လံာ်စီၤယိၤဟၣ်ကွဲးဝဲအခီၣ်ထံးတဘ့ၣ်.

လံာ်စီၤယိၤဟၣ်ကွဲးဝဲအခီၣ်ထံးတဘ့ၣ်.

၁

¹ တၢ်လၢအအိၣ်ဝဲလၢအခီၣ်ထံးလံၤလံၤ, လၢပနၢ်ဟူ လံ, လၢပထံၣ်လၢပမဲာ်လံ, လၢပကွၢ်ထံအီၤ, ဒီးလၢပ ဟံးအီၤလၢပစု, ဘၣ်ဃးဒီးတၢ်မူ အကလုၢ်န့ၣ်, ² ဒီး တၢ်မူန့ၣ်အိၣ်ဖျါတ့ၢ်, ဒီးပထံၣ်လံ, ဒီးပအုၣ်ပသး, ဒီးပ စံးဘၣ်တဲဘၣ်သုလၢတၢ်မူအထူအယိာ်လၢအအိၣ်တ့ၢ် ဒီးပၢ်အသိးန့ၣ်, ဒီးအိၣ်ဖျါထီၣ်လၢပှၤအံၤ, ³ တၢ်လၢပ ထံၣ်ဘၣ်, ဒီးပနၢ်ဟူဘၣ်န့ၣ်, ပစံးဘၣ်တဲဘၣ်သုဒ်သိး သုဝဲသ့ၣ်စ့ၢ်ကီးသုကရ့လိာ်သုသးဒီးပှၤလီၤ. ဒီးပတၢ်ရ့ လိာ်အံၤ, မ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ရှူးခရံာ် လီၤ. ⁴ တၢ်န့ၣ်တဖၣ်ပကွဲးန့ၢ် သုဒ်သိးသုတၢ်သးခုက လၢထီၣ်ပှဲၤထီၣ်လီၤ.

⁵ ဒီးတၢ်စံၣ်တဲၤတဲလီၤလၢပနၢ်ဟူလၢအီၤ, ဒီးပစံးဘၣ် တဲဘၣ်က့ၤသုမ့ၢ်အအံၤ, ယွၤမ့ၢ်တၢ်ကပီၤ, ဒီးတၢ်ခံးတ အိၣ်ဘၣ်လၢအပူၤနီတမံၤဘၣ်.

⁶ ပမ့ၢ်စံးလၢပရ့လိာ်ပသးဒီးအီၤ, ဒီးလဲၤတၢ်လၢတၢ်ခံး ကျါဒီး, ပကတိၤတၢ်ကဘျံးကဘျၣ်, ဒီးပတမၤဘၣ်တၢ် မ့ၢ်တၢ်တီဘၣ်. ⁷ မ့မ့ၢ်ပမ့ၢ်လဲၤတၢ်လၢတၢ်ကပီၤအပူၤ, ဒ် အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, ပရ့လိာ်ပ သးသကိးသကိး, ဒီးအဖိခွါယ့ၣ်ရှူးခရံာ်အသွံၣ်န့ၣ်သ့စီ ကွံာ်ပှၤလၢပတၢ်ဒဲးဘးခဲလၢာ်လီၤ.

⁸ ပမ့ၢ်စံးလၢပတၢ်ဒဲးဘးတအိၣ်ဘၣ်ဒီး, မ့ၢ်ပလီလီၤပ သး, ဒီးတၢ်မ့ၢ်တၢ်တီတအိၣ်ဘၣ်လၢပပူၤဘၣ်. ⁹ ပမ့ၢ် တဲာ်လီၤကျဲၤလီၤပတၢ်ဒဲးဘးဒီး, အဝဲဒၣ်အကလုၢ်တီ, ဒီးတီဝဲလိၤဝဲဒ်သိး အကပျၢ်ကွံာ်ပတၢ်ဒဲးဘး, ဒီးသ့စီ ကွံာ်ပှၤလၢကယဲၢ်တၢ်အၢတၢ်သီခဲလၢာ်လီၤ. ¹⁰ ပမ့ၢ်စံး လၢပတမၤဘၣ်တၢ်ဒဲးဘးဒီး, မ့ၢ်ပပာ်အီၤလၢ ပှၤက တိၤတၢ်ကဘျံးကဘျၣ်, ဒီးအကလုၢ်အကထါတအိၣ် ဘၣ်လၢပပူၤဘၣ်.

၂

¹ ယဖိဆံးသ့ၣ်ဧၢ, တၢ်တဖၣ်အံၤယကွဲးန့ၢ်သု, ဒ်သိး သုသုတမၤတၢ်ဒဲးဘးတဂ့ၤ, ဒီးပှၤမ့ၢ်မၤတၢ်ဒဲးဘးတဂၤ ဂၤဒီး, ပှၤသကွံၢ်ကညးန့ၢ်ပဂီၢ်လၢပၢ်အအိၣ်န့ၣ်အိၣ်တ ဂၤလီၤ. အဝဲဒၣ်မ့ၢ်တၢ်တီတၢ်လိၤယ့ၣ်ရှူးခရံာ်တဂၤန့ၣ် လီၤ. ² ဒီးအဝဲဒၣ်မ့ၢ်တၢ်မၤပူၤဖျဲးပတၢ်ဒဲးဘး, ဒီးတမ့ၢ် ဘၣ်ထဲပတၢ်ဒဲးဘးပဝဲဧိၤဘၣ်. မ့ၢ်ပှၤဟီၣ်ခိၣ်ဖိခဲလၢာ် အတၢ်ဒဲးဘးစ့ၢ်ကီးလီၤ.

