လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်.

လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်.

၁

¹ ပှၤလၢတၢ်ကိးအီၤဒ်သိး အကကဲထီၣ်ယ့ၣ်ရှူးခရံာ်အ ပှၤတၢ်မၢဖိဖဲယွၤအသး, ယၤစီၤပီလူးဒီးပဒီပုၢ်ဝဲၢ်စီၤစိၤ စသ့ၣ်, ² စံးဘၣ်ယွၤအတၢ်အိၣ်ဖှိၣ် လၢအအိၣ်လၢ ကရံၣ်သူး, ပှၤဘၣ်တၢ်ပာ်စီဆှံအီၤလၢယ့ၣ်ရှူးခရံာ်အ ပူၤ, ဒီးတၢ်ကိးအီၤဒ်သိး အကကဲထီၣ်ပှၤစီဆှံ, ဒီးက ယဲၢ်ပှၤအိၣ်တပူၤလၢ်လၢ်လၢ အကိးထီၣ်ပကစၢ်ယ့ၣ် ရှူးခရံာ်အမံၤ, အဝဲသ့ၣ်အကစၢ်ဒီးပကစၢ်, ³ မ်တၢ် ဘျုးတၢ်ဖှိၣ်ဒီးတၢ်ဃူတၢ်ဖိးလၢပပၢ်ယွၤဒီး ပကစၢ် ယ့ၣ်ရှူးခရံာ်န့ၣ်, ဘၣ်သုတက့ၢ်.

⁴ ယစံးထီၣ်ပတြၢၤယကစၢ်လၢ သုဃိတထံၣ်ဃီ, လၢ ယွၤအဘျုးအဖှိၣ်လၢတၢ်ဟ့ၣ်လီၤသုလၢ ယ့ၣ်ရှူးခရံာ် အပူၤအဃိ, ⁵ အဂ့ၢ်ဒ်အံၤ, သုထူးထီၣ်တီၤထီၣ်လၢ အပူၤလၢတၢ်ခဲလၢာ်, တၢ်ကတိၤခဲလၢာ်, ဒီးတၢ်သ့ၣ် ညါခဲလၢာ်, ⁶ ဒ်တၢ်အုၣ်အသးလၢခရံာ်ကဲတၢ်ဂၢၢ်တၢ် ကျၢၤလၢသုကျါအသိးန့ၣ်လီၤ. ⁷ ဒ်န့ၣ်အသိး, သုကွၢ် လၢ်ပကစၢ်ယ့ၣ်ရှူးခရံာ်အတၢ်အိၣ်ဖျါအကျဲဒီး သုတ အိၣ်ဘၣ်လၢတၢ်အလီၢ်ခံလၢ တၢ်ဘျုးတၢ်ဖှိၣ်နီတမံၤ ဘၣ်. ⁸ ဒီးအဝဲဒၣ်ကဒုးအိၣ်ဂၢၢ်ဆိးကျၢၤသုစ့ၢ်ကီးတုၤ အကတၢၢ်, တုၤသုတၢ်ကမၣ်တအိၣ်ဘၣ်ဖဲ ပကစၢ် ယ့ၣ်ရှူးခရံာ်အမုၢ်တနံၤန့ၣ်န့ၣ်လီၤ. ⁹ ယွၤလၢအကိး န့ၢ်သုဆူတၢ်ရ့လိာ်သုသးဒီးအဖိခွါ ပကစၢ်ယ့ၣ်ရှူး ခရံာ်န့ၣ်, မ့ၢ်အကလုၢ်တီလီၤ.

¹⁰ ဒီးပုၢ်သ့ၣ်ဝဲၢ်သ့ၣ်ဧၢ, ဒ်သိးသုကကတိၤတၢ်တမံၤဃီ ခဲလၢာ်, ဒီးတၢ်လီၤမုၢ်လီၤဖးသုတအိၣ်လၢသုကျါတ ဂ့ၤ, ဒီးသုကအိၣ်ဒီးသုကူၣ်ထီၣ်ဖးလီၤတၢ်တမံၤဃီ, ဒီးသုကဆိကမိၣ်တမံၤဃီဒီး, ပဃ့ကညးသုလၢပက စၢ်ယ့ၣ်ရှူးခရံာ်အမံၤလီၤ. ¹¹ အဂ့ၢ်ဒ်အံၤ, ယဒီပုၢ်ဝဲၢ်သ့ၣ် ဧၢ, ပှၤလၢအဘၣ်ဃးဒီးနီၢ်ကျိးအ့ၤတဖၣ်, စံးဘၣ် တဲဘၣ်ယၤလၢတၢ်အ့ၣ်လိာ်ဆိးက့လိာ် အိၣ်လၢသု ကျါလီၤ. ¹² ဒီးယစံးတၢ်အံၤ, သုစံးသုဝဲတဂၤဒီးတဂၤ, ယဲဒၣ်အံၤ, ယမ့ၢ်ပှၤဘၣ်ဃးဒီးစီၤပီလူး, ဒီးယဲဒၣ်အံၤ, ယမ့ၢ်ပှၤဘၣ်ဃးဒီးစီၤအပီးလိၤဒီးယဲဒၣ်အံၤ, ယမ့ၢ်ပှၤ ဘၣ်ဃးဒီးစီၤက့ၤဖး, ဒီးယဲဒၣ်အံၤ, ယမ့ၢ်ပှၤဘၣ်ဃး ဒီးခရံာ်လီၤ. ¹³ တၢ်လၢခရံာ်န့ၣ်လီၤဖးအသးဧါ, မ့ၢ်စီၤ ပီလူးဒိးသံအသးလၢ ထူၣ်စုညါအလိၤ လၢသုဂီၢ်ဧါ. မ့ၢ်သုဒိးဘျၢ*သုသးဆူစီၤပီလူးအမံၤအပူၤဧါ. ¹⁴ ယစံး ထီၣ်ပတြၢၤယွၤအဘျုးအဖှိၣ်လၢ ယတဘျၢ*ဘၣ်သုနီ တဂၤဘၣ်, ယဘျၢ*ထဲစီၤကြံစပူၤ, ဒီးစီၤကါယူးဧိၤ,―

¹⁵ ဒ်သိးပှၤသုတစံးလၢ ယဘျၢ*တၢ်လၢယမံၤဒၣ်ယဲအ ပူၤ, နီတဂၤတဂ့ၤန့ၣ်လီၤ. ¹⁶ ဒီးယဘျၢ*စ့ၢ်ကီးစီၤစတ့း ဖနၣ်အဟံၣ်ဖိလီၤ. လၢအဝဲန့ၣ်အမဲာ်ညါ, ယတသ့ၣ် ညါဘၣ်လၢယဘျၢ*ပှၤဂုၤပှၤဂၤဘၣ်.

