လံာ်ကွဲးနီၣ်တၢ်ခံဘ့ၣ်တဘ့ၣ်.

လံာ်ကွဲးနီၣ်တၢ်ခံဘ့ၣ်တဘ့ၣ်.

၁

¹ ဒီးစီၤဒၤဝံးအဖိခွါ စီၤၡလိၤမိၤ ဂၢၢ်ထီၣ်ကျၢၤထီၣ်ဝဲ လၢအဘီအမုၢ်အပူၤ, ဒီးယွၤ, အကစၢ်အိၣ်ဝဲဒီးအီၤ, ဒီး ပာ်ဒိၣ်ပာ်ထီအီၤဒိၣ်မးလီၤ.

² ဒီးစီၤၡလိၤမိၤကတိၤတၢ်ဒီးအံၣ်စရ့လးခဲလၢာ်, ဒီးပှၤ တကထိအခိၣ်, ဒီးပှၤတကယၤအခိၣ်, ဒီးပှၤစံၣ်ညီၣ် ကွီၢ်, ဒီးကယဲၢ်ပဒိၣ်ဖးဒိၣ်လၢအံၣ်စရ့လးအပူၤ, ပှၤ အပၢ်တဖၣ်အခိၣ်တဖၣ်လီၤ.

³ ဒီးစီၤၡလိၤမိၤ, ဒီးတၢ်အိၣ်ဖှိၣ်အိၣ်ဒီးအီၤခဲလၢာ်လဲၤ ဝဲဆူတၢ်အလီၢ်ထီၣ်ထီလၢကံးဘိၣ်အပူၤလီၤ. အဂ့ၢ်ဒ် အံၤ, ယွၤအတၢ်အိၣ်ဖှိၣ်အဒဲလၢယွၤအခ့အပှၤစီၤမိၤရှ့ မၤဝဲလၢပှၢ်မုၢ်ကနၢတဖျၢၣ်, အိၣ်ဝဲဖဲန့ၣ်လီၤ.

⁴ ဘၣ်ဆၣ်ဒီး ယွၤအတလါန့ၣ် စီၤဒၤဝံးဟဲစိာ်တ့ၢ်ဝဲ လၢကံးရယးယဧၤရံၣ်ဆူတၢ်အလီၢ်လၢ စီၤဒၤဝံးကတဲာ် ကတီၤဝဲလၢအဂီၢ်လီၤ. အဂ့ၢ်ဒ်အံၤ, သူၣ်ဒဲလၢအဂီၢ် လၢယရူၤၡလ့ၣ်အပူၤလီၤ.

⁵ ဒီးတၢ်လုၢ်လီၢ်တိၢ်လၢ စီၤဃူၢ်အဖိခွါ, စီၤအူရံၤအဖိ ခွါစီၤဘစၤလအ့လးတ့ဝဲန့ၣ် ပာ်လီၤဝဲလၢ ယွၤအဒဲအ မဲာ်ညါ, ဒီးစီၤၡလိၤမိၤဒီးတၢ်အိၣ်ဖှိၣ်န့ၣ်ဃုတၢ်ဖဲန့ၣ်လီၤ.

⁶ ဒီးစီၤၡလိၤမိၤလဲၤထီၣ်ဖဲန့ၣ် ဆူတၢ်လုၢ်လီၢ်တိၢ်လၢ ယွၤအမဲာ်ညါလၢအအိၣ်ဝဲဖဲတၢ်အိၣ်ဖှိၣ်အဒဲန့ၣ်, ဒီးလုၢ် တၢ်လုၢ်မ့ၣ်အူတကထိလၢအဖီခိၣ်လီၤ.

⁷ လၢမုၢ်တနၤန့ၣ် ယွၤလီၣ်ဖျါထီၣ်အသးလၢ စီၤၡလိၤ မိၤအမဲာ်ညါ, ဒီးစံးဘၣ်အီၤ, ယကဟ့ၣ်လီၤနၤလၢမနုၤ မနုၤလဲၣ်န့ၣ်ဃ့တက့ၢ်.

⁸ ဒီးစီၤၡလိၤမိၤစံးဝဲဒၣ်, နမၤဘျုးမၤဖှိၣ်ယပၢ်စီၤဒၤဝံး ဒိၣ်ဒိၣ်ကလဲာ်, ဒီးနဒုးကဲယၤလၢ စီၤပၤလၢအလီၢ်န့ၣ် လီၤ. ⁹ ဒီးခဲကနံၣ်အံၤ, ကစၢ်ယွၤဧၢ, မၤဂၢၢ်မၤကျၢၤန ကလုၢ်ကထါဒီးယပၢ်စီၤဒၤဝံးတက့ၢ်. အဂ့ၢ်ဒ်အံၤ, န ပာ်လီၤလံယၤလၢစီၤပၤလၢ ပှၤဂီၢ်မုၢ်အဖီခိၣ်လၢအအါဝဲ ဒ်ဟီၣ်ခိၣ်အကမူၣ်အသိးန့ၣ်လီၤ. ¹⁰ ခဲကနံၣ်အံၤဟ့ၣ်လီၤ ယၤလၢတၢ်ကူၣ်သ့, ဒီးတၢ်သ့ၣ်ညါ, ဒ်သိးယကဟး ထီၣ်ဒီးဟဲနုာ်လၢပှၤဂီၢ်မုၢ်အံၤအမဲာ်ညါတက့ၢ်. အဂ့ၢ်ဒ် အံၤ, မ့ၢ်မတၤစံၣ်ညီၣ်နပှၤဂီၢ်မုၢ်ဖးဒိၣ်အံၤသ့တဂၤလဲၣ်.

¹¹ ဒီးယွၤစံးဘၣ်စီၤၡလိၤမိၤ, မ့ၢ်တၢ်တမံၤအံၤအိၣ်ဝဲလၢ နသးကံၢ်ပူၤ, ဒီးတၢ်ထူးတၢ်တီၤမ့ၢ်ဂ့ၤ, တၢ်အစုလီၢ်အ ခီၣ်ခိၣ်မ့ၢ်ဂ့ၤ, တၢ်အလၤအကပီၤမ့ၢ်ဂ့ၤ, နဒုၣ်နဒါအသး သမူမ့ၢ်ဂ့ၤ, နတဃ့ဘၣ်, ဒီးနတဃ့ဘၣ်အါနံၤအါသီ ဘၣ်, ဒီးမ့ၢ်နဃ့တၢ်ကူၣ်သ့, ဒီးတၢ်သ့ၣ်ညါလၢနဂီၢ်, ဒ်သိးနကစံၣ်ညီၣ်ယပှၤဂီၢ်မုၢ်လၢ ယပာ်နၤလၢစီၤပၤလၢ အဖီခိၣ်ဒီး, ¹² တၢ်ကူၣ်သ့, ဒီးတၢ်သ့ၣ်ညါန့ၣ်တၢ်ဟ့ၣ် လီၤနၤ, ဒီးယကဟ့ၣ်လီၤနၤလၢတၢ်ထူးတၢ်တီၤ, ဒီးတၢ် အစုလီၢ်အခီၣ်ခိၣ်, ဒီးတၢ်လၤကပီၤလီၤ. တၢ်ဒ်န့ၣ်သိး တအိၣ်ဘၣ်ဒီးစီၤပၤ လၢအအိၣ်တ့ၢ်လၢနမဲာ်ညါနီတဂၤ ဘၣ်, ဒီးပှၤလၢနလီၢ်ခံတန့ၢ်ဘၣ်တၢ်ဒ်န့ၣ်သိးဘၣ်.

¹³ ဒီးစီၤၡလိၤမိၤဟဲက့ၤလၢ တၢ်အလီၢ်ထီၣ်ထီလၢကံး ဘိၣ်လၢတၢ်အိၣ်ဖှိၣ်အဒဲအအိၣ်, ဆူယရူၤၡလ့ၣ်အပူၤ, ဒီးကဲစီၤပၤလၢအံၣ်စရ့လးအဖီခိၣ်လီၤ.

¹⁴ ဒီးစီၤၡလိၤမိၤ ပာ်ဖှိၣ်လ့ၣ်ကဟၣ်, ဒီးပှၤကသ့ၣ်သုး ဖိ, ဒီးအိၣ်ဝဲဒီးလ့ၣ်ကလၣ်တကထိလွံၢ်ကယၤ, ဒီးပှၤ ကသ့ၣ်သုးဖိတကလးခံကထိ, ဒီးပာ်ဝဲလၢလ့ၣ်ကဟၣ် အဝ့ၢ်တဖၣ်အပူၤ, ဒီးလၢစီၤပၤလၢ ယရူၤၡလ့ၣ်အပူၤ အအိၣ်လီၤ.

¹⁵ ဒီးစီၤပၤပာ် ကျိၣ်ဧိၤစ့ဧိၤလၢယရူၤၡလ့ၣ်အပူၤဒ်လၢၢ် ဧိၤလ့ဧိၤအသိး, ဒီးပာ်သ့ၣ်ဆှိအ့ရ့းအါအါကလဲာ်ဒ်သိး ဝံာ်လၢတၢ်ပျီပူၤအသိးန့ၣ်လီၤ.

¹⁶ ဒီးတၢ်ဟဲစိာ်ကသ့ၣ် လၢအဲၤကူပတူးအပူၤ, ဒီးတၢ် တဖုလၢစီၤၡလိၤမိၤအဂီၢ်လီၤ. စီၤပၤပာ်အပှၤကၤတၢ်ဖိ ဒိးန့ၢ်တၢ်တဖုန့ၣ်လၢအပှ့ၤလီၤ.

¹⁷ ဒီးပှၤလဲၤတၢ်, ဒီးဟဲစိာ်လ့ၣ်ကဟၣ်တဆိလၢအဲၤကူ ပတူးအပူၤလၢစ့ဃုကယၤအဂီၢ်, ဒီးကသ့ၣ်တဒုလၢတ ကယၤယဲၢ်ဆံအဂီၢ်လီၤ. ဒ်န့ၣ်အသိးဟဲစိာ်ဝဲလၢအစုပူၤ လၢပှၤဃ့ၤသးဖိအစီၤပၤခဲလၢာ်အဂီၢ်, ဒီးလၢစူၤရံအစီၤ ပၤတဖၣ်အဂီၢ်လီၤ

၂

¹ ဒီးစီၤၡလိၤမိၤစံးလၢ အကသူၣ်ဟံၣ်လၢယွၤအမံၤအ ဂီၢ်ဒီးအဟံၣ်လၢအဘီအမုၢ်အဂီၢ်လီၤ.

² ဒီးစီၤၡလိၤမိၤဂံၢ်ဝဲလၢ ပှၤဝံတၢ်ယိးတၢ်ဖိနွံကလးလၢ အကဝံတၢ်ယိးတၢ်, ဒီးပှၤလၢအကကူာ်တၢ်လၢ အက စၢၢ်ကလိန့ၣ်ဃိးကလး, ဒီးပဒိၣ်တဖၣ်အိၣ်ဝဲလၢ အဖီ ခိၣ်သၢကထိဃုကယၤလီၤ.

³ ဒီးစီၤၡလိၤမိၤမၢလီၤတၢ်ဆူ စိၢ်အစီၤပၤဃူရၣ်, ဒီးစံး ဝဲဒၣ်, ဒ်နမၤတၢ်ဒီးယပၢ်စီၤဒၤဝံး, ဒီးဟ့ၣ်ယုၢ်အီၤလၢ သ့ၣ်ဆှိအ့ရ့း, ဒ်သိးအကသူၣ်ဟံၣ်လၢအကအိၣ်ကဆိး လၢအပူၤအသိးန့ၣ်မၤဒီးယၤတက့ၢ်. ⁴ ကွၢ်ကွၢ်ယသူၣ် ဟံၣ်လၢ ယွၤယကစၢ်အမံၤအဂီၢ်, ဒ်သိးယကပာ်စီဆှံ အီၤလၢအဂီၢ်, ဒ်သိးပှၤကဆိၣ်ကဲၤတၢ်နၢမူလၢအမဲာ်ညါ ဒီးလၢတၢ်ဂ့ၢ်အကိၣ်တထံၣ်ဃီအဂီၢ်, ဒီးလၢအကလုၢ် တၢ်လုၢ်မ့ၣ်အူလၢဂီၤလၢဟါ, လၢမုၢ်အိၣ်ဘှံးနံၤ, လၢ လါထီၣ်သီအနံၤ, ဒီးလၢယွၤပကစၢ် အတၢ်မၤဘူၣ်အ ဆၢအကတီၢ်တဖၣ်လီၤ. အဝဲန့ၣ်အိၣ်ဝဲဒီးအံၣ်စရ့လး လီၤထူလီၤယိာ်လီၤ.

⁵ ဒီးဟံၣ်လၢယသူၣ်န့ၣ်မ့ၢ်အဒိၣ်လီၤ. အဂ့ၢ်ဒ်အံၤယွၤ ပကစၢ်ဒိၣ်ဝဲလၢကစၢ်ခဲလၢာ်အဖီခိၣ်လီၤ.

⁶ ဒီးမ့ၢ်မတၤသူၣ်ဟံၣ်လၢအဂီၢ်သ့တဂၤလဲၣ်. အဂ့ၢ်ဒ် အံၤ, မူခိၣ်, ဒီးမူခိၣ်အထီကတၢၢ်တတြီၢ်ဘၣ်အီၤဘၣ်. မ့တမ့ၢ်ဘၣ်လၢ ပကဆိၣ်ကဲၤတၢ်နၢမူလၢအဂီၢ်ဘၣ်ဒီး ယဲဒၣ်အံၤ ယမ့ၢ်မတၤလၢယကသူၣ်န့ၢ်အီၤလၢဟံၣ်တ ဂၤလဲၣ်.

⁷ ဒီးခဲကနံၣ်အံၤမၢလီၤ ပှၤဆူယအိၣ်တဂၤ လၢအကူၣ် တၢ်သ့ဒ်သိးအကမၤတၢ်လၢထူ, ဒီးလၢစ့, ဒီးလၢတိၢ်, ဒီးလၢထး, ဒီးလၢတၢ်လုးတကုာ်, ဒီးလၢတၢ်ဂီၤ, ဒီး လၢတၢ်လါ, ဒီးကွဲးတၢ်ကွဲးသ့ဒ်သိးအကအိၣ်ဒီးပှၤကူၣ် တၢ်သ့တဖၣ်လၢအအိၣ်ဒီးယၤလၢယူဒၤအပူၤ, ဒီးလၢ ယရူၤၡလ့ၣ်အပူၤ လၢယပၢ်စီၤဒၤဝံးကတဲာ်ကတီၤဝဲန့ၣ် တက့ၢ်.

⁸ ဒီးဟ့ၣ်ယုၢ်ယၤလၢ သ့ၣ်ဆှိအ့ရ့းတဖၣ်, သ့ၣ်ဆှိတ ဖၣ်, ဒီးသ့ၣ်အလၤမူးလၢလဘၤနိၣ်အပူၤတက့ၢ်. (အဂ့ၢ် ဒ်အံၤ, ယသ့ၣ်ညါလၢ နခ့နပှၤကူာ်လီၤသ့ၣ်သ့လၢလ ဘၤနိၣ်အလိၤလီၤ.) ဒီးကွၢ်ကွၢ်, ယခ့ယပှၤကအိၣ်ဒီး နခ့နပှၤ, ⁹ ဒ်သိးအကကတဲာ်ကတီၤသ့ၣ်လၢယဂီၢ်အါ အါကလဲာ်လီၤ. အဂ့ၢ်ဒ်အံၤ, ဟံၣ်လၢယသူၣ်အီၤန့ၣ် ဒိၣ်ဝဲ, ဒီးလီၤလးဝဲလီၤ.

¹⁰ ဒီးကွၢ်ကွၢ်, ယကဟ့ၣ်လီၤနခ့နပှၤ, ပှၤကူာ်တၢ်ဖိ, ပှၤလၢအကူာ်သ့ၣ်တဖၣ်လၢဘုကၠူၣ်တိၢ်အသး အကိၢ် ခံကလး, ဒီးဘုမုယီၤအကိၢ်ခံကလး, ဒီးစပံးထံအဘၤ သးခံကလး, ဒီးသိအဘၤသးခံကလးလီၤ.

¹¹ ဒီးစိၢ်အစီၤပၤစီၤဃူရၣ် စံးဆၢလၢလံာ်ပူၤလၢအဟ့ၣ် ယုၢ်စီၤၡလိၤမိၤ, မ့ၢ်ယွၤအဲၣ်အပှၤဂီၢ်မုၢ်ဒီး, ပာ်နၤလၢစီၤ ပၤလၢအဖီခိၣ်လီၤ. ¹² ဒီးစီၤဃူရၣ်စံးဝဲဒၣ်, ယွၤအံၣ်စရ့ လးအကစၢ်လၢအတ့မူခိၣ်, ဒီးဟီၣ်ခိၣ်, လၢအဟ့ၣ်လီၤ စီၤပၤဒၤဝံးအဖိခွါလၢအကူၣ်တၢ်သ့, လၢအအိၣ်ဒီးအ သူၣ်ဆးဒီးအသးဆး, ဒီးနၢ်ပၢၢ်တၢ်ဒ်သိးအကသူၣ်ဟံၣ် လၢယွၤအဂီၢ်, ဒီးဟံၣ်လၢအဘီအမုၢ်အဂီၢ်တဂၤန့ၣ်မ်အ ဘၣ်တၢ်စံးထီၣ်ပတြၢၤအီၤတက့ၢ်. ¹³ ဒီးခဲကနံၣ်အံၤယမၢ လီၤပှၤကူၣ်တၢ်သ့, ဒီးနၢ်ပၢၢ်တၢ်စီၤဃူရၣ်အဘံ, ¹⁴ ပိာ် မုၣ်လၢဒၣ်အဖိမုၣ်တဖၣ်အကျါတဂၤအဖိခွါ, ဒီးအပၢ် မ့ၢ်ပှၤစိၢ်ဖိတဂၤ, မၤတၢ်သ့လၢထူ, ဒီးလၢစ့, လၢတိၢ်, လၢထး, လၢလၢၢ်, လၢသ့ၣ်, လၢတၢ်လုးတကုာ်, လၢ တၢ်လါ, ဒီးလၢတၢ်ဖှီဝါကဆှၣ်, ဒီးလၢတၢ်ဂီၤ, ဒီးလၢ အကကွဲးကယဲၢ်တၢ်ကွဲးဒီး ကူၣ်ထီၣ်ကယဲၢ်တၢ်ကူၣ်ဒ် သိးတၢ်ကဟ့ၣ်လီၤအီၤလၢအကအိၣ်ဒီး နပှၤကူၣ်တၢ်သ့ ဒီးနပၢ်ယကစၢ်စီၤဒၤဝံး အပှၤကူၣ်တၢ်သ့တဖၣ်န့ၣ်လီၤ.―

¹⁵ ဒီးခဲကနံၣ်အံၤဘုကၠူၣ်, ဒီးဘုမုယီၤ, ဒီးသိ, ဒီးစပံးထံလၢ ယကစၢ်ကတိၤလၢအဂ့ၢ်အကျိၤန့ၣ် မ်အဟ့ၣ်ယုၢ်အခ့ အပှၤတက့ၢ်. ¹⁶ ဒီးပကကူာ်လီၤသ့ၣ်လၢလဘၤနိၣ်အလိၤ ဖဲဒၣ်အဘၣ်နသး, ဒီးပကဟဲစိာ်လၢထိလၢပီၣ်လဲၣ်ပူၤ ဆူယၤဖိၤဆူနအိၣ်, ဒီးနကစိာ်ထီၣ်ဆူယရူၤၡလ့ၣ်လီၤ.

¹⁷ ဒီးစီၤၡလိၤမိၤဂံၢ် ကယဲၢ်ပှၤတခီဘီမုၢ်ဖိလၢအအိၣ်ဝဲလၢ ကီၢ်အံၣ်စရ့လးအပူၤ, ဒ်တၢ်ဂံၢ်လၢအပၢ်စီၤဒၤဝံးဂံၢ်ဝဲအ သိးန့ၣ်, ဒီးအိၣ်ဝဲတကလီၤ, ယဲၢ်ကလး, သၢကထိ, ဃုကယၤလီၤ.

¹⁸ ဒီးပာ်ပှၤနွံကလး, လၢအကဝံတၢ်ယိးတၢ်, ဒီးပှၤဃိး ကလးလၢအကူာ်တၢ်လၢ ကစၢၢ်ကလိ, ဒီးပဒိၣ်သၢက ထိဃုကယၤလၢအကမၢပှၤဂီၢ်မုၢ်မၤတၢ်လီၤ.

၃

¹ ဒီးစီၤၡလိၤမိၤမၤသီယွၤအဟံၣ် လၢယရူၤၡလ့ၣ်အပူၤ လၢကစၢၢ်မိၤရံယၤအလိၤ, ဖဲယွၤလီၣ်ဖျါထီၣ်အသးလၢ စီၤဒၤဝံးအမဲာ်ညါ, လၢတၢ်အလီၢ်လၢ စီၤဒၤဝံၤကတဲာ် ကတီၤတၢ်လၢပှၤယဘူၣ်ဖိစီၤအၤရနၤအကြဲၢ်ပူၤန့ၣ်လီၤ.

² ဒီးမၤသီလၢအကဲစီၤပၤလွံၢ်နံၣ်တနံၣ်, လၢလါခံလါ တလါ, လၢလါထီၣ်ခံနံၤတနံၤလီၤ.

³ ဒီးအအံၤမ့ၢ်တၢ်လၢ စီၤၡလိၤမိၤဘၣ်တၢ်သိၣ်လိအီၤ လၢတၢ်သူၣ်ယွၤအဟံၣ်အဂ့ၢ်အကျိၤ, အထီဒ်နီၣ်ထိၣ်အ ခီၣ်ထံးအသိး, မ့ၢ်အပျၢ်ဃုဆံ, ဒီးအဒီၣ်ဃီၤအပျၢ်ခံဆံ လီၤ.

⁴ ဒီးပျဲၢ်စီၢ်လၢအမဲာ်ညါန့ၣ် အထီမ့ၢ်အပျၢ်ခံဆံဒ်ဟံၣ် အဒီၣ်ဃီၤအသိး, ဒီးအကစီၤထီၣ် မ့ၢ်အပျၢ်တကယၤ ခံဆံ, ဒီးပီၤဝဲလၢထူစီလၢညါခီလီၤ.

⁵ ဒီးဟံၣ်အဒိၣ်တဖျၢၣ်န့ၣ် ကျးဝဲအခိၣ် လၢညါခီလၢ သ့ၣ်ဆှိ, ဒီးပီၤဝဲလၢထူစီ, ဒီးပာ်သ့ၣ်စူၣ်ပလိာ်လၢအ လိၤ, ဒီးပျံၤသွဲလီၤ.

⁶ ဒီးကယၢကယဲဟံၣ်န့ၣ်လၢ လၢၢ်အလုၢ်ဒိၣ်ပှ့ၤဒိၣ်လၢ တၢ်ဃံတၢ်လၤအဂီၢ်, ဒီးထူန့ၣ်မ့ၢ်ပးရဝဲၣ်အထူလီၤ.

⁷ ဒီးပီၤဟံၣ်, ဒီးအကျိၤ, ဒီးအထူၣ်, ဒီးအဒူၣ်, ဒီးအ တြဲၤသ့ၣ်တဖၣ်လၢထူ, ဒီးကွဲးခ့ရူာ်တဖၣ်လၢအဒူၣ်အ လိၤလီၤ.

⁸ ဒီးတ့ဟံၣ်စီဆှံကတၢၢ်န့ၣ်လီၤ. အထီမ့ၢ်ဒ်ဟံၣ်အဒီၣ် ဃီၤအသိး, အပျၢ်ခံဆံ, ဒီးအဒီၣ်ဃီၤမ့ၢ်အပျၢ်ခံဆံ, ဒီး ပီၤဝဲလၢထူစီအကံကၢ်ဃုကယၤလီၤ.

⁹ ဒီးပနဲာ်ထူလီၤတယၢၢ် ထူအၡက့လးယဲၢ်ဆံ, ဒီးပီၤ တၢ်အဒၢးထီၣ်ထီတဖၣ်လၢထူလီၤ.

¹⁰ ဒီးတ့ခ့ရူာ်လၢတၢ်စီဆှံကတၢၢ်အလီၢ်ပူၤ လၢတၢ်ဂီၤ အတၢ်မၤခံဂၤလီၤ. ဒီးပီၤဝဲလၢထူလီၤ.

¹¹ ဒီးခ့ရူာ်အဒံးဆ့အထီ မ့ၢ်အပျၢ်ခံဆံလီၤ. အဒံးဆ့တ ခီအထီယဲၢ်ပျၢ်ထိးဟံၣ်အဒူၣ်, ဒီးအဒံးဆ့အဝဲတခီအထီ ယဲၢ်ပျၢ်ထိးခ့ရူာ်အဂၤတဂၤအဒံးဆ့လီၤ.

¹² ဒီးခ့ရူာ်တဂၤဒၣ်န့ၣ် အဒံးဆ့တခီ အထီယဲၢ်ပျၢ်ထိး ဟံၣ်အဒူၣ်, ဒီးအဒံးဆ့အဝဲတခီအထီယဲၢ်ပျၢ်, ဒီးစဲဘူး ဒီးခ့ရူာ်အဂၤတဂၤအဒံးဆ့န့ၣ်လီၤ.

¹³ ခ့ရူာ်အဒံးဆ့တဖၣ်န့ၣ် ယူာ်ထီၣ်အသး အပျၢ်ခံဆံ, ဒီးဆၢထၢၣ်လၢအခီၣ်, ဒီးအမဲာ်အိၣ်ဝဲဆူတၢ်အပူၤလီၤ.

¹⁴ ဒီးတ့ယၣ်ဘျးထီၣ်အသးလၢတၢ်လါ, ဒီးတၢ်လုးတ ကုာ်, ဒီးတၢ်ဂီၤ, ဒီးဖှီဝါကဆှၣ်, ဒီးခ့ရူာ်တဖၣ်လၢ အလိၤလီၤ.

¹⁵ ဒီးတ့ဝဲလၢဟံၣ်အမဲာ်ညါလၢထူၣ်ခံထူၣ်, အထီသၢ ဆံယဲၢ်ပျၢ်, ဒီးတၢ်အခိၣ်လၢတၢ်ထူၣ်တထူၣ်အဖီခိၣ်မ့ၢ် ယဲၢ်ပျၢ်လီၤ.

¹⁶ ဒီးတ့ပျံၤသွဲဒ်လၢ တၢ်ကတိၤတၢ်အလီၢ်ပူၤအသိးန့ၣ်, ဒီးပာ်ဝဲလၢထူၣ်အခိၣ်အလိၤ, ဒီးတ့သလဲသၣ်အဖျၢၣ် တကယၤ, ဒီးပာ်ဝဲလၢပျံၤသွဲအလိၤလီၤ.

¹⁷ ဒီးပာ်ထူၣ်ကလာ်ထူၣ်တဖၣ် လၢနူၢ်အမဲာ်ညါ, တ ထူၣ်လၢစုထွဲတခီ, ဒီးတထူၣ်လၢစုစ့ၣ်တခီ, ဒီးတၢ် အိၣ်ဝဲလၢစုထွဲတခီန့ၣ်ယုၢ်ဝဲအမံၤလၢယၤကံၣ်, ဒီးတၢ် အိၣ်ဝဲလၢစုစ့ၣ်တခီယုၢ်ဝဲအမံၤလၢဘိၤဧးလီၤ.

၄

¹ ဒီးတ့ဝဲလၢတၢ်လုၢ်လီၢ်တိၢ်, အထီအပျၢ်ခံဆံ, ဒီးအ ဒီၣ်ဃီၤအပျၢ်ခံဆံ, ဒီးအကစီၤထီၣ်ဆံဆဲၣ်ပျၢ်လီၤ.

² ဒီးသိဝဲလၢပီၣ်လဲၣ်တဖျၢၣ်လီၤ. အဘၢၣ်စၢၤလၢအ ဃၢၤတခီပၢၢ်လၢအဃၢၤအဝဲတခီ, မ့ၢ်အပျၢ်တဆံလီၤ. မ့ၢ်တၢ်ဖျၢၣ်သလၢၣ်ဝးတရံးဝဲ, ဒီးအကစီၤထီၣ်မ့ၢ်ယဲၢ် ပျၢ်ဒီးပျံၤအထီအပျၢ်သၢဆံဝးတရံးအီၤလီၤ.

³ ဒီးလၢအဖီလာ်န့ၣ် အိၣ်ဝဲဒီးဂီၤဖံးအဂီၤ ဝးတရံးတ ပျၢ်ဆံဆဲၣ်ဒု, တပျၢ်ဆံဆဲၣ်ဒု, ဝးတရံးပီၣ်လဲၣ်ဒီဖျၢၣ် ညါလီၤ. ဂီၤဖံးတဖၣ်န့ၣ်ဘၣ်သိအသးလၢ ခံဂ့ၢ်ဖဲပီၣ် လဲၣ်ဘၣ်သိအသးလီၤ.

⁴ ဒီးအိၣ်ဝဲလၢဂီၤဖံးတဆံခံဒုအဖီခိၣ်လီၤ. သၢဒုကွၢ်ဝဲ ဆူကလံၤစိး, ဒီးသၢဒုကွၢ်ဝဲဆူမုၢ်နုာ်, ဒီးသၢဒုကွၢ်ဝဲ ဆူကလံၤထံး, ဒီးသၢဒုကွၢ်ဝဲဆူမုၢ်ထီၣ်လီၤ. ဒီးပီၣ်လဲၣ် န့ၣ်အိၣ်ဝဲလၢအဖီခိၣ်, ဒီးအခံအိၣ်ဆူတၢ်အပူၤတခီလီၤ.

⁵ ဒီးအတီၣ်မ့ၢ်တဖံး, ဒီးအခိၣ်ဒူမၤအသးဒ်သလၢအ ခိၣ်ဒူအသိးန့ၣ်အိၣ်ဝဲဒီးဖီဒ့ၣ်ညါအဖီတဖၣ်လီၤ. ဒီးတြီၢ် ဝဲလၢဘၤသးသၢကထိလီၤ.

⁶ ဒီးမၤသရာ်ဆံဆဲၣ်ဖျၢၣ်, ဒီးပာ်ဝဲယဲၢ်ဖျၢၣ်လၢစုထွဲတ ခီ, ဒီးယဲၢ်ဖျၢၣ်လၢစုစ့ၣ်တခီ, ဒ်သိးပှၤကသ့ကွံာ်တၢ်လၢ အပူၤလီၤ. တၢ်လၢပှၤလုၢ်တၢ်လၢတၢ်လုၢ်မ့ၣ်အူအဂီၢ်န့ၣ် သ့ကွံာ်ဝဲလၢအပူၤလီၤ. မ့မ့ၢ်ပီၣ်လဲၣ်တဖျၢၣ်န့ၣ်အိၣ်ဝဲ လၢပှၤလုၢ်တၢ်အဒိၣ်သ့ကွံာ်အသးလၢအပူၤအဂီၢ်လီၤ.

⁷ ဒီးတ့မ့ၣ်အူဒၢထူ ဒ်အတၢ်ဂီၤအသိးန့ၣ်ဆံဆဲၣ်ဖျၢၣ်, ဒီးပာ်ဝဲလၢနူၢ်ပူၤ, ယဲၢ်ဖျၢၣ်လၢစုထွဲတခီ, ဒီးယဲၢ်ဖျၢၣ် လၢစုစ့ၣ်တခီလီၤ.

⁸ ဒီးတ့ဝဲလၢစီၢ်နီၤခိၣ် ဆံဆဲၣ်ဖျၢၣ်, ဒီးပာ်ဝဲလၢနူၢ်ပူၤ ယဲၢ်ဖျၢၣ်လၢစုထွဲတခီ, ဒီးယဲၢ်ဖျၢၣ်လၢ စုစ့ၣ်တခီလီၤ. ဒီးတ့သလၢထူအဖျၢၣ်တကယၤလီၤ.

⁹ ဒီးမၤပှၤလုၢ်တၢ်အဒိၣ်အဂၢၤ, ဒီးဂၢၤဖးဒိၣ်, ဒီးတြဲၤ လၢတၢ်ဂၢၤအဂီၢ်, ဒီးပီၤတြဲၤလၢတိၢ်လီၤ.

¹⁰ ဒီးပာ်ပီၣ်လဲၣ်တဖျၢၣ်လၢစုထွဲတခီ လၢမုၢ်ထီၣ်အက ပၤ, သဃီၤဝဲဒီးကလံၤထံးန့ၣ်လီၤ.

¹¹ ဒီးစီၤဃူရၣ်တ့သပၢၤ, ဒီးတပူာ်, ဒီးသလၢတဖၣ်လီၤ. စီၤဃူရၣ်မၤဝံၤတၢ်မၤ လၢအမၤဝဲလၢ စီၤၡလိၤမိၤအဂီၢ် လၢယွၤအဟံၣ်အဂီၢ်, ¹² ထူၣ်ခံထူၣ်န့ၣ်, ဒီးသလၢတဖၣ် ဒီးတၢ်အခိၣ်ခံဖျၢၣ်လၢအအိၣ်ဝဲလၢထူၣ်အဖီခိၣ်, ဒီးစၤ အတၢ်မၤခံဘ့ၣ်, ဒ်သိးအကကျၢၢ်ဘၢတၢ်အခိၣ်လၢအ အိၣ်ဝဲလၢထူၣ်အဖီခိၣ်န့ၣ် အသလၢခံဖျၢၣ်, ¹³ ဒီးသလဲ သၣ်လွံၢ်ကယၤလၢစၤအတၢ်မၤခံဘ့ၣ်အဂီၢ်, သလဲသၣ် ခံဂ့ၢ်လၢစၤအတၢ်မၤတဘ့ၣ်အဂီၢ်, သလဲသၣ်ခံဂ့ၢ်လၢ စၤအတၢ်မၤတဘ့ၣ်အဂီၢ် ဒ်သိးအကကျၢၢ်ဘၢ တၢ်အ ခိၣ်လၢအအိၣ်ဝဲလၢ ထူၣ်အဖီခိၣ်န့ၣ် အသလၢခံဖျၢၣ် လီၤ. ¹⁴ ဒီးတ့တၢ်အခီၣ်ထံးတဖၣ်, ဒီးသရာ်တဖၣ်န့ၣ် တ့ဝဲလၢခီၣ်ထံးတဖၣ်အဖီခိၣ်, ¹⁵ ပီၣ်လဲၣ်တဖျၢၣ်, ဒီး ဂီၤဖံးတဆံခံဒုအိၣ်ဝဲလၢအဖီလာ်လီၤ. ¹⁶ ဒီးသပၢၤ, ဒီး တပူာ်, ဒီးနီၣ်ဆဲး, ဒီးကယဲၢ်တၢ်အဃၢၤအဃိၢ်ခဲလၢာ် န့ၣ်စီၤဃူရၣ်အဘံမၤဝဲလၢ တိၢ်ဂ့ၤလၢစီၤပၤၡလိၤမိၤအ ဂီၢ်, လၢယွၤအဟံၣ်အဂီၢ်န့ၣ်လီၤ.

¹⁷ ဒီးစီၤပၤသိအီၤလၢယၢ်ဒ့ၣ်အတၢ်ပျီပူၤ, လၢကပံာ်ကျါ လၢစူးကိၤသး, ဒီးစၢ်ဒသၤအဘၢၣ်စၢၤလီၤ.

¹⁸ ဒီးမ့ၢ်စီၤၡလိၤမိၤ တ့တၢ်ဖိတၢ်လံၤခဲလၢာ် အိၣ်ဝဲအါ အါကလဲာ်အံၤသတးဒီး, တိၢ်အလီၤတယၢၢ် ဒ်လဲၣ်ဒ် လဲၣ်န့ၣ်တဃုဘၣ်ဝဲဘၣ်.

¹⁹ ဒီးစီၤၡလိၤမိၤတ့ယွၤအဟံၣ် အတၢ်ဖိတၢ်လံၤခဲလၢာ် အိၣ်ဒီးတၢ်လုၢ်လီၢ်ထူ, ဒီးစီၢ်နီၤခိၣ်, ဖဲတၢ်မဲာ်ညါကိၣ် အိၣ်, ²⁰ ဒီးမ့ၣ်အူဒၢထူစီမိၢ်ပှၢ်အိၣ်ဒီးအမ့ၣ်အူဒၢဖိတဖၣ် လၢအကကဲၤကပီၤထီၣ် ဒ်တၢ်စံၣ်ညီၣ်အသိး, လၢတၢ် ကတိၤတၢ်အလီၢ်အမဲာ်ညါ, ²¹ ဒီးဖီ, ဒီးမ့ၣ်အူဒၢဖိ, ဒီး နီၣ်တံာ်တၢ်လၢထူအစီကတၢၢ်, ²² ဒီးနီၣ်တံာ်မ့ၣ်အူ, ဒီး သလၢ, ဒီးနီၣ်တၢၤ, ဒီးသပၢၤမ့ၣ်အူသ့ၣ်တဖၣ်န့ၣ်မ့ၢ် ထူစီလီၤ. ဒီးလၢတၢ်လဲၤနုာ်ဆူဟံၣ်အဂ့ၢ်, တၢ်အလီၢ် စီဆှံကတၢၢ်အတြဲၤလၢညါတဖၣ်, ဒီးဒ်ပစံးတၢ်အသိး ဟံၣ်အနူၢ်န့ၣ်အတြဲၤတဖၣ်မ့ၢ်ထူလီၤ.

၅

¹ ဒီးစီၤၡလိၤမိၤမၤဝံၤ ကယဲၢ်တၢ်မၤလၢအမၤဝဲလၢယွၤ အဟံၣ်အဂီၢ်, ဒီးစီၤၡလိၤမိၤဟဲစိာ်နုာ်တၢ်တဖၣ်လၢအ ပၢ်မၤဘူၣ်ဝဲလီၤ. ဒီးကျိၣ်ဧိၤစ့ဧိၤ, ဒီးထူဧိၤလွဲဧိၤ, ဒီး တၢ်ဖိတၢ်လံၤခဲလၢာ်န့ၣ် ပာ်ဝဲလၢတၢ်ပာ်ဖှိၣ်အလီၢ်ပူၤ လၢယွၤအဟံၣ်ပူၤလီၤ.

² တုၤနုၤတစုစီၤၡလိၤမိၤ ဒုးအိၣ်ဖှိၣ်ရိဖှိၣ်အံၣ်စရ့လးအ ပှၤသူၣ်က့သးပှၢ်, ဒီးအဒူၣ်တဖၣ်အခိၣ်ခဲလၢာ်, ပှၤအံၣ် စရ့လးဖိအပၢ်အခိၣ်တဖၣ် ဆူယရူၤၡလ့ၣ်အပူၤ, ဒ်သိး အကဟဲစိာ်ယွၤအတၢ်အၢၣ်လီၤအီလီၤအတလါ ဆူစီၤ ဒၤဝံးအဝ့ၢ်ပူၤလီၤ. (အဝဲဒၣ်မ့ၢ်စံယိၣ်လီၤ.)

³ ဒီးအံၣ်စရ့လးအပှၤကညီခဲလၢာ် အိၣ်ဖှိၣ်ရိဖှိၣ်ဆူစီၤ ပၤအအိၣ်လၢတၢ်မၤဘူၣ်အပူၤ, လၢလါနွံလါတလါလီၤ.

⁴ ဒီးအံၣ်စရ့လးအပှၤသူၣ်က့သးပှၢ်ဟဲဝဲခဲလၢာ်, ဒီးပှၤ လ့ၤဝံဖိဟံးထီၣ်တလါန့ၣ်, ⁵ ဒီးဟဲစိာ်ထီၣ်တလါန့ၣ်, ဒီးတၢ်အိၣ်ဖှိၣ်အဒဲ, ဒီးတၢ်ဖိတၢ်လံၤစီဆှံလၢအအိၣ်ဝဲ လၢဒဲပူၤခဲလၢာ်လီၤ. အဝဲသ့ၣ်န့ၣ်ပှၤလုၢ်တၢ်အဒိၣ်, ဒီး ပှၤလ့ၤဝံဖိဟဲစိာ်ဝဲလီၤ.

⁶ ဒီးစီၤပၤၡလိၤမိၤ, ဒီးအံၣ်စရ့လးအတၢ်အိၣ်ဖှိၣ်ခဲလၢာ် လၢအအိၣ်ဖှိၣ်လၢအအိၣ်န့ၣ် အိၣ်ဝဲလၢ တလါအမဲာ် ညါ, ဒီးလုၢ်သိ, ဒီးဂီၤဖံး, ဒီးမ့ၢ်အအိၣ်ဂီၢ်မုၢ်သတးဒီး, အိၣ်ပှဲၤအံၤပှဲၤနုၤလီၤန့ၣ်ပှၤစံးတဘၣ်ဘၣ်. ဒီးတဂံၢ်ဘၣ် ဝဲဘၣ်.

⁷ ဒီးပှၤလုၢ်တၢ်အဒိၣ်ဟဲစိာ် ယွၤအတၢ်အၢၣ်လီၤအီလီၤ အတလါဆူအလီၢ်လၢ တၢ်ကတိၤတၢ်အလီၢ်လၢဟံၣ်ပူၤ ဆူတၢ်အလီၢ်စီဆှံကတၢၢ်လၢခ့ရူာ်အဒံးဆ့အဖီလာ်လီၤ.

⁸ အဂ့ၢ်ဒ်အံၤ, ခ့ရူာ်ယူာ်ထီၣ်အဒံးဆ့ခံခီလၢတလါအ လီၢ်အဖီခိၣ်, ဒီးခ့ရူာ်ကျၢၢ်ဘၢတလါန့ၣ်, ဒီးအနီၣ်ယိး ဘိလၢအဖီခိၣ်လီၤ.

⁹ ဒီးထုးထီၣ်နီၣ်ယိးဘိ, ဒီးနီၣ်ယိးဘိ အနါစ့ၤတဖၣ် အိၣ်ဖျါဝဲလၢတလါန့ၣ် လၢတၢ်ကတိၤတၢ်အလီၢ်အမဲာ် ညါ, ဒီးတအိၣ်ဖျါဘၣ်လၢခိ, ဒီးအိၣ်ဝဲဖဲန့ၣ်တုၤမုၢ်မ ဆါတနံၤအံၤလီၤ.

¹⁰ ဒီးအိၣ်ဝဲလၢတလါပူၤ ထဲလၢၢ်ဘ့ၣ်ဘၣ်ခံဘ့ၣ်လၢစီၤ မိၤရှ့ပာ်ဖဲန့ၣ်လၢဃိၤရ့း ဖဲယွၤအၢၣ်လီၤအီလီၤတၢ်ဒီးပှၤ အံၣ်စရ့လးဖိ, ဖဲအဟဲထီၣ်လၢအဲၤကူပတူးအပူၤန့ၣ်လီၤ.

¹¹ ဒီးတၢ်မၤအသးတုၤ ပှၤလုၢ်တၢ်အဒိၣ်ဟဲက့ၤထီၣ်လၢ တၢ်အလီၢ်စီဆှံဒီး, (အဂ့ၢ်ဒ်အံၤ, ကယဲၢ်ပှၤလုၢ်တၢ်အ ဒိၣ်လၢအအိၣ်ဝဲခဲလၢာ်န့ၣ်မၤစီဆှံတ့ၢ်အသး, ဒီးတအိၣ် ခိးဘၣ်တတီၤဘၣ်တတီၤဘၣ်. ¹² ဒီးပှၤလ့ၤဝံဖိလၢအသး ဝံၣ်တၢ်ခဲလၢာ်, လၢအဘၣ်ဃးဒီးစီၤအၤစာ်, ဒီးစီၤဟ့ မၣ်, ဒီးစီၤယဒူသူၣ်အိၣ်ဒီးအဖိခွါဒီး အဒီပုၢ်ဝဲၢ်တဖၣ် န့ၣ်သိးဝဲဒီးဖှီဝါကဆှၣ်အိၣ်ဝဲဒီးစှၢၣ်စှံး, ဒီးသီတူၢ်, ဒီး တနၢ်သ့ၣ်တဖၣ်န့ၣ် ဆၢထၢၣ်ဝဲလၢတၢ်လုၢ်လီၢ်အဃၢၤ လၢမုၢ်ထီၣ်တခီ, အိၣ်ဒီးပှၤလုၢ်တၢ်အဒိၣ်တကယၤခံဆံ လၢအူကွဲၤလီၤ.)

¹³ တုၤပှၤအူကွဲၤ, ဒီးပှၤသးဝံၣ်တၢ်ဖိန့ၣ်မၤသီၣ်ထီၣ်တၢ် ဒ်ပှၤတဂၤဃီအသိး, လၢအအူးထီၣ်, ဒီးစံးထီၣ်ပတြၢၤ ယွၤသတးဒီးဒုးနၢ်ဟူတၢ်, ဒီးထုထီၣ်အကလုၢ်ဒီးကွဲၤ, ဒီးစှၢၣ်စှံး, ဒီးဒံၣ်ဒၢပီၤဒွါ, ဒီးစံးထီၣ်ပတြၢၤယွၤ, (အ ဂ့ၢ်ဒ်အံၤ, ဂ့ၤဝဲလီၤ. မ့ၢ်အဘျုးအဖှိၣ်အိၣ်ဝဲလီၤစိၤလီၤထီ အဂ့ၢ်လီၤ,)ဒီးတၢ်မၤအသးလၢဟံၣ်န့ၣ်ပှဲၤဝဲဒီးတၢ်အၢၣ်, ယွၤအဟံၣ်လီၤ. ¹⁴ ဒီးပှၤလုၢ်တၢ်အဒိၣ်ဆၢထၢၣ်မၤတၢ် တသ့ဘၣ်လၢတၢ်အၢၣ်အဃိ, အဂ့ၢ်ဒ်အံၤ, ယွၤအလၤ အကပီၤပှဲၤယွၤအဟံၣ်ပူၤလီၤ.

၆

¹ တုၤနုၤတစု စီၤၡလိၤမိၤစံးဝဲဒၣ်, ယွၤစံးဝဲလၢသါက အိၣ်ကဆိးလၢတၢ်ခံးတီၣ်အပူၤလီၤ. ² ယမၤတၢ်အိၣ်အ လီၢ်အဟံၣ်လၢနဂီၢ်, ဒီးတၢ်အလီၢ်ဖဲနကအိၣ်ကဆိးလၢ အပူၤလီၤထူလီၤယိာ်လီၤ.

³ ဒီးစီၤပၤဃၣ်ဃီၤအမဲာ်, ဒီးဆိၣ်ဂ့ၤအံၣ်စရ့လး အ တၢ်အိၣ်ဖှိၣ်ခဲလၢာ်, (ဒီးအံၣ်စရ့လးအတၢ်အိၣ်ဖှိၣ်ဆၢ ထၢၣ်ခဲလၢာ်), ⁴ ဒီးစံးဝဲဒၣ်, ယွၤအံၣ်စရ့လးအကစၢ်လၢ အကတိၤတၢ်လၢအထးခိၣ်ဒီး ယပၢ်စီၤဒၤဝံး, ဒီးမၤပှဲၤ ထီၣ်ဝဲလၢအစုတဂၤန့ၣ်, မ်အဘၣ်တၢ်စံးထီၣ်ပတြၢၤတ က့ၢ်. ဒီးစံးဝဲဒၣ်, ⁵ လၢမုၢ်တနံၤလံၤလံၤလၢယဟဲစိာ်ယ ပှၤဂီၢ်မုၢ်အံၣ်စရ့လးလၢ ကီၢ်အဲၤကူပတူးအပူၤန့ၣ်ယတ ဃုထၢဘၣ်ဝ့ၢ်တဖျၢၣ်လၢ အံၣ်စရ့လးအဒူၣ်ခဲလၢာ်အ ကျါလၢပှၤကမၤဟံၣ် ဒ်သိးယမံၤကအိၣ်လၢအပူၤနီတ ဖျၢၣ်ဘၣ်. ဒီးယတဃုထၢဘၣ်ပှၤတဂၤ ဒ်သိးအကကဲ ဒိၣ်လၢယပှၤဂီၢ်မုၢ်အံၣ်စရ့လးအဖီခိၣ်ဘၣ်. ⁶ မ့မ့ၢ်ယဃု ထၢယရူၤၡလ့ၣ်ဒ်သိးယမံၤကအိၣ်ဖဲန့ၣ်, ဒီးယဃုထၢ စီၤဒၤဝံးဒ်သိးအကအိၣ်လၢ ယပှၤဂီၢ်မုၢ်အံၣ်စရ့လးအ ဖီခိၣ်လီၤ.

⁷ ဒီးအိၣ်ဝဲလၢယပၢ်စီၤဒၤဝံးအသး လၢအကမၤဟံၣ်တ ဖျၢၣ်လၢ ယွၤအံၣ်စရ့လးအကစၢ်အမံၤအဂီၢ်လီၤ. ⁸ ဒီး ယွၤစံးဘၣ်ယပၢ်စီၤဒၤဝံး, မ့ၢ်တၢ်အိၣ်လၢနသးလၢနက မၤဟံၣ်လၢယမံၤအဂီၢ်ဒီး, နမၤဂ့ၤတၢ်လၢအအိၣ်လၢန သးအဃိလီၤ. ⁹ ဘၣ်ဆၣ်ဒီး နတဘၣ်မၤဘၣ်ဟံၣ်န့ၣ် ဘၣ်. မ့မ့ၢ်နဖိခွါလၢအကဟဲထီၣ်လၢ နယီၢ်ဒ့ပူၤတဂၤ န့ၣ်, အဝဲဒၣ်ကမၤဟံၣ်တဖျၢၣ်န့ၣ်လၢယဂီၢ်လီၤ. ¹⁰ ဒီး ယွၤမၤလၢမၤပှဲၤအကလုၢ်လၢအကတိၤဝဲ, ဒီးယဂဲၤဆၢ ထၢၣ်လၢယပၢ်စီၤဒၤဝံးအလီၢ်, ဒီးဆ့ၣ်နီၤလၢအံၣ်စရ့လး အလီၢ်ပစိာ်အဖီခိၣ် ဒ်ယွၤစံးပာ်တၢ်အသိး, ဒီးမၤဟံၣ် လၢယွၤ, အံၣ်စရ့လးအကစၢ်အမံၤအဂီၢ်လီၤ. ¹¹ ဒီးယ ပာ်ဖဲန့ၣ်တလါဖဲ ယွၤအတၢ်အၢၣ်လီၤအီလီၤအိၣ်လၢအ ပူၤလၢအအၢၣ်လီၤအီလီၤဒီးပှၤအံၣ်စရ့လးဖိလီၤ.

¹² ဒီးစီၤၡလိၤမိၤဆၢထၢၣ်လၢ ယွၤအတၢ်လုၢ်လီၢ်အမဲာ် ညါလၢအံၣ်စရ့လးအတၢ်အိၣ်ဖှိၣ်ခဲလၢာ်အမဲာ်ညါ, ဒီး ယူာ်ထီၣ်အစု, ¹³ (အဂ့ၢ်ဒ်အံၤ, စီၤၡလိၤမိၤမၤတၢ်အလီၢ် တိၢ်, အထီယဲၢ်ပျၢ်, ဒီးအဒီၣ်ဃီၤယဲၢ်ပျၢ်, ဒီးအကစီၤထီၣ် သၢပျၢ်, ဒီးပာ်ဝဲလၢဂၢၤအသးကံၢ်ပူၤ, ဒီးဆၢထၢၣ်ဝဲလၢ အဖီခိၣ်, ဒီးချံးလီၤအခီၣ်လၢအံၣ်စရ့လးအတၢ်အိၣ်ဖှိၣ် ခဲလၢာ်အမဲာ်ညါ, ဒီးယူာ်ထီၣ်အစုဆူမူခိၣ်,) ¹⁴ ဒီးစံးဝဲ ဒၣ်, ယွၤအံၣ်စရ့လးအကစၢ်ဧၢ, လၢမူခိၣ်ပူၤ, ဒီးလၢ ဟီၣ်ခိၣ်ချၢကစၢ်ဒ်နၤအသိးန့ၣ်တအိၣ်ဘၣ်, လၢအတိၢ် န့ၢ်တၢ်အၢၣ်လီၤအီလီၤ, ဒီးတၢ်ဘျုးတၢ်ဖှိၣ်, ဒီးနခ့နပှၤ လၢအလဲၤတၢ်လၢနမဲာ်ညါလၢအသးဒီဖျၢၣ်ညါ, ¹⁵ လၢ အတိၢ်န့ၢ်တၢ်ဒီးနခ့နပှၤယပၢ်စီၤဒၤဝံး လၢတၢ်လၢနစံး ပာ်တၢ်လီၤ. ဒီးနကတိၤတၢ်လၢနထးခိၣ်, ဒီးနမၤလၢ ထီၣ်ပှဲၤထီၣ်တၢ်လၢစု, ဒ်လၢမုၢ်မဆါတနံၤအံၤအသိးန့ၣ် လီၤ.

¹⁶ ဒီးခဲကနံၣ်အံၤယွၤအံၣ်စရ့လးအကစၢ်ဧၢ, တိၢ်န့ၢ်တၢ် ဒီးနခ့နပှၤယပၢ်စီၤဒၤဝံးလၢ တၢ်လၢနကတိၤတၢ်ဒီးအီၤ တက့ၢ်. နစံး, ပှၤဘၣ်ဃးဒီးနၤလၢအကဆ့ၣ်နီၤလၢအံၣ် စရ့လးအလီၢ်ပစိာ်တဂၤ တဟါမၢ်ဘၣ်လၢယမဲာ်ညါ ဘၣ်, ထဲအံၤတမံၤ, မ်နဖိနလံၤတိၢ်န့ၢ်အကျဲဒ်သိးအက လဲၤတၢ်လၢယတၢ်သိၣ်တၢ်သီအပူၤ, ဒ်နလဲၤတၢ်လၢယ မဲာ်ညါအသိးန့ၣ်တက့ၢ်.

¹⁷ ဒီးခဲကနံၣ်အံၤအံၣ်စရ့လးအကစၢ်ဧၢ, မ်နမၤတီလၢ် နကလုၢ်လၢနကတိၤတၢ်ဒီးနခ့နပှၤစီၤဒၤဝံးတက့ၢ်. ¹⁸ အ ဂ့ၢ်ဒ်အံၤ, ကစၢ်ကအိၣ်ကဆိးနီၢ်နီၢ်ဒီးပှၤကညီလၢဟီၣ် ခိၣ်ချၢစ့ၢ်ကီးဧါ. ကွၢ်ကွၢ်, မူခိၣ်ဒီးမူခိၣ်အထီကတၢၢ် န့ၣ်တတြီၢ်ဘၣ်နၤဘၣ်. ဟံၣ်လၢယမၤတဖျၢၣ်အံၤဆံး န့ၢ်အန့ၣ်ဆံးဒိၣ်လဲၣ်.

¹⁹ ဘၣ်ဆၣ်ဒီးဃၣ်ဃီၤနမဲာ်ဆူ နခ့နပှၤအတၢ်ထုကဖၣ်, ဒီးအတၢ်ဃ့ကညး, ယွၤယကစၢ်ဧၢ, တၢ်ကိးပသူထီၣ်, ဒီးတၢ်ဘါထုကဖၣ်လၢ နခ့နပှၤဘါထုကဖၣ်လၢနမဲာ် ညါ, ²⁰ ဒ်သိးနမဲာ်ကအိၣ်အိးထီၣ်အသးဆူဟံၣ်တဖျၢၣ် အံၤလၢမုၢ်ဆါဆဲးလၢမုၢ်နၤ ဆူတၢ်အလီၢ်လၢနစံးလၢအ ဂ့ၢ်လၢနမံၤကအိၣ်ဖဲန့ၣ်, ဒ်သိးနကဒိကနၣ်တၢ်ဘါထုက ဖၣ်လၢနခ့နပှၤဘါထုကဖၣ်ဝဲဆူ တၢ်အလီၢ်အံၤတက့ၢ်.

