လံာ်စီၤမိၤရှ့ယဲၢ်ဘ့ၣ်တဘ့ၣ်.
1၁
1 အအံၤမ့ၢ်တၢ်ကတိၤလၢစီၤမိၤရှ့ကတိၤတၢ်ဒီးအံၣ်စရ့ လးခဲလၢာ်လၢ ထံကျိယၢ်ဒ့ၣ်အအံၤတခီလၢ ပှၢ်မုၢ်က နၢ, လၢတၢ်ပျီပူၤသဃီၤဒီးစူး, လၢပရၣ်, ဒီးတိဖလး, ဒီးလၤဘၣ်, ဒီးဃစ့ရိး, ဒီးဒံစၤဟးအဘၢၣ်စၢၤ, 2 (လၢ ဃိၤရ့းပၢၢ်လၢကၤဒ့ၣ်ဘၢ်န့လၢ ကစၢၢ်စ့ဧၢ်အကျါန့ၣ် အိၣ်ဝဲတဆံတနံၤကျဲလီၤ.)
3 ဒီးတၢ်မၤအသးလၢအနံၣ်လွံၢ်ဆံ, လါတဆံတလါ ထီၣ်တနံၤန့ၣ်, စီၤမိၤရှ့ကတိၤတၢ်ဒီးပှၤအံၣ်စရ့လးဖိ, ဒ်ကယဲၢ်တၢ်လၢယွၤမၤလိာ်အီၤ လၢအဝဲသ့ၣ်အဂီၢ်အ သိးန့ၣ်လီၤ.
4 မၤသံပှၤအမိၢ်ဖိအစီၤပၤစံဃိၣ်လၢအအိၣ်လၢ ဃ့ၡ ဘိၣ်, ဒီးဘၤၡၣ်အစီၤပၤဧိာ်လၢအအိၣ်လၢဧၤၡတြိးလၢ အ့ဒြၤန့ၣ်အလီၢ်ခံဒီး, 5 အိၣ်ဝဲလၢထံကျိယၢ်ဒ့ၣ်အအံၤ တခီ, လၢကီၢ်မိၤအးအပူၤ, ဒီးစီၤမိၤရှ့ဒုးနဲၣ်တၢ်သိၣ်တၢ် သီအံၤ, ဒီးစံးဝဲဒၣ်, 6 ယွၤပကစၢ်ကတိၤတၢ်ဒီးပှၤလၢ ဃိၤရ့း, ဒီးစံးဝဲဒၣ်, သုအိၣ်လၢကစၢၢ်အလိၤအံၤအါလံ.
7 ဃၣ်သုသးဒီးဟးထီၣ်, ဒီးလဲၤထီၣ်ဆူပှၤအမိၢ်ဖိအ ကစၢၢ်ကလိ, ဒီးဆူတၢ်အိၣ်ဘူးဒီးအီၤခဲလၢာ်, လၢပျီပူၤ, လၢကစၢၢ်ကလိ, လၢကစၢၢ်ကဆူး, ဒီးလၢကလံၤထံး တခီ, ဒီးလၢပီၣ်လဲၣ်နံၤ, ပှၤကနၤဧၣ်ဖိအကီၢ်, ဒီးလ ဘၤနိၣ်, ပၢၢ်လၢထံမိၢ်ပှၢ်ဖးဒိၣ်, ထံဖရၤသးန့ၣ်တက့ၢ်.
8 ကွၢ်ကွၢ်, ယပာ်ထံဧိၤကီၢ်ဧိၤလၢသုမဲာ်ညါ, ကီၢ်လၢ ယွၤဆိၣ်လီၤအသးဒီးသုပၢ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်လၢအကဟ့ၣ်လီၤဝဲလၢအီၤ, ဒီးလၢအချံ အသၣ်လၢအလီၢ်ခံန့ၣ်, လဲၤနုာ်မၤန့ၢ်အီၤတက့ၢ်.
9 ဒီးအဆၢအကတီၢ်ဖဲန့ၣ်ယကတိၤတၢ်ဒီးသု, ဒီးယစံး ယဲဒၣ်တဂၤဃီယစိာ်သုတသ့ဘၣ်. 10 ယွၤသုကစၢ်န့ၣ် မၤအါထီၣ်လံသုလံ, ဒီးကွၢ်ကွၢ်, လၢမုၢ်မဆါတနံၤ အံၤ, သုအိၣ်အါအါကလဲာ်, ဒ်မူခိၣ်အဆၣ်ဧိၤဖီဧိၤအ သိးန့ၣ်လီၤ.
11 မ်ယွၤသုပၢ်တဖၣ်အကစၢ်န့ၣ် မၤအါထီၣ်သုအစး တကထိ, ဒီးဆိၣ်ဂ့ၤသုဒ်အစံးပာ်တၢ်အသိးန့ၣ်တက့ၢ်.
12 သုတၢ်ဝံတၢ်ယိး, ဒီးသုတၢ်စိာ်တၢ်လဲး, ဒီးသုလိာ် ကွီၢ်န့ၣ်ယဲဒၣ်တဂၤဃီယစိာ်ကသ့ဒ်လဲၣ်, 13 ဟံးန့ၢ်ပှၤ လၢအကူၣ်တၢ်သ့, ဒီးအသးဆး, ဒီးအမံၤဟူသၣ်ဖျါ တဖၣ်လၢသုဒူၣ်တဖၣ်အကျါန့ၣ်တက့ၢ်, ဒီးယကပာ် အီၤလၢသုခိၣ်တဖၣ်လီၤ. 14 ဒီးသုစံးဆၢယၤ, ဒီးစံး, တၢ်လၢနစံးတၢ်န့ၣ်ဂ့ၤလၢပကမၤလီၤ.
15 ဒီးယဟံးန့ၢ်သုဒူၣ်တဖၣ်အခိၣ်တဖၣ်, ပှၤလၢအကူၣ် သ့ကူၣ်ဘၣ်, ဒီးပှၤလၢအမံၤဟူသၣ်ဖျါတဖၣ်, ဒီးယ ပာ်အီၤလၢသုခိၣ်တဖၣ်, ပှၤတကထိအခိၣ်တဖၣ်, ဒီး ပှၤတကယၤအခိၣ်တဖၣ်, ဒီးပှၤယဲၢ်ဆံအခိၣ်တဖၣ်, ဒီးပှၤတဆံအခိၣ်တဖၣ်, ဒီးအခိၣ်တဖၣ်, ဒီးပှၤကွဲး လံာ်တဖၣ်လၢသုဒူၣ်တဖၣ်အကျါလီၤ.
16 ဒီးအဆၢအကတီၢ်ဖဲန့ၣ် ယမၤလိာ်သုပှၤစံၣ်ညီၣ်ကွီၢ် တဖၣ်, ဒီးယစံး, ကနၣ်တၢ်လၢသုဒီပုၢ်ဝဲၢ်အဘၢၣ်စၢၤ, ဒီးစံၣ်ညီၣ်တၢ်တီလၢပှၤတဂၤဒီးအဒီပုၢ်ဝဲၢ်အဘၢၣ်စၢၤ, ဒီးပှၤတခီဘီမုၢ်ဖိလၢအအိၣ်ဒီးအီၤန့ၣ်တက့ၢ်. 17 သုတဘၣ်ကွၢ်မဲာ်တၢ်လၢ တၢ်စံၣ်ညီၣ်အပူၤဘၣ်. သုဘၣ်ကနၣ်ပှၤအဆံးဒ်ပှၤအဒိၣ်အသိးန့ၣ်လီၤ. ဒီးသုတပျံၤပှၤကညီအမဲာ်တဂ့ၤ. အဂ့ၢ်ဒ်အံၤ, တၢ်စံၣ်ညီၣ်န့ၣ်မ့ၢ်ယွၤအတၢ်လီၤ. ဒီးတၢ်လၢအကီကဲၣ်ဆိးလၢသုမဲာ်ညါန့ၣ်ဟဲစိာ်ဆူယအိၣ်, ဒီးယကဒိကနၣ်ယဲလီၤ.―
18 ဒီးလၢအဆၢကတီၢ်ဖဲန့ၣ် ယမၤလိာ်သုလၢကယဲၢ်တၢ် လၢသုကမၤဘၣ်ခဲလၢာ်လီၤ.
19 ဒီးပဟးထီၣ်လၢဃိၤရ့း, ဒီးပလဲၤတၢ်လၢပှၢ်မုၢ်ကနၢ ဖးဒိၣ်န့ၣ် အိၣ်ဒီးတၢ်ပျံၤတၢ်ဖုးအလီၢ်လၢသုထံၣ်ဘၣ် လၢပှၤအမိၢ်ဖိအကစၢၢ်ကလိအကျဲ, ဒ်ယွၤပကစၢ်မၤ လိာ်ပှၤအသိးန့ၣ်, ဒီးပဟဲတုၤလၢကၤဒ့ၣ်ဘၢ်န့လီၤ.
20 ဒီးယစံးဘၣ်သု, ပဟဲတုၤလၢပှၤအမိၢ်ဖိအကစၢၢ်က လိ, လၢယွၤပကစၢ်ဟ့ၣ်လီၤပှၤလီၤ. 21 ကွၢ်ကွၢ်, ယွၤ ပကစၢ်န့ၣ်ပာ်လီၤထံဧိၤကီၢ်ဧိၤလၢနမဲာ်ညါလီၤ. လဲၤ ထီၣ်မၤန့ၢ်အီၤ, ဒ်ယွၤနပၢ်အကစၢ်စံးဘၣ်နၤအသိးန့ၣ် တက့ၢ်. ပျံၤတၢ်တဂ့ၤ, ဒီးတ့ၢ်စၢ်လီၤနဂံၢ်နဘါတဂ့ၤ.
22 ဒီးသုဟဲဘူးဒီးယၤကိးဂၤဒဲးဒီးသုစံး, ပကမၢလီၤပှၤ လဲၤလၢပမဲာ်ညါ, ဒီးအဝဲသ့ၣ်ကကွၢ်န့ၢ်ကီၢ်လၢပဂီၢ်, ဒီးပကလဲၤကျဲမနုၤမနုၤလဲၣ်, ပကလဲၤနုာ်လၢဝ့ၢ်မနုၤမ နုၤလဲၣ်န့ၣ်ကဟဲက့ၤစိာ်န့ၢ်ပှၤလၢတၢ်ကတိၤလီၤ. 23 ဒီးတၢ်ကတိၤန့ၣ်ဂ့ၤလၢယမဲာ်ညါ, ဒီးယဟံးန့ၢ်ပှၤတဆံခံဂၤလၢသုကျါ, တဒူၣ်တဂၤ, တဒူၣ်တဂၤလီၤ.―
24 ဒီးအဝဲသ့ၣ်ဃၣ်အသး, ဒီးလဲၤထီၣ်ဆူကစၢၢ်ကလိ, ဒီးလဲၤနုာ်လၢအ့ၡကိၤလးအကျိ, ဒီးဃုကွၢ်ဝဲလီၤ. 25 ဒီး ဟံးန့ၢ်ကီၢ်အတၤသၣ်လၢအစုပူၤ, ဒီးဟဲက့ၤစိာ်ဆူပ အိၣ်, ဒီးဟဲက့ၤစိာ်တၢ်ကတိၤ, ဒီးစံးဝဲဒၣ်, ထံဧိၤကီၢ် ဧိၤလၢယွၤပကစၢ်ဟ့ၣ်လီၤပှၤန့ၣ်မ့ၢ်အဂ့ၤလီၤ.
26 ဘၣ်ဆၣ်ဒီးသုလဲၤထီၣ်န့ၣ် သုသးတအိၣ်ဘၣ်. ဒီး သုပူထီၣ်ယွၤသုကစၢ်အထးခိၣ်လီၤ. 27 ဒီးသုကဒူးက ဒ့ၣ်တၢ်လၢသုဒဲပူၤဒီးစံး, မ့ၢ်ယွၤသးဟ့ပှၤဒီး, ဒုးဟး ထီၣ်ကွံာ်ပှၤလၢကီၢ်အဲၤကူပတူးအပူၤ, ဒ်သိးအကဟ့ၣ် လီၤပှၤလၢပှၤအမိၢ်ဖိအစုပူၤ, လၢအကမၤဟးဂီၤပှၤအ ဂ့ၢ်လီၤ. 28 ပကလဲၤထီၣ်ဒ်လဲၣ်, ပဒီပုၢ်ဝဲၢ်တဖၣ်န့ၣ်ဒုး ပှံၢ်ပသးလီၤ, စံးဝဲဒၣ်, ပှၤဂီၢ်မုၢ်န့ၣ်ဒိၣ်န့ၢ်ပှၤဒီးအနီၢ် ထီန့ၢ်ပှၤတက့ၢ်လီၤ. ခူဧိၤဝ့ၢ်ဧိၤန့ၣ်ဒိၣ်ဝဲ, ဒီးအခိၣ်ဒူပၢၢ် လၢမူခိၣ်လီၤ, ဒီးပထံၣ်ဘၣ်စ့ၢ်ကီးပှၤဧနးဖိဖဲန့ၣ်လီၤ. ဒီးယစံးဘၣ်သု, ဘၣ်ယိၣ်တဂ့ၤ, ဒီးပျံၤအီၤတဂ့ၤ,
30 ယွၤသုကစၢ်လၢအလဲၤတၢ်လၢ သုမဲာ်ညါန့ၣ်ကဒုး သုးလၢသုဂီၢ်, ဒ်ကယဲၢ်တၢ်လၢအမၤလၢသုဂီၢ်လၢအဲၤ ကူပတူးအပူၤလၢသုမဲာ်ညါ, 31 ဒီးလၢပှၢ်မုၢ်ကနၢဖဲနထံၣ် လၢယွၤနကစၢ်စိာ်နၤ, ဒ်အပၢ်စိာ်အဖိခွါအသိးလၢကျဲ လၢသုပိာ်ဒီဘိညါတုၤသုဟဲက့ၤလၢအလီၢ်ဖဲအံၤလီၤ.
32 ဘၣ်ဆၣ်ဒီးလၢတၢ်တမံၤန့ၣ်အဂ့ၢ်အကျိၤ, သုတနာ် ဘၣ်ယွၤသုကစၢ်, 33 လၢအလဲၤတၢ်လၢသုမဲာ်ညါလၢ မုၢ်နၤလၢမ့ၣ်အူ ဒ်သိးအကဃုန့ၢ်သုလီၢ်ဖဲသုကသူၣ်ဒဲ, ဒီးလၢမုၢ်ဆါလၢတၢ်အၢၣ်ဒ်သိး အကဒုးနဲၣ်သုကျဲလၢ သုကလဲၤတၢ်န့ၣ်ဘၣ်.
34 ဒီးယွၤနၢ်ဟူသုတၢ်ကတိၤအကလုၢ်, ဒီးအသးထီၣ်, ဒီးဆိၣ်တၢ်ဒီးစံးဝဲဒၣ်, 35 ထံဧိၤကီၢ်ဧိၤအဂ့ၤလၢယဆိၣ် လီၤယသးလၢယကဟ့ၣ်လီၤသုပၢ်တဖၣ်န့ၣ်, မ့ၢ်မးပှၤ အအၢတစိၤအံၤတထံၣ်ဘၣ်နီတဂၤဘၣ်. 36 ကထံၣ်ဘၣ် ထဲစီၤယဖူန့ၤအဖိခွါ စီၤကၤလ့းန့ၣ်လီၤ. အဝဲန့ၣ်က ထံၣ်ဘၣ်အီၤ, ဒီးယကဟ့ၣ်လီၤအီၤလၢကီၢ်လၢအယီၢ် တ့ၢ်ဝဲ, ဒီးအဖိတဖၣ်လီၤ. အဂ့ၢ်ဒ်အံၤ, ပိာ်ဝဲယွၤအကျဲ လၢလၢပှဲၤပှဲၤလီၤ.
37 ဒီးယွၤသးထီၣ်ယၤလၢသုဃိ, ဒီးစံးဝဲဒၣ်, နတဘၣ် လဲၤနုာ်ဖဲန့ၣ်ဘၣ်. 38 မ့မ့ၢ်စီၤနိၣ်အဖိခွါစီၤယိၤရှူလၢအ ဆၢထၢၣ်လၢနမဲာ်ညါတဂၤ, အဝဲဒၣ်ကလဲၤနုာ်ဘၣ်ဖဲ န့ၣ်လီၤ. ဒုးဆူၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲဒၣ်ကဒုးန့ၢ်သါအီၤလၢအံၣ်စရ့လးလီၤ. 39 ဒီးသုဖိ ဆံးလၢသုစံးလၢအကကဲထီၣ်တၢ်ဂုာ်န့ၢ်, ဒီးသုဖိသၣ် လၢအတသ့ၣ်ညါနီၤဖး တၢ်ဂ့ၤဒီးတၢ်အၢအဆၢဖဲမုၢ်တ နံၤန့ၣ်ကလဲၤနုာ်ဘၣ်ဖဲန့ၣ်, ဒီးယကဟ့ၣ်လီၤအီၤလၢ တၢ်န့ၣ်, ဒီးအဝဲသ့ၣ်တဖၣ်န့ၣ်ကန့ၢ်သါဝဲလီၤ. 40 မ့မ့ၢ် သုဝဲတဖၣ်အံၤဃၣ်ကဒါက့ၤ, ဒီးဟးဆူပှၢ်မုၢ်ကနၢလၢ ပီၣ်လဲၣ်ဆှဲအကျဲန့ၣ်တက့ၢ်.
41 ဒီးသုစံးဆၢတၢ်, ဒီးစံးဘၣ်ယၤ, ပမၤကမၣ်ဘၣ်လံ ယွၤလံ, ပကလဲၤထီၣ်, ဒီးဒုးသုးဒ်ကယဲၢ်တၢ်လၢယွၤ ပကစၢ်မၤလ်ိာ်ပှၤအသိးန့ၣ်လီၤ. ဒီးသုကံၢ်တူာ်သုယီၢ် ဒ့အိၣ်ဒီးသုစုကဝဲၤ, ဒီးသုတပးကဲဘၣ်တၢ်ဘၣ်, ဒီးသု ကလဲၤထီၣ်လၢကစၢၢ်န့ၣ်လီၤ. 42 ဒီးယွၤစံးဘၣ်ယၤ, မၤ လိာ်အီၤ, လဲၤထီၣ်တဂ့ၤ, ဒီးဒုးတၢ်တဂ့ၤ, အဂ့ၢ်ဒ်အံၤ, ယတအိၣ်ဘၣ်လၢသုကျါဘၣ်, သုကဘၣ်တၢ်ကျီကွံာ် ဘၣ်ဖုးသုလၢသုဒုၣ်သုဒါအမဲာ်ညါလီၤ.
43 ဒီးယကတိၤတၢ်ဒီးသု, ဒီးသုတဒိကနၣ်ဘၣ် တၢ် ဘၣ်, ဒီးသုပူထီၣ်ယွၤအထးခိၣ်, ဒီးသုပာ်ဆူၣ်သုကိာ် ဒီးလဲၤထီၣ်လၢကစၢၢ်ကလိလီၤ.
44 ဒီးပှၤအမိၢ်ဖိလၢအအိၣ်အဆိးလၢ ကစၢၢ်တဖျၢၣ်အ လိၤန့ၣ်ဟဲသဂၢၢ်သု, ဒီးလူၤသု, ဒ်ကနဲအသိးန့ၣ်, ဒီး မၤဟးဂီၤသုလၢစ့ဧၢ်, ပၢၢ်လၢဃိၢ်မါလီၤ.
45 ဒီးသုဟဲက့ၤ, ဒီးသုဟီၣ်လၢယွၤအမဲာ်ညါလီၤ. ဘၣ် ဆၣ်ဒီးယွၤတကနၣ်ဘၣ်သုကလုၢ်, ဒီးတဒိးအနၢ်လၢ သုကလုၢ်ဘၣ်.
46 ဒီးသုအိၣ်သုဆိးအါနံၤအါသီလၢကၤဒ့ၣ်အပူၤ, ဒ်မုၢ် နံၤလၢသုအိၣ်သုဆိးအသိးန့ၣ်လီၤ.
2၂
1 ဒီးပဃၣ်ပသး, ဒီးပဟးထီၣ်ဆူပှၢ်မုၢ်ကနၢလၢပီၣ် လဲၣ်ဂီၤအကျဲ, ဒ်ယွၤကတိၤတၢ်ဒီးယၤအသိးန့ၣ်, ဒီး ပလဲၤဝးတရံးကစၢၢ်စ့ဧၢ်အါနံၤအါသီလီၤ. ဒီးယွၤကတိၤတၢ်ဒီးယၤ, ဒီးစံးဝဲဒၣ်, 2 သုလဲၤတရံး ကစၢၢ်အံၤအါလံ. ဃၣ်သုသးဆူကလံၤစိးတခီတက့ၢ်,―
4 ဒီးမၤလိာ်ပှၤဂီၢ်မုၢ်, ဒီးစံးဘၣ်အီၤ သုကခီဂာ်သုဒီပုၢ် ဝဲၢ်, စီၤဧ့ၡီၤအဖိအကီၢ်ဃၢၤလၢအအိၣ်လၢစ့ဧၢ်, ဒီးကပျံၤ သုလီၤ. ပလီၢ်သုသးသပှၢ်တၢၢ်တက့ၢ်. 5 မၤကိၢ်မၤဂီၤ အီၤတဂ့ၤ. အဂ့ၢ်ဒ်အံၤ, ယတဟ့ၣ်လီၤသုလၢအကီၢ်ဘၣ်, ထဲသိးဒီးခီၣ်ညါသးအလီၢ်ယတဟ့ၣ်ဘၣ်. အဂ့ၢ်ဒ်အံၤ, ယဟ့ၣ်လံကစၢၢ်စ့ဧၢ်လၢစီၤဧ့ၡီၤလၢတၢ်န့ၢ်သါအဂီၢ်လံ.
6 သုဘၣ်ပှ့ၤ တၢ်အီၣ်လၢစ့လၢအီၤ, ဒ်သိးသုကအီၣ် တၢ်, ဒီးသုဘၣ်ပှ့ၤစ့ၢ်ကီးထံလၢစ့လၢအီၤ, ဒ်သိးသု ကအီတၢ်လီၤ.
7 အဂ့ၢ်ဒ်အံၤ, လၢကယဲၢ်နမၤတၢ်လၢနစုန့ၣ်ယွၤနက စၢ်ဆိၣ်ဂ့ၤလံနၤလံ. နလဲၤတၢ်လၢပှၢ်မုၢ်ကနၢဖးဒိၣ်အံၤ, သ့ၣ်ညါဝဲလီၤ. အနံၣ်လွံၢ်ဆံအံၤယွၤအိၣ်လံဒီးနၤလံ. နတဆံးလီၤစှၤလီၤဘၣ်တၢ်ဘၣ်.
8 ဒီးတုၤပလဲၤပူၤကွံာ် ပဒီပုၢ်ဝဲၢ်စီၤဧ့ၡီၤအဖိလၢအအိၣ် ဝဲလၢစ့ဧၢ်လၢကျဲလၢပျီပူၤလၢအ့လၤသး, ဒီးလၢဧ့းစ ယိၣ်က့ဘ့ၢ်ဒီး, ပဃၣ်ပသး, ဒီးပလဲၤပိာ်ကျဲလၢပှၢ်မုၢ် ကနၢမိၤအးလီၤ. 9 (ဒီးယွၤစံးဘၣ်ယၤ, မၤကိၢ်မၤဂီၤပှၤမိၤအးဖိတဂ့ၤ, ဒီးဒုးသုးဒီးအီၤတဂ့ၤ. အဂ့ၢ်ဒ်အံၤ, ယတဟ့ၣ်လီၤဘၣ်နၤလၢအကီၢ်လၢတၢ်န့ၢ်သါအဂီၢ်ဘၣ်. အဂ့ၢ်ဒ်အံၤ, ယဟ့ၣ်လီၤလံဧၢ်လၢစီၤလိာ်အဖိလၢအတၢ်န့ၢ်သါအဂီၢ်လံ,―
10 ပှၤအ့ၣ်ဖိအိၣ်ဝဲဖဲန့ၣ်လၢပျၢၤလီၤ. ပှၤတကလုာ်လၢ အနီၢ်ဒိၣ်, ဒီးအါဝဲ, ဒီးအနီၢ်ထီဝဲ, ဒ်ပှၤဧနးဖိအသိး န့ၣ်လီၤ. 11 ပှၤပာ်အီၤလၢပှၤနီၢ်ဒိၣ်ဖိ ဒ်ပှၤဧနးဖိအသိး န့ၣ်လီၤ. မ့မ့ၢ်ပှၤမိၤအးဖိကိးအီၤလၢပှၤအ့ၣ်ဖိလီၤ.
12 ဒီးပှၤဃိရံၤဖိအိၣ်ဝဲလၢစ့ဧၢ်လၢပျၢၤလီၤ. မ့မ့ၢ်စီၤဧ့ၡီၤ အဖိမၤဟးဂီၤအီၤလၢအမဲာ်ညါ, ဒီးအိၣ်ဝဲလၢအလီၢ် န့ၣ်, ဒီးန့ၢ်ဘၣ်သါအတၢ်ဒ်အံၣ်စရ့လးမၤကီၢ်လၢအန့ၢ် ဘၣ်သါတၢ်လၢယွၤဟ့ၣ်လီၤအီၤအသိးလီၤ.)
13 ခဲကနံၣ်အံၤ ဂဲၤဆၢထၢၣ်, ဒီးခီဂာ်ထံစ့ရ့းအကျိတ က့ၢ်. ဒီးပခီဂာ်ထံစ့ရ့းအကျိလီၤ.
14 ဒီးမုၢ်နံၤမုၢ်နၤတဖၣ်လၢပဟဲလၢ ကၤဒ့ၣ်ဘၢ်န့တုၤ ပခီဂာ်ထံစရ့းအကျိန့ၣ်, မ့ၢ်သၢဆံဃိးနံၣ်, တုၤကယဲၢ် ပှၤသုးဖိတစိၤလၢာ်ဝဲလၢပှၤသုးမုၢ်အကျါတဂၤလၢ်လၢ် န့ၣ်, ဒ်ယွၤဆိၣ်တၢ်ဒီးအီၤအသိးန့ၣ်လီၤ.
15 မ့ၢ်မးယွၤအစုအိၣ်လၢအလိၤ, ဒ်သိးအကမၤဟးဂီၤ ကွံာ်အီၤလၢပှၤသုးမုၢ်အကျါတုၤအလၢာ်လီၤ.
16 ဒီးတုၤပှၤသုးမုၢ်ခဲလၢာ်န့ၣ်လၢာ်ဝဲ, ဒီးသံဝဲလၢပှၤဂီၢ် မုၢ်အကျါဒီး, 17 တၢ်မၤအသးလၢယွၤကတိၤတၢ်ဒီးယၤ, ဒီးစံးဝဲဒၣ်, 18 မုၢ်မဆါတနံၤအံၤနဘၣ်ခီဂာ်ဧၢ်လၢမိၤအး အဃၢၤ, 19 ဒီးတုၤနလဲၤတုၤလၢပှၤဧၣ်မိၣ်ဖိအမဲာ်ညါဒီး, မၤကိၢ်မၤဂီၤအီၤတဂ့ၤ, ဒီးမၤအီၤနီတမံၤတဂ့ၤ, အဂ့ၢ် ဒ်အံၤ, ယတဟ့ၣ်လီၤဘၣ်နၤလၢတၢ်န့ၢ်သါလၢပှၤဧၣ် မိၣ်ဖိအကီၢ်ဘၣ်. အဂ့ၢ်ဒ်အံၤ, ယဟ့ၣ်လီၤလံအီၤလၢ စီၤလိာ်အဖိလၢတၢ်န့ၢ်ဘၣ်သါအဂီၢ်လံ.
20 (ပှၤပာ်စ့ၢ်ကီးအဝဲန့ၣ်လၢ ပှၤနီၢ်ဒိၣ်ဖိအကီၢ်လီၤ. ပှၤ နီၢ်ဒိၣ်ဖိအိၣ်ဝဲဖဲန့ၣ်လၢပျၢၤ, ဒီးပှၤဧၣ်မိၣ်ဖိကိးအီၤလၢ ပှၤစၤမစူၣ်ဖိလီၤ. 21 ပှၤတကလုာ်အနီၢ်ဒိၣ်, ဒီးအါဝဲ, ဒီးအနီၢ်ထီဒ်ပှၤဧနးဖိအသိးန့ၣ်လီၤ. ဒီးယွၤမၤဟးဂီၤ အီၤလၢအမဲာ်ညါ, ဒီးအဝဲသ့ၣ်န့ၢ်သါအတၢ်, ဒီးအိၣ်ဝဲ ဆိးဝဲအလီၢ်, 22 ဒ်အမၤစီၤဧ့ၡီၤအဖိလၢအအိၣ်ဝဲလၢစ့ဧၢ် အပူၤ, လၢအမၤဟးဂီၤတ့ၢ်ပှၤဃိရံၤဖိလၢအမဲာ်ညါ, ဒီး အဝဲသ့ၣ်န့ၢ်သါဝဲလၢအတၢ်, ဒီးအိၣ်ဝဲလၢအလီၢ်တုၤ မုၢ်မဆါတနံၤအံၤအသိးန့ၣ်လီၤ. 23 ဒီးဒ်ပှၤဧ့ၤဝံဖိအိၣ် လၢဃစ့ရံၣ်တုၤလၢဧးစၤ, ပှၤကၤဖတိၢ်ဖိလၢအဟဲထီၣ် လၢကၤဖတိၢ်န့ၣ် မၤဟးဂီၤအီၤဒီးအိၣ်ဝဲလၢအလီၢ်အ သိးန့ၣ်လီၤ.)
24 ဂဲၤဆၢထၢၣ်, ဟးထီၣ်, ဒီးခီဂာ်ထံအၢ်နိၣ်တက့ၢ်. ကွၢ်တက့ၢ်, ယဟ့ၣ်လီၤလံလၢနစုပူၤပှၤအမိၢ်ဖိ, ဃ့ ၡဘိၣ်အစီၤပၤစံဃိၣ်, ဒီးအကီၢ်လီၤ. မၤန့ၢ်သီ, ဒီးဒုး သုးဒီးအီၤတက့ၢ်.
25 လၢမုၢ်မဆါတနံၤအံၤ ယကပာ်သီတၢ်ဘၣ်ယိာ်နၤ, ဒီးတၢ်ပျံၤနၤ လၢပှၤကလုာ်တဖၣ်အလိၤ လၢမူခိၣ်ဒီ ဘ့ၣ်ညါအဖီလာ်, လၢအကနၢ်ဟူနကစီၣ်, ဒီးကက နိးဝဲ, ဒီးအသးကဘၣ်တၢ်ကိၢ်တၢ်ဂီၤလၢနဃိလီၤ.
26 ဒီးယမၢလီၤကလူးတဖၣ်လၢ ပှၢ်မုၢ်ကနၢကဒ့မိးဆူ ဃ့ၡဘိၣ်အစီၤပၤစံဃိၣ်အအိၣ်, အိၣ်ဒီးတၢ်ဃူတၢ်ဖိး အတၢ်ကတိၤတဖၣ်, ဒီးစံးဝဲဒၣ်, 27 ဒုးခီဂာ်ယၤလၢန ကီၢ်ပူၤတက့ၢ်. ယကလဲၤတၢ်လၢကျဲဧိၤကပူၤဧိၤလီၤ. လၢစုထွဲမ့ၢ်ဂ့ၤ, လၢစုစ့ၣ်မ့ၢ်ဂ့ၤ, ယတဃၣ်ယသးဘၣ်,―
28 နကဆါန့ၢ်ယၤလၢတၢ်အီၣ်လၢစ့, ဒ်သိးယကအီၣ်တၢ်, ဒီးနကဟ့ၣ်လီၤယၤလၢထံလၢစ့အဃိ, ဒ်သိးယကအီ တၢ်လီၤ. ထဲယကခီဂာ်တၢ်လၢယခီၣ်, 29 (ဒ်စီၤဧ့ၡီၤအ ဖိလၢအအိၣ်ဝဲလၢစ့ဧၢ်, ဒီးပှၤမိၤအးဖိလၢအအိၣ်လၢ ဧၢ်မၤယၤအသိးန့ၣ်.) တုၤယခီဂာ်ယၢ်ဒ့ၣ်ဆူကီၢ်လၢ ယွၤပကစၢ်ဟ့ၣ်လီၤပှၤလီၤ.
30 ဘၣ်ဆၣ်ဒီး ဃ့ၡဘိၣ်အစီၤပၤစံဃိၣ် ဒုးခီဂာ်ပှၤအ သးတအိၣ်ဘၣ်. အဂ့ၢ်ဒ်အံၤ, ယွၤနကစၢ်ဒုးဆူၣ်ထီၣ် အသး, ဒီးမၤကိၤအသး, ဒ်သိးအကဟ့ၣ်လီၤအီၤလၢ နစုပူၤ, ဒ်လၢမုၢ်မဆါတနံၤအံၤအသိးန့ၣ်လီၤ.
31 ဒီးယွၤစံးဘၣ်ယၤ, ကွၢ်ကွၢ်, ယဟ့ၣ်လီၤသီစီၤစံ ဃိၣ်ဒီးအကီၢ်လၢနမဲာ်ညါလီၤ. မၤန့ၢ်သီဒ်သိးနကန့ၢ် ဘၣ်သါကီၢ်န့ၣ်တက့ၢ်.
32 ဒီးစီၤစံဃိၣ်ဟဲသဂၢၢ်ပှၤ, အဝဲဒၣ်, ဒီးအပှၤဂီၢ်မုၢ်ခဲ လၢာ်, ဒ်သိးအကဒုးသုးလၢယါစၤအပူၤလီၤ.
33 ဒီးယွၤပကစၢ်ဟ့ၣ်လီၤကွံာ်အီၤလၢပမဲာ်ညါ, ဒီးပကျီ ကွံာ်အီၤ, ဒီးအဖိခွါတဖၣ်, ဒီးအပှၤဂီၢ်မုၢ်တဖၣ်ခဲလၢာ် လီၤ. 34 အဆၢကတီၢ်ဖဲန့ၣ် ပမၤန့ၢ်အခူအဝ့ၢ်ခဲလၢာ်, ဒီးပှၤပိာ်ခွါ, ဒီးပှၤပိာ်မုၣ်, ဒီးဖိဒံဖိသၣ်လၢဝ့ၢ်ကိးပူၤဒဲး အပူၤပမၤဟးဂီၤကွံာ်တုၤအလၢာ်လီၤ. ပတပာ်လီၤတဲာ် ဘၣ်နီတဂၤဘၣ်. 35 ထဲပဟံးန့ၢ်ဆၣ်ဧိၤကီၢ်ဧိၤအဒၢလၢ တၢ်ဂုာ်န့ၢ်လၢပဂီၢ်, ဒီးဝ့ၢ်လၢပမၤန့ၢ်အီၤအတၢ်ဖိတၢ် လံၤလီၤ.
36 လၢဧရိၤဧ့ၢ်လၢအအိၣ်လၢ ထံအၢ်နိၣ်ဒီးလၢဝ့ၢ်အိၣ် လၢထံကျိနံၤပၢၢ်လၢ ကံးလဧးန့ၣ်ဝ့ၢ်လၢအဆူၣ်န့ၢ်ပှၤ တအိၣ်ဘၣ်. ယွၤပကစၢ်ဟ့ၣ်လီၤကွံာ်ခဲလၢာ်လၢပှၤ လီၤ. 37 ထဲနတလဲၤနုာ်ဘၣ်လၢ ပှၤဧၣ်မိၣ်ဖိအကီၢ်ပူၤ, လၢအလီၢ်ဘၣ်ဃးဒီးထံယးဘိးနီတပူၤ, ဒီးလၢဝ့ၢ်တ ဖၣ်အိၣ်လၢကစၢၢ်လိၤ, ဒီးဖဲဒၣ်အလီၢ်လၢယွၤတြီပလဲၤ နုာ်လၢအပူၤန့ၣ်လီၤ.
3၃
1 ဒီးပဃၣ်ပသး, ဒီးပပိာ်ထီၣ်ကျဲဆူဘၤၡၣ်, ဒီးဘၤ ၡၣ်အစီၤပၤဧိာ်ဟဲသဂၢၢ်ပှၤ, အဝဲဒၣ်ဒီးအပှၤဂီၢ်မုၢ်ခဲ လၢာ်ဒ်သိးအကဒုးသုးလၢအ့ဒြံၤအပူၤလီၤ.
2 ဒီးယွၤစံးဘၣ်ယၤ, ပျံၤအီၤတဂ့ၤ, အဂ့ၢ်ဒ်အံၤ, ယ ကဟ့ၣ်လီၤအီၤ, ဒီးအပှၤဂီၢ်မုၢ်ခဲလၢာ်, ဒီးအထံအကီၢ် လၢနစုပူၤ, ဒီးနကမၤအီၤဒ်နမၤပှၤအမိၢ်ဖိအစီၤပၤစံဃိၣ် လၢအအိၣ်ဝဲလၢဃ့ၡဘိၣ်အသိးန့ၣ်လီၤ.
3 ဒီးယွၤပကစၢ်ဟ့ၣ်လီၤစ့ၢ်ကီးဘၤၡၣ်အစီၤပၤဧိာ်, ဒီး အပှၤဂီၢ်မုၢ်ခဲလၢာ်လၢပစုပူၤ, ဒီးပကျီကွံာ်အီၤတုၤအ ပှၤတအိၣ်လီၤတဲာ်ဘၣ်နီတဂၤဘၣ်.
4 လၢအဆၢအကတီၢ်ဖဲန့ၣ် ပမၤန့ၢ်အခူအဝ့ၢ်ခဲလၢာ်, ဝ့ၢ်လၢပတမၤန့ၢ်ဘၣ်န့ၣ်တအိၣ်ဘၣ်, ဝ့ၢ်ဃုဆံ, ကီၢ်အၢ် ကိးဒီဘ့ၣ်ညါ, စီၤဧိာ်အဘီအမုၢ်လၢဘၤၡၣ်အပူၤလီၤ.
5 ဝ့ၢ်ခဲလၢာ်န့ၣ်အိၣ်ဒီးအခိၣ်ဒူထီ, ဒီးပဲတရီတဖၣ်, ဒီး နီၣ်ဘိတဖၣ်လီၤ. လၢန့ၣ်အမဲာ်ညါတဝီလၢအခိၣ်ဒူတ အိၣ်ဘၣ်န့ၣ်အိၣ်အါအါကလဲာ်လီၤ.
6 ဒီးပမၤဟးဂီၤအီၤစီဖ့ကလ့ၤ, ဒ်ပမၤဃ့ၡဘိၣ်အစီၤပၤ စံဃိၣ်အသိးန့ၣ်, ပမၤဟးဂီၤအီၤစီဖ့ကလ့ၤလၢပိာ်ခွါ, ဒီးပိာ်မုၣ်, ဒီးဖိဒံဖိသၣ်လၢဝ့ၢ်ကိးဝ့ၢ်ဒဲးအပူၤလီၤ.
7 မ့မ့ၢ်ဆၣ်ဖိကီၢ်ဖိအဒၢ, ဒီးဝ့ၢ်တဖၣ်အတၢ်ဖိတၢ်လံၤ န့ၣ်ပဟံးန့ၢ်တၢ်ဂုာ်န့ၢ်လၢပဂီၢ်လီၤ.
8 ဒီးလၢအဆၢအကတီၢ်ဖဲန့ၣ် ပဟံးန့ၢ်လၢပှၤအမိၢ်ဖိ အစီၤပၤခံဂၤအစုပူၤ, ကီၢ်လၢအအိၣ်လၢယၢ်ဒ့ၣ်လၢအ အံၤတခီလၢထံအၢ်နိၣ်ပၢၢ်လၢကစၢၢ်ဃ့ရမိၣ်လီၤ.
9 (ဃ့ရမိၣ်န့ၣ် ပှၤစံဒိၣ်ဖိကိးအီၤလၢစံရယိၣ်, ဒီးပှၤ အမိၢ်ဖိကိးဝဲလၢစနံၢ်လီၤ.)
10 ဒီးကယဲၢ်ခူဧိၤဝ့ၢ်ဧိၤလၢတၢ်ပျီပူၤ, ဒီးဘၤၡၣ်ဒီဘ့ၣ် ညါပၢၢ်လၢစၤလကး, ဒီးအ့ဒြံၤ, ဝ့ၢ်တဖၣ်လၢစီၤဧိာ် အဘီအမုၢ်လၢဘၤၡၣ်အပူၤလီၤ.
11 အဂ့ၢ်ဒ်အံၤ, အိၣ်လီၤတဲာ်လၢပှၤနီၢ်ဒိၣ်ဖိထဲဘၤၡၣ် အစီၤပၤဧိာ်တဂၤဧိၤလီၤ. ကွၢ်ကွၢ်, အလီၢ်မံန့ၣ်မ့ၢ်လီၢ် မံထးလီၤ. အိၣ်ဝဲလၢပှၤဧၣ်မိၣ်ဖိအရးဘးအပူၤန့ၣ်တ မ့ၢ်ဘၣ်ဧါ. အထီမ့ၢ်ခွံပျၢ်ဒီးအဒီၣ်ဃီၤလွံၢ်ပျၢ်, ဒ်ပှၤက ညီအပျၢ်အသိးန့ၣ်လီၤ.
12 ဒီးအဆၢအကတီၢ်ဖဲန့ၣ် ကီၢ်လၢပမၤန့ၢ်လၢဧရိၤဧ့ၢ် လၢအအိၣ်လၢထံအၢ်နိၣ်, ဒီးကစၢၢ်ကံးလဧးတခီ, ဒီး အဝ့ၢ်တဖၣ်န့ၣ်, ယဟ့ၣ်လီၤပှၤရူၤဘ့ၣ်ဖိ, ဒီးပှၤကးဖိလီၤ.
13 ဒီးတၢ်အိၣ်လီၤတဲာ်လၢကံးလဧး, ဒီးဘၤၡၣ်ဒီဘ့ၣ် ညါ, စီၤဧိာ်အဘီအမုၢ်န့ၣ်ယဟ့ၣ်လီၤမနၤရှ့ၣ်တခီဒူၣ်, အၢ်ကိးဒီဘ့ၣ်ညါ, ဒီးဘၤၡၣ်ဒီဘ့ၣ်ညါ, လၢအဘၣ် တၢ်ကိးအီၤလၢပှၤနီၢ်ဒိၣ်ဖိအကီၢ်လီၤ.
14 ဒီးစီၤမနၤရှ့ၤအဖိခွါစီၤယၤအံၢ်န့ၣ် ဟံးန့ၢ်အၢ်ကိးဒီ ဘ့ၣ်ညါပၢၢ်လၢပှၤကရှူၢ်ဖိ, ဒီးပှၤမၤကးဖိအကီၢ်ဃၢၤ တဖၣ်, ဒီးကိးအီၤဒ်အမံၤဒၣ်ဝဲအသိးန့ၣ် ဘၤၡၣ်ဃၤ ဝိးယၤအံၢ်တုၤမုၢ်မဆါတနံၤအံၤလီၤ. 15 ဒီးယဟ့ၣ်လီၤ ကံးလဧးလၢစီၤမၤကံၢ်လီၤ.
16 ဒီးလၢပှၤရူၤဘ့ၣ်ဖိ, ဒီးပှၤကးဖိန့ၣ်ယဟ့ၣ်လီၤအီၤ လၢတၢ်လၢကံးလဧး ပၢၢ်လၢထံအၢ်နိၣ်အကျိ အသး ကံၢ်ပူၤ, ဒီးကီၢ်လၢအဃၢၤ, ပၢၢ်လၢထံယးဘိး, ပှၤ ဧၣ်မိၣ်ဖိအကီၢ်ဃၢၤန့ၣ်လီၤ.
17 ဒီးတၢ်ပျီပူၤ, ဒီးယၢ်ဒ့ၣ်, ဒီးကီၢ်လၢအဃၢၤလၢကံး န့ၤရ့သး, ဒီးပၢၢ်လၢတၢ်ပျီပူၤအပီၣ်လဲၣ်, ပီၣ်လဲၣ်အံ သၣ်လၢအၤၡဒိးပံးစကၤအခီၣ်ထံးလၢမုၢ်ထီၣ်တခီလီၤ.
18 ဒီးလၢအဆၢအကတီၢ်ဖဲန့ၣ်ယမၤလိာ်သု, ဒီးယစံး, ယွၤသုကစၢ်ဟ့ၣ်လီၤသုလၢကီၢ်အံၤ, ဒ်သိးသုကမၤန့ၢ် အီၤလီၤ. သုဘၣ်လဲၤခီဂာ်တၢ်အိၣ်ဒီးသုစုကဝဲၤလၢသု ဒီပုၢ်ဝဲၢ်ပှၤအံၣ်စရ့လးဖိအမဲာ်ညါ, ကယဲၢ်ပှၤသုးဖိခဲ လၢာ်လီၤ. 19 မ့မ့ၢ်သုဖိသုမါဒီးသုဖိဒံဖိသၣ်, ဒီးသုဆၣ် ဖိကီၢ်ဖိအဒၢ, (ယသ့ၣ်ညါလၢသုတၢ်ဖိတၢ်လံၤအိၣ် အါ), ကအိၣ်ဘၣ်လၢသုခူသုဝ့ၢ်အပူၤလၢယဟ့ၣ်လီၤ လံသု, 20 တုၤလီၤယွၤဒုးအိၣ်ဘှံးသုဒီပုၢ်ဝဲၢ်, ဒ်သုဝဲအ သိး, ဒီးအဝဲသ့ၣ်မၤန့ၢ်ကီၢ်လၢယွၤသုကစၢ်ဟ့ၣ်လီၤအီၤ လၢထံယၢ်ဒ့ၣ်ဝၢ်ဘးခီလီၤ. တုၤနုၤတစုကက့ၤက့ၤဆူ တဂၤဆူအတၢ်န့ၢ်သါ, တဂၤဆူအတၢ်န့ၢ်သါလၢယ ဟ့ၣ်လီၤလံသုလီၤ. 21 ဒီးအဆၢအကတီၢ်ဖဲန့ၣ်ယမၤလိာ်စီၤယိၤရှူ, ဒီးယစံး, နမဲာ်ထံၣ်ဘၣ်လံ ကယဲၢ်တၢ်လၢယွၤသုကစၢ်မၤတ့ၢ်စီၤပၤခံဂၤန့ၣ်လံ. ယွၤကမၤကယဲၢ်ဘီမုၢ်ဖဲနခီဂာ်အီၤဒ်န့ၣ် အသိးလီၤ. 22 သုတပျံၤအီၤတဂ့ၤ. အဂ့ၢ်ဒ်အံၤ, ယွၤသုကစၢ်ကဒုးသုးလၢသုဂီၢ်လီၤ. ဒီးအဆၢကတီၢ်ဖဲန့ၣ် ယဃ့ကညးယွၤ, ဒီးယစံး,
24 ယွၤကစၢ်ဧၢ, နဒုးနဲၣ်သီနတၢ်ဒိၣ်, ဒီးနစုဆူၣ်လၢနခ့ နပှၤလီၤ. အဂ့ၢ်ဒ်အံၤ, ကစၢ်လၢမူခိၣ်မ့ၢ်ဂ့ၤ, လၢဟီၣ်ခိၣ် မ့ၢ်ဂ့ၤ, လၢအမၤတၢ်သ့ဒ်နမၤတၢ်အသိး, ဒ်နစိနကမီၤအ သိးန့ၣ်အိၣ်ဝဲမတၤတဂၤလဲၣ်. 25 ဒုးခီဂာ်ယၤ, ဒီးဒုးထံၣ် ဘၣ်ယၤလၢထံဧိၤကီၢ်ဧိၤအဂ့ၤ လၢအအိၣ်လၢယၢ်ဒ့ၢ်ဝၢ် ဘးခီ, ကစၢၢ်ကလိဂ့ၤတဖျၢၣ်န့ၣ်, ဒီးလဘၤနိၣ်တက့ၢ်.
26 ဘၣ်ဆၣ်ဒီးယွၤသးထီၣ်ယၤလၢသုဃိ, ဒီးတကနၣ် ဘၣ်ယကလုၢ်ဘၣ်. ဒီးယွၤစံးဘၣ်ယၤ, အါလံလၢန ဂီၢ်လံ. လၢတၢ်တမံၤန့ၣ်အဂ့ၢ်အကျိၤကတိၤလၢၤဒီးယၤ တဂ့ၤ. 27 လဲၤထီၣ်ပၢၢ်လၢပံးစကၤအဒီခိၣ်, ဒီးကျ့ထီၣ် နမဲာ်လၢမုၢ်နုာ်, ဒီးလၢကလံၤစိး, ဒီးလၢကလံၤထံး, ဒီးလၢမုၢ်ထီၣ်, ဒီးကွၢ်တၢ်လၢနမဲာ်တက့ၢ်. အဂ့ၢ်ဒ်အံၤ, နတဘၣ်ခီဂာ်ယၢ်ဒ့ၣ်န့ၣ်ဘၣ်.
28 ဒီးမၤလိာ်စီၤယိၤရှူ, ဒီးဒုးဆူၣ်ထီၣ်အဂံၢ်အဘါ, ဒီး ဒုးတံးထီၣ်အတဟီၣ်တက့ၢ်. အဂ့ၢ်ဒ်အံၤ, အဝဲဒၣ်န့ၣ် ကခီဂာ်တၢ်လၢပှၤဂီၢ်မုၢ်အမဲာ်ညါ, ဒီးကဒုးမၤန့ၢ်အီၤ လၢထံဧိၤကီၢ်ဧိၤလၢသုကထံၣ်ဘၣ်လီၤ.
29 ဒီးပအိၣ်ပဆိးလၢကစၢၢ်ကဆူးလၢ ဘ့ၤသပဧိၢ်အ မဲာ်ညါလီၤ.
4၄
1 ဒီးခဲကနံၣ်အံၤ, အံၣ်စရ့လးဧၢ, ကနၣ်တၢ်မၤလိာ် ဒီးတၢ်စံၣ်ညီၣ်တဖၣ်လၢ ယသိၣ်လိသုလၢသုကတိၢ် န့ၢ်အီၤအဂ့ၢ်တက့ၢ်, ဒ်သိးသုကမူ, ဒီးလဲၤနုာ်, ဒီးမၤန့ၢ် ကီၢ်လၢယွၤသုပၢ်တဖၣ်အကစၢ်ဟ့ၣ်လီၤသုလီၤ.
2 သုတဘၣ်ပာ်ဖှိၣ်တၢ်ဒီးတၢ်ကတိၤလၢယမၤလိာ်သု, ဒီးသုတဘၣ်ဟံးန့ၢ်ကွံာ်တၢ်လၢအီၤ ဒ်သိးသုကတိၢ်န့ၢ် ယွၤသုကစၢ်အတၢ်မၤလိာ်တဖၣ်လၢယမၤလိာ်သုလီၤ.
3 တၢ်လၢယွၤမၤဝဲလၢဘဧၤလးပဧိၢ်အဃိန့ၣ် သုမဲာ် ထံၣ်ဘၣ်လံ. အဂ့ၢ်ဒ်အံၤ, ကယဲၢ်ပှၤလၢအလဲၤပိာ်ဘ ဧၤလးပဧိၢ်အခံခဲလၢာ်န့ၣ် ယွၤသုကစၢ်မၤဟးဂီၤကွံာ် အီၤလၢသုကျါလံ. 4 မ့မ့ၢ်သုလၢအစဲဘူးဒီးယွၤသုက စၢ်န့ၣ်မူဒံးကိးဂၤဒဲးလၢမုၢ်မဆါတနံၤအံၤလီၤ.
5 ကွၢ်ကွၢ်, ယသိၣ်လိသုလၢတၢ်မၤလိာ်, ဒီးတၢ်စံၣ် ညီၣ်, ဒ်ယွၤယကစၢ်မၤလိာ်ယၤအသိးန့ၣ်, ဒ်သိးသု ကမၤဒ်န့ၣ်လၢကီၢ်ဖဲသုလဲၤမၤန့ၢ်အီၤအပူၤန့ၣ်လီၤ.
6 ဒီးတိၢ်န့ၢ်ဒီးမၤတက့ၢ်. အဂ့ၢ်ဒ်အံၤ, အဝဲန့ၣ်မ့ၢ်သု တၢ်ကူၣ်သ့ကူၣ်ဘၣ်, ဒီးသုသူၣ်ဆးသးဆးလၢပှၤက လုာ်တဖၣ်အမဲာ်ညါ, ဒီးအဝဲသ့ၣ်ကနၢ်ဟူတၢ်မၤလိာ် ခဲလၢာ်န့ၣ်, ဒီးကစံး, မ့ၢ်မးပှၤဂီၢ်မုၢ်အဒိၣ်အအါအံၤ မ့ၢ်ပှၤတကလုာ်လၢအကူၣ်တၢ်သ့အကူၣ်တၢ်ဘၣ်, ဒီး အသူၣ်ဆးအသးဆးလီၤ.
7 အဂ့ၢ်ဒ်အံၤ, မတၤတကလုာ်ဒိၣ်ဝဲ, လၢကစၢ်အိၣ် ဘူးဒီးအီၤ, ထဲသိးဒီးယွၤပကစၢ်လၢ ကယဲၢ်တၢ်လၢ ပကိးထီၣ်လၢအီၤန့ၣ်လဲၣ်.
8 မတၤတကလုာ်ဒိၣ်ဝဲလၢအအိၣ်ဒီး တၢ်မၤလိာ်ဒီး တၢ်စံၣ်ညီၣ်တီ, ဒ်ကယဲၢ်တၢ်သိၣ်တၢ်သီလၢယပာ်လီၤ လၢသုမဲာ်ညါလၢမုၢ်မဆါတနံၤအံၤအသိးန့ၣ်လဲၣ်.
9 ထဲပလီၢ်နသးတက့ၢ်, ကွၢ်လီၤနသးလီၤတံၢ်လီၤဆဲး တက့ၢ်, ဒ်သိးနသုတသးပ့ၤနီၣ်တၢ်လၢနမဲာ်ထံၣ်လံ, ဒီးဒ်သိးအသုတဟးထီၣ်ကွံာ်လၢနသးအပူၤ တစိၤဒၣ် နၤတဂ့ၤ, ဒီးဘိးဘၣ်သ့ၣ်ညါက့ၤနဖိခွါတဖၣ်, ဒီးနဖိခွါ အဖိခွါတဖၣ်တက့ၢ်. 10 မုၢ်နံၤလၢသုဆၢထၢၣ်လၢဃိၤ ရ့းအပူၤလၢယွၤသုကစၢ်အမဲာ်ညါဖဲယွၤစံးဘၣ်ယၤ, ဒုး အိၣ်ဖှိၣ်ပှၤဂီၢ်မုၢ်လၢယဂီၢ်, ဒီးယကဒုးကနၣ်အီၤလၢယ ကလုၢ်ကထါဒ်သိးအကမၤလိ တၢ်ပျံၤယၤတစိၤဒၣ်အ အိၣ်လၢဟီၣ်ခိၣ်ချၢ, ဒီးဒ်သိးအကသိၣ်လိအဖိအလံၤ န့ၣ်လီၤ.
11 ဒီးသုသုးဘူးသုသးဒီး ဆၢထၢၣ်လၢ ကစၢၢ်အခီၣ် ထံး, ဒီးကစၢၢ်န့ၣ်ကဲၤထီၣ်လၢမ့ၣ်အူပၢၢ်လၢမူခိၣ်အ သးကံၢ်ပူၤ, ဒီးတၢ်ခံးဒီးတၢ်အၢၣ်, ဒီးတၢ်ခံးသူလီၤ.
12 ဒီးယွၤကတိၤတၢ်ဒီးသုလၢ မ့ၣ်အူအကျါလီၤ. သု နၢ်ဟူတၢ်ကတိၤအသီၣ်လီၤ. မ့မ့ၢ်တၢ်အက့ၢ်အဂီၤ, သု တထံၣ်ဘၣ်, ထဲတၢ်ကလုၢ်အသီၣ်ဧိၤလီၤ.
