လံာ်ဒၤနံးယ့လး.

လံာ်ဒၤနံးယ့လး.

၁

¹ ယူဒၤအစီၤပၤယဟိၤယါကံၣ် ကဲစီၤပၤအနံၣ်သၢနံၣ် တနံၣ်န့ၣ်ဘၤဘူၤလိၣ်အစီၤပၤနဘူၤကၤန့စၢ် ဟဲဝဲဆူယ ရူၤၡလ့ၣ်, ဒီးကဝီၤဃာ်အီၤလီၤ.

² ဒီးယွၤဟ့ၣ်လီၤယူဒၤအစီၤပၤယဟိၤယါကံၣ် လၢအ စုပူၤ, ဒီးယွၤအဟံၣ်အဃၢၤအဃိၢ်တနီၤ, အဝဲဒၣ်စိာ်ဝဲ ဆူကီၢ်ၡံနၢ်အပူၤ, ဆူအကစၢ်အဟံၣ်ပူၤလီၤ. ဒီးစိာ်တၢ် အဃၢၤအဃိၢ်တဖၣ်ဆူ အကစၢ်အဟံၣ်အတၢ်ပာ်ဖှိၣ် အလီၢ်ပူၤလီၤ.

³ စီၤပၤမၤလိာ်ပှၤဒ့ဒံၣ်ဖိအခိၣ် စီၤအၤၡပနးဒ်သိးအက ဟဲစိာ်ပှၤအံၣ်စရ့လးဖိတနီၤနီၤ, စီၤပၤအချံအသၣ်ဒီးပ ဒိၣ်ဖးဒိၣ်အဖိ, ⁴ ဖိၣ်သၣ်ခွါလၢအမဲၣ်တအိၣ်ဘၣ်လၢအ လိၤ, ဒီးအက့ၢ်အဂီၤဂ့ၤ, ဒီးမၤတၢ်သ့လၢတၢ်ကူၣ်တၢ် ဆးခဲလၢာ်, ဒီးသ့တၢ်သ့ၣ်ညါ, ဒီးနီၤဖးတၢ်သ့ၣ်ညါအ ဆၢသ့, ပှၤလၢအဆၢထၢၣ်လၢစီၤပၤအနူၢ်ပူၤသ့, ဒ်သိး တၢ်ကသိၣ်လိအီၤလၢ ပှၤက့ၤစ့းဖိအလံာ်အလဲၢ်, ဒီးအ တၢ်ကတိၤအကျိာ်လီၤ.

⁵ ဒီးစီၤပၤမၤလိာ်န့ၢ်အီၤလၢ စီၤပၤအတၢ်အီၣ်ဝံၣ်တနံၤ အဂီၢ်တနံၤအဂီၢ်, ဒီးလၢအစပံးထံလၢအကအီဝဲ, ဒီးဒ် သိးပှၤကလုၢ်အီၣ်အီၤသၢနံၣ်, ဒီးလၢအလီၢ်ခံန့ၣ်ကဆၢ ထၢၣ်လၢစီၤပၤအမဲာ်ညါလီၤ.

⁶ ဒီးလၢအဝဲသ့ၣ်အကျါ ပှၤယူဒၤဖိတနီၤအိၣ်ဝဲ, စီၤဒၤ နံးယ့လး, စီၤဃနၤနယၤ, စီၤမံၡအ့လး, ဒီးစီၤဧစၤရ ယၤလီၤ. ⁷ ဒီးပှၤဒ့ဒံၣ်ဖိအခိၣ်ယုၢ်က့ၤအမံၤလီၤ. စီၤဒၤ နံးယ့လးန့ၣ်ယုၢ်က့ၤအမံၤလၢစီၤဘ့ၤလးတၡါစၢ်, ဒီးစီၤ ဃနၤနယၤန့ၣ်လၢစီၤၡၤဒရး, စီၤမံၤၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤလီၤ.

⁸ ဒီးစီၤဒၤနံးယ့လးပာ်တၢ်လၢအသးကံၢ်ပူၤ လၢအတ မၤတကဆှီဘၣ်အသးလၢစီၤပၤအတၢ်အီၣ်ဝံၣ်, ဒီးစပံး ထံလၢအအီဝဲန့ၣ်ဘၣ်. ဒီးဃ့ဝဲလၢပှၤဒ့ဒံၣ်ဖိအခိၣ်ဒ်သိး အသုတမၤတကဆှီဘၣ်အသးလၢအီၤတဂ့ၤလီၤ.

⁹ ဒီးယွၤဟ့ၣ်လီၤ စီၤဒၤနံးယ့လး လၢတၢ်ဘျုးတၢ်ဖှိၣ်, ဒီးတၢ်သးအိၣ်လၢပှၤဒ့ဒံၣ်ဖိအခိၣ်အမဲာ်ညါလီၤ.

¹⁰ ဒီးပှၤဒ့ဒံၣ်ဖိအခိၣ်န့ၣ် စံးဘၣ်စီၤဒၤနံးယ့လး, ယပျံၤ ယကစၢ်စီၤပၤလၢအမၤလိာ်န့ၢ်သုတၢ်အီၣ်ဒီး သုတၢ်အီ လီၤ. အဂ့ၢ်ဒ်အံၤ, ကထံၣ်သုမဲာ်လီၤသပှၢ်န့ၢ်ပှၤအိၣ်ဖျဲၣ် တကျဲဒီးသုတက့ၢ်မ့ၢ်အဘၣ်မနုၤလဲၣ်, ဒီးသုကဒုးဘၣ် ယခိၣ်လၢတၢ်ဒဲးဘးလၢစီၤပၤအစုပူၤလီၤ.

¹¹ ဒီးစီၤဒၤနံးယ့လးစံးဘၣ်စီၤမ့လစၢ် လၢပှၤဒ့ဒံၣ်ဖိအ ခိၣ်ပာ်တ့ၢ်ဝဲလၢစီၤဒၤနံးယ့လး, စီၤဃနၤနယၤ, စီၤမံၡ အ့လး, ဒီးစီၤဧစၤရယၤအဖီခိၣ်, ¹² မၤကွၢ်စာ်နခ့နပှၤဆံ ဆဲၣ်နံၤတက့ၢ်. ဒီးမ်အဟ့ၣ်လီၤပှၤလၢ တၢ်ဒိးတၢ်လၣ် လၢပကအီၣ်တၢ်, ဒီးထံလၢပကအီတၢ်တက့ၢ်. ¹³ ဒီးမ် အကွၢ်ပမဲာ်, ဒီးပှၤဖိၣ်သၣ်ခွါလၢအအီၣ်စီၤပၤအတၢ်အီၣ် တဖၣ်အမဲာ်ညါလၢနမဲာ်ညါတက့ၢ်, ဒီးဒ်နထံၣ်တၢ်အ သိးန့ၣ်မၤလၢနခ့နပှၤတက့ၢ်.

¹⁴ ဒီးကနၣ်အကလုၢ်လၢ တၢ်န့ၣ်တမံၤ, ဒီးမၤကွၢ်အီၤ ဆံဆဲၣ်နံၤလီၤ.

¹⁵ ဒီးလၢဆံဆံၣ်နံၤ အကတၢၢ်န့ၣ် အက့ၢ်အဂီၤဂ့ၤန့ၢ်, ဒီးအဖံးအညၣ်ဘီၣ်န့ၢ် ကယဲၢ်ပှၤဖိၣ်သၣ်ခွါလၢအအီၣ် စီၤပၤအတၢ်အီၣ်ဝံၣ်တက့ၢ်ခဲလၢာ်လီၤ.

¹⁶ ဒီးတၢ်မၤအသးလၢ စီၤမ့လစၢ်ဟံးထီၣ်ကွံာ် အတၢ် အီၣ်ဝံၣ်, ဒီးအစပံးထံလၢအကအီဝဲ, ဒီးဟ့ၣ်လီၤအီၤလၢ တၢ်ဒိးတၢ်လၣ်လီၤ.

¹⁷ တၢ်လၢ ဖိၣ်သၣ်ခွါလွံၢ်ဂၤန့ၣ် ယွၤဟ့ၣ်လီၤအီၤလၢ တၢ်သ့ၣ်ညါ, ဒီးအသူၣ်ဆးအသးဆးလၢကယဲၢ်တၢ်မၤ လိ, ဒီးတၢ်ကူၣ်သ့အကျါခဲလၢာ်လီၤ. ဒီးစီၤဒၤနံးယ့လး နၢ်ပၢၢ်ကယဲၢ်တၢ်ထံၣ်တၢ်လၢညါခီ, ဒီးတၢ်မံမီၢ်အက လုာ်ကလုာ်ခဲလၢာ်လီၤ.

¹⁸ ဒီးမုၢ်နံၤတဖၣ် အကတၢၢ်လၢ စီၤပၤမၤလိာ်တ့ၢ်လၢ ပှၤကဒုးဟဲနုာ်အီၤန့ၣ် ပှၤဒ့ဒံၣ်ဖိအခိၣ်ဒုးဟဲနုာ်အီၤလၢန ဘူၤကးန့စၢ်အမဲာ်ညါလီၤ.

¹⁹ ဒီးစီၤပၤန့ၣ် ကတိၤတၢ်ဒီးအီၤ, ဒီးပှၤဒ် စီၤဒၤနံးယ့ လး, စီၤဃနၤနယၤ, ဒီးမံၡအ့လး, ဒီးစီၤဧစၤရယၤအ သိးတအိၣ်ဘၣ်လၢ ပှၤခဲလၢာ်န့ၣ်အကျါဘၣ်. ဒီးဆၢ ထၢၣ်ဝဲလၢစီၤပၤအမဲာ်ညါလီၤ.

²⁰ ဒီးကယဲၢ်တၢ်ဘၣ်ဃးဒီး တၢ်ကူၣ်သ့, တၢ်ကူၣ်တၢ် ဆးလၢစီၤပၤသံကွၢ်အီၤလၢအဂ့ၢ်န့ၣ် ထံၣ်န့ၢ်ဝဲလၢအဂ့ၤ န့ၢ်ကယဲၢ်ပှၤကွဲးလံာ်, ဒီးပှၤသ့တၢ်အူတၢ်သမူ လၢအ အိၣ်ဝဲလၢဘီမုၢ်အပူၤခဲလၢာ်ဆံဆဲၣ်စးတက့ၢ်လီၤ.

²¹ ဒီးစီၤဒၤနံးယ့လး အိၣ်ဝဲတုၤ စီၤပၤကိရ့ၣ်အနံၣ်ခီၣ် ထံးလီၤ.

၂

¹ ဒီးလၢနဘူၤကးန့စၢ်ကဲစီၤပၤခံနံၣ်တနံၣ်န့ၣ် နဘူၤကး န့စၢ်မံမီၢ်တၢ်မံမီၢ်တဖၣ်, ဒီးအသးကိၢ်ထီၣ်, ဒီးမံဝဲတ န့ၢ်ဘၣ်လီၤ.

² ဒီးစီၤပၤမၤလိာ် ပှၤကိးပှၤကွဲးလံာ်, ဒီးပှၤသ့တၢ်အူ တၢ်သမူ, ဒီးပှၤမၤကဒါပမဲာ်, ဒီးပှၤက့ၤစ့းဖိဒ်သိးအက ဒုးနဲၣ်စီၤပၤလၢအတၢ်မံမီၢ်တဖၣ်လီၤ. ဒီးအဝဲသ့ၣ်ဟဲဝဲ ဒီးဆၢထၢၣ်လၢစီၤပၤအမဲာ်ညါလီၤ.

³ ဒီးစီၤပၤစံးဘၣ်အီၤ, ယမံမီၢ်တၢ်မံမီၢ်, ဒီးယသးကိၢ် ဝဲဒ်သိးယကသ့ၣ်ညါတၢ်မံမီၢ်လီၤ.

⁴ ဒီးပှၤက့ၤစ့းဖိ စံးဘၣ်စီၤပၤလၢ ပှၤအၤရၣ်ဖိအကျိာ်, မ်စီၤပၤမူဝဲလီၤထူလီၤယိာ်တက့ၢ်. စံးဘၣ်နခ့နပှၤလၢ တၢ်မံမီၢ်န့ၣ်တက့ၢ်, ဒီးပကဖးအဒိၣ်အယိာ်လီၤ.

⁵ စီၤပၤစံးဆၢတၢ်ဒီး စံးဘၣ်ပှၤက့ၤစ့းဖိ, တၢ်ကတိၤ ထီၣ်ဖျဲးလံလၢယထးခိၣ်လံ, သုမ့ၢ်တဘိးဘၣ်သ့ၣ်ညါ ယၤလၢတၢ်မံမီၢ်ဒီး အဒိၣ်အယိာ်ဘၣ်ဒီး, တၢ်ကဒီၣ် တဲာ်ကွံာ်သု တကူာ်တကူာ်, ဒီးသုဟံၣ်ကကဲလၢတၢ် အ့ၣ်အလီၢ်လီၤ.

⁶ မ့မ့ၢ်သုမ့ၢ် ဘိးဘၣ်သ့ၣ်ညါယၤလၢတၢ်မံမီၢ်, ဒီးအ ဒိၣ်အယိာ်ဒီး, သုကဒိးန့ၢ်ခိၣ်ဖးတဖၣ်, ဒီးတၢ်ဟ့ၣ်တ ဖၣ်, ဒီးတၢ်လၤကပီၤဖးဒိၣ်လၢယၤလီၤ. မၤသးဒ်န့ၣ်ဒီး, ဒုးနဲၣ်ယၤလၢတၢ်မံမီၢ်န့ၣ်, ဒီးအဒိၣ်အယိာ်တက့ၢ်.

⁷ အဝဲသ့ၣ်စံးဆၢကဒီး, ဒီးစံးဝဲ, မ်စီၤပၤစံးဘၣ်အခ့အ ပှၤလၢတၢ်မံမီၢ်န့ၣ်တက့ၢ်, ဒီးပကဖးလၢအဒိၣ်အယိာ် လီၤ.

⁸ စီၤပၤစံးဆၢတၢ်ဒီးစံးဝဲဒၣ်, ယသ့ၣ်ညါသပှၢ်တၢၢ်လၢ သုသါကသုးနံၤသုးသီလီၤ. အဂ့ၢ်ဒ်အံၤ, သုနၢ်ဟူလံ လၢတၢ်ကတိၤထီၣ်ဖျဲးလၢယထးခိၣ်လံ.

⁹ ဒီးသုမ့ၢ်တဘိးဘၣ်သ့ၣ်ညါယၤ လၢတၢ်မံမီၢ်န့ၣ်ဒီး, မ့ၢ်သုတိာ်တၢ်တမံၤ, သုအၢၣ်လီၤလိာ်သုသးလၢသုက ကတိၤတၢ်ကဘျံးကဘျၣ်ဒီး လီတၢ်လၢယမဲာ်ညါ တုၤ အဆၢအကတီၢ်ပူၤကွံာ်လီၤ. မၤသးဒ်န့ၣ်ဒီး, စံးဘၣ် ယၤလၢတၢ်မံမီၢ်န့ၣ်တက့ၢ်, ဒီးယကသ့ၣ်ညါလၢသုဖး လၢအဒိၣ်အယိာ်သ့လီၤ.

¹⁰ ပှၤက့ၤစ့းဖိစံးဆၢတၢ်လၢ စီၤပၤအမဲာ်ညါဒီးစံးဝဲဒၣ်, ပှၤစံးဘၣ်စီၤပၤအတၢ်တမံၤန့ၣ် တအိၣ်ဘၣ်လၢဟီၣ်ခိၣ် ချၢနီတဂၤဘၣ်. မၤသးဒ်န့ၣ်ဒီးစီၤပၤအဒိၣ်အထီ, ဒီးအ စိဒိၣ်အကမီၤထီနာ်သက့ဒီး, တဃ့ဘၣ်တၢ်တမံၤဒ်န့ၣ် အသိးလၢပှၤကွဲးလံာ်, ပှၤသ့တၢ်အူတၢ်သမူ, ပှၤက့ၤစ့း ဖိ, နီတဂၤဘၣ်. ¹¹ ဒီးတၢ်လၢစီၤပၤဃ့ဝဲတမံၤန့ၣ်မ့ၢ်တၢ် ကီတမံၤလီၤ. မ့တမ့ၢ်ဘၣ်ကစၢ်တဖၣ်လၢအတအိၣ်တ ဆိးဘၣ်လၢတၢ်ဖံးတၢ်ညၣ်အပူၤဘၣ်ဒီး, တၢ်ဒုးနဲၣ်သ့ လၢစီၤပၤအမဲာ်ညါတအိၣ်ဘၣ်နီတဂၤဘၣ်.

¹² မၤသးဒ်န့ၣ်ဒီး စီၤပၤသးထီၣ်ဒီးသးကဲၤထီၣ်, ဒီးမၤ လိာ်ဝဲလၢပှၤကမၤသံ ကယဲၢ်ပှၤကူၣ်တၢ်သ့လၢဘၤဘူၤ လိၣ်ခဲလၢာ်လီၤ.

¹³ ဒီးတၢ်ကလုၢ်လီၤလၢ ပှၤကမၤသံပှၤကူၣ်တၢ်သ့လီၤ. ဒီးပှၤဃုစီၤဒၤနံးယ့လး, ဒီးအဂိၤမီၣ်တဖၣ် ဒ်သိးအက မၤသံအီၤလီၤ.

¹⁴ တုၤနုၤတစု စီၤဒၤနံးယ့လးစံးဆၢ စီၤပၤအပှၤမၤသံ တၢ်ဖိအခိၣ်စီၤအၤရယိး, လၢအလဲၤထီၣ်မၤသံဘၤဘူၤ လိၣ်အပှၤကူၣ်တၢ်သ့တဖၣ်, အိၣ်ဒီးတၢ်ကူၣ်တၢ်ဆး, ဒီးတၢ်ကူၣ်သ့လီၤ. ¹⁵ စံးဆၢတၢ်ဒီးစံးလၢစီၤပၤအပဒိၣ်စီၤ အၤရယိး, တၢ်မၤလိာ်ဧ့ၢ်ချ့လၢစီၤပၤန့ၣ် မ့ၢ်အဘၣ်မနုၤ လဲၣ်. ဒီးစီၤအၤရယိးဘိးဘၣ်သ့ၣ်ညါစီၤဒၤနံးယ့လးလၢ တၢ်န့ၣ်တမံၤလီၤ.

¹⁶ ဒီးစီၤဒၤနံးယ့လးလဲၤနုာ်ဆူ စီၤပၤအအိၣ်, ဒီးဃ့က ညးစီၤပၤလၢအကဟ့ၣ်လီၤအီၤလၢအဆၢကတီၢ်, ဒီးသါ ကဖးလၢအဒိၣ်အယိာ်လၢစီၤပၤအမဲာ်ညါလီၤ.

¹⁷ တုၤနုၤတစုစီၤဒၤနံးယ့လးလဲၤဆူအဟံၣ်, ဒီးဘိးဘၣ် သ့ၣ်ညါအဂိၤမီၣ်, စီၤဃနၤနယၤ, စီၤမံၡအ့လး, ဒီးဧ စၤရယၤ, ¹⁸ ဒ်သိးအကဃ့လၢမူခိၣ်အကစၢ် အတၢ်သး ကညီၤလၢတၢ်အိၣ်ခူသူၣ်တမံၤအံၤအဂ့ၢ်, လၢပှၤသုတ မၤဟးဂီၤစီၤဒၤနံးယ့လးဒီးအဂိၤမီၣ် အိၣ်ဒီးဘၤဘူၤလိၣ် အပှၤကူၣ်တၢ်သ့အဂၤတဖၣ်တဂ့ၤလီၤ.

¹⁹ တုၤနုၤတဘျီ တၢ်လီၣ်ဖျါထီၣ် တၢ်အိၣ်ခူသူၣ်တမံၤ န့ၣ်လၢတၢ်ထံၣ်တၢ်လၢမုၢ်နၤ, ဒီးစီၤဒၤနံးယ့လးစံးထီၣ် ပတြၢၤမူခိၣ်ကစၢ်လီၤ.

²⁰ စီၤဒၤနံးယ့လးကတိၤတၢ်ဒီးစံးဝဲဒၣ်, မ်ယွၤဘၣ်တၢ် ဆိၣ်ဂ့ၤအီၤ အစိၤစိၤအဃၣ်ဃၣ်တက့ၢ်. အဂ့ၢ်ဒ်အံၤ, တၢ်ကူၣ်သ့ဒီးတၢ်အစိအကမီၤအိၣ်ဝဲဒီးအီၤလီၤ. ²¹ ဒီးအ ဝဲဒၣ်မ့ၢ်ပှၤလၢအလဲလိာ်တၢ်အဆၢအကတီၢ်, ဒီးအမုၢ် အလါလီၤ. ပာ်ကွံာ်စီၤပၤတဖၣ်, ဒီးပာ်ထီၣ်စီၤပၤတ ဖၣ်, ဟ့ၣ်လီၤတၢ်ကူၣ်သ့လၢပှၤကူၣ်တၢ်သ့, ဒီးတၢ်သ့ၣ် ညါန့ၣ်လၢပှၤအသ့ၣ်ညါတၢ်လီၤ.

²² လီၣ်ဖျါတၢ်အယိာ်ဒီးတၢ်အိၣ်ခူသူၣ်လီၤ. သ့ၣ်ညါတၢ် အိၣ်ဝဲလၢတၢ်ခံးကျါ, ဒီးတၢ်ကပီၤအိၣ်ဝဲဆိးဝဲဒီးအီၤလီၤ.

²³ ဒီးယစံးထီၣ်ပတြၢၤ နဘျုးနဖှိၣ်, ယပၢ်တဖၣ်အက စၢ်ဧၢ, ယစံးထီၣ်ပတြၢၤနၤလီၤ. အဂ့ၢ်ဒ်အံၤ, နဟ့ၣ်လီၤ ယၤလၢတၢ်ကူၣ်သ့, ဒီးတၢ်မၤသ့, ဒီးခဲကနံၣ်အံၤနဘိး ဘၣ်သ့ၣ်ညါယၤလၢ တၢ်လၢပဃ့လၢနၤလီၤ. အဂ့ၢ်ဒ် အံၤ, နဘိးဘၣ်သ့ၣ်ညါပှၤလၢစီၤပၤအတၢ်တမံၤန့ၣ်လီၤ.

²⁴ မၤသးဒ်န့ၣ်ဒီး စီၤဒၤနံးယ့လးလဲၤနုာ်ဆူ စီၤအၤရယိး အအိၣ်လၢစီၤပၤပာ်လီၤဝဲလၢ အကမၤဟးဂီၤ ဘၤဘူၤ လိၣ်အပှၤကူၣ်တၢ်သ့လီၤ. လဲၤနုာ်ဝဲဒီးစံးဘၣ်အီၤဒ်အံၤ, မၤဟးဂီၤဘၤဘူၤလိၣ်အပှၤကူၣ်တၢ်သ့တဂ့ၤ, ဆှၢထီၣ် ယၤဆူစီၤပၤအမဲာ်ညါ, ဒီးယကဖးအဒိၣ်အယိာ်လၢစီၤ ပၤအမဲာ်ညါလီၤ.

²⁵ တုၤနုၤတစု စီၤအၤရယိးဆှၢထီၣ် စီၤဒၤနံးယ့လးဆူ စီၤပၤအမဲာ်ညါချ့ချ့, ဒီးစံးဘၣ်အီၤဒ်အံၤ, ယထံၣ်န့ၢ်ပှၤ လၢ ပှၤယူဒၤကဲကုၢ်ဖိအကျါတဂၤ လၢအကဘိးဘၣ် သ့ၣ်ညါစီၤပၤလၢတၢ်အဒိၣ်အယိာ်န့ၣ်လီၤ.

²⁶ စီၤပၤကတိၤတၢ်ဒီးစံးဘၣ် စီၤဒၤနံးယ့လးလၢအမံၤ မ့ၢ်ဘ့ၤလးတၡါစၢ်, နဘိးဘၣ်သ့ၣ်ညါယၤလၢတၢ်မံမီၢ် လၢယထံၣ်ဘၣ်န့ၣ်, ဒီးဖးအဒိၣ်အယိာ်န့ၣ်ဘၣ်ကသ့ ဧါ.

²⁷ စီၤဒၤနံးယ့လးစံးဆၢတၢ်လၢစီၤပၤအမဲာ်ညါ, ဒီးစံးဝဲ ဒၣ်, တၢ်ခူသူၣ်တမံၤလၢစီၤပၤဃ့ဝဲန့ၣ်ပှၤကူၣ်တၢ်သ့, ပှၤ သ့တၢ်အူတၢ်သမူ, ပှၤကွဲးလံာ်, ပှၤကွၢ်ဆၣ်ဧိၤဖီဧိၤသ့ န့ၣ်ဒုးနဲၣ်စီၤပၤတသ့ဘၣ်နီတဂၤဘၣ်. ²⁸ မ့မ့ၢ်ကစၢ်အိၣ် ဝဲလၢမူခိၣ်တဂၤလၢအလီၣ်ဖျါတၢ်ခူသူၣ်တဖၣ်, ဒီးအ ဝဲဒၣ်ဘိးဘၣ်သ့ၣ်ညါ စီၤပၤနဘူၤကးန့စၢ်လၢတၢ်လၢ အကမၤအသးလၢ မုၢ်နံၤတဖၣ်လၢအလီၢ်ခံန့ၣ်လီၤ. န တၢ်မံမီၢ်, ဒီးနမဲာ်အထံၣ်တၢ်လၢညါခီလၢနလီၢ်မံအပူၤ န့ၣ်မ့ၢ်အအံၤ,―

²⁹ နဲဒၣ်စီၤပၤဧၢ, နတၢ်ဆိကမိၣ်ထီၣ်လၢ နလီၢ်မံအပူၤ လၢတၢ်လၢအကမၤအသးလၢခံဆူညါအဂ့ၢ်လီၤ. ဒီးပှၤ လၢအလီၣ်ဖျါ တၢ်အိၣ်ခူသူၣ်န့ၣ် ဘိးဘၣ်သ့ၣ်ညါနၤ လၢတၢ်လၢအကမၤအသးလီၤ.

