လံာ်စီၤၡမူၤအ့လးအခီၣ်ထံးတဘ့ၣ်.

လံာ်စီၤၡမူၤအ့လးအခီၣ်ထံးတဘ့ၣ်.

၁

¹ ဒီးမတၤတဂၤအိၣ်ဝဲလၢ ရၤမါသဲၣ်စိဖံၣ် အပူၤလၢ ကစၢၢ်အ့ဖရဲၣ်အလိၤ, ဒီးအမံၤမ့ၢ်စီၤအ့လကါနၤ, စီၤ ယဟိရၣ်အဖိခွါ, စီၤအလံဟူၤအဖိခွါ, စီၤတိဟူၤအဖိခွါ, စီၤစူာ်အဖိခွါပှၤအ့ဖရးသးဖိတဂၤလီၤ. ² ဒီးအဝဲဒၣ်န့ၣ် အိၣ်ဒီးအမါခံဂၤလီၤ. အဝဲတဂၤအမံၤမ့ၢ်နီၢ်ဃးနၤ, ဒီးအ ဝဲတဂၤအမံၤမ့ၢ်နီၢ်ပနံးနၤလီၤ. ဒီးနီၢ်ပနံးနၤအိၣ်ဒီးအဖိ တဖၣ်လီၤ. မ့မ့ၢ်နီၢ်ဃးနၤအဖိတအိၣ်ဘၣ်.

³ ဒီးပှၤတဂၤန့ၣ် လဲၤထီၣ်လၢအဝ့ၢ်ပူၤ တနံၣ်ဘၣ်တ နံၣ်, ဒ်သိးအကဘါတၢ်ဒီး လုၢ်တၢ်လၢတၢ်သုးမုၢ် ဂီၢ်မုၢ်အယွၤ, လၢၡံလိၤအပူၤန့ၣ်လီၤ. ဒီးစီၤဧ့လံၤအဖိ ခွါခံဂၤ, ဒီးစီၤဃၤဖနံၤ, ဒီးစီၤဖံၤနဃၣ်, ယွၤအပှၤ လုၢ်တၢ်အဒိၣ်, အိၣ်ဝဲဖဲန့ၣ်လီၤ.

⁴ ဒီးလၢမုၢ်တနံၤလၢ စီၤအ့လကါနၤ လုၢ်တၢ်န့ၣ်အဝဲ ဒၣ်ဟ့ၣ်လီၤအမါနီၢ်ပနံးနၤ, ဒီးအဖိခွါ, ဒီးအဖိမုၢ်ခဲ လၢာ်န့ၣ်လၢတၢ်အဂီၢ်တဖၣ်လီၤ. ⁵ မ့မ့ၢ်နီၢ်ဃးနၤန့ၣ် ဟ့ၣ်လီၤအီၤလၢ တၢ်အဂီၢ်လီၤဆီဒၣ်တၢ်လီၤ. ဘၣ် ဆၣ်ဒီးယွၤကးတံာ်ဃာ်အဒၢလီၢ်လီၤ. ⁶ ဒီးအဒုၣ်အဒါ မၤကိၢ်မၤဂီၤအီၤ, ဒီးမၤဆါအသးနးနးကလဲာ်လၢယွၤ ကးတံာ်ဃာ်အဒၢလီၢ်အဃိလီၤ.

⁷ ဒီးအဝဲဒၣ်မၤဒ်န့ၣ် တနံၣ်ဘၣ်တနံၣ်လီၤ. တုၤအ လဲၤထီၣ်ဆူယွၤအဟံၣ်ဒီး, မၤကိၢ်မၤဂီၤအသး ဒ်န့ၣ် လီၤ. ဒီးအမဲာ်ထံလီၤ, ဒီးတအီၣ်ဘၣ်တၢ်ဘၣ်.

⁸ ဒီးအဝၤစီၤအ့လကါနၤစံးဘၣ်အီၤ, နီၢ်ဃးနၤဧၢ, န မဲာ်ထံလီၤဘၣ်မနုၤလဲၣ်. ဒီးနတအီၣ်ဘၣ်တၢ်ဘၣ်မ့ၢ် အဘၣ်မနုၤလဲၣ်. ဒီးနသးကိၢ်ထီၣ်ဘၣ်မနုၤလဲၣ်. ယ ဂ့ၤန့ၢ်ဖိခွါဆံဆဲၣ်ဂၤလၢနဂီၢ်တမ့ၢ်ဘၣ်ဧါ.

⁹ ဒီးလၢအအီၣ်တၢ်ဒီးအီတၢ်လၢၡံလိၤအလီၢ်ခံန့ၢ် နီၢ် ဃးနၤဂဲၤဆၢထၢၣ်, ဒီးစီၤဧ့လံၤပှၤလုၢ်တၢ်အဒိၣ်တဂၤ ဆ့ၣ်နီၤဝဲလၢလီၢ်ဆ့ၣ်နီၤလၢ ယွၤအနူၢ်ဧိၤစီၤဧိၤအထူၣ် တထူၣ်အဃၢၤန့ၣ်, ¹⁰ ဒီးအဝဲဒၣ် အသူၣ်ကိၢ်သးဂီၤဒီး ဘါထုကဖၣ်ယွၤ, ဒီးအမဲာ်ထံလီၤနးမးလီၤ.

¹¹ ဒီးဆိၣ်တၢ်ဆိၣ်, ဒီးစံးဝဲဒၣ်, တၢ်သုးမုၢ်ဂီၢ်မုၢ်အယွၤ ဧၢ, နမ့ၢ်ကွၢ်လီၤသပှၢ်တၢၢ် နကုၢ်ပိာ်မုၣ်အတၢ်နး တၢ်ဖှီၣ်, ဒီးသ့ၣ်နီၣ်ထီၣ်က့ၤယၤ, ဒီးတသးပ့ၤနီၣ်ဘၣ် နကုၢ်ပိာ်မုၣ်ဘၣ်, ဒီးဟ့ၣ်လီၤနကုၢ်ပိာ်မုၣ်လၢ အဖိ ပိာ်ခွါဒီး, ယကဟ့ၣ်အီၤလၢ ယွၤတစိၤဒၣ်အီၤလီၤ. ဒီးဒီလူၤတဘၣ်အခိၣ်ဘၣ်.

¹² ဒီးဘါထုကဖၣ်အါအါကလဲာ်လၢ ယွၤအမဲာ်ညါ, ဒီးတၢ်မၤအသးလၢ စီၤဧ့ၤလံၤကွၢ်နီၣ်အထးခိၣ်လီၤ.

¹³ ဒီးနီၢ်ဃးနၤကတိၤတၢ်လၢအသးလီၤ. ဝးထဲအပျုၤ ဧိၤလီၤ. မ့မ့ၢ်အကလုၢ်န့ၣ်တဟူထီၣ်ဘၣ်. ဒီးစီၤဧ့ လံၤဆိကမိၣ်ဝဲလၢ အအီမူၤအသးလီၤ.

¹⁴ ဒီးစီၤဧ့လံၤစံးဘၣ်အီၤ, နကအီမူၤနသးဆံးယံာ်လဲၣ်. သုးကွံာ်နစပံးထံလၢနအိၣ်တက့ၢ်.

¹⁵ ဒီးနီၢ်ဃးနၤစံးဆၢတၢ်ဒီးစံးဝဲဒၣ်, တမ့ၢ်ဘၣ်, ယက စၢ်ဧၢ, ယမ့ၢ်ပိာ်မုၣ်တဂၤလၢအသးတမုာ်ဘၣ်. စပံးထံ မ့ၢ်ဂ့ၤ, သံးဧိၤမ့ၤဧိၤမ့ၢ်ဂ့ၤ, ယတအီဘၣ်. မ့မ့ၢ်ယဂၢ် လီၤယသးလၢယွၤအမဲာ်ညါလီၤ. ¹⁶ ပာ်နခ့နပှၤပိာ်မုၣ် လၢဘလးယဧၤလးအဖိမုၣ်န့ၣ်တဂ့ၤ. အဂ့ၢ်ဒ်အံၤ, လၢ ယဆိကမိၣ်တၢ်အအါဒီး ယသးတမုာ်ဘၣ်နးမးအ ပူၤန့ၣ် ယကတိၤတၢ်တုၤခဲကနံၣ်အံၤလီၤ.

¹⁷ ဒီးစီၤဧ့လံၤ စံးဆၢတၢ်ဒီးစံးဝဲဒၣ်, လဲၤတၢ်မုာ်မုာ် တက့ၢ်. ဒီးမ်အံၣ်စရ့လးအကစၢ်ဟ့ၣ်လီၤနၤလၢတၢ် ဃ့လၢနဃ့တၢ်လၢအီၤန့ၣ်တက့ၢ်.

¹⁸ ဒီးအဝဲဒၣ်စံး, မ်နခ့နပှၤပိာ်မုၣ် ထံၣ်န့ၢ်တၢ်ဘျုးတၢ် ဖှိၣ်လၢနမဲာ်ညါတက့ၢ်. ဒီးပိာ်မုၣ်န့ၢ်လဲၤတၢ်, ဒီးအီၣ် တၢ်, ဒီးအမဲာ်တအုၣ်သပှီၤလၢၤဘၣ်လီၤ.

¹⁹ ဒီးမုၢ်ဆ့ၣ်ထီၣ်န့ၢ် ဂဲၤဆၢထၢၣ်ဂီၤဂီၤ, ဒီးဘူၣ်ထီၣ် ဘါထီၣ်တၢ်လၢယွၤအမဲာ်ညါ, ဒီးက့ၤကဒါက့ၤဆူ အဟံၣ်, ဆူရၤမါလီၤ. ဒီးစီၤအ့လကါနၤသ့ၣ်ညါအမါ နီၢ်ဃးနၤ, ဒီးယွၤသ့ၣ်နီၣ်ထီၣ်က့ၤအီၤလီၤ.

²⁰ ဒီးတုၤမုၢ်နံၤတဖၣ်ပှဲၤထီၣ်ဒီး, တၢ်မၤအသးလၢ နီၢ် ဃးနၤဒၢထီၣ်, ဒီးဆံးစၢ်န့ၢ်အဖိခွါ, ဒီးယုၢ်ဝဲအမံၤလၢ စီၤၡမူၤအ့လး, ဒီးစံးဝဲဒၣ်, အဂ့ၢ်ဒ်အံၤ, မ့ၢ်လၢယဃ့ အီၤလၢယွၤအဃိလီၤ.

²¹ ဒီးပှၤကညီ စီၤအ့လကါနၤ, ဒီးအပှၤဟံၣ်ဖိခဲလၢာ် လဲၤထီၣ်လုၢ်တၢ်လုၢ်လၢ တနံၣ်ဘၣ်တနံၣ်အဂီၢ်, ဒီး အတၢ်မၤဘူၣ်ဘၣ်ဃးဒီးဆိၣ်တၢ်လီၤ. ²² မ့မ့ၢ်နီၢ်ဃး နၤန့ၣ် တလဲၤထီၣ်ဘၣ်ဝဲဘၣ်. အဂ့ၢ်ဒ်အံၤ, စံးဘၣ် အဝၤ, ဖိသၣ်တချုးဖှၣ်ဒံး အမိၢ်နုၢ်ဘၣ်ဒီး, ယတ လဲၤထီၣ်ဘၣ်, ယကလဲၤစိာ်အီၤ ဒ်သိးအကအိၣ်ဖျါ လၢယွၤအမဲာ်ညါ, ဒီးအိၣ်ဖဲန့ၣ်လီၤထူလီၤယိာ်လီၤ.

²³ ဒီးအဝၤစီၤအ့လကါနၤစံးဘၣ်အီၤ, မၤတၢ်လၢအဂ့ၤ လၢနမဲာ်တက့ၢ်. အိၣ်တုၤနထုးဖှၣ်အီၤလၢနုၢ်တက့ၢ်. မ်ထဲယွၤကမၤဂၢၢ်မၤကျၢၤ အကလုၢ်န့ၣ်တက့ၢ်. ဒီး ပိာ်မုၣ်န့ၣ်အိၣ်ဝဲဆိးဝဲ, ဒီးဒုးအီၣ်အဖိခွါလၢအနုၢ်တုၤ လီၤလၢအထုးဖှၣ်အီၤလၢနုၢ်န့ၣ်လီၤ.

²⁴ ဒီးတုၤအထုးဖှၣ်အီၤလၢအနုၢ်ဝံၤဒီး, စိာ်ထီၣ်ဝဲဒီး အီၤ, အိၣ်ဒီးဂီၤဖံးဖါသၢဒု, ဒီးကိၣ်ကမူၣ်တအ့ဖး, ဒီးအစပံးထံအထၢၣ် တၢ်ဖံးတဖျၢၣ်, ဒီးဟဲစိာ်ဝဲဆူ ယွၤအအိၣ်လၢၡံလိၤအပူၤ, ဒီးဖိသၣ်န့ၣ်အသးစၢ်လီၤ.

²⁵ ဒီးမၤသံဂီၤဖံးဖါတဒု, ဒီးဟဲစိာ်ဖိသၣ်ဆူစီၤဧ့လံၤအ အိၣ်လီၤ. ²⁶ ဒီးပိာ်မုၣ်န့ၣ်စံးဝဲဒၣ်, အိ, ယကစၢ်ဧၢ, နသး သမူဝဲ, ယကစၢ်ဧၢ, ယမ့ၢ်ပိာ်မုၣ်တဂၤလၢအဆၢ ထၢၣ်ဘါထုကဖၣ်တၢ်လၢနဃၢၤဖဲအံၤလီၤ. ²⁷ ယဘါ ထုကဖၣ်လၢဖိသၣ်တဂၤအံၤအဂ့ၢ်, ဒီးယွၤဟ့ၣ်လီၤ တၢ်လၢယဃ့လၢအီၤလီၤ. ²⁸ ဒီးယဒုးလိၢ်စ့ၢ်ကီးအီၤလၢ ယွၤ, တစိၤဒၣ်အီၤကဘၣ်တၢ်ဒုးလိၢ်အီၤလၢယွၤလီၤ. ဒီးအဝဲဒၣ်ဘါထုကဖၣ်ယွၤဖဲန့ၣ်လီၤ.

၂

¹ ဒီးနီၢ်ဃးနၤဘါထုကဖၣ်တၢ်ဒီးစံးဝဲဒၣ်, ယသူၣ်ဖှံသးညီလၢယွၤအပူၤ, ယနၢၤဘၣ်တၢ်ပာ်ထီၣ်လၢယွၤအပူၤ, ယထးခိၣ်လဲၢ်ထီၣ်လၢယဒုၣ်ယဒါအဖီခိၣ်, မ့ၢ်ယသးခုလၢနတၢ်အုၣ်က့ၤခီၣ်က့ၤအပူၤအဂ့ၢ်လီၤ.

² တၢ်စီဆှံဒ်ယွၤအသိးတအိၣ်ဘၣ်. အဂ့ၢ်ဒ်အံၤ, လၢနၤအမဲာ်ညါန့ၣ်တၢ်တအိၣ်ဘၣ်, ဒီးလၢၢ်ဒ်ပကစၢ်အသိးန့ၣ်တအိၣ်ဘၣ်.

³ ကတိၤလၢၤတၢ်ထီၣ်ထီထဲထဲန့ၣ်တဂ့ၤ. မ်တၢ်ကတိၤရၤအသုတထီၣ်ဖျဲးလၢသုထးခိၣ်တဂ့ၤ, အဂ့ၢ်ဒ်အံၤ, ယွၤမ့ၢ်တၢ်သ့ၣ်ညါအကစၢ်, ဒီးအဝဲဒၣ်စီၤတၢ်မၤအသးတဖၣ်လီၤ.

⁴ ပှၤအဆူၣ်တဖၣ်အချံၣ်ကၢ်လံ, ဒီးပှၤလၢအဂံၢ်စၢ် အဘါစၢ်တဖၣ် အယီၢ်ဒ့ကံၢ်တူာ် အသးဒီးတၢ်ဂံၢ်တၢ်ဘါလီၤ.

⁵ ပှၤလၢအပှဲၤတဖၣ်န့ၣ်ဒိးလဲအသးလၢကိၣ်အဂီၢ်, ဒီးပှၤလၢတၢ်သၣ်ဝံၤအသးန့ၣ် အတၢ်သၣ်ဝံၤအသး တုာ်လီၤ. အန့ၣ်ဒီးပှၤတူာ်ဖိဆံးစၢ်န့ၢ်ပှၤနွံဂၤ, ဒီးပှၤလၢအဖိအိၣ်အါဂၤန့ၣ်လီၤဘှါဝဲလီၤ.

⁶ ယွၤမၤသံတၢ်, ဒီးမၤမူတၢ်, ဒုးလဲၤလီၤဆူပျုၤပူၤ, ဒီးဒုးဟဲက့ၤထီၣ်လီၤ.

⁷ ယွၤမၤဖှီၣ်မၤယာ်, ဒီးမၤထူးမၤတီၤ, ဆီၣ်လီၤတၢ်ဒီးပာ်ထီၣ်ထီတၢ်လီၤ.

⁸ ဒုးဟဲထီၣ်ပှၤဖှီၣ်ဖိလၢဟီၣ်ခိၣ်အကမူၣ်ပူၤ, ဒီးဝံၣ်ဆၢထၢၣ်ပှၤဃ့တၢ်ဖိလၢတၢ်ကမှံၤအပူၤ, ဒ်သိးအကပာ်အီၤလၢပဒိၣ်ဖးဒိၣ်အကျါ, ဒီးဒုးန့ၢ်သါအီၤလၢတၢ်ကဟုကညီၣ်အလီၢ်ပစိာ်လီၤ. အဂ့ၢ်ဒ်အံၤ, ဟီၣ်ခိၣ်အထူၣ်တဖၣ်မ့ၢ်ယွၤအတၢ်, ဒီးပာ်ဟီၣ်ခိၣ်လၢအဖီခိၣ်လီၤ.

⁹ ကဟံးဃာ်အပှၤဂ့ၤပှၤဝါအခီၣ်, မ့မ့ၢ်ပှၤအၢပှၤသီကအိၣ်ဘှီၣ်လၢတၢ်ခံးကျါ, အဂ့ၢ်ဒ်အံၤ, ပှၤတမၤနၢၤတၢ်လၢတၢ်အဂံၢ်အဘါဘၣ်.

¹⁰ ပှၤလၢအထီဒါယွၤကလီၤကလဲလီၤ. လီကသီၣ်လၢအဖီခိၣ်လၢမူခိၣ်, ယွၤကစံၣ်ညီၣ်ဟီၣ်ခိၣ်အကတၢၢ်တဖၣ်, ဒီးကဟ့ၣ်တၢ်အဂ့ၤအဘၣ်လၢအစီၤပၤ, ဒီးပာ်ထီၣ်ထီအပှၤဒိးဖှူအသးတဂၤအနၢၤလီၤ.

¹¹ ဒီးစီၤအ့လကါနၤန့ၣ် က့ၤက့ၤဆူရၤမါဆူအဟံၣ်. ဒီးဖိသၣ်တဂၤန့ၣ် မၤယွၤအခ့အပှၤအတၢ်လၢပှၤလုၢ် တၢ်အဒိၣ်စီၤဧ့လံၤအမဲာ်ညါလီၤ.

¹² ဒီးစီၤဧ့လံၤအဖိခွါတဖၣ်မ့ၢ်ပှၤဘလးယဧၤလးဖိ, ဒီး တသ့ၣ်ညါဘၣ်ယွၤဘၣ်. ¹³ ဒီးအအံၤမ့ၢ်ပှၤလုၢ်တၢ်အ ဒိၣ်အလုၢ်အလၢ် ဘၣ်ဃးဒီးပှၤဂီၢ်မုၢ်, တုၤပှၤတဂၤ လုၢ်တၢ်လုၢ်ဒီး, လၢတၢ်ညၣ်ချီအသးအဖၢမုၢ်, ပှၤလုၢ် တၢ်အဒိၣ်အခ့အပှၤဟဲဝဲ အိၣ်ဒီးနီၣ်ကွးတၢ်ညၣ်သၢ တြၢ်လၢအစုပူၤ, ¹⁴ ဒီးဆဲးဝဲလၢသပၢၤမ့ၣ်အူအပူၤဂ့ၤ, သပၢၤချီတၢ်အပူၤဂ့ၤ, သပၢၤလူတၢ်အပူၤဂ့ၤ, သပၢၤ ကလာ်ထီၣ်အပူၤဂ့ၤ, ဒီးကယဲၢ်တၢ်လၢ နီၣ်ကွးဟံး ထီၣ်ခဲလၢာ်န့ၣ် ပှၤလုၢ်တၢ်အဒိၣ်ဟံးန့ၢ်လၢအဂီၢ်ဒၣ်ဝဲလီၤ. မၤဝဲဒ်န့ၣ်လၢၡံလိၤအပူၤဒီးကယဲၢ်ပှၤအံၣ်စရ့လး ဖိလၢအလဲၤတၢ်ဖဲန့ၣ်လီၤ.

¹⁵ လၢအတချုးဆိၣ်ကဲၤထီၣ်ကွံာ်ဒံးဘၣ် တၢ်ညၣ်အသိ ဒီး, ပှၤလုၢ်တၢ်အဒိၣ်အခ့အပှၤဟဲစ့ၢ်ကီး, ဒီးစံးဘၣ်ပှၤ လၢအလုၢ်တၢ်န့ၣ် ဟ့ၣ်တၢ်ညၣ်ဒ်သိးပကကၣ်အီၤလၢ ပှၤလုၢ်တၢ်အဒိၣ်အဂီၢ်တက့ၢ်. အဂ့ၢ်ဒ်အံၤ, တဟံးန့ၢ် ဘၣ်တၢ်ညၣ်ချီအသးလၢနၤဘၣ်, မ့ၢ်အသံကစဲာ်လီၤ.

¹⁶ ဒီးပှၤတဂၤမ့ၢ်စံးဘၣ်အီၤ, မ်ပှၤဆိၣ်ကဲၤထီၣ်ကွံာ်ဆိ တၢ်ညၣ်အသိသပှၢ်တၢၢ်တက့ၢ်. ဒီးလၢခံက့ၤဟံးန့ၢ် ဖဲအဘၣ်နသးတက့ၢ်န့ၣ်ဒီး, အဝဲဒၣ်ကစံးဘၣ်အီၤ, မ့ၢ် မးနဘၣ်ဟ့ၣ်လီၤခဲကနံၣ်အံၤ, ဒီးမ့တမ့ၢ်ဘၣ်ဒီး, ယ ကဟံးန့ၢ်ဆူၣ်လီၤ.

¹⁷ ဒီးပှၤဖိၣ်သၣ်ခွါတဖၣ်န့ၣ် အတၢ်ဒဲးဘးဒိၣ်ဝဲလၢယွၤ အမဲာ်ညါဒိၣ်မးလီၤ. အဂ့ၢ်ဒ်အံၤ, ပှၤကညီသးဟ့တၢ် မၤဘူၣ်ယွၤလီၤ.

¹⁸ ဒီးစီၤၡမူၤအ့လးန့ၣ် မၤတၢ်အခ့အပှၤအတၢ်မၤလၢယွၤအမဲာ်ညါလီၤ. ပှၤဖိသၣ်အယီၢ်ဒ့ကံၢ်တူာ်အသးဒီး အ့ဖိးဖှီဝါကဆှၣ်တဘ့ၣ်လီၤ.

¹⁹ ဒီးအမိၢ်မၤန့ၢ်အီၤလၢ ဆ့ဖိတဘ့ၣ်, ဒီးတုၤအဟဲ ထီၣ်ဒီးအဝၤ ဒ်သိးအကလုၢ်တၢ်လုၢ်တနံၣ်အဂီၢ်တနံၣ် အဂီၢ်ဒီး, ဟဲစိာ်ဝဲဆူအအိၣ်တနံၣ်ဘၣ်တနံၣ်လီၤ. ²⁰ ဒီး စီၤဧ့လံၤဆိၣ်ဂ့ၤစီၤအ့လကါနၤဒီးအမါ, ဒီးစံးဝဲဒၣ်, မ် ယွၤဟ့ၣ်လီၤနချံနသၣ် လၢပိာ်မုၣ်အံၤလၢ တၢ်လိၢ် လၢအဒုးလိၢ် ယွၤအဃိန့ၣ်တက့ၢ်. ဒီးအဝဲသ့ၣ်က့ၤ က့ၤဝဲဆူအလီၢ်အိၣ်လီၢ်ဆိးန့ၣ်လီၤ.

²¹ အန့ၣ်ဒီးယွၤအိၣ်သကိးနီၢ်ဃးနၤ, ဒီးအဝဲဒၣ်ဒၢထီၣ်, ဒီးဆံးစၢ်န့ၢ်အဖိခွါသၢဂၤ, ဒီးအဖိမုၣ်ခံဂၤလီၤ. ဒီးဖိ သၣ်စီၤၡမူၤအ့လးန့ၣ်ဒိၣ်ထီၣ်ဝဲလၢယွၤအမဲာ်ညါလီၤ.

²² စီၤဧ့လံၤန့ၣ်အသးပှၢ်တ့ၢ်ဒိၣ်မးလီၤ. ဒီးနၢ်ဟူဝဲလၢ ကယဲၢ်တၢ်လၢ အဖိခွါတဖၣ်မၤဝဲလၢ အံၣ်စရ့လးခဲ လၢာ်အကျါ, လၢအမံဃုာ်ဒီးပိာ်မုၣ်တဖၣ်လၢအမၤ တၢ်လၢတၢ်အိၣ်ဖှိၣ်အဒဲအကျဲစၢၤန့ၣ်လီၤ.

²³ ဒီးအဝဲဒၣ်စံးဘၣ်အီၤ, သုမၤဒ်န့ၣ်ဘၣ်မနုၤလဲၣ်, အ ဂ့ၢ်ဒ်အံၤ, ယနၢ်ဟူသုမၤတၢ်အၢတဖၣ်လၢ ပှၤဂီၢ်မုၢ် အံၤခဲလၢာ်လီၤ. ²⁴ မၤတဂ့ၤ, ယဖိခွါဧၢ, အဂ့ၢ်ဒ်အံၤ, တၢ်အကစီၣ်လၢ ယနၢ်ဟူန့ၣ် တမ့ၢ်ဘၣ်တၢ်အဂ့ၤ ဘၣ်, သုမၢယွၤအပှၤဂီၢ်မုၢ်လုၣ်သ့ၣ်ခါပတာ်တၢ်လီၤ.

²⁵ ပှၤကညီမ့ၢ်မၤကမၣ်ဘၣ် ပှၤကညီဒီး, ပှၤစံၣ်ညီၣ် ကွီၢ်ကစံၣ်ညီၣ်အီၤလီၤ. မ့မ့ၢ်ပှၤကညီ မ့ၢ်မၤကမၣ် ဘၣ်ယွၤဒီး, မ့ၢ်မတၤကကတိၤလိာ်ကွီၢ်လၢအဂီၢ်တ ဂၤလဲၣ်. ဘၣ်ဆၣ်ဒီးတဒိကနၣ် အပၢ်အကလုၢ်ဘၣ်. အဂ့ၢ်ဒ်အံၤ, ယွၤအသးအိၣ်လၢအကမၤသံအီၤလီၤ.

²⁶ (ဒီးဖိသၣ်စီၤၡမူၤအ့လးဒိၣ်ထီၣ်ဒံး, ဒီးဂ့ၤဝဲဒီးယွၤဒီး ပှၤကညီစ့ၢ်ကီးလီၤ.)

²⁷ ဒီးယွၤအပှၤကညီတဂၤဟဲဆူစီၤဧ့လံၤအအိၣ်, ဒီးစံး ဝဲဒၣ်, ယွၤစံးဒ်အံၤ, မ့ၢ်ယလီၣ်ဖျါထီၣ်ယသးလၢနပၢ် အပှၤဟံၣ်ဖိအမဲာ်ညါ လၢအအိၣ်လၢအဲၤကူပတူးလၢ ဖၤရိၤအဟံၣ်ပူၤန့ၣ်ဧါ. ²⁸ ဒီးမ့ၢ်ယဃုထၢအီၤလၢအံၣ်စ ရ့လးအဒူၣ်ခဲလၢာ်အကျါ, ဒ်သိးအကကဲထီၣ်ယပှၤ လုၢ်တၢ်အဒိၣ်, လၢအကလုၢ်တၢ်လၢ ယတၢ်လုၢ်လီၢ် အဖီခိၣ်, လၢအကဆိၣ်ကဲတၢ်နၢမူ, လၢအကသိးအ့ ဖိးတဘ့ၣ်လၢယမဲာ်ညါန့ၣ်ဧါ. ဒီးယဟ့ၣ်လီၤနပၢ်အ ပှၤဟံၣ်ဖိလၢ ကယဲၢ်ပှၤအံၣ်စရ့လးဖိ အတၢ်လုၢ်လၢ မ့ၣ်အူန့ၣ်ဧါ. ²⁹ သုယီၢ်လီၤယတၢ်လုၢ်, ဒီးတၢ်မၤဘူၣ် ယၤလၢယမၤလိာ် လၢယအိၣ်အလီၢ်အပူၤ, ဒီးမၤလၤ ကပီၤနဖိခွါတဖၣ်လၢယဖီခိၣ်, ဒ်သိးသုကမၤဘီၣ်ထီၣ် သုသးလၢ ယပှၤဂီၢ်မုၢ်အံၣ်စရ့လးအတၢ်မၤဘူၣ်အဂ့ၤ ကတၢၢ်တဖၣ်န့ၣ်မ့ၢ်အဘၣ်မနုၤလဲၣ်. ³⁰ မၤသးဒ်န့ၣ်ဒီး ယွၤအံၣ်စရ့လးအကစၢ်စံးဝဲဒၣ်, မ့ၢ်မးယစံးတ့ၢ်လၢန ပှၤဟံၣ်ဖိဒီးနပၢ်အပှၤဟံၣ်ဖိ ကလဲၤတၢ်လၢယမဲာ်ညါ လီၤစိၤလီၤထီလီၤ. မ့မ့ၢ်ခဲကနံၣ်အံၤယွၤစံးဝဲဒၣ်, မ်တၢ် သုတမၤအသးဒ်န့ၣ်ဒီးယၤတဂ့ၤ. အဂ့ၢ်ဒ်အံၤ, ပှၤလၢအ မၤလၤကပီၤယၤန့ၣ်ယကမၤလၤကပီၤအီၤ, ဒီးပှၤလၢ အမၤယၤတရီတပါန့ၣ် တၢ်ကမၤအီၤတရီတပါလီၤ.

³¹ ကွၢ်ကွၢ်, မုၢ်နံၤတဖၣ်ကဟဲလၢယကဒီၣ်တဲာ်နစုဒုၣ် ဒီးနပၢ်အပှၤဟံၣ်ဖိအစုဒုၣ်, ဒီးပှၤသးပှၢ်တအိၣ်ဘၣ် လၢနပှၤဟံၣ်ဖိအကျါဘၣ်. ³² ဒီးနကထံၣ်ဘၣ်တၢ်အိၣ် အလီၢ်အတၢ်နးတၢ်ဖှီၣ်, လၢကယဲၢ်တၢ်လၢယွၤကမၤ ဂ့ၤအံၣ်စရ့လးအလီၢ်လီၤ. ဒီးပှၤသးပှၢ်တအိၣ်ဘၣ်လၢ နပှၤဟံၣ်ဖိအကျါ နီတနံၤနီတနၤဘၣ်.

³³ ဒီးပှၤကညီဘၣ်ဃးဒီးနၤလၢ ယတဒီၣ်တဲာ်ဘၣ်လၢ ယတၢ်လုၢ်လီၢ်တဂၤဂၤန့ၣ် ကကဲလၢတၢ်မၤလၢာ်န မဲာ်, ဒီးတၢ်မၤကိၢ်နသး, ဒီးနပှၤဟံၣ်ဖိအတၢ်အါထီၣ် ခဲလၢာ်န့ၣ်ကသံဖဲအသူၣ်စၢ်သးဘီၣ်န့ၣ်လီၤ.

³⁴ ဒီးအအံၤလၢအကဟဲဘၣ်နဖိခွါခံဂၤ, စီၤဃၤဖနံဒီး စီၤဖံၤနဃၣ်န့ၣ်, ကကဲတၢ်ပနီၣ်လၢနဂီၢ်, ကသံဝဲခံဂၤ လၢာ်လၢမုၢ်တနံၤဃီလီၤ. ³⁵ ဒီးယကဒုးဂဲၤဆၢထၢၣ်ပှၤ လုၢ်တၢ်အဒိၣ်လၢအကလုၢ်တီလၢယဂီၢ်တဂၤ, လၢအ ကမၤတၢ်ဒ်ကယဲၢ်တၢ် လၢအဘၣ်ယသးလၢအအိၣ် လၢယသးကံၢ်ပူၤအသိးန့ၣ်လီၤ. ဒီးယကသူၣ်န့ၢ်အီၤ လၢအဟံၣ်ကျၢၤ, ဒီးကလဲၤတၢ်လၢယပှၤဒိးဖှူတၢ်တ ဂၤအမဲာ်ညါကိးမုၢ်နံၤမုၢ်နၤဒဲးလီၤ.

³⁶ ဒီးတၢ်ကမၤအသးလၢ ကယဲၢ်ပှၤကညီလၢ အအိၣ် လီၤတဲာ်လၢ နပှၤဟံၣ်ဖိအကျါတဂၤလၢ်လၢ်န့ၣ် က ဟဲတီၤလီၤ လၢအမဲာ်ညါလၢစ့တဘ့ၣ်, ဒီးကိၣ်တ လိၣ်အဂီၢ်, ဒီးကစံး, ပာ်လၢ်ယၤလၢပှၤလုၢ်တၢ်အ ဒိၣ်အလီၢ်ဒ်သိးယကအီၣ်ကိၣ်တလိၣ်တက့ၢ်.

၃

¹ ဒီးဖိသၣ်စီၤၡမူၤအ့လးမၤယွၤအခ့အပှၤ အတၢ်လၢ စီၤဧ့လံၤအမဲာ်ညါလီၤ. ဒီးတၢ်လၢ မုၢ်နံၤတဖၣ်န့ၣ် ယွၤအကလုၢ်ကထါ မ့ၢ်တၢ်လုၢ်ဒိၣ်ပှ့ၤဒိၣ်လီၤ. တၢ် ထံၣ်တၢ်လၢညါခီန့ၣ်တအါဘၣ်.

² ဒီးတၢ်လၢမုၢ်တနံၤန့ၣ်, လီၤဧ့လံၤမံလီၤလၢအလီၢ်ဒၣ် ဝဲအပူၤ, ဒီးအမဲာ်ယုာ်သီ, ဒီးထံၣ်တၢ်တသ့ဘၣ်. ³ ဒီး ယွၤအမ့ၣ်အူဒၢ တချုးလီၤပံာ်ဒံးဘၣ်လၢ ယွၤအနူၢ် ပူၤဖဲယွၤအတလါအိၣ်ဝဲ, ဒီးစီၤၡမူၤအ့လးမံလီၤဝဲဒီး,

⁴ ယွၤကိးစီၤၡမူၤအ့လး, ဒီးစံးဆၢဝဲ, ကွၢ်ကွၢ်, ယၤလီၤ.

⁵ ဒီးဃ့ၢ်ဝဲဆူစီၤဧ့လံၤအအိၣ်, ဒီးစံးဝဲဒၣ်, ကွၢ်ကွၢ်, ယၤ လီၤ. အဂ့ၢ်ဒ်အံၤ, နကိးယၤလီၤ. ဒီးစံးဝဲဒၣ်, ယတကိး ဘၣ်, မံလီၤကဒီးတက့ၢ်. ဒီးက့ၤက့ၤဝဲ, ဒီးမံလီၤဝဲလီၤ.

⁶ ဒီးယွၤကိးကဒီး စီၤၡမူၤအ့လး, ဒီးစီၤၡမူၤအ့လးဂဲၤ ဆၢထၢၣ်, ဒီးလဲၤဝဲဆူစီၤဧ့လံၤအအိၣ်, ဒီးစံးဝဲဒၣ်, ကွၢ်ကွၢ်, ယၤလီၤ. အဂ့ၢ်ဒ်အံၤ, နကိးယၤလီၤ. ဒီးစံးဆၢ ဝဲဒၣ်, ယတကိးဘၣ်, ယဖိခွါဧၢ, မံလီၤကဒီးတက့ၢ်.

⁷ ဒီးစီၤၡမူၤအ့လးတသ့ၣ်ညါဒံးဘၣ်ယွၤဘၣ်, ဒီးတၢ် တလီၣ်ဖျါဒံးဘၣ်ယွၤအကလုၢ်ကထါလၢအီၤဘၣ်.

⁸ ဒီးယွၤကိးက့ၤကဒီး စီၤၡမူၤအ့လးသၢဘျီတဘျီ, ဒီး ဂဲၤဆၢထၢၣ်, ဒီးလဲၤဝဲဆူစီၤဧ့လံၤအအိၣ်, ဒီးစံးဝဲဒၣ်, ကွၢ်ကွၢ်, ယၤလီၤ. အဂ့ၢ်ဒ်အံၤ, နကိးယၤလီၤ. ဒီးစီၤဧ့ လံၤအနၢ်ပၢၢ်လၢယွၤကိးတ့ၢ်ဖိသၣ်န့ၣ်လီၤ.

⁹ ဒီးစီၤဧ့လံၤစံးဘၣ် စီၤၡမူၤအ့လး, က့ၤမံလီၤတက့ၢ်, ဒီးတၢ်မ့ၢ်ကိးနၤဒီး, တၢ်ကမၤအသးလၢနဘၣ်စံး, က တိၤတၢ်တက့ၢ်, ယွၤဧၢ, အဂ့ၢ်ဒ်အံၤ, နခ့နပှၤဒိကနၣ် တၢ်လီၤ. စီၤၡမူၤအ့လးန့ၣ် က့ၤမံလီၤလၢအလီၢ်ဒၣ် ဝဲလီၤ.

¹⁰ ဒီးယွၤဟဲ, ဒီးဆၢထၢၣ်, ဒီးကိးဒ်တဘျီတဘျီအသိး န့ၣ်, ၡမူၤအ့လးဧၢ, ၡမူၤအ့လးဧၢ, ဒီးစီၤၡမူၤအ့လးစံး ဆၢတၢ်, ကတိၤလၢ်တၢ်တက့ၢ်. အဂ့ၢ်ဒ်အံၤ, နခ့နပှၤ ဒိကနၣ်တၢ်လီၤ.

¹¹ ဒီးယွၤစံးဘၣ်စီၤၡမူၤအ့လး, ကွၢ်ကွၢ်, ယကမၤတၢ် တမံၤလၢ အံၣ်စရ့လးအကျါ လၢအကမၤဆါကယဲၢ် ပှၤလၢအနၢ်ဟူဝဲတဖၣ်အနၢ်ခံခီလိာ်လီၤ. ¹² တၢ်လၢမုၢ် တနံၤန့ၣ် ယကဒုးအိၣ်ထီဒါစီၤဧ့လံၤလၢ ကယဲၢ်တၢ် လၢယကတိၤတ့ၢ်လၢ အပှၤဟံၣ်ဖိအဂ့ၢ်အကျိၤလီၤ, ယမၤထီၣ်သီ, ဒီးယကမၤဝံၤလီၤ.

¹³ ဒီးယဒုးနဲၣ်လံအီၤလၢ ယကစံၣ်ညီၣ်အပှၤဟံၣ်ဖိလီၤ စိၤလီၤထီလၢတၢ်အၢ လၢအသ့ၣ်ညါအီၤအဃိန့ၣ်လီၤ. အဂ့ၢ်ဒ်အံၤ, အဖိခွါတဖၣ်ဒုးဘၣ်လီၤအသးလၢ တၢ် ဆိၣ်အၢဘၣ်ဆၣ်ဒီး, အဝဲဒၣ်တတြီဘၣ်အီၤဘၣ်. ¹⁴ မၤ သးဒ်န့ၣ်ဒီးယဆိၣ်တၢ်ဒီး စီၤဧ့လံၤအပှၤဟံၣ်ဖိ, လၢ စီၤဧ့လံၤ အပှၤဟံၣ်ဖိအတၢ်အၢန့ၣ် တပူၤဖျဲးဘၣ်လၢ တၢ်လုၢ်ဒီးတၢ်မၤဘူၣ်အဃိလီၤထူလီၤယိာ်န့ၣ်လီၤ.

¹⁵ ဒီးစီၤၡမူၤအ့လးန့ၣ် မံလီၤတုၤမုၢ်ဆ့ၣ်ထီၣ်, ဒီးအိး ထီၣ်ယွၤအဟံၣ်အတြဲၤ, ဒီးစီၤၡမူၤအ့လး ဒုးနဲၣ်စီၤဧ့ လံၤလၢတၢ်လီၣ်ဖျါတဘူၣ်ဘၣ်.

¹⁶ ဒီးစီၤဧ့လံၤကိးန့ၢ်စီၤၡမူၤအ့လး, ဒီးစံးဝဲဒၣ်, စီၤၡမူၤ အ့လးယဖိခွါဧၢ, ဒီးစံးဆၢဝဲ, ကွၢ်ကွၢ်, ယၤလီၤ. ¹⁷ ဒီး အဝဲဒၣ်စံး, တၢ်လၢယွၤစံးဘၣ်နၤတမံၤန့ၣ် မ့ၢ်မနုၤ တမံၤလဲၣ်. ပာ်ခူသူၣ်ဒီးယၤတဂ့ၤ. လၢကယဲၢ်တၢ် လၢအစံးဘၣ်နၤအကျါန့ၣ် နမ့ၢ်ပာ်ခူသူၣ်တၢ်တမံၤ မံၤဒီး, မ်ယွၤမၤနၤဒ်န့ၣ်ဒီး အါန့ၢ်အန့ၣ်တက့ၢ်.

¹⁸ ဒီးစီၤၡမူၤအ့လးဒုးနဲၣ်အီၤလၢတၢ်ခဲလၢာ်, ဒီးတပာ် ခူသူၣ်ဒီးအီၤလၢတၢ်နီတမံၤဘၣ်. ဒီးအဝဲဒၣ်စံး, မ့ၢ် ယွၤလီၤ. ကမၤဒၣ်ဝဲတၢ်လၢအဂ့ၤလၢအမဲာ်တက့ၢ်.

¹⁹ ဒီးစီၤၡမူၤအ့လးဒိၣ်ထီၣ်, ဒီးယွၤအိၣ်ဒီးအီၤ, ဒီးတဒုး လီၤတဲာ်ဘၣ်အတၢ်ကတိၤဆူ ဟီၣ်ခိၣ်နီတထံၣ်ဘၣ်.

²⁰ ဒီးအံၣ်စရ့လးခဲလၢာ်လၢ ဒၣ်ပၢၢ်လၢဘ့ၢ်ၡဘၤန့ၣ် သ့ၣ်ညါဝဲလၢစီၤၡမူၤအ့လး မ့ၢ်ယွၤအဝံဂၢၢ်ဂၢၢ်ကျၢၤ ကျၢၤန့ၣ်လီၤ.

²¹ ဒီးယွၤလီၣ်ဖျါထီၣ်ကဒီးအသးလၢ ၡံလိၤအပူၤလီၤ. အဂ့ၢ်ဒ်အံၤ, ယွၤလီၣ်ဖျါထီၣ်အသးလၢစီၤၡမူၤအ့လး လၢယွၤအကလုၢ်အကထါလၢၡံလိၤအပူၤလီၤ.

၄

¹ ဒီးစီၤၡမူၤအ့လး အကလုၢ်အကထါအိၣ်ဒီးအံၣ်စရ့ လးခဲလၢာ်လီၤ. ဒီးအံၣ်စရ့လးလဲၤသဂၢၢ်ထီၣ် ပှၤဖ လ့ၡသးဖိဒ်သိး အကဒုးတၢ်ဒီးအီၤ, ဒီးသူၣ်ဒဲဖဲအ့ ဘ့ၣ်န့စၢ်, ဒီးပှၤဖလ့ၡသးဖိသူၣ်ဒဲလၢအဖ့းအပူၤလီၤ.

² ဒီးပှၤဖလ့ၡသးဖိကတဲာ်ကတီၤအသး ဒ်သိးအက သဂၢၢ်အံၣ်စရ့လး, ဒီးတုၤအဒုးသုးဒီး, အံၣ်စရ့လး ဘၣ်တၢ်ကျီကွံာ်အီၤလၢ ပှၤဖလ့ၡသးဖိအမဲာ်ညါ, ဒီး အဝဲသ့ၣ်ကျီကွံာ်ပှၤလွံၢ်ကထိဃၣ်ဃၣ်လၢ ပှၤသုးမုၢ် အကျါလၢပျီပူၤလီၤ.

³ ဒီးတုၤပှၤဂီၢ်မုၢ် ဟဲနုာ်ဆူပှၤသူၣ်ဒဲအလီၢ်ပူၤဒီး, ပှၤ သူၣ်က့သးပှၢ်စံးဝဲဒၣ်, တၢ်လၢမုၢ်မဆါတနံၤအံၤယွၤ ကျီကွံာ်ပှၤလၢပှၤဖလ့ၡသးဖိအမဲာ်ညါန့ၣ် မ့ၢ်အဘၣ်မ နုၤလဲၣ်. မ်ပဟံးန့ၢ်ယွၤအတၢ်အၢၣ်လီၤအီလီၤအတလါ လၢပဂီၢ်လၢၡံလိၤအပူၤတက့ၢ်. ဒီးတုၤအဟဲနုာ်လၢပ ကျါဒီး, ကအုၣ်က့ၤခီၣ်က့ၤပှၤလၢပဒုၣ်ပဒါအစုပူၤလီၤ.

⁴ ဒီးပှၤဂီၢ်မုၢ်မၢလီၤတၢ်ဆူၡံလိၤ ဒ်သိးအကဟဲစိာ်တၢ် သုးမုၢ်ဂီၢ်မုၢ်အယွၤလၢ အအိၣ်ဝဲလၢ ခ့ရူၢ်တဖၣ်အ ဘၢၣ်စၢၤအတၢ်အၢၣ်လီၤအီလီၤအတလါန့ၣ်လီၤ. ဒီး စီၤဧ့လံၤအဖိခွါခံဂၤစီၤဃၤဖနံ, ဒီးစီၤဖံၤနဃၣ်န့ၣ်အိၣ် ဝဲဖဲန့ၣ်ဒီး ယွၤအတၢ်အၢၣ်လီၤအီလီၤအတလါန့ၣ်လီၤ.

⁵ ဒီးတုၤ ယွၤအတၢ်အၢၣ်လီၤအီလီၤအတလါ ဟဲနုာ် လၢပှၤသူၣ်ဒဲအလီၢ်ဒီး, တၢ်မၤအသးလၢအံၣ်စရ့လး ခဲလၢာ်ကိးပသူထီၣ်ဖးဒိၣ်, ဒီးဟီၣ်ခိၣ်သီၣ်ထီၣ်လီၤ.

⁶ ဒီးပှၤဖ့လ့ၡသးဖိ နၢ်ဟူတၢ်ကိးပသူထီၣ်အသီၣ်, ဒီး စံးဝဲဒၣ်, တၢ်ကိးပသူထီၣ်ဖးဒိၣ် လၢပှၤဧ့ၤဘြံၤဖိအ သူၣ်ဒဲအလီၢ်ပူၤန့ၣ် မ့ၢ်မနုၤလဲၣ်. ဒီးသ့ၣ်ညါဝဲလၢယွၤ အတလါဟဲနုာ်လံ လၢတၢ်သူၣ်ဒဲအလီၢ်လံ. ဒီးပှၤဖ လ့ၡသးဖိပျံၤတၢ်လီၤ. ⁷ အဂ့ၢ်ဒ်အံၤ, စံးဝဲဒၣ်, ယွၤဟဲ နုာ်လၢပှၤသူၣ်ဒဲအလီၢ်လီၤ. ဒီးစံးဝဲဒၣ်, ပဘၣ်အဖှီၣ် လီၤ. အဂ့ၢ်ဒ်အံၤ, တၢ်န့ၣ်တမံၤတအိၣ်ဘၣ်လၢထံးလၢ လၢမကိာ်ဘၣ်. ⁸ ပဘၣ်အဖှီၣ်လီၤ. မ့ၢ်မတၤကမၤပူၤ ဖျဲးပှၤဒီး ကစၢ်အဆူၣ်တဖၣ်အံၤလဲၣ်. အဝဲတဖၣ်န့ၣ် မ့ၢ်ကစၢ်တဖၣ်လၢအကျီကွံာ် ပှၤအဲၤကူပတူးဖိလၢတၢ် တီၢ်ခဲလၢာ်လၢပှၢ်မုၢ်ကနၢန့ၣ်လီၤ. ⁹ ပာ်ဆူၣ်သုဂံၢ်သု ဘါ, ဒီးအိၣ်ဒ်ပှၤပိာ်ခွါအသိးန့ၢ်တက့ၢ်. ပှၤဖလ့ၡသး ဖိသ့ၣ်ဧၢ, သုကကဲဘၣ်ဖုး ပှၤဧ့ၤဘြံၤဖိအကုၢ်အပှၤ, ဒ်အကဲတ့ၢ်သုကုၢ်သုပှၤအသိးန့ၣ်လီၤ. အိၣ်ဒ်ပှၤပိာ်ခွါ အသိးန့ၣ်, ဒီးဒုးသုးဒုးသံၣ်တက့ၢ်.

¹⁰ ဒီးပှၤဖလ့ၡသးဖိဒုးတၢ်, ဒီးအံၣ်စရ့လးဘၣ်တၢ်ကျီ ကွံာ်အီၤ, ဒီးဃ့ၢ်ဝဲတဂၤဆူအဒဲဒၣ်ဝဲ, တဂၤဆူအဒဲဒၣ် ဝဲ, ဒီးတၢ်ကျီသံကွံာ်တၢ်ဒိၣ်ဒိၣ်ကလဲာ်အိၣ်ဝဲလီၤ. ဒီး ပှၤခီၣ်သုးဖိလီၤဃံၤဝဲ လၢအံၣ်စရ့လးအကျါ သၢက လးလီၤ. ¹¹ ဒီးယွၤအတလါဘၣ်တၢ်ဖီၣ်န့ၢ်အီၤ, ဒီးစီၤဧ့ လံၤအဖိခွါခံဂၤ, စီၤဃၤဖနံ ဒီးစီၤဖံၤနဃၣ်န့ၣ်ဘၣ် တၢ်မၤသံအီၤလီၤ. ¹² ဒီးပှၤဘံၣ်ယၤမံၣ်ဖိတဂၤ ဃ့ၢ်တၢ်လၢပှၤသုးမုၢ်အကျါ, ဒီးဟဲက့ၤဆူၡံလိၤတနံၤဃီ, အိၣ်ဒီးအကူအသိး ယာ်ဝဲ, ဒီးဟီၣ်ခိၣ်အကမူၣ်လၢအခိၣ်အဖီခိၣ်လီၤ.

¹³ ဟဲဝဲ, ဒီးကွၢ်ကွၢ်, စီၤဧ့လံၤဆ့ၣ်နီၤကွၢ်စိတၢ်လၢ လီၢ် ဆ့ၣ်နီၤလၢကျဲအဃၢၤန့ၣ်လီၤ. အဂ့ၢ်ဒ်အံၤ, အသးက နိးဝဲလၢယွၤအတလါအဃိလီၤ. ဒီးတုၤပှၤတဂၤန့ၣ်ဟဲ နုာ်ဒုးနဲၣ်တၢ်လၢဝ့ၢ်ပူၤဒီး, ပှၤဝ့ၢ်ဖိကိးပသူထီၣ်ခဲလၢာ် လီၤ.

¹⁴ ဒီးစီၤဧ့လံၤနၢ်ဟူ တၢ်ကိးပသူထီၣ်အသီၣ်, ဒီးစံးဝဲ ဒၣ်, တၢ်တၢထီၣ်တၢလီၤအသီၣ်န့ၣ်မ့ၢ်မနုၤလဲၣ်. ဒီး ပှၤတဂၤန့ၣ်ဟဲချ့ချ့, ဒီးစံးဘၣ်တဲဘၣ်စီၤဧ့လံၤလီၤ.

¹⁵ ဒီးစီၤဧ့လံၤအသးပှၢ်တ့ၢ်ခွံဆံဃိးနံၣ်, ဒီးအမဲာ်ယုာ်, ဒီးတထံၣ်ဘၣ်တၢ်ဘၣ်.

¹⁶ ဒီးပှၤတဂၤန့ၣ် စံးဘၣ်စီၤဧ့လံၤ, ယမ့ၢ်ပှၤလၢအဟဲ လၢပှၤသုးမုၢ်အကျါ, ဒီးလၢမုၢ်မဆါတနံၤအံၤယဟဲ ဃ့ၢ်လၢပှၤသုးမုၢ်အကျါလီၤ. ဒီးအဝဲဒၣ်စံးဘၣ်အီၤ, တၢ်မၤအသးမနုၤလဲၣ်, ယဖိခွါဧၢ.

¹⁷ ဒီးပှၤလၢအဟဲစိာ် တၢ်အကစီၣ်တဂၤန့ၣ်စံးဆၢတၢ် ဒီးစံးဝဲဒၣ်, အံၣ်စရ့လးဃ့ၢ်လံလၢ ပှၤဖလ့ၡသးဖိအ မဲာ်ညါ, ဒီးတၢ်ကျီသံကွံာ်ဖးဒိၣ်အိၣ်လံလၢပှၤဂီၢ်မုၢ် အကျါ, ဒီးနဖိခွါခံဂၤ, စီၤဃၤဖနံဒီးစီၤဖံၤနဃၣ်န့ၣ် သံလံစ့ၢ်ကီး, ဒီးတၢ်မၤန့ၢ်လံယွၤအတလါလံလီၤ.

¹⁸ ဒီးတုၤအပှ့ၤဘၣ် ယွၤအတလါအမံၤန့ၣ်ဒီး တၢ်မၤ အသးလၢအလီၤတဲာ် လၢလီၢ်ဆ့ၣ်နီၤဆူအချၢဃံဖဲ တြဲၤအဃၢၤ, ဒီးအကိာ်ကၢ်, ဒီးသံဝဲလီၤ. အဂ့ၢ်ဒ်အံၤ, အသးပှၢ်တ့ၢ်ဒီးဃၢဝဲလီၤ. ဒီးစံၣ်ညီၣ်တ့ၢ်အံၣ်စရ့လး အနံၣ်လွံၢ်ဆံလီၤ.

¹⁹ ဒီးအဒဲၣ်စီၤဖံၤနဃၣ် အမါတဂၤဒၢထီၣ်လံ, ဒီးအမုၢ် အလါဘၣ်ဘူးတ့ၢ်လီၤ. ဒီးတုၤအနၢ်ဟူတၢ်အကစီၣ် တဖၣ်လၢယွၤအတလါဘၣ်တၢ်ဖီၣ်န့ၢ်အီၤ, ဒီးအမံၤ ပှၢ်ပိာ်ခွါ, ဒီးအဝၤသံဝဲဒီး, အဝဲဒၣ်သကူးလီၤအသး, ဒီးဆံးစၢ်တၢ်လီၤ. အဂ့ၢ်ဒ်အံၤ, ဘၣ်တၢ်ဟုးဆါလီၤ.

