လံာ်စီၤပ့းတရူးကွဲးဝဲခံဘ့ၣ်တဘ့ၣ်

လံာ်စီၤပ့းတရူးကွဲးဝဲခံဘ့ၣ်တဘ့ၣ်

၁

¹ ယ့ၣ်ရှူးခရံာ်အခ့အပှၤဒီးအပှၤတၢ်မၢဖိ, ယၤစီၤၡံမိၣ် ပ့းတရူး, ယစံးဘၣ်ပှၤလၢအန့ၢ်ဘၣ်တၢ်စူၢ်တၢ်နာ်လုၢ် ဒိၣ်ပှ့ၤဒိၣ်တမံၤဃီဒီးပှၤ, လၢယွၤဒီးပတၢ်အုၣ်က့ၤခီၣ် က့ၤ, ယ့ၣ်ရှူးခရံာ်, အတၢ်တီတၢ်လိၤအပူၤန့ၣ်, ² မ်တၢ် ဘျုးတၢ်ဖှိၣ်, ဒီးတၢ်ဃူတၢ်ဖိးအါထီၣ်လၢသုဂီၢ်, လၢတၢ် သ့ၣ်ညါယွၤ, ဒီးပကစၢ်ယ့ၣ်ရှူးခရံာ်အပူၤန့ၣ်တက့ၢ်.

³ အဂ့ၢ်ဒ်အံၤ, မ့ၢ်လၢတၢ်သ့ၣ်ညါဘၣ်ဃးဒီးပှၤလၢအ ကိးန့ၢ်ပှၤလၢအလၤကပီၤ, ဒီးအတၢ်ဂ့ၤတၢ်ဝါဒၣ်ဝဲသ တးဒီး, ယွၤအစိအကမီၤဟ့ၣ်လီၤလံပှၤလၢကယဲၢ်တၢ် ဘၣ်ဃးဒီးတၢ်မူဒီးတၢ်ယူးယီၣ်ယွၤ, ⁴ ဒီးဟ့ၣ်လီၤလံစ့ၢ် ကီးပှၤလၢတၢ်စံးပာ်အဒိၣ်အမုၢ်ဒီးအလုၢ်ဒိၣ်ပှ့ၤဒိၣ်, ဒ် သိးသုကပူၤဖျဲးဒီးတၢ်ဟးဂီၤလၢ အကဲထီၣ်ဝဲလၢဟီၣ် ခိၣ်ချၢလၢပသးကွံတၢ်အဃိ, ဒီးန့ၢ်ဃုာ်တၢ်အလုၢ်အ လၢ်ဘၣ်ဃးဒီးယွၤန့ၣ်လီၤ. ⁵ လၢတၢ်န့ၣ်အဃိစ့ၢ်ကီး, သုမၤတၢ်လၢကယဲၢ်တၢ်ဂုာ်မၤခဲလၢာ်သတးဒီး, လၢသု တၢ်နာ်အဖီခိၣ်, ပာ်ဖှိၣ်တၢ်ဂ့ၤတၢ်ဝါ, ဒီးလၢတၢ်ဂ့ၤတၢ် ဝါအဖီခိၣ်, တၢ်သ့ၣ်ညါ, ⁶ ဒီးလၢတၢ်သ့ၣ်ညါအဖီခိၣ်, တၢ်ကီၤပသး, ဒီးလၢတၢ်ကီၤပသးအဖီခိၣ်, တၢ်ဝံသးစူၤ ဒီးလၢတၢ်ဝံသးစူၤအဖီခိၣ်, တၢ်ယူးယီၣ်ယွၤ, ⁷ ဒီးလၢ တၢ်ယူးယီၣ်ယွၤအဖီခိၣ်, တၢ်အဲၣ်ပုၢ်အဲၣ်ဝဲၢ်, ဒီးလၢတၢ် အဲၣ်ပုၢ်အဲၣ်ဝဲၢ်အဖီခိၣ်, တၢ်အဲၣ်တၢ်ကွံတက့ၢ်. ⁸ အဂ့ၢ်ဒ် အံၤ, တၢ်တဖၣ်န့ၣ်မ့ၢ်အိၣ်လၢသုပူၤ, ဒီးမ့ၢ်အါထီၣ်ဝဲဒီး, ကဒုးကဲထီၣ်သုလၢသုတမ့ၢ်ဘၣ်ပှၤအကၢၣ်အကျူ, ဒီး ပှၤတသၣ်ထီၣ်ဘၣ်လၢ တၢ်သ့ၣ်ညါ ပကစၢ်ယ့ၣ်ရှူးခ ရံာ်အဂ့ၢ်န့ၣ်ဘၣ်လီၤ. ⁹ အဂ့ၢ်ဒ်အံၤ, ပှၤလၢတၢ်န့ၣ်တ ဖၣ်တအိၣ်ဘၣ်န့ၣ်, မ့ၢ်ပှၤမဲာ်ဘျီၣ်, ဒီးတထံၣ်ဘၣ်တၢ် အယံၤဘၣ်, ဒီးသးပ့ၤနီၣ်လၢအဒိးကဆှီထီၣ်အသးလၢ အတၢ်ဒဲးဘးလီၢ်လံၤန့ၣ်လီၤ.