13 ဒီးဒုးနဲၣ်သုလၢအတၢ်အၢၣ်လီၤအီလီၤ လၢအမၤလိာ် သုဒ်သိးသုကတိၢ်န့ၢ်အီၤ, တၢ်မၤလိာ်ဆံဆဲၣ်ထံၣ်, ဒီး ကွဲးအီၤလၢလၢၢ်ဘ့ၣ်ဘၣ်ခံဘ့ၣ်အလိၤလီၤ.
14 ဒီးအဆၢအကတီၢ်ဖဲန့ၣ်ယွၤမၤလိာ်ယၤ, ဒ်သိးယက သိၣ်လိသုလၢတၢ်မၤလိာ်, ဒီးတၢ်စံၣ်ညီၣ်တဖၣ်လၢသု ဘၣ်တိၢ်န့ၢ်လၢကီၢ်ဖဲသုခီဂာ်မၤန့ၢ်အီၤအပူၤန့ၣ်လီၤ.
15 ဒီးပလီၢ်သုသးလီၤတံၢ်လီၤဆဲးတက့ၢ်. (အဂ့ၢ်ဒ်အံၤ, မုၢ်တနံၤလၢယွၤကတိၤတၢ်ဒီးသု လၢဃိၤရ့းအလိၤလၢ မ့ၣ်အူအကျါန့ၣ် သုတထံၣ်ဘၣ်အက့ၢ်အဂီၤနီတမံၤ ဘၣ်). 16 သုကမၤဘၣ်အၢဘၣ်ဖုးသုသး, ဒီးပိာ်ခွါအ ဂီၤမ့ၢ်ဂ့ၤ, ပိာ်မုၣ်အဂီၤမ့ၢ်ဂ့ၤ, 17 ဆၣ်ဖိကီၢ်ဖိလၢဟီၣ်ခိၣ် ချၢအဂီၤမ့ၢ်ဂ့ၤ, ထိၣ်ဖိလံၣ်ဖိလၢအယူၤလၢမူကပိာ်လိၤ တမံၤမံၤအဂီၤမ့ၢ်ဂ့ၤ, 18 တၢ်စွါလၢဟီၣ်ခိၣ်အဖီခိၣ်တမံၤ မံၤအဂီၤမ့ၢ်ဂ့ၤ, ဒ့ၣ်ဧိၤညၣ်ဧိၤလၢ အအိၣ်ဝဲလၢထံကျါ လၢဟီၣ်ခိၣ်အဖီလာ်တမံၤမံၤအဂီၤမ့ၢ်ဂ့ၤ, သုကမၤဘၣ် ဖုးတၢ်ဂီၤစိးပျၤအသးလီၤဂာ်တၢ်တမံၤမံၤန့ၣ်လီၤ.
19 ဒီးနကကျ့ထီၣ်ဘၣ်ဖုးနမဲာ်ဆူမူခိၣ်, ဒီးတုၤနထံၣ် ဘၣ်မုၢ်, ဒီးလါ, ဒီးဆၣ်ဧိၤဖီဧိၤ, မူခိၣ်အသုးမုၢ်ခဲလၢာ် ဒီး, နကဘၣ်တၢ်ကလံာ်ဘၣ်ဖုးနၤ, ဒ်သိးနကဘါ ထီၣ်အီၤဒီးမၤအတၢ်လီၤ. တၢ်တဖၣ်န့ၣ်ယွၤနကစၢ် ဟ့ၣ်နီၤကယဲၢ်ပှၤကလုာ်ကလုာ် လၢအအိၣ်ဝဲလၢမူခိၣ် ဒီဘ့ၣ်ညါအဖီလာ်လီၤ.
20 မ့မ့ၢ်ယွၤဟံးန့ၢ်သု, ဒီးဟဲစိာ်သုလၢဖၣ်ကပူၤထး, လၢအဲၤကူပတူး, ဒ်သိးသုကကဲထီၣ်တၢ်န့ၢ်သါလၢအ ဂီၢ်, ဒ်လၢမုၢ်မဆါတနံၤအံၤအသိးန့ၣ်လီၤ.
21 ဒီးယွၤသးထီၣ်ယၤလၢသုဃိ, ဒီးဆိၣ်လီၤအသးလၢ ယတခီဂာ်ယၢ်ဒ့ၣ်, ဒီးလၢယတလဲၤနုာ်ဘၣ်ထံဧိၤကီၢ် ဧိၤအဂ့ၤန့ၣ်လၢ ယွၤနကစၢ်ဟ့ၣ်လီၤနၤလၢတၢ်န့ၢ်သါ အဂီၢ်လီၤ.
22 ဒီးယဲဒၣ်အံၤယဘၣ်သံလၢကီၢ်အံၤလီၤ, ယတဘၣ် ခီဂာ်ယၢ်ဒ့ၣ်ဘၣ်. မ့မ့ၢ်သုဝဲဒၣ်အံၤသုကခီဂာ်, ဒီးမၤ န့ၢ်ထံဧိၤကီၢ်ဧိၤအဂ့ၤတဘ့ၣ်န့ၣ်လီၤ.
23 ပလီၢ်နသးဒ်သိးသုသုတသးပ့ၤနီၣ် ယွၤသုကစၢ်အ တၢ်အၢၣ်လီၤအီလီၤလၢ အအၢၣ်လီၤအီလီၤဒီးသုတဂ့ၤ. ဒီးသုသုတတ့တၢ်ဂီၤစိးပျၤအသး, တၢ်လီၤဂာ်တၢ်တ မံၤမံၤလၢယွၤသုကစၢ်တြီနမၤအီၤန့ၣ်တဂ့ၤ.
24 အဂ့ၢ်ဒ်အံၤ, ယွၤပကစၢ်န့ၣ်မ့ၢ်မ့ၣ်အူအီၣ်တၢ်လီၤ. မ့ၢ် ကစၢ်လၢအသးက့ၣ်တၢ်တဂၤလီၤ.
25 တုၤနထီၣ်ဖိ, ဒီးဖိအဖိ, ဒီးအိၣ်တ့ၢ်လၢကီၢ်ပူၤယံာ် ယံာ်, ဒီးမၤဘၣ်အၢတၢ်, ဒီးတ့တၢ်ဂီၤစိးပျၤအသးလီၤ ဂာ်တၢ်တမံၤမံၤ, ဒီးမၤတၢ်အၢလၢယွၤနကစၢ်အမဲာ်ညါ လၢအဒုးသုးထီၣ်အီၤဒီး, 26 ယဒုးအုၣ်မူခိၣ်ဒီးဟီၣ်ခိၣ်အ သးလၢသုဂီၢ်လၢမုၢ်မဆါတနံၤအံၤလၢသုကဟးဂီၤချ့သ ဒံးစီဖ့ကလ့ၤလၢထံဧိၤကီၢ်ဧိၤဖဲသုခီဂာ်ယၢ်ဒ့ၣ်လၢသုက မၤန့ၢ်အီၤအပူၤလီၤ. သုတထုးထီထီၣ်သုနံၤသုသီဘၣ်, မ့မ့ၢ်သုကတုၤလၢတၢ်ဟးဂူာ်ဟးဂီၤသပှၢ်တၢၢ်လီၤ.
27 ဒီးယွၤကမၤပြံပြါသုလၢပှၤကလုာ်တဖၣ်အကျါ, ဒီး သုကအိၣ်လီၤတဲာ်စှၤဂၤလၢပှၤကလုာ်တဖၣ်အကျါ, ဖဲ ယွၤကဆှၢသုလီၤ.
28 ဖဲန့ၣ်သုကမၤကစၢ်လၢ ပှၤတ့အီၤလၢအစုတဖၣ်အ တၢ်, သ့ၣ်ဧိၤဝၣ်ဧိၤ, ဒီးလၢၢ်ဧိၤလ့ဧိၤ, လၢအတထံၣ် ဘၣ်တၢ်ဘၣ်, ဒီးတနၢ်ဟူဘၣ်တၢ်ဘၣ်, ဒီးတအီၣ် ဘၣ်တၢ်ဘၣ်, ဒီးတနၢဘၣ်တၢ်ဘၣ်လီၤ.
29 ဘၣ်ဆၣ်ဒီးနမ့ၢ်ဃုန့ၢ်ယွၤနကစၢ်ဖဲန့ၣ်ဒီး, တုၤနဃု အီၤလၢနသူၣ်ကံၢ်သးလဲ, ဒီးနသးဒီဖျၢၣ်ညါဒီး, နက ထံၣ်န့ၢ်အီၤလီၤ. 30 တုၤနဘၣ်တၢ်ကိၢ်တၢ်ဂီၤ, ဒီးတၢ်ခဲ လၢာ်အံၤဘၣ်နၤဒီး လၢမုၢ်နံၤလၢခံလၢညါတဖၣ်နမ့ၢ် ဃၣ်လိၤနသးဆူယွၤနကစၢ်, ဒီးဒိကနၣ်အကလုၢ်ဒီး,―
31 (အဂ့ၢ်ဒ်အံၤ, ယွၤနကစၢ်မ့ၢ်ကစၢ်လၢအသးကညီၤတၢ် တဂၤ), တလဲၤသဒၣ်ဘၣ်နၤဘၣ်, ဒီးတမၤဟးဂီၤဘၣ် နၤဘၣ်, ဒီးတသးပ့ၤနီၣ်ဘၣ်နပၢ်တဖၣ်အတၢ်အၢၣ်လီၤ အီလီၤလၢအဆိၣ်တၢ်ဒီးအီၤဘၣ်.
32 အဂ့ၢ်ဒ်အံၤ, သံကွၢ်လၢ်မုၢ်နံၤမုၢ်နၤလၢအခီၣ်ထံး, လၢ အအိၣ်တ့ၢ်လၢ နတချုးအိၣ်ဒံးဘၣ်လၢ မုၢ်တနံၤလၢ ယွၤတ့ပှၤကညီလၢဟီၣ်ခိၣ်ချၢ, ဒီးသံကွၢ်တၢ်လၢမူခိၣ် အအံၤတခီပၢၢ်လၢမူခိၣ်အန့ၣ်တခီ, တၢ်မၤအသးဒ်တၢ် ဒိၣ်တမံၤအံၤအသိး, တၢ်နၢ်ဟူတၢ်ဒ်အဝဲန့ၣ်အသိးအိၣ် စ့ၢ်ကီးဧါ.
33 ပှၤဂီၢ်မုၢ်နၢ်ဟူ ယွၤအကလုၢ်ကတိၤတၢ်လၢမ့ၣ်အူအ ကျါ, ဒ်နနၢ်ဟူအသိး, ဒီးမူဝဲစ့ၢ်ကီးဧါ.
34 ဒီးမ့ၢ်ယွၤလဲၤဟံးန့ၢ်ဒိးကွၢ်ပှၤတကလုာ်လၢ ပှၤတက လုာ်ဒၣ်အကျါ, လၢတၢ်လ့ပစီ, လၢတၢ်အပနီၣ်လီၤ လး, ဒီးလၢတၢ်လီၤလိၢ်လီၤလး, ဒီးလၢတၢ်ဒုးသုး, ဒီး လၢအစုဆူၣ်, ဒီးလၢအစုယူာ်ထီၣ်အသး, ဒီးလၢပျံၤတၢ် အလီၢ်ဖးဒိၣ်, ဒ်ကယဲၢ်တၢ်လၢယွၤသုကစၢ်မၤလိာ်သုဂီၢ် လၢအဲၤကူပတူးအပူၤလၢသုမဲာ်ညါအသိးန့ၣ်စ့ၢ်ကီးဧါ.
35 တၢ်ဒုးနဲၣ်လၢနၤဒ်သိး နကသ့ၣ်ညါလၢယွၤမ့ၢ်ကစၢ် လီၤ. လၢအဝဲဒၣ်အမဲာ်ညါအဂၤတအိၣ်ဘၣ်.
36 ဒုးနၢ်ဟူနၤလၢအကလုၢ်လၢမူခိၣ် ဒ်သိးအကသိၣ် က့ၤသီက့ၤနၤ, ဒီးလၢဟီၣ်ခိၣ်ချၢအံၤဒုးနဲၣ်နၤလၢအမ့ၣ် အူဖးဒိၣ်, ဒီးနနၢ်ဟူအကလုၢ်လၢမ့ၣ်အူကျါလီၤ.
37 ဒီးမ့ၢ်အအဲၣ်နပၢ်တဖၣ်ဒီး, ဃုထၢဝဲလၢအချံအသၣ် လၢအလီၢ်ခံန့ၣ်, ဒီးဒုးဟးထီၣ်နၤလၢအဲၤကူပတူးလၢ အစိဒိၣ်အကမီၤဒိၣ်လၢအမဲာ်ညါ, 38 ဒ်သိးအကဟီထီၣ် ကွံာ်ပှၤကလုာ်တဖၣ်လၢနမဲာ်ညါ, ဒိၣ်န့ၢ်ဒီးဆူၣ်န့ၢ်နၤ တက့ၢ်, ဒ်သိးအကဒုးလဲၤနုာ်နၤ, ဒ်သိးအကဟ့ၣ်လီၤ နၤလၢအထံအကီၢ်လၢတၢ်န့ၢ်သါအဂီၢ်, ဒ်လၢမုၢ်မဆါ တနံၤအံၤအသိးန့ၣ်လီၤ.
39 ဒီးသ့ၣ်ညါလၢမုၢ်မဆါတနံၤအံၤ, ဒီးဆိကမိၣ်လၢန သးကံၢ်ပူၤလၢယွၤမ့ၢ်ကစၢ်လၢမူခိၣ်ထး, ဒီးလၢဟီၣ် ခိၣ်လာ်န့ၣ်တက့ၢ်, အဂၤတအိၣ်ဘၣ်.
40 ဒီးနဘၣ်တိၢ်န့ၢ်အတၢ်မၤလိာ်, ဒီးအတၢ်သိၣ်တၢ်သီ လၢယမၤလိာ်နၤလၢမုၢ်မဆါတနံၤအံၤ, ဒ်သိးတၢ်က ဂ့ၤထီၣ်လၢနဂီၢ်, ဒီးလၢနဖိနလံၤလၢနလီၢ်ခံအဂီၢ်, ဒီး ဒ်သိးနကထုးထီထီၣ်နမုၢ်နံၤလၢ ကီၢ်ပူၤလၢယွၤနကစၢ် ဟ့ၣ်လီၤနၤလီၤစိၤလီၤထီလီၤ.
41 တုၤနုၤတစု စီၤမိၤရှ့နီၤဖးဝ့ၢ်သၢဖျၢၣ်လၢ ယၢ်ဒ့ၣ်အ အံၤတခီလၢမုၢ်ထီၣ်တခီ, 42 ဒ်သိးပှၤမၤသံတၢ်, ပှၤလၢ အမၤသံပှၤလၢအဃၢၤလၢဟးဖျိးတၢ်အဃိ, ဒီးတသး ဟ့တ့ၢ်အီၤလၢမဟါမဟိဘၣ်တဂၤန့ၣ် ကဃ့ၢ်တၢ်ဆူ န့ၣ်, ဒီးဒ်သိးအကဃ့ၢ်တၢ်ဆူဝ့ၢ်တဖျၢၣ်ဖျၢၣ်န့ၣ်သတး ဒီးကမူဝဲလီၤ. 43 ဘ့စ့ၢ်လၢပှၢ်မုၢ်ကနၢ, လၢတၢ်ပျီပူၤ လၢပှၤရူၤဘ့ၣ်ဖိအကီၢ်ပူၤတဖျၢၣ်, ဒီးရၤမိးလၢကံးလဧး အပူၤဘၣ်ဃးဒီးပှၤကးဖိတဖျၢၣ်, ဒီးကိလၣ်လၢဘၤၡၣ် အပူၤဘၣ်ဃးဒီးပှၤမနၤရှ့ၤဖိတဖျၢၣ်လီၤ.
44 အအံၤမ့ၢ်တၢ်သိၣ်တၢ်သီလၢ စီၤမိၤရှ့ပာ်လီၤဝဲလၢပှၤ အံၣ်စရ့လးဖိအမဲာ်ညါလီၤ.
45 အအံၤမ့ၢ်တၢ်အုၣ်အသး, ဒီးတၢ်မၤလိာ်, ဒီးတၢ်စံၣ် ညီၣ်လၢ စီၤမိၤရှ့စံးဘၣ်တဲဘၣ်ပှၤအံၣ်စရ့လးဖိလၢအ ဟးထီၣ်ကွံာ်လၢအဲၤကူပတူးအပူၤအလီၢ်ခံန့ၣ်, 46 အိၣ်ဝဲ လၢယၢ်ဒ့ၣ်လၢအအံၤတခီ လၢတၢ်ကစၢၢ်ကဆူးသ ဃီၤဒီးဘ့ၤသပဧိၢ်, လၢပှၤအမိၢ်ဖိအစီၤပၤစံဃိၣ်အကီၢ် ပူၤ, လၢအအိၣ်ဝဲလၢဃ့ၡဘိၣ်, လၢစီၤမိၤရှ့ဒီးပှၤအံၣ် စရ့လးဖိကျီကွံာ်အီၤလၢအဟးထီၣ်ကွံာ်လၢ အဲၤကူပ တူးအလီၢ်ခံန့ၣ်လီၤ.
47 ဒီးမၤန့ၢ်ဝဲအကီၢ်, ဒီးဘၤၡၣ်အစီၤပၤဧိာ်အကီၢ်, ပှၤ အမိၢ်ဖိအစီၤပၤခံဂၤလၢအအိၣ်လၢ ယၢ်ဒ့ၣ်အအံၤတခီ လၢမုၢ်ထီၣ်တခီ, 48 လၢဧရိၤဧ့ၢ်လၢအအိၣ်လၢထံအၢ်နိၣ် အနံၤပၢၢ်လၢကစၢၢ်စံရယိၣ်လၢအမ့ၢ်ဃ့ရမိၣ်, 49 ဒီးတၢ် ပျီပူၤလၢယၢ်ဒ့ၣ်လၢအအံၤတခီဒီဘ့ၣ်ညါ ပၢၢ်လၢတၢ် ပျီပူၤအပီၣ်လဲၣ်လၢအၤၡဒိးပံးစကၤအခီၣ်ထံးလီၤ.
5၅
1 ဒီးစီၤမိၤရှ့ကိးန့ၢ်ပှၤအံၣ်စရ့လးဖိခဲလၢာ်, ဒီးစံးဘၣ် အီၤ, အံၣ်စရ့လးဧၢ, ကနၣ်တၢ်မၤလိာ်, ဒီးတၢ်စံၣ်ညီၣ် လၢယကတိၤလၢသုနၢ်ပူၤလၢမုၢ်မဆါတနံၤအံၤ, ဒ်သိး သုကမၤလိာ်အီၤ, ဒီးတိၢ်န့ၢ်အီၤ, ဒီးမၤအီၤန့ၣ်တက့ၢ်.
2 ယွၤပကစၢ်မၤတၢ်အၢၣ်လီၤအီလီၤဒီးပှၤလၢ ဃိၤရ့း အလိၤလီၤ. 3 ယွၤမၤတၢ်အၢၣ်လီၤအီလီၤန့ၣ်ဒီးပပၢ်တ ဖၣ်တမ့ၢ်ဘၣ်, မ့ၢ်အမၤဝဲဒီးပှၤပဝဲ, ပှၤလၢအအိၣ်မူဒံး လၢမုၢ်မဆါတနံၤအံၤခဲလၢာ်လီၤ. 4 ယွၤကတိၤတၢ်ဒီး သု, ကွၢ်ဆၢညါလၢကစၢၢ်အလိၤ, လၢမ့ၣ်အကျါလီၤ.―
5 (အဆၢအကတီၢ်ဖဲန့ၣ်ယဲဒၣ်အံၤ, ယဆၢထၢၣ်လၢ ယွၤဒီးသုအဘၢၣ်စၢၤ, ဒ်သိးယကဘိးဘၣ်သ့ၣ်ညါသု လၢယွၤအကလုၢ်အကထါလီၤ. အဂ့ၢ်ဒ်အံၤ, သုပျံၤ တၢ်လၢမ့ၣ်အူအဃိ, ဒီးတလဲၤထီၣ်လၢကစၢၢ်ဘၣ်.) ဒီးစံးဝဲဒၣ်,
6 ယဲဒၣ်အံၤယမ့ၢ်ယွၤနကစၢ်လၢ အဒုးဟးထီၣ်ကွံာ်နၤ လၢကီၢ်အဲၤကူပတူးအပူၤ, လၢပှၤကုၢ်ဖိအဟံၣ်ပူၤလီၤ.
7 အိၣ်ဒီးကစၢ်အဂုၤအဂၤတဖၣ်လၢယမဲာ်ညါတဂ့ၤ.
8 တ့တၢ်ဂီၤတၢ်ဖီၣ်လၢနဂီၢ်တဂ့ၤ. တၢ်အိၣ်လၢမူခိၣ် ထးမ့ၢ်ဂ့ၤ, တၢ်အိၣ်လၢဟီၣ်ခိၣ်လာ်မ့ၢ်ဂ့ၤ, တၢ်အိၣ်လၢ ထံကျါလၢဟီၣ်ခိၣ်အဖီလာ်မ့ၢ်ဂ့ၤ, တ့အက့ၢ်အဂီၤလၢ နဂီၢ်နီတမံၤတဂ့ၤ, 9 ဘါအီၤတဂ့ၤ, မၤအတၢ်တဂ့ၤ. အဂ့ၢ်ဒ်အံၤ, ယဲဒၣ်ယွၤနကစၢ်အံၤ, ယမ့ၢ်ကစၢ်လၢအ သးက့ၣ်တၢ်, လၢအဒုးအိၣ်သကိးပၢ်တဖၣ်အတၢ်ဒဲး ဘးဖိတဖၣ်အလိၤတုၤလီၤလၢ ပှၤသးဟ့ယၤသၢစိၤတ စိၤ, ဒီးလွံၢ်စိၤတစိၤ, 10 ဒီးလၢအမၤဘျုးမၤဖှိၣ်ပှၤကထိ သ့ၣ်တဖၣ်, လၢအအဲၣ်ယၤ, ဒီးတိၢ်န့ၢ်ယတၢ်မၤလိာ် တဖၣ်န့ၣ်လီၤ. ပှ့ၤဘၣ်ယွၤနကစၢ်အမံၤဒီး တၢ်ကလီကလီတဂ့ၤ. 11 အဂ့ၢ်ဒ်အံၤ, ပှၤလၢအပှ့ၤဘၣ်ယွၤအမံၤဒီးတၢ်ကလီက လီန့ၣ် ယွၤတပာ်ဘၣ်အီၤလၢအတၢ်ဒဲးဘးတအိၣ်ဘၣ် န့ၣ်ဘၣ်.
12 တိၢ်န့ၢ်မုၢ်အိၣ်ဘှံးအနံၤလၢ နကပာ်စီဆှံအီၤအဂ့ၢ်. န့ၣ်ဒ်ယွၤနကစၢ်မၤလိာ်နၤအသိးန့ၣ်တက့ၢ်. 13 နကမၤ ဘၣ်တၢ်ဃုနံၤ, ဒီးမၤနတၢ်မၤခဲလၢာ်လီၤ. 14 မ့မ့ၢ်မုၢ်နွံ နံၤတနံၤန့ၣ်မ့ၢ်ယွၤနကစၢ်အတၢ်အိၣ်ဘှံးလီၤ. နဲဒၣ်ဂ့ၤ, နဖိခွါဂ့ၤ, နဖိမုၣ်ဂ့ၤ, နကုၢ်နပှၤပိာ်ခွါဂ့ၤ, နကုၢ်နပှၤပိာ် မုၣ်ဂ့ၤ, နဂီၤဖံးဂ့ၤ, နကသ့ၣ်ယီၤဂ့ၤ, နဆၣ်ဖိကီၢ်ဖိအ ဒၢဂ့ၤ, ပှၤတခီဘီတခီမုၢ်ဖိလၢအအိၣ်လၢနပဲတရီအပူၤ ဂ့ၤ, သုတမၤတၢ်မၤနီတမံၤတဂ့ၤ, ဒ်သိးနကုၢ်နပှၤပိာ်ခွါ, ဒီးနကုၢ်နပှၤပိာ်မုၣ်ကအိၣ်ဘှံးဒ်နၤအသိးအဂ့ၢ်လီၤ.
15 ဒီးသ့ၣ်နီၣ်ထီၣ်က့ၤလၢ နမ့ၢ်တၢ်အကုၢ်အပှၤလၢကီၢ် အဲၤကူပတူးအပူၤ, ဒီးယွၤနကစၢ်ဒုးဟးထီၣ်ကွံာ်နၤဖဲ န့ၣ်လၢအစုဆူၣ်, ဒီးလၢအစုယူာ်ထီၣ်အသးန့ၣ်တက့ၢ်. မၤသးဒ်န့ၣ်ဒီး ယွၤနကစၢ်မၤလိာ်နၤလၢနဘၣ်တိၢ်န့ၢ် မုၢ်အိၣ်ဘှံးအနံၤလီၤ.
16 ဒ်ယွၤနကစၢ်မၤလိာ်နၤအသိးန့ၣ်, ဒ်သိးနမုၢ်နံၤတ ဖၣ်ကထီထီၣ်, ဒီးတၢ်ကဂ့ၤထီၣ်လၢနဂီၢ်, လၢကီၢ်ပူၤ လၢယွၤဟ့ၣ်လီၤနၤဒီး, ယူးယီၣ်နမိၢ်နပၢ်တက့ၢ်.
17 မၤသံတၢ်တဂ့ၤ.
18 အဲၣ်ဘၢမါအဲၣ်ဘၢဝၤတဂ့ၤ.
19 ဟုၣ်တၢ်တဂ့ၤ.
20 အုၣ်နသးလၢတၢ်ကဘျံးကဘျၣ် လၢပှၤလၢနဃၢၤ အဂ့ၢ်တဂ့ၤ.
21 ဆၢန့ၢ်ဘၣ်ပှၤလၢနဃၢၤအမါတဂ့ၤ. ပှၤလၢနဃၢၤ အဟံၣ်ဂ့ၤ, အစံာ်အပှဲၤဂ့ၤ, အကုၢ်အပှၤပိာ်ခွါဂ့ၤ, အကုၢ် အပှၤပိာ်မုၣ်ဂ့ၤ, အဂီၤဖံးဂ့ၤ, အကသ့ၣ်ယီၤဂ့ၤ, ဖဲဒၣ်ပှၤ လၢနဃၢၤအတၢ်တမံၤမံၤဂ့ၤ, သုတသးကွံအီၤတဂ့ၤ.
22 တၢ်ကတိၤတဖၣ်န့ၣ် ယွၤကတိၤဝဲဒီးသုတၢ်အိၣ်ဖှိၣ် ခဲလၢာ်လၢကစၢၢ်အလိၤ, လၢတၢ်အၢၣ်အမ့ၣ်အူဒီးတၢ် ခံးသူအကျါလၢအကလုၢ်ဖးဒိၣ်လီၤ. ဒီးတပာ်ဖှိၣ်တၢ် ဒီးအီၤဘၣ်. ဒီးကွဲးအီၤလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤလီၤ.
23 ဒီးတုၤသုနၢ်ဟူတၢ်သီၣ်လၢတၢ်ခံးကျါဒီး, (အဂ့ၢ်ဒ် အံၤ, ကစၢၢ်ကဲၤထီၣ်ဒီးမ့ၣ်အူ,) တၢ်မၤအသးလၢသုဟဲ ဘူးဒီးယၤ, သုဒူၣ်တဖၣ်အခိၣ်ခဲလၢာ်, ဒီးသုသူၣ်က့ သးပှၢ်တဖၣ်, 24 ဒီးသုစံး, ကွၢ်ကွၢ်, ယွၤပကစၢ်လီၣ်ဖျါ ထီၣ်အလၤအကပီၤဒီးအတၢ်ဒိၣ်လၢပမဲာ်ညါလံ, ဒီးပ နၢ်ဟူအကလုၢ်လၢမ့ၣ်အူအကျါလံ. ပထံၣ်ဘၣ်လံလၢ မုၢ်မဆါတနံၤအံၤလၢယွၤကတိၤတၢ်ဒီးပှၤကညီ, ဒီးလၢ အမူဒံးန့ၣ်လီၤ. 25 ဒီးခဲကနံၣ်အံၤပကသံဘၣ်မနုၤလဲၣ်, အဂ့ၢ်ဒ်အံၤ, မ့ၣ်အူဖးဒိၣ်အံၤကအီၣ်ကွံာ်ပှၤလီၤ. ပမ့ၢ် နၢ်ဟူဒံးယွၤအကလုၢ်ဒီး, ပကသံလီၤ.
26 အဂ့ၢ်ဒ်အံၤ, လၢကယဲၢ်တၢ်ညၣ်အကျါန့ၣ်မ့ၢ်မတၤ နၢ်ဟူကစၢ်မူဝဲအကလုၢ်ကတိၤတၢ်လၢ မ့ၣ်အူအကျါ ဒ်ပဝဲဒၣ်အသိး, ဒီးမူဝဲန့ၣ်လဲၣ်. 27 လဲၤဘူးနဲ, ဒီးကနၣ် ကယဲၢ်တၢ်လၢယွၤပကစၢ်ကစံး, ဒီးစံၣ်တဲၤတဲလီၤပှၤ လၢကယဲၢ်တၢ်လၢယွၤပကစၢ်ကတိၤတၢ်ဒီးနၤ, ဒီးပက ဒိကနၣ်ဒီးမၤလီၤ.
28 ဒီးတုၤသုကတိၤတၢ်ဒီးယၤဒီး, ယွၤနၢ်ဟူသုတၢ်က တိၤအသီၣ်, ဒီးယွၤစံးဘၣ်ယၤ, ယနၢ်ဟူလံပှၤဂီၢ်မုၢ် အတၢ်ကတိၤအသီၣ်လၢအကတိၤတၢ်ဒီးနၤလံ. ကယဲၢ် တၢ်လၢအစံးတ့ၢ်ခဲလၢာ်န့ၣ်မ့ၢ်အဂ့ၤလီၤ. 29 မ်အအိၣ်ဒီး အသးအံၤလၢအကပျံၤယၤ, ဒီးတိၢ်န့ၢ်ယတၢ်မၤလိာ်ခဲ လၢာ်ကိးမုၢ်နံၤမုၢ်နၤဒဲးတက့ၢ်, ဒ်သိးတၢ်ကဂ့ၤထီၣ်လၢ အဂီၢ်, ဒီးလၢအဖိအလံၤအဂီၢ်လီၤစိၤလီၤထီလီၤ. လဲၤစံးဘၣ်အီၤ, က့ၤက့ၤဆူသုဒဲပူၤတဖၣ်တက့ၢ်.
31 မ့မ့ၢ်နဲဒၣ်အံၤဆၢထၢၣ်ဖဲအံၤဒီးယၤတက့ၢ်, ဒီးယက စံးဘၣ်နၤလၢကယဲၢ်တၢ်မၤလိာ်, ဒီးတၢ်သိၣ်တၢ်သီ, ဒီးတၢ်စံၣ်ညီၣ်ခဲလၢာ်လၢနကသိၣ်လိအီၤ, ဒ်သိးအက တိၢ်န့ၢ်ဝဲလၢကီၢ်ပူၤလၢယဟ့ၣ်လီၤအီၤ လၢတၢ်န့ၢ်သါ အဂီၢ်တက့ၢ်.
32 ဒီးသုဘၣ်တိၢ်န့ၢ်ဒ်သိးသုကမၤတၢ်, ဒ်ယွၤသုကစၢ် မၤလိာ်သုအသိးန့ၣ်လီၤ. လၢစုထွဲဂ့ၤ, လၢစုစ့ၣ်ဂ့ၤ, သုတဃၣ်သုသးတဂ့ၤ.
33 သုဘၣ်လဲၤပိာ်ကယဲၢ်အကျဲလၢ ယွၤသုကစၢ်မၤလိာ် သုခဲလၢာ်, ဒ်သိးသုကမူ, ဒီးတၢ်ကဂ့ၤထီၣ်လၢသုဂီၢ်, ဒီးသုကထုးထီထီၣ်သုမုၢ်နံၤတဖၣ်လၢကီၢ်ပူၤလၢသုက မၤန့ၢ်အီၤလီၤ.
6၆
1 ဒီးအအံၤမ့ၢ်တၢ်မၤလိာ်, ဒီးတၢ်သိၣ်တၢ်သီ, ဒီးတၢ် စံၣ်ညီၣ်လၢယွၤသုကစၢ်မၤလိာ်လၢယကသိၣ်လိသု, ဒ် သိးသုကတိၢ်န့ၢ်အီၤ လၢကီၢ်ပူၤဖဲသုလဲၤမၤန့ၢ်အီၤ, 2 ဒ် သိးနကပျံၤယွၤနကစၢ်လၢနကတိၢ်န့ၢ် ကယဲၢ်အတၢ် သိၣ်တၢ်သီ, ဒီးအတၢ်မၤလိာ်လၢယမၤလိာ်နၤ, နဲဒၣ်, ဒီးနဖိခွါ, ဒီးနဖိခွါအဖိခွါ, တစိၤဒၣ်နၤ, ဒီးလၢမုၢ်နံၤ တဖၣ်ကထီထီၣ်အဂ့ၢ်လီၤ.
3 ဒိကနၣ်, အံၣ်စရ့လးဧၢ, ဒီးတိၢ်န့ၢ်ဒ်သိးသုကမၤ အီၤ, ဒ်သိးတၢ်ကဂ့ၤထီၣ်လၢနဂီၢ်, ဒီးဒ်သိးသုကအါ ထီၣ်ဒိၣ်ဒိၣ်ကလဲာ်, ဒ်ယွၤနပၢ်တဖၣ်အကစၢ်စံးပာ်နၤ အသိးလၢကီၢ်ပူၤလၢအယွၤဝဲဒီးတၢ်နုၢ်ထံ, ဒီးကနဲစီလီၤ.
4 ကနၣ်တက့ၢ်, အံၣ်စရ့လးဧၢ, ယွၤပကစၢ်န့ၣ်မ့ၢ်ယွၤ တဂၤဃီလီၤ. 5 ဒီးနဘၣ်အဲၣ်ယွၤနကစၢ်လၢနသူၣ်ကံၢ် သးလဲ, ဒီးနသးဒီဖျၢၣ်ညါဒီးနဂံၢ်နဘါခဲလၢာ်လီၤ.
6 ဒီးတၢ်ကတိၤတဖၣ်န့ၣ် လၢယမၤလိာ်နၤလၢမုၢ်မဆါ တနံၤအံၤဘၣ်အိၣ်လၢနသးကံၢ်ပူၤန့ၣ်လီၤ. 7 ဒီးနဘၣ် သိၣ်က့ၤသီက့ၤနဖိနလံၤလၢအီၤ, ဒီးတုၤနဆ့ၣ်နီၤလၢ နဟံၣ်ပူၤ, ဒီးတုၤနပိာ်ကျဲ, ဒီးတုၤနမံလီၤ, ဒီးတုၤန ဂဲၤဆၢထၢၣ်ဒီး, နဘၣ်ကတိၤတၢ်လၢအဂ့ၢ်အကျိၤလီၤ.
8 နဘၣ်ကံၢ်နစုဒီးအီၤလၢတၢ်ပနီၣ်အဂီၢ်, ဒီးကဟဲထီၣ် တၢ်အဘိလၢနမဲာ်အဘၢၣ်စၢၤလီၤ. 9 ဒီးနဘၣ်ကွဲးအီၤ လၢနဟံၣ်ထူၣ်အလိၤ, ဒီးလၢနတြဲၤအလိၤလီၤ.
10 ဒီးတၢ်ကမၤအသးဖဲ ယွၤနကစၢ်ကဒုးလဲၤနုာ်နၤဆူ ကီၢ်ပူၤလၢအဆိၣ်တၢ်ဒီးနပၢ်တဖၣ်, ဒီးစီၤအၤဘြၤဟၣ်, ဒီးစီၤအံၤစဲး, ဒီးစီၤယၤကိာ်လၢအကဟ့ၣ်လီၤနၤ, ဝ့ၢ် တဖၣ်ဒိၣ်ဝဲ, ဒီးဂ့ၤဝဲ, လၢနတတ့ဘၣ်. 11 ဒီးဟံၣ်တဖၣ် ပှဲၤဒီးတၢ်ဂ့ၤလၢနတမၤပှဲၤဘၣ်. ဒီးထံပူၤခူၣ်လီၤအသး လၢနတခူၣ်လီၤဘၣ်, ဒီးစပံးအလီၢ်, ဒီးသ့ၣ်စၤယံးလၢ နတသူၣ်ဘၣ်, တုၤနအီၣ်ဒီးဘျဲးအီၣ်ဒီး, 12 တုၤနုၤတစု ပလီၢ်နသး ဒ်သိးနသုတသးပ့ၤနီၣ် ယွၤလၢအဒုးဟး ထီၣ်ကွံာ်နၤလၢကီၢ်အဲၤကူပတူးအပူၤ, လၢပှၤကုၢ်ဖိအ ဟံၣ်ပူၤတဂ့ၤန့ၣ်တက့ၢ်.
13 နဘၣ်ပျံၤယွၤနကစၢ်, ဒီးမၤအတၢ်, ဒီးဆိၣ်တၢ်လၢ အမံၤလီၤ. 14 သုတလဲၤပိာ်ကစၢ်အဂၤတဖၣ်အခံ, ပှၤ ဂီၢ်မုၢ်လၢအအိၣ်ဝးတရံး သုအကစၢ်တဖၣ်န့ၣ်တဂ့ၤ.―
15 (အဂ့ၢ်ဒ်အံၤ, ယွၤနကစၢ်န့ၣ်မ့ၢ်ကစၢ်လၢအသးက့ၣ်တၢ် တဂၤလၢသုကျါ,) ယွၤနကစၢ်အသးထီၣ်ကကဲၤထီၣ် ဘၣ်ဖုးနၤ, ဒီးကမၤဟးဂီၤဘၣ်ဖုးနၤလၢဟီၣ်ခိၣ်ချၢလီၤ.
16 သုတလ့ပစီယွၤသုကစၢ်, ဒ်သုလ့ပစီအီၤလၢမးစၤ အပူၤအသိးန့ၣ်တဂ့ၤ.
17 သုဘၣ်တိၢ်န့ၢ်သပှၢ်တၢၢ်ယွၤသုကစၢ်အတၢ်မၤလိာ်, ဒီးအတၢ်အုၣ်အသး, ဒီးအတၢ်သိၣ်တၢ်သီလၢအမၤ လိာ်တ့ၢ်နၤလီၤ. 18 ဒီးနဘၣ်မၤတၢ်လၢအတီ, ဒီးအဂ့ၤ လၢယွၤအမဲာ်ညါ, ဒ်သိးတၢ်ကဂ့ၤထီၣ်လၢနဂီၢ်ဒီးဒ်သိး နကလဲၤနုာ်, ဒီးမၤန့ၢ်ကီၢ်အဂ့ၤလၢယွၤဆိၣ်တၢ်ဒီးနပၢ် တဖၣ်, 19 လၢအကဟီထီၣ်ကွံာ်နဒုၣ်နဒါခဲလၢာ်လၢန မဲာ်ညါ, ဒ်ယွၤကတိၤတၢ်အသိးန့ၣ်လီၤ.
20 တုၤနဖိခွါကသံကွၢ်နၤခဲကိာ်, ဒီးစံး, တၢ်အုၣ်အသး, ဒီးတၢ်မၤလိာ်, ဒီးတၢ်စံၣ်ညီၣ်လၢယွၤမၤလိာ်သုန့ၣ်မ့ၢ် ဒ်လဲၣ်န့ၣ်ဒီး, 21 နဘၣ်စံးဆၢနဖိခွါ, ပမ့ၢ်တ့ၢ်ဖၤရိၤအ ကုၢ်အပှၤတဖၣ်လၢအဲၤကူပတူးအပူၤ, ဒီးယွၤဒုးဟး ထီၣ်ကွံာ်ပှၤလၢအဲၤကူပတူးဒီးအစုဆူၣ်လီၤ.
22 ဒီးယွၤဟ့ၣ်လီၤတၢ်အပနီၣ်လီၤလးဒီး တၢ်လီၤလိၢ်လီၤ လးလၢအဒိၣ်အအါန့ၣ် လၢအဲၤကူပတူးအဖီခိၣ်လၢဖၤ ရိၤအလိၤ, ဒီးလၢအပှၤဟံၣ်ဖိအလိၤန့ၣ်လၢပမဲာ်ညါလီၤ.
23 ဒီးဒုးဟးထီၣ်ကွံာ်ပှၤဖဲန့ၣ်ဒ်သိး အကဒုးလဲၤနုာ်ပှၤ, ဒ်သိးအကဟ့ၣ်လီၤပှၤလၢထံဧိၤကီၢ်ဧိၤ လၢအဆိၣ်တၢ် ဒီးပပၢ်တဖၣ်လၢအဂ့ၢ်အကျိၤလီၤ.
24 ဒီးယွၤမၤလိာ်ပှၤဒ်သိး ပကတိၢ်န့ၢ်တၢ်မၤလိာ်တဖၣ် အံၤခဲလၢာ်, ဒ်သိးပကပျံၤယွၤပကစၢ်လၢပတၢ်ဂ့ၤအ ဂီၢ်, ဒ်သိးအကဒုးမူဒံးပှၤတဘိယူၢ်ဃီ, ဒ်လၢမုၢ်မဆါ တနံၤအံၤအသိးန့ၣ်လီၤ.
25 ဒီးပမ့ၢ်ပလီၢ်ပသးဒ်သိး ပကတိၢ်န့ၢ် ကယဲၢ်တၢ်မၤ လိာ်ခဲလၢာ်လၢယွၤအမဲာ်ညါ, ဒ်အမၤလိာ်ပှၤအသိးဒီး, ကကဲထီၣ်တၢ်တီတၢ်လိၤလၢပဂီၢ်လီၤ.
7၇
1 တုၤယွၤနကစၢ်ကဒုးလဲၤနုာ်နၤဆူကီၢ်ပူၤဖဲ နလဲၤမၤ န့ၢ်အီၤ, ဒီးဟီထီၣ်ကွံာ်ပှၤအါကလုာ်လၢနမဲာ်ညါ, ပှၤ ဃ့ၤသးဖိ, ဒီးပှၤကံၣ်ကၣ်ဖိ, ဒီးပှၤအမိၢ်ဖိ, ဒီးပှၤကနၤဧၣ် ဖိ, ဒီးပှၤပရးစၤဖိ, ဒီးပှၤဃံၤဝံၤဖိ, ဒီးပှၤယဘူၣ်ဖိ, ပှၤနွံ ကလုာ်ဒိၣ်န့ၢ်ဆူၣ်န့ၢ်နၤတက့ၢ်, 2 ဒီးတုၤယွၤနကစၢ်က ဟ့ၣ်လီၤကွံာ်အီၤလၢနမဲာ်ညါဒီး, နဘၣ်ကျီကွံာ်အီၤ, ဒီးမၤဟးဂီၤကွံာ်အီၤစီဖ့ကလ့ၤလီၤ. အၢၣ်လီၤအီလီၤတၢ် အၢၣ်လီၤအီလီၤဒီးအီၤတဂ့ၤ, ဒီးသးကညီၤအီၤတဂ့ၤ.
3 ဒီးဖျီလိာ်သုသးဒီးအီၤတဂ့ၤ. နဖိမုၣ်နတဘၣ်ဟ့ၣ် လၢအဝဲဒၣ်အဖိခွါ, ဒီးအဝဲဒၣ်အဖိမုၣ်နတဘၣ်ဟံးန့ၢ် ဘၣ်လၢနဖိခွါအဂီၢ်ဘၣ်. 4 အဂ့ၢ်ဒ်အံၤ, ကဒုးဃၣ်ကွံာ် နဖိခွါအသးလၢအပိာ်ယခံ, ဒ်သိးအကမၤကစၢ်အဂၤ တဖၣ်အတၢ်လီၤ. ဒီးယွၤအသးထီၣ်ကကဲထီၣ်ဘၣ်သု, ဒီးမၤဟးဂီၤကွံာ်နၤသတူၢ်ကလာ်လီၤ.
5 မ့မ့ၢ်သုဘၣ်မၤအီၤဒ်အံၤ, သုဘၣ်မၤဟးဂီၤကွံာ် အ တၢ်လုၢ်လီၢ်, ဒီးမၤကၢ်ကွံာ်အတၢ်ဂီၤ, ဒီးကူာ်ကွံာ်အရှ့ ရၤ, ဒီးဆူးထီၣ်ကွံာ်အတၢ်ဂီၤစိးပျၤအသးလၢမ့ၣ်အူလီၤ.
6 အဂ့ၢ်ဒ်အံၤ, နမ့ၢ်ပှၤစီဆှံတကလုာ်လၢယွၤနကစၢ် အဂီၢ်လီၤ. ယွၤနကစၢ်ဃုထၢနၤ, ဒ်သိးနကကဲထီၣ်ပှၤ တကလုာ်လၢအလုၢ်ဒိၣ်ပှ့ၤဒိၣ်လၢအဂီၢ်, လၢပှၤကိး ကလုာ်ဒဲးလၢဟီၣ်ခိၣ်ချၢအဖီခိၣ်လီၤ.
7 မ့ၢ်သုအါန့ၢ် ပှၤကလုာ်အဂၤတဖၣ်ဒီး, ဘၣ်ယွၤအ သးလၢသု, ဒီးဃုထၢသုတမ့ၢ်ဘၣ်. အဂ့ၢ်ဒ်အံၤ, သု စှၤန့ၢ်ပှၤကလုာ်အဂၤခဲလၢာ်တက့ၢ်လီၤ. 8 မ့ၢ်ယွၤအဲၣ် သုဒီး, မ့ၢ်အတိၢ်န့ၢ်အတၢ်ဆိၣ်လၢအဆိၣ်ဒီး သုပၢ်တ ဖၣ်ဒီး, ယွၤဒုးဟးထီၣ်ကွံာ်သုဒီးအစုဆူၣ်, ဒီးပှ့ၤက့ၤ သုလၢတၢ်အကုၢ်အပှၤအဟံၣ်ပူၤ, လၢအဲၤကူပတူးအ စီၤပၤဖၤရိၤအစုပူၤလီၤ.
9 ဒီးသ့ၣ်ညါလၢယွၤနကစၢ်မ့ၢ်ကစၢ်အဝဲဒၣ်လီၤ. က စၢ်လၢအကလုၢ်တီ, လၢအတိၢ်န့ၢ်တၢ်အၢၣ်လီၤအီလီၤ ဒီးတၢ်သးကညီၤ, ဒီးပှၤလၢအအဲၣ်အီၤဒီးတိၢ်န့ၢ်အတၢ် မၤလိာ်တဖၣ်န့ၣ်တုၤလီၤလၢပှၤအစိၤတကထိလီၤ.
10 ဒီးဟ့ၣ်ကၣ်တၢ်လၢ ပှၤလၢအသးဟ့အီၤလၢအမဲာ် ညါ, ဒ်သိးအကမၤဟးဂီၤကွံာ်အီၤလီၤ. တမၤယံာ်မၤ နီၢ်အသးဒီးပှၤလၢအသးဟ့အီၤန့ၣ်ဘၣ်. ကဟ့ၣ်ကၣ် တၢ်လၢအမဲာ်ညါလီၤ.
11 ဒီးနဘၣ်တိၢ်န့ၢ်တၢ်မၤလိာ်, ဒီးတၢ်သိၣ်တၢ်သီ, ဒီး တၢ်စံၣ်ညီၣ်လၢယမၤလိာ်နၤ လၢမုၢ်မဆါတနံၤအံၤလၢ နဘၣ်မၤအီၤလီၤ.
12 ဒီးတၢ်ကမၤအသးလၢ သုမ့ၢ်ကနၣ်တၢ်စံၣ်ညီၣ်အံၤ, ဒီးတိၢ်န့ၢ်, ဒီးမၤအီၤဒီး, ယွၤနကစၢ်ကတိၢ်န့ၢ်တၢ် အၢၣ်လီၤအီလီၤ, ဒီးတၢ်ဘျုးတၢ်ဖှိၣ်လၢနဂီၢ်လၢအဆိၣ် တၢ်ဒီးနပၢ်တဖၣ်လီၤ.
13 ဒီးကအဲၣ်နၤ, ဒီးဆိၣ်ဂ့ၤနၤ, ဒီးမၤအါထီၣ်နၤလီၤ. ဒီးကဆိၣ်ဂ့ၤနဒၢလီၢ်အသၣ်, ဒီးနဟီၣ်ခိၣ်အတၤသၣ်, နဘုဧိၤဟုဧိၤ, ဒီးနစပံးထံ, ဒီးနသိ, နဂီၤဖံးအထီၣ်ဖိ, ဒီးနသိအထီၣ်ဖိလၢထံဧိၤကီၢ်ဧိၤအပူၤ လၢအဆိၣ်တၢ် ဒီးနပၢ်တဖၣ်လၢအကဟ့ၣ်လီၤနၤလီၤ.
14 နကဘၣ်တၢ်ဆိၣ်ဂ့ၤနၤလၢ ပှၤကလုာ်ခဲလၢာ်အဖီ ခိၣ်လီၤ. ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, လၢအတူာ်ဖိလၢ သုဝဲအကျါမ့ၢ်ဂ့ၤ, လၢသုဆၣ်ဖိကီၢ်ဖိအဒၢအကျါမ့ၢ် ဂ့ၤ, တအိၣ်ဘၣ်လီၤ.
15 ဒီးယွၤကဒုးဟးထီၣ်ကွံာ်လၢနၤ ကယဲၢ်တၢ်ဆူးတၢ် ဆါခဲလၢာ်, ဒီးအဲၤကူပတူးအတၢ်ဆူးတၢ်ဆါအအၢ အသီလၢနသ့ၣ်ညါန့ၣ် တပာ်ဘၣ်အီၤလၢနလိၤနီတ မံၤဘၣ်. မ့ၢ်အကပာ်အီၤလၢကယဲၢ်ပှၤလၢအသးဟ့နၤ အလိၤလီၤ.
16 ဒီးနဘၣ်မၤဟးဂီၤလၢာ်ကွံာ် ကယဲၢ်ပှၤလၢယွၤနက စၢ်ကဟ့ၣ်လီၤနၤခဲလၢာ်လီၤ. နမဲာ်တဘၣ်သးလီအီၤ ဘၣ်. ဒီးနတဘၣ်မၤအကစၢ်တဖၣ်အတၢ်ဘၣ်, အဂ့ၢ် ဒ်အံၤ, အဝဲန့ၣ်ကကဲထီၣ်ပျံၤသကွီၤလၢနဂီၢ်လီၤ. နမ့ၢ်စံးလၢနသးကံၢ်ပူၤ, ပှၤကလုာ်တဖၣ်အံၤအါန့ၢ် ယၤတက့ၢ်, ယဟီထီၣ်ကွံာ်အီၤကသ့ဒ်လဲၣ်န့ၣ်ဒီး, 17 နမ့ၢ်စံးလၢနသးကံၢ်ပူၤ, ပှၤကလုာ်တဖၣ်အံၤအါန့ၢ်ယၤတက့ၢ်, ယဟီထီၣ်ကွံာ်အီၤကသ့ဒ်လဲၣ်န့ၣ်ဒီး,― 18 ပျံၤအီၤတဂ့ၤ. နဘၣ်သ့ၣ်နီၣ်ထီၣ်က့ၤသပှၢ်တၢၢ်တၢ်လၢယွၤနကစၢ်မၤလၢဖၤရိၤ, ဒီးပှၤအဲၤကူပတူးဖိခဲလၢာ်,―
19 တၢ်လ့ပစီဖးဒိၣ်တဖၣ်လၢနမဲာ်ထံၣ်ဘၣ်, ဒီးတၢ်လီၤ လးအပနီၣ်, ဒီးတၢ်လီၤလိၢ်လီၤလး, ဒီးတၢ်အစုဆူၣ်, ဒီးအစုယူာ်ထီၣ်အသးလၢ ယွၤနကစၢ်ဒုးဟးထီၣ်ကွံာ် နၤလၢအီၤန့ၣ်လီၤ. ဒီးယွၤနကစၢ်ကမၤကယဲၢ်ပှၤက လုာ်တဖၣ်လၢနပျံၤအီၤဒ်န့ၣ်အသိးလီၤ.
20 ဒီးယွၤကမၢလီၤစ့ၢ်ကီး ဖျၢဧိၤဖျါဧိၤလၢအကျါတုၤပှၤ လၢအအိၣ်လီၤတဲာ်, ဒီးပာ်ခူသူၣ်အသးလၢနမဲာ်ညါ န့ၣ်ကတုၤလၢတၢ်ဟးဂူာ်ဟးဂီၤလီၤ.
21 ပျံၤတၢ်လၢအမဲာ်ညါတဂ့ၤ. အဂ့ၢ်ဒ်အံၤ, ယွၤနကစၢ် အိၣ်ဝဲလၢသုကျါ, ကစၢ်လၢအဒိၣ်, ဒီးလၢတၢ်ပျံၤအီၤ အလီၢ်အိၣ်ဝဲတဂၤလီၤ.
22 ဒီးယွၤနကစၢ်ကဟီထီၣ်ကွံာ် ပှၤကလုာ်တဖၣ်လၢ နမဲာ်ညါလၢတစဲးဘၣ်တစဲးလီၤ. နတမၤလၢာ်ကွံာ် ဘၣ်အီၤတဘျီဃီဘၣ်. မ့တမ့ၢ်ဘၣ်ဒ်န့ၣ်ဒီးဆၣ်ဖိကီၢ် ဖိလၢပှၢ်လၢ်ကျါကအါထီၣ်ဘၣ်ဖုးဒီးနၤလီၤ.
23 ဘၣ်ဆၣ်ဒီးယွၤနကစၢ်ကဟ့ၣ်လီၤအီၤလၢနၤ, ဒီးန ကမၤဟးဂီၤကွံာ်အီၤဒီးတၢ်မၤဟးဂီၤဖးဒိၣ်, တုၤအတုၤ လၢတၢ်ဟးဂူာ်ဟးဂီၤလီၤ.
24 ဒီးကဟ့ၣ်လီၤကွံာ် အစီၤပၤလၢနစုပူၤ, ဒီးနဘၣ်မၤ ဟးဂီၤကွံာ်အမံၤ လၢမူခိၣ်အဖီလာ်လီၤ. ပှၤဆၢထၢၣ် လၢနမဲာ်ညါသ့တအိၣ်ဘၣ်နီတဂၤ တုၤနမၤဟးဂီၤကွံာ် အီၤလီၤ.
25 အကစၢ်တဖၣ် အတၢ်ဂီၤစိးပျၤအသးတဖၣ်န့ၣ် သု ဘၣ်ဆူးထီၣ်ကွံာ်လၢမ့ၣ်အူလီၤ. သုတသးကွံကျိၣ်ဧိၤ စ့ဧိၤ, ဒီးထူဧိၤလွဲဧိၤ, လၢအအိၣ်လၢအလိၤတဂ့ၤ, ဒီး ဟံးန့ၢ်အီၤလၢနဂီၢ်တဂ့ၤ. နကဘၣ်ပျံၤသကွီၤဘၣ်ဖုး လၢအီၤလီၤ. အဂ့ၢ်ဒ်အံၤ, မ့ၢ်တၢ်သးဘၣ်အၢလၢယွၤ နကစၢ်အမဲာ်ညါလီၤ.
26 ဒီးနတဘၣ်ဟဲစိာ်တၢ်သးဘၣ်အၢဆူ နဟံၣ်ပူၤဘၣ်. နကကဲထီၣ်ဘၣ်ဖုးတၢ်ဘၣ်တၢ်ဆိၣ်အၢ ဒ်အဝဲန့ၣ်အ သိးလီၤ. နဘၣ်သးဟ့အီၤသပှၢ်တၢၢ်, ဒီးနဘၣ်သး ဘၣ်အၢအီၤသပှၢ်တၢၢ်လီၤ. အဂ့ၢ်ဒ်အံၤ, မ့ၢ်တၢ်လၢ အဘၣ်တၢ်ဆိၣ်အၢလီၤ.