³ ဒီးပမ့ၢ်တိၢ်န့ၢ် အတၢ်မၤလိာ်ဒီး, လၢအဝဲန့ၣ်အဃိ, ပသ့ၣ်ညါလၢပသ့ၣ်ညါလံအီၤလီၤ. ⁴ ပှၤလၢအစံး, ယ သ့ၣ်ညါလံအီၤန့ၣ်, ဒီးတတိၢ်န့ၢ်ဘၣ်အတၢ်မၤလိာ်န့ၣ်, မ့ၢ်ပှၤလၢအကတိၤတၢ်ကဘျံးကဘျၣ်, ဒီးတၢ်မ့ၢ်တၢ်တီ တအိၣ်ဘၣ်လၢအပူၤဘၣ်. ⁵ မ့မ့ၢ်ဖဲဒၣ်ပှၤလၢအတိၢ်န့ၢ် အကလုၢ်အကထါန့ၣ်, ယွၤအတၢ်အဲၣ်တၢ်ကွံလၢထီၣ် ပှဲၤထီၣ်လၢအပူၤနီၢ်နီၢ်လီၤ. လၢအဝဲန့ၣ်အဃိ, ပသ့ၣ် ညါလၢပအိၣ်လၢအပူၤလီၤ. ⁶ ပှၤလၢအစံးဝဲ, ယအိၣ်ယ ဆိးလၢယပူၤန့ၣ်ဒီး, ဒ်အဝဲဒၣ်လဲၤတၢ်အသိး, အကစၢ် ဒၣ်ဝဲဂ့ၤလဲၤစ့ၢ်ကီးတၢ်ဒ်န့ၣ်အသိးလီၤ.

⁷ ပှၤသးဘိသ့ၣ်ဧၢ, ယကွဲးန့ၢ်သုလၢတၢ်မၤလိာ်အသီ တမ့ၢ်ဘၣ်, မ့ၢ်တၢ်မၤလိာ်အလီၢ်လံၤလၢ အအိၣ်ဒီးသု လၢပျၢၤလံၤလံၤန့ၣ်လီၤ. တၢ်မၤလိာ်အလီၢ်လံၤန့ၣ်, မ့ၢ် တၢ်အကလုၢ်အကထါလၢသုနၢ်ဟူလၢပျၢၤလံၤလံၤန့ၣ် လီၤ. ⁸ မၤကဒီးတစု, ယကွဲးန့ၢ်သုလၢတၢ်မၤလိာ်အသီ, လၢအမ့ၢ်တၢ်အမ့ၢ်အတီလၢအဝဲဒၣ်အပူၤ, ဒီးလၢသုပူၤ လီၤ. အဂ့ၢ်ဒ်အံၤ, တၢ်ခံးန့ၣ်ဒံကွံာ်, ဒီးတၢ်ကပီၤနီၢ်နီၢ်န့ၣ် ကပီၤထီၣ်ခဲကနံၣ်အံၤလီၤ. ⁹ ပှၤလၢအစံး, လၢသါအိၣ် လၢတၢ်ကပီၤအပူၤ, ဒီးသးဟ့အဒီပုၢ်ဝဲၢ်န့ၣ်, မ့ၢ်အအိၣ် ဒံးလၢတၢ်ခံးအပူၤတုၤခဲကနံၣ်အံၤလီၤ. ¹⁰ ပှၤလၢအအဲၣ် အဒီပုၢ်ဝဲၢ်န့ၣ်, မ့ၢ်အအိၣ်အဆိးလၢတၢ်ကပီၤအပူၤ, ဒီး တၢ်လီၤကမၣ်အလီၢ်တအိၣ်ဘၣ်လၢအပူၤဘၣ်. ¹¹ မ့မ့ၢ် ပှၤလၢအသးဟ့အဒီပုၢ်ဝဲၢ်န့ၣ်, မ့ၢ်အအိၣ်လၢတၢ်ခံးအ ပူၤ, ဒီးလဲၤတၢ်လၢတၢ်ခံးအပူၤ, ဒီးမ့ၢ်အလဲၤဆူလဲၣ်ဆူ လဲၣ်န့ၣ်တသ့ၣ်ညါဘၣ်ဝဲဘၣ်. အဂ့ၢ်ဒ်အံၤ, တၢ်ခံးန့ၣ် မၤမဲာ်ဘျီၣ်အီၤလီၤ.

¹² ဖိဆံးသ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, တၢ်ပျၢ် သုတၢ်ဒဲးဘးလၢအမံၤအဃိလီၤ. ¹³ ပၢ်သ့ၣ်ဧၢ, ယကွဲးန့ၢ် သုလီၤ. အဂ့ၢ်ဒ်အံၤ, သုသ့ၣ်ညါလံပှၤလၢအအိၣ်လၢ ထံးလၢသီလီၤ. ဖိၣ်သၣ်ခွါသ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, သုမၤနၢၤလံတၢ်အၢတဂၤလီၤ. ဖိသၣ်သ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, သုသ့ၣ်ညါလံပၢ်လီၤ. ¹⁴ ပၢ် သ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, သုသ့ၣ်ညါလံပှၤ လၢအအိၣ်လၢထံးလၢသီတဂၤလီၤ. ဖိၣ်သၣ်ခွါသ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, သုဂံၢ်ဆူၣ်ဘါဆူၣ်, ဒီး ယွၤအကလုၢ်အကထါအိၣ်ဝဲဆိးဝဲလၢသုပူၤ, ဒီးသုမၤ နၢၤလံတၢ်အၢတဂၤလံ.

¹⁵ အဲၣ်ဟီၣ်ခိၣ်ဒီးတၢ်အိၣ်လၢအပူၤတဂ့ၤ. ပှၤမ့ၢ်အဲၣ် ဟီၣ်ခိၣ်တဂၤဂၤဒီး, ပၢ်အတၢ်အဲၣ်တအိၣ်ဘၣ်လၢအ ပူၤဘၣ်. ¹⁶ အဂ့ၢ်ဒ်အံၤ, ကယဲၢ်တၢ်အိၣ်လၢဟီၣ်ခိၣ်ချၢ, ပ ဖံးပညၣ်အသးကွံတၢ်, ဒီးပမဲာ်အတၢ်သးကွံ, ဒီးအအံၤ တဃၣ်အသးကဖၢလၢန့ၣ်, တဘၣ်ဃးဘၣ်ဒီးပၢ်ဘၣ်, မ့ၢ်အဘၣ်ဃးဒီးဟီၣ်ခိၣ်လီၤ. ¹⁷ ဒီးဟီၣ်ခိၣ်, ဒီးဟီၣ်ခိၣ် အတၢ်သးကွံန့ၣ်ဒံကွံာ်ဝဲ, မ့မ့ၢ်ပှၤမၤဖဲယွၤအသးန့ၣ်, က အိၣ်ကဆိးလီၤထူလီၤယိာ်လီၤ.