¹⁷ အဂ့ၢ်ဒ်အံၤ, ဒ်သိးယကဘျၢ*တၢ်ဒီး, ခရံာ်တမၢဘၣ် ယၤဘၣ်. မ့ၢ်ဒ်သိးယကစံၣ်တဲၤတဲလီၤတၢ်သးခုကစီၣ် လီၤ. လၢတၢ်ကူၣ်သ့အတၢ်ကတိၤတမ့ၢ်ဘၣ်, ဒ်သိး ခရံာ်အထူၣ်စုညါအသုတကဲလၢ တၢ်ကလီကလီတ ဂ့ၤလီၤ. ¹⁸ အဂ့ၢ်ဒ်အံၤ, ထူၣ်စုညါအတၢ်ကတိၤမ့ၢ်တၢ် ကလီကလီ, လၢပှၤလၢအဘၣ် တၢ်ဟးဂူာ်ဟးဂီၤအ မဲာ်ညါ, ဘၣ်ဆၣ်ဒီးလၢပှၤလၢတၢ်အုၣ်က့ၤခီၣ်က့ၤ, ပ ဝဲဒၣ်အမဲာ်ညါ, မ့ၢ်ယွၤအစိအကမီၤလီၤ.

¹⁹ အဂ့ၢ်ဒ်အံၤ, တၢ်ကွဲးအသး, ပှၤကူၣ်တၢ်သ့န့ၣ်, ယကမၤဟးဂီၤအတၢ်ကူၣ်သ့ဒီး ပှၤလၢအသူၣ်ဆးသးဆးန့ၣ်, ယကဒုးကဲထီၣ်အ သူၣ်ဆးအသးဆးလၢတၢ်ကလီကလီလီၤ.+ ၡါ. ၂၉း၁၄|Isa.29.14*.

²⁰ ပှၤကူၣ်တၢ်သ့အိၣ်ဖဲလဲၣ်, ပှၤကွဲးလံာ်အိၣ်ဖဲလဲၣ်, ပှၤ အအံၤတဃၣ်ဖိလၢ အတီတၢ်ကတိၤသ့န့ၣ်, အိၣ်ဖဲ လဲၣ်. ဟီၣ်ခိၣ်အတၢ်ကူၣ်သ့န့ၣ်, ယွၤမၤထီၣ်ဝဲလၢတၢ် တဂိာ်တသီၣ်ဘၣ်, တမ့ၢ်ဘၣ်ဧါ. ²¹ အဂ့ၢ်ဒ်အံၤ, တုၤမ့ၢ် လၢယွၤအတၢ်ကူၣ်သ့အပူၤဒီး, ပှၤဟီၣ်ခိၣ်ဖိတသ့ၣ် ညါထီၣ်ဘၣ်ယွၤလၢ အတၢ်ကူၣ်သ့ဘၣ်သတးဒီး, ဘၣ်ယွၤအသးလၢအကအုၣ်က့ၤခီၣ်က့ၤ ပှၤလၢအနာ် ဝဲတဖၣ်, လၢတၢ်စံၣ်တဲၤတဲလီၤအတၢ်ကလီကလီအ ဃိလီၤ. ²² အဂ့ၢ်ဒ်အံၤ, ပှၤယူဒၤဖိဃ့တၢ်လီၤလး, ဒီးပှၤ ဟ့းလ့ၣ်ဖိဃုတၢ်ကူၣ်သ့, ²³ မ့မ့ၢ်ပဝဲဒၣ်အံၤ, ပစံၣ်တဲၤ တဲလီၤခရံာ်ဒိးသံအသးလၢထူၣ်စုညါအလိၤ, လၢပှၤ ယူဒၤဖိအမဲာ်ညါ, တၢ်လီၤဃံၤအလီၢ်, ဒီးပှၤဟ့းလ့ၣ်ဖိ အမဲာ်ညါ, တၢ်ကလီကလီလီၤ. ²⁴ ဘၣ်ဆၣ်ဒီးလၢပှၤ ဘၣ်တၢ်ကိးန့ၢ်အီၤ, ပှၤယူဒၤဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ် ဂ့ၤအမဲာ်ညါ, ခရံာ်,(ဒ်ပစံးတၢ်အသိး) ယွၤအစိအက မီၤဒီးယွၤအတၢ်ကူၣ်သ့န့ၣ်လီၤ. ²⁵ အဂ့ၢ်ဒ်အံၤ, ယွၤအ တၢ်ကလီကလီမ့ၢ်တၢ်ကူၣ်သ့န့ၢ် ပှၤကညီတက့ၢ်, ဒီး ယွၤအတၢ်ဂံၢ်စၢ်ဘါစၢ် မ့ၢ်တၢ်ဂံၢ်ဆူၣ်ဘါဆူၣ်န့ၢ်ပှၤ ကညီတက့ၢ်လီၤ.