²¹ တုၤအဘါထုကဖၣ်တၢ်ဆူ တၢ်အလီၢ်အံၤဒီး, ဒိက နၣ်နခ့နပှၤ, ဒီးနပှၤဂီၢ်မုၢ်အံၣ်စရ့လးအတၢ်ဃ့ကညးတ က့ၢ်. ဒိကနၣ်တၢ်လၢမူခိၣ်နအိၣ်နဆိးအလီၢ်, ဒီးတုၤ နနၢ်ဟူတၢ်ဒီး, ပျၢ်တၢ်တက့ၢ်.

²² ပှၤတဂၤ မ့ၢ်မၤကမၣ်အပှၤလၢအဃၢၤ, ဒီးမ့ၢ်ဃ့ဝဲ တၢ်ဆိၣ်တၢ်လၢအီၤ, ဒီးဒုးဆိၣ်တၢ်, ဒီးတၢ်ဆိၣ်န့ၣ်ဟဲ ဝဲလၢနတၢ်လုၢ်လီၢ်အမဲာ်ညါ လၢဟံၣ်တဖျၢၣ်အံၤအပူၤ ဒီး, ²³ ဒိကနၣ်နဲလၢမူခိၣ်, ဒီးမၤတၢ်, ဒီးစံၣ်ညီၣ်နခ့န ပှၤ, ဒ်သိးနကဟ့ၣ်တၢ်ဒဲးဘးလၢပှၤတတီတလိၤ, ဒ် သိးနကဟ့ၣ်အကျဲလၢအခိၣ်ဒၣ်ဝဲအဖီခိၣ်, ဒီးဒ်သိးနက ပာ်တီပာ်လိၤပှၤတီပှၤလိၤ, ဒ်သိးနကဟ့ၣ်လီၤအီၤလၢ တၢ်ဒ်အတၢ်တီတၢ်လိၤအသိးန့ၣ်တက့ၢ်.

²⁴ တုၤနပှၤဂီၢ်မုၢ်အံၣ်စရ့လး ဘၣ်တၢ်ကျီကွံာ်အီၤလၢအ ဒုၣ်အဒါအမဲာ်ညါလၢအမၤကမၣ်ဘၣ်နၤအဃိ, ဒီးဃၣ် ဃီၤအသးဆူနအိၣ်, ဒီးအၢၣ်လီၤအီလီၤနမံၤ, ဒီးဘါထု ကဖၣ်တၢ်, ဒီးဃ့ကညးတၢ်လၢနၤဆူဟံၣ်အံၤဒီး, ²⁵ ဒိ ကနၣ်နဲလၢမူခိၣ်, ဒီးပျၢ်နပှၤဂီၢ်မုၢ်အံၣ်စရ့လးအတၢ်ဒဲး ဘး, ဒီးဒုးဟဲက့ၤအီၤဆူကီၢ်လၢ နဟ့ၣ်လီၤအပၢ်တဖၣ် န့ၣ်တက့ၢ်.

²⁶ တုၤမူခိၣ်ကးတံာ်ဃာ်အသး, ဒီးတၢ်တဟဲစူၤဘၣ်လၢ အမၤကမၣ်ဘၣ်နၤအဃိဒီး, မ့ၢ်ဘါထုကဖၣ်ဝဲဆူတၢ်အ လီၢ်အံၤ, ဒီးအၢၣ်လီၤအီလီၤနမံၤ, ဒီးတုၤနမၤနးမၤဖှီၣ် အီၤဒီး, ဃၣ်ကဒါက့ၤလၢအတၢ်ဒဲးဘးအအိၣ်ဒီး, ²⁷ ဒိ ကနၣ်နဲလၢမူခိၣ်, ဒီးပျၢ်နခ့နပှၤ, ဒီးနပှၤဂီၢ်မုၢ်အံၣ်စရ့ လးအတၢ်ဒဲးဘး, ဒ်သိးနကသိၣ်လိအီၤလၢကျဲအဂ့ၤဖဲ အကပိာ်ဝဲ, ဒီးဒုးဟဲလီၤတၢ်စူၤလၢကီၢ်ပူၤလၢနဟ့ၣ်လီၤ တ့ၢ်နပှၤဂီၢ်မုၢ်လၢတၢ်န့ၢ်သါအဂီၢ်န့ၣ်တက့ၢ်.

²⁸ တၢ်သၣ်ဝံၤလီၤဒိမ့ၢ်အိၣ်လၢကီၢ်ပူၤ, တၢ်သံသတြိာ်, ကလံၤအူမၤဟးဂီၤတၢ်, ဘုအတၢ်ဆါ, ဒွဲၣ်အၢ်ဘၤမ့ၢ် အိၣ်, ဒီးဒွဲၣ်ဃစံမ့ၢ်အိၣ်, ဒီးအဒုၣ်အဒါမ့ၢ်ကဝီၤဃာ် အီၤလၢအကီၢ်အဝ့ၢ်ပူၤ, ဒီးဖဲဒၣ်တၢ်တီၢ်, ဒီးဖဲဒၣ်တၢ် ဆါတမံၤမံၤမ့ၢ်အိၣ်ဒီး, ²⁹ ကယဲၢ်တၢ်ထုကဖၣ်, ကယဲၢ် တၢ်ဃ့ကညးလၢပှၤတဂၤဂၤမ့ၢ်ဂ့ၤ, လၢနပှၤဂီၢ်မုၢ်ခဲလၢာ် မ့ၢ်ဂ့ၤ, မၤဝဲလၢအသ့ၣ်ညါအတၢ်တီၢ်, ဒီးအတၢ်ကိၢ်တၢ် ဂီၤအဖၢမုၢ်န့ၣ်, ဒီးယူာ်ထီၣ်အစုဆူဟံၣ်အံၤဒီး, ³⁰ ကနၣ် နဲလၢမူခိၣ်နအိၣ်ဆိးအလီၢ်, ဒီးပျၢ်တၢ်, ဒီးဟ့ၣ်လီၤပှၤ ကညီလၢနသ့ၣ်ညါအသးတဂၤလၢ်လၢ် ဒ်အကျဲခဲလၢာ် အသိးန့ၣ်, (အဂ့ၢ်ဒ်အံၤ, နသ့ၣ်ညါပှၤကညီဖိအသးနဲ ဒၣ်တဂၤဃီဧိၤလီၤ), ³¹ ဒ်သိးအကပျံၤနၤဒီးပိာ်နကျဲတ ဖၣ်ကယဲၢ်မုၢ်နံၤမုၢ်နၤ လၢအမူဝဲလၢကီၢ်ပူၤ လၢနဟ့ၣ် လီၤပပၢ်တဖၣ်န့ၣ်တက့ၢ်.

³² ဒီးပှၤတခီဘီမုၢ်ဖိစ့ၢ်ကီး လၢအတမ့ၢ်ဘၣ်နပှၤဂီၢ်မုၢ် အံၣ်စရ့လးအဖိဘၣ်, ဒီးဟဲဝဲလၢထံယံၤကီၢ်ယံၤလၢနမံၤ အဃိလၢနစုဆူၣ်အဃိ, ဒီးလၢနစုဒုၣ်ယူာ်ထီၣ်အသး အဃိ, မ့ၢ်ဟဲဘါထုကဖၣ်လၢဟံၣ်အံၤဒီး, ³³ ဒိကနၣ်နဲ လၢမူခိၣ်နအိၣ်နဆိးအလီၢ်, ဒီးမၤတၢ်ဒ်ကယဲၢ်တၢ်လၢ ပှၤတခီဘီမုၢ်ဖိကိးထီၣ်ဆူနၤတမံၤလၢ်လၢ်အသိး, ဒ်သိး ပှၤဂီၢ်မုၢ်လၢဟီၣ်ခိၣ်ချၢခဲလၢာ်ကသ့ၣ်ညါနမံၤ, ဒီးပျံၤနၤ ဒ်နပှၤဂီၢ်မုၢ်အံၣ်စရ့လးအသိးန့ၣ်, ဒီးဒ်သိးအကသ့ၣ်ညါ လၢဟံၣ်တဖျၢၣ်အံၤလၢယမၤအီၤ ဘၣ်တၢ်ကိးအီၤလၢ နမံၤန့ၣ်တက့ၢ်.

³⁴ နပှၤဂီၢ်မုၢ်မ့ၢ်လဲၤထီၣ်ဒုးတၢ်ဒီး အဒုၣ်အဒါဒီး, ဖဲဒၣ် ကျဲလၢနကမၢလီၤအီၤဒီး, မ့ၢ်ဘါထုကဖၣ်နၤဆူဝ့ၢ်တ ဖျၢၣ်အံၤလၢနဃုထၢအီၤ, ဒီးဆူဟံၣ်လၢယမၤလၢနမံၤ အဃိဒီး, ³⁵ ဒိကနၣ်နဲအတၢ်ထုကဖၣ်, ဒီးအတၢ်ဃ့က ညး, ဒီးစံၣ်ညီၣ်တၢ်လၢအဂီၢ်န့ၣ်တက့ၢ်.

³⁶ မ့ၢ်မၤကမၣ်ဘၣ်နၤ, (အဂ့ၢ်ဒ်အံၤ, ပှၤလၢအတမၤ ကမၣ်ဘၣ်တၢ်န့ၣ်တအိၣ်ဘၣ်,) ဒီးနသးထီၣ်ဘၣ်အီၤ, ဒီးနဟ့ၣ်လီၤကွံာ်အီၤလၢအဒုၣ်အဒါ, ဒီးအဝဲသ့ၣ်စိာ်မၢ ကဲကုၢ်အီၤဆူကီၢ်လၢအယံၤဂ့ၤ, လၢအဘူးဂ့ၤဒီး, ³⁷ မ့ၢ် ဟဲက့ၤကဒါက့ၤလၢအသးဆူ ကီၢ်ပူၤဖဲတၢ်စိာ်မၢကဲကုၢ် အီၤ, ဒီးပီၢ်ယၢ်လီၤက့ၤအသး, ဒီးဃ့ကညးနၤလၢပှၤအ ကီၢ်ပူၤလၢအစိာ်မၢကဲကုၢ်အီၤဒီးစံးဝဲ, ပမၤကမၣ်လံတၢ် လံ, ဒီးမၤလံတၢ်အၢလံ, ပမၤလံတၢ်ဒဲးဘးလံ, ³⁸ ဒီးဟဲ က့ၤကဒါက့ၤဆူနအိၣ်လၢအသးဒီဖျၢၣ်ညါ, ဒီးလၢအ သးတုၤအလၢာ်လၢ အကဲကုၢ်အကီၢ်ပူၤဖဲပှၤစိာ်မၢကဲ ကုၢ်အီၤ, ဒီးမ့ၢ်ဘါထုကဖၣ်တၢ်ဆူကီၢ်လၢနဟ့ၣ်လီၤ အပၢ်တဖၣ်, ဆူဝ့ၢ်လၢနဃုထၢအီၤ, ဒီးဆူဟံၣ်လၢယ မၤလၢနမံၤအဃိဒီး, ³⁹ ကနၣ်နဲအတၢ်ဘါထုကဖၣ်, ဒီး အဃ့ကညးတၢ်လၢမူခိၣ်နအိၣ်နဆိးအလီၢ်, ဒီးစံၣ်ညီၣ် တၢ်လၢအဂီၢ်, ဒီးမၤပူၤမၤဖျဲးနပှၤဂီၢ်မုၢ်လၢအမၤကမၣ် ဘၣ်နၤတက့ၢ်.

⁴⁰ ခဲကနံၣ်အံၤယကစၢ်ဧၢ, မ်နမဲာ်အိၣ်အိးထီၣ်အသး, ဒီးမ်နနၢ် ဒိကနၣ်တၢ်ထုကဖၣ်လၢ တၢ်အလီၢ်အံၤတ က့ၢ်.

⁴¹ ဒီးခဲကနံၣ်အံၤကစၢ်ယွၤဧၢ, ဂဲၤဆၢထၢၣ်ဆူနအိၣ်ဘှံး အလီၢ်, နဲဒၣ်ဒီးနစိနကမီၤအတလါန့ၣ်တက့ၢ်. မ်နပှၤ လုၢ်တၢ်အဒိၣ်တဖၣ်သိးဒီး တၢ်အုၣ်က့ၤခီၣ်က့ၤ, ဒီးန ပှၤစီဆှံသူၣ်ခုသးခုလၢတၢ်ဂ့ၤတၢ်ဝါအပူၤန့ၣ်တက့ၢ်.

⁴² ကစၢ်ယွၤဧၢ, ဘိးဃၣ်ကွံာ် နပှၤဒိးဖှူအသးတဂၤအ မဲာ်တဂ့ၤ. သ့ၣ်နီၣ်ထီၣ်က့ၤ တၢ်ဘျုးတၢ်ဖှိၣ်ဘၣ်ဃးဒီး စီၤဒၤဝံးတက့ၢ်.

၇

¹ ဒီးတုၤစီၤၡလိၤမိၤ ဘါထုကဖၣ်တၢ်ဝံၤဒီး, မ့ၣ်အူဟဲ လီၤလၢမူခိၣ်, ဒီးအီၣ်ကွံာ်တၢ်လုၢ်မ့ၣ်အူ, ဒီးတၢ်လုၢ် တဖၣ်, ဒီးယွၤအလၤကပီၤပှဲၤဟံၣ်န့ၣ်လီၤ.

² ဒီးပှၤလုၢ်တၢ်အဒိၣ်လဲၤနုာ်လၢ ယွၤအဟံၣ်ပူၤတသ့ ဘၣ်. အဂ့ၢ်ဒ်အံၤ, ယွၤအလၤကပီၤပှဲၤယွၤအဟံၣ်လီၤ.

³ ဒီးတုၤပှၤအံၣ်စရ့လးဖိခဲလၢာ် ထံၣ်ဘၣ်ဝဲလၢမ့ၣ်အူ ဟဲလီၤ, ဒီးယွၤအလၤအကပီၤအိၣ်ဝဲလၢဟံၣ်အဖီခိၣ်ဒီး, ဆုးလီၤအခိၣ်ဒီးပိာ်လီၤအမဲာ်လၢ တၢ်ဒါလၢၢ်အဖီခိၣ်, ဒီးဘူၣ်ထီၣ်ဘါထီၣ်, ဒီးစံးထီၣ်ပတြၢၤယွၤလီၤ. အဂ့ၢ် ဒ်အံၤ, မ့ၢ်အဂ့ၤဝဲလီၤ. မ့ၢ်အဘျုးအဖှိၣ်အိၣ်ဝဲလီၤထူလီၤ ယိာ်အဂ့ၢ်လီၤ.

⁴ ဒီးစီၤပၤ, ဒီးပှၤဂီၢ်မုၢ်ခဲလၢာ်လုၢ်တၢ်လုၢ်လၢယွၤအမဲာ် ညါလီၤ. ⁵ ဒီးစီၤၡလိၤမိၤလုၢ်တၢ်လုၢ်ဂီၤဖံး ခံကလးခံ ကထိ, ဒီးသိတကလီၤခံကလးလီၤ. ဒီးစီၤပၤ, ဒီးပှၤ အံၣ်စရ့လးဖိခဲလၢာ်ပာ်စီဆှံယွၤအဟံၣ်လီၤ.

⁶ ဒီးပှၤလုၢ်တၢ်အဒိၣ်တဖၣ် ခိးဝဲလၢ အတၢ်မၤအလီၢ်, ဒီးပှၤလ့ၤဝံဖိအိၣ်ဒီး ယွၤအဒံၣ်ဒၢပီၤဒွါလၢစီၤပၤဒၤဝံးတ့ ဝဲဒ်သိးအကစံးထီၣ်ပတြၢၤယွၤ, (အဂ့ၢ်ဒ်အံၤ, အဘျုး အဖှိၣ်အိၣ်ဝဲ လီၤထူလီၤယိာ်လီၤ), ဖဲစီၤဒၤဝံးစံးထီၣ်ပ တြၢၤတၢ်လၢအမၤတၢ်, ဒီးပှၤလုၢ်တၢ်အဒိၣ်တဖၣ်အူကွဲၤ လၢအမဲာ်ညါ, ဒီးအံၣ်စရ့လးခဲလၢာ်ဆၢထၢၣ်ဝဲလီၤ.

⁷ ဒီးတၢ်လၢမုၢ်တနံၤန့ၣ် စီၤၡလိၤမိၤပာ်စီဆှံဂၢၤလၢအ သးကံၢ်ပူၤလၢအအိၣ်ဝဲလၢ ယွၤအဟံၣ်အမဲာ်ညါလီၤ. အဂ့ၢ်ဒ်အံၤ, လုၢ်တၢ်လုၢ်မ့ၣ်အူ, ဒီးတၢ်လုၢ်မၤဃူမၤဖိး အသိဖဲန့ၣ်လီၤ. အဂ့ၢ်ဒ်အံၤ, တၢ်လုၢ်လီၢ်တိၢ်လၢစီၤၡ လိၤမိၤတ့ဝဲတဖျၢၣ်န့ၣ် တတြီၢ်ဘၣ်တၢ်လုၢ်မ့ၣ်အူ, ဒီး တၢ်မၤဘူၣ်ကိၣ်, ဒီးတၢ်အသိသ့ၣ်တဖၣ်ဘၣ်.

⁸ အကတီၢ်ဖဲန့ၣ် စီၤၡလိၤမိၤမၤဘူၣ်နွံနံၤ, ဒီးအံၣ်စရ့ လးခဲလၢာ်အိၣ်ဒီးအီၤ, တၢ်အိၣ်ဖှိၣ်ဖးဒိၣ်လၢတၢ်ဟဲနုာ် လၢဃမါသးပၢၢ်လၢအဲၤကူပတူးအထံကျိလီၤ.

⁹ ဒီးဃိးနံၤတနံၤန့ၣ် ဒုးအိၣ်ဖှိၣ်တၢ်အိၣ်ဖှိၣ်လီၤ. အဂ့ၢ် ဒ်အံၤ, မၤတၢ်ပာ်စီဆှံတၢ်လုၢ်လီၢ်န့ၣ်နွံနံၤ, ဒီးမၤတၢ် မၤဘူၣ်နွံနံၤန့ၣ်လီၤ.

¹⁰ ဒီးလါနွံလါတလါ, ဒီးခံဆံသၢနံၤတနံၤန့ၣ် ပျၢ်ပှၤဂီၢ် မုၢ်ဆူအဒဲပူၤလၢအသူၣ်ခုအသးခု, ဒီးလၢအသူၣ်မုာ်အ သးမုာ်လၢကယဲၢ်တၢ်ဂ့ၤလၢ ယွၤမၤအခ့အပှၤစီၤဒၤဝံး, ဒီးစီၤၡလိၤမိၤ, ဒီးအပှၤဂီၢ်မုၢ်အံၣ်စရ့လးအဃိန့ၣ်လီၤ.

¹¹ ဒီးစီၤၡလိၤမိၤမၤယွၤအဟံၣ်ဝံၤ, ဒီးစီၤပၤအဟံၣ်, ဒီး ကယဲၢ်တၢ်လၢအဟဲထီၣ်လၢစီၤၡလိၤမိၤအသး လၢအ ကမၤဝဲလၢယွၤအဟံၣ်ပူၤ, ဒီးလၢအဟံၣ်ဒၣ်ဝဲအပူၤန့ၣ် မၤဝဲ, ဒီးဘီၣ်ထီၣ်ညီထီၣ်ဝဲလီၤ.

¹² ဒီးယွၤလီၣ်ဖျါထီၣ်အသးလၢ စီၤၡလိၤမိၤအမဲာ်ညါ လၢမုၢ်နၤ, ဒီးစံးဘၣ်အီၤ, နဘါထုကဖၣ်တၢ်န့ၣ်ယနၢ် ဟူလံ. ဒီးတၢ်အလီၢ်အံၤယဃုထၢလံလၢတၢ်လုၢ်အဟံၣ် လၢယဂီၢ်ဒၣ်ယဲလံ.

¹³ ယမ့ၢ်ကးတံာ်ဃာ် မူခိၣ်ဒ်သိးတၢ်သုတဟဲစူၤတဂ့ၤ, ယမ့ၢ်မၤလိာ်ဒွဲၣ်ဃၤကာ်ဒ်သိး အကအီၣ်ကွံာ်ထံဧိၤကီၢ် ဧိၤ, ဒီးယမ့ၢ်မၢလီၤတၢ်သံသတြိာ်လၢယပှၤဂီၢ်မုၢ်အကျါ ဒီး, ¹⁴ ယပှၤဂီၢ်မုၢ်လၢတၢ်ကိးအီၤလၢယမံၤန့ၣ်မ့ၢ်ဆီၣ်လီၤ အသး, ဒီးဘါထုကဖၣ်တၢ်, ဒီးဃုယမဲာ်, ဒီးဃၣ်ကဒါ က့ၤအသးလၢအကျဲအၢအအိၣ်ဒီး, ယကဒိကနၣ်လၢမူ ခိၣ်, ဒီးပျၢ်အတၢ်ဒဲးဘး, ဒီးမၤဘျါက့ၤအထံအကီၢ်လီၤ.

¹⁵ ခဲကနံၣ်အံၤယမဲာ်ကအိၣ်အိးထီၣ်အသး, ဒီးယနၢ်က ဒိကနၣ်တၢ်ထုကဖၣ်လၢတၢ်လီၢ်အံၤအပူၤလီၤ.

¹⁶ ဒီးခဲကနံၣ်အံၤယဃုထၢလံ, ဒီးယမၤစီဆှံလံဟံၣ်တ ဖျၢၣ်အံၤ, ဒ်သိးယမံၤကအိၣ်ဖဲအံၤလီၤထူလီၤယိာ်, ဒီး ယမဲာ်, ဒီးယသးကအိၣ်ဖဲန့ၣ်ကိးမုၢ်နံၤမုၢ်နၤဒဲးလီၤ.

¹⁷ ဒီးနမ့ၢ်လဲၤတၢ်လၢယမဲာ်ညါ, ဒ်နပၢ်စီၤဒၤဝံၤလဲၤတၢ် အသိး, ဒီးမၤကယဲၢ်တၢ်လၢယမၤလိာ်နၤ, ဒီးတိၢ်န့ၢ် ယတၢ်သိၣ်တၢ်သီ, ဒီးယတၢ်စံၣ်ညီၣ်တဖၣ်န့ၣ်ဒီး, ¹⁸ ယ ကဒုးအိၣ်ဂၢၢ်ဆိးကျၢၤနဘီနမုၢ်အလီၢ်ပစိာ် ဒ်ယအၢၣ် လီၤအီလီၤတၢ်ဒီးနပၢ်စီၤဒၤဝံးအသိး, ဒီးယစံး, ပှၤလၢ အဘၣ်ဃးဒီးနၤလၢ အံၣ်စရ့လးအလီၢ်ပစိာ်အဖီခိၣ်တ လၢာ်ဘၣ်ဘၣ်.

¹⁹ မ့မ့ၢ်သုမ့ၢ် ဃၣ်ကဒါက့ၤ, ဒီးလဲၤသဒၣ်ယတၢ်သိၣ် တၢ်သီ, ဒီးယတၢ်မၤလိာ်လၢယပာ်လီၤလၢသုမဲာ်ညါ, ဒီးလဲၤမၤကစၢ်အဂၤတဖၣ်အတၢ်, ဒီးဘူၣ်ထီၣ်ဘါထီၣ် ဝဲဒီး, ²⁰ ယကထဲးထီၣ်အီၤလၢယကီၢ်ပူၤလၢယဟ့ၣ်လီၤ အီၤ, ဒီးဟံၣ်လၢယမၤစီဆှံအီၤလၢယမံၤအဃိတဖျၢၣ် အံၤ, ယကညိကွံာ်လၢယမဲာ်ညါ, ဒီးယကဒုးကဲထီၣ် အီၤလၢတၢ်ကတိၤဒိအလီၢ်, ဒီးတၢ်ဒုၣ်ဒွဲၣ်အလီၢ်လၢပှၤ ကိးကလုာ်ဒဲးအကျါလီၤ.

²¹ ဒီးဟံၣ်လၢအထီတဖျၢၣ်အံၤ ကယဲၢ်ပှၤလၢအလဲၤပူၤ ကွံာ်အီၤကပာ်အသးကမၢကမၣ်, ဒီးကစံး, ယွၤမၤတၢ် ဒ်အံၤလၢကီၢ်တဘ့ၣ်အံၤ, ဒီးလၢဟံၣ်တဖျၢၣ်အံၤမ့ၢ်အ ဘၣ်မနုၤလဲၣ်.

²² ဒီးပှၤကစံးဆၢဝဲ, မ့ၢ်အလဲၤသဒၣ်ယွၤအပၢ်တဖၣ်အ ကစၢ်လၢအဟဲစိာ်အီၤလၢ အဲၤကူပတူးအပူၤ, ဒီးဟံး န့ၢ်အကစၢ်အဂၤဒီးဘါထီၣ်ဝဲ, ဒီးမၤအတၢ်အဃိလီၤ. မၤသးဒ်န့ၣ်ဒီး ဒုးဟဲဘၣ်အီၤလၢကယဲၢ်တၢ်အၢအံၤ ခဲ လၢာ်လီၤ.

၈

¹ ဒီးလၢအနံၣ်ခံဆံအကတၢၢ်န့ၣ် တုၤစီၤၡလိၤမိၤမၤတ့ၢ် ယွၤအဟံၣ်, ဒီးအဟံၣ်ဒၣ်ဝဲဒီး, ² တၢ်မၤအသးလၢဝ့ၢ် တဖၣ်လၢစီၤဃူရၣ်ဟ့ၣ်က့ၤစီၤၡလိၤမိၤန့ၣ် စီၤၡလိၤမိၤ မၤက့ၤအီၤ, ဒီးမၢပှၤအံၣ်စရ့လးဖိအိၣ်ဝဲဆိးဝဲဖဲန့ၣ်လီၤ.

³ ဒီးစီၤၡလိၤမိၤ လဲၤထီဒါဃမါသးစိဘၤ, ဒီးမၤန့ၢ်အီၤ လီၤ.

⁴ ဒီးတ့ဝဲလၢတးဒမိၢ် လၢပှၢ်မုၢ်ကနၢ, ဒီးကယဲၢ်ဝ့ၢ်ပာ် ဖှိၣ်တၢ်လၢအတ့ဝဲလၢ ဃမါသးအပူၤလီၤ. ⁵ တ့ဝဲလၢ ဘ့ၤသဃိရိၣ်လၢထးခီ, ဒီးဘ့ၤသဃိရိၣ် လၢအဖီလာ်, ဝ့ၢ်တဖၣ်လၢအခိၣ်ဒူအိၣ်, ဒီးအိၣ်ဒီးအခိၣ်ဒူ, ဒီးအတြဲၤ ဒီးနီၣ်ဘိ, ⁶ ဒီးဘဧၤလး, ဒီးကယဲၢ်ဝ့ၢ်ပာ်ဖှိၣ်တၢ်လၢအ အိၣ်ဒီးစီၤၡလိၤမိၤ, ဒီးဝ့ၢ်တဖၣ်လၢအလ့ၣ်ကဟၣ်အဂီၢ်, ဒီးဝ့ၢ်တဖၣ်လၢပှၤကသ့ၣ်သုးဖိအဂီၢ်ဒီး ကယဲၢ်တၢ်လၢ စီၤၡလိၤမိၤဆၢမၤဝဲလၢယရူၤၡလ့ၣ်အပူၤ, ဒီးလၢလဘၤ နိၣ်အလိၤ, ဒီးလၢအကီၢ်ပူၤဒီဘ့ၣ်ညါလၢအပၢဝဲလီၤ.

⁷ ကယဲၢ်ပှၤလၢအအိၣ်လီၤတဲာ်လၢပှၤဃ့ၤသးဖိ, ပှၤအ မိၢ်ဖိ, ပှၤပရးစးဖိ, ပှၤဃံၤဝံဖိ, ဒီးပှၤယဘူၣ်ဖိ, လၢ အတဘၣ်ဃးဘၣ်ဒီးပှၤအံၣ်စရ့လးဖိန့ၣ်, ⁸ အဖိအလံၤ လၢအအိၣ်လီၤတဲာ်ဝဲလၢ ကီၢ်ပူၤလၢပှၤအံၣ်စရ့လးဖိတ မၤဟးဂီၤအီၤဘၣ်န့ၣ် စီၤၡလိၤမိၤမၢအဟ့ၣ်သွဲတုၤမုၢ်မ ဆါတနံၤအံၤလီၤ.

⁹ ဒီးပှၤအံၣ်စရ့လးဖိန့ၣ် စီၤၡလိၤမိၤတမၢအကဲတၢ်မၤ အကုၢ်ဘၣ်. မ့မ့ၢ်အဝဲသ့ၣ်တဖၣ်န့ၣ် မ့ၢ်ပှၤသုးဖိတဖၣ်, ဒီးအပှၤသုးဖိအခိၣ်တဖၣ်, ဒီးအလ့ၣ်ကဟၣ်, ဒီးအပှၤ ကသ့ၣ်သုးဖိအခိၣ်တဖၣ်လီၤ.

¹⁰ အဝဲအံၤမ့ၢ် စီၤၡလိၤမိၤအပဒိၣ်ဖးဒိၣ်တဖၣ်, ပှၤခံက ယၤယဲၢ်ဆံလၢအပၢပှၤဂီၢ်မုၢ်လီၤ.

¹¹ ဒီးစီၤၡလိၤမိၤဒုးဟဲထီၣ် ဖၤရိၤအဖိမုၣ်လၢစီၤဒၤဝံးအ ဝ့ၢ်ပူၤဆူဟံၣ်တဖျၢၣ်လၢ အမၤဝဲလၢအဂီၢ်လီၤ. အဂ့ၢ်ဒ် အံၤ, စံးဝဲဒၣ်, ယမါတဘၣ်အိၣ်တဘၣ်ဆိးလၢအံၣ်စ ရ့လးအစီၤပၤဒၤဝံးအဟံၣ်ပူၤဘၣ်. အဂ့ၢ်ဒ်အံၤ, ဖဲယွၤ အတလါဟဲတ့ၢ်ဝဲန့ၣ်မ့ၢ်အလီၢ်စီဆှံလီၤ.

¹² ဒီးစီၤၡလိၤမိၤလုၢ်တၢ်လုၢ်မ့ၣ်အူလၢ ယွၤလၢတၢ်လုၢ် လီၢ်အဖီခိၣ် လၢအမၤပာ်လၢယွၤအဂီၢ် လၢအမၤဝဲလၢ တၢ်ခိၣ်ဒုးထီၣ်အသးအမဲာ်ညါ, ¹³ တၢ်လၢတနံၤအဂီၢ်တ နံၤအဂီၢ်န့ၣ် လုၢ်ဝဲဒ်စီၤမိၤရှ့မၤလိာ်ဝဲအသိး, လၢမုၢ်အိၣ် ဘှံးအနံၤ, ဒီးလၢလါထီၣ်သီအနံၤ, ဒီးလၢတၢ်သ့ၣ်ပာ် အဘူၣ်တဖၣ်တနံၣ်သၢဘျီ, လၢဘူၣ်ကိၣ်တအိၣ်ဘၣ် ဒီးကိၣ်မံၣ်, ဒီးလၢဘူၣ်နွံ, ဒီးလၢဘူၣ်ဒဲလီၤ.

¹⁴ ဒီးဒ်အပၢ်စီၤဒၤဝံး စံၣ်ညီၣ်တၢ်အသိးန့ၣ်ပာ်ဝဲလၢပှၤ လုၢ်တၢ်အဒိၣ် အတီၤတဖၣ်လၢအမၤတၢ်အဂီၢ်, ဒီးပှၤ လ့ၤဝံဖိလၢအတၢ်ကွၢ်အလီၢ်, ဒ်သိးအကစံးထီၣ်ပတြၢၤ တၢ်, ဒီးမၤတၢ်အခ့အပှၤအတၢ်မၤလၢပှၤလုၢ်တၢ်အဒိၣ် အမဲာ်ညါ ဒ်အမၤတၢ်တနံၤအဂီၢ်တနံၤအဂီၢ် အိၣ်ဝဲအ သိးန့ၣ်, ဒီးပှၤပၢၤပဲတရီဖိစ့ၢ်ကီး, ဒ်အတီၤတဖၣ်အသိး, ဖဲပဲတရီတပူၤဘၣ်တပူၤန့ၣ်လီၤ. အဂ့ၢ်ဒ်အံၤ, ယွၤအပှၤ ကညီစီၤဒၤဝံးမၤလိာ်ဝဲဒ်န့ၣ်အသိးလီၤ.

¹⁵ ဒီးတဟးသဒၣ်ဘၣ် စီၤပၤအတၢ်မၤလိာ်လၢ ပှၤလုၢ် တၢ်အဒိၣ်ဒီးပှၤလ့ၤဝံဖိ, ဘၣ်ဃးဒီးဖဲဒၣ်တၢ်တမံၤမံၤ, ဒီးဘၣ်ဃးဒီးတၢ်ပာ်ဖှိၣ်အလီၢ်န့ၣ်နီတမံၤဘၣ်.

¹⁶ ဒီးစီၤၡလိၤမိၤအတၢ်မၤ ကတဲာ်ကတီၤအသးတုၤအ ပာ်လီၤယွၤအဟံၣ်အခီၣ်ထံးအမုၢ်နံၤ, ဒီးတုၤလီၤလၢအ မၤဝံၤဝဲလီၤ. ယွၤအဟံၣ်လၢဝဲပှဲၤဝဲလီၤ.

¹⁷ ဒီးစီၤၡလိၤမိၤလဲၤဝဲဆူ ဧ့းစယိၣ်က့ဘ့ၢ်, ဒီးဆူအ့လး အပူၤလၢပီၣ်လဲၣ်အနံၤလၢကီၢ်အဒိၣ်အပူၤလီၤ.

¹⁸ ဒီးစီၤဃူရၣ် ဟ့ၣ်လီၤကဘီဆူအအိၣ် လၢအခ့အပှၤ အစုပူၤ, ဒီးပှၤကဘီဖိလၢအသ့ၣ်ညါပီၣ်လဲၣ်တဖၣ်, ဒီး အဝဲသ့ၣ်လဲၤဝဲဒီး စီၤၡလိၤမိၤအခ့အပှၤဆူအိဖ့ၢ်, ဒီးဟဲ စိာ်လၢန့ၣ်ထူအကံကၢ်လွံၢ်ကယၤယဲၢ်ဆံ, ဒီးဟဲစိာ်ဝဲဆူ စီၤပၤၡလိၤမိၤအအိၣ်လီၤ.

၉

¹ ဒီးၡဘၤအနီၢ်ပၤမုၣ်နၢ်ဟူစီၤၡလိၤမိၤအကစီၣ်, ဒီးဟဲ ဝဲဒ်သိးအကမၤကွၢ်အီၤလၢ တၢ်ကတိၤအဒိၣ်အယိာ်တ ဖၣ်ဆူယရူၤၡလ့ၣ်အိၣ်ဒီးအပှၤပိာ်အခံ အါအါကလဲာ်, ဒီးကီၤလၤအူးလၢအစိာ်တၢ်နၢမူ, ဒီးထူဧိၤလွဲဧိၤအါအါ ကလဲာ်, ဒီးတၢ်မျၢ်တဖၣ်, ဒီးဟဲဝဲဆူစီၤၡလိၤမိၤအအိၣ်, ဒီးကတိၤတၢ်ဒီးအီၤလၢ ကယဲၢ်တၢ်လၢအအိၣ်ဝဲလၢအ သးကံၢ်ပူၤအဂ့ၢ်အကျိၤလီၤ.

² ဒီးစီၤၡလိၤမိၤဒုးနဲၣ်အီၤလၢ တၢ်ဘၣ်ဃးဒီးအတၢ်က တိၤခဲလၢာ်, ဒီးတၢ်တအိၣ်တဒၢဘၣ်ဒီးစီၤပၤလၢအတ စံးဘၣ်အီၤနီတမံၤဘၣ်.

³ ဒီးတုၤၡဘၤအနီၢ်ပၤမုၣ်န့ၣ် ထံၣ်ဘၣ်ကယဲၢ်စီၤၡလိၤ မိၤအတၢ်ကူၣ်သ့, ဒီးဟံၣ်လၢအမၤဝဲန့ၣ်, ⁴ ဒီးတၢ်အီၣ် လၢအစီၢ်နီၤခိၣ်အဖီခိၣ်, ဒီးအခ့အပှၤဆ့ၣ်နီၤဝဲ, ဒီးအ ပှၤမၤအတၢ်ဆၢထၢၣ်, ဒီးအကူအသိး, ဒီးအပှၤစိာ်အလီ ခီ, ဒီးအကူအသိး, ဒီးအတၢ်လဲၤထီၣ်ဆူယွၤအဟံၣ်ပူၤ ဒီး, အသးတအိၣ်လၢၤဘၣ်လၢအပူၤဘၣ်.

⁵ ဒီးစံးဘၣ်စီၤပၤ, တၢ်ကတိၤလၢယနၢ်ဟူလၢ ယကီၢ် ဒၣ်ယဲအပူၤလၢနတၢ်ကတိၤအဂ့ၢ်အကျိၤ, ဒီးလၢနကူၣ် တၢ်သ့အဂ့ၢ်အကျိၤန့ၣ်မ့ၢ်အမ့ၢ်အတီလီၤ. ⁶ ဘၣ်ဆၣ်ဒီး ယတချုးဟဲဒံးဘၣ်, ဒီးယမဲာ်တချုးထံၣ်ဒံးဘၣ်ဒီး, ယ တနာ်ဘၣ်ယဲဘၣ်. ဒီးကွၢ်ကွၢ်, နတၢ်ဒိၣ်တၢ်ထီ, ဒီး နတၢ်ကူၣ်သ့တဝာ်န့ၣ် ပှၤတစံးဘၣ်ယၤဘၣ်. နဒိၣ်န့ၢ် တၢ်အကစီၣ်လၢယနၢ်ဟူတက့ၢ်န့ၣ်လီၤ.

⁷ နပှၤကညီဘၣ်ဆိၣ်ဂ့ၤဝဲလီၤ. ဒီးပှၤလၢအဆၢထၢၣ် လၢနမဲာ်ညါတထံၣ်ဃီ, ဒီးနၢ်ဟူနတၢ်ကူၣ်သ့, နခ့န ပှၤတဖၣ်အံၤ, ဘၣ်ဆိၣ်ဂ့ၤဝဲလီၤ. ⁸ ယွၤနကစၢ်လၢအ ဘၣ်အသးလၢနၤ ဒ်သိးအကဒုးဆ့ၣ်နီၤနၤလၢ အလီၢ်ပ စိာ်အဖီခိၣ်ဒ်သိးနကကဲစီၤပၤလၢ ယွၤနကစၢ်အဂီၢ်န့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. မ့ၢ်ယွၤအဲၣ်အံၣ် စရ့လးလၢအကဒုးအိၣ်ဂၢၢ်ဆိးကျၢၤအီၤ လီၤထူလီၤယိာ် သတးဒီး, ပာ်နၤလၢစီၤပၤလၢအဖီခိၣ် ဒ်သိးနကစံၣ် ညီၣ်တၢ်, ဒီးမၤတၢ်တီတၢ်လိၤလီၤ.

⁹ ဒီးဟ့ၣ်လီၤစီၤပၤလၢ ထူအကံကၢ်တကယၤခံဆံ, ဒီး တၢ်နၢမူအါအါကလဲာ်, ဒီးတၢ်မျၢ်တဖၣ်လီၤ. ဒီးတၢ် နၢမူထဲသိးဒီးတၢ်လၢၡဘၤအနီၢ်ပၤမုၣ် ဟ့ၣ်စီၤၡလိၤမိၤ န့ၣ်တအိၣ်လၢၤဘၣ်ဝဲဘၣ်.

¹⁰ ဒီးစီၤဃူရၣ်အခ့အပှၤ, ဒီးစီၤၡလိၤမိၤအခ့အပှၤလၢ အဟဲစိာ်ထူဧိၤလွဲဧိၤလၢအိဖ့ၢ်န့ၣ် ဟဲစိာ်စ့ၢ်ကီးသ့ၣ်အ လၤမူး, ဒီးတၢ်မျၢ်တဖၣ်လီၤ.

¹¹ ဒီးစီၤပၤတ့ဃီတဖၣ် လၢသ့ၣ်အလၤမူး လၢယွၤအ ဟံၣ်အဂီၢ်, ဒီးလၢစီၤပၤအဟံၣ်အဂီၢ်, ဒီးတ့စ့ၢ်ကီးတနၢ်, ဒီးသီတူၢ်လၢ ပှၤသးဝံၣ်တၢ်ဖိအဂီၢ်လီၤ. ထဲသိးဒီးအဝဲ န့ၣ်တၢ်တထံၣ်ဘၣ်လၢသီလၢကီၢ်ယူဒၤအပူၤဘၣ်.

¹² ဒီးစီၤပၤၡလိၤမိၤဟ့ၣ်လီၤ ၡဘၤအနီၢ်ပၤမုၣ်လၢတၢ် လၢအဟဲစိာ်ဆူစီၤပၤအအိၣ်အဖီခိၣ် ကယဲၢ်တၢ်လၢအ ဘၣ်အသး, ဖဲဒၣ်အဃ့တၢ်တမံၤလၢ်လၢ်လီၤ. ဒီးဃၣ် အသး, ဒီးက့ၤက့ၤဆူအကီၢ်ဒၣ်ဝဲ, အဝဲဒၣ်, ဒီးအခ့ အပှၤလီၤ.

¹³ ဒီးထူဧိၤလွဲဧိၤလၢအဟဲဆူ စီၤၡလိၤမိၤအအိၣ်လၢတ နံၣ်အတီၢ်ပူၤန့ၣ်, လီၤတယၢၢ်ဃုကယၤဃုဆံဃုကံကၢ် လီၤ. ¹⁴ လၢန့ၣ်အမဲာ်ညါအိၣ်ဒံး တၢ်လၢပှၤဃုတၢ်ဖိ, ဒီးလၢပှၤကၤတၢ်ဖိဟဲစိာ်ဝဲ, ဒီးဧ့ရ့းအစီၤပၤခဲလၢာ်, ဒီး ထံဧိၤကီၢ်ဧိၤအပဒိၣ်တဖၣ်န့ၣ် ဟဲစိာ်ထူဧိၤလွဲဧိၤ, ဒီး ကျိၣ်ဧိၤစ့ဧိၤဆူစီၤၡလိၤမိၤအအိၣ်လီၤ.

¹⁵ ဒီးစီၤပၤၡလိၤမိၤတ့ကတီၤဖးဒိၣ်ခံကယၤ လၢထူပိာ် အသးလီၤ. ထူအၡက့လးဃုကယၤအိၣ်ဝဲလၢ ကတီၤ တဘ့ၣ်အပူၤလီၤ.

¹⁶ ဒီးတ့ကတီၤဖိလၢ ထူပိာ်အသးသၢကယၤလီၤ. ထူ အၡက့လး သၢကယၤအိၣ်ဝဲလၢ ကတီၤတဘ့ၣ်အပူၤ လီၤ. ဒီးစီၤပၤပာ်ဝဲလၢလဘၤနိၣ်အပှၢ်လၢ်ကျါ အဟံၣ် ပူၤန့ၣ်လီၤ.

¹⁷ ဒီးစီၤပၤတ့လီၢ်ပစိာ်ဖးဒိၣ်လၢကဆီမဲ, ဒီးပီၤဝဲလၢထူ စီလီၤ. ¹⁸ ဒီးလီၢ်ပစိာ်န့ၣ်အိၣ်ဝဲဒီးအဃီဃုသွါ, ဒီးခီၣ် ယီၢ်လီၢ်ထူစဲဘူးဒီးလီၢ်ပစိာ်, ဒီးအစုဖံးအိၣ်ဝဲဖဲလီၢ်ဆ့ၣ် နီၤလၢအဝဲတခီ, ဒီးလၢအဝဲတခီ, ဒီးခ့ယုၢ်ခံဒုဆၢထၢၣ် ဝဲဖဲအစုဖံးအဃၢၤလီၤ. ¹⁹ ဒီးခ့ယုၢ်တဆံခံဒုဆၢထၢၣ်ဖဲ ဃီဃုသွါအဝဲတခီအဖီခိၣ်, ဒီးလၢအဝဲတခီအဖီခိၣ်လီၤ. တၢ်တတ့ဘၣ်တၢ်ဒ်န့ၣ်သိးလၢ ဘီမုၢ်နီတဘီနီတမုၢ်အ ပူၤဘၣ်လီၤ.

²⁰ ဒီးကယဲၢ် စီၤပၤၡလိၤမိၤအလီခီအီတၢ်န့ၣ် မ့ၢ်ထူခဲ လၢာ်လီၤ. ဒီးကယဲၢ်လီခီအိၣ်ဝဲလၢလဘၤနိၣ်အပှၢ်လၢ် ကျါအဟံၣ်ပူၤန့ၣ် မ့ၢ်ထူစီခဲလၢာ်လီၤ. တတ့ဝဲလၢစ့နီ တဘ့ၣ်နီတဖျၢၣ်ဘၣ်. လၢစီၤၡလိၤမိၤအမုၢ်နံၤတဖၣ်န့ၣ် တၢ်တပးကဲဘၣ်စ့ဘၣ်လီၤ.

²¹ အဂ့ၢ်ဒ်အံၤ, စီၤပၤအကဘီလဲၤဆူ တၢ်ၡံၣ်အိၣ်ဒီးစီၤ ဃူရၣ်အခ့အပှၤလီၤ. သၢနံၣ်တစုန့ၣ်ကဘီတၢ်ၡံၣ်ဟဲ စိာ်ထူဧိၤလွဲဧိၤ, ဒီးကျိၣ်ဧိၤစ့ဧိၤ, ဒီးကဆီမဲ, ဒီးကယုၤ ဖၣ်တဖၣ်, ဒီးထိၣ်ပှာ်တဖၣ်လီၤ.

²² ဒီးစီၤပၤၡလိၤမိၤဒိၣ်န့ၢ် ကယဲၢ်စီၤပၤလၢ ဟီၣ်ခိၣ်ချၢ လၢအစုလီၢ်အခီၣ်ခိၣ်, ဒီးလၢအတၢ်ကူၣ်သ့တက့ၢ်န့ၣ် လီၤ. ²³ ဒီးဟီၣ်ခိၣ်အစီၤပၤဃုစီၤၡလိၤမိၤအမဲာ်ခဲလၢာ်ဒ် သိးအကနၢ်ဟူအတၢ်ကူၣ်သ့လၢ ယွၤပာ်လီၤဝဲလၢအ သးကံၢ်ပူၤန့ၣ်လီၤ.

²⁴ ဒီးဟဲစိာ်ဝဲအခိၣ်ဖးစုာ်စုာ်, လၢလီခီစ့, ဒီးလီခီထူ, ဒီးတၢ်အကူအသိး, ဒီးသဃိး, ဒီးတၢ်နၢမူ, ဒီးကသ့ၣ်, ဒီးကသ့ၣ်လၤသ့ၣ်တဖၣ်န့ၣ်တနံၣ်ဘၣ်တနံၣ်လီၤ.

²⁵ ဒီးစီၤၡလိၤမိၤအိၣ်ဝဲဒီးလ့ၣ်ကဟၣ်ဒီး ကသ့ၣ်အိၣ်အ လီၢ်လွံၢ်ကထိ, ဒီးပှၤကသ့ၣ်သုးဖိတကလးခံကထိ, ဒီး ပာ်ဝဲလၢလ့ၣ်ကဟၣ်အဝ့ၢ်တဖၣ်အပူၤ, ဒီးအိၣ်ဒီးစီၤပၤ လၢယရူၤၡလ့ၣ်အပူၤလီၤ.

²⁶ ဒီးကဲစီၤပၤလၢကယဲၢ်စီၤပၤအဖီခိၣ် လၢထံမိၢ်ပှၢ်ပၢၢ် လၢပှၤဖလ့ၡသးဖိအကီၢ်, ဒီးပၢၢ်လၢအဲၤကူပတူးအကီၢ် ဃၢၤလီၤ.

²⁷ ဒီးစီၤပၤပာ်ကျိၣ်ဧိၤစ့ဧိၤလၢယရူၤၡလ့ၣ်အပူၤ ဒ်လၢၢ် ဧိၤလ့ဧိၤအသိး, ဒီးပာ်သ့ၣ်ဆှိအ့ရ့းအါအါကလဲာ်ဒ်သိး ဝံာ်လၢတၢ်ပျီပူၤအသိးန့ၣ်လီၤ.

²⁸ ဒီးပှၤဟဲစိာ်ကသ့ၣ်လၢအဲၤကူပတူးအပူၤ, ဒီးလၢကီၢ် ကိးဘ့ၣ်ဒဲးအပူၤဆူစီၤၡလိၤမိၤအအိၣ်လီၤ.

²⁹ ဒီးတၢ်အိၣ်လီၤတဲာ်ဘၣ်ဃးဒီး စီၤၡလိၤမိၤ, တၢ်အ ခီၣ်ထံးဒီးတၢ်အကတၢၢ်န့ၣ်ကွဲးအသးလၢ လံာ်ဝံနၤသၣ် အပူၤ, ဒီးလၢပှၤၡံလိၤဖိပှၤထံၣ်တၢ်စီၤအဃံယၤအလံာ် ဝံအကျိာ်အပူၤ, ဒီးလၢလံာ်ဝံယံးဒိၤအထံၣ်တၢ်ထီဒါစီၤ နဘးအဖိခွါစီၤယၤရၤဘၣ်အပူၤ, တမ့ၢ်ဘၣ်ဧါ.

³⁰ ဒီးစီၤၡလိၤမိၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢအပၢ်စီၤဒၤဝံးအဝ့ၢ်ပူၤ, ဒီးအဖိခွါ စီၤရဃၤဘၣ်ကဲ ထီၣ်စီၤပၤလၢအလီၢ်န့ၣ်လီၤ.

၁၀

¹ ဒီးစီၤရဃၤဘၣ်လဲၤဝဲဆူၡက့ၣ်လီၤ. အဂ့ၢ်ဒ်အံၤ, အံၣ် စရ့းခဲလၢာ်ဟဲဝဲဆူ ၡက့ၣ်ဒ်သိးအကပာ်အီၤလၢ စီၤပၤ လီၤ. ² ဒီးတုၤစီၤနဘးအဖိခွါစီၤယၤရၤဘၣ် လၢအအိၣ် ဒံးလၢအဲၤကူပတူးအပူၤ ဖဲအဃ့ၢ်ဝဲလၢ စီၤၡလိၤမိၤအ အိၣ်, နၢ်ဟူတၢ်ဒီး, စီၤယၤရၤဘၣ်ဟဲက့ၤဝဲလၢအဲၤကူ ပတူးအပူၤလီၤ. ³ ဒီးပှၤမၢလီၤတၢ်ဒီးကိးက့ၤအီၤ, ဒီးစီၤ ယၤရၤဘၣ်, ဒီးအံၣ်စရ့လးခဲလၢာ်ဟဲဝဲဒီးကတိၤတၢ်ဒီး စီၤရဃၤဘၣ်, ဒီးစံးဝဲဒၣ်, ⁴ နပၢ်မၤကီပနီၣ်ယိးဘိ, ဒီးနဲ ဒၣ်ခဲကနံၣ်အံၤ နပၢ်အတၢ်မၤကီ, ဒီးအနီၣ်ယိးဘိလၢ လၢအပာ်လၢပလိၤအံၤ, မၤဖှံထီၣ်တက့ၢ်. ဒီးပကမၤန တၢ်လီၤ.

⁵ ဒီးစံးဘၣ်အီၤ, သၢနံၤပူၤကွံာ်ဒီး, ဟဲက့ၤကဒါက့ၤဆူ ယအိၣ်တက့ၢ်. ဒီးပှၤဂီၢ်မုၢ်ဟးထီၣ်ဝဲလီၤ.

⁶ ဒီးစီၤပၤရဃၤဘၣ်ကူၣ်လိာ်အသးဒီး ပှၤသးပှၢ်တဖၣ် လၢအဆၢထၢၣ်လၢစီၤၡလိၤမိၤအမဲာ်ညါ လၢအမူဝဲအ ဖၢမုၢ်, ဒီးစံးဝဲဒၣ်, သုကူၣ်လိာ်သုသးဒ်သိးယကစံးဆၢ ပှၤဂီၢ်မုၢ်အံၤဒ်လဲၣ်.

⁷ ဒီးအဝဲသ့ၣ်ကတိၤတၢ်ဒီးအီၤ, ဒီးစံးဝဲဒၣ်, နမ့ၢ်ကဲ ထီၣ်ပှၤအဂ့ၤဒီးပှၤဂီၢ်မုၢ်အံၤ, ဒီးဘၣ်အသး, ဒီးကတိၤ တၢ်ကတိၤဂ့ၤဒီးအီၤဒီး, ကကဲထီၣ်ဝဲလၢနခ့နပှၤလီၤထူ လီၤယိာ်လီၤ.

⁸ ဘၣ်ဆၣ်ဒီးလဲၤသဒၣ် ပှၤသူၣ်က့သးပှၢ် အတၢ်ကူၣ် လၢအကူၣ်လိာ်ဝဲဒီးအီၤ, ဒီးကူၣ်လိာ်အသးဒီးပှၤအသး စၢ်လၢအဒိၣ်ထီၣ်ဃုာ်ဒီးအီၤ, လၢအဆၢထၢၣ်လၢအမဲာ် ညါလီၤ.

⁹ ဒီးစံးဘၣ်အီၤ, ပှၤဂီၢ်မုၢ်အံၤ လၢအကတိၤတၢ်ဒီးယၤ ဒီးစံး, မၤဖှံထီၣ်နီၣ်ယိးဘိလၢနပၢ်ပာ်လၢပလိၤတက့ၢ် န့ၣ်, ဒ်သိးပကစံးဆၢအီၤဒီး, သုကူၣ်စၢၤတၢ်ဒ်လဲၣ်.

¹⁰ ဒီးပှၤအသးစၢ်လၢအဒိၣ်ထီၣ်ဃုာ်ဒီးအီၤ, ကတိၤတၢ် ဒီးအီၤဒီးစံးဝဲဒၣ်, နဘၣ်စံးဆၢပှၤဂီၢ်မုၢ်လၢအကတိၤတၢ် ဒီးနၤဒီးစံးဝဲ, နပၢ်မၤပနီၣ်ယိးဘိဃၢ, မ့မ့ၢ်နဲဒၣ်မၤဖှံထီၣ် အီၤလၢပဂီၢ်တက့ၢ်န့ၣ်, နဘၣ်စံးဆၢအီၤဒ်အံၤ, ယစု ဆၣ်တီၣ်န့ၢ်ယပၢ်အယီၢ်ဒ့တက့ၢ်လီၤ. ¹¹ ဒီးခဲကနံၣ်အံၤ ယပၢ်ပာ်နီၣ်ယိးဘိအဃၢလၢသုလိၤလီၤ. ဒီးယဲဒၣ်အံၤ ယကပာ်တၢ်အါထီၣ်လၢသုနီၣ်ယိးဘိအလိၤလီၤ. ယပၢ် သိၣ်ဃီၣ်သုလၢနီၣ်ဖျ့, ဒီးယဲဒၣ်အံၤယကသိၣ်ဃီၣ်သု လၢပတ့ၤချဲးလီၤ.