¹⁸ ဖိဒံဖိသၣ်သ့ၣ်ဧၢ, မ့ၢ်ဝဲလၢနၣ်ရံၣ်အခံကတၢၢ်ဒီး, ဒ် သုနၢ်ဟူလၢပှၤဂ့ၢ်လိာ်ခရံာ်တဂၤကဟဲဝဲအသိးန့ၣ်, ခဲ ကနံၣ်အံၤဒၣ်လဲာ်, ပှၤအါဂၤကဲထီၣ်ပှၤဂ့ၢ်လိာ်ခရံာ်န့ၣ် လီၤ. မၤသးဒ်န့ၣ်ဒီး, ပသ့ၣ်ညါလၢအမ့ၢ်နၣ်ရံၣ်လၢအခံ ကတၢၢ်လီၤ. ¹⁹ အဝဲသ့ၣ်တဖၣ်န့ၣ်ဟးထီၣ်ကွံာ်လၢပ ကျါ, ဘၣ်ဆၣ်ဒီးတဘၣ်ဃးဘၣ်ဒီးပှၤဘၣ်. အဂ့ၢ်ဒ်အံၤ, မ့ၢ်ဘၣ်ဃးဒီးပှၤဒီး, ကအိၣ်ကဆိးတ့ၢ်ဒီးပှၤလီၤ. မ့ၢ်ဒ် သိး အကအိၣ်ဖျါထီၣ်လၢ အဝဲသ့ၣ်ခဲလၢာ်တဘၣ်ဃး ဘၣ်ဒီးပှၤဘၣ်လီၤ.

²⁰ ဒီးသုဝဲသ့ၣ်အံၤ, သုအိၣ်ဒီးတၢ်ဖှူလၢပှၤစီဆှံတဂၤအ စုပူၤ, ဒီးသုသ့ၣ်ညါတၢ်ခဲလၢာ်လီၤ. ²¹ သုတသ့ၣ်ညါဘၣ် တၢ်မ့ၢ်တၢ်တီအဃိဒီး, ယကွဲးန့ၢ်သုတမ့ၢ်ဘၣ်. မ့ၢ်သု သ့ၣ်ညါအီၤအဃိ, ဒီးမ့ၢ်သုသ့ၣ်ညါလၢတၢ်ကတိၤက ဘျံးကဘျၣ်တဘၣ်ဃးဘၣ်ဒီး တၢ်မ့ၢ်တၢ်တီနီတမံၤ ဘၣ်အဃိလီၤ. ²² မ့တမ့ၢ်ဘၣ်ပှၤလၢအသမၢဝဲလၢယ့ၣ် ရှူးမ့ၢ်ခရံာ်ဒီး, မ့ၢ်မတၤကတိၤတၢ်ကဘျံးကဘျၣ်တဂၤ လဲၣ်. အဝဲဒၣ်မ့ၢ်ပှၤလၢအဂ့ၢ်လိာ်ခရံာ်, ပှၤလၢအသမၢ ပၢ်ဒီးဖိခွါန့ၣ်လီၤ. ²³ ပှၤလၢအသမၢအဖိခွါန့ၣ်တအိၣ် ဘၣ်ဒီးပၢ်နီတဂၤဘၣ်. မ့မ့ၢ်ပှၤလၢအအၢၣ်လီၤအီလီၤဖိ ခွါန့ၣ်, အိၣ်စ့ၢ်ကီးဒီးပၢ်လီၤ.

²⁴ မၤသးဒ်န့ၣ်ဒီးသုဝဲသ့ၣ်အံၤ, တၢ်လၢသုနၢ်ဟူလၢ ထံးလၢသီန့ၣ်, မ်အအိၣ်အဆိးလၢသုပူၤတက့ၢ်. တၢ်လၢ သုနၢ်ဟူလၢထံးလၢသီန့ၣ်, မ့ၢ်အိၣ်မ့ၢ်ဆိးလၢသုပူၤဒီး, သုကအိၣ်သုကဆိးလၢဖိခွါအပူၤ, ဒီးပၢ်အပူၤလီၤ. ²⁵ ဒီး အအံၤမ့ၢ်တၢ်စံးပာ်လၢအကစၢ်ဒၣ်ဝဲစံးပာ်ပှၤန့ၣ်, တၢ် မူအထူအယိာ်လီၤ.

²⁶ တၢ်န့ၣ်တဖၣ် ယကွဲးန့ၢ်သုလၢပှၤလၢအလီန့ၢ်သုအ ဂ့ၢ်အကျိၤလီၤ. ²⁷ ဒီးတၢ်ဖှူလၢသုဒိးန့ၢ်လၢအဝဲဒၣ်တဂၤ, အိၣ်ဝဲဆိးဝဲလၢသုပူၤ, ဒီးပှၤသိၣ်က့ၤသုအလီၢ်တအိၣ် ဘၣ်ဝဲဘၣ်. မ့မ့ၢ်ဒ်တၢ်ဖှူန့ၣ်သိၣ်က့ၤသုလၢတၢ်ခဲလၢာ် အဂ့ၢ်အကျိၤ, ဒီးမ့ၢ်အမ့ၢ်အတီ, ဒီးတမ့ၢ်ဘၣ်တၢ်ကဘျံး ကဘျၣ်ဘၣ်, ဒီးဒ်အသိၣ်က့ၤသုအသိးန့ၣ်, အိၣ်သုဝဲဆိး သုဝဲလၢအပူၤတက့ၢ်.

²⁸ ဒီးခဲကနံၣ်အံၤ ဖိဆံးသ့ၣ်ဧၢ, တုၤအအိၣ်ဖျါထီၣ်ဒီး, ဒ်သိးပကပာ်ပသးခူတလ့ၢ်, ဒီးသုတမဲာ်ဆှးလၢအမဲာ်ညါဖဲအဟဲဝဲန့ၣ်တဂ့ၤဒီး, အိၣ်သုဝဲဆိးသုဝဲလၢအပူၤတ က့ၢ်. ²⁹ သုမ့ၢ်သ့ၣ်ညါလၢ အဝဲဒၣ်မ့ၢ်တၢ်တီတၢ်လိၤဒီး, သုသ့ၣ်ညါလၢကယဲၢ်ပှၤလၢအမၤတၢ်တီတၢ်လိၤတဂၤ လၢ်လၢ်န့ၣ်အိၣ်ဖျဲၣ်ဝဲလၢအီၤလီၤ.