8၈
1 ကယဲၢ်တၢ်မၤလိာ်လၢယမၤလိာ်နၤ လၢမုၢ်မဆါတ နံၤအံၤ သုဘၣ်တိၢ်န့ၢ်ဒီးမၤဒ်သိးသုကမူ, ဒီးအါထီၣ်, ဒီးလဲၤနုာ်, ဒီးမၤန့ၢ်ထံဧိၤကီၢ်ဧိၤလၢယွၤဆိၣ်တၢ်ဒီးသု ပၢ်တဖၣ်လၢအဂ့ၢ်လီၤ.
2 ဒီးနဘၣ်သ့ၣ်နီၣ်ထီၣ်က့ၤကျဲဒီဘိညါ လၢယွၤနကစၢ် ဒုးလဲၤနၤအနံၣ်လွံၢ်ဆံအံၤ လၢပှၢ်မုၢ်ကနၢဒ်သိးအကဒုး ဆီၣ်လီၤနသး, ဒ်သိးအကမၤကွၢ်နၤ, နကတိၢ်န့ၢ်အ တၢ်မၤလိာ်နတတိၢ်ဘၣ်လဲၣ်န့ၣ်, ဒ်သိးအကသ့ၣ်ညါ တၢ်အိၣ်လၢနသးကံၢ်ပူၤလီၤ.
3 ဒီးဒုးဆီၣ်လီၤနသး, ဒီးဒုးသၣ်ဝံၤနသး, ဒီးဒုးအီၣ် နၤလၢမၤနၤ, လၢနတသ့ၣ်ညါဘၣ်အီၤဒီး နပၢ်တဖၣ် တသ့ၣ်ညါဘၣ်အီၤ, ဒ်သိးအကဘိးဘၣ်သ့ၣ်ညါနၤ လၢပှၤကညီမူဝဲထဲလၢကိၣ်တမ့ၢ်ဘၣ်, မ့ၢ်လၢဖဲဒၣ်တၢ် လၢအထီၣ်ဖျဲးလၢယွၤအထးခိၣ်တမံၤလၢ်လၢ်သတးဒီး ပှၤကညီမူဝဲလီၤ.
4 နကူနသိးတလီၢ်လံၤဘၣ်လၢနလိၤဘၣ်, ဒီးနခီၣ်တ ညိးထီၣ်ဘၣ်လၢအနံၣ်လွံၢ်ဆံအတီၢ်ပူၤဘၣ်လီၤ.
5 နဘၣ်သ့ၣ်ညါလၢနသးကံၢ်ပူၤလၢ, ဒ်ပှၤသိၣ်ဃီၣ်အ ဖိခွါအသိးန့ၣ်, ယွၤသိၣ်ဃီၣ်နၤဒ်န့ၣ်သိးလီၤ.
6 ဒီးနဘၣ်တိၢ်န့ၢ်ယွၤနကစၢ်အတၢ်မၤလိာ်တဖၣ်, ဒ် သိးနကပိာ်အကျဲတဖၣ်, ဒီးပျံၤအီၤလီၤ.
7 အဂ့ၢ်ဒ်အံၤ, ယွၤနကစၢ်ဒုးလဲၤနုာ်နၤလၢထံဧိၤကီၢ် ဧိၤအဂ့ၤအပူၤ, ကီၢ်တဘ့ၣ်အိၣ်ဒီးထံကျိ, ဒီးထံမူထီၣ် ပၢၢ်, ဒီးနိၣ်လၢအထံထီၣ်ပၢၢ်လၢကစၢၢ်ကဆူး, ဒီးက စၢၢ်ကလိ, 8 ကီၢ်တဘ့ၣ်အိၣ်ဒီးဘုကၠူၣ်, ဒီးဘုမုယီၤ, ဒီးစပံးမုၢ်, ဒီးချၢၣ်ဒၢ, ဒီးသ့ၣ်သလဲ, ကီၢ်တဘ့ၣ်အိၣ် ဒီးသ့ၣ်စၤယံးအသိ, ဒီးကနဲစီ, 9 ကီၢ်တဘ့ၣ်လၢကိၣ် တဘ့ၣ်လၢကိၣ်တကၤဘၣ်ဒီး, နကအီၣ်တၢ်လီၤ. န တဆၢန့ၢ်ဘၣ်တၢ်လၢအတအိၣ်ဘၣ်လၢအပူၤနီတမံၤ, ကီၢ်တဘ့ၣ်လၢအလၢၢ်မ့ၢ်ထး, ဒီးလၢအကစၢၢ်ကလိ အပူၤန့ၣ်နကခူၣ်ထီၣ်တိၢ်ဧိၤပှာ်ဧိၤလီၤ.
10 ဒီးတုၤနအီၣ်တၢ်ဒီးနဘျဲးအီၣ်တၢ်ဒီး, နဘၣ်စံးထီၣ် ပတြၢၤယွၤနကစၢ်လၢ ထံဧိၤကီၢ်ဧိၤအဂ့ၤ လၢအဟ့ၣ် လီၤနၤအဃိလီၤ.
11 ပလီၢ်နသးဒ်သိးနသုတသးပ့ၤနီၣ်ယွၤနကစၢ်, လၢ နတတိၢ်န့ၢ်ဘၣ်အတၢ်မၤလိာ်, ဒီးအတၢ်စံၣ်ညီၣ်လၢ ယမၤလိာ်နၤလၢမုၢ်မဆါတနံၤအံၤတဂ့ၤန့ၣ်တက့ၢ်.
12 တုၤနအီၣ်တၢ်ဒီးဘျဲးအီၣ်, ဒီးသူၣ်ဟံၣ်အဂ့ၤ, ဒီးအိၣ် လၢအပူၤ, 13 ဒီးနဂီၤဘုၣ်ဂီၤဖံး, ဒီးနသိမဲာ်တဲးလဲးအါ ထီၣ်, ဒီးနကျိၣ်ဧိၤစ့ဧိၤ, ဒီးနထူဧိၤလွဲဧိၤအါထီၣ်, ဒီး ကယဲၢ်တၢ်လၢအအိၣ်ဒီးနၤအါထီၣ်ဒီး, 14 နကပာ်ထီၣ် ထီနသးဒီးသးပ့ၤနီၣ်ဘၣ်ဖုး ယွၤနကစၢ်လၢအဒုးဟး ထီၣ်ကွံာ်နၤလၢကီၢ်အဲၤကူပတူးအပူၤ, လၢပှၤကုၢ်ဖိအ ဟံၣ်ပူၤ, 15 လၢအဒုးလဲၤနၤလၢပှၢ်မုၢ်ကနၢဖးဒိၣ်အိၣ်ဒီး တၢ်ပျံၤအလီၢ်, ဂုၢ်စရာ်, ဒီးပတ့ၤချဲး, ဒီးအလီၢ်ဃ့ဖဲထံ တအိၣ်ဘၣ်, လၢအဒုးဟဲထီၣ်ထံလၢနဂီၢ်လၢလၢၢ်မ့ၣ် အူအပူၤ, 16 လၢအဒုးအီၣ်နၤလၢ ပှၢ်မုၢ်ကနၢလၢမၤနၤ လၢနပၢ်တဖၣ်တသ့ၣ်ညါဘၣ်အီၤ, ဒ်သိးအကဒုးဆီၣ် လီၤနသး, ဒ်သိးအကမၤကွၢ်နၤ, ဒီးမၤဂ့ၤနၤလၢနက တၢၢ်န့ၣ်လီၤ. 17 ဒီးနကစံးဘၣ်ဖုး လၢနသးကံၢ်ပူၤ, ယမၤန့ၢ်ယစုလီၢ်ယခီၣ်ခိၣ်အံၤ လၢယစိယကမီၤ, ဒီး ယစုအဂံၢ်ဆူၣ်အဘါဆူၣ်န့ၣ်လီၤ.
18 မ့မ့ၢ်နဘၣ်သ့ၣ်နီၣ်ထီၣ်ယွၤနကစၢ်လီၤ. အဂ့ၢ်ဒ်အံၤ, မ့ၢ်အဝဲဒၣ်လၢအဟ့ၣ်လီၤနၤလၢ တၢ်အစိအကမီၤလၢ နကန့ၢ်ဘၣ်နစုလီၢ်နခီၣ်ခိၣ်လၢအီၤ, ဒ်သိးအကဒုးအိၣ် ဂၢၢ်ဆိးကျၢၤအတၢ်အၢၣ်လီၤအီလီၤ လၢအဆိၣ်တၢ်ဒီး နပၢ်တဖၣ်, ဒ်လၢမုၢ်မဆါတနံၤအံၤအသိးန့ၣ်လီၤ.
19 ဒီးနမ့ၢ်သးပ့ၤနီၣ်ယွၤနကစၢ်သပှၢ်တၢၢ်, ဒီးပိာ်ကစၢ် အဂၤတဖၣ်အခံ, ဒီးမၤအတၢ်, ဒီးဘါအီၤဒီး, ယအုၣ် ယသးလၢသုဂ့ၢ်သုကျိၤလၢ မုၢ်မဆါတနံၤအံၤ, လၢ တၢ်ကမၤအသးလၢသုကတုၤလၢ တၢ်ဟးဂူာ်ဟးဂီၤ သပှၢ်ကတၢၢ်လီၤ.
20 ဒ်ပှၤကလုာ်တဖၣ် လၢယွၤမၤဟးဂီၤအီၤလၢသုမဲာ် ညါအသိးန့ၣ်, သုကတုၤလၢတၢ်ဟးဂူာ်ဟးဂီၤဒ်န့ၣ် သိးလီၤ. အဂ့ၢ်ဒ်အံၤ, သုတဒိကနၣ်ဘၣ်ယွၤသုကစၢ် အကလုၢ်ဘၣ်လီၤ.
9၉
1 အံၣ်စရ့လးဧၢ, ကနၣ်တက့ၢ်. လၢမုၢ်မဆါတနံၤအံၤ, နကခီဂာ်ထံကျိယၢ်ဒ့ၣ်, ဒ်သိးနကလဲၤနုာ်မၤန့ၢ်ပှၤက လုာ်တဖၣ်ဒိၣ်န့ၢ်ဒီးဆူၣ်န့ၢ်နၤတက့ၢ်, ဝ့ၢ်ဖးဒိၣ်တဖၣ်, အိၣ်ဒီးအခိၣ်ဒူ ပၢၢ်လၢမူခိၣ်လီၤ. 2 ပှၤဂီၢ်မုၢ်လၢအနီၢ် ဒိၣ်, ဒီးအနီၢ်ထီ, ပှၤဧနးဖိလၢနသ့ၣ်ညါအီၤ, ဒီးနနၢ်ဟူ ပှၤစံး, မ့ၢ်မတၤဆၢထၢၣ်လၢ ပှၤဧနးဖိအမဲာ်ညါသ့တ ဂၤလဲၣ်န့ၣ်လီၤ.
3 ဒီးလၢမုၢ်မဆါတနံၤအံၤသ့ၣ်ညါလၢယွၤနကစၢ်, ပှၤ လၢအခီဂာ်တၢ်လၢနမဲာ်ညါန့ၣ်, မ့ၢ်မ့ၣ်အူလၢအအီၣ် တၢ်န့ၣ်တက့ၢ်. အဝဲဒၣ်ကဒုးဟးဂီၤအီၤ, ဒီးကဒုးလီၤ ဃံၤအီၤလၢနမဲာ်ညါ, ဒီးနကဟီထီၣ်ကွံာ်အီၤ, ဒီးမၤ ဟးဂီၤကွံာ်အီၤချ့သဒံး, ဒ်ယွၤစံးတ့ၢ်နၤအသိးန့ၣ်လီၤ.
4 တုၤယွၤနကစၢ်ဟီထီၣ်ကွံာ်အီၤလၢနမဲာ်ညါဒီး, မ်န သုတကတိၤတၢ်လၢနသးကံၢ်ပူၤဒီးစံး, မ့ၢ်လၢယတၢ် တီတၢ်လိၤအဃိဒီး, ယွၤဒုးလဲၤနုာ်မၤန့ၢ်ယၤလၢကီၢ်န့ၣ် တဂ့ၤ, မ့ၢ်ဝဲတခီလၢပှၤကလုာ်တဖၣ်အတၢ်ဒဲးဘးအ ဃိဒီး, ယွၤဟီထီၣ်ကွံာ်အီၤလၢနမဲာ်ညါန့ၣ်လီၤ.
5 လၢနတၢ်တီတၢ်လိၤအဃိ, လၢနသူၣ်လိၤသးလိၤအ ဃိဒီး, နလဲၤမၤန့ၢ်ကီၢ်တမ့ၢ်ဘၣ်, မ့ၢ်လၢပှၤကလုာ်တဖၣ် အတၢ်ဒဲးဘးအဃိ, ယွၤနကစၢ်ဟီထီၣ်ကွံာ်အီၤလၢနမဲာ် ညါ, ဒီးဒ်သိးအကမၤတီအကလုၢ်လၢအဆိၣ်ဒီးနပၢ်တ ဖၣ်, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်န့ၣ်လီၤ.
6 ဒီးသ့ၣ်ညါလၢယွၤနကစၢ် တဟ့ၣ်လီၤဘၣ်နၤလၢ ကီၢ်အဂ့ၤအံၤဒ်သိးနကမၤန့ၢ်အီၤ လၢနတၢ်တီတၢ်လိၤ အဃိဘၣ်န့ၣ်တက့ၢ်. အဂ့ၢ်ဒ်အံၤ, နမ့ၢ်ပှၤလၢအကိာ် ဆူၣ်တကလုာ်လီၤ.
7 လၢနမၤသးထီၣ်ယွၤနကစၢ်လၢ ပှၢ်မုၢ်ကနၢန့ၣ်သ့ၣ် နီၣ်ထီၣ်က့ၤတက့ၢ်, သးပ့ၤနီၣ်တဂ့ၤ, လၢမုၢ်တနံၤလၢ သုဟးထီၣ်လၢကီၢ်အဲၤကူပတူးအပူၤတုၤဖဲအံၤဒီး, သု မ့ၢ်ပှၤလၢအပူထီၣ်ယွၤတကလုာ်လီၤ.
8 လၢဃိၤရ့းအပူၤဒၣ်လဲာ် သုမၤသးထီၣ်ယွၤ, ဒီးယွၤ သးထီၣ်သုလၢအသါကမၤဟးဂီၤသုလီၤ.
9 တုၤယလဲၤထီၣ်လၢ ကစၢၢ်လိၤဒ်သိးယကဒိးန့ၢ်လၢၢ် ဘ့ၣ်ဘၣ်ခံဘ့ၣ်, လၢၢ်ဘ့ၣ်ဘၣ်ဘၣ်ဃးဒီးတၢ်အၢၣ်လီၤ အီလီၤဒီးသုန့ၣ်ဒီး, ယအိၣ်လၢကစၢၢ်အလိၤအနံၤလွံၢ် ဆံ, ဒီးအနၤလွံၢ်ဆံလီၤ. ဒီးယတအီၣ်ဘၣ်ကိၣ်, ဒီး ယတအီဘၣ်ထံဘၣ်.
10 ဒီးယွၤဟ့ၣ်လီၤယၤလၢ လၢၢ်ဘ့ၣ်ဘၣ်ခံဘ့ၣ်ကွဲးအ သးလၢယွၤအစု, ဒီးတၢ်အိၣ်လၢအလိၤမ့ၢ်ဒ်ကယဲၢ်တၢ် ကတိၤလၢယွၤကတိၤတၢ်ဒီးသုလၢကစၢၢ်အလိၤ, လၢ မ့ၣ်အူအကျါ, လၢတၢ်အိၣ်ဖှိၣ်အမုၢ်တနံၤအတီၢ်ပူၤအ သိးန့ၣ်လီၤ.
11 ဒီးတၢ်မၤအသးလၢအနံၤလွံၢ်ဆံပူၤကွံာ်ဒီး, ယွၤဟ့ၣ် လီၤယၤလၢလၢၢ်ဘ့ၣ်ဘၣ်ခံဘ့ၣ်, တၢ်အၢၣ်လီၤအီလီၤ အလၢၢ်ဘ့ၣ်ဘၣ်န့ၣ်လီၤ.
12 ဒီးယွၤစံးဘၣ်ယၤ, ဂဲၤဆၢထၢၣ်, လဲၤလီၤဖဲအံၤချ့ချ့ တက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဒုးဟးထီၣ်ကွံာ် လၢအဲၤကူပတူးအပူၤန့ၣ်မၤဘၣ်အၢလံအသးလံ, ဃၣ် ကွံာ်လံအသးလၢကျဲလၢ ယမၤလိာ်အီၤန့ၣ်ချ့သဒံးလံ, တ့လံတၢ်ဂီၤသိအသးတဒုလၢအဂီၢ်လံ.
13 ဒီးယွၤကတိၤတၢ်ဒီးယၤ, ဒီးစံးဝဲဒၣ်, ယကွၢ်လံပှၤ ဂီၢ်မုၢ်အံၤလံ, ဒီးကွၢ်ကွၢ်, မ့ၢ်ဝဲလၢပှၤလၢအကိာ်ဆူၣ် တကလုာ်လီၤ.
14 တြီယၤတဂ့ၤဒီး ယကမၤဟးဂီၤကွံာ်အီၤဒီးတြူာ်ကွံာ် အမံၤလၢမူခိၣ်အဖီလာ်, ဒီးယကမၤနၤလၢ ပှၤတက လုာ်ဆူၣ်န့ၢ်အီၤ, ဒီးအါန့ၢ်အီၤတက့ၢ်လီၤ.
15 ဒီးယဃၣ်ယသး, ဒီးယဟဲလီၤလၢကစၢၢ်အလိၤ, ဒီး ကစၢၢ်ကဲၤထီၣ်ဒီးမ့ၣ်အူ, ဒီးတၢ်အၢၣ်လီၤအီလီၤအလၢၢ် ဘ့ၣ်ဘၣ်ခံဘ့ၣ်အိၣ်လၢယစုခံခီအပူၤလီၤ.
16 ဒီးယကွၢ်တၢ်, ဒီးကွၢ်ကွၢ်, သုမၤကမၣ်လံယွၤသု ကစၢ်လံ. သုတ့လံဂီၤဖံးဖိလၢအသိအသးလၢသုဂီၢ်လံ. ကျဲလၢယွၤမၤလိာ်သုန့ၣ် သုဃၣ်ကွံာ်လံသုသးလၢအီၤ ချ့သဒံးလံလီၤ. 17 ဒီးယဟံးန့ၢ်လၢၢ်ဘ့ၣ်ဘၣ်ခံဘ့ၣ်, ဒီးယကွံာ်တ့ၢ်ကွံာ်အီၤလၢယစုခံခီအပူၤ, ဒီးမၤကၢ်အီၤလၢသုမဲာ်ညါလီၤ.―
18 ဒီးယထိၣ်လီၤပှီၤယသးလၢယွၤအမဲာ်ညါ, ဒ်လၢအခီၣ် ထံးအသိးန့ၣ်, အနံၤလွံၢ်ဆံဒီးအနၤလွံၢ်ဆံ, ယတ အီၣ်ဘၣ်ကိၣ်, ယတအီဘၣ်ထံဘၣ်, လၢသုတၢ်က မၣ်လၢသုမၤကမၣ်တၢ်အဃိ, လၢသုမၤတၢ်အၢလၢ ယွၤအမဲာ်ညါလၢအမၤသးထီၣ်အီၤအဃိလီၤ.
19 အဂ့ၢ်ဒ်အံၤ, ယပျံၤတၢ်အသးထီၣ်, ဒီးတၢ်သးကိၢ် လူးလၢ ယွၤသးထီၣ်သုဒ်သိး အကမၤဟးဂီၤသုလီၤ. ဘၣ်ဆၣ်ဒီးအဆၢအကတီၢ်ဖဲန့ၣ် ယွၤကနၣ်ယကလုၢ် စ့ၢ်ကီးလီၤ.
20 ဒီးယွၤသးထီၣ်စီၤအၤဟရိၣ် တုၤအကမၤဟးဂီၤတ့ၢ် အီၤလီၤ. ဒီးယဃ့ကညးန့ၢ်လၢအဂီၢ်လၢအဆၢအက တီၢ်ဖဲန့ၣ်စ့ၢ်ကီးလီၤ.
21 ဒီးယဟံးန့ၢ်သုတၢ်ဒဲးဘး, ဂီၤဖံးဖိလၢသုတ့အီၤတဒု, ဒီးယဆူးထီၣ်ကွံာ်အီၤလၢမ့ၣ်အူ, ဒီးယတိၢ်သဘှံးအီၤ, ဒီးယဂံာ်ကမူၣ်အီၤပြံကဒံ, တုၤအကဲထီၣ်တၢ်ကမူၣ်, ဒီးယကွံာ်တ့ၢ်အီၤလၢထံကျိပူၤ, လၢအယွၤလီၤလၢက စၢၢ်အလိၤလီၤ.
22 ဒီးသုမၤသးထီၣ်ယွၤလၢ တးဘဧ့ရၤအပူၤ, ဒီးလၢ မးစၤအပူၤ, ဒီးလၢကံးဘြိၤဟးတဝၤအပူၤလီၤ.
23 ဒီးလၢယွၤမၢလီၤသုလဲၤတၢ်လၢကၤဒ့ၣ်ဘၢ်န့, ဒီးစံး, လဲၤထီၣ်မၤန့ၢ်ကီၢ်လၢယဟ့ၣ်လီၤသုန့ၣ်, သုပူထီၣ်ယွၤ အထးခိၣ်, ဒီးတနာ်ဘၣ်အီၤ, ဒီးတကနၣ်ဘၣ်အက လုၢ်ဘၣ်လီၤ.
24 လၢမုၢ်တနံၤလၢယသ့ၣ်ညါသုလံၤလံၤန့ၣ် သုမ့ၢ်ပှၤ လၢအပူထီၣ်ဘၣ်ယွၤလီၤ.
25 ဒီးယထိၣ်လီၤပှီၤယသးလၢယွၤအမဲာ်ညါ အနံၤလွံၢ် ဆံ, ဒီးအနၤလွံၢ်ဆံ, ဒ်ယထိၣ်လီၤပှီၤယသးလၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယွၤစံးလၢအကမၤဟး ဂီၤသုလီၤ.
26 ဒီးယဘါထုကဖၣ်ယွၤ, ဒီးယစံး, ယွၤကစၢ်ဧၢ, မ်န သုတမၤဟးဂီၤနပှၤဂီၢ်မုၢ်, နတၢ်န့ၢ်သါ, လၢနပှ့ၤက့ၤ လၢနတၢ်ဒိၣ်တၢ်ထီ, လၢနဒုးဟးထီၣ်ကွံာ်လၢအဲၤကူ ပတူးအပူၤဒီးနစုဆူၣ်န့ၣ်တဂ့ၤ. 27 သ့ၣ်နီၣ်ထီၣ်က့ၤနခ့ နပှၤစီၤအၤဘြၤဟၣ်ဒီးစီၤအံၤစဲး, ဒီးစီၤယၤကိာ်န့ၣ်တ က့ၢ်. ကွၢ်ပှၤဂီၢ်မုၢ်အံၤအတၢ်သူၣ်ကီသးကီ, အတၢ်အၢ တၢ်သီ, ဒီးအတၢ်ဒဲးတူာ်အတၢ်ဒဲးဘးန့ၣ်တဂ့ၤ. 28 ပှၤကီၢ်ဖိလၢ နဒုးဟးထီၣ်ကွံာ်ပှၤလၢအကျါ ကစံးဘၣ်ဖုး, မ့ၢ်ယွၤဒုးလဲၤနုာ်အီၤဆူကီၢ်ပူၤလၢအစံးအကဟ့ၣ်အီၤတသ့ဘၣ်, ဒီးမ့ၢ်အသးဟ့အီၤဒီး, ဒုးဟးထီၣ်ကွံာ်အီၤဒ်သိးအကမၤသံအီၤလၢ ပှၢ်မုၢ်ကနၢန့ၣ်လီၤ.―
29 ဒီးမ့ၢ်ဝဲလၢနပှၤဂီၢ်မုၢ်ဒီးနတၢ်န့ၢ်သါ လၢနဒုးဟးထီၣ် ကွံာ်လၢနစိဒိၣ်နကမီၤဒိၣ်, ဒီးလၢနစုယူာ်ထီၣ်အသး လီၤ.
10၁၀
1 အဆၢအကတီၢ်ဖဲန့ၣ်ယွၤစံးဘၣ်ယၤ, စိးပျၤန့ၢ်လၢၢ် ဘ့ၣ်ဘၣ်ခံဘ့ၣ်လၢနဂီၢ်လီၤဂာ်အခီၣ်ထံးတဖၣ်, ဒီးဟဲ ထီၣ်ဆူယအိၣ်လၢကစၢၢ်အလိၤ, ဒီးတ့တလါသ့ၣ်တ ဖျၢၣ်လၢနဂီၢ်တက့ၢ်. 2 ဒီးယကကွဲးတၢ်ကတိၤလၢတၢ် ဘ့ၣ်ဘၣ်အလိၤ, လၢအအိၣ်ဝဲလၢတၢ်ဘ့ၣ်ဘၣ်အခီၣ် ထံးအလိၤန့ၣ်လၢနမၤကၢ်အီၤ, ဒီးနဘၣ်ဒၢနုာ်အီၤလၢ တလါပူၤန့ၣ်လီၤ.
3 ဒီးယတ့တလါတဖျၢၣ်လၢသ့ၣ်ဖှ့ၡံးတၤ, ဒီးယစိးပျၤ လၢၢ်ဘ့ၣ်ဘၣ်ခံဘ့ၣ်, ဒ်တၢ်အိၣ်လၢအခီၣ်ထံးအသိး န့ၣ်, ဒီးယလဲၤထီၣ်ဆူကစၢၢ်အလိၤ အိၣ်ဒီးလၢၢ်ဘ့ၣ် ဘၣ်ခံဘ့ၣ်လၢယစုပူၤလီၤ. 4 ဒီးကွဲးဝဲလၢတၢ်ဘ့ၣ်ဘၣ် အလိၤ, ဒ်အကွဲးတၢ်လၢအခီၣ်ထံးအသိး, တၢ်မၤလိာ် အဘီတဆံ, လၢယွၤကတိၤတၢ်ဒီးသုလၢကစၢၢ်အလိၤ လၢမ့ၣ်အူကျါ, လၢတၢ်အိၣ်ဖှိၣ်အမုၢ်တနံၤအတီၢ်ပူၤန့ၣ် ဝံၤဒီး, ယွၤဟ့ၣ်အီၤလၢယၤလီၤ.
5 ဒီးယဃၣ်ယသး, ဒီးဟဲလီၤလၢကစၢၢ်အလိၤ, ဒီးဒၢ နုာ်တၢ်ဘ့ၣ်ဘၣ်လၢတလါလၢ ယတ့အီၤန့ၣ်အပူၤ, ဒီး အိၣ်ဖဲန့ၣ်, ဒ်ယွၤမၤလိာ်ယၤအသိးန့ၣ်လီၤ.
6 ဒီးပှၤအံၣ်စရ့လးဖိဟးထီၣ်ဝဲလၢ ဘအ့ရိးဘၣ်ဃးဒီး ပှၤယၤကၣ်အဖိဆူမိၤစ့ရၤ, ဖဲစီၤအၤဟရိၣ်သံဝဲ, ဒီး ဘၣ်တၢ်ခူၣ်လီၤကွံာ်အီၤဖဲန့ၣ်, ဒီးအဖိခွါစီၤအလၤဧစၢ် မၤပှၤလုၢ်တၢ်အဒိၣ်အတၢ်လၢအလီၢ်လီၤ.
7 ဟးဝဲဖဲန့ၣ်ဆူကူးဒကိဒၤ, ဒီးလၢကူးဒကိဒၤန့ၣ်ဆူ ယးတဘၤသၤ, ကီၢ်တဘ့ၣ်အိၣ်ဒီးထံကျိတဖၣ်လီၤ.
8 အဆၢအကတီၢ်ဖဲန့ၣ် ယွၤနီၤဖးပှၤလ့ၤဝံဖိတကလုာ် ဒ်သိးအကစိာ်ယွၤအတၢ်အၢၣ်လီၤအီလီၤအတလါ, ဒ် သိးအဆၢထၢၣ်လၢယွၤအမဲာ်ညါ, ဒ်သိးအကမၤအခ့ အပှၤအတၢ်မၤ, ဒီးဒ်သိးအကဆိၣ်ဂ့ၤတၢ်လၢအမံၤ, တုၤ မုၢ်မဆါတနံၤအံၤလီၤ.
9 မၤသးဒ်န့ၣ်ဒီး စီၤလ့ၤဝံတအိၣ်ဘၣ်ဒီးအဂီၢ်, ဒီးအ တၢ်န့ၢ်သါလၢအဒီပုၢ်ဝဲၢ်အကျါဘၣ်. ယွၤန့ၣ်မ့ၢ်အတၢ် န့ၢ်သါ, ဒ်ယွၤနကစၢ်ကတိၤတၢ်ဒီးအီၤအသိးန့ၣ်လီၤ.
10 ဒီးယအိၣ်လၢကစၢၢ်အလိၤ, မၤသးဒ်လၢအခီၣ်ထံး တဘျီအသိးန့ၣ်, အနံၤလွံၢ်ဆံဒီးအနၤလွံၢ်ဆံ, ဒီးယွၤ ကနၣ်ယကလုၢ်အဆၢအကတီၢ်ဖဲန့ၣ်စ့ၢ်ကီးလီၤ. ယွၤ မၤဟးဂီၤနၤအသးတအိၣ်ဘၣ်.
11 ဒီးယွၤစံးဘၣ်ယၤ, ဂဲၤဆၢထၢၣ်, လဲၤတၢ်လၢပှၤဂီၢ်မုၢ် အမဲာ်ညါ ဒ်သိးအကလဲၤနုာ်မၤန့ၢ်ကီၢ်တဘ့ၣ်လၢယ ဆိၣ်တၢ်ဒီးအပၢ်တဖၣ်လၢယကဟ့ၣ်လီၤအီၤန့ၣ်တက့ၢ်.
12 ဒီးခဲကနံၣ်အံၤ, အံၣ်စရ့လးဧၢ, မ့တမ့ၢ်ဘၣ်လၢန ကပျံၤယွၤနကစၢ်, လၢနကပိာ်အကျဲခဲလၢာ်, ဒီးအဲၣ် အီၤ, ဒီးမၤယွၤနကစၢ်အတၢ်လၢနသူၣ်ကံၢ်သးလဲ, ဒီး နသးဒီဖျၢၣ်ညါ, 13 ဒ်သိးနကတိၢ်န့ၢ်ယွၤအတၢ်မၤလိာ်, ဒီးအတၢ်သိၣ်တၢ်သီလၢ ယမၤလိာ်နၤလၢနတၢ်ဂ့ၤအဂီၢ် လၢမုၢ်မဆါတနံၤအံၤဘၣ်ဒီး, ယွၤနကစၢ်ဃ့တၢ်လၢ နၤလၢမနုၤတမံၤလဲၣ်.
14 ကွၢ်ကွၢ်, မူခိၣ်ဒီးမူခိၣ်အမူခိၣ်န့ၣ် မ့ၢ်ယွၤနကစၢ်အ တၢ်, ဟီၣ်ခိၣ်ဒီးကယဲၢ်တၢ်အိၣ်လၢအချၢလီၤ. 15 ထဲတၢ် ဘၣ်ယွၤအသးလၢအကအဲၣ်နပၢ်တဖၣ်, ဒီးဃုထၢအ ချံအသၣ်လၢအလီၢ်ခံ, သုဝဲဒၣ်လၢပှၤဂီၢ်မုၢ်ခဲလၢာ်အဖီ ခိၣ်, ဒ်လၢမုၢ်မဆါတနံၤအံၤအသိးန့ၣ်လီၤ.
16 ဒီးကူးတရံးသုသးအဖံးန့ၣ်တက့ၢ်, အိၣ်လၢၤဒီးသု ကိာ်ဆူၣ်တဂ့ၤ. 17 အဂ့ၢ်ဒ်အံၤ, ယွၤသုကစၢ်န့ၣ်မ့ၢ်ယွၤ တဖၣ်အယွၤ, ဒီးကစၢ်တဖၣ်အကစၢ်, ကစၢ်ဖးဒိၣ်, လၢအအိၣ်ဒီးအစိအကမီၤ, ဒီးတၢ်ပျံၤအလီၢ်, လၢအတ ကွၢ်မဲာ်ဘၣ်ပှၤကညီ, ဒီးတဟံးန့ၢ်ဘၣ်ခိၣ်ဖးဘၣ်. 18 မၤ ဝဲလၢတၢ်စံၣ်ညီၣ်ပှၤဖိၣ်ဃဲ, ဒီးပှၤမုၣ်ကမဲ, ဒီးအဲၣ်ပှၤ တခီဘီမုၢ်ဖိ, ဒီးဟ့ၣ်လီၤအီၤလၢတၢ်အီၣ်တၢ်အီ, ဒီး အကူအသိးလီၤ. 19 မၤသးဒ်န့ၣ်ဒီးအဲၣ်သုဝဲပှၤတခီဘီမုၢ် ဖိတက့ၢ်, အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိလၢ ကီၢ်အဲၤကူပတူးအပူၤလီၤ.
20 နဘၣ်ပျံၤယွၤနကစၢ်, နဘၣ်မၤအတၢ်, ဒီးနဘၣ်စဲ ဘူးဒီးအီၤ, ဒီးဆိၣ်တၢ်လၢအမံၤလီၤ.
21 အဝဲဒၣ်န့ၣ်မ့ၢ်နတၢ်စံးထီၣ်ပတြၢၤအလီၢ်, ဒီးအဝဲဒၣ် န့ၣ်မ့ၢ်နကစၢ်လၢအမၤတၢ်အဒိၣ်အထီ, ဒီးတၢ်ပျံၤအ လီၢ်တဖၣ်လၢနဂီၢ်လၢနထံၣ်ဘၣ်လံလၢနမဲာ်န့ၣ်လီၤ.
22 နပၢ်တဖၣ်လဲၤလီၤဆူအဲၤကူပတူး, ပှၤနွံဆံလီၤ, ဒီး ခဲကနံၣ်အံၤယွၤနကစၢ်မၤလံနၤလၢ အအါဒ်ဆၣ်ဧိၤဖီ ဧိၤလၢမူခိၣ်အသိးန့ၣ်လီၤ.
11၁၁
1 ဒီးနဘၣ်အဲၣ်ယွၤနကစၢ်, ဒီးတိၢ်န့ၢ်အတၢ်ကွၢ်, ဒီး အတၢ်သိၣ်တၢ်သီ, ဒီးအတၢ်စံၣ်ညီၣ်, ဒီးအတၢ်မၤလိာ် န့ၣ်ကိးမုၢ်နံၤမုၢ်နၤဒဲးလီၤ.
2 သ့ၣ်ညါသုဝဲလၢ မုၢ်မဆါတနံၤအံၤတက့ၢ်. အဂ့ၢ် ဒ်အံၤ, တမ့ၢ်ဘၣ်ယစံး သုဖိသုလံၤလၢအတသ့ၣ်ညါ ဘၣ်, ဒီးတထံၣ်ဘၣ်ယွၤသုကစၢ်အသိၣ်ဃီၣ်တၢ်, အ ဒိၣ်အထီ, အစုဆူၣ်, ဒီးအစုယူာ်ထီၣ်အသး, 3 ဒီးအ တၢ်လီၤလး, ဒီးအတၢ်မၤလၢအမၤလၢအဲၤကူပတူးအ သးကံၢ်ပူၤ လၢအဲၤကူပတူးအစီၤပၤဖၤရိၤ, ဒီးအကီၢ် ဒီဘ့ၣ်ညါ, 4 ဒီးတၢ်လၢအမၤ အဲၤကူပတူးအသုးမုၢ်, အကသ့ၣ်, ဒီးအလ့ၣ်ကဟၣ်, ဒီးလၢအဒုးလုၣ်ဘၢ အီၤလၢပီၣ်လဲၣ်ဂီၤအထံလၢအလူၤပိာ်သုခံအဖၢမုၢ်, ဒီး ယွၤမၤဟးဂီၤကွံာ်အီၤတုၤမုၢ်မဆါတနံၤအံၤ, 5 ဒီးတၢ် လၢအမၤသုလၢပှၢ်မုၢ်ကနၢ တုၤလီၤလၢသုဟဲဆူအလီၢ် ဖဲအံၤ, 6 ဒီးတၢ်လၢအမၤစီၤရူၤဘ့ၣ်အဖိခွါစီၤအလံအာ် အဖိခွါတဖၣ်, စီၤဒၤသၣ်, ဒီးစီၤအဘံရၣ်, လၢဟီၣ်ခိၣ် အဲးထီၣ်အထးခိၣ်, ဒီးယူၢ်လီၤကွံာ်အီၤ, ဒီးအပှၤဟံၣ်ဖိ, ဒီးအဒဲတဖၣ်, ဒီးကယဲၢ်အတၢ်ဖိတၢ်လံၤလၢအအိၣ်ဒီး အီၤလၢပှၤအံၣ်စရ့လးဖိခဲလၢာ်အကျါန့ၣ်ဘၣ်လီၤ.
7 မ့မ့ၢ်သုဝဲဒၣ်အံၤ, သုမဲာ်ထံၣ်ဘၣ်လံ ကယဲၢ်ယွၤမၤ တၢ်အဒိၣ်လၢအမၤဝဲခဲလၢာ်လီၤ. 8 ဒီးသုဘၣ်တိၢ်န့ၢ် ကယဲၢ်တၢ်မၤလိာ်လၢယမၤလိာ်သုလၢ မုၢ်မဆါတနံၤ အံၤ, ဒ်သိးသုဂံၢ်သုဘါကဆူၣ်ထီၣ်, ဒီးသုကလဲၤနုာ်မၤ န့ၢ်ကီၢ်ဖဲသုလဲၤနုာ်ဒ်သိးသုကမၤန့ၢ်အီၤ, 9 ဒီးဒ်သိးသု ကထုးထီထီၣ်သုမုၢ်နံၤတဖၣ် လၢထံဧိၤကီၢ်ဧိၤအပူၤလၢ ယွၤဆိၣ်တၢ်ဒီးသုပၢ် လၢအကဟ့ၣ်လီၤအီၤဒီးအချံအ သၣ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီလီၤ.
10 အဂ့ၢ်ဒ်အံၤ, ထံဧိၤကီၢ်ဧိၤလၢနလဲၤနုာ်ဒ်သိးနကမၤ န့ၢ်အီၤ, တဒ်သိးဘၣ်ဒီးကီၢ်အဲၤကူပတူးလၢသုဟးထီၣ် ကွံာ်လၢအပူၤအသိး, ဖဲနဖှံနတၢ်ချံ, ဒီးမၤဘၣ်စီၣ်အီၤ လၢနခီၣ်ဒ်တၤသၣ်အလီၢ်အသိးန့ၣ်ဘၣ်.
11 မ့မ့ၢ်ထံဧိၤကီၢ်ဧိၤလၢနလဲၤနုာ်ဒ်သိး နကမၤန့ၢ်အီၤတ ဘ့ၣ်န့ၣ်မ့ၢ်ကီၢ်တဘ့ၣ်အိၣ်ဒီးကစၢၢ်ကလိ, ဒီးကစၢၢ် ကဆူးလၢအီထံလၢမူခိၣ်အတၢ်စူၤလီၤ. 12 ထံဧိၤကီၢ်ဧိၤ လၢယွၤနကစၢ်ပးကဲဝဲလီၤ. ယွၤနကစၢ်အမဲာ်ကွၢ်အီၤ တထံၣ်ဃီလၢနံၣ်အခီၣ်ထံးတုၤလၢအကတၢၢ်န့ၣ်လီၤ.
13 ဒီးတၢ်ကမၤအသးလၢ သုမ့ၢ်ဒိကနၣ်သပှၢ်တၢၢ်ယ တၢ်မၤလိာ်လၢယမၤလိာ်သုလၢမုၢ်မဆါတနံၤအံၤ, လၢ သုဘၣ်အဲၣ်ယွၤသုကစၢ်, ဒီးမၤအတၢ်လၢသုသူၣ်ကံၢ် သးလဲ, ဒီးလၢသုသးဒီဖျၢၣ်ညါဒီး, 14 ယကဟ့ၣ်လီၤသု ထံသုကီၢ်အတၢ်စူၤလၢအဆၢအကတီၢ်ဒၣ်ဝဲ, တၢ်စူၤ လၢအဒုးမဲထီၣ်တၢ်, ဒီးတၢ်စူၤလၢအဒုးသၣ်ထီၣ်တၢ်, ဒ်သိးနကထၢဖှိၣ်နဘု, ဒီးနစပံးထံ, ဒီးနသိလီၤ.
15 ဒီးယဟ့ၣ်လီၤနီၣ်ဧိၤမံၤဧိၤလၢနပျီပူၤ လၢနဆၣ်ဖိကီၢ် ဖိအဂီၢ်, ဒ်သိးနကအီၣ်တၢ်ဒီးဘျဲးအီၣ်လီၤ.
16 ပလီၢ်သုသးဒ်သိးသုသုတလီလီၤသုသး, ဒီးဃၣ်က ပၤ, ဒီးမၤကစၢ်အဂၤတဖၣ်အတၢ်, ဒီးဘါထီၣ်အီၤတ ဂ့ၤန့ၣ်တက့ၢ်. 17 အဂ့ၢ်ဒ်အံၤ, ယွၤအသးကထီၣ်ဘၣ်သု, ဒီးကကးတံာ်ဃာ်မူခိၣ်အတြဲၤ ဒ်သိးတၢ်သုတဟဲစူၤ တဂ့ၤ, ဒီးထံဧိၤကီၢ်ဧိၤအသုတသၣ်ထီၣ်အတၤသၣ်တ ဂ့ၤ, ဒီးသုကဟးဂီၤကွံာ်ချ့သဒံး လၢကီၢ်အဂ့ၤလၢယွၤ ဟ့ၣ်လီၤသုအပူၤဘၣ်ဖုးန့ၣ်လီၤ.
18 ဒီးသုဘၣ်ပာ်ဖှိၣ် ယတၢ်ကတိၤအံၤ လၢသုသးတ ဖျၢၣ်အပူၤ, ဒီးသုသူၣ်ကံၢ်သးလဲ, ဒီးကံၢ်သုစုဒီးအီၤဒ် သိးအကကဲထီၣ်ဒ်တၢ်ဘိလၢ သုမဲာ်အဘၢၣ်စၢၤအသိး န့ၣ်လီၤ.
19 ဒီးသုဘၣ်သိၣ်လိအီၤလၢသုဖိသုလံၤ, ဒီးတုၤနဆ့ၣ် နီၤလၢနဟံၣ်ပူၤ, တုၤနလဲၤတၢ်လၢကျဲပူၤ, တုၤနမံ လီၤဒီးတုၤနဂဲၤဆၢထၢၣ်ဒီး, နဘၣ်ကတိၤတၢ်လၢအဂ့ၢ် အကျိၤလီၤ.
20 ဒီးနဘၣ်ကွဲးအီၤလၢ နဟံၣ်အကျဲစၢၤထူၣ်အလိၤဒီး လၢနတြဲၤအလိၤ, 21 ဒ်သိးသုမုၢ်နံၤကအါထီၣ်, ဒီးသုဖိ သုလံၤအမုၢ်နံၤလၢထံဧိၤကီၢ်ဧိၤအပူၤ လၢယွၤဆိၣ်တၢ် ဒီးသုပၢ်တဖၣ်လၢအကဟ့ၣ်လီၤအီၤ ဒ်မူခိၣ်အမုၢ်နံၤ တဖၣ်လၢဟီၣ်ခိၣ်အဖီခိၣ်အသိးန့ၣ်လီၤ.
22 အဂ့ၢ်ဒ်အံၤ, သုမ့ၢ်တိၢ်န့ၢ်တၢ်မၤလိာ်အံၤခဲလၢာ်သ ပှၢ်တၢၢ်လၢသုဘၣ်မၤအီၤ, လၢသုကအဲၣ်ယွၤသုကစၢ်, လၢသုကပိာ်အကျဲခဲလၢာ်, ဒီးစဲဘူးဒီးအီၤဒီး, 23 ယွၤ ကဟီထီၣ်ကွံာ်ပှၤအကလုာ်ခဲလၢာ်န့ၣ် လၢသုမဲာ်ညါ, ဒီးသုကမၤန့ၢ်ပှၤကလုာ်တဖၣ် ဒိၣ်န့ၢ်ဆူၣ်န့ၢ်သုကစၢ် ဒၣ်သုဝဲလီၤ.
24 ကယဲၢ်တၢ်အလီၢ်လၢ သုခီၣ်ညါသးယီၢ်လီၤန့ၣ်က ကဲထီၣ်သုတၢ်လီၤ. လၢပှၢ်မုၢ်ကနၢ, ဒီးလဘၤနိၣ်, လၢထံမိၢ်ပှၢ်, ထံပရၤသး, ဒီးပၢၢ်လၢပီၣ်လဲၣ်လၢခံက တၢၢ်တဘ့ၣ်န့ၣ်သုကီၢ်အဃၢၤတဖၣ်ကအိၣ်လီၤ.
25 ပှၤတဆၢထၢၣ်ဘၣ်လၢသုမဲာ်ညါဘၣ်, ယွၤသုကစၢ် ကပာ်တၢ်ပျံၤသု, ဒီးကပာ်သုလၢတၢ်ပျံၤအလီၢ်လၢက ယဲၢ်ဟီၣ်ခိၣ်လၢ သုကယီၢ်အီၤတပူၤလၢ်လၢ်, ဒ်အစံး ဘၣ်သုအသိးန့ၣ်လီၤ.
26 ကွၢ်ကွၢ်, လၢမုၢ်မဆါတနံၤအံၤ, ယပာ်တၢ်ဆိၣ်ဂ့ၤ, ဒီးတၢ်ဆိၣ်အၢလၢသုမဲာ်ညါလီၤ.
27 သုမ့ၢ်ဒိကနၣ် ယွၤသုကစၢ်အတၢ်မၤလိာ်တဖၣ်လၢ ယမၤလိာ်သုလၢမုၢ်မဆါတနံၤအံၤဒီး, တၢ်ဆိၣ်ဂ့ၤလီၤ.
28 ဒီးသုမ့ၢ်တဒိကနၣ်ဘၣ် ယွၤသုကစၢ်အတၢ်မၤလိာ် တဖၣ်, ဒီးဃၣ်ကပၤလၢကျဲလၢယမၤလိာ်သုလၢမုၢ်မ ဆါတနံၤအံၤ, ဒ်သိးသုကလဲၤပိာ်ကစၢ်အဂၤတဖၣ်လၢ သုတသ့ၣ်ညါဘၣ်အီၤအခံဒီး, တၢ်ဆိၣ်အၢလီၤ.
29 ဒီးတုၤယွၤနကစၢ်ကဒုးလဲၤနုာ်နၤလၢ ထံဧိၤကီၢ်ဧိၤ အပူၤဖဲနလဲၤမၤန့ၢ်အီၤဒီး, တၢ်ကမၤအသးလၢနဘၣ် ပာ်တၢ်ဆိၣ်ဂ့ၤလၢကစၢၢ်ကရံးစံၣ်အလိၤ, ဒီးတၢ်ဆိၣ် အၢလၢကစၢၢ်ဧ့ၤဘါလးအလိၤလီၤ.
30 အိၣ်ဝဲလၢထံယၢ်ဒ့ၣ်ဝၢ်ဘးခီလၢကျဲဖဲမုၢ်လီၤနုာ်, လၢ ပှၤကနၤဧၣ်ဖိအကီၢ်ပူၤ, လၢအအိၣ်ဝဲလၢတၢ်ပျီပူၤလၢ ကံးလကၤလးအမဲာ်ညါ ဖဲမိၤရံယၤအသ့ထိးဖၣ်န့ၣ်တ မ့ၢ်ဘၣ်ဧါ.
31 အဂ့ၢ်ဒ်အံၤ, သုကခီဂာ်ယၢ်ဒ့ၣ်, ဒ်သိးသုကလဲၤနုာ် မၤန့ၢ်ကီၢ်လၢယွၤသုကစၢ်ဟ့ၣ်လီၤသု, ဒီးသုကမၤန့ၢ် အီၤ, ဒီးအိၣ်လၢအပူၤလီၤ. ဒီးသုဘၣ်ပလီၢ်သုသးဒ် သိးသုကတိၢ်န့ၢ်ကယဲၢ်တၢ်မၤလိာ်, 32 ဒီးတၢ်စံၣ်ညီၣ် လၢယပာ်လၢသုမဲာ်ညါလၢမုၢ်မဆါတနံၤအံၤလီၤ.
12၁၂
1 အအံၤမ့ၢ်တၢ်မၤလိာ်, ဒီးတၢ်စံၣ်ညီၣ်လၢသုဘၣ်ပ လီၢ်သုသးဒ်သိးသုကမၤအီၤလၢကီၢ်လၢ ယွၤသုပၢ်တ ဖၣ်အကစၢ်ဟ့ၣ်လီၤလၢနၤ, ဒ်သိးသုကမၤန့ၢ်အီၤ, က ယဲၢ်မုၢ်နံၤတဖၣ်လၢသုအိၣ်လၢဟီၣ်ခိၣ်ချၢန့ၣ်လီၤ. 2 သု ဘၣ်မၤဟးဂီၤကယဲၢ်အလီၢ်ဖဲပှၤကလုာ်လၢ သုကမၤန့ၢ် အီၤတဖၣ်မၤအကစၢ်အတၢ်မၤ, လၢကစၢၢ်ထီအလိၤ, ဒီးလၢတၢ်စိခိၣ်အလိၤ, ဒီးလၢကယဲၢ်သ့ၣ်သံကစဲာ်အ ဖီလာ်လီၤ. 3 ဒီးသုဘၣ်မၤဟးဂီၤကွံာ်အတၢ်လုၢ်လီၢ်တ ဖၣ်ဒီးမၤကၢ်ကွံာ်အထူၣ်တဖၣ်, ဒီးဆူးထီၣ်ကွံာ်အရှ့ရၤ လၢမ့ၣ်အူ, ဒီးကူာ်ကွံာ်အကစၢ်တဖၣ်အတၢ်ဂီၤစိးပျၤ အသး, ဒီးမၤဟးဂီၤကွံာ်အမံၤလၢအလီၢ်ဖဲန့ၣ်လီၤ.
4 မ့မ့ၢ်ယွၤသုကစၢ်န့ၣ် သုတဘၣ်မၤအီၤဒ်န့ၣ်အသိး ဘၣ်. 5 မ့ၢ်ဆူတၢ်အလီၢ်ဖဲ ယွၤသုကစၢ်ကဃုထၢအီၤ လၢသုဒူၣ်တဖၣ်ခဲလၢာ်အကျါ, ဒ်သိးအကပာ်လီၤအ မံၤဖဲန့ၣ်, ဆူအအိၣ်အဆိးအလီၢ်န့ၣ်သုဘၣ်ဃုဒီးသု ဘၣ်ဟဲဆူန့ၣ်လီၤ. 6 ဒီးသုဘၣ်ဟဲစိာ်ဆူန့ၢ်သုတၢ်လုၢ် မ့ၣ်အူ, ဒီးသုတၢ်လုၢ်, ဒီးသုတၢ်ဆံဆဲၣ်ပူတပူ, ဒီးတၢ် ဝံၢ်လၢသုစု, ဒီးသုတၢ်မၤဘူၣ်ဘၣ်ဃးဒီးဆိၣ်တၢ်, ဒီး သုမၤဘူၣ်ဒၣ်တၢ်, ဒီးသုဂီၤဘုၣ်ဂီၤဖံး, ဒီးသုသိသုမဲာ် တဲးလဲးအဖိဝဲၢ်ကိတဖၣ်န့ၣ်လီၤ.
7 ဒီးသုဘၣ်အီၣ်တၢ်ဖဲန့ၣ် လၢယွၤသုကစၢ်အမဲာ်ညါ, ဒီးသုကသးခုလၢ ကယဲၢ်တၢ်လၢသုပာ်သုစုလၢအလိၤ အပူၤ, သုဝဲဒီးသုပှၤဟံၣ်ဖိလီၤ. အဂ့ၢ်ဒ်အံၤ, ယွၤသုက စၢ်ဆိၣ်ဂ့ၤလံနၤလီၤ.
8 သုတဘၣ်မၤဒ်ကယဲၢ်တၢ်လၢပမၤဖဲအံၤ လၢမုၢ်မဆါ တနံၤအံၤအသိးန့ၣ်, တဂၤဖဲဒၣ်အတီလၢအမဲာ်ဒၣ်ဝဲ, တဂၤဖဲဒၣ်အတီလၢအမဲာ်ဒၣ်ဝဲဘၣ်. 9 အဂ့ၢ်ဒ်အံၤ, သု တတုၤဒံးဘၣ်လၢတၢ်အိၣ်ဘှံး, ဒီးတၢ်န့ၢ်သါလၢယွၤသု ကစၢ်ဟ့ၣ်လီၤသုဘၣ်.
10 ဒီးတုၤသုခီဂာ်ထံကျိယၢ်ဒ့ၣ်, ဒီးသုအိၣ်လၢထံဧိၤကီၢ် ဧိၤအပူၤ လၢယွၤသုကစၢ်ဟ့ၣ်လီၤသု, ဒ်သိးသုကန့ၢ် ဘၣ်သါအီၤ, ဒီးဒုးအိၣ်ဘှံးသုလၢသုဒုၣ်သုဒါအိၣ်ဝးတ ရံးဝဲခဲလၢာ်, ဒီးသုအိၣ်ခၢၣ်တနၢၢ်ဒီး, 11 တၢ်အလီၢ်က အိၣ်လၢယွၤသုကစၢ်ကဃုထၢအီၤ, ဒ်သိးအကဒုးအိၣ် ဒုးဆိးအမံၤဖဲန့ၣ်လီၤ. သုဘၣ်ဟဲစိာ်ဖဲန့ၣ်ကယဲၢ်တၢ် လၢယမၤလိာ်သု, သုတၢ်လုၢ်မ့ၣ်အူ, သုတၢ်လုၢ်, သု တၢ်ဆံဆဲၣ်ပူတပူ, ဒီးတၢ်ဝံၢ်လၢသုစု, ဒီးကယဲၢ်သု မၤဘူၣ်ဃုထၢအသးဘၣ်ဃးဒီးတၢ်ဆိၣ်, လၢသုဆိၣ် တၢ်လၢယွၤအဂီၢ်လီၤ.
12 ဒီးသုကသးခုလၢယွၤသုကစၢ်အမဲာ်ညါ, သုဝဲ, ဒီး သုဖိခွါဒီးသုဖိမုၣ်, ဒီးသုကုၢ်ပိာ်ခွါ, ဒီးသုကုၢ်ပိာ်မုၣ်, ဒီးပှၤလ့ၤဝံဖိအိၣ်ဝဲလၢသုပဲတရီအပူၤလီၤ. အဂ့ၢ်ဒ်အံၤ, အဂီၢ်ဒီးအတၢ်န့ၢ်သါတအိၣ်ဘၣ်ဒီးသုဘၣ်လီၤ. 13 ပလီၢ်နသးဒ်သိး နသုတလုၢ်နတၢ်လုၢ်မ့ၣ်အူလၢကယဲၢ်တၢ်အလီၢ်လၢ နထံၣ်ဘၣ်အီၤတဂ့ၤန့ၣ်တက့ၢ်.―
14 မ့မ့ၢ်ဖဲတၢ်အလီၢ်လၢ ယွၤကဃုထၢအီၤလၢနပှၤအဒူၣ် တဖၣ်အပူၤန့ၣ်နဘၣ်လုၢ်နတၢ်လုၢ်မ့ၣ်အူဖဲန့ၣ်, ဒီးဖဲ န့ၣ်နဘၣ်မၤကယဲၢ်တၢ်လၢယမၤလိာ်နၤခဲလၢာ်လီၤ.