²⁶ အဂ့ၢ်ဒ်အံၤ, ဒီပုၢ်ဝဲၢ်သ့ၣ်ဧၢ, လၢတၢ်ကိးန့ၢ်သုန့ၣ်သု ထံၣ်လၢပှၤကူၣ်တၢ်သ့, ဒ်တၢ်ဖံးတၢ်ညၣ်အသိးန့ၣ်တ အါဘၣ်, ပှၤအိၣ်ဒီးအစိအကမီၤတအါဘၣ်, ပဒိၣ်အ စၢၤအသွဲၣ်တအါဘၣ်. ²⁷ မ့ၢ်ယွၤဃုထၢတၢ်ကလီက လီလၢဟီၣ်ခိၣ်ချၢဒ်သိး အကမၤမဲာ်ဆှးပှၤကူၣ်တၢ်သ့, ဒီးယွၤဃုထၢတၢ်ဂံၢ်စၢ်ဘါစၢ်လၢဟီၣ်ခိၣ်ချၢ ဒ်သိးအ ကမၤမဲာ်ဆှးပှၤဂံၢ်ဆူၣ်ဘါဆူၣ်လီၤ. ²⁸ ဒီးယွၤဃုထၢ တၢ်လၢအလၤအကပီၤ တအိၣ်ဘၣ်လၢဟီၣ်ခိၣ်ချၢ, ဒီးတၢ်လၢပှၤတပးကဲဘၣ်အီၤ, ဒီးတၢ်လၢအတမ့ၢ် ဘၣ်တၢ်ဘၣ်တဖၣ်, ဒ်သိးအကမၤဟးဂီၤကွံာ်တၢ်လၢ အမ့ၢ်တၢ်တဖၣ်, ²⁹ ဒ်သိးပှၤကညီသုတပာ်အသးက ဖၢလၢယွၤအမဲာ်ညါနီတဂၤတဂ့ၤလီၤ. ³⁰ လၢအဝဲဒၣ် အဃိ, သုအိၣ်သုဆိးလၢခရံာ်အပူၤ, လၢအကဲထီၣ် လၢယွၤန့ၣ်လၢတၢ်ကူၣ်သ့, ဒီးတၢ်တီတၢ်လိၤ, ဒီးတၢ် စီဆှံ, ဒီးတၢ်ပှ့ၤက့ၤတၢ်လၢပဂီၢ်, ³¹ ဒ်သိးတၢ်ကမၤ အသးဒ်တၢ်ကွဲးအသးအသိးန့ၣ်, ပှၤလၢအပာ်အသး ကဖၢလၢန့ၣ်, မ်အပာ်အသးကဖၢလၢလၢကစၢ်အပူၤ တက့ၢ်.+ ယံး. ၉း၂၄|Jer.9.24*.

၂

¹ ဒီးယဲဒၣ်အံၤ, ဒီပုၢ်ဝဲၢ်သ့ၣ်ဧၢ, ယဟဲဆူသုအိၣ်, တမ့ၢ် ဘၣ်ယဟဲစံးဘၣ်တဲဘၣ်သုလၢ ယွၤအတၢ်အုၣ်အသး န့ၣ်, ဒ်တၢ်ကတိၤဂ့ၤဒီးတၢ်ကူၣ်သ့အသိးန့ၣ်ဘၣ်,―

² အဂ့ၢ်ဒ်အံၤ, ယပာ်ယသးလၢယတသ့ၣ်ညါဘၣ်လၢ သုကျါလၢတၢ်နီတမံၤဘၣ်, ယကသ့ၣ်ညါထဲယ့ၣ်ရှူး ခရံာ်, ဒီးအဝဲဒၣ်ဒိးသံအသးလၢထူၣ်စုညါအလိၤန့ၣ် ဧိၤလီၤ. ³ ဒီးယအိၣ်ယဲဒီးယဂံၢ်စၢ်ဘါစၢ်, ဒီးတၢ်ပျံၤ တၢ်ဖုး, ဒီးတၢ်ကနိးလၢအအါ, လၢသုကျါလီၤ. ⁴ ဒီး ယတၢ်ကတိၤ, ဒီးယတၢ်စံၣ်တဲၤတဲလီၤ, တအိၣ်ဘၣ် ဒီးတၢ်ကတိၤလွဲဘၣ်ဃးဒီး ပှၤကညီအတၢ်ကူၣ်သ့န့ၣ် ဘၣ်, မ့ၢ်အအိၣ်ဒီးသးန့ၣ်အတၢ်လီၣ်ဖျါဒီးအစိအက မီၤ, ⁵ ဒ်သိးသုတၢ်နာ်ကအိၣ်လၢယွၤအစိကမီၤအပူၤ, ဒီးတမ့ၢ်ဘၣ်ပှၤကညီအတၢ်ကူၣ်သ့အပူၤဘၣ်လီၤ.

⁶ ဘၣ်ဆၣ်ဒီးပကတိၤတၢ်ကူၣ်သ့လၢ ပှၤလၢအလၢ ထီၣ်ပှဲၤထီၣ်တဖၣ်အကျါနာ်သက့ဒီး, တမ့ၢ်ဘၣ်တၢ် ကူၣ်သ့ဘၣ်ဃးဒီးဟီၣ်ခိၣ်, ဒီးဟီၣ်ခိၣ်အပဒိၣ်ပပှၢ်လၢ အကဲထီၣ် တၢ်ကလီကလီန့ၣ်ဘၣ်. ⁷ မ့မ့ၢ်ပကတိၤ ယွၤအတၢ်ကူၣ်သ့, လၢတၢ်အိၣ်ခူသူၣ်အပူၤ, လၢအ အိၣ်ခူသူၣ်, လၢယွၤစံၣ်ညီၣ်ပာ်ဝဲလၢ ပလၤကပီၤအ ဂီၢ်လၢအတချုးတ့ဒံးဘၣ်ဟီၣ်ခိၣ်လီၤ. ⁸ တၢ်န့ၣ်ဟီၣ် ခိၣ်အပဒိၣ်ပပှၢ်တသ့ၣ်ညါဘၣ်နီတဂၤဘၣ်. အဂ့ၢ်ဒ် အံၤ, မ့ၢ်သ့ၣ်ညါဝဲဒီး, တမၤသံဘၣ်တၢ်လၤကပီၤအက စၢ်လၢထူၣ်စုညါအလိၤဘၣ်. ⁹ မ့မ့ၢ်ဒ်တၢ်ကွဲးအသး အသိးန့ၣ်, တၢ်တဖၣ်လၢယွၤကတဲာ်ကတီၤဝဲလၢပှၤ အဲၣ်အီၤအဂီၢ်န့ၣ်, မဲာ်တထံၣ်ဘၣ်, ဒီးနၢ်တနၢ်ဟူဘၣ်, ဒီးတဟဲနုာ်လၢပှၤကညီအသးဘၣ်. ¹⁰+ ၡါ. ၅၂း၁၅|Isa.52.15ဘၣ်ဆၣ်ဒီးယွၤလီၣ်ဖျါအီၤလၢအ သးဒၣ်ဝဲ, လၢပှၤလီၤ. အဂ့ၢ်ဒ်အံၤ, သးန့ၣ်ဃုန့ၢ်တၢ်ခဲ လၢာ်, တၢ်ယိာ်ဘၣ်ဃးဒီးယွၤဒၣ်လဲာ်န့ၣ်လီၤ. ¹¹ အ ဂ့ၢ်ဒ်အံၤ, မ့တမ့ၢ်ဘၣ်ပှၤကညီအသးအိၣ်လၢအပူၤဒီး, မ့ၢ်မတၤသ့ၣ်ညါတၢ်ဘၣ်ဃးဒီး ပှၤကညီန့ၣ်တဂၤ လဲၣ်. ဒ်န့ၣ်အသိး, တၢ်ဘၣ်ဃးဒီးယွၤတဖၣ်န့ၣ်, ပှၤတ သ့ၣ်ညါဘၣ်နီတဂၤဘၣ်. သ့ၣ်ညါဝဲထဲယွၤအသးတ ဂၤဧိၤလီၤ. ¹² ဒီးပဒိးန့ၢ်ဟီၣ်ခိၣ်အသးတမ့ၢ်ဘၣ်. မ့ၢ်သး ဘၣ်ဃးဒီးယွၤ, ဒ်သိးပကသ့ၣ်ညါတၢ်တဖၣ်လၢယွၤ ဟ့ၣ်လီၤကလီပှၤလီၤ. ¹³ ဒီးတၢ်န့ၣ်တဖၣ်ပစံၣ်တဲၤတဲ လီၤလၢတၢ်ကတိၤလၢ ပှၤကညီအတၢ်ကူၣ်သ့သိၣ်လိ ဝဲန့ၣ်တမ့ၢ်ဘၣ်. မ့ၢ်လၢသးစီဆှံသိၣ်လိဝဲတဖၣ်လီၤ. ပပာ်သတြီၤတၢ်ဘၣ်ဃးဒီးသးလၢ တၢ်ဘၣ်ဃးဒီးသး န့ၣ်လီၤ.