၃

¹ ကွၢ်တက့ၢ်, ပၢ်ဟ့ၣ်လံပှၤလၢတၢ်အဲၣ်တၢ်ကွံဒ်လဲၣ် ဒ်လဲၣ်, လၢတၢ်ကကိးပှၤလၢယွၤအဖိန့ၣ်လီၤ. ဒီးပမ့ၢ် တၢ်အဝဲန့ၣ်လီၤ. မၤသးဒ်န့ၣ်ဒီး, ဟီၣ်ခိၣ်တသ့ၣ်ညါ ဘၣ်ပှၤဘၣ်. အဂ့ၢ်ဒ်အံၤ, တသ့ၣ်ညါဘၣ်အီၤဘၣ်. ² ပှၤ လၢတၢ်အဲၣ်အီၤသ့ၣ်ဧၢ, ခဲကနံၣ်အံၤပမ့ၢ်ယွၤအဖိ, ဒီး ပကကဲထီၣ်ပှၤဒ်လဲၣ်ဒ်လဲၣ်န့ၣ်, တအိၣ်ဖျါဒံးဘၣ်. ဘၣ် ဆၣ်ဒီးပသ့ၣ်ညါလၢအမ့ၢ်အိၣ်ဖျါထီၣ်ဒီး, ပကလီၤဂာ် ဒီးအီၤလီၤ. အဂ့ၢ်ဒ်အံၤ, ပကထံၣ်အီၤဒ်အအိၣ်ဝဲအသိး န့ၣ်လီၤ. ³ ဒီးကယဲၢ်ပှၤလၢအအိၣ်ဒီးတၢ်မုၢ်လၢ်အံၤလၢ အပူၤတဂၤလၢ်လၢ်န့ၣ်မၤစီဆှံထီၣ်အသး, ဒ်အဝဲဒၣ်စီ ဆှံအသိးန့ၣ်လီၤ. ⁴ ကယဲၢ်ပှၤလၢအမၤတၢ်ဒဲးဘးတဂၤ လၢ်လၢ်န့ၣ်, လုၣ်သ့ၣ်ခါပတာ်တၢ်သိၣ်တၢ်သီစ့ၢ်ကီး, ဒီးတၢ်ဒဲးဘး မ့ၢ်တၢ်လုၣ်သ့ၣ်ခါပတာ်တၢ်သိၣ်တၢ်သီ လီၤ. ⁵ ဒီးသုသ့ၣ်ညါလၢအဝဲဒၣ်အိၣ်ဖျါတ့ၢ်ဝဲ, ဒ်သိးအ ကမၤပူၤဖျဲးပတၢ်ဒဲးဘး, ဒီးတၢ်ဒဲးဘးတအိၣ်ဘၣ်လၢ အဝဲဒၣ်အပူၤဘၣ်. ⁶ ကယဲၢ်ပှၤအိၣ်ဝဲဆိးဝဲလၢအပူၤတ ဂၤလၢ်လၢ်န့ၣ်, တမၤဘၣ်တၢ်ဒဲးဘးဘၣ်. ကယဲၢ်ပှၤလၢ အမၤတၢ်ဒဲးဘးတဂၤလၢ်လၢ်န့ၣ်, တထံၣ်တ့ၢ်ဘၣ်အီၤ ဘၣ်, ဒီးတသ့ၣ်ညါတ့ၢ်ဘၣ်အီၤဘၣ်.

⁷ ဖိဆံးသ့ၣ်ဧၢ, သုတဒိးလီန့ၢ်သုသးလၢပှၤနီတဂၤတ ဂ့ၤ. ပှၤလၢအမၤတၢ်တီတၢ်လိၤန့ၣ်, မ့ၢ်အတီအလိၤ, ဒ် အဝဲဒၣ်တီဝဲလိၤဝဲအသိးလီၤ. ပှၤလၢအမၤတၢ်ဒဲးဘး န့ၣ်, ဘၣ်ဃးဒီးမုၣ်ကီၤလံၢ်လီၤ. ⁸ အဂ့ၢ်ဒ်အံၤ, မုၣ်ကီၤ လံၢ်မၤတၢ်ဒဲးဘးလၢအခီၣ်ထံးလံၤလံၤန့ၣ်လီၤ. ယွၤအဖိ ခွါအိၣ်ဖျါတ့ၢ်ဝဲလၢတၢ်အံၤအဂ့ၢ် ဒ်သိးအကမၤဟးဂီၤ ကွံာ်မုၣ်ကီၤလံၢ်အတၢ်မၤတဖၣ်လီၤ. ⁹ ကယဲၢ်ပှၤအိၣ် ဖျဲၣ်လၢယွၤန့ၣ်, တမၤဘၣ်တၢ်ဒဲးဘးဘၣ်. အဂ့ၢ်ဒ်အံၤ, အချံအိၣ်လၢအပူၤလီၤ. မၤတၢ်ဒဲးဘးတကဲဘၣ်. အဂ့ၢ်ဒ် အံၤ, အိၣ်ဖျဲၣ်လၢယွၤလီၤ. ¹⁰ လၢတၢ်အံၤအဃိဒီး, ယွၤအ ဖိ, ဒီးမုၣ်ကီၤလံၢ်အဖိအိၣ်ဖျါဝဲလီၤ. ကယဲၢ်ပှၤလၢအတ မၤဘၣ်တၢ်တီတၢ်လိၤ, ဒီးပှၤလၢအတအဲၣ်ဘၣ်အဒီပုၢ် ဝဲၢ်န့ၣ်, တဘၣ်ဃးဘၣ်ဒီးယွၤဘၣ်. ¹¹ အဂ့ၢ်ဒ်အံၤ, တၢ် စံၣ်တဲၤတဲလီၤလၢပနၢ်ဟူလၢအခီၣ်ထံးလံၤလံၤန့ၣ်, မ့ၢ် အအံၤ, ဒ်သိးပကအဲၣ်လိာ်ကွံလိာ်ပသးလီၤ. ¹² တမ့ၢ် ဘၣ်ဒ်စီၤကၤယံၣ်လၢအဘၣ်ဃးဒီးပှၤအၢတဂၤ, ဒီးမၤ သံအဒီပုၢ်ဝဲၢ်အသိးန့ၣ်ဘၣ်. ဒီးမၤသံအီၤမ့ၢ်အဘၣ်မနုၤ လဲၣ်. အဂ့ၢ်ဒ်အံၤ, အတၢ်မၤဒၣ်ဝဲမ့ၢ်အအၢအသီ, ဒီးအ ဒီပုၢ်ဝဲၢ်အတၢ်မၤန့ၣ်မ့ၢ်အတီအလိၤလီၤ. ¹³ ယဒီပုၢ်ဝဲၢ် သ့ၣ်ဧၢ, ဟီၣ်ခိၣ်မ့ၢ်သးဟ့သုဒီး, ကမၢကမၣ်တဂ့ၤ.