¹⁰ မၤသးဒ်န့ၣ်ဒီး, ဒီပုၢ်ဝဲၢ်သ့ၣ်ဧၢ, ကျဲးစၢးမၤဂၢၢ်မၤကျၢၤ တၢ်ကိးန့ၢ်သုဒီးတၢ်ဃုထၢသု, ဒိၣ်ဒၣ်တၢ်န့ၣ်တက့ၢ်. အဂ့ၢ်ဒ်အံၤ, သုမ့ၢ်မၤတၢ်တဖၣ်န့ၣ်ဒီး, သုတလီၤဃံၤ လၢၤဘၣ်နီတခီၣ်ဘၣ်. ¹¹ အဂ့ၢ်ဒ်အံၤ, ဒ်န့ၣ်အသိးတၢ်က ကပာ်ဖှိၣ်ဒီးသုထူးထူးတီၤတီၤ လၢတၢ်လဲၤနုာ်ဆူတၢ် အုၣ်က့ၤခီၣ်က့ၤ, ပကစၢ်ယ့ၣ်ရှူးခရံာ်အဘီအမုၢ်အထူ အယိာ်အပူၤလီၤ.

¹² မ်ဒ်န့ၣ်ဒီးသုသ့ၣ်ညါတၢ်န့ၣ်တဖၣ်, ဒီးသုအိၣ်ဂၢၢ် ဆိးကျၢၤ လၢတၢ်မ့ၢ်တၢ်တီလၢအအိၣ်ဒီးသုနာ်သက့ဒီး ယကဂုာ်ဒုးသ့ၣ်နီၣ်ထီၣ်သုလၢအဂ့ၢ်အကျိၤ, တဘိယူၢ် ဃီလီၤ. ¹³ ဒီးယဆိကမိၣ်လၢယအိၣ်ဒံးလၢဒဲအံၤအဖၢ မုၢ်ဒီး, ယဂ့ၤထိၣ်ဂဲၤသုလၢတၢ်သ့ၣ်နီၣ်ထီၣ်အဂီၢ်လီၤ.―

¹⁴ ယသ့ၣ်ညါလၢယဘၣ်ပာ်ကွံာ်ယဒဲအံၤချ့သဒံး, ဒ်ပက စၢ်ယ့ၣ်ရှူးခရံာ်ဒုးနဲၣ်ယၤအသိးန့ၣ်လီၤ. ¹⁵ ဒီးယကကျဲး စၢးတၢ်ဒ်သိးယက့ၤက့ၤအလီၢ်ခံန့ၣ်, သုကသ့ၣ်နီၣ်ထီၣ် တၢ်တဖၣ်အံၤတထံၣ်ဃီလီၤ.