15 ဘၣ်ဆၣ် ဒီးနကမၤသံဒီးအီၣ်ဘၣ် တၢ်ညၣ်ဖဲနသး အဲၣ်ဒိးတမံၤလၢ်လၢ်လၢနပဲတရီခဲလၢာ်အပူၤ, ဒ်ယွၤန ကစၢ်အတၢ်ဆိၣ်ဂ့ၤလၢအဆိၣ်ဂ့ၤနၤအသိးန့ၣ်, ပှၤတ ကဆှီဘၣ်, ဒီးပှၤအကဆှီတဖၣ်န့ၣ်ကအီၣ်ဘၣ်အီၤ, ဒ်တၤဟိစဘံအသိး, ဒီးဒ်တၤယုၢ်အသိးန့ၣ်လီၤ. 16 မ့မ့ၢ် အသွံၣ်တမံၤ သုတအီၣ်အီၤတဂ့ၤ. သုဘၣ်လူလီၤအီၤ လၢဟီၣ်ခိၣ်ချၢ, ဒ်ထံအသိးန့ၣ်လီၤ.
17 နဘု, ဒီးနစပံးထံ, ဒီးနသိအတၢ်ဆံဆဲၣ်ပူတပူဂ့ၤ, ဒီးနဂီၤဖံးဖိဝဲၢ်ကိဂ့ၤ, နသိနမဲာ်တဲးလဲးအဝဲၢ်ကိဂ့ၤ, န တၢ်မၤဘူၣ်ဘၣ်ဃးဒီးတၢ်ဆိၣ်လၢ နဆိၣ်တၢ်တမံၤမံၤ ဂ့ၤ, နမၤဘူၣ်ဒၣ်တၢ်ဂ့ၤ, နတၢ်ဝံၢ်လၢနစုဂ့ၤ, သုတ အီၣ်လၢနပဲတရီအပူၤတဂ့ၤ.
18 နဘၣ်အီၣ်အီၤ လၢယွၤနကစၢ်အမဲာ်ညါ, ဖဲအလီၢ် လၢယွၤနကစၢ်ကဃုထၢအီၤ, နဲဒၣ်, ဒီးနဖိခွါ, ဒီနဖိ မုၣ်, ဒီးနကုၢ်ပိာ်ခွါ, ဒီးနကုၢ်ပိာ်မုၣ်, ဒီးပှၤလ့ၤဝံဖိလၢ အအိၣ်ဝဲလၢနပဲတရီအပူၤလီၤ. ဒီးနကသးခုလၢယွၤအ မဲာ်ညါလၢကယဲၢ်တၢ်လၢနပာ်နစုလၢအလိၤအပူၤလီၤ.
19 ပလီၢ်နသးဒ်သိးနသုတလဲၤသဒၣ် ပှၤလ့ၤဝံဖိမုၢ်နံၤ မုၢ်နၤလၢနအိၣ်လၢဟီၣ်ခိၣ်ချၢနီတစုတဂ့ၤန့ၣ်တက့ၢ်.
20 တုၤယွၤနကစၢ်ကမၤလဲၢ်ထီၣ်နကီၢ်အဃၢၤ, ဒ်အက တိၤတၢ်ဒီးနၤအသိးန့ၣ်, ဒီးနစံး, ယကအီၣ်တၢ်ညၣ် ဒီး (မ့ၢ်လၢနဆၢအီၣ်တၢ်ညၣ်အဃိ), နကအီၣ်ဘၣ်တၢ် ညၣ်ဖဲဒၣ်တၢ်မိၣ်အီၣ်ဘၣ် နသးလၢအီၤတမံၤလၢ်လၢ် လီၤ.
21 တုၤတၢ်အလီၢ်လၢယွၤသုကစၢ် ဃုထၢလၢအကပာ် အမံၤဖဲန့ၣ်အိၣ်ယံၤကဲၣ်ဆိးဒီးနၤဒီး, နဘၣ်မၤသံတၢ် လၢနဂီၤဖံး, နသိနမဲာ်တဲးလဲးအကျါလၢယွၤနကစၢ် ဟ့ၣ်လီၤနၤ, ဒ်ယမၤလိာ်နၤအသိး, ဒီးနကအီၣ်ဘၣ် လၢနပဲတရီအပူၤ, ဖဲဒၣ်တၢ်လၢတၢ်မိၣ်အီၣ်ဘၣ်နသး လၢအီၤတမံၤမံၤလီၤ.
22 ဒ်တၤဟိစဘံဒီးတၤယုၢ် ဘၣ်တၢ်အီၣ်အီၤအသိးန့ၣ်, နကအီၣ်ဘၣ်အီၤဒ်န့ၣ်သိးလီၤ. ပှၤတကဆှီဘၣ်, ဒီး ပှၤကဆှီတဖၣ်န့ၣ်ကအီၣ်ဘၣ်ဝဲတပူၤဃီလီၤ.
23 ထဲအိၣ်ဒီးနသးဆူၣ်လၢနတအီၣ်ဘၣ် တၢ်သွံၣ်တမံၤ န့ၣ်တက့ၢ်. အဂ့ၢ်ဒ်အံၤ, တၢ်သွံၣ်န့ၣ်မ့ၢ်တၢ်အသး, ဒီးနတဘၣ်အီၣ်တၢ်အသးအိၣ်ဒီးတၢ်ညၣ်ဘၣ်, 24 နတ ဘၣ်အီၣ်အီၤဘၣ်, နဘၣ်လူလီၤအီၤလၢဟီၣ်ခိၣ်အဖီ ခိၣ်ဒ်ထံအသိးန့ၣ်လီၤ.
25 နတဘၣ်အီၣ်အီၤဘၣ်ဒ်သိးတၢ်ကဂ့ၤလၢနဂီၢ်, ဒီးန ဖိနလံၤလၢနလီၢ်ခံအဂီၢ်, ဖဲနမၤတၢ်လၢအတီအလိၤ လၢယွၤအမဲာ်ညါန့ၣ်လီၤ.
26 မ့မ့ၢ်နတၢ်စီဆှံတဖၣ်, ဒီးနတၢ်မၤဘူၣ်ဘၣ်ဃးဒီးတၢ် ဆိၣ်တဖၣ်န့ၣ်နဘၣ်ဟံးန့ၢ်အီၤ, ဒီးလဲၤဆူတၢ်အလီၢ် လၢယွၤကဃုထၢအီၤလီၤ.
27 ဒီးနဘၣ်လုၢ်နတၢ်လုၢ်မ့ၣ်အူ, တၢ်ညၣ်, ဒီးတၢ်သွံၣ် လၢယွၤနကစၢ်အတၢ်လုၢ်လီၢ်အဖီခိၣ်, ဒီးနတၢ်လုၢ်တ ဖၣ်အသွံၣ်ကဘၣ်တၢ်လူလီၤအီၤ လၢယွၤနကစၢ်အတၢ် လုၢ်လီၢ်အဖီခိၣ်, ဒီးနကအီၣ်ဘၣ်အညၣ်န့ၣ်လီၤ.
28 တိၢ်န့ၢ်, ဒီးဒိကနၣ်ကယဲၢ်တၢ်ကတိၤလၢယမၤလိာ် နၤ, ဒ်သိးတုၤနမၤတၢ်အဂ့ၤအဘၣ်လၢယွၤနကစၢ်အ မဲာ်ညါဒီး, တၢ်ကဂ့ၤလၢနဂီၢ်, ဒီးလၢနဖိနလံၤလၢန လီၢ်ခံန့ၣ်အဂီၢ်လီၤစိၤလီၤထီတက့ၢ်.
29 တုၤယွၤနကစၢ်ကဒီၣ်တဲာ်ကွံာ် ပှၤကလုာ်တဖၣ်လၢ နမဲာ်ညါ, ဖဲနလဲၤမၤန့ၢ်အီၤ, ဒီးနအိၣ်လၢအလီၢ်, ဒီးန အိၣ်နဆိးလၢအကီၢ်ပူၤဒီး, 30 တုၤအဟးဂူာ်ဟးဂီၤလၢန မဲာ်ညါအလီၢ်ခံန့ၣ်ဒီး, ပလီၢ်နသးလၢနသုတပိာ်အခံ, ဒီးဘၣ်တၢ်ပျံၤသကွီၤလၢအဃိတဂ့ၤ, ဒီးသုတသံကွၢ် တၢ်လၢအကစၢ်တဖၣ်အဂ့ၢ်အကျိၤဒီးစံး, ပှၤအကလုာ် တဖၣ်န့ၣ်မၤအကစၢ်တဖၣ်အတၢ်ဒ်လဲၣ်, ယကမၤဒ် န့ၣ်သိးစ့ၢ်ကီးလီၤန့ၣ်တဂ့ၤ.
31 နတဘၣ်မၤယွၤနကစၢ်ဒ်န့ၣ်ဘၣ်, အဂ့ၢ်ဒ်အံၤ, က ယဲၢ်ယွၤအတၢ်သးဘၣ်အၢလၢ အသးဟ့အီၤတမံၤလၢ် လၢ်န့ၣ်အဝဲသ့ၣ်မၤဘၣ်လံအကစၢ်တဖၣ်လံ. အဂ့ၢ်ဒ် အံၤ, ဆူးထီၣ်ကွံာ်လံအဖိခွါဒီးအဖိမုၣ်ဒၣ်လဲာ်လၢမ့ၣ် အူလၢအကစၢ်တဖၣ်အဂီၢ်လံလီၤ.
32 ကယဲၢ်တၢ်လၢယမၤလိာ်သုတမံၤလၢ်လၢ်န့ၣ် ပလီၢ် နသးလၢနကမၤအီၤတက့ၢ်. ပာ်ဖှိၣ်တၢ်ဒီးအီၤတဂ့ၤ, ဒီးဟံးထီၣ်ကွံာ်တၢ်လၢအီၤတဂ့ၤ.
13၁၃
1 ဒီးဝံတဂၤမ့ၢ်ဂ့ၤ, ပှၤမံမီၢ်တၢ်မံမီၢ်မ့ၢ်ဂ့ၤ, မ့ၢ်ဂဲၤဆၢ ထၢၣ်လၢသုကျါဒီးဟ့ၣ်လီၤနၤ လၢတၢ်ပနီၣ်လီၤလးဂ့ၤ, တၢ်လီၤလိၢ်လီၤလးဂ့ၤ, 2 ဒီးတၢ်အပနီၣ်လီၤလးဂ့ၤ, တၢ် လီၤလိၢ်လီၤလးဂ့ၤ, မ့ၢ်မၤအသးလၢအကတိၤတၢ်ဒီးစံး, လဲၤပိာ်သကိးကစၢ်အဂၤတဖၣ်အခံ, လၢနတသ့ၣ်ညါ ဘၣ်အီၤ, ဒီးမၤသကိးအတၢ်တက့ၢ်န့ၣ်ဒီး, ဝံတဂၤန့ၣ် ဂ့ၤ, ပှၤမံမီၢ်တၢ်မံမီၢ်တဂၤန့ၣ်ဂ့ၤ, 3 ဒိကနၣ်အကလုၢ် တဂ့ၤ. အဂ့ၢ်ဒ်အံၤ, ယွၤသုကစၢ်မၤကွၢ်သု, မ့ၢ်သုအဲၣ် ယွၤသုကစၢ်လၢသုသူၣ်ကံၢ်သးလဲ လၢသုသးဒီဖျၢၣ် ညါဧါန့ၣ်ဒ်သိးအကသ့ၣ်ညါလီၤ.
4 သုဘၣ်ပိာ်ယွၤသုကစၢ်အခံ, ဒီးပျံၤအီၤ, ဒီးတိၢ်န့ၢ် အတၢ်မၤလိာ်, ဒီးဒိကနၣ်အကလုၢ်အကထါ, ဒီးသု ဘၣ်မၤအတၢ်, ဒီးစဲဘူးဒီးအီၤလီၤ. 5 ဒီးဝံတဂၤန့ၣ်မ့ၢ် ဂ့ၤ, ပှၤမံမီၢ်တၢ်မံမီၢ်တဂၤန့ၣ်မ့ၢ်ဂ့ၤ, ကဘၣ်တၢ်မၤသံ အီၤလီၤ. အဂ့ၢ်ဒ်အံၤ, ကတိၤတၢ်ဒ်သိးအကဒုးဃၣ်ကွံာ် သုသးလၢယွၤသုကစၢ်အအိၣ် လၢအဒုးဟးထီၣ်ကွံာ် သုလၢကီၢ်အဲၤကူပတူးအပူၤ, ဒီးပှ့ၤက့ၤသုလၢပှၤကုၢ်ဖိ အဟံၣ်ပူၤ, ဒ်သိးအကဆီၣ်ကွံာ်နၤလၢကျဲပူၤလၢယွၤန ကစၢ်မၤလိာ်နၤလၢနဘၣ်လဲၤတၢ်လၢအပူၤလီၤ. ဒီးန ဘၣ်ဒီၣ်တဲာ်ကွံာ်တၢ်အၢလၢနပူၤလီၤ.
6 နဒီပုၢ်ဝဲၢ်ခွါ, နမိၢ်အဖိခွါဂ့ၤ, နဖိခွါဂ့ၤ, နဖိမုၣ်ဂ့ၤ, နမါလၢနသးနါပှၢ်ဂ့ၤ, နတံၤနသကိးလၢအမၤသးဒ်န သးဒၣ်နဲအသိးန့ၣ်ဂ့ၤ, မ့ၢ်ကလံာ်နၤခူသူၣ်, ဒီးစံး, လဲၤ သကိးဒီးမၤကစၢ်အဂၤတဖၣ်အတၢ်, လၢနတသ့ၣ်ညါ ဘၣ်အီၤ, နဲဒၣ်, ဒီးနပၢ်တဖၣ်, 7 ဒ်ပစံးတၢ်အသိး, ပှၤဂီၢ် မုၢ်လၢအအိၣ်ဝးတရံးနၤအကစၢ်တဖၣ်, အိၣ်ဘူးဒီးနၤ မ့ၢ်ဂ့ၤ, အိၣ်ယံၤဒီးနၤ, လၢဟီၣ်ခိၣ်အံၤအကတၢၢ်ပၢၢ်လၢ ဟီၣ်ခိၣ်အန့ၣ်အကတၢၢ်မ့ၢ်ဂ့ၤ, 8 အၢၣ်လီၤအီလီၤဒီးအီၤ တဂ့ၤ, ဒီးဒိကနၣ်အကလုၢ်တဂ့ၤ, ဒီးနမဲာ်တဘၣ်သး လီအီၤဘၣ်, ဒီးနတဘၣ်မၤပူၤဖျဲးအီၤဒီးနတဘၣ်ပာ် ဘၣ်အီၤခူသူၣ်ဘၣ်, 9 မ့မ့ၢ်နဘၣ်မၤသံအီၤသပှၢ်တၢၢ် တခီလီၤ. နစုဘၣ်အိၣ်ဆိလၢအပူၤဒ်သိးအကဘၣ်တၢ် မၤသံအီၤ, ဒီးလၢအလီၢ်ခံန့ၣ်ပှၤဂီၢ်မုၢ်ခဲလၢာ်အစုလီၤ.
10 ဒီးနဘၣ်ကွံာ်သံအီၤလၢလၢၢ်လီၤ. အဂ့ၢ်ဒ်အံၤ, ဃုဝဲ ဒ်သိးအကဆီၣ်ကွံာ်နၤ, လၢယွၤနကစၢ်အအိၣ်လၢအ ဒုးဟးထီၣ်ကွံာ်နၤလၢ ကီၢ်အဲၤကူပတူးအပူၤ, လၢပှၤ ကုၢ်ဖိအဟံၣ်ပူၤလီၤ. 11 ပှၤအံၣ်စရ့လးဖိခဲလၢာ်ကနၢ်ဟူ တၢ်, ဒီးပျံၤတၢ်, ဒီးတမၤလၢၤဘၣ်တၢ်အၢဒ်န့ၣ်သိး လၢသုကျါဘၣ်.
12 ဒီးနမ့ၢ်နၢ်ဟူတၢ်လၢ နဝ့ၢ်တဝ့ၢ်အပူၤလၢ ယွၤဟ့ၣ် လီၤနၤ, ဒ်သိးနကအိၣ်ဖဲန့ၣ်, ဒီးပှၤစံးဝဲ, 13 ပှၤတဖၣ်, ပှၤ ဘလးယဧၤလးဖိဟးထီၣ်လၢသုကျါ, ဒီးကလံာ်ထီၣ် ကွံာ်ပှၤဝ့ၢ်ဖိတဖၣ်, ဒီးစံးဝဲ, လဲၤသကိးဒီးမၤကစၢ်အဂၤ တဖၣ်အတၢ်လၢသုတသ့ၣ်ညါဘၣ်အီၤန့ၣ်တက့ၢ်ဒီး,―
14 နဘၣ်ဃု, ဒီးချု, ဒီးသံကွၢ်တၢ်လီၤတံၤလီၤဆဲးဒီးကွၢ် ကွၢ်, မ့ၢ်တီ, တၢ်တမံၤန့ၣ်ပှၤမ့ၢ်မၤအီၤသပှၢ်ပှၢ်, ဒီး တၢ်သးဘၣ်အၢန့ၣ်, မၤအသးလၢသုကျါဒီး, 15 နဘၣ် ကျီကွံာ်ပှၤဝ့ၢ်ဖိလၢနးအကနၣ်သပှၢ်တၢၢ်, ဒီးမၤဟးဂီၤ ကွံာ်အီၤဒီး ကယဲၢ်တၢ်လၢအအိၣ်လၢအပူၤ, ဒီးဆၣ်ဖိ ကီၢ်ဖိလၢနးအကနၣ်လီၤ.
16 ဒီးနဘၣ်ပာ်ဖှိၣ်အတၢ်ဖိတၢ်လံၤ လၢကျဲအသးကံၢ် ပူၤ, ဒီးနဘၣ်ဆူးထီၣ်ကွံာ်ဝ့ၢ်န့ၣ်ဒီးအတၢ်ဖိတၢ်လံၤစီဖ့ ကလ့ၤလၢယွၤနကစၢ်အဂီၢ်, ဒီးကမ့ၢ်တၢ်အပူလီၤထူ လီၤယိာ်, ဒီးပှၤတမၤက့ၤလၢၤဘၣ်အီၤဘၣ်.
17 ဒီးတၢ်ဘၣ်တၢ်ဆိၣ်အၢန့ၣ် တဘၣ်စဲဘူးဒီးနစုနီတ မံၤဘၣ်, ဒ်သိးယွၤကဃၣ်အသးလၢအသးထီၣ်ဆူၣ်, ဒီးကသးကညီၤနၤ, သးအိၣ်နၤ, ဒီးမၤအါထီၣ်နၤ, ဒ်အ ဆိၣ်တၢ်ဒီးနပၢ်တဖၣ်အသိး, 18 ဖဲနဒိကနၣ်ယွၤနကစၢ် အကလုၢ်ဒ်သိးနကတိၢ်န့ၢ် အတၢ်မၤလိာ်ခဲလၢာ်လၢယ မၤလိာ်နၤလၢမုၢ်မဆါတနံၤအံၤ, လၢနကမၤတၢ်တီတၢ် လိၤလၢယွၤနကစၢ်အမဲာ်ညါလီၤ.
14၁၄
1 သုမ့ၢ်ယွၤသုကစၢ်အဖိအလံၤလီၤ. သုတဂဲာ်လီၤသု သးတဂ့ၤ, ဒီးသုတမၤတၢ်အလ့ၤလၢသုမဲာ်အဘၢၣ်စၢၤ လၢပှၤသံအဃိတဂ့ၤ.
2 အဂ့ၢ်ဒ်အံၤ, နမ့ၢ်ပှၤစီဆှံတကလုာ်လၢယွၤသုကစၢ် အဂီၢ်, ဒီးယွၤဃုထၢသု, ဒ်သိးသုကကဲထီၣ်ပှၤတက လုာ်လၢအလုၢ်ဒိၣ်ပှ့ၤဒိၣ်လၢအဂီၢ်, လၢပှၤကိးကလုာ် ဒဲးလၢဟီၣ်ခိၣ်ချၢအဖီခိၣ်လီၤ.
3 အီၣ်တၢ်သးဘၣ်အၢနီတမံၤတဂ့ၤ.
4 အအံၤမ့ၢ်ဆၣ်ဧိၤကီၢ်ဧိၤလၢသုကအီၣ်ဘၣ်, ဂီၤဘုၣ် ဂီၤဖံး, ဒီးသိ, ဒီးမဲာ်တဲးလဲး, 5 တၤယုၢ်, ဒီးတၤဟိစဘံ, ဒီးတၤယုၢ်ယးဃမိၢ်, ဒီးမဲာ်တဲးလဲးမံၤ, ဒီးတၤဖးဒံၡိၣ်, ဒီးတၤဖးသအိမံၤ, ဒီးတၤဖးစမ့ၢ်, 6 ဒီးကယဲၢ်တၢ်လၢ အမၤသ့ၣ်ဖးအခီၣ်, ဒီးအခီၣ်သ့ၣ်ဖးခံခီ, ဒီးကလိာ် ထီၣ်အဆၣ်လၢဆၣ်ဖိကီၢ်ဖိတမံၤလၢ်လၢ်အကျါန့ၣ်သု ကအီၣ်ဘၣ်အီၤလီၤ.
7 ဘၣ်ဆၣ်ဒီး အအံၤမ့ၢ်တၢ်လၢအကလိာ်ထီၣ်အဆၣ် အကျါ, ဒီးတၢ်လၢအမၤသ့ၣ်ဖးအခီၣ်အကျါလၢသုတ ဘၣ်အီၣ်အီၤ, ကီၤလၤအူး, ဒီးယူၣ်, ဒီးၡၤဖးလီၤ. အဂ့ၢ် ဒ်အံၤ, ကလိာ်ထီၣ်ဝဲအဆၣ်ဘၣ်ဆၣ်ဒီး, တမၤသ့ၣ်ဖး အခီၣ်ဘၣ်, မ့ၢ်တၢ်တကဆှီဘၣ်လၢသုဂီၢ်လီၤ.
8 ဒီးထိးလီၤ. အဂ့ၢ်ဒ်အံၤ, မၤသ့ၣ်ဖးအခီၣ်ဘၣ်ဆၣ်ဒီး, တကလိာ်ထီၣ်ဘၣ်အဆၣ်ဘၣ်, မ့ၢ်တၢ်တကဆှီဘၣ် လၢသုဂီၢ်လီၤ. သုတအီၣ်အညၣ်တဂ့ၤ, ဒီးသုတထိး အစိၣ်တဂ့ၤ.
9 အအံၤမ့ၢ်တၢ်လၢသုကအီၣ်ဘၣ် လၢအအိၣ်လၢထံ ကျါခဲလၢာ်အကျါန့ၣ်, ကယဲၢ်တၢ်လၢအအိၣ်ဒီးအရု အဒံး, ဒီးအသဒံၣ်ခဲလၢာ်လီၤ. 10 ဒီးတၢ်လၢအတအိၣ် ဘၣ်ဒီးအရုအဒံး, ဒီးအသဒံၣ်တဖၣ်န့ၣ်သုတအီၣ်အီၤ တဂ့ၤ, မ့ၢ်တၢ်တကဆှီဘၣ်လၢသုဂီၢ်လီၤ.
11 ကယဲၢ်ထိၣ်လၢအကဆှီခဲလၢာ်န့ၣ် သုကအီၣ်ဘၣ် လီၤ.
12 မ့မ့ၢ်တၢ်လၢသုတဘၣ်အီၣ်တဖၣ်န့ၣ်မ့ၢ်အအံၤ, လံာ် ကြီကြာ်, ဒီးလီတာ်ခၣ်ဆူၣ်, ဒီးလံာ်ထိးထံ, 13 ဒီးလံာ် ဃး, ဒီးလီတာ်ဒ်အကလုာ်အသိး, 14 ဒီးကယဲၢ်စိးဝၣ် ဃးဒ်အကလုာ်အသိး, 15 ဒီးထိၣ်ကီၤလၤအူး, ဒီးထိၣ်သ ဘၣ်, ဒီးထိၣ်ၡဃးဒီးလံာ်ပီၢ်တ့ဒ်အကလုၢ်အသိး, 16 ဒိ ကအိ, ဒီးထိၣ်ဂီၤဖံး, ဒီးထိၣ်လဲၤလုးတကုာ်, 17 ဒီးထိၣ် စီၢ်မီ, ဒီးလီတာ်ဝါ, ဒီးထိၣ်ကံၣ်ပီၣ်လဲၣ်, 18 ဒီးထိၣ် ဃၤစံး, ဒီးဝါလၢၢ်ထံဒ်အကလုာ်အသိး, ဒီးဘီစံၣ်ဃီၣ်, ဒီးဘျါဧိၤတြၤဧိၤန့ၣ်လီၤ.
19 ဒီးကယဲၢ်တၢ်လၢအစွါဒီးယူၤဝဲခဲလၢာ်န့ၣ် မ့ၢ်တက ဆှီဘၣ်လၢသုဂီၢ်လီၤ. ပှၤတဘၣ်အီၣ်အီၤဘၣ်.
20 ကယဲၢ်ထိၣ်ဧိၤလံၣ်ဧိၤ လၢအကဆှီခဲလၢာ်န့ၣ်သုက အီၣ်ဘၣ်လီၤ.
21 တၢ်လၢအသံဒၣ်တၢ်န့ၣ် သုတအီၣ်အီၤနီတမံၤတဂ့ၤ, နကဟ့ၣ်လီၤဘၣ်အီၤ လၢပှၤတခီဘီမုၢ်ဖိ လၢအအိၣ် လၢနပဲတရီအပူၤဒ်သိးအကအီၣ်ဝဲ, ဒီးတခီနကဆါ ကွံာ်ဘၣ်အီၤလၢပှၤတခီဘီမုၢ်ဖိလီၤ. အဂ့ၢ်ဒ်အံၤ, နမ့ၢ် ပှၤစီဆှံတကလုာ်လၢယွၤနကစၢ်အဂီၢ်လီၤ. ချီမဲာ်တဲး လဲးဖိလၢအမိၢ်နုၢ်ထံပူၤတဂ့ၤ.
22 တၢ်ချံတၢ်သၣ်လၢနဟီၣ်ခိၣ်အလီၢ် ဒုးအိၣ်ထီၣ်တ နံၣ်ဘၣ်တနံၣ်န့ၣ် နဘၣ်နီၤဖးဆံဆဲၣ်ပူတပူအဆၢလီၤ တံၢ်လီၤဆဲးလီၤ.
23 ဒီးဖဲအလီၢ်လၢယွၤကဃုထၢပာ်လီၤအမံၤန့ၣ် နဘၣ် အီၣ်နဘု, ဒီးနစပံးထံ, ဒီးနသိအတၢ်ဆံဆဲၣ်ပူတပူ, ဒီးနဂီၤဖံး, ဒီးနသိနမဲာ်တဲးလဲးအဖိဝဲၢ်ကိလၢယွၤအမဲာ် ညါဖဲန့ၣ်, ဒ်သိးနကမၤလိလၢနဘၣ်ပျံၤယွၤနကစၢ်ကိး မုၢ်နံၤမုၢ်နၤဒဲးလီၤ.
24 ဒီးကျဲမ့ၢ်ယံၤကဲၣ်ဆိးလၢနဂီၢ် တုၤနလဲၤစိာ်တၢ်န့ၣ် တသ့ဘၣ်, တၢ်အလီၢ်ဖဲယွၤဃုထၢပာ်အမံၤန့ၣ်မ့ၢ်ယံၤ ကဲၣ်ဆိးဒီးနၤဒီး, တုၤယွၤဆိၣ်ဂ့ၤနၤဒီး, 25 နဘၣ်ဆါ ကွံာ်လၢစ့, ဒီးဘိၣ်ထီၣ်စ့န့ၣ်လၢနစုပူၤ, ဒီးလဲၤတၢ်ဆူ တၢ်အလီၢ်ဖဲယွၤကဃုထၢအီၤလီၤ.
26 ဒီးနဘၣ်ဟ့ၣ်လီၤနစ့န့ၣ်လၢ ဖဲဒၣ်တၢ်လၢနဆၢန့ၢ် ဘၣ်အီၤတမံၤမံၤအဂီၢ်, ဂီၤဖံးမ့ၢ်ဂ့ၤ, သိမဲာ်တဲးလဲးမ့ၢ်ဂ့ၤ, စပံးထံမ့ၢ်ဂ့ၤ, သံးမ့ၢ်ဂ့ၤ, ဖဲဒၣ်နသးဆၢန့ၢ်ဘၣ်တၢ်တမံၤ မံၤ, ဒီးနဘၣ်အီၣ်တၢ်ဖဲန့ၣ်လၢယွၤနကစၢ်အမဲာ်ညါ, ဒီး နသးကခု, နဲဒၣ်, ဒီးနပှၤဟံၣ်ဖိ, 27 ဒီးပှၤလ့ၤဝံဖိလၢအ အိၣ်လၢနပဲတရီအပူၤလီၤ. နတဘၣ်လဲၤသဒၣ်အီၤဘၣ်, အဂ့ၢ်ဒ်အံၤ, အဂီၢ်ဒီးအတၢ်န့ၢ်သါတအိၣ်ဘၣ်ဒီးနၤဘၣ်.
28 ဒီးသၢနံၣ်အကတၢၢ်န့ၣ် နဘၣ်ဟဲစိာ်နတၢ်အါထီၣ် ဆံဆဲၣ်ပူတပူခဲလၢာ်တနံၣ်ဃီန့ၣ်, ဒီးနဘၣ်ပာ်ဖှိၣ်အီၤ လၢနပဲတရီအပူၤ, 29 ဒီးပှၤလ့ၤဝံဖိ (အဂ့ၢ်ဒ်အံၤ, အဂီၢ်ဒီး အတၢ်န့ၢ်သါတအိၣ်ဘၣ်ဒီးနၤဘၣ်), ဒီးပှၤတခီဘီမုၢ် ဖိ, ဒီးပှၤဖိၣ်ဃဲ, ဒီးပှၤမုၣ်ကမဲလၢအအိၣ်လၢနပဲတရီ အပူၤန့ၣ်ကဟဲ, ဒီးကအီၣ်တၢ်ဒီးဘျဲးအီၣ်, ဒ်သိးယွၤ နကစၢ်ကဆိၣ်ဂ့ၤနၤ, လၢကယဲၢ်နတၢ်မၤလၢနစု, လၢ နမၤအီၤလီၤ.
15၁၅
1 နွံနံၣ်အကတၢၢ်န့ၣ် နဘၣ်မၤတၢ်ထူၣ်ဖျဲးလီၤ.― ဒီး တၢ်ထူၣ်ဖျဲးတမံၤန့ၣ်မ့ၢ်အအံၤ, ကယဲၢ်ဒ့ၣ်ဧိၤကမၢ်ဧိၤ အကစၢ်လၢအဒုးလိၢ်တၢ်လၢ ပှၤလၢအဃၢၤတဂၤလၢ် လၢ်န့ၣ်ဘၣ်ပျၢ်ဝဲလီၤ. လၢပှၤလၢအဃၢၤမ့ၢ်ဂ့ၤ, လၢအ ဒီပုၢ်ဝဲၢ်မ့ၢ်ဂ့ၤ, တဘၣ်ဃ့လၢၤဘၣ်. အဂ့ၢ်ဒ်အံၤ, တၢ် ကိးအီၤလၢယွၤအတၢ်ပျၢ်လီၤ.
3 နကဃ့ဘၣ်တၢ်လၢပှၤတခီဘီမုၢ်ဖိန့ၣ်လီၤ. မ့မ့ၢ်န တၢ်လၢအအိၣ်ဒီးနဒီပုၢ်ဝဲၢ်န့ၣ်နစုဘၣ်ပျၢ်အီၤလီၤ.
4 ဘၣ်ဆၣ်ဒီး ပှၤဖှီၣ်ဖိယာ်ဖိတအိၣ်ဘၣ် လၢသုကျါ ဘၣ်. အဂ့ၢ်ဒ်အံၤ, ယွၤကဆိၣ်ဂ့ၤနၤသပှၢ်တၢၢ်လၢထံ ဧိၤကီၢ်ဧိၤအပူၤလၢယွၤနကစၢ်ဟ့ၣ်လီၤနၤလၢ တၢ်န့ၢ် သါလၢနကမၤန့ၢ်အီၤလီၤ. 5 ထဲနမ့ၢ်ဒိကနၣ်ယွၤနက စၢ်အကလုၢ်အကထါသပှၢ်တၢၢ်, ဒ်သိးနကပလီၢ်နသး လၢနကမၤကယဲၢ်တၢ်မၤလိာ်လၢယမၤလိာ်နၤလၢမုၢ်မ ဆါတနံၤအံၤလီၤ.
6 အဂ့ၢ်ဒ်အံၤ, ယွၤနကစၢ်ဆိၣ်ဂ့ၤနၤ, ဒ်အကတိၤတၢ် ဒီးနၤအသိးန့ၣ်, ဒီးနကဒုးလိၢ်တၢ်လၢပှၤအါကလုာ် ဘၣ်ဆၣ်ဒီးနတလိၢ်ဘၣ်တၢ်ဘၣ်, ဒီးနကပၢပှၤအါက လုာ်ဘၣ်ဆၣ်ဒီး, အဝဲသ့ၣ်တဖၣ်န့ၣ်တပၢဘၣ်နၤဘၣ်.
7 ဒီးပှၤဖှီၣ်ဖိယာ်ဖိ, နဒီပုၢ်ဝဲၢ်တဂၤမ့ၢ်အိၣ်လၢသုကျါ, လၢသုပဲတရီတပူၤပူၤလၢနကီၢ်ပူၤ လၢယွၤနကစၢ်ဟ့ၣ် လီၤနၤဒီး, နတဘၣ်မၤကိၤနသး, ဒီးနတဘၣ်တၢၤဒုၣ် နစုလၢနဒီပုၢ်ဝဲၢ်အဖှီၣ်အယာ်ဘၣ်.
8 ဒီးနဘၣ်အိးထီၣ်နစုဖးလဲၢ်, ဒီးနဘၣ်ဒုးလိၢ်အီၤဖဲ အကြၢးဒီးတၢ်လၢအန့ၢ်ဘၣ်အလီၢ်အိၣ်ဝဲန့ၣ်လီၤ.
9 ပလီၢ်နသးဒ်သိး တၢ်ဆိကမိၣ်အသုတအိၣ်ထီၣ်လၢ နသးအၢအပူၤလၢအစံး, နွံနံၣ်တနံၣ်န့ၣ်တၢ်ပျၢ်အနံၣ် အိၣ်ဘူးထီၣ်လံန့ၣ်တဂ့ၤ. ဒီးနမဲာ်အၢထီၣ်လၢနဒီပုၢ်ဝဲၢ် အဖှီၣ်အယၣ်အလိၤ, ဒီးနတဟ့ၣ်လီၤဘၣ်အီၤလၢတၢ် နီတမံၤဘၣ်, ဒီးအဝဲဒၣ်ကိးထီၣ်ဆူယွၤလၢနဂ့ၢ်, ဒီး တၢ်ဒဲးဘးဘၣ်နၤတဂ့ၤန့ၣ်တက့ၢ်.
10 နဘၣ်ဟ့ၣ်လီၤအီၤလၢတၢ်သပှၢ်တၢၢ်, ဒီးတုၤနဟ့ၣ် လီၤအီၤဒီး, နတဘၣ်သးအုးဘၣ်. အဂ့ၢ်ဒ်အံၤ, လၢတၢ် န့ၣ်တမံၤအဃိ, ယွၤနကစၢ်ကဆိၣ်ဂ့ၤနၤလၢနမၤတၢ်ခဲ လၢာ်, ဒီးလၢကယဲၢ်တၢ်လၢနပာ်နစုလၢအလိၤလီၤ.
11 အဂ့ၢ်ဒ်အံၤ, ပှၤဖှီၣ်ဖိယာ်ဖိတဟါမၢ်လၢကီၢ်ပူၤဘၣ်, မၤသးဒ်န့ၣ်ဒီးယမၤလိာ်နၤ, ဒီးစံး, နဘၣ်အိးထီၣ်နစု ဖးလဲၢ်, လၢနဒီပုၢ်ဝဲၢ်အဂီၢ်, လၢနပှၤဖှီၣ်ဖိယာ်ဖိအဂီၢ်, ဒီးလၢနပှၤလၢအဘၣ်ဖှီၣ်ဘၣ်ယာ်လၢနကီၢ်ပူၤလီၤ.
12 နဒီပုၢ်ဝဲၢ်ပှၤဧ့ၤဘြံၤခွါမ့ၢ်ဂ့ၤ, ပှၤဧ့ၤဘြံၤမုၣ်မ့ၢ်ဂ့ၤ, မ့ၢ် ဘၣ်တၢ်ဆါကွံာ်အီၤလၢနၤဒီး မၤနတၢ်ဃုနံၣ်ဒီး, နွံ နံၣ်တနံၣ်န့ၣ်နဘၣ်ပျၢ်အီၤလၢနအိၣ်လီၤ.
13 ဒီးတုၤနပျၢ်အီၤလၢနအိၣ်ဒီး, နတပျၢ်ဘၣ်အီၤအိၣ်က လီဘၣ်, 14 နဘၣ်ဟ့ၣ်လီၤအီၤလၢတၢ်လၢနသိလၢနမဲာ် တဲးလဲးအကျါ, ဒီးလၢနဘုဧိၤဟုဧိၤအကျါ, ဒီးလၢန နီၣ်စံၢ်စပံးသၣ်အပူၤလီၤ. နဘၣ်ဟ့ၣ်လီၤအီၤလၢတၢ် လၢယွၤနကစၢ်ဆိၣ်ဂ့ၤနၤလၢအီၤလီၤ.
15 ဒီးနဘၣ်သ့ၣ်နီၣ်ထီၣ်က့ၤလၢ နမ့ၢ်ပှၤကုၢ်ဖိလၢကီၢ် အဲၤကူပတူးအပူၤ, ဒီးယွၤနကစၢ်ပှ့ၤက့ၤနၤလီၤ. မၤသး ဒ်န့ၣ်ဒီးယမၤလိာ်နၤလၢ တၢ်တမံၤန့ၣ်လၢမုၢ်မဆါတ နံၤအံၤလီၤ.
16 ဒီးအဝဲဒၣ်မ့ၢ်စံးဘၣ်နၤ, ယတဟးထီၣ်ကွံာ်ဒီးနၤ ဘၣ်, (အဂ့ၢ်ဒ်အံၤ, အဲၣ်နၤဒီးနပှၤဟံၣ်ဖိလီၤ. အဂ့ၢ် ဒ်အံၤ, လၢအအိၣ်ဒီးနၤန့ၣ်တၢ်ဂ့ၤအိၣ်ဒီးအီၤလီၤ),
17 တၢ်ကမၤအသးလၢနဘၣ်ဟံးန့ၢ်ထးလူ ဒီးလူဖျိအ နၢ်လၢကျဲစၢၤထူၣ်လိၤလီၤ. ဒီးကကဲထီၣ်နကုၢ်နပှၤတ စိၤဒၣ်အီၤလီၤ. ဒီးနကုၢ်ပိာ်မုၣ်န့ၣ် နဘၣ်မၤအီၤဒ်န့ၣ် သိးလီၤ.
18 ဒီးတုၤနပျၢ်အီၤလၢနအိၣ်ဒီး, တဘၣ်မ့ၢ်တၢ်ကီလၢ နမဲာ်ညါဘၣ်, အဂ့ၢ်ဒ်အံၤ, လၢအမၤနတၢ်ဃုနံၣ်န့ၣ် ဂ့ၤလၢနဂီၢ်ထဲသိးဒီးပှၤဒိးလဲဖိခံစးလီၤ. ဒီးယွၤနကစၢ် ဆိၣ်ဂ့ၤနၤလၢကယဲၢ်တၢ်လၢနမၤအီၤလီၤ.
19 ကယဲၢ်နဂီၢ်ဖံးဖါဖိဝဲၢ်ကိ, ဒီးနသိဖါနမဲာ်တဲးလဲးဖါ ဖိဝဲၢ်ကိလၢအအိၣ်ဖျဲၣ်ခဲလၢာ်န့ၣ် နဘၣ်ပာ်အီၤစီဆှံ လၢယွၤနကစၢ်အဂီၢ်လီၤ. နတဘၣ်မၤတၢ်မၤလၢနဂီၤ ဖံးဖါအဖိဝဲၢ်ကိဘၣ်, ဒီးနတဘၣ်တံာ်နသိအဖိဝဲၢ်ကိ အဆူၣ်ဘၣ်.
20 နဘၣ်အီၣ်တၢ်တနံၣ်ဘၣ်တနံၣ် တနံၣ်ဘၣ်တနံၣ်ဖဲ အလီၢ်လၢယွၤနကစၢ်ဃုထၢအီၤ, နဲဒၣ်ဒီးနပှၤဟံၣ်ဖိလီၤ.
21 ဒီးအမဲၣ်မ့ၢ်အိၣ်လၢအလိၤဒီး, အခီၣ်မ့ၢ်ဟးဂီၤ, အ မဲာ်မ့ၢ်ဘျီၣ်, အမဲၣ်အအၢတမံၤမံၤမ့ၢ်အိၣ်ဒီး, နတဘၣ် လုၢ်ဘၣ်အီၤလၢယွၤနကစၢ်ဘၣ်.
22 နဘၣ်အီၣ်အီၤလၢနပဲတရီအပူၤ, ပှၤတကဆှီဒီးပှၤ အကဆှီတပူၤဃီ, ဒ်တၤဟိစဘံအသိး, ဒီးဒ်တၤယုၢ် အသိးန့ၣ်လီၤ.
23 မ့မ့ၢ်အသွံၣ်န့ၣ်အီၣ်အီၤတဂ့ၤ. နဘၣ်လူလီၤအီၤလၢ ဟီၣ်ခိၣ်ချၢဒ်ထံအသိးန့ၣ်လီၤ.
16၁၆
1 တိၢ်န့ၢ်လါအါဘံာ်, ဒီးမၤဘူၣ်လဲၤကပာ်လၢယွၤနက စၢ်အဂီၢ်တက့ၢ်. အဂ့ၢ်ဒ်အံၤ, လၢလါအါဘံာ်အတီၢ်ပူၤန့ၣ် ယွၤဒုးဟးထီၣ်ကွံာ်နၤလၢအဲၤကူပတူးလၢမုၢ်နၤန့ၣ်လီၤ.
2 ဒီးလၢသိလၢမဲာ်တဲးလဲးမ့ၢ်ဂ့ၤ, လၢဂီၤဘုၣ်ဂီၤဖံးမ့ၢ် ဂ့ၤ, နဘၣ်လုၢ်တၢ်လဲၤကပာ်လၢယွၤနကစၢ်အဂီၢ်ဖဲအ လီၢ်လၢယွၤနကစၢ်ကဃုထၢပာ်အမံၤန့ၣ်လီၤ.
3 နတဘၣ်အီၣ်ကိၣ်အိၣ်ဒီးကိၣ်မံၣ်ဒီးအီၤဘၣ်, နဘၣ် အီၣ်ကိၣ်တအိၣ်ဒီးကိၣ်မံၣ်နွံနံၤ, ကိၣ်ဘၣ်ဃးဒီးတၢ်နး တၢ်ဖှီၣ်, (အဂ့ၢ်ဒ်အံၤ, နဟးထီၣ်ကွံာ်လၢကီၢ်အဲၤကူပ တူးချ့ချ့), ဒ်သိးနကသ့ၣ်နီၣ်ထီၣ်က့ၤမုၢ်တနံၤလၢနဟး ထီၣ်ကွံာ်လၢကီၢ်အဲၤကူပတူးအပူၤ တစိၤဒၣ်နၤကိးမုၢ် နံၤမုၢ်နၤဒဲးလီၤ.
4 ဒီးကိၣ်အိၣ်ဒီးကိၣ်မံၣ်န့ၣ် တဘၣ်အိၣ်လၢနဃၢၤနီ တပူၤနွံနံၤညါ, ဒီးတၢ်ညၣ်လၢနလုၢ်အီၤ, လၢအခီၣ်ထံးတ နံၤန့ၣ်တဘၣ်အိၣ်လီၤတဲာ်သီတနၤကျၢၤတုၤမုၢ်ဂီၤဘၣ်.
5 နတဘၣ်လုၢ်တၢ်လဲၤကပာ် လၢနပဲတရီအပူၤလၢ ယွၤနကစၢ်ဟ့ၣ်လီၤနၤနီတပူၤဘၣ်, 6 မ့ၢ်လၢအလီၢ်ဖဲ ယွၤနကစၢ်ကဃုထၢပာ်အမံၤ, ဖဲန့ၣ်နဘၣ်လုၢ်တၢ်လဲၤ ကပာ်လၢမုၢ်ဟါ, လၢမုၢ်လီၤနုာ်, အဆၢအကတီၢ်လၢ နဟးထီၣ်ကွံာ်လၢအဲၤကူပတူးအပူၤလီၤ.
7 ဒီးနဘၣ်ကၣ်အီၤ, ဒီးအီၣ်အီၤဖဲအလီၢ်လၢယွၤနက စၢ်ကဃုထၢ, ဒီးနဘၣ်ဃၣ်နသးလၢမုၢ်ဆ့ၣ်ထီၣ်, ဒီးက့ၤ က့ၤဆူနဒဲတဖၣ်အပူၤလီၤ. 8 ဃုနံၤနဘၣ်အီၣ်ကိၣ်တ အိၣ်ဘၣ်ဒီးကိၣ်မံၣ်ဘၣ်, ဒီးနွံနံၤတနံၤတၢ်အိၣ်ဖှိၣ်လၢ ယွၤနကစၢ်အဂီၢ်န့ၣ်ကအိၣ်လီၤ. နတဘၣ်မၤတၢ်မၤဘၣ်.
9 နဘၣ်ဂံၢ်နွံနံၤလၢနဂီၢ်လီၤ. လၢနဒၢနုာ်သီ ထါဂဲာ် လၢဘုကျါန့ၣ်နဘၣ်ဂံၢ်သီနွံနွံန့ၣ်လီၤ.
10 ဒီးနဘၣ်မၤတၢ်မၤဘူၣ်နွံတဖၣ်လၢ တၢ်မၤဘူၣ်ဒၣ် တၢ်လၢနစုပူၤလၢနဘၣ်ဟ့ၣ်လၢယွၤနကစၢ်, ဒ်ယွၤန ကစၢ်ဆိၣ်ဂ့ၤနၤအသိးန့ၣ်လီၤ. 11 ဒီးနသးကခုလၢယွၤ နကစၢ်အမဲာ်ညါ, နဲဒၣ်, ဒီးနဖိခွါ, ဒီးနဖိမုၣ်, ဒီးနကုၢ် ပိာ်ခွါ, ဒီးနကုၢ်ပိာ်မုၣ်, ဒီးပှၤလ့ၤဝံဖိလၢအအိၣ်လၢန ပဲတရီအပူၤ, ဒီးပှၤတခီဘီမုၢ်ဖိ, ဒီးပှၤဖိၣ်ဃဲ, ဒီးပှၤမုၣ် ကမဲ, လၢအအိၣ်လၢသုကျါဖဲအလီၢ်အိၣ်လၢ ယွၤန ကစၢ်ကဃုထၢပာ်အမံၤလီၤ.
12 ဒီးနဘၣ်သ့ၣ်နီၣ်ထီၣ်က့ၤလၢနမ့ၢ် ပှၤကုၢ်ဖိလၢအဲၤ ကူပတူးအပူၤ, ဒီးနဘၣ်တိၢ်န့ၢ်, ဒီးမၤတၢ်မၤလိာ်တ ဖၣ်အံၤလီၤ.
13 ဒီးနပာ်ဖှိၣ်နဘုဒီးနစပံးထံအလီၢ်ခံန့ၣ် နဘၣ်မၤတၢ် ဘူၣ်ဒဲနွံနံၤလီၤ. 14 နသးကခုလၢနဘူၣ်ပူၤ, နဲဒၣ်, ဒီး နဖိခွါ, ဒီးနဖိမုၣ်, ဒီးနကုၢ်ပိာ်ခွါ, ဒီးနကုၢ်ပိာ်မုၣ်, ဒီးပှၤလ့ၤဝံဖိ, ဒီးပှၤတခီဘီမုၢ်ဖိဒီးပှၤဖိၣ်ဃဲ, ဒီးပှၤမုၣ် ကမဲ, လၢအအိၣ်လၢနပဲတရီအပူၤလီၤ.
15 နွံနံၤန့ၣ်နဘၣ်မၤတၢ်လၢယွၤအဂီၢ်ဖဲ အလီၢ်လၢယွၤ နကစၢ်ကဃုထၢအီၤလီၤ. အဂ့ၢ်ဒ်အံၤယွၤနကစၢ်က ဆိၣ်ဂ့ၤနၤလၢနတၢ်အါထီၣ်ခဲလၢာ်, ဒီးလၢကယဲၢ်နမၤ တၢ်လၢနစုလီၤ. မၤသးဒ်န့ၣ်ဒီးနသးကခုလီၤ.
16 တနံၣ်အတီၢ်ပူၤန့ၣ် ကယဲၢ်နဖိခွါဘၣ်အိၣ်ဖျါထီၣ် သၢဘျီလၢယွၤနကစၢ်အမဲာ်ညါ, ဖဲအလီၢ်လၢအကဃု ထၢအီၤ, လၢဘူၣ်ကိၣ်တအိၣ်ဒီးကိၣ်မံၣ်အပူၤ, ဒီးလၢ ဘူၣ်နွံတဖၣ်အပူၤ, ဒီးလၢဘူၣ်ဒဲအပူၤလီၤ. ဒီးတဘၣ် အိၣ်ဖျါလၢယွၤအမဲာ်ညါအိၣ်ကလီဘၣ်. 17 တဂၤဒ်တၢ် ဟ့ၣ်လၢအစု, တဂၤဒ်တၢ်ဟ့ၣ်လၢအစုအသိးန့ၣ်, ဒ်ယွၤ နကစၢ်အတၢ်ဆိၣ်ဂ့ၤလၢအဟ့ၣ်လီၤနၤအသိးန့ၣ်လီၤ.
18 ဒီးနဘၣ်ပာ်ပှၤစံၣ်ညီၣ်ကွီၢ်, ဒီးပှၤကွဲးလံာ်လၢကယဲၢ် နပဲတရီအပူၤ လၢယွၤနကစၢ်ဟ့ၣ်လီၤနၤ လၢနဒူၣ်ခဲ လၢာ်အကျါလီၤ. ဒီးအဝဲသ့ၣ်တဖၣ်န့ၣ်ကစံၣ်ညီၣ်ပှၤ ဂီၢ်မုၢ်ဒီးတၢ်စံၣ်ညီၣ်တီလီၤ. 19 နတဘၣ်ဘိးကမၣ်တၢ် စံၣ်ညီၣ်ဘၣ်, နတဘၣ်ကွၢ်မဲာ်ပှၤကညီဘၣ်, ဒီးနတ ဘၣ်ဒိးန့ၢ်ခိၣ်ဖးဘၣ်. အဂ့ၢ်ဒ်အံၤ, ခိၣ်ဖးန့ၣ်မၤဘျီၣ် ပှၤကူၣ်တၢ်သ့အမဲာ်, ဒီးဒုးတလံာ်ပှၤတီပှၤလိၤအတၢ် ကတိၤန့ၣ်လီၤ. 20 နဘၣ်ပိာ်တၢ်တီတၢ်လိၤအခံဒ်သိးန ကမူဒီးန့ၢ်သါကီၢ်လၢယွၤနကစၢ်ဟ့ၣ်လီၤနၤလီၤ.
21 သူၣ်အရှ့ရၤဘူးဒီးယွၤနကစၢ်အတၢ်လုၢ်လီၢ် လၢန ကမၤလၢနဂီၢ်နီတမံၤတဂ့ၤ. 22 ဒီးဘိးဆၢထၢၣ်တၢ်ဂီၤ လၢယွၤနကစၢ်သးဟ့အီၤတဂ့ၤ.
17၁၇
1 ဂီၤဖံးမ့ၢ်ဂ့ၤ, သိမဲာ်တဲးလဲးမ့ၢ်ဂ့ၤ, လၢအအိၣ်ဒီးအ မဲၣ်, လၢတၢ်အၢတမံၤမံၤအိၣ်လၢအလိၤန့ၣ်လုၢ်ယွၤန ကစၢ်လၢအီၤတဂ့ၤ.
2 ဒီးလၢနပဲတရီအပူၤလၢ ယွၤနကစၢ်ကဟ့ၣ်လီၤနၤ န့ၣ်တၢ်မ့ၢ်ထံၣ်န့ၢ်လၢသုကျါပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, လၢအလုၣ်သ့ၣ်ခါပတာ် ယွၤအတၢ်အၢၣ်လီၤအီလီၤသ တးဒီး, မၤတၢ်အၢလၢယွၤနကစၢ်အမဲာ်ညါ, 3 ဒီးလဲၤမၤ ကစၢ်အဂၤတဖၣ်အတၢ်, ဒီးဘါထီၣ်အီၤ, မုၢ်ဂ့ၤ, လါ ဂ့ၤ, မူခိၣ်အသုးမုၢ်ဂ့ၤ, လၢယတမၤလိာ်ဘၣ်, 4 ဒီးပှၤဒုး နဲၣ်နၤ, ဒီးနနၢ်ဟူ, ဒီးနဃုတၢ်ထံထံ, ဒီးကွၢ်ကွၢ်, မ့ၢ်ဝဲ, တၢ်န့ၣ်အိၣ်နီၢ်နီၢ်, တၢ်သးဘၣ်အၢန့ၣ်မၤအသးလၢ အံၣ်စရ့လးအကျါသပှၢ်တၢၢ်ဒီး, ပိာ်ခွါဂ့ၤ, ပိာ်မုၣ်ဂ့ၤ, လၢအမၤတၢ်အၢန့ၣ် နဘၣ်ဟဲစိာ်ဆူနပဲတရီန့ၣ်လီၤ.―
5 တၢ်လၢပိာ်ခွါဂ့ၤ, ပိာ်မုၣ်ဂ့ၤနဘၣ်ကွံာ်အီၤလၢလၢၢ်တုၤ အသံလီၤ.
6 ဖဲဒၣ်ပှၤအုၣ်အသးခံဂၤ, သၢဂၤအထးခိၣ်န့ၣ်ပှၤလၢ အကြၢးသံကဘၣ်တၢ်မၤသံအီၤလီၤ. မ့မ့ၢ်ဖဲဒၣ်ပှၤအုၣ် အသးတဂၤဧိၤန့ၣ်တဘၣ်ဘၣ်တၢ်မၤသံအီၤဘၣ်.
7 ပှၤအုၣ်အသးတဖၣ် အစုကဘၣ်အိၣ်ဆိလၢအလိၤဒ် သိးအကမၤသံအီၤ, ဒီးလၢအလီၢ်ခံန့ၣ်ပှၤဂီၢ်မုၢ်ခဲလၢာ် အစုလီၤ. ဒီးနဘၣ်ပာ်ကွံာ်တၢ်အၢလၢသုကျါလီၤ.
8 တၢ်ကီကဲၣ်ဆိးလၢနဂီၢ်တမံၤ မ့ၢ်အိၣ်ထီၣ်လၢတၢ် စံၣ်ညီၣ်, လၢတၢ်သွံၣ်ဒီးတၢ်သွံၣ်အဘၢၣ်စၢၤ, လၢတၢ် လိာ်ကွီၢ်ဒီးတၢ်လိာ်ကွီၢ်အဘၢၣ်စၢၤ, လၢတၢ်တီၢ်ဒီးတၢ် တီၢ်အဘၢၣ်စၢၤ, တၢ်လိာ်ကွီၢ်တဖၣ်လၢနပဲတရီအပူၤ ဒီး, နဘၣ်ဂဲၤဆၢထၢၣ်, ဒီးလဲၤထီၣ်ဆူအလီၢ်လၢယွၤ နကစၢ်ကဃုထၢ, 9 ဒီးနဘၣ်လဲၤဆူပှၤလုၢ်တၢ်အဒိၣ်ဒီး ပှၤလ့ၤဝံဖိ, ဒီးပှၤစံၣ်ညီၣ်ကွီၢ်လၢအကိၣ်လၢမုၢ်နံၤတဖၣ် န့ၣ်အအိၣ်, ဒီးနဘၣ်သံကွၢ်တၢ်, ဒီးအဝဲသ့ၣ်တဖၣ် န့ၣ်ကဒုးနဲၣ်နၤလၢတၢ်စံၣ်ညီၣ်လီၤ.
