လံာ်စီၤပီလူးကွဲးန့ၢ်စီၤတံၤမသ့းခံဘ့ၣ်တဘ့ၣ်

လံာ်စီၤပီလူးကွဲးန့ၢ်စီၤတံၤမသ့းခံဘ့ၣ်တဘ့ၣ်

၁

¹ ယ့ၣ်ရှူးခရံာ်အပှၤတၢ်မၢဖိ, ကဲထီၣ်လၢယွၤအသးဒ် တၢ်စံးပာ်ဘၣ်ဃးဒီးတၢ်မူအိၣ်လၢယ့ၣ်ရှူးခရံာ်အပူၤအ သိးန့ၣ်, ယၤစီၤပီလူးအံၤ, ² ယစံးဘၣ်ယဖိလၢယအဲၣ် အီၤ, စီၤတံၤမသ့း, မ်တၢ်ဘျုးတၢ်ဖှိၣ်, တၢ်သူၣ်ကညီၤတၢ် သးကညီၤ, တၢ်ဃူတၢ်ဖိးလၢပၢ်ယွၤဒီးပကစၢ်ယ့ၣ်ရှူးခ ရံာ်န့ၣ်, ဘၣ်နၤတက့ၢ်.

³ ယစံးထီၣ်ပတြၢၤယွၤအဘျုးအဖှိၣ်, လၢယမၤအတၢ် လၢယထူယထံး, လၢယသးလၢအသ့ၣ်ညါဒၣ်တၢ်အ ဂ့ၤ, လၢယသ့ၣ်နီၣ်ထီၣ်က့ၤနၤတဘိယူၢ်ဃီလၢယတၢ် ထုကဖၣ်လၢမုၢ်ဆါဆဲးလၢမုၢ်နၤအဃိလီၤ. ⁴ ယသ့ၣ် နီၣ်ထီၣ်က့ၤနမဲာ်ထံလီၤသတးဒီး, ယဆၢထံၣ်ဘၣ်နၤ ဒိၣ်ဒိၣ်ကလဲာ်, ဒ်သိးယတၢ်သးခုကလၢထီၣ်ပှဲၤထီၣ် လီၤ. ⁵ ဒီးယသ့ၣ်နီၣ်ထီၣ်က့ၤတၢ်နာ်နီၢ်နီၢ်, လၢအအိၣ် လၢနပူၤ, ဒီးအိၣ်ဆိလၢနဖံနီၢ်လိၤအ့ၣ်အပူၤ, ဒီးလၢနမိၢ် နီၢ်အူနံက့ၤအပူၤ, ဒီးယနာ်နီၢ်နီၢ်လၢအအိၣ်စ့ၢ်ကီးလၢ နပူၤန့ၣ်လီၤ. ⁶ မၤသးဒ်န့ၣ်ဒီး, ယဒုးသ့ၣ်နီၣ်ထီၣ်နၤ, ဒ် သိးနကထိၣ်ဂဲၤထီၣ် တၢ်ဟ့ၣ်လၢအအိၣ်လၢနပူၤလၢ ယပာ်ယစုလၢနလိၤအဃိလီၤ. ⁷ အဂ့ၢ်ဒ်အံၤ, ယွၤဟ့ၣ် လီၤပှၤလၢပသးသုၣ်တမ့ၢ်ဘၣ်, မ့ၢ်ပသးဘၣ်ဃးဒီးတၢ် စိတၢ်ကမီၤ, ဒီးတၢ်အဲၣ်တၢ်ကွံ, ဒီးတၢ်သူၣ်ဂၢၢ်သးကျၢၤ လီၤ.