¹⁴ ပဝဲဒၣ်အံၤပသ့ၣ်ညါလၢပခီဂာ်လၢ တၢ်သံပၢၢ်လၢ တၢ်မူလံ. အဂ့ၢ်ဒ်အံၤ, ပအဲၣ်ပဒီပုၢ်ဝဲၢ်လီၤ. ပှၤလၢအတ အဲၣ်ဘၣ်အဒီပုၢ်ဝဲၢ်န့ၣ်, အိၣ်ဝဲဆိးဝဲလၢတၢ်သံအပူၤ လီၤ. ¹⁵ ကယဲၢ်ပှၤလၢအသးဟ့အဒီပုၢ်ဝဲၢ်ကိးဂၤဒဲးန့ၣ်, မ့ၢ်ပှၤမၤသံပှၤကညီလီၤ. ဒ်သုသ့ၣ်ညါလၢပှၤမၤသံပှၤ ကညီန့ၣ်, တၢ်မူအထူအယိာ်တအိၣ်ဘၣ်လၢအပူၤနီတ ဂၤဘၣ်လီၤ. ¹⁶ မ့ၢ်အဝဲဒၣ်ပာ်လီၤကွံာ်အသးသမူလၢပဂီၢ် သတးဒီး, ပသ့ၣ်ညါလံတၢ်အဲၣ်တၢ်ကွံန့ၣ်လီၤ. ဒီးပဝဲ ဒၣ်အံၤ, ဂ့ၤပပာ်လီၤကွံာ်ပသးသမူလၢပဒီပုၢ်ဝဲၢ်အဂီၢ်စ့ၢ် ကီးလီၤ. ¹⁷ ပှၤလၢအီၣ်ကုးအီပှဲၤ, ဒီးထံၣ်အဒီပုၢ်ဝဲၢ်န့ၢ်တၢ် အလီၢ်အိၣ်, ဒီးတသးကညီၤဘၣ်အီၤဘၣ်န့ၣ်, ယွၤအ တၢ်အဲၣ်အိၣ်ဝဲဆိးဝဲလၢအပူၤဒ်လဲၣ်. ¹⁸ ယဖိဆံးသ့ၣ်ဧၢ, အဲၣ်တၢ်ထဲလၢတၢ်ကတိၤဒီးပျ့ၤဧိၤန့ၣ်တဂ့ၤ. မ့မ့ၢ်လၢတၢ်မၤ, ဒီးလၢတၢ်မ့ၢ်တၢ်တီတက့ၢ်. ¹⁹ ဒီးလၢတၢ်အံၤအဃိ ပသ့ၣ်ညါလၢပဘၣ်ဃးဒီးတၢ်မ့ၢ် တၢ်တီ, ဒီးပကပာ်မံပာ်ကျၢၤပသးလၢအမဲာ်ညါလီၤ.―

²⁰ အဂ့ၢ်ဒ်အံၤ, ပသးမ့ၢ်ပာ်တၢ်ကမၣ်လၢပလိၤဒီး, ယွၤဒိၣ် န့ၢ်ပသး, ဒီးသ့ၣ်ညါတၢ်ခဲလၢာ်လီၤ. ²¹ ပှၤလၢတၢ်အဲၣ် အီၤသ့ၣ်ဧၢ, ပသးမ့ၢ်တပာ်ဘၣ်တၢ်ကမၣ်လၢပလိၤဘၣ် ဒီး, ပကအိၣ်ဒီးပသးခူတလ့ၢ်လၢယွၤအမဲာ်ညါလီၤ.―

²² ဒီးဖဲဒၣ်ပဃ့တၢ်တမံၤလၢ်လၢ်န့ၣ်, ပဒိးန့ၢ်လၢအီၤလီၤ. အဂ့ၢ်ဒ်အံၤ, ပတိၢ်န့ၢ်အတၢ်မၤလိာ်, ဒီးပမၤဖဲတၢ်ဘၣ် အသးလီၤ. ²³ ဒီးအတၢ်မၤလိာ်မ့ၢ်အအံၤ, ဒ်သိးပကစူၢ် က့ၤနာ်က့ၤအဖိခွါ ယ့ၣ်ရှူးခရံာ်အမံၤ, ဒီးအဲၣ်လိာ်ကွံ လိာ်ပသးဒ်အဟ့ၣ်ပတၢ်မၤလိာ်အသိးန့ၣ်လီၤ. ²⁴ ဒီးပှၤ လၢအတိၢ်န့ၢ်တၢ်မၤလိာ်န့ၣ်, အိၣ်ဝဲဆိးဝဲလၢအပူၤ, ဒီး အဝဲဒၣ်အိၣ်ဝဲဆိးဝဲလၢအပူၤလီၤ. ဒီးလၢတၢ်အံၤအဃိ, ပသ့ၣ်ညါလၢ အအိၣ်ဝဲဆိးဝဲလၢပပူၤလၢ သးလၢအ ဟ့ၣ်လီၤပှၤအဃိလီၤ.

၄

¹ ပှၤလၢတၢ်အဲၣ်အီၤသ့ၣ်ဧၢ, နာ်ထီရီၤသးန့ၣ်တဂ့ၤ. မ့ မ့ၢ်, မ့ၢ်အဘၣ်ဃးဒီးယွၤတဘၣ်ဃးလဲၣ်န့ၣ်, မၤကွၢ်သး တဖၣ်န့ၣ်တက့ၢ်. အဂ့ၢ်ဒ်အံၤ, ဝံအဘျၣ်လဲၤထီၣ်လံလၢ ဟီၣ်ခိၣ်ချၢအါဂၤလံ. ² သုကသ့ၣ်ညါယွၤအသးလၢတၢ် အံၤအဃိ, ကယဲၢ်သးလၢအအၢၣ်လီၤအီလီၤလၢယ့ၣ်ရှူး ခရံာ်ဟဲလၢတၢ်ဖံးတၢ်ညၣ်အပူၤန့ၣ်, မ့ၢ်အဘၣ်ဃးဒီး ယွၤလီၤ. ³ ဒီးကယဲၢ်သးလၢအတအၢၣ်လီၤအီလီၤဘၣ် ယ့ၣ်ရှူးန့ၣ်, မ့ၢ်အတဘၣ်ဃးဘၣ်ဒီးယွၤဘၣ်. ဒီးအဝဲန့ၣ် ဘၣ်ဃးဒီးတၢ်ဂ့ၢ်လိာ်ဘှီလိာ်ခရံာ်, လၢသုနၢ်ဟူလၢအ ကဟဲန့ၣ်, ဒီးခဲကနံၣ်အံၤဒၣ်လဲာ်, အိၣ်လၢဟီၣ်ခိၣ်ချၢ လီၤ.