10 ဒီးနဘၣ်မၤဒ်တၢ်စံၣ်ညီၣ် လၢပှၤလၢအလီၢ်ဖဲန့ၣ်က ဒုးနဲၣ်နၤ, ဒီးနဘၣ်ပလီၢ်နသး ဒ်သိးနကမၤတၢ်ဒ်က ယဲၢ်တၢ်လၢအဝဲသ့ၣ်တဖၣ်န့ၣ်သိၣ်လိနၤလီၤ.
11 ဖဲတၢ်သိၣ်တၢ်သီအထးခိၣ်လၢ အဝဲသ့ၣ်တဖၣ်က သိၣ်လိနၤ, ဒီးဒ်တၢ်စံၣ်ညီၣ်လၢအဝဲသ့ၣ်တဖၣ်ကစံး ဘၣ်နၤန့ၣ်နဘၣ်မၤလီၤ. လၢတၢ်စံၣ်ညီၣ်လၢအကဒုး နဲၣ်နၤ, နတဘၣ်ဃၣ်ကပၤလၢနစုထွဲ, လၢနစုစ့ၣ်ဘၣ်.
12 ဒီးပှၤလၢအပာ်အသးကဖိလိ, ဒီးတကနၣ်ဘၣ်ပှၤ လုၢ်တၢ်အဒိၣ်အကလုၢ်လၢ အဆၢထၢၣ်ဒ်သိးအကမၤ တၢ်လၢယွၤနကစၢ်အမဲာ်ညါမ့ၢ်ဂ့ၤ, လၢပှၤစံၣ်ညီၣ်ကွီၢ် အကလုၢ်မ့ၢ်ဂ့ၤ, အဝဲဒၣ်န့ၣ်ကဘၣ်တၢ်မၤသံအီၤလီၤ. နဘၣ်ပာ်ကွံာ်တၢ်အၢလၢအံၣ်စရ့လးအပူၤလီၤ. 13 ဒီးက ယဲၢ်ပှၤဂီၢ်မုၢ်ကနၢ်ဟူ, ဒီးပျံၤတၢ်, ဒီးတပာ်လၢၤဘၣ် အသးကဖိလိဘၣ်.
14 တုၤနလဲၤတုၤလၢကီၢ်ပူၤ လၢယွၤနကစၢ်ဟ့ၣ်လီၤနၤ, ဒီးန့ၢ်ဘၣ်အီၤ, ဒီးအိၣ်လၢအပူၤ, ဒီးစံး, ယကပာ်စီၤ ပၤလၢယဖီခိၣ်ဒ်ပှၤကလုာ်ခဲလၢာ် လၢအအိၣ်ဝးတရံး ယၤအသိးန့ၣ်ဒီး, 15 နဘၣ်ပာ်သပှၢ်တၢၢ်စီၤပၤလၢနဖီခိၣ် လၢယွၤနကစၢ်ဃုထၢအီၤလီၤ. ပှၤလၢနဒီပုၢ်ဝဲၢ်အကျါ န့ၣ်နဘၣ်ပာ်စီၤပၤလၢနဖီခိၣ်လီၤ. နတဘၣ်ပာ်ပှၤတခီ ဘီမုၢ်ဖိ, ပှၤလၢအတမ့ၢ်ဘၣ်နဒီပုၢ်ဝဲၢ်လၢနဖီခိၣ်ဘၣ်.
16 ဘၣ်ဆၣ်ဒီးတဘၣ်မၤအါထီၣ် ကသ့ၣ်လၢအဂီၢ်ဒၣ် ဝဲ, ဒီးတဘၣ်ဒုးက့ၤက့ၤပှၤဂီၢ်မုၢ်ဆူအဲၤကူပတူးအပူၤ, ဒ်သိးအကမၤအါထီၣ်ကသ့ၣ်ဘၣ်. အဂ့ၢ်ဒ်အံၤ, ယွၤ စံးတ့ၢ်သု, သုတက့ၤပိာ်လၢၤကျဲအဝဲန့ၣ်တဂ့ၤ.
17 ဒီးတဘၣ်မၤအါထီၣ်အမါတဖၣ်လၢအဂီၢ်ဒၣ်ဝဲ, ဒ် သိးအသး သုတဃၣ်ကပၤအသးတဂ့ၤ, ဒီးတမၤအါ ထီၣ်ဘၣ်စ့ၢ်ကီးကျိၣ်ဧိၤစ့ဧိၤ, ထူဧိၤလွဲဧိၤအါအါကလဲာ် ဘၣ်.
18 ဒီးတုၤအဆ့ၣ်နီၤလၢ အဘီမုၢ်အလီၢ်ပစိာ်အဖီခိၣ်ဒီး, တၢ်ကမၤအသးလၢအဘၣ်ကွဲးဆဲ လံာ်တၢ်သိၣ်တၢ်သီ အံၤလၢလံာ်လၢအအိၣ်လၢပှၤလုၢ်တၢ်အဒိၣ်, ပှၤလ့ၤဝံ ဖိအမဲာ်ညါလီၤ. 19 ဒီးကအိၣ်ဒီးအီၤ, ဒီးကဖးလၢအပူၤ တစိၤဒၣ်အီၤကိးမုၢ်နံၤမုၢ်နၤဒဲး, ဒ်သိးအကမၤလိတၢ် ပျံၤယွၤအကစၢ်, ဒီးတိၢ်န့ၢ်တၢ်သိၣ်တၢ်သီအံၤ, ဒီးတၢ် မၤလိာ်တဖၣ်အံၤအကလုၢ်ကထါခဲလၢာ်, ဒ်သိးအက မၤအီၤ, 20 ဒ်သိးအသးသုတပာ်ထီၣ်ထီအသးလၢအဒီ ပုၢ်ဝဲၢ်အဖီခိၣ်, ဒီးဒ်သိးအသုတဃၣ်ကပၤအသးလၢ တၢ်မၤလိာ်အအိၣ်, ဆူစုထွဲဂ့ၤဆူစုစ့ၣ်ဂ့ၤန့ၣ်တဂ့ၤ, ဒ် သိးအကထုးထီထီၣ်အမုၢ်နံၤလၢအဘီအမုၢ်အပူၤ, အ ဝဲဒၣ်, ဒီးအဖိတဖၣ်လၢအံၣ်စရ့လးအကျါလီၤ.
18၁၈
1 ပှၤလုၢ်တၢ်အဒိၣ်ဒီး ပှၤလ့ၤဝံဖိတဒူၣ်ခဲလၢာ်န့ၣ်အဂီၢ် ဂ့ၤ, အတၢ်န့ၢ်သါဂ့ၤ, တဘၣ်အိၣ်ဒီးပှၤအံၣ်စရ့လးဖိ ဘၣ်, ဘၣ်အီၣ်ယွၤအတၢ်လုၢ်မ့ၣ်အူ, ဒီးအတၢ်န့ၢ်သါ လီၤ. 2 ဒီးတဘၣ်အိၣ်ဒီးအတၢ်န့ၢ်သါလၢအဒီပုၢ်ဝဲၢ်အ ကျါဘၣ်, ယွၤမ့ၢ်အတၢ်န့ၢ်သါ, ဒ်အစံးဘၣ်အီၤအသိး န့ၣ်လီၤ.
3 ဒီးအအံၤမ့ၢ်တၢ်စံၣ်ညီၣ်ဘၣ်ဃးဒီး ပှၤလုၢ်တၢ်အဒိၣ် လၢအကန့ၢ်ဘၣ်လၢပှၤဂီၢ်မုၢ်, ဒီးလၢပှၤလၢအလုၢ်တၢ် လုၢ်ဂီၤဖံးမ့ၢ်ဂ့ၤ, သိမဲာ်တဲးလဲးမ့ၢ်ဂ့ၤ, ဘၣ်ဟ့ၣ်ပှၤလုၢ် တၢ်အဒိၣ်လၢအဖံဘၣ်ခိၣ်, ဒီးအဘိးခံခီ, ဒီးအကဖု လီၤ. 4 တၢ်အဆိဘၣ်ဃးဒီးနဘုဧိၤဟုဧိၤ, နစပံးထံ, ဒီးနသိဒီးသိအဆူၣ်လၢ နတံာ်ဆိန့ၣ်နဘၣ်ဟ့ၣ်လီၤအီၤ လီၤ. 5 အဂ့ၢ်ဒ်အံၤ, ယွၤနကစၢ်ဃုထၢလံအီၤလၢနဒူၣ်ခဲ လၢာ်အကျါ, ဒ်သိးအကဆၢထၢၣ်မၤတၢ်လၢယွၤအမံၤ, အဝဲဒၣ်ဒီးအဖိခွါကိးမုၢ်နံၤမုၢ်နၤဒဲးလီၤ. 6 ဒီးပှၤလ့ၤဝံဖိ မ့ၢ်ဟဲလၢနပဲတရီတပူၤပူၤလၢ ကယဲၢ်ပှၤအံၣ်စရ့လးဖိ အကျါဖဲအအိၣ်ဝဲ, ဒီးဟဲဆၢတၢ်လၢအသးဒီဖျၢၣ်ညါဆူ တၢ်အလီၢ်လၢ ယွၤကဃုထၢအီၤဒီး, 7 ကမၤတၢ်လၢ ယွၤအကစၢ်အမံၤ, ဒ်အဒီပုၢ်ဝဲၢ်ခဲလၢာ်ပှၤလ့ၤဝံဖိ, လၢ အဆၢထၢၣ်ဖဲန့ၣ်လၢယွၤအမဲာ်ညါအသိးန့ၣ်လီၤ.
8 ဒီးကအီၣ်ဘၣ်အဂီၢ် ဒ်အဝဲသ့ၣ်အဂီၢ်အသိးန့ၣ်လီၤ. လၢန့ၣ်အမဲာ်ညါ ကန့ၢ်ဘၣ်တၢ်လၢအဟဲလၢအဆါ ကွံာ်တၢ်လၢအပၢ်အတၢ်တဖၣ်လီၤ.
9 တုၤနလဲၤတုၤလၢ ကီၢ်ပူၤလၢယွၤနကစၢ်ဟ့ၣ်လီၤနၤ ဒီး, နတဘၣ်မၤလိမၤတၢ်ဒ်ပှၤကလုာ်တဖၣ်အတၢ်သး ဘၣ်အၢအသိးန့ၣ်ဘၣ်.
10 ပှၤလၢအမၢအဖိခွါဂ့ၤ, အဖိမုၣ်ဂ့ၤ, ခီဂာ်မ့ၣ်အူမ့ၢ် ဂ့ၤ, ပှၤဖးတၢ်ဖိမ့ၢ်ဂ့ၤ, ပှၤလၢအဒုၣ်တၢ်အဆၢကတီၢ် မ့ၢ်ဂ့ၤ, ပှၤလၢအဟိၣ်တၢ်လိၢ်တၢ်မ့ၢ်ဂ့ၤ, ပှၤမၤကဒါပ မဲာ်မ့ၢ်ဂ့ၤ, 11 ပှၤသ့တၢ်အူတၢ်သမူမ့ၢ်ဂ့ၤ, ပှၤမၤန့ၢ်ပှၤသံ ကလၤမ့ၢ်ဂ့ၤ, ပှၤမဲာ်ထံၣ်ဝံမ့ၢ်ဂ့ၤ, ပှၤလၢအသံကွၢ်တၢ် လၢပှၤသံမ့ၢ်ဂ့ၤ, တဘၣ်အိၣ်လၢသုကျါဘၣ်.
12 အဂ့ၢ်ဒ်အံၤ, ကယဲၢ်ပှၤလၢအမၤတၢ်တဖၣ်န့ၣ်မ့ၢ်ယွၤ အတၢ်သးဘၣ်အၢလီၤ. ဒီးယွၤနကစၢ်ဟီထီၣ်ကွံာ်အီၤ လၢနမဲာ်ညါလၢတၢ်သးဘၣ်အၢန့ၣ်တဖၣ်အဃိလီၤ. နဘၣ်လၢထီၣ်ပှဲၤထီၣ်ဒီးယွၤနကစၢ်လီၤ. 13 အဂ့ၢ်ဒ် အံၤ, ပှၤကလုာ်လၢနကမၤန့ၢ်အီၤတဖၣ်န့ၣ်ဒိကနၣ်ပှၤ လၢအဒုၣ်တၢ်အဆၢကတီၢ်, ဒီးပှၤလၢအဖးတၢ်တဖၣ် အကလုၢ်လီၤ. မ့မ့ၢ်နဲဒၣ်အံၤတဟ့ၣ်နမၤတၢ်ဒ်န့ၣ်ဘၣ်.
15 ယွၤနကစၢ်ကဒုးဂဲၤဆၢထၢၣ်ဝံတဂၤ လၢနဒီပုၢ်ဝဲၢ် အကျါဒ်ယၤအသိးန့ၣ်, သုဘၣ်ဒိကနၣ်အကလုၢ်အက ထါလီၤ. 16 ဒ်ကယဲၢ်တၢ်လၢ နဃ့လၢယွၤနကစၢ်လၢ ဃိၤရ့းအပူၤလၢတၢ်အိၣ်ဖှိၣ်အမုၢ်နံၤအသိးန့ၣ်, လၢန စံး, မ်ယသုတနၢ်ဟူလၢၤယွၤယကစၢ်အကလုၢ်, ဒီးမ် ယသုတထံၣ်ဘၣ်လၢၤမ့ၣ်အူဖးဒိၣ်အံၤတဂ့ၤ, ဒ်သိးယ သုတသံတဂ့ၤန့ၣ်လီၤ.
17 ဒီးယွၤစံးဘၣ်ယၤ, တၢ်လၢအကတိၤတၢ်န့ၣ်ဂ့ၤမး လီၤ. 18 ယကဒုးဂဲၤဆၢထၢၣ်ဝံတဂၤလၢ အဒီပုၢ်ဝဲၢ်အ ကျါ, ဒ်နၤအသိး, ဒီးယကပာ်ယတၢ်ကတိၤလၢအထး ခိၣ်, ဒီးအဝဲဒၣ်ကကတိၤတၢ်ဒီးအီၤ လၢကယဲၢ်တၢ် လၢယကမၤလိာ်အီၤလီၤ.
19 ဒီးတၢ်ကမၤအသးလၢ ဖဲဒၣ်ပှၤလၢ အတဒိကနၣ် ဘၣ်ယကလုၢ်ကထါလၢ အဝဲဒၣ်ကကတိၤတၢ်လၢယ မံၤတဂၤဂၤန့ၣ်ယကဃုတၢ်လၢအီၤလီၤ.
20 မ့မ့ၢ်ဝံလၢအပာ်အသးကဖိလိ, ဒီးကတိၤတၢ်ကတိၤ တထံၣ်လၢယမံၤလၢယတမၤလိာ်ဘၣ်အီၤ ဒ်သိးအက ကတိၤတၢ်မ့ၢ်ဂ့ၤ, မ့ၢ်ကတိၤတၢ်လၢကစၢ်အဂၤတဖၣ်အ မံၤမ့ၢ်ဂ့ၤ, တၢ်လၢဝံတဂၤန့ၣ်ကဘၣ်တၢ်မၤသံအီၤလီၤ. 21 ဒီးတၢ်ကတိၤလၢယွၤတကတိၤဘၣ်န့ၣ် ပကသ့ၣ်ညါဒ်လဲၣ်န့ၣ်နမ့ၢ်စံးလၢနသးကံၢ်ပူၤဒီး,― တုၤဝံတဂၤ ကတိၤတၢ်လၢယွၤအမံၤဒီး, တၢ်မ့ၢ်တမၤအသးဘၣ်, ဒီးတကဲထီၣ်ဘၣ်တၢ်ဘၣ်ဒီး, တၢ်န့ၣ်တမံၤမ့ၢ်တၢ်လၢ ယွၤတကတိၤဘၣ်, မ့ၢ်ဝံတဂၤန့ၣ်ပာ်အသးကဖိလိဒီး ကတိၤတၢ်န့ၣ်လီၤ, ပျံၤအီၤတဂ့ၤ.
19၁၉
1 တုၤယွၤဒီၣ်တဲာ်ကွံာ် ပှၤကလုာ်တဖၣ်လၢယွၤဟ့ၣ် လီၤအထံအကီၢ်လၢနၤ, ဒီးနမၤန့ၢ်အတၢ်, ဒီးနအိၣ် လၢအဝ့ၢ်ပူၤ, ဒီးအဟံၣ်ပူၤဒီး, 2 နဘၣ်နီၤဖးဝ့ၢ်သၢဖျၢၣ် လၢနဂီၢ်လၢနကီၢ်တဘ့ၣ်အသးကံၢ်ပူၤ, လၢယွၤဟ့ၣ် လီၤနၤဒ်သိးနကမၤန့ၢ်အီၤလီၤ.
3 နဘၣ်ကတဲာ်ကတီၤ ကျဲတဘိလၢနဂီၢ်, ဒီးနီၤဖးန ကီၢ်အဃၢၤလၢယွၤဟ့ၣ်လီၤနၤ ဒ်သိးနကမၤန့ၢ်အီၤ, လၢသၢပူၤ, ဒ်သိးကယဲၢ်ပှၤလၢအမၤသံပှၤကညီကဃ့ၢ် ဆူန့ၣ်ကိးဂၤဒဲးလီၤ.
4 ဒီးပှၤလၢအမၤသံပှၤကညီဒီး ဃ့ၢ်ဆူန့ၣ်ဒ်သိးအက မူဝဲန့ၣ်မ့ၢ်တၢ်အံၤ, ပှၤလၢအတသ့ၣ်ညါဘၣ်ဒီးမၤသံ ပှၤလၢအဃၢၤလၢအတသးဟ့ဘၣ်အီၤ လၢမဟါမဟိ လီၤ. 5 မ့ၢ်ဒ်အံၤ, ပှၤလၢအလဲၤတၢ်ဒီးပှၤလၢအဃၢၤဆူ ပှၢ်လၢ်ကျါဒ်သိးအကကူာ်သ့ၣ်, ဒီးယၤထီၣ်အစုအိၣ်ဒီး ကွါတဘ့ၣ်, ဒ်သိးအကကူာ်လီၤသ့ၣ်, ဒီးကွါအကနၣ် ဖျုထီၣ်လၢအတိၢ်, ဒီးဘၣ်ပှၤလၢအဃၢၤ, ဒီးသံဝဲဒၣ် လီၤ. အဝဲဒၣ်တဂၤကဃ့ၢ်ဆူဝ့ၢ်န့ၣ်တဖျၢၣ်ဖျၢၣ်အပူၤ ဒီးကမူဝဲလီၤ.)
6 မ့တမ့ၢ်ဘၣ်ဒ်န့ၣ်ဒီး ပှၤမၤကၣ်တၢ်သွံၣ်လၢအသး ကိၢ်အဖၢမုၢ်န့ၣ်ကလူၤပှၤမၤသံတၢ်, ဒီးကချုးန့ၢ်အီၤ လၢကျဲယံၤအဃိ, ဒီးကမၤသံဘၣ်ဖုးအီၤလီၤ. ဘၣ်ဆၣ် ဒီးတကြၢးသံဘၣ်. အဂ့ၢ်ဒ်အံၤ, တသးဟ့တ့ၢ်အီၤလၢ မဟါမဟိဘၣ်.
7 မၤသးဒ်န့ၣ်ဒီးယမၤလိာ်နၤ, ဒီးစံး, နဘၣ်နီၤဖးဝ့ၢ် သၢဖျၢၣ်လၢနဂီၢ်လီၤ. 8 ဒီးယွၤနကစၢ်မ့ၢ်မၤလဲၢ်ထီၣ်န ကီၢ်အဃၢၤတဖၣ်, ဒ်အဆိၣ်တၢ်ဒီးနပၢ်တဖၣ်, ဒီးဟ့ၣ် လီၤနကီၢ်ဒီဘ့ၣ်ညါလၢအစံး လၢအကဟ့ၣ်လီၤနပၢ်တ ဖၣ်ဒီး, 9 နမ့ၢ်တိၢ်န့ၢ်တၢ်မၤလိာ်ဒ်သိးနကမၤအီၤ, လၢ ယမၤလိာ်နၤလၢမုၢ်မဆါတနံၤအံၤ, ဒ်သိးနကအဲၣ်ယွၤ နကစၢ်, ဒီးပိာ်အကျဲတဖၣ်ကိးမုၢ်နံၤမုၢ်နၤဒဲးဒီး, နဘၣ် ပာ်ဖှိၣ်ဒံးဝ့ၢ်သၢဖျၢၣ် လၢဝ့ၢ်သၢဖျၢၣ်န့ၣ်အဖီခိၣ်လၢန ဂီၢ်, 10 ဒ်သိးတၢ်သွံၣ်လၢအတၢ်ဒဲးဘးတအိၣ်ဘၣ်အသု တဂၢ်လီၤအသးလၢ နကီၢ်ပူၤလၢယွၤနကစၢ်ဟ့ၣ်လီၤ နၤလၢတၢ်န့ၢ်သါအဂီၢ်တဂ့ၤ, ဒီးတၢ်သွံၣ်အသုတဘၣ် နလိၤတဂ့ၤလီၤ.
11 မ့မ့ၢ်ပှၤမ့ၢ်သးဟ့ ပှၤလၢအဃၢၤ, ဒီးအိၣ်ခိးခူသူၣ် အီၤ, ဒီးဂဲၤဆၢထၢၣ်လၢအလိၤ, ဒီးကျီအီၤ, တုၤအသံ ဒီး, ဃ့ၢ်ဝဲဆူဝ့ၢ်န့ၣ်တဖျၢၣ်ဖျၢၣ်ဒီး, 12 ပှၤသူၣ်က့သးပှၢ် လၢအဝ့ၢ်န့ၣ်ဘၣ်မၢလီၤပှၤဟဲက့ၤစိာ်အီၤ, ဒီးဟ့ၣ်လီၤ အီၤလၢပှၤမၤကၣ်တၢ်သွံၣ်အစုပူၤ ဒ်သိးအကသံလီၤ.―
13 နမဲာ်တဘၣ်သးလီအီၤဘၣ်. ဒီးနဘၣ်ပာ်ကွံာ်တၢ်သွံၣ် လၢအတၢ်ဒဲးဘးတအိၣ်ဘၣ် လၢအံၣ်စရ့လးအပူၤ, ဒ် သိးတၢ်ကဂ့ၤထီၣ်လၢနဂီၢ်လီၤ.
14 ပှၤလၢနဃၢၤ အဟီၣ်ခိၣ်အပနီၣ် လၢပှၤလၢသီပာ် လၢနတၢ်န့ၢ်သါ လၢနကန့ၢ်ဘၣ်သါ လၢကီၢ်ပူၤလၢ ယွၤနကစၢ်ဟ့ၣ်လီၤနၤ ဒ်သိးနကမၤန့ၢ်အီၤန့ၣ်, နတ ဘၣ်သုးအလီၢ်ဘၣ်.
15 ပှၤအုၣ်အသးတဂၤဧိၤ တဘၣ်ဂဲၤဆၢထၢၣ်ထီဒါပှၤ ကညီလၢတၢ်အၢတမံၤမံၤအဃိမ့ၢ်ဂ့ၤ, လၢတၢ်ကမၣ် တမံၤမံၤလၢအမၤကမၣ်တၢ်အဃိမ့ၢ်ဂ့ၤန့ၣ်ဘၣ်. ဖဲပှၤ အုၣ်အသးခံဂၤအထးခိၣ်မ့ၢ်ဂ့ၤ, ဖဲပှၤအုၣ်အသးသၢဂၤ အထးခိၣ်မ့ၢ်ဂ့ၤ, တၢ်အကွီၢ်ကအိၣ်ဂၢၢ်ဆိးကျၢၤလီၤ.
16 ပှၤအုၣ်အသးကဘျံးကဘျၣ်တဂၤ မ့ၢ်ဂဲၤဆၢထၢၣ်ထီ ဒါပှၤတဂၤဂၤ ဒ်သိးအကအုၣ်အသးလၢတၢ်အၢလၢအ ဂ့ၢ်ဒီး, 17 ပှၤခံဂၤလၢအလိာ်ကွီၢ်န့ၣ်ဘၣ်ဆၢထၢၣ်လၢ ယွၤအမဲာ်ညါ, လၢပှၤလုၢ်တၢ်အဒိၣ်, ဒီးပှၤစံၣ်ညီၣ်ကွီၢ် တဖၣ်အမဲာ်ညါလၢအကအိၣ်လၢမုၢ်နံၤတဖၣ်, 18 ဒီးပှၤ စံၣ်ညီၣ်ကွီၢ်ဘၣ်သံကွၢ်တၢ်ထံထံ, ဒီးကွၢ်ကွၢ်, ပှၤအုၣ် အသးမ့မ့ၢ်ပှၤအုၣ်တၢ်ကဘျံးကဘျၣ် လၢအဒီပုၢ်ဝဲၢ်အ ဂ့ၢ်ဒီး, 19 သုဘၣ်မၤအီၤဒ်အဆိကမိၣ်လၢအကမၤအဒီ ပုၢ်ဝဲၢ်အသိးန့ၣ်လီၤ. ဒီးသုဘၣ်ပာ်ကွံာ်တၣ်တၢ်အၢလၢ သုကျါလီၤ.
20 ဒီးပှၤလၢအအိၣ်လီၤတဲာ်တဖၣ်န့ၣ်ကနၢ်ဟူ, ဒီးပျံၤ တၢ်, ဒီးတမၤလၢၤဘၣ်တၢ်အၢဒ်န့ၣ်သိး လၢသုကျါ ဘၣ်. 21 ဒီးနမဲာ်တဘၣ်သးလီဘၣ်, သးလၢသးအဂီၢ်, မဲာ်လၢမဲာ်အဂီၢ်, မဲလၢမဲအဂီၢ်, စုလၢစုအဂီၢ်, ခီၣ် လၢခီၣ်အဂီၢ်လီၤ.
20၂၀
1 တုၤနလဲၤထီၣ်ဒုးသုးဒီးနဒုၣ်နဒါ, ဒီးနထံၣ်ဘၣ်က သ့ၣ်, ဒီးလ့ၣ်ကဟၣ်, ပှၤဂီၢ်မုၢ်အါန့ၢ်နၤတက့ၢ်ဒီး, ပျံၤ အီၤတဂ့ၤ. အဂ့ၢ်ဒ်အံၤ, ယွၤနကစၢ်အိၣ်ဒီးနၤ, လၢ အဒုးဟးထီၣ်ကွံာ်နၤလၢကီၢ်အဲၤကူပတူးအပူၤလီၤ.
2 ဒီးတုၤနလဲၤဘူးဒီးတၢ်ဒုးသုးဒီး, တၢ်ကမၤအသး လၢပှၤလုၢ်တၢ်အဒိၣ်ဘၣ်သုးဘူးအသးဒီး ကတိၤတၢ် ဒီးပှၤဂီၢ်မုၢ်လီၤ. 3 ဒီးဘၣ်စံးဘၣ်အီၤ, အံၣ်စရ့လးဧၢ, ကနၣ်တက့ၢ်. လၢမုၢ်မဆါတနံၤအံၤသုလဲၤဒုးသုးဒီးသု ဒုၣ်သုဒါလီၤ. မ်သုသးအဂံၢ်အဘါသုတစၢ်လီၤတဂ့ၤ, ပျံၤတၢ်တဂ့ၤ, ကနိးတဂ့ၤ, ဘၣ်ယိၣ်တၢ်လၢအဃိတ ဂ့ၤ, 4 အဂ့ၢ်ဒ်အံၤ, ယွၤသုကစၢ်မ့ၢ်ပှၤလၢအလဲၤတၢ်ဒီး သု, ဒ်သိးအကဒုးတၢ်ဒီးသုဒုၣ်သုဒါလၢသုဂီၢ် ဒ်သိး အကအုၣ်က့ၤခီၣ်က့ၤသုလီၤ.
5 ဒီးပှၤကွဲးလံာ်တဖၣ် ဘၣ်ကတိၤတၢ်ဒီးပှၤဂီၢ်မုၢ်ဒီး စံး, ပှၤလၢအသူၣ်အဟံၣ်သီ, ဒီးတပာ်စီဆှံဒံးဘၣ်န့ၣ် မ့ၢ်မတၤတဂၤလဲၣ်, မ်အလဲၤတၢ်, ဒီးက့ၤက့ၤဆူအဟံၣ် တက့ၢ်. ကသံဘၣ်ဖုးလၢတၢ်ဒုးသုးအပူၤ, ဒီးပှၤဂၤက ပာ်စီဆှံအီၤလီၤ.
6 ဒီးပှၤလၢအသူၣ်အစပံးမုၢ်အလီၢ်, ဒီးတအီၣ်ဒံးဘၣ် အတၤသၣ်န့ၣ်မ့ၢ်မတၤတဂၤလဲၣ်, မ်အလဲၤတၢ်, ဒီး က့ၤက့ၤဆူအဟံၣ်တက့ၢ်. ကသံဘၣ်ဖုးလၢတၢ်ဒုးသုး အပူၤ, ဒီးပှၤဂၤကအီၣ်အတၤသၣ်န့ၣ်လီၤ.
7 ဒီးပှၤလၢအအဲၣ်တီအမါ, ဒီးအတဟံးန့ၢ်ဘၣ်အီၤ ဘၣ်န့ၣ်မ့ၢ်မတၤတဂၤလဲၣ်, မ်အလဲၤတၢ်, ဒီးက့ၤက့ၤ ဆူအဟံၣ်တက့ၢ်. ကသံဘၣ်ဖုးလၢတၢ်ဒုးသုးအပူၤ, ဒီးပှၤဂၤကဟံးန့ၢ်အီၤလီၤ.
8 ဒီးပှၤကွဲးလံာ်တဖၣ်န့ၣ် ဘၣ်ကတိၤဒံးဒီးပှၤဂီၢ်မုၢ်ဒီး စံး, မ့ၢ်မတၤပျံၤတၢ်, ဒီးအသးလီၤဘှါတဂၤလဲၣ်. မ် အလဲၤတၢ်, ဒီးက့ၤက့ၤဆူအဟံၣ်တက့ၢ်. အဒီပုၢ်ဝဲၢ် အသးကလီၤဘှါဘၣ်ဖုးဒ်အဝဲဒၣ်အသးအသိးန့ၣ်လီၤ.
9 ဒီးပှၤကွဲးလံာ်တဖၣ်န့ၣ်ကတိၤတၢ်ဒီး ပှၤဂီၢ်မုၢ်လၢာ် ဝံၤဒီး, တၢ်ကမၤအသးလၢအဘၣ်ပာ်သုးမုၢ်အပဒိၣ်တ ဖၣ်လၢပှၤဂီၢ်မုၢ်အခိၣ်လီၤ.
10 တုၤနလဲၤဘူးဒီးဝ့ၢ်တဖျၢၣ် လၢနကဒုးတၢ်ဒီးအီၤဒီး, နဘၣ်ကိးထီၣ်တၢ်ဃူတၢ်ဖိးဒီးအီၤလီၤ.
11 ဒီးတၢ်ကမၤအသးလၢအမ့ၢ် စံးဆၢနၤလၢတၢ်အဃူ အဖိး, ဒီးအိးထီၣ်လၢနဂီၢ်ဒီး, တၢ်ကမၤအသးလၢပှၤ ဂီၢ်မုၢ်လၢ တၢ်ထံၣ်န့ၢ်အီၤလၢအပူၤခဲလၢာ်န့ၣ် ကကဲ ထီၣ်ပှၤဟ့ၣ်သွဲလၢနၤ, ဒီးဘၣ်မၤနတၢ်လီၤ.
12 ဒီးမ့ၢ်တမၤဃူမၤဖိးဘၣ်ဒီးနၤ, ဒီးမ့ၢ်ဒုးသုးဒီးနၤဒီး နကကဝီၤဃာ်အီၤလီၤ. 13 ဒီးတုၤယွၤဟ့ၣ်လီၤအီၤလၢန စုပူၤဒီး, နဘၣ်ကျီသံကွံာ်ပှၤပိာ်ခွါလၢနးအကနၣ်ကိး ဂၤဒဲးလီၤ. 14 မ့မ့ၢ်ပိာ်မုၣ်ပိာ်မၢၤ, ဒီးဖိဒံဖိသၣ်, ဒီးဆၣ်ဖိ ကီၢ်ဖိအဒၢ, ဒီးကယဲၢ်တၢ်အိၣ်လၢဝ့ၢ်ပူၤ, အတၢ်ဖိတၢ် တၢ်လံၤခဲလၢာ်န့ၣ်နကဟံးန့ၢ်ဘၣ်လၢနဂီၢ်ဒၣ်နဲ, ဒီးန ကအီၣ်ဘၣ်နဒုၣ်နဒါအတၢ်ဖိတၢ်လံၤ လၢယွၤနကစၢ် ဟ့ၣ်လီၤနၤလီၤ.
15 ဒီးဒ်န့ၣ်အသိး နဘၣ်မၤကယဲၢ်ဝ့ၢ်လၢအအိၣ်ဖးယံၤ ဒီးနၤ, လၢအတမ့ၢ်ဘၣ်ပှၤကလုာ်တဖၣ်အံၤအဝ့ၢ်ဘၣ် လီၤ.
16 မ့မ့ၢ်ဝ့ၢ်လၢပှၤကလုာ်တဖၣ် လၢယွၤနကစၢ်ဟ့ၣ်လီၤ နၤလၢတၢ်န့ၢ်သါအဂီၢ်န့ၣ် နတဒုးမူဘၣ်တၢ်လၢအသါ ဝဲနီတမံၤဘၣ်. 17 နဘၣ်မၤဟးဂီၤအီၤစီဖ့ကလ့ၤ, ပှၤဃ့ၤ သးဖိ, ဒီးပှၤအမိၢ်ဖိ, ဒီးပှၤကနၤဧၣ်ဖိ, ဒီးပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ, ဒ်ယွၤနကစၢ်မၤလိာ်နၤအ သိးန့ၣ်, 18 ဒ်သိးအသုတသိၣ်လိသုလၢသုကမၤထွဲအ တၢ်သးဘၣ်အၢခဲလၢာ်အခံလၢအမၤအကစၢ်, ဒ်သိးသု သုတမၤကမၣ်ဘၣ်ယွၤသုကစၢ်တဂ့ၤလီၤ.
19 တုၤနဒုးတၢ်ဒီးဝ့ၢ်တဖျၢၣ် ဒ်သိးနကမၤန့ၢ်အီၤ, ဒီး ကဝီၤဃာ်အီၤအါနံၤအါသီဒီး, ကူာ်ဟးဂီၤအသ့ၣ်လၢ ကွါတဂ့ၤ. အဂ့ၢ်ဒ်အံၤ, နတအီၣ်ဘၣ်အသူၣ်အသၣ်, ဒီးနတဘၣ်ကူာ်လီၤကွံာ်အီၤဘၣ်, (အဂ့ၢ်ဒ်အံၤ, သ့ၣ် လၢပျီပူၤမ့ၢ်ပှၤကညီလၢနကမၤတံာ်အီၤန့ၣ်ဧါ)
20 နကမၤဟးဂီၤ, ဒီးကူာ်လီၤကွံာ်ထဲသ့ၣ်လၢနသ့ၣ်ညါ လၢအတမ့ၢ်ဘၣ် သ့ၣ်တၢ်အီၣ်ဘၣ်. ဒီးနကမၤနီၣ်မၤ တံာ်တၢ်လၢဝ့ၢ်အဃၢၤ, လၢအဒုးတၢ်ဒီးနၤတုၤအဘၣ် တၢ်မၤနၢၤအီၤလီၤ.
21၂၁
1 ပှၤမ့ၢ်ထံၣ်န့ၢ်ပှၤဘၣ်တၢ်မၤသံအီၤ တဂၤမံလီၤလၢ တၢ်ပျီပူၤလၢထံဧိၤကီၢ်ဧိၤအပူၤ လၢယွၤနကစၢ်ဟ့ၣ်လီၤ နၤဒ်သိးနကမၤန့ၢ်အီၤ, (ဒီးမ့ၢ်မတၤမတၤမၤသံအီၤန့ၣ် ပှၤတသ့ၣ်ညါဘၣ်)ဒီး, 2 နပှၤသူၣ်က့သးပှၢ်, ဒီးနပှၤ စံၣ်ညီၣ်ကွီၢ်ဘၣ်ဟဲထီၣ်, ဒီးဘၣ်ထိၣ်တၢ်ဆူဝ့ၢ်တဖၣ် အိၣ်ဝးတရံးပှၤလၢအဘၣ်တၢ်မၤသံအီၤတဂၤ, 3 ဒီးတၢ် ကမၤအသးလၢဝ့ၢ်တဖျၢၣ်လၢ အအိၣ်ဘူးကတၢၢ်ဒီးပှၤ လၢအဘၣ်တၢ်မၤသံအီၤ, ဝ့ၢ်တဝ့ၢ်န့ၣ်အပှၤသူၣ်က့သး ပှၢ်ဘၣ်ဟံးန့ၢ်ဂီၤဖံးမိၢ်လၢပှၤတမၤဘၣ်တၢ်ဒီးအီၤ, လၢ အတထုးတၢ်လၢနီၣ်ယိးဘိအပူၤဘၣ်တဒု, 4 ဒီးပှၤသူၣ် က့သးပှၢ်ဘၣ်ဆှၢလီၤ ဂီၤဖံးမိၢ်ဆူထံဖိကျိယွၤဝဲအလီၢ် လီၤဆၢၣ်လၢပှၤတထဲၣ်ဘၣ်အီၤဂ့ၤ, တဖှံတၢ်လၢအပူၤ ဘၣ်ဂ့ၤ, ဒီးဘၣ်ဒီၣ်တဲာ်ကွံာ်ဂီၤဖံးမိၢ်အကိာ်ဖဲန့ၣ်လၢ ကစၢၢ်ကဆူးအပူၤန့ၣ်လီၤ.
5 ဒီးပှၤလုၢ်တၢ်အဒိၣ်, စီၤလ့ၤဝံအဖိခွါဘၣ်သုးဘူးအ သးလီၤ. (အဂ့ၢ်ဒ်အံၤ, ယွၤနကစၢ်ဃုထၢအဝဲသ့ၣ်တ ဖၣ်န့ၣ်ဒ်သိးအကမၤအတၢ်, ဒီးဆိၣ်ဂ့ၤတၢ်လၢယွၤအ မံၤလီၤ). ဒီးဖဲဒၣ်အဝဲသ့ၣ် အထးခိၣ်ကယဲၢ်တၢ်ကွီၢ်ဒီး တၢ်တီၢ်ကဘၣ်တၢ်စံၣ်ညီၣ်လီၤ. 6 ဒီးကယဲၢ်ပှၤသူၣ်က့ သးပှၢ်လၢဝ့ၢ်အိၣ်ဘူးကတၢၢ်ဒီး ပှၤလၢအဘၣ်တၢ်မၤ သံအီၤခဲလၢာ်န့ၣ်ဘၣ်သ့ကွံာ်အစုလၢ ဂီၤဖံးမိၢ်အဖီခိၣ် လၢအဘၣ်တၢ်ဒီၣ်တဲာ်ကွံာ်အကိာ် လၢတၢ်ကဆူးအ ပူၤန့ၣ်လီၤ.
7 ဒီးဘၣ်စံးဆၢတၢ်ဒီးစံး, ပစုတဂၢ်လီၤဘၣ်တၢ်သွံၣ် အံၤဘၣ်ဒီးပမဲာ်တထံၣ်ဘၣ်ဝဲဘၣ်. 8 ယွၤဧၢ, မၤပူၤဖျဲး တၢ်ဒီး အံၣ်စရ့လးနပှၤဂီၢ်မုၢ် လၢနပှ့ၤက့ၤအီၤန့ၣ်တ က့ၢ်, ဒီးပာ်တၢ်သွံၣ်လၢအတၢ်ဒဲးဘးတအိၣ်ဘၣ်လၢ နပှၤဂီၢ်မုၢ်အံၣ်စရ့လးအလိၤတဂ့ၤ. ဒီးတၢ်သွံၣ်န့ၣ်က ပူၤဖျဲးဒီးအီၤလီၤ.
9 တုၤနမၤတၢ်အလိၤလၢ ယွၤအမဲာ်ညါဒီး, နကမၤ ဟါမၢ်တၢ်သွံၣ်လၢတၢ်ဒဲးဘးတအိၣ်ဘၣ် လၢသုကျါ လီၤ.
10 တုၤနလဲၤထီၣ် ဒုးသုးဒီးနဒုၣ်နဒါ, ဒီးယွၤနကစၢ် ဟ့ၣ်လီၤအီၤလၢနစုပူၤ, ဒီးနဖီၣ်န့ၢ်မၢကဲကုၢ်အီၤ, 11 ဒီးန ထံၣ်ဘၣ်လၢပှၤကဲကုၢ်ဖိအကျါ ပိာ်မုၣ်တဂၤလၢအက့ၢ် အဂီၤဂ့ၤ, ဒီးတၢ်မိၣ်န့ၢ်ဘၣ်နသးလၢအီၤလၢနမါဒီး,―
12 နဘၣ်ဟဲစိာ်အီၤဆူနဟံၣ်ပူၤ, ဒီးအဝဲဒၣ်ဘၣ်လူၤအ ခိၣ်, ဒီးသွဲၣ်အစုမ့ၣ်, 13 ဒီးဘၣ်ဘ့ၣ်ကွံာ်အတၢ်အကုၢ်အ ပှၤအကူအသိး, ဒီးအိၣ်လၢနဟံၣ်, ဒီးဟီၣ်လၢအမိၢ်အ ပၢ်အဃိတလါညါ, ဒီးလၢအလီၢ်ခံန့ၣ်နကလဲၤနုာ်ဘၣ်ဆူ အအိၣ်, ဒီးကဲထီၣ်အဝၤ, ဒီးအဝဲဒၣ်ကကဲထီၣ်နမါလီၤ.
14 ဒီးမ့ၢ်တဘၣ်ဘၣ်နသးလၢအီၤဘၣ်ဒီး, တၢ်ကမၤအ သးလၢနဘၣ်ဟ့ၣ်အလဲၤတၢ် ဖဲဒၣ်အသးလီၤ. နတ ဘၣ်ဆါကွံာ်အီၤလၢစ့ လ့ၤတက့ၤဘၣ်. နတဘၣ်ကဲ ဘၣ်အကစၢ်ဘၣ်. အဂ့ၢ်ဒ်အံၤ, နဆီၣ်လီၤတ့ၢ်အီၤလီၤ.
15 ပှၤမ့ၢ်အိၣ်ဒီးအမါခံဂၤ, တဂၤဘၣ်တၢ်အဲၣ်အီၤ, ဒီး တဂၤဘၣ်တၢ်သးဟ့အီၤ, ဒီးမ့ၢ်ဆံးစၢ်န့ၢ်အဖိလၢအဂီၢ်, ပှၤလၢအဘၣ်တၢ်အဲၣ်အီၤ, ဒီးပှၤလၢအဘၣ်တၢ်သးဟ့ အီၤခံဂၤလိာ်, ဒီးအဖိဝဲၢ်ကိမ့ၢ်ပိာ်မုၣ်လၢအဘၣ်တၢ်သး ဟ့အီၤအဖိဒီး, 16 တုၤအဒုးန့ၢ်သါအဖိခွါတဖၣ်လၢတၢ် လၢအအိၣ်ဒီးအီၤဒီး, တၢ်ကမၤအသးလၢအတဘၣ်ပာ် ပှၤလၢအဘၣ်တၢ်အဲၣ်အီၤတဂၤ အဖိခွါလၢပှၤလၢအ ဘၣ်တၢ်သးဟ့အီၤတဂၤ အဖိခွါအဖိဝဲၢ်ကိအမဲာ်ညါ ဘၣ်.
17 မ့ၢ်အဟ့ၣ်လီၤအီၤအဂီၢ်ခံစးလၢ ကယဲၢ်အတၢ်အိၣ် ဒီးအီၤအကျါသတးဒီး, ဘၣ်အၢၣ်လီၤအီလီၤပှၤလၢအ ဘၣ်တၢ်သးဟ့အီၤတဂၤအဖိ လၢအမ့ၢ်အဖိဝဲၢ်ကိလီၤ. အဂ့ၢ်ဒ်အံၤ, အဝဲန့ၣ်မ့ၢ်အဂံၢ်အဘါအခိၣ်, တၢ်စံၣ်ညီၣ် ဘၣ်ဃးဒီးဝဲၢ်ကိအလီၢ်န့ၣ်မ့ၢ်အဝဲဒၣ်န့ၣ်အတၢ်လီၤ.
18 ပှၤမ့ၢ်အိၣ်ဒီးအဖိခွါလၢအနၢ်က့ၣ်လၢအပူထီၣ်, ဒီး တဒိကနၣ်ဘၣ်အပၢ်အကလုၢ်မ့ၢ်ဂ့ၤ, အမိၢ်အကလုၢ်မ့ၢ် ဂ့ၤ, ဒီးတုၤအသိၣ်ဃီၣ်အီၤဒီး, တဒိကနၣ်ဘၣ်ဒီး, 19 အ မိၢ်အပၢ်ဘၣ်ဟံးန့ၢ်အီၤ, ဒီးဟဲစိာ်အီၤဆူအဝ့ၢ်အပှၤသူၣ် က့သးပှၢ်အအိၣ်, ဒီးဆူအလီၢ်အပဲတရီလီၤ. 20 ဒီးဘၣ် စံးဘၣ်အဝ့ၢ်အပှၤသူၣ်က့သးပှၢ်, ပဖိခွါတဂၤအံၤမ့ၢ်အ နၢ်က့ၣ်ဒီးပူထီၣ်ဝဲလီၤ, တကနၣ်ဘၣ်ပကလုၢ်ဘၣ်, မ့ၢ် ပှၤအီၣ်လုၣ်ကိဒီးအီလုၣ်ကပာ်တၢ်လီၤ. 21 ဒီးပှၤဝ့ၢ်ဖိခဲ လၢာ်န့ၣ်ဘၣ်ကွံာ်အီၤလၢလၢၢ်တုၤအသံလီၤ. ဒီးနဘၣ် ပာ်ကွံာ်တၢ်အၢလၢသုကျါ, ဒီးအံၣ်စရ့လးခဲလၢာ်ကနၢ် ဟူ, ဒီးပျံၤတၢ်လီၤ.
22 ဒီးပှၤမ့ၢ်မၤတၢ်ကမၣ်လၢအကြၢးသံ, ဒီးမ့ၢ်ဘၣ်တၢ် မၤသံအီၤဒီး, နမ့ၢ်ဘျးထီၣ်အီၤလၢသ့ၣ်လိၤဒီး, 23 အစိၣ် တဘၣ်အိၣ်လၢသ့ၣ်လိၤသီတနၤကျၢၤဘၣ်. နဘၣ်ခူၣ် လီၤကွံာ်အီၤလၢမုၢ်တနံၤဃီန့ၣ်, (အဂ့ၢ်ဒ်အံၤ, ပှၤလၢ အလီၤစဲၤလၢသ့ၣ်လိၤန့ၣ်ဘၣ်တၢ်ဆိၣ်အၢလၢယွၤလီၤ), ဒ်သိးနကီၢ်လၢယွၤနကစၢ် ဟ့ၣ်လီၤနၤလၢတၢ်န့ၢ်သါအ ဂီၢ်အသုတဘၣ်တၢ်မၤဘၣ်အၢအီၤတဂ့ၤလီၤ.
22၂၂
1 နမ့ၢ်ထံၣ်ဘၣ်နဒီပုၢ်ဝဲၢ်အဂီၤဖံးမ့ၢ်ဂ့ၤ, အသိမ့ၢ်ဂ့ၤ, ဟးဖျိးတၢ်ဒီး, ပာ်သဒၢနသးဒီးအီၤတဂ့ၤ, နဘၣ်ဒုးက့ၤ က့ၤအီၤဆူနဒီပုၢ်ဝဲၢ်အအိၣ်သပှၢ်တၢၢ်လီၤ. 2 ဒီးနဒီပုၢ်ဝဲၢ် မ့ၢ်တအိၣ်ဘူးဒီးနၤမ့ၢ်ဂ့ၤ, နမ့ၢ်တသ့ၣ်ညါဘၣ်အီၤမ့ၢ် ဂ့ၤ, နဘၣ်စိာ်အီၤဆူနဟံၣ်ဒၣ်နဲ, ဒီးဘၣ်အိၣ်ဝဲဒီးနၤတုၤ နဒီပုၢ်ဝဲၢ်ဃုအီၤ, ဒီးနဘၣ်ဟ့ၣ်လီၤအီၤလၢအဝဲဒၣ်လီၤ.
3 ဒ်န့ၣ်အသိး, နဘၣ်မၤဒီးအကသ့ၣ်ယီၤ, ဒီးဒ်န့ၣ်အ သိးနဘၣ်မၤဒီးအကူအသိး, ဒီးဒ်န့ၣ်အသိးနဘၣ်မၤဒီး ကယဲၢ်တၢ်ဟါမၢ်တမံၤလၢ်လၢ် လၢနဒီပုၢ်ဝဲၢ်အတၢ်ဟါ မၢ်ဒီးနထံၣ်န့ၢ်အီၤခဲလၢာ်လီၤ. ပာ်သဒၢနသးတဂ့ၤ.
4 နဒီပုၢ်ဝဲၢ်အကသ့ၣ်ယီၤမ့ၢ်ဂ့ၤ, အဂီၤဖံးမ့ၢ်ဂ့ၤ, နမ့ၢ် ထံၣ်အလီၤဃံၤလၢကျဲပူၤဒီး ပာ်သဒၢနသးဒီးအီၤတဂ့ၤ. နဘၣ်မၤစၢၤအီၤသပှၢ်တၢၢ်, ဒ်သိးနကဝံၣ်ဆၢထၢၣ်အီၤ လီၤ.
5 ပိာ်မုၣ်တဘၣ်ကူတဘၣ်သိး တၢ်လၢအဘၣ်ဃးဒီး ပိာ်ခွါဘၣ်, ဒီးပိာ်ခွါတဘၣ်ကူတဘၣ်သိးပိာ်မုၣ်အဆ့ ဘၣ်. အဂ့ၢ်ဒ်အံၤ, ကယဲၢ်ပှၤလၢအမၤတၢ်တဖၣ်န့ၣ်မ့ၢ် ယွၤနကစၢ်အတၢ်သးဘၣ်အၢလီၤ. 6 နမ့ၢ်ဘၣ်သဃိာ်လၢကျဲပူၤဒီးထိၣ်အသွံ လၢသ့ၣ်ခံမ့ၢ်ဂ့ၤ, လၢဟီၣ်ခိၣ်အလိၤမ့ၢ်ဂ့ၤ, ထိၣ်ဖိအိၣ်မ့ၢ်ဂ့ၤ, ထိၣ်ဒံၣ်အိၣ်မ့ၢ်ဂ့ၤ, ဒီးအမိၢ်ဟုလၢထိၣ်ဖီအဖီခိၣ်ဂ့ၤ, လၢထိၣ်ဒံၣ်အဖီၣ်ဂ့ၤန့ၣ်ဒီး, နတဘၣ်ဟံးန့ၢ်အမိၢ်ဒီးအဖိဘၣ်.―
7 နဘၣ်ပျၢ်အမိၢ်သပှၢ်တၢၢ်, ဒီးဟံးန့ၢ်အဖိလၢနဂီၢ်, ဒ် သိးတၢ်ကဂ့ၤထီၣ်လၢနဂီၢ်, ဒီးဒ်သိးနကထုးထီထီၣ်န မုၢ်နံၤလီၤ.
8 တုၤနမၤဟံၣ်သီတဖျၢၣ်ဒီး, နဘၣ်မၤနဟံၣ်ခိၣ်အခိၣ် ဒူ, ဒ်သိးပှၤမ့ၢ်လီၤတဲာ်ဖဲန့ၣ်ဒီး, နသုတဒုးဘၣ်တၢ် သွံၣ်လၢနဟံၣ်တဂ့ၤလီၤ.
9 နတဘၣ်ဖှံ နစပံးအလီၢ်လၢ တၢ်ချံခံကလုာ်ဘၣ်, တၢ်ချံလၢနဖှံအီၤအတၤသၣ်, ဒီးနစပံးအလီၢ်အတၤ သၣ်န့ၣ်ကကဲထီၣ်ဘၣ်ဖုးတၢ်ပာ်စီဆှံအီၤလီၤ.
10 နတဘၣ်ကွးထဲၣ်လၢ ဂီၤဖံးဒီးကသ့ၣ်ယီၤတပူၤဃီ ဘၣ်.
11 နတဘၣ်ကူတဘၣ်သိး တၢ်အကူအသိး မၤဝဲလၢ လုၣ်အါမံၤ, လၢသးကလးဒီးခီမၤတပူၤဃီဘၣ်.
12 နဘၣ်မၤယၣ်အနွံလၢ နယၣ်လၢနလုးနသးလၢအီၤ လွံၢ်ခီလီၤ.
13 ပှၤမ့ၢ်ဟံးန့ၢ်အမါ, ဒီးလဲၤနုာ်ဆူအအိၣ်, ဒီးသးဟ့ အီၤ, 14 ဒီးပာ်တၢ်မဲာ်ဆှးလၢအလိၤ, ဒီးဒုးအိၣ်ထီၣ်အမံၤ အၢဒီး, စံး, ယဟံးန့ၢ်ပိာ်မုၣ်အံၤ, ဒီးတုၤယလဲၤနုာ်ဆူအ အိၣ်ဒီး, ယထံၣ်န့ၢ်လၢအတမ့ၢ်ဘၣ်ပှၤမုၣ်လိၣ်ဘိဘၣ် ဒီး, 15 ပိာ်မုၣ်အမိၢ်အပၢ်န့ၣ်ဘၣ်ဟံးန့ၢ်, ဒီးဟဲစိာ်တၢ် ဘၣ်ဃးဒီးပိာ်မုၣ်န့ၣ်အပှၤမုၣ်လိၣ်ဘိအလီၢ်ဆူ ဝ့ၢ်န့ၣ် အပှၤသူၣ်က့သးပှၢ်အအိၣ်လၢပဲတရီအပူၤန့ၣ်, 16 ဒီးပိာ် မုၣ်အပၢ်ဘၣ်စံးဘၣ် ပှၤသူၣ်က့သးပှၢ်တဖၣ်, ယဟ့ၣ် လီၤယဖိမုၣ်လၢပှၤတဂၤအံၤအမါ, ဒီးသးဟ့အီၤလီၤ.―
17 ဒီးကွၢ်ကွၢ်, ပာ်တၢ်မဲာ်ဆှးလၢအလိၤဒီးစံး, ယထံၣ်န့ၢ် လၢနဖိမုၣ်တမ့ၢ်ဘၣ်ပှၤမုၣ်လိၣ်ဘိဘၣ်န့ၣ်လီၤ. ဘၣ် ဆၣ်ဒီးအဝဲတဖၣ်အံၤ မ့ၢ်တၢ်ဘၣ်ဃးဒီးယဖိမုၣ်အပှၤ မုၣ်လိၣ်ဘိအလီၢ်လီၤ. ဒီးဘၣ်ဒါလီၤယၣ်တဘ့ၣ်န့ၣ် လၢဝ့ၢ်အပှၤသူၣ်က့သးပှၢ်အမဲာ်ညါလီၤ.
18 ဒီးဝ့ၢ်အပှၤသူၣ်က့သးပှၢ်န့ၣ် ဘၣ်ဟံးန့ၢ်ပှၤပိာ်ခွါဒီး သိၣ်ဃီၣ်အီၤလီၤ. 19 ဒီးဘၣ်ဒုးလိးအီၤလၢစ့တကယၤ, ဒီးဟ့ၣ်လီၤဝဲလၢပိာ်မုၣ်အပၢ်လီၤ. အဂ့ၢ်ဒ်အံၤ, ဒုးအိၣ် ထီၣ်ပှၤမုၣ်လိၣ်ဘိလၢအံၣ်စရ့လးအကျါတဂၤ အမံၤ အၢလီၤ. ဒီးကအိၣ်ကဆိးဒီးအမါ, တစိၤဒၣ်အီၤန့ၣ် တဘၣ်ပာ်မၢ်အီၤဘၣ်.