³⁰ ဒီးတၢ်လၢယၤအံၤ, တၢ်ခူသူၣ်တမံၤအံၤအိၣ်ဖျါထီၣ် လၢယမဲာ်ညါ, တမ့ၢ်ဘၣ်လၢတၢ်ကူၣ်သ့အိၣ်ဝဲဒီးယၤ ဒိၣ်န့ၢ်ကယဲၢ်တၢ်သးတက့ၢ်န့ၣ်ဘၣ်. မ့ၢ်ဒ်သိးတၢ်ကဘိး ဘၣ်သ့ၣ်ညါစီၤပၤလၢတၢ်အဒိၣ်အယိာ်န့ၣ်, ဒီးဒ်သိးန ကသ့ၣ်ညါနသးအဆိကမိၣ်တၢ်လီၤ.

³¹ နဲဒၣ်စီၤပၤဧၢ, နကွၢ်တၢ်, ဒီးကွၢ်ကွၢ်, တၢ်ဂီၤတၢ်ဖီၣ် ဖးဒိၣ်လီၤ. မ့ၢ်အဒိၣ်အထီ, ဒီးကယဲၢ်ကယူာ်ဒိၣ်မးလီၤ. ဒီးဆၢထၢၣ်လၢနမဲာ်ညါဒီးအက့ၢ်အဂီၤ အိၣ်ဝဲဒီးအက ဟုတုာ်အကညီၢ်ဒိၣ်လီၤ.

³² တၢ်အဂီၤန့ၣ်မ့ၢ်အအံၤ, အခိၣ်န့ၣ်မ့ၢ်ထူစီ, အသးနါ ပှၢ်ဒီးအစုမ့ၢ်စ့, အဟၢဖၢဒီးအကံၣ်ဒုၣ်မ့ၢ်တိၢ်, ³³ အခီၣ် ဒုၣ်မ့ၢ်ထး, အခီၣ်လာ်မ့ၢ်ထးတနီၤဒီးကပံာ်တနီၤလီၤ.

³⁴ နကွၢ်ဒံးတၢ် တုၤအစုတအိၣ်ဘၣ်ဒီး, တၢ်ကူးတဲာ် ကွံာ်လၢၢ်တဖျၢၣ်လၢအဘၣ်တိဘၣ်ထံးဒီး တၢ်ဂီၤအခီၣ် လၢအမ့ၢ်ထးဒီးကပံာ်, ဒီးမၤလီၤကလဲအီၤလီၤ.

³⁵ တုၤနုၤတစုထး, ကပံာ်, တိၢ်, စ့, ဒီးထူတဖၣ်န့ၣ် လီၤကလဲဃီၤ, ဒီးကဲထီၣ်တၢ်ဒ်ဖ့လၢတၢ်ကိၢ်အကတီၢ် ယီၢ်ဘုအလီၢ်အဖီခိၣ်အသိးန့ၣ်, ဒီးကလံၤအူဒံကွံာ်အီၤ, ဒီးအလီၢ်တအိၣ်ဘၣ်လၢအဂီၢ်ဘၣ်. ဒီးလၢၢ်လၢအဘၣ် တိဘၣ်ထံးဒီးတၢ်ဂီၤန့ၣ်ကဲထီၣ်ကစၢၢ်ဖးဒိၣ်တဖျၢၣ်, ဒီး မၤပှဲၤဟီၣ်ခိၣ်ဒီဘ့ၣ်ညါလီၤ.

³⁶ အန့ၣ်မ့ၢ်တၢ်မံမီၢ်, ဒီးပကဖးလၢအဒိၣ်အယိာ်လၢစီၤ ပၤအမဲာ်ညါလီၤ.

³⁷ နဲဒၣ်စီၤပၤဧၢ, နမ့ၢ်စီၤပၤတဖၣ်အစီၤပၤ, ပှၤလၢမူခိၣ် အကစၢ်ဟ့ၣ်လီၤ တၢ်အဘီအမုၢ်, ဒီးတၢ်အစိအကမီၤ, ဒီးတၢ်အဂံၢ်အဘါ, ဒီးတၢ်လၤကပီၤလီၤ.

³⁸ ဒီးဖဲဒၣ်ပှၤကညီဖိအိၣ်ဝဲဆိးဝဲတပူၤလၢ်လၢ်န့ၣ် ဟ့ၣ် လီၤဆၣ်ဖိကီၢ်ဖိလၢပှၢ်လၢ်ကျါ, ဒီးထိၣ်ဖိလံၣ်ဖိလၢမူက ပိာ်လိၤတဖၣ်လၢနစုပူၤ, ဒီးပာ်နၤလၢတၢ်ခဲလၢာ်န့ၣ်အ ခိၣ်လီၤ. နဲဒၣ်အံၤနမ့ၢ်တၢ်အခိၣ်ထူအံၤလီၤ.

³⁹ လၢနလီၢ်ခံန့ၣ်ဘီမုၢ်အဂၤဆံးန့ၢ်နၤ တဘီမုၢ်ကအိၣ် ထီၣ်, ဒီးဘီမုၢ်တိၢ်အဂၤသၢဘီမုၢ်တဘီမုၢ်လၢအကစံၣ် ညီၣ်ဟီၣ်ခိၣ်ဒီဘ့ၣ်ညါကအိၣ်ထီၣ်လီၤ.

⁴⁰ ဘီမုၢ်လွံၢ်ဘီမုၢ်တဘီမုၢ်န့ၣ် ကဆူၣ်ဝဲ ဒ်ထးအသိး လီၤ. ဒ်ထးမၤကၢ်ကွံာ်ဒီးမၤလီၤကလဲကွံာ်ကယဲၢ်တၢ်တ မံၤလၢ်လၢ်အသိး, ဒီးဒ်ထးမၤလီၤကလဲတၢ်တဖၣ်အသိး န့ၣ်ကမၤလီၤကလဲဒီးမၤသဘှံးတၢ်ခဲလၢာ်န့ၣ်လီၤ.

⁴¹ ဒီးမ့ၢ်နထံၣ်အခီၣ်လၣ်, ဒီးအခီၣ်မုၢ်ဒိၣ်လၢအမ့ၢ် က ပံာ်တနီၤဒီးထးတနီၤဒီး, ဘီမုၢ်န့ၣ်ကလီၤဖးဘၣ်ဆၣ်ဒီး, ထးအဂံၢ်အဘါကအိၣ်ဝဲလၢအပူၤလီၤ. အဂ့ၢ်ဒ်အံၤ, န ထံၣ်ထးဃါဃုာ်ဒီးကပံာ်လီၤ.

⁴² ဒီးမ့ၢ်ခီၣ်မုၢ်ဒိၣ်မ့ၢ်ထးတနီၤ, ဒီးကပံာ်တနီၤဒီး, ဘီမုၢ် ကဆူၣ်တနီၤ, ဒီးကကၢ်ညီတနီၤလီၤ.

⁴³ မ့ၢ်နထံၣ်ထးဃါဃုာ် ဒီးကပံာ်သတးဒီး, ကမၤဃါ ဃုာ်အသးဒီးပှၤကညီအချံအသၣ်ဘၣ်ဆၣ်ဒီး, တစဲဘူး လိာ်အသးဘၣ်, ကွၢ်ကွၢ်, ဒ်ထးတယီဃုာ်ဘၣ်ဒီးက ပံာ်အသိးန့ၣ်လီၤ.

⁴⁴ ဒီးတၢ်လၢစီၤပၤတဖၣ်န့ၣ်အမုၢ်နံၤအတီၢ်ပူၤ, မူခိၣ်အ ကစၢ်ကပာ်လီၤဘီမုၢ်တဘီမုၢ် လၢအတဟးဂီၤဘၣ်လီၤ ထူလီၤယိာ်ဘၣ်. ဒီးဘီမုၢ်န့ၣ်တအိၣ်လီၤတဲာ်ဘၣ်လၢပှၤ အဂၤတကလုာ်အဂီၢ်ဘၣ်. ကမၤလီၤကလဲ, ဒီးကမၤ လၢာ်ကွံာ်ဘီမုၢ်ခဲလၢာ်လီၤ. မ့မ့ၢ်အဝဲန့ၣ်ကအိၣ်လီၤထူ လီၤယိာ်လီၤ.

⁴⁵ မ့ၢ်နထံၣ်တၢ်လၢ အစုတအိၣ်ဘၣ်ဒီး, တၢ်ကူးတဲာ် ကွံာ်လၢၢ်တဖျၢၣ်လၢကစၢၢ်လိၤ, ဒီးအဝဲန့ၣ်မၤလီၤကလဲ ထး, တိၢ်, ကပံာ်, စ့, ဒီးထူန့ၣ်သတးဒီး, ကစၢ်ဖးဒိၣ် ဘိးဘၣ်သ့ၣ်ညါစီၤပၤလၢ တၢ်လၢအကမၤအသးဆူခံ ဆူညါန့ၣ်လီၤ. ဒီးတၢ်မံမီၢ်န့ၣ်မ့ၢ်အကျၢၤ, ဒီးတၢ်ဖး လၢအဒိၣ်အယိာ်န့ၣ်မ့ၢ်အမ့ၢ်အတီလီၤ.

⁴⁶ တုၤနုၤတစု စီၤပၤနဘူၤကးန့စၢ် ထိၣ်တွံၤလီၤအီထီ လာ်အသးဒီးမၤလိာ်ဝဲလၢ ပှၤကမၤဘူၣ်စီၤဒၤနံးယ့လး, လၢတၢ်မၤဘူၣ်ဒီးတၢ်နၢမူလီၤ.

⁴⁷ စီၤပၤစံးဆၢစီၤဒၤနံးယ့လးဒီးစံးဝဲဒၣ်, မ့ၢ်မးသုကစၢ် န့ၣ်မ့ၢ်ကစၢ်တဖၣ်အကစၢ်, ဒီးစီၤပၤတဖၣ်အကစၢ်, ဒီး မ့ၢ်နလီၣ်ဖျါတၢ်အိၣ်ခူသူၣ်တမံၤအံၤသ့ဒီး, မ့ၢ်ဝဲလၢတၢ် လီၣ်ဖျါတၢ်အိၣ်ခူသူၣ်တဖၣ်န့ၣ်လီၤ.

⁴⁸ တုၤနုၤတစု စီၤပၤပာ်စီၤဒၤနံးယ့လး လၢပှၤအခိၣ်ဒီး ဟ့ၣ်လီၤအီၤလၢ ခိၣ်ဖးအဒိၣ်အအါ, ဒီးပာ်အီၤလၢကီၢ် ဘၤဘူၤလိၣ်ဒီဘ့ၣ်ညါအဖီခိၣ်, ဒီးဘၤဘူၤလိၣ် အပှၤ ကူၣ်တၢ်သ့အခိၣ်တဖၣ်အဒိၣ်ကတၢၢ်လီၤ.

⁴⁹ ဒီးစီၤဒၤနံးယ့လးဃ့တၢ်လၢစီၤပၤ, ဒီးအဝဲဒၣ်ပာ်လီၤ စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤလၢတၢ်လၢကီၢ် ဘၤဘူၤလိၣ်အပူၤတဖၣ်အဖီခိၣ်လီၤ. မ့မ့ၢ် စီၤဒၤနံးယ့ လးဆ့ၣ်နီၤဝဲလၢစီၤပၤအပဲတရီပူၤလီၤ.

၃

¹ စီၤပၤနဘူၤကးန့စၢ် တ့တၢ်ဂီၤထူလၢအထီအပျၢ်ဃု ဆံ, ဒီးအဒီၣ်တူာ်ဃုပျၢ်လီၤ. ပာ်ဝဲလၢတၢ်ပျီပူၤဒူရၤလၢ ကီၢ်ဘၤဘူၤလိၣ်အပူၤလီၤ.

² ဒီးစီၤပၤနဘူၤကးန့စၢ် မၢပှၤလဲၤဒုးအိၣ်ဖှိၣ်ရိဖှိၣ်ပဒိၣ် ဖးဒိၣ်, ပဒိၣ်ပပှၢ်, ပှၤပၢတၢ်ဖိ, ပှၤစံၣ်ညီၣ်ကွီၢ်, ပှၤကွၢ်စ့ ပာ်ဖှိၣ်အလီၢ်, ပှၤသ့တၢ်သိၣ်တၢ်သီ, ပှၤသ့တၢ်မၤလိာ်, ဒီးပှၤပၢတၢ်လၢကီၢ်ဖိအပူၤခဲလၢာ်, ဒ်သိးအကဟဲဘါသီ တၢ်ဂီၤလၢစီၤပၤနဘူၤကးန့စၢ်ပာ်ထီၣ်ဝဲန့ၣ်လီၤ.

³ တုၤနုၤတစုပဒိၣ်ဖးဒိၣ်, ပဒိၣ်ပပှၢ်, ပှၤပၢတၢ်ဖိ, ပှၤစံၣ် ညီၣ်ကွီၢ်, ပှၤကွၢ်စ့ပာ်ဖှိၣ်အလီၢ်, ပှၤသ့တၢ်သိၣ်တၢ်သီ, ပှၤသ့တၢ်မၤလိာ်, ဒီးပှၤပၢတၢ်လၢကီၢ်ဖိအပူၤခဲလၢာ်န့ၣ် အိၣ်ဖှိၣ်ရိဖှိၣ်ဒ်သိး အကဘါသီတၢ်ဂီၤလၢ စီၤပၤနဘူၤ ကးန့စၢ်ပာ်ထီၣ်ဝဲ, ဒီးဆၢထၢၣ်ဝဲလၢ တၢ်ဂီၤလၢစီၤပၤန ဘူၤကးန့စၢ်ပာ်ထီၣ်ဝဲအမဲာ်ညါလီၤ.

⁴ ဒီးပှၤကိးတၢ်ဖိကိးပသူထီၣ်, ပှၤဂီၢ်မုၢ်တဖၣ်, ပှၤက လုာ်တဖၣ်, ဒီးပှၤကတိၤတၢ်အကျိာ်အကလုာ်ကလုာ် သ့ၣ်တဖၣ်ဧၢ, တၢ်မၤလိာ်သု, ⁵ ဖဲအကတီၢ်လၢသုနၢ် ဟူကွဲၤ, ပံ, တနၢ်, သီတူၢ်, တြီၢ်, တူခံဘိတမံၤ, ဒီးကယဲၢ် တၢ်သံကျံအသီၣ်ဒီး, သုဘၣ်ထိၣ်တွံၤလီၤသုသး, ဒီးဘါ ထီၣ်တၢ်ဂီၤထူလၢစီၤပၤနဘူၤကးန့စၢ်ပာ်ထီၣ်ဝဲန့ၣ်လီၤ.

⁶ ဒီးဖဲဒၣ်ပှၤလၢ အတထိၣ်တွံၤလီၤအသး, ဒီးတဘါ ဘၣ်ဝဲတဂၤလၢ်လၢ်န့ၣ် တၢ်ကတ့ၢ်လီၤကွံာ်အီၤလၢမ့ၣ် အူကဲၤထီၣ်အဖၣ်ကပူၤန့ၣ်တကီၢ်ခါလီၤ.

⁷ မၤသးဒ်န့ၣ်ဒီး ဖဲအကတီၢ်လၢပှၤကိးကလုာ်ဒဲးန့ၣ်နၢ် ဟူကွဲၤ, ပံ, တနၢ်, သီတူၢ်, တြီၢ်ဒီးကယဲၢ်တၢ်သံကျံအသီၣ် ဒီး, ပှၤဂီၢ်မုၢ်တဖၣ်, ပှၤကလုာ်တဖၣ်, ဒီးပှၤကတိၤတၢ်အ ကျိာ်အကလုာ်ကလုာ်ခဲလၢာ်န့ၣ်ထိၣ်တွံၤလီၤအသး, ဒီး ဘါထီၣ်တၢ်ဂီၤထူလၢစီၤပၤနဘူၤကးန့စၢ်ပာ်ထီၣ်ဝဲလီၤ.

⁸ မၤသးဒ်န့ၣ်ဒီးပှၤကညီ, ပှၤက့ၤစ့းဖိတနီၤသုးဘူးအ သး, ဒီးပာ်တၢ်ကမၣ်လၢပှၤယူဒၤဖိအလိၤလီၤ.

⁹ ကတိၤတၢ်ဒီးစီၤပၤနဘူၤကးန့စၢ်, ဒီးစံးဝဲဒၣ်, မ်စီၤပၤ မူဝဲလီၤထူလီၤယိာ်တက့ၢ်. ¹⁰ နဲဒၣ်စီၤပၤဧၢ, နကလုၢ်လီၤ လၢကယဲၢ်ပှၤကညီလၢအနၢ်ဟူကွဲၤ, ပံ, တနၢ်, သီတူၢ်, တြီၢ်, တူခံဘိတမံၤ, ဒီးကယဲၢ်တၢ်သံကျံအသီၣ်တဂၤ လၢ်လၢ်န့ၣ်ဘၣ်ထိၣ်တွံၤလီၤအသး, ဒီးဘါထီၣ်တၢ်ဂီၤ ထူ, ¹¹ ဒီးဖဲဒၣ်ပှၤလၢအတထိၣ်တွံၤလီၤအသးဘၣ်, ဒီး တဘါထီၣ်ဘၣ်တဂၤဂၤန့ၣ် ကဘၣ်တၢ်တ့ၢ်လီၤကွံာ်အီၤ လၢမ့ၣ်အူကဲၤအဖၣ်ကပူၤလီၤ. ¹² ပှၤကညီ, ပှၤယူဒၤဖိ တနီၤလၢနပာ်လီၤလၢတၢ်လၢ ကီၢ်ဘၤဘူၤလိၣ်အပူၤအ ဖီခိၣ်, စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤတဖၣ် န့ၣ်အိၣ်ဝဲလီၤ. စီၤပၤဧၢ, အဝဲသ့ၣ်တဖၣ်န့ၣ်တပးကဲ ဘၣ်နၤဘၣ်, တမၤဘၣ်နကစၢ်တဖၣ်အတၢ်, ဒီးတဘါ တၢ်ဂီၤထူလၢနပာ်ထီၣ်အီၤဘၣ်လီၤ.

¹³ ဒီးစီၤနဘူၤကးန့စၢ်မၤလိာ်ဝဲလၢ အသးထီၣ်ဒီးအသး ကဲၤထီၣ်ဒ်သိးပှၤကဟဲစိာ်စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤလီၤ. ဒီးတၢ်ဟဲစိာ်ပှၤတဖၣ်န့ၣ်ဆူစီၤပၤအမဲာ် ညါလီၤ.

¹⁴ စီၤနဘူၤကးန့စၢ်ကတိၤတၢ်ဒီးအီၤ, ဒီးစံးဝဲဒၣ်, စီၤၡၤ ဒရး, စီၤမ့ၤၡး, ဒီးစီၤဧဘ့ၤဒနကိၤသ့ၣ်ဧၢ, သုတမၤ ဘၣ်ယကစၢ်တဖၣ်အတၢ်, သုတဘါတၢ်ဂီၤထူလၢယ ပာ်ထီၣ်အီၤဘၣ်န့ၣ်သုပာ်သုသးစ့ၢ်ကီးဧါ.

¹⁵ ဖဲအကတီၢ်လၢသုနၢ်ဟူကွဲၤ, ပံ, တနၢ်, သီတူၢ်, တြီၢ် တူခံဘိတမံၤ, ဒီးကယဲၢ်တၢ်သံကျံအသီၣ်န့ၣ်သုမ့ၢ်က တဲာ်ကတီၤသုသးဒီး, သုမ့ၢ်ထိၣ်တွံၤလီၤသုသး, ဒီးဘါ တၢ်ဂီၤလၢယတ့အီၤဒီး, ဂ့ၤလံ. မ့မ့ၢ်သုမ့ၢ်တဘါဘၣ်ဒီး, သုကဘၣ်တၢ်တ့ၢ်လီၤကွံာ်သုဆူမ့ၣ်အူကဲၤ အဖၣ်ကပူၤ တကီၢ်ခါလီၤ. ဒီးကစၢ်လၢအကမၤပူၤဖျဲးသုလၢယစုပူၤ န့ၣ်မ့ၢ်မတၤတဂၤလဲၣ်.

¹⁶ စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤစံးဆၢစီၤပၤန ဘူၤကးန့စၢ်ဒီးစံးဝဲဒၣ်, ပစံးဆၢတၢ်လၢတၢ်တမံၤအံၤအ ဂ့ၢ်န့ၣ်အလီၢ်တအိၣ်ဘၣ်. ¹⁷ ကွၢ်ကွၢ်, ပကစၢ်လၢပမၤ အတၢ်တဂၤန့ၣ်မၤပူၤမၤဖျဲးပှၤဒီး မ့ၣ်အူကဲၤအဖၣ်ကပူၤ သ့, ဒီးကမၤပူၤမၤဖျဲးပှၤလၢနစုပူၤလီၤ, စီၤပၤဧၢ. ¹⁸ မ့တ မ့ၢ်ဘၣ်ဒ်န့ၣ်ဒီးသ့ၣ်ညါ, စီၤပၤဧၢ, လၢပတမၤဘၣ်နက စၢ်အတၢ်ဘၣ်, ဒီးပတဘါဘၣ်နတၢ်ဂီၤထူလၢနပာ်ထီၣ် အီၤန့ၣ်တက့ၢ်.

¹⁹ တုၤနုၤတစု နဘူၤကးန့စၢ် သးထီၣ်ပှဲၤဆၢၣ်ကလာ်, အမဲာ်အက့ၢ်အဂီၤလီၤဆီထီၣ်ထီဒါစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤလီၤ. ဒီးမၤလိာ်ဝဲလၢပှၤကမၤကိၢ်ဖၣ် ကပူၤန့ၣ်ကိၢ်န့ၢ်အလီၢ်န့ၣ်နွံစးလီၤ.

²⁰ ဒီးမၤလိာ် ပှၤအဂံၢ်ဆူၣ်အဘါဆူၣ် လၢအသုးမုၢ်အ ကျါတဖၣ်ဒ်သိးအကစၢဃာ်စီၤၡၤဒရး, စီၤမ့းၡး, ဒီးစီၤဧ ဘ့ၤဒနကိၤ, ဒီးတ့ၢ်လီၤကွံာ်အီၤလၢမ့ၣ်အူကဲၤအဖၣ်က ပူၤလီၤ.

²¹ တုၤနုၤတစု ပှၤစၢဃာ်အဝဲသ့ၣ် အိၣ်ဒီးအတၢ်ဖျီၣ်ခံ, ဒီးအဆ့, ဒီးအယၣ်, ဒီးအတၢ်ကူတၢ်သိးအဂၤ, ဒီးတ့ၢ် လီၤကွံာ်အီၤလၢမ့ၣ်အူကဲၤအဖၣ်ကပူၤအသးကံၢ်ပူၤလီၤ.

²² မၤသးဒ်န့ၣ်ဒီး မ့ၢ်စီၤပၤအမၤလိာ်တၢ်ဆူၣ်ဝဲ, ဒီးဖၣ် ကပူၤန့ၣ် ကိၢ်နးနးကလဲာ်သတးဒီး, မ့ၣ်အူလၣ်ပျ့ၤအီၣ် သံပှၤကညီလၢအစိာ်ထီၣ်စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤလီၤ.

²³ ဒီးစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤသၢဂၤန့ၣ် လီၤတဲာ်စၢဃာ်အသးလၢ မ့ၣ်အူကဲၤအဖၣ်ကပူၤအသး ကံၢ်ပူၤလီၤ.

²⁴ ဒီးစီၤပၤနဘူၤကးန့စၢ်န့ၣ် ပာ်အသးကမၢကမၣ်, ဒီး ဂဲၤဆၢထၢၣ်ချ့ချ့ဒီးကတိၤတၢ်, ဒီးစံးဘၣ်အပှၤကူၣ်လိာ် အသးတဖၣ်န့ၣ်, ပတ့ၢ်လီၤကွံာ်ပှၤသၢဂၤစၢဃာ်အသး လၢမ့ၣ်အူအကျါန့ၣ်တမ့ၢ်ဘၣ်ဧါ. အဝဲသ့ၣ်စံးဆၢတၢ်ဒီး စံးဝဲ, မ့ၢ်ယၢာ်, စီၤပၤဧၢ.

²⁵ စံးဆၢဝဲဒၣ်ဒီးစံး, ကွၢ်ကွၢ်, ယထံၣ်ပှၤထူၣ်ဖျဲးလွံၢ်ဂၤ, လဲၤတၢ်လၢမ့ၣ်အူကျါ, ဒီးတဘၣ်ဘၣ် တၢ်အၢနီတမံၤ ဘၣ်, ဒီးလွံၢ်ဂၤတဂၤမၤအသးဒ်ကစၢ်အဖိခွါအသိးန့ၣ် လီၤ.

²⁶ တုၤနုၤတစု နဘူၤကးန့စၢ်သုးဘူးအသးဒီး မ့ၣ်အူအ ဖၣ်ကပူၤအကျဲစၢၤလီၤ. ကတိၤတၢ်ဒီးစံးဝဲဒၣ်, ကစၢ် အထီကတၢၢ်အခ့အပှၤ, စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤသ့ၣ်ဧၢ, ဟဲက့ၤထီၣ်ဒီးဟဲတက့ၢ်. တုၤနုၤတ စုစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤဟဲက့ၤထီၣ်လၢ မ့ၣ်အူကျါလီၤ.

