လံာ်စီၤပ့းတရူးကွဲးဝဲအခီၣ်ထံးတဘ့ၣ်.

လံာ်စီၤပ့းတရူးကွဲးဝဲအခီၣ်ထံးတဘ့ၣ်.

၁

¹ ယ့ၣ်ရှူးခရံာ်အပှၤတၢ်မၢဖိ, ယၤစီၤပ့းတရူး, ယစံးဘၣ် ပှၤတမှံၤဘၣ်ဃးဒီးတၢ်လီၤပြံလီၤပြါလၢပီၣ်တူး, လၢက လၤတံ, လၢကးပၤဒကံ, လၢအၤစံ, ဒီးလၢဘံၤသူၤနံအပူၤ န့ၣ်, ² ပှၤဘၣ်တၢ်ဃုထၢအီၤဒ်ပၢ်ယွၤအတၢ်သ့ၣ်ညါပာ် အသိး, လၢသးအတၢ်မၤစီဆှံအပူၤ, လၢအကစူၢ်တၢ်ဒီး ဒိးဖှံအသးလၢယ့ၣ်ရှူးခရံာ်အသွံၣ်န့ၣ်, မ်တၢ်ဘျုးတၢ် ဖှိၣ်, ဒီးတၢ်ဃူတၢ်ဖိးအါထီၣ်ဒီးသုတက့ၢ်.

³ ယွၤ, ပကစၢ်ယ့ၣ်ရှူးခရံာ်အပၢ်, မ်အဘၣ်တၢ်ဆိၣ်ဂ့ၤ တက့ၢ်. အဝဲဒၣ်, ဒ်အတၢ်သးကညီၤဒိၣ်အသိး, မၤလိၣ် ထီၣ်ကဒီးပှၤလၢတၢ်မုၢ်လၢ်အမူအပူၤ, လၢယ့ၣ်ရှူးခရံာ် အတၢ်ဂဲၤဆၢထၢၣ်လၢတၢ်သံအဃိ, ⁴ ဆူတၢ်န့ၢ်သါလၢ အတဟးဂီၤဘၣ်, ဒီးတဘၣ်အၢဘၣ်, ဒီးတလီၤညွံးဘၣ် အပူၤ, လၢတၢ်ပာ်ဝဲလၢသုဂီၢ်လၢမူခိၣ်လီၤ. ⁵ သုဘၣ်တၢ် ပၢၤသုလၢယွၤအစိအကမီၤလၢတၢ်နာ်အဃိ, ပၢၢ်လၢ တၢ်အုၣ်က့ၤခီၣ်က့ၤလၢ အအိၣ် ကတဲာ်ကတီၤအသး လၢအကဘၣ်တၢ်လီၣ်ဖျါထီၣ်အီၤဖဲတၢ်ကတၢၢ်အဆၢ အကတီၢ်လီၤ. ⁶ လၢအဝဲန့ၣ်အဃိသုသူၣ်ဖှံသးညီ, ဘၣ် ဆၣ်ခဲကနံၣ်အံၤအလီၢ်မ့ၢ်အိၣ်ဒီး, သုသူၣ်အုးသးအုးတ စိၢ်လၢတၢ်လ့ပစီအါမံၤအဃိ, ⁷ ဒ်သိးသုတၢ်နာ်အတၢ် မၤကွၢ်အီၤ, လၢအမ့ၢ်တၢ်လုၢ်တၢ်ပှ့ၤဒိၣ်န့ၢ်ထူ, လၢအ ဘၣ်တၢ်မၤကွၢ်အီၤလၢမ့ၣ်အူ နာ်သက့ဒီးဟးဂီၤဝဲန့ၣ်, ကအိၣ်ဖျါထီၣ်လၢတၢ်စံးထီၣ်ပတြၢၤ, ဒီးတၢ်ယူးတၢ် ယီၣ်, ဒီးတၢ်လၤကပီၤအဂီၢ်, ဖဲယ့ၣ်ရှူးခရံာ်အတၢ်အိၣ် ဖျါထီၣ်န့ၣ်လီၤ. ⁸ အဝဲဒၣ်န့ၣ်သုတထံၣ်ဘၣ်အီၤဘၣ်ဒီး သုအဲၣ်အီၤလီၤ. ခဲကနံၣ်အံၤသုတထံၣ်ဘၣ်နာ်သက့ဒီး, သုနာ်အီၤဒီး, သုသးခုဒီးတၢ်သးခုလၢပစံးတသ့ဘၣ်, ဒီးလၢပှဲၤဝဲဒီးတၢ်လၤကပီၤ, ဒီးသုဒိးန့ၢ်သုတၢ်နာ်အက တၢၢ်န့ၣ်, ⁹ တၢ်အုၣ်က့ၤခီၣ်က့ၤသုသးလီၤ.

¹⁰ လၢတၢ်အုၣ်က့ၤခီၣ်က့ၤန့ၣ်အဂ့ၢ်အကျိၤ, ဝံတဖၣ်ဃု ကွၢ်, ဒီးသံကွၢ်လီၤတံၢ်လီၤဆဲး, ဖဲအကတိၤတၢ်လၢဝံအ ကျိာ်လၢတၢ်ဘျုးတၢ်ဖှိၣ်ဘၣ်ဃးဒီးသုန့ၣ်လီၤ. ¹¹ ဒီးဖဲ အအုၣ်ပာ်အသးလၢ ခရံာ်အတၢ်ဖှီၣ်တၢ်နးအဂ့ၢ်အကျိၤ ဒီးတၢ်လၤကပီၤလၢ အဝဲန့ၣ်အလီၢ်ခံအဂ့ၢ်အကျိၤန့ၣ်ဒီး ခရံာ်အသးအိၣ်လၢအပူၤ, ဒုးနဲၣ်တၢ်မနုၤလဲၣ်, ဒီးအက တီၢ်ဆံးယံာ်လဲၣ်န့ၣ်, အဝဲသ့ၣ်ကွၢ်ထံကွၢ်ဆးလီၤ. ¹² ဒီး တၢ်လီၣ်ဖျါထီၣ်လၢအီၤလၢအမၤတၢ်န့ၣ်, တမ့ၢ်ဘၣ် လၢအဂီၢ်ဒၣ်ဝဲဘၣ်, မ့ၢ်လၢသုဂီၢ်လီၤ. ဒီးခဲကနံၣ်အံၤတၢ် န့ၣ်တဖၣ်ဘၣ် တၢ်စံၣ်တဲၤတဲလီၤသုလၢ ပှၤလၢအစံၣ် တဲၤတဲလီၤတၢ်သးခုအကစီၣ်, လၢသးစီဆှံလၢတၢ်မၢ လီၤအီၤလၢမူခိၣ်လီၤ. ဒီးဆူအဝဲန့ၣ်အပူၤကလူးတဖၣ် တၢ်မိၣ်ကွၢ်ထံကွၢ်ဆးအသးလီၤ.