⁸ မၤသးဒ်န့ၣ်ဒီး, တၢ်အုၣ်အသးဘၣ်ဃးဒီးပကစၢ်မ့ၢ် ဂ့ၤ, ယၤအပှၤဘၣ်စၢဃာ်မ့ၢ်ဂ့ၤ, နသုတမဲာ်ဆှးတဂ့ၤ. မ့ မ့ၢ်ဒိးဃုာ်တၢ်နးတၢ်ဖှီၣ်ဒီးယၤ လၢတၢ်သးခုအကစီၣ် အဃိ, ဒ်ယွၤအစိအကမီၤအသိးတက့ၢ်. ⁹ အဝဲဒၣ်န့ၣ် အုၣ်က့ၤခီၣ်က့ၤပှၤ, ဒီးကိးပှၤလၢတၢ်ကိးအစီအဆှံ, ဒ်ပ တၢ်ဖံးတၢ်မၤအသိးတမ့ၢ်ဘၣ်. မ့ၢ်ဒ်အတၢ်ကူၣ်ပာ်ဒၣ်ဝဲ ဒီးအဘျုးအဖှိၣ်လၢအဟ့ၣ်ပှၤလၢ ယ့ၣ်ရှူးခရံာ်အပူၤ လၢတၢ်လီၤထူလီၤယိာ်, ¹⁰ ဒီးခဲကနံၣ်အံၤအိၣ်ဖျါထီၣ် လၢတၢ်အုၣ်က့ၤခီၣ်က့ၤပှၤ, ကစၢ်ယ့ၣ်ရှူးခရံာ်အတၢ် အိၣ်ဖျါအဃိ, ပှၤလၢအမၤဟးဂီၤတၢ်သံဒီးလီၣ်ဖျါထီၣ် တၢ်မူဒီးတၢ်သံတသ့ဘၣ်, လၢတၢ်သးခုအကစီၣ်အပူၤ လီၤ. ¹¹ လၢတၢ်အံၤအဂီၢ် တၢ်ပာ်ယၤလၢပှၤစံၣ်တဲၤတဲ လီၤတၢ်, ဒီးပှၤတၢ်မၢဖိ, ဒီးပှၤသိၣ်လိပှၤကလုာ်တဖၣ် လီၤ. ¹² မၤသးဒ်န့ၣ်ဒီး, ယဘၣ်တၢ်နးတၢ်ဖှီၣ်တဖၣ်အံၤ လီၤ. ဘၣ်ဆၣ်ဒီး, ယမဲာ်တဆှးဘၣ်. အဂ့ၢ်ဒ်အံၤ, ယစူၢ် က့ၤနာ်က့ၤမတၤမတၤန့ၣ်ယသ့ၣ်ညါ, ဒီးယနာ်လၢအ ကပၢၤတၢ်လၢယပာ်လၢအစုပူၤသ့ဝဲတုၤမုၢ်နံၤတနံၤန့ၣ် လီၤ.

¹³ တၢ်ကတိၤအဂ့ၤအဘၣ်လၢနနၢ်ဟူလၢယၤအံၤအဂ့ၢ် မိၢ်ပှၢ်န့ၣ်ဟံးဃာ်အီၤလၢတၢ်နာ်ဒီးတၢ်အဲၣ်တၢ်ကွံ, လၢ ယ့ၣ်ရှူးခရံာ်အပူၤတက့ၢ်. ¹⁴ တၢ်အဂ့ၤတမံၤလၢတၢ်အး က့ၤလၢနစုပူၤန့ၣ်ပၢၤအီၤလၢသးစီဆှံ, လၢအအိၣ်ဝဲဆိး ဝဲလၢပပူၤအဃိန့ၣ်တက့ၢ်.

¹⁵ ကယဲၢ်ပှၤအိၣ်လၢအၤစံခဲလၢာ်န့ၣ် ဃၣ်ကွံာ်အသး လၢယၤအံၤ, နသ့ၣ်ညါလီၤ. စီၤဖူက့းလူး, ဒီးစီၤအ့းရံမိ က့းန့ၤ, အိၣ်ဝဲလၢအကျါလီၤ. ¹⁶ မ်ကစၢ်သူၣ်ကညီၤသး ကညီၤစီၤအီးနံၤစံဖရူးအဟံၣ်ဖိတက့ၢ်. အဂ့ၢ်ဒ်အံၤ, အဝဲ ဒၣ်န့ၣ်မၤခုၣ်မၤမုာ်ယၤတလီၢ်လီၢ်တလီၢ်လီၢ်, ဒီးအမဲာ် တဆှးဘၣ်လၢယထးသွဲအဃိဘၣ်. ¹⁷ ဒီးလၢအအိၣ်ဝဲ လၢရိမ့ၤအပူၤန့ၣ်, ဃုယၤသပှၢ်ပှၢ်, ဒီးထံၣ်န့ၢ်ယၤလီၤ.―

¹⁸ မ်ကစၢ်ဟ့ၣ်အထံၣ်န့ၢ် တၢ်သးကညီၤလၢကစၢ်လၢမုၢ် တနံၤန့ၣ်တက့ၢ်. ဒီးအဝဲဒၣ်မၤစၢၤယၤလၢအ့းဖ့းစူးအ ပူၤ, လၢတၢ်ဆံးအါဆံးအါန့ၣ်, နသ့ၣ်ညါကစီဒီလီၤ.