¹² ဒီးစီၤယၤရၤဘၣ်, ဒီးပှၤဂီၢ်မုၢ်ခဲလၢာ်ဟဲဝဲဆူ စီၤရဃၤ ဘၣ်အအိၣ်လၢသၢနံၤတနံၤန့ၣ်, ဒ်စီၤပၤစံးတ့ၢ်ဒီးစံးဝဲ, ဟဲက့ၤဆူယအိၣ်လၢသၢနံၤတနံၤတက့ၢ်အသိးန့ၣ်လီၤ.

¹³ ဒီးစီၤပၤစံးဆၢပှၤဂီၢ်မုၢ်ကီကီ, ဒီးစီၤပၤရဃၤဘၣ်လဲၤ သဒၣ်ပှၤသူၣ်က့သးပှၢ်အတၢ်ကူၣ်လၢ အကူၣ်လိာ်အ သးဒီးအီၤလီၤ. ¹⁴ ဒီးကတိၤဝဲဒီးအီၤ, ဒ်ပှၤအသးစၢ်ကူၣ် စၢၤတၢ်အသိးန့ၣ်, ဒီးစံးဝဲဒၣ်, ယပၢ်မၤသုနီၣ်ယိးဘိ ဃၢ, ဒီးယဲဒၣ်အံၤယကပာ်တၢ်အါထီၣ်လၢအလိၤလီၤ. ယပၢ်သိၣ်ဃီၣ်သုလၢနီၣ်ဖျ့, ဒီးယဲဒၣ်အံၤ ယကသိၣ် ဃီၣ်သုလၢပတ့ၤချဲးလီၤ.

¹⁵ ဒီးစီၤပၤတဒိကနၣ်ဘၣ် ပှၤဂီၢ်မုၢ်အကလုၢ်ဘၣ်. မ့ၢ် အဂ့ၢ်ဒ်လဲၣ်, အဂ့ၢ်ဟဲဝဲလၢယွၤ, ဒ်သိးယွၤကမၤလၢထီၣ် ပှဲၤထီၣ်အတၢ်ကတိၤလၢယွၤကတိၤဝဲဒီး စီၤနဘးအဖိခွါ စီၤယၤရၤဘၣ်လၢပှၤၡံလိၤဖိစီၤအဃံယၤအစုပူၤန့ၣ်လီၤ.

¹⁶ ဒီးအံၣ်စရ့လးခဲလၢာ်ထံၣ်ဝဲလၢ စီၤပၤတဒိကနၣ်ဘၣ် အကလုၢ်ဘၣ်, ဒီးပှၤဂီၢ်မုၢ်စံးဆၢစီၤပၤ, ဒီးစံးဝဲဒၣ်, တၢ် လၢပဂီၢ်အိၣ်လၢစီၤဒၤဝံးအပူၤန့ၣ်မ့ၢ်မနုၤတမံၤလဲၣ်. ဒီး ပန့ၢ်သါတၢ်တအိၣ်ဘၣ်လၢ စီၤယံးၡဲအဖိခွါအပူၤဘၣ် လီၤ. ဆူသုဒဲတဖၣ်အပူၤတက့ၢ်, အံၣ်စရ့လးဧၢ, ခဲက နံၣ်အံၤ, ကွၢ်နဟံၣ်ဒၣ်နဲ, စီၤဒၤဝံးဧၢ, ဒီးအံၣ်စရ့လး ဟးဝဲဆူအဒဲပူၤလီၤ.

¹⁷ ဒီးပှၤအံၣ်စရ့လးဖိ လၢအအိၣ်ဝဲဆိးဝဲလၢယူဒၤအဝ့ၢ် တဖၣ်အပူၤန့ၣ်စီၤရဃၤဘၣ်ကဲစီၤပၤလၢအဖီခိၣ်လီၤ.

¹⁸ ဒီးစီၤရဃၤဘၣ်မၢလီၤ စီၤအဒိၤရၣ်လၢအအိၣ်ဝဲလၢ တၢ်ဟ့ၣ်သွဲအဖီခိၣ်, ဒီးပှၤအံၣ်စရ့လးဖိ ကွံာ်အီၤလၢ လၢၢ်, ဒီးသံဝဲလီၤ. ဒီးစီၤရဃၤဘၣ်မၤဝဲချ့ချ့, ဒ်သိးအ ကလဲၤထီၣ်ဘၣ်အလ့ၣ်ကဟၣ်, ဒ်သိးအကဃ့ၢ်ဆူယရူၤ ၡလ့ၣ်လီၤ. ¹⁹ ဒီးအံၣ်စရ့လးပူထီၣ် စီၤဒၤဝံးအပှၤဟံၣ်ဖိ တုၤမုၢ်မဆါတနံၤအံၤလီၤ.

၁၁

¹ ဒီးစီၤရဃၤဘၣ်ဟဲတုၤဝဲလၢယရူၤၡလ့ၣ်အပူၤ, ဒီးဒုး အိၣ်ဖှိၣ်ရိဖှိၣ်ယူဒၤ, ဒီးဘံၣ်ယၤမံၣ်အပှၤဟံၣ်ဖိ, ပှၤသုး ဖိလၢတၢ်ဃုထၢအီၤ, တကလီၤဃိးကလး, ဒ်သိးအက ဒုးတၢ်ဒီးအံၣ်စရ့လး, ဒ်သိးအကဒုးဟဲက့ၤဘီမုၢ်ဆူစီၤ ရဃၤဘၣ်အအိၣ်လီၤ.

² ဒီးယွၤအကလုၢ်ဘၣ် ယွၤအပှၤကညီစီၤၡမါယၤ, ဒီး စံးဝဲဒၣ်, ³ ကတိၤတၢ်ဒီးယူဒၤအစီၤပၤစီၤၡလိၤမိၤအဖိခွါ စီၤရဃၤဘၣ်, ဒီးအံၣ်စရ့လးခဲလၢာ် လၢယူဒၤဒီးဘံၣ် ယၤမံၣ်အပူၤဒီးစံး, ⁴ ယွၤစံးဝဲဒ်အံၤ, သုတလဲၤထီၣ်, ဒီး သုတဒုးသုးဒီးသုဒီပုၢ်ဝဲၢ်တဂ့ၤ. က့ၤက့ၤတဂၤဆူအဟံၣ် ဒၣ်ဝဲ, တဂၤဆူအဟံၣ်ဒၣ်ဝဲတက့ၢ်. အဂ့ၢ်ဒ်အံၤ, တၢ် တမံၤအံၤကဲထီၣ်လၢယၤလီၤ. ဒီးဒိကနၣ်ယွၤအကလုၢ်, ဒီးလၢအလဲၤထီဒါယၤရၤဘၣ်န့ၣ်က့ၤက့ၤဝဲလီၤ.

⁵ ဒီးစီၤရဃၤဘၣ်အိၣ်ဝဲဆိးဝဲလၢယရူၤၡလ့ၣ်အပူၤ, ဒီး တ့ဝ့ၢ်တဖၣ်လၢတြီတၢ်အဂီၢ်လၢယူဒၤအပူၤလီၤ. ⁶ ဒီးတ့ဘ့ၤသလ့ဃ့ၣ်, ဒီးဧ့ၤတၣ်, ဒီးတကိၤ, ⁷ ဘ့ၤ သစူၢ်, ဒီးၡိကိၤ, ဒီးဧဒူးလၣ်, ⁸ ဒီးကၤသး, ဒီးမရ့ရှ့ၤ, ဒီး စံဖး, ⁹ ဒီးအဒိရဲၣ်, ဒီးလၤကံၣ်, ဒီးဧစ့ကၤ,― ¹⁰ ဒီးစိးရၤ, ဒီးအးယၤလိၣ်, ဒီးဃ့ဘြိၣ်သ့ၣ်တဖၣ်လၢအအိၣ်ဝဲလၢ ယူဒၤဒီးဘံၣ်ယၤမံၣ်အပူၤ, ဝ့ၢ်အိၣ်ဝဲဒီးအခိၣ်ဒူလီၤ.

¹¹ ဒီးမၤဆူၣ်ထီၣ် တိာ်တဖၣ်, ဒီးပာ်တၢ်အခိၣ်တဖၣ် လၢအပူၤ, ဒီးတၢ်ပာ်ဖှိၣ်တၢ်အီၣ်တၢ်အီ, ဒီးသိ, ဒီးစပံး ထံလီၤ. ¹² ဒီးလၢတဝ့ၢ်ဘၣ်တဝ့ၢ်ကိးဝ့ၢ်ဒဲးအပူၤန့ၣ်ပာ်က တီၤတဖၣ်, ဒီးဘီဧိၤနးဧိၤ, ဒီးမၤအီၤဆူၣ်ဆူၣ်ကလဲာ်, ဒီး ယူဒၤ, ဒီးဘံၣ်ယၤမံၣ်အိၣ်ဝဲလၢအဝဲဒၣ်အအိၣ်တခီ လီၤ.

¹³ ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိ လၢအအိၣ်ဝဲလၢ ကယဲၢ်အံၣ်စရ့လးဖိအကျါန့ၣ် လဲၤဝဲဆူအအိၣ်လၢအ ကီၢ်ဃၢၤခဲလၢာ်လီၤ. ¹⁴ (အဂ့ၢ်ဒ်အံၤ, ပှၤလ့ၤဝံဖိလဲၤသ ဒၣ်တၢ်အီၣ်ဆၣ်အလီၢ်တဖၣ်, ဒီးအတၢ်ဟံးဃာ်တဖၣ်, ဒီးဟဲဝဲဆူယရူၤၡလ့ၣ်အပူၤလီၤ. မ့ၢ်စီၤယၤရၤဘၣ်, ဒီးအ ဖိခွါတဖၣ်ညိကွံာ်တ့ၢ်အီၤလၢ အသုတမၤပှၤလုၢ်တၢ်အ ဒိၣ်အတၢ်လၢ ယွၤအဂီၢ်တဂ့ၤန့ၣ်အဂ့ၢ်လီၤ. ¹⁵ ဒီးပာ်ပှၤ လုၢ်တၢ်အဒိၣ်လၢတၢ်အလီၢ်ထီၣ်ထီအဂီၢ်, ဒီးတၢ်အိၣ် ဒီးအဆူၣ်အဂီၢ်, ဒီးဂီၤဖံးဖိလၢအတ့တ့ၢ်ဝဲအဂီၢ်လီၤ.)

¹⁶ ဒီးလၢအဝဲသ့ၣ်တဖၣ်အလီၢ်ခံန့ၣ် ပှၤလၢအပာ်အသး လၢအကဃုယွၤအံၣ်စရ့လးအကစၢ်န့ၣ် ဟဲဝဲဆူယရူၤ ၡလ့ၣ်အပူၤ, လၢကယဲၢ်အံၣ်စရ့လးအဒူၣ်တဖၣ်အကျါ ဒ်သိးအကလုၢ်တၢ်လၢယွၤအပၢ်တဖၣ်အကစၢ်လီၤ.

¹⁷ ဒီးမၤဆူၣ်ထီၣ် ယူဒၤအဘီမုၢ်, ဒီးမၤဆူၣ်ထီၣ်စီၤၡ လိၤမိၤအဖိခွါစီၤရဃၤဘၣ်သၢနံၣ်လီၤ. အဂ့ၢ်ဒ်အံၤ, ပိာ် စီၤဒၤဝံး, ဒီးစီၤၡလိၤမိၤအကျဲသၢနံၣ်လီၤ.

¹⁸ ဒီးစီၤရဃၤဘၣ်ဟံးန့ၢ်အမါ လၢစီၤဒၤဝံးအဖိခွါစီၤယ ရံမိးအဖိမုၣ်နီၢ်မၤဃလ့း, ဒီးစီၤယံးၡဲအဖိခွါ စီၤအလံ အာ်အဖိမုၣ်နီၢ်အဘံဃယ့းလးလီၤ. ¹⁹ ဒီးအဝဲဒၣ်ဆံးစၢ် န့ၢ်အီၤလၢအဖိတဖၣ်, စီၤယဧူၤၡး, ဒီးစီၤၡမၤရယၤ, ဒီး စီၤစၤဟၣ်လီၤ.

²⁰ ဒီးလၢအလီၢ်ခံန့ၣ်ဟံးန့ၢ် စီၤအးဘၡါလိၣ် အဖိမုၣ် နီၢ်မၤကၤ, ဒီးအဝဲဒၣ်ဆံးစၢ်န့ၢ်အီၤလၢစီၤအဘံယၤ, ဒီး စီၤဧၤတဲ, ဒီးစီၤစံစၤ, ဒီးၡလိမံးလီၤ.

²¹ ဒီးစီၤရဃၤဘၣ် အဲၣ်စီၤအးဘၡါလိၣ်အဖိမုၣ် နီၢ်မၤ ကၤဒိၣ်န့ၢ်အမါဒီးအသံၣ်မါခဲလၢာ်တက့ၢ်လီၤ. (အဂ့ၢ် ဒ်အံၤ, ဟံးန့ၢ်အမါတဆံဃိးဂၤ, ဒီးအသံၣ်မါဃုဆံ, ဒီး ထီၣ်ဖိအဖိခွါခံဆံဃိးဂၤ, ဒီးအဖိမုၣ်ဃုဆံလီၤ.)

²² ဒီးစီၤရဃၤဘၣ်ပာ်နီၢ်မၤကၤအဖိခွါ စီၤအဘံယၤလၢ တၢ်အခိၣ်, လၢအဒီပုၢ်ဝဲၢ်အဖီခိၣ်လီၤ. အဂ့ၢ်ဒ်အံၤ, သါ ကဒုးကဲထီၣ်အီၤလၢစီၤပၤလီၤ.

²³ ဒီးမၤဝဲဒီးအသးဆး, ဒီးမၤလီၤပြံပြါအဖိခွါလၢယူဒၤ ဒီးဘံၣ်ယၤမံၣ်အကီၢ်ခဲလၢာ်အကျါ ဆူကယဲၢ်ဝ့ၢ်အိၣ်ဝဲ ဒီးအခိၣ်ဒူ, ဒီးဟ့ၣ်လီၤလၢတၢ်အီၣ်တၢ်အီ အါအါက လဲာ်လီၤ. ဒီးဃုအမါဂီၢ်မုၢ်လီၤ.

၁၂

¹ ဒီးတုၤစီၤရဃၤဘၣ် မၤဂၢၢ်မၤကျၢၤအဘီအမုၢ်, ဒီးမၤ ဆူၣ်ထီၣ်အသးဒီး, တၢ်မၤအသးလၢအလဲၤသဒၣ်ယွၤ အတၢ်သိၣ်တၢ်သီ, ဒီးအံၣ်စရ့လးခဲလၢာ် အိၣ်ဒီးအီၤ လီၤ. ² ဒီးတၢ်မၤအသးလၢ စီၤပၤရဃၤဘၣ် အနံၣ်ပှဲၤထီၣ်ယဲၢ်နံၣ်တနံၣ်န့ၣ် အဲၤကူပတူးအစီၤပၤၡံၡး ဟဲထီဒါယရူၤၡလ့ၣ်လီၤ. (အဂ့ၢ်ဒ်အံၤ, မၤကမၣ်ဘၣ်လံယွၤလံ.)―

³ အိၣ်ဝဲဒီး လ့ၣ်ကဟၣ်တကထိခံကယၤ, ဒီးပှၤကသ့ၣ် သုးဖိဃုကလး, ဒီးလၢပှၤလၢအဟဲဒီးအီၤလၢအဲၤကူပ တူးအပူၤန့ၣ်အတၢ်ဂံၢ်တအိၣ်ဘၣ်, ပှၤလူဘးဖိ, ပှၤစူၤ ကံၤဖိ, ဒီးပှၤကူၤၡးဖိလီၤ. ⁴ ဒီးမၤန့ၢ်ယူဒၤအဝ့ၢ်အိၣ်ဝဲ ဒီးအခိၣ်ဒူ, ဒီးဟဲဝဲဆူယရူၤၡလ့ၣ်လီၤ.

⁵ ဒီးဝံၡှမါယၤဟဲဝဲဆူ စီၤရဃၤဘၣ်, ဒီးဆူယူဒၤအပ ဒိၣ်ဖးဒိၣ်လၢအအိၣ်ဖှိၣ်လၢယရူၤၡလ့ၣ်အပူၤ လၢစီၤၡံ ၡးအဃိတဖၣ်အအိၣ်, ဒီးစံးဘၣ်အီၤ, ယွၤစံးဒ်အံၤ, သု လဲၤသဒၣ်လံယၤလံ, ဒီးယဲဒၣ်အံၤယလဲၤသဒၣ်စ့ၢ်ကီး သုလၢစီၤၡံၡးအစုပူၤလံ.

⁶ ဒီးအံၣ်စရ့လးအပဒိၣ်ဖးဒိၣ်တဖၣ်, ဒီးစီၤပၤဆီၣ်လီၤ အသးဒီးစံးဝဲဒၣ်, ယွၤမ့ၢ်တၢ်တီတၢ်လိၤလီၤ.

⁷ ဒီးတုၤယွၤထံၣ်လၢ အဆီၣ်လီၤအသးန့ၣ်ဒီး, ယွၤအ ကလုၢ်ဘၣ် စီၤၡမါယၤဒီးစံးဝဲဒၣ်, အဝဲသ့ၣ်တဖၣ်န့ၣ် ဆီၣ်လီၤအသးလံ. ယတမၤဟးဂီၤဘၣ်အီၤဘၣ်, ယက ဟ့ၣ်လီၤအီၤလၢတၢ်ပူၤဖျဲးတစဲးစဲး, ဒီးယတၢ်သးထီၣ်တ ဘၣ်လူလီၤဘၣ်အသးလၢ ယရူၤၡလ့ၣ်အဖီခိၣ်လၢစီၤၡံ ၡးအစုဘၣ်. ⁸ ဘၣ်ဆၣ်ဒီးကကဲထီၣ်အခ့အပှၤ ဒ်သိး အကသ့ၣ်ညါတၢ်မၤယတၢ်, ဒီးတၢ်မၤထံဧိၤကီၢ်ဧိၤအ ဘီမုၢ်အတၢ်မၤလီၤ.

⁹ ဒီးအဲၤကူပတူးအစီၤပၤ စီၤၡံၡးဟဲထီဒါယရူၤၡလ့ၣ်, ဒီးဟံးထီၣ်ကွံာ် ယွၤအဟံၣ်အတၢ်လုၢ်ဒိၣ်ပှ့ၤဒိၣ်, ဒီးစီၤ ပၤအဟံၣ်အတၢ်လုၢ်ဒိၣ်ပှ့ၤဒိၣ်လီၤ. စိာ်ထီၣ်ကွံာ်ခဲလၢာ်, ဒီးစိာ်ထီၣ်ကွံာ်စ့ၢ်ကီးကယဲၢ်ကတီၤထူလၢ စီၤၡလိၤမိၤ တ့ဝဲခဲလၢာ်လီၤ.

¹⁰ ဒီးစီၤပၤရဃၤဘၣ် တ့ကတီၤတိၢ်လၢအလီၢ်, ဒီးဟ့ၣ် လီၤအီၤလၢပှၤပၢၤတၢ်ဖိအခိၣ်အစုပူၤ, လၢအပၢၤစီၤပၤ အဟံၣ်အတြဲၤလီၤ.

¹¹ ဒီးတုၤစီၤပၤလဲၤနုာ်ဆူ ယွၤအဟံၣ်ပူၤဒီး, ပှၤပၢၤတၢ် ဖိဟဲ, ဒီးစိာ်ဝဲဒီးအီၤ, ဒီးဟဲက့ၤစိာ်အီၤဆူပှၤပၢၤတၢ်ဖိ အဒၢးပူၤလီၤ.

¹² ဒီးတုၤအဆီၣ်လီၤအသးဒီး, ယွၤအတၢ်သးထီၣ်ဃၣ် ကွံာ်အသးလၢအီၤ ဒ်သိးအသုတမၤဟးဂီၤအီၤ တုၤအ လၢာ်တဂ့ၤလီၤ. ဒီးလၢယူဒၤအပူၤန့ၣ်တၢ်မၤအသးလၢ အဂ့ၤစ့ၢ်ကီးလီၤ.

¹³ ဒီးစီၤပၤရဃၤဘၣ် မၤဆူၣ်ထီၣ်အသးလၢ ယရူၤၡ လ့ၣ်အပူၤ, ဒီးကဲစီၤပၤလီၤ. အဂ့ၢ်ဒ်အံၤ, လၢစီၤရဃၤ ဘၣ်ကဲစီၤပၤန့ၣ်အသးပှၢ်လွံၢ်ဆံတနံၣ်, ဒီးကဲစီၤပၤတ ဆံနွံနံၣ်လၢယရူၤၡလ့ၣ်အပူၤ, ဝ့ၢ်တဖျၢၣ်လၢယွၤဃုထၢ လၢကယဲၢ်ပှၤအံၣ်စရ့လးအဒူၣ်ခဲလၢာ်အကျါ ဒ်သိးအ ကပာ်အမံၤဖဲန့ၣ်လီၤ. ဒီးအမိၢ်အမံၤမ့ၢ်နီၢ်နၤဧမၤ, ပှၤ ဧၣ်မိၣ်ဖိလီၤ.

¹⁴ ဒီးမ့ၢ်အတကတဲာ်ကတီၤဘၣ်အသး ဒ်သိးအကဃု ယွၤဘၣ်ဒီးမၤတၢ်အၢလီၤ.

¹⁵ ဒီးတၢ်ဘၣ်ဃးဒီးစီၤရဃၤဘၣ်, တၢ်အခီၣ်ထံးဒီးတၢ် အကတၢၢ်န့ၣ်ကွဲးအသးလၢလံာ်ဝံၡမါယၤအပူၤ, ဒီးလၢ လံာ်ပှၤထံၣ်တၢ်စီၤယံးဒိၤအပူၤ လၢတၢ်အထူအထံးအ ဂ့ၢ်အကျိၤ, တမ့ၢ်ဘၣ်ဧါ. ဒီးတၢ်ဒုးသုးအိၣ်ဝဲလၢစီၤရဃၤ ဘၣ်, ဒီးစီၤယၤရၤဘၣ်အဘၢၣ်စၢၤတစိၤဒၣ်အီၤလီၤ.

¹⁶ ဒီးစီၤရဃၤဘၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ် လၢစီၤဒၤဝံးအဝ့ၢ်ပူၤလီၤ. ဒီးအဖိခွါ စီၤအဘံယၤကဲစီၤပၤလၢအလီၢ်န့ၣ်လီၤ.

၁၃

¹ ဒီးစီၤပၤယၤရၤဘၣ် အနံၣ်ပှဲၤထီၣ်တဆံဃိးနံၣ်တနံၣ် န့ၣ်စီၤအဘံယၤ ကဲထီၣ်စီၤပၤလၢ ယူဒၤအဖီခိၣ်လီၤ.―

² ဒီးကဲစီၤပၤသၢနံၣ်လၢယရူၤၡလ့ၣ်အပူၤ, ဒီးအမိၢ်အမံၤ မ့ၢ်နီၢ်မံၤကါယၤ, ပှၤကံဘဧၤဖိ စီၤအူရံၤအ့လးအဖိမုၣ် လီၤ. ဒီးတၢ်ဒုးသုးအိၣ်ဝဲလၢစီၤအဘံယၤဒီး စီၤယၤရၤ ဘၣ်အဘၢၣ်စၢၤလီၤ.

³ ဒီးစီၤအဘံယၤကတဲာ်ကတီၤတၢ်ဒုးတၢ် အိၣ်ဝဲဒီးပှၤ သုးမုၢ်, ပှၤသုးဖိအဆူၣ်, ပှၤဃုထၢဖိလွံၢ်ကလီၤလီၤ. ဒီး စီၤယၤရၤဘၣ်ကတဲာ်ကတီၤ တၢ်ဒုးသုးထီဒါအီၤ, အိၣ် ဝဲဒီးပှၤဃုထၢဖိ, ပှၤအဒိၣ်အဆူၣ်ဃိးကလီၤလီၤ.

⁴ ဒီးစီၤအဘံယၤဆၢထၢၣ်ဝဲလၢ ကစၢၢ်စမၤရဲၣ်အလိၤ လၢအအိၣ်လၢကစၢၢ်အ့ဖရဲၣ်, ဒီးစံးဝဲဒၣ်, စီၤယၤရၤ ဘၣ်, ဒီးအံၣ်စရ့လးခဲလၢာ်သ့ၣ်ဧၢ, ကနၣ်တက့ၢ်. ⁵ ယွၤ အံၣ်စရ့လးအကစၢ်ဟ့ၣ်လီၤ အံၣ်စရ့လးအဘီမုၢ်လၢစီၤ ဒၤဝံးလီၤထူလီၤယိာ်, လၢအဝဲဒၣ်ဒီးအဖိခွါတဖၣ်အိၣ် ဒီးတၢ်အၢၣ်လီၤအီလီၤဘၣ်ဃးဒီး အံသၣ်န့ၣ်သုတသ့ၣ် ညါဘၣ်ဧါ. ⁶ ဒီးစီၤနဘးအဖိခွါစီၤယၤရၤဘၣ်, စီၤဒၤဝံး အဖိခွါစီၤၡလိၤမိၤအခ့အပှၤတဂၤ ဂဲၤဆၢထၢၣ်, ဒီးပူ ထီၣ်အကစၢ်လီၤ. ⁷ ဒီးပှၤဟးဂီၤဖိ, ပှၤဘယးယဧးလးဖိ အိၣ်ဖှိၣ်ရိဖှိၣ်လၢအအိၣ်ဒီး ဖဲစီၤရဃၤဘၣ်မ့ၢ်ပှၤဖိသၣ်, ဒီးအသးလီၤဘှါ, ဒီးတြီအီၤတသ့ဘၣ်န့ၣ်ဒီး, မၤဆူၣ် ထီၣ်အသးထီဒါ စီၤၡလိၤမိၤအဖိခွါ စီၤရဃၤဘၣ်န့ၣ် လီၤ. ⁸ ဒီးခဲကနံၣ်အံၤသုစံးလၢသုကမၤဆူၣ်ထီၣ်သုသး ထီဒါယွၤအဘီအမုၢ်လၢ စီၤဒၤဝံးအဖိခွါတဖၣ်အစုပူၤ, ဒီးသုမ့ၢ်ပှၤဂီၢ်မုၢ်ဖးဒိၣ်လီၤ. ဒီးဂီၤဖံးထူလၢ စီၤယၤရၤ ဘၣ်တ့န့ၢ်သုလၢကစၢ်တဖၣ်န့ၣ်အိၣ်ဒီးသုလီၤ.

⁹ သုဟီထီၣ်ကွံာ်လံယွၤအပှၤလုၢ်တၢ်အဒိၣ်, စီၤအၤဟ ရိၣ်အဖိခွါတဖၣ်, ဒီးပှၤလ့ၤဝံဖိ, ဒီးသုပာ်ပှၤလုၢ်တၢ်အ ဒိၣ်ဒ်ကီၢ်တဖၣ်အပှၤကလုာ်တဖၣ်အသိးန့ၣ် တမ့ၢ်ဘၣ် ဧါ. ဖဲဒၣ်ပှၤလၢအဟဲပာ်စီဆှံအသးဒီး ဂီၤဖံးဖါဖိတဒု, ဒီးအသိဖါဖိနွံဒုတဂၤလၢ်လၢ်န့ၣ် ကကဲထီၣ်ပှၤလုၢ်တၢ် အဒိၣ်လၢတၢ်လၢအတမ့ၢ်ဘၣ်ကစၢ်တဖၣ်အဂီၢ်လီၤ. ¹⁰ မ့မ့ၢ်ပဝဲဒၣ်အံၤယွၤမ့ၢ်ပကစၢ်, ဒီးပတလဲၤသဒၣ်ဘၣ်အီၤဘၣ်. ဒီးပှၤလုၢ်တၢ်အဒိၣ်လၢအမၤယွၤအတၢ်တဖၣ်မ့ၢ်စီၤအၤဟရိၣ်အဖိခွါ, ဒီးပှၤလ့ၤဝံဖိ မၤအတၢ်လီၤ.― ¹¹ တဟါဘၣ်တဟါ, တဂီၤဘၣ်တဂီၤ, ဆိၣ်ကဲၤထီၣ်တၢ်လုၢ်မ့ၣ်အူ, ဒီးတၢ်နၢမူလီၤ. ဒီးပာ်တၢ်ဂ့ၢ်အကိၣ်လၢစီၢ်နီၤခိၣ်စီဆှံအဖီခိၣ်, ဒီးမ့ၣ်အူဒၢမိၢ်ပှၢ်ထူ, ဒီးအမ့ၣ်အူဒၢဖိတဖၣ်လၢအကဲၤကပီၤထီၣ်ကိးဟါဒဲးလီၤ.― အဂ့ၢ် ဒ်အံၤ, ပဝဲဒၣ်အံၤပကွၢ်ယွၤပကစၢ်အတၢ်ကွၢ်လီၤ. မ့မ့ၢ် သုဝဲသ့ၣ်တဖၣ်န့ၣ်သုလဲၤသဒၣ်လံအီၤလံ.

¹² ဒီးကွၢ်ကွၢ်, ယွၤအကစၢ်ဒၣ်ဝဲအိၣ်ဝဲဒီး ပှၤလၢပခိၣ် တဂၤ, ဒီးအပှၤလုၢ်တၢ်အဒိၣ်အိၣ်ဝဲဒီးကွဲၤသီၣ်တၢ်လၢ အကိးထီၣ်ထီဒါသုလီၤ. အံၣ်စရ့လးအဖိသ့ၣ်ဧၢ, ဒုး တၢ်ဒီးယွၤသုပၢ်တဖၣ်အကစၢ်တဂ့ၤ. အဂ့ၢ်ဒ်အံၤ, သု တဘီၣ်ထီၣ်ညီထီၣ်ဘၣ်.

¹³ ဒီးစီၤယၤရၤဘၣ်မၢပှၤတဖု ခိးခူသူၣ်ဟဲတရံးအီၤလၢ အလီၢ်ခံ, ဒီးပှၤအိၣ်ဝဲလၢယူဒၤအမဲာ်ညါ, ဒီးပှၤခိးခူ သူၣ်တဖုအိၣ်ဝဲလၢအလီၢ်ခံလီၤ.

¹⁴ ဒီးတုၤယူဒၤ ကွၢ်ကဒါအသးလၢအလီၢ်ခံဒီး, ကွၢ် ကွၢ်, တၢ်ဒုးတၢ်အလီၢ်အိၣ်ဝဲလၢအမဲာ်ညါ, ဒီးလၢအ လီၢ်ခံလီၤ. ဒီးကိးထီၣ်ဝဲဆူယွၤ, ဒီးပှၤလုၢ်တၢ်အဒိၣ်တ ဖၣ်န့ၣ်အူကွဲၤလီၤ. ¹⁵ ဒီးယူဒၤအပှၤကညီ ကိးပသူထီၣ်, ဒီးတုၤယူဒၤအပှၤကညီ ကိးပသူထီၣ်ဒီး, တၢ်မၤအသး လၢယွၤကျီကွံာ်စီၤယၤရၤဘၣ်, ဒီးအံၣ်စရ့လးခဲလၢာ်လၢ စီၤအဘံယၤ, ဒီးယူဒၤအမဲာ်ညါလီၤ. ¹⁶ ဒီးပှၤအံၣ်စရ့ လးဖိဃ့ၢ်ဝဲလၢယူဒၤအမဲာ်ညါ, ဒီးယွၤဟ့ၣ်လီၤကွံာ်အီၤ လၢအစုပူၤလီၤ.

¹⁷ ဒီးစီၤအဘံယၤ, ဒီးအပှၤဂီၢ်မုၢ်ကျီကွံာ်အီၤ လၢတၢ် ကျီကွံာ်ဖးဒိၣ်, ဒီးပှၤလီၤဃံၤသံလၢအံၣ်စရ့လးအကျါ, ပှၤဃုထၢဖိယဲၢ်ကလီၤလီၤ. ¹⁸ လၢအကတီၢ်န့ၣ်ပှၤအံၣ် စရ့လးဖိဃၣ်ဝဲ, ဒီးပှၤယူဒၤဖိမၤနၢၤအီၤလီၤ. အဂ့ၢ်ဒ် အံၤ, သနံာ်သန့ၤအသးလၢယွၤအပၢ်တဖၣ်အကစၢ်လီၤ.

¹⁹ ဒီးစီၤအဘံယၤလူၤ စီၤယၤရၤဘၣ်, ဒီးမၤန့ၢ်အဝ့ၢ်တ ဖၣ်, ဘ့ၤသ့လးဒီးအတဝီတဖၣ်, ဒီးယၡၤနၤဒီးအတဝီ တဖၣ်, ဒီးအ့ဖရဲၣ်ဒီးအတဝီတဖၣ်လီၤ.

²⁰ ဒီးလၢစီၤအဘံယၤအမုၢ်နံၤတဖၣ်န့ၣ် စီၤယၤရၤဘၣ် တဆူၣ်ထီၣ်လၢၤဘၣ်. ဒီးယွၤတီၢ်အီၤ, ဒီးသံဝဲလီၤ.

²¹ ဒီးစီၤအဘံယၤဆူၣ်ထီၣ်, ဒီးဟံးန့ၢ်အမါ တဆံလွံၢ် ဂၤ, ဒီးထီၣ်ဖိအဖိခွါခံဆံခံဂၤ, ဒီးအဖိမုၣ်တဆံဃုဂၤ လီၤ.

²² ဒီးတၢ်အိၣ်လီၤတဲာ်ဘၣ်ဃးဒီး စီၤအဘံယၤ, ဒီးအ ကျဲတဖၣ်, ဒီးအတၢ်ကတိၤတၢ်တဖၣ်န့ၣ်ကွဲးအသးလၢ ဝံဧံးဒိၤအလံာ်ဃဲၤဖျါတၢ်အပူၤလီၤ.

၁၄

¹ ဒီးစီၤအဘံယၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤလၢစီၤဒၤဝံးအဝ့ၢ်ပူၤ, ဒီးအဖိခွါစီၤအၤစါကဲထီၣ်စီၤ ပၤလၢအလီၢ်န့ၣ်လီၤ. လၢအမုၢ်နံၤတဖၣ်န့ၣ် ထံဧိၤကီၢ် ဧိၤအိၣ်မုာ်ဝဲဆံဆဲၣ်နံၣ်လီၤ.

² ဒီးစီၤအၤစါ မၤတၢ်လၢအဂ့ၤ, ဒီးတၢ်လၢအလိၤလၢ ယွၤအကစၢ်အမဲာ်လီၤ. ³ ဒီးမၤဟးဂီၤကွံာ်ပှၤတခီဘီမုၢ် ဖိအတၢ်လုၢ်လီၢ်တဖၣ်, ဒီးတၢ်အလီၢ်ထီၣ်ထီတဖၣ်, ဒီး မၤကၢ်လီၤကလဲကွံာ်တၢ်ဂီၤတဖၣ်, ဒီးကူာ်ကွံာ်အရှ့ရၤ,―

⁴ ဒီးမၤလိာ်ယူဒၤဒ်သိး အကဃုန့ၢ်ယွၤအပၢ်တဖၣ်အက စၢ်, ဒီးတိၢ်န့ၢ်တၢ်သိၣ်တၢ်သီ, ဒီးတၢ်မၤလိာ်လီၤ. ⁵ ဒီး မၤဟးဂီၤကွံာ်တၢ်အလီၢ်ထီၣ်ထီတဖၣ်, ဒီးတၢ်ဂီၤတဖၣ် လၢယူဒၤအဝ့ၢ်ခဲလၢာ်အပူၤ, ဒီးဘီမုၢ်အိၣ်ဘှီၣ်ကလာ် လၢအမဲာ်ညါလီၤ.

⁶ ဒီးတ့ဝ့ၢ်အိၣ်ဝဲဒီးအခိၣ်ဒူတဖၣ် လၢယူဒၤအပူၤလီၤ. အဂ့ၢ်ဒ်အံၤ, ထံဧိၤကီၢ်ဧိၤအိၣ်ဘှံးဝဲလီၤ. ဒီးတၢ်ဒုးတၢ် တအိၣ်လၢၤဘၣ်လၢ နံၣ်တဖၣ်အပူၤဘၣ်. အဂ့ၢ်ဒ်အံၤ, ယွၤဒုးအိၣ်ဘှံးအီၤလီၤ.

⁷ ဒီးစံးလၢယူဒၤ, မ်ပတ့ဝ့ၢ်တဖၣ်အံၤ, ဒီးမၤဝးတရံး အီၤလၢခိၣ်ဒူ, ဒီးတၢးထီ, ဒီးတြဲၤ, ဒီးနီၣ်ဘိတက့ၢ်. ထံဧိၤကီၢ်ဧိၤအိၣ်ဒံးလၢပမဲာ်ညါလီၤ. အဂ့ၢ်ဒ်အံၤ, ပဃု ယွၤပကစၢ်လီၤ. ပဃုအီၤ, ဒီးဒုးအိၣ်ဘှံးပှၤတခီလၢ်လၢ် လီၤ. ဒီးတ့ဝဲ, ဒီးဘီၣ်ထီၣ်ညီထီၣ်လီၤ.

⁸ ဒီးစီၤအၤစါအိၣ်ဝဲဒီး ပှၤသုးမုၢ်လၢအစိာ်ကတီၤ, ဒီး ဘီဧိၤနးဧိၤ, လၢယူဒၤအကျါန့ၣ်ပှၤသၢကလီၤ, ဒီးပှၤ လၢအစိာ်ကတီၤ, ဒီးသူထီၣ်ချံၣ်လၢဘံၣ်ယၤမံၣ်အကျါ န့ၣ် ပှၤခံကလီၤဃိးကလးလီၤ. အဝဲသ့ၣ်တဖၣ်န့ၣ်ခဲ လၢာ်မ့ၢ်ပှၤအဒိၣ်အဆူၣ်လီၤ.

⁹ ဒီးပှၤကူၤၡးဖိစီၤစ့ရၤဟဲထီၣ်ထီဒါအီၤ, အိၣ်ဒီးပှၤသုး ဖိတကကွဲၢ်, ဒီးလ့ၣ်ကဟၣ်သၢကယၤ, ဒီးဟဲဝဲဆူမ ရ့ၡၤလီၤ. ¹⁰ ဒီးစီၤအၤစါလဲၤထီၣ်ထီဒါအီၤ, ဒီးကတဲာ် ကတီၤတၢ်ဒုးသုးလၢ ကစၢၢ်ကဆူးစဖၤသး လၢမရ့ၡၤ အပူၤလီၤ.

¹¹ ဒီးစီၤအၤစါကိးထီၣ် ယွၤအကစၢ်ဒီးစံးဝဲဒၣ်, ယွၤဧၢ, လၢအအါမ့ၢ်ဂ့ၤ, လၢအစှၤမ့ၢ်ဂ့ၤ, နမၤစၢၤတၢ်ဒ်သိးသိး လီၤ. မၤစၢၤပှၤတက့ၢ်, ယွၤပကစၢ်ဧၢ, အဂ့ၢ်ဒ်အံၤ, ပ သန့ၤပသးလၢနၤ, ဒီးပလဲၤထီဒါပှၤဂီၢ်မုၢ်ဖးဒိၣ်အံၤလၢ နမံၤလီၤ. ယွၤဧၢ, နမ့ၢ်ပကစၢ်လီၤ. မ်ပှၤကညီအသု တမၤနၢၤနၤတဂ့ၤ.

¹² ဒီးယွၤကျီကွံာ်ပှၤကူၤၡးဖိ လၢစီၤအၤစါအမဲာ်ညါ, ဒီး

¹³ လၢယူဒၤအမဲာ်ညါ, ဒီးပှၤကူၤၡးဖိဃ့ၢ်ကွံာ်ဝဲလီၤ. ဒီးစီၤ အၤစါ, ဒီးပှၤဂီၢ်မုၢ်လၢအအိၣ်ဒီးအီၤန့ၣ်လူၤအီၤပၢၢ်လၢ ကရၢ်, ဒီးပှၤကူၤၡးဖိလီၤဃံၤဝဲ, ဒီးမူထီၣ်က့ၤဝဲတသ့ ဘၣ်. အဂ့ၢ်ဒ်အံၤ, ဟးဂီၤဝဲလၢယွၤအမဲာ်ညါ, ဒီးလၢ အပှၤသုးမုၢ်အမဲာ်ညါလီၤ. ဒီးပှၤစိာ်ထီၣ်ကွံာ်တၢ်ဂုာ်န့ၢ် အါအါကလဲာ်လီၤ.

¹⁴ ဒီးကျီကွံာ်ဝ့ၢ်အိၣ်ဝးတရံးကရၢ်ခဲလၢာ်လီၤ. အဂ့ၢ်ဒ် အံၤ, တၢ်ပျံၤယွၤလီၤဘၣ်အီၤလီၤ. ဒီးဂုာ်န့ၢ်ဝ့ၢ်ခဲလၢာ် အတၢ်ဖိတၢ်လံၤလီၤ. မ့ၢ်အတၢ်ဖိတၢ်လံၤ အိၣ်ဝဲလၢအ ပူၤအါအါကလဲာ်အဂ့ၢ်လီၤ.

¹⁵ ဒီးကျီကွံာ် ဆၣ်ဖိကီၢ်ဖိအဒၢတဖၣ်အဒဲ, ဒီးစိာ်ထီၣ် ကွံာ်သိ, ဒီးမဲာ်တဲးလဲး, ဒီးကီၤလၤအူးအါအါကလဲာ်, ဒီးက့ၤက့ၤဝဲဆူယရူၤၡလ့ၣ်လီၤ.

၁၅

¹ ဒီးယွၤအသးလီၤဘၣ် စီၤဧိၤဒ့းအဖိခွါ စီၤဧစၤရယၤ အလိၤ, ² ဒီးလဲၤထီၣ်သဂၢၢ်စီၤအၤစါ, ဒီးစံးဝဲ, ကနၣ် ယကလုၢ်တက့ၢ်, စီၤအၤစါ, ဒီးယူဒၤ, ဒီးဘံၣ်ယၤမံၣ်ခဲ လၢာ်သ့ၣ်ဧၢ, တုၤသုအိၣ်ဒီးယွၤဒီး, ယွၤအိၣ်ဒီးသုလီၤ. ဒီးသုမ့ၢ်ဃုအီၤဒီး, သုကထံၣ်န့ၢ်အီၤလီၤ. ဒီးသုမ့ၢ်လဲၤ သဒၣ်အီၤဒီး, ကလဲၤသဒၣ်သုလီၤ.

³ ဒီးအါနံၤအါသီန့ၣ်အံၣ်စရ့လး တအိၣ်ဘၣ်ဒီးကစၢ် အမ့ၢ်အတီ, ဒီးတအိၣ်ဘၣ်ဒီးပှၤလုၢ်တၢ်အဒိၣ်သိၣ်လိ တၢ်, ဒီးတအိၣ်ဘၣ်ဒီးတၢ်သိၣ်တၢ်သီဘၣ်. ⁴ ဘၣ်ဆၣ် ဒီးတုၤအဘၣ်တၢ်ကိၢ်တၢ်ဂီၤဒီး, ဃၣ်က့ၤအသးဆူယွၤ အံၣ်စရ့လးအကစၢ်အအိၣ်, ဒီးဃုအီၤ, ဒီးထံၣ်န့ၢ်အီၤ လီၤ.

⁵ ဒီးလၢအကတီၢ်ဖဲန့ၣ်ပှၤလၢအဟးထီၣ်မ့ၢ်ဂ့ၤ, ပှၤလၢ အဟဲနုာ်မ့ၢ်ဂ့ၤ, အတၢ်ခုၣ်တၢ်မုာ်တအိၣ်ဘၣ်. တၢ်ကိၢ် တၢ်ဂီၤဒိၣ်ဒိၣ်ကလဲာ်အိၣ်လၢ ပှၤအအိၣ်အဆိးလၢကီၢ် တဖၣ်အပူၤခဲလၢာ်လီၤ. ⁶ ဒီးပှၤတကလုာ်မၤဟးဂီၤပှၤ တကလုာ်, ဒီးဝ့ၢ်တဝ့ၢ်မၤဟးဂီၤဝ့ၢ်တဝ့ၢ်လီၤ. အဂ့ၢ်ဒ် အံၤ, ယွၤမၤနးမၤဖှီၣ်အီၤလၢ တၢ်ကိၢ်တၢ်ဂီၤအကလုာ် ကလုာ်လီၤ.

⁷ ဒီးပာ်ဆူၣ်သုသးတက့ၢ်. မ်သုစုအသုတလီၤဘှါတ ဂ့ၤ. အဂ့ၢ်ဒ်အံၤ, သုမၤတၢ်ကအိၣ်ဝဲဒီးအဘူးအလဲလီၤ.

⁸ ဒီးတုၤစီၤအၤစါနၢ်ဟူတၢ်ကတိၤတဖၣ်န့ၣ်, ဒီးဝံဧိၤဒ့း ကတိၤတၢ်လၢဝံအကျိာ်ဒီး, ပာ်ဆူၣ်ထီၣ်အသး, ဒီးမၤ ဟးဂီၤကွံာ်တၢ်ဂီၤသးဘၣ်အၢလၢယူဒၤ, ဒီးဘံၣ်ယၤမံၣ် အကီၢ်ပူၤ, ဒီးလၢဝ့ၢ်တဖၣ်အပူၤလၢအမၤန့ၢ်လၢကစၢၢ် အ့ဖရဲၣ်, ဒီးမၤက့ၤယွၤအတၢ်လုၢ်လီၢ်လၢအအိၣ်ဝဲလၢ ယွၤအဟံၣ်အတၢ်ခိၣ်ဒုးထီၣ်အသးအမဲာ်ညါလီၤ.

⁹ ဒီးဒုးအိၣ်ဖှိၣ်ရိဖှိၣ်ယူဒၤဒီးဘံၣ်ယၤမံၣ်ခဲလၢာ်, ဒီးပှၤ တခီဘီမုၢ်ဖိလၢအအိၣ်ဝဲဒီးအီၤလၢအ့ဖရဲၣ်, ဒီးမနၤရှ့ၤ အကျါ, ဒီးလၢစူၤမ့းအိၣ်အကျါလီၤ. (အဂ့ၢ်ဒ်အံၤ, တုၤ ပှၤထံၣ်ဝဲလၢယွၤ, အကစၢ်အိၣ်ဝဲဒီးအီၤ ဒီးပှၤလီၤဘၣ် ဆူအအိၣ်တခီ လၢအံၣ်စရ့လးအကျါ အါအါကလဲာ် လီၤ.)

¹⁰ ဒီးလၢစီၤအၤစါကဲစီၤပၤတဆံယဲၢ်နံၣ်တနံၣ်, လါသၢ လါတလါန့ၣ်, ပှၤအိၣ်ဖှိၣ်ရိဖှိၣ်ဝဲလၢ ယရူၤၡလ့ၣ်အပူၤ လီၤ.

¹¹ ဒီးတၢ်လၢမုၢ်တနံၤန့ၣ် လုၢ်ယွၤလၢဂီၤဖံးနွံကယၤ, ဒီး သိနွံကထိ, လၢတၢ်ဂုာ်န့ၢ်လၢအဟဲစိာ်ဝဲတဖၣ်အကျါ လီၤ.

¹² ဒီးအၢၣ်လီၤအီလီၤတၢ်လၢ အကဃုယွၤအပၢ်တဖၣ် အကစၢ် လၢအသးဒီဖျၢၣ်ညါ, ဒီးလၢအသး တုၤအ လၢာ်, ¹³ ဒီးပှၤလၢအတဃုဘၣ်ယွၤ တဂၤလၢ်လၢ်န့ၣ်, အဒိၣ်ဂ့ၤ, အဆံးဂ့ၤ, ပိာ်မုၣ်ဂ့ၤ, ပိာ်ခွါဂ့ၤ, ကဘၣ်တၢ်မၤ သံအီၤလီၤ. ¹⁴ ဒီးဆိၣ်တၢ်ဒီးယွၤလၢအသီၣ်ဖးဒိၣ်, ဒီးလၢ တၢ်ကိးပသူထီၣ်, ဒီးလၢကွဲၤ, ဒီးလၢတနွဲလီၤ. ¹⁵ ဒီးယူဒၤ ခဲလၢာ်အသးခုဝဲလၢတၢ်ဆိၣ်အဃိလီၤ. အဂ့ၢ်ဒ်အံၤ, ဆိၣ် ဝဲလၢအသးဒီဖျၢၣ်ညါ, ဒီးဃုယွၤလၢအဆၢတၢ်တုၤအ လၢာ်, ဒီးထံၣ်န့ၢ်ဝဲ, ဒီးယွၤဒုးအိၣ်ဘှံးအီၤဝးတရံးဝဲလီၤ.

¹⁶ ဒီးစီၤပၤအၤစါ သုးကွံာ်အမိၢ်ဒၣ်လဲာ် နီၢ်မၤကၤလၢ နီၢ်ပၤမုၣ်အလီၢ်လၢ အတၢ်တ့အရှ့ရၤအဂီၤ အဃိန့ၣ် လီၤ. ဒီးစီၤအၤစါကူာ်လီၤကွံာ်အတၢ်ဂီၤ, ဒီးယီၢ်လီၤတံၢ် ဝဲ, ဒီးဆူးထီၣ်ကွံာ်ဝဲလၢထံကျိကံဒြိၣ်အနံၤလီၤ.

¹⁷ ဒီးတၢ်အလီၢ်ထီၣ်ထီတဖၣ်န့ၣ် တဘၣ်တၢ်သုးကွံာ် ဘၣ်, ဘၣ်ဆၣ်ဒီးစီၤအၤစါအသးအိၣ်ဝဲဒီဖျၢၣ်တစိၤဒၣ် အီၤလီၤ. ¹⁸ ဒီးဟဲစိာ်တၢ်လၢအပၢ်မၤဘူၣ်ဝဲ, ဒီးတၢ်လၢ အမၤဘူၣ်အကစၢ်ဒၣ်ဝဲတဖၣ်ဆူယွၤအဟံၣ်ပူၤ, ကျိၣ်ဧိၤ စ့ဧိၤ, ဒီးထူဧိၤလွဲဧိၤ, ဒီးတၢ်အဃၢၤအဃိၢ်လီၤ.

¹⁹ ဒီးတၢ်ဒုးသုးတအိၣ်ဘၣ် တုၤလီၤစီၤအၤစါ ကဲစီၤပၤ အနံၣ်ပှဲၤထီၣ်သၢဆံယဲၢ်နံၣ်န့ၣ်လီၤ.

၁၆

¹ ဒီးလၢစီၤအၤစါကဲစီၤပၤသၢဆံဃုနံၣ်တနံၣ်န့ၣ် အံၣ်စ ရ့လးအစီၤပၤဘါၡၤန့ၣ် လဲၤထီဒါယူဒၤ, ဒီးတ့ရၤမါဒ် သိးအကတြီပှၤလဲၤထီၣ်, ဒီးဟဲနုာ်လၢယူဒၤအစီၤပၤအၤ စါအအိၣ်လီၤ.

² ဒီးစီၤအၤစါဟံးန့ၢ် ကျိၣ်ဧိၤစ့ဧိၤ, ဒီးထူဧိၤလွဲဧိၤလၢ ယွၤအဟံၣ်အပာ်ဖှိၣ်အပူၤ, ဒီးလၢစီၤပၤအဟံၣ် အပာ် ဖှိၣ်အလီၢ်ပူၤ, ဒီးဟ့ၣ်ယုၢ်ဝဲဆူစူၤရံအစီၤပၤဘ့ၣ်ဟဒးလၢ အအိၣ်ဝဲဆိးဝဲလၢဒၤမ့ၤစ့းအပူၤ, ဒီးစံးဝဲဒၣ်, ³ တၢ်အၢၣ် လီၤအီလီၤအိၣ်ဝဲဒီးယၤဒီးနၤ, ဒ်ယပၢ်ဒီးနပၢ်အသိးန့ၣ် လီၤ. ကွၢ်ကွၢ်, ယဟ့ၣ်ယုၢ်နၤလၢကျိၣ်ဧိၤစ့ဧိၤ, ဒီးထူ ဧိၤလွဲဧိၤလီၤ. ဒီးမၤဟးဂီၤနတၢ်အၢၣ်လီၤအီလီၤဒီးအံၣ်စ ရ့လးအစီၤပၤဘါၡၤ ဒ်သိးအကဟးထီၣ်ကွံာ်လၢယအိၣ် တက့ၢ်.

⁴ ဒီးစီၤဘ့ၣ်ဟဒးဒိကနၣ် စီၤပၤအၤစါအကလုၢ်, ဒီးမၢ လီၤအပှၤသုးမုၢ်အခိၣ်တဖၣ် ထီဒါအံၣ်စရ့လးအဝ့ၢ်တ ဖၣ်, ဒီးကျီကွံာ်ဧံၤယိၣ်, ဒီးဒၣ်, ဒီးအၤဘ့ၤလးမဲၣ်, ဒီးနး သၤလံအဝ့ၢ်ပာ်ဖှိၣ်တၢ်ခဲလၢာ်လီၤ.

⁵ ဒီးတုၤစီၤဘါၡၤနၢ်ဟူဝဲဒီး, တၢ်မၤအသးလၢအတ့ရၤ မါန့ၣ်အိၣ်ကတီၢ်ဝဲ, ဒီးပာ်တ့ၢ်အတၢ်မၤလီၤ.

⁶ ဒီးစီၤပၤအၤစါဟံးန့ၢ်ယူဒၤခဲလၢာ်, ဒီးပှၤစိာ်ထီၣ်ကွံာ် ရၤမါအလၢၢ်တဖၣ်, ဒီးအသ့ၣ်တဖၣ်လၢစီၤဘါၡၤမၤဝဲ လၢအီၤလီၤ. ဒီးတ့က့ဘၢ်, ဒီးမံးစပၤလၢအီၤလီၤ.

⁷ ဒီးလၢအကတီၢ်ဖဲန့ၣ်ပှၤထံၣ်တၢ် စီၤဃနၤနံဟဲဝဲဆူ ယူဒၤအစီၤပၤအၤစါအအိၣ်, ဒီးစံးဘၣ်အီၤ, မ့ၢ်နသန့ၤန သးလၢစူၤရံအစီၤပၤ, ဒီးတသန့ၤဘၣ်နသးလၢယွၤနက စၢ်ဘၣ်ဒီး, စူၤရံအစီၤပၤအပှၤသုးမုၢ် ပူၤဖျဲးလၢနစုပူၤ လီၤ. ⁸ ပှၤကူၤၡးဖိ, ဒီးပှၤလူဘးဖိမ့ၢ်ပှၤသုးမုၢ်ဂီၢ်မုၢ်အိၣ် ဒီးလ့ၣ်ကဟၣ်, ဒီးပှၤကသ့ၣ်သုးဖိအါအါကလဲာ်, တမ့ၢ် ဘၣ်ဧါ. ဘၣ်ဆၣ်ဒီးမ့ၢ်နသန့ၤနသးလၢယွၤသတးဒီး, ယွၤဟ့ၣ်လီၤကွံာ်ဝဲလၢနစုပူၤလီၤ. ⁹ အဂ့ၢ်ဒ်အံၤ, ယွၤအ မဲာ်ဟးဝ့ၤဝီၤတၢ်လၢ ဟီၣ်ခိၣ်ချၢဒီဘ့ၣ်ညါ, ဒ်သိးအက ပာ်ဆူၣ်ထီၣ်အသးလၢပှၤလၢအအိၣ်ဒီး အသးဒီဖျၢၣ်ဒီး အီၤတဖၣ်အဂီၢ်န့ၣ်လီၤ. လၢတၢ်န့ၣ်တမံၤအဂ့ၢ်န့ၣ်မ့ၢ်န မၤတၢ်ကလီကလီလီၤ. မၤသးဒ်န့ၣ်ဒီးတုၤအံၤဆူညါန ကအိၣ်ဒီးတၢ်ဒုးသုးလီၤ.

