ပှၤတၢ်မၢဖိအမၤတၢ်.

ပှၤတၢ်မၢဖိအမၤတၢ်.

၁

¹ စီၤသီးဖံၤလူးဧၢ, ကယဲၢ်တၢ်လၢယ့ၣ်ရှူးမၤဒီးသိၣ်က့ၤ သီက့ၤလၢအခီၣ်ထံးတုၤလီၤလၢ မုၢ်တနံၤလၢအမၤလိာ် ပှၤတၢ်မၢဖိလၢအဃုထၢဝဲတဖၣ်, လၢသးစီဆှံ, ဒီးဘၣ် တၢ်စိာ်ထီၣ်အီၤန့ၣ်,― ² ယကွဲးပာ်လံာ်တဘ့ၣ်လံ.― ဒီး အဝဲဒၣ်ဒုးနဲၣ်အသးလၢအီၤ လၢအမူဒံးလၢအဒိးတၢ်အ လီၢ်ခံ, လၢတၢ်အုၣ်အသးအါမံၤလၢပသးဒ့ဒီတသ့ဘၣ်, ဒီးအိၣ်ဖျါထီၣ်လၢအီၤအနံၤလွံၢ်ဆံညါ, ဒီးကတိၤတၢ် ဘၣ်ဃးဒီးယွၤအဘီအမုၢ်လီၤ.

⁴ ဒီးအဝဲသ့ၣ် အိၣ်ဖှိၣ်ရိဖှိၣ်ဒီးအီၤ, ဒီးအဝဲဒၣ်မၤလိာ် အီၤဒ်သိးအသုတဟးထီၣ်လၢယရူၤၡလ့ၣ်တဂ့ၤ. မ့မ့ၢ် လၢအကဆူလၢ်ဟူပၢ်အတၢ်စံးပာ်, လၢသုနၢ်ဟူတ့ၢ် လၢယၤလီၤ. ⁵ အဂ့ၢ်ဒ်အံၤ, စီၤယိၤဟၣ်ဘျၢ*တၢ်လၢ ထံကျါ, မ့မ့ၢ်ဆူညါတအါနံၤအါသီဘၣ်ဒီး, သုကဒိး ဘျၢသုသးလၢသးစီဆှံအပူၤလီၤ.

⁶ မၤသးဒ်န့ၣ်ဒီး အဝဲသ့ၣ်အိၣ်ဖှိၣ်ရိဖှိၣ်ဝံၤဒီး, သံကွၢ် အီၤဒီးစံးဝဲဒၣ်, ကစၢ်ဧၢ, မ့ၢ်နကဟ့ၣ်လီၤက့ၤဘီမုၢ်လၢ အံၣ်စရ့လး ခဲကနံၣ်အံၤဧါ. ⁷ ဒီးစံးဘၣ်အီၤ, အမုၢ်အ လါ, အဆၢအကတီၢ်, လၢပၢ်ပာ်လီၤလၢအစိအကမီၤ ဒၣ်ဝဲအပူၤန့ၣ်, တၢ်တဒုးသ့ၣ်ညါဘၣ်သုဘၣ်. ⁸ ဘၣ် ဆၣ်ဒီး ဖဲသးစီဆှံဟဲလီၤလၢသုလိၤဝံၤဒီး, သုကဒိးန့ၢ် တၢ်အစိအကမီၤ, ဒီးသုကကဲထီၣ်ယပှၤအုၣ်အသးတ ဖၣ်လၢယရူၤၡလ့ၣ်, ဒီးကီၢ်ယူဒၤဒီကီၢ်ညါ, ဒီးၡၤမရံ, ဒီးပၢၢ်လၢဟီၣ်ခိၣ်အကတၢၢ်လီၤ.

⁹ ဒီးစံးတၢ်န့ၣ်တဖၣ်ဝံၤဒီး, အဝဲသ့ၣ်ကွၢ်အီၤ အဖၢမုၢ် ဒီး, တၢ်ဟံးထီၣ်န့ၢ်အီၤ, ဒီးတၢ်အၢၣ်ဒိးန့ၢ်အီၤလၢအဝဲ သ့ၣ်အမဲာ်ညါလီၤ. ¹⁰ ဒီးအဝဲသ့ၣ်ကွၢ်ထံကွၢ်ဆးဆူမူခိၣ် ဖဲအက့ၤထီၣ်အဖၢမုၢ်ဒီး, ကွၢ်ကွၢ်, ပှၤခံဂၤကူသိးတၢ်ဝါ, အိၣ်ထီၣ်လၢအဝဲသ့ၣ်အဃၢၤ, ¹¹ ဒီးစံးဝဲဒၣ်, ပှၤကၤလံၤ လါဖိသ့ၣ်ဧၢ, သုအိၣ်ဆၢထၢၣ်ကွၢ်ထီၣ်ဆူမူခိၣ် မ့ၢ်အ ဘၣ်မနုၤလဲၣ်. ယ့ၣ်ရှူးအကစၢ်ဒၣ်ဝဲလၢတၢ်စိာ်ထီၣ်ကွံာ် အီၤလၢသုအိၣ်ဆူမူခိၣ်န့ၣ်, ကဟဲလီၤက့ၤဒ်သုထံၣ်အ က့ၤထီၣ်ဆူမူခိၣ်အသိးန့ၣ်လီၤ.

¹² တုၤနုၤတစုပှၤတဖၣ်န့ၣ် က့ၤက့ၤဆူယရူၤၡလ့ၣ် လၢ ကစၢၢ်ကိးဝဲအမံၤလၢသ့ၣ်စၤယံး အအိၣ်လၢအယံၤဒီး ယရူၤၡလ့ၣ်အိၣ်ဘှံးအနံၤတနံၤလဲၤကျဲလီၤ. ¹³ ဒီးတုၤအ ဟဲနုာ်ဒီး, လဲၤထီၣ်ဆူဒၢးအိၣ်လၢအထီၣ်ထီတတီၤလီၤ. ဒီးဖဲန့ၣ်အိၣ်ဝဲဆိးဝဲမ့ၢ်စီၤပ့းတရူးဒီးစီၤယိၤဟၣ်, စီၤယၤ ကိာ်ဒီးစီၤအၣ်ဒရ့း, စီၤဖံလံးပူးဒီးစီၤသိၤမါ, စီၤဘၢ်သ လီးမဲဒီးစီၤမးသဲ, စီၤအၤလဖဲအဖိခွါစီၤယၤကိာ်ဒီးစီၤၡံ မိၣ်စ့ၤလိာ်, ဒီးစီၤယၤကိာ်အဒီပုၢ်ဝဲၢ်စီၤယူဒၤလီၤ. ¹⁴ အဝဲ သ့ၣ်ခဲလၢာ်အိၣ်ဒီးပိာ်မုၣ်သ့ၣ်, ဒီးယ့ၣ်ရှူးအမိၢ်နီၢ်မၤရံ, ဒီးအဒီပုၢ်ဝဲၢ်သ့ၣ်တဖၣ်န့ၣ်, ဘါထုကဖၣ်တၢ်တဘိယူၢ် ဃီလၢအသးတဖျၢၣ်ဃီလီၤ.

¹⁵ ဒီးတၢ်လၢမုၢ်နံၤတဖၣ်န့ၣ်, စီၤပ့းတရူး ဂဲၤဆၢထၢၣ် လၢဒီပုၢ်ဝဲၢ်တဖၣ်အကျါ, (ပှၤအမံၤအိၣ်တကယၤခံဆံ ဃၣ်ဃၣ်), ဒီးစံးဝဲဒၣ်, ¹⁶ ပှၤပုၢ်သ့ၣ်ဝဲၢ်သ့ၣ်ဧၢ, တၢ်ကွဲး အသး, လၢသးစီဆှံစံးပာ်လၢစီၤဒၤဝံးအထးခိၣ်, လၢစီၤ ယူဒၤ, လၢအဆှၢပှၤလၢအဟံးဃာ်ယ့ၣ်ရှူးအဂ့ၢ်န့ၣ်, တ လၢထီၣ်ပှဲၤထီၣ်ဘၣ်ဒီး, အိၣ်တသ့ဘၣ်. ¹⁷ အဂ့ၢ်ဒ်အံၤ, အဝဲဒၣ်န့ၣ်, တၢ်ဂံၢ်အီၤလၢပကျါ, ဒီးန့ၢ်ဘၣ်အလီၢ်လၢ တၢ်မၤအံၤအပူၤလီၤ. ¹⁸ အဝဲဒၣ်န့ၣ်ပှ့ၤဟီၣ်ခိၣ်အကဝီၤ လၢအဘူးအၢအလဲသီ, ဒီးလီၤတဲာ်ဆှိခိၣ်, ဒီးအဖးဖီပိၢ် ဖး, ဒီးအပှံာ်လီၤလဲာ်ခဲလၢာ်လီၤ. ¹⁹ ဒီးပှၤအိၣ်ဝဲဆိးဝဲလၢ ယရူၤၡလ့ၣ်သ့ၣ်ညါဝဲခဲလၢာ်သတးဒီး, ယုၢ်ဟီၣ်ခိၣ်တ ကဝီၤန့ၣ်အမံၤလၢအကလုၢ်ဒၣ်ဝဲလၢအၤက့းလဒၤမါ, ဒ် ပစံးတၢ်အသိး, တၢ်သွံၣ်အဟီၣ်ခိၣ်ကဝီၤလီၤ. ²⁰ အဂ့ၢ် ဒ်အံၤ, တၢ်အိၣ်ကွဲးအသးလၢလံာ်စံးထီၣ်ပတြၢၤ, မ်အအိၣ်အဆိးအလီၢ်, အိၣ်သယုၢ်တက့ၢ်. မ်ပှၤသုတအိၣ်တဆိးလၢအပူၤတဂ့ၤ.+ စံး. ၁၀၉း၈|Ps.109.8*.ဒီး, မ်ပှၤဂၤထီၣ်ဘး အကွၢ်တၢ်အလီၢ်တက့ၢ်.+ စံး. ၁၀၉း၈|Ps.109.8*.

²¹ မၤသးဒ်န့ၣ်ဒီး လၢကစၢ်ယ့ၣ်ရှူး နုာ်ဘၣ်ဟးထီၣ် လၢပကျါလၢစီၤယိၤဟၣ်ဘျၢ*တၢ်, တုၤလီၤအနံၤအသီ လၢအဘၣ်တၢ်စိာ်ထီၣ်ကွံာ်လၢပအိၣ်န့ၣ်, ပှၤလဲၤတၢ် လၢပကျါကိးအကတီၢ်ဒဲးတဖၣ်, ဘၣ်ကဲထီၣ်ပှၤအုၣ်အ သးဒီးပဝဲဒၣ်, လၢအဂဲၤဆၢထၢၣ်က့ၤအဂ့ၢ်, တဂၤလီၤ.

²³ ဒီးအဝဲသ့ၣ်ပာ်လီၤပှၤခံဂၤ, စီၤယိၤသးကိးဝဲလၢ စီၤ ဘၢ်စဘါ, ဒီးကိးက့ၤဝဲအမံၤသီလၢစီၤယူစတူး, ဒီးစီၤ မးသံ, ²⁴ ဒီးဘါထုကဖၣ်တၢ်ဒီးစံးဝဲဒၣ်, ကစၢ်လၢအသ့ၣ် ညါပှၤခဲလၢာ်အသူၣ်အသးဧၢ, ပှၤခံဂၤအံၤ, ဒုးနဲၣ်တ ဂၤလၢနဃုထၢနဲ, ²⁵ ဒ်သိးအကန့ၢ်ဘၣ်တၢ်မၤအလီၢ်, ဒီး တၢ်မၢဖိအလီၢ်အံၤ, လၢစီၤယူဒၤလီၤတဲာ်ကွံာ်ဝဲဒ်သိးအ ကက့ၤက့ၤဝဲဆူအလီၢ်ဒၣ်ဝဲတက့ၢ်. ²⁶ ဒီးဖးဝဲ, ဒီးဘၣ် စီၤမးသံ, ဒီးတၢ်ဂံၢ်ဃုာ်အီၤလၢ ပှၤတၢ်မၢဖိတဆံတဂၤ အကျါလီၤ.

၂

¹ ဒီးဖဲဘူၣ်ယဲၢ်ဆံအမုၢ်နံၤပှဲၤထီၣ်ဝဲဒီး, အဝဲသ့ၣ်ခဲလၢာ်, အိၣ်ဝဲအသးတဖျၢၣ်ဃီ, လၢအလီၢ်တပူၤဃီလီၤ. ² ဒီး တၢ်သီၣ်လီၤဝဲသတူၢ်ကလာ်လၢမူခိၣ်, ဒ်ကလံၤမုၢ်ဟဲ သီၣ်ဝဲအသိးန့ၣ်, ဒီးမၤပှဲၤထီၣ်ဟံၣ်လၢအဝဲသ့ၣ်ဆ့ၣ်နီၤ အိၣ်ဝဲလၢအပူၤ, ဒီဖျၢၣ်ညါလီၤ. ³ ဒီးတၢ်အပျ့ၤတဖၣ် နီၤဖးလီၤအသးအိၣ်ဖျါထီၣ်လၢအီၤ, ဒ်မ့ၣ်အူလၣ်အသိး, ဒီးစီၢ်လီၤလၢပှၤတဖၣ်န့ၣ်အလိၤ စုာ်စုာ်လီၤ ⁴ ဒီးပှၤခဲ လၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤတၢ်လၢအ ပျ့ၤအဂၤတဖၣ်, ဒ်သးန့ၣ်ဒုးကတိၤအီၤအသိးလီၤ.

⁵ ဒီးပှၤယူဒၤဖိလၢအယူးယီၣ်ယွၤ ဟဲလၢပှၤကိးကလုာ် ဒဲး, အိၣ်လၢမူခိၣ်အဖီလာ်အကျါ, ဒီးအိၣ်ဝဲဆိးဝဲလၢ ယရူၤၡလ့ၣ်အပူၤလီၤ. ⁶ ဒီးတုၤတၢ်အကလုၢ်အံၤ သီၣ် ထီၣ်ဒီး, ပှၤဂီၢ်မုၢ်န့ၣ်အိၣ်ဖှိၣ်ရိဖှိၣ်, ဒီးအသးကတုၤဝဲ ဝဲလီၤ. အဂ့ၢ်ဒ်အံၤ, နၢ်ဟူတဂၤလၢအကလုၢ်ဒၣ်ဝဲ, တဂၤ လၢအကလုၢ်ဒၣ်ဝဲ, အဝဲသ့ၣ်ကတိၤတၢ်န့ၣ်လီၤ. ⁷ ဒီး ပှၤခဲလၢာ်ပာ်အသးကမၢကမၣ်, ဒီးတၢ်လီၤလးလၢအ မဲာ်, ဒီးကတိၤလိာ်အသးဒီးစံးဝဲဒၣ်, ပှၤလၢအကတိၤ တၢ်တဖၣ်အံၤ, မ့ၢ်ပှၤကၤလံၤလါဖိခဲလၢာ် တမ့ၢ်ဘၣ် ဧါ. ⁸ ဒီးပနၢ်ဟူတၢ်လၢပအိၣ်ဖျဲၣ်အကလုၢ်, တဂၤလၢ အကလုၢ်ဒၣ်ဝဲ, တဂၤလၢအကလုၢ်ဒၣ်ဝဲဒ်လဲၣ်. ⁹ ပှၤပၢ် သ့ၤဖိ, ဒီးပှၤမၤဒဲဖိ, ပှၤဧ့ၤလၣ်ဖိ, ဒီးပှၤအိၣ်ဝဲဆိးဝဲလၢမ့း စပတၤမံ, ဒီးကီၢ်ယူဒၤ, ဒီးကပၤဒကံ, ဒီးပီၣ်တူး, ဒီးအၤ စံ, ¹⁰ ဖြူၤကံ, ဒီးပၣ်ဖူၤလံ, အဲၤကူပတူး, ဒီးလံၤဘူအကီၢ် အိၣ်ဘူးဒီးကူၤရ့ၤန့သ့ၣ်တဖၣ်, ဒီးပှၤတမှံၤလၢရိမ့ၤ, ပှၤ ယူဒၤဖိ, ဒီးပှၤနုာ်လၢပှၤယူဒၤဖိ အလုၢ်အလၢ်တဖၣ်,―

¹¹ ပှၤကြ့တ့ၤဖိ, ဒီးပှၤဧ့ရ့းဖိ, ပဝဲဒၣ်အံၤ, ပနၢ်ဟူလၢအစံၣ် တဲၤတဲလီၤယွၤအတၢ်လီၤလိၢ်လီၤလး လၢပကလုၢ်ဒၣ်ပ ဝဲဒ်လဲၣ်. ¹² ဒီးပှၤခဲလၢာ်ပာ်အသးကမၢကမၣ်, ဒီးအသး ဒ့ဒီ, ဒီးစံးလိာ်အသးသကိးသကိး, တၢ်အံၤကမ့ၢ်တၢ် မနုၤလဲၣ်. ¹³ မ့မ့ၢ်အဂၤတနီၤဒုၣ်ဒွဲၣ်တၢ်ဒီးစံးဝဲဒၣ်, မ့ၢ်အ အီလုၣ်ကိစပံးထံအဆၢလီၤ.

¹⁴ ဒီးစီၤပ့းတရူးဆၢထၢၣ်ဝဲ ဒီးပှၤတဆံတဂၤန့ၣ်, ဒီးထု ထီၣ်အကလုၢ်ဒီးကတိၤဖျါထီၣ်တၢ်လၢအီၤ, ပှၤယူဒၤဖိ, ဒီးပှၤအိၣ်ဝဲဆိးဝဲလၢ ယရူၤၡလ့ၣ်ခဲလၢာ်သ့ၣ်ဧၢ, သ့ၣ် ညါတၢ်အံၤ, ဒီးဒိးသုနၢ်လၢယကလုၢ်တက့ၢ်. ¹⁵ အဂ့ၢ်ဒ် အံၤ, ပှၤတဖၣ်အံၤတအီမူၤဘၣ်အသး, ဒ်သုဆိကမိၣ် အသိးဘၣ်. အဂ့ၢ်ဒ်အံၤ, ခဲကနံၣ်အံၤမ့ၢ်မုၢ်ဟဲထီၣ်သၢနၣ် ရံၣ်လီၤ. ¹⁶ မ့မ့ၢ်တၢ်အံၤမ့ၢ်ဝံစီၤယိၤအ့လးစံးပာ်တၢ်လီၤ.

¹⁷ ဒီးလၢမုၢ်နံၤအခံကတၢၢ်တဖၣ်န့ၣ်, ယွၤစံးဝဲဒၣ်, တၢ်ကမၤအသးလၢ ယကလူလီၤဂၢ်လီၤယသးလၢ ကယဲၢ်တၢ်ညၣ်ခဲလၢာ်အလိၤ, ဒီးသုဖိမုၣ်ဒီးသုဖိခွါတဖၣ်, ကကတိၤတၢ်လၢ ဝံအ ကျိာ်, ဒီးသုဖိၣ်သၣ်ခွါတဖၣ်ကထံၣ်တၢ်လၢညါခီ, ဒီးသုသးပှၢ်တဖၣ်ကမံမီၢ်တၢ်မံမီၢ်လီၤ.

¹⁸ ဒီးလၢမုၢ်နံၤတဖၣ်န့ၣ်, ယကလူလီၤဂၢ်လီၤ ယသး, လၢယကုၢ်ပိာ်မုၣ်ဒီးယကုၢ်ပိာ်ခွါအလိၤ, ဒီးကကတိၤတၢ်လၢဝံအကျိာ်လီၤ.

¹⁹ ဒီးယကဟ့ၣ်တၢ်လီၤလိၢ်လၢမူခိၣ်ထး, ဒီးတၢ်ပနီၣ်လီၤလးလၢဟီၣ်ခိၣ်လာ်, တၢ်သွံၣ်, ဒီးမ့ၣ်အူ, ဒီးတၢ်ခုၣ်အသဝံလီၤ.

²⁰ တချုးကစၢ်အမုၢ်နံၤဖးဒိၣ်လီၤဆီတနံၤန့ၣ် တုၤဝဲဒီး, မုၢ်ကကဲထီၣ်တၢ်ခံး, ဒီးလါကကဲထီၣ်တၢ်သွံၣ်လီၤ. ²¹ ဒီးတၢ်ကမၤအသးလၢဖဲဒၣ်ပှၤလၢ အကကိးထီၣ်ကစၢ်အမံၤတဂၤလၢ်လၢ်န့ၣ်, ကတုၤလၢတၢ်အုၣ်က့ၤခီၣ်က့ၤအီၤလီၤ.+ အ့. ၂း၂၈-၃၂|Joel.2.28-Joel.3.2*.

²² ပှၤအံၣ်စရ့လးဖိသ့ၣ်ဧၢ, တၢ်အကလုၢ်အကထါအံၤ, ဒိကနၣ်တက့ၢ်. ဒ်သုသ့ၣ်ညါသုဝဲအသိးန့ၣ်, ယွၤဒုး နဲၣ်ဖျါထီၣ်ပှၤနစၤရ့းဖိယ့ၣ်ရှူး လၢသုလၢတၢ်စိတၢ်က မီၤ, ဒီးတၢ်လီၤလိၢ်လီၤလး, ဒီးတၢ်ပနီၣ်လီၤလးသ့ၣ်တ ဖၣ်, လၢယွၤမၤဝဲလၢအဝဲဒၣ်အစုပူၤလၢသုကျါလီၤ. ²³ အ ဝဲဒၣ်တဂၤ ဘၣ်တၢ်ဟ့ၣ်လီၤကွံာ်, ဒ်ယွၤအတၢ်ကူၣ်တၢ် ပာ်ဒီးအတၢ်သ့ၣ်ညါပာ်အသိးန့ၣ်, ဒီးသုဟံးန့ၢ်အီၤ, ဒီး သုစဲထီၣ်အီၤလၢထူၣ်စုညါအလိၤ, ဒီးမၤသံအီၤလၢပှၤ အၢတဖၣ်အစုပူၤလီၤ. ²⁴ အဝဲဒၣ်န့ၣ်မ့ၢ်ယွၤပျၢ်ကွံာ်အီၤ လၢတၢ်သံအတၢ်ဖှီၣ်, ဒီးဒုးဂဲၤဆၢထၢၣ်က့ၤအီၤလီၤ. အ ဂ့ၢ်ဒ်အံၤ, အဝဲန့ၣ်ဟံးဃာ်အီၤတသ့ဘၣ်လီၤ.

²⁵ အဂ့ၢ်ဒ်အံၤ, စီၤဒၤဝံးစံးလၢအဂ့ၢ်အကျိၤ, ယထံၣ်ဘၣ်ယွၤလၢယမဲာ်ညါတဘိယူၢ်ဃီလီၤ. အဂ့ၢ်ဒ်အံၤ, အိၣ်ဝဲလၢယစုထွဲ, ဒ်သိးယသုတဟူး တဝးတဂ့ၤလီၤ.

²⁶ မ်ဒ်န့ၣ်ဒီးယသးသူၣ်ခုသးခု, ဒီးယပျ့ၤသူၣ်ပိၢ်သးဝး လီၤ. လၢန့ၣ်အမဲာ်ညါယဖံးယညၣ် ကအိၣ်ကဆိးဝဲလၢ တၢ်မုၢ်လၢ်အပူၤလီၤ.

²⁷ အဂ့ၢ်ဒ်အံၤ, နတပာ်လီၤတဲာ်ဘၣ်ယသး လၢပျုၤပူၤ ဘၣ်. နတဒုးထံၣ်ဘၣ်နပှၤစီဆှံလၢ တၢ်အုၣ်တၢ်ကျၣ်ဘၣ်.

²⁸ နဘိးဘၣ်သ့ၣ်ညါယၤလၢတၢ်မူအကျဲလီၤ. နကမၤလၢထီၣ်ပှဲၤထီၣ်ယၤ လၢတၢ်သးခုလၢနမဲာ် န့ၣ်လီၤ.+ စံး. ၁၆း၈|Ps.16.8*.

²⁹ ပှၤဒီပုၢ်ဝဲၢ်သ့ၣ်ဧၢ, ဒုးကတိၤယၤခူတလ့ၢ် လၢပှၤတ ကလုာ်အပၢ်စီၤဒၤဝံးအဂ့ၢ်အကျိၤ, လၢအသံဝဲ, ဒီးဘၣ် တၢ်ခူၣ်လီၤကွံာ်ဝဲ, ဒီးအသွၣ်ခိၣ်န့ၣ်အိၣ်ဒီးပှၤ တုၤမုၢ်မ ဆါတနံၤအံၤတက့ၢ်. ³⁰ အဝဲဒၣ်န့ၣ်မ့ၢ်ဝံတဂၤ, ဒီးသ့ၣ်ညါ ဝဲလၢယွၤဆိၣ်တၢ်ဒီးအီၤ လၢအကဒုးဆ့ၣ်နီၤအယီၢ်ဒ့အ သၣ်လၢအလီၢ်ပစိာ်အဖီခိၣ်လီၤ. ³¹ အဝဲဒၣ်ထံၣ်ပာ်ဝဲသ တးဒီး, ကတိၤတၢ်လၢခရံာ်အတၢ်ဂဲၤဆၢထၢၣ်က့ၤအ ဂ့ၢ်, လၢတၢ်တပာ်လီၤတဲာ်ဘၣ်အသးလၢပျုၤပူၤဘၣ်, ဒီး လၢအညၣ်တထံၣ်ဘၣ်တၢ်အုၣ်တၢ်ကျၣ်ဘၣ်လီၤ.

³² ယ့ၣ်ရှူးတဂၤအံၤ, လၢယွၤဒုးဂဲၤဆၢထၢၣ်က့ၤအီၤအ ဂ့ၢ်န့ၣ်, ပဝဲဒၣ်ခဲလၢာ်အံၤ, ပမ့ၢ်ပှၤအုၣ်အသးလီၤ. ³³ မၤ သးဒ်န့ၣ်ဒီး, အဝဲဒၣ်ဘၣ်တၢ်ပာ်ထီၣ်ထီအီၤလၢယွၤအ စုထွဲ, ဒီးဒိးန့ၢ်တၢ်စံးပာ်ဘၣ်ဃးဒီးသးစီဆှံ လၢပၢ်အ အိၣ်သတးဒီး, မ့ၢ်အလူလီၤတၢ်လၢသုထံၣ်, ဒီးသုနၢ်ဟူ သုဝဲခဲကနံၣ်အံၤလီၤ.

³⁴ အဂ့ၢ်ဒ်အံၤ, စီၤဒၤဝံးတထီၣ်ဘးဆူမူခိၣ်ဘၣ်. မ့မ့ၢ် အကစၢ်ဒၣ်ဝဲစံးဝဲဒၣ်, ယွၤစံးဘၣ်ယကစၢ်, ဆ့ၣ်နီၤလၢယစုထွဲ,

³⁵ တုၤယပာ်နဒုၣ်နဒါလၢ နခီၣ်ယီၢ်လီၤအလီၢ်တက့ၢ်.+ စံး. ၁၁၀း၁|Ps.110.1*.

³⁶ မၤသးဒ်န့ၣ်ဒီးယ့ၣ်ရှူး လၢသုပျၤထီအီၤလၢထူၣ်စုညါ အလိၤန့ၣ်လၢယွၤပာ်အီၤလၢကစၢ်ဒီးခရံာ်န့ၣ်, မ်အံၣ်စ ရ့လးအပှၤဟံၣ်ဖိခဲလၢာ်သ့ၣ်ညါနီၢ်နီၢ်တက့ၢ်.

³⁷ ဒီးအဝဲသ့ၣ်တဖၣ်န့ၣ်နၢ်ဟူတၢ်ဒီး, အသးဘၣ်ဆဲး, ဒီးစံးဘၣ်စီၤပ့းတရူး, ဒီးပှၤတၢ်မၢဖိအဂၤတဖၣ်န့ၣ်, ပှၤ ဒီပုၢ်ဝဲၢ်သ့ၣ်ဧၢ, ပကမၤဒ်လဲၣ်. ³⁸ ဒီးစီၤပ့းတရူးစံးဘၣ် အီၤ, သ့ၣ်နီၣ်ပီၢ်ယၢ်လီၤက့ၤသုသး, ဒီးဒိးဘျၢ*သုသး တဂၤဒီးတဂၤ, လၢယ့ၣ်ရှူးအမံၤ, လၢတၢ်ပျၢ်တၢ်ဒဲးဘး အဂ့ၢ်တက့ၢ်, ဒီးသုကဒိးန့ၢ်တၢ်ဟ့ၣ်သးစီဆှံလီၤ. ³⁹ အ ဂ့ၢ်ဒ်အံၤ, တၢ်စံးပာ်ဘၣ်ဃးဒီးသု, ဒီးသုဖိသုလံၤ, ဒီး ပှၤလၢအယံၤခဲလၢာ်, ဖဲဒၣ်ပှၤလၢယွၤပကစၢ်ကကိးက့ၤ အီၤတဖၣ်လီၤ.

⁴⁰ ဒီးအုၣ်အသး, ဒီးသဆၣ်ထီၣ်ပှၤအခံ, လၢတၢ်ကတိၤ အဂုၤအဂၤအါထံၣ်ဒီးစံးဝဲဒၣ်, အုၣ်က့ၤခီၣ်က့ၤသုသး လၢပှၤအနၢ်က့ၣ်တစိၤအံၤအကျါတက့ၢ်.

⁴¹ မၤသးဒ်န့ၣ်ဒီးပှၤလၢအတူၢ်လိာ် အကလုၢ်တဖၣ်န့ၣ်, ဒိးဘျၢ*အသး, ဒီးတၢ်လၢမုၢ်တနံၤန့ၣ်, တၢ်ပာ်ဖှိၣ်ပှၤ သၢကထိဃၣ်ဃၣ်လီၤ. ⁴² ဒီးအဝဲသ့ၣ်တဖၣ်န့ၣ်, အိၣ်ဝဲ တဘိယူၢ်ဃီလၢပှၤတၢ်မၢဖိအတၢ်သိၣ်တၢ်သီအပူၤ, ဒီး လၢတၢ်ရ့လိာ်, ဒီးတၢ်စိၢ်ဘျဲးကိၣ်, ဒီးတၢ်ဘါထုကဖၣ် အပူၤလီၤ. ⁴³ ဒီးတၢ်လီၤလိၢ်လီၤလး, ဒီးတၢ်ပနီၣ်လီၤလး မၤအသးအါမံၤလၢပှၤတၢ်မၢဖိတဖၣ်အစုပူၤ, ဒီးတၢ်သူၣ် ပျံၤသးပျံၤလီၤဘၣ်လၢပှၤအသးကိးအဂၤဒဲးလီၤ. ⁴⁴ ဒီးပှၤ လၢအစူၢ်က့ၤနာ်က့ၤခဲလၢာ်န့ၣ်, အိၣ်လၢအလီၢ် တပူၤ ဃီ, ဒီးပာ်ဃုာ်အတၢ်ခဲလၢာ်လီၤ. ⁴⁵ ဒီးဆါကွံာ်အတၢ်ဖိ တၢ်လံၤ, ဒီးအစုလီၢ်အခီၣ်ခိၣ်, ဒီးနီၤဟ့ၣ်ပှၤခဲလၢာ်, ဖဲ အန့ၢ်တၢ်အလီၢ်အိၣ်ဝဲအသိးန့ၣ်လီၤ. ⁴⁶ ဒီးအိၣ်ဒၣ်တၢ် လၢအသးတဖျၢၣ်ဃီ လၢတၢ်လုၢ်အဟံၣ်ပူၤသ့သ့တနံၤ, ဒီးစိၢ်ဘျဲးကိၣ်လၢတဟံၣ်ဘၣ်တဟံၣ်အပူၤ, ဒီးဒိးန့ၢ်တၢ် အီၣ်တၢ်အီလၢအသူၣ်ခုအသးခု, ဒီးအသူၣ်လိၤအသး လိၤလီၤ. ⁴⁷ သးဝံၣ်ယွၤ, ဒီးဘၣ်ဘျုးလၢပှၤဂီၢ်မုၢ်ခဲလၢာ် လီၤ. ဒီးပှၤတုၤလၢတၢ်အုၣ်က့ၤခီၣ်က့ၤအီၤတဖၣ်န့ၣ်ယွၤ ပာ်ဖှိၣ်က့ၤဝဲလၢတၢ်အိၣ်ဖှိၣ်အပူၤသ့သ့တနံၤလီၤ.

၃

¹ အန့ၣ်တစု, စီၤပ့းတရူးဒီးစီၤယိၤဟၣ် လဲၤထီၣ်ဆူတၢ် လုၢ်အဟံၣ်ပူၤ, ဖဲတၢ်ဘါထုကဖၣ်အကတီၢ်, လၢခွံနၣ် ရံၣ်လီၤ. ² ဒီးပှၤလၢအခီၣ်ဟးဂီၤ လၢအမိၢ်အဟၢဖၢပူၤ လံၤလံၤတဂၤန့ၣ်, ဒ်သိးအကဃ့တၢ်ဟ့ၣ်သးကညီၤလၢ ပှၤဟဲနုာ်ဆူတၢ်လုၢ်အဟံၣ်ပူၤဒီး, ပှၤဟဲစိာ်ပာ်လီၤအီၤ လၢပဲတရီကိးဝဲလၢအဃံအလၤအခီၣ်ထံး, ကိးမုၢ်နံၤဒဲး လီၤ. ³ အဝဲဒၣ်ထံၣ်စီၤပ့းတရူးဒီးစီၤယိၤဟၣ်ဖဲအကလဲၤ နုာ်တ့ၢ်ဆူ တၢ်လုၢ်အဟံၣ်ပူၤ, ဒီးဃ့ဒိးန့ၢ်တၢ်ဟ့ၣ်သး ကညီၤလၢအီၤလီၤ. ⁴ ဒီးစီၤပ့းတရူးစီၤယိၤဟၣ် ကွၢ်ထံ အီၤဒီးစံးဝဲဒၣ်, ကွၢ်ထီၣ်ပှၤတက့ၢ်. ⁵ ဒီးအဝဲဒၣ်ဆိကမိၣ် လၢအကန့ၢ်ဘၣ် တၢ်တမံၤမံၤလၢအီၤဒီး, ဒိကနၣ်တၢ် လီၤ. ⁶ ဒီးစီၤပ့းတရူးစံးဘၣ်အီၤ, ကျိၣ်ဧိၤစ့ဧိၤ, ဒီးထူဧိၤ လွဲဧိၤတအိၣ်ဘၣ်ဒီးယၤဘၣ်. မ့မ့ၢ်တၢ်လၢအအိၣ်ဒီးယၤ န့ၣ်, ယဟ့ၣ်နၤလီၤ. လၢပှၤနစၤရ့းဖိယ့ၣ်ရှူးခရံာ်အမံၤ န့ၣ်, ဂဲၤဆၢထၢၣ်ဒီးဟးတက့ၢ်. ⁷ ဒီးဟံးဃာ်အစုထွဲ, ဒီးဝံၣ်ဆၢထၢၣ်အီၤလီၤ. ဒီးအခီၣ်လာ်, ဒီးအခီၣ်ဒ့အဂံၢ် အဘါဆူၣ်ထီၣ်က့ၤတကီၢ်ခါလီၤ. ⁸ ဒီးစံၣ်ထီၣ်, ဒီးဆၢ ထၢၣ်, ဒီးဟးဝဲ, ဒီးလဲၤနုာ်ဒီးအီၤဆူတၢ်လုၢ်အဟံၣ်ပူၤ အဖၢမုၢ်ဒီး, ဟးဝဲ, ဒီးစံၣ်ထီၣ်, ဒီးသးဝံၣ်ထီၣ်ယွၤလီၤ.―

⁹ ဒီးပှၤဂီၢ်မုၢ်ခဲလၢာ် ထံၣ်အီၤလၢအဟးထီၣ်, ဒီးသးဝံၣ် ထီၣ်ယွၤလီၤ. ¹⁰ ဒီးသ့ၣ်ညါထံအီၤ လၢအမ့ၢ်ပှၤလၢအ ဆ့ၣ်နီၤဃ့တၢ်ဟ့ၣ်သးကညီၤ လၢတၢ်လုၢ်အဟံၣ်အပဲ တရီအဃံအလၤအခီၣ်ထံးလီၤ. မ့ၢ်တၢ်မၤအသးအဃိ ဒီး, တၢ်လီၤလးလၢအမဲာ်ဒိၣ်မး, ဒီးပာ်အသးကမၢက မၣ်လီၤ. ¹¹ ဒီးအဝဲဒၣ် ဟံးဃာ်စီၤပ့းတရူး, ဒီးစီၤယိၤဟၣ်အဖၢမုၢ်ဒီး, ပှၤဂီၢ်မုၢ်ခဲလၢာ်ဟဲဃ့ၢ်ဖှိၣ်ဆူအအိၣ်, လၢတၢ်ဒုးခိၣ်ကိးဝဲလၢၡလိၤမိၤ, ဒီးကမၢကမၣ်ဝဲတကူၢ်သ့ၣ်လီၤ.―

¹² ဒီးစီၤပ့းတရူးထံၣ်တၢ်ဒီး, ကတိၤဆၢတၢ်လၢ ပှၤဂီၢ်မုၢ် န့ၣ်, ပှၤအံၣ်စရ့လးဖိသ့ၣ်ဧၢ, လၢတၢ်အံၤအဂ့ၢ်န့ၣ်, သု ကမၢကမၣ်ဘၣ်မနုၤလဲၣ်. သုကွၢ်ထံကွၢ်ဆးပှၤ, ဒ်ပဒုး ဟးထီၣ်က့ၤအီၤလၢပစိပကမီၤ, ပတၢ်ယူးယီၣ်ယွၤဒၣ်ပ ဝဲအသိးဘၣ်မနုၤလဲၣ်. ¹³ စီၤအၤဘြၤဟၣ်ဒီးစီၤအံၤစဲးဒီး စီၤယၤကိာ်အကစၢ်, ပပၢ်သ့ၣ်အကစၢ်, လီၣ်ဖျါထီၣ် အခ့အပှၤယ့ၣ်ရှူးအလၤအကပီၤလီၤ. အဝဲဒၣ်န့ၣ်သုဟ့ၣ်လီၤကွံာ်, ဒီးသမၢအီၤလၢစီၤပံၤလးအမဲာ်ညါ, ဖဲအစံၣ် ညီၣ်လၢအကပျၢ်အီၤလီၤ. ¹⁴ ဒီးသုသမၢတၢ်စီတၢ်ဆှံဒီး တၢ်တီတၢ်လိၤတဂၤန့ၣ်, ဒီးသုဃ့လၢတၢ်ကဟ့ၣ်သုလၢ ပှၤမၤသံပှၤကညီတဂၤလီၤ. ¹⁵ ဒီးသုမၤသံကွံာ်တၢ်မူအ ခိၣ်, လၢယွၤဒုးဂဲၤဆၢထၢၣ်က့ၤဝဲ, ဒီးပကဲပဝဲလၢပှၤ အုၣ်အသးလၢအဂ့ၢ်လီၤ. ¹⁶ ဒီးတၢ်စူၢ်က့ၤနာ်က့ၤအမံၤသ တးဒီး, အမံၤမၤဆူၣ်ထီၣ်န့ၢ်ပှၤလၢသုထံၣ်, ဒီးသုသ့ၣ် ညါအီၤတဂၤအံၤ, အဂံၢ်အဘါလီၤ. မ့ၢ်မးတၢ်နာ်ဘၣ် ဃးဒီးအီၤန့ၣ်, ဒုးအိၣ်ဆူၣ်အိၣ်ချ့ပှၤတဂၤအံၤ, လၢသု မဲာ်ညါခဲလၢာ်လီၤ.

¹⁷ ဒီးခဲကနံၣ်အံၤ, ဒီပုၢ်ဝဲၢ်သ့ၣ်ဧၢ, ယသ့ၣ်ညါလၢသု တသ့ၣ်ညါဘၣ်ဒီး, သုမၤသုဝဲ, ဒီးသုပဒိၣ်ပပှၢ်သ့ၣ်ဒ်န့ၣ် သိးစ့ၢ်ကီးလီၤ. ¹⁸ တၢ်လၢယွၤစံးပာ်လၢ အဝံခဲလၢာ်အ ထးခိၣ်, လၢခရံာ်ဘၣ်ဒိးတၢ်န့ၣ်, မ့ၢ်အမၤလၢထီၣ်ပှဲၤ ထီၣ်ဝဲဒ်န့ၣ်အသိးလီၤ. ¹⁹ မၤသးဒ်န့ၣ်ဒီး ဒ်သိးသုတၢ်ဒဲး ဘးကဘၣ်တၢ်တြူာ်ကွံာ်, ဒီးဒ်သိးတၢ်အခုၣ်တၢ်အမုာ် လၢကစၢ်အမဲာ်ညါအကတီၢ်ကဘၣ်, ²⁰ ဒီးဒ်သိးတၢ်က မၢလီၤယ့ၣ်ရှူးခရံာ် လၢအဘၣ်တၢ်စံၣ်တဲၤတဲလီၤပာ်လၢ သုဒီး, သ့ၣ်နီၣ်ပီၢ်ယၢ်လီၤက့ၤသုသး, ဒီးဃၣ်လိၤက့ၤသု သးတက့ၢ်. ²¹ အဝဲဒၣ်, တချုးတၢ်ခဲလၢာ်ဘၣ်တၢ်မၤက့ၤ အသးဒီး, မူခိၣ်ဘၣ်တူၢ်လိာ်အီၤ, ဒ်ယွၤစံးပာ်ဝဲလၢအဝံစီ ဆှံအထးခိၣ် လၢပျၢၤလၢကစၢၤလံၤလံၤအသိးန့ၣ်လီၤ.―

²² အဂ့ၢ်ဒ်အံၤ, စီၤမိၤရှ့စံးဘၣ်ပပၢ်သ့ၣ်သပှၢ်တၢၢ်, ယွၤသု ကစၢ်ကဒုးဂဲၤဆၢထၢၣ်န့ၢ်သုဝံတဂၤ, လၢသုဒီပုၢ်ဝဲၢ်အ ကျါ, ဒ်ယၤအံၤအသိးလီၤ. အဝဲဒၣ်န့ၣ်, ဖဲဒၣ်အစံးဘၣ် သုတမံၤလၢ်လၢ်န့ၣ်, သုဘၣ်ဒိကနၣ်လီၤ. ²³ ဒီးတၢ်က မၤအသးလၢကယဲၢ်ပှၤလၢအတဒိကနၣ်ဘၣ်ဝံတဂၤန့ၣ် အကလုၢ်ဒီး, ကဘၣ်တၢ်မၤဟးဂီၤကွံာ်အီၤလၢပှၤဂီၢ်မုၢ် အကျါလီၤ.+ ၅မိၤ. ၁၈း၁၅|Deut.18.15²⁴ ဒီးကယဲၢ်ဝံသ့ၣ်တ ဖၣ်လၢစီၤၡမူၤအ့လးလံၤလံၤ, ဒီးပှၤလၢခံလၢလာ်လၢ အကတိၤတၢ်ခဲလၢာ်န့ၣ်, မ့ၢ်အစံးပာ်တၢ်လၢမုၢ်နံၤတ ဖၣ်အံၤအဂ့ၢ်လီၤ.

²⁵ သုဝဲဒၣ်အံၤ, သုမ့ၢ်ဝံသ့ၣ်တဖၣ်အဖိခွါ, ဘၣ်ဃးဒီး တၢ်အၢၣ်လီၤအီလီၤလၢယွၤဟ့ၣ်လၢပပၢ်သ့ၣ်, ဖဲအစံး ဘၣ်စီၤအၤဘြၤဟၣ်, ကယဲၢ်ပှၤကညီအကလုာ်ကလုာ် လၢဟီၣ်ခိၣ်ချၢန့ၣ်, ကဘၣ်တၢ်ဆိၣ်ဂ့ၤလၢနချံနသၣ်န့ၣ် လီၤ.+ ၁မိၤ. ၂၂း၁၈|Gen.22.18²⁶ ယွၤဒုးဂဲၤဆၢထၢၣ်က့ၤအခ့အ ပှၤဒီးမၢအလဲၤဆိဆူသုအိၣ်, ဒ်သိးကဆိၣ်ဂ့ၤသုလၢတၢ် ဘိးကဒါက့ၤသုလၢသုတၢ်ဒဲးဘးအပူၤစုာ်စုာ်န့ၣ်လီၤ.

၄

¹ အဝဲသ့ၣ်စံးဘၣ်တဲဘၣ် ပှၤဂီၢ်မုၢ်အဖၢမုၢ်ဒီး, ပှၤလုၢ် တၢ်အဒိၣ်တဖၣ်, ဒီးတၢ်လုၢ်ဟံၣ်အသုးဖိအခိၣ်တဂၤ, ဒီးပှၤစၤဒူးကဲတဖၣ်, ဟဲဃီၤဝဲဆူအအိၣ်လီၤ. ² အဂ့ၢ်ဒ် အံၤ, အသးကိၢ်ထီၣ်လၢအသိၣ်က့ၤသီက့ၤပှၤဂီၢ်မုၢ်, ဒီး မၤဖျါထီၣ်လၢယ့ၣ်ရှူးအပူၤ, တၢ်ဂဲၤဆၢထၢၣ်လၢတၢ်သံ အဂ့ၢ်လီၤ. ³ ဒီးပာ်အစုလၢအလိၤ, ဒီးဒၢနုာ်အီၤလၢဃိာ် ပူၤ, တုၤမုၢ်ဆ့ၣ်ထီၣ်တနံၤလီၤ. အဂ့ၢ်ဒ်အံၤ, မ့ၢ်မုၢ်ဟါ တ့ၢ်လီၤ.

⁴ ဘၣ်ဆၣ်ဒီးပှၤလၢအနၢ်ဟူ တၢ်အကလုၢ်အကထါ န့ၣ်စူၢ်က့ၤနာ်က့ၤဝဲအါဂၤ, ဒီးပိာ်ခွါအတၢ်ဂံၢ်အိၣ် ယဲၢ် ကထိဃၣ်ဃၣ်လီၤ.

⁵ ဒီးလၢမုၢ်ဆ့ၣ်ထီၣ်တနံၤ တၢ်မၤအသးလၢအပဒိၣ်ပ ပှၢ်, ဒီးပှၤသူၣ်က့သးပှၢ်, ဒီးပှၤကွဲးလံာ်, ⁶ ဒီးပှၤလုၢ်တၢ် အခိၣ်, စီၤအၣ်နၣ်, ဒီးစီၤကၤယါဖၤ, ဒီးစီၤယိၤဟၣ်, ဒီး စီၤအလ့းစၣ်ဒြူး, ဒီးကယဲၢ်ပှၤလုၢ်တၢ်အခိၣ် အဘူးအ တံၢ်, အိၣ်ဖှိၣ်ရိဖှိၣ်လၢယရူၤၡလ့ၣ်အပူၤလီၤ. ⁷ ဒီးပာ်လီၤ အီၤလၢတၢ်သးကံၢ်ပူၤ, ဒီးသံကွၢ်အီၤ, သုမၤတၢ်အံၤလၢ မနုၤအစိအကမီၤဒီးလၢမတၤတဂၤအမံၤအသၣ်လဲၣ်.

⁸ တုၤနုၤတစု, စီၤပ့းတရူးလၢထီၣ်ပှဲၤထီၣ် ဒီးသးစီဆှံ ဒီးစံးဘၣ်အီၤ, ပှၤဂီၢ်မုၢ်အပဒိၣ်ပပှၢ်, ဒီးသူၣ်က့သးပှၢ် သ့ၣ်ဧၢ, ⁹ တၢ်မၤအဂ့ၤတမံၤလၢအဘၣ်ပှၤအက့အကွဲၣ် တဂၤ, လၢအဘျါက့ၤဝဲဒ်လဲၣ်ဒ်လဲၣ်အဂ့ၢ်န့ၣ်, ပမ့ၢ်ဘၣ် တၢ်သမံသမိးလၢမုၢ်မဆါတနံၤအံၤဒီး, ¹⁰ သ့ၣ်ညါသုဝဲခဲ လၢာ်, ဒီးကယဲၢ်အံၣ်စရ့လးအပှၤဂီၢ်မုၢ်ခဲလၢာ်တက့ၢ်. ပှၤနစၤရ့းဖိယ့ၣ်ရှူး လၢသုပျၤထီအီၤလၢ ထူၣ်စုညါအ လိၤ, ဒီးယွၤဒုးဂဲၤဆၢထၢၣ်က့ၤအီၤလၢတၢ်သံတဂၤအ မံၤသတးဒီး, အဝဲတဂၤအံၤအိၣ်ဆူၣ်အိၣ်ချ့, ဒီးဆၢထၢၣ် လၢသုမဲာ်ညါအံၤလီၤ. ¹¹ အဝဲဒၣ်မ့ၢ်လၢၢ်တဖျၢၣ်လၢပှၤ သူၣ်ဟံၣ်, သုဝဲသ့ၣ်အံၤ, သုပာ်အီၤလၢတၢ်နီတမံၤဘၣ်, ဘၣ်ဆၣ်ဒီးကဲထီၣ်လၢဟံၣ်အသနၢၣ်အခိၣ်လီၤ.+ စံး. ၁၁၈း၂၂|Ps.118.22*.¹² ဒီးတၢ်အုၣ်က့ၤခီၣ်က့ၤ လၢပှၤဂၤအပူၤန့ၣ်, တအိၣ်ဘၣ်နီတဂၤဘၣ်. အဂ့ၢ်ဒ်အံၤ, မံၤအဂုၤအဂၤ လၢပှၤကညီအကျါ, လၢမူခိၣ်အဖီလာ်, တၢ်တဟ့ၣ် ဘၣ်ပဝဲလၢပဘၣ်တုၤလၢတၢ်အုၣ်က့ၤခီၣ်က့ၤ လၢအပူၤ နီတမံၤဘၣ်.

¹³ ဒီးတုၤအဝဲသ့ၣ်ထံၣ်လၢ စီၤပ့းတရူးဒီးစီၤယိၤဟၣ်အ သးခူတလ့ၢ်, ဒီးသ့ၣ်ညါလၢအမ့ၢ်ပှၤတသ့ဘၣ်လံာ်, ဒီး ပှၤတမၤလိဘၣ်တၢ်ဘၣ်ဒီး, ကမၢကမၣ်ဝဲလီၤ. ဒီးသ့ၣ် ညါထံလၢအဝဲသ့ၣ် မ့ၢ်ပှၤအိၣ်တ့ၢ်ဒီးယ့ၣ်ရှူးလီၤ. ¹⁴ ဒီး ထံၣ်ပှၤလၢအဘျါက့ၤဝဲတဂၤ, အိၣ်ဆၢထၢၣ်ဒီးအီၤသ တးဒီး, ကတိၤတြီတၢ်အလီၢ်တအိၣ်ဘၣ်. ¹⁵ ဘၣ်ဆၣ်ဒီး မၤလိာ်ဝဲလၢအကဟးထီၣ် လၢပှၤကူၣ်လိာ်တၢ်အအိၣ် ဆူခိဝံၤဒီး, ကတိၤလိာ်အသး, ¹⁶ ဒီးစံးဝဲဒၣ်, ပှၤတဖၣ် အံၤပကမၤအီၤဒ်လဲၣ်. အဂ့ၢ်ဒ်အံၤ, လၢတၢ်လီၤလးနီၢ်နီၢ် တမံၤမၤလံအသးလၢအီၤန့ၣ်, အိၣ်ဖျါဝဲလၢပှၤအိၣ်ဝဲဆိး ဝဲလၢယရူၤၡလ့ၣ်အပူၤခဲလၢာ်အမဲာ်ညါ, ဒီးပသမၢတ သ့ဘၣ်လီၤ. ¹⁷ ဘၣ်ဆၣ်ဒီးဒ်သိးတၢ်န့ၣ်သုတဟူထီသါ လီၤဒံးလၢပှၤဂီၢ်မုၢ်အကျါတဂ့ၤဒီး, ပကမၤလိာ်အီၤလၢ တၢ်ကတိၤမၤပျံၤန့ၣ်, ဒ်သိးအသုတကတိၤဘၣ်တၢ်လၢ ပှၤတဂၤအံၤအမံၤ, လၢပှၤနီတဂၤတဂ့ၤလီၤ. ¹⁸ ဒီးကိးက့ၤ အီၤ, ဒီးဒ်သိးအသုတစံၣ်တဲၤတဲလီၤဒီးသိၣ်က့ၤသီက့ၤ တၢ်လၢယ့ၣ်ရှူးအမံၤလ့ၤတက့ၤတဂ့ၤဒီး, မၤလိာ်ဝဲလီၤ.

¹⁹ ဒီးစီၤပ့းတရူး ဒီးစီၤယိၤဟၣ်ကတိၤဆၢတၢ်, ဒီးစံး ဘၣ်အီၤ, ပဒိကနၣ်သုကလုၢ်အါန့ၢ်ပဒိကနၣ်ယွၤအက လုၢ်လၢယွၤအမဲာ်ညါ, မ့ၢ်အတီတတီလဲၣ်န့ၣ်, စံၣ်ညီၣ် သုဝဲတက့ၢ်. ²⁰ အဂ့ၢ်ဒ်အံၤ, တၢ်လၢပထံၣ်, ဒီးတၢ်လၢပ နၢ်ဟူန့ၣ်, ပတကတိၤဘၣ်ဒီး, ပအိၣ်တသ့ဘၣ်.

²¹ ဒီးသိၣ်ဃီၣ်အီၤအလီၢ် တထံၣ်ဘၣ်ဝဲလၢပှၤဂီၢ်မုၢ်အ ဃိဒီး, ကတိၤအါထီၣ်တၢ်မၤပျံၤအီၤဝံၤဒီး, ပျၢ်အီၤလီၤ. အဂ့ၢ်ဒ်အံၤ, လၢတၢ်မၤသးအဃိန့ၣ်, ပှၤဂီၢ်မုၢ်စံးထီၣ်ပ တြၢၤယွၤခဲလၢာ်လီၤ. ²² အဂ့ၢ်ဒ်အံၤ, ပှၤလၢအဘၣ်တၢ် မၤဘျါက့ၤလီၤလးတဂၤန့ၣ်, အသးပှၢ်တ့ၢ်ဝဲအနံၣ်လွံၢ် ဆံအဘျဲၣ်လီၤ.

²³ ဒီးအဝဲသ့ၣ်ထူၣ်ဖျဲးဝဲဝံၤဒီး, က့ၤဆူအပှၤဒၣ်ဝဲအအိၣ်, ဒီးဖဲဒၣ်ပှၤလုၢ်တၢ်အခိၣ်, ဒီးပှၤသူၣ်က့သးပှၢ်တဖၣ် စံး ဝဲန့ၣ်, အဝဲသ့ၣ်စံၣ်တဲၤတဲလီၤက့ၤလၢအီၤလီၤ. ²⁴ ဒီးတုၤ အဝဲသ့ၣ်နၢ်ဟူဒီး, ဘါထုကဖၣ်ယွၤလၢအသးတဖျၢၣ် ဃီဒီးစံးဝဲဒၣ်, ကစၢ်ဧၢ, နဲဒၣ်အံၤနမ့ၢ်ယွၤလၢအတ့မူ ခိၣ်, ဟီၣ်ခိၣ်, ဒီးပီၣ်လဲၣ်, ဒီးတၢ်အိၣ်လၢအပူၤခဲလၢာ် လီၤ. ²⁵ နစံးလၢနခ့နပှၤစီၤဒၤဝံးအထးခိၣ်. ဘၣ်မနုၤလၢပှၤအကလုာ်တဖၣ်ကလာ်ထီၣ်, ဒီးပှၤဂီၢ်မုၢ်ကူၣ်ထီၣ်ဖးလီၤတၢ်ကလီကလီလဲၣ်.

²⁶ ဟီၣ်ခိၣ်အစီၤပၤတဖၣ်ပာ်ဆၢထၢၣ်အသး, ဒီးပဒိၣ်ပပှၢ်တဖၣ်အိၣ်ဖှိၣ်ရိဖှိၣ်တပူၤဃီထီဒါယွၤ, ဒီးအခရံာ်န့ၣ်လီၤ.+ စံး. ၂း၁|Ps.2.1*.

²⁷ အဂ့ၢ်ဒ်အံၤ, စီၤဟ့ၤရိာ်, ဒီးစီၤပီၣ်တံၤပံၤလး, ဒီးပှၤ ကလုာ်တဖၣ်, ဒီးပှၤအံၣ်စရ့လးဖိသ့ၣ်တဖၣ်န့ၣ်အိၣ်ဖှိၣ် ရိဖှိၣ်ဝဲနီၢ်နီၢ်လၢ ဝ့ၢ်တဖျၢၣ်အံၤအပူၤ, ထီဒါပှၤလၢနဖှူ အီၤ, နခ့နပှၤစီဆှံယ့ၣ်ရှူး, ²⁸ ဒ်သိးအကမၤအီၤဖဲဒၣ်နစု, ဒီးနတၢ်ကူၣ်စံၣ်ညီၣ်ပာ်လၢ အကမၤဝဲတဖၣ်န့ၣ်လီၤ.―

²⁹ ဒီးခဲကနံၣ်အံၤ, ကစၢ်ဧၢ, အဝဲသ့ၣ်အတၢ်ကတိၤမၤပျံၤ တၢ်န့ၣ်, ကွၢ်တက့ၢ်. မ့ၢ်နယူာ်ထီၣ်နစုဒ်သိးနကမၤဘျါ က့ၤတၢ်ဆူးတၢ်ဆါ, ဒီးဒုးမၤတၢ်ပနီၣ်လီၤလး, ³⁰ ဒီးတၢ် လီၤလိၢ်လီၤလးလၢနခ့နပှၤစီဆှံ, ယ့ၣ်ရှူးအမံၤသတးဒီး, ဒုးစံၣ်တဲၤတဲလီၤ နခ့နပှၤလၢနကလုၢ်နကထါ, အိၣ်ဒီး အသးခူတလ့ၢ်တက့ၢ်.