²⁷ ဒီးပဒိၣ်ဖးဒိၣ်, ပဒိၣ်ပပှၢ်, ပှၤပၢၤတၢ်ဖိ, ဒီးစီၤပၤအ ပှၤကူၣ်လိာ်အသးအိၣ်ဖှိၣ်ရိဖှိၣ်ဝဲ, ဒီးကွၢ်ပှၤကညီတဖၣ် အံၤလၢမ့ၣ်အူအစိအကမီၤတအိၣ်ဘၣ်လၢ အနီၢ်ခိအဖီ ခိၣ်, ဒီးအခိၣ်သူတကိၢ်ဃိာ်ဘၣ်နီတဘိဘၣ်. ဒီးအတၢ် ဖျီၣ်ခံအိၣ်ဒၣ်အတၢ်, ဒီးမ့ၣ်အူအနၢတဘၣ်ဘၣ်အီၤဘၣ်.

²⁸ နဘူၤကးန့စၢ်ကတိၤတၢ်ဒီးစံးဝဲဒၣ်, စီၤၡၤဒရး, စီၤမ့ၤ ဒီးစီၤဧဘ့ၤဒနကိၤတဖၣ် အကစၢ်လၢ အမၢလီၤအက လူးတဂၤ, ဒီးမၤပူၤမၤဖျဲးအခ့အပှၤလၢ အသန့ၤအသး လၢအီၤ, ဒီးလဲလိာ်စီၤပၤအတၢ်မၤလိာ်, ဒီးဟ့ၣ်လီၤကွံာ် အနီၢ်ခိဒ်သိးအသုတမၤကစၢ်အဂၤအတၢ်, လၢအတမ့ၢ် ဘၣ်အကစၢ်, ဒီးအသုတဘါအီၤတဂ့ၤန့ၣ်, မ်အဘၣ် တၢ်ဆိၣ်ဂ့ၤအီၤတက့ၢ်.

²⁹ မၤသးဒ်န့ၣ်ဒီးယကလုၢ်လီၤလၢ ကယဲၢ်ပှၤဂီၢ်မုၢ်, ပှၤ ကလုာ်တဖၣ်, ဒီးပှၤကတိၤတၢ်အကျိာ် အကလုာ်က လုာ်လၢအကတိၤကမၣ်ဘၣ်စီၤၡၤဒရး, စီၤမ့ၤၡး, ဒီးစီၤ ဧဘ့ၤဒနကိၤအကစၢ်တဂၤလၢ်လၢ်န့ၣ် တၢ်ကဒီၣ်တဲာ် ကွံာ်အီၤတကူာ်တကူာ်, ဒီးအဟံၣ်ကကဲထီၣ်တၢ်အ့ၣ် အလီၢ်လီၤ. အဂ့ၢ်ဒ်အံၤ, ကစၢ်အဂၤလၢအမၤပူၤမၤဖျဲး တၢ်ဒ်အံၤသိးတအိၣ်ဘၣ်.

³⁰ တုၤနုၤတဘျီ စီၤပၤဒုးဘီၣ်ထီၣ်ညီထီၣ်စီၤၡၤဒရး, စီၤ မ့ၤၡး, ဒီးစီၤဧဘ့ၤဒနကိၤလၢကီၢ်ဘၤဘူၤလိၣ်အပူၤလီၤ.

၄

¹ စီၤပၤနဘူၤကးန့စၢ် စံးဘၣ်ကယဲၢ်ပှၤဂီၢ်မုၢ်, ပှၤက လုာ်တဖၣ်, ဒီးပှၤကတိၤတၢ်အကျိၤအကလုာ်ကလုာ်ခဲ လၢာ်လၢအအိၣ်ဝဲဆိးဝဲလၢဟီၣ်ခိၣ်ဒီဘ့ၣ်ညါ, မ်တၢ်ဃူ တၢ်ဖိးအါထီၣ်ဒီးသုတက့ၢ်. ² ဘၣ်ယသးလၢ အကဒုး နဲၣ်တၢ်အပနီၣ်လီၤလး, ဒီးတၢ်လီၤလိၢ်လီၤလးလၢအ ကစၢ်အထီကတၢၢ်တဂၤမၤယၤလီၤ.

³ အပနီၣ်လီၤလးန့ၣ် ဆံးဒိၣ်လဲၣ်, အလီၤလိၢ်လီၤလး န့ၣ်ဆံးအါဆံးဒိၣ်လဲၣ်, အဘီအမုၢ်န့ၣ်မ့ၢ်အဘီမုၢ်အထူ အယိာ်, ဒီးအပၢတၢ်အလီၢ်န့ၣ် အိၣ်ဝဲအစိၤစိၤအဃၣ် ဃၣ်လီၤ.

⁴ ယဲဒၣ်နဘူၤကးန့စၢ်အံၤ, ယအိၣ်ဘှံးလၢယဟံၣ်ပူၤ, ဒီးဘီၣ်ထီၣ်ညီထီၣ်လၢယနူၢ်ပူၤလီၤ. ⁵ ယထံၣ်တၢ်မံမီၢ် လၢအမၤပျံၤယၤ, ဒီးယဆိကမိၣ်တၢ်တဖၣ်လၢယလီၢ်မံ ပူၤ, ဒီးယထံၣ်တၢ်လၢညါခီတဖၣ်န့ၣ်မၤကိၢ်ယသးလီၤ.

⁶ ဒီးယကလုၢ်လီၤဒ်သိး ပှၤကဟဲစိာ်ဘၤဘူၤလိၣ်အပှၤ ကူၣ်တၢ်သ့ဆူ ယမဲာ်ညါဒ်သိး အကဘိးဘၣ်သ့ၣ်ညါ ယၤလၢတၢ်မံမီၢ်န့ၣ်အဒိၣ်အယိာ်လီၤ.

⁷ တုၤနုၤတစုပှၤကွဲးလံာ်, ပှၤသ့တၢ်အူတၢ်သမူ, ပှၤက့ၤ စ့းဖိ, ဒီးပှၤကွၢ်ဆၣ်ဧိၤဖီဧိၤသ့သ့ၣ်တဖၣ်ဟဲဝဲ, ဒီးယစံၣ် တဲၤတဲလီၤတၢ်မံမီၢ်န့ၣ်လၢအမဲာ်ညါလီၤ. ဘၣ်ဆၣ်ဒီး တဘိးဘၣ်သ့ၣ်ညါယၤလၢအဒိၣ်အယိာ်ဘၣ်. ⁸ ဒီးလၢခံ ကတၢၢ်န့ၣ် စီၤဒၤနံးယ့လးဟဲနုာ်လၢယမဲာ်ညါ (အမံၤ မ့ၢ်ဘ့ၤလးတၡါစၢ်ဒ်သိးဒီးယကစၢ်အမံၤ,) ဒီးကစၢ်စီဆှံ တဖၣ်အသးအိၣ်ဝဲလၢအပူၤ, ဒီးယစံၣ်တဲၤတဲလီၤတၢ်မံ မီၢ်န့ၣ်လၢအမဲာ်ညါလီၤ.

⁹ ပှၤကွဲးလံာ်အဒိၣ်အခိၣ် စီၤဘ့ၤလးတၡါစၢ်ဧၢ, မ့ၢ်ယ သ့ၣ်ညါလၢကစၢ်စီဆှံတဖၣ် အသးအိၣ်ဝဲလၢနပူၤ, ဒီး တၢ်အိၣ်ခူသူၣ်တကီဘၣ်လၢ နမဲာ်ညါနီတမံၤဘၣ်ဒီး, တၢ်လၢယထံၣ်ဘၣ်လၢညါခီန့ၣ် စံးဘၣ်ယၤလၢအဒိၣ် အယိာ်န့ၣ်တက့ၢ်.

¹⁰ တၢ်လၢယမဲာ်ထံၣ်တၢ်လၢညါခီ လၢယလီၢ်မံအပူၤ မ့ၢ်အအံၤ, ယကွၢ်တၢ်ဒီးကွၢ်ကွၢ်, သ့ၣ်တထံးအိၣ်ဝဲလၢ ဟီၣ်ခိၣ်အသးကံၢ်ပူၤ, ဒီးထီဝဲထီထီကလဲာ်လီၤ.

¹¹ ဒီးသ့ၣ်န့ၣ်ဒိၣ်ထီၣ်ဝဲ, ဒီးဆူၣ်ထီၣ်ဝဲ, ဒီးအထီထီၣ်ဘး လၢမူခိၣ်, ဒီးအိၣ်ဖျါဝဲတုၤလၢဟီၣ်ခိၣ်ဒီဘ့ၣ်ညါအက တၢၢ်လီၤ. ¹² အဒိးအလၣ်န့ၣ်အိၣ်ဒီးအဃံအလၤ, ဒီးအ တၤသၣ်အိၣ်အါအါကလဲာ်, ဒီးတၢ်အီၣ်လၢတၢ်ခဲလၢာ် အဂီၢ်အိၣ်ဝဲလၢအလိၤလီၤ. ဆၣ်ဖိကီၢ်ဖိလၢပှၢ်လၢ်ကျါ အိၣ်ကဒုလၢအဖီလာ်, ဒီးထိၣ်ဧိၤလံၣ်ဧိၤလၢမူကပိာ်လိၤ အိၣ်ဝဲဆိးဝဲလၢအဒ့အကျါ, ဒီးတၢ်ဒုးအီၣ်တၢ်သးခဲလၢာ် လၢအီၤလီၤ.

¹³ ယကွၢ်တၢ်လၢယခိၣ်အထံၣ်တၢ်လၢညါခီလၢယလီၢ် မံပူၤ, ဒီးကွၢ်ကွၢ်, ပှၤဆိးသီတၢ်ဖိ, ပှၤစီဆှံတဂၤဟဲလီၤ လၢမူခိၣ်လီၤ.

¹⁴ အဝဲဒၣ်ကိးပသူထီၣ်ဒီးစံးဝဲဒ်အံၤ, ကူာ်လီၤကွံာ်သ့ၣ် တထံးန့ၣ်, ဒီးပဲာ်တဲာ်ကွံာ်အဒ့ဧိၤဖီဧိၤ, တြုၤလီၤကွံာ် အဒိးအလၣ်, ဒီးမၤလီၤပြံလီၤပြါအတၤသၣ်တက့ၢ်. မ် ဆၣ်ဖိကီၢ်ဖိဟးထီၣ်ကွံာ်လၢအဖီလာ်, ဒီးထိၣ်ဧိၤလံၣ်ဧိၤ လၢအဒ့ကျါတက့ၢ်. ¹⁵ ဘၣ်ဆၣ်ဒီးဒုးအိၣ်လီၤတဲာ်အခိၣ် ဆၢၣ်လၢဟီၣ်ခိၣ်ပူၤ, အိၣ်ဝဲဒီးထးသွဲဒီးတိၢ်သွဲ, လၢပှၢ် လၢ်ကျါအနီၣ်ဧိၤမံၤဧိၤအကျါတက့ၢ်. ဒီးကဘၣ်စီၣ်လၢ မူခိၣ်အပစီၤထံ, ဒီးအဂီၢ်ကအိၣ်ဝဲဒီး ဆၣ်ဖိကီၢ်ဖိလၢ ဟီၣ်ခိၣ်အနီၣ်ဧိၤမံၤဧိၤအကျါလီၤ.

¹⁶ အသးတကဲလၢၤဘၣ်ပှၤကညီအသးဘၣ်, ဒီးတၢ်က ဟ့ၣ်လီၤအီၤလၢ ဆၣ်ဖိကီၢ်ဖိအသး, ဒီးတၢ်ကဆၢအ လီၢ်နွံဘျီလၢအဖီခိၣ်လီၤ.

¹⁷ တၢ်တမံၤအံၤ မ့ၢ်လၢပှၤဆိးသီတၢ်ဖိ စံၣ်ညီၣ်တၢ်ဒီး တၢ်စီဆှံတဖၣ်အတၢ်မၤလိာ်ဒ်သိး ပှၤမူဝဲတဖၣ်ကသ့ၣ် ညါလၢ တၢ်ထီကတၢၢ်တဂၤ ပၢတၢ်လၢပှၤကညီအဘီ မုၢ်, ဒီးဟ့ၣ်လီၤအီၤလၢဖဲအဘၣ်အသးတဂၤဂၤ, ဒီးပာ် ထီၣ်ပှၤဖှီၣ်ကတၢၢ်လၢအဖီခိၣ်လီၤ.

¹⁸ အန့ၣ်မ့ၢ်တၢ်မံမီၢ်လၢယၤ စီၤပၤနဘူၤကးန့စၢ် ထံၣ် ဘၣ်လီၤ. ဒီးနဲဒၣ်, စီၤဘ့ၤလးတၡါစၢ်ဧၢ, ဖးအဒိၣ်အ ယိာ်တက့ၢ်. အဂ့ၢ်ဒ်အံၤ, ပှၤကူၣ်တၢ်သ့လၢယဘီမုၢ်အ ပူၤခဲလၢာ်န့ၣ် ဘိးဘၣ်သ့ၣ်ညါယၤလၢအဒိၣ်အယိာ်တ သ့ဘၣ်နီတဂၤဘၣ်. မ့မ့ၢ်နဲဒၣ်အံၤနသ့လီၤ. အဂ့ၢ်ဒ်အံၤ, ကစၢ်စီဆှံတဖၣ်အသးအိၣ်လၢနပူၤလီၤ.

¹⁹ တုၤနုၤတစုစီၤဒၤနံးယ့လး လၢအမံၤမ့ၢ်စီၤဘ့ၤလးတ ၡါစၢ်အသးကတုၤတစိၢ်ဖိ, ဒီးအတၢ်ဆိကမိၣ်မၤကိၢ်မၤ ဂီၤအသးလီၤ. စီၤပၤကတိၤတၢ်ဒီးစံးဝဲဒၣ်, စီၤဘ့ၤလး တၡါစၢ်ဧၢ, မ်တၢ်မံမီၢ်န့ၣ်ဒီးအဒိၣ်အယိာ်န့ၣ် အသုတ မၤကိၢ်မၤဂီၤနသးတဂ့ၤ. စီၤဘ့ၤလးတၡါစၢ်စံးဆၢတၢ်ဒီး စံးဝဲဒၣ်, မ်နမံမီၢ်န့ၣ် ဘၣ်ပှၤလၢအသးဟ့နၤ, ဒီးအဒိၣ် အယိာ်ဘၣ်နဒုၣ်နဒါတက့ၢ်.

²⁰ သ့ၣ်လၢနထံၣ်ဝဲတထံးလၢအဒိၣ်ထီၣ်, ဒီးဆူၣ်ထီၣ် ဒီးအထီထီၣ်ဘးလၢမူခိၣ်, ဒီးအိၣ်ဖျါဝဲလၢ ဟီၣ်ခိၣ်ဒီ ဘ့ၣ်ညါ, ²¹ ဒီးအဒိးအလၣ်န့ၣ်အိၣ်ဒီးအဃံအလၤ, ဒီး အတၤသၣ်အိၣ်ဝဲအါအါကလဲာ်, ဒီးတၢ်အီၣ်လၢတၢ်ခဲ လၢာ်အဂီၢ်အိၣ်ဝဲလၢအလိၤ, ဒီးဆၣ်ဖိကီၢ်ဖိလၢပှၢ်လၢ် ကျါအိၣ်ဝဲဆိးဝဲလၢအဖီလာ်, ဒီးထိၣ်ဧိၤလံၣ်ဧိၤလၢမူက ပိာ်လိၤအိၣ်ဒီးအအိၣ်အဆိးအလီၢ်လၢအဒ့ကျါန့ၣ်, ²² မ့ၢ် နၤစီၤပၤဧၢ, နဒိၣ်ထီၣ်, ဒီးနဆူၣ်ထီၣ်, ဒီးနဒိၣ်ထီၣ်န့ၣ် အါထီၣ်, ဒီးထီၣ်ဘးလၢမူခိၣ်, ဒီးနဘီနမုၢ်န့ၣ်ပၢၢ်လၢ ဟီၣ်ခိၣ်အကတၢၢ်လီၤ. ²³ ဒီးဒ်စီၤပၤထံၣ်ပှၤဆိးသီတၢ်ဖိ, တၢ်စီဆှံတဂၤဟဲလီၤလၢမူခိၣ်လၢအစံးဝဲ, ကူာ်လီၤကွံာ်သ့ၣ်တထံးန့ၣ်ဒီးမၤဟးဂီၤအီၤတက့ၢ်, ဘၣ်ဆၣ်ဒီး ဒုးအိၣ်လီၤတဲာ်အခိၣ်ဆၢၣ်လၢဟီၣ်ခိၣ်, အိၣ်ဒီးထးသွဲ, ဒီးတိၢ်သွဲလၢပှၢ်လၢ်ကျါလၢနီၣ်ဧိၤမံၤဧိၤအကျါတက့ၢ်, ဒီးကဘၣ်စီၣ်လၢမူခိၣ်အပစီၤထံ, ဒီးအဂီၢ်ကအိၣ်ဝဲဒီး ဆၣ်ဖိကီၢ်ဖိလၢပှၢ်လၢ်ကျါတုၤတၢ်ကဆၢအလီၢ်နွံဘျီလၢအဖီခိၣ်အသိး,―

²⁴ အအံၤမ့ၢ်အဒိၣ်အယိာ်, စီၤပၤဧၢ, ဒီးမ့ၢ်တၢ်ထီကတၢၢ် တဂၤအတၢ်စံၣ်ညီၣ်လၢအဘၣ်ယကစၢ်စီၤပၤလီၤ.

²⁵ ဒီးတၢ်ကဟီထီၣ်ကွံာ်နၤလၢ ပှၤကညီအကျါ, ဒီးန အိၣ်နဆိးအလီၢ်ကအိၣ်ဒီး ဆၣ်ဖိကီၢ်ဖိလၢပှၢ်လၢ်ကျါ, ဒီးတၢ်ကဒုးအီၣ်နၤလၢနီၣ်ဧိၤမံၤဧိၤ, ဒ်ဂီၤဖံးအသိး, ဒီးန ကဘၣ်စီၣ်လၢမူခိၣ်အပစီၤထံအကျါ, ဒီးတၢ်ကဆၢအ လီၢ်နွံဘျီလၢနဖီခိၣ် တုၤနသ့ၣ်ညါလၢတၢ်ထီကတၢၢ်တ ဂၤပၢတၢ်လၢပှၤကညီအဘီမုၢ်အဖီခိၣ်, ဒီးဟ့ၣ်လီၤအီၤ လၢဖဲဒၣ်ပှၤလၢအဘၣ်အသးတဂၤဂၤလီၤ.

²⁶ ဒီးမ့ၢ်တၢ်မၤလိာ်ဝဲ, ဒုးအိၣ်လီၤတဲာ်သ့ၣ်ခိၣ်ဆၢၣ်သ တးဒီး, ဖဲနသ့ၣ်ညါလၢမူခိၣ်ပၢတၢ်အလီၢ်ခံန့ၣ် နဘီ မုၢ်ကအိၣ်ဂၢၢ်ဆိးကျၢၤဒီးနၤလီၤ.

²⁷ မၤသးဒ်န့ၣ်ဒီးစီၤပၤဧၢ, မ်ယဒုးကူၣ်ဘၣ်နၤန့ၣ်ဘၣ်န သးတက့ၢ်. မၤတၢ်တီတၢ်လိၤသတးဒီး, ဒီၣ်တဲာ်ကွံာ် နတၢ်ဒဲးဘး, ဒီးသးကညီၤပှၤဖှီၣ်ဖိယာ်ဖိသတးဒီး, ဒီၣ် တဲာ်ကွံာ်နတၢ်ကမၣ်တက့ၢ်. ဘၣ်တဘၣ်တၢ်ကဒုးယံာ် ထီၣ်နအိၣ်ဃူအိၣ်ဖိးလီၤ. တၢ်ခဲလၢာ်န့ၣ် ဘၣ်စီၤပၤနဘူၤကးန့စၢ်လီၤ. ²⁸ တ ဆံခံလါအကတၢၢ်န့ၣ် စီၤပၤဟးယဲၤယီၤဝဲလၢဘၤဘူၤ လိၣ်အဘီမုၢ်အနူၢ်အစီၤအခိၣ်လီၤ. ³⁰ စီၤပၤကတိၤတၢ် ဒီးစံးဝဲဒၣ်, အဝဲအံၤမ့ၢ်ဘၤဘူၤလိၣ်ဖးဒိၣ် လၢယတ့ယဲ လၢယစိဒိၣ်ယကမီၤထီ, ဒီးလၢယကဟုကညီၢ်အလၤ ကပီၤအဂီၢ်လၢဘီဧိၤမုၢ်ဧိၤအဟံၣ်အဂီၢ်တမ့ၢ်ဘၣ်ဧါ.

³¹ တၢ်ကတိၤန့ၣ်အိၣ်ဒံးလၢ စီၤပၤအထးခိၣ်အဖၢမုၢ်ဒီး, တၢ်အကလုၢ်သီၣ်လီၤလၢမူခိၣ်, စံးဝဲဒၣ်, စီၤပၤနဘူၤ ကးန့စၢ်ဧၢ, တၢ်စံးဘၣ်နၤ, ဘီဧိၤမုၢ်ဧိၤန့ၣ်ဟးထီၣ်ကွံာ် လၢနၤလီၤ. ³² ဒီးတၢ်ကဟီထီၣ်ကွံာ်နၤလၢ ပှၤကညီအ ကျါ, ဒီးနအိၣ်နဆိးအလီၢ်န့ၣ် ကအိၣ်ဝဲဒီးဆၣ်ဖိကီၢ်ဖိ လၢပှၢ်လၢ်ကျါလီၤ. တၢ်ကဒုးအီၣ်နၤလၢနီၣ်ဧိၤမံၤဧိၤဒ်ဂီၤ ဖံးအသိး, ဒီးတၢ်ကဆၢအလီၢ်နွံဘျီလၢနဖီခိၣ်တုၤနသ့ၣ် ညါလၢတၢ်ထီကတၢၢ် ပၢတၢ်လၢပှၤကညီအဘီအမုၢ် အဖီခိၣ်, ဒီးဟ့ၣ်လီၤအီၤဖဲဒၣ်ပှၤလၢအဘၣ်အသးတဂၤ ဂၤလီၤ.

³³ တၢ်ကတိၤဘၣ်ဃးဒီး စီၤနဘူၤကးန့စၢ်န့ၣ် လၢထီၣ် ပှဲၤထီၣ်တကီၢ်ခါ, ဒီးတၢ်ဟီထီၣ်ကွံာ်အီၤလၢပှၤကညီအ ကျါ, ဒီးအီၣ်နီၣ်ဧိၤမံၤဧိၤဒ်ဂီၤဖံးအသိး, ဒီးဘၣ်စီၣ်လၢ မူခိၣ်အပစီၤထံတုၤအဆူၣ်ထီၣ်ဝဲ ဒ်လံာ်ဧိၤတြၤဧိၤအသိး, ဒီးအစုမ့ၣ်ထီၣ်ဝဲ ဒ်ထိၣ်ဧိၤလံၣ်ဧိၤ အခီၣ်မ့ၣ်အသိးန့ၣ် လီၤ.

³⁴ တၢ်လၢမုၢ်နံၤတဖၣ်အကတၢၢ်န့ၣ် ယဲဒၣ်စီၤနဘူၤကး န့စၢ်, ယကျ့ထီၣ်ယမဲာ်ဆူမူခိၣ်, ဒီးယသးဟဲက့ၤကဒါ က့ၤလၢယပူၤ, ဒီးယဆိၣ်ဂ့ၤတၢ်ထီကတၢၢ်တဂၤ, ဒီး ယစံးထီၣ်ပတြၢၤ, ဒီးယမၤလၤကပီၤ ပှၤလၢအမူဝဲလီၤ ထူလီၤယိာ်တဂၤလီၤ. အဂ့ၢ်ဒ်အံၤ, အပၢဝဲအလီၢ်န့ၣ်အိၣ် ဝဲလီၤထူလီၤယိာ်, ဒီးအဘီအမုၢ်အိၣ်ဝဲအစိၤစိၤအဃၣ် ဃၣ်လီၤ. ³⁵ ဒီးပာ်ကယဲၢ်ပှၤဟီၣ်ခိၣ်ဖိခဲလၢာ်န့ၣ်လၢတၢ် နီတမံၤဘၣ်, ဒီးမၤဝဲဖဲဒၣ်အသးလၢမူခိၣ်အသုးမုၢ်ဂီၢ်မုၢ် အကျါ, ဒီးလၢပှၤဟီၣ်ခိၣ်ဖိအကျါ, ဒီးပှၤတြီအစုမ့ၢ်ဂ့ၤ, ဒီးစံးဘၣ်အီၤ, နမၤဒ်လဲၣ်န့ၣ်မ့ၢ်ဂ့ၤ, တသ့ဘၣ်နီတဂၤ ဘၣ်လီၤ.

³⁶ ယသးန့ၣ်ဟဲက့ၤကဒါက့ၤလၢယပူၤတကီၢ်ခါ, ဒီးယ ဘီမုၢ်အလၤကပီၤ, ဒီးယကဟုကညီၢ်, ဒီးယဃံယလၤ ဟဲက့ၤကဒါက့ၤဆူယအိၣ်, ဒီးယပှၤကူၣ်လိာ်အသး, ဒီး ယပဒိၣ်ဖးဒိၣ်တဖၣ်န့ၣ်ဃုက့ၤယၤ, ဒီးတၢ်ဒုးအိၣ်ထီၣ် ယၤလၢယဘီယမုၢ်အဖီခိၣ်, ဒီးတၢ်ပာ်အါထီၣ်ယကဟု ကညီၢ်လီၤ.