¹³ မၤသးဒ်န့ၣ်ဒီး, ကံၢ်တူာ်ထီၣ်သုသးအယီၢ်ဒ့, ဒီးကီၤ သုသး, ဒီးမုၢ်လၢ်သပှၢ်ပှၢ်တၢ်ဘျုးတၢ်ဖှိၣ်လၢတၢ်ကဟဲ စိာ်န့ၢ်သု, ဖဲယ့ၣ်ရှူးခရံာ်ကအိၣ်ဖျါထီၣ်န့ၣ်တက့ၢ်. ¹⁴ ဒ်ဖိ သၣ်လၢအနၢ်လိၤအသိးန့ၣ်, ဒုးမၤက့ၤသုက့ၢ်သုဂီၤဒ် တၢ်သးကွံအခီၣ်ထံးလၢသုတသ့ၣ်ညါဘၣ်တၢ်ဘၣ်အ ပူၤအသိးန့ၣ်တဂ့ၤ. ¹⁵ မ့မ့ၢ်ဒ်ပှၤလၢအကိးန့ၢ်သု, မ့ၢ်အစီ အဆှံအသိးန့ၣ်, ကဲထီၣ်သုဝဲစ့ၢ်ကီးလၢအစီအဆှံလၢ သုမၤတၢ်ဖံးတၢ်ကိးအမံၤဒဲးအပူၤတက့ၢ်. ¹⁶ အဂ့ၢ်ဒ်အံၤ, တၢ်ကွဲးအသး, ကဲထီၣ်ပှၤစီဆှံတက့ၢ်. အဂ့ၢ်ဒ်အံၤ, ယ မ့ၢ်ပှၤစီဆှံလီၤ.+ ၃မိၤ. ၁၁း၄၄|Lev.11.44*.

¹⁷ ဒီးသုမ့ၢ်ကိးထီၣ်ပၢ်လၢ အတကွၢ်မဲာ်ဘၣ် တၢ်ဘၣ် ဒီး, စံၣ်ညီၣ်ပှၤကိးဂၤဒဲးဒ်အမၤတၢ်အသိးန့ၣ်ဒီး, အက တီၢ်လၢသုအိၣ်သုဆိးဒံးန့ၣ်, မ်သုအိၣ်ဒီးတၢ်သူၣ်ပျံၤ သးပျံၤတက့ၢ်. ¹⁸ အဂ့ၢ်ဒ်အံၤ, သုသ့ၣ်ညါလၢတၢ်တပှ့ၤ က့ၤသုလၢတၢ်အုၣ်သံကျၣ်သံ, ဒ်စ့ဒီးထူအသိးလၢသု လုၢ်သုလၢ်လၢမိၢ်စိၤပၤစိၤအပူၤဘၣ်. ¹⁹ မ့မ့ၢ်တၢ်ပှ့ၤက့ၤ သုလၢခရံာ်အသွံၣ်, လၢအလုၢ်ဒိၣ်ပှ့ၤဒိၣ်, ဒ်လၢသိဖိလၢ အတၢ်သံၣ်သူမီၢ်ကျာ်, ဒီးအတၢ်မဲၣ်သူမဲၣ်ဂီၤတအိၣ် ဘၣ်အသိးလီၤ. ²⁰ အဝဲဒၣ်ဘၣ်တၢ်သ့ၣ်ညါပာ်အီၤလၢ ဟီၣ်ခိၣ်အခီၣ်ထံးတချုးအိၣ်ဒံးဘၣ်, ဘၣ်ဆၣ်ဒီးလၢ တၢ်ကတၢၢ်အဆၢအကတီၢ်အံၤ, အိၣ်ဖျါထီၣ်ဝဲလၢသု ဂီၢ်လီၤ. ²¹ မ့ၢ်အဝဲဒၣ်သတးဒီး, သုနာ်ယွၤ, လၢအဒုးဂဲၤ ဆၢထၢၣ်က့ၤအီၤလၢတၢ်သံအပူၤ, ဒီးမၤလၤကပီၤအီၤ လီၤ. ²² မ့ၢ်သုမၤစီဆှံသုသးလၢ သုစူၢ်တၢ်မ့ၢ်တၢ်တီလၢသးအဃိပၢၢ်လၢတၢ်အဲၣ်ဒီပုၢ်ဝဲၢ်နီၢ်နီၢ်သတးဒီး, မ်သုအဲၣ်လိာ်ကွံလိာ်သုသးလၢသုသးကဆှီသပှၢ်တၢၢ်တက့ၢ်.―

²³ သုတအိၣ်ဖျဲၣ်ကဒီးဘၣ်လၢ တၢ်အချံလၢ အအုၣ်သံ ကျၣ်သံဘၣ်, မ့ၢ်လၢတၢ်တအုၣ်သံကျၣ်သံဘၣ်, လၢယွၤ အကလုၢ်အကထါလၢအမူဝဲ, ဒီးအိၣ်ဝဲဆိးဝဲလီၤထူလီၤ ယိာ်လီၤ. ²⁴ အဂ့ၢ်ဒ်အံၤ, တၢ်ဖံးတၢ်ညၣ်ခဲလၢာ်န့ၣ်, မၤအသးဒ်နီၣ်ဧိၤ မံၤဧိၤအသိး, ဒီးအလၤကပီၤခဲလၢာ်ဒ်နီၣ်ဧိၤမံၤဧိၤအဖီအ သိးလီၤ. နီၣ်ဧိၤမံၤဧိၤဃ့ထီၣ်ကွံာ်ဝဲ, ဒီးအဖီလီၤပလ့ၤ ကွံာ်လီၤ. ²⁵ မ့မ့ၢ်ယွၤအကလုၢ်အကထါန့ၣ်, အိၣ်ဝဲဆိးဝဲလီၤထူလီၤယိာ်လီၤ.+ ၡါ. ၄၀း၆-၈|Isa.40.6-Isa.40.8*. ဒီးအဝဲန့ၣ်မ့ၢ်အကလုၢ်အကထါ လၢပှၤစံၣ်တဲၤတဲလီၤ သုလၢတၢ်သးခုအကစီၣ်န့ၣ်လီၤ.

၂

¹ မၤသးဒ်န့ၣ်ဒီး, ပာ်ကွံာ်ကယဲၢ်တၢ်အၢတၢ်သီ, ဒီးက ယဲၢ်တၢ်လွဲတၢ်လဲး, ဒီးတၢ်လီတၢ်ဝ့ၤ, ဒီးတၢ်သူၣ်ကါသး ကါ, ဒီးကယဲၢ်တၢ်စံးအၢစံးသီ, ² ဒီး, သုမ့ၢ်လ့ၣ်ကွၢ်တ့ၢ် လၢပကစၢ်မ့ၢ်တၢ်ဂ့ၤဒီး, ဒ်ဖိဆံးအိၣ်ဖျဲၣ်သီအသိးန့ၣ်,―

³ ဆၢန့ၢ်တၢ်နုၢ်ထံနီၢ်စၢ်ဘၣ်ဃးဒီးသူၣ်ဒီးသး, ဒ်သိးသု ကဒိၣ်ထီၣ်လၢအီၤ တုၤလၢတၢ်အုၣ်က့ၤခီၣ်က့ၤတက့ၢ်.