³¹ ဒီးဘါထုကဖၣ်တၢ်အဖၢမုၢ်ဒီး, အအိၣ်ဖှိၣ်ရိဖှိၣ် အ လီၢ်န့ၣ်ဟူးဝးဝဲ, ဒီးပှၤခဲလၢာ်လၢထီၣ်ပှဲၤထီၣ်ဒီးသးစီဆှံ ဒီးစံၣ်တဲၤတဲလီၤ ယွၤအကလုၢ်အကထါလၢအသးခူတ လ့ၢ်လီၤ.

³² ဒီးပှၤဂီၢ်မုၢ်လၢ အစူၢ်က့ၤနာ်က့ၤတဖၣ်န့ၣ်, အိၣ်ဒီး အသူၣ်တဖျၢၣ်ဃီအသးတဖျၢၣ်ဃီ, ဒီးတစံးဘၣ်လၢအ စုလီၢ်အခီၣ်ခိၣ်မ့ၢ်အတၢ်ဒၣ်ဝဲနီတဂၤဘၣ်. မ့မ့ၢ်အတၢ် ခဲလၢာ်န့ၣ် ပာ်ဃုာ်ဝဲတပူၤဃီလီၤ. ³³ ဒီးပှၤတၢ်မၢဖိအိၣ် ဒီးအစိဒိၣ်အကမီၤဒိၣ်ဒီး အုၣ်အသးလၢကစၢ်ယ့ၣ်ရှူးဂဲၤ ဆၢထၢၣ်က့ၤအဂ့ၢ်, ဒီးတၢ်ဘျုးတၢ်ဖှိၣ်ဒိၣ်မးအိၣ်လၢအ ဝဲသ့ၣ်ခဲလၢာ်အလိၤလီၤ. ³⁴ အဂ့ၢ်ဒ်အံၤ, ပှၤဘၣ်ဖှီၣ်ဘၣ် ယာ်တအိၣ်ဘၣ်လၢအကျါနီတဂၤဘၣ်. အဂ့ၢ်ဒ်အံၤ, ဖဲ ဒၣ်ပှၤအိၣ်ဒီးဟီၣ်ခိၣ်အကဝီၤမ့ၢ်ဂ့ၤ, ဟံၣ်ဧိၤဃီဧိၤမ့ၢ်ဂ့ၤ, ဆါကွံာ်ဝဲ, ဒီးဟဲစိာ်တၢ်လၢအဆါကွံာ်ဝဲအပှ့ၤ, ³⁵ ဒီးပာ် လီၤဝဲလၢပှၤတၢ်မၢဖိတဖၣ်အခီၣ်ထံးလီၤ. ဒီးဒ်ပှၤဂ့ၤန့ၢ် ဘၣ်တၢ်အလီၢ် အိၣ်ဝဲအသိးန့ၣ်, တၢ်နီၤဟ့ၣ်ဝဲစုာ်စုာ် လီၤ.

³⁶ ဒီးစီၤယိၤစ့ၣ်, လၢပှၤမၢတၢ်ဖိတဖၣ် ကိးက့ၤအမံၤသီ လၢစီၤဘၢ်နါဘၤ (အခီပညီမ့ၢ်ပှၤမၤမုာ်တၢ်ဖိ), ပှၤလ့ၤ ဝံဖိ, ပှၤကူပြူးဖိတဂၤန့ၣ်, ³⁷ အိၣ်ဒီးစံၣ်ဧိၤပှဲၤဧိၤ, ဒီးဆါ ကွံာ်ဝဲ, ဒီးဟဲစိာ်အပှ့ၤ, ဒီးပာ်လီၤလၢပှၤတၢ်မၢဖိတဖၣ် အခီၣ်ထံးလီၤ.

၅

¹ ဒီးမတၤတဂၤ, အမံၤစီၤအနၤနံ, ဒီးအမါနီၢ်စးဖံးရး, ဆါကွံာ်အစုလီၢ်အခီၣ်ခိၣ်, ² ဒီးအပှ့ၤန့ၣ်ဟံးန့ၢ်လၢအ ဂီၢ်ဒၣ်ဝဲတနီၤဒီးဟဲစိာ်တနီၤ, ဒီးပာ်ဝဲလၢပှၤတၢ်မၢဖိတ ဖၣ်အခီၣ်ထံးလီၤ. ဒီးအမါသ့ၣ်ညါဝဲစ့ၢ်ကီးလီၤ. ³ ဒီး စီၤပ့းတရူးစံးဝဲဒၣ်, စီၤအနၤနံဧၢ, ဒ်သိးနကကတိၤက ဘျံးကဘျၣ်တၢ်လၢသးစီဆှံ, ဒီးဟံးန့ၢ်ဟီၣ်ခိၣ်အကဝီၤ အပှ့ၤလၢနဂီၢ်ဒၣ်နဲတနီၤန့ၣ်, မ့ၢ်မုၣ်ကီၤလံၢ်မၤပှဲၤထီၣ်န သး, ဘၣ်မနုၤလဲၣ်. ⁴ ဖဲအအိၣ်ဒီးနၤန့ၣ်, မ့ၢ်နတၢ်ဒၣ်နဲ တမ့ၢ်ဘၣ်ဧါ. ဒီးလၢနဆါကွံာ်အီၤန့ၣ်မ့ၢ်အအိၣ်လၢနစိ နကမီၤဒၣ်နဲအပူၤ, တမ့ၢ်ဘၣ်ဧါ. နကူၣ်ထီၣ်ဖးလီၤတၢ် အံၤလၢနသးကံၢ်ပူၤဘၣ်မနုၤလဲၣ်. တမ့ၢ်ဘၣ်နကတိၤ ကဘျံးကဘျၣ်တၢ်လၢပှၤကညီဘၣ်. မ့ၢ်လၢယွၤလီၤ.―

⁵ ဒီးစီၤအနၤနံနၢ်ဟူတၢ်ကတိၤန့ၣ်ဒီး, လီၤဃံၤဝဲ, ဒီးအ သးဟးထီၣ်ကွံာ်ဝဲလီၤ. ဒီးပှၤလၢအနၢ်ဟူတၢ်တဖၣ်အံၤ, ဘၣ်ပျံၤဘၣ်ဖုးဒိၣ်မးလီၤ. ⁶ ဒီးပှၤဖိၣ်သၣ်ခွါတဖၣ်ဂဲၤဆၢ ထၢၣ်ဒီးဘိၣ်ထီၣ်အီၤ, ဒီးလဲၤစိာ်ခူၣ်လီၤကွံာ်အီၤလီၤ. ⁷ ဒီးတၢ်မၤအသး လၢသၢနၣ်ရံၣ်ဃၣ်ဃၣ် ပူၤကွံာ်ဒီး, အမါတသ့ၣ်ညါဘၣ်တၢ်မၤအသးန့ၣ်, ဒီးဟဲနုာ်ဝဲလီၤ.―

⁸ ဒီးစီၤပ့းတရူးကတိၤဆၢအီၤ, သုဆါကွံာ်ဟီၣ်ခိၣ်အက ဝီၤန့ၢ်ထဲအံၤဧါ. စံးဘၣ်ယၤတက့ၢ်. ဒီးစံးဝဲဒၣ်, မ့ၢ်လံ, ထဲန့ၣ်လီၤ. ⁹ ဒီးစီၤပ့းတရူးစံးဘၣ်အီၤ, သုပာ်သုသးတ ဖျၢၣ်ဃီဒ်သိးသုကလ့ပစီယွၤအသးဘၣ်မနုၤလဲၣ်. ကွၢ် ကွၢ်, ပှၤလၢအလဲၤခူၣ်လီၤကွံာ်နဝၤန့ၣ်, အခီၣ်အိၣ်လၢ တြဲၤအခီၣ်ထံး, ဒီးကလဲၤစိာ်ကွံာ်နၤလီၤ. ¹⁰ ဒီးလီၤဃံၤဝဲတကီၢ်ခါ လၢအခီၣ်ထံး, ဒီးအသးဟးထီၣ်ကွံာ်ဝဲလီၤ. ဒီးပှၤဖိၣ်သၣ်ခွါန့ၣ်ဟဲနုာ်ဒီးထံၣ်ဝဲလၢအသံ, ဒီးလဲၤစိာ်ခူၣ်လီၤကွံာ်အီၤလၢအဝၤအဃၢၤလီၤ.―

¹¹ ဒီးတၢ်အိၣ်ဖှိၣ်ခဲလၢာ်, ဒီးကယဲၢ်ပှၤလၢအနၢ်ဟူတၢ်မၤ အသးတဖၣ်န့ၣ်, ဘၣ်ပျံၤဘၣ်ဖုးဒိၣ်မးလီၤ.

¹² ဒီးတၢ်ပနီၣ်လီၤလးဒီး တၢ်လီၤလိၢ်လီၤလးအါမး, မၤ အသးလၢပှၤတၢ်မၢဖိတဖၣ်အစုပူၤ, လၢပှၤဂီၢ်မုၢ်အကျါ လီၤ. ဒီးအဝဲသ့ၣ်အိၣ်ဒီးအသးတဖျၢၣ်ဃီ လၢစီၤၡလိၤ မိၤအတၢ်ဒုးခိၣ်အပူၤ ခဲလၢာ်လီၤ. ¹³ ဒီးပှၤဂၤတဖၣ်န့ၣ် ဘျုးအသးဒီးအီၤတဘူၣ်ဘၣ်နီတဂၤဘၣ်. မ့မ့ၢ်ပှၤဂီၢ်မုၢ် ပာ်ဒိၣ်ပာ်ထီအီၤလီၤ. ¹⁴ ဒီးပှၤစူၢ်က့ၤနာ်က့ၤ ဂီၢ်မုၢ်ဒီးမုၣ် ဒီးခွါန့ၣ်, ဘၣ်ပာ်ဖှိၣ်အသးဒီးအီၤလၢပကစၢ်အပူၤ, အါ န့ၢ်အန့ၣ်တက့ၢ်လီၤ. ¹⁵ မၤသးဒ်န့ၣ်ဒီး ပှၤဟဲစိာ်ပှၤဘၣ် ဆူးဘၣ်ဆါတဖၣ်ဆူကျဲပူၤ, ဒီးပာ်လီၤအီၤလၢအလီၢ်မံ ခး, ဒီးအလီၢ်မံဖိအဖီခိၣ်, ဒ်သိးစီၤပ့းတရူးလဲၤတၢ်ဒီး, အကဒုကဘၣ်အီၤသ့ၣ်သ့ၣ်လီၤ. ¹⁶ ဒီးပှၤဂီၢ်မုၢ်ဟဲစိာ်ပှၤ ဘၣ်ဆူးဘၣ်ဆါ, ဒီးပှၤလၢတၢ်နါအိၣ်လၢအလိၤတဖၣ်, လၢဝ့ၢ်အိၣ်ဝးတရံးယရူၤၡလ့ၣ်လီၤ. ဒီးဘၣ်တၢ်မၤဘျါ က့ၤအီၤခဲလၢာ်လီၤ.

¹⁷ ဒီးပှၤလုၢ်တၢ်အခိၣ်, ဒီးပှၤအိၣ်လၢအသိးခဲလၢာ်, လၢ အမ့ၢ်ပှၤစးဒူၤကဲစုတလီၤဃုာ်ဖိန့ၣ် ဂဲၤဆၢထၢၣ်လၢပှဲၤ ဒီးအသးထီၣ်ဆူၣ်, ¹⁸ ဒီးပာ်အစုလၢပှၤတၢ်မၢဖိအလိၤ, ဒီးဒၢနုာ်အီၤလၢပှၤဂီၢ်မုၢ်အဃိာ်ပူၤလီၤ.

¹⁹ ဘၣ်ဆၣ်ဒီးယွၤအကလူးတဂၤ အိးထီၣ်ဃိာ်အတြဲၤ လၢမုၢ်နၤ, ဒီးဆှၢထီၣ်ကွံာ်အီၤဒီးစံးဝဲဒၣ်, ²⁰ လဲၤဆၢ ထၢၣ်လၢတၢ်လုၢ်အဟံၣ်ပူၤ, ဒီးစံၣ်တဲၤတဲလီၤပှၤဂီၢ်မုၢ် လၢတၢ်မူအကလုၢ်အကထါအံၤခဲလၢာ်တက့ၢ်. ²¹ ဒီးအ ဝဲသ့ၣ်နၢ်ဟူတၢ်ဒီး လဲၤနုာ်ဆူတၢ်လုၢ်အဟံၣ်ပူၤ လၢဂီၤ ဂီၤ, ဒီးသိၣ်က့ၤသီက့ၤတၢ်လီၤ. မ့မ့ၢ်ပှၤလုၢ်တၢ်အခိၣ်, ဒီးပှၤအိၣ်ဒီးအီၤတဖၣ် ဟဲဝဲဝံၤဒီး, ကိးဖှိၣ်ပှၤကူၣ်လိာ် တၢ်, ဒီးပှၤအံၣ်စရ့လးဖိအသူၣ်က့သးပှၢ်ခဲလၢာ်, ဒီးမၢ ပှၤလဲၤဆူဃိာ်ပူၤ, ဒ်သိးအကဟဲစိာ်အီၤဆူအအိၣ်လီၤ.―

²² ဒီးတၢ်အခိၣ်တဖၣ်လဲၤဝဲ, ဒီးတထံၣ်န့ၢ်ဘၣ်အီၤလၢဃိာ် ပူၤဘၣ်. ဒီးဟဲက့ၤတဲဖျါထီၣ်ဝဲ, ²³ ဒီးစံးဝဲဒၣ်, မ့ၢ်မးပ ထံၣ်ဃိာ်ပူၤကးတံာ်ဃာ်အသးခၢၣ်တနၢၢ်, ဒီးပှၤပၢၤတၢ် တဖၣ်အိၣ်ဆၢထၢၣ်လၢတြဲၤအခီၣ်ထံးလီၤ. ဘၣ်ဆၣ်ဒီး တုၤပအိးထီၣ်ဒီး, ပတထံၣ်န့ၢ်ဘၣ်ပှၤလၢအပူၤနီတဂၤ ဘၣ်. ²⁴ ဒီးပှၤလုၢ်တၢ်အခိၣ်န့ၣ်, ဒီးတၢ်လုၢ်အဟံၣ်အသုး ဖိအခိၣ်, ဒီးပှၤလုၢ်တၢ်အဒိၣ်တဖၣ်, တုၤအနၢ်ဟူတၢ် ကတိၤန့ၣ်ဒီး, အသးဒ့ဒီလၢအဝဲသ့ၣ်အဂ့ၢ်လၢတၢ်အံၤ ကကဲထီၣ်ဝဲလၢမနုၤမနုၤအဂ့ၢ်လီၤ.

²⁵ ဒီးမတၤတဂၤဟဲစံးဘၣ်အီၤ, ကွၢ်ကွၢ်, ပှၤလၢသုပာ် အီၤလၢဃိာ်ပူၤတဖၣ်န့ၣ်, အိၣ်ဆၢထၢၣ်လၢတၢ်လုၢ်အ ဟံၣ်ပူၤ, ဒီးသိၣ်က့ၤသီက့ၤပှၤဂီၢ်မုၢ်လီၤ. ²⁶ တုၤနုၤတစု သုးဖိအခိၣ်, ဒီးတၢ်အခိၣ်တဖၣ်န့ၣ် မ့ၢ်အပျံၤပှၤဂီၢ်မုၢ်အ ဃိဒီး, ဒ်သိးအသုတကွံာ်အီၤလၢလၢၢ်တဂ့ၤဒီး, တမၤ ဆူၣ်ဘၣ်ဒီး, လဲၤဝဲဒီးဟဲက့ၤဆှၢအီၤလီၤ.

²⁷ ဒီးဟဲက့ၤဆှၢအီၤ, ဒီးပာ်လီၤအီၤလၢပှၤသးပှၢ်အအိၣ် ဖှိၣ်အပူၤလီၤ. ဒီးပှၤလုၢ်တၢ်အခိၣ်သံကွၢ်အီၤ, ²⁸ ဒီးစံးဝဲ ဒၣ်, ဒ်သိးသုသုတသိၣ်က့ၤသီက့ၤတၢ်လၢတၢ်အမံၤအံၤ တဂ့ၤဒီး, ပမၤလိာ်သုသပှၢ်ပှၢ်, တမ့ၢ်ဘၣ်ဧါ. ဒီးကွၢ် ကွၢ်, သုမၤပှဲၤထီၣ်ယရူၤၡလ့ၣ်လၢ သုသိၣ်တၢ်သီတၢ်, ဒီးသုပာ်သုသးလၢ သုကဒုးဘၣ်ပှၤကညီတဂၤအံၤအ သွံၣ်လၢပလိၤလီၤ.

²⁹ ဒီးစီၤပ့းတရူးဒီးပှၤတၢ်မၢဖိတဖၣ်န့ၣ်, ကတိၤဆၢတၢ် ဒီးစံးဝဲဒၣ်, ပဘၣ်စူၢ်ယွၤ အါန့ၢ်ပစူၢ်ပှၤကညီ တက့ၢ် လီၤ. ³⁰ ပပၢ်သ့ၣ်အကစၢ်ဒုးဂဲၤဆၢထၢၣ်က့ၤယ့ၣ်ရှူးလၢ သုပျၤထီမၤသံအီၤလၢ ထူၣ်အလိၤလီၤ. ³¹ အဝဲဒၣ်န့ၣ်, ယွၤပာ်ထီၣ်ထီလၢအစုထွဲဒၣ်ဝဲ, ဒ်သိးအကကဲထီၣ်ပှၤ အခိၣ်, ဒီးပှၤအုၣ်က့ၤခီၣ်က့ၤတၢ်, ဒ်သိးအကဟ့ၣ်တၢ် ပီၢ်ယၢ်လီၤက့ၤအသး, ဒီးတၢ်ပျၢ်တၢ်ဒဲးဘး, လၢအံၣ်စရ့ လးလီၤ. ³² ဒီးပဝဲဒၣ်အံၤ, ပမ့ၢ်အပှၤအုၣ်အသးလၢတၢ် န့ၣ်တဖၣ်အဂ့ၢ်လီၤ. ဒီးသးစီဆှံလၢယွၤဟ့ၣ်လီၤပှၤလၢ အစူၢ်အီၤတဖၣ်န့ၣ်, မ့ၢ်တၢ်အုၣ်အသးစ့ၢ်ကီးလီၤ.

³³ ဒီးအဝဲသ့ၣ်နၢ်ဟူတၢ်ဒီးအသးဘၣ်ဘုးတဲာ်, ဒီးကူၣ် ဝဲလၢအကမၤသံအီၤလီၤ.

³⁴ ဒီးပှၤသိၣ်လိတၢ်သိၣ်တၢ်သီ, ပှၤဖၤရံၤၡဲလၢပှၤဂီၢ်မုၢ် ခဲလၢာ်ယူးယီၣ်အီၤ, ကိးဝဲအမံၤလၢစီၤကမၤလ့လးတ ဂၤ, ဂဲၤဆၢထၢၣ်လၢပှၤသးပှၢ်အတၢ်အိၣ်ဖှိၣ်အပူၤ, ဒီး မၤလိာ်ဝဲ ဒ်သိးပှၤကဆှၢထီၣ် ပှၤတၢ်မၢဖိဆူခိတစိၢ် လီၤ. ³⁵ ဒီးစံးဘၣ်အီၤ, ပှၤအံၣ်စရ့လးဖိသ့ၣ်ဧၢ, သုမၤပှၤ အံၤဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. ³⁶ အဂ့ၢ်ဒ်အံၤ, လၢအနံၤအသီအံၤတချုးဘၣ်ဒံးဘၣ်ဒီး, စီၤသူဒါတဂၤ ဂဲၤဆၢထၢၣ်, ဒီးစံးဝဲဒၣ်လၢသါမ့ၢ်တၢ်, ဒီးပှၤလွံၢ်ကယၤ ဃၣ်ဃၣ်ဘျုးအသးဒီးအီၤလီၤ. ဒီးသံဝဲ, ဒီးဖဲဒၣ်ပှၤလၢ အစူၢ်က့ၤနာ်က့ၤအီၤခဲလၢာ်န့ၣ်, လီၤမုၢ်လီၤဖး, ဒီးတကဲ ထီၣ်ဘၣ်လၢတၢ်နီတမံၤဘၣ်. ³⁷ တၢ်န့ၣ်အလီၢ်ခံဒီး, လၢ ပဆဲးလီၤပမံၤအမုၢ်နံၤတဖၣ်, ပှၤကၤလံၤလါဖိ, စီၤယူဒၤ တဂၤ, ဂဲၤဆၢထၢၣ်ဝဲ, ဒီးလွဲန့ၢ်ပှၤဂီၢ်မုၢ်ဖးဒိၣ်ပိာ်ထီၣ် အခံလီၤ. ဒီးအဝဲန့ၣ်ဟးဂီၤစ့ၢ်ကီး, ဒီးဖဲဒၣ်ပှၤလၢအစူၢ် က့ၤနာ်က့ၤအီၤန့ၣ်, လီၤပြံလီၤပြါဝဲခဲလၢာ်လီၤ.

³⁸ ဒီးခဲကနံၣ်အံၤယစံးဘၣ်သု, ပှၤတဖၣ်အံၤ ဟးဆှဲး အီၤ, ဒီးကအိၣ်ဒၣ်ဝဲတက့ၢ်. အဂ့ၢ်ဒ်အံၤ, တၢ်ကူၣ်တၢ် ဖးဒီးတၢ်မၤအံၤ, မ့ၢ်ကဲထီၣ်လၢပှၤကညီဒီး, ကတုၤဒၣ် တၢ်လၢတၢ်ဟးဂီၤလီၤ. ³⁹ ဘၣ်ဆၣ်ဒီးမ့ၢ်ဘၣ်ဃးဒီးယွၤ ဒီး, သုမၤဟးဂီၤအီၤတသ့ဘၣ်. ဒ်သိးသုသုတကဲထီၣ် ပှၤဒုးတၢ်ဒီးယွၤတဂ့ၤဒီး, ပလီၢ်သုသးတက့ၢ်.

⁴⁰ ဒီးဒိကနၣ်အကလုၢ်သတးဒီး, ကိးက့ၤပှၤတၢ်မၢဖိဒီး ဖျ့အီၤ, ဒီးမၤလိာ်အီၤ, ဒ်သိးအသုတစံၣ်တဲၤတဲလီၤတၢ် လၢယ့ၣ်ရှူးအမံၤတဂ့ၤ, ဒီးပျၢ်ကွံာ်အီၤလီၤ. ⁴¹ မၤသးဒ်န့ၣ်ဒီး မ့ၢ်တၢ်ပာ်အီၤလၢ ပှၤကြၢးဒိးတၢ်မဲာ်ဆှးလၢအမံၤအဃိဒီး, အဝဲသ့ၣ်သူၣ်ခုသးခု, ဒီးဟးထီၣ်ကွံာ်ဝဲလၢသူၣ်က့သးပှၢ် အတၢ်အိၣ်ဖှိၣ်အမဲာ်ညါလီၤ.―

⁴² ဒီးတဆိတ့ၢ်ဘၣ်ဒီး, သိၣ်က့ၤသီက့ၤတၢ်, ဒီးစံၣ်တဲၤတဲ လီၤယ့ၣ်ရှူးခရံာ်အဂ့ၢ်လၢတၢ်လုၢ်အဟံၣ်ပူၤ, ဒီးတဟံၣ် ဘၣ်တဟံၣ်တဟံၣ်ဘၣ်တဟံၣ်, ကိးမုၢ်နံၤဒဲးလီၤ.

၆

¹ လၢမုၢ်နံၤတဖၣ်န့ၣ် အပျဲၢ်အဘီၣ်အါထီၣ်, ဒီးပှၤက တိၤဟ့းလ့ၣ်အကျိာ်အပှၤမုၣ်ကမဲတဖၣ်, ဘၣ်တၢ်ကွၢ် ကပာ်အီၤလၢ ကိးမုၢ်နံၤဒဲးအတၢ်လုၢ်အီၣ်လုၢ်အီသတး ဒီး, ကဒူးကဒ့ၣ်တၢ်လၢပှၤဧ့ၤဘြံၤဖိအလိၤလီၤ. ² ဒီးပှၤ တဆံခံဂၤန့ၣ်ကိးဖှိၣ်အပျဲၢ်အဘီၣ်ဂီၢ်မုၢ် ဒီးစံးဝဲဒၣ်, ပ လဲၤသဒၣ်ပဝဲယွၤအကလုၢ်အကထါ, ဒီးမၤတၢ်အီၣ်တၢ် အီအတၢ်န့ၣ်တဂ့ၤတဘၣ်ဘၣ်. ³ မၤသးဒ်န့ၣ်ဒီး, ဒီပုၢ်ဝဲၢ် သ့ၣ်ဧၢ, ပှၤနွံဂၤလၢအဘၣ်တၢ်အုၣ်အသးလၢအဂ့ၢ်, ဒီး ပှဲၤဝဲဒီးသးစီဆှံ, ဒီးတၢ်ကူၣ်သ့ကူၣ်ဘၣ်လၢသုကျါန့ၣ်, ဃုထၢ ဒ်သိးပကပာ်ထီၣ်အီၤ လၢတၢ်မၤအံၤအခိၣ်တ က့ၢ်. ⁴ မ့မ့ၢ်ပဝဲဒၣ်အံၤ, ပကဘါထုကဖၣ်တၢ်, ဒီးမၤ တၢ်အကလုၢ်အကထါအတၢ်မၤတထံၣ်ဃီလီၤ.

⁵ ဒီးတၢ်ကတိၤန့ၣ် ဘၣ်ပှၤဂီၢ်မုၢ်အသး, ဒီးဃုထၢပှၤ ပှဲၤဝဲဒီးတၢ်နာ်ဒီးသးစီဆှံ, စီၤစတ့းဖၣ်, ဒီးစီၤဖံလံးပူး, ဒီးစီၤပြဃီၢ်, ဒီးစီၤနံၤကါနီၢ်, ဒီးစီၤတံမိၣ်, ဒီးစီၤပၢ်မ့းနး, ဒီးပှၤလၢအနုာ်ဝဲလၢပှၤယူဒၤဖိအလုၢ်အလၢ်, ပှၤအၣ်တံၤ အီာ်ဖိတဂၤ, စီၤနံၤကလါသ့ၣ်တဖၣ်, ⁶ ဒီးပာ်လီၤအီၤ လၢပှၤတၢ်မၢဖိတဖၣ်အမဲာ်ညါ, ဒီးအဝဲသ့ၣ်ဘါထုက ဖၣ်, ဒီးပာ်အစုလၢအလိၤလီၤ.

⁷ ဒီးယွၤအကလုၢ်အကထါဟူထီသါလီၤ, ဒီးအပျဲၢ်အ ဘီၣ်အါထီၣ်အါအါကလဲာ်လၢယရူၤၡလ့ၣ်အပူၤ, ဒီးပှၤ လုၢ်တၢ်အဒိၣ်ဂီၢ်မုၢ်ဖးဒိၣ်, စူၢ်က့ၤနာ်က့ၤဝဲလီၤ. ⁸ ဒီးစီၤ စတ့းဖၣ်လၢပှဲၤဒီးတၢ်စူၢ်တၢ်နာ်, ဒီးတၢ်စိတၢ်ကမီၤဒီး, မၤတၢ်လီၤလိၢ်လီၤလး, ဒီးတၢ်ပနီၣ်လီၤလးဖးဒိၣ်လၢပှၤ ဂီၢ်မုၢ်အကျါလီၤ.

⁹ ဒီးပှၤဘၣ်ဃးဒီးဘူၣ်ဘျီၣ်, ကိးဝဲလၢပှၤလံၤဘ့ၣ်တံၣ် ဖိ, ဒီးပှၤကူၤရ့ၤန့ဖိ, ဒီးပှၤအလ့းစၣ်ဒြ့းဖိ, ဒီးပှၤကံၤလံၤ ကံဖိ, ဒီးပှၤအၤစံဖိသ့ၣ်တဖၣ်မုန့ၣ်, ဂဲၤဆၢထၢၣ်ဒီးတဲး လိာ်ဃိလိာ်အသးဒီးစီၤစတ့းဖၣ်လီၤ. ¹⁰ ဒီးအဝဲသ့ၣ်တြီ ဆၢတၢ်ကူၣ်သ့, ဒီးသးလၢအကတိၤဝဲလၢအီၤန့ၣ်, တသ့ ဘၣ်. ¹¹ တုၤနုၤတစုအဝဲသ့ၣ် မၢခူသူၣ်ပှၤအုၣ်အသးလၢ အစံးဝဲဒၣ်, ပနၢ်ဟူအကတိၤဒုၣ်ဒွဲၣ်စီၤမိၤရှ့ဒီးယွၤလီၤ.

¹² ဒီးသဆၣ်ထီၣ်ပှၤဂီၢ်မုၢ်, ဒီးပှၤသူၣ်က့သးပှၢ်, ဒီးပှၤ ကွဲးလံာ်သ့ၣ်တဖၣ်အခံ, ဒီးဟဲဃီၤဆူအအိၣ်, ဒီးဟံး ဃာ်အီၤ, ဒီးဆှၢအီၤဆူပှၤသးပှၢ်အတၢ်အိၣ်ဖှိၣ်, ¹³ ဒီးပာ် လီၤပှၤအုၣ်အသးကဘျံးကဘျၣ်တဖၣ် လၢအစံးဝဲဒၣ်, ပှၤတဂၤအံၤတဆိတ့ၢ်ဘၣ်ဒီး, ကတိၤဒုၣ်ဒွဲၣ်တၢ်အလီၢ် စီဆှံအံၤ, ဒီးတၢ်သိၣ်တၢ်သီလီၤ. ¹⁴ အဂ့ၢ်ဒ်အံၤ, ပနၢ်ဟူ အစံးလၢပှၤနစၤရ့းဖိယ့ၣ်ရှူးတဂၤအံၤ, ကမၤဟးဂီၤတၢ် အလီၢ်အံၤ, ဒီးကလဲလိာ်အလုၢ်အလၢ်လၢစီၤမိၤရှ့ဟ့ၣ် လီၤပှၤလီၤ. ¹⁵ ဒီးကယဲၢ်ပှၤဆ့ၣ်နီၤလၢ ပှၤသးပှၢ်အတၢ် အိၣ်ဖှိၣ်အပူၤတဖၣ်န့ၣ်ကွၢ်ထံအီၤ, ဒီးထံၣ်အမဲာ်လီၤဂာ် လၢမူခိၣ်ကလူးတဂၤအမဲာ်လီၤ.

၇

¹ ဒီးပှၤလုၢ်တၢ်အခိၣ်စံးဝဲဒၣ်, တၢ်န့ၣ်တဖၣ်, မ့ၢ်အဒ်န့ၣ် ဧါ. ² ဒီးအဝဲဒၣ်စံး, ပှၤဒီပုၢ်ဝဲၢ်သ့ၣ်, ဒီးပၢ်သ့ၣ်ဧၢ, ကနၣ် တက့ၢ်. လၢပပၢ်စီၤအၤဘြၤဟၣ် တချုးအိၣ်ဝဲဆိးဝဲလၢ ဃၤရၣ်ဒီး, တၢ်လၤတၢ်ကပီၤအကစၢ်လီၣ်ဖျါထီၣ်အသး လၢအီၤလၢမ့းစပတၤမံအပူၤ, ³ ဒီးစံးဘၣ်အီၤ, ဟးထီၣ် ကွံာ်လၢနထံနကီၢ်, ဒီးလၢနဘူးနတံၢ်အအိၣ်, ဒီးလဲၤဆူ ထံဆူကီၢ်လၢယကဒုးနဲၣ်နၤတက့ၢ်.+ ၁မိၤ. ၁၂း၁|Gen.12.1⁴ တုၤနုၤတစုဟးထီၣ်ကွံာ်ဝဲလၢကီၢ်က့ၤစ့း, ဒီးလဲၤအိၣ်ဝဲဆိးဝဲလၢဃၤရၣ်, ဒီးအပၢ်သံဝဲအလီၢ်ခံဒီး, ဟးထီၣ်ဖဲန့ၣ်ဆူကီၢ်လၢသုအိၣ်သုဆိးလၢအပူၤ ခဲကနံၣ်အံၤလီၤ.―

⁵ ဒီးတဟ့ၣ်လီၤဘၣ် အတၢ်န့ၢ်သါလၢအပူၤနီတမံၤဘၣ်. ထဲအခီၣ်ယီၢ်အလီၢ်တပူၤဧိၤ, တဟ့ၣ်ဘၣ်ဝဲဘၣ်. ဒီးလၢ စီၤအၤဘြၤဟၣ်တချုးထီၣ်ဖိဒံးဘၣ်န့ၣ်, စံးပာ်ဝဲလၢအ ကဟ့ၣ်န့ၢ်သါအီၤဒီးအချံအသၣ်လၢအလီၢ်ခံလီၤ. ⁶ ဒီး ယွၤစံးဝဲဒ်အံၤ, အချံအသၣ်ကအိၣ်တမှံၤလၢတခီဘီမုၢ် အပူၤ, ဒီးကဘၣ်တၢ်မၢကဲကုၢ်အီၤ ဒီးတၢ်မၤအၢမၤနး အီၤအနံၣ်လွံၢ်ကယၤလီၤ. ⁷ ဒီးယွၤစံးဝဲဒၣ်, ပှၤတကလုာ် လၢအမၢကဲကုၢ်အီၤန့ၣ်, ယကစံၣ်ညီၣ်လီၤ. ဒီးတၢ်န့ၣ် အလီၢ်ခံဒီးအဝဲသ့ၣ်ကဟးထီၣ်,+ ၂မိၤ. ၃း၁၂|Exod.3.12ဒီး ကမၤယတၢ်ဖဲအံၤလီၤ.+ ၂မိၤ. ၃း၁၂|Exod.3.12⁸ ဒီးဟ့ၣ်လီၤအီၤ လၢတၢ်ကူးတရံးအတၢ်အၢၣ်လီၤအီလီၤလီၤ. ဒီးဒ်န့ၣ်အ သိး, စီၤအၤဘြၤဟၣ်ထီၣ်ဖိစီၤအံၤစဲး, ဒီးကူးတရံးအီၤ လၢမုၢ်ဃိးနံၤတနံၤလီၤ. ⁹ ဒီးစီၤအံၤစဲးထီၣ်ဖိစီၤယၤကိာ်, ဒီးစီၤယၤကိာ်ထီၣ်ဖိပှၤတဆံခံဒူၣ်အပၢ်လီၤ. ဒီးပှၤတဆံ ခံဒူၣ်အပၢ်န့ၣ်, အသးက့ၣ်ဝဲ, ဒီးဆါကွံာ်စီၤယိၤသးဆူ အဲၤကူပတူးအပူၤ, ဒီးယွၤအိၣ်ဒီးအီၤ, ¹⁰ ဒီးမၤပူၤမၤဖျဲး အီၤလၢအတၢ်နးတၢ်ဖှီၣ်ခဲလၢာ်, ဒီးဟ့ၣ်လီၤအတၢ်ဘျုး တၢ်ဖှိၣ်, ဒီးအတၢ်ကူၣ်ဘၣ်ကူၣ်သ့လၢအဲၤကူပတူးအစီၤ ပၤဖၤရိၤအမဲာ်ညါ, ဒီးအဝဲဒၣ်ပာ်အီၤလၢအဲၤကူပတူးအ ခိၣ်, ဒီးအဟံၣ်ဒီဖျၢၣ်ညါအခိၣ်လီၤ.

¹¹ ဒီးတၢ်သၣ်ဝံၤလီၤဒိအိၣ်ထီၣ်လၢ ကီၢ်အဲၤကူပတူးအ ပူၤ, ဒီးကီၢ်ကနၤဧၣ်အပူၤဒီဒီကီၢ်ဒီဒီကီၢ်, ဒီးဘၣ်နးဘၣ် ဖှီၣ်ဒိၣ်မး, ဒီးပပၢ်သ့ၣ်တထံၣ်န့ၢ်ဘၣ် တၢ်အီၣ်တၢ်အီ ဘၣ်လီၤ. ¹² ဒီးစီၤယၤကိာ်နၢ်ဟူလၢ ဘုဧိၤဟုဧိၤအိၣ်လၢ ကီၢ်အဲၤကူပတူး, ဒီးမၢပပၢ်သ့ၣ်လဲၤလီၤဆိဝဲလီၤ. ¹³ ဒီးပှဲၤ ထီၣ်ခံဘျီတဘျီန့ၣ်, စီၤယိၤသးလီၣ်ဖျါထီၣ်က့ၤအသး လၢအဒီပုၢ်ဝဲၢ်, ဒီးစီၤယိၤသးအဘူးအတံၢ် အိၣ်ဖျါထီၣ် လၢစီၤပၤဖၤရိၤလီၤ. ¹⁴ ဒီးစီၤယိၤသးမၢပှၤလဲၤကိးက့ၤအ ပၢ်စီၤယၤကိာ်, ဒီးကယဲၢ်ပှၤဒီဘူးဒီတံၢ်ဒီးအီၤ, နွံဆံယဲၢ် ဂၤခဲလၢာ်လီၤ. ¹⁵ ဒီးစီၤယၤကိာ်လဲၤလီၤဆူ အဲၤကူပတူး အပူၤ, ဒီးအကစၢ်ဒၣ်ဝဲသံ, ဒီးပပၢ်သ့ၣ်စ့ၢ်ကီးလီၤ. ¹⁶ ဒီး ဘၣ်တၢ်လဲၤယိးအီၤဆူ ၡက့ၣ်, ဒီးတၢ်ပာ်အီၤလၢတၢ် သွၣ်ခိၣ်အပူၤ, လၢစီၤအၤဘြၤဟၣ်ပှ့ၤလၢစ့လၢစီၤၡက့ၣ် အပၢ်, စီၤဃမိၢ်အဖိခွါတဖၣ်အစုပူၤလီၤ. ¹⁷ ဒီးတုၤတၢ် စံးပာ်အကတီၢ်လၢ ယွၤဆိၣ်တၢ်ဒီးစီၤအၤဘြၤဟၣ်အိၣ် ဘူးထီၣ်ဒီး, ပှၤတဖၣ်န့ၣ်အါထီၣ်ဂီၢ်ထီၣ်, ဒီးဂုၤထီၣ်ပသီ ထီၣ်လၢအဲၤကူပတူး, ¹⁸ တုၤလီၤလၢစီၤပၤအဂၤတဂၤဂဲၤ ဆၢထၢၣ် လၢအတသ့ၣ်ညါဘၣ် စီၤယိၤသးန့ၣ်လီၤ.+ ၂မိၤ. ၁း၈|Exod.1.8*.¹⁹ အဝဲတဂၤမၤပပှၤကလုာ်န့ၣ်ဒီးတၢ်ကူၣ် တၢ်ဆး, ဒီးမၤအၢမၤသီပပၢ်သ့ၣ်, ဒီးကွံာ်တ့ၢ်ကွံာ်အဖိ အလံၤ, ဒ်သိးအသုတကဲထီၣ်တဂ့ၤလီၤ. ²⁰ လၢအကတီၢ် ဖဲန့ၣ်ပှၤအက့ၢ်အဂီၤဂ့ၤလၢယွၤအမဲာ်ညါ, စီၤမိၤရှ့တဂၤ အိၣ်ဖျဲၣ်, ဒီးတၢ်လုၢ်အီၣ်အီၤလၢအပၢ်အဟံၣ်ပူၤသၢလါ လီၤ. ²¹ ဒီးလၢအဘၣ်ကွံာ်တ့ၢ်ကွံာ်န့ၣ်, ဖၤရိာ်အဖိမုၣ်ထုး ထီၣ်အီၤ, ဒီးလုၢ်က့ၤအီၤ, ဒီးပာ်အီၤလၢအဖိခွါဒၣ်ဝဲလီၤ.

²² ဒီးစီၤမိၤရှ့မၤလိပှၤအဲၤကူပတူးဖိ အတၢ်ကူၣ်သ့ကူၣ် ဘၣ်ခဲလၢာ်, ဒီးအိၣ်ဒီးအစိအကမီၤ လၢအတၢ်ကတိၤ, ဒီးလၢအတၢ်မၤတဖၣ်လီၤ. ²³ ဒီးတုၤအသးပှဲၤထီၣ်အနံၣ် လွံၢ်ဆံဒီး, တၢ်လိၣ်ထီၣ်လၢအသးလၢအကလဲၤအိၣ်သ ကိးအဒီပုၢ်ဝဲၢ်, ပှၤအံၣ်စရ့လးဖိလီၤ. ²⁴ ဒီးထံၣ်မတၤတ ဂၤဘၣ်တၢ်မၤအီၤတတီတလိၤဘၣ်, ဒီးမၤစၢၤအီၤ, ဒီးမၤ ဆၢတၢ်အၢလၢပှၤလၢအဘၣ်တၢ်မၤအၢအီၤအဂီၢ်, ဒီးကျီ ကွံာ်ပှၤအဲၤကူပတူးဖိတဂၤလီၤ. ²⁵ ဒီးဆိကမိၣ်ဝဲလၢအဒီ ပုၢ်ဝဲၢ်သ့ၣ်တဖၣ်န့ၣ်, အနၢ်ကပၢၢ်လၢယွၤကဟ့ၣ်လီၤအ တၢ်အုၣ်က့ၤခီၣ်က့ၤ, လၢသါစုပူၤလီၤ. ဘၣ်ဆၣ်ဒီးအဝဲ သ့ၣ်အနၢ်တပၢၢ်ဘၣ်ဝဲဘၣ်. ²⁶ ဒီးမုၢ်ဆ့ၣ်ထီၣ်တနံၤန့ၣ်, ပှၤထီဒါလိာ်အသးအဖၢမုၢ်ဒီး, အဝဲဒၣ်ဒုးနဲၣ်အသးလၢ အီၤ, ဒီးသဆၣ်ထီၣ်အခံဒ်သိးအကဃူလိာ်ဖိးလိာ်ဝဲ, ဒီး စံးဝဲဒၣ်, ပှၤကညီသ့ၣ်ဧၢ, သုမ့ၢ်ဒီပုၢ်ဝဲၢ်လီၤ. ဘၣ်မနုၤ လၢသုမၤလိာ်သုသးလၢတၢ်တတီတလိၤဘၣ်လဲၣ်. ²⁷ ဒီး ပှၤလၢအမၤအဂိၤမီၣ် တတီတလိၤဘၣ်တဂၤန့ၣ်, ဆီၣ် ကွံာ်အီၤဒီးစံးဝဲဒၣ်, မ့ၢ်မတၤပာ်နၤလၢပဒိၣ်ပပှၢ်, ဒီးပှၤ စံၣ်ညီၣ်ကွီၢ်လၢပဖီခိၣ်တဂၤလဲၣ်. ²⁸ ဒ်နမၤသံပှၤအဲၤကူပ တူးဖိမဟါအသိးန့ၣ်မ့ၢ်နကမၤသံယၤစ့ၢ်ကီးဧါ. ²⁹ ဒီးစီၤ မိၤရှ့ဟးဃ့ၢ်ဝဲလၢတၢ်ကတိၤအံၤအဃိ, ဒီးလဲၤအိၣ်တမှံၤ လၢကီၢ်မံးဒယၣ်, ဒီးထီၣ်ဖိအဖိခွါခံဂၤဖဲန့ၣ်လီၤ. ³⁰ ဒီး တုၤအနံၣ်လွံၢ်ဆံပှဲၤထီၣ်ဒီး, ယွၤအကလူးတဂၤလီၣ်ဖျါ ထီၣ်အသးလၢအီၤ လၢသ့ၣ်တၤဆှုၣ်သပှီၤ, လၢမ့ၣ်အူ လၣ်ကျါ, လၢကစၢၢ်စံၤနါအပှၢ်မုၢ်ကနၢလီၤ. ³¹ ဒီးတုၤ စီၤမိၤရှ့ထံၣ်ဝဲန့ၣ်ဒီး, ကမၢကမၣ်ဝဲလၢတၢ်အိၣ်ဖျါထီၣ် န့ၣ်အဃိ, ဒီးသုးဘူးဃီၤအသးဒ်သိးအကကွၢ်ထံကွၢ်ဆး အဖၢမုၢ်ဒီး, ကစၢ်အကလုၢ်လီၤဘၣ်အီၤ, ³² ယဲဒၣ်အံၤ ယမ့ၢ်နပၢ်သ့ၣ်အကစၢ်, စီၤအၤဘြၤဟၣ်အကစၢ်, ဒီးစီၤ အံၤစဲးအကစၢ်, ဒီးစီၤယၤကိာ်အကစၢ်လီၤ.+ ၂မိၤ. ၃း၆|Exod.3.6ဒီးစီၤမိၤရှ့ကနိးကစုာ်, ဒီးကွၢ်ဝဲတဘူၣ်ဘၣ်လီၤ. ³³ ဒီးက စၢ်စံးဘၣ်အီၤ, ဘီၣ်လီၤကွံာ်နခီၣ်ဖံးလၢနခီၣ်လိၤတက့ၢ်. အဂ့ၢ်ဒ်အံၤ, တၢ်အလီၢ်လၢနယီၢ်လီၤန့ၣ်, မ့ၢ်ဟီၣ်ခိၣ်စီ ဆှံလီၤ. ³⁴ ယခ့ယပှၤဘၣ်တၢ်မၤအၢမၤသီအီၤလၢအဲၤကူ ပတူးအပူၤန့ၣ်, ထံၣ်ဒီးယထံၣ်လံ. ဒီးအကအုကစွါန့ၣ် ယနၢ်ဟူလံ, ဒီးယဟဲလီၤဒ်သိးယကမၤပူၤဖျဲးအီၤလီၤ. ဒီးခဲကနံၣ်အံၤဟဲဃီၤ, ယကမၢနလဲၤဆူအဲၤကူပတူးအ ပူၤလီၤ.+ ၂မိၤ. ၃း၅|Exod.3.5³⁵ တၢ်လၢစီၤမိၤရှ့တဂၤန့ၣ်, လၢပှၤညိကွံာ်အီၤဒီးစံးဝဲဒၣ်, မ့ၢ်မတၤပာ်နၤလၢပဒိၣ်ပ ပှၢ်, ဒီးပှၤစံၣ်ညီၣ်ကွီၢ်တဂၤလဲၣ်န့ၣ်,+ ၂မိၤ. ၂း၁၄|Exod.2.14ယွၤ မၢလီၤအီၤဒ်သိးအကကဲပဒိၣ်ဒီး ပှၤအုၣ်က့ၤခီၣ်က့ၤတၢ်, လၢကလူးလၢအအိၣ်ဖျါထီၣ် လၢအီၤလၢသ့ၣ်တၤဆှုၣ် သပှီၤအပူၤတဂၤ, အစုပူၤလီၤ. ³⁶ ဒီးအဝဲဒၣ်ဆှၢထီၣ်အီၤ, ဒီးမၤတၢ်လီၤလိၢ်လီၤလး, ဒီးတၢ်ပနီၣ်လီၤလးလၢကီၢ် အဲၤကူပတူးအပူၤ, ဒီးလၢပီၣ်လဲၣ်ဂီၤ, ဒီးလၢပှၢ်မုၢ်ကနၢ အနံၣ်လွံၢ်ဆံလီၤ.

³⁷ အအံၤမ့ၢ်စီၤမိၤရှ့တဂၤ လၢအစံးဘၣ် ပှၤအံၣ်စရ့လး ဖိ, ကစၢ်ယွၤကဒုးဂဲၤဆၢထၢၣ်န့ၢ်သု ဝံတဂၤလၢသုဒီပုၢ် ဝဲၢ်အကျါ, ဒ်ယၤအံၤအသိးလီၤ. အဝဲဒၣ်န့ၣ်, သုဘၣ်ဒိ ကနၣ်အကလုၢ်လီၤ. ³⁸+ ၅မိၤ. ၁၈း၁၅|Deut.18.15အအံၤမ့ၢ်ပှၤ လၢအအိၣ်ဒီးတၢ်အိၣ်ဖှိၣ်လၢပှၢ်မုၢ်ကနၢ, အိၣ်ဒီးကလူး လၢအကတိၤတၢ်ဒီးအီၤလၢကစၢၢ်စံၤနါ, ဒီးအိၣ်ဒီးပပၢ် သ့ၣ်လၢအဒိးန့ၢ် တၢ်အကလုၢ်မူ, ဒ်သိးအကဟ့ၣ်လီၤ က့ၤလၢပှၤပဝဲဒၣ်အံၤလီၤ. ³⁹ အဝဲဒၣ်န့ၣ်, ပပၢ်သ့ၣ်တစူၢ် ဘၣ်ဝဲဘၣ်, ဒီးဆီၣ်ကွံာ်အီၤ, ဒီးက့ၤက့ၤဝဲလၢအသးဆူ အဲၤကူပတူး, ⁴⁰ ဒီးစံးဘၣ်စီၤအၤဟရိၣ်, တ့န့ၢ်ပှၤလၢက စၢ်တဖၣ်လၢအကလဲၤလၢပမဲာ်ညါတက့ၢ်. အဂ့ၢ်ဒ်အံၤ, တၢ်လၢစီၤမိၤရှ့လၢအဆှၢထီၣ်ပှၤလၢ ကီၢ်အဲၤကူပတူး အပူၤတဂၤအံၤ, တၢ်မၤအသးလၢအီၤဒ်လဲၣ်ဒ်လဲၣ်န့ၣ်, ပတသ့ၣ်ညါဘၣ်.+ ၂မိၤ. ၃၂း၁|Exod.32.1

⁴¹ ဒီးလၢမုၢ်နံၤတဖၣ်န့ၣ်, အဝဲသ့ၣ်တ့ ဂီၤဖံးဖိတဒု, ဒီး လုၢ်တၢ်လုၢ်လၢတၢ်ဂီၤန့ၣ်, ဒီးမုာ်လၤဝဲလၢတၢ်လၢအမၤ လၢအစုဒၣ်ဝဲလီၤ. ⁴² ဒီးယွၤဃၣ်ဒူချၢအသးလၢအီၤ, ဒီး ညိကွံာ်အီၤဒ်သိးအကဘါထီၣ်မူခိၣ်အသုးမုၢ်, ဒ်တၢ်ကွဲး အသးလၢဝံသ့ၣ်တဖၣ်အလံာ်ပူၤအသိးလီၤ. အံၣ်စရ့လးအဟံၣ်ဖိသ့ၣ်ဧၢ, အနံၣ်လွံၢ်ဆံညါလၢပှၢ် မုၢ်ကနၢန့ၣ်, သုဟဲစိာ်န့ၢ်ယၤလၢတၢ်ကျီသံကွံာ်, ဒီး တၢ်လုၢ်စ့ၢ်ကီးဧါ.

⁴³ ဒီးသုစိာ်ထီၣ်မိၤလးအဒဲ, ဒီးသုကစၢ်ရၣ်ဖၣ်အဆၣ်အဖီလီၤ. အဝဲန့ၣ် မ့ၢ်တၢ်ဂီၤလၢသုမၤ, ဒ်သိးသုကဘူၣ်ထီၣ် ဘါထီၣ်အီၤလီၤ. ဒီးယကလဲၤစိာ်သုဆူ ဘၤဘူၤလိၣ် အဝၢ်ဘးခီလီၤ.+ ဧၤ. ၅း၂၅-၂၇|Acts.5.25-Acts.5.27*.

⁴⁴ ပပၢ်သ့ၣ်အိၣ်ဒီး တၢ်အုၣ်အသးအဒဲလၢပှၢ်မုၢ်ကနၢ, ဒ်ပှၤလၢအကတိၤတၢ်ဒီးစီၤမိၤရှ့တဂၤမၤလိာ်ဝဲ, ဒ်သိးအ ကမၤအီၤဒ်အက့ၢ်အဂီၤလၢအထံၣ်ဝဲအသိးန့ၣ်လီၤ. ⁴⁵ ဒီး ပပၢ်သ့ၣ်ဒိးန့ၢ်ဝဲ, ဒီးဟဲစိာ်အီၤဒီးစီၤယိၤရှူဆူတၢ်န့ၢ်သါ ပှၤကလုာ်တဖၣ် လၢယွၤညိကွံာ်အီၤလၢပပၢ်သ့ၣ်အမဲာ် ညါ, တုၤလီၤလၢစီၤဒၤဝံးအမုၢ်နံၤန့ၣ်လီၤ. ⁴⁶ အဝဲဒၣ်န့ၣ် ဘၣ်တၢ်ဘျုးတၢ်ဖှိၣ်လၢယွၤ, ဒီးဃ့တၢ်လၢအဂီၢ်ဒၣ်ဝဲ, လၢအကဃုန့ၢ် စီၤယၤကိာ်အကစၢ်အအိၣ်အလီၢ်လီၤ.―

⁴⁷ ဘၣ်ဆၣ်ဒီးစီၤၡလိၤမိၤမၤထီၣ်အဟံၣ်လီၤ.

⁴⁸ မ့ၢ်နာ်သက့ဒ်န့ၣ်ဒီး, တၢ်အထီကတၢၢ်တဂၤတအိၣ် တဆိးဘၣ်ဝဲလၢဟံၣ်လၢပှၤမၤလၢအစုဘၣ်. ဒ်ဝံစံးဝဲအ သိး,

⁴⁹ မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ်ယခီၣ်ယီၢ်အလီၢ်လီၤ. သုကမၤဟံၣ်လၢယဂီၢ်မနုၤလဲၣ်, ကစၢ်စံးဝဲဒၣ်, ယအိၣ်ဘှံးအလီၢ်မ့ၢ်မနုၤတမံၤလဲၣ်,

⁵⁰ တၢ်ခဲလၢာ်အံၤ, တမ့ၢ်ဘၣ်ယမၤအီၤလၢ ယစုဘၣ် ဧါ.+ ၡါ. ၆၆း၁|Isa.66.1

⁵¹ ပှၤအကိာ်ဆူၣ်, ဒီးအသးဒီးအနၢ် တဘၣ်တၢ်ကူးတ ရံးဘၣ်သ့ၣ်ဧၢ, သုထီဒါဘၣ်သးစီဆှံတဘိယူၢ်ဃီလီၤ. ဒ်သုပၢ်သ့ၣ်အသိးန့ၣ်, မ့ၢ်သုစ့ၢ်ကီးလီၤ. ⁵² ဝံလၢသုပၢ် သ့ၣ်တမၤအၢမၤသီဘၣ်န့ၣ်, မ့ၢ်ဖဲလဲၣ်တဂၤလဲၣ်. ဒီး မၤသံပှၤတဖၣ်လၢအစံးပာ်ဝဲ လၢတၢ်တီတၢ်လိၤတဂၤ ကဟဲန့ၣ်, ဒီးသုကဲထီၣ်ခဲကနံၣ်အံၤလၢပှၤဟ့ၣ်လီၤကွံာ် အီၤ, ဒီးပှၤမၤသံအီၤန့ၣ်လီၤ. ⁵³ သုဝဲဒၣ်အံၤ, သုဒိးန့ၢ်တၢ် အကလုၢ်အကထါ လၢကလူးတဖၣ် ကတဲာ်ကတီၤဝဲ ဘၣ်ဆၣ်ဒီး, သုတတိၢ်န့ၢ်ဘၣ်အီၤဘၣ်.

⁵⁴ ဒီးတုၤအနၢ်ဟူတၢ်တဖၣ်န့ၣ်ဒီး, အသးဘၣ်ဘုးတဲာ် ဒီး, အ့ၣ်စဃံးအမဲလၢအလိၤလီၤ. ⁵⁵ မ့မ့ၢ်အဝဲဒၣ်န့ၣ်လၢ ထီၣ်ပှဲၤထီၣ်ဒီးသးစီဆှံ, ဒီးကွၢ်ထံတၢ်ဆူမူခိၣ်, ဒီးထံၣ် ဘၣ်ယွၤအလၤကပီၤ, ဒီးယ့ၣ်ရှူးအိၣ်ဆၢထၢၣ်လၢယွၤအ စုထွဲလီၤ. ⁵⁶ ဒီးစံးဝဲဒၣ်, ကွၢ်ကွၢ်, ယထံၣ်မူခိၣ်အိးထီၣ် အသး, ဒီးပှၤကညီအဖိခွါန့ၣ်အိၣ်ဆၢထၢၣ်လၢယွၤအစု ထွဲလီၤ. ⁵⁷ ဒီးအဝဲသ့ၣ်ကိးပသူထီၣ်လၢအကလုၢ်ဖးဒိၣ်, ဒီးမၤဘၢဃာ်အနၢ်, ဒီးဃ့ၢ်ဃီၤဝဲလၢအသးတဖျၢၣ်ဃီ, ဆူအအိၣ်, ⁵⁸ ဒီးဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤ လၢလၢၢ်လီၤ. ဒီးပှၤအုၣ်အသးတဖၣ်, ပာ်လီၤအကူအ သိးလၢပှၤဖိၣ်သၣ်ခွါ, ကိးဝဲအမံၤလၢစီၤစီလူး, အခီၣ်ထံး လီၤ. ⁵⁹ ဒီးအဝဲသ့ၣ်ကွံာ်စီၤစတ့းဖၣ်လၢ လၢၢ်ဖဲအဘါထု ကဖၣ်တၢ်ဒီးစံးဝဲဒၣ်, ယ့ၣ်ရှူးကစၢ်ဧၢ, တူၢ်လိာ်ယသး တက့ၢ်. ⁶⁰ ဒီးအဝဲဒၣ်ချံးလီၤအခီၣ်, ဒီးကိးပသူထီၣ်လၢ အကလုၢ်ဖးဒိၣ်, ကစၢ်ဧၢ, တၢ်ဒဲးဘးအံၤ, သုတပာ်လၢ အဝဲသ့ၣ်အလိၤတဂ့ၤ. စံးဝဲဒ်န့ၣ်ဒီး, မံသပ့ၤဝဲလီၤ.