¹⁴ ဘၣ်ဆၣ်ဒီးပှၤနီၢ်ခိဖိတတူၢ်လိာ်ဘၣ် တၢ်ဘၣ်ဃးဒီး ယွၤအသးဘၣ်. အဂ့ၢ်ဒ်အံၤ, မ့ၢ်တၢ်ကလီကလီလၢအ မဲာ်ညါ, ဒီးသ့ၣ်ညါဝဲတသ့ဘၣ်. အဂ့ၢ်ဒ်အံၤ, ပသ့ၣ်ညါ အီၤလၢသးန့ၣ်အဃိလီၤ. ¹⁵ မ့မ့ၢ်ပှၤဘၣ်ဃးဒီးသးန့ၣ်, သ့ၣ်ညါထံတၢ်ခဲလၢာ်ဘၣ်ဆၣ်ဒီး, အကစၢ်ဒၣ်ဝဲန့ၣ်, ပှၤတသ့ၣ်ညါထံဘၣ်အီၤနီတဂၤဘၣ်. ¹⁶ အဂ့ၢ်ဒ်အံၤ, မ့ၢ်မတၤသ့ၣ်ညါကစၢ်အသး, ဒ်သိးအကသိၣ်လိအီၤ တဂၤလဲၣ်.+ ၡါ. ၄၀း၁၃|Isa.40.13*. မ့မ့ၢ်ပဝဲဒၣ်အံၤ, ပအိၣ် ဒီးခရံာ်အသးလီၤ.

၃

¹ ဒီးယဲဒၣ်အံၤ, ပုၢ်သ့ၣ်ဝဲၢ်သ့ၣ်ဧၢ, ယကတိၤတၢ်ဒီးသု, ဒ်လၢပှၤဘၣ်ဃးဒီးသးအသိးန့ၣ်တသ့ဘၣ်. မ့ၢ်ဒ်လၢ ပှၤဘၣ်ဃးဒီးတၢ်ဖံးတၢ်ညၣ်, ဒ်ဖိဆံးလၢခရံာ်အပူၤ အသိးန့ၣ်လီၤ. ² ယဒုးအီၣ်သုလၢတၢ်နုၢ်ထံ, ဒီးတမ့ၢ် ဘၣ်တၢ်အီၣ်ဘၣ်. အဂ့ၢ်ဒ်အံၤ, သုအီၣ်တၢ်တသ့ဒံး ဘၣ်. ဒီးခဲကနံၣ်အံၤဒၣ်လဲာ်, သုတသ့ဒံးစ့ၢ်ကီးဘၣ် လီၤ. ³ အဂ့ၢ်ဒ်အံၤ, မ့ၢ်သုဘၣ်ဃးဒီးတၢ်ဖံးတၢ်ညၣ်ဒံး လီၤ. အဂ့ၢ်ဒ်အံၤ, မ့ၢ်တၢ်သးက့ၣ်, ဒီးတၢ်အ့ၣ်လိာ် ဆိးက့, ဒီးတၢ်လီၤမုၢ်လီၤဖးသ့ၣ်တဖၣ်အိၣ်ဝဲလၢသု ကျါဒီး, သုမ့ၢ်ပှၤဘၣ်ဃးဒီးတၢ်ဖံးတၢ်ညၣ်, ဒီးသုလဲၤ တၢ်ဒ်ပှၤကညီအသိး, တမ့ၢ်ဘၣ်ဧါ. ⁴ အဂ့ၢ်ဒ်အံၤ, လၢ ပှၤတဂၤစံးဝဲဒၣ်, ယဲဒၣ်အံၤ, ယမ့ၢ်ပှၤဘၣ်ဃးဒီးစီၤပီ လူး, ဒီးလၢအဂၤတဂၤ, ယဲဒၣ်အံၤ, ယမ့ၢ်ပှၤဘၣ်ဃးဒီး စီၤအပီးလိၤဒီး, မ့ၢ်သုဘၣ်ဃးဒီးတၢ်ဖံးတၢ်ညၣ်တမ့ၢ် ဘၣ်ဧါ. ⁵ မၤသးဒ်န့ၣ်ဒီးစီၤပီလူးမ့ၢ်မတၤတဂၤလဲၣ်. ဒီးစီၤအပီးလိၤမ့ၢ်မတၤတဂၤလဲၣ်. မ့ၢ်တၢ်အခ့အပှၤ လၢသုနာ်တၢ်လၢအဃိ, ဒ်ကစၢ်ဟ့ၣ်လီၤလၢပှၤတဂၤ တဂၤစုာ်စုာ်အသိးန့ၣ်တမ့ၢ်ဘၣ်ဧါ. ⁶ ယဲဒၣ်အံၤ, ယ သူၣ်တၢ်, ဒီးစီၤအပီးလိၤဖှိၣ်တၢ်, မ့မ့ၢ်ယွၤဒုးဒိၣ်ထီၣ် တၢ်လီၤ. ⁷ မၤသးဒ်န့ၣ်ဒီး ပှၤလၢအသူၣ်တၢ်တမ့ၢ် ဘၣ်တၢ်ဘၣ်, ဒီးပှၤလၢအဖှိၣ်တၢ် တမ့ၢ်ဘၣ်တၢ် ဘၣ်, မ့မ့ၢ်ပှၤလၢအဒုးဒိၣ်ထီၣ်တၢ်ယွၤတဂၤန့ၣ်မ့ၢ်တၢ် လီၤ. ⁸ ဘၣ်ဆၣ်ဒီးပှၤလၢအသူၣ်တၢ်, ဒီးပှၤလၢအဖှိၣ် တၢ်, မ့ၢ်တၢ်တမံၤဃီလီၤ. ဒီးပှၤကန့ၢ်ဘၣ်အဘူးအ လဲ, တဂၤဒီးတဂၤ, ဒ်အတၢ်မၤဒၣ်ဝဲအသိး န့ၣ်လီၤ. အဂ့ၢ်ဒ်အံၤ, ပမ့ၢ်ယွၤအပှၤမၤသကိးတၢ်တဖၣ်န့ၣ် လီၤ. သုမ့ၢ်ယွၤအခုး, သုမ့ၢ်ယွၤအတၢ်သူၣ်ထီၣ်လီၤ.