³⁷ ခဲကနံၣ်အံၤ ယဲဒၣ်နဘူၤကးန့စၢ်အံၤ, ယစံးထီၣ်ပ တြၢၤ, ဒီးပာ်ဒိၣ်ပာ်ထီ, ဒီးမၤလၤကပီၤမူခိၣ်အစီၤပၤ လီၤ. အမၤတၢ်ခဲလၢာ်န့ၣ်မ့ၢ်တၢ်မ့ၢ်တၢ်တီ, ဒီးအကျဲ တဖၣ်န့ၣ်မ့ၢ်တၢ်စံၣ်ညီၣ်တီ, ဒီးပှၤလၢအပာ်အသးထီၣ် ထီတဖၣ်န့ၣ်ဆီၣ်လီၤအီၤသ့လီၤ.

၅

¹ စီၤပၤဘ့ၤလၡါစၢ် မၤတၢ်အီၣ်တၢ်အီဖးဒိၣ် လၢအပ ဒိၣ်ဖးဒိၣ်တကထိအဂီၢ်, ဒီးအီစပံးထံလၢပှၤတကထိန့ၣ် အမဲာ်ညါလီၤ.

² စီၤဘ့ၤလၡါစၢ်အီကွၢ်စပံးထံအဖၢမုၢ်န့ၣ်ဒီး, မၤလိာ် ပှၤစိာ်လီခီထူ, ဒီးလီခီစ့လၢအပၢ်နဘူၤကးန့စၢ်ဟဲစိာ် ထီၣ်ကွံာ်လၢနူၢ်ပူၤလၢယရူၤၡလ့ၣ်အပူၤ, ဒ်သိးစီၤပၤ, ဒီး အပဒိၣ်ဖးဒိၣ်, ဒီးအမါတဖၣ်ဒီးအသံၣ်မါတဖၣ်ကအီ တၢ်လၢအပူၤလီၤ.

³ တုၤနုၤတစုတၢ်ဟဲစိာ်လီခီထူလၢ ပှၤစိာ်ထီၣ်ကွံာ်လၢ ယွၤအဟံၣ်အနူၢ်ပူၤ လၢအအိၣ်ဝဲလၢယရူၤၡလ့ၣ်အပူၤ, ဒီးစီၤပၤ, ဒီးအပဒိၣ်ဖးဒိၣ်တဖၣ်, ဒီးအမါတဖၣ်, ဒီး အသံၣ်မါတဖၣ်အီတၢ်လၢအပူၤလီၤ.

⁴ အဝဲသ့ၣ်အီဝဲလၢစပံးထံ, ဒီးစံးထီၣ်ပတြၢၤကစၢ်ထူ, ဒီးကစၢ်စ့, ကစၢ်တိၢ်, ကစၢ်ထး, ကစၢ်သ့ၣ်, ဒီးကစၢ် လၢၢ်လီၤ.

⁵ ပှၤကညီအစုမုၢ်အိၣ်ထီၣ် တကီၢ်ခါ, ဒီးကွဲးဝဲသဃီၤ ဒီးမ့ၣ်အူဒၢလၢစီၤပၤအနူၢ်အဒူၣ် လၢအဖှူအသးအလိၤ, ဒီးစီၤပၤထံၣ်ဘၣ်စုတကူာ်လၢအကွဲးတၢ်လီၤ.

⁶ တုၤနုၤတစုစီၤပၤအမဲာ်ဂီၤဂံၢ်ဂီၤကး, ဒီးအတၢ်ဆိက မိၣ်မၤကိၢ်အသး, ဒီးအယီၢ်ဒ့အဆၢလီၤဖျု, ဒီးအခီၣ် လ့ၢ်ခိၣ်ဘၣ်ထံးလိာ်အသးလီၤ.

⁷ စီၤပၤကိးပသူထီၣ်ဒ်သိး ပှၤကဟဲစိာ်ပှၤသ့တၢ်အူတၢ် သမူ, ပှၤက့ၤစ့းဖိ, ဒီးပှၤကွၢ်ဆၣ်ဧိၤဖီဧိၤသ့လီၤ. ကတိၤ ဝဲဒီးစံးလၢ ဘၤဘူၤလိၣ်အပှၤကူၣ်တၢ်သ့တဖၣ်, ဖဲဒၣ် ပှၤလၢအကဖးတၢ်ကွဲးအသးအံၤ, ဒီးဒုးနဲၣ်ယၤလၢအဒိၣ် အယိာ်တဂၤဂၤန့ၣ် ယကဒုးကူဒုးသိးအီၤလၢတၢ်လုးတ ကုာ်, ဒီးဒုးလံာ်သွဲထူလၢအကိာ်လီၤ. ဒီးကကဲထီၣ်ပှၤ ပၢတၢ်လၢယဘီမုၢ်အပူၤသၢဂၤတဂၤလီၤ.

⁸ တုၤနုၤတစု စီၤပၤအကူၣ်တၢ်သ့ခဲလၢာ်ဟဲဝဲ, ဒီးဖး တၢ်ကွဲးအသး, ဒီးဘိးဘၣ်သ့ၣ်ညါစီၤပၤလၢ အဒိၣ်အ ယိာ်တသ့ဘၣ်.

⁹ တုၤနုၤတစု စီၤပၤဘ့ၤလၡါစၢ် အသူၣ်ကိၢ်အသးဂီၤ ဒိၣ်မး, ဒီးအမဲာ်ဂီၢ်ကံၢ်ဂီၤကး, ဒီးအပဒိၣ်ဖးဒိၣ်တဖၣ် အသးကတုၤလီၤ.

¹⁰ နီၢ်ပၤမုၣ်ဟဲဝဲဆူတၢ်အီၣ်တၢ်အီအဟံၣ်ပူၤ လၢစီၤပၤ ဒီးအပဒိၣ်ဖးဒိၣ်တဖၣ်အကလုၢ်အဃိလီၤ. နီၢ်ပၤမုၣ်က တိၤတၢ်ဒီးစံးဝဲဒၣ်, စီၤပၤဧၢ, မ်နမူလီၤထူလီၤယိာ်တက့ၢ်. မ်တၢ်ဆိကမိၣ်အသုတမၤကိၢ်နသးတဂ့ၤ. မ်နမဲာ်အသု တဂီၤဂံၢ်ဂီၤကးတဂ့ၤ. ¹¹ လၢနဘီနမုၢ်အပူၤန့ၣ်ပှၤလၢက စၢ်စီဆှံတဖၣ်အသးအိၣ်ဝဲလၢအပူၤန့ၣ်အိၣ်ဝဲတဂၤ, ဒီး လၢနပၢ်အမုၢ်နံၤတဖၣ်န့ၣ်တၢ်ကပီၤ, တၢ်ကူၣ်တၢ်ဆး, ဒီးတၢ်ကူၣ်သ့, ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်ဝဲလၢအပူၤလီၤ. ဒီးနပၢ်စီၤပၤနဘူၤကးန့စၢ်, နပၢ်ဒၣ် လဲာ်ပာ်အီၤလၢပှၤကွဲးလံာ်, ပှၤသ့တၢ်အူတၢ်သမူ, ပှၤ က့ၤစ့းဖိ, ပှၤကွၢ်ဆၣ်ဖိဧိၤဖီဧိၤသ့တဖၣ်အခိၣ်, စီၤပၤဧၢ.

¹² အဂ့ၢ်ဒ်အံၤမ့ၢ်အသးသ့, ဒီးတၢ်သ့ၣ်ညါ, ဒီးတၢ်ကူၣ် တၢ်ဆးဒ်သိးအကဖးတၢ်မံမီၢ်, ဒီးတၢ်ပှိၤပှီၢ်, ဒီးဒုးနဲၣ် တၢ်ကတိၤကီအဂ့ၢ်န့ၣ် အိၣ်ဝဲလၢ စီၤဒၤနံးယ့လးအပူၤ လၢစီၤပၤယုၢ်အမံၤလၢဘ့ၤလးတၡါစၢ်လီၤ. မၤသးဒ်န့ၣ် ဒီးခဲကနံၣ်အံၤ, မ်ပှၤကိးန့ၢ်စီၤဒၤနံးယ့လးတက့ၢ်. ဒီး ကဖးလၢတၢ်အဒိၣ်အယိာ်လီၤ.

¹³ တုၤနုၤတစု ပှၤဟဲစိာ်စီၤဒၤနံးယ့လးဆူ စီၤပၤအမဲာ် ညါလီၤ. စီၤပၤကတိၤတၢ်, ဒီးစံးဘၣ်စီၤဒၤနံးယ့လး, န မ့ၢ်စီၤဒၤနံးယ့လး လၢပှၤယူဒၤဖိကဲကုၢ်လၢယပၢ်ဟဲစိာ် လၢကီၢ်ယူဒၤတဖၣ်အကျါန့ၣ်ဧါ.

¹⁴ ယနၢ်ဟူတၢ်လၢ နဂ့ၢ်လၢကစၢ်တဖၣ်အသးအိၣ်လၢ နပူၤ, ဒီးတၢ်ကပီၤ, ဒီးတၢ်ကူၣ်တၢ်ဆး, ဒီးတၢ်ကူၣ်သ့ အါအါကလဲာ်အိၣ်ဝဲဒီးနၤလီၤ.

¹⁵ ဒီးခဲကနံၣ်အံၤ ပှၤဟဲစိာ်ပှၤကူၣ်တၢ်သ့, ပှၤသ့တၢ်အူ တၢ်သမူလၢယမဲာ်ညါ, ဒ်သိးအကဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်လီၤ. ဘၣ်ဆၣ် ဒီးဒုးနဲၣ်တၢ်အံၤအဒိၣ်အယိာ်တသ့ဘၣ်.

¹⁶ ဒီးယနၢ်ဟူလၢနဂ့ၢ်လၢနဖးတၢ်သ့, ဒီးဒုးနဲၣ်တၢ်က တိၤကီအဂ့ၢ်သ့လီၤ. ခဲကနံၣ်အံၤနဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်မ့ၢ်သ့ဒီး, ယက ဒုးကူဒုးသိးနၤလၢတၢ်လုးတကုာ်, ဒီးဒုးလံာ်သွဲထူလၢ နကိာ်, ဒီးနကကဲထီၣ်ပှၤပၢတၢ်လၢယဘီမုၢ်အပူၤသၢ ဂၤတဂၤလီၤ.

¹⁷ တုၤနုၤတစုစီၤဒၤနံးယ့လးစံးဆၢတၢ်, ဒီးစံးလၢစီၤပၤ အမဲာ်ညါ, မ်နတၢ်ဟ့ၣ်တဖၣ်အိၣ်ဝဲဒီး နကစၢ်ဒၣ်နဲတ က့ၢ်. ဒီးမ်နဟ့ၣ်လီၤနဘူးနလဲတဖၣ် လၢပှၤဂၤတက့ၢ်. ဘၣ်ဆၣ်ဒီးယကဖးန့ၢ်စီၤပၤလၢတၢ်ကွဲးအသး, ဒီးယက ဘိးဘၣ်သ့ၣ်ညါအီၤလၢအဒိၣ်အယိာ်လီၤ.

¹⁸ နဲဒၣ်အံၤစီၤပၤဧၢ, ကစၢ်အထီကတၢၢ် ဟ့ၣ်လီၤနပၢ် စီၤနဘူၤကးန့စၢ်လၢဘီဧိၤမုၢ်ဧိၤ, ဒီးတၢ်အဒိၣ်အထီ, ဒီး တၢ်လၤကပီၤ, ဒီးတၢ်အကဟုကညီၢ်လီၤ.

¹⁹ ဒီးလၢတၢ်အကဟုကညီၢ်လၢ အဟ့ၣ်လီၤအီၤအဃိ န့ၣ်ကယဲၢ်ပှၤဂီၢ်မုၢ်, ပှၤကလုာ်တဖၣ်, ဒီးပှၤကတိၤတၢ် အကျိာ်အကလုာ်ကလုာ်ခဲလၢာ်န့ၣ်ကနိးဝဲ, ဒီးပျံၤတၢ် လၢအမဲာ်ညါလီၤ. ဖဲဒၣ်နသးဒီးမၤသံပှၤ, ဒီးဖဲဒၣ်အသး ဒီးဒုးမူဒံးပှၤ, ဖဲဒၣ်အသးဒီးပာ်ထီၣ်ထီပှၤ, ဒီးဖဲဒၣ်အ သးဒီးဆီၣ်လီၤပှၤလီၤ.

²⁰ ဒီးတုၤအပာ်ထီၣ်ထီအသး, ဒီးအသးကိၤလၢအပာ် ကဖိအသးအဃိဒီး, တၢ်တ့ၢ်လီၤကွံာ်အီၤလၢ အလီၢ်ပ စိာ်စီၤပၤ, ဒီးတၢ်ထုးထီၣ်ကွံာ်အလၤကပီၤ, ²¹ ဒီးတၢ်ဟီ ထီၣ်ကွံာ်အီၤလၢ ပှၤကညီအကျါ, ဒီးအအိၣ်အဆိးအ လီၢ်အိၣ်ဝဲဒီးကသ့ၣ်ယီၤအမံၤလီၤ. တၢ်ဒုးအီၣ်အီၤလၢ နီၣ်ဧိၤမံၤဧိၤဒ်ဂီၤဖံးအသိး, ဒီးဘၣ်စီၣ်ဝဲလၢမူခိၣ်အပစီၤ ထံတုၤအသ့ၣ်ညါလၢကစၢ်, တၢ်ထီကတၢၢ်တဂၤ, ပၢ တၢ်လၢပှၤကညီအဘီအမုၢ်အဖီခိၣ်, ဒီးပာ်ဝဲလၢအဖီခိၣ် ဖဲဒၣ်ပှၤလၢအဘၣ်အသးတဂၤဂၤလီၤ.

²² ဒီးနဲဒၣ်အဖိခွါ, စီၤဘ့ၤလၡါစၢ်ဧၢ, နသ့ၣ်ညါတၢ်အံၤ ခဲလၢာ်ဘၣ်ဆၣ်ဒီးနတဆီၣ်လီၤဘၣ်နသးဘၣ်, ²³ မ့မ့ၢ်န ပာ်ထီၣ်နသးလၢမူခိၣ်အကစၢ်အဖီခိၣ်, ဒီးပှၤဟဲစိာ်အ ဟံၣ်အလီခီဆူနမဲာ်ညါ, ဒီးနဲဒၣ်, ဒီးနပဒိၣ်ဖးဒိၣ်တဖၣ်, နမါတဖၣ်, ဒီးနသံၣ်မါတဖၣ်အီစပံးထံလၢအပူၤ, ဒီးနစံး ထီၣ်ပတြၢၤကစၢ်စ့, ကစၢ်ထူ, ကစၢ်တိၢ်, ကစၢ်ထး, က စၢ်သ့ၣ်, ဒီးကစၢ်လၢၢ်လၢအတထံၣ်ဘၣ်တၢ်ဘၣ်, ဒီးတ နၢ်ဟူဘၣ်တၢ်ဘၣ်, ဒီးတသ့ၣ်ညါဘၣ်တၢ်ဘၣ်လီၤ. မ့ မ့ၢ်ကစၢ်လၢနတၢ်သါအိၣ်လၢအစုပူၤ, ဒီးနကျဲခဲလၢာ် အိၣ်ဝဲဒီးအီၤတဂၤန့ၣ်နတမၤလၤကပီၤဘၣ်အီၤဘၣ်.

²⁴ မၤသးဒ်န့ၣ်ဒီးတၢ်မၢလီၤစုတကူာ်လၢအအိၣ်, ဒီးတၢ် ကွဲးအံၤအိၣ်ကွဲးအသးလီၤ. ²⁵ ဒီးအအံၤမ့ၢ်တၢ်ကွဲးလၢအ ကွဲးအသး, မန့ၤ, မန့ၤ, တက့လး, အူပၢ်စံၣ်.

²⁶ အအံၤမ့ၢ်တၢ်အဒိၣ်အယိာ်, မန့ၤ, ဒ်ပစံးတၢ်အသိး, ကစၢ်န့ၣ်ဂံၢ်တ့ၢ်နဘီနမုၢ်, ဒီးမၤကတၢၢ်ကွံာ်အီၤလီၤ.

²⁷ တက့လး, ဒ်ပစံးတၢ်အသိး, တၢ်စီၤနၤလၢစီၤပီၢ်ပူၤ, ဒီးနတအါဘၣ်လီၤ.

²⁸ ပရ့ၣ်, ဒ်ပစံးတၢ်အသိး, နဘီနမုၢ်လီၤဖးလိာ်အသး, ဒီးတၢ်ဟ့ၣ်အီၤလၢပှၤမၤဒဲဖိဒီးပှၤပၤရၣ်ဖိလီၤ.

²⁹ တုၤနုၤတစုစီၤဘ့ၤလၡါစၢ်မၤလိာ်တၢ်, ဒီးပှၤဒုးကူဒုး သိးစီၤဒၤနံးယ့လးလၢအတၢ်လုးတကုာ်, ဒီးဒုးလံာ်သွဲ ထူလၢအကိာ်, ဒီးပှၤကိးထီၣ်ဝဲလၢအဂ့ၢ် လၢအကကဲ ထီၣ်ပှၤပၢတၢ်လၢဘီဧိၤမုၢ်ဧိၤအပူၤသၢဂၤတဂၤလီၤ.

³⁰ တၢ်လၢမုၢ်တနၤန့ၣ် တၢ်မၤသံပှၤက့ၤစ့းဖိအစီၤပၤဘ့ၤ လၡါစၢ်လီၤ. ³¹ ဒီးပှၤမၤဒဲဖိစီၤဒၤရယါဝ့ၣ် အသးပှၢ်အ နံၣ်ဃုဆံခံနံၣ်ဃၣ်ဃၣ်, ဒီးမၤန့ၢ်ဘီဧိၤမုၢ်ဧိၤလီၤ.

၆

¹ ဘၣ်စီၤဒၤရယါဝ့ၣ်အသးဒီး ပာ်ပဒိၣ်ဖးဒိၣ်တကယၤ ခံဆံလၢဘီဧိၤမုၢ်ဧိၤအဖီခိၣ်, ဒ်သိးအကအိၣ်ဝဲလၢဘီမုၢ် ဒီဘ့ၣ်ညါအဖီခိၣ်လီၤ. ² ဒီးပာ်ပှၤအခိၣ်သၢဂၤလၢအဝဲ သ့ၣ်အဖီခိၣ်, ဒီးစီၤဒၤနံးယ့လးမ့ၢ်ပှၤလၢအကျါတဂၤ, ဒ်သိးပဒိၣ်တဖၣ်န့ၣ် ကဟ့ၣ်လံာ်လၢအီၤ, ဒီးစီၤပၤအ တၢ်အသုတဟါမၢ်တဂ့ၤလီၤ.

³ တုၤနုၤတစုတၢ်ပာ်စီၤဒၤနံးယ့လးတဂၤန့ၣ်လၢ ပှၤအ ခိၣ်ဒီးပဒိၣ်ဖးဒိၣ်တဖၣ်အဖီခိၣ်, လၢသးဂ့ၤလၢအအိၣ်ဝဲ လၢအပူၤအဃိ, ဒီးစီၤပၤသါကပာ်အီၤလၢအဘီအမုၢ်ဒီ ဘ့ၣ်ညါအဖီခိၣ်လီၤ.

⁴ တုၤနုၤတစု ပှၤအခိၣ်တဖၣ်, ဒီးပဒိၣ်ဖးဒိၣ်တဖၣ်ဃ့ အလီၢ်ထီဒါစီၤဒၤနံးယ့လး လၢဘီဧိၤမုၢ်ဧိၤအဂ့ၢ်, ဘၣ် ဆၣ်တထံၣ်န့ၢ်ဘၣ်အလီၢ်, တထံၣ်န့ၢ်ဘၣ်တၢ်ကမၣ် ဘၣ်. အဂ့ၢ်ဒ်အံၤ, မၤဝဲတီတီ, ဒီးတၢ်ကမၣ်မ့ၢ်ဂ့ၤ, မၤတၢ် တတီဘၣ်တမံၤမံၤမ့ၢ်ဂ့ၤ, တအိၣ်ဘၣ်လၢအလိၤဘၣ်.

⁵ တုၤနုၤတစုပှၤကညီတဖၣ်န့ၣ်စံးဝဲဒၣ်, မ့တမ့ၢ်ဘၣ်အ ဘၣ်ဃးဒီးအကစၢ်အတၢ်သိၣ်တၢ်သီဘၣ်ဒီး, ပတထံၣ် န့ၢ်ဘၣ်တၢ်အလီၢ်ထီဒါစီၤဒၤနံးယ့လးတဂၤအံၤဘၣ်.

⁶ တုၤနုၤတစု ပှၤအခိၣ်တဖၣ်ဒီး ပဒိၣ်ဖးဒိၣ်တဖၣ်အိၣ် ဖှိၣ်ရိဖှိၣ်ဆူစီၤပၤအအိၣ်, ဒီးစံးဘၣ်အီၤဒ်အံၤ, စီၤပၤဒၤ ရယါဝ့ၣ်ဧၢ, မ်နမူလီၤထူလီၤယိာ်တက့ၢ်, ⁷ ကယဲၢ်ဘီ မုၢ်အခိၣ်, ဒီးပဒိၣ်ဖးဒိၣ်, ပဒိၣ်ပပှၢ်, စီၤပၤအပှၤကူၣ် လိာ်အသး, ဒီးပှၤပၢတၢ်ဖိခဲလၢာ်န့ၣ်ကူၣ်လိာ်အသးဒ် သိးတၢ်ကလုၢ်ကလီၤလၢစီၤပၤ, ဒီးတၢ်သိၣ်တၢ်သီခၢၣ် သနၢၢ်ကအိၣ်ဒ်အံၤ, လၢမ့တမ့ၢ်ဘၣ်လၢနၤဘၣ်ဒီး, ဖဲ ဒၣ်ပှၤလၢအဃ့တၢ်လၢအကစၢ်မ့ၢ်ဂ့ၤ, လၢပှၤကညီမ့ၢ် ဂ့ၤ, လၢအနံၤသၢဆံအတီၢ်ပူၤတဂၤဂၤန့ၣ် ကဘၣ်တၢ် တ့ၢ်လီၤကွံာ်အီၤဆူခ့ယုၢ်အပူၤလီၤ.

⁸ ခဲကနံၣ်အံၤစီၤပၤဧၢ, ဒုးအိၣ်ထီၣ်နတၢ်မၤလိာ်, ဒီးဒုး ကွဲးလံာ်, လၢတၢ်မၤကဒံကဒါအီၤတသ့ဘ့ၣ်, ဒ်ပှၤမၤ ဒဲဖိဒီး ပှၤပၤရၣ်ဖိအတၢ်သိၣ်တၢ်သီအသိး, လၢအကဒံ ကဒါတသ့ဘၣ်န့ၣ်တက့ၢ်.

⁹ မၤသးဒ်န့ၣ်ဒီး စီၤပၤဒၤရယါဝ့ၣ်ဒုးကွဲးလံာ်န့ၣ်, ဒီး ဒုးအိၣ်ထီၣ်တၢ်မၤလိာ်န့ၣ်လီၤ.

¹⁰ တုၤစီၤဒၤနံးယ့လး သ့ၣ်ညါဝဲလၢ တၢ်ကွဲးအသးဝံၤ ဒီး, လဲၤနုာ်လၢအဟံၣ်ပူၤ, ဒီးအတၢ်ထူၣ်ဖျိအိၣ်အိးထီၣ် အသးလၢအဒၢးထီၣ်ထီတတီၤ ဖျိထီၣ်ဝဲဆူယရူၤၡလ့ၣ် တခီ, ဒီးချံးလီၤအခီၣ်တနံၤသၢဘျီစုာ်စုာ်, ဒီးဃ့ဘါထု ကဖၣ်တၢ်, ဒီးစံးထီၣ်ပတြၢၤတၢ်အဘျုးအဖှိၣ်လၢအက စၢ်အမဲာ်ညါ, ဒ်အမၤဝဲလၢအခီၣ်ထံးအသိးန့ၣ်လီၤ.

¹¹ တုၤနုၤတစုပှၤတဖၣ်န့ၣ် အိၣ်ဖှိၣ်ရိဖှိၣ်, ဒီးထံၣ်န့ၢ်စီၤ ဒၤနံးယ့လးဘါထုကဖၣ်တၢ်, ဒီးဃ့ကညးတၢ်လၢအက စၢ်အမဲာ်ညါလီၤ.

¹² တုၤနုၤတစုအဝဲသ့ၣ်သုးဘူးအသး, ဒီးကတိၤတၢ်လၢ စီၤပၤအမဲာ်ညါလၢစီၤပၤအတၢ်မၤလိာ်အဂ့ၢ်, နကွဲးတၢ် မၤလိာ်လၢမ့တမ့ၢ်ဘၣ်လၢနၤဘၣ်ဒီး, ဖဲဒၣ်ပှၤလၢအဃ့ တၢ်လၢအကစၢ်တဂၤဂၤမ့ၢ်ဂ့ၤ, လၢပှၤကညီတဂၤဂၤမ့ၢ် ဂ့ၤ, လၢအနံၤသၢဆံအတီၢ်ပူၤန့ၣ် ကဘၣ်တၢ်တ့ၢ်လီၤ ကွံာ်အီၤဆူခ့ယုၢ်အပူၤ, တမ့ၢ်ဘၣ်ဧါ, စီၤပၤဧၢ. ဒီးစီၤပၤ စံးဆၢတၢ်ဒီးစံးဝဲဒၣ်, တၢ်န့ၣ်အိၣ်ကျၢၤထီၣ်လံ, ဒ်ပှၤ မၤဒဲဖိဒီးပှၤပၤရၣ်ဖိအတၢ်သိၣ်တၢ်သီအသိး လၢအကဒံ ကဒါတသ့ဘၣ်.

