လံာ်စီၤပၤခံဘ့ၣ်တဘ့ၣ်.
1၁
1 ဒီးစီၤအၤဃာ်သံအလီၢ်ခံန့ၣ် မိၤအးပူထီၣ်အံၣ်စရ့ လးလီၤ.
2 ဒီးစီၤအဃၤစယၤလီာ်တဲာ်လၢတၢ်ထူၣ်ဖျိ လၢဒၢး လၢထးခီတဒၢးလၢၡၤမရံအပူၤ, ဒီးဆါထီၣ်ဝဲ, ဒီးမၢ လီၤကလူးတဖၣ်, ဒီးစံးဘၣ်အီၤ, ယကမူဒံးလၢတၢ် ဆါအံၤဧါန့ၣ်လဲၤသံကွၢ်လၢဧ့ကြိၣ်အကစၢ် ဘဧၤလး စဘူာ်န့ၣ်တက့ၢ်.
3 ဒီးယွၤအကလူးစံးလၢ ပှၤတံးၡဘးဖိစီၤအ့ၤလံယၤ, ဂဲၤဆၢထၢၣ်, လဲၤသဂၢၢ်ထီၣ်ပှၤၡၤမရံအစီၤပၤအကလူး တဖၣ်ဒီးစံးဘၣ်အီၤ, မ့ၢ်ကစၢ်တအိၣ်ဘၣ်လၢအံၣ်စရ့ လးအပူၤဘၣ်ဒီး, သုလဲၤသံကွၢ်တၢ်လၢဧ့ကြိၣ်အကစၢ် ဘဧၤလးစဘူာ်န့ၣ်တမ့ၢ်ဘၣ်ဧါ. 4 မၤသးဒ်န့ၣ်ဒီးယွၤ စံးဒ်အံၤ, နတယုၢ်လီၤဘၣ်လၢလီၢ်မံလၢနလဲၤထီၣ်လၢ အဖီခိၣ်ဘၣ်. နကသံသပှၢ်တၢၢ်လီၤ. ဒီးစီၤအ့ၤလံယၤ ဟးထီၣ်ကွံာ်ဝဲလီၤ.
5 ဒီးကလူးတဖၣ်ဟဲက့ၤကဒါက့ၤဆူအအိၣ်, ဒီးအဝဲ ဒၣ်စံးဘၣ်အီၤ, တၢ်အံၤသုဟဲကဒါက့ၤမ့ၢ်အဘၣ်မနုၤ လဲၣ်.
6 ဒီးအဝဲသ့ၣ်စံးဆၢအီၤ, ပှၤဟဲသဂၢၢ်ပှၤတဂၤ, ဒီးစံး ဘၣ်ပှၤ, လဲၤတၢ်, က့ၤကဒါက့ၤဆူစီၤပၤလၢအမၢလီၤ သု, ဒီးစံးဘၣ်အီၤ, ယွၤစံးဒ်အံၤ, မ့ၢ်ကစၢ်တအိၣ်ဘၣ် လၢအံၣ်စရ့လးအပူၤဒီး, နမၢလီၤတၢ်သံကွၢ်လၢဧ့ကြိၣ် အကစၢ်ဘဧၤလးစဘူာ်တမ့ၢ်ဘၣ်ဧါ. မၤသးဒ်န့ၣ်ဒီး နတယုၢ်လီၤလၢလီၢ်မံ လၢနလဲၤထီၣ်လၢအဖီခိၣ်ဘၣ်. ဒီးနကသံသပှၢ်တၢၢ်လီၤ.
7 ဒီးအဝဲဒၣ်စံးဘၣ်အီၤ, ပှၤလၢအဟဲသဂၢၢ်သု ဒီးစံး ဘၣ်သုလၢတၢ်ကတိၤန့ၣ်မ့ၢ်အမၤအသးဒ်လဲၣ်.
8 ဒီးအဝဲသ့ၣ်စံးဝဲဒၣ်, မ့ၢ်ပှၤအိၣ်ဒီးအဆူၣ်အါအါက လဲာ်ဒီးကံၢ်တူာ်အယီၢ်ဒ့ဒီးအယီၢ်တကိးတၢ်ဖံးလီၤ. ဒီး စံးဝဲဒၣ်, မ့ၢ်ဝဲလၢပှၤတံးၡဘးဖိစီၤအ့ၤလံယၤလီၤ.
9 ဒီးစီၤပၤမၢလီၤပှၤယဲၢ်ဆံအခိၣ်အိၣ်ဒီး အပှၤယဲၢ်ဆံ ဆူအအိၣ်လီၤ. ဒီးလဲၤဝဲဆူအအိၣ်, ဒီးကွၢ်ကွၢ်, ဆ့ၣ်နီၤ ဝဲလၢကစၢၢ်ဒီခိၣ်, ဒီးစံးဝဲဒၣ်, ယွၤအပှၤကညီဧၢ, စီၤပၤစံးဝဲဒၣ်, ဟဲလီၤတက့ၢ်.
10 ဒီးစီၤအ့ၤလံယၤစံးဆၢတၢ်, ဒီးစံးဘၣ်ပှၤယဲၢ်ဆံအ ခိၣ်, ယမ့မ့ၢ်ယွၤအပှၤကညီဒီး, မ်မ့ၣ်အူဟဲလီၤလၢမူ ခိၣ်ဒီးအီၣ်ကွံာ်နၤ, ဒီးနပှၤယဲၢ်ဆံန့ၣ်တက့ၢ်. ဒီးမ့ၣ်အူ ဟဲလီၤလၢမူခိၣ်, ဒီးအီၣ်ကွံာ်အီၤ, ဒီးအပှၤယဲၢ်ဆံလီၤ.
11 မၤကဒီးတစုမၢလီၤ ပှၤယဲၢ်ဆံအခိၣ်တဂၤဒၣ်အိၣ်ဒီး အပှၤယဲၢ်ဆံလီၤ. ဒီးအဝဲဒၣ်ကတိၤတၢ်ဒီးစံးဝဲဒၣ်, ယွၤ အပှၤကညီဧၢ, စီၤပၤစံးဝဲဒၣ်, ဟဲလီၤချ့ချ့တက့ၢ်.
12 ဒီးစီၤအ့ၤလံယၤစံးဆၢတၢ်ဒီးစံးဘၣ်အီၤ, ယမ့မ့ၢ်ယွၤ အပှၤကညီဒီး, မ်မ့ၣ်အူဟဲလီၤလၢမူခိၣ်, ဒီးအီၣ်ကွံာ် နၤ, ဒီးနပှၤယဲၢ်ဆံတက့ၢ်. ဒီးယွၤအမ့ၣ်အူဟဲလီၤလၢ မူခိၣ်, ဒီးအီၣ်ကွံာ်အီၤဒီးအပှၤယဲၢ်ဆံလီၤ.
13 မၤကဒီးတစု, မၢလီၤပှၤယဲၢ်ဆံအခိၣ်သၢဂၤတဂၤဒီး အပှၤယဲၢ်ဆံလီၤ. ဒီးပှၤယဲၢ်ဆံအခိၣ်သၢဂၤတဂၤလဲၤ ထီၣ်, ဒီးဟဲ, ဒီးချံးလီၤအခီၣ်လၢစီၤအ့ၤလံယၤအမဲာ် ညါ, ဒီးဃ့ကညးတၢ်, ဒီးစံးလၢအီၤ, ယွၤအပှၤကညီဧၢ, မ်ယသးသမူ, ဒီးနခ့နပှၤယဲၢ်ဆံအသးသမူအံၤကဲထီၣ် တၢ်လုၢ်ဒိၣ်ပှ့ၤဒိၣ်လၢနမဲာ်ညါတက့ၢ်. 14 ကွၢ်ကွၢ်, မ့ၣ်အူ ဟဲလီၤလၢမူခိၣ်, ဒီးအီၣ်ကွံာ်ပှၤယဲၢ်ဆံအခိၣ်ခံဂၤလၢ အခီၣ်ထံးန့ၣ်, ဒီးအပှၤယဲၢ်ဆံတဖၣ်န့ၣ်လီၤ. ဒီးခဲကနံၣ် အံၤ, မ်ယသးကဲထီၣ်တၢ်လုၢ်ဒိၣ်ပှ့ၤဒိၣ်လၢနမဲာ်တက့ၢ်.
15 ဒီးယွၤအကလူးစံးဘၣ် စီၤအ့ၤလံယၤ, လဲၤလီၤဒီး အီၤတက့ၢ်, ပျံၤအီၤတဂ့ၤ. ဒီးဂဲၤဆၢထၢၣ်, ဒီးလဲၤလီၤဝဲ ဒီးအီၤဆူစီၤပၤအအိၣ်လီၤ.
16 ဒီးစံးဘၣ်အီၤ, ယွၤစံးဝဲဒ်အံၤ, မ့ၢ်နမၢလီၤကလူးတ ဖၣ်ဒ်သိးအကသံကွၢ်တၢ်လၢ ဧ့ကြိၣ်အကစၢ်ဘဧၤလး စဘူာ်လီၤ. (မ့ၢ်ကစၢ်လၢပကသံကွၢ်တၢ်ကတိၤတအိၣ် ဘၣ်လၢအံၣ်စရ့လးအပူၤတမ့ၢ်ဘၣ်ဧါ.) မၤသးဒ်န့ၣ်ဒီး နတယုၢ်လီၤဘၣ်လၢလီၢ်မံ လၢနလဲၤထီၣ်လၢအဖီခိၣ် ဘၣ်, ဒီးနကသံသပှၢ်တၢၢ်လီၤ.
17 ဒီးသံဝဲဒ်ယွၤအကလုၢ်အကထါလၢ စီၤအ့ၤလံယၤ ကတိၤတၢ်အသိး, ဒီးစီၤယဟိရၣ်ကဲစီၤပၤလၢအလီၢ်, လၢယူဒၤအစီၤပၤ စီၤယဟိၡၤဖးအဖိခွါစီၤယဟိရၣ်အ နံၣ်ပှဲၤထီၣ်ခံနံၣ်တနံၣ်န့ၣ်လီၤ. အဂ့ၢ်ဒ်အံၤ, အဖိခွါတ အိၣ်ဘၣ်.
18 ဒီးတၢ်အိၣ်လီၤတဲာ်ဘၣ်ဃးဒီး စီၤအဃၤစယၤလၢ အမၤဝဲတဖၣ်န့ၣ် ကွဲးအသးလၢအံၣ်စရ့လးအစီၤပၤအ လံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
2၂
1 ဒီးတုၤယွၤကဟံးထီၣ်စီၤအ့ၤလံယၤ ဆူမူခိၣ်လၢက လံၤသဝံးဒီး, တၢ်မၤအသးလၢစီၤအ့ၤလံယၤလဲၤဝဲဒီးစီၤ အလံၤၡါလၢကံးလကၤလးလီၤ.
2 ဒီးစီၤအ့ၤလံယၤစံးဘၣ်စီၤအလံၤၡါ, အိၣ်ဒၣ်ကလိာ် ဖဲအံၤတက့ၢ်. အဂ့ၢ်ဒ်အံၤ, ယွၤမၢယလဲၤဆူဘ့ၤသ့လး လီၤ. ဒီးစီၤအလံၤၡါစံးဝဲဒၣ်, ယွၤမူဝဲ, ဒီးနသးမူဝဲ, ယ တလီၤဖးဘၣ်ဒီးနၤဘၣ်. ဒီးလဲၤလီၤဝဲဆူဘ့ၤသ့လးလီၤ.
3 ဒီးဝံအဖိခွါတဖၣ် လၢအအိၣ်ဝဲလၢဘ့ၤသ့လးအပူၤ ဟဲထီၣ်ဆူစီၤအလံၤၡါအအိၣ်, ဒီးစံးဘၣ်အီၤ, ယွၤက ဟံးန့ၢ်နကစၢ်လၢနခိၣ်အဖီခိၣ် လၢမုၢ်မဆါတနံၤအံၤ, နသ့ၣ်ညါစ့ၢ်ကီးဧါ. ဒီးစံးဝဲဒၣ်, ယသ့ၣ်ညါလီၤ. အိၣ် ဘှီၣ်ကလာ်တက့ၢ်.
4 ဒီးစီၤအ့ၤလံယၤစံးဘၣ်အီၤ, စီၤအလံၤၡါဧၢ, အိၣ် ဒၣ်ကလိာ်ဖဲအံၤတက့ၢ်. အဂ့ၢ်ဒ်အံၤ, ယွၤမၢယလဲၤဆူ ယရံၤဃိလီၤ. ဒီးစံးဝဲဒၣ်, ယွၤမူဝဲ, ဒီးနသးမူဝဲန့ၣ်, ယတလီၤဖးဘၣ်ဒီးနၤဘၣ်. ဒီးဟဲဝဲဆူယရံၤဃိလီၤ.
5 ဒီးဝံအဖိခွါလၢအအိၣ်ဝဲလၢယရံၤဃိတဖၣ် ဟဲဆူစီၤ အလံၤၡါအအိၣ်ဒီးစံးဘၣ်အီၤ, ယွၤကဟံးန့ၢ် နကစၢ် လၢနခိၣ်အဖီခိၣ်လၢမုၢ်မဆါတနံၤအံၤ, နသ့ၣ်ညါစ့ၢ် ကီးဧါ. ဒီးစံးဝဲဒၣ်, ယသ့ၣ်ညါစ့ၢ်ကီးလီၤ. အိၣ်ဘှီၣ် ကလာ်တက့ၢ်.
6 ဒီးစီၤအ့ၤလံယၤစံးဘၣ်အီၤ, အိၣ်ဒၣ်ကလိာ်ဖဲအံၤတ က့ၢ်. အဂ့ၢ်ဒ်အံၤ, ယွၤမၢယလဲၤဆူယၢ်ဒ့ၣ်လီၤ. ဒီးစံးဝဲ ဒၣ်, ယွၤမူဝဲ, ဒီးနသးမူဝဲန့ၣ်, ယတလီၤဖးဘၣ်ဒီးနၤ ဘၣ်. ဒီးအဝဲသ့ၣ်ခံဂၤန့ၣ်လဲၤတၢ်လီၤ.
7 ဒီးပှၤကညီယဲၢ်ဆံ လၢဝံဖိခွါအကျါလဲၤဝဲ, ဒီးဆၢ ထၢၣ်ကွၢ်စၢၢ်တလၢၢ်လီၤ. ဒီးပှၤခံဂၤန့ၣ်ဆၢထၢၣ်လၢ ယၢ်ဒ့ၣ်အနံၤလီၤ.
8 ဒီးစီၤအ့ၤလံယၤဟံးန့ၢ်အယၣ်, ဒီးထူထီၣ်ဝဲ, ဒီးတီၢ် ထံ, ဒီးထံသ့ၣ်ဖးလီၤအသးဆူအံၤဆူန့ၣ်, ဒီးအဝဲသ့ၣ် ခံဂၤန့ၣ်လဲၤခီဂာ်လၢခိလီၤ.
9 ဒီးတုၤအလဲၤခီဂာ်ကွံာ်ဒီး, တၢ်မၤအသးလၢစီၤအ့ၤ လံယၤစံးဘၣ်စီၤအလံၤၡါ, တၢ်တချုးဟံးထီၣ်ကွံာ်ဒံး ဘၣ်ယၤလၢနၤဒီး, ဃ့တၢ်လၢယကမၤလၢနဂီၢ်တက့ၢ်. ဒီးစီၤအလံၤၡါစံးဝဲဒၣ်, မ်နသးခံစးအိၣ်လၢယလိၤတ က့ၢ်.
10 ဒီးစံးဝဲဒၣ်, နဃ့တၢ်ကီတမံၤလီၤ. တုၤတၢ်ဟံးထီၣ် ကွံာ်ယၤလၢနၤဒီး, နမ့ၢ်ထံၣ်ဘၣ်ယၤဒီး, တၢ်ကမၤအ သးလၢနဂီၢ်ဒ်န့ၣ်လီၤ. မ့တမ့ၢ်ဘၣ်ဒ်န့ၣ်ဒီးတၢ်ကကဲ ထီၣ်ဘၣ်လၢနဂီၢ်ဘၣ်.
11 ဒီးတၢ်မၤအသးလၢအဝဲသ့ၣ်လဲၤတၢ်, ဒီးကတိၤတၢ် ဒီး, ကွၢ်ကွၢ်, လ့ၣ်ကဟၣ်မ့ၣ်အူ, ဒီးကသ့ၣ်မ့ၣ်အူ တဖၣ်, မၤလီၤဖှၣ်အဝဲခံဂၤ, ဒီးစီၤအ့ၤလံယၤလဲၤထီၣ် ဆူမူခိၣ်လၢကလံၤသဝံးအပူၤလီၤ.
12 ဒီးစီၤအလံၤၡါထံၣ်ဘၣ်ဝဲ, ဒီးကိးထီၣ်, ယပၢ်ဧၢ, ယပၢ်ဧၢ, အံၣ်စရ့လးအလ့ၣ်ကဟၣ်, ဒီးအကသ့ၣ်တ ဖၣ်န့ၣ်လီၤ. ဒီးတထံၣ်လၢၤဘၣ်အီၤဘၣ်. ဒီးဟံးအ ယၣ်ဒၣ်ဝဲ, ဒီးဖှီကွံာ်လၢခံခီလီၤ.
13 ဒီးထၢထီၣ်စီၤအ့ၤလံယၤအယၣ်လၢ အလီၤတဲာ်လၢ အလိၤ, ဒီးက့ၤကဒါက့ၤ, ဒီးဆၢထၢၣ်လၢယၢ်ဒ့ၣ်အနံၤ လီၤ. 14 ဒီးဟံးန့ၢ်စီၤအ့ၤလံယၤအယၣ်လၢအလီၤတဲာ် လၢအလိၤ, ဒီးတီၢ်ထံ, ဒီးစံးဝဲဒၣ်, ယွၤစီၤအ့ၤလံယၤ အကစၢ်န့ၣ်မ့ၢ်အအိၣ်ဖဲလဲၣ်. ဒီးတီၢ်ထံဝံၤဒီး, ထံသ့ၣ် ဖးအသးဆူအံၤဆူန့ၣ်, ဒီးစီၤအလံၤၡါခီဂာ်ဝဲလီၤ.
15 ဒီးတုၤဝံအဖိခွါတဖၣ် အိၣ်ဝဲလၢယရံၤဃိထံၣ်ဘၣ် အီၤဒီး, စံးဝဲဒၣ်, စီၤအ့ၤလံယၤအသးအိၣ်ဝဲလၢစီၤအ လံၤၡါအလိၤလီၤ. ဒီးဟဲသဂၢၢ်အီၤ, ဒီးတီၤလီၤကဒွံ ကျိာ်ဝဲလၢအမဲာ်ညါလီၤ.
16 ဒီးအဝဲသ့ၣ်တဖၣ်န့ၣ်စံးဝဲဒၣ်, ကွၢ်ကွၢ်, ပှၤအဆူၣ် ယဲၢ်ဆံအိၣ်ဒီးနခ့နပှၤလီၤ. ဒုးလဲၤလၢ်အီၤ, ဒီးဃုနက စၢ်တက့ၢ်. ဘၣ်တဘၣ်ယွၤအသးဟံးထီၣ်အီၤ, ဒီးလၢ ကစၢၢ်တဖျၢၣ်ဖျၢၣ်မ့ၢ်ဂ့ၤ, ကစၢၢ်ကဆူးတပူၤပူၤမ့ၢ်ဂ့ၤ, ပာ်လီၤဝဲလီၤ. ဒီးစံးဝဲဒၣ်, သုတမၢလီၤတဂ့ၤ.
17 ဒီးသဆၣ်ထီၣ်အခံတုၤအဝဲဒၣ်မဲာ်ဆှး, ဒီးစံး, မၢလီၤ တၢ်တက့ၢ်. ဒီးမၢလီၤပှၤယဲၢ်ဆံ, ဒီးအဝဲသ့ၣ်ဃုဝဲသၢ နံၤ, ဒီးတထံၣ်န့ၢ်ဘၣ်ဝဲဘၣ်.
18 ဒီးဟဲက့ၤဝဲဆူအအိၣ်လီၤ. ဒီးအဝဲဒၣ်အိၣ်ဝဲလၢယ ရံၤဃိအပူၤလီၤ. ဒီးစံးဘၣ်အီၤ, ယစံးလၢသုလဲၤတဂ့ၤ န့ၣ်တမ့ၢ်ဘၣ်ဧါ.
19 ဒီးဝ့ၢ်အပှၤကညီစံးလၢစီၤအလံၤၡါ, ကွၢ်ကွၢ်, ဝ့ၢ်အ လီၢ်အံၤဂ့ၤ, ဒ်ယကစၢ်ထံၣ်ဝဲအသိးန့ၣ်, မ့မ့ၢ်ထံန့ၣ်မ့ၢ် အအၢ, ဒီးဟီၣ်ခိၣ်တဒုးကဲထီၣ်ဘၣ်တၢ်ဘၣ်.
20 ဒီးစံးဝဲဒၣ်, ဟဲစိာ်န့ၢ်ယၤလၢပလီအသီတဖျၢၣ်, ဒီး ဒၢနုာ်အံသၣ်လၢအပူၤတက့ၢ်. ဒီးဟဲစိာ်ဝဲဆူအအိၣ်လီၤ.
21 ဒီးလဲၤထီၣ်ဝဲဆူထံထီၣ်ပၢၢ်အအိၣ်, ဒီးကွံာ်လီၤအံ သၣ်လၢအပူၤ, ဒီးစံးဝဲဒၣ်, ယွၤစံးဝဲဒ်အံၤ, ယမၤဘျါ က့ၤလံထံအံၤလံ, တုၤအံၤဆူညါတၢ်သံ, ဒီးတၢ်တဒုး ကဲထီၣ်ဘၣ်တၢ်ဘၣ်န့ၣ်တအိၣ်လၢၤဘၣ်.
22 ဒီးထံတဖၣ်န့ၣ်ဘျါက့ၤဝဲတုၤမုၢ်မဆါတနံၤအံၤ ဒ်စီၤ အလံၤၡါအတၢ်ကတိၤလၢအကတိၤဝဲအသိးန့ၣ်လီၤ.
23 ဒီးဟးထီၣ်ဖဲန့ၣ်ဆူဘ့ၤသ့လး, ဒီးလဲၤထီၣ်လၢကျဲ ပူၤ, ဒီးဖိသၣ်ပိာ်ခွါဆံးတဖၣ်ဟဲထီၣ်လၢဝ့ၢ်ပူၤ, ဒီးဒုၣ် ဒွဲၣ်အီၤ, ဒီးစံးဘၣ်အီၤ, လဲၤထီၣ်ပှၤကျၤခိၣ်ဧၢ, လဲၤ ထီၣ်ပှၤကျၤခိၣ်ဧၢ.
24 ဒီးဃၣ်အသးဒီးကွၢ်အီၤ, ဒီးဆိၣ်အၢအီၤလၢယွၤအ မံၤလီၤ. ဒီးတၤသူမိၢ်ခံဒုဟဲထီၣ်လၢသ့ၣ်အကျါ, ဒီးဖှီ ကွံာ်ဖိသၣ်လွံၢ်ဆံခံဂၤလၢအကျါန့ၣ်လီၤ. 25 ဒီးဟးထီၣ် ဖဲန့ၣ်ဆူကစၢၢ်ကၢ်မ့ၤလး, ဒီးဖဲန့ၣ်က့ၤက့ၤဆူၡၤမရံလီၤ.
3၃
1 ဒီးလၢယူဒၤအစီၤပၤ စီၤယဟိၡၤဖးအနံၣ်ပှဲၤထီၣ်တ ဆံဃိးနံၣ်တနံၣ်န့ၣ် စီၤအၤဃာ်အဖိခွါစီၤယဟိရၣ်ကဲ သီစီၤပၤလၢအံၣ်စရ့လးအဖီခိၣ် လၢၡၤမရံအပူၤ, ဒီး ကဲစီၤပၤတဆံခံနံၣ်လီၤ.
2 ဒီးမၤတၢ်အၢလၢ ယွၤအမဲာ်ဘၣ်ဆၣ်ဒီး, တဒ်သိး ဘၣ်အပၢ်, ဒီးတဒ်သိးဘၣ်အမိၢ်ဘၣ်. ဒီးသုးကွံာ်ဘ ဧၤလးအတၢ်ဂီၤလၢအပၢ်တ့ဝဲလီၤ.
3 မ့ၢ်နာ်သက့ဒ်န့ၣ်ဒီးစဲဘူးအသးဒီး စီၤနဘးအဖိခွါ စီၤယၤရၤဘၣ်အတၢ်ဒဲးဘး လၢအဒုးမၤအံၣ်စရ့လးလၢ တၢ်ဒဲးဘးလီၤ. တလဲၤသဒၣ်ဘၣ်အီၤဘၣ်.
4 ဒီးမိၤအးအစီၤပၤစီၤမ့ၡၤမ့ၢ်သိအကစၢ်, ဒီးဟ့ၣ်သိဖိ တကလီၤ, ဒီးသိဖါတကလီၤအိၣ်ဒီးအဆူၣ်လၢအံၣ်စ ရ့လးအစီၤပၤလီၤ.
5 ဒီးတုၤစီၤအၤဃာ်သံဝဲဒီး, တၢ်မၤအသးလၢမိၤအးအ စီၤပၤပူထီၣ်အံၣ်စရ့လးအစီၤပၤလီၤ. 6 ဒီးတၢ်လၢမုၢ်တ နံၤန့ၣ်စီၤပၤယဟိရၣ်လဲၤထီၣ်လၢၡၤမရံ, ဒီးဂံၢ်အံၣ်စရ့ လးခဲလၢာ်လီၤ.
7 ဒီးလဲၤတၢ်ဒီးမၢလီၤတၢ်ဆူ ယူဒၤအစီၤပၤယဟိၡၤဖး ဒီးစံးဝဲဒၣ်, မိၤအးအစီၤပၤပူထီၣ်လံယၤလံ. နကလဲၤတၢ် ဒီးယၤထီဒါမိၤအးလၢပကဒုးသုးတၢ်စ့ၢ်ကီးဧါ. ဒီးစံးဝဲ ဒၣ်, ယကလဲၤတၢ်လီၤ. ယမ့ၢ်ဒ်နၤအသိး, ယပှၤဂီၢ်မုၢ်ဒ် နပှၤဂီၢ်မုၢ်အသိး, ယကသ့ၣ်ဒ်နကသ့ၣ်အသိးန့ၣ်လီၤ.
8 ဒီးစံးဝဲဒၣ်, ပကလဲၤကျဲဖဲလဲၣ်ဘိလဲၣ်. ဒီးစံးဝဲဒၣ်, ကျဲခီဂာ်အဒိၣ်အပှၢ်မုၢ်ကနၢလီၤ.
9 ဒီးအံၣ်စရ့လးအစီၤပၤလဲၤတၢ်, ဒီးယူဒၤအစီၤပၤ, ဒီး အဒိၣ်အစီၤပၤ, ဒီးလဲၤတၢ်နွံနံၤကျဲ, ဒီးလၢပှၤသုးမုၢ်အ ဂီၢ်, ဒီးလၢဆၣ်ဖိကီၢ်ဖိအဒၢလၢအပိာ်အခံအဂီၢ်န့ၣ်ထံ တအိၣ်ဘၣ်.
10 ဒီးအံၣ်စရ့လးအစီၤပၤစံးဝဲဒၣ်, အၣ်လါ, ယွၤကိးဖှိၣ် စီၤပၤသၢဂၤအံၤဒ်သိး အကဟ့ၣ်လီၤကွံာ်အီၤဆူမိၤအး အစုပူၤလီၤ.
11 ဒီးစီၤယဟိၡၤဖးစံးဝဲဒၣ်, ဒ်သိးပကသံကွၢ်ယွၤဒီး, ယွၤအဝံတဂၤဂၤတအိၣ်ဘၣ်ဖဲအံၤဘၣ်ဧါ. ဒီးအံၣ်စရ့ လးအစီၤပၤအခ့အပှၤတဂၤစံးဆၢတၢ်ဒီးစံးဝဲဒၣ်, စီၤၡၤ ဖးအဖိခွါစီၤအလံၤၡါ လၢအဂၢ်လီၤထံလၢ စီၤအ့ၤလံ ယၤအစုလိၤတဂၤအိၣ်ဖဲအံၤလီၤ.
12 ဒီးစီၤယဟိၡၤဖးစံးဝဲဒၣ်, ယွၤအကလုၢ်အိၣ်ဒီးအီၤ လီၤ. ဒီးအံၣ်စရ့လးအစီၤပၤ, စီၤယဟိၡၤဖး, ဒီးအဒိၣ် အစီၤပၤလဲၤလီၤဆူအအိၣ်လီၤ.
13 ဒီးစီၤအလံၤၡါစံးဘၣ်အံၣ်စရ့လးအစီၤပၤ, တၢ်ဘၣ် ဃးဒီးယၤဒီးနၤမ့ၢ်မနုၤတမံၤလဲၣ်. လဲၤဆူနပၢ်အဝံတ ဖၣ်အအိၣ်, ဒီးဆူနမိၢ်အဝံတဖၣ်အအိၣ်တက့ၢ်. ဒီးအံၣ် စရ့လးအစီၤပၤစံးဘၣ်အီၤ, တမ့ၢ်ဘၣ်. အဂ့ၢ်ဒ်အံၤ, ယွၤကိးဖှိၣ်စီၤပၤသၢဂၤအံၤ ဒ်သိးအကဟ့ၣ်လီၤကွံာ်အီၤ လၢမိၤအးအစုပူၤလီၤ.
14 ဒီးစီၤအလံၤၡါစံးဝဲဒၣ်, ယွၤမူဝဲလၢယဆၢထၢၣ်လၢ အမဲာ်ညါန့ၣ်, မ့တမ့ၢ်ဘၣ်ယကွၢ်မဲာ်ဆူယူဒၤအစီၤပၤ ယဟိၡၤဖးဒီး, ယတကွၢ်ဘၣ်တၢ်ဆူနအိၣ်ဘၣ်, ဒီးယ တထံၣ်ဘၣ်နၤဘၣ်. 15 ဒီးခဲကနံၣ်အံၤ, ဟဲစိာ်န့ၢ်ယၤလၢ ပှၤဒ့တၢ်ဖိတဂၤတက့ၢ်. ဒီးတုၤပှၤဒ့တၢ်ဖိဒ့တၢ်ဒီး, တၢ် မၤအသးလၢယွၤအစုအိၣ်ဘၣ်လၢအလိၤလီၤ.
16 ဒီးစံးဝဲဒၣ်, မၤတၢ်တြိပူၤအံၤပှဲၤလၢတၢ်ကျိၤတဖၣ်တ က့ၢ်. 17 အဂ့ၢ်ဒ်အံၤ, ယွၤစံးဒ်အံၤ, သုတထံၣ်ဘၣ်ကလံၤ, ဒီးသုတထံၣ်ဘၣ်တၢ်ဟဲစူၤဘၣ်. ဘၣ်ဆၣ်ဒီးတၢ်တြိ ပူၤအံၤကပှဲၤဝဲဒီးထံဒ်သိးသုကအီတၢ်, သုဝဲဒၣ်, ဒီးသု တၢ်ဖိတၢ်လံၤ, ဒီးသုဆၣ်ဖိကီၢ်ဖိအဒၢတဖၣ်လီၤ.
18 ဒီးတၢ်အံၤမ့ၢ်တၢ်ဖှံတမံၤလၢယွၤအမဲာ်ညါလီၤ. က ဟ့ၣ်လီၤကွံာ်စ့ၢ်ကီးပှၤမိၤအးဖိလၢသုစုပူၤလီၤ. 19 ဒီးသု ကကျီကွံာ်ကယဲၢ်ဝ့ၢ်အိၣ်ဒီးအခိၣ်ဒူ, ဒီးကယဲၢ်ဝ့ၢ်လၢ တၢ်ဃုထၢအီၤ, ဒီးကကူာ်လီၤကွံာ်ကယဲၢ်သ့ၣ်လၢအ ဂ့ၤ, ဒီးသုကဆွံတံာ်ကယဲၢ်ထံထီၣ်ပၢၢ်, ဒီးမၤဟးဂီၤ ကယဲၢ်ဟီၣ်ခိၣ်အကဝီၤဂ့ၤလၢလၢၢ်တဖၣ်န့ၣ်လီၤ.
20 ဒီးလၢမုၢ်ဆ့ၣ်ထီၣ်န့ၣ် တုၤပှၤပာ်ထီၣ် တၢ်မၤဘူၣ် ကိၣ်ဒီး, ကွၢ်ကွၢ်, တၢ်မၤအသးလၢထံဟဲလၢအဒိၣ်အ ကျဲ, ဒီးကီၢ်ပှဲၤဝဲဒီးထံဧိၤနိဧိၤလီၤ.
21 ဒီးတုၤပှၤမိၤအးဖိနၢ်ဟူဝဲခဲလၢာ် လၢစီၤပၤတဖၣ်ဟဲ ဒုးတၢ်ဒီးအီၤဒီး, ဒုးအိၣ်ဖှိၣ်ကယဲၢ်ပှၤလၢအသိးသဃိးသ့, ဒီးပှၤလၢအသးပှၢ်န့ၢ်အီၤတက့ၢ်, ဒီးဆၢထၢၣ် လၢကီၢ်အဃၢၤန့ၣ်လီၤ.
22 ဒီးမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဂီၤဂီၤ, ဒီးမုၢ်အဧူၢ်ဆဲး ဘၣ်လၢထံဖံးခိၣ်, ဒီးပှၤမိၤအးဖိထံၣ်ဘၣ်ထံလၢဝၢ်ဘး ခီဂီၤဒ်တၢ်သွံၣ်အသိးန့ၣ်လီၤ. 23 ဒီးစံးဝဲဒၣ်, အဝဲအံၤ မ့ၢ်တၢ်သွံၣ်လီၤ. စီၤပၤတဖၣ်ဘၣ်တၢ်မၤသံလံအီၤသပှၢ် တၢၢ်, ဒီးကျီလိာ်လံအသးလံ, ဒီးခဲကနံၣ်အံၤ, မိၤ အးဧၢ, ဟဲဆူတၢ်ဂုာ်န့ၢ်အအိၣ်တက့ၢ်.
24 ဒီးဟဲဝဲဆူအံၣ်စရ့လးအသူၣ်ဒဲအလီၢ်, ဒီးပှၤအံၣ်စရ့ လးဖိဂဲၤထၢၣ်, ဒီးကျီကွံာ်ပှၤမိၤအးဖိ, ဒီးအဝဲသ့ၣ်ဃ့ၢ် ဝဲလၢအမဲာ်ညါ, ဒီးကျီကွံာ်တၢ်, ဒီးလဲၤတၢ်, ဒီးကျီ ကွံာ်ပှၤမိၤအးဖိဆူၣ်ဆူၣ်ကလဲာ်လီၤ.
25 ဒီးမၤလီၤပှီၢ်အဝ့ၢ်တဖၣ်, ဒီးလၢကယဲၢ်ဟီၣ်ခိၣ်အက ဝီၤအဂ့ၤအဖီခိၣ်န့ၣ် တဂၤကွံာ်လၢၢ်တဖျၢၣ်, တဂၤ ကွံာ်လၢၢ်တဖျၢၣ်, ဒီးမၤပှဲၤအီၤလီၤ. ဒီးဆွံတံာ်ထံထီၣ် ပၢၢ်ခဲလၢာ်, ဒီးကူာ်လီၤကွံာ်သ့ၣ်အဂ့ၤခဲလၢာ်တုၤအပာ် လီၤတဲာ်ထဲကံၢ်ဃရၤရှ့းအခိၣ်ဒူ, ဒီးပှၤခးနီၣ်ဘျုးလဲၤ တရံးဒီးခးဘၣ်အီၤလီၤ.
26 ဒီးမိၤအးအစီၤပၤထံၣ်ဘၣ်ဝဲလၢ တၢ်ဒုးသုးဆူၣ်န့ၢ် အီၤတက့ၢ်, ဒီးဟံးန့ၢ်ပှၤနွံကထိလၢအဘီၣ်ထီၣ်နးဒ် သိးအကဘၢၣ်ဖျိတၢ်ဆူ အဒိၣ်အစီၤပၤအအိၣ်လီၤ. ဒီးမၤဝဲတသ့ဘၣ်.
27 ဒီးဟံးန့ၢ်အဖိခွါဝဲၢ်ကိ လၢအကြၢးကဲစီၤပၤလၢအ လီၢ်, ဒီးလုၢ်အီၤလၢတၢ်လုၢ်မ့ၣ်အူလၢဝ့ၢ်ခိၣ်ဒူအဖီခိၣ် လီၤ. ဒီးတၢ်သးထီၣ်ဖးဒိၣ်အိၣ်ဝဲလၢအံၣ်စရ့လးန့ၣ်, ဒီးအဝဲသ့ၣ်တဖၣ်န့ၣ်ဟးထီၣ်ဝဲလၢအအိၣ်, ဒီးက့ၤက့ၤ ဝဲဆူအကီၢ်ဒၣ်ဝဲန့ၣ်လီၤ.
4၄
1 ဒီးပိာ်မုၣ်တဂၤလၢဝံဖိခွါတဖၣ်အမါအကျါန့ၣ် ကိး ထီၣ်ဆူစီၤအလံၤၡါ, ဒီးစံးဝဲဒၣ်, နခ့နပှၤယဝၤတဂၤသံ လံ. ဒီးနသ့ၣ်ညါလၢနခ့နပှၤပျံၤယွၤလီၤ. ဒီးအကမၢ်အ ကစၢ်ဟဲဝဲဒ်သိးအကဟံးန့ၢ်မၢကဲကုၢ်ယဖိခွါခံဂၤလီၤ.
2 ဒီးစီၤအလံၤၡါစံးဘၣ်အီၤ, ယဘၣ်မၤတၢ် လၢနဂီၢ် လၢမနုၤတမံၤလဲၣ်, စံးဘၣ်ယၤတက့ၢ်. တၢ်အိၣ်လၢန ဟံၣ်ပူၤမနုၤတမံၤလဲၣ်, စံးဘၣ်ယၤတက့ၢ်. ဒီးစံးဝဲဒၣ်, တၢ်တအိၣ်ဘၣ်ဒီးနကုၢ်ပိာ်မုၣ်လၢဟံၣ်ပူၤနီတမံၤဘၣ်. အိၣ်ထဲသိကိတဖျၢၣ်ဧိၤလီၤ.
3 ဒီးစံးဘၣ်အီၤ, လဲၤဃ့တၢ်ပူၤတၢ်လီၢ်တဖၣ်လၢပှၤ လၢနဃၢၤအိၣ်လၢခိခဲလၢာ်, တၢ်ပူၤတၢ်လီၢ်အိၣ်ကလီ တဖၣ်တက့ၢ်. မၤန့ၢ်စှၤဖျၢၣ်တဂ့ၤ. 4 ဒီးဟဲနုာ်, ဒီးကး တံာ်ဃာ်တြဲၤလၢနခံ, ဒီးလၢနဖိခွါတဖၣ်အခံ, ဒီးနဘၣ် လူလၢကယဲၢ် တၢ်ပူၤတၢ်လီၢ်တဖၣ်န့ၣ်အပူၤခဲလၢာ်, ဒီးတၢ်လၢအပှဲၤဝဲန့ၣ်နဘၣ်ပာ်တပူၤဒၣ်လီၤ.
5 ဒီးဟးထီၣ်လၢအအိၣ်, ဒီးကးတံာ်ဃာ်တြဲၤလၢအခံ, ဒီးလၢအဖိခွါအခံလီၤ. အဝဲသ့ၣ်တဖၣ်န့ၣ်ဟဲစိာ်တၢ် ဆူအအိၣ်, ဒီးအဝဲဒၣ်လူလီၤတၢ်လီၤ.
6 ဒီးတုၤတၢ်ပူၤတၢ်လီၢ်ပှဲၤဝဲဒီး, တၢ်မၤအသးလၢအစံး ဘၣ်အဖိခွါ, ဟဲစိာ်ဒံးတၢ်ပူၤတၢ်လီၢ်တဖျၢၣ်တက့ၢ်. ဒီးစံးဘၣ်အီၤ, တၢ်ပူၤတၢ်လီၢ်တအိၣ်လၢၤဘၣ်, ဒီးသိ အိၣ်ကတီၢ်လီၤ.
7 ဒီးဟဲဝဲ, ဒီးစံးဘၣ်ယွၤအပှၤကညီ, ဒီးအဝဲဒၣ်စံးဘၣ် အီၤ, လဲၤဆါကွံာ်သိဒီးလိးတူာ်ကွံာ်နကမၢ်, ဒီးမူနဲဒီးန ဖိခွါတဖၣ်န့ၣ်လၢတၢ်အိၣ်လီၤတဲာ်တဖၣ်န့ၣ်တက့ၢ်.
8 ဒီးတၢ်မၤအသးလၢအန့ၣ်တနံၤ လၢစီၤအလံၤၡါလဲၤ ပူၤတၢ်ဆူရှူန့ၣ်, ဒီးပိာ်မုၣ်ကဲဒိၣ်အိၣ်ဝဲဖဲန့ၣ်တဂၤ, ဒီး ကညးအီၤလၢအကအီၣ်ကိၣ်လီၤ. ဒီးဖဲဒၣ်အလဲၤတၢ် ဘၣ်ကျဲတဘျီဘျီန့ၣ် တၢ်မၤအသးလၢအလဲၤနုာ်အီၣ် ကိၣ်ဖဲန့ၣ်လီၤ.
9 ဒီးစံးဘၣ်အဝၤ, ကွၢ်ကွၢ်, ယထံၣ်လၢပှၤတဂၤအံၤ မ့ၢ်ယွၤအပှၤစီဆှံလီၤ. အဝဲဒၣ်လဲၤတၢ်ဘၣ်ကျဲဖဲပအိၣ် တထံၣ်ဃီလီၤ. 10 မ်ပမၤဒၢးဖိလၢတၢ်ဒူၣ်အဖီခိၣ်လၢအ ဂီၢ်တက့ၢ်. ဒီးပကပာ်အလီၢ်မံ, ဒီးစီၢ်နီၤခိၣ်, ဒီးလီၢ် ဆ့ၣ်နီၤ, ဒီးမ့ၣ်အူဒၢအလီၢ်ဖဲန့ၣ်လၢအဂီၢ်တက့ၢ်. ဒီး တုၤအဟဲဆူပအိၣ်ဒီး, တၢ်ကမၤအသးလၢအကဃၣ် အသးဆူန့ၣ်လီၤ.
11 ဒီးတၢ်မၤအသးလၢအန့ၣ်တနံၤ လၢအဟဲဝဲဖဲန့ၣ်, ဒီးဃၣ်အသးဆူဒၢးဖိအပူၤန့ၣ်, ဒီးမံဝဲဖဲန့ၣ်လီၤ. 12 ဒီးစံး ဘၣ်အခ့အပှၤစီၤက့ၤဃစံ, ကိးန့ၢ်ပှၤရှူန့ၣ်ဖိတဂၤန့ၣ်တ က့ၢ်. ဒီးကိးဝဲ, ဒီးအဝဲဒၣ်ဆၢထၢၣ်လၢအမဲာ်ညါလီၤ.
13 ဒီးစံးလၢအခ့အပှၤ, စံးဘၣ်အီၤ, ကွၢ်ကွၢ်, နအံး က့ၤကွၢ်က့ၤမၤစၢၤပှၤလၢ ကယဲၢ်တၢ်ခဲလၢာ်အံၤလီၤ. ပှၤကမၤလၢနဂီၢ်မနုၤတမံၤလဲၣ်. ပှၤကတိၤတၢ်လၢနဂီၢ် ဒီးစီၤပၤမ့ၢ်ဂ့ၤ, ဒီးပှၤသုးမုၢ်အခိၣ်မ့ၢ်ဂ့ၤ, အလီၢ်အိၣ်ဧါ. ဒီးစံးဝဲဒၣ်, ယအိၣ်ယဆိးလၢယပှၤတကလုာ်ဒၣ်ယဲ အကျါလီၤ.
14 ဒီးစံးဝဲဒၣ်, ဒီးပှၤဘၣ်မၤလၢအဂီၢ်လၢမနုၤတမံၤလဲၣ် ဒီးစီၤက့ၤဃစံစံးဝဲဒၣ်, မ့ၢ်မးအဖိတအိၣ်ဘၣ်, ဒီးအ ဝၤအသးပှၢ်တ့ၢ်လီၤ.
15 ဒီးစံးဝဲဒၣ်, ကိးန့ၢ်အီၤတက့ၢ်. ဒီးကိးဝဲ, ဒီးအဝဲဒၣ်ဆၢ ထၢၣ်လၢကျဲစၢၤအခီၣ်ထံးလီၤ. 16 ဒီးစံးဝဲဒၣ်, တုၤအက တီၢ်အံၤဆၢအလီၢ်ဒီး, ဖဲတၢ်မူအကတီၢ်န့ၣ်နကဖိးဖိခွါ တဂၤလီၤ. ဒီးစံးဝဲဒၣ်, တမ့ၢ်ဘၣ်, ယကစၢ်, ယွၤအပှၤ ကညီဧၢ, ကတိၤကဘျံးကဘျၣ်ဒီးနကုၢ်ပိာ်မုၣ်တဂ့ၤ.
17 ဒီးပိာ်မုၣ်န့ၣ်ဒၢထီၣ်, ဒီးဆံးစၢ်န့ၢ်အဖိခွါဖဲအကတီၢ် လၢစီၤအလံၤၡါစံးဘၣ်အီၤ, ဖဲတၢ်မူအကတီၢ်န့ၣ်လီၤ.
18 ဒီးတုၤဖိသၣ်ဒိၣ်ထီၣ်ဒီး, ဘၣ်လၢမုၢ်တနံၤတၢ်မၤအ သးလၢအလဲၤထီၣ်ဆူအပၢ်အအိၣ်, ဆူပှၤကူးဘုဖိတ ဖၣ်အအိၣ်လီၤ. 19 ဒီးစံးဘၣ်အပၢ်, ယခိၣ်, ယခိၣ်, ဒီးစံး ဘၣ်ဖိၣ်သၣ်ခွါတဂၤ, လဲၤစိာ်အီၤဆူအမိၢ်အအိၣ်တက့ၢ်.
20 ဒီးဟံးန့ၢ်အီၤ, ဒီးစိာ်ဝဲဆူအမိၢ်အအိၣ်, ဒီးဖိသၣ်ဆ့ၣ် နီၤလၢအဟုးလာ်တုၤမုၢ်ထူၣ်, ဒီးသံဝဲလီၤ.
21 ဒီးလဲၤထီၣ်, ဒီးပာ်လီၤအီၤလၢယွၤအပှၤကညီအလီၢ် မံအဖီခိၣ်, ဒီးကးတံာ်ဃာ်တြဲၤ, ဒီးဟးထီၣ်ဝဲလီၤ.
22 ဒီးကိးထီၣ်ဆူအဝၤ, ဟ့ၣ်ယုၢ်န့ၢ်လၢ်ယၤလၢဖိၣ်သၣ် ခွါတဂၤ, ဒီးကသ့ၣ်ယီၤတဒု, ဒ်သိးအကဃ့ၢ်ဆူယွၤ အပှၤကညီအအိၣ်, ဒီးဟဲက့ၤန့ၣ်တက့ၢ်.
23 ဒီးစံးဝဲဒၣ်, နကလဲၤဆူအအိၣ်လၢမုၢ်မဆါတနံၤအံၤ မ့ၢ်အဘၣ်မနုၤလဲၣ်. လါထီၣ်သီနံၤတမ့ၢ်ဘၣ်, မုၢ်အိၣ် ဘှံးနံၤတမ့ၢ်ဘၣ်. ဒီးစံးဝဲဒၣ်, တၢ်မုာ်တၢ်ဖိးလီၤ.