၂

¹ မၤသးဒ်န့ၣ်ဒီးယဖိဧၢ, အိၣ်ဒီးနဂံၢ်ဆူၣ်ထီၣ်နဘါ ဆူၣ်ထီၣ်လၢတၢ်ဘျုးတၢ်ဖှိၣ် လၢအအိၣ်လၢယ့ၣ်ရှူးခ ရံာ်အပူၤတက့ၢ်. ² ဒီးတၢ်လၢနနၢ်ဟူလၢယၤလၢပှၤအုၣ် အသးအါဂၤအမဲာ်ညါန့ၣ်, ဟ့ၣ်လီၤက့ၤအဝဲန့ၣ်, လၢပှၤ အကလုၢ်တီတဖၣ်အစုပူၤ လၢအသိၣ်လိပှၤဂၤစ့ၢ်ကီးက သ့န့ၣ်တက့ၢ်. ³ မ်ဒ်န့ၣ်ဒီး, ဒိးတၢ်နးတၢ်ဖှီၣ်, ဒ်ယ့ၣ်ရှူးခ ရံာ်အသုးဖိလၢအဂ့ၤတဂၤအသိးန့ၣ်တက့ၢ်. ⁴ ပှၤလၢ အဒုးတၢ်န့ၣ်, ဒ်သိးအကမၤဘၣ်ပှၤလၢအမၢအဒုးတၢ် တဂၤအသးဒီး, တမၤသဘံၣ်ဘုၣ်အသးဒီးတၢ်ဖံးတၢ်မၤ ဘၣ်ဃးဒီးအအံၤတဃၣ်နီတဂၤဘၣ်. ⁵ ဒီးပှၤမ့ၢ်ပြၢတၢ် ဒီး, မ့ၢ်တပြၢဘၣ်ဒ်အလုၢ်အလၢ်အသိးဘၣ်ဒီး, တၢ်တ ဒုးကုာ်ဘၣ်အီၤလၢခိၣ်သလုးဘၣ်. ⁶ ပှၤမၤဟီၣ်ခိၣ်ဖိ လၢအမၤတၢ်တဂၤန့ၣ်, ဂ့ၤဒိးန့ၢ်ဆိ အတၤသၣ်န့ၣ် လီၤ. ⁷ တၢ်လၢယစံးဘၣ်တဲဘၣ်တဖၣ်န့ၣ်, ဆိကမိၣ် တက့ၢ်. အဂ့ၢ်ဒ်အံၤ, ကစၢ်ကဟ့ၣ်နသူၣ်ဖးနသးဖးလၢ တၢ်ခဲလၢာ်လီၤ.

⁸ သ့ၣ်နီၣ်ထီၣ်က့ၤ ယ့ၣ်ရှူးခရံာ်လၢအဂဲၤဆၢထၢၣ်က့ၤ လၢတၢ်သံ, စီၤဒၤဝံးအချံအသၣ်, ဒ်ယတၢ်သးခုအကစီၣ် အသိးန့ၣ်တက့ၢ်. ⁹ လၢအဝဲဒၣ်အဃိန့ၣ်ယဘၣ်တၢ်နး တၢ်ဖှီၣ်ပၢၢ်ဒၣ်လဲာ်လၢယဘၣ်တၢ်စၢဃာ်, ဒ်ပှၤမၤအၢ တၢ်အသိးန့ၣ်လီၤ. ဘၣ်ဆၣ်ဒီးယွၤအကလုၢ်အကထါ တဘၣ်ဘၣ်တၢ်စၢဃာ်ဘၣ်. ¹⁰ မၤသးဒ်န့ၣ်ဒီးယဝံသး စူၤတၢ်ခဲလၢာ်လၢပှၤဘၣ်တၢ်ဃုထၢအီၤအဂီၢ်, ဒ်သိးအ ဝဲသ့ၣ်စ့ၢ်ကီးကတုၤလၢတၢ်အုၣ်က့ၤခီၣ်က့ၤလၢယ့ၣ်ရှူး ခရံာ်အပူၤ, အိၣ်ဒီးတၢ်လၤတၢ်ကပီၤအထူအယိာ်လီၤ.―

¹¹ တၢ်ကတိၤအမ့ၢ်အတီမ့ၢ်တၢ်အံၤ, ပမ့ၢ်သံဃုာ်ဒီးအီၤဒီး, ပကမူဃုာ်စ့ၢ်ကီးဒီးအီၤလီၤ. ¹² ပမ့ၢ်ဝံသးစူၤတၢ်ဒီး, ပက ကဲဃုာ်စီၤပၤဒီးအီၤစ့ၢ်ကီးလီၤ. ပမ့ၢ်သမၢအီၤဒီး, ကသ မၢစ့ၢ်ကီးပှၤလီၤ. ¹³ ပမ့ၢ်တမၤတီဘၣ်ပကလုၢ်ဘၣ်ဆၣ် ဒီး, အဝဲဒၣ်န့ၣ်အိၣ်ဒီးအကလုၢ်တီဒၣ်တၢ်လီၤ. သမၢ လီၤအသးတသ့ဘၣ်.