⁴ သုဟဲဆူအဝဲဒၣ်အအိၣ်ဒ်လၢၢ်မူတဖျၢၣ်အသိး, လၢအ ဘၣ်တၢ်ညိကွံာ်အီၤလၢပှၤကညီဘၣ်ဆၣ်ဒီး, မ့ၢ်တၢ် လုၢ်ဒိၣ်ပှ့ၤဒိၣ်, ဒီးဘၣ်ဃုထၢအီၤလၢယွၤလီၤ. ⁵ ဒီးသုဝဲ သ့ၣ်အံၤဒ်လၢၢ်မူတဖၣ်အသိးန့ၣ်, ဘၣ်တၢ်သူၣ်ထီၣ်, ဒီး ကဲထီၣ်ဟံၣ်ဘၣ်ဃးဒီးသူၣ်ဒီးသးန့ၣ်, ပှၤလုၢ်တၢ်အဒိၣ် အစီအဆှံတကလုာ်, ဒ်သိးသုကပာ်ထီၣ်တၢ်လုၢ်ဘၣ် ဃးဒီးသူၣ်ဒီးသးလၢအဘၣ်ယွၤအသး, လၢယ့ၣ်ရှူးခ ရံာ်အဃိန့ၣ်လီၤ. ⁶ အဂ့ၢ်ဒ်အံၤ, တၢ်ကွဲးအသးဟဲဝဲဒ်အံၤ ကွၢ်ကွၢ်, ယပာ်လီၤလၢၢ်တၢ်ခီၣ်ထံးအသနၢၣ်, ဘၣ်တၢ် ဃုထၢ, တၢ်လုၢ်ဒိၣ်ပှ့ၤဒိၣ်, လၢစံယိၣ်အပူၤလီၤ. ဒီးပှၤ လၢအနာ်အီၤတဖၣ်န့ၣ်, အမဲာ်တဆှးဘၣ်လီၤ.+ ၡါ. ၂၈း၁၆|Isa.28.16*.

⁷ မၤသးဒ်န့ၣ်ဒီး မ့ၢ်လၢတၢ်လုၢ်ဒိၣ်ပှ့ၤဒိၣ်လၢပှၤလၢအ နာ်တၢ်, သုဝဲသ့ၣ်အဂီၢ်. မ့မ့ၢ်လၢပှၤလၢအတနာ်ဘၣ် တၢ်အဂီၢ်န့ၣ်, လၢၢ်လၢပှၤသူၣ်ဟံၣ်ညိကွံာ်ဝဲတဖျၢၣ်န့ၣ် အဝဲန့ၣ်ထီၣ်ဘးလၢတၢ်သနၢၣ်အခိၣ်စိၣ်,+ စံး. ၁၁၈း၂၂, ၂၃|Ps.118.22-Ps.118.23*.⁸ ဒီးကဲလၢလၢၢ်ဘၣ်တိၢ်, ဒီးလၢၢ်ဒုးလီၤဃံၤ တၢ်လီၤ. အဝဲသ့ၣ်တနာ်ဘၣ်တၢ်သတးဒီး, ဘၣ်တိၢ် ဘၣ်ထံးဝဲလၢတၢ်အကလုၢ်အဃိ, ဒီးတၢ်ပာ်စ့ၢ်ကီးအဝဲ သ့ၣ်လၢတၢ်န့ၣ်အဂီၢ်လီၤ. ⁹ မ့မ့ၢ်သုဝဲသ့ၣ်အံၤ, သုမ့ၢ်တၢ်အစၢၤအသွဲၣ်လၢအဘၣ် တၢ်ဃုထၢအီၤ, ပှၤလုၢ်တၢ်အဒိၣ်စီၤပၤ, ပှၤစီဆှံတက လုာ်,+ ၂မိၤ. ၁၉း၆|Exod.19.6*,ပှၤဂီၢ်မုၢ်လၢတၢ်ပှ့ၤက့ၤအီၤ, ဒ်သိး သုကလီၣ်ဖျါထီၣ်ပှၤလၢအကိးန့ၢ်သုလၢတၢ်ခံးဆူတၢ် ကပီၤလီၤလးအပူၤတဂၤ, အတၢ်ဂ့ၤတၢ်ဝါန့ၣ်လီၤ.

¹⁰ လၢထံးလၢမကိာ်န့ၣ်, သုတမ့ၢ်ဘၣ်ပှၤတကလုာ်ဘၣ်, မ့မ့ၢ်ခဲကနံၣ်အံၤ, သုမ့ၢ်ယွၤအပှၤတကလုာ်လီၤ. လၢထံး လၢမကိာ်န့ၣ်, သုတဒိးဘၣ်တၢ်သးကညီၤဘၣ်, မ့မ့ၢ်ခဲ ကနံၣ်အံၤ, သုဒိးဘၣ်တၢ်သးကညီၤလီၤ.+ ဟိၤ. ၂း၂၃|Hos.2.23*.

¹¹ ပှၤလၢတၢ်အဲၣ်အီၤသ့ၣ်ဧၢ, ယဃ့ကညးသုဒ်ပှၤတမှံၤ ဒီးပှၤလဲၤတၢ်အသိး, ဟးဆှဲးတၢ်သးကွံဘၣ်ဃးဒီးတၢ် ဖံးတၢ်ညၣ်လၢအဒုးတၢ်ယၤတၢ်ဒီး ပသူၣ်ပသးန့ၣ်တ

¹² က့ၢ်. မ်သုအိၣ်ဒီးသုတကဲာ်ပဝးဂ့ၤလၢပှၤကလုာ်တဖၣ် အကျါ, ဒ်သိးပှၤလၢအစံးအၢသုဒ်ပှၤမၤတၢ်အၢတၢ်သီ န့ၣ်, တုၤအကွၢ်သုမၤတၢ်ဂ့ၤဒီး, ကစံးထီၣ်ပတြၢၤယွၤ, ဖဲ တၢ်အိၣ်သကိးအမုၢ်နံၤန့ၣ်တက့ၢ်.