²⁰ ဒီးကသံတ့ၢ် အဖၢမုၢ်ဒီး, ပိာ်မုၣ်တဖၣ်လၢအဆၢ ထၢၣ်လၢအဃၢၤန့ၣ်, စံးဘၣ်အီၤ, ပျံၤတၢ်တဂ့ၤ, အဂ့ၢ် ဒ်အံၤ, နဆံးစၢ်န့ၢ်နဖိပိာ်ခွါတဂၤလီၤ. ဒီးတစံးဆၢဘၣ် တၢ်ဘၣ်, ဒီးတပာ်ဘၣ်လၢအသးဘၣ်. ²¹ ဒီးယုၢ်ဝဲအ ဖိအမံၤလၢစီၤအံကဘိး, ဒီးစံးဝဲဒၣ်, တၢ်လၤကပီၤလဲၤ သဒၣ်လံအံၣ်စရ့လးလံ, (လၢတၢ်မၤန့ၢ်ယွၤအတ လါအဃိဒီးလၢအမံၤပှၢ်ပိာ်ခွါဒီးအဝၤအဃိလီၤ.) ²² ဒီး စံးဝဲဒၣ်, တၢ်လၤကပီၤလဲၤသဒၣ်လံအံၣ်စရ့လးလံ. အဂ့ၢ်ဒ်အံၤ, တၢ်ဖီၣ်န့ၢ်လံယွၤအတလါလီၤ.

၅

¹ ဒီးပှၤဖလ့ၡသးဖိဟံးန့ၢ်ယွၤအတလါ, ဒီးစိာ်ထီၣ်ဝဲ လၢအ့ဘ့ၣ်န့စၢ်ဆူအၤစဒိးလီၤ.

² ဒီးပှၤဖလ့ၡသးဖိဟံးန့ၢ်ယွၤအတလါ, ဒီးဟဲစိာ်ဝဲ ဆူဒၤကိၣ်အဟ့ၣ်, ဒီးပာ်ဝဲလၢဒၤကိၣ်အဃၢၤလီၤ.

³ ဒီးတုၤပှၤအၤစဒိးဖိ ဂဲၤဆၢထၢၣ်လၢမုၢ်ဆ့ၣ်ထီၣ်တ နံၤဂီၤဂီၤဒီး, ကွၢ်ကွၢ်, ဒၤကိၣ်လီၤဃံၤအီထီလာ်လၢ ဟီၣ်ခိၣ်ချၢလၢယွၤအတလါအမဲာ်ညါလီၤ. ဒီးပှၤဟံး န့ၢ်ဒၤကိၣ်, ဒီးပာ်ကဒီးလၢအလီၢ်ဒၣ်ဝဲန့ၣ်လီၤ.

⁴ ဒီးတုၤအဂဲၤဆၢထၢၣ်ဂီၤဂီၤ လၢမုၢ်ဆ့ၣ်ထီၣ်တနံၤဒီး, ဒၤကိၣ်လီၤဃံၤအီထီလာ်လံ လၢဟီၣ်ခိၣ်ချၢလၢယွၤအ တလါအမဲာ်ညါ, ဒီးဒၤကိၣ်အခိၣ်, ဒီးအစုလၣ်ခံခီ လၢာ်ဒီၣ်တဲာ်ကွံာ်အသး လၢကျဲစၢၤအကျိၤထံးအဖီခိၣ် လီၤ. အိၣ်လီၤတဲာ်လၢအီၤထဲဒၤကိၣ်အမိၢ်ပှၢ်ဧိၤလီၤ.

⁵ မၤသးဒ်န့ၣ်ဒီး ဒၤကိၣ်အပှၤလုၢ်တၢ်အဒိၣ်မ့ၢ်ဂ့ၤ, ပှၤ လဲၤနုာ်လၢဒၤကိၣ်အဟံၣ်ပူၤမ့ၢ်ဂ့ၤ, တယီၢ်ဘၣ်ဒၤကိၣ် အကျဲစၢၤကျိၤထံးလၢ အၤစဒိးအပူၤ တုၤမုၢ်မဆါတ နံၤအံၤလီၤ.

⁶ ဒီးယွၤအစုဃၢဝဲလၢ ပှၤအၤစဒိးဖိအလိၤ, ဒီးမၤဟး ဂီၤအီၤ, ဒီးကျီအီၤလၢတၢ်အ့ၣ်ကီၢ်ဆါ, ပှၤအၤစဒိးဖိ, ဒီးပှၤအိၣ်လၢအဃၢၤတဖၣ်လီၤ.

⁷ ဒီးအၤစဒိး အပှၤကညီထံၣ်လၢ တၢ်မၤအသးဒ်န့ၣ်, ဒီးစံးဝဲဒၣ်, အံၣ်စရ့လးအကစၢ်အတလါန့ၣ် တဘၣ် အိၣ်ဒီးပှၤဘၣ်. အဂ့ၢ်ဒ်အံၤ, အစုအိၣ်ဆူၣ်လၢပဖီခိၣ်, ဒီးလၢဒၤကိၣ်ပကစၢ်အဖီခိၣ်လီၤ.

⁸ ဒီးမၢလီၤတၢ်, ဒီးဒုးအိၣ်ဖှိၣ်ပှၤဖလ့ၡသးဖိအပဒိၣ်ဖး ဒိၣ်ဆူအအိၣ်, ဒီးစံးဝဲဒၣ်, ပကမၤအံၣ်စရ့လးအကစၢ် အတလါဒ်လဲၣ်. ဒီးအဝဲသ့ၣ်စံးဆၢတၢ်, မ်ပှၤစိာ်ဝ့ၤဝီၤ အံၣ်စရ့လးအကစၢ်အတလါန့ၣ်ဆူကၤသးန့ၣ်တက့ၢ်. ဒီးတၢ်စိာ်ဝ့ၤဝီၤအံၣ်စရ့လးအကစၢ်အတလါန့ၣ်လီၤ.

⁹ ဒီးတၢ်မၤအသးလၢ အစိာ်ဝ့ၤဝီၤဝဲအလီၢ်ခံန့ၣ် ယွၤ အစုအိၣ်ဝဲဒီး တၢ်မၤဟးဂီၤဖးဒိၣ် လၢဝ့ၢ်တဝ့ၢ်န့ၣ် အဖီခိၣ်, ဒီးကျီကွံာ်ဝ့ၢ်ဖိဒီးဒိၣ်ဒီးဆံး, ဒီးအဝဲသ့ၣ်အိၣ် ဒီးတၢ်အ့ၣ်ကီၢ်ဆါလီၤ.

¹⁰ ဒီးမၢယွၤအတလါန့ၣ် လဲၤဆူဧ့ကြိၣ်လီၤ. ဒီးတုၤ ယွၤအတလါဟဲတုၤလၢဧ့ကြိၣ်ဒီး, တၢ်မၤအသးလၢ ပှၤဧ့ကြိၣ်ဖိကိးပသူထီၣ်, ဒီစံးဝဲဒၣ်, ပှၤဟဲစိာ်ဝ့ၤဝီၤ အံၣ်စရ့လးအကစၢ်အတလါန့ၣ် ဒ်သိးအကမၤသံပှၤ, ဒီးပပှၤဂီၢ်မုၢ်လီၤ.

¹¹ ဒီးမၢလီၤတၢ်, ဒီးဒုးအိၣ်ဖှိၣ် ပှၤဖလ့ၡသးဖိအပဒိၣ် ဖးဒိၣ်ခဲလၢာ်, ဒီးစံးဝဲဒၣ်, မၢလီၤအံၣ်စရ့လးအက စၢ်အတလါန့ၣ်, ဒီးဒုးက့ၤက့ၤအီၤဆူအလီၢ်ဒၣ်ဝဲန့ၣ် တက့ၢ်, ဒ်သိးအသုတမၤသံပှၤ, ဒီးပပှၤဂီၢ်မုၢ်တဂ့ၤ လီၤ. အဂ့ၢ်ဒ်အံၤ, တၢ်မၤသံအတၢ်မၤဟးဂီၤန့ၣ် အိၣ် ဝဲလၢဝ့ၢ်ဒီဝ့ၢ်ညါလီၤ. ယွၤအစုအိၣ်ဝဲဖဲန့ၣ်ဃၢမးလီၤ.

¹² ဒီးပှၤလၢအတသံဘၣ်တဖၣ်န့ၣ် ဘၣ်တၢ်ကျီအီၤလၢ တၢ်အ့ၣ်ကီၢ်ဆါ, ဒီးပှၤဝ့ၢ်ဖိအတၢ်ဟီၣ်လဲၤထီၣ်ဆူမူ ခိၣ်လီၤ.

၆

¹ ဒီးယွၤအတလါန့ၣ်အိၣ်ဝဲ လၢပှၤဖလ့ၡသးဖိအကီၢ် ပူၤနွံလါလီၤ. ² ဒီးပှၤဖလ့ၡသးဖိကိးန့ၢ် ပှၤလုၢ်တၢ်အ ဒိၣ်, ဒီးပှၤဖးတၢ်, ဒီးစံးဝဲဒၣ်, ပကမၤယွၤအတလါန့ၣ် ဒ်လဲၣ်. ဘိးဘၣ်သ့ၣ်ညါပှၤလၢ ပကဟ့ၣ်ယုၢ်အီၤဆူ အလီၢ်ဒၣ်ဝဲအိၣ်ဒီး တၢ်မနုၤတမံၤလဲၣ်န့ၣ်တက့ၢ်.

³ ဒီးစံးဝဲဒၣ်, သုမ့ၢ်ဟ့ၣ်ယုၢ်အံၣ်စရ့လးအကစၢ်အတ လါဒီး, ဟ့ၣ်ယုၢ်အီၤကလီတဂ့ၤ ဟ့ၣ်ယုၢ်အီၤလၢတၢ် လုၢ်တၢ်ကမၣ်သပှၢ်တၢၢ်တက့ၢ်. တုၤနုၤတစုသုက ဘျါက့ၤ, ဒီးအစုတသုးဘၣ်အသးလၢ သုလိၤအဂ့ၢ် န့ၣ်သုကသ့ၣ်ညါလီၤ.

⁴ ဒီးစံးဝဲဒၣ်, တၢ်လုၢ်တၢ်ကမၣ် လၢပဘၣ်ဟ့ၣ်ယုၢ်န့ၣ် မ့ၢ်မနုၤလဲၣ်. ဒီးအဝဲသ့ၣ်စံးဆၢဝဲဒၣ်, အ့ၣ်ကီၢ်အဂီၤ ထူယဲၢ်ဖျၢၣ်, ဒီးယုၢ်သုၣ်ထူယဲၢ်ဒု, ဒ်ပှၤဖလ့ၡသးဖိအ ပဒိၣ်ဖးဒိၣ်အတၢ်ဂံၢ်အသိးန့ၣ်လီၤ. အဂ့ၢ်ဒ်အံၤ, တၢ် တီၢ်တမံၤဃီအိၣ်ဝဲလၢသုလိၤခဲလၢာ်, ဒီးလၢသုပဒိၣ် အလိၤလီၤ.

⁵ ဒီးသုဘၣ်တ့သုအ့ၣ်ကီၢ်အဂီၤ, ဒီးသုယုၢ်သုၣ်အဂီၤ လၢအမၤဟးဂီၤထံဧိၤကီၢ်ဧိၤ, ဒီၤသုကဘၣ်ဟ့ၣ်တၢ် လၢကပီၤလၢအံၣ်စရ့လးအကစၢ်လီၤ. ဒီးဘၣ်တဘၣ် ကမၤဖှံထီၣ်အစုလၢသုလီၤ, ဒီးလၢသုကစၢ်တဖၣ်အ လိၤ, ဒီးလၢသုထံသုကီၢ်အလိၤန့ၣ်လီၤ.

⁶ ဒီးသုမၤကိၤသုသးဒ် ပှၤအဲၤကူပတူးဖိဒီးဖၤရိမၤကိၤ အသးအသိးန့ၣ် မ့ၢ်အဘၣ်မနုၤလဲၣ်. တုၤအမၤတၢ် လီၤလးလၢအကျါဒီး, အဝဲသ့ၣ်တဖၣ်န့ၢ်ပျၢ်ပှၤဂီၢ်မုၢ်, ဒီးအဝဲသ့ၣ်ဟးထီၣ်ကွံာ်, တမ့ၢ်ဘါဧါ.

⁷ ဒီးခဲကနံၣ်အံၤမၤလ့ၣ်ကဟၣ်အသီတဆိ, ဒီးဟံးန့ၢ် ဂီၤဖံးမိၢ်လၢအဒုးအီၣ်နုၢ်လၢ အတဘၣ်ဒံးဘၣ်နီၣ်ယိး ဘိခံဒု, ဒီးစၢဃာ်ဂီၤဖံးလၢလ့ၣ်ကဟၣ်, ဒီးဒုးက့ၤ က့ၤအဖိလၢအလီၢ်ခံဆူဟံၣ်ပူၤ, ⁸ ဒီးဟံးန့ၢ်ယွၤအတ လါ, ဒီးပာ်လၢလ့ၣ်ကဟၣ်အပူၤ, ဒီးပာ်ကယၢထူလၢ သုဟ့ၣ်ယုၢ်အီၤလၢတၢ်လုၢ်တၢ်ကမၣ်အဂီၢ်, လၢတ လါဖိလၢအဃၢၤ, ဒီးပျၢ်အီၤ, ဒီးဒုးဟးထီၣ်အီၤတက့ၢ်.

⁹ ဒီးကွၢ်, မ့ၢ်လဲၤထီၣ်လၢကျဲပူၤ လၢအကီၢ်ဒၣ်ဝဲအ ဃၢၤဆူဘ့ၤသရှ့မ့ၣ်ဒီး, မ့ၢ်အမၤပှၤလၢတၢ်အၢဖးဒိၣ် အံၤလီၤ. ဒီးမ့တမ့ၢ်ဘၣ်ဒ်န့ၣ်ဒီး, ပကသ့ၣ်ညါလၢ အတမ့ၢ်ဘၣ်အစုတီၢ်ပှၤဘၣ်. မ့ၢ်တၢ်ဘၣ်ဒၣ်ပှၤလီၤ.

¹⁰ ဒီးပှၤကညီတဖၣ်န့ၣ် မၤဝဲဒ်န့ၣ်, ဒီးဟံးန့ၢ်ဂီၤဖံးမိၢ် လၢအဒုးအီၣ်နုၢ်ခံဒု, ဒီးစၢဃာ်အီၤဒီးလ့ၣ်ကဟၣ်, ဒီး ကးတံာ်ဃာ်အဖိလၢဟံၣ်ပူၤလီၤ. ¹¹ ဒီးပာ်ယွၤအတ လါလၢလ့ၣ်ကဟၣ်အပူၤ, ဒီးတလါဖိအိၣ်ဝဲဒီးယုၢ် သုၣ်ထူ, ဒီးအ့ၣ်ကီၢ်အဂီၤလီၤ.

¹² ဒီးဂီၤဖံးမိၢ်န့ၣ် လဲၤတၢ်စၢၢ်ဆၢဆူဘ့ၤသရှ့မ့ၣ်အကျဲ, ပိာ်ဝဲလၢကျဲမုၢ်, ဒီးကိးထီၣ်ဝဲ, ဒီးလဲၤတၢ်, ဒီးဆူစုထွဲ မ့ၢ်ဂ့ၤ, ဆူစုစ့ၢ်မ့ၢ်ဂ့ၤ, တဃၣ်ကပၤဘၣ်. ဒီးပှၤဖလ့ ၡသးဖိအပဒိၣ်ဖးဒိၣ်တဖၣ် ပိာ်အခံပၢၢ်လၢဘ့ၤသရှ့ မ့ၣ်အဃၢၤလီၤ.

¹³ ဒီးပှၤဘ့ၤသရှ့ၤမ့ၣ်ဖိ ကူးအဘုကၠူၣ်လၢတၢ်ပၢၤခိၣ်, ဒီးကျ့ထီၣ်အမဲာ်, ဒီးထံၣ်ဘၣ်တလါ, ဒီးသးခုလၢအ ထံၣ်ဝဲအဃိန့ၣ်လီၤ.

¹⁴ ဒီးလ့ၣ်ကဟၣ်လဲၤနုာ်လၢ ပှၤဘ့ၤသရှ့ၤမ့ၣ်ဖိစီၤယိၤရှူ အစံာ်ပူၤ, ဒီးအိၣ်ကတီၢ်ဖဲန့ၣ်, ဖဲလၢၢ်ဖးဒိၣ်တဖျၢၣ် အအိၣ်လီၤ. ဒီးပှၤဖးသ့ၣ်ဖးလ့ၣ်ကဟၣ်အသ့ၣ်, ဒီးလုၢ် ဂီၤဖံးမိၢ်တဖၣ်လၢတၢ်လုၢ်မ့ၢ်အူလၢယွၤအဂီၢ်လီၤ.

¹⁵ ဒီးပှၤလ့ၤဝံဖိဟံးန့ၢ်ယွၤအတလါန့ၣ်, ဒီးတလါဖိအိၣ် ဒီးအီၤ, လၢကယၢထူအိၣ်လၢအပူၤ, ဒီးပာ်ဝဲလၢလၢၢ်ဖး ဒိၣ်တဖျၢၣ်အလိၤလီၤ. ဒီးဘ့ၤသရှ့မ့ၣ်အပှၤကညီလုၢ်တၢ် လုၢ်မ့ၣ်အူ, ဒီးလုၢ်တၢ်လုၢ်လၢယွၤလၢမုၢ်တနံၤန့ၣ်လီၤ.

¹⁶ ဒီးပှၤဖလ့ၡသးဖိ အပဒိၣ်ဖးဒိၣ်ယဲၢ်ဂၤန့ၣ်ထံၣ်ဘၣ် ဝဲ, ဒီးက့ၤကဒါက့ၤဝဲဆူဧ့ကြိၣ်လၢမုၢ်တနံၤန့ၣ်လီၤ.

¹⁷ ဒီးအအံၤမ့ၢ်တၢ်အ့ၣ်ကီၢ်အဂီၤထူလၢ ပှၤဖလ့ၡသးဖိ ဟ့ၣ်ယုၢ်ယွၤလၢတၢ်လုၢ်တၢ်ကမၣ်, လၢအၤစဒိးအဂီၢ် တဖျၢၣ်, လၢဂါစၤအဂီၢ်တဖျၢၣ်, လၢအၤၡကလိၣ်အ ဂီၢ်တဖျၢၣ်, လၢကၤသးအဂီၢ်တဖျၢၣ်, လၢဧ့ကြိၣ်အ ဂီၢ်တဖျၢၣ်လီၤ.

¹⁸ ဒီးယုၢ်သုၣ်ထူန့ၣ် ပှဲၤသိးသိးဒီးကယဲၢ်ပှၤဖလ့ၡသးဖိ အဝ့ၢ်လၢအဘၣ်ဃးဒီးပဒိၣ်ဖးဒိၣ်ယဲၢ်ဂၤ, ဝ့ၢ်အိၣ်ဒီး အခိၣ်ဒူတဖၣ်, ဒီးအတဝီတဖၣ်ပၢၢ်လၢ လၢၢ်ဟ့းဘ့ၤ လးဖးဒိၣ်ဖဲအပာ်လီၤယွၤအတလါလၢအလိၤန့ၣ်လီၤ. လၢၢ်တဖျၢၣ်န့ၣ် အိၣ်ဝဲတုၤမုၢ်မဆါတနံၤအံၤလၢပှၤ ဘ့ၤသရှ့မ့ၣ်ဖိစီၤယိၤရှူအစံာ်ပူၤလီၤ.

¹⁹ ဒီးတၢ်ကျီကွံာ် ဘ့ၤသရှ့မ့ၣ်အပှၤကညီလီၤ. အဂ့ၢ်ဒ် အံၤ, အဝဲသ့ၣ်တဖၣ်န့ၣ် ကွၢ်ဝဲလၢယွၤအတလါအပူၤ လီၤ. ဒီးကျီကွံာ်ပှၤယဲၢ်ကလးဒီးနွံဆံလၢ ပှၤဂီၢ်မုၢ်အ ကျါလီၤ. ဒီးပှၤဂီၢ်မုၢ်ဟီၣ်ဝဲလီၤ. အဂ့ၢ်ဒ်အံၤ, ယွၤကျီ ပှၤဂီၢ်မုၢ်လၢတၢ်ကျီကွံာ်ဖးဒိၣ်လီၤ.

²⁰ ဒီးဘ့ၤသရှ့မ့ၣ်အပှၤကညီစံးဝဲဒၣ်, မ့ၢ်မတၤဆၢထၢၣ် လၢယွၤ, ကစၢ်စီဆှံတဂၤအံၤအမဲာ်ညါသ့တဂၤလဲၣ်. ဒီးကလဲၤထီၣ်လၢပအိၣ်ဆူမတၤအအိၣ်လဲၣ်.

²¹ ဒီးမၢကလူးတဖၣ်လဲၤဆူ ပှၤအိၣ်ဝဲဆိးဝဲလၢကံးရ ယးယဧၤရံၣ်အပူၤ, ဒီးစံးဝဲဒၣ်, ပှၤဖလ့ၡသးဖိဟဲစိာ် လံယွၤအတလါန့ၣ်လံ. ဟဲလီၤ, ဒီးက့ၤစိာ်ထီၣ်အီၤဆူ သုအိၣ်တက့ၢ်.

၇

¹ ဒီးကံးရယးယဧၤရံၣ် အပှၤကညီန့ၣ် ဟဲဒီးက့ၤစိာ် ထီၣ်ယွၤအတလါ, ဒီးစိာ်နုာ်ဝဲဆူစီၤအဘံနဒာ်အဟံၣ် ပူၤလၢတၢ်စိခိၣ်အလိၤ, ဒီးပာ်စီဆှံအဖိခွါစီၤအလၤဧၤ စၢ် ဒ်သိးအကပၢၤယွၤအတလါန့ၣ်လီၤ.

² ဒီးမုၢ်တနံၤလၢတလါန့ၣ် အိၣ်ဝဲလၢကံးရယးယဧၤ ရံၣ်အပူၤလံၤလံၤန့ၣ် တၢ်မၤအသးလၢအအိၣ်ဝဲ, အါ နံၤအါသီလီၤ. အဂ့ၢ်ဒ်အံၤ, အိၣ်ဝဲအနံၣ်ခံဆံ, ဒီးအံၣ် စရ့လးအပှၤဟံၣ်ဖိခဲလၢာ်သးသယုၢ်ယွၤလီၤ.

³ ဒီးစီၤၡမူၤအ့လးကတိၤတၢ်ဒီး အံၣ်စရ့လးအပှၤဟံၣ် ဖိခဲလၢာ်, ဒီးစံးဝဲဒၣ်, သုမ့ၢ်ဟဲက့ၤကဒါက့ၤဆူယွၤ အအိၣ်လၢသုသးဒီဖျၢၣ်ညါဒီး, သုးကွံာ်ပှၤတခီဘီမုၢ် ဖိအကစၢ်တဖၣ်, ဒီးအၤၡတြိးလၢသုအိၣ်တက့ၢ်. ဒီး သုသးန့ၣ်ကတဲာ်ကတီၤအီၤလၢယွၤအဂီၢ်, ဒီးမၤထဲ အဝဲတဂၤဧိၤန့ၣ်အတၢ်တက့ၢ်. ဒီးကမၤပူၤဖျဲးသုလၢ ပှၤဖလ့ၡသးဖိအစုပူၤလီၤ.

⁴ ဒီးပှၤအံၣ်စရ့လးဖိသုးကွံာ်ဘဧၤလးတဖၣ်, ဒီးအၤၡ တြိး, ဒီးမၤထဲယွၤအတၢ်ဧိၤလီၤ.

⁵ ဒီးစီၤၡမူၤအ့လးစံးဝဲဒၣ်, ဒုးအိၣ်ဖှိၣ်ရိဖှိၣ်အံၣ်စရ့လး ခဲလၢာ်ဆူမံးစပၤန့ၣ်တက့ၢ်. ဒီးယကဘါထုကဖၣ်န့ၢ် သုဂီၢ်လၢယွၤလီၤ.

⁶ ဒီးအဝဲသ့ၣ်အိၣ်ဖှိၣ်ရိဖှိၣ်ဆူမံးစပၤ, ဒီးဒၢၣ်ထီၣ်ထံ, ဒီးလူလီၤဝဲလၢယွၤအမဲာ်ညါဒီး ဒုၣ်တၢ်အီၣ်လၢမုၢ်တ နံၤန့ၣ်, ဒီးစံးဝဲဖဲန့ၣ်, ပမၤကမၣ်ဘၣ်လံယွၤလံ. ဒီး စီၤၡမူၤအ့လး စံၣ်ညီၣ်ပှၤအံၣ်စရ့လးဖိလၢမံးစပၤအပူၤ လီၤ.

⁷ ဒီးတုၤပှၤဖလ့ၡသးဖိ နၢ်ဟူဝဲလၢ ပှၤအံၣ်စရ့လးဖိ အိၣ်ဖှိၣ်ရိဖှိၣ်ဆူမံးစပၤဒီး, ပှၤဖလ့ၡသးဖိအပဒိၣ်ဖး ဒိၣ်တဖၣ်လဲၤထီၣ်ဆူပှၤအံၣ်စရ့လးဖိအအိၣ်လီၤ. ဒီး ပှၤအံၣ်စရ့လးဖိနၢ်ဟူဝဲ, ဒီးပျံၤပှၤဖလ့ၡသးဖိန့ၣ်လီၤ.

⁸ ဒီးအံၣ်စရ့လးဖိစံးဘၣ်စီၤၡမူၤအ့လး, ဆိတ့ၢ်လၢန ကကိးထီၣ်ယွၤပကစၢ်လၢပဂီၢ်, ဒီးဒ်သိးအကအုၣ်က့ၤ ခီၣ်က့ၤပှၤလၢပှၤဖလ့ၡသးဖိအစုပူၤန့ၣ်တဂ့ၤ.

⁹ ဒီးစီၤၡမူၤအ့လးဟံးန့ၢ်သိဖိလၢ အအီၣ်နုၢ်တဒု, ဒီး လုၢ်ဝဲလၢတၢ်လုၢ်မ့ၣ်အူဒီဒုလၢယွၤအဂီၢ်လီၤ. ဒီးစီၤၡ မူၤအ့လးကိးထီၣ်ယွၤလၢအံၣ်စရ့လးအဂီၢ်, ဒီးယွၤဒိ ကနၣ်အကလုၢ်လီၤ.

¹⁰ ဒီးစီၤၡမူၤအ့လးလုၢ်တၢ်လုၢ်မ့ၣ်အူအဖၢမုၢ်ဒီး, တၢ်မၤ အသးလၢပှၤဖလ့ၡသးဖိသုးဘူးအသး ဒ်သိးအကဒုး တၢ်ဒီးအံၣ်စရ့လးလီၤ. ဒီးတၢ်လၢမုၢ်တနံၤန့ၣ်ယွၤမၢ လီသီၣ်လၢတၢ်သီၣ်ဖးဒိၣ်လၢ ပှၤဖလ့ၡသးဖိအလိၤ ဒီးမၤဃၣ်အီၤ, ဒီးအဝဲသ့ၣ်ဘၣ်တၢ်ကျီကွံာ်ဝဲလၢအံၣ် စရ့လးအမဲာ်ညါလီၤ.

¹¹ ဒီးအံၣ်စရ့လးအပှၤကညီ လဲၤထီၣ်လၢမံးစပၤ, ဒီး လူၤပှၤဖလ့ၡသးဖိ, ဒီးကျီကွံာ်အီၤပၢၢ်လၢဘ့ၤသကၢ် အဖီလာ်လီၤ.

¹² ဒီးစီၤၡမူၤအ့လးဟံးန့ၢ်လၢၢ်တဖျၢၣ်, ဒီးပာ်ဝဲလၢမံး စပၤဒီးရှ့ၣ်အဘၢၣ်စၢၤ, ဒီးယုၢ်ဝဲအမံၤလၢအ့ဘ့ၣ်န့စၢ်, ဒီးစံးဝဲဒၣ်, ယွၤမၤစၢၤပှၤတုၤခဲကနံၣ်အံၤလီၤ.

¹³ ဒီးပှၤဖလ့ၡသးဖိဃၣ်ဝဲ, ဒီးတဟဲလၢၤဘၣ်ဆူအံၣ် စရ့လးအကီၢ်ဃၢၤဘၣ်. ဒီးယွၤအစုအိၣ်ဝဲလၢပှၤဖလ့ ၡသးဖိအလိၤ လၢစီၤၡမူၤအ့လးအမုၢ်နံၤခဲလၢာ်အတီၢ် ပူၤလီၤ.

¹⁴ ဒီးတၢ်ဒုးန့ၢ်က့ၤ အံၣ်စရ့လးလၢဝ့ၢ်တဖၣ်လၢပှၤဖ လ့ၡသးဖိမၤန့ၢ်တ့ၢ်အီၤလၢအံၣ်စရ့လး, လၢဧ့ကြိၣ်ပၢၢ် လၢကၤသး, ဒီးအကီၢ်ဃၢၤတဖၣ်န့ၣ် အံၣ်စရ့လး မၤပူၤမၤဖျဲးဝဲလၢ ပှၤဖလ့ၡသးဖိအစုပူၤလီၤ. ဒီးအံၣ်စ ရ့လး, ဒီးပှၤအမိၢ်ဖိအိၣ်ဃူလိာ်အသးလီၤ.

¹⁵ ဒီးစီၤၡမူၤအ့လး စံၣ်ညီၣ်အံၣ်စရ့လးတစိၤဒၣ်အီၤ လီၤ. ¹⁶ ဒီးလဲၤတရံးတၢ် တနံၣ်ဘၣ်တနံၣ်ဆူ ဘ့ၤသ့ လး, ဒီးကံးလကၤလး, ဒီးမံးစပၤ, ဒီးစံၣ်ညီၣ်အံၣ်စရ့ လးလၢအလီၢ်တဖၣ်န့ၣ်ခဲလၢာ်လီၤ. ¹⁷ ဒီးအတၢ်ဟဲ က့ၤန့ၣ် မ့ၢ်ဆူရၤမါလီၤ. အဂ့ၢ်ဒ်အံၤ, အဟံၣ်အိၣ်ဖဲ န့ၣ်, ဒီးမၤထီၣ်တၢ်လုၢ်လီၢ်လၢယွၤအဂီၢ်ဖဲန့ၣ်လီၤ.

၈

¹ ဒီးတုၤစီၤၡမူၤအ့လးအသးပှၢ်တ့ၢ်ဒီး, တၢ်မၤအသး လၢအပာ်အဖိခွါတဖၣ် လၢပှၤစံၣ်ညီၣ်ကွီၢ်လၢအံၣ်စ ရ့လးအဂီၢ်လီၤ.

² ဒီးအဖိခွါဝဲၢ်ကိအမံၤန့ၣ် မ့ၢ်စီၤယိၤအ့လး, ဒီးခံဂၤတ ဂၤအမံၤန့ၣ်မ့ၢ်စီၤအဘံယၤလီၤ. မ့ၢ်ဝဲလၢပှၤစံၣ်ညီၣ် ကွီၢ်လၢဘ့ၢ်ၡဘၤအပူၤလီၤ.

³ ဒီးအဖိခွါတဖၣ်န့ၣ် တလဲၤဘၣ်လၢအကျဲတဖၣ်အ ပူၤဘၣ်, ဒီးဃၣ်ကပၤဆူတၢ်သးကွံတၢ်, ဒီးဟံးန့ၢ်ခိၣ် ဖးတဖၣ်, ဒီးဘိးကမၣ်တၢ်စံၣ်ညီၣ်လီၤ. ⁴ ဒီးအံၣ်စရ့လးအပၤသူၣ်က့သးပှၢ် အိၣ်ဖှိၣ်ရိဖှိၣ်ခဲလၢာ်, ဒီးဟဲဝဲဆူစီၤၡမူၤအ့လးအအိၣ်ဖဲရၤမါအပူၤ,―

⁵ ဒီးစံးဘၣ်အီၤ, ကွၢ်ကွၢ်, နသးပှၢ်တ့ၢ်လံ, ဒီးနဖိခွါတ တဖၣ်တလဲၤဘၣ်လၢနကျဲတဖၣ်ဘၣ်. ပာ်န့ၢ်ပှၤလၢ စီၤပၤတဂၤလၢအကစံၣ်ညီၣ်ပှၤ, ဒ်ကယဲၢ်ပှၤကလုာ် ခဲလၢာ်အသိးန့ၣ်တက့ၢ်.

⁶ ဒီးလၢအစံး, ဟ့ၣ်လီၤန့ၢ်ပှၤလၢစီၤပၤတဂၤလၢအက စံၣ်ညီၣ်ပှၤန့ၣ်မ့ၢ်တၢ်အၢလၢ စီၤၡမူၤအ့လးအမဲာ်, ဒီး စီၤၡမူၤအ့လးဘါထုကဖၣ်ယွၤလီၤ.

⁷ ဒီးယွၤစံးဘၣ်စီၤၡမူၤအ့လးန့ၣ်, လၢကယဲၢ်တၢ်လၢ ပှၤဂီၢ်မုၢ်စံးဘၣ်နၤန့ၢ်ကနၣ်အကလုၢ်တက့ၢ်. အဂ့ၢ်ဒ် အံၤ, တမ့ၢ်ဘၣ်အညိကွံာ်နၤဘၣ်, မ့ၢ်အညိကွံာ်ယၤ, ဒ်သိးယသုတကဲစီၤပၤလၢ အဖီခိၣ်တဂ့ၤလီၤ. ⁸ ဒ်က ယဲၢ်တၢ်မၤလၢအမၤဝဲလၢမုၢ်တနံၤလၢ ယဒုးဟးထီၣ် ကွံာ်အီၤလၢ အဲၤကူပတူးလံၤလံၤ တုၤမုၢ်မဆါတနံၤ အံၤ, အဝဲသ့ၣ်လဲၤသဒၣ်ယၤ, ဒီးမၤကစၢ်အဂၤတဖၣ် အတၢ်မၤအသိးန့ၢ်, အဝဲသ့ၣ်တဖၣ်မၤနၤစ့ၢ်ကီးဒ်န့ၣ် အသိးလီၤ. ⁹ ဒီးခဲကနံၣ်အံၤ ဒိကနၣ်အကလုၢ်တက့ၢ်. ဘၣ်ဆၣ်ဒီးအုၣ်နသးလၢအမဲာ်ညါသပှၢ်ပှၢ်, ဒီးဒုးနဲၣ် အီၤလၢစီၤပၤလၢအကပၢတၢ် လၢအဖီခိၣ်အလုၢ်အ လၢ်န့ၣ်တက့ၢ်.

¹⁰ ဒီးစီၤၡမူၤအ့လး စံးဘၣ်တဲဘၣ်ပှၤဂီၢ်မုၢ်လၢအဃ့စီၤ ပၤလၢအီၤ, လၢယွၤအကလုၢ်ကထါခဲလၢာ်လီၤ. ¹¹ ဒီးစံး ဝဲဒၣ်, အအံၤမ့ၢ်စီၤပၤလၢအကပၢတၢ်လၢ သုဖီခိၣ်အ လုၢ်အလၢ်န့ၣ်လီၤ. ကဟံးန့ၢ်သုဖိခွါတဖၣ်, ဒီးပာ်ဝဲ လၢအဂီၢ်ဒၣ်ဝဲ, လၢအလ့ၣ်ကဟၣ်အဂီၢ်, လၢပှၤဒိးက သ့ၣ်အဂီၢ်, ဒီးအဝဲသ့ၣ်ကဃ့ၢ်ဝဲလၢအလ့ၣ်ကဟၣ်အ မဲာ်ညါလီၤ. ¹² ဒီးလၢအဂီၢ်ဒၣ်ဝဲန့ၣ်ကပာ်လၢပှၤတက ထိအခိၣ်, ဒီးပှၤယဲၢ်ဆံအခိၣ်, ဒီးကပာ်ဝဲဒ်သိးအက ထဲၣ်အဟီၣ်ခိၣ်, ဒီးကူးအဘု, ဒီးပိာ်အပှၤသုးဖိအစု ကဝဲၤ, ဒီးအလ့ၣ်ကဟၣ်အပိးအလီလီၤ. ¹³ ဒီးကဟံးန့ၢ် သုဖိမုၣ်တဖၣ်, ဒီးကဒုးကဲထီၣ်အီၤလၢပှၤမၤဃါဃုာ် တၢ်နၢမူ, ဒီးပှၤဖီမ့ၤ, ဒီးပှၤကုၢ်ကိာ်လီၤ. ¹⁴ ဒီးကဟံးန့ၢ် သုစံာ်ဧိၤပှဲၤဧိၤ, ဒီးသုစပံးအလီၢ်, ဒီးသုသ့ၣ်စၤယံးအ လီၢ်အဂ့ၤကတၢၢ်တဖၣ်, ဒီးဟ့ၣ်လီၤဝဲလၢအခ့အပှၤ လီၤ. ¹⁵ ဒီးသုတၢ်ချံသုတၤသၣ်, ဒီးသုစပံးအလီၢ်န့ၣ် ကဟံးန့ၢ်ဆံဆဲၣ်ပူတပူ, ဒီးဟ့ၣ်လီၤဝဲလၢအပဒိၣ်တ တဖၣ်, ဒီးလၢအခ့ပှၤတဖၣ်လီၤ. ¹⁶ ဒီးကဟံးန့ၢ်သုကုၢ် ပိာ်ခွါ, ဒီးသုကုၢ်ပိာ်မုၣ်, ဒီးသုပှၤဖိၣ်သၣ်ခွါလၢအဂ့ၤ, ဒီးသုကသ့ၣ်ယီၤ, ဒီးဒုးမၤအီၤလၢအတၢ်မၤလီၤ. ¹⁷ ဒီး ကဟံးန့ၢ်သုသိသုမဲာ်တဲးလဲးဆံဆဲၣ်ပူတပူ, ဒီးသုက ကဲထီၣ်အကုၢ်အပှၤလီၤ. ¹⁸ ဒီးတၢ်လၢမုၢ်တနံၤန့ၣ် သု ကကိးပသူထီၣ်လၢစီၤပၤ လၢသုဃုထၢန့ၢ်အီၤတဂၤ အဃိ, ဒီးတၢ်လၢမုၢ်တနံၤန့ၣ် ယွၤတဒိကနၣ်ဘၣ်သု ကလုၢ်ဘၣ်.

¹⁹ ဒီးဒိကနၣ် စီၤၡမူၤအ့လးအကလုၢ်န့ၣ် ပှၤဂီၢ်မုၢ်ဂ့ၢ် လိာ်ဝဲ, ဒီးစံးဝဲဒၣ်, တမ့ၢ်ဘၣ်, မ့ၢ်ပကအိၣ်ဒီးစီၤပၤလၢ ပဖီခိၣ်တဂၤလီၤ. ²⁰ ဒီးပကအိၣ်စ့ၢ်ကီး ဒ်ပှၤကလုာ် ခဲလၢာ်အသိးန့ၣ်, ဒီးပစီၤပၤကစံၣ်ညီၣ်ပှၤ, ဒီးလဲၤ တၢ်လၢပမဲာ်ညါ, ဒီးဒုးတၢ်ဒုးသုးလၢပဂီၢ်လီၤ.

²¹ ဒီးစီၤၡမူၤအ့လးကနၣ်ပှၤဂီၢ်မုၢ်အကလုၢ်ခဲလၢာ်, ဒီး စံးဘၣ်က့ၤတၢ်လၢယွၤအနၢ်ပူၤလီၤ.

²² ဒီးယွၤစံးဘၣ်စီၤၡမူၤအ့လး, ဒိကနၣ်အကလုၢ်, ဒီးဒုး အိၣ်အီၤဒီးစီၤပၤတက့ၢ်. ဒီးစီၤၡမူၤအ့လးစံးဘၣ်အံၣ် စရ့လးအပှၤကညီ, က့ၤက့ၤတဂၤဆူအဝ့ၢ်ဒၣ်ဝဲ, တ ဂၤဆူအဝ့ၢ်ဒၣ်ဝဲန့ၣ်တက့ၢ်.

၉

¹ ဒီးမတၤတဂၤပှၤဘံၣ်ယၤမ့ၣ်ဖိအိၣ်ဝဲတဂၤ, ဒီးအမံၤ မ့ၢ်စီၤကံၣ်, စီၤအဘံၤအ့လးအဖိခွါ, စီၤစရိၢ်အဖိခွါ, စီၤဘကိးရးအဖိခွါ, စီၤအဖံၤအဖိခွါ, ပှၤဘံၣ်ယၤမံၣ်ဖိ, ဒီးမ့ၢ်ဝဲလၢပှၤအဂံၢ်ဆူၣ်အဘါဆူၣ်လီၤ. ² ဒီးအိၣ်ဝဲဒီး အဖိခွါတဂၤ, ဒီးအမံၤမ့ၢ်စီၤစီလူး, ပှၤဖိၣ်သၣ်ခွါလၢအ ဂ့ၤ, ဒီးပှၤဂ့ၤန့ၢ်အီၤတအိၣ်ဘၣ်လၢ ပှၤအံၣ်စရ့လးဖိအ ကျါဘၣ်လီၤ. လၢအဖံဘၣ်ခိၣ် ဒီးဆူအဖီခိၣ်ထီန့ၢ်ပှၤ ဂီၢ်မုၢ်ခဲလၢာ်လီၤ.

³ ဒီးစီၤစီလူးအပၢ်စီၤကံၣ်အကသ့ၣ်ယီၤတဖၣ် ဟါမၢ်, ဒီးစီၤကံၣ်စံးဘၣ်အဖိခွါစီၤစီလူးန့ၣ်, ဟံးန့ၢ်ဖိၣ်သၣ် ခွါတဂၤဒီးနၤ, ဒီးဂဲၤဆၢထၢၣ်လဲၤဃုန့ၢ်ကသ့ၣ်ယီၤ တဖၣ်န့ၣ်တက့ၢ်.

⁴ ဒီးအဝဲဒၣ်လဲၤခီဂာ်ကစၢၢ်အ့ဖရဲၣ်, ဒီးခီဂာ်ကီၢ်ၡၤလံ ၡၤ, ဒီးတထံၣ်န့ၢ်ဘၣ်ဝဲဘၣ်. ဒီးခီဂာ်ကီၢ်ၡၤလံၣ်, ဒီးတ အိၣ်ဘၣ်, ဒီးခီဂာ်ပှၤဘံၣ်ယၤမံၣ်ဖိအကီၢ်, ဒီးတထံၣ် န့ၢ်ဘၣ်ဝဲဘၣ်. ⁵ တုၤအလဲၤနုာ်လၢကီၢ်စူာ်ဒီး, စီၤစီလူး စံးဘၣ်အပှၤဖိၣ်သၣ်ခွါလၢအအိၣ်ဒီးအီၤ, ဟဲက့ၤကဒါ က့ၤသကိးတက့ၢ်. ယပၢ်တဘၣ်ယိၣ်လၢၤဘၣ်လၢက သ့ၣ်ယီၤအဂီၢ်ဘၣ်ဒီး, ကဘၣ်ယိၣ်ဘၣ်ဖုးလၢပဂီၢ်လီၤ.

⁶ ဒီးအဝဲဒၣ်စံးဘၣ်အီၤ, ကွၢ်ကွၢ်, ယွၤအပှၤကညီတ ဂၤအိၣ်ဝဲလၢဝ့ၢ်တဖျၢၣ်အံၤအပူၤ, ဒီးမ့ၢ်ပှၤကညီတဂၤ အိၣ်ဒီးအလၤအကပီၤ, ဒီးကယဲၢ်တၢ်လၢအကတိၤတၢ် န့ၣ်မၤအသးလီၤတံၢ်လီၤဆဲးလီၤ. ခဲကနံၣ်အံၤလဲၤသ ကိးဖဲန့ၣ်တက့ၢ်. ဘၣ်တဘၣ်ကဒုးနဲၣ်ပှၤလၢကျဲလၢ ပကလဲၤဘၣ်န့ၣ်လီၤ.

⁷ ဒီးစီၤစီလူးစံးဘၣ်အပှၤဖိၣ်သၣ်ခွါ, ဘၣ်ဆၣ်ဒီးကွၢ် ကွၢ်, ပကလဲၤစိာ်န့ၢ်ပှၤတဂၤန့ၣ်လၢမနုၤတမံၤလဲၣ်. အ ဂ့ၢ်ဒ်အံၤ, ပကိၣ်လၢာ်လံလၢပသပၢၤပူၤ, ဒီးခိၣ်ဖးလၢ ပကစိာ်ဆူ ယွၤအပှၤကညီအအိၣ်တအိၣ်ဘၣ်. တၢ် အိၣ်ဒီးပှၤလၢမနုၤတမံၤလဲၣ်.

⁸ ဒီးအပှၤဖိၣ်သၣ်ခွါန့ၣ် စံးဆၢကဒီးစီၤစီလူး, ဒီးစံးဝဲ ဒၣ်, ကွၢ်ကွၢ်, စ့ၡက့လးလွံၢ်ပူတပူအိၣ်ဝဲလၢယစုပူၤ, ဒီးယကဟ့ၣ်ယွၤအပှၤကညီ ဒ်သိးအကဒုးနဲၣ်ပှၤလၢ ပကျဲလီၤ.

⁹ (လၢပျၢၤလၢအံၣ်စရ့လးအပူၤန့ၣ် ပှၤမ့ၢ်လဲၤသံကွၢ် တၢ်လၢယွၤဒီး, ကတိၤဝဲဒ်အံၤ, ဟဲက့ၤ, ဒီးလဲၤသကိး ဆူပှၤထံၣ်တၢ်အအိၣ်တက့ၢ်. အဂ့ၢ်ဒ်အံၤ, ပှၤလၢပှၤ ကိးအီၤလၢမုၢ်တနံၤအံၤလၢဝံန့ၣ်, လၢပျၢၤလၢထံး, ပှၤ ကိးလၢပှၤထံၣ်တၢ်လီၤ.)

¹⁰ ဒီးစီၤစီလူးစံးဘၣ်အပှၤဖိၣ်သၣ်ခွါန့ၣ် နကတိၤတၢ် ဂ့ၤလံ. ဟဲ, လဲၤသကိးတက့ၢ်. ဒီးလဲၤဝဲဆူဝ့ၢ်ပူၤ, ဖဲယွၤ အပှၤကညီအိၣ်လၢအပူၤလီၤ.

¹¹ ဒီးလဲၤထီၣ်တၢ်စိခိၣ်ဆူဝ့ၢ်ပူၤ, ဒီးထံၣ်ဖိသၣ်ပိာ်မုၣ် တဖၣ်ဟးထီၣ်လဲၤဒၢၣ်ထံ, ဒီးစံးဘၣ်အီၤ, ပှၤထံၣ်တၢ် တဂၤန့ၣ်အိၣ်ဖဲအံၤဧါ. ဒီးစံးဆၢအီၤဒီးစံးဝဲဒၣ်, အိၣ်ဝဲသၢၣ်, ကွၢ်ကွၢ်, အိၣ်ဝဲ လၢနမဲာ်ညါ, မၤချ့ချ့တက့ၢ်. အဂ့ၢ်ဒ်အံၤ, လၢမုၢ်မဆါတ နံၤအံၤ, ဟဲဝဲဆူဝ့ၢ်ပူၤလီၤ. အဂ့ၢ်ဒ်အံၤလၢမုၢ်မဆါတနံၤ အံၤပှၤဂီၢ်မုၢ်လုၢ်တၢ်လၢ တၢ်အလီၢ်ထီၣ်ထီန့ၣ်လီၤ. ¹² ဒီးစံးဆၢအီၤဒီးစံးဝဲဒၣ်, အိၣ်ဝဲသၢၣ်, ကွၢ်ကွၢ်, အိၣ်ဝဲလၢနမဲာ်ညါ, မၤချ့ချ့တက့ၢ်. အဂ့ၢ်ဒ်အံၤ, လၢမုၢ်မဆါတနံၤအံၤ, ဟဲဝဲဆူဝ့ၢ်ပူၤလီၤ. အဂ့ၢ်ဒ်အံၤလၢမုၢ်မဆါတနံၤအံၤပှၤဂီၢ်မုၢ်လုၢ်တၢ်လၢ တၢ်အလီၢ်ထီၣ်ထီန့ၣ် လီၤ.

¹³ တုၤသုလဲၤနုာ်လၢဝ့ၢ်ပူၤန့ၣ်ဒီး, အဝဲဒၣ်တချုးလဲၤဒံးဘၣ် ဆူတၢ်အလီၢ်ထီၣ်ထီဒ်သိးအကအီၣ်တၢ်ဒီး, သုကထံၣ် န့ၢ်အီၤတကီၢ်ခါလီၤ. အဂ့ၢ်ဒ်အံၤ, အဝဲဒၣ်တချုးဟဲဒံး ဘၣ်ဒီး, ပှၤဂီၢ်မုၢ်တအီၣ်ဘၣ်ဝဲဘၣ်. အဂ့ၢ်ဒ်အံၤ, အဝဲ ဒၣ်ဆိၣ်ဂ့ၤတၢ်, ဒီးလၢခံက့ၤပှၤလၢတၢ်ကိးအီၤတဖၣ် အီၣ်ဝဲလီၤ. ဒီးလဲၤထီၣ်ခဲကနံၣ်အံၤတက့ၢ်. အဂ့ၢ်ဒ်အံၤ, သုကထံၣ်န့ၢ်အီၤအကတီၢ်ခဲအံၤဃၣ်ဃၣ်လီၤ.

¹⁴ ဒီးလဲၤထီၣ်ဝဲဆူဝ့ၢ်ပူၤလီၤ. ဟဲဝဲလၢဝ့ၢ်အသးကံၢ်ပူၤ, ဒီးကွၢ်ကွၢ်, စီၤၡမူၤအ့လးဟဲဘၣ်သဃိာ်အီၤလၢအက လဲၤထီၣ်ဆူတၢ်အလီၢ်ထီၣ်ထီန့ၣ်လီၤ.

¹⁵ ဒီးမုၢ်တနံၤလၢ စီၤစီလူးတချုးဟဲဒံးဘၣ်န့ၣ်ယွၤစံး

¹⁶ ဘၣ်တ့ၢ်စီၤၡမူၤအ့လး, ဒီးစံးဝဲဒၣ်, ခဲဂီၤကိာ်အဆၢအ ကတီၢ်ဖဲအံၤဃၣ်ဃၣ်, ယကမၢလီၤပှၤတဂၤလၢဘံၣ် ယၤမံၣ်အကီၢ်ဆူနအိၣ်, ဒီးနဘၣ်ဖှူအီၤ ဒ်သိးအကကဲ ထီၣ်ယပှၤဂီၢ်မုၢ်အံၣ်စရ့လးအခိၣ်, ဒ်သိးအကအုၣ်က့ၤ ခီၣ်က့ၤယပှၤဂီၢ်မုၢ်လၢပှၤဖလ့ၡသးဖိအစုပူၤလီၤ. အဂ့ၢ် ဒ်အံၤ, အတၢ်ကိးပသူထီၣ် ဟဲထီၣ်ဘၣ်လံလၢယ အိၣ်လံ.

¹⁷ ဒီးတုၤစီၤၡမူၤအ့လးထံၣ်ဘၣ်စီၤစီလူးဒီး, ယွၤစံးဘၣ် အီၤ, ကွၢ်ကွၢ်, ပှၤတဂၤလၢယစံးဘၣ်နၤလၢအဂ့ၢ်လီၤ. ပှၤတဂၤအံၤကပၢယပှၤဂီၢ်မုၢ်လီၤ.

¹⁸ ဒီးစီၤစီလူးလဲၤဘူးဒီးစီၤၡမူၤအ့လးလၢ ပဲတရီအသး ကံၢ်ပူၤ, ဒီးစံးဝဲဒၣ်, ပှၤထံၣ်တၢ်အဟံၣ်မ့ၢ်အအိၣ်ဖဲလဲၣ်, ဒုးနဲၣ်ယၤတက့ၢ်.

¹⁹ ဒီးစီၤၡမူၤအ့လးစံးဆၢစီၤစီလူး, ယမ့ၢ်ယဲပှၤထံၣ်တၢ် တဂၤန့ၣ်လီၤ. လဲၤထီၣ်လၢယမဲာ်ညါဆူ တၢ်အလီၢ် ထီၣ်ထီန့ၣ်တက့ၢ်. ဒီးမုၢ်မဆါတနံၤအံၤ သုကအီၣ် တၢ်ဒီးယၤ, ဒီးခဲဂီၤကိာ်ယကပျၢ်နၤ, ဒီးဒုးနဲၣ်နၤလၢ ကယဲၢ်တၢ်လၢအအိၣ်ဝဲလၢနသးကံၢ်ပူၤလီၤ. ²⁰ ဒီးတၢ် လၢနကသ့ၣ်ယီတဖၣ်လၢ အဟါမၢ်တ့ၢ်သၢနံၤန့ၣ်, ပာ်နသးလၢအီၤတဂ့ၤ, အဂ့ၢ်ဒ်အံၤ, တၢ်ထံၣ်န့ၢ်အီၤလံ. ဒီးကယဲၢ်တၢ်လၢ ပှၤဆၢန့ၢ်ဘၣ်ဃးဒီးအံၣ်စရ့လးန့ၣ် မ့ၢ်အအိၣ်လၢမတၤတဂၤလဲၣ်. အိၣ်လၢနၤ, ဒီးလၢန ပၢ်အပှၤဟံၣ်ဖိခဲလၢာ်, တမ့ၢ်ဘၣ်ဧါ.

²¹ ဒီးစီၤစီလူးစံးဆၢတၢ်ဒီးစံးဝဲဒၣ်, ယမ့ၢ်ပှၤဘံၣ်ယၤ မံၣ်ဖိ, ပှၤတဒူၣ်အဆံးကတၢၢ်လၢ အံၣ်စရ့လးဖိအ ကျါ, တမ့ၢ်ဘၣ်ဧါ, ဒီးယဟံၣ်မ့ၢ်အဆံးကတၢၢ်လၢ ဘံၣ်ယၤမံၣ်အဒူၣ်အဟံၣ်ခဲလၢာ်အကျါ, တမ့ၢ်ဘၣ် ဧါ, ကတိၤတၢ်ဒီးယၤဒ်န့ၣ်မ့ၢ်အဘၣ်မနုၤလဲၣ်.

²² ဒီးစီၤၡမူၤအ့လးဟံးန့ၢ်စီၤစီလူးဒီးအပှၤ ဖိၣ်သၣ်ခွါ, ဒီးဒုးလဲၤနုာ်အီၤဆူဒၢးပူၤ, ဒီးဟ့ၣ်ဆ့ၣ်နီၤအီၤလၢအ လီၢ်အဂ့ၤကတၢၢ်လၢပှၤဘၣ်တၢ်ကိးန့ၢ်အီၤအကျါ, ဒီး အဝဲသ့ၣ်တဖၣ်န့ၣ်မ့ၢ်ပှၤသၢဆံဃၣ်ဃၣ်လီၤ.