⁴ ဖိဆံးသ့ၣ်ဧၢ, သုဝဲသ့ၣ်အံၤသုဘၣ်ဃးဒီးယွၤ, ဒီးသု မၤနၢၤမၤဃၣ်လံအဝဲသ့ၣ်လံ. အဂ့ၢ်ဒ်အံၤ, ပှၤအိၣ်လၢ သုပူၤဒိၣ်န့ၢ်ပှၤအိၣ်လၢဟီၣ်ခိၣ်အပူၤတက့ၢ်လီၤ. ⁵ အဝဲ သ့ၣ်ဘၣ်ဃးဒီးဟီၣ်ခိၣ်လီၤ. မၤသးဒ်န့ၣ်ဒီးကတိၤတၢ် ဘၣ်ဃးဒီးဟီၣ်ခိၣ်, ဒီးဟီၣ်ခိၣ်ဒိကနၣ်အကလုၢ်လီၤ.―

⁶ ပဝဲဒၣ်အံၤ, ပဘၣ်ဃးဒီးယွၤလီၤ. ပှၤလၢအသ့ၣ်ညါယွၤ န့ၣ်ဒိကနၣ်ပကလုၢ်လီၤ. ပှၤလၢအတဘၣ်ဃးဘၣ်ဒီး ယွၤန့ၣ်, တဒိကနၣ်ဘၣ်ပကလုၢ်ဘၣ်. လၢတၢ်န့ၣ်အဃိ ဒီး, ပသ့ၣ်ညါသးလၢ အဘၣ်ဃးဒီးတၢ်မ့ၢ်တၢ်တီ, ဒီး သးလၢအဘၣ်ဃးဒီးတၢ်လီတၢ်ဝ့ၤလီၤ.

⁷ ပှၤလၢတၢ်အဲၣ်အီၤသ့ၣ်ဧၢ, မ်ပအဲၣ်လိာ်ကွံလိာ်ပသး တက့ၢ်. အဂ့ၢ်ဒ်အံၤ, တၢ်အဲၣ်တၢ်ကွံဟဲလၢယွၤ, ဒီးက ယဲၢ်ပှၤလၢအအဲၣ်ဝဲတဂၤလၢ်လၢ်န့ၣ်, အိၣ်ဖျဲၣ်လၢယွၤ, ဒီးသ့ၣ်ညါယွၤလီၤ. ⁸ ပှၤလၢအတအဲၣ်ဘၣ်န့ၣ်, တသ့ၣ် ညါဘၣ်ယွၤဘၣ်. အဂ့ၢ်ဒ်အံၤ, ယွၤမ့ၢ်တၢ်အဲၣ်တၢ်ကွံ လီၤ. ⁹ ယွၤအတၢ်အဲၣ်တၢ်ကွံအိၣ်ဖျါဝဲလၢပဂီၢ်လၢတၢ် အံၤ, ယွၤမၢလီၤအဖိခွါတဂၤဃီဆူဟီၣ်ခိၣ်ချၢ, ဒ်သိးပ ကမူလၢအဃိလီၤ. ¹⁰ လၢတၢ်အံၤမ့ၢ်တၢ်အဲၣ်တၢ်ကွံ, လၢ ပအဲၣ်ယွၤတမ့ၢ်ဘၣ်. မ့ၢ်လၢအဝဲဒၣ်အဲၣ်ပှၤ, ဒီးမၢလီၤ အဖိခွါဒီး, မၤပူၤမၤဖျဲးပတၢ်ဒဲးဘးလီၤ.

¹¹ ပှၤလၢတၢ်အဲၣ်အီၤသ့ၣ်ဧၢ, ယွၤမ့ၢ်အဲၣ်ပှၤထဲထဲန့ၣ် ဒီး, ဂ့ၤလၢပအဲၣ်လိာ်ကွံလိာ်ပသးသကိးသကိးစ့ၢ်ကီး လီၤ. ¹² ပှၤတထံၣ်ဘၣ်ယွၤနီတခီၣ်နီတဂၤဘၣ်. ပမ့ၢ်အဲၣ် လိာ်ကွံလိာ်ပသးဒီး, ယွၤအိၣ်ဝဲဆိးဝဲလၢပပူၤ, ဒီးအတၢ် အဲၣ်တၢ်ကွံလၢထီၣ်ပှဲၤထီၣ်လၢပပူၤလီၤ. ¹³ လၢတၢ်အံၤ အဃိပသ့ၣ်ညါလၢ ပအိၣ်ပဆိးလၢအပူၤ, ဒီးအဝဲဒၣ် အိၣ်လၢပပူၤန့ၣ်, အဂ့ၢ်ဒ်အံၤ, ဟ့ၣ်လီၤလံပှၤလၢအသး န့ၣ်လံ. ¹⁴ ဒီးပထံၣ်လံ, ဒီးပအုၣ်ပသးလၢပၢ်မၢလီၤအဖိ ခွါလၢတၢ်အုၣ်က့ၤခီၣ်က့ၤဟီၣ်ခိၣ်အဂီၢ်လံ. ¹⁵ ဖဲဒၣ်ပှၤ လၢအအၢၣ်လီၤအီလီၤလၢ ယ့ၣ်ရှူးမ့ၢ်ယွၤအဖိခွါန့ၣ်, ယွၤအိၣ်ဝဲဆိးဝဲလၢအပူၤ, ဒီးအဝဲဒၣ်အိၣ်ဝဲလၢယွၤအ ပူၤလီၤ. ¹⁶ ဒီးပသ့ၣ်ညါလံ, ဒီးပနာ်သပှၢ်ပှၢ်ယွၤအတၢ် အဲၣ်တၢ်ကွံလၢအအိၣ်ဝဲလၢပပူၤလံ. ယွၤမ့ၢ်တၢ်အဲၣ် တၢ်ကွံ, ဒီးပှၤလၢအအိၣ်ဝဲဆိးဝဲလၢတၢ်အဲၣ်တၢ်ကွံအ ပူၤန့ၣ်, မ့ၢ်အအိၣ်ဝဲဆိးဝဲလၢယွၤအပူၤ, ဒီးယွၤအိၣ်ဝဲလၢ အပူၤလီၤ.