24 ဒီးဂီၤကၢ်ကသ့ၣ်ယီၤ, ဒီးစံးဘၣ်အခ့အပှၤ, နီၣ်ဒီး လဲၤတၢ်တက့ၢ်. ယမ့ၢ်တမၤလိာ်ဘၣ်နၤဒီး, မၤစၢ်လီၤ နနီၣ်တၢ်တဂ့ၤ.
25 ဒီးလဲၤတၢ်, ဒီးဟဲက့ၤဆူယွၤအပှၤကညီအအိၣ်လၢ ကစၢၢ်ကၢ်မ့ၤလးလီၤ. ဒီးတုၤယွၤအပှၤကညီထံၣ်ဘၣ် အီၤလၢအယံၤဒီး, တၢ်မၤအသးလၢအစံးဘၣ်အခ့အ ပှၤ, စီၤက့ၤဃစံ, ကွၢ်ကွၢ်, ပှၤရှူန့ၣ်ဖိတဂၤန့ၣ်လီၤ.
26 ခဲကနံၣ်အံၤဃ့ၢ်သဂၢၢ်အီၤ, ဒီးစံးလၢအီၤ, နအိၣ်မုာ် စ့ၢ်ကီးဧါ, နဝၤအိၣ်မုာ်စ့ၢ်ကီးဧါ, ဖိသၣ်န့ၣ်အိၣ်မုာ်စ့ၢ် ကီးဧါန့ၣ်တက့ၢ်. ဒီးစံးဝဲဒၣ်, အိၣ်မုာ်ဝဲလီၤ.
27 ဒီးတုၤအတုၤလၢယွၤအပှၤကညီအအိၣ် လၢကစၢၢ် လိၤဒီး, ဟံးဃာ်အခီၣ်, ဒီးစီၤက့ၤဃစံသုးဘူးအသးဒ် သိးအကထွၣ်ကွံာ်အီၤလီၤ. ဒီးယွၤအပှၤကညီစံးဘၣ် အီၤ, ကအိၣ်ဒၣ်ဝဲတက့ၢ်. အဂ့ၢ်ဒ်အံၤ, အသူၣ်ကိၢ်အ သးဂီၤလၢအပူၤ, ဒီးယွၤပာ်ခူသူၣ်ဝဲဒီးယၤ, ဒီးတစံး ဘၣ်ယၤဘၣ်.
28 ဒီးစံးဝဲဒၣ်, ယဃ့န့ၢ်ဖိသၣ်တဂၤလၢယကစၢ်စ့ၢ်ကီး ဧါ. ယစံး, လီန့ၢ်ယၤတဂ့ၤန့ၣ်တမ့ၢ်ဘၣ်ဧါ.
29 ဒီးအဝဲဒၣ်စံးဘၣ်စီၤက့ၤဃစံ, ကံၢ်တူာ်နယီၢ်ဒ့, ဒီး ဟံးန့ၢ်ယနီၣ်ထိးဘိလၢနစုပူၤ, ဒီးလဲၤတၢ်တက့ၢ်. နမ့ၢ် ဘၣ်သဃိာ်ပှၤတဂၤဂၤဒီး, ဆိၣ်ဂ့ၤအီၤတဂ့ၤ. ဒီးပှၤတ ဂၤဂၤမ့ၢ်ဆိၣ်ဂ့ၤနၤဒီး, စံးဆၢအီၤတဂ့ၤ. ဒီးပာ်လီၤယ နီၣ်ထိးဘိလၢဖိသၣ်အမဲာ်အဖီခိၣ်တက့ၢ်.
30 ဒီးဖိသၣ်အမိၢ်စံးဝဲဒၣ်, ယွၤမူဝဲ, ဒီးနသးမူဝဲန့ၣ်, ယ တဟးဖးဒီးနၤဘၣ်. ဒီးဂဲၤဆၢထၢၣ်, ဒီးပိာ်အခံလီၤ.
31 ဒီးစီၤက့ၤဃစံလဲၤဝဲလၢအမဲာ်ညါ, ဒီးပာ်လီၤနီၣ်ထိး ဘိလၢဖိသၣ်အမဲာ်အဖီခိၣ်, ဒီးတၢ်အသီၣ်တအိၣ်, တၢ် ကနၣ်တၢ်တအိၣ်ဘၣ်. ဒီးဟဲက့ၤသဂၢၢ်အီၤ, ဒီးတဲ ဘၣ်ဝဲ, ဒီးစံးဝဲဒၣ်, ဖိသၣ်တဖုသံနီၣ်ဘၣ်.
32 ဒီးစီၤအလံၤၡါဟဲနုာ်လၢဟံၣ်ပူၤ, ဒီးကွၢ်ကွၢ်, ဖိ သၣ်သံလံ. ဒီးမံလီၤဝဲလၢအလီၢ်မံအဖီခိၣ်လီၤ.
33 ဒီးလဲၤနုာ်ဝဲ, ဒီးကးတံာ်ဃာ်တြဲၤလၢအဝဲသ့ၣ်ခံဂၤ အခံ, ဒီးဘါထုကဖၣ်ယွၤလီၤ. 34 ဒီးလဲၤထီၣ်မံလီၤလၢ ဖိသၣ်န့ၣ်အဖီခိၣ်, ဒီးပာ်အထးခိၣ်လၢအထးခိၣ်အဖီ ခိၣ်, ဒီးအမဲာ်လၢအမဲာ်အဖီခိၣ်, အစုလၢအစုအဖီခိၣ်, ဒီးစူၣ်ထီၣ်အသးလၢဖိသၣ်အဖီခိၣ်, ဒီးဖိသၣ်အညၣ် လၢၤထီၣ်ဝဲလီၤ.
35 ဒီးဟဲက့ၤ, ဒီးဟးယဲၤယီၤတၢ်လၢဟံၣ်ပူၤ, ဒီးလဲၤ ထီၣ်စူၣ်ထီၣ်အသးလၢအဖီခိၣ်, ဒီးဖိသၣ်ဆံၣ်ဆဲထီၣ် နွံဘျီ, ဒီးဖိသၣ်အိးထီၣ်အမဲာ်လီၤ.
36 ဒီးကိးန့ၢ်စီၤက့ၤဃစံ, ဒီးစံးဝဲဒၣ်, ကိးန့ၢ်ပှၤရှူန့ၣ်ဖိ တဂၤန့ၣ်တက့ၢ်. ဒီးအဝဲဒၣ်ကိးန့ၢ်အီၤလီၤ. ဒီးဟဲနုာ် ဝဲဆူအအိၣ်, ဒီးစံးဘၣ်အီၤ, ဟံးထီၣ်န့ၢ်နဖိခွါတက့ၢ်.
37 ဒီးလဲၤနုာ်ဝဲ, ဒီးထိၣ်လီၤပှီၤအသးလၢအခီၣ်ထံး, ဒီး တီၤလီၤကဒွံကျိာ်, ဒီးဟံးန့ၢ်ထီၣ်အဖိခွါ, ဒီးဟးထီၣ် ဝဲလီၤ.
38 ဒီးစီၤအလံၤၡါဟဲက့ၤကဒီးဆူကံးလကၤလး, ဒီးတၢ် သၣ်ဝံၤလီၤဒိအိၣ်ဝဲလၢကီၢ်ပူၤန့ၣ်လီၤ. ဒီးဝံတဖၣ်အိၣ် ဝဲဆိးဝဲလၢအမဲာ်ညါ, ဒီးစံးဘၣ်အခ့အပှၤ, ပာ်လီၤသ ပၢၤဖးဒိၣ်, ဒီးချီတၢ်ချီလၢဝံအဖိခွါတဖၣ်အဂီၢ်တက့ၢ်.
39 ဒီးပှၤတဂၤလဲၤဝဲလၢပှၢ်လၢ်ကျါ ဒ်သိးအကထၢဖှိၣ် တၢ်ဒိးတၢ်လၣ်လီၤ. ဒီးထံၣ်န့ၢ်ဝဲလၢခီခးဖးကိးအမုၢ် တမုၢ်, ဒီးဒဲးဝဲအသၣ်မံတုၤအမၤပှဲၤအသးနါပှၢ်, ဒီးဟဲ က့ၤသွဲၣ်နုာ်အီၤလၢတၢ်ချီအသပၢၤပူၤလီၤ. အဂ့ၢ်ဒ်အံၤ, တသ့ၣ်ညါဘၣ်ဝဲဘၣ်.
40 ဒီးဂၢ်လီၤဝဲဒ်သိးပှၤကညီကအီၣ်တၢ်လီၤ. ဒီးအီၣ်တၢ် ချီအဖၢမုၢ်ဒီး, ကိးပသူထီၣ်ဒီးစံးဝဲဒၣ်, ယွၤအပှၤကညီ ဧၢ, တၢ်သံအိၣ်ဝဲလၢသပၢၤပူၤလီၤ. ဒီးအီၣ်ဝဲတသ့ဘၣ်.
41 ဒီးစံးဝဲဒၣ်, ဟဲစိာ်ကိၣ်ကမူၣ်တက့ၢ်. ဒီးဖၢလီၤဝဲ လၢသပၢၤပူၤ, ဒီးစံးဝဲဒၣ်, ဂၢ်လီၤလၢပှၤဂီၢ်မုၢ်အဂီၢ်ဒ် သိးအကအီၣ်တၢ်န့ၣ်တက့ၢ်. ဒီးတၢ်အၢတအိၣ်ဘၣ် လၢသပၢၤပူၤဘၣ်.
42 ဒီးပှၤတဂၤဟဲဝဲလၢဘဧၤလးၡလံၡၤ, ဒီးဟဲစိာ်န့ၢ် ယွၤအပှၤကညီလၢကိၣ်အလိၣ်ခံဆံ တ့ဝဲလၢဘုမုယီၤ အသၣ်ဆိ, ဒီးဘုအစဲၤတဖၣ်လၢထၢၣ်ပူၤလီၤ. ဒီးစံးဝဲ ဒၣ်, ဟ့ၣ်လီၤပှၤဂီၢ်မုၢ်ဒ်သိးအကအီၣ်တၢ်တက့ၢ်.
43 ဒီးအခ့အပှၤစံးဘၣ်အီၤ, ယကပာ်လီၤတၢ်အံၤလၢ ပှၤတကယၤအမဲာ်ညါန့ၣ်မ့ၢ်အဘၣ်မနုၤလဲၣ်. ဒီးစံးက ဒီးဝဲဒၣ်, ဟ့ၣ်လီၤပှၤဂီၢ်မုၢ်ဒ်သိးအကအီၣ်တၢ်တက့ၢ်. အဂ့ၢ်ဒ်အံၤ, ယွၤစံးဝဲဒ်အံၤ, ကအီၣ်တၢ်, ဒီးကပာ်လီၤ တဲာ်တၢ်လီၤ.
44 ဒီးပာ်လီၤဝဲလၢအမဲာ်ညါ, ဒီးအဝဲသ့ၣ်တဖၣ်န့ၣ်အီၣ် ဝဲ, ဒီးပာ်လီၤတဲာ်တၢ်ဒ်ယွၤအကလုၢ်ကထါအသိးန့ၣ် လီၤ.
5၅
1 ဒီးစူၤရံအစီၤပၤ အပှၤသုးမုၢ်အခိၣ် စီၤနဧၤမၣ်မ့ၢ်ပှၤ အဒိၣ်လၢအကစၢ်အမဲာ်ညါ, ဒီးတၢ်ကွၢ်မဲာ်အီၤလီၤ. အဂ့ၢ်ဒ်အံၤ, ယွၤဟ့ၣ်လီၤတၢ်အုၣ်က့ၤခီၣ်က့ၤစူၤရံလၢ အီၤလီၤ. ဒီးမ့ၢ်ပှၤအဆူၣ်လၢဒုးတၢ်အပူၤလီၤ. ဘၣ် ဆၣ်ဒီးမ့ၢ်ပှၤဘၣ်တၢ်ဆါအၢလီၤ.
2 ဒီးပှၤစူၤရံဖိလဲၤတ့ၢ်ဒီးပှၤအဖုတဖၣ်, ဒီးဟဲစိာ်မၢကဲ ကုၢ်ဖိသၣ်ပိာ်မုၣ်အဆံးတဂၤ လၢအံၣ်စရ့လးအကီၢ်ပူၤ, ဒီးအိၣ်ဝဲလၢစီၤနဧၤမၣ်အမါအအိၣ်လီၤ.
3 ဒီးစံးဘၣ်အကစၢ်မုၣ်, မ်ယကစၢ်အိၣ်ဝဲလၢဝံအမဲာ် ညါလၢအအိၣ်ဝဲလၢၡၤမရံအပူၤန့ၣ်တက့ၢ်. တုၤနုၤတ စုကမၤဘျါက့ၤအီၤလၢအတၢ်ဆါအၢလီၤ.
4 ဒီးအဝဲဒၣ်လဲၤနုာ်, ဒီးတဲဘၣ်အကစၢ်, ဒီးစံးဝဲဒၣ်, ဖိသၣ်ပိာ်မုၣ်လၢအဟဲလၢကီၢ်အံၣ်စရ့လးတဂၤကတိၤ တၢ်ဒ်အံၤဒ်နုၤလီၤ.
5 ဒီးစူၤရံအစီၤပၤစံးဝဲဒၣ်, ဟဲ, လဲၤတၢ်တက့ၢ်. ယက ဟ့ၣ်ယုၢ်လံာ်တဘ့ၣ်လၢအံၣ်စရ့လးအစီၤပၤလီၤ. ဒီး လဲၤဝဲ, ဒီးလဲၤစိာ်ဝဲဒီးစ့ဆံဆဲၣ်ကံကၢ်, ဒီးထူအဘ့ၣ် ဃုကထိ, ဒီးတၢ်အကူအသိးလၢပှၤကလံၤအသးဆံ ဆဲၣ်ဘျီအဂီၢ်လီၤ.
6 ဒီးဟဲစိာ်လံာ်တဘ့ၣ်ဆူ အံၣ်စရ့လးအစီၤပၤအအိၣ် လၢအစံးဝဲ, ခဲကနံၣ်အံၤတုၤလံာ်တဘ့ၣ်အံၤတုၤလၢ နအိၣ်ဒီး, ကွၢ်ကွၢ်, ယမၢလီၤယခ့ယပှၤစီၤနဧၤမၣ်ဆူန အိၣ်ဒ်သိးနကမၤဘျါက့ၤအီၤလၢအတၢ်ဆါအၢန့ၣ်လီၤ.
7 ဒီးတုၤအံၣ်စရ့လးအစီၤပၤဖးလံာ်တဘ့ၣ်န့ၣ်ဒီး, တၢ် မၤအသးလၢအဖှီအဆ့ဒီးစံးဝဲဒၣ်, ယမ့ၢ်ယွၤလၢအမၤ သံတၢ်ဒီးမၤမူတၢ်သတးဒီး, ပှၤတဂၤန့ၣ်မၢပှၤကညီတ ဂၤဒ်သိးယကမၤဘျါက့ၤအတၢ်ဆါအၢန့ၣ်ဧါ. မၤသး ဒ်န့ၣ်ဒီးသ့ၣ်ညါ, ဒီးကွၢ်လၢပှၤတဂၤန့ၣ်ဃုတၢ်တမံၤမံၤ ထီဒါယၤလီၤ.
8 ဒီးတုၤယွၤအပှၤကညီ စီၤအလံၤၡါနၢ်ဟူဝဲလၢအံၣ်စ ရ့လးအစီၤပၤဖှီအဆ့ဒီး, တၢ်မၤအသးလၢအမၢလီၤတၢ် ဆူစီၤပၤအအိၣ်ဒီးစံးဝဲဒၣ်, နဖှီနဆ့န့ၣ်မ့ၢ်အဘၣ်မနုၤ လဲၣ်. မ်ပှၤတဂၤန့ၣ်ဟဲဆူယအိၣ်တက့ၢ်. ဒီးကသ့ၣ် ညါဝဲလၢဝံတဂၤအိၣ်ဝဲလၢအံၣ်စရ့လးအပူၤလီၤ.
9 ဒီးစီၤနဧၤမၣ်ဟဲဝဲဒီးအကသ့ၣ်တဖၣ်, ဒီးအလ့ၣ်က ဟၣ်, ဒီးဆၢထၢၣ်လၢစီၤအလံၤၡါအဟံၣ်ကျဲစၢၤအခီၣ် ထံးလီၤ.
10 ဒီးစီၤအလံၤၡါမၢကလူးတဂၤလဲၤဆူအအိၣ်, ဒီးစံးဝဲ ဒၣ်, လဲၤလုၣ်ထံလၢယၢ်ဒ့ၣ်အပူၤနွံဘျီတက့ၢ်. ဒီးနဖံး နညၣ်ကဟဲက့ၤကဒါက့ၤ, ဒီးနကကဆှီထီၣ်လီၤ.
11 ဒီးစီၤနဧၤမၣ်အသးထီၣ်, ဒီးဟးထီၣ်ဝဲ, ဒီးစံးဝဲဒၣ်, ကွၢ်ကွၢ်, ယစံး, အဝဲဒၣ်ကဟဲထီၣ်, ဒီးကဆၢထၢၣ်, ဒီးကိးထီၣ်ယွၤအကစၢ်အမံၤ, ဒီးတီၢ်တၢ်လၢတၢ်အဖီ ခိၣ်, ဒီးမၤဘျါက့ၤပှၤဘၣ်တၢ်ဆါအၢလီၤ. 12 ဒၤမ့ၤစ့း အထံကျိအဘၤနါ, ဒီးဖၢ်ပၢ်ဂ့ၤန့ၢ်အံၣ်စရ့လးအထံတ ဖၣ်ခဲလၢာ်တမ့ၢ်ဘၣ်ဧါ. ယကလုၣ်ဘၣ်ထံလၢအပူၤ, ဒီးကဆှီထီၣ်တမ့ၢ်ဘၣ်ဧါ. ဒီးဃၣ်အသး, ဒီးဟးထီၣ် ဝဲလၢအသးထီၣ်လီၤ.
13 ဒီးအခ့အပှၤသုးဘူးအသး, ဒီးစံးလၢအီၤ, ယပၢ်ဧၢ, ဝံတဂၤန့ၣ်မ့ၢ်မၤလိာ်နၤလၢတၢ်ဖးဒိၣ်တမံၤဒီး, နကမၤ တမ့ၢ်ဘၣ်ဧါ. တုၤအစံးဘၣ်နၤ, လုၣ်ထံဒီးကဆှီထီၣ် တက့ၢ်န့ၣ်ဒီး မၤအလီၢ်အိၣ်အါန့ၢ်အန့ၣ်တက့ၢ်ဆံးဒိၣ် လဲၣ်.
14 ဒီးလဲၤလီၤ, ဒီးဘျၢလီၤအသးလၢယၢ်ဒ့ၣ်အပူၤနွံဘျီ, ဒ်ယွၤအပှၤကညီစံးဝဲအသိးန့ၣ်, ဒီးအဖံးအညၣ်ဟဲက့ၤ ကဒါက့ၤဒ်ဖိဆံးတဂၤအညၣ်အသိးန့ၣ်, ဒီးကဆှီထီၣ် ဝဲလီၤ.
15 ဒီးက့ၤကဒါက့ၤဆူယွၤအပှၤကညီအအိၣ်, အဝဲဒၣ် ဒီးအပှၤကညီခဲလၢာ်, ဒီးဟဲဝဲ, ဒီးဆၢထၢၣ်လၢအမဲာ် ညါ, ဒီးစံးဝဲဒၣ်, ကွၢ်ကွၢ်, ယသ့ၣ်ညါလၢကစၢ်တ အိၣ်ဘၣ်လၢဟီၣ်ခိၣ်ဒီဘ့ၣ်ညါ, အိၣ်ထဲလၢအံၣ်စရ့ လးအပူၤဧိၤလီၤ. ဒီးခဲကနံၣ်အံၤဟံးန့ၢ်လၢ်တၢ်ဆိၣ်ဂ့ၤ လၢနခ့နပှၤတက့ၢ်.
16 ဒီးစံးဝဲဒၣ်, ယွၤလၢယဆၢထၢၣ်လၢအမဲာ်ညါမူဝဲ န့ၣ်, ယတဟံးန့ၢ်ဘၣ်တၢ်ဘၣ်. ဒီးအဝဲဒၣ်သဆၣ် ထီၣ်အခံဘၣ်ဆၣ်ဒီးဂ့ၢ်လိာ်ဝဲလီၤ.
17 ဒီးစီၤနဧၤမၣ်စံးဝဲဒၣ်, ပှၤကဟ့ၣ်လီၤ နခ့နပှၤလၢ ဟီၣ်ခိၣ်ဘျဲးစိာ်ကသ့ၣ်လၤခံဒု တမ့ၢ်ဘၣ်ဧါ. အဂ့ၢ်ဒ် အံၤ, တၢ်လုၢ်မ့ၣ်အူမ့ၢ်ဂ့ၤ, တၢ်လုၢ်မ့ၢ်ဂ့ၤ, နခ့နပှၤ တလုၢ်လၢၤဘၣ် လၢကစၢ်အဂၤတဖၣ်ဘၣ်. ကလုၢ် တၢ်ထဲလၢယွၤတဂၤဧိၤလီၤ.
18 လၢတၢ်အံၤတမံၤ မ်ယွၤပျၢ်နခ့နပှၤအတၢ်တက့ၢ်. တုၤယကစၢ်လဲၤနုာ်လၢရံးမိၣ်အဟံၣ်ပူၤ ဒ်သိးအက ဘူၣ်တၢ်ဘါတၢ်ဖဲန့ၣ်, ဒီးတန့ၤအသးလၢယစု, ဒီးယ တီၤလီၤကဒွံကျိာ်လၢရံးမိၣ်အဟံၣ်ပူၤဒီး, တုၤယတီၤ လီၤကဒွံကျိာ်လၢရံးမိၣ်အဟံၣ်ပူၤဒီး, မ်ယွၤပျၢ်နခ့နပှၤ အတၢ်တမံၤန့ၣ်တက့ၢ်.
19 ဒီးစံးဘၣ်အီၤ, လဲၤတၢ်မုာ်မုာ်တက့ၢ်. ဒီးဟးထီၣ်ဝဲ ယံၤဒီးအီၤဖးဖီတီၤလဲၤဃၣ်ဃၣ်လီၤ. 20 ဒီးယွၤအပှၤက ညီစီၤအလံၤၡါအခ့အပှၤစီၤက့ၤဃစံစံးဝဲဒၣ်, ကွၢ်ကွၢ်, ယကစၢ်တြီပှၤစူၤရံဖိတဂၤအံၤ စီၤနဧၤမၣ်ဒီးတတူၢ် လိာ်ဘၣ်တၢ်လၢအဟဲစိာ်ဝဲလၢအစုဘၣ်. ယွၤမူဝဲန့ၣ်, ယကဃ့ၢ်ပိာ်အခံ, ဒီးဟံးန့ၢ်တၢ်တမံၤမံၤလၢအီၤလီၤ.
21 ဒီးစီၤက့ၤဃစံလူၤပိာ်စီၤနဧၤမၣ်အခံ, ဒီးစီၤနဧၤမၣ် ထံၣ်ဘၣ်ပှၤတဂၤဟဲဃ့ၢ်ပိာ်အခံ, ဒီးယုၢ်လီၤဝဲလၢလ့ၣ် ကဟၣ်အပူၤ, ဒ်သိးအကလဲၤသဂၢၢ်အီၤ, ဒီးစံးဝဲဒၣ်, အိၣ်မုာ်စ့ၢ်ကီးဧါ.
22 ဒီးစံးဝဲဒၣ်, အိၣ်မုာ်လီၤ. ယကစၢ်မၢလီၤယၤ, ဒီးစံးဝဲ ဒၣ်, ကွၢ်ကွၢ်, ခဲကနံၣ်အံၤဒၣ်လဲာ်, ပှၤဖိၣ်သၣ်ခွါလၢဝံ အဖိခွါအကျါခံဂၤဟဲဆူယအိၣ်, လၢကစၢၢ်အ့ဖရဲၣ် လီၤ. ဟ့ၣ်လၢ်အီၤလၢစ့တကံကၢ်, ဒီးတၢ်အကူအသိး လၢပှၤကလံၤအသးခံဘျီအဂီၢ်တက့ၢ်.
23 ဒီးစီၤနဧၤမၣ်စံးဝဲဒၣ်, မ်အဘၣ်နသးလၢနဟံးန့ၢ်ခံ ကံကၢ်တက့ၢ်. ဒီးသဆၣ်ထီၣ်အခံ, ဒီးစၢဃာ်စ့ခံကံ ကၢ်လၢထၢၣ်ခံဖျၢၣ်အပူၤ အိၣ်ဒီးတၢ်အကူအသိးလၢပှၤ ကလံၤအသးခံဘျီအဂီၢ်န့ၣ်, ဒီးပာ်လီၤဝဲလၢအခ့အပှၤ ခံဂၤအလိၤ, ဒီးစိာ်ဝဲလၢအမဲာ်ညါလီၤ. 24 ဒီးလဲၤဝဲဆူတၢ် စိခိၣ်, ဒီးဟံးန့ၢ်ဝဲလၢအစုပူၤ, ဒီးပာ်ဝဲလၢအဟံၣ်ပူၤ, ဒီး ပျၢ်ပှၤကညီတဖၣ်, ဒီးအဝဲသ့ၣ်ဟးထီၣ်ကွံာ်ဝဲလီၤ.
25 ဒီးအဝဲဒၣ်လဲၤနုာ်, ဒီးဆၢထၢၣ်လၢအကစၢ်အမဲာ် ညါ, ဒီးစီၤအလံၤၡါစံးဘၣ်အီၤ, စီၤက့ၤဃစံဧၢ, နလဲၤဖဲ လဲၣ်ပူၤလဲၣ်. ဒီးစံးဆၢဝဲဒၣ်, တပူၤဂ့ၤတပူၤဂ့ၤနခ့နပှၤ တလဲၤဘၣ်ဝဲဘၣ်.
26 ဒီးအဝဲဒၣ်စံးဘၣ်အီၤ, တုၤပှၤတဂၤန့ၣ်ဟဲက့ၤသဂၢၢ် နၤလၢအလ့ၣ်ကဟၣ်ဒီး, ယသးလဲၤဝဲတမ့ၢ်ဘၣ်ဧါ. မ့ၢ် အဆၢအကတီၢ်လၢပကဒိးန့ၢ်စ့, ဒီးဒိးန့ၢ်တၢ်အကူအ သိး, ဒီးသ့ၣ်စၤယံးအလီၢ်, ဒီးစပံးမုၢ်အလီၢ်, ဒီးသိ, ဒီးမဲာ်တဲးလဲး, ဒီးဂီၤဘုၣ်ဂီၤဖံး, ဒီးတၢ်အကုၢ်အပှၤပိာ် ခွါ, ဒီးတၢ်အကုၢ်အပှၤပိာ်မုၣ်သ့ၣ်တဖၣ်န့ၣ်ဧါ. 27 ဒီး စီၤနဧၤမၣ်အတၢ်ဆါအၢကစဲဘူးဒီးနၤဒီး နချံနသၣ်လီၤ စိၤလီၤထီလီၤ. ဒီးဟးထီၣ်ဝဲလၢအအိၣ်, ဒီးဘၣ်တၢ် ဆါအၢဝါဒ်မူခိၣ်ဖီအသိးန့ၣ်လီၤ.
6၆
1 ဒီးဝံအဖိခွါတဖၣ်န့ၣ် စံးဘၣ်စီၤအလံၤၡါ, ကွၢ်ကွၢ်, တၢ်အလီၢ်ဖဲ ပအိၣ်ပဆိးဒီးနၤအံၤ မ့ၢ်အအံၣ်ကဲၣ်ဆိး လီၤ. 2 ဒုးလဲၤပှၤဆူယၢ်ဒ့ၣ်, ဒီးဟံးန့ၢ်ဖဲန့ၣ်လၢတဂၤသ့ၣ် တကျီၣ်, တဂၤသ့ၣ်တကျီၣ်, ဒီးဒုးတ့ပှၤလၢတၢ်အလီၢ်ဖဲ န့ၣ်လၢပကအိၣ်ကဆိးတက့ၢ်. ဒီးစံးဝဲဒၣ်, လဲၤတက့ၢ်.
3 ဒီးပှၤတဂၤစံးဝဲဒၣ်, မ်အဘၣ်လၢ်နသးလၢနလဲၤဒီး နခ့နပှၤတက့ၢ်. ဒီးစံးဝဲဒၣ်, ယကလဲၤလီၤ. 4 ဒီးလဲၤ ဝဲဒီးအီၤ, ဒီးဟဲဝဲဆူယၢ်ဒ့ၣ်, ဒီးကူာ်လီၤသ့ၣ်လီၤ.
5 ဒီးပှၤတဂၤကူာ်လီၤသ့ၣ်တကျီၣ်, ဒီးအကွါအကနၣ် လီၤတဲာ်လၢထံကျါ, ဒီးစံးဝဲဒၣ်, အၣ်လါ, ကစၢ်ဧၢ, မ့ၢ်ယလိၢ်အီၤန့ၣ်လီၤ.
6 ဒီးယွၤအပှၤကညီစံးဝဲဒၣ်, လီၤတဲာ်ဖဲလဲၣ်ပူၤလဲၣ်. ဒီး ဒုးနဲၣ်အီၤလၢအလီၢ်, ဒီးအဝဲဒၣ်ဖဲးန့ၢ်သ့ၣ်တဘိ, ဒီး တ့ၢ်လီၤဖဲန့ၣ်, ဒီးထးထီၣ်ဖီဝဲလီၤ. 7 ဒီးစံးဝဲဒၣ်, ဟံးန့ၢ် ထီၣ်ဆူနအိၣ်တက့ၢ်. ဒီးယူာ်ဃီၤအစု, ဒီးဟံးန့ၢ်ဝဲလီၤ.
8 ဒီးစူၤရံအစီၤပၤဒုးတၢ်ဒီးအံၣ်စရ့လး, ဒီးကူၣ်လိာ်အ သးဒီးအခ့အပှၤ, ဒီးစံးဝဲဒၣ်, ယသူၣ်ဒဲအလီၢ်ကအိၣ် ဖဲအံၤဖဲနုၤလီၤ.
9 ဒီးယွၤအပှၤကညီမၢလီၤတၢ်ဆူ အံၣ်စရ့လးအစီၤပၤ, ဒီးစံးဝဲဒၣ်, ပလီၢ်နသးဒ်သိးနသုတလဲၤပူၤကွံာ်အလီၢ် ဖဲန့ၣ်တဂ့ၤ. အဂ့ၢ်ဒ်အံၤ, ပှၤစူၤရံဖိဟဲလီၤဖဲန့ၣ်လီၤ.
10 ဒီးအံၣ်စရ့လးအစီၤပၤမၢလီၤတၢ်ဆူ တၢ်အလီၢ်လၢ ယွၤအပှၤကညီစံးဘၣ်အီၤလၢအဂ့ၢ်အကျိၤ, ဒီးဒုးတိၢ် အသးလၢအီၤ, ဒီးပလီၢ်အသးဖဲန့ၣ်ထဲတဘျီခံဘျီဧိၤတ မ့ၢ်ဘၣ်.
11 ဒီးစူၤရံအစီၤပၤ အသူၣ်ကိၢ်အသးဂီၤ လၢတၢ်တမံၤ န့ၣ်အဃိ, ဒီးကိးန့ၢ်အခ့အပှၤ, ဒီးစံးဘၣ်အီၤ, ပှၤလၢပ ကျါ လၢအအိၣ်ဝဲလၢအံၣ်စရ့လးအစီၤပၤအဂီၢ်ဖဲလဲၣ် တဂၤလဲၣ်န့ၣ်သုတဒုးနဲၣ်ဘၣ်ယၤဘၣ်ဧါ.
12 ဒီးအခ့အပှၤတဂၤစံးဝဲဒၣ်, တအိၣ်ဘၣ်နီတဂၤဘၣ်, ယကစၢ်စီၤပၤဧၢ, မ့ၢ်ဝံအလံၤၡါလၢအအိၣ်ဝဲလၢအံၣ်စ ရ့လးအကျါတဂၤန့ၣ် စံးဘၣ်အံၣ်စရ့လးအစီၤပၤလၢ တၢ်ကတိၤလၢနကတိၤတၢ်လၢနဒၢးပူၤလီၤ.
13 ဒီးစံးဝဲဒၣ်, လဲၤတၢ်, ဒီးမ့ၢ်အအိၣ်ဖဲလဲၣ်ဖဲလဲၣ်န့ၣ် ကွၢ်တက့ၢ်, ဒ်သိးယကမၢလီၤတၢ်ဒီးဟဲစိာ်အီၤလီၤ. ဒီး ပှၤစံးဘၣ်အီၤ, ကွၢ်ကွၢ်, အိၣ်ဝဲလၢဒိၤသၣ်အပူၤလီၤ.
14 ဒီးမၢလီၤကသ့ၣ်တဖၣ်, ဒီးလ့ၣ်ကဟၣ်တဖၣ်, ဒီး သုးမုၢ်ဂီၢ်မုၢ်, ဒီးဟဲဝဲလၢမုၢ်နၤ, ဒီးကဝီၤဃာ်ဝ့ၢ်န့ၣ်လီၤ.
15 ဒီးယွၤအပှၤကညီအခ့အပှၤ ဂဲၤဆၢထၢၣ်ဂီၤဂီၤ, ဒီး ဟးထီၣ်ဝဲ, ဒီးကွၢ်ကွၢ်, ပှၤသုးမုၢ်ကဝီၤဃာ်ဝ့ၢ်န့ၣ်အိၣ် ဒီးကသ့ၣ်တဖၣ်, ဒီးလ့ၣ်ကဟၣ်တဖၣ်လီၤ. ဒီးအခ့အ ပှၤစံးဘၣ်အီၤ, အၣ်လါ, ယကစၢ်ဧၢ, ပကမၤဒ်လဲၣ်.
16 ဒီးစံးဝဲဒၣ်, ပျံၤတၢ်တဂ့ၤ. အဂ့ၢ်ဒ်အံၤ, ပှၤအိၣ်ဒီး ပှၤအံၤအါန့ၢ်ပှၤအိၣ်ဒီးအီၤတက့ၢ်လီၤ.
17 ဒီးစီၤအလံၤၡါဘါထုကဖၣ်တၢ်, ဒီးစံးဝဲဒၣ်, ယွၤဧၢ. အိးထီၣ်အမဲာ်ဒ်သိးအကထံၣ်တၢ်တက့ၢ်. ဒီးယွၤအိး ထီၣ်ပှၤဖိၣ်သၣ်ခွါတဂၤအမဲာ်န့ၣ်, ဒီးထံၣ်တၢ်, ဒီးကွၢ် ကွၢ်, ကစၢၢ်ကလိပှဲၤဝဲဒီးကသ့ၣ်မ့ၣ်အူ, ဒီးလ့ၣ်ကဟၣ် မ့ၣ်အူအိၣ်ဝးတရံးစီၤအလံၤၡါန့ၣ်လီၤ.
18 ဒီးပှၤဟဲလီၤဆူအအိၣ်, ဒီးစီၤအလံၤၡါဘါထုကဖၣ် ယွၤ, ဒီးစံးဝဲဒၣ်, တီၢ်လၢ်ပှၤဂီၢ်မုၢ်အံၤလၢတၢ်မဲာ်ဘျီၣ် တက့ၢ်. ဒီးတီၢ်အီၤလၢတၢ်မဲာ်ဘျီၣ် ဒ်စီၤအလံၤၡါအ ကလုၢ်အသိးန့ၣ်လီၤ.
19 ဒီးစီၤအလံၤၡါစံးဘၣ်အီၤ, ကျဲအံၤတမ့ၢ်ဘၣ်, ဒီးဝ့ၢ် အံၤတမ့ၢ်ဘၣ်. ပိာ်ယခံတက့ၢ်. ဒီးယကဒုးလဲၤသုဆူ ပှၤလၢသုဃုအီၤအအိၣ်လီၤ. ဒီးလဲၤဆှၢအီၤဆူၡၤမရံ အပူၤလီၤ.
20 ဒီးတုၤအတုၤလၢၡၤမရံအပူၤဒီး, တၢ်မၤအသးလၢစီၤ အလံၤၡါစံးဝဲဒၣ်, ယွၤဧၢ, အိးထီၣ်ပှၤတဖၣ်အံၤအမဲာ်ဒ် သိးအကထံၣ်တၢ်တက့ၢ်. ဒီးယွၤအိးထီၣ်အမဲာ်, ဒီး အဝဲသ့ၣ်ထံၣ်တၢ်, ဒီးကွၢ်ကွၢ်, အိၣ်ဝဲလၢၡၤမရံအသး ကံၢ်ပူၤလီၤ.
21 ဒီးတုၤအံၣ်စရ့လးအစီၤပၤထံၣ်ဘၣ်အီၤဒီး, စံးဘၣ် စီၤအလံၤၡါ, ယပၢ်ဧၢ, ယကကျီစ့ၢ်ကီးဧါ, ယကကျီစ့ၢ် ကီးဧါ. 22 ဒီးစံးဝဲဒၣ်, ကျီတဂ့ၤ, နကကျီပှၤလၢနမၢ ကဲကုၢ်အီၤလၢနနးဒီးနဘီစ့ၢ်ကီးဧါ. ပာ်လီၤကိၣ်ဒီးထံ လၢအမဲာ်ညါဒ်သိးအကအီၣ်တၢ်ဒီးအီတၢ်, ဒီးလဲၤဆူ အကစၢ်အအိၣ်န့ၣ်တက့ၢ်. ဒီးကတဲာ်ကတီၤတၢ်အီၣ် အါအါကလဲာ်လၢအဂီၢ်, ဒီးအဝဲသ့ၣ်အီၣ်တၢ်ဒီးအီတၢ် ဝံၤ, ဒီးတၢ်ပျၢ်အီၤ, ဒီးအဝဲသ့ၣ်လဲၤဝဲဆူအကစၢ်အအိၣ် လီၤ. 23 ဒီးစူၤရံအပှၤအဖုတဖၣ် တဟဲလၢၤဘၣ်ဆူအံၣ် စရ့လးအကီၢ်ပူၤဘၣ်.
24 လၢခံက့ၤဒီးတၢ်မၤအသးလၢ စူၤရံအစီၤပၤဘ့ၣ်ဟဒး ဒုးအိၣ်ဖှိၣ်ရိဖှိၣ်အပှၤသုးမုၢ်ခဲလၢာ်, ဒီးလဲၤထီၣ်, ဒီးက ဝီၤဃာ်ၡၤမရံန့ၣ်လီၤ.
25 ဒီးတၢ်သၣ်ဝံၤလီၤဒိဖးဒိၣ် အိၣ်ဝဲလၢၡၤမရံ, ဒီးကွၢ် ကွၢ်, ပှၤကဝီၤဃာ်အီၤတုၤကသ့ၣ်ယီၤအခိၣ်အိၣ်ဝဲလၢ စ့အဘ့ၣ်ဃိးဆံ, ဒီးထိၣ်လွံၢ်အ့ၣ်တကာ်လွံၢ်ပူတပူန့ၣ် လၢစ့ယဲၢ်ဘ့ၣ်လီၤ.
26 ဒီးအံၣ်စရ့လးအစီၤပၤလဲၤပူၤတၢ်လၢ ဝ့ၢ်ခိၣ်ဒူအဖီ ခိၣ်, ဒီးပိာ်မုၣ်တဂၤကိးထီၣ်အီၤ, ဒီးစံးဘၣ်အီၤ, အုၣ် က့ၤခီၣ်က့ၤတၢ်, ယကစၢ်စီၤပၤဧၢ.
27 ဒီးစံးဘၣ်အီၤ, ယွၤမ့ၢ်တအုၣ်က့ၤခီၣ်က့ၤနၤဘၣ်ဒီး, ယကအုၣ်က့ၤခီၣ်က့ၤနၤလၢလဲၣ်. လၢကြဲၢ်ပူၤဧါ, လၢ နီၣ်စံၢ်စပံးသၣ်န့ၣ်လဲၣ်.
28 ဒီးစီၤပၤစံးဘၣ်အီၤ, တၢ်ဘၣ်နၤလၢမနုၤတမံၤလဲၣ်. ဒီးစံးဝဲဒၣ်, ပိာ်မုၣ်တဂၤအံၤစံးဘၣ်ယၤ, ဟ့ၣ်နဖိခွါဒ် သိးပကအီၣ်အီၤလၢမုၢ်မဆါတနံၤအံၤတက့ၢ်. ပကအီၣ် ယဖိခွါလၢခဲဂီၤတနံၤလီၤ. 29 ဒီးပချီန့ၢ်ယဖိခွါဒီးပအီၣ် ကွံာ်အီၤ, ဒီးယစံးဘၣ်ပိာ်မုၣ်အံၤလၢမုၢ်ဆ့ၣ်ထီၣ်တနံၤ န့ၣ်, ဟ့ၣ်လီၤနဖိခွါဒ်သိးပကအီၣ်အီၤတက့ၢ်. ဒီးအဝဲ ဒၣ်ပာ်ခူသူၣ်လံအဖိခွါလံ.
30 ဒီးတုၤစီၤပၤနၢ်ဟူပိာ်မုၣ်အတၢ်ကတိၤန့ၣ်ဒီး, တၢ်မၤ အသးလၢအဖှီအဆ့, ဒီးလဲၤပူၤကွံာ်လၢဝ့ၢ်ခိၣ်ဒူအဖီ ခိၣ်, ဒီးပှၤဂီၢ်မုၢ်ကွၢ်တၢ်, ဒီးကွၢ်ကွၢ်, ထၢၣ်အတၢ် ကံးညာ်အိၣ်ဝဲလၢအပူၤလၢအညၣ်လိၤလီၤ.
31 ဒီးစံးဝဲဒၣ်, စီၤၡၤဖးအဖိခွါစီၤအလံၤၡါအခိၣ်မ့ၢ်ဆၢ ထၢၣ်လၢအလိၤလၢမုၢ်မဆါတနံၤအံၤဒီး, မ်ယွၤမၤယၤ ဒ်န့ၣ်, ဒီးအါန့ၢ်အန့ၣ်တက့ၢ်.
32 ဒီးစီၤအလံၤၡါဆ့ၣ်နီၤလၢအဟံၣ်ပူၤ, ဒီးပှၤသူၣ်က့ သးပှၢ်ဆ့ၣ်နီၤဒီးအီၤ, ဒီးစီၤပၤမၢလီၤပှၤတဂၤလၢအမဲာ် ညါလီၤ. ဒီးအကလူးတချုးဟဲဒံးဘၣ်ဆူအအိၣ်ဘၣ်ဒီး, စီၤအလံၤၡါစံးဘၣ်ပှၤသူၣ်က့သးပှၢ်တဖၣ်န့ၣ်, ပှၤမၤ သံပှၤကညီတဂၤအဖိခွါအံၤမၢလီၤတၢ် ဒ်သိးအကဟံး ထီၣ်ကွံာ်ယခိၣ်န့ၣ်ကွၢ်သုဝဲတက့ၢ်. ကွၢ်ကွၢ်, တုၤအ ကလူးဟဲဒီး, ကးတံာ်ဃာ်တြဲၤ, ဒီးဆီၣ်တံာ်ဃာ်တြဲၤ ထီဒါအီၤတက့ၢ်. အကစၢ်အခီၣ်အသီၣ်အိၣ်ဝဲလၢအ လီၢ်ခံန့ၣ်တမ့ၢ်ဘၣ်ဧါ.
33 ဒီးကတိၤတၢ်ဒီးအဝဲသ့ၣ်အဖၢမုၢ်ဒီး, ကွၢ်ကွၢ်, က လူးတဂၤန့ၣ်ဟဲလီၤဆူအအိၣ်န့ၣ်, ဒီးစံးဝဲဒၣ်, ကွၢ် ကွၢ်, တၢ်အၢအံၤဟဲလၢယွၤလီၤ, ယကကွၢ်လၢ်ဒံးယွၤ အကျဲန့ၣ်မ့ၢ်အဘၣ်မနုၤလဲၣ်.
7၇
1 ဒီးစီၤအလံၤၡါစံးဝဲဒၣ်, ဒိကနၣ်ယွၤအကလုၢ်တက့ၢ်. ယွၤစံးဝဲဒ်အံၤ, ခဲဂီၤဆၢအလီၢ်အံၤဃၣ်ဃၣ်, ကိၣ်က မူၣ်တစ့အၤကအိၣ်လၢစ့တၡက့လး, ဒီးဘုမုယီၤခံစ့ အၤလၢစ့တၡက့လးလၢၡၤမရံအပဲတရီပူၤလီၤ.
2 ဒီးပှၤသၢဖုအခိၣ် လၢစီၤပၤတန့ၤအသး လၢအစုတ ဂၤစံးဆၢယွၤအပှၤကညီ, ဒီးစံးဝဲဒၣ်, ကွၢ်ကွၢ်, ယွၤ မ့ၢ်မၤတၢ်ထူၣ်ဖျိလၢမူခိၣ်ဒီး, တၢ်အံၤကမၤအသးစ့ၢ် ကီးဧါ. ဒီးစံးဝဲဒၣ်, ကွၢ်ကွၢ်, နကထံၣ်ဘၣ်လၢနမဲာ်, ဘၣ်ဆၣ်ဒီးနတအီၣ်ဘၣ်လၢအီၤဘၣ်.
3 ဒီးပှၤဘၣ်တၢ်ဆါအၢလွံၢ်ဂၤအိၣ်ဝဲလၢ တၢ်လဲၤနုာ် လၢပဲတရီအပူၤန့ၣ်, ဒီးစံးဝဲဒၣ်တဂၤဒီးတဂၤ, ပဆ့ၣ် နီၤဖဲအံၤတုၤပသံန့ၣ်မ့ၢ်အဘၣ်မနုၤလဲၣ်. 4 ပမ့ၢ်စံးပက လဲၤနုာ်လၢဝ့ၢ်ပူၤဒီး, တၢ်သၣ်ဝံၤလီၤဒိအိၣ်ဝဲလၢဝ့ၢ်ပူၤ, ဒီးပကသံဖဲန့ၣ်လီၤ. ဒီးပမ့ၢ်ဆ့ၣ်နီၤဖဲအံၤဒီး, ပကသံ စ့ၢ်ကီးလီၤ. ဒီးခဲကနံၣ်အံၤဟဲဃီၤ, လဲၤသကိးဆူပှၤစူၤရံ ဖိအသုးမုၢ်ဂီၢ်မုၢ်အကျါတက့ၢ်. မ့ၢ်ဒုးမူဒံးပှၤဒီး, ပက မူဒံးလီၤ. ဒီးမ့ၢ်မၤသံပှၤဒီး, ပကသံလီၤ.
5 ဒီးလၢမုၢ်ဟါန့ၣ်ဂဲၤဆၢထၢၣ်, ဒ်သိးအကလဲၤတၢ်ဆူ ပှၤစူၤရံဖိအသူၣ်ဒဲအလီၢ်ဒီးလဲၤတုၤလၢပှၤစူၤရံဖိအသူၣ် ဒဲအလီၢ်အကတၢၢ်န့ၣ်, ဒီးကွၢ်ကွၢ်, ပှၤတအိၣ်ဘၣ်နီ တဂၤဘၣ်.
6 အဂ့ၢ်ဒ်အံၤ, ယွၤဒုးနၢ်ဟူတ့ၢ်ပှၤစူၤရံဖိအသုးမုၢ်လၢ လ့ၣ်ကဟၣ်အသီၣ်, ဒီးကသ့ၣ်အသီၣ်, တၢ်သုးမုၢ်ဂီၢ် မုၢ်အသီၣ်, ဒီးစံးဝဲဒၣ်တဂၤဒီးတဂၤ, ကွၢ်ကွၢ်, အံၣ် စရ့လးအစီၤပၤငါထီဒါပှၤလၢ စ့လၢပှၤဃ့ၤသးဖိအစီၤ ပၤတဖၣ်, ဒီးပှၤအဲၤကူပတူးဖိအစီၤပၤတဖၣ်, ဒ်သိးအ ကဟဲလီၤဘၣ်ပှၤလီၤ. 7 ဒီးလၢမုၢ်ဟါန့ၣ်ဂဲၤဆၢထၢၣ်, ဒီးဃ့ၢ်ကွံာ်, ဒီးပာ်လီၤတဲာ်အဒဲ, ဒီးအကသ့ၣ်, ဒီး အကသ့ၣ်ယီၤ, တၢ်သူၣ်ဒဲအလီၢ်ဒ်အအိၣ်ညီနုၢ်အသိး န့ၣ်, ဒီးဃ့ၢ်ကွံာ်ဝဲလၢအသးသမူအဂီၢ်လီၤ.