²³ ဒီးစီၤၡမူၤအ့လးစံးဘၣ် ပှၤဖီမ့ၤတဂၤ, ဟဲစိာ်တၢ်အ ဂီၢ်လၢယဟ့ၣ်တ့ၢ်လၢနၤ, လၢယစံးဘၣ်နၤ, ပာ်ပာ် အီၤတက့ၢ်န့ၣ်တက့ၢ်.

²⁴ ဒီးပှၤဖီမ့ၤတဂၤန့ၣ် ဟံးထီၣ်တၢ်ဖံဘၣ်ခိၣ်, ဒီးတၢ် အိၣ်လၢအဖီခိၣ်, ဒီးပာ်ဝဲလၢစီၤစီလူးအမဲာ်ညါလီၤ. ဒီးစံးဝဲဒၣ်, ကွၢ်ကွၢ်, တၢ်အိၣ်ပာ်န့ၣ်, ပာ်လၢနမဲာ်ညါ ဒီးအီၣ်တက့ၢ်. အဂ့ၢ်ဒ်အံၤ, လၢယစံးယကိးက့ၤပှၤဂီၢ် မုၢ်လံၤလံၤတုၤအဆၢအကတီၢ်ဖဲအံၤ အိၣ်ပာ်အသး လၢနဂီၢ်လီၤ. ဒီၤတၢ်လၢမုၢ်တနံၤန့ၣ်စီၤစီလူးအီၣ်တၢ် ဒီးစီၤၡမူၤအ့လးလီၤ.

²⁵ ဒီးဟဲက့ၤလီၤလၢ တၢ်အလီၢ်ထီၣ်ထီန့ၣ်ဆူဝ့ၢ်ပူၤ, ဒီး ကတိၤလိာ်အသးဒီးစီၤစီလူးလၢဟံၣ်ခိၣ်အဖီခိၣ်လီၤ.

²⁶ ဒီးဂဲၤဆၢထၢၣ်ဂီၤဂီၤ, ဒီးမုၢ်ဆ့ၣ်ဝါထီၣ်ဃၣ်ဃၣ်, တၢ် မၤအသးလၢစီၤၡမူၤအ့လး ကိးက့ၤစီၤစီလူးလၢဟံၣ် ခိၣ်, ဒီးစံးဝဲဒၣ်, ဂဲၤဆၢထၢၣ်, ဒီးယကပျၢ်နၤလီၤ. ဒီးစီၤ စီလူးဂဲၤဆၢထၢၣ်, ဒီးအဝဲဒၣ်ခံဂၤလၢာ်ဟးထီၣ်ဝဲလီၤ.

²⁷ ဒီးလဲၤလီၤဝဲဆူဝ့ၢ်အကတၢၢ်, ဒီးစီၤၡမူၤအ့လး စံး ဘၣ်စီၤစီလူး, မၢပှၤဖိၣ်သၣ်ခွါဒ်သိးအကလဲၤလၢပမဲာ် ညါတက့ၢ်. (ဒီးလဲၤဝဲလီၤ.) မ့မ့ၢ်နဲဒၣ်အံၤဆၢထၢၣ်တ စိၢ်, ဒီးယကဒုးနၢ်ဟူနၤလၢယွၤအလုၢ်အကထါလီၤ.

၁၀

¹ ဒီးစီၤၡမူၤအ့လးဟံးန့ၢ်သိအပလီတဖျၢၣ်, ဒီးလူလီၤ ဝဲလၢစီၤစီလူးအခိၣ်, ဒီးနၢမူအီၤ, ဒီးစံးဝဲဒၣ်, မ့ၢ်ယွၤဖှူ နၤဒ်သိးနကကဲထီၣ် အတၢ်န့ၢ်သါအခိၣ်န့ၣ် တမ့ၢ် ဘၣ်ဧါ. ² တုၤနဟးထီၣ်လၢယအိၣ် ခဲမုၢ်ဆါအံၤဒီး နကထံၣ်န့ၢ်ပှၤခံဂၤအိၣ်ဝဲလၢနီၢ်ရၤဃ့လး အသွၣ်ခိၣ် အဃၢၤ, လၢဘံၣ်ယၤမံၣ်အကီၢ်ဃၢၤ ဖဲစ့လစၤ, ဒီး အဝဲသ့ၣ်တဖၣ်ကစံးဘၣ်နၤ, ကသ့ၣ်ယီၤလၢနလဲၤ ဃုအီၤတဖၣ်န့ၣ် တၢ်ထံၣ်န့ၢ်လံအီၤလံ. ဒီးကွၢ်ကွၢ်, န ပၢ်တဘၣ်ယိၣ်လၢၤဘၣ်လၢ ကသ့ၣ်ယီၤအဂီၢ်ဘၣ်, ဒီးဘၣ်ယိၣ်ဝဲလၢသုဂီၢ်, ဒီးစံးဝဲဒၣ်, ယကမၤလၢယဖိ ခွါအဂီၢ်ဒ်လဲၣ်.

³ ဒီးနကဟးထီၣ်ဖဲန့ၣ်, ဒီးနကတုၤလၢသ့ထိးဖၣ်တၤ ဘိၢ်, ဒီးနကဘၣ်သဃိာ်ဒီးပှၤကညီသၢဂၤဖဲန့ၣ်လၢ အလဲၤထီၣ်ဆူယွၤအအိၣ်ဆူဘ့ၤသ့လး, တဂၤစိာ်ဝဲ လၢမဲာ်တဲးလဲၤဖိသၢဒု, ဒီးတဂၤဒၣ်စိာ်ဝဲလၢကိၣ်သၢ ဖျၢၣ်, ဒီးတဂၤဒိၣ်စိာ်ဝဲလၢစပံးထံအထၢၣ်တၢ်ဖံးတ ဖျၢၣ်လီၤ. ⁴ ဒီးအဝဲသ့ၣ်တဖၣ်န့ၣ်ကကတိၤဒိၣ်နၤ, ဒီး ဟ့ၣ်လီၤနၤလၢကိၣ်ခံဖျၢၣ်, ဒီးနဘၣ်ဒိးန့ၢ်အီၤလၢအ စုပူၤလီၤ. ⁵ လၢခံက့ၤဒီး, နကတုၤလၢကစၢ်အတၢ် စိခိၣ်ဖဲပှၤဖလ့ၡသးဖိအတိာ်အိၣ်, ဒီးတုၤနဟဲနုာ်လၢ လၢဝ့ၢ်ပူၤဖဲန့ၣ်ဒီး, တၢ်ကမၤအသးလၢနကဘၣ်သ ဃိာ်ဒီးဝံတဖုဟဲလီၤလၢတၢ်အလီၢ်ထီၣ်ထီ အိၣ်ဒီးသီ တူၢ်, ဒီးဒၢ, ဒီးပံ, ဒီးတနၢ်လၢအမဲာ်ညါ, ဒီးကကတိၤ ဝဲလၢဝံအကျိာ်လီၤ. ⁶ ဒီးယွၤအသးကဟဲလီၤဘၣ်လၢ နလိၤ, ဒီးနကကတိၤတၢ်လၢဝံအကျိာ်ဒီးအီၤ, ဒီးန ကဘၣ်တၢ်လဲက့ၤနသး, ဒီးကဲထီၣ်ပှၤတဂၤဒၣ်လီၤ.

⁷ ဒီးတုၤတၢ်ပနီၣ်တဖၣ်န့ၣ်ဟဲဘၣ်နၤဒီး, တၢ်ကမၤ အသးလၢနဘၣ်မၤတၢ်လၢနစုထံၣ်န့ၢ်ဝဲလီၤ. အဂ့ၢ်ဒ် အံၤ, ယွၤအိၣ်ဒီးနၤလီၤ. ⁸ ဒီးနဘၣ်လဲၤလီၤလၢယမဲာ် ညါဆူကံးလကၤလး, ဒီးကွၢ်ကွၢ်, ယကဟဲလီၤဆူန အိၣ်, ဒ်သိးယကလုၢ်တၢ်လုၢ်မ့ၣ်အူ, ဒီးလုၢ်တၢ်လုၢ် မၤဃူမၤဖိးလီၤ. နဘၣ်အိၣ်နွံနံၤတုၤယဟဲဆူနအိၣ်, ဒီး ဘိးဘၣ်သ့ၣ်ညါနၤလၢတၢ်လၢနဘၣ်မၤလီၤ.

⁹ ဒီးတုၤအဃၣ်ဒူၣ်ချၢအသးဒ်သိး အကဟးထီၣ်လၢ စီၤၡမူၤအ့လးအအိၣ်ဒီး, တၢ်မၤအသးလၢယွၤဟ့ၣ်လီၤ အီၤလၢအသးအဂၤတဖျၢၣ်, ဒီးတၢ်ပနီၣ်ခဲလၢာ်န့ၣ် မၤအသးလၢမုၢ်တနံၤန့ၣ်လီၤ.

¹⁰ ဒီးတုၤအဟဲတုၤဖဲတၢ်စိခိၣ်ဒီး, ကွၢ်ကွၢ်, ဝံတဖုဟဲ ဘၣ်သဃိာ်ဒီးအီၤ, ဒီးယွၤအသးဟဲလီၤလၢအလိၤ, ဒီး ကတိၤဝဲလၢဝံအကျိာ်လၢအကျါလီၤ.

¹¹ ဒီးတုၤပှၤလၢအသ့ၣ်ညါအီၤ လၢထံးလၢမကိာ်ခဲ လၢာ်ထံၣ်ဘၣ်ဝဲဒီး, ကွၢ်ကွၢ်, ကတိၤတၢ်လၢဝံအကျိာ် လၢဝံတဖၣ်အကျါဒီး, တၢ်မၤအသးလၢပှၤဂီၢ်မုၢ်က တိၤလိာ်အသးတဂၤဒီးတဂၤ, တၢ်မၤအသးလၢစီၤကံၣ် အဖိခွါမ့ၢ်မနုၤတမံၤလဲၣ်. စီၤစီလူး အိၣ်စ့ၢ်ကီးဝဲလၢ ဝံတဖၣ်အကျါန့ၣ်ဧါ. ¹² ဒီးပှၤဖဲန့ၣ်တဂၤစံးဆၢတၢ်ဒီးစံးဝဲဒၣ်, အပၢ်မ့ၢ်မတၤတဂၤလဲၣ်. မၤသးဒ်န့ၣ်ဒီး, စီၤစီလူးအိၣ်ဝဲစ့ၢ်ကီးလၢ ဝံတဖၣ်အကျါဧါန့ၣ်ကဲထီၣ်ဝဲလၢတၢ်ကတိၤဒိလီၤ. ¹³ ဒီးကတိၤဝဲလၢဝံအကျိာ်ဝံၤလၢာ်ဒီး, ဟဲတုၤလၢတၢ် အလီၢ်ထီၣ်ထီန့ၣ်လီၤ.

¹⁴ ဒီးစီၤစီလူးအဖါတံၢ်တဂၤ စံးဘၣ်အီၤဒီးအပှၤဖိၣ် သၣ်ခွါတဂၤန့ၣ်, သုလဲၤတၢ်ဆူလဲၣ်, ဒီးစံးဝဲဒၣ်, ပလဲၤ ဃုန့ၢ်ကသ့ၣ်ယီၤတဖၣ်, ဒီးတုၤပထံၣ်ဘၣ်လၢအတ အိၣ်ဘၣ်ဒီး, ပလဲၤဆူစီၤၡမူၤအ့လးအအိၣ်လီၤ.

¹⁵ ဒီးစီၤစီလူးအဖါတံၢ်န့ၣ်စံးဝဲဒၣ်, စီၤၡမူၤအ့လးစံး ဘၣ်သုလၢမနုၤတမံၤလဲၣ်န့ၣ်ဒုးနဲၣ်လၢ်ယၤတက့ၢ်.

¹⁶ ဒီးစီၤစီလူးစံးဘၣ်အဖါတံၢ်, စံးဘၣ်တဲဘၣ်ပှၤတီတီ လၢတၢ်ထံၣ်န့ၢ်လံကသ့ၣ်ယီၤလံ. မ့မ့ၢ်တၢ်ဘၣ်ဃးဒီး ဘီဧိၤမုၢ်ဧိၤလၢစီၤၡမူၤအ့လးကတိၤဝဲန့ၣ် တစံးဘၣ် တဲဘၣ်အီၤဘၣ်.

¹⁷ ဒီးစီၤၡမူၤအ့လးဒုးအိၣ်ဖှိၣ်ပှၤဂီၢ်မုၢ် ဆူယွၤအအိၣ်ဖဲ မံးစပၤန့ၣ်လီၤ. ¹⁸ ဒီးစံးဘၣ်ပှၤအံၣ်စရ့လးဖိ, ယွၤအံၣ် စရ့လးအကစၢ်စံးဒ်အံၤ, ယဒုးဟဲထီၣ်အံၣ်စရ့လးလၢ အဲၤကူပတူးအပူၤ, ဒီးမၤပူၤမၤဖျဲးသုလၢပှၤအဲၤကူပတူး ဖိအစုပူၤ, ဒီးကယဲၢ်ဘီမုၢ်ခဲလၢာ်အစုပူၤ, ဒီးလၢပှၤလၢ အမၤအၢသုန့ၣ်အစုပူၤလီၤ. ¹⁹ ဒီးတၢ်လၢမုၢ်မဆါတနံၤ အံၤ, သုညိကွံာ်သုကစၢ်လၢအအုၣ်က့ၤခီၣ်က့ၤသု, လၢ သုတၢ်နးတၢ်ဖှီၣ်, ဒီးသုတၢ်ကိၢ်တၢ်ဂီၤခဲလၢာ်, အဝဲဒၣ် အကစၢ်ဒၣ်ဝဲ, ဒီးသုစံးဘၣ်အီၤ, ပာ်စီၤပၤလၢပဖီခိၣ်တ က့ၢ်. ဒီးခဲကနံၣ်အံၤ, ပာ်သုသးလၢသုဒူၣ်တဖၣ်, ဒီး လၢသုပှၤကထိသ့ၣ်တဖၣ် လၢယွၤအမဲာ်ညါတက့ၢ်.

²⁰ ဒီးတုၤစီၤၡမူၤအ့လး ဒုးသုးဘူးအံၣ်စရ့လးအဒူၣ်တ

²¹ ဖၣ်ခဲလၢာ်ဒီး, တၢ်ဟံးန့ၢ်ဘံၣ်ယၤမံၣ်တဒူၣ်လီၤ. ဒီး တုၤအဒုးသုးဘူးဘံၣ်ယၤမံၣ်တဒူၣ်လၢ အဟံၣ်တဖၣ် ဒီး, တၢ်ဟံးန့ၢ်စီၤမၤတြံၤအဟံၣ်, ဒီးတၢ်ဟံးန့ၢ်စီၤကံၣ် အဖိခွါစီၤစီလူးလီၤ. ဒီးပှၤဃုဝဲ, ဒီးတၢ်တထံၣ်န့ၢ်ဘၣ် အီၤဘၣ်.

²² ဒီးဘၣ်ကဟဲဒံးဖဲန့ၣ်ဧါန့ၣ် သံကွၢ်ကဒီးယွၤလီၤ. ဒီး ယွၤစံးဆၢဝဲဒၣ်, ကွၢ်ကွၢ်, ပာ်ခူသူၣ်အသးလၢတၢ်ဖိ တၢ်လံၤအကျါလီၤ.

²³ ဒီးပှၤဃ့ၢ်ဟံးန့ၢ်အီၤဖဲန့ၣ်, ဒီးတုၤအဆၢထၢၣ်ဝဲလၢ ပှၤဂီၢ်မုၢ်အကျါဒီး, အနီၢ်ထီန့ၢ်ပှၤဂီၢ်မုၢ်ခဲလၢာ်လၢအ ဖံဘၣ်ခိၣ်ဒီးဆူအဖီခိၣ်လီၤ.

²⁴ ဒီးစီၤၡမူၤအ့လးစံးဘၣ်ပှၤဂီၢ်မုၢ်ခဲလၢာ်, ကွၢ်ပှၤလၢ ယွၤဃုထၢအီၤတက့ၢ်. အဂ့ၢ်ဒ်အံၤ, ပှၤဒ်အဝဲဒၣ်အသိး န့ၣ်တအိၣ်ဘၣ်လၢပှၤဂီၢ်မုၢ်အကျါဘၣ်. ဒီးပှၤဂီၢ်မုၢ်ခဲ လၢာ်ကိးပသူထီၣ်ဒီးစံးဝဲဒၣ်, မ်စီၤပၤမူဝဲတက့ၢ်.

²⁵ ဒီးစီၤၡမူၤအ့လးစံးဘၣ်ပှၤဂီၢ်မုၢ်လၢ ဘီမုၢ်အတၢ်စံၣ် ညီၣ်တဖၣ်, ဒီးကွဲးဝဲလၢလံာ်ပူၤ, ဒီးပာ်ဝဲလၢယွၤအမဲာ် ညါလီၤ. ဒီးစီၤၡမူၤအ့လးပျၢ်ပှၤဂီၢ်မုၢ်ခဲလၢာ်, တဂၤဆူ အဟံၣ်ဒၣ်ဝဲ, တဂၤဆူအဟံၣ်ဒၣ်ဝဲန့ၣ်လီၤ.

²⁶ ဒီးစီၤစီလူးက့ၤစ့ၢ်ကီးဝဲဆူအဟံၣ်, ဆူကံဘဧၤအပူၤ, ဒီးပှၤတဖုလၢယွၤထိးအသးန့ၣ် လဲၤဝဲဒီးအီၤလီၤ. ²⁷ မ့ မ့ၢ်ပှၤဘလးယဧၤလးဖိစံးဝဲဒၣ်, ပှၤတဂၤအံၤကအုၣ် က့ၤခီၣ်က့ၤပှၤဒ်လဲၣ်. ဒီးတပးကဲဘၣ်အီၤဘၣ်. ဒီးတ ဟဲစိာ်န့ၢ်ဘၣ်အီၤလၢခိၣ်ဖးဘၣ်. ဒီးအဝဲဒၣ်အိၣ်ဘှီၣ် ကလာ်လီၤ.

၁၁

¹ ဒီးပှၤဧၣ်မိၣ်ဖိစီၤနၤဃၣ် ဟဲထီၣ်သူၣ်ဒဲထီဒါယၤဘ့ၣ် ကံးလဧး, ဒီးယၤဘ့ၣ်အပှၤကညီခဲလၢာ်စံးဘၣ်စီၤနၤ ဃၣ်, မၤတၢ်အၢၣ်လီၤအီလီၤဒီးပှၤဒီး, ပကမၤနတၢ် လီၤ.

² ဒီးပှၤဧၣ်မိၣ်ဖိ စီၤနၤဃၣ်န့ၣ်စံးဆၢအီၤ, ဒ်တၢ်အံၤ ယကအၢၣ်လီၤအီလီၤတၢ်ဒီးသု, ယကအူခွဲထီၣ်ကွံာ် သုမဲာ်အထွဲတခီခဲလၢာ်, ဒီးပာ်ဝဲလၢတၢ်ဒုၣ်ဒွဲၣ်လၢ အံၣ်စရ့လးခဲလၢာ်အလိၤလီၤ.

³ ဒီးယၤဘ့ၣ် အပှၤသူက့သးပှၢ်စံးဘၣ်အီၤ, ပျၢ်ပှၤနွံ နံၤတက့ၢ်. ဒီးပကမၢလီၤကလူးတဖၣ်ဆူအံၣ်စရ့လး အကီၢ်ဃၢၤခဲလၢာ်, ဒီးတၢ်အုၣ်က့ၤခီၣ်က့ၤမ့ၢ်တအိၣ် ဘၣ်ဒီး, ပကဟဲထီၣ်ဆူနအိၣ်လီၤ.

⁴ ဒီးအကလူးတဖၣ် ဟဲဆူကံဘဧၤစီလူးအအိၣ်, ဒီး ကတိၤတၢ်န့ၣ်တဖၣ်လၢပှၤဂီၢ်မုၢ်အနၢ်ပူၤ, ဒီးပှၤဂီၢ်မုၢ် ခဲလၢာ်ထုထီၣ်အကလုၢ်, ဒီးဟီၣ်ဝဲလီၤ.

⁵ ဒီးကွၢ်ကွၢ်, စီၤစီလူးဟဲပိာ်ဂီၤဖံးတဖုအခံလၢပှၢ်လၢ် ကျါ, ဒီးစီၤစီလူးစံးဝဲဒၣ်, ပှၤဂီၢ်မုၢ်ဘၣ်မနုၤတမံၤလၢ အဟီၣ်န့ၣ်လဲၣ်, ဒီးပှၤစံၣ်တဲၤတဲလီၤအီၤလၢယၤဘ့ၣ် အပှၤကညီအတၢ်ကတိၤတဖၣ်လီၤ.

⁶ ဒီးတုၤစီၤစီလူးနၢ်ဟူတၢ်တဖၣ်န့ၣ်ဒီး, ယွၤအသးဟဲ လီၤဘၣ်လၢအလိၤ, ဒီးအသးထီၣ်ကဲၤထီၣ်ဒိၣ်ဒိၣ်က လဲာ်လီၤ.

⁷ ဒီးဟံးန့ၢ်ဂီၤဖံးတဆိ, ဒီးဒီၣ်တဲာ်အီၤတကူာ်တကူာ်, ဒီးဟ့ၣ်ယုၢ်ဝဲဆူ အံၣ်စရ့လးအကီၢ်ဃၢၤခဲလၢာ်လၢက လူးတဖၣ်အစုပူၤ, ဒီးစံးဝဲဒၣ်, ပှၤလၢအတဟဲပိာ်ဘၣ် စီၤစီလူးအခံ, ဒီးစီၤၡမူၤအ့လးအခံဘၣ်န့ၣ်တၢ်ကမၤ အဂီၤဖံးဒ်န့ၣ်အသိးလီၤ. ဒီးတၢ်ပျံၤယွၤလီၤဘၣ်လၢပှၤ ဂီၢ်မုၢ်အလိၤ, ဒီးဟဲဝဲဒ်ပှၤတဂၤဃီအသိးန့ၣ်လီၤ.

⁸ ဒီးဂံၢ်ဝဲလၢဘ့စ့း, ဒီးပှၤအံၣ်စရ့လးဖိ အိၣ်ဝဲသၢက လီၢ်, ဒီးယူၤဒၤအပှၤကညီအိၣ်ဝဲသၢကလးလီၤ. ⁹ ဒီး အဝဲသ့ၣ်တဖၣ်န့ၣ် စံးဘၣ်ကလူးတဖၣ်လၢအဟဲဝဲ န့ၣ်, သုဘၣ်စံးဘၣ်ယၤဘ့ၣ်ကံးလဧးအပှၤကညီဒ်အံၤ, ခဲဂီၤကိာ်တုၤမုၢ်ကိၢ်ထီၣ်ဒီး, သုကအိၣ်ဒီးတၢ်အုၣ်က့ၤ ခီၣ်က့ၤတၢ်လီၤ. ဒီးကလူးတဖၣ်န့ၣ်ဟဲက့ၤဝဲ, ဒီးဒုးနဲၣ် ဝဲလၢယၤဘ့ၣ်အပှၤကညီဒီးအသူၣ်ခုသးခုဝဲလီၤ.

¹⁰ ဒီးယၤဘ့ၣ်အပှၤကညီစံးဝဲဒၣ်, ခဲဂီၤကိာ်ပကဟဲထီၣ် ဆူသုအိၣ်, ဒီးသုကမၤပှၤဒ်ကယဲၢ်တၢ်လၢအဂ့ၤလၢ သုမဲာ်အသိးလီၤ.

¹¹ ဒီးမုၢ်ဆ့ၣ်ထီၣ်တနံၤန့ၣ်, တၢ်မၤအသးလၢစီၤစီလူး ပာ်ပှၤဂီၢ်မုၢ်လၢသၢဖု, ဒီးလၢပှၤပၢၤတၢ်လၢမုၢ်ဂီၤအ ကတီၢ်န့ၣ်လဲၤနုာ်လၢ ပှၤသုးမုၢ်အကျါ, ဒီးကျီကွံာ်ပှၤ ဧၣ်မိၣ်ဖိတုၤမုၢ်ကိၢ်ထီၣ်, ဒီးပှၤလၢအအိၣ်လီၤတဲာ်န့ၣ် လီၤပြံလီၤပြါ, ဒီးပှၤတအိၣ်လီၤတဲာ်ဘၣ် ခံဂၤတပူၤ ဃီဘၣ်.

¹² ဒီးပှၤဂီၢ်မုၢ်စံးဘၣ်စီၤၡမူၤအ့လး, မ့ၢ်မတၤစံး, စီၤစီ လူးကကဲစီၤပၤလၢပဖီခိၣ်ဧါန့ၣ်တဂၤလဲၣ်. ဟ့ၣ်လီၤ ပှၤလၢပှၤကညီတဖၣ်န့ၣ်, ဒီးပကမၤသံအီၤလီၤ.

¹³ ဒီးစီၤစီလူးစံးဝဲဒၣ်, တၢ်လၢမုၢ်မဆါတနံၤအံၤပှၤတ ဘၣ်ဘၣ်တၢ်မၤသံအီၤနီတဂၤဘၣ်. အဂ့ၢ်ဒ်အံၤ, လၢ မုၢ်မဆါတနံၤအံၤယွၤမၤတၢ်အုၣ်က့ၤခီၣ်က့ၤ လၢအံၣ် စရ့လးအပူၤလီၤ.

¹⁴ ဒီးစီၤၡမူၤအ့လးစံးဘၣ်ပှၤဂီၢ်မုၢ်, ဟဲက့ၤ, ဒီးလဲၤသ ကိးဆူကံးလကၤလး, ဒီးမၤထီၣ်ဘီဧိၤမုၢ်ဧိၤဖဲန့ၣ် တ က့ၢ်.

¹⁵ ဒီးပှၤဂီၢ်မုၢ်ခဲလၢာ်လဲၤဝဲဆူကံးလကၤလး, ဒီးပာ်စီၤ စီလူးလၢစီၤပၤဖဲန့ၣ်လၢယွၤအမဲာ်ညါ, လၢကံးလကၤ လးအပူၤ, ဒီးဖဲန့ၣ်လုၢ်တၢ်လုၢ်မၤဃူမၤဖိး, ဒီးဖဲန့ၣ်စီၤ စီလူးဒီးအံၣ်စရ့လးအပှၤကညီ သူၣ်ခုသးခုဒိၣ်နီၢ်မး လီၤ.

၁၂

¹ ဒီးစီၤၡမူၤအ့လးစံးဘၣ်အံၣ်စရ့လးခဲလၢာ်, ကွၢ်ကွၢ်, ကယဲၢ်တၢ်လၢသုစံးဘၣ်ယၤခဲလၢာ်န့ၣ် ယကနၣ်သု ကလုၢ်လံ, ဒီးယပာ်စီၤပၤလၢသုဖီခိၣ်လံ. ² ဒီးခဲက နံၣ်အံၤ, ကွၢ်ကွၢ်, စီၤပၤတဂၤန့ၣ်လဲၤတၢ်လၢသုမဲာ် ညါ, ဒီးယဲဒၣ်အံၤယသးပှၢ်တ့ၢ်လံ, ဒီးယခိၣ်ဝါလံ, ဒီး ကွၢ်ကွၢ်, ယဖိခွါတဖၣ်အိၣ်ဒီးသု, ဒီးလၢယဖိသၣ် လံၤလံၤတုၤမုၢ်မဆါတနံၤအံၤ ယလဲၤတၢ်လၢသုမဲာ် ညါလီၤ.

³ ကွၢ်ကွၢ်, ယၤလီၤ. အုၣ်သုသးထီဒါယၤလၢယွၤအ မဲာ်ညါ, ဒီးလၢအပှၤဒိးဖှူအသးတဂၤအမဲာ်ညါတက့ၢ်. ယဟံးန့ၢ်မတၤတဂၤအဂီၤဖံးလဲၣ်, ဒီးယဟံးန့ၢ်မတၤ တဂၤအကသ့ၣ်ယီၤလဲၣ်, ဒီးယလီန့ၢ်မတၤတဂၤအ တၢ်လဲၣ်, ဒီးယမၤန့ၢ်ဆူၣ်မတၤတဂၤအတၢ်လဲၣ်, ဒီး ယဒိးန့ၢ်ခိၣ်ဖးလၢမတၤတဂၤအစုပူၤ, ဒီးမၤဘျီၣ်ယ မဲာ်လၢအီၤန့ၣ်လဲၣ်, ဒီးယကဟ့ၣ်က့ၤသုလီၤ.

⁴ ဒီးအဝဲသ့ၣ်စံး, နတလီန့ၢ်ပတၢ်ဘၣ်, ဒီးနတမၤန့ၢ် ဆူၣ်ပတၢ်ဘၣ်, ဒီးနတဟံးန့ၢ်ဘၣ်တၢ်လၢပှၤအစုနီ တဂၤနီတမံၤဘၣ်.

⁵ ဒီးအဝဲဒၣ်စံးဘၣ်အီၤ, ယွၤမ့ၢ်တၢ်အုၣ်အသးထီဒါ သု, ဒီးအပှၤဒိးဖှူအသးတဂၤမ့ၢ်တၢ်အုၣ်အသးလၢမုၢ် တနံၤအံၤ, လၢသုတထံၣ်န့ၢ်ဘၣ်တၢ်လၢယစုပူၤနီတ မံၤဘၣ်. ဒီးအဝဲသ့ၣ်စံး, မ့ၢ်တၢ်အုၣ်အသးလီၤ.

⁶ ဒီးစီၤၡမူၤအ့လးန့ၣ်စံးဘၣ်ပှၤဂီၢ်မုၢ်, ယွၤမ့ၢ်ပှၤလၢ အပာ်စီၤမိၤရှ့ဒီးစီၤအၤဟရိၣ်, ဒီးဒုးကဲထီၣ်သုပၢ်လၢ ကီၢ်အဲၤကူပတူးအပူၤန့ၣ်လီၤ. ⁷ ဒီးခဲကနံၣ်အံၤအိၣ် ဆၢထၢၣ်ဒ်သိး ယကစံၣ်ညီၣ်သုလၢယွၤအမဲာ်ညါ လၢယွၤအမၤတၢ်အဂ့ၢ်အကျိၤလၢအမၤသု, ဒီးသုပၢ် တဖၣ်န့ၣ်တက့ၢ်. ⁸ တုၤစီၤယၤကိာ်လဲၤနုာ်လၢ အဲၤ ကူပတူးအပူၤ, ဒီးသုပၢ်တဖၣ်ကိးထီၣ်ယွၤဒီး, ယွၤ မၢလီၤစီၤမိၤရှ့ဒီးစီၤအၤဟရိၣ်, လၢအဒုးဟးထီၣ်ကွံာ် သုပၢ်တဖၣ်လၢအဲၤကူပတူး, ဒီးဒုးအိၣ်ဒုးဆိးအီၤလၢ တၢ်အလီၢ်ဖဲအံၤလီၤ.

⁹ ဒီးတုၤအသးပ့ၤနီၣ်ယွၤအကစၢ်ဒီး, အဝဲဒၣ်ဆါကွံာ် အီၤဆူစီၤဃါစိၢ်အပှၤသုးမုၢ်အခိၣ်စီၤစံစရၤအစုပူၤ, ဒီး ဆူပှၤဖလ့ၡသးဖိအစုပူၤ, ဒီးဆူမိၤအးအစီၤပၤအစုပူၤ, ဒီးအဝဲသ့ၣ်ဒုးသုးဒီးအီၤလီၤ. ¹⁰ ဒီးကိးထီၣ်ယွၤ, ဒီးစံး ဝဲဒၣ်, ပမၤကမၣ်တၢ်လံ. အဂ့ၢ်ဒ်အံၤ, ပလဲၤသဒၣ်ယွၤ လံ, ဒီးပမၤဘၣ်ဘဧၤလးတဖၣ်, ဒီးဧၤၡတြိးအတၢ်, ဘၣ်ဆၣ်ဒီးခဲကနံၣ်အံၤ, မၤပူၤမၤဖျဲးပှၤဒီးပဒုၣ်ပဒါအ စုပူၤတက့ၢ်. ဒီးပကမၤနတၢ်လီၤ.

¹¹ ဒီးယွၤမၢလီၤစီၤယရူဘဧၤလး, ဒီးစီၤဘဒၣ်, ဒီးစီၤယံး ဖသၤ, ဒီးစီၤၡမူၤအ့လး, ဒီးမၤပူၤမၤဖျဲးသုဒီးသုဒုၣ်သု ဒါအိၣ်ဝးတရံးသု, ဒီးသုအိၣ်သုဆိးခၢၣ်သနၢၢ်လီၤ.

¹² ဒီးတုၤသုထံၣ်ဘၣ် ပှၤဧၣ်မိၣ်ဖိအစီၤပၤစီၤနၤဃၣ်တ ဂၤဟဲထီဒါသုဒီး, သုစံးဘၣ်ယၤ, တမ့ၢ်ဘၣ်, စီၤပၤတ ဂၤဘၣ်ပၢတၢ်လၢပဖီခိၣ်လီၤ. ဒီးယွၤသုကစၢ်မ့ၢ်သုစီၤ ပၤလီၤ.

¹³ ဒီးခဲကနံၣ်အံၤ, ကွၢ်ကွၢ်, သုစီၤပၤတဂၤသုဃုထၢ အီၤ, လၢသုဃ့အီၤလီၤ. ဒီးကွၢ်ကွၢ်, ယွၤဟ့ၣ်လီၤသုလၢ စီၤပၤတဂၤလီၤ. ¹⁴ ဒီးသုမ့ၢ်ပျံၤယွၤ, ဒီးမၤအတၢ်, ဒီးဒိ ကနၣ်အကလုၢ်အကထါ, ဒီးတပူထီၣ်ဘၣ်ယွၤအထး ဘၣ်, ဒီးသုဝဲဒီးစီၤပၤစ့ၢ်ကီးလၢအပၢတၢ်လၢ သုဖီခိၣ် မ့ၢ်လူၤယွၤသုကစၢ်အသးဒီး,+ ဂ့ၤလံ.¹⁵ မ့မ့ၢ်သုမ့ၢ် တဒိကနၣ်ဘၣ်ယွၤအကလုၢ်အကထါ, ဒီးမ့ၢ်ပူထီၣ် ယွၤအထးခိၣ်ဒီး, ယွၤအစုကအိၣ်လၢသုလိၤ, ဒ်အ အိၣ်လၢသုပၢ်တဖၣ်အလိၤအသိးန့ၣ်လီၤ.

¹⁶ ဒီးခဲကနံၣ်အံၤဆၢထၢၣ်, ဒီးထံၣ်တၢ်အဒိၣ်တမံၤအံၤ လၢယွၤအမဲာ်ညါတက့ၢ်. ¹⁷ တၢ်လၢမုၢ်မဆါတနံၤအံၤ, မ့ၢ်ကူးဘုကၠူၣ်အကတီၢ်န့ၣ်တမ့ၢ်ဘၣ်ဧါ, ယကကိး ထီၣ်ယွၤ, ဒီးအဝဲဒၣ်ကဟ့ၣ်လီသီၣ်, ဒီးတၢ်စူၤ, ဒီးလၢ သုဃ့စီၤပၤန့ၣ် သုကသ့ၣ်ညါဒီးထံၣ်လၢသုမၤတၢ်အၢ တၢ်သီအဒိၣ်အယိာ်လၢယွၤအမဲာ်ညါလံလီၤ.

¹⁸ ဒီးစီၤၡမူၤအ့လးကိးထီၣ်ယွၤ, ဒီးတၢ်လၢမုၢ်တနံၤန့ၣ် ယွၤဟ့ၣ်လီသီၣ်, ဒီးတၢ်စူၤလီၤ, ဒီးပှၤဂီၢ်မုၢ်ခဲလၢာ် ပျံၤယွၤ, ဒီးစီၤၡမူၤအ့လးဒိၣ်မးလီၤ.

¹⁹ ဒီးပှၤဂီၢ်မုၢ်ခဲလၢာ်စံးဘၣ်စီၤၡမူၤအ့လး, ဘါထုကဖၣ် န့ၢ်နခ့နပှၤအဂီၢ်လၢယွၤနကစၢ် ဒ်သိးပသုတသံတဂ့ၤ န့ၣ်တက့ၢ်. အဂ့ၢ်ဒ်အံၤ, လၢပဃ့စီၤပၤန့ၣ်, ပပာ်ဖှိၣ်တၢ် အၢတမံၤအံၤလၢ ပတၢ်ဒဲးဘးခဲလၢာ်အဖီခိၣ်လီၤ.

²⁰ ဒီးစီၤၡမူၤအ့လးစံးဘၣ်ပှၤဂီၢ်မုၢ်ခဲလၢာ်န့ၣ်, ပျံၤတ ဂ့ၤ. (သုမၤတၢ်အၢတၢ်သီခဲလၢာ်န့ၣ်ဘၣ်ဆၣ်ဒီး. ဃၣ် ကပၤလၢတၢ်လူၤယွၤအသးန့ၣ်တဂ့ၤ. မၤယွၤအတၢ်

²¹ လၢသုသးဒီဖျၢၣ်ညါတက့ၢ်. ဒီးဃၣ်ကပၤ, ဒီးပိာ်တၢ် ကလီကလီလၢအတဂိာ်တသီၣ်ဘၣ်လၢ အမၤပူၤမၤ ဖျဲးတၢ်တသ့ဘၣ်အခံန့ၣ်တဂ့ၤ. အဂ့ၢ်ဒ်အံၤ, မ့ၢ်ဝဲလၢ တၢ်ကလီကလီၤလီၤ.) ²² အဂ့ၢ်ဒ်အံၤ, ယွၤတလဲၤသဒၣ် ဘၣ်အပှၤဂီၢ်မုၢ်လၢအမံၤဖးဒိၣ်အဃိဘၣ်လီၤ. အဂ့ၢ် ဒ်အံၤ, ဘၣ်ယွၤအသးလၢအကပာ်သုလၢ အပှၤဂီၢ်မုၢ် န့ၣ်လီၤ.

²³ မ့မ့ၢ်ယဲဒၣ်အံၤလၢ ယဘါထုကဖၣ်န့ၢ်သုဂီၢ်န့ၣ် မ် ယသုတဆိတ့ၢ်ဒီးမၤကမၣ်ဘၣ်ယွၤတဂ့ၤ. ယကသိၣ် လိသုလၢကျဲအဂ့ၤအဝါ, ဒီးအတီအလိၤလီၤ.

²⁴ ထဲပျံၤယွၤဒီးမၤအတၢ်လၢ တၢ်မ့ၢ်တၢ်တီလၢသုသး ဒီဖျၢၣ်ညါတက့ၢ်. အဂ့ၢ်ဒ်အံၤ, ကွၢ်ဆိကမိၣ်တၢ်အဒိၣ် တဖၣ်လၢအမၤန့ၢ်သုဂီၢ်တက့ၢ်.

²⁵ မ့မ့ၢ်သုမ့ၢ်မၤဒံးတၢ်အၢဒီး, သုမ့ၢ်ဂ့ၤ, သုစီၤပၤမ့ၢ်ဂ့ၤ ကတုၤလၢတၢ်ဟးဂူာ်ဟးဂီၤလီၤ.

၁၃

¹ ဒီးစီၤစီလူးကဲစီၤပၤတနံၣ်, ဒီးတုၤအကဲစီၤပၤလၢအံၣ် စရ့လးအဖီခိၣ်ခံနံၣ်ဒီး, ² စီၤစီလူးဃုထၢန့ၢ်ပှၤသၢက ထိလၢအံၣ်စရ့လးအပူၤလီၤ. ပှၤခံကထိအိၣ်ဝဲဒီးစီၤစီ လူးလၢမံးကမၣ်, ဒီးလၢကစၢၢ်ဘ့ၤသ့လးအလိၤ, ဒီး ပှၤတကထိအိၣ်ဝဲဒီးစီၤယိၤနၤသၣ်လၢ ကံဘဧၤဘံၣ် ယၤမံၣ်, ဒီးပှၤအိၣ်လီၤတဲာ်လၢပှၤဂီၢ်မုၢ်အကျါန့ၣ်ပျၢ် ဝဲတဂၤဆူအဒဲဒၣ်ဝဲ, တဂၤဆူအဒဲဒၣ်ဝဲစုာ်စုာ်လီၤ.

³ ဒီးစီၤယိနၤသၣ်ကျီကွံာ်ပှၤဖလ့ၡသးဖိလၢအပၢၤတၢ် တတီၤလၢက့ဘၤအပူၤ, ဒီးပှၤဖလ့ၡသးဖိနၢ်ဟူဝဲလီၤ. ဒီးစီၤစီလူးအူကွဲၤလၢကီၢ်ဒီဘ့ၣ်ညါအပူၤ, ဒီးစံးဝဲဒၣ်, မ်ပှၤဧ့ၤဘြံၤဖိနၢ်ဟူတၢ်တက့ၢ်.

⁴ ဒီးအံၣ်စရ့လးခဲလၢာ်နၢ်ဟူဝဲလၢ ပှၤစံးလၢစီၤစီလူး ကျီကွံာ်ပှၤဖလ့ၡသးဖိလၢအပၢၤတၢ်တဖု, ဒီးလၢအံၣ် စရ့လးကဲထီၣ်တၢ်သးဘၣ်အၢလၢ ပှၤဖလ့ၡသးဖိအ မဲာ်ညါလီၤ. ဒီးပှၤဂီၢ်မုၢ်ဘၣ်တၢ်ကိးဖှိၣ်ထွဲစီၤစီလူးအ ခံဆူကံးလကၤလးလီၤ.

⁵ ဒီးပှၤဖလ့ၡသးဖိအိၣ်ဖှိၣ်ရိဖှိၣ် ဒ်သိးအကဒုးသုးဒီး အံၣ်စရ့လးလီၤ. လ့ၣ်ကဟၣ်အိၣ်သၢကလး, ဒီးပှၤဒိး ကသ့ၣ်သုးဖိအိၣ်ဃုကထိ, ဒီးပှၤဂီၢ်မုၢ်အါဝဲဒ်မဲးဧိၤ ဟီၣ်ဧိၤလၢပီၣ်လဲၣ်နံၤအသိးန့ၣ်လီၤ. ဒီးဟဲထီၣ်, ဒီး သူၣ်ဒဲလၢ မံးကမၣ်လၢအအိၣ်ဝဲလၢ ဘ့ၤသအၤဝ့ၣ် အမုၢ်ထီၣ်တခီလီၤ.

⁶ ဒီးအံၣ်စရ့လးအပှၤကညီထံၣ်ဝဲလၢ အဘၣ်တၢ်ကိၢ် တၢ်ဂီၤလီၤ. (အဂ့ၢ်ဒ်အံၤ, ပှၤဂီၢ်မုၢ်န့ၣ်အသူၣ်အုးအသး အုးလီၤ.) ဒီးပာ်ခူသူၣ်အသးလၢတၢ်အိပူၤတဖၣ်, ဒီး လၢသ့ၣ်သဃာ်အကျါ, ဒီးလၢလ့အအိပူၤ, ဒီးလၢတိာ် ပူၤ, ဒီးလၢတၢ်ပူၤတဖၣ်န့ၣ်လီၤ.

⁷ ဒီးပှၤဧ့ဘြံၤဖိတနီၤနီၤလဲၤခီဂာ်တ့ၢ်လံ ယၢ်ဒ့ၣ်ဆူကး, ဒီးကံလဧးအကီၢ်လီၤ. မ့မ့ၢ်စီၤစီလူးအိၣ်ဒံးဝဲလၢကံး လကၤလး, ဒီးပှၤဂီၢ်မုၢ်ခဲလၢာ်ကနိးကစုာ်ဝဲဒီး, ပိာ်အ ခံလီၤ.

⁸ ဒီးအိၣ်ဝဲနွံနံၤ ဒ်စီၤၡမူၤအ့လးသ့ၣ်ဖးအဆၢကတီၢ် အသိး, ဒီးစီၤၡမူၤအ့လးတဟဲထီၣ်ဘၣ်ဆူကံးလကၤ လးဘၣ်, ဒီးပှၤဂီၢ်မုၢ်လီၤပြံလီၤပြါဒီးအီၤလီၤ.

⁹ ဒီးစီၤစီလူးစံးဝဲဒၣ်, ဟဲစိာ်န့ၢ်ယၤလၢတၢ်လုၢ်မ့ၢ်အူ, ဒီးတၢ်လုၢ်မၤဃူမၤဖိးတဖၣ်တက့ၢ်. ဒီးလုၢ်ဝဲလၢတၢ် လုၢ်မ့ၣ်အူလီၤ.

¹⁰ ဒီးတုၤအလုၢ်တၢ်လုၢ်မ့ၣ်အူဝံၤဒီး, ကွၢ်ကွၢ်, တၢ်မၤ အသးလၢစီၤၡမူၤအ့လးဟဲဝဲလီၤ. ဒီးစီၤစီလူးလဲၤသ ဂၢၢ်အီၤလၢအကတိၤဒိၣ်အီၤအဂီၢ်လီၤ.

¹¹ ဒီးစီၤၡမူၤအ့လးစံးဝဲဒၣ်, နမၤတၢ်မနုၤတမံၤ လဲၣ်. ဒီးစီၤစီလူးစံးဝဲဒၣ်, မ့ၢ်ယထံၣ်ဘၣ်ပှၤဂီၢ်မုၢ်လီၤ ပြံလီၤပြါဒီးယၤ, ဒီးနတဟဲဘၣ်လၢမုၢ်နံၤလၢနသ့ၣ် ပာ်အတီၢ်ပူၤ, ဒီးပှၤဖလ့ၡသးဖိအိၣ်ဖှိၣ်ရိဖှိၣ်ဖဲမံးကမၣ် ဒီး, ¹² ယစံး, ခဲကနံၣ်အံၤ ပှၤဖလ့ၡသးဖိကဟဲလီၤဘၣ် ယၤလၢကံးလကၤလး, ဒီးယတဃ့ကညးဒံးဘၣ်ယွၤ ဘၣ်. ဒီးယမၢဆူၣ်ယသး, ဒီးယလုၢ်တၢ်လုၢ်မ့ၣ်အူလီၤ.

¹³ ဒီးစီၤၡမူၤအ့လးစံးဘၣ်စီၤစီလူး, နမၤလံပှၤဟးဂီၤဖိ အတၢ်မၤလံ. နတတိၢ်န့ၢ်ဘၣ်ယွၤအတၢ်မၤလိာ်လၢ အမၤလိာ်နၤဘၣ်, မ့တမ့ၢ်ဘၣ်ဒ်န့ၣ်ဒီး, ခဲကနံၣ်အံၤ ကဒုးအိၣ်ဂၢၢ်ဆိးကျၢၤနဘီနမုၢ်လၢ အံၣ်စရ့လးအဖီ ခိၣ်လီၤထူလီၤယိာ်လီၤ.

¹⁴ မ့မ့ၢ်ခဲကနံၣ်အံၤ နဘီနမုၢ်တအိၣ်ဂၢၢ်ဆိးကျၢၤဘၣ် ဘၣ်, ယွၤဃုထၢန့ၢ်လံပှၤဒ်အသးဒၣ်ဝဲအသိးတဂၤ, ဒီးယွၤမၤလိာ်လံလၢ အကကဲထီၣ်အပှၤဂီၢ်မုၢ်အခိၣ် လံ. အဂ့ၢ်ဒ်အံၤ, နတတိၢ်န့ၢ်ဘၣ်တၢ်လၢယွၤမၤလိာ် နၤဘၣ်.

¹⁵ ဒီးစီၤၡမူၤအ့လးဂဲၤဆၢထၢၣ်, ဒီးဟးထီၣ်လၢကံးလ ကၤလးဆူကံဘဧၤဘံၣ်ယၤမံၣ်လီၤ. ဒီးစီၤစီလူးဂံၢ်ပှၤ လၢအထံၣ်န့ၢ်ဒီးအီၤ, ပှၤဃုကယၤဃၣ်ဃၣ်လီၤ.

¹⁶ ဒီးစီၤစီလူး, ဒီးအဖိခွါစီၤယိနၤသၣ်, ဒီးပှၤဂီၢ်မုၢ်လၢ အအိၣ်ဒီးအီၤသ့ၣ်တဖၣ်န့ၣ် အိၣ်ဝဲလၢကံဘဧၤဘံၣ် ယၤမံၣ်လီၤ. ဒီးပှၤဖလ့ၡသးဖိသူၣ်ဒဲလၢမံးကမၣ်လီၤ.

¹⁷ ဒီးပှၤမၤဟးဂီၤတၢ်ဖိဟဲထီၣ်လၢ ပှၤဖလ့ၡသးဖိသူၣ် ဒဲအလီၢ်လၢသၢဖုလီၤ. တဖုဃၣ်အသးဆူဧိးဖြၤအကျဲ လၢအလဲၤဆူကီၢ်ရှူဧၤလးလီၤ. ¹⁸ ဒီးတဖုဃၣ်အသး ဆူဘ့ၤသဃိရၣ်အကျဲ, ဒီးတဖုဒၣ်ဃၣ်အသးဆူကီၢ် အဃၢၤလၢအကွၢ်ဝဲဆူ ကစၢၢ်ကဆူးစဘိဧံၣ်လၢပှၤ မုၢ်ကနၢတခီလီၤ.

¹⁹ ဒီးပှၤပိာ်တၢ်ဖိတအိၣ်ဘၣ်လၢအံၣ်စရ့လး အကီၢ်ဒီ ဘ့ၣ်ညါအပူၤဘၣ်. (အဂ့ၢ်ဒ်အံၤ, ပှၤဖလ့ၡသးဖိစံးဝဲ ဒၣ်, နးမ့ၢ်ဂ့ၤ, ဘီမ့ၢ်ဂ့ၤ, ပှၤဧ့ၤဘြံၤဖိကပိာ်ဘၣ်ဖုးဝဲ လီၤ.) ²⁰ ဒီးအံၣ်စရ့လးခဲလၢာ်လဲၤလီၤဆူ ပှၤဖလ့ၡ သးဖိအအိၣ် ဒ်သိးအကကျ့တဂၤအထဲၣ်အကနၣ်, ဒီး တဂၤအစုကဝဲၤ, ဒီးတဂၤအကွါ, ဒီးတဂၤအတပူာ် လီၤ. ²¹ ဘၣ်ဆၣ်ဒီးအိၣ်ဝဲဒီးထးကြဲလၢနီၣ်ဖျးအဂီၢ်, ဒီး လၢထဲၣ်အကနၣ်အဂီၢ်, ဒီးလၢနီၣ်ဆဲးသၢဘိအဂီၢ်, ဒီးလၢကွါအဂီၢ်, ဒီးဒ်သိးအကကျ့နီၣ်ဆဲးဂီၤဖံးလီၤ.

²² ဒီးလၢတၢ်ဒုးသုးအမုၢ်တနံၤန့ၣ် တၢ်မၤအသးလၢနး မ့ၢ်ဂ့ၤ, ဘီမ့ၢ်ဂ့ၤ, တအိၣ်ဘၣ်လၢပှၤဂီၢ်မုၢ်အစုပူၤလၢ အအိၣ်ဒီးစီၤစီလူး, ဒီးစီၤယိနၤသၣ်နီတဂၤဘၣ်. မ့မ့ၢ် အိၣ်ဝဲဒီးစီၤစီလူး, ဒီးအဖိခွါစီၤယိနၤသၣ်လီၤ.

²³ ဒီးပှၤဖလ့ၡသးဖိလၢအပၢၤတၢ်တတီန့ၣ် ဟးထီၣ်ဝဲ ဆူတၢ်ခီဂာ်တၢ်လၢမံးကမၣ်န့ၣ်လီၤ.

၁၄

¹ ဒီးလၢမုၢ်တနံၤန့ၣ် တၢ်မၤအသးလၢစီၤစီလူးအဖိခွါ စီၤယိနၤသၣ်စံးဘၣ်ပှၤဖိၣ်သၣ်ခွါလၢ အစိာ်အစုက ဝဲၤ, ဟဲ, လဲၤသကိးဆူပှၤဖလ့ၡသးဖိလၢအပၢၤတၢ်တ တီၤလၢဝၢ်ဘးခီန့ၣ်တက့ၢ်. ဒီးတစံးဘၣ်တဲဘၣ်အပၢ် ဘၣ်.

² ဒီးစီၤစီလူးအိၣ်ဝဲလၢကံဘဧၤအကတၢၢ် လၢသ့ၣ်သ လဲအဖီလာ်, လၢအအိၣ်ဝဲလၢမံးကြိၣ်အပူၤ, ဒီးပှၤဂီၢ် မုၢ်လၢအအိၣ်ဒီးအီၤန့ၣ် အိၣ်ဝဲပှၤဃုကယၤဃၣ်ဃၣ် လီၤ.

³ ဒီးစီၤအဃံးတူာ်အဖိခွါစီၤအဃံယၤ, စီၤအံကဘိးအ ဒီပုၢ်ဝဲၢ်, စီၤဖံၤနဃၣ်အဖိခွါ, စီၤဧ့လံၤအဖိခွါ, ယွၤအပှၤ လုၢ်တၢ်အဒိၣ်လၢၡံလိၤအပူၤတဂၤန့ၣ် သိးဝဲဒီးအ့ဖိး န့ၣ်လီၤ. ဒီးပှၤဂီၢ်မုၢ်တသ့ၣ်ညါဘၣ်ဝဲလၢစီၤယိ နၤသၣ်ဟးထီၣ်ဘၣ်.

⁴ ဒီးလၢခီဂာ်တၢ်အလီၢ်တဖၣ် အဘၢၣ်စၢၤလၢစီၤယိ နၤသၣ်ခီဂာ်ဆူ ပှၤဖလ့ၡသးဖိလၢအပၢၤတၢ်တတီၤ အအိၣ်န့ၣ်လၢၢ်ခိၣ်စူအိၣ်ဝဲတခီ, ဒီးလၢၢ်ခိၣ်စူအိၣ် လၢအဝဲတခီဒၣ်လီၤ. ဒီးတဖျၢၣ်အမံၤမ့ၢ်ဘိစ့း, ဒီးအဝဲ တဖျၢၣ်န့ၣ်အမံၤမ့ၢ်စ့နၤလီၤ.

⁵ တဖျၢၣ်န့ၣ်အိၣ်ဝဲလၢ ကလံၤစိးလၢမံးကမၣ်အမဲာ် ညါ, ဒီးအဝဲတဖျၢၣ်န့ၣ်အိၣ်ဝဲလၢကလံၤထံးတခီလၢ ကံဘဧၤအမဲာ်ညါလီၤ.

⁶ ဒီးစီၤယိနၤသၣ်စံးဘၣ် ပှၤဖိၣ်သၣ်ခွါလၢအစိာ်အစု ကဝဲၤတဂၤ, ဟဲ, လဲၤခီဂာ်သကိးတၢ်ဆူပှၤတဒိးဘၣ် တၢ်ကူးတရံးဖိလၢ အပၢၤတၢ်တတီၤအအိၣ်န့ၣ်တ က့ၢ်. ဘၣ်တဘၣ်ယွၤကမၤတၢ်လၢပဂီၢ်လီၤ. အဂ့ၢ်ဒ် အံၤ, အုၣ်က့ၤခီၣ်က့ၤတၢ်လၢအအါမ့ၢ်ဂ့ၤ, အစှၤမ့ၢ်ဂ့ၤ, တၢ်တြီယွၤတအိၣ်ဘၣ်.

