၤစိၤအဃၣ်ဃၣ်လီၤ.

¹⁶ လဲၤတၢ်, ဒီးဒုးအိၣ်ဖှိၣ်ရိဖှိၣ်အံၣ်စရ့လးအသူၣ်က့သး ပှၢ်, ဒီးစံးဘၣ်အီၤ, ယွၤသုပၢ်အကစၢ်, စီၤအၤဘြၤ ဟၣ်, ဒီးစီၤအံၤစဲး, ဒီးစီၤယၤကိာ်အကစၢ်လီၣ်ဖျါထီၣ် အသးလၢယၤ, ဒီးစံးဝဲဒၣ်, ယအိၣ်သကိးသုသပှၢ် တၢၢ်လံ, ဒီးယထံၣ်တၢ်လၢပှၤမၤသုလၢအဲၤကူပတူး အပူၤလီၤ. ¹⁷ ဒီးယစံးတၢ်, ယကဒုးလဲၤထီၣ်ကွံာ်သုလၢ အဲၤကူပတူးအတၢ်နးတၢ်ဖှီၣ်အပူၤဆူပှၤကနၤဧၣ်ဖိ, ဒီး ပှၤဃ့ၤသးဖိ, ဒီးပှၤအမိၢ်ဖိ, ဒီးပှၤပရးစၤဖိ, ဒီးပှၤဃံၤ ဝံၤဖိ, ဒီးပှၤယဘူၣ်ဖိသ့ၣ်တဖၣ်အကီၢ်, ဆူကီၢ်တဘ့ၣ် လၢအယွၤဝဲဒီးတၢ်နုၢ်ထံဒီးကနဲစီလီၤ.

¹⁸ ဒီးအဝဲသ့ၣ်တဖၣ်န့ၣ်ကကနၣ်နကလုၢ်, ဒီးနဘၣ်ဟဲ နဲ, ဒီးပှၤအံၣ်စရ့လးဖိအသူၣ်က့သးပှၢ်, ဆူအဲၤကူပ တူးအစီၤပၤအအိၣ်, ဒီးသုဘၣ်စံးဘၣ်အီၤ, ယွၤ, ပှၤ ဧ့ၤဘြံၤဖိအကစၢ်, ဘၣ်သဃိာ်ဒီးပှၤ, ဒီးခဲကနံၣ်အံၤ ဒုးလဲၤလၢ်ပှၤသၢနံၤကျဲဆူပှၢ်လၢ်ကျါ, ဒ်သိးပကလုၢ် တၢ်လၢယွၤပကစၢ်န့ၣ်တက့ၢ်.

¹⁹ ဒီးယသ့ၣ်ညါလၢတၢ်အစုဆူၣ်အခီၣ်ဆူၣ် မ့ၢ်တအိၣ် ဘၣ်ဒီး, အဲၤကူပတူးအစီၤပၤတဖၣ်တဟ့ၣ်လဲၤဘၣ်သု ဘၣ်.

²⁰ ဒီးယကယူာ်ထီၣ်ယစု, ဒီးတီၢ်အဲၤကူပတူးလၢတၢ် လီၤလိၢ်လီၤလး လၢယကမၤလၢအသးကံၢ်ပူၤခဲလၢာ် လီၤ. ဒီးတၢ်တဖၣ်န့ၣ်အလီၢ်ခံကပျၢ်သုလီၤ. ²¹ ဒီးယ ကဟ့ၣ်ပှၤဂီၢ်မုၢ်န့ၣ်လၢအဘျုးအဖှိၣ်လၢ ပှၤအဲၤကူပ တူးဖိအမဲာ်, ဒီးတုၤသုလဲၤထီၣ်ဒီး, တၢ်ကမၤအသး လၢသုတလဲၤထီၣ်ဘၣ်ကလီဘၣ်. ²² ဒီးကယဲၢ်ပှၤပိာ်မုၣ် တဂၤလၢ်လၢ်ကဃ့စ့အကယၢ, ဒီးထူအကယၢ, ဒီး တၢ်ကူတၢ်သိးလၢပှၤလၢအဃၢၤ, ဒီးလၢပှၤလၢအအိၣ် တမှံၤလၢအဟံၣ်ပူၤ, ဒီးသုကဒုးကူဒုးသိးသုဖိခွါဒီးသု ဖိမုၣ်, ဒီးသုကဂုာ်န့ၢ်ပှၤအဲၤကူပတူးဖိအတၢ်လီၤ.

၄

¹ ဒီးစီၤမိၤရှ့စံးဆၢတၢ်, ဒီးစံးဝဲဒၣ်, ဘၣ်ဆၣ်ဒီး, ကွၢ် ကွၢ်, အဝဲသ့ၣ်တဖၣ်န့ၣ်တနာ်ဘၣ်ယၤဘၣ်, ဒီးတက နၣ်ဘၣ်ယကလုၢ်ဘၣ်. အဂ့ၢ်ဒ်အံၤ, ကစံးယွၤတလီၣ် ဖျါထီၣ်ဘၣ်အသးလၢနၤဘၣ်.

² ဒီးယွၤစံးဘၣ်အီၤ, တၢ်အိၣ်လၢနစုပူၤန့ၣ်မ့ၢ်မနုၤတ မံၤလဲၣ်. ဒီးစံးဝဲဒၣ်, မ့ၢ်နီၣ်ထိးဘိလီၤ.

³ ဒီးစံးဝဲဒၣ်, တ့ၢ်လီၤကွံာ်အီၤလၢဟီၣ်ခိၣ်တက့ၢ်. ဒီး တ့ၢ်လီၤလၢဟီၣ်ခိၣ်, ဒီးကဲထီၣ်ဝဲလၢဂုၢ်တဘိ, ဒီးစီၤ မိၤရှ့ဃ့ၢ်လၢအမဲာ်ညါလီၤ.

⁴ ဒီးယွၤစံးဘၣ်စီၤမိၤရှ့, ယူာ်ထီၣ်နစု, ဒီးဖီၣ်န့ၢ်အီၤ လၢအမဲၢ်တက့ၢ်. (ဒီးယူာ်ထီၣ်အစု, ဒီးမၤန့ၢ်ဝဲ, ဒီး ကဲထီၣ်က့ၤနီၣ်ထိးဘိလၢအစုပူၤ), ⁵ ဒ်သိးအဝဲသ့ၣ်က နာ်ဝဲလၢယွၤ, အပၢ်တဖၣ်အကစၢ်, စီၤအၤဘြၤဟၣ် အကစၢ်, ဒီးစီၤအံၤစဲးအကစၢ်, ဒီးစီၤယၤကိာ်အကစၢ် န့ၣ်လီၣ်ဖျါလံအသးလၢနမဲာ်ညါလံန့ၣ်လီၤ.

⁶ ဒီးယွၤစံးဘၣ်ဒံးအီၤ, ဒၢနုာ်နစုလၢနသးနါပှၢ်အပူၤ တက့ၢ်. ဒီးဒၢနုာ်အစုလၢအသးနါပှၢ်အပူၤ, ဒီးထုး ထီၣ်ဝဲ, ဒီးကွၢ်ကွၢ်, အစုဆါအၢဒ်မူခိၣ်ဖီအသိးန့ၣ်လီၤ.

⁷ ဒီးစံးဝဲဒၣ်, ဒၢနုာ်က့ၤနစုလၢနသးနါပှၢ်အပူၤတက့ၢ်. ဒီးဒၢနုာ်က့ၤအစုလၢအသးနါပှၢ်အပူၤ, ဒီးထုးထီၣ်က့ၤ လၢအသးနါပှၢ်, ဒီးကွၢ်ကွၢ်, ကဲကဒါက့ၤဒ်အညၣ်အ သိးန့ၣ်လီၤ.

⁸ ဒီးတၢ်ကမၤအသးလၢအဝဲသ့ၣ်မ့ၢ်တနာ်ဘၣ်နၤ, ဒီး မ့ၢ်တနာ်ဘၣ်တၢ်ပနီၣ်အခီၣ်ထံးတမံၤအကလုၢ်ဒီး, က နာ်တၢ်ပနီၣ်လၢခံတမံၤအကလုၢ်န့ၣ်လီၤ.

⁹ ဒီးတၢ်ကမၤအသးလၢအဝဲသ့ၣ်တဖၣ်န့ၣ် မ့ၢ်တနာ် စ့ၢ်ကီးဘၣ်တၢ်ပနီၣ်ခံမံၤအံၤ, ဒီးတကနၣ်ဘၣ်နကလုၢ် ဘၣ်ဒီး, နဘၣ်မၤန့ၢ်ထံလၢထံမိၢ်ပှၢ်အပူၤ, ဒီးလူလီၤ လၢခိလီၤ. ဒီးထံလၢနမၤန့ၢ်လၢထံမိၢ်ပှၢ်အပူၤန့ၣ်က ကဲထီၣ်တၢ်သွံၣ်လၢခိလီၤ.

¹⁰ ဒီးစီၤမိၤရှ့စံးဘၣ်ယွၤ, ပျဲလၢ်တက့ၢ်, ကစၢ်ဧၢ, လၢ သီမ့ၢ်ဂ့ၤ, လၢနကတိၤတၢ်ဒီးနကုၢ်နပှၤအလီၢ်ခံမ့ၢ်ဂ့ၤ, ယတမ့ၢ်ဘၣ်ပှၤကတိၤတၢ်သ့ဘၣ်. အဂ့ၢ်ဒ်အံၤ, ယဲဒၣ် အံၤယထးခိၣ်ဃၢ, ဒီးယပျ့ၤဃၢလီၤ.

¹¹ ဒီးယွၤစံးဘၣ်အီၤ, မ့ၢ်မတၤတ့ပှၤကညီအထးခိၣ်ဒီး မ့ၢ်မတၤတ့ပှၤတအုၣ်, ပှၤနၢ်တအၢ, ပှၤထံၣ်တၢ်သ့, ဒီးပှၤမဲာ်ဘျီၣ်န့ၣ်တဂၤလဲၣ်. ယၤ, ယွၤတမ့ၢ်ဘၣ်ဧါ.

¹² ဒီးခဲကနံၣ်အံၤလဲၤတၢ်တက့ၢ်. ဒီးယကအိးထီၣ်နထး ခိၣ်, ဒီးနကကတိၤတၢ်ဒ်လဲၣ်ဒ်လဲၣ်န့ၣ်, ယကသိၣ်လိ နၤလီၤ.

¹³ ဒီးစံးဝဲဒၣ်, ကစၢ်ဧၢ, မၢလီၤလၢ်ပှၤလၢနကမၢလီၤ အီၤတက့ၢ်.

¹⁴ ဒီးယွၤအသးထီၣ်ကဲၤထီၣ်ဘၣ်စီၤမိၤရှ့, ဒီးစံးဝဲဒၣ်, ပှၤလ့ၤဝံဖိစီၤအၤဟရိၣ်မ့ၢ်နဒီပုၢ်ဝဲၢ်န့ၣ်, တမ့ၢ်ဘၣ်ဧါ. ယသ့ၣ်ညါလၢအဝဲဒၣ်ကတိၤတၢ်သ့လီၤ. ဒီးကွၢ်ကွၢ်, ဟဲထီၣ်သဂၢၢ်နၤစ့ၢ်ကီး, ဒီးတုၤအထံၣ်ဘၣ်နၤဒီး, အ သူၣ်ကခုအသးကခုလီၤ. ဒီးနဘၣ်ကတိၤတၢ်ဒီးအီၤ, ဒီးပာ်တၢ်ကတိၤလၢအ ထးခိၣ်, ဒီးယကအိၣ်ဒီးနထးခိၣ်, ဒီးအဝဲဒၣ်အထး ခိၣ်, ဒီးသုကမၤဒ်လဲၣ်ဒ်လဲၣ်န့ၣ်, ယကသိၣ်လိသုလီၤ. ¹⁵ ဒီးနဘၣ်ကတိၤတၢ်ဒီးအီၤ, ဒီးပာ်တၢ်ကတိၤလၢအထးခိၣ်, ဒီးယကအိၣ်ဒီးနထးခိၣ်, ဒီးအဝဲဒၣ်အထးခိၣ်, ဒီးသုကမၤဒ်လဲၣ်ဒ်လဲၣ်န့ၣ်, ယကသိၣ်လိသုလီၤ.―

¹⁶ ဒီးအဝဲဒၣ်န့ၣ်ကကတိၤတၢ်ဒီးပှၤဂီၢ်မုၢ်လၢနဂီၢ်, ဒီးအ ဝဲဒၣ်န့ၣ်ကအိၣ်လၢနဂီၢ်လၢထးခိၣ်အလီၢ်, ဒီးနဲဒၣ်န ကအိၣ်လၢအဂီၢ်လၢယွၤအလီၢ်လီၤ. ¹⁷ ဒီးနဘၣ်ဟံးန့ၢ် နီၣ်ထိးဘိအံၤလၢနစုပူၤ, ဒီးနကမၤတၢ်လီၤလးတဖၣ် လၢအီၤလီၤ.

¹⁸ ဒီးစီၤမိၤရှ့လဲၤတၢ်ဒီးက့ၤက့ၤဝဲဆူအမံၤပှၢ် စီၤယံးသ ရိၤအအိၣ်, ဒီးစံးဘၣ်အီၤ, ပျဲဟးထီၣ်ယၤ, ဒီးပျဲက့ၤ က့ၤယၤဆူယဒီပုၢ်ဝဲၢ်အအိၣ် လၢအဲၤကူပတူးအပူၤတ က့ၢ်. ဒီးမ့ၢ်အမူဒံးဧါန့ၣ်ယကထံၣ်ဘၣ်လီၤ. ဒီးစီၤယံး သရိၤစံးဘၣ်စီၤမိၤရှ့, လဲၤတၢ်မုာ်မုာ်တက့ၢ်.

¹⁹ ဒီးယွၤစံးဘၣ်စီၤမိၤရှ့လၢမံးဒယၣ်အပူၤန့ၣ်, လဲၤတၢ်, ဒီးက့ၤက့ၤဆူအဲၤကူပတူးအပူၤတက့ၢ်. အဂ့ၢ်ဒ်အံၤ, ပှၤ လၢအဃုနသးသမူန့ၣ်သံလံခဲလၢာ်လံ.

²⁰ ဒီးစီၤမိၤရှ့ဟံးန့ၢ်အမါ, ဒီးအဖိခွါတဖၣ်, ဒီးဒုးဒိး အီၤလၢကသ့ၣ်ယီၤ, ဒီးက့ၤက့ၤဝဲဆူကီၢ်အဲၤကူပတူး လီၤ. ဒီးစီၤမိၤရှ့ဟံးန့ၢ်ယွၤအနီၣ်ထိးဘိလၢအစုပူၤလီၤ.

²¹ ဒီးယွၤစံးဘၣ်စီၤမိၤရှ့, တုၤနလဲၤတၢ်ဒ်သိးနကက့ၤ က့ၤဆူအဲၤကူပတူးန့ၣ်ဒီး, ကွၢ်, ကယဲၢ်တၢ်လီၤလးအ ပနီၣ်လၢယပာ်လၢနစုပူၤန့ၣ်, မၤအီၤလၢဖၤရိၤအမဲာ် ညါတက့ၢ်. ဒီးယကဒုးဆူၣ်ထီၣ်အသး, ဒီးတပျၢ်ဘၣ် ပှၤဂီၢ်မုၢ်ဘၣ်.

²² ဒီးနဘၣ်စံးဘၣ်ဖၤရိၤ, ယွၤစံးဒ်အံၤ, အံၣ်စရ့လးမ့ၢ် ယဖိခွါ, ယဖိဝဲၢ်ကိလီၤ. ²³ ဒီးယစံးဘၣ်နၤ, ပျၢ်ယဖိ ခွါဒ်သိးအကမၤယတၢ်န့ၣ်တက့ၢ်. ဒီးနမ့ၢ်ဂ့ၢ်လိာ်, ဒီး တပျၢ်ဘၣ်အီၤဒီး, ကွၢ်ကွၢ်, ယကမၤသံနဖိခွါ, နဖိ ဝဲၢ်ကိလီၤ.

²⁴ ဒီးတၢ်မၤအသးလၢကျဲပူၤ, ဖဲအိၣ်ဘှံးအလီၢ်န့ၣ်ယွၤ သဂၢၢ်အီၤ, ဒီးဃုမၤသံအီၤလီၤ. ²⁵ ဒီးနီၢ်စံးဖိရၤဟံးန့ၢ် လၢၢ်ဖိ, ဒီးကူးတရံးအဖိခွါအတၢ်အခိၣ်ဖံး, ဒီးတ့ၢ် လီၤလၢအခီၣ်ထံး, ဒီးစံးဝဲဒၣ်, မ့ၢ်မးနမ့ၢ်တၢ်သွံၣ်အ တလးမူးပိာ်ခွါတဂၤလၢယဂီၢ်လီၤ. ²⁶ ဒီးပျၢ်အီၤလီၤ. တုၤနုၤတစုနီၢ်စံးဖိရၤစံးဝဲဒၣ်, နမ့ၢ်တၢ်သွံၣ်အတလး မူးပိာ်ခွါလၢတၢ်ကူးတရံးအဃိလီၤ.

²⁷ ဒီးယွၤစံးဘၣ်စီၤအၤဟရိၣ်, လဲၤသဂၢၢ်စီၤမိၤရှ့လၢပှၢ် မုၢ်ကနၢအပူၤတက့ၢ်. ဒီးအဝဲဒၣ်လဲၤသဂၢၢ်အီၤလၢက စၢ်အကစၢၢ်, ဒီးနၢမူအီၤလီၤ.

²⁸ ဒီးစီၤမိၤရှ့စံၣ်တဲၤတဲလီၤ စီၤအၤဟရိၣ်လၢယွၤလၢအ မၢလီၤအီၤအတၢ်ကတိၤခဲလၢာ်, ဒီးတၢ်လီၤလးလၢအ မၤလိာ်တ့ၢ်ခဲလၢာ်လီၤ.

²⁹ ဒီးစီၤမိၤရှ့ဒီးစီၤအၤဟရိၣ် လဲၤဒုးအိၣ်ဖှိၣ်ရိဖှိၣ်ပှၤအံၣ် စရ့လးဖိအသူၣ်က့သးပှၢ်ခဲလၢာ်လီၤ.

³⁰ ဒီးစီၤအၤဟရိၣ်စံၣ်တဲၤတဲလီၤ တၢ်ကတိၤလၢယွၤစံး ဘၣ်စီၤမိၤရှ့ခဲလၢာ်, ဒီးမၤတၢ်လီၤလးတဖၣ်လၢပှၤဂီၢ် မုၢ်အမဲာ်ညါလီၤ.

³¹ ဒီးပှၤဂီၢ်မုၢ်စူၢ်က့ၤနာ်က့ၤဝဲ, ဒီးနၢ်ဟူဝဲလၢယွၤအိၣ် သကိးလံပှၤအံၣ်စရ့လးဖိ, ဒီးကွၢ်လံအတၢ်နးတၢ်ဖှီၣ် လံဒီး, ဆုးလီၤအခိၣ်, ဒီးဘူၣ်တၢ်ဘါတၢ်လီၤ.

၅

¹ လၢခံက့ၤဒီး, စီၤမိၤရှ့ဒီးစီၤအၤဟရိၣ် လဲၤနုာ်ဒီးစံး ဘၣ်ဖၤရိၤ, ယွၤပှၤအံၣ်စရ့လးဖိအကစၢ်စံးဒ်အံၤ, ပျၢ် ယပှၤဂီၢ်မုၢ် ဒ်သိးအကလဲၤမၤဘူၣ်တၢ်လၢယၤလၢပှၢ် လၢ်ကျါန့ၣ်တက့ၢ်.

² ဒီးဖၤရိၤစံးဝဲဒၣ်, ဒ်သိးယကကနၣ်အကလုၢ်, ဒီးပျၢ် ပှၤအံၣ်စရ့လးဖိန့ၣ်, ယွၤမ့ၢ်မတၤတဂၤလဲၣ်. ယတ သ့ၣ်ညါဘၣ်ယွၤဘၣ်, ဒီးယတပျၢ်စ့ၢ်ကီး ပှၤအံၣ်စရ့ လးဖိဘၣ်.

³ ဒီးစံးဝဲဒၣ်, ပှၤဧ့ၤဘြံၤဖိအကစၢ်ဘၣ်သဃိာ်လံဒီးပှၤ လံ, ဒုးလဲၤလၢ်ပှၤသၢနံၤကျဲဆူပှၢ်လၢ်ကျါ, ဒီးဒုးလုၢ် ပှၤလၢယွၤပကစၢ်အတၢ်န့ၣ်တက့ၢ်. မ့တမ့ၢ်ဘၣ်ဒီး, ကဒုးဘၣ်ဘၣ်ဖုးပှၤလၢတၢ်ဆါသံသတြိာ်မ့ၢ်ဂ့ၤ, ဘီဧိၤ နးဧိၤမ့ၢ်ဂ့ၤန့ၣ်လီၤ.

⁴ ဒီးအဲၤကူပတူးအစီၤပၤစံးဘၣ်အီၤ, ဘၣ်မနုၤလၢသု, စီၤမိၤရှ့ဒီးစီၤအၤဟရိၣ်, တြီပှၤဂီၢ်မုၢ်လၢအမၤတၢ်လဲၣ်. လဲၤတ့ၢ်ဆူသုဝံတၢ်ယိးတၢ်တက့ၢ်. ⁵ ဒီးဖၤရိၤစံးဝဲဒၣ်, ကွၢ်ကွၢ်, ခဲကနံၣ်အံၤထံဧိၤကီၢ်ဧိၤ အပှၤဂီၢ်မုၢ်အိၣ်အါ အါကလဲာ်လီၤ. ဒီးသုဒုးအိၣ်ဘှံးအီၤလၢအဝံတၢ်ယိး တၢ်မးလဲၣ်.

⁶ ဒီးတၢ်လၢမုၢ်နံၤတနံၤန့ၣ် ဖၤရိၤမၤလိာ် ပှၤဂီၢ်မုၢ်အ တၢ်ဝံတၢ်ယိးအကစၢ်တဖၣ်, ဒီးအပှၤကွဲးလံာ်တဖၣ်, ဒီးစံးဝဲဒၣ်, ⁷ ဟ့ၣ်ဒံးလီၢ်ဧိၤဒံးဧိၤလၢပှၤဂီၢ်မုၢ်ဒ်သိးအ ကမၤအူးခဲတဖၣ်, ဒ်လၢမဟါမဟိအသိးန့ၣ် တဂ့ၤ. ကလဲၤထၢဖှိၣ်ဒၣ်ဝဲလီၢ်လၢအဂီၢ်တက့ၢ်. ⁸ ဒီးအူးခဲတ ဖၣ်ပှဲၤသိးဒီး တၢ်စံၣ်ညီၣ်လၢအတ့ဝဲလၢမဟါမဟိန့ၣ်, မၢအတ့တက့ၢ်. မၤစှၤလီၤအီၤတဂ့ၤ. အဂ့ၢ်ဒ်အံၤ, အဝဲ သ့ၣ်တဖၣ်န့ၣ်ပာ်ကၢၣ်အသးလီၤ. မၤသးဒ်န့ၣ်ဒီးကိး ပသူထီၣ်ဝဲ, ဒီးစံးဝဲဒၣ်, ဒုးလဲၤပှၤ, ဒီးဒုးလုၢ်ပှၤလၢ ပကစၢ်အတၢ်န့ၣ်တက့ၢ်. ⁹ မၤဃၢထီၣ်ပှၤတဖၣ်အတၢ် မၤ, ဒီးဒုးမၤအဝဲသ့ၣ်လၢအီၤတက့ၢ်. မ်အသုတပးကဲ တၢ်ကတိၤကလီကလီတဂ့ၤ.

¹⁰ ဒီးပှၤဂီၢ်မုၢ်အတၢ်ဝံတၢ်ယိးအကစၢ်တဖၣ်, ဒီးအပှၤ ကွဲးလံာ်တဖၣ်ဟးထီၣ်ဝဲ, ဒီးကတိၤတၢ်ဒီးပှၤဂီၢ်မုၢ်, ဒီး စံးဝဲဒၣ်, ဖၤရိၤစံးဒ်အံၤ, ယတဟ့ၣ်လီၢ်ဧိၤဒံးဧိၤလၢသု ဘၣ်. ¹¹ လဲၤဟံးန့ၢ်လီၢ်ဖဲသုကထံၣ်န့ၢ်အီၤ တပူၤပူၤတ က့ၢ်. ဘၣ်ဆၣ်ဒီးတၢ်တမၤစှၤလီၤဘၣ်သုတၢ်မၤနီတစဲး ဘၣ်.

¹² ဒီးပှၤဂီၢ်မုၢ်လီၤပြံလီၤပြါလၢ ကီၢ်အဲၤကူပတူးဒီဘ့ၣ် ညါဒ်သိးအကထၢဖှိၣ်လီၢ်ခိၣ်ဆၢၣ်လၢ လီၢ်ဧိၤဒံးဧိၤ အလီၢ်လီၤ.

¹³ ဒီးတၢ်ဝံတၢ်ယိးအကစၢ်တဖၣ်န့ၣ်မၢဆူၣ်အီၤ, ဒီးစံး ဝဲဒၣ်, မၤသုတၢ်မၤတုၤအဝံၤ, သုတၢ်မၤလၢတနံၤအ ဂီၢ်, ဒ်လၢလီၢ်ဧိၤဒံးဧိၤအိၣ်တ့ၢ်ဝဲအသိးန့ၣ်တက့ၢ်.

¹⁴ ဒီးပှၤအံၣ်စရ့လးဖိအပှၤကွဲးလံာ်လၢ ဖၤရိၤအတၢ်ဝံ တၢ်ယိးအကစၢ်တဖၣ်ပာ်လၢအဖီခိၣ်တဖၣ်န့ၣ်, ဘၣ် တၢ်တီၢ်အီၤ, ဒီးတၢ်စံးဘၣ်အီၤ, လၢမုၢ်ဟါတနံၤဒီးလၢ မုၢ်ဆါတနံၤအံၤ, သုမၤအူးခဲတပှဲၤသိးသိးဒီးတၢ်မၤလိာ် သုဒ်မဟါမဟိအသိးန့ၣ်, မ့ၢ်အဘၣ်မနုၤလဲၣ်.

¹⁵ ဒီးပှၤအံၣ်စရ့လးဖိအပှၤကွဲးလံာ် ဟဲဆူဖၤရိၤအအိၣ်, ဒီးကိးထီၣ်, ဒီးစံးဝဲဒၣ်, နမၤနကုၢ်နပှၤတဖၣ်ဒ်အံၤ, ဘၣ်မနုၤလဲၣ်. ¹⁶ တဟ့ၣ်ဘၣ်လီၢ်လၢနကုၢ်နပှၤ, ဒီးစံး ဘၣ်ပှၤ, တ့အူးခဲတက့ၢ်. ဒီးကွၢ်ကွၢ်, နကုၢ်နပှၤဘၣ် တၢ်တီၢ်အီၤ, ဒီးတၢ်ဒဲးဘးအိၣ်ဒီးနပှၤဂီၢ်မုၢ်ဒၣ်နဲလီၤ.

¹⁷ ဒီးစံးဝဲဒၣ်, တၢ်ကၢၣ်သုသးသုဝဲ, တၢ်ကၢၣ်သုသး လီၤ. မ့ၢ်အဂ့ၢ်ဒ်န့ၣ်ဒီးသုစံး, ဒုးလဲၤလုၢ်ပှၤလၢယွၤအ တၢ်တက့ၢ်. ¹⁸ ဒီးခဲကနံၣ်အံၤလဲၤမၤတၢ်တက့ၢ်. ဒီးပှၤ တဘၣ်ဟ့ၣ်ဘၣ်လီၢ်ဧိၤဒံးဧိၤလၢသုဘၣ်, ဘၣ်ဆၣ်ဒီး သုဘၣ်ဟ့ၣ်အူးခဲပှဲၤသိးဒီးအတၢ်စံၣ်ညီၣ်လီၤ.

¹⁹ ဒီးပှၤစံးဝဲ, သုအူးခဲတဖၣ်ဘၣ်ဃးဒီးသုမၤတၢ်တနံၤ အဂီၢ်တနံၤအဂီၢ်တစှၤလီၤဘၣ်န့ၣ်သတးဒီး, ပှၤအံၣ်စ ရ့လးဖိအပှၤကွဲးလံာ်တဖၣ် ထံၣ်ဘၣ်ဝဲလၢအအိၣ်လၢ တၢ်နးတၢ်ဖှီၣ်အပူၤလီၤ.

²⁰ ဒီးလၢအဟးထီၣ်လၢဖၤရိၤအအိၣ်န့ၣ် ဘၣ်သဃိာ် ဒီးစီၤမိၤရှ့ဒီးစီၤအၤဟရိၣ်အိၣ်ခိးအကျဲ, ²¹ ဒီးစံးဘၣ်အီၤ, မ်ယွၤကွၢ်သု, ဒီးစံၣ်ညီၣ်တၢ်တက့ၢ်. အဂ့ၢ်ဒ်အံၤ, သု ဒုးသးဘၣ်အၢပနၢပဆှီလၢဖၤရိၤအမဲာ်ညါ, ဒီးအခ့အ ပှၤအမဲာ်ညါ, ဒီးဟ့ၣ်နးတဘ့ၣ်လၢအစုပူၤဒ်သိးအက မၤသံပှၤလီၤ.

²² ဒီးစီၤမိၤရှ့က့ၤက့ၤဆူယွၤအအိၣ်, ဒီးစံးဝဲဒၣ်, ကစၢ် ဧၢ, နမၤအၢပှၤဂီၢ်မုၢ်အံၤမ့ၢ်အဘၣ်မနုၤလဲၣ်. တၢ်အံၤ နမၢလီၤယခံမ့ၢ်အဘၣ်မနုၤလဲၣ်. ²³ လၢယဟဲကတိၤတၢ် လၢနမံၤဆူဖၤရိၤအအိၣ်လံၤလံၤန့ၣ်, အဝဲဒၣ်မၤအၢပှၤ ဂီၢ်မုၢ်န့ၣ်ဒီးနတမၤပူၤမၤဖျဲးဘၣ်အီၤလ့ၤတက့ၤဘၣ်လီၤ.

၆

¹ ဒီးယွၤစံးဘၣ်စီၤမိၤရှ့, ခဲကနံၣ်အံၤ ယကမၤဖၤရိၤဒ် လဲၣ်ဒ်လဲၣ်န့ၣ်နကထံၣ်ဘၣ်လီၤ. အဂ့ၢ်ဒ်အံၤ, ကပျၢ် အီၤဒီးအစုဆူၣ်, ဒီးကဟီထီၣ်ကွံာ်အီၤဒီးအစုဆူၣ်လၢ အကီၢ်ပူၤလီၤ. ² ဒီးယွၤကတိၤတၢ်ဒီးစီၤမိၤရှ့ဒီးစံးဘၣ်အီၤ, ယဲဒၣ်အံၤ ယမ့ၢ်ယဟိဝၤလီၤ.― ³ ဒီးယလီၣ်ဖျါထီၣ်ယ သးလၢစီၤအၤဘြၤဟၣ်, ဒီးစီၤအံၤစဲး, ဒီးစီၤယၤကိာ် လၢယမံၤယွၤသ့တၢ်လၢာ်လီၤ. မ့မ့ၢ်လၢယမံၤယဟိဝၤ န့ၣ်တၢ်တဒုးသ့ၣ်ညါဘၣ်အီၤလၢယၤဘၣ်.

⁴ ဒီးယပာ်ဂၢၢ်ပာ်ကျၢၤစ့ၢ်ကီးလံ ယတၢ်အၢၣ်လီၤအီ လီၤဒီးအီၤလၢယကဟ့ၣ်လီၤအီၤလၢကီၢ်ကနၤဧၣ်, အ အိၣ်တမှံၤအဂီၢ်, ဖဲအအိၣ်တမှံၤလၢအပူၤလီၤ. ⁵ ဒီးယ နၢ်ဟူစ့ၢ်ကီးပှၤအံၣ်စရ့လးဖိအတၢ်ကအုကစွါလၢ ပှၤ အဲၤကူပတူးဖိမၢအကဲကုၢ်, ဒီးယသ့ၣ်နီၣ်ထီၣ်က့ၤလံ ယတၢ်အၢၣ်လီၤအီလီၤလံ. ⁶ မၤသးဒ်န့ၣ်ဒီးစံးဘၣ်ပှၤ အံၣ်စရ့လးဖိ, ယမ့ၢ်ယွၤလီၤ, ဒီးယကဒုးဟးထီၣ်ကွံာ် သုလၢပှၤအဲၤကူပတူးဖိအတၢ်ဝံတၢ်ယိးအဖီလာ်, ဒီး ယကမၤထူၣ်ဖျဲးသုလၢအကုၢ်အတၢ်မၤ, ဒီးယကပှ့ၤ က့ၤသုလၢယစုယူာ်ထီၣ်အသး, ဒီးလၢတၢ်စံၣ်ညီၣ်ဖး ဒိၣ်တဖၣ်, ⁷ ဒီးယကပာ်သုလၢပှၤဂီၢ်မုၢ်လၢယဂီၢ်, ဒီး ယကကဲထီၣ်ကစၢ်လၢသုဂီၢ်, ဒီးသုကသ့ၣ်ညါလၢယ မ့ၢ်ယွၤသုကစၢ် လၢအဒုးဟးထီၣ်ကွံာ်သုလၢပှၤအဲၤကူ ပတူးဖိအတၢ်ဝံတၢ်ယိးအဖီလာ်လီၤ.

⁸ ဒီးယကဒုးဟဲသုဆူ ကီၢ်လၢယယူာ်ထီၣ်ယစုဒ်သိး ယကဟ့ၣ်အီၤလၢစီၤအၤဘြၤဟၣ်, စီၤအံၤစဲး, ဒီးစီၤယၤ ကိာ်, ဒီးယကဟ့ၣ်လီၤအီၤလၢ သုတၢ်န့ၢ်သါလီၤ. တၢ်လၢယၤအံၤယမ့ၢ်ယွၤလီၤ.

⁹ ဒီးစီၤမိၤရှ့ကတိၤတၢ်ဒီးပှၤအံၣ်စရ့လးဖိဒ်န့ၣ်, ဒီးအ ဝဲသ့ၣ်တဖၣ်န့ၢ် တကနၣ်ဘၣ်စီၤမိၤရှ့အကလုၢ်လၢအ သူၣ်ကိၢ်အသးဂီၤအဃိ, ဒီးလၢကုၢ်အတၢ်မၤအဃိလီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ¹⁰ လဲၤနုာ်, စံးဘၣ်အဲၤကူပတူးအစီၤပၤဖၤရိၤ လၢအဘၣ်ပျၢ်ကွံာ်ပှၤ အံၣ်စရ့လးဖိလၢအကီၢ်ပူၤလီၤ.

¹² ဒီးစီၤမိၤရှ့ကတိၤတၢ်လၢယွၤအမဲာ်ညါ, ဒီးစံးဝဲဒၣ်, ကွၢ်ကွၢ်, ပှၤအံၣ်စရ့လးဖိတကနၣ်ဘၣ်ယကလုၢ်ဘၣ်, ဒီးဖၤရိၤကကနၣ်ယကလုၢ်ဒ်လဲၣ်. ဒီးယဲဒၣ်အံၤယပျုၤ တဘၣ်တၢ်ကူးတရံးဘၣ်.

¹³ ဒီးယွၤကတိၤတၢ်ဒီး စီၤမိၤရှ့ဒီးစီၤအၤဟရိၣ်, ဒီးမၤ လိာ်အီၤ, လၢပှၤအံၣ်စရ့လးဖိအဂီၢ်, ဒီးလၢအဲၤကူပ တူးအစီၤပၤဖၤရိၤအဂီၢ်, ဒ်သိးအကဒုးဟးထီၣ်ကွံာ်ပှၤ အံၣ်စရ့လးဖိလၢအဲၤကူပတူးအပူၤန့ၣ်လီၤ.

¹⁴ အအံၤမ့ၢ် အဝဲသ့ၣ် အပၢ်အပှၤဟံၣ်ဖိအခိၣ်တဖၣ်, စီၤအံၣ်စရ့လးအဖိဝဲၢ်ကိစီၤရူၤဘ့ၣ်အဖိခွါတဖၣ်, စီၤဃ နိာ်, စီၤပးလူ, ဒီးစီၤဃ့စရိၣ်, ဒီးစီၤကၢ်မံၤလီၤ. အ ဝဲသ့ၣ်တဖၣ်န့ၣ်မ့ၢ်စီၤရူၤဘ့ၣ်အဒူၣ်တဖၣ်လီၤ.

¹⁵ ဒီးစီၤစူၤမ့းအိၣ်အဖိခွါတဖၣ်, စီၤယမူးအ့လး, ဒီးစီၤ ယးမံၣ်, ဒီးစီၤအိၣ်ဟး, ဒီးစီၤယၤကံၣ်, ဒီးစီၤစိဃၢ်, ဒီးပှၤကနၤဧၣ်မုၣ်အဖိခွါစီၤၡီအူးလီၤ. အဝဲသ့ၣ်တဖၣ် န့ၣ်မ့ၢ်စီၤစူၤမ့းအိၣ်အဒူၣ်တဖၣ်လီၤ.

¹⁶ ဒီးအအံၤမ့ၢ်စီၤလ့ၤဝံအဖိခွါအမံၤ ဒ်အစၢၤအသွဲၣ်အ သိးန့ၣ်, စီၤက့ရၡိၣ်, ဒီးစီၤကဃးဒီးစီၤမရၤရံၤလီၤ. ဒီး စီၤလ့ၤဝံအသးသမူအနံၣ်တဖၣ်န့ၣ် မ့ၢ်တကယၤသၢ ဆံနွံနံၣ်လီၤ.

¹⁷ ဒီးစီၤက့ရၡိၣ်အဖိခွါမ့ၢ် စီၤလံးဘနံၤ ဒီးစီၤၡံမံၤဒ် အဒူၣ်တဖၣ်အသိးန့ၣ်လီၤ.

¹⁸ ဒီးစီၤကဃးအဖိခွါမ့ၢ်စီၤဧၤမရၣ်, ဒီးစီၤယံးစဟၢ်, ဒီး စီၤဃ့တြိၣ်, ဒီးစီၤဧူးစံၤအ့လးလီၤ. ဒီးစီၤကဃးအသး သမူအနံၣ်တဖၣ်န့ၣ် မ့ၢ်တကယၤသၢဆံသၢနံၣ်လီၤ.

¹⁹ ဒီးစီၤမရၤရံၤအဖိခွါမ့ၢ်စီၤမးဃလံ, ဒီးစီၤမူၡံၤလီၤ. အ ဝဲသ့ၣ်တဖၣ်န့ၣ် မ့ၢ်စီၤလ့ၤဝံအဒူၣ်တဖၣ် ဒ်အစၢၤအ သွဲၣ်အသိးန့ၣ်လီၤ.

²⁰ ဒီးစီၤဧၤမရၣ်န့ၢ်မါလၢ အပၢ်အဒီပုၢ်ဝဲၢ်မုၣ်နီၢ်ယိက ဘ့ၣ်, ဒီးအဝဲဒၣ်ဆံးစၢ်န့ၢ်အီၤလၢစီၤအၤဟရိၣ်ဒီးစီၤမိၤ ရှ့လီၤ. ဒီးစီၤဧၤမရၣ်အသးသမူအနံၣ်တဖၣ်န့ၣ်မ့ၢ်တ ကယၤသၢဆံနွံနံၣ်လီၤ.

²¹ ဒီးစီၤယံးစဟၢ်အဖိခွါမ့ၢ် စီၤကိၤရးဒီးစီၤန့ဖ့းဒီးစီၤစံး ကရံလီၤ.

²² ဒီးစီၤဧူးစံၤအ့လးအဖိခွါမ့ၢ် စီၤမံၤၡအ့လးဒီးစီၤအလံ စဖၣ်ဒီးစီၤစံးသရံလီၤ.

²³ ဒီးစီၤအၤဟရိၣ် န့ၢ်မါလၢစီၤနးၡိၣ်အဒီပုၢ်ဝဲၢ်မုၣ်စီၤဧး မံၤနဒးအဖိမုၣ်နီၢ်အ့းလံၤစါဘ့းလီၤ. ဒီးဆံးစၢ်န့ၢ်အီၤ လၢစီၤနၤဒး, ဒီးစီၤအဘံဟူၤ, ဒီးစီၤအလၤဧစၢ်, ဒီး စီၤအံသမၢ်လီၤ.

²⁴ ဒီးစီၤကိၤရးအဖိခွါမ့ၢ်စီၤအစံၢ်, ဒီးစီၤအ့လကါနၤ, ဒီးစီၤအဘံအစၤဖးလီၤ. အဝဲသ့ၣ်တဖၣ်န့ၣ် မ့ၢ်ပှၤကိၤ ရးဖိအဒူၣ်တဖၣ်လီၤ.

²⁵ ဒီးစီၤအၤဟရိၣ်အဖိခွါ စီၤအလၤဧစၢ်န့ၣ် န့ၢ်မါလၢ စီၤပူတံၤအ့ၤလးအဖိမုၣ်တဂၤ, ဒီးအဝဲဒၣ်ဆံးစၢ်န့ၢ်အီၤ လၢစီၤဖံနဃၣ်လီၤ. အဝဲသ့ၣ်တဖၣ်န့ၣ် မ့ၢ်ပှၤလ့ၤဝံဖိ အပၢ်အခိၣ်တဖၣ်, ဒ်အဒူၣ်တဖၣ်အသိးန့ၣ်လီၤ.

²⁶ အဝဲသ့ၣ်န့ၣ် မ့ၢ်စီၤအၤဟရိၣ်, ဒီးစီၤမိၤရှ့, လၢယွၤ စံးဘၣ်အီၤ, ဒုးဟးထီၣ်ကွံာ် ပှၤအံၣ်စရ့လးဖိလၢကီၢ်အဲၤကူပတူးအပူၤ, ဒ်အသုးမုၢ်တဖၣ်အသိးန့ၣ်လီၤ.―

²⁷ အဝဲသ့ၣ်တဖၣ်န့ၣ်မ့ၢ်ပှၤလၢအကတိၤတၢ်ဒီး အဲၤကူပ တူးအစီၤပၤဖၤရိၤဒ်သိးအကဒုးဟးထီၣ်ကွံာ် ပှၤအံၣ်စ ရ့လးဖိလၢအဲၤကူပတူးန့ၣ်လီၤ. အဝဲသ့ၣ်မ့ၢ်စီၤမိၤရှ့ဒီး စီၤအၤဟရိၣ်န့ၣ်လီၤ.

²⁸ ဒီးတၢ်မၤအသးလၢမုၢ်တနံၤလၢယွၤကတိၤတၢ်ဒီးစီၤ မိၤရှ့လၢကီၢ်အဲၤကူပတူးအပူၤ, ²⁹ ယွၤကတိၤတၢ်ဒီးစီၤ မိၤရှ့ဒီးစံးဝဲဒၣ်, တၢ်လၢယၤအံၤယမ့ၢ်ယွၤလီၤ. တၢ် လၢယစံးဘၣ်နၤတမံၤလၢ်လၢ်န့ၣ် စံၣ်တဲၤတဲလီၤအဲၤ ကူပတူးအစီၤပၤဖၤရိၤတက့ၢ်.

³⁰ ဒီးစီၤမိၤရှ့စံးဝဲလၢယွၤအမဲာ်ညါ, ကွၢ်ကွၢ်, ယဲဒၣ် အံၤယပျုၤတဘၣ်တၢ်ကူးတရံးဘၣ်, ဒီးဖၤရိၤကကနၣ် ယကလုၢ်ဒ်လဲၣ်.

၇

¹ ဒီးယွၤစံးဘၣ်စီၤမိၤရှ့, ကွၢ်, ယပာ်နၤလၢယွၤအလီၢ် လၢဖၤရိၤအဂီၢ်, ဒီးနဒီပုၢ်ဝဲၢ်စီၤအၤဟရိၣ်ကကဲထီၣ်နဝံ တဂၤလီၤ. ² နဘၣ်ကတိၤတၢ်လၢယမၤလိာ်နၤခဲလၢာ်, ဒီးနဒီပုၢ်ဝဲၢ်စီၤအၤဟရိၣ်ဘၣ်ကတိၤတၢ်ဒီး ဖၤရိၤဒ်သိး အကပျၢ်ကွံာ်ပှၤအံၣ်စရ့လးဖိလၢအကီၢ်ပူၤလီၤ. ³ ဒီးယ ကဒုးဆူၣ်ထီၣ်စီၤပၤဖၤရိၤအသး, ဒီးမၤအါထီၣ်ယတၢ် လီၤလးအပနီၣ်, ဒီးယတၢ်လီၤလိၢ်လီၤလးလၢအဲၤကူ ပတူးအကီၢ်ပူၤလီၤ. ⁴ ဒီးဖၤရိၤတကနၣ်ဘၣ်သုကလုၢ် ဘၣ်, ဒီးယကပာ်လီၤယစုလၢအဲၤကူပတူးအလိၤ, ဒီး ယကဒုးဟးထီၣ်ကွံာ်ယသုးမုၢ်တဖၣ်, ယပှၤဂီၢ်မုၢ်, ပှၤ အံၣ်စရ့လးဖိ, လၢတၢ်စံၣ်ညီၣ်ဖးဒိၣ်တဖၣ်လၢအဲၤကူ ပတူးအကီၢ်ပူၤလီၤ. ⁵ ဒီးတုၤယယူာ်ထီၣ်ယစုလၢအဲၤ ကူပတူးအဖီခိၣ်, ဒီးဒုးဟးထီၣ်ကွံာ် ပှၤအံၣ်စရ့လးဖိ လၢအကျါဒီး, ပှၤအဲၤကူပတူးဖိ ကသ့ၣ်ညါလၢယမ့ၢ် ယွၤလီၤ.

⁶ ဒီးစီၤမိၤရှ့, ဒီးစီၤအၤဟရိၣ်မၤဝဲ, ဒ်ယွၤမၤလိာ်အီၤ အသိးန့ၣ်, မၤဝဲဒ်န့ၣ်သိးလီၤ.

⁷ ဒီးလၢအကတိၤတၢ်ဒီးဖၤရိၤန့ၣ် စီၤမိၤရှ့အသးပှၢ်အ နံၣ်ဃိးဆံ, ဒီးစီၤအၤဟရိၣ်အသးပှၢ်အနံၣ်ဃိးဆံသၢ နံၣ်လီၤ. ဒီးယွၤစံးဘၣ်စီၤမိၤရှ့, ဒီးစီၤအၤဟရိၣ်ဒီးစံးဝဲဒၣ်,

⁹ တုၤဖၤရိၤကတိၤတၢ်ဒီးသုဒီးစံးဝဲ, ဟ့ၣ်တၢ်လီၤလးတ မံၤလၢသုဂီၢ်တက့ၢ်န့ၣ်ဒီး, နဘၣ်စံးဘၣ်စီၤအၤဟရိၣ်, ဟံးန့ၢ်နနီၣ်ထိးဘိ, ဒီးတ့ၢ်လီၤကွံာ်လၢဖၤရိၤအမဲာ်ညါ တက့ၢ်. ကကဲထီၣ်ဝဲလၢဂုၢ်တဘိလီၤ.

¹⁰ ဒီးစီၤမိၤရှ့ဒီး စီၤအၤဟရိၣ် လဲၤနုာ်ဆူဖၤရိၤအအိၣ်, ဒီးမၤဝဲဒ် ယွၤမၤလိာ်တၢ်အသိး, ဒီးစီၤအၤဟရိၣ်တ့ၢ် လီၤအနီၣ်ထိးဘိလၢဖၤရိၤအမဲာ်ညါ, ဒီးလၢအခ့အပှၤ အမဲာ်ညါ, ဒီးကဲထီၣ်ဂုၢ်တဘိလီၤ.

¹¹ ဒီးဖၤရိၤကိးန့ၢ်စ့ၢ်ကီးပှၤကူၣ်တၢ်သ့, ဒီးပှၤမၤကဒါ ပမဲာ်လီၤ. ဒီးအဝဲသ့ၣ်တဖၣ်န့ၣ်, အဲၤကူပတူးအပှၤကွဲး လံာ်တဖၣ်, မၤစ့ၢ်ကီးဝဲဒ်န့ၣ်အသိးလၢအနီၣ်မၤကဒါပ မဲာ်တဖၣ်လီၤ. ¹² ဒီးတ့ၢ်လီၤတဂၤအနီၣ်ထိးဘိ, တဂၤ အနီၣ်ထိးဘိ, ဒီးကဲထီၣ်ဝဲလၢဂုၢ်တဖၣ်လီၤ. ဘၣ်ဆၣ် ဒီးစီၤအၤဟရိၣ်အနီၣ်ထိးဘိန့ၣ်ယူၢ်လီၤကွံာ် အနီၣ်ထိး ဘိတဖၣ်လီၤ.

¹³ ဒီးဖၤရိၤအသးဆူၣ်ထီၣ်ဒီး တကနၣ်ဘၣ်အကလုၢ် ဘၣ်, ဒ်ယွၤစံးဝဲအသိးန့ၣ်လီၤ. ¹⁴ ဒီးယွၤစံးဘၣ်စီၤမိၤ ရှ့, ဖၤရိၤအသူၣ်ဃၢအသးဃၢ, ဒီးပျၢ်ပှၤဂီၢ်မုၢ်န့ၣ်ဂ့ၢ် လိာ်ဝဲလီၤ. ¹⁵ မုၢ်ဆ့ၣ်ထီၣ်န့ၣ် လဲၤဆူဖၤရိၤအအိၣ်တ က့ၢ်. ကွၢ်ကွၢ်, လဲၤဝဲဆူထံနံၤလီၤ. ဒီးနဘၣ်ဆၢထၢၣ် လၢနကဘၣ်သဃိာ်အီၤအဂီၢ်လၢထံမိၢ်ပှၢ်အနံၤ, ဒီးနီၣ် ထိးဘိလၢအကဲထီၣ်ဂုၢ်တဘိ, နဘၣ်ဟံးန့ၢ်လၢနစုပူၤ လီၤ. ¹⁶ ဒီးနဘၣ်စံးဘၣ်အီၤ, ယွၤ, ပှၤဧ့ၤဘြံၤဖိအကစၢ်, မၢယဟဲဆူနအိၣ်, ဒီးစံးဝဲဒၣ်, ပျၢ်ယပှၤဂီၢ်မုၢ်ဒ်သိးအ လဲၤမၤယတၢ်လၢပှၢ်လၢ်ကျါန့ၣ်တက့ၢ်. ဒီးကွၢ်ကွၢ်, တုၤခဲကနံၣ်အံၤနတကနၣ်ဘၣ်. ¹⁷ ယွၤစံးဒ်အံၤ, နက သ့ၣ်ညါလၢယမ့ၢ်ယွၤလၢတၢ်အံၤအဃိ, ကွၢ်ကွၢ်, ယ ကတီၢ်ထံလၢထံမိၢ်ပှၢ်အပူၤလၢနီၣ်ထိးဘိအိၣ်လၢယစု ပူၤ, ဒီးကကဲထီၣ်ဝဲလၢတၢ်သွံၣ်လီၤ. ¹⁸ ဒီးဒ့ၣ်ဧိၤညၣ်ဧိၤ အိၣ်လၢထံမိၢ်ပှၢ်အပူၤကသံ, ဒီးထံမိၢ်ပှၢ်ကနၢအုၣ်, ဒီး အဲၤကူပတူးဖိကသးဘၣ်အၢ ထံမိၢ်ပှၢ်အထံလၢတၢ်အီ အဂီၢ်လီၤ.

¹⁹ ဒီးယွၤစံးဘၣ်စီၤမိၤရှ့ စံးဘၣ်စီၤအၤဟရိၣ်, ဟံးန့ၢ် နနီၣ်ထိးဘိ, ဒီးယူာ်ထီၣ်နစုလၢအဲၤကူပတူးအထံဧိၤ နိဧိၤအဖီခိၣ်, လၢအထံကျိအဖီခိၣ်, လၢအထံမိၢ်ပှၢ် အဖီခိၣ်, ဒီးလၢအကမါအဖီခိၣ်, ဒီးလၢအနိၣ်ခဲလၢာ် အဖီခိၣ်, ဒ်သိးအကကဲထီၣ်တၢ်သွံၣ်, ဒီးတၢ်သွံၣ်က အိၣ်လၢအဲၤကူပတူးအကီၢ်ဒီဘ့ၣ်ညါအပူၤ, လၢသ့ၣ် ပူၤဒီးလၢလၢၢ်ပူၤန့ၣ်တက့ၢ်.

²⁰ ဒီးစီၤမိၤရှ့ဒီးစီၤအၤဟရိၣ်မၤဒ်န့ၣ်, ဒ်ယွၤမၤလိာ်ဝဲအ သိးန့ၣ်ဒီးယူာ်ထီၣ်အနီၣ်ထိးဘိဒီး တီၢ်ထံလၢထံမိၢ်ပှၢ် အပူၤလၢဖၤရိၤအမဲာ်ညါ, ဒီးလၢအခ့အပှၤအမဲာ်ညါ, ဒီးထံအိၣ်လၢထံမိၢ်ပှၢ်အပူၤ ကဲထီၣ်တၢ်သွံၣ်ခဲလၢာ် လီၤ. ²¹ ဒီးဒ့ၣ်ဧိၤညၣ်ဧိၤအိၣ်လၢထံမိၢ်ပှၢ်အပူၤသံဝဲ, ဒီး ထံမိၢ်ပှၢ်နၢအုၣ်, ဒီးပှၤအဲၤကူပတူးဖိအီထံလၢထံမိၢ်ပှၢ် အပူၤတကဲဘၣ်ဒီးတၢ်သွံၣ်အိၣ်ဝဲလၢ အဲၤကူပတူးအ ကီၢ်ဒီဘ့ၣ်ညါအပူၤလီၤ.

²² ဒီးအဲၤကူပတူးအပှၤကွဲးလံာ်မၤဝဲဒ်န့ၣ် လၢအတၢ်မၤ ကဒါပမဲာ်, ဒီးဖၤရိၤအသးဆူၣ်ထီၣ်, ဒီးတကနၣ်ဘၣ် အကလုၢ်, ဒ်ယွၤစံးဝဲအသိးန့ၣ်လီၤ.

²³ ဒီးဖၤရိၤဃၣ်ကဒါအသး, ဒီးက့ၤထီၣ်က့ၤဆူအဟံၣ်, ဒီးတပာ်စ့ၢ်ကီးဘၣ်တၢ်န့ၣ်တမံၤလၢအသးဘၣ်.

²⁴ ဒီးကယဲၢ်ပှၤအဲၤကူပတူးဖိ ခူၣ်တၢ်လၢထံမိၢ်ပှၢ်အ ဃၢၤဒ်သိးအကန့ၢ်ဘၣ်ထံလၢအကအီဝဲလီၤ. အဂ့ၢ်ဒ် အံၤ, အီထံလၢထံမိၢ်ပှၢ်အပူၤတကဲဘၣ်.

²⁵ ဒီးလၢယွၤတီၢ်ထံမိၢ်ပှၢ်အလီၢ်ခံ, နွံနံၤပှဲၤထီၣ်ဝဲလီၤ.

၈

¹ ဒီးယွၤစံးဘၣ်စီၤမိၤရှ့, ဒီးစံးဝဲဒၣ်, လဲၤဆူဖၤရိၤအ အိၣ်ဒီးစံးဘၣ်အီၤ, ယွၤစံးဒ်အံၤ, ပျၢ်ယပှၤဂီၢ်မုၢ်ဒ်သိး အကမၤယတၢ်တက့ၢ်. ² ဒီးပျၢ်အီၤန့ၣ်နမ့ၢ်ဂ့ၢ်လိာ်ဒီး, ကွၢ်ကွၢ်, ယကတီၢ်နထံနကီၢ်ခဲလၢာ်လၢဒ့ၣ်ဧိၤကွီၣ်ဧိၤ လီၤ. ³ ဒီးထံမိၢ်ပှၢ်ကဖှံထီၣ်ဒ့ၣ်ဧိၤကွီၣ်ဧိၤ, လၢအကဟဲ ထီၣ်, ဒီးကလဲၤနုာ်လၢနဟံၣ်ပူၤ, ဒီးလၢနမံလီၢ်အဒၢး ပူၤ, ဒီးလၢနလီၢ်မံအဖီခိၣ်, ဒီးလၢနခ့နပှၤတဖၣ်အဟံၣ် ပူၤ, ဒီးလၢနပှၤဂီၢ်မုၢ်အလိၤ, ဒီးလၢနဖၣ်ကပူၤတဖၣ် အပူၤ, ဒီးလၢနစံၢ်ကိၣ်အကျိးတဖၣ်အပူၤလီၤ. ⁴ ဒီးဒ့ၣ် ဧိၤကွီၣ်ဧိၤန့ၣ် ကဟဲထီၣ်လၢနလိၤ, ဒီးလၢနပှၤဂီၢ်မုၢ် အလိၤ, ဒီးလၢနခ့နပှၤခဲလၢာ်အလိၤလီၤ.

⁵ ဒီးယွၤစံးဘၣ်စီၤမိၤရှ့, စံးဘၣ်စီၤအၤဟရိၣ်, ယူာ်ထီၣ် နစုအိၣ်ဒီးနနီၣ်ထိးဘိလၢထံကျိအဖီခိၣ်, လၢထံမိၢ်ပှၢ် အဖီခိၣ်, ဒီးလၢကမါတဖၣ်အဖီခိၣ်, ဒီးဒုးဟဲထီၣ်ဒ့ၣ် ဧိၤကွီၣ်ဧိၤလၢကီၢ်အဲၤကူပတူးအဖီခိၣ်န့ၣ်တက့ၢ်.

⁶ ဒီးစီၤအၤဟရိၣ်ယူာ်ထီၣ်အစုလၢ အဲၤကူပတူးအထံ ဧိၤနိဧိၤအဖီခိၣ်, ဒီးဒ့ၣ်ဧိၤကွီၣ်ဧိၤဟဲထီၣ်, ဒီးမၤဘံးမၤ ဘၢကီၢ်အဲၤကူပတူးလီၤ.

⁷ ဒီးပှၤကွဲးလံာ်မၤဝဲဒ်န့ၣ်လၢအတၢ်မၤကဒါပမဲာ်ဒီးဒုး ဟဲထီၣ်ဒ့ၣ်ဧိၤကွီၣ်ဧိၤလၢကီၢ်အဲၤကူပတူးအဖီခိၣ်လီၤ.

⁸ ဒီးဖၤရိၤကိးန့ၢ်စီၤမိၤရှ့, ဒီးစီၤအၤဟရိၣ်, ဒီးစံးဝဲဒၣ်, ဃ့ကညးယွၤလၢအကဒုးဟးထီၣ်ကွံာ် ဒ့ၣ်ဧိၤကွီၣ်ဧိၤ လၢယအိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယ ကပျၢ်ပှၤဂီၢ်မုၢ်ဒ်သိးအကလုၢ်တၢ်လၢယွၤလီၤ.

⁹ ဒီးစီၤမိၤရှ့စံးဘၣ်ဖၤရိၤ, အိၣ်ဒီးတၢ်အလၤကပီၤလၢ ယဖီခိၣ်တက့ၢ်. ယဘၣ်ဃ့ကညးတၢ်လၢနဂီၢ်, ဒီးလၢ နခ့နပှၤအဂီၢ်, ဒီးလၢနပှၤဂီၢ်မုၢ်အဂီၢ်, ဒ်သိးတၢ်ကမၤ ဟးဂီၤကွံာ်ဒ့ၣ်ဧိၤကွီၣ်ဧိၤလၢနလိၤ, ဒီးလၢနဟံၣ်တဖၣ် န့ၣ်, ဒီးဒ်သိးအကအိၣ်ထဲလၢထံမိၢ်ပှၢ်အပူၤဧိၤန့ၣ်, အ ကတီၢ်ဖဲလဲၣ်.

¹⁰ ဒီးစံးဝဲဒၣ်, ခဲဂီၤကိာ်လီၤ. ဒီးစံးဝဲဒၣ်, မ်တၢ်မၤအ သးဒ်နစံးတၢ်အသိး, ဒ်သိးနကသ့ၣ်ညါလၢတၢ်ဒ်ယွၤ ပကစၢ်အသိးတအိၣ်ဘၣ်လီၤ. ¹¹ ဒီးဒ့ၣ်ဧိၤကွီၣ်ဧိၤကဟး ထီၣ်ကွံာ်လၢနလိၤ, ဒီးလၢနဟံၣ်တဖၣ်, ဒီးလၢနခ့န ပှၤတဖၣ်, ဒီးလၢနပှၤဂီၢ်မုၢ်, ဒီးကအိၣ်လီၤတဲာ်ထဲလၢ ထံမိၢ်ပှၢ်အပူၤဧိၤလီၤ.

¹² ဒီးစီၤမိၤရှ့, ဒီးစီၤအၤဟရိၣ်ဟးထီၣ်ကွံာ်လၢဖၤရိၤအ အိၣ်, ဒီးစီၤမိၤရှ့ကိးထီၣ်လၢယွၤလၢ ဒ့ၣ်ဧိၤကွီၣ်ဧိၤအ ဃိလၢအပာ်ဝဲလၢဖၤရိၤအဂီၢ်လီၤ. ¹³ ဒီးယွၤမၤဝဲဒ်စီၤမိၤ ရှ့အတၢ်ကတိၤအသိးန့ၣ်ဒီး ဒ့ၣ်ဧိၤကွီၣ်ဧိၤသံကွံာ်လၢ ဟံၣ်ပူၤ, ဒီးလၢအဂၢၤပူၤ, ဒီးလၢခိလီၤ. ¹⁴ ဒီးပှၤထၢ ဖှိၣ်အီၤတပူတပူ, ဒီးထံဧိၤကီၢ်ဧိၤနၢအုၣ်ဝဲလီၤ.

¹⁵ ဒီးဖၤရိၤထံၣ်တၢ်သါထီၣ်ဘၣ်က့ၤတထံၣ်ဃီ, မၤကိၤ အသး, ဒီးတကနၣ်ဘၣ်အဝဲသ့ၣ်အကလုၢ်ဘၣ်, ဒ် ယွၤစံးဝဲအသိးန့ၣ်လီၤ.

¹⁶ ဒီးယွၤစံးဘၣ်စီၤမိၤရှ့, စံးဘၣ်စီၤအၤဟရိၣ်, ယူာ် ထီၣ်နနီၣ်ထိးဘိ, ဒီးတီၢ်ဟီၣ်ခိၣ်အကမူၣ်, ဒ်သိးအက ကဲထီၣ်ဃးသူဃးလါလၢ ကီၢ်အဲၤကူပတူးဒီဘ့ၣ်ညါ အပူၤန့ၣ်တက့ၢ်.

¹⁷ ဒီးမၤဝဲဒ်န့ၣ်, ဒီးစီၤအၤဟရိၣ်ယူာ်ထီၣ်အစုအိၣ်ဒီးအ နီၣ်ထိးဘိ, ဒီးတီၢ်ဟီၣ်ခိၣ်အကမူၣ်, ဒီးအတၢ်ကဲထီၣ် ဃးသူဃးလါလၢပှၤကညီအလိၤ, ဒီးလၢဆၣ်ဖိကီၢ်ဖိ အလိၤလီၤ. ဟီၣ်ခိၣ်အကမူၣ်လၢကီၢ်အဲၤကူပတူးဒီကီၢ် ညါကဲထီၣ်ဃးသူဃးလါလီၤ.

¹⁸ ဒီးပှၤကွဲးလံာ်မၤဝဲဒ်န့ၣ်လၢ အတၢ်မၤကဒါပမဲာ်ဒ် သိးအကဒုးကဲထီၣ်ဃးသူဃးလါ, ဒီးမၤဝဲတသ့ဘၣ်. ဒီးဃးသူဃးလါအိၣ်ဝဲလၢပှၤကညီအလိၤ, ဒီးဆၣ်ဖိ ကီၢ်ဖိအလိၤလီၤ.

¹⁹ ဒီးပှၤကွဲးလံာ်စံးဘၣ်ဖၤရိၤ, တၢ်အံၤတမံၤမ့ၢ်ယွၤအစု မုၢ်လီၤ. ဒီးဖၤရိၤအသးဆူၣ်ထီၣ်ဒီးတကနၣ်ဘၣ်အက လုၢ်ဘၣ်, ဒ်ယွၤစံးဝဲအသိးန့ၣ်လီၤ.