20 မ့မ့ၢ်တၢ်တမံၤန့ၣ်မ့မ့ၢ်အမ့ၢ်အတီ, တၢ်ဘၣ်ဃးဒီး အပှၤမုၣ်လိၣ်ဘိအလီၢ်န့ၣ် မ့ၢ်တအိၣ်ဘၣ်လၢပိာ်မုၣ် အဂီၢ်ဘၣ်ဒီး, 21 ကဘၣ်ဟဲစိာ်ပိာ်မုၣ်ဆူအပၢ်အဟံၣ်အ ကျဲစၢၤ, ဒီးပှၤဝ့ၢ်ဖိန့ၣ်ဘၣ်ကွံာ်အီၤလၢၢ်တုၤအသံလီၤ. အဂ့ၢ်ဒ်အံၤ, မၤတၢ်အၢလၢအံၣ်စရ့လးအကျါလၢအမၤ ကမၣ်မုၣ်ကမၣ်ခွါလၢအပၢ်အဟံၣ်ပူၤလီၤ. ဒီးနဘၣ် ပာ်ကွံာ်တၢ်အၢလၢသုကျါလီၤ.
22 ပှၤမ့ၢ်ထံၣ်န့ၢ်ပှၤတဂၤဂၤမံဃုာ်ဒီးပိာ်မုၣ်လၢ အအိၣ် ဒီးအဝၤဒီး, ကဘၣ်တၢ်မၤသံအီၤခံဂၤလိာ်လီၤ. ပိာ်ခွါ လၢအမံဃုာ်ဒီးပိာ်မုၣ်, ဒီးပိာ်မုၣ်န့ၣ်လီၤ. ဒီးနဘၣ် ပာ်ကွံာ်တၢ်အၢလၢအံၣ်စရ့လးအပူၤလီၤ.
23 ဒီးပိာ်မုၣ်တဂၤ, ပှၤမုၣ်လိၣ်ဘိမ့ၢ်အဲၣ်တီဒီးအဝၤဒီး, ပှၤမ့ၢ်ထံၣ်န့ၢ်အီၤလၢဝ့ၢ်ပူၤ, ဒီးမံဃုာ်ဒီးအီၤဒီး, 24 သု ဘၣ်ဟဲစိာ်အီၤခံဂၤလိာ်ဆူဝ့ၢ်အပဲတရီ, ဒီးသုဘၣ်ကွံာ် အီၤလၢလၢၢ်တုၤအသံလီၤ. ပိာ်မုၣ်တဂၤန့ၣ်အိၣ်ဝဲလၢ ဝ့ၢ်ပူၤ, ဒီးတကိးပသူထီၣ်ဘၣ်အဃိ, ဒီးပိာ်ခွါလၢအ ဆီၣ်လီၤပှၤလၢအဃၢၤအမါအဃိလီၤ. ဒီးသုဘၣ်မၤဟါ မၢ်တၢ်အၢလၢသုကျါလီၤ.
25 မ့မ့ၢ်ပှၤမ့ၢ်ထံၣ်န့ၢ်ပိာ်မုၣ် လၢအဘၣ်တၢ်အဲၣ်တီတဂၤ လၢပှၢ်လၢ်ကျါ, ဒီးမ့ၢ်ဖိးန့ၢ်ဆူၣ်, ဒီးမံဃုာ်ဒီးအီၤဒီး, ကဘၣ်သံထဲပိာ်ခွါလၢအမံဃုာ်ဒီးပိာ်မုၣ်တဂၤဧိၤလီၤ.
26 မ့မ့ၢ်ပိာ်မုၣ်တဂၤန့ၣ် နတဘၣ်မၤအီၤလၢတၢ်နီတမံၤ ဘၣ်. တၢ်ဒဲးဘးဘၣ်ဃးဒီးတၢ်သံန့ၣ်တအိၣ်လၢပိာ်မုၣ် အလိၤဘၣ်. အဂ့ၢ်ဒ်အံၤ, ဒ်ပှၤဂဲၤဆၢထၢၣ်ထီဒါဘၣ် ပှၤလၢအဃၢၤ, ဒီးမၤသံအီၤအသိးန့ၣ်, တၢ်တမံၤအံၤ မ့ၢ်ဒ်န့ၣ်သိးလီၤ.
27 အဂ့ၢ်ဒ်အံၤ, ပိာ်ခွါထံၣ်န့ၢ်ပိာ်မုၣ်လၢပှၢ်လၢ်ကျါ, ပိာ် မုၣ်လၢအဘၣ်တၢ်အဲၣ်တီတဂၤ ကိးပသူထီၣ်, ဒီးပှၤ အုၣ်က့ၤခီၣ်က့ၤအီၤတအိၣ်ဘၣ်လီၤ.
28 ပှၤမ့ၢ်ထံၣ်န့ၢ်ပိာ်မုၣ်လၢအမ့ၢ် ပှၤမုၣ်လိၣ်ဘိလၢအတ ဘၣ်တၢ်အဲၣ်တီဘၣ်, ဒီးဖိးန့ၢ်ဆူၣ်, ဒီးမံဃုာ်ဒီးအီၤ, ဒီးပှၤထံၣ်န့ၢ်အီၤဒီး, 29 ပှၤလၢအမံဃုာ်ဒီး ပိာ်မုၣ်န့ၣ်, ဘၣ်ဟ့ၣ်ပိာ်မုၣ်အပၢ်လၢစ့ယဲၢ်ဆံ, ဒီးကကဲထီၣ်ဝဲလၢ အမါလီၤ. မ့ၢ်လၢအဆီၣ်လီၤအီၤအဂ့ၢ်လီၤ. တဘၣ် ပာ်မၢ်ဘၣ်အီၤတစိၤဒၣ်အီၤဘၣ်.
30 ပှၤတဘၣ်ဟံးန့ၢ်ဘၣ်အပၢ်အမါဘၣ်, ဒီးတဘၣ်သ လဲထီၣ်အပၢ်အဆ့အခီၣ်ထံးဘၣ်.
23၂၃
1 ပှၤလၢအဒံၣ် ဘၣ်တၢ်မၤတံာ်မ့ၢ်ဂ့ၤ, ပှၤလၢအတၢ် ဘၣ်ဒီၣ်တဲာ်ကွံာ်မ့ၢ်ဂ့ၤ, တဘၣ်လဲၤနုာ်ဘၣ်ဆူယွၤအ တၢ်အိၣ်ဖှိၣ်ဘၣ်.
2 ပှၤဒၢဘၢဖိတဘၣ်လဲၤနုာ်ဘၣ်ဆူ ယွၤအတၢ်အိၣ်ဖှိၣ် အပူၤဘၣ်. တုၤလီၤလၢအစိၤဆံဆဲၣ်စိၤတစိၤတလဲၤနုာ် ဘၣ်ဆူယွၤအတၢ်အိၣ်ဖှိၣ်ဘၣ်.
3 ပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤ, တဘၣ်လဲၤနုာ် ဆူယွၤအတၢ်အိၣ်ဖှိၣ်ဘၣ်. တုၤလီၤလၢအစိၤဆံဆဲၣ် စိၤတစိၤတဘၣ်လဲၤနုာ်ဘၣ်ဆူ ယွၤအတၢ်အိၣ်ဖှိၣ်လီၤ စိၤလီၤထီဘၣ်.
4 အဂ့ၢ်ဒ်အံၤ, လၢသုဟးထီၣ်လၢအဲၤကူပတူးန့ၣ်အဝဲ သ့ၣ်တဟဲသဂၢၢ်သုဒီးတၢ်အီၣ်လၢကျဲပူၤဘၣ်, ဒီးငါစီၤ ဘဧိၢ်အဖိခွါစီၤဘံးလၣ်, ပှၤပသူၢ်ဖိလၢကီၢ်မ့းစပတၤမံ အပူၤတဂၤ, လၢစ့ဒ်သိးအကဆိၣ်အၢနၤလီၤ. 5 ဘၣ် ဆၣ်ဒီးယွၤနကစၢ်တကနၣ်ဘၣ် စီၤဘံးလၣ်အကလုၢ် ဘၣ်. မ့မ့ၢ်ယွၤနကစၢ်မၢတၢ်ဆိၣ်အၢန့ၣ် ကဲထီၣ်တၢ် ဆိၣ်ဂ့ၤလၢနဂီၢ်လီၤ. အဂ့ၢ်ဒ်အံၤ, ယွၤနကစၢ်အဲၣ်နၤ လီၤ. 6 နတဘၣ်ဃုအတၢ်ဃူတၢ်ဖိးဂ့ၤ, အတၢ်ဂ့ၤတၢ် ဘၣ်ဂ့ၤ, တစိၤဒၣ်နၤလီၤထူလီၤယိာ်ဘၣ်လီၤ.
7 နတဘၣ်သးဟ့ပှၤအဒိၣ်ဖိဘၣ်. အဂ့ၢ်ဒ်အံၤ, မ့ၢ်နဒီ ပုၢ်ဝဲၢ်လီၤ. နတဘၣ်သးဟ့ပှၤအဲၤကူပတူးဖိဘၣ်. အဂ့ၢ် ဒ်အံၤ, နမ့ၢ်တ့ၢ်ပှၤတခီဘီမုၢ်ဖိလၢအကီၢ်ပူၤလီၤ.
8 အဖိအလံၤလၢအအိၣ်ဖျဲၣ်လၢအီၤ သၢစိၤတစိၤန့ၣ် ကလဲၤနုာ်ဘၣ်ဝဲဆူယွၤအတၢ်အိၣ်ဖှိၣ်အပူၤလီၤ.
9 တုၤပှၤသုးမုၢ်လဲၤထီဒါနဒုၣ်နဒါဒီး, ပလီၢ်နသးလၢ ကယဲၢ်တၢ်အၢတၢ်သီတက့ၢ်. 10 ပှၤမ့ၢ်အိၣ်လၢသုကျါ လၢအတကဆှီဘၣ်လၢတၢ်တကဆှီ လၢအဘၣ်အီၤ လၢမုၢ်နၤအဃိတဂၤဂၤဒီး, ကဘၣ်ဟးထီၣ်ဆူပှၤသူၣ် ဒဲအလီၢ်လၢခိလီၤ. တဘၣ်ဟဲနုာ်ဆူပှၤသူၣ်ဒဲအလီၢ်ပူၤ ဘၣ်. 11 ဒီးတၢ်ကမၤအသးလၢတုၤမုၢ်ဟါလီၤဒီး, ဘၣ် လုၣ်ထံ, ဒီးတုၤမုၢ်လီၤနုာ်ဒီး, ကဟဲက့ၤနုာ်ဆူပှၤသူၣ် ဒဲအလီၢ်ပူၤလီၤ.
12 နဘၣ်အိၣ်ဒီးအလီၢ်လၢ ပှၤသူၣ်ဒဲအလီၢ်လၢခိ, ဒီး နဘၣ်လဲၤထီၣ်ဆူခိဖဲန့ၣ်လီၤ. 13 ဒီးနဘၣ်အိၣ်ဒီးတပူာ် လၢနစုကဝဲၤအကျါ, ဒီးတုၤနလဲၤဆူခိဒီး, တၢ်ကမၤ အသးလၢနဘၣ်ခူၣ်လီၤတၢ်လၢအီၤ, ဒီးနဘၣ်ဃၣ်န သးဒီးမၤဘၢကွံာ်တၢ်လၢအဟဲလီၤလၢနၤလီၤ. 14 အဂ့ၢ် ဒ်အံၤ, ယွၤနကစၢ်လဲၤတၢ်လၢနသူၣ်ဒဲအလီၢ်ပူၤဒ်သိး အကမၤပူၤဖျဲးနၤ, ဒီးဒ်သိးအကဟ့ၣ်လီၤကွံာ်နဒုၣ်နဒါ လၢအမဲာ်ညါလီၤ. ဒီးနသူၣ်ဒဲအလီၢ်ဘၣ်အိၣ်စီဆှံ, ဒ် သိးအသုတထံၣ်တၢ်တကဆှီဘၣ်လၢနပူၤ, ဒီးဃၣ်ဒူၣ် ချၢအသးလၢနၤတဂ့ၤလီၤ.
15 ပှၤကုၢ်ဖိလၢအဃ့ၢ်ပူၤဖျဲးဒီးအကစၢ်ဆူ နအိၣ်တဂၤ ဂၤန့ၣ်နတဘၣ်ဟ့ၣ်လီၤကွံာ်အီၤလၢအကစၢ်ဘၣ်. 16 က အိၣ်ကဆိးဒီးနၤလၢသုကျါ, လၢအလီၢ်ပူၤဖဲအကဃု ထၢလၢသုပဲတရီအပူၤတပူၤပူၤ, ဖဲဒၣ်အဂ့ၤလၢအမဲာ် ညါတပူၤလီၤ. နတဘၣ်မၤနးမၤဖှီၣ်အီၤဘၣ်.
17 ပှၤဃဲသဲမုၣ်တဘၣ်အိၣ်လၢ ပှၤအံၣ်စရ့လးအဖိမုၣ် အကျါဘၣ်, ဒီးပှၤအဲၣ်ပကၢၤဖိတဘၣ်အိၣ်လၢပှၤအံၣ်စ ရ့လးအဖိခွါအကျါဘၣ်.
18 ပှၤဃဲသဲမုၣ်အဘူးအလဲမ့ၢ်ဂ့ၤ, ထွံၣ်အပှ့ၤမ့ၢ်ဂ့ၤ, နတ ဘၣ်ဟဲစိာ်အီၤဆူ ယွၤနကစၢ်အဟံၣ်ပူၤလၢနတၢ်မၤဘူၣ် ဘၣ်ဃးဒီးဆိၣ်တၢ်တမံၤမံၤအဂီၢ်ဘၣ်. အဂ့ၢ်ဒ်အံၤ, အဝဲ န့ၣ်ခံမံၤလိာ်မ့ၢ်တၢ်သးဘၣ်အၢလၢယွၤအမဲာ်ညါလီၤ.
19 စ့အအ့ၣ်မ့ၢ်ဂ့ၤ, တၢ်အီၣ်အအ့ၣ်မ့ၢ်ဂ့ၤ, ဖဲဒၣ်တၢ်တ မံၤမံၤလၢပှၤဒုးလိၢ်လၢအအ့ၣ်အဂီၢ်န့ၣ် နတဘၣ်ဒုးလိၢ် တၢ်လၢနဒီပုၢ်ဝဲၢ်လၢတၢ်အ့ၣ်အဂီၢ်ဘၣ်.
20 နကဒုးလိၢ်တၢ်လၢပှၤတခီဘီမုၢ်ဖိ လၢတၢ်အ့ၣ်အဂီၢ် လီၤ. မ့မ့ၢ်နဒီပုၢ်ဝဲၢ်န့ၣ်နတဘၣ်ဒုးလိၢ်တၢ်လၢအီၤလၢ တၢ်အ့ၣ်အဂီၢ်ဘၣ်, ဒ်သိးယွၤနကစၢ်ကဆိၣ်ဂ့ၤနၤလၢ ကယဲၢ်တၢ်လၢနပာ်နစုလၢအလိၤ လၢကီၢ်ပူၤဖဲနလဲၤ မၤန့ၢ်အီၤအဂ့ၢ်လီၤ.
21 တုၤနဆိၣ်တၢ်ဆိၣ်လၢ နကမၤဘူၣ်တၢ်လၢယွၤနက စၢ်ဒီး, သုးနံၤသုးသီလၢနကဟ့ၣ်အီၤတဂ့ၤ. အဂ့ၢ်ဒ် အံၤ, ယွၤနကစၢ်ကဃုဝဲလၢနၤသပှၢ်တၢၢ်, ဒီးကကဲ ထီၣ်တၢ်ဒဲးဘးလၢနလိၤလီၤ.
22 မ့မ့ၢ်နမ့ၢ်ကီၤနသးဒ်သိး နသုတဆိၣ်တၢ်လၢနကမၤ ဘူၣ်တၢ်တဂ့ၤဒီး, တၢ်ဒဲးဘးတအိၣ်ဘၣ်လၢနလိၤဘၣ်.
23 တၢ်လၢအထီၣ်ဖျဲးလၢနထးခိၣ်န့ၣ်တိၢ်န့ၢ်, ဒီးမၤတ က့ၢ်. တၢ်လၢနကမၤဘူၣ်ဒၣ်တၢ်န့ၣ်, ဒ်နဆိၣ်တၢ်လၢ ယွၤနကစၢ်အမဲာ်ညါ လၢနကတိၤတၢ်လၢနထးခိၣ်အ သိးန့ၣ်, မၤတက့ၢ်.
24 တုၤနလဲၤနုာ်ဆူ ပှၤလၢနဃၢၤအစပံးအလီၢ်အပူၤဒီး, နကအီၣ်ဘၣ်စပံးသၣ်ဖဲဒၣ်နသး တုၤနဘျဲးအီၣ်လီၤ. ဘၣ်ဆၣ်ဒီးနတဘၣ်ဒၢနုာ်တၤသၣ်လၢတၢ်အပူၤဘၣ်.
25 တုၤနလဲၤလၢပှၤလၢနဃၢၤအဘုအိၣ်ဆၢထၢၣ်အကျါ ဒီး, နကဒဲးဘၣ်အစဲၤလၢနစုလီၤ. မ့မ့ၢ်နထါဂဲာ်န့ၣ်နတ ဘၣ်ဝၢ်အီၤဆူပှၤလၢနဃၢၤအဘုအိၣ်ဆၢထၢၣ်ဘၣ်လီၤ.
24၂၄
1 တုၤပှၤဟံးန့ၢ်အမါ, ဒီးအိၣ်ဃုာ်ဒီးအီၤဒီး, မ့ၢ်တဘၣ် ဘျုးဘၣ်ဖှိၣ်လၢအမဲာ်ညါ လၢတၢ်ဘၣ်အၢတမံၤမံၤလၢ အထံၣ်န့ၢ်လၢအလိၤအဃိဒီး, ကကွဲးဒၣ်ဝဲလၢလံာ်လီၤ ဖှၣ်တဘ့ၣ်လၢအဂီၢ်, ဒီးဟ့ၣ်လီၤအီၤလၢအစုပူၤ, ဒီး မၢအဟးထီၣ်ကွံာ်လၢအဟံၣ်ပူၤန့ၣ်တက့ၢ်.
2 ဒီးတုၤအဟးထီၣ်ကွံာ်လၢအဟံၣ်ပူၤဒီး, ကလဲၤဒၣ်ဝဲ, ဒီးကကဲထီၣ်ဘၣ်ပှၤပိာ်ခွါတဂၤဒၣ်အမါလီၤ.
3 ဒီးပှၤလၢခံတဂၤမ့ၢ်သးဟ့အီၤ, ဒီးကွဲးန့ၢ်အီၤလၢလံာ် လီၤဖှၣ်, ဒီးဟ့ၣ်ဝဲလၢအစုပူၤ, ဒီးမၢအဟးထီၣ်ကွံာ် လၢအဟံၣ်ပူၤမ့ၢ်ဂ့ၤ, ပှၤလၢခံတဂၤလၢအန့ၢ်မါလၢအီၤ မ့ၢ်သံမ့ၢ်ဂ့ၤ, 4 အဝၤလၢအခီၣ်ထံးလၢအမၢအဟးထီၣ် ကွံာ်တဂၤန့ၣ်တန့ၢ်က့ၤမါလၢအီၤ လၢအဘၣ်တၢ်မၤ အီၤတကဆှီဘၣ်အလီၢ်ခံန့ၣ်ဘၣ်. အဂ့ၢ်ဒ်အံၤ, တၢ် န့ၣ်မ့ၢ်တၢ်သးဘၣ်အၢလၢယွၤအမဲာ်ညါလီၤ. ဒီးနတ ဘၣ်ဒုးမၤတၢ်ဒဲးဘးလၢထံဧိၤကီၢ်ဧိၤလၢ ယွၤနကစၢ် ဟ့ၣ်လီၤနၤလၢတၢ်န့ၢ်သါအဂီၢ်ဘၣ်.
5 တုၤပှၤဟံးန့ၢ်အမါသီဒီး, တဘၣ်လဲၤဒုးသုး, ဒီးပှၤတ ဘၣ်ပာ်တၢ်လၢအလိၤနီတမံၤဘၣ်. ကအိၣ်ပူၤဖျဲးလၢအ ဟံၣ်ပူၤတနံၣ်ညါ, ဒီးကဒုးသးခုအမါလၢအဟံးန့ၢ်ဝဲလီၤ.
6 ဆၢၣ်ဂူာ်မ့ၢ်ဂ့ၤ, ဆၢၣ်ဂူာ်လၢၢ်လၢအဖီခိၣ်တဖျၢၣ်မ့ၢ် ဂ့ၤ, ပှၤတဘၣ်ဟံးကီၤဘၣ်. အဂ့ၢ်ဒ်အံၤ, မ့ၢ်အဟံး ကီၤပှၤကညီအသးသမူလီၤ.
7 ပှၤမ့ၢ်ထံၣ်န့ၢ်ပှၤဟုၣ်န့ၢ်ပှၤလၢအဒီပုၢ်ဝဲၢ် ပှၤအံၣ်စရ့ လးဖိအကျါ, ဒီးမၢကဲကုၢ်အီၤ, ဒီးဆါကွံာ်အီၤဒီး, ပှၤ လၢအဟုၣ်တၢ်တဂၤန့ၣ် ကဘၣ်တၢ်မၤသံအီၤလီၤ. န ဘၣ်ပာ်ကွံာ်တၢ်အၢလၢသုကျါလီၤ.
8 လၢတၢ်ဆါအၢအကတီၢ်န့ၣ်, ပလီၢ်နသးလၢနက တိၢ်န့ၢ်တၢ်လီၤတံၢ်လီၤဆဲး, ဒီးမၤဒ်ကယဲၢ်တၢ်လၢပှၤ လုၢ်တၢ်အဒိၣ်, ဒီးပှၤလ့ၤဝံဖိကသိၣ်လိသုအသိးန့ၣ်တ က့ၢ်. ဒ်ယမၤလိာ်အီၤအသိးန့ၣ်, သုဘၣ်ပလီၢ်သုသး လၢသုကမၤလီၤ.
9 လၢသုဟးထီၣ်လၢ အဲၤကူပတူးအပူၤအလီၢ်ခံန့ၣ် ယွၤမၤနီၢ်မံးရယၣ်လၢကျဲပူၤဒ်လဲၣ်ဒ်လဲၣ်န့ၣ် သ့ၣ်နီၣ် ထီၣ်က့ၤတက့ၢ်.
10 တုၤနဒုးလိၢ်နဒီပုၢ်ဝဲၢ်လၢတၢ်ဒီး နတဘၣ်လဲၤနုာ်ဟံး န့ၢ်အတၢ်ဟ့ၣ်ကီၤ လၢအဟံၣ်ပူၤဘၣ်. 11 နဘၣ်ဆၢ ထၢၣ်လၢခိ, ဒီးပှၤလၢနဒုးလိၢ်တၢ်လၢအီၤတဂၤဘၣ် ဟဲစိာ်အတၢ်ဟ့ၣ်ကီၤဆူနအိၣ်လၢခိလီၤ.
12 ဒီးပှၤတဂၤန့ၣ်မ့ၢ်ဖှီၣ်မ့ၢ်ယာ်ဒီး, နတဘၣ်မံဒီးအတၢ် ဟ့ၣ်ကီၤဘၣ်. 13 တုၤမုၢ်လီၤနုာ်ဒီး, နဘၣ်ဟ့ၣ်က့ၤအီၤ လၢအတၢ်ဟ့ၣ်ကီၤန့ၣ်သပှၢ်တၢၢ်, ဒ်သိးအကမံလၢ အယၣ်ဒၣ်ဝဲအပူၤ, ဒီးဆိၣ်ဂ့ၤနၤလီၤ. ဒီးကကဲထီၣ်တၢ် တီတၢ်လိၤလၢနဂီၢ်လၢယွၤနကစၢ်အမဲာ်ညါလီၤ.
14 ပှၤဒိးလဲဖိလၢအဖှီၣ်အယာ်, အနးအဖှီၣ်လၢနဒီပုၢ် ဝဲၢ်အကျါမ့ၢ်ဂ့ၤ, လၢပှၤတခီဘီမုၢ်ဖိလၢနကီၢ်ပူၤအိၣ် လၢနပဲတရီအပူၤမ့ၢ်ဂ့ၤ, နတဘၣ်မၤအၢမၤဖှီၣ်အီၤဘၣ်.
15 နဘၣ်ဟ့ၣ်အီၤလၢအဘူးအလဲလၢအမုၢ်နံၤန့ၣ်, ဒီး မုၢ်တဘၣ်လီၤနုာ်လၢအဖီခိၣ်ဘၣ်. အဂ့ၢ်ဒ်အံၤ, မ့ၢ်အ ဖှီၣ်အယာ်ဒီး, တန့ၤအသးလၢအီၤလီၤ. မ့တမ့ၢ်ဘၣ် ဒ်န့ၣ်ဒီး, ကကိးထီၣ်ထီဒါဘၣ်ဖုးနၤဆူယွၤ, ဒီးတၢ် ဒဲးဘးကအိၣ်ဒီးနၤလီၤ.
16 အပၢ်တဖၣ်တဘၣ်ဘၣ် တၢ်မၤသံအီၤလၢအဖိတဖၣ် အဃိ, ဒီးအဖိတဖၣ်တဘၣ်ဘၣ် တၢ်မၤသံအီၤလၢအ ပၢ်တဖၣ်အဃိဘၣ်. ပှၤကဘၣ်တၢ်မၤသံအီၤလၢအတၢ် ဒဲးဘးဒၣ်ဝဲအဃိလီၤ.
17 ပှၤတခီဘီမုၢ်ဖိမ့ၢ်ဂ့ၤ, ပှၤဖိၣ်ဃဲမ့ၢ်ဂ့ၤ, နတဘၣ်ဘိး ဃၣ်ကပၤန့ၢ်အတၢ်စံၣ်ညီၣ်ဘၣ်, ဒီးနတဘၣ်ဟံးကီၤ ဘၣ်ပှၤမုၣ်ကမဲအကူအသိးဘၣ်.
18 နဘၣ်သ့ၣ်နီၣ်ထီၣ်က့ၤလၢ နမ့ၢ်ပှၤကုၢ်ဖိလၢအဲၤကူ ပတူးအပူၤ, ဒီးယွၤနကစၢ်ပှ့ၤက့ၤနၤဖဲန့ၣ်လီၤ. မၤသး ဒ်န့ၣ်ဒီးယမၤလိာ်နၤ, ဒ်သိးနကမၤတၢ်တမံၤန့ၣ်လီၤ.
19 တုၤနကူးဘုလၢနစံာ်ပူၤ, ဒီးနသးပ့ၤနီၣ်ဘုတကဒိၣ် ဒီး, နတဘၣ်က့ၤကဒါက့ၤဟံးန့ၢ်အီၤဘၣ်, ကအိၣ်ဝဲ လၢပှၤတခီဘီမုၢ်ဖိအဂီၢ်, လၢပှၤဖိၣ်ဃဲအဂီၢ်, ဒီးလၢ ပှၤမုၣ်ကမဲအဂီၢ်, ဒ်သိးယွၤနကစၢ်ကဆိၣ်ဂ့ၤနၤလၢက ယဲၢ်နမၤတၢ်လၢနစုန့ၣ်လီၤ.
20 တုၤနတီၢ်နသ့ၣ်စၤယံးဒီး, နတဘၣ်မၤကဒီးအဒ့တ ဖၣ်လၢခံဘၣ်. ကအိၣ်လၢပှၤတခီဘီမုၢ်ဖိအဂီၢ်, ဒီးလၢ ပှၤဖိၣ်ဃဲအဂီၢ်, ဒီးလၢပှၤမုၣ်ကမဲအဂီၢ်လီၤ.
21 တုၤနထၢဖှိၣ်စပံးသၣ်လၢ နစပံးအလီၢ်ပူၤဒီး, နတ ဘၣ်ထၢဖှိၣ်လၢခံတၢ်လၢအအိၣ်လီၤတဲာ်ဘၣ်. ကအိၣ် လၢပှၤတခီဘီမုၢ်ဖိအဂီၢ်, လၢပှၤဖိၣ်ဃဲအဂီၢ်, ဒီးလၢ ပှၤမုၣ်ကမဲအဂီၢ်လီၤ.
22 ဒီးနဘၣ်သ့ၣ်နီၣ်ထီၣ်က့ၤလၢ နမ့ၢ်ပှၤကုၢ်ဖိလၢကီၢ် အဲၤကူပတူးအပူၤလီၤ. မၤသးဒ်န့ၣ်ဒီးယမၤလိာ်နၤဒ် သိးနကမၤတၢ်တမံၤန့ၣ်လီၤ.
25၂၅
1 ဒီးပှၤမ့ၢ်လိာ်ကွီၢ်လိာ်အသး, ဒီးဟဲဆူတၢ်စံၣ်ညီၣ် ကွီၢ်, လၢတၢ်ကစံၣ်ညီၣ်ဝဲဒီး, တၢ်ကပာ်တီပှၤအတီ, ဒီးပာ်အၢပှၤအအၢ, 2 ဒီးတၢ်ကမၤအသးလၢပှၤအၢမ့ၢ် ဂ့ၤဘၣ်တၢ်တီၢ်အီၤဒီး, ပှၤစံၣ်ညီၣ်ကွီၢ်ကဒုးမံလီၤအီၤ, ဒီးဒုးတီၢ်ပှၤလၢအီၤလၢအမဲာ်ညါအဘျီ ပှဲၤအံၤပှဲၤနုၤ, ဒ်အတၢ်ကမၣ်အသိးန့ၣ်လီၤ.
3 ကတီၢ်အီၤ အဘျီလွံၢ်ဆံ, ဒီးတဘၣ်မၤအါထီၣ်ဝဲ ဘၣ်. မ့ၢ်မၤအါထီၣ်တၢ်တဖၣ်, ဒီးတီၢ်အီၤအါန့ၢ်အန့ၣ် လၢတၢ်တီၢ်အါဘျီဒီး, နဒီပုၢ်ဝဲၢ်ကလီၤဘှါလၢနမဲာ်ညါ လီၤ.
4 တုၤဂီၤဘုၣ်ဂီၤဖံးယီၢ်ဘုဒီး, ပသံးဃာ်အထးခိၣ်တ ဂ့ၤ.
5 ဒီပုၢ်ဝဲၢ်ခွါတဖၣ်မ့ၢ်အိၣ်ဝဲဆိးဝဲတပူၤဃီဒီး, ပှၤတဂၤ မ့ၢ်သံဒီးအဖိတအိၣ်ဘၣ်ဒီး, ပှၤလၢအသံတဂၤအမါန့ၣ် တဘၣ်န့ၢ်ဝၤလၢပှၤတဒူၣ်ဒၣ်ဖိဘၣ်. အဝၤအဒီပုၢ်ဝဲၢ် တဂၤဘၣ်လဲၤနုာ်ဆူအအိၣ်, ဒီးန့ၢ်မါလၢအီၤဒီးမၤအဝၤ အဒီပုၢ်ဝဲၢ်အတၢ်လၢအဂီၢ်လီၤ.
6 ဒီးတၢ်ကမၤအသးလၢ ပှၤဖိဝဲၢ်ကိလၢအဆံးစၢ်န့ၢ်ဝဲ တဂၤကထီၣ်ဘးဝဲလၢအဒီပုၢ်ဝဲၢ် လၢအသံတဂၤအမံၤ, ဒ်သိးအမံၤအသုတဟါမၢ်ဘၣ်လၢ အံၣ်စရ့လးအပူၤ တဂ့ၤလီၤ.
7 ဒီးဟံးန့ၢ်အဒီပုၢ်ဝဲၢ်အမါန့ၣ် မ့ၢ်တဘၣ်ဘၣ်ပှၤတဂၤ န့ၣ်အသးဒီး, အဒီပုၢ်ဝဲၢ်အမါကလဲၤဆူပဲတရီလၢပှၤ သူၣ်က့သးပှၢ်အအိၣ်ဒီးစံး, ယဝၤအဒီပုၢ်ဝဲၢ်တဂၤ တ အၢၣ်လီၤအီလီၤဒုးအိၣ်ထီၣ် အဒီပုၢ်ဝဲၢ်အမံၤလၢအံၣ်စရ့ လးအပူၤဘၣ်. မၤယဝၤအဒီပုၢ်ဝဲၢ်အတၢ်န့ၣ်အသးတ အိၣ်ဘၣ်. 8 ဒီးဝ့ၢ်အပှၤသူၣ်က့သးပှၢ်ဘၣ်ကိးန့ၢ်အီၤ, ဒီးကတိၤတၢ်ဒီးအီၤ, ဒီးအဝဲဒၣ်မ့ၢ်ဆၢထၢၣ်ဒီးစံး, ဟံး န့ၢ်ပိာ်မုၣ်န့ၣ်ယသးတအိၣ်ဘၣ်န့ၣ်ဒီး, 9 အဒီပုၢ်ဝဲၢ်အ မါဘၣ်လဲၤဆူအအိၣ်လၢ ပှၤသူၣ်က့သးပှၢ်အမဲာ်ညါ, ဒီးဃ့ၣ်လီၤကွံာ်အခီၣ်ဖံးလၢအခီၣ်လိၤ, ဒီးထူးပှဲာ်လၢ အမဲာ်, ဒီးကစံးဆၢတၢ်ဒီးစံး, ပှၤလၢအတမၤထီၣ်ဘၣ် အဒီပုၢ်ဝဲၢ်အဟံၣ်န့ၣ် ကဘၣ်တၢ်မၤအီၤဒ်န့ၣ်သိးလီၤ.―
10 ဒီးတၢ်ကကိးအမံၤလၢ အံၣ်စရ့လးအပူၤလၢပှၤလၢအ ဘၣ်တၢ်ဃ့ၣ်လီၤကွံာ်အခီၣ်ဖံးန့ၣ်လီၤ. 11 ဒီးပှၤမ့ၢ်အ့ၣ် လိာ်ဆိးက့လိာ်အသးတဂၤဒီးတဂၤဒီး, အဝဲတဂၤအမါ သုးဘူးအသးဒ်သိးအကမၤပူၤဖျဲးအဝၤလၢ ပှၤလၢအ တီၢ်ဝဲအစုပူၤ, ဒီးယူာ်ထီၣ်အစု, ဒီးဟံးန့ၢ်အီၤလၢတၢ် မဲာ်ဆှးအလီၢ်ဒီး, 12 နဘၣ်ဒီၣ်တဲာ်ကွံာ်အစုလီၤ. နမဲာ် တဘၣ်သးလီဘၣ်အီၤဘၣ်.
13 နတဘၣ်အိၣ်ဒီးစီၤပီၢ်သၣ်တမံၤ, ဒီးစီၤပီၢ်သၣ်တမံၤ ဒၣ်, အဒိၣ်ဒီးအဆံးလၢနထၢၣ်ပူၤဘၣ်.
14 နတဘၣ်အိၣ်ဒီးနီၣ်ဃီၣ်တၢ်တမံၤ, ဒီးနီၣ်ဃီၣ်တၢ် တမံၤဒၣ်, အဒိၣ်ဒီးအဆံးလၢနဟံၣ်ပူၤဘၣ်.
15 နဘၣ်အိၣ်ဒီးစီၤပီၢ်သၣ်အလၢအပှဲၤ, အတီအလိၤ, နဘၣ်အိၣ်ဒီးနီၣ်ဃီၣ်တၢ်အလၢအပှဲၤ, အတီအလိၤ, ဒ်သိးနမုၢ်နံၤလၢနအိၣ်လၢ ထံဧိၤကီၢ်ဧိၤအပူၤလၢယွၤ နကစၢ်ဟ့ၣ်လီၤနၤတဖၣ်န့ၣ်ကထုးထီထီၣ်အသးလီၤ.
16 အဂ့ၢ်ဒ်အံၤ, ကယဲၢ်ပှၤလၢအမၤတၢ်န့ၣ်တဖၣ်, က ယဲၢ်ပှၤလၢအမၤတၢ်တတီဘၣ်န့ၣ် မ့ၢ်တၢ်သးဘၣ်အၢ လၢယွၤနကစၢ်အမဲာ်ညါလီၤ. 17 လၢသုဟးထီၣ်ကွံာ်လၢအဲၤကူပတူးန့ၣ် ဧမၤလ့းမၤနၤလၢကျဲပူၤဒ်လဲၣ်ဒ်လဲၣ်န့ၣ်သ့ၣ်နီၣ်ထီၣ်က့ၤတက့ၢ်.―
18 သဂၢၢ်နၤလၢကျဲပူၤ, ဒီးတုၤနသးလီၤဘှါဒီး, ဒီးတၢ် ဘှံးနသးဒီး, ကျီကွံာ်ပှၤလၢအဂံၢ်စၢ်ဘါစၢ်လၢနလီၢ်ခံ ကတၢၢ်, ဒီးတပျံၤဘၣ်ယွၤဘၣ်.
19 ဒီးတၢ်ကမၤအသးဖဲ ယွၤနကစၢ် ကဒုးအိၣ်ဘှံးနၤ လၢနဒုၣ်နဒါအိၣ်ဝးတရံးနၤလၢ ထံဧိၤကီၢ်ဧိၤအပူၤလၢ ယွၤနကစၢ်ဟ့ၣ်လီၤနၤလၢတၢ်န့ၢ်သါအဂီၢ် လၢသုက မၤန့ၢ်အီၤဒီး, နဘၣ်တြူာ်ကွံာ်တၢ်သ့ၣ်နီၣ်ထီၣ်က့ၤဧမၤ လ့းလၢမူခိၣ်အဖီလာ်လီၤ. သုတသးပ့ၤနီၣ်တဂ့ၤ.
26၂၆
1 ဒီးတၢ်မၤအသးဖဲနလဲၤနုာ်ဆူကီၢ်ပူၤ လၢယွၤနကစၢ် ဟ့ၣ်လီၤနၤလၢတၢ်န့ၢ်သါအဂီၢ်, ဒီးန့ၢ်ဘၣ်အီၤ, ဒီးအိၣ် ဖဲန့ၣ်ဒီး, 2 နဘၣ်ဟံးန့ၢ်လၢကယဲၢ်ဟီၣ်ခိၣ်အတၤသၣ် ဆိလၢနဟဲစိာ်လၢနထံဧိၤကီၢ်ဧိၤ လၢယွၤနကစၢ်ဟ့ၣ် လီၤနၤ, ဒီးပာ်လၢနာ်ပူၤ, ဒီးလဲၤတၢ်ဆူတၢ်အလီၢ်ဖဲ ယွၤနကစၢ်ကဃုထၢလၢအကပာ်အမံၤန့ၣ်လီၤ.
3 ဒီးဘၣ်လဲၤဆူပှၤလုၢ်တၢ်အဒိၣ် လၢအကအိၣ်လၢမုၢ် နံၤတဖၣ်န့ၣ်, ဒီးစံးဘၣ်အီၤ, လၢမုၢ်မဆါတနံၤအံၤယ အၢၣ်လီၤအီလီၤလၢ ယွၤနကစၢ်လၢယဟဲနုာ်လံဆူကီၢ် ပူၤလၢယွၤဆိၣ်တၢ်ဒီးပပၢ်တဖၣ် လၢအကဟ့ၣ်လီၤပှၤ လံ.
4 ဒီးပှၤလုၢ်တၢ်အဒိၣ်ဘၣ်ဟံးန့ၢ်နာ်တဖျၢၣ်လၢနစုပူၤ, ဒီးပာ်လီၤဝဲလၢယွၤနကစၢ် အတၢ်လုၢ်လီၢ်အမဲာ်ညါ လီၤ. 5 ဒီးနဘၣ်ကတိၤတၢ်ဒီးစံးလၢယွၤနကစၢ်အမဲာ် ညါ, ယပၢ်မ့ၢ်ပှၤစူၤရံဖိလၢအကဟးဂီၤတ့ၢ်, ဒီးလဲၤလီၤ ဆူအဲၤကူပတူးအပူၤ, ဒီးအိၣ်ဖဲန့ၣ်စှၤဂၤ, ဒီးကဲထီၣ်ဖဲန့ၣ် လၢပှၤတကလုာ်ဒိၣ်ဝဲ, ဒီးဆူၣ်ဝဲ, ဒီးအိၣ်အါဂၤလီၤ. 6 ဒီး ပှၤအဲၤကူပတူးဖိမၤအၢမၤသီပှၤ, ဒီးပာ်တၢ်မၤကီလၢပ လိၤလီၤ. 7 ဒီးတုၤပကိးထီၣ်ဆူယွၤပပၢ်တဖၣ်အကစၢ် ဒီး, ယွၤကနၣ်ပကလုၢ်, ဒီးကွၢ်လီၤပတၢ်နးတၢ်ဖှီၣ်ဒီးပ တၢ်မၤ, ဒီးတၢ်မၤအၢပှၤ, 8 ဒီးယွၤဒုးဟးထီၣ်ကွံာ်ပှၤလၢ အဲၤကူပတူးအပူၤဒီးအစုဆူၣ်, ဒီးအစုယူာ်ထီၣ်အသး, ဒီးတၢ်ပျံၤအလီၢ်ဖးဒိၣ်, ဒီးတၢ်ပနီၣ်လီၤလး, ဒီးတၢ်လီၤ လိၢ်လီၤလး, 9 ဒီးဒုးဟဲနုာ်ပှၤဆူအလီၢ်ဖဲအံၤ, ဒီးဟ့ၣ်လီၤ ပှၤလၢကီၢ်တဘ့ၣ်အံၤ, ကီၢ်လၢအယွၤဒီးတၢ်နုၢ်ထံ, ဒီး ကနဲစီလီၤ. 10 ဒီးခဲကနံၣ်အံၤကွၢ်ကွၢ်, ယွၤဧၢ, ယဟဲစိာ် တၤသၣ်ဘၣ်ဃးဒီးဟီၣ်ခိၣ်လၢ နဟ့ၣ်လီၤလံယၤလံ လီၤ. ဒီးနဘၣ်ပာ်လီၤအီၤလၢယွၤနကစၢ်အမဲာ်ညါလီၤ.
11 နဘၣ်သးခုလၢကယဲၢ်တၢ်ဂ့ၤလၢ ယွၤနကစၢ်ဟ့ၣ် လီၤနၤဒီးနပှၤဟံၣ်ဖိ, နဲဒၣ်, ဒီးပှၤလ့ၤဝံဖိ, ဒီးပှၤတခီ ဘီမုၢ်ဖိလၢအအိၣ်ဝဲလၢသုကျါလီၤ. 12 ဒီးတုၤနနီၤဖးနတၢ်အါထီၣ်လၢ ဆံဆဲၣ်ပူတပူၤလၢနံၣ်သၢနံၣ်တနံၣ်, တၢ်ဆံဆဲၣ်ပူတပူအနံၣ်, ဒီးဟ့ၣ်လီၤတၢ်လၢပှၤလ့ၤဝံဖိ, ပှၤတခီဘီမုၢ်ဖိ, ပှၤဖိၣ်ဃဲ, ဒီးပှၤမုၣ်ကမဲ, ဒ်သိးအကအီၣ်တၢ်လၢနပဲတရီအပူၤဒီးဘျဲးအီၣ်ဝံၤဒီး,―
13 နဘၣ်စံးလၢယွၤနကစၢ်အမဲာ်ညါ, ယဟဲစိာ်လံတၢ် စီဆှံလၢယဟံၣ်ပူၤ, ဒီးယဟ့ၣ်လီၤလံစ့ၢ်ကီးအီၤလၢပှၤ လ့ၤဝံဖိ, ဒီးလၢပှၤတခီဘီမုၢ်ဖိ, ဒီးပှၤဖိၣ်ဃဲ, ဒီးပှၤမုၣ်က မဲ, ဒ်ကယဲၢ်နတၢ်မၤလိာ်လၢနမၤလိာ်ယၤအသိးန့ၣ်လံ. ယတလုၣ်သ့ၣ်ခါပတာ်ဘၣ်နတၢ်မၤလိာ်ဘၣ်, ဒီးယ တသးပ့ၤနီၣ်ဘၣ်တၢ်ဘၣ်. 14 ယတအီၣ်ဘၣ်လၢအီၤလၢ ယသူၣ်အုးသးအုးဘၣ်, ယတမၤတၢ်လၢအီၤလၢတၢ်တ ကဆှီဘၣ်အပူၤ, ဒီးယတဟ့ၣ်လီၤတၢ်လၢအီၤလၢတၢ် သံအဃိဘၣ်. ယဒိကနၣ်လံယွၤယကစၢ်အကလုၢ်အ ကထါလံ. 15 ကွၢ်လီၤလၢနအိၣ်နဆိးအလီၢ်စီဆှံလၢမူ ခိၣ်, ဒီးဆိၣ်ဂ့ၤဆိၣ်ဝါနပှၤဂီၢ်မုၢ်အံၣ်စရ့လး, ဒီးထံဧိၤ ကီၢ်ဧိၤလၢနဟ့ၣ်လီၤပှၤ, ဒ်နဆိၣ်တၢ်ဒီးပပၢ်တဖၣ်အသိး, ကီၢ်တဘ့ၣ်လၢအယွၤဒီးတၢ်နုၢ်ထံဒီးကနဲစီန့ၣ်တက့ၢ်.
16 တၢ်လၢမုၢ်မဆါတနံၤအံၤ ယွၤနကစၢ်မၤလိာ်နၤဒ် သိးနကတိၢ်န့ၢ်တၢ်မၤလိာ် ဒီးတၢ်စံၣ်ညီၣ်တဖၣ်အံၤ လီၤ. ဒီးနဘၣ်တိၢ်န့ၢ်, ဒီးမၤအီၤ, လၢနသူၣ်ကံၢ်သးလဲ ဒီးလၢနသးဒီဖျၢၣ်ညါလီၤ. 17 လၢမုၢ်မဆါတနံၤအံၤန အၢၣ်လီၤအီလီၤလံလၢယွၤမ့ၢ်နကစၢ်, ဒီးလၢနကပိာ် အကျဲတဖၣ်, ဒီးလၢနကတိၢ်န့ၢ်အတၢ်မၤလိာ်, ဒီးအ တၢ်စံၣ်ညီၣ်, ဒီးလၢနကဒိကနၣ်အကလုၢ်လီၤ. 18 ဒီးလၢမုၢ်မဆါတနံၤအံၤ ယွၤအၢၣ်လီၤအီလီၤနၤလၢနမ့ၢ်အပှၤဂီၢ်မုၢ်, အတၢ်လုၢ်ဒိၣ်ပှ့ၤဒိၣ်ဒ်အကတိၤတၢ်ဒီးနၤအသိး, ဒီးလၢနဘၣ်တိၢ်န့ၢ်အတၢ်မၤလိာ်ခဲလၢာ်,―
19 ဒီးလၢအကပာ်နၤလၢပှၤကိးကလုာ်ဒဲးလၢ အတ့ဝဲခဲ လၢာ်အဖီခိၣ်, လၢတၢ်စံးထီၣ်ပတြၢၤ, ဒီးလၢတၢ်အမံၤ, ဒီးလၢတၢ်လၤကပီၤ, ဒ်သိးနကကဲထီၣ်ပှၤစီဆှံတက လုာ်လၢယွၤနကစၢ်အဂီၢ်, ဒ်အကတိၤတၢ်အသိးန့ၣ်လီၤ.
27၂၇
1 ဒီးစီၤမိၤရှ့ဒီးအံၣ်စရ့လး အပှၤသူၣ်က့သးပှၢ်မၤလိာ် ပှၤဂီၢ်မုၢ်, ဒီးစံးဝဲဒၣ်, တၢ်မၤလိာ်လၢယမၤလိာ်သုလၢ မုၢ်မဆါတနံၤအံၤ, တိၢ်န့ၢ်အီၤခဲလၢာ်တက့ၢ်. 2 ဒီးတၢ်ကမၤအသးလၢ မုၢ်နံၤလၢသုကခီဂာ်ထံကျိယၢ်ဒ့ၣ်ဆူကီၢ်ပူၤလၢယွၤနကစၢ်ဟ့ၣ်လီၤနၤ, လၢနဘၣ်ပာ်ထီၣ်လၢၢ်ဖးဒိၣ်တဖၣ်, ဒီးဖှူအီၤဒီးအီကတ့ၣ်လီၤ.―
3 ဒီးတုၤနခီဂာ်ဝံၤဒီး, နဘၣ်ကွဲးတၢ်သိၣ်တၢ်သီအတၢ် ကတိၤအံၤခဲလၢာ်လၢအလိၤ, ဒ်သိးနကလဲၤနုာ်ဆူထံ ဧိၤကီၢ်ဧိၤအပူၤလၢယွၤနကစၢ်ဟ့ၣ်လီၤနၤ, ကီၢ်တဘ့ၣ် လၢအယွၤဝဲဒီးတၢ်နုၢ်ထံ, ဒီးကနဲစီ, ဒ်ယွၤနပၢ်တဖၣ် အကစၢ်ကတိၤတၢ်ဒီးနၤအသိးန့ၣ်လီၤ.
4 ဒီးတုၤသုခီဂာ်ထံကျိယၢ်ဒ့ၣ်ဒီး, တၢ်ကမၤအသးလၢ သုဘၣ်ပာ်ထီၣ်လၢၢ်တဖၣ် လၢယမၤလိာ်သုလၢမုၢ်မ ဆါနံၤအံၤလၢကစၢၢ်ဧ့ၤဘါလးအလိၤ, ဒီးသုဘၣ်ဖှူအီၤ ဒီးအီကတ့ၣ်လီၤ. 5 ဒီးနဘၣ်မၤတၢ်လုၢ်လီၢ်လၢယွၤန ကစၢ်အဂီၢ်, တၢ်လုၢ်လီၢ်လၢၢ်လီၤ. နတဘၣ်ယူာ်ထီၣ် ထးလၢအလိၤဘၣ်. 6 နဘၣ်မၤယွၤနကစၢ်အတၢ်လုၢ် လီၢ်လၢလၢၢ်ဒီဖျၢၣ်တဖၣ်, ဒီးနဘၣ်လုၢ်တၢ်လုၢ်မ့ၣ်အူ လၢအဖီခိၣ်လၢယွၤနကစၢ်အဂီၢ်လီၤ. 7 ဒီးနဘၣ်လုၢ်တၢ် မၤဃူမၤဖိးဖဲန့ၣ်, ဒီးသးခုလၢယွၤနကစၢ်အမဲာ်ညါလီၤ.
8 ဒီးနဘၣ်ကွဲး တၢ်သိၣ်တၢ်သီအံၤ အတၢ်ကတိၤခဲ လၢာ်ဧ့ၢ်ဖျါလၢလၢၢ်အဖျၢၣ်တဖၣ်န့ၣ်အလိၤလီၤ.
9 ဒီးစီၤမိၤရှ့ဒီးပှၤလုၢ်တၢ်အဒိၣ် ပှၤလ့ၤဝံဖိကတိၤတၢ် ဒီးအံၣ်စရ့လးခဲလၢာ်, ဒီးစံးဝဲဒၣ်, ပလီၢ်နသး, ဒီးက နၣ်တက့ၢ်, အံၣ်စရ့လးဧၢ, တၢ်လၢမုၢ်မဆါတနံၤအံၤ နကဲထီၣ်လံယွၤနကစၢ်အပှၤဂီၢ်မုၢ်လံ. 10 ဒီးနဘၣ်ဒိက နၣ်ယွၤနကစၢ်အကလုၢ်အကထါ, ဒီးတိၢ်န့ၢ်အတၢ်မၤ လိာ်, ဒီးအတၢ်သိၣ်တၢ်သီ လၢယမၤလိာ်နၤလၢမုၢ်မ ဆါတနံၤအံၤလီၤ.
11 ဒီးတၢ်လၢမုၢ်တနံၤန့ၣ်စီၤမိၤရှ့မၤလိာ်ပှၤဂီၢ်မုၢ်, ဒီးစံး ဝဲဒၣ်, 12 တုၤသုလဲၤခီဂာ်ထံကျိယၢ်ဒ့ၣ်ဒီး, ပှၤတဖၣ် အံၤကဆၢထၢၣ်လၢကစၢၢ်ကရံးစံၣ်အလိၤ ဒ်သိးအက ဆိၣ်ဂ့ၤပှၤဂီၢ်မုၢ်, စူၤမ့းအိၣ်, ဒီးလ့ၤဝံ, ဒီးယူဒၤ, ဒီး ယံးစၣ်ကၢ်, ဒီးယိၤသး, ဒီးဘံၣ်ယၤမံၣ်လီၤ.
13 ဒီးပှၤတဖၣ်အံၤကဆၢထၢၣ်လၢ ကစၢၢ်ဧ့ၤဘါလးဒ် အကဆိၣ်အၢတၢ်, ရူၤဘ့ၣ်, ကးဒီးအၤရှ့ၢ်, ဒီးစဘူ လိၣ်, ဒၣ်, ဒီးနးသးလံလီၤ.
14 ဒီးပှၤလ့ၤဝံဖိကကတိၤတၢ်, ဒီးစံးဘၣ်ပှၤအံၣ်စရ့လး ဖိလၢအကလုၢ်ဖးဒိၣ်,
15 ပှၤလၢအတ့တၢ်ဂီၤစိးပျၤအသး, တၢ်ဂီၤသိအသး, တၢ်သးဘၣ်အၢလၢယွၤ, ပှၤမၤတၢ်ဖိအစုအတၢ်မၤ, ဒီး ပာ်ဝဲလၢအလီၢ်ခူသူၣ်တဂၤန့ၣ် မ်အဘၣ်တၢ်ဆိၣ်အၢ တက့ၢ်. ဒီးပှၤဂီၢ်မုၢ်ခဲလၢာ်ကစံးဆၢတၢ်ဒီးစံး, အၤမ့ၣ်.
16 ပှၤလၢအမၤအမိၢ်အပၢ်တရီတပါတဂၤန့ၣ် မ်အဘၣ် တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
17 ပှၤလၢအသုး ပှၤလၢအဃၢၤအဟီၣ်ခိၣ် အပနီၣ်အ လီၢ်တဂၤန့ၣ် မ်အဘၣ်တၢ်ဆိၣ်အၢတက့ၢ်. ဒီးပှၤဂီၢ် မုၢ်ခဲလၢာ်ကစံး, အၤမ့ၣ်.
18 ပှၤလၢအမၢပှၤမဲာ်ဘျီၣ်ဟးဖျိးကျဲတဂၤန့ၣ် မ်အဘၣ် တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
19 ပှၤလၢအဘိးကမၣ်ပှၤတခီဘီမုၢ်ဖိ, ပှၤဖိၣ်ဃဲ, ပှၤ မုၣ်ကမဲအတၢ်စံၣ်ညီၣ်တဂၤန့ၣ် မ်အဘၣ်တၢ်ဆိၣ်အၢ တက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
20 ပှၤလၢအမံဃုာ်ဒီးအပၢ်အမါတဂၤန့ၣ်, မ်အဘၣ်တၢ် ဆိၣ်အၢတက့ၢ်. အဂ့ၢ်ဒ်အံၤ, သလဲထီၣ်အပၢ်အဆ့ ခီၣ်ထံးလီၤ. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
21 ပှၤလၢအမံဃုာ်ဒီးဆၣ်ဖိကီၢ်ဖိတမံၤမံၤတဂၤန့ၣ် မ်အ ဘၣ်တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤ မ့ၣ်.
22 ပှၤလၢအမံဃုာ်ဒီးအဒီပုၢ်ဝဲၢ်မုၣ်တဂၤ, အပၢ်ဖိမုၣ်မ့ၢ် ဂ့ၤ, အမိၢ်ဖိမုၣ်မ့ၢ်ဂ့ၤ, မ်အဘၣ်တၢ်ဆိၣ်အၢတက့ၢ်. ဒီးပှၤဂီၢ်ခဲလၢာ်ကစံး, အၤမ့ၣ်.