⁷ ဒီးပှၤစိာ်အစုကဝဲၤန့ၣ်စံးဘၣ်အီၤ, မၤကယဲၢ်တၢ်လၢ အအိၣ်လၢနသးကံၢ်ပူၤတက့ၢ်. ဃၣ်နသး, ကွၢ်ကွၢ်, ယအိၣ်ဒီးနၤဖဲနသးလီၤ.

⁸ ဒီးစီၤယိနၤသၣ်စံးဝဲဒၣ်, ကွၢ်ကွၢ်, ပကလဲၤခီဂာ်တၢ် ဆူပှၤတဖၣ်န့ၣ်အအိၣ်, ဒီးပကဒုးနဲၣ်ပသးလၢအီၤ လီၤ. ⁹ မ့ၢ်စံးလၢပှၤဒ်အံၤ, အိၣ်တုၤပဟဲဆူသုအိၣ်တ က့ၢ်န့ၣ်ဒီး, ပကအိၣ်ဆၢထၢၣ်ဒၣ်တၢ်, ဒီးပတလဲၤ ထီၣ်ဘၣ်ဆူအအိၣ်ဘၣ်. ¹⁰ မ့ၢ်စံးလၢပှၤဒ်အံၤ, ဟဲထီၣ် တက့ၢ်န့ၣ်ဒီး, ပကလဲၤထီၣ်လီၤ. အဂ့ၢ်ဒ်အံၤ, ယွၤဟ့ၣ် လီၤလံအီၤလၢပစုပူၤလံ. ဒီးတၢ်န့ၣ်တကဲထီၣ်တၢ်ပ နီၣ်လၢပဂီၢ်လီၤ.

¹¹ ဒီးပှၤခံဂၤလိာ်ဒုးနဲၣ်အသးလၢ ပှၤဖလ့ၡသးဖိလၢအ ပၢၤတၢ်တဖု, ဒီးပှၤဖလ့ၡသးဖိစံးဝဲဒၣ်, ကွၢ်ကွၢ်, ပှၤဧ့ၤ ဘြံၤဖိန့ၣ် ဟဲထီၣ်လံလၢတၢ်အိပူၤ ဖဲအပာ်ခူသူၣ်အ သးလၢအပူၤလံ. ¹² ဒီးပှၤပၢၤတၢ်ဖိစံးဆၢစီၤယိနၤသၣ် စံးဘၣ်ပှၤစိာ်အစုကဝဲၤ, ဟဲထီၣ်ဆူပအိၣ်တက့ၢ်. ဒီး ပကဒုးနဲၣ်သုလၢတၢ်တမံၤလီၤ. ဒီးစီၤယိနၤသၣ်စံး ဘၣ်ပှၤစိာ်အစုကဝဲၤ, ဟဲထီၣ်ပိာ်ယခံတက့ၢ်. အဂ့ၢ် ဒ်အံၤ, ယွၤဟ့ၣ်လီၤလံအီၤလၢအံၣ်စရ့လးအစုပူၤလံ.

¹³ ဒီးစီၤယိနၤသၣ်လဲၤထီၣ်လၢအစုဒီးအခီၣ်, ဒီးပှၤစိာ် အစုကဝဲၤတဂၤန့ၣ်ပိာ်အခံလီၤ. ဒီးပှၤတဖၣ်န့ၣ်လီၤ ဃံၤလၢစီၤယိနၤသၣ်အမဲာ်ညါ, ဒီးပှၤစိာ်အစုကဝဲၤ တဂၤန့ၣ်မၤသံထွဲအခံလီၤ.

¹⁴ ဒီးတၢ်မၤသံအခီၣ်ထံးအံၤလၢ စီၤယိနၤသၣ်ဒီးပှၤစိာ် အစုကဝဲၤမၤဝဲန့ၣ် မ့ၢ်ပှၤကညီခံဆံဃၣ်ဃၣ်, ဒ်လၢ တၢ်အကျိၤ, လၢဂီၤဖံးတဆိမၤဝဲလၢစံာ်ပူၤ, တဝာ်အ ပူၤအသိးန့ၣ်လီၤ.

¹⁵ ဒီးတၢ်ကနိးကစုာ်အိၣ်ဝဲလၢ ပှၤသုးမုၢ်အကျါ, လၢ တၢ်ပျီပူၤ, ဒီးလၢပှၤဂီၢ်မုၢ်ခဲလၢာ်အကျါ, လၢပှၤပၢၤတၢ် ဖိတတီၤအကျါ, ဒီးပှၤမၤဟးဂီၤတၢ်ဖိ ကနိးကစုာ်စ့ၢ် ကီး, ဒီးဟီၣ်ခိၣ်ဟူးဝးတုၤတၢ်ကနိးကစုာ်ဒိၣ်နီၢ်မးလီၤ.

¹⁶ ဒီးစီၤစီလူးအပှၤပၢၤတၢ်ဖိလၢ ကံဘဧၤဘံၣ်ယၤမံၣ် တဖၣ်န့ၣ်ကွၢ်ဝဲ, ဒီးကွၢ်ကွၢ်, ပှၤဂီၢ်မုၢ်ပှံၢ်ကွံာ်ဝဲ, ဒီးလဲၤ တၢ်ဖဲအံၤဖဲနုၤလီၤ.

¹⁷ ဒီးစီၤစီလူးစံးဘၣ်ပှၤဂီၢ်မုၢ်အိၣ်ဒီးအီၤ, ဂံၢ်တၢ်, ဒီးမ့ၢ် မတၤမတၤလဲၤတၢ်လၢပအိၣ်န့ၣ်ကွၢ်တက့ၢ်. ဒီးဂံၢ်ဝဲ ဝံၤဒီး, ကွၢ်ကွၢ်, စီၤယိနၤသၣ်, ဒီးပှၤစိာ်အစုကဝဲၤတဂၤ န့ၣ်တအိၣ်ဘၣ်.

¹⁸ ဒီးစီၤစီလူးစံးဘၣ်စီၤအဃံယၤ, ဟဲစိာ်ယွၤအတလါ ဖဲအံၤတက့ၢ်. (အဂ့ၢ်ဒ်အံၤ, တၢ်လၢမုၢ်တနံၤန့ၢ်ယွၤ အတလါအိၣ်ဝဲဒီးပှၤအံၣ်စရ့လးဖိလီၤ.) ¹⁹ ဒီးစီၤစီလူး ကတိၤတၢ်ဒီးပှၤလုၢ်တၢ်အဒိၣ်အဖၢမုၢ်ဒီး, တၢ်မၤအ သးလၢတၢ်အသီၣ်အိၣ်လၢ ပှၤဖလ့ၡသးဖိအသုးမုၢ် အကျါလဲၤတၢ်, ဒီးဒိၣ်ထီၣ်, ဒီးစီၤစီလူးစံးဘၣ်ပှၤလုၢ် တၢ်အဒိၣ်န့ၣ်, ထုးက့ၤနစုတက့ၢ်.

²⁰ ဒီးစီၤစီလူးဒီးပှၤဂီၢ်မုၢ်လၢ အအိၣ်ဒီးအီၤခဲလၢာ်အိၣ် ဖှိၣ်ရိဖှိၣ်, ဒီးလဲၤဒုးတၢ်, ဒီးကွၢ်ကွၢ်, ပှၤတဂၤလၢအ နးအိၣ်ဝဲလၢအဂိၤမီၣ်အလိၤ, ပှၤတဂၤအနးအိၣ်ဝဲလၢ အဂိၤမီၣ်အလိၤစုာ်စုာ်, ဒီးတၢ်မၤဃၣ်ဖးဒိၣ်အိၣ်ဝဲလီၤ.

²¹ ဒီးပှၤဧ့ၤဘြံၤဖိလၢအအိၣ်တ့ၢ်လၢထံးလၢမကိာ်ဒီးပှၤ ဖလ့ၡသးဖိ, လၢအလဲၤတၢ်ဒီးအီၤဆူ တၢ်သူၣ်ဒဲအ လီၢ်လၢတၢ်အိၣ်ဝးတရံးဝဲတဖၣ်န့ၣ် ဃၣ်အသးဒီး အိၣ်က့ၤဝဲဒီးအံၣ်စရ့လး လၢအအိၣ်ဒီးစီၤစီလူး, ဒီးစီၤ ယိနၤသၣ်လီၤ. ²² ဒီးကယဲၢ်အံၣ်စရ့လးအပှၤကညီလၢ အပာ်ခူသူၣ်အသးလၢ ကစၢၢ်အ့ဖရဲၣ်အလိၤခဲလၢာ် န့ၣ်တုၤအနၢ်ဟူလၢပှၤဖလ့ၡသးဖိ ဃ့ၢ်ဝဲန့ၣ်ဒီး, လူၤ ပိာ်တၢ်ဒုးသုးအခံတကူၢ်သ့ၣ်လီၤ.

²³ ဒီးတၢ်လၢမုၢ်တနံၤန့ၣ် ယွၤအုၣ်က့ၤခီၣ်က့ၤအံၣ်စရ့ လး, ဒီးတၢ်ဒုးသုးန့ၣ်ခီဂာ်တၢ်ဆူဘ့ၤသအၤဝ့ၢ်လီၤ.

²⁴ ဒီးအံၣ်စရ့လးအပှၤကညီ ဘၣ်တၢ်ကိၢ်တၢ်ဂီၤလၢ မုၢ်တနံၤန့ၣ်လီၤ. အဂ့ၢ်ဒ်အံၤ, စီၤစီလူးဒုးဆိၣ်ပှၤဂီၢ်မုၢ် ဒီးစံးဝဲဒၣ်, ပှၤလၢအအီၣ်တၢ်လၢမုၢ်တချုးဟါဒံးဘၣ် န့ၣ်, မ်အဘၣ်တၢ်ဆိၣ်အၢတက့ၢ်. ဒ်သိးယကမၤဆၢ တၢ်အၢလၢယဒုၣ်ယဒါအလိၤလီၤ. ဒီးပှၤတအီၣ်ကွၢ် တၢ်အီၣ်နီတဂၤဘၣ်.

²⁵ ဒီးကယဲၢ်ပှၤကီၢ်ဖိလဲၤလၢသ့ၣ်တဖုအကျါ, ဒီးကနဲ စီအိၣ်ဝဲလၢဟီၣ်ခိၣ်လီၤ. ²⁶ ဒီးတုၤပှၤဂီၢ်မုၢ်လဲၤနုာ်လၢ သ့ၣ်တဖုအကျါဒီး, ကွၢ်ကွၢ်, ကနဲစီလီၤစီၤလီၤ. ဒီးပှၤ တပာ်ဘၣ်အစုဆူအထးခိၣ်နီၣ်တဂၤဘၣ် အဂ့ၢ်ဒ်အံၤ, ပှၤဂီၢ်မုၢ်ပျံၤတၢ်ဆိၣ်န့ၣ်လီၤ.

²⁷ ဒီးစီၤယိနၤသၣ်တနၢ်ဟူဘၣ်အပၢ်ဒုးဆိၣ် ပှၤဂီၢ်မုၢ် ဘၣ်, ဒီးယူာ်ထီၣ်နီၣ်ထိးဘိအနါစ့ၤလၢအအိၣ်လၢအ စုပူၤဒီးဘျၢဝဲလၢကနဲအဒၢပူၤ, ဒီးပာ်အစုလၢအထး ခိၣ်, ဒီးအမဲာ်ကပီၤထီၣ်လီၤ.

²⁸ ဒီးပှၤလၢပှၤဂီၢ်မုၢ်အကျါတဂၤ ကတိၤတၢ်ဒီးစံးဝဲဒၣ်, နပၢ်ဒုးဆိၣ်ပှၤဂီၢ်မုၢ်သပှၢ်တၢၢ်, ဒီးစံးဝဲဒၣ်, ပှၤလၢအ အီၣ်တၢ်လၢမုၢ်မဆါတနံၤအံၤ, မ်အဘၣ်တၢ်ဆိၣ်အၢ တက့ၢ်. ဒီးပှၤဂီၢ်မုၢ်လီၤဘှါဝဲလီၤ.

²⁹ ဒီးစီၤယိနၤသၣ်စံးဝဲဒၣ်, ယပၢ်မၤတံာ်တာ်ထံဧိၤကီၢ် ဧိၤလီၤ. ယမဲာ်ကပီၤထီၣ်န့ၣ်ကွၢ်တက့ၢ်. အဂ့ၢ်ဒ်အံၤ, ယလ့ၣ်ကွၢ်ကနဲစီတစဲးန့ၣ်လီၤ. ³⁰ ပှၤဂီၢ်မုၢ်မ့ၢ်အီၣ်တၢ် ဒီးအီၣ်တၢ်လၢအဂုာ်န့ၢ်လၢမုၢ်မဆါတနံၤအံၤဒီး, ဂ့ၤ တက့ၢ်န့ၣ်ဆံးအါလဲၣ်. အဂ့ၢ်ဒ်အံၤ, တၢ်မၤသံပှၤဖ လ့ၡသးဖိကအိၣ်လံဒိၣ်တက့ၢ်. တမ့ၢ်ဘၣ်ဧါ.

³¹ ဒီးလၢမုၢ်တနံၤန့ၣ် ကျီကွံာ်ပှၤဖလ့ၡသးဖိလၢမံးက မၣ်ပၢၢ်လၢအၤယလိၣ်လီၤ. ဒီးပှၤဂီၢ်မုၢ်လီၤဘှါနးမး လီၤ.

³² ဒီးပှၤဂီၢ်မုၢ် ဃ့ၢ်သဖှိထီၣ်လၢတၢ်လၢအဂုာ်န့ၢ်အဖီ ခိၣ်, ဒီးဟံးန့ၢ်သိ, ဒီးမဲာ်တဲးလဲး, ဒီးဂီၤဖံး, ဒီးဂီၤဖံးဖိ, ဒီး မၤသံဝဲလၢဟီၣ်ခိၣ်အဖီခိၣ်, ဒီးပှၤဂီၢ်မုၢ်အီၣ်ဃုာ်အီၤ ဒီးအသွံၣ်လီၤ.

³³ ဒီးပှၤစံးဘၣ်စီၤစီလူးဒီးစံးဝဲဒၣ်, ကွၢ်ကွၢ်, ပှၤဂီၢ်မုၢ် အီၣ်တၢ်ဒီးအသွံၣ်, ဒီးမၤကမၣ်ဘၣ်ယွၤလီၤ. ဒီးစံးဝဲ ဒၣ်, သုမၤကမၣ်လံတၢ်လံ. တလ့ၣ်လၢၢ်ဖးဒိၣ်တဖျၢၣ် ဆူယအိၣ်လၢမုၢ်မဆါတနံၤအံၤတက့ၢ်.

³⁴ ဒီးစီၤစီလူးစံးဝဲဒၣ်, မၤလီၤပြံလီၤပြါလိာ်သုသးလၢ ပှၤဂီၢ်မုၢ်အကျါ, ဒီးစံးဘၣ်အီၤ, ဟဲစိာ်န့ၢ်ယၤဖဲအံၤ, တဂၤအဂီၤဖံး, တဂၤအဂီၤဖံး, ဒီးတဂၤအသိ, တဂၤအ သိ, ဒီးမၤသံတၢ်ဖဲအံၤ, ဒီးအီၣ်တၢ်တက့ၢ်. ဒီးအီၣ်တၢ် ဒီးအသွံၣ်ဒီး မၤကမၣ်ဘၣ်ယွၤတဂ့ၤ. ဒီးပှၤဂီၢ်မုၢ်ခဲ လၢာ်ဟဲစိာ်တဂၤအဂီၤဖံး, တဂၤအဂီၤဖံး, လၢမုၢ်တနၤ န့ၣ်, ဒီးမၤသံဝဲဖဲန့ၣ်လီၤ.

³⁵ ဒီးစီၤစီလူးမၤထီၣ်တၢ်လုၢ်လီၢ်လၢယွၤအဂီၢ်, ဒီးအဝဲ န့ၣ်မ့ၢ်တၢ်လုၢ်လီၢ် အဂံၢ်ခိၣ်တဖျၢၣ်လၢ အမၤဝဲလၢ ယွၤအဂီၢ်လီၤ.

³⁶ ဒီးစီၤစီလူးစံးဝဲဒၣ်, လဲၤပိာ်သကိးပှၤဖလ့ၡသးဖိအ ခံလၢမုၢ်နၤ, ဒီးမၤဟးဂီၤသကိးအီၤတုၤမုၢ်ဆ့ၣ်ထီၣ်တ က့ၢ်. မ်ပသုတပာ်လီၤတဲာ်နီတဂၤတဂ့ၤ. ဒီးပှၤစံးဝဲဒၣ်, မၤကယဲၢ်တၢ်လၢအဂ့ၤဝဲလၢနမဲာ်တက့ၢ်. ဒီးပှၤလုၢ် တၢ်အဒိၣ်စံးဝဲဒၣ်, သုးဘူးသကိးပသးဆူယွၤအအိၣ် တက့ၢ်.

³⁷ ဒီးစီၤစီလူးသံကွၢ်ယွၤ, ယကလဲၤလီၤပိာ်ပှၤဖလ့ၡသး ဖိအခံဧါန့ၣ်ဧါ. ဒီးတၢ်လၢမုၢ်တနံၤန့ၣ်တစံးဆၢဘၣ် တၢ်ဘၣ်.

³⁸ ဒီးစီၤစီလူးစံးဝဲဒၣ်, ပှၤဂီၢ်မုၢ်အခိၣ်ခဲလၢာ်သ့ၣ်ဧၢ, သုးဘူးသုသး, ဒီးမ့ၢ်တၢ်ကမၣ်မနုၤမနုၤလၢမုၢ်တနံၤ အံၤ, သ့ၣ်ညါဒီးကွၢ်တက့ၢ်. ³⁹ အဂ့ၢ်ဒ်အံၤ, ယွၤမူဝဲလၢ အအုၣ်က့ၤခီၣ်က့ၤအံၣ်စရ့လးန့ၣ်, မ့ၢ်အမ့ၢ်ယဖိခွါစီၤ ယိနၤသၣ်ဘၣ်ဆၣ်ဒီး, သံဒီးကသံလီၤ. ဒီးပှၤတစံး ဆၢဘၣ်အီၤလၢပှၤဂီၢ်မုၢ်အကျါနီတဂၤဘၣ်.

⁴⁰ ဒီးစံးဘၣ်အံၣ်စရ့လးခဲလၢာ်, အိၣ်သုဝဲလၢတခီ, ဒီး ယၤဒီးယဖိခွါစီၤယိနၤသၣ်ကအိၣ်တခီဒၣ်လီၤ. ဒီးပှၤ ဂီၢ်မုၢ်စံးဘၣ်စီၤစီလူး, မၤတၢ်လၢအဂ့ၤလၢ နမဲာ်တ က့ၢ်.

⁴¹ ဒီးစီၤစီလူးစံးဘၣ်ယွၤ, အံၣ်စရ့လးအကစၢ်ဟ့ၣ်လၢ် တၢ်လၢတၢ်ပှဲၤတက့ၢ်. ဒီးတၢ်ဟံးန့ၢ်စီၤစီလူးဒီးစီၤယိ နၤသၣ်, ဒီးပှၤဂီၢ်မုၢ်ပူၤဖျဲးဝဲလီၤ.

⁴² ဒီးစီၤစီလူးစံးဝဲဒၣ်, ဖးတၢ်ဒီးယၤဒီးယဖိခွါစီၤယိနၤ သၣ်အဂီၢ်တက့ၢ်. ဒီးတၢ်ဟံးန့ၢ်စီၤယိနၤသၣ်လီၤ.

⁴³ ဒီးစီၤစီလူးစံးဘၣ်စီၤယိၤနၤသၣ်, တၢ်လၢနမၤန့ၢ်ဒုး နဲၣ်ယၤတက့ၢ်. ဒီးစီၤယိနၤသၣ်ဒုးနဲၣ်အီၤ, ဒီးစံးဝဲဒၣ်, ထဲယအီၣ်ကွၢ်ကနဲစီတစဲးလၢ နီၣ်ထိးဘိအစိးနါလၢ အအိၣ်လၢယစုပူၤလီၤ. ကွၢ်ကွၢ်, ယဘၣ်သံလီၤ.

⁴⁴ ဒီးစီၤစီလူးစံးဝဲဒၣ်, ယွၤမၤဒ်န့ၣ်ဒီးမၤအါန့ၢ်ဒ်န့ၣ်တ က့ၢ်. အဂ့ၢ်ဒ်အံၤ, စီၤယိၤနၤသၣ်ဧၢ, သံဒီးနကသံလီၤ.

⁴⁵ ဒီးပှၤဂီၢ်မုၢ်စံးဘၣ်စီၤစီလူး, စီၤယိနၤသၣ်လၢအမၤ တၢ်အုၣ်က့ၤခီၣ်က့ၤတၢ်ဖးဒိၣ်လၢ အံၣ်စရ့လးအကျါ န့ၣ်ကသံစ့ၢ်ကီးဧါ, မ်တၢ်သုတမၤအသးဒ်န့ၣ်တဂ့ၤ. ယွၤမူဝဲန့ၣ်, အခိၣ်သူတဘၣ်လီၤတဲာ်ဆူဟီၣ်ခိၣ်နီတ ဘိဘၣ်. အဂ့ၢ်ဒ်အံၤ, မၤတၢ်ဒီးယွၤလၢမုၢ်တနံၤအံၤလီၤ. ဒီးပှၤဂီၢ်မုၢ်မၤန့ၢ်စီၤယိနၤသၣ်, ဒီးတသံဘၣ်ဝဲဘၣ်.

⁴⁶ ဒီးစီၤစီလူးက့ၤက့ၤဝဲလၢ အလူၤပှၤဖလ့ၡသးဖိ, ဒီး ပှၤဖလ့ၡသးဖိလဲၤဝဲဆူအလီၢ်ဒၣ်ဝဲန့ၣ်လီၤ.

⁴⁷ ဒီးစီၤစီလူးမၤန့ၢ်ဘီမုၢ်လၢ အံၣ်စရ့လးအဖီခိၣ်, ဒီး ဒုးသုးဒီးအဒုၣ်အဒါအိၣ်ဝးတရံးအီၤခဲလၢာ်, ဒီးမိၤအး, ဒီးပှၤဧၣ်မိၣ်ဖိ, ဒီးအဒိၣ်, ဒီးစိဘၤအစီၤပၤတဖၣ်, ဒီးပှၤ ဖလ့ၡသးဖိလီၤ. ဒီးဖဲအဃၣ်အသးဆူ ပှၤအအိၣ်န့ၣ် မၤဃၣ်တၢ်လီၤ.

⁴⁸ ဒီးမၤတၢ်ဆူၣ်ဆူၣ်ကလဲာ်, ဒီးကျီကွံာ်ပှၤဧမၤလ့းဖိ, ဒီးမၤပူၤမၤဖျဲးအံၣ်စရ့လး ဒီးပှၤလၢအမၤန့ၢ်ဆူၣ်အတၢ် တဖၣ်အစုပူၤလီၤ.

⁴⁹ ဒီးစီၤစီလူးအဖိခွါတဖၣ်န့ၣ် မ့ၢ်စီၤယိနၤသၣ်, ဒီးစီၤ ယံးၡဝံ, ဒီးစီၤမးလကံရှူၤလီၤ. ဒီးအဖိမုၣ်တဖၣ်အမံၤ န့ၣ်အဝဲၢ်ကိတဂၤအမံၤမ့ၢ်နီၢ်မ့ရ့ာ်, ဒီးအဆံးတဂၤအ မံၤမ့ၢ်နီၢ်မံၤကၤလးလီၤ.

⁵⁰ ဒီးစီၤစီလူးအမါစီၤအဃံမဧးအဖိမုၣ်အမံၤမ့ၢ် နီၢ်အ ဃံနိၣ်လီၤ. ဒီးအပှၤသုးမုၢ်အခိၣ်စီၤစီလူးအဖါတံၢ်စီၤ န့ၢ်အဖိခွါအမံၤမ့ၢ်စီၤအဘံန့ၣ်လီၤ.

⁵¹ ဒီးစီၤစီလူးအပၢ်မ့ၢ်စီၤကံၣ်, ဒီးစီၤအဘံန့ၢ်အပၢ်စီၤန့ၢ် န့ၣ်မ့ၢ်စီၤအဘံၤအ့လးအဖိခွါလီၤ.

⁵² ဒီးတၢ်ဒုးသုးထီဒါ ပှၤဖလ့ၡသးဖိန့ၣ်အိၣ်ဝဲဆူၣ်ဆူၣ် ကလဲာ်လၢစီၤစီလူးအမုၢ်နံၤခဲလၢာ် အဖၢမုၢ်လီၤ. ဒီး စီၤစီလူးမ့ၢ်ထံၣ်န့ၢ်ပှၤအဆူၣ်တဂၤဂၤ, ပှၤလၢအသးခူ တလ့ၢ်တဂၤဂၤဒီး, မၤန့ၢ်ဝဲလၢအဂီၢ်လီၤ.

၁၅

¹ ဒီးစီၤၡမူၤအ့လးစံးဘၣ်စီၤစီလူး, ယွၤမၤယဟဲဖှူနၤ လၢစီၤပၤလၢအပှၤဂီၢ်မုၢ်အဖီခိၣ်လီၤ. ဒီးခဲကနံၣ်အံၤ, ကနၣ်ယွၤအလုၢ်ကထါအသီၣ်န့ၣ်တက့ၢ်.

² ဒီးတၢ်သုးမုၢ်ဂီၢ်မုၢ်အယွၤစံးဝဲဒ်အံၤ, ယသ့ၣ်နီၣ်ထီၣ် တၢ်လၢဧမၤလ့းမၤအံၣ်စရ့လး, လၢအပာ်အသးထီဒါ အီၤလၢကျဲဖဲအဟဲထီၣ်လၢအဲၤကူပတူးအဖၢမုၢ်လီၤ.

³ ဒီးခဲကနံၣ်အံၤလဲၤတၢ်, ဒီးကျီကွံာ်ဧမၤလ့း, ဒီးမၤဟး ကယဲၢ်တၢ်လၢအအိၣ်ဒီးအီၤသပှၢ်တၢၢ်တက့ၢ်. ဒီးသး လီတၢ်တဂ့ၤ မၤသံတၢ်လၢပှၤပိာ်ခွါပၢၢ်လၢပှၤပိာ်မုၣ်, ဖိသၣ်ဒီးဖိအီၣ်နုၢ်, ဂီၤဖံးဒီးသိ, ဒီးကီၤလၤအူးဒီးက သ့ၣ်ယီၤန့ၣ်တက့ၢ်.

⁴ ဒီးစီၤစီလူးဒုးအိၣ်ဖှိၣ်ပှၤဂီၢ်မုၢ်, ဒီးဂံၢ်အီၤလၢတလၤ အံၣ်အပူၤ, ပှၤခီၣ်သုးဖိအိၣ်ခံကလီၢ်, ဒီးပှၤယူဒၤဖိတ ကလးလီၤ.

⁵ ဒီးစီၤစီလူးလဲၤဝဲဆူဧမၤလ့းအဝ့ၢ်တဖျၢၣ်, ဒီးအိၣ်ခိး ခူသူၣ်ဝဲလၢ ကစၢၢ်ကဆူးအပူၤလီၤ. ⁶ ဒီးစီၤစီလူးစံး ဘၣ်ပှၤက့ၣ်ဖိ, လဲၤတၢ်, ဟးထီၣ်ကွံာ်လၢပှၤဧမၤလ့းဖိ အကျါတက့ၢ်. ယကမၤဟးဂီၤကွံာ်ဘၣ်ဖုးသုဒီးအီၤလီၤ. အဂ့ၢ်ဒ်အံၤ, တုၤပှၤအံၣ်စရ့လးဖိ ဟဲထီၣ်လၢအဲၤကူပ တူးအပူၤဒီး, သုမၤအီၤလၢတၢ်ဘျုးတၢ်ဖှိၣ်ခဲလၢာ်လီၤ. ဒီးပှၤက့ၣ်ဖိဟးထီၣ်ကွံာ်လၢပှၤဧမၤလ့းဖိအကျါလီၤ.

⁷ ဒီးစီၤစီလူးကျီကွံာ်ပှၤဧမၤလ့းဖိလၢ ဃဝံၤလၢဖဲနလဲၤ နုာ်လၢရှူၢ်အပူၤ လၢအအိၣ်လၢအဲၤကူပတူးအမဲာ်ညါ န့ၣ်လီၤ. ⁸ ဒီးမၤန့ၢ်မူဒံးပှၤဧ့မၤလ့းဖိအစီၤပၤအၤကး, ဒီးမၤဟးဂီၤပှၤဂီၢ်မုၢ်ခဲလၢာ်လၢနးအကနၣ်လီၤ.

⁹ ဒီးစီၤစီလူးဒီးပှၤဂီၢ်မုၢ်သးလီစီၤအၤကး ဒီးတၢ်အဂ့ၤ လၢသိဒီးဂီၤဖံးဒီးဆၣ်ဖိကီၢ်ဖိ အဒၢအဘီၣ်အကျါ, ဒီး သိဖိတဖၣ်, ဒီးကယဲၢ်တၢ်လၢအဂ့ၤခဲလၢာ်, ဒီးတမၤ ဟးဂီၤကွံာ်အီၤဘၣ်. မ့မ့ၢ်ကယဲၢ်တၢ်လၢအအၢ, ဒီးတ ဂိာ်တသီၣ်ဘၣ်တၢ်ဘၣ်န့ၣ် မၤဟးဂီၤကွံာ်ဝဲလီၤ.

¹⁰ ဒီးယွၤအကလုၢ်ကထါအိၣ်ထီၣ်ဝဲဒီး စီၤၡမူၤအ့လး ဒီးစံးဝဲဒၣ်, ¹¹ မ့ၢ်ယပာ်စီၤစီလူးလၢစီၤပၤဒီး, ယပီၢ်ယၢ် လီၤက့ၤယသးလီၤ. အဂ့ၢ်ဒ်အံၤ, လၢတၢ်ပိာ်ယခံန့ၣ် ဃၣ်ကဒါက့ၤအသးလံ. ဒီးတတိၢ်န့ၢ်ဘၣ်ယတၢ်မၤ လိာ်ဘၣ်. ဒီးစီၤၡမူၤအ့လးအသးတမုာ်ဘၣ်, ဒီးကိး ထီၣ်ယွၤသီတနၤကျၢၤလီၤ.

¹² ဒီးစီၤၡမူၤအ့လးဂဲၤဆၢထၢၣ်ဂီၤဂီၤ ဒ်သိးအကလဲၤ သဂၢၢ်စီၤစီလူး, ဒီးပှၤဒုးနဲၣ်တၢ်လၢစီၤၡမူၤအ့လး, ဒီး စံးဝဲဒၣ်, စီၤစီလူးဟဲဆူကၢ်မ့ၤလး, ဒီးကွၢ်ကွၢ်, ပာ်လီၤ ဝဲလၢတၢ်ပနီၣ်လၢအဂီၢ်, ဒီးလဲၤဃၣ်တရံးအသး, ဒီး ခီဂာ်တၢ်, ဒီးလဲၤလီၤဆူကံးလကၤလးလီၤ.

¹³ ဒီးစီၤၡမူၤအ့လးလဲၤဆူစီၤစီလူးအအိၣ်, ဒီးစီၤစီလူး စံးဘၣ်အီၤ, မ်နဘၣ်တၢ်ဆိၣ်ဂ့ၤလၢယွၤတက့ၢ်. ယမၤ တ့ၢ်တၢ်လၢယွၤမၤလိာ်ဝဲလီၤ.

¹⁴ ဒီးစီၤၡမူၤအ့လးစံးဝဲဒၣ်, ဒီးသိကိးတၢ်လၢယနၢ်ပူၤဒီးဂီၤဖံးကိးတၢ်လၢယနၢ်ဟူန့ၣ်မ့ၢ်ဒ်လဲၣ်.

¹⁵ ဒီးစီၤစီလူးစံးဝဲဒၣ်, ပှၤဟဲစိာ်ဝဲလၢပှၤဧမၤလ့းဖိအ ကျါလီၤ. အဂ့ၢ်ဒ်အံၤ, ပှၤဂီၢ်မုၢ်သးလီတၢ်အဂ့ၤလၢသိဒီး ဂီၤဘုၣ်ဂီၤဖံးအကျါ, ဒ်သိးအကလုၢ်တၢ်လၢယွၤနက စၢ်, ဒီးတၢ်အိၣ်လီၤတဲာ်တဖၣ်န့ၣ် ပမၤဟးဂူာ်ဟးဂီၤ ကွံာ်လီၤ.

¹⁶ ဒီးစီၤၡမူၤအ့လးစံးဘၣ်စီၤစီလူး, အိၣ်ဒၣ်ကလိာ်, ဒီး ယကစံးဘၣ်နၤလၢ တၢ်လၢယွၤစံးဘၣ်ယၤလၢမုၢ်နၤ အံၤလီၤ. ဒီးစံးဘၣ်အီၤ, ကတိၤတၢ်တက့ၢ်.

¹⁷ ဒီးစီၤၡမူၤအ့လးစံးဝဲဒၣ်, နမ့ၢ်ပှၤအဆံးလၢနမဲာ်ညါ ဘၣ်ဆၣ်ဒီး, နကဲထီၣ်အံၣ်စရ့လးအဒူၣ်တဖၣ်အခိၣ်, ဒီးယွၤဖှူနၤလၢအံၣ်စရ့လးအစီၤပၤတမ့ၢ်ဘၣ်ဧါ. ¹⁸ ဒီး ယွၤမၢနလဲၤပိာ်ကျဲတဘိ, ဒီးစံး, လဲၤမၤဟးဂီၤကွံာ်ပှၤ တၢ်ဒဲးဘးဖိ, ပှၤဧမၤလ့းဖိ, ဒီးဒုးသုးဒီးအီၤတုၤအလၢာ် တက့ၢ်. ¹⁹ ဒီးနတဒိကနၣ်ဘၣ်ယွၤအကလုၢ်အကထါ ဘၣ်, ဒီးနဃ့ၢ်သဖှိဆူတၢ်ဂုာ်န့ၢ်အဖီခိၣ်, ဒီးမၤတၢ်အၢ လၢယွၤအမဲာ်န့ၣ်မ့ၢ်အဘၣ်မနုၤလဲၣ်.

²⁰ ဒီးစီၤစီလူးစံးဘၣ်စီၤၡမူၤအ့လး, ယဒိကနၣ်လံယွၤ အကလုၢ်လံ, ဒီးယလဲၤပိာ်လံကျဲလၢယွၤမၢယလဲၤလံ, ဒီးယဟဲစိာ်လံပှၤဧမၤလ့းဖိအစီၤပၤ စီၤအၤကးဒီးယ မၤဟးဂီၤကွံာ်ပှၤဧမၤလ့းဖိလံ. ²¹ မ့မ့ၢ်ပှၤဂီၢ်မုၢ်ဟံးန့ၢ် တၢ်လၢအဂုာ်န့ၢ်အကျါ, သိဒီးဂီၤဘုၣ်ဂီၤဖံး, တၢ်အခိၣ် တဖၣ်လၢတၢ်လၢအကတုၤလၢတၢ်ဟးဂီၤအကျါ, ဒ် သိးအကလုၢ်တၢ်လၢယွၤနကစၢ်လၢ ကံးလကၤလး လီၤ.

²² ဒီးစီၤၡမူၤအ့လးစံးဝဲဒၣ်, ဘၣ်ယွၤအသးလၢတၢ်လုၢ် မ့ၣ်အူ, ဒီးတၢ်လုၢ်, ထဲသိးဒီးအဘၣ်အသးလၢ တၢ်ဒိ ကနၣ်ယွၤအကလုၢ်အကထါန့ၣ်ဧါ. ကွၢ်ကွၢ်, ဒိကနၣ် တၢ်န့ၣ်ဂ့ၤန့ၢ်လုၢ်တၢ်, ဒီးစူၢ်တၢ်န့ၣ်ဂ့ၤန့ၢ်သိဖါအသိ တက့ၢ်လီၤ. ²³ အဂ့ၢ်ဒ်အံၤ, တၢ်ပူထီၣ်န့ၣ်ထဲသိး ဒီးစုာ် တၢ်ကၢ်တၢ်အတၢ်ဒဲးဘး, ဒီးတၢ်အနၢ်က့ၣ်န့ၣ်ထဲသိး ဒီးတၢ်ဂီၤတရၤဖးအတၢ်အၢလီၤ. မ့ၢ်နညိကွံာ်ယွၤအ ကလုၢ်ကထါဒီး, ယွၤညိကွံာ်နၤလၢစီၤပၤအလီၢ်လီၤ.

²⁴ ဒီးစီၤစီလူးစံးဘၣ် စီၤၡမူၤအ့လး, ယမၤကမၣ်ဘၣ်လံ တၢ်လံ. အဂ့ၢ်ဒ်အံၤ, ယလုၢ်သ့ၣ်ခါပတာ်ယွၤအတၢ်မၤ လိာ်, ဒီးနကလုၢ်ကထါလံ. အဂ့ၢ်ဒ်အံၤ, ယပျံၤပှၤဂီၢ်မုၢ်, ဒီးယဒိကနၣ် အကလုၢ်အကထါလီၤ. ²⁵ ဒီးခဲကနံၣ် အံၤပျၢ်ယတၢ်ကမၣ်တက့ၢ်. ဒီးက့ၤဒီးယၤဒ်သိးယက ဘူၣ်ထီၣ်ဘါထီၣ်ယွၤတက့ၢ်.

²⁶ ဒီးစီၤၡမူၤအ့လး စံးဘၣ်စီၤစီလူး, ယတက့ၤဘၣ်ဒီးနၤ ဘၣ်. အဂ့ၢ်ဒ်အံၤ, နညိကွံာ်ယွၤအကလုၢ်ကထါလံ, ဒီး ယွၤညိကွံာ်နၤလၢစီၤပၤအလီၢ်လၢအံၣ်စရ့လး အဖီခိၣ် လံ.

²⁷ ဒီးစီၤၡမူၤအ့လးဃၣ်အသးဒ်သိး အကလဲၤတၢ်, ဒီး အဝဲဒၣ်ဟံးဃာ်အယၣ်အဃၢၤ, ဒီးဖှီဝဲလီၤ.

²⁸ ဒီးစီၤၡမူၤအ့လးစံးဘၣ်အီၤ, ယွၤဖှီကွံာ်အံၣ်စရ့လး အဘီမုၢ်လၢနၤလၢမုၢ်တနံၤအံၤ, ဒီးဟ့ၣ်လီၤအီၤလၢပှၤ လၢနဃၢၤတဂၤလၢအဂ့ၤန့ၢ်နၤတက့ၢ်လီၤ. ²⁹ ဒီးအံၣ် စရ့လးအတၢ်မ့ၢ်တၢ်တီတဂၤန့ၣ် တကတိၤကဘျံးက ဘျၣ်ဘၣ်, ဒီးတပီၢ်ယၢ်လီၤက့ၤဘၣ်အသးဘၣ်. အဂ့ၢ် ဒ်အံၤ, တမ့ၢ်ဘၣ်ပှၤကညီလၢအကပီၢ်ယၢ်လီၤက့ၤအ သးဘၣ်.

³⁰ ဒီးစံးဝဲဒၣ်, ယမၤကမၣ်တၢ်လံ. ဘၣ်ဆၣ်ဒီးခဲကနံၣ် အံၤဒုးလၤဒုးကပီၤလၢ်ယၤလၢ ယပှၤဂီၢ်မုၢ်အသးပှၢ်တ ဖၣ်အမဲာ်ညါ, ဒီးလၢအံၣ်စရ့လးအမဲာ်ညါ, ဒီးက့ၤဒီး ယၤ, ဒ်သိးယကဘူၣ်ထီၣ်ဘါထီၣ်ယွၤနကစၢ်န့ၣ်တ က့ၢ်.

³¹ ဒီးစီၤၡမူၤအ့လးက့ၤပိာ်စီၤစီလူးအခံ, ဒီးစီၤစီလူးဘူၣ် ထီၣ်ဘါထီၣ်ယွၤလီၤ.

³² ဒီးစီၤၡမူၤအ့လးစံးဝဲဒၣ်, ဟဲစိာ်ပှၤဧမၤလ့းဖိအစီၤ ပၤအၤကးဆူယအိၣ်တက့ၢ်. ဒီးစီၤအၤကးဟဲဝဲကစၢ် ကစၢ်, ဒီးစီၤအၤကးစံးဝဲဒၣ်, မ့ၢ်မးတၢ်သံအတၢ်နး တၢ်ဖှီၣ်ပူၤကွံာ်လံ.

³³ ဒီးစီၤၡမူၤအ့လးစံးဝဲဒၣ်, ဒ်နနးမၢပိာ်မုၣ်ကဲထီၣ်ပှၤ အဖိတအိၣ်ဘၣ်အသိးန့ၣ် နမိၢ်ကကဲထီၣ်ပှၤအဖိတ အိၣ်ဘၣ်တဂၤလၢ ပိာ်မုၣ်အကျါဒ်န့ၣ်အသိးလီၤ. ဒီး စီၤၡမူၤအ့လးဒီၣ်တဲာ်ကွံာ် စီၤအၤကးတကူာ်တကူာ် လၢယွၤအမဲာ်ညါလၢကံးလကၤလးအပူၤလီၤ.

³⁴ ဒီးစီၤၡမူၤအ့လးလဲၤထီၣ်ဆူရၤမါ, ဒီးစီၤစီလူးလဲၤ ထီၣ်ဆူအဟံၣ်ဖဲကံဘဧၤစီလူးလီၤ.

³⁵ ဒီးစီၤၡမူၤအ့လး တဟဲထံၣ်လၢၤဘၣ် စီၤစီလူးတုၤ လီၤလၢမုၢ်တနံၤလၢအသံန့ၣ်လီၤ. ဘၣ်ဆၣ်ဒီးစီၤၡမူၤ အ့လးအသးအုးလၢ စီၤစီလူးအဃိလီၤ. ဒီးယွၤပီၢ်ယၢ် လီၤက့ၤအသးလၢ အပာ်စီၤစီလူးလၢစီၤပၤလၢပှၤအံၣ် စရ့လးဖိအဖီခိၣ်အဃိလီၤ.

၁၆

¹ ဒီးယွၤစံးဘၣ်စီၤၡမူၤအ့လး, နသးကအုးလၢစီၤစီလူး အဃိဆံးယံာ်လဲၣ်, အဂ့ၢ်ဒ်အံၤ, ယညိကွံာ်အီၤလၢစီၤ ပၤအလီၢ်လၢ အံၣ်စရ့လးအဖီခိၣ်လံ. မၤပှဲၤနနၢၤတ ကျီၣ်ဒီးသိ, ဒီးလဲၤတၢ်တက့ၢ်. ယကဒုးလဲၤနၤဆူ ပှၤဘ့ၤသလ့ဃ့ၣ်ဖိစီၤယံးၡဲအအိၣ်လီၤ. အဂ့ၢ်ဒ်အံၤ, ယ ထံၣ်န့ၢ်စီၤပၤလၢယဂီၢ်လၢအဖိခွါအကျါလံ. ဒီးစီၤၡမူၤအ့လးစံးဝဲဒၣ်, ယကလဲၤဒ်လဲၣ်. ဒီးစီၤစီလူး မ့ၢ်နၢ်ဟူဒီး, ကမၤသံယၤလီၤ. ဒီးယွၤစံးဝဲဒၣ်, ဟံးန့ၢ်ဂီၤ ဖံးမိၢ်တဒုးဒီးနၤ, ဒီးစံး, ယဟဲလုၢ်တၢ်လၢယွၤလီၤ. ² ဒီးစီၤၡမူၤအ့လးစံးဝဲဒၣ်, ယကလဲၤဒ်လဲၣ်. ဒီးစီၤစီလူးမ့ၢ်နၢ်ဟူဒီး, ကမၤသံယၤလီၤ. ဒီးယွၤစံးဝဲဒၣ်, ဟံးန့ၢ်ဂီၤဖံးမိၢ်တဒုးဒီးနၤ, ဒီးစံး, ယဟဲလုၢ်တၢ်လၢယွၤလီၤ.―

³ ဒီးကိးန့ၢ်စီၤယံးၡဲဆူတၢ်လုၢ်, ဒီးနဘၣ်မၤဒ်လဲၣ်ဒ်လဲၣ် န့ၣ်ယကဒုးနဲၣ်နၤလီၤ. ဒီးနဘၣ်ဖှူပှၤလၢယကစံးဘၣ် နၤလၢယဂီၢ်လီၤ.

⁴ ဒီးစီၤၡမူၤအ့လးမၤတၢ်လၢယွၤကတိၤတၢ်, ဒီးဟဲဆူ ဘ့ၤသလ့ဃ့ၣ်, ဒီးဝ့ၢ်အပှၤသူၣ်က့သးပှၢ် ကနိးကစုာ် လၢအဟဲတၢ်အဃိ, ဒီးစံးဝဲဒၣ်, နဟဲဒီးတၢ်ဃူတၢ်ဖိး န့ၣ်ဧါ.

⁵ ဒီးစံးဝဲဒၣ်, ယဟဲဒီးတၢ်ဃူတၢ်ဖိးဒ်သိးယကလုၢ်တၢ် လၢယွၤအဂီၢ်လီၤ. မၤစီဆှံလီၤသုသး, ဒီးဟဲဒီးယၤ ဆူတၢ်လုၢ်တက့ၢ် ဒီးအဝဲဒၣ်မၤစီဆှံစီၤယံးၡဲအဖိခွါ တဖၣ်, ဒီးကိးအီၤဆူတၢ်လုၢ်တၢ်လီၤ.

⁶ ဒီးတၢ်မၤအသးတုၤအဝဲသ့ၣ်ဟဲဒီး, အဝဲဒၣ်ကွၢ်စီၤ အလံအာ်ဒီးစံးဝဲဒၣ်, မ့ၢ်မးယွၤအပှၤဒိးတၢ်ဖှူအသးတ ဂၤအိၣ်ဝဲလၢယမဲာ်ညါလီၤ.

⁷ ဒီးယွၤစံးဘၣ်စီၤၡမူၤအ့လး, အမဲာ်အက့ၢ်အဂီၤ, ဒီး အနီၢ်ထီန့ၣ်ကွၢ်တဂ့ၤ. မ့ၢ်ယညိကွံာ်လံအီၤအဂ့ၢ်လီၤ. အဂ့ၢ်ဒ်အံၤ, ယတထံၣ်ဘၣ်တၢ်ဒ်ပှၤကညီထံၣ်ဝဲအသိး န့ၣ်ဘၣ်. အဂ့ၢ်ဒ်အံၤ, ပှၤကညီကွၢ်ပှၤအမဲာ်, မ့မ့ၢ်ယွၤ ကွၢ်ပှၤအသးလီၤ.

⁸ ဒီးစီၤယံးၡဲကိးန့ၢ်စီၤအဘံးနဒာ်, ဒီးဒုးလဲၤပူၤကွံာ်အီၤ လၢစီၤၡမူၤအ့လးအမဲာ်ညါလီၤ. ဒီးစံးဝဲဒၣ်, ယွၤတဃု ထၢစ့ၢ်ကီးဘၣ်အဝဲတဂၤအံၤဘၣ်.

⁹ ဒီးစီၤယံးၡဲ ဒုးလဲၤပူၤကွံာ်စီၤၡးမၤလီၤ. ဒီးစံးဝဲဒၣ်, ယွၤတဃုထၢစ့ၢ်ကီးဘၣ်အဝဲတဂၤအံၤဘၣ်.

¹⁰ ဒီးစီၤယံးၡဲဒုးလဲၤပူၤကွံာ် အဖိခွါနွံဂၤလၢစီၤၡမူၤအ့ လးအမဲာ်ညါလီၤ. ဒီးစီၤၡမူၤအ့လးစံးဘၣ်စီၤယံးၡဲ, ယွၤတဃုထၢဘၣ်အဝဲသ့ၣ်တဖၣ်အံၤဘၣ်.

¹¹ ဒီးစီၤၡမူၤအ့လး စံးဘၣ်စီၤယံးၡဲ, ဖိၣ်သၣ်ခွါတဖၣ် လၢာ်လံဧါ. ဒီးစံးဝဲဒၣ်, ဖိသဒါတဂၤအိၣ်ဒံး, ဒီးကွၢ် ကွၢ်, အဝဲဒၣ်ကွၢ်သိဒီးမဲာ်တဲးလဲးလီၤ. ဒီးစီၤၡမူၤအ့ လးစံးဝဲဒၣ်, မၢပှၤလဲၤမၤန့ၢ်အီၤတက့ၢ်. အဂ့ၢ်ဒ်အံၤ, တချုးအဟဲဒံးဘၣ်ဖဲအံၤဒီး, ပတဆ့ၣ်နီၤဘၣ်.

¹² ဒီးမၢပှၤလဲၤဟဲစိာ်အီၤလီၤ. ဒီးအဝဲဒၣ်တဂၤန့ၣ်ဂီၤဝဲ, ဒီးအမဲာ်မ့ၢ်အဃံအလၤ, ဒီးပကွၢ်အီၤဂ့ၤလီၤ. ဒီးယွၤ စံးဝဲဒၣ်, ဂဲၤဆၢထၢၣ်ဖှူအီၤတက့ၢ်. အဂ့ၢ်ဒ်အံၤ, အဝဲဒၣ် အံၤမ့ၢ်ပှၤတဂၤန့ၣ်လီၤ.

¹³ ဒီးစီၤၡမူၤအ့လးဟံးန့ၢ်နၢၤအိၣ်ဒီးသိတကျီၣ်, ဒီးဖှူ အီၤလၢအဒီပုၢ်ဝဲၢ်အကျါလီၤ. ဒီးယွၤအသးလီၤဘၣ် လၢစီၤဒၤဝံးအလိၤလၢမုၢ်တနံၤန့ၣ်လံၤလံၤလီၤ. ဒီးစီၤ ၡမူၤအ့လးဂဲၤဆၢထၢၣ်, ဒီးလဲၤထီၣ်ဝဲဆူရၤမါလီၤ.

¹⁴ ဒီးယွၤအသးဟးထီၣ်ကွံာ်လၢစီၤစီလူးအလိၤ, ဒီးသး အၢတမံၤလၢယွၤန့ၣ်မၤကိၢ်မၤဂီၤအီၤလီၤ. ¹⁵ ဒီးစီၤစီ လူးအခ့အပှၤစံးဘၣ်အီၤ, ကွၢ်ကွၢ်, သးအၢတမံၤလၢ ယွၤန့ၣ်မၤကိၢ်မၤဂီၤနၤလီၤ. ¹⁶ မ်ပကစၢ်မၤလိာ်နခ့နပှၤ လၢနမဲာ်ညါ, ဒ်သိးအကဃုန့ၢ်ပှၤလၢအသ့ၣ်ညါဒ့တ နၢ်တက့ၢ်. ဒီးတုၤသးအၢတမံၤလၢယွၤန့ၣ်အိၣ်လၢန လိၤဒီး, တၢ်ကမၤအသးလၢအဝဲဒၣ်တဂၤန့ၣ် ကဒ့ တၢ်လၢအစု, ဒီးနကဘျါက့ၤလီၤ.

¹⁷ ဒီးစီၤစီလူးစံးဘၣ်အခ့အပှၤ, ဃုန့ၢ်ယၤလၢပှၤလၢ အဒ့တၢ်ဧ့ၢ်ဂ့ၤတဂၤ, ဒီးဟဲစိာ်အီၤဖဲအံၤတက့ၢ်.

¹⁸ ဒီးအခ့အပှၤတဂၤစံးဆၢတၢ်, ဒီးစံးဝဲဒၣ်, ကွၢ်ကွၢ် ယထံၣ်ဘၣ်လံပှၤဘ့ၤသလ့ဃ့ၣ်ဖိ စီၤယံးၡဲအဖိခွါတ ဂၤလၢအသ့ၣ်ညါဒ့တၢ်, ဒီးမ့ၢ်ဝဲလၢပှၤအဆူၣ်, ဒီးပှၤ အသးခူတလ့ၢ်, ဒီးပှၤသုးဖိ, ဒီးပှၤအသူၣ်ဆးအသး ဆး, ဒီးအက့ၢ်အဂီၤဂ့ၤ, ဒီးယွၤအိၣ်ဒီးအီၤလီၤ.

¹⁹ ဒီးစီၤစီလူးမၢကလူးတဖၣ် လဲၤဆူစီၤယံးၡဲအအိၣ်, ဒီးစံးဝဲဒၣ်, မၢနဖိခွါလၢအအိၣ်ဒီး သိဒီးမဲာ်တဲးလဲး, စီၤဒၤဝံးတဂၤ, ဟဲဆူယအိၣ်တက့ၢ်.

²⁰ ဒီးစီၤယံးၡဲဟံးန့ၢ်ကသ့ၣ်ယီၤတဒုအိၣ်ဒီးကိၣ်, ဒီးစ ပံးထံထၢၣ်တၢ်ဖံးတဖျၢၣ်, ဒီးမဲာ်တဲးလဲးဖိတဒု, ဒီးဟ့ၣ် ယုၢ်ဝဲလၢစီၤစီလူးလၢအဖိခွါစီၤဒၤဝံးန့ၣ်လီၤ.

²¹ ဒီးစီၤဒၤဝံးဟဲဝဲဆူစီၤစီလူးအအိၣ်, ဒီးဆၢထၢၣ်လၢ အမဲာ်ညါလီၤ. ဒီးအဝဲဒၣ်အဲၣ်အီၤဒိၣ်မးလီၤ. ဒီးကဲထီၣ် ဝဲလၢအပှၤစိာ်အစုကဝဲၤလီၤ.

²² ဒီးစီၤစီလူးမၢပှၤလဲၤဆူ စီၤယံးၡဲအအိၣ်ဒီးစံးဝဲဒၣ်, ဒုးဆၢထၢၣ်လၢ်စီၤဒၤဝံးလၢယမဲာ်ညါတက့ၢ်. အဂ့ၢ် ဒ်အံၤ, ဘၣ်ဘျုးဘၣ်ဖှိၣ်လၢယမဲာ်လီၤ.

²³ ဒီးတုၤသးအၢတမံၤလၢ ယွၤအိၣ်ဝဲလၢ စီၤစီလူးအ လိၤဒီး, တၢ်မၤအသးလၢစီၤဒၤဝံးဟံးန့ၢ်တနၢ်တဆိ, ဒီး ဒ့တၢ်လၢအစု, ဒီးစီၤစီလူးအသးမုာ်ထီၣ်က့ၤ, ဒီးတၢ် ဂ့ၤထီၣ်က့ၤလၢအဂီၢ်, ဒီးသးအၢတမံၤန့ၣ်ဟးထီၣ်ကွံာ် လၢအအိၣ်လီၤ.