၈

¹ ဒီးတၢ်မၤသံအီၤန့ၣ် စီၤစီလူး အၢၣ်လီၤအီလီၤဝဲလီၤ. ဒီးတၢ်လၢမုၢ်တနံၤန့ၣ်, တၢ်မၤအၢမၤနးတၢ်အိၣ်ဖှိၣ်လၢ ယရူၤၡလ့ၣ်အပူၤနးမး, ဒီးပှၤခဲလၢာ်လီၤပြံလီၤပြါလၢ ကီၢ်ယူဒၤ, ဒီးကီၢ်ၡၤမရံသကုၤဆးဒးလီၤ. တဟးဘၣ် ဝဲထဲပှၤတၢ်မၢဖိတဖၣ်ဧိၤလီၤ. ² ဒီးပှၤယူးယီၣ်ယွၤတဖၣ်, လဲၤခူၣ်လီၤကွံာ်စီၤစတ့းဖၣ်, ဒီးဟီၣ်တၢ်ယၢၤတၢ်လၢအ ဃိဒိၣ်ဒိၣ်ကလဲာ်လီၤ. ³ ဒီးစီၤစီလူးတဂၤန့ၣ်, မၤဟးဂီၤ တၢ်အိၣ်ဖှိၣ်, ဒီးလဲၤနုာ်ဝဲတဟံၣ်စဲတဟံၣ်, ဒီးမိၤပှၤပိာ် မုၣ်ဒီးပှၤပိာ်ခွါ, ဒီးဟ့ၣ်လီၤကွံာ်အီၤဆူဃိာ်ပူၤလီၤ.

⁴ မၤသးဒ်န့ၣ်ဒီး ပှၤလၢအလီၤပြံလီၤပြါတဖၣ်, လဲၤစံၣ် တဲၤတဲလီၤတၢ်အကလုၢ်အကထါသကုၤဆးဒးလီၤ.

⁵ ဒီးစီၤဖံလံးပူး လဲၤလီၤဆူဝ့ၢ်ၡၤမရံအပူၤ, ဒီးစံၣ်တဲၤ တဲလီၤအဝဲသ့ၣ်လၢခရံာ်အဂ့ၢ်လီၤ. ⁶ ဒီးပှၤဂီၢ်မုၢ်နၢ်ဟူ တၢ်, ဒီးထံၣ်တၢ်လီၤလးလၢစီၤဖံလံးပူးမၤဝဲ, ဒီးဒိကနၣ် အကလုၢ်ကထါလၢအသးတဖျၢၣ်ဃီလီၤ. အဂ့ၢ်ဒ်အံၤ,

⁷ တၢ်နါအိၣ်လၢပှၤအါဂၤအလိၤ, ကိးပသူထီၣ်လၢအက လုၢ်ဖးဒိၣ်, ဒီးဟးထီၣ်ကွံာ်ဝဲလီၤ. ဒီးပှၤသံတခီပၤဒီးပှၤ အခီၣ်ဟးဂီၤသ့ၣ်တဖၣ်, ဘျါက့ၤဝဲအါဂၤလီၤ. ⁸ ဒီးတၢ် သးခုဖးဒိၣ်အိၣ်ဝဲလၢဝ့ၢ်တဖျၢၣ်န့ၣ်အပူၤလီၤ.

⁹ ဒီးလၢဝ့ၢ်ပူၤန့ၣ်, မတၤတဂၤလၢအမၤကဒါပမဲာ်လၢ သီ, အမံၤစီၤၡံမိၣ်, အိၣ်ဝဲတဂၤလီၤ. ဒီးစံးလီၤအသး လၢတၢ်အဒိၣ်တဂၤ, ဒီးမၤမၢမၣ် ပှၤၡၤမရံဖိတကလုာ် န့ၣ်လီၤ. ¹⁰ ပှၤခဲလၢာ်လၢအဆံးပၢၢ်လၢအဒိၣ်တဖၣ်ဒိက နၣ်အီၤ, ဒီးစံးဝဲဒၣ်, အဝဲတဂၤအံၤမ့ၢ်ယွၤအစိဒိၣ်အက မီၤဒိၣ်လီၤ. ¹¹ မ့ၢ်အမၤကဒါအမဲာ်ဃဲးဃဲးတ့ၢ်, ဒီးမၤက တုၤပှၤအသးဒီး, အဝဲသ့ၣ်ဒိကနၣ်အီၤလီၤ. ¹² ဘၣ်ဆၣ်ဒီး တုၤပှၤတဖၣ်န့ၣ်စူၢ်က့ၤနာ်က့ၤ စီၤဖံလံးပူးစံၣ်တဲၤတဲလီၤ ယွၤအဘီအမုၢ်ဒီး ယ့ၣ်ရှူးခရံာ်အမံၤအဂ့ၢ်န့ၣ်ဒီး, အဝဲ သ့ၣ်ဒိးဘျၢ*အသးဒီးမုၣ်ဒီးခွါလီၤ.

¹³ စီၤၡံမိၣ်အကစၢ်ဒၣ်ဝဲ, စူၢ်က့ၤနာ်က့ၤစ့ၢ်ကီး, ဒီးဒိး ဘျၢ*အသး, ဒီးအိၣ်ဝဲဒီးစီၤဖံလံးပူး, ဒီးကွၢ်တၢ်ပနီၣ် လီၤလး, ဒီးတၢ်လီၤလးဒိၣ်လၢအမၤအသး, ဒီးပာ်အ သးကမၢကမၣ်လီၤ.

¹⁴ ဒီးတုၤပှၤတၢ်မၢဖိလၢယရူၤၡလ့ၣ်အပူၤ, နၢ်ဟူလၢပှၤ ၡၤမရံဖိတူၢ်လိာ်ယွၤအကလုၢ်အကထါဒီး, မၢစီၤပ့းတ ရူးဒီးစီၤယိၤဟၣ်လဲၤဆူအအိၣ်လီၤ. ¹⁵ ဒီးအဝဲသ့ၣ်ဟဲလီၤ, ဒီးဘါထုကဖၣ်တၢ် လၢအဂီၢ်ဒ်သိးအကဒိးန့ၢ်သးစီဆှံ လီၤ. ¹⁶ အဂ့ၢ်ဒ်အံၤ, သးစီဆှံန့ၣ်တဟဲလီၤဒံးဘၣ်လၢအ လိၤနီတဂၤဘၣ်. ထဲအဒိးဘျၢ*အသးဆူကစၢ်ယ့ၣ်ရှူးအ မံၤအပူၤဧိၤလီၤ. ¹⁷ တုၤနုၤတစုပာ်အစုလၢပှၤတဖၣ်န့ၣ်အ လိၤဒီး, အဝဲသ့ၣ်ဒိးန့ၢ်သးစီဆှံလီၤ.

¹⁸ ဒီးတုၤစီၤၡံမိၣ်ထံၣ်ဝဲလၢ ပှၤတၢ်မၢဖိပာ်အစုလၢ ပှၤ အလိၤ, ဒီးတၢ်ဟ့ၣ်လီၤသးစီဆှံန့ၣ်သတးဒီး, ဟဲစိာ်စ့ ဆူအအိၣ်, ¹⁹ ဒီးစံးဝဲဒၣ်, ဟ့ၣ်လီၤစ့ၢ်ကီးယၤလၢတၢ်စိ တၢ်ကမီၤအံၤ, ဒ်သိးဖဲဒၣ်ပှၤလၢယပာ်ယစုလၢအလိၤ န့ၣ်, ကဒိးန့ၢ်သးစီဆှံတက့ၢ်. ²⁰ ဒီးစီၤပ့းတရူးစံးဘၣ်အီၤ, မ်နစ့ဟးဂီၤဃုာ်ဒီးနၤတက့ၢ်. အဂ့ၢ်ဒ်အံၤ, နဆိကမိၣ် လၢယွၤအတၢ်ဟ့ၣ်န့ၣ်, ပှၤပှ့ၤန့ၢ်လၢစ့သ့လီၤ. ²¹ နတၢ် တနီၤဂ့ၤ, နဂီၢ်ဂ့ၤ, တအိၣ်ဘၣ်လၢတၢ်အံၤအပူၤဘၣ်. အဂ့ၢ်ဒ်အံၤ, နသူၣ်နသးတလိၤဘၣ်လၢယွၤအမဲာ်ညါ.―

²² မၤသးဒ်န့ၣ်ဒီး, လၢနတၢ်အၢတၢ်သီအံၤသ့ၣ်နီၣ်ပီၢ်ယၢ် လီၤက့ၤနသး, ဒီးဃ့ကညးယွၤတက့ၢ်. ဘၣ်တဘၣ်က မၤပူၤဖျဲးနသးအတၢ်ဆိကမိၣ်လီၤ. ²³ အဂ့ၢ်ဒ်အံၤ, ယထံၣ် ဘၣ်လၢနအိၣ်လၢသဒံအခၣ်, ဒီးတၢ်တတီတလိၤဘၣ် အပျံၤစၢဃာ်အပူၤလီၤ.

²⁴ ဒီးစီၤၡံမိၣ်ကတိၤဆၢတၢ်ဒီးစံးဝဲဒၣ်, ဃ့ဘါထုကဖၣ် လၢယဂီၢ်လၢယွၤ, ဒ်သိးတၢ်လၢသုစံးန့ၣ်, အသုတဟဲ ဘၣ်ယလိၤနီတမံၤတဂ့ၤန့ၣ်တက့ၢ်.

²⁵ မၤသးဒ်န့ၣ်ဒီး, တုၤအဝဲသ့ၣ်တဖၣ်အုၣ်အသး, ဒီး စံၣ်တဲၤတဲလီၤယွၤအကလုၢ်အကထါဒီး, က့ၤထီၣ်က့ၤ ဝဲဆူယရူၤၡလ့ၣ်, ဒီးစံးဘၣ်တဲဘၣ်တၢ်သးခုအကစီၣ် လၢပှၤၡၤမရံဖိအသဝီအါပူၤလီၤ.

²⁶ ဒီးယွၤအကလူးတဂၤ စံးဘၣ်စီၤဖံလံးပူး ဒီးစံးဝဲဒၣ်, ဂဲၤဆၢထၢၣ်ဒီး လဲၤဆူကလံၤထံး, ဆူကျဲလဲၤလၢယရူၤ ၡလ့ၣ်ဆူဂါစၤအပူၤန့ၣ်တက့ၢ်. တၢ်ဖဲန့ၣ် မ့ၢ်ပှၢ်မုၢ်က နၢလီၤ.

²⁷ ဒီးဂဲၤဆၢထၢၣ်လဲၤဝဲလီၤ. ဒီးကွၢ်ကွၢ်, ပှၤအဲၤသံအီး ပးဖိ, ပှၤဒ့ဒံၣ်, ပဒိၣ်ဘၣ်ဃးဒီးအီၤအဲၤသံအီးပးအနီၢ်ပၤ မုၣ်, နီၢ်ကၣ်ဒါက့ၤ, လၢအပၢၤအတၢ်လုၢ်ဒိၣ်ပှ့ၤဒိၣ်ခဲ လၢာ်တဂၤ, လဲၤထီၣ်ဘါတၢ်လၢယရူၤၡလ့ၣ်အပူၤ, ဒီး က့ၤက့ၤဝဲလီၤ. ²⁸ ဒီးဆ့ၣ်နီၤလၢလ့ၣ်ကဟၣ်အပူၤ, ဒီးဖး ဝံစီၤယၡါယၤအလံာ်လီၤ.

²⁹ ဒီးသးန့ၣ်စံးဘၣ်စီၤဖံလံးပူး, လဲၤချုးန့ၢ်လ့ၣ်ကဟၣ် န့ၣ်တက့ၢ်. ³⁰ ဒီးစီၤဖံလံးပူးဃ့ၢ်တုၤဝဲ, ဒီးနၢ်ဟူဝဲလၢအ ဖးဝံစီၤယၡါယၤအလံာ်, ဒီးစံးဝဲဒၣ်, တၢ်လၢနဖးန့ၣ်န နၢ်ပၢၢ်စ့ၢ်ကီးဧါ. ³¹ ဒီးစံးဝဲဒၣ်, ပှၤတဂၤဂၤမ့ၢ်တဒုးနဲၣ် ဘၣ်ယၤဒီး, ယနၢ်ပၢၢ်ကသ့ဒ်လဲၣ်. ဒီးဃ့ကညးစီၤဖံလံး ပူးဒ်သိးအကဟဲထီၣ်ဆ့ၣ်နီၤဒီးအီၤလီၤ.

³² ဒီးလံာ်တတီၤလၢအဖးဝဲန့ၣ်မ့ၢ်တၢ်အံၤ, ဒ်သိဘၣ်တၢ်မိၤအီၤဆူတၢ်မၤသံအီၤ, ဒီးဒ်သိဖိအိၣ်ဘှီၣ် လၢပှၤတံာ်အဆူၣ် အမဲာ်ညါအ သိးန့ၣ်, အဝဲဒၣ်တအဲးထီၣ်ဘၣ်အထးခိၣ်ဒ်န့ၣ်အသိးလီၤ.

³³ လၢတၢ်ဆီၣ်လီၤအသးအပူၤန့ၣ်, တၢ်ထုးကွံာ်အတၢ် စံၣ်ညီၣ်, ဒီးမ့ၢ်မတၤကတဲဖျါထီၣ် အစၢၤအသွဲၣ်တ ဂၤလဲၣ်. အဂ့ၢ်ဒ်အံၤ, တၢ်ထုးကွံာ်အသးသမူလၢ ဟီၣ်ခိၣ်ချၢ လီၤ.+ ၡါ. ၅၃း၇|Isa.53.7

³⁴ ဒီးပှၤဒ့ဒံၣ်ဖိန့ၣ် ကတိၤဆၢစီၤဖံလံးပူးဒီးစံးဝဲဒၣ်, ယ စံးနၤ, မ့ၢ်ဝံကတိၤတၢ်အံၤလၢမတၤတဂၤအဂ့ၢ်လဲၣ်. လၢ အကစၢ်ဒၣ်ဝဲအဂ့ၢ်, လၢပှၤဂၤအဂ့ၢ်လဲၣ်. ³⁵ ဒီးစီၤဖံလံး ပူးအဲးထီၣ်အထးခိၣ်, ဒီးမၤထီၣ်အခီၣ်ထံးလၢတၢ်ကွဲးအ သးတတီၤအံၤ, ဒီးစံၣ်တဲၤတဲလီၤအီၤလၢယ့ၣ်ရှူးအဂ့ၢ်အ ကျိၤလီၤ. ³⁶ ဒီးလဲၤတၢ်လၢကျဲအဖၢမုၢ်ဒီး, တုၤဝဲလၢထံ တပူၤ, ဒီးပှၤဒ့ဒံၣ်ဖိစံးဝဲဒၣ်, ကွၢ်ကွၢ်, ထံအိၣ်ဝဲလီၤ. ဒ်သိးယသုတဒိးဘျၢ*ယသးတဂ့ၤဒီး, မ့ၢ်မနုၤတြီၤယၤ တမံၤလဲၣ်. ³⁷ (ဒီးစီၤဖံလံးပူးစံးဝဲဒၣ်, နမ့ၢ်စူၢ်က့ၤနာ်က့ၤ လၢနသးဒီဖျၢၣ်ညါဒီး, ဂ့ၤဒိးနၤလီၤ. ဒီးအဝဲဒၣ်ကတိၤ ဆၢတၢ်ဒီးစံးဝဲဒၣ်, ယနာ်လၢယ့ၣ်ရှူးခရံာ်န့ၣ် မ့ၢ်ယွၤ အဖိခွါလီၤ.) ³⁸ ဒီးမၤလိာ်ဝဲဒ်သိး လ့ၣ်ကဟၣ်ကအိၣ် ကတီၢ်လီၤ. ဒီးစီၤဖံလံးပူး, ဒီးပှၤဒ့ဒံၣ်ဖိ, လဲၤလီၤဆူ ထံကျါခံဂၤလၢာ်, ဒီးအဝဲဒၣ်ဘျၢ*အီၤလီၤ. ³⁹ ဒီးတုၤအ ဟဲက့ၤထီၣ်လၢထံကျါဒီး, ယွၤအသးန့ၣ် ထုးကွံာ်စီၤဖံ လံးပူး, ဒီးပှၤဒ့ဒံၣ်ဖိန့ၣ်တထံၣ်လၢၤဘၣ်အီၤဘၣ်. အဂ့ၢ် ဒ်အံၤ, အသူၣ်ခုအသးခုဒီး, လဲၤဒၣ်တၢ်လၢအကျဲလီၤ.―

⁴⁰ မ့မ့ၢ်တၢ်ထံၣ်န့ၢ်စီၤဖံလံးပူးလၢအးစဒိာ်လီၤ. ဒီးလဲၤခီဂာ် ဝဲ, ဒီးစံၣ်တဲၤတဲလီၤတၢ်လၢကိးခူကိးဝ့ၢ်အပူၤ, တုၤအ ပၢၢ်လၢကဲၤစါရံၤလီၤ.

၉

¹ ဘၣ်ဆၣ်ဒီးစီၤစီလူး သါထီၣ်ဒံးတၢ်ကတိၤမၤပျံၤတၢ်, ဒီးတၢ်မၤသံတၢ်, လၢကစၢ်အပျဲၢ်အဘီၣ်အလိၤ, ဒီးလဲၤ ဝဲဆူပှၤလုၢ်တၢ်အခိၣ်အအိၣ်, ² ဒီးဃ့လံာ်လၢအီၤ, လၢ ကလဲၤဆူဒၤမ့ၤစ့း, ဆူဘူၣ်ဘျီၣ်တဖၣ်, ဒ်သိးအမ့ၢ်ထံၣ် န့ၢ်ပှၤဘၣ်ဃးဒီးကျဲအံၤ, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤဒီး, ကစၢဃာ်အီၤဒီးဟဲက့ၤစိာ်ဆူယရူၤၡလ့ၣ်လီၤ.

³ ဒီးလဲၤတၢ်အဖၢမုၢ်, ဒီးဘူးထီၣ်ဒီးဒၤမ့ၤစ့းဒီး, တၢ် ကပီၤလၢမူခိၣ် ကပီၤထီၣ်ဝးတရံးအီၤ သလ့ၢ်ကလာ် လီၤ. ⁴ ဒီးလီၤဃံၤဝဲလၢဟီၣ်ခိၣ်အဖီခိၣ်, ဒီးနၢ်ဟူတၢ်အ ကလုၢ်စံးဘၣ်အီၤ, စီၤစီလူးဧၢ, စီၤစီလူးဧၢ, ဘၣ်မနုၤလၢ နမၤအၢယၤလဲၣ်. ⁵ ဒီးစံးဝဲဒၣ်, ကစၢ်ဧၢ, နမ့ၢ်မတၤတဂၤ လဲၣ်. ဒီးကစၢ်စံးဝဲဒၣ်, ယမ့ၢ်ယ့ၣ်ရှူးလၢနမၤအၢအီၤလီၤ. (နထူဘၣ်နီၣ်ခိၣ်စူန့ၣ်ကီမးလီၤ. ⁶ ဒီးအဝဲဒၣ်ကနိးက စုာ်, ဒီးကမၢကမၣ်, ဒီးစံးဝဲဒၣ်, ကစၢ်ဧၢ, ယဘၣ်မၤ ဒ်လဲၣ်. ဒီးကစၢ်စံးဘၣ်အီၤ,) ဂဲၤဆၢထၢၣ်, ဒီးလဲၤနုာ်ဆူ ဝ့ၢ်ပူၤဒီးနဘၣ်မၤမနုၤမနုၤန့ၣ်, တၢ်ကစံးဘၣ်နၤလီၤ.

⁷ ဒီးပှၤလၢ အလဲၤတၢ်ဒီးအီၤတဖၣ်န့ၣ်, နၢ်ဟူတၢ်က လုၢ်အသီၣ်ဘၣ်ဆၣ်ဒီး, တထံၣ်ဘၣ်ပှၤနီတဂၤဘၣ်, ဒီး ဆၢထၢၣ်အိၣ်ဘှီၣ်ကလာ်လၢတၢ်သးကတုၤလီၤ. ⁸ ဒီး စီၤစီလူးဂဲၤဆၢထၢၣ်လၢဟီၣ်ခိၣ်အဖီခိၣ်, ဒီးတုၤအစီၣ် ထီၣ်အမဲာ်ဒီး, တထံၣ်ဘၣ်ပှၤနီတဂၤဘၣ်. ဒီးပှၤဆှၢအီၤ လၢအစုဆူဒၤမ့ၤစ့းအပူၤလီၤ. ⁹ ဒီးအိၣ်ဝဲသၢနံၤ ဒီးတ ထံၣ်ဘၣ်တၢ်, ဒီးတအီၣ်ဘၣ်ဒီးတအီဘၣ်တၢ်ဘၣ်လီၤ.

¹⁰ ဒီးအပျဲၢ်အဘီၣ်, ကိးဝဲအမံၤလၢစီၤအနၤနံ, လၢဒၤမ့ၤ စ့းအပူၤအိၣ်ဝဲတဂၤလီၤ. ဒီးကစၢ်စံးဘၣ်အီၤ လၢတၢ် ထံၣ်တၢ်လၢညါခီအပူၤ, စီၤအနၤနံဧၢ, ဒီးစံးဝဲဒၣ်, ကွၢ် ကွၢ်ယၤလီၤ, ကစၢ်ဧၢ. ¹¹ ဒီးကစၢ်စံးဘၣ်အီၤ, ဂဲၤဆၢထၢၣ် ဒီးလဲၤဆူကျဲကိးဝဲအမံၤလၢတၢ်ဘျၢ, ဒီးဃုန့ၢ်ပှၤတၢ်စူး ဖိ, အမံၤစီၤစီလူး, လၢစီၤယူဒၤအဟံၣ်ပူၤတက့ၢ်. အဂ့ၢ်ဒ် အံၤ, ကွၢ်ကွၢ်, အဝဲဒၣ်ဘါထုကဖၣ်တၢ်လီၤ. ¹² ဒီးထံၣ်တၢ် လၢညါခီ, ဒီးထံၣ်ပှၤအမံၤစီၤအနၤနံတဂၤဟဲနုာ်, ဒီးပာ် အစုလၢအလိၤ, ဒ်သိးအကထံၣ်ထီၣ်တၢ်လီၤ.

¹³ ဒီးစီၤအနၤနံကတိၤဆၢဝဲ, ကစၢ်ဧၢ, အဝဲဒၣ်တဂၤအ ဂ့ၢ်အကျိၤဖဲအမၤအၢမၤနး နပှၤစီဆှံလၢယရူၤၡလ့ၣ်တ ဖၣ်န့ၣ်, ယနၢ်ဟူလံလၢပှၤအါဂၤလံ. ¹⁴ အိၣ်စ့ၢ်ကီးဖဲအံၤ ဒီးအစိအကမီၤလၢပှၤလုၢ်တၢ်အခိၣ်တဖၣ်, ဒ်သိးအက စၢဃာ်ကယဲၢ်ပှၤလၢအကိးထီၣ်နမံၤလီၤ. ¹⁵ ဒီးကစၢ်စံး ဘၣ်အီၤ, လဲၤတက့ၢ်, အဂ့ၢ်ဒ်အံၤ, အဝဲဒၣ်န့ၣ်မ့ၢ်တၢ်ဃု ထၢအသပၢၤလၢယဂီၢ်, ဒ်သိးအကစိာ်ယမံၤဆူ ပှၤက လုာ်တဖၣ်, ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ် အမဲာ်ညါလီၤ. ¹⁶ အဂ့ၢ်ဒ်အံၤ, ကဘၣ်ဒိးတၢ်လၢယမံၤ အဃိ, ဆံးအါဆံးအါန့ၣ်, ယကဒုးနဲၣ်နၤအီၤလီၤ. ¹⁷ ဒီး စီၤအနၤနံဟးထီၣ်ဝဲ, ဒီးလဲၤနုာ်ဆူဟံၣ်ပူၤ, ဒီးပာ်အစု လၢအလိၤ, ဒီးစံးဝဲဒၣ်, ဒီပုၢ်ဝဲၢ်စီၤစီလူးဧၢ, ကစၢ်လၢအ အိၣ်ဖျါထီၣ်လၢနမဲာ်ညါ လၢနဟဲလၢကျဲပူၤယ့ၣ်ရှူးတ ဂၤန့ၣ်, မၢယဟဲဆူနအိၣ်, ဒ်သိးနကထံၣ်ထီၣ်က့ၤတၢ်, ဒီးနကပှဲၤထီၣ်ဒီးသးစီဆှံလီၤ. ¹⁸ ဒီးတၢ်လီၤတဲာ်ကွံာ်လၢ အမဲာ်အလိၤတကီၢ်ခါဒ်ညၣ်သဒံၣ်အသိး, ဒီးထံၣ်ထီၣ် က့ၤတၢ်တကီၢ်ခါ, ဒီးဂဲၤဆၢထၢၣ်ဒီးဒိးဘျၢ*အသးလီၤ.―

¹⁹ ဒီးအီၣ်တၢ်အီတၢ်, ဒီးအဂံၢ်အဘါဆူၣ်ထီၣ်က့ၤလီၤ. ²⁰ ဒီးအိၣ်အနံၤအသီ တနီၤနီၤ, ဒီးအပျဲၢ်အဘီၣ်လၢဒၤမ့ၤစ့းအပူၤလီၤ. ဒီးစံၣ်တဲၤတဲလီၤတကီၢ်ခါလၢဘူၣ်ဘျီၣ်တဖၣ်အပူၤ, လၢယ့ၣ်ရှူးတဂၤအံၤ, မ့ၢ်ယွၤအဖိခွါလီၤ.―

²¹ ဒီးကယဲၢ်ပှၤလၢအနၢ်ဟူဝဲတဖၣ်န့ၣ်, ပာ်အသးကမၢက မၣ်ဒီးစံးဝဲဒၣ်, ပှၤတဂၤအံၤမ့ၢ်ပှၤလၢအမၤဟးဂီၤပှၤလၢ အကိးထီၣ်တၢ်အမံၤအံၤ လၢယရူၤၡလ့ၣ်အပူၤ, ဒီးဟဲ ဖဲအံၤဒ်သိးအကစၢဃာ်အီၤ, ဒီးကက့ၤစိာ်အီၤဆူပှၤလုၢ် တၢ်အခိၣ်တဖၣ်အအိၣ်, တမ့ၢ်ဘၣ်ဧါ.

²² ဒီးစီၤစီလူးအစိအကမီၤဒိၣ်ထီၣ်ဝဲ, ဒီးကတိၤနၢၤက တိၤဃၣ်ပှၤယူဒၤဖိအိၣ်လၢဒၤမ့ၤစ့းအပူၤ, ဒီးဒုးနဲၣ်ဝဲလၢ အဝဲဒၣ်မ့ၢ်ခရံာ်လီၤ.

²³ ဒီးတုၤအါနံၤအါသီပှဲၤထီၣ်ဒီး, ပှၤယူဒၤဖိတဖၣ်, ဒ် သိးအကမၤသံအီၤဒီး, ကူၣ်ထီၣ်ဖးလီၤလိာ်အသး တ ကူၢ်သ့ၣ်လီၤ. ²⁴ ဒီးအတၢ်ကူၣ်ထီၣ်ဖးလီၤန့ၣ်, စီၤစီလူး သ့ၣ်ညါဝဲလီၤ. ဒီးအဝဲသ့ၣ်ခိးတၢ်လၢပဲတရီအခီၣ်ထံး သ့သ့တနံၤသီသီတနၤဒ်သိးအကမၤသံအီၤလီၤ. ²⁵ ဒီးအ ပျဲၢ်အဘီၣ်ဟံးန့ၢ်အီၤလၢမုၢ်နၤ, ဒီးပာ်နုာ်အီၤလၢကုတ ဒုအပူၤ, ဒီးစဲၤလီၤအီၤလၢဝ့ၢ်ခိၣ်ဒူလီၤ.

²⁶ ဒီးတုၤအတုၤက့ၤလၢယရူၤၡလ့ၣ်ဒီး, သါကဘျုးအ သးဒီးအပျဲၢ်အဘီၣ်လီၤ. ဒီးအဝဲသ့ၣ်တနာ်ဘၣ်လၢအ မ့ၢ်အပျဲၢ်အဘီၣ်ဘၣ်, ဒီးပျံၤအီၤခဲလၢာ်လီၤ. ²⁷ ဘၣ်ဆၣ် ဒီး, စီၤဘၢ်နါဘၤဟံးန့ၢ်အီၤ, ဒီးဆှၢအီၤဆူပှၤတၢ်မၢဖိ အအိၣ်, ဒီးစံးဘၣ်တဲဘၣ်အီၤ, လၢအဝဲဒၣ်ထံၣ်ဘၣ်က စၢ်လၢကျဲအဂ့ၢ်အကျိၤ, ဒီးလၢအကတိၤတၢ်ဒီးအီၤ, ဒီး လၢအစံၣ်တဲၤတဲလီၤတၢ်အိၣ်ဒီးအသးခူတလ့ၢ် လၢဒၤ မ့ၤစ့းအပူၤလၢယ့ၣ်ရှူးအမံၤလီၤ. ²⁸ ဒီးအိၣ်ဒီးအီၤဒီးဟဲနုာ် ဒီးဟးထီၣ်လၢယရူၤၡလ့ၣ်အပူၤ, ²⁹ ဒီးစံၣ်တဲၤတဲလီၤတၢ် လၢအသးခူတလ့ၢ် လၢကစၢ်ယ့ၣ်ရှူးအမံၤ, ဒီးကတိၤ တၢ်, ဒီးတဲးလိာ်ဃိလိာ်တၢ်ဒီးပှၤကတိၤဟ့းလ့ၣ်အကျိာ် တဖၣ်, ဒီးအဝဲသ့ၣ်ပာ်လီၤအသး လၢအကမၤသံအီၤ လီၤ. ³⁰ ဒီးဒီပုၢ်ဝဲၢ်သ့ၣ်တဖၣ်တုၤအသ့ၣ်ညါဝဲဒီး, ဆှၢ အီၤဆူကဲၤစါရံၤ, ဒီးမၢအလဲၤဆူတၢ်စူးလီၤ.

³¹ တုၤနုၤတစု တၢ်အိၣ်ဖှိၣ်လၢကီၢ်ယူဒၤ, ဒီးကၤလံၤ လါ, ဒီးၡၤမရံဒီဒီကီၢ်, ဒီဒီကီၢ်န့ၣ်, အိၣ်ခုၣ်အိၣ်မုာ်, ဒီးဒိးတၢ်မၤထီၣ်မၤထီ, ဒီးလဲၤတၢ်လၢတၢ်ပျံၤယွၤအပူၤ, ဒီးသးစီဆှံအမၤမုာ်တၢ်အပူၤသတးဒီး, အါထီၣ်ဂီၢ်ထီၣ် ဝဲလီၤ.

³² ဒီးတၢ်မၤအသးလၢ စီၤပ့းတရူး လဲၤဝ့ၤဝီၤသကုၤဆး ဒးအဖၢမုၢ်ဒီး, လဲၤလီၤဆူပှၤစီဆှံလၢအအိၣ်ဝဲဆိးဝဲလၢ လူးဒၤအပူၤလီၤ. ³³ ဒီးဖဲန့ၣ်ထံၣ်န့ၢ်ပှၤလၢအသံတခီပၤ, လၢအအိၣ်တ့ၢ်လၢ အလီၢ်မံပူၤဃိးနံၣ်, အမံၤစီၤအဲၤန့း တဂၤလီၤ. ³⁴ ဒီးစီၤပ့းတရူးစံးဘၣ်အီၤ, စီၤအဲၤန့းဧၢ, ယ့ၣ် ရှူးခရံာ်မၤဘျါက့ၤနၤလီၤ. ဂဲၤဆၢထၢၣ်, ဒီးဒါနလီၢ်မံ တက့ၢ်. ဒီးဂဲၤဆၢထၢၣ်ဝဲတကီၢ်ခါလီၤ. ³⁵ ဒီးကယဲၢ်ပှၤ လၢအအိၣ်ဝဲဆိးဝဲလၢလူးဒၤဒီးၡၤရိၣ်အပူၤ, ထံၣ်အီၤ, ဒီး ဃၣ်ဃီၤအသးဆူကစၢ်အအိၣ်တကူၢ်သ့ၣ်လီၤ.

³⁶ ဒီးအပျဲၢ်အဘီၣ်အမံၤ နီၢ်တဘံၤသါ, အခီပညီမ့ၢ်ဒီၢ် ကါ, အိၣ်ဝဲလၢယၤဖိၤအပူၤတဂၤလီၤ. ပိာ်မုၣ်န့ၣ်လၢ ထီၣ်ပှဲၤထီၣ်ဒီးတၢ်မၤဂ့ၤ, ဒီးတၢ်ဟ့ၣ်သးကညီၤလၢအ မၤဝဲန့ၣ်လီၤ. ³⁷ လၢမုၢ်နံၤတဖၣ်န့ၣ်, တၢ်မၤအသးလၢအ ဘၣ်တၢ်ဆါဒီးသံဝဲလီၤ. ဒီးပှၤသ့ကွံာ်အီၤ, ဒီးပာ်အီၤ လၢဒၢးထီၣ်ထီတတီၤအပူၤလီၤ. ³⁸ ဒီးလူးဒၤအိၣ်ဘူးဒီး ယၤဖိၤသတးဒီး, အပျဲၢ်အဘီၣ်နၢ်ဟူလၢစီၤပ့းတရူးအိၣ် ဖဲန့ၣ်ဒီး, မၢပှၤခံဂၤလဲၤဃ့ကညးအီၤဒ်သိးအသုတသုး နံၤသုးသီတဂ့ၤဒီး, ကဟဲဆူအအိၣ်လီၤ.

³⁹ ဒီးစီၤပ့းတရူးဂဲၤဆၢထၢၣ်, ဒီးဟဲဃုာ်ဒီးအီၤလီၤ. ဟဲ တုၤဝဲဒီး, ပှၤဆှၢနုာ်အီၤဆူဒၢးထီၣ်ထီတတီၤအပူၤ န့ၣ် လီၤ. ဒီးပှၤမုၣ်ကမဲခဲလၢာ်ဆၢထၢၣ်လၢအဃၢၤ, ဒီးဟီၣ် ဝဲ, ဒီးဒုးနဲၣ်ဆ့ဒီးယၣ်လၢနီၢ်ဒီၢ်ကါမၤဖဲအအိၣ်ဒံးဒီးအီၤ အဖၢမုၢ်လီၤ. ⁴⁰ ဒီးစီၤပ့းတရူးဒုးဟးထီၣ်ကွံာ်အီၤခဲလၢာ် ဆူခိဒီး, ချံးလီၤအခီၣ်, ဒီးဘါထုကဖၣ်တၢ်, ဒီးဃၣ်ဃီၤ အသးဆူအစိၣ်အအိၣ်, ဒီးစံးဝဲဒၣ်, နီၢ်တဘံၤသါဧၢ, ဂဲၤ ဆၢထၢၣ်တက့ၢ်. ဒီးစီၣ်ထီၣ်အမဲာ်, ဒီးထံၣ်စီၤပ့းတရူး ဒီး, ဂဲၤထၢၣ်ဆ့ၣ်နီၤဝဲလီၤ. ⁴¹ ဒီးစီၤပ့းတရူးယူာ်ဃီၤအစု, ဒီးဝံၣ်ဆၢထၢၣ်အီၤ, ဒီးကိးက့ၤပှၤစီဆှံ, ဒီးပှၤမုၣ်ကမဲ သ့ၣ်တဖၣ်, ဒီးဟ့ၣ်လီၤက့ၤအီၤ, အိၣ်ဒီး အသးသမူ လီၤ. ⁴² ဒီးတၢ်မၤအသးန့ၣ်, ပှၤသ့ၣ်ညါလၢယၤဖိၤအပူၤ သကုၤဆးဒး, ဒီးပှၤစူၢ်က့ၤနာ်က့ၤကစၢ်န့ၣ်အါဂၤလီၤ.

⁴³ ဒီးတၢ်မၤအသးလၢ အအိၣ်ဒီးပှၤမၤတၢ်ဖံး, စီၤၡံမိၣ် လၢယၤဖိၤအပူၤ, အါနံၤအါသီလီၤ.

၁၀

¹ ဒီးမတၤတဂၤအမံၤ စီၤကန့လံး, သုးဖိတကယၤအ ခိၣ်ဘၣ်ဃးဒီးသုးဖိတဖုကိးအမံၤလၢအံၤတလံ, အိၣ်ဝဲ လၢကဲၤစါရံၤအပူၤတဂၤလီၤ. ² အဝဲဒၣ်န့ၣ်, ဒီးအပှၤ ဟံၣ်ဖိခဲလၢာ်, မ့ၢ်ပှၤလၢအယူးယီၣ်ဒီးပျံၤယွၤ, ဒီးမၤတၢ် သးကညီၤလၢပှၤဂီၢ်မုၢ်ဂီၢ်ပၤအါမး, ဒီးဃ့ဘါထုကဖၣ် ယွၤတဘိယူၢ်ဃီလီၤ. ³ ဒီးလၢအထံၣ်တၢ်လၢညါခီဖျါ တြၢၢ်ကလာ်အပူၤ, လၢခွံနၣ်ရံၣ်ဃၣ်ဃၣ်န့ၣ်, ထံၣ်ဘၣ် ယွၤအကလူးတဂၤဟဲနုာ်ဆူအအိၣ်, ဒီးစံးဘၣ်အီၤ, စီၤ ကန့လံးဧၢ, ⁴ ဒီးတုၤအကွၢ်ထံအီၤဒီး, ဘၣ်ပျံၤဘၣ်ဖုးဒီး စံးဝဲဒၣ်, ကစၢ်ဧၢ, မ့ၢ်မနုၤလဲၣ်. ဒီးစံးဘၣ်အီၤ, နတၢ်ထု ကဖၣ်, ဒီးနတၢ်ဟ့ၣ်သးကညီၤတၢ်တဖၣ်န့ၣ်, ထီၣ်ဘး လၢယွၤအမဲာ်ညါ, လၢတၢ်သ့ၣ်နီၣ်ထီၣ်က့ၤအဂီၢ်လံ.―

⁵ ဒီးခဲကနံၣ်အံၤမၢပှၤလဲၤဆူယၤဖိၤ, ဒီးကိးန့ၢ်စီၤၡံမိၣ်ကိး ဝဲအမံၤသီလၢစီၤပ့းတရူးတက့ၢ်. ⁶ အဝဲဒၣ်အိၣ်တမှံၤလၢ ပှၤမၤတၢ်ဖံး, စီၤၡံမိၣ်အဟံၣ်ပူၤလၢအအိၣ်လၢပီၣ်လဲၣ် နံၤလီၤ. ⁷ ဒီးတုၤကလူးလၢ အကတိၤတၢ်ဒီးအီၤတဂၤန့ၣ် ဟးထီၣ်ဒီး, အဝဲဒၣ်ကိးန့ၢ်အပှၤဟံၣ်ဖိခံဂၤ, ဒီးပှၤလၢအယူးယီၣ်ယွၤ, သုးဖိလၢအမၤအတၢ်ထီဘိအကျါတဂၤ,―

⁸ ဒီးတဲဘၣ်အီၤလၢတၢ်ခဲလၢာ်ဒီး, မၢအလဲၤဆူယၤဖိၤလီၤ.

⁹ ဒီးမုၢ်ဆ့ၣ်ထီၣ်တနံၤ, ဖဲအလဲၤတၢ်ဒီး ဘူးထီၣ်ဒီးဝ့ၢ် န့ၣ်, လၢဃုနၣ်ရံၣ်ဃၣ်ဃၣ်ဒီး, စီၤပ့းတရူးဒ်သိးအက ဘါထုကဖၣ်တၢ်ဒီး, လဲၤထီၣ်ဝဲဆူဟံၣ်ခိၣ်လီၤ. ¹⁰ ဒီးတၢ် သၣ်ဝံၤအသး, ဒီးတၢ်မိၣ်အီၣ်အသးလၢတၢ်လီၤ. ဒီးပှၤ ကတဲာ်ကတီၤတၢ် အဖၢမုၢ်ဒီး, လီၤဘၣ်ဝဲလၢတၢ်ထံၣ် လၢညါခီအပူၤလီၤ. ¹¹ ဒီးထံၣ်ဘၣ်မူခိၣ်အိးထီၣ်အသး, ဒီးသပၢၤလီၤဂာ်ယၣ်ဖးဒိၣ်တဘ့ၣ် စၢဃာ်အသးလၢအ နၢၣ်လွံၢ်နၢၣ်, စဲၤလီၤအသးဆူဟီၣ်ခိၣ်အဖီခိၣ်လီၤ. ¹² ဒီး ကယဲၢ်ဆၣ်ဧိၤကီၢ်ဧိၤ, အိၣ်ဒီးအခီၣ်လွံၢ်ခီ, ဒီးတၢ်ဖိဃၢ် လၢဟီၣ်ခိၣ်ချၢ, ဒီးထိၣ်ဧိၤလံၣ်ဧိၤလၢမူကပိာ်လိၤတဖၣ် န့ၣ်, အိၣ်လၢအပူၤလီၤ. ¹³ ဒီးတၢ်အကလုၢ်လီၤဘၣ်အီၤ, စီၤပ့းတရူးဧၢ, ဂဲၤဆၢထၢၣ်မၤသံတၢ်, ဒီးအီၣ်တၢ်တ က့ၢ်. ¹⁴ ဒီးစီၤပ့းတရူးစံးဝဲဒၣ်, ကစၢ်ဧၢ, မ်အသုတမၤ အသးဒ်န့ၣ်တဂ့ၤ. အဂ့ၢ်ဒ်အံၤ, တၢ်တစီတဆှံဘၣ်, ဒီး တၢ်တကဆှီဘၣ်န့ၣ်, ယတအီၣ်ဘၣ်နီတစုဘၣ်. ¹⁵ ဒီး တၢ်အကလုၢ်လီၤဘၣ်ကဒီးအီၤ, ပှဲၤထီၣ်ခံဘျီတဘျီ, တၢ် လၢယွၤမၤကဆှီန့ၣ်, သုတပာ်လၢတၢ်တစီတဆှံဘၣ် တဂ့ၤ. ¹⁶ ဒီးတၢ်မၤအသးဒ်န့ၣ်သၢစု, ဒီးသပၢၤန့ၣ်ဘၣ် ထုးထီၣ်က့ၤအသးဆူမူခိၣ်လီၤ. ¹⁷ ဒီးတၢ်ထံၣ်တၢ်လၢညါခီ လၢအထံၣ်ဝဲ, မ့ၢ်အမၤအသးဒ်လဲၣ်ဒ်လဲၣ်န့ၣ်, စီၤပ့းတရူးအသးဒ့ဒီအဖၢမုၢ်ဒီး,―

¹⁸ ကွၢ်ကွၢ်, ပှၤလၢစီၤကန့လံးမၢလီၤအီၤတဖၣ်န့ၣ်, ဃုစီၤ ၡံမိၣ်အဟံၣ်, ဒီးအိၣ်ဆၢထၢၣ်လၢပဲတရီအခီၣ်ထံးလီၤ. ဒီးကိးပသူထီၣ်ဒီးသံကွၢ်, စီၤၡံမိၣ်ကိးဝဲအမံၤသီလၢစီၤ ပ့းတရူးန့ၣ်, အိၣ်တမှံၤဖဲအံၤဧါ.

¹⁹ ဒီးစီၤပ့းတရူးဆိကမိၣ်လၢ တၢ်ထံၣ်တၢ်လၢညါခီအ ဂ့ၢ်အဖၢမုၢ်ဒီး, သးန့ၣ်စံးဘၣ်အီၤ, ကွၢ်ကွၢ်, ပှၤဃုနၤသၢ ဂၤလီၤ. ²⁰ ဒီးဂဲၤဆၢထၢၣ်ယုၢ်လီၤတက့ၢ်. နသးတဒ့ဒီဘၣ် ဒီး, လဲၤဒီးအီၤတက့ၢ်. အဂ့ၢ်ဒ်အံၤ, ယမၢလီၤအီၤလီၤ.

²¹ ဒီးစီၤပ့းတရူးယုၢ်လီၤဆူ ပှၤတဖၣ်န့ၣ်အအိၣ်ဒီးစံးဝဲ ဒၣ်, ကွၢ်ကွၢ်, ပှၤလၢသုဃုအီၤတဂၤန့ၣ်မ့ၢ်ယၤလီၤ. သု ဟဲလၢမနုၤအဂ့ၢ်လဲၣ်. ²² ဒီးစံးဝဲဒၣ်, ပှၤအတီအလိၤလၢ အပျံၤယွၤ, လၢပှၤယူဒၤဖိအုၣ်အသးလၢအဂီၢ်ဒီကလုာ် ညါ, ပှၤသုးဖိတကယၤအခိၣ်, စီၤကန့လံးတဂၤန့ၣ်, ကလူးစီဆှံတဂၤသိၣ်လိအီၤ ဒ်သိးအကကိးက့ၤနၤဆူ အဟံၣ်, ဒီးကနၢ်ဟူတၢ်ကတိၤတဖၣ်လၢနၤလီၤ.

²³ မၤသးဒ်န့ၣ်ဒီး, မၢပှၤတဖၣ်န့ၣ်ဟဲနုာ်, ဒီးတူၢ်လိာ်အီၤ လီၤ. ဒီးမုၢ်ဆ့ၣ်ထီၣ်တနံၤန့ၣ်ဂဲၤဆၢထၢၣ်ဒီးလဲၤဒီးအီၤ, ဒီးဒီပုၢ်ဝဲၢ်လၢယၤဖိၤတနီၤနီၤ လဲၤဃုာ်ဒီးအီၤလီၤ. ²⁴ ဒီး မုၢ်ဆ့ၣ်ထီၣ်တနံၤန့ၣ်, အဝဲသ့ၣ်လဲၤနုာ်လၢကဲၤစါရံၤအ ပူၤလီၤ. ဒီးစီၤကန့လံးဒုးအိၣ်ဖှိၣ်ရိဖှိၣ်အဘူးအတံၢ်ဒီးအ တံၤအသကိး လၢအရ့လိာ်အသးဒီးအီၤတဖၣ်, ဒီးကွၢ် လၢ်ပှၤတဖၣ်န့ၣ်အကျဲလီၤ. ²⁵ ဒီးတၢ်မၤအသးလၢစီၤပ့း တရူးလဲၤနုာ်အဖၢမုၢ်ဒီး, စီၤကန့လံးဟဲသဂၢၢ်အီၤ, ဒီး တီၤလီၤကဒွံကျိာ်လၢအခီၣ်ထံးဒီးဘါတၢ်လီၤ. ²⁶ ဒီးစီၤ ပ့းတရူး ဒုးဂဲၤဆၢထၢၣ်အီၤဒီးစံးဝဲဒၣ်, ဂဲၤဆၢထၢၣ်တ က့ၢ်. ယဲဒၣ်အံၤယမ့ၢ်ပှၤကညီစ့ၢ်ကီးလီၤ. ²⁷ ဒီးကတိၤ လိာ်အသးအဖၢမုၢ်ဒီး, လဲၤနုာ်ဝဲ, ဒီးထံၣ်န့ၢ်ပှၤအိၣ်ဖှိၣ်ရိ ဖှိၣ်အါဂၤလီၤ. ²⁸ ဒီးအဝဲဒၣ်စံးဘၣ်ပှၤတဖၣ်န့ၣ်, သုသ့ၣ် ညါလၢပှၤယူဒၤဖိရ့လိာ်အသးဒီး ပှၤကလုာ်အဂၤမ့ၢ်ဂ့ၤ, လဲၤနုာ်ဝဲဆူအအိၣ်မ့ၢ်ဂ့ၤ, တဂ့ၤတဘၣ်ဘၣ်လီၤ. ဘၣ် ဆၣ်ဒီးယွၤဒုးနဲၣ်ယၤလၢ ယတဂ့ၤကိးဘၣ်ပှၤကညီလၢ တၢ်တစီတဆှံဘၣ်, ဒီးတၢ်တကဆှီဘၣ် နီတဂၤဘၣ် လီၤ. ²⁹ မၤသးဒ်န့ၣ်ဒီး, လၢသုကိးက့ၤယၤန့ၣ်, ယတမၤ ယံာ်မၤနီၢ်ဘၣ်ဒီး, ယဟဲလီၤ. မၤသးဒ်န့ၣ်ဒီး, ယသံ ကွၢ်သု, လၢသုကိးက့ၤယၤ, မ့ၢ်အဂ့ၢ်မနုၤလဲၣ်.

³⁰ ဒီးစီၤကန့လံးစံးဝဲဒၣ်, ပူၤကွံာ်လွံၢ်သီအံၤဒီး, ယဒုၣ် တၢ်အီၣ်တၢ်အီတုၤလီၤလၢနၣ်ရံၣ်အံၤ, ဒီးလၢခွံနၣ်ရံၣ် န့ၣ်, ယဘါထုကဖၣ်တၢ်လၢယဟံၣ်ပူၤ, ဒီးကွၢ်ကွၢ်, ပှၤကညီအိၣ်ဒီးအကူအသိး ကတြ့ၣ်ကတြိၣ်ဆၢထၢၣ် လၢယမဲာ်ညါတဂၤ, ³¹ ဒီးစံးဝဲဒၣ်, စီၤကန့လံးဧၢ, နဘါ ထုကဖၣ်တၢ်န့ၣ်, တၢ်နၢ်ဟူလံ, ဒီးနဟ့ၣ်တၢ်သးက ညီၤန့ၣ်, တၢ်သ့ၣ်နီၣ်ထီၣ်က့ၤလံလၢယွၤအမဲာ်ညါလံ.―

³² မၤသးဒ်န့ၣ်ဒီးမၢပှၤလဲၤဆူယၤဖိၤ, ဒီးကိးန့ၢ်စီၤၡံမိၣ်ကိး ဝဲအမံၤသီလၢစီၤပ့းတရူးတက့ၢ်. အဝဲဒၣ်န့ၣ်အိၣ်တမှံၤ လၢပှၤမၤတၢ်ဖံး, စီၤၡံမိၣ်အဟံၣ်ပူၤလၢပီၣ်လဲၣ်နံၤလီၤ. တုၤအဟဲတုၤဒီး, ကစံးဘၣ်တဲဘၣ်နၤလၢတၢ်လီၤ. ³³ မၤ သးဒ်န့ၣ်ဒီး, ယမၢပှၤလဲၤဆူနအိၣ်ချ့သဒံး, ဒီးမ့ၢ်နဟဲ တုၤဒီး, နမၤတၢ်ဂ့ၤမးလီၤ. မ်ဒ်န့ၣ်ဒီးခဲကနံၣ်အံၤ, ဒ်သိး ပကနၢ်ဟူကယဲၢ်တၢ်လၢယွၤမၤလိာ်နၤဒီး, ပအိၣ်လံလၢ ယွၤအမဲာ်ညါလံ.

³⁴ ဒီးစီၤပ့းတရူးအဲးထီၣ်အထးခိၣ်ဒီးစံးဝဲဒၣ်, ယထံၣ်နီၢ် နီၢ်လၢယွၤတကွၢ်ဒိၣ်ဆံးအါစှၤဘၣ်ပှၤကညီဘၣ်. ³⁵ မ့ၢ် အတူၢ်လိာ်ပှၤလၢအပျံၤအီၤ, ဒီးမၤတၢ်တီတၢ်လိၤလၢပှၤ ကိးကလုာ်ဒဲးအကျါလီၤ. ³⁶ တၢ်အကလုၢ်အကထါအံၤ, မ့ၢ်တၢ်လၢအမၢလီၤဆူ ပှၤအံၣ်စရ့လးဖိအအိၣ်, ဒီးစံၣ် တဲၤတဲလီၤတၢ်ဃူတၢ်ဖိးလၢယ့ၣ်ရှူးခရံာ်အပူၤလီၤ. အဝဲ ဒၣ်မ့ၢ်ပှၤခဲလၢာ်အကစၢ်လီၤ. ³⁷ ဒီးစီၤယိၤဟၣ်စံၣ်တဲၤတဲ လီၤတၢ်ဘျၢ*န့ၣ်အလီၢ်ခံဒီး, တၢ်မၤအသးလၢကၤလံၤ လါပၢၢ်လၢ ကီၢ်ယူဒၤဒီကီၢ်ညါန့ၣ်, သုသ့ၣ်ညါလီၤ.― ³⁸ ယွၤဖှူပှၤနစၤရ့းဖိယ့ၣ်ရှူး လၢသးစီဆှံဒီးတၢ်အစိအကမီၤလီၤ. အဝဲဒၣ်န့ၣ်လဲၤသကုၤဆးဒးဒီးမၤဂ့ၤတၢ်, ဒီးမၤဘျါက့ၤ ကယဲၢ်ပှၤလၢမုၣ်ကီၤလံၢ်မၤအၢမၤနးအီၤလီၤ.―

³⁹ အဂ့ၢ်ဒ်အံၤ, ယွၤအိၣ်ဒီးအီၤလီၤ. ဒီးကယဲၢ်အမၤတၢ်လၢ ယရူၤၡလ့ၣ်အပူၤ, ဒီးလၢပှၤယူဒၤဖိအကီၢ်ပူၤန့ၣ်, ပမ့ၢ် ပှၤအုၣ်အသးပဝဲဒၣ်အံၤလီၤ. ဒီးအဝဲဒၣ်န့ၣ်, ပှၤစဲထီၣ် အီၤလၢထူၣ်စုညါအလိၤ, ဒီးမၤသံအီၤလီၤ. ⁴⁰ လၢသၢနံၤ တနံၤအပူၤန့ၣ်, ယွၤဒုးဂဲၤဆၢထၢၣ်က့ၤအီၤ, ဒီးဒုးနဲၣ် အီၤအိၣ်ဖျါလီၤ. ⁴¹ တမ့ၢ်ဘၣ်လၢပှၤဂီၢ်မုၢ်ခဲလၢာ်အမဲာ် ညါဘၣ်. မ့ၢ်လၢပှၤအုၣ်အသးလၢယွၤဃုထၢပာ်လီၤပ ဝဲဒၣ်အံၤ, ဒီးပအီၣ်ဃုာ်အီဃုာ်တၢ်ဒီးအီၤလၢအဂဲၤဆၢ ထၢၣ်က့ၤလၢတၢ်သံအလီၢ်ခံလီၤ. ⁴² ဒီးမၤလိာ်ပှၤဒ်သိးပ ကစံၣ်တဲၤတဲလီၤ တၢ်လၢပှၤဂီၢ်မုၢ်ဂီၢ်ပၤ, ဒီးအုၣ်ပသး လၢအဝဲဒၣ်န့ၣ်မ့ၢ်ပှၤလၢယွၤပာ်အီၤလၢအကစံၣ်ညီၣ်ပှၤ မူ, ဒီးပှၤသံအကွီၢ်န့ၣ်လီၤ. ⁴³ ဝံခဲလၢာ်အုၣ်အသးလၢပှၤ တဂၤန့ၣ်အဂ့ၢ်, လၢကယဲၢ်ပှၤလၢ အစူၢ်က့ၤနာ်က့ၤအီၤ တဖၣ်န့ၣ်, အတၢ်ဒဲးဘးကပူၤဖျဲးဝဲလၢအမံၤအဃိလီၤ.

⁴⁴ ဒီးစီၤပ့းတရူး ကတိၤတၢ်အဖၢမုၢ်ဒီး, သးစီဆှံလီၤ ဘၣ်လၢ ကယဲၢ်ပှၤလၢအနၢ်ဟူတၢ်ကတိၤန့ၣ် အလိၤ လီၤ. ⁴⁵ ဒီးပှၤဒိးတၢ်ကူးတရံးလၢအစူၢ်က့ၤနာ်က့ၤ, လၢ ဟဲဒီးစီၤပ့းတရူးတဖၣ်န့ၣ်, ပာ်အသးကမၢကမၣ်လၢ သးစီဆှံဂၢ်လီၤအသးလၢ ပှၤကလုာ်တဖၣ်အလိၤန့ၣ်အ ဃိလီၤ. ⁴⁶ အဂ့ၢ်ဒ်အံၤ, နၢ်ဟူပှၤတဖၣ်န့ၣ်ကတိၤတၢ်အ ကလုာ်ကလုာ်, ဒီးစံးထီၣ်ပတြၢၤယွၤလီၤ.

⁴⁷ တုၤနုၤတစု စီၤပ့းတရူးကတိၤဆၢတၢ်, ပှၤလၢအဒိး န့ၢ်သးစီဆှံဒ်ပဝဲအသိးတဖၣ်အံၤ, ဒ်သိးအသုတဒိးဘျၢ* အသးတဂ့ၤဒီး, ပှၤတြီထံသ့တဂၤဂၤဧါ. ⁴⁸ ဒီးမၤလိာ်ဝဲ, ဒ်သိးအဝဲသ့ၣ်တဖၣ်န့ၣ် ကဒိးဘျၢ*အသးလၢကစၢ်အ မံၤလီၤ. တုၤနုၤတစုပှၤဃ့ကညးအီၤ ဒ်သိးအကအိၣ်က ဆိးအနံၤအသီတနီၤနီၤလီၤ.