8 ဒီးပှၤဘၣ်တၢ်ဆါအၢတဖၣ်န့ၣ် ဟဲတုၤလၢတၢ်သူၣ် ဒဲအလီၢ်အကတၢၢ်, ဒီးလဲၤနုာ်လၢဒဲတဖျၢၣ်အပူၤ, ဒီး အီၣ်တၢ်ဒီးအီတၢ်, ဒီးစိာ်ကွံာ်ဖဲန့ၣ်ကျိၣ်ဧိၤစ့ဧိၤ, ဒီးထူ ဧိၤလွဲဧိၤ, ဒီးတၢ်ကူတၢ်သိး, ဒီးလဲၤပာ်ခူသူၣ်ဝဲ, ဒီးဟဲ က့ၤ, ဒီးလဲၤနုာ်လၢဒဲအဂၤတဖျၢၣ်, ဒီးစိာ်ကွံာ်တၢ်ဖဲ န့ၣ်, ဒီးလဲၤပာ်ခူသူၣ်ဝဲလီၤ.
9 ဒီးစံးဝဲတဂၤဒီးတဂၤ, ပမၤတတီဘၣ်. တၢ်လၢမုၢ် မဆါတနံၤအံၤမ့ၢ်တၢ်သးခုအကစီၣ်အမုၢ်တနံၤ, ဒီးပဝဲ ဒၣ်အံၤပအိၣ်ဘှီၣ်ကလာ်လီၤ. ပမ့ၢ်အိၣ်ခိးတုၤမုၢ်ဆ့ၣ် ကပီၤထီၣ်ဒီး, တၢ်အၢတမံၤမံၤကဘၣ်ပှၤလီၤ. ဒီးခဲက နံၣ်အံၤဟဲဃီၤ, ဒီးလဲၤသကိး, ဒီးစံးဘၣ်စီၤပၤအပှၤဟံၣ် ဖိတက့ၢ်.
10 ဒီးဟဲဝဲ, ဒီးကိးထီၣ်ဆူပှၤပၢၤ ဝ့ၢ်အပဲတရီဒီးဒုးနဲၣ် တၢ်လၢအီၤ, ဒီးစံးဝဲဒၣ်, ပဟဲဆူပှၤစူၤရံဖိအသူၣ်ဒဲအ လီၢ်, ဒီးကွၢ်ကွၢ်, ပှၤကညီတအိၣ်ဘၣ်ဖဲန့ၣ်ဘၣ်, ဒီးပှၤ ကညီအသီၣ်တအိၣ်ဘၣ်, အိၣ်ဒီးကသ့ၣ်စၢဃာ်အသး, ဒီးကသ့ၣ်ယီၤစၢဃာ်အသး, ဒီးဒဲတဖၣ်ဒ်အအိၣ်ညီနုၢ် အသိးန့ၣ်လီၤ. 11 ဒီးကိးထီၣ်ဝဲဆူပှၤပၢၤပဲတရီတဖၣ်, ဒီး အဝဲသ့ၣ်စံးဘၣ်စီၤပၤအပှၤဟံၣ်ဖိအိၣ်ဝဲလၢအပူၤလီၤ.
12 ဒီးစီၤပၤဂဲၤဆၢထၢၣ်လၢမုၢ်နၤ, ဒီးစံးဘၣ်အခ့အပှၤ, တၢ်လၢပှၤစူၤရံဖိမၤပှၤအံၤယကဒုးနဲၣ်သုလီၤ. သ့ၣ်ညါ ဝဲလၢတၢ်သၣ်ဝံၤပသး, ဒီးဟးထီၣ်ဝဲလၢပှၤသူၣ်ဒဲအ လီၢ်ဒ်သိးအကပာ်ခူသူၣ်အသးလၢပှၢ်လၢ်ကျါ, ဒီးစံးဝဲ ဒၣ်, တုၤအဟးထီၣ်ဝဲလၢဝ့ၢ်ပူၤဒီး, ပကဖီၣ်န့ၢ်မူဒံး အီၤ, ဒီးလဲၤနုာ်လၢဝ့ၢ်ပူၤလီၤ.
13 ဒီးအခ့အပှၤတဂၤစံးဆၢတၢ်, ဒီးစံးဝဲဒၣ်, ဒုးဟံးန့ၢ် ပှၤတဖၣ်လၢကသ့ၣ်ယဲၢ်ဒုလၢအအိၣ်လီၤတဲာ်, လၢအ အိၣ်လီၤတဲာ်လၢဝ့ၢ်ပူၤ, (ကွၢ်ကွၢ်, အဝဲသ့ၣ်တဖၣ်မၤ သးဒ်အံၣ်စရ့လးအဂီၢ်မုၢ်ခဲလၢာ် လၢအအိၣ်လီၤတဲာ် လၢအပူၤအသိး, ကွၢ်ကွၢ်, အဝဲသ့ၣ်တဖၣ်မၤသးဒ် အံၣ်စရ့လးဂီၢ်မုၢ်ခဲလၢာ်လၢအလၢာ်လံအသိး) ဒီးမၢ လီၤပှၤတဖၣ်, ဒီးကွၢ်တက့ၢ်.
14 ဒီးဟံးန့ၢ်ဝဲလၢလ့ၣ်ကဟၣ်အကသ့ၣ်ခံဒု, ဒီးစီၤပၤ မၢလီၤတၢ်ထွဲပှၤစူၤရံဖိအသုးမုၢ်အခံ, ဒီးစံးဝဲဒၣ်, လဲၤ တၢ်ဒီးကွၢ်တက့ၢ်.
15 ဒီးလဲၤပိာ်အခံဆူယၢ်ဒ့ၣ်, ဒီးကွၢ်ကွၢ်, ကျဲပှဲၤဒီဘိညါ ဒီးတၢ်အကူအသိး, ဒီးတၢ်အဃၢၤအဃိၢ်လၢပှၤစူၤရံဖိ ကွံာ်တ့ၢ်ကွံာ်လၢအပျံၤတၢ်အဃိ, ဒီးအကလူးတဖၣ် န့ၣ်ဟဲက့ၤကဒါက့ၤ, ဒီးစံးဘၣ်တဲဘၣ်စီၤပၤလီၤ.
16 ဒီးပှၤဂီၢ်မုၢ်ဟးထီၣ်ဒီးဂုာ်န့ၢ်တၢ်အိၣ်လၢ ပှၤစူၤရံဖိ အဒဲပူၤ, ဒီးကိၣ်ကမူၣ်တစ့အၤအိၣ်ဝဲလၢစ့တၡက့လး, ဒီးဘုမုယီၤခံစ့အၤလၢစ့တၡက့လး, ဒ်ယွၤအကလုၢ်က ထါအသိးန့ၣ်လီၤ.
17 ဒီးစီၤပၤပာ်လီၤပှၤသၢဖုအခိၣ် လၢအတန့ၤအသးလၢ အစုလိၤတဂၤလၢအကပၢၤပဲတရီလီၤ. ဒီးပှၤဂီၢ်မုၢ်ယီၢ် လီၤတံၢ်အီၤလၢပဲတရီအပူၤ, ဒီးသံဝဲ, ဒ်ယွၤအပှၤက ညီစံးတၢ်ဖဲစီၤပၤဟဲလီၤဆူအအိၣ်အသိးန့ၣ်လီၤ.
18 ဒီးတၢ်မၤအသးဒ် ယွၤအပှၤကညီကတိၤတၢ်ဒီးစီၤပၤ အသိးန့ၣ်, ဒီးစံးဝဲ, ဘုမုယီၤခံစ့အၤလၢစ့တၡက့လး, ဒီးကိၣ်ကမူၣ်တစ့အၤလၢစ့တၡက့လးန့ၣ် ကအိၣ်လၢ တၢ်ဆၢအလီၢ်ခဲအံၤဃၣ်ဃၣ် ခဲဂီၤတနံၤလၢၡၤမရံအပဲ တရီအပူၤန့ၣ်လီၤ. 19 ဒီးပှၤသၢဖုအခိၣ်တဂၤန့ၣ်စံးဆၢ ယွၤအပှၤကညီ, ဒီးစံးဝဲဒၣ်, ကွၢ်ကွၢ်, ယွၤမ့ၢ်မၤတၢ် ထူၣ်ဖျိလၢမူခိၣ်ဒီး, တၢ်ကမၤအသးဒ်တၢ်တမံၤန့ၣ်အ သိးန့ၣ်ဧါ. ဒီးစံးဝဲဒၣ်, နကထံၣ်ဘၣ်လၢနမဲာ်, ဘၣ် ဆၣ်ဒီးနတအီၣ်ဘၣ်လၢအီၤဘၣ်.
20 ဒီးတၢ်မၤအသးလၢအဂီၢ်လီၤ. အဂ့ၢ်ဒ်အံၤပှၤဂီၢ်မုၢ် ယီၢ်လီၤတံၢ်အီၤလၢပဲတရီအပူၤ, ဒီးသံဝဲလီၤ.
8၈
1 ဒီးစီၤအလံၤၡါစံးဘၣ်တ့ၢ် ပိာ်မုၣ်လၢ အဒုးဂဲၤဆၢ ထၢၣ်သမူထီၣ်အဖိခွါတဂၤ, ဒီးစံးဝဲဒၣ်, ဂဲၤဆၢထၢၣ်, ဒီးလဲၤတၢ်, နဲဒၣ်ဒီးနပှၤဟံၣ်ဖိတဖၣ်, ဒီးအိၣ်တမှံၤဖဲဒၣ် နကအိၣ်တမှံၤတက့ၢ်. အဂ့ၢ်ဒ်အံၤ, ယွၤကိးန့ၢ်တၢ်သၣ် ဝံၤလီၤဒိ, ဒီးကဟဲဘၣ်စ့ၢ်ကီးထံဧိၤကီၢ်ဧိၤနွံနံၣ်လီၤ.
2 ဒီးပိာ်မုၣ်န့ၣ်ဂဲၤဆၢထၢၣ်, ဒီးမၤဝဲဒ်ယွၤအပှၤကညီအ ကလုၢ်အသိးန့ၣ်, ဒီးလဲၤတၢ်, အဝဲဒၣ်ဒီးအပှၤဟံၣ်ဖိတ ဖၣ်, ဒီးအိၣ်တမှံၤလၢပှၤဖလ့ၡသးဖိအကီၢ်ပူၤနွံနံၣ်လီၤ.
3 ဒီးနွံနံၣ်အကတၢၢ်န့ၣ်တၢ်မၤအသးလၢ ပိာ်မုၣ်တဂၤ န့ၣ်ဟဲက့ၤလၢပှၤဖလ့ၡသးဖိအကီၢ်ပူၤ, ဒီးလဲၤကိးထီၣ် ဆူစီၤပၤလၢအဟံၣ်ဒီးလၢအဟီၣ်ခိၣ်အဂီၢ်လီၤ.
4 ဒီးစီၤပၤကတိၤတၢ်ဒီးယွၤအပှၤကညီ အခ့အပှၤစီၤ က့ၤဃစံ, ဒီးစံးဝဲဒၣ်, ကယဲၢ်တၢ်အဒိၣ်တဖၣ်လၢစီၤ အလံၤၡါမၤတ့ၢ်ဝဲန့ၣ်စံးဘၣ်တဲဘၣ်ယၤတက့ၢ်.
5 ဒီးစံးဘၣ်တဲဘၣ်စီၤပၤလၢအဒုးမူထီၣ် တၢ်သံအဖၢ မုၢ်ဒီး, ကွၢ်ကွၢ်, တၢ်မၤအသးလၢပိာ်မုၣ်လၢအဒုးမူ ထီၣ်အဖိခွါတဂၤန့ၣ်ကိးထီၣ်ဆ ူစီၤပၤလၢအဟံၣ်ဒီးအ ဟီၣ်ခိၣ်အဂီၢ်လီၤ. ဒီးစီၤက့ၤဃစံစံးဝဲဒၣ်, ယကစၢ်စီၤ ပၤဧၢ, အဝဲဒၣ်အံၤမ့ၢ်ပိာ်မုၣ်န့ၣ်, ဒီးအဝဲဒၣ်အံၤမ့ၢ်အ ဖိခွါလၢစီၤအလံၤၡါဒုးမူထီၣ်က့ၤအီၤလီၤ.
6 ဒီးစီၤပၤသံကွၢ်ပိာ်မုၣ်, ဒီးအဝဲဒၣ်တဲဘၣ်အီၤလီၤ. ဒီး စီၤပၤပာ်လီၤပှၤဒ့ဒံၣ်ဖိတဂၤလၢအဂီၢ်, ဒီးစံးဝဲဒၣ်, ဟ့ၣ် က့ၤအီၤလၢကယဲၢ်အတၢ်, ဒီးအဟီၣ်ခိၣ်အတၤသၣ်ခဲ လၢာ်လၢမုၢ်နံၤလၢအဟးထီၣ်ကွံာ်လၢ ဟီၣ်ခိၣ်န့ၣ်တုၤ ခဲကနံၣ်အံၤတက့ၢ်.
7 ဒီးစီၤအလံၤၡါဟဲဝဲဆူဒၤမ့ၤစ့း, ဒီးစူၤရံအစီၤပၤဘ့ၣ် ဟဒးဘၣ်တၢ်ဆါ, ဒီးပှၤဒုးနဲၣ်အီၤ, ဒီးစံးဝဲဒၣ်ယွၤအ ပှၤကညီဟဲဖဲအံၤလီၤ.
8 ဒီးစီၤပၤစံးဘၣ်စီၤဃစ့လး, ဟံးန့ၢ်တၢ်ခိၣ်ဖးလၢနစု ပူၤ, ဒီးလဲၤသဂၢၢ်ယွၤအပှၤကညီ, ဒီးသံကွၢ်ယွၤလၢ အီၤ, ဒီးစံး, တၢ်ဆါအံၤကဘျါက့ၤ, ဒီးယကမူဒံးစ့ၢ် ကီးဧါန့ၣ်တက့ၢ်.
9 ဒီးစီၤဃစ့လးန့ၣ်လဲၤသဂၢၢ်အီၤ, ဒီးဟံးန့ၢ်ခိၣ်ဖးလၢ အစုပူၤ, ဒီးကယဲၢ်တၢ်အဂ့ၤလၢဒၤမ့ၤစ့း, ဘျဲးစိာ်ကီၤ လၤအူးလွံၢ်ဆံ, ဒီးဟဲဝဲ, ဒီးဆၢထၢၣ်လၢအမဲာ်ညါ, ဒီးစံးဝဲဒၣ်, နဖိခွါ, စူၤရံအစီၤပၤဘ့ၣ်ဟဒးမၢလီၤယၤ ဆူနအိၣ်ဒီးစံးဝဲဒၣ်, တၢ်ဆါအံၤကဘျါက့ၤ, ဒီးယက မူဒံးစ့ၢ်ကီးဧါ.
10 ဒီးစီၤအလံၤၡါစံးဘၣ်အီၤ, လဲၤစံးဘၣ်အီၤ, မူဒံးဒီး နကမူဒံးလီၤန့ၣ်တက့ၢ်. ဘၣ်ဆၣ်ဒီးယွၤဒုးနဲၣ်ယၤလၢ သံ, ဒီးကသံလီၤ. 11 ဒီးပာ်အမဲာ်, ဒီးကွၢ်ထံအီၤတုၤအ မဲာ်ဆှး, ဒီးယွၤအပှၤကညီအမဲာ်ထံလီၤလီၤ.
12 ဒီးစီၤဃစ့လးစံးဝဲဒၣ်, ယကစၢ်အမဲာ်ထံလီၤန့ၣ်မ့ၢ် အဘၣ်မနုၤလဲၣ်. ဒီးစံးဝဲဒၣ်, အဂ့ၢ်ဒ်အံၤ, ယသ့ၣ်ညါ တၢ်အၢလၢနကမၤပှၤအံၣ်စရ့လးဖိလီၤ. အတိာ်တဖၣ် န့ၣ်နကဆူးထီၣ်ကွံာ်လၢမ့ၣ်အူ, ဒီးအဖိၣ်သၣ်ခွါတ ဖၣ်န့ၣ်နကမၤသံလၢနး, ဒီးနကတ့ၢ်လီၤကွံာ်အဖိဆံး, ဒီးနကဖှဲးထီၣ်ကွံာ်ပိာ်မုၣ်လၢအဒၢတၢ်လီၤ.
13 ဒီးစီၤဃစ့လးစံးဝဲဒၣ်, မ့ၢ်ဒ်လဲၣ်, နခ့နပှၤမ့ၢ်ထွံၣ်တ ဒုလၢအကမၤတၢ်ဒိၣ်တမံၤန့ၣ်ဧါ. ဒီးစီၤအလံၤၡါစံးဝဲ ဒၣ်, ယွၤဒုးနဲၣ်တ့ၢ်ယၤလၢနကကဲထီၣ်စူၤရံအစီၤပၤလီၤ.
14 ဒီးဟးထီၣ်လၢစီၤအလံၤၡါအအိၣ်, ဒီးဟဲဝဲဆူအက စၢ်အအိၣ်, ဒီးအကစၢ်စံးဘၣ်အီၤ, စီၤအလံၤၡါစံးဘၣ် နၤလၢမနုၤတမံၤလဲၣ်. ဒီးစံးဆၢဝဲဒၣ်, စံးလၢယၤ, နမူ ဒံးဒီးနကမူဒံးလီၤ.
15 ဒီးလၢမုၢ်ဆ့ၣ်ထီၣ်တနံၤန့ၣ် တၢ်မၤအသးလၢအဟံး န့ၢ်တၢ်ကံးညာ်တီၣ်တဘ့ၣ်, ဒီးဘျၢဝဲလၢထံကျါ, ဒီး ဒါလီၤလၢစီၤပၤအမဲာ်အဖီခိၣ်, ဒီးသံဝဲ, ဒီးစီၤဃစ့လး ကဲထီၣ်စီၤပၤလၢအလီၢ်န့ၣ်လီၤ.
16 ဒီးအံၣ်စရ့လးအစီၤပၤအၤဃာ်အဖိခွါ စီၤယဟိရၣ် အနံၣ်ပှဲၤထီၣ်ယဲၢ်နံၣ်တနံၣ်န့ၣ် (ဒီးစီၤယဟိၡၤဖးမ့ၢ်ယူ ဒၤအစီၤပၤ), ယူဒၤအစီၤပၤစီၤယဟိၡၤဖးအဖိခွါစီၤယ ဟိရၣ်ကဲသီစီၤပၤလီၤ.
17 လၢအကဲသီစီၤပၤန့ၣ်အသးပှၢ်တ့ၢ်သၢဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤန့ၣ်ဃိးနံၣ်လီၤ. 18 ဒီးပိာ် အံၣ်စရ့လးအစီၤပၤတဖၣ်အကျဲ, ဒ်စီၤအၤဃာ်အပှၤ ဟံၣ်ဖိအသိးန့ၣ်လီၤ. အဂ့ၢ်ဒ်အံၤ, စီၤအၤဃာ်အဖိမုၣ် တဂၤမ့ၢ်အမါလီၤ. ဒီးမၤတၢ်အၢလၢယွၤအမဲာ်ညါလီၤ.
19 ဘၣ်ဆၣ်ဒီးယွၤမၤဟးဂီၤယူဒၤန့ၣ် အသးတအိၣ် ဘၣ်လၢအခ့အပှၤစီၤဒၤဝံးအဃိ, ဒ်အစံးပာ်လၢအက ဟ့ၣ်အီၤဒီးအဖိအလံၤလၢတၢ်ကပီၤတဖျၢၣ်ကိးမုၢ်နံၤဒဲး အသိးန့ၣ်လီၤ.
20 လၢအမုၢ်နံၤတဖၣ်န့ၣ် အဒိၣ်ပူထီၣ်လၢယူဒၤအစုဖီ လာ်, ဒီးပာ်ထီၣ်ဝဲစီၤပၤလၢအကစၢ်ဒၣ်ဝဲအဖီခိၣ်လီၤ.
21 ဒီးစီၤယဟိရၣ်လဲၤခီဂာ်တၢ်ဆူစၤဧံရၤ, ဒီးအလ့ၣ်က ဟၣ်ခဲလၢာ်အိၣ်ဒီးအီၤ, ဒီးဂဲၤဆၢထၢၣ်လၢမုၢ်နၤ, ဒီး ကျီကွံာ်ပှၤအဒိၣ်ဖိလၢအအိၣ်ဝးတရံးအီၤ, ဒီးလ့ၣ်က ဟၣ်အခိၣ်တဖၣ်, ဒီးပှၤဂီၢ်မုၢ်ဃ့ၢ်ဆူအဒဲပူၤလီၤ.
22 ဘၣ်ဆၣ်ဒီး, အဒိၣ်ပူထီၣ်လၢယူဒၤအစုအဖီလာ်တုၤ မုၢ်မဆါတနံၤအံၤလီၤ. တုၤနုၤတစုလံးဘနၤပူထီၣ်အ ကတီၢ်တဘျီဃီလီၤ.
23 ဒီးတၢ်အိၣ်လီၤတဲာ်ဘၣ်ဃးဒီးစီၤယဟိရၣ်, ဒီးက ယဲၢ်တၢ်လၢအမၤဝဲန့ၣ် ကွဲးအသးလၢယူဒၤအစီၤပၤအ လံာ်ကွဲးနီၣ်တၢ်အပူၤန့ၣ်တမ့ၢ်ဘၣ်ဧါ.
24 ဒီးစီၤယဟိရၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤဒၤဝံးအဝ့ၢ်ပူၤ, ဒီးအဖိခွါစီၤအ ဃၤစယၤကဲထီၣ်စီၤပၤလၢအလီၢ်န့ၣ်လီၤ.
25 အံၣ်စရ့လးအစီၤပၤအၤဃာ်အဖိခွါ စီၤယဟိရၣ်အ နံၣ်ပှဲၤထီၣ်တဆံခံနံၣ်တနံၣ်န့ၣ် ယူဒၤအစီၤပၤစီၤယဟိ ရၣ်အဖိခွါစီၤအဃၤစယၤန့ၣ်ကဲသီစီၤပၤလီၤ.
26 ဖဲစီၤအဃၤစယၤကဲသီစီၤပၤန့ၣ် အသးပှၢ်တ့ၢ်ခံဆံ ခံနံၣ်, ဒီးကဲစီၤပၤလၢယရူၤၡလ့ၣ်အပူၤတနံၣ်, ဒီးအ မိၢ်အမံၤမ့ၢ်နီၢ်ဧသါလယၤ, အံၣ်စရ့လးအစီၤပၤဧိၣ်ရံၤ အဖိမုၣ်န့ၣ်လီၤ.
27 ဒီးပိာ်စီၤအၤဃာ်အပှၤဟံၣ်ဖိအကျဲ, ဒီးမၤတၢ်အၢ လၢယွၤအမဲာ်ညါ, ဒ်စီၤအၤဃာ်အပှၤဟံၣ်ဖိအသိးန့ၣ် လီၤ. အဂ့ၢ်ဒ်အံၤ, မ့ၢ်ပှၤအမာ်လၢစီၤအၤဃာ်အပှၤဟံၣ် ဖိအကျါလီၤ.
28 ဒီးလဲၤဝဲဒီးစီၤအၤဃၤအဖိခွါ စီၤယဟိရၣ်ဆူတၢ်ဒုး သုးဒီးစူၤရံအစီၤပၤဃစ့လးလၢရၤမိးကံးလဧးအပူၤ, ဒီး ပှၤစူၤရံဖိဆဲးစီၤယဟိရၣ်လီၤ. 29 ဒီးစီၤယဟိရၣ်က့ၤက ဒါက့ၤဆူယံးစရ့လးဒ်သိးအတၢ်ပူၤလီၢ်လၢ ပှၤစူၤရံဖိ မၤအီၤလၢရၤမါဖဲအဒုးသုးဒီး စူၤရံအစီၤပၤဃစ့လးတ ဖၣ်န့ၣ်ကဘျါက့ၤဝဲလီၤ. ဒီးယူဒၤအစီၤပၤယဟိရၣ်အ ဖိခွါစီၤအဃၤစယၤန့ၣ်လဲၤလီၤအိၣ်သကိး စီၤအၤဃာ် အဖိခွါစီၤယဟိရၣ်လၢယံးစရ့လးအပူၤလီၤ. အဂ့ၢ်ဒ်အံၤ ဆါဝဲလီၤ.
9၉
1 ဒီးဝံအလံၤၡါန့ၣ် ကိးန့ၢ်ဝံတဖၣ်အဖိခွါတဂၤ, ဒီးစံး ဘၣ်အီၤ, ကံၢ်တူာ်နယီၢ်ဒ့, ဒီးဟံးန့ၢ်သိပလီတဖျၢၣ် အံၤလၢနစုပူၤဒီး, ဒီးလဲၤဆူရၤမိးကံးလဧးတက့ၢ်. 2 ဒီး တုၤနတုၤဖဲန့ၣ်ဒီး, ကွၢ်ဖဲန့ၣ်လၢစီၤနံၣ်ၡံအဖိခွါစီၤယဟိ ၡၤဖးအဖိခွါစီၤယ့ၤဟူ, ဒီးလဲၤနုာ်, ဒီးဒုးဂဲၤဆၢထၢၣ် အီၤလၢအဒီပုၢ်ဝဲၢ်အကျါ, ဒီးဒုးလဲၤနုာ်အီၤဆူဒၢးလၢ ညါခီအပူၤတက့ၢ်. 3 ဒီးဟံးန့ၢ်သိပလီတဖျၢၣ်, ဒီးဂၢ် လီၤတၢ်လၢအခိၣ်, ဒီးစံး, ယွၤစံးဒ်အံၤ, ယဖှူနၤလၢ စီၤပၤလၢအံၣ်စရ့လးအဖီခိၣ်လီၤ. ဒီးအိးထီၣ်တြဲၤ, ဒီး ဃ့ၢ်ကွံာ်တက့ၢ်, ဒီးအိၣ်ဒၣ်တၢ်တဂ့ၤ.
4 ဒီးဖိၣ်သၣ်ခွါတဂၤ, ဝံဖိၣ်သၣ်ခွါန့ၣ်လဲၤဝဲဆူရၤမိး ကံးလဧးန့ၣ်လီၤ. 5 ဒီးဟဲဝဲဒီးကွၢ်ကွၢ်, ပှၤသုးဖိအခိၣ် တဖၣ်ဆ့ၣ်နီၤဝဲ, ဒီးစံးဝဲဒၣ်, ယကတိၤတၢ်ဒီးနၤအလီၢ် အိၣ်, တၢ်အခိၣ်ဧၢ. ဒီးစီၤယ့ၤဟူစံးဝဲဒၣ်, လၢပှၤခဲလၢာ် အံၤအကျါန့ၣ်ဖဲလဲၣ်တဂၤလဲၣ်. ဒီးစံးဝဲဒၣ်, ဒီးနၤ, တၢ်အခိၣ်ဧၢ.
6 ဒီးဂဲၤဆၢထၢၣ်, ဒီးလဲၤနုာ်လၢဟံၣ်ပူၤ, ဒီးအဝဲဒၣ်ဂၢ် လီၤသိလၢအခိၣ်အဖီခိၣ်, ဒီးစံးဘၣ်အီၤ, ယွၤ, အံၣ်စရ့ လးအကစၢ်စံးဒ်အံၤ, ယဖှူနၤလၢစီၤပၤလၢယွၤအပှၤဂီၢ် မုၢ်အဖီခိၣ်, လၢအံၣ်စရ့လးအဖီခိၣ်လီၤ. 7 ဒီးနကကျီ ကွံာ်နကစၢ်, စီၤအၤဃာ်အပှၤဟံၣ်ဖိ, ဒ်သိးယကမၤဆၢ တၢ်အၢလၢယခ့ယပှၤဝံတဖၣ်အသွံၣ်အဂီၢ်, လၢယွၤအ ခ့အပှၤခဲလၢာ်အသွံၣ်အဂီၢ်, လၢနီၢ်အံၤစ့ဘ့ၤလးအစုပူၤ န့ၣ်လီၤ. 8 ဒီးစီၤအၤဃာ်အပှၤဟံၣ်ဖိခဲလၢာ်ကဘၣ်တုၤ လၢတၢ်ဟးဂီၤ, ဒီးယကဒီၣ်တဲာ်ကွံာ်စီၤအၤဃာ်လၢက ယဲၢ်ပိာ်ခွါ, ဒီးပှၤလၢအဘၣ်ကးတံာ်ဃာ်အခံ, ဒီးပှၤအိၣ် လီၤတဲာ်သဘျ့လၢအံၣ်စရ့လးအပူၤန့ၣ်လီၤ. 9 ဒီးယက ပာ်စီၤအၤဃာ်အဟံၣ်ဒ်စီၤနဘးအဖိခွါစီၤယၤရၤဘၣ်အ ဟံၣ်အသိး, ဒီးဒ်စီၤအဃံယၤအဖိခွါစီၤဘါၡၤအဟံၣ်အ သိးန့ၣ်လီၤ. 10 ဒီးထွံၣ်တဖၣ်ကအီၣ်နီၢ်အံၤစ့ဘ့ၤလးလၢ ယံးစရ့လးအကဝီၤပူၤ, ဒီးပှၤခူၣ်လီၤကွံာ်အီၤတအိၣ်ဘၣ် န့ၣ်လီၤ. ဒီးအဝဲဒၣ်အိးထီၣ်တြဲၤ, ဒီးဃ့ၢ်ထီၣ်ကွံာ်ဝဲလီၤ.
11 ဒီးစီၤယ့ၤဟူဟဲထီၣ်ဆူအကစၢ်အခ့အပှၤအအိၣ်, ဒီး အဝဲသ့ၣ်စံးဘၣ်အီၤ, တၢ်အမုာ်စ့ၢ်ကီးဧါ. ပှၤအပျုၢ်တ ဂၤန့ၣ်ဟဲဆူနအိၣ်မ့ၢ်အဘၣ်မနုၤလဲၣ်. ဒီးစံးဆၢဝဲဒၣ်, သုသ့ၣ်ညါပှၤတဂၤဒီးအကတိၤတၢ်န့ၣ်လီၤ.
12 ဒီးစံးဘၣ်အီၤ, မ့ၢ်တၢ်ကတိၤကဘျံးကဘျၣ်လီၤ. စံး ဘၣ်တဲဘၣ်လၢ်ပှၤတက့ၢ်. ဒီးစံးဝဲ, အဝဲဒၣ်စံးလၢယၤ ဒ်အံၤဒ်နုၤဒီးစံးဝဲဒၣ်, ယွၤစံးဝဲဒ်အံၤ, ယဖှူလံနၤလၢ စီၤပၤလၢအံၣ်စရ့လးအဖီခိၣ်လံ.
13 ဒီးအဝဲသ့ၣ်မၤဝဲချ့ချ့, ဒီးဟံးန့ၢ်တဂၤအယၣ်ဒၣ်ဝဲ, တဂၤအယၣ်ဒၣ်ဝဲ, ဒီးဒါလီၤဝဲလၢဃီအသွါဒၣ်လဲာ် အဖီခိၣ်လၢအဝဲဒၣ်အဖီလာ်, ဒီးအူကွဲၤတဖၣ်ဒီးစံးဝဲ ဒၣ်, စီၤယ့ၤဟူကဲလံစီၤပၤလံ.
14 ဒီးစီၤနံၣ်ၡံအဖိခွါစီၤယဟိၡၤဖးအဖိခွါ စီၤယ့ၤဟူန့ၣ် ကူၣ်တၢ်ထီဒါစီၤယဟိရၣ်လီၤ. (ဒီးစီၤယဟိရၣ်ပၢၤရၤ မိးကံးလဧး, အဝဲဒၣ်ဒီးအံၣ်စရ့လးခဲလၢာ်, လၢစူၤရံ အစီၤပၤဃစ့လးအဃိလီၤ. 15 ဒီးစီၤပၤယဟိရၣ်ဟဲက့ၤ ကဒါက့ၤဒ်သိးအပူၤလီၢ်တဖၣ်လၢ ပှၤစူၤရံဖိမၤအီၤဖဲအ ဒုးသုးဒီးစူၤရံအစီၤပၤဃစ့လးကဘျါက့ၤလီၤ.) ဒီးစီၤ ယ့ၤဟူစံးဝဲဒၣ်, မ့ၢ်ဘၣ်သုသးဒီး, ဒုးဟးထီၣ်ပူၤဖျဲးလၢ ဝ့ၢ်ပူၤဒ်သိးအကလဲၤစံၣ်တဲၤတဲလီၤတၢ်လၢ ယံးစရ့လး အပူၤန့ၣ်နီတဂၤတဂ့ၤ.
16 ဒီးစီၤယ့ၤဟူဒိးလ့ၣ်ကဟၣ်, ဒီးလဲၤဝဲဆူယံးစရ့လး လီၤ. အဂ့ၢ်ဒ်အံၤ, စီၤယဟိရၣ်မံလီၤဖဲန့ၣ်လီၤ. ဒီးယူဒၤ အစီၤပၤစီၤအဃၤစယၤဟဲလီၤအိၣ်သကိး စီၤယဟိရၣ် ဖဲန့ၣ်လီၤ.
17 ဒီးပှၤပၢၤတၢ်ဖိတဂၤ ဆၢထၢၣ်လၢတၢးထီအဖီခိၣ် လၢယံးစရ့လးအပူၤ, ဒီးထံၣ်ဘၣ်စီၤယ့ၤဟူအပှၤတဖု ဟဲဝဲ, ဒီးစံးဝဲဒၣ်, ယထံၣ်ဘၣ်ပှၤတဖုလီၤ. ဒီးစီၤယ ဟိရၣ်စံးဝဲဒၣ်, ဟံးန့ၢ်ပှၤကသ့ၣ်သုးဖိတဂၤ, ဒီးမၢအ လဲၤသဂၢၢ်အီၤ, ဒီးမ်အစံး, တၢ်ဃူတၢ်ဖိးစ့ၢ်ကီးဧါ.
18 ဒီးပှၤဒိးကသ့ၣ်တဂၤလဲၤသဂၢၢ်ဝဲ, ဒီးစံးဝဲဒၣ်, စီၤပၤ စံးဒ်အံၤ, တၢ်ဃူတၢ်ဖိးစ့ၢ်ကီးဧါ. ဒီးစီၤယ့ၤဟူစံးဝဲဒၣ်, နၤဒီးတၢ်ဃူတၢ်ဖိးဒ်လဲၣ်. ဃၣ်နသးဆူယလီၢ်ခံတ က့ၢ်. ဒီးပှၤပၢၤတၢ်ဖိတဂၤန့ၣ်ဒုးနဲၣ်ဝဲ, ဒီးစံးဝဲဒၣ်, က လူးတဂၤဟဲဆူအအိၣ်, ဒီးတဟဲကဒါက့ၤဘၣ်.
19 ဒီးမၢပှၤကသ့ၣ်သုးဖိခံဂၤတဂၤ, ဒီးဟဲဆူအအိၣ်, ဒီး စံးဝဲဒၣ်, စီၤပၤစံးဒ်အံၤ, တၢ်ဃူတၢ်ဖိးစ့ၢ်ကီးဧါ. ဒီး စီၤယ့ၤဟူစံးဝဲဒၣ်, နၤဒီးတၢ်ဃူတၢ်ဖိးဒ်လဲၣ်. ဃၣ်န သးဆူယလီၢ်ခံတက့ၢ်.
20 ဒီးပှၤပၢၤတၢ်ဖိတဂၤန့ၣ်ဒုးနဲၣ်ဝဲ, ဒီးစံးဝဲဒၣ်, ဟဲဝဲဆူ အအိၣ်, ဒီးတဟဲကဒါက့ၤဘၣ်. ဒီးတၢ်နီၣ်တၢ်န့ၣ်မၤ သးဒ်စီၤနံၣ်ၡံအဖိခွါစီၤယ့ၤဟူ အနီၣ်တၢ်အသိးန့ၣ်လီၤ. အဂ့ၢ်ဒ်အံၤ, နီၣ်တၢ်ဆူၣ်ဒ်ပှၤအပျုၢ်အသိးန့ၣ်လီၤ.
21 ဒီးစီၤယဟိရၣ်စံးဝဲဒၣ်, ကတဲာ်ကတီၤတၢ်တက့ၢ်. ဒီးပှၤကတဲာ်ကတီၤအလ့ၣ်ကဟၣ်လီၤ. ဒီးအံၣ်စရ့လး အစီၤပၤယဟိရၣ်, ဒီးယူဒၤအစီၤပၤစီၤအဃၤစယၤန့ၣ် ဟးထီၣ်ဝဲ, တဂၤလၢအလ့ၣ်ကဟၣ်အပူၤ, တဂၤလၢ အလ့ၣ်ကဟၣ်အပူၤ, ဒီးလဲၤသဂၢၢ်စီၤယ့ၤဟူဒီးထံၣ်န့ၢ် အီၤဖဲပှၤယံးစရ့လးဖိစီၤနၤဘိးအကဝီၤပူၤန့ၣ်လီၤ.
22 ဒီးတုၤစီၤယဟိရၣ်ထံၣ်ဘၣ်စီၤယ့ၤဟူဒီး, တၢ်မၤအ သးလၢအစံး, တၢ်ဃူတၢ်ဖိးစ့ၢ်ကီးဧါ, စီၤယ့ၤဟူဧၢ, ဒီးစံးဝဲဒၣ်, လၢနမိၢ်နီၢ်အံၤစ့ဘ့ၤလးအမၤကမၣ်မုၣ်က မၣ်ခွါ, ဒီးအမၤကဒါပှၤအမဲာ် အိၣ်အါမံၤအဖၢမုၢ်ဒီး, တၢ်ဃူတၢ်ဖိးကအိၣ်ဒ်လဲၣ်.
23 ဒီးစီၤယဟိရၣ်ဃၣ်ကဒါအစု, ဒီးဃ့ၢ်ဝဲ, ဒီးစံးဘၣ် စီၤအဃၤစယၤ, တၢ်ပူထီၣ်အိၣ်ဝဲ, စီၤအဃၤစယၤဧၢ.
24 ဒီးစီၤယ့ၤဟူဟံးဃာ်အချံၣ်, ဒီးခးဘၣ်စီၤယဟိရၣ် လၢအစုဒုၣ်ခံခီအဘၢၣ်စၢၤ, ဒီးပျၢ်တဘ့ၣ်န့ၣ်ဟဲဖျိထီၣ် က့ၤလၢအသးလီၤ. ဒီးလီၤဘျးဝဲလၢအလ့ၣ်ကဟၣ်အ ပူၤလီၤ. 25 ဒီးစီၤယ့ၤဟူစံးဘၣ် အပှၤသုးဖိအခိၣ်စီၤဘံးဒကၢ်, ဟံးထီၣ်ဒီးတ့ၢ်လီၤကွံာ်အီၤဆူး ပှၤယံးစရ့လးဖိစီၤနၤဘိးအဟီၣ်ခိၣ်အကဝီၤပူၤတက့ၢ်. အဂ့ၢ်ဒ်အံၤ, လၢယၤဒီးနၤဒိးကသ့ၣ်လၢအပၢ်စီၤအၤဃာ်အလီၢ်ခံန့ၣ် ယွၤပာ်တၢ်အဃၢအံၤလၢအလိၤန့ၣ် သ့ၣ်နီၣ်ထီၣ်က့ၤတက့ၢ်.―
26 မ့ၢ်မးလၢမုၢ်တနံၤန့ၣ်ယထံၣ်ဘၣ်စီၤနၤဘိးအသွံၣ်, ဒီး အဖိခွါတဖၣ်အသွံၣ်, ယွၤစံးဝဲဒၣ်, ဒီးယကဟ့ၣ်ကၣ် တၢ်လၢနၤလၢ တၢ်အလီၢ်အံၤတပူၤန့ၣ်, ယွၤစံးဝဲဒၣ် လီၤ. ဒီးခဲကနံၣ်အံၤဟံးထီၣ်, ဒီးတ့ၢ်လီၤကွံာ်အီၤလၢတၢ် အလီၢ်ပူၤ, ဒ်ယွၤအကလုၢ်အကထါအသိးန့ၣ်တက့ၢ်.
27 ဒီးတုၤယူဒၤအစီၤပၤစီၤအဃၤစယၤ ထံၣ်ဘၣ်ဝဲဒီး, ဃ့ၢ်ဝဲလၢတၤသၣ်အဟံၣ်အကျဲ, ဒီးစီၤယ့ၤဟူလူၤအီၤ ဒီးစံးဝဲဒၣ်, ကျီကွံာ်စ့ၢ်ကီးအီၤလၢလ့ၣ်ကဟၣ်အပူၤတ က့ၢ်. အိၣ်ဝဲဆူတၢ်လဲၤထီၣ်ဆူကူၢ်လၢအအိၣ်ဝဲလၢယံး ဘျၣ်အဃၢၤလီၤ. ဒီးဃၣ်ကွံာ်ဝဲဆူမကံးဒိၤ, ဒီးသံဝဲဖဲ န့ၣ်လီၤ.
28 ဒီးအခ့အပှၤစိာ်ထီၣ်အီၤ လၢအလ့ၣ်ကဟၣ်အပူၤဆူ ယရူၤၡလ့ၣ်, ဒီးခူၣ်လီၤကွံာ်အီၤလၢအသွၣ်ခိၣ်အပူၤ, အိၣ်ဒီးအပၢ်တဖၣ်လၢစီၤဒၤဝံးအဝ့ၢ်ပူၤလီၤ.
29 ဒီးစီၤအၤဃာ်အဖိခွါစီၤယဟိရၣ် အနံၣ်တဆံတနံၣ် န့ၣ်စီၤအဃၤစယၤကဲသီစီၤပၤလၢယူဒၤအဖီခိၣ်လီၤ.
30 ဒီးတုၤစီၤယ့ၤဟူဟဲဝဲဆူယံးစရ့လးဒီး, နီၢ်အံၤစ့ဘ့ၤ လးနၢ်ဟူဝဲ, ဒီးဖှူအမဲာ်, ဒီးဖၢၣ်အခိၣ်, ဒီးကွၢ်တၢ် လၢတၢ်ထူၣ်ဖျိလီၤ.
31 ဒီးစီၤယ့ၤဟူလဲၤနုာ်လၢပဲတရီအပူၤ, ဒီးအဝဲဒၣ်စံး ဝဲဒၣ်, စီၤစံၣ်ရံၤလၢအမၤသံအကစၢ်န့ၣ်အိၣ်ဒီးတၢ်ဃူ တၢ်ဖိးစ့ၢ်ကီးဧါ.
32 ဒီးစီၤယ့ၤဟူကွၢ်ထီၣ်အမဲာ်ဆူ တၢ်ထူၣ်ဖျိဒီးစံးဝဲဒၣ်, မ့ၢ်မတၤမ့ၢ်မတၤ, အိၣ်ဒီးယၤတဂၤလဲၣ်. ဒီးပှၤဒ့ဒံၣ်ဖိ ခံဂၤသၢဂၤကွၢ်ထီၣ်ဆူအအိၣ်လီၤ. 33 ဒီးစံးဝဲဒၣ်, တ့ၢ် လီၤအီၤတက့ၢ်. ဒီးပှၤတ့ၢ်လီၤကွံာ်အီၤ, ဒီးအသွံၣ်ဖှံ ဘၣ်တၢ်အဒူၣ်အလိၤ, ဒီးလၢကသ့ၣ်တဖၣ်အလိၤ, ဒီး ယီၢ်လီၤတံၢ်အီၤလၢအခီၣ်အဖီလာ်လီၤ.
34 ဒီးဟဲနုာ်ဝဲ, ဒီးအီၣ်တၢ်ဒီးအီတၢ်, ဒီးစံးဝဲဒၣ်, လဲၤ ကွၢ်ခဲကနံၣ်အံၤပှၤလၢအဘၣ်ဆိၣ်အၢတဂၤအံၤ, ဒီးခူၣ် လီၤကွံာ်အီၤတက့ၢ်. အဂ့ၢ်ဒ်အံၤ, မ့ၢ်စီၤပၤအဖိမုၣ်လီၤ.
35 ဒီးပှၤလဲၤဒ်သိးအကခူၣ်လီၤကွံာ်အီၤ, ဒီးတထံၣ်န့ၢ် ဘၣ်တၢ်ဘၣ်ဃးဒီးအီၤဘၣ်. ထံၣ်န့ၢ်ထဲအခိၣ်သၣ်ဃံ, ဒီးအခီၣ်, ဒီးအစုညါသးဧိၤလီၤ. 36 ဒီးပှၤဟဲက့ၤကဒါက့ၤ, တဲဘၣ်အီၤလီၤ. ဒီးစံးဝဲဒၣ်, အဝဲအံၤမ့ၢ်ယွၤအကလုၢ်အကထါ လၢအကတိၤတၢ်ဒီးအခ့အပှၤ, ပှၤတံးၡဘးဖိစီၤအ့ၤလံယၤဒီးစံးဝဲဒၣ်, လၢယံးစရ့လးအကဝီၤပူၤန့ၣ် ထွံၣ်တဖၣ်ကအီၣ်နီၢ်အံၤစ့ဘ့ၤလးအဖံးအညၣ်,― ဒီးနီၢ်အံၤစ့ဘ့ၤလးအစိၣ်ကမၤ အသးဒ်တၢ်အ့ၣ်လၢဟီၣ်ခိၣ်အကဝီၤအသိး လၢယံးစ ရ့လးအကဝီၤပူၤတုၤပှၤတစံးဘၣ်, အအံၤမ့ၢ်နီၢ်အံၤစ့ ဘ့ၤလးန့ၣ်ဘၣ်လီၤ.
10၁၀
1 ဒီးစီၤအၤဃာ်အိၣ်ဝဲဒီး အဖိခွါနွံဆံလၢၡၤမရံအပူၤ, ဒီးစီၤယ့ၤဟူကွဲးလံာ်, ဒီးဟ့ၣ်ယုၢ်ဝဲဆူၡၤမရံဆူယံးစရ့ လးအပဒိၣ်ဖးဒိၣ်တဖၣ်အအိၣ်, ဆူပှၤသူၣ်က့သးပှၢ်အ အိၣ်, ဒီးဆူပှၤလၢအကွၢ်စီၤအၤဃာ်အဖိဒီးစံးဝဲဒၣ်,―
2 ဒီးခဲကနံၣ်အံၤတုၤလံာ်တဘ့ၣ်အံၤ လဲၤတုၤလၢသုအိၣ် ဒီး, မ့ၢ်သုကစၢ်အဖိခွါတဖၣ်အိၣ်ဒီးသု, ဒီးလ့ၣ်ကဟၣ် တဖၣ်, ဒီးကသ့ၣ်တဖၣ်, ဒီးဝ့ၢ်အိၣ်ဒီးအခိၣ်ဒူတဖျၢၣ်, ဒီးတၢ်အစုကဝဲၤအိၣ်ဒီးသုဒီး, 3 ကွၢ်သုကစၢ်အဖိခွါအ ဂ့ၤ, ဒီးအဘၣ်တဂၤ, ဒီးပာ်ထီၣ်လၢအပၢ်အလီၢ်ပစိာ် အဖီခိၣ်, ဒီးဒုးသုးလၢသုကစၢ်အပှၤဟံၣ်ဖိအဂီၢ်တက့ၢ်.