¹⁶ အဂ့ၢ်ဒ်အံၤ, လၢပဒုးသ့ၣ်ညါသုလၢပကစၢ်ယ့ၣ်ရှူးခ ရံာ်အစိအကမီၤ, ဒီးအဟဲလီၤအဂ့ၢ်အကျိၤန့ၣ်, ပတပိာ် ဘၣ်ပူကဲထီၣ်လၢတၢ်ကူၣ်တၢ်ဆးန့ၣ်ဘၣ်. မ့မ့ၢ်ပမ့ၢ်ပှၤ လၢအထံၣ်ဘၣ်အစိအကမီၤလၢပမဲာ်လီၤ. ¹⁷ အဂ့ၢ်ဒ် အံၤ, လၢတၢ်အကလုၢ်ဟဲလၢ တၢ်လၤကပီၤကပြုၢ်က ပြီၤဆူအအိၣ်ဒ်အံၤ, အအံၤမ့ၢ်ယဖိခွါလၢယအဲၣ်, ဒီးဘၣ် ယသးလၢအီၤန့ၣ်ဒီး,+ မး. ၁၇း၅|Matt.17.5*, မ့ၢ်အဒိးန့ၢ်တၢ်ပာ် ဒိၣ်ပာ်ထီ, ဒီးတၢ်လၤတၢ်ကပီၤလၢပၢ်ယွၤန့ၣ်လီၤ. ¹⁸ ဒီး ဖဲပအိၣ်ဒီးအီၤလၢကစၢၢ်စီဆှံအလိၤအဖၢမုၢ်ဒီး, ပနၢ်ဟူ တၢ်အကလုၢ်အံၤလၢအဟဲလီၤလၢမူခိၣ်လီၤ. ¹⁹ ဒီးပအိၣ် ဒီးဝံအကလုၢ်ဂၢၢ်န့ၢ်ကျၢၤန့ၢ်အလီၢ်တက့ၢ်, လၢသုဂ့ၤ ကွၢ်ထံအီၤဒ်မ့ၣ်အူဒၢကပီၤထီၣ်လၢတၢ်ခံးအလီၢ်အသိး တုၤလၢမုၢ်ဆ့ၣ်ထီၣ်, ဒီးဆၣ်တူၢ်ဂီၤထီၣ်ဘးလၢသုသး ကံၢ်ပူၤန့ၣ်လီၤ. ²⁰ သ့ၣ်ညါဆိတၢ်အံၤတက့ၢ်. လံာ်အက လုၢ်လၢဝံအကျိာ်န့ၣ်, တၢ်တဒုးအိၣ်ဖျါထီၣ်အခီပညီဖဲ ဒၣ်ပသးပလိၤနီတထံၣ်ဘၣ်. ²¹ အဂ့ၢ်ဒ်အံၤ, ဝံအကလုၢ် တဟဲဘၣ်ဝဲလၢပျၢၤဖဲဒၣ်ပှၤကညီအသးဘၣ်. မ့ၢ်ဒ်သး စီဆှံဘိးထီၣ်အသးအသိးန့ၣ်, ယွၤအပှၤစီဆှံကတိၤတၢ် န့ၣ်လီၤ.

၂

¹ ဘၣ်ဆၣ်ဒီးဝံအဘျၣ် အိၣ်ထီၣ်စ့ၢ်ကီးလၢပှၤဂီၢ်မုၢ်အ ကျါ, ဒ်သရၣ်အဘျၣ်ကအိၣ်စ့ၢ်ကီးဝဲလၢသုကျါအသိး န့ၣ်လီၤ. အဝဲသ့ၣ်ကဒုးနုာ်ခူသူၣ်တၢ်စုတလီၤဃုာ်ဘၣ်, ဘၣ်ဃးဒီးတၢ်ဟးဂီၤ, ဒီးကသမၢကွံာ်ကစၢ်လၢအပှ့ၤ က့ၤအီၤ, ဒီးကထုးလီၤတၢ်ဟးဂီၤလၢအလိၤဒၣ်ဝဲချ့သ ဒံးလီၤ. ² ဒီးပှၤအါဂၤကပိာ်ထွဲအတၢ်ကလုာ်ကလိၤအ ခံ, ဒီးလၢအဝဲသ့ၣ်အဃိ, တၢ်မ့ၢ်တၢ်တီအကျဲကဘၣ် တၢ်ဒုၣ်ဒွဲၣ်အီၤလီၤ. ³ ဒီးလၢတၢ်ပံာ်တၢ်ကီအပူၤကမၤ လဲာ်မၤကၤသုလၢတၢ်ကတိၤလီတၢ်လီၤ. အတၢ်စံၣ် ညီၣ်ဃၣ်လၢပျၢၤလံၤလံၤ, တအိၣ်ကတီၢ်ဘၣ်, ဒီးအတၢ် ဟးဂီၤတမံသပ့ၤဘၣ်.