၁၁

¹ ဒီးပှၤတၢ်မၢဖိ, ဒီးပှၤဒီပုၢ်ဝဲၢ်အိၣ်လၢကီၢ်ယူဒၤဒီကီၢ် ညါနၢ်ဟူဝဲလၢ ပှၤကလုာ်တဖၣ်ဒိးန့ၢ် ယွၤအကလုၢ်အ ကထါလီၤ. ² ဒီးတုၤစီၤပ့းတရူးလဲၤထီၣ်ဆူယရူၤၡလ့ၣ် ဒီး, ပှၤဒိးတၢ်ကူးတရံးတဖၣ်, ဂ့ၢ်လိာ်ဘှီလိာ်ဒီးအီၤ,― ³ ဒီးစံးဝဲဒၣ်, နဲဒၣ်အံၤနလဲၤနုာ်ဆူပှၤလၢအတဒိးဘၣ်တၢ်ကူးတရံးဘၣ်တဖၣ်အအိၣ်, ဒီးနအီၣ်ဃုာ်မးအီၤလဲၣ်,―

⁴ ဒီးစီၤပ့းတရူး စံးဘၣ်တဲဘၣ်အီၤ တမံၤစဲတမံၤဒီးစံးဝဲ ဒၣ်, ⁵ ယဲဒၣ်အံၤယအိၣ်လၢဝ့ၢ်ယၤဖိၤအပူၤ, ဒီးယဘါ ထုကဖၣ်တၢ်, ဒီးလၢတၢ်ထံၣ်တၢ် လၢညါခီအပူၤန့ၣ်, ယထံၣ်သပၢၤလီၤဂာ် ယၣ်ဖးဒိၣ်တဘ့ၣ်စဲၤလီၤအသး လၢမူခိၣ်လၢအနၢၣ်လွံၢ်နၢၣ်, ဒီးဟဲလီၤဆူယအိၣ်လီၤ.―

⁶ ဒီးယကွၢ်ဆိကမိၣ်အီၤလီၤတံၢ်လီၤဆဲး, ယထံၣ်တၢ်အိၣ် ဒီးအခီၣ်လွံၢ်ခီလၢဟီၣ်ခိၣ်ချၢ, ဒီးတၢ်မံၤလာ်, ဒီးတၢ်ဖိ ဃၢ်, ဒီးထိၣ်ဧိၤလံာ်ဧိၤလၢမူကပိာ်လိၤန့ၣ်လီၤ. ⁷ ဒီးယ နၢ်ဟူ တၢ်အကလုၢ်သီၣ်ဒီးစံးဘၣ်ယၤ, စီၤပ့းတရူးဧၢ, ဂဲၤဆၢထၢၣ်မၤသံတၢ်, ဒီးအီၣ်တၢ်တက့ၢ်. ⁸ ဒီးယစံး, ကစၢ်ဧၢ, မ်အသုတမၤအသးဒ်န့ၣ်တဂ့ၤ. အဂ့ၢ်ဒ်အံၤ, တၢ်တစီတဆှံဘၣ်, ဒီးတၢ်တကဆှီဘၣ်န့ၣ်, တဟဲနုာ် ဘၣ်လၢယကိာ်ပူၤနီတစုဘၣ်လီၤ. ⁹ ဒီးတၢ်အကလုၢ်က တိၤဆၢယၤလၢမူခိၣ်ပှဲၤထီၣ်ခံစုတစု, တၢ်လၢယွၤမၤက ဆှီန့ၣ်, သုတပာ်လၢတၢ်တစီတဆှံဘၣ်တဂ့ၤ. ¹⁰ ဒီးတၢ် မၤအသးဒ်န့ၣ်သၢစုဒီး, တၢ်ခဲလၢာ်ဘၣ်တၢ်ထုးထီၣ်က့ၤ အသးဆူမူခိၣ်လီၤ.

¹¹ ဒီးကွၢ်ကွၢ်, ပှၤသၢဂၤလၢတၢ်မၢလီၤအီၤလၢကဲၤစါရံၤ ဆူယအိၣ်, ဆၢထၢၣ်တကီၢ်ခါလၢဟံၣ်ဖဲယအိၣ်လၢအ ပူၤန့ၣ်အဃၢၤလီၤ. ¹² ဒီးသးန့ၣ်စံးဘၣ်ယၤ, နသးတဒ့ဒီ ဘၣ်ဒီးလဲၤဒီးအီၤတက့ၢ်. ဒီးဒီပုၢ်ဝဲၢ်ဃုဂၤအံၤ လဲၤနုာ် ဒီးယၤဆူပှၤန့ၣ်အဟံၣ်ပူၤလီၤ. ¹³ ဒီးအဝဲဒၣ်န့ၣ်ဒုးနဲၣ်ပှၤ လၢအထံၣ်ကလူးတဂၤ အိၣ်ဆၢထၢၣ်လၢအဟံၣ်ပူၤဒ် လဲၣ်ဒ်လဲၣ်, ဒီးစံးဘၣ်အီၤ, မၢပှၤလဲၤကိးန့ၢ်စီၤၡံမိၣ်ကိး က့ၤအမံၤသီလၢစီၤပ့းတရူး, လၢယၤဖိၤအပူၤတက့ၢ်.―

¹⁴ အဝဲဒၣ်န့ၣ် ကစံးဘၣ်တဲဘၣ်နၤလၢ တၢ်ကတိၤလၢအ ကအုၣ်က့ၤခီၣ်က့ၤနၤ, ဒီးနပှၤဟံၣ်ဖိခဲလၢာ်လီၤ.

¹⁵ ဒီးယစံၣ်တဲၤတဲလီၤသီတၢ်အဖၢမုၢ်ဒီး, သးစီဆှံလီၤ ဘၣ်လၢအလိၤ, ဒ်လၢပလိၤလၢသီအသိးန့ၣ် စ့ၢ်ကီး လီၤ. ¹⁶ ဒီးယသ့ၣ်နီၣ်ထီၣ်ကစၢ်အတၢ်ကတိၤလၢအစံးဝဲ ဒၣ်, စီၤယိၤဟၣ်ဘျၢ*တၢ်လၢထံကျါလီၤ. မ့မ့ၢ်သုဝဲဒၣ် အံၤ, သုကဒိးဘျၢ*သုသးလၢသးစီဆှံလီၤ. ¹⁷ မၤသးဒ် န့ၣ်ဒီး, ယွၤမ့ၢ်ဟ့ၣ်လီၤစ့ၢ်ကီးအတၢ်ဟ့ၣ်လၢအီၤ ဒ်အ ဟ့ၣ်လၢပဝဲဒၣ်လၢအစူၢ်က့ၤနာ်က့ၤ ကစၢ်ယ့ၣ်ရှူးခရံာ် ဒီး, ယမ့ၢ်မတၤယဲလၢယကတြီယွၤသ့တဂၤလဲၣ်.

¹⁸ ဒီးတုၤအဝဲသ့ၣ်နၢ်ဟူတၢ်န့ၣ်ဒီး, အိၣ်ဘှီၣ်ကလာ်, ဒီး စံးထီၣ်ပတြၢၤယွၤ, ဒီးစံးဝဲဒၣ်, မ့ၢ်မးယွၤဟ့ၣ်တၢ်ပီၢ်ယၢ် လီၤက့ၤအသးလၢပှၤကလုာ်တဖၣ်, လၢတၢ်မူအဂီၢ်စ့ၢ် ကီးလီၤ.

¹⁹ မၤသးဒ်န့ၣ်ဒီး, ပှၤလီၤပြံလီၤပြါလၢတၢ်မၤအၢမၤသီ လၢအအိၣ်ထီၣ်လၢစီၤစတ့းဖၣ်အဃိန့ၣ်, ဟးဝဲပၢၢ်လၢ ဖံၤနံက့ၤ, ဒီးကူပြူး, ဒီးအၣ်တံၤအီာ်, ဒီးစံးဘၣ်တဲဘၣ် တၢ်အကလုၢ်အကထါထဲပှၤယူဒၤဖိဧိၤလီၤ. ²⁰ မ့မ့ၢ်ပှၤတ နီၤနီၤလၢအကျါ, မ့ၢ်ပှၤကူပြူးဖိ, ဒီးပှၤကူၤရ့ၤန့ဖိလၢအ လဲၤပၢၢ်လၢအၣ်တံၤအီာ်, ဒီးစံၣ်တဲၤတဲလီၤကစၢ်ယ့ၣ်ရှူး အတၢ်သးခုအကစီၣ်ဒီး, စံးဘၣ်တဲဘၣ် ပှၤဟ့းလ့ၣ်ဖိ လီၤ. ²¹ ဒီးယွၤအစုအိၣ်ဒီးအီၤ, ဒီးပှၤစူၢ်က့ၤနာ်က့ၤ, ဒီး ဃၣ်ဃီၤအသးဆူယွၤအအိၣ်အါဂၤလီၤ.

²² ဒီးတၢ်န့ၣ်တဖၣ်အကစီၣ် ဟူဘၣ်လၢတၢ်အိၣ်ဖှိၣ်လၢ ယရူၤၡလ့ၣ်အနၢ်ပူၤ, ဒီးအဝဲသ့ၣ်မၢစီၤဘၢ်နါဘၤလဲၤဆူ အၣ်တံၤအီာ်လီၤ. ²³ အဝဲဒၣ်န့ၣ်လဲၤတုၤဝဲဒီး ထံၣ်ဘၣ် ယွၤအဘျုးအဖှိၣ်, ဒီးအသူၣ်ခုအသးခု, ဒီးသဆၣ်ထီၣ် ပှၤခဲလၢာ်အခံ ဒ်သိးအကသနံာ်သန့ၤအသးလၢယွၤလၢ အသူၣ်ကံၢ်အသးလဲလီၤ. ²⁴ အဂ့ၢ်ဒ်အံၤ, အဝဲဒၣ်န့ၣ်မ့ၢ် ပှၤအဂ့ၤ, ဒီးလၢပှဲၤဝဲဒီးသးစီဆှံဒီး တၢ်စူၢ်တၢ်နာ်လီၤ. ဒီးတၢ်ပာ်ဖှိၣ်ပှၤဂီၢ်မုၢ်ဖးဒိၣ်လၢကစၢ်အပူၤလီၤ.

²⁵ ဒီးစီၤဘၢ်နါဘၤလဲၤဆူတၢ်စူး, ဒ်သိးအကဃုန့ၢ်စီၤစီ လူးလီၤ. ဒီးတုၤအထံၣ်န့ၢ်အီၤဒီး, ဟဲက့ၤဆှၢအီၤဆူအၣ် တံၤအီာ်လီၤ. ²⁶ ဒီးတၢ်မၤအသးလၢပှၤတဖၣ်န့ၣ်အိၣ်ဖှိၣ် ရိဖှိၣ်လၢ တၢ်အိၣ်ဖှိၣ်အသိးတနံၣ်ညါ, ဒီးသိၣ်က့ၤသီ က့ၤပှၤဂီၢ်မုၢ်အါဂၤလီၤ. ဒီးအပျဲၢ်အဘီၣ် ဘၣ်တၢ်ကိး ဆိအီၤလၢပှၤခရံာ်ဖိ, လၢအၣ်တံၤအီာ်အပူၤလီၤ.

²⁷ ဒီးလၢမုၢ်နံၤတဖၣ်န့ၣ် ဝံတဖၣ်ဟဲလၢယရူၤၡလ့ၣ်ဆူ အၣ်တံၤအီာ်အပူၤလီၤ. ²⁸ ဒီးပှၤလၢအကျါန့ၣ်အမံၤစီၤအ ကၤဘူးတဂၤ, ဂဲၤဆၢထၢၣ်, ဒီးဒုးနဲၣ်ဝဲလၢသးန့ၣ်, လၢ တၢ်သၣ်ဝံၤလီၤဒိဖးဒိၣ် ကအိၣ်ထီၣ်လၢကီၢ်ဒီဘ့ၣ်ညါ လီၤ. ဒီးအဝဲန့ၣ်အိၣ်ထီၣ်ဝဲလၢစီၤကျီၤဒံကဲစၢ်အစိၤလီၤ.―

²⁹ ဒီးအပျဲၢ်အဘီၣ်တဂၤဒီးတဂၤ, တသ့ဖဲအသ့န့ၣ်, ပာ်အ သးလၢအကဟ့ၣ်ယုၢ်တၢ်ဆူ ဒီပုၢ်ဝဲၢ်လၢအအိၣ်ဝဲဆိးဝဲ လၢကီၢ်ယူဒၤတဖၣ်လီၤ. ³⁰ မၤဝဲဒ်န့ၣ်ဒီး, ဟ့ၣ်ယုၢ်ဝဲဆူ ပှၤသူၣ်က့သးပှၢ်အအိၣ်န့ၣ်, လၢစီၤဘၢ်နါဘၤဒီးစီၤစီလူး အစုပူၤလီၤ.

၁၂

¹ ဒီးလၢအကတီၢ်ဖဲန့ၣ်ဃၣ်ဃၣ်, စီၤပၤဟ့ၤရိာ် ယူာ် ထီၣ်အစုဒ်သိးအကမၤအၢမၤသီ ပှၤတၢ်အိၣ်ဖှိၣ်ဖိတနီၤ နီၤလီၤ. ² ဒီးမၤသံစီၤယၤကိာ်, လၢအဒီပုၢ်ဝဲၢ်ဒီးစီၤယိၤ ဟၣ်, လၢနးလီၤ. ³ ဒီးမ့ၢ်အထံၣ်လၢတၢ်န့ၣ်ဘၣ်ပှၤယူ ဒၤဖိအသးဒီး, မၤထီၣ်ကဒီးဝဲ, ဒီးဟံးဃာ်စ့ၢ်ကီးစီၤပ့း တရူးလီၤ. ဒီးမ့ၢ်ဘူၣ်ကိၣ်တဘၣ်ဒီးကိၣ်မံၣ်အမုၢ်နံၤတ ဖၣ်, ⁴ ဒီးဟံးဃာ်ဒၢနုာ်အီၤလၢဃိာ်ပူၤ, ဒီးဟ့ၣ်လီၤအီၤ လၢပှၤသုးဖိတဆံဃုဂၤအစုပူၤ, ဒ်သိးအကပၢၤအီၤလီၤ. ဒီးဘူၣ်လဲၤကပာ်န့ၣ်မ့ၢ်ပူၤကွံာ်ဒီး, သါကဆှၢထီၣ်အီၤ ဆူပှၤဂီၢ်မုၢ်အမဲာ်ညါလီၤ.

⁵ ဒီးစီၤပ့းတရူး ဘၣ်တၢ်ပၢၤအီၤလၢဃိာ်ပူၤ, ဘၣ်ဆၣ် ဒီးတၢ်အိၣ်ဖှိၣ် ဘါထုကဖၣ်တၢ်လၢယွၤ သပှၢ်ပှၢ်လၢ အဂီၢ်လီၤ.

⁶ ဒီးဖဲစီၤဟ့ၤရိာ်သါကဆှၢထီၣ်အီၤ အကတီၢ်ဘူးထီၣ် ဒီး, လၢမုၢ်တနၤန့ၣ်, စီၤပ့းတရူးဘၣ်တၢ်စၢဃာ်လၢထး သွဲခံဘိ, ဒီးမံသပ့ၤဝဲလၢပှၤသုးဖိခံဂၤအဘၢၣ်စၢၤ, ဒီးပှၤ ပၢၤတၢ်လၢဃိာ်တြဲၤအခီၣ်ထံးန့ၣ်ပၢၤတၢ်လီၤ. ⁷ ဒီးကွၢ် ကွၢ်, ယွၤအကလူးတဂၤအိၣ်ထီၣ်, ဒီးတၢ်ကပီၤထီၣ်လၢ ဃိာ်ပူၤ, ဒီးအဝဲဒၣ်တီၢ်စီၤပ့းတရူးအကပၤ, ဒီးဒုးဂဲၤဆၢ ထၢၣ်အီၤဒီးစံးဝဲဒၣ်, ဂဲၤဆၢထၢၣ်ချ့ချ့တက့ၢ်. ဒီးထးသွဲ လီၤဃ့ၣ်ကွံာ်လၢအစုလိၤလီၤ. ⁸ ဒီးကလူးန့ၣ်စံးဘၣ်အီၤ, ကံၢ်တူာ်ထီၣ်နသး, ဒီးသိးထီၣ်နခီၣ်ဖံးတက့ၢ်. ဒီးမၤဝဲဒ် န့ၣ်လီၤ. ဒီးစံးဘၣ်အီၤ, ကၤထီၣ်နယၣ်, ဒီးပိာ်ယခံတ က့ၢ်. ⁹ ဒီးဟးထီၣ်ပိာ်အခံ, ဒီးကလူးမၤတၢ်န့ၣ်တသ့ၣ် ညါဘၣ်လၢအမၤနီၢ်နီၢ်ဘၣ်. ဒီးဆိကမိၣ်လၢ အထံၣ် တၢ်လၢညါခီလီၤ.

¹⁰ ဒီးတုၤအလဲၤပူၤကွံာ် ပှၤပၢၤတၢ်တတီၤဒီးခံတီၤ, ဒီး ပၢၢ်လၢတြဲၤထးလၢအဆှၢထီၣ်ဆူဝ့ၢ်ပူၤဒီး, အဝဲန့ၣ်အိး ထီၣ်ဒၣ်အသးလၢအဂီၢ်ဒီး, ဟးထီၣ်ဝဲဒီးလဲၤကတၢၢ်ကျဲ ဖိတဘိ, ဒီးကလူးန့ၣ်လီၤဖးဒီးအီၤတကီၢ်ခါလီၤ.

¹¹ ဒီးစီၤပ့းတရူး သ့ၣ်ညါထီၣ်က့ၤအသးဒီးစံးဝဲဒၣ်, ခဲ ကနံၣ်အံၤ, ယသ့ၣ်ညါနီၢ်နီၢ်လၢကစၢ်မၢလီၤအကလူး အံၤ, ဒီးမၤပူၤမၤဖျဲးယၤလၢစီၤဟ့ၤရိာ်အစုပူၤ, ဒီးလၢပှၤ ယူဒၤဖိအတၢ်ကွၢ်လၢ်ခဲလၢာ်အပူၤလီၤ. ¹² ဒီးတုၤအသ့ၣ် ညါထီၣ်က့ၤအသးဒီး, လဲၤဝဲပၢၢ်လၢစီၤယိၤဟၣ်ကိးက့ၤ အမံၤသီလၢစီၤမၢ်ကူး, အမိၢ်နီၢ်မၤရံအဟံၣ်န့ၣ်လီၤ. ဒီး ပှၤအိၣ်ဖှိၣ်ရိဖှိၣ်ဘါထုကဖၣ်တၢ်ဖဲန့ၣ်အါဂၤလီၤ.

¹³ ဒီးစီၤပ့းတရူးဒိတကျိာ်ပဲတရီအတြဲၤ, ဒီးပမုၣ်ကနီၤ အမံၤနီၢ်ရိဒ့ၤတဂၤ, ဟဲကနၣ်တၢ်လီၤ.

¹⁴ ဒီးသ့ၣ်ညါနီၣ် စီၤပ့းတရူးအကလုၢ်, ဒီးမ့ၢ်အသူၣ်ခု အသးခုသတးဒီး, တအိးထီၣ်ဘၣ်တြဲၤဘၣ်, ဒီးဃ့ၢ်နုာ်, ဒီးစံးဘၣ်တဲဘၣ်ဝဲလၢစီၤပ့းတရူး အိၣ်ဆၢထၢၣ်လၢတြဲၤ အဂီၤထံးလီၤ. ¹⁵ ဒီးပှၤတဖၣ်စံးဘၣ်အီၤ, မ့ၢ်နပျုၢ်လီၤ လဲၣ်. ဘၣ်ဆၣ်ဒီးအဝဲဒၣ်စံးဆူၣ်ဆူၣ်လၢအမ့ၢ်တၢ်ဒ်န့ၣ် လီၤ. ဒီးအဝဲသ့ၣ်စံးဝဲဒၣ်, မ့ၢ်အကလူးလီၤ.

¹⁶ ဘၣ်ဆၣ်ဒီး စီၤပ့းတရူးအိၣ်ဒိတကျိာ်ဝဲဒီး, အဝဲသ့ၣ် အိးထီၣ်ဝဲဒီးထံၣ်အီၤဒီး, ပာ်အသးကမၢကမၣ်တကူၢ် သ့ၣ်လီၤ. ¹⁷ ဒီးစီၤပ့းတရူးဝံၢ်ဝၢ်အစုဒီးမၢအအိၣ်ဘှီၣ်က လာ်ဝံၤဒီး, စံးဘၣ်တဲဘၣ်အီၤလၢကစၢ်ဟံးထီၣ်က့ၤအီၤ လၢဃိာ်ပူၤဒ်လဲၣ်ဒ်လဲၣ်လီၤ. ဒီးစံးဝဲဒၣ်, လဲၤစံးဘၣ်တဲ ဘၣ်တၢ်န့ၣ်တဖၣ်လၢ စီၤယၤကိာ်, ဒီးဒီပုၢ်ဝဲၢ်သ့ၣ်တ က့ၢ်. ဒီးဟးထီၣ်ဝဲ, ဒီးလဲၤဝဲဆူအလီၢ်တပူၤဒၣ်လီၤ.

¹⁸ ဒီးတုၤမုၢ်ဆ့ၣ်ထီၣ်ဒီး, စီၤပ့းတရူးအိၣ်ဖဲလဲၣ်ဖဲလဲၣ်အ ဂ့ၢ်အကျိၤန့ၣ် ပှၤသုးဖိဘၣ်တၢ်တၢထီၣ်တၢလီၤ တဆံး တစှၤဘၣ်. ¹⁹ ဒီးတုၤစီၤဟ့ၤရိာ်ဃုအီၤ, ဒီးတထံၣ်န့ၢ်ဘၣ် ဝဲန့ၣ်ဒီး, သံကွၢ်သံဒိးပှၤပၢၤတၢ်ဖိ, ဒီးမၤလိာ်ဝဲလၢပှၤ ကမၤသံအီၤလီၤ.

²⁰ ဒီးလဲၤလီၤလၢကီၢ်ယူဒၤဆူကဲၤစါရံၤ, ဒီးအိၣ်ဝဲဆိးဝဲ လီၤ. ဒီးစီၤဟ့ၤရိာ်အသးဒိၣ်ထီၣ်လၢပှၤစိၢ်ဖိ, ဒီးပှၤစံဒိၣ် ဖိအလိၤလီၤ. ဒီးအဝဲသ့ၣ်ဟဲဝဲလၢအသးတဖျၢၣ်ဃီဆူ အအိၣ်, ဒီးဃ့ကညးပှၤကွၢ်စီၤပၤအလီၢ်မံ, စီၤဘျၤစတူး, ဒီးဃ့တၢ်ဃူတၢ်ဖိးလီၤ. အဂ့ၢ်ဒ်အံၤ, အထံအကီၢ်န့ၢ် ဘၣ်တၢ်အီၣ်တၢ်အီလၢစီၤပၤအထံအကီၢ်လီၤ.

²¹ ဒီးမုၢ်နံၤလၢအသ့ၣ်ဖးဝဲန့ၣ်, စီၤဟ့ၤရိာ် ကူထီၣ်သိး ထီၣ်စီၤပၤအကူအသိး, ဒီးဆ့ၣ်နီၤလၢလီၢ်ပစိာ်အဖီခိၣ်, ဒီးဟ့ၣ်လီၤအကလုၢ်လီၤ. ²² ဒီးပှၤဂီၢ်မုၢ်ကိးပသူထီၣ်ဝဲ, မ့ၢ်ကစၢ်တဂၤအကလုၢ်သီၣ်လီၤ, တမ့ၢ်ဘၣ်ပှၤကညီအ ကလုၢ်သီၣ်ဘၣ်, ²³ ဒီးမ့ၢ်အတစံးထီၣ်ပတြၢၤဘၣ် ယွၤ ဘၣ်ဒီး, ကစၢ်အကလူးတဂၤတီၢ်အီၤတကီၢ်ခါ, ဒီးလၢၣ် ဧိၤဆှးဧိၤအီၣ်ကွံာ်အီၤဒီး, အသးဟးထီၣ်ကွံာ်လီၤ.

²⁴ ဘၣ်ဆၣ်ဒီး ယွၤအကလုၢ်အကထါအါထီၣ်ဂီၢ်ထီၣ်, ဒီးဒိၣ်ထီၣ်လဲၢ်ထီၣ်ဝဲလီၤ. ²⁵ ဒီးစီၤဘၢ်နါဘၤ, ဒီးစီၤစီလူး မၤအတၢ်မၤဝံၤဒီး, ဟံးန့ၢ်စီၤယိၤဟၣ်, ကိးဝဲအမံၤသီလၢ စီၤမၢ်ကူး, ဒီးဟဲက့ၤထီၣ်ဝဲလၢယရူၤၡလ့ၣ်လီၤ.

၁၃

¹ ဒီးဝံဒီးသရၣ်တနီၤနီၤ, ဒ်ပစံးတၢ်အသိး, စီၤဘၢ်နါ ဘၤ, ဒီးစီၤစူၤမ့းအိၣ်လၢပှၤကိးဝဲလၢစီၤနံက့ၢ်, ဒီးပှၤကူၤ ရ့ၤန့ဖိစီၤလူၤကံ, ဒီးစီၤမနၤအ့ၣ်လၢအဒိၣ်ထီၣ်ဃုာ်ဒီးပ ဒိၣ်ဟ့ၤရိာ်, ဒီးစီၤစီလူးသ့ၣ်တဖၣ်အိၣ်ဝဲလၢတၢ်အိၣ်ဖှိၣ် အပူၤလၢအၣ်တံၤအီာ်န့ၣ်လီၤ. ² ဒီးဖဲအမၤကစၢ်အတၢ်, ဒီးဒုၣ်တၢ်အီၣ်တၢ်အီအဖၢမုၢ်ဒီး, သးစီဆှံန့ၣ်စံးဝဲဒၣ်, နီၤဖးန့ၢ်ယၤလၢစီၤဘၢ်နါဘၤ, ဒီးစီၤစီလူးလၢတၢ်မၤလၢယကိးက့ၤအီၤ အဂီၢ်တက့ၢ်.―

³ တုၤနုၤတစုဒုၣ်တၢ်အီၣ်တၢ်အီ, ဒီးဘါထုကဖၣ်တၢ်, ဒီး ပာ်အစုလၢအလိၤဒီး, ပျၢ်အီၤလီၤ.

⁴ မၤသးဒ်န့ၣ်ဒီး, အဝဲသ့ၣ်ဒိးမၢအသးလၢသးစီဆှံန့ၣ် ဒီး, လဲၤလီၤဝဲဆူစ့းလူကံၤလီၤ. ဒီးဟးဖးဖဲန့ၣ်ဒီး, ဒိးက ဘီဆူကူပြူးလီၤ. ⁵ ဒီးတုၤဝဲလၢစလၤမံအပူၤဒီး, စံၣ်တဲၤ တဲလီၤယွၤအကလုၢ်အကထါ လၢပှၤယူဒၤဖိ အဘူၣ် ဘျီၣ်တဖၣ်အပူၤလီၤ. ဒီးအိၣ်ဝဲဒီးစီၤယိၤဟၣ်လၢပှၤမၤ စၢၤအီၤလီၤ.

⁶ ဒီးလဲၤခီဂာ်ကီးဒီကီးညါပၢၢ်လၢပါပူးဒီး, ထံၣ်ပှၤမၤ ကူးဖိ, ဝံအဘျၣ်, ပှၤယူဒၤဖိအမံၤစီၤဘၢ်ယ့ၣ်ရှူးတဂၤ လီၤ. ⁷ အဝဲန့ၣ်အိၣ်ဒီးကီးအပဒိၣ်, ပှၤအသူၣ်ဆးအသး ဆးစီၤစ့ၢ်ကံပီလူးလီၤ. အဝဲဒၣ်တၢ်မိၣ်နၢ်ဟူအသးလၢ ယွၤအကလုၢ်အကထါ, ဒီးကိးက့ၤစီၤဘၢ်နါဘၤ, ဒီးစီၤ စီလူးလီၤ. ⁸ မ့မ့ၢ်စီၤအ့းလူမၤ, ပှၤမၤကူးဖိတဂၤ, (အဂ့ၢ် ဒ်အံၤ, အမံၤအခီပညီမ့ၢ်ဒ်န့ၣ်), ဃုမၤဃၣ်ကွံာ်ကီးအ ပဒိၣ်အသးလၢတၢ်စူၢ်တၢ်နာ်န့ၣ်လီၤ.

⁹ ဒီးစီၤစီလူး, ဒ်ပစံးတၢ်အသိး, စီၤပီလူးတဂၤ, လၢထီၣ် ပှဲၤထီၣ်ဒီးသးစီဆှံ, ဒီးကွၢ်ထံအီၤ, ¹⁰ ဒီးစံးဝဲဒၣ်, ပှၤလၢပှဲၤ ဒီးတၢ်လီတၢ်ဝ့ၤ, ဒီးတၢ်အၢတၢ်သီခဲလၢာ်, မုၣ်ကီၤလံၢ် အဖိခွါ, တၢ်တီတၢ်လိၤခဲလၢာ်အဒုၣ်အဒါတဂၤဧၢ, န ဘိးကဒါကွံာ်ယွၤအကျဲတီကျဲလိၤန့ၣ်, နတအိၣ်ကတီၢ် ဘၣ်ဧါ. ¹¹ ဒီးကွၢ်ကွၢ်, ခဲကနံၣ်အံၤယွၤအစုအိၣ်လၢန လိၤ, ဒီးနကအိၣ်မဲာ်ဘျီၣ်, ဒီးနတထံၣ်ဘၣ်မုၢ်ဧိၤလါဧိၤ တုၤအကတီၢ်ဘၣ်လီၤ. ဒီးတၢ်အၢၣ်, ဒီးတၢ်ခံးလီၤဘၣ် အီၤတကီၢ်ခါ, ဒီးဟးဝ့ၤဝီၤဃုပှၤဆှၢအီၤလၢအစုလီၤ.

¹² တုၤနုၤတဘျီ ကီးအပဒိၣ်ထံၣ်တၢ်မၤအသးဒီး, ပာ်အ သးကမၢကမၣ်လၢကစၢ်အတၢ်သိၣ်တၢ်သီအဃိ, ဒီးစူၢ် က့ၤနာ်က့ၤဝဲလီၤ.

¹³ ဒီးစီၤပီလူးဒီး ပှၤအိၣ်ဒီးအီၤတဖၣ် ဟးထီၣ်ဝဲလၢပါ ပူး, ဒီးလဲၤဝဲဆူပ့ၢ်က့ၤလၢအဘၣ်ဃးဒီးပၣ်ဖူၤလံလီၤ. ဒီး စီၤယိၤဟၣ်ဟးဖးဒီးအီၤ, ဒီးက့ၤက့ၤဝဲဆူ ယရူၤၡလ့ၣ် လီၤ. ¹⁴ ဒီးအဝဲသ့ၣ်ဟးထီၣ်လၢပ့ၢ်က့ၤဒီးလဲၤဝဲဆူ အၣ် တံၤအီာ်လၢအဘၣ်ဃးဒီးကီၢ်ပံၤစံၤဒံ, ဒီးလၢမုၢ်အိၣ်ဘှံး အနံၤန့ၣ်, လဲၤနုာ်ဝဲဆူဘူၣ်ဘျီၣ်ပူၤဒီး, ဆ့ၣ်နီၤဝဲလီၤ.―

¹⁵ ဒီးပှၤဖးလံာ်တၢ်သိၣ်တၢ်သီဒီးဝံတဖၣ် အကလုၢ်အက ထါဝံၤဒီး, ပှၤဘူၣ်ဘျီၣ်အခိၣ်တဖၣ်မၢပှၤလဲၤစံးဘၣ်အီၤ, ပှၤပုၢ်သ့ၣ်ဝဲၢ်သ့ၣ်ဧၢ, တၢ်ကတိၤသဆၣ်ထီၣ်ပှၤဂီၢ်မုၢ်အ ခံမ့ၢ်အိၣ်ဒီးသုဒီး, ကတိၤတၢ်တက့ၢ်. ¹⁶ ဒီးစီၤပီလူးဂဲၤဆၢထၢၣ် ဒီးဝံၢ်ဝၢ်အစု, ဒီးစံးဝဲဒၣ်, ပှၤအံၣ်စရ့လးဖိ, ဒီးပှၤပျံၤယွၤသ့ၣ်ဧၢ, ဒိကနၣ်တက့ၢ်.―

¹⁷ ပှၤတကလုာ်အံၤအကစၢ်, ဃုထၢပပၢ်သ့ၣ်, ဒီးပာ်ထီၣ် ပာ်ထီပှၤဂီၢ်မုၢ်န့ၣ်ဖဲအအိၣ်တမှံၤ လၢကီၢ်အဲၤကူပတူးအ ပူၤ, ဒီးစိာ်ထီၣ်ကွံာ်အီၤဖဲန့ၣ်, လၢအစုယူာ်ထီၣ်အသး လီၤ. ¹⁸ ဒီးလုၢ်အီၣ်လုၢ်အီအီၤလၢပှၢ်မုၢ်ကနၢအနံၣ်လွံၢ်ဆံ ဃၣ်ဃၣ်လီၤ. ¹⁹ ဒီးဟီထီၣ်ကွံာ်ပှၤနွံကလုာ်လၢကီၢ်က နၤဧၣ်ဒီး ဟ့ၣ်လီၤအထံအကီၢ်လၢတၢ်န့ၢ်သါအဂီၢ်လီၤ.―

²⁰ ဒီးလၢခံက့ၤ ဟ့ၣ်လီၤအပှၤစံၣ်ညီၣ်ကွီၢ်တဖၣ် တုၤလီၤ လၢဝံစီၤၡမူၤအ့လး, အနံၣ်လွံၢ်ကယၤယဲၢ်ဆံဃၣ်ဃၣ် လီၤ. ²¹ ဒီးလၢခံက့ၤန့ၣ်အဝဲသ့ၣ်ဃ့စီၤပၤ, ဒီးယွၤဟ့ၣ် အီၤလၢပှၤဘံၣ်ယၤမံၣ်အဒူၣ်ဖိ, စီၤကံၣ်အဖိခွါ, စီၤစီလူး ပှဲၤထီၣ်အနံၣ်လွံၢ်ဆံလီၤ. ²² ဒီးပာ်ကွံာ်အီၤဒီး, ပာ်ထီၣ် စီၤဒၤဝံးလၢစီၤပၤ, ဒီးအုၣ်အသးလၢအဂီၢ်ဒီးစံးဝဲဒၣ်, ယ ထံၣ်န့ၢ် ပှၤလၢအဘၣ်ယသးတဂၤ လၢအကမၤတၢ်ခဲ လၢာ်ဖဲယသး, စီၤယံးၡဲအဖိခွါ, စီၤဒၤဝံးလီၤ.+ ၁မူၤ. ၁၃း၁၄|1Sam.13.14*.

²³ လၢအဝဲဒၣ်အချံအသၣ်, ဒ်အစံးပာ်ဝဲအသိး, ယွၤဒုး အိၣ်ထီၣ်ပှၤအုၣ်က့ၤခီၣ်က့ၤတၢ်, ယ့ၣ်ရှူးလၢအံၣ်စရ့လး အဂီၢ်လီၤ. ²⁴ လၢအဝဲဒၣ်န့ၣ်တချုးဟဲဒံးဘၣ်ဒီး, စီၤယိၤ ဟၣ်စံၣ်တဲၤတဲလီၤ တၢ်ဘျၢ*ဘၣ်ဃးဒီး တၢ်ပီၢ်ယၢ်လီၤ က့ၤပသးလၢပှၤအံၣ်စရ့လးဖိခဲလၢာ်လီၤ. ²⁵ ဒီးဖဲစီၤယိၤ ဟၣ်မၤအတၢ်ကလၢာ်တ့ၢ်ဒီး, စံးဝဲဒၣ်, သုဆိကမိၣ်လၢ ယမ့ၢ်မတၤတဂၤလဲၣ်. တမ့ၢ်ဘၣ်ယၤဘၣ်. ဘၣ်ဆၣ် ဒီးကွၢ်ကွၢ်, ပှၤဟဲလၢယလီၢ်ခံတဂၤ, လၢအခီၣ်အခီၣ် ဖံးန့ၣ်, ယဃ့ၣ်လီၤယတကြၢးဘၣ်ယဲဘၣ်.

²⁶ ပှၤပုၢ်သ့ၣ်ဝဲၢ်သ့ၣ်, စီၤအၤဘြၤဟၣ်အဖိခွါတဖၣ်, ဒီး ပှၤပျံၤယွၤလၢသုကျါသ့ၣ်ဧၢ, တၢ်အုၣ်က့ၤခီၣ်က့ၤအက လုၢ်ကထါအံၤ, တၢ်ဟ့ၣ်ယုၢ်သုလီၤ. ²⁷ အဂ့ၢ်ဒ်အံၤ, ပှၤ အိၣ်ဝဲဆိးဝဲလၢယရူၤၡလ့ၣ်အပူၤ, အပဒိၣ်ပပှၢ်တသ့ၣ် ညါဘၣ်အီၤဒီးဝံတဖၣ်အကလုၢ်အကထါ လၢပှၤဖးကိး မုၢ်အိၣ်ဘှံးအနံၤဒဲးန့ၣ်သတးဒီး, မၤလၢထီၣ်ပှဲၤထီၣ်ဝဲ ဒီး, စံၣ်ညီၣ်ဃၣ်အီၤလီၤ. ²⁸ ဒီးဂ့ၤဘၣ်သံအတၢ်ကမၣ် တထံၣ်န့ၢ်ဘၣ်နာ်သက့ဒီး, ဃ့ကညးစီၤပံၤလး, ဒ်သိး အကမၤသံအီၤလီၤ. ²⁹ ဒီးတုၤအဝဲသ့ၣ်မၤလၢထီၣ်ပှဲၤထီၣ် ကယဲၢ်တၢ်ကွဲးအသးလၢအဂ့ၢ်အကျိၤ, စိာ်လီၤကွံာ်အီၤ လၢထူၣ်အလိၤ, ဒီးပာ်နုာ်အီၤလၢ တၢ်သွၣ်ခိၣ်အပူၤ လီၤ. ³⁰ ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံ လီၤ. ³¹ ဒီးအိၣ်ဖျါထီၣ်လၢပှၤဟဲပိာ်အခံလၢကၤလံၤလါ ဆူယရူၤၡလ့ၣ်သ့ၣ်တဖၣ် အမဲာ်ညါ အါနံၤအါသီလီၤ. အဝဲသ့ၣ်မ့ၢ်ပှၤအုၣ်အသးလၢပှၤဂီၢ်မုၢ်အမဲာ်ညါ ခဲကနံၣ် အံၤလီၤ. ³² ဒီးပဝဲဒၣ်အံၤ, ပစံၣ်တဲၤတဲလီၤသုလၢတၢ်သး ခုအကစီၣ် လၢတၢ်စံးပာ်အီၤလၢပပၢ်သ့ၣ်တဖၣ်လီၤ.―

³³ ယွၤဒုးဂဲၤဆၢထၢၣ်က့ၤယ့ၣ်ရှူးသတးဒီး, မၤလၢထီၣ်ပှဲၤ ထီၣ်တၢ်အံၤလၢအဝဲသ့ၣ်အဖိပဝဲဒၣ်အဂီၢ်, ဒ်တၢ်ကွဲးအ သးလၢလံာ်စံးထီၣ်ပတြၢၤခံတီၤတတီၤအသိး, နဲဒၣ်အံၤ, နမ့ၢ်ယဖိခွါလီၤ. ယမၤလိာ်ထီၣ်လံနၤလၢ မုၢ်မဆါတနံၤအံၤလံ.+ စံး. ၂း၇|Ps.2.7*.

³⁴ လၢန့ၣ်အမဲာ်ညါဒုးဂဲၤဆၢထၢၣ်က့ၤအီၤလၢတၢ်သံ, ဒ် သိးအသုတက့ၤလၢၤဆူ တၢ်အုၣ်တၢ်ကျၣ်တဂ့ၤ. ဒီးစံး ဝဲဒ်အံၤ, ယကဟ့ၣ်သုလၢတၢ်စံးပာ်အစီအဆှံ, ဒီးအ ဂၢၢ်အကျၢၤ, ဘၣ်ဃးဒီးစီၤဒၤဝံးလီၤ.+ ၡါ. ၅၅း၃|Isa.55.3*.³⁵ မ်ဒ် န့ၣ်ဒီး လၢတပူၤဒၣ်တၢ်စံးဝဲဒၣ်, နတဒုးထံၣ်ဘၣ်နပှၤ စီဆှံလၢတၢ်အုၣ်သံဘၣ်.+ စံး. ၁၆း၁၀|Ps.16.10*.³⁶ အဂ့ၢ်ဒ်အံၤ, စီၤဒၤဝံးမၤပှၤတစိၤဒီးအီၤအတၢ် ဒ်ယွၤအသးအသိးန့ၣ် ဝံၤဒီး, မံဝဲ, ဒီးပှၤပာ်ဖှိၣ်အီၤဒီးအပၢ်တဖၣ်ဒီး, ထံၣ်တၢ် အုၣ်သံလီၤ. ³⁷ မ့မ့ၢ်ပှၤလၢယွၤဒုးဂဲၤဆၢထၢၣ်က့ၤအီၤတ ဂၤအံၤ, တထံၣ်ဘၣ်တၢ်အုၣ်သံဘၣ်.

³⁸ မၤသးဒ်န့ၣ်ဒီး, ပှၤပုၢ်သ့ၣ်ဝဲၢ်သ့ၣ်ဧၢ, သ့ၣ်ညါသုဝဲ လၢတၢ်စံၣ်တဲၤတဲလီၤသုလၢ တၢ်ပူၤဖျဲးတၢ်ဒဲးဘး, လၢ အဝဲဒၣ်အဃိတက့ၢ်. ³⁹ ဒီးပှၤခဲလၢာ်လၢအစူၢ်က့ၤနာ်က့ၤ ဝဲန့ၣ်, ပူၤဖျဲးဒီးကယဲၢ်တၢ်လၢစီၤမိၤရှ့အတၢ်သိၣ်တၢ်သီ မၤပူၤမၤဖျဲးအီၤတသ့ဘၣ်န့ၣ်, လၢအဝဲဒၣ်အဃိလီၤ.

⁴⁰ မၤသးဒ်န့ၣ်ဒီး ဒ်သိးတၢ်လၢဝံကတိၤတၢ်န့ၣ်, သုတ ဘၣ်လၢသုလိၤတဂ့ၤဒီး, ပလီၢ်သုသးတက့ၢ်.

⁴¹ ပှၤလၢအမၤတရီတပါတၢ်သ့ၣ်ဧၢ, ကွၢ်, ဒီးကမၢကမၣ်, ဒီးဟါမၢ်တက့ၢ်. အဂ့ၢ်ဒ်အံၤ, ယမၤတၢ်မၤလၢသုနံၤသုသီ, တၢ်မၤလၢပှၤမ့ၢ်စံးဘၣ်သုဘၣ်ဆၣ်ဒီး, သုတနာ်ဘၣ်လ့ၤတက့ၤဘၣ်န့ၣ်လီၤ.+ ဃဘး. ၁း၅|Hab.1.5*.

⁴² ဒီးပှၤဟးထီၣ်ဝဲအဖၢမုၢ်ဒီး, ဒ်သိးအဝဲဒၣ်ကစံၣ်တဲၤ တဲလီၤတၢ်အကလုၢ်အကထါအံၤ လၢမုၢ်အိၣ်ဘှံးအနံၤ ခဲကိာ်တဘျီဒီး, ဃ့ကညးအီၤလီၤ. ⁴³ ဒီးတၢ်ပျၢ်ပှၤအိၣ် ဖှိၣ်ရိဖှိၣ်ဒီး, ပှၤယူဒၤဖိ, ဒီးပှၤယူးယီၣ်ယွၤလၢအနုာ်လၢ ပှၤယူဒၤဖိအလုၢ်အလၢ်အါဂၤ, ပိာ်ထီၣ်စီၤပီလူး ဒီးစီၤ ဘၢ်နါဘၤအခံလီၤ. ဒီးအဝဲသ့ၣ်ကတိၤတၢ်ဒီးအီၤ, ဒီး သဆၣ်ထီၣ်အခံဒ်သိးအကအိၣ်ဝဲဆိးဝဲ လၢယွၤအဘျုး အဖှိၣ်အပူၤလီၤ.

⁴⁴ ဒီးမုၢ်အိၣ်ဘှံးအနံၤလၢခံတစုဘၣ်ဒီး, ဒ်သိးအကနၢ် ဟူဘၣ်ယွၤအကလုၢ်ဒီး, ပှၤအိၣ်ဖှိၣ်ရိဖှိၣ်ဘူးထီၣ်အက လၢာ်တ့ၢ်ဒီဝ့ၢ်ညါလီၤ. ⁴⁵ ဘၣ်ဆၣ်ဒီး, တုၤပှၤယူဒၤဖိ ထံၣ်ပှၤဂီၢ်မုၢ်တဖၣ်န့ၣ်ဒီး, အသးထီၣ်ဆူၣ်ပှဲၤဆၢၣ်က လာ်, ဒီးဂ့ၢ်လိာ်ဘှီလိာ်တၢ်ကတိၤလၢစီၤပီလူးစံၣ်တဲၤ တဲလီၤန့ၣ်, ဒီးတဲးလိာ်ဃိလိာ်ဝဲဒီးဒုၣ်ဒွဲၣ်တၢ်လီၤ.

⁴⁶ ဒီးစီၤပီလူးဒီးစီၤဘၢ်နါဘၤ ပာ်အသးခူတလ့ၢ်ဒီးစံးဝဲ ဒၣ်, ပစံၣ်တဲၤတဲလီၤဆိသုလၢ ယွၤအကလုၢ်အကထါ အလီၢ်အိၣ်လီၤ. ဘၣ်ဆၣ်ဒီးမ့ၢ်သုပာ်ကွံာ်အီၤ, ဒီးသု စံၣ်ညီၣ်လီၤသုသးလၢသုတကြၢးဒိးန့ၢ်ဘၣ် တၢ်မူအထူ အယိာ်ဘၣ်သတးဒီး, ကွၢ်ကွၢ်, ပဃၣ်ဃီၤပသးဆူပှၤ ကလုာ်တဖၣ်အအိၣ်လီၤ. ⁴⁷ အဂ့ၢ်ဒ်အံၤ, ယွၤမၤလိာ်ပှၤ ဒ်အံၤ, ယပာ်နၤလၢ ပှၤကလုာ်တဖၣ်အတၢ်ကပီၤအဂီၢ်, ဒ်သိးနကကဲထီၣ် တၢ်အုၣ်က့ၤခီၣ်က့ၤတၢ်ပၢၢ်လၢ ဟီၣ်ခိၣ်အကတၢၢ်လီၤ.+ ၡါ. ၄၉း၆|Isa.49.6*.

⁴⁸ ဒီးတၢ်န့ၣ်တဖၣ် ပှၤကလုာ်တဖၣ်နၢ်ဟူဝဲဒီး, အသးခု ထီၣ်, ဒီးစံးထီၣ်ပတြၢၤယွၤအကလုၢ်အကထါလီၤ. ဒီးဖဲ ဒၣ်ပှၤလၢတၢ်ပာ်အီၤလၢအကန့ၢ်ဘၣ် တၢ်မူလီၤထူလီၤ ယိာ်တဖၣ်န့ၣ်, စူၢ်က့ၤနာ်က့ၤဝဲလီၤ. ⁴⁹ ဒီးကစၢ်အက လုၢ်အကထါဟူထီသါလီၤဒီကီၢ်ညါန့ၣ်လီၤ.

⁵⁰ ဘၣ်ဆၣ်ဒီး, ပှၤယူဒၤဖိသဆၣ်ထီၣ်ပှၤယူးယီၣ်ယွၤ, အိၣ်ဒီးအလၤကပီၤ, ပိာ်မုၣ်တဖၣ်ဒီးဝ့ၢ်ပဒိၣ်ပပှၢ်တဖၣ် အခံ, ဒီးမၤအၢမၤသီစီၤပီလူးဒီးစီၤဘၢ်နါဘၤ, ဒီးဟီထီၣ် ကွံာ်အီၤလၢအကီၢ်ပူၤလီၤ. ⁵¹ ဘၣ်ဆၣ်ဒီးအဝဲသ့ၣ်တြုၤ လီၤကွံာ်ဟီၣ်ခိၣ်အကမူၣ် လၢအခီၣ်လၣ်ထီဒါအီၤ, ဒီး လဲၤဝဲဆူအံၤကနံၤလီၤ. ⁵² ဒီးအပျဲၢ်အဘီၣ်လၢထီၣ်ပှဲၤထီၣ် ဒီးတၢ်သးခု, ဒီးသးစီဆှံန့ၣ်လီၤ.

၁၄

¹ ဒီးတၢ်မၤအသးလၢအံၤကနံၤအပူၤ, အဝဲသ့ၣ်လဲၤနုာ် ဃုာ်ဆူပှၤယူဒၤဖိအဘူၣ်ဘျီၣ်ပူၤ, ဒီးစံၣ်တဲၤတဲလီၤတၢ် ဒ်အံၤဒ်နုၤတုၤပှၤယူဒၤဖိ, ဒီးဟ့းလ့ၣ်ဖိဂီၢ်မုၢ်ဖးဒိၣ်စူၢ်က့ၤ နာ်က့ၤဝဲလီၤ. ² မ့မ့ၢ်ပှၤယူဒၤဖိလၢအတစူၢ်တနာ်ဘၣ်တ ဖၣ်န့ၣ်, သဆၣ်ထီၣ်ပှၤကလုာ်တဖၣ်အခံ, ဒီးဒုးအၢ ထီၣ်အဝဲသ့ၣ်အသး ထီဒါဒီပုၢ်ဝဲၢ်လီၤ. ³ မၤသးဒ်န့ၣ်ဒီး အိၣ်ဖဲန့ၣ်ယံာ်ယံာ်ဒီး, စံၣ်တဲၤတဲလီၤတၢ်လၢအသးခူ တလ့ၢ်လၢကစၢ်အပူၤ, ဒီးကစၢ်န့ၣ်ဟ့ၣ်လီၤတၢ်အပနီၣ် လီၤလး, ဒီးတၢ်လီၤလိၢ်လီၤလး မၤအသးလၢအဝဲသ့ၣ် အစုပူၤသတးဒီး, အုၣ်အသးလၢအဘျုးအဖှိၣ်အကလုၢ် အကထါအဂီၢ်လီၤ.

⁴ ဘၣ်ဆၣ်ဒီး ပှၤဂီၢ်မုၢ်လၢဝ့ၢ်ပူၤ လီၤမုၢ်လီၤဖးလိာ်အ သး, ဒီးတနီၤနီၤအိၣ်ဝဲလၢပှၤယူဒၤဖိအပူၤ, ဒီးတနီၤနီၤ အိၣ်ဝဲလၢပှၤတၢ်မၢဖိတဖၣ်အပူၤလီၤ. ⁵ ဒီးတုၤပှၤကလုာ် အဂၤတဖၣ်, ဒီးပှၤယူဒၤဖိအိၣ်ဒီးအပဒိၣ်ပပှၢ်, တပျူာ် တပျီၤဝဲ ဒ်သိးအကမၤအၢမၤသီအီၤဒီး ကကွံာ်အီၤလၢ လၢၢ်ဒီး, ⁶ သ့ၣ်ညါဝဲဒီးဃ့ၢ်ဆူလူၤကီၤနံအခူအဝ့ၢ်လူစ တြၤ, ဒီးဒ့ၢ်ဘ့ၤ, ဒီးကီၢ်အိၣ်ဝးတရံးဝဲန့ၣ်လီၤ. ⁷ ဒီးစံၣ် တဲၤတဲလီၤတၢ်သးခုအကစီၣ်ဖဲန့ၣ်လီၤ.

⁸ ဒီးလၢလူစတြၤန့ၣ်, ပိာ်ခွါလၢအခီၣ်တဆူၣ်ဘၣ်, ဒီး အခီၣ်ဟးဂီၤတ့ၢ်လၢ အမိၢ်အဟၢဖၢပူၤလံၤလံၤ, ဒီးတ ဟးဘၣ်နီတစုဘၣ်တဂၤန့ၣ်, ဆ့ၣ်နီၤဝဲလီၤ. ⁹ အဝဲဒၣ် ကနၣ်စီၤပီလူးကတိၤတၢ်ဒီး, အဝဲဒၣ်ကွၢ်ထံအီၤ, ဒီးထံၣ် ဝဲလၢအအိၣ်ဒီးတၢ်နာ်တုၤအဘျါက့ၤသ့သတးဒီး, ¹⁰ ကိး ထီၣ်ဝဲလၢအကလုၢ်ဖးဒိၣ်, ဂဲၤဆၢထၢၣ်ထူၣ်ကလာ်လၢ နခီၣ်တက့ၢ်. ဒီးအဝဲဒၣ်စံၣ်ထီၣ်ဒီးဟးဝဲလီၤ.

¹¹ ဒီးစီၤပီလူးမၤတၢ်န့ၣ် ပှၤဂီၢ်မုၢ်ထံၣ်ဝဲဒီး, ထုထီၣ်အ ကလုၢ်, ဒီးကတိၤတၢ်လၢပှၤလူၤကီၤနံအကျိာ်ဒီးစံးဝဲဒၣ်, ကစၢ်သ့ၣ်ပာ်လီၤဂာ်အသးလၢပှၤကညီဒီး, ဟဲလီၤဆူပ အိၣ်လီၤ. ¹² ဒီးကိးက့ၤစီၤဘၢ်နါဘၤလၢစူ, ဒီးစီၤပီလူး လၢဟ့ၢ်မ့ၤလီၤ. အဂ့ၢ်ဒ်အံၤ, ကတိၤတၢ်အါတက့ၢ်လီၤ.―

¹³ ဒီးစူအိၣ်လၢ ဝ့ၢ်အမဲာ်ညါအပှၤလုၢ်တၢ်အဒိၣ်တဂၤ ဟဲ စိာ်ဂီၤဖံးဒီးဖီ, ဆူပဲတရီအခီၣ်ထံး, ဒီးသါကလုၢ်တၢ်ဒီး ပှၤဂီၢ်မုၢ်လီၤ. ¹⁴ ဒီးပှၤတၢ်မၢဖိစီၤဘၢ်နါဘၤဒီးစီၤပီလူးနၢ် ဟူဒီး, ဖှီအကူအသိး, ဒီးဃ့ၢ်သဖှိဆူပှၤဂီၢ်မုၢ်အအိၣ်, ဒီးကိးပသူထီၣ်, ¹⁵ ဒီးစံးဝဲဒၣ်, ပှၤကညီသ့ၣ်ဧၢ, တၢ်အံၤ တဖၣ်သုမၤဘၣ်မနုၤလဲၣ်. ပဝဲဒၣ်အံၤ, ပမ့ၢ်ပှၤကညီစ့ၢ် ကီးအိၣ်ဒီးအသူၣ်အသးဒ်သုဝဲသ့ၣ်အသိးလီၤ. ဒီးပစံၣ် တဲၤတဲလီၤသုလၢတၢ်သးခုကစီၣ် ဒ်သိးသုကကွံာ်တ့ၢ် ကွံာ်တၢ်ကလီကလီအံၤ, ဒီးဃၣ်ဃီၤသုသးဆူကစၢ်လၢ အမူလၢအတ့လီၤမူခိၣ်, ဒီးဟီၣ်ခိၣ်, ဒီးပီၣ်လဲၣ်, ဒီးက ယဲၢ်တၢ်အိၣ်လၢအပူၤတဂၤအအိၣ်လီၤ. ¹⁶ အဝဲဒၣ်လၢအ စိၤအဃၣ်ပူၤကွံာ်န့ၣ်, ပျဲလဲၤပှၤကိးအကလုာ်ဒဲးလၢအ ကျဲဒၣ်ဝဲလီၤ. ¹⁷ ဘၣ်ဆၣ်ဒီးမ့ၢ်အမၤဂ့ၤတၢ်, ဒီးမၢတၢ် ဟဲစူၤလီၤလၢမူခိၣ်, ဒီးဟ့ၣ်လီၤသုလၢတၤသူၣ်တၤသၣ် အကတီၢ်, ဒီးမၤပှဲၤသုသးလၢတၢ်အီၣ်တၢ်အီ, ဒီးတၢ် သူၣ်မုာ်သးမုာ်သတးဒီး, တၢ်အုၣ်အသးတအိၣ်ဘၣ်န့ၣ်, တပာ်လီၤတဲာ်အကစၢ်ဒၣ်ဝဲဘၣ်.

¹⁸ တၢ်န့ၣ်တဖၣ်စံးဘၣ်တဲဘၣ်နာ်သက့ဒီး, ဒ်သိးပှၤဂီၢ် မုၢ်သုတလုၢ်တၢ်လၢအီၤတဂ့ၤဒီး, တြီဝဲကီမးလီၤ.

¹⁹ ဒီးပှၤယူဒၤဖိ ဟဲလၢအၣ်တံၤအီာ်ဒီးအံၤကနံၤ, ဒီးသ ဆၣ်ထီၣ် ပှၤဂီၢ်မုၢ်အခံသတးဒီး, ပှၤကွံာ်စီၤပီလူးလၢ လၢၢ်, ဒီးဆိကမိၣ်ဝဲလၢအသံလံ, ဒီးမိၤတြူာ်ထီၣ်ကွံာ် အီၤဆူဝ့ၢ်အချၢန့ၣ်လီၤ. ²⁰ ဘၣ်ဆၣ်ဒီးအပျဲၢ်အဘီၣ်အိၣ် ဝးတရံးအီၤအဖၢမုၢ်ဒီး, ဂဲၤဆၢထၢၣ်ဝဲ, ဒီးက့ၤနုာ်က့ၤ ဆူဝ့ၢ်ပူၤလီၤ. ဒီးမုၢ်ဆ့ၣ်ထီၣ်တနံၤန့ၣ်, ဟးထီၣ်ဒီးစီၤဘၢ် နါဘၤ, ဆူဒ့ၢ်ဘ့ၤလီၤ. ²¹ ဒီးစံၣ်တဲၤတဲလီၤတၢ်သးခုအ ကစီၣ်လၢဝ့ၢ်ပူၤန့ၣ်, ဒီးဒုးကဲထီၣ်ပှၤအါဂၤလၢအပျဲၢ်အ ဘီၣ်ဝံၤဒီး, က့ၤထီၣ်ဝဲဆူလူစတြၤ, ဒီးအံၤကနံၤ, ဒီးအၣ် တံၤအီာ်လီၤ. ²² ဒီးမၤဂၢၢ်ထီၣ်ကျၢၤထီၣ်အပျဲၢ်အဘီၣ်အ သးဒီးသဆၣ်ထီၣ်အခံဒ်သိး အကအိၣ်ဝဲဆိးဝဲလၢတၢ် နာ်အပူၤ, ဒီးလၢပဘၣ်ဖှီၣ်ဘၣ်နးအါမံၤဒီးပလဲၤနုာ်ဆူ ယွၤအဘီအမုၢ်အပူၤန့ၣ်လီၤ.