¹³ တုၤနုၤတစု အဝဲသ့ၣ်စံးဆၢတၢ်, ဒီးစံးဝဲဒၣ်လၢစီၤပၤ အမဲာ်ညါ, စီၤဒၤနံးယ့လးလၢအအိၣ်ဝဲလၢပှၤယူဒၤဖိကဲ ကုၢ်အကျါတဂၤန့ၣ်တပာ်ကဲဘၣ်နၤ, ဒီးတၢ်မၤလိာ်လၢ နကွဲးတ့ၢ်န့ၣ်ဘၣ်, စီၤပၤဧၢ. မ့ၢ်အဃ့ကညးတၢ်တနံၤ သၢဘျီစုာ်စုာ်လီၤ.

¹⁴ တုၤစီၤပၤ နၢ်ဟူတၢ်ကတိၤဒီး, အသူၣ်ကိၢ်အသးဂီၤ လၢအဃိ, ဒီးသးအိၣ်စီၤဒၤနံးယ့လးဒ်သိးအကမၤပူၤမၤ ဖျဲးအီၤ, ဒီးကူၣ်ဝဲတုၤမုၢ်လီၤနုာ်ဒ်သိးအကမၤပူၤမၤဖျဲးအီၤ လီၤ.

¹⁵ တုၤနုၤတစု ပှၤတဖၣ်န့ၣ် အိၣ်ဖှိၣ်ရိဖှိၣ်ဆူစီၤပၤအ အိၣ်, ဒီးစံးစီၤပၤ, စီၤပၤဧၢ, သ့ၣ်ညါလၢပှၤမၤဒဲဖိဒီးပှၤ ပၤရၣ်ဖိအိၣ်ဒီး တၢ်သိၣ်တၢ်သီတထံၣ်လၢတၢ်မၤလိာ်, တၢ်သိၣ်တၢ်သီလၢ စီၤပၤဒုးအိၣ်ထီၣ်ဝဲန့ၣ်မၤဝဲတကဒံ ကဒါဘၣ်နီတထံၣ်ဘၣ်.

¹⁶ ဒီးစီၤပၤမၤလိာ်, ဒီးပှၤဟဲစိာ်စီၤဒၤနံးယ့လး, ဒီးတ့ၢ် လီၤကွံာ်အီၤလၢခ့ယုၢ်အပူၤလီၤ. စီၤပၤကတိၤတၢ်ဒီးစံး ဘၣ်စီၤဒၤနံးယ့လး, နကစၢ်လၢနမၤအတၢ်တထံၣ်ဃီ တဂၤန့ၣ်အဝဲဒၣ်ကမၤပူၤမၤဖျဲးနၤလီၤ.

¹⁷ ဒီးပှၤဟဲစိာ်လၢၢ်တဖျၢၣ်, ဒီးပာ်ဝဲလၢတၢ်ပူၤအခိၣ်ထိး, ဒီးစီၤပၤစဲဃၣ်ပနီၣ်အီၤလၢ အနီၣ်စဲဃၣ်ပနီၣ်ဒၣ်ဝဲ, ဒီး လၢအပဒိၣ်ဖးဒိၣ်တဖၣ် အနီၣ်စဲဃၣ်ပနီၣ်ဒ်သိးတၢ်ကူၣ် ဝဲလၢစီၤဒၤနံးယ့လးအဂ့ၢ်အသုတကဒံကဒါတဂ့ၤလီၤ.

¹⁸ တုၤနုၤတစုစီၤပၤလဲၤဝဲဆူအနူၢ်ပူၤ, ဒီးဒုၣ်တၢ်အီၣ်တၢ် အီသီတနၤကျၢၤ, ဒီးပှၤတဟဲစိာ်ဘၣ်အသံၣ်မါတဖၣ် ဆူအအိၣ်ဘၣ်, ဒီးမံဝဲတန့ၢ်ဘၣ်လီၤ.

¹⁹ ဒီးစီၤပၤဂဲၤဆၢထၢၣ်ဂီၤဂီၤကလဲာ်, ဒီးလဲၤဝဲချ့ချ့ဆူခ့ ယုၢ်အပူၤလီၤ. ²⁰ ဒီးတုၤအအိၣ်ဘူးဒီးတၢ်ပူၤဒီး, ကိးထီၣ် လၢအကလုၢ်ဖးဒိၣ်ဆူစီၤဒၤနံးယ့လးအအိၣ်လီၤ. စီၤပၤ ကတိၤတၢ်ဒီးစံးလၢစီၤဒၤနံးယ့လး, ကစၢ်လၢအမူဝဲတ ဂၤအခ့အပှၤစီၤဒၤနံးယ့လးဧၢ, နကစၢ်လၢနမၤအတၢ် တထံၣ်ဃီန့ၣ် မၤပူၤမၤဖျဲးနၤလၢ ခ့ယုၢ်တဖၣ်သ့စ့ၢ်ကီး ဧါ.

²¹ တုၤနုၤတစုစီၤဒၤနံးယ့လးစံးဘၣ်စီၤပၤ, စီၤပၤဧၢ, မ် နမူလီၤထူလီၤယိာ်တက့ၢ်. ²² ယကစၢ်မၢလီၤ အကလူး တဂၤဒီးမၤကျၢၢ်တံာ်ခ့ယုၢ်အထးခိၣ်, ဒီးအဝဲသ့ၣ်တမၤ အၢဘၣ်ယၤနီတမံၤဘၣ်. အဂ့ၢ်ဒ်အံၤ, တၢ်ဒဲးဘးတအိၣ် ဘၣ်လၢယလိၤလၢအမဲာ်ညါ, ဒီးစီၤပၤဧၢ, ယတမၤစ့ၢ် ကီးဘၣ်တၢ်အၢလၢနမဲာ်ညါနီတမံၤဘၣ်.

²³ တုၤနုၤတစုစီၤပၤသးခုလၢအသးကံၢ်ပူၤ, ဒီးမၤလိာ်ဝဲ လၢပှၤကစဲၤထီၣ်က့ၤစီၤဒၤနံးယ့လးလၢတၢ်ပူၤလီၤ. ဒီး တၢ်စဲၤထီၣ်က့ၤစီၤဒၤနံးယ့လးလၢတၢ်ပူၤ, ဒီးတၢ်မၤအၢ အီၤတအိၣ်ဘၣ်လၢ အလိၤနီတမံၤဘၣ်. အဂ့ၢ်ဒ်အံၤ, သန့ၤအသးလၢအကစၢ်လီၤ.

²⁴ ဒီးစီၤပၤမၤလိာ်တၢ်, ဒီးတၢ်ဟဲစိာ်ပှၤကညီတဖၣ်လၢ အပာ်တၢ်ကမၣ်လၢ စီၤဒၤနံးယ့လးအလိၤ, ဒီးတ့ၢ်လီၤ ကွံာ်အီၤဆူခ့ယုၢ်အပူၤ, အဝဲသ့ၣ်, အဖိအလံၤ, ဒီးအဖိ အမါ, ဒီးလၢအတချုးလီၤဒံးဘၣ်လၢ တၢ်ပူၤအဖီလာ် ဒီး, ခ့ယုၢ်မၤဃၣ်အီၤ, ဒီးမၤကၢ်သဘှံး အဃံအကွဲခဲ လၢာ်လီၤ.

²⁵ တုၤနုၤတစု စီၤပၤဒၤရယါဝ့ၣ် ကွဲးန့ၢ်ကယဲၢ်ပှၤဂီၢ်မုၢ် တဖၣ်, ပှၤကလုာ်တဖၣ်, ဒီးပှၤကတိၤတၢ်အကျိာ်အ ကလုာ်ကလုာ် လၢအအိၣ်ဝဲလၢဟီၣ်ခိၣ်ဒီဘ့ၣ်ညါ, မ် တၢ်ဃူတၢ်ဖိးအါထီၣ်ဒီးသုတက့ၢ်.

²⁶ ယမၤလိာ်တၢ်လၢပှၤဘၣ်ကနိးဝဲ ဒီးပျံၤဝဲလၢစီၤဒၤနံး ယ့လးအကစၢ်အမဲာ်ညါ, လၢကယဲၢ်ထံဧိၤကီၢ်ဧိၤအပူၤ လၢယဘီယမုၢ်အပူၤခဲလၢာ်လီၤ. အဂ့ၢ်ဒ်အံၤ, မ့ၢ်ကစၢ် လၢအမူဝဲ, ဒီးအိၣ်ဝဲဆိးဝဲလီၤထူလီၤယိာ်, ဒီးအဘီအမုၢ် တတုၤလၢတၢ်ဟးဂီၤဘၣ်, ဒီးကပၢဝဲတုၤအကတၢၢ်လီၤ.

²⁷ အဝဲဒၣ်န့ၣ်အုၣ်က့ၤခီၣ်က့ၤတၢ်, ဒီးမၤပူၤမၤဖျဲးတၢ်, ဒီးမၤတၢ်ပနီၣ်လီၤလး, ဒီးတၢ်လီၤလိၢ်လီၤလးလၢမူခိၣ်, ဒီးလၢဟီၣ်ခိၣ်ချၢ, ဒီးမၤပူၤဖျဲးလံစီၤဒၤနံးယ့လး လၢခ့ ယုၢ်အစိအကမီၤလီၤ.

²⁸ ဒီးစီၤဒၤနံးယ့လးတဂၤန့ၣ် ဘီၣ်ထီၣ်ညီထီၣ်လၢ စီၤ ဒၤရယါဝ့ၣ်ကဲစီၤပၤအဖၢမုၢ်, ဒီးလၢပှၤပၤရၣ်ဖိစီၤကိရ့ၣ် ကဲစီၤပၤအဖၢမုၢ်န့ၣ်လီၤ.

၇

¹ ဘၤဘူၤလိၣ်အစီၤပၤဘ့ၤလၡါစၢ် အခီၣ်ထံးတနံၣ်န့ၣ် စီၤဒၤနံးယ့လးအိၣ်ဒီးမံမီၢ်တၢ်, ဒီးအမဲာ်အထံၣ်တၢ်လၢ ညါခီလၢအလီၢ်မံပူၤလီၤ. တုၤနုၤတစုကွဲးလီၤတၢ်မံမီၢ်, ဒီးစံးဘၣ်တဲဘၣ်တၢ်ကတိၤအခိၣ်ကျၢၢ်လီၤ.

² စီၤဒၤနံးယ့လးကတိၤတၢ်ဒီးစံးဝဲဒၣ်, ယကွၢ်ထံတၢ် လၢယထံၣ်တၢ်လၢညါခီလၢမုၢ်နၤအဖၢမုၢ်, ဒီးကွၢ်ကွၢ်, မူခိၣ်အကလံၤလွံၢ်ခီဘၢၣ်ဖျိတၢ်လၢ ပီၣ်လဲၣ်ဖးဒိၣ်အဖီ ခိၣ်လီၤ.

³ ဒီးဆၣ်ဖိကီၢ်ဖိ ဖးဒိၣ်လွံၢ်ဒု ဟဲထီၣ်လၢပီၣ်လဲၣ်ပူၤ, လီၤဆီလိာ်အသးတဒုဒီးတဒုလီၤ.

⁴ အခီၣ်ထံးတဒုမၤသးဒ်ခ့ယုၢ်အသိး, အိၣ်ဝဲဒီးလံာ်ကြီ ကြၣ်အဒံးဆ့လီၤ. ဒီးယကွၢ်ထံတုၤတၢ်ထဲးထီၣ်ကွံာ်အ ဒံးဆ့, ဒီးတၢ်ဒုးထီၣ်အီၤလၢဟီၣ်ခိၣ်အဖီခိၣ်, ဒီးတၢ်ဒုး ဆၢထၢၣ်အီၤလၢအခီၣ်ဒ်ပှၤကညီအသိးန့ၣ်, ဒီးတၢ်ဟ့ၣ် လီၤအီၤလၢပှၤကညီအသးလီၤ.

⁵ ဒီးကွၢ်ကွၢ်, ဆၣ်ဖိကီၢ်ဖိအဂၤ, ခံဒုတဒုမၤသးဒ်တၤ သူအသိးန့ၣ်, ဆၢထၢၣ်တခီဒ့, ဒီးအိၣ်ဝဲဒီးတၢ်အဂုာ် ဃံသၢဘိ လၢအထးခိၣ်လၢအမဲာ်အဘၢၣ်စၢၤ, ဒီးတၢ် စံးဘၣ်အီၤဒ်အံၤ, ဂဲၤဆၢထၢၣ်, အီၣ်တၢ်ညၣ်အါတက့ၢ်.

⁶ လၢအလီၢ်ခံန့ၣ်ယကွၢ်ထံတၢ်, ဒီးကွၢ်ကွၢ်, အဂၤတဒု မၤသးဒ်ခ့စံၣ်ပိၣ်အသိးန့ၣ်, ဒီးအိၣ်ဝဲဒီး ထိၣ်အဒံးဆ့ လွံၢ်ဘ့ၣ်လၢအချၢ, ဒီးအိၣ်ဝဲဒီးအခိၣ်လွံၢ်ဖျၢၣ်, ဒီးတၢ် ဟ့ၣ်အီၤလၢအဘီအမုၢ်လီၤ.

⁷ လၢအလီၢ်ခံန့ၣ်ဒီး ယကွၢ်ထံတၢ်လၢတၢ်ထံၣ်တၢ်လၢ ညါခီလၢမုၢ်နၤအဖၢမုၢ်, ဒီးကွၢ်ကွၢ်, ဆၣ်ဖိကီၢ်ဖိလွံၢ်ဒု တဒု, တၢ်ပျံၤအလီၢ်, ဒီးဆူၣ်ဝဲ, ဒီးအဂံၢ်ဆူၣ်အဘါဆူၣ် ဒိၣ်ဒိၣ်ကလဲာ်, ဒီးအိၣ်ဝဲဒီးအမဲထးဖးဒိၣ်တဖၣ်လီၤ. အီၣ် တၢ်ဒီးမၤကၢ်လီၤကလဲတၢ်, ဒီးယီၢ်တံၢ် တၢ်အိၣ်လီၤ တဲာ်လၢအခီၣ်, ဒီးလီၤဆီဝဲဒီးကယဲၢ်ဆၣ်ဖိကီၢ်ဖိလၢအ အိၣ်ဝဲဆိးဝဲ လၢအမဲာ်ညါခဲလၢာ်, ဒီးအိၣ်ဒီးအနၢၤဆံ ဆဲၣ်ဘိလီၤ.

⁸ ယကွၢ်ဆိကမိၣ်အနၢၤတဖၣ်, ဒီးကွၢ်ကွၢ်, အနၢၤဖိ အဂၤတဘိထီၣ်ဝဲလၢအကျါ, ဒီးလၢအနၢၤတဖၣ်လၢအ ခီၣ်ထံးအကျါန့ၣ်နၢၤသၢဘိ ဘၣ်တၢ်ထဲးထီၣ်ကွံာ်အီၤ လၢနၢၤဖိအမဲာ်ညါလီၤ. ဒီးကွၢ်ကွၢ်, အမဲာ်ဒ်ပှၤကညီ အမဲာ်အသိးဒီးအထးခိၣ်လၢ အကတိၤတၢ်ဖးဒိၣ်တဖၣ် အိၣ်ဝဲလၢနၢၤတဘိန့ၣ်အပူၤလီၤ.

⁹ ဒီးယကွၢ်ဒံးတၢ် တုၤတၢ်ပာ်လီၤလီၢ်ပစိာ်တဖၣ်, ဒီး တၢ်အိၣ်အကစၢၤကစၢၤလၢပျၢၤလံၤလံၤတဂၤန့ၣ် ဆ့ၣ် နီၤဝဲ, ဒီးအကူအသိးန့ၣ်ဝါဝဲဒ်မူခိၣ်ဖီအသိး, ဒီးအခိၣ်သူ မၤအသးဒ်သိးအဆှုၣ်ကဆှဲကဆှီအသိးန့ၣ်လီၤ. အလီၢ် ပစိာ်မ့ၢ်မ့ၣ်လၣ်, အလ့ၣ်ကဟၣ်အပၣ်မ့ၢ်မ့ၣ်လၣ်, အီၣ် တၢ်န့ၣ်လီၤ. ¹⁰ မ့ၣ်အူအကျိၤဟဲထီၣ်ဒီးဟးလၢအမဲာ်ညါ လီၤ. ပှၤတကထိအဘျီတကထိမၤအတၢ်, ပှၤတကလး အဘျီတကလးဆၢထၢၣ်လၢအမဲာ်ညါလီၤ. တၢ်စံၣ်ညီၣ် ကွီၢ်ဘၣ်တၢ်ပာ်လီၤဝဲ, ဒီးလံာ်အိၣ်အိးထီၣ်အသးလီၤ.

¹¹ တုၤနုၤတစုယကွၢ်ဒံးတၢ်လၢနၢၤတဘိန့ၣ် ကတိၤတၢ် ကတိၤဖးဒိၣ်တဖၣ်အသီၣ်အဃိလီၤ. ယကွၢ်ဒံးတၢ်တုၤ တၢ်မၤသံဆၣ်ဖိကီၢ်ဖိတဒုန့ၣ်, ဒီးအစိၣ်ဟးဂီၤ, ဒီးတၢ် ဟ့ၣ်လီၤကွံာ်လၢမ့ၣ်လၣ်လၢအအီၣ်တၢ်လီၤ.

¹² တၢ်လၢ ဆၣ်ဖိကီၢ်ဖိလၢ အအိၣ်လီၤတဲာ်တဖၣ်န့ၣ် တၢ်ဟံးထီၣ်ကွံာ် အစိအကမီၤဘၣ်ဆၣ် ဒီးတၢ်ဒုးမူဒံး အီၤတုၤအမုၢ်အလါဒီးအဆၢအကတီၢ်ဘၣ်လီၤ.

¹³ ဒီးယကွၢ်ဒံးတၢ်လၢ တၢ်ထံၣ်တၢ်လၢညါခီလၢမုၢ်နၤ အဖၢမုၢ်, ဒီးကွၢ်ကွၢ်, တၢ်မၤအသးဒ်ပှၤကညီဖိခွါတဂၤ အသိးန့ၣ်ဟဲဝဲဒီးမူခိၣ်အတၢ်အၢၣ်, ဒီးသုးဘူးအသးဆူ တၢ်အိၣ်လၢကစၢၤကစၢၤ လၢပျၢၤလံၤလံၤတဂၤအအိၣ်, ဒီးတၢ်ဆှၢထီၣ်အီၤဘူးဒီးအမဲာ်ညါလီၤ.

¹⁴ ဒီးတၢ်ဟ့ၣ်လီၤအီၤလၢတၢ်ပၢတၢ်အလီၢ်, ဒီးတၢ်လၤ ကပီၤ, ဒီးတၢ်အဘီအမုၢ်ဒ်သိးကယဲၢ်ပှၤဂီၢ်မုၢ်တဖၣ်, ပှၤ ကလုာ်တဖၣ်, ဒီးပှၤကတိၤတၢ် အကျိာ်အကလုာ်က လုာ်ခဲလၢာ်ကမၤအတၢ်လီၤ. အပၢတၢ်အလီၢ်န့ၣ် မ့ၢ် တၢ်ပၢအလီၢ်အထူအယိာ်လၢအတလၢာ်ကွံာ်ဘၣ်, ဒီး အဘီအမုၢ်တတုၤဘၣ်လၢတၢ်ဟးဂီၤဘၣ်.

¹⁵ တၢ်လၢယၤစီၤဒၤနံးယ့လးအံၤ, ယသူၣ်ကိၢ်ယသးဂီၤ လၢယသအိပူၤ, ဒီးတၢ်လၢယမဲာ်ထံၣ်ဘၣ်တၢ်လၢညါ ခီလၢမုၢ်နၤန့ၣ်မၤကိၢ်ယၤလီၤ.

¹⁶ ယသုးဘူးယသးဆူ ပှၤလၢအဆၢထၢၣ်လၢအဃၢၤ တဂၤ, ဒီးယသံကွၢ်အီၤလၢတၢ်အံၤခဲလၢာ်အတၢ်မ့ၢ်တၢ် တီအဂ့ၢ်လီၤ. ဒီးစံးဘၣ်ယၤလၢသါကဘိးဘၣ်သ့ၣ်ညါ ယၤလၢအဒိၣ်အယိာ်လီၤ.

¹⁷ ဆၣ်ဖိကီၢ်ဖိဖးဒိၣ်လၢအအိၣ်လွံၢ်ဒုန့ၣ် မ့ၢ်စီၤပၤလွံၢ် ဂၤလၢအကအိၣ်ထီၣ်လၢဟီၣ်ခိၣ်ချၢလီၤ.

¹⁸ ဒီးတၢ်ထီကတၢၢ်တဂၤ အပှၤစီဆှံတဖၣ်န့ၣ် ကန့ၢ် ဘၣ်ဘီဧိၤမုၢ်ဧိၤဒီးကအိၣ်ဒီး ဘီဧိၤမုၢ်ဧိၤလီၤထူလီၤယိာ်, မ့ၢ်မးလီၤထူလီၤယိာ်လီၤ.

¹⁹ တုၤနုၤတစု ယသံကွၢ်တၢ်အမ့ၢ်အတီဘၣ်ဃးဒီးဆၣ် ဖိကီၢ်ဖိလွံၢ်ဒုတဒု လၢအလီၤဆီဝဲဒီးအဂၤခဲလၢာ်လၢအ မၤပျံၤတၢ်ဒိၣ်ဒိၣ်ကလဲာ်, လၢအမဲမ့ၢ်ထး, ဒီးအခီၣ်မ့ၣ် မ့ၢ်တိၢ်, ဒီးအီၣ်ကွံာ်တၢ်, မၤကၢ်လီၤကလဲတၢ်, ဒီးယီၢ် တံၢ်တၢ်အိၣ်လီၤတဲာ်လၢအခီၣ်, ²⁰ ဒီးဘၣ်ဃးဒီးအနၢၤ ဆံဆဲၣ်ဘိလၢအအိၣ်ဝဲလၢအခိၣ်, ဒီးအဂၤတဘိလၢအ ထီၣ်ဝဲ, ဒီးနၢၤသၢဘိလီၤဃံၤလၢအမဲာ်ညါလၢအအိၣ်ဝဲ ဒီးအမဲာ်တဖၣ်, ဒီးအထးခိၣ်လၢအကတိၤတၢ်ဖးဒိၣ်တ ဖၣ်လၢအက့ၢ်အဂီၤဆူၣ်န့ၢ်အဂိၤမီၣ်တက့ၢ်လီၤ.

²¹ ယကွၢ်ဒံးတၢ်, ဒီးနၢၤတဘိန့ၣ်ဒုးတၢ်ဒီး ပှၤစီဆှံတ ဖၣ်, ဒီးမၤနၢၤအီၤ, ²² တုၤတၢ်အိၣ်လၢကစၢၤကစၢၤလၢ ပျၢၤလံၤလံၤတဂၤန့ၣ်ဟဲဝဲ, ဒီးတၢ်စံၣ်ညီၣ်ကွီၢ်ဘၣ်တၢ် ပာ်လီၤဝဲလၢတၢ်ထီကတၢၢ်တဂၤ အပှၤစီဆှံတဖၣ်အဂီၢ် ဒီးအမုၢ်အလါဘၣ်, ဒီးပှၤစီဆှံတဖၣ်န့ၣ် န့ၢ်ဘၣ်ဘီဧိၤ မုၢ်ဧိၤန့ၣ်လီၤ.

²³ စံးဝဲဒ်အံၤ, ဆၣ်ဖိကီၢ်ဖိလွံၢ်ဒုတဒုန့ၣ် မ့ၢ်ဘီဧိၤမုၢ်ဧိၤ လွံၢ်မံၤတမံၤလၢဟီၣ်ခိၣ်ချၢလၢအလီၤဆီဝဲဒီးဘီဧိၤမုၢ်ဧိၤ ခဲလၢာ်, ဒီးကအီၣ်ကွံာ်ဟီၣ်ခိၣ်ဒီဘ့ၣ်ညါ, ဒီးကယီၢ် တံၢ်အီၤ, ဒီးမၤကၢ်လီၤကလဲတၢ်လီၤ.

²⁴ ဒီးနၢၤဆံဆဲၣ်ဘိန့ၣ် မ့ၢ်စီၤပၤဆံဆဲၣ်ဂၤလၢအကအိၣ် ထီၣ်လၢဘီမုၢ်တဘီမုၢ်န့ၣ်အပူၤ, ဒီးအဂၤတဂၤကအိၣ် ထီၣ်လၢအလီၢ်ခံ, ဒီးကလီၤဆီဝဲဒီးအခီၣ်ထံးတဖၣ်, ဒီး ကမၤနၢၤစီၤပၤသၢဂၤလီၤ.

²⁵ ဒီးကကတိၤတၢ်ကတိၤထီဒါ တၢ်ထီကတၢၢ်တဂၤ, ဒီးကမၤနးမၤဖှီၣ် ပှၤအထီကတၢၢ်တဂၤအပှၤစီဆှံ တ ဖၣ်, ဒီးကပာ်အသးလၢအကမၤကဒံကဒါ တၢ်အဆၢ အကတီၢ်, ဒီးတၢ်သိၣ်တၢ်သီလီၤ. ဒီးတၢ်ကဟ့ၣ်လီၤ ကွံာ်အဝဲသ့ၣ်လၢအစုပူၤ လၢအကတီၢ်တကတီၢ်, ဒီး အကတီၢ်တဖၣ်, ဒီးဖးဖီအကတီၢ်အဖၢမုၢ်လီၤ.

²⁶ ဒီးတၢ်စံၣ်ညီၣ်ကွီၢ်န့ၣ်ကဆ့ၣ်နီၤဝဲ, ဒီးတၢ်ကထုးထီၣ် ကွံာ်အဘီအမုၢ်ဒ်သိး အကမၤလၢာ်ကွံာ်အီၤ, ဒီးမၤဟး ဂီၤအီၤလီၤထူလီၤယိာ်လီၤ.