⁴ အဂ့ၢ်ဒ်အံၤ, ကလူးလၢအမၤတၢ်ဒဲးဘးတဖၣ်န့ၣ်, ယွၤ မ့ၢ်တသးလီဘၣ်အီၤဘၣ်, ဒီးမ့ၢ်တ့ၢ်လီၤအီၤဆူ လရာ် ပူၤ, ဒီးဟ့ၣ်လီၤအီၤလၢတၢ်ခံးအတၢ်စၢဃာ်အပူၤ, လၢ တၢ်စံၣ်ညီၣ်ဃၣ်အဂီၢ်, ⁵ ဒီးမ့ၢ်တသးလီဘၣ်ဟီၣ်ခိၣ် လီၢ်လံၤ, ဒီးဒုးလုၣ်ဘၢပှၤတယူးတယီၣ်ဘၣ်ယွၤအဟီၣ် ခိၣ်လၢထံ, ဒီးအံးက့ၤကွၢ်က့ၤပှၤဃိးဂၤတဂၤစီၤနိအၤ, လၢအစံၣ်တဲၤတဲလီၤတၢ်တီတၢ်လိၤအကလုၢ်, ⁶ ဒီးမ့ၢ် ဒုးကဲထီၣ်ဝ့ၢ်စဒိၣ်, ဒီးဝ့ၢ်ဂမိရၤလၢဖၣ်ဆါ, ဒီးစံၣ်ညီၣ် ဃၣ်အီၤလၢတၢ်ဟးဂီၤ, ဒီးပာ်အီၤလၢတၢ်အဒိအတဲာ် လၢပှၤလၢအကမၤ တၢ်တယူးတယီၣ်ဘၣ်ယွၤလၢခံအ ဂီၢ်. ⁷ ဒီးမ့ၢ်ထုးထီၣ်ကွံာ်ပှၤတီပှၤလိၤစီၤလိာ်, လၢအသူၣ် ကိၢ်အသးဂီၤလၢပှၤတၢ်ဒဲးဘးဖိ အတၢ်ဖံးတၢ်မၤဘၣ် အၢအဃိ, ⁸ (အဂ့ၢ်ဒ်အံၤ, ပှၤတီပှၤလိၤတဂၤန့ၣ်အိၣ်ဝဲ ဆိးဝဲလၢအဝဲသ့ၣ်အကျါ, ဒီးထံၣ်တၢ်, ဒီးနၢ်ဟူတၢ်သ တးဒီး, အသူၣ်တီအသးလိၤဘၣ်တၢ်မၤတံာ်တာ်ကိးမုၢ် နံၤလၢအဝဲသ့ၣ်အတၢ်မၤတတီတလိၤဘၣ်အဃိ) ဒီး,―

⁹ မ့ၢ်မးယွၤသ့ၣ်ညါထုးထီၣ်ကွံာ် ပှၤယူးယီၣ်ယွၤလၢတၢ် လ့ပစီအပူၤ, ဒီးသ့ၣ်ညါဟံးဃာ်ပှၤတတီတလိၤဘၣ် လၢတၢ်ဒဲးဘးအဖီလာ် တုၤလၢ မုၢ်စံၣ်ညီၣ်အနံၤန့ၣ် လီၤ. ¹⁰ ဒီးလီၤဆီဒၣ်တၢ်ပှၤလၢအပိာ်တၢ်ဖံးတၢ်ညၣ်အ ခံ, ဒီးလဲၤလၢအတၢ်ကလုာ်ကလိၤအပူၤ, ဒီးမၤတရီတ ပါပဒိၣ်ပပှၢ်န့ၣ်လီၤ. ပှၤတဖၣ်န့ၣ်မ့ၢ်ပှၤအဒူ, ဒီးမၤဖဲအ သးအလိၤဒၣ်ဝဲလီၤ. ဒီးဒုၣ်ဒွဲၣ်တၢ်အစိအကမီၤတဖၣ် န့ၣ်တပျံၤဘၣ်ဝဲဘၣ်. ¹¹ မ့မ့ၢ်ကလူးတဖၣ်လၢအဂံၢ်အ ဘါဒီးအစိအကမီၤဒိၣ်န့ၢ်အဝဲသ့ၣ်နာ်သက့ဒီး, တပာ် တၢ်ကမၣ်ဒုၣ်ဒွဲၣ်လၢအလိၤလၢယွၤအမဲာ်ညါဘၣ်.