²⁰ ဒီးယွၤစံးဘၣ်စီၤမိၤရှ့, ဂဲၤဆၢထၢၣ်ခဲဂီၤကိာ်ဂီၤဂီၤ, ဒီး ဆၢထၢၣ်လၢဖၤရိၤအမဲာ်ညါ, (ကွၢ်ကွၢ်, ဟဲဝဲဆူထံနံၤ) ဒီးစံးဘၣ်အီၤ, ယွၤစံးဒ်အံၤ, ပျၢ်ယပှၤဂီၢ်မုၢ်ဒ်သိးအက မၤယတၢ်တက့ၢ်. ²¹ နမ့ၢ်တပျၢ်ဘၣ်ယပှၤဂီၢ်မုၢ်ဒီး, ကွၢ် ကွၢ်, ယကမၢတၢ်အဖုတဖၣ်ဟဲလီၤလၢနလိၤ, ဒီးနခ့ နပှၤအလိၤ, ဒီးနပှၤဂီၢ်မုၢ်အလိၤဒီးလၢနဟံၣ်တဖၣ်အ ပူၤလီၤ. ဒီးပှၤအဲၤကူပတူးဖိအဟံၣ်ပူၤကပှဲၤဒီးတၢ်အဖု တဖၣ်, ဒီးဟီၣ်ခိၣ်လၢအအိၣ်လၢအဖီခိၣ်စ့ၢ်ကီးလီၤ.

²² ဒီးတၢ်လၢမုၢ်တနံၤန့ၣ် ယကမၤလီၤဆီကီၢ်ကိရှ့ၣ်ဖဲ ယပှၤဂီၢ်မုၢ်အိၣ်လၢအပူၤ, ဒ်သိးတၢ်အဖုတဖၣ်အသုတ အိၣ်ဖဲန့ၣ်တဂ့ၤ, ဒ်သိးနကသ့ၣ်ညါလၢယမ့ၢ်ယွၤလၢ ဟီၣ်ခိၣ်ချၢအသးကံၢ်ပူၤန့ၣ်လီၤ. ²³ ဒီးယကပာ်တၢ်ပှ့ၤ က့ၤတၢ်လၢယပှၤဂီၢ်မုၢ်ဒီး နပှၤဂီၢ်မုၢ်အဘၢၣ်စၢၤလီၤ. ခဲဂီၤကိာ်တၢ်လီၤလးအပနီၣ်အံၤ ကကဲထီၣ်လီၤ. ²⁴ ဒီး ယွၤမၤဝဲဒ်န့ၣ်, ဒီးတၢ်အဖုတဖၣ်ဂီၢ်မုၢ်ဟဲနုာ်လၢဖၤရိၤ အဟံၣ်ပူၤ, ဒီးလၢအခ့အပှၤအဟံၣ်တဖၣ်အပူၤ, ဒီး လၢကီၢ်အဲၤကူပတူးဒီဘ့ၣ်ညါအပူၤလီၤ. ဒီးထံဧိၤကီၢ်ဧိၤ ဒီဘ့ၣ်ညါန့ၣ်ဟးဂီၤဝဲလၢတၢ်တဖုန့ၣ်အမဲာ်ညါလီၤ.

²⁵ ဒီးဖၤရိၤကိးက့ၤစီၤမိၤရှ့ဒီးစီၤအၤဟရိၣ်, ဒီးစံးဝဲဒၣ်, လဲၤလုၢ်တၢ်လၢသုကစၢ်လၢကီၢ်အံၤအပူၤတက့ၢ်. ²⁶ ဒီး စီၤမိၤရှ့စံးဝဲဒၣ်, တၢ်တစံၣ်ညီၣ်ပာ်ဘၣ်လၢပကမၤဒ်န့ၣ် ဘၣ်, အဂ့ၢ်ဒ်အံၤ, ပကလုၢ်ပှၤအဲၤကူပတူးဖိအတၢ်သး ဘၣ်အၢန့ၣ်လၢယွၤပကစၢ်လီၤ. ကွၢ်ကွၢ်, ပကလုၢ်ပှၤ အဲၤကူပတူးဖိအတၢ်သးဘၣ်အၢလၢအမဲာ်ညါ, ဒီးအဝဲ သ့ၣ်တဖၣ်န့ၣ်ကကွံာ်ပှၤလၢလၢၢ်တမ့ၢ်ဘၣ်ဧါ. ²⁷ ပက လဲၤလၢပှၢ်လၢ်ကျါသၢနံၤကျဲ, ဒီးလုၢ်တၢ်လၢယွၤပက စၢ်, ဒ်အကမၤလိာ်ပှၤအသိးန့ၣ်လီၤ.

²⁸ ဒီးဖၤရိၤစံးဝဲဒၣ်, ယကပျၢ်သု, ဒ်သိးသုကလုၢ်တၢ်လၢ ယွၤသုကစၢ်လၢပှၢ်လၢ်ကျါလီၤ. ဘၣ်ဆၣ်ဒီးသုတလဲၤ ဘၣ်ယံၤယံၤကလဲာ်ဘၣ်, ဃ့ကညးတၢ်လၢယဂီၢ် တက့ၢ်.

²⁹ ဒီးစီၤမိၤရှ့စံးဝဲဒၣ်, ကွၢ်ကွၢ်, ယကဟးထီၣ်လၢန အိၣ်, ဒီးယကဃ့ကညးယွၤ, ဒ်သိးတၢ်အဖုတဖၣ်က ဟးထီၣ်ကွံာ်လၢဖၤရိၤအလိၤ, ဒီးလၢအခ့အပှၤအလိၤ, ဒီးလၢပှၤဂီၢ်မုၢ်အလိၤခဲဂီၤကိာ်လီၤ. ဘၣ်ဆၣ်ဒီးမ်ဖၤရိၤ အသုတမၤလၢၤဒီး တၢ်လီတၢ်ဝ့ၤ လၢအတပျၢ်ဘၣ်ပှၤ ဂီၢ်မုၢ်ဒ်သိးအကလဲၤလုၢ်တၢ်လၢယွၤန့ၣ်တဂ့ၤ.

³⁰ ဒီးစီၤမိၤရှ့ဟးထီၣ်လၢဖၤရိၤအအိၣ်, ဒီးဃ့ကညးတၢ် လၢယွၤလီၤ. ³¹ ဒီးယွၤမၤဝဲဒ်စီၤမိၤရှ့အကလုၢ်အသိးန့ၣ်, ဒီးဒုးဟးထီၣ်ကွံာ်တၢ်အဖုတဖၣ်လၢဖၤရိၤအလိၤ, ဒီး လၢအခ့အပှၤအလိၤ, ဒီးလၢအပှၤဂီၢ်မုၢ်အလိၤ, ဒီးတ အိၣ်လီၤတဲာ်ဘၣ်နီတဘ့ၣ်ဘၣ်.

³² ဒီးဖၤရိၤမၤကိၤအသး အအံၤတစုစ့ၢ်ကီး, ဒီးတပျၢ် ဘၣ်ပှၤဂီၢ်မုၢ်ဘၣ်.

၉

¹ ဒီးယွၤစံးဘၣ်စီၤမိၤရှ့, လဲၤဆူဖၤရိၤအအိၣ်, ဒီးစံးဘၣ် အီၤ, ယွၤပှၤဧ့ၤဘြံၤဖိအကစၢ်, စံးဝဲဒ်အံၤ, ပျၢ်ယပှၤ ဂီၢ်မုၢ်ဒ်သိးအကမၤယတၢ်တက့ၢ်. ² အဂ့ၢ်ဒ်အံၤ, ပျၢ် အီၤန့ၣ်နမ့ၢ်ဂ့ၢ်လိာ်, ဒီးနမ့ၢ်ဟံးန့ၢ်ဒံးအီၤဒီး, ³ ကွၢ်ကွၢ်, ယွၤအစုအိၣ်လၢနဆၣ်ဖိကီၢ်ဖိအဒၢအလိၤ, လၢအအိၣ် လၢစံာ်ပူၤပှဲၤပူၤ, လၢကသ့ၣ်အလိၤ, လၢကသ့ၣ်ယီၤ အလိၤ, လၢကီၤလၤအူးအလိၤ, လၢဂီၤဖံးအလိၤ, ဒီး သိဒီးမဲာ်တဲးလဲးအလိၤ, တၢ်သံသတြိာ်နးမးလီၤ.

⁴ ဒီးယွၤကမၤ, ပှၤအံၣ်စရ့လးဖိ အဆၣ်ဖိကီၢ်ဖိအဒၢ လီၤဆီဒီးပှၤအဲၤကူပတူးဖိ အဆၣ်ဖိကီၢ်ဖိအဒၢန့ၣ်လီၤ. ဒီးလၢပှၤအံၣ်စရ့လးဖိအတၢ်ခဲလၢာ်အကျါန့ၣ် တၢ်တ သံဘၣ်နီတဒုဘၣ်.

⁵ ဒီးယွၤသ့ၣ်နံၤဖးသီဒီးစံးဝဲဒၣ်, ခဲဂီၤကိာ်ယွၤကမၤ တၢ်န့ၣ်တမံၤလၢကီၢ်ပူၤလီၤ. ⁶ ဒီးမုၢ်ဆ့ၣ်ထီၣ်တနံၤန့ၣ် ယွၤမၤတၢ်န့ၣ်တမံၤ, ဒီးပှၤအဲၤကူပတူးဖိအဆၣ်ဖိကီၢ် ဖိအဒၢန့ၣ်သံဝဲခဲလၢာ်လီၤ. မ့မ့ၢ်ပှၤအံၣ်စရ့လးဖိအဆၣ် ဖိကီၢ်ဖိအဒၢန့ၣ်တသံဘၣ်နီတဒုဘၣ်.

⁷ ဒီးဖၤရိၤမၢလီၤတၢ်, ဒီးကွၢ်ကွၢ်, ပှၤအံၣ်စရ့လးဖိ အဆၣ်ဖိကီၢ်ဖိအဒၢန့ၣ်တသံဘၣ်နီတဒုဘၣ်. ဒီးဖၤရိၤ မၤကိၤအသး, ဒီးတပျၢ်ဘၣ်ပှၤဂီၢ်မုၢ်ဘၣ်.

⁸ ဒီးယွၤစံးဘၣ်စီၤမိၤရှ့ဒီးစီၤအၤဟရိၣ်, ဟံးန့ၢ်ဖၣ်က ပူၤအဖၣ်ဆါတၢၤဒုၣ်တဖၣ်, ဒီးမ်စီၤမိၤရှ့ဖှံထီၣ်ဆူမူခိၣ် လၢဖၤရိၤအမဲာ်ညါန့ၣ်တက့ၢ်. ⁹ ဒီးကကဲထီၣ်တၢ်က မူၣ်လၢကီၢ်အဲၤကူပတူးဒီဘ့ၣ်ညါအပူၤ, ဒီးကကဲထီၣ် တၢ်ဝ့တၢ်ကျူၤဖးထီၣ်လၢတၢ်ပူၤလီၢ်လၢ ပှၤကညီအ လိၤ, ဒီးလၢဆၣ်ဖိကီၢ်ဖိအဒၢအလိၤ လၢကီၢ်အဲၤကူ ပတူးဒီဘ့ၣ်ညါအပူၤလီၤ.

¹⁰ ဒီးအဝဲသ့ၣ်တဖၣ်န့ၣ် ဟံးန့ၢ်ဖၣ်ကပူၤအဖၣ်ဆါ, ဒီး ဆၢထၢၣ်လၢဖၤရိၤအမဲာ်ညါ, ဒီးစီၤမိၤရှ့ဖှံထီၣ်ဝဲဆူမူ ခိၣ်, ဒီးကဲထီၣ်ဝဲလၢတၢ်ဝ့တၢ်ကျူၤဖးထီၣ်လၢတၢ်ပူၤ လီၢ်လၢပှၤကညီအလိၤ, ဒီးဆၣ်ဖိကီၢ်ဖိအလိၤလီၤ.

¹¹ ဒီးပှၤကွဲးလံာ်တဖၣ်န့ၣ် ဆၢထၢၣ်ဝဲလၢစီၤမိၤရှ့အ မဲာ်ညါတကဲဘၣ်လၢတၢ်ဝ့တၢ်ကျူၤအဃိလီၤ. အဂ့ၢ် ဒ်အံၤ, တၢ်ဝ့တၢ်ကျူၤန့ၣ်အိၣ်ဝဲလၢပှၤကွဲးလံာ်အလိၤ, ဒီးလၢပှၤအဲၤကူပတူးဖိခဲလၢာ်အလိၤလီၤ.

¹² ဒီးယွၤဒုးဆူၣ်ထီၣ်ဖၤရိၤအသး, ဒီးတကနၣ်ဘၣ်အ ကလုၢ်, ဒ်ယွၤစံးတ့ၢ်စီၤမိၤရှ့အသိးန့ၣ်လီၤ.

¹³ ဒီးယွၤစံးဘၣ်စီၤမိၤရှ့, ခဲဂီၤကိာ်ဂဲၤဆၢထၢၣ်ဂီၤဂီၤ, ဒီးဆၢထၢၣ်လၢဖၤရိၤအမဲာ်ညါ, ဒီးစံးဘၣ်အီၤ, ယွၤ, ပှၤဧ့ၤဘြံၤဖိအကစၢ်စံးဒ်အံၤ, ပျၢ်ယပှၤဂီၢ်မုၢ်ဒ်သိးအက မၤယတၢ်တက့ၢ်. ¹⁴ အဂ့ၢ်ဒ်အံၤ, အအံၤတစုယကဒုး ဘၣ်နၤ, ဒီးနခ့နပှၤ, ဒီးနပှၤဂီၢ်မုၢ်, လၢယတၢ်နးတၢ်ဖှီၣ် ခဲလၢာ်ဒ်သိးနကသ့ၣ်ညါ ပှၤဒ်ယၤအသိးတအိၣ်ဘၣ် လၢဟီၣ်ခိၣ်ချၢနီတဂၤဘၣ်လီၤ. ¹⁵ အဂ့ၢ်ဒ်အံၤ, ခဲကနံၣ် အံၤယကယူာ်ထီၣ်ယစု, ဒီးတီၢ်နၤ, ဒီးနပှၤဂီၢ်မုၢ်လၢ တၢ်သံသတြိာ်, ဒီးနကဟးဂီၤကွံာ်လၢဟီၣ်ခိၣ်ချၢလီၤ.

¹⁶ ဒီးမ့ၢ်မးယဒုးဆၢထၢၣ်နၤလၢတၢ်အဂ့ၢ်အံၤ, ဒ်သိးယ ကဒုးနဲၣ်ယစိယကမီၤလၢနၤ, ဒီးဒ်သိးတၢ်ကစံၣ်တဲၤ တဲလီၤယမံၤလၢဟီၣ်ခိၣ်ချၢဒီဘ့ၣ်ညါအဂ့ၢ်လီၤ. ¹⁷ နပာ် ထီၣ်ထီဒံးနသးလၢယပှၤဂီၢ်မုၢ်အဖီခိၣ်လၢနတပျၢ်ဘၣ် အီၤစ့ၢ်ကီးဧါ.

¹⁸ ကွၢ်ကွၢ်, ခဲဂီၤကိာ်ဆၢအလီၢ်ခဲကနံၣ်အံၤယကမၢ တၢ်ဟဲစူၤဒီးသူၣ်နးနးကလဲာ်လီၤ. ဒီးတၢ်န့ၣ်တမၤဘၣ် အသးလၢအဲၤကူပတူးအပူၤ လၢမုၢ်တနံၤလၢအခီၣ်ထံး အိၣ်ထီၣ်တုၤခဲကနံၣ်အံၤလီၤ. ¹⁹ ဒီးခဲကနံၣ်အံၤမၢလီၤ တၢ်, ဒီးဒုးအိၣ်ဖှိၣ်ချ့သဒံးနဆၣ်ဖိကီၢ်ဖိအဒၢ, ဒီးနတၢ် အိၣ်လၢခိခဲလၢာ်တက့ၢ်. ကယဲၢ်ပှၤကညီ, ဒီးဆၣ်ဖိ ကီၢ်ဖိအဒၢ, လၢတၢ်ကထံၣ်န့ၢ်အီၤလၢခိဒီးတအိၣ်ဖှိၣ် ဘၣ်လၢဟံၣ်ပူၤန့ၣ် သူၣ်ကဟဲလီၤဘၣ်အီၤ, ဒီးကသံ ဝဲခဲလၢာ်လီၤ.

²⁰ ဒီးပှၤလၢအပျံၤယွၤအကလုၢ်လၢ ဖၤရိၤအခ့အပှၤအ ကျါန့ၣ်, မၢအကုၢ်အပှၤ, ဒီးအဆၣ်ဖိကီၢ်ဖိအဒၢတ ဖၣ်ဃ့ၢ်နုာ်လၢအဟံၣ်ပူၤလီၤ. ²¹ ဒီးပှၤလၢအတပာ်ဘၣ် ယွၤအကလုၢ်လၢအသးကံၢ်ပူၤဘၣ်န့ၣ် ဒုးအိၣ်လီၤတဲာ် အကုၢ်အပှၤ, ဒီးအဆၣ်ဖိကီၢ်ဖိအဒၢလၢခိလီၤ.

²² ဒီးယွၤစံးဘၣ်စီၤမိၤရှ့, ယူာ်ထီၣ်နစုဆူမူခိၣ်, ဒ်သိး သူၣ်ကလီၤလၢကီၢ်အဲၤကူပတူးဒီဘ့ၣ်ညါအပူၤ, လၢပှၤ ကညီအဖီခိၣ်, လၢဆၣ်ဖိကီၢ်ဖိအဒၢအဖီခိၣ်, ဒီးလၢ ကယဲၢ်တၢ်မဲထီၣ်လၢခိ လၢကီၢ်အဲၤကူပတူးဒီဘ့ၣ်ညါ အပူၤ, ကိးမံၤဒဲးအဖီခိၣ်တက့ၢ်.

²³ ဒီးစီၤမိၤရှ့ယူာ်ထီၣ်အနီၣ်ထိးဘိဆူမူခိၣ်, ဒီးယွၤမၢ လီသီၣ်, ဒီးသူၣ်လီၤ, ဒီးမ့ၣ်အူဃ့ၢ်ဝ့ၤဝီၤလၢဟီၣ်ခိၣ် အဖီခိၣ်, ဒီးယွၤမၢတၢ်ဟဲစူၤဒီးသူၣ်လၢ ကီၢ်အဲၤကူပ တူးအဖီခိၣ်လီၤ.

²⁴ ဒီးသူၣ်န့ၣ်အိၣ်, ဒီးမ့ၣ်အူဃ့ၢ်ဝ့ၤဝီၤလၢသူၣ်လီၤအ ကျါနးနးကလဲာ်လီၤ. တၢ်ဒ်န့ၣ်အသိးတအိၣ်ဘၣ်လၢ ကီၢ်အဲၤကူပတူးဒီဘ့ၣ်ညါအပူၤ, လၢအကဲထီၣ်ပှၤတ ကလုာ်လံၤလံၤန့ၣ်ဘၣ်လီၤ. ²⁵ ဒီးသူၣ်န့ၣ်လီၤဘၣ်တၢ် အိၣ်လၢကီၢ်အဲၤကူပတူးဒီဘ့ၣ်ညါအပူၤ, ကယဲၢ်တၢ် အိၣ်လၢခိလၢပှၤကညီ ပၢၢ်လၢဆၣ်ဖိကီၢ်ဖိအဒၢ, ဒီး သူၣ်န့ၣ်ဘၣ်ကယဲၢ်တၢ်မဲထီၣ်လၢခိ, ဒီးမၤကၢ်လီၤသ့ၣ် လၢခိကိးထံးဒဲးလီၤ. ²⁶ မ့မ့ၢ်ကီၢ်ကိရှ့ၣ်ဖဲပှၤအံၣ်စရ့လး ဖိအိၣ်ဝဲန့ၣ်သူၣ်တအိၣ်ဘၣ်.

²⁷ ဒီးဖၤရိၤမၢလီၤတၢ်, ဒီးကိးက့ၤစီၤမိၤရှ့ဒီး စီၤအၤဟ ရိၣ်, ဒီးစံးဘၣ်အီၤ, အအံၤတစုယမၤကမၣ်လံတၢ်လံ. ယွၤတီဝဲလိၤဝဲ, ဒီးယၤ, ဒီးယပှၤဂီၢ်မုၢ်မ့ၢ်ပှၤတတီတ လိၤဘၣ်လီၤ. ²⁸ အါတ့ၢ်လံ, ဃ့ကညးယွၤဒ်သိးကစၢ် အလီသီၣ်တဖၣ်ဒီးသူၣ်န့ၣ် တသုတအိၣ်လၢၤတဂ့ၤ. ဒီးယကပျၢ်သု, ဒီးသုတအိၣ်တဆိးလၢၤဘၣ်.

²⁹ ဒီးစီၤမိၤရှ့စံးဘၣ်အီၤ, တုၤယဟးထီၣ်လၢဝ့ၢ်ပူၤဒီး, ယ ကသလၣ်ထီၣ်ယစုဆူယွၤအအိၣ်လီၤ. လီသီၣ်ကတုာ် ဝဲ, ဒီးသူၣ်တအိၣ်လၢၤဘၣ်ဝဲ, ဒ်သိးနကသ့ၣ်ညါလၢ ဟီၣ်ခိၣ်အိၣ်ဒီးယွၤလီၤ. ³⁰ ဘၣ်ဆၣ်ဒီးနၤဒီးနခ့နပှၤတ ဖၣ်အံၤ, ယသ့ၣ်ညါလၢသုတပျံၤဒံးဘၣ်ကစၢ်ယွၤဘၣ်.

³¹ ဒီးတၢ်ဘၣ်ပအီခီမၤ, ဒီးဘုမုယီၤလီၤ. အဂ့ၢ်ဒ်အံၤ, ဘုမုယီၤအစဲၤအိၣ်ထီၣ်လံ. ဒီးပအီခီမၤသၣ်ထီၣ်လံ.

³² မ့မ့ၢ်ဘုကၠူၣ်ဒီးဘုကူးစမ့းန့ၣ်, တၢ်တဘၣ်ဘၣ်အီၤ ဘၣ်, အဂ့ၢ်ဒ်အံၤ, တဒိၣ်ထီၣ်ဒံးဘၣ်လီၤ.

³³ ဒီးစီၤမိၤရှ့ဟးထီၣ်လၢဖၤရိၤအအိၣ်လၢဝ့ၢ်ပူၤ, ဒီးသ လၣ်ထီၣ်အစုဆူယွၤအအိၣ်, ဒီးလီသီၣ်, ဒီးသူၣ်တုာ် ဝဲ, ဒီးတၢ်စူၤတလူလီၤအသးလၢဟီၣ်ခိၣ်ချၢဘၣ်.

³⁴ ဒီးတုၤဖၤရိၤထံၣ်ဝဲလၢတၢ်စူၤဒီး သူၣ်ဒီးလီသီၣ်တ ဖၣ်တုာ်ဝဲဒီး, မၤအါထီၣ်အတၢ်ဒဲးဘး, ဒီးမၤကိၤအ သး, အဝဲဒၣ်ဒီးအခ့အပှၤလီၤ.

³⁵ ဒီးဖၤရိၤအသးဆူၣ်ထီၣ်, ဒီးတပျၢ်ဘၣ်ပှၤအံၣ်စရ့ လးဖိဘၣ်, ဒ်ယွၤစံးဘၣ်စီၤမိၤရှ့အသိးန့ၣ်လီၤ.

၁၀

¹ ဒီးယွၤစံးဘၣ်စီၤမိၤရှ့, လဲၤနုာ်ဆူဖၤရိၤ အအိၣ်တ က့ၢ်. အဂ့ၢ်ဒ်အံၤ, ယမၤကိၤအသးဒီးအခ့အပှၤတဖၣ် အသးဒ်သိးယကဒုးနဲၣ် ယတၢ်အပနီၣ်လီၤလးတဖၣ် အံၤလၢအကျါ, ² ဒီးဒ်သိးနကစံၣ်တဲၤတဲလီၤတၢ်လၢ နဖိခွါအနၢ်ပူၤ, ဒီးနဖိခွါအဖိခွါ, လၢတၢ်လၢယမၤလၢ အဲၤကူပတူးအပူၤ, ဒီးတၢ်ပနီၣ်လီၤလးတဖၣ်လၢယမၤ လၢအကျါ, ဒီးသုကသ့ၣ်ညါလၢယမ့ၢ်ယွၤလီၤ.

³ ဒီးစီၤမိၤရှ့, ဒီးစီၤအၤဟရိၣ်လဲၤနုာ်ဆူဖၤရိၤအအိၣ်ဒီး စံးဘၣ်အီၤ, ယွၤပှၤဧ့ၤဘြံၤဖိအကစၢ်စံးဒ်အံၤ, ဒ်သိး နသုတဆီၣ်လီၤနသးလၢယမဲာ်ညါတဂ့ၤဒီး, နကဂ့ၢ် လိာ်ဆံးယံာ်လဲၣ်. ပျၢ်ယပှၤဂီၢ်မုၢ်ဒ်သိးအကမၤယတၢ် တက့ၢ်. ⁴ ပျၢ်ယပှၤဂီၢ်မုၢ်နမ့ၢ်ဂ့ၢ်လိာ်ဒီး, ကွၢ်ကွၢ်, ခဲ ဂီၤကိာ် ယကဒုးဟဲထီၣ်ဒွဲၣ်ဧိၤသကံၤဧိၤလၢနကီၢ်ပူၤ,― ⁵ ဒီးကမၤဘံးမၤဘၢဟီၣ်ခိၣ် တုၤပှၤထံၣ်ဘၣ်ဟီၣ်ခိၣ်တသ့ဘၣ်. ဒီးကအီၣ်တၢ်အိၣ်လီၤတဲာ်လၢအပူၤဖျဲး, တၢ်အိၣ်လီၤတဲာ်လၢသုဂီၢ်လၢသူၣ်န့ၣ်, ဒီးကအီၣ်ကယဲၢ်သ့ၣ်လၢအမဲထီၣ်လၢသုဂီၢ်လၢပှၢ်လၢ်ကျါကိးထံးဒဲး,―

⁶ ဒီးကမၤပှဲၤနဟံၣ်, ဒီးနခ့နပှၤအဟံၣ်ခဲလၢာ်, ဒီးကယဲၢ် ပှၤအဲၤကူပတူးဖိအဟံၣ်ခဲလၢာ်လီၤ. တၢ်န့ၣ်နပၢ်သ့ၣ်, ဒီးနပၢ်အပၢ်သ့ၣ်တဖၣ် တထံၣ်ဘၣ်လၢမုၢ်နံၤလၢအ အိၣ်ထီၣ်လၢဟီၣ်ခိၣ်ချၢတုၤမုၢ်မဆါတနံၤအံၤလီၤ. ဒီး ဃၣ်ကဒါက့ၤအသး, ဒီးဟးထီၣ်လၢဖၤရိၤအအိၣ်လီၤ.

⁷ ဒီးဖၤရိၤအခ့အပှၤစံးဘၣ်အီၤ, ပှၤတဂၤအံၤ, ကကဲ ပျံၤသကွီၤလၢပဂီၢ်ဆံးယံာ်လဲၣ်. ပျၢ်လၢ်ပှၤပိာ်ခွါတဖၣ် ဒ်သိးအကမၤယွၤအကစၢ်အတၢ်န့ၣ်တက့ၢ်. အဲၤကူပ တူးဟးဂီၤလံန့ၣ်နတသ့ၣ်ညါဒံးဘၣ်ဧါ.

⁸ ဒီးပှၤဒုးဟဲက့ၤစီၤမိၤရှ့, ဒီးစီၤအၤဟရိၣ်ဆူဖၤရိၤအ အိၣ်, ဒီးအဝဲဒၣ်စံးဘၣ်အီၤ, လဲၤမၤယွၤသုကစၢ်အတၢ် တက့ၢ်. မ့ၢ်မတၤကလဲၤတဖၣ်လဲၣ်.

⁹ ဒီးစီၤမိၤရှ့စံးဝဲဒၣ်, ပကလဲၤဒီးပဖိဒံဖိသၣ်, ဒီးပသူၣ် က့သးပှၢ်, ဒီးပဖိခွါ, ဒီးပဖိမုၣ်, ဒီးလၢပသိဒီးမဲာ်တဲး လဲး, ဒီးပဂီၤဘုၣ်ဂီၤဖံးတဖၣ်န့ၣ်ပကလဲၤလီၤ. အဂ့ၢ် ဒ်အံၤ, တၢ်မၤဘူၣ်ယွၤအိၣ်ဒီးပှၤလီၤ.

¹⁰ ဒီးစံးဘၣ်အီၤမ်ယွၤအိၣ်ဒီးသုဒ် ယပျၢ်သုဒီးသုဖိဆံး အသိးန့ၣ်တက့ၢ်. ကွၢ်တက့ၢ်, အဂ့ၢ်ဒ်အံၤ, တၢ်အၢ အိၣ်ဝဲလၢသုမဲာ်ညါလီၤ. ¹¹ ဒ်န့ၣ်တမ့ၢ်ဘၣ်, သုဝဲ, ပိာ်ခွါလဲၤတ့ၢ်, ဒီးမၤယွၤအတၢ်တက့ၢ်. အဂ့ၢ်ဒ်အံၤ, သုဃုတ့ၢ်တၢ်န့ၣ်တမံၤလီၤ. ဒီးပှၤဟီထီၣ်ကွံာ်အီၤလၢ ဖၤရိၤအမဲာ်ညါလီၤ.

¹² ဒီးယွၤစံးဘၣ်စီၤမိၤရှ့, ယူာ်ထီၣ်နစုလၢကီၢ်အဲၤကူပ တူးအဖီခိၣ်လၢ ဒွဲၣ်ဧိၤသကံၤဧိၤအဂီၢ်, ဒ်သိးအကဟဲ ထီၣ်လၢကီၢ်အဲၤကူပတူးအပူၤ, ဒီးအီၣ်ကယဲၢ်နီၣ်ဧိၤမံၤ ဧိၤ, ဘုဧိၤဟုဧိၤလၢကီၢ်ပူၤန့ၣ်, ဒီးကယဲၢ်တၢ်လၢသူၣ် ပာ်လီၤတဲာ်န့ၣ်တက့ၢ်.

¹³ ဒီးစီၤမိၤရှ့ယူာ်ထီၣ်အနီၣ်ထိးဘိလၢ ကီၢ်အဲၤကူပတူး အဖီခိၣ်, ဒီးယွၤဒုးဟဲကလံၤလၢမုၢ်ထီၣ်တခီ လၢကီၢ် န့ၣ်အဖီခိၣ်သ့တနံၤကျၢၤ, ဒီးသီတနၤကျၢၤလီၤ. မုၢ် ဆ့ၣ်ထီၣ်န့ၣ်ကလံၤလၢမုၢ်ထီၣ်တခီဟဲဒီး ဒွဲၣ်ဧိၤသကံၤ ဧိၤလီၤ.

¹⁴ ဒီးဒွဲၣ်ဧိၤသကံၤဧိၤဟဲထီၣ်ဝဲလၢ ကီၢ်အဲၤကူပတူးဒီ ဘ့ၣ်ညါအဖီခိၣ်, ဒီးစီၢ်လီၤဝဲလၢကီၢ်အဲၤကူပတူးကိး အလီၢ်ပူၤဒဲးလီၤ. အိၣ်ဝဲနးမးလီၤ. လၢပျၢၤလၢအမဲာ် ညါဒွဲၣ်ဧိၤသကံၤဧိၤ ဒ်အဝဲသ့ၣ်တဖၣ်အသိးန့ၣ်တအိၣ် ဘၣ်, ဒီးလၢအလီၢ်ခံန့ၣ်တအိၣ်ဘၣ်ဒ်န့ၣ်အသိးဘၣ်.

¹⁵ ဒီးမၤဘံးမၤဘၢကီၢ်န့ၣ်ဒီဘ့ၣ်ညါ, ဒီးကီၢ်ခံးလီၤဝဲဒီး အီၣ်ဝဲကယဲၢ်နီၣ်ဧိၤမံၤဧိၤဘုဧိၤဟုဧိၤလၢကီၢ်ပူၤ, ဒီးသ့ၣ် အသၣ်ခဲလၢာ်လၢသူၣ်ပာ်လီၤတဲာ်န့ၣ်လီၤ. ဒီးတၢ်အ ဟ့အလါသ့ၣ်ဧိၤဝၣ်ဧိၤမ့ၢ်ဂ့ၤ, တၢ်မုၢ်တၢ်ဘိမ့ၢ်ဂ့ၤ, တ အိၣ်လီၤတဲာ်ဘၣ်နီတမံၤ, လၢကီၢ်အဲၤကူပတူးဒီဘ့ၣ် ညါအပူၤဘၣ်.

¹⁶ ဒီးဖၤရိၤမၤဝဲချ့ချ့, ဒီးကိးက့ၤစီၤမိၤရှ့, ဒီးစီၤအၤဟရိၣ်, ဒီးစံးဝဲဒၣ်, ယမၤကမၣ်ဘၣ်ယွၤသုကစၢ်လံ, ဒီးယမၤ ကမၣ်ဘၣ်သုလံ. ¹⁷ ဒီးခဲကနံၣ်အံၤပျၢ်လၢ်ယတၢ်ကမၣ် ထဲအအံၤတစုဧိၤ, ဒီးဃ့ကညးယွၤသုကစၢ်, ဒ်သိးအ ကဒုးဟးထီၣ်ကွံာ်ထဲတၢ်သံတမံၤအံၤလၢယၤတက့ၢ်. ဒီးဟးထီၣ်ဝဲလၢဖၤရိၤအအိၣ်, ဒီးဃ့ကညးယွၤလီၤ.

¹⁹ ဒီးယွၤဃၣ်ကဒါက့ၤ ကလံၤမုၢ်ဆူၣ်ဟဲလၢမုၢ်နုာ်တခီ, ဒီးစိာ်ထီၣ်ကွံာ် ဒွဲၣ်ဧိၤသကံၤဧိၤ, ဒီးကွံာ်တ့ၢ်ကွံာ်အီၤ လၢပီၣ်လဲၣ်ဂီၤအပူၤလီၤ. တအိၣ်လီၤတဲာ်ဘၣ်လၢအဲၤ ကူပတူးနီတပူၤနီတဘ့ၣ်ဘၣ်.

²⁰ ဒီးယွၤဒုးဆူၣ်ထီၣ်ဖၤရိၤအသး, ဒီးတပျၢ်ဘၣ်ပှၤအံၣ် စရ့လးဖိဘၣ်.

²¹ ဒီးယွၤစံးဘၣ်စီၤမိၤရှ့, ယူာ်ထီၣ်နစုဆူမူခိၣ်, ဒီးတၢ် ကခံးန့ၢ် ကီၢ်အဲၤကူပတူး, တုၤဒၣ်လဲာ်ပှၤကကလၢၢ် ဘၣ်တၢ်ခံးန့ၣ်လီၤ.

²² ဒီးစီၤမိၤရှ့ယူာ်ထီၣ်အစုဆူမူခိၣ်, ဒီးတၢ်ခံးလီၤသူလၢ ကီၢ်အဲၤကူပတူးဒီဘ့ၣ်ညါအပူၤ, သၢနံၤညါလီၤ. ²³ ဒီး ပှၤတထံၣ်လိာ်ဘၣ်အသးဘၣ်, ဒီးပှၤတဂဲၤဆၢထၢၣ် ဘၣ်လၢအလီၢ်နီတဂၤဘၣ်သၢနံၤညါလီၤ. မ့မ့ၢ်ပှၤအံၣ် စရ့လးဖိခဲလၢာ် အိၣ်ဒီးတၢ်ကပီၤ လၢအအိၣ်ဝဲဆိးဝဲ အလီၢ်ပူၤလီၤ.

²⁴ ဒီးဖၤရိၤကိးန့ၢ်စီၤမိၤရှ့, ဒီးစံးဝဲဒၣ်, လဲၤမၤယွၤအ တၢ်တက့ၢ်. ဒုးအိၣ်လီၤတဲာ်ထဲသုသိဒီးသုမဲာ်တဲးလဲး တဖၣ်, ဒီးသုဂီၤဘုၣ်ဂီၤဖံးတဖၣ်ဧိၤတက့ၢ်. သုဖိဆံး ကလဲၤဒၣ်ဝဲဒီးသုတက့ၢ်.

²⁵ ဒီးစီၤမိၤရှ့စံးဝဲဒၣ်, နဘၣ်ဟ့ၣ်စ့ၢ်ကီးပှၤလၢတၢ်လုၢ်, ဒီးတၢ်လုၢ်မ့ၣ်အူလၢပစုပူၤ, ဒ်သိးပကလုၢ်တၢ်လၢယွၤ ပကစၢ်လီၤ. ²⁶ ဒီးပဆၣ်ဖိကီၢ်ဖိအဒၢဘၣ်လဲၤဒီးပှၤလီၤ. ဆၣ်ဖိကီၢ်ဖိအခီၣ်မ့ၣ် တဘၣ်အိၣ်လီၤတဲာ်ဘၣ် နီတ ဘ့ၣ်ဘၣ်. အဂ့ၢ်ဒ်အံၤ, ပဘၣ်ဟံးန့ၢ်လၢတၢ်တဖၣ်န့ၣ် အကျါဒ်သိးပကမၤယွၤပကစၢ်အတၢ်, ဒီးပဘၣ်မၤယွၤ အတၢ်လၢမနုၤမနုၤန့ၣ်, ပတချုးလဲၤတုၤဒံးဘၣ်ဖဲန့ၣ် ဒီး, ပတသ့ၣ်ညါဘၣ်.

²⁷ ဘၣ်ဆၣ်ဒီး ယွၤဒုးဆူၣ်ထီၣ်ဖၤရိၤအသး, ဒီးအဝဲ ဒၣ်အသးတအိၣ်ပျၢ်အီၤဘၣ်.

²⁸ ဒီးဖၤရိၤစံးဘၣ်အီၤ, ဟးထီၣ်ကွံာ်လၢယအိၣ်တက့ၢ်. ပလီၢ်နသးတက့ၢ်. ထံၣ်လၢၤယမဲာ်တဂ့ၤ, အဂ့ၢ်ဒ်အံၤ, မုၢ်တနံၤလၢနထံၣ်ဘၣ်ယမဲာ်န့ၣ်နကသံလီၤ.

²⁹ ဒီးစီၤမိၤရှ့စံးဝဲဒၣ်, နကတိၤတၢ်ဘၣ်လံ. ယတထံၣ် ကဒီးလၢၤနမဲာ်ဘၣ်လီၤ.

၁၁

¹ ဒီးယွၤစံးဘၣ်စီၤမိၤရှ့, ယကဒုးဘၣ်ဒံးဖၤရိၤ, ဒီးအဲၤ ကူပတူးလၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်အလီၢ် ခံကပျၢ်သုဖဲအံၤလီၤ. တုၤအပျၢ်သုဒီး, ကဟီထီၣ်ကွံာ် သုဖဲအံၤတုၤအလၢာ်သပှၢ်တၢၢ်လီၤ. ² ကတိၤတၢ်လၢ ပှၤဂီၢ်မုၢ်အနၢ်ပူၤတက့ၢ်. ဒီးပှၤပိာ်မုၣ်မ့ၢ်ဂ့ၤ, ပှၤပိာ်ခွါ မ့ၢ်ဂ့ၤ, ကဃ့စ့အကယၢကယဲ, ဒီးထူအကယၢကယဲ, လၢပှၤအိၣ်ဝဲလၢအဃၢၤစုာ်စုာ်လီၤ.

³ ဒီးယွၤဟ့ၣ်ပှၤဂီၢ်မုၢ် လၢတၢ်ဘျုးတၢ်ဖှိၣ်လၢပှၤအဲၤ ကူပတူးဖိအမဲာ်ညါလီၤ. လၢန့ၣ်အမဲာ်ညါစီၤမိၤရှ့တ ဂၤန့ၣ်, မ့ၢ်ပှၤဒိၣ်မးလၢကီၢ်အဲၤကူပတူးအပူၤ, လၢဖၤ ရိၤအခ့အပှၤအမဲာ်ညါ, ဒီးလၢပှၤဂီၢ်မုၢ်အမဲာ်ညါလီၤ. ⁴ ဒီးစီၤမိၤရှ့စံးဝဲဒၣ်, ယွၤစံးဝဲဒ်အံၤ, မုၢ်နၤဖးဖီမုၢ်ဃၣ်ဃၣ်ယကဟးထီၣ်ဆူ အဲၤကူပတူးအသးကံၢ်ပူၤလီၤ,―

⁵ ဒီးကယဲၢ်ပှၤအဝဲၢ်ကိလၢအဲၤကူပတူးအပူၤကသံဝဲ, လၢ ဖၤရိၤအဖိဝဲၢ်ကိ လၢအဆ့ၣ်နီၤလၢ လီၢ်ပစိာ်အဖီခိၣ်, တုၤလီၤလၢကုၢ်ပိာ်မုၣ် လၢအအိၣ်ဝဲလၢဆၢၣ်ဂူာ်အချၢ ဃံ, ဒီးဆၣ်ဖိကီၢ်ဖိအဒၢအဖိဝဲၢ်ကိခဲလၢာ်လီၤ.

⁶ ဒီးတၢ်ကိးပသူဖးဒိၣ် ကအိၣ်ထီၣ်လၢကီၢ်အဲၤကူပ တူးဒီဘ့ၣ်ညါအပူၤလီၤ. တၢ်ဒ်န့ၣ်တအိၣ်တ့ၢ်ဘၣ်. ဒီး တၢ်ဒ်န့ၣ်တအိၣ်လၢၤဘၣ်လီၤ.

⁷ မ့မ့ၢ်ထီဒါပှၤအံၣ်စရ့လးဖိ, ပှၤကညီမ့ၢ်ဂ့ၤ, ဆၣ်ဖိ ကီၢ်ဖိအဒၢမ့ၢ်ဂ့ၤ, ထွံၣ်တဒုတဝးထီၣ်ဘၣ်အပျ့ၤဘၣ်, ဒ်သိးကသုကသ့ၣ်ညါလၢ ယွၤမၤလီၤဆီပှၤအံၣ်စရ့လး ဖိဒီးပှၤအဲၤကူပတူးဖိန့ၣ်လီၤ.

⁸ ဒီးနခ့နပှၤခဲလၢာ်ကဟဲလီၤဆူယအိၣ်, ဒီးကတီၤလီၤ ကဒွံကျိာ်လၢယမဲာ်ညါဒီးစံး, ဟးထီၣ်, ဒီးပှၤဂီၢ်မုၢ် လၢအပိာ်နခံခဲလၢာ်တက့ၢ်. ဒီးတၢ်န့ၣ်အလီၢ်ခံ ယက ဟးထီၣ်ကွံာ်လီၤ. ဒီးဟးထီၣ်ဝဲလၢအသးထီၣ်ကဲၤထီၣ် လၢဖၤရိၤအအိၣ်လီၤ.

⁹ ဒီးယွၤစံးဘၣ်စီၤမိၤရှ့, ဖၤရိၤတကနၣ်ဘၣ်သုကလုၢ် ဒ်သိးယတၢ်လီၤလးကအါထီၣ်လၢ ကီၢ်အဲၤကူပတူး အပူၤလီၤ.

¹⁰ ဒီးစီၤမိၤရှ့ဒီးစီၤအၤဟရိၣ် မၤတၢ်လီၤလးခဲလၢာ်တ ဖၣ်န့ၣ် လၢဖၤရိၤအမဲာ်ညါ, ဒီးယွၤဒုးဆူၣ်ထီၣ်ဖၤရိၤ အသး, ဒီးတပျၢ်ကွံာ်ဘၣ်ပှၤအံၣ်စရ့လးဖိလၢအကီၢ် ဘၣ်လီၤ.

၁၂

¹ ဒီးယွၤစံးဘၣ်စီၤမိၤရှ့, ဒီးစီၤအၤဟရိၣ်လၢကီၢ်အဲၤကူ ပတူးအပူၤ, ဒီးစံးဝဲဒၣ်, ² လါတလါအံၤကကဲထီၣ်လါ တဖၣ်အခိၣ်, လါအခီၣ်ထံးလၢနံၣ်အပူၤလၢသုဂီၢ်လီၤ.

³ ကတိၤတၢ်ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်, ဒီးစံး, လါအံၤထီၣ်ဆံဆဲၣ်နံၤတနံၤန့ၣ်, ပှၤဘၣ်ဟံးန့ၢ် လၢသိဒီးမဲာ်တဲးလဲးအကျါ, အဖိလၢအဂီၢ်, တဂၤအ ဖိတဒု, တဂၤအဖိတဒု, ဒ်အပၢ်အဟံၣ်အသိး, အဖိ တဒုလၢ ဟံၣ်တဖျၢၣ်အဂီၢ်လီၤ. ⁴ ဒီးပှၤဟံၣ်ဖိမ့ၢ်စှၤ ကဲာ်ဆိးလၢတၢ်အဖိတဒုအဂီၢ်ဒီး, မ်အဝဲဒၣ်ဒီးပှၤလၢ အအိၣ်ဘူးဒီးအဟံၣ်န့ၣ်, ဟံးန့ၢ်ဒ်ပှၤကညီအသးအသိး န့ၣ်တက့ၢ်. သုဘၣ်ဂံၢ်ပှၤဒ်အအီၣ်လၢအီၣ်တၢ်အသိး န့ၣ်လၢတၢ်အဖိအဂီၢ်ကိးဂၤဒဲးလီၤ. ⁵ သုတၢ်အဖိတဒု ဘၣ်မ့ၢ်အလၢအပှဲၤ, အဖါ, တနံၣ်အဖိလီၤ. လၢသိ တဖၣ်အကျါမ့ၢ်ဂ့ၤ, လၢမဲာ်တဲးလဲးတဖၣ်အကျါမ့ၢ်ဂ့ၤ, သုဘၣ်ဟံးန့ၢ်အီၤလီၤ. ⁶ ဒီးသုဘၣ်ပၢၤအီၤတုၤလၢလါ ထီၣ် တဆံလွံၢ်နံၤတနံၤလၢလါတလါဃီန့ၣ်လီၤ. ဒီး အံၣ်စရ့လးအပှၤဂီၢ်မုၢ်ခဲလၢာ်အတၢ်အိၣ်ဖှိၣ်န့ၣ်ဘၣ်မၤ သံအီၤလၢမုၢ်ဟါလီၤခံတီၤအဘၢၣ်စၢၤန့ၣ်လီၤ.

⁷ ဒီးဘၣ်ဟံးန့ၢ်အသွံၣ်တနီၤ ဒီးပာ်ဝဲလၢကျဲစၢၤအ ထူၣ်လိၤခံခီ, ဒီးလၢကျဲစၢၤအခိၣ်ပိာ်လိၤ, လၢဟံၣ်တ ဖၣ်ဖဲအကအီၣ်အီၤလီၤ. ⁸ ဒီးတၢ်လၢမုၢ်နၤန့ၣ်ကဘၣ် အီၣ်အညၣ်ကၣ်လၢမ့ၣ်အူ, ဒီးကိၣ်တအိၣ်ဘၣ်ဒီးကိၣ် မံၣ်ဘၣ်, ဒီးဘၣ်အီၣ်ဝဲဒီးတၢ်ဒိးအခၣ်လီၤ. ⁹ အီၣ်အီၤ အသံကစဲာ်တဂ့ၤ. ချီအီၤဒီးထံလ့ၤတက့ၤတဂ့ၤ. ကၣ် အီၤလၢမ့ၣ်အူ, အခိၣ်, ဒီးအခီၣ်, ဒီးတၢ်အိၣ်လၢသအိ အပူၤန့ၣ်တက့ၢ်. ¹⁰ ဒီးဒုးအိၣ်လီၤတဲာ်တုၤမုၢ်ဆ့ၣ်ထီၣ် နီတစဲးတဂ့ၤ. ဒီးတၢ်လၢအအိၣ်လီၤတဲာ်တုၤမုၢ်ဂီၤန့ၣ်, သုဘၣ်ဆူးထီၣ်ကွံာ်အီၤလၢမ့ၣ်အူလီၤ.

¹¹ ဒီးသုဘၣ်အီၣ်အီၤဒ်အံၤ, သုယီၢ်ဒ့ကံၢ်တူာ်အသး, သုခီၣ်ဖံးအိၣ်လၢသုခီၣ်လိၤ, ဒီးသုနီၣ်ထိးဘိလၢသုစု ပူၤလီၤ. ဒီးသုဘၣ်အီၣ်အီၤချ့ချ့လီၤ. မ့ၢ်ဝဲလၢယွၤအ လဲၤကပာ်တၢ်လီၤ.

¹² အဂ့ၢ်ဒ်အံၤ, လၢမုၢ်တနၤအံၤယကလဲၤခီဂာ်ကီၢ်အဲၤ ကူပတူး, ဒီးယကကျီသံကွံာ်ကယဲၢ်တၢ်အဖိဝဲၢ်ကိလၢ ကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ် ဖိအဒၢ, ဒီးထီဒါအဲၤကူပတူးအကစၢ်တဖၣ်ခဲလၢာ်န့ၣ် ယကမၤတၢ်စံၣ်ညီၣ်လီၤ. ယဲဒၣ်အံၤယမ့ၢ်ယွၤလီၤ.

¹³ ဒီးတၢ်သွံၣ်န့ၣ် ကကဲထီၣ်တၢ်ပနီၣ် လၢသုဂီၢ်လၢ ဟံၣ်လိၤဖဲသုအိၣ်လၢအပူၤ, ဒီးတုၤယထံၣ်တၢ်သွံၣ်န့ၣ် ဒီး, ယကလဲၤကပာ်သု, ဒီးတုၤယကျီကွံာ်ကီၢ်အဲၤကူ ပတူးဒီး, တၢ်သံသတြိာ်တဘၣ်ဘၣ်သု လၢတၢ်ဟး ဂီၤအဂီၢ်ဘၣ်လီၤ.

¹⁴ ဒီးတၢ်လၢမုၢ်နံၤအံၤ ကကဲထီၣ်တၢ်သ့ၣ်နီၣ်ထီၣ်က့ၤ တၢ်လၢသုဂီၢ်, ဒီးသုဘၣ်တိၢ်န့ၢ်အီၤလၢတၢ်မၤဘူၣ်ယွၤ လီၤစိၤလီၤဃၣ်လီၤ. သုဘၣ်မၤအီၤလၢတၢ်မၤဘူၣ်လၢ တၢ်မၤလိာ်အထူအယိာ်လီၤ.

¹⁵ နွံနံၤန့ၣ် သုဘၣ်အီၣ်ကိၣ်တအိၣ်ဘၣ်ဒီး ကိၣ်မံၣ် ဘၣ်. မုၢ်ခီၣ်ထံးတနံၤန့ၣ်ဒၣ်လဲာ်သုဘၣ်ပာ်ကွံာ်ကိၣ် မံၣ်လၢသုဟံၣ်ပူၤလီၤ. အဂ့ၢ်ဒ်အံၤ, ပှၤလၢအအီၣ်ကိၣ် အိၣ်ဒီးကိၣ်မံၣ်လၢမုၢ်ခီၣ်ထံးတုၤလၢမုၢ်နွံနံၤတနံၤတဂၤ ဂၤန့ၣ်, ကဘၣ်တၢ်ဒီၣ်တဲာ်ကွံာ်အီၤဒီးအံၣ်စရ့လးလီၤ.

¹⁶ ဒီးလၢမုၢ်ခီၣ်ထံးန့ၣ်တၢ်ကိးဖှိၣ်စီဆှံ, ဒီးလၢမုၢ်နွံနံၤ တနံၤန့ၣ်တၢ်ကိးဖှိၣ်စီဆှံကအိၣ်လၢသုဂီၢ်လီၤ. လၢမုၢ် နံၤတဖၣ်န့ၣ်အတီၢ်ပူၤ သုတဘၣ်မၤတၢ်နီတမံၤဘၣ်. မၤထဲတၢ်လၢကယဲၢ်ပှၤဘၣ်အီၤဧိၤလီၤ. ဘၣ်မၤထဲန့ၣ် ဧိၤလီၤ.

¹⁷ ဒီးသုဘၣ်တိၢ်န့ၢ် ဘူၣ်ကိၣ်တအိၣ်ဘၣ်ဒီး ကိၣ်မံၣ် လီၤ. အဂ့ၢ်ဒ်အံၤ, တၢ်လၢမုၢ်တနံၤအံၤဒၣ်လဲာ်ယဒုး ဟးထီၣ်ကွံာ်သုသုးမုၢ်တဖၣ်လၢကီၢ်အဲၤကူပတူးအပူၤ, ဒီးသုဘၣ်တိၢ်န့ၢ် မုၢ်တနံၤအံၤလၢ သုစၢၤသုသွဲၣ်လၢ တၢ်မၤလိာ်အထူအယိာ်လီၤ.

¹⁸ လၢလါအခီၣ်ထံးတခါန့ၣ် လါထီၣ်တဆံလွံၢ်နံၤတ နံၤလၢမုၢ်ဟါ, သုဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်, တုၤလၢလါထီၣ်ခံဆံတနံၤလၢမုၢ်ဟါန့ၣ်လီၤ.

¹⁹ နွံနံၤအတီၢ်ပူၤကိၣ်မံၣ်န့ၣ် တဘၣ်အိၣ်လၢသုဟံၣ်ပူၤ ဘၣ်. အဂ့ၢ်ဒ်အံၤ, ကယဲၢ်ပှၤလၢအအီၣ်တၢ်အိၣ်ဒီးကိၣ် မံၣ်တဂၤလၢ်လၢ်န့ၣ်, ပှၤတခီဘီတခီမုၢ်ဖိမ့ၢ်ဂ့ၤ, ပှၤ အိၣ်ဖျဲၣ်လၢကီၢ်ပူၤမ့ၢ်ဂ့ၤ, အဝဲဒၣ်ကဘၣ်တၢ်ဒီၣ်တဲာ် ကွံာ်အီၤလၢအံၣ်စရ့လးအတၢ်အိၣ်ဖှိၣ်န့ၣ်လီၤ. ²⁰ တၢ် အိၣ်ဒီးကိၣ်မံၣ်န့ၣ်သုတဘၣ်အီၣ်နီတမံၤဘၣ်. သုဘၣ် အီၣ်ကိၣ်တအိၣ်ဘၣ်ဒီး ကိၣ်မံၣ်လၢသုအိၣ်သုဆိးအ လီၢ်ကိးပူၤဒဲးလီၤ.

²¹ ဒီးစီၤမိၤရှ့ကိးန့ၢ်ပှၤအံၣ်စရ့လးဖိ အသူၣ်က့သးပှၢ်ခဲ လၢာ်ဒီးစံးဘၣ်အီၤ, မိၤထီၣ်ဒီးဟံးန့ၢ်တၢ်အဖိလၢသိဒီး မဲာ်တဲးလဲးအကျါ, ဒ်သုဒူၣ်တဖၣ်အသိးန့ၣ်, ဒီးမၤသံ တၢ်လဲၤကပာ်တက့ၢ်. ²² ဒီးသုဘၣ်ဟံးန့ၢ်ကဖျီၣ်အ့စိး တကဒိၣ်, ဒီးဘျၢလၢတၢ်သွံၣ်လၢအအိၣ်လၢသလၢပူၤ, ဒီးတီၢ်ကျဲစၢၤခိၣ်ပိာ်လိၤ, ဒီးကျဲစၢၤအထူၣ်ခံခီလၢတၢ် သွံၣ်အိၣ်လၢသလၢပူၤလီၤ. ဒီးပှၤတဘၣ်ဟးထီၣ်လၢ အဟံၣ်အကျဲစၢၤတုၤလၢမုၢ်ဂီၤနီတဂၤဘၣ်. ²³ ဒီးယွၤ ကလဲၤခီဂာ်တၢ်ဒ်သိးအကကျီကွံာ် ပှၤအဲၤကူပတူးဖိ, ဒီးတုၤအထံၣ်တၢ်သွံၣ်လၢကျဲစၢၤခိၣ်ပိာ်လိၤ ဒီးလၢကျဲ စၢၤအထူၣ်ခံခီအလိၤဒီး, ကလဲၤကပာ်ကျဲစၢၤန့ၣ်, ဒီး တဟ့ၣ်တၢ်မၤဟးဂီၤလဲၤနုာ်လၢသုဟံၣ်ပူၤ ဒ်သိးအက ကျီကွံာ်တၢ်ဘၣ်လီၤ.

²⁴ ဒီးသုဘၣ်တိၢ်န့ၢ်တၢ်တမံၤန့ၣ် လၢတၢ်အလုၢ်အလၢ် လၢနဂီၢ်ဒီးလၢနဖိနလံၤအဂီၢ်လီၤထူလီၤယိာ်လီၤ. ²⁵ ဒီး တၢ်ကမၤအသးတုၤသုတုၤ လၢကီၢ်တဘ့ၣ်လၢယွၤက ဟ့ၣ်လီၤသု, ဒ်အစံးတၢ်အသိးဒီး, သုဘၣ်တိၢ်န့ၢ်တၢ် မၤအံၤလီၤ.

²⁶ ဒီးတၢ်ကမၤအသး တုၤသုဖိသုလံၤစံးလၢသု, သုမၤ တၢ်အံၤမ့ၢ်ဒ်လဲၣ်, ²⁷ သုဘၣ်စံး, အဝဲအံၤမ့ၢ်ယွၤအတၢ် လဲၤကပာ်အတၢ်လုၢ်လီၤ. အဂ့ၢ်ဒ်အံၤ, တုၤအကျီကွံာ် ပှၤအဲၤကူပတူးဖိဒီး, လဲၤကပာ်ပှၤအံၣ်စရ့လးဖိအဟံၣ် တဖၣ်လၢအဲၤကူပတူးအပူၤ, ဒီးမၤပူၤမၤဖျဲးပဟံၣ်တဖၣ် လီၤ. ဒီးပှၤဂီၢ်မုၢ်ဆုးလီၤအခိၣ်, ဒီးဘူၣ်တၢ်ဘါတၢ်လီၤ.

²⁸ ဒီးပှၤအံၣ်စရ့လးဖိလဲၤမၤတၢ် ဒ်ယွၤမၤလိာ်စီၤမိၤရှ့ ဒီးစီၤအၤဟရိၣ်အသိးန့ၣ်, မၤဝဲဒ်န့ၣ်လီၤ.

²⁹ ဒီးတၢ်မၤအသးလၢမုၢ်နၤဖးဖီမုၢ်န့ၣ်, ယွၤကျီသံကွံာ် ကယဲၢ်တၢ်အဖိဝဲၢ်ကိ အိၣ်လၢကီၢ်အဲၤကူပတူးအပူၤ, လၢဖၤရိၤလၢအဆ့ၣ်နီၤလၢလီၢ်ပစိာ်အဖီခိၣ်အဖိဝဲၢ်ကိ, ပၢၢ်လၢပှၤဘၣ်တၢ်ဖီၣ်န့ၢ်အီၤ အိၣ်လၢဃိာ်အတပူၤအ ဖိဝဲၢ်ကိ, ဒီးကယဲၢ်ဆၣ်ဖိကီၢ်ဖိအဒၢအဖိဝဲၢ်ကိခဲလၢာ် လီၤ.

³⁰ ဒီးဖၤရိၤဂဲၤဆၢထၢၣ်လၢမုၢ်နၤ, အဝဲဒၣ်, ဒီးအခ့အ ပှၤခဲလၢာ်, ဒီးပှၤအဲၤကူပတူးဖိခဲလၢာ်, ဒီးတၢ်ကိးပ သူထီၣ်ဖးဒိၣ်အိၣ်ဝဲလၢအဲၤကူပတူးအပူၤလီၤ. အဂ့ၢ်ဒ် အံၤ, ဟံၣ်လၢပှၤသံတဂၤတအိၣ်ဘၣ်လၢအပူၤဘၣ်န့ၣ်, တအိၣ်ဘၣ်နီတဟံၣ်ဘၣ်.

³¹ ဒီးကိးက့ၤစီၤမိၤရှ့ဒီးစီၤအၤဟရိၣ်လၢမုၢ်နၤ, ဒီးစံးဝဲ ဒၣ်, ဂဲၤဆၢထၢၣ်, ဟးထီၣ်ကွံာ်လၢယပှၤဂီၢ်မုၢ်အကျါ, သုဝဲမ့ၢ်ဂ့ၤ, ပှၤအံၣ်စရ့လးဖိမ့ၢ်ဂ့ၤ, ဒီးလဲၤမၤယွၤအတၢ် ဒ်သုစံးတ့ၢ်အသိးန့ၣ်တက့ၢ်. ³² ဒီးဟံးန့ၢ်သုသိဒီးမဲာ်တဲး လဲး, ဒီးသုဂီၤဘုၣ်ဂီၤဖံး, ဒ်သုစံးတ့ၢ်အသိးန့ၣ်, ဒီး ဟးထီၣ်ကွံာ်, ဒီးဆိၣ်ဂ့ၤစ့ၢ်ကီးယၤတက့ၢ်.

³³ ဒီးပှၤအဲၤကူပတူးဖိ မၤဆူၣ်ပှၤဂီၢ်မုၢ်ဒ်သိး အကဒုး ဟးထီၣ်ကွံာ်အီၤချ့ချ့လၢကီၢ်ပူၤန့ၣ်လီၤ. အဂ့ၢ်ဒ်အံၤ, စံးဝဲဒၣ်, ပမ့ၢ်ပှၤသံခဲလၢာ်လီၤ.

³⁴ ဒီးပှၤဂီၢ်မုၢ်ဟံးန့ၢ်အကိၣ်သံကစဲာ် လၢအတချုးမၤ ဒံးဘၣ်လၢကိၣ်မံၣ်ဘၣ်, ဒီးဘိၣ်ကိၣ်အကျိးတဖၣ်လၢ အယၣ်ပူၤလၢအဖံဘၣ်ခိၣ်န့ၣ်လီၤ.

³⁵ ဒီးပှၤအံၣ်စရ့လးဖိမၤဝဲဒ် စီၤမိၤရှ့အကလုၢ်အသိး, ဒီးဃ့ကယၢစ့, ဒီးကယၢထူ, ဒီးအကူအသိးလၢပှၤ အဲၤကူပတူးဖိလီၤ. ³⁶ ဒီးယွၤဟ့ၣ်ပှၤဂီၢ်မုၢ်လၢတၢ်ဘျုး တၢ်ဖှိၣ်လၢပှၤအဲၤကူပတူးဖိအမဲာ်ညါ, သတးဒီး, အ ဝဲသ့ၣ်ဒုးဟံးန့ၢ်အီၤလၢတၢ်လၢအဃ့ဝဲလီၤ. ဒီးဂုာ်န့ၢ် ပှၤအဲၤကူပတူးဖိအတၢ်လီၤ.

³⁷ ဒီးပှၤအံၣ်စရ့လးဖိ လဲၤတၢ်လၢဝ့ၢ်ရၤမစ့ ပၢၢ်လၢစူး ကိၤသးလီၤ. ဒီးလၢဖိဒံဖိသၣ်အမဲာ်ညါန့ၣ်ပှၤကညီပိာ် ခွါလၢအလဲၤလၢအခီၣ်အိၣ်ဝဲဃုကလီၢ်ဃၣ်ဃၣ်လီၤ.

³⁸ ဒီးပှၤဃါဃုာ်ဂီၢ်မုၢ်လဲၤထီၣ်စ့ၢ်ကီးဒီးအီၤ, ဒီးသိဒီး မဲာ်တဲးလဲး, ဒီးဂီၤဘုၣ်ဂီၤဖံးတဖၣ်, ဒီးဆၣ်ဖိကီၢ်ဖိအ ဒၢအါအါကလဲာ်လီၤ.

³⁹ ဒီးသၣ်ဘၢကိၣ်ဒီဘ့ၣ် လၢအတအိၣ်ဘၣ်ဒီးကိၣ်မံၣ် လၢကိၣ်အသံကစဲာ်လၢအဟဲစိာ်လၢအဲၤကူပတူးအပူၤ လီၤ. မ့ၢ်အဘၣ်တၢ်ဟီထီၣ်ကွံာ်အီၤ လၢအဲၤကူပတူး ဒီးအိၣ်ဝဲတသ့ဘၣ်ဒီး, တကတဲာ်ကတီၤဘၣ်တၢ်အီၣ် လၢအဂီၢ်ဘၣ်.

⁴⁰ ဒီးပှၤအံၣ်စရ့လးဖိအအိၣ်အဆိး လၢအအိၣ်ဝဲဆိးဝဲ လၢအဲၤကူပတူးအပူၤန့ၣ်, မ့ၢ်အနံၣ်လွံၢ်ကယၤသၢဆံ လီၤ. ⁴¹ ဒီးလၢအနံၣ်လွံၢ်ကယၤသၢဆံအကတၢၢ်န့ၣ်, တၢ်မၤအသးလၢမုၢ်တနံၤဒၣ်ဝဲန့ၣ် ယွၤအသုးမုၢ်ခဲလၢာ် ဟးထီၣ်ဝဲလၢကီၢ်အဲၤကူပတူးအပူၤလီၤ.

⁴² မ့ၢ်မုၢ်နၤဘၣ်ဃးဒီး တၢ်တိၢ်န့ၢ်လၢယွၤအဂီၢ်လၢအ ဒုးဟးထီၣ်အီၤ လၢကီၢ်အဲၤကူပတူးအပူၤအဃိန့ၣ်လီၤ. တၢ်လၢမုၢ်နၤအံၤ ပှၤဘၣ်တိၢ်န့ၢ်အီၤလၢယွၤအဂီၢ်လၢ ကယဲၢ်ပှၤအံၣ်စရ့လးဖိ လီၤလၢအစၢၤအသွဲၣ်ခဲလၢာ် လီၤ.