¹⁴ ဒုးသ့ၣ်နီၣ်ထီၣ်က့ၤအီၤလၢတၢ်တဖၣ်န့ၣ်တက့ၢ်. ဒီး ဒ်သိးအသုတတဲးလိာ်ဃိလိာ်လၢ တၢ်ကတိၤအဂ့ၢ်အ ကျိၤတဂ့ၤဒီး, သိၣ်အီၤသပှၢ်ပှၢ်လၢကစၢ်အမဲာ်ညါတ က့ၢ်. တၢ်န့ၣ်တဂိာ်တသီၣ်ဘၣ်တၢ်နီတမံၤဘၣ်. မ့ၢ်အ မၤကဒံကဒါပှၤလၢအကနၣ်ဝဲတဖၣ်လီၤ.

¹⁵ ကျဲးစၢးကဲထီၣ်လၢပှၤဘၣ်ယွၤအသး, ပှၤမၤတၢ်ဖိလၢ အမဲာ်ဆှးအလီၢ်တအိၣ်ဘၣ်, ပှၤနီၤဖးတၢ်မ့ၢ်တၢ်တီအ ကလုၢ်အကထါအဆၢတီတီလိၤလိၤန့ၣ်တက့ၢ်. ¹⁶ မ့မ့ၢ် တၢ်အၢတၢ်သီအတၢ်ကတိၤကလီကလီန့ၣ်, ဟးဆှဲး အီၤတက့ၢ်. အဂ့ၢ်ဒ်အံၤ, ကလဲၤဆူတၢ်တယူးတယီၣ် ဘၣ်ယွၤအါထီၣ်အါထီၣ်န့ၣ်လီၤ. ¹⁷ ဒီးအတၢ်ကတိၤန့ၣ် အီၣ်ဂီၤတၢ်ဒ်တၢ်ပူၤလီၢ်ပူၤဃဲာ်အသိးန့ၣ်လီၤ. လၢအဝဲ သ့ၣ်အကျါ, မ့ၢ်စီၤဟူၤမ့းနဲ, ဒီးစီၤဖံလ့ၤတူးန့ၣ်လီၤ. ¹⁸ ပှၤ တဖၣ်န့ၣ်ဃၣ်ကွံာ်အသးလၢတၢ်မ့ၢ်တၢ်တီ, ဒီးစံးဝဲလၢ တၢ်ဂဲၤဆၢထၢၣ်န့ၣ်ပူၤကွံာ်လံ, ဒီးမၤကဒံကဒါပှၤတနီၤ နီၤအတၢ်နာ်လီၤ.

¹⁹ ဘၣ်ဆၣ်ဒီးတၢ်အခီၣ်ထံး ဘၣ်ဃးဒီးယွၤ အိၣ်ဂၢၢ် အိၣ်ကျၢၤ, ဒီးအိၣ်ဝဲဒီးတၢ်စဲဃာ်ပနီၣ်အအံၤ, ကစၢ်သ့ၣ် ညါပှၤလၢအမ့ၢ်အတၢ်လီၤ. ဒီးကယဲၢ်ပှၤလၢအပှ့ၤဘၣ် ကစၢ်အမံၤတဂၤလၢ်လၢ်န့ၣ်, မ်အဟးဆှဲးတၢ်တတီတ လိၤဘၣ်တက့ၢ်. ²⁰ အိၣ်လၢဟံၣ်ဖးဒိၣ်အပူၤထဲသပၢၤထူ ဒီးသပၢၤစ့ဧိၤတမ့ၢ်ဘၣ်, မ့ၢ်သပၢၤသ့ၣ်ဒီး သပၢၤဟီၣ် ခိၣ်အိၣ်စ့ၢ်ကီး, ဒီးတနီၤနီၤအိၣ်လၢတၢ်လၤကပီၤအဂီၢ်, ဒီးတနီၤနီၤလၢတၢ်လၤကပီၤတအိၣ်ဘၣ်အဂီၢ်လီၤ. ²¹ မၤ သးဒ်န့ၣ်ဒီး, ပှၤမ့ၢ်မၤကဆှီထီၣ်ကွံာ်အသးလၢတၢ်တ ဖၣ်န့ၣ်ဒီး, ကကဲထီၣ်သပၢၤလၢတၢ်ကမၤလၤကပီၤအီၤ, ဒီးစီဆှံ, ဒီးဂ့ၤလၢဟံၣ်ကစၢ်မၤတၢ်အဂီၢ်, ဒီးကတဲာ်က တီၤအသးလၢကယဲၢ်တၢ်မၤအဂ့ၤအဂီၢ်လီၤ.