¹² မ့မ့ၢ်အဝဲသ့ၣ်တဖၣ်န့ၣ် ဒ်ဆၣ်ဖိကီၢ်ဖိနီၢ်နီၢ်လၢအ သူၣ်တဖးသးတဖးဘၣ်, ကဲထီၣ်လၢတၢ်ကဖီၣ်န့ၢ်အီၤ, ဒီးမၤသံအီၤအဂီၢ်အသိးန့ၣ်, ပှၤတဖၣ်အံၤဒုၣ်ဒွဲၣ်တၢ် လၢအတသ့ၣ်ညါဘၣ်တဖၣ်န့ၣ်, ဒီးကဟးဂီၤမးလၢအ ကစၢ်ဒၣ်ဝဲအတၢ်ဟးဂီၤအပူၤ, ¹³ ဒီးကဒိးဘၣ်တၢ်တတီ တလိၤဘၣ်အဘူးအလဲလီၤ. တၢ်အီၣ်လုၣ်ကိလၢမုၢ်ဆါ ခီန့ၣ်, ပာ်ဝဲလၢအတၢ်မုာ်တၢ်လၤ, ဒီးမ့ၢ်တၢ်မဲၣ်သူမဲၣ်ဂီၤ ဒီးတၢ်သံၣ်သူမီၢ်ကျာ်, ဒီးပှၤမုာ်လၤတၢ်လၢအတၢ်လီ တၢ်ဝ့ၤဒၣ်ဝဲအပူၤ, ဖဲအအီၣ်မုာ်အီလၤအသးဒီးသုအဖၢ မုၢ်န့ၣ်လီၤ. ¹⁴ အိၣ်ဒီးအမဲာ်ပှဲၤဝဲဒီးပှၤအဲၣ်ဘၢဝၤ, ဒီးဆိ တ့ၢ်လၢတၢ်ဒဲးဘးတသ့ဘၣ်, ကတိၤလွဲန့ၢ်ပှၤလၢအသး တဂၢၢ်တကျၢၤဘၣ်, အိၣ်ဒီးအသးညီနုၢ်လၢတၢ်သးကွံ တၢ်, တၢ်ဆိၣ်အၢအဖိ, ¹⁵ ပှၤလဲၤသဒၣ်ကွံာ်ကျဲအလိၤ, ဒီး ဟးကမၣ်ဝ့ၤဝီၤဝဲ, ဒီးပိာ်က့ၤပှၤလၢအအဲၣ်ဒိးတၢ်တတီ တလိၤဘၣ်အဘူးအလဲ, စီၤဘဧိၢ်အဖိခွါစီၤဘံးလၣ်အ ကျဲ, ¹⁶ ဘၣ်ဆၣ်ဒီးအဝဲဒၣ်ဘၣ်တၢ်ဒူအလိၤလၢအတၢ် ကမၣ်ဒၣ်ဝဲအဃိလီၤ. အဂ့ၢ်ဒ်အံၤ, ကသ့ၣ်ယီၤတအုၣ်တ ဒု, ကတိၤဝဲလၢပှၤကညီအကျိာ်, ဒီးတြီဃာ်ဝံအတၢ်ပျုၢ် တၢ်တြိးလီၤ.