⁴³ ဒီးယွၤစံးဘၣ်စီၤမိၤရှ့ ဒီးစီၤအၤဟရိၣ်, အဝဲအံၤမ့ၢ် တၢ်လဲၤကပာ်အလုၢ်အလၢ်လီၤ. ပှၤတခီဘီတခီမုၢ်ဖိ တအီၣ်ဘၣ်ဝဲဘၣ်. ⁴⁴ ဒီးကယဲၢ်ပှၤအကုၢ်အပှၤလၢနပှ့ၤ ဒီးစ့တဂၤလၢ်လၢ်န့ၣ်တုၤနကူးတရံးအီၤဝံၤဒီး, ကအီၣ် ဘၣ်ဝဲလီၤ. ⁴⁵ မ့မ့ၢ်ပှၤအိၣ်တမှံၤ, ဒီးပှၤလၢအဒိးလဲအ သးတဂၤန့ၣ်တဘၣ်အီၣ်ဘၣ်လၢအီၤဘၣ်.

⁴⁶ ကဘၣ်တၢ်အီၣ်အီၤလၢ ဟံၣ်တဖျၢၣ်ဃီလီၤ. နတ ဘၣ်ဒုးစိာ်ဘၣ်အညၣ်လၢဟံၣ်ပူၤဆူခိဘၣ်, ဒီးသုတ ဘၣ်မၤကၢ်အဃံဘၣ်. ⁴⁷ ကယဲၢ်အံၣ်စရ့လးအတၢ်အိၣ် ဖှိၣ်ဘၣ်တိၢ်န့ၢ်အီၤလီၤ. ⁴⁸ ဒီးတုၤပှၤတခီဘီမုၢ်ဖိ အိၣ်ဝဲဆိးဝဲဒီးနၤဒီးကတိၢ်န့ၢ်တၢ်လဲၤကပာ်လၢယွၤအဂီၢ်ဒီး, မ်အပိာ်ခွါဒိးတၢ်ကူးတရံးကိးဂၤဒဲးတက့ၢ်. တုၤနုၤတစု ကဟဲဘူးဒၣ်ဝဲဒ်သိးအကတိၢ်န့ၢ်တက့ၢ်. ဒီးကကဲထီၣ်ဝဲဒ် ပှၤလၢအအိၣ်ဖျဲၣ်လၢ ကီၢ်ပူၤအသိးန့ၣ်လီၤ. ဒီးပှၤလၢအတဒိးဘၣ်တၢ်ကူးတရံးန့ၣ် တဘၣ်အီၣ်ဘၣ်နီတဂၤဘၣ်.―

⁴⁹ ပှၤလၢအအိၣ်ဖျဲၣ်လၢကီၢ်ပူၤ, ဒီးပှၤတခီဘီမုၢ်ဖိလၢအ အိၣ်အဆိးလၢသုကျါန့ၣ်, ကအိၣ်ဒီးတၢ်သိၣ်တၢ်သီ တမံၤဃီလီၤ.

⁵⁰ ဒီးပှၤအံၣ်စရ့လးဖိခဲလၢာ် မၤဝဲဒ်ယွၤမၤလိာ်စီၤမိၤရှ့ ဒီးစီၤအၤဟရိၣ်အသိးန့ၣ်, မၤဝဲဒ်န့ၣ်လီၤ.

⁵¹ ဒီးတၢ်မၤအသးလၢမုၢ်နံၤတနံၤဃီန့ၣ်, ယွၤဒုးဟး ထီၣ်ပှၤအံၣ်စရ့လးဖိ လၢအသုးမုၢ်တဖၣ်လၢကီၢ်အဲၤ ကူပတူးအပူၤလီၤ.

၁၃

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ပာ်စီဆှံက ယဲၢ်ဖိဝဲၢ်ကိခဲလၢာ်လၢယဂီၢ်တက့ၢ်. ² ကယဲၢ်တၢ်လၢ အအိးထီၣ်ဆိတၢ်အဒၢလီၢ်လၢပှၤအံၣ်စရ့လးဖိအကျါ, ပှၤကညီမ့ၢ်ဂ့ၤ, ဆၣ်ဖိကီၢ်ဖိအဒၢမ့ၢ်ဂ့ၤ, မ့ၢ်ယတၢ်လီၤ.

³ ဒီးစီၤမိၤရှ့စံးဘၣ်ပှၤဂီၢ်မုၢ်, သ့ၣ်နီၣ်ထီၣ်က့ၤမုၢ်တနံၤ အံၤလၢသုဟးထီၣ်လၢကီၢ်အဲၤကူပတူး လၢပှၤကုၢ်ဖိ အဟံၣ်ပူၤန့ၣ်တက့ၢ်. အဂ့ၢ်ဒ်အံၤ, ယွၤဒုးဟးထီၣ်ကွံာ် သုလၢအလီၢ်အံၤလၢအစုဆူၣ်လီၤ. ကိၣ်အိၣ်ဒီးကိၣ်မံၣ် န့ၣ်အီၣ်အီၤတဂ့ၤ.

⁴ တၢ်လၢမုၢ်တနံၤအံၤ သုဟးထီၣ်လၢ လါအၤဘံာ် အပူၤလီၤ.

⁵ ဒီးတုၤယွၤကဒုးဟဲနုာ်နၤ လၢပှၤကနၤဧၣ်ဖိ, ဒီးပှၤ ဃ့ၤသးဖိ, ဒီးပှၤအမိၢ်ဖိ, ဒီးပှၤဃံၤဝံဖိ, ဒီးပှၤယဘူၣ် ဖိသ့ၣ်တဖၣ်အကီၢ်ပူၤ လၢအဆိၣ်လီၤအသးဒီးနပၢ်တ ဖၣ်လၢအကဟ့ၣ်လီၤနၤ, ကီၢ်တဘ့ၣ်လၢအယွၤဝဲဒီး တၢ်နုၢ်ထံဒီးကနဲစီန့ၣ်ဒီး, တၢ်ကမၤအသးလၢသုဘၣ် မၤတၢ်မၤအံၤလၢလါတလါအံၤအပူၤလီၤ.

⁶ နဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်နွံနံၤ, ဒီးနွံ နံၤတနံၤန့ၣ်ကအိၣ်ဒီးတၢ်မၤဘူၣ်လၢယွၤလီၤ. ⁷ ပှၤဘၣ် အီၣ်ကိၣ်တအိၣ်ဘၣ်ဒီးကိၣ်မံၣ်နွံနံၤ, ဒီးမ်ကိၣ်အိၣ်ဒီး ကိၣ်မံၣ်န့ၣ်သုတအိၣ်ဒီးနၤတဂ့ၤ. ဒီးမ်တၢ်သုတထံၣ် ဘၣ်ကိၣ်မံၣ်န့ၣ်ဒီးနၤလၢနလီၢ်တဖၣ်နီတပူၤတဂ့ၤ.

⁸ ဒီးတၢ်လၢမုၢ်နံၤန့ၣ်, နဘၣ်ဒုးနဲၣ်နဖိခွါဒီးစံး, မ့ၢ် တၢ်လၢယွၤမၤယၤလၢယဟဲထီၣ်လၢအဲၤကူပတူးအဂ့ၢ် လီၤ. ⁹ ဒီးကကဲထီၣ်တၢ်အပနီၣ်လၢနစုလိၤ, ဒီးတၢ် သ့ၣ်နီၣ်ထီၣ်က့ၤလၢနမဲာ်အဘၢၣ်စၢၤ, ဒ်သိးယွၤအတၢ် သိၣ်တၢ်သီကအိၣ်လၢနထးခိၣ်လီၤ. အဂ့ၢ်ဒ်အံၤ, ယွၤ ဒုးဟဲထီၣ်နၤလၢအဲၤကူပတူးအပူၤဒီးအစုဆူၣ်လီၤ.

¹⁰ ဒီးနဘၣ်တိၢ်န့ၢ်တၢ်အလုၢ်အလၢ်အံၤ လၢအဆၢအ ကတီၢ်ဒၣ်ဝဲတနံၣ်ဘၣ်တနံၣ်လီၤ.

¹¹ ဒီးတုၤယွၤကဒုးဟဲထီၣ်နၤဆူ ပှၤကနၤဧၣ်ဖိအကီၢ် ပူၤ, ဒ်အဆိၣ်လီၤအသးဒီးနၤဒီးနပၢ်တဖၣ်အသိးန့ၣ်, ဒီးကဟ့ၣ်လီၤနၤလၢအီၤဒီး, ¹² တၢ်ကမၤအသးလၢန ဘၣ်ပာ် ကယဲၢ်ဖိလၢအအိးထီၣ်ဆိတၢ်ဒၢလီၢ်, ဒီးက ယဲၢ်ဖိဝဲၢ်ကိလၢအဟဲထီၣ် လၢဆၣ်ဖိကီၢ်ဖိလၢအအိၣ် ဒီးနၤအကျါန့ၣ်, လၢယွၤအဂီၢ်လီၤ. အဖါတဖၣ်မ့ၢ် ယွၤအတၢ်လီၤ.

¹³ ဒီးကယဲၢ် ကသ့ၣ်ယီၤအဖိဝဲၢ်ကိတဒုလၢ်လၢ်န့ၣ်, န ဘၣ်ပှ့ၤဒီးသိဖိတဒုလီၤ. ဒီးနမ့ၢ်တပှ့ၤဘၣ်အီၤဒီး, န ဘၣ်မၤကၢ်အကိာ်လီၤ. ကယဲၢ်ပှၤကညီအဖိဝဲၢ်ကိလၢ နဖိတဖၣ်အကျါန့ၣ်, နဘၣ်ပှ့ၤအီၤလီၤ.

¹⁴ ဒီးတုၤနဖိခွါကသံကွၢ်နၤခဲကိာ်န့ၣ်ဒီးစံးတၢ်အံၤမ့ၢ်မ နုၤလဲၣ်ဒီး, တၢ်ကမၤအသးလၢနဘၣ်စံးဘၣ်အီၤ, ယွၤ ဒုးဟဲထီၣ်ပှၤလၢ အဲၤကူပတူးအပူၤ လၢပှၤကုၢ်ဖိအ ဟံၣ်ပူၤ, လၢအစုဆူၣ်လီၤ.

¹⁵ ဒီးတုၤဖၤရိၤပာ်ကီအသး ဒ်သိးအသုတပျၢ်ပှၤတဂ့ၤ ဒီး, တၢ်မၤအသးလၢယွၤမၤသံကယဲၢ်ဖိဝဲၢ်ကိလၢကီၢ် အဲၤကူပတူးအပူၤလၢပှၤကညီအဖိဝဲၢ်ကိ ပၢၢ်လၢဆၣ် ဖိကီၢ်ဖိအဖိဝဲၢ်ကိလီၤ. မၤသးဒ်န့ၣ်ဒီး ယလုၢ်ယွၤလၢ ကယဲၢ်တၢ်အဖါလၢအအိးထီၣ်ဆိတၢ်ဒၢလီၢ်လီၤ. မ့မ့ၢ် ကယဲၢ်ဖိဝဲၢ်ကိလၢယဖိခွါအကျါန့ၣ်ယပှ့ၤအီၤလီၤ.

¹⁶ ဒီးကကဲထီၣ်ဝဲလၢတၢ်ပနီၣ်လၢနစုလိၤလီၤ. ဒီးတၢ် ကွဲးပနီၣ်လၢနမဲာ်အဘၢၣ်စၢၤလီၤ. အဂ့ၢ်ဒ်အံၤ, ယွၤ ဒုးဟးထီၣ်ပှၤလၢကီၢ်အဲၤကူပတူးအပူၤ, လၢအစုဆူၣ် လီၤ.

¹⁷ ဒီးတုၤဖၤရိၤပျၢ်ပှၤဂီၢ်မုၢ်ဒီး, တၢ်မၤအသးလၢပှၤဖလ့ ၡသးဖိအကီၢ်အိၣ်ဘူးဘၣ်ဆၣ်ဒီး, ယွၤတဆှၢဘၣ်အီၤ လၢကီၢ်န့ၣ်အကျဲဘၣ်. အဂ့ၢ်ဒ်အံၤ, ယွၤစံးဝဲဒၣ်, တုၤ ပှၤဂီၢ်မုၢ်ထံၣ်ဘၣ်တၢ်ဒုးတၢ်ယၤဒီး, ကပီၢ်ယၢ်လီၤက့ၤ ဘၣ်ဖုးအသး, ဒီးကက့ၤကဒါက့ၤဆူအဲၤကူပတူးလီၤ.

¹⁸ ဒီးယွၤဆှၢတရံးပှၤဂီၢ်မုၢ်လၢကျဲ လၢပှၢ်မုၢ်ကနၢဘၣ် ဃးဒီးပီၣ်လဲၣ်ဂီၤလီၤ. ဒီးပှၤအံၣ်စရ့လးဖိ ဟးထီၣ်က တဲာ်ကတီၤအသးလၢ ကီၢ်အဲၤကူပတူးအပူၤလီၤ.

¹⁹ ဒီးစီၤမိၤရှ့ဟံးန့ၢ်စီၤယိၤသးအဃံဒီးအီၤလီၤ. အဂ့ၢ်ဒ် အံၤ, အဝဲဒၣ်ဒုးဆိၣ်လီၤ ပှၤအံၣ်စရ့လးဖိအသးသပှၢ် ပှၢ်, ဒီးစံးဝဲဒၣ်, ယွၤကဟဲအိၣ်သကိးသုသပှၢ်တၢၢ်ဒီး သုဘၣ်စိာ်ထီၣ်ကွံာ်ယဃံဒီးသုဖဲအံၤလီၤ.

²⁰ ဒီးဟးထီၣ်ဝဲလၢစူးကိၤသးန့ၣ်, ဒီးသူၣ်အဒဲလၢအ့ သၣ်အလီၢ်လၢပှၢ်မုၢ်ကနၢအဃၢၤန့ၣ်လီၤ.

²¹ ဒီးလၢမုၢ်ဆါခီန့ၣ် ယွၤလဲၤလၢအမဲာ်ညါ လၢတၢ် အၢၣ်အထူၣ်ဒ်သိးအကဆှၢအီၤလၢကျဲပူၤ, ဒီးလၢမုၢ်နၤ န့ၣ်လၢမ့ၣ်အူအထူၣ် ဒ်သိးအကဒုးကပီၤထီၣ်အီၤန့ၣ်, လၢအကလဲၤတၢ်လၢမုၢ်ဆါဒီးလၢမုၢ်နၤအဂီၢ်လီၤ.

²² ဒီးတၢ်အၢၣ်အထူၣ်လၢမုၢ်ဆါခီမ့ၢ်ဂ့ၤ, မ့ၣ်အူအထူၣ် လၢမုၢ်နၤမ့ၢ်ဂ့ၤ, တဟံးထီၣ်ကွံာ်ဘၣ်ဝဲလၢပှၤဂီၢ်မုၢ်အ မဲာ်ညါဘၣ်.

၁၄

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― စံးဘၣ်ပှၤ အံၣ်စရ့လးဖိဒ်သိးအကဃၣ်အသးဒီး သူၣ်အဒဲလၢပံၤ ဟဃံရိးအမဲာ်ညါ, လၢမံးကဒိးလးဒီးပီၣ်လဲၣ်အဘၢၣ် စၢၤ, လၢဘဧၤလးစဖိၣ်အမဲာ်ညါန့ၣ်တက့ၢ်, သုဘၣ် သူၣ်ဒဲသဃီၤဒီးအီၤလၢပီၣ်လဲၣ်နံၤန့ၣ်လီၤ.

³ အဂ့ၢ်ဒ်အံၤ, ဖၤရိၤကစံးလၢပှၤအံၣ်စရ့လးဖိအဂ့ၢ်န့ၣ်, အဝဲသ့ၣ်တဖၣ်အိၣ်သဘံၣ်ဘုၣ်လၢကီၢ်ပူၤလံ. ပှၢ်မုၢ်က နၢန့ၣ်ကးတံာ်ဃာ်အခံလီၤ. ⁴ ဒီးယကဒုးဆူၣ်ထီၣ်ဖၤ ရိၤအသး, ဒီးကလူၤအီၤ, ဒီးယကဘၣ်တၢ်လၤကပီၤလၢ ဖၤရိၤအဃိ, ဒီးလၢအသုးမုၢ်ခဲလၢာ်အဃိ, ဒီးပှၤအဲၤကူ ပတူးဖိကသ့ၣ်ညါလၢယမ့ၢ်ယွၤလီၤ. ဒီးမၤဝဲဒ်န့ၣ်လီၤ.

⁵ ဒီးပှၤဒုးနဲၣ်ဖၤရိၤလၢပှၤဂီၢ်မုၢ်ဃ့ၢ်လံ, ဒီးဖၤရိၤအသး ဒီးအခ့အပှၤအသးထီဒါပှၤဂီၢ်မုၢ်, ဒီးစံးဝဲဒၣ်, ဘၣ်မ နုၤလၢပမၤတၢ်အံၤ, လၢပပျၢ်ပှၤအံၣ်စရ့လးဖိလၢအမၤ ပတၢ်န့ၣ်လဲၣ်.

⁶ ဒီးအဝဲဒၣ်ကတီၤအလ့ၣ်ကဟၣ်, ဒီးဟံးန့ၢ်အပှၤဂီၢ် မုၢ်ဒီးအီၤလီၤ. ⁷ ဒီးဟံးန့ၢ်လ့ၣ်ကဟၣ်လၢအဘၣ်ဃုထၢ အီၤဃုကယၤ, ဒီးကယဲၢ်အဲၤကူပတူးအလ့ၣ်ကဟၣ်, ဒီးပှၤအခိၣ်လၢကိးဆိဒဲးအဖီခိၣ်လီၤ.

⁸ ဒီးယွၤဒုးဆူၣ်ထီၣ် အဲၤကူပတူးအစီၤပၤဖၤရိၤအသး, ဒီးအဝဲဒၣ်လူၤပှၤအံၣ်စရ့လးဖိလီၤ. ဒီးပှၤအံၣ်စရ့လးဖိ ဟးထီၣ်ဒီးအစုယူာ်ထီၣ်ထီလီၤ.

⁹ ဒီးပှၤအဲၤကူပတူးဖိလူၤအီၤ, ကယဲၢ်ဖၤရိၤအကသ့ၣ်, အလ့ၣ်ကဟၣ်, ဒီးအပှၤဒိးကသ့ၣ်, ဒီးအသုးမုၢ်ခဲ လၢာ်ဒီးချုးန့ၢ်အီၤအိၣ်သူၣ်အဒဲလၢပီၣ်လဲၣ်နံၤ, လၢပံၤ ဟဃံရိးအဃၢၤလၢဘဧၤလးစဖိၣ်အမဲာ်ညါလီၤ. ¹⁰ ဒီးတုၤဖၤရိၤဟဲဘူးဒီး, ပှၤအံၣ်စရ့းလးဖိ ကျ့ထီၣ်အမဲာ်ဒီး, ကွၢ်ကွၢ်, ပှၤအဲၤကူပတူးဖိဟဲပိာ်အခံလီၤ. ဒီးပျံၤတၢ်ဒိၣ်မးလီၤ. ဒီးပှၤအံၣ်စရ့လးဖိကိးထီၣ်ယွၤလီၤ.― ¹¹ ဒီးစံးဘၣ်စီၤမိၤရှ့, လၢသွၣ်ခိၣ်တဖၣ်တအိၣ်ဘၣ်လၢအဲၤကူပတူးအပူၤဒီးနဟဲစိာ်ကွံာ်ပှၤ ဒ်သိးပကသံလၢပှၢ်မုၢ်ကနၢစ့ၢ်ကီးဧါ. ဘၣ်မနုၤလၢနမၤပှၤလၢတၢ်အံၤ, လၢနဒုးဟးထီၣ်ပှၤလၢ အဲၤကူပတူးအပူၤ န့ၣ်လဲၣ်.―

¹² တၢ်ကတိၤလၢပစံးဘၣ်နၤလၢ အဲၤကူပတူးန့ၣ် မ့ၢ်အ အံၤ, ပစံး, ဒုးအိၣ်ဒၣ်ပှၤတက့ၢ်. ဒီးပကမၤပှၤအဲၤကူ ပတူးဖိအတၢ်န့ၣ်, တမ့ၢ်ဘၣ်ဧါ. အဂ့ၢ်ဒ်အံၤ, ပမၤပှၤ အဲၤကူပတူးဖိအတၢ်န့ၣ်, ဂ့ၤန့ၢ်ပသံလၢပှၢ်မုၢ်ကနၢအံၤ တက့ၢ်လီၤ.

¹³ ဒီးစီၤမိၤရှ့စံးဘၣ်ပှၤဂီၢ်မုၢ်န့ၣ်, ပျံၤတဂ့ၤ, အိၣ်ဂၢၢ်ဆိး ကျၢၤ, ဒီးထံၣ်ဘၣ်ယွၤအတၢ်အုၣ်က့ၤခီၣ်က့ၤလၢအက မၤန့ၢ်သုလၢမုၢ်မဆါတနံၤအံၤတက့ၢ်. အဂ့ၢ်ဒ်အံၤ, ပှၤ အဲၤကူပတူးဖိတဖၣ်လၢသုထံၣ်ဘၣ်လၢ မုၢ်မဆါတနံၤ အံၤ, စိၤရီၤသုတထံၣ်ကဒီးလၢၤဘၣ်အီၤဘၣ်. ¹⁴ ယွၤ ကဒုးတၢ်လၢသုဂီၢ်, ဒီးသုကဘၣ်အိၣ်ဘှီၣ်ကလာ်လီၤ.

¹⁵ ဒီးယွၤစံးဘၣ်စီၤမိၤရှ့, နကိးထီၣ်ယၤဘၣ်မနုၤလဲၣ်. စံးဘၣ်ပှၤအံၣ်စရ့လးဖိ ဒ်သိးအကလဲၤတၢ်ဆူညါတ က့ၢ်. ¹⁶ ဒီးနဲဒၣ်အံၤယူာ်ထီၣ်နနီၣ်ထိးဘိ, ဒီးယူာ်ဃီၤနစု လၢပီၣ်လဲၣ်အဖီခိၣ်, ဒီးမၤသ့ၣ်ဖးအီၤတက့ၢ်. ဒီးပှၤအံၣ် စရ့လးဖိကလဲၤလၢခိလၢပီၣ်လဲၣ်အသးကံၢ်ပူၤန့ၣ်လီၤ.

¹⁷ ဒီးယဲဒၣ်အံၤ, ကွၢ်ကွၢ်, ယကဒုးဆူၣ်ထီၣ်ပှၤအဲၤကူ ပတူးဖိအသး, ဒီးကပိာ်ထီၣ်အခံလီၤ. ဒီးယကဒိးန့ၢ် တၢ်လၤကပီၤလၢဖၤရိၤအဃိ, ဒီးလၢအသုးမုၢ်ခဲလၢာ် အဃိ, ဒီးလၢအလ့ၣ်ကဟၣ်တဖၣ်အဃိ, ဒီးလၢအပှၤ ဒိးကသ့ၣ်တဖၣ်အဃိလီၤ. ¹⁸ ဒီးတုၤယဒိးတၢ်လၤကပီၤ လၢဖၤရိၤအဃိ, လၢအလ့ၣ်ကဟၣ်အဃိ, ဒီးလၢအ ပှၤဒိးကသ့ၣ်အဃိဒီး, ပှၤအဲၤကူပတူးဖိကသ့ၣ်ညါလၢ ယမ့ၢ်ယွၤလီၤ.

¹⁹ ဒီးယွၤအကလူးလၢ အလဲၤလၢအံၣ်စရ့လးသူၣ်ဒဲအ လီၢ်အမဲာ်ညါန့ၣ်ဟဲလၢအလီၢ်ခံ, ဒီးတၢ်အၢၣ်အထူၣ် သုးအလီၢ်လၢအမဲာ်ညါ, ဒီးဆၢထၢၣ်လၢအလီၢ်ခံလီၤ.

²⁰ ဒီးဟဲဝဲလၢပှၤအဲၤကူပတူးဖိသူၣ်ဒဲအလီၢ်ဒီး အံၣ်စရ့ လးသူၣ်ဒဲအလီၢ်အဘၢၣ်စၢၤ, ဒီးမ့ၢ်တၢ်အၢၣ်ဒီးတၢ်ခံး ဘၣ်ဆၣ်ဒီး, ကပီၤထီၣ်လၢမုၢ်နၤလီၤ. ဒီးတဖုတဟဲ ဘူးဒီးအဝဲတဖုသီတနၤကျၢၤဘၣ်လီၤ.

²¹ ဒီးစီၤမိၤရှ့ယူာ်ဃီၤအစုလၢပီၣ်လဲၣ်အဖီခိၣ်, ဒီးယွၤ ဒုးလဲၤကွံာ်ပီၣ်လဲၣ်လၢကလံၤဆူၣ် လၢမုၢ်ထီၣ်တခီသီ တနၤကျၢၤ, ဒီးဒုးကဲထီၣ်ပီၣ်လဲၣ်လၢခိ, ဒီးထံန့ၣ်လီၤ ဖးဝဲလီၤ. ²² ဒီးပှၤအံၣ်စရ့လးဖိလဲၤလီၤဆူပီၣ်လဲၣ်အသး ကံၢ်ပူၤလၢခိ, ဒီးထံန့ၣ်ကဲထီၣ်အဒူၣ်လၢအစုထွဲဒီးလၢ အစုစ့ၣ်လၢအဂီၢ်လီၤ.

²³ ဒီးပှၤအဲၤကူပတူးဖိတဖၣ်လူၤအီၤ, ဒီးလဲၤနုာ်ထွဲအခံ ဆူပီၣ်လဲၣ်အသးကံၢ်ပူၤ, ကယဲၢ်ဖၤရိၤအကသ့ၣ်, ဒီး အလ့ၣ်ကဟၣ်, ဒီးအပှၤဒိးကသ့ၣ်ခဲလၢာ်လီၤ.

²⁴ ဒီးတၢ်မၤအသးလၢ ပှၤခိးတၢ်အကတီၢ် လၢမုၢ်ဂီၤ တတီၤန့ၣ်ယွၤကွၢ် ပှၤအဲၤကူပတူးဖိအသုးမုၢ်လၢမ့ၣ်အူ ဒီးတၢ်အၢၣ်အထူၣ်န့ၣ် ဒီးမၤတံာ်တာ်ပှၤအဲၤကူပတူး ဖိအသုးမုၢ်, ²⁵ ဒီးမၤဖျုကွံာ်အလ့ၣ်ကဟၣ်အပၣ်, ဒီးဒုး လဲၤအီၤဘုးတာ်, ဘုးတာ်ဒီးပှၤအဲၤကူပတူးဖိစံးဝဲဒၣ်, ဃ့ၢ်ကွံာ်သကိးလၢအံၣ်စရ့လးအမဲာ်ညါတက့ၢ်. အဂ့ၢ် ဒ်အံၤ, ယွၤဒုးတၢ်လၢအဂီၢ်ထီဒါပှၤအဲၤကူပတူးဖိလီၤ.

²⁶ ဒီးယွၤစံးဘၣ်စီၤမိၤရှ့, ယူာ်ဃီၤနစုလၢပီၣ်လဲၣ်အဖီ ခိၣ်, ဒ်သိးထံကဟဲက့ၤကဒါက့ၤလၢပှၤအဲၤကူပတူးဖိ အဖီခိၣ်, လၢအလ့ၣ်ကဟၣ်အဖီခိၣ်, ဒီးလၢအပှၤဒိး ကသ့ၣ်အဖီခိၣ်န့ၣ်တက့ၢ်.

²⁷ ဒီးစီၤမိၤရှ့ယူာ်ဃီၤအစုလၢပီၣ်လဲၣ်အဖီခိၣ်, ဒီးတုၤ မုၢ်ဆ့ၣ်ထီၣ်န့ၣ်ဒီး, ပီၣ်လဲၣ်ဟဲက့ၤကဒါက့ၤလၢအဂံၢ် အဘါ, ဒီးပှၤအဲၤကူပတူးဖိဃ့ၢ်ဝဲလၢအမဲာ်ညါ, ဒီး ယွၤတြုၤကွံာ်ပှၤအဲၤကူပတူးဖိလၢ ပီၣ်လဲၣ်အသးကံၢ် ပူၤန့ၣ်လီၤ.

²⁸ ဒီးထံန့ၣ်ဟဲက့ၤကဒါက့ၤ ဒီးမၤဘံးမၤဘၢ လ့ၣ်က ဟၣ်, ဒီးပှၤဒိးကသ့ၣ်, ကယဲၢ်ဖၤရိၤအသုးမုၢ်ခဲလၢာ် လၢအဟဲပိာ်အခံဆူ ပီၣ်လဲၣ်ပူၤန့ၣ်လီၤ. တအိၣ်လီၤ တဲာ်ဘၣ်နီတဂၤဘၣ်. ²⁹ မ့မ့ၢ်ပှၤအံၣ်စရ့လးဖိလဲၤတၢ် လၢခိလၢပီၣ်လဲၣ်အသးကံၢ်ပူၤ, ဒီးထံန့ၣ်ကဲထီၣ်တၢ် အဒူၣ်လၢအစုထွဲဒီးလၢအစုစ့ၣ်လၢအဂီၢ်လီၤ.

³⁰ ဒီးလၢမုၢ်တနံၤန့ၣ် ယွၤအုၣ်က့ၤခီၣ်က့ၤအံၣ်စရ့လး လၢပှၤအဲၤကူပတူးဖိအစုပူၤလီၤ. ဒီးအံၣ်စရ့လးထံၣ် ဘၣ်ပှၤအဲၤကူပတူးဖိသံလၢပီၣ်လဲၣ်နံၤန့ၣ်လီၤ.

³¹ ဒီးအံၣ်စရ့လးထံၣ်ဘၣ် တၢ်မၤဖးဒိၣ်လၢယွၤမၤပှၤ အဲၤကူပတူးဖိ, ဒီးပှၤဂီၢ်မုၢ်ပျံၤယွၤ, ဒီးစူၢ်က့ၤနာ်က့ၤ ယွၤ, ဒီးအခ့အပှၤစီၤမိၤရှ့လီၤ.

၁၅

¹ တုၤနုၤတစုစီၤမိၤရှ့ဒီး ပှၤအံၣ်စရ့လးဖိသးဝံၣ်တၢ်သး ဝံၣ်အံၤလၢယွၤအဂ့ၢ်, ဒီးကတိၤတၢ်ဒီးစံးဝဲဒၣ်, ယက သးဝံၣ်ထီၣ်ယွၤ, မ့ၢ်အကဟုဒိၣ်အကညီၢ်ဒိၣ်အဂ့ၢ်, က သ့ၣ်ဒီးပှၤဒိးကသ့ၣ်န့ၣ်, တ့ၢ်လီၤကွံာ်လၢပီၣ်လဲၣ်ပူၤ လီၤ.

² ယဂံၢ်ယဘါဒီးယတၢ်သးဝံၣ်မ့ၢ်ယွၤ, ဒီးကဲထီၣ်ဝဲလၢတၢ်အုၣ်က့ၤခီၣ်က့ၤယၤ, အဝဲဒၣ်န့ၣ်မ့ၢ်ယကစၢ်, ဒီးယကစံးထီၣ်ပတြၢၤအီၤ, မ့ၢ်ယပၢ်တဖၣ်အကစၢ်, ဒီးယကပာ်ထီၣ်ထီအီၤလီၤ.

³ ယွၤမ့ၢ်ပှၤဒုးသုး, အမံၤမ့ၢ်ယွၤလီၤ.

⁴ ကွံာ်တ့ၢ်ကွံာ် ဖၤရိၤအလ့ၣ်ကဟၣ်, ဒီးအသုးမုၢ်လၢပီၣ်လဲၣ်ပူၤ, ဒီးအသုးဖိအခိၣ် လၢအဘၣ်ဃုထၢအီၤတဖၣ်လီၤအုးသံလၢပီၣ်လဲၣ်ဂီၤပူၤလီၤ.

⁵ တၢ်ယိာ်အထံမၤဘံးမၤဘၢအီၤ, လီၤဒးဝဲဒ်လၢၢ်အသိးန့ၣ်လီၤ.

⁶ နစုထွဲ, ယွၤဧၢ, အိၣ်ဒီးအကဟုကညီၢ်လၢတၢ်အစိအကမီၤ, နစုထွဲ, ယွၤဧၢ, မၤသဘှံးအဒုၣ်အဒါ,

⁷ ဒီးနမၤဟးဂီၤကွံာ်ပှၤလၢအထီဒါနၤလၢနကဟုကညီၢ်အဒိၣ်အထီလီၤ. နမၢလီၤနတၢ်သးထီၣ်, ဒီးအီၣ်ကွံာ်အီၤဒ်လီၢ်ဧိၤဒံးဧိၤအသိးန့ၣ်လီၤ.

⁸ ဒီးထံအိၣ်ဖှိၣ်နနါဒ့အူသဖှိတၢ်, ထံတဖၣ်ဆၢထၢၣ်ဒ်တၢ်စိထီၣ်အသိး, တၢ်ယိာ်အထံလီၤသကၤလၢပီၣ်လဲၣ်အသးကံၢ်ပူၤလီၤ.

⁹ တၢ်အဒုၣ်အဒါစံး, ယကလူၤအီၤ, ယကချုးန့ၢ်အီၤ, ယကနီၤဖးတၢ်ဂုာ်ဆူၣ်န့ၢ်, ယသးကမံလၢအဂ့ၢ်, ယကဘ့ၣ်ထီၣ်ယနး, ယစုကမၤဟးဂီၤကွံာ်အီၤလီၤ.

¹⁰ နအူတၢ်လၢနကလံၤ, ပီၣ်လဲၣ်မၤဘံးမၤဘၢအီၤ, လီၤဒးဝဲဒ်ပှာ်သူအသိးလၢထံဖးဒိၣ်အပူၤလီၤ.

¹¹ ယွၤဧၢ, မ့ၢ်မတၤလီၤဂာ်နၤလၢကစၢ်တဖၣ်အကျါတ ဂၤလဲၣ်. မ့ၢ်မတၤလီၤဂာ်နၤအိၣ်ဒီးတၢ်လၤကပီၤ လၢ တၢ်စီဆှံ, လၢပှၤစံးထီၣ်ပတြၢၤလၢတၢ်ပျံၤတၢ်ဖုး, လၢအမၤတၢ်လီၤလးတဂၤလဲၣ်.

¹² နယူာ်ထီၣ်နစုထွဲ, ဟီၣ်ခိၣ်ယူၢ်လီၤကွံာ်အီၤ,

¹³ နမိၤပှၤဂီၢ်မုၢ်လၢနပှ့ၤက့ၤလၢနဘျုးနဖှိၣ်, နဆှၢအီၤလၢနဂံၢ်နဘါဆူနအိၣ်နဆိးအလီၢ်စီဆှံလီၤ.

¹⁴ ပှၤဂီၢ်မုၢ်ကနၢ်ဟူ, ကပျံၤဝဲ, တၢ်သးအုးကဟံးဃာ်ပှၤဖလ့ၡသးဖိ,

¹⁵ တုၤနုၤတစုကီၢ်အဒိၣ်အစကီၤတဖၣ်ကမၢကမၣ်, မိၤအးအပဒိၣ်တဖၣ်တၢ်ကနိးကစုာ်ဟံးဃာ်အီၤ, ပှၤကနၤဧၣ်ဖိပှံၢ်လီၤကွံာ်ခဲလၢာ်လီၤ.

¹⁶ တၢ်ပျံၤတၢ်ဖုးလီၤဘၣ်အီၤ, အိၣ်ဂၢၢ်ဒ်လၢၢ်အသိးလၢနစုအတၢ်ဒိၣ်အဃိ, တုၤနပှၤဂီၢ်မုၢ်ခီဂာ်တၢ်, ယွၤဧၢ, တုၤပှၤဂီၢ်မုၢ်လၢနပှ့ၤတ့ၢ်အီၤခီဂာ်တၢ်လီၤ.

¹⁷ နကဒုးဟဲနုာ်အီၤ, ဒီးသူၣ်လီၤအီၤလၢနတၢ်န့ၢ်သါအကစၢၢ်လိၤ, ဖဲနပာ်လၢနအိၣ်နဆိးအလီၢ်, ယွၤဧၢ, တၢ်အလီၢ်စီဆှံ, ကစၢ်ဧၢ, လၢနစုကတဲာ်ကတီၤလီၤ.

¹⁸ ယွၤကကဲစီၤပၤအစိၤစိၤအဃၣ်ဃၣ်လီၤ.

¹⁹ အဂ့ၢ်ဒ်အံၤ, ဖၤရိၤအကသ့ၣ်လဲၤနုာ်ဒီး အလ့ၣ်က ဟၣ်, ဒီးအပှၤဒိးကသ့ၣ်ဆူပီၣ်လဲၣ်ပူၤ, ဒီးယွၤဒုးဟဲ က့ၤကဒီးပီၣ်လဲၣ်ထံလၢအဖီခိၣ်လီၤ. မ့မ့ၢ်ပှၤအံၣ်စရ့ လးဖိလဲၤလၢခိလၢပီၣ်လဲၣ်အသးကံၢ်ပူၤန့ၣ်လီၤ.

²⁰ ဒီးဝံပိာ်မုၣ်, စီၤအၤဟရိၣ်အဒီပုၢ်ဝဲၢ်မုၣ်, နီၢ်မံးရယၣ် ဟံးန့ၢ်ဒၢတဖျၢၣ်လၢအစုပူၤ, ဒီးပိာ်မုၣ်ခဲလၢာ်လဲၤပိာ် ထီၣ်အခံအိၣ်ဒီးဒၢဒီးတၢ်ဂဲၤကလံၣ်တဖၣ်လီၤ.

²¹ ဒီးနီၢ်မံးရယၣ်စံးဆၢအီၤ, သးဝံၣ်ထီၣ်ယွၤတက့ၢ်. မ့ၢ်အကဟုဒိၣ်အကညီၢ်ဒိၣ်အဂ့ၢ်, ကသ့ၣ်ဒီးပှၤဒိးကသ့ၣ်န့ၣ်တ့ၢ်လီၤကွံာ်လၢပီၣ်လဲၣ်ပူၤလီၤ.

²² ဒီးစီၤမိၤရှ့ဒုးဟးထီၣ် ပှၤအံၣ်စရ့လးဖိလၢ ပီၣ်လဲၣ် ဂီၤ, ဒီးလဲၤဝဲဆူပှၢ်မုၢ်ကနၢရှူၢ်, ဒီးလဲၤဝဲသၢနံၤကျဲလၢ ပှၢ်မုၢ်ကနၢဒီးတထံၣ်န့ၢ်ဘၣ်ထံဧိၤနိဧိၤဘၣ်.

²³ ဒီးတုၤအတုၤဝဲလၢမၤရၤဒီး, အီမၤရၤအထံန့ၣ်တကဲ ဘၣ်, အဂ့ၢ်ဒ်အံၤ, ခၣ်ဝဲလီၤ. မၤသးဒ်န့ၣ်ဒီးကိးဝဲအ မံၤလၢမၤရၤလီၤ.

²⁴ ဒီးပှၤဂီၢ်မုၢ်ကဒူးကဒ့ၣ်တၢ်လၢ စီၤမိၤရှ့အလိၤ, ဒီး စံးဝဲဒၣ်, ပကအီမနုၤလဲၣ်.

²⁵ ဒီးစီၤမိၤရှ့ကိးထီၣ်ယွၤ, ဒီးယွၤဒုးနဲၣ်အီၤလၢသ့ၣ်တ ထံးလီၤ. ဒီးတ့ၢ်လီၤဝဲလၢထံကျါဒီးထံဘျါထီၣ်ဝဲလီၤ. ဖဲန့ၣ်ပာ်တၢ်သိၣ်တၢ်သီ, ဒီးတၢ်စံၣ်ညီၣ်လၢအဂီၢ်, ဒီး ဖဲန့ၣ်မၤကွၢ်အီၤလီၤ.

²⁶ ဒီးစံးဝဲဒၣ်, နမ့ၢ်ကနၣ်ယွၤနကစၢ်အကလုၢ် သပှၢ် တၢၢ်, ဒီးမၤတၢ်တီတၢ်လိၤလၢအမဲာ်ညါ, ဒီးပာ်နၢ်ဟူ နနၢ်လၢအတၢ်မၤလိာ်, ဒီးတိၢ်န့ၢ်ဖံးဃာ်အတၢ်သိၣ် တၢ်သီခဲလၢာ်ဒီး, တၢ်ဆူးတၢ်ဆါလၢယဒုးဘၣ်ပှၤအဲၤ ကူပတူးဖိန့ၣ်ယတပာ်ဘၣ်လၢနလိၤနီတမံၤဘၣ်. အဂ့ၢ်ဒ်အံၤ, ယမ့ၢ်ယွၤလၢအမၤဘျါက့ၤနၤလီၤ.

²⁷ ဒီးဟဲတုၤလၢအ့လံၣ်, ဖဲထံပူၤတဆံခံပူၤဒီးသ့ၣ်စူၣ် ပလိၣ်အိၣ်အထံးနွံဆံ, ဒီးသူၣ်အဒဲလၢထံအဃၢၤလီၤ.

၁၆

¹ ဒီးဟးထီၣ်ဝဲလၢအ့လံၣ်, ဒီးလၢလါခံလါတလါထီၣ် တဆံယဲၢ်နံၤတနံၤလၢအဟးထီၣ်ကွံာ် လၢကီၢ်အဲၤကူ ပတူးအလီၢ်ခံန့ၣ်, ပှၤအံၣ်စရ့လးဖိ အတၢ်အိၣ်ဖှိၣ်ခဲ လၢာ်ဟဲတုၤလၢပှၢ်မုၢ်ကနၢစံၤ လၢအအိၣ်လၢအ့လံၣ် ဒီးစံၤနါအဘၢၣ်စၢၤလီၤ.

² ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ် ကဒူးကဒ့ၣ် တၢ်လၢစီၤမိၤရှ့ဒီးစီၤအၤဟရိၣ်အလိၤ လၢပှၢ်မုၢ်ကနၢ အပူၤန့ၣ်လီၤ. ³ ဒီးပှၤအံၣ်စရ့လးဖိစံးဘၣ်အီၤ, လၢပ ဆ့ၣ်နီၤလၢတၢ်ညၣ်အသပၢၤအဃၢၤ, လၢပအီၣ်ကိၣ် ဘျဲးအီၣ်န့ၣ်, မ်ပသံတ့ၢ်လၢယွၤအစုလၢ ကီၢ်အဲၤကူပ တူးအပူၤန့ၣ်တက့ၢ်. အဂ့ၢ်ဒ်အံၤ, သုဒုးဟဲထီၣ်ပှၤလၢ ပှၢ်မုၢ်ကနၢအံၤ, ဒ်သိးသုကဒုးသံတၢ်အိၣ်ဖှိၣ်ခဲလၢာ် အံၤလၢတၢ်သၣ်ဝံၤလီၤဒိလီၤ.

⁴ ဒီးယွၤစံးဘၣ်စီၤမိၤရှ့, ကွၢ်ကွၢ်, ယကဒုးဟဲစူၤကိၣ် လၢမူခိၣ်လၢသုဂီၢ်, ဒီးပှၤဂီၢ်မုၢ်ကလဲၤထၢထီၣ်တနံၤ အတၢ်အီၣ်လၢအဂီၢ်ဒၣ်ဝဲ, တနံၤလၢအဂီၢ်ဒၣ်ဝဲလီၤ. က လဲၤလၢယတၢ်သိၣ်တၢ်သီအပူၤ တလဲၤဘၣ်လဲၣ်န့ၣ်, ဒ်သိးယကမၤကွၢ်အီၤလီၤ.

⁵ ဒီးဃုနံၤတနံၤန့ၣ် တၢ်ကမၤအသးလၢအဝဲသ့ၣ်တ ဖၣ်ဘၣ်ကတဲာ်ကတီၤတၢ် လၢအဟဲက့ၤစိာ်ဝဲ, ဒီးက အိၣ်အါန့ၢ်အထၢထီၣ်တနံၤတနံၤန့ၣ်ခံစးလီၤ.

⁶ ဒီးစီၤမိၤရှ့ဒီးစီၤအၤဟရိၣ် စံးဘၣ်ပှၤအံၣ်စရ့လးဖိခဲ လၢာ်, ခဲမုၢ်ဟါန့ၣ်သုကသ့ၣ်ညါလၢယွၤဒုးဟးထီၣ်သု လၢကီၢ်အဲၤကူပတူးအပူၤလီၤ. ⁷ ဒီးမုၢ်ဆ့ၣ်ထီၣ်န့ၣ်သု ကထံၣ်ဘၣ်ယွၤအလၤကပီၤ, လၢအနၢ်ဟူသုကဒူးက ဒ့ၣ်တၢ်လၢယွၤအလိၤအဃိလီၤ. ဒီးလၢသုကဒူးကဒ့ၣ် တၢ်လၢပလိၤအံၤ, ပဝဲဒၣ်ပမ့ၢ်မတၤတဖၣ်လဲၣ်.

⁸ ဒီးစီၤမိၤရှ့စံးဝဲဒၣ်, ခဲမုၢ်ဟါယွၤကဟ့ၣ်သုလၢတၢ် ညၣ်လၢသုကအီၣ်တၢ်အဂီၢ်, ဒီးမုၢ်ဆ့ၣ်ထီၣ်န့ၣ်ကိၣ် လၢသုကအီၣ်ဘျဲးအီၣ်တၢ်အဂီၢ်, လၢယွၤနၢ်ဟူသုက ဒူးကဒ့ၣ်တၢ်, လၢသုကဒူးကဒ့ၣ်ဘၣ်အီၤအဃိလီၤ. ဒီး ပဝဲဒၣ်တဖၣ်အံၤပမ့ၢ်မတၤတဖၣ်လဲၣ်. သုကဒူးကဒ့ၣ် တၢ်န့ၣ်ဘၣ်ပှၤတမ့ၢ်ဘၣ်, မ့ၢ်အဘၣ်ယွၤတခီလီၤ.

⁹ ဒီးစီၤမိၤရှ့စံးဘၣ်စီၤအၤဟရိၣ်, စံးဘၣ်ပှၤအံၣ်စရ့လး ဖိအတၢ်အိၣ်ဖှိၣ်ခဲလၢာ်, သုးဘူးသုသးဆူယွၤအမဲာ် ညါတက့ၢ်. အဂ့ၢ်ဒ်အံၤ, သုကဒူးကဒ့ၣ်တၢ်န့ၣ်နၢ်ဟူ လံဝဲလံ.

¹⁰ ဒီးတၢ်မၤအသးလၢ စီၤအၤဟရိၣ် ကတိၤတၢ်ဒီးပှၤ အံၣ်စရ့လးဖိအတၢ်အိၣ်ဖှိၣ်ခဲလၢာ်အဖၢမုၢ်န့ၣ်ဒီး, အဝဲ သ့ၣ်တဖၣ်န့ၣ်ကွၢ်ဝဲဆူပှၢ်မုၢ်ကနၢ, ဒီးကွၢ်ကွၢ်, ယွၤအ လၤအကပီၤအိၣ်ဖျါထီၣ်လၢတၢ်အၢၣ်အလိၤန့ၣ်လီၤ. ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်, ¹¹ ပှၤအံၣ်စ ရ့လးဖိကဒူးကဒ့ၣ်တၢ်န့ၣ်ယနၢ်ဟူလံ. ကတိၤတၢ်ဒီး အီၤဒီးစံး, ခဲမုၢ်ဟါန့ၣ်သုကအီၣ်တၢ်ညၣ်, ဒီးမုၢ်ဆ့ၣ် ထီၣ်န့ၣ်သုကအီၣ်ဘျဲးအီၣ်ကိၣ်လီၤ. ဒီးသုကသ့ၣ်ညါ လၢယမ့ၢ်ယွၤသုကစၢ်လီၤ.

¹³ ဒီးတၢ်မၤအသးလၢမုၢ်ဟါန့ၣ် ထိၣ်ဘှၢၣ်ဟဲထီၣ်ဒီး မၤဘံးမၤဘၢသူၣ်ဒဲအလီၢ်, ဒီးလၢမုၢ်ဆ့ၣ်ထီၣ်န့ၣ်ပစီၤ ထံအိၣ်ဝးတရံးသူၣ်ဒဲအလီၢ်လီၤ. ¹⁴ ဒီးတုၤပစီၤထံလၢ အလီၤတ့ၢ်န့ၣ်ဟးထီၣ်ဒီးကွၢ်ကွၢ်, တၢ်ဖျၢၣ်သလၢာ်ပြံ သဒံအိၣ်ဝဲလၢပှၢ်မုၢ်ကနၢအလိၤ, ဒ်ပစီၤထံလီၤသကၤ လၢဟီၣ်ခိၣ်အဖီခိၣ်အသိးန့ၣ်လီၤ.

¹⁵ ဒီးတုၤပှၤအံၣ်စရ့လးဖိထံၣ်ဘၣ်ဒီး, စံးဝဲတဂၤဒီးတ ဂၤ, အဝဲအံၤမ့ၢ်မနုၤလဲၣ်. အဂ့ၢ်ဒ်အံၤ, မ့ၢ်မနုၤမနုၤန့ၣ် တသ့ၣ်ညါဘၣ်ဝဲဘၣ်. ဒီးစီၤမိၤရှ့စံးဘၣ်အီၤ, အဝဲအံၤ မ့ၢ်ကိၣ်လၢယွၤဟ့ၣ်လီၤလၢသုအီၣ်တၢ်အဂီၢ်လီၤ.

¹⁶ ဒီးအအံၤမ့ၢ်တၢ်လၢယွၤမၤလိာ်, ထၢထီၣ်န့ၢ်ကိးဂၤဒဲး ဒ်အအီၣ်လၢအီၣ်တၢ်အသိး, တဂၤအဂီၢ်တဧိၤမ့ၢ်, တ ဂၤအဂီၢ်တဧိၤမ့ၢ်န့ၣ်စုာ်စုာ်တက့ၢ်. ဟံးန့ၢ်တၢ်ဒ်တၢ်ဂံၢ် ပှၤအိၣ်လၢအဒဲပူၤအသိးစုာ်စုာ်တက့ၢ်.

¹⁷ ဒီးပှၤအံၣ်စရ့လးဖိမၤဝဲဒ်န့ၣ်, ဒီးထၢထီၣ်န့ၢ်တၢ်အါ တနီၤစှၤတနီၤလီၤ. ¹⁸ ဒီးဃီၣ်ဝဲဒီးဧိၤမ့ၢ်တဖျၢၣ်, ဒီးပှၤ လၢအထၢထီၣ်န့ၢ်တၢ်အါတဂၤန့ၣ် အတၢ်အိၣ်ဘျဲၣ်တ အိၣ်ဘၣ်. ဒီးပှၤလၢအထၢထီၣ်န့ၢ်တၢ်စှၤတဂၤန့ၣ်အ တၢ်တစှၤကဲာ်ဆိးဘၣ်. ပှၤထၢထီၣ်တၢ်ဒ်အထးခိၣ်အ အီၣ်တၢ်အသိးန့ၣ်စုာ်စုာ်လီၤ.

¹⁹ ဒီးစီၤမိၤရှ့စံးဝဲဒၣ်, မ်ပှၤသုတပာ်လီၤတဲာ်လၢအီၤတုၤ မုၢ်ဆ့ၣ်ထီၣ်န့ၣ်တဂ့ၤ, ²⁰ ဒီးတဒိကနၣ်ဘၣ်စီၤမိၤရှ့အ ကလုၢ်ဘၣ်ဒီး, ပှၤတနီၤနီၤလၢအကျါပာ်လီၤတဲာ်ဝဲတုၤ မုၢ်ဆ့ၣ်ထီၣ်, ဒီးလၢၣ်အိၣ်ထီၣ်လၢအပူၤ, ဒီးနၢအုၣ်ဝဲ, ဒီးစီၤမိၤရှ့အသးထီၣ်အီၤလီၤ.

²¹ ဒီးပှၤထၢထီၣ်ကိးဂီၤဒဲး, တဂၤဒ်အထးခိၣ်အီၣ်တၢ် အသိး, တဂၤဒ်အထးခိၣ်အီၣ်တၢ်အသိးန့ၣ်လီၤ. ဒီး တုၤတၢ်ကိၢ်ထီၣ်ဒီး, ပှံၢ်ထီၣ်ဝဲလီၤ.

²² ဒီးဃုနံၤတနံၤန့ၣ် တၢ်မၤအသးလၢပှၤထၢထီၣ်ကိၣ် ခံဧိၤမ့ၢ်လၢတဂၤအဂီၢ်, အါန့ၢ်အလီၢ်ခံစးလီၤ. ဒီးတၢ် အိၣ်ဖှိၣ်အပဒိၣ်ခဲလၢာ်ဟဲစံးဘၣ်စီၤမိၤရှ့န့ၣ်လီၤ.

²³ ဒီးအဝဲဒၣ်စံးဘၣ်အီၤ, အဝဲအံၤမ့ၢ်တၢ်လၢယွၤစံးဝဲ န့ၣ်လီၤ. ခဲဂီၤတနံၤန့ၣ်မ့ၢ်တၢ်အိၣ်ဘှံး, တၢ်အိၣ်ဘှံး အနံၤစီဆှံလၢယွၤအဂီၢ်လီၤ. တၢ်လၢသုကကုၢ်န့ၣ်ကုၢ် တက့ၢ်. ဒီးတၢ်လၢသုကချီန့ၣ်ချီတက့ၢ်, ဒီးတၢ်လၢ အအိၣ်လီၤတဲာ်န့ၣ်ပာ်လၢသုဂီၢ်, ဒ်သိးအကအိၣ်တုၤ မုၢ်ဆ့ၣ်ထီၣ်န့ၣ်တက့ၢ်.

²⁴ ဒီးပာ်ဝဲတုၤမုၢ်ဆ့ၣ်ထီၣ် ဒ်စီၤမိၤရှ့မၤလိာ်ဝဲအသိးန့ၣ်, ဒီးတနၢအုၣ်ဘၣ်, ဒီးလၢၣ်တအိၣ်ဘၣ်လၢအပူၤနီတ ဘိဘၣ်. ²⁵ ဒီးစီၤမိၤရှ့စံးဝဲဒၣ်, အီၣ်တၢ်န့ၣ်လၢမုၢ်မဆါ တနံၤအံၤတက့ၢ်. အဂ့ၢ်ဒ်အံၤ, တၢ်လၢမုၢ်တနံၤအံၤမ့ၢ် လၢတၢ်အိၣ်ဘှံးအနံၤလၢယွၤအဂီၢ်လီၤ. လၢမုၢ်မဆါ တနံၤအံၤသုတထံၣ်န့ၢ်ဘၣ်တၢ်လၢပျီပူၤဘၣ်. ²⁶ သုဘၣ် ထၢထီၣ်အီၤဃုနံၤလီၤ. မ့မ့ၢ်မုၢ်နွံနံၤတနံၤန့ၣ်, တၢ်အိၣ် ဘှံးအနံၤ, တအိၣ်ထီၣ်ဘၣ်လီၤ.

²⁷ ဒီးတၢ်မၤအသးလၢပှၤတနီၤနီၤ လဲၤထီၣ်လၢမုၢ်နွံနံၤ တနံၤ ဒ်သိးအကထၢထီၣ်တၢ်, ဒီးတထံၣ်န့ၢ်ဘၣ်ဝဲ ဘၣ်. ²⁸ ဒီးယွၤစံးဘၣ်စီၤမိၤရှ့, ဒ်သိးသုသုတတိၢ်န့ၣ် ယတၢ်မၤလိာ်ဒီးယတၢ်သိၣ်တၢ်သီတဂ့ၤဒီး, သုကဂ့ၢ် လိာ်ဆံးယံာ်လဲၣ်. ²⁹ ကွၢ်, မ့ၢ်ယွၤဟ့ၣ်လီၤသုလၢအိၣ် ဘှံးအနံၤလီၤ. မၤသးဒ်န့ၣ်ဒီး မုၢ်ဃုနံၤတနံၤန့ၣ်ဟ့ၣ် လီၤသုလၢကိၣ်လၢခံနံၤအဂီၢ်လီၤ. မ်ပှၤအိၣ်လၢအအိၣ် အဆိးအလီၢ်တက့ၢ်. မ်ပှၤသုတဟးထီၣ်လၢအလီၢ်လၢ မုၢ်နွံနံၤတနံၤန့ၣ်နီတဂၤတဂ့ၤ. ³⁰ ဒီးပှၤဂီၢ်မုၢ်အိၣ်ဘှံးဝဲ လၢမုၢ်နွံနံၤတနံၤလီၤ.

³¹ ဒီးပှၤအံၣ်စရ့လးအဟံၣ်ဖိ ကိးတၢ်န့ၣ်အမံၤလၢမၤနၤ လီၤ. ဒီးမၤသးဒ်နၣ်နၣ်အချံအသိး, ဝါဝဲ, ဒီးပအီၣ် ကွၢ်မၤသးဒ်ကိၣ်ဘ့ၣ်ဘၣ်ဒီးကနဲစီအသိးလီၤ.

³² ဒီးစီၤမိၤရှ့စံးဝဲဒၣ်, အဝဲအံၤမ့ၢ်တၢ်လၢယွၤမၤလိာ်ဝဲ, မၤပှဲၤထီၣ် ဧိၤမ့ၢ်တဖျၢၣ်ဒီးအီၤ လၢအကဘၣ်တၢ်ပာ် ဃာ်အီၤလၢသုစၢၤသုသွဲၣ်အဂီၢ်, ဒ်သိးအကထံၣ်ဘၣ် ကိၣ်လၢယဒုးအီၣ်သု လၢပှၢ်မုၢ်ကနၢဖဲယဒုးဟးထီၣ် သုလၢကီၢ်အဲၤကူပတူးအပူၤန့ၣ်တက့ၢ်.

³³ ဒီးစီၤမိၤရှ့စံးဘၣ်စီၤအၤဟရိၣ်, ဟံးန့ၢ်လီခီတဖျၢၣ်, ဒီးဒၢနုာ်မၤနၤတဧိၤမ့ၢ်လၢအပူၤ, ဒီးပာ်အီၤလၢယွၤအ မဲာ်ညါ လၢအကဘၣ်တၢ်ပာ်ဃာ်အီၤ လၢသုစၢၤသု သွဲၣ်အဂီၢ်န့ၣ်တက့ၢ်.

³⁴ ဒ်ယွၤမၤလိာ်စီၤမိၤရှ့အသိးန့ၣ်, စီၤအၤဟရိၣ်ပာ်အီၤ လၢတၢ်အၢၣ်လီၤအီလီၤအမဲာ်ညါ ဒ်သိးအကဘၣ်တၢ် ပာ်ဃာ်အီၤလီၤ.

³⁵ ဒီးပှၤအံၣ်စရ့လးဖိ အီၣ်မၤနၤအနံၣ်လွံၢ်ဆံ တုၤအ တုၤလၢကီၢ်တဘ့ၣ်အိၣ်ဒီးပှၤကညီလီၤ. အီၣ်မၤနၤတုၤ အတုၤလၢကီၢ်ကနၤဧၣ်အဃၢၤန့ၣ်လီၤ.

³⁶ ဒီးဧိၤမ့ၢ်တဖျၢၣ်မ့ၢ်ထဲသိးသိးဒီး အ့ဖးဆံဆဲၣ်ပူတပူ လီၤ.

၁၇

¹ ဒီးကယဲၢ်ပှၤအံၣ်စရ့လးဖိ အတၢ်အိၣ်ဖှိၣ်ခဲလၢာ်ဟး ထီၣ်ဝဲလၢပှၢ်မုၢ်ကနၢစံၤအပူၤ, ဒ်အလဲၤတၢ်အသိး, ဖဲ ယွၤအထးခိၣ်, ဒီးသူၣ်အဒဲလၢရဖံၤဒံၣ်အပူၤလီၤ. ဒီး ထံလၢပှၤဂီၢ်မုၢ်ကအီတၢ်အဂီၢ်န့ၣ်တအိၣ်ဘၣ်.

² ဒီးပှၤဂီၢ်မုၢ် ထိၣ်အ့ၣ်လိာ်အသးဒီးစီၤမိၤရှ့, ဒီးစံးဝဲ ဒၣ်, ဟ့ၣ်လီၤပှၤလၢထံဒ်သိးပကအီတၢ်တက့ၢ်. ဒီး စီၤမိၤရှ့စံးဘၣ်အီၤ, ဘၣ်မနုၤလၢသုထိၣ်အ့ၣ်လိာ်သုသး ဒီးယၤလဲၣ်. သုလ့ပစီယွၤမ့ၢ်အဘၣ်မနုၤလဲၣ် ³ ဒီးတၢ် သူပှၤဂီၢ်မုၢ်အသးလၢထံဖဲန့ၣ်, ဒီးပှၤဂီၢ်မုၢ်ကဒူးကဒ့ၣ် တၢ်လၢစီၤမိၤရှ့အလိၤ, ဒီးစံးဝဲဒၣ်, တၢ်အံၤဘၣ်မနုၤ လၢနဒုးဟးထီၣ်ပှၤလၢအဲၤကူပတူးအပူၤ ဒ်သိးနကဒုး သံပှၤ, ဒီးပဖိပလံၤ, ဒီးပဆၣ်ဖိကီၢ်ဖိအဒၢလၢတၢ်သူ အသးလၢထံန့ၣ်လဲၣ်.

⁴ ဒီးစီၤမိၤရှ့ကိးထီၣ်ယွၤ, ဒီးစံးဝဲဒၣ်, ယကမၤပှၤဂီၢ် မုၢ်အံၤဒ်လဲၣ်. ဘူးဒီးအကကွံာ်ယၤလၢလၢၢ်လီၤ.

⁵ ဒီးယွၤစံးဘၣ်စီၤမိၤရှ့, လဲၤလၢပှၤဂီၢ်မုၢ်အမဲာ်ညါ, ဒီး ဟံးန့ၢ်ပှၤလၢ အံၣ်စရ့လးအသူၣ်က့သးပှၢ်အကျါတ ဖၣ်, ဒီးဟံးန့ၢ်နီၣ်ထိးဘိလၢနတီၢ်ထံမိၢ်ပှၢ်လၢအီၤန့ၣ် လၢနစုပူၤ, ဒီးလဲၤတၢ်တက့ၢ်. ⁶ ကွၢ်ကွၢ်, ယကဆၢ ထၢၣ်လၢနမဲာ်ညါဖဲန့ၣ်, ဖဲလၢၢ်အဖီခိၣ်လၢဃိၤရ့းအ လိၤ, ဒီးနဘၣ်တီၢ်လၢၢ်န့ၣ်, ဒီးထံကဟဲထီၣ်လၢအ ပူၤ, ဒ်သိးပှၤဂီၢ်မုၢ်ကအီတၢ်လီၤ. ဒီးစီၤမိၤရှ့မၤဒ်န့ၣ် လၢအံၣ်စရ့လးအသူၣ်က့သးပှၢ်အမဲာ်ညါလီၤ.

⁷ ဒီးတၢ်အလီၢ်န့ၣ် ကိးဝဲအမံၤလၢမးစၤ, ဒီးမရံၤဘါ, လၢပှၤအံၣ်စရ့လးဖိ အတၢ်ထိၣ်အ့ၣ်လိာ်အသးအဃိ, ဒီးလၢအလ့ပစီယွၤအဃိ, ဖဲအစံး, ယွၤအိၣ်လၢပကျါ, တအိၣ်လဲၣ်န့ၣ်လီၤ.

⁸ ဒီးပှၤဧမၤလ့းဖိ ဟဲဒုးတၢ်ဒီးအံၣ်စရ့လးလၢရဖံၤဒံၣ် အပူၤလီၤ. ⁹ ဒီးစီၤမိၤရှ့စံးဘၣ်စီၤယိၤရှူ, ဃုထၢန့ၢ်ပှၤ ကညီတဖၣ်လၢပဂီၢ်ဒီး လဲၤထီၣ်ဒုးတၢ်ဒီးပှၤဧမၤလ့းဖိ တက့ၢ်, ဒီးခဲဂီၤကိာ်ယကဆၢထၢၣ်လၢတၢ်စိခိၣ်အဖီ ခိၣ်, အိၣ်ဒီးယွၤအနီၣ်ထိးဘိလၢယစုပူၤလီၤ.

¹⁰ ဒီးစီၤယိၤရှူမၤဝဲဒ်စီၤမိၤရှ့စံးဘၣ်အီၤအသိး, ဒီးဒုးတၢ် ဒီးပှၤဧမၤလ့းဖိ, ဒီးစီၤမိၤရှ့, ဒီးစီၤအၤဟရိၣ်, ဒီးစီၤ ဃူၢ်လဲၤထီၣ်ဆူတၢ်စိခိၣ်အဒီခိၣ်န့ၣ်လီၤ. ¹¹ ဒီးတုၤစီၤမိၤ ရှ့ယူာ်ထီၣ်အစုဒီး, တၢ်မၤအသးလၢအံၣ်စရ့လးမၤနၢၤ တၢ်, ဒီးတုၤအယၤလီၤအစုဒီး ပှၤဧမၤလ့းဖိမၤနၢၤတၢ် လီၤ.