²² ဒီးဃ့ၢ်ဟးဆှဲးဖိၣ်သၣ်ခွါအတၢ်သးကွံတဖၣ်, ဒီးလူၤ တၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်ဃူ တၢ်ဖိး, အိၣ်ဒီးပှၤလၢအကိးထီၣ်ကစၢ်လၢအသးကဆှီ တဖၣ်တက့ၢ်. ²³ မ့မ့ၢ်တၢ်သံကွၢ်ကလီကလီ, ဒီးတဂိာ် တသီၣ်ဘၣ်န့ၣ်, ဟးဆှဲးအီၤတက့ၢ်. အဂ့ၢ်ဒ်အံၤ, နသ့ၣ် ညါလၢအမၤအိၣ်ထီၣ်တၢ်အ့ၣ်လိာ်ဆိးက့လိာ်န့ၣ်လီၤ. ²⁴ ဒီးကစၢ်အခ့အပှၤန့ၣ်, တဘၣ်အ့ၣ်လိာ်ဆိးက့လိာ်ဘၣ်. မ့မ့ၢ်အဘၣ်မ့ၢ်ပှၤဝံသးစူၤလၢပှၤခဲလၢာ်, ပှၤသိၣ်လိတၢ် သ့, ပှၤကီၤအသးလီၤ. ²⁵ ဒီးဘၣ်သိၣ်က့ၤသီက့ၤပှၤလၢအ ဂ့ၢ်လိာ်ဘှီလိာ်ဒၣ်အတၢ်တဖၣ်န့ၣ်, လၢအသူၣ်စူၤအ သးနွဲၤလီၤ. အဂ့ၢ်ဒ်အံၤ, ဘၣ်တဘၣ်ယွၤကဟ့ၣ်လီၤအီၤ လၢတၢ်ပီၢ်ယၢ်လီၤအသး, ပၢၢ်လၢတၢ်သ့ၣ်ညါနီၢ်နီၢ် တၢ်မ့ၢ်တၢ်တီ, ²⁶ ဒီးကမၤပူၤဖျဲးထီၣ်ကွံာ်အသးလၢမုၣ် ကီၤလံၢ်အပျံၤသကွီၤလီၤ. အဂ့ၢ်ဒ်အံၤ, ဘၣ်တၢ်ဖီၣ်န့ၢ် အီၤဖဲအဝဲဒၣ်အသး, လၢအကစူၢ်အီၤန့ၣ်လီၤ.

၃

¹ ဘၣ်ဆၣ်ဒီးသ့ၣ်ညါတၢ်အံၤတက့ၢ်. လၢမုၢ်နံၤအခံက တၢၢ်တဖၣ်အပူၤန့ၣ်, အဆၢအကတီၢ်လၢအကီအခဲက ဘၣ်လီၤ. ² အဂ့ၢ်ဒ်အံၤ, ပှၤကညီကမ့ၢ်ပှၤအဲၣ်လီၤအသး, ပှၤသးကွံစ့, ပှၤခိးထဲသိးလိာ်အသး, ပှၤပာ်ထီၣ်ထီအ သး, ပှၤဒုၣ်ဒွဲၣ်တၢ်, ပှၤတစူၢ်ဘၣ်အမိၢ်အပၢ်ဘၣ်, ပှၤတ သ့ၣ်ညါဘၣ်တၢ်အဘျုးအဖှိၣ်ဘၣ်, ပှၤတစီတဆှံဘၣ်.

³ ပှၤတအဲၣ်ဘၣ်အဘူးအတံၢ်ဘၣ်, ပှၤအသူၣ်တကၢ်အ သးတလီၤဘၣ်, ပှၤပာ်တၢ်ကမၣ်လၢပှၤဂၤအလိၤကလီ ကလီ, ပှၤလၢအတကီၤဘၣ်အသးဘၣ်, ပှၤဒူတၢ်, ပှၤတ အဲၣ်ဘၣ်ပှၤအဂ့ၤဘၣ်, ⁴ ပှၤဟ့ၣ်လီၤကွံာ်ပှၤဂၤ, ပှၤလၢ အတပလီၢ်ဘၣ်အသးဘၣ်, ပှၤပာ်အသးကဖၢလၢ, ပှၤ လၢအအဲၣ်တၢ်မုာ်လၤဒိၣ်န့ၢ်အအဲၣ်ယွၤ, ⁵ အိၣ်ဝဲဒီးတၢ် ယူးယီၣ်ယွၤအက့ၢ်အဂီၤဘၣ်ဆၣ်ဒီး, အစိအကမီၤန့ၣ် သမၢဝဲလီၤ. ပှၤဒ်န့ၣ်သိးတဖၣ်န့ၣ်, ဟးဆှဲးအီၤတက့ၢ်.―

⁶ အဂ့ၢ်ဒ်အံၤ, ပှၤအိၣ်လၢပှၤတဖၣ်န့ၣ်အကျါမ့ၢ်ပှၤလၢအ လဲၤနုာ်ခူသူၣ်ဆူပှၤအဟံၣ်ပူၤ, ဒီးမၢကဲကုၢ်ပိာ်မုၣ်လၢ အကူၣ်တၢ်တသ့ဘၣ်, ဒီးလၢပှဲၤဒီးတၢ်ဒဲးဘး, ဒီးပိာ်အ သးကွံတၢ်အကလုာ်ကလုာ်အခံ, ⁷ လၢအမၤလိတၢ်တ ထံၣ်ဃီနာ်သက့ဒီး, တုၤလၢတၢ်သ့ၣ်ညါတၢ်မ့ၢ်တၢ်တီ တသ့ဘၣ်နီတခီၣ်ဘၣ်လီၤ.