¹⁰ ဒီးစီၤအၤစါသးထီၣ်ဘၣ် ပှၤထံၣ်တၢ်တဂၤန့ၣ်, ဒီးဒၢ နုာ်အီၤလၢဃိာ်ပူၤလီၤ. အဂ့ၢ်ဒ်အံၤ, အသးဒိၣ်ထီၣ်ဆူၣ် ဆူၣ်ကလဲာ်လၢတၢ်န့ၣ်တမံၤအဃိလီၤ. ဒီးလၢအဆၢ အကတီၢ်ဖဲန့ၣ် စီၤအၤစါမၤကိၢ်မၤဂီၤ ပှၤလၢပှၤဂီၢ်မုၢ်အ ကျါတဖၣ်န့ၣ်လီၤ.

¹¹ ဒီးကွၢ်ကွၢ်, တၢ်ဘၣ်ဃးဒီးစီၤအၤစါ, တၢ်အခီၣ်ထံး ဒီးတၢ်အကတၢၢ်န့ၣ်, ကွၢ်ကွၢ်, ကွဲးအသးလၢယူဒၤ, ဒီးအံၣ်စရ့လးအစီၤပၤအလံာ်ပူၤလီၤ.

¹² ဒီးစီၤအၤစါကဲစီၤပၤသၢဆံခွံနံၣ်တနံၣ်န့ၣ် အခီၣ်ဆါ ထီၣ်, ဒီးအတၢ်ဆါဒိၣ်ထီၣ်ဘၣ်ဆၣ်ဒီး, လၢအဘၣ် တၢ်ဆါန့ၣ်တဃုဘၣ်ယွၤဘၣ်. မ့ၢ်အဃုကသံၣ်သရၣ် တဖၣ်တခီလီၤ.

¹³ ဒီးစီၤအၤစါမံဝဲဒီးအပၢ်တဖၣ်, ဒီးလၢအကဲစီၤပၤလွံၢ် ဆံတနံၣ်န့ၣ်သံဝဲလီၤ.

¹⁴ ဒီးပှၤခူၣ်လီၤကွံာ်အီၤလၢ အတၢ်သွၣ်ခိၣ်ဒၣ်ဝဲ အပူၤ လၢအခူၣ်လီၤဝဲလၢအဂီၢ်ဒၣ်ဝဲ လၢစီၤဒၤဝံးအဝ့ၢ်ပူၤ, ဒီး ပာ်လီၤအီၤလၢလီၢ်မံတပူၤလၢအပှဲၤဝဲဒီးတၢ်နၢမူ, ပှၤတိၢ် မၤဃါဃုာ်တၢ်သိနၢမူ အတၢ်မၤအကလုာ်ကလုာ်, ဒီး ပှၤဆိၣ်ကဲၤတၢ်ဆိၣ်ကဲၤဖးဒိၣ်လၢအဂီၢ်လီၤ.

၁၇

¹ ဒီးအဖိခွါစီၤယဟိၤၡၤဖးကဲထီၣ် စီၤပၤလၢအလီၢ်, ဒီး မၤဆူၣ်ထီၣ်အသးထီဒါအံၣ်စရ့လးလီၤ.

² ဒီးပာ်ပှၤသုးဖိတဖၣ်လၢ ယူဒၤအဝ့ၢ်အိၣ်ဒီးအခိၣ်ဒူခဲ လၢာ်အပူၤ, ဒီးပာ်လီၤပှၤပၢၤတၢ်ဖိတဖုတဖု လၢကီၢ် ယူဒၤအပူၤ, ဒီးလၢအ့ဖရဲၣ်အဝ့ၢ်တဖၣ်အပူၤ လၢအပၢ် မၤန့ၢ်ဝဲလီၤ.

³ ဒီးယွၤအိၣ်ဝဲဒီးစီၤယဟိၡၤဖးလီၤ. အဂ့ၢ်ဒ်အံၤ, ပိာ်အ ပၢ်စီၤဒၤဝံးအကျဲခီၣ်ထံးတဖၣ်န့ၣ်, ဒီးတဃုဘၣ်ဘဧၤ လးတဖၣ်ဘၣ်. ⁴ ဒီးဃုယွၤအပၢ်အကစၢ်, ဒီးလဲၤဝဲလၢ အတၢ်မၤလိာ်အပူၤ, ဒီးတမၤထွဲဘၣ်အံၣ်စရ့လးအမၤ တၢ်အခံဘၣ်.

⁵ ဒီးယွၤဒုးအိၣ်ဂၢၢ်ဆိးကျၢၤဘီမုၢ်လၢအစုပူၤ, ဒီးယူဒၤ ခဲလၢာ်ဟဲစိာ်ခိၣ်ဖးတဖၣ်ဆူ စီၤယဟိၤၡၤဖးအအိၣ်, ဒီး အိၣ်ဝဲဒီး တၢ်ထူးတၢ်တီၤ, ဒီးတၢ်လၤကပီၤအါအါက လဲာ်လီၤ.

⁶ ဒီးအသးဆူၣ်ထီၣ်ဝဲလၢယွၤအကျဲ, ဒီးသုးကွံာ်တၢ်အ လီၢ်ထီၣ်ထီတဖၣ်, ဒီးအရှ့ရၤတဖၣ်လၢယူဒၤအပူၤလီၤ.

⁷ ဒီးလၢအကဲစီၤပၤသၢနံၣ်တနံၣ်န့ၣ် မၢလီၤအပဒိၣ်ဖး ဒိၣ်တဖၣ်, စီၤဘ့ၣ်ဃၤယံလး, ဒီးစီၤဧိၤဘါဒယၤ, ဒီး စီၤစကၤရယၤ, ဒီးစီၤနၤသန့လး, ဒီးစီၤမံၤကါယၤ, ဒ် သိးအကသိၣ်လိတၢ်လၢယူဒၤအဝ့ၢ်ပူၤန့ၣ်လီၤ.

⁸ ဒီးအိၣ်ဒီးအီၤန့ၣ်ပှၤလ့ၤဝံဖိတဖၣ်, စီၤၡမါယၤ, ဒီးစီၤ နသၤနံယၤ, ဒီးစီၤစဘၤဒယၤ, ဒီးစီၤဧစၤအ့လး, ဒီးစီၤ ၡမံရမိး, ဒီးစီၤယိနၤသၣ်, ဒီးစီၤအဒိနံၤယၤ, ဒီးစီၤတိၤ ရံယၤ, ဒီးစီၤတိအဒိၤနံယၤ, ပှၤလ့ၤဝံဖိတဖၣ်, ဒီးအိၣ် ဒီးအီၤလၢပှၤလုၢ်တၢ်အဒိၣ်စီၤအလံၡမၤ, ဒီးစီၤယဟိရၣ် လီၤ.

⁹ ဒီးသိၣ်လိတၢ်လၢယူဒၤအပူၤ, ဒီးယွၤအလံာ်တၢ်သိၣ် တၢ်သီအိၣ်ဒီးအီၤ, ဒီးလဲၤဝ့ၤဝီၤတၢ်လၢ ယူဒၤအဝ့ၢ်ခဲ လၢာ်အပူၤ, ဒီးသိၣ်လိပှၤဂီၢ်မုၢ်လီၤ.

¹⁰ ဒီးတၢ်ပျံၤယွၤလီၤဘၣ်လၢ ကီၢ်တဖၣ် အပှၤဘီမုၢ်ဖိ လၢအအိၣ်ဝးတရံးယူဒၤ, ဒီးတဒုးသုးဘၣ်ဒီးစီၤယဟိ ၡၤဖးဘၣ်.

¹¹ ဒီးပှၤလၢပှၤဖလ့ၡသးဖိအကျါတဖၣ် ဟဲစိာ်ခိၣ်ဖးဆူ စီၤယဟိၡၤဖးအအိၣ်, ဒီးဟ့ၣ်သွဲအစ့, ဒီးပှၤဧ့ရ့းဖိဟဲစိာ် န့ၢ်အီၤလၢသိ, ဒီးမဲာ်တဲးလဲးတဖၣ်, သိဖါနွံကထိနွံက ယၤ, ဒီးမဲာ်တဲးလဲးဖါနွံကထိနွံကယၤလီၤ.

¹² ဒီးစီၤယဟိၡၤဖးဒိၣ်ထီၣ်ဒိၣ်ထီၣ်, ဒီးတ့တိာ်, ဒီးဝ့ၢ် တၢ်ပာ်ဖှိၣ်တၢ်လၢယူဒၤအပူၤလီၤ. ¹³ ဒီးမၤထီၣ်တၢ်အါ အါကလဲာ်လၢယူဒၤအဝ့ၢ်တဖၣ်အပူၤ, ဒီးပှၤသုးဖိ, ဒီး ပှၤအဒိၣ်အဆူၣ်အိၣ်ဝဲလၢယရူၤၡလ့ၣ်အပူၤလီၤ.

¹⁴ ဒီးအအံၤမ့ၢ်အတၢ်ဂံၢ် ဒ်အပၢ်အဟံၣ်အသိး, လၢယူ ဒၤအကျါပှၤတကထိအခိၣ်တဖၣ် စီၤဧၤဒနနၤမ့ၢ်တၢ်အ ခိၣ်, ဒီးပှၤအဒိၣ်အဆူၣ်အိၣ်ဒီးအီၤသၢကလီၤလီၤ. ¹⁵ ဒီး တၢ်အခိၣ်ခံဂၤတဂၤစီၤယိဃၤနၣ်, ဒီးပှၤခံကလီၤဃိးက လးအိၣ်ဒီးအီၤလီၤ. ¹⁶ ဒီးသၢဂၤတဂၤစီၤစံးကရံးအဖိခွါ စီၤဧမၤစယၤလၢအဟ့ၣ်လီၤဒၣ်အသးလၢယွၤ, ဒီးပှၤအ ဒိၣ်အဆူၣ်အိၣ်ဒီးအီၤခံကလီၤလီၤ.

¹⁷ ဒီးလၢဘံၣ်ယၤမံၣ်အကျါန့ၣ် ပှၤအဒိၣ်အဆူၣ်စီၤအ လံဒၤ, ဒီးပှၤအိၣ်ဒီးအစုကဝဲၤ, ဒီးချံၣ်, ဒီးကတီၤတဖၣ် အိၣ်ဒီးအီၤခံကလီၤလီၤ. ¹⁸ ဒီးခံဂၤတဂၤ စီၤယဟိစဘး, ဒီးပှၤကတဲာ်ကတီၤအသး လၢဒုးတၢ်အဂီၢ်အိၣ်ဒီးအီၤ တကလီၤဃိးကလးလီၤ.

¹⁹ အဝဲသ့ၣ်တဖၣ်န့ၣ် အိၣ်ခိးစီၤပၤလီၤ. လၢန့ၣ်အမဲာ် ညါ ပှၤလၢစီၤပၤပာ်ဝဲလၢ ဝ့ၢ်အိၣ်ဒီးအခိၣ်ဒူတဖၣ်လၢ ယူဒၤဒီဘ့ၣ်ညါအပူၤအိၣ်ဝဲလီၤ.

၁၈

¹ ဒီးစီၤယဟိၡၤဖးအိၣ်ဝဲဒီးတၢ်ထူးတၢ်တီၤ, ဒီးတၢ်လၤ ကပီၤအါအါကလဲာ်, ဒီးဒီသိၣ်ဒီသီဒီးစီၤအၤဃာ်လီၤ.

² ဒီးလၢနံၣ်တဖၣ်အလီၢ်ခံန့ၣ် လဲၤလီၤဝဲဆူစီၤအၤဃာ် အအိၣ်လၢၡၤမရံအပူၤ, ဒီးစီၤအၤဃာ်မၤသံသိဒီးဂီၤဖံး လၢအဂီၢ်အါအါကလဲာ်, ဒီးလၢပှၤဂီၢ်မုၢ်လၢအအိၣ်ဒီး အီၤအဂီၢ်, ဒီးသဆၣ်ထီၣ်အခံ ဒ်သိးအကလဲၤထီၣ်ဒီး အီၤဆူရၤမိးကံးလဧးန့ၣ်လီၤ.

³ ဒီးအံၣ်စရ့လးအစီၤပၤ အၤဃာ်စံးလၢ ယူဒၤအစီၤပၤ ယဟိၡၤဖး, နကလဲၤတၢ်ဒီးယၤဆူရၤမိးကံးလဧးန့ၣ်ဧါ. ဒီးစံးဆၢအီၤ, ယဲဒၣ်အံၤယမၤသးဒ်နၤအသိးန့ၣ်, ဒီးယ ပှၤဂီၢ်မုၢ် ဒ်နပှၤဂီၢ်မုၢ်အသိးန့ၣ်, ဒီးကအိၣ်ဒီးနၤလၢတၢ် ဒုးသုးအပူၤလီၤ.

⁴ ဒီးစီၤယဟိၡၤဖးစံးဘၣ် အံၣ်စရ့လးအစီၤပၤ, သံကွၢ် လၢ်လၢယွၤအကလုၢ်ကထါလၢ မုၢ်မဆါတနံၤအံၤတ က့ၢ်.

⁵ ဒီးအံၣ်စရ့လးအစီၤပၤ ဒုးအိၣ်ဖှိၣ်ရိဖှိၣ်ဝံတဖၣ်, ပှၤ လွံၢ်ကယၤ, ဒီးစံးဘၣ်အီၤ, ပဘၣ်လဲၤထီၣ်ဆူရၤမိးကံး လဧးဒ်သိးပကဒုးတၢ်, ပကဘၣ်အိၣ်လဲၣ်. ဒီးစံးဝဲဒၣ်, လဲၤထီၣ်တက့ၢ်. အဂ့ၢ်ဒ်အံၤ, ယွၤကဟ့ၣ်လီၤကွံာ်အီၤ လၢစီၤပၤအစုပူၤလီၤ.

⁶ ဒီးစီၤယဟိၡၤဖးစံးဝဲဒၣ်, ယွၤအဝံတအိၣ်လၢၤဘၣ်ဖဲ အံၤတဂၤဂၤ, ဒ်သိးပကသံကွၢ်အီၤစ့ၢ်ကီးဧါ.

⁷ ဒီးအံၣ်စရ့လးအစီၤပၤစံးဆၢစီၤယဟိၡၤဖး, ပှၤလၢပ ကသံကွၢ်ယွၤလၢအီၤအိၣ်ဒံးတဂၤ, စီၤယံးမလၤအဖိခွါ စီၤမံၤကါယၤလီၤ. ဘၣ်ဆၣ်ဒီးယသးဟ့အီၤလီၤ. အဂ့ၢ် ဒ်အံၤ, တကတိၤတၢ်ဂ့ၤလၢဝံအကျိာ်လၢယဂ့ၢ်ယကျိၤ နီတဘျီဘၣ်, မ့ၢ်တၢ်အၢကိးဘျီဒဲးလီၤ. ဒီးစီၤယဟိၡၤ ဖးစံးဝဲဒၣ်, မ်စီၤပၤအသုတစံးဒ်န့ၣ်တဂ့ၤ.

⁸ ဒီးအံၣ်စရ့လးအစီၤပၤ ကိးန့ၢ်ပှၤဒ့ဒံၣ်တဂၤ, ဒီးစံးဝဲ ဒၣ်, ဒုးဟဲစီၤယံးမလၤအဖိခွါစီၤမံၤကါယၤချ့ချ့တက့ၢ်.

⁹ ဒီးအံၣ်စရ့လးအစီၤပၤ, ဒီးယူဒၤအစီၤပၤယဟိၡၤဖး ကၤအယၣ်, ဒီးဆ့ၣ်နီၤတဂၤလၢအလီၢ်ပစိာ်, တဂၤလၢ အလီၢ်ပစိာ်, လၢတၢ်အလီၢ်ဖဲတၢ်လဲၤနုာ်ဆူၡၤမရံအပဲ တရီပူၤန့ၣ်, ဒီးဝံခဲလၢာ်ကတိၤတၢ်လၢဝံအကျိာ်လၢအ မဲာ်ညါလီၤ.

¹⁰ ဒီးစီၤကနၤနါအဖိခွါစီၤစံးဒကံယၤတဂၤ တ့နၢၤထး တဖၣ်လၢအဂီၢ်, ဒီးစံးဝဲဒၣ်, ယွၤစံးဒ်အံၤ, နကဘျၢၣ်ပှၤ စူၤရံဖိလၢအဝဲအံၤ, တုၤနမၤလၢာ်အီၤလီၤ. ¹¹ ဒီးဝံခဲလၢာ် န့ၣ်ကတိၤတၢ်လၢဝံအကျိာ်ဒ်န့ၣ်အသိး, ဒီးစံးဝဲဒၣ်, လဲၤ ထီၣ်ဆူရၤမိးကံးလဧး, ဒီးဘီၣ်ထီၣ်ညီထီၣ်တက့ၢ်. အဂ့ၢ် ဒ်အံၤ, ယွၤကဟ့ၣ်လီၤကွံာ်ဝဲလၢစီၤပၤအစုပူၤလီၤ.

¹² ဒီးကလူးလၢအလဲၤကိးန့ၢ် စီၤမံၤကါယၤတဂၤန့ၣ်က တိၤတၢ်ဒီးအီၤ, ဒီးစံးဝဲဒၣ်, ကွၢ်ကွၢ်, ဝံတဖၣ်အတၢ် ကတိၤမ့ၢ်တၢ်ဂ့ၤလၢစီၤပၤအဂ့ၢ် လၢအထးခိၣ်တပူၤဃီ လီၤ. မ်နတၢ်ကတိၤကမၤသးဒ် ပှၤလၢအကျါတဂၤအ တၢ်ကတိၤအသိးန့ၣ်, ဒီးကတိၤတၢ်ဂ့ၤတက့ၢ်.

¹³ ဒီးစီၤမံၤကါယၤစံးဝဲဒၣ်, ယွၤမူဝဲန့ၣ်, တၢ်လၢယွၤစံး ဘၣ်ယၤန့ၣ်ယကကတိၤတၢ်န့ၣ်လီၤ.

¹⁴ ဒီးဟဲဝဲဆူစီၤပၤအအိၣ်, ဒီးစီၤပၤစံးဝဲ, စီၤမံၤကါယၤ ဧၢ, ပဘၣ်လဲၤထီၣ်ထီဒါရၤမိးကံးလဧး ဒ်သိးပကဒုးသုး ဧါ, မ့ၢ်ယဘၣ်အိၣ်လဲၣ်. ဒီးစံးဘၣ်အီၤ, လဲၤထီၣ်, ဒီး ဘီၣ်ထီၣ်ညီထီၣ်တက့ၢ်. ဒီးတၢ်ကဟ့ၣ်လီၤကွံာ်ဝဲဆူသု စုပူၤလီၤ.

¹⁵ ဒီးစီၤပၤစံးဘၣ်အီၤ, ဒ်သိးနကစံးဘၣ်ယၤထဲ တၢ်မ့ၢ် တၢ်တီလၢယွၤအမံၤန့ၣ်, ယဘၣ်ဒုးဆိၣ်နၤပှံၤဘျီလဲၣ်.

¹⁶ ဒီးစံးဝဲဒၣ်, ယထံၣ်ဘၣ်အံၣ်စရ့လးခဲလၢာ်လီၤပြံလီၤ ပြါလၢကစၢၢ်လိၤ, ဒ်သိလၢအပှၤကွၢ်သိတအိၣ်ဘၣ်အ သိးန့ၣ်, ဒီးယွၤစံးဝဲဒၣ်, အဝဲသ့ၣ်တဖၣ်အံၤအကစၢ်တ အိၣ်ဘၣ်. မ်ပှၤက့ၤက့ၤတဂၤဆူအဟံၣ်ဒၣ်ဝဲ, တဂၤဆူ အဟံၣ်ဒၣ်ဝဲမုာ်မုာ်တက့ၢ်.

¹⁷ ဒီးအံၣ်စရ့လးအစီၤပၤစံးဘၣ် စီၤယဟိၡၤဖး, ယစံး ဘၣ်နၤလၢ အတကတိၤဘၣ်လၢဝံအကျိာ် လၢတၢ်ဂ့ၤ လၢယဂ့ၢ်ဘၣ်. မ့ၢ်လၢတၢ်အၢန့ၣ်တမ့ၢ်ဘၣ်ဧါ.

¹⁸ ဒီးစံးဝဲဒၣ်, မၤသးဒ်န့ၣ်ဒီးဒိကနၣ် ယွၤအကလုၢ်တ က့ၢ်. ယထံၣ်ဘၣ်ယွၤဆ့ၣ်နီၤလၢအလီၢ်ပစိာ်, ဒီးမူခိၣ် အသုးမုၢ်ဂီၢ်မုၢ်ခဲလၢာ် ဆၢထၢၣ်လၢအဃၢၤ, လၢအစု ထွဲတခီ, ဒီးလၢအစုစ့ၣ်တခီလီၤ.

¹⁹ ဒီးယွၤစံးဝဲဒၣ်, မ့ၢ်မတၤကလွဲန့ၢ်အံၣ်စရ့လးအစီၤပၤ စီၤအၤဃာ်ဒ်သိးအကလဲၤထီၣ်, ဒီးလီၤဃံၤလၢရၤမိးကံး လဧးအပူၤတဂၤလဲၣ်. ဒီးတဂၤစံးဒ်အံၤ, ဒီးတဂၤစံးဒ် နုၤလီၤ.

²⁰ ဒီးသးတဂၤဟဲထီၣ်, ဒီးဆၢထၢၣ်လၢယွၤအမဲာ်ညါ, ဒီးစံးဝဲဒၣ်, ယကလွဲန့ၢ်အီၤလီၤ.

²¹ ဒီးယွၤစံးလၢအီၤ, လၢမနုၤတမံၤလဲၣ်. ဒီးစံးဆၢအီၤ, ယကလဲၤထီၣ်, ဒီးယကကဲထီၣ်သးကဘျံးကဘျၣ်လၢ အဝံခဲလၢာ်အကိာ်ပူၤလီၤ. ဒီးစံးဝဲဒၣ်, နကလွဲန့ၢ်အီၤ, ဒီးမၤနၢၤတၢ်စ့ၢ်ကီးလီၤ. လဲၤထီၣ်, ဒီးမၤဒ်န့ၣ်တက့ၢ်.

²² ဒီးခဲကနံၣ်အံၤ, ကွၢ်ကွၢ်, ယွၤပာ်သးကဘျံးကဘျၣ် လၢနဝံခဲလၢာ်အံၤအကိာ်ပူၤ, ဒီးယွၤကတိၤတၢ်အၢလၢ နဂ့ၢ်နကျိၤလီၤ.

²³ ဒီးစီၤကနၤနါအဖိခွါစီၤစံးဒကံယၤ သုးဘူးအသး, ဒီး ဒဲစီၤမံၤကါယၤအဘိး, ဒီးစံးဝဲဒၣ်, ဒ်သိးအကကတိၤ တၢ်ဒီးနၤဒီး, ယွၤအသးဟးထီၣ်လၢယၤဖဲလဲၣ်ခီလဲၣ်.

²⁴ ဒီးစီၤမံၤကါယၤစံးဝဲဒၣ်, ကွၢ်ကွၢ်, မုၢ်တနံၤလၢနလဲၤ နုာ်လၢဒၢးလၢညါတဒၢး, ဒ်သိးနကပာ်ခူသူၣ်နသးန့ၣ် နကသ့ၣ်ညါလီၤ.

²⁵ ဒီးအံၣ်စရ့လး အစီၤပၤစံးဝဲဒၣ်, ဟံးန့ၢ် စီၤမံၤကါ ယၤ, ဒီးစိာ်ကဒါက့ၤအီၤဆူဝ့ၢ်အခိၣ်စီၤအၤမိၣ်, ဒီးစီၤပၤ အဖိခွါစီၤယိၤအၣ်အအိၣ်, ²⁶ ဒီးစံး, စီၤပၤစံးဒ်အံၤ, ပာ် ပှၤတဂၤအံၤလၢဃိာ်ပူၤ, ဒီးလုၢ်အီၣ်လုၢ်အီၤလၢတၢ်နး တၢ်ဖှီၣ်အကိၣ်, ဒီးတၢ်နးတၢ်ဖှီၣ်အထံတုၤယဟဲက့ၤမုာ် မုာ်တက့ၢ်.

²⁷ ဒီးစီၤမံၤကါယၤ စံးဝဲဒၣ်, နမ့ၢ်ဟဲက့ၤမုာ်မုာ် သပှၢ် တၢၢ်ဒီး, ယွၤတကတိၤဘၣ်တၢ်လၢယၤဘၣ်. ဒီးစံးဝဲ ဒၣ်, ပှၤဂီၢ်မုၢ်သ့ၣ်ဧၢ, ဒိကနၣ်ကိးဂၤဒဲးတက့ၢ်.

²⁸ ဒီးအံၣ်စရ့လးအစီၤပၤ, ဒီးယူဒၤအစီၤပၤစီၤယဟိၡၤ ဖးလဲၤထီၣ်ဆူရၤမိးကံးလဧးလီၤ.

²⁹ ဒီးအံၣ်စရ့လးအစီၤပၤစံးလၢ စီၤယဟိၡၤဖး, ယက မၤလီၤဆီယသး, ဒီးလဲၤနုာ်လၢတၢ်ဒုးသုးအပူၤလီၤ. မ့ မ့ၢ်နဲဒၣ်အံၤကၤနယၣ်တက့ၢ်. ဒီးအံၣ်စရ့လးအစီၤပၤမၤ လီၤဆီအသး, ဒီးလဲၤနုာ်လၢတၢ်ဒုးသုးအပူၤလီၤ.

³⁰ ဒီးစူၤရံအစီၤပၤမၤလိာ် အလ့ၣ်ကဟၣ် အခိၣ်တဖၣ် ဒီးစံးဝဲဒၣ်, အဒိၣ်ဂ့ၤ, အဆံးဂ့ၤ, ဒုးတၢ်ဒီးအီၤတဂ့ၤ. ဒုးတၢ်ထဲလၢအံၣ်စရ့လးအစီၤပၤတဂၤဧိၤတက့ၢ်.

³¹ ဒီးတုၤလ့ၣ်ကဟၣ်အခိၣ်တဖၣ် ထံၣ်ဘၣ်စီၤယဟိၡၤ ဖးဒီး, တၢ်မၤအသးလၢအစံးဝဲဒၣ်, မ့ၢ်ဝဲလၢအံၣ်စရ့လး အစီၤပၤလီၤ. ဒီးဃၣ်အသးဒ်သိးအကဒုးတၢ်ဒီးအီၤ, ဒီး စီၤယဟိၡၤဖးကိးထီၣ်တၢ်, ဒီးယွၤမၤစၢၤအီၤ, ဒီးဒုးဃၣ် ကွံာ်အဝဲသ့ၣ်လၢအီၤလီၤ.

³² ဒီးတုၤလ့ၣ်ကဟၣ်အခိၣ်တဖၣ် ထံၣ်ဝဲလၢအတမ့ၢ် ဘၣ်အံၣ်စရ့လးအစီၤပၤဒီး, တၢ်မၤအသးလၢ အဃၣ် ကွံာ်အသးဒီးတလူၤလၢၤဘၣ်အီၤဘၣ်လီၤ.

³³ ဒီးပှၤတဂၤခးနါစိၤတၢ်, ဒီးဘၣ်လၢအံၣ်စရ့လးအ စီၤပၤအသဃိးအဆၢ, ဒီးအဝဲဒၣ်စံးဘၣ်အလ့ၣ်ကဟၣ် အခိၣ်, ဃၣ်ဃီၤနစု, ဒီးစိာ်ထီၣ်ကွံာ်ယၤလၢပှၤသုးမုၢ် အကျါတက့ၢ်. အဂ့ၢ်ဒ်အံၤ, ယဘၣ်တၢ်ဆဲးယၤလီၤ.

³⁴ ဒီးတၢ်ဒုးသုးန့ၣ် အါထီၣ်လၢမုၢ်တနံၤန့ၣ်, ဒီးပှၤဝံၣ် ဆၢထၢၣ်စီၤပၤလၢ အလ့ၣ်ကဟၣ်အပူၤ ထီဒါပှၤစူၤရံ ဖိတုၤမုၢ်ဟါ, ဒီးတုၤမုၢ်လီၤနုာ်ဒီး, သံဝဲလီၤ.

၁၉

¹ ဒီးယူဒၤအစီၤပၤ စီၤယဟိၡၤဖးက့ၤက့ၤဝဲဆူ အဟံၣ် မုာ်မုာ်လၢယရူၤၡလ့ၣ်အပူၤလီၤ.

² ဒီးပှၤထံၣ်တၢ်စီၤဃနၤနံအဖိခွါစီၤယ့ၤဟူ လဲၤသဂၢၢ် ထီၣ်အီၤ, ဒီးစံးဘၣ်စီၤပၤယဟိၡၤဖး, နကမၤစၢၤပှၤတတီ တလိၤ, ဒီးအဲၣ်ပှၤလၢအသးဟ့ယွၤန့ၣ်ဧါ. တၢ်သးထီၣ် ဘၣ်နၤလၢယွၤအမဲာ်ညါလၢတၢ်န့ၣ်အဃိလီၤ. ³ ဘၣ် ဆၣ်ဒီးတၢ်အဂ့ၤတဖၣ်န့ၣ်တၢ်ထံၣ်န့ၢ်ဝဲလၢနပူၤလီၤ. အ ဂ့ၢ်ဒ်အံၤ, နမၤဟးဂီၤကွံာ်အရှ့ရၤတဖၣ်လၢကီၢ်ပူၤ, ဒီး နကတဲာ်ကတီၤလံနသးဒ်သိးနကဃုယွၤလီၤ.

⁴ ဒီးစီၤယဟိၡၤဖး အိၣ်ဝဲဆိးဝဲလၢ ယရူၤၡလ့ၣ်အပူၤ, ဒီးလဲၤထီၣ်ကဒီးလၢပှၤဂီၢ်မုၢ်အကျါ လၢဘ့ၢ်ၡဘၤပၢၢ် လၢကစၢၢ်အ့ဖရဲၣ်, ဒီးဒုးဃၣ်လိၤအသးဆူယွၤအပၢ်တ ဖၣ်အကစၢ်အအိၣ်လီၤ.

⁵ ဒီးပာ်အပှၤစံၣ်ညီၣ်ကွီၢ် လၢထံဧိၤကီၢ်ဧိၤအပူၤလၢဝ့ၢ် အိၣ်ဒီးအခိၣ်ဒူလၢ ယူဒၤအပူၤကိးဖျၢၣ်ဒဲး, တဝ့ၢ်ဘၣ် တဝ့ၢ်လီၤ.

⁶ ဒီးစံးဘၣ်ပှၤစံၣ်ညီၣ်ကွီၢ်, သုမၤဒ်လဲၣ်ဒ်လဲၣ်န့ၣ်ကွၢ် တက့ၢ်. အဂ့ၢ်ဒ်အံၤ, သုစံၣ်ညီၣ်တၢ်လၢပှၤကညီအဂီၢ် တမ့ၢ်ဘၣ်. မ့ၢ်လၢယွၤအဂီၢ် လၢအအိၣ်ဝဲဒီးသုလၢစံၣ် ညီၣ်တၢ်အပူၤလီၤ. ⁷ ဒီးခဲကနံၣ်အံၤ, မ်တၢ်ပျံၤယွၤအိၣ် လၢသုလိၤတက့ၢ်, ပလီၢ်သုသးဒီးမၤတၢ်တက့ၢ်. အဂ့ၢ် ဒ်အံၤ, တၢ်အၢမ့ၢ်ဂ့ၤ, တၢ်ကွၢ်မဲာ်မ့ၢ်ဂ့ၤ, တၢ်ဟံးန့ၢ်ခိၣ် မ့ၢ်ဂ့ၤ, တအိၣ်ဘၣ်ဒီးယွၤပကစၢ်ဘၣ်.

⁸ ဒီးလၢယရူၤၡလ့ၣ်အပူၤစ့ၢ်ကီး, စီၤယဟိၡၤဖးပာ်ပှၤ လ့ၤဝံဖိ, ဒီးပှၤလုၢ်တၢ်အဒိၣ်တဖၣ်, ဒီးအံၣ်စရ့လးအပၢ် တဖၣ်အခိၣ်တဖၣ်လၢယွၤအတၢ်စံၣ်ညီၣ်အဂီၢ်, ဒီးလၢ တၢ်လိာ်ကွီၢ်အဂီၢ်, ဒီးက့ၤက့ၤဝဲဆူယရူၤၡလ့ၣ်လီၤ.

⁹ ဒီးမၤလိာ်ဝဲ, ဒီးစံးဝဲဒၣ်, သုဘၣ်မၤလၢတၢ်ပျံၤယွၤအ ပူၤဒ်အံၤ, လၢသုကလုၢ်တီ, ဒီးလၢသုသးဒီဖျၢၣ်လီၤ.

¹⁰ ဒီးဖဲဒၣ်တၢ်လိာ်ကွီၢ်တမံၤမံၤ ကဟဲဆူသုမဲာ်ညါဘၣ် ဃးဒီးသုဒီပုၢ်ဝဲၢ်လၢ အအိၣ်အဆိးလၢအဝ့ၢ်ပူၤလၢတၢ် သွံၣ်ဒီးတၢ်သွံၣ်အဘၢၣ်စၢၤ, လၢတၢ်သိၣ်တၢ်သီ, ဒီး တၢ်မၤလိာ်, သိၣ်တၢ်သီတၢ်, ဒီးစံၣ်ညီၣ်တၢ်အဘၢၣ် စၢၤ, သုဘၣ်သိၣ်က့ၤသီက့ၤအီၤ, ဒ်သိးအသုတမၤက မၣ်ဘၣ်ယွၤ, ဒီးတၢ်သးထီၣ်အသုတဘၣ်သု, ဒီးသုဒီ ပုၢ်ဝဲၢ်တဂ့ၤ. မၤဒ်န့ၣ်တက့ၢ်, ဒီးသုတမၤကမၣ်ဘၣ်တၢ် ဘၣ်, ¹¹ ဒီးကွၢ်ကွၢ်, ပှၤလုၢ်တၢ်အဒိၣ်အခိၣ်စီၤအမၤရယၤ အိၣ်ဝဲလၢသုဖီခိၣ်လၢကယဲၢ်တၢ်ဘၣ်ဃးဒီးယွၤ, ဒီးယူ ဒၤအပှၤဟံၣ်ဖိအခိၣ်စီၤယံးၡမၤဧ့လးအဖိခွါ စီၤစဘၤဒ ယၤလၢကယဲၢ်တၢ်ဘၣ်ဃးဒီးစီၤပၤ, ဒီးပှၤလ့ၤဝံဖိကကဲ ထီၣ်ပဒိၣ်တဖၣ်လၢသုမဲာ်ညါလီၤ. ပာ်ဆူၣ်ထီၣ်သုသး, ဒီးမၤတၢ်တက့ၢ်. ဒီးယွၤကအိၣ်ဒီးပှၤအဂ့ၤလီၤ.

၂၀

¹ ဒီးလၢတၢ်န့ၣ်တဖၣ်အလီၢ်ခံ တၢ်မၤအသးလၢပှၤမိၤ အးဖိ, ဒီးပှၤဧၣ်မိၣ်ဖိ, ဒီးပှၤမူနးဖိအိၣ်ဒီးအီၤသ့ၣ်တဖၣ် ဟဲဝဲဆူစီၤယဟိၡၤဖးအအိၣ်, ဒ်သိးအကဒုးတၢ်လီၤ.

² ဒီးပှၤဟဲဝဲ, ဒီးဒုးနဲၣ်စီၤယဟိၡၤဖးဒီးစံးဝဲဒၣ်, ပှၤဂီၢ်မုၢ် ဖးဒိၣ်, ဟဲထီဒါနၤလၢပီၣ်လဲၣ်ဝၢ်ဘးခီလၢအဒိၣ်, ကွၢ် ကွၢ်, အိၣ်ဝဲလၢဃၤဃစိၣ်တါမၢ်အပူၤ, အဝဲန့ၣ်မ့ၢ်ဧ့ၣ် က့ဒံၤလီၤ.

³ ဒီးစီၤယဟိၡၤဖးပျံၤတၢ်, ဒီးဃၣ်အသးဒ်သိးအကဃု ယွၤလီၤ. ဒီးကိးထီၣ်တၢ်ဒုၣ်တၢ်အီၣ်လၢယူဒၤဖိခဲလၢာ် အကျါလီၤ.

⁴ ဒီးပှၤယူဒၤဖိအိၣ်ဖှိၣ်ရိဖှိၣ် ဒ်သိးအကဃ့တၢ်လၢယွၤ, ဒီးလၢယူဒၤအဝ့ၢ်ခဲလၢာ်န့ၣ်ဟဲဃုယွၤလီၤ.

⁵ ဒီးစီၤယဟိၡၤဖးဆၢထၢၣ်ဝဲလၢယူဒၤ, ဒီးယရူၤၡလ့ၣ် အတၢ်အိၣ်ဖှိၣ်အကျါလၢယွၤအဟံၣ်ပူၤ, လၢတၢ်ဂၢၤအ သီအမဲာ်ညါလီၤ. ⁶ ဒီးစံးဝဲဒၣ်, ယွၤပပၢ်အကစၢ်ဧၢ, န မ့ၢ်ကစၢ်လၢမူခိၣ်, တမ့ၢ်ဘၣ်ဧါ. ဒီးနပၢပှၤကလုာ်တဖၣ် လၢဘီမုၢ်ခဲလၢာ်, တမ့ၢ်ဘၣ်ဧါ. ဒီးတၢ်အစိအကမီၤ, ဒီး တၢ်အဂံၢ်အဘါအိၣ်ဝဲလၢနစုပူၤ, ဒီးပှၤပာ်ဆၢထၢၣ်အ သးထီဒါနၤတအိၣ်ဘၣ်, တမ့ၢ်ဘၣ်ဧါ. ⁷ နမ့ၢ်ပကစၢ်လၢ အဟီထီၣ်ကွံာ် ပှၤလၢအအိၣ်ဝဲဆိးဝဲ လၢကီၢ်အံၤအပူၤ လၢနပှၤဂီၢ်မုၢ်အံၣ်စရ့လးအမဲာ်ညါ, ဒီးဟ့ၣ်လီၤဝဲလၢန တံၤနသကိးစီၤအၤဘြၤဟၣ်အချံအသၣ် လီၤထူလီၤယိာ်, တမ့ၢ်ဘၣ်ဧါ. ⁸ ဒီးပှၤအိၣ်ဝဲဆိးဝဲလၢအပူၤ, ဒီးသူၣ်န့ၢ်နၤ လၢတၢ်အလီၢ်စီဆှံလၢအပူၤလၢနမံၤအဂီၢ်, ဒီးစံးဝဲဒၣ်,―

⁹ နးဧိၤဘီဧိၤဂ့ၤ, တၢ်စံၣ်ညီၣ်ဂ့ၤ, တၢ်သံသတြိာ်ဂ့ၤ, တၢ် သၣ်ဝံၤလီၤဒိဂ့ၤ, တၢ်အၢမ့ၢ်ဘၣ်ပှၤ, ဒီးပဆၢထၢၣ်လၢ ဟံၣ်အံၤအမဲာ်ညါ, ဒီးလၢနမဲာ်ညါ, (အဂ့ၢ်ဒ်အံၤ, နမံၤ အိၣ်ဝဲလၢဟံၣ်အံၤအပူၤ), ဒီးကိးထီၣ်နၤလၢပဘၣ်တၢ် ကိၢ်တၢ်ဂီၤအဖၢမုၢ်ဒီး, နကဒိကနၣ်, ဒီးမၤစၢၤတၢ်လီၤ.

¹⁰ ဒီးခဲကနံၣ်အံၤကွၢ်ကွၢ်, ပှၤဧၣ်မိၣ်ဖိဒီး ပှၤမိၤအးဖိဒီး ပှၤကစၢၢ်စ့ဧၢ်ဖိလၢနတဟ့ၣ် အံၣ်စရ့လးလဲၤနုာ်လၢအ ကျါဖဲအဟဲထီၣ်လၢကီၢ်အဲၤကူပတူး, မ့မ့ၢ်ဃၣ်တရံးဝဲ လၢအအိၣ်, ဒီးတမၤဟးဂီၤဘၣ်အီၤဘၣ်, ¹¹ ကွၢ်, မ့ၢ်အဝဲ သ့ၣ်ဟ့ၣ်ကၣ်ပှၤဒ်လဲၣ်, အဂ့ၢ်ဒ်အံၤ, ဟဲလံဒ်သိးအက ဟီထီၣ်ကွံာ်ပှၤလၢနတၢ်န့ၢ်သါအပူၤလၢ နဒုးန့ၢ်သါပှၤ လီၤ.

¹² ပကစၢ်ဧၢ, နတစံၣ်ညီၣ်အီၤဘၣ်ဧါ. အဂ့ၢ်ဒ်အံၤ, ပဂံၢ် ပဘါတအိၣ်ဘၣ်လၢပှၤဂီၢ်မုၢ်ဖးဒိၣ်အမဲာ်ညါ လၢအဟဲ ထီဒါပှၤအံၤဘၣ်. ဒီးပကမၤဒ်လဲၣ်ဒ်လဲၣ်န့ၣ် ပတသ့ၣ် ညါဘၣ်. မ့မ့ၢ်ပမဲာ်အိၣ်ဝဲဆူနအိၣ်လီၤ. ¹³ ဒီးပှၤယူဒၤဖိ ဆၢထၢၣ်လၢယွၤအမဲာ်ညါခဲလၢာ် အိၣ်ဒီးအဖိဆံး, ဒီး အဖိအမါ, ဒီးအဖိဒံဖိသၣ်လီၤ.

¹⁴ ဒီးပှၤလ့ၤဝံဖိစီၤမးတၤနယၤအဖိခွါ, စီၤယံးအ့လးအ ဖိခွါ, စီၤဘနါယၤအဖိခွါ, စီၤစကၤရယၤအဖိခွါ, စီၤယၤ ဃစအ့လးလၢစီၤအၤစာ်အဖိခွါအကျါတဂၤန့ၣ် ယွၤအ သးဟဲလီၤလၢအလိၤလၢ တၢ်အိၣ်ဖှိၣ်အကျါ, ¹⁵ ဒီးစံးဝဲ ဒၣ်, ကယဲၢ်ယူဒၤဖိ, ဒီးပှၤအိၣ်ဝဲဆိးဝဲလၢယရူၤၡလ့ၣ်အ ပူၤသုဝဲဒၣ်, ဒီးနဲဒၣ်စီၤပၤယဟိၡၤဖးဧၢ, ကနၣ်တက့ၢ်. ယွၤစံးဘၣ်သုဒ်အံၤ, ပျံၤတၢ်တဂ့ၤ. ဒီးဘၣ်ယိၣ်တၢ်လၢ ပှၤဂီၢ်မုၢ်ဖးဒိၣ်အံၤအဃိတဂ့ၤ. အဂ့ၢ်ဒ်အံၤ, တၢ်ဒုးသုး န့ၣ်တမ့ၢ်ဘၣ်သုတၢ်ဘၣ်, မ့ၢ်ယွၤအတၢ်လီၤ. ¹⁶ ခဲဂီၤတ နံၤန့ၣ်လဲၤလီၤဆူအအိၣ်တက့ၢ်. ကွၢ်ကွၢ်, ဟဲထီၣ်ဝဲလၢ စံာ်အစိခိၣ်, ဒီးသုကထံၣ်န့ၢ်အီၤလၢထံကျိဖိအကတၢၢ် လၢပှၢ်မုၢ်ကနၢယရူၤအ့လးအမဲာ်ညါလီၤ. ¹⁷ သုတဒုးသုး ဘၣ်လၢတၢ်အံၤအပူၤဘၣ်. ပာ်ဆၢထၢၣ်သုသး, ဒီးဆၢ ထၢၣ်, ဒီးထံၣ်ဘၣ်ယွၤအတၢ်အုၣ်က့ၤခီၣ်က့ၤအိၣ်ဒီးသု တက့ၢ်. ယူဒၤ, ဒီးယရူၤၡလ့ၣ်ဧၢ, ပျံၤတၢ်တဂ့ၤ. ဘၣ် ယိၣ်တၢ်တဂ့ၤ, ခဲဂီၤကိာ်န့ၣ်လဲၤထီၣ်ဆူအအိၣ်တက့ၢ်. အဂ့ၢ်ဒ်အံၤ, ယွၤအိၣ်ဝဲဒီးသုလီၤ.

¹⁸ ဒီးစီၤယဟိၡၤဖးဆုးလီၤအခိၣ်ဆူဟီၣ်ခိၣ်, ဒီးယူဒၤဖိ ခဲလၢာ်, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤသ့ၣ်တ ဖၣ်န့ၣ်ထိၣ်လီၤပှီၤအသးလၢ ယွၤအမဲာ်ညါဒီးဘူၣ်ထီၣ် ဘါထီၣ်ယွၤလီၤ.

¹⁹ ဒီးပှၤလ့ၤဝံဖိလၢပှၤကဃးဖိအကျါ, ဒီးလၢပှၤကိၤရး ဖိအကျါသ့ၣ်တဖၣ်ဆၢထၢၣ် စံးထီၣ်ပတြၢၤယွၤအံၣ်စရ့ လးအကစၢ်လၢအသီၣ်ဖးဒိၣ်လၢတၢ်ထီၣ်ထီန့ၣ်လီၤ.

²⁰ ဒီးမုၢ်ဆ့ၣ်ထီၣ်န့ၣ် ဂဲၤဆၢထၢၣ်ဂီၤဂီၤ, ဒီးလဲၤထီၣ်ဆူ ပှၢ်မုၢ်ကနၢတကိၤ, ဒီးတုၤအလဲၤထီၣ်ဒီး, စီၤယဟိၡၤဖး ဆၢထၢၣ်ဒီးစံးဝဲဒၣ်, ကနၣ်ယကလုၢ်တက့ၢ်. ယူဒၤဖိ, ဒီးပှၤအိၣ်ဝဲဆိးဝဲလၢယရူၤၡလ့ၣ်သ့ၣ်ဧၢ, နာ်က့ၤယွၤသု ကစၢ်တက့ၢ်. ဒီးသုကအိၣ်ဂၢၢ်ဆိးကျၢၤလီၤ. နာ်အဝံ တဖၣ်တက့ၢ်. ဒီးသုကဘီၣ်ထီၣ်ညီထီၣ်လီၤ.

²¹ ဒီးကူၣ်လိာ်အသးဒီးပှၤဂီၢ်မုၢ်ဝံၤဒီး, ပာ်ပှၤသးဝံၣ်ယွၤ ဖိ, ဒီးပှၤလၢအကစံးထီၣ်ပတြၢၤတၢ်စီဆှံအဃံအလၤ, ဖဲအလဲၤထီၣ်လၢ ပှၤသုးမုၢ်အမဲာ်ညါအဖၢမုၢ်ဒီးစံး, စံး ထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဘျုးအဖှိၣ်အိၣ် ဝဲလီၤစိၤလီၤထီလီၤ.

²² ဒီးအဆၢအကတီၢ်လၢ ပှၤအုၣ်သီတၢ်, ဒီးစံးထီၣ်ပ တြၢၤတၢ်န့ၣ်ယွၤပာ်တၢ်အိၣ်ခူသူၣ်ထီဒါပှၤဧၣ်မိၣ်ဖိ, ဒီး ပှၤမိၤအးဖိ, ဒီးပှၤကစၢၢ်စ့ဧၢ်ဖိလၢအဟဲထီဒါယူဒၤ, ဒီး အဝဲသ့ၣ်ဘၣ်တၢ်တီၢ်အီၤလီၤ.

²³ ဒီးပှၤဧၣ်မိၣ်ဖိ, ဒီးပှၤမိၤအးဖိဆၢထၢၣ်ထီဒါပှၤအိၣ်ဝဲ ဆိးဝဲလၢကစၢၢ်စ့ဧၢ်ဒ်သိးအကမၤသံကွံာ်, ဒီးမၤဟးဂီၤ ကွံာ်အီၤလီၤ. ဒီးတုၤအမၤလၢာ် ပှၤအိၣ်ဝဲဆိးဝဲလၢစ့ဧၢ် ဒီး, မၤစၢၤလိာ်အသးဒ်သိးအကမၤသံလိာ်အသးသကိး သကိးလီၤ.

²⁴ ဒီးယူဒၤဟဲဝဲဆူ တိာ်ပၢၤတၢ်လၢပှၢ်မုၢ်ကနၢ, ဒီးကွၢ် ပှၤဂီၢ်မုၢ်, ဒီးကွၢ်ကွၢ်, အဝဲသ့ၣ်တဖၣ်န့ၣ်မ့ၢ်ပှၤအစိၣ်တ ဖၣ်လီၤဃံၤလၢဟီၣ်ခိၣ်, ဒီးပှၤတပူၤတဖျဲးဘၣ်နီတဂၤ ဘၣ်.

²⁵ ဒီးစီၤယဟိၡၤဖး, ဒီးအပှၤဂီၢ်မုၢ်ဟဲဂုာ်န့ၢ် အတၢ်ဖိ တၢ်လံၤ, ဒီးလၢအကျါန့ၣ်ထံၣ်န့ၢ်တၢ် အါအါကလဲာ်, တၢ်ထူးတၢ်တီၤ, ဒီးတၢ်ကူတၢ်သိး, ဒီးတၢ်ကယၢကယဲ အလုၢ်ဒိၣ်ပှ့ၤဒိၣ်, ဒီးဘ့ၣ်ကွံာ်ဝဲလၢအဂီၢ်ဒၣ်ဝဲအါတုၤအ စိာ်ထီၣ်တသ့ဘၣ်လီၤ. ဒီးမ့ၢ်တၢ်ဖိတၢ်လံၤအိၣ်အါဒီး, ထၢထီၣ်တၢ်ဂုာ်န့ၢ်သၢနံၤညါလီၤ.

²⁶ ဒီးလွံၢ်နံၤတနံၤန့ၣ် အိၣ်ဖှိၣ်ရိဖှိၣ်လၢ ကစၢၢ်ကဆူး ဘရၤကးလီၤ. အဂ့ၢ်ဒ်အံၤ, စံးထီၣ်ပတြၢၤယွၤအမံၤဖဲန့ၣ် လီၤ. မၤသးဒ်န့ၣ်ဒီး တၢ်ယုၢ်ဝဲတၢ်အလီၢ်န့ၣ်အမံၤလၢ ဘရၤကၤတုၤမုၢ်မဆါတနံၤအံၤလီၤ.

²⁷ ဒီးယူဒၤ, ဒီးယရူၤၡလ့ၣ်အပှၤကညီက့ၤက့ၤဝဲကိးဂၤ ဒဲး, ဒီးစီၤယဟိၡၤဖးအိၣ်လၢအမဲာ်ညါ ဒ်သိးအကက့ၤ က့ၤဆူယရူၤၡလ့ၣ် အိၣ်ဒီးတၢ်သးခုလီၤ. အဂ့ၢ်ဒ်အံၤ, ယွၤဒုးသးခုအီၤလၢအဒုၣ်အဒါအဖီခိၣ်န့ၣ်လီၤ. ²⁸ ဒီးဟဲ ဝဲဆူယရူၤၡလ့ၣ်အိၣ်ဒီးသီတူၢ်, ဒီးတနၢ်, ဒီးကွဲၤဆူယွၤ အဟံၣ်လီၤ.

²⁹ ဒီးတုၤကီၢ်တဖၣ်န့ၣ်အပှၤဘီမုၢ်ဖိ နၢ်ဟူဝဲလၢယွၤဒုး တၢ်ဒီးအံၣ်စရ့လးအဒုၣ်အဒါဒီး, တၢ်ပျံၤယွၤအိၣ်ဝဲလၢ အလိၤလီၤ.

³⁰ ဒီးစီၤယဟိၡၤဖးအဘီမုၢ်အိၣ်ဘှ့ၣ်ကလာ်လီၤ. အဂ့ၢ်ဒ် အံၤ, အကစၢ်ဟ့ၣ်လီၤအီၤလၢတၢ်အိၣ်ဘှံးဝးတရံးဝဲလီၤ.

³¹ ဒီးစီၤယဟိၡၤဖးကဲစီၤပၤလၢယူဒၤအဖီခိၣ်, ဒီးလၢအ ကဲသီစီၤပၤန့ၣ်အသးပှၢ်သၢဆံယဲၢ်နံၣ်, ဒီးကဲစီၤပၤလၢ ယရူၤၡလ့ၣ်အပူၤန့ၣ်ခံဆံယဲၢ်နံၣ်လီၤ. ဒီးအမိၢ်အမံၤမ့ၢ် နီၢ်ဧစူဘၤ, စီၤၡံးလဃံအဖိမုၣ်လီၤ. ³² ဒီးပိာ်အပၢ်စီၤအၤစါအကျဲ, ဒ်သိးအကမၤတၢ်ဂ့ၤလၢယွၤအမဲာ်, ဒီးတဃၣ်ကပၤအသးလၢ အဝဲန့ၣ်ဘၣ်.―

³³ မ့မ့ၢ်တမၤဟးဂီၤဘၣ် တၢ်အလီၢ်ထီၣ်ထီဘၣ်, ဒီးပှၤဂီၢ် မုၢ်တကတဲာ်ကတီၤဒံးဘၣ်အသးလၢ ယွၤအပၢ်တဖၣ် အကစၢ်အဂီၢ်ဘၣ်.

³⁴ ဒီးတၢ်အိၣ်လီၤတဲာ်ဘၣ်ဃးဒီး စီၤယဟိၡၤဖး, တၢ်အ ခီၣ်ထံးဒီးတၢ်အကတၢၢ်န့ၣ်, ကွၢ်ကွၢ်, ကွဲးအသးလၢစီၤ ဃနၤနံအဖိခွါစီၤယ့ၤဟူအလံာ်ပူၤ လၢအဂ့ၢ်အကျိၤအိၣ် ဝဲလၢအံၣ်စရ့လးအစီၤပၤအလံာ်ကွဲးနီၣ်တၢ်အပူၤလီၤ.

³⁵ ဒီးတၢ်တဖၣ်အလီၢ်ခံန့ၣ် ယူဒၤအစီၤပၤ စီၤယဟိၡၤ ဖးဒီတံၤဒီသကိးဒီးအံၣ်စရ့လးအစီၤပၤ စီၤအဃၤစယၤ လၢအမၤတၢ်တတီတလိၤဘၣ်လီၤ.

³⁶ ဒီးဒီတံၤဒီသကိးဒီးအီၤ ဒ်သိးအကမၢလီၤ ကဘီဆူ တၢ်ၡံၣ်လီၤ. ဒီးတ့ကဘီလၢဧ့းစယိၣ်က့ဘ့ၢ်အပူၤလီၤ.

³⁷ ဒီးပှၤမရ့ၡၤဖိ, စီၤဒိဒၤဝၤအဖိခွါစီၤအလၤဧစၢ် တဂၤ ကတိၤတၢ်လၢဝံကျိာ်ထီဒါ စီၤယဟိၡၤဖးဒီးစံးဝဲဒၣ်, မ့ၢ် နဒီတံၤဒီသကိးဒီးစီၤအဃၤစယၤဒီး, ယွၤမၤဟးဂီၤကွံာ် လံနတၢ်မၤလံ. ဒီးကဘီဟးဂီၤ, ဒီးလဲၤဝဲဆူတၢ်ၡံၣ်တ သ့ဘၣ်.

၂၁

¹ ဒီးစီၤယဟိၡၤဖးမံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤဒၤဝံးအဝ့ၢ်ပူၤ, ဒီးအဖိခွါစီၤယ ဟိရၣ်ကဲထီၣ်စီၤပၤလၢအလီၢ်န့ၣ်လီၤ.