¹⁰ ဒ်ယွၤအဘျုးအဖှိၣ်လၢအဟ့ၣ်ယၤအသိးန့ၣ်, ဒ်ပှၤမၤ ဟံၣ်တဖၣ်အခိၣ်လၢ အကူၣ်တၢ်သ့တဂၤအသိးန့ၣ်, ယပာ်လီၤလံဟံၣ်အခီၣ်ထံးလံ. ဒီးပှၤဂၤသူၣ်ထီၣ်တၢ် လၢအဖီခိၣ်လီၤ. ဘၣ်ဆၣ်ဒီးမ့ၢ်အသူၣ်ထီၣ်တၢ်လၢ အဖီခိၣ်ဒ်လဲၣ်ဒ်လဲၣ်န့ၣ်, မ်အပလီၢ်အသးစုာ်စုာ်တ က့ၢ်. ¹¹ အဂ့ၢ်ဒ်အံၤ, လၢတၢ်အခီၣ်ထံး, လၢအပာ်လီၤ အသးဝံၤလံ, လၢအမ့ၢ်ယ့ၣ်ရှူးခရံာ်န့ၣ်အမဲာ်ညါ, ပှၤ ပာ်အခီၣ်ထံး လၢအဂုၤအဂၤတသ့ဘၣ်နီတဂၤဘၣ်.―

¹² ဒီးပှၤတဂၤဂၤမ့ၢ်သူၣ်ထီၣ်ထူဧိၤလွဲဧိၤ, ကျိၣ်ဧိၤစ့ဧိၤ, တၢ်မျၢ်ထးသံ, သ့ၣ်ဧိၤဝၣ်ဧိၤ, နီၣ်ဧိၤမံၤဧိၤ, လီၢ်ဧိၤဒံးဧိၤ, လၢတၢ်ခီၣ်ထံးအံၤအဖီခိၣ်ဒီး, ¹³ အတၢ်မၤကအိၣ်ဖျါ ထီၣ်စုာ်စုာ်လီၤ. အဂ့ၢ်ဒ်အံၤ, မုၢ်နံၤတနံၤန့ၣ်ကလီၣ်ဖျါ ထီၣ်အီၤလီၤ. အဂ့ၢ်ဒ်အံၤ, ကဘၣ်လီၣ်ဖျါထီၣ်အသး လၢမ့ၣ်အူ, ဒီးပှၤတဂၤဂၤအတၢ်မၤမ့ၢ် ဒ်လဲၣ်ဒ်လဲၣ်န့ၣ်, မ့ၣ်အူကအီၣ်ကွၢ်ကွၢ်ဝဲလီၤ. ¹⁴ ပှၤတဂၤဂၤအတၢ်မၤ လၢအသူၣ်ထီၣ်ဝဲန့ၣ်, မ့ၢ်အိၣ်မ့ၢ်ဆိးဒီး, ကန့ၢ်ဘၣ်အ ဘူးအလဲလီၤ. ¹⁵ ပှၤတဂၤဂၤအတၢ်မၤန့ၣ်, မ့ၣ်အူမ့ၢ်အီၣ် ကွံာ်အီၤဒီး, အတၢ်ကဟါမၢ်လီၤ. ဘၣ်ဆၣ်ဒီးအက စၢ်ဒၣ်ဝဲကတုၤလၢတၢ်အုၣ်က့ၤခီၣ်က့ၤအီၤလီၤ. မ့မ့ၢ် ကမၤသးဒ်လၢမ့ၣ်အူအသိးလီၤ.

¹⁶ သုမ့ၢ်ယွၤအတၢ်လုၢ်ဟံၣ်, ဒီးယွၤအသးအိၣ်ဝဲဆိးဝဲ လၢသုပူၤန့ၣ်, မ့ၢ်သုတသ့ၣ်ညါဘၣ်ဧါ. ¹⁷ ပှၤတဂၤ ဂၤမ့ၢ်မၤဟးဂီၤယွၤအတၢ်လုၢ်ဟံၣ်ဒီး, ယွၤကမၤဟး ဂီၤအီၤလီၤ. အဂ့ၢ်ဒ်အံၤ, ယွၤအတၢ်လုၢ်ဟံၣ်မ့ၢ်တၢ်စီ ဆှံ, ဒီးသုမ့ၢ်အဝဲန့ၣ်လီၤ.