4 ဒီးအဝဲသ့ၣ်ပျံၤဝဲဒိၣ်ဒိၣ်ကလဲာ်, ဒီးစံးဝဲဒၣ်, ကွၢ်ကွၢ်, စီၤပၤခံဂၤတဆၢထၢၣ်ဘၣ်လၢအမဲာ်ညါဘၣ်, ဒီးပဝဲ ဒၣ်အံၤပကဆၢထၢၣ်ဒ်လဲၣ်.
5 ဒီးပှၤလၢအအိၣ်လၢဟံၣ်အဖီခိၣ်, ဒီးပှၤလၢအအိၣ်ဝဲလၢ ဝ့ၢ်အဖီခိၣ်, ဒီးပှၤသူၣ်က့သးပှၢ်, ဒီးပှၤကွၢ်ဖိသ့ၣ်တဖၣ် န့ၣ်ဟ့ၣ်ယုၢ်တၢ်ဆူစီၤယ့ၤဟူအအိၣ်ဒီးစံးဝဲဒၣ်, ပမ့ၢ်နခ့ နပှၤ, ဒီးပကမၤကယဲၢ်တၢ်လၢနမၤလိာ်ပှၤခဲလၢာ်, ပတ ပာ်ထီၣ်ဘၣ်စီၤပၤဘၣ်. မၤတၢ်လၢအဂ့ၤလၢနမဲာ်တက့ၢ်. 6 ဒီးအဝဲဒၣ်ကွဲးလံာ်ခံဘျီတဘျီ, ဒီးစံးဝဲဒၣ်, သုမ့ၢ်အိၣ်ဒီးယၤ, ဒီးသုမ့ၢ်ဒိကနၣ်ယကလုၢ်ဒီး, မၤန့ၢ်သုကစၢ်အဖိခွါတဖၣ်အခိၣ်, ဒီးတုၤအကတီၢ်ခဲအံၤဆၢအလီၢ်ခဲဂီၤဒီး, ဟဲဆူယအိၣ်တက့ၢ်.(ဒီးစီၤပၤအဖိခွါနွံဆံန့ၣ်အိၣ်ဝဲဒီးဝ့ၢ်အပဒိၣ်တဖၣ် လၢအလုၢ်အီၣ်အီၤလီၤ.)―
7 ဒီးတုၤလံာ်တဘ့ၣ်န့ၣ်ဟဲတုၤဝဲဆူအအိၣ်ဒီး, တၢ်မၤအ သးလၢအဟံးန့ၢ်စီၤပၤအဖိခွါဒီးမၤသံပှၤနွံဆံ, ဒီးဒၢနုာ် အခိၣ်လၢနာ်တဖၣ်အပူၤ, ဒီးဟ့ၣ်ယုၢ်ဝဲဆူအအိၣ်ဆူ ယံးစရ့လးလီၤ.
8 ဒီးကလူးတဂၤဟဲဝဲ, ဒီးတဲဘၣ်အီၤ, ဒီးစံးဝဲဒၣ်, ပှၤ ဟဲစိာ်စီၤပၤအဖိခွါတဖၣ်အခိၣ်လီၤ. ဒီးစံးဝဲဒၣ်, ပာ် လီၤအီၤလၢတၢ်အပူခံပူလၢတၢ်လဲၤနုာ် လၢပဲတရီအ ပူၤတုၤမုၢ်ဆ့ၣ်ထီၣ်တက့ၢ်.
9 ဒီးမုၢ်ဆ့ၣ်ထီၣ်န့ၣ်တၢ်မၤအသးလၢအဟးထီၣ်ဝဲ, ဒီး ဆၢထၢၣ်, ဒီးစံးလၢပှၤဂီၢ်မုၢ်ခဲလၢာ်, သုမ့ၢ်ပှၤအတီလီၤ. ကွၢ်ကွၢ်, ယဲဒၣ်အံၤယပူထီၣ်ယကစၢ်, ဒီးမၤသံအီၤလီၤ. မ့မ့ၢ်မတၤမၤသံပှၤခဲလၢာ်အံၤတဂၤလဲၣ်. 10 သ့ၣ်ညါသ ပှၢ်တၢၢ်လၢတၢ်လၢယွၤအကလုၢ်ကထါ လၢယွၤက တိၤလၢစီၤအၤဃာ်အဟံၣ်အဂ့ၢ်အကျိၤန့ၣ် တလီၤတဲာ် ဘၣ်ဆူဟီၣ်ခိၣ်နီတထံၣ်ဘၣ်န့ၣ်တက့ၢ်. ဒီးယွၤမၤတၢ် လၢအကတိၤတၢ်ဒီးအခ့အပှၤစီၤအ့ၤလံယၤန့ၣ်လီၤ.
11 ဒီးစီၤယ့ၤဟူမၤသံ ကယဲၢ်ပှၤလၢအအိၣ်လီၤတဲာ်လၢ စီၤအၤဃာ်အပှၤဟံၣ်ဖိအကျါလၢယံးစရ့လးအပူၤ, ဒီး အပဒိၣ်ဖးဒိၣ်တဖၣ်ခဲလၢာ်, ဒီးအဘူးအတံၢ်, ဒီးအ ပှၤလုၢ်တၢ်အဒိၣ်တုၤအတပာ်လီၤတဲာ်ဘၣ် လၢအဂီၢ် နီတဂၤဘၣ်လီၤ.
12 ဒီးဂဲၤဆၢထၢၣ်, ဒီးဟးထီၣ်ဝဲ, ဒီးဟဲဝဲဆူၡၤမရံလီၤ. အဝဲဒၣ်အိၣ်ဝဲလၢ ပှၤကွၢ်သိတဖၣ်စၢဃာ်တၢ်အဟံၣ် လၢကျဲပူၤ, 13 ဒီးစီၤယ့ၤဟူဘၣ်သဃိာ်ဒီးယူဒၤအစီၤပၤ အဃၤစယၤအဒီပုၢ်ဝဲၢ်တဖၣ်, ဒီးစံးဝဲဒၣ်, သုဝဲသ့ၣ် အံၤသုမ့ၢ်မတၤတဖၣ်လဲၣ်. ဒီးစံးဝဲဒၣ်, ပမ့ၢ်စီၤအဃၤစ ယၤအဒီပုၢ်ဝဲၢ်တဖၣ်, ဒီးပလဲၤလီၤဒ်သိးပကကတိၤဒိၣ် စီၤပၤအဖိ, ဒီးနီၢ်ပၤမုၣ်အဖိတဖၣ်လီၤ.
14 ဒီးစံးဝဲဒၣ်, မၤန့ၢ်မူဒံးအီၤတက့ၢ်. ဒီးပှၤမၤန့ၢ်မူဒံး အီၤ, ဒီးမၤသံအီၤလၢပှၤကွၢ်သိတဖၣ်စၢဃာ်တၢ်အဟံၣ် အတၢ်ပူၤအဃၢၤ, ပှၤလွံၢ်ဆံခံဂၤ, ဒီးတပာ်လီၤတဲာ် ဘၣ်နီတဂၤဘၣ်.
15 ဒီးဟးထီၣ်ဖဲန့ၣ်, ဒီးဘၣ်သဃိာ်ဒီးစီၤရ့ကာ်အဖိခွါ စီၤယိၤနဒာ်တဂၤဟဲသဂၢၢ်အီၤ, ဒီးဆိၣ်ဂ့ၤအီၤ, ဒီးစံး ဘၣ်အီၤ, နသးလိၤဒ်ယသးဒီးနသးအသိးန့ၣ်စ့ၢ်ကီးဧါ. ဒီးစီၤယိၤနဒာ်စံးဝဲဒၣ်, မ့ၢ်လံ. မ့မ့ၢ်ဒ်န့ၣ်ဒီးဟ့ၣ်ယၤ လၢနစုတက့ၢ်. ဒီးဟ့ၣ်အီၤလၢအစု, ဒီးဟံးထီၣ်ဝဲဆူ လ့ၣ်ကဟၣ်အပူၤလီၤ. 16 ဒီးစံးဝဲဒၣ်, ဟဲဒီးယၤ, ဒီး ထံၣ်ဘၣ်ယသးဆူၣ်လၢယွၤအဂီၢ်တက့ၢ်. ဒီးဒုးဒိးအီၤ လၢအလ့ၣ်ကဟၣ်န့ၣ်လီၤ.
17 ဒီးတုၤအဟဲတုၤလၢၡၤမရံဒီး, မၤသံကယဲၢ်ပှၤလၢအ အိၣ်လီၤတဲာ်ဘၣ်ဃးဒီး စီၤအၤဃာ်လၢၡၤမရံအပူၤတုၤ အမၤဟးဂီၤကွံာ်အီၤ, ဒ်ယွၤအကလုၢ်အကထါလၢအ ကတိၤဝဲဒီးစီၤအ့ၤလံယၤအသိးန့ၣ်လီၤ.
18 ဒီးစီၤယ့ၤဟူဒုးအိၣ်ဖှိၣ်ရိဖှိၣ်ပှၤဂီၢ်မုၢ်ခဲလၢာ်, ဒီးစံး, စီၤအၤဃာ်မၤဘဧၤလးအတၢ်တစဲးဖိလီၤ. မ့မ့ၢ်စီၤယ့ၤ ဟူကမၤအတၢ် အါအါကလဲာ်လီၤ. 19 ဒီးခဲကနံၣ်အံၤ ကိးန့ၢ်ယၤလၢဘဧၤလးအဝံခဲလၢာ်, အခ့အပှၤခဲလၢာ်, ဒီးအပှၤလုၢ်တၢ်အဒိၣ်ခဲလၢာ်တက့ၢ်. ဒုးအိၣ်လီၤတဲာ် နီတဂၤတဂ့ၤ. အဂ့ၢ်ဒ်အံၤ, တၢ်လုၢ်ဘဧၤလးလၢတၢ် ဖးဒိၣ်န့ၣ်အိၣ်ဒီးယၤလီၤ. ပှၤလၢအတဟဲဘၣ်န့ၣ်တမူ ဘၣ်နီတဂၤဘၣ်. ဒီးစီၤယ့ၤဟူမၤဝဲဒီးလီတၢ်ဒ်သိးအက မၤသံပှၤလၢအမၤဘဧၤလးအတၢ်တဖၣ်န့ၣ်လီၤ.
20 ဒီးစီၤယ့ၤဟူစံးဝဲဒၣ်, ကိးထီၣ်တၢ်အိၣ်ဖှိၣ်စီဆှံလၢ ဘဧၤလးအဂီၢ်တက့ၢ်. ဒီးတၢ်ကိးထီၣ်ဝဲလီၤ.
21 ဒီးစီၤယ့ၤဟူမၢလီၤတၢ်ဆူအံၣ်စရ့လးအကျါခဲလၢာ်, ဒီးပှၤလၢအမၤဘဧၤလးအတၢ်ဟဲဝဲခဲလၢာ်, ဒီးပှၤလၢ အတဟဲဘၣ်တအိၣ်လီၤတဲာ်နီတဂၤဘၣ်. ဒီးဟဲဝဲဆူ ဘဧၤလးအဟံၣ်, ဒီးဘဧၤလးအဟံၣ်ပှဲၤပၢၢ်လၢအက တၢၢ်တဖၣ်လီၤ. 22 ဒီးစံးဘၣ်ပှၤလၢအအိၣ်ဝဲလၢတၢ်ကူ တၢ်သိးအဖီခိၣ်, ဟဲစိာ်တၢ်အကူအသိးလၢပှၤမၤဘဧၤ လးအတၢ်ခဲလၢာ်အဂီၢ်တက့ၢ်. ဒီးတၢ်ဟဲစိာ်အတၢ်ကူ တၢ်သိးန့ၣ်လီၤ.
23 ဒီးစီၤယ့ၤဟူဒီးစီၤရ့ကာ်အဖိခွါစီၤယိၤနဒာ် လဲၤနုာ်ဝဲ ဆူဘဧၤလးအဟံၣ်ပူၤ, ဒီးစံးဘၣ်ပှၤလၢအမၤဘဧၤလး အတၢ်တဖၣ်န့ၣ်, ဃုဒီးကွၢ်တက့ၢ်. ပှၤမၤယွၤအတၢ် ကအိၣ်ဘၣ်ဖုးဒီးသုလီၤ. မ်အအိၣ်ထဲပှၤလၢအမၤဘ ဧၤလးအတၢ်န့ၣ်တက့ၢ်.
24 ဒီးတုၤပှၤလဲၤနုာ်ဒ်သိးအကလုၢ်တၢ်လုၢ်, ဒီးတၢ်လုၢ် မ့ၣ်အူဒီး, စီၤယ့ၤဟူပာ်လီၤတ့ၢ်ပှၤဃုဆံဂၤလၢခိ, ဒီး စံးဝဲဒၣ်, ပှၤလၢယဒုးလဲၤနုာ်ဆူသုစုပူၤမ့ၢ်ပူၤဖျဲးတဂၤ ဂၤဒီး, သးသမူလၢသးသမူအဂီၢ်လီၤ.
25 ဒီးတုၤပှၤလုၢ်တၢ်လုၢ်မ့ၣ်အူဝံၤဒီး, တၢ်မၤအသးလၢ စီၤယ့ၤဟူစံးဘၣ်ပှၤပၢၤတၢ်ဖိဒီး ပှၤသုးဖိအခိၣ်တဖၣ်, လဲၤနုာ်မၤသံအီၤတက့ၢ်. ဒုးဟဲထီၣ်နီတဂၤတဂ့ၤ. ဒီး အဝဲသ့ၣ်ကျီကွံာ်အီၤလၢနးအကနၣ်, ဒီးပှၤပၢၤတၢ်ဖိ, ဒီးပှၤသုးဖိအခိၣ်တဖၣ်, ကွံာ်တ့ၢ်ကွံာ်အီၤ, ဒီးလဲၤဝဲဆူ ဘဧၤလးအဟံၣ်အဝ့ၢ်န့ၣ်လီၤ.
26 ဒီးဟဲစိာ်တၢ်ဂီၤအိၣ်ဝဲလၢဘဧၤလးအဟံၣ်ပူၤ, ဒီးဆူး ထီၣ်ကွံာ်ဝဲလၢမ့ၣ်အူလီၤ. 27 ဒီးမၢလီၤကလဲဘဧၤလး အတၢ်ဂီၤ, ဒီးမၤလီၤပှီၢ်ကွံာ်ဘဧၤလးအဟံၣ်, ဒီးပာ် အီၤလၢအ့ၣ်ဆါအလီၢ်တုၤမုၢ်မဆါတနံၤအံၤလီၤ.
28 ဒီးစီၤယ့ၤဟူမၤဟးဂီၤကွံာ်ဘဧၤလး လၢအံၣ်စရ့လး အပူၤန့ၣ်လီၤ. 29 ဘၣ်ဆၣ်ဒီးစီၤနဘးအဖိခွါစီၤယၤရၤ ဘၣ်လၢအဒုးမၤအံၣ်စရ့လး လၢတၢ်ဒဲးဘးတဂၤ, အ တၢ်ဒဲးဘးန့ၣ် စီၤယ့ၤဟူလူၤပိာ်အခံ, ဒ်ပစံးတၢ်အသိး, ဂီၤဖံးဖိထူလၢအအိၣ်ဝဲလၢဘ့ၤသ့လးအပူၤ, ဒီးလၢဒၣ် အပူၤလီၤ.
30 ဒီးယွၤစံးဘၣ်စီၤယ့ၤဟူ, မ့ၢ်နမၤတၢ်ဂ့ၤလၢနမၤတၢ် လၢအဂ့ၤလၢယမဲာ်, ဒီးမၤစီၤအၤဃာ်အဟံၣ်ဖိဒ်ကယဲၢ် တၢ်လၢအအိၣ်ဝဲလၢယသးကံၢ်ပူၤဒီး, နဖိတုၤလီၤလၢ လွံၢ်စိၤတစိၤကဆ့ၣ်နီၤလၢ အံၣ်စရ့လးအလီၢ်ပစိာ်န့ၣ် လီၤ.
31 ဘၣ်ဆၣ်ဒီးစီၤယ့ၤဟူ တပလီၢ်ဘၣ်အသးဒ်သိးအ ကလဲၤတၢ်လၢအံၣ်စရ့လးအကစၢ်ယွၤ အတၢ်သိၣ်တၢ် သီအပူၤ, လၢအသးဒီဖျၢၣ်ညါဘၣ်. တဟးသဒၣ်ဘၣ် စီၤယၤရၤဘၣ်လၢအဒုးမၤအံၣ်စရ့လးလၢ တၢ်ဒဲးဘး တဂၤန့ၣ်အတၢ်ဒဲးဘးဘၣ်.
32 တၢ်လၢမုၢ်နံၤတဖၣ်န့ၣ် ယွၤဒီၣ်တဲာ်ကွံာ်သီအံၣ်စရ့ လးလီၤ. ဒီးစီၤဃစ့လးကျီကွံာ်အီၤလၢအံၣ်စရ့လးအ ကီၢ်ဃၢၤခဲလၢာ်လီၤ. 33 လၢယၢ်ဒ့ၣ်လၢမုၢ်ထီၣ်တခီက ယဲၢ်ဟီၣ်ခိၣ်ဘၣ်ဃးဒီးကံးလဧး, ပှၤကးဖိ, ဒီးပှၤရူၤ ဘ့ၣ်ဖိ, ဒီးပှၤမနၤရှ့ၤဖိ, လၢဧရိၤဧ့ၢ် (လၢအအိၣ်ဝဲလၢ ထံအၢ်နိၣ်အဃၢၤ) ပၢၢ်လၢကံးလဧး, ဒီးဘၤၡၣ်လီၤ.
34 ဒီးတၢ်အိၣ်လီၤတဲာ်ဘၣ်ဃးဒီးစီၤယ့ၤဟူ, ဒီးကယဲၢ် တၢ်လၢအမၤဝဲ, ဒီးကယဲၢ်အစိအကမီၤန့ၣ် ကွဲးအသး လၢအံၣ်စရ့လးအစီၤပၤအလံာ်ကွဲးနီၣ်တၢ်အပူၤ တမ့ၢ် ဘၣ်ဧါ.
35 ဒီးစီၤယ့ၤဟူမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢၡၤမရံအပူၤ ဒီးအဖိခွါစီၤယဟိအါဃးကဲစီၤပၤလၢ အလီၢ်န့ၣ်လီၤ.
36 ဒီးမုၢ်နံၤတဖၣ်လၢစီၤယ့ၤဟူကဲစီၤပၤလၢ အံၣ်စရ့လး အဖီခိၣ်လၢၡၤမရံအပူၤန့ၣ်မ့ၢ်ခံဆံဃိးနံၣ်လီၤ.
11၁၁
1 ဒီးတုၤစီၤအဃၤစယၤအမိၢ် နီၢ်ဧသၤလယၤ တဂၤ ထံၣ်ဝဲလၢအဖိခွါသံဒီး, ဂဲၤဆၢထၢၣ်ဝဲ, ဒီးမၤဟးဂီၤ စီၤပၤအချံအသၣ်ခဲလၢာ်လီၤ.
2 ဒီးစီၤပၤယဟိရၣ်အဖိမုၣ်, စီၤအဃၤစယၤအဒီပုၢ်ဝဲၢ် မုၣ်နီၢ်ယဟိၤရှ့ဘၤတဂၤ ဟံးန့ၢ်စီၤအဃၤစယၤအဖိခွါ စီၤယိၤအၣ်, ဒီးဟုၣ်န့ၢ်အီၤလၢစီၤပၤအဖိခွါလၢအဘၣ် တၢ်မၤသံအီၤအကျါ, ဒီးပာ်ခူသူၣ်အီၤ, အဝဲဒၣ်ဒီးအ ပှၤဒုးအီၣ်နုၢ်အီၤတဂၤ, လၢဒၢးပူၤသဒၢဒီးနီၢ်ဧသၤလ ယၤအမဲာ်, ဒီးတဘၣ်တၢ်မၤသံအီၤဘၣ်.
3 ဒီးအဝဲဒၣ်အိၣ်ခူသူၣ်ဒီးအီၤ လၢယွၤအဟံၣ်ပူၤဃုနံၣ် လီၤ. ဒီးနီၢ်ဧသၤလယၤန့ၣ်ကဲထီၣ်နီၢ်ပၤမုၣ်လၢကီၢ်အ ဖီခိၣ်လီၤ.
4 ဒီးနွံနံၣ်တနံၣ်န့ၣ်စီၤယဟိယဒါမၢလီၤတၢ်, ဒီးဟဲစိာ် ပှၤတကယၤအခိၣ်တဖၣ်, ဒီးပှၤဆဲးတၢ်ဖိ, ဒီးပှၤပၢၤ တၢ်ဖိတဖၣ်, ဒီးဒုးလဲၤနုာ်အီၤဆူအအိၣ်လၢယွၤအဟံၣ် ပူၤ, ဒီးအၢၣ်လီၤအီလီၤတၢ်ဒီးအီၤ, ဒီးဒုးဆိၣ်အီၤလၢ ယွၤအဟံၣ်ပူၤ, ဒီးဒုးနဲၣ်အီၤလၢစီၤပၤအဖိခွါလီၤ. 5 ဒီး မၤလိာ်အီၤဒီးစံးဝဲဒၣ်, အအံၤမ့ၢ်တၢ်လၢသုဘၣ်မၤတ မံၤ, သုဝဲသ့ၣ်တဖၣ်သၢဖုတဖုလၢအလဲၤနုာ်လၢအိၣ် ဘှံးအနံၤတဖၣ် ဘၣ်ကဲထီၣ်ပှၤပၢၤတၢ်ဖိလၢစီၤပၤအ ဟံၣ်အဂီၢ်, 6 ဒီးပှၤသၢဖုတဖုဘၣ်အိၣ်လၢပဲတရီဆူအ ခီၣ်ထံး, ဒီးပှၤသၢဖုတဖုဘၣ်အိၣ်လၢပဲတရီအဃၢၤလၢ ပှၤပၢၤတၢ်ဖိအချၢဃံ, ဒီးသုဘၣ်ပၢၤဟံၣ်အပၢၤတၢ်အ လီၢ်, ဒ်သိးအသုတဘၣ်တၢ်မၤဖျိအီၤတဂ့ၤ. 7 ဒီးသုဝဲ ပှၤလၢအဟးထီၣ်လၢ မုၢ်အိၣ်ဘှံးအနံၤခဲလၢာ်အကျါ န့ၣ် ခံဖုကဘၣ်ပၢၤယွၤအဟံၣ် လၢစီၤပၤအဃၢၤလီၤ.―
8 ဒီးသုဘၣ်ကဝီၤဃာ်စီၤပၤဝးတရံးအီၤ, တဂၤဒီးအစုက ဝဲၤလၢအစုပူၤ, တဂၤဒီးအစုကဝဲၤလၢအစုပူၤ, ဒီးပှၤလၢ အလဲၤနုာ်လၢ တၢ်အဂ့ၢ်တဖၣ်အပူၤန့ၣ် မၤသံအီၤတ က့ၢ်. ဒီးတုၤစီၤပၤဟးထီၣ်, ဒီးတုၤအဟဲနုာ်ဒီး, အိၣ် သုဝဲဒီးစီၤပၤတက့ၢ်.
9 ဒီးပှၤတကယၤအခိၣ်တဖၣ်န့ၣ်မၤဝဲ ဒ်ကယဲၢ်တၢ်လၢ ပှၤလုၢ်တၢ်အဒိၣ် စီၤယဟိယဒါမၤလိာ်အီၤအသိးန့ၣ်, ဒီးဟံးန့ၢ်စုာ်စုာ်အပှၤလၢ အကလဲၤနုာ်လၢမုၢ်အိၣ်ဘှံး အနံၤ, အိၣ်ဒီးပှၤလၢအကဟးထီၣ်လၢမုၢ်အိၣ်ဘှံးအနံၤ, ဒီးဟဲဝဲဆူပှၤလုၢ်တၢ်အဒိၣ်စီၤယဟိယဒါအအိၣ်လီၤ.
10 ဒီးပှၤလုၢ်တၢ်အဒိၣ်တဂၤန့ၣ် ဟ့ၣ်လီၤပှၤတကယၤ အခိၣ်တဖၣ်လၢစီၤပၤဒၤဝံးအဘီတဖၣ်, ဒီးအကတီၤ တဖၣ်, တၢ်လၢအအိၣ်ဝဲလၢယွၤအဟံၣ်ပူၤလီၤ.
11 ဒီးပှၤပၢၤတၢ်ဖိဆၢထၢၣ်ဝဲတဂၤအိၣ်ဒီးအစုကဝဲၤလၢ အစုပူၤ, တဂၤအိၣ်ဒီးအစုကဝဲၤလၢအစုပူၤ, ဒီးအိၣ်ဝး တရံးစီၤပၤလၢဟံၣ်သနၢၣ်လၢစုထွဲပၢၢ်လၢ ဟံၣ်အသ နၢၣ်လၢစုစ့ၣ်, လၢတၢ်လုၢ်လီၢ်ဒီးဟံၣ်အဃၢၤန့ၣ်လီၤ.
12 ဒီးဟဲစိာ်စီၤပၤအဖိခွါ, ဒီးဒုးကုာ်အီၤလၢခိၣ်သလုး ဒီးပာ်တၢ်အၢၣ်လီၤအီလီၤ, ဒီးဖှူအီၤ, ဒီးဒဲအစု, ဒီးစံးဝဲ ဒၣ်, မ်စီၤပၤမူဝဲတက့ၢ်.
13 ဒီးတုၤနီၢ်ဧသၤလယၤန့ၣ် နၢ်ဟူပှၤပၢၤတၢ်ဖိဒီးပှၤဂီၢ် မုၢ်အသီၣ်ဒီး, ဟဲဝဲဆူပှၤဂီၢ်မုၢ်အအိၣ်လၢယွၤအဟံၣ်ပူၤ လီၤ. 14 ဒီးတုၤအကွၢ်ဝဲဒီး, ကွၢ်ကွၢ်, စီၤပၤဆၢထၢၣ်ဝဲ လၢအလီၢ်ထီၣ်ထီ, ဒ်တၢ်အလုၢ်အလၢ်အသိးန့ၣ်, ဒီး ပဒိၣ်ဖးဒိၣ်တဖၣ်, ဒီးပှၤအူကွဲၤတဖၣ်အိၣ်ဝဲလၢစီၤပၤ အဃၢၤန့ၣ်လီၤ. ဒီးကီၢ်အပှၤဂီၢ်မုၢ်ခဲလၢာ်န့ၣ်သူၣ်ခုသး ခု, ဒီးအူကွဲၤ, ဒီးနီၢ်ဧသၤလယၤဖှီအဆ့, ဒီးကိးထီၣ်, တၢ်ပူထီၣ်, တၢ်ပူထီၣ်န့ၣ်လီၤ.
15 ဒီးပှၤလုၢ်တၢ်အဒိၣ်စီၤယဟိယဒါ မၤလိာ်ပှၤတက ယၤအခိၣ်တဖၣ်, ပှၤသုးမုၢ်အခိၣ်တဖၣ်, ဒီးစံးဘၣ် အီၤ, ဒုးဟးထီၣ်ကွံာ်အီၤလၢဟံၣ်ပူၤလၢတၢ်အဂ့ၢ်တ ဖၣ်ဆူခိ, ဒီးပှၤလၢအပိာ်ထွဲအခံန့ၣ်မၤသံအီၤလၢနးတ က့ၢ်. အဂ့ၢ်ဒ်အံၤ, ပှၤလုၢ်တၢ်အဒိၣ်စံးတ့ၢ်ဝဲဒၣ်, မ် သုသုတမၤသံအီၤလၢယွၤအဟံၣ်ပူၤတဂ့ၤ.
16 ဒီးပှၤဟံးဃာ်အီၤလၢအစု, ဒီးလဲၤဝဲလၢကျဲလၢက သ့ၣ်တဖၣ်ဟဲဝဲဆူစီၤပၤအဟံၣ်, ဒီးဘၣ်တၢ်မၤသံအီၤ ဖဲန့ၣ်လီၤ.
17 ဒီးစီၤယဟိယဒါဒုးအၢၣ်လီၤအီလီၤ တၢ်လၢယွၤဒီး စီၤပၤအဘၢၣ်စၢၤ, ဒီးပှၤဂီၢ်မုၢ်အဘၢၣ်စၢၤဒ်သိးအက ကဲထီၣ်ယွၤအပှၤဂီၢ်မုၢ်လီၤ. ဒီးဒုးအၢၣ်လီၤတၢ်လၢစီၤ ပၤဒီးပှၤဂီၢ်မုၢ်အဘၢၣ်စၢၤလီၤ.
18 ဒီးကီၢ်အပှၤဂီၢ်မုၢ်ခဲလၢာ်လဲၤနုာ်ဆူ ဘဧၤလးအဟံၣ် ပူၤ, ဒီးမၤလီၤပှီၢ်အီၤ, ဒီးမၤကၢ်လီၤကလဲအတၢ်လုၢ်လီၢ်, ဒီးအတၢ်ဂီၤ, ဒီးမၤသံဘဧၤလးအပှၤလုၢ်တၢ်အဒိၣ်စီၤမး တၣ်လၢတၢ်လုၢ်လီၢ်တဖၣ်အမဲာ်ညါလီၤ. ဒီးပှၤလုၢ်တၢ် အဒိၣ်န့ၣ်ပာ်လီၤပဒိၣ်ဖးဒိၣ်တဖၣ် လၢယွၤအဟံၣ်အဖီ ခိၣ်လီၤ. 19 ဒီးဟံးန့ၢ်ပှၤတကယၤအခိၣ်တဖၣ်, ဒီးပှၤဆဲး တၢ်ဖိ, ဒီးပှၤပၢၤတၢ်ဖိ, ဒီးကီၢ်အပှၤဂီၢ်မုၢ်ခဲလၢာ်, ဒီးအ ဝဲသ့ၣ်ဟဲစိာ်စီၤပၤလၢယွၤအဟံၣ်, ဒီးဟဲကျဲလၢစီၤပၤ အဟံၣ်အပှၤပၢၤတၢ်ဖိအပဲတရီအပူၤ, ဒီးအဝဲဒၣ်ဆ့ၣ်နီၤ လၢစီၤပၤတဖၣ်အလီၢ်ပစိာ်အဖီခိၣ်လီၤ.
20 ဒီးကီၢ်အပှၤဂီၢ်မုၢ်ခဲလၢာ် သူၣ်ခုသးခု, ဒီးဝ့ၢ်အိၣ် ဘှီၣ်ကလာ်, ဒီးပှၤမၤသံနီၢ်ဧသၤလယၤလၢနးလၢစီၤ ပၤအဟံၣ်အဃၢၤန့ၣ်လီၤ.
21 လၢစီၤယိၤအၣ်ကဲသီစီၤပၤန့ၣ်အသးပှၢ်နွံနံၣ်လီၤ.
12၁၂
1 ဒီးစီၤယ့ၤဟူအနံၣ်ပှဲၤထီၣ်နွံနံၣ်တနံၣ်န့ၣ် စီၤယိၤအၣ် ကဲသီစီၤပၤ, ဒီးကဲစီၤပၤလၢယရူၤၡလ့ၣ်အပူၤ အနံၣ် လွံၢ်ဆံ, ဒီးအမိၢ်အမံၤမ့ၢ်နီၢ်စံဘယၤဘၣ်ဃးဒီး ဘ့ၢ် ၡဘၤလီၤ.
2 ဒီးကယဲၢ်မုၢ်နံၤလၢ ပှၤလုၢ်တၢ်အဒိၣ်စီၤယဟိယဒါ သိၣ်က့ၤသီက့ၤအီၤန့ၣ် စီၤယိၤအာ်မၤတၢ်အလိၤလၢ ယွၤအမဲာ်လီၤ.
3 ဘၣ်ဆၣ်ဒီးတၢ်တသုးကွံာ်ဘၣ် တၢ်အလီၢ်ထီၣ်ထီ တဖၣ်ဘၣ်. ပှၤဂီၢ်မုၢ်လုၢ်ဒံးတၢ်, ဒီးဆိၣ်ကဲၤဒံးတၢ်နၢ မူလၢတၢ်အလီၢ်ထီၣ်ထီတဖၣ်န့ၣ်လီၤ.
4 ဒီးစီၤယိၤအၣ်စံးဘၣ် ပှၤလုၢ်တၢ်အဒိၣ်တဖၣ်, က ယဲၢ်စ့စီဆှံလၢအဟဲနုာ်လၢယွၤအဟံၣ်ပူၤ, ပှၤအစ့လၢ အလဲၤပူၤတၢ်စုာ်စုာ်, စ့လၢတၢ်ပာ်လၢအသးတဖၣ်အ ဂီၢ်, ကယဲၢ်စ့လၢအထီၣ်လၢပှၤကညီအသးကံၢ်ပူၤဒ်သိး အကဟဲစိာ်ဆူယွၤအဟံၣ်ပူၤခဲလၢာ်န့ၣ်, 5 မ်ပှၤလုၢ်တၢ် အဒိၣ်တဖၣ် ဟံးန့ၢ်အီၤတဂၤလၢအတံၤအသကိး, တ ဂၤလၢအတံၤအသကိးအစုပူၤ, ဒီးမ်အမၤက့ၤတၢ်ဘၢၣ် ဖျိအလီၢ်လၢဟံၣ်ပူၤ, ဖဲအထံၣ်န့ၢ်တၢ်ဘၢၣ်ဖျိအလီၢ် န့ၣ်တက့ၢ်.
6 ဘၣ်ဆၣ်ဒီး လၢစီၤယိၤအၣ်အနံၣ်ခံဆံသၢနံၣ်တနံၣ် န့ၣ်တၢ်မၤအသးလၢ ပှၤလုၢ်တၢ်အဒိၣ်တမၤက့ၤဒံးဘၣ် ဟံၣ်အဘၢၣ်ဖျိအလီၢ်တဖၣ်ဘၣ်.
7 ဒီးစီၤပၤယိၤအၣ်ကိးန့ၢ် ပှၤလုၢ်တၢ်အဒိၣ်စီၤယဟိယ ဒါဒီးပှၤလုၢ်တၢ်အဒိၣ်တဖၣ်, ဒီးစံးဘၣ်အီၤ, သုတမၤ က့ၤဘၣ်ဟံၣ်ဘၢၣ်ဖျိအလီၢ်တဖၣ်န့ၣ်, မ့ၢ်အဘၣ်မနုၤ လဲၣ်. ဒီးခဲကနံၣ်အံၤဟံးန့ၢ်လၢၤစ့လၢသုတံၤသုသကိး တဂ့ၤ. မ့မ့ၢ်ဟ့ၣ်လီၤလၢ ဟံၣ်ဘၢၣ်ဖျိအလီၢ်အဂီၢ်န့ၣ် တက့ၢ်.
8 ဒီးပှၤလုၢ်တၢ်အဒိၣ်အၢၣ်လီၤအီလီၤလၢ အတဒိးန့ၢ် လၢၤဘၣ်စ့လၢပှၤဂီၢ်မုၢ်, ဒီးလၢအတမၤက့ၤဘၣ်ဟံၣ် ဘၢၣ်ဖျိအလီၢ်တဖၣ်ဘၣ်.
9 ဒီးပှၤလုၢ်တၢ်အဒိၣ် စီၤယဟိယဒါဟံးန့ၢ်တလါတ ဖျၢၣ်, ဒီးပှံာ်ဖျိတၢ်ပူၤလၢအခိၣ်ကျၢၢ်, ဒီးပာ်အီၤလၢ တၢ်လုၢ်လီၢ်အဃၢၤလၢစုထွဲတခီ ဖဲပှၤလဲၤနုာ်လၢယွၤအ ဟံၣ်ပူၤ, ဒီးပှၤလုၢ်တၢ်အဒိၣ်လၢအပၢၤတြဲၤတဖၣ်န့ၣ်ဒၢ နုာ်ကယဲၢ်စ့လၢပှၤဟဲစိာ်ဆူယွၤအဟံၣ်ပူၤခဲလၢာ်လီၤ.
10 ဒီးတုၤအထံၣ်ဝဲလၢ စ့အိၣ်အါဘ့ၣ်လၢတလါပူၤန့ၣ် ဒီး, တၢ်မၤအသးလၢစီၤပၤအပှၤကွဲးလံာ်, ဒီးပှၤလုၢ်တၢ် အဒိၣ်ဟဲထီၣ်, ဒီးဘိၣ်ထီၣ်ဝဲ, ဒီးဂံၢ်စ့လၢအထံၣ်န့ၢ်ဝဲလၢ ယွၤအဟံၣ်ပူၤန့ၣ်လီၤ. 11 ဒီးစ့ဘၣ်ဂံၢ်အသးန့ၣ်ဟ့ၣ်လီၤ ဝဲလၢပှၤလၢအမၤတၢ်မၤတဖၣ် လၢအကွၢ်ယွၤအဟံၣ် အစုပူၤ, ဒီးအဝဲသ့ၣ်တဖၣ်န့ၣ်ဟ့ၣ်လီၤက့ၤဝဲလၢပှၤစိး ပျၤသ့ၣ်, ဒီးပှၤမၤတၢ်လၢအမၤက့ၤယွၤအဟံၣ်, 12 ဒီးလၢ ပှၤမၤတၢ်လၢလၢၢ်, ဒီးလၢပှၤစိးပျၤလၢၢ်, ဒီးဒ်သိးပှၤက ပှ့ၤသ့ၣ်, ဒီးလၢၢ်ဘၣ်စိးပျၤအသးလၢအကမၤက့ၤတၢ် ဘၢၣ်ဖျိအလီၢ်လၢယွၤအဟံၣ်ပူၤ ဒီးလၢကယဲၢ်တၢ်အဂီၢ် လၢအဟ့ၣ်လီၤဝဲလၢဟံၣ်အဂီၢ်လၢအကမၤက့ၤဝဲလီၤ.
13 ဘၣ်ဆၣ်ဒီးလီခီစ့မ့ၢ်ဂ့ၤ, နီၣ်တံာ်ကွံာ်တၢ်မ့ၢ်ဂ့ၤ, သ လၢမ့ၢ်ဂ့ၤ, ကွဲၤမ့ၢ်ဂ့ၤ, တၢ်အဃၢၤအဃိၢ်စ့တမံၤမံၤမ့ၢ် ဂ့ၤ, တၢ်အဃၢၤအဃိၢ်ထူတမံၤမံၤမ့ၢ်ဂ့ၤ, ပှၤတမၤဘၣ် နီတမံၤလၢယွၤအဟံၣ်အဂီၢ် လၢစ့လၢပှၤဟဲစိာ်ဆူယွၤ အဟံၣ်ပူၤဘၣ်. 14 မ့ၢ်အဟ့ၣ်ဝဲလၢပှၤမၤတၢ်ဖိလၢအမၤ က့ၤယွၤအဟံၣ်လၢအီၤလီၤ.
15 ဒီးတဂံၢ်ဘၣ်တၢ်ဒီးဟ့ၣ်လီၤစ့လၢပှၤအစုပူၤ ဒ်သိးအ ကဟ့ၣ်က့ၤပှၤမၤတၢ်ဖိန့ၣ်လီၤ. အဂ့ၢ်ဒ်အံၤ, အဝဲသ့ၣ် တဖၣ်န့ၣ်မၤဝဲလၢအကလုၢ်တီလီၤ.
16 ဒီးစ့ဘၣ်ဃးဒီးတၢ်ကမၣ်, ဒီးစ့ဘၣ်ဃးဒီးတၢ်ဒဲးဘး န့ၣ်ပှၤတဟဲစိာ်ဘၣ်ဆူယွၤအဟံၣ်ပူၤဘၣ်. မ့ၢ်ပှၤလုၢ် တၢ်အဒိၣ်တဖၣ်အတၢ်လီၤ.
17 တုၤနုၤတစုစူၤရံအစီၤပၤဃစ့လးလဲၤထီၣ်, ဒီးဒုးတၢ် ဒီးကၤသး, ဒီးမၤန့ၢ်အီၤလီၤ. ဒီးစီၤဃစ့လးပာ်အမဲာ် လၢအကလဲၤထီၣ်ဆူယရူၤၡလ့ၣ်လီၤ.
18 ဒီးယူဒၤအစီၤပၤယိၤအၣ်ဟံးန့ၢ် ကယဲၢ်တၢ်လၢအပၢ် တဖၣ်, စီၤယဟိၡၤဖး, ဒီးစီၤယဟိရၣ်, ဒီးစီၤအဃၤ စယၤ, ယူဒၤအစီၤပၤတဖၣ်မၤဘူၣ်ဝဲ, ဒီးအတၢ်ဒၣ်ဝဲလၢ အပာ်စီဆှံ, ဒီးကယဲၢ်ထူဧိၤလွဲဧိၤလၢအထံၣ်န့ၢ်ဝဲလၢ တၢ်ပာ်ဖှိၣ်အလီၢ်တဖၣ်လၢယွၤအဟံၣ်ပူၤ, ဒီးလၢစီၤပၤ အဟံၣ်ပူၤခဲလၢာ်, ဒီးဟ့ၣ်ယုၢ်ဝဲလၢစူၤရံအစီၤပၤစီၤဃ စ့လးလီၤ. ဒီးအဝဲဒၣ်ဟးထီၣ်ဝဲလၢယရူၤၡလ့ၣ်လီၤ.
19 ဒီးတၢ်အိၣ်လီၤတဲာ်ဘၣ်ဃးဒီးစီၤယိၤအၣ်, ဒီးကယဲၢ် တၢ်လၢအမၤဝဲခဲလၢာ်န့ၣ် ကွဲးအသးလၢယူဒၤအစီၤပၤ အလံာ်ကွဲးနီၣ်တၢ်အပူၤတမ့ၢ်ဘၣ်ဧါ.
20 ဒီးအခ့အပှၤဂဲၤဆၢထၢၣ်, ဒီးကူၣ်တၢ်အၢ, ဒီးမၤသံ စီၤယိၤအၣ်လၢမံးလိၤအဟံၣ်ပူၤ ဖဲတၢ်လဲၤလီၤဆူစံး လၤလီၤ. 21 အဂ့ၢ်ဒ်အံၤ, အခ့အပှၤနီၢ်ၡံမဧးအဖိခွါစီၤ ယိၤစၤကၢ်, ဒီးနီၢ်ၡိမ့ၢ်အဖိခွါစီၤယဟိစဘး, ကျီကွံာ် အီၤ, ဒီးသံဝဲ, ဒီးပှၤခူၣ်လီၤကွံာ်အီၤဒီးအပၢ်တဖၣ်လၢ စီၤဒၤဝံးအဝ့ၢ်ပူၤ, ဒီးအဖိခွါစီၤအမၤစယါကဲထီၣ်စီၤပၤ လၢအလီၢ်န့ၣ်လီၤ.
13၁၃
1 ယူဒၤအစီၤပၤအဃၤစယၤအဖိခွါ စီၤယိၤအၣ်အနံၣ် ပှဲၤထီၣ်ခံဆံသၢနံၣ်တနံၣ်န့ၣ် စီၤယ့ၤဟူအဖိခွါစီၤယ ဟိအါဃးကဲသီစီၤပၤလၢအံၣ်စရ့လးအဖီခိၣ်လၢၡၤမရံ အပူၤတဆံနွံနံၣ်လီၤ.
2 ဒီးမၤတၢ်အၢလၢယွၤအမဲာ်, ဒီးပိာ်စီၤနဘးအဖိခွါစီၤ ယၤရၤဘၣ်လၢအဒုးမၤအံၣ်စရ့လး လၢတၢ်ဒဲးဘးတဂၤ အတၢ်ဒဲးဘးအကျဲလီၤ. တဟးသဒၣ်ဘၣ်အီၤဘၣ်.
3 ဒီးယွၤအသးထီၣ်ဘၣ်အံၣ်စရ့လး, ဒီးဟ့ၣ်လီၤကွံာ် အီၤဆူစူၤရံအစီၤပၤဃစ့လးအစုပူၤ, ဒီးလၢဃစ့လးအ ဖိခွါစီၤဘ့ၣ်ဟဒးအစုပူၤအမုၢ်နံၤခဲလၢာ်လီၤ.
4 ဒီးစီၤယဟိအါဃးဃ့ကညးတၢ်လၢယွၤ, ဒီးယွၤဒိ ကနၣ်အကလုၢ်လီၤ. အဂ့ၢ်ဒ်အံၤ, ထံၣ်ဝဲလၢအံၣ်စရ့လး အတၢ်နးတၢ်ဖှီၣ်လီၤ. အဂ့ၢ်ဒ်အံၤ, စူၤရံအစီၤပၤမၤနး မၤဖှီၣ်အီၤလီၤ. 5 (ဒီးယွၤဟ့ၣ်လီၤအံၣ်စရ့လးလၢတၢ် အုၣ်က့ၤခီၣ်က့ၤအီၤ, ဒီးအဝဲသ့ၣ်တဖၣ်န့ၣ်ဟးထီၣ်ကွံာ် လၢပှၤစူၤရံဖိအစုဖီလာ်, ဒီးပှၤအံၣ်စရ့လးဖိအိၣ်ဝဲဆိးဝဲ လၢအဒဲတဖၣ်အပူၤ, ဒ်လၢပျၢၤလၢထံးအသိးန့ၣ်လီၤ.―
6 ဘၣ်ဆၣ်ဒီးတဟးသဒၣ်ဘၣ်စီၤယၤရၤဘၣ် လၢအဒုး မၤအံၣ်စရ့လးလၢတၢ်ဒဲးဘးတဂၤအပှၤဟံၣ်ဖိ အတၢ် ဒဲးဘးဘၣ်. လဲၤဝဲလၢအပူၤ, ဒီးအရှ့ရၤဆၢထၢၣ်ဒံးစ့ၢ် ကီးလၢၡၤမရံအပူၤလီၤ.)
7 ဒီးပာ်လီၤတဲာ်လၢပှၤဂီၢ်မုၢ်အကျါ လၢစီၤယဟိအါ ဃးအဂီၢ်ထဲပှၤကသ့ၣ်သုးဖိယဲၢ်ဆံ, ဒီးလ့ၣ်ကဟၣ်ဆံ ဆဲၣ်ဆိ, ဒီးပှၤခီၣ်သုးဖိတကလးဧိၤလီၤ. အဂ့ၢ်ဒ်အံၤ, စူၤရံအစီၤပၤမၤဟးဂီၤအီၤ, ဒီးပာ်အီၤဒ်တၢ်ယီၢ်ဘုအတၢ် ကမှံၤအသိးန့ၣ်လီၤ.
8 ဒီးတၢ်အိၣ်လီၤတဲာ်ဘၣ်ဃးဒီး စီၤယဟိအါဃး, ဒီး ကယဲၢ်တၢ်လၢအမၤဝဲ, ဒီးအစိအကမီၤန့ၣ်ကွဲးအသး လၢအံၣ်စရ့လးအစီၤပၤ အလံာ်ကွဲးနီၣ်တၢ်အပူၤတမ့ၢ် ဘၣ်ဧါ.
9 ဒီးစီၤယဟိအါဃးမံဝဲဒီးအပၢ်တဖၣ်, ဒီးပှၤခူၣ်လီၤ ကွံာ်အီၤလၢၡၤမရံအပူၤ, ဒီးအဖိခွါစီၤယိၤအၣ်ကဲထီၣ် စီၤပၤလၢအလီၢ်န့ၣ်လီၤ.
10 ဒီးလၢယူဒၤအစီၤပၤယိၤအၣ်အနံၣ်ပှဲၤထီၣ် သၢဆံနွံ နံၣ်တနံၣ်န့ၣ်စီၤယဟိအါဃးအဖိခွါစီၤယိၤအၣ်ကဲထီၣ် စီၤပၤလၢအံၣ်စရ့လးအဖီခိၣ် လၢၡၤမရံအပူၤတဆံဃု နံၣ်လီၤ.
11 ဒီးမၤတၢ်အၢလၢယွၤအမဲာ်, ဒီးတဟးသဒၣ်ဘၣ်စီၤ နဘးအဖိခွါစီၤယၤရၤဘၣ် လၢအဒုးမၤအံၣ်စရ့လးလၢ တၢ်ဒဲးဘးတဂၤအတၢ်ဒဲးဘးနီတမံၤဘၣ်. လဲၤဝဲလၢ အပူၤလီၤ.