¹² ဒီးစီၤမိၤရှ့အစုဃၢဝဲ, ဒီးအဝဲသ့ၣ်တဖၣ်န့ၣ် ဟံးန့ၢ် လၢၢ်တဖျၢၣ်, ဒီးပာ်လၢအဖီလာ်, ဒီးဆ့ၣ်နီၤဝဲလၢအ ဖီခိၣ်, ဒီးစီၤအၤဟရိၣ်, ဒီးစီၤဃူၢ်ဟံးစိာ်ထီၣ်အစုတ ဂၤတခီတဂၤတခီ, ဒီးအစုအိၣ်ဂၢၢ်ဆိးကျၢၤတုၤမုၢ်လီၤ နုာ်လီၤ. ¹³ ဒီးစီၤယိၤရှူမၤနၢၤမၤဃၣ်ပှၤဧမၤလ့းဖိ, ဒီး အပှၤဂီၢ်မုၢ်လၢနးအကနၣ်လီၤ.

¹⁴ ဒီးယွၤစံးဘၣ်စီၤမိၤရှ့, ကွဲးတၢ်န့ၣ်လၢတၢ်သ့ၣ်နီၣ် ထီၣ်က့ၤလၢလံာ်ပူၤ, ဒီးစံၣ်ဃဲၤအီၤလၢစီၤယိၤရှူအနၢ် ပူၤလၢယကတြူာ်ကွံာ် တၢ်သ့ၣ်နီၣ်ထီၣ်က့ၤဧမၤလ့း လၢမူခိၣ်အဖီလာ်သပှၢ်တၢၢ်န့ၣ်တက့ၢ်.

¹⁵ ဒီးစီၤမိၤရှ့မၤတၢ်လုၢ်လီၢ်, ဒီးကိးဝဲအမံၤလၢယွၤနံးစံး လီၤ. ¹⁶ အဂ့ၢ်ဒ်အံၤ, စံးဝဲဒၣ်, တၢ်အစုအိၣ်ဝဲလၢယွၤ အလီၢ်ပစိာ်အဖီခိၣ်, ယွၤကဒုးတၢ်ဒီးပှၤဧမၤလ့းဖိအစိၤ စိၤအဃၣ်ဃၣ်လီၤ.

၁၈

¹ ဒီးပှၤလုၢ်တၢ်အဒိၣ်လၢကီၢ်မံးဒယၣ်, စီၤမိၤရှ့အမံၤ ပှၢ်စီၤယံးသရိၤတဂၤန့ၣ် နၢ်ဟူကယဲၢ်တၢ်လၢယွၤမၤဝဲ လၢစီၤမိၤရှ့အဂီၢ်, ဒီးလၢပှၤဂီၢ်မုၢ်အံၣ်စရ့လးအဂီၢ်, လၢ ယွၤဒုးဟးထီၣ်အံၣ်စရ့လးလၢအဲၤကူပတူးအပူၤလီၤ.

² ဒီးစီၤမိၤရှ့အမံၤပှၢ် စီၤယံးသရိၤဟံးန့ၢ် စီၤမိၤရှ့အမါ နီၢ်စံးဖိရၤ, လၢအမၢအက့ၤက့ၤအလီၢ်ခံန့ၣ်, ³ ဒီးအဖိ ခွါခံဂၤလီၤ. တဂၤအမံၤမ့ၢ်စီၤက့ရၡိၣ်လီၤ. အဂ့ၢ်ဒ်အံၤ, စံးဝဲဒၣ်, ယမ့ၢ်တ့ၢ်ပှၤတမှံၤလၢတခီဘီမုၢ်အပူၤလီၤ.―

⁴ ဒီးအဝဲတဂၤအမံၤမ့ၢ် စီၤအလံၤဧ့စ့ၢ်လီၤ. အဂ့ၢ်ဒ်အံၤ, ယပၢ်အကစၢ်မ့ၢ်တၢ်မၤစၢၤယၤ, ဒီးမၤပူၤမၤဖျဲးယၤဒီး ဖၤရိၤအဘီအနးလီၤ.

⁵ ဒီးစီၤမိၤရှ့အမံၤပှၢ်, စီၤယံးသရိၤဟဲဝဲဒီးစီၤမိၤရှ့အဖိခွါ တဖၣ်ဒီးအမါဆူ စီၤမိၤရှ့အအိၣ်လၢပှၢ်မုၢ်ကနၢ, ဖဲ အသူၣ်ဒဲလၢကစၢ်အကစၢၢ်အလိၤန့ၣ်လီၤ.

⁶ ဒီးစံးဘၣ်စီၤမိၤရှ့, ယဲဒၣ်အံၤနမံၤပှၢ်စီၤယံးသရိၤ, ယ ဟဲဒီးနမါဒီးအဖိခွါခံဂၤအိၣ်ဒီးအီၤဆူနအိၣ်လီၤ.

⁷ ဒီးစီၤမိၤရှ့လဲၤသဂၢၢ်ထီၣ်အီၤ, ဒီးတီၤလီၤကဒွံကျိာ် ဒီးနၢမူအီၤ, ဒီးသံကွၢ်လိာ်အသးတဂၤဒီးတဂၤ, လၢ အတၢ်မုာ်အဂ့ၢ်အကျိၤ, ဒီးဟဲက့ၤဝဲဆူဒဲပူၤလီၤ.

⁸ ဒီးစီၤမိၤရှ့စံၣ်တဲၤတဲလီၤအမံၤပှၢ်လၢ ကယဲၢ်တၢ်လၢ ယွၤမၤဘၣ်ဖၤရိၤ, ဒီးပှၤအဲၤကူပတူးဖိလၢအံၣ်စရ့လး အဂီၢ်, ကယဲၢ်တၢ်မၤဘှံးအသးလၢအဘၣ်အီၤလၢကျဲ ပူၤ, ဒီးယွၤမၤထူၣ်ဖျဲးအီၤအဂ့ၢ်လီၤ.

⁹ ဒီးစီၤယံးသရိၤအသူၣ်ဖှံအသးညီလၢ ကယဲၢ်တၢ်ဂ့ၤ အဃိလၢယွၤမၤဘၣ်အံၣ်စရ့လး, လၢအမၤပူၤမၤဖျဲးအီၤ ဒီးပှၤအဲၤကူပတူးဖိအစုပူၤလီၤ.

¹⁰ ဒီးစီၤယံးသရိၤစံးဝဲဒၣ်, ယွၤလၢအမၤပူၤမၤဖျဲးသုလၢ ပှၤအဲၤကူပတူးဖိအစုပူၤ, ဒီးဖၤရိၤအစုပူၤ, လၢအမၤပူၤ မၤဖျဲးပှၤဂီၢ်မုၢ်လၢ ပှၤအဲၤကူပတူးဖိအစုအဖီလာ်တဂၤ န့ၣ်, မ်အဘၣ်ဆိၣ်ဂ့ၤတက့ၢ်. ¹¹ ခဲကနံၣ်အံၤ, ယသ့ၣ် ညါလၢယွၤဒိၣ်န့ၢ် ကယဲၢ်ကစၢ်ခဲလၢာ်တက့ၢ်န့ၣ်လီၤ. မ့ၢ်မး, လၢတၢ်တမံၤလၢအဝဲသ့ၣ်ပာ်ထီၣ်ထီအသးလၢ အဖီခိၣ်န့ၣ်လီၤ.

¹² ဒီးစီၤမိၤရှ့အမံၤပှၢ်စီၤယံးသရိၤ ဟံးန့ၢ်တၢ်လုၢ်မ့ၣ်အူ, ဒီးတၢ်လုၢ်လၢယွၤအဂီၢ်, ဒီးစီၤအၤဟရိၣ်ဟဲဒီးအံၣ်စရ့ လးအသူၣ်က့သးပှၢ်ခဲလၢာ် လၢအကအီၣ်ကိၣ်ဒီးစီၤမိၤ ရှ့အမံၤပှၢ်လၢယွၤအမဲာ်ညါလီၤ.

¹³ ဒီးတၢ်မၤအသးလၢ မုၢ်ဆ့ၣ်ထီၣ်တနံၤန့ၣ် စီၤမိၤရှ့ ဆ့ၣ်နီၤစံၣ်ညီၣ်ပှၤဂီၢ်မုၢ်, ဒီးပှၤဂီၢ်မုၢ်ဆၢထၢၣ်လၢအ ဃၢၤလၢမုၢ်ဂီၤတုၤလီၤလၢမုၢ်ဟါလီၤ. ¹⁴ ဒီးတုၤစီၤမိၤရှ့ အမံၤပှၢ် ထံၣ်ဘၣ်ကယဲၢ်တၢ်လၢအမၤဘၣ်ပှၤဂီၢ်မုၢ်ခဲ လၢာ်ဒီး, စံးဝဲဒၣ်, နမၤဘၣ်တၢ်အံၤလၢပှၤဂီၢ်မုၢ်ဒ်လဲၣ်. နဆ့ၣ်နီၤတဂၤဃီ, ဒီးပှၤဂီၢ်မုၢ်ဆၢထၢၣ်လၢနဃၢၤလၢ မုၢ်ဂီၤတုၤလီၤလၢမုၢ်ဟါန့ၣ်မ့ၢ်အဘၣ်မနုၤလဲၣ်.

¹⁵ ဒီးစီၤမိၤရှ့စံးဘၣ်အမံၤပှၢ်, မ့ၢ်လၢပှၤဂီၢ်မုၢ် ဟဲဆူယ အိၣ်ဒ်သိးအကသံကွၢ်တၢ်လၢယွၤလီၤ. ¹⁶ တုၤအလိာ် ကွီၢ်အလီၢ်အိၣ်ဒီး, အဝဲသ့ၣ်တဖၣ်ဟဲဆူယအိၣ်, ဒီး ယစံၣ်ညီၣ်တၢ် တဂၤဒီးတဂၤအဘၢၣ်စၢၤ, ဒီးယဘိး ဘၣ်သ့ၣ်ညါအီၤလၢယွၤအတၢ်မၤလိာ်, ဒီးအတၢ်သိၣ် တၢ်သီလီၤ.

¹⁷ ဒီးစီၤမိၤရှ့အမံၤပှၢ်စံးဘၣ်အီၤ, တၢ်လၢနမၤန့ၣ်တဂ့ၤ ဘၣ်. ¹⁸ နၤမ့ၢ်ဂ့ၤ, ပှၤဂီၢ်မုၢ်လၢအအိၣ်ဒီးနၤအံၤမ့ၢ်ဂ့ၤ, ကလီၤဘှံးလီၤတီၤသပှၢ်တၢၢ်လီၤ. အဂ့ၢ်ဒ်အံၤ, တၢ် အံၤတမံၤဃၢကဲၣ်ဆိးလၢနဂီၢ်လီၤ. နမၤအီၤတဂၤဃီ တကဲဘၣ်.

¹⁹ ခဲကနံၣ်အံၤကနၣ်ယကလုၢ်တက့ၢ်. ယကဟ့ၣ်ကူၣ် ဘၣ်နၤ, ဒီးမ်ယွၤအိၣ်ဒီးနၤတက့ၢ်. အိၣ်နဲလၢပှၤဂီၢ်မုၢ် အဂီၢ်လၢယွၤအမဲာ်ညါ, ဒီးဒုးဟဲထီၣ်အတၢ်ဆူယွၤအ အိၣ်န့ၣ်တက့ၢ်, ²⁰ ဒီးနဘၣ်သိၣ်လိအီၤလၢတၢ်မၤလိာ် ဒီးတၢ်သိၣ်တၢ်သီ, ဒီးနဘၣ်ဘိးဘၣ်သ့ၣ်ညါအီၤလၢ ကျဲလၢအဘၣ်ပိာ်, ဒီးတၢ်မၤလၢအဘၣ်မၤန့ၣ်လီၤ.

²¹ ဒီးနဘၣ်ကွၢ်ဃုန့ၢ် ပှၤလၢအမၤတၢ်သ့, လၢအပျံၤ ယွၤ, ပှၤအမ့ၢ်အတီ, ပှၤလၢအသးဟ့တၢ်အီၣ်ကဘျံး အီၣ်ကဘျၣ်တၢ်တဖၣ် လၢပှၤဂီၢ်မုၢ်ခဲလၢာ်အကျါလီၤ. ဒီးနဘၣ်ပာ်အီၤလၢပှၤတကထိအခိၣ်, ပှၤတကယၤအ ခိၣ်, ပှၤယဲၢ်ဆံအခိၣ်, ဒီးပှၤဆံဆဲၣ်အခိၣ်လၢအဖီခိၣ် လီၤ.

²² ဒီးမ်အစံၣ်ညီၣ် ပှၤဂီၢ်မုၢ်ကိးအဆၢအကတီၢ်ဒဲး တ က့ၢ်. ဒီးတၢ်ကမၤအသးလၢ အဘၣ်ဒုးဟဲထီၣ်တၢ်အ ဒိၣ်ကိးအမံၤဒဲးဆူနအိၣ်, မ့မ့ၢ်တၢ်အဆံးကိးအမံၤဒဲး န့ၣ်ကစံၣ်ညီၣ်ဒၣ်ဝဲလီၤ. ဒီးကညီတက့ၢ်လၢနဂီၢ်, ဒီး ပှၤကဝံစၢၤတၢ်ဒီးနၤလီၤ.

²³ နမ့ၢ်မၤတၢ်အံၤ, ဒီးယွၤမၤလိာ်ဝဲဒီး, နဆၢထၢၣ်က ကဲ, ဒီးပှၤဂီၢ်မုၢ်ခဲလၢာ်အံၤ, ကက့ၤက့ၤစ့ၢ်ကီးဆူအ လီၢ်တဖၣ်မုာ်မုာ်လီၤ.

²⁴ ဒီးစီၤမိၤရှ့ဒိကနၣ်အမံၤပှၢ်အကလုၢ်, ဒီးမၤကယဲၢ် တၢ်လၢအစံးဝဲန့ၣ်လီၤ. ²⁵ ဒီးစီၤမိၤရှ့ဃုထၢပှၤလၢအမၤ တၢ်သ့လၢအံၣ်စရ့လးခဲလၢာ်အကျါ, ဒီးပာ်အီၤလၢပှၤ တကထိအခိၣ်, ပှၤတကယၤအခိၣ်, ပှၤယဲၢ်ဆံအခိၣ်, ဒီးပှၤဆံဆဲၣ်အခိၣ်, လၢပှၤဂီၢ်မုၢ်အဖီခိၣ်လီၤ.

²⁶ ဒီးအဝဲသ့ၣ်တဖၣ်န့ၣ်စံၣ်ညီၣ် ပှၤဂီၢ်မုၢ်ကိးအဆၢအ ကတီၢ်ဒဲး, ဒီးဒုးဟဲထီၣ်တၢ်အကီတမံၤလၢ်လၢ်န့ၣ်ဆူ စီၤမိၤရှ့အအိၣ်, မ့မ့ၢ်ကယဲၢ်တၢ်အဆံးတမံၤလၢ်လၢ်န့ၣ် စံၣ်ညီၣ်အကစၢ်ဒၣ်ဝဲလီၤ.

²⁷ ဒီးစီၤမိၤရှ့ပျၢ်အမံၤပှၢ်, ဒီးက့ၤက့ၤဆူ အကီၢ်ဒၣ်ဝဲ န့ၣ်လီၤ.

၁၉

¹ ပှၤအံၣ်စရ့လးဖိဟးထီၣ်လၢ ကီၢ်အဲၤကူပတူးအလီၢ် ခံ, သၢလါတလါမုၢ်တနံၤဃီန့ၣ်, ဟဲတုၤဝဲလၢပှၢ်မုၢ် ကနၢစံၤနါလီၤ. ² ဒီးဟးထီၣ်ကွံာ်ဝဲလၢရဖံၤဒံၣ်, ဒီး လဲၤတုၤဝဲလၢပှၢ်မုၢ်ကနၢစံၤနါ, ဒီးသူၣ်အဒဲလၢပှၢ်မုၢ် ကနၢဒီးအံၣ်စရ့လးသူၣ်အဒဲဖဲန့ၣ် လၢကစၢၢ်တဖျၢၣ် န့ၣ်အမဲာ်ညါလီၤ. ³ ဒီးစီၤမိၤရှ့လဲၤထီၣ်ဆူ ယွၤအအိၣ်, ဒီးယွၤကိးထီၣ်အီၤလၢကစၢၢ်လိၤန့ၣ်, ဒီးစံးဝဲဒၣ်, နဘၣ်စံးဘၣ်စီၤယၤကိာ်အဟံၣ်ဖိ, ဒီးဒုးနဲၣ်ပှၤအံၣ်စရ့လးဖိ ဒ်အံၤ,―

⁴ ယမၤဘၣ် ပှၤအဲၤကူပတူးဖိဒ်အံၤဒ်နုၤန့ၣ် သုထံၣ်ဘၣ် လံ, ဒီးယစိာ်ထီၣ်သုလၢလံာ်ကြီကြာ်အဒံးဆ့အဖီခိၣ်, ဒီးဒုးဟဲထီၣ်သုဆူယအိၣ်ဒၣ်ယဲအံၤလီၤ. ⁵ ဒီးခဲကနံၣ်အံၤသုမ့ၢ်ဒိကနၣ်ယကလုၢ်သပှၢ်တၢၢ်, ဒီးတိၢ်န့ၢ် ယတၢ်အၢၣ်လီၤအီလီၤဒီး, သုကကဲထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်ဒိၣ်န့ၢ် ပှၤကလုာ်ခဲလၢာ်တက့ၢ်လီၤ. အဂ့ၢ်ဒ်အံၤ, ဟီၣ်ခိၣ်ဒီဘ့ၣ်ညါမ့ၢ်ယတၢ်လီၤ.―

⁶ ဒီးသုကကဲထီၣ်ပှၤလုၢ်တၢ်အဒိၣ်တဖၣ်အဘီအမုၢ်, ဒီး ပှၤတကလုာ်စီဆှံလီၤ. အဝဲအံၤမ့ၢ်တၢ်ကတိၤလၢနဘၣ် စံးဘၣ်ပှၤအံၣ်စရ့လးဖိလီၤ.

⁷ ဒီးစီၤမိၤရှ့ဟဲက့ၤ, ဒီးကိးန့ၢ်ပှၤဂီၢ်မုၢ်အသူၣ်က့အသး ပှၢ်, ဒီးပာ်ကယဲၢ်တၢ်ကတိၤအံၤ လၢယွၤမၤလိာ်အီၤ, လၢအမဲာ်ညါလီၤ.

⁸ ဒီးပှၤဂီၢ်မုၢ်စံးဆၢတၢ်တဘျီဃီ, ဒီးစံးဝဲဒၣ်, ကယဲၢ် တၢ်လၢယွၤစံးတၢ်န့ၣ်ပကမၤခဲလၢာ်လီၤ. ဒီးစီၤမိၤရှ့ ဆှၢထီၣ်ပှၤဂီၢ်မုၢ်အတၢ်ကတိၤဆူယွၤအအိၣ်လီၤ.

⁹ ဒီးယွၤစံးဘၣ်စီၤမိၤရှ့, ကွၢ်ကွၢ်, ယဟဲဆူနအိၣ်လၢ တၢ်အၢၣ်တီၣ်အပူၤ, ဒ်သိးပှၤဂီၢ်မုၢ်ကနၢ်ဟူယကတိၤ တၢ်ဒီးနၤ, ဒီးနာ်က့ၤစ့ၢ်ကီးနၤလီၤထူလီၤယိာ်လီၤ. ဒီး စီၤမိၤရှ့စံးဘၣ်က့ၤပှၤဂီၢ်မုၢ်အတၢ်ကတိၤလၢယွၤလီၤ.

¹⁰ ဒီးယွၤစံးဘၣ်စီၤမိၤရှ့, လဲၤဆူပှၤဂီၢ်မုၢ်အအိၣ်, ဒီးမၤ စီဆှံအီၤလၢ မုၢ်မဆါတနံၤအံၤ, ဒီးခဲဂီၤတနံၤတက့ၢ်. မ်အဆှုၣ်အကူအသိးတက့ၢ်. ¹¹ ဒီးအိၣ်ကတဲာ်ကတီၤ တၢ်လၢသၢနံၤတနံၤအဂီၢ်တက့ၢ်. အဂ့ၢ်ဒ်အံၤ, သၢနံၤ တနံၤန့ၣ်ယွၤကဟဲလီၤလၢ ပှၤဂီၢ်မုၢ်ခဲလၢာ်အမဲာ်ညါ ဆူကစၢၢ်စံၤနါအလိၤလီၤ. ¹² ဒီးနဘၣ်ကရၢတၢ်ဝးတရံး လၢပှၤဂီၢ်မုၢ်အဂီၢ်ဒီးစံး, ပလီၢ်သုသးလၢသုသုတလဲၤ ထီၣ်ဆူကစၢၢ်, လၢသုသုတထိးဘၣ်အဃၢၤန့ၣ်တဂ့ၤ. ဖဲဒၣ်ပှၤလၢ အထိးဘၣ်ကစၢၢ်တဂၤလၢ်လၢ်န့ၣ် သံဒီး ကသံလီၤ. ¹³ တၢ်အစုတဘၣ်ထိးဘၣ်အီၤဘၣ်. အဂ့ၢ် ဒ်အံၤ, ကဘၣ်တၢ်ကွံာ်အီၤလၢလၢၢ်, မ့တမ့ၢ်ဘၣ်ဒီး ကဘၣ်တၢ်ခးဖျိသံအီၤသပှၢ်တၢၢ်လီၤ. ဆၣ်ဖိကီၢ်ဖိမ့ၢ် ဂ့ၤ, ပှၤကညီမ့ၢ်ဂ့ၤ, တမူဘၣ်ဘၣ်. ဒီးတုၤကွဲၤသီၣ် ထီထီကလဲာ်ဒီး, ကဟဲထီၣ်ဘူးဝဲဆူကစၢၢ်န့ၣ်လီၤ.

¹⁴ ဒီးစီၤမိၤရှ့လဲၤလီၤ လၢကစၢၢ်လိၤန့ၣ်ဆူပှၤဂီၢ်မုၢ်အ အိၣ်, ဒီးမၤစီဆှံပှၤဂီၢ်မုၢ်, ဒီးအဝဲသ့ၣ်ဆှုၣ်အကူအသိး လီၤ. ¹⁵ ဒီးစံးဘၣ်ပှၤဂီၢ်မုၢ်န့ၣ်, ကတဲာ်ကတီၤသုသး လၢမုၢ်သၢနံၤတနံၤအဂီၢ်တက့ၢ်. ဒီးသုးဘူးသုသးဆူ သုမါအအိၣ်တဂ့ၤ.

¹⁶ ဒီးမုၢ်သၢနံၤတနံၤမုၢ်ဆ့ၣ်ထီၣ်န့ၣ်, တၢ်မၤအသးလၢ လီသီၣ်တဖၣ်ဒီးလီဝၢ်ဒံးအိၣ်ဝဲ, ဒီးတၢ်အၢၣ်တီၣ်လၢ ကစၢၢ်လိၤန့ၣ်, ဒီးကွဲၤအသီၣ်ဆူၣ်ဆူၣ်ကလဲာ်ဒီး, က ယဲၢ်ပှၤဂီၢ်မုၢ် လၢအအိၣ်လၢ သူၣ်ဒဲအလီၢ်ခဲလၢာ်န့ၣ် ကနိးကစုာ်လီၤ.

¹⁷ ဒီးစီၤမိၤရှ့ဒုးဟးထီၣ်ပှၤဂီၢ်မုၢ်လၢ သူၣ်ဒဲအလီၢ်ဒ်သိး အကသဂၢၢ်ယွၤ, ဒီးဆၢထၢၣ်ဝဲလၢကစၢၢ်အဖီလာ်န့ၣ် လီၤ. ¹⁸ ဒီးကစၢၢ်စံၤနါအိၣ်ဒီးမ့ၣ်အူခုၣ်လၢအလိၤဒီဖျၢၣ် ညါလီၤ. အဂ့ၢ်ဒ်အံၤ, ယွၤဟဲလီၤလၢအလိၤလၢမ့ၣ်အူ ကျါ, ဒီးအခုၣ်ထီၣ်ဒ်ဖၣ်ကပူၤခုၣ်အသိးန့ၣ်, ဒီးကစၢၢ် ဟူးဝးဒီဖျၢၣ်ညါနးမးလီၤ.

¹⁹ ဒီးတၢ်မၤအသးလၢ ကွဲၤအသီၣ်လဲၤထီၣ်ဒီးဆူၣ်ထီၣ် နးမး, ဒီးစီၤမိၤရှ့ကတိၤတၢ်, ဒီးယွၤစံးဆၢအီၤလၢတၢ် အကလုၢ်လီၤ. ²⁰ ဒီးယွၤဟဲလီၤလၢကစၢၢ်စံၤနါအလိၤ လၢကစၢၢ်ဒီခိၣ်န့ၣ်, ဒီးယွၤကိးထီၣ်စီၤမိၤရှ့ဆူကစၢၢ် အဒီခိၣ်န့ၣ်, ဒီးစီၤမိၤရှ့လဲၤထီၣ်ဝဲလီၤ.

²¹ ဒီးယွၤစံးဘၣ်စီၤမိၤရှ့, လဲၤလီၤဒုးပလီၢ် ပှၤဂီၢ်မုၢ်အ သးတက့ၢ်. ကမၤဘၢၣ်ဖျိဘၣ်ဖုးတၢ်ဆူ ယွၤအအိၣ်ဒ် သိးအကကွၢ်တၢ်, ဒီးကသံဘၣ်ဖုး လၢအကျါအါဂၤ လီၤ. ²² ဒီးမ်ပှၤလုၢ်တၢ်အဒိၣ်တဖၣ်လၢအဟဲဘူးစ့ၢ်ကီး ဒီးယွၤ, မၤစီဆှံအသးတက့ၢ်. ယွၤကမၤဖျိဆူၣ်ဘၣ်ဖုး တၢ်ဆူအအိၣ်လီၤ.

²³ ဒီးစီၤမိၤရှ့စံးဘၣ်ယွၤ, ပှၤဟဲဆူကစၢၢ်စံၤနါ တသ့ ဘၣ်. အဂ့ၢ်ဒ်အံၤ, နအုၣ်နသးလၢပမဲာ်ညါဒီးစံး, ပာ်တၢ်ကရၢလၢကစၢၢ်, ဒီးပာ်စီဆှံအီၤတက့ၢ်န့ၣ်လီၤ.

²⁴ ဒီးယွၤစံးဘၣ်အီၤ, လဲၤတ့ၢ်, က့ၤလီၤတက့ၢ်. ဒီးန ကဟဲက့ၤထီၣ်, နဲဒၣ်ဒီးစီၤအၤဟရိၣ် အိၣ်ဒီးနၤလီၤ. ဘၣ်ဆၣ်ဒီးဒ်သိးအကဟဲဆူယွၤအအိၣ်ဒီး, မ်ပှၤလုၢ် တၢ်အဒိၣ်ဒီးပှၤဂီၢ်မုၢ်အသုတမၤဘၢၣ်ဖျိတၢ်တဂ့ၤ. အ တၢ်ကမၤဖျိဆူၣ်ဘၣ်ဖုးတၢ်ဆူအအိၣ်လီၤ.

²⁵ ဒီးစီၤမိၤရှ့က့ၤလီၤဆူပှၤဂီၢ်မုၢ်အအိၣ်, ဒီးစံၣ်တဲၤတဲ လီၤတၢ်လၢအီၤလီၤ.

၂၀

¹ ဒီးယွၤကတိၤ တၢ်ကတိၤအံၤခဲလၢာ်, ဒီးစံးဝဲဒၣ်,―

² ယဲဒၣ်အံၤယမ့ၢ်ယွၤနကစၢ် လၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤ, လၢပှၤကုၢ်ဖိအဟံၣ်ပူၤလီၤ. အိၣ်ဒီးကစၢ်အဂုၤအဂၤတဖၣ်လၢယမဲာ်ညါတဂ့ၤ.

⁴ တ့တၢ်ဂီၤတၢ်ဖီၣ်လၢနဂီၢ်တဂ့ၤ. တၢ်အိၣ်လၢမူခိၣ်ထး မ့ၢ်ဂ့ၤ, တၢ်အိၣ်လၢဟီၣ်ခိၣ်လာ်မ့ၢ်ဂ့ၤ, တၢ်အိၣ်လၢ ထံကျါလၢဟီၣ်ခိၣ်အဖီလာ်မ့ၢ်ဂ့ၤ, တ့အက့ၢ်အဂီၤလၢ နဂီၢ်နီတမံၤတဂ့ၤ. ⁵ ဘါအီၤတဂ့ၤ. မၤအတၢ်တဂ့ၤ. အဂ့ၢ်ဒ်အံၤ, ယဲဒၣ်ယွၤနကစၢ်အံၤ, ယမ့ၢ်ကစၢ်လၢ အသးက့ၣ်တၢ်, လၢအဒုးအိၣ်သကိးပၢ်တဖၣ်အတၢ် ဒဲးဘးလၢဖိတဖၣ်တုၤလီၤလၢ ပှၤသးဟ့ယၤသၢစိၤတ စိၤ, ဒီးလၢလွံၢ်စိၤတစိၤ, ⁶ ဒီးလၢအမၤဘျုးမၤဖှိၣ်ပှၤ ကထိသ့ၣ်တဖၣ်, ပှၤလၢအအဲၣ်ယၤဒီးတိၢ်န့ၢ်ယတၢ် မၤလိာ်တဖၣ်န့ၣ်လီၤ.

⁷ ပှ့ၤဘၣ်ယွၤနကစၢ်အမံၤ လၢတၢ်ကလီကလီတဂ့ၤ. အဂ့ၢ်ဒ်အံၤ, ပှၤလၢအပှ့ၤဘၣ်ယွၤအမံၤလၢတၢ်ကလီ ကလီန့ၣ်ယွၤတပာ်ဘၣ်အီၤလၢ အတၢ်ဒဲးဘးတအိၣ် ဘၣ်န့ၣ်ဘၣ်.

⁸ သ့ၣ်နီၣ်ထီၣ်မုၢ်အိၣ်ဘှံးအနံၤလၢ နကပာ်စီဆှံအီၤ အဂ့ၢ်န့ၣ်တက့ၢ်. ⁹ နကမၤဘၣ်တၢ်ဃုနံၤ, ဒီးမၤနတၢ် မၤခဲလၢာ်လီၤ. ¹⁰ မ့မ့ၢ်မုၢ်နွံနံၤတနံၤန့ၣ် မ့ၢ်ယွၤနကစၢ် အတၢ်အိၣ်ဘှံးအနံၤလီၤ. နဲဒၣ်ဂ့ၤ, နဖိခွါဂ့ၤ, နဖိမုၣ်ဂ့ၤ, နကုၢ်နပှၤပိာ်ခွါဂ့ၤ, နကုၢ်နပှၤပိာ်မုၣ်ဂ့ၤ, နဆၣ်ဖိကီၢ် ဖိအဒၢဂ့ၤ, ပှၤတခီဘီမုၢ်ဖိလၢအအိၣ်လၢနပဲတြီအပူၤ ဂ့ၤ, သုတမၤတၢ်မၤနီတမံၤတဂ့ၤ. ¹¹ အဂ့ၢ်ဒ်အံၤ, ဃု နံၤအတီၢ်ပူၤန့ၣ်ယွၤတ့လီၤမူခိၣ်, ဒီးဟီၣ်ခိၣ်, ပီၣ်လဲၣ်, ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤ, ဒီးအိၣ်ဘှံး ဝဲလၢမုၢ်နွံနံၤတနံၤန့ၣ်လီၤ. မၤသးဒ်န့ၣ်ဒီးယွၤဆိၣ်ဂ့ၤ မုၢ်နွံနံၤတနံၤဒီးပာ်စီဆှံအီၤလီၤ.

¹² ဒ်သိးနမုၢ်နံၤတဖၣ်ကထီထီၣ်လၢကီၢ်ပူၤ လၢယွၤန ကစၢ်ဟ့ၣ်လီၤနၤဒီး, ယူးယီၣ်နမိၢ်နပၢ်တက့ၢ်.

¹³ မၤသံတၢ်တဂ့ၤ.

¹⁴ အဲၣ်ဘၢမါအဲၣ်ဘၢဝၤတဂ့ၤ.

¹⁵ ဟုၣ်တၢ်တဂ့ၤ.

¹⁶ အုၣ်နသးကဘျံးကဘျၣ်လၢ ပှၤလၢနဃၢၤအဂ့ၢ်တ ဂ့ၤ.

¹⁷ သးကွံပှၤလၢနဃၢၤအဟံၣ်တဂ့ၤ. ပှၤလၢနဃၢၤအမါ ဂ့ၤ, အကုၢ်အပှၤပိာ်ခွါဂ့ၤ, အကုၢ်အပှၤပိာ်မုၣ်ဂ့ၤ, အဂီၤဖံးဂ့ၤ, အကသ့ၣ်ယီၤဂ့ၤ, ဖဲဒၣ်ပှၤလၢနဃၢၤအ တၢ်တမံၤမံၤဂ့ၤ, သုတသးကွံအီၤတဂ့ၤ.

¹⁸ ဒီးကယဲၢ်ပှၤဂီၢ်မုၢ်ခဲလၢာ်ထံၣ်ဘၣ်လီသီၣ်, ဒီးလီဝၢ် အဒံး, ဒီးကွဲၤအသီၣ်, ဒီးမ့ၣ်အူခုၣ်ထီၣ်ဝဲလၢကစၢၢ် လိၤန့ၣ်လီၤ. ဒီးတုၤပှၤဂီၢ်မုၢ်ထံၣ်ဘၣ်ဝဲဒီး, သုးအလီၢ်, ဒီးဆၢထၢၣ်လၢအယံၤလီၤ. ¹⁹ ဒီးအဝဲသ့ၣ်စံးဘၣ်စီၤမိၤ ရှ့, ကတိၤနဲဒီးပှၤတက့ၢ်, ဒီးပကဒိကနၣ်လီၤ. မ့မ့ၢ် ယွၤတဂၤန့ၣ်မ်အသုတကတိၤတၢ်ဒီးပှၤတဂ့ၤ. ပကသံ ဘၣ်ဖုးလီၤ.

²⁰ ဒီးစီၤမိၤရှ့စံးဘၣ်ပှၤဂီၢ်မုၢ်, ပျံၤတၢ်တဂ့ၤ, အဂ့ၢ်ဒ် အံၤ, ယွၤဟဲမၤကွၢ်သု, ဒ်သိးတၢ်ပျံၤအီၤကအိၣ်လၢ သုမဲာ်ညါ, လၢသုသုတမၤကမၣ်တၢ်တဂ့ၤလီၤ.

²¹ ဒီးပှၤဂီၢ်မုၢ်ဆၢထၢၣ်လၢအယံၤ, ဒီးစီၤမိၤရှ့သုးဘူး အသးဆူတၢ်အၢၣ်တီၣ်ခံးဖဲယွၤအိၣ်ဝဲလီၤ.

²² ဒီးယွၤစံးဘၣ်စီၤမိၤရှ့, နဘၣ်စံးဘၣ်ပှၤအံၣ်စရ့လးဖိ ဒ်အံၤ, သုထံၣ်ဘၣ်လံယကတိၤတၢ်ဒီးသု လၢမူခိၣ် လီၤ. ²³ တ့ကစၢ်စ့ဒီးယၤတဂ့ၤ. ဒီးတ့ကစၢ်ထူလၢသု ဂီၢ်တဂ့ၤ.

²⁴ နဘၣ်မၤတၢ်လုၢ်လီၢ်လၢဟီၣ်ခိၣ်လၢယဂီၢ်, ဒီးနဘၣ် လုၢ်နတၢ်လုၢ်မ့ၣ်အူ, ဒီးနတၢ်လုၢ်မၤဃူမၤဖိးတၢ်, နသိ နမဲာ်တဲးလဲး, ဒီးနဂီၤဘုၣ်ဂီၤဖံးလၢအဖီခိၣ်လီၤ. ကယဲၢ် အလီၢ်ဖဲယပာ်တၢ်သ့ၣ်နီၣ်ထီၣ်က့ၤယမံၤတပူၤလၢ်လၢ် န့ၣ်, ယကဟဲဆူနအိၣ်, ဒီးဆိၣ်ဂ့ၤနၤလီၤ.

²⁵ ဒီးနမ့ၢ်တ့န့ၢ်ယၤလၢ တၢ်လုၢ်လီၢ်လၢလၢၢ်ဒီး, မၤ အီၤလၢလၢၢ်စိးပျၤအသးတဂ့ၤ. အဂ့ၢ်ဒ်အံၤ, နမ့ၢ်ယူာ် ထီၣ်နနီၣ်တ့တၢ်လၢအလိၤဒီး, နမၤဘၣ်အၢအီၤလီၤ.

²⁶ ဒီးနတဘၣ်ထီၣ်ဘၣ် ယတၢ်လုၢ်လီၢ်လၢဃီဘၣ်. ဒ် သိးနတၢ်အိၣ်ဘ့ၣ်ဆ့ အသုတအိၣ်ဖျါလၢအဖီခိၣ်န့ၣ် တဂ့ၤလီၤ.

၂၁

¹ ဒီးအဝဲအံၤမ့ၢ်တၢ်စံၣ်ညီၣ်တဖၣ်လၢ နဘၣ်ပာ်လၢ အမဲာ်ညါလီၤ. ² နမ့ၢ်ပှ့ၤကုၢ်ပှၤဧ့ၤဘြံတဂၤဒီး, ဃုနံၣ်ဘၣ်မၤနတၢ်, ဒီးနွံနံၣ်တနံၣ်န့ၣ်ကဟးထီၣ်ထူၣ်ဖျဲးကလီကလီလီၤ.―

³ မ့ၢ်ဟဲအကစၢ်ဒၣ်ဝဲတဂၤဧိၤဒီး, ကဟးထီၣ်အကစၢ်ဒၣ် ဝဲတဂၤဧိၤလီၤ. မ့ၢ်အိၣ်ဒီးအမါဒီး, ကဟးထီၣ်ဒီးအမါ အိၣ်ဒီးအီၤလီၤ. ⁴ အကစၢ်မ့ၢ်ဟ့ၣ်လီၤအီၤလၢအမါ, ဒီး အဝဲဒၣ်မ့ၢ်ဆံးစၢ်န့ၢ်တ့ၢ်အီၤလၢ ဖိမုၣ်ဖိခွါဒီး, အမါဒီး အဖိကမ့ၢ်ဒၣ်ဝဲအကစၢ်အတၢ်, ဒီးပှၤတဂၤန့ၣ်ကဟး ထီၣ်အကစၢ်ဒၣ်ဝဲတဂၤဧိၤလီၤ.

⁵ ဒီးကုၢ်တဂၤန့ၣ်မ့ၢ်စံးတီတီ, ယအဲၣ်ယကစၢ်, ယမါ, ဒီးယဖိတဖၣ်, ယတဟးထီၣ်ထူၣ်ဖျဲးဘၣ်န့ၣ်ဒီး, ⁶ အ ကစၢ်ဘၣ်ဆှၢအီၤဆူယွၤအအိၣ်, ဒီးတြဲၤမ့ၢ်ဂ့ၤ, ကျဲ စၢၤအထူၣ်မ့ၢ်ဂ့ၤ, ဘၣ်ဆှၢအီၤစ့ၢ်ကီးဖဲန့ၣ်, ဒီးအက စၢ်ဘၣ်ပျံာ်ဖျိအနၢ်လၢထးပျံာ်, ဒီးဘၣ်မၤအတၢ်လီၤထူ လီၤယိာ်လီၤ.

⁷ ဒီးပှၤမ့ၢ်ဆါကွံာ်အဖိမုၣ် ဒ်သိးအကကဲထီၣ်ကုၢ်မုၣ် ဒီး, အဝဲဒၣ်တဘၣ်ဟးထီၣ်ကွံာ်ဘၣ်ဒ်ကုၢ်ပိာ်ခွါဟး ထီၣ်ကွံာ်အသိးန့ၣ်ဘၣ်. ⁸ မ့ၢ်တဘၣ်ဘၣ်အကစၢ်လၢ အအဲၣ်တီအီၤတဂၤအသးဒီး, ဘၣ်ပျဲတၢ်ပှ့ၤက့ၤအီၤ လီၤ. ဒ်သိးအကဆါကွံာ်အီၤဆူပှၤတခီဘီမုၢ်ဖိဒီး, အစိ အကမီၤတအိၣ်ဘၣ်, မၤတ့ၢ်အီၤဒီးလီတၢ်လီၤ.

⁹ ဒီးမ့ၢ်အဲၣ်တီအီၤဒီးအဖိခွါဒီး, ဘၣ်မၤအီၤဒ်တၢ်စံၣ် ညီၣ်ဖိမုၣ်တဖၣ်အသိးန့ၣ်လီၤ. ¹⁰ မ့ၢ်ဟံးန့ၢ်အမါတဂၤ ဒၣ်ဒီး, တဘၣ်မၤစှၤလီၤဘၣ်အတၢ်အီၣ်တၢ်အီ, အကူ အသိး, ဒီးတၢ်ကြၢးဒီးမါန့ၣ်ဘၣ်. ¹¹ ဒီးမ့ၢ်တမၤဘၣ် အီၤလၢတၢ်သၢမံၤန့ၣ်ဒီး, တလိးက့ၤစ့ဘၣ်ဒီး, ကဟး ထီၣ်ထူၣ်ဖျဲးဝဲလီၤ.

¹² ပှၤလၢအကျီပှၤကညီတဂၤဂၤတုၤအသံန့ၣ် ကဘၣ် တၢ်မၤသံအီၤသပှၢ်တၢၢ်လီၤ. ¹³ ဒီးပှၤလၢအတအိၣ်ခိး ဘၣ်, ဒီးယွၤဟ့ၣ်အီၤလၢအစုပူၤဒီး, ယကပာ်တၢ်အ လီၢ်လၢနဂီၢ်ဖဲအကဃ့ၢ်ဆူအအိၣ်လီၤ. ¹⁴ မ့မ့ၢ်ပှၤမ့ၢ်ပာ်ထီၣ်ထီအသးလၢ ပှၤလၢအဃၢၤအဖီခိၣ်ဒ်သိးအကမၤသံအီၤဒီးလီတၢ်ဒီး, နဘၣ်ဟံးန့ၢ်အီၤလၢယတၢ်လုၢ်လီၢ်အအိၣ်ဒၣ်လဲာ်, ဒ်သိးအကသံလီၤ.―

¹⁵ ဒီးပှၤလၢအတီၢ်အမိၢ်အပၢ်တဂၤန့ၣ် ကဘၣ်တၢ်မၤသံ အီၤသပှၢ်တၢၢ်လီၤ.

¹⁶ ဒီးပှၤလၢအဟုၣ်န့ၢ်ပှၤကညီ, ဒီးဆါကွံာ်အီၤ, မ့တ မ့ၢ်ဘၣ်ဒ်န့ၣ်, တၢ်မ့ၢ်ထံၣ်န့ၢ်အီၤလၢအစုပူၤဒီး, အဝဲ တဂၤန့ၣ်ကဘၣ်တၢ်မၤသံအီၤသပှၢ်တၢၢ်လီၤ.

¹⁷ ဒီးပှၤလၢအဆိၣ်အၢအမိၢ်အပၢ်တဂၤန့ၣ် ကဘၣ်တၢ် မၤသံအီၤသပှၢ်တၢၢ်လီၤ.

¹⁸ ဒီးပှၤမ့ၢ်အ့ၣ်လိာ်အသး, ဒီးပှၤတဂၤမ့ၢ်ထံးဘၣ်ပှၤ လၢအဃၢၤလၢလၢၢ်မ့ၢ်ဂ့ၤ, မ့ၢ်ထိဘၣ်အီၤလၢစုခိၣ်မ့ၢ် ဂ့ၤ, ဒီးပှၤတဂၤန့ၣ်တသံဘၣ်, ဒီးလီၤဃံၤလၢအလီၢ် မံ, ¹⁹ ဒီးမ့ၢ်ဂဲၤဆၢထၢၣ်က့ၤ, ဒီးလဲၤထီၣ်ဆူခိဒီးအနီၣ် ထိးဘိဒီး, ပှၤလၢအထံးတၢ်တဂၤန့ၣ် ကပူၤဖျဲးလီၤ. ဘၣ်ဆၣ်ဒီးဘၣ်လိးက့ၤတၢ်လၢ အတၢ်မၤဆိကတီၢ် အဃိ, ဒီးဘၣ်ဒုးမၤဘျါအီၤသပှၢ်တၢၢ်လီၤ.

²⁰ ဒီးပှၤမ့ၢ်တီၢ်အကုၢ်ပိာ်ခွါအကုၢ်ပိာ်မုၣ်, လၢနီၣ်တီၢ်, ဒီးမ့ၢ်သံလၢအစုဖီလာ်ဒီး, တၢ်ကမၤဆၢတၢ်သပှၢ်တၢၢ် လီၤ. ²¹ ဘၣ်ဆၣ်ဒီးမ့ၢ်အိၣ်ဒံးတနံၤခံနံၤဒီး, တဘၣ်ဘၣ် တၢ်မၤဆၢအီၤဘၣ်. အဂ့ၢ်ဒ်အံၤ, အဝဲဒၣ်မ့ၢ်အစ့လီၤ.

²² ဒီးပှၤကညီမ့ၢ်တီၢ်လိာ်အသးဒီး ဘၣ်ပိာ်မုၣ်လၢအဒၢ ထီၣ်, ဒီးအဟုးဟးဂီၤ, ဒီးတဘၣ်လၢၤတၢ်နီတမံၤဘၣ် ဒီး, ကလိးစ့သပှၢ်တၢၢ်ဒ်သိးပိာ်မုၣ်အဝၤကပာ်လၢအ လိၤအသိး, ဒီးဘၣ်ဟ့ၣ်လီၤတၢ်ဖဲဒၣ်ပှၤစံၣ်ညီၣ်ကွီၢ်အ သးလီၤ. ²³ ဒီးပိာ်မုၣ်မ့ၢ်ဘၣ်တၢ်တမံၤမံၤဒီး, နဘၣ် ဟ့ၣ်သးလၢသးအဂီၢ်, ²⁴ မဲာ်လၢမဲာ်အဂီၢ်, မဲလၢမဲအ ဂီၢ်, စုလၢစုအဂီၢ်, ခီၣ်လၢခီၣ်အဂီၢ်, ²⁵ ကိၢ်ဃၢၣ်အ လီၢ်လၢကိၢ်ဃၢၣ်အလီၢ်အဂီၢ်, တၢ်ဘၣ်တူာ်လၢတၢ် ဘၣ်တူာ်အဂီၢ်, တီၢ်အလီၢ်လၢတီၢ်အလီၢ်အဂီၢ်လီၤ.

²⁶ ဒီးပှၤမ့ၢ်တီၢ် အကုၢ်ပိာ်ခွါအမဲာ်, အကုၢ်ပိာ်မုၣ်အ မဲာ်, ဒီးမၤဟးဂီၤအီၤဒီး, ဘၣ်ပျၢ်အီၤလၢအမဲာ်အဃိ လီၤ. ²⁷ ဒီးမ့ၢ်မၤပိာ်ကွံာ်အကုၢ်ပိာ်ခွါအမဲ, အကုၢ်ပိာ် မုၣ်အမဲဒီး, ဘၣ်ပျၢ်အီၤလၢအမဲအဃိလီၤ.

²⁸ ဒီးဂီၤဖံးမ့ၢ်ဘျၢၣ်ပိာ်မုၣ်ဂ့ၤ, ပိာ်ခွါဂ့ၤ, ဒီးမ့ၢ်သံဒီး, ကဘၣ်တၢ်ကွံာ်သံအီၤလၢလၢၢ်သပှၢ်တၢၢ်, ဒီးပှၤတ ဘၣ်အီၣ်ဘၣ်အညၣ်ဘၣ်. မ့မ့ၢ်ဂီၤဖံးအကစၢ်န့ၣ်ကပူၤ ဖျဲးလီၤ. ²⁹ ဘၣ်ဆၣ်ဒီးဂီၤဖံးန့ၣ် မ့ၢ်ဘျၢၣ်တၢ်မဟါမ ဟိဒီးပှၤဘိးဘၣ်သ့ၣ်ညါအကစၢ်, ဒီးအဝဲတကွၢ်ဘၣ် အီၤ, ဒီးဂီၤဖံးမၤသံတ့ၢ်ပိာ်မုၣ်ဂ့ၤ, ပိာ်ခွါဂ့ၤဒီး, ဂီၤဖံး ကဘၣ်တၢ်ကွံာ်သံအီၤလၢလၢၢ်, ဒီးအကစၢ်ကဘၣ် တၢ်မၤသံစ့ၢ်ကီးအီၤလီၤ. ³⁰ ဒီးတၢ်မ့ၢ်ပာ်တၢ်မၤပူၤဖျဲးလၢ အဂီၢ်ဒီး, ဘၣ်ဟ့ၣ်အသးအပှ့ၤဖဲဒၣ်တၢ်ပာ်လၢအလိၤ ခဲလၢာ်လီၤ. ³¹ မ့ၢ်ဘျၢၣ်တ့ၢ်ဖိခွါတဂၤမ့ၢ်ဂ့ၤ, ဖိမုၣ်တဂၤ မ့ၢ်ဂ့ၤ, ဒ်တၢ်စံၣ်ညီၣ်အံၤအသိးန့ၣ်, ပှၤဘၣ်မၤအီၤလီၤ.

³² ဂီၤဖံးမ့ၢ်ဘျၢၣ်တၢ်အကုၢ်ပိာ်ခွါ, တၢ်အကုၢ်ပိာ်မုၣ် ဒီး, ဘၣ်ဟ့ၣ်လီၤအကစၢ်န့ၣ်လၢစ့သၢဆံလီၤ. ဒီးဂီၤ ဖံးကဘၣ်တၢ်ကွံာ်အီၤလၢလၢၢ်လီၤ.

³³ ဒီးပှၤမ့ၢ်အိးထီၣ်တၢ်ပူၤမ့ၢ်ဂ့ၤ, ပှၤမ့ၢ်ခူၣ်တၢ်ပူၤမ့ၢ်ဂ့ၤ, ဒီးတကျၢၢ်ဘၢဃာ်ဘၣ်, ဒီးဂီၤဖံးမ့ၢ်ဂ့ၤ, ကသ့ၣ်ယီၤ မ့ၢ်ဂ့ၤ, မ့ၢ်လီၤတဲာ်လၢအပူၤဒီး, ³⁴ တၢ်ပူၤအကစၢ်ဘၣ် ဟ့ၣ်တၢ်ထဲသိးသိး, ဘၣ်ဟ့ၣ်က့ၤစ့လၢတၢ်တဒုအက စၢ်, ဒီးတၢ်အစိၣ်န့ၣ်ကကဲထီၣ်အတၢ်ဒၣ်ဝဲလီၤ.

³⁵ ဒီးပှၤတဂၤအဂီၤဖံးမ့ၢ်ဘျၢၣ်ပှၤတဂၤဒၣ်အဂီၤဖံး, ဒီး မ့ၢ်သံဝဲဒီး, အဝဲသ့ၣ်တဖၣ်ဘၣ်ဆါကွံာ်ဂီၤဖံးလၢအမူ ဒံးတဒု, ဒီးနီၤဖးစ့အဆၢ, ဒီးဘၣ်နီၤဖးတၢ်အစိၣ်န့ၣ် စ့ၢ်ကီးလီၤ. ³⁶ ဘၣ်ဆၣ်ဒီးပှၤမ့ၢ်သ့ၣ်ညါလၢဂီၤဖံးဘျၢၣ် တၢ်လၢမဟါမဟိ, ဒီးအကစၢ်တကွၢ်ဘၣ်အီၤဒီး, ဘၣ် ဟ့ၣ်တၢ်ထဲသိးသိးလၢလၢပှဲၤပှဲၤ သပှၢ်တၢၢ်လၢဂီၤဖံး တဒုအဂီၢ်, ဒီးတၢ်အစိၣ်န့ၣ်ကကဲထီၣ်အတၢ်ဒၣ်ဝဲလီၤ.

၂၂

¹ ဂီၤဖံးတဒုဂ့ၤဂ့ၤ, သိတဒုဂ့ၤဂ့ၤ, ပှၤမ့ၢ်ဟုၣ်ဝဲ, ဒီးမၤ သံအီၤမ့ၢ်ဂ့ၤ, ဆါကွံာ်အီၤမ့ၢ်ဂ့ၤ, ဘၣ်ဟ့ၣ်က့ၤဂီၤဖံး ယဲၢ်ဒုလၢဂီၤဖံးတဒုအဂီၢ်, ဒီးသိလွံၢ်ဒုလၢသိတဒုအ ဂီၢ်လီၤ.

² ပှၤဟုၣ်တၢ်မ့ၢ်ဘၣ်တၢ်ထံၣ်န့ၢ်အီၤလၢအဘၢၣ်ဖျိတၢ် အဖၢမုၢ်, ဒီးဘၣ်တၢ်ကျီကွံာ်အီၤဒီးသံဝဲဒီး, တၢ်သွံၣ် တအိၣ်ဘၣ်လၢအဃိဘၣ်. ³ မုၢ်မ့ၢ်ဟဲထီၣ်န့ၢ်အီၤဒီး, တၢ်သွံၣ်ကအိၣ်လၢအဃိလီၤ. ကြၢးဟ့ၣ်တၢ်ထဲသိးသိး လၢလၢပှဲၤပှဲၤလီၤ. အတၢ်မ့ၢ်တအိၣ်ဘၣ်ဒီး, ကဘၣ် တၢ်ဆါကွံာ်အီၤလၢအဟုၣ်တၢ်အဃိလီၤ.

⁴ တၢ်မ့ၢ်ထံၣ်န့ၢ်တၢ်လၢအဟုၣ်ဝဲသမူဒံးလၢအစုပူၤသ ပှၢ်တၢၢ်ဒီး, ဂီၤဖံးမ့ၢ်ဂ့ၤ, ကသ့ၣ်ယီၤမ့ၢ်ဂ့ၤ, သိမ့ၢ်ဂ့ၤ, ဘၣ်ဟ့ၣ်က့ၤတၢ်ခံစးလီၤ.

⁵ ပှၤမ့ၢ်ဒုးအီၣ်စံာ်လီၢ်မ့ၢ်ဂ့ၤ, စပံးလီၢ်မ့ၢ်ဂ့ၤ, ဒီးဒုးနုာ် အဆၣ်ဖိကီၢ်ဖိလၢအပူၤ, ဒီးဒုးအီၣ်ဝဲလၢပှၤဂၤအစံာ် လီၢ်ဒီး, လၢတၢ်ဂ့ၤကတၢၢ်လၢအစံာ်ဒၣ်ဝဲအပူၤ, ဒီး လၢတၢ်ဂ့ၤကတၢၢ်လၢ အစပံးလီၢ်ဒၣ်ဝဲအပူၤန့ၣ်ဘၣ် ဟ့ၣ်က့ၤလီၤ.

⁶ မ့ၣ်အူကဲၤထီၣ်ဒီးဘၣ်လၢတၤဆှုၣ်တၤမဲ, ဒီးဘုက ဒိၣ်ပာ်ဖှိၣ်တၢ်မ့ၢ်ဂ့ၤ, ဘုတကူးဒံးဘၣ်မ့ၢ်ဂ့ၤ, စံာ်မ့ၢ်ဂ့ၤ, မ့ၣ်အူမ့ၢ်အီၣ်ကွံာ်အီၤဒီး, ပှၤလၢအဆိၣ်ကဲၤမ့ၣ်အူတ ဂၤန့ၣ်, ကဘၣ်ဟ့ၣ်တၢ်ထဲသိးသိးလၢလၢပှဲၤပှဲၤလီၤ.

⁷ ပှၤမ့ၢ်ပာ်ဒီးပှၤလၢအဃၢၤ, စ့မ့ၢ်ဂ့ၤ, တၢ်ဖိတၢ်လံၤ မ့ၢ်ဂ့ၤ, ဒ်သိးအကကွၢ်အီၤ, ဒီးပှၤမ့ၢ်ဟုၣ်န့ၢ်အီၤလၢပှၤ တဂၤန့ၣ်အဟံၣ်ပူၤဒီး, တၢ်မ့ၢ်ထံၣ်န့ၢ်ပှၤဟုၣ်တၢ်တဂၤ န့ၣ်ဒီး, ဘၣ်ဟ့ၣ်က့ၤတၢ်ခံစးလီၤ. ⁸ တၢ်မ့ၢ်တထံၣ် န့ၢ်ဘၣ်ပှၤဟုၣ်တၢ်ဘၣ်ဒီး, ဟံၣ်ကစၢ်ဘၣ်ဟဲဆူယွၤ အအိၣ်, မ့ၢ်အတယူာ်ထီၣ်ဘၣ်အစုဆူပှၤလၢအဃၢၤ အတၢ်ဖိတၢ်လံၤဧါန့ၣ်အဂ့ၢ်လီၤ.

⁹ လၢကယဲၢ်တၢ်မၤကမၣ်တၢ်အဂ့ၢ်, လၢဂီၤဖံးအဃိမ့ၢ် ဂ့ၤ, လၢကသ့ၣ်ယီၤအဃိမ့ၢ်ဂ့ၤ, လၢသိအဃိမ့ၢ်ဂ့ၤ, လၢ တၢ်ကူတၢ်သိးအဃိမ့ၢ်ဂ့ၤ, လၢကယဲၢ်တၢ်လၢအဟါ မၢ်လၢပှၤစံးလၢသါတၢ်အဃိမ့ၢ်ဂ့ၤ, ပှၤခံဂၤအကွီၢ်ဘၣ် ဟဲဆူယွၤအအိၣ်လီၤ. ပှၤလၢယွၤကစံၣ်ညီၣ်ဃၣ်အီၤ တဂၤန့ၣ် ဘၣ်ဟ့ၣ်က့ၤပှၤလၢအဃၢၤလၢတၢ်ခံစးလီၤ. ¹⁰ ကသ့ၣ်ယီၤမ့ၢ်ဂ့ၤ, ဂီၤဖံးမ့ၢ်ဂ့ၤ, သိမ့ၢ်ဂ့ၤ, ဖဲဒၣ်ဆၣ်ဖိကီၢ်ဖိတဒုဒုမ့ၢ်ဂ့ၤ, ပှၤမ့ၢ်ပာ်လၢပှၤလၢအဃၢၤအစုပူၤဒ်သိးအကကွၢ်အီၤဒီး, သံဝဲမ့ၢ်ဂ့ၤ, ဘၣ်ထံးမ့ၢ်ဂ့ၤ, တၢ်ဖီၣ်န့ၢ်အီၤမ့ၢ်ဂ့ၤ, ပှၤမ့ၢ်တထံၣ်ဘၣ်နီတဂၤဘၣ်ဒီး,―

¹¹ တၢ်ဆိၣ်ဘၣ်ဃးဒီးယွၤကအိၣ်လၢ ပှၤခံဂၤအဘၢၣ်စၢၤ လၢအတယူာ်ထီၣ်ဘၣ်အစုဆူ ပှၤလၢအဃၢၤအတၢ်ဖိ တၢ်လံၤဘၣ်, ဒီးအကစၢ်ဘၣ်တူၢ်လိာ်ဝဲ, ဒီးအဝဲတဂၤ န့ၣ်တဘၣ်ဟ့ၣ်က့ၤတၢ်လၢအဂီၢ်ဘၣ်. ¹² တၢ်မ့ၢ်ဟုၣ် န့ၢ်အီၤသပှၢ်တၢၢ်ဒီး, ဘၣ်ဟ့ၣ်တၢ်ထဲသိးသိး, လၢ အကစၢ်န့ၣ်လီၤ. ¹³ မ့ၢ်ဘၣ်ယာ်ကွံာ်ဝဲသပှၢ်တၢၢ်ဒီး, မ် အဟဲစိာ်အစိၣ်လၢတၢ်အုၣ်အသးအဂီၢ်တက့ၢ်. ဒီးတ ဘၣ်ဟ့ၣ်က့ၤတၢ်လၢအဘၣ်ယာ်အဃိဘၣ်.

¹⁴ ဒီးပှၤမ့ၢ်လိၢ်တၢ်လၢပှၤလၢအဃၢၤဒီး, ဘၣ်ထံးမ့ၢ် ဂ့ၤ, သံဝဲမ့ၢ်ဂ့ၤ, အကစၢ်တအိၣ်ဘၣ်ဒီးအီၤဘၣ်ဒီး, ဘၣ်ဟ့ၣ်က့ၤတၢ်ထဲသိးသိးလၢလၢပှဲၤပှဲၤလီၤ. ¹⁵ မ့မ့ၢ်အ ကစၢ်မ့ၢ်အိၣ်ဒီးအီၤဒီး, တဘၣ်ဟ့ၣ်က့ၤတၢ်လၢအဂီၢ် ဘၣ်. မ့ၢ်တၢ်ဒိးလဲအသးဒီး, ဟဲဝဲလၢအဘူးအလဲအ ဂီၢ်လီၤ.

¹⁶ ဒီးပှၤမ့ၢ်ကလံာ်ပိာ်မုၣ်လိၣ်ဘိလၢအတဘၣ်တၢ်အဲၣ် တီအီၤတဂၤ, ဒီးမံဃုာ်ဒီးအီၤဒီး, အဝဲဒၣ်ဘၣ်ပှ့ၤအီၤ လၢအမါအဂီၢ်သပှၢ်တၢၢ်လီၤ. ¹⁷ ဒ်သိးအကဟ့ၣ်အီၤ လၢအမါန့ၣ်အပၢ်မ့ၢ်ဂ့ၢ်လိာ်ဝဲသပှၢ်တၢၢ်ဒီး, ဘၣ်လိး စ့လီၤတယၢၢ်ပှဲၤသိးသိးဒီးပိာ်မုၣ်လိၣ်ဘိအပူၤန့ၣ်လီၤ.

¹⁸ ပိာ်မုၣ်လၢအမၤကဒါပမဲာ်န့ၣ် ဒုးမူအီၤတဂ့ၤ.

¹⁹ ဖဲဒၣ်ပှၤလၢအမံဃုာ်ဒီးဆၣ်ဖိကီၢ်ဖိတဂၤလၢ်လၢ်န့ၣ် ကဘၣ်တၢ်မၤသံအီၤသပှၢ်တၢၢ်လီၤ.

²⁰ ပှၤလၢအလုၢ်တၢ်လၢ ကစၢ်တဂၤဂၤ လၢအတမ့ၢ် ဘၣ်ယွၤတဂၤန့ၣ်, ကဘၣ်တၢ်မၤဟးဂီၤကွံာ်အီၤသပှၢ် တၢၢ်လီၤ.

²¹ ပှၤတခီဘီမုၢ်ဖိန့ၣ်, မၤအၢမၤသီအီၤတဂ့ၤ. မၤအၢ မၤနးအီၤတဂ့ၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤလီၤ.

²² ပှၤမုၣ်ကမဲမ့ၢ်ဂ့ၤ, ပှၤဖိၣ်ဃဲမ့ၢ်ဂ့ၤ, မၤနးမၤဖှီၣ်အီၤ တဂ့ၤ. ²³ နမ့ၢ်မၤနးမၤဖှီၣ်အီၤတမံၤမံၤ, ဒီးမ့ၢ်ကိးထီၣ် ယၤတစဲးဧိၤဒီး, ယကဒိကနၣ် အကိးထီၣ်တၢ်သပှၢ် တၢၢ်လီၤ.―

²⁴ ဒီးယသးထီၣ်ကကဲၤထီၣ်, ဒီးယကမၤသံသုလၢနး, ဒီးသုမါကကဲထီၣ်မုၣ်ကမဲ, ဒီးသုဖိကကဲထီၣ်ဖိၣ်ဃဲ န့ၣ်လီၤ.

²⁵ နမ့ၢ်ဒုးလိၢ်စ့လၢယပှၤဂီၢ်မုၢ်, ပှၤဖှီၣ်ဖိအိၣ်ဒီးနၤဒီး, ကဲထီၣ်လၢအဂီၢ်ဒ်ပှၤလၢအဟံးန့ၢ်စ့အအ့ၣ်တဂ့ၤ. ပာ် စ့အအ့ၣ်လၢအလိၤတဂ့ၤ.

²⁶ နမ့ၢ်ဟံးကီၤဃာ်ပှၤလၢနဃၢၤအယၣ်ဒီး, တုၤမုၢ်လီၤ နုာ်ဒီး, နဘၣ်ဟ့ၣ်က့ၤအီၤလီၤ. ²⁷ အဂ့ၢ်ဒ်အံၤ, တၢ် လုးဘၢအသးန့ၣ်မ့ၢ်ထဲအဝဲန့ၣ်ဧိၤလီၤ. မ့ၢ်အကူအသိး လၢအဖံးအဂီၢ်လီၤ. ကမံလၢမနုၤတမံၤလဲၣ်. ဒီးတုၤ အကိးထီၣ်ယၤဒီး, တၢ်ကမၤအသးလၢယကဒိကနၣ် လီၤ. အဂ့ၢ်ဒ်အံၤ, ယဲဒၣ်အံၤယဟ့ၣ်ဘျုးဟ့ၣ်ဖှိၣ်လီၤ.