¹⁸ မ်ပှၤသုတလီလီၤအသးနီတဂၤတဂ့ၤ, ပှၤတဂၤဂၤ လၢသုကျါမ့ၢ်ဆိကမိၣ်လၢ အမ့ၢ်ပှၤကူၣ်တၢ်သ့လၢ အအံၤတဃၣ်ဒီး, မ်အကဲထီၣ်ပှၤဟးဂီၤဖိ, ဒ်သိးအက ကဲလၢပှၤကူၣ်တၢ်သ့န့ၣ်တက့ၢ်. ¹⁹ အဂ့ၢ်ဒ်အံၤ, တၢ် ကူၣ်သ့ဘၣ်ဃးဒီးဟီၣ်ခိၣ်အံၤ, မ့ၢ်တၢ်ကလီကလီလၢ ယွၤအမဲာ်ညါလီၤ. အဂ့ၢ်ဒ်အံၤ, တၢ်ကွဲအသး, ယွၤဖီၣ် န့ၢ်ပှၤကူၣ်တၢ်သ့လၢ အတၢ်ကူၣ်တၢ်ဆးဒၣ်ဝဲအပူၤ လီၤ.+ ဘး. ၅း၁၃|Job.5.13*.²⁰ ဒီးစံးကဒီးဝဲ, ယွၤသ့ၣ်ညါပှၤကူၣ်တၢ်သ့အတၢ်ဆိကမိၣ်, လၢအမ့ၢ်တၢ်ကလီကလီလီၤ.+ စံး. ၉၄း၁၁|Ps.94.11

²¹ မၤသးဒ်န့ၣ်ဒီး မ်ပှၤသုတပာ်အသးကဖၢလၢလၢပှၤ ကညီအပူၤနီတဂၤတဂ့ၤ. အဂ့ၢ်ဒ်အံၤ, တၢ်ခဲလၢာ်မ့ၢ် သုတၢ်လီၤ. ²² စီၤပီလူးမ့ၢ်ဂ့ၤ, စီၤအပီးလိၤမ့ၢ်ဂ့ၤ, စီၤ က့ၤဖးမ့ၢ်ဂ့ၤ, ဟီၣ်ခိၣ်မ့ၢ်ဂ့ၤ, တၢ်မူမ့ၢ်ဂ့ၤ, တၢ်သံမ့ၢ်ဂ့ၤ, တၢ်မၤအသးခဲကနံၣ်အံၤမ့ၢ်ဂ့ၤ, တၢ်ကမၤအသးဆူညါ မ့ၢ်ဂ့ၤ, တၢ်ခဲလၢာ်မ့ၢ်သုတၢ်, ²³ ဒီးသုမ့ၢ်ခရံာ်အတၢ်, ဒီးခရံာ်မ့ၢ်ယွၤအတၢ်လီၤ.

၄

¹ မ်ပှၤကညီပာ်ပှၤ ဒ်ခရံာ်အခ့အပှၤဒီးပှၤကွၢ်ယွၤအ တၢ်ခူသူၣ်အသိးန့ၣ်တက့ၢ်. ² ဒီးပှၤကွၢ်တၢ်တဖၣ်န့ၣ် ဘၣ်မ့ၢ်ပှၤအကလုၢ်တီလီၤ. ³ ဘၣ်ဆၣ်ဒီးသုစံၣ်ညီၣ် ယၤမ့ၢ်ဂ့ၤ, ပှၤကညီစံၣ်ညီၣ်ယၤမ့ၢ်ဂ့ၤ, ယပာ်လၢတၢ် အဆံးကတၢၢ်လီၤ. ⁴ မ့ၢ်မး, ယတစံၣ်ညီၣ်လီၤယသး ဒၣ်ယဲဘၣ်. အဂ့ၢ်ဒ်အံၤ, ယတသ့ၣ်ညါဘၣ်တၢ်ကမၣ် လၢယလိၤဒၣ်ယဲနာ်သက့ဒီး, တၢ်တပာ်တီပာ်လိၤ ယၤလၢအဝဲန့ၣ်အဃိဘၣ်. ပှၤလၢအစံၣ်ညီၣ်ယၤန့ၣ်, မ့ၢ်ကစၢ်လီၤ. ⁵ မၤသးဒ်န့ၣ်ဒီး လၢအဆၢအကတီၢ်တ ဘၣ်ဒံးဘၣ်, ကစၢ်တချုးဟဲလီၤဒံးဘၣ်ဒီး, သုတစံၣ် ညီၣ်တၢ်နီတမံၤတဂ့ၤ. အဝဲဒၣ်န့ၣ်ကထုးဖျါထီၣ်တၢ် ခူသူၣ်အိၣ်လၢတၢ်ခံးကျါ, ဒီးကမၤအိၣ်ဖျါပသးအတၢ် ကူၣ်န့ၣ်လီၤ. တုၤနုၤတစုပှၤတဂၤဒီးတဂၤကန့ၢ်ဘၣ် အတၢ်စံးထီၣ်ပတြၢၤလၢယွၤလီၤ.

⁶ ဒီးပုၢ်သ့ၣ်ဝဲၢ်သ့ၣ်ဧၢ, တၢ်တဖၣ်န့ၣ်ယကတိၤဒိလီၤ ယကစၢ်ဒၣ်ယဲဒီးစီၤအပီးလိၤအဂ့ၢ်အကျိၤလၢသုဂီၢ်, ဒ် သိးသုကမၤလိလၢပပူၤ, လၢသုသုတဆိကမိၣ်တၢ် လၢတၢ်ကွဲးအသးအဖီခိၣ်တဂ့ၤ, ဒ်သိးသုသုတပာ်သု သးကဖၢလၢလၢပှၤတဂၤအပူၤ, လၢအဝဲတဂၤအဖီခိၣ် တဂ့ၤလီၤ. ⁷ အဂ့ၢ်ဒ်အံၤ, မ့ၢ်မတၤဒုးလီၤဆီနၤတဂၤ လဲၣ်. ဒီးနတၢ်လၢနတဒိးန့ၢ်ဘၣ်န့ၣ်မ့ၢ်တၢ်မနုၤလဲၣ်. ဒီးနမ့ၢ်ဒိးန့ၢ်အီၤဒီး, ဘၣ်မနုၤလၢနပာ်နသးကဖၢလၢ ဒ်နတဒိးန့ၢ်ဘၣ်အသိးန့ၣ်လဲၣ်. ⁸ ခဲကနံၣ်အံၤ, သုအီၣ် ကုးအီပှဲၤ, ခဲကနံၣ်အံၤ, သုထူးသုတီၤ, သုကဲစီၤပၤလၢ အတအိၣ်ဘၣ်ဒီးပှၤဘၣ်. ဒီးဘၣ်မးယသးလၢသုကဲ စီၤပၤလံ, ဒ်သိးပကကဲဃုာ်စီၤပၤဒီးသုလီၤ.