12 ဒီးတၢ်အိၣ်လီၤတဲာ်ဘၣ်ဃးဒီးစီၤယိၤအၣ်, ဒီးကယဲၢ် တၢ်လၢအမၤဝဲ, ဒီးအစိအကမီၤလၢအဒုးတၢ်ဒီးယူဒၤ အစီၤပၤအမၤစယါလၢအီၤန့ၣ် ကွဲးအသးလၢအံၣ်စရ့ လးအစီၤပၤအလံာ်ကွဲးနီၣ်တၢ်အပူၤတမ့ၢ်ဘၣ်ဧါ.
13 ဒီးစီၤယိၤအၣ် မံဝဲဒီးအပၢ်တဖၣ်, ဒီးစီၤယၤရၤဘၣ် ဆ့ၣ်နီၤလၢအလီၢ်ပစိာ်အဖီခိၣ်, ဒီးပှၤခူၣ်လီၤကွံာ်စီၤ ယိၤအၣ်လၢၡၤမရံအပူၤအိၣ်ဒီးအံၣ်စရ့လးအစီၤပၤလီၤ.
14 ဒီးစီၤအလံၤၡါဆါဝဲလၢ တၢ်ဆါလၢအကသံန့ၢ်အီၤ အဃိ, ဒီးအံၣ်စရ့လးအစီၤပၤစီၤယိၤအၣ်ဟဲလီၤဆူအ အိၣ်, ဒီးဟီၣ်ဝဲလၢအမဲာ်အဖီခိၣ်, ဒီးစံးဝဲဒၣ်, ယပၢ်ဧၢ, ယပၢ်ဧၢ, အံၣ်စရ့လးအလ့ၣ်ကဟၣ်, ဒီးအကသ့ၣ်ဧၢ.
15 ဒီးစီၤအလံၤၡါစံးဘၣ်အီၤ, ဟံးန့ၢ်ချံၣ်ဒီးပျၢ်တဖၣ်တ က့ၢ်. ဒီးဟံးန့ၢ်ချံၣ်ဒီးပျၢ်တဖၣ်န့ၣ်လီၤ.
16 ဒီးစံးလၢအံၣ်စရ့လးအစီၤပၤ, ပာ်နစုလၢချံၣ်အဖီခိၣ် တက့ၢ်. ဒီးပာ်ဝဲအစုလီၤ. ဒီးစီၤအလံၤၡါပာ်အစုလၢ စီၤပၤအစုအဖီခိၣ်လီၤ.
17 ဒီးစံးဝဲဒၣ်, အိးထီၣ်တၢ်ထူၣ်ဖျိလၢမုၢ်ထီၣ်တခီတ က့ၢ်. ဒီးအိးထီၣ်ဝဲလီၤ. ဒီးစီၤအလံၤၡါစံးဝဲဒၣ်, ခးတၢ် တက့ၢ်. ဒီးခးဝဲလီၤ. ဒီးစံးဝဲဒၣ်, ယွၤမၤပူၤဖျဲးတၢ်အပျၢ် တဘ့ၣ်, ဒီးတၢ်မၤပူၤဖျဲးလၢစူၤရံအပျၢ်လီၤ. အဂ့ၢ်ဒ်အံၤ, နကကျီပှၤစူၤရံဖိလၢအဖ့းအပူၤတုၤနကမၤလၢာ်အီၤလီၤ.
18 ဒီးစံးဝဲဒၣ်, ဟံးန့ၢ်ပျၢ်တဖၣ်တက့ၢ်. ဒီးဟံးန့ၢ်ဝဲ လီၤ. ဒီးစံးဘၣ်အံၣ်စရ့လးအစီၤပၤ, တီၢ်ဟီၣ်ခိၣ်တ က့ၢ်. ဒီးတီၢ်ဝဲသၢဘျီ, ဒီးအိၣ်ကတီၢ်ဝဲလီၤ.
19 ဒီးယွၤအပှၤကညီသးထီၣ်ဘၣ်အီၤ, ဒီးစံးဝဲဒၣ်, ဂ့ၤ လၢနတီၢ်တၢ်ယဲၢ်ဘျီဃုဘျီလီၤ. တုၤနုၤတဘျီနကတီၢ် ဘၣ်စူၤရံတုၤနမၤလၢာ်အီၤလီၤ. မ့မ့ၢ်ခဲကနံၣ်အံၤ, န ကတီၢ်စူၤရံသၢဘျီလီၤ.
20 ဒီးစီၤအလံၤၡါသံဝဲ, ဒီးပှၤခူၣ်လီၤကွံာ်အီၤလီၤ. ဒီးပှၤ မိၤအးဖိအဖုတဖၣ်ဟဲနုာ်ကီၢ်န့ၣ်လၢနံၣ်ထီၣ်သီန့ၣ်လီၤ.
21 ဒီးဖဲပှၤခူၣ်လီၤကွံာ်ပှၤတဂၤအဖၢမုၢ်ဒီး, ကွၢ်ကွၢ်, တၢ် မၤအသးလၢအထံၣ်ဘၣ်ပှၤကညီတဖု, ဒီးတ့ၢ်လီၤပှၤ တဂၤန့ၣ်လၢ စီၤအလံၤၡါအသွၣ်ခိၣ်ပူၤ, ဒီးတုၤပှၤစဲၤ လီၤအီၤဒီး, ဘၣ်ဒိဒီးစီၤအလံၤၡါအဃံဒီး, မူထီၣ်က့ၤ ဝဲ, ဒီးဆၢထၢၣ်လၢအခီၣ်လီၤ.
22 ဒီးစူၤရံအစီၤပၤဃစ့လး မၤအၢမၤသီအံၣ်စရ့လးလၢ စီၤယဟိအါဃးအမုၢ်နံၤခဲလၢာ်အပူၤလီၤ.
23 ဒီးယွၤမၤဘျုးမၤဖှိၣ်အီၤ, ဒီးအသးအိၣ်အီၤ, ဒီးကွၢ် မဲာ်အီၤလၢအတၢ်အၢၣ်လီၤအီလီၤဒီးစီၤအၤဘြၤဟၣ်, ဒီး စီၤအံၤစဲး, ဒီးစီၤယၤကိာ်အဃိ, ဒီးတမၤဟးဂီၤဘၣ်အီၤ, ဒီးတကွံာ်တ့ၢ်ကွံာ်ဒံးဘၣ်အီၤလၢအမဲာ်ညါဘၣ်.
24 ဒီးစူၤရံအစီၤပၤဃစ့လးသံဝဲ, ဒီးအဖိခွါစီၤဘ့ၣ်ဟဒး ကဲထီၣ်စီၤပၤလၢအလီၢ်န့ၣ်လီၤ.
25 ဒီးစီၤယဟိအါဃးအဖိခွါစီၤယိၤအၣ် ဟံးန့ၢ်က့ၤဝ့ၢ် တဖၣ်လၢစီၤဃစ့လးအဖိခွါစီၤဘ့ၣ်ဟဒးအစုပူၤ လၢ အဟံးန့ၢ်လၢအပၢ်စီၤယဟိအါဃးအစုပူၤ လၢတၢ်ဒုး သုးလီၤ. ဒီးစီၤယိၤအၣ်မၤဃၣ်အီၤသၢဘျီ, ဒီးမၤန့ၢ် က့ၤအံၣ်စရ့လးအဝ့ၢ်တဖၣ်န့ၣ်လီၤ.
14၁၄
1 အံၣ်စရ့လးအစီၤပၤယဟိအါဃးအဖိခွါ စီၤယိၤအၣ် အနံၣ်ပှဲၤထီၣ်ခံနံၣ်တနံၣ်န့ၣ် ယူဒၤအစီၤပၤယိၤအၣ်အ ဖိခွါစီၤအမၤစယါကဲထီၣ်စီၤပၤလီၤ.
2 တုၤအကဲသီစီၤပၤန့ၣ် အသးပှၢ်ခံဆံယဲၢ်နံၣ်, ဒီးကဲ စီၤပၤလၢယရူၤၡလ့ၣ်အပူၤခံဆံခွံနံၣ်, ဒီးအမိၢ်အမံၤမ့ၢ် နီၢ်ယဟိဧဒံၣ်လၢယရူၤၡလ့ၣ်လီၤ.
3 ဒီးမၤတၢ်အလိၤလၢ ယွၤအမဲာ်ဘၣ်ဆၣ်ဒီး, တမၤ ဘၣ်ဒ်အပၢ်စီၤဒၤဝံးအသိးဘၣ်, မ့ၢ်အမၤဒ်ကယဲၢ်တၢ် လၢအပၢ်စီၤယိၤအၣ်မၤဝဲအသိးန့ၣ်လီၤ.
4 ဘၣ်ဆၣ်ဒီးတၢ်တသုးကွံာ်ဘၣ် အလီၢ်ထီၣ်ထီတဖၣ် ဘၣ်. ပှၤဂီၢ်မုၢ်လုၢ်ဒံးတၢ်, ဒီးဆိၣ်ကဲၤဒံးတၢ်နၢမူလၢ တၢ်အလီၢ်ထီၣ်ထီတဖၣ်အဖီခိၣ်န့ၣ်လီၤ.
5 ဒီးတုၤအဘီမုၢ်အိၣ်ဂၢၢ်ဆိးကျၢၤလၢအစုပူၤဒီး, တၢ် မၤအသးလၢအမၤသံအခ့အပှၤတဖၣ် လၢအမၤသံအ ပၢ်န့ၣ်လီၤ.
6 မ့မ့ၢ်ပှၤမၤသံတၢ်အဖိတဖၣ်န့ၣ် တမၤသံဘၣ်ဝဲဘၣ်, ဒ်တၢ်ကွဲးအသးလၢ စီၤမိၤရှ့အတၢ်သိၣ်တၢ်သီအလံာ်ပူၤ အသိး, ဖဲယွၤမၤလိာ်တၢ်ဒီးစံးဝဲဒၣ်, ပၢ်တဖၣ်တဘၣ်သံ ဘၣ်လၢဖိတဖၣ်အဃိဘၣ်, ဒီးဖိတဖၣ်တဘၣ်သံဘၣ် လၢပၢ်တဖၣ်အဃိဘၣ်. မ့မ့ၢ်ပှၤကဘၣ်သံစုာ်စုာ်လၢ အတၢ်ဒဲးဘးဒၣ်ဝဲအဃိန့ၣ်လီၤ.
7 ဒီးမၤသံပှၤအဒိၣ်ဖိတကလး လၢကစၢၢ်ကဆူးအံ သၣ်အပူၤ, ဒီးလၢဒုးသုးသတးဒီး, မၤန့ၢ်စ့လၤ, ဒီး ယုၢ်အမံၤလၢယိးကသ့ၣ်လးတုၤမုၢ်မဆါတနံၤအံၤလီၤ.
8 တုၤနုၤတစုစီၤအမၤစယါ မၢလီၤကလူးတဖၣ်ဆူအံၣ် စရ့လးအစီၤပၤယ့ၤဟူအဖိခွါ စီၤယဟိအါဃးအဖိခွါ စီၤယိၤအၣ်, ဒီးစံးဝဲဒၣ်, ဟဲ, ကွၢ်လိာ်မဲာ်သကိးတက့ၢ်.
9 ဒီးအံၣ်စရ့လးအစီၤပၤယိၤအၣ်မၢလီၤတၢ်ဆူ ယူဒၤ အစီၤပၤအမၤစယါဒီးစံးဝဲဒၣ်, တၤဆှုၣ်လၢလဘၤနိၣ် အလိၤ, မၢလီၤတၢ်ဆူသ့ၣ်ဆှိအ့ရ့း လၢလဘၤနိၣ်အ လိၤ, ဒီးစံးဝဲဒၣ်, ဟ့ၣ်လီၤနဖိမုၣ်လၢယဖိခွါအမါတ က့ၢ်. ဒီးဆၣ်ဖိကီၢ်ဖိအမံၤလၢလဘၤနိၣ်အလိၤတဒုလဲၤ ပူၤတၢ်, ဒီးယီၢ်တံၢ်လီၤတၤဆှုၣ်န့ၣ်လီၤ.
10 နကျီကွံာ်လံအဒိၣ်သပှၢ်တၢၢ်လံ, ဒီးနသးပာ်ထီၣ်ထီ နၤလီၤ. ပာ်ကဖၢလၢနသးဒီးအိၣ်လၢနဟံၣ်တက့ၢ်. န ကမၤတၢ်လၢနတၢ်အၢအဂီၢ်, ဒီးလီၤဃံၤနဝဲဒၣ်, ဒီး ယူဒၤအိၣ်ဒီးနၤန့ၣ်မ့ၢ်အဘၣ်မနုၤလဲၣ်.
11 ဒီးစီၤအမၤစယါတကနၣ်ဘၣ်တၢ်ဘၣ်, ဒီးအံၣ်စရ့ လးအစီၤပၤယိၤအၣ်လဲၤထီၣ်, ဒီးအဝဲဒၣ်, ဒီးယူဒၤအ စီၤပၤအမၤစယါကွၢ်လိာ်အမဲာ်လၢ ဘ့ၤသရှ့မ့ၣ်ဘၣ် ဃးဒီးယူဒၤလီၤ.
12 ဒီးယူဒၤဃၣ်ဝဲလၢအံၣ်စရ့လးအမဲာ်ညါ, ဒီးပှၤဃ့ၢ် ကွံာ်ဝဲတဂၤဆူအဒဲဒၣ်ဝဲ, တဂၤဆူအဒဲဒၣ်ဝဲန့ၣ်လီၤ.
13 ဒီးအံၣ်စရ့လးအစီၤပၤယိၤအၣ် မၤန့ၢ်ယူဒၤအစီၤပၤ စီၤအဃၤစယၤအဖိခွါ စီၤယိၤအၣ်အဖိခွါ, စီၤအမၤစ ယါလၢဘ့ၤသရှ့မ့ၣ်အပူၤ, ဒီးဟဲဝဲဆူယရူၤၡလ့ၣ်, ဒီး မၤလီၤပှီၢ်ယရူၤၡလ့ၣ်အခိၣ်ဒူအပျၢ်လွံၢ်ကယၤ, လၢပဲ တရီအ့ဖရဲၣ်ပၢၢ်လၢတၢ်သနၢၣ်အပဲတရီလီၤ. 14 ဒီးမၤန့ၢ် ထူဧိၤလွဲဧိၤ, ဒီးကျိၣ်ဧိၤစ့ဧိၤခဲလၢာ်, ဒီးတၢ်အဃၢၤအ ဃိၢ်လၢအထံၣ်န့ၢ်ဝဲလၢယွၤအဟံၣ်ပူၤခဲလၢာ်, ဒီးတၢ် လုၢ်ဒိၣ်ပှ့ၤဒိၣ်လၢစီၤပၤအဟံၣ်ပူၤ, ဒီးပှၤအုၣ်ကီၤအသး တဖၣ်, ဒီးက့ၤကဒါက့ၤဝဲဆူၡၤမရံန့ၣ်လီၤ.
15 ဒီးတၢ်အိၣ်လီၤတဲာ်ဘၣ်ဃးဒီးစီၤယိၤအၣ်, ဒီးကယဲၢ် တၢ်လၢအမၤဝဲဒီးအစိအကမီၤ, ဒီးဒုးသုးဒီးယူဒၤအစီၤ ပၤအမၤစယါအဂ့ၢ်အကျိၤန့ၣ်ကွဲးအသးလၢ အံၣ်စရ့ လးအစီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
16 ဒီးစီၤယိၤအၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤလၢၡၤမရံအပူၤအိၣ်ဒီး အံၣ်စရ့လးအစီၤပၤတဖၣ်, ဒီးအဖိခွါစီၤယၤရၤဘၣ်ကဲထီၣ်စီၤပၤလၢအလီၢ်န့ၣ်လီၤ.
17 ဒီးယူဒၤအစီၤပၤစီၤယိၤအၣ်အဖိခွါ စီၤအမၤစယါမူ ဒံးဝဲလၢ အံၣ်စရ့လးအစီၤပၤယဟိအါဃးအဖိခွါ စီၤ ယိၤအၣ်သံဝဲအလီၢ်ခံန့ၣ်တဆံယဲၢ်နံၣ်လီၤ.
18 ဒီးတၢ်အိၣ်လီၤတဲာ်ဘၣ်ဃးဒီး စီၤအမၤစယါကွဲးအ သးလၢယူဒၤအစီၤပၤအလံာ်ကွဲးနီၣ်တၢ်အပူၤ, တမ့ၢ် ဘၣ်ဧါ.
19 ဒီးပှၤကူၣ်တၢ်ထီဒါအီၤလၢယရူၤၡလ့ၣ်အပူၤ, ဒီးဃ့ၢ် ဝဲဆူလၤကံၣ်, ဒီးပှၤမၢလီၤတၢ်လူၤအီၤ, ဒီးမၤသံအီၤ ဖဲန့ၣ်လီၤ.
20 ဒီးပှၤဟဲစိာ်အီၤလၢကသ့ၣ်အလိၤ, ဒီးခူၣ်လီၤကွံာ် အီၤလၢယရူၤၡလ့ၣ်အပူၤ အိၣ်ဒီးအပၢ်တဖၣ်လၢစီၤဒၤ ဝံးအဝ့ၢ်ပူၤလီၤ.
21 ဒီးယူဒၤအပှၤဂီၢ်မုၢ်ခဲလၢာ် ဟံးန့ၢ်စီၤဧစၤရယၤလၢ အသးပှၢ်တဆံဃုနံၣ်တဂၤ, ဒီးပာ်အီၤလၢစီၤပၤလၢအ ပၢ်စီၤအမၤစယါအလီၢ်န့ၣ်လီၤ.
22 အဝဲဒၣ်တ့ထီၣ်က့ၤအ့လး, ဒီးမၤန့ၢ်က့ၤလၢယူဒၤအ ဂီၢ်, ဒီးလၢအလီၢ်ခံန့ၣ်စီၤပၤမံဒီးအပၢ်တဖၣ်လီၤ.
23 ယူဒၤအစီၤပၤယိၤအၣ်အဖိခွါ စီၤအမၤစယါအနံၣ် ပှဲၤထီၣ်တဆံယဲၢ်နံၣ်တနံၣ်န့ၣ် အံၣ်စရ့လးအစီၤပၤစီၤ ယိၤအၣ်အဖိခွါစီၤယၤရၤဘၣ်ကဲသီစီၤပၤဒီး ပၢတၢ်လၢ ၡၤမရံလွံၢ်ဆံတနံၣ်လီၤ.
24 ဒီးမၤတၢ်အၢလၢယွၤအမဲာ်, ဒီးတဟးသဒၣ်ဘၣ်စီၤ နဘိးအဖိခွါစီၤယၤရၤဘၣ် လၢအဒုးမၤအံၣ်စရ့လးလၢ တၢ်ဒဲးဘးတဂၤအတၢ်ဒဲးဘးဘၣ်.
25 ဒီးမၤန့ၢ်က့ၤအံၣ်စရ့လးအကီၢ်ဃၢၤလၢ တၢ်လဲၤနုာ် လၢဃမါသးပၢၢ်လၢတၢ်ပျီပူၤအပီၣ်လဲၣ်, ဒ်ယွၤအံၣ်စ ရ့လးအကစၢ်အကလုၢ်လၢ အကတိၤဝဲလၢအခ့အပှၤ, ပှၤကၤသးဃ့ဖ့ၢ်ဖိစီၤအမံးတဲၤအဖိခွါ ဝံယိၤနါအစုအ သိးန့ၣ်လီၤ.
26 အဂ့ၢ်ဒ်အံၤ, ယွၤထံၣ်အံၣ်စရ့လး အတၢ်နးတၢ်ဖှီၣ် လၢအနးမးလီၤ. အဂ့ၢ်ဒ်အံၤ, တၢ်တဘၣ်ကးတံာ်ဃာ် ဘၣ်အသးဘၣ်. ဒီးတၢ်တအိၣ်လီၤတဲာ် သဘျ့ဘၣ်. ဒီးတၢ်မၤစၢၤအံၣ်စရ့လးတအိၣ်ဘၣ်.
27 ဒီးယွၤစံးလၢအကတြူာ်ကွံာ် အံၣ်စရ့လးအမံၤလၢ မူခိၣ်အဖီလာ်တမ့ၢ်ဘၣ်. မ့ၢ်အအုၣ်က့ၤခီၣ်က့ၤအီၤလၢ စီၤယိၤအၣ်အဖိခွါစီၤယၤရၤဘၣ်အစုန့ၣ်လီၤ.
28 ဒီးတၢ်အိၣ်လီၤတဲာ်ဘၣ်ဃးဒီးစီၤယၤရၤဘၣ်, ဒီးက ယဲၢ်တၢ်လၢအမၤဝဲ, ဒီးအစိအကမီၤ, ဒီးအဒုးတၢ်, ဒီးမၤန့ၢ်က့ၤဒၤမ့ၤစ့း, ဒီးဃမါသးဘၣ်ဃးဒီးယူဒၤလၢ အံၣ်စရ့လးအဂီၢ်အဂ့ၢ်အကျိၤန့ၣ် ကွဲးအသးလၢအံၣ်စ ရ့လးအစီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
29 ဒီးစီၤယၤရၤဘၣ်မံဝဲဒီးအပၢ်တဖၣ်, အံၣ်စရ့လးအ စီၤပၤတဖၣ်, ဒီးအဖိခွါစီၤစကၤရယၤကဲထီၣ်စီၤပၤလၢ အလီၢ်န့ၣ်လီၤ.
15၁၅
1 အံၣ်စရ့လးအစီၤပၤယၤရၤဘၣ်အနံၣ်ပှဲၤထီၣ် ခံဆံနွံ နံၣ်န့ၣ်ယူဒၤအစီၤပၤအမၤစယါအဖိခွါ စီၤဧစၤရယၤ ကဲထီၣ်စီၤပၤလီၤ.
2 လၢအကဲသီစီၤပၤန့ၣ်အသးပှၢ်တဆံဃုနံၣ်, ဒီးကဲစီၤ ပၤလၢယရူၤၡလ့ၣ်အပူၤယဲၢ်ဆံခံနံၣ်, ဒီးအမိၢ်အမံၤမ့ၢ် နီၢ်ယကိးလယၤလၢယရူၤၡလ့ၣ်လီၤ.
3 ဒီးမၤဝဲလၢတၢ်အဂ့ၤလၢယွၤအမဲာ်, ဒ်ကယဲၢ်တၢ်လၢ အပၢ်စီၤအမၤစယါမၤဝဲအသိးန့ၣ်လီၤ.
4 ဘၣ်ဆၣ်ဒီးတသုးကွံာ်ဘၣ် တၢ်အလီၢ်ထီၣ်ထီတဖၣ် ဘၣ်. ပှၤဂီၢ်မုၢ်လုၢ်ဒံးတၢ်, ဒီးဆိၣ်ကဲၤထီၣ်ဒံးတၢ်နၢမူ လၢတၢ်အလီၢ်ထီၣ်ထီတဖၣ်အဖီခိၣ်န့ၣ်လီၤ.
5 ဒီးယွၤတီၢ်စီၤပၤ, ဒီးကဲထီၣ်ပှၤဘၣ်တၢ်ဆါအၢတုၤ မုၢ်တနံၤလၢအသံလီၤ. ဒီးအိၣ်ဝဲဆိးဝဲလၢဟံၣ်လီၤဆီ အပူၤလီၤ. ဒီးစီၤပၤအဖိခွါစီၤယိၤသၣ်အိၣ်ဝဲလၢဟံၣ်အ ဖီခိၣ်, ဒီးစံၣ်ညီၣ်ကီၢ်အပှၤဂီၢ်မုၢ်လီၤ.
6 ဒီးတၢ်အိၣ်လီၤတဲာ်ဘၣ်ဃးဒီး စီၤဧစၤရယၤ, ဒီးက ယဲၢ်တၢ်လၢအမၤဝဲခဲလၢာ်န့ၣ် ကွဲးအသးလၢယူဒၤအ စီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
7 ဒီးစီၤဧစၤရယၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤဒၤဝံးအဝ့ၢ်ပူၤ ဒီးအဖိခွါစီၤယိၤ သၣ်ကဲထီၣ်စီၤပၤလၢအလီၢ်န့ၣ်လီၤ.
8 ယူဒၤအစီၤပၤဧစၤရယၤအနံၣ်ပှဲၤထီၣ် သၢဆံဃိးနံၣ် န့ၣ် စီၤယၤရၤဘၣ်အဖိခွါ စီၤစကၤရယၤကဲထီၣ်စီၤပၤ လၢအံၣ်စရ့လးအဖီခိၣ်လၢၡၤမရံအပူၤဃုလါလီၤ.
9 ဒီးမၤတၢ်အၢလၢယွၤအမဲာ် ဒ်အပၢ်တဖၣ်မၤဝဲအသိး န့ၣ်လီၤ. တဟးသဒၣ်ဘၣ် စီၤနဘးအဖိခွါစီၤယၤရၤ ဘၣ် လၢအဒုးမၤအံၣ်စရ့လးလၢတၢ်ဒဲးဘးတဂၤအတၢ် ဒဲးဘးဘၣ်.
10 ဒီးစီၤယၤဘ့ၣ်အဖိခွါ စီၤၡၤလူၣ်ကူၣ်တၢ်ထီဒါအီၤ, ဒီးကျီကွံာ်အီၤလၢပှၤဂီၢ်မုၢ်အမဲာ်ညါ, ဒီးမၤသံအီၤ, ဒီး ကဲထီၣ်စီၤပၤလၢအလီၢ်န့ၣ်လီၤ.
11 ဒီးတၢ်အိၣ်လီၤတဲာ်ဘၣ်ဃးဒီး စီၤစကၤရယၤန့ၣ်ကွၢ် ကွၢ်, ကွဲးအသးလၢအံၣ်စရ့လးအစီၤပၤအလံာ်ကွဲးနီၣ် တၢ်အပူၤလီၤ.
12 အန့ၣ်မ့ၢ်ယွၤအကလုၢ် လၢအကတိၤတၢ်ဒီးစီၤယ့ၤ ဟူဒီးစံးဝဲဒၣ်, နဖိခွါကဆ့ၣ်နီၤလၢအံၣ်စရ့လးအလီၢ် ပစိာ်အဖီခိၣ်တုၤအပှဲၤထီၣ်လွံၢ်စိၤတစိၤန့ၣ်လီၤ. ဒီးတၢ် မၤအသးဒ်န့ၣ်လီၤ.
13 ဒီးယူဒၤအစီၤပၤဧူးစံယါအနံၣ်ပှဲၤထီၣ် သၢဆံခွံနံၣ် တနံၣ်န့ၣ် စီၤယၤဘ့ၣ်အဖိခွါစီၤၡၤလူၣ်ကဲသီစီၤပၤပှဲၤ ထီၣ်တလါလီၤ.
14 ဒီးစီၤကၤဒံအဖိခွါ စီၤမနၤဃ့ၣ်လဲၤထီၣ်လၢတံးရစၢ် ဒီးဟဲဝဲဆူၡၤမရံ, ဒီးကျီကွံာ်စီၤယၤဘ့ၣ်အဖိခွါစီၤၡၤ လူၣ်လၢၡၤမရံအပူၤ, ဒီးမၤသံအီၤ, ဒီးကဲထီၣ်စီၤပၤလၢ အလီၢ်န့ၣ်လီၤ.
15 ဒီးတၢ်အိၣ်လီၤတဲာ်ဘၣ်ဃးဒီးစီၤၡၤလူၣ်, ဒီးအတၢ် ကူၣ်အၢလၢအကူၣ်ဝဲန့ၣ်, ကွၢ်ကွၢ်, ကွဲးအသးလၢအံၣ် စရ့လးအစီၤပၤအလံာ်ကွဲးနီၣ်တၢ်အပူၤလီၤ.
16 တုၤနုၤတစုစီၤမနၤဃ့ၣ်ကျီကွံာ်တံဖစၤ, ဒီးကယဲၢ်ပှၤ လၢအအိၣ်ဝဲလၢအပူၤ, ဒီးကီၢ်အိၣ်ဝဲလၢအဃၢၤလၢတံး ရစၢ်လီၤ. အဂ့ၢ်ဒ်အံၤ, တအိးထီၣ်ဘၣ်တၢ်လၢအဂီၢ် ဘၣ်သတးဒီး, ကျီကွံာ်ဝဲဒီးကယဲၢ်ပိာ်မုၣ်လၢအပူၤလၢ အဒၢထီၣ်ခဲလၢာ်န့ၣ်ဖှဲးဝဲအဟၢဖၢလီၤ.
17 ယူဒၤအစီၤပၤဧစၤရယၤအနံၣ်ပှဲၤထီၣ် သၢဆံခွံနံၣ် တနံၣ်န့ၣ်စီၤကၤဒံအဖိခွါ စီၤမနၤဃ့ၣ်ကဲသီစီၤပၤလၢ အံၣ်စရ့လးအဖီခိၣ်ဆံဆဲၣ်နံၣ်လၢၡၤမရံအပူၤလီၤ.
18 ဒီးမၤတၢ်အၢလၢယွၤအမဲာ်လီၤ. တစိၤဒၣ်အီၤတဟး သဒၣ်ဘၣ်စီၤနဘးအဖိခွါ စီၤယၤရၤဘၣ်လၢအဒုးမၤ အံၣ်စရ့လးလၢတၢ်ဒဲးဘးတဂၤအတၢ်ဒဲးဘးဘၣ်.
19 အၤရှူၢ်အစီၤပၤပူလးဟဲထီဒါထံဧိၤကီၢ်ဧိၤ, ဒီးစီၤမနၤ ဃ့ၣ်ဟ့ၣ်စီၤပူလးလၢစ့အကံကၢ်တကထိ, ဒ်သိးအစု ကအိၣ်ဒီးအီၤ, ဒ်သိးအကဒုးအိၣ်ဂၢၢ်ဆိးကျၢၤဘီမုၢ်လၢ အစုပူၤလီၤ.
20 ဒီးစီၤမနၤဃ့ၣ်ဒုးဟဲထီၣ်စ့လၢအံၣ်စရ့လးအပူၤ, လၢ ကယဲၢ်ပှၤအထူးအတီၤအါ, တဂၤစ့ၡက့လး ယဲၢ်ဆံ, တဂၤစ့ၡက့လးယဲၢ်ဆံ, ဒ်သိးအကဟ့ၣ်အၤရှူၢ်အစီၤပၤ လီၤ. ဒီးအၤရှူၢ်အစီၤပၤက့ၤကဒါက့ၤ, ဒီးတအိၣ်တဆိး ဘၣ်ဖဲန့ၣ်လၢကီၢ်ပူၤဘၣ်.
21 ဒီးတၢ်အိၣ်လီၤတဲာ်ဘၣ်ဃးဒီး စီၤမနၤဃ့ၣ်, ဒီးက ယဲၢ်တၢ်လၢအမၤဝဲန့ၣ် ကွဲးအသးလၢအံၣ်စရ့လးအစီၤ ပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
22 ဒီးစီၤမနၤဃ့ၣ်မံဝဲဒီးအပၢ်တဖၣ်, ဒီးအဖိခွါစီၤပကၤ ဃယၤကဲထီၣ်စီၤပၤလၢအလီၢ်န့ၣ်လီၤ.
23 လၢယူဒၤအစီၤပၤဧစၤရယၤအနံၣ်ပှဲၤထီၣ် ယဲၢ်ဆံနံၣ် န့ၣ်စီၤမနၤဃ့ၣ်အဖိခွါ စီၤပကၤဃယၤကဲသီစီၤပၤလၢ အံၣ်စရ့လးအဖီခိၣ်လၢၡၤမၡံအပူၤခံနံၣ်လီၤ.
24 ဒီးမၤတၢ်အၢလၢယွၤအမဲာ်, ဒီးတဟးသဒၣ်ဘၣ်စီၤ နဘိးအဖိခွါစီၤယၤရၤဘၣ် လၢအဒုးမၤအံၣ်စရ့လးလၢ တၢ်ဒဲးဘးတဂၤအတၢ်ဒဲးဘးဘၣ်.
25 ဒီးအပှၤသၢဖုအခိၣ်တဂၤ စီၤရမါလယၤအဖိခွါစီၤပ့ ကးကူၣ်တၢ်ထီဒါအီၤ, ဒီးကျီကွံာ်အီၤလၢၡၤမရံအပူၤ လၢစီၤပၤအဟံၣ်အနူၢ်ပူၤအိၣ်ဒီးစီၤအၢ်ကိး, ဒီးစီၤအၢ် ယ့, ဒီးပှၤကံးလဧးဖိယဲၢ်ဆံအိၣ်ဒီးအီၤ, ဒီးမၤသံအီၤ, ဒီးကဲထီၣ်စီၤပၤလၢအလီၢ်န့ၣ်လီၤ.
26 ဒီးတၢ်အိၣ်လီၤတဲာ်ဘၣ်ဃးဒီး စီၤပၤပကၤဃယၤ, ဒီးကယဲၢ်တၢ်လၢအမၤဝဲခဲလၢာ်န့ၣ်, ကွၢ်ကွၢ်, ကွဲးအ သးလၢအံၣ်စရ့လးအစီၤပၤအလံာ်ကွဲးနီၣ်တၢ်အပူၤလီၤ.
27 ယူဒၤအစီၤပၤဧစၤရယၤအနံၣ်ပှဲၤထီၣ် ယဲၢ်ဆံခံနံၣ် န့ၣ်စီၤရမါလယၤအဖိခွါစီၤပ့ကးကဲသီစီၤပၤ လၢအံၣ် စရ့လးအဖီခိၣ်အနံၣ်ခံဆံလီၤ.
28 ဒီးမၤတၢ်အၢလၢယွၤအမဲာ်လီၤ. တဟးသဒၣ်ဘၣ် စီၤနဘိးအဖိခွါစီၤယၤရၤဘၣ် လၢအဒုးမၤအံၣ်စရ့လး လၢတၢ်ဒဲးဘးတဂၤအတၢ်ဒဲးဘးဘၣ်.
29 လၢအံၣ်စရ့လးအစီၤပၤပ့ကးအမုၢ်နံၤတဖၣ်န့ၣ် အၤ ရှူၢ်အစီၤပၤတံးကလးပလ့စ့ၢ်ဟဲဝဲ, ဒီးမၤန့ၢ်ဧံၤယိၣ်, ဒီး အၤဘ့ၤလးဘ့ၤသမၤကၤ, ဒီးယၤနိဃၤ, ဒီးက့ဒ့ၣ်, ဒီးဃါ စိၢ်, ဒီးကံးလဧး, ဒီးကၤလံၤလါဒီး, နးသၤလံအပှၤကီၢ် ဖိခဲလၢာ်, ဒီးစိာ်ထီၣ်မၢကဲကုၢ်အီၤဆူအၤရှူၢ်အပူၤလီၤ.
30 ဒီးစီၤအ့လၤအဖိခွါ စီၤဟိၤရှ့ ကူၣ်တၢ်ထီဒါစီၤရမါ လယၤအဖိခွါစီၤပ့ကး, ဒီးကျီကွံာ်အီၤ, ဒီးမၤသံအီၤ, ဒီးကဲထီၣ်စီၤပၤလၢအလီၢ် လၢစီၤဧူးစံယါအဖိခွါစီၤယိၤ သၣ်အနံၣ်ပှဲၤထီၣ်ခံဆံနံၣ်အပူၤန့ၣ်လီၤ.
31 ဒီးတၢ်အိၣ်လီၤတဲာ်ဘၣ်ဃးဒီးစီၤပ့ကး, ဒီးကယဲၢ် တၢ်လၢအမၤဝဲခဲလၢာ်န့ၣ်ကွၢ်ကွၢ်, ကွဲးအသးလၢအံၣ် စရ့လးအစီၤပၤအလံာ်ကွဲးနီၣ်တၢ်အပူၤလီၤ.
32 အံၣ်စရ့လးအစီၤပၤ စီၤရမါလယၤအဖိခွါစီၤပ့ကး အနံၣ်ပှဲၤထီၣ်ခံနံၣ်တနံၣ်န့ၣ် ယူဒၤအစီၤပၤစီၤဧူးစံယါ အဖိခွါစီၤယိၤသၣ်ကဲသီစီၤပၤလီၤ.
33 လၢအကဲထီၣ်စီၤပၤန့ၣ်အသးပှၢ်ခံဆံယဲၢ်နံၣ်, ဒီးကဲ ထီၣ်စီၤပၤလၢယရူၤၡလ့ၣ်အပူၤတဆံဃုနံၣ်, ဒီးအမိၢ် အမံၤမ့ၢ်နီၢ်ယရူၤၡၤ, စီၤစၤဒိးအဖိမုၣ်လီၤ.
34 ဒီးမၤတၢ်အဂ့ၤလၢယွၤအမဲာ်, ဒီးမၤဝဲဒ်ကယဲၢ်တၢ် လၢအပၢ်စီၤဧူးစံယါမၤတ့ၢ်ဝဲအသိးန့ၣ်လီၤ.
35 ဘၣ်ဆၣ်ဒီးတသုးကွံာ်ဘၣ် တၢ်အလီၢ်ထီၣ်ထီတ ဖၣ်ဘၣ်. ပှၤဂီၢ်မုၢ်လုၢ်ဒံးတၢ်, ဒီးဆိၣ်ကဲၤထီၣ်ဒံးတၢ် နၢမူလၢတၢ်အလီၢ်ထီၣ်ထီတဖၣ်အဖီခိၣ်လီၤ. အဝဲဒၣ် န့ၣ်သူၣ်ထီၣ်က့ၤယွၤအဟံၣ်အပဲတရီ လၢတၢ်ထီၣ်ထီ တဘ့ၣ်န့ၣ်လီၤ.
36 ဒီးတၢ်အိၣ်လီၤတဲာ်ဘၣ်ဃးဒီးစီၤယိၤသၣ်, ဒီးကယဲၢ် တၢ်လၢအမၤဝဲခဲလၢာ်န့ၣ် ကွဲးအသးလၢယူဒၤအစီၤပၤ အလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
37 လၢမုၢ်နံၤတဖၣ်န့ၣ်ယွၤမၤထီၣ်သီ လၢအကမၢလီၤ စူၤရံအစီၤပၤရစံၣ်, ဒီးစီၤရမါလယၤအဖိခွါစီၤပ့ကးတ ဖၣ်န့ၣ်ထီဒါယူဒၤလီၤ.
38 ဒီးစီၤယိၤသၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢအပၢ်စီၤဒၤဝံးအဝ့ၢ်ပူၤ, ဒီးအဖိခွါ စီၤအၤဃးကဲထီၣ်စီၤပၤလၢအလီၢ်န့ၣ်လီၤ.
16၁၆
1 စီၤရမါလယၤအဖိခွါစီၤပ့ကးအနံၣ်ပှဲၤထီၣ် တဆံနွံ နံၣ်တနံၣ်န့ၣ် ယူဒၤအစီၤပၤစီၤယိၤသၣ်အဖိခွါစီၤအၤ ဃးကဲသီစီၤပၤလီၤ.
2 လၢစီၤအၤဃးကဲသီစီၤပၤန့ၣ် အသးပှၢ်အနံၣ်ခံဆံ, ဒီးကဲစီၤပၤလၢယရူၤၡလ့ၣ်အပူၤတဆံဃုနံၣ်, ဒီးတမၤ ဘၣ်တၢ်အလိၤလၢယွၤအမဲာ် ဒ်အပၢ်စီၤဒၤဝံးအသိးန့ၣ် ဘၣ်. 3 ဒီးပိာ်အံၣ်စရ့လးအစီၤပၤတဖၣ်အကျဲ, ဒီးမၢ စ့ၢ်ကီးအဖိခွါလဲၤခီဂာ်မ့ၣ်အူ, ဒ်ပှၤကလုာ်တဖၣ်လၢ ယွၤဟီထီၣ်ကွံာ်အီၤလၢ ပှၤအံၣ်စရ့လးဖိအမဲာ်ညါအ တၢ်သးဘၣ်အၢအသိးန့ၣ်လီၤ. 4 ဒီးလုၢ်တၢ်, ဒီးဆိၣ် ကဲၤတၢ်နၢမူလၢတၢ်အလီၢ်ထီၣ်ထီတဖၣ်အဖီခိၣ်, ဒီး လၢတၢ်စိခိၣ်တဖၣ်အလိၤ, ဒီးလၢကယဲၢ်သ့ၣ်သံကစဲာ် အဖီလာ်လီၤ.
5 တုၤနုၤတစုစူၤရံအစီၤပၤရစံၣ်, ဒီးအံၣ်စရ့လးအစီၤ ပၤရမါလယၤအဖိခွါစီၤပ့ကးဟဲဒုးသုးဆူ ယရူၤၡလ့ၣ်, ဒီးကဝီၤဃာ်စီၤအၤဃး, ဒီးမၤဃၣ်အီၤတသ့ဘၣ်.
6 အကတီၢ်ဖဲန့ၣ်စူၤရံအစီၤပၤရစံၣ် မၤန့ၢ်အ့လးလၢစူၤ ရံအဂီၢ်, ဒီးဟီထီၣ်ကွံာ်ပှၤယူဒၤဖိလၢအ့လးအပူၤဒီးပှၤ စူၤရံဖိဟဲဝဲဆူအ့လး, ဒီးအိၣ်ဝဲဆိးဝဲဖဲန့ၣ်တုၤမုၢ်မဆါ တနံၤအံၤလီၤ.
7 ဒီးစီၤအၤဃးမၢလီၤကလူးတဖၣ်ဆူ အၤရှူၢ်အစီၤပၤ တံးကလးပလ့စ့ၢ်, ဒီးစံးဝဲဒၣ်, ယမ့ၢ်နခ့နပှၤ, ဒီးနဖိခွါ လီၤ. ဟဲအုၣ်က့ၤခီၣ်က့ၤယၤလၢစူၤရံအစီၤပၤအစုပူၤ, ဒီးလၢအံၣ်စရ့လးအစီၤပၤအစုပူၤ လၢအဂဲၤဆၢထၢၣ် ထီဒါယၤတက့ၢ်.
8 ဒီးစီၤအၤဃးဟံးန့ၢ်ကျိၣ်ဧိၤစ့ဧိၤ, ဒီးထူဧိၤလွဲဧိၤလၢ အထံၣ်န့ၢ်လၢယွၤအဟံၣ်ပူၤ, ဒီးလၢစီၤပၤအဟံၣ်အတၢ် လုၢ်ဒိၣ်ပှ့ၤဒိၣ်အပူၤ, ဒီးဟ့ၣ်ယုၢ်ဝဲလၢခိၣ်ဖးဆူအၤရှူၢ် အစီၤပၤန့ၣ်လီၤ.
9 ဒီးအၤရှူၢ်အစီၤပၤဒိကနၣ်အကလုၢ်, ဒီးအၤရှူၢ်အစီၤ ပၤလဲၤထီဒါဒၤမ့ၤစ့း, ဒီးမၤန့ၢ်ဝဲ, ဒီးစိာ်တၢ်မၢကဲကုၢ် ဆူကံၢ်, ဒီးမၤသံစီၤရစံၣ်လီၤ.
10 ဒီးစီၤပၤအၤဃးလဲၤထီၣ်သဂၢၢ် အၤရှူၢ်အစီၤပၤတံး ကလးပလ့စ့ၢ်ဆူဒၤမ့ၤစ့း, ဒီးထံၣ်ဘၣ်တၢ်လုၢ်လီၢ်တ ဖျၢၣ်လၢအအိၣ်ဝဲလၢဒၤမ့ၤစ့းအပူၤ, ဒီးစီၤပၤအၤဃး ဟ့ၣ်ယုၢ်ပှၤလုၢ်တၢ်အဒိၣ် စီၤအူၤရံယၤလၢတၢ်လုၢ်လီၢ် အက့ၢ်အဂီၤ, ဒီးတၢ်အဂီၤတဖျၢၣ်ဒ်ကယဲၢ်အတၢ်မၤအ သိးန့ၣ်လီၤ.
11 ဒီးပှၤလုၢ်တၢ်အဒိၣ်စီၤအူၤရံယၤ မၤထီၣ်တၢ်လုၢ်လီၢ် ဒ်ကယဲၢ်တၢ်လၢစီၤပၤအၤဃး ဟ့ၣ်ယုၢ်ဝဲလၢဒၤမ့ၤစ့း အသိးန့ၣ်လီၤ. ပှၤလုၢ်တၢ်အဒိၣ်မၤပာ်ဝဲ ဒ်န့ၣ်အသိး တုၤစီၤပၤအၤဃးဟဲက့ၤလၢဒၤမ့ၤစ့းန့ၣ်လီၤ.
12 ဒီးစီၤပၤဟဲက့ၤလၢဒၤမ့ၤစ့း, ဒီးစီၤပၤထံၣ်ဘၣ်တၢ် လုၢ်လီၢ်န့ၣ်, ဒီးစီၤပၤသုးဘူးအသးဆူတၢ်လုၢ်လီၢ်အ အိၣ်, ဒီးလုၢ်တၢ်လၢအဖီခိၣ်လီၤ. 13 ဒီးဆိၣ်ကဲၤထီၣ် အတၢ်လုၢ်မ့ၣ်အူ, ဒီးမၤဘူၣ်အတၢ်မၤဘူၣ်ကိၣ်, ဒီးလူ လီၤအတၢ်မၤဘူၣ်တၢ်အီ, ဒီးဖှံအတၢ်လုၢ်မၤဃူမၤဖိးအ သွံၣ်လၢတၢ်လုၢ်လီၢ်န့ၣ်အဖီခိၣ်လီၤ. 14 ဒီးတၢ်လုၢ်လီၢ် တိၢ်လၢအအိၣ်လၢယွၤအမဲာ်ညါန့ၣ် စိာ်ကွံာ်ဝဲလၢဟံၣ် အမဲာ်ညါလၢတၢ်လုၢ်လီၢ်ဒီးယွၤအဟံၣ်အဘၢၣ်စၢၤ, ဒီး ပာ်အီၤလၢတၢ်လုၢ်လီၢ်လၢကလံၤစိးတခီန့ၣ်လီၤ.
15 ဒီးစီၤပၤအၤဃးမၤလိာ် ပှၤလုၢ်တၢ်အဒိၣ် စီၤအူၤရံ ယၤ, ဒီးစံးဝဲဒၣ်, လၢတၢ်လုၢ်လီၢ်ဖးဒိၣ်အဖီခိၣ်န့ၣ်ဆိၣ် ကဲၤထီၣ်တၢ်လုၢ်မ့ၣ်အူလၢမုၢ်ဂီၤတခီ, ဒီးတၢ်မၤဘူၣ် ကိၣ်လၢမုၢ်ဟါတခီ, ဒီးစီၤပၤအတၢ်လုၢ်မ့ၣ်အူ, ဒီးအ တၢ်မၤဘူၣ်ကိၣ်, ဒီးကီၢ်အပှၤဂီၢ်မုၢ်ခဲလၢာ်အတၢ်လုၢ် မ့ၣ်အူဒီးအတၢ်မၤဘူၣ်ကိၣ်, ဒီးအတၢ်မၤဘူၣ်တၢ်အီ, ဒီးဖှံတၢ်လုၢ်မ့ၣ်အူအသွံၣ်ခဲလၢာ် ဒီးတၢ်လုၢ်အသွံၣ်ခဲ လၢာ်လၢအဖီခိၣ်န့ၣ်တက့ၢ်. ဒီးတၢ်လုၢ်လီၢ်တိၢ်တဖျၢၣ် န့ၣ်ကကဲထီၣ်တၢ်လၢယဃုတၢ်လၢအီၤလီၤ.
16 ဒီးပှၤလုၢ်တၢ်အဒိၣ် စီၤအူၤရံယၤန့ၣ် မၤဝဲဒ်ကယဲၢ် တၢ်လၢစီၤပၤအၤဃးမၤလိာ်အီၤအသိးန့ၣ်လီၤ.