²⁸ ဒုၣ်ဒွဲၣ်ကစၢ်တဂ့ၤ. ဆိၣ်အၢနပှၤဂီၢ်မုၢ် အပဒိၣ်တ ဂ့ၤ. ²⁹ ဒ်သိးနကမၤဘူၣ်တၢ်လၢ နတၤသၣ်မံအဃိအတၢ်လၢတၢ်ပှဲၤဒီးလၢနစပံးထံနသိအဆိန့ၣ်ဒီး, သုးနံၤသုးသီတဂ့ၤ. နဖိခွါဝဲၢ်ကိတဂၤန့ၣ် နဘၣ်ဟ့ၣ်ယၤလီၤ.―

³⁰ ဒ်န့ၣ်အသိး နဘၣ်မၤဒီးနဂီၤဖံးဒီးနသိတဖၣ်လီၤ. နွံနံၤ ကအိၣ်ဒီးအမိၢ်, ဒီးဃိးနံၤတနံၤန့ၣ်နဘၣ်ဟ့ၣ်အီၤလၢ ယၤလီၤ.

³¹ ဒီးသုဘၣ်ကဲထီၣ်ပှၤစီဆှံလၢယဂီၢ်လီၤ. တၢ်ညၣ်လၢ ဆၣ်ဖိကီၢ်ဖိအ့ၣ်ဖှီအီၤန့ၣ်အီၣ်တဂ့ၤ. ကွံာ်တ့ၢ်ကွံာ်အီၤ ဆူထွံၣ်အအိၣ်တက့ၢ်.

၂၃

¹ မၤဟူထီသါလီၤတၢ်ကစီၣ် ကဘျံးကဘျၣ်တဂ့ၤ. ပာ်နစုဒီးပှၤတတီတလိၤ ဒ်သိးနကကဲထီၣ်ပှၤအုၣ်အ သးလၢလီတၢ်တဂ့ၤ.

² ပိာ်ပှၤအါဂၤအခံ လၢတၢ်မၤအၢအပူၤန့ၣ်တဂ့ၤ, စံး ဆၢတၢ်လၢတၢ်အကွီၢ်ထွဲပှၤအါဂၤအခံ လၢတၢ်ဘိးက မၣ်တၢ်အပူၤတဂ့ၤ.

³ ကွၢ်မဲာ်ပှၤဘၣ်ဖှီၣ်ဘၣ်ယာ်လၢအကွီၢ်ပူၤန့ၣ်တဂ့ၤ.

⁴ နမ့ၢ်ဘၣ်သဃိာ်ဒီးနဒုၣ်နဒါအဂီၤဖံးဂ့ၤ, အကသ့ၣ် ယီၤဂ့ၤဟးဖျိးကျဲဒီး, ဒုးဟဲက့ၤကဒါက့ၤအီၤဆူအအိၣ် သပှၢ်တၢၢ်တက့ၢ်.

⁵ နမ့ၢ်ထံၣ်ဘၣ်ပှၤလၢအသးဟ့နၤတဂၤအကသ့ၣ်ယီၤ ကိာ်လီၤလၢအဝံတၢ်အဖီလာ်ဒီး, နသးတအိၣ်မၤစၢၤ ဘၣ်အီၤဘၣ်ဒီး, အိၣ်တဂ့ၤ, မၤစၢၤအီၤသပှၢ်တၢၢ် တက့ၢ်.

⁶ ဘိးဃၣ်နပှၤဖှီၣ်ဖိယာ်ဖိ အတၢ်စံၣ်ညီၣ်ဘၣ်ဃးဒီး အကွီၢ်တဂ့ၤ.

⁷ အိၣ်ယံၤဒီးတၢ်တမ့ၢ်တတီဘၣ်န့ၣ်တက့ၢ်. ဒီးမၤသံ ပှၤလၢအတၢ်ဒဲးဘးတအိၣ်ဘၣ်, ပှၤအတီအလိၤန့ၣ်တ ဂ့ၤ. အဂ့ၢ်ဒ်အံၤ, ယတပာ်တီဘၣ်ပှၤအအၢန့ၣ်ဘၣ်.

⁸ ဒီးဟံးန့ၢ်တၢ်ခိၣ်ဖးတဂ့ၤ. အဂ့ၢ်ဒ်အံၤ, တၢ်ခိၣ်ဖး မၤဘျီၣ်မဲာ်ပှၤလၢအမဲာ်ဆးတဖၣ်အသး, ဒီးမၤတလံာ် ပှၤအတီအလိၤတဖၣ်အတၢ်ကတိၤလီၤ.

⁹ ဒီးမၤနးမၤဖှီၣ်ပှၤတခီဘီမုၢ်ဖိတဂ့ၤ. အဂ့ၢ်ဒ်အံၤ, သု သ့ၣ်ညါပှၤတခီဘီမုၢ်ဖိအသးလီၤ. သုမ့ၢ်တခီဘီမုၢ်ဖိ လၢအဲၤကူပတူးအပူၤလီၤ.

¹⁰ ဒီးနဘၣ်ဖှံတၢ်လၢနဟီၣ်ခိၣ်ဃုနံၣ်, ဒီးထၢပာ်ဖှိၣ်အ တၤသၣ်လီၤ. ¹¹ မ့မ့ၢ်နွံနံၣ်တနံၣ်န့ၣ်, နဘၣ်ဒုးအိၣ်ဘှံး အီၤ, ဒီးအိၣ်ဒၣ်အတၢ်, ဒ်သိးနပှၤဂီၢ်မုၢ်အဖှီၣ်ဖိယာ် ဖိကအီၣ်တၢ်, ဒီးတၢ်လၢအအိၣ်လီၤတဲာ်န့ၣ် ဆၣ်ဖိ ကီၢ်ဖိအမံၤလၢပှၢ်လၢ်ကျါကအီၣ်ဘၣ်ဝဲလီၤ. ဒ်န့ၣ်အ သိးနဘၣ်မၤဒီး နစပံးအလီၢ်ဒီးနသ့ၣ်စၤယံးအလီၢ်န့ၣ် လီၤ.

¹² ဃုနံၤအတီၢ်ပူၤန့ၣ်နဘၣ်မၤနတၢ်မၤ, ဒီးနွံနံၤတနံၤ န့ၣ်နဘၣ်အိၣ်ဘှံး, ဒ်သိးနဂီၤဖံးဒီးနကသ့ၣ်ယီၤက အိၣ်ဘှံး, ဒီးနကုၢ်ပိာ်မုၣ်အဖိခွါ, ဒီးပှၤတခီဘီမုၢ်အဖိ ခွါအသးကခုၣ်ထီၣ်ကမုာ်ထီၣ်လီၤ.

¹³ ဒီးပလီၢ်သုသး လၢကယဲၢ်တၢ်လၢယစံးတ့ၢ်သုတ က့ၢ်. ဒီးဒုးသ့ၣ်နီၣ်ထီၣ်ကစၢ်အဂၤတဖၣ်အမံၤတဂ့ၤ. မ်တၢ်သုတနၢ်ဟူဘၣ်အီၤလၢနထးခိၣ်တဂ့ၤ.

¹⁴ တနံၣ်အတီၢ်ပူၤန့ၣ် တိၢ်န့ၢ်တၢ်မၤဘူၣ်လၢယဂီၢ်သၢ ဘျီတက့ၢ်.

¹⁵ နဘၣ်တိၢ်န့ၢ် ဘူၣ်ကိၣ်တအိၣ်ဘၣ်ဒီးကိၣ်မံၣ်, (န ဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်နွံနံၤ, ဒ်ယမၤ လိာ်နၤအသိး, ဖဲအဆၢအကတီၢ်လၢလါအၤဘံာ်န့ၣ် လီၤ. အဂ့ၢ်ဒ်အံၤ, လၢအတီၢ်ပူၤန့ၣ်နဟးထီၣ်ကွံာ်လၢ အဲၤကူပတူး, ဒီးပှၤတဘၣ်အိၣ်ဖျါလၢယမဲာ်ညါအိၣ်က လီဘၣ်), ¹⁶ ဒီးဘူၣ်ကူးတၢ်, နမၤတၢ်အတၤသၣ်ဆိ ဘၣ်ဃးဒီးနဖှံတၢ်လၢစံာ်ပူၤ, ဒီးဘူၣ်ထၢဖှိၣ်တၢ်ဖဲနထၢ ဖှိၣ်နမၤတၢ်လၢစံာ်ပူၤ, ဒီးလၢနံၣ်အကတၢၢ်လီၤ. ¹⁷ တ နံၣ်အတီၢ်ပူၤန့ၣ် ကယဲၢ်သုပိာ်ခွါဘၣ်အိၣ်ဖျါသၢဘျီ လၢကစၢ်ယွၤအမဲာ်ညါခဲလၢာ်လီၤ.

¹⁸ လုၢ်ယတၢ်လုၢ်အသွံၣ်, ဒီးကိၣ်အိၣ်ဒီးကိၣ်မံၣ်န့ၣ် တဂ့ၤ. ဒီးယတၢ်မၤဘူၣ်အသိန့ၣ် ပာ်အီၤသီတနၤ ကျၢၤတုၤမုၢ်ဆ့ၣ်ထီၣ်န့ၣ်တဂ့ၤ.

¹⁹ နဟီၣ်ခိၣ်အတၤသၣ်ဆိအဂံၢ်ခိၣ်တဖၣ်န့ၣ် ဟဲစိာ် ဆူယွၤနကစၢ်အဟံၣ်ပူၤတက့ၢ်. ချီမဲာ်တဲးလဲးဖိလၢအ မိၢ်နုၢ်ထံပူၤတဂ့ၤ.

²⁰ ကွၢ်ကွၢ်, ယမၢလီၤကလူးတဂၤလၢနမဲာ်ညါလၢအ ကကွၢ်နၤလၢကျဲ, ဒီးကဒုးဟဲနၤဆူတၢ်အလီၢ်လၢယ ကတဲာ်ကတီၤတ့ၢ်အီၤတပူၤလီၤ. ²¹ ပလီၢ်နသးလၢအီၤ, ဒီးကနၣ်အကလုၢ်တက့ၢ်. မၤသးထီၣ်အီၤတဂ့ၤ. အ ဂ့ၢ်ဒ်အံၤ, တပျၢ်ဘၣ်သုတၢ်ကမၣ်ဘၣ်. အဂ့ၢ်ဒ်အံၤ, ယမံၤအိၣ်လၢအပူၤလီၤ. ²² မ့မ့ၢ်နမ့ၢ်ကနၣ်အကလုၢ် လီၤတံၢ်လီၤဆဲး, ဒီးတိၢ်န့ၢ်ကယဲၢ်ယကတိၤတၢ်ဒီး, ယကကဲထီၣ်နဒုၣ်နဒါတဖၣ်အဒုၣ်အဒါ, ဒီးပှၤမၤကိၢ် မၤဂီၤနၤတဖၣ်အတၢ်မၤကိၢ်မၤဂီၤအီၤလီၤ.

²³ အဂ့ၢ်ဒ်အံၤ, ယကလူးန့ၣ်ကလဲၤလၢနမဲာ်ညါ, ဒီး ဒုးလဲၤနၤဆူပှၤအမိၢ်ဖိ, ဒီးပှၤဃ့ၤသးဖိ, ဒီးပှၤပရးစၤ ဖိ, ဒီးပှၤကနၤဧၣ်ဖိ, ဒီးပှၤဃံၤဝံၤဖိ, ဒီးပှၤယဘူၣ်ဖိ တဖၣ်အအိၣ်, ဒီးယကမၤဟးဂီၤအီၤလီၤ.

²⁴ ဘါအကစၢ်တဖၣ်တဂ့ၤ. မၤအတၢ်တဂ့ၤ. မၤတၢ် ဒ်အဝဲသ့ၣ်မၤအသိးန့ၣ်တဂ့ၤ. ဒီးမၤဟးဂီၤကွံာ်အီၤ, ဒီးမၤလီၤကလဲအတၢ်ဂီၤတဖၣ်န့ၣ်တက့ၢ်.

²⁵ ဒီးမၤယွၤ သုကစၢ်အတၢ်တက့ၢ်. ဒီးကဆိၣ်ဂ့ၤသု ကိၣ်ဒီးသုထံလီၤ. ဒီးယကဟံးထီၣ်ကွံာ် တၢ်ဆူးတၢ် ဆါလၢနကျါလီၤ. ²⁶ တၢ်အဟုးတဟးဂီၤဘၣ်, တၢ် တူာ်ဖိတအိၣ်ဘၣ်လၢနကီၢ်ပူၤနီတမံၤဘၣ်. နနံၤနသီ အတၢ်ဂံၢ်န့ၣ်ယကမၤပှဲၤထီၣ်လီၤ.

²⁷ ယကမၢတၢ်ပျံၤယၤလဲၤလၢနမဲာ်ညါ, ဒီးကယဲၢ်ပှၤ ဂီၢ်မုၢ်လၢနကလဲၤဆူအအိၣ်ခဲလၢာ်န့ၣ်, ယကမၤပျံၤမၤ ဖုးအီၤ, ဒီးယကမၢနဒုၣ်နဒါဃၣ်ဒူၣ်ချၢအသးလၢနၤ လီၤ. ²⁸ ဒီးယကမၢဖျၢဧိၤဖျါဧိၤ လဲၤလၢနမဲာ်ညါလၢ အကဟီထီၣ်ကွံာ်ပှၤဃံၤဝံၤဖိ, ပှၤကနၤဧၣ်ဖိ, ဒီးပှၤ ဃ့ၤသးဖိလၢနမဲာ်ညါလီၤ.

²⁹ ယတဟီထီၣ်ကွံာ်အီၤ လၢနမဲာ်ညါ လၢတနံၣ်ဃီ ဘၣ်. ကီၢ်ကအိၣ်သယုၢ်ဘၣ်ဖုး, ဒီးဆၣ်ဖိကီၢ်ဖိအမံၤ လၢပှၢ်လၢ်ကျါကအါထီၣ်ဘၣ်ဖုးထီဒါနၤလီၤ. ³⁰ တစဲး ဘၣ်တစဲးယကဟီထီၣ်ကွံာ်အီၤလၢနမဲာ်ညါ, တုၤန သၣ်ထီၣ်ဒီးန့ၢ်ဘၣ်သါထံဧိၤကီၢ်ဧိၤန့ၣ်လီၤ.

³¹ ဒီးယကပာ်နဆၢလၢပီၣ်လဲၣ်ဂီၤ ပၢၢ်လၢပှၤဖလ့ၡ သးဖိအပီၣ်လဲၣ်, ဒီးလၢပှၢ်မုၢ်ကနၢပၢၢ်လၢထံမိၢ်ပှၢ် လီၤ. အဂ့ၢ်ဒ်အံၤ, ယကဟ့ၣ်လီၤကွံာ်ပှၤကီၢ်ဖိလၢနစု ပူၤ, ဒီးနကဟီထီၣ်ကွံာ်အီၤလၢနမဲာ်ညါလီၤ.

³² ဒီးအဝဲသ့ၣ်မ့ၢ်ဂ့ၤ, ဒီးအကစၢ်တဖၣ်မ့ၢ်ဂ့ၤ, အၢၣ် လီၤအီလီၤတၢ်ဒီးအီၤတဂ့ၤ. ³³ တဘၣ်အိၣ်လၢနကီၢ်ပူၤ ဘၣ်. မ့ၢ်အကမၢနမၤကမၣ်ဘၣ်ဖုးယၤလီၤ. အဂ့ၢ်ဒ် အံၤ, နမ့ၢ်မၤအကစၢ်တဖၣ်အတၢ်ဒီး, ကကဲထီၣ်တၢ် လၢတၢ်ပျံၤသကွီၤလၢနဂီၢ်လီၤ.

၂၄

¹ ဒီးစံးဘၣ်စီၤမိၤရှ့, ဟဲထီၣ်ဆူယွၤအအိၣ်, နဲဒၣ်ဒီး စီၤအၤဟရိၣ်, စီၤနၤဒး, ဒီးစီၤအဘံဟူၤ, ဒီးအံၣ်စရ့ လးအပှၤသူၣ်က့သးပှၢ်နွံဆံ, ဒီးဘါတၢ်အိၣ်လၢအယံၤ တက့ၢ်. ² ဒီးစီၤမိၤရှ့ကသုးဘူးအသးဆူယွၤအအိၣ်ထဲ တဂၤလီၤ. အဝဲသ့ၣ်တဖၣ်တဘၣ်သုးဘူးအသးဘၣ်. ဒီးပှၤဂီၢ်မုၢ်တဘၣ်လဲၤထီၣ်ဘၣ်ဒီးအီၤဘၣ်.

³ ဒီးစီၤမိၤရှ့ဟဲဝဲ, ဒီးစံးဘၣ်တဲဘၣ်ပှၤဂီၢ်မုၢ်လၢကယဲၢ် ယွၤအကလုၢ်အကထါ, ဒီးကယဲၢ်အစံၣ်ညီၣ် တၢ်ခဲ လၢာ်, ဒီးပှၤဂီၢ်မုၢ်စံးဆၢတၢ်လၢအကလုၢ်တဘျီဃီခဲ လဲာ်, ဒီးစံးဝဲဒၣ်, ကယဲၢ်တၢ်ကတိၤလၢယွၤကတိၤ တၢ်န့ၣ်ပကတိၢ်န့ၢ်လီၤ.

⁴ ဒီးစီၤမိၤရှ့ကွဲးလီၤ ကယဲၢ်ယွၤအကလုၢ်အကထါခဲ လၢာ်, ဒီးလၢမုၢ်ဂီၤန့ၣ်ဂဲၤဆၢထၢၣ်ဂီၤဂီၤ, ဒီးမၤယွၤအ တၢ်လုၢ်အလီၢ်လၢကစၢၢ်ခီၣ်ထံးန့ၣ်, ဒီးအထူၣ်တဆံခံ ထူၣ်, ပှဲၤသိးသိးဒီးပှၤအံၣ်စရ့လးဖိတဆံခံဒူၣ်န့ၣ်လီၤ.

⁵ ဒီးမၢပှၤဖိၣ်သၣ်ခွါလၢပှၤအံၣ်စရ့လးဖိအကျါ, ဒီးအ ဝဲသ့ၣ်လုၢ်တၢ်လုၢ်မ့ၣ်အူ, ဒီးလုၢ်ယွၤလၢတၢ်လုၢ်မၤဃူ မၤဖိးတၢ်အဂီၤဖံးန့ၣ်လီၤ.

⁶ ဒီးစီၤမိၤရှ့ဟံးန့ၢ်သွံၣ်ခံပူတပူ, ဒီးဒၢနုာ်ဝဲလၢသလၢ တဖၣ်အပူၤ, ဒီးဖှံဝဲလၢသွံၣ်ခံပူတပူလၢတၢ်လုၢ်အလီၢ် အဖီခိၣ်လီၤ. ⁷ ဒီးဟံးန့ၢ်လံာ်တၢ်အၢၣ်လီၤအီလီၤ, ဒီး ဖးဝဲလၢပှၤဂီၢ်မုၢ်အနၢ်ပူၤ, ဒီးအဝဲသ့ၣ်စံးဝဲဒၣ်, ကယဲၢ် တၢ်လၢယွၤကတိၤတၢ်န့ၣ်ပကတိၢ်န့ၢ်, ဒီးဒိကနၣ်လီၤ.

⁸ ဒီးစီၤမိၤရှ့ဟံးန့ၢ်သွံၣ်, ဒီးဖှံဝဲလၢပှၤဂီၢ်မုၢ်အလိၤဒီးစံး ဝဲဒၣ်, ကွၢ်ကွၢ်, တၢ်သွံၣ်ဘၣ်ဃးဒီးတၢ်အၢၣ်လီၤအီ လီၤလၢယွၤအၢၣ်လီၤအီလီၤဒီးသု လၢတၢ်ကတိၤအံၤ ခဲလၢာ်အဂ့ၢ်အကျိၤလီၤ.

⁹ ဒီးစီၤမိၤရှ့ဒီးစီၤအၤဟရိၣ်, ဒီးစီၤနၤဒး, ဒီးစီၤအဘံ ဟူၤ, ဒီးအံၣ်စရ့လးအပှၤသူၣ်က့သးပှၢ်နွံဆံတဖၣ်လဲၤ ထီၣ်ဝဲလီၤ.

¹⁰ ဒီးထံၣ်ဘၣ်အံၣ်စရ့လးအကစၢ်, ဒီးလၢအခီၣ်ဖီလာ် တၢ်အိၣ်ဝဲမၤအသးဒ် တၢ်မျၢ်နံၤလါဒါလီၤအသးအ သိး, ဒီးလၢအတၢ်ဆှံန့ၣ်မၤသးဒ် မူခိၣ်အကစၢ်ဒၣ်ဝဲ အသိးလီၤ.

¹¹ ဒီးတပာ်ဘၣ်အစုလၢ ပှၤအံၣ်စရ့လးဖိအခိၣ်တဖၣ် ဘၣ်. ဒီးအဝဲသ့ၣ်ထံၣ်ဘၣ်ယွၤ, ဒီးအီၣ်တၢ်ဒီးအီတၢ် လီၤ.

¹² ဒီးယွၤစံးဘၣ်စီၤမိၤရှ့, ဟဲထီၣ်ဆူယအိၣ်လၢကစၢၢ် လိၤန့ၣ်, ဒီးအိၣ်ဖဲန့ၣ်တက့ၢ်. ဒီးယကဟ့ၣ်လီၤနၤလၢ လၢၢ်ဘ့ၣ်ဘၣ်တဖၣ်, ဒီးတၢ်သိၣ်တၢ်သီ, ဒီးတၢ်မၤ လိာ်လၢယကွဲးတၢ်, ဒ်သိးနကသိၣ်လိအီၤလီၤ.

¹³ ဒီးစီၤမိၤရှ့ဂဲၤဆၢထၢၣ်ဒီးအခ့အပှၤစီၤယိၤရှူ, ဒီးစီၤ မိၤရှ့လဲၤထီၣ်ဆူကစၢ်အကစၢၢ်န့ၣ်လီၤ.

¹⁴ ဒီးစံးဘၣ်ပှၤသူၣ်က့သးပှၢ်, အိၣ်ခိးပှၤဖဲအံၤတုၤပဟဲ က့ၤကဒါက့ၤဆူသုအိၣ်တက့ၢ်. ဒီးကွၢ်ကွၢ်, စီၤအၤဟ ရိၣ်ဒီးစီၤဃူၢ်အိၣ်ဒီးသုလီၤ. ပှၤတဂၤဂၤအတၢ်ကတိၤ မ့ၢ်အိၣ်ဒီး, မ်အလဲၤဆူအအိၣ်တက့ၢ်.

¹⁵ ဒီးစီၤမိၤရှ့ လဲၤထီၣ်ဆူကစၢၢ်လိၤန့ၣ်, ဒီးတၢ်အၢၣ် လုၣ်ဘၢကစၢၢ်န့ၣ်လီၤ.

¹⁶ ဒီးယွၤအလၤအကပီၤ အိၣ်ဝဲဆိးဝဲလၢကစၢၢ်စံၤနါအ လိၤ, ဒီးတၢ်အၢၣ်လုၣ်ဘၢအီၤဃုနံၤ, ဒီးနွံနံၤတနံၤန့ၣ် ကိးထီၣ်ဝဲလၢစီၤမိၤရှ့လၢတၢ်အၢၣ်အသးကံၢ်ပူၤလီၤ.

¹⁷ ဒီးပှၤကွၢ်ယွၤအလၤအကပီၤ မၤသးဒ်မ့ၣ်အူအီၣ်တၢ် လၢကစၢၢ်ဒီခိၣ်အသိးန့ၣ်လၢ ပှၤအံၣ်စရ့လးဖိအမဲာ် ညါလီၤ.

¹⁸ ဒီးစီၤမိၤရှ့လဲၤနုာ်လၢတၢ်အၢၣ်အသးကံၢ်ပူၤ, ဒီးလဲၤ ထီၣ်ဆူကစၢၢ်လိၤန့ၣ်လီၤ. ဒီးစီၤမိၤရှ့အိၣ်ဝဲလၢကစၢၢ် လိၤအနံၤလွံၢ်ဆံဒီးအနၤလွံၢ်ဆံလီၤ.

၂၅

¹ ဒီးယွၤစံးဘၣ်စီၤမိၤရှ့, ဒီးစံးဝဲဒၣ်,― စံးဘၣ်ပှၤအံၣ် စရ့လးဖိလၢအဘၣ်ဟဲစိာ်န့ၢ်ယၤလၢ တၢ်မၤဘူၣ်တ က့ၢ်. ကယဲၢ်ပှၤလၢအဟ့ၣ်ဒၣ်တၢ်လၢ အသးတဂၤ လၢ်လၢ်န့ၣ်သုဘၣ်ဟံးန့ၢ်ယတၢ်မၤဘူၣ်လၢအီၤလီၤ. ³ ဒီးအအံၤမ့ၢ်တၢ်မၤဘူၣ်လၢ သုဘၣ်ဟံးန့ၢ်လၢအီၤန့ၣ်, ထူဧိၤလွဲဧိၤ, ဒီးကျိၣ်ဧိၤစ့ဧိၤ, ဒီးတိၢ်ဧိၤတြၤဧိၤ,―

⁴ ဒီးတၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါက ဆှၣ်, ဒီးမဲာ်တဲးလဲၤအဆူၣ်, ⁵ ဒီးသိဖါအဖံးစုၣ်ဂီၤ, ဒီးတၢ်အဖံး, ဒီးသ့ၣ်ဖှ့ၡံးတၤ, ⁶ ဒီးသိလၢမ့ၣ်အူဒၢအ ဂီၢ်, ဒီးတၢ်နၢမူလၢသိဖှူတၢ်အဂီၢ်, ဒီးလၢဆိၣ်ကဲၤတၢ် နၢမူအဂီၢ်, ⁷ တၢ်မျၢ်မဟူယၤ, ဒီးလၢၢ်လၢတၢ်ကဒၢ နုာ်လၢအ့ဖိးအဂီၢ်, ဒီးလၢသဃိးအဂီၢ်လီၤ.

⁸ ဒီးဒ်သိးယကအိၣ်ကဆိးလၢအကျါဒီး, မ်အမၤတၢ် အလီၢ်စီဆှံလၢယဂီၢ်တက့ၢ်. ⁹ ဒ်ကယဲၢ်တၢ်လၢယဒုး ထံၣ်ဘၣ်နၤ, တၢ်အိၣ်တၢ်ဆိးအလီၢ်အဒိအတဲာ်, ဒီး အတၢ်ဖိတၢ်လံၤအဒိအတဲာ်အသိးန့ၣ်, သုဘၣ်မၤအီၤ ဒ်န့ၣ်သိးလီၤ.

¹⁰ ဒီးဘၣ်မၤတလါလၢသ့ၣ်ဖှ့ၡံးတၤတဖျၢၣ်လီၤ. အထီ ခံပျၢ်ဒီးတထါ, ဒီးအဒီၣ်ဃီၤတပျၢ်ဒီးတထါ, ဒီးအက စီၤထီၣ်တပျၢ်ဒီးတထါလီၤ. ¹¹ ဒီးနဘၣ်ပီၤအီၤဒီးထူစီ လီၤ. လၢခိမ့ၢ်ဂ့ၤ, လၢညါမ့ၢ်ဂ့ၤ, နဘၣ်ပီၤအလိၤ, ဒီးနဘၣ်မၤတၢ်ခိၣ်ကျီၤထူ ဝးတရံးလၢအဖီခိၣ်လီၤ.―

¹² ဒီးနဘၣ်သိအကွီၤထူလွံၢ်ဘိလၢအဂီၢ်, ဒီးပာ်အီၤလၢ အခီၣ်လွံၢ်ခီ, ဒီးကွီၤခံဘိကအိၣ်လၢအကပၤတခီ, ဒီး ကွီၤခံဘိကအိၣ်လၢတခီဒၣ်လီၤ. ¹³ ဒီးနဘၣ်မၤနီၣ်ယိး ဘိခံဘိလၢသ့ၣ်ဖှ့ၡံးတၤ, ဒီးပီၤအီၤဒီးထူလီၤ. ¹⁴ ဒီးန ဘၣ်ဒၢနုာ်နီၣ်ယိးဘိတဖၣ်လၢကွီၤအပူၤ လၢတလါအ ကပၤ, ဒ်သိးပှၤကစိာ်တလါလၢအီၤလီၤ. ¹⁵ ဒီးနီၣ်ယိး ဘိတဖၣ် ကအိၣ်ဒၣ်တၢ်လၢတလါအကွီၤပူၤလီၤ. ဒီး ပှၤတဘၣ်ဟံးထီၣ်ဘၣ်အီၤလၢအပူၤဘၣ်.

¹⁶ ဒီးနဘၣ်ဒၢနုာ် တၢ်အၢၣ်လီၤအီလီၤလၢယကဟ့ၣ် လီၤနၤလၢတလါပူၤလီၤ.

¹⁷ ဒီးနဘၣ်မၤတၢ်မၤပူၤဖျဲးအလီၢ်လၢထူစီလီၤ. အထီ ခံပျၢ်ဒီးတထါ, ဒီးအဒီၣ်ဃီၤတပျၢ်ဒီးတထါလီၤ.

¹⁸ နဘၣ်တ့ခ့ရူာ်ထူကိၢ်လိၣ်ခံဂၤလီၤ. နဘၣ်တ့အီၤဖဲ တၢ်မၤပူၤဖျဲးအလီၢ်အစိးနါခံခီလီၤ.

¹⁹ တ့ခ့ရူာ်တဂၤလၢအနါစ့ၤလၢအဝဲတခီ, ဒီးခ့ရူာ်အဝဲ တဂၤလၢအနါစ့ၤလၢအဝဲတခီလီၤ. သုဘၣ်တ့ခ့ရူာ် တဖၣ်လၢတၢ်တလိၣ်ဃီ ဒီးတၢ်မၤပူၤဖျဲးအလီၢ်ဖဲအ စိးနါခံခီလီၤ.

²⁰ ခ့ရူာ်တဖၣ်ကအိၣ်ဒီးအဒံးဆ့ယူာ်ထီၣ်အသး, အဒံး ဆ့ကျၢၢ်ဘၢတၢ်မၤပူၤဖျဲးအလီၢ်အဖီခိၣ်, ဒီးအမဲာ်က ကွၢ်လိာ်အသးလီၤ. ခ့ရူာ်တဖၣ်အမဲာ်ကအိၣ်ဆူတၢ် မၤပူၤဖျဲးအလီၢ်အအိၣ်လီၤ.

²¹ ဒီးနဘၣ်ပာ်တၢ်မၤပူၤဖျဲးအလီၢ် လၢတလါအဖီခိၣ်, ဒီးနဘၣ်ဒၢနုာ် တၢ်အၢၣ်လီၤအီလီၤလၢယကဟ့ၣ်လီၤ နၤလၢတလါအပူၤလီၤ.

²² ဒီးယကအိၣ်သဂၢၢ်နၤဖဲန့ၣ်, ဒီးယကကတိၤတၢ်ဒီး နၤလၢတၢ်မၤပူၤဖျဲးအလီၢ်အဖီခိၣ်, လၢခ့ရူာ်အဘၢၣ် စၢၤလၢအအိၣ်လၢ တၢ်အၢၣ်လီၤအီလီၤအတလါအဖီ ခိၣ်လၢတၢ်ခဲလၢာ်လၢယကမၤလိာ်နၤ လၢပှၤအံၣ်စရ့ လးဖိအဂီၢ်လီၤ.

²³ နဘၣ်မၤစ့ၢ်ကီးစီၢ်နီၤခိၣ်တဖျၢၣ် လၢသ့ၣ်ဖှ့ၡံးတၤ လီၤ. အထီခံပျၢ်, ဒီးအဒီၣ်ဃီၤတပျၢ်, ဒီးအကစီၤ ထီၣ်တပျၢ်ဒီးတထါလီၤ. ²⁴ ဒီးနဘၣ်ပီၤအီၤဒီးထူစီ, ဒီး မၤအခိၣ်ကျီၤထူဝးတရံးအီၤလီၤ. ²⁵ ဒီးနဘၣ်မၤသကျီၤ အလဲၢ်တဖံးလဲၤဝးတရံးအီၤ, ဒီးနဘၣ်မၤခိၣ်ကျီၤထူ လၢသကျီၤအဖီခိၣ်ဝးတရံးအီၤလီၤ. ²⁶ ဒီးနဘၣ်မၤကွီၤ ထူလွံၢ်ဘိလၢအဂီၢ်, ဒီးနဘၣ်ပာ်ကွီၤလၢအသနၢၣ် လွံၢ်နၢၣ်လၢအအိၣ်လၢအခီၣ်လွံၢ်ခီအလိၤလီၤ.

²⁷ ကွီၤတဖၣ်န့ၣ် ဘၣ်အိၣ်သဃီၤဒီးသကျီၤလၢနီၣ်ယိး ဘိအလီၢ်အဂီၢ်, ဒီးပှၤကစိာ်ထီၣ်စီၢ်နီၤခိၣ်န့ၣ် အဂီၢ် လီၤ.

²⁸ ဒီးနဘၣ်မၤနီၣ်ယိးဘိလၢသ့ၣ်ဖှ့ၡံးတၤ, ဒီးပီၤအီၤဒီး ထူ, ဒ်သိးပှၤကစိာ်ထီၣ်စီၢ်နီၤခိၣ်လၢအီၤလီၤ.

²⁹ ဒီးနဘၣ်မၤအလီခီတဖၣ်ဒီးအနီၣ်တၢၤတဖၣ်, ဒီး အကိတဖၣ်, ဒီးအသလၢလၢပှၤလူလီၤတၢ်အီၤတဖၣ် လီၤ. နဘၣ်မၤအီၤလၢထူစီလီၤ.

³⁰ ဒီးနဘၣ်ပာ်တၢ်မဲာ်ညါအကိၣ်လၢ စီၢ်နီၤခိၣ်အလိၤ လၢယမဲာ်ညါတထံၣ်ဃီလီၤ.

³¹ ဒီးနဘၣ်တ့မ့ၣ်အူဒၢမိၢ်ပှၢ်လၢထူစီလီၤ. မ့ၣ်အူဒၢမိၢ် ပှၢ်န့ၣ်ကဘၣ်တၢ်ပိာ်န့ၢ်အီၤလီၤ. အဘိ, ဒီးအဒ့တဖၣ်, အခိၣ်မီၣ်တဖၣ်, အကမိာ်တဖၣ်, အဖီတဖၣ်ဘၣ်မၤ လၢတၢ်တလိၣ်ဃီဒီးအီၤန့ၣ်လီၤ.

³² ဒီးအဒ့ဃုဒ့ကဟဲထီၣ်လၢအကပၤတဖၣ်လီၤ. မ့ၣ်အူ ဒၢမိၢ်ပှၢ်အဒ့သၢဒ့လၢအဝဲတခီ, ဒီးမ့ၣ်အူဒၢမိၢ်ပှၢ်အဒ့ သၢဒ့လၢအဝဲတခီလီၤ. ³³ အခိၣ်မီၣ်လီၤဂာ်ၡၤကးသၣ် သၢဖျၢၣ်, အကမိာ်တဖျၢၣ်, ဒီးဖီတဖိးအိၣ်ဝဲလၢအဝဲ တဒ့, ဒီးအခိၣ်မီၣ်လီၤဂာ်ၡၤကးသၣ်သၢဖျၢၣ်, အက မိာ်တဖျၢၣ်, ဒီးဖီတဖိးအိၣ်လၢအဝဲတဒ့လီၤ. ဒ်န့ၣ်အ သိးလၢဒ့ဃုဒ့လၢအဟဲထီၣ်လၢမ့ၣ်အူဒၢမိၢ်ပှၢ်လီၤ.

³⁴ ဒီးမ့ၣ်အူဒၢမိၢ်ပှၢ်န့ၣ်ကဘၣ်အိၣ်ဒီး အခိၣ်မီၣ်လီၤဂာ် ၡၤကးသၣ်လွံၢ်ဖျၢၣ်, အကမိာ်တဖၣ်, ဒီးအဖီတဖၣ်လီၤ.

³⁵ ဒီးအကမိာ်တဖျၢၣ်ကအိၣ်လၢအဒ့ခံဒ့ အဖီလာ်လၢ တၢ်တလိၣ်ဃီ, ဒီးအကမိာ်တဖျၢၣ်ကအိၣ်လၢအဒ့ခံဒ့ အဖီလာ်လၢတၢ်တလိၣ်ဃီ, ဒီးအကမိာ်တဖျၢၣ်ကအိၣ် လၢအဒ့ခံဒ့အဖီလာ်လၢတၢ်တလိၣ်ဃီ, ဒ်အဒ့ဃုဒ့ လၢအဟဲထီၣ်လၢမ့ၣ်အူဒၢမိၢ်ပှၢ်အလိၤအသိးန့ၣ်လီၤ.

³⁶ အကမိာ်တဖၣ်, ဒီးအဒ့တဖၣ်ဘၣ်မၤအသးလၢတၢ် တလိၣ်ဃီလီၤ. အတၢ်ခဲလၢာ်ကဘၣ်တၢ်ပိာ်န့ၢ်အီၤ လၢထူစီတလိၣ်ဃီလီၤ.

³⁷ ဒီးနဘၣ်တ့အမ့ၣ်အူဒၢနွံဖျၢၣ်, ဒီးပှၤဘၣ်ပာ်ထီၣ်မ့ၣ် အူဒၢ, ဒီးကကပီၤထီၣ်ဝဲသဃီၤဒီးအမဲာ်ညါလီၤ.

³⁸ ဒီးအနီၣ်တံာ်မ့ၣ်အူ, ဒီးနီၣ်တံာ်အလီခီတဖၣ်ဘၣ်မၤ အသးလၢထူစီလီၤ.

³⁹ ဒီးဘၣ်တ့အီၤဒီးအတၢ်ဖိတၢ်လံၤတဖၣ်ခဲလၢာ်, လၢ ထူစီလီၤတယၢၢ်တကံကၢ်လီၤ.

⁴⁰ ဒီးကွၢ်, ဒီးမၤအီၤဒ်တၢ်လၢ တၢ်ဒုးထံၣ်ဘၣ်နၤလၢ ကစၢၢ်လိၤအသိးန့ၣ်လီၤ.

၂၆

¹ ဒီးနဘၣ်မၤတၢ်အိၣ်အလီၢ်န့ၣ်အိၣ်ဒီး ယၣ်သဒၢတၢ် ဖှီဝါကဆှၣ်အလုၣ်လ့ၢ်ဃံၤအသး, ဒီးတၢ်လါ, ဒီးတၢ် လုးတကုာ်, ဒီးတၢ်ဂီၤ, ဆံဆဲၣ်ဘ့ၣ်လီၤ. နဘၣ်မၤ အီၤဒီးခ့ရူာ်တဖၣ်လၢပှၤမၤတၢ်သ့အတၢ်မၤလီၤ.

² ယၣ်သဒၢတၢ်တဘ့ၣ်အထီခံဆံဃိးပျၢ်, ဒီးယၣ်သဒၢ တၢ်တဘ့ၣ်အဒီၣ်ဃီၤလွံၢ်ပျၢ်, ဒီးယၣ်သဒၢတၢ်တဖၣ် န့ၣ်ဘၣ်အိၣ်တုၤသိးသိးကိးဘ့ၣ်ဒဲးလီၤ.

³ ဒီးယၣ်သဒၢတၢ်ယဲၢ်ဘဘ့ၣ်န့ၣ် ဘၣ်စဲဘူးလိာ်အ သးတဘ့ၣ်ဒီးတဘ့ၣ်, ဒီးယၣ်ယဲၢ်ဘ့ၣ်ဒၣ်ဘၣ်စဲဘူး လိာ်အသးတဘ့ၣ်ဒီးတဘ့ၣ်လီၤ.

⁴ ဒီးနဘၣ်မၤကွီၤတဖၣ် လၢတၢ်လါလၢယၣ်သဒၢတၢ် တဘ့ၣ်အကနူၤလၢအအိၣ်လၢ တၢ်စဲဘူးလိာ်အသးဖဲ အကတၢၢ်လီၤ. နဘၣ်မၤတၢ်ဒ်န့ၣ်သိးလၢယၣ်သဒၢ တၢ်တဘ့ၣ်လၢအအိၣ်လၢတၢ်စဲဘူးလိာ်အသး ခံဘ့ၣ် တဘ့ၣ်ဖဲအကနူၤန့ၣ်လီၤ. ⁵ နဘၣ်မၤကွီၤယဲၢ်ဆံလၢ ယၣ်သဒၢတၢ်တဘ့ၣ်အလိၤ, ဒီးသဃီၤလိာ်အသးဒီး အဝဲသ့ၣ်န့ၣ် နဘၣ်မၤကွီၤယဲၢ်ဆံလၢယၣ်သဒၢတၢ် တဘ့ၣ်အလိၤလၢအအိၣ်လၢ တၢ်စဲဘူးလိာ်အသးခံ ဘ့ၣ်တဘ့ၣ်, ဖဲအကနူၤလီၤ.

⁶ ဒီးနဘၣ်မၤနီၣ်ကွးထူယဲၢ်ဆံ, ဒီးဒုးစဲဘူးယၣ်သဒၢ တၢ်တဖၣ်လၢနီၣ်ကွး, ဒီးကကဲထီၣ်တၢ်အိၣ်အလီၢ်တ ဖျၢၣ်လီၤ.

⁷ ဒီးနဘၣ်မၤယၣ်သဒၢတၢ်တဖၣ် လၢမဲာ်တဲးလဲးအ ဆူၣ်လၢဒဲလၢတၢ်အိၣ်အလီၢ်အဖီခိၣ်အဂီၢ်လီၤ. နဘၣ် မၤယၣ်သဒၢတၢ်တဆံတဘ့ၣ်လီၤ. ⁸ ဒီးယၣ်သဒၢတၢ် တဘ့ၣ်အထီန့ၣ်သၢဆံပျၢ်ဒီး ယၣ်သဒၢတၢ်တဘ့ၣ်အ ဒီၣ်ဃီၤလွံၢ်ပျၢ်, ဒီးယၣ်သဒၢတၢ်တဆံတဘ့ၣ်န့ၣ်က ဘၣ်တုၤသိးသိးလီၤ.

⁹ ဒီးနဘၣ်မၤစဲဘူးလိာ်အသးလၢ ယၣ်သဒၢတၢ်ယဲၢ် ဘ့ၣ်အပူၤ, ဒီးယၣ်သဒၢတၢ်ဃုဘ့ၣ်အပူၤ, ဒီးနဘၣ် ချံးယၣ်သဒၢတၢ်ဃုဘ့ၣ်တဘ့ၣ်လၢ ဒဲအမဲာ်ညါလိၤ လိၤလီၤ.

¹⁰ ဒီးနဘၣ်မၤကွီၤယဲၢ်ဆံလၢ ယၣ်သဒၢတၢ်တဘ့ၣ်အ ကနူၤလၢအအိၣ်လၢတၢ်စဲဘူးလိာ်အသးအကနူၤလီၤ. ဒီးနဘၣ်မၤကွီၤယဲၢ်ဆံလၢ ယၣ်သဒၢတဘ့ၣ်အကနူၤ လၢအအိၣ်လၢတၢ်စဲဘူးလိာ်အသး ခံဘ့ၣ်တဘ့ၣ်အ ကနူၤလီၤ.

¹¹ ဒီးနဘၣ်မၤနီၣ်ကွးတိၢ်, ဒီးကွးထီၣ်ကွီၤလၢနီၣ်ကွးတ ဖၣ်န့ၣ်, ဒီးမၤစဲဘူးဒဲ, ဒီးကကဲထီၣ်တၢ်တဖျၢၣ်ဃီလီၤ.

¹² ဒီးတၢ်အိၣ်လုၣ်ကွံာ် လၢအအိၣ်လီၤတဲာ်လၢ ဒဲအ ယၣ်သဒၢတၢ်, ယၣ်သဒၢတၢ်တဝာ်လၢအအိၣ်လုၣ် ကွံာ်န့ၣ်ကလီၤစဲၤဝဲလၢတၢ်အိၣ်အလီၢ်အချၢဃံန့ၣ်လီၤ.

¹³ ဒီးတပျၢ်လၢအကပၤတခီ, ဒီးတပျၢ်လၢအဝဲတခီ, လၢအအိၣ်လုၣ်ကွံာ်လၢဒဲအယၣ်သဒၢတၢ်တဖၣ်အထီ န့ၣ်ကလီၤစဲၤလၢတၢ်အိၣ်အလီၢ်အကပၤအအံၤတခီ, ဒီး လၢအဝဲတခီ, ဒ်သိးအကကျၢၢ်ဘၢအီၤလီၤ.

¹⁴ ဒီးနဘၣ်မၤတၢ်ကျၢၢ်ဘၢလၢ သိဖါအဖံးစုၣ်ဂီၤလၢဒဲ အဂီၢ်, ဒီးတၢ်ကျၢၢ်ဘၢလၢအဖီခိၣ်လၢတၢ်ဖံးလီၤ.

¹⁵ ဒီးနဘၣ်မၤသ့ၣ်ဘ့ၣ်ဘၣ်လၢ သ့ၣ်ဖှ့ၡံးတၤဒူၣ်ဆၢ ထၢၣ်အသးလၢတၢ်အိၣ်အလီၢ်အဂီၢ်န့ၣ်လီၤ.

¹⁶ သ့ၣ်ဘ့ၣ်ဘၣ်တဘ့ၣ်န့ၣ် အထီအပျၢ်တဆံ, ဒီးအ ဒီၣ်ဃီၤတပျၢ်ဒီးတထါလီၤ.

¹⁷ သ့ၣ်ဘ့ၣ်ဘၣ်တဘ့ၣ်ကအိၣ်ဒီး အစုခံခီသဃီၤလိာ် အသးလီၤ. နဘၣ်မၤတၢ်အိၣ်အလီၢ်အသ့ၣ်ဘ့ၣ်ဘၣ် ဒ်န့ၣ်အသိးခဲလၢာ်လီၤ.

¹⁸ ဒီးနဘၣ်မၤသ့ၣ်ဘ့ၣ်ဘၣ်အဘ့ၣ်ခံဆံ လၢတၢ်အိၣ် အလီၢ်အဂီၢ်လၢကလံၤထံးတခီလီၤ.

¹⁹ ဒီးလၢသ့ၣ်ဘ့ၣ်ဘၣ်အဘ့ၣ်ခံဆံအဖီလာ်န့ၣ် နဘၣ် တ့အခီၣ်စ့အဖျၢၣ်လွံၢ်ဆံလီၤ. အခီၣ်ခံဖျၢၣ်လၢသ့ၣ် ဘ့ၣ်ဘၣ်တဘ့ၣ်အဖီလာ်လၢအစုခံခီအဂီၢ်, ဒီးအခီၣ် ခံဖျၢၣ် လၢသ့ၣ်ဘ့ၣ်ဘၣ်တဘ့ၣ်ဒၣ် လၢအစုခံခီအဂီၢ် လီၤ.

²⁰ ဒီးတၢ်အိၣ်အလီၢ်အကပၤခံခီတခီလၢ ကလံၤစိးန့ၣ် ဘၣ်အိၣ်ဒီးသ့ၣ်ဘ့ၣ်ဘၣ်အဘ့ၣ်ခံဆံ, ²¹ ဒီးအခီၣ်စ့အ ဖျၢၣ်လွံၢ်ဆံလီၤ. သ့ၣ်ဘ့ၣ်ဘၣ်တဘ့ၣ်အိၣ်ဒီးအခီၣ်စ့ ခံဖျၢၣ်လၢအဖီလာ်, သ့ၣ်ဘ့ၣ်ဘၣ်တဘ့ၣ်ဒၣ်အိၣ်ဒီး အခီၣ်စ့ခံဖျၢၣ်လၢအဖီလာ်လီၤ.

²² ဒီးနဘၣ်မၤသ့ၣ်ဘ့ၣ်ဘၣ်ဃုဘ့ၣ်လၢ တၢ်အိၣ်အလီၢ် အကပၤလၢမုၢ်နုာ်တခီအဂီၢ်လီၤ. ²³ ဒီးနဘၣ်မၤသ့ၣ် ဘ့ၣ်ဘၣ်ခံဘ့ၣ်လၢတၢ်အိၣ်အလီၢ်အနၢၣ်တဖၣ်လၢအ ကပၤခံခီလီၤ. ²⁴ ဒီးဘၣ်အိၣ်သဃံာ်လၢအဖီလာ်, ဒီး ဘၣ်အိၣ်သဃံာ်လၢ အခိၣ်အဖီခိၣ် ဆူကွီၤတကွီၤဃီ လီၤ. ခံဘ့ၣ်လၢာ်ဘၣ်အိၣ်ဒ်န့ၣ်လီၤ. အဝဲသ့ၣ်န့ၣ်က အိၣ်လၢခံနၢၣ်အဂီၢ်လီၤ. ²⁵ ဒီးသ့ၣ်ဘ့ၣ်ဘၣ်ဃိးဘ့ၣ်, ဒီးအခီၣ်စ့တဆံဃုဖျၢၣ် ဘၣ်အိၣ်လီၤ. သ့ၣ်ဘ့ၣ်ဘၣ် တဘ့ၣ်အိၣ်ဒီးအခီၣ်ခံဖျၢၣ်လၢအဖီလာ်, သ့ၣ်ဘ့ၣ်ဘၣ် တဘ့ၣ်အိၣ်ဒီးအခီၣ်ခံဖျၢၣ်လၢအဖီလာ်လီၤ.

²⁶ ဒီးနဘၣ်မၤနီၣ်ဘိလၢ သ့ၣ်ဖှ့ၡံးတၤလီၤ. ယဲၢ်ဘိလၢ သ့ၣ်ဘ့ၣ်ဘၣ် လၢတၢ်အိၣ်အလီၢ်တခီအဂီၢ်, ²⁷ ဒီးနီၣ် ဘိယဲၢ်ဘိလၢသ့ၣ်ဘ့ၣ်ဘၣ်လၢ တၢ်အိၣ်အလီၢ်လၢတ ခီဒၣ်အဂီၢ်, ဒီးနီၣ်ဘိယဲၢ်ဘိလၢသ့ၣ်ဘ့ၣ်ဘၣ်လၢတၢ် အိၣ်အလီၢ်အကပၤလၢမုၢ်နုာ်တခီအဂီၢ်လီၤ.

²⁸ ဒီးနီၣ်ဘိအခၢၣ်သးတဘိလၢသ့ၣ်ဘ့ၣ်ဘၣ် အဖးဖီ န့ၣ်အထီဘၣ်တုၤလၢ အကတၢၢ်တခီပၢၢ်လၢ အက တၢၢ်အဝဲတခီလီၤ.

²⁹ ဒီးနဘၣ်ပီၤသ့ၣ်ဘ့ၣ်ဘၣ်ဒီးထူ, ဒီးတ့အကွီၤနီၣ်ဘိ အလီၢ်လၢထူ, ဒီးနဘၣ်ပီၤနီၣ်ဘိဒီးထူလီၤ.

³⁰ ဒီးနဘၣ်သူၣ်ထီၣ်တၢ်အိၣ်အလီၢ်န့ၣ် ဒ်တၢ်အဒိအ တဲာ်လၢ တၢ်ဒုးထံၣ်ဘၣ်နၤလၢ ကစၢၢ်လိၤန့ၣ်အသိး လီၤ.

³¹ ဒီးနဘၣ်မၤယၣ်ဘျးထီၣ်အသးလၢတၢ်လါ, ဒီးတၢ် လုးတကုာ်, ဒီးတၢ်ဂီၤ, ဒီးဖှီဝါကဆှၣ်အလုၣ်လ့ၢ်ဃံၤ အသးလၢပှၤမၤတၢ်သ့အတၢ်မၤလီၤ. ဘၣ်မၤအီၤအိၣ် ဒီးခ့ရူာ်တဖၣ်လီၤ.

³² ဒီးနဘၣ်ဘျးထီၣ်အီၤလၢ သ့ၣ်ဖှ့ၡံးတၤအထူၣ်ပီၤအ သးလၢထူလွံၢ်ထူၣ်အလိၤ, ဒီးအိၣ်ဝဲဒီးအနီၣ်ကွးထူ, ဒီးအိၣ်လၢအခီၣ်စ့လွံၢ်ဖျၢၣ်အဖီခိၣ်လီၤ. ³³ ဒီးနဘၣ်ဘျး ထီၣ်ယၣ်ဘျးထီၣ်အသးလၢနီၣ်ကွးတဖၣ်အဖီလာ်, ဒ် သိးနကဟဲစိာ်ဖဲန့ၣ် တၢ်အၢၣ်လီၤအီလီၤအတလါလၢ တၢ်ဘျးထီၣ်အသးအပူၤလၢညါတပူၤလီၤ. ဒီးယၣ်ဘျး ထီၣ်အသးန့ၣ်ကနီၤဖးန့ၢ်သုလၢ တၢ်အလီၢ်စီဆှံဒီးတၢ် အလီၢ်စီဆှံကတၢၢ်အဆၢန့ၣ်လီၤ.

³⁴ ဒီးနဘၣ်ပာ်တၢ်မၤပူၤဖျဲးအလီၢ်လၢ တၢ်အၢၣ်လီၤအီ လီၤအတလါအဖီခိၣ်လၢ တၢ်အလီၢ်စီဆှံကတၢၢ်အ ပူၤလီၤ.

³⁵ ဒီးနဘၣ်ပာ်စီၢ်နီၤခိၣ်လၢ ယၣ်ဘျးထီၣ်အသးလၢခိ တခီ, ဒီးမ့ၣ်အူဒၢမိၢ်ပှၢ်သဃီၤဒီးစီၢ်နီၤခိၣ်လၢတၢ်အိၣ် အလီၢ်လၢကလံၤထံးတခီ, ဒီးနဘၣ်ပာ်စီၢ်နီၤခိၣ်လၢ ကလံၤစိးတခီလီၤ.

³⁶ ဒီးလၢဒဲအကျဲစၢၤအဂီၢ်န့ၣ်နဘၣ်မၤနီၣ်ကျၢၢ်ဘၢတၢ် တဘ့ၣ်လၢတၢ်လါ, ဒီးလၢတၢ်လုးတကုာ်, ဒီးလၢ တၢ်ဂီၤ, ဒီးလၢဖှီဝါကဆှၣ်ကံၣ်ဃ့အလုၣ်လ့ၢ်ဃံၤအ သးန့ၣ်လီၤ.

³⁷ ဒီးလၢနီၣ်ကျၢၢ်ဘၢတၢ်အဂီၢ်န့ၣ်နဘၣ်မၤအထူၣ်လၢ သ့ၣ်ဖှ့ၡံးတၤယဲၢ်ထူၣ်, ဒီးပီၤအီၤဒီးထူ, ဒီးကအိၣ်ဒီးအ နီၣ်ကွးထူ, ဒီးနဘၣ်သိအခီၣ်တိၢ်ယဲၢ်ဖျၢၣ်လၢအဂီၢ်လီၤ.

၂၇

¹ ဒီးနဘၣ်မၤတၢ်လုၢ်အလီၢ်လၢသ့ၣ်ဖှ့ၡံးတၤ, အထီ ယဲၢ်ပျၢ်, ဒီးအဒီၣ်ဃီၤယဲၢ်ပျၢ်လီၤ. ဘၣ်မၤတၢ်လုၢ်အ လီၢ်န့ၣ်လၢတၢ်လွံၢ်နၢၣ်ဒ်သိးသိး, ဒီးအကစီၤထီၣ်သၢ ပျၢ်လီၤ.

² ဒီးနဘၣ်မၤအနၢၤတဖၣ်လၢအသနၢၣ်လွံၢ်သနၢၣ်အ ဖီခိၣ်လၢတၢ်တလိၣ်ဃီလီၤ. ဒီးနဘၣ်ပီၤအီၤဒီးတိၢ်လီၤ.

³ ဒီးနဘၣ်တ့အသပၢၤစိာ်ကွံာ်အဖၣ်ဆါတဖၣ်, ဒီးအ တပူာ်တဖၣ်, ဒီးအသလၢဖှံတၢ်တဖၣ်, ဒီးအနီၣ်ကွး တဖၣ်, ဒီးအသပၢၤမ့ၣ်အူတဖၣ်လီၤ. နဘၣ်တ့အတၢ် ဖိတၢ်လံၤလၢတိၢ်ခဲလၢာ်လီၤ.

⁴ ဒီးနဘၣ်တ့ဖၣ်ကပူၤအဒါလၢ တိၢ်ဒ်ပထ့ပှာ်ဧိၤစၤဧိၤ အသိးလီၤ. ဒီးနဘၣ်တ့အကွီၤတိၢ်လွံၢ်ကွီၤ လၢဖၣ်က ပူၤအဒါလွံၢ်သနၢၣ်အဖီခိၣ်လီၤ. ⁵ ဒီးနဘၣ်ပာ်အီၤလၢ တၢ်ဝးတရံး တၢ်လုၢ်လီၢ်အခီၣ်ထံး, ဘၣ်ဃူဝဲဒီးတၢ် လုၢ်လီၢ်အဖးဖီလီၤ.

⁶ ဒီးနဘၣ်မၤနီၣ်ယိးဘိတဖၣ်လၢ တၢ်လုၢ်လီၢ်အဂီၢ်, နီၣ်ယိးဘိသ့ၣ်ဖှ့ၡံးတၤ, ဒီးနဘၣ်ပီၤအီၤလၢတိၢ်လီၤ.

⁷ ဒီးပှၤဘၣ်ဒၢနုာ်နီၣ်ယိးဘိတဖၣ်လၢအကွီၤတဖၣ်အ ပူၤ, ဒီးနီၣ်ယိးဘိတဖၣ်ကအိၣ်လၢတၢ်လုၢ်လီၢ်ခံကပၤ အလိၤ, ဒ်သိးပှၤကစိာ်ထီၣ်အီၤလီၤ. ⁸ နဘၣ်မၤအီၤလၢ သ့ၣ်ဘ့ၣ်ဘၣ်အိၣ်ဒီးအအိပူၤ, ဒ်တၢ်ဒုးထံၣ်ဘၣ်နၤလၢ ကစၢၢ်လိၤအသိးန့ၣ်, ပှၤဘၣ်မၤအီၤဒ်န့ၣ်သိးလီၤ.

⁹ ဒီးနဘၣ်မၤတၢ်အိၣ်အလီၢ်အဂၢၤလီၤ. လၢအကပၤ လၢကလံၤထံးတခီန့ၣ် ယၣ်လီၤစဲၤလၢ ဂၢၤအဂီၢ်မၤဝဲ လၢဖှီဝါကဆှၣ်, အလုၣ်လ့ၢ်ဃံၤအသး, အထီအပျၢ် တကယၤန့ၣ်ဘၣ်အိၣ်လၢတခီအဂီၢ်, ¹⁰ ဒီးအထူၣ်အ ထူၣ်ခံဆံ, ဒီးအခီၣ်တိၢ်အဖျၢၣ်ခံဆံလီၤ. ဒီးထူၣ်အ နီၣ်ကွး, ဒီးအနီၣ်မၤစဲဘူးလိာ်အသးတဖၣ်ဘၣ်မၤလၢ စ့လီၤ.

¹¹ ဒ်န့ၣ်အသိးလၢအကပၤလၢ ကလံၤစိးတခီအဂီၢ်န့ၣ်, ယၣ်လီၤစဲၤအထီအပျၢ်တကယၤ, ဒီးအထူၣ်အထူၣ်ခံ ဆံ, ဒီးအခီၣ်တိၢ်အဖျၢၣ်ခံဆံန့ၣ်ဘၣ်အိၣ်လီၤ. အ ထူၣ်တဖၣ်အနီၣ်ကွး, ဒီးအနီၣ်မၤစဲဘူးလိာ်အသးဘၣ် မၤလၢစ့လီၤ.

¹² ဒီးယၣ်လီၤစဲၤအထီအပျၢ်ယဲၢ်ဆံ ဘၣ်အိၣ်လၢဂၢၤ အဒီၣ်ဃီၤလၢမုၢ်နုာ်တခီအဂီၢ်န့ၣ်လီၤ. အထူၣ်ဆံဆဲၣ် ထူၣ်, ဒီးအခီၣ်ဆံဆဲၣ်ဖျၢၣ်လီၤ.

¹³ ဒီးဂၢၤအဒီၣ်ဃီၤလၢ အကပၤလၢမုၢ်ထီၣ်တခီန့ၣ်အ ပျၢ်ယဲၢ်ဆံ, ¹⁴ ဒီးယၣ်လီၤစဲၤလၢကျဲစၢၤတခီန့ၣ် အထီ တဆံယဲၢ်ပျၢ်, အထူၣ်သၢထူၣ်, ဒီးအခီၣ်သၢဖျၢၣ်က ဘၣ်အိၣ်လီၤ. ¹⁵ ဒီးယၣ်လီၤစဲၤလၢအဝဲတခီန့ၣ် အထီ တဆံယဲၢ်ပျၢ်, အထူၣ်သၢထူၣ်, ဒီးအခီၣ်သၢဖျၢၣ်က ဘၣ်အိၣ်လီၤ.

¹⁶ ဒီးလၢဂၢၤကျဲစၢၤအဂီၢ်န့ၣ် ယၣ်လီၤစဲၤအထီအပျၢ်ခံ ဆံမၤအသးလၢတၢ်လါ, ဒီးလၢတၢ်လုးတကုာ်, ဒီး လၢတၢ်ဂီၤ, ဒီးလၢဖှီဝါကဆှၣ်ကံၣ်ဃ့အလုၣ်လ့ၢ်ဃံၤ အသးန့ၣ်, အထူၣ်လွံၢ်ထူၣ်, ဒီးအခီၣ်လွံၢ်ဖျၢၣ်ဘၣ် အိၣ်လီၤ.

¹⁷ ဒီးကယဲၢ်ထူၣ်ဝးတရံးအဂၢၤ ဘၣ်အိၣ်ဒီးနီၣ်မၤစဲဘူး လိာ်အသးစ့, အနီၣ်ကွးစ့, ဒီးအခီၣ်တိၢ်လီၤ.

¹⁸ ဒီးဂၢၤန့ၣ်အထီဘၣ်မ့ၢ် အပျၢ်တကယၤ, ဒီးအဒီၣ် ဃီၤအပျၢ်ယဲၢ်ဆံကိးပူၤဒဲး, ဒီးအကစီၤထီၣ်ယဲၢ်ပျၢ်မၤ အသးလၢဖှီဝါကဆှၣ် လ့ၢ်ဃံၤအသး, ဒီးအခီၣ်လၢ တိၢ်န့ၣ်လီၤ.

¹⁹ ဒီးကယဲၢ်တၢ်အိၣ်အလီၢ်အတၢ်ဖိတၢ်လံၤလၢ ပှၤမၤ အတၢ်ခဲလၢာ်, ဒီးကယဲၢ်အဘိကမိာ်ခံ, ဒီးဂၢၤအဘိ ကမိာ်ခံခဲလၢာ်န့ၣ်ဘၣ်မၤလၢတိၢ်လီၤ.

²⁰ ဒီးနဘၣ်မၤလိာ်ပှၤအံၣ်စရ့လးဖိ, လၢအကဟဲစိာ် ဆူနအိၣ်သ့ၣ်စၤယံးအသိစီတိၢ်အသးလၢ မ့ၣ်အူဒၢအ ဂီၢ်, ဒ်သိးမ့ၣ်အူဒၢကကဲၤထီၣ်တထံၣ်ဃီလီၤ.

²¹ ဒီးတၢ်အိၣ်ဖှိၣ်အဒဲလၢ တၢ်ဘျးထီၣ်အသးလၢခိတ ခီလၢအအိၣ်လၢတၢ်အၢၣ်လီၤအီလီၤ အမဲာ်ညါန့ၣ်. စီၤအၤဟရိၣ်ဒီးအဖိခွါတဖၣ် ဘၣ်ကတဲာ်ကတီၤအီၤ လၢမုၢ်ဟါတုၤလၢမုၢ်ဂီၤလၢယွၤအမဲာ်ညါလီၤ. မ့ၢ်တၢ် မၤလိာ်အထူအယိာ်လီၤလၢ အစၢၤအသွဲၣ်လၢပှၤအံၣ် စရ့လးဖိအဂီၢ်လီၤ.

၂၈

¹ ဒီးနဲဒၣ်အံၤဒုးဟဲဘူးဒီးနၤ နဒီပုၢ်ဝဲၢ်စီၤအၤဟရိၣ်ဒီး အဖိခွါအိၣ်ဒီးအီၤတဖၣ်လၢပှၤအံၣ်စရ့လးဖိအကျါ, ဒ် သိးအကမၤပှၤလုၢ်တၢ်အဒိၣ်အတၢ်လၢယဂီၢ်, စီၤအၤ ဟရိၣ်, ဒီးစီၤအၤဟရိၣ်အဖိခွါစီၤနၤဒး, ဒီးစီၤအဘံ ဟူၤ, စီၤအလၤဧစၢ်, ဒီးစီၤအံသမၢ်တက့ၢ်.

² ဒီးနဘၣ်မၤတၢ်အကူအသိးစီဆှံလၢအအိၣ်ဒီးအလၤ အကပီၤ, ဒီးအဃံအလၤလၢနဒီပုၢ်ဝဲၢ် စီၤအၤဟရိၣ် အဂီၢ်လီၤ.