²⁷ ဒီးတၢ်ကဟ့ၣ်လီၤဘီဧိၤမုၢ်ဧိၤ, ဒီးပၢတၢ်အလီၢ်, ဒီး ဘီဧိၤမုၢ်ဧိၤအစိအကမီၤ လၢမူခိၣ်ဒီဘ့ၣ်ညါ အဖီလာ်, လၢတၢ်ထီကတၢၢ်တဂၤ အပှၤစီဆှံတဖၣ် အပှၤဂီၢ်မုၢ် လီၤ. အဘီအမုၢ်န့ၣ်မ့ၢ်အဘီအမုၢ်အထူအယိာ်, ဒီးက ယဲၢ်ဘီမုၢ်ဖိခဲလၢာ် ကမၤအတၢ်ဒီးစူၢ်အီၤလီၤ. ဖဲအံၤမ့ၢ် တၢ်န့ၣ်အကတၢၢ်လီၤ. ²⁸ တၢ်လၢယၤစီၤဒၤနံးယ့လးအံၤ, ယတၢ်ဆိကမိၣ်န့ၣ်မၤကိၢ်ယသးလီၤ. ဒီးယမဲာ်ဂီၤဂံၢ်ဂီၤ ကးလီၤ. ဘၣ်ဆၣ်ဒီးယပာ်တၢ်တမံၤန့ၣ်လၢယသးကံၢ် ပူၤလီၤ.

၈

¹ စီၤပၤဘ့ၤလၡါစၢ်အနံၣ်သၢနံၣ်တနံၣ်န့ၣ် တၢ်အိၣ်ဖျါ ထီၣ်လၢညါခီလၢ ယၤစီၤဒၤနံးယ့လးအမဲာ်ညါလၢတၢ် အိၣ်ဖျါထီၣ်ဝဲလၢအခီၣ်ထံးအလီၢ်ခံန့ၣ်လီၤ.

² ဒီးယထံၣ်ဘၣ်တၢ်လၢညါခီ, ဒီးတၢ်မၤအသးလၢယ ထံၣ်တၢ်န့ၣ်အဖၢမုၢ်ဒီး, ယအိၣ်လၢနူၢ်ရှူၡၣ်အပူၤလၢအ အိၣ်ဝဲလၢကီၢ်ဧ့ၤလၣ်အပူၤ, ဒီးယထံၣ်တၢ်လၢညါခီ, ဒီး ယအိၣ်လၢထံမိၢ်ပှၢ်အူလဲၤအနံၤလီၤ.

³ ဒီးယကျ့ထီၣ်ယမဲာ်ဒီးယကွၢ်တၢ်, ဒီးကွၢ်ကွၢ်, သိဖါ တဒုဆၢထၢၣ်လၢထံနံၤ, ဒီးအိၣ်ဝဲဒီးအနၢၤခံဘိဒီးအနၢၤ ခံဘိန့ၣ်ထီဝဲ, မ့မ့ၢ်အတဘိန့ၣ် ထီန့ၢ်အဝဲတဘိတက့ၢ် လီၤ. ဒီးအထီတက့ၢ်တဘိန့ၣ် ထီၣ်ဝဲလၢအခံကတၢၢ် လီၤ.

⁴ ဒီးယထံၣ်သိဖါတဒုန့ၣ် ဘျၢၣ်တၢ်ဆူမုၢ်နုာ်တခီ, ဒီး ဆူကလံၤစိးတခီ, ဒီးဆူကလံၤထံးတခီ, ဒီးဆၣ်ဖိကီၢ် ဖိတဆၢထၢၣ်ဘၣ်လၢအမဲာ်ညါနီတဒုဘၣ်. ဒီးတၢ်မၤ ပူၤမၤဖျဲးလၢအစုပူၤတအိၣ်ဘၣ်. ဒီးမၤဒၣ်တၢ်ဖဲအသး, ဒီးပာ်ဒိၣ်အသးလီၤ.

⁵ ဒီးယဆိကမိၣ်တၢ်အဖၢမုၢ်ဒီး, ကွၢ်ကွၢ်, မဲာ်တဲးလဲး ဖါတဒုဟဲလၢ မုၢ်နုာ်တခီလၢဟီၣ်ခိၣ်ချၢဒီဘ့ၣ်ညါ, ဒီး တထိးဘၣ်ဟီၣ်ခိၣ်ဘၣ်. ဒီးမဲာ်တဲးလဲးတဒုန့ၣ်အိၣ်ဝဲဒီး အနၢၤလီၤဆီလီၤလးတဘိလၢအမဲာ်အဘၢၣ်စၢၤလီၤ.

⁶ ဒီးဟဲဝဲဆူသိဖါတဒုလၢအအိၣ်ဒီးအနၢၤခံဘိ, လၢယ ထံၣ်တ့ၢ်အဆၢထၢၣ်လၢထံနံၤ, ဒီးဃ့ၢ်ဆူအအိၣ်လၢအ သးကဲၤထီၣ်အစိအကမီၤလီၤ.

⁷ ဒီးယထံၣ်လၢအဟဲဘူးဒီးသိဖါတဒုအဖၢမုၢ်ဒီး, သး ထီၣ်ဘၣ်အီၤ, ဒီးကျီကွံာ်သိဖါ, ဒီးမၤကၢ်ကွံာ်အနၢၤခံ ဘိ, ဒီးသိဖါအဂံၢ်အဘါလၢ အကဆၢထၢၣ်လၢအမဲာ် ညါတအိၣ်ဘၣ်. ဒီးမၤလီၤဃံၤအီၤလၢဟီၣ်ခိၣ်အဖီခိၣ်, ဒီးယီၢ်တံၢ်အီၤ, ဒီးတၢ်မၤပူၤမၤဖျဲးသိဖါလၢအစုပူၤ တ အိၣ်ဘၣ်.

⁸ ဒီးမဲာ်တဲးလဲးတဒုန့ၣ်ဒိၣ်ထီၣ်ဒိၣ်ဒိၣ်ကလဲာ်, ဒီးတုၤ အဆူၣ်ထီၣ်ဒီး, အနၢၤဖးဒိၣ်တဘိကၢ်ဝဲ, ဒီးနၢၤလီၤဆီ လီၤလးလွံၢ်ဘိထီၣ်ဝဲလၢအလီၢ်လၢ အဒိးဝဲဆူမူခိၣ်အ ကလံၤလွံၢ်ခီန့ၣ်လီၤ.

⁹ ဒီးနၢၤဖိတဘိထီၣ်ဝဲလၢ နၢၤတဘိလၢအကျါန့ၣ်လၢ အဒိၣ်ထီၣ်ဒိၣ်ကဲၣ်ဆိးဆူကလံၤထံးတခီ, ဒီးဆူမုၢ်ထီၣ် တခီ, ဒီးဆူတၢ်အဃံအလၤအကီၢ်န့ၣ်လီၤ.

¹⁰ ဒီးပာ်ဒိၣ်ထီၣ်အသးပၢၢ်လၢ မူခိၣ်အသုးမုၢ်ဂီၢ်မုၢ်, ဒီး တ့ၢ်လီၤကွံာ်တၢ်သုးမုၢ်တနီၤ, ဒီးဆၣ်ဧိၤဖီဧိၤတနီၤလၢ ဟီၣ်ခိၣ်အဖီခိၣ်, ဒီးယီၢ်တံၢ်အီၤလီၤ.

¹¹ ဒီးပာ်ဒိၣ်အသးလၢ တၢ်သုးမုၢ်ဂီၢ်မုၢ်အခိၣ်အဖီခိၣ်, ဒီးတၢ်ထုးထီၣ်ကွံာ်တၢ်လုၢ်တနံၤဘၣ်တနံၤလၢအီၤ, ဒီး အလီၢ်စီဆှံအအိၣ်အဆိးအလီၢ်န့ၣ် လီၤပှီၢ်ဝဲလီၤ. ¹² ဒီး တၢ်ဟ့ၣ်တၢ်သုးမုၢ်လၢအီၤအိၣ်ဒီး လုၢ်တၢ်ပာ်တၢ်တနံၤ ဘၣ်တနံၤ, လၢတၢ်ကမၣ်အဃိ, ဒီးမၤလီၤဃံၤတၢ်မ့ၢ် တၢ်တီလၢဟီၣ်ခိၣ်အဖီခိၣ်, ဒီးမၤဝဲဖဲဒၣ်အသး, ဒီးဘီၣ် ထီၣ်ညီထီၣ်ဝဲလီၤ.

¹³ ဒီးယနၢ်ဟူတၢ်စီဆှံတဂၤကတိၤတၢ်, ဒီးတၢ်စီဆှံတ ဂၤစံးဘၣ်မတၤတဂၤလၢအကတိၤတၢ်န့ၣ်, တၢ်ထံၣ်တၢ် လၢညါခီ, တၢ်လုၢ်တၢ်ပာ်တနံၤဘၣ်တနံၤ, ဒီးတၢ်က မၣ်လၢအမၤအိၣ်သယုၢ်တၢ်ဒ်သိးကဟ့ၣ်လီၤတၢ်အလီၢ် စီဆှံဒီးတၢ်သုးမုၢ်ဂီၢ်မုၢ်လၢ တၢ်ကယီၢ်တံၢ်အီၤအဂီၢ်န့ၣ် မ့ၢ်အဆံးယံာ်လဲၣ်.

¹⁴ ဒီးအဝဲဒၣ်စံးဘၣ်ယၤ, တုၤလီၤလၢမုၢ်ဟါမုၢ်ဂီၤခံက ထိသၢကယၤလီၤ. တုၤနုၤတစုတၢ်ကပာ်တီတၢ်အလီၢ် စီဆှံန့ၣ်လီၤ.

¹⁵ ဒီးဖဲယၤစီၤဒၤနံးယ့လး ထံၣ်တၢ်လၢညါခီ အဖၢမုၢ် ဒီး, ယဃုအဒိၣ်အယိာ်, ဒီးကွၢ်ကွၢ်, တၢ်မၤအသးလၢ တၢ်ဆၢထၢၣ်လၢယမဲာ်ညါတဂၤဖျါဝဲ ဒ်ပှၤကညီအသိး န့ၣ်လီၤ.

¹⁶ ဒီးယနၢ်ဟူ ပှၤကညီအကလုၢ်လၢ အူလဲၤအနံၤအ ဘၢၣ်စၢၤ, ဒီးကိးထီၣ်တၢ်ဒီးစံးဝဲဒၣ်, ကၤဘြံၤအ့လးဧၢ, ဒုးနၢ်ပၢၢ်ပှၤတဂၤအံၤလၢ တၢ်ထံၣ်တၢ်လၢညါခီန့ၣ်တ က့ၢ်.

¹⁷ ဒီးဟဲဘူးဝဲဖဲယဆၢထၢၣ်, ဒီးတုၤအဟဲဒီး, ယပျံၤတၢ်, ဒီးယထိၣ်လီၤဃံၤ အီထီလာ်ယသးလီၤ. ဒီးအဝဲဒၣ်စံး ဘၣ်ယၤ, နၢ်ပၢၢ်လၢ်တက့ၢ်, ပှၤကညီဖိခွါဧၢ. တၢ်ထံၣ် တၢ်လၢညါခီအံၤ အိၣ်ဝဲလၢတၢ်အကတၢၢ်အဆၢအက တီၢ်အဂီၢ်န့ၣ်တိၢ်န့ၢ်တက့ၢ်.

¹⁸ ဒီးလၢအကတိၤတၢ်ဒီးယၤအဖၢမုၢ်ဒီး, ယမံသပ့ၤအီ ထီလာ်လၢဟီၣ်ခိၣ်အဖီခိၣ်, ဒီးထိးဘၣ်ယၤ, ဒီးဒုးဆၢ ထၢၣ်ယၤထူၣ်ကလာ်လီၤ.

¹⁹ ဒီးစံးဝဲဒၣ်, ကွၢ်ကွၢ်, ယကဘိးဘၣ်သ့ၣ်ညါနၤလၢ တၢ်လၢအကမၤအသးလၢ တၢ်သးဒိၣ်ထီၣ်အကတၢၢ် လီၤ. အဂ့ၢ်ဒ်အံၤ, အကတၢၢ်န့ၣ်သ့ၣ်ဆၢဖးကတီၢ်လီၤ.

²⁰ သိဖါအိၣ်ဒီးအနၢၤခံဘိလၢနထံၣ်တဒုန့ၣ် မ့ၢ်မၤဒဲဒီး ပၤရၣ်အစီၤပၤတဖၣ်လီၤ.

²¹ ဒီးမဲာ်တဲးလဲးဖါတဒုန့ၣ်မ့ၢ်ယၤဝၣ်အစီၤပၤ, ဒီးနၢၤဖး ဒိၣ်တဘိလၢအအိၣ်ဝဲလၢအမဲာ်အဘၢၣ်စၢၤန့ၣ် မ့ၢ်စီၤပၤ အခီၣ်ထံးတဂၤလီၤ.

²² ဒီးနၢၤတဘိလၢအကၢ်ဝဲ, ဒီးအနၢၤလွံၢ်ဘိထီၣ်ဝဲလၢ အလီၢ်န့ၣ်မ့ၢ်ဘီမုၢ်လွံၢ်ဘီမုၢ် လၢအကအိၣ်ထီၣ်ဝဲလၢပှၤ တကလုာ်အကျါန့ၣ်လီၤ. ဘၣ်ဆၣ်ဒီးတအိၣ်ဘၣ်ဒီးအ စိအကမီၤဘၣ်.

²³ ဒီးအဘီအမုၢ်အကတၢၢ်အဆၢအကတီၢ်န့ၣ် တုၤပှၤ မၤကမၣ်တၢ်ဖိမၤပှဲၤတၢ်ဒီး, စီၤပၤအိၣ်ဒီးအမဲာ်ဒူ, ဒီး ကူၣ်လီတၢ်သ့တဂၤ, ကအိၣ်ထီၣ်ဝဲလီၤ.

²⁴ ဒီးအစိအကမီၤကဆူၣ်ထီၣ်ဝဲ ဘၣ်ဆၣ်ဒီး, တမ့ၢ် ဘၣ်လၢအစိအကမီၤဒၣ်ဝဲဘၣ်, ဒီးကမၤဟးဂီၤလီၤဆီ ဒၣ်တၢ်, ဒီးဘီၣ်ထီၣ်ညီထီၣ်, ဒီးမၤဖဲဒၣ်အသး, ဒီးမၤ ဟးဂီၤပှၤအစိဒိၣ်အကမီၤဒိၣ်တဖၣ်, ဒီးပှၤစီဆှံအပှၤဂီၢ် မုၢ်လီၤ.

²⁵ ဒီးမ့ၢ်အမၤဝဲဒီးတၢ်ကူၣ်သ့သတးဒီး, လီတၢ်ကဘီၣ် ထီၣ်ညီထီၣ်လၢအစုပူၤ, ဒီးကပာ်ဒိၣ်အသးလၢ အသး ကံၢ်ပူၤ, ဒီးကမၤဟးဂီၤပှၤအါဂၤလၢအတၢ်ဃူတၢ်ဖိးအ ပူၤလီၤ. ဒီးကဆၢထၢၣ်ထီဒါပဒိၣ်ဖးဒိၣ်တဖၣ်အပဒိၣ်ဖး ဒိၣ်တဂၤ, ဒီးပှၤအစုတအိၣ်ဘၣ်ဒီး, ကတုၤလၢတၢ်ဟး ဂီၤလီၤ.

²⁶ ဒီးတၢ်ထံၣ်တၢ်လၢညါခီ လၢမုၢ်ဟါဒီး လၢမုၢ်ဂီၤလၢ တၢ်စံၣ်တဲၤတဲလီၤဝဲန့ၣ် မ့ၢ်အမ့ၢ်အတီလီၤ. စဲဃာ်ပနီၣ် တၢ်ထံၣ်လၢညါခီန့ၣ်တက့ၢ်. အဂ့ၢ်ဒ်အံၤ, အိၣ်ဝဲလၢ အါနံၤအါသီအဂီၢ်လီၤ.

²⁷ ဒီးယဲဒၣ်, စီၤဒၤနံးယ့လးတဂၤအံၤ ယသးလီၤဘှါ, ဒီးယဆါထီၣ်လၢ မုၢ်နံၤတဖၣ်လီၤ. လၢခံက့ၤဒီးယဂဲၤ ဆၢထၢၣ်, ဒီးမၤစီၤပၤအတၢ်, ဒီးယသးကတုၤလၢတၢ် ထံၣ်တၢ်လၢညါခီအဃိ, ဒီးပှၤအနၢ်တပၢၢ်ဘၣ်ဝဲနီတဂၤ ဘၣ်.

၉

¹ ပှၤမၤဒဲဖိအချံအသၣ်စီၤအဃၤၡဝ့ရိၣ်အဖိခွါ စီၤဒၤရ ယါဝ့ၣ်အနံၣ်ခီၣ်ထံးလၢအကဲထီၣ် ပှၤက့ၤစ့းဖိအဘီမုၢ် အစီၤပၤန့ၣ်, ² လၢအကဲစီၤပၤအနံၣ်ခီၣ်ထံးန့ၣ်ယၤ, စီၤ ဒၤနံးယ့လးအံၤ, ယနၢ်ပၢၢ်နံၣ်အတၢ်ဂံၢ်လၢ ယွၤအက လုၢ်လၢအဘၣ်ဝံယံးရမံယၤ လၢလံာ်ဧိၤလဲၢ်ဧိၤ, လၢအ ကမၤပှဲၤထီၣ်ယရူၤၡလ့ၣ် အတၢ်အိၣ်သယုၢ်အနံၣ်နွံဆံ, လီၤ.

³ ဒီးယဒိးယမဲာ်ဆူကစၢ်ယွၤအအိၣ် ဒ်သိးယကဃုတၢ် လၢတၢ်ဂုာ်ဘါထုကဖၣ်ဒီးတၢ်ဃ့ကညး, အိၣ်ဒီးတၢ်ဒုၣ် တၢ်အီၣ်, ဒီးထၢၣ်အတၢ်ကံးညာ်ဒီးဖၣ်ဆါလီၤ.

⁴ ဒီးယဘါထုကဖၣ်ယွၤယကစၢ်, ဒီးယတဲလီၤကျဲၤလီၤ တၢ်, ဒီးယစံး, အၣ်, တၢ်ဒိၣ်တၢ်ထီ, တၢ်လီၤလိၢ်လီၤ လးအကစၢ်လၢအတိၢ်န့ၢ်တၢ်အၢၣ်လီၤအီလီၤ, ဒီးတၢ် ဘျုးတၢ်ဖှိၣ်လၢပှၤလၢအအဲၣ်အီၤ, ဒီးပှၤလၢအတိၢ်န့ၢ်အ တၢ်မၤလိာ်တဖၣ်အဂီၢ်တဂၤ, ကစၢ်ဧၢ, ⁵ ပမၤကမၣ် လံတၢ်, ဒီးပမၤလံတၢ်ဒဲးဘး, ဒီးပမၤအၢလံ, ဒီးပပူ ထီၣ်လံ, ဒီးပဃၣ်ကွံာ်လံပသးလၢနတၢ်မၤလိာ်, ဒီးန တၢ်သိၣ်တၢ်သီ, ⁶ ဒီးပတဒိကနၣ်ဘၣ်နခ့နပှၤ, ဝံတ ဖၣ်အကလုၢ်လၢအကတိၤတၢ်လၢနမံၤလၢပစီၤပၤ, ဒီးပ ပဒိၣ်ဖးဒိၣ်, ဒီးပပၢ်, ဒီးပှၤကီၢ်ဖိခဲလၢာ်န့ၣ်ဘၣ်.

⁷ ကစၢ်ဧၢ, တၢ်တီတၢ်လိၤအိၣ်ဝဲဒီးနၤလီၤ. မ့မ့ၢ်တၢ် မဲာ်ဆှးအိၣ်ဝဲဒီးပှၤ ဒ်လၢမုၢ်မဆါတနံၤအံၤအသိး, ယူ ဒၤအပှၤကညီ, ဒီးပှၤယရူၤၡလ့ၣ်ဖိ, ဒီးပှၤအံၣ်စရ့လးဖိ ခဲလၢာ်, ဒီးပှၤလၢအဘူး, ဒီးပှၤလၢအယံၤ, လၢကီၢ်ခဲ လၢာ်အပူၤဖဲနဟီထီၣ်ကွံာ်အီၤ လၢအတၢ်ကမၣ်အဃိ လၢအမၤကမၣ်နၤလီၤ.

⁸ ကစၢ်ဧၢ, တၢ်မဲာ်ဆှးအိၣ်ဒီးပှၤ, ပစီၤပၤ, ဒီးပပဒိၣ် ဖးဒိၣ်, ဒီးပပၢ်သ့ၣ်တဖၣ်လၢပမၤကမၣ်နၤအဃိလီၤ.

⁹ တၢ်သူၣ်ကညီၤ တၢ်သးကညီၤ, ဒီးတၢ်မၤပူၤမၤဖျဲး တၢ်တဖၣ်န့ၣ်အိၣ်ဒီးယွၤပကစၢ်လီၤ. အဂ့ၢ်ဒ်အံၤ, ပမၤ ကမၣ်ဘၣ်လံအီၤလီၤ.

¹⁰ ဒီးပတဒိကနၣ်ဘၣ် ယွၤပကစၢ်အကလုၢ်ဒ်သိးပက လဲၤတၢ်လၢအတၢ်သိၣ်တၢ်သီအပူၤ လၢအပာ်လီၤဝဲလၢ ပမဲာ်ညါလၢအခ့အပှၤ, ဝံတဖၣ်အစုပူၤဘၣ်. ¹¹ ဒီးပှၤ အံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီ, ဒီးဃၣ်ကွံာ်အသးဒ်သိးအသုတဒိကနၣ်နကလုၢ်တ ဂ့ၤလီၤ. ဒီးနဒုးဘၣ်လံပှၤလၢတၢ်ဆိၣ်အၢ, တၢ်ဆိၣ်လၢ အကွဲးအသးလၢယွၤအခ့အပှၤ စီၤမိၤရှ့အတၢ်သိၣ်တၢ် သီအပူၤလီၤ. အဂ့ၢ်ဒ်အံၤ, ပမၤကမၣ်လံအီၤလံလီၤ.

¹² ဒီးမၤကျၢၤလံ အတၢ်ကတိၤလၢအကတိၤတၢ်ထီဒါ ပှၤဒီးထီဒါပပှၤစံၣ်ညီၣ်ကွီၢ် လၢအစံၣ်ညီၣ်ပှၤဒီးဒုးဘၣ် လံပှၤလၢတၢ်အၢဖးဒိၣ်လံ, တုၤတၢ်တမၤဘၣ်အသးလၢ မူခိၣ်ဒီဘ့ၣ်ညါအဖီလာ် ဒ်တၢ်မၤအသးလၢယရူၤၡလ့ၣ် အသိးန့ၣ်ဘၣ်.

¹³ ဒ်တၢ်ကွဲးအသးလၢ စီၤမိၤရှ့အတၢ်သိၣ်တၢ်သီအသိး န့ၣ်တၢ်အၢခဲလၢာ်အံၤဘၣ်ပှၤလီၤ. ဘၣ်ဆၣ်ဒီးပတဃ့ ကညးတၢ်လၢယွၤပကစၢ်အမဲာ်ညါ ဒ်သိးပကဃၣ်ကွံာ် ပသးလၢပတၢ်အၢ, ဒီးနၢ်ပၢၢ်နတၢ်မ့ၢ်တၢ်တီန့ၣ်ဘၣ်.

¹⁴ မၤသးဒ်န့ၣ်ဒီး ယွၤပၢၤတၢ်အၢန့ၣ်, ဒီးဒုးဘၣ်ပှၤလၢ အီၤလီၤ. အဂ့ၢ်ဒ်အံၤ, ယွၤပကစၢ်တီဝဲလၢအတၢ်မၤခဲ လၢာ်အပူၤလၢအမၤဝဲလီၤ. အဂ့ၢ်ဒ်အံၤ, ပတဒိကနၣ် ဘၣ်အကလုၢ်ဘၣ်.

¹⁵ ဒီးခဲကနံၣ်အံၤယွၤပကစၢ်လၢ အဒုးဟးထီၣ် နပှၤဂီၢ် မုၢ်လၢကီၢ်အဲၤကူပတူးအပူၤလၢအစုဆူၣ်, ဒီးမၤန့ၢ်အ မံၤလၢနဂီၢ်ဒ်လၢမုၢ်မဆါတနံၤအံၤအသိးတဂၤဧၢ, ပမၤ ကမၣ်ဘၣ်လံတၢ်လံ, ပမၤအၢလံတၢ်လံ.

¹⁶ ကစၢ်ဧၢ, ဒ်နတၢ်တီတၢ်လိၤခဲလၢာ်အသိးန့ၣ် ဃၣ် ကွံာ်နသးထီၣ်ဒီးနသးကဲၤထီၣ်လၢနဝ့ၢ်ယရူၤၡလ့ၣ်, န ကစၢၢ်စီဆှံအအိၣ်န့ၣ်တက့ၢ်. အဂ့ၢ်ဒ်အံၤ, လၢပတၢ်က မၣ်အဃိ, ဒီးလၢပပၢ်အတၢ်အၢအဃိ, ယရူၤၡလ့ၣ်ဒီး နပှၤဂီၢ်မုၢ်ကဲထီၣ်တၢ်ဒုၣ်ဒွဲၣ်အလီၢ် လၢကယဲၢ်ပှၤလၢအ အိၣ်ဝးတရံးပှၤအမဲာ်ညါလီၤ.

¹⁷ ဒီးခဲကနံၣ်အံၤ, ပကစၢ်ဧၢ, ကနၣ်နခ့နပှၤအတၢ်ထု ကဖၣ်, ဒီးအတၢ်ဃ့ကညးဒီးဒုးကပီၤဘၣ်နမဲာ်လၢနလီၢ် စီဆှံလၢအအိၣ်သယုၢ်, လၢကစၢ်အဃိန့ၣ်တက့ၢ်.