⁹ အဂ့ၢ်ဒ်အံၤ, ယဆိကမိၣ်လၢယွၤပာ်ဖျါပှၤတၢ်မၢဖိပ ဝဲဒၣ်အံၤ, လၢပှၤအလီၢ်ခံကတၢၢ်, ဒ်ပှၤဒိးတၢ်စံၣ်ညီၣ် ဘၢသံအီၤအသိးလီၤ. အဂ့ၢ်ဒ်အံၤ, ပကဲလံလၢတၢ်ကွၢ် ကီအဂီၢ်လၢဟီၣ်ခိၣ်, ဒီးလၢကလူး, ဒီးလၢပှၤကညီ သ့ၣ်တဖၣ်, အမဲာ်ညါလီၤ. ¹⁰ ပဝဲဒၣ်အံၤ, ပမ့ၢ်ပှၤဟးဂီၤ ဖိလၢခရံာ်အဂီၢ်, မ့မ့ၢ်သုဝဲသ့ၣ်သုမ့ၢ်ပှၤကူၣ်တၢ်သ့ လၢခရံာ်အပူၤလီၤ. ပဝဲဒၣ်အံၤ, ပမ့ၢ်ပှၤလၢအဂံၢ်စၢ်အ ဘါစၢ်, မ့မ့ၢ်သုဝဲဒၣ်, သုဂံၢ်ဆူၣ်သုဘါဆူၣ်လီၤ. သု လၢသုကပီၤအိၣ်ဝဲ, မ့မ့ၢ်ပဝဲဒၣ်အံၤ, ပလၤကပီၤတအိၣ် ဘၣ်. ¹¹ တုၤလီၤလၢနၣ်ရံၣ်ခဲကနံၣ်အံၤဒၣ်လဲာ်, တၢ် သၣ်ဝံၤပသးဒီးတၢ်သူပသးလၢထံ, ဒီးပအိၣ်ဘ့ၣ်ဆ့, ဒီးတၢ်မၤအၢမၤနးပှၤ, ဒီးပအိၣ်အလီၢ်လီၤတံၢ်တအိၣ် ဘၣ်. ¹² ဒီးပမၤတၢ်ဝံတၢ်လၢပစုဒၣ်ပဝဲလီၤ. ပှၤဒုၣ်ဒွဲၣ် ပှၤ, ဒီးပဆိၣ်ဂ့ၤတၢ်, ပှၤမၤအၢမၤသီပှၤ, ဒီးပဝံသးစူၤတၢ် လီၤ. ¹³ ပှၤစံးအၢပှၤဒီးပဃ့ကညးတၢ်, တၢ်ပာ်ပှၤဒ် ဟီၣ်ခိၣ်အတၢ်ကမှံၤအသိး, ဒ်တၢ်ခဲလၢာ်အဃံၣ်အမူး အသိးတုၤခဲကနံၣ်အံၤလီၤ. ¹⁴ ယကွဲးတၢ်တဖၣ်အံၤ, ဒ်သိးယကမၤမဲာ်ဆှးသုတမ့ၢ်ဘၣ်. မ့မ့ၢ်ဒ်ယဖိသးဘိအသိး, ဒုးပလီၢ်သုသးလီၤ.―

¹⁵ အဂ့ၢ်ဒ်အံၤ, သုမ့ၢ်အိၣ်ဒီးပှၤသိၣ်က့ၤသီက့ၤသုလၢခရံာ် အပူၤတကလးညါဘၣ်ဆၣ်ဒီး, သုပၢ်အါဂၤတအိၣ် ဘၣ်. အဂ့ၢ်ဒ်အံၤ, ယထီၣ်ဖိသုလၢတၢ်သးခုအကစီၣ် လၢယ့ၣ်ရှူးခရံာ်အပူၤလီၤ. ¹⁶ မၤသးဒ်န့ၣ်ဒီးယဃ့က ညးသု, ကွၢ်လိယၤတက့ၢ်. ¹⁷ မ့ၢ်တၢ်န့ၣ်အဃိဒီး, ယမၢ စီၤတံၤမသ့း, လၢအမ့ၢ်ယဖိသးဘိအကလုၢ်တီလၢ ကစၢ်အပူၤတဂၤ, ဆူသုအိၣ်, ဒီးကဒုးသ့ၣ်နီၣ်ထီၣ်က့ၤ သုလၢယကျဲလၢခရံာ်အပူၤ, ဒ်ယသိၣ်က့ၤသီက့ၤတၢ် လၢကယဲၢ်တၢ်အိၣ်ဖှိၣ်ကိးပူၤဒဲးအသိးန့ၣ်လီၤ.

¹⁸ ဒီးပှၤတနီၤနီၤပာ်အသးကဖၢလၢ ဒ်ယတဟဲဘၣ်ဆူ သုအိၣ်အသိးလီၤ. ¹⁹ ဘၣ်ဆၣ်ဒီးမ့ၢ်ဘၣ်ကစၢ်အသး ဒီး, ယကဟဲဆူသုအိၣ်လၢအဆိအချ့, ဒီးပှၤလၢအပာ် အသးကဖၢလၢတဖၣ်န့ၣ်, ယကသ့ၣ်ညါထဲအတၢ် ကတိၤဧိၤတမ့ၢ်ဘၣ်. မ့ၢ်အစိအကမီၤလီၤ. ²⁰ အဂ့ၢ်ဒ် အံၤ, ယွၤအဘီအမုၢ်တမ့ၢ်ဘၣ်လၢတၢ်ကတိၤဘၣ်, မ့ၢ် လၢတၢ်အစိအကမီၤလီၤ. ²¹ သုသးအိၣ်ဒ်လဲၣ်. ယက ဟဲဆူသုအိၣ်, အိၣ်ဒီးနီၣ်တီၢ်, မ့တမ့ၢ်ဘၣ်ဒီး, လၢတၢ် အဲၣ်တၢ်ကွံဒီးတၢ်သူၣ်စူၤသးစူၤလဲၣ်.