¹³ မၤသးဒ်န့ၣ်ဒီးပာ်သုသးလၢ ကယဲၢ်ပှၤကညီအတၢ် စံၣ်ညီၣ်အဖီလာ်, လၢပကစၢ်အဃိတက့ၢ်. လၢစီၤပၤ, ဒ် ပှၤအဒိၣ်ကတၢၢ်, ¹⁴ ဒီးလၢပဒိၣ်, ဒ်ပှၤဒိးမၢအသးလၢအီၤ လၢတၢ်စံၣ်ညီၣ်ဃၣ်ပှၤမၤတၢ်အၢအဂီၢ်, ဒီးလၢတၢ်စံး ထီၣ်ပတြၢၤပှၤမၤတၢ်ဂ့ၤအဂီၢ်အသိးန့ၣ်တက့ၢ်. ¹⁵ အဂ့ၢ် ဒ်အံၤ, ယွၤအသးအိၣ်ဝဲဒ်အံၤ, လၢသုကဒုးအိၣ်ဘှီၣ်က လာ်ပှၤဟးဂီၤဖိအတၢ်တသ့ၣ်ညါဘၣ်, လၢသုမၤတၢ်ဂ့ၤ အဃိန့ၣ်လီၤ. ¹⁶ ဒ်ပှၤသဘျ့အသိးန့ၣ်, ဒီးတပာ်ဘၣ်တၢ် သဘျ့လၢတၢ်အၢအနီၣ်ကျၢၢ်ဘၢဘၣ်, မ့မ့ၢ်ဒ်ယွၤအခ့ အပှၤအသိးန့ၣ်တက့ၢ်.

¹⁷ ယူးယီၣ်ပှၤကညီခဲလၢာ်တက့ၢ်. အဲၣ်ဒီပုၢ်ဝဲၢ်ခဲလၢာ် တက့ၢ်. ပျံၤယွၤတက့ၢ်. ယူးယီၣ်စီၤပၤတက့ၢ်. ¹⁸ တၢ်အခ့ အပှၤသ့ၣ်ဧၢ, ပာ်သုသးလၢသုကစၢ် အဖီလာ်လၢက ယဲၢ်တၢ်သးပျံၤန့ၣ်တက့ၢ်. ထဲပှၤအဂ့ၤ, ဒီးပှၤအခုၣ်အမုာ် ဧိၤတမ့ၢ်ဘၣ်. မ့ၢ်လၢပှၤအကီစ့ၢ်ကီးတက့ၢ်. ¹⁹ အဂ့ၢ်ဒ် အံၤ, ပှၤမ့ၢ်ဒိးတၢ်သူၣ်အုးသးအုးလၢပှၤမၤအီၤတတီတ လိၤဘၣ်, လၢအသးလၢအသ့ၣ်ညါဒၣ်တၢ်ဘၣ်ဃးဒီး ယွၤအဃိန့ၣ်ဒီး, အဘျုးအဖှိၣ်အိၣ်ဝဲလီၤ. ²⁰ အဂ့ၢ်ဒ်အံၤ, သုမ့ၢ်ဒိးတၢ်တီၢ်သု, လၢသုတၢ်ဒဲးဘးအဃိ, ဒီးဝံသးစူၤ တၢ်ဒီး, တၢ်စံးထီၣ်ပတြၢၤသုအလီၢ်အိၣ်ဒ်လဲၣ်. မ့မ့ၢ်တုၤ သုမၤတၢ်ဂ့ၤဒီးဘၣ်တၢ်လၢအဃိဒီး, သုမ့ၢ်ဝံသးစူၤတၢ် ဒီး, တၢ်န့ၣ်အိၣ်မးဒီး အဘျုးအဖှိၣ်လၢယွၤအမဲာ်ညါ လီၤ ²¹ အဂ့ၢ်ဒ်အံၤ, သုဒိးတၢ်ကိးန့ၢ်သုဆူအဝဲန့ၣ်လီၤ. အ ဂ့ၢ်ဒ်အံၤ, ခရံာ်ဒိးတၢ်လၢပဃိ, ဒီးပာ်လီၤတဲာ်အဒိအ တဲာ်, ဒ်သိးပကယီၢ်အခီၣ်လီၢ်န့ၣ်လီၤ. ²² အဝဲဒၣ်တမၤ ဘၣ်တၢ်ဒဲးဘးဘၣ်, ဒီးတၢ်တထံၣ်န့ၢ်ဘၣ်တၢ်လီတၢ် ဝ့ၤလၢအထးခိၣ်ဘၣ်.+ ၡါ. ၅၃း၉|Isa.53.9*.²³ ဘၣ်တၢ်ဒုၣ်ဒွဲၣ်, ဒီးတဒုၣ်ဒွဲၣ်ဆၢဘၣ်ဝဲဘၣ်. ဒိးတၢ်, ဒီးတကတိၤပျံၤဘၣ် တၢ်ဘၣ်, မ့ၢ်အအးလီၤအသးလၢပှၤစံၣ်ညီၣ်တၢ်တီတ ဂၤအစုပူၤလီၤ. ²⁴ အဝဲဒၣ်အကစၢ်ဒၣ်ဝဲ ဒိးပတၢ်ဒဲးဘး လၢသ့ၣ်အလိၤလၢအနီၢ်ခိဒၣ်ဝဲအပူၤ, ဒ်သိးပကသံကွံာ် လၢတၢ်ဒဲးဘး, ဒီးပကမူထီၣ်လၢတၢ်တီတၢ်လိၤအပူၤ လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ်အဃိ လီၤ.+ ၡါ. ၅၃း၅|Isa.53.5*.²⁵ အဂ့ၢ်ဒ်အံၤ, သုမ့ၢ်တ့ၢ်ဒ်သိလၢအ ဟးဖျိးကျဲအသိးန့ၣ်+ ၡါ. ၅၃း၆|Isa.53.6*. ဘၣ်ဆၣ်ဒီး, ခဲကနံၣ် အံၤ, သုတုၤက့ၤလၢပှၤကွၢ်သိ, ဒီးသုသးအပှၤကွၢ်တၢ်တ ဂၤ, အအိၣ်န့ၣ်လီၤ.