၁၇

¹ ဒီးပှၤဖလ့ၡသးဖိဒုးအိၣ်ဖှိၣ် အပှၤသုးမုၢ်ဒ်သိးအက ဒုးသုးတၢ်, ဒီးအိၣ်ဖှိၣ်ရိဖှိၣ်ဖဲၡိကိၤလၢအဘၣ်ဃးဒီး ယူဒၤ, ဒီးသူၣ်ဒဲလၢၡိကိၤဒီးဧစ့ကၤအဘၢၣ်စၢၤလၢအ့ ဖ့းစဒးမံၣ်အပူၤလီၤ.

² ဒီးစီၤစီလူးဒီးပှၤအံၣ်စရ့လးဖိအိၣ်ဖှိၣ်ရိဖှိၣ်, ဒီးသူၣ် ဒဲလၢတၢ်ပၢၤခိၣ်အ့လၤ, ဒီးကတဲာ်ကတီၤတၢ်ဒ်သိး အကသဂၢၢ်ဒုးသုးဒီးပှၤဖလ့ၡသးဖိလီၤ.

³ ဒီးပှၤဖလ့ၡသးဖိဆၢထၢၣ်ဝဲလၢကစၢၢ်လိၤ လၢအဝဲ တခီ, ဒီးအံၣ်စရ့လးဆၢထၢၣ်လၢကစၢၢ်လိၤလၢအဝဲ တခီ, ဒီးကစၢၢ်ကဆူးအိၣ်ဝဲလၢအဘၢၣ်စၢၤလီၤ.

⁴ ဒီးပှၤလၢခံခီအဘၢၣ်စၢၤတဂၤဟဲထီၣ်လၢ ပှၤဖလ့ၡ သးဖိသူၣ်ဒဲအလီၢ်လီၤ. အမံၤမ့ၢ် စီၤကၤလယးလၢ ကၤသး, ဒီးအနီၢ်ထီဃုပျၢ်ဒီးတထါလီၤ.

⁵ ဒီးအိၣ်ဒီးအခိၣ် ဖျီၣ်သုးတိၢ်လၢအခိၣ်, ဒီးသိးဒီးဆ့ သဃိး, ဒီးဆ့သဃိးန့ၣ်လီၤတယၢၢ်ၡက့လးတိၢ်ယဲၢ် ကထိ, ⁶ ဒီးသဃိးအိၣ်ဝဲလၢအခီၣ်ဒုၣ်အလိၤ, ဒီးဘီဖိ တိၢ်အိၣ်ဝဲလၢအဖံဘၣ်ခိၣ်န့ၣ်လီၤ. ⁷ ဒီးအဘီအတိၢ် မၤသးဒ်ထၣ်အဘီတဘိအသိး, ဒီးအဘီအကနၣ်န့ၣ် လီၤသယၢၢ်ၡက့လးထးဃုကယၤလီၤ. ဒီးပှၤစိာ်က တီၤတဘ့ၣ်လဲၤလၢအမဲာ်ညါလီၤ.

⁸ ဒီးဆၢထၢၣ်ဝဲ, ဒီးကိးထီၣ်ဆူအံၣ်စရ့လးအသုးမုၢ်, ဒီးစံးဘၣ်အီၤ, သုဟဲထီၣ်ကတဲာ်ကတီၤတၢ်ဒ်သိးသု ကဒုးသုးဘၣ်မနုၤလဲၣ်. ယမ့ၢ်ပှၤဖ့လၡသးဖိ, ဒီးသု မ့ၢ်စီၤစီလူးအခ့အပှၤ, တမ့ၢ်ဘၣ်ဧါ. ဃုထၢပှၤတဂၤ လၢသုဂီၢ်, ဒီးဒုးဟဲလီၤအီၤဆူယအိၣ်တက့ၢ်. ⁹ ဒုးတၢ် ဒီးယၤမ့ၢ်သ့, ဒီးမ့ၢ်မၤသံယၤဒီး, ပကကဲထီၣ်သုကုၢ် သုပှၤလီၤ. မ့မ့ၢ်ပမ့ၢ်မၤနၢၤအီၤ, ဒီးမၤသံအီၤဒီး, သုက ကဲထီၣ်ပကုၢ်ပပှၤ, ဒီးမၤပတၢ်လီၤ.

¹⁰ ဒီးပှၤဖလ့ၡသးဖိတဂၤန့ၣ်စံးဝဲဒၣ်, ယမၤတရီတပါ အံၣ်စရ့လးအသုးမုၢ်လၢမုၢ်မဆါတနံၤအံၤလီၤ. ဟ့ၣ် ယၤလၢပှၤတဂၤဒ်သိးပကဒုးလိာ်ပသးတက့ၢ်.

¹¹ ဒီးတုၤစီၤစီလူးဒီးအံၣ်စရ့လးခဲလၢာ် နၢ်ဟူပှၤဖလ့ ၡသးဖိအတၢ်ကတိၤန့ၣ်ဒီး, အသူၣ်အုးသးအုး, ဒီးပျံၤ တၢ်ဒိၣ်မးလီၤ.

¹² ဒီးစီၤဒၤဝံးအပၢ်မ့ၢ်ပှၤအ့ဖရးသးဖိလၢ ဘ့ၤသလ့ဃ့ၣ် ယူဒၤအပူၤ, ဒီးအမံၤမ့ၢ်စီၤယံးၡဲလီၤ. ဒီးအိၣ်ဒီးအဖိခွါ ဃိးဂၤ, ဒီးလၢစီၤစီလူးအမုၢ်နံၤတဖၣ်န့ၣ် မ့ၢ်ပှၤသး ပှၢ်လၢပှၤကညီအကျါလီၤ.

¹³ ဒီးစီၤယံးၡဲအဖိခွါလၢ အသးပှၢ်ကတၢၢ်သၢဂၤပိာ်စီၤ စီလူးအခံဆူတၢ်ဒုးသုးအပူၤလီၤ. ဒီးပှၤလၢအလဲၤဆူ တၢ်ဒုးသုးအပူၤတဖၣ်န့ၣ် အဝဲၢ်ကိအမံၤမ့ၢ်စီၤအ့လံ အာ်တဂၤ, ဒီးစီၤအဘံနဒာ်ခံဂၤတဂၤ, ဒီးစီၤၡးမၤသၢ ဂၤတဂၤလီၤ. ¹⁴ ဒီးစီၤဒၤဝံးမ့ၢ်ပှၤအသးစၢ်ကတၢၢ်, ဒီး ပှၤအသးပှၢ်ကတၢၢ်သၢဂၤန့ၣ်ပိာ်စီၤစီလူးအခံလီၤ.

¹⁵ ဒီးစီၤဒၤဝံးလဲၤတၢ်ဒီးက့ၤတၢ်လၢ စီၤစီလူးအအိၣ်, ဒ် သိးအကကွၢ်အပၢ်အသိဒီးမဲးတဲးလဲးတဖၣ်လၢဘ့ၤသ လ့ဃ့ၣ်အပူၤလီၤ.

¹⁶ ဒီးပှၤဖလ့ၡသးဖိတဂၤန့ၣ် သုးဘူးအသးလၢမုၢ်ဂီၤ တဘျီ, ဒီးမုၢ်ဟါတဘျီ, ဒီးပာ်ဆၢထၢၣ်အသးအနံၤ လွံၢ်ဆံလီၤ.

¹⁷ ဒီးစီၤယံးၡဲစံးဘၣ်အဖိခွါစီၤဒၤဝံး, ဟံးန့ၢ်ဘုဝဲာ်အ သးအံၤပှဲၤထီၣ် တအ့ဖးလၢနဒီပုၢ်ဝဲၢ်အဂီၢ်, ဒီးကိၣ်ဆံ ဆဲၣ်လိၣ်အံၤ, ဒီးဃ့ၢ်ဆူပှၤသူၣ်ဒဲအလီၢ်ဆူ နဒီပုၢ်ဝဲၢ် အအိၣ်တက့ၢ်. ¹⁸ ဒီးစိာ်တၢ်နုၢ်ထံလီၤသကၤ ဆံဆဲၣ် လိၣ်ဆူပှၤတကထိအခိန့ၣ်, ဒီးကွၢ်နဒီပုၢ်ဝဲၢ် အအိၣ် မုာ်အဂ့ၢ်, ဒီးဟံးန့ၢ်အပနီၣ်တမံၤတက့ၢ်.

¹⁹ ဒီးစီၤစီလူးဒီးအဝဲၢ်သ့ၣ်ဒီး အံၣ်စရ့လးအပှၤကညီခဲ လၢာ်အိၣ်ဝဲလၢ တၢ်ပၢၤခိၣ်အ့လၤ, ဒီးဒုးသုးဒီးပှၤဖလ့ ၡသးဖိလီၤ. ²⁰ ဒီးလၢမုၢ်ဆ့ၣ်ထီၣ်န့ၣ် စီၤဒၤဝံးဂဲၤဆၢထၢၣ်ဂီၤဂီၤ, ဒီးပာ်လီၤတဲာ်သိဒီးမဲာ်တဲးလဲး အိၣ်ဒီးပှၤကွၢ်သိဖိတဂၤ, ဒီးဟံးန့ၢ်တၢ်, ဒီးလဲၤတၢ်ဒ်စီၤယံးၡဲမၤလိာ်အီၤအသိးန့ၣ်, ဒီးဟဲတုၤဝဲလၢ လ့ၣ်အိၣ်ဖှိၣ်အလီၢ်ဖဲပှၤသုးမုၢ်လဲၤဒုးသုး, ဒီးကိးပသူထီၣ်လၢဒုးသုးအဖၢမုၢ်လီၤ.―

²¹ အဂ့ၢ်ဒ်အံၤ, အံၣ်စရ့လးဒီးပှၤဖလ့ၡသးဖိကတဲာ်က တီၤလၢတၢ်ဒုးသုးအဂီၢ်, ဒ်သိးတၢ်သုးမုၢ်န့ၣ်ကလဲၤ သဂၢၢ်လိာ်အသးလီၤ.

²² ဒီးစီၤဒၤဝံးပာ်လီၤတဲာ်အတၢ်ဖိတၢ်လံၤလၢ ပှၤကွၢ် တၢ်ဖိတၢ်လံၤအစုပူၤ, ဒီးဃ့ၢ်ဝဲဆူပှၤသုးမုၢ်အကျါ, ဒီး ဟဲကတိၤဒိၣ်အဒီပုၢ်ဝဲၢ်လီၤ.

²³ ဒီးကတိၤတၢ်ဒီးအီၤအဖၢမုၢ်ဒီး, ကွၢ်ကွၢ်, ပှၤလၢခံခီ အဘၢၣ်စၢၤတဂၤဟဲထီၣ်, (ပှၤဖလ့ၡသးဖိလၢကၤသး န့ၣ်အမံၤမ့ၢ်စီၤကၤလယး,) လၢပှၤဖလ့ၡသးဖိအသုး မုၢ်အကျါ, ဒီးကတိၤတၢ်ကတိၤတဖၣ်ဒ်လီၢ်လီၢ်လီၤ. ဒီးစီၤဒၤဝံးနၢ်ဟူဝဲလီၤ.

²⁴ ဒီးကယဲၢ်အံၣ်စရ့လးအပှၤကညီခဲလၢာ်, တုၤအထံၣ် ဘၣ်ပှၤတဂၤန့ၣ်ဒီး, ဃ့ၢ်ဝဲလၢအအိၣ်, ဒီးပျံၤတၢ်ဒိၣ် မးလီၤ.

²⁵ ဒီးအံၣ်စရ့လးအပှၤကညီစံးဝဲဒၣ်, ပှၤလၢအဟဲထီၣ် တဂၤန့ၣ်သုထံၣ်ဘၣ်လံဧါ. မ့ၢ်ဒ်သိးအကမၤတရီတ ပါအံၣ်စရ့လးဒီး, ဟဲထီၣ်ဝဲလီၤ. ဒီးပှၤလၢအမၤသံအီၤ တဂၤ, တၢ်ကမၤအသးလၢစီၤပၤကဒုးထူးဒုးတီၤအီၤ အိၣ်ဒီးတၢ်ထူးတၢ်တီၤဖးဒိၣ် ဒီးကဟ့ၣ်လီၤအီၤလၢအ ဖိမုၣ်, ဒီးကပာ်အပၢ်အပှၤဟံၣ်ဖိလၢ ပှၤသဘျ့ဖိလၢ အံၣ်စရ့လးအကျါလီၤ.

²⁶ ဒီးစီၤဒၤဝံးကတိၤတၢ်ဒီး ပှၤလၢအဆၢထၢၣ်လၢအ ဃၢၤတဖၣ်, ဒီးစံးဝဲဒၣ်, ပှၤလၢအမၤသံပှၤဖလ့ၡသးဖိ တဂၤန့ၣ်, ဒီးစိာ်ထီၣ်ကွံာ်တၢ်ဒုၣ်ဒွဲၣ်လၢ အံၣ်စရ့လး အလိၤန့ၣ်တၢ်ကမၤအီၤဒ်လဲၣ်. အဂ့ၢ်ဒ်အံၤ, ပှၤဖလ့ၡ သးဖိလၢအတဒိးဘၣ်တၢ်ကူးတရံးတဂၤ, ဒ်သိးအက မၤတရီတပါယွၤလၢအမူဝဲတဂၤအသုးမုၢ်န့ၣ် မ့ၢ်မတၤ တဂၤလဲၣ်.

²⁷ ဒီးပှၤဂီၢ်မုၢ်စံးဆၢအီၤဒ်တၢ်ကတိၤန့ၣ်အသိး, ဒီးစံး ဝဲဒၣ်, တၢ်ကမၤပှၤလၢအမၤသံအီၤတဂၤဒ်န့ၣ်လီၤ.

²⁸ ဒီးလၢအကတိၤတၢ်ဒီး ပှၤကညီန့ၣ် အဝဲအဝဲၢ်ကိ စီၤအ့လံအာ်နၢ်ဟူဝဲ, ဒီးစီၤအ့လံအာ်အသးထီၣ်ကဲၤ ထီၣ်ဘၣ်စီၤဒၤဝံး, ဒီးစံးဝဲဒၣ်, နဟဲလီၤဖဲအံၤဘၣ်မ နုၤလဲၣ်. ဒီးနပာ်လီၤတဲာ်သိဒီးမဲာ်တဲးလဲးစှၤဒုန့ၣ်လၢ ပှၢ်လၢ်ကျါဒီးမတၤတဂၤလဲၣ်. ယသ့ၣ်ညါနသးထီၣ် ထီ, ဒီးတၢ်အၢလၢနသးကံၢ်ပူၤလီၤ. အဂ့ၢ်ဒ်အံၤ, နဟဲ လီၤဒ်သိးနကထံၣ်ဘၣ်တၢ်ဒုးသုးလီၤ.

²⁹ ဒီးစီၤဒၤဝံးစံးဝဲဒၣ်, ယမၤတၢ်ခဲကနံၣ်အံၤလၢမနုၤ လဲၣ်. အဂ့ၢ်တအိၣ်ဘၣ်ဧါ. ³⁰ ဒီးဃၣ်အသးဆူပှၤတဂၤ ဒၣ်အအိၣ်, ဒီးကတိၤတၢ်ဒ်လီၢ်လီၢ်, ဒီးပှၤဂီၢ်မုၢ်စံး ဆၢအီၤ, ဒ်လၢအဂံၢ်ခိၣ်ထံးအသိးန့ၣ်လီၤ.

³¹ ဒီးပှၤနၢ်ဟူတၢ်ကတိၤ လၢစီၤဒၤဝံးကတိၤဝဲ, ဒီးဃဲၤ ဘၣ်ဝဲလၢစီၤစီလူးအမဲာ်ညါ, ဒီးအဝဲဒၣ်ကိးအီၤလီၤ.

³² ဒီးစီၤဒၤဝံးစံးဘၣ်စီၤစီလူး, မ်ပှၤအသးသုတလီၤဘှါ လၢအဃိနီတဂၤတဂ့ၤ. နခ့နပှၤကလဲၤဒုးတၢ်ဒီးပှၤဖ လ့ၡသးဖိတဂၤန့ၣ်လီၤ.

³³ ဒီးစီၤစီလူးစံးဘၣ်စီၤဒၤဝံး နလဲၤဒုးတၢ်ဒီးပှၤဖလ့ၡ သးဖိန့ၣ်တသ့ဘၣ်. အဂ့ၢ်ဒ်အံၤ, နဖိၣ်သၣ်ခွါဒံးလီၤ. မ့မ့ၢ်အဝဲဒၣ်တဂၤန့ၣ် မ့ၢ်ပှၤသုးဖိလၢ အဖိၣ်သၣ်ခွါ ထီၣ်လံၤလံၤလီၤ.

³⁴ ဒီးစီၤဒၤဝံးစံးဘၣ်စီၤစီလူး, နခ့နပှၤကွၢ်အပၢ်အသိ ဒီးမဲာ်တဲးလဲး, ဒီးခ့ယုၢ်ဒီးတၤသူဟဲမၤန့ၢ်သိဖိလၢသိ ဒီးမဲာ်တဲးလဲးတဖုအကျါလီၤ. ³⁵ ဒီးယလူၤအီၤ, ဒီးမၤ ထူၣ်ဖျဲးအီၤလၢအထးခိၣ်, ဒီးတုၤအဂဲၤဆၢထၢၣ်ထီဒါ ယၤဒီး, ယဖီၣ်န့ၢ်အီၤလၢအခၣ်ဆူၣ်, ဒီးကျီကွံာ်အီၤ, ဒီးမၤသံအီၤလီၤ. ³⁶ နခ့နပှၤမၤသံခ့ယုၢ်ဒီးတၤသူ, ဒီး ပှၤဖလ့ၡသးဖိလၢ အတဒိးဘၣ်တၢ်ကူးတရံးတဂၤ န့ၣ်, ကကဲထီၣ်ဒ်တၢ်န့ၣ်တဒုအသိးလီၤ. အဂ့ၢ်ဒ်အံၤ, မၤတရီတပါယွၤလၢအမူဝဲအပှၤသုးမုၢ်လီၤ. ³⁷ ဒီးစီၤ ဒၤဝံးစံးဝဲဒၣ်, ယွၤလၢအမၤပူၤဖျဲးယၤဒီးခ့ယုၢ်အစု, ဒီး တၤသူအစုန့ၣ် ကမၤပူၤဖျဲးယၤဒီးပှၤဖလ့ၡသးဖိတဂၤ န့ၣ်အစုပူၤလီၤ. ဒီးစီၤစီလူးစံးဝဲဒၣ်, လဲၤတၢ်, ဒီးမ်ယွၤ အိၣ်ဒီးနၤတက့ၢ်. ³⁸ ဒီးစီၤစီလူးဒုးသိးစီၤဒၤဝံးဒီးအဆ့ ဒၣ်ဝဲ, ဒီးပာ်ခိၣ်ဖျီၣ်သုးတိၢ်လၢအခိၣ်, ဒီးဒုးသိးအီၤ ဒီးသဃိးလီၤ.

³⁹ ဒီးစီၤဒၤဝံးကံၢ်ဃာ်အနးတဘ့ၣ် လၢသဃိးအဖီခိၣ် ဒီးလဲၤဒိးကွၢ်ဝဲလီၤ. အဂ့ၢ်ဒ်အံၤ, တမၤကွံာ်ဒံးဘၣ်အီၤ ဘၣ်. ဒီးစီၤဒၤဝံးစံးဘၣ်စီၤစီလူး, ယလဲၤတၢ်ဒီးတၢ် အံၤတဖၣ်တသ့ဘၣ်. အဂ့ၢ်ဒ်အံၤ, တမၤကွၢ်ဒံးဘၣ်အီၤ ဘၣ်. ဒီးစီၤဒၤဝံးဘ့ၣ်ကွံာ်အီၤလီၤ.

⁴⁰ ဒီးဟံးန့ၢ်အနီၣ်ထိးဘိလၢအစုပူၤ, ဒီးဃုန့ၢ်လၢၢ်ဘျ့ ယဲၢ်ဖျၢၣ်လၢထံလိာ်ပူၤ, ဒီးဒၢနုာ်ဝဲလၢပှၤကွၢ်သိအ ထၢၣ်လၢအအိၣ်ဒီးအီၤ, အပူၤန့ၣ်လီၤ. ဒီးနီၣ်ဘျုးတၢ် အိၣ်လၢအစုပူၤ, ဒီးသုးဘူးအသးဆူ ပှၤဖလ့ၡသးဖိ အအိၣ်န့ၣ်လီၤ.

⁴¹ ဒီးပှၤဖလ့ၡသးဖိတဂၤန့ၣ်ဟဲဝဲ, ဒီးသုးဘူးအသးဆူ စီၤဒၤဝံးအအိၣ်, ဒီးပှၤလၢအစိာ်အကတီၤတဘ့ၣ်န့ၣ် အိၣ်လၢအမဲာ်ညါလီၤ.

⁴² ဒီးပှၤဖလ့ၡသးဖိကွၢ်ဝဲ, ဒီးထံၣ်စီၤဒၤဝံး, ဒီးတပးကဲ ဘၣ်အီၤဘၣ်. အဂ့ၢ်ဒ်အံၤ, စီၤဒၤဝံးမ့ၢ်ပှၤဖိၣ်သၣ်ခွါ, ဒီး ဂီၤဝဲ, ဒီးအက့ၢ်အဂီၤဂ့ၤလီၤ.

⁴³ ဒီးပှၤဖ့ၡသးဖိန့ၣ်စံးဘၣ်စီၤဒၤဝံး, ယမ့ၢ်ထွံၣ်တဒုဧါ. အ ဂ့ၢ်ဒ်အံၤ, နဟဲဆူယအိၣ်ဒီးနီၣ်ထိးလီၤ. ဒီးပှၤဖလ့ၡသး ဖိန့ၣ်ဆိၣ်အၢစီၤဒၤဝံးလၢ အကစၢ်တဖၣ်အမဲာ်ညါလီၤ.

⁴⁴ ဒီးပှၤဖလ့ၡသးဖိစံးဘၣ်စီၤဒၤဝံး, ဟဲဆူယအိၣ်တ က့ၢ်, ဒီးယကဟ့ၣ်နဖံးနညၣ်လၢ ထိၣ်ဧိၤလံာ်ဧိၤလၢမူ ကပိာ်လိၤ, ဒီးလၢဆၣ်ဖိကီၢ်ဖိလၢတၢ်ပျီပူၤလီၤ.

⁴⁵ ဒီးစီၤဒၤဝံးစံးဘၣ်ပှၤဖလ့ၡသးဖိ, နဟဲဆူယအိၣ်ဒီး နး, ဒီးဘီ, ဒီးကတီၤလီၤ. မ့မ့ၢ်ယဲဒၣ်အံၤယဟဲဆူနအိၣ် လၢတၢ်သုးမုၢ်ဂီၢ်မုၢ်အယွၤအမံၤ, အံၣ်စရ့လးအပှၤသုး မုၢ်ဂီၢ်မုၢ်အကစၢ်လၢနမၤတရီတပါအီၤလီၤ. ⁴⁶ တၢ်လၢ မုၢ်မဆါတနံၤအံၤယွၤကဟ့ၣ်လီၤနၤလၢယစုပူၤ, ဒီးယ ကကျီကွံာ်နၤ, ဒီးယကဒီၣ်တဲာ်ကွံာ်နခိၣ်လၢနလိၤ, ဒီးယကဟ့ၣ်လီၤပှၤဖလ့ၡသးဖိ အပှၤသုးမုၢ်အစိၣ်တ ဖၣ်လၢမုၢ်မဆါတနံၤအံၤဆူ ထိၣ်ဧိၤလံၣ်ဧိၤလၢမူက ပိာ်လိၤ, ဒီးဆူဆၣ်ဖိကီၢ်ဖိလၢဟီၣ်ခိၣ်ချၢ, ဒ်သိးပှၤ ဟီၣ်ခိၣ်ဖိခဲလၢာ်ကသ့ၣ်ညါလၢကစၢ်တဂၤအိၣ်ဝဲလၢ အံၣ်စရ့လး အကျါလီၤ. ⁴⁷ ကယဲၢ်တၢ်အိၣ်ဖှိၣ်အံၤခဲ လၢာ်ကသ့ၣ်ညါဝဲလၢယွၤတအုၣ်က့ၤခီၣ်က့ၤဘၣ်တၢ် ဒီးဘီဒီးနးဘၣ်. အဂ့ၢ်ဒ်အံၤ, တၢ်ဒုးတၢ်အံၤမ့ၢ်ယွၤအ တၢ်လီၤ. ဒီးကဟ့ၣ်လီၤသုလၢပစုပူၤလီၤ.

⁴⁸ ဒီးတၢ်မၤအသး တုၤပှၤဖလ့ၡသးဖိန့ၣ်ဂဲဆၢထၢၣ်, ဒီးသုးဘူးအသးဒ်သိးအကသဂၢၢ်စီၤဒၤဝံးဒီး, ဒီးစီၤဒၤ ဝံးမၤဝဲချ့ချ့, ဒီးဃ့ၢ်ဆူပှၤသုးမုၢ်အအိၣ်ဒ်သိး အကသ ဂၢၢ်ပှၤဖလ့ၡသးဖိတဂၤန့ၣ်လီၤ.

⁴⁹ ဒီးစီၤဒၤဝံးဒၢနုာ်အစုလၢအထၢၣ်ပူၤ, ဒီးဟံးထီၣ်န့ၢ် လၢၢ်တဖျၢၣ်ဖဲန့ၣ်, ဒီးဘျုးဝဲ, ဒီးဘၣ်ပှၤဖလ့ၡသးဖိတ ဂၤလၢအမဲာ်တူၢ်ခိၣ်, ဒီးလၢၢ်တဖျၢၣ်န့ၣ်လီၤဘျၢလၢ အမဲာ်တူၢ်ခိၣ်အပူၤ, ဒီးလီၤဃံၤအီထီလာ်လၢဟီၣ်ခိၣ် လိၤလီၤ.

⁵⁰ ဒီးစီၤဒၤဝံးမၤနၢၤပှၤဖလ့ၡသးဖိလၢ အနီၣ်ဘျုးတ ဘိ, ဒီးလၢၢ်တဖျၢၣ်, ဒီးကျီကွံာ်ပှၤဖလ့ၡသးဖိန့ၣ်, ဒီး မၤသံအီၤလီၤ. ဒီးနးတအိၣ်ဘၣ်လၢ စီၤဒၤဝံးအစုပူၤ ဘၣ်.

⁵¹ ဒီးစီၤဒၤဝံးဃ့ၢ်ဝဲ, ဒီးဆၢထၢၣ်လၢပှၤဖလ့ၡသးဖိအ ဖီခိၣ်, ဒီးဟံးန့ၢ်အနး, ဒီးဘီၣ်ထီၣ်ဝဲလၢအတြိးပူၤ, ဒီး မၤသံအီၤ, ဒီးဒီၣ်တဲာ်ကွံာ်အကိာ်လၢအီၤလီၤ. ဒီးတုၤ ပှၤဖလ့ၡသးဖိတဖၣ်ထံၣ်ဝဲလၢ ပှၤလၢခံခီအဘၢၣ်စၢၤ တဂၤသံတ့ၢ်ဝဲဒီး, ဃ့ၢ်ထီၣ်ကွံာ်ဝဲလီၤ.

⁵² ဒီးအံၣ်စရ့လးဒီးယူဒၤအပှၤကညီဂဲၤဆၢထၢၣ်ဝဲ, ဒီး ကိးပသူထီၣ်, ဒီးလူၤပှၤဖလ့ၡသးဖိတုၤနလဲၤတုၤလၢ ဧ့ကြိၣ်အကစၢၢ်ကဆူး, ဒီးအပဲတရီတဖၣ်န့ၣ်, ဒီးပှၤ ဖလ့ၡသးဖိလၢအဘၣ်တၢ်ဆဲးအီၤတဖၣ် လီၤဃံၤဝဲ လၢၡၤရဲၣ်အကျဲပူၤ ပၢၢ်လၢကၤသး, ဒီးဧ့ကြိၣ်လီၤ.

⁵³ ဒီးပှၤအံၣ်စရ့လးဖိလၢအလူၤပှၤဖလ့ၡသးဖိန့ၣ် ဟဲ က့ၤဝဲ, ဒီးမၤန့ၢ်ဆူၣ်သူၣ်ဒဲအလီၢ်အတၢ်လီၤ.

⁵⁴ ဒီးစီၤဒၤဝံးဟံးန့ၢ်ပှၤဖလ့ၡသးဖိတဂၤန့ၣ်အခိၣ်, ဒီး ဟဲစိာ်ဆူယရူၤၡလ့ၣ်, ဒီးပာ်အစုကဝဲၤလၢအဒဲပူၤလီၤ.

⁵⁵ ဒီးတုၤစီၤစီလူးထံၣ်စီၤဒၤဝံး လဲၤသဂၢၢ်ပှၤဖလ့ၡသးဖိ တဂၤန့ၣ်ဒီး, စံးဘၣ်ပှၤသုးမုၢ်အခိၣ်စီၤအဘံန့ၢ်, စီၤအဘံ န့ၢ်ဧၢ, ဖိၣ်သၣ်ခွါတဂၤန့ၣ်မ့ၢ်မတၤအဖိခွါလဲၣ်. ဒီးစီၤအ ဘံန့ၢ်စံးဝဲဒၣ်, နသးမူဝဲ, စီၤပၤဧၢ, ယတသ့ၣ်ညါဘၣ်.

⁵⁶ ဒီးစီၤပၤစံးဝဲဒၣ်, ဖိၣ်သၣ်ခွါတဂၤအံၤမ့ၢ်မတၤမတၤ အဖိခွါလဲၣ်န့ၣ်သံကွၢ်တက့ၢ်.

⁵⁷ ဒီးတုၤစီၤဒၤဝံးဟဲက့ၤကဒါက့ၤလၢ အမၤသံတ့ၢ်ပှၤ ဖလ့ၡသးဖိဒီး, စီၤအဘံန့ၢ်ဟံးန့ၢ်အီၤ, ဒီးဆှၢအီၤဆူ စီၤစီလူးအမဲာ်ညါ အိၣ်ဒီးပှၤဖလ့ၡသးဖိတဂၤန့ၣ် အ ခိၣ်လၢအစုပူၤလီၤ.

⁵⁸ ဒီးစီၤစီလူးစံးဘၣ်အီၤ, ဖိၣ်သၣ်ခွါဧၢ, နမ့ၢ်မတၤအ ဖိခွါလဲၣ်. ဒီးစီၤဒၤဝံးစံးဆၢဝဲဒၣ်, ယမ့ၢ်နခ့နပှၤပှၤ ဘ့ၤသလ့ဃ့ၣ်ဖိစီၤယံးၡဲအဖိခွါလီၤ.

၁၈

¹ ဒီးတုၤအကတိၤတၢ်ဒီးစီၤစီလူးဝံၤဒီး, တၢ်မၤအသး လၢစီၤယိနၤသၣ်အသးစဲဘူးဒီးစီၤဒၤဝံးအသး, ဒီးစီၤ ယိနၤသၣ်အဲၣ်အီၤဒ်အသးဒၣ်ဝဲအသိးန့ၣ်လီၤ.

² ဒီးတၢ်လၢမုၢ်တနံၤန့ၣ် စီၤစီလူးဟံးန့ၢ်အီၤ, ဒီးတ ဒုးက့ၤဘၣ်အီၤဆူအပၢ်အဟံၣ်ဘၣ်.

³ ဒီးမ့ၢ်အအဲၣ်အီၤ ဒ်အသးဒၣ်ဝဲအသိးသတးဒီး, စီၤ ယိနၤသၣ်အၢၣ်လီၤအီလီၤတၢ်ဒီးစီၤဒၤဝံးလီၤ.

⁴ ဒီးစီၤယိနၤသၣ်ဘ့ၣ်ကွံာ်အဆ့ဖးထီ, ဒီးဟ့ၣ်လီၤဝဲ လၢစီၤဒၤဝံး, ဒီးအကူအသိးပၢၢ်လၢအနး, ဒီးအချံၣ်, ဒီးပၢၢ်လၢအယီၢ်တကိးလီၤ.

⁵ ဒီးဖဲဒၣ်တၢ်လၢစီၤစီလူးမၢလီၤအီၤန့ၣ် စီၤဒၤဝံးလဲၤ ဝဲ, ဒီးမၤဝဲဒီးတၢ်ကူၣ်သ့ကူၣ်ဘၣ်, ဒီးစီၤစီလူးပာ်အီၤ လၢပှၤသုးဖိအခိၣ်, ဒီးဂ့ၤဝဲလၢပှၤဂီၢ်မုၢ်အမဲာ်ခဲလၢာ်, ဒီးလၢစီၤစီလူးအခ့အပှၤအမဲာ်စ့ၢ်ကီးလီၤ.

⁶ ဒီးတုၤအဟဲ, ဖဲစီၤဒၤဝံးဟဲက့ၤလၢအမၤသံတ့ၢ်ပှၤဖ လ့ၡသးဖိန့ၣ်ဒီး, တၢ်မၤအသးလၢပိာ်မုၣ်တဖၣ်ဟဲ ထီၣ်ဂဲၤကလံၣ်, ဒီးအုၣ်တၢ်, လၢအံၣ်စရ့လးအဝ့ၢ်ပူၤ ခဲလၢာ်ဒ်သိး, အကသဂၢၢ်စီၤစီလူးအိၣ်ဝဲဒီးဒၢ, ဒီး တၢ်သူၣ်ခုသးခု, ဒီးဆ့လ့လီၤ.

⁷ ဒီးပိာ်မုၣ်တဖၣ်န့ၣ်ပှီၢ်တၢ်ပိာ်တၢ်အဖၢမုၢ်ဒီး, စံးဝဲဒၣ်, စီၤစီလူးမၤသံလံအပှၤကထိတဖၣ်, ဒီးစီၤဒၤဝံးန့ၣ်အပှၤကလးတဖၣ်လံ.

⁸ ဒီးစီၤစီလူးအသးထီၣ်ကဲၤထီၣ်ဒိၣ်မးလီၤ. ဒီးတၢ်က တိၤတထံၣ်န့ၣ်အၢဝဲလၢအမဲာ်, ဒီးစံးဝဲဒၣ်, ပာ်ဝဲလၢ စီၤဒၤဝံးလၢကလးတဖၣ်, ဒီးပာ်ဝဲလၢယၤလၢကထိ တဖၣ်န့ၣ်လီၤ. ဒီးအိၣ်ဒံးလၢအဂီၢ်ထဲဘီဧိၤမုၢ်ဧိၤလီၤ.

⁹ ဒီးလၢမုၢ်တနံၤန့ၣ်လံၤလံၤ ဒီးဆူညါစီၤစီလူးကွၢ်စီၤ ဒၤဝံးလၢအမဲာ်အၢလီၤ.

¹⁰ ဒီးလၢမုၢ်ဆ့ၣ်ထီၣ်တနံၤန့ၣ် တၢ်မၤအသးလၢသးအၢ တမံၤလၢယွၤန့ၣ် ဟဲလီၤဘၣ်လၢစီၤစီလူးအလိၤ, ဒီး ကတိၤတၢ်လၢဝံအကျိာ်လၢဟံၣ်အသးကံၢ်ပူၤ, ဒီးစီၤ ဒၤဝံးဒ့တၢ်လၢအစုဒ်တနံၤဘၣ်တနံၤအသိးန့ၣ်, ဒီးဘီ ဖိအိၣ်ဝဲလၢစီၤစီလူးအစုပူၤလီၤ.

¹¹ ဒီးစီၤစီလူးဆဲးဘီဖိလီၤ. အဂ့ၢ်ဒ်အံၤ, စံးဝဲဒၣ်, ယက ဆဲးဘၣ်စီၤဒၤဝံးတုၤအစဲဘူးဒီးတၢ်ဒူၣ်လီၤ. ဒီးစီၤဒၤ ဝံးပဒ့ၣ်အသးလၢအမဲာ်ညါခံဘျီလီၤ.

¹² ဒီးစီၤစီလူးပျံၤစီၤဒၤဝံးလီၤ. အဂ့ၢ်ဒ်အံၤ, ယွၤအိၣ်ဝဲဒီး အီၤ, ဒီးဟးထီၣ်ကွံာ်ဝဲလၢစီၤစီလူးလီၤ.

¹³ ဒီးစီၤစီလူးမၤလီၤဖးအီၤဒီးအီၤ, ဒီးပာ်အီၤလၢပှၤတ ကထိအခိၣ်, ဒီးအဝဲဒၣ်လဲၤထီၣ်ဒီးဟဲနုာ်လၢပှၤဂီၢ်မုၢ် အမဲာ်ညါလီၤ.

¹⁴ ဒီးစီၤဒၤဝံးမၤဝဲ ဒီးတၢ်ကူၣ်သ့ကူၣ်ဘၣ် လၢကျဲခဲ လၢာ်အပူၤ, ဒီးယွၤအိၣ်ဒီးအီၤလီၤ. ¹⁵ ဒီးစီၤစီလူးထံၣ်ဝဲ လၢအမၤဝဲ ဒီးတၢ်ကူၣ်သ့ကူၣ်ဘၣ်ဒိၣ်ဒိၣ်ကလဲာ်, ဒီး ပျံၤဝဲလၢအမဲာ်ညါလီၤ.

¹⁶ မ့မ့ၢ်အံၣ်စရ့လးဒီးယူဒၤခဲလၢာ် အဲၣ်စီၤဒၤဝံးလီၤ. အဂ့ၢ်ဒ်အံၤ, လဲၤထီၣ်ဒီးဟဲနုာ်လၢအမဲာ်ညါလီၤ.

¹⁷ ဒီးစီၤစီလူးစံးဘၣ်စီၤဒၤဝံး, ကွၢ်ကွၢ်, ယဖိမုၣ်အဒိၣ် တဂၤနီၢ်မ့ရ့ာ်န့ၣ်, ယကဟ့ၣ်လီၤအီၤလၢနမါလီၤ. ထဲ ပာ်နသးဆူၣ်ဆူၣ်ကလဲာ်လၢယဂီၢ်, ဒီးဒုးယွၤအတၢ် ဒုးန့ၣ်တက့ၢ်. (ဒီးစီၤစီလူးစံးဝဲဒၣ်, မ်ယစုအသုတအိၣ် လၢအလိၤတဂ့ၤ, မ်ပှၤဖလ့ၡသးဖိအစုအိၣ်လၢအလိၤ တက့ၢ်.)

¹⁸ ဒီးစီၤဒၤဝံးစံးဘၣ်စီၤစီလူး, ဒ်သိးယကကဲထီၣ်စီၤပၤ အမာ်ဒီး, ယမ့ၢ်မတၤတဂၤလဲၣ်. ဒီးယသးသမူမ့ၢ်ဂ့ၤ, ယပၢ်အဟံၣ် လၢအံၣ်စရ့လးအကျါမ့ၢ်ဂ့ၤ, မ့ၢ်မနုၤ လဲၣ်.

¹⁹ ဒီးအဆၢအကတီၢ်ဘၣ် လၢတၢ်ကဟ့ၣ်စီၤစီလူးအ ဖိမုၣ်နီၢ်မ့ရ့ာ်လၢစီၤဒၤဝံးဒီး, တၢ်မၤအသးလၢတၢ်ဟ့ၣ် အီၤလၢပှၤမဃိလၤဖိစီၤဧ့ဒြၤအ့လးလၢအမါလီၤ.

²⁰ ဒီးစီၤစီလူးအဖိမုၣ်နီၢ်မံကၤလးအဲၣ်စီၤဒၤဝံး, ဒီးပှၤစံး ဘၣ်တဲဘၣ်စီၤစီလူး, ဒီးတၢ်တမံၤန့ၣ် ဘၣ်အသး လီၤ. ²¹ ဒီးစီၤစီလူးစံးဝဲဒၣ်, ယကဟ့ၣ်အဝဲဒၣ်လၢအီၤ ဒ်သိးအကကဲထီၣ်ပျံၤသကွီၤလၢအဂီၢ်, ဒ်သိးပှၤဖလ့ ၡသးဖိအစုကအိၣ်လၢအလိၤလီၤ. ဒီးစီၤစီလူးစံးဘၣ် စီၤဒၤဝံး, တၢ်လၢမုၢ်မဆါတနံၤအံၤ, နကကဲထီၣ်ယ မာ်ခံစုတစုန့ၣ်လီၤ.

²² ဒီးစီၤစီလူးမၤလိာ်အခ့အပှၤ, ကတိၤတၢ်ဒီးစီၤဒၤဝံး အိၣ်တဒၢ, ဒီးစံး, ကွၢ်ကွၢ်, စီၤပၤဘၣ်အသးလၢနၤ, ဒီး အခ့အပှၤအဲၣ်နၤခဲလၢာ်, ဒီးခဲကနံၣ်အံၤကဲထီၣ်စီၤပၤ အမာ်တက့ၢ်.

²³ ဒီးစီၤစီလူးအခ့အပှၤတဖၣ်န့ၣ် စံးဘၣ်တၢ်ကတိၤန့ၣ် လၢစီၤဒၤဝံးအနၢ်ပူၤလီၤ. ဒီးစီၤဒၤဝံးစံးဝဲဒၣ်, ယကဲထီၣ် စီၤပၤအမာ်န့ၣ်သုပာ်လၢတၢ်အဖှံတမံၤဧါ. ဒီးယမ့ၢ် ပှၤဖှီၣ်ဖိယာ်ဖိ, ဒီးတၢ်တပးကဲဘၣ်ယၤဘၣ်လီၤ.

²⁴ ဒီးစီၤစီလူးအခ့အပှၤဒုးနဲၣ်အီၤ, ဒီးစံးဝဲဒၣ်, စီၤဒၤဝံး ကတိၤတၢ်ဒ်တၢ်ကတိၤတဖၣ်အသိးန့ၣ်လီၤ.

²⁵ ဒီးစီၤစီလူးစံးဝဲဒၣ်, သုဘၣ်စံးဘၣ် စီၤဒၤဝံးဒ်အံၤ, ဘၣ်စီၤပၤအသးလၢတၢ်အပှ့ၤတမ့ၢ်ဘၣ်. မ့ၢ်လၢပှၤ ဖလ့ၡသးဖိအတၢ်အခိၣ်ဖံးတကယၤ, ဒ်သိးအကမၤ ဆၢတၢ်အၢလၢစီၤပၤအဒုၣ်အဒါအလိၤလီၤ. ဒီးစီၤစီ လူးဆိကမိၣ်လၢစီၤပၤအဒုၣ်အဒါအလိၤလီၤ. ဒီးစီၤစီ လူးဆိကမိၣ်လၢအကဒုးလီၤဃံၤ စီၤဒၤဝံးလၢပှၤဖလ့ ၡသးဖိအစုပူၤလီၤ.

²⁶ ဒီးအခ့အပှၤစံးဘၣ်စီၤဒၤဝံးလၢ တၢ်ကတိၤတဖၣ် န့ၣ်, ဒီးကဲထီၣ်စီၤပၤအမာ်န့ၣ် ဘၣ်စီၤဒၤဝံးအသးက ကစီဒီလီၤ. ဒီးမုၢ်နံၤတဖၣ်တပှဲၤထီၣ်ဒံးဘၣ်ဒီး, ²⁷ စီၤ ဒၤဝံးဂဲၤဆၢထၢၣ်, ဒီးလဲၤတၢ်, အဝဲဒၣ်ဒီးအပှၤကညီ, ဒီးကျီကွံာ်ပှၤဖလ့ၡသးဖိခံကယၤ, ဒီးစီၤဒၤဝံးဟဲစိာ် တၢ်အခိၣ်ဖံးတဖၣ်န့ၣ်, ဒီးဟ့ၣ်လၢပှဲၤဝဲလၢစီၤပၤဒ် သိးအကကဲထီၣ်စီၤပၤအမာ်လီၤ. ဒီးစီၤစီလူးဟ့ၣ်အီၤ လၢအဖိမုၣ်နီၢ်မံကၤလးလၢအမါလီၤ.

²⁸ ဒီးစီၤစီလူးထံၣ်ဘၣ်ဝဲဒီးသ့ၣ်ညါဝဲလၢ ယွၤအိၣ်ဒီး စီၤဒၤဝံး, ဒီးစီၤစီလူးအဖိမုၣ်နီၢ်မံကၤလးအဲၣ်အီၤလီၤ.

²⁹ ဒီးစီၤစီလူးပျံၤစီၤဒၤဝံးအါန့ၢ်အလီၢ်တက့ၢ်. ဒီးစီၤစီ လူးကဲထီၣ်စီၤဒၤဝံးအဒုၣ်အဒါတထံၣ်ဃီလီၤ.

³⁰ ဒီးပှၤဖလ့ၡသးဖိအပဒိၣ်ဖးဒိၣ်တဖၣ်ဟးထီၣ်ဝဲ, ဒီး လၢအဟးထီၣ်အလီၢ်ခံန့ၣ် တၢ်မၤအသးလၢစီၤဒၤဝံး မၢဝဲဒီးတၢ်ကူၣ်သ့ကူၣ်ဘၣ်ဒိၣ်န့ၢ် စီၤစီလူးအခ့အပှၤခဲ လၢာ်, ဒီးပှၤပာ်အမံၤလၢတၢ်လုၢ်ဒိၣ်ပှ့ၤဒိၣ်လီၤ.

၁၉

¹ ဒီးစီၤစီလူးကတိၤတၢ်ဒီးအဖိခွါစီၤယိနၤသၣ်, ဒီးအ ခ့အပှၤခဲလၢာ်ဒ်သိးအကမၤသံစီၤဒၤဝံးလီၤ.

² ဒီးစီၤစီလူးအဖိခွါစီၤယိနၤသၣ်န့ၣ်ဘၣ်အသးလၢစီၤ ဒၤဝံးဒိၣ်မး, ဒီးစီၤယိနၤသၣ်ဒုးနဲၣ်စီၤဒၤဝံးဒီးစံးဝဲဒၣ်, ယပၢ်စီၤစီလူးဃုမၤသံနၤလီၤ. ဒီးခဲကနံၣ်အံၤပလီၢ်န သးတုၤခဲဂီၤကိာ်တက့ၢ်. ဒီးအိၣ်တဒၢ, ဒီးပာ်ခူသူၣ် နသးက့ၢ်. ³ ဒီးယကလဲၤဆၢထၢၣ်လၢယပၢ်အဃၢၤ လၢတၢ်ပျီပူၤဖဲနအိၣ်, ဒီးယကကတိၤတၢ်ဒီးယပၢ်လၢ နဂ့ၢ်နကျိၤ, ဒီးတၢ်လၢယထံၣ်တဖၣ်န့ၣ် ယကဒုးနဲၣ် နၤလီၤ.

⁴ ဒီးစီၤယိနၤသၣ်ကတိၤတၢ်အဂ့ၤဒီး အပၢ်လၢစီၤဒၤ ဝံးအဂ့ၢ်အကျိၤ, ဒီးစံးဘၣ်အီၤ, မ်စီၤပၤအသုတမၤက မၣ်ဘၣ်အခ့အပှၤစီၤဒၤဝံးန့ၣ်တဂ့ၤ. အဂ့ၢ်ဒ်အံၤ, တမၤ ကမၣ်ဘၣ်နၤဘၣ်, ဒီးအမၤတၢ်ဘၣ်ဃးဒီးနၤတဖၣ် န့ၣ်မ့ၢ်အဂ့ၤမးလီၤ. ⁵ ဒီးပာ်အသးသမူလၢအစုပူၤ, ဒီး မၤသံပှၤဖလ့ၡသးဖိတဂၤန့ၣ်, ဒီးယွၤမၤတၢ်အုၣ်က့ၤ ခီၣ်က့ၤဖးဒိၣ်လၢအံၣ်စရ့လးခဲလၢာ်အဂီၢ်, ဒီးနထံၣ် ဘၣ်ဒီးနသူၣ်ခုသးခုလီၤ. ဒီးနကမၤကမၣ်ဘၣ်တၢ် သွံၣ်လၢတၢ်ဒဲးဘးတအိၣ်ဘၣ် လၢနကမၤသံစီၤဒၤဝံး ကလီကလီမ့ၢ်အဘၣ်မနုၤလဲၣ်.

⁶ ဒီးစီၤစီလူးဒိကနၣ်စီၤယိနၤသၣ်အကလုၢ်, ဒီးစီၤစီ လူးဆိၣ်တၢ်, ယွၤမူဝဲန့ၣ်စီၤဒၤဝံးတဘၣ်ဘၣ်တၢ်မၤ သံအီၤဘၣ်.

⁷ ဒီးစီၤယိနၤသၣ်ကိးန့ၢ်စီၤဒၤဝံး, ဒီးစီၤယိနၤသၣ်ဒုး နဲၣ်အီၤလၢတၢ်တဖၣ်ခဲလၢာ်, ဒီးစီၤယိနၤသၣ်ဒုးဟဲ က့ၤစီၤဒၤဝံးဆူစီၤစီလူးအအိၣ်, ဒီးအိၣ်ဝဲလၢအမဲာ်ညါ ဒ်လၢမဟါမဟိအသိးန့ၣ်လီၤ.

⁸ ဒီးတၢ်ဒုးသုးအိၣ်ထီၣ်ကဒီး, ဒီးစီၤဒၤဝံးလဲၤထီၣ်, ဒီး ဒုးတၢ်ဒီးပှၤဖလ့ၡသးဖိ, ဒီးကျီကွံာ်အီၤဒီးတၢ်ကျီကွံာ် ဖးဒိၣ်, ဒီးအဝဲသ့ၣ်ဃ့ၢ်ကွံာ်ဝဲလၢအမဲာ်ညါလီၤ.

⁹ ဒီးသးအၢတမံၤလၢယွၤအိၣ်ဝဲလၢ စီၤစီလူးအလိၤလၢ အဆ့ၣ်နီၤလၢအဟံၣ်ပူၤ, ဒီးအဘီဖိအိၣ်လၢအစုပူၤ, ဒီးစီၤဒၤဝံးဒ့တၢ်လၢအစုလီၤ.

¹⁰ ဒီးစီၤစီလူးဃုဆဲးဘၣ်စီၤဒၤဝံးလၢဘီဖိ တုၤအကစဲ ဘူးဒီးတၢ်ဒူၣ်လီၤ. ဒီးဟးထူၣ်ဖျဲးဝဲလၢစီၤစီလူးအအိၣ်, ဒီးစီၤစီလူးဆဲးဘီဖိလၢတၢ်ဒူၣ်ပူၤ, ဒီးစီၤဒၤဝံးဃ့ၢ်ကွံာ်, ဒီးလၢမုၢ်တနၤန့ၣ်ထူၣ်ဖျဲးဝဲလီၤ.

¹¹ ဒီးစီၤစီလူးမၢကလူးတဖၣ်လဲၤဆူစီၤဒၤဝံးအဟံၣ် ဒ် သိးအကကွၢ်အီၤ, ဒီးမၤသံအီၤလၢမုၢ်ဂီၤထီၣ်လီၤ. ဒီး စီၤဒၤဝံးအမါနီၢ်မံကၤလးဒုးနဲၣ်အီၤဒီးစံးဝဲဒၣ်, နမ့ၢ် တအုၣ်က့ၤခီၣ်က့ၤဘၣ်နသးလၢ မုၢ်နၤအံၤဒီး, ခဲဂီၤကိာ် န့ၣ်နကဘၣ်တၢ်မၤသံနၤလီၤ.

¹² ဒီးနီမံကၤလးစဲၤလီၤစီၤဒၤဝံးလၢ တၢ်ထူၣ်ဖျိအပူၤ, ဒီးဃ့ၢ်ကွံာ်ဝဲ, ဒီးထူၣ်ဖျဲးဝဲလီၤ.

¹³ ဒီးနီၢ်မံကၤလးဟံးန့ၢ်တၢ်ဂီၤတရၤဖး, ဒီးပာ်လီၤဝဲ လၢလီၢ်မံပူၤ, ဒီးပာ်တၢ်မၤဝဲလၢမဲာ်တဲးလဲးအဆူၣ်လၢ အခိၣ်တခၢၣ်, ဒီးလုးဘၢအီၤလၢယၣ်တဘ့ၣ်လီၤ.

¹⁴ ဒီးတုၤစီၤစီလူးမၢကလူးတဖၣ် လဲၤဟံးန့ၢ်စီၤဒၤဝံး ဒီး, ပိာ်မုၣ်စံးဝဲ, အဝဲဒၣ်မၤတကဲဘၣ်.

¹⁵ ဒီးစီၤစီလူးမၢကလူးတဖၣ်လဲၤကွၢ်ကဒီး စီၤဒၤဝံးဒီး စံးဝဲဒၣ်, ဟဲစိာ်အီၤဆူယအိၣ်လၢလီၢ်မံပူၤ, ဒ်သိးယက မၤသံအီၤတက့ၢ်.

¹⁶ ဒီးပှၤကလူးတဖၣ်လဲၤနုာ်, ဒီးကွၢ်ကွၢ်, တၢ်ဂီၤတရၤ ဖးအိၣ်ဝဲလၢလီၢ်မံပူၤအိၣ်ဒီးတၢ်မၤဝဲလၢ မဲာ်တဲးလဲး အဆူၣ်လၢအခိၣ်တခၢၣ်လီၤ.

¹⁷ ဒီးစီၤစီလူးစံးဘၣ်နီၢ်မံကၤလး, နလီန့ၢ်ယၤဒ်အံၤ, ဒီး ပျၢ်ကွံာ်ယဒုၣ်ယဒါတုၤအထူၣ်ဖျဲးန့ၣ် မ့ၢ်အဘၣ်မနုၤ လဲၣ်. ဒီးနီၢ်မံကၤလးစံးဆၢစီၤစီလူး, အဝဲဒၣ်စံးဘၣ် ယၤ, ပျၢ်ယၤတက့ၢ်. ယကမၤသံနၤဘၣ်မနုၤလဲၣ်.

¹⁸ ဒီးစီၤဒၤဝံးဃ့ၢ်, ဒီးထူၣ်ဖျဲးဝဲ, ဒီးလဲၤဝဲဆူစီၤၡမူၤအ့ လးအအိၣ်, ဆူရၤမါ, ဒီးစံးဘၣ်အီၤလၢကယဲၢ်တၢ်လၢ စီၤစီလူးမၤအီၤ, ဒီးအဝဲဒၣ်ဒီးစီၤၡမူၤအ့လးလဲၤအိၣ်ဝဲ ဆိးဝဲလၢနၤဝိးအပူၤလီၤ.

¹⁹ ဒီးပှၤစံးဘၣ်စီၤစီလူး, ဒီးစံးဝဲဒၣ်, ကွၢ်ကွၢ်, စီၤဒၤဝံး အိၣ်ဝဲလၢနၤဝိးလၢရၤမါအပူၤလီၤ.

²⁰ ဒီးစီၤစီလူးမၢကလူးတဖၣ်လဲၤဟံးန့ၢ် စီၤဒၤဝံး, ဒီး တုၤအထံၣ်ဘၣ်ဝံအတၢ်အိၣ်ဖှိၣ် ကတိၤတၢ်လၢဝံအ ကျိာ်, ဒီးစီၤၡမူၤအ့လးဆၢထၢၣ်အိၣ်ဝဲလၢအခိၣ်ဒီး, ယွၤအသးအိၣ်ထီၣ်လၢ စီၤစီလူးအကလူးတဖၣ်အ လိၤ, ဒီးအဝဲသ့ၣ်တဖၣ်န့ၣ်ကတိၤတၢ်လၢဝံအကျိာ် စ့ၢ်ကီးလီၤ.