¹⁷ လၢတၢ်အံၤအဃိ, တၢ်အဲၣ်တၢ်ကွံလၢထီၣ်ပှဲၤထီၣ်ဒီး ပှၤ, ဒ်သိးပကအိၣ်ဒီးပသးခူတလ့ၢ်လၢမုၢ်စံၣ်ညီၣ်အနံၤ လီၤ. အဂ့ၢ်ဒ်အံၤ, ဒ်အဝဲဒၣ်အိၣ်အသိးန့ၣ်, ပအိၣ်ပဝဲလၢ ဟီၣ်ခိၣ်ချၢအံၤလီၤ. ¹⁸ တၢ်ပျံၤတၢ်ဖုးတအိၣ်ဘၣ်လၢတၢ် အဲၣ်တၢ်ကွံအပူၤဘၣ်. မ့မ့ၢ်တၢ်အဲၣ်တၢ်ကွံအလၢအပှဲၤ န့ၣ်, ဟီထီၣ်ကွံာ်တၢ်ပျံၤတၢ်ဖုးလီၤ. အဂ့ၢ်ဒ်အံၤ, တၢ်ပျံၤ တၢ်ဖုးန့ၣ်အိၣ်ဒီးတၢ်ကိၢ်တၢ်ဂီၤ, ဒီးပှၤလၢအပျံၤတၢ်န့ၣ် တလၢထီၣ်ပှဲၤထီၣ်လၢတၢ်အဲၣ်အပူၤဘၣ်. ¹⁹ ပအဲၣ်တၢ် ကွံတၢ်လီၤ, အဂ့ၢ်ဒ်အံၤ, အဝဲဒၣ်အဲၣ်ဆိပှၤလီၤ. ²⁰ ပှၤမ့ၢ် စံး, ယအဲၣ်ယွၤ, ဒီးမ့ၢ်သးဟ့အဒီပုၢ်ဝဲၢ်ဒီး, မ့ၢ်ပှၤကတိၤ တၢ်ကဘျံးကဘျၣ်လီၤ. အဂ့ၢ်ဒ်အံၤ, ပှၤလၢအတအဲၣ် ဘၣ်အဒီပုၢ်ဝဲၢ်လၢအထံၣ်ဝဲန့ၣ်ဒီး, ကအဲၣ်ယွၤလၢအတ ထံၣ်ဘၣ်န့ၣ်, သ့ဒ်လဲၣ်. ²¹ ဒီးတၢ်မၤလိာ်လၢပန့ၢ်လၢအီၤ မ့ၢ်အအံၤ, ဒ်သိးပှၤလၢအအဲၣ်ယွၤန့ၣ်, ကအဲၣ်စ့ၢ်ကီးအ ဒီပုၢ်ဝဲၢ်လီၤ.

၅

¹ ဖဲဒၣ်ပှၤလၢအနာ်လၢယ့ၣ်ရှူးမ့ၢ်ခရံာ်, ကိးဂၤဒဲးန့ၣ်, အိၣ်ဖျဲၣ်လံလၢယွၤလံ. ဒီးဖဲဒၣ်ပှၤလၢအအဲၣ်ပှၤမၤလိၣ် ထီၣ်တၢ်တဂၤန့ၣ်, အဲၣ်ပှၤလၢအဘၣ်တၢ်မၤလိၣ်ထီၣ် လၢအီၤန့ၣ်စ့ၢ်ကီးလီၤ. ² လၢတၢ်န့ၣ်အဃိ, တုၤပအဲၣ် ယွၤဒီးတိၢ်န့ၢ်အတၢ်မၤလိာ်တဖၣ်ဒီး, ပသ့ၣ်ညါလၢပ အဲၣ်ယွၤအဖိတဖၣ်လီၤ. ³ အဂ့ၢ်ဒ်အံၤ, တၢ်အဲၣ်ယွၤမ့ၢ်အ အံၤ, လၢပတိၢ်န့ၢ်အတၢ်မၤလိာ်လီၤ. ဒီးအတၢ်မၤလိာ် န့ၣ်တကီတခဲဘၣ်လီၤ. ⁴ အဂ့ၢ်ဒ်အံၤ, ကယဲၢ်ပှၤအိၣ်ဖျဲၣ် လၢယွၤန့ၣ်, မၤနၢၤဟီၣ်ခိၣ်လီၤ. ဒီးတၢ်မၤနၢၤလၢအမၤ နၢၤဟီၣ်ခိၣ်မ့ၢ်အအံၤ, ပတၢ်နာ်လီၤ. ⁵ မ့တမ့ၢ်ဘၣ်ပှၤလၢ အနာ်လၢယ့ၣ်ရှူးမ့ၢ်ယွၤအဖိခွါန့ၣ်ဒီး, မ့ၢ်မတၤမၤနၢၤ ဟီၣ်ခိၣ်တဂၤလဲၣ်.