²³ ဒီးပာ်ထီၣ်ပှၤသူၣ်က့သးပှၢ်တဖၣ် လၢအဂီၢ်လၢတၢ် အိၣ်ဖှိၣ်တပူၤလၢ်လၢ်ဝံၤဒီး, ဘါထုကဖၣ်တၢ်, ဒီးဒုၣ် တၢ်အီၣ်တၢ်အီ, ဒီးအးလီၤအီၤလၢကစၢ်လၢအဝဲသ့ၣ်နာ် အီၤအစုပူၤလီၤ. ²⁴ ဒီးလဲၤခီဂာ်ကွံာ်ပံၤစံၤဒံ, ဒီးလဲၤဆူ ပၣ်ဖူၤလံလီၤ. ²⁵ ဒီးစံၣ်တဲၤတဲလီၤတၢ်အကလုၢ်အကထါ လၢပ့ၢ်က့ၤဝံၤဒီး, လဲၤလီၤဝဲဆူအးတါလံၤလီၤ. ²⁶ ဒီးဒိး ထီၣ်ကဘီဖဲန့ၣ်, ဒီးက့ၤက့ၤဝဲဆူအၣ်တံၤအီာ်ဖဲပှၤဟ့ၣ် တ့ၢ်အီၤဆူယွၤအဘျုးအဖှိၣ်, ဒ်သိးအကမၤတၢ်လၢအ မၤလၢထီၣ်ပှဲၤထီၣ်န့ၣ်လီၤ.

²⁷ ဒီးတုၤအတုၤဝဲဒီး, ဒုးအိၣ်ဖှိၣ်ရိဖှိၣ် တၢ်အိၣ်ဖှိၣ်, ဒီး စံၣ်တဲၤတဲလီၤတၢ်ဖဲဒၣ်ယွၤမၤလၢအစုပူၤတဖၣ်, ဒီးလၢ အအိးထီၣ်တၢ်စူၢ်တၢ်နာ်အတြဲၤလၢ ပှၤကလုာ်တဖၣ် အဂီၢ်န့ၣ်လီၤ. ²⁸ ဒီးအိၣ်ဝဲဒီးအပျဲၢ်အဘီၣ်ဖဲန့ၣ်ယံာ်ယံာ် လီၤ.

၁၅

¹ ဒီးပှၤဟဲလီၤတနီၤနီၤလၢကီၢ်ယူဒၤ, ဒီးသိၣ်က့ၤသီက့ၤ ဒီပုၢ်ဝဲၢ်လၢ သုမ့ၢ်တဒိးဘၣ်တၢ်ကူးတရံး, ဒ်စီၤမိၤရှ့အ လုၢ်အလၢ်အသိးဘၣ်ဒီး, သုတုၤလၢတၢ်အုၣ်က့ၤခီၣ်က့ၤ တသ့ဘၣ်လီၤ. ² မၤသးဒ်န့ၣ်ဒီး, တၢ်မၤအသးလၢစီၤပီ လူး, ဒီးစီၤဘၢ်နါဘၤဂုာ်တြီတၢ်, ဒီးတဲးလိာ်ဃိလိာ် တၢ်ဒီးအီၤတဆံးတစှၤဘၣ်. ဒီးပှၤစံၣ်ညီၣ်ဝဲလၢစီၤပီလူး, ဒီးစီၤဘၢ်နါဘၤ, ဒီးပှၤအဂၤလၢအကျါတနီၤနီၤ, ဘၣ် လဲၤထီၣ်ဆူပှၤတၢ်မၢဖိတဖၣ်, ဒီးပှၤသူၣ်က့သးပှၢ်တဖၣ် အိၣ်လၢယရူၤၡလ့ၣ်အပူၤ, လၢတၢ်သံကွၢ်အံၤအဂ့ၢ်အ ကျိၤလီၤ.

³ မၤသးဒ်န့ၣ်ဒီး အဝဲသ့ၣ်ဘၣ်တၢ်မၢအီၤလၢ တၢ်အိၣ် ဖှိၣ်ဒီးလဲၤခီဂာ်ဖံၤနံက့ၤ, ဒီးၡၤမရံ, ဒီးစံၣ်တဲၤတဲလီၤဝဲ လၢပှၤကလုာ်တဖၣ်ဃၣ်လိၤက့ၤအသးအဂ့ၢ်ဒီး, ဒုးသူၣ် ခုသးခုဒီပုၢ်ဝဲၢ်ခဲလၢာ်ဒိၣ်မးလီၤ.

⁴ ဒီးတုၤအတုၤလၢယရူၤၡလ့ၣ်ဒီး, တၢ်အိၣ်ဖှိၣ်, ဒီးပှၤ တၢ်မၢဖိ, ဒီးပှၤသူၣ်က့သးပှၢ်တဖၣ်န့ၣ်တူၢ်လိာ်အီၤ, ဒီး အဝဲသ့ၣ်စံးဘၣ်တဲဘၣ်တၢ် ဖဲဒၣ်တၢ်လၢယွၤမၤတၢ်လၢ အစုပူၤန့ၣ်လီၤ. ⁵ ဒီးပှၤစုတလီၤဃုာ်ပှၤဖၤရံၤၡဲ, လၢအ စူၢ်က့ၤနာ်က့ၤတၢ်အကျါတနီၤနီၤ, ဂဲၤဆၢထၢၣ်ဒီးစံးဝဲ ဒၣ်, ပဘၣ်ကူးတရံးအီၤဒီး မၤလိာ်အီၤဒ်သိးအကတိၢ် န့ၢ်စီၤမိၤရှ့အတၢ်သိၣ်တၢ်သီလီၤ.

⁶ ဒီးပှၤတၢ်မၢဖိဒီးပှၤသူၣ်က့သးပှၢ်တဖၣ်န့ၣ်, အိၣ်ဖှိၣ် ရိဖှိၣ်ဒ်သိး အကကွၢ်ဆိကမိၣ်တၢ်န့ၣ်တမံၤအဂ့ၢ်အကျိၤ လီၤ. ⁷ ဒီးပှၤတဲးလိာ်ဃိလိာ်အသးလၢအအါဝံၤဒီး, စီၤ ပ့းတရူးဂဲၤဆၢထၢၣ်ဒီးစံးဝဲဒၣ်, ပှၤပုၢ်သ့ၣ်ဝဲၢ်သ့ၣ်ဧၢ, သု သ့ၣ်ညါသုဝဲလၢ ယွၤဃုထၢတၢ်လၢပကျါ လၢထံးလၢ သီ, လၢပှၤကလုာ်တဖၣ်ကနၢ်ဟူတၢ်သးခုအကစီၣ်အ ကလုၢ်အကထါ လၢယထးခိၣ်, ဒီးစူၢ်က့ၤနာ်က့ၤတၢ် လီၤ. ⁸ ဒီးယွၤလၢအသ့ၣ်ညါပှၤသူၣ်ပှၤသး, ဟ့ၣ်လီၤအီၤ လၢသးစီဆှံ ဒ်အဟ့ၣ်လီၤလၢပဝဲဒၣ်အသိး သတးဒီး, အုၣ်အသး လၢအဂီၢ်လီၤ. ⁹ ဒီးသ့စီကွံာ်အသူၣ်အသး လၢတၢ်နာ်, ဒီးတပာ်လီၤဆီဝဲဒီးပှၤဘၣ်.

¹⁰ မၤသးဒ်န့ၣ်ဒီးခဲကနံၣ်အံၤ ဘၣ်မနုၤလၢသုလ့ပစီယွၤ လၢသုပာ်ထီၣ်နီၣ်ယိးဘိလၢ အပျဲၢ်အဘီၣ်အကိာ်ကျးခံ လၢပပၢ်သ့ၣ်မ့ၢ်ဂ့ၤ, ပဝဲဒၣ်အံၤမ့ၢ်ဂ့ၤ, ယိးတသ့ဘၣ် လဲၣ်. ¹¹ ဘၣ်ဆၣ်ဒီး, ပနာ်လၢပကတုၤလၢတၢ်အုၣ်က့ၤ ခီၣ်က့ၤလၢကစၢ်ယ့ၣ်ရှူးအဘျုးအဖှိၣ်အဃိ ဒ်အဝဲသ့ၣ် အသိးစ့ၢ်ကီးလီၤ.

¹² ဒီးပှၤဂီၢ်မုၢ်ခဲလၢာ်အိၣ်ဘှီၣ်ကလာ်, ဒီးကနၣ်စီၤဘၢ် နါဘၤဒီးစီၤပီလူးစံၣ်တဲၤတဲလီၤတၢ်ပနီၣ်လီၤလး, ဒီးတၢ် လီၤလိၢ်တၢ်လီၤလး လၢယွၤမၤဝဲလၢအစုပူၤ လၢပှၤက လုာ်တဖၣ်အကျါလီၤ. ¹³ ဒီးအဝဲသ့ၣ် အိၣ်ဘှီၣ်ဝဲဝံၤဒီး, စီၤယၤကိာ်ကတိၤဆၢတၢ်ဒီးစံးဝဲဒၣ်, ပှၤပုၢ်သ့ၣ်ဝဲၢ်သ့ၣ် ဧၢ, ကနၣ်ယကလုၢ်တက့ၢ်. ¹⁴ စီၤၡံမိၣ်စံးဃဲၤတၢ်လၢ ယွၤလၢသီန့ၣ်, အိၣ်သကိးပှၤကလုာ်တဖၣ်ဒ်သိးအက ဟံးန့ၢ်ပှၤတကလုာ်လၢအမံၤအဂီၢ်လီၤ. ¹⁵ ဒီးတၢ်န့ၣ်တ ဖၣ်လီၤပလိာ်လၢဝံအတၢ်ကတိၤ, ဒ်အကွဲးဝဲအသိး,―

¹⁶ ဒ်သိးပှၤကညီလၢအအိၣ်လီၤတဲာ်, ဒီးကယဲၢ်ပှၤကလုာ်တဖၣ်လၢတၢ်ကိးထီၣ်ယမံၤ လၢအလိၤတဖၣ်မုန့ၣ်, ကဃုန့ၢ်ယွၤဒီး, ¹⁷ လၢတၢ်အံၤအလီၢ်ခံန့ၣ်, ယကဟဲက့ၤ, ဒီးယကမၤက့ၤစီၤဒၤဝံးအဒဲလၢအလီၤပှီၢ်, ဒီးအတၢ်လီၤပှီၢ်န့ၣ်ယကမၤက့ၤ, ဒီးယကမၤထီၣ်အီၤထူၣ်ကလာ်လီၤ.―

¹⁸ ကစၢ်လၢအမၤတၢ်အံၤတဖၣ်ခဲလၢာ်, စံးဝဲဒၣ်လီၤ.+ ဧၤ. ၉း၁၁, ၁၂|Acts.9.11-Acts.9.12*.

¹⁹ လၢတၢ်လီၤထူလီၤယိာ်န့ၣ်, ယွၤသ့ၣ်ညါပာ်အတၢ် မၤခဲလၢာ်လီၤ. မၤသးဒ်န့ၣ်ဒီး ပှၤကလုာ်တဖၣ်လၢအ ဃၣ်ဃီၤအသးဆူယွၤအအိၣ်န့ၣ်, ယစံၣ်ညီၣ်အီၤလၢပ သုတမၤတံာ်တာ်အီၤတဂ့ၤ. ²⁰ ဘၣ်ဆၣ်ဒီးပကကွဲးဟ့ၣ် ယုၢ်အလံာ်, လၢအဘၣ်ဟးဆှဲးတၢ်ဂီၤအတၢ်ဘၣ်အၢ, ဒီးတၢ်မၤထွဲသးကလုာ်ကလိၤအခံ, ဒီးတၢ်လၢတၢ်စံၢ်သံ အီၤ, ဒီးတၢ်အသွံၣ်တဖၣ်လီၤ. ²¹ အဂ့ၢ်ဒ်အံၤ, လၢအစိၤ အဃၣ်လၢပျၢၤန့ၣ် ပှၤဖးလံာ်စီၤမိၤရှ့လၢဘူၣ်ဘျီၣ်ပူၤကိး မုၢ်အိၣ်ဘှံးအနံၤဒဲး, ဒီးစံၣ်တဲၤတဲလီၤအီၤလၢဝ့ၢ်ကိးဖျၢၣ် ဒဲးလီၤ.

²² တုၤနုၤတစုဘၣ်ပှၤတၢ်မၢဖိ, ဒီးပှၤသူၣ်က့သးပှၢ်, ဒီး တၢ်အိၣ်ဖှိၣ်ခဲလၢာ်အသးဒီး, ဃုထၢထီၣ်ပှၤလၢအကျါ, ပှၤအဒိၣ်အခိၣ်လၢပှၤဒီပုၢ်ဝဲၢ်အကျါ, စီၤယူဒၤကိးက့ၤ အမံၤသီလၢစီၤဘၢ်စဘါ, ဒီးစီၤစံလၤဝံၤဒီး, မၢအလဲၤ တၢ်ဒီးစီၤပီလူးဒီးစီၤဘၢ်နါဘၤ ဆူအၣ်တံၤအီာ်လီၤ. ဒီး ကွဲးဟ့ၣ်ယုၢ်လံာ်လၢအစုပူၤဒ်အံၤ,

²³ ပှၤတၢ်မၢဖိတဖၣ်, ဒီးပှၤသူၣ်က့သးပှၢ်, ဒီးပှၤဒီပုၢ်ဝဲၢ် ပဝဲဒၣ်အံၤပကတိၤဒိၣ်ပှၤဒီပုၢ်ဝဲၢ်လၢ ပှၤကလုာ်တဖၣ်အ ကျါလၢအၣ်တံၤအီာ်, ဒီးစူၤရံ, ဒီးကံၤလံၤကံအပူၤန့ၣ် လီၤ. ²⁴ အကူၢ်မ့ၢ်ပနၢ်ဟူလၢပှၤဟးထီၣ်လၢပကျါတနီၤ နီၤ, မၤကိၢ်မၤဂီၤသုသးလၢတၢ်ကတိၤ, ဒီးမၤဟးဂီၤသု သး, ဒီးစံးဝဲဒၣ်, သုဘၣ်ဒိးတၢ်ကူးတရံး, ဒီးတိၢ်န့ၢ် တၢ်သိၣ်တၢ်သီ, ဒီးပတမၤလိာ်ဘၣ်အဝဲန့ၣ်ဘၣ်သတး ဒီး, ²⁵ တုၤပသးအိၣ်တဖျၢၣ်ဃီဒီး, ဘၣ်ပသးလၢပကမၢ ပှၤဘၣ်တၢ်ဃုထၢအီၤဆူသုအိၣ်, အိၣ်ဒီးပှၤလၢ အညိ ကွံာ်အသးလၢပကစၢ်ယ့ၣ်ရှူးခရံာ်အမံၤအဃိ, ²⁶ ပဒီပုၢ် ဝဲၢ်လၢပအဲၣ်အီၤ, စီၤဘၢ်နါဘၤဒီးစီၤပီလူးလီၤ.

²⁷ မၤသးဒ်န့ၣ်ဒီး ပမၢလီၤစီၤယူဒၤဒီးစီၤစံလၤ, ဒီးအဝဲ သ့ၣ်ကစံးဘၣ်တဲဘၣ်သုလၢတၢ်တမံၤဃီအံၤ လၢအထး ခိၣ်လီၤ. ²⁸ အဂ့ၢ်ဒ်အံၤ, လၢသုကဟးဆှဲးတၢ်လုၢ်လၢ တၢ်ဂီၤ, ဒီးတၢ်အသွံၣ်, ဒီးတၢ်လၢတၢ်စံၢ်သံအီၤ, ဒီး တၢ်မၤထွဲသးကလုာ်ကလိၤအခံတဖၣ်မုန့ၣ် ဘၣ်သးစီ ဆှံအသး, ဒီးပသးအံၤလီၤ. လၢတၢ်န့ၣ်တဖၣ်အမဲာ်ညါ, တၢ်ဝံတၢ်စိာ်ဒိၣ်န့ၢ်အန့ၣ်တက့ၢ်, ပတပာ်ဘၣ်လၢသု လိၤဘၣ်. ²⁹ တၢ်န့ၣ်တဖၣ်မ့ၢ်တဟးဆှဲးဘၣ်ဒီးအိၣ်ဝဲတ သ့ဘၣ်. သုမ့ၢ်ဟးဆှဲးဒီး, သုမၤကစီဒီလီၤ. မ်သုအိၣ် ဆူၣ်အိၣ်ချ့တက့ၢ်.

³⁰ မၤသးဒ်န့ၣ်ဒီးတုၤပှၤပျၢ်လီၤအီၤဒီး, အဝဲသ့ၣ်လဲၤဆူ အၣ်တံၤအီာ်, ဒီးဒုးအိၣ်ဖှိၣ်ရိဖှိၣ်ပှၤဂီၢ်မုၢ်, ဒီးဟ့ၣ်လီၤ အလံာ်တဘ့ၣ်န့ၣ်လီၤ. ³¹ ဒီးဖးဝဲဝံၤဒီး, အသူၣ်ခုအသးခု လၢတၢ်မၤမုာ်ထီၣ်က့ၤန့ၣ်အဃိလီၤ. ³² ဒီးစီၤယူဒၤ, ဒီး စီၤစံလၤအကစၢ်ပှၢ်ဒၣ်ဝဲ မ့ၢ်ဝံစ့ၢ်ကီးဒီး, သဆၣ်ထီၣ် အပျဲၢ်အဘီၣ်အခံလၢတၢ်ကတိၤအါထံၣ်, ဒီးမၤဂၢၢ်မၤ ကျၢၤအီၤလီၤ.

³³ ဒီးအိၣ်ဝဲဖဲန့ၣ်ယံာ်ယံာ်တစဲးဒီး, ဒ်သိးအကက့ၤက့ၤ ဆူပှၤလၢအမၢလီၤအီၤတဖၣ် အအိၣ်ဒီး, ပှၤဒီပုၢ်ဝဲၢ်န့ၣ် ပျၢ်အီၤခုၣ်ခုၣ်မုာ်မုာ်လီၤ. ³⁴ (ဘၣ်ဆၣ်ဒီး ဘၣ်စီၤစံလၤ အသးလၢအကအိၣ်ဒံးဖဲန့ၣ်လီၤ.). ³⁵ ဒီးစီၤပီလူးဒီး စီၤ ဘၢ်နါဘၤ ဒီးပှၤအဂၤအါဂၤအိၣ်ဝဲဆိးဝဲလၢ အၣ်တံၤ အီာ်, ဒီးသိၣ်က့ၤသီက့ၤတၢ်, ဒီးစံၣ်တဲၤတဲလီၤတၢ်သး ခုအကစီၣ်ကစၢ်အကလုၢ်အကထါလီၤ.

³⁶ ဒီးအနံၤအသီတနီၤနီၤပူၤကွံာ်ဒီး, စီၤပီလူးစံးဘၣ်စီၤ ဘၢ်နါဘၤ, ပဒီပုၢ်ဝဲၢ်လၢကယဲၢ်ခူကယဲၢ်ဝ့ၢ်လၢပစံၣ်တဲၤ တဲလီၤကစၢ်အကလုၢ်အကထါလၢအပူၤ, အိၣ်ဝဲဒ်လဲၣ် ဒ်လဲၣ်န့ၣ်, မ်ပက့ၤကဒါက့ၤဒီးကွၢ်က့ၤအီၤတက့ၢ်. ³⁷ ဒီး စီၤဘၢ်နါဘၤပာ်အသးလၢအကကိးန့ၢ် စီၤယိၤဟၣ်ကိး ဝဲအမံၤသီလၢစီၤမၢ်ကူးလီၤ. ³⁸ ဘၣ်ဆၣ်ဒီး မ့ၢ်ပှၤတဂၤ န့ၣ်ဟးဖးဒီးအီၤလၢပၣ်ဖူၤလံ, ဒီးတလဲၤမၤဘၣ်တၢ်ဒီး အီၤဘၣ်ဒီး, စီၤပီလူးဆိကမိၣ်ဝဲလၢ အတဂ့ၤလဲၤဘၣ်ဝဲ ဘၣ်. ³⁹ ဒီးတၢ်ဂ့ၢ်လိာ်ဘှီလိာ်ဆူၣ်ဆူၣ်ကလဲာ်အိၣ်ထီၣ် ဝဲ, တုၤဒၣ်လဲာ်အဝဲသ့ၣ်လီၤဖးလိာ်အသး, ဒီးစီၤဘၢ်နါ ဘၤဟံးန့ၢ်စီၤမၢ်ကူး, ဒီးဒိးထီၣ်ကဘီ, ဒီးလဲၤဝဲဆူကူပြူး လီၤ. ⁴⁰ ဒီးစီၤပီလူးဃုထၢစီၤစံလၤ, ဒီးပှၤဒီပုၢ်ဝဲၢ်သ့ၣ်တ ဖၣ်ဟ့ၣ်လီၤအီၤလၢ ယွၤအဘျုးအဖှိၣ် အပူၤသတးဒီး, ဟးထီၣ်ဝဲလီၤ. ⁴¹ ဒီးလဲၤခီဂာ်စူၤရံ, ဒီးကံၤလံၤကံ, ဒီး မၤဂၢၢ်မၤကျၢၤတၢ်အိၣ်ဖှိၣ်တဖၣ်လီၤ.

၁၆

¹ ဒီးလဲၤဝဲဆူဒ့ၢ်ဘ့ၤ, ဒီးလူစတြၤလီၤ. ဒီးကွၢ်ကွၢ်, အ ပျဲၢ်အဘီၣ်အမံၤစီၤတံၤမသ့း, ပှၤယူဒၤမုၣ်လၢအစူၢ်က့ၤ နာ်က့ၤတၢ်တဂၤအဖိခွါ, အိၣ်ဝဲဖဲန့ၣ်လီၤ. ² မ့မ့ၢ်အပၢ် မ့ၢ်ပှၤဟ့းလ့ၣ်ဖိလီၤ. ဒီးပှၤဒီပုၢ်ဝဲၢ်လၢလူစတြၤဒီးအံၤက နံၤအပူၤ, အုၣ်အသးလၢအဂီၢ်လီၤ. ³ ဘၣ်စီၤပီလူးအ သးလၢအဝဲဒၣ်ကလဲၤဒီးအီၤလီၤ. ဒီးမ့ၢ်ပှၤယူဒၤဖိအိၣ် လၢအလီၢ်တဖၣ်ဖဲန့ၣ်သ့ၣ်ညါခဲလၢာ်, လၢအပၢ်မ့ၢ်ပှၤ ဟ့းလ့ၣ်ဖိအဃိဒီး, ဟံးန့ၢ်အီၤဒီးကူးတရံးအီၤလီၤ. ⁴ ဒီးဖဲအလဲၤတၢ် တဝ့ၢ်ဘၣ်တဝ့ၢ်ဒီး, တၢ်သိၣ်တၢ်သီလၢပှၤတၢ်မၢဖိဒီးပှၤသူၣ်က့သးပှၢ် လၢယရူၤၡလ့ၣ်စံၣ်ညီၣ်ဝဲန့ၣ်ဒီး, ဟ့ၣ်လီၤဝဲဒ်သိးအကတိၢ်န့ၢ်ဖံးဃာ်လီၤ.―

⁵ မၤသးဒ်န့ၣ်ဒီးတၢ်အိၣ်ဖှိၣ်တဖၣ် ဂၢၢ်ထီၣ်ကျၢၤထီၣ်လၢ တၢ်စူၢ်တၢ်နာ်အပူၤ, ဒီးအါထီၣ်ဂီၢ်ထီၣ်ကိးမုၢ်နံၤမုၢ်နၤ ဒဲးလီၤ.

⁶ ဒီးလဲၤခီဂာ်ဖြူၤကံ, ဒီးကလၤတံအထံအကီၢ်ဒီး, ဒ် သိးအသုတစံၣ်တဲၤတဲလီၤတၢ်လၢအၤစံတဂ့ၤဒီး, သးစီ ဆှံန့ၣ်တြီအီၤလီၤ. ⁷ ဒီးလဲၤဆူမူၤစံဝံၤဒီး, ပာ်အသးလၢ အကလဲၤဆူဘံၤသူၤနံ, ဘၣ်ဆၣ်ဒီးယ့ၣ်ရှူးအသးတဒုး လဲၤဘၣ်အီၤဘၣ်. ⁸ ဒီးလဲၤပူၤကွံာ်လၢမူၤစံ, ဒီးလဲၤလီၤ ဆူတြိၤအါလီၤ.

⁹ ဒီးစီၤပီလူးထံၣ်တၢ်လၢညါခီလၢမုၢ်နၤ, ဒီးပှၤမၤက့း ဒနံဖိဆၢထၢၣ်ဃ့ကညးအီၤဒီးစံးဝဲဒၣ်, ဟဲခီဂာ်တၢ်ဆူ မၤက့းဒနံ, ဒီးမၤစၢၤပှၤတက့ၢ်. ¹⁰ ဒီးတုၤအထံၣ်တၢ်လၢ ညါခီဒီး, ပဆိကမိၣ်လၢကစၢ်ကိးက့ၤပှၤ, ဒ်သိးပကစံၣ် တဲၤတဲလီၤတၢ်သးခုအကစီၣ်လၢအဝဲသ့ၣ်, ဒီးပဃုလဲၤ တၢ်ဆူမၤက့းဒနံအပူၤတကီၢ်ခါလီၤ. ¹¹ မၤသးဒ်န့ၣ်ဒီး, ပ ဟးထီၣ်လၢတြိၤအါ, ဒီးပလဲၤစၢၢ်ဆၢဆူစၤမသြါက့ၤ, ဒီးမုၢ်ဆ့ၣ်ထီၣ်တနံၤပလဲၤဆူနါပလံၣ်လီၤ. ¹² ဒီးပဟးဖဲ န့ၣ်ဆူဖံလံးပံးလၢအမ့ၢ်မၤက့းဒနံတတီၤန့ၣ် အဝ့ၢ်မိၢ်ပှၢ်, ဒီးပှၤတကလုာ်ဒၣ် ဟဲအိၣ်ဝဲဆိးဝဲလၢအပူၤလီၤ. ဒီးပ အိၣ်လၢဝ့ၢ်ပူၤန့ၣ်အနံၤအသီတနီၤနီၤလီၤ.

¹³ ဒီးလၢမုၢ်အိၣ်ဘှံးအနံၤန့ၣ်, ပဟးထီၣ်ဆူဝ့ၢ်အချၢလၢ ထံနံၤဖဲပဆိကမိၣ်လၢ ပှၤပာ်တၢ်ဘါထုကဖၣ်အလီၢ်, ဒီး ပဆ့ၣ်နီၤဒီးစံၣ်တဲၤတဲလီၤတၢ်လၢ ပှၤပိာ်မုၣ်လၢအအိၣ် ဖှိၣ်ရိဖှိၣ်တဖၣ်လီၤ.

¹⁴ ဒီးပှၤလၢအဆါ တၢ်လုးတကုာ်, ဝ့ၢ်သူၤအတံရၤဖိ, ပိာ်မုၣ်, အမံၤနီၢ်လူၤဒံ, လၢအဘါယွၤတဂၤ, နၢ်ဟူ တၢ်ဒီး, ယွၤအိးထီၣ်အသူၣ်အသးဒ်သိးအကတူၢ်လိာ် တၢ်လၢစီၤပီလူးစံးဘၣ်တဲဘၣ်ဝဲတဖၣ်န့ၣ်လီၤ. ¹⁵ ဒီးတုၤ အဝဲဒၣ်, ဒီးအဟံၣ်ဖိတဖၣ်ဒိးဘျၢ*အသးဒီး, ဃ့ကညး က့ၤပှၤဒီးစံးဝဲဒၣ်, ယဲဒၣ်အံၤ, သုမ့ၢ်ပာ်ယၤလၢပှၤစူၢ် က့ၤနာ်က့ၤကစၢ်နီၢ်နီၢ်ဒီး, ဟဲအိၣ်ဟဲဆိးလၢယဟံၣ်ပူၤ တက့ၢ်. ဒီးကညးဆူၣ်န့ၢ်ပှၤလီၤ.

¹⁶ ဒီးတၢ်မၤအသးလၢ ပလဲၤဆူတၢ်ဘါထုကဖၣ်အလီၢ် အဖၢမုၢ်ဒီး, ပှၤလၢတၢ်နါပံသိၣ်အိၣ်လၢအလိၤ, ကုၢ်ပိာ် မုၣ်တဂၤ, သဂၢၢ်ပှၤလီၤ. အဝဲဒၣ်ကတိၤတၢ်လၢတၢ်နါ ဝံအကျိာ်သတးဒီး, အကစၢ်တဖၣ်န့ၢ်ဘၣ် တၢ်အါမး လီၤ. ¹⁷ အဝဲန့ၣ်ပိာ်စီၤပီလူးအခံ, ဒီးပခံ, ဒီးကိးပသူ ထီၣ်ဒီးစံးဝဲဒၣ်, အဝဲသ့ၣ်တဖၣ်အံၤ မ့ၢ်တၢ်ထီကတၢၢ် ယွၤအခ့အပှၤ, လၢအစံၣ်တဲၤတဲလီၤပှၤလၢ တၢ်အုၣ် က့ၤခီၣ်က့ၤအကျဲလီၤ.

¹⁸ ဒီးမၤဝဲဒ်န့ၣ်အါနံၤအါသီ, ဒီးစီၤပီလူးအသးကိၢ်ထီၣ်, ဒီးဃၣ်ဃီၤအသးဒီး စံးဘၣ်တၢ်နါ, ယမၤလိာ်နၤလၢ ယ့ၣ်ရှူးခရံာ်အမံၤ, လၢနကဟးထီၣ်ကွံာ်လၢပှၤအံၤအ လိၤလီၤ. ဒီးဟးထီၣ်ကွံာ်တဘျီဃီဖဲန့ၣ်လီၤ.

¹⁹ ဒီးပိာ်မုၣ် အကစၢ်တဖၣ်သ့ၣ်ညါဝဲလၢ အမုၢ်လၢ်န့ၢ် တၢ်အလီၢ်တအိၣ်လၢၤဘၣ်ဒီး, ဟံးဃာ်စီၤပီလူးဒီးစီၤစံ လၤ, ဒီးမိၤအီၤဆူဖၠါပူၤ, ဆူပဒိၣ်တဖၣ်အအိၣ်လီၤ. ²⁰ ဒီး ဆှၢအီၤဆူကီၢ်ပဒိၣ်တဖၣ်အအိၣ်ဝံၤဒီး, စံးဝဲဒၣ်, ပှၤက ညီတဖၣ်အံၤ, မ့ၢ်ပှၤယူဒၤဖိ, ဒီးမၤတံာ်တာ်ပဝ့ၢ်အံၤဒိၣ် မး, ²¹ ဒီးသိၣ်လိတၢ်အလုၢ်အလၢ်လၢ ပှၤရိမ့ၤဖိပဝဲဒၣ် အံၤ, ပတူၢ်လိာ်ဒီးတိၢ်န့ၢ်တတီဘၣ်လီၤ.

²² ဒီးပှၤဂီၢ်မုၢ်ဂဲၤဆၢထၢၣ်ထီဒါအီၤ, ဒီးပဒိၣ်တဖၣ်ထုး ဖှီကွံာ်အကူအသိး, ဒီးမၤလိာ်ပှၤကတီၢ်အီၤလီၤ. ²³ ဒီး တီၢ်ဝဲအါဘီဝံၤဒီး ဒၢနုာ်အီၤလၢဃိာ်ပူၤ, ဒီးမၤလိာ်ပှၤ ဃိာ်ဒိၣ် ဒ်သိးအကပၢၤအီၤဧ့ၢ်ကျၢၤလီၤ. ²⁴ အဝဲဒၣ်ဘၣ် တၢ်မၤလိာ်အီၤဒ်န့ၣ်ဒီး, ဒၢနုာ်အီၤလၢဃိာ်ပူၤလၢညါတ တီၤ, ဒီးသိးဃာ်အခီၣ်လၢသိးအပူၤလီၤ. ²⁵ ဒီးလၢဖးဖီ မုၢ်န့ၣ် စီၤပီလူးဒီးစီၤစံလၤဘါထုကဖၣ်တၢ်, ဒီးသးဝံၣ် သးဆၢယွၤ, ဒီးပှၤဃိာ်ဖိကနၣ်ဝဲလီၤ. ²⁶ ဒီးဟီၣ်ခိၣ်ဟူး ဝးဝဲသတူၢ်ကလာ်ဒိၣ်မး တုၤဃိာ်အခီၣ်ထံးဟူးဝးဝဲ, ဒီး တြဲၤခဲလၢာ်အိးထီၣ်အသးတကီၢ်ခါ, ဒီးပှၤခဲလၢာ်အပျံၤ လီၤဃ့ၣ်ဝဲလီၤ. ²⁷ ဒီးပှၤဃိာ်ဒိၣ်ဖုသံနီၣ်ထီၣ်, ဒီးထံၣ်ဝဲ လၢဃိာ်အတြဲၤအိၣ်အိးထီၣ်အသး, ဒီးဆိကမိၣ်လၢပှၤ ဃိာ်ဖိဃ့ၢ်ကွံာ်သတးဒီး, ဘီၣ်ထီၣ်နးဒ်သိးအကမၤသံ လီၤအသးလီၤ. ²⁸ ဒီးစီၤပီလူးကိးထီၣ်လၢအကလုၢ်ဖးဒိၣ် ဒီးစံးဝဲဒၣ်, မၤအၢလီၤနသးနီတမံၤတဂ့ၤ, အဂ့ၢ်ဒ်အံၤ, ပအိၣ်ဖဲအံၤခဲလၢာ်လီၤ. ²⁹ ဒီးအဝဲဒၣ်ဃ့တၢ်ကပီၤတဖၣ်, ဒီးဃ့ၢ်နုာ်ကနိးကစုာ်, ဒီးထိၣ်လီၤပှီၤအသးလၢစီၤပီလူး ဒီးစီၤစံလၤအမဲာ်ညါ, ³⁰ ဒီးဆှၢထီၣ်အီၤဆူခိဒီးစံးဝဲဒၣ်, ကစၢ်သ့ၣ်ဧၢ, ဒ်သိးယကတုၤလၢ တၢ်အုၣ်က့ၤခီၣ်က့ၤ ယၤဒီး, ယဘၣ်မၤမနုၤလဲၣ်. ³¹ ဒီးအဝဲသ့ၣ်စံးဘၣ်အီၤ, စူၢ်က့ၤနာ်က့ၤကစၢ်ယ့ၣ်ရှူးခရံာ်တက့ၢ်. ဒီးနကတုၤလၢ တၢ်အုၣ်က့ၤခီၣ်က့ၤနဲ, ဒီးနပှၤဟံၣ်ဖိလီၤ. ³² ဒီးစံၣ်တဲၤ တဲလီၤကစၢ်အကလုၢ်အကထါလၢအီၤ, ဒီးလၢပှၤအိၣ် လၢအဟံၣ်ပူၤခဲလၢာ်လီၤ.

³³ ဒီးလၢမုၢ်နၤ တနၣ်ရံၣ်ဃီဖဲန့ၣ်, အဝဲဒၣ်ဟံးန့ၢ်အီၤ, ဒီးသ့ကွံာ်အပူၤလီၢ်တဖၣ်လီၤ. ဒီးအကစၢ်ဒၣ်ဝဲ, ဒီးအ ပှၤခဲလၢာ်ဒိးဘျၢ*အသးတကီၢ်ခါလီၤ. ³⁴ ဒီးတုၤအဝဲဒၣ် ဆှၢက့ၤအီၤဆူအဟံၣ်ပူၤဒီး, ပာ်တၢ်အီၣ်တၢ်အီလၢအ မဲာ်ညါ, ဒီးစူၢ်က့ၤနာ်က့ၤယွၤ, ဒီးသူၣ်ခုသးခုဒီးအဟံၣ် ဖိခဲလၢာ်လီၤ.

³⁵ ဒီးတုၤမုၢ်ဆ့ၣ်ထီၣ်ဒီး, ပဒိၣ်တဖၣ်န့ၣ်မၢအပှၤစိာ်နီၣ် တီၢ်ဖိတဖၣ်, လဲၤစံးဘၣ်တဲဘၣ်ဝဲ, ပျၢ်ကွံာ်ပှၤကညီတ ဖၣ်န့ၣ်တက့ၢ်. ³⁶ ဒီးအတၢ်ကတိၤတဖၣ်န့ၣ်, ပှၤဃိာ် ဒိၣ်စံးဘၣ်စီၤပီလူး, ပဒိၣ်တဖၣ်န့ၣ် မၢပှၤဟဲပျၢ်ကွံာ်သု လီၤ. မၤသးဒ်န့ၣ်ဒီးဟးထီၣ်, ဒီးလဲၤတၢ်မုာ်မုာ်တက့ၢ်.

³⁷ ဘၣ်ဆၣ်ဒီးစီၤပီလူးစံးဘၣ်အီၤ, ပှၤရိမ့ၤဖိပဝဲဒၣ်အံၤ တဘၣ်ဘၣ် တၢ်စံၣ်ညီၣ်ဃၣ်ဘၣ်ဒီး, အဝဲသ့ၣ်တီၢ်ပှၤ အိၣ်ဖျါ, ဒီးဒၢနုာ်ပှၤလၢဃိာ်ပူၤလီၤ. ဒီးခဲကနံၣ်အံၤ, ကဟီထီၣ်ကွံာ်ပှၤကစုဒုဧါ. ဒ်န့ၣ်တမ့ၢ်ဘၣ်. မ်အဟဲ လၢအကစၢ်ဒၣ်ဝဲ, ဒီးဆှၢထီၣ်ပှၤတက့ၢ်.

³⁸ ဒီးတၢ်ကတိၤတဖၣ်န့ၣ်, ပှၤစိာ်နီၣ်တီၢ်ဖိစံးဘၣ်ပဒိၣ် တဖၣ်လီၤ. ဒီးနၢ်ဟူဝဲလၢပှၤတဖၣ်န့ၣ် မ့ၢ်ပှၤရိမ့ၤဖိဒီး, သူၣ်ပျံၤသးပျံၤဝဲတကူၢ်သ့ၣ်လီၤ. ³⁹ ဒီးဟဲဃ့ကညးအီၤ, ဒီးဆှၢထီၣ်အီၤ, ဒီးဃ့ဝဲဒ်သိးအကဟးထီၣ်ကွံာ်လၢဝ့ၢ် ပူၤလီၤ.

⁴⁰ ဒီးအဝဲသ့ၣ်ဟးထီၣ်လၢဃိာ်ပူၤ, ဒီးလဲၤဆူ နီၢ်လူၤဒံ အအိၣ်, ဒီးတုၤအထံၣ်ဘၣ်ပှၤဒီပုၢ်ဝဲၢ်ဒီး, သဆၣ်ထီၣ် အခံဒီးဟးထီၣ်ဝဲလီၤ.

၁၇

¹ ဒီးလဲၤခီဂာ်အၣ်ဖံပလံၤ, ဒီးအၤပလိၤနံဝံၤဒီး, လဲၤဝဲ ဆူသ့းစၤလနံ, ဖဲပှၤယူဒၤဖိအဘူၣ်ဘျီၣ် အိၣ်ဝဲတဖျၢၣ် လီၤ. ² ဒီးစီၤပီလူးဒ်အလုၢ်အလၢ်အိၣ်ဝဲအသိးန့ၣ်, လဲၤ နုာ်ဆူအဝဲသ့ၣ်အအိၣ်, ဒီးလၢသၢအိၣ်ဘှံးနံၤညါန့ၣ်က တိၤတၢ်ဒီးအီၤလၢတၢ်ကွဲးအသးအဂ့ၢ်အကျိၤ, ³ ဒီးအိး ထီၣ်တၢ်, ဒီးဒုးနဲၣ်ဝဲလၢခရံာ်ဘၣ်ဒိးတၢ်နးတၢ်ဖှီၣ်, ဒီး ဘၣ်ဂဲၤဆၢထၢၣ်က့ၤလၢတၢ်သံအပူၤ, ဒီးလၢယ့ၣ်ရှူးလၢ ယစံၣ်တဲၤတဲလီၤသုမ့ၢ်ခရံာ်န့ၣ်လီၤ. ⁴ ဒီးပှၤတနီၤနီၤလၢ အကျါ, ဒီးဟ့းလ့ၣ်ဖိလၢအဘါယွၤဂီၢ်မုၢ်ဖးဒိၣ်, ဒီးပိာ် မုၣ်အိၣ်ဒီးအလၤအကပီၤတဘျုးဂၤ, စူၢ်က့ၤနာ်က့ၤတၢ် ဒီးဘျုးအသးဒီးစီၤပီလူးဒီးစီၤစံလၤလီၤ.

⁵ ဘၣ်ဆၣ်ဒီးပှၤယူဒၤဖိအသးက့ၣ်, ဒီးဟံးန့ၢ်ပှၤအအၢ အသီလၢ အအိၣ်ဒၣ်တၢ်လၢဖၠါပူၤ, ဒီးဒုးအိၣ်ဖှိၣ်ပှၤဂီၢ် မုၢ်, ဒီးမၤတၢထီၣ်တၢလီၤတၢ်လၢဝ့ၢ်ပူၤလီၤ. ဒီးဟဲဃီၤ ဆူစီၤယါစီၣ်အဟံၣ်ဒီး, ဃုမိၤထီၣ်ပှၤတဖၣ်န့ၣ်ဆူ ပှၤ ဂီၢ်မုၢ်အအိၣ်လီၤ. ⁶ ဒီးမ့ၢ်အတထံၣ်ဘၣ်အီၤဘၣ်ဒီး, မိၤ တွံၢ်တြူာ်စီၤယါစီၣ်, ဒီးဒီပုၢ်ဝဲၢ်တနီၤနီၤဆူဝ့ၢ်ပဒိၣ်တဖၣ် အအိၣ်, ဒီးကိးပသူထီၣ်ဝဲ, ပှၤလၢအမၤကဒါဟီၣ်ခိၣ် တဖၣ်ဟဲတုၤဖဲအံၤစ့ၢ်ကီးလံ. ⁷ ဒီးစီၤယါစီၣ်တူၢ်လိာ်လံ အီၤလံ. ဒီးပှၤခဲလၢာ်အံၤ, မၤတၢ်ထီဒါကဲစၢ်အကလုၢ်, ဒီးစံးလၢစီၤပၤအဂၤ, ယ့ၣ်ရှူးအိၣ်ဝဲတဂၤလီၤ.

⁸ ဒီးတုၤပှၤဂီၢ်မုၢ်ဒီးဝ့ၢ်အပဒိၣ်နၢ်ဟူတၢ်န့ၣ်ဒီး, အသူၣ် ကိၢ်အသးဂီၤထီၣ်လီၤ. ⁹ ဒီးတုၤအဟံးန့ၢ်ပှၤအုၣ်အသး လၢစီၤယါစီၣ်အဂီၢ်, ဒီးပှၤဂၤအဂီၢ်ဒီး, ပျၢ်အီၤလီၤ.

¹⁰ ဒီးပှၤဒီပုၢ်ဝဲၢ်တဖၣ်မၢစီၤပီလူး, ဒီးစီၤစံလၤ လဲၤတ ကီၢ်ခါလၢမုၢ်နၤဆူဘ့းရံၤလီၤ. လဲၤတုၤဝဲဒီး, လဲၤနုာ်ဝဲ လၢပှၤယူဒၤဖိအဘူၣ်ဘျီၣ်ပူၤလီၤ. ¹¹ ဒီးပှၤတဖၣ်န့ၣ်အ သးဂ့ၤန့ၢ်ပှၤသ့းစၤလနံဖိတက့ၢ်, ဒီးတူၢ်လိာ်တၢ်အက လုၢ်အကထါလၢအသူၣ်ဆူၣ်အသးဆူၣ်, ဒီးတၢ်န့ၣ်တ ဖၣ်မ့ၢ်တၢ်ဒ်န့ၣ် တမ့ၢ်တၢ်ဒ်န့ၣ်လဲၣ်န့ၣ်, ဃုကွၢ်တၢ်ကွဲး အသး, ထံထံဆးဆးသ့သ့တနံၤလီၤ.

¹² မၤသးဒ်န့ၣ်ဒီး, ပှၤစူၢ်က့ၤနာ်က့ၤ လၢအကျါအါဂၤ, ဒီးပှၤဟ့းလ့ၣ်မုၣ်အိၣ်ဒီးအလၤအကပီၤ, ဒီးပိာ်ခွါ, နာ် စ့ၢ်ကီးဝဲတစှၤဂၤဘၣ်လီၤ. ¹³ ဒီးပှၤယူဒၤဖိလၢသ့းစၤလနံ အပူၤ, တုၤအသ့ၣ်ညါလၢစီၤပီလူးစံၣ်တဲၤတဲလီၤယွၤအ ကလုၢ်အကထါလၢဘ့းရံၤအပူၤဒီး, လဲၤစ့ၢ်ကီးဝဲဖဲန့ၣ် ဒီးထိၣ်ဟူးထိၣ်ဂဲၤပှၤဂီၢ်မုၢ်အသးလီၤ. ¹⁴ တုၤနုၤတစုပှၤဒီ ပုၢ်ဝဲၢ်မၢစီၤပီလူးလဲၤတၢ်တကီၢ်ခါ မၤသးဒ်အကလဲၤလၢ ပီၣ်လဲၣ်အသိးန့ၣ်လီၤ. မ့မ့ၢ်စီၤစံလၤဒီးစီၤတံၤမသ့းအိၣ် ဒံးဝဲဒၣ်ဖဲန့ၣ်လီၤ. ¹⁵ ဒီးပှၤလၢအဆှၢစီၤပီလူးတဖၣ်န့ၣ်, ဆှၢဝဲတုၤလၢအၤသ့ၣ်အပူၤလီၤ. ဒီးဒိးန့ၢ်တၢ်မၤလိာ်လၢ စီၤစံလၤဒီးစီၤတံၤမသ့းအဂီၢ်, ဒ်သိးအကဟဲဆူအအိၣ် ချ့သဒံးဝံၤဒီး, ဟးထီၣ်ဝဲလီၤ. ¹⁶ ဒီးစီၤပီလူးအိၣ်ဆူလၢ်ဟူအီၤ လၢအၤသ့ၣ် အဖၢမုၢ်ဒီး, ထံၣ်ဝ့ၢ်န့ၣ်ပှဲၤဝဲဒီးတၢ်ဂီၤဒီး, အသးကိၢ်ထီၣ်ဝဲလီၤ.―

¹⁷ မၤသးဒ်န့ၣ်ဒီးလၢဘူၣ်ဘျီၣ်ပူၤန့ၣ်, တဲးလိာ်ဃိလိာ်တၢ် ဒီးပှၤယူဒၤဖိဒီးပှၤယူးယီၣ်ယွၤ, ဒီးလၢဖၠါပူၤဒီးပှၤလၢအ ဟဲဘၣ်သဃိာ်အီၤ ကိးမုၢ်နံၤမုၢ်နၤဒဲးလီၤ. ¹⁸ ဒီးပှၤအ့း ပံၤကူၤရူးဖိဒီးပှၤစတီးအၤဖိ, ပှၤကူၣ်တၢ်သ့ တနီၤနီၤ, ဘၣ်သဃိာ်အီၤလီၤ. ဒီးတနီၤနီၤစံးဝဲဒၣ်, ပှၤကတိၤကြီ တၢ်တဂၤအံၤ, မ့ၢ်အကစံးမနုၤတမံၤလဲၣ်. ဒီးပှၤဂၤစံးဝဲ ဒၣ်, လီၤဂာ်လၢအမ့ၢ်ပှၤစံၣ်တဲၤတဲလီၤ ပှၤတခီဘီမုၢ်ဖိ အကစၢ်တဖၣ်အဂ့ၢ်လီၤ. အဂ့ၢ်ဒ်အံၤ, မ့ၢ်အစံးဘၣ်တဲ ဘၣ်အီၤလၢယ့ၣ်ရှူးဒီး တၢ်ဂဲၤဆၢထၢၣ်က့ၤအဂ့ၢ်အကျိၤ လီၤ. ¹⁹ ဒီးအဝဲသ့ၣ်တဖၣ်ဟံးန့ၢ်အီၤ, ဒီးဆှၢအီၤဆူတၢ် စိခိၣ်အၤရံဒီးစံးဝဲဒၣ်, တၢ်သိၣ်တၢ်သီအသီလၢနစံၣ်တဲၤ တဲလီၤန့ၣ်ပသ့ၣ်ညါမ့ၢ်အတသ့ဘၣ်ဧါ. ²⁰ အဂ့ၢ်ဒ်အံၤ, န ဒုးဟူဘၣ်ပနၢ်ပူၤလၢတၢ်လီၤဆီတဖၣ်န့ၣ်လီၤ. မၤသးဒ် န့ၣ်ဒီးတၢ်န့ၣ်တဖၣ်မ့ၢ်ဒ်လဲၣ်ဒ်လဲၣ်န့ၣ်, တၢ်မိၣ်သ့ၣ်ညါ ဘၣ်ပသးလီၤ. ²¹ ဒီးပှၤအၤသ့ၣ်ဖိခဲလၢာ်, ဒီးပှၤတမှံၤအိၣ် ဝဲဖဲန့ၣ်, တမၤဘၣ်တၢ်အဂၤနီတမံၤဘၣ်. ထဲအဂုာ်စံး ဃဲၤဒီးကနၣ်တၢ်အသီတက့ၢ်တမံၤမံၤလီၤ.

²² ဒီးစီၤပီလူးဆၢထၢၣ်လၢ တၢ်စိခိၣ်အၤရံအဒီခိၣ်ဒီးစံး ဝဲဒၣ်, ပှၤအၤသ့ၣ်ဖိသ့ၣ်ဧၢ, လၢတၢ်ခဲလၢာ်အပူၤယ ထံၣ်လၢသုယူးယီၣ်သုကစၢ်တဖၣ်ဒိၣ်မးလီၤ. ²³ အဂ့ၢ်ဒ် အံၤ, ယလဲၤဟးဒီးကွၢ်သုဘူၣ်တၢ်ဘါတၢ်အလီၢ်အဖၢ မုၢ်ဒီး, ယထံၣ်တၢ်လုၢ်လီၢ်တပူၤ, အိၣ်ဒီးတၢ်ကွဲးအသး လၢအလိၤ, ကစၢ်လၢပတသ့ၣ်ညါဘၣ်အီၤတဂၤအဂီၢ် လီၤ. မၤသးဒ်န့ၣ်ဒီးပှၤလၢသုတသ့ၣ်ညါဘၣ်ဒီးဘူၣ်ထီၣ် ဘါထီၣ်အီၤန့ၣ်ယစံၣ်တဲၤတဲလီၤသုလၢအဝဲတဂၤန့ၣ်အ ဂ့ၢ်လီၤ. ²⁴ ယွၤလၢအတ့လီၤဟီၣ်ခိၣ်ဒီး ကယဲၢ်တၢ်အိၣ် လၢအပူၤ, အဝဲဒၣ်န့ၣ် မ့ၢ်မူခိၣ်ဒီးဟီၣ်ခိၣ်အကစၢ်လီၤ. ဒီးဟံၣ်လၢပှၤကညီမၤလၢအစုန့ၣ်, တအိၣ်တဆိးဘၣ် ဝဲလၢအပူၤဘၣ်. ²⁵ ဒီးပှၤကညီအစုတမၤဘၣ်အတၢ်, ဒ် ပှၤလၢအဒိးန့ၢ်တၢ်အလီၢ်အိၣ်တဂၤအသိးဘၣ်. အဂ့ၢ်ဒ် အံၤ, အကစၢ်ဒၣ်ဝဲဟ့ၣ်ပှၤခဲလၢာ်အသးသမူ, ဒီးအသါ, ဒီးအတၢ်ခဲလၢာ်လီၤ. ²⁶ ဒီးတ့လီၤပှၤကညီကိးအကလုာ် ဒဲးလၢအသွံၣ်တမံၤဃီ, ဒ်သိးအကအိၣ်ကဆိးလၢဟီၣ် ခိၣ်ချၢဒီဘ့ၣ်ညါ, ဒီးပာ်လီၤအဆၢအကတီၢ်, ဒီးအအိၣ် အဆိးအလီၢ်တဖၣ်, ²⁷ ဒ်သိးအကဃုယွၤ, ဒီးဘၣ်တ ဘၣ်ကလၢၢ်ဝဲဒီး, ကထံၣ်န့ၢ်အီၤသ့ၣ်သ့ၣ်လီၤ. မ့ၢ်နာ် သက့ဒ်န့ၣ်ဒီး, အိၣ်တယံၤဘၣ်ဒီးပှၤနီတဂၤဘၣ်. ²⁸ အဂ့ၢ် ဒ်အံၤ, ပမူ, ဒီးပဂဲၤ, ဒီးပအိၣ်လၢအပူၤလီၤ. ဒ်ပှၤမၤ ထါလၢသုကျါတနီၤနီၤစံးဝဲအသိး, အဂ့ၢ်ဒ်အံၤ, အစၢၤအသွဲၣ်, မ့ၢ်စ့ၢ်ကီးပှၤသ့ၣ်အံၤ, ပဝဲ.

²⁹ မၤသးဒ်န့ၣ်ဒီး, မ့ၢ်ပမ့ၢ်ယွၤအစၢၤအသွဲၣ်ဒီး, တဂ့ၤ ဆိကမိၣ်လၢယွၤလီၤဂာ်ထူဧိၤလွဲဧိၤ, ကျိၣ်ဧိၤစ့ဧိၤ, ဒီး လၢၢ်ဧိၤလ့ဧိၤလၢပှၤကညီစိးပျၤဝဲလၢ အစုသ့ဒီးအကူၣ် တၢ်သ့အသိးန့ၣ်ဘၣ်. ³⁰ မၤသးဒ်န့ၣ်ဒီး ပှၤတသ့ၣ်ညါ ဘၣ်တၢ်အကတီၢ်န့ၣ်, ယွၤဝံသးစူၤတၢ်လီၤ. မ့မ့ၢ်ခဲက နံၣ်အံၤမၤလိာ်ပှၤခဲလၢာ် အိၣ်လၢအလီၢ်တပူၤလၢ်လၢ်, လၢအကပီၢ်ယၢ်လီၤက့ၤအသးလီၤ. ³¹ အဂ့ၢ်ဒ်အံၤ, သ့ၣ် နံၤဖးသီလၢအကစံၣ်ညီၣ်ဟီၣ်ခိၣ် လၢတၢ်တီတၢ်လိၤ လၢပှၤလၢအပာ်လီၤဝဲတဂၤ အစုပူၤလီၤ. ဒီးဒ်သိးပှၤခဲ လၢာ် ကစူၢ်က့ၤနာ်က့ၤတၢ်န့ၣ်ဒီး, ဒုးဂဲၤဆၢထၢၣ်အဝဲ ဒၣ်န့ၣ်လၢတၢ်သံန့ၣ်လီၤ.

³² ဒီးတုၤအနၢ်ဟူ ပှၤဂဲၤဆၢထၢၣ်က့ၤလၢတၢ်သံအဂ့ၢ် ဒီး, ပှၤတနီၤနီၤဒုၣ်ဒွဲၣ်တၢ်, ဒီးတနီၤနီၤစံးဝဲဒၣ်, တၢ် န့ၣ်တဖၣ်အဂ့ၢ်အကျိၤပကနၢ်ဟူကဒီးလၢနၤလီၤ. ³³ ဒီးဒ် န့ၣ်အသိးစီၤပီလူးဟးထီၣ်လၢအကျါလီၤ. ဘၣ်ဆၣ်ဒီး ပှၤတနီၤနီၤဘျုးအသးဒီးအီၤ, ဒီးစူၢ်က့ၤနာ်က့ၤဝဲလီၤ.―

³⁴ ပှၤစံၣ်ညီၣ်ကွီၢ်စီၤဒံၤနူၤစံၤအိၣ်လၢအကျါန့ၣ်တဂၤ, ဒီး ပိာ်မုၣ်နီၢ်ဒမၤရံတဂၤ, ဒီးပှၤဂၤအိၣ်ဒီးအီၤတဖၣ်လီၤ.

၁၈

¹ တၢ်န့ၣ်တဖၣ်အလီၢ်ခံဒီး, စီၤပီလူးဟးထီၣ်လၢ အၤ သ့ၣ်, ဒီးလဲၤဝဲဆူကရံၣ်သူးလီၤ. ² ဒီးထံၣ်န့ၢ်ပှၤယူဒၤဖိ အိၣ်ဖျဲၣ်လၢပီၣ်တူး, အမံၤမ့ၢ်စီၤအကူလၤတဂၤ, ဟဲတုၤ သီဒီးအမါနီၢ်ပြံစကံးလၤလၢအံၤတလံ, အဂ့ၢ်ဒ်အံၤ, စီၤ ပၤကျီၤဒံမၤလိာ်လၢ ပှၤယူဒၤဖိဘၣ်ဟးထီၣ်လၢရိမ့ၤအ ပူၤလီၤ. ဒီးလဲၤနုာ်ဝဲဆူအအိၣ်လီၤ. ³ ဒီးမ့ၢ်အမၤတၢ်သ့ တမံၤဃီသတးဒီး, အိၣ်ဝဲဆိးဝဲဒီးအီၤဒီးမၤတၢ်လီၤ. အ ဂ့ၢ်ဒ်အံၤ, မ့ၢ်ပှၤမၤတၢ်ဖိလၢအဆးဒဲလီၤ. ⁴ ဒီးတဲးလိာ် ဃိလိာ်တၢ်လၢဘူၣ်ဘျီၣ်ပူၤကိးမုၢ်အိၣ်ဘှံးအနံၤဒဲး, ဒီး သဆၣ်ထီၣ်ပှၤယူဒၤဖိဒီးပှၤဟ့းလ့ၣ်ဖိအခံလီၤ.