¹⁷ အဝဲသ့ၣ်တဖၣ်န့ၣ်, မ့ၢ်ထံပူၤလၢထံတအိၣ်ဘၣ်, ဘှ့ၣ် လၢကလံၤမုၢ်အူဒံကွံာ်အီၤ, ဒီးတၢ်ခံးအတၢ်သူအထူအ ယိာ်အိၣ်ပာ်လၢအဂီၢ်လီၤ. ¹⁸ အဂ့ၢ်ဒ်အံၤ, ကတိၤလုက တိၤမဲကလီကလီလၢတၢ်ဖံးတၢ်ညၣ်အသးကွံတၢ်, ဒီး တၢ်ကလုာ်ကလိၤအပူၤ, သတးဒီးလွဲန့ၢ်ပှၤလၢအဘူးဒီး ကပူၤဖျဲးဒီးပှၤအိၣ်လၢတၢ်ကမၣ်အပူၤန့ၣ်လီၤ. ¹⁹ စံးပာ် အီၤလၢတၢ်ထူၣ်ဖျဲးအဖၢမုၢ်ဒီး, အကစၢ်ဒၣ်ဝဲမ့ၢ်တၢ်အုၣ် သံကျၣ်သံအကုၢ်အပှၤလီၤ. အဂ့ၢ်ဒ်အံၤ, ပှၤမ့ၢ်ဘၣ်တၢ် မၤနၢၤအီၤလၢတၢ်တမံၤမံၤဒီး, မ့ၢ်အဒိးမၢကုၢ်အသးလၢ အီၤလီၤ. ²⁰ အဂ့ၢ်ဒ်အံၤ, ပှၤလၢအပူၤဖျဲးကွံာ်ဟီၣ်ခိၣ်အ တၢ်ဘၣ်အၢ, လၢတၢ်သ့ၣ်ညါပှၤအုၣ်က့ၤခီၣ်က့ၤတၢ်ပ ကစၢ်ယ့ၣ်ရှူးခရံာ်အဃိန့ၣ်, မ့ၢ်ဘၣ်တၢ်သဘံၣ်ဘုၣ်က ဒီးလၢတၢ်တဖၣ်န့ၣ်, ဒီးတၢ်မၤနၢၤအီၤဒီး, အကတၢၢ်က နးန့ၢ်အခီၣ်ထံးတက့ၢ်လီၤ. ²¹ အဂ့ၢ်ဒ်အံၤ, မ့ၢ်တသ့ၣ်ညါ ဘၣ်တၢ်တီတၢ်လိၤအကျဲဘၣ်ဒီး, ဂ့ၤန့ၢ်အသ့ၣ်ညါဝံၤ ဒီး, ညိကွံာ်တၢ်မၤလိာ်စီဆှံလၢတၢ်ဟ့ၣ်လီၤအီၤန့ၣ်တ က့ၢ်လီၤ. ²² ဒီးတၢ်ကတိၤဒိလၢအမ့ၢ်အမ့ၢ်အတီတမံၤန့ၣ် ဘၣ်လံအီၤလံ, ထွံၣ်ကဒါက့ၤအသးဆူအတၢ်ဘှိးဒၣ်ဝဲ အအိၣ်,+ ကတိၤ. ၂၆း၁၁|Prov.26.11*, ဒီးထိးမိၢ်လၢအဒိးသ့စီအ သးဝံၤဒီးကဒါဃီၤအသးဆူ အလီၢ်ကလိာ်လၢ ကပံာ် ကျါန့ၣ်လီၤ.

၃

¹ ပှၤလၢတၢ်အဲၣ်အီၤသ့ၣ်ဧၢ, ခဲကနံၣ်အံၤ, လံာ်ဟ့ၣ်ယုၢ် ပှဲၤထီၣ်ခံဘ့ၣ်တဘ့ၣ်အံၤ, ယကွဲးန့ၢ်သုလီၤ. လၢခံဘ့ၣ် လိာ်အပူၤန့ၣ်, ယထိၣ်ဂဲၤသုသးစီဆှံလၢ တၢ်သ့ၣ်နီၣ် ထီၣ်က့ၤတၢ်အဂီၢ်, ² ဒ်သိးသုကသ့ၣ်နီၣ်ထီၣ်က့ၤဝံစီဆှံအတၢ်ကတိၤလၢအကတိၤပာ်ဝဲ, ဒီးပှၤအုၣ်က့ၤခီၣ်က့ၤ တၢ်ပကစၢ်အတၢ်မၤလိာ်လၢ ပှၤတၢ်မၢဖိတဖၣ်အစုပူၤ လီၤ. ³ သ့ၣ်ညါဆိတၢ်အံၤတက့ၢ်, လၢမုၢ်နံၤတဖၣ်အက တၢၢ်န့ၣ်, ပှၤဒုၣ်ဒွဲၣ်တၢ်ကဟဲလၢတၢ်ဒုၣ်ဒွဲၣ်အပူၤ, ဒီး ကလဲၤဖဲအတၢ်ကလုာ်ကလိၤဒၣ်ဝဲအသိး, ⁴ ဒီးကစံး, တၢ်စံးပာ်လၢအဝဲဒၣ်ကဟဲန့ၣ်မ့ၢ်အအိၣ်ဖဲလဲၣ်. အဂ့ၢ် ဒ်အံၤ, ပၢ်တဖၣ်မံသပ့ၤအလီၢ်ခံန့ၣ်, တၢ်ခဲလၢာ်အိၣ်ဒၣ် တၢ်ဒ်တၢ်တ့လၢအခီၣ်ထံးလံၤလံၤအသိးန့ၣ်လီၤ. ⁵ အ ဂ့ၢ်ဒ်အံၤ, မူခိၣ်အိၣ်ဝဲဆိးဝဲလၢပျၢၤလၢသီ, ဒီးဟီၣ်ခိၣ် အိၣ်ထီၣ်လၢထံကျါ, ဒီးလၢထံအဃိ, လၢယွၤအကလုၢ် န့ၣ်, အဝဲသ့ၣ်ဘၣ်အသးလၢအတသ့ၣ်ညါဘၣ်တကူၢ် သ့ၣ်လီၤ. ⁶ လၢအဃိ, ဟီၣ်ခိၣ်လၢအအိၣ်ဝဲလၢအကတီၢ် ဖဲန့ၣ်, တၢ်လုၣ်ဘၢအီၤလၢထံသတးဒီး, ဟးဂီၤဝဲလီၤ.―