၃

¹ ဒ်န့ၣ်အသိးပိာ်မုၣ်သ့ၣ်ဧၢ, ပာ်သုသးလၢသုဝၤဒၣ်သု ဝဲအဖီလာ်, ဒ်သိးအဝဲသ့ၣ်တဂၤဂၤမ့ၢ်တစူၢ်ဘၣ်တၢ်အ ကလုၢ်အကထါဘၣ်ဒီး, တၢ်အကလုၢ်အကထါတအိၣ် ဘၣ်ဒီး, ကဘၣ်တၢ်မၤန့ၢ်အီၤလၢအမါအတကဲာ်ပဝးအ ဃိ, ² ဖဲအထံၣ်သုတကဲာ်ပဝးအစီအဆှံအိၣ်ဒီးပျံၤတၢ် န့ၣ်တက့ၢ်. ³ ပိာ်မုၣ်တဖၣ်အကယၢကယဲန့ၣ်, မ်အသု တမ့ၢ်တၢ်အိၣ်လၢခိ, တၢ်သံၣ်ခိၣ်သူ, ဒီးတၢ်ဃၢၤထူ ဃၢၤလွဲ, ဒီးတၢ်သိးအကူအသိးန့ၣ်တဂ့ၤ. ⁴ မ်အမ့ၢ်တၢ် လၢအပှၤလၢညါဘၣ်ဃးဒီးပသး, တၢ်လၢအတအုၣ်သံ ကျၣ်သံဘၣ်, ဒီးအတၢ်သူၣ်စူၤသးစူၤ, ဒီးတၢ်သူၣ်ဘှီၣ် သးဘှီၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါ န့ၣ်တက့ၢ်. ⁵ အဂ့ၢ်ဒ်အံၤ, ပိာ်မုၣ်စီဆှံလၢထံးလၢပျၢၤ, လၢအမုၢ်လၢ်တၢ်လၢယွၤန့ၣ်, ကယၢကယဲအသး, လၢ တၢ်ပာ်အသးလၢအဝၤဒၣ်ဝဲအဖီလာ်လီၤ. ⁶ ဒ်နီၢ်စၤရါဒိ ကနၣ်စီၤအၤဘြၤဟၣ်အကလုၢ် ဒီးကိးအီၤလၢကစၢ်အ သိး, ဒီးသုမ့ၢ်မၤတၢ်ဂ့ၤ, ဒီးတပျံၤဘၣ်လၢတၢ်ပျံၤနီတမံၤ ဘၣ်ဒီး, သုကကဲလၢအဖိလီၤ.

⁷ ဒ်န့ၣ်အသိးပိာ်ခွါသ့ၣ်ဧၢ, ဒ်သိးသုတၢ်ဘါထုကဖၣ် သုတဘၣ်တၢ်တြီအီၤတဂ့ၤဒီး, အိၣ်ဒီးသုမါဒ်တၢ်သ့ၣ် ညါအသိး, ဒီးယူးယီၣ်ပိာ်မုၣ်န့ၣ်ဒ်တၢ်လၢအဂံၢ်အဘါ စၢ်တက့ၢ်အသိး, ဒီးဒ်ပှၤဒိးန့ၢ်ဃုာ်တၢ်ဟ့ၣ်သါလၢတၢ် မူအဘျုးအဖှိၣ်အသိးန့ၣ်တက့ၢ်.

⁸ လၢခံကတၢၢ်န့ၣ်, မ်ပှၤခဲလၢာ်ကဲထီၣ်ပှၤသးတဖျၢၣ် ဃီ, ပှၤဒိးဃုာ်တၢ်, ပှၤအဲၣ်ဒီပုၢ်ဝဲၢ်, ပှၤသးကညီၤတၢ်, ပှၤ ဆီၣ်လီၤအသးန့ၣ်တက့ၢ်. ⁹ လၢတၢ်အၢအဃိန့ၣ်, ဟ့ၣ် ကၣ်တၢ်အၢတဂ့ၤ. လၢတၢ်ဒုၣ်ဒွဲၣ်အဃိန့ၣ်, ဟ့ၣ်ကၣ် တၢ်ဒုၣ်ဒွဲၣ်တဂ့ၤ, အခိၣ်တလိာ်တၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်အံၤ, သုဘၣ်တၢ်ကိးန့ၢ်သုလၢတၢ်အံၤအဂီၢ်, ဒ် သိးသုကန့ၢ်ဘၣ်သါတၢ်ဆိၣ်ဂ့ၤန့ၣ်လီၤ.

¹⁰ အဂ့ၢ်ဒ်အံၤ, ပှၤလၢအသးအဲၣ်တၢ်မူ, ဒီးဆၢထံၣ်အနံၤ အသီလၢအဂ့ၤတဖၣ်န့ၣ်, မ်အတြီဃာ် အပျ့ၤလၢတၢ် အၢ, ဒီးအပျူၤလၢတၢ်ကတိၤလီတၢ်န့ၣ်တက့ၢ်. မ်အဟး ဆှဲးတၢ်အၢ, ဒီးမၤတၢ်ဂ့ၤတက့ၢ်. ¹¹ မ်အဃုတၢ်ဃူတၢ်ဖိး, ဒီးလူၤအီၤတက့ၢ်. ¹² အဂ့ၢ်ဒ်အံၤ, ယွၤအမဲာ်အိၣ်လၢပှၤ တီပှၤလိၤအလိၤ, ဒီးအနၢ်အိၣ်လၢ ပှၤလၢအဃ့ကညး တၢ်အဂီၢ်လီၤ. ဒီးယွၤအမဲာ်ထီဒါပှၤမၤတၢ်အၢန့ၣ်လီၤ.+ စံး. ၃၄း၁၂-၁၆|Ps.34.12-Ps.34.16*. ― ¹³ ဒီးသုမ့မ့ၢ် ပှၤလၢအသးဆူၣ်လၢ တၢ်ဂ့ၤအဂီၢ်ဒီး, မ့ၢ်မတၤကမၤအၢသုတဂၤလဲၣ်. ¹⁴ မ့မ့ၢ် သုမ့ၢ်ဘၣ်တၢ်ဖှီၣ်တၢ်နးလၢတၢ်တီတၢ်လိၤအဃိဒီး, သု ဘၣ်ဆိၣ်ဂ့ၤလီၤ. ဒီးသုတပျံၤအဝဲသ့ၣ် အတၢ်မၤပျံၤန့ၣ် တဂ့ၤ, ဒီးသူၣ်ကိၢ်သးဂီၤတဂ့ၤ. ¹⁵ ဒီးပာ်စီဆှံကစၢ်ခရံာ် လၢသုသးကံၢ်ပူၤတက့ၢ်.+ ၡါ. ၈း၁၂|Isa.8.12*.ဒီးကယဲၢ်ပှၤ လၢအသံကွၢ်သုလၢ တၢ်မုၢ်လၢ်အိၣ်လၢသုပူၤအဂ့ၢ်အ ကျိၤကိးဂၤဒဲးန့ၣ်, အိၣ်ကတီၤသုသး ထီဘိလၢတၢ်စံး ဆၢ, မ့မ့ၢ်လၢတၢ်သူၣ်စူၤသးစူၤဒီးတၢ်ပျံၤတၢ်ဖုးတက့ၢ်. ¹⁶ အိၣ်ဒီးသုသးလၢအသ့ၣ်ညါဒၣ်တၢ်အဂ့ၤ, ဒ်သိးတၢ်လၢ အဝဲသ့ၣ်စံးအၢသု, ဒ်ပှၤမၤအၢတၢ်အသိး, ပှၤလၢအက တိၤတရီတပါသုမၤတၢ်အဂ့ၤလၢခရံာ်အပူၤအံၤ, ကမဲာ် ဆှးဝဲလီၤ. ¹⁷ အဂ့ၢ်ဒ်အံၤ, မ့ၢ်ဘၣ်ယွၤအသးဒီး, ပဘၣ်တၢ် နးတၢ်ဖှီၣ်လၢပမၤတၢ်ဂ့ၤအဃိ, ဂ့ၤန့ၢ်ပဘၣ်တၢ်လၢပ မၤတၢ်အၢအဃိန့ၣ်တက့ၢ်လီၤ. ¹⁸ အဂ့ၢ်ဒ်အံၤ, ခရံာ်ဒိး တၢ်စ့ၢ်ကီးတဘျီလၢတၢ်ဒဲးဘးအဃိ, ပှၤတီပှၤလိၤလၢ ပှၤတတီတလိၤအဂီၢ်, ဒ်သိးအကဆှၢန့ၢ်ပှၤဆူ ယွၤအ အိၣ်လီၤ. အဂ့ၢ်ဒ်အံၤ, ဒိးသံအသးလၢတၢ်ဖံးတၢ်ညၣ်အ ပူၤဘၣ်ဆၣ်ဒီး, ဒိးတၢ်မၤမူထီၣ်က့ၤအီၤလၢ သးန့ၣ် လီၤ. ¹⁹ လၢအဝဲန့ၣ်စ့ၢ်ကီးလဲၤစံၣ်တဲၤတဲလီၤတၢ်လၢသး တဖၣ်အိၣ်ဝဲလၢဃိာ်ပူၤ, ²⁰ ဖဲအဝဲသ့ၣ်တဖၣ်လၢထံးလၢ ပျၢၤတစူၢ်ဘၣ်တၢ်ဘၣ်, ဖဲယွၤအတၢ်ဝံသးစူၤဆူလၢ်ဟူ တၢ်လၢစီၤနိအၤအစိၤ, လၢတၢ်တ့ကဘီအဖၢမုၢ်န့ၣ်လီၤ. လၢအပူၤန့ၣ်ပှၤစှၤဂၤ, ဒ်ပစံးတၢ်အသိး, ပှၤအသးဃိးဂၤ, တုၤလၢတၢ်အုၣ်က့ၤခီၣ်က့ၤအီၤလၢထံလီၤ. ²¹ လၢအဝဲ န့ၣ်အဒိအတဲာ် တၢ်ဒိးဘျၢ*ပသးအုၣ်က့ၤခီၣ်က့ၤစ့ၢ်ကီး ပှၤခဲကနံၣ်အံၤ, တမ့ၢ်ဘၣ်တၢ်ပာ်ကွံာ်ပဖံးပညၣ်, အ တၢ်ဘၣ်အၢဘၣ်. မ့ၢ်ပသးသ့ၣ်ညါဒၣ်တၢ်အဂ့ၤ အမံ သူၣ်မံသးဘၣ်ဃးဒီး ယွၤလၢယ့ၣ်ရှူးခရံာ်အတၢ်ဂဲၤဆၢ ထၢၣ်က့ၤအဃိလီၤ. ²² အဝဲဒၣ်န့ၣ်က့ၤထီၣ်ဆူမူခိၣ်, ဒီး အိၣ်ဝဲလၢယွၤအစုထွဲတခီ, ဒီးတၢ်ပာ်ကလူးတဖၣ်, ဒီး တၢ်အစိအကမီၤ, ဒီးတၢ်အကဟုအကညီၢ်တဖၣ်လၢ အဖီလာ်လီၤ.