⁵ ဒီးတုၤစီၤစံလၤ, ဒီးစီၤတံၤမသ့းဟဲတုၤလၢမၤက့းဒနံ ဒီး, စီၤပီလူးအသးပှဲၤထီၣ်ဒီးတၢ်အကလုၢ်အကထါ, ဒီး အုၣ်အသးလၢယ့ၣ်ရှူးမ့ၢ်ခရံာ်, လၢပှၤယူဒၤဖိအမဲာ်ညါ လီၤ. ⁶ ဒီးတုၤအဝဲသ့ၣ်တြီဃာ်တၢ်, ဒီးဒုၣ်ဒွဲၣ်တၢ်ဒီး, စီၤပီလူးတြုၤအကူအသိးဒီးစံးဘၣ်အီၤ, မ်သုသွံၣ်ဘၣ် လၢသုခိၣ်ဒၣ်သုဝဲတက့ၢ်. ယကဆှီယဲဒၣ်လီၤ. တုၤအံၤ ဆူညါဒီး, ယကလဲၤဆူပှၤကလုာ်တဖၣ်အအိၣ်လီၤ.

⁷ ဒီးဟးဝဲဖဲန့ၣ်, ဒီးလဲၤဆူပှၤလၢအယူးယီၣ်ယွၤ, အမံၤ မ့ၢ်စီၤယူစတူးအဟံၣ်ပူၤလီၤ. အဟံၣ်န့ၣ်အိၣ်ဘူးဝဲဒီး, ဘူၣ်ဘျီၣ်န့ၣ်လီၤ. ⁸ ဒီးပှၤဘူၣ်ဘျီၣ်အခိၣ်, စီၤကြံစပူး ဒီးအဟံၣ်ဖိခဲလၢာ်စူၢ်က့ၤနာ်က့ၤကစၢ်လီၤ. ဒီးပှၤကရံၣ် သူးဖိအါဂၤနၢ်ဟူတၢ်, ဒီးစူၢ်က့ၤနာ်က့ၤဝဲ, ဒီးဒိးဘျၢ* အသးလီၤ.

⁹ ဒီးကစၢ်စံးဘၣ်စီၤပီလူးလၢမုၢ်နၤလၢတၢ်ထံၣ်တၢ်လၢ ညါခီအပူၤ, ပျံၤတၢ်တဂ့ၤ, မ့မ့ၢ်ကတိၤတၢ်တက့ၢ်. ဒီး အိၣ်ဘှီၣ်ကလာ်တဂ့ၤ. ¹⁰ အဂ့ၢ်ဒ်အံၤ, ယဲဒၣ်အံၤယအိၣ် ဒီးနၤ, ဒီးပှၤတမၤဘၣ်နၤ ဒ်သိးအကမၤအၢနၤနီတဂၤ ဘၣ်. အဂ့ၢ်ဒ်အံၤ, ယပှၤအါဂၤအိၣ်လၢဝ့ၢ်တဖျၢၣ်အံၤ အပူၤလီၤ. ¹¹ ဒီးသိၣ်က့ၤသီက့ၤတၢ်လၢအကျါလၢယွၤ အကလုၢ်အကထါ, ဒီးအိၣ်ဝဲဖဲန့ၣ်တနံၣ်ဒီးဃုလါလီၤ.

¹² ဒီးဖဲစီၤကးလံၤအိၣ်ကဲပဒိၣ်ဖးဒိၣ်လၢ အဃါယၤဒီး, ပှၤယူဒၤဖိပာ်အသးတဖျၢၣ်ဃီဒီး ဟံးဃာ်စီၤပီလူး, ဒီး ဆှၢအီၤဆူစံၣ်ညီၣ်ကွီၢ်အလီၢ်ပစိာ်အမဲာ်ညါ, ¹³ ဒီးစံးဝဲ ဒၣ်, အအံၤတဂၤမၢပှၤကညီဘူၣ်ထီၣ်ဘါထီၣ်ကစၢ်, ထီ ဒါတၢ်သိၣ်တၢ်သီန့ၣ်လီၤ.

¹⁴ ဒီးဖဲစီၤပီလူး အသါကအဲးထီၣ်အထးခိၣ်ဒီး, စီၤကး လံၤအိၣ်စံးဘၣ်ပှၤယူဒၤဖိ, ပှၤယူဒၤဖိသ့ၣ်ဧၢ, တၢ်တ တီတလိၤ, တၢ်အၢတၢ်သီမ့ၢ်အိၣ်ဒီး, ကြၢးလၢယဝံသး စူၤသုလီၤ. ¹⁵ ဘၣ်ဆၣ်ဒီးမ့မ့ၢ်တၢ်သံကွၢ်လၢတၢ်ကတိၤ အဂ့ၢ်, ဒီးတၢ်အမံၤအသၣ်အဂ့ၢ်, ဒီးသုတၢ်သိၣ်တၢ်သီ အဂ့ၢ်ဒီး, ကွၢ်ဒၣ်သုဝဲတက့ၢ်. အဂ့ၢ်ဒ်အံၤ, တၢ်ဒ်န့ၣ် သိးတဖၣ်, ယတစံၣ်ညီၣ်ဘၣ်ယဲဘၣ်. ¹⁶ ဒီးဟီထီၣ်ကွံာ် အီၤလၢစံၣ်ညီၣ်ကွီၢ်လီၢ်ပစိာ်အမဲာ်ညါလီၤ.

¹⁷ ဒီးပှၤခဲလၢာ်ဟံးဃာ်ပှၤဘူၣ်ဘျီၣ်အခိၣ် စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အလီၢ်ပစိာ်အမဲာ်ညါလီၤ. ဒီး စီၤကးလံၤအိၣ်တပးကဲဘၣ်တၢ်န့ၣ်လၢတၢ်နီတမံၤဘၣ်.

¹⁸ ဒီးစီၤပီလူးအိၣ်ဒံးအါနံၤအါသီဝံၤဒီး, ဟးဖးဒီးပှၤဒီပုၢ် ဝဲၢ်, ဒီးလဲၤဒိးကဘီဆူစူၤရံ, ဒီးနီၢ်ပြံစကံးလၤ, ဒီးစီၤ အကူလၤအိၣ်ဒီးအီၤ, ဒီးလူၤအခိၣ်လၢက့ၣ်ဃရ့း, လၢ အအိၣ်ဒီးတၢ်ဆိၣ်အဃိန့ၣ်လီၤ. ¹⁹ ဒီးလဲၤတုၤဝဲလၢအ့း ဖ့းစူး, ဒီးပာ်လီၤတဲာ်အဝဲသ့ၣ်ဖဲန့ၣ်လီၤ. မ့မ့ၢ်အကစၢ်ဒၣ် ဝဲန့ၣ်လဲၤနုာ်ဆူဘူၣ်ဘျီၣ်ပူၤ, ဒီးတဲးလိာ်ဃိလိာ်တၢ်ဒီးပှၤ ယူဒၤဖိလီၤ. ²⁰ ဒီးအဝဲသ့ၣ်တဖၣ်န့ၣ်ဃ့ကညးအီၤလၢအ ကအိၣ်ဝဲဆိးဝဲဒီးအီၤ ယံာ်န့ၢ်အန့ၣ်တက့ၢ်ဒီး, တအၢၣ် လီၤဘၣ်ဝဲဘၣ်. ²¹ မ့မ့ၢ်ကတိၤဒိၣ်အီၤဝံၤဒီးစံးဝဲဒၣ်, ဘူၣ် လၢအကဘၣ်တ့ၢ်န့ၣ်, ယဘၣ်လဲၤမၤလၢယရူၤၡလ့ၣ်အ ပူၤသပှၢ်တၢၢ်လီၤ. ဘၣ်ဆၣ်ဒီးမ့ၢ်ဘၣ်ယွၤအသးဒီး, ယ ကဟဲအိၣ်သကိးကဒီးသုတစုလီၤ. ဒီးဒိးထီၣ်ကဘီ, ဒီး ဟးထီၣ်ကွံာ်လၢအ့းဖ့းစူးအပူၤလီၤ. ²² ဒီးထိးထီၣ်လၢ ကဲၤစါရံၤ, ဒီးလဲၤထီၣ်ကတိၤဒိၣ်တၢ်အိၣ်ဖှိၣ်ဝံၤဒီး, လဲၤ လီၤဆူအၣ်တံၤအီာ်လီၤ. ²³ ဒီးမၤတၢ်ဖဲန့ၣ်တစိၢ်တလီၢ် ဒီး, ဟးဝဲ, ဒီးလဲၤခီဂာ်ကီၢ်ကလၤတံ, ဒီးဖြူၤကံကွ့ၢ်ကွ့ၢ်, ဒီးမၤဆူၣ်ထီၣ်အပျဲၢ်အဘီၣ်ခဲလၢာ်အဂံၢ်အဘါလီၤ.

²⁴ ဒီးမတၤတဂၤ လၢအသ့ကတိၤတၢ်, လၢအသ့တၢ် ကွဲးအသးတဖၣ်, ပှၤယူဒၤဖိလၢအအိၣ်ဖျဲၣ်လၢဝ့ၢ်အလ့း စၣ်ဒြူးအပူၤ, အမံၤမ့ၢ်စီၤအပီးလိၤတဂၤ, ဟဲတုၤလၢအ့း ဖ့းစူးလီၤ. ²⁵ အဝဲဒၣ်န့ၣ်မၤလိတ့ၢ်ကစၢ်အကျဲ, ဒီးအသး ဂုၤမၤတၢ်သတးဒီး, စံၣ်တဲၤတဲလီၤ, ဒီးသိၣ်က့ၤသီက့ၤ တၢ်လၢကစၢ်အဂ့ၢ် လီၤတံၢ်လီၤဆဲးလီၤ. ဘၣ်ဆၣ်ဒီး သ့ၣ်ညါထဲစီၤယိၤဟၣ်အတၢ်ဘျၢ*န့ၣ်ဧိၤလီၤ. ²⁶ အဝဲဒၣ် န့ၣ်ကတိၤတၢ်ခူတလ့ၢ်လၢဘူၣ်ဘျီၣ်ပူၤ, ဒီးတုၤစီၤအကူ လၤဒီးနီၢ်ပြံစကံးလၤနၢ်ဟူဝဲဒီး, ဟံးန့ၢ်အီၤ, ဒီးဒုးနဲၣ် အီၤလၢယွၤအကျဲလီၤတံၢ်န့ၢ်အလီၢ်တက့ၢ်လီၤ. ²⁷ ဒီးတုၤ အသးအိၣ်လၢအကလဲၤဆူအဃါယၤဒီး, ပှၤဒီပုၢ်ဝဲၢ်ကွဲး တၢ်, ဒီးသဆၣ်ထီၣ်အပျဲၢ်အဘီၣ်အခံ, ဒ်သိးအကတူၢ် လိာ်အီၤလီၤ. ဒီးအဝဲဒၣ်န့ၣ်လဲၤတုၤဝဲဒီးမၤစၢၤပှၤလၢအ စူၢ်က့ၤနာ်က့ၤတၢ်လၢ တၢ်ဘျုးတၢ်ဖှိၣ်အဃိတဖၣ်န့ၣ် ဒိၣ်မးလီၤ. ²⁸ အဂ့ၢ်ဒ်အံၤ, မၤဃၣ်ပှၤယူဒၤဖိအတၢ်က တိၤလၢအစိအကမီၤအိၣ်ဖျါဝဲ, ဒီးဒုးနဲၣ်ဝဲလၢတၢ်ကွဲးအ သးတဖၣ်အပူၤ, လၢယ့ၣ်ရှူးမ့ၢ်ခရံာ်လီၤ.

၁၉

¹ ဒီးတၢ်မၤအသးလၢ စီၤအပီးလိၤအိၣ်လၢ ကရံၣ်သူး အဖၢမုၢ်ဒီး, စီၤပီလူးလဲၤခီဂာ်ထံဧိၤကီၢ်ဧိၤလၢထးခီ, ဒီး လဲၤပၢၢ်လၢအ့းဖ့းစူးလီၤ. ဒီးထံၣ်န့ၢ်အပျဲၢ်အဘီၣ်တနီၤ နီၤ, ² ဒီးစံးဘၣ်အီၤ, ဖဲသုစူၢ်က့ၤနာ်က့ၤတၢ်န့ၣ်, သုဒိးန့ၢ် သးစီဆှံစ့ၢ်ကီးဧါ. ဒီးအဝဲသ့ၣ်စံးဘၣ်အီၤ, တဒိးန့ၢ်ဘၣ်. ဒီးသးစီဆှံအိၣ်န့ၣ်ပတနၢ်ဟူဘၣ်. ³ ဒီးအဝဲဒၣ်စံးဘၣ် အီၤ, မ့မ့ၢ်ဒ်န့ၣ်ဒီးမ့ၢ်သုဒိးဘျၢ*သုသးဆူမနုၤတမံၤအပူၤ လဲၣ်. ဒီးအဝဲသ့ၣ်စံးဝဲဒၣ်, ဆူစီၤယိၤဟၣ်အတၢ်ဘျၢ* အပူၤလီၤ. ⁴ ဒီးစီၤပီလူးစံးဝဲဒၣ်, မ့ၢ်မးစီၤယိၤဟၣ်ဘျၢ* တၢ်လၢတၢ်ဘျၢ*ဘၣ်ဃးဒီးတၢ်ပီၢ်ယၢ်လီၤက့ၤပသး, ဒီး စံးဘၣ်ပှၤဂီၢ်မုၢ်, လၢအဘၣ်စူၢ်က့ၤနာ်က့ၤပှၤဟဲလၢအ လီၢ်ခံတဂၤ, ဒ်ပစံးတၢ်အသိး, ယ့ၣ်ရှူး (ခရံာ်) လီၤ. ⁵ ဒီး အဝဲသ့ၣ်နၢ်ဟူတၢ်ဒီး, ဒိးဘျၢ*အသးဆူကစၢ်ယ့ၣ်ရှူးအ မံၤအပူၤလီၤ. ⁶ ဒီးစီၤပီလူးပာ်အစုလၢအလိၤဒီး, သးစီ ဆှံဟဲလီၤလၢအလိၤ, ဒီးအဝဲသ့ၣ်ကတိၤတၢ်လၢတၢ်အ ပျ့ၤတဖၣ်, ဒီးကတိၤတၢ်လၢဝံအကျိာ်လီၤ. ⁷ ဒီးပှၤက ညီခဲလၢာ်န့ၣ်အိၣ်တဆံခံဂၤဃၣ်ဃၣ်လၤ.

⁸ ဒီးလဲၤနုာ်ဝဲလၢဘူၣ်ဘျီၣ်ပူၤ, ဒီးတဲးလိာ်ဃိလိာ်, ဒီး သဆၣ်ထီၣ်ပှၤအခံလၢယွၤအဘီအမုၢ်အဂ့ၢ်, ဒီးကတိၤ တၢ်ခူတလ့ၢ်သၢလါညါလီၤ. ⁹ ဒီးတုၤပှၤတနီၤနီၤအသး ကိၤထီၣ်, ဒီးတစူၢ်တနာ်ဘၣ်တၢ်ဘၣ်, ဒီးစံးအၢကျဲန့ၣ် လၢပှၤဂီၢ်မုၢ်အမဲာ်ညါဒီး, ဟးဖးဝဲဒီးအီၤ, ဒီးဟံးထီၣ် ကွံာ်အပျဲၢ်အဘီၣ်လၢအကျါ, ဒီးတဲးလိာ်ဃိလိာ်လၢစီၤ တူၤရၣ်နူးသိၣ်လိတၢ်အဘျီၣ်ပူၤသ့သ့တနံၤလီၤ. ¹⁰ ဒီးမၤ ဝဲဒ်န့ၣ်ခံနံၣ်ညါသတးဒီး, ပှၤအိၣ်လၢအၤစံ, ပှၤယူဒၤ ဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ်ဂ့ၤ, နၢ်ဟူဘၣ်ကစၢ်ယ့ၣ်ရှူးအ ကလုၢ်အကထါခဲလၢာ်လီၤ. ¹¹ ဒီးယွၤမၤတၢ်လီၤလးလီၤ ဆီဒၣ်တၢ်တဖၣ်လၢစီၤပီလူးအစုပူၤ, ¹² တုၤဒၣ်လဲာ်တၢ် စှၢၤမ့ၢ်ဂ့ၤ, တၢ်ယီၢ်တကိးမ့ၢ်ဂ့ၤ, ပှၤလဲၤစိာ်လၢအလိၤ ဆူပှၤဘၣ်ဆူးဘၣ်ဆါအအိၣ်ဒီးမၤဘျါက့ၤအီၤ, ဒီးတၢ် နါဟးထီၣ်ကွံာ်လၢအလိၤလီၤ.

¹³ ဒီးပှၤယူဒၤဖိတနီၤနီၤ လၢအဟးဝ့ၤဝီၤ ဒုးဆိၣ်တၢ်, သါကကိးထီၣ်ကစၢ်ယ့ၣ်ရှူးအမံၤ လၢပှၤတၢ်နါအိၣ်လၢ အလိၤအဖီခိၣ်, ဒီးစံးဝဲဒၣ်, ပဒုးဆိၣ်သုလၢပှၤလၢစီၤပီ လူးစံၣ်တဲၤတဲလီၤအီၤ, ယ့ၣ်ရှူးအမဲာ်ညါလီၤ. ¹⁴ ဒီးပှၤ လုၢ်တၢ်အခိၣ်, ပှၤယူဒၤဖိစီၤစက့းဝၤ, အဖိခွါမၤဝဲဒ်န့ၣ် နွံဂၤလီၤ. ¹⁵ ဒီးတၢ်နါကတိၤဆၢတၢ်ဒီးစံးဝဲဒၣ်, ယ့ၣ်ရှူး ယသ့ၣ်ညါ, ဒီးစီၤပီလူးယသ့ၣ်ညါလီၤ. မ့မ့ၢ်သုဝဲသ့ၣ် အံၤသုမ့ၢ်မတၤတဖၣ်လဲၣ်. ¹⁶ ဒီးပှၤလၢတၢ်နါအိၣ်လၢအ လိၤ, စံၣ်ပှီၤလၢအဖီခိၣ်, ဒီးမၤနၢၤအီၤ, ဒီးအဂံၢ်အဘါ ဆူၣ်န့ၢ်အဝဲသ့ၣ်လီၤ. ဒီးအဝဲသ့ၣ်အိၣ်ဘ့ၣ်ဆ့, အိၣ်ဒီး အပူၤလီၢ်ဒီး, ဃ့ၢ်ထီၣ်ကွံာ်လၢဟံၣ်အဝဲန့ၣ်အပူၤလီၤ.―

¹⁷ ဒီးတၢ်မၤအသးန့ၣ်, ပှၤယူဒၤဖိဒီးပှၤဟ့းလ့ၣ်ဖိ, အိၣ်ဝဲ ဆိးဝဲလၢအ့းဖ့းစူၤအပူၤသ့ၣ်ညါဝဲခဲလၢာ်, ဒီးတၢ်ပျံၤတၢ် ဖုးဘၣ်ပှၤခဲလၢာ်, ဒီးပာ်ဒိၣ်ပာ်ထီ ကစၢ်ယ့ၣ်ရှူးအမံၤ လီၤ. ¹⁸ ဒီးပှၤလၢအစူၢ်က့ၤနာ်က့ၤတဖၣ်, ဟဲဒီးအၢၣ်လီၤ အီလီၤ, ဒီးစံးဖျါထီၣ်အတၢ်မၤ, အါဂၤလီၤ. ¹⁹ ဒီးပှၤလၢ အစုာ်တၢ်ကၢ်တၢ်, အါဂၤ, ဟဲစိာ်ပာ်ဖှိၣ်အလံာ်အလဲၢ်, ဒီးဆူးထီၣ်ကွံာ်အီၤလၢ ပှၤခဲလၢာ်အမဲာ်ညါလီၤ. ဒီးဂံၢ် ထီၣ်ဝဲအပှ့ၤ, ဒီးထံၣ်န့ၢ်လၢအမ့ၢ်စ့ယဲၢ်ကလးလီၤ. ²⁰ ဒ်န့ၣ် အသိးယွၤအကလုၢ်အကထါ ဒိၣ်ထီၣ်ဝဲဒိၣ်ဒိၣ်ကလဲာ် ဒီးမၤနၢၤတၢ်လီၤ.

²¹ ဒီးတၢ်န့ၣ်တဖၣ် မၤအသးဝံၤဒီး, စီၤပီလူးပာ်အသး လၢအကလဲၤခီဂာ်မၤက့းဒနံ, ဒီးအဃါယၤဝံၤဒီး, က လဲၤဆူယရူၤၡလ့ၣ်, ဒီးစံးဝဲဒၣ်, ယလဲၤအိၣ်ဖဲန့ၣ်အလီၢ် ခံဒီး, ယဘၣ်ထံၣ်ရိမ့ၤစ့ၢ်ကီးလီၤ. ²² ဒီးမၢပှၤလၢအမၤ အတၢ်, စီၤတံၤမသ့းဒီးစီၤအ့ရၤစတူး, ခံဂၤလဲၤဆူမၤက့း ဒနံ, ဒီးအကစၢ်ဒၣ်ဝဲအိၣ်ဒံးလၢအၤစံအပူၤတစိၢ်တလီၢ် လီၤ.

²³ အဆၢကတီၢ်ဖဲန့ၣ်ဃၣ်ဃၣ်, တၢ်ကိၢ်တၢ်ဂီၤ တဆံး တစှၤဘၣ်လၢကျဲန့ၣ်အဃိအိၣ်ထီၣ်လီၤ. ²⁴ အဂ့ၢ်ဒ်အံၤ, ပှၤပိာ်စ့ စီၤဒ့ၤမ့ၤတြံလၢအမၤတၢ်လုၢ်ဟံၣ်စ့လၢ နီၢ်အၢ် တ့းမံၤကစၢ်မုၣ်အဂီၢ်န့ၣ်, ဒုးအိၣ်ထီၣ်ပှၤတ့တၢ်န့ၣ်အ စုလီၢ်အခီၣ်ခိၣ်တဆံးတစှၤဘၣ်လီၤ. ²⁵ အဝဲဒၣ်န့ၣ်ကိး ဖှိၣ်ပှၤမၤတၢ်ဒ်န့ၣ်သိးတဖၣ်, ဒီးစံးဝဲဒၣ်, ပှၤကညီသ့ၣ် ဧၢ, မ့ၢ်တၢ်မၤအံၤသတးဒီး, ပန့ၢ်ဘၣ်ပတၢ်ထူးပတၢ် တီၤန့ၣ်, သုသ့ၣ်ညါထံသုဝဲလီၤ. ²⁶ ဒီးသုထံၣ်, ဒီးသုနၢ် ဟူလၢစီၤပီလူးတဂၤအံၤ, သဆၣ်ထီၣ်ပှၤအခံ, ဒီးဒုး ဃၣ်ကဒါပှၤအါဂၤ, တမ့ၢ်ဘၣ်ထဲအ့းဖ့းစူးအပူၤဧိၤဘၣ်. မ့ၢ်လၢအၤစံဘူးဒီးခဲလၢာ်, ဒီးစံးဝဲလၢကစၢ်တဖၣ်လၢ ပှၤမၤအီၤလၢအစုန့ၣ်, တမ့ၢ်ဘၣ်ကစၢ်ဘၣ်လီၤ. ²⁷ ဒီးတ မ့ၢ်ဘၣ်ထဲပမၤတၢ်အံၤ ကဘၣ်တၢ်ဒုၣ်ဒွဲၣ်အီၤသ့ၣ်သ့ၣ် ဘၣ်. မ့ၢ်ကစၢ်မုၣ်ဖးဒိၣ် နီၢ်အၢ်တ့းမံၤ အတၢ်လုၢ်အ ဟံၣ်, လၢပှၤအၤစံဖိ, ဒီးပှၤဟီၣ်ခိၣ်ဖိခဲလၢာ်ဘါအီၤန့ၣ်, တၢ်ကပာ်လၢအတဂိာ်တသီၣ်ဘၣ်တၢ်, ဒီးကမၤဟးဂီၤ အလၤကပီၤလီၤ.

²⁸ ဒီးတုၤအနၢ်ဟူဝဲဒီး, အသးဒိၣ်ထီၣ်သရူၤကလာ်, ဒီး ကိးပသူထီၣ်ဒီးစံးဝဲဒၣ်, ပှၤအ့းဖ့းစူးဖိ အနီၢ်အၢ်တ့းမံၤ အံၤ, မ့ၢ်အဒိၣ်မးလီၤ. ²⁹ ဒီးဝ့ၢ်န့ၣ်ပှဲၤဒီးတၢ်တၢထီၣ်တၢ လီၤဒီဝ့ၢ်ညါ, ဒီးဟံးဃာ်ပှၤလၢအလဲၤဃုာ်ဒီးစီၤပီလူး, ပှၤမၤက့းဒနံဖိစီၤကါယူး, ဒီးစီၤအရံစတၢ်ဃူး, ဒီးဃ့ၢ် နုာ်ဝဲတသဖှိဃီဆူဘျီၣ်ကွၢ်ကီတၢ်အပူၤလီၤ. ³⁰ ဒီးတုၤစီၤ ပီလူးသါကလဲၤနုာ်လၢပှၤဂီၢ်မုၢ်အကျါဒီး, အပျဲၢ်အဘီၣ် တဒုးလဲၤနုာ်ဘၣ်အီၤဘၣ်. ³¹ ဒီးအတံၤအသကိး, ကီၢ်အၤ စံအခိၣ်တနီၤနီၤတလိအကလုၢ်, ဒီးဃ့ကညးအီၤလၢအ သုတလဲၤနုာ်လၢဘျီၣ်ကွၢ်ကီတၢ်အပူၤတဂ့ၤလီၤ.

³² မၤသးဒ်န့ၣ်ဒီး, ပှၤတနီၤနီၤကိးထီၣ်တမံၤ, ဒီးအဂၤ တနီၤနီၤတမံၤဒၣ်လီၤ. အဂ့ၢ်ဒ်အံၤ, ပှၤအိၣ်ဖှိၣ်ရိဖှိၣ်တ ဖၣ်တၢထီၣ်တၢလီၤ, ဒီးအိၣ်ဖှိၣ်ရိဖှိၣ်လၢမနုၤအဂ့ၢ်လဲၣ် န့ၣ်ပှၤအါတက့ၢ်တသ့ၣ်ညါဘၣ်. ³³ ဒီးထုးထီၣ်စီၤအလ့း စၣ်ဒြူးလၢပှၤဂီၢ်မုၢ်အကျါ, ဒီးပှၤယူဒၤဖိဆီၣ်ထီၣ်အီၤဆူ ညါလီၤ. ဒီးစီၤအလ့းစၣ်ဒြူးသါကကတိၤပူၤဖျဲးတၢ်, ဒီး ဝံၢ်ဝၢ်အစုလီၤ. ³⁴ ဘၣ်ဆၣ်ဒီးတုၤအသ့ၣ်ညါလၢအမ့ၢ်ပှၤ ယူဒၤဖိဒီး, အဝဲသ့ၣ်ခဲလၢာ်ကိးပသူထီၣ်လၢအကလုၢ် သီၣ်တသီၣ်ဃီ, ခံနၣ်ရံၣ်ဃၣ်ဃၣ်, ပှၤအ့းဖ့းစူးဖိအနီၢ် အၢ်တ့းမံၤအံၤ, မ့ၢ်အဒိၣ်မးလီၤ.

³⁵ ဒီးဝ့ၢ်အပှၤကွဲးလံာ်တဂၤ, မၢပှၤဂီၢ်မုၢ်အိၣ်ဘှီၣ်ကလာ် ဒီးစံးဝဲဒၣ်, အ့းဖ့းစူးဖိသ့ၣ်ဧၢ, ပှၤတသ့ၣ်ညါဘၣ်လၢ ဝ့ၢ်အ့းဖ့းစူးဖိကွၢ်က့ၤ တၢ်ဒိၣ်နီၢ်အၢ်တ့းမံၤ အတၢ်လုၢ် ဟံၣ်, ဒီးတၢ်ဂီၤလၢအဟဲလီၤတဲာ်လၢကစၢ်စူအအိၣ်န့ၣ်, မ့ၢ်မတၤတဂၤလဲၣ်. ³⁶ မၤသးဒ်န့ၣ်ဒီးတၢ်န့ၣ်တဖၣ်ပှၤဂ့ၢ် လိာ်ဘှီလိာ်တသ့ဘၣ်သတးဒီး, ဂ့ၤအိၣ်ဘှီၣ်ကလာ်သု ဝဲ, ဒီးတၢ်ပလီၢ်ပသးတအိၣ်ဘၣ်ဒီး, တဂ့ၤမၤဘၣ်တၢ် နီတမံၤဘၣ်. ³⁷ အဂ့ၢ်ဒ်အံၤ, ပှၤလၢအတဟုၣ်ဘၣ်တၢ် ဘၣ်ဃးဒီးကစၢ်တဖၣ်အဟံၣ်, ဒီးတဒုၣ်ဒွဲၣ်ဘၣ်သုက စၢ်မုၣ်ဘၣ်န့ၣ်သုမိၤန့ၢ်ဖဲအံၤလီၤ. ³⁸ မၤသးဒ်န့ၣ်ဒီး, စီၤ ဒ့ၤမ့ၤတြံ, ဒီးပှၤမၤတၢ်ဖိအိၣ်ဒီးအီၤတဖၣ်န့ၣ်, မ့ၢ်သါ ကပာ်တၢ်ကမၣ်လၢပှၤတဂၤဂၤအလိၤဒီး, လိာ်ကွီၢ်အ မုၢ်နံၤတဖၣ်အိၣ်, ဒီးအကီၢ်အပဒိၣ်တဖၣ် အိၣ်ဝဲလီၤ. ပှၤကလိာ်လိာ်အသးဒၣ်ဝဲတက့ၢ်. ³⁹ ဒီးသုမ့ၢ်ဃ့တၢ်လၢ တၢ်အဂုၤအဂၤတမံၤမံၤဒီး, ကဘၣ်တၢ်စံၣ်ညီၣ်ဝဲလၢတၢ် တၢ်အိၣ်ဖှိၣ်ရိဖှိၣ်တီတီလိၤလိၤအပူၤန့ၣ်လီၤ. ⁴⁰ အဂ့ၢ်ဒ် အံၤ, တၢ်တၢထီၣ်တၢလီၤအအံၤတနံၤအံၤအဂ့ၢ်အကျိၤ, ပကဘၣ်သံကွၢ်သံဒိးသ့ၣ်သ့ၣ်, ဒီးတၢ်အိၣ်ဖှိၣ်ရိဖှိၣ်အံၤ အဂ့ၢ်န့ၣ်, ပစံးဆၢတၢ်တသ့ဘၣ်. ⁴¹ ဒီးစံးတၢ်ဒ်န့ၣ်ဝံၤ ဒီး, ပျၢ်ပှၤအိၣ်ဖှိၣ်တဖၣ်လီၤ.

၂၀

¹ ဒီးတၢ်တၢထီၣ်တၢလီၤ အိၣ်ဘှီၣ်ကလာ်အလီၢ်ခံဒီး, စီၤပီလူးကိးက့ၤ အပျဲၢ်အဘီၣ်ဒီးကတိၤဒိၣ်အီၤ, ဒီးသ ဆၣ်ထီၣ်အခံဝံၤဒီး, ဟးထီၣ်ကွံာ်ဒ်သိးအကလဲၤဆူမၤ က့းဒနံလီၤ. ² ဒီးလဲၤခီဂာ်ထံဧိၤကီၢ်ဧိၤ, ဒီးသဆၣ်ထီၣ် ပှၤအခံလၢတၢ်ကတိၤအါဝံၤဒီး, ဟဲဝဲဆူ ကီၢ်ဟ့းလ့ၣ် လီၤ. ³ ဒီးအိၣ်ဖဲန့ၣ်သၢလါညါ, ဒီးသါကဒိးထီၣ်ကဘီ ဒီးလဲၤဆူကီၢ်စူၤရံ, ဒီးမ့ၢ်ပှၤယူဒၤဖိ အတၢ်ကူၣ်အၢဒီး, ပာ်အသးလၢအကက့ၤခီဂာ်မၤက့းဒနံလီၤ. ⁴ ဒီးပှၤဘ့း ရံၤဖိ, စီၤပူရူးအဖိခွါ, စီၤစိပၤတြူး, ဒီးပှၤသ့းစၤလနံဖိ, စီၤအရံစတၢ်ဃူး, ဒီးစီၤစ့းကူၣ်ဒူး, ဒီးပှၤဒ့ၢ်ဘ့ၤဖိစီၤကါ ယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူး, ဒီးစီၤ တြီးဖံၤမူးသ့ၣ်တဖၣ် လဲၤပိာ်အခံပၢၢ်လၢအၤစံလီၤ. ⁵ ဒီး အဝဲသ့ၣ်တဖၣ်လဲၤပာ်ဝဲ, ဒီးဆူလၢ်ဟူပှၤလၢတြိၤအါအ ပူၤလီၤ. ⁶ ဒီးဘူၣ်ကိၣ်တဘၣ်ဒီး ကိၣ်မံၣ်အနံၤအသီပူၤ ကွံာ်ဒီး, ပဒိးထီၣ်ကဘီဒီးပဟးထီၣ်လၢဖံလံးပံးအပူၤဒီး ပလဲၤတုၤလၢအဝဲသ့ၣ်အအိၣ်ဖဲတြိၤအါ, လၢယဲၢ်နံၤအ တီၢ်ပူၤ, ဒီးပအိၣ်ဖဲန့ၣ်နွံနံၤလီၤ. ⁷ ဒီးနွံနံၤအကျါမုၢ်ခီၣ်ထံးန့ၣ်, ပအိၣ်ဖှိၣ်ရိဖှိၣ်ဒ်သိးကစိၢ်ဘျဲးကိၣ်, ဒီးစီၤပီလူးသါကဟးထီၣ်လၢမုၢ်ဆ့ၣ်ထီၣ်တနံၤသတးဒီး, စံၣ်တဲၤတဲလီၤတၢ်တုၤလၢဖးဖီမုၢ်လီၤ.―

⁸ ဒီးမ့ၣ်အူဒၢအိၣ်အါဖျၢၣ် လၢပအိၣ်ဖှိၣ်ရိဖှိၣ် အဒၢးလၢ တၢ်ထီၣ်ထီတတီၤအပူၤလီၤ. ⁹ ဒီးပှၤဖိၣ်သၣ်ခွါ စီၤအူ တူၤဃူးတဂၤ, ဆ့ၣ်နီၤဝဲလၢတြဲၤနါဟိအပူၤဒီးမံသပ့ၤဝဲ ယိာ်, ဒီးစီၤပီလူးစံၣ်တဲၤတဲလီၤတၢ်ဃဲးဃဲးဒီး, မ့ၢ်အမံ သပ့ၤဝဲဒီး, လီၤတဲာ်ဝဲလၢဟံၣ်အသၢတီၤတတီၤန့ၣ်, ဆူ ကိာ်လာ်ဒ့ဒီးသံဝဲ, ဒီးပှၤဟံးထီၣ်က့ၤအီၤလီၤ. ¹⁰ ဒီးစီၤ ပီလူးယုၢ်လီၤ, ဒီးမံလီၤဝဲလၢအဖီခိၣ်, ဒီးဖိးဟုအီၤဒီးစံး ဝဲဒၣ်, သီၣ်ကလာ်တဂ့ၤ. အဂ့ၢ်ဒ်အံၤ, အသးသမူအိၣ် လၢအပူၤလီၤ. ¹¹ ဒီးက့ၤထီၣ်က့ၤဒီးစိၢ်ဘျဲးကိၣ်, ဒီးအီၣ် တၢ်, ဒီးကတိၤတၢ်ဃဲးဃဲးတုၤမုၢ်ဆ့ၣ်ဝါထီၣ်ဒီး, ဟး ထီၣ်ဝဲဒ်န့ၣ်လီၤ. ¹² ဒီးပှၤဟဲစိာ်ထီၣ်ပှၤဖိၣ်သၣ်ခွါအိၣ်ဒီး အသးသမူဒီး, အိၣ်ခုၣ်အိၣ်မုာ်တဆံးတစှၤဘၣ်လီၤ.

¹³ ဒီးပဝဲဒၣ်အံၤ, ပလဲၤဒိးထီၣ်ပာ်ကဘီဒီးပလဲၤဆူအၣ် စူး, ဒီးပဆိကမိၣ်လၢပကဒိးန့ၢ်စီၤပီလူးဖဲန့ၣ်လီၤ. အဂ့ၢ် ဒ်အံၤ, သါကလဲၤလၢအခီၣ်ဆူန့ၣ်, ဒီးမၤလိာ်ဝဲဒ်န့ၣ် လီၤ. ¹⁴ ဒီးတုၤပသဂၢၢ်အီၤလၢအၣ်စူးဒီး, ပဒိးန့ၢ်က့ၤအီၤ ဒီးပလဲၤဆူမ့ၤတိၤလ့န့ၣ်လီၤ. ¹⁵ ဒီးပဟးထီၣ်ဖဲန့ၣ်, ဒီး မုၢ်ဆ့ၣ်ထီၣ်တနံၤန့ၣ်, ပလဲၤပၢၢ်လၢတၢ်အိၣ်သဃီၤဒီး ဃံအူးလီၤ. ဒီးမုၢ်ဆ့ၣ်ထီၣ်တနံၤန့ၣ်, ပလဲၤပၢၢ်လၢစါမူး, ဒီးပအိၣ်ကတီၢ်လၢတြိၤကူးလံအပူၤ, ဒီးမုၢ်ဆ့ၣ်ထီၣ်တ နံၤန့ၣ်ပလဲၤဆူမံလ့ၤတူးလီၤ. ¹⁶ အဂ့ၢ်ဒ်အံၤ, စီၤပီလူး ပာ်လီၤအသးလၢအကလဲၤပူၤကွံာ် အ့းဖ့းစူးဒ်သိးအသု တအိၣ်ဃဲးဃဲးလၢအၤစံအပူၤတဂ့ၤလီၤ. အဂ့ၢ်ဒ်အံၤ, ဂုာ် လဲၤဝဲဒ်သိးမ့ၢ်သ့ဒီး, ကတုၤလၢယရူၤၡလ့ၣ်ဖဲဘူၣ်ယဲၢ် ဆံနံၤတနံၤလီၤ.

¹⁷ ဒီးလၢမံလ့ၤတူးအပူၤန့ၣ်, မၢပှၤလဲၤကိးက့ၤတၢ်အိၣ် ဖှိၣ်အသူၣ်က့သးပှၢ်လၢအ့းဖ့းစူးအပူၤလီၤ. ¹⁸ ဒီးတုၤအ ဝဲသ့ၣ်ဟဲတုၤလၢအအိၣ်ဒီး, အဝဲဒၣ်စံးဘၣ်အီၤ, လၢမုၢ် နံၤအခီၣ်ထံးလၢယဟဲတုၤလၢအၤစံလံၤလံၤ, ယမၤထီ ဘိလၢသုကျါဒ်လဲၣ်ဒ်လဲၣ်န့ၣ်, သုသ့ၣ်ညါသုဝဲလီၤ.―

¹⁹ ယမၤကစၢ်အတၢ် အိၣ်ဒီးတၢ်ဆီၣ်လီၤယသး တုၤအ လၢာ်, ဒီးယမဲာ်ထံလီၤ, ဒီးတၢ်လ့ပစီလၢအဘၣ်ယၤ လၢပှၤယူဒၤဖိကူၣ်ထီဒါယၤအဃိလီၤ. ²⁰ ဒီးလၢတၢ်က မၤအါထီၣ်သုဘျုးသုဖှိၣ်န့ၣ် ယတပာ်ခူသူၣ်တၢ်နီတမံၤ ဘၣ်. ဒီးပှၤဂီၢ်မုၢ်အမဲာ်ညါမ့ၢ်ဂ့ၤ, တဟံၣ်စဲတဟံၣ်, တ ဟံၣ်စဲတဟံၣ်မ့ၢ်ဂ့ၤ, ယစံၣ်တဲၤတဲလီၤသု, ဒီးယသိၣ် က့ၤသီက့ၤသု, ²¹ ဒီးအုၣ်ယသးလၢပှၤယူဒၤဖိဒီးပှၤဟ့း လ့ၣ်ဖိအမဲာ်ညါ, လၢတၢ်ပီၢ်ယၢ်လီၤက့ၤပသးလၢယွၤ အမဲာ်ညါ, ဒီးတၢ်စူၢ်က့ၤနာ်က့ၤပကစၢ်ယ့ၣ်ရှူးခရံာ်အ ဂ့ၢ်အကျိၤဒ်လဲၣ်ဒ်လဲၣ်န့ၣ် (သုသ့ၣ်ညါ) လီၤ.

²² ဒီးခဲကနံၣ်အံၤကွၢ်ကွၢ်, ယဘၣ်စၢဃာ်လၢသးန့ၣ်, ဒီးယလဲၤဆူယရူၤၡလ့ၣ်အပူၤလီၤ. ဒီးဖဲန့ၣ်တၢ်ကဘၣ် ယၤဒ်လဲၣ်ဒ်လဲၣ်န့ၣ်, ယတသ့ၣ်ညါဘၣ်. ²³ မ့ၢ်နာ်သက့ ဒ်န့ၣ်ဒီးသးစီဆှံလၢဝ့ၢ်ကိးဖျၢၣ်ဒဲးန့ၣ်, အုၣ်အသးလၢ ယၤ, လီၤတံၢ်လီၤဆဲး, ဒီးစံးလၢတၢ်စၢဃာ်ဒီးတၢ်နးတၢ် ဖှီၣ်ဆူလၢ်ဟူယၤလီၤ. ²⁴ ဘၣ်ဆၣ်ဒီးယတပာ်ဘၣ်တၢ် န့ၣ်တဖၣ်လၢတၢ်နီတမံၤဘၣ်, ဒီးယတပာ်ဘၣ်ယသး သမူလၢတၢ်လုၢ်ဒိၣ်ပှ့ၤဒိၣ်လၢယဂီၢ်ဒၣ်ယဲ, ဒ်သိးယက မၤဝံၤ ယတၢ်ဃ့ၢ်အိၣ်ဒီးတၢ်သးခု, ဒီးတၢ်အခ့အပှၤအ တၢ်မၤလၢယဒိးန့ၢ်လၢကစၢ်ယ့ၣ်ရှူးခရံာ်, လၢယကအုၣ် ယသးလီၤတံၢ်လီၤဆဲး လၢယွၤအဘျုးအဖှိၣ်အတၢ်သး ခုအကစီၣ်န့ၣ်အဂ့ၢ်လီၤ.

²⁵ ဒီးခဲကနံၣ်အံၤ, ကွၢ်ကွၢ်သုဝဲဒၣ်ခဲလၢာ်လၢယလဲၤဝ့ၤ ဝီၤတၢ်လၢသုကျါ, ဒီးစံၣ်တဲၤတဲလီၤယွၤအဘီအမုၢ်န့ၣ်, ယသ့ၣ်ညါလၢသုတထံၣ်လၢၤဘၣ်ယမဲာ်ဘၣ်. ²⁶ မ်ဒ်န့ၣ် ဒီးအအံၤတနံၤအံၤ, ယအုၣ်ယသးလၢသုမဲာ်ညါလၢယ ကဆှီဒီးပှၤကညီအသွံၣ်ကိးဂၤဒဲးလီၤ. ²⁷ အဂ့ၢ်ဒ်အံၤ, ယ တဟးဆှဲးစံၣ်တဲၤတဲလီၤသုလၢ ယွၤအတၢ်ကူၣ်တၢ်ဖး နီတမံၤဘၣ်.

²⁸ မၤသးဒ်န့ၣ်ဒီးကွၢ်လီၤသုသး, ဒီးသိတဖုခဲလၢာ်လၢ သးစီဆှံပာ်သုလၢ ပှၤကွၢ်အီၤန့ၣ်, ဒ်သိးသုကအံးက့ၤ ကွၢ်က့ၤယွၤအတၢ်အိၣ်ဖှိၣ် လၢအပှ့ၤက့ၤဝဲ လၢအသွံၣ် ဒၣ်ဝဲန့ၣ်တက့ၢ်. ²⁹ အဂ့ၢ်ဒ်အံၤ, ယသ့ၣ်ညါတၢ်အံၤ, တုၤ ယလဲၤတၢ်အလီၢ်ခံဒီး, ထွံၣ်မံၤဒူလၢ အတသးလီဘၣ် သိဂီၢ်မုၢ်တဖၣ်န့ၣ်, ကဟဲနုာ်လၢသုကျါလီၤ. ³⁰ ဒီးပှၤက ဂဲၤဆၢထၢၣ်လၢသုကျါဒၣ်သုဝဲ, ဒီးစံၣ်တဲၤတဲလီၤတၢ် လၢအဒၢက့ၣ်တဖၣ်, ဒ်သိးအပျဲၢ်အဘီၣ်ကပိာ်အခံလီၤ.―

³¹ မၤသးဒ်န့ၣ်ဒီးဆိးသီတက့ၢ်. ဒီးသ့ၣ်နီၣ်ထီၣ်လၢယတ ဆိတ့ၢ်ဘၣ်ဒီး, ယသိၣ်က့ၤသီက့ၤသု, အိၣ်ဒီးမဲာ်ထံမဲာ်နိ, သၢနံၣ်ညါ, လၢမုၢ်ဆါဆဲးလၢမုၢ်နၤ, ကိးဂၤဒဲးတက့ၢ်.

³² ဒီးခဲကနံၣ်အံၤပုၢ်သ့ၣ်ဝဲၢ်သ့ၣ်ဧၢ, ယပာ်သုလၢယွၤအ ပူၤ, ဒီးလၢအဘျုးအဖှိၣ်အကလုၢ်အကထါအပူၤလၢအ မၤထီၣ်မၤထီသုဒီးဟ့ၣ်သါသု တၢ်လၢကယဲၢ်ပှၤစီဆှံအ ကျါသ့လီၤ. ³³ ယတသးကွံဘၣ်ပှၤထူမ့ၢ်ဂ့ၤ, ပှၤစ့မ့ၢ်ဂ့ၤ, ပှၤကူပှၤသိးမ့ၢ်ဂ့ၤ, နီတဂၤဘၣ်. ³⁴ သုသ့ၣ်ညါဒၣ်သုဝဲ, လၢယစုအံၤမၤန့ၢ်တၢ်လၢယဂီၢ်ဒီး လၢပှၤအိၣ်ဒီးယၤအ ဂီၢ်လီၤ. ³⁵ ဒ်န့ၣ်အသိး ယဒုးနဲၣ်သုလၢတၢ်ကိးမံၤဒဲးလၢ သုဂ့ၤမၤတၢ်, ဒီးမၤစၢၤ ပှၤအဂံၢ်စၢ်ဘါစၢ်, ဒီးသ့ၣ်နီၣ် ထီၣ်ကစၢ်ယ့ၣ်ရှူးအကလုၢ်အကထါ, လၢအကစၢ်ဒၣ်ဝဲ စံးလၢဟ့ၣ်တၢ်န့ၣ် ဘၣ်တၢ်ဆိၣ်ဂ့ၤအါန့ၢ်ဒိးန့ၢ်တၢ်တ က့ၢ်လီၤ.

³⁶ ဒီးစံးတၢ်ဒ်န့ၣ်ဒီး, ချံးလီၤအခီၣ်, ဒီးဘါထုကဖၣ်တၢ် ဒီးပှၤခဲလၢာ်လီၤ. ³⁷ ဒီးအဝဲသ့ၣ်ခဲလၢာ်ဟီၣ်ဝဲအါအါက လဲာ်, ဒီးထိၣ်လီၤတီၢ်အသးလၢစီၤပီလူးအကိာ်, ဒီးနၢ မူအီၤလီၤ. ဒီးအသူၣ်အုးသးအုးဒိၣ်ကတၢၢ်, လၢအတၢ် ကတိၤလၢအစံးတ့ၢ်ဝဲ, လၢအဝဲသ့ၣ်တထံၣ်လၢၤဘၣ်အ မဲာ်ဘၣ်အဃိလီၤ. ³⁸ ဒီးလဲၤဆှၢအီၤဆူကဘီပူၤလီၤ.

၂၁

¹ ဒီးတုၤတၢ်မၤအသးလၢပဟးဖးဒီး ပှၤတဖၣ်န့ၣ်ဝံၤဒီး, ပဒိးထီၣ်ကဘီ, ဒီးပလဲၤစၢၢ်ဆၢဆူကိၣ်, ဒီးမုၢ်ဆ့ၣ်ထီၣ် တနံၤ, ဆူရဒူး, ဒီးပဟးထီၣ်ဖဲန့ၣ်ဆူဝ့ၢ်ပတါရါလီၤ.― ² ဒီးပထံၣ်န့ၢ်ကဘီတဘ့ၣ် လၢအလဲၤခီဂာ်တၢ်ဆူဖံၤနံက့ၤဒီး, ပလဲၤထီၣ်ဆူအပူၤ, ဒီးပဟးထီၣ်ကွံာ်ဖဲန့ၣ်လီၤ.―

³ ဒီးကီးကူပြူးအိၣ်ဖျါထီၣ်, ဒီးပလဲၤသဒၣ်အီၤလၢပစုစ့ၣ် တခီ, ဒီးပလဲၤဆူစူၤရံ, ဒီးပထိးထီၣ်လၢစိၢ်လီၤ. အဂ့ၢ်ဒ် အံၤ, ပှၤဘၣ်ပာ်လီၤကွံာ် တၢ်ပဒၢးလၢကဘီပူၤဖဲန့ၣ် လီၤ. ⁴ ဒီးပဃုန့ၢ်အပျဲၢ်အဘီၣ်တဖၣ်န့ၣ်ဝံၤဒီး, ပအိၣ်ဖဲ န့ၣ်နွံသီလီၤ. ဒီးအဝဲသ့ၣ်တဖၣ်စံးဘၣ်စီၤပီလူးလၢသး န့ၣ်, လၢအသုတလဲၤထီၣ်ဆူဝ့ၢ်ယရူၤၡလ့ၣ်တဂ့ၤလီၤ.

⁵ ဒီးတုၤတၢ်မၤအသးလၢ အနံၤအသီတဖၣ်န့ၣ်ပှဲၤထီၣ် ဒီး, ပဟးထီၣ်ဒီးလဲၤတၢ်လီၤ. ဒီးပှၤခဲလၢာ်, ဒီးအဖိအမါ, ဒီးအဖိအလံၤသ့ၣ်တဖၣ် ဆှၢပှၤပၢၢ်လၢဝ့ၢ်အချၢ, ဒီးပ ချံးလီၤပခီၣ်လၢထံနံၤဒီးဘါထုကဖၣ်တၢ်လီၤ. ⁶ ဒီးပက တိၤဒိၣ်လိာ်ပသးဝံၤဒီး, ပလဲၤထီၣ်ဆူကဘီပူၤ, ဒီးအဝဲ သ့ၣ်က့ၤက့ၤဆူအဟံၣ်လီၤ.

⁷ ဒီးပလဲၤဒိးကဘီန့ၣ်ဒီး, ပဟဲလီၤလၢစိၢ် ပၢၢ်လၢပတ လ့းမဲ, ဒီးပကတိၤဒိၣ်ပဒီပုၢ်ဝဲၢ်ဖဲန့ၣ်, ဒီးပအိၣ်ဒီးအီၤတ နံၤလီၤ. ⁸ ဒီးမုၢ်ဆ့ၣ်ထီၣ်တနံၤန့ၣ်ပဟးထီၣ်, ဒီးပလဲၤ ပၢၢ်လၢကဲၤစါရံၤလီၤ. ဒီးပလဲၤနုာ်လၢပှၤစံၣ်တဲၤတဲလီၤ တၢ်သးခုအကစီၣ်, စီၤဖံလံးပူး, လၢအအိၣ်လၢပှၤနွံဂၤ န့ၣ်အကျါတဂၤ, အဟံၣ်, ဒီးပအိၣ်ဒီးအီၤလီၤ. ⁹ ဒီးအဝဲ တဂၤန့ၣ်အဖိမုၣ်ကနီၤ လၢအကတိၤတၢ်လၢဝံအကျိာ် အိၣ်လွံၢ်ဂၤလီၤ.

¹⁰ ဒီးပအိၣ်ဖဲန့ၣ်အါနံၤအါသီ, ဒီးဝံတဂၤအမံၤမ့ၢ်စီၤအ ကၤဘူး, ဟဲလီၤလၢကီၢ်ယူဒၤလီၤ. ¹¹ ဒီးအဝဲဒၣ်န့ၣ်ဟဲ ဆူပအိၣ်, ဒီးဟံးန့ၢ်စီၤပီလူးအယီၢ်တကိး, ဒီးစၢဃာ် အစုဒီးအခီၣ်ဒၣ်ဝဲ, ဒီးစံးဝဲဒၣ်, သးစီဆှံစံးဝဲဒ်အံၤ, ပှၤယူ ဒၤဖိအိၣ်လၢဝ့ၢ်ယရူၤၡလ့ၣ်အပူၤ, ကစၢဃာ်ယီၢ်တကိး အံၤအကစၢ်, ဒ်အံၤအသိး, ဒီးကဟ့ၣ်လီၤကွံာ်အီၤဆူ ပှၤကလုာ်တဖၣ်အစုပူၤလီၤ. ¹² ဒီးတၢ်န့ၣ်တဖၣ်တုၤပနၢ် ဟူဒီး, ပဝဲဒၣ်, ဒီးပှၤဖဲန့ၣ်, ဃ့ကညးအီၤဒ်သိးအသုတ လဲၤထီၣ်ဆူယရူၤၡလ့ၣ်တဂ့ၤလီၤ. ¹³ တုၤနုၤတစုစီၤပီလူး စံးဆၢတၢ်ဒီးစံးဝဲဒၣ်, သုဟီၣ်, ဒီးမၤကၢ်မၤလီၤယသး ဘၣ်မနုၤလဲၣ်. အဂ့ၢ်ဒ်အံၤ, ဒ်သိးယကဘၣ်တၢ်စၢဃာ် လၢယရူၤၡလ့ၣ်အပူၤ, အခိၣ်တလိာ်ဒ်သိးယကဘၣ်သံ လၢကစၢ်ယ့ၣ်ရှူးအမံၤအဃိဒီး, ယအိၣ်ကတဲာ်ကတီၤ

¹⁴ ယသးလီၤ. ဒီးပသဆၣ်ထီၣ်အခံတန့ၢ်ဘၣ်ဒီး, ပဆိတ့ၢ် ဒီးပစံး, မ်တၢ်မၤအသးဖဲယွၤအသးန့ၣ်တက့ၢ်.

¹⁵ ဒီးအနံၤအသီတဖၣ်န့ၣ်ပူၤကွံာ်ဒီး, ပကတဲာ်ကတီၤပ တၢ်ဖိတၢ်လံၤဝံၤဒီးပလဲၤထီၣ်ဆူယရူၤၡလ့ၣ်လီၤ. ¹⁶ ဒီးပှၤ ကဲၤစါရံၤဖိအပျဲၢ်အဘီၣ်တနီၤနီၤလဲၤဃုာ်ဒီးပှၤ, ဒီးဆှၢ ပှၤဆူပှၤကူပြူးဖိအပျဲၢ်အဘီၣ်လီၢ်လံၤ စီၤမနါစိၣ်တဂၤ လၢပကအိၣ်တမှံၤလၢအအိၣ်လီၤ.

¹⁷ ဒီးတုၤပတုၤလၢယရူၤၡလ့ၣ်ဒီး, ပှၤဒီပုၢ်ဝဲၢ်အသူၣ်ခု အသးခု, ဒီးတူၢ်လိာ်ပှၤလီၤ. ¹⁸ ဒီးမုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဆူ စီၤယၤကိာ်အအိၣ်, ဒီးပှၤသူၣ်က့ သးပှၢ်အိၣ်ဝဲလီၤ. ¹⁹ ဒီးကတိၤဒိၣ်အဝဲသ့ၣ်ဝံၤဒီးစံၣ်တဲၤ တဲလီၤတၢ်တမံၤစဲတမံၤ တမံၤစဲတမံၤ, လၢယွၤမၤလၢ အစုပူၤလၢပှၤကလုာ်တဖၣ်အကျါလီၤ.