¹⁸ ယကစၢ်ဧၢ, ဒိးနူၤဒိးနၢ်, ဒီးကနၣ်တၢ်, အိးထီၣ်န မဲာ်, ဒီးကွၢ်ပတၢ်အိၣ်သယုၢ်တဖၣ်, ဒီးဝ့ၢ်တဖျၢၣ်လၢ တၢ်ယုၢ်အမံၤဒ်သိးနမံၤန့ၣ်တက့ၢ်. အဂ့ၢ်ဒ်အံၤ, တမ့ၢ် ဘၣ်ပဃ့ကညးတၢ်လၢနမဲာ်ညါလၢ ပတၢ်တီတၢ်လိၤ အဃိဘၣ်, မ့ၢ်လၢနဘျုးဒိၣ်နဖှိၣ်အါအဃိလီၤ.

¹⁹ ကစၢ်ဧၢ, ကနၣ်တၢ်တက့ၢ်, ကစၢ်ဧၢ, ပျၢ်တၢ်တ က့ၢ်. ကစၢ်ဧၢ, ကနၣ်တၢ်ဒီးမၤတၢ်တက့ၢ်. လၢနဃိ ဒၣ်နဲသုးနံၤသုးသီတဂ့ၤ, ယကစၢ်ဧၢ, အဂ့ၢ်ဒ်အံၤ, တၢ် ယုၢ်နဝ့ၢ်ဒီးနပှၤဂီၢ်မုၢ်အမံၤဒ်သိးဒီးနမံၤလီၤ.

²⁰ ဒီးယကတိၤတၢ်, ဒီးဘါထုကဖၣ်တၢ်, ဒီးတဲလီၤကျဲၤ လီၤယတၢ်ဒဲးဘး, ဒီးယပှၤဂီၢ်မုၢ်အံၣ်စရ့လး အတၢ်ဒဲး ဘး, ဒီးပာ်ယတၢ်ဃ့ကညးလၢ ယွၤယကစၢ်အမဲာ်ညါ လၢယကစၢ်အကစၢၢ်စီဆှံအဂီၢ်အဖၢမုၢ်ဒီး, ²¹ ယဘါထု ကဖၣ်တၢ်အဖၢမုၢ်ဒၣ်လဲာ်, ပှၤကညီကၤဘြံၤအ့လးတ ဂၤလၢယထံၣ်တ့ၢ်လၢယတၢ်ထံၣ်လၢညါခီ လၢအခီၣ် ထံးန့ၣ် တၢ်ဒုးဟဲအီၤချ့ချ့သတးဒီး, လၢပှၤမၤဘူၣ်တၢ် လၢမုၢ်ဟါအကတီၢ်န့ၣ်သုးဘူးအသးဆူယအိၣ်လီၤ.

²² ဒီးသိၣ်က့ၤသီက့ၤယၤ, ဒီးကတိၤတၢ်ဒီးယၤ, ဒီးစံးဝဲ ဒၣ်, စီၤဒၤနံးယ့လးဧၢ, ယဟဲထီၣ်ဒ်သိးယကသိၣ်လိ နၤလၢတၢ်ကူၣ်တၢ်ဆးလီၤ.

²³ လၢနဃ့ကညးတၢ်အခီၣ်ထံးန့ၣ် တၢ်အကလုၢ်လီၤ, ဒီးယဟဲစံးဘၣ်တဲဘၣ်နၤလီၤ. အဂ့ၢ်ဒ်အံၤ, နဘၣ်တၢ် အဲၣ်နၤဒိၣ်မးလီၤ. မၤသးဒ်န့ၣ်ဒီးတိၢ်န့ၢ်တၢ်အကလုၢ်ဒီး နၢ်ပၢၢ်တၢ်ထံၣ်လၢညါခီန့ၣ်တက့ၢ်.

²⁴ တၢ်နွံအဘျီနွံဆံပာ်အသးလၢနပှၤဂီၢ်မုၢ်ဒီး နဝ့ၢ်စီဆှံ အဂီၢ်ဒ်သိးအကမၤလၢာ်တၢ်ကမၣ်, ဒီးမၤကတၢၢ်တၢ်ဒဲး ဘး, ဒီးမၤပူၤမၤဖျဲးတၢ်လၢတၢ်အၢအဂီၢ်, ဒီးဒုးဟဲနုာ် တၢ်တီတၢ်လိၤအထူအယိာ်ဒီး စဲဃာ်ပနီၣ်တၢ်ထံၣ်လၢ ညါခီ, ဒီးတၢ်ကတိၤလၢဝံအကျိာ်, ဒီးဖှူတၢ်အလီၢ်စီဆှံ ကတၢၢ်န့ၣ်လီၤ.

²⁵ သ့ၣ်ညါဒီးနၢ်ပၢၢ်တၢ်တက့ၢ်, လၢတၢ်မၤလိာ် လဲၤ ထီၣ်ဒ်သိးပှၤကမၤသီထီၣ်က့ၤယရူၤၡလ့ၣ် ပၢၢ်လၢပှၤဒိး ဖှူအသးတၢ်အခိၣ်တဂၤန့ၣ်မ့ၢ်တၢ်နွံအဘျီနွံဘျီ, ဒီးတၢ် အနွံအဘျီဃုဆံခံဘျီန့ၣ်တၢ်ကမၤက့ၤအကျဲ, ဒီးအခိၣ် ဒူလၢအဆၢကတီၢ်ဘၣ်ကိၢ်ဘၣ်ဂီၤအပူၤလီၤ.

²⁶ ဒီးလၢတၢ်နွံ အဘျီဃုဆံဒီးခံဘျီအလီၢ်ခံန့ၣ် ပှၤဒိးဖှူ အသးတဂၤကဘၣ်တၢ်ဒီၣ်တဲာ်ကွံာ်အီၤ, တမ့ၢ်ဘၣ်လၢ အဂီၢ်ဒၣ်ဝဲဘၣ်, ဒီးတၢ်အခိၣ်အပှၤဂီၢ်မုၢ်လၢအကဟဲတ ဖၣ်န့ၣ်ကမၤဟးဂီၤဝ့ၢ်န့ၣ်, ဒီးတၢ်အလီၢ်စီဆှံလီၤ. ဘၣ် ဆၣ်ဒီးအကတၢၢ်န့ၣ်ကအိၣ်ဝဲဒီးတၢ်လုၣ်ဘၢတၢ်, ဒီးဒုး တၢ်ကအိၣ်တုၤအကတၢၢ်, တၢ်အိၣ်သယုၢ်လၢတၢ်တိာ် ပာ်အီၤန့ၣ်ကအိၣ်လီၤ.

²⁷ ဒီးကမၤတၢ်အၢၣ်လီၤအီလီၤဂၢၢ်ဂၢၢ်ကျၢၤကျၢၤ ဒီးပှၤ အါဂၤလၢတၢ်တနွံအတီၢ်ပူၤ, ဒီးလၢဖးဖီတၢ်တနွံန့ၣ်က ဒုးဆိတ့ၢ်တၢ်လုၢ်ဒီး တၢ်မၤဘူၣ်, ဒီးတၢ်မၤသယုၢ်တၢ် န့ၣ်ကအိၣ်ဝဲလၢတၢ်အိၣ်ဒီးအဒံးဆ့လၢ တၢ်သးဘၣ်အၢ အီၤအဖီခိၣ်, ဒီးတၢ်လၢတၢ်တိာ်ဝဲန့ၣ် ကလူလီၤအသး လၢတၢ်လၢအကဟးဂီၤအဖီခိၣ်, တုၤလၢတၢ်ဟးဂီၤလီၤ.

၁၀

¹ ပၤရၣ်အစီၤပၤကိရ့ၣ်အနံၣ်သၢနံၣ်တနံၣ်န့ၣ် တၢ်လီၣ် ဖျါတၢ်ကတိၤလၢစီၤဒၤနံးယ့လး လၢအမံၤမ့ၢ်ဘ့ၤလးတ ၡါစၢ်, ဒီးတၢ်ကတိၤန့ၣ်မ့ၢ်အမ့ၢ်အတီ, ဒီးတၢ်ဒုးတၢ် ယၤန့ၣ်မ့ၢ်အဒိၣ်, ဒီးအနၢ်ပၢၢ်တၢ်ကတိၤန့ၣ်လီၤ. ဒီးအ နၢ်ပၢၢ်တၢ်ထံၣ်တၢ်လၢညါခီလီၤ.

² တၢ်လၢမုၢ်နံၤတဖၣ်န့ၣ် ယၤစီၤဒၤနံးယ့လးအံၤ, ယ သူၣ်အုးယသးအုးသၢနွံညါလီၤ.

³ ယတအီၣ်ဘၣ် ကိၣ်လၢအဝံၣ်ဘၣ်, ဒီးတၢ်ညၣ်ဒီး စပံးထံတဟဲနုာ်လၢယထးခိၣ်ဘၣ်, ဒီးယတဖှူဘၣ်ယ သးတုၤသၢနွံညါပှဲၤထီၣ်လီၤ.

⁴ ဒီးလၢလါခီၣ်ထံး, လါထီၣ်ခံဆံလွံၢ်နံၤတနံၤန့ၣ် ယ အိၣ်လၢထံမိၢ်ပှၢ်အနံၤလၢအမ့ၢ်ဃံးဒက့လးလီၤ.

⁵ ဒီးယကျ့ထီၣ်ယမဲာ်ဒီး ယကွၢ်တၢ်ဒီးကွၢ်ကွၢ်, ပှၤက ညီတဂၤကူသိးလၢဖှီဝါကဆှၣ်, ဒီးအယီၢ်ဒ့ကံၢ်တူာ်အ သးဒီးထူအူဖစး, ⁶ ဒီးအကစၢ်မၤသးဒ်တၢ်မျၢ်ဘီဟ့အ သိး, ဒီးအမဲာ်ဖျါဝဲဒ်လီဝၢ်အဒံးအသိး, ဒီးအမဲာ်သၣ်မၤ သးဒ်မ့ၣ်အူဒၢ ကဲၤကပီၤတဖၣ်အသိး, ဒီးအစုဒီးအခီၣ် ဖျါဝဲမၤသးဒ်တိၢ်ဘီတြူာ်အသးဒီး အတၢ်ကတိၤအက လုၢ်မၤသးဒ်ပှၤဂီၢ်မုၢ်အကိးပသူတၢ်အသိးန့ၣ်လီၤ.

⁷ ဒီးယၤစီၤဒၤနံးယ့လးအံၤ ယထံၣ်တၢ်လၢညါခီတဂၤ ဃီလီၤ. ဒီးပှၤအိၣ်ဝဲဒီးယၤတဖၣ်န့ၣ် တထံၣ်ဘၣ်တၢ် ထံၣ်လၢညါခီဘၣ်. မ့ၢ်အဘၣ်ပျံၤဘၣ်ဖုးကနိးကစုာ်ဒိၣ် မး, ဒီးဃ့ၢ်ဝဲဒ်သိးအကပာ်ခူသူၣ်အသးလီၤ.

⁸ ဒီးယဲဒၣ်ယအိၣ်လီၤတဲာ်တဂၤဃီ, ဒီးယထံၣ်တၢ်ထံၣ် လၢညါခီဖးဒိၣ်, ဒီးယဂံၢ်ယဘါတအိၣ်လီၤတဲာ်ဘၣ်လၢ ယပူၤဘၣ်. အဂ့ၢ်ဒ်အံၤ, ယဃံယလၤကဲထီၣ်ဒ်တၢ်အုၣ် သံအသိး, ဒီးယဂံၢ်ယဘါတအိၣ်လၢၤဘၣ်.

⁹ ဒီးယနၢ်ဟူအတၢ်ကတိၤတဖၣ်အသီၣ်, ဒီးဖဲယနၢ်ဟူ အတၢ်ကတိၤတဖၣ်အသီၣ်ဒီး, ယမံသပ့ၤအီထီလာ်, ဒီး ယမဲာ်ကျးလီၤအသးလၢဟီၣ်ခိၣ်အဖီခိၣ်လီၤ.

¹⁰ ဒီးကွၢ်ကွၢ်, တၢ်အစုထိးယၤလၢ အဒုးဆၢထၢၣ်ယၤ လၢယခီၣ်လ့ၢ်ခိၣ်, ဒီးယစုညါသးလီၤ.

¹¹ ဒီးစံးဘၣ်ယၤ, ပှၤလၢအဘၣ်တၢ်အဲၣ်အီၤတဂၤ, စီၤ ဒၤနံးယ့လးဧၢ, နၢ်ပၢၢ်တၢ်ကတိၤလၢယကတိၤတၢ်ဒီး နၤ, ဒီးဆၢထၢၣ်ထူၣ်ကလာ်တက့ၢ်. အဂ့ၢ်ဒ်အံၤ, ခဲက နံၣ်အံၤတၢ်မၢလီၤယၤဆူနအိၣ်လီၤ. ဒီးတုၤအကတိၤတၢ် ကတိၤန့ၣ်ဒီးယၤဒီး, ယဆၢထၢၣ်, ဒီးယကနိးကစုာ်လီၤ.

¹² ဒီးစံးဘၣ်ယၤ, စီၤဒၤနံးယ့လးဧၢ, ပျံၤတၢ်တဂ့ၤ. အဂ့ၢ် ဒ်အံၤ, လၢမုၢ်အခီၣ်ထံးလံၤလံၤလၢနပာ်နသးလၢနက နၢ်ပၢၢ်တၢ်ဒီးဆီၣ်လီၤနသးလၢနကစၢ်အမဲာ်ညါဒီး, တၢ် ကနၣ်နတၢ်ကတိၤ, ဒီးယဟဲလၢ နတၢ်ကတိၤအဃိ လီၤ. ¹³ ဒီးပၤရၣ်အဘီအမုၢ်အခိၣ်တြီယၤခံဆံတနံၤ, ဒီး ယအိၣ်လီၤတဲာ်ဖဲန့ၣ်ဒီးပၤရၣ်အစီၤပၤတဖၣ်န့ၣ်လီၤ.

¹⁴ ဒီးယဟဲဘိးဘၣ်သ့ၣ်ညါနၤလၢ တၢ်လၢအကဘၣ်န ပှၤဂီၢ်မုၢ်လၢ မုၢ်နံၤကတၢၢ်တဖၣ်န့ၣ်လီၤ. အဂ့ၢ်ဒ်အံၤ, တၢ်ထံၣ်တၢ်လၢညါခီအိၣ်ဒံးလၢမုၢ်နံၤတဖၣ်အဂီၢ်လီၤ.

¹⁵ ဒီးကတိၤတၢ်ကတိၤတဖၣ် ဒ်န့ၣ်ဒီးယၤ အဖၢမုၢ်ဒီး, ယပာ်ယမဲာ်လၢဟီၣ်ခိၣ်အဖီခိၣ်, ဒီးယအိၣ်ဘှီၣ်ကလာ် လီၤ.

¹⁶ ဒီးကွၢ်ကွၢ်, တၢ်ဖျါဝဲဒ်ပှၤကညီအဖိခွါတဂၤ ထိးယ ပျုၤဒီးယအဲးထီၣ်ယထးခိၣ်, ဒီးယကတိၤတၢ်, ဒီးယစံး ဘၣ်ပှၤလၢအဆၢထၢၣ်လၢယမဲာ်ညါ, ယကစၢ်ဧၢ, ယ တၢ်သးအုးဘၣ်လံယၤ, ဒီးယဂံၢ်ယဘါတအိၣ်လၢၤဘၣ် လၢတၢ်ထံၣ်လၢညါခီအဃိလီၤ.

¹⁷ ဒီးယကစၢ်အခ့အပှၤတဂၤအံၤ ကတိၤတၢ်ဒီးယက စၢ်တဂၤအံၤဒ်လဲၣ်. ဒီးတၢ်လၢယၤအံၤ, တၢ်ဂံၢ်တၢ်ဘါ တအိၣ်လၢၤဘၣ်လၢယပူၤဘၣ်, ဒီးယသါတအိၣ်လၢၤ ဘၣ်လၢယပူၤဘၣ်.

¹⁸ ဒီးတၢ်အိၣ်ဒီး ပှၤကညီအက့ၢ်အဂီၤတဂၤ ထိးကဒီး ယၤ, ဒီးဒုးဆူၣ်ထီၣ်ယၤ, ¹⁹ ဒီးစံးဝဲဒၣ်, ပှၤလၢအဘၣ် တၢ်အဲၣ်အီၤတဂၤဧၢ, ပျံၤတၢ်တဂ့ၤ, မ်နဘၣ်တၢ်ဃူတၢ် ဖိးတက့ၢ်. အိၣ်ဒီးနဂံၢ်နဘါ, အိၣ်ဒီးနဂံၢ်နဘါတက့ၢ်. ဒီးကတိၤဝဲဒီးယၤအဖၢမုၢ်ဒီး ယဂံၢ်ယဘါဆူၣ်ထီၣ်, ဒီး ယစံး, မ်ယကစၢ်ကကတိၤတၢ်တက့ၢ်. အဂ့ၢ်ဒ်အံၤ, န ဒုးဆူၣ်ထီၣ်ယၤလီၤ.

²⁰ ဒီးစံးဝဲဒၣ်, ယဟဲမ့ၢ်အဘၣ်မနုၤလဲၣ်န့ၣ် နသ့ၣ်ညါ စ့ၢ်ကီးဧါ. ဒီးခဲကနံၣ်အံၤယဘၣ်က့ၤကဒါက့ၤဒီးဒုးတၢ် ဒီးပၤရၣ်အခိၣ်, ဒီးယကဟးထီၣ်, ဒီးကွၢ်ကွၢ်, ယၤဝၣ် အခိၣ်ကဟဲလီၤ. ²¹ ဘၣ်ဆၣ်ဒီးယကစံးဘၣ်နၤလၢတၢ် လၢအကွဲးအသးလၢတၢ်မ့ၢ်တၢ်တီအလံာ်ပူၤလီၤ. ဒီးမ့ တမ့ၢ်သုးခိၣ်မံၤက့လးတဂၤန့ၣ် မၤဃုာ်ဒီးယၤလၢတၢ် အံၤတမံၤဘၣ်ဒီးပှၤတအိၣ်ဘၣ်နီတဂၤဘၣ်.

၁၁

¹ ဒီးလၢပှၤမၤဒဲဖိစီၤဒၤရယါဝ့ၣ် အနံၣ်ခီၣ်ထံးတနံၣ်န့ၣ် ယဆၢထၢၣ်ဒ်သိး ယကဒုးဆူၣ်ထီၣ်အီၤ, ဒီးမၤဂၢၢ်မၤ ကျၢၤအီၤလီၤ.

² ဒီးခဲကနံၣ်အံၤယကဒုးနဲၣ်နၤလၢ တၢ်မ့ၢ်တၢ်တီလီၤ. ကွၢ်ကွၢ်, ပၤရၣ်အစီၤပၤသၢဂၤကဆၢထၢၣ်ဒံး, ဒီးပှၤ လွံၢ်ဂၤတဂၤန့ၣ်ကထူးထီၣ်တီၤထီၣ် ဒိၣ်န့ၢ်အဝဲသ့ၣ်ခဲ လၢာ်တက့ၢ်လီၤ. ဒီးတုၤအဂံၢ်အဘါဆူၣ်ထီၣ်လၢအတၢ် ထူးတၢ်တီၤအဃိဒီး, ကထိၣ်ဂဲၤတၢ်ခဲလၢာ်ထီဒါယၤဝၣ် အဘီအမုၢ်လီၤ.

³ ဒီးစီၤပၤဖးဒိၣ်တဂၤ ကဆၢထၢၣ်လၢအကကဲ စီၤပၤ လၢတၢ်ပၢအလီၢ်ဖးလဲၢ် အဖီခိၣ်, ဒီးကမၤဖဲဒၣ်အသး လီၤ.

⁴ ဒီးတုၤအဆၢထၢၣ်ဒီး, အဘီအမုၢ်ကကၢ်ဝဲ, ဒီးကလီၤ မုၢ်လီၤဖးဆူ မူခိၣ်အကလံၤလွံၢ်ခီ, ဒီးတမ့ၢ်ဘၣ်လၢအ စၢၤအသွဲၣ်အဂီၢ်ဘၣ်. ဒီးတမ့ၢ်ဘၣ်ဒ်တၢ်ပၢအလီၢ်လၢ အပၢဝဲအသိးန့ၣ်ဘၣ်. အဂ့ၢ်ဒ်အံၤ, တၢ်ကထဲးထီၣ်ကွံာ် အဘီအမုၢ်, ဒီးလၢအဝဲသ့ၣ်အမဲာ်ညါန့ၣ်ကကဲထီၣ်ပှၤ ဂၤအတၢ်လီၤ.

⁵ ဒီးစီၤပၤလၢကလံၤထံးတခီ ကဆူၣ်ထီၣ်ဘၣ်ဆၣ်ဒီး ပှၤလၢ အပဒိၣ်ဖးဒိၣ်အကျါတဂၤ ကဆူၣ်ထီၣ်ဒိၣ်န့ၢ် အီၤ, ဒီးကကဲထီၣ်စီၤပၤလီၤ. အဘီအမုၢ်န့ၣ်ကကဲထီၣ် တၢ်ပၢအကီၢ်ဖးလဲၢ်လီၤ.

⁶ ဒီးလၢနံၣ်တဖၣ်အကတၢၢ်န့ၣ်ကအၢၣ်လီၤအီလီၤတၢ် လီၤ. အဂ့ၢ်ဒ်အံၤ, တၢ်လၢကလံၤထံးအစီၤပၤဖိမုၣ်တ ဂၤကဟဲဆူကလံၤစိးအစီၤပၤအအိၣ်ဒ်သိး အကမၤဃူမၤ ဖိးတၢ်လီၤ. ဘၣ်ဆၣ်ဒီးပိာ်မုၣ်တဟံးဃာ် အစုဒုၣ်အစိ အကမီၤဘၣ်, ဒီးပိာ်ခွါန့ၣ်မ့ၢ်ဂ့ၤ, အစုဒုၣ်မ့ၢ်ဂ့ၤ, တဆၢ ထၢၣ်ဘၣ်, ဒီးတၢ်ကဟ့ၣ်လီၤကွံာ်ပိာ်မုၣ်, ဒီးပှၤတဖၣ် လၢအဟဲစိာ်အီၤ, ဒီးပှၤတဂၤလၢအထီၣ်ဖိအီၤ, ဒီးပှၤတ ဂၤလၢအမၤဆူၣ်ထီၣ်အီၤလၢအဆၢအကတီၢ်န့ၣ်လီၤ.

⁷ ဒီးလၢအဂံၢ်အပဒၢ ပှၤတဂၤကဆၢထၢၣ်လၢအလီၢ် ဒီးကဟဲဝဲဆူတၢ်သုးမုၢ်, ဒီးကလဲၤနုာ်လၢကလံၤစိးအစီၤ ပၤအတိာ်ပူၤ, ဒီးကမၤထီဒါအီၤ, ဒီးကမၤနၢၤတၢ်လီၤ.

⁸ ဒီးကစိာ်မၢကဲကုၢ် အကစၢ်တဖၣ်ဆူ အဲၤကူပတူး အိၣ်ဝဲဒီးအတၢ်ဂီၤသိအသးတဖၣ်, ဒီးအလီခီစ့ဒီးအလီ ခီထူလၢအလုၢ်ဒိၣ်ပှ့ၤဒိၣ်, ဒီးတမၤဘူးဘၣ်ဒီးကလံၤစိး အစီၤပၤလၢနံၣ်ဧိၤလါဧိၤတနီၤလီၤ.

⁹ ဒီးကဟဲဆူကလံၤထံးအစီၤပၤအဘီအမုၢ်, ဘၣ်ဆၣ် ဒီးကက့ၤက့ၤဆူအကီၢ်ဒၣ်ဝဲလီၤ.

¹⁰ ဒီးအဖိခွါတဖၣ်ကဒုးသုး, ဒီးကဒုးအိၣ်ဖှိၣ်ပှၤသုးမုၢ် ဂီၢ်မုၢ်, ဒီးကလဲၤတၢ်, ဒီးလုၣ်ဘၢတၢ်, ဒီးခီဂာ်တၢ်, ဒီးကက့ၤကဒါက့ၤ, ဒီးကဒုးတၢ်ပၢၢ်လၢအတိာ်ပူၤဒၣ် လဲာ်လီၤ.

¹¹ ဒီးတၢ်လၢကလံၤထံးအစီၤပၤကသးထီၣ်, ဒီးကလဲၤ ဒုးအီၤ, ကလံၤစိးအစီၤပၤဒၣ်လဲာ်, ဒီးကဒုးအိၣ်ထီၣ်ပှၤ ဂီၢ်မုၢ်လီၤ. ဒီးတၢ်ကဟ့ၣ်လီၤကွံာ်ပှၤဂီၢ်မုၢ်န့ၣ်လၢအစု ပူၤလီၤ.

¹² ဒီးပှၤဂီၢ်မုၢ်န့ၣ် ကပာ်ထီၣ်ထီအသး, ဒီးအဝဲဒၣ်အ သူၣ်ကပိၢ်အသးကဝး, ဒီးကဒုးလီၤဃံၤ ပှၤကလးသ့ၣ် တဖၣ်န့ၣ်လီၤ. ဘၣ်ဆၣ်ဒီးတဆူၣ်ထီၣ်ဘၣ်ဝဲဘၣ်.

¹³ ဒီးတၢ်လၢကလံၤစိးအစီၤပၤကဟဲကဒါက့ၤ, ဒီးကဒုး အိၣ်ထီၣ်ပှၤဂီၢ်မုၢ်အါန့ၢ်လၢအခီၣ်ထံးတက့ၢ်, ဒီးလၢအ ဆၢအကတီၢ်နံၣ်တဖၣ်အကတၢၢ်န့ၣ် ကဟဲဝဲဒီးတၢ်သုး မုၢ်ဖးဒိၣ်, ဒီးအစုလီၢ်အခီၣ်ခိၣ်အါအါကလဲာ်လီၤ.