² ဒီးအိၣ်ဝဲဒီးအဒီပုၢ်ဝဲၢ်, စီၤယဟိၡၤဖးအဖိခွါ, စီၤဧစၤ ရယၤ, ဒီးစီၤယဃ့အ့လးဒီးစီၤစကၤရယၤ, ဒီးစီၤဧစၤရ ယၤ, ဒီးစီၤမံၤက့လး, ဒီးစီၤၡဖးတယၤလီၤ. အဝဲသ့ၣ် တဖၣ်န့ၣ်မ့ၢ်အံၣ်စရ့လးအစီၤပၤ စီၤယဟိၡၤဖးအဖိခွါ န့ၣ်လီၤ.

³ ဒီးအပၢ်ဟ့ၣ်လီၤအီၤလၢတၢ်ဟ့ၣ်စ့, ဒီးထူ, ဒီးတၢ်လုၢ် ဒိၣ်ပှ့ၤဒိၣ်သ့ၣ်တဖၣ်လၢအဒိၣ်အအါ, အိၣ်ဒီးဝ့ၢ်အိၣ်ဒီး အခိၣ်ဒူတဖၣ်လၢယူဒၤအပူၤလီၤ. မ့မ့ၢ်ဘီမုၢ်န့ၣ်ဟ့ၣ်လီၤ ဝဲလၢစီၤယဟိရၣ်လီၤ. အဂ့ၢ်ဒ်အံၤ, မ့ၢ်ပှၤဝဲၢ်ကိလီၤ.

⁴ ဒီးတုၤစီၤယဟိရၣ်ထီၣ်ဘး အပၢ်အဘီအမုၢ်ဒီး, မၤ ဆူၣ်ထီၣ်အသး, ဒီးမၤသံအဒီပုၢ်ဝဲၢ်ခဲလၢာ်လၢနး, ဒီးပှၤ လၢအံၣ်စရ့လးအပဒိၣ်ဖးဒိၣ်အကျါတဖၣ်စ့ၢ်ကီးလီၤ. ⁵ ဒီးလၢစီၤယဟိရၣ်ကဲသီစီၤပၤန့ၣ် အသးပှၢ်တ့ၢ်သၢဆံခံနံၣ်, ဒီးကဲစီၤပၤလၢယရူၤၡလ့ၣ်အပူၤန့ၣ်ဃိးနံၣ်လီၤ.―

⁶ ဒီးပိာ်အံၣ်စရ့လးအစီၤပၤတဖၣ်အကျဲ, ဒ်စီၤအၤဃာ်အ ပှၤဟံၣ်ဖိအသိးန့ၣ်လီၤ. အဂ့ၢ်ဒ်အံၤ, စီၤအၤဃာ်အဖိမုၣ် တဂၤမ့ၢ်အမါလီၤ. ဒီးမၤတၢ်အၢလၢယွၤအမဲာ်ညါလီၤ.

⁷ ဘၣ်ဆၣ်ဒီးယွၤမၤဟးဂီၤ စီၤဒၤဝံးအပှၤဟံၣ်ဖိန့ၣ်အ သးတအိၣ်ဘၣ်လၢ တၢ်အၢၣ်လီၤအီလီၤလၢအမၤဝဲလၢ စီၤဒၤဝံးအဃိ, ဒ်အစံးလၢအကဟ့ၣ်အီၤဒီး အဖိအလံၤ လၢတၢ်ကပီၤတဖျၢၣ်လီၤထူလီၤယိာ်အသိးန့ၣ်လီၤ.

⁸ လၢအမုၢ်နံၤတဖၣ်န့ၣ် အဒိၣ်ပူထီၣ်လၢ ယူဒၤအစုဖီ လာ်, ဒီးပာ်ထီၣ်စီၤပၤလၢအကစၢ်ဒၣ်ဝဲအဖီခိၣ်လီၤ.

⁹ ဒီးစီၤယဟိရၣ်လဲၤခီဂာ်တၢ်ဒီး အပဒိၣ်ဖးဒိၣ်တဖၣ်, ဒီးအလ့ၣ်ကဟၣ်ခဲလၢာ်အိၣ်ဒီးအီၤ, ဒီးဂဲၤဆၢထၢၣ်လၢ မုၢ်နၤ, ဒီးကျီကွံာ်ပှၤအဒိၣ်ဖိလၢအအိၣ်ဝးတရံးအီၤ, ဒီး လ့ၣ်ကဟၣ်အခိၣ်တဖၣ်လီၤ.

¹⁰ ဒီးအဒိၣ်ပူထီၣ်ကွံာ်လၢယူဒၤအစုဖီလာ် တုၤမုၢ်မဆါ တနံၤအံၤလီၤ. တုၤနုၤတစုလံးဘနၤပူထီၣ်ကွံာ်လၢအစု ဖီလာ်လီၤ. အဂ့ၢ်ဒ်အံၤ, အဝဲဒၣ်လဲၤသဒၣ်လံယွၤအပၢ် အကစၢ်လံ.

¹¹ ဒီးမၤထီၣ်တၢ်အလီၢ်ထီၣ်ထီတဖၣ် လၢယူဒၤကစၢၢ် ကလိအလိၤ, ဒီးဒုးမၤကမၣ်မုၣ်ကမၣ်ခွါလၢ ပှၤအိၣ်ဝဲ ဆိးဝဲလၢယရူၤၡလ့ၣ်တဖၣ်, ဒီးကလံာ်ယူဒၤလီၤ.

¹² ဒီးလံာ်တဘ့ၣ်ဟဲဆူအအိၣ် လၢဝံအ့ၤလံယၤ, ဒီးစံး ဝဲဒၣ်, ယွၤ, နပၢ်စီၤဒၤဝံးအကစၢ်စံးဒ်အံၤ, နပၢ်စီၤယ ဟိၡၤဖးအကျဲတဖၣ်မ့ၢ်ဂ့ၤ, ယူဒၤအစီၤပၤအၤစါအကျဲ မ့ၢ်ဂ့ၤ, မ့ၢ်နတပိာ်ဘၣ်ဒီး, ¹³ မ့ၢ်နပိာ်အံၣ်စရ့လးအစီၤပၤ တဖၣ်အကျဲ, ဒီးနဒုးမၤကမၣ်မုၣ်ကမၣ်ခွါလၢယူဒၤဖိ, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤ, ဒ်စီၤအၤဃာ်အ ပှၤဟံၣ်ဖိအတၢ်မၤကမၣ်မုၣ်ကမၣ်ခွါအသိးန့ၣ်, ဒီးနမၤ သံနဒီပုၢ်ဝဲၢ်လၢနပၢ်အပှၤဟံၣ်ဖိအကျါ လၢအဂ့ၤန့ၢ်နၤ တက့ၢ်သတးဒီး, ¹⁴ ကွၢ်ကွၢ်, ယွၤကတီၢ်နပှၤဂီၢ်မုၢ်, ဒီးန ဖိနမါ, ဒီးနဖိနလံၤ, ဒီးနတၢ်ဖိတၢ်လံၤခဲလၢာ်လၢတၢ် တီၢ်ဖးဒိၣ်လီၤ. ¹⁵ ဒီးနကဆါထီၣ်နးနးကလဲာ်လၢနပှံာ် ဆါတုၤလီၤလၢနပှံာ်ကလီၤသွီတနံၤဘၣ်တနံၤ လၢတၢ် ဆါအဃိလီၤ.

¹⁶ ဒီးယွၤထိၣ်ဂဲၤ ပှၤဖလ့ၡသးဖိအသိး, ဒီးပှၤဧ့ရ့းဖိအ သးလၢအအိၣ်ဘူးဒီးပှၤကူၤၡးဖိတဖၣ် ထီဒါစီၤယဟိရၣ် လီၤ. ¹⁷ ဒီးအဝဲသ့ၣ်တဖၣ်န့ၣ်ဟဲထီၣ်ဆူယူဒၤ, ဒီးဘၢၣ် ဖျိတၢ်, ဒီးစိာ်ထီၣ်ကွံာ်ကယဲၢ်တၢ်ဖိတၢ်လံၤလၢအအိၣ် ဝဲလၢစီၤပၤအဟံၣ်ပူၤ, ဒီးအဖိခွါစ့ၢ်ကီး, ဒီးအမါတဖၣ်, ဒီးအဖိတအိၣ်လီၤတဲာ်ဘၣ်, အိၣ်လီၤတဲာ်ထဲအဖိသဒါ စီၤအဃၤစယၤတဂၤဧိၤလီၤ.

¹⁸ ဒီးတၢ်တဖၣ်ခဲလၢာ်န့ၣ်အလီၢ်ခံ ယွၤတီၢ်အီၤလၢအ ပှံာ်ပူၤလၢတၢ်ဆါလၢအဘျါတသ့ဘၣ်. ¹⁹ ဒီးတၢ်မၤအ သးလၢ မုၢ်နံၤတဖၣ်အတီၢ်ပူၤ, လၢခံနံၣ်အကတၢၢ်န့ၣ် အပှံာ်လီၤသွီလၢအတၢ်ဆါအဃိ, ဒီးသံဝဲလၢအတၢ်ဆါ လၢအအၢအဃိ, ဒီးအပှၤဂီၢ်မုၢ် တဆိၣ်ကဲၤဘၣ်တၢ် ဘၣ်, ဒ်အပၢ်တဖၣ်အတၢ်ဆိၣ်ကဲၤအသိးန့ၣ်ဘၣ်.

²⁰ လၢအကဲသီစီၤပၤန့ၣ်အသးပှၢ်သၢဆံခံနံၣ်, ဒီးကဲစီၤ ပၤလၢယရူၤၡလ့ၣ်အပူၤဃိးနံၣ်, ဒီးက့ၤက့ၤဝဲ, ဒီးပှၤတ သးလီဘၣ်အီၤဘၣ်. ဒီးပှၤခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤလီၤ. ဘၣ်ဆၣ်ဒီးတမ့ၢ်ဘၣ်လၢစီၤပၤအတၢ်သွၣ် ခိၣ်အပူၤဘၣ်.

၂၂

¹ ဒီးပှၤအိၣ်ဝဲဆိးဝဲလၢ ယရူၤၡလ့ၣ်အပူၤတဖၣ်န့ၣ်ပာ် အဖိသဒါစီၤအဃၤစယၤလၢစီၤပၤလၢအလီၢ်လီၤ. အဂ့ၢ် ဒ်အံၤ, ပှၤတဖုလၢအဟဲဒီးပှၤဧ့ရ့းဖိဆူ ပှၤသူၣ်ဒဲအလီၢ် ပူၤန့ၣ်မၤသံတ့ၢ်ဝဲအဝဲၢ်ခဲလၢာ်လီၤ. ဒီးယူဒၤအစီၤပၤယ ဟိရၣ်အဖိခွါစီၤအဃၤစယၤကဲထီၣ်စီၤပၤလီၤ.

² လၢစီၤအဃၤစယၤ ကဲသီစီၤပၤန့ၣ် အသးပှၢ်လွံၢ်ဆံ ခံနံၣ်, ဒီးကဲစီၤပၤတနံၣ်လၢယရူၤၡလ့ၣ်အပူၤ, ဒီးအမိၢ် အမံၤမ့ၢ်နီၢ်ဧသၤလယၤ, စီၤဧိၣ်ရံၤအဖိမုၣ်လီၤ. ³ အဝဲ ဒၣ်ပိာ်စ့ၢ်ကီးစီၤအၤဃာ်, အပှၤဟံၣ်ဖိအကျဲလီၤ. အဂ့ၢ် ဒ်အံၤ, အမိၢ်မ့ၢ်ပှၤကူၣ်လိာ်အသးဒီးအီၤ ဒ်သိးအကမၤ တၢ်အၢလီၤ.

⁴ ဒီးမၤတၢ်အၢလၢယွၤအမဲာ် ဒ်စီၤအၤဃာ်အပှၤဟံၣ်ဖိ အသိးန့ၣ်လီၤ. အဂ့ၢ်ဒ်အံၤ, လၢအပၢ်သံအလီၢ်ခံန့ၣ်အ ဝဲသ့ၣ်မ့ၢ်ပှၤကူၣ်လိာ်အသးဒီးအီၤ တုၤအတုၤလၢတၢ် ဟးဂီၤလီၤ.

⁵ လဲၤစ့ၢ်ကီးဝဲဖဲဒၣ်အဝဲသ့ၣ်ကူၣ်လိာ်ဒီးအီၤ, ဒီးလဲၤဝဲ ဒီးစီၤအၤဃာ်အဖိခွါ စီၤယဟိရၣ်ဆူတၢ်ဒုးသုးဒီး စူၤရံ အစီၤပၤဃစ့လးလၢ ရၤမိးကံးလဧးအပူၤ, ဒီးပှၤစူၤရံဖိ ဆဲးဘၣ်စီၤယဟိရၣ်လီၤ. ⁶ ဒီးစီၤယဟိရၣ်က့ၤကဒါက့ၤ ဝဲဆူယံးစရ့လး, ဒ်သိးအပူၤလီၢ်လၢပှၤစူၤရံဖိမၤအီၤလၢ ရၤမါဖဲအဒုးသုးဒီး စူၤရံအစီၤပၤဃစ့လးတဖၣ်န့ၣ် က ဘျါက့ၤဝဲလီၤ. ဒီးယူဒၤအစီၤပၤယဟိရၣ်အဖိခွါ စီၤအ ဃၤစယၤန့ၣ် လဲၤလီၤအိၣ်သကိး စီၤအၤဃာ်အဖိခွါစီၤ ယဟိရၣ်လၢယံးစရ့လးအပူၤလီၤ. အဂ့ၢ်ဒ်အံၤ, ဆါဝဲ လီၤ.

⁷ ဒီးစီၤအဃၤစယၤ ဘၣ်တၢ်မၤဟးဂီၤန့ၣ်ကဲထီၣ်ဝဲလၢ ယွၤလၢအဟဲဝဲဆူစီၤယဟိရၣ်အဃိလီၤ. ဒီးတုၤအတုၤ ဝဲဒီး, လဲၤထီၣ်ဝဲဒီးစီၤယဟိရၣ်ထီဒါ စီၤနံၣ်ၡံၤအဖိခွါ စီၤယ့ၤဟူလၢယွၤဖှူအီၤ, ဒ်သိးအကဒီၣ်တဲာ်ကွံာ်စီၤအၤ ဃာ်အပှၤဟံၣ်ဖိလီၤ.

⁸ ဒီးတုၤစီၤယ့ၤဟူမၤတၢ်စံၣ်ညီၣ်လၢ စီၤအၤဃာ်အပှၤ ဟံၣ်ဖိဒီး, တၢ်မၤအသးလၢအထံၣ်န့ၢ် ယူဒၤအပဒိၣ်ဖး ဒိၣ်တဖၣ်, ဒီးစီၤအဃၤစယၤအဒီပုၢ်ဝဲၢ်တဖၣ်အဖိခွါလၢ အမၤစီၤအဃၤစယၤအတၢ်, ဒီးမၤသံအီၤလီၤ.

⁹ ဒီးဃုစီၤအဃၤစယၤ, ဒီးပှၤဖီၣ်န့ၢ်အီၤ (အဂ့ၢ်ဒ်အံၤ, အိၣ်ခူသူၣ်လၢၡၤမရံအပူၤ), ဒီးဟဲစိာ်အီၤဆူစီၤယ့ၤဟူ အအိၣ်, ဒီးပှၤမၤသံအီၤ, ဒီးခူၣ်လီၤကွံာ်အီၤလီၤ. အဂ့ၢ် ဒ်အံၤ, စံးဝဲဒၣ်, မ့ၢ်စီၤယဟိၡၤဖးလၢအဃုယွၤလၢအ သးဒီဖျၢၣ်ညါအဖိခွါလီၤ. ဒီးစီၤအဃၤစယၤအပှၤဟံၣ်ဖိ ဟံးဃာ်ဘီဧိၤမုၢ်ဧိၤတသ့ဘၣ်.

¹⁰ ဒီးတုၤ စီၤအဃၤစယၤအမိၢ် နီၢ်ဧသၤလယၤတဂၤ ထံၣ်ဝဲလၢအဖိခွါသံဒီး, ဂဲၤဆၢထၢၣ်ဝဲ, ဒီးမၤဟးဂီၤယူဒၤ အပှၤဟံၣ်ဖိအစီၤပၤအချံအသၣ်ခဲလၢာ်လီၤ.

¹¹ ဒီးစီၤပၤအဖိမုၣ်, နီၢ်ယဟိၤရှ့ဘၤတဂၤဟံးန့ၢ် စီၤအ ဃၤစယၤအဖိခွါစီၤယိၤအၣ်, ဒီးဟုၣ်န့ၢ်အီၤလၢစီၤပၤအ ဖိခွါလၢအဘၣ်တၢ်မၤသံအီၤအကျါ, ဒီးပာ်ခူသူၣ်အီၤ, အဝဲဒၣ်, ဒီးအပှၤဒုးအီၣ်နုၢ်ထံတဂၤလၢဒၢးပူၤလီၤ. ဒီး စီၤပၤယဟိရၣ်အဖိမုၣ်, ပှၤလုၢ်တၢ်အဒိၣ်စီၤယဟိယဒါ အမါနီၢ်ယဟိရှ့ဘၤ (အဂ့ၢ်ဒ်အံၤ, မ့ၢ်စီၤအဃၤစယၤ အဒီပုၢ်ဝဲၢ်မုၣ်), ပာ်အီၤသဒၢဒီး နီၢ်ဧသၤလယၤအမဲာ်, ဒီးတမၤသံဘၣ်ဝဲဘၣ်.

¹² ဒီးအဝဲဒၣ်အိၣ်ခူသူၣ်ဒီးအီၤ လၢယွၤအဟံၣ်ပူၤဃုနံၣ် လီၤ. ဒီးနီၢ်ဧသၤလယၤန့ၣ် ကဲထီၣ်နီၢ်ပၤမုၣ်လၢကီၢ် အဖီခိၣ်လီၤ.

၂၃

¹ ဒီးနွံနံၣ်တနံၣ်န့ၣ် စီၤယဟိယဒါပာ်ဆူၣ်ထီၣ်အသး, ဒီးဟံးန့ၢ်ပှၤတကယၤအခိၣ်, စီၤယရိဃၣ်အဖိခွါစီၤဧစၤ ရယၤ, ဒီးစီၤယိဃၤနၣ်အဖိခွါစီၤယံးၡမၤဧ့လး, ဒီးစီၤ ဧိၤဘ့းအဖိခွါစီၤဧစၤရယၤ, ဒီးစီၤဧဒါယၤအဖိခွါစီၤမၤစ့ ယၤ, ဒီးစီၤစံးကရံးအဖိခွါစီၤအလံၡဖး, ဒီးအၢၣ်လီၤအီ လီၤတၢ်ဒီးအီၤလီၤ.

² ဒီးအဝဲသ့ၣ်လဲၤဝ့ၤဝီၤတၢ်လၢ ယူဒၤအပူၤ, ဒီးဒုးအိၣ် ဖှိၣ်ရိဖှိၣ်ပှၤလ့ၤဝံဖိ လၢယူဒၤအဝ့ၢ်ခဲလၢာ်, ဒီးအံၣ်စရ့ လးအပၢ်တဖၣ်အခိၣ်တဖၣ်, ဒီးဟဲဝဲဆူယရူၤၡလ့ၣ်အ ပူၤလီၤ.

³ ဒီးပှၤအိၣ်ဖှိၣ်ခဲလၢာ်န့ၣ် အၢၣ်လီၤအီလီၤတၢ်ဒီး စီၤ ပၤလၢယွၤအဟံၣ်ပူၤလီၤ. ဒီးအဝဲဒၣ်စံးဘၣ်အီၤ, ကွၢ် ကွၢ်, စီၤပၤအဖိခွါကကဲထီၣ်စီၤပၤဒ်ယွၤစံးတၢ်လၢ စီၤ ဒၤဝံးအဖိခွါအဂ့ၢ်အကျိၤအသိးန့ၣ်လီၤ.

⁴ အအံၤမ့ၢ်တၢ်လၢ သုဘၣ်မၤတမံၤ, သုဝဲသ့ၣ်တဖၣ် သၢဖုတဖုလၢ အလဲၤနုာ်လၢအိၣ်ဘှံးအနံၤတဖၣ်လၢပှၤ လုၢ်တၢ်အဒိၣ်, ဒီးပှၤလ့ၤဝံဖိအကျါကကဲထီၣ်ပှၤပၢၤတၢ် ဖိလၢကျဲစၢၤအခီၣ်ထံး, ⁵ ဒီးပှၤသၢဖုတဖုကအိၣ်လၢစီၤ ပၤအဟံၣ်, ဒီးပှၤသၢဖုတဖုကအိၣ်ဝဲလၢတၢ်အခီၣ်ထံး အပဲတရီ, ဒီးပှၤဂီၢ်မုၢ်ခဲလၢာ်ဘၣ်အိၣ်ဝဲလၢယွၤအဟံၣ် အဂၢၤတဖၣ်အပူၤလီၤ. ⁶ ဒီးဒုးလဲၤနုာ်ထဲ ပှၤလုၢ်တၢ်အ ဒိၣ်တဖၣ်ဒီးပှၤလ့ၤဝံဖိလၢအမၤတၢ်တဖၣ်န့ၣ်ဧိၤတက့ၢ်. အဝဲသ့ၣ်တဖၣ်န့ၣ်ကလဲၤနုာ်ဘၣ်လီၤ. အဂ့ၢ်ဒ်အံၤ, မ့ၢ် အစီဆှံဝဲလီၤ. မ့မ့ၢ်ပှၤဂီၢ်မုၢ်ဘၣ်ခိးယွၤအတၢ်ကွၢ်လီၤ.―

⁷ ဒီးပှၤလ့ၤဝံဖိဘၣ်ကဝီၤဃာ်စီၤပၤဝးတရံးအီၤ, တဂၤဒီး အစုကဝဲၤလၢအစုပူၤ, တဂၤဒီးအစုကဝဲၤလၢအစုပူၤဒီး ဖဲဒၣ်ပှၤလၢအလဲၤနုာ်လၢဟံၣ်အပူၤ, ကဘၣ်တၢ်မၤသံ အီၤလီၤ. ဒီးတုၤစီၤပၤဟးထီၣ်, ဒီးတုၤအဟဲနုာ်ဒီး, အိၣ် သုဝဲဒီးစီၤပၤတက့ၢ်.

⁸ ဒီးပှၤလ့ၤဝံဖိဒီးယူဒၤခဲလၢာ်န့ၣ် မၤဝဲဒ်ကယဲၢ်တၢ်လၢ ပှၤလုၢ်တၢ်အဒိၣ် စီၤယဟိယဒါမၤလိာ်ဝဲအသိးန့ၣ်, ဒီး ဟံးန့ၢ်စုာ်စုာ်အပှၤလၢအကဟဲနုာ်လၢ မုၢ်အိၣ်ဘှံးအနံၤ, ဒီးပှၤလၢအကဟးထီၣ်လၢ အိၣ်ဘှံးအနံၤလီၤ. အဂ့ၢ်ဒ် အံၤ, ပှၤလုၢ်တၢ်အဒိၣ် စီၤယဟိယဒါတပျၢ်ဘၣ်ပှၤအ တီၤတဖၣ်ဘၣ်.

⁹ ဒီးပှၤလုၢ်တၢ်အဒိၣ် စီၤယဟိယဒါဟ့ၣ်လီၤပှၤတက ယၤအခိၣ်တဖၣ်လၢစီၤပၤဒၤဝံးအဘီတဖၣ်, ဒီးအကတီၤ ဖးဒိၣ်, ဒီးအကတီၤဖိလၢအအိၣ်ဝဲလၢယွၤအဟံၣ်ပူၤလီၤ.

¹⁰ ဒီးပှၤပာ်ပှၤဂီၢ်မုၢ်ခဲလၢာ် တဂၤအိၣ်ဒီးအစုကဝဲၤလၢ အစုပူၤ, တဂၤအိၣ်ဒီးအစုကဝဲၤလၢအစုပူၤ, အိၣ်ဝးတ ရံးစီၤပၤလၢဟံၣ်သနၢၣ်လၢစုထွဲပၢၢ်လၢဟံၣ်သနၢၣ်လၢ စုစ့ၣ်, လၢတၢ်လုၢ်လီၢ်ဒီးဟံၣ်အဃၢၤန့ၣ်လီၤ.

¹¹ ဒီးဟဲစိာ်စီၤပၤအဖိခွါ, ဒီးဒုးကုာ်အီၤလၢခိၣ်သလုး, ဒီးပာ်တၢ်အၢၣ်လီၤအီလီၤ, ဒီးပာ်အီၤလၢစီၤပၤ, ဒီးစီၤ ယဟိယဒါဒီးအဖိခွါတဖၣ်ဖှူအီၤ, ဒီးစံးဝဲဒၣ်, မ်စီၤပၤ မူဝဲတက့ၢ်.

¹² ဒီးတုၤနီၢ်ဧသၤလယၤနၢ်ဟူပှၤဂီၢ်မုၢ်ဃ့ၢ်ဝဲ, ဒီးစံးထီၣ် ပတြၢၤစီၤပၤအသီဒီး, ဟဲဝဲဆူပှၤဂီၢ်မုၢ်အအိၣ်လၢယွၤအ ဟံၣ်ပူၤလီၤ. ¹³ ဒီးကွၢ်ဝဲ, ဒီးကွၢ်ကွၢ်, စီၤပၤဆၢထၢၣ်လၢ အလီၢ်ထီၣ်ထီ, ဖဲတၢ်လဲၤနုာ်န့ၣ်, ဒီးပဒိၣ်ဖးဒိၣ်တဖၣ်, ဒီးပှၤအူကွဲၤတဖၣ်အိၣ်ဝဲလၢစီၤပၤအဃၢၤန့ၣ်လီၤ. ဒီးကီၢ် အပှၤဂီၢ်မုၢ်ခဲလၢာ်သူၣ်ခုသးခုဒီးအူကွဲၤ, ဒီးပှၤသးဝံၣ်တၢ် ဖိအိၣ်ဝဲဒီးဒံၣ်ဒၢပီၤဒွါ, ဒီးပှၤလၢအသိၣ်လိတၢ်စံးထီၣ် ပတြၢၤလီၤ. ဒီးနီၢ်ဧသၤလယၤဖှီအဆ့, ဒီးကိးထီၣ်, တၢ် ပူထီၣ်, တၢ်ပူထီၣ်န့ၣ်လီၤ.

¹⁴ ဒီးပှၤလုၢ်တၢ်အဒိၣ် စီၤယဟိယဒါ ဒုးလဲၤထီၣ်ပှၤတ ကယၤအခိၣ်တဖၣ်, ပှၤသုးမုၢ်အခိၣ်တဖၣ်, ဒီးစံးဘၣ် အီၤ, ဟီထီၣ်ကွံာ်အီၤလၢဟံၣ်ပူၤလၢ တၢ်အဂ့ၢ်တဖၣ် ဆူခိ, ဒီးမ်ပှၤလၢအပိာ်ထွဲအခံန့ၣ် ဘၣ်တၢ်မၤသံအီၤ လၢနးတက့ၢ်. အဂ့ၢ်ဒ်အံၤ, ပှၤလုၢ်တၢ်အဒိၣ်စံးတ့ၢ်ဝဲ ဒၣ်, မ်သုသုတမၤသံအီၤလၢယွၤအဟံၣ်ပူၤတဂ့ၤ.

¹⁵ ဒီးပှၤဟံးဃာ်အီၤလၢအစု, ဒီးလဲၤဝဲလၢကျဲလၢ က သ့ၣ်တဖၣ် ဟဲဝဲဆူစီၤပၤအဟံၣ်, ဒီးပှၤမၤသံအီၤဖဲန့ၣ် လီၤ.

¹⁶ ဒီးစီၤယဟိယဒါအၢၣ်လီၤအီလီၤတၢ်, ဒီးဒုးအၢၣ်လီၤ ပှၤဂီၢ်မုၢ်ခဲလၢာ်, ဒီးစီၤပၤဒ်သိးအကကဲထီၣ်ယွၤအပှၤဂီၢ် မုၢ်လီၤ.

¹⁷ ဒီးပှၤဂီၢ်မုၢ်ခဲလၢာ်လဲၤဆူ ဘဧၤလးအဟံၣ်ပူၤ, ဒီးမၤ လီၤပှီၢ်ဝဲ, ဒီးမၤကၢ်လီၤကလဲအတၢ်လုၢ်လီၢ်ဒီးအတၢ်ဂီၤ, ဒီးမၤသံဘဧၤလးအပှၤလုၢ်တၢ်အဒိၣ် စီၤမးတၣ်လၢတၢ် လုၢ်လီၢ်တဖၣ်အမဲာ်ညါလီၤ. ¹⁸ ဒီးစီၤယဟိယဒါပာ်လီၤ ယွၤအဟံၣ်အတၢ်မၤတဖၣ်, လၢပှၤလုၢ်တၢ်အဒိၣ်ပှၤလ့ၤ ဝံဖိအစုပူၤ, လၢစီၤဒၤဝံးနီၤဖးဝဲအဆၢလၢယွၤအဟံၣ်ပူၤ ဒ်သိးအကလုၢ်ယွၤလၢတၢ်လုၢ်မ့ၣ်အူ, ဒ်တၢ်ကွဲးအသး လၢစီၤမိၤရှ့အတၢ်သိၣ်တၢ်သီအသိးန့ၣ် အိၣ်ဒီးတၢ်သူၣ် ခုသးခု, ဒီးသးဝံၣ်တၢ်ဒ်စီၤဒၤဝံးမၤလိာ်ဝဲအသိးန့ၣ်လီၤ.―

¹⁹ ဒီးပာ်ပှၤပၢၤတၢ်ဖိဖဲ ယွၤအဟံၣ်အပဲတရီတဖၣ်ဒ်သိးတၢ် တကဆှီဘၣ်အသုတဟဲနုာ်နီတမံၤတဂ့ၤလီၤ.

²⁰ ဒီးဟံးန့ၢ်ပှၤတကယၤအခိၣ်တဖၣ်, ဒီးပှၤအိၣ်ဒီးအ ကဟုကညီၢ်တဖၣ်, ဒီးပှၤပၢၤပှၤဂီၢ်မုၢ်, ဒီးကီၢ်အပှၤဂီၢ် မုၢ်ခဲလၢာ်, ဒီးဟဲစိာ်စီၤပၤလၢယွၤအဟံၣ်, ဒီးဟဲဝဲလၢ ပဲတရီထီအပူၤဆူစီၤပၤအဟံၣ်ပူၤ, ဒီးဒုးဆ့ၣ်နီၤစီၤပၤလၢ ဘီမုၢ်အလီၢ်ပစိာ်အဖီခိၣ်လီၤ.

²¹ ဒီးကီၢ်အပှၤဂီၢ်မုၢ်ခဲလၢာ် သူၣ်ခုသးခု, ဒီးဝ့ၢ်အိၣ်ဃူ အိၣ်ဖိးဒီးပှၤမၤသံနီၢ်ဧသၤလယၤလၢနးလီၤ.

၂၄

¹ ဒီးလၢစီၤယိၤအၣ်ကဲသီစီၤပၤန့ၣ် အသးပှၢ်နွံနံၣ်, ဒီး ကဲစီၤပၤလၢယရူၤၡလ့ၣ်အပူၤအနံၣ်လွံၢ်ဆံ, ဒီးအမိၢ်အ မံၤမ့ၢ်နီၢ်စံဘယၤဘၣ်ဃးဒီးဘ့ၢ်ၡဘၤလီၤ. ² ဒီးကယဲၢ်အပှၤလုၢ်တၢ်အဒိၣ် စီၤယဟိယဒါအမုၢ်နံၤခဲလၢာ်န့ၣ် စီၤယိၤအၣ်မၤတၢ်အလိၤလၢယွၤအမဲာ်လီၤ.―

³ ဒီးစီၤယဟိယဒါဟံးန့ၢ်ဝဲလၢအဂီၢ် လၢအမါခံဂၤ, ဒီး အဝဲဒၣ်ထီၣ်ဖိဖိခွါတဖၣ်, ဒီးဖိမုၣ်တဖၣ်လီၤ.

⁴ ဒီးတၢ်န့ၣ်အလီၢ်ခံတၢ်မၤအသးလၢ စီၤယိၤအၣ်အသး အိၣ်လၢအကမၤက့ၤယွၤအဟံၣ်လီၤ.

⁵ ဒီးဒုးအိၣ်ဖှိၣ်ရိဖှိၣ်ပှၤလုၢ်တၢ်အဒိၣ်, ဒီးပှၤလ့ၤဝံဖိ, ဒီး စံးဘၣ်အီၤ, လဲၤဆူကယဲၢ်ယူဒၤအဝ့ၢ်တဖၣ်အပူၤ, ဒီး ထၢဖှိၣ်စ့လၢအံၣ်စရ့လးဖိခဲလၢာ်ဒ်သိး သုကမၤက့ၤသု ကစၢ်အဟံၣ်တနံၣ်ဘၣ်တနံၣ်တက့ၢ်. ဒီးမၤတၢ်အံၤချ့ချ့ တက့ၢ်. ဘၣ်ဆၣ်ဒီးပှၤလ့ၤဝံဖိတမၤဘၣ်ချ့ချ့ဘၣ်.

⁶ ဒီးစီၤပၤကိးန့ၢ် တၢ်အခိၣ်စီၤယဟိယဒါ, ဒီးစံးဘၣ် အီၤ, နတမၢဘၣ်ပှၤလ့ၤဝံဖိဟဲစိာ်ယွၤအခ့အပှၤစီၤမိၤရှ့ အတၢ်ထၢဖှိၣ်လၢယူဒၤ, ဒီးလၢယရူၤၡလ့ၣ်အပူၤ, ဒီး လၢအံၣ်စရ့လးအပှၤအိၣ်ဖှိၣ်ဖိ လၢတၢ်အၢၣ်လီၤအီလီၤ အဒဲအဂီၢ်န့ၣ်မ့ၢ်အဘၣ်မနုၤလဲၣ်, ⁷ အဂ့ၢ်ဒ်အံၤ, ပိာ်မုၣ် အအၢနီၢ်ဧသၤလယၤအဖိခွါတဖၣ် မၤဟးဂီၤတ့ၢ်ယွၤအ ဟံၣ်, ဒီးကယဲၢ်တၢ်မၤဘူၣ်လၢယွၤအဟံၣ်ပူၤန့ၣ် ဟ့ၣ် လီၤဝဲလၢဘဧၤလးတဖၣ်လီၤ.

⁸ ဒီးစီၤပၤမၤလိာ်တၢ်ဒီး ပှၤမၤတလါတဖျၢၣ်, ဒီးပာ်ဝဲ လၢခိဖဲယွၤအဟံၣ်အပဲတရီန့ၣ်လီၤ.

⁹ ဒီးကိးထီၣ်တၢ်လၢယူဒၤဒီကီၢ်ညါ, ဒီးလၢယရူၤၡလ့ၣ် ဒီဝ့ၢ်ညါဒ်သိး ပှၤကဟဲစိာ်တၢ်ထၢဖှိၣ်လၢယွၤအခ့အပှၤ စီၤမိၤရှ့ပာ်လၢ အံၣ်စရ့လးအဖီခိၣ်, လၢပှၢ်မုၢ်ကနၢန့ၣ် ဆူယွၤအအိၣ်လီၤ.

¹⁰ ဒီးပဒိၣ်ဖးဒိၣ်တဖၣ်, ဒီးပှၤဂီၢ်မုၢ်ခဲလၢာ် သူၣ်ခုသးခု ဒီးဟဲစိာ်တၢ်, ဒီးတ့ၢ်နုာ်လီၤလၢတလါတဖျၢၣ်အပူၤတုၤ အလၢာ်လီၤ.

¹¹ ဒီးအကတီၢ်လၢ ပှၤဟဲစိာ်တလါန့ၣ်ဆူ စီၤပၤအပဒိၣ် ဖးဒိၣ်အအိၣ်လၢပှၤလ့ၤဝံဖိအစုပူၤန့ၣ် တုၤအထံၣ်ဘၣ် လၢစ့အိၣ်အါမးလၢတလါပူၤန့ၣ်ဒီး, တၢ်မၤအသးလၢ စီၤပၤအပှၤကွဲးလံာ်တဂၤ, ဒီးပှၤလုၢ်တၢ်အခိၣ်အပဒိၣ်တ ဂၤဟဲလူလီၤန့ၢ်ဝဲ, ဒီးဟံးန့ၢ်တလါ, ဒီးပာ်လီၤက့ၤအီၤ လၢအလီၢ်ပူၤလီၤ. မၤဝဲဒ်န့ၣ်တနံၤဘၣ်တနံၤ, ဒီးထၢဖှိၣ် စ့အါအါကလဲာ်လီၤ. ¹² ဒီးစီၤပၤ, ဒီးစီၤယဟိယဒါဟ့ၣ် လီၤဝဲလၢပှၤမၤယွၤအဟံၣ်အတၢ်မၤ, ဒီးငါပှၤမၤတၢ်လၢ လၢၢ်, ဒီးပှၤမၤတၢ်လၢသ့ၣ်ဖိတဖၣ်လၢစ့ ဒ်သိးအက မၤက့ၤယွၤအဟံၣ်, ဒီးပှၤလၢအမၤတၢ်လၢထး, ဒီးလၢ တိၢ်စ့ၢ်ကီးဒ်သိးအကမၤက့ၤယွၤအဟံၣ်လီၤ.

¹³ ဒီးပှၤမၤတၢ်ဖိန့ၣ်မၤတၢ်, ဒီးမၤက့ၤတၢ်ဝံၤ, ဒီးမၤဂၢၢ် မၤကျၢၤယွၤအဟံၣ်, ဒီးမၤအီၤခၢၣ်သနၢၢ်လီၤ.

¹⁴ ဒီးမၤဝဲဝံၤဒီးဟဲစိာ်စ့လၢအအိၣ်လီၤတဲာ်ဆူစီၤပၤ, ဒီး ဆူစီၤယဟိယဒါအအိၣ်, ဒီးပှၤတ့တၢ်အဃၢၤအဃိၢ်လၢ ယွၤအဟံၣ်အဂီၢ်, တၢ်အဃၢၤအဃိၢ်လၢ ပှၤမၤတၢ်အ ဂီၢ်, ဒီးလၢလုၢ်တၢ်အဂီၢ်, ဒီးနီၣ်တၢၤတဖၣ်, ဒီးတၢ်အ ဃၢၤအဃိၢ်ထူ, ဒီးတၢ်အဃၢၤအဃိၢ်စ့လီၤ. ဒီးလုၢ်တၢ် လုၢ်မ့ၣ်အူလၢယွၤအဟံၣ်ပူၤတထံၣ်ဃီလၢ စီၤယဟိယ ဒါအမုၢ်နံၤခဲလၢာ်အတီၢ်ပူၤလီၤ.

¹⁵ ဒီးစီၤယဟိယဒါအသးပှၢ်ထီၣ်, ဒီးဖဲအသံန့ၣ်ပှဲၤဝဲဒီး နံၤတဖၣ်လီၤ. တုၤအသံဒီး, အသးပှၢ်အနံၣ်တကယၤ သၢဆံလီၤ. ¹⁶ ဒီးပှၤခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ လၢစီၤပၤအကျါလီၤ. အဂ့ၢ်ဒ်အံၤ, လၢယွၤအဂီၢ်မ့ၢ်ဂ့ၤ, လၢအပှၤဟံၣ်ဖိအဂီၢ်မ့ၢ်ဂ့ၤ, မၤတၢ်ဂ့ၤလၢအံၣ်စရ့လးအ ပူၤလီၤ.

¹⁷ ဒီးလၢစီၤယဟိယဒါသံဝဲအလီၢ်ခံန့ၣ်, ယူဒၤအပဒိၣ် ဖးဒိၣ်တဖၣ်ဟဲဝဲ, ဒီးတီၤလီၤကဒွံကျိာ်လၢ စီၤပၤအမဲာ် ညါ, ဒီးစီၤပၤဒိကနၣ်အကလုၢ်လီၤ.

¹⁸ ဒီးလဲၤသဒၣ် ယွၤအပၢ်တဖၣ်အကစၢ်အဟံၣ်, ဒီးမၤ အရှ့ရၤ, ဒီးတၢ်ဂီၤတဖၣ်အတၢ်, ဒီးတၢ်သးထီၣ်ဘၣ်ယူ ဒၤ, ဒီးယရူၤၡလ့ၣ်လၢတၢ်မၤကမၣ်တၢ်န့ၣ်အဃိလီၤ.

¹⁹ ဒီးမၢလီၤဝံတဖၣ်ဆူအအိၣ်ဒ်သိး အကဒုးဟဲက့ၤအီၤ ဆူယွၤအအိၣ်, ဒီးအဝဲသ့ၣ်အုၣ်အသး ထီဒါအီၤဘၣ် ဆၣ်ဒီး, တဒိကနၣ်ဘၣ်ဝဲဘၣ်.

²⁰ ဒီးယွၤအသးလီၤဘၣ်ပှၤလုၢ်တၢ်အဒိၣ် စီၤယဟိယဒါ အဖိခွါစီၤစကၤရယၤအလိၤ, လၢအဆၢထၢၣ်လၢပှၤဂီၢ် မုၢ်အဖီခိၣ်, ဒီးစံးဘၣ်အီၤ, ယွၤစံးဒ်အံၤ, သုလုၣ်သ့ၣ် ခါပတာ်ယွၤအတၢ်မၤလိာ်တဖၣ် တုၤသုဘီၣ်ထီၣ်ညီ ထီၣ်တသ့ဘၣ်န့ၣ် မ့ၢ်အဘၣ်မနုၤလဲၣ်. မ့ၢ်သုလဲၤသ ဒၣ်ယွၤဒီး, ယွၤလဲၤသဒၣ်သုစ့ၢ်ကီးလီၤ.

²¹ ဒီးပှၤကူၣ်တၢ်ထီဒါအီၤ, ဒီးကွံာ်အီၤလၢလၢၢ်လၢ စီၤ ပၤမၤလိာ်တၢ်အဃိလၢယွၤအဟံၣ်အဂၢၤပူၤလီၤ.

²² ဒီးစီၤပၤယိၤအၣ်တသ့ၣ်နီၣ်ထီၣ်က့ၤ တၢ်ဘျုးတၢ်ဖှိၣ် လၢအဝဲဒၣ်အပၢ်စီၤယဟိယဒါမၤအီၤဘၣ်. ဒီးမၤသံအ ဖိခွါ, ဒီးတုၤအသံဒီးစံးဝဲဒၣ်, မ်ယွၤကွၢ်ဝဲ, ဒီးဃုတၢ် တက့ၢ်.

²³ ဒီးတၢ်လၢနံၣ်န့ၣ်ဆၢအလီၢ်ဒီး, တၢ်မၤအသးလၢစူၤ ရံအပှၤသုးမုၢ်ဟဲထီဒါအီၤ, ဒီးဟဲဝဲဆူယူဒၤ, ဒီးယရူၤၡ လ့ၣ်, ဒီးမၤဟးဂီၤကယဲၢ်ပှၤဂီၢ်မုၢ်အပဒိၣ်ဖးဒိၣ်ခဲလၢာ် လၢပှၤဂီၢ်မုၢ်အကျါ, ဒီးတၢ်ဟ့ၣ်ယုၢ်အတၢ်ဂုာ်န့ၢ်ခဲလၢာ် ဆူဒၤမ့ၤစ့းအစီၤပၤလီၤ.

²⁴ အဂ့ၢ်ဒ်အံၤ, ပှၤစူၤရံဖိအပှၤသုးမုၢ်ဟဲစှၤဂၤ, ဒီးယွၤ ဟ့ၣ်လီၤပှၤသုးမုၢ်အါဂၤလၢအစုပူၤ လၢအလဲၤသဒၣ် ယွၤအပၢ်အကစၢ်အဃိလီၤ. ဒီးမၤတၢ်စံၣ်ညီၣ်လၢ စီၤ ယိၤအၣ်အလိၤလီၤ.

²⁵ ဒီးတုၤအဟးထီၣ်ကွံာ်လၢအအိၣ်, (အဂ့ၢ်ဒ်အံၤ, ပာ် လီၤတဲာ်အီၤဘၣ်တၢ်ဆါနးနးကလဲာ်.) အခ့အပှၤဒၣ်ဝဲ ကူၣ်တၢ်ထီဒါအီၤလၢပှၤလုၢ်တၢ်အဒိၣ်, စီၤယဟိယဒါ အဖိခွါအသွံၣ်အဃိ, ဒီးမၤသံအီၤလၢအလီၢ်မံပူၤ, ဒီး သံဝဲ, ဒီးပှၤခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤဘၣ်ဆၣ် ဒီး, တမ့ၢ်ဘၣ်လၢစီၤပၤအတၢ်သွၣ်ခိၣ်အပူၤဘၣ်.

²⁶ ဒီးအအံၤမ့ၢ် ပှၤလၢအကူၣ်တၢ်ထီဒါအီၤ, ပှၤဧၣ်မိၣ် မုၣ်နီၢ်ၡံမဧးအဖိခွါ စီၤစၤဘး, ဒီးပှၤမိၤအးမုၣ် နီၢ်ၡမံရံး အဖိခွါစီၤယဟိစဘးလီၤ.

²⁷ ဒီးအဖိခွါတဖၣ်, ဒီးတၢ်ဝံတၢ်ယိးအဃၢ လၢအအိၣ် ဝဲလၢအလိၤ, ဒီးတၢ်မၤက့ၤယွၤအဟံၣ်အဂ့ၢ်အကျိၤန့ၣ် ကွၢ်ကွၢ်, ကွဲးအသးလၢလံာ်ဃဲၤဖျါလံာ်စီၤပၤအပူၤလီၤ. ဒီးအဖိခွါစီၤအမၤစယါကဲထီၣ်စီၤပၤလၢအလီၢ်န့ၣ်လီၤ.

၂၅

¹ လၢစီၤအမၤစယါကဲသီစီၤပၤန့ၣ် အသးပှၢ်ခံဆံယဲၢ် နံၣ်, ဒီးကဲစီၤပၤလၢယရူၤၡလ့ၣ်အပူၤခံဆံနွံနံၣ်, ဒီးအ မိၢ်အမံၤမ့ၢ်နီၢ်ယဟိဧဒၣ်လၢယရူၤၡလ့ၣ်န့ၣ်လီၤ.

² ဒီးမၤတၢ်လၢအလိၤလၢယွၤအမဲာ်ဘၣ်ဆၣ်ဒီး, တမၤ ဘၣ်လၢအသးဒီဖျၢၣ်ဘၣ်.

³ ဒီးတုၤအဘီအမုၢ် အိၣ်ဂၢၢ်ဆိးကျၢၤ လၢအစုပူၤဒီး, တၢ်မၤအသးလၢ အမၤသံအခ့အပှၤတဖၣ်လၢအမၤသံ အပၢ်န့ၣ်လီၤ.

⁴ ဘၣ်ဆၣ်ဒီးတမၤသံဘၣ် အဖိတဖၣ်န့ၣ်ဘၣ်, ဒ်တၢ် ကွဲးအသးလၢစီၤမိၤရှ့အတၢ်သိၣ်တၢ်သီအလံာ်ပူၤအသိး ဖဲယွၤမၤလိာ်တၢ်ဒီးစံးဝဲဒၣ်, ပၢ်တဖၣ်တဘၣ်သံဘၣ်လၢ ဖိတဖၣ်အဃိဘၣ်. ဖိတဖၣ်တဘၣ်သံဘၣ်လၢပၢ်တဖၣ် အဃိဘၣ်. မ့မ့ၢ်ပှၤဘၣ်သံစုာ်စုာ်လၢ အတၢ်ဒဲးဘးဒၣ် ဝဲအဃိန့ၣ်လီၤ.

⁵ ဒီးစီၤအမၤစယါ ဒုးအိၣ်ဖှိၣ်ယူဒၤ, ဒီးပာ်ပှၤတကထိ အခိၣ်, ဒီးပှၤတကယၤအခိၣ် ဒ်အပၢ်အဟံၣ်အသိးန့ၣ် လၢယူဒၤဒီးဘံၣ်ယၤမံၣ်ခဲလၢာ်အကျါ, ဒီးဂံၢ်ပှၤလၢအ သးပှၢ်အနံၣ်ခံဆံဒီး အါန့ၢ်အန့ၣ်တက့ၢ်, ဒီးထံၣ်န့ၢ်ပှၤ ဃုထၢဖိသၢကလီၤလၢအလဲၤဒုးသုး, ဒီးဟံးဘီ, ဒီးအ ကတီၤလီၤ.

⁶ ဒီးငါပှၤအဒိၣ်အဆူၣ်လၢ အံၣ်စရ့လးအကျါ တက လီၤလၢစ့အကံကၢ်တကယၤလီၤ.

⁷ ဒီးယွၤအပှၤကညီတဂၤဟဲဆူအအိၣ်, ဒီးစံးဝဲဒၣ်, စီၤ ပၤဧၢ, ဒုးလဲၤအံၣ်စရ့လးအပှၤသုးမုၢ်ဒီးနၤတဂ့ၤ. အဂ့ၢ် ဒ်အံၤ, ယွၤတအိၣ်ဘၣ်ဒီးအံၣ်စရ့လး, အ့ဖရဲၣ်အဖိခဲ လၢာ်ဘၣ်. ⁸ မ့ၢ်လဲၤဒီး, နကဆူၣ်ထီၣ်လၢဒုးတၢ်အဂီၢ် ဘၣ်ဆၣ်ဒီး, ယွၤကဒုးလီၤဃံၤနၤလၢနဒုၣ်နဒါအမဲာ်ညါ လီၤ. အဂ့ၢ်ဒ်အံၤ, ယွၤအိၣ်ဝဲဒီးအစိအကမီၤဒ်သိးအက မၤစၢၤတၢ်, ဒီးဒ်သိးအကဒုးလီၤဃံၤတၢ်လီၤ. ⁹ ဒီးစီၤအ မၤစယါစံးဘၣ်ယွၤအပှၤကညီ, ဒီးစ့ကံကၢ်တကယၤ လၢယဟ့ၣ်လီၤ အံၣ်စရ့လးအပှၤသုးမုၢ်န့ၣ် ပကမၤဒ် လဲၣ်. ဒီးယွၤအပှၤကညီစံးဝဲဒၣ်, ယွၤဟ့ၣ်လီၤနၤအါန့ၢ် အန့ၣ်သ့လီၤ.

¹⁰ ဒီးစီၤအမၤစယါ မၤလီၤဖးပှၤသုးမုၢ် လၢအဟဲဆူအ အိၣ်လၢအ့ဖရဲၣ် ဒ်သိးအက့ၤက့ၤဆူအလီၢ်ဒၣ်ဝဲ, ဒီးအ သးထီၣ်ဘၣ်ယူဒၤဒိၣ်ဒိၣ်ကလဲာ်, ဒီးက့ၤက့ၤဝဲဆူအလီၢ် လၢအသးထီၣ်ကဲၤထီၣ်လီၤ.

¹¹ ဒီးစီၤအမၤစယါ မၤဆူၣ်ထီၣ်အသး, ဒီးဆှၢထီၣ်အ ပှၤဂီၢ်မုၢ်, ဒီးလဲၤဝဲဆူကစၢၢ်ကဆူးအံသၣ်, ဒီးကျီကွံာ် ပှၤစ့ဧၢ်ဖိတကလးလီၤ.

¹² ဒီးပှၤမူတကလးန့ၣ် ပှၤယူဒၤဖိစိာ်အီၤဆူလၢၢ်ဧိၤလ့ ဧိၤတဖျၢၣ်အဖီခိၣ်, ဒီးတ့ၢ်လီၤကွံာ်အီၤလၢ လၢၢ်န့ၣ်အ ခိၣ်စိၣ်ဒီးပှၤကၢ်လီၤကလဲကွံာ်ဝဲခဲလၢာ်လီၤ.

¹³ ဒီးပှၤတဖုလၢစီၤအမၤစယါ မၢအက့ၤကဒါက့ၤဒ်သိး အသုတလဲၤဒီးအီၤဆူ တၢ်ဒုးသုးတဂ့ၤတဖၣ်န့ၣ်ကျီကွံာ် ယူဒၤအဝ့ၢ်တဖၣ်လၢၡၤမရံပၢၢ်လၢဘ့ၤသဃိရိၣ်, ဒီးကျီ ကွံာ်ပှၤသၢကထိလၢအကျါ, ဒီးမၤန့ၢ်တၢ်ဖိတၢ်လံၤအါ အါကလဲာ်လီၤ.

¹⁴ ဒီးစီၤအမၤစယါဟဲဝဲလၢတၢ်မၤသံ ပှၤအဒိၣ်ဖိအလီၢ် ခံန့ၣ်တၢ်မၤအသးလၢအဟဲစိာ် ပှၤစ့ဧၢ်ဖိအကစၢ်တဖၣ်, ဒီးပာ်အီၤလၢအကစၢ်တဖၣ်, ဒီးဘူၣ်တၢ်ဘါတၢ်လၢအ မဲာ်ညါ, ဒီးဆိၣ်ကဲၤတၢ်နၢမူလၢအဂီၢ်လီၤ.

¹⁵ ဒီးယွၤအသးထီၣ်ကဲၤထီၣ်ဘၣ် စီၤအမၤစယါ, ဒီးမၢ လီၤဝံတဂၤဆူအအိၣ်လၢအစံးဘၣ်အီၤ, နဃုတၢ်လၢပှၤ တကလုာ်အကစၢ်တဖၣ် လၢအမၤပူၤမၤဖျဲးအပှၤဂီၢ်မုၢ် ဒၣ်ဝဲလၢနစုပူၤတသ့ဘၣ်န့ၣ်မ့ၢ်အဘၣ်မနုၤလဲၣ်.

¹⁶ ဒီးကတိၤတၢ်ဒီးအီၤအဖၢမုၢ်န့ၣ်ဒီး, တၢ်မၤအသးလၢ စီၤပၤစံးဘၣ်အီၤ, နကဲထီၣ်ပှၤကူၣ်လိာ်အသးဒီး စီၤပၤ န့ၣ်ဧါ, အိၣ်ဃိကလာ်တက့ၢ်. နကဘၣ်တၢ်ကျီနၤမ့ၢ် အဘၣ်မနုၤလဲၣ်. ဒီးဝံတဂၤန့ၣ်အိၣ်ဃိဝဲ, ဒီးစံးဝဲဒၣ်, ယသ့ၣ်ညါလၢယွၤတိာ်ဝဲလၢအကမၤဟးဂီၤနၤလီၤ. အ ဂ့ၢ်ဒ်အံၤ, နမၤတၢ်တမံၤန့ၣ်, ဒီးတဒိကနၣ်ဘၣ်ယတၢ် ကူၣ်လိာ်ဘၣ်လီၤ.

¹⁷ ဒီးယူဒၤအစီၤပၤ စီၤအမၤစယါ ကူၣ်ထီၣ်ဖးလီၤတၢ်, ဒီးမၢလီၤကလူးတဂၤဆူအံၣ်စရ့လးအစီၤပၤယ့ၤဟူအဖိ ခွါ, စီၤယဟိအါဃးအဖိခွါ, စီၤယိၤအၣ်, ဒီးစံးဝဲဒၣ်, ဟဲ, ကွၢ်လိာ်မဲာ်သကိးသကိးတက့ၢ်.

¹⁸ ဒီးအံၣ်စရ့လးအစီၤပၤယိၤအၣ် မၢလီၤတၢ်ဆူ ယူဒၤ အစီၤပၤအမၤစယါ ဒီးစံးဝဲဒၣ်, တၤဆှုၣ်လၢလဘၤနိၣ် အလိၤ, မၢလီၤတၢ်ဆူသ့ၣ်ဆှိအ့ရ့းလၢလဘၤနိၣ်အလိၤ ဒီးစံးဝဲဒၣ်, ဟ့ၣ်လီၤနဖိမုၣ်လၢယဖိခွါအမါတက့ၢ်. ဒီး ဆၣ်ဖိကီၢ်ဖိအမံၤလၢလဘၤနိၣ်အလိၤတဒု လဲၤပူၤတၢ်, ဒီးယီၢ်တံၢ်လီၤတၤဆှုၣ်န့ၣ်လီၤ.