²⁰ ဒီးအဝဲသ့ၣ်နၢ်ဟူတၢ်ဒီး စံးထီၣ်ပတြၢၤယွၤ, ဒီးစံး ဘၣ်အီၤ, ဒီပုၢ်ဝဲၢ်ဧၢ, ပှၤယူဒၤဖိလၢအစူၢ်က့ၤနာ်က့ၤတၢ် တဖၣ်အိၣ်ပှၤ ပှံၤကလးပှံၤကလးလဲၣ်န့ၣ်, နသ့ၣ်ညါ လီၤ. ဒီးအဝဲသ့ၣ်ခဲလၢာ်ဂဲၤလိာ်အသးလၢတၢ်သိၣ်တၢ် သီန့ၣ်လီၤ. ²¹ ဒီးနၢ်ဟူဝဲလၢနဂ့ၢ်လၢနသိၣ်က့ၤသီက့ၤပှၤ ယူဒၤဖိ, အိၣ်လၢပှၤကလုာ်တဖၣ်အကျါ, ဒ်သိးအကညိ ကွံာ်စီၤမိၤရှ့, ဒီးလၢနစံးဘၣ်အီၤ, ကူးတရံးသုဖိတဂ့ၤ, ဒီး လဲၤဒ်အလုၢ်အလၢ်အသိးတဂ့ၤန့ၣ်လီၤ. ²² မၤသးဒ်န့ၣ်ဒီး ပကမၤဒ်လဲၣ်. ပှၤဂီၢ်မုၢ်ကအိၣ်ဖှိၣ်ရိဖှိၣ်သပှၢ်တၢၢ်လီၤ. အဂ့ၢ်ဒ်အံၤ, ကနၢ်ဟူလၢနဟဲန့ၣ်လီၤ. ²³ မၤသးဒ်န့ၣ်ဒီး, မၤဒ်ပစံးဘၣ်နၤအသိးတက့ၢ်. ပှၤလၢအဆိၣ်လီၤအသး အိၣ်ဒီးပှၤလွံၢ်ဂၤလီၤ. ²⁴ အဝဲသ့ၣ်တဖၣ်န့ၣ်, ဟံးန့ၢ်ဒီးန ကစၢ်ဒၣ်နဲ, ဒီးမၤကဆှီနသးဒီးအီၤ, ဒီးလိးစ့လၢအဂီၢ်ဒ် သိးအကလူၤအခိၣ်တက့ၢ်. ဒီးပှၤခဲလၢာ်ကသ့ၣ်ညါလၢ တၢ်လၢအနၢ်ဟူလၢနဂ့ၢ်နကျိၤတဖၣ်န့ၣ်, တမ့ၢ်ဘၣ်တၢ် ဘၣ်. မ့မ့ၢ်နလဲၤတၢ်နကစၢ်ဒၣ်နဲကစီဒီ. ဒီးနတိၢ်တၢ် သိၣ်တၢ်သီလီၤ. ²⁵ ဖဲအဘၣ်ဃးဒီးပှၤကလုာ်တဖၣ်လၢ အစူၢ်က့ၤနာ်က့ၤတဖၣ်န့ၣ်, ပကွဲးတၢ်ဒီးပစံၣ်ညီၣ်လၢအ တိၢ်တၢ်ဒ်အံၤအသိး အလီၢ်တအိၣ်ဘၣ်. မ့ၢ်ထဲလၢအ ဘၣ်ဟးဆှဲးတၢ်လုၢ်လၢတၢ်ဂီၤ, ဒီးတၢ်အသွံၣ်, ဒီးတၢ် စံၢ်သံ, ဒီးတၢ်မၤထွဲသးကလုာ်ကလိၤအခံန့ၣ်ဧိၤလီၤ.

²⁶ တုၤနုၤတစု စီၤပီလူးဟံးန့ၢ်ပှၤတဖၣ်န့ၣ်, ဒီးလၢမုၢ် ဆ့ၣ်ထီၣ်တနံၤန့ၣ်, မၤကဆှီထီၣ်အသးဒီးအီၤဝံၤဒီး, လဲၤ နုာ်ဝဲဆူတၢ်လုၢ်အဟံၣ်ပူၤ, ဒီးစံးဘၣ်တဲဘၣ်လၢတၢ်က ဆှီအနံၤအသီကပှဲၤဝဲ, ဖဲတၢ်ကဟဲစိာ်တၢ်မၤဘူၣ်လၢအ ဂီၢ်တဂၤအဂီၢ်တဂၤအဂီၢ်န့ၣ်လီၤ.

²⁷ ဒီးတုၤနွံသီန့ၣ်ကပှဲၤထီၣ်ဒီး, ပှၤယူဒၤဖိလၢအၤစံတ ဖၣ်, ထံၣ်အီၤလၢတၢ်လုၢ်အဟံၣ်ပူၤဒီး, ထိၣ်ဂဲၤထီၣ်ပှၤ ဂီၢ်မုၢ်ခဲလၢာ်, ဒီးပာ်အစုလၢစီၤပီလူးအလိၤ, ²⁸ ဒီးကိးပ သူထီၣ်ဝဲ, ပှၤအံၣ်စရ့လးဖိသ့ၣ်ဧၢ, ဟဲမၤစၢၤတက့ၢ်. ပှၤတဂၤအံၤ မ့ၢ်ပှၤလၢအသိၣ်က့ၤသီက့ၤပှၤကညီခဲလၢာ် တပူၤလၢ်လၢ်, လၢတၢ်ထီဒါပှၤတကလုာ်အံၤ, ဒီးတၢ် သိၣ်တၢ်သီ, ဒီးတၢ်အလီၢ်အံၤလီၤ. ဒီးလၢန့ၣ်အမဲာ်ညါ ဟဲဆှၢပှၤဟ့းလ့ၣ်ဖိဆူတၢ်လုၢ်အဟံၣ်ပူၤ, ဒီးမၤဘၣ်အၢ တၢ်အလီၢ်စီဆှံလီၤ. ²⁹ အဂ့ၢ်ဒ်အံၤ, အဝဲသ့ၣ်ထံၣ်တ့ၢ်ပှၤ အ့းဖ့းစူးဖိစီၤတြီဖံမူးအိၣ်ဒီးအီၤလၢဝ့ၢ်ပူၤ, ဒီးဆိကမိၣ်ဝဲ လၢစီၤပီလူးဟဲဆှၢအီၤဆူ တၢ်လုၢ်အဟံၣ်ပူၤလီၤ. ³⁰ ဒီး တၢ်ဟူးတၢ်ဂဲၤအိၣ်ထီၣ်ဒီဝ့ၢ်ညါ, ဒီးပှၤဂီၢ်မုၢ်ဃ့ၢ်ဖှိၣ်ဒီး ဟံးဃာ်စီၤပီလူး, ဒီးထုးတြူာ်ထီၣ်အီၤလၢတၢ်လုၢ်အ ဟံၣ်ပူၤဆူခိ, ဒီးကးတံာ်ဃာ်တြဲၤတကီၢ်ခါလီၤ.

³¹ ဒီးဃုမၤသံအီၤအဖၢမုၢ်ဒီး, ပှၤသုးဖိတကထိအခိၣ် တဂၤနၢ်ဟူတၢ်အကစီၣ်, လၢယရူၤၡလ့ၣ်တၢထီၣ်တၢ လီၤဒီဝ့ၢ်ညါလီၤ. ³² ဒီးဟံးန့ၢ်ပှၤသုးဖိတဖၣ်, ဒီးသုးဖိ တကယၤအခိၣ်တကီၢ်ခါ, ဒီးဃ့ၢ်လီၤဝဲဆူအအိၣ်လီၤ. ဒီးတုၤအဝဲသ့ၣ်ထံၣ်ပှၤသုးဖိတကထိအခိၣ်ဒီး ပှၤသုးဖိ တဖၣ်ဒီး, တတီၢ်လၢၤဘၣ်စီၤပီလူးဘၣ်. ³³ တုၤနုၤတစု ပှၤသုးဖိတကထိအခိၣ်ဟဲဘူးဒီးဟံးဃာ်အီၤ, ဒီးမၤလိာ် ဝဲဒ်သိးပှၤကစၢဃာ်အီၤဒီးထးသွဲခံဘိလီၤ. ဒီးသံကွၢ်ဝဲ လၢအမ့ၢ်မတၤလဲၣ်, ဒီးမၤတ့ၢ်မနုၤလဲၣ်န့ၣ်လီၤ. ³⁴ ဒီးပှၤ တနီၤနီၤကိးထီၣ်တမံၤ, ဒီးတနီၤနီၤတမံၤဒၣ်, လၢပှၤဂီၢ် မုၢ်အကျါ, ဒီးတၢ်သီၣ်ကလာ်နးနးကလဲာ်, ဒီးသ့ၣ်ညါ တၢ်နီၢ်နီၢ်တသ့ဘၣ်ဒီး, မၤလိာ်ဝဲဒ်သိးပှၤကဆှၢထီၣ်အီၤ ဆူပှၤသုးဖိအဟံၣ်ပူၤလီၤ. ³⁵ ဒီးပှၤဂီၢ်မုၢ်တနံးထီၣ်နးနး ကလဲာ်ဒီး, တုၤအတုၤလၢဃီတၢၢ်ထံးဒီး, ပှၤသုးဖိစိာ် ထီၣ်အီၤလီၤ. ³⁶ အဂ့ၢ်ဒ်အံၤ, ပှၤကညီဂီၢ်မုၢ်ပိာ်ထီၣ်အခံ, ဒီးကိးပသူထီၣ်ဝဲ, မၤထီၣ်ကွံာ်အီၤတက့ၢ်.

³⁷ ဒီးစီၤပီလူး ကဘၣ်တၢ်မိၤအီၤဆူ ပှၤသုးဖိအဟံၣ်ပူၤ အဖၢမုၢ်ဒီး, စံးဘၣ်ပှၤသုးဖိတကထိအခိၣ်, ယကတိၤ တၢ်ဒီးနၤသ့စ့ၢ်ကီးဧါ. ဒီးစံးဝဲဒၣ်, နကတိၤဟ့းလ့ၣ်အ ကျိာ်ဘၣ်ကသ့ဧါ. ³⁸ နမ့ၢ်ပှၤအဲၤကူပတူးဖိတဂၤလၢအ မၤတၢထီၣ်တၢလီၤတၢ်လၢသီ, ဒီးဆှၢထီၣ်တမျာ်လွံၢ် ကထိဆူပှၢ်မုၢ်ကနၢ, တမ့ၢ်ဘၣ်ဧါ. ³⁹ ဒီးစီၤပီလူးစံးဝဲဒၣ်, ယဲဒၣ်အံၤယမ့ၢ်ပှၤယူဒၤဖိဘၣ်ဃးဒီးတၢ်စူး, လၢကံၤလံၤ ကံအပူၤ, ဝ့ၢ်လၢအမံၤတဟူသၣ်တဖျါအပှၤဝ့ၢ်ဖိန့ၣ်တ မ့ၢ်ဘၣ်. ဒီးယဃ့ကညးနၤလၢနကဒုးကတိၤယၤလၢပှၤ ဂီၢ်မုၢ်လီၤ. ⁴⁰ ဒီးတုၤအဒုးကတိၤအီၤဒီး, စီၤပီလူးဆၢထၢၣ် လၢဃီတၢၢ်လိၤ, ဒီးဝံၢ်ဝၢ်အစုဆူပှၤဂီၢ်မုၢ်အအိၣ်, ဒီးတၢ်အိၣ်ဘှီၣ်ကလာ်ဒိၣ်မးဒီး, ကတိၤတၢ်လၢဧ့ၤဘြံၤအကလုၢ်, ဒီးစံးဝဲဒၣ်,―

၂၂

¹ ပှၤပုၢ်သ့ၣ်ဝဲၢ်သ့ၣ်ဒီးပၢ်သ့ၣ်ဧၢ, ယတၢ်ကတိၤပူၤဖျဲး တၢ်လၢသုမဲာ်ညါအံၤ, ကနၣ်ဘၣ်တက့ၢ်. ² ဒီးတုၤအ နၢ်ဟူလၢအစံးဘၣ်အီၤလၢဧ့ၤဘြံၤအကလုၢ်ဒီး, အိၣ်ဘှီၣ် ဝဲအါန့ၢ်အန့ၣ်တက့ၢ်, ဒီးစံးဝဲဒၣ်, ³ ယဲဒၣ်အံၤယမ့ၢ်ပှၤ ယူဒၤဖိအိၣ်ဖျဲၣ်လၢတၢ်စူးလၢကံၤလံၤလံအပူၤ, ဒီးယမၤ လိလံာ်လၢဝ့ၢ်ပူၤအံၤ လၢစီၤကမၤလ့လးအခီၣ်ထံး, ဒီး ယဘၣ်တၢ်သိၣ်တၢ်သီလၢ ပပၢ်သ့ၣ်အလုၢ်အလၢ်လီၤ တံၢ်လီၤဆဲး, ဒီးယဂဲၤလိာ်ယသးလၢယွၤအပူၤဒ်သုဝဲခဲ ကနံၣ်အံၤခဲလၢာ်အသိးန့ၣ်လီၤ. ⁴ ဒီးယစၢဃာ် ပှၤပိာ် မုၣ်, ဒီးပိာ်ခွါ, ဒီးယဒၢနုာ်အီၤလၢဃိာ်ပူၤ, ဒီးယမၤအၢ ကျဲအံၤပၢၢ်လၢတၢ်မၤသံ, ⁵ ဒ်ပှၤလုၢ်တၢ်အခိၣ်, ဒီးပှၤ သူၣ်က့သးပှၢ်ခဲလၢာ်ကအုၣ်အသးလၢယဂီၢ်အသိး, ဒီး ယဒိးန့ၢ်လံာ်လၢအီၤဆူပှၤဒီပုၢ်ဝဲၢ်, ဒီးယလဲၤဆူဒၤမ့ၤစ့း ဒ်သိးယကမိၤန့ၢ် ပှၤအိၣ်ဖဲန့ၣ် ဘၣ်စၢဃာ်ဆူယရူၤၡ လ့ၣ်ဒ်သိးအကဘၣ်တၢ်စံၣ်ညီၣ်လီၤ.

⁶ ဒီးတၢ်မၤအသးလၢယလဲၤတၢ်အဖၢမုၢ်, ဒီးဘူးထီၣ်ဒီး ဒၤမ့ၤစ့းဒီးလၢမုၢ်ထူၣ်ဃၣ်ဃၣ်န့ၣ်, တၢ်ကပီၤဖးဒိၣ်လၢ မူခိၣ်, ကပီၤထီၣ်ဝးတရံးယၤသလ့ၢ်ကလာ်လီၤ. ⁷ ဒီး ယလီၤဃံၤလၢဟီၣ်ခိၣ်အဖီခိၣ်, ဒီးယနၢ်ဟူတၢ်ကလုၢ် သီၣ်စံးဘၣ်ယၤ, စီၤစီလူးဧၢ, စီၤစီလူးဧၢ, နမၤအၤမၤ သီယၤဘၣ်မနုၤလဲၣ်. ⁸ ဒီးယစံးဆၢ, ကစၢ်ဧၢ, နမ့ၢ်မ တၤတဂၤလဲၣ်. ဒီးစံးဘၣ်ယၤ, ယမ့ၢ်ပှၤနစၤရ့းဖိယ့ၣ်ရှူး လၢနမၤအၢမၤသီအီၤလီၤ. ⁹ ဒီးပှၤအိၣ်ဒီးယၤတဖၣ်ထံၣ် တၢ်ကပီၤ, ဒီးပျံၤတၢ်လီၤ. မ့မ့ၢ်ပှၤကတိၤတၢ်ဒီးယၤအ ကလုၢ်န့ၣ်, တနၢ်ဟူဘၣ်ဝဲဘၣ်. ¹⁰ ဒီးယစံး, ကစၢ်ဧၢ, ယကမၤမနုၤလဲၣ်. ဒီးကစၢ်န့ၣ်စံးဘၣ်ယၤ, ဂဲၤဆၢထၢၣ် ဒီးလဲၤဆူဒၤမ့ၤစ့းအပူၤ, ဒီးတၢ်မၤလၢတၢ်ပာ်ဝဲလၢနဘၣ် မၤအီၤန့ၣ်, တၢ်ကစံးဘၣ်တဲဘၣ်နၤဖဲန့ၣ်ခဲလၢာ်လီၤ.

¹¹ ဒီးတုၤယထံၣ်တၢ်တသ့ဘၣ် လၢတၢ်ကပီၤကယဲၢ်က ယူာ်အဃိဒီး, ပှၤအိၣ်ဒီးယၤတဖၣ်ဆှၢယၤလၢအစုဆူဒၤ မ့ၤစ့းအပူၤလီၤ. ¹² ဒီးမတၤတဂၤလၢအယူးယီၣ်ယွၤဒ်တၢ် သိၣ်တၢ်သီအသိး, ဒီးဘၣ်တၢ်လၤကပီၤလၢပှၤယူဒၤဖိ အိၣ်ဖဲန့ၣ်ခဲလၢာ်, စီၤအနၤနံတဂၤ, ¹³ ဟဲဆၢထၢၣ်လၢယ အိၣ်ဒီးစံးဘၣ်ယၤ, ဒီပုၢ်ဝဲၢ်စီၤစီလူးဧၢ, ထံၣ်ထီၣ်က့ၤတၢ် တက့ၢ်. ဒီးယကွၢ်ထီၣ်အီၤတစုဃီဖဲန့ၣ်လီၤ. ¹⁴ ဒီးစံးဝဲဒၣ်, ပပၢ်သ့ၣ်အကစၢ်ဃုထၢနၤဒ်သိးနကသ့ၣ်ညါအသး, ဒီး နကထံၣ်ဘၣ်ပှၤတီပှၤလိၤတဂၤ, ဒီးနကနၢ်ဟူဘၣ်တၢ် အကလုၢ်သီၣ်လၢအထးခိၣ်လီၤ. ¹⁵ အဂ့ၢ်ဒ်အံၤ, နကကဲ ထီၣ်အပှၤအုၣ်အသးလၢတၢ်လၢနထံၣ်, ဒီးတၢ်လၢနနၢ် ဟူတဖၣ်, လၢပှၤခဲလၢာ်အမဲာ်ညါလီၤ. ¹⁶ ဒီးခဲကနံၣ်အံၤ နဆူလၢ်ဟူတၢ်မနုၤလဲၣ်. ဂဲၤဆၢထၢၣ်, ကိးထီၣ်ကစၢ် အမံၤ, ဒီးဒိးဘျၢ*နသး, ဒီးသ့ကွံာ်နတၢ်ဒဲးဘးတက့ၢ်.

¹⁷ ဒီးတၢ်မၤအသးလၢယဟဲက့ၤဆူယရူၤၡလ့ၣ်, ဒီးယ ဘါထုကဖၣ်တၢ်လၢတၢ်လုၢ်အဟံၣ်ပူၤအဖၢမုၢ်ဒီး, ယ အိၣ်လၢတၢ်ထံၣ်လၢညါခီအပူၤ, ¹⁸ ဒီးယထံၣ်အဝဲဒၣ်စံး ဘၣ်ယၤ, ဟးထီၣ်လၢယရူၤၡလ့ၣ်အပူၤချ့ချ့တက့ၢ်. အ ဂ့ၢ်ဒ်အံၤ, နအုၣ်နသးလၢယဂ့ၢ်န့ၣ်, ပှၤတတူၢ်လိာ်ဘၣ် ဝဲဘၣ်. ¹⁹ ဒီးယစံး, ကစၢ်ဧၢ, အဝဲသ့ၣ်သ့ၣ်ညါလၢယဒၢ နုာ်လၢဃိာ်ပူၤဒီး ယတီၢ်ပှၤလၢအစူၢ်က့ၤနာ်က့ၤနၤတ ဖၣ်လၢကယဲၢ်ဘူၣ်ဘျီၣ်ပူၤလီၤ. ²⁰ ဖဲနပှၤအုၣ်အသးစီၤစ တ့းဖၣ်အသွံၣ် ဘၣ်ဂၢ်လီၤအသးန့ၣ်, ယဆၢထၢၣ်လၢ အဃၢၤ, ဒီးတၢ်မၤသံအီၤန့ၣ်, ယအၢၣ်လီၤအီလီၤ, ဒီးယ ပၢၤပှၤမၤသံအီၤန့ၣ် အကူအသိးလီၤ. ²¹ ဒီးစံးဘၣ်ယၤ, လဲၤတက့ၢ်. ယကမၢနလဲၤလၢအယံၤဆူပှၤကလုာ်တ ဖၣ်အအိၣ်လီၤ. ²² ဒီးဒိကနၣ်ဝဲတုၤလၢတၢ်ကတိၤတထံၣ်န့ၣ်, ဒီးထုထီၣ်အကလုၢ်ဒီးစံးဝဲဒၣ်, ပှၤဒ်အံၤအသိးတဂၤ, မၤကွံာ်အီၤလၢဟီၣ်ခိၣ်ချၢတက့ၢ်. အဂ့ၢ်ဒ်အံၤ, တဂ့ၤမူဘၣ်ဝဲဘၣ်.―

²³ ဒီးကိးပသူထီၣ်ဒီးဘ့ၣ်ကွံာ်အကူအသိး, ဒီးဖှံထီၣ်ဟီၣ် ခိၣ်အကမူၣ်ဆူတၢ်ဖးဖီအဖၢမုၢ်ဒီး, ²⁴ ပှၤသုးဖိတကထိ အခိၣ်တဂၤမၤလိာ်ဝဲ, ဒ်သိးပှၤကမိၤစီၤပီလူးဆူပှၤသုးဖိ အဟံၣ်ပူၤ, ဒီးသမံသမိးအီၤလၢတၢ်တီၢ်တၢ်ဝ့ၤ, ဒ်သိးအ ကသ့ၣ်ညါလၢပှၤကိးထီၣ်တၢ်ထီဒါအီၤဒ်န့ၣ်အဂ့ၢ်လီၤ.

²⁵ ဒီးပှၤစၢထီၣ်အီၤလၢပျံၤတၢ်ဖံးအဖၢမုၢ်ဒီး, စီၤပီလူးစံး ဘၣ်ပှၤသုးဖိတကယၤအခိၣ်လၢအအိၣ်ဆၢထၢၣ်လၢအ ဃၢၤ, ပှၤရိမ့ၤဖိတဘၣ်ဘၣ်တၢ်စံၣ်ညီၣ်ဃၣ်ဘၣ်ဒီး, သု တီၢ်အီၤဘၣ်ကဂ့ၤဧါ. ²⁶ ဒီးတုၤပှၤသုးဖိတကယၤအခိၣ် နၢ်ဟူတၢ်ဒီး, လဲၤစံးဘၣ်ပှၤသုးဖိတကထိအခိၣ်ဒီးစံးဝဲ ဒၣ်, နသါကမၤတၢ်မနုၤလဲၣ်. အဂ့ၢ်ဒ်အံၤ, ပှၤတဂၤအံၤ မ့ၢ်ပှၤရိမ့ၤဖိလီၤ. ²⁷ ဒီးပှၤသုးဖိတကထိအခိၣ်ဟဲဃီၤဒီး စံးဘၣ်အီၤ, နမ့ၢ်ပှၤရိမ့ၤဖိဧါ, စံးဘၣ်ယၤတက့ၢ်. ဒီးစံးဝဲ ဒၣ်, မ့ၢ်ဝဲသၢၣ်, ²⁸ ဒီးပှၤသုးဖိတကထိအခိၣ်န့ၣ်ကတိၤ ဆၢဝဲ, ယဟ့ၣ်စ့လၢအအါဒီး, ယထီၣ်ဘးကီၢ်ဖိအကွီၢ် အံၤလီၤ. ဒီးစီၤပီလူးစံးဝဲဒၣ်, မ့မ့ၢ်ယဲဒၣ်အံၤယအိၣ်ဖျဲၣ် လၢပှၤကီၢ်ဖိအကွီၢ်လီၤ.

²⁹ ဒီးပှၤလၢအသါကသမံသမိးအီၤတဖၣ်, ဟးထီၣ်လၢ အအိၣ်တကီၢ်ခါလီၤ. ဒီးတုၤအသ့ၣ်ညါလီၤတံၢ်လၢအ မ့ၢ်ပှၤရိမ့ၤဖိဒီး, ပှၤသုးဖိတကထိအခိၣ်န့ၣ်ပျံၤတၢ်လၢအ စၢဃာ်အီၤအဃိလီၤ.

³⁰ ဘၣ်ဆၣ်ဒီး လၢမုၢ်ဆ့ၣ်ထီၣ်တနံၤန့ၣ်, မ့ၢ်ပှၤယူဒၤဖိ ပာ်တၢ်ကမၣ်လၢအလိၤ ဒ်လဲၣ်ဒ်လဲၣ်န့ၣ်, တၢ်မိၣ်သ့ၣ် ညါအသးလၢတၢ်နီၢ်နီၢ်ဒီး, ဃ့ၣ်လီၤကွံာ်အပျံၤ, ဒီးမၤ လိာ်ပှၤလုၢ်တၢ်အခိၣ်, ဒီးပှၤသးပှၢ် အတၢ်အိၣ်ဖှိၣ်ခဲ လၢာ်, ဒ်သိးအကဟဲအိၣ်ဖှိၣ်ရိဖှိၣ်လီၤ. ဒီးမိၤလီၤစီၤပီ လူးဒီးပာ်အီၤလၢအမဲာ်ညါလီၤ.

၂၃

¹ ဒီးစီၤပီလူး ကွၢ်ပှၤသးပှၢ်အတၢ်အိၣ်ဖှိၣ်လီၤတံၢ်လီၤ ဆဲးဒီးစံးဝဲဒၣ်, ပှၤဒီပုၢ်ဝဲၢ်သ့ၣ်ဧၢ, ယမၤတၢ်အိၣ်ဒီးယသး လၢအသ့ၣ်ညါဒၣ်တၢ်လၢအဂ့ၤဒီဖျၢၣ်ညါလၢယွၤအမဲာ် ညါ, တုၤမုၢ်မဆါတနံၤအံၤလီၤ.

² ဒီးပှၤလုၢ်တၢ်အခိၣ်, စီၤအနၤနံ, မၤလိာ်ပှၤဆၢထၢၣ် လၢအဃၢၤ, ဒ်သိးအကတီၢ်စီၤပီလူးအထးခိၣ်လီၤ.

³ တုၤနုၤတစုစီၤပီလူး စံးဘၣ်အီၤ, တၢ်ဒူၣ်လၢအဖှူဝါအ သးဧၢ, ယွၤကတီၢ်နၤလီၤ. နဆ့ၣ်နီၤစံၣ်ညီၣ်ယၤဒ် တၢ် သိၣ်တၢ်သီအသိး, ဒီးဖဲအထီဒါတၢ်သိၣ်တၢ်သီအသိး ဒီး, နမၤလိာ်ပှၤကတီၢ်ယၤဧါ.

⁴ ဒီးပှၤဆၢထၢၣ်လၢအဃၢၤစံးဝဲဒၣ်, နဒုၣ်ဒွဲၣ်ယွၤအ ပှၤလုၢ်တၢ်အခိၣ်ဧါ.

⁵ ဒီးစီၤပီလူးစံးဝဲဒၣ်, ဒီပုၢ်ဝဲၢ်သ့ၣ်ဧၢ, အဝဲန့ၣ်မ့ၢ်ပှၤလုၢ် တၢ်အခိၣ်ယတသ့ၣ်ညါဘၣ်. အဂ့ၢ်ဒ်အံၤ, တၢ်ကွဲးအသး, သုပဒိၣ်ပပှၢ်န့ၣ်, သုတစံးအၢအီၤတဂ့ၤ.+ ၂မိၤ. ၂၂း၂၈|Exod.22.28*.

⁶ ဒီးစီၤပီလူးသ့ၣ်ညါလၢပှၤတနီၤနီၤမ့ၢ်ပှၤစးဒူၤကဲ, ဒီး တနီၤမ့ၢ်ပှၤဖၤရံၤၡဲ, ဒီးကိးပသူထီၣ်လၢပှၤသးပှၢ်အတၢ် အိၣ်ဖှိၣ်အပူၤ, ပှၤဒီပုၢ်ဝဲၢ်ဧၢ, ယဲဒၣ်အံၤ, ယမ့ၢ်ပှၤဖၤရံၤၡဲ ဒီးပှၤဖၤရံၤၡဲအဖိခွါလီၤ. လၢတၢ်မုၢ်လၢ်ဒီးပှၤသံဂဲၤဆၢ ထၢၣ်က့ၤအဂ့ၢ်န့ၣ်, ယဘၣ်တၢ်စံၣ်ညီၣ်အံၤလီၤ. ⁷ ဒီးတုၤအစံးတၢ်န့ၣ်ဒီး, ပှၤဖၤရံၤၡဲဒီး ပှၤစးဒူၤကဲဂ့ၢ်လိာ်ဘှီလိာ်အသး, ဒီးပှၤဂီၢ်မုၢ်လီၤဖးလိာ်အသးလီၤ.―

⁸ အဂ့ၢ်ဒ်အံၤ, ပှၤစးဒူၤကဲစံးဝဲလၢပှၤသံတဂဲၤဆၢထၢၣ်က့ၤ ဘၣ်. ဒီးပှၤမူခိၣ်ဖိမ့ၢ်ဂ့ၤ, သးမ့ၢ်ဂ့ၤ, တအိၣ်ဘၣ်ဝဲဘၣ်. မ့မ့ၢ်ပှၤဖၤရံၤၡဲန့ၣ်စံးဝဲလၢအအိၣ်ခံမံၤလၢာ်လီၤ.

⁹ ဒီးပှၤကလာ်ထီၣ်ဖးဒိၣ်, ဒီးပှၤကွဲးလံာ်လၢပှၤဖၤရံၤၡဲ အကျါတဖၣ်, ဂဲၤဆၢထၢၣ်ဒီးတဲးလိာ်ဃိလိာ်အသးဒီး စံးဝဲဒၣ်, ပှၤတဂၤအံၤပတထံၣ်ဘၣ်တၢ်ကမၣ်လၢအလိၤ နီတမံၤဘၣ်. မ့မ့ၢ်သးမ့ၢ်ဂ့ၤ, ကလူးမ့ၢ်ဂ့ၤ, မ့ၢ်ကတိၤတ့ၢ် တၢ်ဒီးအီၤန့ၣ်,+ မ်ပသုတထီဒါယွၤတဂ့ၤ.

¹⁰ ဒီးဂ့ၢ်လိာ်ဘှီလိာ်အသးနးနးကလဲာ်ဒီး, ပှၤသုးဖိတက ထိအခိၣ်န့ၣ် ဘၣ်ယိၣ်လၢအကထုးဆ့ဆိဘၣ်ဖုးစီၤပီ လူး, ဒီးမၤလိာ်ပှၤသုးဖိတဖၣ်ဒ်သိးအကလဲၤလီၤဟံးန့ၢ် ဆူၣ်အီၤလၢတၢ်အသးကံၢ်ပူၤ, ဒီးဟဲဆှၢအီၤဆူပှၤသုးဖိ အဟံၣ်ပူၤလီၤ.

¹¹ ဒီးလၢခံတနၤန့ၣ်, ကစၢ်ဆၢထၢၣ်ဒီးအီၤဒီးစံးဝဲဒၣ်, စီၤပီလူးဧၢ, ပာ်နသးခူတလ့ၢ်တက့ၢ်. အဂ့ၢ်ဒ်အံၤ, ဒ်နအုၣ် နသးလၢယဂီၢ်လၢယရူၤၡလ့ၣ်အပူၤအသိးန့ၣ်, နဘၣ် အုၣ်နသးလၢရိမ့ၤအပူၤဒ်န့ၣ်အသိးလီၤ. ¹² ဒီးမုၢ်ဆ့ၣ်ထီၣ်န့ၣ်, ပှၤယူဒၤဖိတနီၤနီၤအၢၣ်လီၤအီလီၤလိာ်အသး, ဒီးဆိၣ်လီၤဒၣ်အသးဒီးစံးဝဲဒၣ်, သါတချုးမၤသံဒံးဘၣ်စီၤပီလူးဒီး, သါတအီၣ်တအီဘၣ်တၢ်ဘၣ်.― ဒီးပှၤအၢၣ်လီၤအီလီၤတၢ်အံၤ, အိၣ်လွံၢ်ဆံအဘျဲၣ်လီၤ.

¹⁴ ဒီးအဝဲသ့ၣ်တဖၣ်လဲၤဝဲဆူပှၤလုၢ်တၢ်အခိၣ်ဒီးပှၤသူၣ်က့ သးပှၢ်အအိၣ်, ဒီးစံးဝဲဒၣ်, ပဆိၣ်လီၤပသးလၢတၢ်ဆိၣ် အၢလၢပတချုးမၤသံဒံးဘၣ်စီၤပီလူးဒီး, ပတအီၣ်ဘၣ် တၢ်ဘၣ်.

¹⁵ မၤသးဒ်န့ၣ်ဒီး, ခဲကနံၣ်အံၤ, ပာ်သုသးဒ်သုကသ့ၣ်ညါ အဂ့ၢ်အပီၢ်လီၤတံၢ်လီၤဆဲးတက့ၢ်ဒီး, သုဝဲဒၣ်ဒီးပှၤသူၣ် က့သးပှၢ်တဖၣ်, ဃ့ကညးပှၤသုးဖိတကထိအခိၣ်, ဒ်သိး အကဆှၢလီၤအီၤဆူသုအိၣ်တက့ၢ်. ဒီးတချုးအဟဲဘူးဒံး ဘၣ်ဒီး, ပအိၣ်ကတဲာ်ကတီၤပသး ဒ်သိးပကမၤသံအီၤ လီၤ.

¹⁶ ဒီးစီၤပီလူးအဒီပုၢ်ဝဲၢ်မုၣ်အဖိခွါ, နၢ်ဟူလၢတၢ်ခိးခူ သူၣ်, ဒီးလဲၤနုာ်ဝဲဆူပှၤသုးဖိအဟံၣ်, ဒီးစံးဘၣ်တဲဘၣ် စီၤပီလူးလီၤ. ¹⁷ ဒီးစီၤပီလူးကိးန့ၢ်ပှၤသုးဖိတကယၤအခိၣ် တဂၤဆူအအိၣ်ဒီးစံးဝဲဒၣ်, ဆှၢပှၤဖိၣ်သၣ်ခွါတဂၤအံၤဆူ ပှၤသုးဖိတကထိအခိၣ်အအိၣ်တက့ၢ်. အဂ့ၢ်ဒ်အံၤ, က တိၤတၢ်ဒီးအီၤအလီၢ်အိၣ်တမံၤလီၤ. ¹⁸ မၤသးဒ်န့ၣ်ဒီး, ဟံး န့ၢ်အီၤ, ဒီးဆှၢအီၤဆူပှၤသုးဖိတကထိအခိၣ်အအိၣ်ဒီးစံး ဝဲဒၣ်, ပှၤဘၣ်စၢဃာ်စီၤပီလူးကိးယၤဆူအအိၣ်, ဒီးဃ့က ညးယၤ ဒ်သိးယကဆှၢပှၤဖိၣ်သၣ်ခွါတဂၤအံၤဆူနအိၣ်, လၢအကတိၤတၢ်ဒီးနၤအလီၢ်အိၣ်တမံၤလီၤ.

¹⁹ ဒီးပှၤသုးဖိတကထိအခိၣ်န့ၣ်ဟံးန့ၢ်အစု, ဒီးဆှၢအီၤ ဆူတၢ်တဒၢ, ဒီးသံကွၢ်အီၤ, တၢ်လၢနကစံးဘၣ်တဲဘၣ် ယၤန့ၣ်, မ့ၢ်တၢ်မနုၤတမံၤလဲၣ်. ²⁰ ဒီးစံးဝဲဒၣ်, ပှၤယူဒၤဖိတ ဖၣ်အၢၣ်လီၤအီလီၤလၢအကဃ့နၤ, ဒ်သိးနကဆှၢလီၤ စီၤပီလူးဆူပှၤသးပှၢ်အတၢ်အိၣ်ဖှိၣ်အပူၤ, ခဲဂီၤကိာ်, ဒီး ပာ်အသး ဒ်သိးအသါကသံကွၢ်သံဒိးအီၤလီၤတံၢ်လီၤ ဆဲးတက့ၢ်လီၤ. ²¹ မၤသးဒ်န့ၣ်ဒီးသုတအၢၣ်လီၤအီလီၤ အီၤတဂ့ၤ. အဂ့ၢ်ဒ်အံၤ, ပှၤခိးအကျဲဒီးဆိၣ်လီၤအသးလၢ အတချုးမၤသံဒံးဘၣ်အီၤဒီး, သါတအီၣ်တအီဘၣ်တၢ် ဘၣ်, အိၣ်ဝဲလွံၢ်ဆံဂၤအဘျဲၣ်လီၤ. ဒီးခဲကနံၣ်အံၤအိၣ် ကတဲာ်ကတီၤအသးတကူၢ်သ့ၣ်, ဒီးကွၢ်လၢ်နကအၢၣ် လီၤအီလီၤတၢ်အကျဲလီၤ. ²² မၤသးဒ်န့ၣ်ဒီးပှၤသုးဖိတက ထိအခိၣ်ပျၢ်ပှၤဖိၣ်သၣ်ခွါ, ဒီးမၤလိာ်ဝဲ, နသုတစံးဘၣ်တဲ ဘၣ်ပှၤလၢနစံးဘၣ်ယၤတဖၣ်အံၤ, နီတဂၤတဂ့ၤ. ²³ ဒီးပှၤ သုးဖိတကထိအခိၣ်ကိးန့ၢ်ပှၤသုးဖိတကယၤအခိၣ်ခံဂၤ ဆူအအိၣ်ဒီးစံးဝဲဒၣ်, ခဲမုၢ်နၤလၢသၢနၣ်ရံၣ်, ဒ်သိးနက လဲၤဆူကဲၤစါရံၤဒီး, ကတဲာ်ကတီၤပှၤသုးဖိခံကယၤ, ဒီး ပှၤကသ့ၣ်သုးနွံဆံ, ဒီးပှၤဘီသုးခံကယၤ, ²⁴ ဒီးမ်အဟံးန့ၢ် ဆၣ်ဖိကီၢ်ဖိတဒု, လၢအကဒုးဒိးစီၤပီလူး, ဒီးဆှၢအီၤကစီ ဒီဆူပဒိၣ်ဖးဒိၣ်, စီၤဖ့လံးအအိၣ်တက့ၢ်.

²⁵ ဒီးကွဲးလံာ်ဟ့ၣ်ယုၢ်ဒ်အံၤ, ယၤစီၤကျီၤဒံလူၤ စံစံးဘၣ် နၤ, တၢ်ဒိၣ်ကစၢ်, ပဒိၣ်ဖးဒိၣ်စီၤဖ့လံးဧၢ, မ်နအိၣ်ခုၣ်အိၣ် မုာ်တက့ၢ်. ²⁶ ပှၤတဂၤအံၤ, ပှၤယူဒၤဖိဟံးဃာ်အီၤ, ဒီးက မၤသံတ့ၢ်အီၤ, ²⁷ ဒီးယနၢ်ဟူလၢအမ့ၢ်ပှၤရိမ့ၤဖိဒီး, ယလဲၤ ဒီးသုးဖိတဖၣ်, ဒီးယထုးထီၣ်ကွံာ်အီၤလီၤ. ²⁸ ဒီးမ့ၢ်အပာ် တၢ်ကမၣ်လၢအလိၤဒ်လဲၣ်ဒ်လဲၣ်အဂ့ၢ်န့ၣ်, တၢ်မိၣ်သ့ၣ် ညါယသးဒီး, ယလဲၤစိာ်အီၤဆူအပှၤသးပှၢ်အတၢ်အိၣ် ဖှိၣ်အပူၤလီၤ. ²⁹ ဒီးယထံၣ်န့ၢ်တၢ်ပာ်တၢ်ကမၣ်လၢအ လိၤန့ၣ်, ဘၣ်ဃးဒီးတၢ်သံကွၢ်လၢအဝဲသ့ၣ်အတၢ်သိၣ် တၢ်သီအဂ့ၢ်, ဒီးတမ့ၢ်ဘၣ်တၢ်ဂ့ၤဘၣ်သံမ့ၢ်ဂ့ၤ, ဘၣ်စၢ ဃာ်မ့ၢ်ဂ့ၤ, နီတမံၤဘၣ်. ³⁰ ဒီးယနၢ်ဟူလၢတၢ်ကူၣ်အၢပှၤ တဂၤန့ၣ်ဘူးဒီးအကကဲထီၣ်ဝဲဒီး, ယမၢအလဲၤဆူနအိၣ် တကီၢ်ခါ, ဒီးယမၤလိာ်ပှၤပာ်တၢ်ကမၣ်လၢအလိၤတဖၣ် ဒ်သိးအကစံးဘၣ်နၤလၢ တၢ်ဘၣ်ဃးဒီးအီၤလီၤ. မ်နအိၣ် ဆူၣ်အိၣ်ချ့တက့ၢ်.

³¹ မၤသးဒ်န့ၣ်ဒီးပှၤသုးဖိတဖၣ်, ဒ်တၢ်မၤလိာ်အီၤအသိး န့ၣ်, ဟံးန့ၢ်စီၤပီလူးလၢမုၢ်နၤဒီးဆှၢအီၤဆူအၣ်တံၤပၤတြံ လီၤ. ³² ဒီးလၢမုၢ်ဆ့ၣ်ထီၣ်တနံၤန့ၣ်က့ၤက့ၤဝဲဆူပှၤသုးဖိ အဟံၣ်ပူၤ, ဒီးပာ်လီၤတဲာ်ကသ့ၣ်သုးဒ်သိးအဝဲသ့ၣ်က လဲၤဒီးအီၤလီၤ. ³³ အဝဲတဖၣ်န့ၣ်လဲၤပၢၢ်လၢကဲၤစါရံၤ, ဒီး ဟ့ၣ်လီၤလံာ်လၢပဒိၣ်ဖးဒိၣ်အစုပူၤ, ဒီးပာ်လီၤစီၤပီလူး လၢအမဲာ်ညါလီၤ. ³⁴ ဒီး+ ပဒိၣ်ဖးဒိၣ်ဖးလံာ်, ဒီးသံကွၢ်ဝဲ, မ့ၢ်အဘၣ်ဃးဒီးကီၢ်မနုၤတဘ့ၣ်လဲၣ်. ဒီးတုၤအသ့ၣ်ညါ လၢအဘၣ်ဃးဒီးကီၢ်ကံၤလံၤကံဒီး, ³⁵ စံးဝဲဒၣ်, တုၤပှၤပာ် တၢ်ကမၣ်လၢနလိၤဟဲတုၤဒီး, ယကနၢ်ဟူနကလုၢ်လီၤ. ဒီးမၤလိာ်ဝဲလၢပှၤကပၢၤအီၤလၢ စီၤဟ့ၤရိာ်အဟံၣ်ပူၤ လီၤ.

၂၄

¹ ဒီးယဲၢ်သီပူၤကွံာ်ဒီး, ပှၤလုၢ်တၢ်အခိၣ်, စီၤအၤနၤနံတ ဂၤ, အိၣ်ဒီးပှၤသူၣ်က့သးပှၢ်တဖၣ်, ဒီးပှၤသ့ကတိၤတၢ်, စီၤတ့ၢ်တူးလူးတဂၤ, လဲၤထီၣ်ဆူပဒိၣ်ဖးဒိၣ်အအိၣ်, ဒီး ဆှိးစီၤပီလူးန့ၣ်လီၤ. ² ဒီးတၢ်ကိးန့ၢ်အီၤ, ဒီးစီၤတ့ၢ်တူး လူးပာ်တၢ်ကမၣ်လၢအလိၤဒီးစံးဝဲဒၣ်, တၢ်ဒိၣ်စီၤဖ့လံး ဧၢ, ပဘၣ်တၢ်မုာ်လၢနၤအါမး, ဒီးလၢနအံးက့ၤကွၢ်က့ၤ တၢ်အဃိဒီးပှၤတကလုာ်အံၤ ဘၣ်တၢ်ဘျုးတၢ်ဖှိၣ်သ တးဒီး, ³ လၢတၢ်ခဲလၢာ်, ဒီးတပူၤလၢ်လၢ်န့ၣ်, ပတူၢ် လိာ်အိၣ်ဒီးတၢ်စံးထီၣ်ပတြၢၤခဲလၢာ်လီၤ.

⁴ ဒီးဒ်သိးယသုတမၤတံာ်တာ်နၤဃဲးဃဲးတဂ့ၤဒီး, ယ ဃ့ကညးနၤလၢနကဝံသးစူၤဒီး ကနၣ်စာ်ပတၢ်ကတိၤ စှၤဘီတက့ၢ်. ⁵ အဂ့ၢ်ဒ်အံၤ, ပှၤတဂၤအံၤပထံၣ်န့ၢ်အီၤ လၢအမ့ၢ်ပှၤအၢပှၤသီ, ဒီးပှၤအစုတလီၤဃုာ်ဘၣ်, နစၤ ရ့းဖိတကရၢအခိၣ်, ဒီးပှၤမၤတၢထီၣ်တၢလီၤကယဲၢ်ပှၤ ယူဒၤဖိအိၣ်လၢအလီၢ်တပူၤလၢ်လၢ်, ⁶ ဒီးဂုာ်မၤဘၣ်အၢ တၢ်လုၢ်အဟံၣ်, ဒီးပဖီၣ်န့ၢ်အီၤ, ဒီးပသးအိၣ်လၢပကစံၣ် ညီၣ်အီၤဒ်ပတၢ်သိၣ်တၢ်သီအသိးန့ၣ်လီၤ. ⁷ ဘၣ်ဆၣ်ဒီး ပှၤသုးဖိတကထိအခိၣ်, စီၤလူၤစံတဂၤန့ၣ်, ဟဲမၤဆူၣ် မၤစိးဒိၣ်မးဒီးဟံးန့ၢ်အီၤလၢပစုပူၤလီၤ. ⁸ ဒီးမၤလိာ်ပှၤ ပာ်တၢ်ကမၣ်လၢအလိၤတဖၣ်, ဒ်သိးအကဟဲဆူနအိၣ် လီၤ. ဒီးနသံကွၢ်သံဒိးတၢ်သတးဒီး နကသ့ၣ်ညါတၢ် ကမၣ်လၢပပာ်လၢအလိၤခဲလၢာ်လီၤ.

⁹ ဒီးပှၤယူဒၤဖိအၢၣ်လီၤအီလီၤဒီးစံးဝဲဒၣ်, တၢ်န့ၣ်တ ဖၣ်မ့ၢ်ဒ်န့ၣ်လီၤ.

¹⁰ ဒီးပဒိၣ်ဖးဒိၣ်ကျၢၢ်ကျာ်တၢ်ဆူစီၤပီလူးအအိၣ် ဒ်သိး အကကတိၤတၢ်သတးဒီး, အဝဲဒၣ်ကတိၤဆၢဝဲ, မ့ၢ်ယ သ့ၣ်ညါလၢနစံၣ်ညီၣ်ပှၤတကလုာ်အံၤအါနံၣ်ဒီး, ယစံး ဆၢတၢ်လၢယဂီၢ်အိၣ်ဒီးယသးခုဒိၣ်တက့ၢ်လီၤ. ¹¹ အဂ့ၢ် ဒ်အံၤ, လၢယလဲၤထီၣ်ဘူၣ်တၢ်ဘါတၢ်လၢယရူၤၡလ့ၣ် အပူၤဒီး အါန့ၢ်တဆံခံနံၤတအိၣ်ဒံးဘၣ်န့ၣ်, နသ့ၣ်ညါ သ့လီၤ. ¹² ဒီးယတဲးလိာ်ဃိလိာ်ယသးဒီးပှၤတဂၤဂၤလၢ တၢ်လုၢ်ဟံၣ်ပူၤမ့ၢ်ဂ့ၤ, ဒီးယမၤတၢထီၣ်တၢလီၤပှၤဂီၢ်မုၢ် လၢဘူၣ်ဘျီၣ်ပူၤမ့ၢ်ဂ့ၤ, လၢဝ့ၢ်ပူၤမ့ၢ်ဂ့ၤ, အဝဲသ့ၣ်တထံၣ် န့ၢ်ဘၣ်ယၤဘၣ်. ¹³ ဒီးတၢ်ကမၣ်လၢအပာ်လၢယလိၤခဲ ကနံၣ်အံၤ, ထုးပှၤအုၣ်အသးတန့ၢ်ဘၣ်.

¹⁴ ဘၣ်ဆၣ်ဒီး, ယအၢၣ်လီၤအီလီၤတၢ်အံၤ လၢနမဲာ် ညါ, ဒ်ကျဲလၢအဝဲသ့ၣ်ကိးလၢစုတလီၤဃုာ်ဘၣ်အသိး န့ၣ်, ယဘူၣ်ထီၣ်ဘါထီၣ်ပပၢ်သ့ၣ်အကစၢ်, ဒီးယနာ် တၢ်ခဲလၢာ်ဒ်တၢ်သိၣ်တၢ်သီ, ဒီးဝံအတၢ်ကွဲးအသးတ ဖၣ်အသိးန့ၣ်လီၤ. ¹⁵ ဒီးယအိၣ်ဒီးတၢ်မုၢ်လၢ်ဘၣ်ဃးဒီး ယွၤလၢအဝဲသ့ၣ်အကစၢ်ဒၣ်ဝဲအၢၣ်လီၤအီလီၤ, လၢပှၤ သံအတီမ့ၢ်ဂ့ၤ, တတီဘၣ်မ့ၢ်ဂ့ၤ, ကဂဲၤဆၢထၢၣ်က့ၤ လီၤ. ¹⁶ ဒီးလၢတၢ်အံၤ, ယဂဲၤလိာ်ယသးတထံၣ်ဃီဒ်သိး လၢယွၤမ့ၢ်ဂ့ၤ, ပှၤကညီမ့ၢ်ဂ့ၤ, ယသးလၢအသ့ၣ်ညါဒၣ် တၢ်သုတပာ်တၢ်ကမၣ်လၢယလိၤတဂ့ၤလီၤ.

¹⁷ ဒီးအါနံၣ်အါလါပူၤကွံာ်ဒီး, ယဟဲစိာ်တၢ်ဟ့ၣ်သးက ညီၤဆူ ပှၤတကလုာ်ဒၣ်ယဲအအိၣ်, ဒီးယမၤဘူၣ်တၢ် လီၤ. ¹⁸ တၢ်မၤအသးအဖၢမုၢ်ဒီး, တအိၣ်ဘၣ်ဒီးပှၤဂီၢ်မုၢ် ဘၣ်, ဒီးတအိၣ်ဘၣ်ဒီးတၢ်တၢထီၣ်တၢလီၤဘၣ်, အဝဲ သ့ၣ်ထံၣ်န့ၢ်ယၤလၢယမၤကဆှီယသးလၢ တၢ်လုၢ်အ ဟံၣ်ပူၤန့ၣ်လီၤ. မ့မ့ၢ်ပှၤယူဒၤဖိတနီၤနီၤဟဲလၢအၤစံအ ပူၤ (မၤတၢထီၣ်တၢလီၤတၢ်)လီၤ. ¹⁹ ပာ်တၢ်ကမၣ်လၢ ယလိၤအလီၢ်မ့ၢ်အိၣ်ဒီး, အဝဲသ့ၣ်ဂ့ၤအိၣ်ဖဲအံၤ, ဒ်သိး အကပာ်တၢ်ကမၣ်လၢယလိၤလီၤ. ²⁰ မ့တမ့ၢ်ဘၣ်ဒ်န့ၣ် ဒီး, ပှၤတဖၣ်အံၤ, လၢယအိၣ်လၢပှၤသးပှၢ်အတၢ်အိၣ် ဖှိၣ်အမဲာ်ညါဒီး, မ့ၢ်ထံၣ်တၢ်ကမၣ်လၢယလိၤတမံၤမံၤ ဒီး, မ်အကစၢ်ဒၣ်ဝဲကစံးဒၣ်ဝဲတက့ၢ်. ²¹ တၢ်ကမၣ်မ့ၢ် အိၣ်ဒီး, ကမ့ၢ်ထဲအံၤတဘီ, လၢယအိၣ်ဆၢထၢၣ်လၢ အကျါဒီး, ယကိးပသူထီၣ်, လၢပှၤသံကဂဲၤဆၢထၢၣ် က့ၤအဂ့ၢ်န့ၣ်, ယဘၣ်တၢ်စံၣ်ညီၣ်လၢသုမဲာ်ညါ, လၢ မုၢ်တနံၤအံၤလီၤ.

²² ဒီးစီၤဖ့လံးသ့ၣ်ညါတၢ်ဘၣ်ဃးဒီးကျဲန့ၣ် လီၤတံၢ်လီၤ ဆဲးတက့ၢ်ဒီး, သုးနံၤသုးသီဒီးစံးဝဲဒၣ်, တုၤပှၤသုးဖိတ ကထိအခိၣ်စီၤလူၤစံဟဲတုၤဒီး, ယကသ့ၣ်ညါလီၤတံၢ် သုတၢ်လီၤ. ²³ ဒီးမၤလိာ်ပှၤသုးဖိတကယၤအခိၣ်တဂၤ, ဒ် သိးတၢ်ကပၢၤအီၤ, ဒီးဒ်သိးအကအိၣ်ထူၣ်ဖျဲး, ဒီးဒ်သိး အဘူးအတံၢ်မ့ၢ် ဟ့ၣ်လုၢ်အီၣ်လုၢ်အီအီၤမ့ၢ်ဂ့ၤ, မ့ၢ်ဟဲ အိၣ်သကိးအီၤမ့ၢ်ဂ့ၤဒီး, အသုတတြီတၢ်တဂ့ၤလီၤ.

²⁴ ဒီးအနံၤအသီတနီၤနီၤပူၤကွံာ်ဒီး, စီၤဖ့လံးဟဲဒီးအမါ, ပှၤယူဒၤအမုၣ်, နီၢ်ဒြူၤစံးလ့ၤ, ဒီးကိးက့ၤစီၤပီလူး, ဒီးဒိ ကနၣ်အကလုၢ်လၢတၢ်စူၢ်က့ၤနာ်က့ၤ ခရံာ်အဂ့ၢ်အကျိၤ လီၤ. ²⁵ ဒီးတုၤအစံၣ်တဲၤတဲလီၤတၢ်လၢ တၢ်တီတၢ်လိၤ အဂ့ၢ်, ဒီးတၢ်ကီၤသူၣ်ကီၤသးအဂ့ၢ်, ဒီးတၢ်စံၣ်ညီၣ်ခဲ ကိာ်အဂ့ၢ်ဒီး, စီၤဖ့လံးကနိးကစုာ်ဒီးကတိၤဆၢဝဲ, ခဲက နံၣ်အံၤက့ၤက့ၤတက့ၢ်. ဒီးအကတီၢ်လၢအဂ့ၤအဘၣ်ခဲ ကိာ်, ယကကိးက့ၤနၤလီၤ. ²⁶ ဒီး (ဒ်သိးအကပျၢ်အီၤ ဒီး) မုၢ်လၢ်ဝဲလၢစီၤပီလူးကဟ့ၣ်စ့, ဒီးကိးက့ၤအီၤဒုးဒုး, ဒီးကတိၤတၢ်ဒီးအီၤလီၤ.

²⁷ ဘၣ်ဆၣ်ဒီးခံနံၣ်ပှဲၤထီၣ်ဒီး, စီၤပီၤကံၤဖ့စတူးဟဲလၢ စီၤဖ့လံးအလီၢ်, ဒီးစီၤဖ့လံးတၢ်မိၣ်ဘၣ်ဘျုးဘၣ်ဖှိၣ်အ သးလၢပှၤယူဒၤဖိအမဲာ်ညါသတးဒီး, လဲၤသဒၣ်စီၤပီလူး လၢအဘၣ်စၢဃာ်အသးလီၤ.

၂၅

¹ မၤသးဒ်န့ၣ်ဒီးစီၤဖ့စတူးဟဲတုၤလၢကီၢ်ပူၤန့ၣ်, ဒီးသၢ သီပူၤကွံာ်ဒီး, လဲၤထီၣ်လၢကဲၤစါရံၤဆူယရူၤၡလ့ၣ်လီၤ.

² ဒီးပှၤလုၢ်တၢ်အခိၣ်ဒီးပှၤယူဒၤဖိတဖၣ် ဆှိးစီၤပီလူး လၢအီၤဒီးဃ့ကညးအီၤ, ³ ဒီးဃ့တၢ်ဘျုးထီဒါအီၤ, ဒ်သိး အကမၢအလဲၤဆူယရူၤၡလ့ၣ် ဖဲအဝဲသ့ၣ်ခိးခူသူၣ်ဒ်သိး အကမၤသံအီၤလၢကျဲလီၤ. ⁴ မၤသးဒ်န့ၣ်ဒီးစီၤဖ့စတူးက တိၤဆၢဝဲ, တၢ်ဟံးဃာ်စီၤပီလူးလၢကဲၤစါရံၤ, ဒီးယ ကလဲၤယကစၢ်ဒၣ်ယဲချ့ချ့လီၤ. ⁵ မၤသးဒ်န့ၣ်ဒီး, မ်ပှၤ လၢအသ့လၢသုကျါတဖၣ်ကပိာ်ယခံ, ဒီးပှၤကညီတဂၤ န့ၣ်အတၢ်ကမၣ်မ့ၢ်အိၣ်ဒီး, ပာ်တၢ်ကမၣ်လၢအလိၤတ က့ၢ်, စံးဝဲဒၣ်.

⁶ ဒီးအိၣ်လၢအကျါဃိးသီဆံဆဲၣ်သီဃၣ်ဃၣ်ဒီး က့ၤ လီၤဝဲဆူကဲၤစါရံၤ, ဒီးမုၢ်ဆ့ၣ်ထီၣ်တနံၤန့ၣ်ဆ့ၣ်နီၤဝဲလၢ စံၣ်ညီၣ်ကွီၢ်လီၢ်ပစိာ်ဖီခိၣ်, ဒီးမၤလိာ်လၢတၢ်ကဆှၢ ထီၣ်စီၤပီလူးလီၤ. ⁷ ဒီးဟဲတုၤဝဲဒီး, ပှၤယူဒၤဖိလၢအဟဲ လီၤလၢယရူၤၡလ့ၣ်တဖၣ်အိၣ်ဆၢထၢၣ်ဝးတရံးအီၤ, ဒီး တၢ်ကမၣ်လၢအထုးပှၤအုၣ်အသးတန့ၢ်ဘၣ်န့ၣ်, ပာ်ဝဲ လၢစီၤပီလူးအလိၤအါမးဃၢမးလီၤ. ⁸ ဒီးစီၤပီလူးကတိၤ ပူၤဖျဲးတၢ်လၢအဂီၢ်ဒၣ်ဝဲ, ပှၤယူဒၤဖိအတၢ်သိၣ်တၢ်သီ မ့ၢ်ဂ့ၤ, တၢ်လုၢ်အဟံၣ်မ့ၢ်ဂ့ၤ, စီၤပၤကဲစၢ်မ့ၢ်ဂ့ၤ, ယတမၤ ကမၣ်ဘၣ်နီတမံၤဘၣ်.