17 ဒီးစီၤပၤအးဃးဒီၣ်တဲာ်ကွံာ် တၢ်အခီၣ်ထံးတဖၣ်အ ဃၢၤ, ဒီးစိာ်ကွံာ်သရာ်လၢအဖီခိၣ်, ဒီးဟံးလီၤပီၣ်လဲၣ် တဖျၢၣ် လၢဂီၤဖံးတိၢ်အဖီခိၣ် လၢအအိၣ်ဝဲလၢအဖီ လာ်, ဒီးပာ်လီၤဝဲလၢတၢ်ဒါလၢၢ်တဖၣ်အဖီခိၣ်န့ၣ်လီၤ.
18 ဒီးတၢ်ခိၣ်ဒုးအသးလၢ တၢ်အိၣ်ဘှံးနံၤအဂီၢ်လၢပှၤ မၤဝဲလၢဟံၣ်ပူၤ, ဒီးစီၤပၤဟဲနုာ်အလီၢ်လၢခိန့ၣ်စိာ်ကွံာ် ဝဲလၢယွၤအဟံၣ်ပူၤလၢစီၤပၤအၤရှူၢ်အဃိလီၤ.
19 ဒီးတၢ်အိၣ်လီၤတဲာ်ဘၣ်ဃးဒီး စီၤပၤအၤဃးလၢအ မၤဝဲတဖၣ်န့ၣ် ကွဲးအသးလၢယူဒၤအစီၤပၤအလံာ်ကွဲး နီၣ်တၢ်အပူၤ, တမ့ၢ်ဘၣ်ဧါ.
20 ဒီးစီၤအၤဃးမံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ် လၢစီၤဒၤဝံးအဝ့ၢ်ပူၤ, ဒီးအဖိခွါစီၤ ဃံးစကံယၤကဲထီၣ်စီၤပၤလၢအလီၢ်န့ၣ်လီၤ.
17၁၇
1 ဒီးယူဒၤအစီၤပၤအၤဃးအနံၣ်ပှဲၤထီၣ် တဆံခံနံၣ်တ နံၣ်န့ၣ်စီၤအ့လၤအဖိခွါ စီၤဟိၤရှ့ကဲသီစီၤပၤလၢၡၤမရံ အပူၤလၢအံၣ်စရ့လးအဖီခိၣ်ဒီးပၢတၢ်ခွံနံၣ်လီၤ.
2 ဒီးမၤတၢ်အၢလၢယွၤအမဲာ်ဘၣ်ဆၣ်ဒီး, တဒ်ဘၣ် အံၣ်စရ့လးအစီၤပၤတဖၣ် လၢအအိၣ်ဝဲလၢအမဲာ်ညါ အသိးန့ၣ်ဘၣ်.
3 အၤရှူၢ်အစီၤပၤၡၤလမၤန့စ့ၢ်လဲၤထီဒါအီၤ, ဒီးစီၤဟိၤ ရှ့ကဲထီၣ်အခ့အပှၤ, ဒီးဟ့ၣ်အီၤလၢခိၣ်ဖးတဖၣ်န့ၣ်လီၤ.
4 ဒီးအၤရှူၢ်အစီၤပၤထံၣ်န့ၢ်ဝဲလၢ စီၤဟိၤရှ့ကူၣ်တၢ်ထီ ဒါအီၤလီၤ. အဂ့ၢ်ဒ်အံၤ, မၢလီၤကလူးတဖၣ်ဆူအဲၤကူ ပတူးအစီၤပၤစိ, ဒီးတဟဲစိာ်ဘၣ်ခိၣ်ဖးဆူအၤရှူၢ်အစီၤ ပၤအအိၣ်ဒ်တနံၣ်တနံၣ်အသိးန့ၣ်ဘၣ်, ဒီးအၤရှူၢ်အစီၤ ပၤကးတံာ်ဃာ်အခံ, ဒီးစၢဃာ်အီၤလၢဃိာ်ပူၤလီၤ.
5 ဒီးအၤရှူၢ်အစီၤပၤ ဟဲထီၣ်လၢကီၢ်ပူၤဒီဘ့ၣ်ညါ, ဒီး လဲၤထီၣ်ဆူၡၤမရံ, ဒီးကဝီၤဃာ်အီၤသၢနံၣ်လီၤ.
6 လၢစီၤဟိၤရှ့အနံၣ်ပှဲၤထီၣ်ခွံနံၣ်တနံၣ်န့ၣ် အၤရှူၢ်အ စီၤပၤမၤန့ၢ်ၡၤမရံ, ဒီးစိာ်မၢကဲကုၢ်အံၣ်စရ့လးဆူအၤ ရှူၢ်အပူၤ, ဒီးပာ်လီၤအီၤလၢဃၤလၤအပူၤ, ဒီးလၢဃၤ ဘိၢ်အပူၤလၢထံမိၢ်ပှၢ်ကိစၣ်အနံၤ, ဒီးလၢပှၤမၤဒဲဖိအ ဝ့ၢ်တဖၣ်အပူၤလီၤ.
7 ဒီးတၢ်မၤအသးဒ်န့ၣ် မ့ၢ်လၢပှၤအံၣ်စရ့လးဖိ မၤက မၣ်ဘၣ်ယွၤအကစၢ်လၢအဒုးဟးထီၣ်အီၤလၢ ကီၢ်အဲၤ ပတူးအပူၤ, ဒီးလၢအဲၤကူပတူးအစီၤပၤဖၤရိၤ အစုဖီ လာ်တဂၤန့ၣ်, ဒီးပျံၤတ့ၢ်ကစၢ်အဂၤတဖၣ်န့ၣ်, 8 ဒီး လဲၤတၢ်လၢပှၤကလုာ်တဖၣ်အလုၢ်အလၢ်အပူၤ, လၢ ယွၤဟီထီၣ်ကွံာ်လၢပှၤအံၣ်စရ့လးဖိအမဲာ်ညါ, ဒီးလဲၤ ဝဲဒ်အံၣ်စရ့လးအစီၤပၤ လၢအဝဲသ့ၣ်ပာ်ထီၣ်ဝဲအသိး အဃိန့ၣ်လီၤ.
9 ဒီးပှၤအံၣ်စရ့လးဖိ မၤခူသူၣ်တၢ်လၢအတတီဘၣ်ထီ ဒါယွၤ, အကစၢ်, ဒီးမၤထီၣ်အလီၢ်ထီၣ်ထီတဖၣ်လၢ အဝ့ၢ်ပူၤခဲလၢာ်လၢပှၤခိးတၢ်ဖိ အတၢးထီပၢၢ်လၢဝ့ၢ် အိၣ်ဒီးအခိၣ်ဒူန့ၣ်လီၤ.
10 ဒီးပာ်ထီၣ်ဝဲလၢတၢ်ဂီၤ, ဒီးအရှ့ရၤလၢကယဲၢ်တၢ်စိ ခိၣ်အလိၤ, ဒီးလၢကယဲၢ်သ့ၣ်သံကစဲာ် အဖီလာ်န့ၣ် လီၤ. 11 ဒီးဖဲန့ၣ်ဆိၣ်ကဲၤတၢ်နၢမူလၢကယဲၢ်တၢ်အလီၢ် ထီၣ်ထီအဖီခိၣ်, ဒ်ပှၤကလုာ်တဖၣ်အသိးလၢယွၤဟီ ထီၣ်ကွံာ်ဝဲလၢအမဲာ်ညါ, ဒီးမၤတၢ်အၢတဖၣ်လၢအ ထိၣ်ဂဲၤယွၤအသးထီၣ်လီၤ. 12 ဒီးမၤတၢ်ဂီၤအတၢ်လၢ ယွၤစံးဝဲလၢအသုတမၤတၢ်အံၤတမံၤတဂ့ၤန့ၣ်လီၤ.
13 ဒီးယွၤအုၣ်အသးထီဒါအံၣ်စရ့လး, ဒီးထီဒါယူဒၤ လၢဝံခဲလၢာ်, လၢပှၤထံၣ်တၢ်ခဲလၢာ်, ဒီးစံးဝဲဒၣ်, ဃၣ် ကွံာ်သုသးလၢကျဲအအၢ, ဒီးတိၢ်န့ၢ်ယတၢ်သိၣ်တၢ်သီ, ဒီးယတၢ်မၤလိာ်ဒ်ကယဲၢ်တၢ်သိၣ်လၢ ယမၤလိာ်သုပၢ် တဖၣ်, ဒီးဟ့ၣ်ယုၢ်သုလၢယခ့ယပှၤဝံတဖၣ်အစုပူၤအ သိးန့ၣ်တက့ၢ်.
14 ဒီးတဒိကနၣ်ဘၣ်တၢ်ဘၣ်. ဒီးမၤဆူၣ်အကိာ်ဒ်အပၢ် တဖၣ်အကိာ်လၢအတနာ်ဘၣ် ယွၤအကစၢ်ဘၣ်အသိး န့ၣ်လီၤ. 15 ဒီးညိကွံာ်အတၢ်မၤလိာ်, ဒီးအတၢ်အၢၣ်လီၤ အီလီၤလၢအအၢၣ်လီၤအီလီၤဒီးအပၢ်တဖၣ်, ဒီးအတၢ် အုၣ်အသးလၢအအုၣ်အသးလၢအီၤ, ဒီးလဲၤထွဲတၢ်က လီကလီအခံ, ဒီးကဲထီၣ်ပှၤဟးဂီၤဖိ, ဒီးပိာ်ပှၤကလုာ် အဂၤတဖၣ်လၢအအိၣ်ဝးတရံးအီၤအခံ, လၢယွၤမၤလိာ် အီၤလၢအသုတမၤဒ်အဝဲသ့ၣ်အသိးတဂ့ၤ. 16 ဒီးလဲၤသ ဒၣ်ယွၤအကစၢ်အတၢ်မၤလိာ်တဖၣ်, ဒီးတ့တၢ်ဂီၤသိအ သးလၢအဂီၢ်, ဒီးဂီၤဖံးဖိခံဒု, ဒီးတ့အရှ့ရၤ, ဒီးဘါထီၣ် မူခိၣ်အသုးမုၢ်ဂီၢ်မုၢ်ခဲလၢာ်, ဒီးမၤဘဧၤလးအတၢ်လီၤ.―
17 ဒီးမၢအဖိခွါ, ဒီးအဖိမုၣ်တဖၣ်လဲၤခီဂာ်မ့ၣ်အူ, ဒီးဖး တၢ်, ဒီးစုာ်တၢ်ကၢ်တၢ်, ဒီးဆါကွံာ်အသးဒ်သိးအက မၤတၢ်အၢလၢယွၤအမဲာ်, ဒီးထိၣ်ဂဲၤအသးထီၣ်လီၤ.
18 ဒီးယွၤသးထီၣ်ဘၣ်အံၣ်စရ့လးဒိၣ်မး, ဒီးသုးကွံာ် အီၤလၢအမဲာ်ညါလီၤ. တအိၣ်လီၤတဲာ်ဘၣ်, အိၣ်ထဲ ယူဒၤဧိၤလီၤ. 19 ယူဒၤစ့ၢ်ကီးတတိၢ်န့ၢ်ဘၣ်ယွၤ, အက စၢ်အတၢ်မၤလိာ်ဘၣ်, ဒီးလဲၤဝဲလၢအံၣ်စရ့လးအလုၢ် အလၢ်လၢအမၤထီၣ်ဝဲလီၤ.
20 ဒီးယွၤညိကွံာ်အံၣ်စရ့လးအချံအသၣ်ခဲလၢာ်, ဒီးမၤ နးမၤဖှီၣ်အီၤ, ဒီးဟ့ၣ်လီၤကွံာ်အီၤလၢပှၤဂုာ်န့ၢ်တၢ်တ ဖၣ်အစုပူၤတုၤအညိကွံာ်အီၤလၢအမဲာ်ညါလီၤ. 21 အဂ့ၢ် ဒ်အံၤ, ဖှီကွံာ်အံၣ်စရ့လးလၢစီၤဒၤဝံးအဟံၣ်ဖိအကျါ, ဒီးအဝဲသ့ၣ်ပာ်စီၤနဘိးအဖိခွါ စီၤယၤရဘၣ်လၢစီၤပၤ, ဒီးစီၤယၤရဘၣ်န့ၣ် ဟီထီၣ်ကွံာ်အံၣ်စရ့လးလၢတၢ်ပိာ် ယွၤအခံ, ဒီးဒုးမၤအီၤလၢတၢ်ဒဲးဘးဖးဒိၣ်လီၤ. 22 ဒီးပှၤအံၣ်စရ့လးဖိလဲၤလၢ စီၤယၤရၤဘၣ်အတၢ်ဒဲးဘးလၢအမၤဝဲခဲလၢာ်အပူၤလီၤ. တဟးသဒၣ်ဘၣ်အီၤ,―
23 တုၤယွၤသုးကွံာ်အံၣ်စရ့လးလၢအမဲာ်ညါ, ဒ်အစံးဝဲ လၢအခ့အပှၤဝံတဖၣ်ခဲလၢာ်အစုပူၤအသိးန့ၣ်လီၤ. ဒီး တၢ်စိာ်မၢကဲကုၢ်အံၣ်စရ့လး လၢအကီၢ်ဒၣ်ဝဲဆူအၤရှူၢ် အပူၤတုၤမုၢ်မဆါတနံၤအံၤလီၤ.
24 ဒီးအၤရှူၢ်အစီၤပၤဟဲစိာ်ပှၤလၢဘၤဘူၤလိၣ်, ဒီးလၢ ကူသး, ဒီးလၢဧးဝါ, ဒီးလၢဃမါသး, ဒီးလၢစဖါရ ဝံၣ်, ဒီးပာ်ဝဲလၢၡၤမရံအဝ့ၢ်တဖၣ်အပူၤ, လၢပှၤအံၣ် စရ့လးဖိအလီၢ်, ဒီးမၤန့ၢ်ၡၤမရံဒီးအိၣ်ဝဲဆိးဝဲလၢအဝ့ၢ် တဖၣ်အပူၤန့ၣ်လီၤ.
25 ဒီးလၢအဝဲသ့ၣ်အိၣ်သီဖဲန့ၣ် တၢ်မၤအသးလၢအတ ပျံၤဘၣ်ယွၤဘၣ်. ဒီးယွၤမၢခ့ယုၢ်တဖၣ်လၢအကျါလၢ အမၤသံပှၤလၢအကျါန့ၣ်လီၤ.
26 ဒီးပှၤကတိၤတၢ်ဒီးစီၤပၤ, ဒီးစံးဝဲဒၣ်, ပှၤကလုာ်တ ဖၣ်လၢနသုးအလီၢ်, ဒီးပာ်အီၤလၢၡၤမရံအဝ့ၢ်တဖၣ်အ ပူၤန့ၣ်တသ့ၣ်ညါဘၣ် ကီၢ်အကစၢ်အလုၢ်အလၢ်ဘၣ်, ဒီးအဝဲဒၣ်မၢလီၤခ့ယုၢ်တဖၣ်လၢအကျါ, ဒီးကွၢ်ကွၢ်, မ့ၢ်အတသ့ၣ်ညါဘၣ် ကီၢ်အကစၢ်အလုၢ်အလၢ်ဘၣ် ဒီး, မၤသံအီၤလီၤ.
27 ဒီးအၤရှူၢ်အစီၤပၤမၤလိာ်ဝဲ, ဒီးစံးဝဲဒၣ်, က့ၤစိာ်ထီၣ် ဖဲန့ၣ်ပှၤလုၢ်တၢ်အဒိၣ်တဂၤ လၢသုဟဲစိာ်ဝဲန့ၣ်, ဒီးမ် အလဲၤတၢ်, ဒီးအိၣ်ဝဲဆိးဝဲဖဲန့ၣ်, ဒီးသိၣ်လိအီၤလၢ ကီၢ်အကစၢ်အလုၢ်အလၢ်န့ၣ်တက့ၢ်.
28 ဒီးပှၤလုၢ်တၢ်အဒိၣ်တဂၤ လၢပှၤစိာ်ကွံာ်ဝဲလၢၡၤမရံ န့ၣ်ဟဲဝဲ, ဒီးအိၣ်ဝဲဆိးဝဲလၢဘ့ၤသ့လးအပူၤ, ဒီးသိၣ် လိအီၤလၢတၢ်ပျံၤယွၤလီၤ.
29 ဘၣ်ဆၣ်ဒီးတၢ်မၤအသးလၢ ပှၤကလုာ်ကလုာ်တ့အ ကစၢ်ဒၣ်ဝဲစုာ်စုာ်, ဒီးပာ်ထီၣ်ဝဲလၢတၢ်အလီၢ်ထီၣ်ထီ တဖၣ်အဟံၣ်ပူၤလၢပှၤၡၤမရံဖိမၤဝဲ, ပှၤကလုာ်ကလုာ် လၢအဝ့ၢ်လၢအအိၣ်ဝဲဆိးဝဲလၢအပူၤစုာ်စုာ်လီၤ.
30 ဒီးဘၤဘူၤလိၣ်အပှၤကညီတ့စူးကိၤသးဘနိး, ဒီးကူ သးအပှၤကညီတ့န့ရကၤလး, ဒီးဃမါသးအပှၤကညီ တ့အၡံမၤ, 31 ဒီးပှၤဧးဝါဖိတ့နံၤဘဃး, ဒီးတၢ်တး, ဒီး ပှၤစဖၤရဝံၣ်ဖိဆူးကွံာ်အဖိလၢမ့ၣ်အူပူၤ, လၢအဒြၤမ့ လ့းဒီးဧၤနမ့လး, ပှၤစဖၤရဝံၣ်ဖိအကစၢ်တဖၣ်အဂီၢ်လီၤ.
32 ဒ်န့ၣ်အသိးပျံၤယွၤဒီးပာ်ထီၣ် ပှၤဂီၢ်မုၢ်ဖိလၢတၢ်အ လီၢ်ထီၣ်ထီအပှၤလုၢ်တၢ်အဒိၣ်, လၢအလုၢ်တၢ်လၢအဂီၢ် လၢတၢ်အလီၢ်ထီၣ်ထီတဖၣ်အဟံၣ်ပူၤန့ၣ်လီၤ. 33 ပျံၤယွၤ, ဒီးမၤအကစၢ်တဖၣ်ဒၣ်ဝဲအတၢ် ဒ်ပှၤကလုာ်တဖၣ်လၢ တၢ်စိာ်ကွံာ်အီၤလၢအကျါအလုၢ်အလၢ်အသိးန့ၣ်လီၤ.
34 တုၤမုၢ်မဆါတနံၤအံၤ မၤဝဲဒ်အလုၢ်အလၢ်လၢသီအ သိးန့ၣ်လီၤ. တပျံၤဘၣ်ယွၤဘၣ်. တမၤဘၣ်ဒ်အတၢ် သိၣ်တၢ်သီ, ဒီးအတၢ်စံၣ်ညီၣ်အသိး, ဒီးဒ်တၢ်သိၣ်တၢ် သီ, ဒီးတၢ်မၤလိာ်လၢယွၤမၤလိာ်စီၤယၤကိာ်အဖိလၢ အယုၢ်အမံၤလၢ အံၣ်စရ့လးန့ၣ်ဘၣ်, 35 လၢယွၤအၢၣ် လီၤအီလီၤတၢ်ဒီးအီၤ, ဒီးမၤလိာ်အီၤ, ဒီးစံးဝဲဒၣ်, သုတ ပျံၤကစၢ်အဂၤတဖၣ်တဂ့ၤ, ဒီးဘူၣ်ထီၣ်ဘါထီၣ်အီၤတ ဂ့ၤ, ဒီးမၤအတၢ်တဂ့ၤ, ဒီးလုၢ်အီၤလၢတၢ်တဂ့ၤ. 36 မ့မ့ၢ် ယွၤလၢအဒုးဟးထီၣ်သုလၢကီၢ်အဲၤကူပတူး ဒီးအစိဒိၣ် အကမီၤဒိၣ်, ဒီးအစုယူာ်ထီၣ်အသးတဂၤန့ၣ်သုဘၣ် ပျံၤအီၤ, ဒီးသုဘၣ်ဘါအီၤ, ဒီးသုဘၣ်လုၢ်အီၤလၢတၢ် လီၤ. 37 ဒီးတၢ်မၤလိာ်, ဒီးတၢ်စံၣ်ညီၣ်, ဒီးတၢ်သိၣ်တၢ် သီတဖၣ်လၢအကွဲးန့ၢ်သုဂီၢ်န့ၣ် သုဘၣ်တိၢ်န့ၢ်အစိၤစိၤ အဃၣ်ဃၣ်, ဒီးသုတပျံၤကစၢ်အဂၤတဖၣ်တဂ့ၤ. 38 ဒီး တၢ်အၢၣ်လီၤအီလီၤလၢယအၢၣ်လီၤအီလီၤဒီးသုန့ၣ်သု တသးပ့ၤနီၣ်တဂ့ၤ. ဒီးသုတပျံၤကစၢ်အဂၤတဖၣ်တဂ့ၤ.―
39 မ့မ့ၢ်သုဘၣ်ပျံၤယွၤသုကစၢ်, ဒီးကမၤပူၤမၤဖျဲးသုလၢ သုဒုၣ်သုဒါအစုပူၤခဲလၢာ်လီၤ.
40 ဒီးတဒိကနၣ်ဘၣ်တၢ်ဘၣ်, ဒီးမၤဝဲဒ်အလုၢ်အလၢ် လၢသီအသိးန့ၣ်လီၤ. 41 ဒီးတၢ်မၤအသးလၢပှၤကလုာ် တဖၣ်န့ၣ်ပျံၤယွၤ, ဒီးမၤအတၢ်ဂီၤအတၢ်, အဝဲဒၣ်, ဒီး အဖိတဖၣ်, ဒီးအဖိတဖၣ်အဖိလီၤ. ဒ်အပၢ်မၤဝဲအသိး န့ၣ်အဝဲသ့ၣ်မၤဝဲဒ်န့ၣ်သိးတုၤမုၢ်မဆါတနံၤအံၤလီၤ.
18၁၈
1 ဒီးလၢအံၣ်စရ့လးအစီၤပၤအ့လၤအဖိခွါ စီၤဟိၤရှ့အ နံၣ်ပှဲၤထီၣ်သၢနံၣ်တနံၣ်န့ၣ် တၢ်မၤအသးလၢယူဒၤအ စီၤပၤစီၤအၤဃးအဖိခွါစီၤဃံးစကံယၤကဲသီစီၤပၤလီၤ.
2 လၢအကဲသီစီၤပၤန့ၣ်အသးပှၢ်ခံဆံယဲၢ်နံၣ်, ဒီးကဲစီၤ ပၤလၢယရူၤၡလ့ၣ်အပူၤခံဆံခွံနံၣ်လီၤ. ဒီးအမိၢ်အမံၤ န့ၣ်မ့ၢ်နီၢ်အဘံ, စီၤစကၢ်ရယၤအဖိမုၣ်လီၤ.
3 ဒီးအဝဲဒၣ်မၤတၢ်အဂ့ၤလၢယွၤအမဲာ်, ဒ်ကယဲၢ်တၢ် လၢအပၢ်စီၤဒၤဝံးမၤဝဲအသိးန့ၣ်လီၤ. 4 သုးကွံာ်တၢ်အ လီၢ်ထီၣ်ထီတဖၣ်, ဒီးမၤကၢ်လီၤကလဲတၢ်ဂီၤတဖၣ်, ဒီးကူာ်လီၤကွံာ်အရှ့ရၤ, ဒီးမၤကၢ်လီၤကလဲဂုၢ်တိၢ်လၢ စီၤမိၤရှ့တ့ဝဲန့ၣ်လီၤ. အဂ့ၢ်ဒ်အံၤ, ပှၤအံၣ်စရ့လးဖိဆိၣ် ကဲၤတၢ်နၢမူလၢအမဲာ်ညါ တုၤလီၤလၢမုၢ်တနံၤန့ၣ်လီၤ. ဒီးကိးအီၤလၢနဃူၡတၣ်လီၤ.
5 သနံာ်သန့ၤအသးလၢယွၤ, အံၣ်စရ့လးအကစၢ်, ဒီး ပှၤအိၣ်လၢအလီၢ်ခံ, ဒီးပှၤအိၣ်လၢအမဲာ်ညါဒ်အဝဲဒၣ် အသိးတအိၣ်ဘၣ်လၢ ယူဒၤအစီၤပၤခဲလၢာ်အကျါန့ၣ် ဘၣ်.
6 ဒီးစဲဘူးအသးဒီးယွၤ, ဒီးလူၤပိာ်အခံ, ဒီးတိၢ်န့ၢ်အ တၢ်သိၣ်တၢ်သီလၢယွၤမၤလိာ်စီၤမိၤရှ့န့ၣ်လီၤ.
7 ဒီးယွၤအိၣ်ဒီးအီၤလီၤ. ဒီးဖဲဒၣ်အလဲၤထီၣ်တပူၤလၢ် လၢ်န့ၣ်ဘီၣ်ထီၣ်ညီထီၣ်လီၤ. ဒီးပူထီၣ်အၤရှူၢ်အစီၤပၤ, ဒီးတမၤဘၣ်အတၢ်ဘၣ်. 8 ကျီကွံာ်ပှၤဖလ့ၡသးဖိပၢၢ် လၢဂါစၤဒီးအကီၢ်ဃၢၤ, လၢပှၤခိးတၢ်ဖိအတၢးထီပၢၢ် လၢဝ့ၢ်အိၣ်ဒီးအခိၣ်ဒူလီၤ.
9 ဒီးတၢ်မၤအသးလၢစီၤပၤဃံးစကံယၤ အနံၣ်ပှဲၤထီၣ် လွံၢ်နံၣ်တနံၣ်လၢအမ့ၢ် အံၣ်စရ့လးအစီၤပၤအ့လၤအဖိ ခွါစီၤဟိၤရှ့အနံၣ်ပှဲၤထီၣ်နွံနံၣ်တနံၣ်န့ၣ် အၤရှူၢ်အစီၤပၤ ၡၤလမၤန့စ့ၢ်ဟဲထီဒါၡၤမရံ, ဒီးကဝီၤဃာ်အီၤလီၤ.
10 ဒီးသၢနံၣ်ပူၤကွံာ်ဒီးမၤန့ၢ်ဝဲလီၤ. လၢစီၤဃံးစကံယၤ အနံၣ်ပှဲၤထီၣ်ဃုနံၣ်တနံၣ်, ဒ်ပစံးတၢ်အသိး, အံၣ်စရ့ လးအစီၤပၤဟိၤရှ့အနံၣ်ပှဲၤထီၣ် ခွံနံၣ်တနံၣ်န့ၣ်မၤန့ၢ် ၡၤမရံလီၤ.
11 ဒီးအၤရှူၢ်အစီၤပၤစိာ်ထီၣ်ကွံာ် အံၣ်စရ့လးဆူကီၢ်အၤ ရှူၢ်အပူၤ, ဒီးပာ်လီၤအီၤလၢဃၤလၤအပူၤ, ဒီးလၢဃၤ ဘိၢ်အပူၤလၢထံမိၢ်ပှၢ်ကိစၣ်အနံၤ, ဒီးလၢပှၤမၤဒဲဖိအ ဝ့ၢ်တဖၣ်အပူၤလီၤ. 12 အဂ့ၢ်ဒ်အံၤ, တဒိကနၣ်ဘၣ်ယွၤ, အကစၢ်အကလုၢ်အကထါဘၣ်, ဒီးလုၣ်သ့ၣ်ခါပတာ် အတၢ်အၢၣ်လီၤအီလီၤ, ကယဲၢ်တၢ်လၢယွၤအခ့အပှၤ စီၤမိၤရှ့မၤလိာ်ဝဲခဲလၢာ်, ဒီးတဒိကနၣ်ဘၣ်ဝဲ, ဒီးတ မၤဘၣ်ဝဲဘၣ်.
13 ဒီးလၢစီၤဃံးစကံယၤအနံၣ်ပှဲၤထီၣ် တဆံလွံၢ်နံၣ်တ နံၣ်န့ၣ်အၤရှူၢ်အစီၤပၤ စၤနဃ့ရံာ်ဟဲထီဒါယူဒၤအဝ့ၢ် အိၣ်ဒီးအခိၣ်ဒူခဲလၢာ်, ဒီးမၤန့ၢ်အီၤလီၤ.
14 ဒီးယူဒၤအစီၤပၤဃံးစကံယၤ မၢလီၤတၢ်ဆူအၤရှူၢ်အ စီၤပၤလၢအအိၣ်လၢလၤကံၣ်အပူၤ, ဒီးစံးဝဲဒၣ်, ယမၤ ကမၣ်ဘၣ်လံ. က့ၤကဒါက့ၤလၢ် လၢယအိၣ်တက့ၢ်. တၢ်လၢနပာ်လၢယလိၤန့ၣ်ယကစိာ်လီၤ. ဒီးအၤရှူၢ်အ စီၤပၤပာ်လီၤ ယူဒၤအစီၤပၤဃံးစကံယၤအလိၤလၢစ့အ ကံကၢ်သၢကယၤ, ဒီးထူအကံကၢ်သၢဆံလီၤ.
15 ဒီးစီၤဃံးစကံယၤဟ့ၣ်ကယဲၢ်စ့လၢအထံၣ်န့ၢ်ဝဲ လၢ ယွၤအဟံၣ်ပူၤ, ဒီးလၢတၢ်ပာ်ဖှိၣ်အလီၢ် လၢစီၤပၤအ ဟံၣ်ပူၤလီၤ.
16 အကတီၢ်ဖဲန့ၣ် စီၤဃံးစကံယၤဒီၣ်တဲာ်ကွံာ်တၢ်လၢ ယွၤအနူၢ်အတြဲၤ, ဒီးလၢထူၣ်တဖၣ်လၢယူဒၤအစီၤပၤ ဃံးစကံယၤကျးဝဲ, ဒီးဟ့ၣ်ဝဲလၢအၤရှူၢ်အစီၤပၤလီၤ.
17 ဒီးအၤရှူၢ်အစီၤပၤမၢလီၤစီၤတၢ်တၣ်, ဒီးစီၤရၤဘစါ ရံၣ်, ဒီးစီၤရၤဘၡါက့ၤတဖၣ်လၢလၤကံၣ်ဆူစီၤဃံးစကံ ယၤအအိၣ်, အိၣ်ဒီးအပှၤသုးမုၢ်ဂီၢ်မုၢ်ထီဒါယရူၤၡလ့ၣ်, ဒီးလဲၤဝဲ, ဒီးဟဲဝဲဆူယရူၤၡလ့ၣ်လီၤ. ဒီးဟဲတုၤဝဲ, ဒီး ဆၢထၢၣ်ဖဲနိၣ်လၢထးခီတပူၤအထံကျိၤ ပှၤစုၣ်တၢ်ကံး ညာ်အဟီၣ်ခိၣ်အကဝီၤအကျဲမုၢ်န့ၣ်လီၤ.
18 ဒီးကိးထီၣ်ဝဲဆူစီၤပၤဒီးပှၤဟဲထီၣ်ဆူအအိၣ်, စီၤဃံး လကံယၤအဖိခွါစီၤအ့ၤလယါကံၣ် လၢအအိၣ်လၢဟံၣ် အဖီခိၣ်, ဒီးပှၤကွဲးလံာ်စီၤရှ့ၤဘနၤ, ဒီးပှၤကွဲးနီၣ်တၢ် စီၤအၤစာ်အဖိခွါစီၤယိၤအၤန့ၣ်လီၤ.
19 ဒီးစီၤရၤဘၡါက့ၤစံးဘၣ်အီၤ, စံးလၢ်လၢစီၤဃံးစကံ ယၤ, တၢ်ဒိၣ်စီၤပၤအၤရှူၢ်အစီၤပၤစံးဒ်အံၤ, တၢ်သန့ၤ အသးအိၣ်ဒီးနၤလၢနသန့ၤနသးလၢအီၤ မ့ၢ်မနုၤတမံၤ လဲၣ်. 20 နစံး, (မ့ၢ်ထဲတၢ်ကတိၤ,) ယအိၣ်ဒီးတၢ်ကူၣ်တၢ် ဖး, ဒီးတၢ်အဂံၢ်အဘါလၢဒုးတၢ်အဂီၢ်လီၤ. ခဲကနံၣ်အံၤ နသန့ၤနသးလၢမတၤတဂၤလၢနပူထီၣ်ယၤန့ၣ်လဲၣ်.
21 ကွၢ်ကွၢ်, နသန့ၤနသးလၢနီၣ်ထိးဘိအံၤ, တပိၢ်လၢ အကၢ်ပိၤအသးတဘိ, လၢအဲၤကူပတူးလၢပှၤမ့ၢ်သန့ၤ အသးလၢအီၤဒီး, ကနုာ်လၢအစုဆဲးအီၤလီၤ. အဲၤကူ ပတူးအစီၤပၤဖၤရိၤမၤသးဒ်န့ၣ်ဒီး ကယဲၢ်ပှၤလၢအသ န့ၤအသးလၢအီၤလီၤ.
22 ဒီးသုမ့ၢ်စံးဘၣ်ယၤ, ပသန့ၤပသးလၢယွၤပကစၢ်န့ၣ် ဒီး, အဝဲဒၣ်မ့ၢ်ပှၤလၢ စီၤဃံးစကံယၤဟံးထီၣ်ကွံာ်အ လီၢ်ထီၣ်ထီတဖၣ်, ဒီးအတၢ်လုၢ်လီၢ်တဖၣ်, ဒီးစံးလၢ ယူဒၤဒီးယရူၤၡလ့ၣ်, သုဘၣ်ဘူၣ်တၢ်ဘါတၢ်လၢတၢ် လုၢ်လီၢ်အံၤအမဲာ်ညါန့ၣ်တမ့ၢ်ဘၣ်ဧါ.
23 ဒီးခဲကနံၣ်အံၤ ဟ့ၣ်ပှၤအုၣ်ကီၤအသးတဖၣ် လၢယ ကစၢ်အၤရှူၢ်အစီၤပၤန့ၣ်တက့ၢ်. ဒီးနဲဒၣ်နပာ်ပှၤဒိးက သ့ၣ်လၢအလိၤမ့ၢ်သ့ဒီး, ယကဟ့ၣ်နၤလၢကသ့ၣ်ခံက ထိလီၤ.
24 မၤသးဒ်န့ၣ်ဒီးနကဘိးဃၣ်ကဒါက့ၤ ယကစၢ်အပ ဒိၣ်လၢအဆံးတက့ၢ်အကျါတဂၤန့ၣ်ဒ်လဲၣ်, ဒီးနသန့ၤ နသးလၢအဲၤကူပတူးလၢလ့ၣ်ကဟၣ်အဂ့ၢ်, ဒီးလၢက သ့ၣ်အဂ့ၢ်ဒ်လဲၣ်.
25 ဒီးခဲကနံၣ်အံၤယွၤတအိၣ်ဘၣ်ဒီး, ယဟဲထီဒါတၢ်အ လီၢ်အံၤဒ်သိးယကမၤဟးဂီၤအီၤစ့ၢ်ကီးဧါ. ယွၤစံးဘၣ် ယၤ, လဲၤထီၣ်ဆူကီၢ်တဘ့ၣ်အံၤ, ဒီးမၤဟးဂီၤတက့ၢ်.
26 ဒီးစီၤဃံးလကံယၤအဖိခွါစီၤအ့ၤလယါကံၣ်, ဒီးစီၤ ရှ့ၤဘနၤ, ဒီးစီၤယိၤအၤတဖၣ်န့ၣ်စံးဘၣ်စီၤရၤဘၡါက့ၤ, ကတိၤတၢ်လၢပှၤအၤရၣ်ဖိအကျိာ်ဒီးနခ့နပှၤတက့ၢ်. အ ဂ့ၢ်ဒ်အံၤ, ပနၢ်ပၢၢ်လီၤ. ဒီးကတိၤတၢ်ဒီးပှၤလၢယူဒၤ အကျိာ်လၢပှၤဂီၢ်မုၢ်အနၢ်ပူၤ လၢအအိၣ်လၢတၢ်ခိၣ်ဒူ အဖီခိၣ်န့ၣ်တဂ့ၤ.
27 ဒီးစီၤရၤဘၡါက့ၤစံးဘၣ်အီၤ, ယကစၢ်မၢလီၤယက တိၤတၢ်ကတိၤအံၤဒီးနကစၢ်ဒီးနၤစ့ၢ်ကီးဧါ. မ့ၢ်လၢပှၤ ဆ့ၣ်နီၤလၢတၢ်ခိၣ်ဒူအဖီခိၣ် လၢအကအီၣ်အအ့ၣ်ဒၣ် ဝဲ, ဒီးအီအဆံၣ်ဒၣ်ဝဲသ့ၣ်တဖၣ်အိၣ်ဒီးသုတမ့ၢ်ဘၣ်ဧါ.
28 ဒီးစီၤရၤဘၡါက့ၤဆၢထၢၣ်, ဒီးကိးထီၣ်လၢအကလုၢ် ဖးဒိၣ်လၢယူဒၤအကျိာ်န့ၣ်, ဒိကနၣ်စီၤပၤဖးဒိၣ်, အၤရှူၢ် အစီၤပၤအကလုၢ်န့ၣ်တက့ၢ်. 29 စီၤပၤစံးဒ်အံၤ, မ်သုသု တဒုးလီန့ၢ်စီၤဃံးစကံယၤလၢသုတဂ့ၤ. အဂ့ၢ်ဒ်အံၤ, မၤပူၤမၤဖျဲးသုဒီးအစုပူၤတသ့ဘၣ်. 30 ဒီးစီၤဃံးစကံယၤ စံးဘၣ်သု, ယွၤကအုၣ်က့ၤခီၣ်က့ၤပှၤသပှၢ်တၢၢ်, ဒီး ဝ့ၢ်တဖျၢၣ်အံၤတၢ်တဟ့ၣ်လီၤကွံာ်ဘၣ်လၢ အၤရှူၢ်အ စီၤပၤအစုပူၤဘၣ်န့ၣ်ဘၣ်ဆၣ်ဒီး, မ်အသုတဒုးသန့ၤ သုသးလၢယွၤတဂ့ၤ.
31 ဒိကနၣ်စီၤဃံးစကံယၤအကလုၢ်တဂ့ၤ. အဂ့ၢ်ဒ်အံၤ, အၤရှူၢ်အစီၤပၤစံးဒ်အံၤ, မၤဒီးယၤလၢတၢ်ဆိၣ်ဂ့ၤ, ဒီး ဟဲထီၣ်ဆူယအိၣ်, ဒီးအီၣ်တဂၤလၢအစပံးမုၢ်ဒၣ်ဝဲ, တ ဂၤလၢအချၢၣ်ဒၢဒၣ်ဝဲ, ဒီးအီတဂၤလၢအထံပူၤဒၣ်ဝဲ, တဂၤလၢအထံပူၤဒၣ်ဝဲန့ၣ်, 32 တုၤယဟဲစိာ်ထီၣ်ကွံာ်သု ဆူကီၢ်တဘ့ၣ်မၤသးဒ် သုကီၢ်ဒၣ်သုဝဲအသိး, ကီၢ်တ ဘ့ၣ်အိၣ်ဒီးဘုကၠူၣ်, ဒီးစပံးထံ, ကီၢ်တဘ့ၣ်အိၣ်ဒီး ကိၣ်, ဒီးစပံးလီၢ်တဖၣ်, ကီၢ်တဘ့ၣ်အိၣ်ဒီးသ့ၣ်စၤယံး အသိ, ဒီးကနဲစီန့ၣ်ဒ်သိးသုကမူဒံး, ဒီးသုသုတသံတ ဂ့ၤလီၤ. တုၤစီၤဃံးစကံယၤစံး, ယွၤကမၤပူၤဖျဲးပှၤဒီး လွဲန့ၢ်သုဒီး, မ်သုသုတဒိကနၣ်တဂ့ၤ.
33 ပှၤကလုာ်တဖၣ် အကစၢ်မၤပူၤမၤဖျဲးအထံအကီၢ်တ ဘျီဘျီလၢအၤရှူၢ်အစီၤပၤအစုပူၤစ့ၢ်ကီးဧါ.
34 ဃမါသးဒီး အၢ်ပးအကစၢ်တဖၣ်န့ၣ် မ့ၢ်အအိၣ်ဖဲ လဲၣ်. စဖၤရဝံၣ်, ဟ့နၤ, ဒီးဧးဝါအကစၢ်တဖၣ်န့ၣ်မ့ၢ်အ အိၣ်ဖဲလဲၣ်. မ့ၢ်အမၤပူၤမၤဖျဲးၡၤမရံလၢယစုပူၤစ့ၢ်ကီးဧါ.
35 ဒ်သိးယွၤကမၤပူၤမၤဖျဲးယရူၤၡလ့ၣ် လၢယစုပူၤန့ၣ် ဒီး, လၢကီၢ်တဖၣ်အကစၢ်ခဲလၢာ်အကျါန့ၣ်မ့ၢ်မတၤ မၤပူၤမၤဖျဲးအထံအကီၢ်လၢယစုပူၤတဂၤလဲၣ်.
36 ဒီးပှၤဂီၢ်မုၢ်အိၣ်ဘှီၣ်ကလာ်, ဒီးတစံးဆၢဘၣ်တၢ်နီ တထံၣ်ဘၣ်. အဂ့ၢ်ဒ်အံၤ, စီၤပၤမၤလိာ်တၢ်, ဒီးစံးဝဲ ဒၣ်, စံးဆၢအီၤနီတထံၣ်တဂ့ၤ.
37 ဒီးစီၤဃံးလကံယၤအဖိခွါစီၤအ့ၤလယါကံၣ် လၢအ အိၣ်လၢဟံၣ်အဖီခိၣ်, ဒီးပှၤကွဲးလံာ်စီၤရှ့ၤဘနၤ, ဒီးပှၤ ကွဲးနီၣ်တၢ် စီၤအၤစာ်အဖိခွါစီၤယိၤအၤတဖၣ်န့ၣ် က့ၤ က့ၤဆူစီၤဃံးစကံယၤအအိၣ်ဒီးအဆ့ယာ်, ဒီးစံးဘၣ် အီၤလၢစီၤရၤဘၡါက့ၤအတၢ်ကတိၤတဖၣ်န့ၣ်လီၤ.
19၁၉
1 ဒီးတုၤစီၤဃံးစကံယၤနၢ်ဟူတၢ်န့ၣ်ဒီး, တၢ်မၤအသး လၢအဖှီဝဲအဆ့, ဒီးကၤဝဲလၢထၢၣ်အတၢ်ကံးညာ်, ဒီး လဲၤနုာ်လၢယွၤအဟံၣ်ပူၤလီၤ.
2 ဒီးမၢလီၤစီၤအ့ၤလယါကံၣ် လၢအအိၣ်လၢဟံၣ်အဖီ ခိၣ်, ဒီးပှၤကွဲးလံာ်စီၤရှ့ၤဘနၤ, ဒီးပှၤလုၢ်တၢ်အဒိၣ်တ ဖၣ်အပှၤသူၣ်က့သးပှၢ်ကၤဝဲလၢ ထၢၣ်အတၢ်ကံးညာ် ဆူစီၤအၤမိးအဖိခွါဝံယၡါယၤအအိၣ်လီၤ.
3 ဒီးအဝဲသ့ၣ်တဖၣ်န့ၣ်စံးဘၣ်အီၤ, စီၤဃံးစကံယၤစံး ဒ်အံၤ, တၢ်လၢမုၢ်မဆါတနံၤအံၤမ့ၢ်တၢ်ကိၢ်တၢ်ဂီၤ, ဒီး တၢ်သိၣ်ဃီၣ်, ဒီးတၢ်ဒုၣ်ဒွဲၣ်အနံၤလီၤ. အဂ့ၢ်ဒ်အံၤ, ဖိသၣ်တဖၣ်တုၤလၢတၢ်အိၣ်ဖျဲၣ်အကတီၢ်, ဒီးအဂံၢ်အ ဘါလၢတၢ်ကဆံးစၢ်န့ၢ်အီၤတအိၣ်ဘၣ်. 4 ဘၣ်တဘၣ် ယွၤနကစၢ်ကနၢ်ဟူစီၤရၤဘၡါက့ၤအတၢ်ကတိၤ, လၢ အကစၢ်အၤရှူၢ်အစီၤပၤမၢလီၤဒ်သိးအကဒုၣ်ဒွဲၣ် ကစၢ် လၢအမူဝဲန့ၣ်, ဒီးကသိၣ်ဃီၣ်တၢ်ကတိၤန့ၣ်လၢယွၤန ကစၢ်နၢ်ဟူတ့ၢ်လံလီၤ. မၤသးဒ်န့ၣ်ဒီးဆှၢထီၣ်တၢ်ထု ကဖၣ်လၢပှၤအိၣ်လီၤတဲာ်ဒံးတဖၣ်အဂီၢ်န့ၣ်တက့ၢ်.
5 ဒီးစီၤပၤဃံးစကံယၤအခ့အပှၤန့ၣ် လဲၤဆူစီၤယၡါ ယၤအအိၣ်လီၤ.
6 ဒီးစီၤယၡါယၤစံးဘၣ်အီၤ, သုဘၣ်စံးလၢသုကစၢ်ဒ် အံၤ, ယွၤစံးဒ်အံၤ, ပျံၤတၢ်ကတိၤလၢနနၢ်ဟူလၢအၤရှူၢ် အစီၤပၤအခ့အပှၤဒုၣ်ဒွဲၣ်တၢ်န့ၣ်တဂ့ၤ. 7 ကွၢ်ကွၢ်, ယ ပာ်ယသးတမံၤလၢအပူၤ, ဒီးကနၢ်ဟူတၢ်အကစီၣ်, ဒီး ကက့ၤကဒါက့ၤဆူအကီၢ်ဒၣ်ဝဲ, ဒီးယကဒုးလီၤဃံၤအီၤ လၢနးလၢအကီၢ်ဒၣ်ဝဲအပူၤလီၤ.
8 ဒီးစီၤရၤဘၡါက့ၤန့ၣ်က့ၤကဒါက့ၤဝဲ, ဒီးထံၣ်န့ၢ်အၤ ရှူၢ်အစီၤပၤဒုးတၢ်ဒီးလံးဘနၤလီၤ. အဂ့ၢ်ဒ်အံၤ, နၢ်ဟူ ဝဲလၢအဟးထီၣ်လၢလၤကံၣ်န့ၣ်လီၤ.
9 ဒီးအဝဲဒၣ်နၢ်ဟူတၢ်စံးလၢ ကူၡးအစီၤပၤတံရဟၤ ကၤအဂ့ၢ်, ကွၢ်ကွၢ်, ဟဲထီၣ်လၢအကဒုးတၢ်ဒီးနၤလီၤ. ဒီးမၢလီၤကဒီးကလူးတဖၣ်ဆူစီၤဃံးစကံယၤ, ဒီးစံးဝဲ ဒၣ်, 10 သုဘၣ်စံးလၢယူဒၤအစီၤပၤစီၤဃံးစကံယၤဒ်အံၤ, ကစၢ်လၢနသန့ၤနသးလၢအီၤတဂၤစံးဘၣ်နၤ, တၢ်တ ဟ့ၣ်လီၤဘၣ်ယရူၤၡလ့ၣ်ဆူ အၤရှူၢ်အစီၤပၤအစုပူၤဘၣ် န့ၣ်, ဘၣ်ဆၣ်ဒီး, မ်နသုတဒုးလီန့ၢ်အီၤလၢနၤတဂ့ၤ.
11 ကွၢ်ကွၢ်, တၢ်လၢအၤရှူၢ်အစီၤပၤတဖၣ်မၤထံဧိၤကီၢ် ဧိၤခဲလၢာ်, လၢအမၤဟးဂီၤအီစီဖ့ကလ့ၤန့ၣ်နနၢ်ဟူလံ, ဒီးနကပူၤဖျဲးနဲစ့ၢ်ကီးဧါ.