¹⁹ နစံး, ကွၢ်ကွၢ်, နကျီကွံာ်လံပှၤအဒိၣ်ဖိလံ, ဒီးနသးပာ် ထီၣ်ထီနၤဒ်သိးနကပာ်ကဖၢလၢနသးလီၤ. ဒီးအိၣ်လၢ နဟံၣ်တက့ၢ်. နကမၤတၢ်လၢနတၢ်အၢအဂီၢ်, ဒီးလီၤ ဃံၤနဝဲဒၣ်, ဒီးယူဒၤအိၣ်ဒီးနၤန့ၣ်မ့ၢ်အဘၣ်မနုၤလဲၣ်.

²⁰ ဒီးစီၤအမၤစယါ တဒိကနၣ်ဘၣ်တၢ်ဘၣ်, အဂ့ၢ်ဒ် အံၤ, တၢ်မၤအသးလၢယွၤဒ်သိးအကဟ့ၣ်လီၤကွံာ်အီၤ လၢပှၤအစုပူၤလၢအဃုတၢ်လၢ အဒိၣ်အကစၢ်တဖၣ်အ ဃိန့ၣ်လီၤ.

²¹ ဒီးအံၣ်စရ့လးအစီၤပၤ ယိၤအၣ်လဲၤထီၣ်, ဒီးအဝဲဒၣ် ဒီးယူဒၤအစီၤပၤအမၤစယါ ကွၢ်လိာ်အမဲာ်လၢဘ့ၤသရှ့ မ့ၣ်ဘၣ်ဃးဒီးယူဒၤလီၤ.

²² ဒီးယူဒၤဃၣ်ဝဲလၢ အံၣ်စရ့လးအမဲာ်ညါ, ဒီးပှၤဃ့ၢ် ကွံာ်ဝဲတဂၤဆူအဒဲဒၣ်ဝဲ, တဂၤဆူအဒဲဒၣ်ဝဲန့ၣ်လီၤ.

²³ ဒီးအံၣ်စရ့လးအစီၤပၤစီၤယိၤအၣ် မၤန့ၢ်ယူဒၤအစီၤပၤ စီၤယဟိအါဃးအဖိခွါ, စီၤယိၤအၣ်အဖိခွါ, စီၤအမၤစ ယါလၢဘ့ၤသရှ့မ့ၣ်အပူၤ, ဒီးဟဲစိာ်ဝဲဆူ ယရူၤၡလ့ၣ်, ဒီးမၤလီၤပှီၢ်ယရူၤၡလ့ၣ်အခိၣ်ဒူ အပျၢ်လွံၢ်ကယၤလၢပဲ တရီအ့ဖရဲၣ်ပၢၢ်လၢတၢ်အသနၢၣ်အပဲတရီလီၤ. ²⁴ ဒီးမၤ န့ၢ်ထူဧိၤလွဲဧိၤ, ဒီးကျိၣ်ဧိၤစ့ဧိၤခဲလၢာ်, ဒီးတၢ်အဃၢၤ အဃိၢ်လၢအထံၣ်န့ၢ်ဝဲလၢ ယွၤအဟံၣ်ပူၤအိၣ်ဒီးစီၤဧိး ဘ့ၤအ့ဒိၣ်ခဲလၢာ်, ဒီးတၢ်လုၢ်ဒိၣ်ပှ့ၤဒိၣ်လၢစီၤပၤအဟံၣ် ပူၤ, ဒီးပှၤအုၣ်ကီၤအသးတဖၣ်, ဒီးက့ၤကဒါက့ၤဝဲဆူ ၡၤမရံလီၤ.

²⁵ ဒီးလၢအံၣ်စရ့လးအစီၤပၤ ယဟိအါဃးအဖိခွါ, စီၤ ယိၤအၣ်သံဝဲအလီၢ်ခံန့ၣ် ယူဒၤအစီၤပၤယိၤအၣ်အဖိခွါ စီၤအမၤစယါမူဒံးတဆံယဲၢ်နံၣ်လီၤ.

²⁶ တၢ်အိၣ်လီၤတဲာ်ဘၣ်ဃးဒီး စီၤအမၤစယါ, တၢ်အ ခီၣ်ထံးဒီးတၢ်တကတၢၢ်န့ၣ်, ကွၢ်ကွၢ်, ကွဲးအသးလၢ ယူဒၤ, ဒီးဘံၣ်ယၤမံၣ်အစီၤပၤအလံာ်ပူၤန့ၣ် တမ့ၢ်ဘၣ် ဧါ.

²⁷ ဒီးလၢအဆၢကတီၢ်လၢ စီၤအမၤစယါဃၣ်ကဒါကွံာ် အသးလၢအလူၤယွၤန့ၣ် ပှၤကူၣ်တၢ်ထီဒါအီၤလၢယရူၤ ၡလ့ၣ်အပူၤ, ဒီးအဝဲဒၣ်ဃ့ၢ်ဆူလၤကံၣ်, ဒီးပှၤမၢလီၤ တၢ်ပိာ်အခံ, ဒီးမၤသံအီၤဖဲန့ၣ်လီၤ.

²⁸ ဒီးပှၤဟဲစိာ်အီၤလၢကသ့ၣ်အလိၤ, ဒီးခူၣ်လီၤကွံာ်အီၤ ဒီးအပၢ်တဖၣ်လၢယူဒၤအဝ့ၢ်ပူၤလီၤ.

၂၆

¹ ဒီးယူဒၤအပှၤဂီၢ်မုၢ်ခဲလၢာ် ဟံးန့ၢ်စီၤဧူးစံယါ လၢအ သးပှၢ်တဆံဃုနံၣ်တဂၤ, ဒီးပာ်အီၤလၢစီၤပၤလၢအပၢ် စီၤအမၤစယါအလီၢ်န့ၣ်လီၤ.

² ဒီးအဝဲဒၣ်တ့လီၤက့ၤဧ့လိး, ဒီးမၤန့ၢ်က့ၤလၢယူဒၤအ ဂီၢ်, ဒီးလၢတၢ်န့ၣ်အလီၢ်ခံစီၤပၤမံဒီးအပၢ်တဖၣ်လီၤ.

³ လၢစီၤဧူးစံယါကဲသီစီၤပၤန့ၣ် အသးပှၢ်တဆံဃုနံၣ် ဒီးကဲစီၤပၤလၢယရူၤၡလ့ၣ်အပူၤ ယဲၢ်ဆံခံနံၣ်, ဒီးအမိၢ် အမံၤမ့ၢ်နီၢ်ယကိးလယၤ, ပှၤယရူၤၡလ့ၣ်ဖိလီၤ. ⁴ ဒီးမၤ ဝဲလၢတၢ်အလိၤလၢယွၤအမဲာ်, ဒ်ကယဲၢ်တၢ်လၢအပၢ် စီၤအမၤစယါမၤဝဲအသိးန့ၣ်လီၤ.

⁵ ဒီးလၢစီၤစကၤရယၤ လၢအနၢ်ပၢၢ်ယွၤအဒုးထံၣ်တၢ် တဂၤအမုၢ်နံၤတဖၣ်န့ၣ်ဃုဝဲလၢယွၤလီၤ. ဒီးမုၢ်နံၤတဖၣ် လၢအဃုယွၤန့ၣ် ယွၤဒုးဘီၣ်ထီၣ်ညီထီၣ်အီၤလီၤ. ⁶ ဒီး လဲၤတၢ်, ဒီးဒုးတၢ်ဒီးပှၤဖလ့ၡသးဖိ, ဒီးမၤလီၤပှီၢ်ကွံာ် ကၤသးအခိၣ်ဒူ, ဒီးယၤဘန့အခိၣ်ဒူ, ဒီးအၤစဒိာ်အခိၣ် ဒူ, ဒီးတ့ဝ့ၢ်တဖၣ်လၢအၤစဒိာ်အဃၢၤ, ဒီးလၢပှၤဖလ့ ၡသးဖိအကျါန့ၣ်လီၤ.

⁷ ဒီးယွၤမၤစၢၤအီၤထီဒါပှၤဖလ့ၡသးဖိ, ဒီးပှၤဧ့ရ့းဖိလၢ အအိၣ်ဝဲလၢကူၢ်ဘဧၤလး, ဒီးလၢပှၤမူနးဖိအကျါလီၤ.

⁸ ဒီးပှၤဧၣ်မိၣ်ဖိဟ့ၣ်ခိၣ်ဖးလၢ စီၤဧူးစံယါ, ဒီးအမံၤဟူ ထီသါလီၤပၢၢ်လၢတၢ်လဲၤနုာ်လၢအဲၤကူပတူးအပူၤလီၤ. အဂ့ၢ်ဒ်အံၤ, မၤဆူၣ်ထီၣ်အသးဆူၣ်ဆူၣ်ကလဲာ်လီၤ.

⁹ ဒီးစီၤဧူးစံယါတ့တၢးထီ လၢယရူၤၡလ့ၣ်အပူၤဖဲတၢ် အနၢၣ်အပဲတရီ, ဒီးဖဲတၢ်ကစၢၢ်ကဆူးအပဲတရီ, ဒီးဖဲ တၢ်အသနၢၣ်န့ၣ်, ဒီးမၤဆူၣ်ထီၣ်အီၤလီၤ.

¹⁰ ဒီးတ့တၢးထီလၢပှၢ်မုၢ်ကနၢ, ဒီးခူၣ်ထံပူၤအါပူၤလီၤ. အဂ့ၢ်ဒ်အံၤ, လၢတၢ်ပၢၤခိၣ်မ့ၢ်ဂ့ၤ, လၢတၢ်ပျီပူၤမ့ၢ်ဂ့ၤ, အဆၣ်ဖိကီၢ်ဖိအဒၢအိၣ်အါအါကလဲာ်, ဒီးအိၣ်ဒီးပှၤမၤ ဟီၣ်ခိၣ်, ဒီးပှၤမၤတၤသၣ်အလီၢ်လၢကစၢၢ်ကလိ, ဒီး လၢတၤသၣ်အလီၢ်ပူၤလီၤ. အဂ့ၢ်ဒ်အံၤ, တၢ်မၤဟီၣ်ခိၣ် န့ၣ်ဘၣ်အသးလီၤ.

¹¹ ဒီးစီၤဧူးစံယါအိၣ်ဝဲဒီးပှၤသုးမုၢ်, ပှၤသုးဖိလၢအလဲၤ ဒုးသုးတဖုတဖု, ဒ်တၢ်ဂံၢ်အိၣ်လၢပှၤကွဲးလံာ်စီၤယံၤအ့ လးအစုပူၤ, ဒီးအခိၣ်စီၤမၤစ့ယၤလၢစီၤပၤအပဒိၣ်ဖးဒိၣ် စီၤဃနၤနယၤတဂၤအစုဖီလာ်အသိးန့ၣ်လီၤ.

¹² ဒီးပှၤအဒိၣ်အဆူၣ်အပၢ်တဖၣ် အခိၣ်တဖၣ် အတၢ် ဂံၢ်န့ၣ်မ့ၢ်ခံကထိဃုကယၤလီၤ. ¹³ ဒီးလၢအစုဖီလာ်န့ၣ် ပှၤသုးမုၢ်သၢကလီၤနွံကထိယဲၢ်ကယၤ အိၣ်ဝဲလၢအဒုး တၢ်ဒီးအစိဒိၣ်အကမီၤထီ ဒ်သိးအကမၤစၢၤ, စီၤပၤထီ ဒါအဒုၣ်အဒါန့ၣ်လီၤ.

¹⁴ ဒီးလၢပှၤသုးမုၢ်ခဲလၢာ်အဂီၢ်န့ၣ်, စီၤဧူးစံယါကတဲာ် ကတီၤဝဲလၢကတီၤ, ဒီးဘီ, ဒီးခိၣ်ကုာ်သုး, ဒီးသဃိး, ဒီးချံၣ်, ဒီးနီၣ်ခးတၢ်လၢတၢ်ခးလၢၢ်အဂီၢ်လီၤ.

¹⁵ ဒီးတ့ဝဲလၢယရူၤၡလ့ၣ်အပူၤ လၢနီၣ်ခးတၢ်ဖးဒိၣ်တ ဖၣ်, ဒီးလၢပှၤလၢအကူၣ်ထီၣ်သ့တဖၣ်ကူၣ်ထီၣ်ဝဲဒ်သိး အကအိၣ်ဝဲလၢတၢးထီအဖီခိၣ်, ဒီးလၢဝ့ၢ်ခိၣ်ဒူအဖီခိၣ် လၢအကခးပျၢ်, ဒီးလၢၢ်ဖးဒိၣ်လီၤ. ဒီးအမံၤဟူထီသါ လီၤဝဲလီၤ. အဂ့ၢ်ဒ်အံၤ, တၢ်မၤစၢၤအီၤလီၤဆီဒၣ်တၢ်တုၤ အဆူၣ်ထီၣ်ဝဲလီၤ.

¹⁶ ဒီးတုၤအဆူၣ်ထီၣ်ဒီး, အသးပာ်ထီၣ်ထီအသး တုၤ အတုၤလၢတၢ်ဟးဂီၤလီၤ. အဂ့ၢ်ဒ်အံၤ, မၤကမၣ်ယွၤ, အကစၢ်, ဒီးလဲၤနုာ်လၢယွၤအနူၢ်ပူၤဒ်သိးအကဆိၣ်ကဲၤ တၢ်နၢမူလၢတၢ်လုၢ်လီၢ်ဆိၣ်ကဲၤတၢ်နၢမူအဖီခိၣ်လီၤ. ¹⁷ ဒီးပှၤလုၢ်တၢ်အဒိၣ် စီၤအစၤရယၤလဲၤနုာ်ပိာ်အခံ, ဒီးပှၤအဆူၣ်ဖိ, ယွၤအပှၤလုၢ်တၢ်အဒိၣ်ဃိးဆံအိၣ်ဒီးအီၤ,―

¹⁸ ဒီးတြီစီၤပၤဧူးစံယါဒီးစံးဘၣ်အီၤ, စီၤဧူးစံယါဧၢ, တၢ် ဘၣ်ဃးဒီးနၤလၢ နကဆိၣ်ကဲၤတၢ်နၢမူလၢ ယွၤအဂီၢ် တမ့ၢ်ဘၣ်, မ့ၢ်အဘၣ်ဃးဒီးပှၤလုၢ်တၢ်အဒိၣ်, စီၤအၤ ဟရိၣ်အဖိခွါတဖၣ်လၢ တၢ်ပာ်စီဆှံအီၤဒ်သိးအကဆိၣ် ကဲၤထီၣ်တၢ်နၢမူလီၤ. ဟးထီၣ်ကွံာ်လၢတၢ်အလီၢ်စီဆှံ ပူၤတက့ၢ်. အဂ့ၢ်ဒ်အံၤ, နမၤကမၣ်တၢ်လံ, ဒီးတကဲ ထီၣ်ဘၣ်နလၤကပီၤလၢယွၤဘၣ်.

¹⁹ ဒီးစီၤဧူးစံယါအသးထီၣ်, ဒီးသပၢၤမ့ၣ်အူအိၣ်ဝဲလၢ အစုပူၤ ဒ်သိးအကဆိၣ်ကဲၤထီၣ်တၢ်နၢမူ, ဒီးလၢအသး ထီၣ်ဘၣ် ပှၤလုၢ်တၢ်အဒိၣ်အဖၢမုၢ်ဒီး, တၢ်ဆါအၢအိၣ် ထီၣ်ဝဲလၢအမဲာ်တူၢ်ခိၣ်လၢ ပှၤလုၢ်တၢ်အဒိၣ်အမဲာ်ညါ, လၢယွၤအဟံၣ်ပူၤ လၢတၢ်လုၢ်လီၢ်ဆိၣ်ကဲၤတၢ်နၢမူအ ဃၢၤလီၤ.

²⁰ ဒီးပှၤလုၢ်တၢ်အခိၣ် စီၤအစၤရယၤ, ဒီးပှၤလုၢ်တၢ်အ ဒိၣ်ခဲလၢာ်ကွၢ်အီၤ, ဒီးကွၢ်ကွၢ်, ဘၣ်တၢ်ဆါအၢလၢအ မဲာ်တူၢ်ခိၣ်, ဒီးအဝဲသ့ၣ်ဟီထီၣ်ကွံာ်အီၤဖဲန့ၣ်, ဒီးမၤချ့ ချ့အကစၢ်ဒၣ်ဝဲ ဒ်သိးအကဟးထီၣ်ကွံာ်လီၤ. မ့ၢ်ယွၤ တီၢ်အီၤအဃိလီၤ.

²¹ ဒီးစီၤပၤဧူးစံယါ မ့ၢ်ပှၤဘၣ်တၢ်ဆါအၢ တုၤမုၢ်နံၤလၢ အသံဝဲ, ဒီးအိၣ်ဆါအၢလၢဟံၣ်လီၤဆီအပူၤလီၤ. အဂ့ၢ် ဒ်အံၤ, တၢ်ဒီၣ်တဲာ်ကွံာ်အီၤဒီးယွၤအဟံၣ်, ဒီးအဖိခွါစီၤ ယိၤသၣ်အိၣ်ဝဲလၢစီၤပၤအဟံၣ်အဖီခိၣ်, ဒီးစံၣ်ညီၣ်ပှၤ ကီၢ်ဖိလီၤ.

²² ဒီးတၢ်အိၣ်လီၤတဲာ်ဘၣ်ဃးဒီး စီၤဧူးစံယါ, တၢ်အ ခီၣ်ထံး, ဒီးတၢ်အကတၢၢ်န့ၣ် စီၤအၤမိးအဖိခွါဝံယၡါ ယၤကွဲးဝဲလီၤ.

²³ ဒီးစီၤဧူးစံယါ မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤဒီးအပၢ်တဖၣ်လၢစီၤပၤတဖၣ် အတၢ်သွၣ်ခိၣ်အက ဝီၤပူၤလီၤ. အဂ့ၢ်ဒ်အံၤ, စံးဝဲလၢအမ့ၢ်ပှၤဆါအၢလီၤ. ဒီး အဖိခွါစီၤယိၤသၣ်ကဲထီၣ်စီၤပၤလၢအလီၢ်န့ၣ်လီၤ.

၂၇

¹ ဒီးလၢစီၤယိၤသၣ်ကဲသီစီၤပၤန့ၣ် အသးပှၢ်ခံဆံယဲၢ် နံၣ်, ဒီးကဲစီၤပၤလၢယရူၤၡလ့ၣ်အပူၤတဆံဃုနံၣ်, ဒီး အမိၢ်အမံၤမ့ၢ်နီၢ်ယရူၡၤ, စီၤစၤဒိးအဖိမုၣ်လီၤ.

² ဒီးမၤတၢ်အလိၤလၢယွၤအမဲာ်, ဒီးမၤဝဲဒ် ကယဲၢ်တၢ် လၢအပၢ်စီၤဧူးစံယါမၤတ့ၢ်ဝဲအသိးန့ၣ်, ထဲအတလဲၤနုာ် ဘၣ်ယွၤအဟံၣ်ပူၤဘၣ်. ဒီးပှၤဂီၢ်မုၢ်မၤဒံးတၢ်သးဘၣ် အၢလီၤ.

³ ဒီးသူၣ်ထီၣ်က့ၤ ယွၤအဟံၣ်အပဲတရီထီတဘ့ၣ်, ဒီး လၢခိၣ်ဒူဧိၤဖ့လးအဖီခိၣ်သူၣ်ထီၣ်တၢ်အါမးလီၤ.

⁴ ဒီးတ့ဝ့ၢ်တဖၣ်လၢ ယူဒၤအကစၢၢ်ကလိ, ဒီးလၢပှၢ် လၢ်ကျါန့ၣ်တ့တိာ်, ဒီးတၢးထီတဖၣ်လီၤ.

⁵ ဒုးတၢ်ဒီးပှၤဧၣ်မိၣ်ဖိအစီၤပၤ, ဒီးမၤနၢၤအီၤလီၤ. ဒီး တၢ်လၢနံၣ်တနံၣ်န့ၣ် ပှၤဧၣ်မိၣ်ဖိဟ့ၣ်အီၤလၢ စ့အကံ ကၢ်တကယၤ, ဒီးဘုကၠူၣ်အကိၢ်တကလး, ဒီးဘုမုယီၤ အကိၢ်တကလးလီၤ. အဝဲန့ၣ်ပှၤဧၣ်မိၣ်ဖိဟ့ၣ်အီၤလၢခံ နံၣ်တနံၣ်, ဒီးသၢနံၣ်တနံၣ်လီၤ.

⁶ ဒီးစီၤယိၤသၣ်ဆူၣ်ထီၣ်ဝဲလီၤ. အဂ့ၢ်ဒ်အံၤ, ကတဲာ်က တီၤအကျဲလၢယွၤအကစၢ်အမဲာ်ညါလီၤ.

⁷ ဒီးတၢ်အိၣ်လီၤတဲာ်ဘၣ်ဃးဒီး စီၤယိၤသၣ်, ဒီးအဒုး တၢ်ခဲလၢာ်, ဒီးအကျဲတဖၣ်န့ၣ်, ကွၢ်ကွၢ်, ကွဲးအသး လၢအံၣ်စရ့လးဒီးယူဒၤအစီၤပၤအလံာ်ပူၤလီၤ.

⁸ ဒီးလၢအကဲသီစီၤပၤန့ၣ်အသးပှၢ်ခံဆံယဲၢ်နံၣ်, ဒီးကဲ စီၤပၤလၢယရူၤၡလ့ၣ်အပူၤတဆံဃုနံၣ်လီၤ.

⁹ ဒီးစီၤယိၤသၣ် မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤလၢစီၤဒၤဝံးအဝ့ၢ်ပူၤ, ဒီးအဖိခွါစီၤအၤဃး ကဲထီၣ် စီၤပၤလၢအလီၢ်န့ၣ်လီၤ.

၂၈

¹ လၢစီၤအၤဃး ကဲသီစီၤပၤန့ၣ် အသးပှၢ်အနံၣ်ခံဆံ, ဒီးကဲစီၤပၤလၢယရူၤၡလ့ၣ်အပူၤတဆံဃုနံၣ်, ဒီးတမၤ ဘၣ်တၢ်အလိၤလၢယွၤအမဲာ် ဒ်အပၢ်စီၤဒၤဝံးအသိးန့ၣ် ဘၣ်. ² ဒီးပိာ်အံၣ်စရ့လးအစီၤပၤတဖၣ်အကျဲ, ဒီးတ့ ဘဧၤလးတဖၣ်အတၢ်ဂီၤသိအသးတဖၣ်, ³ ဒီးဆိၣ်ကဲၤ တၢ်နၢမူကစၢၢ်ကဆူးဘၣ်ဃးဒီး ဟံၣ်နိၣ်အဖိခွါအပူၤ, ဒီးဆိၣ်ကဲၤထီၣ်အဖိတဖၣ်လၢမ့ၣ်အူ, ဒ်ပှၤကလုာ်တဖၣ် အတၢ်မၤ သးဘၣ်အၢအသိး လၢယွၤဟီထီၣ်ကွံာ်အီၤ လၢပှၤအံၣ်စရ့လးဖိအမဲာ်ညါန့ၣ်လီၤ. ⁴ ဒီးလုၢ်တၢ်, ဒီး ဆိၣ်ကဲၤတၢ်နၢမူ လၢတၢ်အလီၢ်ထီၣ်ထီတဖၣ်အဖီခိၣ်, ဒီးလၢတၢ်စိခိၣ်အဖီခိၣ်, ဒီးလၢကယဲၢ်သ့ၣ်သံကစဲာ်အ ဖီလာ်န့ၣ်လီၤ.

⁵ ဒီးယွၤ, အကစၢ်ဟ့ၣ်လီၤကွံာ်အီၤဆူ စူၤရံအစီၤပၤ အစုပူၤ, ဒီးအဝဲသ့ၣ်ကျီအီၤ, ဒီးစိာ်မၢကဲကုၢ်ပှၤအါဂၤ, ဒီးစိာ်ဝဲဆူဒၤမ့ၤစ့းလီၤ. ဒီးတၢ်ဟ့ၣ်လီၤကွံာ်စ့ၢ်ကီးဝဲဆူ အံၣ်စရ့လးအစီၤပၤအစုပူၤ လၢအကျီကွံာ်အီၤလၢတၢ် ကျီကွံာ်ဖးဒိၣ်လီၤ.

⁶ ဒီးစီၤရမါလယၤအဖိခွါ စီၤပ့ကးမၤသံပှၤတကလီၤခံ ကလးလၢတနံၤဃီလၢယူဒၤအပူၤ, ပှၤအဆူၣ်ဖိခဲလၢာ် လီၤ. အဂ့ၢ်ဒ်အံၤ, အဝဲသ့ၣ်လဲၤသဒၣ်တ့ၢ်ယွၤအပၢ်အ ကစၢ်လီၤ.

⁷ ဒီးပှၤအဆူၣ်ပှၤအ့ဖရဲၣ်ဖိ စီၤစံးကရံးမၤသံစီၤပၤအဖိ ခွါစီၤမၤစ့ယၤ, ဒီးပှၤဟံၣ်ဖိအခိၣ် စီၤဧးစရံကၣ်, ဒီး ပှၤဘၣ်ဃးဒီးစီၤပၤပှဲၤထီၣ်ခံဂၤတဂၤစီၤအ့လကါနၤလီၤ.

⁸ ဒီးပှၤအံၣ်စရ့လးဖိ စိာ်ထီၣ်ကွံာ်မၢကဲကုၢ် ပှၤခံက လီၤ, ပိာ်မုၣ်, ဒီးဖိခွါ, ဒီးဖိမုၣ်တဖၣ်လၢအဒီပုၢ်ဝဲၢ်အ ကျါ, ဒီးဟံးန့ၢ်တၢ်ဖိတၢ်လံၤလၢအီၤအါအါကလဲာ်, ဒီး ဟဲစိာ်တၢ်ဖိတၢ်လံၤဆူၡၤမရံအပူၤလီၤ.

⁹ ဘၣ်ဆၣ်ဒီး ယွၤအဝံတဂၤအိၣ်ဝဲဖဲန့ၣ်, ဒီးအမံၤမ့ၢ် စီၤဧိၤဒ့း, ဒီးဟးထီၣ်ဝဲဆူပှၤသုးမုၢ် လၢအဟဲဆူၡၤမရံ အမဲာ်ညါ, ဒီးစံးဘၣ်အီၤ, ကွၢ်ကွၢ်, မ့ၢ်ယွၤသုပၢ်အကစၢ် သးထီၣ်ယူဒၤသတးဒီး, ဟ့ၣ်လီၤကွံာ်အီၤလၢသုစုပူၤ, ဒီးသုမၤသံအီၤလၢတၢ်သးထီၣ်လၢအထီၣ်ဘးမူခိၣ်လီၤ.

¹⁰ ဒီးခဲကနံၣ်အံၤ သုစံးလၢသုကပာ်လီၤပှၤယူဒၤဖိ, ဒီး ပှၤယရူၤၡလ့ၣ်ဖိ လၢသုကုၢ်ပိာ်ခွါဒီးသုကုၢ်ပိာ်မုၣ်လီၤ. တၢ်မၤကမၣ်ဘၣ်ယွၤအိၣ်ဒီးသု, အိၣ်ဒီးသုဒၣ်လဲာ်, တ မ့ၢ်ဘၣ်ဧါ.

¹² ဒီးပှၤလၢအ့ဖရဲၣ်ဖိအခိၣ်အကျါတဖၣ်န့ၣ်, စီၤယိဃၤ နၣ်အဖိခွါစီၤဧစၤရယၤ, စီၤမၤၡံးလ့မိးအဖိခွါစီၤဘရ့ကံ ယၤ, ဒီးစီၤၡၤလူၣ်အဖိခွါစီၤယဃံးစကံယၤ, ဒီးစီၤဃၤဒ လဲအဖိခွါစီၤဧမါစၤသ့ၣ်တဖၣ်န့ၣ် ဂဲၤဆၢထၢၣ်ထီဒါပှၤ လၢအဟဲလၢတၢ်ဒုးသုးတၢ်, ¹³ ဒီးစံးဘၣ်အီၤ, သုတဘၣ် ဟဲစိာ်နုာ်ဘၣ်ပှၤကဲကုၢ်ဖဲအံၤဘၣ်. အဂ့ၢ်ဒ်အံၤ, ပမၤက မၣ်လံယွၤလံ. ဒီးသုစံးလၢသုကမၤအါထီၣ်ပတၢ်ဒဲးဘး ဒီးပတၢ်ကမၣ်လီၤ. အဂ့ၢ်ဒ်အံၤ, ပတၢ်ကမၣ်န့ၣ်မ့ၢ်အ ဒိၣ်အယိာ်, ဒီးတၢ်သးထီၣ်ဆူၣ်ဘၣ်အံၣ်စရ့လးလီၤ.

¹⁴ ဒီးပှၤသုးဖိပာ်လီၤပှၤကဲကုၢ်, ဒီးတၢ်ဖိတၢ်လံၤလၢပ ဒိၣ်ဖးဒိၣ်, ဒီးတၢ်အိၣ်ဖှိၣ်ခဲလၢာ်အမဲာ်ညါလီၤ.

¹⁵ ဒီးပှၤလၢတၢ်စံးတ့ၢ် အမံၤတဖၣ်န့ၣ်ဂဲၤဆၢထၢၣ်, ဒီး ဟံးန့ၢ်ပှၤကဲကုၢ်, ဒီးတၢ်ဖိတၢ်လံၤလၢတၢ်ဂုာ်န့ၢ်န့ၣ်ဒီး ဒုးကူဒုးသိး ကယဲၢ်ပှၤလၢအအိၣ်ဘ့ၣ်ဆ့အကျါ, ဒီးဒုး ကၤအီၤ, ဒီးဖျီၣ်အခီၣ်လၢခီၣ်ဖံး, ဒီးဟ့ၣ်အီၣ် ဟ့ၣ်အီ အီၤ, ဒီးဖှူအီၤ, ဒီးစိာ်ပှၤဆါခဲလၢာ်လၢ ကသ့ၣ်ယီၤအ လိၤ, ဒီးစိာ်ဝဲဆူယရံၤဃိ, ဝ့ၢ်သ့ၣ်စူၣ်ပလိၣ်, ဆူအဒီ ပုၢ်ဝဲၢ်အအိၣ်, ဒီးက့ၤကဒါက့ၤဝဲဆူၡၤမရံလီၤ.

¹⁶ တၢ်အဆၢအကတီၢ်န့ၣ် စီၤပၤအၤဃး မၢလီၤတၢ်ဆူ အၤရှူၢ်အစီၤပၤတဖၣ်အအိၣ်, ဒ်သိးအကမၤစၢၤအီၤလီၤ.

¹⁷ အဂ့ၢ်ဒ်အံၤပှၤအဒိၣ်ဖိဟဲတ့ၢ်ကဒီး, ဒီးကျီယူဒၤ, ဒီး စိာ်မၢကဲကုၢ်ပှၤတဖၣ်လီၤ. ¹⁸ ဒီးပှၤဖလ့ၡသးဖိလဲၤနုာ်တ့ၢ် စ့ၢ်ကီးလၢဝ့ၢ်တဖၣ်လၢတၢ်ပၢၤခိၣ်, ဒီးလၢယူဒၤလၢက လံၤထံးတခီ, ဒီးမၤန့ၢ်ဘ့ၤသရှ့မ့ၣ်, ဒီးအးယၤလိၣ်, ဒီးက ဒ့ရိး, ဒီးၡိကိး, ဒီးအတဝီတဖၣ်, ဒီးအိၣ်ဝဲဆိးဝဲဖဲန့ၣ်လီၤ.

¹⁹ အဂ့ၢ်ဒ်အံၤ, ယွၤဆီၣ်လီၤယူဒၤလၢအံၣ်စရ့လးအစီၤ ပၤအၤဃးအဃိလီၤ. အဂ့ၢ်ဒ်အံၤ, ဒုးအိၣ်ဘ့ၣ်ဆ့ယူဒၤ, ဒီးမၤကမၣ်ဘၣ်ယွၤဒိၣ်ဒိၣ်ကလဲာ်လီၤ.

²⁰ ဒီးအၤရှူၢ်အစီၤပၤတံးလကးပံးလန့စ့ၢ် ဟဲဆူအအိၣ်, ဒီးမၤကိၢ်ထီၣ်အီၤ, ဒီးတဒုးဆူၣ်ထီၣ်ဘၣ်အီၤဘၣ်.

²¹ အဂ့ၢ်ဒ်အံၤ, စီၤအၤဃးဟံးန့ၢ်တၢ်အဂီၢ်လၢ ယွၤအ ဟံၣ်ပူၤ, ဒီးလၢစီၤပၤဒီးပဒိၣ်သ့ၣ်တဖၣ်အဟံၣ်ပူၤ, ဒီး ဟ့ၣ်ဝဲလၢအၤရှူၢ်အစီၤပၤလီၤ. ဘၣ်ဆၣ်ဒီး တမၤစၢၤ ဘၣ်အီၤဘၣ်.

²² ဒီးလၢအဘၣ်တၢ်ကိၢ်တၢ်ဂီၤအဆၢအကတီၢ်န့ၣ် မၤ ကမၣ်ယွၤအါန့ၢ်အန့ၣ်တက့ၢ်, စီၤပၤအၤဃးအံၤလီၤ.

²³ အဂ့ၢ်ဒ်အံၤ, ဒၤမ့ၤစ့းအကစၢ် လၢအကျီအီၤတဖၣ် န့ၣ်အဝဲဒၣ်လုၢ်အီၤဒီးစံးဝဲဒၣ်, မ့ၢ်စူၤရံအစီၤပၤအကစၢ် တဖၣ်မၤစၢၤအီၤဒီး, ယကလုၢ်အီၤလၢတၢ်ဒ်သိးအကမၤ စၢၤယၤလီၤ. ဘၣ်ဆၣ်ဒီးအဝဲသ့ၣ်ကဲထီၣ်ဝဲလၢအဝဲဒၣ် ဒီးအံၣ်စရ့လးခဲလၢာ်အတၢ်လီၤဃံၤအလီၢ်လီၤ.

²⁴ ဒီးစီၤအၤဃး ထၢဖှိၣ်ယွၤအဟံၣ်အဃၢၤအဃိၢ်, ဒီး ဒီၣ်တဲာ်ကွံာ်ယွၤအဟံၣ်အဃၢၤအဃိၢ်, ဒီးကးတံာ်ဃာ် ယွၤအဟံၣ်အတြဲၤဒီးမၤတၢ်လုၢ်လီၢ်လၢ ယရူၤၡလ့ၣ်အ ပူၤဖဲတၢ်ကိးအနၢၣ်ဒဲးလီၤ.

²⁵ ဒီးမၤတၢ်အလီၢ်ထီၣ်ထီလၢကယဲၢ်ယူဒၤအဝ့ၢ်ပူၤ, တ ဝ့ၢ်ဘၣ်တဝ့ၢ်, ဒ်သိးအကဆိၣ်ကဲၤထီၣ်တၢ်နၢမူလၢက စၢ်အဂၤတဖၣ်အဂီၢ်, ဒီးထိၣ်ဂဲၤယွၤအပၢ်အကစၢ်အသး ထီၣ်လီၤ.

²⁶ ဒီးတၢ်အိၣ်လီၤတဲာ်ဘၣ်ဃးဒီးအီၤ, ဒီးအကျဲခဲလၢာ်, တၢ်အခီၣ်ထံး, ဒီးတၢ်အကတၢၢ်န့ၣ်, ကွၢ်ကွၢ်, ကွဲးအ သးလၢယူဒၤ, ဒီးအံၣ်စရ့လးအစီၤပၤအလံာ်ပူၤန့ၣ်လီၤ.

²⁷ ဒီးစီၤအၤဃးမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢဝ့ၢ်ပူၤ, လၢယရူၤၡလ့ၣ်အပူၤဘၣ်ဆၣ်ဒီး, တဟဲ စိာ်ဘၣ်အီၤဆူ အံၣ်စရ့လးအစီၤပၤအတၢ်သွၣ်ခိၣ်အပူၤ ဘၣ်. ဒီးအဖိခွါစီၤဃံးစကံယၤကဲထီၣ်စီၤပၤလၢအလီၢ် န့ၣ်လီၤ.

၂၉

¹ လၢစီၤဃံးစကံယၤကဲသီစီၤပၤန့ၣ် အသးပှၢ်ခံဆံယဲၢ် နံၣ်, ဒီးကဲစီၤပၤလၢယရူၤၡလ့ၣ်အပူၤခံဆံခွံနံၣ်လီၤ. ဒီး အမိၢ်အမံၤန့ၣ် မ့ၢ်နီၢ်အဘံယၤ, စီၤစကၤရယၤအဖိမုၣ် လီၤ.

² ဒီးအဝဲဒၣ်မၤတၢ်အလိၤလၢယွၤအမဲာ်, ဒ်ကယဲၢ်တၢ် လၢအပၢ်စီၤဒၤဝံးမၤဝဲအသိးန့ၣ်လီၤ. ³ အဝဲဒၣ်လၢအကဲ စီၤပၤအခီၣ်ထံးတနံၣ်, လၢလါခီၣ်ထံးတလါန့ၣ် အိး ထီၣ်ယွၤအဟံၣ်အတြဲၤ, ဒီးမၤက့ၤအီၤလီၤ. ⁴ ဒီးဒုးဟဲနုာ် ပှၤလုၢ်တၢ်အဒိၣ်, ဒီးပှၤလ့ၤဝံဖိတဖၣ်, ဒီးဒုးအိၣ်ဖှိၣ်ရိ ဖှိၣ်အီၤလၢကျဲလၢ မုၢ်ထီၣ်တခီအပူၤလီၤ. ⁵ ဒီးစံးဘၣ် အီၤ, ပှၤလ့ၤဝံဖိသ့ၣ်ဧၢ, ကနၣ်ယကလုၢ်, မၤစီဆှံသု သး, ဒီးမၤစီဆှံယွၤသုပၢ်အကစၢ်အဟံၣ်, ဒီးစိာ်ထီၣ် ကွံာ်တၢ်မၤဘၣ်အၢလၢတၢ်အလီၢ်စီဆှံအပူၤန့ၣ်တက့ၢ်.

⁶ အဂ့ၢ်ဒ်အံၤ, ပပၢ်တဖၣ်မၤကမၣ်တၢ်, ဒီးမၤတၢ်အၢ လၢယွၤပကစၢ်အမဲာ်, ဒီးလဲၤသဒၣ်အီၤ, ဒီးဃၣ်ကွံာ်အ မဲာ်လၢ ယွၤအိၣ်ဝဲဆိးဝဲအလီၢ်, ဒီးဃၣ်ဒူၣ်ချၢအသး လီၤ. ⁷ ဒီးကးတံာ်ဃာ်တၢ်ခိၣ်ဒုးထီၣ်အသးအတြဲၤ, ဒီး မၤလီၤပံာ်မ့ၣ်အူဒၢ, ဒီးတဆိၣ်ကဲၤဘၣ်တၢ်နၢမူ, ဒီးတ လုၢ်ဘၣ်အံၣ်စရ့လးအကစၢ်လၢ တၢ်လုၢ်မ့ၣ်အူလၢတၢ် အလီၢ်စီဆှံအပူၤဘၣ်.

⁸ ဒီးယွၤအသးထီၣ်ဘၣ်ယူဒၤ, ဒီးယရူၤၡလ့ၣ်, ဒီးဟ့ၣ် လီၤကွံာ်အီၤဆူတၢ်ကိၢ်တၢ်ဂီၤ, ဒီးပာ်အီၤလၢတၢ်ကမၢ ကမၣ်အလီၢ်, လၢတၢ်ၡံအလီၢ်န့ၣ် ဒ်သုထံၣ်ဘၣ်လၢ သုမဲာ်အသိးန့ၣ်လီၤ. ⁹ ကွၢ်ကွၢ်, ပပၢ်တဖၣ်လီၤဃံၤလၢ နး, ဒီးပဖိခွါ, ဒီးပဖိမုၣ်, ဒီးပမါတဖၣ်ကဲကုၢ်လၢတၢ် န့ၣ်အဃိလီၤ. ¹⁰ ဒီးခဲကနံၣ်အံၤယသးအိၣ်လၢ ယက အၢၣ်လီၤတၢ်ဒီး ယွၤအံၣ်စရ့လးအကစၢ် ဒ်သိးအသး ထီၣ်ဆူၣ်ကဃၣ်ကွံာ်အသးလၢပအိၣ်လီၤ.

¹¹ ယဖိခွါသ့ၣ်ဧၢ, ခဲကနံၣ်အံၤတပလီၢ်ဘၣ်သုသးဘၣ် ဒီးအိၣ်တဂ့ၤ. ယွၤဃုထၢသုဒ်သိးသုကဆၢထၢၣ်လၢအ မဲာ်ညါ, လၢသုကမၤအတၢ်, ဒီးဒ်သိးသုကမၤတၢ်အခ့ အပှၤအတၢ်, ဒီးဆိၣ်ကဲၤတၢ်နၢမူလီၤ.

¹² ဒီးပှၤလ့ၤဝံဖိဂဲၤဆၢထၢၣ်, စီၤဧမၤစဲအဖိခွါစီၤမၤဃး, ဒီးစီၤဧစၤရယၤအဖိခွါစီၤယိၤအ့လး, ဒီးပှၤလၢကဃးဖိ အဖိခွါအကျါ, စီၤဧၤဘ့းဒံအဖိခွါစီၤကံၣ်, ဒီးစီၤယဟး လ့ၤလ့လးအဖိခွါစီၤဧစၤရယၤ လၢပှၤမရၤရံၤဖိအဖိခွါ အကျါ, ဒီးစီၤစံးမၤအဖိခွါစီၤယိၤအၤ, ဒီးစီၤယိၤအၤအ ဖိခွါစီၤဧ့ၤဒ့ၣ်လၢပှၤက့ရၡိၣ်ဖိအကျါ, ¹³ ဒီးလၢစီၤအလံ စဖၣ်အဖိခွါအကျါန့ၣ်စီၤၡံးမရံ, ဒီးစီၤယံးအ့လး, ဒီးလၢ စီၤအၤစာ်အဖိခွါအကျါန့ၣ်စီၤစကၤရယၤ, ဒီးစီၤမးတၤ နယၤ, ¹⁴ ဒီးလၢစီၤဟ့မၣ်အဖိခွါအကျါန့ၣ်, စီၤယဃ့အ့ လး, ဒီးစီၤၡံးမံၤ, ဒီးလၢစီၤယဒူသူၣ်အဖိခွါအကျါန့ၣ် စီၤၡမါယၤ, ဒီးစီၤဧူးစံၤအ့လးလီၤ.

¹⁵ ဒီးဒုးအိၣ်ဖှိၣ်ရိဖှိၣ်အဒီပုၢ်ဝဲၢ်တဖၣ်, ဒီးမၤစီဆှံအသး, ဒီးဟဲဝဲဒ်စီၤပၤအတၢ်မၤလိာ်လၢ ယွၤအကလုၢ်အသိး န့ၣ်, ဒ်သိးအကမၤကဆှီထီၣ်ယွၤအဟံၣ်လီၤ.

¹⁶ ဒီးပှၤလုၢ်တၢ်အဒိၣ်လဲၤနုာ်လၢ ယွၤအဟံၣ်လၢညါခီ ဒ်သိးအကမၤကဆှီထီၣ်အီၤ, ဒီးဟဲက့ၤစိာ်ကယဲၢ်တၢ်မၤ တကဆှီဘၣ်တဖၣ် လၢအထံၣ်န့ၢ်လၢယွၤအနူၢ်ပူၤဆူ ယွၤအဟံၣ်အဂၢၤပူၤ, ဒီးပှၤလ့ၤဝံဖိဟံးန့ၢ် စိာ်ထီၣ်ဝဲဆူ ခိ, ဆူထံကျိကံဒြိၣ်အပူၤလီၤ.

¹⁷ ဒီးလၢလါခီၣ်ထံးလါထီၣ်တနံၤန့ၣ် မၤထီၣ်သီဒ်သိး အကမၤစီဆှံထီၣ်, ဒီးလၢလါထီၣ်ဃိးနံၤတနံၤန့ၣ်ဟဲဝဲဆူ ယွၤအတၢ်ခိၣ်ဒုးထီၣ်အသး, ဒီးမၤစီဆှံယွၤအဟံၣ် လၢဃိးနံၤအပူၤ, ဒီးလါခီၣ်ထံးတဆံဃုနံၤတနံၤန့ၣ်မၤ တုၤအလၢာ်လီၤ.

¹⁸ ဒီးလဲၤဝဲဆူစီၤပၤဃံးစကံယၤအအိၣ်, ဒီးစံးဝဲဒၣ်, ပ မၤကဆှီထီၣ်လံယွၤအဟံၣ်ဒီဟံၣ်ညါ, ဒီးတၢ်လုၢ်လီၢ် မ့ၣ်အူ, ဒီးအဃၢၤအဃိၢ်, ဒီးတၢ်မဲာ်ညါကိၣ်အစီၢ်နီၤ ခိၣ်, ဒီးအဃၢၤအဃိၢ်ခဲလၢာ်လံ, ¹⁹ ဒီးကယဲၢ်အဃၢၤ အဃိၢ်လၢ စီၤပၤအၤဃးကွံာ်တ့ၢ်ကွံာ် လၢအမၤကမၣ် တၢ်အပူၤခဲလၢာ်န့ၣ်ပကတဲာ်ကတီၤလံ, ဒီးမၤစီဆှံလံ, ဒီးကွၢ်ကွၢ်, အိၣ်ဝဲလၢယွၤအတၢ်လုၢ်လီၢ်အမဲာ်ညါလီၤ.

²⁰ ဒီးစီၤပၤဃံးစကံယၤဂဲၤဆၢထၢၣ်ဂီၤဂီၤ, ဒီးဒုးအိၣ်ဖှိၣ် ရိဖှိၣ်ဝ့ၢ်အပဒိၣ်ဖးဒိၣ်တဖၣ်, ဒီးလဲၤထီၣ်ဝဲဆူ ယွၤအ ဟံၣ်ပူၤလီၤ.

²¹ ဒီးဟဲစိာ်ဂီၤဖံးဖါနွံဒု, ဒီးသိဖါနွံဒု, ဒီးသိဖိနွံဒု, ဒီးမဲာ် တဲးလဲးဖါနွံဒုလၢတၢ်လုၢ်တၢ်ဒဲးဘးအဂီၢ်, လၢဘီမုၢ်အ ဂီၢ်, ဒီးလၢတၢ်အလီၢ်စီဆှံအဂီၢ်, ဒီးလၢယူဒၤအဂီၢ်, ဒီး မၤလိာ်ပှၤလုၢ်တၢ်အဒိၣ်, စီၤအၤဟရိၣ်အဖိခွါတဖၣ်လၢ အကလုၢ်အီၤလၢယွၤအတၢ်လုၢ်လီၢ်အဖီခိၣ်လီၤ.

²² ဒီးပှၤမၤသံဂီၤဖံးတဖၣ်, ဒီးပှၤလုၢ်တၢ်အဒိၣ်တဖၣ်ဒိး န့ၢ်တၢ်သွံၣ်, ဒီးဖှံဝဲလၢတၢ်လုၢ်လီၢ်အဖီခိၣ်လီၤ. ဒီးမၤ သံသိဖါ, ဒီးဖှံတၢ်သွံၣ်လၢတၢ်လုၢ်လီၢ်အဖီခိၣ်, ဒီးမၤ သံသိဖိ, ဒီးဖှံတၢ်သွံၣ်လၢတၢ်လုၢ်လီၢ်အဖီခိၣ်လီၤ.

²³ ဒီးဟဲစိာ် မဲာ်တဲးလဲးဖါတဖၣ်လၢ တၢ်လုၢ်တၢ်ဒဲးဘး အဂီၢ်ဆူစီၤပၤဒီးတၢ်အိၣ်ဖှိၣ်အမဲာ်ညါ, ဒီးအဝဲသ့ၣ်ပာ် အစုလၢအဖီခိၣ်န့ၣ်လီၤ.

²⁴ ဒီးပှၤလုၢ်တၢ်အဒိၣ် မၤသံအီၤ, ဒီးမၤတၢ်လၢတၢ်ဒဲး ဘးအဃိလၢအသွံၣ် လၢတၢ်လုၢ်လီၢ်အဖီခိၣ်ဒ်သိးအက မၤတၢ်ပူၤဖျဲးလၢ အံၣ်စရ့လးခဲလၢာ်အဂီၢ်လီၤ. အဂ့ၢ်ဒ် အံၤ, စီၤပၤမၤလိာ်ဝဲလၢတၢ်လုၢ်မ့ၣ်အူ, ဒီးတၢ်လုၢ်တၢ် ဒဲးဘးန့ၣ်ကဘၣ်တၢ်လုၢ်အီၤလၢ အံၣ်စရ့လးခဲလၢာ်အ ဂီၢ်လီၤ.

²⁵ ဒီးပာ်ပှၤလ့ၤဝံဖိလၢယွၤအဟံၣ်ပူၤ အိၣ်ဝဲဒီးစှၢၣ်စှံး, ဒီးသီတူၢ်, ဒီးတနၢ်ဒ်စီၤဒၤဝံး, ဒီးစီၤပၤအပှၤထံၣ်တၢ်စီၤ ကး, ဒီးဝံနၤသၣ်အတၢ်မၤလိာ်အသိးန့ၣ်လီၤ. အဂ့ၢ်ဒ် အံၤ, ယွၤမၤလိာ်တၢ်န့ၣ်လၢဝံတဖၣ်အစုပူၤလီၤ.

²⁶ ဒီးပှၤလ့ၤဝံဖိဆၢထၢၣ်ဒီး စီၤဒၤဝံးအဒံၣ်ဒၢပီၤဒွါ, ဒီး ပှၤလုၢ်တၢ်အဒိၣ်အိၣ်ဒီးကွဲၤတဖၣ်လီၤ.

²⁷ ဒီးစီၤဃံးစကံယၤမၤလိာ်ဝဲလၢ အကလုၢ်တၢ်လုၢ်မ့ၣ် အူလၢတၢ်လုၢ်လီၢ်အဖီခိၣ်, ဒီးအကတီၢ်လၢအလုၢ်ထီၣ် သီတၢ်လုၢ်မ့ၣ်အူန့ၣ် ယွၤအတၢ်သးဝံၣ်ထီၣ်သီအိၣ်ဒီး ကွဲၤ, ဒီးဒံၣ်ဒၢပီၤဒွါလၢအံၣ်စရ့လး အစီၤပၤစီၤဒၤဝံးမၤ လိာ်ဝဲလီၤ.

²⁸ ဒီးတၢ်အိၣ်ဖှိၣ်ခဲလၢာ်ဘူၣ်ထီၣ်ဘါထီၣ်, ဒီးပှၤသးဝံၣ် တၢ်ဖိသးဝံၣ်တၢ်, ဒီးကွဲၤသီၣ်, ဒီးတၢ်ခဲလၢာ်န့ၣ်အိၣ်ဝဲ တုၤအလုၢ်တၢ်လုၢ်မ့ၣ်အူဝံၤလီၤ.

²⁹ ဒီးတုၤအလုၢ် တၢ်လုၢ်ခဲလၢာ်ဝံၤဒီး, စီၤပၤဒီးကယဲၢ် ပှၤအိၣ်ဝဲဒီးအီၤခဲလၢာ်န့ၣ် ဆုးလီၤအခိၣ်ဒီးဘူၣ်ထီၣ်ဘါ ထီၣ်ဝဲလီၤ.

³⁰ ဒီးစီၤပၤဃံးစကံယၤ, ဒီးပဒိၣ်ဖးဒိၣ်တဖၣ်န့ၣ်မၤလိာ် ပှၤလ့ၤဝံဖိဒ်သိးအကစံးထီၣ်ပတြၢၤယွၤလၢစီၤဒၤဝံး, ဒီး ပှၤထံၣ်တၢ်စီၤအၤစာ်အတၢ်ကတိၤန့ၣ်လီၤ. ဒီးအဝဲသ့ၣ် သးဝံၣ်တၢ်လၢအသူၣ်ခုသးခု, ဒီးဆုးလီၤအခိၣ်ဒီးဘူၣ် ထီၣ်ဘါထီၣ်ဝဲလီၤ.

³¹ ဒီးစီၤဃံးစကံယၤကတိၤတၢ်ဒီးစံးဝဲဒၣ်, ခဲကနံၣ်အံၤ သုမၤစီဆှံလံသုသးလၢယွၤအဂီၢ်လံ. သုးဘူးသုသး, ဒီး ဟဲစိာ်တၢ်လုၢ်တဖၣ်, ဒီးတၢ်လုၢ်စံးထီၣ်ပတြၢၤတဖၣ်ဆူ ယွၤအဟံၣ်ပူၤတက့ၢ်. ဒီးပှၤအိၣ်ဖှိၣ်ဖိတဖၣ်န့ၣ်ဟဲစိာ် တၢ်လုၢ်တဖၣ်, ဒီးတၢ်လုၢ်စံးထီၣ်ပတြၢၤ, ဒီးဖဲဒၣ်ပှၤ လၢအသးအိၣ်တီနံဒၣ်တၢ်တဂၤဂၤန့ၣ် ဟဲစိာ်တၢ်လုၢ် မ့ၣ်အူလီၤ.

³² ဒီးတၢ်လုၢ်မ့ၣ်အူလၢ ပှၤအိၣ်ဖှိၣ်ဖိဟဲစိာ်ဝဲတဖၣ် အ တၢ်ဂံၢ်န့ၣ်မ့ၢ်ဂီၤဖံးဖါနွံဆံ, သိဖါတကယၤ, သိဖိခံက ယၤလီၤ. အဝဲသ့ၣ်ခဲလၢာ်န့ၣ်အိၣ်ဝဲလၢ တၢ်လုၢ်ယွၤ အတၢ်လုၢ်မ့ၣ်အူအဂီၢ်လီၤ. ³³ ဒီးတၢ်မၤဘူၣ်န့ၣ် မ့ၢ်ဂီၤ ဖံးဖါဃုကယၤ, ဒီးသိသၢကထိလီၤ.

³⁴ ဒီးပှၤလုၢ်တၢ်အဒိၣ်အိၣ်စှၤကဲၣ်ဆိး, ဒီးအုၣ်ကွံာ်တၢ် လုၢ်မ့ၣ်အူခဲလၢာ်အဖံးတသ့ဘၣ်. ဒီးအဒီပုၢ်ဝဲၢ်ပှၤလ့ၤဝံ ဖိမၤစၢၤအီၤတုၤတၢ်မၤန့ၣ်ဝံၤဝဲ, ဒီးတုၤပှၤလုၢ်တၢ်အဒိၣ် တဖၣ်မၤစီဆှံထီၣ်အသးလီၤ. အဂ့ၢ်ဒ်အံၤ, ပှၤလ့ၤဝံဖိ အသးလိၤဂ့ၤန့ၢ် ပှၤလုၢ်တၢ်အဒိၣ်တက့ၢ်, ဒ်သိးအက မၤစီဆှံအသးလီၤ.

³⁵ ဒီးတၢ်လုၢ်မ့ၣ်အူအိၣ်စ့ၢ်ကီးဝဲအါအါကလဲာ်, ဒီးတၢ် လုၢ်မၤဃူမၤဖိးတဖၣ်အတၢ်သိ, ဒီးတၢ်မၤဘူၣ်တၢ်အီ လၢတၢ်လုၢ်မ့ၣ်အူအဂီၢ်လီၤ. ဒီးယွၤအဟံၣ်အတၢ်မၤန့ၣ် ကတဲာ်ကတီၤလံအသးလီၤ.