²¹ ဒီးတုၤပှၤဒုးနဲၣ်စီၤစီလူးဒီး, မၢလီၤဝဲကလူးလၢအဂၤ တဖၣ်, ဒီးအဝဲသ့ၣ်တဖၣ်ကတိၤတၢ်လၢဝံအကျိာ်စ့ၢ် ကီးလီၤ. ဒီးစီၤစီလူးမၢလီၤကလူးတဖၣ်သၢဘျီတဘျီ, ဒီးအဝဲသ့ၣ်တဖၣ်န့ၣ် ကတိၤတၢ်လၢဝံအကျိာ်စ့ၢ်ကီး လီၤ.

²² ဒီးလဲၤဝဲအကစၢ်ဒၣ်ဝဲဆူရၤမါ, ဒီးလဲၤပၢၢ်လၢထံပူၤ ဖးဒိၣ်လၢအအိၣ်ဝဲလၢစ့ကူၤ, ဒီးသံကွၢ်တၢ်ဒီးစံးဝဲဒၣ်, စီၤၡမူၤအ့လးဒီးစီၤဒၤဝံးမ့ၢ်အအိၣ်ဖဲလဲၣ်. ဒီးပှၤစံးဝဲ ဒၣ်, ကွၢ်ကွၢ်, အိၣ်ဝဲလၢနၤဝိးလၢရၤမါအပူၤလီၤ.

²³ ဒီးလဲၤဝဲဖဲန့ၣ်ဆူနၤဝိးလၢရၤမါအပူၤ, ဒီးယွၤအသး အိၣ်ထီၣ်စ့ၢ်ကီးလၢအဝဲဒၣ်အလိၤ, ဒီးလဲၤတၢ်ဒီးက တိၤတၢ်လၢဝံအကျိာ်, ဒီးလဲၤပၢၢ်လၢနၤဝိးလၢရၤမါ အပူၤလီၤ.

²⁴ ဒီးဘ့ၣ်လီၤကွံာ်အဆ့စ့ၢ်ကီး, ဒီးကတိၤတၢ်လၢဝံအ ကျိာ်, လၢစီၤၡမူၤအ့လးအမဲာ်ညါ, ဒီးလီၤဃံၤအိၣ်ဘ့ၣ် ဆ့သ့တနံၤကျၢၤဒီး သီတနၤကျၢၤလီၤ. မၤသးဒ်န့ၣ်ဒီး ပှၤစံးဝဲဒၣ်, မ့ၢ်စီၤစီလူးအိၣ်စ့ၢ်ကီးလၢဝံတဖၣ်အကျါ န့ၣ်ဧါ.

၂၀

¹ ဒီးစီၤဒၤဝံးဃ့ၢ်ကွံာ်ဝဲလၢနၤဝိးလၢရၤမါအပူၤ, ဒီးဟဲ ဝဲ, ဒီးစံးလၢစီၤယိနၤသၣ်အမဲာ်ညါ, ယမၤတ့ၢ်မနုၤတ မံၤလဲၣ်. ဒီးယတၢ်အၢမ့ၢ်မနုၤလဲၣ်တမံၤလဲၣ်. ဒီးယ တၢ်ဒဲးဘးလၢနပၢ်အမဲာ်ညါလၢ အဃုနၢ်ယသးသမူ န့ၣ်မ့ၢ်မနုၤတမံၤလဲၣ်.

² ဒီးအဝဲဒၣ်စံးဘၣ်အီၤ, မ်တၢ်သုတမၤအသးဒ်န့ၣ်တ ဂ့ၤ. နတသံဘၣ်. ကွၢ်ကွၢ်, အဒိၣ်မ့ၢ်ဂ့ၤ, အဆံးမ့ၢ်ဂ့ၤ, တဒုးနဲၣ်ဘၣ်ယၤဒီး, ယပၢ်တမၤဘၣ်တၢ်နီတမံၤဘၣ်. ဒီးယပၢ်ပာ်ခူသူၣ်တၢ်တမံၤအံၤဒီးယၤ မ့ၢ်အဘၣ်မနုၤ လဲၣ်. တၢ်တမံၤအံၤတဒ်န့ၣ်ဘၣ်.

³ ဒီးစီၤဒၤဝံးဆိၣ်တၢ်ဒီးစံးဝဲဒၣ်, နပၢ်သ့ၣ်ညါသပှၢ် တၢၢ်လၢယဘၣ်ဘျုးဘၣ်ဖှိၣ်လၢနမဲာ်, ဒီးစံးဝဲဒၣ်, မ်စီၤယိနၤသၣ်အသုတသ့ၣ်ညါ တၢ်တမံၤအံၤတဂ့ၤ, က သူၣ်အုးသးအုးဘၣ်ဖုးလီၤ. ဒီးယွၤမူဝဲ, ဒီးနသးမူဝဲန့ၣ်, အိၣ်ထဲခါတၢ်တခါလၢယၤဒီးတၢ်သံအဘၢၣ်စၢၤလီၤ.

⁴ ဒီးစီၤယိနၤသၣ်စံးဘၣ်စီၤဒၤဝံး, ဖဲဒၣ်နသးဆၢတၢ် တမံၤလၢ်လၢ်န့ၣ်ယကမၤလၢနဂီၢ်လီၤ.

⁵ ဒီးစီၤဒၤဝံးစံးဘၣ်စီၤယိနၤသၣ်, ကွၢ်ကွၢ်, ခဲဂီၤတနံၤ မ့ၢ်လါထီၣ်သီအနံၤ, ဒီးယဂ့ၤဆ့ၣ်နီၤဒီး စီၤပၤလၢအ အီၣ်တၢ်လီၤ. ဘၣ်ဆၣ်ဒီးပျၢ်ယၤဒ်သိးယကပာ်ခူသူၣ် ယသးလၢတၢ်ပျီပူၤ, တုၤအပှဲၤထီၣ်သၢနံၤတနံၤလၢ မုၢ်ဟါန့ၣ်တက့ၢ်.

⁶ ဒီးနပၢ်မ့ၢ်ထံၣ်ယၤယတအိၣ်ဘၣ်ဒီးစံး, စီၤဒၤဝံးဃ့ ယၤသပှၢ်တၢၢ်ဒ်သိး အကဃ့ၢ်ဆူအဝ့ၢ်ဘ့ၤသလ့ဃ့ၣ် အပူၤလီၤ. အဂ့ၢ်ဒ်အံၤ, တၢ်မၤဘူၣ်တနံၣ်တစုတနံၣ်တ စုအိၣ်ဝဲဖဲန့ၣ်လၢအပှၤဟံၣ်ဖိခဲလၢာ်အဂီၢ်လီၤ ⁷ ဒီးမ့ၢ် စံးဒ်အံၤ, ဂ့ၤလံဒီး, နခ့နပှၤကအိၣ်မုာ်လီၤ. မ့မ့ၢ်အသး ထီၣ်မ့ၢ်ကဲၤထီၣ်ဆူၣ်ဆူၣ်ကလဲာ်ဒီး, သ့ၣ်ညါလၢအ တိာ်တၢ်အၢလၢယဂီၢ်တက့ၢ်.

⁸ ဒီးမၤနခ့နပှၤလၢတၢ်ဘျုးတၢ်ဖှိၣ်တက့ၢ်. အဂ့ၢ်ဒ်အံၤ, နအၢၣ်လီၤအီလီၤတၢ်ဒီး နခ့နပှၤဘၣ်ဃးဒီးယွၤလီၤ. ဘၣ်ဆၣ်ဒီးတၢ်အၢမ့ၢ်အိၣ်လၢယပူၤဒီး, မၤသံယၤန ကစၢ်ဒၣ်နဲတက့ၢ်. အဂ့ၢ်ဒ်အံၤ, နကစိာ်ယၤဆူနပၢ်အ အိၣ်မ့ၢ်အဘၣ်မနုၤလဲၣ်.

⁹ ဒီးစီၤယိနၤသၣ်စံးဝဲဒၣ်, မ်အသုတဘၣ်နၤတဂ့ၤ. အ ဂ့ၢ်ဒ်အံၤ, ယမ့ၢ်သ့ၣ်ညါနီၢ်နီၢ်လၢယပၢ်တိာ်တၢ်အၢဒ် သိးအကဘၣ်နၤဒီး, ယကစံးဘၣ်တဲဘၣ်နၤ, တမ့ၢ် ဘၣ်ဧါ.

¹⁰ ဒီးစီၤဒၤဝံးစံးဘၣ်စီၤယိနၤသၣ်, ဒီးနပၢ်မ့ၢ်စံးဆၢဘၣ် ဖုးနၤဆူၣ်ဆူၣ်ကလဲာ်ဒီး, မ့ၢ်မတၤကစံးဘၣ်ယၤတ ဂၤလဲၣ်.

¹¹ ဒီးစီၤယိနၤသၣ်စံးဘၣ်စီၤဒၤဝံး, ဟဲ, လဲၤသကိးဆူ တၢ်ပျီပူၤတက့ၢ်. ဒီးလဲၤတၢ်ခံဂၤလိာ်ဆူတၢ်ပျီပူၤလီၤ.

¹² ဒီးစီၤယိနၤသၣ်စံးဘၣ်စီၤဒၤဝံး, ယွၤအံၣ်စရ့လးအက စၢ်ဧၢ, ခဲဂီၤဂ့ၤခဲတဂီၤဂ့ၤ, တုၤယဃုကွၢ်ယပၢ်ဒီး, ကွၢ် ကွၢ်, တၢ်ဂ့ၤမ့ၢ်အိၣ်လၢစီၤဒၤဝံးအဂီၢ်, ဒီးယမ့ၢ်တမၤ ဘၣ်တၢ်ဆူနအိၣ်, ဒီးတဒုးနဲၣ်ဘၣ်နၤဒီး. ¹³ မ်ယွၤမၤဒ် န့ၣ်ဒီးအါန့ၢ်အန့ၢ်လၢစီၤယိနၤသၣ်တက့ၢ်. ဒီးမ့ၢ်ဘၣ်ယ ပၢ်အသးလၢအကမၤနၤလၢတၢ်အၢဒီး, ယကဒုးနဲၣ်အီၤ လၢနၤ, ဒီးပျၢ်နၤဒ်သိးနကဟးထီၣ်ကွံာ်မုာ်မုာ်လီၤ. ဒီး မ်ယွၤအိၣ်ဒီးနၤဒ်အအိၣ်တ့ၢ်ဒီးယပၢ်အသိးန့ၣ်တက့ၢ်.

¹⁴ ဒီးနကဒုးနဲၣ်ယၤလၢယွၤအဘျုးအဖှိၣ်ထဲလၢ ယမူ ဒံးလၢ ယသုတသံတဂ့ၤဧိၤန့ၣ်တမ့ၢ်ဘၣ်. ¹⁵ မ့မ့ၢ်တုၤ ယွၤဒီၣ်တဲာ်ကွံာ် စီၤဒၤဝံးအဒုၣ်အဒါလၢ ဟီၣ်ခိၣ်ချၢ ကိးအဂၤဒဲးဒီး, နတဒီၣ်တဲာ်ကွံာ်ဘၣ်နဘျုးနဖှိၣ်ဒီး ယပှၤဟံၣ်ဖိလီၤစိၤလီၤထီလီၤ.

¹⁶ ဒီးစီၤယိနၤသၣ်အၢၣ်လီၤအီလီၤတၢ်ဒီး စီၤဒၤဝံးအပှၤ ဟံၣ်ဖိ, ဒီးစံးဝဲဒၣ်, မ်ယွၤဃုတၢ်လၢစီၤဒၤဝံးအဒုၣ်အ ဒါအစုပူၤတက့ၢ်. ¹⁷ ဒီးစီၤယိနၤသၣ်ဒုးဆိၣ်ကဒီးစီၤဒၤ ဝံးလၢအအဲၣ်အီၤအဃိလီၤ. အဂ့ၢ်ဒ်အံၤ, အဲၣ်အီၤဒ်အ အဲၣ်လီၤအသးဒၣ်ဝဲအသိးန့ၣ်လီၤ.

¹⁸ ဒီးစီၤယိနၤသၣ် စံးဘၣ်စီၤဒၤဝံး, ခဲဂီၤတနံၤမ့ၢ်လါ ထီၣ်သီအနံၤ, ဒီးပှၤကထံၣ်လၢနတအိၣ်ဘၣ်လီၤ. အ ဂ့ၢ်ဒ်အံၤ, နလီၢ်ဆ့ၣ်နီၤကအိၣ်ကလီလီၤ. ¹⁹ ဒီးနအိၣ် သၢနံၤဝံၤဒီးလဲၤလီၤချ့ချ့, ဒီးလဲၤတုၤလၢတၢ်အလီၢ်ဖဲ နပာ်ခူသူၣ်တ့ၢ်နသးလၢမၤတၢ်အမုၢ်တနံၤန့ၣ်, ဒီးန ဘၣ်အိၣ်လၢလၢၢ်အၤစ့းလးအဃၢၤလီၤ.

²⁰ ဒီးယကခးပျၢ်သၢဘ့ၣ်လၢအကပၤ, ဒ်ယခးလၢတၢ် ပနီၣ်အသိးန့ၣ်လီၤ. ²¹ ဒီးကွၢ်ကွၢ်, ယကမၢလီၤပှၤဖိၣ် သၣ်ခွါတဂၤ, ဒီးစံး, လဲၤဃုန့ၢ်ပျၢ်တက့ၢ်. ယမ့ၢ်စံးဘၣ် ပှၤဖိၣ်သၣ်ခွါန့ၣ်, ကွၢ်ကွၢ်, ပျၢ်တဖၣ်အိၣ်ဝဲလၢနအိၣ် ဆူအံၤတခီ, ဟံးန့ၢ်အီၤတက့ၢ်န့ၣ်ဒီး, ဟဲထီၣ်တက့ၢ်. အဂ့ၢ်ဒ်အံၤ, တၢ်အမုာ်အိၣ်ဒီးနၤ, ဒီးတၢ်အၢတအိၣ် ဘၣ်, ယွၤမူဝဲလီၤ. ²² ဒီးယမ့ၢ်စံးဘၣ်ပှၤဖိၣ်သၣ်ခွါ, ကွၢ်ကွၢ်, ပျၢ်တဖၣ်အိၣ်လၢညါန့ၣ်ဒီး, လဲၤတၢ်တက့ၢ်. အဂ့ၢ်ဒ်အံၤ, ယွၤပျၢ်ကွံာ်နၤလီၤ.

²³ ဒီးတၢ်လၢပကတိၤတၢ်ယၤဒီးနၤလၢအဂ့ၢ်န့ၣ်, ကွၢ် ကွၢ်, မ်ယွၤအိၣ်လၢနၤဒီးယၤအဘၢၣ်စၢၤန့ၣ် လီၤထူ လီၤယိာ်တက့ၢ်.

²⁴ ဒီးစီၤဒၤဝံးပာ်ခူသူၣ်အသးလၢတၢ်ပျီပူၤ, ဒီးတုၤလါ ထီၣ်သီအနံၤဒီး, စီၤပၤဆ့ၣ်နီၤ ဒ်သိးအကအီၣ်တၢ် လီၤ. ²⁵ ဒီးစီၤပၤဆ့ၣ်နီၤလၢ အလီၢ်ဆ့ၣ်နီၤဒ်လီၢ်လီၢ်, လၢအလီၢ်ဆ့ၣ်နီၤလၢတၢ်ဒူၣ်အဃၢၤ, ဒီးစီၤယိနၤသၣ် ဂဲၤဆၢထၢၣ်, ဒီးစီၤအဘံန့ၢ်အိၣ်ဝဲလၢ စီၤစီလူးအဃၢၤ ဒီးစီၤဒၤဝံးအလီၢ် အိၣ်ကလီလီၤ. ²⁶ ဘၣ်ဆၣ်ဒီးတၢ် လၢမုၢ်တနံၤန့ၣ် စီၤစီလူးတကတိၤဘၣ်တၢ်ဘၣ်. အ ဂ့ၢ်ဒ်အံၤ, ဆိကမိၣ်ဝဲ, တၢ်ဘၣ်အီၤတမံၤမံၤ, ဒီးတကဆှီ ဘၣ်, မ့ၢ်မးတကဆှီဘၣ်လီၤ.

²⁷ ဒီးတၢ်မၤအသးလၢမုၢ်ဆ့ၣ်ထီၣ်တနံၤန့ၣ်, လါထီၣ်ခံ နံၤတနံၤန့ၣ် စီၤဒၤဝံးအလီၢ်အိၣ်ကလီ, ဒီးစီၤစီလူးစံး လၢအဖိခွါစီၤယိနၤသၣ်, မဟါတနံၤမ့ၢ်ဂ့ၤ, အအံၤတ နံၤမ့ၢ်ဂ့ၤ, စီၤယံးၡဲအဖိခွါတဟဲအီၣ်တၢ်မ့ၢ်အဘၣ်မနုၤ လဲၣ်.

²⁸ ဒီးစီၤယိနၤသၣ်စံးဆၢစီၤစီလူး, စီၤဒၤဝံးဃ့ယၤသပှၢ် တၢၢ်ဒ်သိးအကလဲၤတၢ်ဆူ ဘ့ၤသလ့ဃ့ၣ်, ²⁹ ဒီးစံးဝဲ ဒၣ်, ပျၢ်ယၤတက့ၢ်. အဂ့ၢ်ဒ်အံၤ, ပပှၤဟံၣ်ဖိမၤဘူၣ်တၢ် လၢဝ့ၢ်ပူၤ, ဒီးယဒီပုၢ်ဝဲၢ်မၤလိာ်ယၤ, ဒီးယမ့ၢ်ဘၣ်ဘျုး ဘၣ်ဖှိၣ်လၢနမဲာ်ဒီး, ပျၢ်လၢ်ယၤဒ်သိးယကထံၣ်ယဒီ ပုၢ်ဝဲၢ်တဖၣ်န့ၣ်တက့ၢ်. မၤသးဒ်န့ၣ်ဒီးတဟဲဘၣ်ဝဲဆူ စီၤပၤအစီၢ်နီၤခိၣ်ဘၣ်.

³⁰ ဒီးစီၤစီလူးအသးထီၣ်ဘၣ်စီၤယိနၤသၣ်, ဒီးစံးဘၣ် အီၤ, နဲဒၣ်ပှၤအနၢ်က့ၣ်, ဒီးတၢ်ပူထီၣ်အဖိဧၢ, နဃုထၢ စီၤယံးၡဲအဖိခွါလၢနမဲာ်ဆှးဒၣ်နဲအဂီၢ်, ဒီးလၢနမိၢ်အ တၢ်အိၣ်ဘ့ၣ်ဆ့အတၢ်မဲာ်ဆှးအဂီၢ်န့ၣ်, ယတသ့ၣ်ညါ ဘၣ်ဧါ. ³¹ အဂ့ၢ်ဒ်အံၤ, မုၢ်နံၤတဖၣ်လၢစီၤယံးၡဲအဖိခွါမူ ဝဲလၢဟီၣ်ခိၣ်ချၢခဲလၢာ်န့ၣ်နဲဒၣ်မ့ၢ်ဂ့ၤ, နဘီနမုၢ်မ့ၢ်ဂ့ၤ, တအိၣ်ကျၢၤဘၣ်. ဒီးခဲကနံၣ်အံၤ, မၢလီၤတၢ်, ဒီးဟဲ စိာ်အီၤဆူယအိၣ်တက့ၢ်. အဂ့ၢ်ဒ်အံၤ, မ့ၢ်တၢ်သံဖိလီၤ.

³² ဒီးစီၤယိနၤသၣ်စံးဆၢအပၢ်စီၤစီလူး, ဒီးစံးဘၣ်အီၤ, ကဘၣ်တၢ်မၤသံအီၤ မ့ၢ်အဘၣ်မနုၤလဲၣ်, မ့ၢ်အမၤမနုၤ တမံၤလဲၣ်.

³³ ဒီးစီၤစီလူးဆဲးဘီတဘ့ၣ် ဒ်သိးအကဆဲးဘၣ်အီၤလီၤ. ဒီးစီၤယိနၤသၣ်သ့ၣ်ညါဝဲလၢ အပၢ်တိာ်ဝဲလၢအကမၤ သံစီၤဒၤဝံးလီၤ. ³⁴ ဒီးစီၤယိနၤသၣ်အသးထီၣ်ကဲၤထီၣ်, ဒီးဂဲၤဆၢထၢၣ်လၢစီၢ်နီၤခိၣ်, ဒီးလါထီၣ်ခံနံၤတနံၤန့ၣ် တအီၣ်ဘၣ်တၢ်ဘၣ်. အဂ့ၢ်ဒ်အံၤ, အသးတမုာ်ဘၣ်လၢ စီၤဒၤဝံးအဃိလီၤ. အဂ့ၢ်ဒ်အံၤ, အပၢ်ဒုးမဲာ်ဆှးအီၤလီၤ.

³⁵ ဒီးမုၢ်ဆ့ၣ်ထီၣ်န့ၣ်တၢ်မၤအသးလၢ စီၤယိနၤသၣ်ဖဲ အဆၢအကတီၢ်လၢအသ့ၣ်ပာ်ဒီးစီၤဒၤဝံးန့ၣ် လဲၤထီၣ် ဆူတၢ်ပျီပူၤ, ဒီးဖိၣ်သၣ်ခွါတဂၤအိၣ်ဒီးအီၤလီၤ.

³⁶ ဒီးစံးဘၣ် ဖိၣ်သၣ်ခွါတဂၤန့ၣ် ဃ့ၢ်ဃုန့ၢ်ပျၢ်တဖၣ် လၢယကခးအီၤတက့ၢ်. ဒီးဖိၣ်သၣ်ခွါဃ့ၢ်အဖၢမုၢ်ဒီး, ခးဝဲပျၢ်တဘ့ၣ်လၢအမဲာ်ညါလီၤ. ³⁷ ဒီးတုၤဖိၣ်သၣ်ခွါလဲၤတုၤလၢပျၢ်လၢ စီၤယိနၤသးခးဝဲအလီၢ်ဒီး, စီၤယိနၤသၣ်ကိးထီၣ်ထွဲဖိၣ်သၣ်ခွါအခံ, ဒီးစံးဝဲဒၣ်, ပျၢ်အိၣ်လၢညါတမ့ၢ်ဘၣ်ဧါ. ³⁸ ဒီးစီၤယိ နၤသၣ်ကိးထီၣ်ထွဲဖိၣ်သၣ်ခွါအခံ, မၤချ့ချ့, ဃ့ၢ်, အိၣ် ဒၣ်ကလိာ်တဂ့ၤ. ဒီးစီၤယိနၤသၣ် အဖိၣ်သၣ်ခွါထၢ ထီၣ်အပျၢ်တဖၣ်, ဒီးဟဲက့ၤဆူအကစၢ်အအိၣ်လီၤ.

³⁹ ဒီးဖိၣ်သၣ်ခွါန့ၣ် တသ့ၣ်ညါဘၣ်တၢ်ဘၣ်, သ့ၣ်ညါ ထဲစီၤယိနၤသၣ်ဒီးစီၤဒၤဝံးဧိၤလီၤ. ⁴⁰ ဒီးစီၤယိနၤသၣ် ဟ့ၣ်အစုကဝဲၤလၢဖိၣ်သၣ်ခွါလၢအအိၣ်ဒီးအီၤ, ဒီးစံး ဘၣ်အီၤ, လဲၤစိာ်ဆူဝ့ၢ်ပူၤတက့ၢ်.

⁴¹ ဒီးဖိၣ်သၣ်ခွါန့ၣ် ဟးထီၣ်ကွံာ်ဝံၤဒီး, စီၤဒၤဝံးဂဲၤဆၢ ထၢၣ်လၢအလီၢ်လၢ ကလံၤထံးတခီ, ဒီးထိၣ်လီၤပှီၤ အသး, ဒီးဆုးလီၤအခိၣ်သၢစု, ဒီးနၢမူလိာ်အသး, ဒီး အမဲာ်ထံလီၤဝဲခံဂၤလိာ်, ဒီးစီၤဒၤဝံးမၤအါတက့ၢ်လီၤ.

⁴² ဒီးစီၤယိနၤသၣ်စံးဘၣ်စီၤဒၤဝံး, လဲၤတၢ်မုာ်မုာ်တ က့ၢ်. အဂ့ၢ်ဒ်အံၤပဆိၣ်တၢ်ခံဂၤလိာ်လၢယွၤအမံၤ, ဒီး စံးမ်ယွၤအိၣ်ဒီးယၤဒီးနၤအဘၢၣ်စၢၤ, ဒီးလၢယချံယ သၣ်ဒီးနချံနသၣ်အဘၢၣ်စၢၤ, လီၤထူလီၤယိာ်တက့ၢ်. ဒီးစီၤဒၤဝံးဂဲၤဆၢထၢၣ်, ဒီးဟးဝဲ, ဒီးစီၤယိနၤသၣ်က့ၤ ကဒါက့ၤဆူဝ့ၢ်ပူၤလီၤ.

၂၁

¹ ဒီးစီၤဒၤဝံးဟဲဝဲဆူနိၤဘးအပူၤ, ဆူပှၤလုၢ်တၢ်အဒိၣ် စီၤအဃံၤမ့လ့းအအိၣ်လီၤ. ဒီးမ့ၢ်အဘၣ်သဃိာ်ဒီးစီၤ ဒၤဝံးဒီး, စီၤအဃံၤမ့လ့းပျံၤဝဲ, ဒီးစံးဘၣ်အီၤ, နအိၣ် တဂၤဃီ, ဒီးပှၤတအိၣ်ဘၣ်ဒီးနၤနီတဂၤဘၣ်န့ၣ်မ့ၢ် အဘၣ်မနုၤလဲၣ်.

² ဒီးစီၤဒၤဝံးစံးဘၣ်ပှၤလုၢ်တၢ်အဒိၣ် စီၤအဃံၤမ့လ့း, စီၤပၤမၤလိာ်ယၤလၢတၢ်တမံၤ, ဒီးစံးဘၣ်ယၤ, ဒုးသ့ၣ် ညါပှၤလၢတၢ်လၢယမၢနမၤတၢ်အဂ့ၢ်အကျိၤ, ဒီးတၢ် လၢယမၤလိာ်နၤန့ၣ်နီတဂၤတဂ့ၤ, ဒီးယပာ်လီၤယခ့ ယပှၤဖဲအံၤဖဲနုၤလီၤ. ³ ဒီးခဲကနံၣ်အံၤတၢ်အိၣ်လၢနစု အဖီလာ်န့ၣ် မ့ၢ်မနုၤတမံၤလဲၣ်. ဟ့ၣ်လီၤယၤလၢကိၣ် ယဲၢ်လိၣ်လၢယစုပူၤတက့ၢ်. မ့တမ့ၢ်ဘၣ်ဒ်န့ၣ်ဒီး, တၢ် လၢနထံၣ်န့ၢ်ဘၣ်တဖၣ်န့ၣ်လီၤ.

⁴ ဒီးပှၤလုၢ်တၢ်အဒိၣ်စံးဆၢစီၤဒၤဝံး ဒီးစံးဘၣ်အီၤ, ကိၣ် အတစီတဆှံတအိၣ်ဘၣ်လၢ ယစုအဖီလာ်ဘၣ်. ပှၤ ဖိၣ်သၣ်ခွါတဖၣ်န့ၣ် မ့ၢ်ထဲအဟးဆှဲးပိာ်မုၣ်န့ၣ်ဒီး, ကိၣ်စီဆှံအိၣ်ဝဲလီၤ.

⁵ ဒီးစီၤဒၤဝံးစံးဆၢပှၤလုၢ်တၢ်အဒိၣ်ဒီးစံးဘၣ်အီၤ, လၢ ယဟးထီၣ်န့ၣ် ပိာ်မုၣ်တအိၣ်ဒီးပှၤ သၢနံၤညါဃၣ် ဃၣ်, ဒီးပှၤဖိၣ်သၣ်ခွါအလီခီတဖၣ်န့ၣ်စီဆှံဝဲ, ဒီးကိၣ် န့ၣ်မၤသးဒ်အတစီတဆှံဘၣ်အသိးလီၤ. အဂ့ၢ်ဒ်အံၤ, အဂၤတဖၣ်ဘၣ်တၢ်ပာ်စီဆှံအီၤလၢ လီၤခီပူၤလၢမုၢ် မဆါတနံၤအံၤလီၤ.

⁶ ဒီးပှၤလုၢ်တၢ်အဒိၣ်န့ၣ် ဟ့ၣ်အီၤလၢတၢ်အစီအဆှံ လီၤ. အဂ့ၢ်ဒ်အံၤ, ကိၣ်တအိၣ်ဘၣ်ဖဲန့ၣ်ဘၣ်. အိၣ်ထဲတၢ် မဲာ်ညါကိၣ်လၢ တၢ်ဟံးန့ၢ်ဝဲလၢယွၤအမဲာ်ညါဒ်သိး အကပာ်က့ၤကိၣ်လၢ မုၢ်တနံၤလၢအဟံးန့ၢ်ဝဲန့ၣ်လီၤ.

⁷ ဒီးတၢ်လၢမုၢ်တနံၤန့ၣ် မတၤတဂၤ စီၤစီလူးအခ့အ ပှၤတဂၤ, ဘၣ်တၢ်တြီအလဲၤတၢ်, ဒီးအိၣ်ဝဲလၢယွၤအ မဲာ်ညါ, ဒီးအမံၤမ့ၢ်စီၤဒိအ့း, ဒီးမ့ၢ်ပှၤအဒိၣ်ဖိ, ဒီးစီၤစီ လူးအပှၤကွၢ်ဂီၤဖံးတဖၣ်အခိၣ်လီၤ.

⁸ ဒီးစီၤဒၤဝံးစံးဘၣ်စီၤအဃံၤမ့လ့း, ဘီမ့ၢ်ဂ့ၤ, နးမ့ၢ်ဂ့ၤ, တအိၣ်ဘၣ်လၢနစုအဖီလာ်ဘၣ်ဧါ. အဂ့ၢ်ဒ်အံၤ, ယ နးမ့ၢ်ဂ့ၤ, ယစုကဝဲၤမ့ၢ်ဂ့ၤ, ယတဟဲစိာ်ဘၣ်. အဂ့ၢ်ဒ် အံၤ, စီၤပၤအတၢ်န့ၣ်ဘၣ်မၤဝဲချ့သဒံးလီၤ.

⁹ ဒီးပှၤလုၢ်တၢ်အဒိၣ်စံးဝဲဒၣ်, ပှၤဖလ့ၡသးဖိစီၤကၤ လယးလၢနမၤသံအီၤလၢ တၢ်ပၢၤခိၣ်အ့လးတဂၤအ နးန့ၣ်, ကွၢ်ကွၢ်, အိၣ်ဝဲဘိၣ်အသးလၢတၢ်ကံးညာ်လၢ အ့ဖိးအချၢဃံန့ၣ်လီၤ. မ့ၢ်ဘၣ်နသးလၢနဟံးန့ၢ်အဝဲ န့ၣ်ဒီး, ဟံးန့ၢ်တက့ၢ်. အဂ့ၢ်ဒ်အံၤ, လၢအဝဲတဘ့ၣ်အ မဲာ်ညါန့ၣ်အဂၤတအိၣ်ဘၣ်ဖဲအံၤဘၣ်. ဒီးစီၤဒၤဝံးစံး ဝဲဒၣ်, တၢ်ဒ်အဝဲတဘ့ၣ်အသိးန့ၣ် တအိၣ်ဘၣ်. ဟ့ၣ် လၢ်ယၤတက့ၢ်.

¹⁰ ဒီးစီၤဒၤဝံးဂဲၤဆၢထၢၣ်, ဒီးဃ့ၢ်လၢမုၢ်တနံၤန့ၣ်လၢ တၢ်ပျံၤစီၤစီလူးအဃိ, ဒီးလဲၤဝဲဆူကၤသးအစီၤပၤစီၤ အၤကံၣ်အအိၣ်လီၤ.

¹¹ ဒီးစီၤအၤကံၣ်အခ့အပှၤစံးဘၣ်အီၤ, ပှၤတဂၤအံၤမ့ၢ် ထံဧိၤကီၢ်ဧိၤအစီၤပၤဒၤဝံးတမ့ၢ်ဘၣ်ဧါ. ပှၤစံးဆၢလိာ် အသးလၢတၢ်ဂဲၤကလံၣ်, စီၤစီလူးမၤသံလံအပှၤကထိတဖၣ်, ဒီးစီၤဒၤဝံးန့ၣ်အပှၤကလးတဖၣ်လံန့ၣ်, တန့ၢ်ဘၣ်ဧါ.

¹² ဒီးစီၤဒၤဝံးပာ်တၢ်ကတိၤတဖၣ်န့ၣ်လၢ အသးကံၣ် ပူၤ, ဒီးပျံၤကၤသးအစီၤပၤ စီၤအၤကံၣ်ဒိၣ်မးလီၤ. ¹³ ဒီး လဲက့ၤအသးလၢအမဲာ်ညါ, ဒီးပာ်ပျုၢ်အသးလၢအစု ပူၤ, ဒီးကွဲးတၢ်ကလီကလီလၢပဲတရီအတြဲၤလိၤ, ဒီး အထူးပျ့ၤထံယွၤလီၤလၢအခၣ်ဆူၣ်အလိၤလီၤ.

¹⁴ ဒီးစီၤအၤကံၣ်စံးဘၣ်အခ့အပှၤ, ကွၢ်ကွၢ်, ပှၤတဂၤ အံၤမ့ၢ်ပှၤအပျုၢ်လီၤ. သုဟဲစိာ်အီၤဆူယအိၣ်မ့ၢ်အဘၣ် မနုၤလဲၣ်. ¹⁵ မ့ၢ်လၢပှၤပျုၢ်တအိၣ်ဒီးယၤဘၣ်ဒီး, သုဟဲ စိာ်ပှၤတဂၤအံၤ ဒ်သိးအကမၤပှၤပျုၢ်အတၢ်လၢယမဲာ် ညါဧါ. ပှၤတဂၤအံၤကဟဲနုာ်လၢယဟံၣ်ပူၤဧါ.

၂၂

¹ ဒီးစီၤဒၤဝံးဟးထီၣ်ဖဲန့ၣ်, ဒီးထူၣ်ဖျဲးဝဲဆူတၢ်အိပူၤဧဒူးလၣ်, ဒီးတုၤအဒီပုၢ်ဝဲၢ်, ဒီးအပၢ်အပှၤဟံၣ်ဖိခဲလၢၣ် နၢ်ဟူဝဲဒီး, လဲၤလီၤဝဲဆူအအိၣ်လီၤ. ² ဒီးကယဲၢ်ပှၤ လၢအဘၣ်တၢ်နးတၢ်ဖှီၣ်, ဒီးကယဲၢ်ပှၤလၢအကမၢ် အိၣ်, ဒီးကယဲၢ်ပှၤလၢအသးတမံဘၣ်တဂၤလၢ်လၢ်န့ၣ် အိၣ်ဖှိၣ်ရိဖှိၣ်ဝဲလၢအအိၣ်, ဒီးအဝဲဒၣ်ကဲထီၣ်အခိၣ် လၢအဖီခိၣ်, ဒီးပှၤကညီလွံၢ်ကယၤဃၣ်ဃၣ်အိၣ်ဝဲဒီး အီၤလီၤ.

³ ဒီးစီၤဒၤဝံးဟးထီၣ်ဖဲန့ၣ်ဆူမံးစပၤ လၢမိၤအးအပူၤ, ဒီးစံးဘၣ်မိၤအးအစီၤပၤ, ဒုးဟဲထီၣ်လၢ်ယမိၢ်ယပၢ်ဒီး ဒုးအိၣ်အီၤဒီးသုတုၤယသ့ၣ်ညါတၢ်လၢ ယွၤကမၤလၢ ယဂီၢ်တက့ၢ်. ⁴ ဒီးဟဲစိာ်အီၤဆူမိၤအးအစီၤပၤအအိၣ်, ဒီးကယဲၢ်မုၢ်နံၤလၢစီၤဒၤဝံးအိၣ်ဝဲလၢ တိာ်ပူၤခဲလၢာ် န့ၣ်အိၣ်ဝဲဆိးဝဲဒီးစီၤပၤလီၤ.

⁵ ဒီးဝံစီၤကးစံးဘၣ်စီၤဒၤဝံး, အိၣ်လၢတိာ်ပူၤန့ၣ်တဂ့ၤ. ဟးထီၣ်, ဒီးလဲၤဆူကီၢ်ယူဒၤတက့ၢ်. ဒီးစီၤဒၤဝံးဟး ထီၣ်ဝဲဒီးလဲၤဝဲဆူပှၢ်လၢ်ကျါဃ့ၤရ့းလီၤ.

⁶ ဒီးစီၤစီလူးနၢ်ဟူဝဲလၢ ပှၤသ့ၣ်ညါစီၤဒၤဝံးဒီးပှၤအိၣ် ဒီးအီၤ, ဒီးစီၤစီလူးအိၣ်ဝဲဆိးဝဲလၢ ကံဘဧၤအပူၤ, အိၣ် ဒီးဘီတဘ့ၣ်လၢအစုပူၤ, လၢသ့ၣ်တထံးအဖီလာ်အိၣ် လၢရၤမါအပူၤ, ဒီးအခ့အပှၤအိၣ်ဝးတရံးဆၢထၢၣ်လၢ အဃၢၤလီၤ. ⁷ ဒီးစီၤစီလူးစံးဘၣ်အခ့အပှၤလၢအဆၢ ထၢၣ်လၢအဃၢၤ, ကနၣ်လၢ်တက့ၢ်, ပှၤဘံၣ်ယၤမံၣ် ဖိသ့ၣ်ဧၢ, စီၤယံးၡဲအဖိခွါကဟ့ၣ်သု ကိးဂၤဒဲးလၢစံာ် ဧိၤပှဲၤဧိၤဒီး တၤသၣ်အလီၢ်တဖၣ်, ဒီးပာ်သုလၢပှၤတ ကထိအခိၣ်, ဒီးပှၤတကယၤအခိၣ်, ⁸ ဒ်သိးသုဝဲခဲလၢာ် ကအၢၣ်လီၤအီလီၤတၢ်ထီဒါယၤဧါ. ဒီးပှၤလၢအဒုး သ့ၣ်ညါယၤလၢ ယဖိခွါအၢၣ်လီၤအီလီၤတၢ်ဒီးစီၤယံး ၡဲအဖိခွါ, ဒီးပှၤလၢအသးအုးလၢယဂီၢ် လၢသုကျါ, ဒီး ပှၤလၢအဒုးသ့ၣ်ညါယၤလၢယဖိခွါ ထိၣ်ဂဲၤယခ့ယပှၤ ထီဒါယၤဒ်သိးအကခိးတၢ်ခူသူၣ်ဒ်လၢ မုၢ်တနံၤအံၤ အသိးန့ၣ်တအိၣ်ဘၣ်နီတဂၤဘၣ်ဧါ.

⁹ ဒီးပှၤအဒိၣ်ဖိစီၤဒိအ့းလးအအိၣ်လၢ စီၤစီလူးအခ့အ ပှၤအဖီခိၣ်န့ၣ် စံးဆၢတၢ်ဒီးစံးဝဲဒၣ်, ယထံၣ်စီၤယံးၡဲ အဖိခွါဟဲလီၤလၢ နိၤဘးဆူစီၤအဃံးတူာ်အဖိခွါစီၤ အဃံၤမ့လ့းအအိၣ်လီၤ. ¹⁰ ဒီးအဝဲဒၣ်သံကွၢ်တၢ်လၢ ယွၤလၢအဂီၢ်, ဒီးဟ့ၣ်အီၤလၢတၢ်အီၣ်တၢ်အီ, ဒီးဟ့ၣ် အီၤလၢပှၤဖလ့ၡသးဖိစီၤကၤလယးအနးတဘ့ၣ်လီၤ.

¹¹ ဒီးစီၤပၤမၢပှၤလဲၤကိးန့ၢ်ပှၤလုၢ်တၢ်အဒိၣ်, စီၤအဃံး တူာ်အဖိခွါစီၤအဃံၤမ့လ့း, ဒီးအပၢ် အပှၤဟံၣ်ဖိခဲ လၢာ်, ပှၤလုၢ်တၢ်အဒိၣ်လၢအအိၣ်ဝဲလၢနိၤဘးအပူၤ, ဒီးဟဲဝဲဆူစီၤပၤအအိၣ်ခဲလၢာ်လီၤ.

¹² ဒီးစီၤစီလူးစံးဝဲဒၣ်, စီၤအဃံးတူာ်အဖိခွါဧၢ, ကနၣ် လၢ်တက့ၢ်. ဒီးစံးဆၢဝဲဒၣ်, ကွၢ်ကွၢ်, ယၤလီၤ, ကစၢ် ဧၢ, ¹³ ဒီးစီၤစီလူးစံးဘၣ်အီၤ သုအၢၣ်လီၤအီလီၤတၢ် ထီဒါယၤ, နဲဒၣ်ဒီးစီၤယံးၡဲအဖိခွါ, လၢနဟ့ၣ်အီၤလၢ ကိၣ်, ဒီးနးတဘ့ၣ်, ဒီးသံကွၢ်ယွၤလၢအဂီၢ် ဒ်သိးအ ကဂဲၤဆၢထၢၣ်ထီဒါယၤ, ဒ်သိးအကခိးတၢ်ခူသူၣ်ဒ် လၢမုၢ်မဆါတနံၤအံၤအသိးန့ၣ်မ့ၢ်အဘၣ်မနုၤလဲၣ်.

¹⁴ ဒီးစီၤအဃံၤမ့လ့းစံးဆၢစီၤပၤဒီးစံးဝဲဒၣ်, မ့ၢ်မတၤအ ကလုၢ်တီလၢနခ့နပှၤအကျါ ထဲသိးဒီးစီၤဒၤဝံးလၢအ မ့ၢ်စီၤပၤအမာ်, ဒီးလဲၤနုာ်ဒၣ်တၢ်ဆူနအိၣ်, ဒီးအိၣ် ဒီးအလၤအကပီၤလၢနဟံၣ်ပူၤန့ၣ်တဂၤလဲၣ်. ¹⁵ တၢ် လၢမုၢ်တနံၤန့ၣ် ယသံကွၢ်သီတၢ်လၢယွၤလၢအဂီၢ်န့ၢ် ဧါ. မ်အသုတမၤအသးဒ်န့ၣ်တဂ့ၤ, မ်စီၤပၤအသုတ ပာ်တၢ်လၢအခ့အပှၤအလိၤ, ဒီးလၢယပၢ်အပှၤဟံၣ်ဖိ ခဲလၢာ်အလီၤနီတမံၤတဂ့ၤ. အဂ့ၢ်ဒ်အံၤ, အဆံးမ့ၢ်ဂ့ၤ, အဒိၣ်မ့ၢ်ဂ့ၤ, လၢတၢ်အံၤခဲလၢာ်အပူၤန့ၣ် နခ့နပှၤတ သ့ၣ်ညါဘၣ်တၢ်နီတမံၤဘၣ်.

¹⁶ ဒီးစီၤပၤစံးဝဲဒၣ်, စီၤအဃံၤမ့လ့းဧၢ, သံဒီးနကသံ လီၤ. နဲဒၣ်ဒီးနပၢ်အပှၤဟံၣ်ဖိခဲလၢာ်လီၤ.

¹⁷ ဒီးစီၤပၤစံးဘၣ်ပှၤဃ့ၢ်တၢ်ဖိလၢ အဆၢထၢၣ်လၢအ ဃၢၤန့ၣ်ဃၣ်သုသး, ဒီးမၤသံယွၤအပှၤလုၢ်တၢ်အဒိၣ် တဖၣ်တက့ၢ်. အဂ့ၢ်ဒ်အံၤ, အစုအိၣ်ဝဲစ့ၢ်ကီးဒီးစီၤဒၤ ဝံး, ဒီးလၢအဃ့ၢ်ထီၣ်ကွံာ်န့ၣ်သ့ၣ်ညါဝဲ, ဒီးတဒုးသ့ၣ် ညါဘၣ်ယၤအဃိန့ၣ်လီၤ. ဒီးစီၤပၤအခ့အပှၤတယူာ် ထီၣ်ဘၣ်အစု ဒ်သိးအကကျီကွံာ်ယွၤအပှၤလုၢ်တၢ်အ ဒိၣ်တဖၣ်ဘၣ်.

¹⁸ ဒီးစီၤပၤစံးဘၣ်စီၤဒိအ့း, ဃၣ်နသးဒီးကျီကွံာ်ပှၤလုၢ် တၢ်အဒိၣ်တဖၣ်န့ၣ်တက့ၢ်. ဒီးပှၤအဒိၣ်ဖိစီၤဒိအ့းဃၣ် ဃီၤအသး, ဒီးကျီကွံာ်ပှၤလုၢ်တၢ်အဒိၣ်တဖၣ်, ဒီးတၢ် လၢမုၢ်တနံၤန့ၣ် မၤသံပှၤလၢအသိးအ့ဖိးတၢ်ဖှီဝါက ကဆှၣ်, ဃိးဆံယဲၢ်ဂၤလီၤ.

¹⁹ ဒီးပှၤလုၢ်တၢ်အဒိၣ်အဝ့ၢ်နိၤဘးန့ၣ် ကျီကွံာ်ဝဲလၢနး အကနၣ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, ဖိဒံဖိသၣ်မ့ၢ်ဂ့ၤ, ပှၤအီၣ်နုၢ်မ့ၢ်ဂ့ၤ, ဂီၤဖံးမ့ၢ်ဂ့ၤ, ကသ့ၣ်ယီၤမ့ၢ်ဂ့ၤ, သိဒီး မဲာ်တဲးလဲးမ့ၢ်ဂ့ၤ, ကျီကွံာ်ဝဲလၢနးအကနၣ်လီၤ.

²⁰ ဒီးစီၤအဃံးတူာ်အဖိခွါ စီၤအဃံၤမ့လ့းအဖိခွါတဂၤ အမံၤစီၤအ့ဘယၤသၢ်န့ၢ်ထူၣ်ဖျဲးဝဲ, ဒီးဃ့ၢ်ပိာ်စီၤဒၤဝံး အခံလီၤ. ²¹ ဒီးစီၤအ့ဘယၤသၢ်န့ၣ်ဒုးနဲၣ်စီၤဒၤဝံးလၢစီၤ စီလူးမၤသံတ့ၢ် ယွၤအပှၤလုၢ်တၢ်အဒိၣ်တဖၣ်န့ၣ်လီၤ.

²² ဒီးစီၤဒၤဝံးစံးဘၣ်စီၤအ့ဘယၤသၢ်, တၢ်လၢမုၢ်တနံၤ လၢစီၤဒိအ့းအိၣ်ဖဲန့ၣ်ယသ့ၣ်ညါလၢအကစံးဘၣ်စီၤစီ လူးသပှၢ်တၢၢ်လီၤ. ယဒုးမၤသံနပၢ်အပှၤဟံၣ်ဖိခဲလၢာ် လီၤ. ²³ အိၣ်ဒီးယၤတက့ၢ်, ပျံၤတၢ်တဂ့ၤ, အဂ့ၢ်ဒ်အံၤ, ပှၤ လၢအဃုယသးသမူဃုနသးသမူန့ၣ်လီၤ. အဂ့ၢ်ဒ်အံၤ, နအိၣ်ဒီးယၤအံၤတၢ်အံးက့ၤကွၢ်က့ၤအိၣ်လီၤ.

၂၃

¹ ဒီးပှၤဒုးနဲၣ်စီၤဒၤဝံး, ဒီးစံးဘၣ်အီၤ, ကွၢ်ကွၢ်, ပှၤဖလ့ ၡသးဖိ ဒုးတၢ်ဒီးကံလၤ, ဒီးမၤန့ၢ်ဆူၣ်တၢ်အိၣ်လၢ ကြဲၢ်တဖၣ်အပူၤလီၤ.

² ဒီးစီၤဒၤဝံးသံကွၢ်တၢ်လၢယွၤ, ဒီးစံးဝဲဒၣ်, ယကလဲၤ ကျီကွံာ်ပှၤဖလ့ၡသးဖိန့ၣ်, ဒီးအုၣ်က့ၤခီၣ်က့ၤကံလၤ ဧါ. ဒီးယွၤစံးဘၣ်စီၤဒၤဝံး, လဲၤတၢ်, ဒီးအုၣ်က့ၤခီၣ် က့ၤကံလၤန့ၣ်တက့ၢ်.

³ ဒီးစီၤဒၤဝံးအပှၤကညီစံးဘၣ်အီၤ, ကွၢ်ကွၢ်, ပပျံၤတၢ်ဖဲ အံၤလၢယူဒၤအပူၤလီၤ. ပမ့ၢ်လဲၤတၢ်ဆူကံလၤထီဒါ ပှၤဖလ့ၡသးဖိအပှၤသုးမုၢ်ဒီး, ဒိၣ်တက့ၢ်ဆံးဒိၣ်လဲၣ်.

⁴ ဒီးစီၤဒၤဝံးသံကွၢ်ကဒီးတၢ်လၢယွၤလီၤ. ဒီးယွၤစံး ဆၢတၢ်, ဒီးစံးဝဲဒၣ်, ဂဲၤဆၢထၢၣ်, လဲၤလီၤဆူကံလၤတ က့ၢ်. အဂ့ၢ်ဒ်အံၤ, ယကဟ့ၣ်လီၤပှၤဖ့လ့ၡသးဖိလၢနစု ပူၤလီၤ.

⁵ ဒီးစီၤဒၤဝံး, ဒီးအပှၤကညီလဲၤဆူကံလၤ, ဒီးဒုးတၢ်ဒီး ပှၤဖလ့ၡသးဖိ, ဒီးဟဲက့ၤစိာ်အဆၣ်ဖိကီၢ်ဖိအဒၢ, ဒီး ကျီအီၤဒီးတၢ်ကျီကွံာ်ဖးဒိၣ်, ဒီးစီၤဒၤဝံးအုၣ်က့ၤခီၣ် က့ၤပှၤကံလးဖိလီၤ.

⁶ ဒီးတုၤစီၤအဃံၤမ့လ့းအဖိခွါ စီၤအ့ဘယၤသၢ်န့ၢ်ဃ့ၢ် ဝဲဆူစီၤဒၤဝံးအအိၣ်ဆူကံလၤန့ၣ်ဒီး, တၢ်မၤအသးလၢ အဟဲလီၤဝဲအိၣ်ဒီးအ့ဖိးတဘ့ၣ်လၢအစုပူၤလီၤ.

⁷ ဒီးပှၤစံးဘၣ်စီၤစီလူးလၢ စီၤဒၤဝံးဟဲဝဲဆူကံလၤအ အပူၤလီၤ. ဒီးစီၤစီလူးစံးဝဲဒၣ်, ယွၤဟ့ၣ်လီၤကွံာ်လံ အီၤလၢယစုပူၤလံ, အဂ့ၢ်ဒ်အံၤ, မ့ၢ်အလဲၤနုာ်လၢဝ့ၢ်တ ဝ့ၢ်အပူၤလၢအအိၣ်ဒီးတြဲၤဒီး တြဲၤအဘိတဖၣ်ဒီး, တၢ် ကးတံာ်ဃာ်အီၤလီၤ.

⁸ ဒီးစီၤစီလူးဒုးအိၣ်ဖှိၣ်ပှၤဂီၢ်မုၢ်ခဲလၢာ် လၢအကဒုး သုး, ဒ်သိးအကလဲၤဆူကံလၤ, ဒီးကဝီၤဃာ်စီၤဒၤဝံး အပှၤကညီတဖၣ်လီၤ.

⁹ ဒီးစီၤဒၤဝံးသ့ၣ်ညါဝဲလၢ စီၤစီလူးကူၣ်ထီၣ်ခူသူၣ်တၢ် အၢထီဒါအီၤ, ဒီးစံးဘၣ်ပှၤလုၢ်တၢ်အဒိၣ်စီၤအ့ဘယၤ သၢ်, ဟဲစိာ်အ့ဖိးတဘ့ၣ်န့ၣ်ဖဲအံၤတက့ၢ်.

¹⁰ ဒီးစီၤဒၤဝံးစံးဝဲဒၣ်, ယွၤအံၣ်စရ့လးအကစၢ်ဧၢ, နခ့ နပှၤနၢ်ဟူလံသပှၢ်တၢၢ် လၢစီၤစီလူးဃုဟဲဆူကံလၤ ဒ်သိးအကမၤဟးဂီၤဝ့ၢ်န့ၣ်လၢယဃိလီၤ. ¹¹ ပှၤကံလၤ ဖိကဟ့ၣ်လီၤကွံာ်ယၤလၢအစုပူၤဧါ. ဒ်နခ့နပှၤနၢ်ဟူ တၢ်အသိးန့ၣ် စီၤစီလူးကဟဲလီၤစ့ၢ်ကီးဧါ. ယွၤအံၣ်စ ရ့လးအကစၢ်ဧၢ, စံးဘၣ်လၢ်နခ့နပှၤတက့ၢ်. ဒီးယွၤစံး ဝဲဒၣ်, ကဟဲလီၤဝဲလီၤ.

¹² ဒီးစီၤဒၤဝံးစံးဝဲဒၣ်, ပှၤကံလၤဖိကဟ့ၣ်လီၤကွံာ်ယၤ ဒီးယပှၤကညီတဖၣ်လၢ စီၤစီလူးအစုပူၤဧါ. ဒီးယွၤစံး ဝဲဒၣ်, ကဟ့ၣ်လီၤကွံာ်ဝဲလီၤ.

¹³ ဒီးစီၤဒၤဝံးဒီးအပှၤကညီ ဃုကယၤဃၣ်ဃၣ်ဟးထီၣ် ကွံာ်လၢကံလၤ, ဒီးလဲၤတၢ်ဖဲအလဲၤတၢ်သ့လီၤ. ဒီး ပှၤစံးဘၣ်စီၤစီလူးလၢစီၤဒၤဝံးပူၤဖျဲးလံန့ၣ်, ဒီးတလဲၤ ထီၣ်ဝဲဘၣ်.

¹⁴ ဒီးစီၤဒၤဝံးအိၣ်ဝဲဆိးဝဲလၢပှၢ်လၢ်ကျါ လၢလၢၢ်ဧိၤလ့ ဧိၤအပူၤ, ဒီးအိၣ်ဝဲလၢကစၢၢ်တဖျၢၣ်အလိၤလၢပှၢ်လၢ် ကျါစံဖးအပူၤ, ဒီးစီၤစီလူးဃုအီၤကိးမုၢ်နံၤမုၢ်နၤဒဲး, ဒီး ယွၤတဟ့ၣ်လီၤဘၣ်အီၤလၢအစုပူၤဘၣ်.