၄

¹ မၤသးဒ်န့ၣ်ဒီး, မ့ၢ်ခရံာ်ဒိးတၢ်လၢတၢ်ဖံးတၢ်ညၣ်အ ပူၤလၢပဂီၢ်သတးဒီး, သိးထီၣ်သုဝဲသးတမံၤဃီန့ၣ်အစု ကဝဲၤတက့ၢ်. အဂ့ၢ်ဒ်အံၤ, အဝဲဒၣ်ဒိးတၢ်လၢတၢ်ဖံးတၢ် ညၣ်, ဒီးဆိတ့ၢ်လံလၢတၢ်ဒဲးဘးလံ. ² ဒ်သိးတၢ်အဆၢ အကတီၢ်အိၣ်လီၤတဲာ်လၢတၢ်ဖံးတၢ်ညၣ်အပူၤ, သုသု တမူလၢၤလၢပှၤကညီအသးကွံတၢ်အပူၤတဂ့ၤ, မ့ၢ်လၢ တၢ်ဘၣ်ယွၤအသးအပူၤန့ၣ်တက့ၢ်. ³ အဂ့ၢ်ဒ်အံၤ, ပသး သမူအဆၢအကတီၢ်လၢအပူၤကွံာ်န့ၣ်, အါလံလၢပမၤ ဘၣ်ပှၤကလုာ်တဖၣ်အသးအဂီၢ်, ဖဲပလဲၤလၢတၢ်လုၣ် ကိလုၣ်ကပာ်, တၢ်သးကွံတၢ်, တၢ်အီလုၣ်ကိစပံးထံ, တၢ်အီၣ်ဖှိၣ်အီဖှိၣ်, ဒီးတၢ်ဘါတၢ်သးဘၣ်အၢတၢ်ဂီၤတ ဖၣ်, အဖၢမုၢ်န့ၣ်လံ. ⁴ မ့ၢ်သုတဃ့ၢ်ဃုာ်ဒီးအီၤလၢတၢ် ကလုာ်ကလိၤအတၢ်လုၣ်ကိအပူၤဒီး, အဝဲသ့ၣ်ကမၢက မၣ်ဝဲ, ဒီးဒုၣ်ဒွဲၣ်တၢ်လီၤ. ⁵ အဝဲသ့ၣ်တဖၣ်န့ၣ်ကဘၣ် ဟ့ၣ်တၢ်စံးဆၢလၢ ပှၤလၢအအိၣ်ကတဲာ်ကတီၤအသး ဒ်သိးအကစံၣ်ညီၣ်ပှၤမူဒီးပှၤသံတဂၤန့ၣ်လီၤ. ⁶ အဂ့ၢ်ဒ် အံၤ, လၢတၢ်န့ၣ်အဃိစ့ၢ်ကီး, တၢ်သးခုအကစီၣ်ဘၣ် တၢ်စံၣ်တဲၤတဲလီၤလၢပှၤသံတဖၣ်, ဒ်သိးအဝဲသ့ၣ်က ဘၣ်တၢ်စံၣ်ညီၣ်ဘၣ်ဃးဒီးပှၤကညီလၢတၢ်ဖံးတၢ်ညၣ် အပူၤ, ဒီးမူဝဲဘၣ်ဃးဒီးယွၤ, လၢသးန့ၣ်အပူၤလီၤ.