⁸ ဒီးဒ်စီၤယၣ်နံၤ, ဒီးစီၤယၣ်ဘြံၤတြီစီၤမိၤရှ့အသိးန့ၣ်, အဝဲသ့ၣ်တဖၣ်တြီတၢ်မ့ၢ်တၢ်တီဒ်န့ၣ်အသိး, အသူၣ် အၢအသးသီ, ဒီးလၢတၢ်နာ်အဂ့ၢ်မ့ၢ်ဝဲပှၤတဂိာ်တသီၣ် ဘၣ်လီၤ. ⁹ ဘၣ်ဆၣ်ဒီးတထီၣ်တထီလၢၤဘၣ်. အဂ့ၢ်ဒ် အံၤ, အတၢ်သူၣ်ခံးသးခံးအိၣ်ဖျါဒ်အဝဲသ့ၣ်အသိးစ့ၢ်ကီး လီၤ.

¹⁰ မ့မ့ၢ်နဲဒၣ်အံၤ နလူၤတိၢ်န့ၢ်လံယသိၣ်တၢ်သီတၢ်, ယ တၢ်ဖံးတၢ်မၤ, ယတၢ်ကူၣ်ထီၣ်ဖးလီၤ, ယတၢ်စူၢ်တၢ်နာ်, ယသူၣ်စူၤသးစူၤ, ယတၢ်အဲၣ်တၢ်ကွံ, ယဝံသူၣ်စူၤဝံသး နွဲၤ, ¹¹ တၢ်မၤအၢမၤသီယၤ, တၢ်နးတၢ်ဖှီၣ်လၢအဘၣ်ယၤ လၢအၣ်တံၤအီာ်, လၢအံၤကနံ, လၢလူစတြၤ, တၢ်မၤအၢ မၤသီလၢအဘၣ်ယၤဒ်အံၤဒ်နုၤလီၤ. ဒီးကစၢ်ထုးထီၣ် န့ၢ်ယၤလၢအပူၤခဲလၢာ်လီၤ. ¹² ဒီးမ့ၢ်မးကယဲၢ်ပှၤလၢအ သးအိၣ်လၢအကမူဝဲလၢတၢ်ယူးယီၣ်ယွၤ လၢယ့ၣ်ရှူးခ ရံာ်အပူၤခဲလၢာ်, ကဘၣ်တၢ်မၤနးမၤဖှီၣ်အီၤလီၤ. ¹³ ဘၣ် ဆၣ်ဒီးပှၤအၢပှၤသီဒီး ပှၤလီတၢ်ဝ့ၤတၢ်တဖၣ်န့ၣ်မ့ၢ်အလီတၢ်, ဒီးဒိးလီလီၤအသးသတးဒီး, ကအၢလီၤဝဲနးထီၣ် နးထီၣ်လီၤ. ¹⁴ မ့မ့ၢ်နဲဒၣ်အံၤအိၣ်နဲဆိးနဲလၢတၢ်လၢနမၤ လိအီၤ, လၢနသ့ၣ်ညါလၢအမ့ၢ်အမ့ၢ်အတီတဖၣ်အပူၤ တက့ၢ်. နမၤလိတၢ်လၢမတၤမတၤအအိၣ်န့ၣ်, နသ့ၣ် ညါလီၤ. ¹⁵ ဒီးလၢနမ့ၢ်ဖိဒံဖိသၣ်လံၤလံၤန့ၣ်နသ့ၣ်ညါ တၢ်ကွဲးအသးစီဆှံတဖၣ်, လၢအဒုးကူၣ်သ့ကူၣ်ဘၣ်နၤ, တုၤလၢတၢ်အုၣ်က့ၤခီၣ်က့ၤနၤလၢ တၢ်နာ်ယ့ၣ်ရှူးခရံာ် အဃိန့ၣ်သ့လီၤ.