¹⁵ ဒီးစီၤဒၤဝံးထံၣ်ဝဲလၢ စီၤစီလူးဟဲထီၣ်ဃုအသးသမူ, ဒီးစီၤဒၤဝံးအိၣ်ဝဲလၢ စံဖးအပှၢ်မုၢ်ကနၢလၢပှၢ်လၢ်ကျါ လီၤ. ¹⁶ ဒီးစီၤစီလူးအဖိခွါစီၤယိနၤသၣ်ဂဲၤဆၢထၢၣ်, ဒီးလဲၤဝဲဆူစီၤဒၤဝံးအအိၣ်လၢပှၢ်လၢ်ကျါ, ဒီးဒုးဆူၣ်ထီၣ်အ စုလၢယွၤအပူၤလီၤ. ¹⁷ ဒီးစံးဘၣ်အီၤ, ပျံၤတၢ်တဂ့ၤ, အ ဂ့ၢ်ဒ်အံၤ, စီၤစီလူးယပၢ်အစု တထံၣ်န့ၢ်ဘၣ်နၤဘၣ်, ဒီးနကကဲထီၣ်စီၤပၤလၢအံၣ်စရ့လးအဖီခိၣ်, ဒီးယက ကဲထီၣ်ပှၤခံဂၤဒီးနၤ, ဒီးစီၤစီလူးယပၢ်သ့ၣ်ညါစ့ၢ်ကီး တၢ်ဒ်န့ၣ်လီၤ.

¹⁸ ဒီးအဝဲခံဂၤန့ၣ်အၢၣ်လီၤအီလီၤတၢ်လၢ ယွၤအမဲာ် ညါလီၤ. ဒီးစီၤဒၤဝံးအိၣ်လၢပှၢ်လၢ်ကျါ, ဒီးစီၤယိနၤ သၣ်က့ၤက့ၤဝဲဆူအဟံၣ်လီၤ.

¹⁹ ဒီးပှၤစံဖးဖိဟဲဝဲဆူစီၤစီလူးအအိၣ်ဆူကံဘဧၤ, ဒီးစံး ဝဲဒၣ်, စီၤဒၤဝံးပာ်ခူသူၣ်အသးဒီးပှၤလၢလၢၢ်ဧိၤလ့ဧိၤ အပူၤ, လၢပှၢ်လၢ်ကျါ, လၢကစၢၢ်ဃကံလၤအလိၤ လၢအအိၣ်လၢယံးၡံမိၣ်လၢကလံၤထံးတခီန့ၣ် တမ့ၢ် ဘၣ်ဧါ. ²⁰ ဒီးခဲကနံၣ်အံၤ, စီၤပၤဧၢ, ဟဲလီၤဒ်နဆၢဟဲ လီၤလၢနသးဒီဖျၢၣ်ညါအသိးန့ၣ်, ဒီးပဝဲဒၣ်တခီပ ကဟ့ၣ်လီၤကွံာ်အီၤလၢစီၤပၤအစုပူၤလီၤ.

²¹ ဒီးစီၤစီလူးစံးဝဲဒၣ်, မ်သုဘၣ်တၢ်ဆိၣ်ဂ့ၤလၢယွၤတ က့ၢ်. အဂ့ၢ်ဒ်အံၤ, သုသးအိၣ်ယၤလီၤ. ²² က့ၤလၢ်, ဒီး ကတဲာ်ကတီၤဒံးတၢ်, ဒီးသ့ၣ်ညါဒီးကွၢ်တၢ်အလီၢ်ဖဲ အခီၣ်အိၣ်ဝဲ, ဒီးမ့ၢ်မတၤထံၣ်ဘၣ်အီၤဖဲန့ၣ်တက့ၢ်. အ ဂ့ၢ်ဒ်အံၤ, ပှၤစံးဘၣ်ယၤလၢအမၤတၢ်ဒီးတၢ်ကူၣ်သ့ ဒိၣ်မးလီၤ. ²³ ဒီးကွၢ်, ဒီးသ့ၣ်ညါကယဲၢ်အအိၣ်ခူသူၣ် အလီၢ်ဖဲအပာ်ခူသူၣ်အသးခဲလၢာ်, ဒီးဟဲကဒီးဆူယ အိၣ်ဒီးတၢ်သ့ၣ်ညါလီၤတံၢ်လီၤဆဲး, ဒီးယကလဲၤတၢ် ဒီးသုလီၤ. ဒီးမ့ၢ်အိၣ်ဝဲလၢ ကီၢ်ပူၤဒီးတၢ်ကမၤအသး လၢယကဃုန့ၢ်အီၤလၢယူဒၤအပှၤကထိတဖၣ်အကျါ ဒီကီၢ်ညါလီၤ.

²⁴ ဒီးအဝဲသ့ၣ်တဖၣ်န့ၣ်ဂဲၤဆၢထၢၣ်, ဒီးလဲၤဝဲဆူစံဖး လၢစီၤစီလူးအမဲာ်ညါလီၤ. မ့မ့ၢ်စီၤဒၤဝံးဒီးအပှၤကညီ တဖၣ်အိၣ်ဝဲလၢပှၢ်လၢ်ကျါမၤဧိၣ်, လၢတၢ်ပျီပူၤလၢ ယံးၡံမိၣ်လၢကလံၤထံးတခီလီၤ.

²⁵ ဒီးစီၤစီလူးဒီးအပှၤကညီတဖၣ် လဲၤဃုတၢ်လီၤ. ဒီးပှၤ စံးဘၣ်စီၤဒၤဝံး, ဒီးအဝဲဒၣ်ဟဲလီၤဆူလ့အပူၤ, ဒီးအိၣ် ဝဲလၢပှၢ်လၢ်ကျါမၤဧိၣ်လီၤ. ဒီးစီၤစီလူးနၢ်ဟူဝဲဒီးလူၤ ပိာ်စီၤဒၤဝံးအခံဆူပှၢ်လၢ်ကျါမၤဧိၣ်လီၤ.

²⁶ ဒီးစီၤစီလူးလဲၤဝဲလၢကစၢၢ်လၢအအံၤတခီ, ဒီးစီၤဒၤ ဝံးဒီးအပှၤကညီလၢဘးခီ, ဒီးစီၤဒၤဝံးမၤဝဲချ့ချ့ဒ်သိး အကပူၤဖျဲးလၢအပျံၤစီၤစီလူးအဃိလီၤ. အဂ့ၢ်ဒ်အံၤ, စီၤစီလူးဒီးအပှၤကညီ ကဝီၤဃာ်စီၤဒၤဝံးဒီးအပှၤက ညီ, ဒ်အသိးအကမၤန့ၢ်အီၤလီၤ.

²⁷ ဒီးကလူးတဂၤဟဲဆူစီၤစီလူးအအိၣ်, ဒီးစံးဝဲဒၣ်, မၤ ချ့ချ့ဒီးဟဲတက့ၢ်. အဂ့ၢ်ဒ်အံၤ, ပှၤဖလ့ၡသးဖိဟဲနုာ်လၢ ထံဧိၤကီၢ်ဧိၤအပူၤလီၤ.

²⁸ ဒီးစီၤစီလူးပိာ်စီၤဒၤဝံးအခံန့ၣ် ဟဲက့ၤကဒါက့ၤ, ဒီး လဲၤထီဒါပှၤဖလ့ၡသးဖိလီၤ. မၤသးဒ်န့ၣ်ဒီးပှၤကိးတၢ် အလီၢ်န့ၣ်လၢစ့လၤဟးမၤဃလကိးလီၤ.

²⁹ ဒီးစီၤဒၤဝံးဟးထီၣ်ဝဲဖဲန့ၣ်, ဒီးအိၣ်ဝဲဆိးဝဲလၢအတိာ် တဖၣ်အပူၤဖဲဧ့ၣ်က့ၤဒံၤလီၤ.

၂၄

¹ ဒီးစီၤစီလူးလူၤပှၤဖလ့ၡသးဖိန့ၣ် တုၤအဟဲက့ၤကဒါ က့ၤဒီး, တၢ်မၤအသးလၢပှၤဒုးနဲၣ်အီၤ, ဒီးစံးဝဲဒၣ်, ကွၢ် ကွၢ်, စီၤဒၤဝံးအိၣ်ဝဲလၢပှၢ်လၢ်ကျါဧ့ၣ်က့ဒံၤလီၤ.

² ဒီးစီၤစီလူးဟံးန့ၢ်ပှၤဃုထၢဖိလၢ အံၣ်စရ့လးခဲလၢာ် အကျါသၢကထိ, ဒီးလဲၤဃုစီၤဒၤဝံးဒီးအပှၤကညီတ ဖၣ်လၢမဲာ်တဲးလဲးမံၤအလ့လိၤလီၤ. ³ ဒီးလဲၤပၢၢ်ဝဲလၢ သိအကရၢတဖၣ်အိၣ်ဝဲလၢကျဲပူၤ, ဖဲတၢ်အိပူၤအိၣ်ဝဲ လီၤ. ဒီးစီၤစီလူးလဲၤနုာ်ဝဲဒ်သိးအကလုးဘၢအခီၣ်, ဒီး စီၤဒၤဝံးဒီးအပှၤကညီတဖၣ် အိၣ်ဝဲလၢတၢ်အိပူၤအက တၢၢ်န့ၣ်လီၤ.

⁴ ဒီးစီၤဒၤဝံးအပှၤကညီတဖၣ်စံးဘၣ်အီၤ, ကွၢ်ကွၢ်, မုၢ် တနံၤလၢယွၤစံးဘၣ်နၤ, ကွၢ်ကွၢ်, ယကဟ့ၣ်လီၤကွံာ် နဒုၣ်နဒါလၢနစုပူၤ ဒ်သိးနကမၤအီၤဖဲအဂ့ၤလၢနမဲာ် လီၤ. ဒီးစီၤဒၤဝံးဂဲၤဆၢထၢၣ်, ဒီးကူးတဲာ်ခူသူၣ်စီၤစီ လူးအဆ့အခီၣ်ထံးလီၤ.

⁵ ဒီးလၢခံက့ၤဒီးတၢ်မၤအသးလၢ စီၤဒၤဝံးအသးသိၣ် ဃီၣ်အီၤလၢ အကူးတဲာ်စီၤစီလူးအဆ့အခီၣ်ထံးအဃိ လီၤ. ⁶ ဒီးစံးဘၣ်အပှၤကညီတဖၣ်, မ်ယွၤအသုတဒုး မၤယၤလၢတၢ်တမံၤအံၤလၢယကစၢ်, ယွၤအပှၤဒိးဖှူ အသးလၢယကယူာ်ထီၣ်ယစုထီဒါအီၤန့ၣ်တဂ့ၤ. အ ဂ့ၢ်ဒ်အံၤ, မ့ၢ်ယွၤအပှၤဒိးဖှူအသးလီၤ.

⁷ ဒီးစီၤဒၤဝံးတြီအပှၤကညီလၢ တၢ်ကတိၤတဖၣ်န့ၣ်, ဒီးတဟ့ၣ်အဂဲၤဆၢထၢၣ်ထီဒါစီၤစီလူးဘၣ်. ဒီးစီၤစီ လူးဂဲၤဆၢထၢၣ်ဒီးလဲၤပိာ်အကျဲလီၤ.

⁸ ဒီးစီၤဒၤဝံးဂဲၤဆၢထၢၣ်စ့ၢ်ကီးလၢအလီၢ်ခံန့ၣ်, ဒီး ဟးထီၣ်လၢတၢ်အိပူၤ, ဒီးကိးထီၣ်လၢစီၤစီလူးအလီၢ် ခံဒီးစံးဝဲဒၣ်, ယကစၢ်စီၤပၤဧၢ, ဒီးတုၤစီၤစီလူးကွၢ်တၢ် လၢအလီၢ်ခံန့ၣ်ဒီး, စီၤဒၤဝံးဆုးလီၤအခိၣ်ဆူဟီၣ်ခိၣ် ဒီးတီၤလီၤဝဲလီၤ. ⁹ ဒီးစီၤဒၤဝံးစံးဘၣ်စီၤစီလူး, နဒိက နၣ်ပှၤကညီအကလုၢ်လၢအစံး, ကွၢ်ကွၢ်, စီၤဒၤဝံးဃု မၤအၢနၤန့ၣ်မ့ၢ်အဘၣ်မနုၤလဲၣ်.

¹⁰ ကွၢ်ကွၢ်, တၢ်လၢမုၢ်မဆါတနံၤအံၤ, နမဲာ်ထံၣ်ဘၣ် လၢယွၤဟ့ၣ်လီၤကွံာ်နၤလၢယစုပူၤလၢတၢ်အိပူၤ, ဒီး ပှၤမၤလိာ်မၤသံနၤ, ဘၣ်ဆၣ်ဒီးယသးလီနၤ, ဒီးယစံး ယတယူာ်ထီၣ်ဘၣ်ယစုထီဒါယကစၢ်ဘၣ်. အဂ့ၢ်ဒ် အံၤ, မ့ၢ်ယွၤအပှၤဒိးဖှူအသးလီၤ. ¹¹ ဒီးယပၢ်ဧၢ, ကွၢ်, ဒီးထံၣ်နဆ့အခီၣ်ထံးအိၣ်ဝဲ လၢယစုပူၤန့ၣ်တက့ၢ်. မ့ၢ် ယကူးတဲာ်နဆ့အခီၣ်ထံးဒီး, ယတမၤသံဘၣ်နၤဘၣ် ဒီး, သ့ၣ်ညါ, ဒီးကွၢ်လၢတၢ်အၢဒီးတၢ်ကမၣ်တအိၣ် ဘၣ်လၢယစုပူၤ, ဒီးယတမၤကမၣ်ဘၣ်နၤဘၣ်န့ၣ်တ က့ၢ်. ဘၣ်ဆၣ်ဒီးနလူၤယသးသမူဒ်သိးနကမၤန့ၢ်အီၤ လီၤ. ¹² မ်ယွၤစံၣ်ညီၣ်တၢ်လၢယၤဒီးနၤ အဘၢၣ်စၢၤ ဒီးယွၤမၤဆၢနၤလၢတၢ်အၢလၢယဂီၢ်တက့ၢ်. မ့မ့ၢ်ယ စုတအိၣ်ဘၣ်လၢနလိၤဘၣ်. ¹³ ဒ်ပမှံၤပပှၢ်အတၢ်က တိၤဒိစံးဝဲအသိးန့ၣ်, တၢ်အၢဟဲထီၣ်လၢပှၤအၢဖိလီၤ. မ့မ့ၢ်ယစုတအိၣ်ဘၣ်လၢနလိၤဘၣ်. ¹⁴ အံၣ်စရ့လးအ စီၤပၤဟဲပိာ် မတၤတဂၤအခံလဲၣ်. နလူၤမတၤလဲၣ်. ထွံၣ်သံတဒုဧါ. ကျံတဘ့ၣ်ဧါ. ¹⁵ ဒီးမ်ယွၤစံၣ်ညီၣ်တၢ် လၢယၤဒီးနၤအဘၢၣ်စၢၤ, ဒီးကွၢ်တၢ်, ဒီးလိာ်ယကွီၢ်, ဒီးမၤပူၤမၤဖျဲးယၤလၢနစုပူၤန့ၣ်တက့ၢ်.

¹⁶ ဒီးစီၤဒၤဝံးကတိၤတၢ်ကတိၤတဖၣ် ဒီးစီၤစီလူးဝံၤဒီး, တၢ်မၤအသးလၢစီၤစီလူးစံးဝဲဒၣ်, မ့ၢ်နကလုၢ်ဧါ, ယ ဖိခွါစီၤဒၤဝံးဧၢ. ဒီးစီၤစီလူးထုထီၣ်အကလုၢ်, ဒီးဟီၣ် ဝဲလီၤ. ¹⁷ ဒီးစံးဘၣ်စီၤဒၤဝံး, နတီန့ၢ်လိၤန့ၢ်ယၤတက့ၢ် လီၤ. အဂ့ၢ်ဒ်အံၤ, နဟ့ၣ်လီၤယၤလၢတၢ်ဂ့ၤ, မ့မ့ၢ်ယၤ အံၤ, ယဟ့ၣ်လီၤနၤလၢတၢ်အၢလီၤ. ¹⁸ ဒီးတၢ်လၢမုၢ်မ ဆါတနံၤအံၤနဒုးနဲၣ်လၢနမၤဂ့ၤတ့ၢ်ယၤလီၤ. အဂ့ၢ်ဒ် အံၤ, လၢယွၤဟ့ၣ်လီၤကွံာ်ယၤလၢ နစုပူၤန့ၣ်နတမၤ သံဘၣ်ယၤဘၣ်, ¹⁹ အဂ့ၢ်ဒ်အံၤ, ပှၤမ့ၢ်ထံၣ်န့ၢ်အဒုၣ် အဒါဒီး, ကပျၢ်အီၤမုာ်မုာ်စ့ၢ်ကီးဧါ. ဒီးမ်ယွၤဟ့ၣ်ကၣ် နၤလၢတၢ်ဂ့ၤလၢတၢ်လၢနမၤယၤလၢ မုၢ်မဆါတနံၤ အံၤအဃိန့ၣ်တက့ၢ်. ²⁰ ဒီးခဲကနံၣ်အံၤ, ကွၢ်ကွၢ်, ယသ့ၣ် ညါသပှၢ်တၢၢ် လၢနကကဲထီၣ်စီၤပၤ, ဒီးလၢအံၣ်စရ့ လးအဘီအမုၢ်ကအိၣ်ဂၢၢ်ဆိးကျၢၤလၢ နစုပူၤလီၤ.―

²¹ ဒီးခဲကနံၣ်အံၤ ဆိၣ်တၢ်ဒီးယၤလၢယွၤအမဲာ်ညါလၢ နတဒီၣ်တဲာ်ကွံာ်ဘၣ် ယချံယသၣ်လၢယလီၢ်ခံဘၣ်, ဒီးလၢနတမၤဟးဂီၤဘၣ် ယမံၤလၢယပၢ်အဟံၣ်ပူၤ ဘၣ်န့ၣ်တက့ၢ်.

²² ဒီးစီၤဒၤဝံးဆိၣ်တၢ်ဒီးစီၤစီလူးလီၤ. ဒီးစီၤစီလူးက့ၤ က့ၤဝဲဆူအဟံၣ်, ဒီးစီၤဒၤဝံးဒီးအပှၤကညီတဖၣ်လဲၤ ထီၣ်ဝဲဆူတိာ်ပူၤန့ၣ်လီၤ.

၂၅

¹ ဒီးစီၤၡမူၤအ့လးသံဝဲ, ဒီးပှၤအံၣ်စရ့လးဖိအိၣ်ဖှိၣ်ရိ ဖှိၣ်ဒီးဟီၣ်ဝဲလၢအဃိ, ဒီးခူၣ်လီၤကွံာ်အီၤလၢအဟံၣ် ပူၤလၢရၤမါလီၤ. ဒီးစီၤဒၤဝံးဂဲၤဆၢထၢၣ်, ဒီးလဲၤလီၤ ဆူပှၢ်မုၢ်ကနၢပၤရၣ်လီၤ.

² ဒီးပှၤအိၣ်ဝဲလၢမၤဧိၣ် လၢအစုလီၢ်အခီၣ်ခိၣ်အိၣ်လၢ ကၢ်မ့ၤလးအပူၤ, ဒီးပှၤတဂၤန့ၣ်ဒိၣ်နီၢ်မးလီၤ. ဒီးအိၣ် ဒီးသိသၢကထိ, ဒီးမဲာ်တဲးလဲးတကထိ, ဒီးတံာ်အသိ ဆူၣ်လၢကၢ်မ့ၤလးအပူၤလီၤ.

³ ဒီးပှၤတဂၤအမံၤန့ၣ်မ့ၢ်စီၤနၤဘလး ဒီးအမါအမံၤမ့ၢ် နီၢ်အဘံၤကါယံးလးလီၤ. မ့ၢ်ပိာ်မုၣ်လၢအသးဆးဂ့ၤ, ဒီးလၢအမဲာ်အိၣ်ဒီးအဃံအလၤတဂၤလီၤ. မ့မ့ၢ်ပိာ်ခွါ တဂၤန့ၣ်မ့ၢ်ပှၤအကီ, ဒီးမၤတၢ်အၢ, ဒီးမ့ၢ်စီၤကၤလ့း အပှၤဟံၣ်ဖိလီၤ.

⁴ ဒီးစီၤဒၤဝံးနၢ်ဟူဝဲလၢပှၢ်မုၢ်ကနၢလၢ စီၤနၤဘလး တံာ်အသိအဆူၣ်လီၤ. ⁵ ဒီးစီၤဒၤဝံးမၢလီၤပှၤဖိၣ်သၣ် ခွါဆံဆဲၣ်ဂၤ, ဒီးစံးဘၣ်ပှၤဖိၣ်သၣ်ခွါတဖၣ်န့ၣ်, လဲၤ ထီၣ်ဆူကၢ်မ့ၤလး ဒီးလဲၤဆူစီၤနၤဘလးအအိၣ်, ဒီးက တိၤဒိၣ်အီၤလၢယမံၤတက့ၢ်. ⁶ ဒီးသုဘၣ်စံးဘၣ်ပှၤလၢ အမူန့ၣ်ဒ်အံၤ, မ်တၢ်အမုာ်အိၣ်ဒီးနၤ, ဒီးတၢ်အမုာ် အိၣ်ဒီးနပှၤဟံၣ်ဖိ, ဒီးတၢ်အမုာ်အိၣ်ဒီးကယဲၢ်တၢ်အိၣ် ဒီးနၤတက့ၢ်. ⁷ ဒီးခဲကနံၣ်အံၤ ယနၢ်ဟူလၢနအိၣ်ဒီး ပှၤတံာ်တၢ်ဖိလီၤ. ခဲကနံၣ်အံၤနပှၤကွၢ်သိဖိလၢအအိၣ် ဒီးပှၤန့ၢ်ပတမၤအၢဘၣ်အီၤဘၣ်, ဒီးမုၢ်နံၤလၢအအိၣ် ဝဲလၢကၢ်မ့ၤလးအလိၤခဲလၢာ်န့ၣ် အတၢ်တဟါမၢ် ဘၣ်နီတမံၤဘၣ်. ⁸ သံကွၢ်နပှၤဖိၣ်သၣ်ခွါတဖၣ်တ က့ၢ်. ဒီးအဝဲသ့ၣ်တဖၣ်ကဒုးနဲၣ်နၤလီၤ. ဒီးမ်ပှၤဖိၣ် သၣ်ခွါတဖၣ်အံၤ ဘၣ်ဘျုးဘၣ်ဖှိၣ်လၢနမဲာ်ညါတ က့ၢ်. အဂ့ၢ်ဒ်အံၤ, ပဟဲလၢမုၢ်နံၤအဂ့ၤတနံၤလီၤ. တၢ် လၢနစုထံၣ်န့ၢ်တဖၣ်န့ၣ် ဟ့ၣ်လီၤလၢ်နခ့နပှၤ, ဒီးနဖိ ခွါစီၤဒၤဝံးန့ၣ်တက့ၢ်.

⁹ ဒီးတုၤစီၤဒၤဝံးအပှၤဖိၣ်သၣ်ခွါတဖၣ် လဲၤတုၤဒီး, စံး ဘၣ်တဲဘၣ်စီၤနၤဘလး ဒ်ကယဲၢ်တၢ်ကတိၤခဲလၢာ် အသိးန့ၣ်လၢစီၤဒၤဝံးအမံၤ, ဒီးဆိတ့ၢ်ဝဲလီၤ.

¹⁰ ဒီးစီၤနၤဘလးစံးဆၢစီၤဒၤဝံးအခ့အပှၤ, ဒီးစံးဝဲဒၣ်, စီၤဒၤဝံးန့ၣ်မ့ၢ်မတၤတဂၤလဲၣ်. ဒီးစီၤယံးၡဲအဖိခွါန့ၣ် မ့ၢ်မတၤတဂၤလဲၣ်. တၢ်အကုၢ်အပှၤလၢအဃ့ၢ်ဟး ထီၣ်ကွံာ်လၢအကစၢ်အအိၣ်န့ၣ် အိၣ်ဝဲအါဂၤလၢမုၢ် နံၤတဖၣ်အံၤလီၤ. ¹¹ ဒီးယကဟံးန့ၢ်ယကိၣ်, ဒီးယထံ, ဒီးယတၢ်ညၣ်လၢယမၤသံအီၤလၢ ယပှၤတံာ်တၢ်ဖိ အဂီၢ်န့ၣ်, ဒီးဟ့ၣ်လီၤအီၤလၢ ပှၤလၢအဟဲလၢလဲၣ်န့ၣ် ယတသ့ၣ်ညါဘၣ်န့ၣ်ဧါ.

¹² ဒီးစီၤဒၤဝံးအပှၤဖိၣ်သၣ်ခွါတဖၣ်န့ၣ် ဃၣ်ကဒါက့ၤ အသးဆူအကျဲ, ဒီးက့ၤက့ၤဝဲ, ဒီးဟဲဝဲ, ဒီးစံးဘၣ်အီၤ လၢကယဲၢ်တၢ်ကတိၤတဖၣ်န့ၣ်လီၤ.

¹³ ဒီးစီၤဒၤဝံးစံးဘၣ်အပှၤကညီ, ကံၢ်ဃာ်သုနးကိးဂၤ ဒဲးတက့ၢ်. ဒီးပှၤကံၢ်ဃာ်အနးကိးအဂၤဒဲး, ဒီးစီၤဒၤဝံး ကံၢ်ဃာ်စ့ၢ်ကီးအနး, ဒီးပှၤလဲၤထီၣ်ဒီးစီၤဒၤဝံးလွံၢ်က ယၤဃၣ်ဃၣ်, ဒီးပှၤခံကယၤအိၣ်ဝဲဒီးတၢ်ဖိတၢ်လံၤ လီၤ.

¹⁴ ဒီးဖိၣ်သၣ်ခွါတဂၤ စံးဘၣ်စီၤနၤဘလးအမါနီၢ်အ ဘံၤကါယံးလး, ကွၢ်ကွၢ်, စီၤဒၤဝံးမၢလီၤအကလူးတ ဖၣ်လၢပှၢ်မုၢ်ကနၢ ဒ်သိးအကကတိၤဒိၣ်ပကစၢ်, ဒီး အဝဲဒၣ်ဒုၣ်ဒွဲၣ်အီၤလီၤ. ¹⁵ ဒီးပှၤကညီတဖၣ်န့ၣ်မၤဂ့ၤ ပှၤဒိၣ်မးလီၤ. ဒီးကယဲၢ်မုၢ်နံၤလၢအအိၣ်ဒီးပှၤခဲလၢာ် လၢပအိၣ်လၢပှၢ်လၢ်ကျါန့ၣ် ပတထံၣ်ဘၣ်တၢ်အၢ ဘၣ်. ဒီးပတၢ်တဟါမၢ်ဘၣ်နီတမံၤဘၣ်. ¹⁶ ကဲထီၣ် ဝဲလၢတၢ်အဒူၣ်လၢပဂီၢ်လၢ မုၢ်ဆါဆဲးလၢမုၢ်နၤကိး မုၢ်နံၤမုၢ်နၤဒဲးလၢ ပကွၢ်သိအိၣ်ဒီးအီၤလီၤ. ¹⁷ ဒီးခဲက နံၣ်အံၤသ့ၣ်ညါ, ဒီးကွၢ်ဆိကမိၣ်လၢနကမၤဒ်လဲၣ်ဒ် လဲၣ်န့ၣ်တက့ၢ်. အဂ့ၢ်ဒ်အံၤ, တၢ်တိာ်တၢ်အၢလၢပက စၢ်အဂီၢ်, ဒီးလၢအပှၤဟံၣ်ဖိခဲလၢာ်အဂီၢ်လီၤ. ဒီးမ့ၢ် ပှၤဘလးယဧၤလးဖိ တုၤပှၤကတိၤတၢ်ဒီးအီၤ တသ့ ဘၣ်.

¹⁸ ဒီးနီၢ်အဘံၤကါယံးလးမၤတၢ်ချ့ချ့, ဒီးဟံးန့ၢ်ကိၣ်အ လိၣ်ခံကယၤ, ဒီးစပံးထံပှဲၤထၢၣ်တၢ်ဖံးခံဖျၢၣ်, ဒီးသိ ကတဲာ်ကတိၤအသးယဲၢ်ဒု, ဒီးဘုဝဲာ်အသးယဲၢ်နာ်, ဒီးစပံးသၣ်ဃ့အကူၤတကယၤ, ဒီးချၢၣ်ဒၢသၣ်ပာ်ဖှိၣ် ဘ့ၣ်ဘၣ်ခံကယၤ, ဒီးပာ်ဝဲလၢကသ့ၣ်ယီၤတဖၣ်အဖီ ခိၣ်လီၤ. ¹⁹ ဒီးစံးဘၣ်အခ့အပှၤန့ၣ်လဲၤလၢယမဲာ်ညါ တက့ၢ်. ကွၢ်ကွၢ်, ယဟဲလၢသုလီၢ်ခံလီၤ. ဒီးတဒုးနဲၣ် ဘၣ်အဝၤစီၤနၤဘလးဘၣ်.

²⁰ ဒီးဒိးကသ့ၣ်ယီၤ, ဒီးတၢ်မၤအသးလၢအလဲၤလီၤလၢ အလီၢ်အိၣ်တဒၢလၢကစၢၢ်လိၤ, ဒီးကွၢ်ကွၢ်, စီၤဒၤဝံး ဒီးအပှၤကညီတဖၣ်ဟဲလီၤထီဒါအီၤ, ဒီးအဝဲဒၣ်သ ဂၢၢ်အီၤလီၤ.

²¹ (ဒီးစီၤဒၤဝံးစံးတ့ၢ်လံ, ယကွၢ်ကယဲၢ်ပှၤတဂၤအံၤအ တၢ်ဖိတၢ်လံၤလၢပှၢ်လၢ်ကျါ တုၤအတၢ်တဟါမၢ်ဘၣ် နီတမံၤဘၣ်န့ၣ်ကလီကလီလီၤ. ဒီးဟ့ၣ်ကၣ်ယၤလၢ တၢ်အၢလၢတၢ်ဂ့ၤအဂီၢ်လီၤ. ²² လၢကယဲၢ်တၢ်လၢအ ဘၣ်ဃးဒီးအီၤအကျါန့ၣ် ယမ့ၢ်ပာ်လီၤတဲာ်တုၤမုၢ်ဆ့ၣ် ထီၣ်န့ၣ်တၢ်ပိာ်ခွါတမံၤမံၤဒီး, မ်ယွၤမၤစီၤဒၤဝံးအဒုၣ် အဒါတဖၣ်န့ၣ်ဒီးအါန့ၣ်အန့ၣ်တက့ၢ်.)

²³ ဒီးတုၤနီၢ်အဘံၤကါယံးလးထံၣ်စီၤဒၤဝံးဒီး, မၤဝဲချ့ ချ့, ဒီးယုၢ်လီၤလၢကသ့ၣ်ယီၤအလိၤ, ဒီးထိၣ်လီၤပှီၤအ သးလၢစီၤဒၤဝံးအမဲာ်ညါ, ဒီးတီၤလီၤကဒွံကျိာ်, ²⁴ ဒီး ထိၣ်လီၤပှီၤအသးလၢအခီၣ်ထံး, ဒီးစံးဝဲဒၣ်, မ်တၢ်အၢ တမံၤအံၤဘၣ်ယၤတက့ၢ်, ကစၢ်ဧၢဒီးဒုးကတိၤလၢ်န ကုၢ်ပိာ်မုၣ်လၢနနၢ်ပူၤ, ဒီးကနၣ်နကုၢ်ပိာ်မုၣ်အတၢ် ကတိၤတက့ၢ်. ²⁵ မ်ယကစၢ်အသုတပးကဲပှၤဘလးယ ဧၤလးဖိအံၤစီၤနၤဘလးန့ၣ်တဂ့ၤ, အဂ့ၢ်ဒ်အံၤ, ဒ်အမံၤ အသိးအကစၢ်မ့ၢ်ဒ်န့ၣ်သိးလီၤ. နၤဘလးမ့ၢ်အမံၤ, ဒီး ပှၤဟးဂီၤဖိအတၢ်အိၣ်ဒီးအီၤလီၤ. မ့မ့ၢ်နကုၢ်ပိာ်မုၣ် ယဲဒၣ်အံၤ, ယတထံၣ်ဘၣ်ယကစၢ်အပှၤဖိၣ်သၣ်ခွါ လၢနမၢလီၤအီၤန့ၣ်ဘၣ်. ²⁶ ဒီးခဲကနံၣ်အံၤကစၢ်ဧၢ, ယွၤ မူဝဲ, ဒီးနသးမူဝဲ, မ့ၢ်ယွၤတြီနဟဲဂၢ်လီၤတၢ်သွံၣ်, ဒီးမၤ ဆၢတၢ်အၢလၢနဂီၢ် လၢနစုဒၣ်နဲဒီး, ခဲကနံၣ်အံၤနဒုၣ် နဒါ, ဒီးပှၤလၢအဃုတၢ်အၢလၢယကစၢ်အဂီၢ်တဖၣ် န့ၣ် မ်အမၤအသးဒ် စီၤနၤဘလးအသိးန့ၣ်တက့ၢ်.

²⁷ ဒီးခဲကနံၣ်အံၤတၢ်ဆိၣ်ဂ့ၤလၢ နကုၢ်ပိာ်မုၣ်ဟဲစိာ်ဆူယ ကစၢ်အအိၣ်အံၤ ဒုးဟံးန့ၢ်အီၤလၢပှၤဖိၣ်သၣ်ခွါလၢအ ပိာ်ယကစၢ်အခံတဖၣ်န့ၣ်တက့ၢ်. ²⁸ ပျၢ်လၢ်နကုၢ်ပိာ် မုၣ်အတၢ်ကမၣ်တက့ၢ်. အဂ့ၢ်ဒ်အံၤ, ယွၤကမၤယက စၢ်အဟံၣ်ဂၢၢ်အဃီကျၢၤ သပှၢ်တၢၢ်လီၤ. အဂ့ၢ်ဒ်အံၤ, ယကစၢ်ဒုးယွၤအတၢ်ဒုးတၢ်တဖၣ်, ဒီးတၢ်တထံၣ်န့ၢ် ဘၣ်တၢ်အၢလၢနပူၤလၢ နနံၤနသီခဲလၢာ်ဘၣ်လီၤ.

²⁹ ဒီးပှၤဂဲၤဆၢထၢၣ်တဂၤ, ဒီးလူၤနၤ, ဒီးဃုနသးသမူ ဘၣ်ဆၣ်ဒီးယကစၢ်အသးသမူ ကအိၣ်ဘိၣ်အသးလၢ တၢ်မူအတၢ်ဘိၣ်ပူၤအိၣ်ဒီးယွၤနကစၢ်လီၤ. ဒီးနဒုၣ်န ဒါအသးသမူတဖၣ်န့ၣ် ကဘျုးထီၣ်ကွံာ်အီၤလၢနီၣ် ဘျုးအသးကံၢ်ပူၤန့ၣ်လီၤ. ³⁰ ဒီးတုၤယွၤမၤယကစၢ်ဒ်က ယဲၢ်တၢ်လၢအကတိၤတၢ်လၢနဂ့ၢ်နကျိၤအသိးန့ၣ်, ဒီး ကပာ်နၤလၢပှၤပၢအံၣ်စရ့လးဝံၤဒီး, ³¹ တၢ်ကမၤအ သးလၢအလီၢ်တအိၣ်ဘၣ်ဒီး, နတဂၢ်လီၤဘၣ်တၢ် သွံၣ်မ့ၢ်ဂ့ၤ, ယကစၢ်တအုၣ်က့ၤခီၣ်က့ၤဘၣ်အကစၢ် ဒၣ်ဝဲမ့ၢ်ဂ့ၤ, တကဲထီၣ်ဘၣ်တၢ်ဘၣ်တိၢ်ဘၣ်ထံးအ အလီၢ်, တၢ်သးဘၣ်တိၢ်ဘၣ်ထံးအလီၢ်လၢ ယက စၢ်အဂီၢ်ဘၣ်, ဒီးတုၤယွၤမၤဂ့ၤယကစၢ်ဒီး, သ့ၣ်နီၣ်ထီၣ် က့ၤနကစၢ်အကုၢ်ပိာ်မုၣ်တက့ၢ်.

³² ဒီးစီၤဒၤဝံးစံးဘၣ်နီၢ်အဘံၤကါယံးလး, မ်ယွၤအံၣ်စ ရ့လးအကစၢ်လၢ အမၢနဟဲသဂၢၢ်ယၤလၢမုၢ်မဆါ တနံၤအံၤ, ဘၣ်တၢ်စံးထီၣ်ပကြၢၤအီၤတက့ၢ်. ³³ မ်န သးဆးန့ၣ်ဘၣ်တၢ်ဆိၣ်ဂ့ၤအီၤတက့ၢ်. ဒီးပှၤအတြီယ ဟဲဂၢ်လီၤတၢ်သွံၣ်လၢမုၢ်မဆါတနံၤအံၤ, ဒီးအုၣ်က့ၤ ခီၣ်က့ၤယသးလၢယစုဒၣ်ယဲနဲဒၣ်အံၤ, မ်နဘၣ်တၢ် ဆိၣ်ဂ့ၤတက့ၢ်. ³⁴ ဒီးယွၤအံၣ်စရ့လးအကစၢ်မူဝဲလၢအ တြီယမၤအၢနၤန့ၣ်, နမ့ၢ်တမၤချ့ချ့ဒီးဟဲသဂၢၢ်ယၤ ဘၣ်ဒီး, မ့ၢ်မးတုၤမုၢ်ဂီၤကပီၤထီၣ်ဒီး, တၢ်ပိာ်ခွါဘၣ် ဃးဒီးစီၤနၤဘလးတအိၣ်လီၤတဲာ်ဘၣ်နီတဂၤဘၣ်.

³⁵ ဒီးစီၤဒၤဝံးဒိးန့ၢ်တၢ်လၢအဟဲစိာ်န့ၢ်အီၤလၢ အစုပူၤ ဒီးစံးဘၣ်အီၤ, က့ၤက့ၤမုာ်မုာ်ဆူနဟံၣ်တက့ၢ်. ကွၢ်, ယ ဒိကနၣ်လံနကလုၢ်, ဒီးယတူၢ်လိာ်လံနမဲာ်လံ.

³⁶ ဒီးနီၢ်အဘံၤကါယံးလးက့ၤက့ၤဆူ စီၤနၤဘလးအ အိၣ်, ဒီးကွၢ်ကွၢ်, မၤတၢ်အီၣ်တၢ်အီလၢအဟံၣ်ပူၤ, ဒ် စီၤပၤအတၢ်အီၣ်တၢ်အီအသိးန့ၣ်, ဒီးစီၤနၤဘလးအ သးမုာ်ဝဲလၢအပူၤလီၤ. အဂ့ၢ်ဒ်အံၤ, အီမူၤအသးဒိၣ်မး လီၤ. ဒီးအဆံးဂ့ၤ, အဒိၣ်ဂ့ၤ, မုၢ်တချုးဆ့ၣ်ဒံးဘၣ်ဒီး, တစံးဘၣ်အီၤလၢတၢ်နီတမံၤဘၣ်လီၤ.

³⁷ ဒီးမုၢ်ဆ့ၣ်ထီၣ်န့ၣ် တုၤစပံးထံဟးထီၣ်ကွံာ်လၢစီၤ နၤဘလးအပူၤဒီး, တၢ်မၤအသးလၢအမါစံးဘၣ်အီၤ လၢတၢ်တဖၣ်န့ၣ်ခဲလၢာ်, ဒီးအသးသံဝဲလၢအပူၤ, ဒီးကဲထီၣ်ဝဲဒ်လၢၢ်အသိးန့ၣ်လီၤ.

³⁸ ဒီးမုၢ်ဆံဆဲၣ်နံၤအလီၢ်ခံဃၣ်ဃၣ်န့ၣ်, တၢ်မၤအသး လၢယွၤတီၢ်စီၤနၤဘလး, ဒီးသံဝဲလီၤ.

³⁹ ဒီးတုၤစီၤဒၤဝံးနၢ်ဟူဝဲလၢ စီၤနၤဘလးသံဝဲဒီး, စံးဝဲ ဒၣ်, ယွၤလၢအလိာ်ယကွီၢ် ဘၣ်ဃးဒီးတၢ်ဒုၣ်ဒွဲၣ်ယၤ လၢစီၤနၤဘလးအစုပူၤ, ဒီးတြီအခ့အပှၤ မၤတၢ်အၢတ ဂၤန့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. အဂ့ၢ်ဒ် အံၤ, ယွၤဒုးဘၣ်ကဒါက့ၤစီၤနၤဘလးအတၢ်အၢလၢ အခိၣ်ဒၣ်ဝဲလီၤ. ဒီးစီၤဒၤဝံး မၢပှၤလဲၤကတိၤတၢ်ဒီး နီၢ်အဘံၤကါယံးလးလၢ အကဟံးန့ၢ်အီၤလၢအမါအ ဂ့ၢ်အကျိၤလီၤ.

⁴⁰ ဒီးတုၤစီၤဒၤဝံးအခ့အပှၤဟဲဆူ နီၢ်အဘံၤကါယံးလး အအိၣ်လၢကၢ်မ့ၤလးအပူၤဒီး, ကတိၤတၢ်ဒီးအီၤ, ဒီးစံး ဝဲဒၣ်, စီၤဒၤဝံးမၢပဟဲဆူနအိၣ် ဒ်သိးပကဟံးန့ၢ်နၤ လၢအမါလီၤ.

⁴¹ ဒီးအဝဲဒၣ်ဂဲၤဆၢထၢၣ်ဒီး တီၤလီၤကဒွံကျိာ်ကျးလီၤ အမဲာ်ဆူဟီၣ်ခိၣ်, ဒီးစံးဝဲဒၣ်, ကွၢ်ကွၢ်, ပာ်နကုၢ်ပိာ်မုၣ် လၢပှၤသ့စီၤယကစၢ်အခ့အပှၤအခီၣ်န့ၣ်တက့ၢ်.

⁴² ဒီးနီၢ်အဘံၤကါယံးလးမၤချ့ချ့, ဒီးဒိးကသ့ၣ်ယီၤ, အိၣ်ဒီးအဖိသၣ်ပိာ်မုၣ်ယဲၢ်ဂၤလၢအပိာ်အခံ, ဒီးလဲၤ ပိာ်စီၤဒၤဝံးအကလူးတဖၣ်အခံ, ဒီးကဲထီၣ်ဝဲလၢစီၤ ဒၤဝံးအမါလီၤ.

⁴³ ဒီးစီၤဒၤဝံးဟံးန့ၢ်စ့ၢ်ကီး ပှၤယံးစရ့လးဖိနီၢ်အဃံနိၣ်, ဒီးကဲထီၣ်ဝဲလၢအမါခံဂၤလၢာ်လီၤ.

⁴⁴ မ့မ့ၢ်စီၤစီလူးဟ့ၣ်လီၤလံအဖိမုၣ်နီၢ်မံကၤလး, ဒီးစီၤဒၤ ဝံးအမါ, လၢပှၤကးလံၣ်ဖိစီၤလ့ရှ့ၣ်အဖိခွါ စီၤဖးလ တံၤန့ၣ်လီၤ.

၂၆

¹ ဒီးပှၤစံးဖးဖိဟဲဝဲဆူစီၤစီလူးအအိၣ် လၢကံဘဧၤအ ပူၤဒီးစံးဝဲဒၣ်, စီၤဒၤဝံးပာ်ခူသူၣ်အသးလၢကစၢၢ်ဃ ကံလၤအလိၤလၢအအိၣ်လၢ ယံးၡံမိၣ်အမဲာ်ညါတမ့ၢ် ဘါဧါ.

² ဒီးစီၤစီလူးဂဲၤဆၢထၢၣ်, ဒီးလဲၤလီၤဆူပှၢ်လၢ်ကျါစံ ဖး, အိၣ်ဒီးပှၤဃုထၢဖိ လၢအံၣ်စရ့လးအကျါသၢက ထိ, ဒ်သိးအကဃုစီၤဒၤဝံးလၢပှၢ်လၢ်ကျါစံဖးလီၤ.

³ ဒီးစီၤစီလူးသူၣ်ဒဲလၢကစၢၢ်ဃကံလၤအလိၤ လၢအ အိၣ်လၢယံးၡံမိၣ်အမဲာ်ညါလၢကျဲပူၤလီၤ. မ့မ့ၢ်စီၤဒၤ ဝံးအိၣ်ဝဲလၢပှၢ်လၢ်ကျါ, ဒီးထံၣ်ဝဲလၢစီၤစီလူးဟဲပိာ် အခံဆူပှၢ်လၢ်ကျါလီၤ.

⁴ ဒီးစီၤဒၤဝံးမၢလီၤပှၤလဲၤကွၢ်ဟုၣ်တၢ်, ဒီးသ့ၣ်ညါဝဲ လၢစီၤစီလူးဟဲဝဲသပှၢ်တၢၢ်လီၤ.

⁵ ဒီးစီၤဒၤဝံးဂဲၤဆၢထၢၣ်, ဒီးဟဲဆူတၢ်အလီၢ်ဖဲစီၤစီ လူးသူၣ်ဒဲ, ဒီးစီၤဒၤဝံးထံၣ်တၢ်အလီၢ်ဖဲစီၤစီလူး, ဒီးပှၤ သုးမုၢ်အခိၣ်စီၤန့ၢ်အဖိခွါစီၤအဘံန့ၢ်န့ၣ်မံဝဲ, ဒီးစီၤစီ လူးမံလၢအကဝီၤပူၤ, ဒီးပှၤဂီၢ်မုၢ်သူၣ်ဒဲဝးတရံးအီၤ လီၤ.

⁶ ဒီးစီၤဒၤဝံးကတိၤတၢ်, ဒီးစံးဘၣ်ပှၤဃ့ၤသးဖိစီၤအ ဃံၤမ့လး, ဒီးနီၢ်စရူယၤအဖိခွါစီၤယိၤအာ်အဒီပုၢ်ဝဲၢ် စီၤအဘံၡဲၤ, ဒီးစံးဝဲဒၣ်, မ့ၢ်မတၤကလဲၤလီၤဒီးယၤဆူ စီၤစီလူးအအိၣ်, ဆူပှၤသူၣ်ဒဲအလီၢ်န့ၣ်တဂၤလဲၣ်. ဒီး စီၤအဘံၡဲၤစံးဝဲဒၣ်, ယကလဲၤလီၤယဲဒီးနၤလီၤ.

⁷ ဒီးစီၤဒၤဝံးဒီးစီၤအဘံၡဲဟဲဝဲဆူ ပှၤဂီၢ်မုၢ်အအိၣ်လၢ မုၢ်နၤ, ဒီးကွၢ်ကွၢ်, စီၤစီလူးမံသပ့ၤလၢအကဝီၤပူၤ, ဒီး အဘီတဘ့ၣ်အိၣ်ဆဲးလီၤအသးလၢ ဟီၣ်ခိၣ်လၢအ ခိၣ်တခၢၣ်အဃၢၤ, ဒီးစီၤအဘံန့ၢ်ဒီးပှၤဂီၢ်မုၢ်မံဝဲဝးတ ရံးအီၤလီၤ.

⁸ ဒီးစီၤအဘံၡဲစံးဘၣ်စီၤဒၤဝံး, တၢ်လၢမုၢ်တနံၤအံၤယွၤ ဟ့ၣ်လီၤကွံာ်နဒုၣ်နဒါလၢနစုပူၤလီၤ. ဒီးခဲကနံၣ်အံၤ ဒုးဆဲးယၤလၢအီၤ စဲဘူးဒီးဟီၣ်ခိၣ်တဘျီ, လၢဘီတ ဘ့ၣ်န့ၣ်တက့ၢ်. ဒီးယတဆဲးဘၣ်အီၤခံဘျီတဘျီဘၣ်.

⁹ ဒီးစီၤဒၤဝံးစံးဘၣ်စီၤအဘံၡဲ, မၤဟးဂီၤအီၤတဂ့ၤ. အ ဂ့ၢ်ဒ်အံၤ, အတၢ်ဒဲးဘးတအိၣ်ဘၣ်ဒီး, မ့ၢ်မတၤယူာ် ထီၣ်အစုထီဒါ ယွၤအပှၤဒိးဖှူအသးသ့တဂၤလဲၣ်. ဒီး စီၤဒၤဝံးစံးဝဲဒၣ်, ¹⁰ ယွၤမူဝဲ, ယွၤကကျီကွံာ်အီၤလီၤ. မ့တမ့ၢ်ဘၣ်ဒ်န့ၣ်ဒီး အသံအမုၢ်နံၤကဘၣ်ဝဲ, မ့တမ့ၢ် ဘၣ်ဒ်န့ၣ်ဒီး, ကလဲၤလီၤဆူတၢ်ဒုးသုးအကျါ, ဒီးတုၤ လၢတၢ်ဟးဂီၤလီၤ. ¹¹ မ်ယွၤအသုတဒုးယူာ်ထီၣ်ယစု ထီဒါယွၤအပှၤဒိးဖှူအသးတဂၤန့ၣ်တဂ့ၤ. ဘၣ်ဆၣ်ဒီး ခဲကနံၣ်အံၤ ဟံးန့ၢ်လၢ်ဘီတဘ့ၣ်လၢအအိၣ်လၢအ ခိၣ်တခၢၣ်အဃၢၤဒီး ထံအပလီန့ၣ်တက့ၢ်. ဒီးမ်ပ ဟးထီၣ်တက့ၢ်.

¹² ဒီးစီၤဒၤဝံးဟံးန့ၢ်ဘီတဘ့ၣ်, ဒီးထံအပလီလၢစီၤစီ လူးအခိၣ်တခၢၣ်အဃၢၤ, ဒီးဟးထီၣ်ဝဲ, ဒီးပှၤတထံၣ် ဘၣ်ဝဲဘၣ်. ဒီးတသ့ၣ်ညါဘၣ်, ဒီးတဖုသံနီၣ်ဘၣ်ဝဲနီ တဂၤဘၣ်. အဂ့ၢ်ဒ်အံၤ, မ်သပ့ၤဝဲခဲလၢာ်လီၤ. အဂ့ၢ် ဒ်အံၤ, တၢ်မံသပ့ၤယိာ်လၢယွၤန့ၣ်လီၤဘၣ်အီၤလီၤ.

¹³ ဒီးစီၤဒၤဝံးလဲၤဝဲဆူတၢ်ဝၢ်ဘးခီ, ဒီးဆၢထၢၣ်လၢက စၢၢ်ဒီခိၣ်အိၣ်ဝဲစၢၢ်တလၢၢ်,) အလီၢ်ဖးလဲၢ်အိၣ်ဝဲလၢ အဘၢၣ်စၢၤန့ၣ်လီၤ.)

¹⁴ ဒီးစီၤဒၤဝံးကိးထီၣ်ပှၤဂီၢ်မုၢ်, ဒီးပှၤသုးမုၢ်အခိၣ်စီၤန့ၢ် အဖိခွါစီၤအဘံန့ၢ်, ဒီးစံးဝဲဒၣ်, စီၤအဘံန့ၢ်ဧၢ, နတစံး ဆၢဘၣ်ဧါ. ဒီးစီၤအဘံန့ၢ်န့ၣ်စံးဆၢတၢ်ဒီးစံးဝဲဒၣ်, ပှၤ လၢအကိးထီၣ်စီၤပၤနဲဒၣ်အံၤ, နမ့ၢ်မတၤတဂၤလဲၣ်.

¹⁵ ဒီးစီၤဒၤဝံးစံးဘၣ်စီၤအဘံန့ၢ်, နမ့ၢ်ပှၤပိာ်ခွါတမ့ၢ် ဘၣ်ဧါ. ဒီးမ့ၢ်မတၤဒ်သိးဒီးနၤလၢအံၣ်စရ့လးအကျါ တဂၤလဲၣ်. နတကွၢ်ဘၣ်စီၤပၤနကစၢ်န့ၣ် ဘၣ်မနုၤ လဲၣ်, အဂ့ၢ်ဒ်အံၤ, ပှၤလၢပှၤဂီၢ်မုၢ်အကျါတဂၤဟဲနုာ်ဒ် သိးအကမၤဟးဂီၤ စီၤပၤနကစၢ်လီၤ. ¹⁶ တၢ်လၢနမၤ တမံၤန့ၣ်တဂ့ၤဘၣ်, ဒ်ယွၤမူဝဲအသိး, သုဂ့ၤသံလီၤ. အ ဂ့ၢ်ဒ်အံၤ, သုတကွၢ်ဘၣ်သုကစၢ်, ယွၤအပှၤဒိးဖှူအသး တဂၤန့ၣ်ဘၣ်. ဒီးခဲကနံၣ်အံၤကွၢ်ဖဲစီၤပၤအဘီအိၣ်ဒီး ထံအပလီလၢအအိၣ်တ့ၢ်လၢ အခိၣ်တခၢၣ်အဃၢၤ န့ၣ်တက့ၢ်.

¹⁷ ဒီးစီၤစီလူးသ့ၣ်ညါစီၤဒၤဝံးအကလုၢ်, ဒီးစံးဝဲဒၣ်, အ အံၤမ့ၢ်နကလုၢ်ဧါ, ယဖိခွါစီၤဒၤဝံးဧၢ. ဒီးစီၤဒၤဝံးစံးဝဲ ဒၣ်, မ့ၢ်ယကလုၢ်လီၤ, ယကစၢ်စီၤပၤဧၢ. ¹⁸ ဒီးစံးဝဲဒၣ်, ယကစၢ်လူၤအခ့အပှၤမ့ၢ်အဘၣ်မနုၤလဲၣ်. အဂ့ၢ်ဒ်အံၤ, ယမၤမနုၤတမံၤလဲၣ်, ဒီးတၢ်အၢအိၣ်လၢယစုပူၤမနုၤ တမံၤလဲၣ်. ¹⁹ ဒီးခဲကနံၣ်အံၤ မ်စီၤပၤယကစၢ်ကနၣ် လၢ်အခ့အပှၤအကလုၢ်တက့ၢ်. ယွၤမ့ၢ်ထိၣ်ဂဲၤနၤထီ ဒါယၤဒီး, မ်အတူၢ်လိာ်တၢ်မၤဘူၣ်တက့ၢ်. မ့မ့ၢ်ပှၤ ကညီဖိဒီး, မ်အဘၣ်တၢ်ဆိၣ်အၢလၢယွၤအမဲာ်ညါတ က့ၢ်. အဂ့ၢ်ဒ်အံၤ, ဟီထီၣ်ကွံာ်ယၤလၢ မုၢ်မဆါတနံၤ အံၤလၢယွၤအတၢ်န့ၢ်သါအပူၤ, ဒီးစံး, လဲၤမၤကစၢ်အ ဂၤတဖၣ်အတၢ်တက့ၢ်. ²⁰ ဒီးခဲကနံၣ်အံၤမ်ယသွံၣ်အ သုတလီၤဘၣ်လၢဟီၣ်ခိၣ်ချၢလၢယွၤအမဲာ်ညါတဂ့ၤ. အဂ့ၢ်ဒ်အံၤ, စီၤပၤဟဲထီၣ်ဃုကျံတဘ့ၣ် ဒ်ပှၤလဲၤလူၤ ထိၣ်ဘှၢၣ်ဘှဲလၢကစၢၢ်ကလိအသိးန့ၣ်လီၤ.