³ ဒီးနဘၣ်ကတိၤတၢ်ဒီးကယဲၢ်ပှၤလၢအသးဆး, လၢ ယမၤပှဲၤအီၤဒီးသးကူၣ်တၢ်သ့ခဲလၢာ်, လၢအကမၤစီၤ အၤဟရိၣ်အကူအသိး, ဒ်သိးတၢ်ကပာ်စီဆှံအီၤ, ဒ် သိးအကမၤပှၤလုၢ်တၢ်အဒိၣ်အတၢ်လၢယဂီၢ်လီၤ.

⁴ ဒီးအအံၤမ့ၢ်တၢ်အကူအသိး လၢအဘၣ်မၤတဖၣ် န့ၣ်, သဃိးတဘ့ၣ်, ဒီးအ့ဖိးတဘ့ၣ်, ဒီးဆ့ထီတဘ့ၣ်, ဒီးဆ့ကံၣ်ဃ့တဘ့ၣ်, ဒီးခိၣ်သလုးတဖျၢၣ်, ဒီးယီၢ်တ ကိးတဘိန့ၣ်လီၤ. ဒီးဘၣ်မၤတၢ်အကူအသိးစီဆှံလၢန ဒီပုၢ်ဝဲၢ်စီၤအၤဟရိၣ်အဂီၢ်, ဒီးအဖိခွါတဖၣ်အဂီၢ်, ဒ်သိး အကမၤပှၤလုၢ်တၢ်အဒိၣ်အတၢ်လၢယဂီၢ်လီၤ.

⁵ ဒီးဘၣ်ဟံးန့ၢ်ထူ, ဒီးတၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါကဆှၣ်လီၤ.

⁶ ဒီးဘၣ်မၤအ့ဖိးတဘ့ၣ်လၢထူ, လၢတၢ်လါ, ဒီးလၢ တၢ်လုးတကုာ်, လၢတၢ်ဂီၤ, ဒီးလၢဖှီဝါကဆှၣ်လၢ အလုၣ်လ့ၢ်ဃံၤအသး, ပှၤမၤတၢ်သ့အတၢ်မၤလီၤ. ⁷ ဒီး အဖံဘၣ်ခိၣ်ခံဘ့ၣ် ဘၣ်စဲဘူးလိာ်အသးဖဲအဃၢၤခံ ဃၢၤလီၤ. ဒီးဘၣ်စဲဘူးလိာ်အသးလီၤ. ဒီးအ့ဖိးအယီၢ်တကိးကံၣ်ဃ့လၢအအိၣ်လၢအဖီခိၣ် ⁸ န့ၣ်, ဘၣ်မၤအသးလၢတၢ်တဘ့ၣ်ဃီ, ဒ်အတၢ်မၤအသိး န့ၣ်လၢထူ, လၢတၢ်လါ, ဒီးလၢတၢ်လုးတကုာ်, ဒီးလၢ တၢ်ဂီၤ, ဒီးလၢဖှီဝါကဆှၣ်အလုၣ်လ့ၢ်ဃံၤအသးလီၤ.

⁹ ဒီးနဘၣ်ဟံးန့ၢ်တၢ်မျၢ်မဟူယၤခံဖျၢၣ်, ဒီးကွဲးပှၤအံၣ် စရ့လးဖိအမံၤလၢအလိၤလီၤ. ¹⁰ ဃုဂၤအမံၤလၢလၢၢ်တ ဖျၢၣ်အလိၤ, ဒီးဃုဂၤလၢအအိၣ်လီၤတဲာ်အမံၤလၢလၢၢ် အဝဲတဖျၢၣ်အလိၤ, ဒ်အအိၣ်ဖျဲၣ်ဝဲအသိးန့ၣ်လီၤ. ¹¹ န ဘၣ်ကွဲးပှၤအံၣ်စရ့လးဖိအမံၤလၢ လၢၢ်ခံဖျၢၣ်အလိၤ လၢပှၤကွဲးလၢၢ်ဖိအတၢ်မၤ, တၢ်စဲပနီၣ်ဃာ်အတၢ်ကွဲး လီၤ. နဘၣ်မၤအီၤ, ဒ်သိးပှၤကပာ်အီၤလၢအမဲာ်ထူအ ပူၤလီၤ. ¹² ဒီးနဘၣ်ပာ်လၢၢ်ခံဖျၢၣ်လၢ အ့ဖိးအဖံဘၣ် ခိၣ်, လၢၢ်တၢ်သ့ၣ်နီၣ်ထီၣ်က့ၤတၢ်လၢပှၤအံၣ်စရ့လးဖိ အဂီၢ်လီၤ. ဒီးစီၤအၤဟရိၣ်ဘၣ်စိာ်အမံၤလၢအဖံဘၣ် ခိၣ်လၢယွၤအမဲာ်ညါလၢ တၢ်သ့ၣ်နီၣ်ထီၣ်က့ၤတၢ်အ ဂီၢ်လီၤ. ဒီးနဘၣ်မၤတၢ်အမဲာ်တဖၣ်လၢထူ, ¹³ ဒီးသွဲထူစီ ခံဘိလီၤ. နဘၣ်မၤအီၤလီၤဂာ်ဒီးပျံၤတဖၣ် လၢတၢ် ထ့အသး, ဒီးနဘၣ်စၢဃာ်သွဲထ့အသးလၢတၢ်အမဲာ် တဖၣ်န့ၣ်လီၤ.

¹⁵ ဒီးနဘၣ်မၤတၢ်စံၣ်ညီၣ်အသဃိးလၢ ပှၤမၤတၢ်သ့ အတၢ်မၤ, ဒ်အ့ဖိးအတၢ်မၤအသိးန့ၣ်, နဘၣ်မၤအီၤ လီၤ. လၢထူ, လၢတၢ်ဟ့, ဒီးလၢတၢ်လုးတကုာ်, ဒီး လၢတၢ်ဂီၤ, ဒီးလၢဖှီဝါကဆှၣ်အလုၣ်လ့ၢ်ဃံၤအသးန ဘၣ်မၤအီၤလီၤ. ¹⁶ တုၤအချံးအသးလၢအဖးဖီဒီး, ဘၣ် ကဲထီၣ်တၢ်လွံၢ်နၢၣ်ဒ်သိးသိးလီၤ. အထီတထါ, ဒီး အဒီၣ်ဃီၤတထါလီၤ. ¹⁷ ဒီးနဘၣ်မၤပှဲၤအီၤလၢလၢၢ်အ တၢ်ပှဲၤ, လၢၢ်လွံၢ်ဂ့ၢ်လီၤ. တၢ်မျၢ်ဆီသွံၣ်တဖျၢၣ်, တၢ် မျၢ်ဘီအူးသပၤယၤတဖျၢၣ်, ဒီးတၢ်မျၢ်ဟ့မၠးတဖျၢၣ်န့ၣ် မ့ၢ်အခီၣ်ထံးတဂ့ၢ်လီၤ.

¹⁸ ဒီးခံဂ့ၢ်တဂ့ၢ်န့ၣ်မ့ၢ်တၢ်မျၢ်ဂီၤတဖျၢၣ်, တၢ်မျၢ်နံၤလါ တဖျၢၣ်, ဒီးတၢ်မျၢ်မဟူယၤတိၤအသးတဖျၢၣ်လီၤ.

¹⁹ ဒီးသၢဂ့ၢ်တဂ့ၢ်န့ၣ်တၢ်မျၢ်ဂီၤဘီတဖျၢၣ်, တၢ်မျၢ်မဟူ ယၤကံၣ်ဃ့တဖျၢၣ်, ဒီးတၢ်မျၢ်သကီၤဖီတဖျၢၣ်လီၤ. ²⁰ ဒီးလွံၢ်ဂ့ၢ်တဂ့ၢ်န့ၣ် မ့ၢ်တၢ်မျၢ်ဟ့ဘီတဖျၢၣ်, ဒီးတၢ်မျၢ်မဟူယၤတဖျၢၣ်, ဒီးတၢ်မျၢ်နကၤသွဲးတဖျၢၣ်လီၤ. ဘၣ်အိၣ်ဒီးအမဲာ်ထူဝးတရံးအီၤလီၤ.―

²¹ ဒီးလၢၢ်တဖၣ်န့ၣ်ဘၣ်အိၣ်ဒီး ပှၤအံၣ်စရ့လးဖိအမံၤ တဆံခံမံၤဒ်အမံၤအသိးန့ၣ်, ဒ်တၢ်စဲပနီၣ်ဃာ်အတၢ် ကွဲးအသိး, တဂၤလၢအမံၤဒၣ်ဝဲ, ဒ်ပှၤတဆံခံဒူၣ်အ သိးန့ၣ်လီၤ.

²² ဒီးနဘၣ်မၤ သွဲထူစီထ့အသးလၢ သဃိးအစိးနါ လီၤ. ²³ ဒီးနဘၣ်မၤကွီၤထူခံကွီၤလၢသဃိးအလိၤ, ဒီး နဘၣ်ပာ်ကွီၤခံကွီၤန့ၣ်လၢသဃိးအစိးနါခံခီလီၤ. ²⁴ ဒီး နဘၣ်ဒၢနုာ်သွဲထူထ့အသးခံဘိ လၢကွီၤခံကွီၤအိၣ်လၢ သဃိးအစိးနါခံခီလီၤ. ²⁵ ဒီးသွဲထ့အသးအစိးနါခံခီန ဘၣ်စၢဃာ်လၢအမဲာ်, ဒီးပာ်အီၤလၢအ့ဖိးအဖံဘၣ်ခိၣ် လၢအမဲာ်ညါန့ၣ်လီၤ.

²⁶ ဒီးနဘၣ်မၤကွီၤထူခံကွီၤ, ဒီးနဘၣ်ပာ်အီၤလၢသဃိး အစိးနါခံခီလၢအကနူၤဆူအ့ဖိးအညါပူၤလီၤ.

²⁷ ဒီးနဘၣ်မၤကွီၤထူအဂၤခံကွီၤ, ဒီးနဘၣ်ပာ်အီၤလၢ အ့ဖိးအဖံဘၣ်ခိၣ်ခံခီ လၢအဖီလာ်ဆူအမဲာ်ညါတခီ, သ ဃီၤဒီးတၢ်စဲဘူးလိာ်အသး, လၢအ့ဖိးအယီၢ်တကိး ကံၣ်ဃ့အဖီခိၣ်လီၤ.

²⁸ ဒီးပှၤကစၢဃာ်သဃိးလၢအကွီၤ, ဒီးအ့ဖိးအကွီၤလၢ ပျံၤတၢ်လါ, ဒ်သိးအကအိၣ်ဝဲလၢ အ့ဖိးအယီၢ်တကိး ကံၣ်ဃ့အဖီခိၣ်, ဒီးဒ်သိးသဃိးအသုတထူၣ်ဖျဲးဒီးအ့ ဖိးန့ၣ်တဂ့ၤလီၤ.

²⁹ ဒီးတုၤစီၤအၤဟရိၣ် လဲၤနုာ်လၢတၢ်အလီၢ်စီဆှံပူၤဒီး, ကစိာ်ပှၤအံၣ်စရ့လးဖိအမံၤ လၢတၢ်စံၣ်ညီၣ်အသဃိး အပူၤလၢအသးလိၤ, လၢတၢ်သ့ၣ်နီၣ်ထီၣ်က့ၤ အဂ့ၢ် လၢယွၤအမဲာ်ညါတထံၣ်ဃီလီၤ.

³⁰ ဒီးနဘၣ်ပာ်အူရံၣ်ဒီး တူမံၣ်လၢ တၢ်စံၣ်ညီၣ်အသ ဃိးအပူၤ, ဒီးတုၤစီၤအၤဟရိၣ်လဲၤနုာ်လၢယွၤအမဲာ်ညါ ဒီး, ကအိၣ်လၢအသးလိၤလီၤ. ဒီးစီၤအၤဟရိၣ်ကစိာ် ပှၤအံၣ်စရ့လးဖိအတၢ်စံၣ်ညီၣ် လၢအသးလိၤလၢယွၤ အမဲာ်ညါတထံၣ်ဃီလီၤ. ဒီးနဘၣ်မၤအ့ဖိးအဆ့လၢ တၢ်လါဒီဘ့ၣ်ညါလီၤ.

³² ဒီးကအိၣ်ဒီးကိာ်အလီၢ်လၢအခိၣ်ဖးဖီလီၤ. ကအိၣ်ဒီး အကနူၤဆးသနံၣ်ဝးတရံးကိာ်အလီၢ်, ဒ်သဃိးသုးအ သိးန့ၣ်, ဒ်သိးအသုတယာ်တဂ့ၤလီၤ.

³³ ဒီးလၢအခီၣ်ထံးအသရ့ၤန့ၣ် နဘၣ်မၤသလဲသၣ်လၢ တၢ်လါ, ဒီးလၢတၢ်လုးတကုၣ်, ဒီးလၢတၢ်ဂီၤဝးတရံး အသရ့ၤန့ၣ်, ဒီးပှ့ၤသၣ်ထူလၢအဘၢၣ်စၢၤ ဝးတရံးဝဲ လီၤ. ³⁴ ပှ့ၤသၣ်ထူတဖျၢၣ်ဒီးသလဲသၣ်တဖျၢၣ်, ပှ့ၤ သၣ်ထူတဖျၢၣ်ဒီးသလဲသၣ်တဖျၢၣ်လၢ ဆ့အခီၣ်ထံး အသရ့ၤဝးတရံးဝဲလီၤ. ³⁵ ဒီးကအိၣ်လၢစီၤအၤဟရိၣ်အ လိၤဒ်သိးအကမၤတၢ်အခ့အပှၤအတၢ်မၤ, ဒီးတုၤအ လဲၤနုာ်ဆူတၢ်အလီၢ်စီဆှံဆူယွၤအမဲာ်ညါ, ဒီးတုၤအ ဟဲက့ၤထီၣ်ဒီး, အသီၣ်ကဟူထီၣ်, ဒ်သိးအသုတသံ တဂ့ၤလီၤ.

³⁶ ဒီးနဘၣ်မၤတၢ်ဘ့ၣ်ဘၣ်ထူစီတဘ့ၣ်လီၤ. ဒီးလၢအ လိၤန့ၣ်နဘၣ်ကွဲး, တၢ်စီဆှံလၢယွၤ, လၢတၢ်စဲပနီၣ် ဃာ်အတၢ်ကွဲးလီၤ. ³⁷ ဒီးနဘၣ်ပာ်အီၤလၢပျံၤဘ့ၣ်ဘၣ် တၢ်လါအလိၤ, ဒ်သိးအကအိၣ်လၢ ခိၣ်သလုးအလိၤ န့ၣ်လီၤ. ဘၣ်အိၣ်လၢခိၣ်သလုးအမဲာ်ညါတခီလီၤ.―

³⁸ ဒီးဘၣ်အိၣ်လၢစီၤအၤဟရိၣ်အမဲာ်တူၢ်ခိၣ်, ဒ်သိးစီၤအၤ ဟရိၣ်ကစိာ်တၢ်ကမၣ်ဘၣ်ဃးဒီး တၢ်စီဆှံလၢပှၤအံၣ် စရ့လးဖိကပာ်စီဆှံလၢအတၢ်မၤဘူၣ်စီဆှံခဲလၢာ်လီၤ. ဒီးကအိၣ်လၢအမဲာ်တူၢ်ခိၣ်တထံၣ်ဃီ, ဒ်သိးအဝဲသ့ၣ် ကဘၣ်တၢ်တူၢ်လိာ်အီၤလၢယွၤအမဲာ်ညါလီၤ. ³⁹ ဒီးန ဘၣ်မၤကံၣ်ဃ့အဆ့ဖှီဝါကဆှၣ်, ဒီးနဘၣ်မၤအခိၣ်သ လုးလၢဖှီဝါကဆှၣ်, ဒီးနဘၣ်မၤအယီၢ်တကိးလၢတၢ် ကံၣ်ဃ့လီၤ.

⁴⁰ ဒီးနဘၣ်မၤဆ့တဖၣ်လၢ စီၤအၤဟရိၣ်အဖိခွါတဖၣ် အဂီၢ်, ဒီးနဘၣ်မၤယီၢ်တကိးတဖၣ်လၢအဂီၢ်, ဒီးန ဘၣ်မၤခိၣ်ဖၢၣ်တဖၣ်လၢအဂီၢ်လၢ တၢ်လၤကပီၤဒီး တၢ်ဃံတၢ်လၤအဂီၢ်လီၤ.

⁴¹ ဒီးနဘၣ်ဒုးသိးအီၤလၢနဒီပုၢ်ဝဲၢ်စီၤအၤဟရိၣ်, ဒီးအ ဖိခွါတဖၣ်အိၣ်ဒီးအီၤ, ဒီးနဘၣ်ဖှူအီၤ, ဒီးပာ်အီၤလၢ အတၢ်မၤအဂီၢ်, ဒီးမၤစီဆှံအီၤ, ဒ်သိးအကမၤပှၤလုၢ် တၢ်အဒိၣ်အတၢ်လၢယဂီၢ်လီၤ.

⁴² ဒီးနဘၣ်မၤတၢ်ဖျီၣ်ခံ ဖှီဝါလၢအဂီၢ် ဒ်သိးအကဖျီၣ် ဘၣ်အညၣ်ဘ့ၣ်ဆ့န့ၣ်, လၢအယီၢ်ဒ့ ပၢၢ်လီၤလၢအ ကံၣ်ဒုၣ်လီၤ.

⁴³ ဒီးတုၤစီၤအၤဟရိၣ်ဒီးအဖိခွါတဖၣ် ဟဲနုာ်လၢဒဲတၢ် အိၣ်ဖှိၣ်အပူၤမ့ၢ်ဂ့ၤ, တုၤအသုးဘူးအသးဆူ တၢ်လုၢ် အလီၢ်ဒ်သိး အကမၤတၢ်အခ့အပှၤအတၢ်လၢ တၢ်အ လီၢ်စီဆှံအပူၤမ့ၢ်ဂ့ၤ, ဘၣ်အိၣ်လၢအလိၤ, ဒ်သိးအသု တဘၣ်တၢ်ဒဲးဘးဒီးသံတဂ့ၤလီၤ. မ့ၢ်တၢ်မၤလိာ်အထူ အယိာ်လၢအဂီၢ်, ဒီးလၢအချံအသၣ်လၢအလီၢ်ခံအဂီၢ် န့ၣ်လီၤ.

၂၉

¹ ဒီးအအံၤမ့ၢ်တၢ်လၢ နဘၣ်မၤအီၤဒ်သိးနကမၤစီဆှံ ထီၣ်အီၤလၢအကမၤပှၤလုၢ်တၢ်အဒိၣ် အတၢ်လၢယဂီၢ် လီၤ. ဟံးန့ၢ်ဂီၤဖံးဖါဖိတဒု, ဒီးသိဖါလၢအလၢအပှဲၤ ခံဒု, ² ဒီးကိၣ်ဒီဖျၢၣ်တအိၣ်ဘၣ်ဒီးကိၣ်မံၣ်ဘၣ်, ဒီး ကိၣ်ဘ့ၣ်ဘၣ်တအိၣ်ဘၣ်ဒီးကိၣ်မံၣ်ဘၣ်ဃါဃုာ်ဒီးသိ, ဒီးကိၣ်ဘ့ၣ်ဘၣ်ဘူသလါတအိၣ်ဘၣ်ဒီး ကိၣ်မံၣ်ဖှူအ သးဒီးသိန့ၣ်တက့ၢ်. နဘၣ်မၤအီၤလၢဘုကၠူၣ်အက မူၣ်လီၤ.

³ ဒီးနဘၣ်ဒၢနုာ်အီၤလၢနာ်တဖျၢၣ်ဃီအပူၤ, ဒီးဟဲစိာ် အီၤလၢနာ်ပူၤ, ဒီးဂီၤဖံးဖါတဒု, ဒီးသိဖါခံဒုန့ၣ်လီၤ.

⁴ ဒီးနဘၣ်ဒုးဟဲစီၤအၤဟရိၣ်ဒီးအဖိခွါတဖၣ် ဆူတၢ် အိၣ်ဖှိၣ်အဒဲအကျဲစၢၤ, ဒီးနဘၣ်သ့စီအီၤလၢထံလီၤ.

⁵ ဒီးနဘၣ်ဟံးန့ၢ်တၢ်အကူအသိးတဖၣ်န့ၣ်, ဒီးဒုးသိး စီၤအၤဟရိၣ်လၢဆ့, ဒီးအ့ဖိးအဆ့ထီ, ဒီးအ့ဖိး, ဒီး သဃိး, ဒီးဒုးကံၢ်အယီၢ်ဒ့ဒီးအယီၢ်တကိးကံၣ်ဃ့, ⁶ ဒီး ဖၢၣ်ထီၣ်ခိၣ်ဖၢၣ်, ဒီးပာ်ခိၣ်သလုးစီဆှံလၢခိၣ်ဖၢၣ်အ ဖီခိၣ်လီၤ. ⁷ ဒီးနဘၣ်ဟံးန့ၢ်သိဖှူတၢ်, ဒီးလူလီၤအီၤ လၢအခိၣ်ဒီးဖှူအီၤလီၤ. ဒီးနဘၣ်ဒုးဟဲအဖိခွါဒီး ဒုးသိးအီၤလၢဆ့တဖၣ်,

⁹ ဒီးနဘၣ်ဒုးကံၢ်အီၤလၢယီၢ်တကိး (စီၤအၤဟရိၣ်ဒီးအ ဖိခွါတဖၣ်) ဒီးဒုးဖၢၣ်အခိၣ်လၢခိၣ်ဖၢၣ်တဖၣ်လီၤ. ဒီး တၢ်မၤ ပှၤလုၢ်တၢ်အဒိၣ်အတၢ်န့ၣ်ကကဲထီၣ် အတၢ် လၢတၢ်အလုၢ်အလၢ်အထူအယိာ်လီၤ. ဒီးနဘၣ်ပာ်စီၤ အၤဟရိၣ်ဒီးအဖိခွါတဖၣ်လၢအတၢ်မၤအဂီၢ်လီၤ.

¹⁰ ဒီးနဘၣ်ဒုးဟဲဂီၤဖံးတဒုဆူ တၢ်အိၣ်ဖှိၣ်အဒဲအမဲာ် ညါ, ဒီးစီၤအၤဟရိၣ်ဒီးအဖိခွါတဖၣ်ဘၣ်ပာ်အစုလၢ ဂီၤဖံးန့ၣ်အခိၣ်လီၤ. ¹¹ ဒီးနဘၣ်မၤသံဂီၤဖံးလၢယွၤအ မဲာ်ညါဖဲတၢ်အိၣ်ဖှိၣ်အဒဲအကျဲစၢၤလီၤ. ¹² ဒီးနဘၣ်ဟံး န့ၢ်ဂီၤဖံးအသွံၣ်တနီၤ, ဒီးပာ်အီၤလၢတၢ်လုၢ်လီၢ်အနၢၤ လၢနစုမုၢ်, ဒီးလူလီၤကယဲၢ်သွံၣ်လၢအအိၣ်လီၤတဲာ် န့ၣ်လၢတၢ်လုၢ်လီၢ်အခီၣ်ထံးလီၤ.

¹³ ဒီးနဘၣ်ဟံးန့ၢ်သိအိၣ်လၢ အပှံာ်သလီအလိၤ, ဒီး တၢ်အိၣ်လၢအသူၣ်အလိၤ, ဒီးအကလ့ၢ်ခံဖျၢၣ်ဒီးသိ အိၣ်လၢအလိၤ, ဒီးဆိၣ်ကဲၤထီၣ်ကွံာ်အီၤလၢတၢ်လုၢ် လီၢ်အဖီခိၣ်န့ၣ်လီၤ.

¹⁴ မ့မ့ၢ်ဂီၤဖံးအညၣ်, ဒီးအဖံး, ဒီးအအ့ၣ်တဖၣ်န့ၣ်န ဘၣ်ဆူးထီၣ်ကွံာ်လၢမ့ၣ်အူလၢ ပှၤသူၣ်ဒဲအလီၢ်လၢခိ လီၤ. အဝဲန့ၣ်မ့ၢ်တၢ်ဒဲးဘးလီၤ.

¹⁵ ဒီးနဘၣ်ဟံးန့ၢ်သိဖါတဒု, ဒီးစီၤအၤဟရိၣ်ဒီးအဖိခွါ တဖၣ်ဘၣ်ပာ်အစုလၢသိဖါန့ၣ်အခိၣ်လီၤ. ¹⁶ ဒီးနဘၣ် မၤသံသိဖါတဒု, ဒီးနဘၣ်ဟံးန့ၢ်အသွံၣ်, ဒီးဖှံအီၤဝး တရံးလၢတၢ်လုၢ်လီၢ်အဖီခိၣ်, ¹⁷ ဒီးနဘၣ်ဒီၣ်တဲာ်သိဖါ တကူာ်တကူာ်, ဒီးသ့စီအပှံာ်, ဒီးအခီၣ်, ဒီးပာ်ဖှိၣ် ဒီးအကူာ်တဖၣ်, ဒီးအခိၣ်လီၤ. ¹⁸ ဒီးနဘၣ်ဆိၣ်ကဲၤ သိဖါန့ၣ်ဒီဒုညါလၢတၢ်လုၢ်လီၢ်အဖီခိၣ်လီၤ. မ့ၢ်ဝဲလၢ တၢ်လုၢ်မ့ၣ်အူလၢယွၤအဂီၢ်, မ့ၢ်ဝဲလၢတၢ်နၢမူ, တၢ် လုၢ်မ့ၣ်အူလၢယွၤအဂီၢ်လီၤ.

¹⁹ ဒီးနဘၣ်ဟံးန့ၢ်သိဖါအဝဲတဒုန့ၣ်, ဒီးစီၤအၤဟရိၣ် ဒီးအဖိခွါတဖၣ်ဘၣ်ပာ်အစုလၢသိဖါအခိၣ်လီၤ. ²⁰ ဒီးန ဘၣ်မၤသံသိဖါ, ဒီးဟံးန့ၢ်အသွံၣ်, ဒီးပာ်လၢစီၤအၤဟ ရိၣ်အနၢ်ကုခိၣ်အထွဲ, ဒီးလၢအဖိခွါတဖၣ်အနၢ်ကုအ ခိၣ်အထွဲ, ဒီးလၢအစုမုၢ်ဒိၣ်အထွဲ, ဒီးလၢအခီၣ်မုၢ်ဒိၣ် အထွဲ, ဒီးဖှံသွံၣ်ဝးတရံးလၢတၢ်လုၢ်လီၢ်အဖီခိၣ်လီၤ.

²¹ ဒီးနဘၣ်ဟံးန့ၢ်သွံၣ်လၢအအိၣ်လၢ တၢ်လုၢ်လီၢ်အ ဖီခိၣ်တနီၤ, ဒီးတၢ်သိဖှူတနီၤ, ဒီးဖှံတၢ်လၢစီၤအၤဟ ရိၣ်အလိၤ, ဒီးလၢအကူအသိးအလိၤ, ဒီးလၢအဖိခွါ တဖၣ်အလိၤ, ဒီးလၢအဖိခွါတဖၣ်အကူအသိးအလိၤ အိၣ်ဒီးအီၤ, ဒီးကစီဆှံထီၣ်, အဝဲဒၣ်, ဒီးအကူအသိး, ဒီးအဖိခွါတဖၣ်, ဒီးအဖိခွါတဖၣ်အကူအသိးအိၣ်ဒီး အီၤလီၤ. ²² ဒီးနဘၣ်ဟံးန့ၢ်သိဖါအသိ, ဒီးအမဲၢ်ဘီၣ်, ဒီးသိလၢအပှံာ်သလီအလိၤ, ဒီးတၢ်အိၣ်လၢအသူၣ်အလိၤ, ဒီးအကလ့ၢ်ခံဖျၢၣ်, ဒီးသိအိၣ်လၢအလိၤ, ဒီးအခီၣ်ဒုၣ်ထွဲ, (အဂ့ၢ်ဒ်အံၤ, မ့ၢ်တၢ်ပာ်စီဆှံတၢ်အသိဖါတဒု),―

²³ ဒီးကိၣ်တဖျၢၣ်, ဒီးကိၣ်ဃါဃုာ်ဒီးသိတဘ့ၣ်, ဒီးကိၣ် ဘူသလါတဘ့ၣ်လၢနာ်ပူၤလၢအအိၣ် ဒီးကိၣ်တအိၣ် ဘၣ်ဒီးကိၣ်မံၣ်ဘၣ်လၢယွၤအမဲာ်ညါလီၤ.

²⁴ ဒီးနဘၣ်ပာ်တၢ်ခဲလၢာ်လၢစီၤအၤဟရိၣ်အစုပူၤ, ဒီး အဖိခွါတဖၣ်အစုပူၤ, ဒီးနဘၣ်ဝၢ်ဃီၤအီၤလၢတၢ်ဝၢ် လၢယွၤအမဲာ်ညါလီၤ.

²⁵ ဒီးနဘၣ်ဟံးန့ၢ်အီၤလၢအစုပူၤ, ဒီးဆိၣ်ကဲၤကွံာ်အီၤ လၢတၢ်လုၢ်လီၢ်အဖီခိၣ်လၢတၢ်လုၢ်မ့ၣ်အူ, လၢတၢ်နၢ မူလၢယွၤအမဲာ်ညါ, တၢ်လုၢ်လၢမ့ၣ်အူလၢယွၤအဂီၢ် လီၤ.

²⁶ ဒီးနဘၣ်ဟံးန့ၢ်သိဖါအသးနါပှၢ် လၢအဘၣ်ဃးဒီး တၢ်ပာ်စီၤအၤဟရိၣ်လၢအတၢ်မၤအဂီၢ်, ဒီးဝၢ်ဃီၤအီၤ လၢတၢ်ဝၢ်လၢယွၤအမဲာ်ညါ, ဒီးကကဲထီၣ်ဝဲလၢနဂီၢ် လီၤ.

²⁷ ဒီးနဘၣ်ပာ်စီဆှံတၢ်ဝၢ်အသးနါပှၢ်, ဒီးတၢ်ဝံၢ်အခီၣ် ဒုၣ်လၢအဘၣ်တၢ်ဝၢ်ဃီၤအီၤ, ဒီးလၢအဘၣ် တၢ်ဝံၢ် ထီၣ်ဝံၢ်လီၤလၢသိဖါဘၣ်ဃးဒီး တၢ်ပာ်စီၤအၤဟရိၣ် ဒီးအဖိခွါတဖၣ်လၢအတၢ်မၤအဂီၢ်လီၤ. ²⁸ ဒီးကကဲထီၣ် စီၤအၤဟရိၣ်ဒီးအဖိခွါတဖၣ်အတၢ်, လၢတၢ်အလုၢ်အ လၢ်လီၤစိၤလီၤထီလၢပှၤအံၣ်စရ့လးဖိန့ၣ်လီၤ. အဂ့ၢ်ဒ် အံၤ, မ့ၢ်တၢ်ဝံၢ်လီၤ. ဒီးကကဲထီၣ်တၢ်ဝံၢ်လၢပှၤအံၣ်စ ရ့လးဖိလၢ အတၢ်လုၢ်မၤဃူမၤဖိးအပူၤ အတၢ်ဝံၢ်လၢ ယွၤအဂီၢ်လီၤ.

²⁹ ဒီးစီၤအၤဟရိၣ်အကူအသိးစီဆှံ လၢအလီၢ်ခံန့ၣ်က ကဲထီၣ်အဖိခွါတဖၣ်အတၢ်, ဒ်သိးအကဘၣ်တၢ်ဖှူအီၤ လၢအပူၤ, ဒီးဒ်သိးတၢ်ကပာ်အီၤ လၢအတၢ်မၤအဂီၢ် လၢအပူၤလီၤ.

³⁰ ဒီးအဖိခွါလၢအကဲထီၣ် ပှၤလုၢ်တၢ်အဒိၣ် လၢအ လီၢ်တဂၤန့ၣ်, တုၤအဟဲနုာ်လၢတၢ်အိၣ်ဖှိၣ်အဒဲပူၤဒ် သိးအကမၤတၢ်အခ့အပှၤအတၢ်လၢ တၢ်အလီၢ်စီဆှံ အပူၤဒီး, ဘၣ်သိးဝဲနွံနံၤလီၤ.

³¹ ဒီးနဘၣ်ဟံးန့ၢ်သိဖါဘၣ်ဃးဒီး တၢ်ပာ်လၢအတၢ် မၤအဂီၢ်, ဒီးချီအညၣ်လၢအလီၢ်စီဆှံတပူၤပူၤလီၤ.

³² ဒီးစီၤအၤဟရိၣ်ဒီး အဖိခွါတဖၣ် ဘၣ်အီၣ်သိဖါအ ညၣ်, ဒီးကိၣ်အိၣ်ဝဲလၢနာ်ပူၤလၢတၢ်အိၣ်ဖှိၣ်အဒဲကျဲ စၢၤဂီၤထံးလီၤ. ³³ ဒီးဘၣ်အီၣ်တၢ်လၢအမၤပူၤဖျဲးတၢ်ဒ် သိးအကပာ်အီၤ လၢအတၢ်မၤအဂီၢ်, ဒီးမၤစီဆှံအီၤ လီၤ. မ့မ့ၢ်ပှၤတခီဘီမုၢ်ဖိတဘၣ်အီၣ်ဘၣ်. အဂ့ၢ်ဒ်အံၤ, မ့ၢ်တၢ်စီဆှံလီၤ.

³⁴ ဒီးတၢ်ညၣ်ဘၣ်ဃးဒီးတၢ်ပာ်လၢ အတၢ်မၤအဂီၢ်မ့ၢ် ဂ့ၤ, ကိၣ်မ့ၢ်ဂ့ၤ, မ့ၢ်အိၣ်လီၤတဲာ်တနီၤ တုၤမုၢ်ဆ့ၣ် ထီၣ်န့ၣ်ဒီး, နဘၣ်ဆူးထီၣ်ကွံာ်အီၤလၢမ့ၣ်အူလီၤ. ပှၤ တဘၣ်အီၣ်ဘၣ်အီၤဘၣ်. မ့ၢ်တၢ်စီဆှံအဂ့ၢ်လီၤ.

³⁵ ဒီးနဘၣ်မၤ စီၤအၤဟရိၣ်ဒီးအဖိခွါတဖၣ် ဒ်ကယဲၢ် တၢ်လၢယမၤလိာ်နၤအသိးန့ၣ်လီၤ. ဒီးနဘၣ်ပာ်အီၤ လၢအတၢ်မၤအဂီၢ်နွံနံၤလီၤ. ³⁶ ဒီးနဘၣ်လုၢ်တၢ်ဒဲးဘး ဂီၤဖံးဖါတဒုကိးနံၤဒဲးလၢ တၢ်မၤပူၤဖျဲၤတၢ်အဂီၢ်, ဒီး တုၤနမၤတၢ်ပူၤဖျဲးလၢတၢ်လုၢ်လီၢ်အဖီခိၣ်ဒီး, နဘၣ် မၤကဆှီအီၤ, ဒီးနဘၣ်ဖှူအီၤဒ်သိးနကမၤစီဆှံအီၤလီၤ.―

³⁷ နွံနံၤန့ၣ်နဘၣ်မၤအတၢ်ပူၤဖျဲးတၢ်လၢ တၢ်လုၢ်လီၢ်အဖီ ခိၣ်, ဒီးမၤစီဆှံအီၤ, ဒီးကကဲထီၣ် တၢ်လုၢ်လီၢ်စီဆှံ လီၤ. ကယဲၢ်တၢ်လၢအထိးတၢ်လုၢ်လီၢ်တမံၤလၢ်လၢ် န့ၣ်ဘၣ်စီဆှံဝဲလီၤ.

³⁸ ဒီးအအံၤမ့ၢ်တၢ်လၢ နဘၣ်လုၢ်ထီၣ်လၢတၢ်လုၢ်လီၢ် အဖီခိၣ်, သိဖိတနံၣ်ဖိခံဒု, တနံၤအဂီၢ်ခံဒု, တနံၤအ ဂီၢ်ခံဒုတထံၣ်ဃီလီၤ.

³⁹ သိဖိတဒုန့ၣ် နဘၣ်လုၢ်လၢမုၢ်ဂီၤ, ဒီးသိဖိအဝဲတဒု န့ၣ်နဘၣ်လုၢ်လၢမုၢ်ဟါလီၤ. ⁴⁰ ဒီးကိၣ်ကမူၣ်တဧ့းစ ရိၣ်ဃါဃုာ်အသးဒီးသိတိၢ်အသး တဟံၣ်လွံၢ်ပူတပူ, ဒီးစပံးထံ တဟံၣ်လွံၢ်ပူတပူ လၢတၢ်လုၢ်အီအဂီၢ်န့ၣ် ဘၣ်အိၣ်ဝဲဒီးသိဖိတဒုလီၤ. ⁴¹ ဒီးသိဖိခံဒုတဒု နဘၣ်လုၢ်လၢမုၢ်ဟါ, ဒီးနဘၣ်မၤအီၤဒ်တၢ်မၤဘူၣ်ကိၣ်လၢမုၢ်ဂီၤအသိး, ဒီးဒ်တၢ်လုၢ်အီအသိး, လၢတၢ်နၢမူ, တၢ်လုၢ်မ့ၣ်အူလၢယွၤအဂီၢ်လီၤ.―

⁴² မ့ၢ်တၢ်လုၢ်မ့ၣ်အူတထံၣ်ဃီ လၢသုစၢၤသုသွဲၣ်အစိၤစိၤ, လၢတၢ်အိၣ်ဖှိၣ်အဒဲကျဲစၢၤဂီၤထံးလၢယွၤအမဲာ်ညါ, ဖဲ ယကဟဲသဂၢၢ်သု, ဒ်သိးယကကတိၤတၢ်ဒီးနၤလီၤ.

⁴³ ဒီးယကဟဲသဂၢၢ်ပှၤအံၣ်စရ့လးဖိဖဲန့ၣ်, ဒီးတၢ်ကစီ ဆှံထီၣ်လၢ ယလၤကပီၤလီၤ. ⁴⁴ ဒီးယကမၤစီဆှံထီၣ် တၢ်အိၣ်ဖှိၣ်အဒဲ, ဒီးတၢ်လုၢ်အလီၢ်, ဒီးယကမၤစီဆှံ ထီၣ်စီၤအၤဟရိၣ်ဒီး အဖိခွါတဖၣ်, ဒ်သိးအကမၤပှၤ လုၢ်တၢ်အဒိၣ်အတၢ်လၢယဂီၢ်လီၤ.

⁴⁵ ဒီးယကအိၣ်ကဆိးလၢ ပှၤအံၣ်စရ့လးဖိအကျါ, ဒီး ယကကဲထီၣ်အကစၢ်လီၤ. ⁴⁶ ဒီးကသ့ၣ်ညါဝဲလၢယမ့ၢ် ယွၤ, အကစၢ်လၢအဒုးဟးထီၣ်ကွံာ်အီၤ လၢကီၢ်အဲၤ ကူပတူးအပူၤ, ဒ်သိးယကအိၣ်ကဆိး လၢအကျါန့ၣ် လီၤ. ယဲဒၣ်အံၤယမ့ၢ်ယွၤ, အကစၢ်လီၤ.

၃၀

¹ ဒီးနဘၣ်မၤတၢ်လုၢ်လီၢ်လၢ တၢ်ဆိၣ်ကဲၤတၢ်နၢမူအ ဂီၢ်လီၤ. ² အထီတပျၢ်, ဒီးအဒီၣ်ဃီၤတပျၢ်, ဘၣ်အိၣ် ဒီးအနၢၣ်လွံၢ်နၢၣ်ဒ်သိးသိးလီၤ. ဒီးအကစီၤထီၣ်ခံပျၢ်, ဒီးအနၢၤတဖၣ်ကဘၣ်မၤအသးလၢတၢ်တမံၤဃီလီၤ.

³ ဒီးနဘၣ်ပီၤအီၤဒီးထူစီလၢအဖီခိၣ်, ဒီးလၢအကပၤ ဝးတရံးအီၤ, ဒီးအနၢၤတဖၣ်န့ၣ်လီၤ. နဘၣ်တ့အခိၣ် သလုးထူဝးတရံးအီၤလီၤ.

⁴ ဒီးနဘၣ်တ့အကွီၤထူခံကွီၤ လၢအခိၣ်ကျီၤအဖီလာ် လၢအနၢၣ်ခံနၢၣ်အဃၢၤလီၤ. နဘၣ်တ့အီၤလၢအက ပၤခံခီအလိၤလီၤ. ဒီးကကဲထီၣ်အလီၢ်လၢနီၢ်ယိးဘိအ ဂီၢ်ဒ်သိးပှၤကစိာ်ထီၣ်အီၤလီၤ.

⁵ ဒီးနဘၣ်မၤအနီၣ်ယိးဘိလၢသ့ၣ်ဖှ့ၡံးတၤ, ဒီးပီၤအီၤ လၢထူလီၤ.

⁶ ဒီးနဘၣ်ပာ်အီၤလၢ တၢ်ဘျးထီၣ်အသး အမဲာ်ညါ လၢအအိၣ်လၢ တၢ်အၢၣ်လီၤအီလီၤ အတလါအဃၢၤ လၢတၢ်မၤပူၤဖျဲးအလီၢ်အမဲာ်ညါ, လၢအအိၣ်လၢတၢ် အၢၣ်လီၤအီၤလီၤအဖီခိၣ်န့ၣ်, ဖဲယကဟဲသဂၢၢ်နၤလီၤ.

⁷ ဒီးစီၤအၤဟရိၣ် ဘၣ်ဆိၣ်ကဲၤတၢ်နၢမူ လၢအဖီခိၣ် ကိးဂီၤဒဲးလီၤ. တုၤအကတဲာ်ကတီၤမ့ၣ်အူဒၢတဖၣ်န့ၣ် ဒီး, ဘၣ်ဆိၣ်ကဲၤတၢ်နၢမူလၢအဖီခိၣ်လီၤ. ⁸ ဒီးတုၤ စီၤအၤဟရိၣ်ဒွဲၣ်ထီၣ်မ့ၣ်အူဒၢတဖၣ်လၢမုၢ်ဟါဒီး, ဘၣ် ဆိၣ်ကဲၤတၢ်နၢမူလၢအဖီခိၣ်လီၤ. မ့ၢ်တၢ်ဆိၣ်ကဲၤနၢမူ တထံၣ်ဃီလၢယွၤအမဲာ်ညါလီၤလၢ သုစၢၤသုသွဲၣ်အ စိၤစိၤအဃၣ်ဃၣ်လီၤ.

⁹ ဒီးတၢ်ဆိၣ်ကဲၤနၢမူလီၤဆီမ့ၢ်ဂ့ၤ, တၢ်လုၢ်မ့ၣ်အူမ့ၢ် ဂ့ၤ, တၢ်မၤဘူၣ်ကိၣ်မ့ၢ်ဂ့ၤ, ဆိၣ်ကဲၤလၢအဖီခိၣ်တဂ့ၤ, ဒီးလူလီၤတၢ်လုၢ်အီလၢအဖီခိၣ်တဂ့ၤ.

¹⁰ ဒီးစီၤအၤဟရိၣ်ဘၣ်မၤတၢ်ပူၤဖျဲး တၢ်လၢအနၢၤအဖီ ခိၣ်လၢတၢ်မၤပူၤဖျဲး တၢ်ဒဲးဘးအသွံၣ်န့ၣ်တနံၣ်တဘျီ လီၤ. တနံၣ်တဘျီန့ၣ် ဘၣ်မၤတၢ်ပူၤဖျဲးတၢ်လၢအဖီ ခိၣ်လီၤလၢသုစၢၤသုသွဲၣ်အစိၤစိၤအဃၣ်ဃၣ်လီၤ. မ့ၢ် တၢ်စီဆှံကတၢၢ်လၢယွၤအဂီၢ်လီၤ. ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်, ¹¹ တုၤနဂံၢ် ပှၤအံၣ်စရ့လးဖိဒီး, ဒ်အတၢ်ဂံၢ်အိၣ်ဝဲအသိးန့ၣ်, ပှၤ ဘၣ်ဟ့ၣ်ယွၤလၢတၢ်ပှ့ၤက့ၤအသးတဂၤလၢအဂီၢ်ဒၣ်ဝဲ, တဂၤလၢအဂီၢ်ဒၣ်ဝဲ, ဖဲနဂံၢ်အီၤဒ်သိးတုၤနဂံၢ်အီၤဒီး, တၢ်သံသတြိာ်အသုတဘၣ်အီၤတဂ့ၤန့ၣ်လီၤ.

¹³ ဒီးဘၣ်ဟ့ၣ်အအံၤ, ကယဲၢ်ပှၤလၢအခီဂာ်ဆူပှၤဘၣ် တၢ်ဂံၢ်အီၤအကျါတဂၤလၢ်လၢ်န့ၣ် ဘၣ်ဟ့ၣ်စ့ဖးဖီၡ က့လးဒ်အလီၢ်စီဆှံအၡက့လးအသိး (တၡက့လးန့ၣ် မ့ၢ်က့ရၤခံဆံလီၤ.) ဖးဖီၡက့လးန့ၣ် ကကဲထီၣ်တၢ် မၤဘူၣ်ယွၤလီၤ.

¹⁴ ကယဲၢ်ပှၤလၢအသးပှၢ်အနံၣ်ခံဆံဒီး အါန့ၢ်အန့ၣ် တက့ၢ်လၢအခီဂာ်ဆူ ပှၤဘၣ်တၢ်ဂံၢ်အီၤအကျါကိးဂၤ ဒဲးန့ၣ်, ဘၣ်မၤဘူၣ်တၢ်လၢယွၤလီၤ.

¹⁵ တုၤသုမၤဘူၣ်တၢ်လၢယွၤ ဒ်သိးသုကမၤတၢ်ပူၤဖျဲး လၢသုသးအဂီၢ်ဒီး, ပှၤအထူးအတီၤတဟ့ၣ်ဘၣ်အါန့ၢ် ဖးဖီၡက့လးဘၣ်. ဒီးပှၤဖှီၣ်ဖိယာ်ဖိတဟ့ၣ်ဘၣ်စှၤန့ၢ် အဝဲန့ၣ်ဘၣ်လီၤ.

¹⁶ ဒီးနဘၣ်ဟံးန့ၢ်တၢ်မၤပူၤဖျဲးတၢ်အစ့ လၢပှၤအံၣ်စရ့ လးဖိအစုပူၤ, ဒီးပာ်အီၤလၢတၢ်အိၣ်ဖှိၣ်အဒဲအတၢ်မၤ အဂီၢ်, ဒ်သိးအကကဲထီၣ်တၢ်သ့ၣ်နီၣ်က့ၤလၢပှၤအံၣ် စရ့လးဖိအဂီၢ်လၢယွၤအမဲာ်ညါ, ဒ်သိးအကမၤတၢ်ပူၤ ဖျဲးလၢသုသးအဂီၢ်လီၤ. ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်, ¹⁷ နဘၣ်တ့ သရာ်တိၢ်အိၣ်ဒီးအခီၣ်တိၢ်, ဒ်သိးပှၤကသ့စီတၢ်လီၤ. ဒီးနဘၣ်ပာ်အီၤလၢတၢ်အိၣ်ဖှိၣ်အဒဲ ဒီးတၢ်လုၢ်လီၢ်အ ဘၢၣ်စၢၤ, ဒီးနဘၣ်ဒၢနုာ်ထံလၢအပူၤလီၤ. ¹⁹ ဒီးစီၤအၤ ဟရိၣ်ဒီးအဖိခွါတဖၣ် ဘၣ်သ့စီအစုဒီးအခီၣ်လၢအပူၤ လီၤ. ²⁰ တုၤအလဲၤနုာ်လၢတၢ်အိၣ်ဖှိၣ်အဒဲပူၤဒီးဘၣ်သ့ စီတၢ်ဒီးထံ, ဒ်သိးအသုတသံတဂ့ၤ. ဒီးတုၤအဟဲဘူး ဒီးတၢ်လုၢ်လီၢ် ဒ်သိးအကမၤတၢ်အခ့အပှၤအတၢ်, ဒ် သိးအကဆိၣ်ကဲၤတၢ်ဒီး မ့ၣ်အူလၢယွၤအဂီၢ်န့ၣ်လီၤ.―

²¹ ဘၣ်သ့စီအစုဒီးအခီၣ် ဒ်သိးအသုတသံတဂ့ၤလီၤ. ဒီး ကကဲထီၣ် တၢ်အလုၢ်အလၢ်လီၤစိၤလီၤထီ လၢအဂီၢ်, လၢအဝဲဒၣ်ဒီးအချံအသၣ် လီၤလၢအစၢၤအသွဲၣ်အစိၤ စိၤအဃၣ်ဃၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ²² နဲဒၣ်အံၤ ဟံးန့ၢ်တၢ်နၢမူအခိၣ်ကျၢၢ်တဖၣ်, မူရၣ်လၢအဟဲထီၣ် ဒၣ်အတၢ်လီၤတယၢၢ်ၡက့လးယဲၢ်ကယၤ, ဒီးကဒါရါ နၢမူဖးဖီတၢ်န့ၣ်, ခံကယၤယဲၢ်ဆံ, ဒီးလီၢ်ဟ့ၣ်ၡက့လး ခံကယၤယဲၢ်ဆံ, ²⁴ ဒီးကဒါရါၡက့လးယဲၢ်ကယၤ, ဒ် ၡက့လးဘၣ်ဃးဒီးတၢ်အလီၢ်စီဆှံအသိးန့ၣ်, ဒီးသ့ၣ် စၤယံးသိတဟံၣ်လီၤ.

²⁵ ဒီးနဘၣ်မၤအီၤလၢတၢ်ဖှူစီဆှံအသိ, ဒီးနဘၣ်တိၢ်မၤ ဃါဃုာ်အီၤ ဒ်ပှၤတိၢ်မၤဃါဃုာ်တၢ်နၢမူဖိမၤဝဲအသိး န့ၣ်လီၤ. ဒီးကကဲထီၣ်တၢ်ဖှူစီဆှံလီၤ. ²⁶ ဒီးနဘၣ်ဖှူ တၢ်အိၣ်ဖှိၣ်အဒဲလၢအီၤ, ဒီးတၢ်အၢၣ်လီၤအီလီၤအတ လါ, ²⁷ ဒီးစီၢ်နီၤခိၣ်, ဒီးအလီခီခဲလၢာ်, ဒီးမ့ၣ်အူဒၢ မိၢ်ပှၢ်ဒီးအတၢ်ဖိတၢ်လံၤ, ဒီးတၢ်ဆိၣ်ကဲၤနၢမူအတၢ် လုၢ်လီၢ်, ²⁸ ဒီးတၢ်လုၢ်မ့ၣ်အူအတၢ်လုၢ်လီၢ်ဒီးအတၢ်ဖိ တၢ်လံၤခဲလၢာ်, ဒီးသရာ်တဖျၢၣ်ဒီးအခီၣ်လီၤ.

²⁹ ဒီးနဘၣ်မၤစီဆှံအီၤ ဒ်သိးအကကဲထီၣ်တၢ်စီဆှံက တၢၢ်လီၤ. ကယဲၢ်တၢ်လၢအထိးဘၣ်အီၤတမံၤလၢ်လၢ် န့ၣ်ကကဲထီၣ်တၢ်စီဆှံလီၤ.

³⁰ ဒီးနဘၣ်ဖှူ စီၤအၤဟရိၣ်ဒီးအဖိခွါတဖၣ်, ဒီးမၤစီဆှံ အီၤဒ်သိးအကမၤပှၤလုၢ်တၢ်အဒိၣ်အတၢ်လၢယဂီၢ်လီၤ.

³¹ ဒီးနဘၣ်ကတိၤတၢ်ဒီး ပှၤအံၣ်စရ့လးဖိ, ဒီးစံးဘၣ် အီၤ, အအံၤကကဲထီၣ်တၢ်ဖှူစီဆှံလၢယဂီၢ် လီၤလၢသု စၢၤသုသွဲၣ်အစိၤစိၤအဃၣ်ဃၣ်လီၤ. ³² လူလီၤအီၤလၢ ပှၤကညီအညၣ်လိၤတဂ့ၤ. မၤတၢ်လီၤဂာ်လၢအီၤဒ်အ လီၤတယၢၢ်အသိးန့ၣ်တဂ့ၤ. မ့ၢ်တၢ်စီဆှံလီၤ. ကကဲ ထီၣ်တၢ်စီဆှံလၢသုမဲာ်ညါလီၤ.

³³ ပှၤလၢအတိၢ်မၤဃါဃုာ် တၢ်လီၤဂာ်လၢအီၤ, ဒီးပှၤ လၢအပာ်အီၤတနီၤ လၢပှၤတခီဘီမုၢ်အလိၤတဂၤဂၤ န့ၣ်ကဘၣ်တၢ်ဒီၣ်တဲာ်ကွံာ်အီၤ ဒီးအပှၤကလုာ်ဒၣ်အီၤ န့ၣ်လီၤ.

³⁴ ဒီးယွၤစံးဘၣ်စီၤမိၤရှ့, ဟံးန့ၢ်တၢ်နၢမူတဖၣ်, သ့ၣ် နၤတဖၣ်အထုးဒီး သ့ၣ်ၡဃ့လ့းအထုး, ဒီးသံခိၣ်ဝါ, တၢ်နၢမူသ့ၣ်တဖၣ်ဒီးလီၢ်ဘၣ်တက့ၢ်. ဘၣ်အိၣ်လီၤတ ယၢၢ်တမံၤဒီးတမံၤထဲသိးသိးလီၤ.

³⁵ ဒီးနဘၣ်မၤအီၤလၢတၢ်နၢမူလၢ အမၤအသးဒ်ပှၤတိၢ် မၤဃါဃုာ်တၢ်နၢမူဖိမၤဝဲအသိးန့ၣ်, မၤဝဲဒီးအံသၣ်န့ၣ်, စီဝဲဆှံဝဲလီၤ.

³⁶ ဒီးနဘၣ်တိၢ်သဘှံးအီၤတနီၤ, ဒီးပာ်အီၤလၢ တၢ် အၢၣ်လီၤအီလီၤအမဲာ်ညါ, လၢတၢ်အိၣ်ဖှိၣ်အဒဲပူၤဖဲ ယကဟဲသဂၢၢ်နၤ, ဒီးကကဲထီၣ်တၢ်စီဆှံကတၢၢ်လၢ သုမဲာ်ညါလီၤ.

³⁷ ဒီးတၢ်နၢမူလၢနဘၣ်မၤအီၤန့ၣ်, မၤလၢသုဂီၢ်ဒၣ်သု ဝဲ, ဒ်အလီၤတယၢၢ်အသိးန့ၣ်တဂ့ၤ. ကကဲထီၣ်တၢ်စီ တၢ်ဆှံလၢယွၤအဂီၢ်လၢနမဲာ်ညါလီၤ.

³⁸ ပှၤလၢအမၤတၢ်ဒ်န့ၣ်သိး, ဒ်သိးအကနၢအီၤတဂၤဂၤ န့ၣ်ကဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ် အီၤန့ၣ်လီၤ.

၃၁

¹ ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,― ကွၢ်တ က့ၢ်. ယကိးတ့ၢ်ပှၤယူဒၤဖိ, စီၤဃူၢ်အဖိခွါ, စီၤအူရံၤ အဖိခွါ, စီၤဘစၤလအ့လးလၢအမံၤလီၤ. ³ ဒီးယမၤပှဲၤ အီၤဒီးယွၤအသး, ဒီးတၢ်ကူၣ်ဘၣ်ကူၣ်သ့, ဒီးအသး ဆး, ဒီးတၢ်သ့ၣ်ညါ, ဒီးကယဲၢ်တၢ်မၤတမံၤလၢ်လၢ်,―

⁴ ဒ်သိးအကကူၣ်တၢ်ဘၣ်, ဒ်သိးအကမၤတၢ်လၢထူ, ဒီး စ့, ဒီးတိၢ်, ⁵ ဒီးဂူာ်ကျ့လၢၢ်လၢအကမၤပှဲၤတၢ်အဂီၢ်, ဒီးစိးပျၤသ့ၣ်, ဒ်သိးအကမၤကယဲၢ်တၢ်မၤတမံၤလၢ်လၢ် လီၤ.

⁶ ဒီးယဲဒၣ်အံၤကွၢ်ကွၢ်, ယဟ့ၣ်လီၤဒီးအီၤလၢပှၤဒၣ်ဖိ, စီၤအဃံစမးအဖိခွါစီၤအၤဟလံအာ်, ဒီးကယဲၢ်ပှၤလၢ အသူၣ်ဆးအသးဆးခဲလၢာ်န့ၣ်, ယဟ့ၣ်လီၤတၢ်ကူၣ် သ့ဒ်သိးအကမၤကယဲၢ်တၢ်လၢယမၤလိာ်နၤလီၤ.

⁷ ဒီးတၢ်အိၣ်ဖှိၣ်အဒဲ, ဒီးတၢ်အၢၣ်လီၤအီလီၤ အတ လါ, ဒီးတၢ်မၤပူၤဖျဲးအလီၢ်လၢအဖီခိၣ်, ဒီးဒဲန့ၣ်အ တၢ်ဖိတၢ်လံၤခဲလၢာ်, ⁸ ဒီးစီၢ်နီၤခိၣ်, ဒီးအတၢ်ဖိတၢ် လံၤ, ဒီးမ့ၣ်အူဒၢလၢအစီ, ဒီးအတၢ်ဖိတၢ်လံၤခဲလၢာ်, ဒီးတၢ်ဆိၣ်ကဲၤနၢမူအတၢ်လုၢ်လီၢ်, ⁹ ဒီးတၢ်လုၢ်မ့ၣ်အူ အတၢ်လုၢ်လီၢ်, ဒီးအတၢ်ဖိတၢ်လံၤခဲလၢာ်, ဒီးသရာ် ဒီးအခီၣ်, ¹⁰ တၢ်အကူအသိးဘၣ်ဃးဒီးတၢ်မၤတၢ်အခ့ အပှၤအတၢ်, ပှၤလုၢ်တၢ်အဒိၣ် စီၤအၤဟရိၣ်အကူအ သိးစီဆှံ, ဒီးအဖိခွါတဖၣ်အကူအသိး, ဒ်သိးအကမၤ ပှၤလုၢ်တၢ်အဒိၣ်အတၢ်, ¹¹ ဒီးတၢ်ဖှူအသိ, ဒီးတၢ်ဆိၣ် ကဲၤနၢမူလၢတၢ်အလီၢ်စီဆှံအဂီၢ်, ဒ်ကယဲၢ်တၢ်လၢယ မၤလိာ်နၤခဲလၢာ်န့ၣ်ဘၣ်မၤဝဲတကူၢ်သ့ၣ်လီၤ. ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, ¹² ဒီးနဲဒၣ် အံၤကတိၤတၢ်ဒီးပှၤအံၣ်စရ့လးဖိ, ဒီးစံး, မ့ၢ်မးသုဘၣ် တိၢ်န့ၢ်ယအိၣ်ဘှံးနံၤတဖၣ်လီၤ. အဂ့ၢ်ဒ်အံၤ, မ့ၢ်တၢ် ပနီၣ်လၢယၤဒီးသုအဘၢၣ်စၢၤ လီၤလၢသုစၢၤသုသွဲၣ် အစိၤစိၤအဃၣ်ဃၣ်ဒ်သိးသုကသ့ၣ်ညါလၢ ယမ့ၢ်ယွၤ လၢအမၤစီဆှံသုလီၤ.

¹⁴ ဒီးသုဘၣ်တိၢ်န့ၢ်ယအိၣ်ဘှံးနံၤလီၤ. အဂ့ၢ်ဒ်အံၤ, စီ ဆှံဝဲလၢသုဂီၢ်လီၤ. ပှၤလၢအမၤဘၣ်အၢအီၤန့ၣ်ကဘၣ် တၢ်မၤသံအီၤသပှၢ်တၢၢ်လီၤ. အဂ့ၢ်ဒ်အံၤ, ကယဲၢ်ပှၤ လၢအမၤတၢ်မၤလၢအပူၤတဂၤလၢ်လၢ်န့ၣ်, အသးက ဘၣ်တၢ်ဒီၣ်တဲာ်ကွံာ်အီၤဒီးအပှၤတကလုာ်ဒၣ်ဝဲလီၤ.

¹⁵ ပှၤဘၣ်မၤအတၢ်မၤလၢဃုနံၤအပူၤလီၤ. မ့မ့ၢ်နွံနံၤတ နံၤန့ၣ်မ့ၢ်တၢ်အိၣ်ဘှံးစီဆှံလၢယွၤအဂီၢ်လီၤ. ပှၤလၢအ မၤတၢ်မၤလၢ အိၣ်ဘှံးနံၤတဂၤလၢ်လၢ်န့ၣ်ကဘၣ်တၢ် မၤသံအီၤသပှၢ်တၢၢ်လီၤ. ¹⁶ ဒီးပှၤအံၣ်စရ့လးဖိဘၣ်တိၢ်န့ၢ် တၢ်အိၣ်ဘှံးနံၤဒ်သိးအကအိၣ်ဘှံးလီၤ လၢအစၢၤအသွဲၣ်အစိၤစိၤအဃၣ်ဃၣ်လီၤ. မ့ၢ်တၢ်အၢၣ်လီၤအီလီၤအထူအယိာ်လီၤ.―

¹⁷ မ့ၢ်တၢ်ပနီၣ်လၢယၤဒီး ပှၤအံၣ်စရ့လးဖိအဘၢၣ်စၢၤလီၤ စိၤလီၤထီလီၤ. အဂ့ၢ်ဒ်အံၤ, ယွၤတ့မူခိၣ်ဒီးဟီၣ်ခိၣ်လၢ ဃုနံၤ, ဒီးနွံနံၤတနံၤန့ၣ်အိၣ်ဘှံးဝဲ, ဒီးသါထီၣ်ဝဲလီၤ.

¹⁸ ဒီးကတိၤတၢ်ဒီးစီၤမိၤရှ့လၢ ကစၢၢ်စံၤနါအလိၤလၢာ် ဝံၤဒီးဟ့ၣ်လီၤအီၤလၢ အတၢ်အၢၣ်လီၤအီလီၤ အဘ့ၣ် ဘၣ်ခံဘ့ၣ်, လၢၢ်ဘ့ၣ်ဘၣ်တဖၣ်ကွဲးအသးလၢယွၤအ စုလီၤ.

၃၂

¹ ဒီးပှၤဂီၢ်မုၢ်ထံၣ်ဘၣ်ဝဲလၢ စီၤမိၤရှ့ယံာ်ဝဲလၢ အဟဲ က့ၤလီၤလၢကစၢၢ်လိၤဒီး, ပှၤဂီၢ်မုၢ်အိၣ်ဖှိၣ်ရိဖှိၣ်လၢစီၤ အၤဟရိၣ်အအိၣ်, ဒီးစံးဘၣ်အီၤ, ဂဲၤဆၢထၢၣ်, တ့န့ၢ် ပကစၢ်လၢအကလဲၤတၢ်လၢပမဲာ်ညါတက့ၢ်. အဂ့ၢ်ဒ် အံၤ, တၢ်လၢစီၤမိၤရှ့, ပှၤလၢအဒုးဟဲထီၣ်ပှၤလၢကီၢ် အဲၤကူပတူးအပူၤတဂၤအံၤ မ့ၢ်တၢ်မၤအသးဒီးအီၤဒ် လဲၣ်ဒ်လဲၣ်န့ၣ်ပတသ့ၣ်ညါဘၣ်.

² ဒီးစီၤအၤဟရိၣ်စံးဘၣ်အီၤ, ထုးတဲာ်န့ၢ်ကွီၤထူတဖၣ် လၢအအိၣ်လၢသုမါ, ဒီးသုဖိခွါ, ဒီးသုဖိမုၣ်တဖၣ်အ နၢ်ပူၤ, ဒီးဟဲစိာ်ဆူယအိၣ်တက့ၢ်.

³ ဒီးကယဲၢ်ပှၤဂီၢ်မုၢ် ထုးတဲာ်အနၢ်ကွီၤထူ လၢအအိၣ် လၢအနၢ်ပူၤခဲလၢာ်, ဒီးဟဲစိာ်ဆူစီၤအၤဟရိၣ်အအိၣ် လီၤ. ⁴ ဒီးအဝဲဒၣ်ဟံးန့ၢ်အီၤလၢအစုပူၤ, ဒီးတ့တၢ်လၢ နီၣ်ကွဲး, ဒီးဒုးကဲထီၣ်အီၤလၢဂီၤဖံးဖိသိအသးတဒုလီၤ. ဒီးအဝဲသ့ၣ်တဖၣ်န့ၣ်စံးဝဲဒၣ်, အံၣ်စရ့လးဧၢ, အဝဲအံၤ မ့ၢ်နကစၢ်လၢအဒုးဟဲထီၣ်နၤလၢ ကီၢ်အဲၤကူပတူးအ ပူၤလီၤ.

⁵ ဒီးစီၤအၤဟရိၣ်ထံၣ်ဘၣ်ဝဲ, ဒီးမၤတၢ်လုၢ်လီၢ်လၢအ မဲာ်ညါ, ဒီးကိးထီၣ်ဝဲ, ဒီးစံးဝဲဒၣ်, ခဲဂီၤကိာ်န့ၣ်မ့ၢ် တၢ်မၤဘူၣ်လၢယွၤလီၤ.