¹⁶ ကယဲၢ်တၢ်ကွဲးအသးခဲလၢာ်န့ၣ်, ကွဲးအသးလၢယွၤ အသးစီဆှံ, ဒီးဂ့ၤလၢသိၣ်တၢ်သီတၢ်အဂီၢ်, လၢသိၣ် ဃီၣ်တၢ်အဂီၢ်, လၢဃၣ်လိၤတၢ်အဂီၢ်, လၢသိၣ်လိနဲၣ် လိတၢ်လၢတၢ်တီတၢ်လိၤအပူၤအဂီၢ်, ¹⁷ ဒ်သိးယွၤအပှၤ ကညီကလၢထီၣ်ပှဲၤထီၣ်, ဒီးကအိၣ်ကတဲာ်ကတီၤအ သးလၢလၢပှဲၤပှဲၤ, လၢကယဲၢ်တၢ်မၤဂ့ၤတမံၤလၢ်လၢ်အ ဂီၢ်လီၤ.

၄

¹ ယမၤလိာ်နၤလၢယွၤဒီးယ့ၣ်ရှူးခရံာ်လၢအကစံၣ် ညီၣ်ပှၤမူဒီးပှၤသံတဖၣ်, အမဲာ်ညါ, ဒီးလၢအတၢ်အိၣ်ဖျါ ဒီးအဘီအမုၢ်အမဲာ်ညါ, စံၣ်တဲၤတဲလီၤတၢ်အကလုၢ်အ ကထါတက့ၢ်. ² ကျဲးစၢးလၢတၢ်အကတီၢ်ဘၣ်လၢအ ကတီၢ်တဘၣ်ဘၣ်တက့ၢ်. မၤဖျါပှၤအတၢ်ကမၣ်, သိၣ် ဃီၣ်တၢ်, သဆၣ်ထီၣ်အခံလၢတၢ်ဝံသးစူၤခဲလၢာ်, ဒီး သိၣ်တၢ်သီတၢ်တက့ၢ်. ³ အဂ့ၢ်ဒ်အံၤ, အမုၢ်အလါက ဘၣ်, ဖဲပှၤတဝံသးစူၤဘၣ်တၢ်သိၣ်တၢ်သီလၢအဂ့ၤအ ဝါဘၣ်. မ့မ့ၢ်အနၢ်ကိၢ်ကွံဒီး, ကပာ်ဖှိၣ်သရၣ်တဖၣ်လၢ အကစၢ်ဒၣ်ဝဲအဂီၢ်, ဒ်တၢ်ဘၣ်အသးဒၣ်ဝဲအသိးန့ၣ် လီၤ. ⁴ ဒီးကဃၣ်ကွံာ်အနၢ်လၢတၢ်မ့ၢ်တၢ်တီ, ဒီးကဃၣ် ဃီၤအသးဆူပူကလီကလီတဖၣ်လီၤ.

⁵ မ့မ့ၢ်နဲဒၣ်အံၤ, ခိးနသးလၢတၢ်ခဲလၢာ်အပူၤတက့ၢ်. ဒိးတၢ်နးတၢ်ဖှီၣ်တက့ၢ်. မၤပှၤစံၣ်တဲၤတဲလီၤတၢ်သးခု အကစီၣ်အတၢ်မၤန့ၣ်တက့ၢ်. တၢ်အခ့အပှၤအတၢ်လၢ နမၤအီၤန့ၣ်, မၤလၢလၢပှဲၤပှဲၤတက့ၢ်. ⁶ အဂ့ၢ်ဒ်အံၤ, ခဲ ကနံၣ်အံၤဒၣ်လဲာ်, တၢ်လူလီၤဂၢ်လီၤယၤ, ဒီးယက့ၤ တၢ်အဆၢအကတီၢ်ဘၣ်လံ. ⁷ တၢ်ဒုးလၢအဂ့ၤန့ၣ်, ယ ဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ် လံ. ⁸ တုၤအံၤဆူညါ တၢ်တီတၢ်လိၤအခိၣ်သလုးလၢ ကစၢ်ပှၤစံၣ်ညီၣ်ကွီၢ် အတီအလိၤတဂၤ, ကဟ့ၣ်လီၤ ယၤလၢမုၢ်နံၤန့ၣ်, အိၣ်ပာ်လီၤအသးလၢယဂီၢ်, ဒီးထဲ ယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤလၢအအဲၣ်ဒိးအ တၢ်အိၣ်ဖျါခဲလၢာ်အဂီၢ်န့ၣ်လီၤ. ⁹ ဂုာ်ဟဲဆူယအိၣ်ချ့ချ့တက့ၢ်. အဂ့ၢ်ဒ်အံၤ, စီၤဒ့မၤ အဲၣ်တၢ်လၢအအံၤတဃၣ်သတးဒီး, ဟးသဒၣ်ယၤဒီး လဲၤဆူသ့းစၤလနံ, ဒီးစီၤကြံစကံၣ်ဆူကလၤတံ, ဒီးစီၤ တံတူးဆူဒၤလမါတံၤလီၤ. ¹¹ အိၣ်ဒီးယၤထဲစီၤလူၤကၣ် တဂၤဧိၤလီၤ. ဟံးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, လၢတၢ်အခ့အပှၤအတၢ်မၤန့ၣ်အပူၤ, အဝဲ ဒၣ်မၤတၢ်လၢယဂီၢ်အဘျုးအိၣ်လီၤ. ¹² ဒီးစီၤတူဃံၤကူး န့ၣ်, ယမၢအလဲၤဆူအ့းဖ့းစူးလီၤ.