¹⁴ တၢ်လၢအကတီၢ်တဖၣ်န့ၣ် ပှၤအါဂၤကဆၢထၢၣ်ထီ ဒါတၢ်လၢကလံၤထံးအစီၤပၤ, နပှၤဂီၢ်မုၢ်အပှၤမၤဆူၣ် မၤစိးတၢ်တဖၣ်ကပာ်ထီၣ်ထီအသး ဒ်သိးအကဒုးအိၣ် ကျၢၤတၢ်ထံၣ်တၢ်လၢညါခီလီၤ. ဘၣ်ဆၣ်ဒီးကလီၤဃံၤ ဝဲလီၤ.

¹⁵ ဒီးတၢ်လၢကလံၤစိးအစီၤပၤကဟဲဝဲ, ဒီးမၤထီၣ်တၢ် ခိၣ်ဒူ, ဒီးမၤန့ၢ်ဝ့ၢ်အိၣ်ဒီးအခိၣ်ဒူခၢၣ်သနၢၢ်, ဒီးတၢ်လၢ ကလံၤထံးအသုးမုၢ်, အပှၤသုးဖိလၢ အဃုထၢအီၤဒၣ် လဲာ်, တဆၢထၢၣ်ဘၣ်ဝဲဘၣ်. အဂံၢ်အဘါလၢအက ဆၢထၢၣ်ဝဲန့ၣ်တအိၣ်ဘၣ်.

¹⁶ ဒီးပှၤလၢအဟဲဝဲန့ၣ် ကမၤအီၤဖဲဒၣ်အသးဒၣ်ဝဲ, ဒီး တၢ်တဆၢထၢၣ်ဘၣ်လၢအမဲာ်ညါဘၣ်. ဒီးကဆၢထၢၣ် လၢကီၢ်အိၣ်ဝဲဒီးအဃံအလၤ, ဒီးကမၤလၢာ်ကွံာ်ဝဲလၢ အစုလီၤ.

¹⁷ ဒီးကပာ်အမဲာ်လၢ အကဟဲဒီးအဘီအမုၢ်ဒီဘ့ၣ်ညါ အစိအကမီၤ, ဒီးပှၤတီပှၤလိၤအိၣ်ဒီးအီၤလီၤ. ဒ်န့ၣ်အ သိးကမၤဝဲလီၤ. ဒီးကဟ့ၣ်လီၤအီၤလၢပိာ်မုၣ်အဖိမုၣ်တ ဂၤ, ဒ်သိးအကမၤဟးဂီၤဝဲလီၤ. ဘၣ်ဆၣ်ဒီးတၢ်န့ၣ်တ မံၤတကျၢၤဘၣ်ဝဲဘၣ်. ဒီးတကဲထီၣ်ဘၣ်လၢအဂီၢ်ဘၣ်.

¹⁸ ဒီးကဃၣ်ဃီၤအမဲာ်ဆူကီးတဖၣ်အအိၣ်, ဒီးကမၤန့ၢ် အါဖျၢၣ်လီၤ. ဘၣ်ဆၣ်ဒီးတၢ်အခိၣ်တဂၤကဒုးဆိတ့ၢ် အတၢ်ဒုၣ်ဒွဲၣ်လီၤ. လၢန့ၣ်အမဲာ်ညါကဒုးဘၣ်ကဒါက့ၤ အတၢ်ဒုၣ်ဒွဲၣ်လၢအကစၢ်ဒၣ်ဝဲအလိၤလီၤ.

¹⁹ ဒီးကဃၣ်က့ၤအမဲာ်ဆူ တိာ်ဧိၤတာ်ဧိၤလၢအကီၢ်ဒၣ် ဝဲအပူၤလီၤ. ဒီးအခီၣ်ကဘၣ်တိၢ်ဒီးကလီၤဃံၤဝဲ, ဒီး တၢ်တထံၣ်န့ၢ်လၢၤဘၣ်အီၤဘၣ်.

²⁰ ဒီးပှၤကဆၢထၢၣ်လၢအလီၢ်တဂၤ, လၢအကဒုးခီဂာ် ပှၤဃ့သွဲလၢ ဘီမုၢ်အဃံအလၤအပူၤလီၤ. ဒီးလၢစှၤနံၤ အတီၢ်ပူၤကတုၤလၢတၢ်ဟးဂီၤလီၤ. ဘၣ်ဆၣ်ဒီးတမ့ၢ် ဘၣ်လၢတၢ်သးထီၣ်အဃိ, တမ့ၢ်ဘၣ်လၢဒုးသုးအပူၤ ဘၣ်.

²¹ ဒီးပှၤလၢတၢ်တပးကဲဘၣ်အီၤတဂၤ ကဆၢထၢၣ်လၢ အလီၢ်လၢ ပှၤတဟ့ၣ်ဘၣ်အီၤလၢ ဘီမုၢ်အလၤကပီၤ ဘၣ်. ဒီးကဟဲနုာ်ဃူဃူဖိးဖိး, ဒီးကန့ၢ်ဘၣ်ဘီမုၢ်လၢ လီတၢ်လီၤ.

²² ဒီးသုးမုၢ်လၢအလုၣ်ဘၢတၢ်န့ၣ် ကလီၤဘျၢဝဲလၢအ မဲာ်ညါ, ဒီးကကၢ်လီၤကလဲ, တၢ်အခိၣ်ဘၣ်ဃးဒီးတၢ် အၢၣ်လီၤအီလီၤလီၤ.

²³ ဒီးလၢ အအၢၣ်လီၤအီလီၤတၢ်ဒီးအီၤလံၤလံၤန့ၣ် က မၤဝဲဒီးလီတၢ်, ဒီးကလဲၤထီၣ်, ဒီးမၤဃၣ်တၢ်လၢအပှၤ ဂီၢ်မုၢ်စှၤတဖုလီၤ.

²⁴ ကဟဲနုာ်ဃူဃူဖိးဖိး လၢကီၢ်အဂ့ၤကတၢၢ်အပူၤ, ဒီး ကမၤတၢ်လၢအပၢ်တဖၣ်ဒီး အပၢ်အပၢ်တဖၣ်တမၤဘၣ် ဝဲဘၣ်. ဒီးကဟ့ၣ်နီၤဖးဝဲလၢတၢ်မၤန့ၢ်ဆူၣ်, ဒီးတၢ်ဂုာ် ဆူၣ်ပျီဆူၣ်, ဒီးတၢ်ထူးတၢ်တီၤလီၤ, ဒီးကကူၣ်တၢ်ထီ ဒါတိာ်ဧိၤတာ်ဧိၤတုၤအမုၢ်အလါဘၣ်လီၤ.

²⁵ ဒီးကထိၣ်ဂဲၤအသုးမုၢ်, ဒီးပာ်အသးခူတလ့ၢ်အိၣ်ဒီး တၢ်သုးမုၢ်ဂီၢ်မုၢ်ထီဒါတၢ်လၢကလံၤထံးအစီၤပၤလီၤ. ဒီး တၢ်လၢကလံၤထံးအစီၤပၤ ကထိၣ်ဂဲၤအသး အိၣ်ဝဲဒီး တၢ်သုးမုၢ်ဖးဒိၣ်ဒီးဆူၣ်ဝဲလီၤ. ဘၣ်ဆၣ်ဒီးတဆၢထၢၣ် ဘၣ်ဝဲဘၣ်. အဂ့ၢ်ဒ်အံၤ, အဝဲသ့ၣ်တဖၣ်န့ၣ်ကကူၣ်တၢ် ထီဒါအီၤလီၤ.

²⁶ ဒီးပှၤလၢအအီၣ်ဝဲလၢတၢ်အီၣ်ဝံၣ်ဒၣ်ဝဲတဖၣ်န့ၣ် က မၤဟးဂီၤအီၤ, ဒီးအသုးမုၢ်လုၣ်ဘၢကွံာ်တၢ်, ဒီးပှၤက လီၤဃံၤဘၣ်တၢ်မၤသံအီၤအါဂၤလီၤ.

²⁷ ဒီးတၢ်လၢစီၤပၤခံဂၤန့ၣ် တိာ်ဝဲလၢ အကမၤအၢတၢ် လီၤ. ကကတိၤတၢ်ကဘျံးကဘျၣ်လၢစီၢ်နီၤခိၣ်တဖျၢၣ် ဃီအဃၢၤလီၤ. ဘၣ်ဆၣ်ဒီး တကဲထီၣ်ဘၣ်တၢ်ဘၣ်. တုၤတၢ်သ့ၣ်ဆၢဖးကတီၢ်န့ၣ်ဘၣ်ဝဲဒီး, တၢ်အကတၢၢ် ကအိၣ်လီၤ.

²⁸ ဒီးကက့ၤကဒါက့ၤဆူအကီၢ်ဒၣ်ဝဲအပူၤ အိၣ်ဝဲဒီးတၢ် ထူးတၢ်တီၤဖးဒိၣ်, ဒီးအသးကထီဒါ တၢ်အၢၣ်လီၤအီ လီၤစီဆှံ, ဒီးကမၤတၢ်, ဒီးက့ၤကဒါက့ၤဆူအကီၢ်ဒၣ် ဝဲအပူၤလီၤ.

²⁹ ဒီးတၢ်သ့ၣ်ဆၢဖးအကတီၢ်ဘၣ်ဒီး, ကဟဲက့ၤဒီးက လဲၤနုာ်လၢကလံၤထံးတခီ, ဘၣ်ဆၣ်ဒီးတၢ်တမၤဘၣ် အသးလၢခံတဘျီဒ်လၢအခီၣ်ထံးတဘျီအသိးဘၣ်.

³⁰ ဒီးကံးတံၣ်အကဘီတဖၣ်ကဟဲထီဒါအီၤ, ဒီးအသး ကဟးဂီၤ, ဒီးကက့ၤကဒါက့ၤ, ဒီးအသးကကဲၤထီၣ်ဘၣ် တၢ်အၢၣ်လီၤအီလီၤစီဆှံ, ဒီးကမၤဝဲ, ဒီးကက့ၤကဒါ က့ၤဝဲ, ဒီးကကွၢ်မဲာ်လိာ်အသး ဒီးပှၤလၢအလဲၤသဒၣ် တၢ်အၢၣ်လီၤအီလီၤစီဆှံန့ၣ်လီၤ.

³¹ ဒီးတၢ်သုးမုၢ်ကအိၣ်ဒီးအီၤ, ဒီးအဝဲသ့ၣ် ကမၤဘၣ် အၢတၢ်အလီၢ်စီဆှံ, တၢ်အလီၢ်ခၢၣ်သနၢၣ်, ဒီးကပာ် ကွံာ်တၢ်လုၢ်တနံၤဘၣ်တနံၤ, ဒီးကပာ်ထီၣ်တၢ်သးဘၣ် အၢတမံၤလၢအမၤသယုၢ်တၢ်လီၤ.

³² ဒီးပှၤလၢအလုၣ်သ့ၣ်ခါပတာ် တၢ်အၢၣ်လီၤအီလီၤ တဖၣ်န့ၣ် အဝဲဒၣ်ကဘိးကမၣ်အီၤ လၢတၢ်လွဲတၢ်လဲး လီၤ. မ့မ့ၢ်ပှၤလၢအသ့ၣ်ညါအကစၢ်န့ၣ်ကဆူၣ်ထီၣ်ဝဲ, ဒီးဘီၣ်ထီၣ်ညီထီၣ်ဝဲလီၤ.

³³ ဒီးပှၤလၢအကူၣ်တၢ်သ့လၢ ပှၤဂီၢ်မုၢ်အကျါတဖၣ်န့ၣ် ကသိၣ်လိပှၤအါဂၤလီၤ. ဘၣ်ဆၣ်ဒီးကလၢာ်ဝဲလၢနး, ဒီးလၢမ့ၣ်လၣ်, ဒီးလၢတၢ်မၢကဲကုၢ်အီၤ, ဒီးလၢတၢ်မၤ န့ၢ်ဆူၣ်အီၤလၢအါနံၤအတီၢ်ပူၤလီၤ.

³⁴ ဒီးတုၤအလီၤဃံၤဒီး, တၢ်ကမၤစၢၤအီၤလၢတၢ်မၤစၢၤ တစဲးဖိ, ဒီးပှၤကစဲဘူးအသးဒီးအီၤလၢ လီတၢ်အါဂၤ လီၤ.

³⁵ ဒီးပှၤလၢအကူၣ်သ့တၢ်တနီၤနီၤ, ကလီၤဃံၤဝဲဒ်သိး တၢ်ကမၤကွၢ်အီၤ, ဒီးမၤကဆှီအီၤ, ဒီးမၤဝါအီၤတုၤအ ကတၢၢ်တၢ်အဆၢအကတီၢ်လီၤ. အဂ့ၢ်ဒ်အံၤ, အိၣ်ဝဲ လၢအတၢ်သ့ၣ်ဆၢဖးကတီၢ်လီၤ.

³⁶ ဒီးစီၤပၤတဂၤန့ၣ် ကမၤဝဲဖဲဒၣ်အသး, ဒီးကပာ်ထီၣ် ထီအသး, ဒီးကပာ်ဒိၣ်အသးလၢကယဲၢ်အကစၢ်တဂၤ လၢ်လၢ်အဖီခိၣ်, ဒီးကကတိၤတၢ်လီၤလးတဖၣ်ထီဒါက စၢ်တဖၣ်အကစၢ်, ဒီးကဘီၣ်ထီၣ်ညီထီၣ် တုၤတၢ်သး ထီၣ်ကလၢာ်ကွံာ်ဝဲလီၤ. အဂ့ၢ်ဒ်အံၤ, တၢ်လၢတၢ်တိာ် ပာ်န့ၣ်ကမၤအသးသပှၢ်တၢၢ်လီၤ.

³⁷ ဒီးတပးကဲဘၣ်အပၢ်အကစၢ်တဖၣ်ဘၣ်, ဒီးတပးကဲ ဘၣ်တၢ်လၢအဘၣ်ပိာ်မုၣ်အသး, ဒီးတပးကဲဘၣ်ကစၢ် နီတဂၤဘၣ်. အဂ့ၢ်ဒ်အံၤ, ကပာ်ဒိၣ်အသးလၢခဲလၢာ် န့ၣ်အဖီခိၣ်လီၤ.

³⁸ ဒီးကမၤလၤကပီၤ တၢ်သုးမုၢ်အကစၢ်လၢအလီၢ်, ဒီး ကစၢ်တဂၤ လၢအပၢ်တဖၣ်တသ့ၣ်ညါဘၣ်န့ၣ် ကမၤ ဘူၣ်အီၤလၢထူ, ဒီးစ့, ဒီးတၢ်မျၢ်, ဒီးတၢ်လုၢ်ဒိၣ်ပှ့ၤဒိၣ် လီၤ.

³⁹ ဒီးကမၤတိာ်ဧိၤတာ်ဧိၤဘၣ်ဃးဒီး ပှၤတခီဘီမုၢ်ဖိအ ကစၢ်လီၤ. ဖဲဒၣ်ပှၤလၢအအၢၣ်လီၤအီလီၤအီၤတဂၤလၢ် လၢ်န့ၣ်ကမၤလၤကပီၤဒိၣ်ထီၣ်ဝဲလီၤ. ဒီးကဒုးပၢပှၤအါ ဂၤ, ဒီးကဟ့ၣ်နီၤဖးထံဧိၤကီၢ်ဧိၤအဆၢ လၢတၢ်အပှ့ၤ အဂီၢ်လီၤ.

⁴⁰ ဒီးလၢတၢ်အကတၢၢ်အဆၢအကတီၢ်န့ၣ် တၢ်လၢက လံၤထံးအစီၤပၤန့ၣ် ကဒုးသုးဒီးအီၤ, ဒီးတၢ်လၢကလံၤ စိးအစီၤပၤကဟဲသဖှိထီၣ်ထီဒါအီၤ, ဒ်ကလံၤမုၢ်အသိး န့ၣ်အိၣ်ဒီးလ့ၣ်ကဟၣ်, ဒီးပှၤကသ့ၣ်သုးဖိ, ဒီးကဘီ အါဘ့ၣ်, ဒီးကလဲၤနုာ်လၢကီၢ်တဖၣ်အပူၤ, ဒီးကလုၣ် ဘၢတၢ်ဒီးလဲၤတၢ်လီၤ.

⁴¹ ဒီးကလဲၤနုာ်ဆူ ကီၢ်အိၣ်ဒီးအဃံအလၤတဘ့ၣ် အ ပူၤ, ဒီးတၢ်ကမၤကဒံကဒါကီၢ်အါဘ့ၣ်လီၤ. ဘၣ်ဆၣ် ဒီး, အအံၤကပူၤဖျဲးဒီးအစုပူၤ, အဒိၣ်, ဒီးမိၤအး, ဒီး ပှၤဧၣ်မိၣ်ဖိလၢအအါတက့ၢ်န့ၣ်လီၤ.

⁴² ဒီးကယူာ်ထီၣ်အစုလၢ ကီၢ်တနီၤနီၤအဖီခိၣ်, ဒီးကီၢ် အဲၤကူပတူးတပူၤတဖျဲးဘၣ်ဝဲဘၣ်. ⁴³ ဒီးကပၢဝဲလၢတၢ် ပာ်ဖှိၣ်ထူဒီးစ့အလီၢ်အဖီခိၣ်, ဒီးလၢတၢ်လုၢ်ဒိၣ်ပှ့ၤဒိၣ် လၢအဲၤကူပတူးအပူၤ ခဲလၢာ်အဖီခိၣ်, ဒီးပှၤလူအးဖိ, ဒီးပှၤကူၤၡးဖိကအိၣ်ခိးဝဲလၢအခီၣ်လီၢ်လီၤ.

⁴⁴ ဒီးတၢ်အကစီၣ်လၢမုၢ်ထီၣ်ဒီးလၢကလံၤစိးန့ၣ် ကမၤ ကိၢ်အသးလီၤ. ဒီးကလဲၤတၢ်လၢ အသးကဲၤထီၣ်ဆူၣ် ဆူၣ်ကလဲာ် ဒ်သိးအကမၤဟးဂီၤကွံာ်, ဒီးမၤသယုၢ်ပှၤ အါဂၤအသးလီၤ.

⁴⁵ ဒီးကသူၣ်အနူၢ်အဒဲ လၢကစၢၢ်စီဆှံအိၣ်ဒီးအဃံအ လၤတဖျၢၣ် ဒီးပီၣ်လဲၣ်အဘၢၣ်စၢၤ, ဘၣ်ဆၣ်ဒီးက တုၤလၢအကတၢၢ်, ဒီးပှၤတမၤစၢၤဘၣ်အီၤနီတဂၤဘၣ်.

၁၂

¹ အကတီၢ်ဖဲန့ၣ်တၢ်အခိၣ်ဖးဒိၣ်, မံၤက့လးလၢအအိၣ် ပှိၤနပှၤဂီၢ်မုၢ်တဂၤန့ၣ်ကဆၢထၢၣ်ဝဲလီၤ. ဒီးတၢ်နးတၢ် ဖှီၣ်အကတီၢ်ကအိၣ်ထီၣ်ဝဲလၢ တၢ်ဒ်န့ၣ်အသိးလၢပှၤ တကလုာ်အိၣ်ထီၣ်ဝဲလံၤလံၤ တုၤအကတီၢ်တကတီၢ် န့ၣ်တအိၣ်ဘၣ်ဝဲဘၣ်. ဒီးဖဲအကတီၢ်န့ၣ်နပှၤဂီၢ်မုၢ်, ဒီး ပှၤလၢအမံၤကွဲးအသးလၢလံာ်ပူၤတဂၤလၢ်လၢ်န့ၣ် က ပူၤကဖျဲးဝဲလီၤ.

² ဒီးပှၤလၢအမံဝဲလၢ ဟီၣ်ခိၣ်အကမူၣ်အကျါ အါဂၤ န့ၣ်ကဖုသံနီၣ်ထီၣ်လီၤ. တနီၤနီၤလၢတၢ်မူအထူအယိာ် အဂီၢ်, ဒီးတနီၤနီၤလၢတၢ်မဲာ်ဆှးဒီး တၢ်မၤတရီတပါ အီၤအထူအယိာ်အဂီၢ်လီၤ.

³ ပှၤလၢအကူၣ်တၢ်သ့န့ၣ် ကကပီၤထီၣ်ဒ်မူခိၣ်အတၢ် ကပီၤအသိး, ဒီးပှၤလၢအဒုးတီဒုးလိၤပှၤအါဂၤန့ၣ်ဒ်ဆၣ် ဧိၤဖီဧိၤအသိးအစိၤစိၤအဃၣ်ဃၣ်လီၤ.

⁴ ဒီးနဲဒၣ်အံၤ, စီၤဒၤနံးယ့လးဧၢ, ကးတံာ်ဃာ်တၢ်က တိၤတဖၣ်န့ၣ်, ဒီးစဲဃာ်ပနီၣ်လံာ်တုၤတၢ်အကတၢၢ်န့ၣ် တက့ၢ်. ပှၤအါဂၤကကွၢ်ဆိကမိၣ်တၢ်ထံထံဆးဆး, ဒီး တၢ်သ့ၣ်ညါကအါထီၣ်လီၤ.

⁵ ဒီးယၤစီၤဒၤနံးယ့လးအံၤ, ယကွၢ်တၢ်, ဒီးကွၢ်ကွၢ်, ပှၤအဂၤခံဂၤဆၢထၢၣ်ဝဲ, တဂၤလၢထံနံၤအအံၤတခီ, ဒီး တဂၤလၢထံနံၤဝၢ်ဘးခီလီၤ.

⁶ ဒီးပှၤဘၣ်စံး ပှၤကူသိးဝဲဒီးတၢ်ဖှီဝါကဆှၣ် လၢအ အိၣ်ဝဲလၢထံဖံးခိၣ်န့ၣ် တၢ်လီၤလးတဖၣ်အကတၢၢ်န့ၣ် အိၣ်ဆံးယံာ်လဲၣ်.

⁷ ဒီးယနၢ်ဟူပှၤလၢအကူသိးဝဲဒီး ဖှီဝါကဆှၣ် လၢအ အိၣ်ဝဲလၢထံဖံးခိၣ်တဂၤအကလုၢ်, ယူာ်ထီၣ်အစုထွဲဒီး အစုစ့ၣ်ဆူမူခိၣ်, ဒီးဆိၣ်တၢ်လၢတၢ်လၢပှၤအမူဝဲလီၤ ထူလီၤယိာ်တဂၤအမဲာ်ညါဒီးစံး, ကအိၣ်ဝဲလၢအကတီၢ် တကတီၢ်, ဒီးကတီၢ်တဖၣ်, ဒီးဖးဖီတကတီၢ်န့ၣ်လီၤ. ဒီးတုၤတၢ်မၤသဘှံးကွံာ် ပှၤဂီၢ်မုၢ်စီဆှံအစိအကမီၤလၢာ် ဝံၤဒီး, တၢ်ခဲလၢာ်န့ၣ်ကဝံၤဝဲလီၤ.

⁸ ဒီးယနၢ်ဟူတၢ်ဘၣ်ဆၣ်ဒီး, ယနၢ်တပၢၢ်ဘၣ်, ဒီး ယစံး, ယကစၢ်ဧၢ, တၢ်တဖၣ်န့ၣ်အကတၢၢ်ကမၤအ သးဒ်လဲၣ်.

⁹ ဒီးစံးဝဲဒၣ်, ဟးထီၣ်တက့ၢ်. စီၤဒၤနံးယ့လးဧၢ, အ ဂ့ၢ်ဒ်အံၤ, တၢ်ကတိၤန့ၣ်ကးတံာ်ဃာ်လံအသးဒီးစဲဃာ် ပနီၣ်လံအသးတုၤတၢ်အကတၢၢ်ဘၣ်လီၤ.

¹⁰ ပှၤအါဂၤကမၤကဆှီထီၣ်အသး, ဒီးကမၤဝါထီၣ်အ သးဒၣ်ဝဲ, ဒီးကဆှံထီၣ်ဝဲလီၤ. မ့မ့ၢ်ပှၤအအၢတဖၣ်န့ၣ် ကမၤအၢတၢ်, ဒီးပှၤအၢန့ၣ်အနၢ်တပၢၢ်ဘၣ်တၢ်နီတဂၤ ဘၣ်. မ့မ့ၢ်ပှၤကူၣ်တၢ်သ့တဖၣ်န့ၣ်အနၢ်ကပၢၢ်တၢ်လီၤ.

¹¹ ဒီးလၢတၢ်အကတီၢ်လၢ တၢ်ကပာ်ကွံာ်တၢ်လုၢ်တနံၤ ဘၣ်တနံၤ, ဒီးလၢတၢ်ပာ်ထီၣ်တၢ်သးဘၣ်အၢလၢအမၤ သယုၢ်တၢ်လံၤလံၤန့ၣ် အနံၤတကထိခံကယၤခွံဆံက အိၣ်ဝဲလီၤ.

¹² ပှၤလၢအအိၣ်ခိးဝဲ, ဒီးတုၤလၢတကထိ သၢကယၤ သၢဆံယဲၢ်နံၤန့ၣ်ဘၣ်ဆိၣ်ဂ့ၤဝဲလီၤ.

¹³ မ့မ့ၢ်နဲဒၣ်အံၤ လဲၤတၢ်တုၤအကတၢၢ်တက့ၢ်. ဒီးန ကအိၣ်ဘှံး, ဒီးဆၢထၢၣ်လၢနကီၢ်အပူၤ လၢမုၢ်နံၤတဖၣ်အကတၢၢ်လီၤ.