³⁶ ဒီးစီၤဃံးစကံယၤသူၣ်ခုသးခု, ဒီးပှၤဂီၢ်မုၢ်ခဲလၢာ်လၢ ယွၤကတဲာ်ကတီၤ ပှၤဂီၢ်မုၢ်အဃိန့ၣ်လီၤ. အဂ့ၢ်ဒ်အံၤ, မၤအသးသတူၢ်ကလာ်လီၤ.

၃၀

¹ ဒီးစီၤဃံးစကံယၤမၢလီၤတၢ်ဆူ အံၣ်စရ့လးဒီးယူဒၤ ခဲလၢာ်, ဒီးကွဲးဟ့ၣ်ယုၢ်လံာ်လၢအ့ဖရဲၣ်, ဒီးမနၤရှ့ၤဒ် သိးအကဟဲဆူယွၤအဟံၣ်ပူၤလၢယရူၤၡလ့ၣ်အပူၤ လၢ အကမၤတၢ်ဘူၣ်လဲၤကပာ်လၢ ယွၤအံၣ်စရ့လးအက စၢ်အဂီၢ်လီၤ.

² ဒီးစီၤပၤကူၣ်လိာ်တ့ၢ်အသးဒီးပဒိၣ်ဖးဒိၣ်တဖၣ်, ဒီး ပှၤအိၣ်ဖှိၣ်ဖိလၢယရူၤၡလ့ၣ်အပူၤခဲလၢာ် လၢအကမၤ ဘူၣ်လဲၤကပာ်လၢလါခံလါတလါအပူၤလီၤ.

³ အဂ့ၢ်ဒ်အံၤ, အကတီၢ်ဖဲန့ၣ်မၤတၢ်ဘူၣ်န့ၣ်တသ့ဘၣ်. အဂ့ၢ်ဒ်အံၤ, ပှၤလုၢ်တၢ်အဒိၣ်မၤစီဆှံထီၣ်အသးတအါ ဒံးဘၣ်, ဒီးပှၤဂီၢ်မုၢ်တအိၣ်ဖှိၣ်ရိဖှိၣ်ဒံးဘၣ်လၢ ယရူၤ ၡလ့ၣ်အပူၤဘၣ်.

⁴ ဒီးတၢ်တမံၤန့ၣ်လိၤဝဲလၢစီၤပၤအမဲာ်, ဒီးလၢတၢ်အိၣ် ဖှိၣ်ဖိခဲလၢာ်အမဲာ်လီၤ.

⁵ ဒီးဒုးအိၣ်ဂၢၢ်ဆိးကျၢၤတၢ်ကတိၤလၢ ပှၤဘၣ်ကိးတၢ် လၢအံၣ်စရ့လးခဲလၢာ်အပူၤလၢ ဘ့ၢ်ၡဘၤဒ်သိးလၢဒၣ်, လၢပှၤကဟဲမၤဘူၣ်လဲၤကပာ်လၢယွၤ, အံၣ်စရ့လးအ ကစၢ်အဂီၢ်လၢယရူၤၡလ့ၣ်အပူၤလီၤ. အဂ့ၢ်ဒ်အံၤ, တမၤ ဘၣ်ဒ်တၢ်ကွဲးအသးအသိးန့ၣ်ဃဲးဃဲးတ့ၢ်လံ.

⁶ ဒီးကလူးတဖၣ်လဲၤဝဲဒီးစီၤပၤ, ဒီးအပဒိၣ်ဖးဒိၣ်တဖၣ် အလံာ်, လၢအံၣ်စရ့လးဒီးယူဒၤခဲလၢာ်အပူၤ, ဒ်စီၤပၤအ တၢ်မၤလိာ်အသိးန့ၣ်, ဒီးစံးဝဲဒၣ်, အံၣ်စရ့လးဖိသ့ၣ်ဧၢ, ဃၣ်ကဒါက့ၤသုသးဆူယွၤ, စီၤအၤဘြၤဟၣ်, ဒီးစီၤအံၤ စဲး, ဒီးစီၤအံၣ်စရ့လးအကစၢ်အအိၣ်တက့ၢ်, ဒီးအဝဲဒၣ် ကဟဲက့ၤကဒါက့ၤဆူ သုလၢအအိၣ်လီၤတဲာ်ဒီးပူၤဖျဲး လၢအၤရှူၢ်အစီၤပၤတဖၣ်အစုပူၤအအိၣ်န့ၣ်လီၤ. ⁷ ဒီးသု တကဲထီၣ်ပှၤဒ်သုပၢ်ဒီးသုဒီပုၢ်ဝဲၢ် လၢအမၤကမၣ်ဘၣ် ယွၤ, အပၢ်အကစၢ်အသိးန့ၣ်တဂ့ၤ. ဒီးအဝဲဒၣ်ဟ့ၣ်လီၤ ကွံာ်အီၤဆူတၢ်အိၣ်သယုၢ်ဒ်သုထံၣ်တၢ်အသိးန့ၣ်လီၤ.

⁸ ခဲကနံၣ်အံၤပာ်ဆူၣ်သုကိာ် ဒ်သုပၢ်အသိးန့ၣ်တဂ့ၤ. ဟ့ၣ်သုစုလၢယွၤ, ဒီးလဲၤနုာ်လၢအလီၢ်စီဆှံလၢအပာ်စီ ဆှံလီၤထူလီၤယိာ်, ဒီးမၤယွၤသုကစၢ်အတၢ်, ဒ်သိးအ သးထီၣ်ဆူၣ်ကဃၣ်ကွံာ်အသးလၢသုအိၣ်တက့ၢ်.

⁹ အဂ့ၢ်ဒ်အံၤ, သုမ့ၢ်ဃၣ်က့ၤသုသး ဆူယွၤအအိၣ်ဒီး, သုဒီပုၢ်ဝဲၢ်, ဒီးသုဖိတဖၣ်ကဘၣ်တၢ်သးကညီၤလၢပှၤလၢ အမိၤမၢကဲကုၢ်အီၤအမဲာ်ညါ, ဒီးကဟဲက့ၤကဒါက့ၤဆူ ကီၢ်အံၤအပူၤလီၤ. အဂ့ၢ်ဒ်အံၤ, ယွၤသူၣ်ကညီၤတၢ်, သး ကညီၤတၢ်, ဒီးအသးအိၣ်တၢ်လီၤ. ဒီးသုမ့ၢ်ဃၣ်က့ၤသု သးဆူအအိၣ်ဒီး, တဃၣ်ကွံာ်အမဲာ်လၢသုအိၣ်ဘၣ်.

¹⁰ ဒီးကလူးတဖၣ်န့ၣ် လဲၤတၢ်တဝ့ၢ်ဘၣ်တဝ့ၢ် လၢအ့ ဖရဲၣ်, ဒီးမနၤရှ့ၤအကီၢ်ဒီဘ့ၣ်ညါပၢၢ်လၢစဘူလိၣ်, ဒီး ပှၤနံၤဘၣ်အီၤ, ဒီးကတိၤဒိးအီၤလီၤ.

¹¹ ဘၣ်ဆၣ်ဒီးပှၤကညီတနီၤနီၤလၢအၤရှ့ၢ်, ဒီးမနၤရှ့ၤ, ဒီးစဘူလိၣ်အကျါတဖၣ်ဆီၣ်လီၤအသး, ဒီးဟဲဝဲဆူယ ရူၤၡလ့ၣ်အပူၤလီၤ.

¹² ဒီးလၢယူဒၤအပူၤစ့ၢ်ကီးန့ၣ် ယွၤအစုအိၣ်ဝဲလၢ အ ဟ့ၣ်လီၤအီၤလၢ အသးတဖျၢၣ်ဃီဒ်သိးအကတိၢ်န့ၢ်စီၤ ပၤဒီးပဒိၣ်ဖးဒိၣ်တဖၣ် အတၢ်မၤလိာ်လၢယွၤအကလုၢ် အကထါလီၤ.

¹³ ဒီးပှၤအိၣ်ဖှိၣ်အါဂၤ လၢယရူၤၡလ့ၣ်အပူၤ ဒ်သိးအ ကမၤတၢ်ဘူၣ်ကိၣ်တအိၣ်ဘၣ်ဒီးကိၣ်မံၣ် လၢလါခံဘ့ၣ် တဘ့ၣ်အပူၤ, တၢ်အိၣ်ဖှိၣ်ဒိၣ်ဒိၣ်ကလဲာ်လီၤ.

¹⁴ ဒီးဂဲၤဆၢထၢၣ်ဝဲ, ဒီးစိာ်ထီၣ်ကွံာ်တၢ်လုၢ်လီၢ်တဖၣ် လၢအအိၣ်ဝဲလၢယရူၤၡလ့ၣ်အပူၤ, ဒီးစိာ်ထီၣ်ကွံာ်တၢ် လုၢ်လီၢ်ဆိၣ်ကဲၤတၢ်နၢမူ, ဒီးတ့ၢ်လီၤကွံာ်အီၤလၢထံကျိ ကံဒြိၣ်အပူၤလီၤ.

¹⁵ ဒီးလါခံလါတလါ, လါထီၣ်တဆံလွံၢ်နံၤတနံၤန့ၣ်မၤ သံတၢ်ဘူၣ်လဲၤကပာ်, ဒီးပှၤလုၢ်တၢ်အဒိၣ်, ဒီးပှၤလ့ၤ ဝံဖိအမဲာ်ဆှး, ဒီးမၤစီဆှံထီၣ်အသး, ဒီးဟဲစိာ်တၢ်လုၢ် မ့ၣ်အူဆူယွၤအဟံၣ်ပူၤလီၤ.

¹⁶ ဒီးဆၢထၢၣ်လၢအလီၢ်ဒ်တၢ်စံၣ်ညီၣ်အသိး, ဒ်ယွၤအ ပှၤကညီစီၤမိၤရှ့အတၢ်သိၣ်တၢ်သီအသိးန့ၣ်လီၤ. ပှၤလုၢ် တၢ်အဒိၣ်ဖှံတၢ်သွံၣ်လၢ အဒိးန့ၢ်လၢပှၤလ့ၤဝံဖိအစုပူၤ လီၤ.

¹⁷ ဒီးပှၤလၢ အတစီတဆှံဘၣ်လၢ တၢ်အိၣ်ဖှိၣ်အကျါ န့ၣ်အိၣ်ဝဲအါဂၤ, ဒီးပှၤလ့ၤဝံဖိမၤသံတၢ်ဘူၣ်လဲၤကပာ် တဖၣ်လၢ ကယဲၢ်ပှၤလၢအတကဆှီဘၣ်အဂီၢ်ဒ်သိးအ ကမၤစီဆှံထီၣ်အီၤလၢယွၤအဂီၢ်လီၤ.

¹⁸ အဂ့ၢ်ဒ်အံၤ, ပှၤဂီၢ်မုၢ်, ဒီးပှၤအါဂၤလၢအ့ဖရဲၣ်, ဒီးမ နၤရှ့ၤ, ဒီးယံးစၣ်ကၢ်, ဒီးစဘူလိၣ်အကျါန့ၣ်တမၤက ဆှီထီၣ်ဘၣ်အသးဘၣ်. ဘၣ်ဆၣ်ဒီး အီၣ်တၢ်ဘူၣ်လဲၤ ကပာ်တဒ်ဘၣ်တၢ်ကွဲးအသးအသိးဘၣ်. မ့ၢ်နာ်သက့ ဒ်န့ၣ်ဒီး စီၤဃံးစကံယၤဘါထုကဖၣ်န့ၢ်အဂီၢ်, ဒီးစံးဝဲ ဒၣ်, ¹⁹ ပှၤလၢအကတဲာ်ကတီၤအသးဒ်သိးအကဃုယွၤ အပၢ်အကစၢ် မ့ၢ်တကဆှီဘၣ်ဒ်တၢ်အလီၢ်စီဆှံအသိး ဘၣ်ဆၣ်ဒီး, မ်တၢ်ဂ့ၤယွၤန့ၣ် မၤပူၤမၤဖျဲးအတၢ်ကိးဂၤ ဒဲးတက့ၢ်.

²⁰ ဒီးယွၤဒိကနၣ် စီၤဃံးစကံယၤအကလုၢ်, ဒီးမၤဘျါ က့ၤပှၤဂီၢ်မုၢ်လီၤ.

²¹ ဒီးပှၤအံၣ်စရ့လးဖိ လၢအအိၣ်လၢယရူၤၡလ့ၣ်အပူၤ တဖၣ်န့ၣ် မၤတၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်နွံနံၤ, အိၣ်ဝဲဒီးအသူၣ်ခုသးခုဖးဒိၣ်, ဒီးပှၤလ့ၤဝံဖိ, ဒီးပှၤလုၢ် တၢ်အဒိၣ်စံးထီၣ်ပတြၢၤယွၤတနံၤဘၣ်တနံၤ, အိၣ်ဝဲဒီး ဒံၣ်ဒၢပီၤဒွါလၢအသီၣ်ဖးဒိၣ်လၢယွၤအဂီၢ်လီၤ.

²² ဒီးစီၤဃံးစကံယၤကတိၤတၢ်မုာ်မုာ်ဒီး ပှၤလ့ၤဝံဖိလၢ အသိၣ်လိတၢ်သ့ၣ်ညါယွၤ လၢအမ့ၢ်တၢ်ဂ့ၤလီၤ. ဒီးပှၤ အီၣ်တၢ်လၢတၢ်မၤဘူၣ်နွံနံၤအတီၢ်ပူၤ, ဒီးလုၢ်တၢ်လုၢ် မၤဃူမၤဖိး, ဒီးတဲလီၤကျဲၤလီၤတၢ်လၢယွၤ, အပၢ်အက စၢ်လီၤ.

²³ ဒီးပှၤအိၣ်ဖှိၣ်ဖိခဲလၢာ် ကူၣ်လိာ်အသးလၢအကမၤ ဘူၣ်ကဒီးတၢ်နွံနံၤ, ဒီးမၤဘူၣ်ကဒီးတၢ်နွံနံၤအိၣ်ဒီးတၢ် သူၣ်ခုသးခုလီၤ.

²⁴ အဂ့ၢ်ဒ်အံၤ, ယူဒၤအစီၤပၤစီၤဃံးစကံယၤ ဟ့ၣ်လီၤ ပှၤအိၣ်ဖှိၣ်လၢဂီၤဖံးဖါတကထိ, ဒီးသိနွံကထိ, ဒီးပဒိၣ် ဖးဒိၣ်တဖၣ်ဟ့ၣ်လီၤ ပှၤအိၣ်ဖှိၣ်ဖိလၢဂီၤဖံးဖါတကထိ, ဒီးသိတကလး, ဒီးပှၤလုၢ်တၢ်အဒိၣ်မၤစီဆှံထီၣ်အသး အါဂၤလီၤ.

²⁵ ဒီးယူဒၤအပှၤအိၣ်ဖှိၣ်ဖိခဲလၢာ်, ဒီးပှၤလုၢ်တၢ်အဒိၣ် ဒီးပှၤလ့ၤဝံဖိ, ဒီးကယဲၢ်ပှၤအိၣ်ဖှိၣ်ဖိလၢအဟဲလၢအံၣ်စ ရ့လးအကျါ, ဒီးပှၤတခီဘီမုၢ်ဖိလၢအဟဲထီၣ်လၢအံၣ်စ ရ့လးအကီၢ်ပူၤ, ဒီးလၢအအိၣ်ဝဲဆိးဝဲလၢ ယူဒၤအပူၤ သ့ၣ်တဖၣ်န့ၣ်သူၣ်ခုသးခုဝဲလီၤ.

²⁶ ဒီးတၢ်သးခုဖးဒိၣ် အိၣ်ဝဲလၢယရူၤၡလ့ၣ် အပူၤလီၤ. အဂ့ၢ်ဒ်အံၤ, လၢအံၣ်စရ့လးအစီၤပၤဒၤဝံးအဖိခွါ စီၤၡ လိၤမိၤအမုၢ်နံၤတဖၣ်လံၤလံၤန့ၣ် တၢ်ဒ်န့ၣ်သိးတအိၣ် ဘၣ်လၢယရူၤၡလ့ၣ်အပူၤဘၣ်လီၤ.

²⁷ ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိဂဲၤဆၢထၢၣ်, ဒီး ဆိၣ်ဂ့ၤပှၤဂီၢ်မုၢ်လီၤ. ဒီးယွၤဒိကနၣ်အကလုၢ်, ဒီးအတၢ် ဘါထုကဖၣ်ထီၣ်ဘး အအိၣ်အဆိးအလီၢ်စီဆှံ, လၢမူ ခိၣ်န့ၣ်လီၤ.

၃၁

¹ ဒီးတုၤတၢ်ခဲလၢာ်န့ၣ်ဝံၤဝဲဒီး, အံၣ်စရ့လးလၢအအိၣ် ဝဲခဲလၢာ်ဟးထီၣ်ဝဲဆူယူဒၤအဝ့ၢ်တဖၣ်အပူၤ, ဒီးမၤကၢ် လီၤကလဲတၢ်ဂီၤတဖၣ်, ဒီးကူာ်လီၤကွံာ်အရှ့ရၤတဖၣ်, ဒီးမၤလီၤပှီၢ်ကွံာ် တၢ်အလီၢ်ထီၣ်ထီတဖၣ်, ဒီးတၢ်လုၢ် လီၢ်တဖၣ်လၢယူဒၤဒီးဘံၣ်ယၤမံၣ်ခဲလၢာ်အပူၤ, ဒီးလၢ အ့ဖရဲၣ်ဒီးမနၤရှ့ၤအပူၤ, တုၤအမၤဟးဂီၤကွံာ်အီၤစီဖ့က လ့ၤခဲလၢာ်န့ၣ်လီၤ. ဒီးပှၤအံၣ်စရ့လးဖိက့ၤက့ၤတဂၤဆူ အတၢ်ဟံးဃာ်ဒၣ်ဝဲ, တဂၤဆူအတၢ်ဟံးဃာ်ဒၣ်ဝဲ စုာ် စုာ်, ဆူအဝ့ၢ်ဒၣ်ဝဲအပူၤလီၤ.

² ဒီးစီၤဃံးစကံယၤ ပာ်လီၤပှၤလုၢ်တၢ်အဒိၣ်ဒီးပှၤလ့ၤ ဝံဖိတတီၤတတီၤ ဒ်အတီၤအသိး, တဂၤဒ်အတၢ်မၤအ သိးကိးဂၤဒဲး, ပှၤလုၢ်တၢ်အဒိၣ်, ဒီးပှၤလ့ၤဝံဖိလၢလုၢ် တၢ်လုၢ်မ့ၣ်အူအဂီၢ်, ဒီးလၢလုၢ်တၢ်လုၢ်မၤဃူမၤဖိး အ ဂီၢ်, ဒ်သိးအကမၤတၢ်အခ့အပှၤအတၢ်, ဒီးစံးထီၣ်ပ တြၢၤတၢ်, ဒီးသးဝံၣ်တၢ်လၢယွၤအဒဲတဖၣ် အတြဲၤပူၤ လီၤ.

³ ဒီးလၢစီၤပၤ အတၢ်ဖိတၢ်လံၤဒၣ်ဝဲအပူၤန့ၣ်, ပာ်လီၤ စီၤပၤအဂီၢ်လၢတၢ်လုၢ်မ့ၣ်အူအဂီၢ်, လၢဂီၤဒီးလၢဟါအ တၢ်လုၢ်မ့ၣ်အူအဂီၢ်, ဒီးတၢ်လုၢ်မ့ၣ်အူလၢအိၣ်ဘှံးနံၤအ ဂီၢ်, ဒီးလၢလါထီၣ်သီအနံၤအဂီၢ်, ဒီးလၢမၤဘူၣ်နံၤအ ဂီၢ်, ဒ်တၢ်ကွဲးအသးလၢယွၤအတၢ်သိၣ်တၢ်သီအပူၤအ သိးန့ၣ်လီၤ.

⁴ ဒီးမၤလိာ်ပှၤဂီၢ်မုၢ်လၢအအိၣ်ဝဲဆိးဝဲလၢ ယရူၤၡလ့ၣ် အပူၤဒ်သိးအကဟ့ၣ်ပှၤလုၢ်တၢ်အဒိၣ်, ဒီးပှၤလ့ၤဝံဖိလၢ အဂီၢ်လၢအသးကဆူၣ်ထီၣ်လၢ ယွၤအတၢ်သိၣ်တၢ်သီ အပူၤလီၤ.

⁵ ဒီးတုၤတၢ်မၤလိာ်ဟူထီသါလီၤဒီး, ပှၤအံၣ်စရ့လးဖိ ဟဲစိာ်တၤသၣ်ဆိဘၣ်ဃးဒီးဘုဧိၤဟုဧိၤ, စပံးထံ, ဒီးသိ, ဒီးကနဲစီ, ဒီးဟီၣ်ခိၣ်အကဝီၤအတၢ်အါထီၣ်တဖၣ်အါ အါကလဲာ်, ဒီးတၢ်ခဲလၢာ်အဆံဆဲၣ်ပူတပူ ဟဲစိာ်ဝဲအါ အါကလဲာ်လီၤ.

⁶ ဒီးပှၤအံၣ်စရ့လးဖိဒီး ပှၤယူဒၤဖိလၢအအိၣ်ဝဲလၢ ယူ ဒၤအဝ့ၢ်တဖၣ်အပူၤန့ၣ် ဟဲစိာ်စ့ၢ်ကီးဝဲလၢဂီၤဖံး, ဒီးသိ ဆံဆဲၣ်ဒုတဒု, ဒီးတၢ်စီဆှံလၢ တၢ်ပာ်စီဆှံလၢယွၤအ ဂီၢ်ဆံဆဲၣ်ပူတပူဒီးပာ်ဖှိၣ်ဝဲလၢတပူတပူလီၤ.

⁷ လၢလါသၢလါတလါန့ၣ် ပာ်ဖှိၣ်သီတၢ်အပူတဖၣ်အ ခီၣ်ထံး, ဒီးမၤဝံၤဝဲလၢလါနွံလါတလါလီၤ.

⁸ ဒီးတုၤစီၤဃံးစကံယၤ, ဒီးပဒိၣ်ဖးဒိၣ်တဖၣ်ဟဲဝဲ, ဒီး ထံၣ်ဘၣ်တၢ်ပူတဖၣ်ဒီး, ဒီးစံးထီၣ်ပတြၢၤယွၤ, ဒီးအပှၤ ဂီၢ်မုၢ်အံၣ်စရ့လးလီၤ.

⁹ ဒီးစီၤဃံးစကံယၤ သံကွၢ်ပှၤလုၢ်တၢ်အဒိၣ်, ဒီးပှၤလ့ၤ ဝံဖိလၢတၢ်ပူတဖၣ်အဂ့ၢ်အကျိၤလီၤ.

¹⁰ ဒီးစီၤစၤဒိးအပှၤဟံၣ်ဖိ ပှၤလုၢ်တၢ်အဒိၣ်အခိၣ် စီၤဧ စၤရယၤ စံးဆၢတၢ်ဒီးစံးဝဲဒၣ်, လၢပှၤဟဲစိာ်သီတၢ်မၤ ဘူၣ်ဆူယွၤအဟံၣ်ပူၤလံၤလံၤန့ၣ်ပတၢ်အီၣ်အါလံ, ဒီးပ ပာ်လီၤတဲာ်တၢ်လၢအအါလီၤ. အဂ့ၢ်ဒ်အံၤ, ယွၤဆိၣ်ဂ့ၤ လံအပှၤဂီၢ်မုၢ်လံ, ဒီးတၢ်လၢအအိၣ်လီၤတဲာ်တဖၣ်န့ၣ် မ့ၢ်တၢ်ဖိတၢ်လံၤဂီၢ်မုၢ်အံၤလီၤ.

¹¹ ဒီးစီၤဃံးစကံယၤ မၤလိာ်ဝဲဒ်သိးပှၤကကတဲာ်ကတီၤ ဒၢးတဖၣ်လၢယွၤအဟံၣ်ပူၤ, ဒီးတၢ်ကတဲာ်ကတီၤဝဲလီၤ.

¹² ဒီးပှၤဟဲစိာ်ဝဲတီတီ, လၢတၢ်မၤဘူၣ်တဖၣ်, ဒီးတၢ်ဆံ ဆဲၣ်ပူတပူတဖၣ်, ဒီးတၢ်ပာ်စီဆှံအသးတဖၣ်, ဒီးပှၤ လ့ၤဝံဖိစီၤကနၤနယၤမ့ၢ်ပှၤအခိၣ်လၢအဖီခိၣ်, ဒီးအဒီပုၢ် ဝဲၢ်စီၤၡံမံၤမ့ၢ်ပှၤခံဂၤတဂၤလီၤ.

¹³ ဒီးစီၤယဃံအ့လး, ဒီးစီၤဧၤစါစယၤ, ဒီးစီၤနၤဃး, ဒီး စီၤဧၤစၤအ့လး, ဒီးစီၤယရံမိး, ဒီးစီၤယိစဘး, ဒီးစီၤအလံၤ အ့လး, ဒီးစီၤယံးစမၤကယၤ, ဒီးစီၤမၤဃး, ဒီးစီၤဘနါ ယၤသ့ၣ်တဖၣ်မ့ၢ်ပှၤကွၢ်တၢ်ဖိတၢ်လံၤလၢစီၤကနၤနယၤ, ဒီးအဒီပုၢ်ဝဲၢ်စီၤၡံမံၤအစုအဖီလာ်, လၢစီၤပၤဃံးစကံယၤ, ဒီးယွၤအဟံၣ်အခိၣ်စီၤဧစၤရယၤ အတၢ်မၤလိာ်လီၤ.

¹⁴ ဒီးပှၤလ့ၤဝံဖိစီၤယံးမနၤအဖိခွါစီၤကိၤရ့, ပှၤပၢၤပဲတ ရီလၢမုၢ်ထီၣ်တခီတဂၤအိၣ်ဝဲလၢ တၢ်မၤဘူၣ်ဒၣ်ယွၤတ ဖၣ်အဖီခိၣ်ဒ်သိး အကနီၤဖးဟ့ၣ်တၢ်မၤဘူၣ်ယွၤတဖၣ်, ဒီးတၢ်စီဆှံကတၢၢ်တဖၣ်န့ၣ်လီၤ. ¹⁵ ဒီးလၢအဝဲဒၣ်အဖီလာ်န့ၣ် အိၣ်ဝဲလၢစီၤဧ့ၤဒ့ၣ်, ဒီးစီၤမံးနယၤမံၣ်, ဒီးစီၤယ့ၤရှူ, ဒီးစီၤၡမါယၤ, ဒီးစီၤအမၤရယၤ, ဒီးစီၤၡကါနယၤသ့ၣ်တဖၣ်လၢပှၤလုၢ်တၢ်အဒိၣ်အဝ့ၢ်ပူၤ, လၢအလီၢ်လၢတၢ်ပာ်အီၤဒ်သိးအကနီၤဖးဟ့ၣ်တၢ်လၢအဒီပုၢ်ဝဲၢ်တတီၤတတီၤ, အဒိၣ်ဒီးအဆံးလီၤ.―

¹⁶ လၢအဝဲသ့ၣ်အဖိခွါတဖၣ် အထူအထံးအမဲာ်ညါန့ၣ်, ပှၤလၢအသးပှၢ်သၢနံၣ်ဒီးအါန့ၢ်အန့ၣ်တက့ၢ်, ကယဲၢ် ပှၤလၢအဟဲနုာ်လၢ ယွၤအဟံၣ်ပူၤတဂၤလၢ်လၢ်န့ၣ်ဟ့ၣ် ဝဲအဂီၢ်တနံၤအဂီၢ်တနံၤအဂီၢ် လၢအမၤတၢ်လၢအတၢ် ကွၢ်အဃိဒ်အတီၤတတီၤတတီၤအသိးန့ၣ်လီၤ. ¹⁷ ဒီးဟ့ၣ် ဝဲလၢပှၤလၢပှၤလုၢ်တၢ်အဒိၣ်အကျါအထူအထံး, ဒ်အ ပၢ်အဟံၣ်အသိး, ဒီးပှၤလ့ၤဝံဖိလၢအသးပှၢ်အနံၣ်ခံဆံ ဒီးအါန့ၢ်အန့ၣ်တက့ၢ်လၢအတၢ်ကွၢ်အပူၤ ဒ်အတီၤတ တီၤတတီၤအသိးန့ၣ်လီၤ. ¹⁸ ဒီးလၢဖိဒံဖိသၣ်ခဲလၢာ်, အ ဖိအမါ, ဒီးအဖိခွါ, ဒီးအဖိမုၣ်သ့ၣ်တဖၣ်အထူအထံး လၢတၢ်အိၣ်ဖှိၣ်ခဲလၢာ်အကျါန့ၣ်လီၤ. အဂ့ၢ်ဒ်အံၤ, မၤ စီဆှံအသးလၢတၢ်စီဆှံအပူၤ လၢအလီၢ်လၢတၢ်ပာ်အီၤ လၢအပူၤလီၤ.

¹⁹ ဒီးပှၤလၢ စီၤအၤဟရိၣ်အဖိခွါအကျါ, ပှၤလုၢ်တၢ်အ ဒိၣ်တဖၣ်အိၣ်ဝဲလၢဟီၣ်ခိၣ်အကဝီၤတဖၣ်, လၢအဝ့ၢ်အ တၢ်အီၣ်ဆၣ်အလီၢ်, လၢဝ့ၢ်ကိးဖျၢၣ်ဒဲးအပူၤန့ၣ်, ပှၤလၢ ပစံးတ့ၢ်အမံၤသ့ၣ်တဖၣ်န့ၣ် ဟ့ၣ်ဝဲလၢအဂီၢ်လၢပှၤပိာ် ခွါခဲလၢာ်လၢပှၤလုၢ်တၢ်အဒိၣ်အကျါ, ဒီးလၢကယဲၢ်ပှၤ လၢတၢ်ဂံၢ်အထူအထံးလၢပှၤလ့ၤဝံဖိအကျါခဲလၢာ်လီၤ.

²⁰ ဒီးစီၤဃံးစကံယၤ မၤတၢ်န့ၣ်လၢ ယူဒၤဖိခဲလၢာ်အ ကျါ, ဒီးမၤတၢ်လၢအဂ့ၤအဝါ, ဒီးအတီအလိၤ, ဒီးအ မ့ၢ်အတီလၢယွၤအကစၢ်အမဲာ်ညါလီၤ.

²¹ ဒီးကယဲၢ်တၢ်မၤလၢအမၤထီၣ်သီ လၢယွၤအဟံၣ်အ တၢ်မၤအပူၤ, ဒီးလၢတၢ်သိၣ်တၢ်သီအပူၤ, ဒီးလၢတၢ် မၤလိာ်အပူၤ, ဒ်သိးအကဃုအကစၢ်တမံၤလၢ်လၢ်န့ၣ် မၤဝဲလၢအသးဒီဖျၢၣ်ညါ, ဒီးဘီၣ်ထီၣ်ညီထီၣ်ဝဲလီၤ.

၃၂

¹ တၢ်န့ၣ်တဖၣ်, ဒီးအအိၣ်ဂၢၢ်ဆိးကျၢၤတ့ၢ်ဝဲအလီၢ်ခံ ဒီး, အၤရှူၢ်အစီၤပၤစၤနဃ့ရံာ်ဟဲဝဲ, ဒီးဟဲနုာ်လၢယူဒၤ, ဒီးသူၣ်ဒဲထီဒါဝ့ၢ်အိၣ်ဒီးအခိၣ်ဒူတဖၣ်, ဒီးသါကမၤန့ၢ် ဘၣ်အီၤလၢအဂီၢ်ဒၣ်ဝဲလီၤ.

² ဒီးတုၤစီၤဃံးစကံယၤ ထံၣ်ဝဲလၢစီၤစၤနဃ့ရံာ်ဝဲ, ဒီး လၢအမဲာ်အိၣ်လၢအကဒုးတၢ်ဒီးယရူၤၡလ့ၣ်ဒီး, ³ ကူၣ် လိာ်အသးဒီးအပဒိၣ်ဖးဒိၣ်တဖၣ်, ဒီးအပှၤဆူၣ်တဖၣ် ဒ်သိးအကဆွံတံာ်ထံထီၣ်ပၢၢ် လၢအအိၣ်ဝဲလၢဝ့ၢ်ချၢ, ဒီးအဝဲသ့ၣ်မၤစၢၤအီၤလီၤ.

⁴ ဒီးပှၤဂီၢ်မုၢ်ဖးဒိၣ်အိၣ်ဖှိၣ်ရိဖှိၣ်, ဒီးဆွံတံာ်ထံထီၣ်ပၢၢ် ခဲလၢာ်, ဒီးထံကျိလၢအယွၤဝဲလၢကီၢ်အသးကံၢ်ပူၤ, ဒီး စံးဝဲဒၣ်, အၤရှူၢ်အစီၤပၤတဖၣ် ကဟဲဒီးထံၣ်န့ၢ်ထါအါ အါကလဲာ်မ့ၢ်အဘၣ်မနုၤလဲၣ်.

⁵ ဒီးမၤဆူၣ်ထီၣ်အသး, ဒီးမၤက့ၤတၢ်ခိၣ်ဒူလၢအလီၤ ပှီၢ်ကိးပူၤဒဲး, ဒီးမၤထီၣ်ဝဲပၢၢ်လၢတၢးထီတဖၣ်, ဒီးတၢ် ခိၣ်ဒူအဂၤလၢခိ, ဒီးမၤက့ၤမံးလိၤလၢစီၤဒၤဝံးအဝ့ၢ်ပူၤ, ဒီးတ့ဘီဧိၤနးဧိၤ, ဒီးကတီၤအါအါကလဲာ်လီၤ.

⁶ ဒီးပာ်ပှၤသုးဖိအခိၣ်တဖၣ်လၢပှၤဂီၢ်မုၢ်အဖီခိၣ်, ဒီးဒုး အိၣ်ဖှိၣ်ရိဖှိၣ်အီၤဆူအအိၣ်လၢဝ့ၢ်ပဲတရီအကျဲပူၤ, ဒီးက တိၤတၢ်မုာ်မုာ်ဒီးအီၤ, ဒီးစံးဝဲဒၣ်, ⁷ ပာ်ဆူၣ်သုသး, ဒီး တံးတဟီၣ်တက့ၢ်. ပျံၤတၢ်တဂ့ၤ. ဘၣ်ယိၣ်တၢ်လၢအၤ ရှူၢ်အစီၤပၤအဃိ, လၢပှၤဂီၢ်မုၢ်ခဲလၢာ်လၢအအိၣ်ဒီးအီၤ အဃိတဂ့ၤ. အဂ့ၢ်ဒ်အံၤ, ပှၤလၢအအိၣ်ဒီးပှၤအံၤ, အါန့ၢ် ပှၤအိၣ်ဒီးအီၤတက့ၢ်လီၤ. ⁸ တၢ်ဖံးတၢ်ညၣ်အစုဒုၣ်အိၣ် ဝဲဒီးအီၤလီၤ. မ့မ့ၢ်ယွၤပကစၢ်အိၣ်ဝဲဒီးပှၤဒ်သိးအကမၤ စၢၤပှၤ, ဒီးဒုးသုးပတၢ်ဒုးသုးတဖၣ်လီၤ. ဒီးပှၤဂီၢ်မုၢ်သ န့ၤအသးလၢယူဒၤအစီၤပၤဃံးစကံယၤ အတၢ်ကတိၤ တဖၣ်န့ၣ်လီၤ.

⁹ တၢ်န့ၣ်အလီၢ်ခံ အၤရှူၢ်အစီၤပၤစၤနဃ့ရံာ်မၢလီၤအ ခ့အပှၤဆူယရူၤၡလ့ၣ်အပူၤ, (ဒီးအကစၢ် အိၣ်ထီဒါ လၤကံၣ်, အိၣ်ဒီးအသုးမုၢ်ဂီၢ်မုၢ်ခဲလၢာ်) ဆူယူဒၤအစီၤ ပၤဃံးစကံယၤအအိၣ်, ဒီးဆူကယဲၢ်ယူဒၤလၢအအိၣ်ဝဲ လၢယရူၤၡလ့ၣ်အပူၤအအိၣ်, ဒီးစံးဝဲဒၣ်, ¹⁰ အၤရှူၢ်အစီၤ ပၤစၤနဃ့ရံာ်စံးဝဲဒ်အံၤ, လၢတၢ်ကဝီၤဃာ်ယရူၤၡလ့ၣ် န့ၣ်သုအိၣ်ဒၣ်တၢ်, ဒီးသန့ၤသုသးလၢမနုၤတမံၤလဲၣ်.

¹¹ ဒီးစီၤဃံးစကံယၤစံးဝဲ, ယွၤပကစၢ်ကမၤပူၤမၤဖျဲးပှၤ ဒီးအၤရှူၢ်အစီၤပၤအစုပူၤသတးဒီး, လွဲန့ၢ်သုဒ်သိးအက ဟ့ၣ်လီၤသုသးလၢ သုကသံလၢတၢ်သၣ်ဝံၤလီၤဒိ, ဒီး တၢ်သူသုသးလၢထံ, တမ့ၢ်ဘၣ်ဧါ. ¹² စီၤဃံးစကံယၤ တဂၤအံၤ, စိာ်ထီၣ်ကွံာ်တၢ်အလီၢ်ထီၣ်ထီ, ဒီးအတၢ် လုၢ်လီၢ်, ဒီးမၤလိာ်ယူဒၤ, ဒီးယရူၤၡလ့ၣ်, ဒီးစံးဝဲဒၣ်, သုဘၣ်ဘူၣ်တၢ်ဘါတၢ်လၢ တၢ်လုၢ်လီၢ်တဖျၢၣ်ဧိၤအ မဲာ်ညါ, ဒီးဆိၣ်ကဲၤထီၣ်တၢ်နၢမူလၢအဝဲန့ၣ်အဖီခိၣ်န့ၣ် တမ့ၢ်ဘၣ်ဧါ.

¹³ တၢ်လၢယၤဒီးယပၢ်တဖၣ် မၤပှၤဂီၢ်မုၢ်ခဲလၢာ်လၢကီၢ် တဖၣ်အပူၤန့ၣ်သုတသ့ၣ်ညါဘၣ်ဧါ. ကီၢ်တဖၣ်န့ၣ်အ ပှၤကလုာ်တဖၣ်အကစၢ်တဖၣ် မၤပူၤမၤဖျဲးအထံအကီၢ် လၢယစုပူၤသ့စ့ၢ်ကီးဧါ.

¹⁴ ဒ်သိးသုကစၢ်မၤပူၤမၤဖျဲးသုလၢယစုပူၤကသ့ဒီး, ပှၤ ကလုာ်လၢ ယပၢ်မၤဟးဂီၤကွံာ်အီၤတဖၣ် အကစၢ်ခဲ လၢာ်အကျါန့ၣ် မ့ၢ်မတၤမၤပူၤမၤဖျဲးအပှၤဂီၢ်မုၢ်လၢယစု ပူၤသ့တဂၤလဲၣ်.

¹⁵ ဒီးခဲကနံၣ်အံၤ ဒုးလီန့ၢ်သုသးလၢ စီၤဃံးစကံယၤတ ဂ့ၤ, ဒီးဒုးလွဲန့ၢ်သုသးလၢအီၤဒ်န့ၣ်သိးတဂ့ၤ. နာ်အီၤ တဂ့ၤ. အဂ့ၢ်ဒ်အံၤ, ပှၤတကလုာ်အကစၢ်မ့ၢ်ဂ့ၤ, ပှၤဘီမုၢ် ဖိအကစၢ်မ့ၢ်ဂ့ၤ, မၤပူၤမၤဖျဲးအပှၤဂီၢ်မုၢ်လၢယစုပူၤ, ဒီး လၢယပၢ်တဖၣ်အစုပူၤန့ၣ် တသ့ဘၣ်နီတဂၤဘၣ်. သု ကစၢ်မၤပူၤမၤဖျဲးသုလၢယစုပူၤ တသ့ဘၣ်နးန့ၢ်အန့ၣ် တက့ၢ်ဆံးဒိၣ်လဲၣ်.

¹⁶ ဒီးအခ့အပှၤ ကတိၤဒံးတၢ်ထီဒါကစၢ်ယွၤ, ဒီးထီဒါ အခ့အပှၤစီၤဃံးစကံယၤန့ၣ်လီၤ.

¹⁷ ဒီးကွဲးလံာ်ဒုၣ်ဒွဲၣ်ယွၤအံၣ်စရ့လးအကစၢ်, ဒီးကတိၤ တၢ်ထီဒါအီၤ, ဒီးစံးဝဲဒၣ်, ဒ်ကီၢ်တဖၣ်အဘီမုၢ်အကစၢ် တဖၣ်တမၤပူၤမၤဖျဲးဘၣ် အပှၤဂီၢ်မုၢ်လၢ ယစုပူၤအသိး န့ၣ်, စီၤဃံးစကံယၤအကစၢ်တမၤပူၤမၤဖျဲးဘၣ်အပှၤဂီၢ် မုၢ်လၢယစုပူၤဘၣ်.

¹⁸ ဒီးကိးထီၣ်ဝဲလၢအကလုၢ်ဖးဒိၣ် လၢယူဒၤအကျိာ်ဆူ ပှၤဂီၢ်မုၢ်လၢဝ့ၢ်ခိၣ်ဒူအဖီခိၣ်, ဒ်သိးအကမၤပျံၤမၤဖုးအီၤ, ဒီးမၤကိၢ်မၤဂီၤအီၤ, ဒ်သိးအကမၤန့ၢ်ဝ့ၢ်န့ၣ်လီၤ.

¹⁹ ဒီးကတိၤတၢ်ထီဒါ ယရူၤၡလ့ၣ်အကစၢ်ဒ်လၢ ဟီၣ် ခိၣ်အပှၤဂီၢ်မုၢ်အကစၢ်တဖၣ်လၢ ပှၤတ့အီၤလၢအစုအ သိးန့ၣ်လီၤ.

²⁰ ဒီးလၢတၢ်န့ၣ်အဃိ စီၤပၤဃံးစကံယၤဒီးစီၤအၤမိးအ ဖိခွါဝံယၡါယၤ ဘါထုကဖၣ်တၢ်, ဒီးကိးထီၣ်ဆူမူခိၣ် လီၤ.

²¹ ဒီးယွၤမၢလီၤ အကလူးတဂၤလၢ အဒီၣ်တဲာ်ကွံာ်ပှၤ အဒိၣ်အဆူၣ်ခဲလၢာ်, ဒီးပှၤအခိၣ်တဖၣ်, ဒီးပဒိၣ်ဖးဒိၣ် လၢအၤရှူၢ်အစီၤပၤအပှၤသူၣ်ဒဲအလီၢ်ပူၤလီၤ. ဒီးက့ၤက ဒါက့ၤဝဲဆူအကီၢ်ဒၣ်ဝဲ, အိၣ်ဒီးအမဲာ်ဆှးလီၤ. ဒီးတုၤဝဲ လၢအကစၢ်အဟံၣ်ပူၤဒီး, ပှၤလၢအဟဲထီၣ်ဝဲလၢအပှံာ် ဒၣ်ဝဲန့ၣ်မၤသံအီၤလၢနးဖဲန့ၣ်လီၤ.

²² ဒီးယွၤအုၣ်က့ၤခီၣ်က့ၤ စီၤဃံးစကံယၤ, ဒီးပှၤအိၣ်ဝဲ ဆိးဝဲလၢယရူၤၡလ့ၣ်အပူၤ, လၢအၤရှူၢ်အစီၤပၤစၤနဃ့ ရံာ်အစုပူၤ, ဒီးလၢပှၤခဲလၢာ်အစုပူၤ, ဒီးဆှၢအီၤဝးတရံး ဝဲလီၤ.

²³ ဒီးပှၤအါဂၤဟဲစိာ် တၢ်မၤဘူၣ်ဆူယွၤအအိၣ်လၢ ယ ရူၤၡလ့ၣ်အပူၤဒီး ခိၣ်ဖးတဖၣ်ဆူယူဒၤအစီၤပၤဃံးစကံ ယၤအအိၣ်လီၤ. ဒီးလၢတၢ်မၤအသးဒ်န့ၣ် အလီၢ်ခံန့ၣ် ဒိၣ်ထီၣ်ဝဲလၢပှၤကိးကလုာ်ဒဲးအမဲာ်ညါလီၤ.

²⁴ တၢ်လၢမုၢ်နံၤတဖၣ်န့ၣ် စီၤဃံးစကံယၤ ဆါထီၣ်ဝဲ တုၤအကသံတ့ၢ်လီၤ. ဒီးဘါထုကဖၣ်ယွၤ, ဒီးအဝဲဒၣ် ကတိၤတၢ်ဒီးအီၤ, ဒီးဟ့ၣ်လီၤအီၤလၢတၢ်အပနီၣ်လီၤ.

²⁵ ဒီးစီၤဃံးစကံယၤ တဟ့ၣ်ကၣ်ဘၣ်တၢ်ဒ်တၢ်ဘျုးတၢ် ဖှိၣ်လၢအဘၣ်အီၤအသိးန့ၣ်ဘၣ်. အဂ့ၢ်ဒ်အံၤ, အသး ပာ်ထီၣ်ထီအသးလီၤ. ဒီးတၢ်သးထီၣ်ဘၣ်အီၤ, ဒီးဘၣ် ယူဒၤ, ဒီးယရူၤၡလ့ၣ်လီၤ.

²⁶ နာ်သက့ဒီးစီၤဃံးစကံယၤ ဆီၣ်လီၤအသးလၢ အ သးထီၣ်ထီအဃိန့ၣ်, (အဝဲဒၣ်ဒီးပှၤအိၣ်ဝဲဆိးဝဲလၢယ ရူၤၡလ့ၣ်အပူၤ,) ဒီးယွၤအသးထီၣ်တဘၣ်ဘၣ်အီၤလၢ စီၤဃံးစကံယၤအမုၢ်နံၤတဖၣ်အပူၤဘၣ်.

²⁷ ဒီးစီၤဃံးစကံယၤ အိၣ်ဝဲဒီးတၢ်ထူးတၢ်တီၤ, ဒီးတၢ် လၤကပီၤအါအါကလဲာ်, ဒီးမၤတၢ်ပာ်ဖှိၣ်အလီၢ်လၢစ့ အဂီၢ်, ဒီးလၢထူအဂီၢ်, ဒီးလၢတၢ်မျၢ်အဂီၢ်, ဒီးလၢတၢ် နၢမူအဂီၢ်, ဒီးလၢကတီၤတဖၣ်အဂီၢ်, ဒီးလၢတၢ်အဃၢၤ အဃိၢ်လၢအဘၣ်ဒၣ် ပှၤအသးခဲလၢာ်အဂီၢ်, ²⁸ တၢ်ပာ် ဖှိၣ်အလီၢ်စ့ၢ်ကီးလၢဘုဧိၤဟုဧိၤ, ဒီးစပံးထံ, ဒီးသိသ့ၣ် တဖၣ်အတၢ်အါထီၣ်အဂီၢ်, ဒီးတၢ်အိၣ်အလီၢ်လၢဆၣ် ဖိကီၢ်ဖိအဒၢအကလုာ်ကလုာ်အဂီၢ်, ဒီးကရၢလၢသိဒီး မဲာ်တဲးလဲးအဂီၢ်လီၤ.

²⁹ ဒီးမၤန့ၢ်ဝဲလၢဝ့ၢ်တဖၣ်လၢအဂီၢ်, ဒီးတၢ်ဖိတၢ်လံၤ, သိ ဒီးမဲာ်တဲးလဲး, ဒီးဂီၤဘုၣ်ဂီၤဖံးအါဒုလီၤ. အဂ့ၢ်ဒ်အံၤ, ယွၤ ဟ့ၣ်လီၤအီၤလၢ အစုလီၢ်အခီၣ်ခိၣ်အါအါကလဲာ်လီၤ.

³⁰ ဒီးအဝဲဒၣ်, စီၤဃံးစကံယၤ တြီကံဃိၣ်အထံကျိအ ထီၣ်ပၢၢ်လၢထးခီ, ဒီးဒုးယွၤလီၤဝဲစၢၢ်ဆၢဆူစီၤဒၤဝံးအ ဝ့ၢ်လၢမုၢ်နုာ်တခီလီၤ. ဒီးစီၤဃံးစကံယၤ ဘီၣ်ထီၣ်ညီ ထီၣ်ဝဲလၢအမၤတၢ်ခဲလၢာ်အပူၤလီၤ.

³¹ မ့မ့ၢ်လၢတၢ်ဘၣ်ဃးဒီး ဘၤဘူၤလိၣ်အပဒိၣ်ဖးဒိၣ်အ ပှၤကတိၤကျိးတၢ်တဖၣ် လၢတၢ်မၢလီၤအီၤဒ်သိးအက သံကွၢ်တၢ်လၢတၢ်လီၤလးမၤအသးလၢ ကီၢ်ပူၤအဂ့ၢ်အ ကျိၤန့ၣ်ယွၤလဲၤသဒၣ်အီၤ, ဒ်သိးအကမၤကွၢ်အီၤ, ဒ်သိး အကသ့ၣ်ညါကယဲၢ်တၢ်လၢ အအိၣ်ဝဲလၢအသးကံၢ်ပူၤ န့ၣ်လီၤ.

³² ဒီးတၢ်အိၣ်လီၤတဲာ်ဘၣ်ဃးဒီး စီၤဃံးစကံယၤအတၢ် မၤ, ဒီးအတၢ်ဂ့ၤတၢ်ဝါန့ၣ်, ကွၢ်ကွၢ်, ကွဲးအသးလၢ စီၤအၤမိးအဖိခွါဝံယၡါယၤ အလံာ်ထံၣ်တၢ်အပူၤ, လၢ ယူဒၤဒီးအံၣ်စရ့လးအစီၤပၤတဖၣ်အလံာ်ပူၤလီၤ.

³³ ဒီးစီၤဃံးစကံယၤ မံဝဲဒီးအပၢ်တဖၣ်, ဒီးပှၤခူၣ်လီၤ ကွံာ်အီၤလၢစီၤဒၤဝံးအဖိခွါတဖၣ် အတၢ်သွၣ်ခိၣ်အထီ ကတၢၢ်အပူၤ, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤခဲ လၢာ်မၤလၤမၤကပီၤအီၤ ဖဲအသံန့ၣ်, ဒီးအဖိခွါစီၤမနၤ ရှ့ၤကဲထီၣ်စီၤပၤလၢအလီၢ်န့ၣ်လီၤ.

၃၃

¹ လၢစီၤမနၤရှ့ၤကဲသီစီၤပၤန့ၣ်အသးပှၢ်တဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤယဲၢ်ဆံယဲၢ်နံၣ်လီၤ.

² ဒီးမၤတၢ်အၢလၢယွၤအမဲာ် ဒ်ပှၤကလုာ်တဖၣ်လၢယွၤ ဟီထီၣ်ကွံာ်လၢ ပှၤအံၣ်စရ့လးဖိအမဲာ်ညါ အတၢ်သး ဘၣ်အၢအသိးလီၤ. ³ ဒီးမၤက့ၤတၢ်အလီၢ်ထီၣ်ထီတဖၣ် လၢအပၢ်စီၤဃံးစကံယၤမၤဟးဂီၤဝဲ, ဒီးမၤထီၣ်တၢ်လုၢ် လီၢ်တဖၣ်လၢဘဧၤလးတဖၣ်အဂီၢ်, ဒီးတ့အရှ့ရၤ, ဒီး ဘါထီၣ်မူခိၣ်အသုးမုၢ်ဂီၢ်မုၢ်ခဲလၢာ်, ဒီးမၤအတၢ်လီၤ.

⁴ ဒီးမၤတၢ်လုၢ်လီၢ်တဖၣ် လၢယွၤအဟံၣ်လၢ ယွၤစံး လၢအဂ့ၢ်, ယမံၤကအိၣ်လၢယရူၤၡလ့ၣ်အပူၤ လီၤထူ လီၤယိာ်လီၤ.

⁵ ဒီးမၤတၢ်လုၢ်လီၢ်တဖၣ် လၢမူခိၣ်အသုးမုၢ်ခဲလၢာ်အ ဂီၢ်လၢယွၤအဟံၣ်အဂၢၤပူၤခံပူၤလီၤ. ⁶ ဒီးမၢအဖိခွါ ခီ ဂာ်မ့ၣ်အူလၢ ဟံၣ်နိၣ်အဖိခွါအကစၢၢ်ကဆူးအပူၤ, ဒီး မၤကဒါပမဲာ်, ဒီးမၤတၢ်ဒီးပှၤအိၣ်ဒီးပှၤသံအကလၤတ ဖၣ်, ဒီးပှၤမဲာ်ထံၣ်ဝံတဖၣ်သတးဒီး, လၢယွၤအမဲာ်န့ၣ် မၤတၢ်အၢအါမံၤလၢတၢ်ထိၣ်ဂဲၤအသးထီၣ်လီၤ.

⁷ ဒီးပာ်လီၤတၢ်ဂီၤ, တၢ်ဂီၤလၢအတ့ဝဲလၢယွၤအဟံၣ်ပူၤ လၢယွၤစံးဘၣ်စီၤဒၤဝံးဒီး အဖိခွါစီၤၡလိၤမိၤ လၢအဂ့ၢ်, လၢဟံၣ်တဖျၢၣ်အံၤအပူၤ, ဒီးလၢယရူၤၡလ့ၣ်အပူၤလၢ ယဃုထၢလၢ အံၣ်စရ့လးအဒူၣ်ခဲလၢာ်အကျါန့ၣ်ယက ပာ်ယမံၤအစိၤစိၤအဃၣ်ဃၣ်လီၤ. ⁸ မ့ၢ်ထဲအတိၢ်န့ၢ်က ယဲၢ်တၢ်လၢယမၤလိာ်အီၤခဲလၢာ် ဒ်ကယဲၢ်တၢ်သိၣ်တၢ် သီခဲလၢာ်, ဒီးတၢ်မၤလိာ်, ဒီးတၢ်စံၣ်ညီၣ်လၢစီၤမိၤရှ့အ စုပူၤအသိးဒီး, ယတဒုးဟးထီၣ်လၢၤဘၣ်အံၣ်စရ့လးအ ခီၣ်လၢကီၢ်လၢ ယဟ့ၣ်လီၤသုပၢ်တဘ့ၣ်အပူၤဘၣ်.

⁹ ဒီးစီၤမနၤရှ့ၤကလံာ်ယူဒၤဒီးယရူၤၡလ့ၣ်, ဒ်သိးအက မၤတၢ်အၢအါန့ၢ်ပှၤကလုာ်တဖၣ်လၢ ယွၤမၤဟးဂီၤအီၤ လၢပှၤအံၣ်စရ့လးဖိအမဲာ်ညါတက့ၢ်လီၤ.

¹⁰ ဒီးယွၤကတိၤတၢ်ဒီးစီၤမနၤရှ့ၤ, ဒီးအပှၤဂီၢ်မုၢ်, ဒီးတ ဒိကနၣ်ဘၣ်တၢ်ဘၣ်.

¹¹ ဒီးယွၤဒုးဟဲထီဒါအီၤ လၢအၤရှူၢ်အစီၤပၤ အပှၤသုး မုၢ်အခိၣ်တဖၣ်လၢအမၤန့ၢ် စီၤမနၤရှ့ၤလၢတၤဆှုၣ်, ဒီး စၢဃာ်အီၤလၢထးသွဲ, ဒီးစိာ်ထီၣ်ကွံာ်အီၤဆူ ဘၤဘူၤ လိၣ်အပူၤလီၤ.