⁶ ဒီးမုၢ်ဆ့ၣ်ထီၣ်တနံၤန့ၣ် ဂဲၤဆၢထၢၣ်ဂီၤဂီၤ, ဒီးလုၢ် တၢ်လုၢ်မ့ၣ်အူ, ဒီးဟဲစိာ်တၢ်လုၢ်မၤဃူမၤဖိးတၢ်, ဒီး ပှၤဂီၢ်မုၢ်ဆ့ၣ်နီၤအီၣ်တၢ်အီတၢ်, ဒီးဂဲၤဆၢထၢၣ်လိာ်ကွဲ တၢ်လီၤ.

⁷ ဒီးယွၤစံးဘၣ်စီၤမိၤရှ့, လဲၤ, က့ၤလီၤက့ၤတက့ၢ်. အ ဂ့ၢ်ဒ်အံၤ, နပှၤဂီၢ်မုၢ်လၢနဒုးဟဲထီၣ်လၢကီၢ်အဲၤကူပတူး န့ၣ်မၤဘၣ်အၢလီၤအသးလံ. ⁸ ဃၣ်ကပၤချ့ချ့အသးလၢ ကျဲလၢယမၤလိာ်အီၤလီၤ. ဒီးသိတ့န့ၢ်ဝဲလၢဂီၤဖံးဖိတ ဒု, ဒီးဘါဝဲ, ဒီးလုၢ်အီၤလၢတၢ်လုၢ်, ဒီးစံးဝဲဒၣ်, အံၣ်စရ့လးဧၢ, အဝဲအံၤမ့ၢ်နကစၢ်လၢအဒုးဟဲထီၣ်နၤ လၢကီၢ်အဲၤကူပတူးအပူၤလီၤ.

⁹ ဒီးယွၤစံးဘၣ်စီၤမိၤရှ့, ယထံၣ်ပှၤဂီၢ်မုၢ်အံၤ, ဒီးကွၢ် ကွၢ်, မ့ၢ်ဝဲလၢပှၤအကိာ်ဆူၣ်လီၤ. ¹⁰ ဒီးခဲကနံၣ်အံၤပျဲ ယၤတက့ၢ်. ဒီးယသးထီၣ်ကကဲၤထီၣ်ဘၣ်အီၤ, ဒီး အီၣ်ကွံာ်အီၤ, ဒီးယကမၤနၤလၢပှၤတကလုာ်ဖးဒိၣ်လီၤ.

¹¹ ဒီးစီၤမိၤရှ့ဃ့ကညးယွၤအကစၢ်ဒီးစံးဝဲဒၣ်, ကစၢ်ဧၢ, နသးထီၣ်ကဲၤထီၣ်ဘၣ်နပှၤဂီၢ်မုၢ် လၢနဒုးဟးထီၣ်လၢ ကီၢ်အဲၤကူပတူးအပူၤဒီး တၢ်အစိဒိၣ်အကမီၤဒိၣ်ဒီး တၢ်အစုဆူၣ်န့ၣ်, မ့ၢ်အဘၣ်မနုၤလဲၣ်.

¹² ပှၤအဲၤကူပတူးဖိ ကကတိၤတၢ်ဒီးစံး, မ့ၢ်အဒုးဟး ထီၣ်ကွံာ်အီၤလၢတၢ်အၢအဂီၢ်, ဒ်သိးအကမၤသံအီၤ လၢကစၢၢ်အလိၤ, ဒီးမၤဟးဂီၤကွံာ်အီၤလၢဟီၣ်ခိၣ်ချၢ န့ၣ်, မ့ၢ်အဘၣ်မနုၤလဲၣ်. ဃၣ်ကွံာ်နသးလၢနသးထီၣ် ကဲၤထီၣ်, ဒီးပီၢ်ယၢ်လီၤက့ၤနသးလၢတၢ်အၢအံၤထီဒါ နပှၤဂီၢ်မုၢ်တက့ၢ်. ¹³ သ့ၣ်နီၣ်ထီၣ်က့ၤနခ့နပှၤစီၤအၤဘြၤ ဟၣ်, ဒီးစီၤအံၤစဲး, ဒီးစီၤအံၣ်စရ့လးလၢနဆိၣ်လီၤန သးဒီးအီၤလၢနကစၢ်ဒၣ်နဲ, ဒီးစံးဘၣ်အီၤ, ယကမၤ အါထီၣ်သုချံသုသၣ်ဒ်ဆၣ်ဧိၤဖီဧိၤလၢမူခိၣ်အသိးန့ၣ်, ဒီးတၢ်လၢကီၢ်တဘ့ၣ် လၢယကတိၤတၢ်လၢအဂ့ၢ်အ ကျိၤ, ယကဟ့ၣ်အီၤဒီဘ့ၣ်ညါလၢသုချံသုသၣ်, ဒီး ကန့ၢ်သါဘၣ်အီၤလီၤထူလီၤယိာ်န့ၣ်တက့ၢ်.

¹⁴ ဒီးယွၤပီၢ်ယၢ်လီၤက့ၤအသးလၢ တၢ်အၢလၢအစံး အကမၤအပှၤဂီၢ်မုၢ်န့ၣ်လီၤ.

¹⁵ ဒီးစီၤမိၤရှ့ဃၣ်အသး, ဒီးက့ၤလီၤက့ၤလၢကစၢၢ်လိၤ, ဒီးတၢ်အၢၣ်လီၤအီလီၤ အတၢ်ဘ့ၣ်ဘၣ်ခံဘ့ၣ်န့ၣ်အိၣ်ဝဲ လၢအစုပူၤလီၤ. တၢ်လၢတၢ်ဘ့ၣ်ဘၣ်န့ၣ်ကွဲးအသးခံ ခီလိာ်လိၤ. ကွဲးအသးလၢအဝဲတခီ, ဒီးလၢအအံၤတ ခီလီၤ.

¹⁶ ဒီးတၢ်ဘ့ၣ်ဘၣ်တဖၣ်န့ၣ် မ့ၢ်ယွၤအမၤတၢ်, ဒီးတၢ် ကွဲးန့ၣ်မ့ၢ်ယွၤအကွဲးတၢ်, ကွဲးအသးလၢတၢ်ဘ့ၣ်ဘၣ် တဖၣ်အလိၤလီၤ.

¹⁷ ဒီးတုၤပှၤဂီၢ်မုၢ်ကိးပသူထီၣ်ဒီး, စီၤယိၤရှူ နၢ်ဟူအ သီၣ်, ဒီးစံးဘၣ်စီၤမိၤရှ့န့ၣ်, တၢ်ဒုးလိာ်အသးအသီၣ် အိၣ်ဝဲလၢပှၤသူၣ်ဒဲအလီၢ်ပူၤလီၤ. ¹⁸ ဒီးစံးဝဲဒၣ်, ပှၤမၤနၢၤ တၢ်ကိးထီၣ်အသီၣ်တမ့ၢ်ဘၣ်, ဒီးပှၤဃၣ်ဝဲအကိးထီၣ် အသီၣ်တမ့ၢ်ဘၣ်. မ့ၢ်ယနၢ်ဟူပှၤမၤထါအသီၣ်လီၤ.

¹⁹ ဒီးတုၤအဟဲဘူးဒီးပှၤသူၣ်ဒဲအလီၢ်ဒီး, တၢ်မၤအသး လၢအထံၣ်ဘၣ်ဂီၤဖံးဖိ, ဒီးပှၤဂဲၤကလံၣ်, ဒီးစီၤမိၤရှ့ အသးထီၣ်ကဲၤထီၣ်, ဒီးတ့ၢ်လီၤကွံာ်တၢ်ဘ့ၣ်ဘၣ်လၢ အစုပူၤ, ဒီးမၤကၢ်ကွံာ်ဝဲလၢကစၢၢ်အခီၣ်ထံးန့ၣ်လီၤ.

²⁰ ဒီးဟံးန့ၢ်ဂီၤဖံးဖိလၢပှၤမၤတ့ၢ်အီၤ, ဒီးဆူးကွံာ်ဝဲလၢ မ့ၣ်အူ, ဒီးမၤသဘှံးအီၤတုၤအလီၤကမူၣ်, ဒီးဖှံဝဲလၢ ထံကျါ, ဒီးဒုးအီပှၤအံၣ်စရ့လးဖိ, ²¹ ဒီးစီၤမိၤရှ့စံးဘၣ် စီၤအၤဟရိၣ်, ပှၤဂီၢ်မုၢ်အံၤမၤနၤဒ်လဲၣ်, လၢနဒုးဟဲ ဘၣ်အီၤလၢတၢ်ဒဲးဘးဒိၣ်အံၤလဲၣ်.

²² ဒီးစီၤအၤဟရိၣ်စံးဝဲဒၣ်, မ်ယကစၢ်အသးထီၣ်န့ၣ်အ သုတကဲၤထီၣ်တဂ့ၤ. နသ့ၣ်ညါပှၤဂီၢ်မုၢ်အံၤလၢအလူၤ တၢ်အၢတၢ်သီလီၤ.

²³ ဒီးစံးလၢယၤ, တ့န့ၢ်ပကစၢ်လၢအကလဲၤတၢ်လၢပ မဲာ်ညါတက့ၢ်. အဂ့ၢ်ဒ်အံၤ, တၢ်လၢစီၤမိၤရှ့, ပှၤလၢ အဒုးဟဲထီၣ်ပှၤလၢကီၢ်အဲၤကူပတူးတဂၤန့ၣ်, မ့ၢ်တၢ် မၤအသးဒီးအီၤဒ်လဲၣ်ဒ်လဲၣ်န့ၣ်, ပတသ့ၣ်ညါဘၣ်.

²⁴ ဒီးယစံးဘၣ်အီၤ, ပှၤလၢအအိၣ်ဒီးထူတဂၤဂၤန့ၣ်, ကထုးတဲာ်ဒၣ်ဝဲတက့ၢ်. ဒီးဟ့ၣ်လီၤဝဲလၢယၤ, ဒီးယ ဖၢလီၤလၢမ့ၣ်အူပူၤ, ဒီးဟဲထီၣ်လၢဂီၤဖံးဖိတဒုအံၤလီၤ.

²⁵ ဒီးစီၤမိၤရှ့ထံၣ်ဘၣ်ဝဲလၢ ပှၤဂီၢ်မုၢ်အိၣ်ဘ့ၣ်ဆ့လီၤ. (အဂ့ၢ်ဒ်အံၤ, စီၤအၤဟရိၣ်မၤဘ့ၣ်ဆ့အီၤလၢ တၢ်မဲာ် ဆှးအဂ့ၢ်လၢအဒုၣ်အဒါအကျါလီၤ.)

²⁶ ဒီးစီၤမိၤရှ့ဆၢထၢၣ်လၢပှၤသူၣ်ဒဲအလီၢ်အကျဲစၢၤ, ဒီး စံးဝဲဒၣ်, မ့ၢ်မတၤအိၣ်လၢယွၤအအိၣ်တခီလဲၣ်, ဟဲဆူ ယအိၣ်တက့ၢ်. ဒီးကယဲၢ်ပှၤလ့ၤဝံဖိ အိၣ်ဖှိၣ်ရိဖှိၣ်လၢ အအိၣ်ခဲလၢာ်လီၤ.

²⁷ ဒီးစံးဘၣ်အီၤ, ယွၤ, ပှၤအံၣ်စရ့လးဖိအကစၢ်, စံး ဝဲဒ်အံၤ, မ်ကယဲၢ်ပှၤပာ်အနးလၢအကံၣ်ဒုၣ်လိၤ, ဒီး လဲၤဖျိဝဲလၢပှၤသူၣ်ဒဲအလီၢ် လၢကျဲစၢၤပၢၢ်လၢကျဲစၢၤ ဒီးမၤသံတဂၤအဒီပုၢ်ဝဲၢ်, ဒီးတဂၤအဂိၤမီၣ်, ဒီးတဂၤ အပှၤအိၣ်လၢအဃၢၤန့ၣ်ကိးဂၤဒဲးတက့ၢ်. ²⁸ ဒီးပှၤလ့ၤ ဝံဖိမၤဝဲဒ်စီၤမိၤရှ့အကလုၢ်အသိးန့ၣ်, ဒီးတၢ်လၢမုၢ်တ နံၤန့ၣ်ပှၤလီၤဃံၤလၢပှၤဂီၢ်မုၢ်အကျါသၢကထိဃၣ်ဃၣ် လီၤ.

²⁹ ဒီးစီၤမိၤရှ့စံးဝဲဒၣ်, ပာ်စီဆှံသုသးလၢမုၢ်မဆါတနံၤ အံၤလၢယွၤအဂီၢ်, ပှၤအစုထီဒါအဖိခွါ, ဒီးပှၤအစုထီ ဒါအဒီပုၢ်ဝဲၢ်စုာ်စုာ်, ဒ်သိးယွၤကဆိၣ်ဂ့ၤသုလၢမုၢ်မဆါ တနံၤအံၤတက့ၢ်.

³⁰ ဒီးတၢ်မၤအသးလၢမုၢ်ဆ့ၣ်ထီၣ်တနံၤန့ၣ်, စီၤမိၤရှ့စံး ဘၣ်ပှၤဂီၢ်မုၢ်, သုမၤကမၣ်တၢ်မၤကမၣ်ဖးဒိၣ်လံ. ဒီး ခဲကနံၣ်အံၤ ယကလဲၤထီၣ်ဆူယွၤအအိၣ်, ဒီးဘၣ်တ ဘၣ်ယကမၤပူၤဖျဲးတၢ်လၢသုတၢ်ကမၣ်အဂီၢ်လီၤ.

³¹ ဒီးစီၤမိၤရှ့က့ၤထီၣ်ဆူယွၤအအိၣ်, ဒီးစံးဝဲဒၣ်, အိ, ပှၤဂီၢ်မုၢ်အံၤမၤကမၣ်တၢ်ကမၣ်ဖးဒိၣ်, ဒီးတ့န့ၢ်အက စၢ်ထူလီၤ. ³² ဒီးခဲကနံၣ်အံၤနမ့ၢ်မၤပူၤမၤဖျဲး အတၢ်ဒဲး ဘးဧါန့ၣ်, ဒီးမ့တမ့ၢ်ဘၣ်ဒီး, တြူာ်ကွံာ်လၢ်ယမံၤလၢ နလံာ်လၢနကွဲးတ့ၢ်တၢ်န့ၣ်တက့ၢ်.

³³ ဒီးယွၤစံးဘၣ်စီၤမိၤရှ့, ပှၤလၢအမၤကမၣ်ဘၣ်ယၤ န့ၣ်ယကတြူာ်ကွံာ်အီၤလၢယလံာ်အပူၤန့ၣ်လီၤ. ³⁴ ဒီး ခဲကနံၣ်အံၤလဲၤ, ဆှၢပှၤဂီၢ်မုၢ်ဆူအလီၢ်လၢယစံးတ့ၢ်နၤ န့ၣ်တက့ၢ်. ကွၢ်ကွၢ်, ယကလူးတဂၤကလဲၤလၢနမဲာ် ညါလီၤ. ဘၣ်ဆၣ်ဒီး, မုၢ်တနံၤလၢယကအိၣ်သကိး အီၤန့ၣ်, ယကဒုးအိၣ်သကိးအီၤလၢအတၢ်ဒဲးဘးလီၤ.

³⁵ ဒီးမ့ၢ်ပှၤဂီၢ်မုၢ်တ့ဂီၤဖံးဖိ လၢစီၤအၤဟရိၣ် တ့ဝဲဒီး, ယွၤဒုးဘၣ်အီၤလၢတၢ်သံသတြိာ်လီၤ.

၃၃

¹ ဒီးယွၤစံးဘၣ်စီၤမိၤရှ့, ဟး, လဲၤထီၣ်လၢအံၤ, နဲဒၣ်, ဒီးပှၤဂီၢ်မုၢ်လၢနဒုးဟဲထီၣ်လၢ ကီၢ်အဲၤကူပတူးဆူကီၢ် တဘ့ၣ်လၢယဆိၣ်တၢ်ဒီးစီၤအၤဘြၤဟၣ်, ဒီးစီၤအံၤစဲး, ဒီးစီၤယၤကိာ်, ဒီးစံးဘၣ်အီၤ, ယကဟ့ၣ်လီၤအီၤလၢ နချံနသၣ်န့ၣ်တက့ၢ်. ² ဒီးယကမၢကလူးတဂၤလဲၤလၢ နမဲာ်ညါလီၤ. ဒီးယကဟီထီၣ်ကွံာ်ပှၤကနၤဧၣ်ဖိ, ပှၤ အမိၢ်ဖိ, ဒီးပှၤဃ့ၤသးဖိ, ဒီးပှၤပရးစၤဖိ, ဒီးပှၤဃံၤဝံၤ ဖိ, ဒီးပှၤယဘူၣ်ဖိ, ³ ဒီးကဆှၢနၤဆူကီၢ်လၢအယွၤဝဲဒီး တၢ်နုၢ်ထံဒီးကနဲစီလီၤ. နမ့ၢ်ပှၤအကိာ်ဆူၣ်တကလုာ် အဂ့ၢ်လီၤ. ယကဒုးအီၣ်ကွံာ်ဘၣ်ဖုးနၤလၢကျဲပူၤလီၤ. ⁴ ဒီးတုၤပှၤဂီၢ်မုၢ်နၢ်ဟူ တၢ်ကတိၤအၢအသီၣ်န့ၣ်ဒီး, အသူၣ်အုးသးအုး, ဒီးတကယၢအသးနီတဂၤဘၣ်.―

⁵ အဂ့ၢ်ဒ်အံၤ, ယွၤစံးတ့ၢ်စီၤမိၤရှ့, စံးဘၣ်ပှၤအံၣ်စရ့လး ဖိ, သုမ့ၢ်ပှၤအကိာ်ဆူၣ်တကလုာ်လီၤ. ယမ့ၢ်ဟဲဆူသု ကျါ, ထဲတစိၢ်ဖိဒီး, ယကမၤလၢာ်ကွံာ်သုလီၤ. ဒီးခဲ ကနံၣ်အံၤယကမၤနၤဒ်လဲၣ်ဒ်လဲၣ်န့ၣ်, ဒ်သိးယကသ့ၣ် ညါဒီး, ဘ့ၣ်လီၤကွံာ်နကယၢကယဲတက့ၢ်.

⁶ ဒီးပှၤအံၣ်စရ့လးဖိ ဘ့ၣ်လီၤကွံာ်အကယၢကယဲလၢ ကစၢၢ်ဃိၤရ့းအခီၣ်ထံးလီၤ.

⁷ ဒီးစီၤမိၤရှ့ဟံးန့ၢ်ဝဲ, ဒီးသူၣ်အီၤလၢပှၤသူၣ်ဒဲတဖၣ်အ လီၢ်လၢခိ, စၢၢ်တလၢၢ်ဒီးပှၤသူၣ်ဒဲအလီၢ်, ဒီးယုၢ်ဝဲအ မံၤလၢတၢ်အိၣ်ဖှိၣ်အဒဲလီၤ. ဒီးတၢ်မၤအသးလၢကယဲၢ် ပှၤလၢအဃုယွၤတဂၤလၢ်လၢ်န့ၣ် လဲၤထီၣ်ဆူတၢ်အိၣ် ဖှိၣ်အဒဲလၢအအိၣ်လၢပှၤသူၣ်ဒဲတဖၣ်အလီၢ်လၢခိလီၤ.

⁸ ဒီးတုၤစီၤမိၤရှ့လဲၤထီၣ်လၢဒဲပူၤန့ၣ်ဒီး, တၢ်မၤအသး လၢပှၤဂီၢ်မုၢ်ဂဲၤဆၢထၢၣ်ခဲလၢာ်, ဒီးဆၢထၢၣ်တဂၤလၢ အဒဲကျဲစၢၤ, တဂၤလၢအဒဲကျဲစၢၤ, ဒီးကွၢ်ထွဲစီၤမိၤရှ့ အခံတုၤအလဲၤနုာ်လၢဒဲပူၤန့ၣ်လီၤ.

⁹ ဒီးတုၤစီၤမိၤရှ့လဲၤနုာ်လၢဒဲပူၤဒီး, တၢ်မၤအသးလၢ တၢ်အၢၣ်အထူၣ်ဟဲလီၤဒီး အိၣ်ဆၢထၢၣ်လၢဒဲအကျဲ စၢၤန့ၣ်, ဒီးယွၤကတိၤတၢ်ဒီးစီၤမိၤရှ့လီၤ.

¹⁰ ဒီးပှၤဂီၢ်မုၢ်ခဲလၢာ်ထံၣ်ဘၣ် တၢ်အၢၣ်အထူၣ်အိၣ်ဆၢ ထၢၣ်လၢဒဲအကျဲစၢၤန့ၣ်, ဒီးပှၤဂီၢ်မုၢ်ခဲလၢာ် ဂဲၤဆၢ ထၢၣ်ဝဲ, ဒီးဘါထီၣ်ဝဲ, တဂၤလၢအဒဲအကျဲစၢၤ, တ ဂၤလၢအဒဲအကျဲစၢၤစုာ်စုာ်လီၤ.

¹¹ ဒီးယွၤကတိၤတၢ်ဒီးစီၤမိၤရှ့မဲာ်သကိးမဲာ်, ဒ်ပှၤကညီ ကတိၤတၢ်ဒီးအတံၤအသကိးအသိးန့ၣ်လီၤ. ဒီးက့ၤက ဒါက့ၤဆူပှၤသူၣ်ဒဲတဖၣ်အလီၢ်ပူၤလီၤ. မ့မ့ၢ်အခ့အပှၤ, ပှၤဖိၣ်သၣ်ခွါ, စီၤနူၣ်အဖိခွါ, စီၤယိၤရှူတဂၤန့ၣ်တဟး ထီၣ်ဘၣ်လၢဒဲပူၤန့ၣ်ဘၣ်.

¹² ဒီးစီၤမိၤရှ့စံးဘၣ်ယွၤ, ကွၢ်တက့ၢ်, နစံးဘၣ်ယၤ, ဒုး ဟဲထီၣ်ပှၤဂီၢ်မုၢ်အံၤတက့ၢ်. ဒီးနကမၢမတၤမတၤလဲၤ ဒီးယၤန့ၣ်နတဘိးဘၣ်သ့ၣ်ညါဒံးဘၣ်ယၤဘၣ်. ဘၣ် ဆၣ်ဒီးနစံးဘၣ်ယၤ, ယသ့ၣ်ညါနၤလၢနမံၤ, ဒီးနဘၣ် ဘျုးဘၣ်ဖှိၣ်လၢယမဲာ်ညါန့ၣ်လီၤ. ¹³ ဒီးခဲကနံၣ်အံၤယ မ့ၢ်ဘၣ်ဘျုးဘၣ်ဖှိၣ်လၢနမဲာ်ညါဒီး, ဘိးဘၣ်သ့ၣ်ညါ လၢ်ယၤလၢနကျဲ ဒ်သိးယကသ့ၣ်ညါနၤ, လၢယက ဘၣ်ဘျုးဘၣ်ဖှိၣ်လၢနမဲာ်ညါတက့ၢ်. ဒီးကွၢ်ဆိကမိၣ် လၢပှၤတကလုာ်အံၤမ့ၢ်နပှၤဂီၢ်မုၢ်တက့ၢ်.

¹⁴ ဒီးစံးဝဲဒၣ်, ယမဲာ်ကလဲၤတၢ်ဒီးနၤ, ဒီးယကဒုးအိၣ် ဘှံးနၤလီၤ.

¹⁵ ဒီးစံးဝဲဒၣ်, နမဲာ်မ့ၢ်တလဲၤဘၣ်ဒီး, ဒုးလဲၤထီၣ်ပှၤ လၢအံၤတဂ့ၤ, ¹⁶ ဒီးပှၤကသ့ၣ်ညါဖဲအံၤလၢယဘၣ်ဘျုး ဘၣ်ဖှိၣ်လၢနမဲာ်ညါ, ယၤဒီးနပှၤဂီၢ်မုၢ်လၢမနုၤတမံၤ လဲၣ်. မ့ၢ်လၢနလဲၤတၢ်ဒီးပှၤအံၤတမ့ၢ်ဘၣ်ဧါ. ဒီးယၤ ဒီးနပှၤဂီၢ်မုၢ်န့ၣ်ပကအိၣ်လီၤဆီန့ၢ် ပှၤလၢအအိၣ်လၢ ဟီၣ်ခိၣ်ချၢဒီဘ့ၣ်ညါခဲလၢာ်တက့ၢ်လီၤ.

¹⁷ ဒီးယွၤစံးဘၣ်စီၤမိၤရှ့, ယကမၤတၢ်အံၤတမံၤလၢနစံး တၢ်စ့ၢ်ကီးလီၤ. အဂ့ၢ်ဒ်အံၤ, နဘၣ်ဘျုးဘၣ်ဖှိၣ်လၢ ယမဲာ်ညါ, ဒီးယသ့ၣ်ညါနၤလၢနမံၤလီၤ.

¹⁸ ဒီးစံးဝဲဒၣ်, ဒုးထံၣ်ဘၣ်လၢ်ယၤလၢ နလၤကပီၤတ က့ၢ်.

¹⁹ ဒီးစံးဝဲဒၣ်, ယကဒုးလဲၤပူၤကွံာ်ယတၢ်ဂ့ၤခဲလၢာ်လၢ နမဲာ်ညါ, ဒီးယကကိးထီၣ်ယွၤအမံၤလၢနမဲာ်ညါ, ဒီး ပှၤလၢယကဟ့ၣ်အီၤလၢတၢ်ဘျုးတၢ်ဖှိၣ်န့ၣ်ယကဟ့ၣ် အီၤလၢတၢ်ဘျုးတၢ်ဖှိၣ်လီၤ. ဒီးပှၤလၢယကသးကညီၤ အီၤန့ၣ်ယကသးကညီၤအီၤလီၤ. ²⁰ ဒီးစံးဝဲဒၣ်, နထံၣ် ဘၣ်ယမဲာ်တကဲဘၣ်. အဂ့ၢ်ဒ်အံၤ, ပှၤကညီလၢအထံၣ် ဘၣ်ယမဲာ်န့ၣ်တမူဘၣ်ဘၣ်. ²¹ ဒီးယွၤစံးဝဲဒၣ်, ကွၢ် ကွၢ်, အလီၢ်တပူၤအိၣ်ဒီးယၤ, ဒီးနဆၢထၢၣ်လၢလၢၢ် တဖျၢၣ်အဖီခိၣ်လီၤ. ²² ဒီးတၢ်မၤအသးလၢယလၤကပီၤ လဲၤပူၤကွံာ်အဖၢမုၢ်ဒီး, ယကပာ်နၤလၢလၢၢ်အအိပူၤ, ဒီးယကကျၢၢ်ဘၢနၤလၢ ယစုတုၤယလဲၤပူၤကွံာ်လီၤ.―

²³ ဒီးယကဟံးထီၣ်ယစု, ဒီးနကထံၣ်ဘၣ်ယချၢဃံလီၤ. မ့မ့ၢ်ယမဲာ်တဘၣ်အိၣ်ဖျါဘၣ်.

၃၄

¹ ဒီးယွၤစံးဘၣ်စီၤမိၤရှ့, စိးပျၤလၢၢ်ဘ့ၣ်ဘၣ်ခံဘ့ၣ်ဒ် အခီၣ်ထံးတဖၣ်အသိးတက့ၢ်. ဒီးလၢတၢ်ဘ့ၣ်ဘၣ်တ ဖၣ်အလိၤန့ၣ်, ယကကွဲးတၢ်ကတိၤလၢအအိၣ်လၢတၢ် ဘ့ၣ်ဘၣ်အခီၣ်ထံးတဖၣ် လၢနမၤကၢ်ကွံာ်အီၤအလိၤ န့ၣ်လီၤ.

² ဒီးအိၣ်ကတဲာ်ကတီၤလၢမုၢ်ဂီၤ, ဒီးဟဲထီၣ်ဆူကစၢၢ် စံၤနါလၢမုၢ်ဂီၤ, ဒီးဆၢထၢၣ်လၢယအိၣ်လၢကစၢၢ်ဒီခိၣ် န့ၣ်တက့ၢ်. ³ ဒီးဒုးဟဲထီၣ်ပှၤဒီးနၤနီတဂၤတဂ့ၤ, ဒီး ဒုးအိၣ်ဖျါပှၤလၢကစၢၢ်အလိၤနီတပူၤနီတဂၤတဂ့ၤ. ဒီး သိဒီးမဲာ်တဲးလဲး, ဒီးဂီၤဘုၣ်ဂီၤဖံးတဖၣ်န့ၣ် ဒုးအီၣ် အဆၣ်လၢကစၢၢ်အမဲာ်ညါန့ၣ်တဂ့ၤ.

⁴ ဒီးစိးပျၤလၢၢ်ဘ့ၣ်ဘၣ်ခံဘ့ၣ် ဒ်အခီၣ်ထံးအသိးန့ၣ် လီၤ. ဒီးမုၢ်ဆ့ၣ်ထီၣ်န့ၣ်စီၤမိၤရှ့ဂဲၤဆၢထၢၣ်ဂီၤဂီၤ, ဒီး လဲၤထီၣ်လၢကစၢၢ်စံၤနါအလိၤ, ဒ်ယွၤမၤလိာ်အီၤအသိး န့ၣ်, ဒီးဟံးန့ၢ်လၢၢ်ဘ့ၣ်ဘၣ်ခံဘ့ၣ်န့ၣ်လၢအစုပူၤလီၤ.

⁵ ဒီးယွၤဟဲလီၤလၢ တၢ်အၢၣ်အပူၤ, ဒီးဆၢထၢၣ်ဒီး အီၤဖဲန့ၣ်, ဒီးကိးထီၣ်ယွၤအမံၤလီၤ. ⁶ ဒီးယွၤလဲၤပူၤ လၢအမဲာ်ညါ, ဒီးကိးထီၣ်, ယွၤ, ကစၢ်ယွၤလၢအသး အိၣ်တၢ်, ဒီးသးကညီၤတၢ်, သးထီၣ်ကီ, ဒီးအဘျုး အဖှိၣ်ဒီး အမ့ၢ်အတီအိၣ်ဝဲအါမးလီၤ. ⁷ ဟံးဃာ်တၢ် ဘျုးတၢ်ဖှိၣ်လၢပှၤကထိတဖၣ်အဂီၢ်, ပျၢ်တၢ်အၢတၢ် သီဒီးတၢ်သရူးတၢ်ကမၣ် ဒီးတၢ်ဒဲးတူာ်တၢ်ဒဲးဘးလီၤ. ဒီးတကွၢ်ကပာ်တၢ်ဒဲးဘးလ့ၤတက့ၤဘၣ်. ဒုးအိၣ်သ ကိးပၢ်တဖၣ်အတၢ်ဒဲးဘးလၢဖိအလိၤ, ဒီးလၢအဖိတ ဖၣ်အဖိအလိၤတုၤလီၤလၢသၢစိၤတစိၤ, ဒီးလၢလွံၢ်စိၤ တစိၤလီၤ.

⁸ ဒီးစီၤမိၤရှ့မၤချ့ချ့, ဒီးဆုးလီၤအခိၣ်ဆူဟီၣ်ခိၣ်, ဒီး ဘါတၢ်လီၤ. ⁹ ဒီးစံးဝဲဒၣ်, ယမ့ၢ်ဘၣ်ဘျုးဘၣ်ဖှိၣ်လၢ နမဲာ်ညါ, ကစၢ်ဧၢ, မ်ကစၢ်လဲၤတၢ်လၢပကျါတက့ၢ်. အဂ့ၢ်ဒ်အံၤ, အဝဲအံၤမ့ၢ်ပှၤဂီၢ်မုၢ်အကိာ်ဆူၣ်, ဒီးပျၢ်ပ တၢ်သရူးတၢ်ကမၣ်ဒီး ပတၢ်ဒဲးတူာ်တၢ်ဒဲးဘး, ဒီးပာ် ပှၤလၢနတၢ်န့ၢ်သါန့ၣ်တက့ၢ်.

¹⁰ ဒီးစံးဝဲဒၣ်, ကွၢ်ကွၢ်, ယမၤတၢ်အၢၣ်လီၤအီလီၤလီၤ. လၢနပှၤဂီၢ်မုၢ်ခဲလၢာ်အမဲာ်ညါ, ယကမၤတၢ်လီၤလိၢ် လီၤလးလၢ တၢ်တမၤဘၣ်လၢဟီၣ်ခိၣ်ဒီဘ့ၣ်ညါ, ဒီး လၢပှၤအကျါနီတကလုာ်ဘၣ်, ဒီးကယဲၢ်ပှၤဂီၢ်မုၢ်လၢ နအိၣ်လၢအကျါန့ၣ်ကထံၣ်ဘၣ်ယွၤ အတၢ်မၤခဲလၢာ် လီၤ. အဂ့ၢ်ဒ်အံၤ, တၢ်လၢယကမၤနၤန့ၣ် မ့ၢ်တၢ်မၤ ပျံၤအလီၢ်လီၤ.

¹¹ တၢ်လၢယမၤလိာ်နၤလၢမုၢ်မဆါတနံၤအံၤ, တိၢ်န့ၢ် တက့ၢ်. ကွၢ်ကွၢ်, ယကဟီထီၣ်ကွံာ်လၢနမဲာ်ညါပှၤ အမိၢ်ဖိ, ဒီးပှၤကနၤဧၣ်ဖိ, ဒီးပှၤဃ့ၤသးဖိ, ဒီးပှၤပရး စၤဖိ, ဒီးပှၤဃံၤဝံၤဖိ, ဒီးပှၤယဘူၣ်ဖိလီၤ.

¹² ဒီးပလီၢ်နသးဒ်သိးနသုတမၤ တၢ်အၢၣ်လီၤအီလီၤဒီး ပှၤကီၢ်ဖိဖဲနလဲၤတၢ်န့ၣ်တဂ့ၤ. ကကဲထီၣ်ဘၣ်ဖုးတၢ်အ ပျံၤသကွီၤလၢသုကျါလီၤ. ¹³ မ့မ့ၢ်သုဘၣ်မၤဟးဂီၤ အ တၢ်လုၢ်လီၢ်, ဒီးမၤကၢ်ကွံာ်အတၢ်ဂီၤ, ဒီးကူာ်ကွံာ်အ အရှ့ရၤန့ၣ်တက့ၢ်. ¹⁴ အဂ့ၢ်ဒ်အံၤ, နတဘၣ်ဘါကစၢ် အဂၤဘၣ်. အဂ့ၢ်ဒ်အံၤ, ယွၤလၢအမံၤမ့ၢ်တၢ်သးက့ၣ် တဂၤန့ၣ်, မ့ၢ်အသးက့ၣ်တၢ်လီၤ. ¹⁵ မၤသးဒ်န့ၣ်ဒီး အၢၣ်လီၤအီလီၤတၢ်ဒီးပှၤကီၢ်ဖိတဂ့ၤ. အဂ့ၢ်ဒ်အံၤ, အဝဲ သ့ၣ်ကမၤကမၣ်ထွဲအကစၢ်တဖၣ်အခံ, ဒီးလုၢ်အကစၢ် တဖၣ်ဒီးပှၤကကိးနၤ, ဒီးနကအီၣ်ဘၣ်ဖုး အတၢ်လုၢ် လီၤ. ¹⁶ ဒီးနကဟံးန့ၢ်ဘၣ်ဖုးအဖိမုၣ်တဖၣ်လၢ နဖိခွါ တဖၣ်အဂီၢ်ဒီး အဖိမုၣ်ကလဲၤမၤကမၣ်တၢ်ထွဲအကစၢ် တဖၣ်အခံ, ဒီးကဒုးမၤကမၣ်နဖိခွါတဖၣ်ထွဲအဝဲသ့ၣ် အကစၢ်အခံလီၤ.

¹⁷ တ့ကစၢ်သိအသးတဖၣ်လၢနဂီၢ်တဂ့ၤ.

¹⁸ ဘူၣ်ကိၣ်တအိၣ်ဘၣ်ဒီးကိၣ်မံၣ်န့ၣ် တိၢ်န့ၢ်တက့ၢ်. နဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်နွံနံၤ, ဒ်ယမၤ လိာ်နၤလၢ အဆၢအကတီၢ် လၢလါအၤဘံာ်အပူၤအ သိးန့ၣ်လီၤ. အဂ့ၢ်ဒ်အံၤ, နဟဲထီၣ်လၢအဲၤကူပတူးလၢ လါအၤဘံာ်အပူၤလီၤ.

¹⁹ ကယဲၢ်တၢ်လၢအအိးထီၣ်ဒၢလီၢ်, ဒီးကယဲၢ်နဆၣ်ဖိ ကီၢ်ဖိအဒၢအဝဲၢ်ကိအဖါ, ဂီၤဖံးမ့ၢ်ဂ့ၤ, သိမ့ၢ်ဂ့ၤ, မ့ၢ် ယတၢ်ခဲလၢာ်လီၤ.

²⁰ မ့မ့ၢ်ကသ့ၣ်ယီၤအဝဲၢ်ကိန့ၣ်, နဘၣ်ပှ့ၤက့ၤအီၤဒီးသိ ဖိတဒုလီၤ. ဒီးနမ့ၢ်တပှ့ၤက့ၤဘၣ်ဒီး, နဘၣ်မၤကၢ်အ ကိာ်လီၤ. ကယဲၢ်နဖိခွါဝဲၢ်ကိတဂၤလၢ်လၢ်န့ၣ် နဘၣ် ပှ့ၤက့ၤအီၤလီၤ. ဒီးအိၣ်ဖျါလၢယမဲာ်ညါအိၣ်ကလီနီ တဂၤတဂ့ၤ.

²¹ ဃုနံၤန့ၣ်နမၤဘၣ်တၢ်လီၤ. မ့မ့ၢ်နွံနံၤတနံၤန့ၣ်နဘၣ် အိၣ်ဘှံးလီၤ. ထဲၣ်တၢ်အခါဒီးကူးတၢ်အခါန့ၣ်, န ဘၣ်အိၣ်ဘှံးလီၤ. ²² ဒီးနဘၣ်တိၢ်န့ၢ်ဘူၣ်နွံတဖၣ်, ဘူၣ် ကူးဘုကၠူၣ်သၣ်ဆိ, ဒီးဘူၣ်ထၢဖှိၣ်တၢ်လၢနံၣ်အက တၢၢ်န့ၣ်လီၤ.

²³ တနံၣ်အတီၢ်ပူၤန့ၣ်, ကယဲၢ်သုဖိပိာ်ခွါ ဘၣ်အိၣ်ဖျါ သၢဘျီလၢကစၢ်ယွၤ, အံၣ်စရ့လးအကစၢ်, အမဲာ်ညါ ခဲလၢာ်လီၤ. ²⁴ အဂ့ၢ်ဒ်အံၤ, ယကဟီထီၣ်ကွံာ်ပှၤက လုာ်တဖၣ်လၢနမဲာ်ညါ, ဒီးမၤလဲၢ်ထီၣ်နဃၢၤတဖၣ် လီၤ. ဒီးတုၤနလဲၤပာ်ဖျါနသးလၢယွၤနကစၢ်အမဲာ်ညါ တနံၣ်သၢဘျီဒီး, ပှၤတဆၢန့ၢ်ဘၣ် နဟီၣ်ခိၣ်နီတဂၤ ဘၣ်လီၤ.

²⁵ လုၢ်ယတၢ်လုၢ်အသွံၣ်အိၣ်ဒီးကိၣ်မံၣ်န့ၣ်တဂ့ၤ. ဒီး ဘူၣ်လဲၤကပာ်အတၢ်လုၢ်န့ၣ်, ပာ်အီၤတုၤမုၢ်ဆ့ၣ်ထီၣ် န့ၣ်တဂ့ၤ. ²⁶ ဟီၣ်ခိၣ်အသၣ်ဆိအဂံၢ်ခိၣ်တဖၣ်န့ၣ် ဟဲ စိာ်ဆူယွၤနကစၢ်အဟံၣ်ပူၤတက့ၢ်. ချီမဲာ်တဲးလဲးဖိလၢ အမိၢ်နုၢ်ထံအကျါတဂ့ၤ. ²⁷ ဒီးယွၤစံးဘၣ်စီၤမိၤရှ့, ကွဲး လီၤတၢ်ကတိၤတဖၣ်န့ၣ်တက့ၢ်. အဂ့ၢ်ဒ်အံၤ, ဒ်တၢ် ကတိၤတဖၣ်အံၤဟဲဝဲအသိးန့ၣ် ယမၤလံတၢ်အၢၣ်လီၤ အီလီၤဒီးနၤဒီးအံၣ်စရ့လးလံလီၤ.

²⁸ ဒီးအိၣ်ဝဲဖဲန့ၣ်ဒီးယွၤ အနံၤလွံၢ်ဆံဒီးအနၤလွံၢ်ဆံ, ဒီး တအီၣ်ဘၣ်ကိၣ်, ဒီးတအီဘၣ်ထံဘၣ်. ဒီးကွဲးတၢ် အၢၣ်လီၤအီလီၤအတၢ်ကတိၤ, တၢ်ကတိၤဆံဆဲၣ်ထံၣ် လၢတၢ်ဘ့ၣ်ဘၣ်အလိၤန့ၣ်လီၤ.

²⁹ ဒီးတုၤစီၤမိၤရှ့ဟဲလီၤလၢ ကစၢၢ်စံၤနါအလိၤအိၣ်ဒီး တၢ်အၢၣ်လီၤအီလီၤအဘ့ၣ်ဘၣ်ခံဘ့ၣ် လၢစီၤမိၤရှ့အစု ပူၤ, ဖဲအဟဲလီၤလၢကစၢၢ်အလိၤ, တၢ်မၤအသးလၢ စီၤမိၤရှ့တသ့ၣ်ညါဘၣ်လၢ အကတိၤတၢ်ဒီးအီၤအဖၢ မုၢ်ဒီး, အမဲာ်ဖံးကပီၤကပြုၢ်ကပြီၤဘၣ်န့ၣ်လီၤ.

³⁰ ဒီးတုၤစီၤအၤဟရိၣ်, ဒီးပှၤအံၣ်စရ့လးဖိခဲလၢာ်ထံၣ် ဘၣ်စီၤမိၤရှ့ဒီး, ကွၢ်ကွၢ်, အမဲာ်ဖံးကပီၤကပြုၢ်ကပြီၤ, ဒီးသုးဘူးအသးဆူအအိၣ်တဘူၣ်ဘၣ်လီၤ. ³¹ ဒီးစီၤမိၤ ရှ့ကိးထီၣ်လၢအီၤ, ဒီးစီၤအၤဟရိၣ်ဒီးတၢ်အိၣ်ဖှိၣ်အပ ဒိၣ်တဖၣ်ခဲလၢာ်ဟဲက့ၤဆူအအိၣ်, ဒီးစီၤမိၤရှ့ကတိၤ တၢ်ဒီးအီၤလီၤ.

³² လၢခံက့ၤဒီးပှၤအံၣ်စရ့လးဖိဟဲဘူးထီၣ်ဝဲခဲလၢာ်, ဒီး အဝဲဒၣ်မၤလိာ်အီၤလၢ ကယဲၢ်တၢ်လၢယွၤစံးဘၣ်အီၤ လၢကစၢၢ်စံၤနါအလိၤလီၤ. ³³ ဒီးတုၤစီၤမိၤရှ့ကတိၤတၢ် လၢာ်ဝံၤဒီး, ပာ်နီၢ်ကျၢၢ်ဘၢလၢအမဲာ်လိၤလီၤ.

³⁴ ဒီးတုၤစီၤမိၤရှ့လဲၤနုာ်ဆူယွၤအမဲာ်ညါ ဒ်သိးအကက တိၤတၢ်ဒီးအီၤဒီး, ဘ့ၣ်လီၤကွံာ်နီၣ်ကျၢၢ်ဘၢတုၤအက ဟဲက့ၤထီၣ်န့ၣ်လီၤ. ဒီးဟဲက့ၤထီၣ်, ဒီးစံးဘၣ်တဲဘၣ် ပှၤအံၣ်စရ့လးဖိလၢတၢ်လၢတၢ်မၤလိာ်အီၤလီၤ.

³⁵ ဒီးပှၤအံၣ်စရ့လးဖိထံၣ်ဘၣ် စီၤမိၤရှ့အမဲာ်လၢအမဲာ် ဖံးကပီၤကပြုၢ်ကပြီၤလီၤ. ဒီးစီၤမိၤရှ့ပာ်ကဒီးနီၣ်ကျၢၢ် ဘၢလၢအမဲာ်လိၤတုၤလီၤလၢ အလဲၤနုာ်ကတိၤတၢ်ဒီး အီၤလီၤ.

၃၅

¹ ဒီးစီၤမိၤရှ့ဒုးအိၣ်ဖှိၣ် ပှၤအံၣ်စရ့လးဖိ အတၢ်အိၣ် ဖှိၣ်ခဲလၢာ်, ဒီးစံးဘၣ်အီၤ, အအံၤမ့ၢ်တၢ်ကတိၤလၢ ယွၤမၤလိာ်လၢသုဘၣ်မၤအီၤလီၤ.

² ဃုနံၤန့ၣ်သုကမၤတၢ်လီၤ. မ့မ့ၢ်နွံနံၤတနံၤန့ၣ်ကကဲ ထီၣ်နံၤစီဆှံလၢသုဂီၢ်, တၢ်အိၣ်ဘှံးလၢယွၤအဂီၢ်လီၤ. ကယဲၢ်ပှၤလၢအမၤတၢ်မၤလၢအပူၤန့ၣ်, ကဘၣ်တၢ်မၤ သံအီၤလီၤ. ³ လၢအိၣ်ဘှံးနံၤန့ၣ် သုတဆိၣ်ကဲၤမ့ၣ်အူ လၢသုအိၣ်သုဆိးအလီၢ်နီတပူၤတဂ့ၤ.

⁴ ဒီးစီၤမိၤရှ့ကတိၤတၢ်ဒီး ပှၤအံၣ်စရ့လးဖိအတၢ်အိၣ် ဖှိၣ်ခဲလၢာ်, ဒီးစံးဝဲဒၣ်, တၢ်အံၤမ့ၢ်တၢ်လၢယွၤမၤလိာ် တၢ်, ဒီးစံးဝဲဒၣ်, ⁵ ဟံးန့ၢ်တၢ်မၤဘူၣ်လၢယွၤအဂီၢ်လၢ သုကျါန့ၣ်တက့ၢ်. ဖဲဒၣ်ပှၤလၢအသးအိၣ် လၢအက ဟ့ၣ်ဒၣ်တဂၤလၢ်လၢ်န့ၣ်, မ်အဟဲစိာ်တၢ်မၤဘူၣ်ဆူ ယွၤအအိၣ်တက့ၢ်. ထူ, ဒီးစ့, ဒီးတိၢ်, ⁶ ဒီးတၢ်လါ, ဒီး တၢ်လုးတကုာ်, ဒီးတၢ်ဂီၤ, ဒီးဖှီဝါကဆှၣ်, ဒီးမဲာ် တဲးလဲးအဆူၣ်, ⁷ ဒီးသိဖါအဖံးစုၣ်ဂီၤ, ဒီးတၢ်အဖံး, ဒီးသ့ၣ်ဖှ့ၡံးတၤ, ⁸ ဒီးသိလၢမ့ၣ်အူဒၢအဂီၢ်, ဒီးတၢ်နၢ မူလၢသိဖှူတၢ်အဂီၢ်, ဒီးလၢတၢ်ဆိၣ်ကဲၤနၢမူအဂီၢ်,―

⁹ ဒီးတၢ်မျၢ်မဟူယၤ, ဒီးလၢၢ်လၢအမၤပှဲၤထီၣ်လၢအ့ဖိး အဂီၢ်, ဒီးလၢသဃိးအဂီၢ်လီၤ.

¹⁰ ဒီးကယဲၢ်ပှၤလၢ အသးကူၣ်တၢ်သ့တဂၤလၢ်လၢ်န့ၣ် ဘၣ်ဟဲ, ဒီးမၤတၢ်လၢယွၤမၤလိာ်ဝဲခဲလၢာ်လီၤ. ¹¹ တၢ် အိၣ်အလီၢ်, ဒီးအဒဲ, ဒီးအတၢ်ကျၢၢ်ဘၢအနီၣ်ကွးတ ဖၣ်, ဒီးသ့ၣ်ဘ့ၣ်ဘၣ်တဖၣ်, အနီၣ်ဘိတဖၣ်, အထူၣ် တဖၣ်, ဒီးအခီၣ်တဖၣ်, ¹² တလါ, ဒီးအနီၣ်ယိးဘိ တဖၣ်, တၢ်မၤပူၤဖျဲးအလီၢ်, ဒီးတၢ်ကျၢၢ်ဘၢအယၣ် ဘျးထီၣ်အသး, ¹³ စီၢ်နီၤခိၣ်, ဒီးအနီၣ်ယိးဘိတဖၣ်, ဒီး အလီခီခဲလၢာ်, ဒီးတၢ်မဲာ်ညါအကိၣ်, ¹⁴ ဒီးမ့ၣ်အူဒၢ မိၢ်ပှၢ်လၢတၢ်ကပီၤအဂီၢ်, ဒီးအတၢ်ဖိတၢ်လံၤ, ဒီးအ မ့ၣ်အူဒၢတဖၣ်, ဒိးသိလၢတၢ်ကပီၤအဂီၢ်, ¹⁵ ဒီးတၢ် လုၢ်လီၢ်ဆိၣ်ကဲၤတၢ်နၢမူ, ဒီးအနီၣ်ယိးဘိတဖၣ်, ဒီး သိဖှူတၢ်, ဒီးတၢ်ဆိၣ်ကဲၤနၢမူ, ဒီးယၣ်နီၢ်ကျၢၢ်ဘၢတၢ် လၢကျဲစၢၤအဂီၢ် ဖဲတၢ်လဲၤနုာ်လၢတၢ်အိၣ်အလီၢ်, ¹⁶ ဒီး တၢ်လုၢ်လီၢ်မ့ၣ်အူ, ဒီးအဖၣ်ကပူၤတိၢ်, အနီၣ်ယိးဘိ တဖၣ်, ဒီးအတၢ်ဖိတၢ်လံၤခဲလၢာ်, သရာ်ဒီးအခီၣ်,―

¹⁷ တၢ်အဂၢၤအယၣ်လီၤစဲၤတဖၣ်, အထူၣ်တဖၣ်ဒီးအခီၣ် တဖၣ်, ဒီးယၣ်နီၣ်ကျၢၢ်ဘၢတၢ်လၢတၢ်အဂၢၤအပဲတ ရီအဂီၢ်, ¹⁸ တၢ်အိၣ်အလီၢ်အတၢ်ကမိာ်ခံတဖၣ်, ဒီးအ ဂၢၤအတၢ်ကမိာ်ခံတဖၣ်, ဒီးအပျံၤတဖၣ်, ¹⁹ တၢ်အကူ အသိးဘၣ်ဃးဒီး တၢ်မၤတၢ်အခ့အပှၤအတၢ်လၢအက မၤတၢ်လၢအလီၢ်စီဆှံအပူၤ, တၢ်အကူအသိးစီဆှံလၢ ပှၤလုၢ်တၢ်အဒိၣ်စီၤအၤဟရိၣ်အဂီၢ်, ဒီးအဖိခွါတဖၣ်အ ကူအသိး ဒ်သိးအကမၤပှၤလုၢ်တၢ်အဒိၣ်အတၢ်မၤလီၤ.

²⁰ ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်န့ၣ် ဟးထီၣ် ဝဲလၢစီၤမိၤရှ့အမဲာ်ညါလီၤ.

²¹ ဒီးကယဲၢ်ပှၤလၢအသးထိၣ်ဂဲၤအီၤ, ဒီးကယဲၢ်ပှၤလၢ အသးဘိးထီၣ်အီၤတဖၣ်ဟဲဒီး ဟဲစိာ်တၢ်မၤဘူၣ်ယွၤလၢ တၢ်မၤဘၣ်ဃးဒီးတၢ်အိၣ်ဖှိၣ်အဒဲအဂီၢ်, ဒီးလၢအတၢ် မၤခဲလၢာ်အဂီၢ်, ဒီးလၢတၢ်အကူအသိးစီဆှံအဂီၢ်လီၤ.

²² ဒီးဟဲဝဲ, ပိာ်ခွါဒီးပိာ်မုၣ်, ကယဲၢ်ပှၤလၢအသးအိၣ် ထီၣ်ဒၣ်တၢ်, ဒီးဟဲစိာ်ဝဲထံဖှံၣ်, ဒီးနၢ်ကွီၤ, ဒီးပသံး, ဒီးဖဲ, တၢ်ကယၢကယဲထူခဲလၢာ်လီၤ. ပှၤလၢအမၤ ဘူၣ်တၢ်န့ၣ်မၤဘူၣ်ထူဧိၤလွဲဧိၤလၢယွၤကိးဂၤဒဲးလီၤ.

²³ ဒီးကယဲၢ်ပှၤလၢ အအိၣ်ဒီးတၢ်လါ, ဒီးတၢ်လုးတ ကုာ်, ဒီးတၢ်ဂီၤ, ဒီးဖှီဝါကဆှၣ်, ဒီးမဲာ်တဲးလဲးအ ဆူၣ်, ဒီးသိဖါအဖံးစုၣ်ဂီၤ, ဒီးတၢ်အဖံးန့ၣ်, ဟဲက့ၤ စိာ်ဝဲကိးဂၤဒဲးလီၤ.

²⁴ ဒီးကယဲၢ်ပှၤလၢ အမၤဘူၣ်တၢ်လၢစ့ဒီးတိၢ်န့ၢ်, ဟဲ စိာ်ယွၤအတၢ်မၤဘူၣ်လီၤ. ဒီးကယဲၢ်ပှၤလၢအအိၣ်ဒီး သ့ၣ်ဖှ့ၡံးတၤလၢတၢ်မၤအမၤတၢ်အဂီၢ်န့ၣ် ဟဲစိာ်ဝဲကိး ဂၤဒဲးလီၤ.

²⁵ ဒီးကယဲၢ်ပိာ်မုၣ်လၢ အကူၣ်တၢ်သ့တဂၤလၢ်လၢ်န့ၣ် လ့ၢ်လုၣ်လၢအစု, ဒီးဟဲစိာ်တၢ်လၢအလ့ၢ်ဝဲ, တၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါကဆှၣ်လီၤ.

²⁶ ဒီးကယဲၢ်ပိာ်မုၣ်လၢအသးထိၣ်ဂဲၤအီၤလၢ တၢ်ကူၣ် သ့န့ၣ်, လ့ၢ်မဲာ်တဲးလဲးအဆူၣ်လီၤ.

²⁷ ဒီးပဒိၣ်တဖၣ်ဟဲစိာ်တၢ်မျၢ်မဟူယၤ, ဒီးလၢၢ်လၢအ ကမၤပှဲၤအ့ဖိးအဂီၢ်, ဒီးလၢသဃိးအဂီၢ်, ²⁸ ဒီးတၢ်နၢ မူ, ဒီးသိလၢတၢ်ကပီၤအဂီၢ်, ဒီးလၢသိဖှူတၢ်အဂီၢ်, ဒီးလၢတၢ်ဆိၣ်ကဲၤနၢမူအဂီၢ်လီၤ.

²⁹ ဒီးပှၤအံၣ်စရ့လးဖိ, ဒ်အသးအိၣ်ထီၣ်ဒၣ်အသိးန့ၣ်, ဟဲစိာ်အတၢ်မၤဘူၣ်ဆူယွၤအအိၣ်, ကယဲၢ်ပိာ်မုၣ်ဒီး ပိာ်ခွါလၢအသးထိၣ်ဂဲၤဒၣ်အီၤဒ်သိး အကဟဲစိာ်တၢ် လၢကယဲၢ်တၢ်မၤအဂီၢ်, လၢယွၤမၤလိာ်စီၤမိၤရှ့လၢအ ဘၣ်မၤခဲလၢာ်လီၤ.

³⁰ ဒီးစီၤမိၤရှ့စံးဘၣ်ပှၤအံၣ်စရ့လးဖိ, ကွၢ်တက့ၢ်. ယွၤ ကိးထီၣ်ပှၤယူဒၤအဒူၣ်ဖိ, စီၤဃူၢ်အဖိခွါ, စီၤအူရံၤအ ဖိခွါ, စီၤဘစၤလအ့လးလၢအမံၤ, ³¹ ဒီးမၤပှဲၤအီၤဒီးယွၤ အသး, ဒီးတၢ်ကူၣ်သ့, ဒီးတၢ်ကူၣ်တၢ်ဆး, ဒီးတၢ် သ့ၣ်ညါ, ဒီးတၢ်မၤတၢ်သ့ကိးမံၤဒဲး, ³² ဒ်သိးအကကူၣ် ထီၣ်တၢ်မၤ, လၢအကမၤတၢ်လၢထူ, ဒီးစ့, ဒီးတိၢ်, ³³ ဒီး လၢအကဂူာ်ကျ့လၢၢ်လၢအကမၤပှဲၤအီၤ, ဒီးလၢအက စိးပျၤသ့ၣ်, ဒ်သိးအကမၤတၢ်ကူၣ်သ့အတၢ်မၤကိးမံၤ ဒဲးလီၤ. ³⁴ ဒီးဒၢနုာ်တၢ်လၢအသးကံၢ်ပူၤဒ်သိးအကသိၣ် လိတၢ်, အဝဲဒၣ်ဒီးပှၤဒၣ်အဒူၣ်ဖိ, စီၤအဃံစမးအဖိခွါ, စီၤအၤဟလံအာ်လီၤ. ³⁵ မၤပှဲၤအသးဒီးတၢ်ကူၣ်သ့ဒ်သိး အကမၤကယဲၢ်တၢ်မၤ, ပှၤကွဲးတၢ်အတၢ်မၤ, ဒီးပှၤကူၣ် တၢ်သ့အတၢ်မၤ, ဒီးပှၤလၢအမၤတၢ်ကံၣ်ဃ့လၢတၢ် လါ, ဒီးလၢတၢ်လုးတကုာ်, လၢတၢ်ဂီၤ, ဒီးလၢဖှီဝါ ကဆှၣ်, ဒီးလၢပှၤထါတၢ်, ပှၤလၢအမၤတၢ်တမံၤလၢ် လၢ်, ဒီးပှၤလၢအကူၣ်ထီၣ်တၢ်သ့တဖၣ်အတၢ်မၤလီၤ.

၃၆

¹ ဒီးစီၤဘစၤလအ့လး, ဒီးစီၤအၤဟလံအာ်, ဒီးက ယဲၢ်ပှၤလၢအသးကူၣ်တၢ်သ့လၢ ယွၤဒၢနုာ်တၢ်ကူၣ်သ့ ဒီးတၢ်ကူၣ်တၢ်ဆးလၢအသးကံၢ်ပူၤ, ဒ်သိးအကသ့ၣ် ညါမၤကယဲၢ်တၢ်မၤတမံၤလၢ်လၢ်လၢ အလီၢ်စီဆှံအ တၢ်မၤအဂီၢ်န့ၣ်, မၤဝဲဒ်ကယဲၢ်တၢ်လၢယွၤမၤလိာ်ဝဲခဲ လၢာ်အသိးန့ၣ်လီၤ.

² ဒီးစီၤမိၤရှ့ကိးန့ၢ်စီၤဘစၤလအ့လး, ဒီးစီၤအၤဟလံ အာ်, ဒီးကယဲၢ်ပှၤလၢအသးကူၣ်တၢ်သ့, လၢယွၤဒၢ နုာ်တၢ်ကူၣ်သ့ လၢအသးကံၢ်ပူၤကိးဂၤဒဲး, ကယဲၢ်ပှၤ လၢအသးထိၣ်ဂဲၤအီၤဒ်သိးအကဟဲမၤတၢ်န့ၣ်လီၤ.

³ ဒီးအဝဲသ့ၣ်ဒိးန့ၢ်လၢ စီၤမိၤရှ့အစုပူၤ ကယဲၢ်တၢ်မၤ ဘူၣ်လၢပှၤအံၣ်စရ့လးဖိဟဲစိာ်တ့ၢ်လၢ လီၢ်စီဆှံအတၢ် မၤအမၤတၢ်အဂီၢ်, ဒ်သိးအကမၤဝဲလီၤ. ဒီးပှၤဟဲစိာ် ဒံးတၢ်မၤဘူၣ်လၢအဟ့ၣ်ဒၣ်တၢ်လၢဂီၤလၢဂီၤလီၤ.

⁴ ဒီးကယဲၢ်ပှၤကူၣ်တၢ်သ့လၢ အမၤလီၢ်စီဆှံအတၢ်မၤ န့ၣ်, ဟဲက့ၤလၢအတၢ်မၤလၢအမၤဝဲကိးဂၤဒဲး, ⁵ ဒီးက တိၤတၢ်ဒီးစီၤမိၤရှ့ဒီးစံးဝဲဒၣ်, ပှၤဟဲစိာ်တၢ်လၢတၢ်မၤ အမၤတၢ်အဂီၢ်လၢယွၤမၤလိာ်တၢ်န့ၣ်, အါကဲာ်ဆိးဖး ဒိၣ်ညါလီၤ. ⁶ ဒီးစီၤမိၤရှ့မၤလိာ်တၢ်, ဒီးပှၤကိးထီၣ်လၢပှၤသူၣ်ဒဲအလီၢ်ပူၤဒီလီၢ်ညါဒီးစံးဝဲဒၣ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, မ်အသုတမၤလၢၤတၢ်မၤလၢ တၢ်မၤဘူၣ်လၢလီၢ်စီဆှံအဂီၢ်တဂ့ၤ. ဒီးပှၤဂီၢ်မုၢ်ဘၣ်တၢ်တြီအဟဲစိာ်တၢ်လီၤ.―

⁷ အဂ့ၢ်ဒ်အံၤ, တၢ်လၢကယဲၢ်တၢ်မၤအဂီၢ်ဒ်သိးအကမၤ အီၤန့ၣ်, လၢပှဲၤဝဲဒီးအါကဲၣ်ဆိးလီၤ.

⁸ ဒီးကယဲၢ်ပှၤလၢအကူၣ်တၢ်သ့လၢအကျါ, လၢအမၤ တၢ်အိၣ်ဝဲအလီၢ်အတၢ်မၤန့ၣ်, မၤဝဲလၢယၣ်သဒၢတၢ် လၢဖှီဝါကဆှၣ်အလုၣ်လ့ၢ်ဃံၤ, ဒီးတၢ်လါ, ဒီးတၢ် လုးတကုာ်, ဒီးတၢ်ဂီၤ, ဒီးခ့ရူာ်တဖၣ်လၢပှၤမၤတၢ် သ့မၤဝဲန့ၣ်, ဆံဆဲၣ်ဘ့ၣ်န့ၣ်လီၤ.

⁹ ဒီးယၣ်သဒၢတၢ်တဘ့ၣ်အထီခံဆံဃိးပျၢ်, ဒီးယၣ် သဒၢတၢ်တဘ့ၣ်အဒီၣ်ဃီၤလွံၢ်ပျၢ်လီၤ. ယၣ်သဒၢတၢ် တဖၣ်န့ၣ်တုၤသိးသိးလီၤ.

¹⁰ ဒီးယၣ်သဒၢတၢ်ယဲၢ်ဘ့ၣ်န့ၣ်, မၤစဲဘူးလိာ်အသး တဘ့ၣ်ဒီးတဘ့ၣ်, ဒီးယၣ်သဒၢတၢ်ယဲၢ်ဘ့ၣ်ဒၣ်, မၤ စဲဘူးလိာ်အသးတဘ့ၣ်ဒီးတဘ့ၣ်လီၤ.

¹¹ ဒီးမၤဝဲကွီၤတဖၣ်လၢ တၢ်လါလၢယၣ်သဒၢတၢ်တ ဘ့ၣ်အကနူၤလၢအအိၣ်လၢ တၢ်စဲဘူးလိာ်အသးအက တၢၢ်လီၤ. မၤတၢ်ဒ်န့ၣ်သိး လၢယၣ်သဒၢတၢ်တဘ့ၣ် လၢအကနူၤအိၣ်လၢတၢ်စဲဘူးလိာ်အသးခံဘ့ၣ်တဘ့ၣ် အကတၢၢ်န့ၣ်လီၤ.

¹² မၤဝဲလၢကွီၤယဲၢ်ဆံလၢယၣ်သဒၢတၢ်တဘ့ၣ်အလိၤ, ဒီးသဃီၤလိာ်အသးဒီးအဝဲန့ၣ် မၤကွီၤယဲၢ်ဆံလၢယၣ် သဒၢတၢ်တဘ့ၣ်အလိၤလၢအအိၣ်လၢ တၢ်စဲဘူးလိာ် အသးခံဘ့ၣ်တဘ့ၣ်အကတၢၢ်န့ၣ်လီၤ. ¹³ ဒီးမၤဝဲနီၣ်ကွး ထူယဲၢ်ဆံ, ဒီးဒုးစဲဘူးယၣ်သဒၢတၢ်တဖၣ်လၢနီၣ်ကွး, ဒီးကဲထီၣ်တၢ်အိၣ်အလီၢ်တဖျၢၣ်ဃီလီၤ.