⁷ မ့မ့ၢ်မူခိၣ်ဒီးဟီၣ်ခိၣ်ခဲကနံၣ်အံၤ, အဝဲဒၣ်အကလုၢ်ပာ် အီၤလၢမ့ၣ်အူအဂီၢ်, ဖဲမုၢ်စံၣ်ညီၣ်အနံၤ, ဒီးပှၤတယူးယီၣ် ဘၣ်ယွၤဘၣ်ကတုၤတၢ်ဟးဂီၤအကတီၢ်န့ၣ်လီၤ.

⁸ ဘၣ်ဆၣ်ဒီးပှၤလၢတၢ်အဲၣ်အီၤသ့ၣ်ဧၢ, တၢ်အံၤတမံၤ န့ၣ်သးပ့ၤနီၣ်သုဝဲတဂ့ၤ, လၢကစၢ်အမဲာ်ညါန့ၣ်, မုၢ်တ နံၤမၤအသးဒ်နံၣ်တကထိအသိး, ဒီးနံၣ်တကထိမၤအ သးဒ်မုၢ်တနံၤအသိးန့ၣ်လီၤ. ⁹ ကစၢ်တမၤယံာ်မၤနီၢ် တၢ်လၢအတၢ်စံးပာ်အဂ့ၢ်အကျိၤ, ဒ်ပှၤကညီတနီၤနီၤ ပာ်တၢ်မၤယံာ်မၤနီၢ်အသိးန့ၣ်ဘၣ်. မ့မ့ၢ်မ့ၢ်အဝံသးစူၤ သုဃဲးဃဲးလီၤ. အဂ့ၢ်ဒ်အံၤ, တဘၣ်ဘၣ်အသးလၢပှၤက တုၤလၢတၢ်ဟးဂူာ်ဟးဂီၤနီတဂၤဘၣ်. မ့ၢ်လၢပှၤခဲလၢာ် ကန့ၢ်ဘၣ်တၢ်ပီၢ်ယၢ်လီၤက့ၤအသးလီၤ. ¹⁰ မ့မ့ၢ်ကစၢ်အ မုၢ်နံၤတနံၤန့ၣ်, ကဟဲဒ်တၢ်ဘျၣ်အသိးလီၤ. ဒီးလၢအပူၤ န့ၣ်, မူခိၣ်တဖၣ်ကဒံကွံာ်ဒံဖျိးလၢတၢ်သီၣ်ဖးဒိၣ်, ဒီးတၢ် အမိၢ်ပှၢ်တဖၣ်ကကဲၤထီၣ်, ဒီးကဒံကွံာ်ဝဲ, ဒီးဟီၣ်ခိၣ်ဒီး တၢ်မၤတဖၣ်လၢအပူၤန့ၣ်, မ့ၣ်အူကအီၣ်ကွံာ်ဝဲလီၤ.