12 ပှၤအကလုာ်လၢယပၢ်တဖၣ် မၤဟးဂီၤဝဲအကစၢ်တ ဖၣ်မၤပူၤဖျဲးအီၤစ့ၢ်ကီးဧါ. ကိစၣ်, ဒီးဃရၣ်, ဒီးရ့စ့း, ဒီးပှၤဧ့ဒ့ၣ်ဖိလၢအအိၣ်လၢသလးစၢ်အပူၤန့ၣ်လီၤ.
13 ဃမါသးအစီၤပၤ, ဒီးအၢ်ဖးအစီၤပၤ, ဒီးဝ့ၢ်စဖၤရ ဝံၣ်, ဟ့နၤ, ဒီးဧးဝါအစီၤပၤ, မ့ၢ်အအိၣ်ဖဲလဲၣ်.
14 ဒီးစီၤဃံးစကံယၤဟံးန့ၢ်လံာ်လၢ ကလူးတဖၣ်အစု ပူၤဒီးဖးဝဲ, ဒီးလဲၤထီၣ်ဝဲဆူယွၤအဟံၣ်ပူၤ, ဒီးစီၤဃံးစ ကံယၤသလၣ်ထီၣ်အီၤလၢယွၤအမဲာ်ညါလီၤ.
15 ဒီးစီၤဃံးစကံယၤ ဘါထုကဖၣ်ယွၤဒီးစံးဝဲဒၣ်, ယွၤ အံၣ်စရ့လးအကစၢ်လၢအအိၣ်ဝဲလၢ ခ့ရူာ်အဘၢၣ်စၢၤ တဂၤဧၢ, နမ့ၢ်ကစၢ်နဲလၢဟီၣ်ခိၣ်အဘီအမုၢ်ခဲလၢာ်အ ဖီခိၣ်လီၤ. နတ့လီၤမူခိၣ်, ဒီးဟီၣ်ခိၣ်လီၤ, 16 ပာ်ဒိးနနၢ်, ယွၤဧၢ, ဒီးဒိကနၣ်တက့ၢ်. အိးထီၣ်နမဲာ်, ယွၤဧၢ, ဒီး ကွၢ်, ဒီးကနၣ်စီၤစၤနဃ့ရံာ်အတၢ်ကတိၤခဲလၢာ်လၢ အမၢလီၤ, ဒ်သိးအကဒုၣ်ဒွဲၣ် ကစၢ်လၢအမူဝဲန့ၣ်တ က့ၢ်. 17 မ့ၢ်မးယွၤဧၢ, အၤရှူၢ်အစီၤပၤတဖၣ်မၤဟးဂီၤ ကွံာ်ဟီၣ်ခိၣ်အဘီအမုၢ်ခဲလၢာ်, ဒီးအထံအကီၢ်, 18 ဒီး ကွံာ်တ့ၢ်ကွံာ်အကစၢ်တဖၣ်လၢမ့ၣ်အူပူၤ, (အဂ့ၢ်ဒ်အံၤ, တမ့ၢ်ဘၣ်ကစၢ်ဘၣ်. မ့ၢ်သ့ၣ်ဧိၤဝၣ်ဧိၤ, ဒီးလၢၢ်ဧိၤလ့ ဧိၤ, ပှၤကညီအမၤတၢ်လၢအစုလီၤ.) ဒီးမၤဟးဂီၤကွံာ် အီၤလီၤ.
19 ဒီးခဲကနံၣ်အံၤ, ယွၤပကစၢ်ဧၢ, အုၣ်က့ၤခီၣ်က့ၤပှၤ လၢအစုပူၤတက့ၢ်. ဒီးဟီၣ်ခိၣ်အဘီအမုၢ်ခဲလၢာ်က သ့ၣ်ညါလၢနမ့ၢ်ကစၢ်ယွၤထဲနၤတဂၤဧိၤလီၤ.
20 ဒီးစီၤအၤမိးအဖိခွါစီၤယၡါယၤ မၢလီၤတၢ်ဆူစီၤဃံး စကံယၤဒီးစံးဝဲဒၣ်, ယွၤအံၣ်စရ့လးအကစၢ်စံးဝဲဒ်အံၤ, တၢ်လၢနဘါထုကဖၣ်ယၤလၢအၤရှူၢ်အစီၤပၤ စၤနဃ့ ရံာ်အဂ့ၢ်န့ၣ်, 21 ယနၢ်ဟူလံ. အအံၤမ့ၢ်တၢ်ကတိၤလၢ ယွၤကတိၤတၢ်လၢအဂ့ၢ်, ပှၤမုၣ်လိၣ်ဘိ, စံယိၣ်အဖိမုၣ် တပးကဲဘၣ်နၤဘၣ်, နံၤဘၣ်ဖၣ်လဲနၤ, ယရူၤၡလ့ၣ် အဖိမုၣ်ကျၢၢ်ကျာ်အခိၣ်လၢနၤလံ. 22 နဒုၣ်ဒွဲၣ်, ဒီးပယွဲ ပရာ်မတၤတဂၤလဲၣ်. ဒီးနထုထီၣ်နကလုၢ်လၢမတၤ တဂၤအဖီခိၣ်, ဒီးကျ့ထီၣ်နမဲာ်ထီၣ်ထီလၢမတၤတဂၤ အဖီခိၣ်လဲၣ်. ထီဒါအံၣ်စရ့လးအတၢ်စီဆှံတဂၤန့ၣ်လီၤ. 23 နဒုၣ်ဒွဲၣ်ယွၤလၢနခ့နပှၤအစုပူၤ, ဒီးစံး, ယထီၣ်ဘးကစၢၢ်အတၢ်ထီတဖၣ်, လဘၤနိၣ်တကပၤ, လၢယလ့ၣ်ကဟၣ်ဂီၢ်မုၢ်, ဒီးယကကူာ်လီၤကွံာ်အသ့ၣ်ဆှိအ့ရ့းအထီ, ဒီးအသ့ၣ်ဆှိအဂ့ၤကတၢၢ်, ဒီးယကထီၣ်ဘးအလီၢ်ထီကတၢၢ်, တၤသၣ်အလီၢ်လၢပှၢ်လၢ်ကျါလီၤ.―
24 ယခူၣ်လီၤတၢ်, ဒီးအီထံလီၤဆီ, ဒီးကမၤလီၤသံးအဲၤ ကူပတူးအထံကျိခဲလၢာ်လၢယခီၣ်ညါသးလီၤ.
25 လၢထံးလၢမကိာ်ယမၤယဲ, ဒီးလၢမုၢ်နံၤတဖၣ်လၢ ပျၢၤယမၤအီၤန့ၣ်, နတနၢ်ဟူဘၣ်ဧါ. ခဲကနံၣ်အံၤလၢန ကမ့ၢ်လၢတၢ်မၤဟးဂီၤဝ့ၢ်အိၣ်ဒီးအခိၣ်ဒူတဖၣ် ဒ်တၢ် အပူအိၣ်သယုၢ်အသိးအဂီၢ်န့ၣ်, ယဒုးကဲထီၣ်ယဲလီၤ. 26 မၤသးဒ်န့ၣ်ဒီးပှၤအိၣ်ဝဲဆိးဝဲတဖၣ်န့ၣ် အစုလီၤဖုၣ်, ပျံၤတၢ်ဖုးတၢ်, ဒီးပာ်ဆှးအမဲာ်လီၤ. မ့ၢ်တီၢ်မုၢ်လၢပှၢ်လၢ်ကျါ, ဒီးနီၣ်ဧိၤမံၤဧိၤသံကစဲာ်, နီၣ်အိၣ်လၢဟံၣ်ခိၣ်, ဒီးဘုဘၣ်ကလံၤကိၢ် လၢအတချုးဒိၣ်ထီၣ်ဒံးဘၣ်လီၤ.―
27 ဒီးနဆ့ၣ်နီၤ, ဒီးနလဲၤထီၣ်, ဒီးနဟဲနုာ်န့ၣ်ယသ့ၣ်ညါ, ဒီးနသးကဲၤထီၣ်ထီဒါယၤလီၤ.
28 မ့ၢ်နသးကဲၤထီၣ်ထီဒါယၤဒီး နပာ်ထီၣ်ထီနသးန့ၣ် ဟဲထီၣ်လၢယနၢ်ပူၤဒီး, ယကပာ်ယနီၣ်ကွးလၢနနါဒ့ ပူၤ, ဒီးယနိးပျံၤလၢနထးခိၣ်အဘၢၣ်စၢၤ, ဒီးယကဘိး ဃၣ်ကဒါက့ၤနၤလၢကျဲလၢနဟဲန့ၣ်လီၤ.
29 ဒီးအအံၤကကဲထီၣ်တၢ်အပနီၣ်လၢနဂီၢ်, အအံၤတ နံၣ်အံၤသုကအီၣ်တၢ်လၢအမဲထီၣ်ဒၣ်တၢ်, ဒီးပှဲၤထီၣ်ခံ နံၣ်တနံၣ်န့ၣ်တၢ်လၢအမဲထီၣ်ဒၣ်တၢ်လၢအဝဲန့ၣ်, ဒီး ပှဲၤထီၣ်သၢနံၣ်တနံၣ်န့ၣ်ဖှံတၢ်, ဒီးကူးတၢ်, ဒီးသူၣ်စ ပံးလီၢ်တဖၣ်, ဒီးအီၣ်အတၤသၣ်န့ၣ်တက့ၢ်.
30 ဒီးတၢ်ပူၤဖျဲးလၢယူဒၤအပှၤဟံၣ်ဖိ လၢအအိၣ်လီၤ တဲာ်န့ၣ်ကစဲၤလီၤအဂံၢ်ဆူတၢ်ဖီလာ်, ဒီးသၣ်ထီၣ်တၢ် လၢတၢ်အဖီခိၣ်လီၤ.
31 အဂ့ၢ်ဒ်အံၤ, လၢယရူၤၡလ့ၣ်အပူၤန့ၣ် တၢ်အိၣ်လီၤ တဲာ်ကလဲၤထီၣ်ဒီးတၢ်ပူၤဖျဲးလၢစံယိၣ်လီၤ. တၢ်သုးမုၢ် ဂီၢ်မုၢ်အယွၤအသးဆူၣ်ကမၤတၢ်န့ၣ်လီၤ.
32 မၤသးဒ်န့ၣ်ဒီးယွၤစံးလၢ အၤရှူၢ်အစီၤပၤအဂ့ၢ်ဒ်အံၤ, တဟဲနုာ်ဘၣ်လၢဝ့ၢ်တဖျၢၣ်အံၤအပူၤဘၣ်, တခးဘၣ် ပျၢ်တဘိဖဲန့ၣ်ဘၣ်, ဒီးတဟဲထီၣ်လၢအမဲာ်ညါအိၣ်ဒီး ကတီၤဘၣ်, ဒီးတမၤထီၣ်ဘၣ်တၢ်ခိၣ်ဒူလၢအမဲာ်ညါ ဘၣ်. 33 ဒီးကျဲလၢအဟဲန့ၣ်ကက့ၤဝဲလၢကျဲတဘိန့ၣ်, ဒီးတဟဲနုာ်ဘၣ်လၢဝ့ၢ်ပူၤအံၤဘၣ်, ယွၤစံးဝဲဒၣ်, 34 ဒီးယ ကအိၣ်ပှိၤဝ့ၢ်တဖျၢၣ်အံၤဒ်သိးယကအုၣ်က့ၤခီၣ်က့ၤအီၤ, လၢယဂီၢ်ဒၣ်ယဲ, ဒီးလၢယခ့ယပှၤစီၤဒၤဝံးအဃိလီၤ.
35 ဒီးတၢ်လၢမုၢ်တနၤန့ၣ် တၢ်မၤအသးလၢယွၤအက လူးန့ၣ်ဟးထီၣ်, ဒီးကျီကွံာ်ပှၤကညီတကလီၤဃိးက လးဒီးယဲၢ်ကထိလၢအၤရှူၢ်သူၣ်ဒဲအပူၤ, ဒီးမုၢ်ဆ့ၣ်ထီၣ် န့ၣ်ပှၤဂဲၤဆၢထၢၣ်ဂီၤဂီၤ, ဒီးကွၢ်ကွၢ်, ပှၤတဖၣ်ခဲလၢာ် န့ၣ်မ့ၢ်ပှၤအစိၣ်လီၤ. 36 ဒီးအၤရှူၢ်အစီၤပၤစီၤစၤနဃ့ရံာ် ဟးထီၣ်ဝဲ, ဒီးလဲၤထီၣ်ဝဲ, ဒီးက့ၤကဒါက့ၤဝဲ, ဒီးအိၣ်ဝဲလၢနံၤနဝ့လီၤ.―
37 ဒီးအဝဲဒၣ်ဘူၣ်တၢ်ဘါတၢ်လၢ အကစၢ်နံစရိးအဟံၣ် ပူၤအဖၢမုၢ်ဒီး, အဖိခွါစီၤအဒြၤမ့လ့း, ဒီးစီၤၡၢ်အ့စ့ၢ်န့ၣ် ကျီကွံာ်အီၤလၢနး, ဒီးအဝဲသ့ၣ်ဃ့ၢ်ထူၣ်ဖျဲးဆူကီၢ်အရၤ ရးအပူၤ, ဒီးအဖိခွါစီၤအ့ၤစၢ်ဃးဒိၣ်ကဲထီၣ်စီၤပၤလၢ အလီၢ်န့ၣ်လီၤ.
20၂၀
1 တၢ်လၢမုၢ်နံၤတဖၣ်န့ၣ် စီၤဃံးစကံယၤဆါဝဲတုၤအ ကသံတ့ၢ်လီၤ. ဒီးစီၤအၤမိးအဖိခွါဝံယၡါယၤန့ၣ်လဲၤဆူ အအိၣ်ဒီးစံးဘၣ်အီၤ, မၤလိာ်နပှၤဟံၣ်ဖိအတၢ်တက့ၢ်. အဂ့ၢ်ဒ်အံၤ, နကသံ, ဒီးနတမူဘၣ်လီၤ.
2 ဒီးအဝဲဒၣ်ဃၣ်ဃီၤအမဲာ်ဆူတၢ်ဒူၣ်, ဒီးဘါထုကဖၣ် ယွၤ, 3 ဒီးစံးဝဲဒၣ်, ယွၤဧၢ, ယလဲၤတၢ်လၢနမဲာ်ညါ လၢတၢ်မ့ၢ်တၢ်တီအပူၤဒီးလၢယသးဒီဖျၢၣ်, ဒီးယမၤ တ့ၢ်တၢ်လၢအဂ့ၤလၢနမဲာ်န့ၣ် သ့ၣ်နီၣ်ထီၣ်က့ၤလၢ်တ က့ၢ်. ဒီးစီၤဃံးစကံယၤဟီၣ်ဝဲနးမးလီၤ.
4 ဒီးစီၤယၡါယၤတချုးတုၤဒံးဘၣ်လၢ တၢ်အဂၢၤအ သးကံၢ်ပူၤန့ၣ် တၢ်မၤအသးလၢယွၤအကလုၢ်ဘၣ်အီၤ ဒီးစံးဝဲဒၣ်, 5 က့ၤကဒါက့ၤဒီးစံးဘၣ်စီၤဃံးစကံယၤ, ယပှၤဂီၢ်မုၢ်အခိၣ်, ယွၤနပၢ်စီၤဒၤဝံးအကစၢ်စံးဒ်အံၤ, ယနၢ်ဟူနဘါထုကဖၣ်တၢ်လံ, ယထံၣ်နမဲာ်ထံလံ, ကွၢ်ကွၢ်, ယကမၤဘျါက့ၤနၤလီၤ. ပှဲၤထီၣ်သၢနံၤတနံၤ န့ၣ်နကလဲၤထီၣ်ဆူယွၤအဟံၣ်ပူၤလီၤ. 6 ယကပာ်ဖှိၣ် ဒီးနနံၤတဖၣ်လၢတဆံယဲၢ်နံၣ်လီၤ. ဒီးယကမၤပူၤဖျဲး နၤဒီးဝ့ၢ်တဖျၢၣ်အံၤလၢအၤရှူၢ်အစီၤပၤအစုပူၤ, ဒီးယက အိၣ်ပှိၤဝ့ၢ်တဖျၢၣ်အံၤလၢယဃိဒၣ်ဝဲ, ဒီးလၢယခ့ယပှၤ စီၤဒၤဝံးအဃိလီၤ.
7 ဒီးစီၤယၡါယၤစံးဝဲဒၣ်, ဟံးန့ၢ်ချၢၣ်ဒၢသၣ်ဃ့တလိၣ် တက့ၢ်. ဒီးဟံးန့ၢ်ဝဲ, ဒီးပာ်လီၤလၢတၢ်ဝ့အဖီခိၣ်, ဒီး ဘျါက့ၤဝဲလီၤ.
8 ဒီးစီၤဃံးစကံယၤစံးဘၣ်စီၤယၡါယၤ, တၢ်အပနီၣ် လၢယွၤကမၤဘျါက့ၤယၤ, ဒီးလၢယကလဲၤထီၣ်ဆူယွၤ အဟံၣ်ပူၤသၢနံၤတနံၤန့ၣ်မ့ၢ်မနုၤတမံၤလဲၣ်. 9 ဒီးစီၤယ ၡါယၤစံးဝဲဒၣ်, အအံၤမ့ၢ်တၢ်ပနီၣ်လၢနဂီၢ်လၢနကန့ၢ် ဘၣ်တၢ်လၢယွၤ, လၢယွၤကမၤတၢ်လၢအကတိၤတ့ၢ် ဝဲ, တၢ်ကဒုန့ၣ်မ့ၢ်အကလဲၤလၢညါအတီၤတဆံ, က က့ၤကဒါက့ၤ အတီၤတဆံလဲၣ်. 10 ဒီးစီၤဃံးစကံယၤ စံးဝဲဒၣ်, တၢ်ကဒုလဲၤလၢညါအတီၤတဆံ မ့ၢ်တၢ်ညီ, မ်အက့ၤကဒါက့ၤအတီၤတဆံတက့ၢ်.
11 ဒီးဝံယၡါယၤဃ့ကညးယွၤ, ဒီးဒုးက့ၤကဒါက့ၤတၢ် ကဒုအတီၤတဆံလၢအလဲၤလီၤပူၤကွံာ်တ့ၢ်လၢ စီၤအၤ ဃးအမုၢ်အနၣ်ရံၣ်အလိၤန့ၣ်လီၤ.
12 တၢ်လၢအကတီၢ်န့ၣ်ဘၤဘူၤလိၣ်အစီၤပၤ စီၤဘၤလ ဒၣ်အဖိခွါစီၤဘရိဒးဘၤလဒၣ်တဂၤဟ့ၣ်ယုၢ်လံာ်, ဒီး ခိၣ်ဖးလၢစီၤဃံးစကံယၤလီၤ. အဂ့ၢ်ဒ်အံၤ, နၢ်ဟူဝဲ လၢအဆါတ့ၢ်ဝဲလီၤ.
13 ဒီးစီၤဃံးစကံယၤဒိကနၣ်ဝဲ, ဒီးဒုးနဲၣ်အီၤလၢအတၢ် လုၢ်ဒိၣ်ပှ့ၤဒိၣ်အဟံၣ်ဒီဟံၣ်ညါ, ကျိၣ်ဧိၤစ့ဧိၤ, ဒီးထူ ဧိၤလွဲဧိၤ, ဒီးတၢ်နၢမူ, ဒီးသိအဂ့ၤ, ဒီးအစုကဝဲၤအဟံၣ် ဒီဖျၢၣ်ညါ, ဒီးကယဲၢ်အတၢ်လၢအအိၣ်လၢအတၢ်လုၢ် ဒိၣ်ပှ့ၤဒိၣ်အကျါန့ၣ်လီၤ. တၢ်လၢစီၤဃံးစကံယၤတဒုး နဲၣ်ဘၣ်အီၤန့ၣ်တအိၣ်လၢၤဘၣ်လၢအဟံၣ်ပူၤ, ဒီးတ အိၣ်လၢၤဘၣ်လၢအဘီမုၢ်ဒီဘ့ၣ်ညါအပူၤနီတမံၤဘၣ်.
14 ဒီးဝံယၡါယၤန့ၣ်ဟဲဆူစီၤပၤဃံးစကံယၤအအိၣ်, ဒီး စံးဘၣ်အီၤ, ပှၤတဖၣ်န့ၣ်စံးဒ်လဲၣ်, ဒီးဟဲဆူနအိၣ်လၢ လဲၣ်. ဒီးစီၤဃံးစကံယၤစံးဝဲဒၣ်, ဟဲဆူယအိၣ်လၢထံ ယံၤကီၢ်ယံၤတဘ့ၣ်, လၢဘၤဘူၤလိၣ်န့ၣ်လီၤ.
15 ဒီးစံးဝဲဒၣ်, မ့ၢ်အထံၣ်ဘၣ်လၢနဟံၣ်ပူၤမနုၤလဲၣ်. ဒီး စီၤဃံးစကံယၤစံးဝဲဒၣ်, ထံၣ်ဘၣ်လံကယဲၢ်တၢ်လၢအ အိၣ်လၢယဟံၣ်ပူၤခဲလၢာ်လံ. တၢ်လၢယတဒုးနဲၣ်ဘၣ် အီၤန့ၣ်တအိၣ်ဘၣ်လၢ ယတၢ်လုၢ်ဒိၣ်ပှ့ၤဒိၣ်အပူၤနီတ မံၤဘၣ်.
16 ဒီးစီၤယၡါယၤစံးဘၣ်စီၤဃံးစကံယၤ, ဒိကနၣ်ယွၤ အကလုၢ်တက့ၢ်. 17 ကွၢ်ကွၢ်, မုၢ်နံၤတဖၣ်ကဟဲလၢ ကယဲၢ်တၢ်အိၣ်လၢနဟံၣ်ပူၤ, ဒီးတၢ်လၢနပၢ်တဖၣ်ပာ် ဖှိၣ်ဝဲတုၤမုၢ်မဆါတနံၤအံၤ, တၢ်ကစိာ်ထီၣ်ကွံာ်အီၤဆူ ဘၤဘူၤလိၣ်လီၤ. တၢ်တအိၣ်လီၤတဲာ်ဘၣ်နီတမံၤဘၣ်, ယွၤစံးဝဲဒၣ်, 18 ဒီးကစိာ်ထီၣ်ကွံာ်နဖိခွါလၢအလီၤစၢၤ လၢနၤ, လၢနထီၣ်ဖိ, ဒီးကကဲပှၤဒ့ဒံၣ်ဖိလၢဘၤဘူၤ လိၣ်အစီၤပၤအနူၢ်ပူၤလီၤ.
19 ဒီးစီၤဃံးစကံယၤစံးဘၣ်စီၤယၡါယၤ, ယွၤအတၢ်က တိၤလၢအကတိၤတ့ၢ်ဝဲန့ၣ်ဂ့ၤဝဲလီၤ. ဒီးစံးဝဲဒၣ်, တၢ်ဃူ တၢ်ဖိး, ဒီးတၢ်မ့ၢ်တၢ်တီကအိၣ်ဝဲလၢ ယမုၢ်နံၤတဖၣ် အပူၤန့ၣ်တမ့ၢ်ဘၣ်ဧါ.
20 ဒီးတၢ်အိၣ်လီၤတဲာ်ဘၣ်ဃးဒီး စီၤဃံးစကံယၤ, ဒီး အစိအကမီၤခဲလၢာ်, ဒီးလၢအမၤထံနိၣ်တပူၤ, ဒီးထံ အကျိၤတဘိ, ဒီးလၢအဒုးဟဲထံဆူဝ့ၢ်ပူၤအဂ့ၢ်အကျိၤ န့ၣ်ကွဲးအသးလၢယူဒၤအစီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
21 ဒီးစီၤဃံးစကံယၤမံဝဲဒီးအပၢ်တဖၣ်, ဒီးအဖိခွါစီၤမ နၤရှ့ၤကဲထီၣ်စီၤပၤလၢအလီၢ်န့ၣ်လီၤ.
21၂၁
1 လၢစီၤမနၤရှ့ၤကဲသီစီၤပၤန့ၣ် အသးပှၢ်တဆံခံနံၣ်, ဒီးကဲထီၣ်စီၤပၤလၢ ယရူၤၡလ့ၣ်အပူၤ ယဲၢ်ဆံယဲၢ်နံၣ် လီၤ. ဒီးအမိၢ်အမံၤန့ၣ်မ့ၢ်နီၢ်ဃ့ပစံဘၤလီၤ.
2 ဒီးမၤတၢ်အၢလၢယွၤအမဲာ် ဒ်ပှၤကလုာ်တဖၣ်လၢ ယွၤဟီထီၣ်ကွံာ် လၢပှၤအံၣ်စရ့လးဖိအမဲာ်ညါအတၢ် သးဘၣ်အၢအသိးလီၤ. 3 ဒီးမၤက့ၤတၢ်အလီၢ်ထီၣ်ထီ တဖၣ်လၢအပၢ်စီၤဃံးစကံယၤမၤဟးဂီၤဝဲ, ဒီးမၤထီၣ် တၢ်လုၢ်လီၢ်တဖၣ်လၢဘဧၤလးအဂီၢ်, ဒီးတ့အရှ့ရၤ, ဒီး မၤဝဲဒ်အံၣ်စရ့လးအစီၤပၤအၤဃာ်အသိး, ဒီးဘါထီၣ်မူ ခိၣ်အသုးမုၢ်ဂီၢ်မုၢ်ခဲလၢာ်, ဒီးမၤအတၢ်လီၤ.
4 ဒီးမၤတၢ်လုၢ်လီၢ်တဖၣ် လၢယွၤအဟံၣ်ပူၤလၢယွၤ စံးလၢအဂ့ၢ်, ယကပာ်ယမံၤလၢယရူၤၡလ့ၣ်အပူၤလီၤ.
5 ဒီးမၤတၢ်လုၢ်လီၢ်တဖၣ်လၢ မူခိၣ်အသုးမုၢ်ခဲလၢာ် အဂီၢ်လၢယွၤအဟံၣ်အဂၢၤပူၤခံပူၤလီၤ. 6 ဒီးမၢအဖိခွါ ခီဂာ်မ့ၣ်အူ, ဒီးဒုၣ်တၢ်အဆၢအကတီၢ်, ဒီးဟိၣ်တၢ် လိၢ်တၢ်, ဒီးမၤတၢ်ဒီးပှၤမၤန့ၢ်ပှၤသံအကလၤတဖၣ်, ဒီးပှၤမဲာ်ထံၣ်ဝံတဖၣ်, ဒီးမၤတၢ်အၢအါမံၤလၢယွၤအ မဲာ်လၢထိၣ်ဂဲၤအသးထီၣ်လီၤ.
7 ဒီးပာ်လီၤအရှ့ရၤအဂီၤ လၢအတ့ဝဲလၢဟံၣ်ပူၤလၢ ယွၤစံးဘၣ်စီၤဒၤဝံးဒီးအဖိခွါစီၤၡလိၤမိၤလၢအဂ့ၢ်, လၢ ဟံၣ်တဖျၢၣ်အံၤအပူၤ, ဒီးလၢယရူၤၡလ့ၣ်အပူၤလၢယ ဃုထၢလၢအံၣ်စရ့လးအဒူၣ်ခဲလၢာ်အကျါန့ၣ် ယက ပာ်ယမံၤအစိၤစိၤအဃၣ်ဃၣ်လီၤ. 8 ထဲအတိၢ်န့ၢ်တၢ်ဒ် ကယဲၢ်တၢ်သိၣ်တၢ်သီလၢယခ့ယပှၤစီၤမိၤရှ့မၤလိာ်အီၤ အသိးန့ၣ်ဒီး, ယတဒုးဟးထီၣ်လၢၤဘၣ်အံၣ်စရ့လး အခီၣ်လၢကီၢ်လၢယဟ့ၣ်လီၤအပၢ်တဘ့ၣ်အပူၤဘၣ်.
9 ဒီးတဒိကနၣ်ဘၣ်တၢ်ဘၣ်, ဒီးစီၤမနၤရှ့ၤကလံာ်အီၤ ဒ်သိးအကမၤတၢ်အၢအါန့ၢ် ပှၤကလုာ်တဖၣ်လၢယွၤ မၤဟးဂီၤအီၤလၢပှၤအံၣ်စရ့လးဖိအမဲာ်ညါတက့ၢ်လီၤ.
10 ဒီးယွၤကတိၤတၢ်လၢ အခ့အပှၤဝံတဖၣ်အစုပူၤဒီးစံး ဝဲဒၣ်, 11 မ့ၢ်ယူဒၤအစီၤပၤမနၤရှ့ၤမၤတၢ်သးဘၣ်အၢတ ဖၣ်န့ၣ်, မၤတၢ်အၢအါန့ၢ်ပှၤအမိၢ်ဖိလၢအအိၣ်ဝဲလၢအ မဲာ်ညါ, ဒီးဒုးမၤစ့ၢ်ကီးယူဒၤလၢတၢ်ဒဲးဘးလၢအတၢ် ဂီၤတၢ်ဖီၣ်သတးဒီး, 12 ယွၤအံၣ်စရ့လးအကစၢ်စံးဒ်အံၤ, ကွၢ်ကွၢ်, ယကဒုးဟဲဘၣ်ယရူၤၡလ့ၣ်, ဒီးယူဒၤလၢ တၢ်အၢတမံၤလၢဖဲဒၣ် ပှၤလၢအနၢ်ဟူဝဲတဂၤလၢ်လၢ် န့ၣ် အနၢ်ကဆါခံခီလၢာ်လီၤ.
13 ဒီးယကစၢၢ်ထီၣ်ၡၤမရံအပျံၤ, ဒီးစီၤအၤဃာ်အဟံၣ် အပျံၤထူၣ်ကလာ်လၢယရူၤၡလ့ၣ်အဖီခိၣ်, ဒီးယကထွါ ကွံာ်ယရူၤၡလ့ၣ်ဒ်ပှၤထွါကွံာ်လီခီအသိးန့ၣ်, ထွါကွံာ် ဒီးပာ်ကျၢၢ်အီထီလာ်လီၤ.
14 ဒီးယကလဲၤသဒၣ် ယတၢ်န့ၢ်သါအတၢ်အိၣ်လီၤတဲာ်, ဒီးဟ့ၣ်လီၤကွံာ်အီၤလၢအဒုၣ်အဒါအစုပူၤ, ဒီးကကဲ တၢ်ဂုာ်န့ၢ်အလီၢ်, တၢ်မၤန့ၢ်ဆူၣ်အလီၢ်လၢအဒုၣ်အဒါ ခဲလၢာ်အဂီၢ်လီၤ. 15 အဂ့ၢ်ဒ်အံၤ, မၤဝဲလၢတၢ်အၢလၢယ မဲာ်, ဒီးဒုးသးထီၣ်ယၤလၢမုၢ်တနံၤလၢအပၢ်တဖၣ်ဟဲ ထီၣ်လၢအဲၤကူပတူးအပူၤတုၤမုၢ်မဆါတနံၤအံၤလီၤ.
16 ဒီးစီၤမနၤရှ့ၤလူလီၤစ့ၢ်ကီးတၢ်သွံၣ်, လၢအတၢ်ဒဲးဘး တအိၣ်ဘၣ်အါအါကလဲာ်တုၤအမၤပှဲၤ ယရူၤၡလ့ၣ်လၢ အံၤတခီပၢၢ်လၢန့ၣ်တခီ, လၢအတၢ်ဒဲးဘးလၢအဒုးမၤ ယူဒၤလၢတၢ်ဒဲးဘး ဒ်သိးအကမၤတၢ်အၢလၢယွၤအ မဲာ်ညါန့ၣ်အဖီခိၣ်လီၤ.
17 ဒီးတၢ်အိၣ်လီၤတဲာ်ဘၣ်ဃးဒီးစီၤမနၤရှ့ၤ, ဒီးကယဲၢ် တၢ်လၢအမၤဝဲ, ဒီးအတၢ်ဒဲးဘးလၢအမၤဘၣ်ဝဲန့ၣ်ကွဲး အသးလၢယူဒၤအစီၤပၤအလံာ်ကွဲးနီၣ်တၢ်အပူၤ, တမ့ၢ် ဘၣ်ဧါ.
18 ဒီးစီၤမနၤရှ့ၤမံဝဲဒီး အပၢ်တဖၣ်, ဒီးပှၤခူၣ်လီၤကွံာ် အီၤလၢအဟံၣ်ဒၣ်ဝဲအတၤသၣ်အလီၢ်ပူၤ, လၢတၤသၣ် အလီၢ်ဧူးစၤအပူၤ, ဒီးအဖိခွါစီၤအၤမိၣ်ကဲထီၣ်စီၤပၤလၢ အလီၢ်န့ၣ်လီၤ.
19 လၢစီၤအၤမိၣ်ကဲသီစီၤပၤန့ၣ်အသးပှၢ်ခံဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤခံနံၣ်လီၤ. ဒီးအမိၢ်အမံၤ မ့ၢ်နီၢ်မရှူလမံး, စီၤဃၤရှူးအဖိမုၣ်လၢယၤတဘၤလီၤ.
20 ဒီးမၤတၢ်အၢလၢယွၤအမဲာ်, ဒ်အပၢ်စီၤမနၤရှ့ၤမၤဝဲ အသိးလီၤ. 21 ဒီးပိာ်ကျဲတဖၣ်လၢအပၢ်ပိာ်ဝဲ, ဒီးမၤတၢ် ဂီၤအတၢ်လၢအပၢ်မၤဝဲ, ဒီးဘူၣ်အီၤအါအီၤလီၤ. 22 ဒီး လဲၤသဒၣ်အပၢ်တဖၣ်အကစၢ်, ဒီးတပိာ်ဘၣ်ယွၤအကျဲ န့ၣ်ဘၣ်.
23 ဒီးစီၤအၤမိၣ်အခ့အပှၤတဖၣ် ကူၣ်တၢ်ထီဒါအီၤဒီးမၤ သံစီၤပၤလၢအဟံၣ်ဒၣ်ဝဲအပူၤလီၤ.
24 ဒီးထံဧိၤကီၢ်ဧိၤ အပှၤဂီၢ်မုၢ် မၤသံကယဲၢ်ပှၤလၢအ ကူၣ်တၢ်ထီဒါစီၤပၤအၤမိၣ်ခဲလၢာ်, ဒီးထံဧိၤကီၢ်ဧိၤအ ပှၤဂီၢ်မုၢ်ပာ်အဖိခွါစီၤယိၤၡံယၤ လၢစီၤပၤလၢအလီၢ်န့ၣ် လီၤ.
25 ဒီးတၢ်အိၣ်လီၤတဲာ်ဘၣ်ဃးဒီးစီၤအၤမိၣ် လၢအမၤဝဲ န့ၣ်ကွဲးအသးလၢ ယူဒၤအစီၤပၤအလံာ်ကွဲးနီၣ်တၢ်အ ပူၤ, တမ့ၢ်ဘၣ်ဧါ.
26 ဒီးပှၤခူၣ်လီၤကွံာ်အီၤလၢ အတၢ်သွၣ်ခိၣ်အပူၤလၢ တၤသၣ်အလီၢ်ဧူးစၤ, ဒီးအဖိခွါစီၤယိၤၡံယၤကဲစီၤပၤ လၢအလီၢ်န့ၣ်လီၤ.
22၂၂
1 လၢစီၤယိၤၡံယၤကဲသီစီၤပၤန့ၣ် အသးပှၢ်ဃိးနံၣ်ဒီး ကဲစီၤပၤလၢယရူၤၡလ့ၣ်အပူၤသၢဆံတနံၣ်လီၤ. ဒီးအ မိၢ်အမံၤမ့ၢ်နီၢ်ယဒံဒၤ, စီၤဧဒါယၤအဖိမုၣ်လၢဘိးစကး လီၤ.
2 ဒီးမၤတၢ်အလိၤလၢယွၤအမဲာ်, ဒီးပိာ်အပၢ်စီၤဒၤဝံး အကျဲဒီဘိညါ, ဒီးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ, တ ဃၣ်ကွံာ်အသးဘၣ်.
3 ဒီးလၢစီၤယိၤၡံယၤအနံၣ်ပှဲၤထီၣ် တဆံဃိးနံၣ်တနံၣ် န့ၣ်တၢ်မၤအသးလၢစီၤပၤမၢလီၤပှၤကွဲးလံာ် စီၤမရှူလၣ် အဖိခွါ, စီၤအစါလံယၤအဖိခွါ, စီၤၡၤဖၣ်ဆူယွၤအဟံၣ် ဒီးစံးဝဲဒၣ်, 4 လဲၤထီၣ်ဆူပှၤလုၢ်တၢ်အခိၣ်စီၤဃံးလကံ ယၤအအိၣ် ဒ်သိးအကဂံၢ်စ့လၢ ပှၤဟဲစိာ်ဝဲဆူယွၤအ ဟံၣ်ပူၤ, လၢပှၤပၢၤတြဲၤတဖၣ်ထၢဖှိၣ်လၢပှၤဂီၢ်မုၢ်န့ၣ် တက့ၢ်. 5 ဒီးမ်အဟ့ၣ်လီၤအီၤလၢ ပှၤမၤတၢ်မၤလၢအ ကွၢ်ယွၤအဟံၣ်တဖၣ်အစုပူၤ, ဒီးမ်အဟ့ၣ်က့ၤပှၤလၢ အမၤတၢ်မၤလၢယွၤအဟံၣ်ပူၤ ဒ်သိးအကမၤက့ၤတၢ် ဘၢၣ်ဖျိလၢဟံၣ်ပူၤန့ၣ်, 6 လၢပှၤမၤတၢ်လၢသ့ၣ်, ဒီး လၢပှၤသူၣ်တၢ်ဖိ, ဒီးလၢပှၤမၤတၢ်လၢလၢၢ်, ဒီးဒ်သိး အကပှ့ၤသ့ၣ်, ဒီးလၢၢ်စိးပျၤအသးလၢတၢ်မၤက့ၤဟံၣ် အဂီၢ်န့ၣ်တက့ၢ်.
7 ဘၣ်ဆၣ်ဒီး, ပှၤတဂံၢ်ဘၣ်ဒီးအီၤ လၢစ့လၢပှၤဟ့ၣ် လီၤလၢအစုပူၤဘၣ်. အဂ့ၢ်ဒ်အံၤ, မၤဝဲလၢအကလုၢ်တီ လီၤ.
8 ဒီးပှၤလုၢ်တၢ်အခိၣ် စီၤဃံးလကံယၤစံးဘၣ်ပှၤကွဲး လံာ်စီၤၡၤဖၣ်, ယထံၣ်န့ၢ်လံာ်တၢ်သိၣ်တၢ်သီလၢယွၤ အဟံၣ်ပူၤလီၤ. ဒီးစီၤဃံးလကံယၤဟ့ၣ်လံာ်န့ၣ်လၢစီၤ ၡၤဖၣ်, ဒီးဖးဝဲလီၤ.
9 ဒီးပှၤကွဲးလံာ်စီၤၡၤဖၣ်ဟဲက့ၤဆူစီၤပၤအအိၣ်, ဒီးဟဲ စိာ်တၢ်ကတိၤဆူစီၤပၤ, ဒီးစံးဝဲဒၣ်, နခ့နပှၤတဖၣ်န့ၣ် ထၢဖှိၣ်လံစ့လၢအထံၣ်န့ၢ်ဘၣ်လၢဟံၣ်ပူၤ, ဒီးဟ့ၣ်လီၤ လံလၢပှၤလၢအမၤတၢ်မၤ, လၢအကွၢ်က့ၤယွၤအဟံၣ် အစုပူၤလံ.
10 ဒီးပှၤကွဲးလံာ်စီၤၡၤဖၣ်ဒုးနဲၣ်တၢ်လၢစီၤပၤ, ဒီးစံးဝဲ ဒၣ်, ပှၤလုၢ်တၢ်အခိၣ်စီၤဃံးလကံယၤန့ၣ်ဟ့ၣ်လီၤယၤ လၢလံာ်တကတြူၢ်လီၤ. ဒီးစီၤၡၤဖၣ်ဖးဝဲလၢစီၤပၤအ မဲာ်ညါလီၤ.
11 ဒီးတုၤစီၤပၤနၢ်ဟူ လံာ်တၢ်သိၣ်တၢ်သီအကလုၢ်က ထါဒီး, တၢ်မၤအသးလၢအဖှီအဆ့လီၤ.
12 ဒီးစီၤပၤမၤလိာ် ပှၤလုၢ်တၢ်အဒိၣ်စီၤဃံးလကံယၤ, ဒီးစီၤၡၤဖၣ်အဖိခွါစီၤအဃံကၣ်, ဒီးစီၤမၤကါယၤအဖိ ခွါစီၤဧးကဘိၢ်, ဒီးပှၤကွဲးလံာ်စီၤၡၤဖၣ်, ဒီးစီၤပၤအခ့ အပှၤစီၤဧစါယၤ, ဒီးစံးဝဲဒၣ်, 13 လဲၤသံကွၢ်ယွၤလၢယ ဂီၢ်, ဒီးလၢပှၤဂီၢ်မုၢ်အဂီၢ်, ဒီးလၢယူဒၤခဲလၢာ်အဂီၢ်လၢ လံာ်တကတြူၢ် လၢပထံၣ်န့ၢ်အီၤအကလုၢ်ကထါအဂ့ၢ် အကျိၤတက့ၢ်. အဂ့ၢ်ဒ်အံၤ, ယွၤအတၢ်သးထီၣ်လၢအ ကဲၤထီၣ်ဘၣ်ပှၤမ့ၢ်အဒိၣ်မးလီၤ. အဂ့ၢ်ဒ်အံၤ, ပပၢ်တဖၣ် တဒိကနၣ်ဘၣ်လံာ်အံၤအကလုၢ်ကထါ, ဒ်သိးအကမၤ ဝဲဒ်ကယဲၢ်တၢ်ကွဲးအသးဘၣ်ဃးဒီးပှၤအသိးန့ၣ်ဘၣ်.
14 ဒီးပှၤလုၢ်တၢ်အခိၣ် စီၤဃံးလကံယၤ, ဒီးစီၤအဃံ ကၣ်, ဒီးစီၤဧးကဘိၢ်, ဒီးစီၤၡၤဖၣ်, ဒီးစီၤဧစါယၤသ့ၣ် တဖၣ်န့ၣ်လဲၤဝဲဆူ ပှၤပၢၤတၢ်ကူတၢ်သိးစီၤဃၢ်ဃၣ်အ ဖိခွါစီၤတံးကဝၤအဖိခွါစီၤၡၤလူၣ်အမါ ဝံပိာ်မုၣ်နီၢ်ဃူး လဒါတဂၤအအိၣ်, ဒီးကတိၤတၢ်ဒီးအီၤလီၤ. အဝဲဒၣ် အိၣ်ဝဲလၢယရူၤၡလ့ၣ်ခံတီၤတတီၤန့ၣ်လီၤ. 15 ဒီးပိာ်မုၣ်န့ၣ်စံးဘၣ်အီၤ, ယွၤအံၣ်စရ့လးအကစၢ်စံးဒ်အံၤ, စံးဘၣ်တဲဘၣ်ပှၤလၢအမၢလီၤသုဆူယအိၣ်,―
16 ယွၤစံးဒ်အံၤ, ကွၢ်ကွၢ်, ယကဒုးဟဲတၢ်အၢဘၣ်တၢ်အ လီၢ်အံၤဒီးလၢပှၤလၢအအိၣ်ဝဲဆိးဝဲလၢအပူၤအလိၤ, က ယဲၢ်လံာ်အကလုၢ်ကထါလၢယူဒၤအစီၤပၤခဲလၢာ်လီၤ.
17 အဂ့ၢ်ဒ်အံၤ, လဲၤသဒၣ်ယၤ, ဒီးဆိၣ်ကဲၤတၢ်နၢမူလၢ ကစၢ်အဂၤတဖၣ်အဂီၢ်, ဒ်သိးအကဒုးသးထီၣ်ယၤလၢ အစုအတၢ်မၤခဲလၢာ်အဃိလီၤ. ဒီးယသးကကဲၤထီၣ် ဘၣ်တၢ်အလီၢ်အံၤ, ဒီးတစၢ်လီၤဘၣ်. 18 မ့မ့ၢ်ယူဒၤအ စီၤပၤလၢအမၢသုဟဲသံကွၢ်ယွၤန့ၣ်, သုဘၣ်စံးဘၣ်အီၤ, ယွၤအံၣ်စရ့လးအစီၤပၤစံးဒ်အံၤ, တၢ်ကတိၤလၢနနၢ်ဟူ န့ၣ်, 19 မ့ၢ်နသးစူၤ, ဒီးတုၤနနၢ်ဟူတၢ်ကတိၤထီဒါတၢ် အလီၢ်အံၤ, ဒီးထီဒါပှၤလၢအအိၣ်အဆိးလၢအပူၤလၢ အကကဲထီၣ်တၢ်အိၣ်သယုၢ်, ဒီးတၢ်ဆိၣ်အၢအလီၢ်န့ၣ် ဒီး, နဆီၣ်လီၤနသးဒီးဖှီနဆ့, ဒီးဟီၣ်လၢယမဲာ်ညါဒီး, ယနၢ်ဟူစ့ၢ်ကီးလီၤ, ယွၤစံးဝဲဒၣ်, 20 မၤသးဒ်န့ၣ်ဒီးကွၢ် ကွၢ်, ယကပာ်ဖှိၣ်နၤဒီးနပၢ်တဖၣ်, ဒီးတၢ်ကပာ်ဖှိၣ် နၤလၢနတၢ်သွၣ်ခိၣ်ပူၤမုာ်မုာ်, ဒီးနမဲာ်တထံၣ်ဘၣ်တၢ် အၢခဲလၢာ်လၢယကဒုးဟဲဘၣ်တၢ်အလီၢ်အံၤဘၣ်. ဒီး အဝဲသ့ၣ်တဖၣ်န့ၣ်ဟဲစိာ်န့ၢ်စီၤပၤလၢတၢ်ကတိၤန့ၣ်လီၤ.
23၂၃
1 ဒီးစီၤပၤမၢလီၤတၢ်, ဒီးပှၤဒုးအိၣ်ဖှိၣ်ယူဒၤအပှၤသူၣ် က့သးပှၢ်, ဒီးယရူၤၡလ့ၣ်အပှၤသူၣ်က့သးပှၢ်ခဲလၢာ် ဆူအအိၣ်လီၤ.
2 ဒီးစီၤပၤလဲၤထီၣ်ဆူယွၤအဟံၣ်ပူၤ, ဒီးယူဒၤအပှၤက ညီခဲလၢာ်, ဒီးပှၤအိၣ်ဝဲဆိးဝဲလၢ ယရူၤၡလ့ၣ်အပူၤခဲ လၢာ်အိၣ်ဝဲဒီးအီၤ, ဒီးပှၤလုၢ်တၢ်အဒိၣ်, ဒီးဝံတဖၣ်, ဒီးပှၤဂီၢ်မုၢ်ခဲလၢာ်ဒီးဒိၣ်ဒီးဆံး, ဒီးဖးဝဲလၢအနၢ်ပူၤ, လၢ ကယဲၢ်တၢ်ကတိၤလၢ လံာ်တၢ်အၢၣ်လီၤအီလီၤလၢပှၤ ထံၣ်န့ၢ်ဝဲလၢယွၤအဟံၣ်ပူၤန့ၣ်လီၤ.
3 ဒီးစီၤပၤဆၢထၢၣ်လၢတၢ်ဆၢထၢၣ်အလီၢ်, ဒီးအၢၣ် လီၤအီလီၤတၢ်လၢယွၤအမဲာ်ညါလၢ အကလဲၤတၢ်လၢ ယွၤအမဲာ်ညါ, ဒီးတိၢ်န့ၢ်အတၢ်သိၣ်တၢ်သီ, ဒီးအတၢ် အုၣ်အသး, ဒီးအတၢ်မၤလိာ်တဖၣ်, လၢအသးဒီဖျၢၣ် ညါ, ဒီးလၢအသးလၢအဆိကမိၣ်တၢ်တုၤအလၢာ်ဒ်သိး အကမၤတၢ်အၢၣ်လီၤအီလီၤအတၢ်ကတိၤအံၤ လၢအ ကွဲးအသးလၢလံာ်အံၤအပူၤ, ဒီးပှၤဂီၢ်မုၢ်ခဲလၢာ်အၢၣ် လီၤအီလီၤတၢ်အၢၣ်လီၤအီလီၤန့ၣ်လီၤ.