⁷ ဒီးတၢ်ခဲလၢာ်အကတၢၢ်န့ၣ်ဘူးထီၣ်လံ. မၤသးဒ်န့ၣ် ဒီး, ပာ်သုသးသပှၢ်ပှၢ်, ဒီးဆိးသီလၢတၢ်ဘါထုကဖၣ်အ ဂီၢ်တက့ၢ်. ⁸ ဒီးလၢတၢ်ခဲလၢာ်အမဲာ်ညါ, မ်တၢ်အဲၣ်တၢ် ကွံဒိၣ်မးအိၣ်လၢသုကျါတက့ၢ်. အဂ့ၢ်ဒ်အံၤ, တၢ်အဲၣ် တၢ်ကွံန့ၣ်ကျၢၢ်ဘၢတၢ်ဒဲးဘးအါမးလီၤ.+ ကတိၤ. ၁၀း၁၂|Prov.10.12*.⁹ တၢ်ကဒူးကဒ့ၣ်တအိၣ်ဘၣ်ဒီး, တူၢ်ထံၣ်တူၢ်တ မှံၤလိာ်သုသးတက့ၢ်. ¹⁰ ဒ်ပှၤဂ့ၤကွၢ်ယွၤအဘျုးအဖှိၣ်အ ကလုာ်ကလုာ်အသိးန့ၣ်, အံးက့ၤကွၢ်က့ၤလိာ်သုသး, ဒ်သုန့ၢ်တၢ်ဘျုးတၢ်ဖှိၣ်တဂၤဒီးတဂၤအသိးန့ၣ်တက့ၢ်.

¹¹ ပှၤတဂၤဂၤမ့ၢ်ကတိၤတၢ်ဒီး, မ်အကတိၤတၢ်ဒ်ယွၤအက လုၢ်အသိးန့ၣ်တက့ၢ်. ပှၤတဂၤဂၤမ့ၢ်အံးက့ၤကွၢ်က့ၤတၢ် ဒီး, မ်အမၤဒ်ယွၤဟ့ၣ်လီၤအဂံၢ်အဘါအသိး, ဒ်သိးယွၤ ကဘၣ်တၢ်လၤကပီၤလၢတၢ်ခဲလၢာ်အပူၤ လၢယ့ၣ်ရှူး ခရံာ်အဃိတက့ၢ်. တၢ်လၤကပီၤဒီးတၢ်စိတၢ်ကမီၤန့ၣ် မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်. ¹² ပှၤလၢတၢ်အဲၣ်အီၤသ့ၣ်ဧၢ, တၢ်လ့ပစီမ့ၣ်အူအိၣ်လၢသုကျါလၢအဟဲဝဲဒ်သိးအကမၤကွၢ်သုန့ၣ်, သုတကမၢကမၣ်လၢအဃိ, ဒ်တၢ်လီၤဆီဘၣ်သုအသိးန့ၣ်တဂ့ၤ.―

¹³ မ့မ့ၢ်ဒ်သုမ့ၢ်ပှၤဘၣ်ဃုာ်ခရံာ် အတၢ်နးတၢ်ဖှီၣ်အသိး, သးခု, ဒ်သိးသုကသးခုစ့ၢ်ကီးဒိၣ်ဒိၣ်ကလဲာ်ဖဲအဝဲဒၣ် အလၤအကပီၤအိၣ်ဖျါထီၣ်န့ၣ်တက့ၢ်. ¹⁴ သုမ့ၢ်ဘၣ်တၢ် ဒုၣ်ဒွဲၣ်လၢခရံာ်အမံၤအဃိဒီး, သုဘၣ်တၢ်ဆိၣ်ဂ့ၤလီၤ. အဂ့ၢ်ဒ်အံၤ, တၢ်လၤကပီၤအသးဒီးယွၤအသးအိၣ်ဝဲဆိး ဝဲလၢသုလိၤလီၤ.+ လၢအဝဲသ့ၣ်အဃိန့ၣ်, ဘၣ်တၢ်ဒုၣ် ဒွဲၣ်အီၤ, မ့မ့ၢ်လၢသုဝဲသ့ၣ်အဃိန့ၣ်, ဘၣ်တၢ်စံးထီၣ်ပ တြၢၤအီၤလီၤ.

¹⁵ အဂ့ၢ်ဒ်အံၤ, ဒ်ပှၤမၤသံပှၤကညီအသိးမ့ၢ်ဂ့ၤ, ဒ်တၢ် ဘျၣ်အသိးမ့ၢ်ဂ့ၤ, ဒ်ပှၤမၤအၢတၢ်မ့ၢ်ဂ့ၤ, ဒ်ပှၤဂုာ်ကွၢ်ပှၤ ဂၤအတၢ်မ့ၢ်ဂ့ၤ, မ်သုသုတဘၣ်တၢ်နီတမံၤတဂ့ၤ. ¹⁶ မ့မ့ၢ် ပှၤမ့ၢ်ဘၣ်တၢ်ဒ်ခရံာ်ဖိအသိးန့ၣ်ဒီး, မ်အသုတမဲာ်ဆှး တဂ့ၤ. မ်အစံးထီၣ်ပတြၢၤယွၤလၢတၢ်န့ၣ်အဃိတက့ၢ်.

¹⁷ အဂ့ၢ်ဒ်အံၤ, အဆၢကတီၢ်လၢ တၢ်စံၣ်ညီၣ်ကဘၣ်ဆိ ယွၤအဟံၣ်န့ၣ်ဘၣ်လံဝဲလံ. ဒီးမ့ၢ်ဘၣ်ဆိပှၤဒီး, ပှၤလၢ အတစူၢ်တနာ်ဘၣ် ယွၤအတၢ်သးခုအကစီၣ်တဖၣ်န့ၣ်, အကတၢၢ်ကမၤအသးဒ်လဲၣ်. ¹⁸ ဒီးပှၤတီပှၤလိၤတုၤလၢ တၢ်အုၣ်က့ၤခီၣ်က့ၤမ့ၢ်ကီဒီး, ပှၤတယူးတယီၣ်ဘၣ်ယွၤ, ဒီးတၢ်ဒဲးဘးဖိန့ၣ်, ကအိၣ်ဖျါဖဲလဲၣ်ပူၤလဲၣ်.+ ကတိၤ. ၁၁း၃၁|Prov.11.31

¹⁹ မၤသးဒ်န့ၣ်ဒီး, ပှၤလၢအဘၣ်တၢ်ဒ်အဘၣ်ယွၤအသး အသိးတဖၣ်န့ၣ်, မ်အပာ်တ့ၢ်အသးလၢယွၤလၢတၢ်မၤ ဂ့ၤအပူၤ, ဒ်လၢပှၤတ့တၢ်လၢအကလုၢ်တီအသိးန့ၣ်တ က့ၢ်.