¹² ဒီးတုၤအဘၣ်တၢ်ကိၢ်တၢ်ဂီၤဒီး, ဃ့ကညးယွၤအက စၢ်, ဒီးဆီၣ်လီၤအသးဒိၣ်ဒိၣ်ကလဲာ်လၢအပၢ်တဖၣ်အ ကစၢ်အမဲာ်ညါလီၤ. ¹³ ဒီးဘါထုကဖၣ်ဝဲ, ဒီးအဝဲဒၣ် တူၢ်လိာ်အတၢ်ဃ့ကညး, ဒီးဒိကနၣ်အကလုၢ်, ဒီးဒုး ဟဲက့ၤအီၤဆူယရူၤၡလ့ၣ်ဆူအဘီမုၢ်အပူၤလီၤ. ဒီးစီၤမ နၤရှ့ၤသ့ၣ်ညါဝဲလၢယွၤမ့ၢ်ကစၢ်လီၤ.

¹⁴ ဒီးတၢ်န့ၣ်တဖၣ်အလီၢ်ခံ မၤထီၣ်ဝ့ၢ်အခိၣ်ဒူ လၢစီၤ ဒၤဝံးအဝ့ၢ်လၢခိလၢ ကံဃိၣ်အမုၢ်နုာ်တခီလၢကစၢၢ်က ဆူးအပူၤ, ပၢၢ်လၢတၢ်လဲၤနုာ်လၢညၣ်အပဲတရီ, ဒီးမၤ ဝးတရံးဧိၤဖ့လး, ဒီးမၤအီၤထီထီကလဲာ်, ဒီးပာ်ပှၤသုး ဖိအခိၣ်တဖၣ်လၢ ယူဒၤအဝ့ၢ်အိၣ်ဒီးအခိၣ်ဒူခဲလၢာ်အ ပူၤလီၤ.

¹⁵ ဒီးဟံးထီၣ်ကွံာ်တခီဘီမုၢ်ဖိအကစၢ်တဖၣ်, ဒီးတၢ်ဂီၤ လၢယွၤအဟံၣ်ပူၤ, ဒီးကယဲၢ်တၢ်လုၢ်လီၢ်တဖၣ်လၢအ မၤဝဲလၢယွၤအဟံၣ်အကစၢၢ်လိၤ, ဒီးလၢယရူၤၡလ့ၣ်အ ပူၤ, ဒီးကွံာ်တ့ၢ်ကွံာ်ဝဲလၢဝ့ၢ်အချၢလီၤ.

¹⁶ ဒီးမၤက့ၤယွၤအတၢ်လုၢ်လီၢ်, ဒီးလုၢ်တၢ်လုၢ်မၤဃူမၤ ဖိး, ဒီးတၢ်လုၢ်စံးထီၣ်ပတြၢၤလၢအဖီခိၣ်, ဒီးမၤလိာ်ယူ ဒၤဒ်သိးအကမၤယွၤအံၣ်စရ့လးအကစၢ်အတၢ်လီၤ.

¹⁷ ဘၣ်ဆၣ်ဒီး ပှၤဂီၢ်မုၢ်လုၢ်ဒံးတၢ်လၢ တၢ်အလီၢ်ထီၣ် ထီတဖၣ်အဖီခိၣ်, မ့မ့ၢ်ထဲလၢယွၤအကစၢ်တဂၤဧိၤ အ ဂီၢ်လီၤ.

¹⁸ ဒီးတၢ်အိၣ်လီၤတဲာ်ဘၣ်ဃးဒီး စီၤမနၤရှ့ၤ, ဒီးအတၢ် ဘါထုကဖၣ်လၢအကစၢ်, ဒီးပှၤထံၣ်တၢ်တဖၣ်လၢအ ကတိၤတၢ်ဒီးအီၤလၢ ယွၤအံၣ်စရ့လးအကစၢ်အမံၤအ တၢ်ကတိၤတဖၣ်, ကွၢ်ကွၢ်, အိၣ်ဝဲလၢအံၣ်စရ့လးအ စီၤပၤအလံာ်ပူၤလီၤ.

¹⁹ ဒီးအတၢ်ထုကဖၣ်, ဒီးလၢယွၤတူၢ်လိာ်အတၢ်ဃ့က ညး, ဒီးအတၢ်ဒဲးဘးခဲလၢာ်, ဒီးအတၢ်မၤကမၣ်ဒီးတ ချုးအဆီၣ်လီၤဒံးဘၣ်အသးန့ၣ် တၢ်အလီၢ်ဖဲအမၤထီၣ် တၢ်အလီၢ်ထီၣ်ထီတဖၣ်, ဒီးသူၣ်ထီၣ်အရှ့ရၤတဖၣ်, ဒီး တၢ်ဂီၤတဖၣ်, ကွၢ်ကွၢ်, ကွဲးအသးလၢပှၤထံၣ်တၢ်တ ဖၣ်အတၢ်ကတိၤအကျါလီၤ.

²⁰ ဒီးစီၤမနၤရှ့ၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢအဟံၣ်ဒၣ်ဝဲအပူၤ, ဒီးအဖိခွါစီၤအၤမိၣ်ကဲထီၣ် စီၤ ပၤလၢအလီၢ်န့ၣ်လီၤ.

²¹ လၢစီၤအၤမိၣ်ကဲသီစီၤပၤန့ၣ် အသးပှၢ်ခံဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤခံနံၣ်လီၤ.

²² ဒီးမၤတၢ်အၢလၢယွၤအမဲာ်, ဒ်အပၢ်စီၤမနၤရှ့ၤမၤဝဲအ သိးန့ၣ်လီၤ. အဂ့ၢ်ဒ်အံၤ, စီၤအၤမိၣ်လုၢ်တၢ်လၢတၢ်ဂီၤ စိးပျၤအသးလၢအပၢ် စီၤမနၤရှ့ၤတ့ဝဲခဲလၢာ်, ဒီးမၤအ တၢ်လီၤ.

²³ ဒီးတဆီၣ်လီၤဘၣ်အသးလၢ ယွၤအမဲာ်ညါ ဒ်အပၢ် စီၤမနၤရှ့ၤဆီၣ်လီၤအသးအသိးဘၣ်. ဒီးစီၤအၤမိၣ်မၤက မၣ်တၢ်အါထီၣ်အါထီၣ်လီၤ.

²⁴ ဒီးအခ့အပှၤ ကူၣ်တၢ်ထီဒါအီၤ, ဒီးမၤသံအီၤလၢအ ဟံၣ်ဒၣ်ဝဲအပူၤလီၤ.

²⁵ ဒီးကီၢ်အပှၤကညီမၤသံ ပှၤလၢအကူၣ်တၢ်ထီဒါ စီၤ ပၤအၤမိၣ်ခဲလၢာ်, ဒီးကီၢ်အပှၤကညီပာ်အဖိခွါစီၤယိၤၡံ ယၤလၢစီၤပၤလၢအလီၢ်န့ၣ်လီၤ.

၃၄

¹ လၢစီၤယိၤၡံယၤကဲသီစီၤပၤန့ၣ် အသးပှၢ်ဃိးနံၣ်, ဒီး ကဲစီၤပၤလၢယရူၤၡလ့ၣ်အပူၤသၢဆံတနံၣ်လီၤ.

² ဒီးမၤတၢ်အလိၤ လၢယွၤအမဲာ်, ဒီးပိာ်အပၢ်စီၤဒၤဝံး အကျဲတဖၣ်, ဒီးဆူစုထွဲဂ့ၤ, ဆူစုစ့ၣ်ဂ့ၤ, တဃၣ်ကပၤ ဘၣ်အသးဘၣ်.

³ ဒီးလၢအကဲစီၤပၤပှဲၤထီၣ်ဃိးနံၣ်တနံၣ်, အသးစၢ်ဒံး န့ၣ်ဃုထီၣ်သီ အပၢ်စီၤဒၤဝံးအကစၢ်, ဒီးလၢအနံၣ်ပှဲၤ ထီၣ်တဆံခံနံၣ်တနံၣ်န့ၣ် မၤကဆှီထီၣ်သီယူဒၤ, ဒီး ယရူၤၡလ့ၣ်လၢတၢ်အလီၢ်ထီၣ်ထီ, ဒီးအရှ့ရၤ, ဒီးတၢ် ဂီၤစိးပျၤအသး, ဒီးတၢ်ဂီၤသိအသးသ့ၣ်တဖၣ်လီၤ. ⁴ ဒီး ပှၤမၤလီၤပှီၢ်ကွံာ် ဘဧၤလးအတၢ်လုၢ်လီၢ်လၢအမဲာ်ညါ, ဒီးတၢ်ဂီၤဃမၣ်လၢအအိၣ်ထီၣ်ထီလၢအဖီခိၣ်န့ၣ် ကူာ် လီၤကွံာ်ဝဲလီၤ. ဒီးအရှ့ရၤ, ဒီးတၢ်ဂီၤစိးပျၤအသး, ဒီး တၢ်ဂီၤသိအသးန့ၣ်မၤလီၤကလဲကွံာ်ဝဲ, ဒီးမၤဝဲလၢတၢ် အကမူၣ်, ဒီးဖှံဝဲလၢပှၤလၢအလုၢ်တၢ်လၢအီၤတဖၣ်အ သွၣ်ခိၣ်အဖီခိၣ်န့ၣ်လီၤ.

⁵ ဒီးဆူးထီၣ်ကွံာ် ပှၤလုၢ်တၢ်အဒိၣ်တဖၣ် အဃံလၢ အတၢ်လုၢ်လီၢ်အဖီခိၣ်, ဒီးမၤကဆှီထီၣ်ယူဒၤ, ဒီးယရူၤ ၡလ့ၣ်လီၤ. ⁶ ဒီးဒ်န့ၣ်အသိးလၢမနၤရှ့ၤဒီးအ့ဖရဲၣ်, ဒီး စူၤမ့းအိၣ်အဝ့ၢ်တဖၣ်အပူၤ ပၢၢ်လၢနးသၤလံန့ၣ်မၤဝဲလၢ အတၢ်ဟးဂီၤတဖၣ်ဝးတရံးဝဲလီၤ.

⁷ ဒီးမၤလီၤပှီၢ်ကွံာ် တၢ်လုၢ်လီၢ်တဖၣ်, ဒီးအရှ့ၤရၤတ ဖၣ်, ဒီးတီၢ်လီၤကလဲတၢ်ဂီၤစိးပျၤအသး, ဒီးကူာ်လီၤ ကွံာ်တၢ်ဂီၤဃမၣ်ခဲလၢာ် လၢအံၣ်စရ့လးအကီၢ်ဒီဘ့ၣ် ညါဝံၤဒီး, က့ၤကဒါက့ၤဝဲဆူယရူၤၡလ့ၣ်လီၤ.

⁸ ဒီးလၢစီၤယိၤၡံယၤ ကဲစီၤပၤတဆံဃိးနံၣ်တနံၣ်န့ၣ် တုၤအမၤကဆှီထီၣ်ထံဧိၤကီၢ်ဧိၤ, ဒီးဟံၣ်န့ၢ်ဝံၤဒီး, တၢ် မၤအသးလၢစီၤပၤမၢလီၤ ပှၤကွဲးလံာ်စီၤအစါလံယၤအ ဖိခွါစီၤၡၤဖၣ်, ဒီးဝ့ၢ်အခိၣ်စီၤမၤစယၤ, ဒီးပှၤကွဲးနီၣ်တၢ် စီၤယဟါအါဃးအဖိခွါ စီၤယိအၤသ့ၣ်တဖၣ်ဒ်သိးအက မၤက့ၤယွၤအကစၢ်အဟံၣ်လီၤ. ⁹ ဒီးဟဲဝဲဆူပှၤလုၢ်တၢ် အခိၣ်စီၤဃံးလကံယၤအအိၣ်, ဒီးဟ့ၣ်လီၤစ့လၢပှၤဟဲ စိာ်ဆူယွၤအဟံၣ်ပူၤ, လၢပှၤလ့ၤဝံဖိ လၢအပၢၤတြဲၤတ ဖၣ်ထၢဖှိၣ်လၢမနၤရှ့ၤ, ဒီးအ့ဖရဲၣ်အစုပူၤ, ဒီးလၢပှၤအိၣ် လီၤတဲာ်လၢအံၣ်စရ့လးအကျါခဲလၢာ်, ဒီးလၢယူဒၤ, ဒီး ဘံၣ်ယၤမံၣ်ခဲလၢာ်, ဒီးလၢပှၤအိၣ်ဝဲဆိးဝဲလၢ ယရူၤၡ လ့ၣ်အပူၤလီၤ. ¹⁰ ဒီးဟ့ၣ်လီၤဝဲလၢပှၤမၤတၢ်ဖိလၢအကွၢ် ယွၤအဟံၣ်တဖၣ်အစုပူၤ, ဒီးအဝဲသ့ၣ်ဟ့ၣ်လီၤက့ၤတ သါလၢ ပှၤမၤတၢ်ဖိလၢအမၤတၢ်လၢယွၤအဟံၣ်ပူၤ, ဒ် သိးအကဘှီက့ၤ, ဒီးမၤဂ့ၤထီၣ်ဟံၣ်န့ၣ်လီၤ. ¹¹ ဟ့ၣ်လီၤဝဲ လၢပှၤစိးပျၤတၢ်ဖိ, ဒီးလၢပှၤသူၣ်တၢ်ဖိ ဒ်သိးအကပှ့ၤ လၢၢ်စိးပျၤအသး, ဒီးသ့ၣ်လၢ တၢ်အဆၢတဖၣ်အဂီၢ်, ဒီးလၢအကမၤက့ၤကျိၤတဖၣ်လၢ ဟံၣ်တဖၣ်အဂီၢ်လၢ ယူဒၤအစီၤပၤတဖၣ်မၤဟးဂီၤတ့ၢ်ဝဲလီၤ. ¹² ဒီးပှၤကညီတဖၣ်န့ၣ်မၤဝဲလၢအကလုၢ်တီလီၤ. ဒီးပှၤအိၣ်ဝဲလၢအဖီခိၣ်မ့ၢ်စီၤယၤဃး, ဒီးစီၤဧိၤဘါဒယၤ, ပှၤလ့ၤဝံဖိလၢစီၤမရၤရံၤအဖိခွါအကျါ, ဒီးစီၤစကၤရယၤ, ဒီးစီၤမရှူလၣ်လၢပှၤကဃးဖိအဖိခွါအကျါန့ၣ် ဒုးမၤတၢ်လီၤ. ပှၤလ့ၤဝံဖိအဂၤလၢအသ့ဒံၣ်ဒၢပီၤဒွါခဲလၢာ်လီၤ.―

¹³ ဒီးအိၣ်ဝဲလၢ ပှၤဝံတၢ်ယိးတၢ်ဖိအဖီခိၣ်, ဒီးမ့ၢ်ကယဲၢ် ပှၤမၤတၢ်တမံၤမံၤခဲလၢာ်အခိၣ်တဖၣ်, ဒီးပှၤကွဲးလံာ်, ဒီးပဒိၣ်, ဒီးပှၤပၢၤပဲတရီသ့ၣ်တဖၣ်န့ၣ်မ့ၢ်ပှၤလ့ၤဝံဖိလီၤ.

¹⁴ ဒီးတုၤပှၤဟဲစိာ်ထီၣ်စ့လၢ ပှၤစိာ်နုာ်လၢ ယွၤအဟံၣ်ပူၤ ဒီး, ပှၤလုၢ်တၢ်အဒိၣ် စီၤဃံးလကံယၤ ထံၣ်န့ၢ်ယွၤအ လံာ်တၢ်သိၣ်တၢ်သီလၢစီၤမိၤရှ့အစုပူၤလီၤ.

¹⁵ ဒီးစီၤဃံးလကံယၤကတိၤတၢ်, ဒီးစံးဘၣ်ပှၤကွဲးလံာ် စီၤၡၤဖၣ်, ယထံၣ်န့ၢ်လံလံာ်တၢ်သိၣ်တၢ်သီ လၢယွၤ အဟံၣ်ပူၤလံ, ဒီးစီၤဃံးလကံယၤဟ့ၣ်စီၤၡၤဖၣ်လၢလံာ် န့ၣ်လီၤ. ¹⁶ ဒီးစီၤၡၤဖၣ်စိာ်ထီၣ်လံာ်န့ၣ် ဆူစီၤပၤအအိၣ်, ဒီးဟဲက့ၤစိာ်တၢ်ကတိၤဆူစီၤပၤအအိၣ်, ဒီးစံးဝဲဒၣ်, ကယဲၢ်တၢ်ပာ်လီၤလၢနခ့နပှၤအစုပူၤခဲလၢာ်န့ၣ် ပှၤမၤဝဲလီၤ.―

¹⁷ ဒီးထၢဖှိၣ်လံစ့လၢအထံၣ်န့ၢ်ဝဲလၢ ယွၤအဟံၣ်ပူၤ, ဒီး ဟ့ၣ်လီၤလံလၢ ပှၤကွၢ်တၢ်တဖၣ်အစုပူၤ, ဒီးလၢပှၤမၤ တၢ်ဖိလံ.

¹⁸ ဒီးပှၤကွဲးလံာ်စီၤၡၤဖၣ် ဒုးနဲၣ်တၢ်လၢစီၤပၤ, ဒီးစံးဝဲ ဒၣ်, ပှၤလုၢ်တၢ်အဒိၣ်စီၤဃံးလကံယၤန့ၣ် ဟ့ၣ်လီၤယၤ လၢလံာ်တကတြူၢ်လီၤ. ဒီးစီၤၡၤဖၣ်ဖးဝဲလၢ စီၤပၤအ မဲာ်ညါလီၤ.

¹⁹ ဒီးတုၤစီၤပၤနၢ်ဟူ လံာ်တၢ်သိၣ်တၢ်သီအကလုၢ်က ထါဒီး, တၢ်မၤအသးလၢအဖှီအဆ့လီၤ.

²⁰ ဒီးစီၤပၤမၤလိာ် စီၤဃံးလကံယၤ, ဒီးစီၤၡၤဖၣ်အဖိခွါ စီၤအဃံကၣ်, ဒီးစီၤမံၤကါအဖိခွါစီၤဧးဘဒိၣ်, ဒီးပှၤ ကွဲးလံာ်စီၤၡၤဖၣ်, ဒီးစီၤပၤအခ့အပှၤစီၤဧစါယၤ, ဒီးစံး ဝဲဒၣ်, ²¹ လဲၤသံကွၢ်တၢ်လၢယွၤလၢယဂီၢ်, ဒီးလၢပှၤလၢ အအိၣ်လီၤတဲာ်လၢ အံၣ်စရ့လးဒီးယူဒၤတဖၣ်အဂီၢ်လၢ လံာ်တကတြူၢ်လၢပထံၣ်န့ၢ်အီၤအကလုၢ်ကထါ, အဂ့ၢ် အကျိၤတက့ၢ်. အဂ့ၢ်ဒ်အံၤ, ယွၤအတၢ်သးထီၣ်လၢအ လူလီၤအသးလၢပဖီခိၣ်မ့ၢ်အဒိၣ်မးလီၤ. အဂ့ၢ်ဒ်အံၤ, ပ ပၢ်တဖၣ်တတိၢ်န့ၢ်ဘၣ်လံာ်အံၤအကလုၢ်ကထါ, ဒ်သိး အကမၤဝဲဒ်ကယဲၢ်တၢ်ကွဲးအသးလၢလံာ်အံၤအပူၤဘၣ်.

²² ဒီးစီၤဃံးလကံယၤ, ဒီးပှၤလၢစီၤပၤပာ်လီၤဝဲတဖၣ်န့ၣ် လဲၤဆူပှၤပၢၤတၢ်ကူတၢ်သိး စီၤဃၤစရၤအဖိခွါစီၤတံး ကဝၤအဖိခွါစီၤၡၣ်လူၣ်အမါ ဝံပိာ်မုၣ်နီၢ်ဃုလဒါတဂၤ အအိၣ်, ဒီးကတိၤတၢ်ဒီးအီၤလီၤ. အဝဲဒၣ်အိၣ်ဝဲလၢ ယရူၤၡလ့ၣ်လၢတၢ်အလီၢ်ခံတီၤတတီၤန့ၣ်လီၤ.

²³ ဒီးပိာ်မုၣ်န့ၣ်စံးဘၣ်အီၤ, ယွၤအံၣ်စရ့လးအကစၢ်စံး ဒ်အံၤ, စံးဘၣ်တဲဘၣ်ပှၤလၢအမၢလီၤသု ဆူယအိၣ်,

²⁴ ယွၤစံးဒ်အံၤ, ကွၢ်ကွၢ်, ယကဒုးဟဲဘၣ်တၢ်အလီၢ်တပူၤ အံၤဒီးပှၤလၢအအိၣ်ဝဲဆိးဝဲလၢအပူၤလၢတၢ်အၢ, ကယဲၢ် တၢ်ဆိၣ်အၢခဲလၢာ် လၢအကွဲးအသးလၢလံာ်ပူၤလၢပှၤ ဖးဝဲလၢယူဒၤအစီၤပၤအမဲာ်ညါလီၤ. ²⁵ အဂ့ၢ်ဒ်အံၤ, လဲၤ သဒၣ်ယၤ, ဒီးဆိၣ်ကဲၤတၢ်နၢမူလၢကစၢ်အဂၤတဖၣ်, ဒ် သိးအကဒုးသးထီၣ်ယၤလၢ အစုအမၤတၢ်ခဲလၢာ်အဃိ လီၤ. ဒီးယသးထီၣ်ကလူလီၤအသးလၢတၢ်အလီၢ်တပူၤ အံၤ, ဒီးတစၢ်လီၤဘၣ်. ²⁶ မ့မ့ၢ်ယူဒၤအစီၤပၤလၢအမၢသု ဟဲသံကွၢ်တၢ်လၢယွၤန့ၣ်, သုဘၣ်စံးဘၣ်အီၤ, ယွၤအံၣ် စရ့လးအကစၢ်စံးဒ်အံၤ, တၢ်ကတိၤလၢနနၢ်ဟူန့ၣ်, ²⁷ မ့ၢ် နသးစူၤ, ဒီးဆီၣ်လီၤနသးလၢယွၤအမဲာ်ညါ ဖဲနနၢ်ဟူ တၢ်ကတိၤလၢအကတိၤထီဒါတၢ်အလီၢ်တပူၤအံၤ, ဒီး ထီဒါပှၤလၢအအိၣ်အဆိးလၢအပူၤဒီး, နဆီၣ်လီၤနသး လၢယမဲာ်ညါ, ဒီးနဖှီနဆ့ဒီးနမဲာ်ထံလီၤလၢယမဲာ်ညါ သတးဒီး, ယဲဒၣ်အံၤယဒိကနၣ်လံစ့ၢ်ကီးနၤလံ. ²⁸ ကွၢ် ကွၢ်, ယကပာ်ဖှိၣ်နၤဒီးနပၢ်တဖၣ်, ဒီးတၢ်ကပာ်ဖှိၣ်နၤ လၢနတၢ်သွၣ်ခိၣ်ပူၤမုာ်မုာ်, ဒီးနမဲာ်တထံၣ်ဘၣ်တၢ်အၢ ခဲလၢာ်လၢယကဒုးဟဲဘၣ်တၢ်အလီၢ်အံၤ, ဒီးပှၤလၢအ အိၣ်အဆိးလၢအပူၤဘၣ်. ဒီးအဝဲသ့ၣ်တဖၣ်န့ၣ်ဟဲစိာ် န့ၢ်စီၤပၤလၢတၢ်ကတိၤန့ၣ်လီၤ.

²⁹ ဒီးစီၤပၤမၢလီၤတၢ်, ဒီးပှၤဒုးအိၣ်ဖှိၣ်ယူဒၤအပှၤသူၣ် က့သးပှၢ်, ဒီးယရူၤၡလ့ၣ် အပှၤသူၣ်က့သးပှၢ်ခဲလၢာ် လီၤ.

³⁰ ဒီးစီၤပၤလဲၤထီၣ်ဆူယွၤအဟံၣ်ပူၤ, ဒီးယူဒၤအပှၤက ညီခဲလၢာ်, ဒီးပှၤအိၣ်ဝဲဆိးဝဲလၢ ယရူၤၡလ့ၣ်အပူၤခဲ လၢာ်အိၣ်ဝဲဒီးအီၤ, ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိ, ဒီးပှၤဂီၢ်မုၢ်ခဲလၢာ်ဒီးဒိၣ်ဒီးဆံး, ဒီးဖးဝဲလၢအနၢ်ပူၤ, လၢ ကယဲၢ်တၢ်ကတိၤလၢ လံာ်တၢ်အၢၣ်လီၤအီလီၤအတၢ် ကတိၤလၢပှၤထံၣ်န့ၢ်ဝဲလၢယွၤအဟံၣ်ပူၤန့ၣ်လီၤ.

³¹ ဒီးစီၤပၤဆၢထၢၣ်လၢ တၢ်ဆၢထၢၣ်အလီၢ်ဒီး အၢၣ် လီၤအီလီၤတၢ်လၢယွၤအမဲာ်ညါ လၢအကလဲၤပိာ်ယွၤ အကျဲ, ဒီးတိၢ်န့ၢ်အတၢ်မၤလိာ်, ဒီးအတၢ်အုၣ်အသး, ဒီးအတၢ်သိၣ်တၢ်သီတဖၣ်, လၢအသးဒီဖျၢၣ်ညါ, ဒီး လၢအသးလၢအဆိကမိၣ်တၢ်တုၤအလၢာ်, ဒ်သိးအက မၤတၢ်အၢၣ်လီၤအီလီၤအတၢ်ကတိၤအံၤ လၢအကွဲးအ သးလၢလံာ်အံၤအပူၤလီၤ.

³² ဒီးဒုးမၤဂၢၢ်မၤကျၢၤဝဲ လၢကယဲၢ်ပှၤလၢအအိၣ်လၢယ ရူၤၡလ့ၣ်, ဒီးလၢပှၤဘံၣ်ယၤမံၣ်ဖိအကျါန့ၣ်လီၤ. ဒီးပှၤ အိၣ်ဝဲဆိးဝဲလၢယရူၤၡလ့ၣ်အပူၤတဖၣ်မၤဝဲဒ်ယွၤ, အပၢ် အကစၢ်အတၢ်အၢၣ်လီၤအီလီၤအသိးန့ၣ်လီၤ.

³³ ဒီးစီၤယိၤၡံယၤ သုးကွံာ် ကယဲၢ်တၢ်သးဘၣ်အၢလၢ ကီၢ်ကိးဘ့ၣ်ဒဲးအပူၤ လၢအဘၣ်ဃးဒီးပှၤအံၣ်စရ့လးဖိ, ဒီးဒုးမၤကယဲၢ်ပှၤလၢအအိၣ်လၢအံၣ်စရ့လးအကျါ, ဒုး မၤအီၤလၢယွၤအကစၢ်အတၢ်မၤလီၤ. ဒီးလၢအဝဲဒၣ်အ မုၢ်နံၤခဲလၢာ်အတီၢ်ပူၤ အဝဲသ့ၣ်ပိာ်ယွၤ, အပၢ်တဖၣ် အကစၢ်အခံ, ဒီးတလဲၤသဒၣ်ဘၣ်ဝဲဘၣ်လီၤ.

၃၅

¹ ဒီးစီၤယိၤၡံယၤမၤဘူၣ်လဲၤကပာ် လၢယွၤအဂီၢ်လၢယ ရူၤၡလ့ၣ်အပူၤ, ဒီးလၢလါခီၣ်ထံးတလါထီၣ်တဆံလွံၢ် နံၤတနံၤန့ၣ် မၤသံတၢ်လဲၤကပာ်လီၤ. ² ဒီးပာ်ပှၤလုၢ် တၢ်အဒိၣ်တဖၣ်လၢအတၢ်မၤအလီၢ်, ဒီးဒုးဆူၣ်ထီၣ်အီၤ လၢအကမၤယွၤအဟံၣ်အတၢ်မၤလီၤ. ³ ဒီးစံးဘၣ် ပှၤလ့ၤဝံဖိလၢအသိၣ်လိ အံၣ်စရ့လးခဲလၢာ်, လၢအမ့ၢ်ပှၤစီဆှံလၢယွၤအဂီၢ်, ပာ်တလါစီဆှံလၢယွၤအဟံၣ်, လၢစီၤဒၤဝံးအဖိခွါစီၤၡလိၤမိၤသူၣ်ဝဲန့ၣ်တက့ၢ်. တကဲဘၣ်တၢ်ယိးလၢသုဖံဘၣ်ခိၣ်ဘၣ်. မၤယွၤသုကစၢ်, ဒီးအပှၤဂီၢ်မုၢ်အံၣ်စရ့လးအတၢ်တက့ၢ်.―

⁴ ဒီးကတဲာ်ကတီၤတၢ်ဒ်သုပၢ်အဟံၣ်အသိးန့ၣ်, ဒ်သုတီၤ တတီၤတတီၤအသိး, ဒ်အံၣ်စရ့လးအစီၤပၤဒၤဝံးအလံာ် အသိး, ဒီးဒ်အဖိခွါစီၤၡလိၤမိၤအလံာ်အသိးန့ၣ်, ⁵ ဒီး ဆၢထၢၣ်လၢတၢ်အလီၢ်စီဆှံအပူၤ, ဒ်ပှၤဂီၢ်မုၢ်သုဒီပုၢ်ဝဲၢ် အပၢ်အပှၤဟံၣ်ဖိအတၢ်နီၤဖးတဖၣ်အသိး, ဒီးဒ်ပှၤလ့ၤ ဝံဖိအဒူၣ်အတၢ်နီၤဖးတဖၣ်အသိးန့ၣ်တက့ၢ်. ⁶ ဒီးမၤ သံတၢ်လဲၤကပာ်, ဒီးမၤစီဆှံသုသး, ဒီးကတဲာ်ကတီၤ သုဒီပုၢ်ဝဲၢ်ဒ်သိးအကမၤဝဲ ဒ်ယွၤအကလုၢ်ကထါလၢစီၤ မိၤရှ့အစုပူၤအသိးန့ၣ်တက့ၢ်.

⁷ ဒီးစီၤယိၤၡံယၤဟ့ၣ်လီၤပှၤဂီၢ်မုၢ်လၢ သိဒီးမဲာ်တဲးလဲး အကျါလၢသိဖိတဖၣ်ဒီးမဲာ်တဲးလဲးဖိတဖၣ် ခဲလၢာ်လၢ ဘူၣ်လဲၤကပာ်အဂီၢ်, လၢကယဲၢ်ပှၤလၢအအိၣ်ဝဲခဲလၢာ် တုၤအပှဲၤထီၣ်သၢကလး, ဒီးဂီၤဖံးဖါသၢကထိလီၤ. အဝဲ သ့ၣ်န့ၣ်မ့ၢ်ဝဲလၢစီၤပၤအတၢ်ဖိတၢ်လံၤအကျါလီၤ.

⁸ ဒီးပဒိၣ်ဖးဒိၣ်တဖၣ် ဟ့ၣ်တီနံဒၣ်တၢ်လၢ ပှၤဂီၢ်မုၢ်, လၢပှၤလုၢ်တၢ်အဒိၣ်, ဒီးလၢပှၤလ့ၤဝံဖိလီၤ. ယွၤအဟံၣ် အခိၣ်တဖၣ်, စီၤဃံးလကံယၤ, ဒီးစီၤစကၤရယၤ, ဒီး စီၤယဃံအ့လးသ့ၣ်တဖၣ်န့ၣ် ဟ့ၣ်ပှၤလုၢ်တၢ်အဒိၣ်လၢ တၢ်အဒုခံကထိဃုကယၤ, ဒီးဂီၤဖံးသၢကယၤလၢဘူၣ် လဲၤကပာ်အဂီၢ်လီၤ.

⁹ ဒီးပှၤလ့ၤဝံဖိအဒိၣ်တဖၣ် စီၤကနၤနယၤ, ဒီးစီၤၡမါ ယၤဒီးစီၤနၤသန့လး, အဒီပုၢ်ဝဲၢ်တဖၣ်, ဒီးစီၤဃၡၤဘ ယၤ, ဒီးစီၤယဃ့ၤအ့လး, ဒီးစီၤယိၤစဘးသ့ၣ်တဖၣ်ဟ့ၣ် ပှၤလ့ၤဝံဖိလၢတၢ်အဒုယဲၢ်ကထိ, ဒီးဂီၤဖံးဖါယဲၢ်ကယၤ လၢဘူၣ်လဲၤကပာ်အဂီၢ်လီၤ.

¹⁰ ဒီးတၢ်မၤန့ၣ်ကတဲာ်ကတီၤအသး, ဒီးပှၤလုၢ်တၢ်အ ဒိၣ်ဆၢထၢၣ်လၢအလီၢ်, ဒီးပှၤလ့ၤဝံဖိလၢတတီၤတတီၤ, ဒ်စီၤပၤအတၢ်မၤလိာ်အသိးန့ၣ်လီၤ.

¹¹ ဒီးပှၤမၤသံတၢ်လဲၤကပာ်, ဒီးပှၤလုၢ်တၢ်အဒိၣ်တဖၣ် ဖှံတၢ်လၢအစု, ဒီးပှၤလ့ၤဝံဖိအုၣ်ကွံာ်အဖံးလီၤ.

¹² ဒီးသုးကွံာ်တၢ်လုၢ်မ့ၣ်အူတဖၣ် ဒ်သိးအကဟ့ၣ်တၢ် ဒ်ပှၤဂီၢ်မုၢ်အပၢ်အပှၤဟံၣ်ဖိ အတၢ်နီၤဖးတဖၣ်အသိး, ဒ်သိးအကလုၢ်ယွၤ ဒ်တၢ်ကွဲးအသးလၢလံာ်မိၤရှ့အပူၤ အသိးန့ၣ်လီၤ. ဒီးဂီၤဖံးဖါတဖၣ်န့ၣ်ဒ်န့ၣ်အသိးလီၤ.

¹³ ဒီးဘၣ်တၢ်လဲၤကပာ်လၢမ့ၣ်အူ ဒ်တၢ်စံၣ်ညီၣ်အသိး န့ၣ်, ဒီးတၢ်စီဆှံတဖၣ်ချီဝဲလၢသပၢၤပူၤ, ဒီးလၢသပၢၤ ချီတၢ်အပူၤ, ဒီးလၢသပၢၤအဘ့ၣ်ဘၣ်အပူၤ, ဒီးနီၤဖးဝဲ ချ့ချ့လၢပှၤဂီၢ်မုၢ်ခဲလၢာ်အကျါလီၤ.

¹⁴ ဒီးလၢအလီၢ်ခံန့ၣ် ကတဲာ်ကတီၤတၢ်လၢအကစၢ်ဒၣ် ဝဲအဂီၢ်, ဒီးလၢပှၤလုၢ်တၢ်အဒိၣ်အဂီၢ်လီၤ. အဂ့ၢ်ဒ်အံၤ, စီၤအၤဟရိၣ်အဖိခွါပှၤလုၢ်တၢ်အဒိၣ်တဖၣ် အိၣ်ဝဲဒီးအ တၢ်လုၢ်မ့ၣ်အူ, ဒီးတၢ်အသိတုၤလီၤလၢမုၢ်နၤလီၤ. ဒီး ပှၤလ့ၤဝံဖိကတဲာ်ကတီၤတၢ်လၢအဂီၢ်ဒၣ်ဝဲ, ဒီးလၢစီၤ အၤဟရိၣ်အဖိခွါပှၤလုၢ်တၢ်အဒိၣ်တဖၣ်အဂီၢ်လီၤ.

¹⁵ ဒီးပှၤသးဝံၣ်တၢ်ဖိစီၤအၤစာ်အဖိခွါတဖၣ် အိၣ်ဝဲလၢ အလီၢ်, ဒ်စီၤဒၤဝံး, ဒီးစီၤအၤစာ်, ဒီးစီၤဟ့မၣ်, ဒီးစီၤ ပၤအပှၤထံၣ်တၢ် စီၤယဒူၣ်သၣ်အတၢ်မၤလိာ်အသိးန့ၣ်, ဒီးပှၤပၢၤပဲတရီအိၣ်ဝဲဖဲပဲတရီကိးပူၤဒဲးလီၤ. တလဲၤသ ဒၣ်ဘၣ်အတၢ်မၤဘၣ်. အဂ့ၢ်ဒ်အံၤ, အဒီပုၢ်ဝဲၢ်ပှၤလ့ၤဝံ ဖိကတဲာ်ကတီၤတၢ်လၢအဂီၢ်လီၤ.

¹⁶ ဒီးတၢ်မၤယွၤအတၢ်ခဲလၢာ်န့ၣ် ကတဲာ်ကတီၤအသး မုၢ်တနံၤဃီ, ဒ်သိးအကမၤဘူၣ်လဲၤကပာ်, ဒီးလုၢ်တၢ် လုၢ်မ့ၣ်အူလၢယွၤအတၢ်လုၢ်လီၢ်အဖီခိၣ်, ဒ်စီၤပၤယိၤၡံ ယၤအတၢ်မၤလိာ်အသိးန့ၣ်လီၤ.

¹⁷ ဒီးပှၤအံၣ်စရ့လးဖိ လၢအအိၣ်ဝဲတဖၣ်န့ၣ် မၤဘူၣ် လဲၤကပာ်လၢအကတီၢ်ဖဲန့ၣ်, ဒီးဘူၣ်ကိၣ်တအိၣ်ဘၣ် ဒီးကိၣ်မံၣ်နွံနံၤလီၤ.

¹⁸ ဒီးလၢဝံၡှမူၤအ့လး အမုၢ်နံၤတဖၣ်လံၤလံၤန့ၣ် ပှၤတ မၤဘၣ်ဘူၣ်လဲၤကပာ်ဒ်န့ၣ်အသိးဘၣ်. ဒီးဘူၣ်လဲၤက ပာ်လၢစီၤယိၤၡံယၤ, ဒီးပှၤလုၢ်တၢ်အဒိၣ်, ဒီးပှၤလ့ၤဝံ ဖိ, ဒီးကယဲၢ်ပှၤယူဒၤဖိ, ဒီးအံၣ်စရ့လးဖိလၢအအိၣ်ဝဲ, ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤသ့ၣ်တဖၣ် မၤဝဲ န့ၣ် အံၣ်စရ့လးအစီၤပၤတမၤဘၣ်ဘူၣ်လဲၤကပာ်ဒ်န့ၣ် အသိးနီတဂၤဘၣ်.

¹⁹ လၢစီၤယိၤၡံယၤအနံၣ်ပှဲၤထီၣ် တဆံဃိးနံၣ်တနံၣ်န့ၣ် ပှၤမၤဘူၣ်လဲၤကပာ်န့ၣ်လီၤ.

²⁰ တၢ်တဖၣ်ခဲလၢာ်အလီၢ်ခံန့ၣ်, တုၤစီၤယိၤၡံယၤက တဲာ်ကတီၤတ့ၢ်နူၢ်ဧိၤစီၤဧိၤဝံၤဒီး, အဲၤကူပတူးအစီၤပၤန ကိၤဟဲထီၣ်ဒ်သိးအကဒုးတၢ်ဒီးကၢ်ကမံၣ် လၢထံမိၢ်ပှၢ် ဖရၤသးအနံၤ, ဒီးစီၤယိၤၡံယၤလဲၤထီဒါအီၤလီၤ.

²¹ ဒီးအဝဲဒၣ်မၢလီၤကလူးတဖၣ်ဆူအအိၣ်, ဒီးစံးဝဲဒၣ်, ယူဒၤအစီၤပၤဧၢ, တၢ်ဘၣ်ဃးဒီးယၤဒီးနၤမ့ၢ်ဒ်လဲၣ်. တၢ် လၢမုၢ်တနံၤအံၤ ယဟဲထီဒါနၤတမ့ၢ်ဘၣ်. မ့ၢ်ယထီဒါ ဟံၣ်တဖျၢၣ်လၢယဒုးတၢ်ဒီးအီၤအလီၢ်အိၣ်လီၤ. ဒီးယွၤ မၤလိာ်ယၤဒ်သိးယကမၤချ့ချ့လီၤ. တြီယွၤလၢအအိၣ်ဒီး ယၤတဂ့ၤ. ဒ်သိးအသုတမၤဟးဂီၤနၤတဂ့ၤ.

²² ဘၣ်ဆၣ်ဒီးစီၤယိၤၡံယၤ တဃၣ်ကဒါက့ၤအသးလၢ အီၤ, ဒီးမၤလီၤဆီအသး, ဒ်သိးအကဒုးသုးဒီးအီၤ, ဒီး တဒိကနၣ်ဘၣ် စီၤနကိၤအတၢ်ကတိၤလၢယွၤအထးခိၣ် ဘၣ်. ဒီးဟဲဒုးတၢ်လၢကစၢၢ်ကဆူးမကံးဒိၤအပူၤလီၤ.

²³ ဒီးပှၤခးတၢ်ဖိခးဘၣ်စီၤပၤယိၤၡံယၤ, ဒီးစီၤပၤစံးဘၣ် အခ့အပှၤ, စိာ်ထီၣ်ကွံာ်ယၤတက့ၢ်. အဂ့ၢ်ဒ်အံၤ, ယ ဘၣ်တၢ်ဆဲးနးမးလီၤ.

²⁴ ဒီးအခ့အပှၤစိာ်ထီၣ်ကွံာ်အီၤ လၢအလ့ၣ်ကဟၣ်အ ပူၤ, ဒီးပာ်အီၤလၢလ့ၣ်ကဟၣ်ခံဆိတဆိအပူၤ လၢအ အိၣ်ဒီးအီၤ, ဒီးစိာ်ထီၣ်အီၤဆူယရူၤၡလ့ၣ်, ဒီးသံဝဲ, ဒီး ပှၤခူၣ်လီၤကွံာ်အီၤလၢအပၢ်တဖၣ်အတၢ်သွၣ်ခိၣ်ပူၤ, ဒီး ယူဒၤ, ဒီးယရူၤၡလ့ၣ်ဖိခဲလၢာ်ဟီၣ်ဝဲယၢၤဝဲလၢစီၤယိၤ ၡံယၤအဃိလီၤ.

²⁵ ဒီးစီၤယံးရမံယၤဟီၣ်ဝဲယၢၤဝဲ လၢစီၤယိၤၡံယၤအဃိ, ဒီးပှၤမၤထါဖိပိာ်ခွါ, ဒီးပှၤမၤထါဖိပိာ်မုၣ်ကတိၤတၢ်လၢ စီၤယိၤၡံယၤအဂ့ၢ်အကျိၤ လၢအသးသယုၢ်တၢ်အပူၤတုၤ မုၢ်မဆါတနံၤအံၤ, ဒီးမၤတၢ်အလုၢ်အလၢ်လၢအံၣ်စရ့ လးအပူၤ, ဒီးကွၢ်ကွၢ်, ကွဲးအသးလၢလံာ်သးသယုၢ် တၢ်အပူၤလီၤ.

²⁶ ဒီးတၢ်အိၣ်လီၤတဲာ်ဘၣ်ဃးဒီး စီၤယိၤၡံယၤ အတၢ် မၤ, ဒီးအတၢ်ဂ့ၤတၢ်ဝါဒ်တၢ်ကွဲးအသးလၢ ယွၤအတၢ် သိၣ်တၢ်သီအပူၤအသိးန့ၣ်, ²⁷ ဒီးအမၤတၢ်တဖၣ်, တၢ် အခီၣ်ထံး, ဒီးတၢ်အကတၢၢ်န့ၣ်, ကွၢ်ကွၢ်, ကွဲးအသး လၢအံၣ်စရ့လး, ဒီးယူဒၤအစီၤပၤအလံာ်ပူၤလီၤ.

၃၆

¹ ဒီးထံဧိၤကီၢ်ဧိၤအပှၤဂီၢ်မုၢ် ဟံးန့ၢ်စီၤယိၤၡံယၤအဖိခွါ စီၤယဟိအါဃး, ဒီးပာ်အီၤလၢစီၤပၤလၢအပၢ်အလီၢ်လၢ ယရူၤၡလ့ၣ်အပူၤလီၤ.

² ဒီးလၢစီၤယဟိအါဃးကဲသီစီၤပၤန့ၣ် အသးပှၢ်ခံဆံ သၢနံၣ်, ဒီးကဲစီၤပၤသၢလါလၢယရူၤၡလ့ၣ်အပူၤလီၤ.

³ ဒီးအဲၤကူပတူးအစီၤပၤသုးကွံာ်အီၤလၢ ယရူၤၡလ့ၣ် အပူၤ, ဒီးဒုးလိးပှၤကီၢ်ဖိလၢစ့အကံကၢ်တကယၤ, ဒီး ထူတကံကၢ်လီၤ.

⁴ ဒီးအဲၤကူပတူးအစီၤပၤ ပာ်လီၤအဒီပုၢ်ဝဲၢ် စီၤအ့ၤလ ယါကံၣ်လၢစီၤပၤလၢယူဒၤဒီး ယရူၤၡလ့ၣ်အဖီခိၣ်, ဒီး ယုၢ်ဝဲအမံၤလၢစီၤယဟိၤယါကံၣ်, ဒီးစီၤနကိၤဟံးန့ၢ်စီၤ ယဟိအါဃး, ဒီးစိာ်ထီၣ်အီၤဆူအဲၤကူပတူးလီၤ.

⁵ လၢစီၤယဟိၤယါကံၣ်ကဲသီစီၤပၤန့ၣ် အသးပှၢ်ခံဆံ ယဲၢ်နံၣ်, ဒီးကဲစီၤပၤတဆံတနံၣ်လၢယရူၤၡလ့ၣ်အပူၤ, ဒီးမၤတၢ်အၢလၢယွၤအကစၢ်အမဲာ်လီၤ.

⁶ ဘၤဘူၤလိၣ်အစီၤပၤ နဘူၤကးန့စၢ်ဟဲထီဒါအီၤ, ဒီး စၢဃာ်အီၤလၢထးသွဲ ဒ်သိးအကစိာ်ထီၣ်အီၤဆူဘၤဘူၤ လိၣ်န့ၣ်လီၤ.

⁷ ဒီးစီၤနဘူၤကးန့စၢ် စိာ်ထီၣ်ကွံာ်ယွၤအဟံၣ်အဃၢၤ အဃိၢ်ဆူဘၤဘူၤလိၣ်, ဒီးပာ်ဝဲလၢအနူၢ်ပူၤလၢဘၤဘူၤ လိၣ်အပူၤလီၤ.

⁸ ဒီးတၢ်အိၣ်လီၤတဲာ်ဘၣ်ဃးဒီးစီၤယဟိၤယါကံၣ်, ဒီး တၢ်သးဘၣ်အၢလၢအမၤဝဲန့ၣ်, ဒီးတၢ်လၢပှၤထံၣ်ဝဲလၢ အပူၤ, ကွၢ်ကွၢ်, ကွဲးအသးလၢအံၣ်စရ့လးဒီးယူဒၤအ စီၤပၤအလံာ်ပူၤ, ဒီးအဖိခွါစီၤယဟိၤယါခံၣ်ကဲထီၣ်စီၤ ပၤလၢအလီၢ်န့ၣ်လီၤ.

⁹ လၢစီၤယဟိၤယါခံၣ်ကဲသီစီၤပၤန့ၣ် အသးပှၢ်ဃိးနံၣ်, ဒီးကဲစီၤပၤသၢလါဒီးဆံဆဲၣ်နံၤလၢ ယရူၤၡလ့ၣ်အပူၤ, ဒီးမၤတၢ်အၢလၢယွၤအမဲာ်န့ၣ်လီၤ.

¹⁰ ဒီးနံၣ်ဆၢအလီၢ်, ဒီးစီၤပၤနဘူၤကးန့စၢ်မၢလီၤတၢ်ဒီး ဟဲစိာ်အီၤဆူဘၤဘူၤလိၣ် အိၣ်ဒီးယွၤအဟံၣ်အတၢ်အ ဃၢၤအဃိၢ်လၢအဂ့ၤအဘၣ်တဖၣ်, ဒီးပာ်အဒီပုၢ်ဝဲၢ်စီၤ စံးဒကံယၤလၢစီၤပၤလၢယူဒၤ, ဒီးလၢယရူၤၡလ့ၣ်အဖီ ခိၣ်လီၤ.

¹¹ လၢစီၤစံးဒကံယၤ ကဲသီစီၤပၤန့ၣ် အသးပှၢ်ခံဆံတ နံၣ်, ဒီးကဲစီၤပၤတဆံတနံၣ်လၢယရူၤၡလ့ၣ်အပူၤလီၤ.

¹² ဒီးမၤတၢ်အၢလၢယွၤအကစၢ်အမဲာ်လီၤ. တဆီၣ်လီၤ ဘၣ်အသးလၢ ဝံယံးရမံယၤလၢအကတိၤတၢ်လၢယွၤ အထးခိၣ်တဂၤအမဲာ်ညါဘၣ်လီၤ.

¹³ ဒီးပူထီၣ် စီၤပၤနဘူၤကးန့စၢ် လၢအဒုးဆိၣ်အီၤလၢ ယွၤအမဲာ်ညါ, ဒီးပာ်ဆူၣ်ထီၣ်အကိာ်, ဒီးမၤကိၤအသး ဒ်သိးအသုတဃၣ်အသးဆူ ယွၤအံၣ်စရ့လးအကစၢ်အ အိၣ်တဂ့ၤလီၤ.

¹⁴ ဒီးပှၤလုၢ်တၢ်အခိၣ်တဖၣ်, ဒီးပှၤဂီၢ်မုၢ်ခဲလၢာ် မၤက မၣ်ထွဲ ပှၤကလုာ်တဖၣ် အတၢ်သးဘၣ်အၢခဲလၢာ်အခံ အါအါကလဲာ်, ဒီးမၤဘၣ်အၢယွၤအဟံၣ်လၢအပာ်စီဆှံ ဝဲလၢယရူၤၡလ့ၣ်အပူၤန့ၣ်လီၤ.

¹⁵ ဒီးယွၤအပၢ်အကစၢ် မၢလီၤတၢ်လၢအကလူးတဖၣ် အစုပူၤ, ဂဲၤဆၢထၢၣ်ဂီၤဂီၤ, ဒီးမၢလီၤတၢ်လီၤ. အဂ့ၢ် ဒ်အံၤ, သးကညီၤအပှၤဂီၢ်မုၢ်, ဒီးအတၢ်အိၣ်ဝဲဆိးဝဲအ လီၢ်န့ၣ်လီၤ.

¹⁶ ဘၣ်ဆၣ်ဒီးအဝဲသ့ၣ် ဒုၣ်ဒွဲၣ်ယွၤအကလူးတဖၣ်, ဒီး တပးကဲဘၣ်အကလုၢ်အကထါဘၣ်. ဒီးမၤအၢအဝံတ ဖၣ် တုၤယွၤအသးထီၣ်ဘၣ်အပှၤဂီၢ်မုၢ်, ဒီးတၢ်မၤဘျါ က့ၤအီၤတအိၣ်ဘၣ်.

¹⁷ ဒီးဒုးဟဲထီဒါအီၤလၢ ပှၤက့ၤစ့းဖိအစီၤပၤ လၢအမၤ သံအပှၤဖိၣ်သၣ်ခွါ လၢနးလၢ အလီၢ်စီဆှံအဟံၣ်ပူၤ, ဒီးဖိၣ်သၣ်ခွါမ့ၢ်ဂ့ၤ, ပှၤမုၣ်လိၣ်ဘိမ့ၢ်ဂ့ၤ, ပှၤသးပှၢ်မ့ၢ် ဂ့ၤ, ပှၤလၢအပျိၢ်သကူး လၢအသးပှၢ်အဃိမ့ၢ်ဂ့ၤ, တ သးကညီၤဘၣ်ဝဲဘၣ်. ဟ့ၣ်လီၤကွံာ်ဝဲခဲလၢာ် လၢအစု ပူၤလီၤ.

¹⁸ ဒီးယွၤအဟံၣ်အဃၢၤအဃိၢ် ဒီးဒိၣ်ဒီးဆံး, ဒီးတၢ် လုၢ်ဒိၣ်ပှ့ၤဒိၣ်လၢယွၤအဟံၣ်ပူၤ, ဒီးစီၤပၤဒီးအပဒိၣ်ဖး ဒိၣ်တဖၣ် အတၢ်လုၢ်ဒိၣ်ပှ့ၤဒိၣ်န့ၣ် ဟဲစိာ်ဝဲဆူဘၤဘူၤ လိၣ်အပူၤခဲလၢာ်လီၤ.

¹⁹ ဒီးပှၤဆူးထီၣ်ကွံာ် ယွၤအဟံၣ်, ဒီးမၤလီၤပှီၢ်ကွံာ်ယ ရူၤၡလ့ၣ်အခိၣ်ဒူ, ဒီးဆူးထီၣ်ကွံာ်အနူၢ်တဖၣ် လၢမ့ၣ် အူ, ဒီးမၤဟးဂီၤကွံာ်အဃၢၤအဃိၢ် လၢအဂ့ၤအဘၣ် ခဲလၢာ်လီၤ.

²⁰ ဒီးပှၤလၢအပူၤဖျဲးဒီးနးတဖၣ်န့ၣ် စိာ်ထီၣ်ဝဲဆူဘၤဘူၤ လိၣ်ဖဲအကဲထီၣ်အဝဲဒၣ်ဒီးအဖိခွါတဖၣ်အကုၢ် တုၤလီၤ လၢပၤရၣ်အဘီမုၢ်ပၢတၢ်, ²¹ ဒ်သိး အကမၤလၢထီၣ်ပှဲၤ ထီၣ်ယွၤအကလုၢ်လၢစီၤယံးရမံယၤအထးခိၣ်, ဒ်သိးထံ ဧိၤကီၢ်ဧိၤန့ၣ် ကမုာ်လၤလၢအမုၢ်အိၣ်ဘှံးနံၤတဖၣ်လီၤ. ကိးမုၢ်နံၤမုၢ်နၤလၢ အအိၣ်သယုၢ်န့ၣ် အိၣ်ဘှံးဝဲတုၤအ ပှဲၤထီၣ်အနံၣ်နွံဆံလီၤ.

²² ဒီးလၢပၤရၣ်အစီၤပၤကိရ့ၣ် အခီၣ်ထံးတနံၣ်န့ၣ်, (ဒ် သိးယွၤအကလုၢ်လၢ စီၤယံးရမံယၤအထးခိၣ် ကလၢ ထီၣ်ပှဲၤထီၣ်ဒီး,) ယွၤထိၣ်ဂဲၤပၤရၣ်အစီၤပၤ ကိရ့ၣ်အ သး, ဒီးအဝဲဒၣ်ဒုးသြီထီၣ်တၢ်လၢအဘီမုၢ်ဒီဘ့ၣ်ညါအ ပူၤ, ဒီးဒုးကွဲးစ့ၢ်ကီးတၢ်, ဒီးစံးဝဲဒၣ်, ²³ ပၤရၣ်အစီၤပၤ ကိရ့ၣ်စံးဝဲဒ်အံၤ, ယွၤမူခိၣ်အကစၢ်ဟ့ၣ်လီၤယၤလၢဟီၣ် ခိၣ်အဘီမုၢ်ခဲလၢာ်, ဒီးမၤလိာ်ယၤဒ်သိးယကသူၣ်ထီၣ် အဟံၣ်လၢယရူၤၡလ့ၣ်အပူၤ လၢအအိၣ်ဝဲလၢယူဒၤလီၤ. လၢသုကျါန့ၣ်မ့ၢ်မတၤအိၣ်ဝဲလၢ အပှၤဂီၢ်မုၢ်ခဲလၢာ်အ ကျါတဂၤလဲၣ်. မ်ယွၤ, အကစၢ်အိၣ်ဒီးအီၤတက့ၢ်. က လဲၤထီၣ်ဒၣ်ဝဲတက့ၢ်.