⁶ အအံၤမ့ၢ်ပှၤလၢအဟဲလၢထံဒီးသွံၣ်န့ၣ်, ယ့ၣ်ရှူးခရံာ် လီၤ. ထဲလၢထံဧိၤတမ့ၢ်ဘၣ်, မ့ၢ်လၢထံဒီးသွံၣ်လီၤ. ဒီး သးန့ၣ်မ့ၢ်တၢ်လၢအအုၣ်အသးလီၤ. အဂ့ၢ်ဒ်အံၤ, သး န့ၣ်မ့ၢ်တၢ်မ့ၢ်တၢ်တီလီၤ. ⁷ အဂ့ၢ်ဒ်အံၤ, တၢ်အုၣ်အသး အိၣ်ဝဲသၢမံၤ, သး, ဒီးထံ, ဒီးသွံၣ်န့ၣ်လီၤ. ⁸ ဒီးတၢ်သၢမံၤ န့ၣ်, အုၣ်အသးလၢတၢ်တမံၤဃီလီၤ. ⁹ ပှၤကညီအတၢ် အုၣ်အသးန့ၣ်ပမ့ၢ်တူၢ်လိာ်ဒီး, ယွၤအတၢ်အုၣ်အသး န့ၣ်, မ့ၢ်အဒိၣ်န့ၢ်အန့ၣ်တက့ၢ်လီၤ. အဂ့ၢ်ဒ်အံၤ, တၢ်အံၤ မ့ၢ်ယွၤအတၢ်အုၣ်အသးလၢ အအုၣ်အသးလၢ အဖိခွါ အဂ့ၢ်အကျိၤလီၤ. ¹⁰ ပှၤလၢအစူၢ်က့ၤနာ်က့ၤယွၤအဖိခွါ န့ၣ်, အိၣ်ဒီးတၢ်အုၣ်အသးလၢအပူၤဒၣ်ဝဲလီၤ. ပှၤလၢအ တနာ်ဘၣ်ယွၤဘၣ်န့ၣ်, မ့ၢ်အပာ်အီၤလၢပှၤကတိၤတၢ် ကဘျံးကဘျၣ်လီၤ. အဂ့ၢ်ဒ်အံၤ, တနာ်ဘၣ်တၢ်အုၣ်အ သးလၢယွၤအုၣ်အသးလၢအဖိခွါအဂ့ၢ်အကျိၤဘၣ်လီၤ. ¹¹ ဒီးတၢ်အုၣ်အသးမ့ၢ်အအံၤ, ယွၤဟ့ၣ်လီၤပှၤလၢတၢ်မူအ ထူအယိာ်, ဒီးတၢ်လၢတၢ်မူန့ၣ်အိၣ်ဝဲလၢအဖိခွါအပူၤ လီၤ. ¹² ပှၤအိၣ်ဒီးအဖိခွါန့ၣ်အိၣ်ဒီးတၢ်မူ, ဒီးပှၤလၢအတ အိၣ်ဘၣ်ဒီး ယွၤအဖိခွါဘၣ်န့ၣ်, တအိၣ်ဘၣ်ဒီးတၢ်မူ ဘၣ်လီၤ.

¹³ တၢ်န့ၣ်တဖၣ်ယကွဲးန့ၢ်သု, ဒ်သိးသုကသ့ၣ်ညါလၢ သုအိၣ်ဒီးတၢ်မူအထူအယိာ်, လၢသုစူၢ်က့ၤနာ်က့ၤယွၤ အဖိခွါအမံၤအဃိလီၤ.

¹⁴ ဒီးပတၢ်သးခူတလ့ၢ်လၢအမဲာ်ညါမ့ၢ်အအံၤ, လၢပ မ့ၢ်ဃ့တၢ်တမံၤမံၤဖဲတၢ်ဘၣ်အသးဒီး, ကဒိကနၣ်ပှၤ လီၤ. ¹⁵ ဒီးဖဲဒၣ်ပဃ့တၢ်တမံၤမံၤန့ၣ်, ပမ့ၢ်သ့ၣ်ညါလၢအ ဒိကနၣ်ပှၤဒီး, တၢ်ဃ့တဖၣ်လၢပဃ့လၢအီၤန့ၣ်, ပသ့ၣ် ညါလၢပန့ၢ်ဘၣ်လီၤ.

¹⁶ ပှၤမ့ၢ်ထံၣ် အဒီပုၢ်ဝဲၢ်မၤတၢ်ဒဲးဘးလၢ အတဘၣ်သံ ဘၣ်တမံၤဒီး, ကဘါထုကဖၣ်တၢ်လၢအဂီၢ်, ဒီးတၢ်က ဟ့ၣ်အီၤလၢတၢ်မူ, လၢပှၤလၢအမၤတၢ်ဒဲးဘးလၢအတ ဘၣ်သံဘၣ်တဖၣ်န့ၣ်အဂီၢ်လီၤ. တၢ်ဒဲးဘးလၢအဘၣ် သံန့ၣ်အိၣ်ဝဲလီၤ. လၢအဘၣ်ဃ့တၢ်လၢတၢ်န့ၣ်တမံၤအ ဂ့ၢ်အကျိၤဒီး, ယတစံးဘၣ်.

¹⁷ ကယဲၢ်တၢ်တတီတလိၤဘၣ်မ့ၢ်တၢ်ဒဲးဘးလီၤ. ဒီးတၢ် ဒဲးဘးလၢအတဘၣ်သံဘၣ်အိၣ်ဝဲလီၤ.

¹⁸ ပသ့ၣ်ညါပှၤအိၣ်ဖျဲၣ်လၢယွၤန့ၣ်, တမၤဘၣ်တၢ်ဒဲး ဘးနီတဂၤဘၣ်. မ့မ့ၢ်ပှၤလၢအအိၣ်ဖျဲၣ်လၢယွၤန့ၣ်, ပၢၤ လီၤဒၣ်အသး, ဒီးတၢ်အၢတၢ်သီတဂၤန့ၣ်, တထိးဘၣ် အီၤဘၣ်.

¹⁹ ပသ့ၣ်ညါလၢပဘၣ်ဃးဒီးယွၤ, ဒီးလၢ ဟီၣ်ခိၣ်ခဲ လၢာ်မံလီၤဝဲလၢတၢ်အၢတၢ်သီတဂၤန့ၣ်အပူၤလီၤ. ²⁰ ဒီး ပသ့ၣ်ညါလၢယွၤအဖိခွါဟဲ, ဒီးဟ့ၣ်လံပှၤလၢပသူၣ်ဖး ပသးဖး, ဒ်သိးပကသ့ၣ်ညါတၢ်မ့ၢ်တၢ်တီတဂၤန့ၣ်လီၤ. ဒီးပအိၣ်လၢတၢ်မ့ၢ်တၢ်တီတဂၤန့ၣ်အပူၤ, လၢအဖိခွါ ယ့ၣ်ရှူးခရံာ်အပူၤလီၤ. အဝဲဒၣ်မ့ၢ်ယွၤနီၢ်နီၢ်, ဒီးတၢ်မူအ ထူအယိာ်လီၤ.

²¹ ဖိဆံးသ့ၣ်ဧၢ, ပလီၢ်သုသးလၢတၢ်ဂီၤတၢ်ဖီၣ်န့ၣ်တ က့ၢ်.