23 ပှၤလၢအမံဃုာ်ဒီးအမံၤပှၢ်ပိာ်မုၣ်တဂၤန့ၣ် မ်အဘၣ် တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
24 ပှၤလၢအကျီခူသူၣ်ပှၤလၢအဃၢၤတဂၤန့ၣ် မ်အဘၣ် တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
25 ပှၤလၢအဟံးန့ၢ်အဘူးအလဲ ဒ်သိးအကမၤသံပှၤလၢအ တၢ်ဒဲးဘးတအိၣ်ဘၣ်တဂၤန့ၣ် မ်အဘၣ်တၢ်ဆိၣ်အၢ တက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
26 ပှၤလၢအတဒုးအိၣ်ဂၢၢ်ဆိးကျၢၤဘၣ်တၢ်သိၣ်တၢ်သီ အံၤအတၢ်ကတိၤဒ်သိးအကမၤအီၤတဂၤန့ၣ် မ်အဘၣ် တၢ်ဆိၣ်အၢတက့ၢ်. ဒီးပှၤဂီၢ်မုၢ်ခဲလၢာ်ကစံး, အၤမ့ၣ်.
28၂၈
1 ဒီးတၢ်ကမၤအသးလၢနမ့ၢ်ဒိကနၣ် ယွၤနကစၢ်အက လုၢ်သပှၢ်တၢၢ်ဒ်သိးနကတိၢ်န့ၢ်, ဒ်သိးနကမၤအတၢ် မၤလိာ်ခဲလၢာ်လၢယမၤလိာ်နၤ လၢမုၢ်မဆါတနံၤအံၤ ဒီး, ယွၤနကစၢ်ကပာ်ထီၣ်ထီနၤလၢပှၤကိးကလုာ်ဒဲး လၢဟီၣ်ခိၣ်ချၢအဖီခိၣ်လီၤ.
2 ဒီးနမ့ၢ်ဒိကနၣ်ယွၤနကစၢ်အကလုၢ်အကထါဒီး, က ယဲၢ်တၢ်ဆိၣ်ဂ့ၤအံၤကဘၣ်နၤ, ဒီးချုးန့ၢ်နၤလီၤ.
3 နကဘၣ်တၢ်ဆိၣ်ဂ့ၤလၢဝ့ၢ်ပူၤ, ဒီးနကဘၣ်တၢ်ဆိၣ် ဂ့ၤနၤလၢပှၢ်လၢ်ကျါလီၤ.
4 တၢ်ဆိၣ်ဂ့ၤကဘၣ်နဒၢလီၢ်အတၤသၣ်, ဒီးနဟီၣ်ခိၣ် အတၤသၣ်, ဒီးနဆၣ်ဖိကီၢ်ဖိအဒၢအတၤသၣ်, ဒီးန ဂီၤဘုၣ်ဂီၤဖံး, ဒီးနသိနမဲာ်တဲးလဲးအတၢ်အါထီၣ်လီၤ.
5 တၢ်ဆိၣ်ဂ့ၤကဘၣ်နဃ့ၢ်ဧိၤကုဧိၤ, ဒီးနမၤကိၣ် အ ကျိးလီၤ.
6 တုၤနဟဲနုာ်ဒီး, နကဘၣ်တၢ်ဆိၣ်ဂ့ၤ, ဒီးတုၤနဟး ထီၣ်ဒီးနကဘၣ်တၢ်ဆိၣ်ဂ့ၤလီၤ.
7 နဒုၣ်နဒါ လၢအဂဲၤဆၢထၢၣ်ထီဒါနၤတဖၣ်န့ၣ်ယွၤ ကဒုးကျီကွံာ်အီၤလၢနမဲာ်ညါလီၤ. ကဟဲထီၣ်ထီဒါနၤ လၢကျဲတဘိ, ဒီးကဃ့ၢ်ထီၣ်ကွံာ်လၢနမဲာ်ညါလၢကျဲ နွံဘိလီၤ.
8 ယွၤကမၤလိာ်တၢ်ဆိၣ်ဂ့ၤလၢနသိၣ်ဧိၤဖီဧိၤအပူၤ, ဒီး လၢကယဲၢ်တၢ်လၢနပာ်နစုလၢအလိၤ, ဒီးကဆိၣ်ဂ့ၤ နၤလၢထံဧိၤကီၢ်ဧိၤအပူၤလၢယွၤနကစၢ်ဟ့ၣ်လီၤနၤလီၤ.
9 နမ့ၢ်တိၢ်န့ၢ်ယွၤနကစၢ်အတၢ်မၤလိာ်, ဒီးပိာ်အကျဲ တဖၣ်ဒီး, ယွၤကဒုးအိၣ်ဂၢၢ်ဆိးကျၢၤနၤလၢပှၤစီဆှံတ ကလုာ်, လၢအဂီၢ်ဒၣ်ဝဲ, ဒ်အဆိၣ်တၢ်ဒီးနၤအသိးန့ၣ် လီၤ. 10 ဒီးပှၤကိးကလုာ်ဒဲးကထံၣ်လၢနဘၣ်တၢ်ကိး နၤလၢယွၤအမံၤ, ဒီးကပျံၤနၤလီၤ.
11 ဒီးယွၤကမၤအါထီၣ်နၤလၢတၢ်ဂ့ၤ, လၢနဒၢလီၢ်အ တၤသၣ်, လၢနဆၣ်ဖိကီၢ်ဖိအတၤသၣ်, ဒီးလၢနဟီၣ် ခိၣ်အတၤသၣ်လၢထံဧိၤကီၢ်ဧိၤအပူၤ လၢယွၤဆိၣ်တၢ် ဒီးနပၢ်တဖၣ်လၢအကဟ့ၣ်လီၤနၤလီၤ.
12 ယွၤကအိးထီၣ်အတၢ်ပာ်ဖှိၣ်အဂ့ၤအလီၢ်, မူခိၣ်လၢ နဂီၢ်, ဒ်သိးအကဟ့ၣ်လီၤနကီၢ်လၢတၢ်စူၤလၢအဆၢ အကတီၢ်ဒၣ်ဝဲ, ဒီးဒ်သိးအကဆိၣ်ဂ့ၤကယဲၢ်နမၤတၢ် လၢနစုခဲလၢာ်လီၤ. ဒီးနကဒုးလိၢ်တၢ်လၢပှၤအါက လုာ်, ဒီးနတလိၢ်ဘၣ်တၢ်ဘၣ်.
13 နမ့ၢ်ဒိကနၣ်ယွၤနကစၢ်အတၢ်မၤလိာ် လၢယမၤလိာ် နၤလၢမုၢ်မဆါတနံၤအံၤ, လၢနကတိၢ်န့ၢ်ဒီးမၤအီၤဒီး, ယွၤကပာ်နၤလၢတၢ်အခိၣ်, ဒီးတမ့ၢ်ဘၣ်တၢ်အမဲၢ် ဘၣ်, ဒီးနကအိၣ်ထဲပှၤအဖီခိၣ်, ဒီးနတအိၣ်ဘၣ်ဘၣ် လၢအဖီလာ်ဘၣ်.
14 ဒီးနတဘၣ်ဃၣ်ကွံာ်နသးလၢတၢ်ကတိၤ လၢယမၤ လိာ်နၤလၢမုၢ်မဆါတနံၤအံၤနီတထံၣ်ဘၣ်, ဆူနစုထွဲ မ့ၢ်ဂ့ၤ, ဆူနစုစ့ၣ်မ့ၢ်ဂ့ၤ, ဒ်သိးနကပိာ်ကစၢ်အဂၤတဖၣ် အခံ, ဒီးမၤအတၢ်ဘၣ်.
15 ဒီးတၢ်ကမၤအသးလၢနမ့ၢ်တဒိကနၣ်ဘၣ် ယွၤနက စၢ်အကလုၢ်အကထါဒ်သိးနကတိၢ်န့ၢ်, ဒ်သိးနကမၤ အတၢ်မၤလိာ်, ဒီးအတၢ်သိၣ်တၢ်သီခဲလၢာ်လၢယမၤ လိာ်နၤလၢမုၢ်မဆါတနံၤအံၤဘၣ်ဒီး, ကယဲၢ်တၢ်ဆိၣ် အၢတဖၣ်အံၤကဘၣ်နၤ, ဒီးချုးန့ၢ်နၤလီၤ.
16 နကဘၣ်တၢ်ဆိၣ်အၢနၤလၢဝ့ၢ်ပူၤ, ဒီးနကဘၣ်တၢ် ဆိၣ်အၢနၤလၢပှၢ်လၢ်ကျါလီၤ.
17 တၢ်ဆိၣ်အၢကဘၣ်နဃ့ၢ်ဧိၤကုဧိၤဒီး နမၤကိၣ်အကျိး လီၤ.
18 တၢ်ဆိၣ်အၢကဘၣ်နဒၢလီၢ်အတၤသၣ်, ဒီးနဟီၣ် ခိၣ်အတၤသၣ်, ဒီးနဂီၤဘုၣ်ဂီၤဖံးဒီးနသိနမဲာ်တဲးလဲး အတၢ်အါထီၣ်လီၤ.
19 တုၤနဟဲနုာ်ဒီး, နကဘၣ်တၢ်ဆိၣ်အၢ, ဒီးတုၤနဟး ထီၣ်ဒီး, နကဘၣ်တၢ်ဆိၣ်အၢလီၤ.
20 ကယဲၢ်တၢ်လၢနပာ်နစုလၢအလိၤ ဒ်သိးနကမၤတၢ် ခဲလၢာ်အပူၤန့ၣ် ယွၤကမၢလီၤတၢ်ဆိၣ်အၢ, ဒီးတၢ် ကိၢ်တၢ်ဂီၤ, ဒီးတၢ်နးတၢ်ဖှီၣ်ဆူနအိၣ်တုၤနကတုၤလၢ တၢ်ဟးဂီၤ, ဒီးတုၤနကတုၤလၢတၢ်ဟးဂူာ်ဟးဂီၤချ့သ ဒံးလၢနမၤတၢ်အၢ, လၢနလဲၤသဒၣ်ယၤအဃိန့ၣ်လီၤ.
21 ယွၤကဒုးစဲဘူးနၤဒီး တၢ်သံသတြိာ်တုၤအမၤလၢာ် နၤလၢထံဧိၤကီၢ်ဧိၤအပူၤဖဲနလဲၤနုာ် ဒ်သိးနကမၤန့ၢ်အီၤ လီၤ. 22 ဒီးယွၤကကျီကွံာ်နၤလၢတၢ်ဃဲၤထီၣ်ကွံာ်, ဒီး တၢ်ညၣ်ဂိၢ်ကိၢ်, ဒီးလၢတၢ်ညၣ်ဂီၢ်ကွၤ, ဒီးလၢတၢ် ကိၢ်တံၢ်သး, ဒီးလၢဟီၣ်ခိၣ်ဃ့, ဒီးလၢဘုစဲၤသိၣ်, ဒီးလၢဘုဘၣ်တၢ်ဆါ, ဒီးကလူၤနၤတုၤနတုၤလၢတၢ် ဟးဂူာ်ဟးဂီၤလီၤ.
23 ဒီးမူခိၣ်လၢနခိၣ်အဖီခိၣ်ကကဲထီၣ်တိၢ်, ဒီးဟီၣ်ခိၣ် လၢအအိၣ်လၢနဖီလာ်ကကဲထီၣ်ထးလီၤ.
24 ဒီးယွၤကပာ်နကီၢ်အတၢ်စူၤလၢတၢ်ကမှံၤ, ဒီးဟီၣ် ခိၣ်အကမူၣ်လီၤ. ကဟဲလီၤဝဲလၢမူခိၣ်တုၤနတုၤလၢ တၢ်ဟးဂူာ်ဟးဂီၤလီၤ.
25 ယွၤကဒုးကျီကွံာ်နၤလၢနဒုၣ်နဒါအမဲာ်ညါလီၤ. န ကလဲၤထီၣ်ဆူအအိၣ်လၢကျဲတဘိ, ဒီးနကဃ့ၢ်ကွံာ် လၢကျဲနွံဘိလၢအမဲာ်ညါလီၤ. ဒီးနကဘၣ်တၢ်မၤအၢ နၤလၢကယဲၢ်ဘီမုၢ်အပူၤလၢဟီၣ်ခိၣ်ချၢခဲလၢာ်လီၤ. ဒီးနစိၣ်ကကဲထီၣ်တၢ်အီၣ်လၢကယဲၢ်ထိၣ်ဧိၤလံၣ်ဧိၤ လၢမူကပိာ်လိၤခဲလၢာ်အဂီၢ်, ဒီးလၢဆၣ်ဖိကီၢ်ဖိလၢ ဟီၣ်ခိၣ်ချၢအဂီၢ်, ဒီးပှၤတဃါဃ့ၢ်ကွံာ်ဘၣ်အီၤဘၣ်.
27 ဒီးယွၤကတီၢ်နၤလၢအဲၤကူပတူးအဝ့, ဒီးလၢတၢ်အ့ၣ် ကီၢ်ဆါ, ဒီးလၢတၢ်လိၤသးအၢ, ဒီးလၢတၢ်လၢနဘျါ တသ့ဘၣ်န့ၣ်လီၤ. 28 ဒီးယွၤကတီၢ်နၤလၢတၢ်လိၤသး ပျုၢ်, ဒီးလၢတၢ်မဲာ်ဘျီၣ်, ဒီးလၢသးကမၢကမၣ်လီၤ.
29 ဒီးနကကလၢၢ်တၢ်လၢမုၢ်ထူၣ်, ဒ်ပှၤမဲာ်ဘျီၣ်ကလၢၢ် တၢ်လၢတၢ်ခံးကျါအသိးန့ၣ်, ဒီးနတဘီၣ်တညီလၢန ကျဲတဖၣ်အပူၤဘၣ်, ဒီးနကဘၣ်ထဲတၢ်မၤကိၢ်မၤဂီၤ, ဒီးတၢ်ဂုာ်န့ၢ်နတၢ်ကိးမုၢ်နံၤမုၢ်နၤဒဲး, ဒီးတၢ်အုၣ်က့ၤ ခီၣ်က့ၤတၢ်တအိၣ်ဘၣ်.
30 နကအဲၣ်တီနမါ, ဒီးပှၤဂၤကမံဃုာ်ဒီးအီၤလီၤ. နက သူၣ်ဟံၣ်, ဒီးနတအိၣ်တဆိးလၢအပူၤဘၣ်. နကသူၣ် စပံးမုၢ်အလီၢ်, ဒီးနတထၢဖှိၣ်ဘၣ်အစပံးသၣ်ဘၣ်. 31 န ဂီၤဖံးကဘၣ် တၢ်မၤသံအီၤလၢနမဲာ်ညါ, ဒီးနတအီၣ် ဘၣ်တၢ်လၢအီၤဘၣ်, နကသ့ၣ်ယီၤကဘၣ်တၢ်ဟံးန့ၢ် ဆူၣ်အီၤလၢနမဲာ်ညါ, ဒီးတၢ်တဟ့ၣ်က့ၤအီၤလၢနၤဘၣ်. နသိနမဲာ်တဲးလဲး ကဘၣ်တၢ်ဟ့ၣ်လီၤအီၤလၢနဒုၣ်နဒါ, ဒီးတၢ်အုၣ်က့ၤခီၣ်က့ၤတအိၣ်ဘၣ်လၢနဂီၢ်ဘၣ်.
32 နဖိခွါဒီးနဖိမုၣ်တဖၣ်န့ၣ် ကဘၣ်တၢ်ဟ့ၣ်လီၤအီၤ လၢပှၤကလုာ်အဂၤ, ဒီးနမဲာ်ကထံၣ်, ဒီးကလၢာ်ဝဲ လၢအဃိသ့တနံၤကျၢၤ, ဒီးတၢ်အစိအကမီၤတအိၣ် ဘၣ်လၢနစုပူၤဘၣ်.
33 ဒီးနကီၢ်အတၤသၣ်, ဒီးနမၤတၢ်ခဲလၢာ်န့ၣ် ပှၤလၢ နတသ့ၣ်ညါဘၣ်အီၤတကလုာ်ကအီၣ်ကွံာ်အီၤ, ဒီးန ကဘၣ်ထဲတၢ်မၤကိၢ်မၤဂီၤ, ဒီးတၢ်မၤနးမၤဖှီၣ်နၤကိး မုၢ်နံၤမုၢ်နၤဒဲးလီၤ.
34 ဒီးနကပျုၢ်ထီၣ်လၢ တၢ်အိၣ်ဖျါလၢနမဲာ်လၢနက ထံၣ်ဘၣ်တၢ်အဃိလီၤ.
35 ဒီးယွၤကတီၢ်နခီၣ်လ့ၢ်ခိၣ်ဒီးနခီၣ်, လၢတၢ်ဝ့အၢလၢ အဘျါတသ့ဘၣ်, ဒီးကကဲထီၣ်နပူၤလီၢ်လၢနခီၣ်ညါ သးတုၤထီၣ်လၢနခိၣ်ဒးလီၤ.
36 ယွၤကဟဲစိာ်နၤဒီးနစီၤပၤလၢ နကပာ်လၢနဖီခိၣ်ဆူ ပှၤတကလုာ်လၢနဲဒၣ်, ဒီးနပၢ်တဖၣ်တသ့ၣ်ညါဘၣ် အီၤဘၣ်. ဒီးဖဲန့ၣ်နကမၤကစၢ်အဂၤတဖၣ်, သ့ၣ်ဧိၤ ဝၣ်ဧိၤဒီးလၢၢ်ဧိၤလ့ဧိၤအတၢ်လီၤ.
37 ဒီးနကကဲထီၣ်တၢ်ကမၢကမၣ်အလီၢ်, ဒီးတၢ်ကတိၤ ဒိအလီၢ်, ဒီးတၢ်ကတိၤဆါအလီၢ်လၢပှၤကိးကလုာ်ဒဲး အကျါ, ဖဲဒၣ်ယွၤကဆှၢနၤလီၤ.
38 နကလဲၤစိာ်ထီၣ်တၢ်ချံလၢအအါဆူနစံာ်ပူၤ, ဒီးနက ထၢဖှိၣ်တၢ်လၢအစှၤလီၤ. အဂ့ၢ်ဒ်အံၤ, ဒွဲၣ်ဧိၤတြၤဧိၤ ကအီၣ်ကွံာ်အီၤလီၤ.
39 နကသူၣ်စပံးမုၢ်အလီၢ်တဖၣ်, ဒီးကတဲာ်ကတီၤအီၤ, ဒီးနတအီဘၣ်အစပံးထံ, ဒီးနတထၢဖှိၣ်ဘၣ်တၢ်ဘၣ်. အဂ့ၢ်ဒ်အံၤ, တၢ်ဖိဃၢ်ကအီၣ်ကွံာ်အီၤလီၤ.
40 နကအိၣ်ဒီးသ့ၣ်စၤယံးလၢနကီၢ်အဃၢၤခဲလၢာ်, ဒီး နတဖှူဘၣ်တၢ်ဒီးအသိဘၣ်. အဂ့ၢ်ဒ်အံၤ, နသ့ၣ်စၤယံး အသၣ်ကလီၤဘီလီၤ.
41 နကထီၣ်ဖိ, ဖိခွါဒီးဖိမုၣ်တဖၣ်, ဒီးနတမုာ်လၤဘၣ် ဒီးအီၤဘၣ်, အဂ့ၢ်ဒ်အံၤ, တၢ်ကဖီၣ်န့ၢ်မၢကဲကုၢ်အီၤလီၤ.
42 ကယဲၢ်နသ့ၣ်ဧိၤဝၣ်ဧိၤ, ဒီးတၤသူၣ်တၤသၣ် လၢန ကီၢ်ပူၤခဲလၢာ်န့ၣ်ဒွဲၣ်ဧိၤတြၤဧိၤကအီၣ်ကွံာ်လီၤ.
43 ပှၤတခီဘီမုၢ်ဖိလၢအအိၣ်လၢနကျါန့ၣ်ကထီၣ်ဝဲဆူနဖီ ခိၣ်ထီထီကလဲာ်, ဒီးနကလီၤပၢၢ်လၢတၢ်အဖီလာ်လီၤ.
44 ကဒုးလိၢ်တၢ်လၢနၤ, ဒီးနတဒုးလိၢ်ဘၣ်လၢအီၤဘၣ်. အ ဝဲဒၣ်ကကဲထီၣ်တၢ်အခိၣ်, ဒီးနကကဲထီၣ်တၢ်အမဲၢ်လီၤ.
45 ဒီးတၢ်ဆိၣ်အၢခဲလၢာ်န့ၣ်ကဘၣ်နၤ, ဒီးကလူၤနၤ, ဒီးချုးန့ၢ်နၤတုၤနတုၤလၢတၢ်ဟးဂူာ်ဟးဂီၤလီၤ. အဂ့ၢ် ဒ်အံၤ, နတဒိကနၣ်ဘၣ်ယွၤနကစၢ်အကလုၢ်အကထါ ဒ်သိးနကတိၢ်န့ၢ်အတၢ်မၤလိာ်, ဒီးအတၢ်သိၣ်တၢ်သီ လၢအမၤလိာ်နၤဘၣ်လီၤ.
46 ဒီးကဘၣ်နၤလၢ တၢ်အပနီၣ်လီၤလးအဂီၢ်, ဒီးလၢ တၢ်လီၤလိၢ်လီၤလးအဂီၢ်လီၤ, ဒီးကဘၣ်နချံနသၣ်လီၤ စိၤလီၤထီလီၤ. 47 အဂ့ၢ်ဒ်အံၤ, နတမၤဘၣ်ယွၤနကစၢ် အတၢ်ဒီးနသူၣ်ဖှံသးညီ, ဒီးနသူၣ်ခုသးခု လၢတၢ်ခဲ လၢာ်အါထီၣ်အဃိဘၣ်လီၤ.
48 မၤသးဒ်န့ၣ်ဒီး နကမၤနဒုၣ်နဒါလၢယွၤကမၢလီၤထီ ဒါနၤတဖၣ်အတၢ်လၢတၢ်သၣ်ဝံၤနသး, ဒီးလၢတၢ်သူ နသးလၢထံ, ဒီးလၢတၢ်အိၣ်ဘ့ၣ်ဆ့, ဒီးလၢတၢ်ကိး မံၤဒဲးတအါဘၣ်, ဒီးကပာ်နီၣ်ယိးဘိလၢထးလၢနကိာ် အဖီခိၣ်တုၤအမၤဟးဂူာ်ဟးဂီၤနၤလီၤ.
49 ယွၤကဟဲစိာ်ပှၤတကလုာ်ထီဒါနၤလၢအယံၤ, လၢ ဟီၣ်ခိၣ်အကတၢၢ်, ဒ်လံာ်ကြီကြၣ်ယူၤဝဲအသိးန့ၣ်, ပှၤ တကလုာ်လၢနနၢ်တပၢၢ်ဘၣ်အကျိာ်ဘၣ်. 50 ပှၤတက လုာ်လၢအမဲာ်ဒူသဃဲး, လၢအတကွၢ်မဲာ်ပှၤသူၣ်က့သး ပှၢ်, ဒီးတဟ့ၣ်လီၤအဘျုးအဖှိၣ်လၢပှၤသးစၢ်ဘၣ်.
51 ဒီးကအီၣ်နဆၣ်ဖိကီၢ်ဖိအဒၢအတၤသၣ်, ဒီးနဟီၣ် ခိၣ်အတၤသၣ်တုၤနတုၤလၢတၢ်ဟးဂူာ်ဟးဂီၤလီၤ. ဒီး ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤ, သိမ့ၢ်ဂ့ၤ, နဂီၤဘုၣ် ဂီၤဖံးဒီးနသိနမဲာ်တဲးလဲးအတၢ်အါထီၣ်မ့ၢ်ဂ့ၤ တပာ် လီၤတဲာ်ဘၣ်လၢနဂီၢ်တုၤအမၤဟးဂူာ်ဟးဂီၤနၤလီၤ.
52 ဒီးကကဝီၤဃာ်နၤလၢ နပဲတရီခဲလၢာ်အပူၤတုၤန ခိၣ်ဒူထီလီၤပှီၢ်လၢနတန့ၤနသးလၢအီၤ လၢနထံဧိၤ ကီၢ်ဧိၤဒီဘ့ၣ်ညါအပူၤလီၤ. ဒီးကမၤတံာ်နၤလၢနပဲတ ရီခဲလၢာ်အပူၤလၢထံဧိၤကီၢ်ဧိၤဒီဘ့ၣ်ညါအပူၤ လၢယွၤ နကစၢ်ဟ့ၣ်လီၤနၤလီၤ.
53 ဒီးလၢတၢ်ကဝီၤဃာ်, ဒီးလၢတၢ်ကတံာ်အပူၤလၢန ဒုၣ်နဒါတဖၣ်ကမၤနးမၤဖှီၣ်နၤလၢအီၤန့ၣ် နကအီၣ် ဘၣ်နဒၢလီၢ်အတၤသၣ်, နဖိခွါ, ဒီးနဖိမုၣ်အညၣ်လၢ ယွၤနကစၢ်ဟ့ၣ်လီၤနၤလီၤ.
54 ပှၤပိာ်ခွါလၢအစၢ်လၢသုကျါ, ပှၤလၢအမုာ်လၤတၢ် ဂ့ၤဂ့ၤကလဲာ်တဂၤန့ၣ်အမဲာ်ကကွၢ်အၢအဒီပုၢ်ဝဲၢ်, ဒီးအ မါလၢအသးနါပှၢ်အပူၤ, ဒီးအဖိအိၣ်လီၤတဲာ်တဖၣ်လၢ အကပာ်လီၤတဲာ်ဝဲလီၤ. 55 မၤသးဒ်န့ၣ်ဒီးတဟ့ၣ်လီၤ ဘၣ်အီၤလၢ အဖိအညၣ်လၢ အကအီၣ်ဝဲနီတဂၤဘၣ်. အဂ့ၢ်ဒ်အံၤ, တၢ်တအိၣ်လီၤတဲာ်ဘၣ်လၢအဂီၢ်, လၢတၢ် ကဝီၤဃာ်အပူၤ, ဒီးလၢတၢ်ကတံာ်အပူၤလၢနဒုၣ်နဒါ ကမၤနးမၤဖှီၣ်နၤလၢအီၤလၢနပဲတရီခဲလၢာ်အပူၤလီၤ.
56 ပှၤပိာ်မုၣ်လၢအစၢ်, လၢအမုာ်လၤတၢ်လၢသုကျါ, လၢအပာ်လီၤအခီၣ်ညါသး လၢဟီၣ်ခိၣ်အဖီခိၣ်တဘူၣ် ဘၣ်လၢအမုာ်လၤတၢ်ဒီးအစၢ်အဃိတဂၤန့ၣ် အမဲာ်က ကွၢ်အၢဆူအဝၤလၢအသးနါပှၢ်အပူၤ, ဒီးအဖိခွါ, ဒီး အဖိမုၣ်, 57 ဒီးအဟံၣ်လီၢ်လၢအဟဲလီၤလၢ အခီၣ်က ဆူး, ဒီးအဖိလၢအကဆံးစၢ်အီၤလီၤ. အဂ့ၢ်ဒ်အံၤ, က အီၣ်အီၤခူသူၣ်လၢတၢ်ခဲလၢာ်တအါဘၣ်အဃိလၢတၢ် ကဝီၤဃာ်, ဒီးလၢတၢ်ကတံာ်အပူၤလၢနဒုၣ်နဒါကမၤ နးမၤဖှီၣ်နၤလၢအီၤလၢနပဲတရီအပူၤလီၤ.
58 နမ့ၢ်တပလီၢ်ဘၣ်နသးဒ်သိး နကမၤကယဲၢ်တၢ်သိၣ် တၢ်သီအံၤအတၢ်ကတိၤလၢ အကွဲးအသးလၢလံာ်တ ဘ့ၣ်အံၤအပူၤ, ဒ်သိးနကပျံၤတၢ်အမံၤ, အိၣ်ဒီးအလၤ ကပီၤဒီးတၢ်ပျံၤအလီၢ်, ယွၤနကစၢ်န့ၣ်ဘၣ်ဒီး, 59 ယွၤ ကမၤနတၢ်သံသတြိာ်လီၤလးဝဲ, ဒီးနချံနသၣ်အတၢ်သံ သတြိာ်ဒိၣ်ဝဲ, ဒီးအိၣ်ဝဲဃဲးဃဲးဒီးတၢ်ဆါအအၢအသီ တဖၣ်, ဒီးအိၣ်ဝဲဃဲးဃဲးလီၤ.
60 ဒီးကဒုးဘၣ်နၤလၢ အဲၤကူပတူးအတၢ်ဆူးတၢ်ဆါ လၢနပျံၤအီၤကိးကလုာ်ဒဲး, ဒီးကစဲဘူးဒီးနၤလီၤ. 61 ဒီးက ယဲၢ်တၢ်ဆါ, ဒီးကယဲၢ်တၢ်သံသတြိာ်လၢအတကွဲးဘၣ် အသးလၢလံာ်တၢ်သိၣ်တၢ်သီအံၤအပူၤခဲလၢာ်န့ၣ် ယွၤ ကဒုးဘၣ်နၤလၢအီၤတုၤနတုၤလၢတၢ်ဟးဂူာ်ဟးဂီၤလီၤ.
62 ဒီးသုမ့ၢ်အါတ့ၢ်ဒ်မူခိၣ်အဆၣ်ဧိၤဖီဧိၤအသိးဘၣ်ဆၣ် ဒီး, သုကအိၣ်လီၤတဲာ်စှၤဂၤလီၤ. အဂ့ၢ်ဒ်အံၤ, နတဒိ ကနၣ်ဘၣ်ယွၤနကစၢ်အကလုၢ်အကထါဘၣ်လီၤ.
63 ဒီးဒ်ယွၤသးခုလၢသုဖီခိၣ်ဒ်သိးအကမၤဂ့ၤသု, ဒီးမၤ အါထီၣ်သုအသိးန့ၣ်, တၢ်ကမၤအသးလၢယွၤအသး ကခုလၢသုဖီခိၣ်ဒ်သိးအကမၤဟးဂီၤသု, ဒီးမၤလၢာ် ကွံာ်သုဒ်န့ၣ်သိးလီၤ. ဒီးတၢ်ကထဲးကွံာ်သုလၢကီၢ်ပူၤ ဖဲနလဲၤမၤန့ၢ်အီၤလီၤ.
64 ဒီးယွၤကမၤလီၤပြံလီၤပြါနၤလၢ ပှၤကိးကလုာ်ဒဲးအ ကျါလၢဟီၣ်ခိၣ်အကတၢၢ်အံၤ ပၢၢ်လၢဟီၣ်ခိၣ်အက တၢၢ်န့ၣ်, ဒီးဖဲန့ၣ်နကမၤကစၢ်အဂၤတဖၣ်အတၢ်, လၢ နဲဒၣ်ဒီးနပၢ်တဖၣ်တသ့ၣ်ညါဘၣ်အီၤ, သ့ၣ်ဧိၤဝၣ်ဧိၤ, ဒီးလၢၢ်ဧိၤလ့ဧိၤလီၤ.
65 လၢပှၤကလုာ်တဖၣ်အကျါန့ၣ် နတအိၣ်ဘှံးဘၣ်, ဒီးနခီၣ်ညါသးအအိၣ်ဘှံးအလီၢ်တအိၣ်ဘၣ်, ဒီးယွၤ ကဟ့ၣ်လီၤနၤဖဲန့ၣ်လၢတၢ်အသးကနိး, ဒီးတၢ်အမဲာ် ခံး, ဒီးတၢ်အသးလီၤဘှါလီၤ.
66 ဒီးနသးသမူကလီၤစဲၤလၢနမဲာ်ညါ, ဒီးနကပျံၤတၢ်သ့ သ့တနံၤသီသီတနၤ, ဒီးနသးတအိၣ်ဂၢၢ်ဆိးကျၢၤဘၣ်.
67 လၢမုၢ်ဂီၤန့ၣ်နကစံး, မ့ၢ်မတၤကဟ့ၣ်လီၤယၤလၢမုၢ် ဟါတဂၤလဲၣ်န့ၣ်, ဒီးလၢမုၢ်ဟါန့ၣ်နကစံးမ့ၢ်မတၤက ဟ့ၣ်လီၤယၤလၢမုၢ်ဂီၤတဂၤလဲၣ်န့ၣ်, လၢနသူၣ်ပျံၤသး ပျံၤလၢနပျံၤတၢ်အဃိ, ဒီးလၢတၢ်အိၣ်ဖျါလၢနမဲာ်ထံၣ် ဘၣ်အီၤအဃိန့ၣ်လီၤ.
68 ဒီးယွၤကဒုးလဲၤကဒီးနၤဆူအဲၤကူပတူးလၢကဘီပူၤ, လၢကျဲလၢယစံးနၤ, နတထံၣ်လၢၤဘၣ်အီၤန့ၣ်ဘၣ်, ဒီးသုကဘၣ်တၢ်ဆါကွံာ်သုဆူ သုဒုၣ်သုဒါလၢကုၢ်ပိာ် မုၣ်, ဒီးကုၢ်ပိာ်ခွါအဂီၢ်, ဒီးပှၤပှ့ၤတၢ်တအိၣ်ဘၣ်.
29၂၉
1 တၢ်တဖၣ်န့ၣ် မ့ၢ်တၢ်အၢၣ်လီၤအီလီၤအတၢ်ကတိၤ လၢယွၤမၤလိာ်စီၤမိၤရှ့, လၢအကမၤဒီးပှၤအံၣ်စရ့လး ဖိ, လၢကီၢ်မိၤအးအပူၤ, လၢတၢ်အၢၣ်လီၤအီလီၤလၢ အမၤဒီးအီၤလၢဃိၤရ့းအလိၤအဖီခိၣ်န့ၣ်လီၤ.
2 ဒီးစီၤမိၤရှ့ကိးထီၣ်ဆူ အံၣ်စရ့လးခဲလၢာ်ဒီးစံးဘၣ် အီၤ, သုထံၣ်ဘၣ်လံကယဲၢ်တၢ်လၢယွၤမၤဝဲလၢသုမဲာ် ညါလၢကီၢ်အဲၤကူပတူးအပူၤ, လၢဖၤရိၤ, ဒီးလၢအခ့ အပှၤခဲလၢာ်, ဒီးလၢအကီၢ်ဒီဘ့ၣ်ညါ, 3 တၢ်လ့ပစီ ဖးဒိၣ်လၢနမဲာ်ထံၣ်ဘၣ်လံ, တၢ်ပနီၣ်လီၤလး, ဒီးတၢ် လီၤလိၢ်လီၤလးဖးဒိၣ်တဖၣ်န့ၣ်လီၤ.
4 ဘၣ်ဆၣ်ဒီးယွၤတဟ့ၣ်လီၤဘၣ်သုသး လၢအသ့ၣ် ညါတၢ်, ဒီးသုမဲာ်လၢအထံၣ်တၢ်, ဒီးသုနၢ်လၢအနၢ် ဟူတၢ်တုၤမုၢ်မဆါတနံၤအံၤဘၣ်.
5 ဒီးယဆှၢသုလၢပှၢ်မုၢ်ကနၢအနံၣ်လွံၢ်ဆံလီၤ. သုကူ သုသိးတလီၢ်လံၤဘၣ်လၢသုလိၤဘၣ်. ဒီးနခီၣ်ဖံးတ လီၢ်လံၤဘၣ်လၢနခီၣ်လိၤဘၣ်, 6 သုတအီၣ်ဘၣ်ကိၣ်, ဒီးစပံးထံမ့ၢ်ဂ့ၤ, သံးဧိၤမ့ၤဧိၤမ့ၢ်ဂ့ၤ, သုတအီဘၣ်, ဒ်သိးသုကသ့ၣ်ညါလၢယမ့ၢ်ယွၤသုကစၢ်လီၤ. 7 ဒီးတုၤ သုဟဲတုၤလၢအလီၢ်ဖဲအံၤဒီး, ဃ့ၡဘိၣ်အစီၤပၤစံဃိၣ်, ဒီးဘၤၡၣ်အစီၤပၤဧိာ် ဟဲသဂၢၢ်ဒုးသုးဒီးပှၤ, ဒီးပကျီ ကွံာ်အီၤလီၤ. 8 ဒီးပမၤန့ၢ်အထံအကီၢ်, ဒီးပဟ့ၣ်လီၤ အီၤလၢတၢ်န့ၢ်သါလၢ ပှၤရူၤဘ့ၣ်ဖိ, ဒီးလၢပှၤကးဖိ, ဒီးလၢပှၤမနၤရှ့ၤဖိတခီဒူၣ်လီၤ.
9 ဒီးတိၢ်န့ၢ်တၢ်အၢၣ်လီၤအီလီၤအံၤအတၢ်ကတိၤ, ဒီး မၤအီၤဒ်သိးသုကဘီၣ်ထီၣ်ညီထီၣ်လၢ ကယဲၢ်တၢ်လၢ သုမၤအီၤန့ၣ်တက့ၢ်.
10 တၢ်လၢမုၢ်မဆါတနံၤအံၤ သုဆၢထၢၣ်ခဲလၢာ်လၢ ယွၤသုကစၢ်အမဲာ်ညါ, သုဒူၣ်တဖၣ်အခိၣ်တဖၣ်, သု သူၣ်က့သးပှၢ်, ဒီးသုပှၤကွဲးလံာ်, အံၣ်စရ့လးအပှၤက ညီခဲလၢာ်, 11 သုဖိဒံဖိသၣ်, သုဖိသုမါ, ဒီးနပှၤတခီ ဘီမုၢ်ဖိလၢအအိၣ်လၢနသူၣ်ဒဲအလီၢ်ပူၤ လၢပှၤကူာ်န သ့ၣ်မုၣ်တုၤလၢပှၤဒၢၣ်နထံ, 12 ဒ်သိးနကနုာ်လၢတၢ် အၢၣ်လီၤအီလီၤဒီးယွၤနကစၢ်အပူၤ, ဒီးလၢအဆိၣ်တၢ် လၢအဆိၣ်ဒီးနၤလၢမုၢ်မဆါတနံၤအံၤအပူၤ, 13 ဒ်သိးအ ကဒုးအိၣ်ကျၢၤနၤလၢပှၤတကလုာ်လၢအဂီၢ်ဒၣ်ဝဲ, ဒီး ကဲထီၣ်နကစၢ်, ဒ်အကတိၤတၢ်ဒီးနၤအသိးဒီးဒ်အဆိၣ် တၢ်ဒီးနပၢ်တဖၣ်, ဒီးစီၤအၤဘြၤဟၣ်, ဒီးစီၤအံၤစဲး, ဒီးစီၤယၤကိာ်အသိးန့ၣ်လီၤ.
14 ဒီးယမၤတၢ်အၢၣ်လီၤအီလီၤဒီး တၢ်ဆိၣ်အံၤထဲလၢ သုဝဲဧိၤတမ့ၢ်ဘၣ်, 15 မ့ၢ်လၢပှၤလၢအဆၢထၢၣ်ဒီးပှၤ လၢမုၢ်မဆါတနံၤအံၤဒီးပှၤလၢအတအိၣ်ဘၣ်ဒီး ပှၤလၢ မုၢ်မဆါတနံၤအံၤစ့ၢ်ကီးလီၤ. 16 (အဂ့ၢ်ဒ်အံၤ, သုသ့ၣ် ညါလၢပအိၣ်ပဆိးလၢကီၢ်အဲၤကူပတူးအပူၤ, ဒီးပခီဂာ် ပှၤကလုာ်တဖၣ်လၢပခီဂာ်, 17 ဒီးသုထံၣ်ဘၣ်လံအတၢ် သးဘၣ်အၢ, ဒီးအတၢ်ဂီၤ, သ့ၣ်ဧိၤဝၣ်ဧိၤ, ဒီးလၢၢ်ဧိၤလ့ ဧိၤ, ဒီးကျိၣ်ဧိၤစ့ဧိၤ, ဒီးထူဧိၤလွဲဧိၤ, လၢအအိၣ်လၢ အကျါလံ). 18 ပှၤပိာ်ခွါတဂၤဂ့ၤ, ပှၤပိာ်မုၣ်တဂၤဂ့ၤ, ပှၤတဒူၣ်ဂ့ၤ, ပှၤတဟံၣ်ဂ့ၤ, ကအိၣ်ဘၣ်ဖုးလၢသုကျါ လၢအဃၣ်ကွံာ်အသးလၢယွၤပကစၢ် လၢမုၢ်မဆါတ နံၤအံၤ, ဒ်သိးအကလဲၤမၤပှၤကလုာ်တဖၣ်န့ၣ်အကစၢ် သ့ၣ်အတၢ်မၤလီၤ. ကအိၣ်ဘၣ်ဖုးလၢသုကျါလၢတၢ် အဂံၢ်လၢအကဲထီၣ်သ့ၣ်ဖိစုၣ်, ဒီးသဘူးအပၤစံၣ်တူး,―
19 ဒီးတုၤအနၢ်ဟူတၢ်ဆိၣ်အၢအံၤအတၢ်ကတိၤဒီး, တၢ် ကမၤအသးလၢအကဆိၣ်ဂ့ၤလီၤအသးလၢအသးကံၢ် ပူၤ, ဒီးကစံး, ယမ့ၢ်လဲၤတၢ်လၢယသးကီဒ်သိးယက ပာ်တၢ်အီမူၤသံး လၢတၢ်သူယသးလၢထံအဖီခိၣ်နာ်သ က့ဒီး, ယကအိၣ်ဃူအိၣ်ဖိးလီၤန့ၣ်လီၤ.
20 ယွၤတပျၢ်ဘၣ်အီၤဘၣ်. မ့မ့ၢ်ယွၤအသးကထီၣ်, ဒီး အသးက့ၣ်န့ၣ်ကခုၣ်ထီၣ်ဘၣ်ပှၤတဂၤန့ၣ်, ဒီးကယဲၢ် တၢ်ဆိၣ်အၢလၢအကွဲးအသးလၢ လံာ်ပူၤအံၤခဲလၢာ် ကဘၣ်အီၤ, ဒီးယွၤကတြူာ်ကွံာ်အမံၤ လၢမူခိၣ်အဖီ လာ်လီၤ.
21 ဒီးယွၤကနီၤဖးအီၤလၢ ပှၤအံၣ်စရ့လးဖိကိးဒူၣ်ဒဲးအ ကျါ, လၢတၢ်အၢအဂီၢ်, ဒ်တၢ်အၢၣ်လီၤအီလီၤအတၢ် ဆိၣ်အၢခဲလၢာ် လၢအကွဲးအသးလၢလံာ်တၢ်သိၣ်တၢ် သီအံၤအပူၤအသိးန့ၣ်လီၤ.
22 ဒီးပှၤတစိၤလၢသုလီၢ်ခံ, သုဖိသုလံၤ, လၢအကဂဲၤ ဆၢထၢၣ်လၢသုလီၢ်ခံ, ဒီးပှၤတခီဘီမုၢ်ဖိလၢအကဟဲ လၢထံယံၤကီၢ်ယံၤတဖၣ်န့ၣ်ကစံး, တုၤအထံၣ်ဘၣ်ထံ ဧိၤကီၢ်ဧိၤအတၢ်နးတၢ်ဖှီၣ်, ဒီးတၢ်ဆူးတၢ်ဆါတဖၣ် လၢယွၤပာ်လၢအပူၤ, 23 ဒီးမ့ၣ်အူအီၣ်ကီၢ်ဒီဘ့ၣ်ညါဒီး ကးဒီးအံသၣ်, ဒီးတဒိးတၢ်ဖှံအီၤ, ဒီးတသၣ်ထီၣ်ဘၣ်, ဒီးနီၣ်ဧိၤမံၤဧိၤတမဲထီၣ်ဘၣ်လၢအပူၤ, ဒ်တၢ်မၤဟးဂီၤ စဒိၣ်, ဒီးဂမိၤရၤ, အၤဒမၤ, ဒီးစဘိအံၣ်လၢယွၤမၤဟး ဂီၤလၢအသးထီၣ်, ဒီးအသးကိၢ်လူးအသိးန့ၣ်ဒီး, 24 ပှၤ ကလုာ်ခဲလၢာ်န့ၣ်ကစံး, ယွၤမၤကီၢ်တဘ့ၣ်အံၤဒ်အံၤ သိးဘၣ်မနုၤလဲၣ်, တၢ်သးထီၣ်ကဲၤထီၣ်ကိၢ်ထဲအံၤမ့ၢ်ဒ် လဲၣ်.
25 ဒီးပှၤကစံး, အဂ့ၢ်ဒ်အံၤ, မ့ၢ်အဝဲသ့ၣ်တဖၣ်လဲၤသဒၣ် ယွၤအပၢ်တဖၣ်အကစၢ် အတၢ်အၢၣ်လီၤအီလီၤလၢအ အၢၣ်လီၤအီလီၤဝဲဒီးအီၤ, ဖဲအဒုးဟးထီၣ်ကွံာ်အီၤလၢ ကီၢ်အဲၤကူပတူးအပူၤလီၤ. 26 အဂ့ၢ်ဒ်အံၤ, လဲၤမၤဝဲလၢ ကစၢ်အဂၤတဖၣ်အတၢ်, ဒီးဘါထီၣ်အီၤ, ကစၢ်တဖၣ် လၢအဝဲသ့ၣ် တသ့ၣ်ညါဘၣ်အီၤ, ဒီးလၢတၢ်တဟ့ၣ် လၢအဂီၢ်ဘၣ်လီၤ. 27 ဒီးယွၤအသးထီၣ်ကဲၤထီၣ်ဘၣ်ကီၢ် တဘ့ၣ်အံၤတုၤအဒုးဘၣ်အီၤလၢ ကယဲၢ်တၢ်ဆိၣ်အၢတ ဖၣ်လၢအကွဲးအသးလၢလံာ်ပူၤအံၤ, 28 ဒီးယွၤထဲးကွံာ် အီၤလၢကီၢ်ပူၤလၢတၢ်သူၣ်ထီၣ်, ဒီးတၢ်သးဟ့, ဒီးတၢ် သးကိၢ်လူးဒိၣ်ဒိၣ်ကလဲာ်, ဒီးကွံာ်တ့ၢ်ကွံာ်အီၤဆူကီၢ် အဂၤတဘ့ၣ်အပူၤ, ဒ်မုၢ်မဆါတနံၤအံၤအသိးန့ၣ်လီၤ.
29 တၢ်အိၣ်ခူသူၣ်တဖၣ်န့ၣ်အိၣ်ဒီးယွၤပကစၢ်လီၤ. မ့ မ့ၢ်တၢ်လၢတၢ်လီၣ်ဖျါအီၤတဖၣ်န့ၣ်အိၣ်ဒီးပှၤဒီး ပဖိပ လံၤလီၤစိၤလီၤထီ, ဒ်သိးပကတိၢ်န့ၢ်တၢ်သိၣ်တၢ်သီ အံၤအတၢ်ကတိၤခဲလၢာ်လီၤ.
30၃၀
1 ဒီးတုၤတၢ်တဖၣ်န့ၣ်ဘၣ်နၤခဲလၢာ်ဒီး, တၢ်ဆိၣ်ဂ့ၤဒီး တၢ်ဆိၣ်အၢလၢယပာ်လီၤလံလၢသုမဲာ်ညါ, ဒီးသုသ့ၣ် နီၣ်ထီၣ်က့ၤအီၤလၢပှၤကလုာ်ခဲလၢာ်အကျါဖဲ ယွၤဟီ ထီၣ်ကွံာ်နၤ, 2 ဒီးနက့ၤကဒါက့ၤဆူယွၤနကစၢ်, ဒီးနဒိ ကနၣ်အကလုၢ်, ဒ်ကယဲၢ်တၢ်လၢယမၤလိာ်နၤလၢမုၢ် မဆါတနံၤအံၤအသိးန့ၣ်, နဲဒၣ်, ဒီးနဖိနလံၤ, လၢန သူၣ်ကံၢ်သးလဲ, ဒီးနသးဒီဖျၢၣ်ညါဒီး, 3 ယွၤနကစၢ် ကဒုးက့ၤက့ၤနကဲကုၢ်တၢ်, ဒီးကသးအိၣ်နၤ, ဒီးကဟဲ က့ၤ, ဒီးထၢဖှိၣ်နၤလၢကယဲၢ်ပှၤကလုာ်အကျါဖဲယွၤန ကစၢ်မၤလီၤပြံလီၤပြါနၤလီၤ. 4 ဒီးပှၤဘၣ်ဃးဒီးနၤမ့ၢ် ဘၣ်တၢ်ဟီထီၣ်ကွံာ်အီၤဆူမူခိၣ်အကတၢၢ်ဒီး, ယွၤန ကစၢ်ကထၢဖှိၣ်နၤဖဲန့ၣ်, ဒီးဟံးန့ၢ်နၤဖဲန့ၣ်လီၤ.
5 ဒီးယွၤနကစၢ်ကဒုးက့ၤနုာ်နၤဆူ ထံဧိၤကီၢ်ဧိၤအပူၤ လၢနပၢ်တဖၣ်မၤန့ၢ်အီၤဒီးနကမၤန့ၢ်အီၤ, ဒီးအဝဲဒၣ်က မၤဂ့ၤနၤ, ဒီးဒုးအါထီၣ်နၤလၢနပၢ်တဖၣ်အဖီခိၣ်လီၤ.
6 ဒီးယွၤနကစၢ်ကကူးတရံးနသး, ဒီးနချံနသၣ်အသး, ဒ်သိးနကအဲၣ်ယွၤနကစၢ်လၢနသူၣ်ကံၢ်နသးလဲ, ဒီး နသးဒီဖျၢၣ်ညါ, ဒ်သိးနကမူလီၤ.
7 ဒီးယွၤနကစၢ်ကပာ်လီၤ တၢ်ဆိၣ်အၢအံၤခဲလၢာ်လၢ နဒုၣ်နဒါအလိၤ, ဒီးလၢပှၤလၢအသးဟ့နၤ, လၢအမၤ အၢမၤသီနၤအလိၤလီၤ.
8 ဒီးနကဟဲက့ၤ, ဒီးဒိကနၣ်ယွၤနကစၢ်အကလုၢ်အ ကထါ, ဒီးတိၢ်န့ၢ်အတၢ်မၤလိာ်ခဲလၢာ်လၢယမၤလိာ် နၤလၢမုၢ်မဆါတနံၤအံၤလီၤ.
9 ဒီးယွၤကမၤအါထီၣ်နၤလၢ ကယဲၢ်နမၤတၢ်လၢနစု, လၢနဒၢလီၢ်အတၤသၣ်ဒီး, ဒီးလၢနဆၣ်ဖိကီၢ်ဖိအတၤ သၣ်, ဒီးလၢနဟီၣ်ခိၣ်အတၤသၣ်လၢတၢ်ဂ့ၤအဂီၢ်လီၤ. အဂ့ၢ်ဒ်အံၤ, ယွၤကသးခုကဒီးလၢနဖီခိၣ်, ဒ်အသးခု လၢနပၢ်တဖၣ်အဖီခိၣ်အသိးန့ၣ်လီၤ.
10 ဒီးနမ့ၢ်ဒိကနၣ် ယွၤနကစၢ်အကလုၢ်အကထါဒ်သိး နကတိၢ်န့ၢ်အတၢ်မၤလိာ်, ဒီးအတၢ်သိၣ်တၢ်သီလၢအ ကွဲးအသးလၢ လံာ်တၢ်သိၣ်တၢ်သီအံၤအပူၤ, ဒီးနမ့ၢ် ဃၣ်လိၤနသးဆူယွၤနကစၢ်အအိၣ် လၢနသူၣ်ကံၢ်သး လဲန့ၣ်ဒီး, တၢ်ကမၤအသးဒ်န့ၣ်လီၤ.
11 အဂ့ၢ်ဒ်အံၤ, တၢ်မၤလိာ်အံၤလၢယမၤလိာ်နၤလၢမုၢ် မဆါတနံၤအံၤ တအိၣ်သဒၢဘၣ်ဒီးနၤဘၣ်, ဒီးတအိၣ် လၢအယံၤဘၣ်. 12 တအိၣ်ဘၣ်လၢမူခိၣ်လၢနကစံး, မ့ၢ် မတၤကလဲၤထီၣ်ဆူမူခိၣ်, ဒီးဟဲစိာ်အီၤဆူပအိၣ်, ဒ်သိး ပကနၢ်ဟူ, ဒီးတိၢ်န့ၢ်အီၤတဂၤလဲၣ်န့ၣ်ဘၣ်. 13 ဒီးတ အိၣ်ဘၣ်လၢပီၣ်လဲၣ်ဝၢ်ဘးခီလၢနကစံး, မ့ၢ်မတၤက လဲၤခီဂာ်ပီၣ်လဲၣ်လၢပဂီၢ်, ဒီးဟဲစိာ်အီၤဆူပအိၣ်, ဒ်သိး ပကနၢ်ဟူ, ဒီးတိၢ်န့ၢ်တဂၤလဲၣ်န့ၣ်ဘၣ်. 14 မ့မ့ၢ်တၢ် ကတိၤန့ၣ်အိၣ်ဘူးဒီးနၤ, ဖဲနထးခိၣ်, ဒီးလၢနသးကံၢ် ပူၤ, ဒ်သိးနကတိၢ်န့ၢ်အီၤလီၤ.
15 ကွၢ်, တၢ်လၢမုၢ်မဆါတနံၤအံၤ, ယပာ်လီၤတၢ်မူ ဒီးတၢ်ဂ့ၤ, ဒီးတၢ်သံဒီးတၢ်အၢလၢနမဲာ်ညါလီၤ.
16 အဂ့ၢ်ဒ်အံၤ, ယမၤလိာ်နၤလၢမုၢ်မဆါတနံၤအံၤ, လၢ နကအဲၣ်ယွၤနကစၢ်, လၢနဘၣ်ပိာ်အကျဲ, ဒီးတိၢ်န့ၢ် အတၢ်မၤလိာ်, ဒီးအတၢ်သိၣ်တၢ်သီ, ဒီးအတၢ်စံၣ် ညီၣ်, ဒ်သိးနကမူ, ဒီးအါထီၣ်လီၤ. ဒီးယွၤနကစၢ်က ဆိၣ်ဂ့ၤနၤလၢကီၢ်ပူၤဖဲနလဲၤမၤန့ၢ်အီၤလီၤ.
17 မ့မ့ၢ်နသးမ့ၢ်ဃၣ်ကွံာ်, ဒီးနမ့ၢ်တဒိကနၣ်ဘၣ်, ဒီး တၢ်မ့ၢ်ကလံာ်န့ၢ်နၤ, ဒီးနဘါထီၣ်ကစၢ်အဂၤတဖၣ်, ဒီး မၤအတၢ်ဒီး, 18 ယဒုးနဲၣ်သုလၢမုၢ်မဆါတနံၤအံၤ, လၢ သုကဟးဂီၤသပှၢ်တၢၢ်, သုတအိၣ်ကၢအိၣ်ခိးဘၣ်လၢ ကီၢ်ပူၤဖဲနလဲၤခီဂာ်ယၢ်ဒ့ၣ် ဒ်သိးနကမၤန့ၢ်အီၤဘၣ်.―
19 တၢ်လၢမုၢ်မဆါတနံၤအံၤ ယပာ်မူခိၣ်ဒီးဟီၣ်ခိၣ်လၢတၢ် အုၣ်အသးလၢသုဂ့ၢ်လီၤ. ယပာ်လီၤလံတၢ်မူဒီးတၢ်သံ, တၢ်ဆိၣ်ဂ့ၤဒီးတၢ်ဆိၣ်အၢ, လၢသုမဲာ်ညါလံ. ဒီးဃုထၢ တၢ်မူ, ဒ်သိးနဲဒၣ်ဒီးနချံနသၣ်ကမူ, 20 ဒ်သိးနကအဲၣ် ယွၤနကစၢ်, ဒ်သိးနကဒိကနၣ်အကလုၢ်, ဒ်သိးနကစဲ ဘူးဒီးအီၤ, (အဂ့ၢ်ဒ်အံၤ, အဝဲဒၣ်မ့ၢ်နတၢ်မူ, ဒီးနသူၣ် ကၢသးခိးလီၤ), ဒ်သိးနကအိၣ်လၢကီၢ်ပူၤလၢယွၤဆိၣ် တၢ်ဒီးနပၢ်တဖၣ်, ဒီးစီၤအၤဘြၤဟၣ်, စီၤအံၤစဲး, ဒီး စီၤယၤကိာ်လၢအကဟ့ၣ်လီၤဝဲလၢအီၤန့ၣ်တက့ၢ်လီၤ.