¹³ ယဆ့ဖးဒိၣ်လၢယပာ်လီၤတဲာ်ဒီး စီၤကၢ်ပူးလၢတြိၤ အါအပူၤတဘ့ၣ်, ဟဲစိာ်န့ၢ်ယၤ, ဒီးလံာ်ဧိၤလဲၢ်ဧိၤ, လီၤ ဆီဒၣ်တၢ်လံာ်တၢ်ဖံးတဖၣ်တက့ၢ်. ¹⁴ ပှၤပိာ်တိၢ်, စီၤအလ့းစၣ်ဒြူးတဂၤ, မၤအၢယၤအါမး လီၤ. ကစၢ်ကဟ့ၣ်ကၣ်အီၤဒ်အတၢ်မၤအသိးန့ၣ်လီၤ.

¹⁵ ဒီးနဲဒၣ်ပလီၢ်နသးစ့ၢ်ကီးလၢအီၤတက့ၢ်. အဂ့ၢ်ဒ်အံၤ, ဂ့ၢ်လိာ်ဘှီလိာ်ပတၢ်ကတိၤနးမးလီၤ. ¹⁶ လၢယကတိၤပူၤဖျဲးတၢ် အခီၣ်ထံးတဘျီန့ၣ်, ပှၤတ ဆၢထၢၣ်စၢၤယၤနီတဂၤဘၣ်. မ့မ့ၢ်ပှၤခဲလၢာ်ဟးသ ဒၣ်ယၤလီၤ. မ်တၢ်သုတပာ်လၢအတၢ်ကမၣ်တဂ့ၤ.

¹⁷ ဘၣ်ဆၣ်ဒီးကစၢ်ဆၢထၢၣ်ဒီးယၤဒီး ဒုးဆူၣ်ထီၣ်ယဂံၢ် ယဘါ, ဒ်သိးလၢယဃိ, တၢ်စံၣ်တဲၤတဲလီၤကဘၣ် တၢ်ပာ်ဖျါထီၣ်အီၤလၢလၢပှဲၤပှဲၤ, ဒီးပှၤကလုာ်ခဲလၢာ် ကနၢ်ဟူဘၣ်ဝဲလီၤ. ဒီးယထူၣ်ဖျဲးထီၣ်လၢခ့ယုၢ်အထး ခိၣ်လီၤ. ¹⁸ ဒီးကစၢ်ကထုးထီၣ်န့ၢ်ယၤလၢကယဲၢ်တၢ်မၤ လၢအအၢ, ဒီးကအုၣ်က့ၤခီၣ်က့ၤယၤဆူအဘီအမုၢ်လၢ မူခိၣ်အပူၤလီၤ. မ်အဘၣ်တၢ်လၤကပီၤအစိၤစိၤအဃၣ် ဃၣ်တက့ၢ်. အၤမ့ၣ်.

¹⁹ ကတိၤဒိၣ်နီၢ်ပြံစကံးလၤ, ဒီးစီၤအကူလၤ, ဒီးစီၤအီး နံၤစံဖရူးအဟံၣ်ဖိတက့ၢ်.

²⁰ စီၤအ့ၤရၤစတူးတဂၤ အိၣ်ကတီၢ်ဝဲလၢကရံၣ်သူးအ ပူၤ, မ့မ့ၢ်စီၤတြီးဖံၤမူးတဂၤမၤတကဲဘၣ်ဒီး, ယပာ် လီၤတဲာ်အီၤလၢမံလ့ၤတူးအပူၤလီၤ.

²¹ မၤသပှၢ်ပှၢ်ဒ်သိးနကဟဲလၢ တၢ်ဂိၢ်အကတီၢ်တချုး ဘၣ်ဒံးဘၣ်တက့ၢ်. စီၤအူၤဘူလူး, ဒီးစီၤပူဒံၣ်, ဒီးစီၤလံ နူး, ဒီးနီၢ်ကျီၢ်ဒံ, ဒီးဒီပုၢ်ဝဲၢ်ခဲလၢာ်ကတိၤဒိၣ်နၤလီၤ.

²² မ်ကစၢ်ယ့ၣ်ရှူးခရံာ် အိၣ်ဒီးနသးတက့ၢ်. မ်တၢ်အ ဘျုးအဖှိၣ်အိၣ်ဒီးသုတက့ၢ်.