⁹ မ့ၢ်နာ်သက့ဒ်န့ၣ်ဒီး, စီၤဖ့စတူးတၢ်မိၣ်ဘၣ်ဘျုးဘၣ် ဖှိၣ်အသးလၢပှၤယူဒၤဖိအမဲာ်ညါဒီး ကတိၤဆၢစီၤပီလူး ဒီးစံးဝဲဒၣ်, မ့ၢ်နကလဲၤထီၣ်ဆူယရူၤၡလ့ၣ် ဒီးဘၣ်စံၣ် ညီၣ်လၢတၢ်တဖၣ်အံၤအဂ့ၢ်အကျိၤ လၢယမဲာ်ညါန့ၣ် ဧါ. ¹⁰ ဒီးစီၤပီလူးစံးဝဲဒၣ်, ယဆၢထၢၣ်လၢစီၤပၤကဲစၢ် အလီၢ်ပစိာ်ကွီၢ်အမဲာ်ညါဖဲယဂ့ၤဒိးတၢ်စံၣ်ညီၣ်လီၤ. ဒ်န သ့ၣ်ညါသပှၢ်တၢၢ်အသိးန့ၣ်, ယတမၤကမၣ်ဘၣ်ပှၤယူ ဒၤဖိနီတမံၤဘၣ်. ¹¹ မၤသးဒ်န့ၣ်ဒီး ယမ့ၢ်မၤတၢ်တတီ ဘၣ်, ဒီးယဂ့ၤသံတၢ်ကမၣ်မ့ၢ်အိၣ်လၢယလိၤဒီး, ဒ်သိး ယသုတသံတဂ့ၤဒီး, ယတဃ့ဘၣ်. မ့မ့ၢ်တၢ်ကမၣ်လၢ အဝဲသ့ၣ်ပာ်လၢယလိၤမ့ၢ်တအိၣ်ဘၣ်ဒီး, ပှၤဟ့ၣ်လီၤ ယၤလၢအစုပူၤတသ့ဘၣ်နီတဂၤဘၣ်. ယကိးထီၣ်ကဲ စၢ်လီၤ.

¹² တုၤနုၤတစု စီၤဖ့စတူးကတိၤလိာ်အသးဒီး ပှၤကူၣ် လိာ်အသးတဖၣ်ဝံၤဒီး, ကတိၤဆၢဝဲ, နကိးထီၣ်ကဲစၢ်, နကလဲၤဆူကဲစၢ်အအိၣ်န့ၣ်လီၤ.

¹³ ဒီးအနံၤအသီတနီၤနီၤပူၤကွံာ်ဒီး, စီၤပၤအကြံးပၤ, ဒီး နီၢ်ဘ့ၢ်နံက့ၤ ဟဲအိၣ်သကိးစီၤဖ့စတူးလၢကဲၤစါရံၤ အ ပူၤန့ၣ်လီၤ. ¹⁴ ဒီးအိၣ်ဝဲဖဲန့ၣ်တဘျုးနံၤတဘျုးသီဒီး, စီၤဖ့ စတူးစံးဘၣ်တဲဘၣ်စီၤပၤလၢ စီၤပီလူးအဂ့ၢ်ဒီးစံးဝဲဒၣ်, ပှၤဘၣ်တၢ်စၢဃာ်အီၤ, လၢစီၤဖ့လံး ပာ်လီၤတဲာ်န့ၣ်, အိၣ်ဝဲတဂၤလီၤ. ¹⁵ လၢယအိၣ်လၢယရူၤၡလ့ၣ်အပူၤဒီး, ပှၤလုၢ်တၢ်အခိၣ်ဒီးပှၤယူဒၤဖိအသူၣ်က့သးပှၢ်တဖၣ် စံး ဘၣ်ယၤလၢအဂ့ၢ်အကျိၤ, ဒီးဃ့ကညးလၢယကစံၣ်ညီၣ် ဃၣ်အီၤလီၤ. ¹⁶ ဒီးယစံးဆၢအီၤ, ပှၤလၢတၢ်ပာ်တၢ်က မၣ်လၢအလိၤတချုးကွၢ်ဆၢညါလိာ်အသးဒီး ပှၤပာ်တၢ် ကမၣ်လၢအလိၤတဖၣ်, ဒီးတၢ်ဒုးကတိၤပူၤဖျဲးအတၢ်က မၣ်တချုးအိၣ်ဒံးဘၣ်ဒီး, ပှၤရိမ့ၤဖိဟ့ၣ်လီၤကွံာ်ပှၤကညီ တဂၤဂၤန့ၣ်, အလုၢ်အလၢ်တအိၣ်ဘၣ်. ¹⁷ မၤသးဒ်န့ၣ်ဒီးအဝဲသ့ၣ်ဟဲဖဲအံၤ, ဒီးယတသုးနံၤသုးသီဘၣ်ဒီး, လၢမုၢ်ဆ့ၣ်ထီၣ်တနံၤန့ၣ်ယဆ့ၣ်နီၤလၢလီၢ်ပစိာ်ကွီၢ်အဖီခိၣ်, ဒီးယမၢပှၤဆှၢထီၣ်ပှၤတဂၤန့ၣ်လီၤ.―

¹⁸ ဒီးပှၤပာ်တၢ်ကမၣ်လၢအလိၤတဖၣ်ဆၢထၢၣ်ဝဲ, ဒီးတ ပာ်ဘၣ်အတၢ်ကမၣ်ဒ်ယဆိကမိၣ်ပာ်အသိး, နီတမံၤ ဘၣ်. ¹⁹ မ့ၢ်တၢ်သံကွၢ်လၢအလုၢ်အလၢ်ဒၣ်ဝဲအဂ့ၢ်, ဒီး မတၤတဂၤယ့ၣ်ရှူးလၢအသံတ့ၢ်ဝဲ, လၢစီၤပီလူးစံးဝဲလၢ အမူဒံး, အဂ့ၢ်လီၤ. ²⁰ ဒီးမ့ၢ်ယသးဒ့ဒီလၢတၢ်န့ၣ်အဂ့ၢ်ဒီး, ယစံးဘၣ်အီၤ, မ့ၢ်နကလဲၤဆူယရူၤၡလ့ၣ်ဒီး ဘၣ်တၢ် စံၣ်ညီၣ်ဖဲန့ၣ်လၢတၢ်အံၤအဂ့ၢ်ဧါ. ²¹ ဒီးစီၤပီလူး ဃ့လၢ တၢ်ကပာ်အီၤလၢ စီၤအီကူးစတူးအတၢ်စံၣ်ညီၣ်ဒီး, ယ မၤလိာ်လၢတၢ်ကပာ်အီၤတုၤယမၢအလဲၤဆူ ကဲစၢ်အ အိၣ်န့ၣ်လီၤ.

²² ဒီးစီၤအကြံးပၤစံးဘၣ်စီၤဖ့စတူး, ယဲဒၣ်အံၤ, တၢ်မိၣ် နၢ်ဟူစ့ၢ်ကီးယသးလၢပှၤတဂၤန့ၣ်လီၤ. ဒီးစံးဝဲဒၣ်, ခဲ ဂီၤတနံၤနကနၢ်ဟူဘၣ်အီၤလီၤ.

²³ မၤသးဒ်န့ၣ်ဒီးမုၢ်ဆ့ၣ်ထီၣ်တနံၤ, စီၤအကြံးပၤဟဲဝဲဒီး နီၢ်ဘ့ၢ်နံက့ၤဒီးဟဲနုာ်ဆူနၢ်ဟူတၢ်အလီၢ်, အိၣ်ဒီးတၢ် ဆှုၣ်ဆှုၣ်ဘှဲၣ်ဘှဲၣ်လၢအအါ, ဒီးပှၤသုးဖိတကထိအခိၣ် တဖၣ်, ဒီးပှၤဝ့ၢ်ဖိအခိၣ်တဖၣ်, ဒီးစီၤဖ့စတူးမၤလိာ်တၢ် ဒီး, ပှၤဟဲစိာ်စီၤပီလူးလီၤ. ²⁴ ဒီးစီၤဖ့စတူးစံးဝဲဒၣ်, စီၤ ပၤအကြံးပၤ, ဒီးပှၤအိၣ်ဖှိၣ်ရိဖှိၣ်ဖဲအံၤခဲလၢာ်သ့ၣ်ဧၢ, သု ထံၣ်ပှၤတဂၤအံၤလၢပှၤယူဒၤဖိဂီၢ်မုၢ် လၢယရူၤၡလ့ၣ်ဒီး ဖဲအံၤခဲလၢာ်, ဃ့ကညးယၤလၢအဂ့ၢ်, ဒီးကိးပသူထီၣ် လၢအတဂ့ၤမူလၢၤဘၣ်လီၤ. ²⁵ ဒီးဂ့ၤဘၣ်သံတၢ်ကမၣ်ယ တထံၣ်ဘၣ်လၢအလိၤဘၣ်, ဒီးမ့ၢ်အကစၢ်ဒၣ်ဝဲကိးထီၣ် လၢစီၤပၤအီကူးစတူးဒီး, ယပာ်ယသးလၢယကမၢအ လဲၤလီၤ. ²⁶ အဂ့ၢ်အကျိၤလၢယကကွဲးဟ့ၣ်ယုၢ်ယကစၢ် လီၤတံၢ်လီၤဆဲးတအိၣ်ဘၣ်သတးဒီး, ဒ်သိးတုၤအဘၣ် သံကွၢ်သံဒိးတၢ်ဒီး, ယကအိၣ်ဒီးတၢ်လၢယကွဲးသ့တ မံၤမံၤဒီး, ယဆှၢအီၤဆူသုအိၣ်, ဒီးလီၤဆီဒၣ်တၢ်ဆူန အိၣ်, စီၤပၤအကြံးပၤဧၢ. ²⁷ အဂ့ၢ်ဒ်အံၤ, ယဆိကမိၣ်လၢ ယမ့ၢ်တဒုးနဲၣ်ဘၣ်အတၢ်ကမၣ်ဘၣ်ဒီး, ယမၢပှၤလဲၤ ဘၣ်စၢဃာ်အသးန့ၣ်တဘၣ်တပှိၤဘၣ်လီၤ.

၂၆

¹ ဒီးစီၤအကြံးပၤစံးဘၣ်စီၤပီလူး, တၢ်ဒုးကတိၤနၤလၢ နဂီၢ်ဒၣ်နဲလီၤ. တုၤနုၤတစုစီၤပီလူးယူာ်ဃီၤအစု, ဒီးက တိၤပူၤကတိၤဖျဲးဝဲလီၤ.

² စီၤပၤအကြံးပၤဧၢ, တၢ်ကမၣ်လၢပှၤယူဒၤဖိပာ်လၢယ လိၤန့ၣ်, ယကတိၤပူၤဖျဲးတၢ်လၢနမဲာ်ညါလၢမုၢ်မဆါတ နံၤအံၤဒီး, ယပာ်ယသးလၢယဘၣ်အမုာ်လီၤ. ³ အဂ့ၢ် ဒ်အံၤ, တၢ်အလုၢ်အလၢ်, ဒီးတၢ်သံကွၢ်လၢပှၤယူဒၤဖိ အကျါန့ၣ်, နသ့ၣ်ညါခဲလၢာ်လီၤတံၢ်လီၤဆဲးလီၤ. မ်ဒ် န့ၣ်ဒီးဝံသးစူၤဒီးကနၣ်စာ်ယကလုၢ်တက့ၢ်.

⁴ မၤသးဒ်န့ၣ်ဒီး, ယအိၣ်ယဆိးယဖံးယမၤ အဂ့ၢ်အ ကျိၤလၢယရူၤၡလ့ၣ်အပူၤ, လၢပှၤကလုာ်ဒၣ်ယၤအကျါ, လၢယဖိၣ်သၣ်ခွါထီၣ်လံၤလံၤန့ၣ်, ပှၤယူဒၤဖိသ့ၣ်ညါဝဲ ခဲလၢာ်လီၤ. ⁵ အဝဲသ့ၣ်တဖၣ်မ့ၢ်မိၣ်အုၣ်အသးဒီး, သ့ၣ် ညါဝဲလၢ, ဒ်ပဘါတၢ်အလုၢ်အလၢ်အပှၤလီၤတံၢ်ကတၢၢ် တကရၢအသိးန့ၣ်ယမ့ၢ်ပှၤဖၤရံၤၡဲလီၤ. ⁶ ဒီးခဲကနံၣ်အံၤ လၢတၢ်မုၢ်လၢ်ယွၤအတၢ်စံးပာ် လၢပပၢ်သ့ၣ်အဃိဒီး, ယဆၢထၢၣ်ဘၣ်တၢ်စံၣ်ညီၣ်လီၤ. ⁷ လၢတၢ်စံးပာ်န့ၣ်အ ဃိ, ပပှၤတဆံခံဒူၣ် မၤယွၤအတၢ်ကိးမုၢ်နံၤမုၢ်နၤဒဲးသ ပှၢ်တၢၢ်ဒီး, မုၢ်လၢ်လၢအကန့ၢ်ဘၣ်ဝဲလီၤ. စီၤပၤအကြံး ပၤဧၢ, ပှၤယူဒၤဖိပာ်တၢ်ကမၣ်လၢယလိၤ မ့ၢ်လၢတၢ် မုၢ်လၢ်အံၤအဃိလီၤ.

⁸ ယွၤဒုးဂဲၤဆၢထၢၣ်က့ၤပှၤသံန့ၣ် သုဆိကမိၣ်လၢပှၤ နာ်တသ့ဘၣ်, မ့ၢ်အဘၣ်မနုၤလဲၣ်. ⁹ မ့ၢ်လံ, ယဆိကမိၣ်တ့ၢ်လၢ ယကစၢ်ဒၣ်ယဲ, လၢယကြၢးမၤတၢ်ထီဒါပှၤနစၤရ့းဖိယ့ၣ်ရှူးအမံၤ, အါမံၤလီၤ.―

¹⁰ ဒီးတၢ်န့ၣ်တဖၣ်ယမၤလၢယရူၤၡလ့ၣ်အပူၤ, ဒီးယဒိးန့ၢ် ပှၤလုၢ်တၢ်အခိၣ်အကလုၢ်, ဒီးယကးတံာ်ဃာ်ပှၤစီဆှံ အါဂၤလၢဃိာ်ပူၤ ဒီးတုၤအဘၣ်တၢ်မၤသံအီၤဒီး, ယ အၢၣ်လီၤအီလီၤယဲလီၤ. ¹¹ ဒီးယဒုးဘၣ်အီၤလၢတၢ်နး တၢ်ကျံၤအါဘျီလၢဘူၣ်ဘျီၣ်ခဲလၢာ်အပူၤ, ဒီးယမၤဆူၣ် မၤစိးအီၤဒ်သိးအကဒုၣ်ဒွဲၣ်ယွၤလီၤ. ဒီးယသးဒိၣ်ထီၣ် အီၤ ဒ်ပှၤပျုၢ်တဂၤအသိးသတးဒီး, ယမၤအၢမၤနးအီၤ ပၢၢ်လၢတခီခူတခီဝ့ၢ်လီၤ.

¹² လၢယမၤဒ်န့ၣ်ဒီး, ယလဲၤဒီးပှၤလုၢ်တၢ်အခိၣ်အက လုၢ်ဆူဝ့ၢ်ဒၤမ့ၤစ့းအဖၢမုၢ်ဒီး, ¹³ လၢမုၢ်ထူၣ်လၢကျဲန့ၣ်, စီၤပၤဧၢ, ယထံၣ်တၢ်ကပီၤလၢမူခိၣ်ဆှုၣ်န့ၢ်မုၢ်အကပီၤ, ဒီးကပီၤထီၣ်ဝးတရံးယၤဒီးပှၤပိာ်ယခံတဖၣ်လီၤ. ¹⁴ ဒီးပ လီၤဃံၤလၢဟီၣ်ခိၣ်အဖီခိၣ်ခဲလၢာ်, ဒီးယနၢ်ဟူတၢ်အ ကလုၢ်ကတိၤတၢ်ဒီးယၤ လၢဧ့ၤဘြံၤအကျိာ်ဒီးစံးဝဲဒၣ်, စီၤစီလူးဧၢ, စီၤစီလူးဧၢ, နမၤအၢယၤဘၣ်မနုၤလဲၣ်. န ထူဘၣ်နီၣ်ခိၣ်စူကီမးလီၤ. ¹⁵ ဒီးယစံးယဲ, ကစၢ်ဧၢ, နမ့ၢ် မတၤတဂၤလဲၣ်. ဒီးစံးဝဲဒၣ်, ယမ့ၢ်ပှၤလၢနမၤအၢအီၤ ယ့ၣ်ရှူးလီၤ. ¹⁶ မ့မ့ၢ်ဂဲၤဆၢထၢၣ်အိၣ်ထူၣ်ကလာ်လၢနခီၣ် တက့ၢ်. အဂ့ၢ်ဒ်အံၤ, ယလီၣ်ဖျါထီၣ်ယသးလၢနၤလၢ တၢ်အံၤအဃိ, ဒ်သိးယကပာ်ထီၣ်နၤလၢပှၤမၤတၢ်, ဒီး ပှၤအုၣ်အသးလၢတၢ်လၢနထံၣ်ဒီး တၢ်လၢယကမၤဖျါ ထီၣ်လၢနၤ, အဂီၢ်လီၤ. ¹⁷ ဒီးယကမၤပူၤမၤဖျဲးနၤလၢပှၤဂီၢ် မုၢ်ဂီၢ်ပၤဒီးပှၤကလုာ်တဖၣ်အစုပူၤ, လၢယမၢနလဲၤဆူ အအိၣ်, ¹⁸ ဒ်သိးနကဒုးထံၣ်ထီၣ်အမဲာ်, ဒ်သိးအဝဲသ့ၣ် ကဃၣ်ဃီၤက့ၤအသး လၢတၢ်ခံးဆူတၢ်ကပီၤ, ဒီးလၢ မုၣ်ကီၤလံၢ်အစိအကမီၤဆူယွၤအပူၤ, ဒ်သိးအကဒိးန့ၢ် တၢ်ပျၢ်တၢ်ဒဲးဘး, ဒီးကန့ၢ်ဘၣ်သါတၢ်လၢပှၤစီဆှံတ ဖၣ်အကျါ, လၢတၢ်စူၢ်တၢ်နာ်ယၤအဃိလီၤ.

¹⁹ မၤသးဒ်န့ၣ်ဒီး, စီၤပၤအကြံးပၤဧၢ, တၢ်ထံၣ်လၢညါခီ လၢမူခိၣ်န့ၣ်, တမ့ၢ်ဘၣ်ယတဒိကနၣ်ဘၣ်. ²⁰ မ့မ့ၢ်ယ စံၣ်တဲၤတဲလီၤဆိလၢပှၤအိၣ်လၢဒၤမ့ၤစ့းအပူၤ, ဒီးယရူၤ ၡလ့ၣ်, ဒီးကီၢ်ယူဒၤဒီကီၢ်ညါ, ဒီးပှၤကလုာ်တဖၣ်, ဒ် သိးအကပီၢ်ယၢ်လီၤက့ၤအသး, ဒီးဃၣ်ဃီၣ်က့ၤအသး ဆူယွၤအအိၣ်, ဒီးမၤတၢ်ကြၢးဒီးတၢ်ပီၢ်ယၢ်လီၤက့ၤအ သးလီၤ.

²¹ လၢတၢ်တဖၣ်န့ၣ်အဃိဒီး, ပှၤယူဒၤဖိဟံးန့ၢ်ယၤလၢ တၢ်လုၢ်အဟံၣ်ပူၤဒီးဃုမၤသံယၤလီၤ. ²² မၤသးဒ်န့ၣ်ဒီး ယွၤမၤစၢၤယၤသတးဒီး, ယအိၣ်ဒံးတုၤမုၢ်မဆါတနံၤ အံၤ, ဒီးယအုၣ်ယသးလၢပှၤဒီးဒိၣ်ဒီးဆံးအမဲာ်ညါ, ဒီး ယစံၣ်တဲၤတဲလီၤထဲတၢ်လၢဝံတဖၣ်ဒီး စီၤမိၤရှ့စံးပာ်လၢ အကအိၣ်ထီၣ်န့ၣ်လီၤ. ²³ အဝဲသ့ၣ်စံးဝဲလၢခရံာ်ကဘၣ် ဒိးတၢ်, ဒီးကကဲထီၣ်ပှၤဂဲၤဆၢထၢၣ်ဆိလၢတၢ်သံတ ဂၤ, ဒီးကဒုးနဲၣ်တၢ်ကပီၤလၢပှၤဂီၢ်မုၢ်, ဒီးပှၤကလုာ်တ ဖၣ်လီၤ.

²⁴ ဒီးစီၤပီလူးကတိၤပူၤဖျဲးတၢ်ဒ်န့ၣ်အဖၢမုၢ်ဒီး, စီၤဖ့စ တူးစံးဝဲဒၣ်လၢအကလုၢ်ဖးဒိၣ်, စီၤပီလူးဧၢ, နပျုၢ်လီၤ. တၢ်မၤလိတၢ်အါအါကလဲာ်ဒုးပျုၢ်နၤလီၤ.

²⁵ ဒီးစံးဝဲဒၣ်, တၢ်ဒိၣ်စီၤဖ့စတူးဧၢ, တမ့ၢ်ဘၣ်ယပျုၢ် ဘၣ်. မ့ၢ်ယကတိၤတၢ်မ့ၢ်တၢ်တီ, ဒီးတၢ်သူၣ်ဆးသး ဆးအတၢ်ကတိၤလီၤ. ²⁶ အဂ့ၢ်ဒ်အံၤ, တၢ်န့ၣ်တဖၣ်, စီၤ ပၤသ့ၣ်ညါလီၤတံၢ်လီၤဆဲး, ဒီးယကတိၤတၢ်လၢအီၤလၢ ယသးခူတလ့ၢ်လီၤ. အဂ့ၢ်ဒ်အံၤ, ယဆိကမိၣ်လၢတၢ် န့ၣ်တဖၣ်တအိၣ်ခူသူၣ်ဘၣ်လၢအမဲာ်ညါ နီတမံၤဘၣ်. အဂ့ၢ်ဒ်အံၤ, တၢ်အံၤတမၤဘၣ်အသးလၢတၢ်သနၢၣ်အ ပူၤဘၣ်. ²⁷ စီၤပၤအကြံးပၤဧၢ, ဝံတဖၣ်အကလုၢ်အက ထါန့ၣ်, မ့ၢ်နနာ်စ့ၢ်ကီးဧါ. ယသ့ၣ်ညါလၢနနာ်လီၤ.

²⁸ ဒီးစီၤအကြံးပၤစံးဘၣ်စီၤပီလူး, နသဆၣ်ထီၣ်ယခံ ဒီး, နသါကဒုးကယဲၤလၢပှၤခရံာ်ဖိညီကဒၣ်လီၤ. ²⁹ ဒီး စီၤပီလူးစံးဝဲဒၣ်, ယဘါထုကဖၣ်ယွၤဒ်သိးလၢတၢ်အ ညီမ့ၢ်ဂ့ၤ, လၢတၢ်အကီမ့ၢ်ဂ့ၤ, ထဲနၤတဂၤဧိၤတမ့ၢ်ဘၣ်, မ့ၢ်ဒ်သိးကယဲၢ်ပှၤလၢအနၢ်ဟူယကလုၢ်လၢ မုၢ်မဆါတ နံၤအံၤခဲလၢာ်, ကကဲထီၣ်ဒ်ယၤအံၤအသိး, တဒ်သိးဘၣ်, ထဲထးသွဲအံၤဧိၤလီၤ.

³⁰ ဒီးစီၤပၤဂဲၤဆၢထၢၣ်, ဒီးပဒိၣ်ဖးဒိၣ်, ဒီးနီၢ်ဘ့ၢ်နံက့ၤ, ဒီးပှၤဆ့ၣ်နီၤဒီးအီၤတဖၣ်, ³¹ ဒီးလဲၤဆူတၢ်တဒၢ, ဒီးက တိၤလိာ်အသး ဒီးစံးဝဲဒၣ်, တၢ်ကမၣ်ဂ့ၤဘၣ်သံမ့ၢ်ဂ့ၤ, ဂ့ၤဘၣ်စၢဃာ်မ့ၢ်ဂ့ၤ, ပှၤတဂၤအံၤတမၤဘၣ်ဝဲဘၣ်. ³² ဒီး စီၤအကြံးပၤစံးဘၣ်စီၤဖ့စတူး, ပှၤတဂၤအံၤမ့ၢ်တကိး ထီၣ်ကဲစၢ်ဘၣ်ဒီး, တၢ်မၤထူၣ်ဖျဲးအီၤသ့လီၤ.

၂၇

¹ ဒီးတုၤတၢ်စံၣ်ညီၣ်လၢပဘၣ်ဒိးကဘီဆူ အံၤတလံ ဒီး, တၢ်ဟ့ၣ်လီၤစီၤပီလူး, ဒီးပှၤဘၣ်စၢဃာ်အဂၤတနီၤ နီၤ, ဆူပှၤသုးဖိတကယၤအခိၣ်, အမံၤစီၤယူၤလံ, လၢအ ဘၣ်ဃးဒီးအီကူးစတူးအသုးဖိတဖု, အစုပူၤလီၤ. ² ဒီး ပှၤသ့းစၤလနံဖိ, လၢအဘၣ်ဃးဒီးမၤက့းဒနံ, စီၤအရံစ တၢ်ဃူးအိၣ်ဒီးပှၤ, ဒီးပဒိးထီၣ်ပှၤအဒြၤမူးတ့ၣ်ဖိအကဘီ, လၢအကလဲၤလၢ အၤစံအသရ့ၤအလီၢ်တဖၣ်န့ၣ်, ဒီးပ ဟးထီၣ်လီၤ. ³ ဒီးမုၢ်ဆ့ၣ်ထီၣ်တနံၤပထိးထီၣ်လၢစံဒိၣ်, ဒီးစီၤယူၤလံမၤစီၤပီလူးလၢတၢ်အဘျုး, ဒီးဒုးလဲၤအီၤဆူ တံၤသကိးတဖၣ်အအိၣ်, ဒ်သိးအကဒိးန့ၢ်အဝဲသ့ၣ်အ တၢ်အံးတၢ်ကွၢ်န့ၣ်လီၤ. ⁴ ဒီးပဟးထီၣ်ဖဲန့ၣ်, ဒီးကလံၤ တလိၤဘၣ်ဒီး, ပလဲၤလၢကူပြူးအတၢ်တဒၢလီၤ. ⁵ ဒီးပ လဲၤခီဂာ်ပီၣ်လဲၣ် လၢအဘၣ်ဃးဒီးကံၤလံၤကံ, ဒီးပၣ် ဖူၤလံ, ဒီးပလဲၤပၢၢ်လၢမူရၤလၢအဘၣ်ဃးဒီးလူၤကံန့ၣ် လီၤ. ⁶ ဒီးဖဲန့ၣ်ပှၤသုးဖိတကယၤအခိၣ်ထံၣ်န့ၢ်ပှၤအလ့း စၣ်ဒြူးဖိအကဘီ, လၢအကလဲၤဆူအံၤတလံတဘ့ၣ်, ဒီး ဒၢနုာ်ပှၤလၢအပူၤလီၤ. ⁷ ဒီးပလဲၤကဘဲးကဘဲးအါနံၤအါ သီ, ဒီးတုၤကီကီခဲခဲလၢတၢ်အိၣ်သဃီၤဒီးကနံဒူး, ဒီး ကလံၤတြီပှၤဒီး, ပလဲၤလၢကြ့တ့ၤအတၢ်တဒၢ, အိၣ်သ ဃီၤဒီးစၤလမိၣ်လီၤ. ⁸ ဒီးပလဲၤပူၤကွံာ်ဖဲန့ၣ်ကီကီဒီး, ပ လဲၤပၢၢ်လၢအလီၢ်ကိးဝဲအမံၤလၢတၢ်သန့ဂ့ၤ, အိၣ်ဘူးဝဲ ဒီးဝ့ၢ်လၤစဲလီၤ.

⁹ ဒီးအိၣ်ယံာ်ယံာ်ဒီး, ဒုၣ်တၢ်အီၣ်တၢ်အီအကတီၢ်ပူၤ ကွံာ်, ဒီးလဲၤတၢ်လၢပီၣ်လဲၣ်ကီကီခဲခဲသတးဒီး, စီၤပီ လူးသိၣ်က့ၤသီက့ၤတၢ်, ¹⁰ ဒီးစံးဘၣ်အီၤ, ပှၤကညီသ့ၣ် ဧၢ, ယသ့ၣ်ညါလၢပလဲၤတၢ်လၢပီၣ်လဲၣ်အံၤ, ကအိၣ် ဒီးတၢ်ဟးဂူာ်ဟးဂီၤ, ဒီးတၢ်ဟါမူၤဟါမၢ်အါအါကလဲာ်, ထဲကဘီ, ဒီးတၢ်ဖိတၢ်လံၤဧိၤတမ့ၢ်ဘၣ်, မ့ၢ်လၢပသးတ ဖၣ်စ့ၢ်ကီးလီၤ. ¹¹ ဘၣ်ဆၣ်ဒီးပှၤသုးဖိတကယၤအခိၣ်, နာ် ကဘီခိၣ် ဒီးကဘီကစၢ်အါန့ၢ်တၢ်လၢစီၤပီလူးကတိၤဝဲ တက့ၢ်လီၤ. ¹² ဒီးကဘီသန့တမုာ်ဘၣ်လၢအကအိၣ်လၢ တၢ်ဂိၢ်အကတီၢ်န့ၣ်ဘၣ်ဒီး, ပှၤကူၣ်ထီၣ်ဖးလီၤဝဲအါတ က့ၢ်, လၢအကဟးထီၣ်ကွံာ်ဖဲန့ၣ်စ့ၢ်ကီး, ဒီးမ့ၢ်သ့ဒီးက လဲၤတုၤလၢဖံၤနံက့ၤ, ဒ်သိးအကအိၣ်ဖဲန့ၣ်လၢတၢ်ဂိၢ်အ ကတီၢ်လီၤ. မ့ၢ်ကဘီသန့ဘၣ်ဃးဒီးကြ့တ့ၤ, ဒီးကွၢ်ဃီၤ လၢမုၢ်နုာ်ကလံၤစိး, ဒီးမုၢ်နုာ်ကလံၤထံးတခီလီၤ. ¹³ ဒီးတုၤကလံၤဟဲထီၣ်လၢကလံၤထံးသြီသြီဒီး, ဆိကမိၣ်ဝဲလၢအလဲၤတၢ်ဒ်အကူၣ်ပာ်ဝဲအသိးကသ့သတးဒီး, ထုးထီၣ်နီၣ်သက့ၤ, ဒီးလဲၤဘူးဝဲဒီးကြ့တ့ၤအသရ့ၤလီၤ.―

¹⁴ ဘၣ်ဆၣ်ဒီးတယံာ်တမီၢ်ဘၣ်ဒီး, ကလံၤမုၢ်သဝံး, ကိးဝဲ လၢအူၤရကျူဒိၣ်, ဟဲထီၣ်ဘၣ်အီၤလီၤ. ¹⁵ ဒီးတုၤကဘီ ဘၣ်ဝဲဒီး, စါကလံၤတသ့ဘၣ်ဒီးပပျဲတၢ်, ဒီးလဲၤထွဲအခံ လီၤ. ¹⁶ ဒီးပလဲၤလၢကီးဖိတဖျၢၣ်, ကိးဝဲလၢကျီဒ့ၤ, အက လံၤတဒၢတခီအဖၢမုၢ်ဒီး, ပဟံးန့ၢ်ချံဖိကီမး, ဒီးတုၤပ ထုးထီၣ်န့ၢ်အီၤဝံၤဒီး, ¹⁷ မၤဝဲလၢတၢ်မၤစၢၤတဖၣ်သတး ဒီး, ဘံတရံးဃာ်ကဘီလၢလာ်ခီလီၤ. ဒီးဘၣ်ယိၣ်ဝဲလၢ အကတုာ်ထီၣ်ဘၣ်ဖုး လၢမဲးခိၣ်ဒီး, ထုးလီၤကွံာ်ယၢ် လၣ်, ဒီးဒ်န့ၣ်အသိးဘၣ်တၢ်စိာ်အီၤလၢကလံၤလီၤ.

¹⁸ ဒီးကဘီကျံာ်ကျုာ် နးနးကလဲာ်ဒီး, မုၢ်ဆ့ၣ်ထီၣ်တ နံၤ, ပှၤတ့ၢ်လီၤကွံာ်တၢ်ဖိတၢ်လံၤလီၤ. ¹⁹ ဒီးပှဲၤထီၣ်သၢနံၤ တနံၤန့ၣ်, ပကွံာ်တ့ၢ်ကွံာ်ကဘီအပိးအလီလၢပစုဒၣ်ပ ဝဲလီၤ. ²⁰ ဒီးအါနံၤအါသီအတီၢ်ပူၤန့ၣ်, မုၢ်မ့ၢ်ဂ့ၤ, ဆၣ်ဧိၤ ဖီဧိၤမ့ၢ်ဂ့ၤ, တအိၣ်ဖျါထီၣ်ဘၣ်, ဒီးကလံၤမုၢ်တဆံးတ စှၤဘၣ်န့ၣ်ဘၣ်ပှၤဒီး, ပကတုၤလၢတၢ်အုၣ်က့ၤခီၣ်က့ၤ န့ၣ်, တၢ်မုၢ်လၢ်တအိၣ်လၢၤဘၣ်လ့ၤတက့ၤဘၣ်လီၤ.―

²¹ ဒီးပှၤတအီၣ်တအီဘၣ်တၢ်ယံာ်ယံာ်ဒီး, စီၤပီလူးဂဲၤဆၢ ထၢၣ်လၢပှၤတဖၣ်န့ၣ်အကျါဒီးစံးဝဲဒၣ်, ပှၤကညီသ့ၣ် ဧၢ, သုဂ့ၤဒိကနၣ်တ့ၢ်ယကလုၢ်, ဒီးတဟးထီၣ်ဘၣ်လၢ ကြ့တ့ၤဘၣ်, ဒီးသုတဘၣ်ဘၣ်တၢ်ဟးဂီၤဒီးတၢ်ဟါမၢ် အံၤဘၣ်လီၤ. ²² ဒီးခဲကနံၣ်အံၤယသဆၣ်ထီၣ်သုခံဒ်သိး သုကပာ်သုသးမုာ်မုာ်လီၤ. အဂ့ၢ်ဒ်အံၤ, သုသးတဟါ မၢ်ဘၣ်နီတဂၤဘၣ်, ကဟးဂီၤထဲကဘီဧိၤလီၤ. ²³ အဂ့ၢ်ဒ် အံၤ, ယွၤလၢယမ့ၢ်အတၢ်, ဒီးယမၤအတၢ်, အကလူးတ ဂၤဆၢထၢၣ်လၢယဃၢၤလၢမုၢ်နၤအံၤ, ²⁴ ဒီးစံးဝဲဒၣ်, စီၤ ပီလူးဧၢ, ပျံၤတၢ်တဂ့ၤ, နဘၣ်ဆၢထၢၣ်လၢစီၤပၤကဲစၢ် အမဲာ်ညါလီၤ. ဒီးယွၤဟ့ၣ်လီၤနၤလၢပှၤလၢအဒိးဃုာ် ကဘီဒီးနၤခဲလၢာ်လီၤ. ²⁵ မ်ဒ်န့ၣ်ဒီးပှၤကညီသ့ၣ်ဧၢ, ပာ် သုသးမုာ်မုာ်တက့ၢ်. အဂ့ၢ်ဒ်အံၤ, ယနာ်ယွၤလၢတၢ် ကမၤအသးဒ်အစံးပာ်လၢယၤအသိးန့ၣ်လီၤ. ²⁶ မ့ၢ်နာ်သ က့ဒ်န့ၣ်ဒီးပကတုာ်ထီၣ်လၢကီးတဖျၢၣ်အခိၣ်လီၤ.

²⁷ ဒီးတုၤအနၤပှဲၤထီၣ်တဆံလွံၢ်နၤတနၤဒီး, တၢ်မၤဝ့ၤ ဝီၤပှၤလၢအ့ဒြံအပူၤအဖၢမုၢ်ဒီး, လၢဖးဖီမုၢ်ဃၣ်ဃၣ်န့ၣ်, ပှၤကဘီဖိဆိကမိၣ်လၢအအိၣ်ဘူးထီၣ်ဒီး ကီၢ်တဘ့ၣ် ဘ့ၣ်လီၤ. ²⁸ ဒီးစဲၤလီၤကွၢ်ထံ, ဒီးထံအိၣ်အချံခံဆံ, ဒီး ပူၤကွံာ်ဖဲန့ၣ်တစဲးဖိ, ဒီးစဲၤလီၤကွၢ်ကဒီးထံ, ဒီးထံအိၣ် တဆံယဲၢ်ချံလီၤ. ²⁹ ဒီးဘၣ်ယိာ်လၢအကတုာ်ထီၣ်ဘၣ် ဖုးလၢလၢၢ်ကျါဒီး, တ့ၢ်လီၤနီၣ်သက့ၤလၢကဘီအခံလွံၢ် ဆိ, ဒီးဆၢလၢမုၢ်ကဆ့ၣ်ထီၣ်န့ၣ်လီၤ.

³⁰ ဒီးပှၤကဘီဖိဃုလၢအကဟးသဒၣ်ကွံာ်ကဘီ, ဒီးစဲၤ လီၤချံဖိလၢပီၣ်လဲၣ်ပူၤ, လီၤဂာ်လၢအကစိာ်လီၤနီၣ်သ က့ၤလၢကဘီအခိၣ်တခီ, ³¹ ဒီးစီၤပီလူးစံးဘၣ်ပှၤသုးဖိ တကယၤအခိၣ်ဒီးပှၤသုးဖိတဖၣ်, ပှၤတဖၣ်အံၤမ့ၢ်တ အိၣ်တဆိးဘၣ်လၢကဘီပူၤဒီး, သုတုၤလၢတၢ်အုၣ်က့ၤ ခီၣ်က့ၤတသ့ဘၣ်. ³² တုၤနုၤတစုပှၤသုးဖိတဖၣ်ကျီတဲာ် ချံဖိအပျံၤ, ဒီးဒုးလီၤတဲာ်ကွံာ်အီၤလီၤ.

³³ ဒီးဖဲမုၢ်ကဆ့ၣ်ထီၣ်တ့ၢ်ဒီး, စီၤပီလူးဃ့ကညး ပှၤခဲ လၢာ်ဒ်သိးအကအီၣ်တၢ်, ဒီးစံးဝဲဒၣ်, သုခိးတၢ်ဒီးတ အီၣ်တၢ်နီတမံၤဘၣ်န့ၣ်, အအံၤမ့ၢ်တဆံလွံၢ်နံၤတနံၤ လီၤ. ³⁴ မ်ဒ်န့ၣ်ဒီးယဃ့ကညးသုဒ်သိးသုကအီၣ်တၢ်လီၤ. အဂ့ၢ်ဒ်အံၤ, တၢ်အံၤမ့ၢ်လၢ သုတၢ်အုၣ်က့ၤခီၣ်က့ၤအ ဂီၢ်လီၤ. အဂ့ၢ်ဒ်အံၤ, သုခိၣ်သူတဘိတဟးဂီၤဘၣ်လၢ သုခိၣ်နီတဂၤဘၣ်.

³⁵ ဒီးကတိၤတၢ်ဒ်န့ၣ်ဒီး, ဟံးန့ၢ်ကိၣ်, ဒီးစံးထီၣ်ပတြၢၤ ယွၤအဘျုးအဖှိၣ်လၢပှၤခဲလၢာ်အမဲာ်ညါ, ဒီးစိၢ်ဘျဲးဝဲ, ဒီးအီၣ်တၢ်လီၤ. ³⁶ ဒီးပှၤခဲလၢာ်ပာ်အသးခုၣ်ခုၣ်မုာ်မုာ်, ဒီးအီၣ်တၢ်စ့ၢ်ကီးလီၤ. ³⁷ ဒီးပအိၣ်လၢကဘီပူၤခဲလၢာ်န့ၣ် ပှဲၤထီၣ်ခံကယၤနွံဆံဃုဂၤလီၤ. ³⁸ ဒီးတုၤအအီၣ်ဘျဲးအီၣ် ဒီး, မၤဖှံထီၣ်ကဘီ, ဒီးတ့ၢ်လီၤကွံာ်ဘုဧိၤဟုဧိၤလၢပီၣ် လဲၣ်ပူၤလီၤ.

³⁹ ဒီးတုၤမုၢ်ဆ့ၣ်ထီၣ်ဒီး, ခိန့ၣ်ပှၤတသ့ၣ်ညါဘၣ်ဝဲဘၣ်. ဒီးထံၣ်လၢထံသနၢၣ်ပူၤတပူၤအိၣ်ဒီးအသရ့ၤ, ဒီးမၤမ့ၢ် သ့ဒီးသါကဂုာ်ဒုးနုာ်ကဘီဖဲန့ၣ်လီၤ. ⁴⁰ ဒီးမၤလီၤကွံာ်နီၣ် သက့ၤဒီးဒုးဟါမၢ်အီၤဆူပီၣ်လဲၣ်ပူၤ, ဒီးတဘျီဃီဃ့ၣ် လီၤနီၣ်ဝံာ်ခံအပျံၤတဖၣ်, ဒီးသလၣ်ထီၣ်ယၢ်လၣ်လၢက လံၤဒီး, လဲၤဝဲဆူခိလီၤ. ⁴¹ ဒီးလဲၤဘၣ်ဝဲဖဲသိၣ်ခိၣ်ဖဲထံခံခီ ဘၣ်သဂၢၢ်လိာ်အသးဒီးကဘီတုာ်ထီၣ်ဝဲလီၤ. ဒီးအခိၣ် န့ၣ်အိၣ်ဂၢၢ်ဝဲဒီးတဝးဘၣ်, ဒီးအိၣ်ဝဲလီၤ. မ့မ့ၢ်အခံန့ၣ် လီၤပှီၢ်ကွံာ်ဝဲလၢလပီတဖၣ်ဒိတၢ်ဆူၣ်အဃိလီၤ. ⁴² ဒီးပှၤ သုးဖိတဖၣ်ဘၣ်ယိၣ်လၢ ပှၤဘၣ်စၢဃာ်တနီၤနီၤကပီၢ် ထံဒီးကပူၤကဖျဲး ဘၣ်ဖုးသတးဒီး, သါကမၤသံအီၤ လီၤ. ⁴³ မ့မ့ၢ်ပှၤသုးဖိတကယၤအခိၣ်န့ၣ်, တၢ်မိၣ်အုၣ်က့ၤ ခီၣ်က့ၤအသးလၢစီၤပီလူးဒီး, တြီဝဲ, ဒီးမၤလိာ်ဝဲလၢပှၤ ပီၢ်ထံသ့တဖၣ်ကစံၣ်လီၤဆိ, ဒီးတုၤလၢခိ, ⁴⁴ ဒီးပှၤအိၣ် လီၤတဲာ်တနီၤနီၤလၢသ့ၣ်ဘ့ၣ်ဘၣ်အဖီခိၣ်, ဒီးတနီၤနီၤ လၢတၢ်ဘၣ်ဃးဒီးကဘီဟးဂီၤန့ၣ်အဖီခိၣ်လီၤ. မၤဝဲဒ် န့ၣ်ဒီးပှၤတုၤလၢတၢ်အုၣ်က့ၤခီၣ်က့ၤဆူခိခဲလၢာ်လီၤ.

၂၈

¹ ဒီးတုၤပပူၤဖျဲးဝံၤဒီး, ပသ့ၣ်ညါလၢပှၤကိးကီးတဖျၢၣ် န့ၣ်လၢမ့းလံတ့ၤလီၤ. ² ဒီးပှၤအမံၤတဖၣ်မၤဂ့ၤပှၤတဆံး တစှၤဘၣ်. အဂ့ၢ်ဒ်အံၤ, ဆိၣ်ကဲၤမ့ၣ်အူ, ဒီးတူၢ်လိာ်ပှၤခဲ လၢာ်လၢတၢ်ဟဲစူၤဘၣ်ပှၤအဃိ, ဒီးတၢ်ဂိၢ်အဃိလီၤ.

³ ဒီးစီၤပီလူးထၢဖှိၣ်သ့ၣ်မုၣ်ဒ့တကဒိၣ်, ဒီးပာ်ထီၣ်ဝဲ လၢမ့ၣ်အူအဖီခိၣ်ဒီး, ဂုၢ်ပွ့တဘိဟဲထီၣ်လၢတၢ်ကိၢ်ကျါ ဒီးဘံအစုလီၤ. ⁴ ဒီးတုၤပှၤအမံၤတဖၣ်ထံၣ်တၢ်အဒူတ ဘိအိၣ်လီၤစဲၤလၢအစုလိၤဒီး, စံးလိာ်အသး, ပှၤတဂၤ အံၤမ့ၢ်မးပှၤမၤသံပှၤကညီလီၤ. ပူၤဖျဲးဒီးပီၣ်လဲၣ်နာ်သ က့ဒီး, တၢ်တီန့ၣ်တဒုးမူဘၣ်အီၤဘၣ်. ⁵ ဘၣ်ဆၣ်ဒီး, တဆ့လီၤကွံာ်တၢ်ဒူဆူမ့ၣ်အူအပူၤ, ဒီးတဘၣ်ဘၣ်တၢ် နီတမံၤဘၣ်. ⁶ ဒီးအဝဲသ့ၣ်ဆိကမိၣ်လၢအကညိးထီၣ် မ့ၢ်ဂ့ၤ, ကလီၤဃံၤသံမ့ၢ်ဂ့ၤ, တကီၢ်ခါလီၤ. ဘၣ်ဆၣ်ဒီး ခိးကွၢ်ဝဲဃဲးဃဲး, ဒီးထံၣ်ဝဲလၢအတဘၣ်တၢ်နီတမံၤဘၣ် ဒီး, အသးလိၣ်ထီၣ်တမံၤဒၣ်ဒီးစံးဝဲဒၣ်, ပှၤအံၤမ့ၢ်ကစၢ် တဂၤလီၤ.

⁷ ဒီးအိၣ်ဘူးဒီးအလီၢ်ဖဲန့ၣ် မ့ၢ်ကီးအပဒိၣ်စီၤပီးပျံၤအ ဟီၣ်ခိၣ်, ဒီးအဝဲဒၣ်တူၢ်လိာ်ပှၤ, ဒီးလုၢ်အီၣ်လုၢ်အီပှၤ လၢသၢသီညါကစီဒီလီၤ. ⁸ ဒီးစီၤပီးပျံၤအပၢ်အိၣ်မံနီၤ ဘၣ်တၢ်ညၣ်ဂိၢ်, ဒီးတၢ်ဟၢဖၢဝံာ်လီၤ. ဒီးစီၤပီလူးလဲၤ နုာ်ဆူအအိၣ်, ဒီးဘါထုကဖၣ်တၢ်, ဒီးပာ်အစုလၢအ လိၤဒီးမၤဘျါက့ၤအီၤလီၤ. ⁹ တၢ်န့ၣ်တမံၤမၤအသးဒီး, ပှၤဂၤလၢအဘၣ်ဆူးဘၣ်ဆါအိၣ်လၢကီးခိၣ်တဖၣ်ဟဲဝဲ, ဒီးဒိးတၢ်မၤဘျါက့ၤအီၤလီၤ. ¹⁰ ဒီးအဝဲသ့ၣ်တဖၣ်န့ၣ်, မၤလၤမၤကပီၤပှၤလၢ တၢ်လၤတၢ်ကပီၤအါမံၤ, ဒီးတုၤ ပဟးထီၣ်ဒီး, ဟ့ၣ်လီၤပှၤလၢတၢ်လၢပမၤအီၤအလီၢ်အိၣ် တဖၣ်န့ၣ်လီၤ.

¹¹ ဒီးသၢလါပူၤကွံာ်ဒီး, ပဟးထီၣ်လၢပှၤအလ့းစၣ်ဒြ့းဖိ အကဘီ, လၢအအိၣ်လၢတၢ်ဂိၢ်အကတီၢ်လၢကီၢ်န့ၣ်အ ပူၤ, ဒီးအပနီၣ်မ့ၢ်မုၢ်ဃါသဃံာ်အဂီၤလီၤ. ¹² ဒီးပထိးထီၣ် လၢစူၤရၤကူ, ဒီးပအိၣ်ဖဲန့ၣ်သၢသီလီၤ. ဒီးပဟးထီၣ်ဖဲ န့ၣ်ဒီးပလဲၤတရံးပၢၢ်လၢရ့ကံၤလီၤ. ¹³ ဒီးတသီပူၤကွံာ်ဒီး, ကလံၤဟဲလၢကလံၤထံးဒီး, မုၢ်ဆ့ၣ်ထီၣ်တနံၤန့ၣ်ပလဲၤ ပၢၢ်လၢပီးတံၤလူးလီၤ. ¹⁴ ဖဲန့ၣ်ပထံၣ်န့ၢ်ဒီပုၢ်ဝဲၢ်လၢအဃ့ ကညးပှၤဒ်သိးပကအိၣ်ဒီးအီၤနွံသီလီၤ. ဒီးဒ်န့ၣ်အသိး ပလဲၤတၢ်ဆူရိမ့ၤလီၤ. ¹⁵ ဒီးဖဲန့ၣ်, ဒီပုၢ်ဝဲၢ်နၢ်ဟူတၢ်လၢပ ဂ့ၢ်ပကျိၤ, ဒီးဟဲသဂၢၢ်ပှၤဆူအးပံပရူး, ဒီးပှၤတမှံၤအဘျီၣ် သၢဖျၢၣ်လီၤ. အဝဲသ့ၣ်န့ၣ်, စီၤပီလူးထံၣ်ဝဲဒီး, စံးထီၣ်ပ တြၢၤယွၤအဘျုးအဖှိၣ်, ဒီးပာ်အသးခူတလ့ၢ်လီၤ.

¹⁶ ဒီးတုၤပဟဲဆူရိမ့ၤအပူၤဒီး, ပှၤသုးဖိတကယၤအခိၣ် ဟ့ၣ်လီၤပှၤဘၣ်စၢဃာ်တဖၣ် ဆူပှၤသုးဖိအလီၢ်န့ၣ်အ ခိၣ်တဂၤအစုပူၤလီၤ. မ့မ့ၢ်တၢ်ဒုးအိၣ် စီၤပီလူးလၢအ လီၢ်တပူၤဒၣ်အိၣ်ဒီးသုးဖိတဂၤလၢအပၢၤအီၤလီၤ.

¹⁷ ဒီးတၢ်မၤအသးလၢ သၢနံၤပူၤကွံာ်ဒီး, စီၤပီလူးကိး ဖှိၣ်ပှၤယူဒၤဖိအခိၣ်တဖၣ်လီၤ. ဒီးတုၤအအိၣ်ဖှိၣ်ရိဖှိၣ် ဒီး, အဝဲဒၣ်စံးဘၣ်အီၤ, ပှၤပုၢ်သ့ၣ်ဝဲၢ်သ့ၣ်ဧၢ, ပှၤဂီၢ်မုၢ် မ့ၢ်ဂ့ၤ, ပပၢ်သ့ၣ်အလုၢ်အလၢ်မ့ၢ်ဂ့ၤ, ယတမၤကမၣ် ဘၣ်အီၤနာ်သက့ဒီး, ပှၤယရူၤၡလ့ၣ်ဖိတဖၣ်ဟ့ၣ်လီၤ ယၤဘၣ်စၢဃာ်ဆူပှၤရိမ့ၤဖိအစုပူၤလီၤ. ¹⁸ ဒီးအဝဲသ့ၣ်သံ ကွၢ်သံဒိးယၤဒီးတထံၣ်န့ၢ်ဘၣ် တၢ်ကမၣ်လၢအဂ့ၤဘၣ် သံလၢယလိၤဘၣ်ဒီး, အသးအိၣ်လၢအကပျၢ်ယၤလီၤ.―

¹⁹ ဘၣ်ဆၣ်ဒီးပှၤယူဒၤဖိတြီတၢ်, ဒီးယဘၣ်ကိးထီၣ်ကဲစၢ် လီၤ. ဘၣ်ဆၣ်ဒီးတမ့ၢ်ဘၣ်လၢယကပာ်တၢ်ကမၣ်လၢ ယပှၤတကလုာ်ဒၣ်ယဲအလိၤဘၣ်. ²⁰ မၤသးဒ်န့ၣ်ဒီး, ဒ် သိးယကထံၣ်ဒီးကတိၤတၢ်ဒီးသုဒီး, ယကိးန့ၢ်သုလီၤ. အဂ့ၢ်ဒ်အံၤ, လၢပှၤအံၣ်စရ့လးဖိအတၢ်မုၢ်လၢ်အဃိဒီး, ယဘၣ်စၢဃာ်ဒီးထးသွဲအံၤလီၤ.

²¹ ဒီးအဝဲသ့ၣ်စံးဘၣ်အီၤ, လံာ်ဟဲလၢကီၢ်ယူဒၤ လၢန ဂ့ၢ်နကျိၤ, ပတဒိးန့ၢ်ဘၣ်, ဒီးဒီပုၢ်ဝဲၢ်တဖၣ်တဟဲကတိၤ အၢတၢ်လၢနဂ့ၢ်နကျိၤနီတဂၤဘၣ်. ²² မ့ၢ်နာ်သက့ဒ်န့ၣ် ဒီး, နဆိကမိၣ်ဒ်လဲၣ်ဒ်လဲၣ်န့ၣ်, ဂ့ၤလၢပနၢ်ဟူဘၣ်လၢ နၤလီၤ. အဂ့ၢ်ဒ်အံၤ, တၢ်လၢအလုၢ်အလၢ်အံၤ, ပသ့ၣ် ညါလၢပှၤဒုၣ်ဒွဲၣ်အီၤတပူၤလၢ်လၢ်လီၤ.

²³ ဒီးအဝဲသ့ၣ်ပာ်အနံၤအသီဒီးအီၤ, ဒီးဟဲဆူအအိၣ်ဝဲ အလီၢ်, အါအါကလဲာ်, ဒီးအဝဲဒၣ်ပာ်ဖျါထီၣ်တၢ်, ဒီးအုၣ်အသးလၢယွၤအဘီအမုၢ်အဂ့ၢ်, ဒီးသနံာ်သန့ၤအ သးလၢစီၤမိၤရှ့အတၢ်သိၣ်တၢ်သီ, ဒီးဝံအကလုၢ်အက ထါဒီး, သဆၣ်ထီၣ်အခံလၢယ့ၣ်ရှူးအဂ့ၢ်အကျိၤ, လၢမုၢ် ဂီၤပၢၢ်လၢမုၢ်ဟါလီၤ. ²⁴ ဒီးတၢ်လၢအစံၣ်တဲၤတဲလီၤတ ဖၣ်န့ၣ်ပှၤတနီၤနီၤစူၢ်က့ၤနာ်က့ၤဝဲ, ဒီးတနီၤနီၤတစူၢ်တ နာ်ဘၣ်ဝဲဘၣ်. ²⁵ ဒီးတဘၣ်လိာ်ဘၣ်အသးဘၣ်, ဒီးဟး ထီၣ်ဝဲတကူၢ်သ့ၣ်လီၤ. ဒီးစီၤပီလူးကတိၤထီၣ်တၢ်က တိၤတထံၣ်, သးစီဆှံန့ၣ်စံးဘၣ်ပပၢ်သ့ၣ်လၢ စီၤယၡါ ယၤဘၣ်ကစီဒီလီၤ. ²⁶ စံးဝဲ, လဲၤဆူပှၤတကလုာ်အံၤအအိၣ်ဒီးစံး, နၢ်ဟူတၢ်ဒီးသုကနၢ်ဟူဒီးသုနၢ်တပၢၢ်ဘၣ်, ကွၢ်တၢ်ဒီးသုကကွၢ်, ဒီးသုတထံၣ်ဘၣ်တၢ်ဘၣ်.

²⁷ အဂ့ၢ်ဒ်အံၤ, ပှၤတကလုာ်အံၤ, ဒ်သိးအသုတထံၣ် တၢ်လၢအမဲာ်, ဒ်သိးအသုတနၢ်ဟူတၢ်လၢအနၢ်, ဒ်သိးအသုတသ့ၣ်ညါတၢ်လၢအသး, ဒ်သိးအသုတဃၣ်လိၤအသး, ဒီးယသုတမၤဘျါ က့ၤအီၤတဂ့ၤဒီး, အသူၣ်အသးဘီၣ်ဝဲ, ဒီးအနူၤဃၢအနၢ်ဃၢ, ဒီးဘံၣ်ဒၣ်အမဲာ်လီၤ.+ ၡါ. ၆း၉|Isa.6.9

²⁸ မၤသးဒ်န့ၣ်ဒီး သ့ၣ်ညါသုဝဲတက့ၢ်. တၢ်မၢလီၤယွၤ အတၢ်အုၣ်က့ၤခီၣ်က့ၤန့ၣ်ဆူ ပှၤကလုာ်တဖၣ်အအိၣ်, ဒီးအဝဲသ့ၣ်တဖၣ်ကဒိကနၣ်တၢ်လီၤ.

²⁹ ဒီးတုၤအစံးဝဲဒ်န့ၣ်ဒီး, ပှၤယူဒၤဖိဟးထီၣ်ဝဲဒီး တဲး လိာ်ဃိလိာ်အသးဒိၣ်မးလိၤ. ³⁰ ဒီး (စီၤပီလူး) အိၣ်လၢ အဟံၣ်လၢအငါဒၣ်ဝဲအပူၤခံနံၣ်ညါ, ဒီးတူၢ်လိာ်ကယဲၢ် ပှၤလၢအဟဲဆူအအိၣ်ခဲလၢာ်လီၤ. ³¹ ဒီးစံၣ်တဲၤတဲလီၤ ယွၤအဘီအမုၢ်, ဒီးသိၣ်က့ၤသီက့ၤတၢ်ဘၣ်ဃးဒီးကစၢ် ယ့ၣ်ရှူးခရံာ်အဂ့ၢ်အကျိၤ, လၢအသးခူတလ့ၢ်ဒီဖျၢၣ်ညါ, ဒီးတၢ်တြီအကျဲတအိၣ်ဘၣ်နီတမံၤဘၣ်.