²¹ ဒီးစီၤစီလူးစံးဝဲဒၣ်, ယမၤကမၣ်ဘၣ်လံတၢ်လံ, က့ၤ က့ၤတက့ၢ်, ယဖိခွါစီၤဒၤဝံးဧၢ, အဂ့ၢ်ဒ်အံၤ, ယတမၤ အၢလၢၤဘၣ်နၤဘၣ်. အဂ့ၢ်ဒ်အံၤ, ယသးသမူမ့ၢ်တၢ် လုၢ်ဒိၣ်ပှ့ၤဒိၣ်လၢနမဲာ်ညါလၢ မုၢ်မဆါတနံၤအံၤလီၤ. ကွၢ်ကွၢ်, ယမၤပှၤဟးဂီၤဖိအတၢ်, ဒီးမၤကမၣ်တၢ်ဒိၣ် မးလံလီၤ.

²² ဒီးစီၤဒၤဝံးစံးဆၢတၢ်, ဒီးစံးဝဲဒၣ်, ကွၢ်စီၤပၤအဘီ, ဒီး ဒုးဟဲဃီၤပှၤဖိၣ်သၣ်ခွါတဂၤ ဒ်သိးအကဟဲဟံးန့ၢ်အီၤ တက့ၢ်. ²³ ဒီးမ်ယွၤဟ့ၣ်ကၣ်ပှၤအတၢ်တီတၢ်လိၤ, ဒီး အကလုၢ်တီန့ၣ်ကိးဂၤဒဲးတက့ၢ်. အဂ့ၢ်ဒ်အံၤ, ယွၤဟ့ၣ် လီၤကွံာ်နၤလၢယစုပူၤလၢ မုၢ်မဆါတနံၤအံၤဘၣ်ဆၣ် ဒီး, ယတယူာ်ထီၣ်ဘၣ်ယစုဆူယွၤအပှၤဒိးဖှူအသး တဂၤအလိၤလီၤ. ²⁴ ဒီးကွၢ်ကွၢ်, ဒ်တၢ်ပာ်ဒိၣ်နသးသ မူလၢယမဲာ်ညါလၢမုၢ်မဆါတနံၤအံၤအသိးန့ၣ်, မ်တၢ် ပာ်ဒိၣ်ယသးသမူလၢယွၤအမဲာ်ညါဒ်န့ၣ်သိး, ဒီးမ်အ မၤပူၤမၤဖျဲးယၤဒီး ကယဲၢ်တၢ်နးတၢ်ဖှီၣ်ခဲလၢာ်တက့ၢ်.

²⁵ ဒီးစီၤစီလူးစံးဘၣ်စီၤဒၤဝံး, ယဖိခွါစီၤဒၤဝံးဧၢ, မ်န ဘၣ်တၢ်ဆိၣ်ဂ့ၤတက့ၢ်. နကမၤတၢ်အဒိၣ်အယိာ်, ဒီး မၤနၢၤဒံးတၢ်လီၤ. ဒီးစီၤဒၤဝံးလဲၤတၢ်, ဒီးစီၤစီလူး က့ၤက့ၤဝဲဆူအလီၢ်ဒၣ်ဝဲန့ၣ်လီၤ.

၂၇

¹ ဒီးစီၤဒၤဝံးစံးလၢအသးကံၢ်ပူၤ, ယသးကလၢာ်လၢ မုၢ်တနံၤနံၤလၢစီၤစီလူးအစုပူၤလီၤ. တၢ်ဂ့ၤလၢယဂီၢ် အိၣ်ထဲယဃ့ၢ်ပူၤဖျဲးတၢ်ချ့ချ့, ဆူပှၤဖလ့ၡသးဖိအကီၢ် ပူၤလီၤ. ဒီးစီၤစီလူးတကွၢ်လၢ်လၢၤဘၣ်ယကျဲဘၣ်, ဒီး တဃုလၢၤဘၣ်ယၤလၢ အံၣ်စရ့လးအကီၢ်ဃၢၤတဖၣ် ဘၣ်, ဒီးယကပူၤဖျဲးဒီးအစုပူၤလီၤ.

² ဒီးစီၤဒၤဝံးဂဲၤဆၢထၢၣ်, ဒီးလဲၤခီဂာ်တၢ်ဒီးပှၤကညီ ဃုကယၤလၢအအိၣ်ဒီးအီၤဆူ ကၤသးအစီၤပၤစီၤမၤ ဧိးအဖိခွါစီၤအၤကံၣ်အအိၣ်လီၤ.

³ ဒီးစီၤဒၤဝံးအိၣ်ဝဲဆိးဝဲ ဒီးစီၤအၤကံၣ်လၢကၤသးအ ပူၤ, အဝဲဒၣ်ဒီးအပှၤကညီတဖၣ်, တဂၤဒီးအပှၤဟံၣ်ဖိ, တဂၤဒီးအပှၤဟံၣ်ဖိလီၤ. စီၤဒၤဝံးအိၣ်ဒီးအမါခံဂၤ, ပှၤ ယံးစရ့လးဖိနီၢ်အဃံနိၣ်, ဒီးပှၤကၢ်မ့ၤလးဖိနီၢ်အဘံၤ ကါယံးလး, စီၤနၤဘလးအမါန့ၣ်လီၤ.

⁴ ဒီးပှၤစံးဘၣ်စီၤစီလူးလၢ စီၤဒၤဝံးဃ့ၢ်ဆူကၤသးအ ပူၤ, ဒီးတဃုလၢၤဘၣ်အီၤဘၣ်.

⁵ ဒီးစီၤဒၤဝံးစံးဘၣ်စီၤအၤကံၣ်, ယမ့ၢ်ဘၣ်တၢ်ဘျုးတၢ် ဖှိၣ်လၢနမဲာ်ညါဒီး, ဟ့ၣ်လီၤယလီၢ်လၢတဝီတပူၤပူၤ လၢပှၢ်လၢ်ကျါ, ဒ်သိးယကအိၣ်ဖဲန့ၣ်တက့ၢ်. အဂ့ၢ်ဒ် အံၤ, နခ့နပှၤကအိၣ်ဒီးနၤ လၢစီၤပၤအဝ့ၢ်ပူၤန့ၣ်မ့ၢ် အဘၣ်မနုၤလဲၣ်.

⁶ ဒီးစီၤအၤကံၣ်ဟ့ၣ်လီၤအီၤလၢ စံကလးလၢမုၢ်တနံၤ န့ၣ်လီၤ. မၤသးဒ်န့ၣ်ဒီးစံကလးဘၣ်ဃးဒီး ယူဒၤအ စီၤပၤတဖၣ်တုၤမုၢ်မဆါတနံၤအံၤလီၤ.

⁷ ဒီးမုၢ်နံၤတဖၣ်လၢ စီၤဒၤဝံးအိၣ်ဝဲဆိးဝဲလၢပှၤဖလ့ ၡသးဖိအကီၢ်ပူၤန့ၣ် အိၣ်ဝဲတနံၣ်ဒီးလွံၢ်လါလီၤ.

⁸ ဒီးစီၤဒၤဝံးဒီးအပှၤကညီ လဲၤနုာ်လၢပှၤကရှူၢ်ဖိအ ကျါ, ဒီးပှၤက့စ့ၢ်ဖိအကျါ, ဒီးလၢပှၤဧမၤလ့းဖိအကျါ လီၤ. အဂ့ၢ်ဒ်အံၤ, လၢပျၢၤအဝဲသ့ၣ်မ့ၢ်ပှၤကီၢ်ဖိဖဲနလဲၤ တၢ်ဆူရှူၢ်, ဒီးဆူကီၢ်အဲၤကူပတူးလီၤ.

⁹ ဒီးစီၤဒၤဝံးကျီကွံာ်ပှၤကီၢ်ဖိန့ၣ်, ဒီးတပာ်လီၤတဲာ် ဘၣ်ပိာ်မုၣ်ဂ့ၤ, ပိာ်ခွါဂ့ၤ, လၢအမူဝဲဘၣ်. ဒီးဟဲစိာ်ကွံာ် သိ, ဒီးမဲာ်တဲးလဲး, ဒီးဂီၤဖံး, ဒီးကသ့ၣ်ယီၤ, ဒီးကီၤလၤ အူး, ဒီးတၢ်အကူအသိးသ့ၣ်တဖၣ်, ဒီးဟဲက့ၤကဒါ က့ၤဒီးဟဲဝဲဆူစီၤအၤကံၣ်အအိၣ်လီၤ.

¹⁰ ဒီးစီၤအၤကံၣ်စံးဝဲဒၣ်, သုမၤဘၢၣ်ဖျိတၢ်လၢမုၢ်မဆါ တနံၤအံၤဖဲလဲၣ်ခီလဲၣ်. ဒီးစီၤဒၤဝံးစံးဝဲဒၣ်, လၢယူဒၤ ကလံၤထံးတခီ, ဒီးလၢပှၤယရၤဃမအ့လးဖိ အက လံၤထံးတခီ, ဒီးလၢပှၤက့ၣ်ဖိအကလံၤထံးတခီလီၤ.

¹¹ ဒီးပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, စီၤဒၤဝံးတဒုးမူဘၣ် အီၤ ဒ်သိးအကဟဲဆူကၤသးဘၣ်. စံးဝဲဒၣ်, ကဒုး နဲၣ်ဘၣ်ဖုးတၢ်လၢပဂ့ၢ်ပကျိၤ, ဒီးစံး, စီၤဒၤဝံးမၤဒ်န့ၣ် လီၤ. ဒီးအလုၢ်အလၢ်အိၣ်ဝဲဒ်န့ၣ်ထီဘိ ဖဲအအိၣ်ဝဲ လၢပှၤဖလ့ၡသးဖိအကီၢ်ပူၤလီၤ.

¹² ဒီးစီၤအၤကံၣ်န့ၣ် နာ်စီၤဒၤဝံး, ဒီးစံးဝဲဒၣ်, မ့ၢ်အမၢ အံၣ်စရ့လးအပှၤတကလုာ်ဒၣ်ဝဲ သးဘၣ်အၢအီၤသ ပှၢ်တၢၢ်လီၤ. မၤသးဒ်န့ၣ်ဒီးကကဲထီၣ်ဝဲလၢယခ့ယ ပှၤလီၤထူလီၤယိာ်လီၤ.

၂၈

¹ ဒီးမုၢ်နံၤတဖၣ်န့ၣ် တၢ်မၤအသးလၢပှၤဖလ့ၡသးဖိ ဒုးအိၣ်ဖှိၣ်ရိဖှိၣ်အသုးမုၢ်တဖၣ်လၢ တၢ်ဒုးသုးအဂီၢ်, ဒ်သိးအကဒုးတၢ်ဒီးအံၣ်စရ့လးလီၤ. ဒီးစီၤအၤကံၣ်စံး ဘၣ်စီၤဒၤဝံး, သ့ၣ်ညါသပှၢ်တၢၢ်လၢနကလဲၤထီၣ်ဒီး ယၤလၢဒုးတၢ်အဂီၢ်, နဲဒၣ်ဒီးနပှၤကညီတဖၣ်လီၤ.

² ဒီးစီၤဒၤဝံးစံးဘၣ်စီၤအၤကံၣ်, မၤသးဒ်န့ၣ်ဒီးနက သ့ၣ်ညါတၢ်လၢ နခ့နပှၤမၤကသ့န့ၣ်လီၤ. ဒီးစီၤအၤ ကံၣ်စံးဘၣ်စီၤဒၤဝံး, မၤသးဒ်န့ၣ်ဒီးယကပာ်နၤလၢ ပှၤကွၢ်ယခိၣ်ကိးမုၢ်နံၤမုၢ်နၤဒဲးလီၤ.

³ ဒီးစီၤၡမူၤအ့လးသံတ့ၢ်လံ, ဒီးအံၣ်စရ့လးဟီၣ်ဝဲလၢ အဃိခဲလၢာ်, ဒီးခူၣ်လီၤကွံာ်အီၤလၢရၤမါ, အဝ့ၢ်ဒၣ်ဝဲအ ပူၤလီၤ. ဒီးစီၤစီလူးသုးကွံာ်လံပှၤလၢအအိၣ်ဒီးပှၤသံအ ကလၤဒီးပှၤမဲာ်ထံၣ်ဝံတဖၣ်လၢ ထံဧိၤကီၢ်ဧိၤအပူၤလီၤ.

⁴ ဒီးပှၤဖလ့ၡသးဖိအိၣ်ဖှိၣ်ရိဖှိၣ်, ဒီးလဲၤသူၣ်ဒဲလၢရှူ န့ၣ်အပူၤ, ဒီးစီၤစီလူးဒုးအိၣ်ဖှိၣ်ရိဖှိၣ်အံၣ်စရ့လးခဲ လၢာ်, ဒီးသူၣ်ဒဲလၢကံးလဘိအလိၤလီၤ.

⁵ ဒီးတုၤစီၤစီလူးထံၣ်ဘၣ်ပှၤဖလ့ၡသးဖိ အသူၣ်ဒဲအ လီၢ်ဒီး, ပျံၤတၢ်ဖုးတၢ်, ဒီးအသးကနိးဒိၣ်မးလီၤ. ⁶ ဒီး စီၤစီလူးသံကွၢ်တၢ်လၢယွၤ, ဒီးလၢတၢ်မံမီၢ်ဂ့ၤဂ့ၤ, လၢ အူၣ်ရံၣ်ဂ့ၤဂ့ၤ, လၢဝံတဖၣ်ဂ့ၤဂ့ၤ, ယွၤတစံးဆၢဘၣ် အီၤဘၣ်.

⁷ ဒီးစီၤစီလူးစံးဘၣ်အခ့အပှၤ, ဃုန့ၢ်ယၤလၢပိာ်မုၣ် လၢအအိၣ်ဒီးပှၤသံအကလၤတဂၤ, ဒ်သိးယကလဲၤ ဆူအအိၣ်, ဒီးသံကွၢ်အီၤတက့ၢ်. ဒီးအခ့အပှၤစံးဘၣ် အီၤ, ကွၢ်ကွၢ်, ပိာ်မုၣ်အိၣ်ဒီးပှၤသံအကလၤတဂၤန့ၣ် အိၣ်ဝဲလၢဧ့ၣ်ဒိၣ်အပူၤလီၤ.

⁸ ဒီးစီၤစီလူးမၤလီၤဆီအသး, ဒီးသိးတၢ်အကူအသိး အဂၤ, ဒီးလဲၤဝဲ, ဒီးပှၤခံဂၤလဲၤဝဲဒီးအီၤ, ဒီးဟဲဝဲဆူပိာ် မုၣ်အအိၣ်လၢမုၢ်နၤလီၤ. ဒီးစံးဝဲဒၣ်, ဖးန့ၢ်ယၤလၢပှၤ သံအကလၤ, ဒီးဒုးဟဲထီၣ်လၢယဂီၢ်လၢပှၤတဂၤလၢ ယကစံးဘၣ်နၤန့ၣ်တက့ၢ်.

⁹ ဒီးပိာ်မုၣ်န့ၣ်စံးဘၣ်အီၤ, ကွၢ်ကွၢ်, တၢ်လၢစီၤစီလူး မၤတ့ၢ်လံန့ၣ်နသ့ၣ်ညါ, လၢအဒီၣ်တဲာ်ကွံာ်ပှၤလၢအ အိၣ်ဒီးပှၤသံအကလၤ, ဒီးပှၤမဲာ်ထံၣ်ဝံတဖၣ်လၢထံ ဧိၤကီၢ်ဧိၤအပူၤလီၤ. မၤသးဒ်န့ၣ်ဒီးနပာ်ပျံၤသကွီၤလၢ ယသးသမူအဂီၢ်ဒ်သိးယကသံန့ၣ်မ့ၢ်အဘၣ်မနုၤလဲၣ်.

¹⁰ ဒီးစီၤစီလူးဆိၣ်တၢ်ဒီးအီၤလၢယွၤအမဲာ်ညါ, ဒီးစံး ဝဲဒၣ်, ယွၤမူဝဲ, ဒီးတၢ်ဒဲးဘးတဘၣ်ဘၣ်နၤလၢတၢ်အံၤ အဃိနီတမံၤဘၣ်.

¹¹ ဒီးပိာ်မုၣ်န့ၣ်စံးဝဲဒၣ်, ယဘၣ်ဒုးဟဲထီၣ်လၢနဂီၢ်လၢ မတၤတဂၤလဲၣ်. ဒီးစံးဝဲဒၣ်, ဒုးဟဲထီၣ်လၢယဂီၢ်လၢ စီၤၡမူၤအ့လးတက့ၢ်.

¹² ဒီးတုၤပိာ်မုၣ်န့ၣ်ထံၣ်စီၤၡမူၤအ့လးဒီး, ကိးပသူထီၣ် လၢအကလုၢ်ဖးဒိၣ်, ဒီးပိာ်မုၣ်န့ၣ်ကတိၤတၢ်ဒီးစီၤစီ လူး, ဒီးစံးဝဲဒၣ်, နလီန့ၢ်ယၤမ့ၢ်အဘၣ်မနုၤလဲၣ်, အဂ့ၢ် ဒ်အံၤ, နမ့ၢ်စီၤစီလူးလီၤ.

¹³ ဒီးစီၤပၤစံးဘၣ်အီၤ, ပျံၤတၢ်တဂ့ၤ, အဂ့ၢ်ဒ်အံၤ, နထံၣ် ဘၣ်မနုၤတမံၤလဲၣ်. ဒီးပိာ်မုၣ်န့ၣ်စံးဘၣ်စီၤစီလူး, ယ ထံၣ်ကစၢ်ဟဲထီၣ်လၢဟီၣ်ခိၣ်လာ်လီၤ.

¹⁴ ဒီးစံးဘၣ်အီၤ, အက့ၢ်အဂီၤမၤသးဒ်လဲၣ်. ဒီးစံးဝဲဒၣ်, ပှၤသးပှၢ်တဂၤဟဲထီၣ်လုးဘၢအသးလၢ ယၣ်တဘ့ၣ် လီၤ. ဒီးစီၤစီလူးသ့ၣ်ညါဝဲလၢအမ့ၢ်စီၤၡမူၤအ့လး, ဒီး ဆုးလီၤအခိၣ်ဆူဟီၣ်ခိၣ်, ဒီးတီၤလီၤကဒွံကျိာ်လီၤ.

¹⁵ ဒီးစီၤၡမူၤအ့လးစံးဘၣ်စီၤစီလူး, နမၤကိၢ်မၤဂီၤယၤ ဒ်သိးနကဒုးဟဲထီၣ် ယၤအံၤမ့ၢ်အဘၣ်မနုၤလဲၣ်. ဒီးစီၤ စီလူးစံးဆၢဝဲဒၣ်, ယဘၣ်တၢ်ကိၢ်တၢ်ဂီၤဒိၣ်နီၢ်မးလီၤ. အဂ့ၢ်ဒ်အံၤ, ပှၤဖလ့ၡသးဖိဒုးတၢ်ဒီးယၤ, ဒီးယွၤလဲၤသ ဒၣ်လံယၤလံ. ဒီးလၢဝံတဖၣ်မ့ၢ်ဂ့ၤ, လၢတၢ်မံမီၢ်မ့ၢ်ဂ့ၤ, တစံးဆၢလၢၤဘၣ်ယၤဘၣ်. ဒီးယကိးထီၣ်လံနၤဒ်သိး ယဘၣ်မၤဒ်လဲၣ်ဒ်လဲၣ်န့ၣ် နကဘိးဘၣ်သ့ၣ်ညါယၤ လီၤ.

¹⁶ ဒီးစီၤၡမူၤအ့လးစံးဝဲဒၣ်, မ့ၢ်ယွၤလဲၤသဒၣ်လံနၤ, ဒီး ကဲထီၣ်လံနဒုၣ်နဒါဒီး, နသံကွၢ်ယၤမ့ၢ်အဘၣ်မနုၤ လဲၣ်. ¹⁷ ယွၤမၤလၢအဂီၢ် ဒ်အကတိၤတၢ်လၢယစုပူၤ အသိးန့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်လံဘီဧိၤ မုၢ်ဧိၤလၢနစုပူၤ, ဒီးဟ့ၣ်လီၤအီၤလၢပှၤလၢနဃၢၤ, စီၤ ဒၤဝံးလံလီၤ. ¹⁸ မ့ၢ်နတဒိကနၣ်ဘၣ်ယွၤအကလုၢ်အက ထါ, ဒီးတမၤဘၣ်ဖဲအသးထီၣ်ဆူၣ်လၢ ဧမၤလ့းအလိၤ ဘၣ်ဒီး, ယွၤမၤနၤလၢ တၢ်အံၤလၢမုၢ်တနံၤအံၤလီၤ.

¹⁹ ဒီးယွၤကဟ့ၣ်လီၤကွံာ်အံၣ်စရ့လး ဒီးနၤလၢပှၤဖလ့ၡ သးဖိအစုပူၤ, ဒီးခဲဂီၤကိာ်န့ၣ်နဲဒၣ်, ဒီးနဖိခွါတဖၣ်က အိၣ်ဒီးယၤလီၤ. ယွၤကဟ့ၣ်လီၤကွံာ်အံၣ်စရ့လးအပှၤ သုးမုၢ်စ့ၢ်ကီးလၢ ပှၤဖလ့ၡသးဖိအစုပူၤလီၤ.

²⁰ ဒီးစီၤစီလူးလီၤဃံၤဒီဂၤညါလၢ ဟီၣ်ခိၣ်အဖီခိၣ်, ဒီး ပျံၤတၢ်ဒိၣ်ဒိၣ်ကလဲာ်လၢ စီၤၡမူၤအ့လးအတၢ်ကတိၤ အဃိ, ဒီးတၢ်အဂံၢ်အဘါတအိၣ်ဘၣ်လၢအပူၤဘၣ်. အဂ့ၢ်ဒ်အံၤ, မုၢ်တနံၤန့ၣ်သ့တနံၤကျၢၤ ဒီးသီတနၤ ကျၢၤ, တအီၣ်ဘၣ်တၢ်ဘၣ်.

²¹ ဒီးပိာ်မုၣ်န့ၣ်ဟဲဝဲဆူစီၤစီလူးအအိၣ်, ဒီးထံၣ်ဝဲလၢ အဘၣ်တၢ်ကိၢ်တၢ်ဂီၤဒိၣ်ဒိၣ်ကလဲာ်, ဒီးစံးဘၣ်အီၤ, ကွၢ်ကွၢ်, နကုၢ်ပိာ်မုၣ်ဒိကနၣ်နကလုၢ်နကထါ, ဒီးယ ပာ်ယသးသမူလၢယစုပူၤ, ဒီးယဒိကနၣ်လံတၢ်က ကတိၤလၢကတိၤတၢ်ဒီးယၤလံ. ²² ဒီးခဲကနံၣ်အံၤဒိက ကနၣ်လၢ်နဲလၢနကုၢ်ပိာ်မုၣ်အကလုၢ်, ဒီးဒုးပာ်ယၤ လၢကိၣ်တစဲးလၢနမဲာ်ညါ, ဒီးအီၣ်တၢ်, ဒ်သိးတုၤန လဲၤပိာ်နကျဲဒီး, နကအိၣ်ဒီးတၢ်ဂံၤတၢ်ဘါန့ၣ်တက့ၢ်.

²³ ဒီးဂ့ၢ်လိာ်ဝဲ, ဒီးစံးဝဲဒၣ်, ယတအီၣ်ဘၣ်. ဘၣ်ဆၣ်ဒီး အခ့အပှၤဒီးပိာ်မုၣ်န့ၣ်ဂုာ်မၤအီၤ, ဒီးဒိကနၣ်ဝဲအက လုၢ်လီၤ. ဒီးဂဲၤဆၢထၢၣ်လၢဟီၣ်ခိၣ်, ဒီးဆ့ၣ်နီၤဝဲလၢ လီၢ်မံအဖီခိၣ်လီၤ.

²⁴ ဒီးပိာ်မုၣ်န့ၣ် အိၣ်ဒီးဂီၤဖံးဖိအဘီၣ်တဒု လၢအဟံၣ် ပူၤ, ဒီးမၤဝဲချ့ချ့, ဒီးမၤသံဝဲ, ဒီးဟံးန့ၢ်ကိၣ်ကမူၣ်, ဒီးစံၢ် ဝဲ, ဒီးကုၢ်ကိၣ်တဃါဃုာ်ဘၣ်ဒီး ကိၣ်မံၣ်လၢအဝဲန့ၣ် လီၤ.

²⁵ ဒီးဟဲစိာ်ပာ်ဝဲလၢ စီၤစီလူးအမဲာ်ညါ, ဒီးလၢအခ့အ ပှၤအမဲာ်ညါ, ဒီးအဝဲသ့ၣ်အီၣ်ဝဲလီၤ. ဒီးဂဲၤဆၢထၢၣ်, ဒီးဟးထီၣ်ကွံာ်လၢမုၢ်တနၤန့ၣ်လီၤ.

၂၉

¹ ဒီးပှၤဖလ့ၡသးဖိ ဒုးအိၣ်ဖှိၣ်ရိဖှိၣ်အပှၤသုးမုၢ်ခဲလၢာ် ဆူအဖ့း, ဒီးအံၣ်စရ့လးသူၣ်ဒဲလၢထံထီၣ်ပၢၢ်တပူၤအ ဃၢၤလၢအအိၣ်လၢယံးစရ့လးအပူၤလီၤ.

² ဒီးပှၤဖလ့ၡသးဖိအပဒိၣ်ဖးဒိၣ် လဲၤပူၤကွံာ်လၢက ယၤတဖၣ်, ဒီးလၢကထိတဖၣ်လီၤ. မ့မ့ၢ်စီၤဒၤဝံးဒီးအ ပှၤကညီတဖၣ်န့ၣ် လဲၤဝဲလၢအလီၢ်ခံ အိၣ်ဒီးစီၤအၤ ကံၣ်လီၤ.

³ ဒီးပှၤဖလ့ၡသးဖိအခိၣ်တဖၣ်စံးဝဲဒၣ်, ပှၤဧ့ၤဘြံၤဖိ တဖၣ်အံၤမ့ၢ်ဒ်လဲၣ်. ဒီးစီၤအၤကံၣ်စံးဘၣ်ပှၤဖလ့ၡသး ဖိအခိၣ်တဖၣ်န့ၣ်, ပှၤတဂၤအံၤမ့ၢ်အံၣ်စရ့လးအစီၤ ပၤစီၤစီလူးအခ့အပှၤ စီၤဒၤဝံးလၢအအိၣ်ဒီးယၤမုၢ်နံၤ ပှဲၤအံၤပှဲၤနုၤ, နံၣ်ပှဲၤအံၤပှဲၤနုၤ, ဒီးလၢအလီၤလၢယစု ပူၤလံၤလံၤန့ၣ် ယတထံၣ်ဘၣ်တၢ်ကမၣ်လၢ အလိၤ ဘၣ်, တမ့ၢ်ဘၣ်ဧါ.

⁴ ဒီးပှၤဖလ့ၡသးဖိအခိၣ်တဖၣ် သးထီၣ်ဘၣ်အီၤ, ဒီး ပှၤဖလ့ၡသးဖိအခိၣ်တဖၣ်စံးဘၣ်အီၤ, ဒုးက့ၤက့ၤပှၤတဂၤအံၤဒ်သိးအကက့ၤကဒါက့ၤဆူ အလီၢ်ဖဲနပာ် လၢအဂီၢ်တက့ၢ်. ဒီးဒုးလဲၤလီၤအီၤ ဒီးပှၤဆူတၢ်ဒုးသုး အပူၤတဂ့ၤ. ကကဲထီၣ်ဘၣ်ဖုးပဒုၣ်ပဒါလၢတၢ်ဒုးသုး အပူၤလီၤ. ကမၤဃူမၤဖိးက့ၤအသးဒီး အကစၢ်လၢမ နုၤတမံၤလဲၣ်. လၢပှၤတဖၣ်အံၤအခိၣ်တဖၣ်, တမ့ၢ် ဘၣ်ဧါ. ⁵ ပှၤတဂၤအံၤမ့ၢ်စီၤဒၤဝံးလၢ ပှၤဂဲၤကလံၣ် စံးဆၢလိာ်အသးဒီးစံးလၢအဂ့ၢ်အကျိၤ, စီၤစီလူးမၤသံလံအပှၤကထိတဖၣ်, ဒီးစီၤဒၤဝံးန့ၣ်အပှၤကလးတဖၣ်, တမ့ၢ်ဘၣ်ဧါ.

⁶ ဒီးစီၤအၤကံၣ်ကိးန့ၢ်စီၤဒၤဝံး, ဒီးစံးဘၣ်အီၤ, ဒ်ယွၤမူ ဝဲအသိးန့ၣ်, နတီနလိၤ, ဒီးနလဲၤထီၣ်ဒီးနဟဲနုာ်လၢ ပှၤသုးမုၢ်အပူၤန့ၣ် ဂ့ၤလၢယမဲာ်ညါလီၤ. အဂ့ၢ်ဒ်အံၤ, မုၢ်တနံၤလၢနဟဲဆူယအိၣ် တုၤမုၢ်မဆါတနံၤအံၤန့ၣ် ယတထံၣ်ဘၣ်တၢ်အၢလၢနလိၤဘၣ်. ဘၣ်ဆၣ်ဒီးန တဂ့ၤဘၣ်လၢပဒိၣ်ဖးဒိၣ်တဖၣ်အမဲာ်ဘၣ်. ⁷ ဒီးခဲက နံၣ်အံၤက့ၤက့ၤ, ဒီးလဲၤတၢ်မုာ်မုာ် ဒ်သိးနသုတမၤ တၢ်အၢလၢပှၤဖလ့ၡသးဖိ အပဒိၣ်ဖးဒိၣ်အမဲာ်တဂ့ၤ န့ၣ်တက့ၢ်.

⁸ ဒီးစီၤဒၤဝံးစံးဘၣ်စီၤအၤကံၣ်, မ့ၢ်အဂ့ၢ်ဒ်လဲၣ်, ယမၤ မနုၤတမံၤလဲၣ်, လၢမုၢ်တနံၤလံၤလံၤလၢယအိၣ်တ့ၢ် ဒီၤနၤတုၤမုၢ်မဆါတနံၤအံၤ, နထံၣ်ဘၣ်တၢ်လၢနခ့န ပှၤအလိၤဒ်သိးယသုတလဲၤဒုးတၢ်ဒီးစီၤပၤ, ယကစၢ် အဒုၣ်အဒါတဂ့ၤန့ၣ်မနုၤတမံၤလဲၣ်.

⁹ ဒီးစီၤအၤကံၣ်ဆၢတၢ်, ဒီးစံးဘၣ်စီၤဒၤဝံး, ယသ့ၣ် ညါလၢ နမ့ၢ်တၢ်ဂ့ၤလၢယမဲာ်ညါ ဒ်ကစၢ်အကလူး တဂၤအသိးန့ၣ်, ဘၣ်ဆၣ်ဒီးပှၤဖလ့ၡသးဖိအခိၣ်တ ဖၣ်စံး, တဘၣ်လဲၤဒီးပှၤဆူတၢ်ဒုးသုးအပူၤဘၣ်. ¹⁰ ဒီး ခဲကနံၣ်အံၤ ဂဲၤဆၢထၢၣ်လၢမုၢ်ဆ့ၣ်ထီၣ်န့ၣ်ဂီၤဂီၤ, အိၣ်ဒီးနကစၢ်အခ့အပှၤလၢ အဟဲဒီးနၤ, ဒီးတုၤသုဂဲၤ ဆၢထၢၣ်လၢမုၢ်ဆ့ၣ်ထီၣ်န့ၢ်ဂီၤဂီၤ, ဒီးတၢ်ကပီၤထီၣ် ဒီး, ဟးထီၣ်ကွံာ်တက့ၢ်.

¹¹ ဒီးစီၤဒၤဝံးဒီးအပှၤကညီဂဲၤဆၢထၢၣ်ဂီၤဂီၤ ဒ်သိးအ ကဟးထီၣ်ကွံာ်လၢမုၢ်ဆ့ၣ်ထီၣ်န့ၣ်, ဒီးက့ၤက့ၤဝဲဆူ ပှၤဖလ့ၡသးဖိအထံအကီၢ်, ဒီးပှၤဖလ့ၡသးဖိလဲၤထီၣ် ဆူယံးစရ့လးအပူၤလီၤ.

၃၀

¹ ဒီးသၢနံၤတနံၤန့ၣ် စီၤဒၤဝံးဒီးအပှၤကညီဟဲက့ၤတုၤ လၢစံကလး, ဒီးတၢ်မၤအသးလၢ ပှၤဧမၤလ့းဖိဟဲနုာ် တ့ၢ်လၢကလံၤထံးတခီ, ဒီးလၢစံကလးအပူၤ, ဒီးကျီ တ့ၢ်ကွံာ်စံကလး, ဒီးဆူးထီၣ်ကွံာ်အီၤလၢမ့ၣ်အူလီၤ.―

² ဒီးဖီၣ်န့ၢ်မၢကဲကုၢ်ပိာ်မုၣ်တဖၣ်လၢ အအိၣ်ဝဲလၢအ ပူၤ, ဒီးအဒိၣ်မ့ၢ်ဂ့ၤ, အဆံးဂ့ၤ, တမၤသံဘၣ်အီၤနီတ ဂၤဘၣ်, ဒီးစိာ်ထီၣ်ကွံာ်ဝဲ, ဒီးလဲၤတၢ်လီၤ. ³ ဒီးစီၤဒၤဝံးဒီးအပှၤကညီ ဟဲက့ၤတုၤဝဲလၢဝ့ၢ်ပူၤ, ဒီးကွၢ်ကွၢ်, ဘၣ်ဆူးကွံာ်လၢမ့ၣ်အူလီၤ. ဒီးအဖိအမါ, ဒီးအဖိခွါ, ဒီးအဖိမုၣ်န့ၣ်တၢ်ဖီၣ်န့ၢ်မၢကဲကုၢ်အီၤလီၤ.―

⁴ ဒီးစီၤဒၤဝံးဒီးပှၤဂီၢ်မုၢ်အိၣ်ဒီးအီၤန့ၣ် ထုထီၣ်အကလုၢ်, ဒီးဟီၣ်ဝဲတုၤအဟီၣ်တကဲလၢၤဘၣ်လီၤ.

⁵ ဒီးတၢ်ဖီၣ်န့ၢ်မၢကဲကုၢ်စီၤဒၤဝံးအမါခံဂၤ, ပှၤယံးစရ့ လးဖိနီၢ်အဃံနိၣ်, ဒီးပှၤကၢ်မ့လးဖိစီၤနၤဘလးအမါ နီၢ်အဘံၤကါယံးလးလီၤ.

⁶ ဒီးစီၤဒၤဝံးဘၣ်တၢ်ကိၢ်တၢ်ဂီၤနးမးလီၤ. အဂ့ၢ်ဒ်အံၤ, ပှၤဂီၢ်မုၢ်သါကကွံာ်အီၤလၢလၢၢ်လီၤ. အဂ့ၢ်ဒ်အံၤ, ပှၤ ဂီၢ်မုၢ်ခဲလၢာ်အသးတမုာ်ဘၣ်. တဂၤလၢအဖိခွါတ ဖၣ်အဃိ, တဂၤလၢအဖိမုၣ်တဖၣ် အဃိစုာ်စုာ်လီၤ. မ့မ့ၢ်စီၤဒၤဝံးပာ်ဆူၣ်အသးလၢယွၤအပူၤလီၤ.

⁷ ဒီးစီၤဒၤဝံးစံးဘၣ်စီၤအဃံၤမ့လ့းအဖိခွါ, စီၤအ့ဘယၤ သၢ်, ဟဲစိာ်န့ၢ်ယၤလၢအ့ဖိးတဘ့ၣ်န့ၣ်တက့ၢ်. ဒီးစီၤအ့ ဘယၤသၢ်ဟဲစိာ်အ့ဖိတဘ့ၣ်န့ၣ်ဆူစီဒၤဝံးအအိၣ်လီၤ.

⁸ ဒီးစီၤဒၤဝံးသံကွၢ်တၢ်လၢယွၤဒီးစံးဝဲဒၣ်, ယဘၣ်လူၤ ပှၤတဖုန့ၣ်ဧါ, ယကချုးန့ၢ်အီၤဧါ. ဒီးစံၤဆၢအီၤ, လူၤ အီၤတက့ၢ်. အဂ့ၢ်ဒ်အံၤ, နကချုးန့ၢ်အီၤနီၢ်နီၢ်, ဒီးမၤန့ၢ် က့ၤတၢ်ခဲလၢာ်သပှၢ်တၢၢ်လီၤ.

⁹ ဒီးစီၤဒၤဝံးလဲၤတၢ်, အဝဲဒၣ်, ဒီးပှၤဃုကယၤလၢအ အိၣ်ဒီးအီၤ, ဒီးလဲၤတုၤလၢထံကျိဘစိၢ်ဖဲပှၤလၢအအိၣ် လီၤတဲာ်တဖၣ်န့ၣ်အိၣ်ဝဲလီၤ. ¹⁰ ဒီးစီၤဒၤဝံးလူၤတၢ်, အ ဝဲဒၣ်, ဒီးပှၤလွံၢ်ကယၤ,(အဂ့ၢ်ဒ်အံၤ, ပှၤလၢအဂံၢ်အ ဘါလီၤဘှါ တုၤအခီဂာ်ထံကျိဘစိၢ် တကဲဘၣ်ခံက ယၤန့ၣ်အိၣ်လီၤတဲာ်ဝဲလၢအလီၢ်ခံလီၤ.)

¹¹ ဒီးပှၤထံၣ်န့ၢ်ပှၤအဲၤကူပတူးဖိတဂၤလၢပျီပူၤ, ဒီးဟဲ စိာ်န့ၢ်အီၤဆူစီၤဒၤဝံးအအိၣ်, ဒီးဟ့ၣ်အီၤလၢကိၣ်, ဒီး အီၣ်ဝဲ, ဒီးပှၤဒုးအီအထံ, ¹² ဒီးဟ့ၣ်အီၤလၢချၢၣ်ဒၢသၣ် ပာ်ဖှိၣ်ဘ့ၣ်ဘၣ်တကူာ်, ဒီးစပံးသၣ်ဃ့ခံကူၤ, ဒီးအီၣ်ဝဲ ဝံၤဒီး, အသးဟဲကဒီးလၢအပူၤလီၤ. အဂ့ၢ်ဒ်အံၤ, သၢနံၤ ဒီးသၢနၤအတီၢ်ပူၤန့ၣ် တအီၣ်ဘၣ်တၢ်, ဒီးတအီဘၣ် ထံဘၣ်.

¹³ ဒီးစီၤဒၤဝံးစံးဘၣ်အီၤ, နဘၣ်ဃးဒီးမတၤတဂၤလဲၣ်. ဒီးနဟဲလၢလဲၣ်, ဒီးစံးဝဲဒၣ်, ယမ့ၢ်ပှၤဖိၣ်သၣ်ခွါ, ပှၤ အဲၤကူပတူးဖိ, ပှၤဧမၤလ့းဖိတဂၤအကုၢ်အပှၤ, ဒီးယ ကစၢ်ပာ်လီၤတဲာ်ယၤလီၤ. အဂ့ၢ်ဒ်အံၤ, သၢနံၤပူၤကွံာ် တနံၤန့ၣ်ယဘၣ်တၢ်ဆါလီၤ. ¹⁴ ပလဲၤနုာ်လၢပှၤကရံး သးဖိအကျါလၢကလံၤထံးတခီ, လၢတၢ်ဘၣ်ဃးဒီး ယူဒၤ, ဒီးလၢကၤလ့းလၢကလံၤထံးတခီ, ဒီးပဆူးထီၣ် ကွံာ်စံကလးလၢမ့ၣ်အူလီၤ.

¹⁵ ဒီးစီၤဒၤဝံးစံးဘၣ်အီၤ, နဆှၢယၤဆူပှၤတဖုအအိၣ် န့ၣ်ဘၣ်ကသ့ဧါ. ဒီးစံးဘၣ်အီၤ, ဆိၣ်တၢ်ဒီးယၤလၢ ကစၢ်အမဲာ်ညါ, လၢနတမၤသံယၤ, ဒီးလၢနတဟ့ၣ် လီၤကွံာ်ယၤဆူယကစၢ်အစုပူၤန့ၣ်တက့ၢ်. ဒီးယက ဆှၢနၤဆူပှၤတဖုန့ၣ်အအိၣ်လီၤ.

¹⁶ ဒီးဆှၢလီၤဝဲဝံၤဒီး, ကွၢ်ကွၢ်, ပှၤလီၤပြံလီၤပြါလၢဟီၣ် ခိၣ်ခဲလၢာ်, အီၣ်ဝဲ, အီဝဲ, ဒီးဂဲၤကလံၣ်လီၤ. အဂ့ၢ်ဒ်အံၤ, ဂုာ်န့ၢ်တၢ်အါအါကလဲာ်လၢ ပှၤဖလ့ၡသးဖိအကီၢ် ပူၤ, ဒီးလၢယူဒၤအကီၢ်ပူၤလီၤ.

¹⁷ ဒီးလၢမုၢ်ဟါပၢၢ်လၢမုၢ်ဆ့ၣ်ထီၣ်တနံၤ လၢမုၢ်ဟါ န့ၣ် စီၤဒၤဝံးကျီကွံာ်အီၤ, ဒီးပှၤတပူၤတဖျဲးဘၣ်နီတဂၤ ဘၣ်, ပူၤဖျဲးထဲပှၤဖိၣ်သၣ်ခွါ လွံၢ်ကယၤလၢအဒိးကီၤ လၤအူးဒီးဃ့ၢ်ဝဲတဖၣ်ဧိၤန့ၣ်လီၤ.

¹⁸ ဒီးစီၤဒၤဝံးမၤန့ၢ်ကယဲၢ်တၢ်လၢ ပှၤဧမၤလ့းဖိစိာ်ထီၣ် ကွံာ်, ဒီးစီၤဒၤဝံးမၤထူၣ်ဖျဲးအမါခံဂၤလီၤ. ¹⁹ ဒီးအဆံး ဂ့ၤ, အဒိၣ်ဂ့ၤ, ဖိခွါဂ့ၤ, ဖိမုၣ်ဂ့ၤ, တၢ်ဖိတၢ်လံၤဂ့ၤ, ထီရီၤ တၢ်တမံၤမံၤလၢအဟံးန့ၢ်ဝဲဂ့ၤ, တၢ်တဟါမၢ်ဘၣ်နီ တမံၤဘၣ်. စီၤဒၤဝံးမၤန့ၢ်က့ၤတၢ်ခဲလၢာ်လီၤ.

²⁰ ဒီးစီၤဒၤဝံးဟံးန့ၢ် ကယဲၢ်သိဒီးမဲာ်တဲးလဲး, ဒီးဂီၤဘုၣ် ဂီၤဖံးလၢပှၤဟီထီၣ်အီၤလၢ ဆၣ်ဖိကီၢ်ဖိအဒၢအမဲာ် ညါ, ဒီးပှၤစံးဝဲဒၣ်, တၢ်အံၤမ့ၢ်စီၤဒၤဝံးအတၢ်လီၤ.

²¹ ဒီးစီၤဒၤဝံးက့ၤက့ၤဆူ ပှၤလၢအဂံၢ်အဘါလီၤဘှါတုၤ အပိာ်စီၤဒၤဝံးအခံတကဲဘၣ်ခံကယၤ လၢအဒုးအိၣ်ဝဲ လၢထံကျိဘစိၢ်အနံၤ, ဒီးအဝဲသ့ၣ်ဟဲသဂၢၢ်စီၤဒၤဝံး, ဒီးဟဲသဂၢၢ်ပှၤအိၣ်ဒီးအီၤလီၤ. ဒီးတုၤစီၤဒၤဝံးဟဲဘူး ဒီးပှၤဂီၢ်မုၢ်ဒီး, ကတိၤဒိၣ်အီၤလီၤ.

²² ဒီးပှၤအၢပှၤသီခဲလၢာ်, ဒီးပှၤဘလးယဧၤလးဖိလၢ အအိၣ်ဝဲလၢပှၤတဖၣ်အကျါန့ၣ်ကတိၤတၢ်, ဒီးစံးဝဲ ဒၣ်, မ့ၢ်အတလဲၤဘၣ်ဒီးပှၤဘၣ်ဒီး, ပတဟ့ၣ်လီၤဘၣ် အီၤလၢတၢ်လၢပဂုာ်န့ၢ်က့ၤအကျါန့ၣ်ဘၣ်. ပကဟ့ၣ် လီၤအီၤထဲအမါ, ဒီးအဖိအလံၤတဂၤလၢအဂီၢ်ဒၣ်ဝဲ, တဂၤလၢအဂီၢ်ဒၣ်ဝဲစုာ်စုာ်, ဒ်သိးအကဆှၢထီၣ်, ဒီး ဟးထီၣ်ကွံာ်ဝဲလီၤ.

²³ ဒီးစီၤဒၤဝံးစံးဝဲဒၣ်, ယဒီပုၢ်ဝဲၢ်သ့ၣ်ဧၢ, သုတဘၣ်မၤ ဒ်န့ၣ်လၢတၢ်လၢယွၤဟ့ၣ်လီၤပှၤ, လၢအအံးလီၤကွၢ် လီၤပှၤ, ဒီးဟ့ၣ်လီၤကွံာ်ပှၤလၢ အဟဲထီဒါပှၤတဖု ဆူပစုပူၤန့ၣ်ဘၣ်. ²⁴ ဒီးမ့ၢ်မတၤကဒိကနၣ်သုကလုၢ် လၢတၢ်တမံၤအံၤအဂ့ၢ်အကျိၤလဲၣ်. အဂ့ၢ်ဒ်အံၤ, ဒ်ပှၤ လၢအလဲၤလီၤဆူတၢ်ဒုးသုးအပူၤတဂၤအဂီၢ်အသိးန့ၣ် ပှၤလၢအအိၣ်လီၤတဲာ်ဒီး တၢ်ဖိတၢ်လံၤတဂၤအဂီၢ်က ဒ်န့ၣ်အသိးလီၤ. ကဒိးန့ၢ်ဘၣ်တၢ်ဒ်သိးသိးလီၤ.

²⁵ ဒီးလၢမုၢ်တနံၤလံၤလံၤန့ၣ် တၢ်မၤအသးလၢအပာ် တၢ်န့ၣ်လၢတၢ်မၤလိာ်, ဒီးတၢ်အလုၢ်အလၢ်လၢအံၣ် စရ့လးအပူၤတုၤမုၢ်မဆါတနံၤအံၤလီၤ.

²⁶ ဒီးတုၤစီၤဒၤဝံးဟဲဆူစံကလးဒီး, ဟ့ၣ်ယုၢ်တၢ်ဂုာ်န့ၢ် တနီၤဆူပှၤယူဒၤဖိအသးပှၢ်, အတံၤအသကိးတဖၣ်, ဒီးစံးဝဲဒၣ်, ကွၢ်ကွၢ်, တၢ်ခိၣ်ဖးလၢသုဂီၢ်လၢတၢ်ဂုာ် န့ၢ်လၢယွၤအဒုၣ်အဒါအကျါန့ၣ်လီၤ. ²⁷ ဆူပှၤအိၣ်လၢ ဘ့ၤသ့လးအပူၤ, ဒီးဆူပှၤအိၣ်လၢရၤမိးအပူၤလၢက လံၤထံးတခီ, ဒီးဆူပှၤအိၣ်လၢယးတံၢ်အပူၤ ²⁸ ဒီးဆူပှၤ အိၣ်လၢဧရိၤဧ့ၢ်အပူၤ, ဒီးဆူပှၤအိၣ်လၢစံးဖမိးအပူၤ, ဒီးဆူပှၤအိၣ်ဝဲလၢအ့ၡတမိးအပူၤ, ²⁹ ဒီးဆူပှၤအိၣ်လၢ ရၤဃ့လးအပူၤ, ဒီးဆူပှၤအိၣ်လၢပှၤယရၤဃမအ့လးဖိ အဝ့ၢ်တဖၣ်အပူၤဒီး ဆူပှၤအိၣ်လၢပှၤက့ၣ်ဖိအဝ့ၢ်တ ဖၣ်အပူၤ, ³⁰ ဒီးဆူပှၤအိၣ်လၢဃိၢ်မါအပူၤ, ဒီးဆူပှၤအိၣ် လၢကီၢ်ရၤၡၣ်အပူၤ, ဒီးဆူပှၤအိၣ်လၢဧၤသးအပူၤ,―

³¹ ဒီးဆူပှၤအိၣ်လၢဃ့ဘြိၣ်အပူၤ, ဒီးဆူကယဲၢ်တၢ်အိၣ် အလီၢ်ဖဲစီၤဒၤဝံးအကစၢ်ဒၣ်ဝဲ, ဒီးအပှၤကညီတဖၣ် လဲၤညီနုၢ်အပူၤတပူၤလၢ်လၢ်န့ၣ် ဟ့ၣ်ယုၢ်ဝဲလီၤ.

၃၁

¹ ဒီးပှၤဖလ့ၡသးဖိဒုးတၢ်ဒီးအံၣ်စရ့လး, ဒီးအံၣ်စရ့ လးအပှၤကညီ ဃ့ၢ်လၢပှၤဖလ့ၡသးဖိအမဲာ်ညါ, ဒီး လီၤဃံၤသံလၢကစၢၢ်ကံးလဘိအလိၤလီၤ.

² ဒီးပှၤဖလ့ၡသးဖိ လူၤသပှၢ်စီၤစီလူးဒီးအဖိခွါတဖၣ်, ဒီးပှၤဖလ့ၡသးဖိမၤသံစီၤစီလူးအဖိခွါစီၤယိနၤသၣ်, ဒီး စီၤအဘံနဒာ်, ဒီးစီၤမးလကံရှူၤလီၤ.

³ ဒီးတၢ်ဒုးသုးန့ၣ် ကဲထီၣ်တၢ်ကီလၢစီၤစီလူးအဂီၢ်, ဒီးပှၤခးတၢ်ဖိခးဘၣ်အီၤ, ဒီးဘၣ်တၢ်ဆဲးအီၤလၢပှၤခး တၢ်ဖိနးမးလီၤ.

⁴ ဒီးစီၤစီလူးစံးဘၣ်ပှၤစိာ်အစုကဝဲၤတဂၤ, ဘီၣ်ထီၣ်န နး, ဒီးဆဲးဖျိယၤလၢအီၤတက့ၢ်. ပှၤတဒိးဘၣ်တၢ်ကူး တရံးတဖၣ်န့ၣ်ကဆဲးဖျိယၤ, ဒီးမၤတရီတပါဘၣ်ဖုး ယၤလီၤ. ဘၣ်ဆၣ်ဒီးပှၤစိာ်အစုကဝဲၤတဂၤန့ၣ်တမၤ ဘၣ်ဝဲဘၣ်. အဂ့ၢ်ဒ်အံၤ, ပျံၤတၢ်ဒိၣ်မးလီၤ. ဒီးစီၤစီလူး ဟံးန့ၢ်နးတဘ့ၣ်န့ၣ်, ဒီးထိၣ်လီၤဃံၤအသးလၢအဖီ ခိၣ်လီၤ.

⁵ ဒီးတုၤပှၤစိာ်အစုကဝဲၤတဂၤန့ၣ် ထံၣ်လၢစီၤစီလူးသံ လံဒီး, အဝဲဒၣ်ထိၣ်လီၤဃံၤအသးလၢ အနးတဘ့ၣ် အဖီခိၣ်စ့ၢ်ကီး, ဒီးသံဝဲဒီးအီၤလီၤ.

⁶ ဒီးစီၤစီလူးသံဝဲ, ဒီးအဖိခွါသၢဂၤ, ဒီးအပှၤစိာ်အစုက ဝဲၤတဂၤ, ဒီးအပှၤကညီခဲလၢာ်လၢမုၢ်တနံၤဃီန့ၣ်လီၤ.

⁷ ဒီးတုၤအံၣ်စရ့လးအပှၤကညီလၢ အအိၣ်ဝဲလၢက စၢၢ်ကဆူးဝၢ်ဘးခီ, ဒီးအိၣ်လၢယၢ်ဒ့ၣ်ဝၢ်ဘးခီတဖၣ် န့ၣ်ထံၣ်ဝဲလၢအံၣ်စရ့လးအပှၤကညီဃ့ၢ်ဝဲ, ဒီးလၢစီၤ စီလူးဒီးအဖိခွါတဖၣ်သံတ့ၢ်လံန့ၣ်ဒီး, လဲၤသဒၣ်ဝ့ၢ် တဖၣ်, ဒီးဃ့ၢ်ထီၣ်ကွံာ်လီၤ. ဒီးပှၤဖလ့ၡသးဖိဟဲအိၣ် ဝဲဆိးဝဲလၢအပူၤလီၤ.

⁸ ဒီးမုၢ်ဆ့ၣ်ထီၣ်တနံၤန့ၣ် တုၤပှၤဖလ့ၡသးဖိဟဲဘ့ၣ် ကွံာ်ပှၤသံအကူအသိးဒီး, တၢ်မၤအသးလၢအထံၣ်န့ၢ် စီၤစီလူးဒီးအဖိခွါသၢဂၤလီၤဃံၤဝဲလၢ ကစၢၢ်ကံးလ ဘိအလိၤလီၤ. ⁹ ဒီးဒီၣ်တဲာ်ကွံာ်အခိၣ်, ဒီးဘ့ၣ်လီၤ ကွံာ်အသဃိး, ဒီးမၢပှၤလဲၤစိာ်ဝ့ၤဝီၤလၢပှၤဖလ့ၡသး ဖိအကီၢ်ပူၤ ဒ်သိးအကစံၣ်တဲၤတဲလီၤတၢ်လၢအတၢ် ဂီၤတဖၣ်အဟံၣ်ပူၤ, ဒီးလၢပှၤဂီၢ်မုၢ်တဖၣ်အကျါလီၤ.

¹⁰ ဒီးပာ်ဝဲအသဃိးလၢ ဧၤၡတြိးအဟံၣ်ပူၤ, ဒီးစဲထီၣ်အ စိၣ်လၢဘ့ၤသၡၣ်အဝ့ၢ်ခိၣ်ဒူလီၤ.

¹¹ ဒီးတုၤပှၤယၤဘ့ၣ်ကံးလဧးဖိနၢ်ဟူတၢ်လၢ ပှၤဖလ့ ၡသးဖိ မၤဘၣ်စီၤစီလူးဒီး, ¹² ပှၤသုးဖိခဲလၢာ် ဂဲၤဆၢ ထၢၣ်, ဒီးလဲၤတၢ်သီတနၤကျၢၤ, ဒီးဟံးန့ၢ်စီၤစီလူးအ စိၣ်, ဒီးအဖိခွါတဖၣ်အစိၣ်လၢဘ့ၤသၡၣ်အဝ့ၢ်ခိၣ်ဒူ, ဒီးဟဲဝဲဆူယၤဘ့ၣ်, ဒီးကုၢ်ဃိထီၣ်အီၤန့ၣ်, ¹³ ဒီးဟံးန့ၢ် အဃံ, ဒီးခူၣ်လီၤကွံာ်အီၤလၢသ့ၣ်တထံးအဖီလာ်လၢ ယၤဘ့ၣ်, ဒီးဒုၣ်တၢ်အီၣ်နွံနံၤလီၤ.