31၃၁
1 ဒီးစီၤမိၤရှ့လဲၤတၢ်ဒီး ကတိၤတၢ်ကတိၤအံၤ ဒီးအံၣ် စရ့လးခဲလၢာ်, 2 ဒီးစံးဘၣ်အီၤ, တၢ်လၢမုၢ်မဆါတနံၤ အံၤယသးအိၣ်အနံၣ်တကယၤခံဆံလီၤ. ယလဲၤထီၣ်ဒီး ဟဲနုာ်တကဲလၢၤဘၣ်. ဒီးယွၤစံးဘၣ်ယၤစ့ၢ်ကီး, နတ ဘၣ်ခီဂာ်ထံကျိယၢ်ဒ့ၣ်အံၤန့ၣ်ဘၣ်.
3 ယွၤနကစၢ်ကလဲၤခီဂာ်လၢနမဲာ်ညါလီၤ. အဝဲဒၣ်က မၤဟးဂီၤကွံာ်ပှၤကလုာ်တဖၣ်န့ၣ်လၢနမဲာ်ညါ, ဒီးနက မၤန့ၢ်အီၤလီၤ. စီၤယိၤရှူန့ၣ်အဝဲဒၣ်ကခီဂာ်တၢ်လၢန မဲာ်ညါ, ဒ်ယွၤကတိၤတၢ်အသိးန့ၣ်လီၤ.
4 ဒီးယွၤကမၤအီၤဒ်အမၤပှၤအမိၢ်ဖိအစီၤပၤတဖၣ်, စီၤ စံဃိၣ်, ဒီးစီၤဧိာ်, ဒီးအထံအကီၢ်လၢအမၤသယုၢ်အီၤ အသိးန့ၣ်လီၤ. 5 ဒီးယွၤကဟ့ၣ်လီၤကွံာ်အီၤလၢသုမဲာ် ညါ, ဒ်သိးသုကမၤအီၤ, ဒ်ကယဲၢ်တၢ်မၤလိာ်လၢယ မၤလိာ်တ့ၢ်သုအသိးန့ၣ်လီၤ.
6 ပာ်ဆူၣ်နသး, ဒီးတံးတဟီၣ်တက့ၢ်. ဘၣ်ယိၣ်တၢ် တဂ့ၤ, ဒီးပျံၤအီၤတဂ့ၤ. အဂ့ၢ်ဒ်အံၤ, ယွၤနကစၢ်မ့ၢ် ပှၤလၢအလဲၤတၢ်ဒီးနၤလီၤ. တညိကွံာ်ဘၣ်နၤဘၣ်, ဒီး တလဲၤသဒၣ်ဘၣ်နၤဘၣ်.
7 ဒီးစီၤမိၤရှ့ကိးန့ၢ်စီၤယိၤရှူ, ဒီးစံးဘၣ်အီၤလၢအံၣ်စရ့ လးခဲလၢာ်အမဲာ်ညါ, ပာ်ဆူၣ်နသး, ဒီးတံးတဟီၣ်တ က့ၢ်. အဂ့ၢ်ဒ်အံၤ, နဘၣ်လဲၤဒီးပှၤဂီၢ်မုၢ်အံၤဆူထံဧိၤ ကီၢ်ဧိၤလၢယွၤဆိၣ်တၢ်ဒီးအပၢ်တဖၣ် လၢအဟ့ၣ်လီၤ အီၤလီၤ. ဒီးနဘၣ်ဒုးမၤန့ၢ်အဝဲသ့ၣ်လၢအီၤလီၤ.
8 ဒီးယွၤမ့ၢ်ပှၤလၢအလဲၤတၢ်လၢနမဲာ်ညါလီၤ. အဝဲဒၣ် ကအိၣ်ဒီးနၤလီၤ. တညိကွံာ်ဘၣ်နၤဘၣ်, ဒီးတလဲၤသ ဒၣ်ဘၣ်နၤဘၣ်. ပျံၤတၢ်တဂ့ၤ, ဒီးဘၣ်ယိၣ်တၢ်တဂ့ၤ.
9 ဒီးစီၤမိၤရှ့ကွဲးတၢ်သိၣ်တၢ်သီအံၤ, ဒီးဟ့ၣ်လီၤအီၤလၢ ပှၤလုၢ်တၢ်အဒိၣ်စီၤလ့ၤဝံအဖိခွါ လၢအစိာ်ယွၤအတၢ် အၢၣ်လီၤအီလီၤအတလါ, ဒီးလၢအံၣ်စရ့လးအပှၤသူၣ် က့သးပှၢ်ခဲလၢာ်လီၤ.
10 ဒီးစီၤမိၤရှ့မၤလိာ်အီၤ, ဒီးစံးဝဲဒၣ်, နွံနံၣ်အကတၢၢ်, လၢတၢ်ပျၢ်အနံၣ်အတၢ်အိၣ်ဖှိၣ်အပူၤ, လၢဘူၣ်ဒဲအပူၤ န့ၣ်, 11 တုၤအံၣ်စရ့လးခဲလၢာ်ဟဲဒုးနဲၣ်အသးလၢယွၤန ကစၢ်အမဲာ်ညါဖဲအလီၢ်လၢအကဃုထၢအီၤဒီး, နဘၣ် ဖးတၢ်သိၣ်တၢ်သီအံၤ လၢအံၣ်စရ့လးခဲလၢာ်အမဲာ်ညါ လၢအနၢ်ပူၤန့ၣ်လီၤ.
12 ဒုးအိၣ်ဖှိၣ်ရိဖှိၣ်ပှၤဂီၢ်မုၢ်, ပိာ်ခွါဒီးပိာ်မုၣ်, ဒီးဖိဒံဖိ သၣ်, ဒီးပှၤတခီဘီမုၢ်ဖိလၢအအိၣ်လၢနပဲတရီအပူၤ, ဒ်သိးအကနၢ်ဟူ, ဒီးကမၤလိတၢ်, ဒီးပျံၤယွၤသုကစၢ်, ဒီးပလီၢ်နသးလၢအကမၤတၢ်သိၣ်တၢ်သီအံၤအတၢ်က တိၤခဲလၢာ်, 13 ဒီးဒ်သိးအဖိလၢအတသ့ၣ်ညါတၢ်တဖၣ် န့ၣ်ကနၢ်ဟူ, ဒီးမၤလိတၢ်ပျံၤယွၤသုကစၢ်ကိးမုၢ်နံၤမုၢ် နၤလၢသုမူလၢထံဧိၤကီၢ်ဧိၤအပူၤ ဖဲသုလဲၤခီဂာ်ယၢ်ဒ့ၣ် ဒ်သိးသုကမၤန့ၢ်အီၤလီၤ.
14 ဒီးယွၤစံးဘၣ်စီၤမိၤရှ့, ကွၢ်ကွၢ်, နမုၢ်နံၤလၢနဘၣ်သံ န့ၣ်သုးဘူးအသးလီၤ. ကိးန့ၢ်စီၤယိၤရှူ, ဒီးဆၢထၢၣ် လၢတၢ်အိၣ်ဖှိၣ်အဒဲပူၤ, ဒ်သိးယကမၤလိာ်အီၤန့ၣ်တ က့ၢ်. ဒီးစီၤမိၤရှ့ဒီးစီၤယိၤရှူလဲၤတၢ်, ဒီးဆၢထၢၣ်လၢ တၢ်အိၣ်ဖှိၣ်အဒဲပူၤလီၤ.
15 ဒီးယွၤအိၣ်ဖျါထီၣ်လၢဒဲပူၤလၢတၢ်အၢၣ်အထူၣ်, ဒီး တၢ်အၢၣ်အထူၣ်ဆၢထၢၣ်လၢဒဲအကျဲစၢၤအဖီခိၣ်လီၤ.
16 ဒီးယွၤစံးဘၣ်စီၤမိၤရှ့, ကွၢ်ကွၢ်, နဘၣ်မံဒီးနပၢ်တဖၣ် လီၤ. ဒီးပှၤဂီၢ်မုၢ်အံၤကဂဲၤဆၢထၢၣ်, ဒီးလဲၤမၤကမၣ် ထွဲပှၤတခီဘီမုၢ်ဖိလၢထံဧိၤကီၢ်ဧိၤအပူၤ ဖဲအလဲၤအိၣ် လၢအကျါအကစၢ်တဖၣ်အခံ, ဒီးကလဲၤသဒၣ်ယၤ, ဒီး မၤဟးဂီၤယတၢ်အၢၣ်လီၤအီလီၤလၢယမၤဒီးအီၤလီၤ.
17 ဒီးလၢမုၢ်တနံၤန့ၣ်ယသးထီၣ်ကကဲၤထီၣ်ဘၣ်အီၤဒီး ယကလဲၤသဒၣ်အီၤ, ဒီးယကပာ်သဒၢယမဲာ်လၢအီၤ, ဒီးတၢ်ကအီၣ်ကွံာ်အီၤ, ဒီးတၢ်အၢတၢ်သီ, ဒီးတၢ်ကိၢ် တၢ်ဂီၤအါမံၤကဘၣ်အီၤလီၤ. ဒီးလၢမုၢ်တနံၤန့ၣ်ကစံး ဝဲ, တၢ်အၢတၢ်သီအံၤဘၣ်ပှၤလၢ ပကစၢ်တအိၣ်ဘၣ် လၢပကျါအဃိန့ၣ်, တမ့ၢ်ဘၣ်ဧါ.
18 ဒီးယကပာ်သဒၢယမဲာ်လၢမုၢ်တနံၤန့ၣ် သပှၢ်တၢၢ် လၢတၢ်အၢတၢ်သီခဲလၢာ်လၢအမၤတ့ၢ်ဝဲအဃိလီၤ. အ ဂ့ၢ်ဒ်အံၤ, ဃၣ်အသးဆူကစၢ်အဂၤတဖၣ်အအိၣ်လီၤ.
19 ဒီးခဲကနံၣ်အံၤ ကွဲးတၢ်သးဝံၣ်အံၤလၢသုဂီၢ်, ဒီးသိၣ် လိပှၤအံၣ်စရ့လးဖိလၢအီၤတက့ၢ်. ပာ်ဝဲလၢအကိာ်ပူၤ, ဒ်သိးတၢ်သးဝံၣ်အံၤ ကကဲထီၣ်တၢ်အုၣ်အသးလၢယ ဂီၢ်ထီဒါပှၤအံၣ်စရ့လးဖိန့ၣ်တက့ၢ်.
20 အဂ့ၢ်ဒ်အံၤ, တုၤယဒုးလဲၤနုာ်အီၤဆူထံဧိၤကီၢ်ဧိၤအ ပူၤလၢယဆိၣ်တၢ်လၢအပၢ်တဖၣ်, လၢအယွၤဝဲဒီးတၢ် နုၢ်ထံဒီးကနဲစီ, အဝဲသ့ၣ်အီၣ်ဝဲဒီးဘျဲးအီၣ်, ဒီးဘီၣ်ထီၣ်ဒီး, ကဃၣ်အသးဆူကစၢ်အဂၤတဖၣ်အအိၣ်, ဒီး မၤအတၢ်, ဒီးမၤသးထီၣ်ယၤ, ဒီးမၤဟးဂီၤယတၢ်အၢၣ် လီၤအီလီၤလီၤ.
21 ဒီးတုၤအဘၣ်တၢ်အၢတၢ်သီ, တၢ်ကိၢ်တၢ်ဂီၤအါမံၤ ဒီး, တၢ်ကမၤအသးလၢတၢ်သးဝံၣ်အံၤကအုၣ်အသး ထီဒါအီၤ, ဒ်ပှၤအုၣ်အသးအသိးန့ၣ်လီၤ. အဂ့ၢ်ဒ်အံၤ, တဘၣ်ဘၣ်တၢ်သးပ့ၤနီၣ်အီၤလၢ အချံအသၣ်အထး ခိၣ်ဘၣ်. အဂ့ၢ်ဒ်အံၤ, ယသ့ၣ်ညါအတၢ်ဆိကမိၣ်လၢ အဆိကမိၣ်ခဲကနံၣ်အံၤဒၣ်လဲာ်လၢ ယတချုးဒုးလဲၤနုာ် ဒံးဘၣ်အီၤဆူကီၢ်ပူၤလၢယဆိၣ်တၢ်လၢအဂ့ၢ်လီၤ.
22 ဒီးစီၤမိၤရှ့ကွဲးတၢ်သးဝံၣ်အံၤလၢမုၢ်တနံၤဃီန့ၣ်, ဒီး သိၣ်လိပှၤအံၣ်စရ့လးဖိလၢအီၤလီၤ.
23 ဒီးမၤလိာ်စီၤနိၣ်အဖိခွါစီၤယိၤရှူ, ဒီးစံးဝဲဒၣ်, ပာ်ဆူၣ် နသး, ဒီးတံးတဟီၣ်တက့ၢ်. အဂ့ၢ်ဒ်အံၤ, နကဒုးလဲၤ နုာ်ပှၤအံၣ်စရ့လးဖိဆူကီၢ်တဘ့ၣ်အပူၤလၢယဆိၣ်တၢ် လၢအဂ့ၢ်ဒီးအီၤ, ဒီးယကအိၣ်ဒီးနၤလီၤ.
24 ဒီးတုၤစီၤမိၤရှ့ကွဲးတၢ်သိၣ်တၢ်သီအံၤ အတၢ်ကတိၤ လၢလံာ်ပူၤဝံၤတုၤအလၢာ်ဒီး, 25 တၢ်မၤအသးလၢစီၤမိၤ ရှ့မၤလိာ်ပှၤလ့ၤဝံဖိလၢအကစိာ် ယွၤအတၢ်အၢၣ်လီၤ အီလီၤအတလါ, ဒီးစံးဝဲဒၣ်, 26 ဟံးန့ၢ်လံာ်တၢ်သိၣ်တၢ် သီအံၤ, ဒီးပာ်အီၤလၢယွၤသုကစၢ်အတၢ်အၢၣ်လီၤအီ လီၤအတလါအကပၤန့ၣ်, ဒ်သိးအကအိၣ်ဖျဲၣ်ဖဲန့ၣ်လၢ တၢ်အုၣ်အသးထီဒါနၤအဂီၢ်န့ၣ်တက့ၢ်.
27 အဂ့ၢ်ဒ်အံၤ, ယသ့ၣ်ညါနပူထီၣ်တၢ်, ဒီးနကိာ်ဆူၣ် လီၤ. ကွၢ်ကွၢ်, လၢယမူဒံးဒီးသုအဖၢမုၢ်န့ၣ်လၢမုၢ်မ ဆါတနံၤအံၤ, သုပူထီၣ်ယွၤလီၤ. ဒီးယသံအလီၢ်ခံန့ၣ် အါန့ၢ်အန့ၣ်တက့ၢ်ဆံးဒိၣ်လဲၣ်.
28 ဒုးအိၣ်ဖှိၣ်သုဒူၣ်တဖၣ် အသူၣ်က့အသးပှၢ်ခဲလၢာ်, ဒီးသုပှၤကွဲးလံာ်တဖၣ်ဆူယအိၣ်, ဒ်သိးယကကတိၤ တၢ်ကတိၤအံၤလၢအနၢ်ပူၤ, ဒီးပာ်မူခိၣ်ဒီးဟီၣ်ခိၣ်လၢ တၢ်အုၣ်အသးထီဒါအီၤလီၤ.
29 အဂ့ၢ်ဒ်အံၤ, ယသ့ၣ်ညါလၢယသံအလီၢ်ခံန့ၣ်, သု ကမၤဘၣ်အၢသုသး, ဒီးဃၣ်ကပၤလၢကျဲပူၤလၢယမၤ လိာ်သုဒီးတၢ်အၢကဘၣ်သုလၢမုၢ်နံၤအလီၢ်ခံတဖၣ်န့ၣ် လီၤ. အဂ့ၢ်ဒ်အံၤ, သုကမၤတၢ်အၢလၢယွၤအမဲာ်ညါလၢ အကဒုးသးထီၣ်အီၤလၢသုမၤတၢ်လၢသုစုအဃိလီၤ.
30 ဒီးစီၤမိၤရှ့ကတိၤတၢ်လၢအံၣ်စရ့လးအတၢ်အိၣ်ဖှိၣ်ခဲ လၢာ်အနၢ်ပူၤလၢတၢ်သးဝံၣ်အံၤ အတၢ်ကတိၤတုၤအ လၢာ်လီၤ.
32၃၂
1 ကနၣ်, မူခိၣ်ဧၢ, ဒီးယကကတိၤတၢ်, ဒိကနၣ်, ဟီၣ်ခိၣ်ဧၢ, ယထးခိၣ်အတၢ်ကတိၤ,
2 ယတၢ်သိၣ်တၢ်သီကဟဲလီၤဒ်တၢ်ဟဲစူၤအသိး, ယကလုၢ်ကလီၤဒ်ပစီၤထံအသိး, ဒ်တၢ်သဖှံာ်လၢတၢ်မဲထီၣ်သီအဖီခိၣ်အသိး, ဒီးဒ်ပစီၤထံအဖျၢၣ်လၢနီၣ်ဧိၤမံၤဧိၤအဖီခိၣ်အသိး,
3 အဂ့ၢ်ဒ်အံၤ, ယဒုးဟူထီၣ်ယွၤအမံၤန့ၣ်လီၤ. ပာ်တၢ်ဒိၣ်လၢပကစၢ်တက့ၢ်.
4 မ့ၢ်ဝဲလၢလၢၢ်တဖျၢၣ်, အတၢ်မၤလၢဝဲပှဲၤဝဲ, အဂ့ၢ်ဒ်အံၤ, အကျဲခဲလၢာ်မ့ၢ်တၢ်စံၣ်ညီၣ်လီၤ. မ့ၢ်တၢ်မ့ၢ်တၢ်တီအကစၢ်, ဒီးတၢ်အၢတအိၣ်လၢအီၤ, တၢ်တီဒီးတၢ်လိၤမ့ၢ်အဝဲဒၣ်လီၤ.
5 အဝဲသ့ၣ်အိၣ်ဒီးတၢ်သးဘၣ်အၢ, တမ့ၢ်ဘၣ်အဖိ, မ့ၢ်တၢ်အမဲၣ်, မ့ၢ်ပှၤတစိၤလၢအသးက့ၣ်ဒီးလီတၢ်လီၤ.
6 သုမၤက့ၤယွၤလၢတၢ်န့ၣ်ဧါ. ပှၤဟးဂီၤဖိ, ဒီးကူၣ်တၢ်တသ့ဘၣ်ပှၤဂီၢ်မုၢ်ဧၢ, မ့ၢ်နပၢ်, ပှၤလၢအပှ့ၤနၤ, တမ့ၢ်ဘၣ်ဧါ. အဝဲဒၣ်တ့နၤ, ဒီးဒုးအိၣ်ကျၢၤနၤ, တမ့ၢ်ဘၣ်ဧါ.
7 သ့ၣ်နီၣ်ထီၣ်က့ၤမုၢ်နံၤတဖၣ်လၢပျၢၤ, ဆိကမိၣ်အါစိၤအါဃၣ်အနံၣ်တဖၣ်တက့ၢ်. သံကွၢ်နပၢ်, ဒီးကဒုးနဲၣ်နၤ, နပှၤသူၣ်က့သးပှၢ်, ဒီးကစံးဘၣ်နၤ,
8 ဖဲတၢ်ထီကတၢၢ်နီၤဖးပှၤကလုာ်အတၢ်န့ၢ်သါအဆၢ, ဖဲအမၤလီၤမုၢ်လီၤဖးပှၤကညီဖိဒီး, ပာ်ပှၤဂီၢ်မုၢ်အဃၢၤတဖၣ်, ဒ်ပှၤအံၣ်စရ့လးဖိအတၢ်ဂံၢ်အသိးလီၤ.
9 အဂ့ၢ်ဒ်အံၤ, ယွၤအဂီၢ်န့ၣ်မ့ၢ်အပှၤဂီၢ်မုၢ်, ဒီးအန့ၢ်ဘၣ်သါအဂီၢ်န့ၣ်မ့ၢ်စီၤယၤကိာ်လီၤ.
10 ထံၣ်န့ၢ်အီၤလၢကီၢ်မုၢ်ကနၢတဘ့ၣ်အပူၤ, ဒီးလၢပှၢ်မုၢ်ကနၢအိၣ်သယုၢ်အိၣ်ဒီးတၢ်သီၣ်အပူၤ, ဆှၢဝ့ၤဝီၤအီၤ, သိၣ်က့ၤသီက့ၤအီၤ, ကွၢ်က့ၤအီၤ, ဒ်အမဲာ်ပှၤဖိအသိး,
11 ဒ်လံာ်ကြီကြာ်ထိၣ်ဂဲၤအသွံ, ဟုအဖိ, ယၤထီၣ်အဒံးဆ့, ဟံးန့ၢ်အီၤ, စိာ်ထီၣ်အီၤလၢအဒံးဆ့အဖီခိၣ်အသိး,
12 ယွၤဆှၢအီၤတဂၤဃီ, ဒီးတခီဘီမုၢ်ဖိအကစၢ်တအိၣ်ဘၣ်ဒီးအီၤဘၣ်.
13 ဒုးဒိးအီၤလၢဟီၣ်ခိၣ်အလီၢ်ထီၣ်ထီတဖၣ်, ဒ်သိးအကအီၣ်စံာ်ဧိၤပှဲၤဧိၤအတၢ်အါထီၣ်, ဒီးဒုးစူၢ်အီၤလၢကနဲစီလၢလၢၢ်ပူၤ, ဒီးသိလၢလၢၢ်မ့ၣ်ပူၤ,
14 ဂီၤဖံးအနုၢ်ထံလီၤသကၤ, ဒီးသိအနုၢ်ထံ, အိၣ်ဒီးသိဖိအသိ, ဒီးဘၤၡၣ်အသိဖါ, ဒီးမဲာ်တဲးလဲး, အိၣ်ဒီးဘုကၠူၣ်အကလ့ၢ်အသိ, ဒီးနအီစပံးသၣ်အသွံၣ်စပံးထံလီၤ.
15 ဒီးယရှူရိၣ်ဘီၣ်ထီၣ်, ဒီးတကျာ်ထီၣ်, နဘီၣ်ထီၣ်လံ, နဘီၣ်လုၤကုၤ, နဘီၣ်ဖျၢၣ်ကလာ်လၢသိဒီဂၤညါလံ. တုၤနုၤတစုလဲၤသဒၣ်ယွၤလၢအတ့အီၤ, ဒီးမၤတရီတပါအတၢ်အုၣ်က့ၤခီၣ်က့ၤအီၤအလၢၢ်တတဖျၢၣ်လီၤ.
16 အဝဲသ့ၣ်ဒုးက့ၣ်အသးလၢပှၤတခီဘီမုၢ်ဖိအတၢ်, မၤသးထီၣ်အီၤလၢတၢ်သးဘၣ်အၢ,
17 လုၢ်တၢ်လၢတၢ်ဂီၤ, တမ့ၢ်ဘၣ်ယွၤဘၣ်. ကစၢ်တဖၣ်လၢအတသ့ၣ်ညါဘၣ်, လၢအသီ, လၢအဟဲလၢတၢ်အဃၢၤ, လၢသုပၢ်တဖၣ်တပျံၤဘၣ်အီၤဘၣ်.
18 လၢၢ်လၢအထီၣ်ဖိနၤတဖျၢၣ်န့ၣ်နတပးကဲဘၣ်, ဒီးနသးပ့ၤနီၣ်လံယွၤလၢအတ့လီၤနၤလီၤ.
19 ဒီးယွၤထံၣ်ဝဲ, ဒီးသးထီၣ်ဝဲ, လၢအဖိမုၣ်ဒီးအဖိခွါမၤတံာ်တာ်အဃိ,
20 ဒီးစံးဝဲဒၣ်, ယကပာ်သဒၢယမဲာ်လၢအီၤ, ဒီးအကတၢၢ်ကမၤအသးဒ်လဲၣ်ဒ်လဲၣ်န့ၣ်ယကကွၢ်, အဂ့ၢ်ဒ်အံၤ, မ့ၢ်ပှၤတစိၤလၢအမၤက့ၣ်အသး, ဖိသၣ်လၢအတၢ်မ့ၢ်တၢ်တီတအိၣ်,
21 ဒုးက့ၣ်ယသးလၢတၢ်လၢအတမ့ၢ်ဘၣ်ကစၢ်, မၤသးထီၣ်ယၤလၢအတၢ်ကလီကလီလီၤ. ယကဒုးသးက့ၣ်အီၤလၢတၢ်အတမ့ၢ်ဘၣ်ပှၤကလုာ်, ယကမၤသးထီၣ်အီၤလၢပှၤဟးဂီၤဖိတကလုာ်,
22 အဂ့ၢ်ဒ်အံၤ, မ့ၣ်အူဆိၣ်ကဲၤထီၣ်အသးလၢယသးထီၣ်, လၢအကအီၣ်တၢ်ပၢၢ်လၢပျုၤပူၤအခံဒး, ဒီးကအီၣ်ကွံာ်ဟီၣ်ခိၣ်ဒီးအတၢ်အါထီၣ်, ဒီးကဆူးထီၣ်ကွံာ်ကစၢၢ်ကလိအခီၣ်ထံးတဖၣ်လီၤ.
23 ယကပာ်ဖှိၣ်တၢ်အၢတဖၣ်လၢအဖီခိၣ်, ယကမၤလၢာ်ယပျၢ်လၢအလိၤလီၤ.
24 ကလၢာ်ဝဲလၢတၢ်သၣ်ဝံၤလီၤဒိ, ဒီးလၢတၢ်သံသတြိာ်မ့ၣ်အူ, ဒီးတၢ်မၤဟးဂီၤနးနးကလဲာ်, ဒီးယကမၢလီၤဆၣ်ဖိကီၢ်ဖိအမဲဧိၤခီဧိၤဆူအအိၣ်, ဒီးတၢ်စွါလၢဟီၣ်ခိၣ်အကမူၣ်ကျါတဖၣ်အစုၣ်,
25 နးဧိၤဘီဧိၤလၢခိ, ဒီးတၢ်ပျံၤတၢ်ဖုးလၢဒၢးပူၤ, ကမၤဟးဂီၤပှၤဖိၣ်သၣ်ခွါ, ဒီးပှၤမုၣ်လိၣ်ဘိ, ဖိသၣ်အီနုၢ်, ဒီးပှၤခိၣ်ဝါ.
26 ယစံးယကအူပြံပြါအီၤ, ယကဒုးတုာ်တၢ်သ့ၣ်နီၣ်ထီၣ်က့ၤအီၤလၢပှၤကညီအကျါလီၤ.
27 မ့တမ့ၢ်ဘၣ်ယဘၣ်ယိၣ်တၢ်လၢတၢ်အဒုၣ်အဒါကပာ်အသးထီၣ်ထီဒီး, ယကမၤတ့ၢ်လီၤ. ပှၤထီဒါအီၤတဖၣ်ကမၤလီၤလးဘၣ်ဖုးအသး, ကစံးဘၣ်ဖုး, ပစုအိၣ်ထီၣ်ထီ, ဒီးယွၤတမၤဘၣ်တၢ်ခဲလၢာ်အံၤဘၣ်.
28 မ့ၢ်ပှၤတကလုာ်လၢတၢ်ကူၣ်လိာ်တအိၣ်, ဒီးတၢ်သူၣ်ဆးသးဆးတအိၣ်လၢအပူၤဘၣ်.
29 မ်အကူၣ်တၢ်သ့တက့ၢ်. မ်အနၢ်ကပၢၢ်တၢ်အံၤ, ဒီးဆိကမိၣ်တၢ်လၢအလီၢ်ခံန့ၣ်တက့ၢ်.
30 အလၢၢ်တဖျၢၣ်မ့ၢ်တဆါကွံာ်အီၤ, ဒီးယွၤမ့ၢ်တကးတံာ်ဃာ်အခံဘၣ်ဒီး, ပှၤတဂၤကလဲၤဟီထီၣ်ကွံာ်ပှၤတကထိ, ဒီးခံဂၤကဒုးဃ့ၢ်ထီၣ်ကွံာ်ပှၤတကလးဒ်လဲၣ်.
31 အဂ့ၢ်ဒ်အံၤ, ပဒုၣ်ပဒါအကစၢ်ဒၣ်ဝဲမ့ၢ်စံၣ်ညီၣ်တၢ်ဒီး, အလၢၢ်တဖျၢၣ်တဒ်သိးဘၣ်ဒီးပလၢၢ်ဘၣ်,
32 အဂ့ၢ်ဒ်အံၤ, အစပံးမုၢ်မ့ၢ်စဒိၣ်အစပံးမုၢ်, ဒီးလၢဂမိရၤအစပံးမုၢ်အလီၢ်လီၤ. အစပံးသၣ်မ့ၢ်စပံးသၣ်အစုၣ်, အကူၤတဖၣ်ခၣ်ဝဲလီၤ.
33 အစပံးထံမ့ၢ်ပယိၤအစုၣ်, ဒီးဂုၢ်သီအစုၣ်အၢလီၤ. တၢ်အံၤအိၣ်ပာ်ဖှိၣ်ဒီးယၤ,
34 ဘၣ်တၢ်စဲဃၣ်ပနီၣ်လၢ ယတၢ်လုၢ်ဒိၣ်ပှ့ၤဒိၣ်အပူၤ, တမ့ၢ်ဘၣ်ဧါ.
35 တၢ်မၤဆၢတၢ်အၢအိၣ်ဒီးယၤ, ဒီးတၢ်ကမၤဆၢတၢ်, လၢအကတီၢ်ဖဲအခီၣ်ကတလံာ်လီၤ. အဂ့ၢ်ဒ်အံၤ, အတၢ်နးတၢ်ဖှီၣ်အမုၢ်တနံၤဘူးထီၣ်လံ, ဒီးတၢ်လၢအကတဲာ်ကတီၤအသးလၢအဂီၢ်န့ၣ်ဟဲချ့,
36 ဘၣ်ဆၣ်ဒီးတုၤအထံၣ်လၢအစုတအိၣ်လၢၤဘၣ်ဒီး, ဒီးတၢ်အိၣ်ကးတံာ်ဃာ်အခံမ့ၢ်ဂ့ၤ, တၢ်အိၣ်လီၤတဲာ်သဘျ့မ့ၢ်ဂ့ၤတအိၣ်ဘၣ်ဒီး, ယွၤကစံၣ်ညီၣ်အပှၤဂီၢ်မုၢ်, ဒီးသ့ၣ်နီၣ်ပီၢ်ယၢ်လီၤက့ၤအသးလၢအခ့အပှၤအဃိ,―
37 ဒီးကစံး, အဝဲသ့ၣ်အကစၢ်တဖၣ်အိၣ်ဖဲလဲၣ်, လၢၢ်တဖျၢၣ်လၢအတန့ၤအသးလၢအီၤ,
38 လၢအအီၣ်အတၢ်လုၢ်အသိ, လၢအအီအတၢ်လုၢ်အီအစပံးထံန့ၣ်အိၣ်ဖဲလဲၣ်. ကဂဲၤဆၢထၢၣ်ဒၣ်ဝဲ, ဒီးမၤစၢၤသုတက့ၢ်. ကကဲထီၣ်ဒၣ်ဝဲလၢတၢ်ကွၢ်က့ၤသုတက့ၢ်.
39 ကွၢ်ခဲကနံၣ်အံၤ, ယဲ, မ့ၢ်ယၤလီၤ. ကစၢ်တအိၣ်ဘၣ်ဒီးယၤဘၣ်. ယမၤသံတၢ်ယဲ, ဒီးယမၤမူတၢ်ယဲ, ယမၤဆါတၢ်ယဲ, ဒီးယမၤဘျါတၢ်ယဲ, ဒီးတၢ်မၤပူၤဖျဲးလၢယစုပူၤတအိၣ်ဘၣ်.
40 အဂ့ၢ်ဒ်အံၤ, ယယူာ်ထီၣ်ယစုဆူမူခိၣ်, ဒီးယစံး, ယမူယဲလီၤထူလီၤယိာ်လီၤ.
41 ယမ့ၢ်ကျ့ထီၣ်ယနးကပြုၢ်ကပြီၤတဘ့ၣ်, ဒီးယစုဟံးဃာ်တၢ်စံၣ်ညီၣ်ဒီး, ယကဟ့ၣ်ကၣ်ယဒုၣ်ယဒါလၢတၢ်မၤဆၢတၢ်အၢ, ဒီးယကမၤဆၢတၢ်လၢပှၤလၢအသးဟ့ယၤ,
42 ယကဒုးအီမူၤယပျၢ်လၢတၢ်သွံၣ်, ဒီးယနးကအီၣ်တၢ်ညၣ်, လၢပှၤဘၣ်တၢ်မၤသံ, ဒီးပှၤဘၣ်တၢ်ဖီၣ်န့ၢ်အီၤအသွံၣ်, လၢတၢ်အဒုၣ်အဒါအပဒိၣ်တဖၣ်အခိၣ်လီၤ.
43 သူၣ်ဖှံသးညီ, ပှၤကလုာ်တဖၣ်အပှၤဂီၢ်မုၢ်ဧၢ, အဂ့ၢ်ဒ်အံၤ, ကမၤအၢဆၢလၢအခ့အပှၤအသွံၣ်အဃိ, ဒီးကဟ့ၣ်ကၣ်တၢ်မၤဆၢတၢ်အၢလၢပှၤလၢအထီဒါအီၤ, ဒီးကမၤပူၤဖျဲးတၢ်လၢအကီၢ်လၢအပှၤဂီၢ်မုၢ်အဂီၢ်လီၤ.
44 ဒီးစီၤမိၤရှ့ဟဲ, ဒီးကတိၤတၢ်သးဝံၣ်အံၤအတၢ်ကတိၤ ခဲလၢာ်လၢပှၤဂီၢ်မုၢ်အနၢ်ပူၤ, အဝဲဒၣ်, ဒီးစီၤနိၣ်အဖိခွါ စီၤယိၤရှူလီၤ. 45 ဒီးစီၤမိၤရှ့ကတိၤကယဲၢ်တၢ်ကတိၤအံၤ ဒီးအံၣ်စရ့လးခဲလၢာ်န့ၣ်လၢာ်ဝဲ, 46 ဒီးစံးဘၣ်အီၤ, ပာ် သုသးလၢကယဲၢ်တၢ်ကတိၤ လၢယအုၣ်ယသးလၢသု ကျါလၢမုၢ်မဆါတနံၤအံၤ, လၢသုကမၤလိာ်သုဖိသု လံၤလၢအကပလီၢ်အသး, ဒ်သိးအကတိၢ်န့ၢ်တၢ်သိၣ် တၢ်သီအံၤအတၢ်ကတိၤခဲလၢာ်န့ၣ်တက့ၢ်.
47 အဂ့ၢ်ဒ်အံၤ, တမ့ၢ်ဘၣ် တၢ်ကလီကလီလၢသုဂီၢ် ဘၣ်. မ့ၢ်သုတၢ်မူလီၤ, ဒီးသုကထုးထီထီၣ်သုနံၤသုသီ လၢကီၢ်ပူၤဖဲသုလဲၤခီဂာ်ယၢ်ဒ့ၣ် ဒ်သိးသုကမၤန့ၢ်အီၤ လၢတၢ်န့ၣ်အဃိလီၤ.
48 ဒီးယွၤကတိၤတၢ်ဒီးစီၤမိၤရှ့ လၢမုၢ်တနံၤဃီန့ၣ်ဒီးစံး ဝဲဒၣ်, 49 လဲၤထီၣ်ဘးကစၢၢ်ဧဘါရံၣ်အံၤ, ကစၢၢ်နဘိ, လၢအအိၣ်လၢမိၤအးအကီၢ်ပူၤသဃီၤဒီးယရံၤဃိ, ဒီး ကွၢ်ကီၢ်ကနၤဧၣ်လၢယဟ့ၣ်လီၤ ပှၤအံၣ်စရ့လးဖိလၢ တၢ်န့ၢ်သါအဂီၢ်န့ၣ်တက့ၢ်. 50 ဒီးသံလၢကစၢၢ်အလိၤ ဖဲနလဲၤထီၣ်န့ၣ်, ဒီးဘၣ်တၢ်ပာ်ဖှိၣ်နၤဒီးနပှၤဂီၢ်မုၢ်, ဒ်န ဒီပုၢ်ဝဲၢ်စီၤအၤဟရိၣ်သံဝဲလၢကစၢၢ်ဃိၢ်အလိၤ, ဒီးဘၣ် တၢ်ပာ်ဖှိၣ်အီၤဒီးအပှၤဂီၢ်မုၢ်အသိးန့ၣ်တက့ၢ်.
51 အဂ့ၢ်ဒ်အံၤ, သုမၤကမၣ်ယၤလၢပှၤအံၣ်စရ့လးဖိအ ကျါဖဲထံမရံၤဘါကၤဒ့ၣ်လၢပှၢ်မုၢ်ကနၢစံၣ်န့ၣ်လီၤ. အ ဂ့ၢ်ဒ်အံၤ, သုတပာ်စီဆှံယၤလၢပှၤအံၣ်စရ့လးဖိအကျါ ဘၣ်.
52 ဘၣ်ဆၣ်ဒီးနကထံၣ်ဘၣ် ထံဧိၤကီၢ်ဧိၤန့ၣ်လၢနမဲာ် ညါလီၤ. မ့ၢ်နာ်သက့ဒ်န့ၣ်ဒီးနတဘၣ်လဲၤနုာ်ဖဲန့ၣ်ဆူ ထံဧိၤကီၢ်ဧိၤလၢယဟ့ၣ်လီၤပှၤအံၣ်စရ့လးဖိဘၣ်.
33၃၃
1 ဒီးအအံၤမ့ၢ်တၢ်ဆိၣ်ဂ့ၤလၢ ယွၤအပှၤကညီစီၤမိၤရှ့, လၢအတချုးသံဒံးဘၣ်, ဆိၣ်ဂ့ၤပှၤအံၣ်စရ့လးဖိန့ၣ်လီၤ. ဒီးစံးဝဲဒၣ်,
2 ယွၤဟဲလၢစံၤနါ, ဒီးဟဲထီၣ်န့ၢ်အီၤလၢစ့ဧၢ်ဆူအအိၣ်, ကပီၤထီၣ်ဝဲလၢကစၢၢ်ပၤရၣ်, ဒီးဟဲဝဲဒီးအပှၤစီဆှံတကလး,
3 မ့ၢ်မးအအဲၣ်အပှၤဂီၢ်မုၢ်, အပှၤစီဆှံခဲလၢာ်အိၣ်လၢအစုပူၤ, ဒီးဆ့ၣ်နီၤဝဲလၢနခီၣ်ထံး, ကဒိးန့ၢ်နကလုၢ်ကထါလီၤ.
4 စီၤမိၤရှ့မၤလိာ်န့ၢ်ပှၤလၢတၢ်သိၣ်တၢ်သီ, စီၤယၤကိာ်အတၢ်အိၣ်ဖှိၣ်အတၢ်န့ၢ်သါ,
5 ဒီးလၢပှၤဂီၢ်မုၢ်အခိၣ်တဖၣ်အိၣ်ဖှိၣ်, အံၣ်စရ့လးအဒူၣ်တဖၣ်အိၣ်တပူၤဃီန့ၣ်, မ့ၢ်စီၤပၤလၢယရှူရိၣ်လီၤ.
6 မ်ရူၤဘ့ၣ်မူတက့ၢ်, မ်အသုတသံတဂ့ၤ, ဒီးမ်အပှၤကညီအိၣ်စှၤဂၤတက့ၢ်.
7 ဒီးအအံၤမ့ၢ်လၢယူဒၤအဂ့ၢ်အကျိၤ, ဒီးစံးဝဲဒၣ်, ကနၣ်, ယွၤဧၢ, ယူဒၤအကလုၢ်ဒီးဒုးလဲၤနုာ်အီၤဆူအပှၤဂီၢ်မုၢ်တက့ၢ်, မ်အစုတဖၣ်အါလၢအဂီၢ်တက့ၢ်, ဒီးကဲထီၣ်နဲတၢ်မၤစၢၤအီၤလၢအဒုၣ်အဒါန့ၣ်တက့ၢ်.
8 ဒီးလၢလ့ၤဝံအဂ့ၢ်အကျိၤစံးဝဲဒၣ်, မ်နတူမံၣ်ဒီးနအူရံၣ်အိၣ်ဒီးနပှၤစီဆှံတဂၤ, လၢနလ့ပစီအီၤလၢမးစၤ, လၢနမၤကွၢ်အီၤဖဲထံမရံၤဘါ,
9 လၢအစံးလၢအမိၢ်ဒီးအပၢ်အဂ့ၢ်, ယတထံၣ်ဘၣ်အီၤ, ဒီးတပာ်သ့ၣ်ညါအသးလၢအဒီပုၢ်ဝဲၢ်တဖၣ်, ဒီးတသ့ၣ်ညါဘၣ်အဖိဒၣ်ဝဲဘၣ်, အဂ့ၢ်ဒ်အံၤ, တိၢ်န့ၢ်နကလုၢ်ကထါ, ဒီးကွၢ်က့ၤနတၢ်အၢၣ်လီၤအီလီၤလီၤ.
10 ကသိၣ်လိယၤကိာ်လၢနတၢ်စံၣ်ညီၣ်တဖၣ်, ဒီးအံၣ်စရ့လးလၢနတၢ်သိၣ်တၢ်သီ, ကပာ်ထီၣ်တၢ်ဆိၣ်ကဲၤနၢမူလၢနမဲာ်ညါ, ဒီးနတၢ်လုၢ်မ့ၣ်အူဒီဒုလၢနတၢ်လုၢ်အလီၢ်အဖီခိၣ်.
11 ဆိၣ်ဂ့ၤ, ယွၤဧၢ, အတၢ်ဖိတၢ်လံၤ, ဒီးအမၤတၢ်လၢအစုန့ၣ်မ်အဘၣ်နသးတက့ၢ်. ပှၤအဂဲၤဆၢထၢၣ်ထီဒါအီၤ, ကျီဖျိအယီၢ်ဒ့တက့ၢ်, ဒီးလၢပှၤအသးဟ့အီၤ, ဒ်သိးအသုတဂဲၤဆၢထၢၣ်က့ၤတဂ့ၤ.
12 ဒီးလၢဘံၣ်ယၤမံၣ်အဂ့ၢ်အကျိၤစံးဝဲဒၣ်, ပှၤလၢယွၤအဲၣ်အီၤကအိၣ်ဝဲလၢအဃၢၤခၢၣ်သနၢၢ်, ကကွၢ်က့ၤအီၤသ့တနံၤကျၢၤ, ကအိၣ်ကဆိးဝဲလၢအဖံဘၣ်ခိၣ်အကဆူးလီၤ.
13 ဒီးလၢယိၤသးအဂ့ၢ်အကျိၤစံးဝဲဒၣ်, မ်ယွၤဆိၣ်ဂ့ၤအထံအကီၢ်တက့ၢ်. လၢမူခိၣ်အတၢ်လုၢ်ဒိၣ်ပှ့ၤဒိၣ်, လၢပစီၤထံ, ဒီးလၢတၢ်ယိာ်ပူၤလၢအကိာ်လီၤလၢလာ်ခီ,
14 ဒီးလၢတၢ်လုၢ်ဒိၣ်ပှ့ၤဒိၣ်လၢမုၢ်ဒုးဟဲသၣ်ထီၣ်, ဒီးလၢတၢ်လုၢ်ဒိၣ်ပှ့ၤဒိၣ်လၢလါတဖၣ်ဒုးဟဲသၣ်ထီၣ်,
15 ဒီးလၢကစၢၢ်ကလိလၢပျၢၤအတၢ်အဒိၣ်တဖၣ်, ဒီးလၢတၢ်စိခိၣ်အထူအယိာ်အတၢ်လုၢ်ဒိၣ်ပှ့ၤဒိၣ်,
16 လၢဟီၣ်ခိၣ်အတၢ်လုၢ်ဒိၣ်ပှ့ၤဒိၣ်, ဒီးအတၢ်ပှဲၤ, ဒီးလၢတၢ်ဘၣ်ပှၤအသးလၢအအိၣ်လၢ သ့ၣ်တၤဆှုၣ်တခိၣ်အပူၤ, မ်အဟဲဘၣ်စီၤယိၤသးအခိၣ်, လၢအဒီပုၢ်ဝဲၢ်အပဒိၣ်ဖးဒိၣ်အခိၣ်ဒီခိၣ်တက့ၢ်.
17 အဂီၤဖံးဝဲၢ်ကိန့ၣ်မ့ၢ်အကဟုကညီၢ်, အနၢၤန့ၣ်မ့ၢ်ဒ်တၤဖးအနၢၤအသိး, ကသနိၣ်ထီၣ်ပှၤဂီၢ်မုၢ်တပူၤဃီလၢအီၤ, ဆူဟီၣ်ခိၣ်အကတၢၢ်လီၤ. အဝဲန့ၣ်မ့ၢ်အ့ဖရဲၣ်အပှၤကလးတဖၣ်, ဒီးအဝဲန့ၣ်မ့ၢ်မနၤရှ့ၤအပှၤကထိတဖၣ်န့ၣ်လီၤ.
18 ဒီးလၢစဘူလိၣ်အဂ့ၢ်အကျိၤစံးဝဲဒၣ်, သးခု, စဘူလိၣ်ဧၢ, လၢနလဲၤတၢ်, ဒီးယံးစၣ်ကၢ်ဧၢ, လၢနဒဲပူၤန့ၣ်တက့ၢ်.
19 ကကိးန့ၢ်ပှၤဂီၢ်မုၢ်ဆူကစၢၢ်တဖျၢၣ်န့ၣ်, ဖဲန့ၣ်ကလုၢ်တၢ်တီတၢ်လိၤအတၢ်လုၢ်တဖၣ်, အဂ့ၢ်ဒ်အံၤ, ကစူၢ်ထီၣ်ပီၣ်လဲၣ်အတၢ်ပှဲၤ, ဒီးတၢ်လုၢ်ဒိၣ်အိၣ်ခူသူၣ်လၢမဲးကျါလီၤ.
20 ဒီးလၢကးအဂ့ၢ်အကျိၤစံးဝဲဒၣ်, ပှၤလၢအမၤလဲၢ်ထီၣ်ကးန့ၣ်မ်အဘၣ်တၢ်ဆိၣ်ဂ့ၤတက့ၢ်, အိၣ်ဝဲဆိးဝဲဒ်ခ့ယုၢ်မိၢ်အသိး, ဒီးအ့ၣ်ဖှီတၢ်အစုဒီးအခိၣ်ဒီလီၤ.
21 ဒီးကွၢ်န့ၢ်တၢ်ဆိကတၢၢ်လၢအဂီၢ်ဒၣ်ဝဲအဂ့ၢ်ဒ်အံၤ, ဖဲန့ၣ်တၢ်အဂီၢ်အိၣ်ပာ်စၢၤလၢပှၤစံၣ်ညီၣ်တၢ်အဂီၢ်, ဒီးဟဲဒီးပှၤဂီၢ်မုၢ်အခိၣ်တဖၣ်, မၤဝဲလၢယွၤအတၢ်တီတၢ်လိၤ, ဒီးအတၢ်စံၣ်ညီၣ်ဒီးအံၣ်စရ့လးလီၤ.
22 ဒီးလၢဒၣ်အဂ့ၢ်အကျိၤစံးဝဲဒၣ်, ဒၣ်မ့ၢ်ခ့ယုၢ်အဖိတဒု, စံၣ်ဝဲလၢဘၤၡၣ်လီၤ.
23 ဒီးလၢနးသၤလံအဂ့ၢ်အကျိၤစံးဝဲဒၣ်, နးသၤလံဧၢ, ဘၣ်တၢ်အသးန့ၣ်နန့ၢ်ဘျဲးန့ၢ်, ဒီးနပှဲၤဒီးယွၤအတၢ်ဆိၣ်ဂ့ၤန့ၣ်, မၤန့ၢ်နဲလၢတၢ်မုၢ်နုာ်ဒီးတၢ်ကလံၤထံးန့ၣ်တက့ၢ်.
24 ဒီးလၢအၤရှ့ၢ်အဂ့ၢ်အကျိၤ, စံးဝဲဒၣ်, မ်အၤရှ့ၢ်ဘၣ်တၢ်ဆိၣ်ဂ့ၤလၢဖိသၣ်တဖၣ်, မ်အဘၣ်အဒီပုၢ်ဝဲၢ်အသး, မ်အဘျၢအခီၣ်လၢသိပူၤတက့ၢ်.
25 ထးဒီးတိၢ်မ့ၢ်နခီၣ်ဖံး, ဒီးဒ်နမုၢ်နံၤတဖၣ်အသိးန့ၣ်နဂံၢ်နဘါကအိၣ်လီၤ.
26 တၢ်ဒ်ယရှူရိၣ်အကစၢ်အသိးတအိၣ်, ပှၤလၢအဒိးမူခိၣ်လၢအကမၤစၢၤနၤ, ဒီးဒိးတၢ်အၢၣ်လၢအလၤကပီၤအပူၤလီၤ.
27 ယွၤအထူအယိာ်န့ၣ်မ့ၢ်နအိၣ်နဆိးအလီၢ်, ဒီးတၢ်အစုအထူအယိာ်တဖၣ်န့ၣ်အိၣ်လၢနဖီလာ်. ဒီးကဟီထီၣ်ကွံာ်တၢ်အဒုၣ်အဒါလၢနမဲာ်ညါ, ဒီးကစံး, မၤဟးဂီၤတၢ်တက့ၢ်.
28 ဒီးအံၣ်စရ့လးကအိၣ်ကဆိးခၢၣ်သနၢၢ်, စီၤယၤကိာ်အထံထီၣ်ပၢၢ်တပူၤဒၣ်, လၢထံဧိၤကီၢ်ဧိၤအိၣ်ဒီးဘုကၠူၣ်, ဒီးစပံးထံအပူၤလီၤ. အမူခိၣ်ကလီၤစီၤပစီၤထံစ့ၢ်ကီးလီၤ.
29 အံၣ်စရ့လးဧၢ, နဘၣ်တၢ်ဆိၣ်ဂ့ၤလီၤ. မ့ၢ်မတၤလီၤဂာ်ဒီးနၤ, ပှၤဂီၢ်မုၢ်ဧၢ, လၢအဘၣ်တၢ်အုၣ်က့ၤခီၣ်က့ၤအီၤလၢယွၤ, တၢ်မၤစၢၤနၤအကတီၤတဘ့ၣ်, ဒီးနကဟုကညီၢ်အနးတဘ့ၣ်န့ၣ်လဲၣ်. နဒုၣ်နဒါတဖၣ်ကပာ်ဆီၣ်လီၤအသးလၢနဖီလာ်, ဒီးနကယီၢ်ဘၣ်အလီၢ်ထီၣ်ထီတဖၣ်န့ၣ်လီၤ.
34၃၄
1 ဒီးစီၤမိၤရှ့လဲၤထီၣ်လၢမိၤအးအတၢ်ပျီပူၤ ဆူကစၢၢ် နဘိ, လၢပံးစကၤအဒီခိၣ်လၢအအိၣ်သဃီၤဒီးယရံၤဃိ လီၤ. ဒီးယွၤဒုးနဲၣ်အီၤလၢကီၢ်ကံးလဧးဒီဘ့ၣ်ညါပၢၢ် လၢဒၣ်, 2 ဒီးနးသၤလံဒီဘ့ၣ်ညါ, ဒီးအ့ဖရဲၣ်, ဒီးမနၤ ရှ့ၤအကီၢ်, ဒီးကီၢ်ယူဒၤဒီဘ့ၣ်ညါပၢၢ်လၢပီၣ်လဲၣ်မုၢ်နုာ် န့ၣ်, 3 ဒီးတၢ်လၢကလံၤထံး, ဒီးယရံၤဃိအကစၢၢ်က ဆူးအပျီ, ဒီးသ့ၣ်စူၣ်ပလိၣ်အဝ့ၢ်ပၢၢ်လၢစိၤဧၢ်လီၤ.
4 ဒီးယွၤစံးဘၣ်အီၤ, အဝဲအံၤ မ့ၢ်ကီၢ်လၢယဆိၣ်တၢ် လၢအဂ့ၢ်ဒီးစီၤအၤဘြၤဟၣ်, ဒီးစီၤအံၤစဲး, ဒီးစီၤယၤ ကိာ်, ဒီးစံး, ယကဟ့ၣ်လီၤအီၤလၢနချံနသၣ်လီၤ. ယ ဒုးထံၣ်ဘၣ်လံနၤလၢနမဲာ်လံ. ဘၣ်ဆၣ်ဒီးနတလဲၤခီ ဂာ်ဖဲန့ၣ်ဘၣ်.
5 ဒီးစီၤမိၤရှ့, ယွၤအခ့အပှၤန့ၣ်, သံဝဲဖဲန့ၣ်လၢကီၢ်မိၤ အးအပူၤ, ဒ်ယွၤအကလုၢ်ကထါအသိးန့ၣ်လီၤ. 6 ဒီး တၢ်ခူၣ်လီၤကွံာ်အီၤလၢကစၢၢ်ကဆူးပူၤလၢ ကီၢ်မိၤအး အပူၤအိၣ်ဝဲသဃီၤဒီးဘ့ၤသပဧိၢ်လီၤ. ဘၣ်ဆၣ်ဒီးပှၤ ကညီတသ့ၣ်ညါဘၣ်အသွၣ်ခိၣ် တုၤမုၢ်မဆါတနံၤအံၤ လီၤ.
7 ဒီးလၢစီၤမိၤရှ့သံဝဲန့ၣ်အသးပှၢ်တ့ၢ် အနံၣ်တကယၤ ခံဆံလီၤ. အမဲာ်တခံးဒံးဘၣ်, ဒီးအသးစၢ်အဂံၢ်အဘါ တစၢ်လီၤဒံးဘၣ်လီၤ.
8 ဒီးပှၤအံၣ်စရ့လးဖိဟီၣ်ဝဲလၢ စီၤမိၤရှ့အဃိလၢ မိၤ အးအတၢ်ပျီပူၤအနံၤသၢဆံလီၤ. ဒီးမုၢ်နံၤတဖၣ်လၢအ ဟီၣ်ဝဲလၢစီၤမိၤရှ့အဃိလၢာ်ဝဲလီၤ.
9 ဒီးစီၤနိၣ်အဖိခွါ စီၤယိၤရှူပှဲၤဝဲဒီး တၢ်ကူၣ်သ့ကူၣ် ဘၣ်အသးလီၤ. အဂ့ၢ်ဒ်အံၤ, စီၤမိၤရှ့ပာ်တ့ၢ်အစုလၢ အလိၤလီၤ. ဒီးပှၤအံၣ်စရ့လးဖိဒိကနၣ်အကလုၢ်အက ထါ, ဒီးမၤဝဲဒ်ယွၤမၤလိာ်စီၤမိၤရှ့အသိးန့ၣ်လီၤ.
10 ဒီးတၢ်တအိၣ်ထီၣ်လၢၤဘၣ်လၢ အံၣ်စရ့လးအကျါ လၢဝံတဂၤဒ်စီၤမိၤရှ့အသိး, လၢယွၤသ့ၣ်ညါဒီးကွၢ်ဆၢ ညါအီၤ, 11 လၢကယဲၢ်တၢ်အပနီၣ်လီၤလး, ဒီးတၢ်ဒီး တၢ်လီၤလိၢ်လီၤလးခဲလၢာ် လၢယွၤမၢအလဲၤမၤလၢ ကီၢ်အဲၤကူပတူးအပူၤ, လၢဖၤရိၤအလိၤ, ဒီးလၢအခ့ အပှၤအလိၤခဲလၢာ်, ဒီးလၢအကီၢ်ဒီဘ့ၣ်ညါအပူၤ,― ဒီးလၢတၢ်အစုဆူၣ်န့ၣ်ခဲလၢာ်, ဒီးလၢတၢ်မၤပျံၤတၢ်ခဲ လၢာ်လၢစီၤမိၤရှ့ဒုးနဲၣ် လၢအံၣ်စရ့လးခဲလၢာ်အမဲာ် ညါန့ၣ်နီတဂၤဘၣ်လီၤ.