¹⁴ ဒီးမၤဝဲလၢယၣ်သဒၢတၢ်တဖၣ်လၢ မဲာ်တဲးလဲးအ ဆူၣ်လၢဒဲလၢ တၢ်အိၣ်အလီၢ်အဖီခိၣ်အဂီၢ်လီၤ. မၤဝဲ ယၣ်သဒၢတၢ်တဆံတဘ့ၣ်လီၤ. ¹⁵ ဒီးယၣ်သဒၢတၢ် တဘ့ၣ်အထီန့ၣ်အပျၢ်သၢဆံ, ဒီးယၣ်သဒၢတၢ်တဘ့ၣ် အဒီၣ်ဃီၤလွံၢ်ပျၢ်, ဒီးယၣ်သဒၢတၢ်တဆံတဘ့ၣ်န့ၣ် မ့ၢ်တုၤသိးသိးလီၤ.

¹⁶ ဒီးမၤစဲဘူးလိာ်အသးလၢ ယၣ်သဒၢတၢ်ယဲၢ်ဘ့ၣ်တ ပူၤ, ဒီးယၣ်သဒၢတၢ်ဃုဘ့ၣ်တပူၤဒၣ်န့ၣ်လီၤ.

¹⁷ ဒီးမၤဝဲလၢကွီၤယဲၢ်ဆံလၢ ယၣ်သဒၢတၢ်တဘ့ၣ်အ ကနူၤလၢအအိၣ်လၢ တၢ်စဲဘူးလိာ်အသး အကတၢၢ် လီၤ. ဒီးမၤကွီၤယဲၢ်ဆံလၢယၣ်သဒၢတၢ်တဘ့ၣ်အပူၤ လၢအအိၣ်လၢတၢ်စဲဘူးလိာ်အသးခံဘ့ၣ်တဘ့ၣ်အက တၢၢ်လီၤ.

¹⁸ ဒီးမၤဝဲနီၣ်ကွးတိၢ်, ဒ်သိးပှၤကကွးထီၣ်ဒဲ, ဒီးကကဲ ထီၣ်တၢ်တဖျၢၣ်ဃီလီၤ.

¹⁹ ဒီးမၤဝဲတၢ်ကျၢၢ်ဘၢလၢ သိဖါအဖံးစုၣ်ဂီၤလၢ ဒဲအ ဂီၢ်, ဒီးတၢ်ကျၢၢ်ဘၢလၢအဖီခိၣ်လၢတၢ်ဖံးလီၤ.

²⁰ ဒီးမၤဝဲလၢသ့ၣ်ဘ့ၣ်ဘၣ်လၢသ့ၣ်ဖှ့ၡံးတၤ, အိၣ်ဆၢ ထၢၣ်အသးလၢ တၢ်အိၣ်အလီၢ်အဂီၢ်န့ၣ်လီၤ. ²¹ သ့ၣ် ဘ့ၣ်ဘၣ်တဘ့ၣ်န့ၣ် အထီအပျၢ်တဆံ, ဒီးအဒီၣ်ဃီၤ တပျၢ်ဒီးတထါလီၤ.

²² သ့ၣ်ဘ့ၣ်ဘၣ်တဘ့ၣ် အိၣ်ဒီးအစုခံခီသဃိၤလိာ်အ သးလီၤ. မၤတၢ်အိၣ်အလီၢ်အသ့ၣ်ဘ့ၣ်ဘၣ်ဒ်န့ၣ်အသိး ခဲလၢာ်လီၤ.

²³ ဒီးမၤဝဲလၢသ့ၣ်ဘ့ၣ်ဘၣ်အဘ့ၣ်ခံဆံ လၢတၢ်အိၣ်အ လီၢ်အဂီၢ်လၢကလံၤထံးတခီလီၤ.

²⁴ ဒီးလၢသ့ၣ်ဘ့ၣ်ဘၣ် အဘ့ၣ်ခံဆံအဖီလာ်န့ၣ် တ့ဝဲ လၢအခီၣ်စ့အဖျၢၣ်လွံၢ်ဆံလီၤ. အခီၣ်ခံဖျၢၣ်လၢသ့ၣ် ဘ့ၣ်ဘၣ်တဘ့ၣ်အဖီလာ်လၢအစုခံခီအဂီၢ်, ဒီးအခီၣ်ခံ ဖျၢၣ်လၢသ့ၣ်ဘ့ၣ်ဘၣ်တဘ့ၣ်ဒၣ်လၢအစုခံခီအဂီၢ်လီၤ.

²⁵ ဒီးတၢ်အိၣ်အလီၢ်အကပၤခံခီတခီ လၢကလံၤစိးန့ၣ်, မၤဝဲလၢသ့ၣ်ဘ့ၣ်ဘၣ်အဘ့ၣ်ခံဆံ, ²⁶ ဒီးအခီၣ်စ့အဖျၢၣ် လွံၢ်ဆံလီၤ. သ့ၣ်ဘ့ၣ်ဘၣ်တဘ့ၣ်အိၣ်ဒီးအခီၣ်စ့ခံဖျၢၣ် လၢအဖီလာ်, သ့ၣ်ဘ့ၣ်ဘၣ်တဘ့ၣ်ဒၣ်အိၣ်ဒီးအခီၣ်စ့ ခံဖျၢၣ်လၢအဖီလာ်လီၤ.

²⁷ ဒီးမၤဝဲလၢသ့ၣ်ဘ့ၣ်ဘၣ်ဃုဘ့ၣ်လၢ တၢ်အိၣ်အလီၢ် အကပၤလၢမုၢ်နုာ်တခီအဂီၢ်လီၤ. ²⁸ ဒီးမၤဝဲလၢသ့ၣ်ဘ့ၣ် ဘၣ်ခံဘ့ၣ် လၢတၢ်အိၣ်အလီၢ်အသနၢၣ်တဖၣ် လၢအ ကပၤခံခီလီၤ. ²⁹ ဒီးအိၣ်သဃံာ်လၢအဖီလာ်, ဒီးအိၣ် သဃံာ်လၢအခိၣ်အဖီခိၣ်ဆူကွီၤတကွီၤဃီလီၤ. မၤဝဲလၢ ခံဘ့ၣ်လိာ်ဒ်န့ၣ်လၢခံသနၢၣ်အဂီၢ်လီၤ. ³⁰ ဒီးသ့ၣ်ဘ့ၣ် ဘၣ်ဃိးဘ့ၣ်, ဒီးအခီၣ်စ့တဆံဃုဖျၢၣ်အိၣ်ဝဲလီၤ. သ့ၣ် ဘ့ၣ်ဘၣ်တဘ့ၣ်အိၣ်ဒီးအခီၣ်ခံဖျၢၣ်လၢအဖီလာ်, သ့ၣ် ဘ့ၣ်ဘၣ်တဘ့ၣ်အိၣ်ဒီး အခီၣ်ခံဖျၢၣ်လၢအဖီလာ်လီၤ.

³¹ ဒီးမၤဝဲလၢနီၣ်ဘိလၢ သ့ၣ်ဖှ့ၡံးတၤလီၤ. ယဲၢ်ဘိလၢ သ့ၣ်ဘ့ၣ်ဘၣ်လၢ တၢ်အိၣ်အလီၢ်တခီအဂီၢ်, ³² ဒီးနီၣ် ဘိယဲၢ်ဘိလၢသ့ၣ်ဘ့ၣ်ဘၣ်လၢ တၢ်အိၣ်အလီၢ်တခီဒၣ် အဂီၢ်, ဒီးနီၣ်ဘိယဲၢ်ဘိလၢသ့ၣ်ဘ့ၣ်ဘၣ်လၢတၢ်အိၣ် အလီၢ်အကပၤလၢမုၢ်နုာ်တခီအဂီၢ်လီၤ.

³³ ဒီးနီၣ်ဘိအသးကံၢ်ပူၤလၢ သ့ၣ်ဘ့ၣ်ဘၣ်အသးကံၢ် ပူၤတဘိန့ၣ်မၢအတုၤလၢ အကတၢၢ်တခီပၢၢ်လၢအက တၢၢ်တခီလီၤ.

³⁴ ဒီးပီၤသ့ၣ်ဘ့ၣ်ဘၣ်ဒီးထူ, ဒီးတ့အကွီၤတဖၣ်လၢထူ, လၢနီၣ်ဘိအလီၢ်အဂီၢ်, ဒီးပီၤနီၣ်ဘိဒီးထူလီၤ.

³⁵ ဒီးမၤဝဲလၢ ယၣ်ဘျးထီၣ်အသးလၢတၢ်လါ, ဒီးတၢ် လုးတကုာ်, ဒီးတၢ်ဂီၤ, ဒီးဖှီဝါကဆှၣ်အလုၣ်လ့ၢ်ဃံၤ အသးလီၤ. မၤအီၤအိၣ်ဒီးခ့ရူာ်တဖၣ်လၢ ပှၤမၤတၢ် သ့အတၢ်မၤလီၤ.

³⁶ ဒီးမၤဝဲလၢသ့ၣ်ဖှ့ၡံးတၤအထူၣ်လွံၢ်ထူၣ်, ဒီးပီၤအီၤ ဒီးထူလီၤ. ဒီးအနီၣ်ကွးတဖၣ်န့ၣ်မ့ၢ်ထူ, ဒီးသိဝဲအခီၣ် စ့လွံၢ်ဖျၢၣ်လၢအဂီၢ်လီၤ.

³⁷ ဒီးလၢဒဲအကျဲစၢၤအဂီၢ်န့ၣ်, မၤဝဲလၢနီၣ်ကျၢၢ်ဘၢ တၢ်တဘ့ၣ်လၢတၢ်လါ, ဒီးလၢတၢ်လုးတကုာ်, ဒီး လၢတၢ်ဂီၤ, ဒီးလၢဖှီဝါကဆှၣ်ကံၣ်ဃ့အလုၣ်လ့ၢ်ဃံၤ အသးန့ၣ်, ³⁸ ဒီးအထူၣ်ယဲၢ်ထူၣ်, ဒီးအနီၣ်ကွးတဖၣ် လီၤ. ဒီးပီၤအထူၣ်အခိၣ်တဖၣ်, ဒီးအနီၣ်စဲဘူးလိာ်အ သးတဖၣ်န့ၣ်ဒီးထူလီၤ. မ့မ့ၢ်အခီၣ်ယဲၢ်ဖျၢၣ်မ့ၢ်တိၢ်လီၤ.

၃၇

¹ ဒီးစီၤဘစၤလအ့လးန့ၣ် မၤတလါန့ၣ်လၢသ့ၣ်ဖှ့ၡံး တၤလီၤ. အထီခံပျၢ်ဒီးတထါ, ဒီးအဒီၣ်ဃီၤတပျၢ်ဒီး တထါ, ဒီးအကစီၤထီၣ်တပျၢ်ဒီးတထါလီၤ. ² ဒီးလၢခိ မ့ၢ်ဂ့ၤ, လၢညါမ့ၢ်ဂ့ၤပီၤအီၤဒီးထူစီလီၤ. ဒီးမၤခိၣ်ကျီၤ ထူဝးတရံးလၢအဖီခိၣ်လီၤ. ³ ဒီးသိအကွီၤထူလွံၢ်ကွီၤ လၢအဂီၢ်, ဒီးပာ်အီၤလၢအသနၢၣ်လွံၢ်နၢၣ်, ဒီးကွီၤခံ ကွီၤအိၣ်လၢတခီ, ဒီးကွီၤခံကွီၤအိၣ်လၢတခီဒၣ်လီၤ.―

⁴ ဒီးမၤနီၣ်ယိးဘိတဖၣ်လၢသ့ၣ်ဖှ့ၡံးတၤ, ဒီးပီၤအီၤဒီးထူ လီၤ. ⁵ ဒီးဒၢနုာ်နီၣ်ယိးဘိတဖၣ် လၢကွီၤအပူၤလၢတ လါအကပၤ, ဒ်သိးပှၤကယိးတလါလၢအီၤလီၤ.

⁶ ဒီးမၤတၢ်မၤပူၤဖျဲးအလီၢ်လၢထူစီလီၤ. အထီခံပျၢ်ဒီး တထါ, ဒီးအဒီၣ်ဃီၤတပျၢ်ဒီးတထါလီၤ.

⁷ ဒီးတ့ခ့ရူာ်ထူခံဂၤလီၤ. ပိာ်န့ၢ်အီၤဖဲတၢ်မၤပူၤဖျဲးအ လီၢ်အစိးနါခံခီလီၤ.

⁸ တ့ခ့ရူာ်တဂၤလၢအစိးနါအဝဲတခီ, ခ့ရူာ်တဂၤလၢ အစိးနါ လၢအဝဲတခီလီၤ. တ့ခ့ရူာ်တဖၣ်လၢတၢ်တ လိၣ်ဃီဒီးတၢ်မၤပူၤဖျဲးအလီၢ်ဖဲအစိးနါခံခီလီၤ.

⁹ ဒီးခ့ရူာ်တဖၣ်အိၣ်ဒီးအဒံးဆ့ယူာ်ထီၣ်အသး, အဒံး ဆ့ကျၢၢ်ဘၢတၢ်မၤပူၤဖျဲးအလီၢ်, ဒီးအမဲာ်ကွၢ်လိာ်အသး လီၤ. ခ့ရူာ်တဖၣ်အမဲာ်အိၣ်ဆူတၢ်မၤပူၤဖျဲးအလီၢ်လီၤ.

¹⁰ မၤစ့ၢ်ကီးစီၢ်နီၤခိၣ်န့ၣ်လၢသ့ၣ်ဖှ့ၡံးတၤလီၤ. အထီခံ ပျၢ်, ဒီးအဒီၣ်ဃီၤတပျၢ်, ဒီးအကစီၤထီၣ်တပျၢ်ဒီးတ ထါလီၤ. ¹¹ ဒီးပီၤအီၤဒီးထူစီ, ဒီးမၤအခိၣ်ကျီၤထူဝးတ ရံးအီၤလီၤ. ¹² ဒီးမၤသကျီၤအလဲၢ်တဖံးဝးတရံး, ဒီးမၤ ခိၣ်ကျီၤထူလၢသကျီၤအဖီခိၣ်, ဝးတရံးဝဲလီၤ. ¹³ ဒီးသိ ကွီၤထူလွံၢ်ကွီၤလၢအဂီၢ်, ဒီးပာ်ကွီၤလၢအသနၢၣ်လွံၢ် သနၢၣ်လၢအအိၣ်လၢအခီၣ်လွံၢ်ခီအလိၤလီၤ.

¹⁴ ကွီၤတဖၣ်န့ၣ်အိၣ်သဃီၤဒီး သကျီၤလၢနီၣ်ယိးဘိအ လီၢ်, လၢပှၤကယိးထီၣ်စီၢ်နီၤခိၣ်န့ၣ်အဂီၢ်လီၤ.

¹⁵ ဒီးမၤနီၣ်ယိးဘိလၢသ့ၣ်ဖှ့ၡံးတၤ, ဒီးပီၤအီၤဒီးထူ, ဒ် သိးပှၤကစိာ်ထီၣ်စီၢ်နီၤခိၣ်လၢအီၤလီၤ.

¹⁶ ဒီးတ့လီခီလၢအအိၣ်လၢစီၢ်နီၤခိၣ်အလိၤ, အလီခီဘ့ၣ် ဘၣ်တဖၣ်, ဒီးအနီၣ်တၢၤတဖၣ်, ဒီးအသလၢတဖၣ်ဒီး အကိလၢပှၤလူလီၤတၢ်လၢအီၤတဖၣ်န့ၣ်လၢထူစီလီၤ.

¹⁷ ဒီးတ့မ့ၣ်အူဒၢမိၢ်ပှၢ်လၢထူစီလီၤ. မ့ၢ်အူဒၢမိၢ်ပှၢ်န့ၣ် ဘၣ်ပိာ်န့ၢ်လီၤ. အဘိ, ဒီးအဒ့တဖၣ်, အခိၣ်မီၣ်တ ဖၣ်, အကမိာ်တဖၣ်, အဖီတဖၣ်န့ၣ်မ့ၢ်တၢ်တလိၣ်ဃီ ဒီးအီၤလီၤ.

¹⁸ ဒီးအဒ့ဃုဒ့ဟဲထီၣ်လၢ အကပၤတဖၣ်န့ၣ်လီၤ. မ့ၣ် အူဒၢမိၢ်ပှၢ်အဒ့သၢဒ့လၢအဝဲတခီ, ဒီးမ့ၣ်အူဒၢမိၢ်ပှၢ် အဒ့သၢဒ့လၢအဝဲတခီလီၤ. ¹⁹ အခိၣ်မီၣ်လီၤဂာ်ၡၤကး သၣ်သၢဖျၢၣ်, အကမိာ်တဖျၢၣ်, ဒီးဖီတဖိးအိၣ်လၢ အဝဲတဒ့, ဒီးအခိၣ်မီာ်လီၤဂာ်ၡၤကးသၣ်သၢဖျၢၣ်, အ ကမိာ်တဖျၢၣ်, ဒီးဖီတဖိးအိၣ်လၢအဝဲတဒ့လီၤ. ဒ်န့ၣ် အသိးလၢဒ့ဃုဒ့လၢအဟဲထီၣ်လၢမ့ၣ်အူဒၢမိၢ်ပှၢ်လီၤ.

²⁰ ဒီးမ့ၣ်အူဒၢမိၢ်ပှၢ်န့ၣ်အိၣ်ဒီး အခိၣ်မီၣ်လီၤဂာ်ၡၤကး သၣ်လွံၢ်ဖျၢၣ်, အကမိာ်တဖၣ်, ဒီးအဖီတဖၣ်လီၤ.

²¹ ဒီးအကမိာ်တဖျၢၣ် အိၣ်လၢဒ့ခံဒ့အဖီလာ်လၢတၢ် တလိၣ်ဃီဒီးအကမိာ်တဖျၢၣ် အိၣ်လၢဒ့ခံဒ့အဖီလာ် လၢတၢ်တလိၣ်ဃီ, ဒီးအကမိာ်တဖျၢၣ်အိၣ်လၢဒ့ခံဒ့ အဖီလာ်လၢတၢ်တလိၣ်ဃီ, ဒ်အဒ့ဃုဒ့လၢအဟဲထီၣ် လၢမ့ၣ်အူဒၢမိၢ်ပှၢ်အလိၤအသိးန့ၣ်လီၤ.

²² အကမိာ်တဖၣ်, ဒီးအဒ့တဖၣ်မ့ၢ်တၢ်တလိၣ်ဃီလီၤ. အတၢ်ခဲလၢာ်မ့ၢ်တၢ်ပိာ်န့ၢ်တလိၣ်ဃီလၢထူစီလီၤ. ²³ ဒီး တ့အမ့ၣ်အူဒၢနွံဖျၢၣ်, ဒီးအနီၣ်တံာ်မ့ၣ်အူ, ဒီးအနီၣ် တံာ်အလီခီတဖၣ်လၢထူစီလီၤ.

²⁴ ဒီးတ့အီၤဒီးအတၢ်ဖိတၢ်လံၤတဖၣ်ခဲလၢာ်န့ၣ်လၢထူ စီလီၤတယၢၢ်တကံကၢ်လီၤ.

²⁵ ဒီးမၤတၢ်လုၢ်လီၢ်ဆိၣ်ကဲၤတၢ်နၢမူ လၢသ့ၣ်ဖှ့ၡံးတၤ လီၤ. အထီတပျၢ်, ဒီးအဒီၣ်ဃီၤတပျၢ်, အိၣ်ဒီးအနၢၣ် လွံၢ်နၢၣ်ဒ်သိးသိးလီၤ. ဒီးအကစီၤထီၣ်ခံပျၢ်လီၤ. ဒီး အနၢၣ်တဖၣ်မၤအသးလၢတၢ်တလိၣ်ဃီလီၤ.

²⁶ ဒီးပီၤအီၤဒီးထူစီလၢအဖီခိၣ်, ဒီးလၢအကပၤဝးတရံး အီၤ, ဒီးအနၢၤတဖၣ်န့ၣ်လီၤ. ဒီးတ့အခိၣ်ကျီၤထူဝး တရံးအီၤလီၤ.

²⁷ ဒီးတ့အကွီၤထူခံကွီၤလၢအဂီၢ်, လၢအခိၣ်ကျီၤအဖီ လာ်လၢအနၢၣ်ခံနၢၣ်အဃၢၤ လၢအကပၤခံခီအလိၤ လီၤ. မ့ၢ်အလီၢ်လၢနီၣ်ယိးဘိအဂီၢ် ဒ်သိးပှၤကယိး ထီၣ်ဝဲလၢအီၤလီၤ.

²⁸ ဒီးမၤအနီၣ်ယိးဘိလၢသ့ၣ်ဖှ့ၡံးတၤ, ဒီးပီၤအီၤလၢထူ လီၤ.

²⁹ ဒီးမၤဝဲလၢသိဖှူစီဆှံ, ဒီးတၢ်ဆိၣ်ကဲၤနၢမူစီထံလၢတၢ် နၢမူဒ်ပှၤတိၢ်မၤဃါဃုာ်တၢ်နၢမူဖိမၤဝဲအသိးန့ၣ်လီၤ.

၃၈

¹ ဒီးမၤဝဲလၢတၢ်လုၢ်လီၢ်မ့ၣ်အူလၢသ့ၣ်ဖှ့ၡံးတၤ, အထီ ယဲၢ်ပျၢ်, ဒီးအဒီၣ်ဃီၤယဲၢ်ပျၢ်လီၤ. တၢ်လုၢ်လီၢ်န့ၣ်မ့ၢ် တၢ်လွံၢ်နၢၣ်ဒ်သိးသိး, ဒီးအကစီၤထီၣ်သၢပျၢ်လီၤ.

² ဒီးမၤအနၢၤတဖၣ်လၢ အနၢၣ်လွံၢ်နၢၣ်အဖီခိၣ်လၢ တၢ်တလိၣ်ဃီလီၤ. ဒီးပီၤအီၤဒီးတိၢ်လီၤ.

³ ဒီးတ့တၢ်လုၢ်လီၢ်အတၢ်ဖိတၢ်လံၤခဲလၢာ်, အသပၢၤ တဖၣ်, ဒီးအတပူာ်တဖၣ်, ဒီးအသလၢဖှံတၢ်တဖၣ်, ဒီးအနီၣ်ကွးတဖၣ်, ဒီးအသပၢၤမ့ၣ်အူတဖၣ်လီၤ. တ့ အတၢ်ဖိတၢ်လံၤလၢတိၢ်ခဲလၢာ်လီၤ.

⁴ ဒီးတ့ဖၣ်ကပူၤလၢတိၢ်ဒ်ပထ့ ပှာ်ဧိၤစၤဧိၤအသိးလၢ တၢ်ဝးတရံး တၢ်လုၢ်လီၢ်အဖီလာ်, ဒီးဃူဝဲဒီးတၢ်လုၢ် လီၢ်အဖးဖီ လၢတၢ်လုၢ်လီၢ်အဂီၢ်လီၤ. ⁵ ဒီးတ့အကွီၤ တိၢ်လွံၢ်ကွီၤလၢဖၣ်ကပူၤတိၢ်လွံၢ်နၢၣ်အဂီၢ် လၢနီၣ်ယိး ဘိတဖၣ်အလီၢ်အဂီၢ်လီၤ.

⁶ ဒီးမၤနီၣ်ယိးဘိတဖၣ်လၢသ့ၣ်ဖှ့ၡံးတၤ, ဒီးပီၤအီၤဒီး တိၢ်လီၤ.

⁷ ဒီးဒၢနုာ်နီၣ်ယိးဘိတဖၣ်လၢအကွီၤတဖၣ်အပူၤ, ဒ် သိးပှၤကယိးထီၣ်ဝဲဒီးအီၤလီၤ. မၤတၢ်လုၢ်လီၢ်လၢသ့ၣ် ဘ့ၣ်ဘၣ်အိၣ်ဒီးအအိပူၤလီၤ.

⁸ ဒီးတ့သရာ်တဖျၢၣ်လၢတိၢ်, ဒီးအခီၣ်လၢတိၢ်, လၢ ပိာ်မုၣ်လၢအအိၣ်ဖှိၣ်, လၢအအိၣ်ဖှိၣ်လၢတၢ်အိၣ်ဖှိၣ် အဒဲအကျဲစၢၤတဖၣ်, အမဲာ်ထံကလၤတိၢ်န့ၣ်လီၤ.

⁹ ဒီးမၤတၢ်အိၣ်အလီၢ်အဂၢၤလီၤ. လၢအကပၤပှၤလၢ ကလံၤထံးတခီန့ၣ် ယၣ်လီၤစဲၤလၢဂၢၤအဂီၢ်မၤဝဲလၢဖှီ ဝါကဆှၣ်, အလုၣ်လ့ၢ်ဃံၤအသး အထီအပျၢ်တက ယၤ, ¹⁰ ဒီးအထူၣ်အကျီၣ်ခံဆံ, ဒီးအခီၣ်ခံဆံလၢတိၢ် လီၤ. ဒီးထူၣ်အနီၣ်ကွးတဖၣ်, ဒီးအနီၣ်စဲဘူးလိာ်အ သးတဖၣ်မ့ၢ်စ့လီၤ.

¹¹ ဒီးလၢအကပၤလၢကလံၤစိးတခီအဂီၢ်, ယၣ်လီၤစဲၤ အထီအပျၢ်တကယၤ, ဒီးအထူၣ်အကျီၣ်ခံဆံ, ဒီးအ ခီၣ်တိၢ်ခံဆံန့ၣ်အိၣ်ဝဲလီၤ. အထူၣ်တဖၣ်အနီၣ်ကွးတ ဖၣ်ဒီးအနီၣ်စဲဘူးလိာ်အသးတဖၣ်န့ၣ်, မ့ၢ်စ့လီၤ.

¹² ဒီးယၣ်လီၤစဲၤအထီအပျၢ်ယဲၢ်ဆံ အိၣ်ဝဲလၢဂၢၤလၢ မုၢ်နုာ်တခီအဂီၢ်လီၤ. အထူၣ်ဆံဆဲၣ်ကျီၣ်ဒီးအခီၣ်ဆံ ဆဲၣ်ဖျၢၣ်အိၣ်ဝဲလီၤ. အထူၣ်အနီၣ်ကွးတဖၣ်, ဒီးအ နီၣ်စဲဘူးလိာ်အသးတဖၣ်မ့ၢ်စ့လီၤ.

¹³ ဒီးဂၢၤလၢအကပၤ လၢမုၢ်ထီၣ်ဆူမုၢ်ထီၣ်တခီန့ၣ်အ ပျၢ်ယဲၢ်ဆံ, ¹⁴ ဒီးယၣ်လီၤစဲၤလၢကျဲစၢၤတခီန့ၣ် အထီ တဆံယဲၢ်ပျၢ်, အထူၣ်သၢကျီၣ်, ဒီးအခီၣ်သၢဖျၢၣ်အိၣ် ဝဲလီၤ. ¹⁵ ဒီးလၢဂၢၤအကျဲစၢၤ လၢအကပၤတခီဒၣ်, ယၣ်လီၤစဲၤလၢအံၤတခီ ဒီးလၢန့ၣ်တခီအထီတဆံယဲၢ် ပျၢ်, အထူၣ်သၢကျီၣ်, ဒီးအခီၣ်သၢဖျၢၣ်အိၣ်ဝဲလီၤ.

¹⁶ ဒီးကယဲၢ်အဂၢၤအယၣ်လီၤစဲၤဝးတရံးန့ၣ် မ့ၢ်ဖှီဝါက ဆှၣ်အလုၣ်လ့ၢ်ဃံၤအသးခဲလၢာ်လီၤ.

¹⁷ ဒီးထူၣ်အခီၣ်တဖၣ်န့ၣ်မ့ၢ်တိၢ်, ဒီးထူၣ်အနီၣ်ကွးတ ဖၣ်ဒီးနီၣ်စဲဘူးလိာ်အသးတဖၣ်န့ၣ်မ့ၢ်စ့, ဒီးအခိၣ်ပီၤ အသးလၢစ့, ဒီးဂၢၤအထူၣ်ခဲလၢာ်အိၣ်ဒီး နီၣ်စဲဘူး လိာ်အသးလၢစ့လီၤ. ¹⁸ ဒီးယၣ်လီၤစဲၤလၢဂၢၤအကျဲစၢၤအဂီၢ်, မ့ၢ်တၢ်ကံၣ်ဃ့လၢတၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါကဆှၣ်အလုၣ်လ့ၢ်ဃံၤအသးလီၤ. အထီမ့ၢ်အပျၢ်ခံဆံ, ဒီးအဒီၣ်ဃီၤယဲၢ်ပျၢ်, ဒ်ဂၢၤအယၣ်လီၤစဲၤအသိးန့ၣ်လီၤ.―

¹⁹ ဒီးအထူၣ်မ့ၢ်လွံၢ်ထူၣ်, ဒီးအခီၣ်တိၢ်လွံၢ်ဖျၢၣ်လၢတိၢ်, ဒီးအနီၣ်ကွးလၢစ့, ဒီးတၢ်ပီၤအခိၣ်တဖၣ်ဒီးအနီၣ်စဲဘူး လိာ်အသးတဖၣ်န့ၣ်လၢစ့လီၤ.

²⁰ ဒီးကယဲၢ်တၢ်အိၣ်အလီၢ်, ဒီးဂၢၤအိၣ်ဝးတရံးအတၢ် ကမိာ်ခံတဖၣ်န့ၣ်မ့ၢ်လၢတိၢ်ခဲလၢာ်လီၤ.

²¹ ဒီးအအံၤမ့ၢ်စရီဘၣ်ဃးဒီးတၢ်အိၣ်အလီၢ်, တၢ်အုၣ် အသးအတၢ်အိၣ်အလီၢ်, ဒ်အဘၣ်တၢ်ဂံၢ်အသးလၢပှၤ လုၢ်တၢ်အဒိၣ်စီၤအၤဟရိၣ်အဖိခွါ စီၤအံသမၢ်အစုပူၤ အသိးန့ၣ်, ဒ်စီၤမိၤရှ့အတၢ်မၤလိာ်, လၢပှၤလ့ၤဝံဖိအ တၢ်မၤအဂီၢ်အသိးန့ၣ်လီၤ.

²² ဒီးပှၤယူဒၤအဒူၣ်ဖိစီၤဃူၢ်အဖိခွါ, စီၤအူရံၤအဖိခွါ, စီၤဘစၤလအ့လးတဂၤ မၤကယဲၢ်တၢ်လၢယွၤမၤလိာ် စီၤမိၤရှ့န့ၣ်လီၤ.

²³ ဒီးအိၣ်ဒီးအီၤမ့ၢ်ပှၤဒၣ်အဒူၣ်ဖိ စီၤအဃံစမးအဖိခွါ စီၤအၤဟလံအာ်, ပှၤကွဲးတၢ်ဖိ, ဒီးပှၤကူၣ်တၢ်ဘၣ်, ဒီးပှၤလၢအမၤကံၣ်ဃ့တၢ်လၢတၢ်လုးတကုာ်, ဒီးတၢ် ဂီၤ, ဒီးဖှီဝါကဆှၣ်လီၤ.

²⁴ ဒီးကယဲၢ်ထူလၢအလၢာ်လၢ တၢ်မၤဘၣ်ဃးဒီးအ လီၢ်စီဆှံအတၢ်မၤခဲလၢာ်အထူလၢ တၢ်မၤဘူၣ်န့ၣ်မ့ၢ် ခံဆံခွံကံကၢ်ဒီး ၡက့လးနွံကယၤသၢဆံ, ဒ်ၡက့လး ဘၣ်ဃးဒီးအလီၢ်စီဆှံအသိးန့ၣ်လီၤ.

²⁵ ဒီးပှၤလၢအဘၣ်တၢ်ဂံၢ်အီၤဘၣ်ဃးဒီး တၢ်အိၣ်ဖှိၣ် တဖၣ်အစ့န့ၣ်, မ့ၢ်ကံကၢ်တကယၤဒီးတကထိနွံကယၤ နွံဆံယဲၢ်ၡက့လး, ဒ်ၡက့လးဘၣ်ဃးဒီးအလီၢ်စီဆှံအ သိးန့ၣ်လီၤ. ²⁶ တဂၤတဘ့ကၤ, တဂၤတဘ့ကၤ, ဒ်ပစံး တၢ်အသိး, တခီၡက့လးဒ်ၡက့လးဘၣ်ဃးဒီးအလီၢ်စီ ဆှံအသိးလၢကယဲၢ်ပှၤလၢအလဲၤဒီး တၢ်ဂံၢ်အီၤလၢအ သးပှၢ်အနံၣ်ခံဆံဒီးဆူအဖီခိၣ်န့ၣ်အဂီၢ်, လၢပှၤဃုက ကလီၤဒီးသၢကထိဒီးယဲၢ်ကယၤဒီးယဲၢ်ဆံအဂီၢ်လီၤ.

²⁷ ဒီးပှၤသိတၢ်အလီၢ်စီဆှံအခီၣ်, ဒီးယၣ်ဘျးထီၣ်အ သးလၢအခီၣ်လၢစ့ကံကၢ်တကယၤလီၤ. တဖျၢၣ်တ ကံကၢ်, တဖျၢၣ်တကံကၢ်, အခီၣ်တကယၤန့ၣ်ကံကၢ် တကယၤလီၤ.

²⁸ ဒီးတ့နီၣ်ကွးလၢထူၣ်အဂီၢ်, ဒီးပီၤအခိၣ်, ဒီးတ့နီၣ် စဲဘူးလိာ်အသးန့ၣ်လၢ စ့တကထိနွံကယၤနွံဆံယဲၢ်ၡ က့လးလီၤ.

²⁹ ဒီးတိၢ်လၢအဘၣ်တၢ်မၤဘူၣ်အီၤန့ၣ်, မ့ၢ်ကံကၢ်နွံဆံ ဒီးၡက့လးခံကထိလွံၢ်ကယၤလီၤ. ³⁰ ဒီးလၢတၢ်န့ၣ်တ့ ဝဲလၢတၢ်အိၣ်ဖှိၣ်အဒဲအကျဲစၢၤအခီၣ်တဖၣ်, တၢ်လုၢ် အလီၢ်တိၢ်, အဖၣ်ကပူၤတိၢ်ထ့အသးဒ်စၤအသိး, ဒီး ကယဲၢ်တၢ်လုၢ်လီၢ်အတၢ်ဖိတၢ်လံၤ, ³¹ ဒီးတၢ်ဂၢၤဝးတ ရံးအခီၣ်တဖၣ်, ဒီးတၢ်ဂၢၤအကျဲစၢၤအခီၣ်ထူၣ်, ဒီး ကယဲၢ်တၢ်ကမိာ်ခံဘၣ်ဃးဒီးတၢ်အိၣ်အလီၢ်, ဒီးတၢ် ဂၢၤဝးတရံးခဲလၢာ်လီၤ.

၃၉

¹ ဒီးလၢလါ, ဒီးတၢ်လုးတကုာ်, ဒီးတၢ်ဂီၤန့ၣ်အဝဲ သ့ၣ်မၤတၢ်အခ့အပှၤအတၢ်မၤအကူအသိး, ဒ်သိးအ ကမၤတၢ်လၢအလီၢ်စီဆှံအပူၤ, ဒီးမၤအကူအသိးစီဆှံ လၢစီၤအၤဟရိၣ်အဂီၢ်, ဒ်ယွၤမၤလိာ်စီၤမိၤရှ့အသိးန့ၣ် လီၤ. ² ဒီးမၤအ့ဖိးလၢထူ, ဒီးတၢ်လါ, ဒီးတၢ်လုးတ ကုာ်, ဒီးတၢ်ဂီၤ, ဒီးဖှီဝါကဆှၣ်အလုၣ်လ့ၢ်ဃံၤအသးလီၤ.

³ ဒီးပိာ်ထူတုၤအကဲထီၣ်အဘ့ၣ်ဘၣ်ဘူသလါ, ဒီးတံာ် ကဲထီၣ်အီၤလၢလုၣ်, ဒီးဒၢနုာ်ဝဲလၢတၢ်လါ, ဒီးတၢ် လုးတကုာ်, ဒီးတၢ်ဂီၤ, ဒီးဖှီဝါကဆှၣ်, ပှၤမၤတၢ်သ့ အတၢ်မၤလီၤ. ⁴ ဒီးမၤဝဲလၢအဖံဘၣ်ခိၣ်တဖၣ်ဒ်သိးအ ကမၤစဲဘူးလိာ်အသးလီၤ. ဖဲအကနူၤခံခီစဲဘူးလိာ်အ သးလီၤ.

⁵ ဒီးအ့ဖိးအယီၢ်တကိးကံၣ်ဃ့ လၢအအိၣ်လၢအဖီခိၣ် မၤအသးလၢတၢ်တဘ့ၣ်ဃီ, ဒ်အတၢ်မၤအသိးလၢထူ, ဒီးတၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါက ဆှၣ်အလုၣ်လ့ၢ်ဃံၤအသး, ဒ်ယွၤမၤလိာ်စီၤမိၤရှ့အသိး န့ၣ်လီၤ.

⁶ ဒီးမၤဝဲလၢတၢ်မျၢ်မဟူယၤ, အိၣ်ဝးတရံးဝဲဒီးအမဲာ် ထူ, ဒီးကွဲးအီၤဒီးပှၤအံၣ်စရ့လးဖိအမံၤဒ်တၢ်စဲပနီၣ်ဃာ် အသိးလီၤ. ⁷ ဒီးပာ်ဝဲလၢအ့ဖိးအဖံဘၣ်ခိၣ်, လၢၢ်တၢ် သ့ၣ်နီၣ်ထီၣ်က့ၤတၢ်လၢပှၤအံၣ်စရ့လးဖိအဂီၢ်, ဒ်ယွၤ မၤလိာ်စီၤမိၤရှ့အသိးန့ၣ်လီၤ.

⁸ ဒီးမၤတၢ်စံၣ်ညီၣ်အသဃိးလၢ ပှၤမၤတၢ်သ့အတၢ် မၤဒ်အ့ဖိးအတၢ်မၤအသိးန့ၣ်, မၤဝဲလၢထူ, လၢတၢ် လါ, လၢတၢ်လုးတကုာ်, ဒီးလၢတၢ်ဂီၤ, ဒီးလၢဖှီဝါ ကဆှၣ်အလုၣ်လ့ၢ်ဃံၤအသးန့ၣ်လီၤ. ⁹ မၤချံးအီၤလၢ အဖးဖီ, ဒီးမ့ၢ်တၢ်လွံၢ်နၢၣ်ဒ်သိးသိးလီၤ. အထီတထါ, ဒီးအဒီၣ်ဃီၤတထါချံးအသးလီၤ. ¹⁰ ဒီးမၤပှဲၤအီၤဒီးလၢၢ် အဂ့ၢ်လွံၢ်ဂ့ၢ်လီၤ. တၢ်မျၢ်ဆီသွံၣ်တဖျၢၣ်, တၢ်မျၢ်ဘီ အူးသပၤယၣ်တဖျၢၣ်, ဒီးတၢ်မျၢ်ဟ့မၠးတဖျၢၣ်န့ၣ်မ့ၢ် အခီၣ်ထံးတဂ့ၢ်လီၤ.

¹¹ ဒီးခံဂ့ၢ်တဂ့ၢ်န့ၣ်မ့ၢ်တၢ်မျၢ်ဂီၤတဖျၢၣ်, တၢ်မျၢ်နံၤလါ တဖျၢၣ်, ဒီးတၢ်မျၢ်မဟူယၤတိၤအသးတဖျၢၣ်လီၤ.

¹² ဒီးသၢဂ့ၢ်တဂ့ၢ်န့ၣ်မ့ၢ်တၢ်မျၢ်ဂီၤဘီတဖျၢၣ်, တၢ်မျၢ်မ ဟူယၤကံၣ်ဃ့တဖျၢၣ်, ဒီးတၢ်မျၢ်သကီၤဖီတဖျၢၣ်လီၤ.

¹³ ဒီးလွံၢ်ဂ့ၢ်တဂ့ၢ်န့ၣ်မ့ၢ်တၢ်မျၢ်ဟ့ဘီတဖျၢၣ်, ဒီးတၢ် မျၢ်မဟူယၤတဖျၢၣ်, ဒီးတၢ်မျၢ်နကၤသွဲးတဖျၢၣ်လီၤ. အိၣ်ဝးတရံးဝဲဒီးအမဲာ်ထူလၢတၢ်မျၢ်အလီၢ်အပူၤလီၤ.

¹⁴ ဒီးလၢၢ်တဖၣ်န့ၣ်ဘၣ်အိၣ်ဒီး ပှၤအံၣ်စရ့လးဖိအမံၤ, တဆံခံမံၤဒ်အမံၤအသိးန့ၣ်, တၢ်စဲပနီၣ်ဃာ်အတၢ်ကွဲး န့ၣ်လီၤ. တဂၤဒီးအမံၤဒၣ်ဝဲ, ဒ်ပှၤတဆံခံဒူၣ်အသိး န့ၣ်လီၤ. ဒီးတ့သွဲထူစီထ့အသးလၢသဃိးအစိးနါလီၤ. ¹⁵ ဒီး တ့တၢ်မျၢ်အလီၢ်အမဲာ်ထူခံဖျၢၣ်, ဒီးကွီၤထူခံကွီၤလၢ သဃိးအလိၤ, ဒီးပာ်ကွီၤခံကွီၤန့ၣ်လၢသဃိးအစိးနါခံ ခီလီၤ. ¹⁷ ဒီးဒၢနုာ်သွဲထူထ့အသးခံဘိလၢကွီၤခံကွီၤအိၣ် လၢသဃိးအစိးနါတဖၣ်လီၤ. ¹⁸ ဒီးသွဲထ့အသးအစိၤနါ ခံခီန့ၣ်စၢဃာ်ဒီးတၢ်မျၢ်အလီၢ်အမဲာ်, ဒီးပာ်အီၤလၢအ့ ဖိးအဖံဘၣ်ခိၣ်လၢအမဲာ်ညါတခီလီၤ.

¹⁹ ဒီးတ့ကွီၤထူခံကွီၤ, ဒီးပာ်အီၤလၢသဃိးအစိးနါခံခီ လၢအကနူၤဆူအ့ဖိးအညါပူၤလီၤ.

²⁰ ဒီးတ့ကွီၤထူခံကွီၤ, ဒီးပာ်အီၤလၢအ့ဖိးအဖံဘၣ်ခိၣ်ခံ ခီလၢအဖီလာ်ဆူအမဲာ်ညါတခီသဃီၤဒီးတၢ်စဲဘူးလိာ် အသး, လၢအ့ဖိး, အယီၢ်တကိးကံၣ်ဃ့အဖီခိၣ်လီၤ.

²¹ ဒီးစၢဃာ်သဃိးလၢအကွီၤ, ဒီးအ့ဖိးအကွီၤလၢပျံၤ လါ, ဒ်သိးအကအိၣ်ဝဲလၢအ့ဖိးအယီၢ်တကိးကံၣ်ဃ့ အဖီခိၣ်, ဒီးဒ်သိးသဃိးအသုတထူၣ်ဖျဲးဒီးအ့ဖိးန့ၣ်တ ဂ့ၤ, ဒ်ယွၤမၤလိာ်စီၤမိၤရှ့အသိးန့ၣ်လီၤ.

²² ဒီးမၤအ့ဖိးအဆ့ ထါအသးလၢ တၢ်လါဒီဘ့ၣ်ညါ လီၤ. ²³ ဒီးအိၣ်ဒီးအကိာ်ပူၤလၢအခိၣ်ဖးဖီလီၤ. အိၣ်ဝဲ ဒီးအကနူၤဆးသနံၣ်ဝးတရံးအကိာ်ပူၤ, ဒ်သဃိးသုး အသိးန့ၣ်ဒ်သိးအသုတယာ်တဂ့ၤလီၤ.

²⁴ ဒီးလၢအခီၣ်ထံးအသရ့ၤန့ၣ်မ့ၢ်မၤ သလဲသၣ်လၢတၢ် လါ, ဒီးလၢတၢ်လုးတကုာ်, ဒီးလၢတၢ်ဂီၤဖှီဝါလ့ၢ် ဃံၤအသးလီၤ. ²⁵ ဒီးတ့ပှ့ၤသၣ်ထူစီ, ဒီးပာ်ပှ့ၤသၣ်န့ၣ် လၢသလဲသၣ်အဘၢၣ်စၢၤဝးတရံးဝဲ လၢဆ့အခီၣ်ထံး အသရ့ၤလီၤ. ²⁶ ပှ့ၤသၣ်ထူတဖျၢၣ်ဒီးသလဲသၣ်တဖျၢၣ်, ပှ့ၤသၣ်ထူတဖျၢၣ်ဒီးတဖျၢၣ်ဒီး သလဲသၣ်တဖျၢၣ်လၢ ဆ့အခီၣ်ထံးအသရ့ၤဝးတရံးဝဲ, ဒ်သိးတၢ်ကမၤတၢ်အ ခ့အပှၤအတၢ်မၤ ဒ်ယွၤမၤလိာ်စီၤမိၤရှ့အသိးန့ၣ်လီၤ.

²⁷ ဒီးမၤဆ့ထါအသးလၢဖှီဝါကဆှၣ်, လၢစီၤအၤဟရိၣ် ဒီးအဖိခွါတဖၣ်အဂီၢ်, ²⁸ ဒီးခိၣ်သလုးလၢဖှီဝါကဆှၣ်, ဒီးခိၣ်ဖျီၣ်ဂ့ၤလၢဖှီဝါကဆှၣ်, ဒီးတၢ်ဖျီၣ်ခံလၢဖှီဝါက ဆှၣ်အလုၣ်လ့ၢ်ဃံၤအသး, ²⁹ ဒီးယီၢ်တကိးလၢဖှီဝါက ဆှၣ်အလုၣ်လ့ၢ်ဃံၤအသး, ဒီးတၢ်လါ, ဒီးတၢ်လုးတ ကုာ်, ဒီးတၢ်ဂီၤ, ကံၣ်ဃ့ဒ်ယွၤမၤလိာ်စီၤမိၤရှ့အသိး န့ၣ်လီၤ.

³⁰ ဒီးမၤခိၣ်သလုးစီဆှံအတၢ်ဘ့ၣ်ဘၣ်ထူစီတဘ့ၣ်, ဒီး ဒ်တၢ်စဲပနီၣ်ဃာ်အတၢ်ကွဲးအသိးန့ၣ်, ကွဲးဝဲလၢအလိၤ, တၢ်စီဆှံလၢယွၤလီၤ. ³¹ ဒီးစၢဃာ်အီၤဒီး ပျံၤဘ့ၣ်ဘၣ် လါတဘိဒ်သိးအကမၤဃာ်အီၤလၢအဖီခိၣ် လၢခိၣ်သ လုးအလိၤ, ဒ်ယွၤမၤလိာ်စီၤမိၤရှ့အသိးန့ၣ်လီၤ.

³² တၢ်အိၣ်အလီၢ်အတၢ်အိၣ်ဖှိၣ်အဒဲ အတၢ်မၤဝံၤဝဲဒ် န့ၣ်ခဲလၢာ်, ဒီးပှၤအံၣ်စရ့လးဖိမၤဝဲ ဒ်ကယဲၢ်တၢ်လၢ ယွၤမၤလိာ်စီၤမိၤရှ့အသိးန့ၣ်မၤဝဲဒ်န့ၣ်လီၤ.

³³ ဒီးဆူစီၤမိၤရှ့အအိၣ်န့ၣ် ဟဲစိာ်ဝဲတၢ်အိၣ်အလီၢ်အဒဲ, ဒီးအတၢ်ဖိတၢ်လံၤခဲလၢာ်, အနီၣ်ကွးတဖၣ်, အသ့ၣ် ဘ့ၣ်ဘၣ်တဖၣ်, ဒီးအနီၣ်ဘိတဖၣ်ဒီးအထူၣ်တဖၣ်, ဒီး အခီၣ်တဖၣ်, ³⁴ ဒီးတၢ်ကျၢၢ်ဘၢလၢသိဖါအဖံးစုၣ်ဂီၤ, ဒီးတၢ်ကျၢၢ်ဘၢတၢ်ဖံး, ဒီးတၢ်ကျၢၢ်ဘၢအယၣ်နီၣ်ကျၢၢ် ဘၢတၢ်, ³⁵ တၢ်အၢၣ်လီၤအီလီၤအတလါ ဒီးအနီၣ်ယိး ဘိတဖၣ်, ဒီးတၢ်မၤပူၤဖျဲးတၢ်အလီၢ်, ³⁶ စီၢ်နီၤခိၣ်, အ လီခီခဲလၢာ်, ဒီးတၢ်မဲာ်ညါအကိၣ်, ³⁷ မ့ၣ်အူဒၢမိၢ်ပှၢ် အစီ, ဒီးအမ့ၣ်အူဒၢ, မ့ၣ်အူဒၢလၢအဘၣ်ကတဲာ်က တီၤအီၤ, ဒီးအတၢ်ဖိတၢ်လံၤခဲလၢာ်, ဒီးသိလၢတၢ်က ပီၤအဂီၢ်, ³⁸ ဒီးတၢ်လုၢ်လီၢ်ထူ, ဒီးသိဖှူတၢ်, ဒီးတၢ် ဆိၣ်ကဲၤနၢမူ, ဒီးယၣ်နီၣ်ကျၢၢ်ဘၢတၢ်လၢဒဲအကျဲစၢၤ အဂီၢ်, ³⁹ တၢ်လုၢ်လီၢ်တိၢ်, ဒီးအဖၣ်ကပူၤတိၢ်ထ့အသး ဒ်စၤအသိး, အနီၣ်ယိးဘိတဖၣ်, ဒီးအတၢ်ဖိတၢ်လံၤ ခဲလၢာ်, သရာ်ဒီးအခီၣ်, ⁴⁰ တၢ်အဂၢၤအယၣ်လီၤစဲၤ တဖၣ်, အထူၣ်တဖၣ်ဒီးအခီၣ်တဖၣ်, ဒီးယၣ်နီၣ်ကျၢၢ် ဘၢတၢ်လၢဂၢၤအပဲတရီအဂီၢ်, အပျံၤတဖၣ်, ဒီးအတၢ် ကမိာ်ခံတဖၣ်, ဒီးကယဲၢ်အတၢ်ဖိတၢ်လံၤဘၣ်ဃးဒီး တၢ်အိၣ်အလီၢ်အတၢ်မၤလၢ တၢ်အိၣ်ဖှိၣ်အဒဲအဂီၢ်,―

⁴¹ တၢ်အခ့အပှၤအတၢ်မၤအကူအသိး, ဒ်သိးအကမၤတၢ် လၢတၢ်အလီၢ်စီဆှံအပူၤ, ဒီးအကူအသိးစီဆှံလၢပှၤ လုၢ်တၢ်အဒိၣ်စီၤအၤဟရိၣ်အဂီၢ်, ဒီးအဖိခွါတဖၣ်အ ကူအသိး, ဒ်သိးအကမၤပှၤလုၢ်တၢ်အဒိၣ်အတၢ်မၤလၢ အပူၤလီၤ. ⁴² ဒ်ကယဲၢ်တၢ်လၢယွၤမၤလိာ်စီၤမိၤရှ့အသိး န့ၣ်ပှၤအံၣ်စရ့လးဖိမၤတၢ်မၤခဲလၢာ်လီၤ.

⁴³ ဒီးစီၤမိၤရှ့ကွၢ်ကယဲၢ်အမၤတၢ်ခဲလၢာ်, ဒီးကွၢ်ကွၢ်, ပှၤမၤတ့ၢ်ဝဲ, ဒ်ယွၤမၤလိာ်တၢ်အသိး, မၤဝဲဒ်န့ၣ်အသိး လီၤ. ဒီးစီၤမိၤရှ့ဆိၣ်ဂ့ၤအီၤလီၤ.

၄၀

¹ ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,― လါအခီၣ် ထံး, လါထီၣ်တနံၤန့ၣ်နဘၣ်သူၣ်ထီၣ်တၢ်အိၣ်အလီၢ်, တၢ်အိၣ်ဖှိၣ်အဒဲလီၤ.

³ ဒီးနဘၣ်ပာ်တၢ်အၢၣ်လီၤအီလီၤအတလါ လၢအပူၤ, ဒီးကျၢၢ်ဘၢတလါန့ၣ်ဒီးယၣ်ဘျးထီၣ်အသးလီၤ.

⁴ ဒီးနဘၣ်ဟဲစိာ်နုာ်စီၢ်နီၤခိၣ်, ဒီးကတဲာ်ကတီၤတၢ် လၢအအိၣ်ဝဲလၢအလိၤ, ဒီးနဘၣ်ဟဲစိာ်နုာ်မ့ၣ်အူဒၢမိၢ် ပှၢ်, ဒီးဒွဲၣ်ထီၣ်အမ့ၣ်အူဒၢတဖၣ်, ⁵ ဒီးနဘၣ်ပာ်တၢ် လုၢ်လီၢ်ထူလၢတၢ်ဆိၣ်ကဲၤတၢ်နၢမူအဂီၢ် လၢတၢ်အၢၣ် လီၤအီလီၤအတလါမဲာ်ညါ, ဒီးဘျးထီၣ်ယၣ်နီၣ်ကျၢၢ် ဘၢတၢ်လၢတၢ်အိၣ်အလီၢ်အကျဲစၢၤန့ၣ်လီၤ.

⁶ ဒီးနဘၣ်ပာ်တၢ်လုၢ်လီၢ် ဆိၣ်ကဲၤမ့ၣ်အူလၢတၢ်အိၣ် အလီၢ်, တၢ်အိၣ်ဖှိၣ်အဒဲအကျဲစၢၤအမဲာ်ညါလီၤ.

⁷ ဒီးနဘၣ်ပာ်သရာ်လၢ တၢ်အိၣ်ဖှိၣ်အဒဲဒီးတၢ်လုၢ် လီၢ်အဘၢၣ်စၢၤ, ဒီးနဘၣ်ပာ်ထံလၢအပူၤလီၤ.

⁸ ဒီးနဘၣ်သူၣ်ထီၣ်ဂၢၤဝးတရံး, ဒီးဘျးထီၣ်ယၣ်နီၣ် ကျၢၢ်ဘၢတၢ်ဖဲဂၢၤအပဲတရီန့ၣ်လီၤ.

⁹ ဒီးနဘၣ်ဟံးန့ၢ်သိဖှူတၢ်, ဒီးဖှူဒဲဒီးကယဲၢ်တၢ်လၢအ အိၣ်လၢအပူၤ, ဒီးမၤစီဆှံအီၤ, ဒီးအတၢ်ဖိတၢ်လံၤခဲ လၢာ်, ဒီးကကဲထီၣ်တၢ်စီဆှံလီၤ.

¹⁰ ဒီးနဘၣ်ဖှူတၢ်လုၢ်လီၢ်ဆိၣ်ကဲၤမ့ၣ်အူ, ဒီးအတၢ်ဖိ တၢ်လံၤခဲလၢာ်, ဒီးမၤစီဆှံတၢ်လုၢ်လီၢ်, ဒီးကကဲထီၣ် တၢ်လုၢ်လီၢ်စီဆှံကတၢၢ်လီၤ.

¹¹ ဒီးနဘၣ်ဖှူသရာ်ဒီးအခီၣ်, ဒီးမၤစီဆှံအီၤလီၤ.

¹² ဒီးနဘၣ်ဒုးဟဲ စီၤအၤဟရိၣ်ဒီးအဖိခွါတဖၣ်ဆူတၢ် အိၣ်အလီၢ်, တၢ်အိၣ်ဖှိၣ်အဒဲအကျဲစၢၤ, ဒီးသ့စီအီၤဒီး ထံလီၤ. ¹³ ဒီးနဘၣ်ဒုးသိးထီၣ်စီၤအၤဟရိၣ်လၢတၢ်အ ကူအသိးစီဆှံ, ဒီးဖှူအီၤ, ဒီးမၤစီဆှံအီၤ, ဒ်သိးအက မၤယတၢ်လၢပှၤလုၢ်တၢ်အဒိၣ်အတၢ်မၤလီၤ.

¹⁴ ဒီးနဘၣ်ဒုးဟဲထီၣ်အဖိခွါတဖၣ်, ဒီးဒုးသိးအီၤလၢ ဆ့တဖၣ်လီၤ. ¹⁵ ဒီးနဘၣ်ဖှူအီၤ ဒ်နဖှူအပၢ်အသိးဒ်သိး အကမၤယတၢ်လၢပှၤလုၢ်တၢ်အဒိၣ်အတၢ်မၤလီၤ. အ ဂ့ၢ်ဒ်အံၤ, အတၢ်ဖှူန့ၣ်ကကဲထီၣ် ပှၤလုၢ်တၢ်အဒိၣ်အ တၢ်မၤအထူအယိာ်လၢအဝဲသ့ၣ်အဂီၢ် လီၤလၢအစၢၤ အသွဲၣ်အစိၤစိၤအဃၣ်ဃၣ်လီၤ.

¹⁶ ဒ်န့ၣ်အသိးစီၤမိၤရှ့မၤဝဲလီၤ. ဒ်ကယဲၢ်တၢ်လၢယွၤမၤ လိာ်အီၤအသိးန့ၣ်မၤဝဲဒ်န့ၣ်အသိးလီၤ.

¹⁷ ဒီးတၢ်မၤအသးလၢခံနံၣ်တနံၣ် လၢလါခီၣ်ထံး, လါ ထီၣ်တနံၤန့ၣ်တၢ်အိၣ်အလီၢ်ဘၣ်တၢ်သူၣ်ထီၣ်အီၤလီၤ.

¹⁸ ဒီးစီၤမိၤရှ့ သူၣ်ထီၣ်တၢ်အိၣ်အလီၢ်, ဒီးမၤကျၢၤအ ခီၣ်, ဒီးပာ်ဆၢထၢၣ်အသ့ၣ်ဘ့ၣ်ဘၣ်, ဒီးဒၢနုာ်အနီၣ် ဘိ, ဒီးသူၣ်ထီၣ်အထူၣ်လီၤ.

¹⁹ ဒီးသလၣ်ထီၣ်ဒဲလၢတၢ်အိၣ်အလီၢ်အဖီခိၣ်, ဒီးပာ် တၢ်ကျၢၢ်ဘၢဒဲလၢအဖီခိၣ်, ဒ်ယွၤမၤလိာ်စီၤမိၤရှ့အသိး န့ၣ်လီၤ. ²⁰ ဒီးဟံးန့ၢ်တၢ်အၢၣ်လီၤအီလီၤဒီး ဒၢနုာ်အီၤ လၢတလါပူၤ, ဒီးပာ်နီၣ်ယိးဘိလၢတလါအလိၤဒီးပာ် ထီၣ်တၢ်မၤပူၤဖျဲးအလီၢ်လၢတလါအဖီခိၣ်လီၤ.

²¹ ဒီးဟဲစိာ်တလါဆူ တၢ်အိၣ်အလီၢ်အပူၤ, ဒီးဘျး ထီၣ်တၢ်ကျၢၢ်ဘၢအယၣ်, ဒီးကျၢၢ်ဘၢတၢ်အၢၣ်လီၤ အီလီၤအတလါ, ဒ်ယွၤမၤလိာ်စီၤမိၤရှ့အသိးန့ၣ်လီၤ. ²² ဒီးပာ်စီၢ်နီၤခိၣ်လၢတၢ်အိၣ်ဖှိၣ်အဒဲပူၤ လၢဒဲအကပၤလၢကလံၤစိးတခီ, လၢယၣ်ဘျးထီၣ်အသးလၢခိလီၤ.―

²³ ဒီးပာ်ကတဲာ်ကတီၤ ကိၣ်လၢအဖီခိၣ် လၢယွၤအမဲာ် ညါ, ဒ်ယွၤမၤလိာ်စီၤမိၤရှ့အသိးန့ၣ်လီၤ.

²⁴ ဒီးပာ်မ့ၣ်အူဒၢမိၢ်ပှၢ်လၢတၢ်အိၣ်ဖှိၣ်အဒဲပူၤ, သဃီၤ ဒီးစီၢ်နီၤခိၣ်လၢဒဲအကပၤလၢကလံၤထံးတခီလီၤ.

²⁵ ဒီးဒွဲၣ်ထီၣ်မ့ၣ်အူဒၢလၢယွၤအမဲာ်ညါ, ဒ်ယွၤမၤလိာ် စီၤမိၤရှ့အသိးန့ၣ်လီၤ.

²⁶ ဒီးပာ်တၢ်လုၢ်လီၢ်ထူလၢတၢ်အိၣ်ဖှိၣ်အဒဲပူၤလၢယၣ် ဘျးထီၣ်အသးအမဲာ်ညါလီၤ. ²⁷ ဒီးဆိၣ်ကဲၤတၢ်နၢမူ လၢအဖီခိၣ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.

²⁸ ဒီးဘျးထီၣ်ယၣ်နီၣ်ကျၢၢ်ဘၢတၢ်လၢ တၢ်အိၣ်အလီၢ် အကျဲစၢၤန့ၣ်လီၤ.

²⁹ ဒီးပာ်တၢ်လုၢ်လီၢ်မ့ၣ်အူ လၢတၢ်အိၣ်အလီၢ်, တၢ် အိၣ်ဖှိၣ်အဒဲအကျဲစၢၤအဃၢၤ, ဒီးလုၢ်တၢ်လုၢ်မ့ၣ်အူဒီး တၢ်မၤဘူၣ်လၢအဖီခိၣ်, ဒ်ယွၤမၤလိာ်စီၤမိၤရှ့အသိးန့ၣ် လီၤ. ³⁰ ဒီးပာ်သရာ်လၢတၢ် အိၣ်ဖှိၣ်အဒဲဒီးတၢ်လုၢ်လီၢ်အဘၢၣ်စၢၤ, ဒီးပာ်ထံလၢအပူၤ, ဒ်သိးပှၤကသ့စီတၢ်လီၤ.―

³¹ ဒီးစီၤအၤဟရိၣ်, ဒီးအဖိခွါတဖၣ်သ့စီအစုဒီးအခီၣ် ဖဲန့ၣ်လီၤ. ³² တုၤအလဲၤနုာ်လၢတၢ်အိၣ်ဖှိၣ်အဒဲပူၤ, ဒီး တုၤအလဲၤဘူးဒီးတၢ်လုၢ်အလီၢ်ဒီး, အဝဲသ့ၣ်တဖၣ်န့ၣ် သ့စီတၢ်ဒ်ယွၤမၤလိာ်စီၤမိၤရှ့အသိးန့ၣ်လီၤ.

³³ ဒီးသူၣ်ထီၣ်ဂၢၤအိၣ်ဝးတရံး တၢ်အိၣ်အလီၢ်ဒီးတၢ် လုၢ်အလီၢ်, ဒီးဘျးထီၣ်ဂၢၤအပဲတရီအယၣ်ကျၢၢ်ဘၢ တၢ်လီၤ. ဒီးစီၤမိၤရှ့မၤဝံၤတၢ်မၤန့ၣ်လီၤ.

³⁴ တုၤနုၤတစု တၢ်အၢၣ်ကျၢၢ်ဘၢတၢ်အိၣ်ဖှိၣ်အဒဲ, ဒီး ယွၤအလၤကပီၤပှဲၤထီၣ်တၢ်အိၣ်အလီၢ်ပူၤလီၤ.

³⁵ ဒီးစီၤမိၤရှ့လဲၤနုာ်လၢ တၢ်အိၣ်ဖှိၣ်အဒဲပူၤတသ့ဘၣ်. အဂ့ၢ်ဒ်အံၤ, တၢ်အၢၣ်အိၣ်ဝဲဆိးဝဲလၢအဖီခိၣ်, ဒီးယွၤ အလၤကပီၤမၤပှဲၤထီၣ်တၢ်အိၣ်အလီၢ်လီၤ.

³⁶ ဒီးတုၤတၢ်အၢၣ်ကစီၤထီၣ်ကွံာ် လၢတၢ်အိၣ်အလီၢ် အဖီခိၣ်ဒီး, ပှၤအံၣ်စရ့လးဖိလဲၤတၢ်လၢအတၢ်လဲၤတ ဖၣ်ခဲလၢာ်လီၤ.

³⁷ ဒီးတၢ်အၢၣ်န့ၣ်မ့ၢ်တကစီၤထီၣ်ကွံာ်ဘၣ်ဒီး, တလဲၤ ဘၣ်တုၤမုၢ်နံၤလၢအကစီၤထီၣ်ဘၣ်လီၤ.

³⁸ အဂ့ၢ်ဒ်အံၤ, ယွၤအတၢ်အၢၣ်အိၣ်ဝဲ လၢတၢ်အိၣ်အ လီၢ်လၢမုၢ်ဆါ, ဒီးမ့ၣ်အူအိၣ်ဝဲလၢအဖီခိၣ် လၢမုၢ်နၤ လၢပှၤအံၣ်စရ့လးဖိ အဟံၣ်ဖိခဲလၢာ်အမဲာ်ညါ, ဖဲအ လဲၤတၢ်တပူၤလၢ်လၢ်လီၤ.