၅

¹ ပှၤသးပှၢ်အိၣ်လၢသုကျါတဖၣ်န့ၣ်, ယဃ့ကညးအီၤ လီၤ. ယဲဒၣ်အံၤယမ့ၢ်စ့ၢ်ကီးအသကိးသးပှၢ်တဂၤ, ဒီးပှၤ အုၣ်အသးလၢခရံာ်အတၢ်နးတၢ်ဖှီၣ်အဂ့ၢ်အကျိၤ, ဒီးပှၤ န့ၢ်ဃုာ်တၢ်လၤကပီၤလၢ တၢ်ကလီၣ်ဖျါထီၣ်န့ၣ်လီၤ.―

² ဘုၣ်အီၣ်ဘုၣ်အီယွၤအသိတဖုအိၣ်လၢသုကျါ, ဒီးကွၢ် အီၤလၢတၢ်မၢဆူၣ်သုအဃိတမ့ၢ်ဘၣ်, မ့ၢ်လၢသုသး အိၣ်ထီၣ်ဒၣ်တၢ်အဃိတက့ၢ်. လၢစ့ဘၣ်ဃးဒီးတၢ်မဲာ် ဆှးအဃိတမ့ၢ်ဘၣ်, မ့ၢ်လၢသုသးအိၣ်သပှၢ်တၢၢ်အဃိ တက့ၢ်. ³ ဒ်ပှၤပာ်ကစၢ်အသးလၢတၢ်န့ၢ်သါအဖီခိၣ်တ မ့ၢ်ဘၣ်, မ့ၢ်ဒ်ပှၤကဲထီၣ်သိတဖု အဒိအတဲာ်အသိးတ က့ၢ်. ⁴ ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကန့ၢ် ဘၣ်တၢ်လၤကပီၤအခိၣ်သလုးလၢ အတလီၤညွံးဘၣ် န့ၣ်လီၤ.

⁵ ဒ်န့ၣ်အသိးပှၤလၢအသးစၢ်သ့ၣ်ဧၢ, ပာ်သုသးလၢပှၤ သးပှၢ်သ့ၣ်အဖီလာ်တက့ၢ်. ဒီးသုဝဲသ့ၣ်ခဲလၢာ်, ပာ် လိာ်သုသးလၢသုဖီလာ်သကိးသကိး, ဒီးကူထီၣ်သိး ထီၣ်တၢ်ဆီၣ်လီၤပသးတက့ၢ်. အဂ့ၢ်ဒ်အံၤ, ယွၤတြီဃာ် ပှၤပာ်ထီၣ်ထီအသး, ဒီးဟ့ၣ်လီၤတၢ်ဘျုးတၢ်ဖှိၣ်လၢပှၤ

⁶ ဆီၣ်လီၤအသးလီၤ.+ ကတိၤ. ၃း၃၄|Prov.3.34*. မၤသးဒ်န့ၣ်ဒီး ဆီၣ်လီၤသုသးလၢယွၤအစုကညီၢ်အဖီလာ်, ဒ်သိးတုၤ အဆၢကတီၢ်ဘၣ်ဒီး, ကပာ်ထီၣ်ထီသုန့ၣ်တက့ၢ်. ⁷ က ယဲၢ်သုတၢ်ဘၣ်ယိၣ်ဘၣ်ဘီန့ၣ်, ပာ်ထီၣ်လၢအဝဲဒၣ်အ လိၤခဲလၢာ်တက့ၢ်. အဂ့ၢ်ဒ်အံၤ, အသးအိၣ်သုလီၤ.

⁸ ကီၤသုသးတက့ၢ်. ဆိးသီတက့ၢ်. အဂ့ၢ်ဒ်အံၤ, ဒ်ခ့ ယုၢ်ကညီၤရုၢ်ရုၢ်အသိးန့ၣ်, သုဒုၣ်သုဒါမုၣ်ကီၤလံၢ်ဟး ဝ့ၤဝီၤဃုပှၤလၢအကယူၢ်လီၤဝဲလီၤ. ⁹ အိၣ်ဂၢၢ်အိၣ်ကျၢၤ လၢတၢ်နာ်အပူၤ, ဒီးတြီအဝဲဒၣ်တက့ၢ်. အဂ့ၢ်ဒ်အံၤ, သု သ့ၣ်ညါလၢသုဒီပုၢ်ဝဲၢ်ခဲလၢာ် ဘၣ်တၢ်နးတၢ်ဖှီၣ်တမံၤ ဃီအံၤလၢဟီၣ်ခိၣ်ချၢလီၤ.

¹⁰ ဒီးသုဒိးတၢ်တစိၢ်ဝံၤဒီး, ကယဲၢ်တၢ်ဘျုးတၢ်ဖှိၣ်ခဲ လၢာ်အကစၢ်လၢအကိးန့ၢ်ပှၤဆူ အလၤကပီၤအထူအ ယိာ်လၢယ့ၣ်ရှူးခရံာ်အပူၤန့ၣ်, အကစၢ်ဒၣ်ဝဲ, ကမၤလၢ ထီၣ်ပှဲၤထီၣ်, ဂၢၢ်ထီၣ်ကျၢၤထီၣ်, ဆူၣ်ထီၣ်ချ့ထီၣ်သု, ဒီး သူၣ်ထီၣ်သုခၢၣ်သနၢၣ်န့ၣ်လီၤ. ¹¹ တၢ်လၤကပီၤဒီးတၢ် အစိအကမီၤန့ၣ်, မ်အအိၣ်ဒီးအီၤအစိၤစိၤအဃၣ်ဃၣ်တ က့ၢ်. အၤမ့ၣ်.

¹² လၢစီၤစံၤလဝ့ၤနုၤ, လၢယဆိကမိၣ်အမ့ၢ်ဒီပုၢ်ဝဲၢ်အ ကလုၢ်တီတဂၤအစုပူၤ, ယကွဲးန့ၢ်သုလၢတၢ်စှၤကိာ်အံၤ ဒီးယသဆၣ်ထီၣ်သုခံ, ဒီးယအုၣ်ယသးလၢတၢ်အံၤလၢ သုဆၢထၢၣ်လၢအပူၤန့ၣ်, မ့ၢ်ယွၤအဘျုးအဖှိၣ် နီၢ်နီၢ် လီၤ.

¹³ တၢ်အိၣ်ဖှိၣ်လၢဘၤဘူၤလိၣ်အပူၤ, လၢအဘၣ်တၢ်ဃု ထၢဃုာ်ဒီးသု, ဒီးယဖိခွါစီၤမၢ်ကူးန့ၣ်, ကတိၤဒိၣ်သု လီၤ. ¹⁴ ကတိၤဒိၣ်လိာ်သုသးလၢတၢ်အဲၣ်တၢ်ကွံအနၢမူ တက့ၢ်. ပှၤအိၣ်လၢယ့ၣ်ရှူးခရံာ်အပူၤ, သုဝဲသ့ၣ်ခဲလၢာ် န့ၣ်, မ်တၢ်ဃူတၢ်ဖိးအိၣ်ဒီးသုတက့ၢ်. အၤမ့ၣ်.