4 ဒီးစီၤပၤမၤလိာ်ပှၤလုၢ်တၢ်အခိၣ် စီၤဃံးလကံယၤ, ဒီးပှၤလုၢ်တၢ်အဒိၣ်ခံတီၤတတီၤ, ဒီးပှၤပၢၤတြဲၤတဖၣ် ဒ်သိးအကဟဲစိာ်ထီၣ်ကွံာ် ကယဲၢ်လီခီလၢပှၤတ့ဝဲလၢ ဘဧၤလးအဂီၢ်, ဒီးလၢအရှ့ရၤအဂီၢ်, ဒီးလၢမူခိၣ်အသုး မုၢ်ခဲလၢာ်အဂီၢ်သ့ၣ်တဖၣ်လၢယွၤအနူၢ်ပူၤလီၤ. ဒီးအဝဲ ဒၣ်ဆူးထီၣ်ကွံာ်အီၤလၢယရူၤၡလ့ၣ်လၢခိ, လၢကံဒြိၣ် အတၢ်ပျီပူၤ, ဒီးစိာ်ကွံာ်အဖၣ်ဆါဆူဘ့ၤသ့လးလီၤ.
5 ဒီးဒုးဆိတ့ၢ်ပှၤဘါတၢ်ဂီၤ အပှၤလုၢ်တၢ်အဒိၣ်တဖၣ် လၢယူဒၤအစီၤပၤတဖၣ်ပာ်ဝဲ, ဒ်သိးအကဆိၣ်ကဲၤတၢ် နၢမူလၢအလီၢ်ထီၣ်ထီတဖၣ်အဖီခိၣ်, လၢယူဒၤအဝ့ၢ် ပူၤ, ဒီးလၢတၢ်အိၣ်ဝးတရံးယရူၤၡလ့ၣ်, ဒီးပှၤလၢအ ဆိၣ်ကဲၤတၢ်နၢမူလၢဘဧၤလးအဂီၢ်, လၢမုၢ်အဂီၢ်, ဒီး လၢလါအဂီၢ်, ဒီးလၢနံးခးအဆၣ်ဧိၤဖီဧိၤအဂီၢ်, ဒီးလၢ မူခိၣ်အသုးမုၢ်ဂီၢ်မုၢ်ခဲလၢာ်အဂီၢ်လီၤ.
6 ဒီးဟဲစိာ်ထီၣ်ကွံာ်အရှ့ရၤ လၢယွၤအဟံၣ်ပူၤဆူယရူၤ ၡလ့ၣ်လၢခိ, ဆူထံကျိကံဒြိၣ်, ဒီးဆူးထီၣ်ကွံာ်အီၤလၢ ထံကျိကံဒြိၣ်အနံၤ, ဒီးယီၢ်လီၤကလဲအီၤတုၤအကဲထီၣ် တၢ်ကမူၣ်, ဒီးကွံာ်တ့ၢ်ကွံာ်အတၢ်ကမူၣ်လၢပှၤဂီၢ်မုၢ် အဖိတဖၣ်အသွၣ်ခိၣ်လိၤန့ၣ်လီၤ.
7 ဒီးမၤလီၤပှီၢ်ကွံာ်ပှၤအဲၣ်ပကၢၤ အဟံၣ်တဖၣ်လၢအ အိၣ်ဝဲလၢယွၤအဟံၣ်ဃၢၤ, ဖဲပိာ်မုၣ်ထါဟံၣ်တဖၣ်လၢ အရှ့ရၤအဂီၢ်န့ၣ်လီၤ.
8 ဒီးဟဲစိာ်ပှၤလုၢ်တၢ်အဒိၣ်ခဲလၢာ် လၢယူဒၤအဝ့ၢ်တ ဖၣ်အပူၤ, ဒီးမၤဘၣ်အၢတၢ်အလီၢ်ထီၣ်ထီတဖၣ်ဖဲပှၤ လုၢ်တၢ်အဒိၣ်တဖၣ်ဆိၣ်ကဲၤတၢ်နၢမူလၢ က့ဘၤပၢၢ် လၢဘ့ၢ်ၡဘၤ, ဒီးမၤလီၤပှီၢ်ကွံာ်ပဲတရီအတၢ်လီၢ်ထီၣ် ထီတဖၣ်လၢအအိၣ်ဝဲလၢ တၢ်လဲၤနုာ်ဝ့ၢ်အခိၣ်စီၤယိၤ ရှူတဂၤအပဲတရီအဃၢၤ, လၢအအိၣ်ဝဲလၢဝ့ၢ်အပဲတရီ လၢစုစ့ၣ်တခီန့ၣ်လီၤ.
9 ဘၣ်ဆၣ်ဒီးတၢ်အလီၢ်ထီၣ်ထီတဖၣ် အပှၤလုၢ်တၢ် အဒိၣ်တဟဲထီၣ်ဘၣ်ဆူ ယွၤအတၢ်လုၢ်လီၢ်လၢယရူၤ ၡလ့ၣ်အပူၤဘၣ်. မ့မ့ၢ်အီၣ်ကိၣ်တဃါဃုာ်ဘၣ်ဒီးကိၣ် မံၣ်လၢအဒီပုၢ်ဝဲၢ်အကျါလီၤ.
10 ဒီးမၤဘၣ်အၢတိဖ့း လၢအအိၣ်ဝဲလၢပှၤဃံနိၣ်ဖိအ ကစၢၢ်ကဆူးအပူၤ, ဒ်သိးပှၤအသုတဒုးခီဂာ်အဖိခွါ, ဒီးအဖိမုၣ်လၢမ့ၣ်အူလၢမိလးအဂီၢ်နီတဂၤတဂ့ၤလီၤ.
11 ဒီးစိာ်ထီၣ်ကွံာ်ကသ့ၣ်တဖၣ် လၢယူဒၤအစီၤပၤတ ဖၣ်ဟ့ၣ်လီၤဝဲလၢမုၢ်ဧိၤလါဧိၤအဂီၢ်, ဖဲတၢ်လဲၤနုာ်လၢ ယွၤအဟံၣ်ပူၤလၢ ပှၤဒ့ဒံၣ်စီၤနၤသၣ်မ့လ့း အဒၢးအ ဃၢၤလၢအအိၣ်ဝဲလၢခိ, ဒီးဆူးထီၣ်ကွံာ်မုၢ်အလ့ၣ်က ဟၣ်လၢမ့ၣ်အူလီၤ.
12 ဒီးတၢ်လုၢ်လီၢ်တဖၣ် လၢအအိၣ်ဝဲလၢစီၤအၤဃးအ ဒၢးလၢထးခီတတီၤအဖီခိၣ်, လၢယူဒၤအစီၤပၤတဖၣ် မၤဝဲ, ဒီးတၢ်လုၢ်လီၢ်တဖၣ်လၢစီၤမနၤရှ့ၤမၤဝဲလၢယွၤ အဟံၣ်အဂၢၤခံပူၤအပူၤန့ၣ်စီၤပၤမၤလီၤပှီၢ်ကွံာ်, ဒီးမၤ လီၤကလဲကွံာ်အီၤဖဲန့ၣ်, ဒီးကွံာ်တ့ၢ်ကွံာ်အကမူၣ်ဆူ ထံကျိကံဒြိၣ်အပူၤန့ၣ်လီၤ.
13 ဒီးတၢ်အလီၢ်ထီၣ်ထီတဖၣ် လၢအအိၣ်ဝဲလၢယရူၤ ၡလ့ၣ်အမဲာ်ညါ လၢကစၢၢ်မၤဟးဂီၤတၢ်အစုထွဲတခီ, လၢအံၣ်စရ့လးအစီၤပၤၡလိၤမိၤမၤဝဲလၢ ပှၤစံဒိၣ်ဖိအ တၢ်သးဘၣ်အၢ, ဧၤၡတြိးအဂီၢ်, ဒီးလၢဧၣ်မိၣ်ဖိအတၢ် သးဘၣ်အၢ, မိလးအဂီၢ်န့ၣ်စီၤပၤမၤဘၣ်အၢအီၤလီၤ.
14 ဒီးမၤလီၤကလဲတၢ်ဂီၤတဖၣ်, ဒီးကူာ်လီၤကွံာ်အရှ့ရၤ တဖၣ်, ဒီးမၤပှဲၤအလီၢ်ဒီးပှၤကညီအဃံအကွဲလီၤ.
15 ဒီးတၢ်လုၢ်လီၢ်အိၣ်ဝဲလၢ ဘ့ၤသ့လးစ့ၢ်ကီး, ဒီးတၢ် အလီၢ်ထီၣ်ထီလၢစီၤနဘးအဖိခွါ စီၤယၤရၤဘၣ်လၢအ ဒုးမၤအံၣ်စရ့လးလၢ တၢ်ဒဲးဘးတဂၤမၤဝဲန့ၣ်မၤလီၤပှီၢ် ကွံာ်တၢ်လုၢ်လီၢ်ဒီးတၢ်အလီၢ်ထီၣ်ထီ, ဒီးဆူးထီၣ်ကွံာ် တၢ်အလီၢ်ထီၣ်ထီ, ဒီးယီၢ်လီၤကလဲကွံာ်ဝဲ, ဒီးဆူး ထီၣ်ကွံာ်အရှ့ရၤန့ၣ်လီၤ.
16 ဒီးစီၤယိၤၡံယၤ ဃၣ်ဃီၤအသးဒီးထံၣ် တၢ်သွၣ်ခိၣ် ဖဲကစၢၢ်လိၤ, ဒီးမၢလီၤတၢ်, ဒီးဟံးထီၣ်ပှၤအဃံလၢတၢ် သွၣ်ခိၣ်အပူၤ, ဒီးဆူးထီၣ်ကွံာ်အီၤလၢတၢ်လုၢ်လီၢ်အဖီ ခိၣ်, ဒီးမၤဘၣ်အၢအီၤ, ဒ်ယွၤအကလုၢ်ကထါ, လၢ ယွၤအပှၤကညီကိးထီၣ်, လၢအကိးထီၣ်တၢ်ကတိၤတ ဖၣ်န့ၣ်အသိးလီၤ.
17 ဒီးစံးဝဲဒၣ်, တၢ်အပနီၣ်တဖျၢၣ်လၢယထံၣ်ဘၣ်န့ၣ် မ့ၢ်မနုၤလဲၣ်. ဒီးဝ့ၢ်အပှၤကညီစံးဘၣ်အီၤ, မ့ၢ်ယွၤအ ပှၤကညီလၢအဟဲဝဲလၢယူဒၤ, ဒီးကိးထီၣ်တၢ်တဖၣ် လၢနမၤလၢ တၢ်လုၢ်လီၢ်ဘ့ၤသ့လးအဖီခိၣ်တဂၤ အ တၢ်သွၣ်ခိၣ်လီၤ.
18 ဒီးစံးဝဲဒၣ်ကအိၣ်ဒၣ်ဝဲတက့ၢ်. မ်ပှၤသုတသုးအဃံ အကွဲနီတဂၤတဂ့ၤ, ဒီးအဃံအကွဲန့ၣ်ပူၤဖျဲးအိၣ်ဒီးဝံ လၢအဟဲထီၣ်လၢၡၤမရံတဂၤအဃံအကွဲလီၤ.
19 ဒီးတၢ်အလီၢ်ထီၣ်ထီတဖၣ် အဟံၣ်စ့ၢ်ကီး လၢအ အိၣ်ဝဲလၢၡၤမရံအဝ့ၢ်တဖၣ်အပူၤ, လၢအံၣ်စရ့လးအ စီၤပၤတဖၣ်မၤဝဲ ဒ်သိးအကဒုးသးထီၣ်ယွၤန့ၣ်စီၤယိၤ ၡံယၤဟံးထီၣ်ကွံာ်ဒီး မၤအီၤဒ်ကယဲၢ်တၢ်မၤလၢအမၤ လၢဘ့ၤသ့လးအပူၤလီၤ.
20 ဒီးမၤသံတၢ်အလီၢ်ထီၣ်ထီ အပှၤလုၢ်တၢ်အဒိၣ်တ ဖၣ်လၢတၢ်လုၢ်လီၢ်အဖီခိၣ်, ဒီးဆူးထီၣ်ကွံာ်ပှၤကညီ အဃံအကွဲလၢအဖီခိၣ်, ဒီးက့ၤကဒါက့ၤဆူယရူၤၡလ့ၣ် လီၤ.
21 ဒီးမၤလိာ်ပှၤဂီၢ်မုၢ်ခဲလၢာ်ဒီးစံးဝဲဒၣ်, တိၢ်န့ၢ်ဘူၣ်လဲၤ ကပာ်လၢယွၤသုကစၢ်အဂီၢ်, ဒ်တၢ်ကွဲးအသးလၢလံာ် တၢ်အၢၣ်လီၤအီလီၤအံၤအပူၤန့ၣ်တက့ၢ်.
22 မ့ၢ်မးပှၤတမၤဘူၣ်လဲၤကပာ် ဒ်န့ၣ်အသိးလၢပှၤစံၣ် ညီၣ်ကွီၢ်လၢအစံၣ်ညီၣ်အံၣ်စရ့လးအမုၢ်နံၤတဖၣ် လံၤ လံၤ, ဒီးလၢအံၣ်စရ့လးအစီၤပၤ, ဒီးလၢယူဒၤအစီၤပၤ အမုၢ်နံၤခဲလၢာ်န့ၣ်ဘၣ်. 23 ဒီးလၢစီၤယိၤၡံယၤအနံၣ်ပှဲၤ ထီၣ်တဆံဃိးနံၣ်တနံၣ်အပူၤန့ၣ် ပှၤမၤဘူၣ်လဲၤကပာ် တဘျီအံၤလၢယရူၤၡလ့ၣ်အပူၤန့ၣ်လီၤ.
24 ဒီးပှၤအိၣ်ဒီးပှၤသံအကလၤစ့ၢ်ကီး, ဒီးပှၤမဲာ်ထံၣ်ဝံ, ဒီးတၢ်ဂီၤတရၤဖး, ဒီးတၢ်ဂီၤတၢ်ဖီၣ်, ဒီးကယဲၢ်တၢ် သးဘၣ်အၢလၢအထံၣ်န့ၢ်ဝဲလၢကီၢ်ယူဒၤအပူၤ, ဒီးလၢ ယရူၤၡလ့ၣ်အပူၤခဲလၢာ်န့ၣ် စီၤယိၤၡံယၤသုးကွံာ်ဝဲဒ် သိးအကတိၢ်န့ၢ် လံာ်တၢ်သိၣ်တၢ်သီအကလုၢ်ကထါ လၢအကွဲးအသးလၢ လံာ်လၢပှၤလုၢ်တၢ်အဒိၣ်စီၤဃံး လကံယၤထံၣ်န့ၢ်ဝဲ, လၢယွၤအဟံၣ်ပူၤလီၤ.
25 ဒီးစီၤပၤလၢအဃၣ်ဃီၤအသးဆူယွၤအအိၣ် လၢအသး ဒီဖျၢၣ်ညါ, ဒီးလၢအသးလၢအဆိကမိၣ်တၢ်တုၤအလၢာ် ဒီးလၢအဂံၢ်အဘါခဲလၢာ်, ဒ်စီၤမိၤရှ့အတၢ်သိၣ်တၢ်သီခဲ လၢာ်အသိးန့ၣ်ဒ်သိးဒီးအီၤလၢအမဲာ်ညါတအိၣ်ဘၣ်, ဒီး တဂဲၤဆၢထၢၣ်လၢအလီၢ်ခံဒ်အဝဲဒၣ်အသိးနီတဂၤဘၣ်.
26 ဘၣ်ဆၣ်ဒီးယွၤတဃၣ်ဘၣ်အသးလၢ အတၢ်သးဒိၣ် ဆူၣ်ဆူၣ်ကလဲာ်လၢအကဲၤထီၣ်ဘၣ်ယူဒၤ လၢတၢ်သး ထီၣ်အလီၢ်လၢစီၤမနၤရှ့ၤဒုးသးထီၣ်အီၤန့ၣ်ဘၣ်.
27 ဒီးယွၤစံးဝဲဒၣ်, ယကသုးကွံာ်ယူဒၤစ့ၢ်ကီးလၢယမဲာ် ညါ, ဒ်ယသုးကွံာ်အံၣ်စရ့လးအသိးန့ၣ်, ဒီးယကညိ ကွံာ်ဝ့ၢ်ယရူၤၡလ့ၣ်တဖျၢၣ်အံၤ လၢယဃုထၢအီၤ, ဒီး ဟံၣ်လၢယစံးလၢအဂ့ၢ်, ယမံၤကအိၣ်ဖဲန့ၣ်လီၤ.
28 ဒီးတၢ်အိၣ်လီၤတဲာ်ဘၣ်ဃးဒီး စီၤယိၤၡံယၤ, ဒီးက ယဲၢ်တၢ်လၢအမၤဝဲခဲလၢာ်န့ၣ် ကွဲးအသးလၢယူဒၤအ စီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
29 လၢအမုၢ်နံၤတဖၣ်န့ၣ်အဲၤကူပတူးအစီၤပၤ ဖၤရိၤန ကိၤလဲၤထီဒါအၤရှူၢ်အစီၤပၤဆူ ထံမိၢ်ပှၢ်ဖရၤသး, ဒီး စီၤပၤစီၤယိၤၡံယၤလဲၤထီဒါအီၤလီၤ. ဒီးတုၤအထံၣ်ဘၣ် အီၤဒီး, မၤသံအီၤဖဲမကံးဒိၤအပူၤလီၤ.
30 ဒီးအခ့အပှၤစိာ်ထီၣ်အီၤသံဝဲလၢ လ့ၣ်ကဟၣ်အပူၤ လၢမကံးဒိၤ, ဒီးဟဲစိာ်အီၤဆူယရူၤၡလ့ၣ်, ဒီးခူၣ်လီၤ ကွံာ်အီၤလၢအသွၣ်ခိၣ်ဒၣ်ဝဲအပူၤလီၤ. ဒီးထံဧိၤကီၢ်ဧိၤ အပှၤဂီၢ်မုၢ်ဟံးန့ၢ် စီၤယိၤၡံယၤအဖိခွါစီၤယဟိအါဃး, ဒီးဖှူအီၤ, ဒီးပာ်အီၤလၢစီၤပၤလၢအပၢ်အလီၢ်န့ၣ်လီၤ.
31 ဒီးလၢစီၤယဟိအါဃးကဲသီစီၤပၤန့ၣ် အသးပှၢ်ခံဆံ သၢနံၣ်, ဒီးကဲစီၤပၤသၢလါလၢယရူၤၡလ့ၣ်အပူၤလီၤ. ဒီးအမိၢ်အမံၤမ့ၢ်နီၢ်ဃမူတလး, စီၤယံးရမံယၤလၢလံး ဘနၤတဂၤအဖိမုၣ်လီၤ.
32 ဒီးမၤတၢ်အၢလၢယွၤအမဲာ် ဒ်ကယဲၢ်တၢ်လၢအပၢ် တဖၣ်မၤဝဲအသိးန့ၣ်လီၤ.
33 ဒီးတုၤအကဲစီၤပၤလၢယရူၤၡလ့ၣ်အပူၤဒီး, ဖၤရိၤန ကိၤစၢဃာ်အီၤလၢ ရံးဘလၤအပူၤ လၢကီၢ်ဃမါသး အပူၤ, ဒီးဒုးလိးပှၤကီၢ်ဖိလၢစ့အကံကၢ်တကယၤဒီးထူ တကံကၢ်လီၤ.
34 ဒီးဖၤရိၤနကိၤပာ် စီၤယိၤၡံယၤအဖိခွါစီၤအ့ၤလယါ ကံၣ်လၢစီၤပၤလၢအပၢ်စီၤယိၤၡံယၤအလီၢ်, ဒီးယုၢ်ဝဲ အမံၤလၢစီၤယဟိၤယါကံၣ်, ဒီးစိာ်ထီၣ်ကွံာ်စီၤယဟိ အါဃးလီၤ. ဒီးဟဲဝဲဆူအဲၤကူပတူး, ဒီးသံဝဲဖဲန့ၣ်လီၤ.
35 ဒီးစီၤယဟိၤယါကံၣ်ဟ့ၣ် ကျိၣ်ဧိၤစ့ဧိၤ, ဒီးထူဧိၤလွဲ ဧိၤလၢဖၤရိၤဘၣ်ဆၣ်ဒီး, ဃ့သွဲလၢပှၤကီၢ်ဖိဒ်သိးအက ဟ့ၣ်စ့ဒ်ဖၤရိၤအတၢ်မၤလိာ်အသိးန့ၣ်, ဒီးဒုးလိးထံဧိၤ ကီၢ်ဧိၤအပှၤဂီၢ်မုၢ်လၢကျိၣ်ဧိၤစ့ဧိၤ, ဒီးထူဧိၤလွဲဧိၤ, တ ဂၤဒ်အဟ့ၣ်သွဲအသိး, တဂၤဒ်အဟ့ၣ်သွဲအသိး, ဒ်သိး အကဟ့ၣ်ဝဲလၢဖၤရိၤနကိၤလီၤ.
36 လၢစီၤယဟိၤယါကံၣ်ကဲသီစီၤပၤန့ၣ် အသးပှၢ်ခံဆံ ယဲၢ်နံၣ်, ဒီးကဲထီၣ်စီၤပၤတဆံတနံၣ်လၢယရူၤၡလ့ၣ် အပူၤ, ဒီးအမိၢ်အမံၤမ့ၢ်နီၢ်စဘူဒၤ, စီၤပဒါယၤအဖိမုၣ် လၢရူမၤလီၤ.
37 ဒီးမၤတၢ်အၢလၢယွၤအမဲာ် ဒ်ကယဲၢ်တၢ်လၢအပၢ် တဖၣ်မၤဝဲအသိးန့ၣ်လီၤ.
24၂၄
1 လၢအဝဲဒၣ်အမုၢ်နံၤတဖၣ်န့ၣ် ဘၤဘူၤလိၣ်အစီၤပၤ နဘူၤကးန့စၢ်ဟဲထီၣ်, ဒီးစီၤယဟိၤယါကံၣ်ကဲထီၣ်အ ခ့အပှၤသၢနံၣ်, ဒီးဃၣ်အသးဒီးပူထီၣ်ဝဲလီၤ.
2 ဒီးယွၤမၢအလဲၤထီဒါအီၤ လၢပှၤက့စ့းဖိအဖုတဖၣ်, ဒီးပှၤစူၤရံဖိအဖုတဖၣ်, ဒီးပှၤမိၤအးဖိအဖုတဖၣ်, ဒီး ပှၤဧၣ်မိၣ်ဖိအဖုတဖၣ်, ဒီးမၢလီၤအီၤထီဒါယူဒၤဒ်သိး အကမၤဟးဂီၤအီၤ, ဒ်ယွၤအကလုၢ်ကထါအသိးလၢ အကတိၤဝဲလၢအခ့အပှၤဝံတဖၣ်အစုပူၤန့ၣ်လီၤ.
3 မ့ၢ်မးတၢ်န့ၣ်ဟဲဘၣ်ယူဒၤလၢယွၤအတၢ်မၤလိာ်, ဒ် သိးအကသုးကွံာ်အီၤလၢ အမဲာ်ညါလၢ စီၤမနၤရှ့ၤအ တၢ်ဒဲးဘးအဃိဒ်ကယဲၢ်တၢ်လၢအမၤဝဲအသိးန့ၣ်, 4 ဒီး လၢတၢ်သွံၣ်လၢအတၢ်ဒဲးဘးတအိၣ်ဘၣ်လၢအလူလီၤ ဝဲအဃိန့ၣ်လီၤ. အဂ့ၢ်ဒ်အံၤ, မၤပှဲၤယရူၤၡလ့ၣ်ဒီးတၢ် သွံၣ်လၢတၢ်ဒဲးဘးတအိၣ်ဘၣ်န့ၣ်ဒီးယွၤတပျၢ်ဘၣ်လီၤ.
5 ဒီးတၢ်အိၣ်လီၤတဲာ်ဘၣ်ဃးဒီး စီၤယဟိၤယါကံၣ်, ဒီးကယဲၢ်တၢ်လၢအမၤဝဲခဲလၢာ်န့ၣ် ကွဲးအသးလၢယူ ဒၤအစီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
6 ဒီးစီၤယဟိၤယါကံၣ်မံဝဲဒီးအပၢ်တဖၣ်, ဒီးအဖိခွါ စီၤယဟိၤယါခံၣ်ကဲထီၣ်စီၤပၤလၢအလီၢ်န့ၣ်လီၤ.
7 ဒီးအဲၤကူပတူးအစီၤပၤတဟဲထီၣ်လၢၤဘၣ် လၢအ ကီၢ်ပူၤဘၣ်. အဂ့ၢ်ဒ်အံၤ, ဘၤဘူၤလိၣ်အစီၤပၤမၤန့ၢ် တၢ်ဘၣ်ဃးဒီးအဲၤကူပတူးခဲလၢာ် လၢအဲၤကူပတူးအ ထံမိၢ်ပှၢ်ပၢၢ်လၢထံမိၢ်ပှၢ်ဖရၤသးလီၤ.
8 လၢစီၤယဟိၤယါခံၣ်ကဲသီစီၤပၤန့ၣ် အသးပှၢ်တဆံ ဃိးနံၣ်, ဒီးကဲစီၤပၤသၢလါလၢယရူၤၡလ့ၣ်အပူၤ, ဒီး အမိၢ်အမံၤမ့ၢ်နီၢ်နဃူၡတၤ, စီၤအ့လနၤသၣ်လၢယရူၤ ၡလ့ၣ်အဖိမုၣ်လီၤ. 9 ဒီးမၤတၢ်အၢလၢယွၤအမဲာ်ဒ်က ယဲၢ်တၢ်လၢအပၢ်မၤဝဲအသိးန့ၣ်လီၤ.
10 အကတီၢ်ဖဲန့ၣ်ဘၤဘူၤလိၣ်အစီၤပၤနဘူၤကးန့စၢ်အ ခ့အပှၤဟဲထီဒါယရူၤၡလ့ၣ်, ဒီးဝ့ၢ်ဘၣ်တၢ်ဝီၤဃာ်အီၤ လီၤ. 11 ဒီးဘၤဘူၤလိၣ်အစီၤပၤနဘူၤကးန့စၢ်ဟဲထီဒါ ဝ့ၢ်, ဒီးအခ့အပှၤကဝီၤဃာ်အီၤလီၤ.
12 ဒီးယူဒၤအစီၤပၤယဟိၤယါခံၣ်ဟဲထီၣ်ဆူ ဘၤဘူၤ လိၣ်အစီၤပၤအအိၣ်, အဝဲဒၣ်, ဒီးအမိၢ်, ဒီးအခ့အပှၤ တဖၣ်, ဒီးအပဒိၣ်ဖးဒိၣ်တဖၣ်, ဒီးအပှၤဒ့ဒံၣ်တဖၣ်ဒီး လၢအကဲစီၤပၤပှဲၤထီၣ်ဃိးနံၣ်တနံၣ်န့ၣ် ဘၤဘူၤလိၣ် အစီၤပၤမၤန့ၢ်အီၤလီၤ.
13 ဒီးစိာ်ထီၣ်ကွံာ်ဖဲန့ၣ်လၢ ကယဲၢ်တၢ်လုၢ်ဒိၣ်ပှ့ၤဒိၣ်, လၢယွၤအဟံၣ်ပူၤ, ဒီးတၢ်လုၢ်ဒိၣ်ပှ့ၤဒိၣ်လၢစီၤပၤအ ဟံၣ်ပူၤ, ဒီးဒီၣ်တဲာ်ကွံာ်ကယဲၢ်တၢ်အဃၢၤအဃိၢ်ထူ လၢအံၣ်စရ့လးအစီၤပၤ ၡလိၤမိၤတ့ဝဲလၢယွၤအနူၢ်ပူၤ, ဒ်ယွၤစံးဝဲအသိးန့ၣ်လီၤ.
14 ဒီးစိာ်ထီၣ်ကွံာ်မၢကဲကုၢ်ယရူၤၡလ့ၣ်ဖိခဲလၢာ် ဒီးပ ဒိၣ်ဖးဒိၣ်ခဲလၢာ်, ဒီးပှၤအဆူၣ်ပှၤသုးဖိခဲလၢာ်, ပှၤကဲ ကုၢ်တကလး, ဒီးကယဲၢ်ပှၤမၤတၢ်သ့, ဒီးပှၤပိာ်တၢ်ခဲ လၢာ်, ဒီးလၢကီၢ်အပှၤဂီၢ်မုၢ်အကျါန့ၣ်အိၣ်လီၤတဲာ်ထဲ ပှၤဖှီၣ်ဖိယာ်ဖိဧိၤလီၤ.
15 ဒီးစိာ်ထီၣ်ကွံာ်စီၤယဟိၤယါခံၣ်ဆူဘၤဘူၤလိၣ်, ဒီး စီၤပၤအမိၢ်, ဒီးစီၤပၤအမါတဖၣ်, ဒီးပှၤဒ့ဒံၣ်တဖၣ်, ဒီးထံဧိၤကီၢ်ဧိၤအပှၤဆူၣ်ဖိတဖၣ်လီၤ. စိာ်ထီၣ်မၢကဲ ကုၢ်လၢယရူၤၡလ့ၣ်ပၢၢ်လၢဘၤဘူၤလိၣ်လီၤ.
16 ဒီးကယဲၢ်ပှၤအဆူၣ်ဖိနွံကထိ, ဒီးပှၤမၤတၢ်သ့, ဒီး ပှၤပိာ်တၢ်ဖိတကထိ, ကယဲၢ်ပှၤလၢအဆူၣ်, ဒီးပှၤသုး ဖိခဲလၢာ်န့ၣ်ဘၤဘူၤလိၣ်အစီၤပၤ ဟဲစိာ်မၢကဲကုၢ်ဆူ ဘၤဘူၤလိၣ်န့ၣ်လီၤ.
17 ဒီးဘၤဘူၤလိၣ်အစီၤပၤ ပာ်အပၢ်အဒီပုၢ်ဝဲၢ်စီၤမးတး နယၤလၢစီၤပၤအလီၢ်, ဒီးယုၢ်ဝဲအမံၤသီလၢစီၤစံးဒကံ ယၤလီၤ.
18 လၢစီၤစံးဒကံယၤကဲထီၣ်စီၤပၤန့ၣ် အသးပှၢ်ခံဆံတ နံၣ်, ဒီးကဲစီၤပၤလၢယရူၤၡလ့ၣ်အပူၤတဆံတနံၣ်, ဒီး အမိၢ်အမံၤမ့ၢ်နီၢ်ဃမူတလး, စီၤယံးရမံယၤလၢလံးဘ နၤအဖိမုၣ်လီၤ.
19 ဒီးမၤတၢ်အၢလၢယွၤအမဲာ်, ဒ်ကယဲၢ်တၢ်လၢစီၤပၤယ ဟိယါကံၣ်မၤဝဲအသိးန့ၣ်လီၤ. 20 အဂ့ၢ်ဒ်အံၤ, လၢယွၤအ သးထီၣ်အဃိန့ၣ်တၢ်မၤအသးလၢယရူၤၡလ့ၣ်, ဒီးလၢ ယူဒၤအပူၤ, တုၤအဟီထီၣ်ကွံာ်အီၤလၢအမဲာ်ညါလီၤ. ဒီးစီၤစံးဒကံယၤပူထီၣ်ဘၤဘူၤလိၣ်အစီၤပၤန့ၣ်လီၤ.
25၂၅
1 ဒီးလၢအကဲစီၤပၤအနံၣ်ပှဲၤထီၣ်ခွံနံၣ်တနံၣ် လၢဆံ ဆဲၣ်လါတလါထီၣ်ဆံဆဲၣ်နံၤတနံၤန့ၣ်, တၢ်မၤအသး လၢပှၤဘၤဘူၤလိၣ်အစီၤပၤနဘူၤကးန့စၢ်ဟဲထီဒါ ယ ရူၤၡလ့ၣ်, ဒီးအဝဲဒၣ်, ဒီးအပှၤသုးမုၢ်ခဲလၢာ်, ဒီးသူၣ်ဒဲ ထီဒါအီၤ, ဒီးသူၣ်တိာ်ဝးတရံးထီဒါအီၤလီၤ.
2 ဒီးဝ့ၢ်န့ၣ်ဘၣ်တၢ်ဝီၤဃာ်အီၤ တုၤလီၤလၢစီၤပၤစံးဒ ကံယၤအနံၣ်ပှဲၤထီၣ်တဆံတနံၣ်န့ၣ်လီၤ. 3 ဒီးလါထီၣ် ခွံနံၤတနံၤန့ၣ်တၢ်သၣ်ဝံၤလီၤဒိဆူၣ်ထီၣ်ဝဲလၢဝ့ၢ်ပူၤ, ဒီး တၢ်တအိၣ်ဘၣ်လၢကီၢ်အပှၤဂီၢ်မုၢ်အဂီၢ်ဘၣ်.
4 ဒီးဝ့ၢ်န့ၣ်ဟးဂီၤဝဲ, ဒီးကယဲၢ်ပှၤသုးဖိဃ့ၢ်ဝဲလၢမုၢ်နၤ လၢပဲတရီအကျဲလၢအအိၣ်လၢ တၢ်ဒူၣ်ခံတီၤအဘၢၣ် စၢၤလၢအအိၣ်ဝဲလၢ စီၤပၤအတၤသၣ်အလီၢ်အဃၢၤ န့ၣ်လီၤ. ဒီးပှၤက့ၤစ့းဖိအိၣ်ဝးတရံးထီဒါဝ့ၢ်န့ၣ်လီၤ. ဒီး စီၤပၤလဲၤကျဲဆူတၢ်ပျီပူၤလီၤ.
5 ဒီးပှၤက့ၤစ့းဖိ အပှၤသုးမုၢ်လူၤစီၤပၤ, ဒီးချုးန့ၢ်အီၤ လၢယရံၤဃိအတၢ်ပျီပူၤ, ဒီးအပှၤသုးမုၢ်ခဲလၢာ်လီၤပြံ လီၤပြါကွံာ်လၢအီၤလီၤ.
6 ဒီးဖီၣ်န့ၢ်စီၤပၤ, ဒီးဟဲစိာ်အီၤဆူဘၤဘူၤလိၣ်အစီၤပၤ အအိၣ်လၢရံးဘလၤအပူၤ, ဒီးအဝဲဒၣ်စံၣ်ညီၣ်အီၤလီၤ.
7 ဒီးမၤသံစီၤစံးဒကံယၤအဖိခွါတဖၣ် လၢအမဲာ်ညါ, ဒီးအူခွဲးထီၣ်ကွံာ်စီၤစံးဒကံယၤအမဲာ်, ဒီးစၢဃာ်အီၤ လၢတိၢ်သွဲ, ဒီးစိာ်ကွံာ်အီၤဆူဘၤဘူၤလိၣ်န့ၣ်လီၤ.
8 ဒီးယဲၢ်လါတလါထီၣ်နွံနံၤတနံၤန့ၣ်, ဘၤဘူၤလိၣ်အစီၤပၤနဘူၤကးန့စၢ် အနံၣ်ပှဲၤထီၣ်တဆံခွံနံၣ်တနံၣ်န့ၣ် ဘၤဘူၤလိၣ်အစီၤပၤအခ့အပှၤ, ပှၤပၢၤတၢ်ဖိအခိၣ်စီၤန ဘူစၢ်ရဒၣ်ဟဲဝဲဆူယရူၤၡလ့ၣ်အပူၤလီၤ.
9 ဒီးဆူးထီၣ်ကွံာ်ယွၤအဟံၣ်, ဒီးစီၤပၤအဟံၣ်, ဒီးဟံၣ် လၢယရူၤၡလ့ၣ်အပူၤခဲလၢာ်, ဒီးကယဲၢ်ပှၤအဒိၣ်ခဲလၢာ် အဟံၣ်န့ၣ်ဆူးထီၣ်ကွံာ်ဝဲလၢမ့ၣ်အူလီၤ.
10 ဒီးပှၤက့ၤစ့းဖိအပှၤသုးမုၢ်ခဲလၢာ် လၢအအိၣ်ဝဲဒီးပှၤ ပၢၤတၢ်ဖိအခိၣ်န့ၣ် မၤလီၤပှီၢ်ကွံာ်ယရူၤၡလ့ၣ်အခိၣ်ဒူ ဝးတရံးဝဲလီၤ.
11 ဒီးပှၤဂီၢ်မုၢ်လၢအအိၣ်လီၤတဲာ်လၢဝ့ၢ်ပူၤ, ဒီးပှၤဃ့ၢ် ဝဲလၢအလဲၤတ့ၢ်ဆူဘၤဘူၤလိၣ်အစီၤပၤအအိၣ်, ဒီးပှၤ ဂီၢ်မုၢ်အတၢ်အိၣ်လီၤတဲာ်န့ၣ် ပှၤပၢၤတၢ်ဖိအခိၣ်စီၤန ဘူစၢ်ရဒၣ်စိာ်မၢကဲကုၢ်အီၤလီၤ.
12 မ့မ့ၢ်ပှၤကီၢ်ဖိအပှၤဖှီၣ်ဖိယာ်ဖိန့ၣ် ပှၤပၢၤတၢ်ဖိအခိၣ် ပာ်လီၤတဲာ်ဝဲ ဒ်သိးအကကဲထီၣ်ပှၤမၤတၤသၣ်အလီၢ်, ဒီးပှၤမၤဟီၣ်ခိၣ်ဖိန့ၣ်လီၤ.
13 ဒီးထူၣ်တိၢ်တဖၣ်လၢ အအိၣ်လၢယွၤအဟံၣ်ပူၤ, ဒီး တၢ်အခီၣ်တဖၣ်, ဒီးပီၣ်လဲၣ်တိၢ်လၢအအိၣ်ဝဲလၢယွၤ အဟံၣ်ပူၤန့ၣ် ပှၤက့ၤစ့းဖိမၤကၢ်ကွံာ်အီၤ, ဒီးစိာ်ထီၣ် ကွံာ်အတိၢ်ဆူဘၤဘူၤလိၣ်န့ၣ်လီၤ.
14 ဒီးသပၢၤ, ဒီးတပူာ်, ဒီးနီၣ်တံာ်ကွံာ်တၢ်, ဒီးနီၣ်တၢၤ ဒီးကယဲၢ်တၢ်အဃၢၤအဃိၢ်တိၢ်လၢ ပှၤမၤတၢ်လၢအီၤခဲ လၢာ်န့ၣ်စိာ်ထီၣ်ကွံာ်ဝဲလီၤ. 15 ဒီးသပၢၤမ့ၣ်အူ, ဒီးသလၢ, တၢ်မၤဝဲလၢထူအထူဧိၤလွဲဧိၤ, ဒီးတၢ်မၤဝဲလၢစ့အကျိၣ် ဧိၤစ့ဧိၤန့ၣ်ပှၤပၢၤတၢ်ဖိအခိၣ်စိာ်ထီၣ်ကွံာ်ဝဲလီၤ.
16 ဒီးထူၣ်ခံထူၣ်, ပီၣ်လဲၣ်တဖျၢၣ်, ဒီးတၢ်အခီၣ်တဖၣ် လၢစီၤၡလိၤမိၤတ့ဝဲလၢယွၤအဟံၣ်အဂီၢ်န့ၣ် တၢ်တဖၣ် ခဲလၢာ်အတိၢ်အတၢ်လီၤတယၢၢ်တအိၣ်ဘၣ်.
17 ထူၣ်တထူၣ်အထီမ့ၢ်တဆံဃိးပျၢ်, ဒီးအခိၣ်လၢအဖီ ခိၣ်မ့ၢ်တိၢ်, ဒီးအခိၣ်အထီမ့ၢ်သၢပျၢ်, ဒီးစၤအတၢ်မၤ ဒီးသလဲသၣ်လၢအခိၣ်လိၤဝးတရံးန့ၣ် မ့ၢ်တိၢ်ခဲလၢာ် လီၤ. ဒီးဒ်အဝဲသ့ၣ်တဖၣ်အသိးန့ၣ်ထူၣ်တထူၣ်ဒၣ်အိၣ် ဝဲဒီးစၤအတၢ်မၤန့ၣ်လီၤ.
18 ဒီးပှၤပၢၤတၢ်ဖိအခိၣ် ဟံးန့ၢ်ပှၤလုၢ်တၢ်အခိၣ်စီၤစရါ ယၤ, ဒီးပှၤလုၢ်တၢ်အခိၣ်ခံဂၤတဂၤစီၤစဖါနယၤ, ဒီးပှၤ ပၢၤတြဲၤသၢဂၤလီၤ. 19 ဒီးလၢဝ့ၢ်ပူၤန့ၣ်ဟံးန့ၢ်ပှၤဒ့ဒံၣ်တ ဂၤလၢအအိၣ်ဝဲလၢပှၤသုးဖိအဖီခိၣ်, ဒီးပှၤယဲၢ်ဂၤလၢအ အိၣ်ဒၣ်တၢ်လၢစီၤပၤအမဲာ်ညါ လၢအထံၣ်န့ၢ်လၢဝ့ၢ် ပူၤ, ဒီးပှၤသုးမုၢ်အပှၤကွဲးလံာ်အခိၣ်လၢအဒုးအိၣ်ဖှိၣ် ကီၢ်အပှၤဂီၢ်မုၢ်, ဒီးပှၤဃုဆံလၢကီၢ်အပှၤဂီၢ်မုၢ်အကျါ လၢအထံၣ်န့ၢ်ဝဲလၢဝ့ၢ်ပူၤလီၤ. 20 ဒီးပှၤပၢၤတၢ်ဖိအခိၣ်စီၤ နဘူစၢ်ရဒၣ်ဟံးန့ၢ်အဝဲသ့ၣ်တဖၣ်န့ၣ်, ဒီးစိာ်ကွံာ်အီၤ ဆူဘၤဘူၤလိၣ်အစီၤပၤအအိၣ် လၢရံးဘလၤအပူၤလီၤ.
21 ဒီးဘၤဘူၤလိၣ်အစီၤပၤကျီကွံာ်အီၤ, ဒီးမၤသံအီၤလၢ ရံးဘလၤအပူၤ, ကီၢ်ဃမါသးအပူၤလီၤ. ဒီးယူဒၤဘၣ် တၢ်စိာ်ကဲကုၢ်လၢအကီၢ်ပူၤလီၤ.
22 ဒီးပှၤဂီၢ်မုၢ်လၢအအိၣ်လီၤတဲာ်လၢ ကီၢ်ယူဒၤအပူၤ လၢဘၤဘူၤလိၣ်အစီၤပၤနဘူၤကးန့စၢ် ပာ်လီၤတဲာ်ဝဲ န့ၣ်အဝဲဒၣ်ပာ်စီၤၡၤဖၣ်အဖိခွါ, စီၤအဃံကၣ်အဖိခွါ စီၤကဒါလယၤလၢအခိၣ်လၢအဖီခိၣ်လီၤ.
23 ဒီးတုၤပှၤသုးမုၢ်အခိၣ်ခဲလၢာ်, ဒီးအပှၤကညီနၢ်ဟူဝဲ လၢဘၤဘူၤလိၣ်အစီၤပၤပာ် စီၤကဒါလယၤလၢတၢ်အ ခိၣ်ဒီး, ပှၤဟဲဆူစီၤကဒါလယၤအအိၣ်လၢမံးစပၤအပူၤ လၢစီၤနသၤနံယၤအဖိခွါစီၤယံးၡမၤဧ့လး, ဒီးစီၤကၤရ့ၤ အဖိခွါစီၤယိဃၤနၣ်, ဒီးပှၤနတိပသးဖိစီၤတ့ၣ်ဃူမ့းအ ဖိခွါစီၤစရါယၤ, ဒီးပှၤမၤတၤသးဖိတဂၤအဖိခွါစီၤယၤ စၤနယၤ, အဝဲသ့ၣ်တဖၣ်ဒီးအပှၤကညီလီၤ.
24 ဒီးစီၤကဒါလယၤဆိၣ်တၢ်ဒီးအီၤ, ဒီးအပှၤကညီ, ဒီး စံးဘၣ်အီၤ, သုကဲထီၣ်ပှၤက့ၤစ့းဖိ အခ့အပှၤန့ၣ်ဘၣ် ယိၣ်တဂ့ၤ. အိၣ်လၢကီၢ်ပူၤ, ဒီးမၤဘၤဘူၤလိၣ်အစီၤ ပၤအတၢ်တက့ၢ်, ဒီးတၢ်ကဂ့ၤထီၣ်ဒီးသုလီၤ.
25 ဘၣ်ဆၣ်ဒီး ပှဲၤထီၣ်နွံလါတလါဒီး, စီၤပၤအချံအ သၣ်စီၤအလံၡမၤအဖိခွါ စီၤနသၤနံယၤအဖိခွါစီၤယံးၡ မၤဧ့လးဟဲဝဲဒီးပှၤဆံဆဲၣ်ဂၤအိၣ်ဒီးအီၤ, ဒီးကျီကွံာ်စီၤ ကဒါလယၤ, ဒီးသံဝဲ, ဒီးပှၤယူဒၤဖိ, ဒီးပှၤက့ၤစ့းဖိ လၢအအိၣ်ဒီးအီၤလၢမံးစပၤအပူၤလီၤ.
26 ဒီးပှၤဂီၢ်မုၢ်ခဲလၢာ် ဒီးဒိၣ်ဒီးဆံး, ဒီးပှၤသုးမုၢ်အခိၣ် တဖၣ်ဂဲၤဆၢထၢၣ်, ဒီးလဲၤဝဲဆူအဲၤကူပတူးအပူၤလီၤ. အဂ့ၢ်ဒ်အံၤ, ပျံၤပှၤက့ၤစ့းဖိလီၤ.
27 ဒီးယူဒၤအစီၤပၤယဟိၤယါခံၣ်ကဲကုၢ် ပှဲၤထီၣ်သၢဆံ နွံနံၣ်, လါတဆံခံလါတလါထီၣ် ခံဆံနွံနံၤတနံၤန့ၣ် တၢ်မၤအသးလၢ ဘၤဘူၤလိၣ်အစီၤပၤအ့ဝလးမရိဒး ကဲသီစီၤပၤတနံၣ်ဒီးဝံၣ်ထီၣ် ယူဒၤအစီၤပၤယဟိၤယါ ခံၣ်အခိၣ်လၢဃိာ်ပူၤလီၤ.
28 ဒီးကတိၤတၢ်မုာ်မုာ်ဒီးအီၤ, ဒီးပာ်အလီၢ်ပစိာ်ထီန့ၢ် စီၤပၤတဖၣ်အလီၢ်ပစိာ် လၢအအိၣ်ဒီးအီၤလၢဘၤဘူၤ လိၣ်အပူၤန့ၣ်လီၤ. 29 ဒီးဒုးကလံၤကွံာ်အသးလၢဃိာ်အ အတၢ်ကူတၢ်သိးန့ၣ်လီၤ. ဒီးအီၣ်ကိၣ်လၢအမဲာ်ညါတ ထံၣ်ဃီတစိၤဒၣ်အီၤလီၤ. 30 ဒီးတၢ်နီၤဟ့ၣ်အီၤန့ၣ်မ့ၢ်တၢ် ဟ့ၣ်လၢစီၤပၤဟ့ၣ်လီၤအီၤတထံၣ်ဃီ, တၢ်လၢတနံၤ အဂီၢ်တနံၤအဂီၢ်တစိၤဒၣ်အီၤလီၤ.