¹¹ မၤသးဒ်န့ၣ်ဒီး, တၢ်တဖၣ်န့ၣ်ကဒံကွံာ်ခဲလၢာ်သတး ဒီး, ¹² လၢတၢ်ကွၢ်လၢ်ဒီးတၢ်ဆၢသပှၢ်ပှၢ်ယွၤအမုၢ်နံၤက ဟဲဝဲ, ဖဲမူခိၣ်ကကဲၤထီၣ်ဒီးပူၤကွံာ်, ဒီးတၢ်အမိၢ်ပှၢ်တဖၣ် ကပှံၢ်လီၤလၢတၢ်ကိၢ်န့ၣ်, ¹³ လၢတၢ်ဖံးတၢ်မၤစီဆှံအပူၤ ဒီးလၢတၢ်ယူးယီၣ်ယွၤအပူၤ သုဂ့ၤကဲထီၣ်လၢပှၤဒ်လဲၣ် တကလုာ်လဲၣ်. ဘၣ်ဆၣ်ဒီး, ဒ်အတၢ်စံးပာ်အသိးန့ၣ်, ပကွၢ်လၢ်မူခိၣ်အသီ, ဒီးဟီၣ်ခိၣ်အသီ, ဖဲတၢ်တီတၢ်လိၤ အိၣ်ဝဲဆိးဝဲလၢအပူၤန့ၣ်လီၤ.

¹⁴ မၤသးဒ်န့ၣ်ဒီး, ပှၤလၢတၢ်အဲၣ်အီၤသ့ၣ်ဧၢ, မ့ၢ်သုကွၢ် လၢ်တၢ်တဖၣ်န့ၣ်အကျဲဒီး, ကျဲးစၢးလၢအကထံၣ်န့ၢ်သု လၢသုတမဲၣ်သူတမဲၣ်ဂီၤဘၣ်, ဒီးတသံၣ်သူတမီၢ်ကျာ် ဘၣ်လၢတၢ်ဃူတၢ်ဖိးအပူၤတက့ၢ်. ¹⁵ ဒီးပာ်ပကစၢ်အ တၢ်ဝံသးစူၤလၢတၢ်အုၣ်က့ၤခီၣ်က့ၤတက့ၢ်. ဒ်ပဒီပုၢ်ဝဲၢ် သးဘိစီၤပီလူးကွဲးန့ၢ်စ့ၢ်ကီးသု ဒ်တၢ်ကူၣ်သ့ကူၣ်ဘၣ် လၢတၢ်ဟ့ၣ်လီၤအီၤအသိးန့ၣ်လီၤ. ¹⁶ ဒ်အကတိၤတၢ် လၢအလံာ်ကွဲးခဲလၢာ်လၢ အကတိၤတၢ်လၢအပူၤလၢ တၢ်တဖၣ်အံၤအဂ့ၢ်စ့ၢ်ကီးအသိးလီၤ. လၢအဝဲန့ၣ်အပူၤ တၢ်တနီၤနီၤပှၤနၢ်ပၢၢ်ကီ, ဒီးပှၤတသ့ဘၣ်လံာ်ဒီးပှၤတ ဂၢၢ်တကျၢၤဘၣ်တဖၣ်န့ၣ်, ဘိးကဒါဝဲ, ဒ်တၢ်ကွဲးအသး အဂၤတဖၣ်အသိးစ့ၢ်ကီး, လၢအကစၢ်ဒၣ်ဝဲအတၢ်ဟး ဂီၤအဂီၢ်လီၤ.

¹⁷ မၤသးဒ်န့ၣ်ဒီး, ပှၤလၢတၢ်အဲၣ်အီၤသုဝဲသ့ၣ်ဧၢ, မ့ၢ်သု သ့ၣ်ညါပာ်သတးဒီး, ပလီၢ်သုသးဒ်သိးတၢ်သုတက လံာ်န့ၢ်သုလၢပှၤတတီတလိၤဘၣ် အတၢ်လီတၢ်ဝ့ၤတ ဂ့ၤ, ဒ်သိးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤ ဒၣ်သုဝဲန့ၣ်တဂ့ၤ. ¹⁸ မ့မ့ၢ်ဒိၣ်ထီၣ်သုဝဲလၢတၢ်ဘျုးတၢ် ဖှိၣ်, ဒီးလၢတၢ်သ့ၣ်ညါတၢ်အုၣ်က့ၤခီၣ်က့ၤပှၤပကစၢ် ယ့ၣ်ရှူးခရံာ်အပူၤန့ၣ်တက့ၢ်. တုၤအံၤဆူညါ, မ်တၢ်လၤ ကပီၤအိၣ်ဒီးအီၤလီၤစိၤလီၤထီတက့ၢ်. အၤမ့ၣ်.