၅

¹ တၢ်ဟူထီသါလီၤသကုးဆးဒး, လၢတၢ်မၤကမၣ်မုာ် ကမၣ်ခွါအိၣ်ဝဲလၢသုကျါ, ဒီးတၢ်မၤကမၣ်မုၣ်ကမၣ် ခွါတကလုာ်လၢအတအိၣ်ဘၣ် လၢပှၤကလုာ်တဖၣ် အကျါဒၣ်လဲာ်, လၢပှၤကဟံးန့ၢ်အပၢ်အမါန့ၣ်လီၤ.―

² ဒီးသုပာ်သုသးကဖၢလၢ, ဒီးတသးအုးဘၣ်, ဒ်သိးပှၤ လၢအမၤတၢ်တမံၤန့ၣ်, ကဘၣ်တၢ်ဟီထီၣ်ကွံာ်လၢ သုကျါန့ၣ်ဘၣ်လီၤ. ³ အဂ့ၢ်ဒ်အံၤ, ယတအိၣ်ဘၣ်ဒီး သုလၢယနီၢ်ခိ, ဘၣ်ဆၣ်ဒီးယအိၣ်လၢယသးန့ၣ်သ တးဒီး, ဒ်ယအိၣ်အသိး, ယစံၣ်ညီၣ်လံပှၤလၢအမၤတၢ် ဒ်န့ၣ်အသိးတဂၤန့ၣ်လံ. ⁴ လၢပကစၢ်ယ့ၣ်ရှူးခရံာ်အ မံၤ, တုၤသုအိၣ်ဖှိၣ်ရိဖှိၣ်ဒီးယသးအိၣ်ဒီးပကစၢ်ယ့ၣ် ရှူးခရံာ်အစိအကမီၤ, ⁵ ဒ်သိးသုကဟ့ၣ်လီၤကွံာ်ပှၤဒ် န့ၣ်အသိးဆူ မုၢ်ကီၤလံၢ်အစုပူၤ, ဒ်သိးအဖံးအညၣ်က ဟးဂီၤ, ဒီးအသးကတုၤလၢတၢ်အုၣ်က့ၤခီၣ်က့ၤအီၤ, လၢပကစၢ်ယ့ၣ်ရှူးအနံၤန့ၣ်လီၤ.

⁶ သုပာ်သုသးကဖၢလၢတဂ့ၤဘၣ်. မ့ၢ်သုတသ့ၣ်ညါ ဘၣ်လၢကိၣ်မံၣ်တစဲးဖိ, မၤဖးထီၣ်တၢ်ဒီဖျၢၣ်ညါဘၣ် ဧါ. ⁷ မးသးဒ်န့ၣ်ဒီးဒ်သုမ့ၢ်တၢ်တဘၣ်ဘၣ်ဒီးကိၣ်မံၣ် ဘၣ်ဒီး, ဒ်သိးသုကကဲထီၣ်တၢ်တဖျၢၣ်လၢအသီသ တးဒီး, မၤကဆှီကွံာ်ကိၣ်မံၣ်လီၢ်လံၤန့ၣ်တက့ၢ်. အဂ့ၢ် ဒ်အံၤ, ပတၢ်ဘူၣ်လဲၤကပာ်ခရံာ်န့ၣ်, ဘၣ်တၢ်မၤသံ အီၤလၢပဂီၢ်စ့ၢ်ကီးလီၤ. ⁸ မၤသးဒ်န့ၣ်ဒီးပမၤဘူၣ်န့ၣ် မ်ပသုတမၤဒီးကိၣ်မံၣ်လီၢ်လံၤ, တၢ်အၢတၢ်သီ, ဒီးတၢ် ဒဲးဘးန့ၣ်အကိၣ်မံၣ်တဂ့ၤ. မ့မ့ၢ်လၢတၢ်ဂ့ၤတၢ်ဝါဒီး တၢ်မ့ၢ်တၢ်တီအကိၣ်မံၣ်တအိၣ်ဘၣ်န့ၣ်, တက့ၢ်.

⁹ ယကွဲးန့ၢ်တ့ၢ်သုလၢလံာ်တဘ့ၣ်အပူၤ, ဒ်သိးသုသု တရ့လိာ်သုသးဒီး ပှၤမၤကမၣ်ပိာ်မုၣ်ပိာ်မၢၤတဖၣ်န့ၣ် တဂ့ၤလီၤ. ¹⁰ ဘၣ်ဆၣ်ဒီးလၢဟီၣ်ခိၣ်အပှၤမၤကမၣ်ပိာ် မုၣ်ပိာ်မၢၤမ့ၢ်ဂ့ၤ, ပှၤသးကွံစ့မ့ၢ်ဂ့ၤ, ပှၤအီၣ်ကဘျံးအီၣ် ကဘျၣ်မ့ၢ်ဂ့ၤ, ပှၤဘါတၢ်ဂီၤမ့ၢ်ဂ့ၤ, ရ့လိာ်သုသးလ့ၤ တက့ၤတဂ့ၤန့ၣ်တမ့ၢ်ဘၣ်. မ့မ့ၢ်ဒ်န့ၣ်ဒီး, သုဘၣ်ဟး ထီၣ်ကွံာ် လၢဟီၣ်ခိၣ်ချၢအံၤလီၤ. ¹¹ မ့မ့ၢ်ခဲကနံၣ်အံၤ, ယကွဲးန့ၢ်သု, လၢပှၤဘၣ်တၢ်ကိးအီၤလၢဒီပုၢ်ဝဲၢ်တဂၤ ဂၤ, မ့မ့ၢ်ပှၤမၤကမၣ်ပိာ်မုၣ်ပိာ်မၢၤမ့ၢ်ဂ့ၤ, ပှၤသးကွံစ့ မ့ၢ်ဂ့ၤ, ပှၤဘါတၢ်ဂီၤမ့ၢ်ဂ့ၤ, ပှၤဒုၣ်ဒွဲၣ်တၢ်မ့ၢ်ဂ့ၤ, ပှၤအီ မူၤသံးမ့ၢ်ဂ့ၤ, ပှၤအီၣ်ကဘျံးအီၣ်ကဘျၣ်မ့ၢ်ဂ့ၤ, သုတ ရ့လိာ်သုသးဒီးအီၤတဂ့ၤ. အီၣ်ဃုာ်ဒၣ်လဲာ်ဒီးပှၤဒ်န့ၣ် အသိးတဂၤတဂ့ၤ.

¹² ပှၤအိၣ်လၢခိတဖၣ်ဘၣ်ဃးဒီးယၤ, ဒ်သိးယကစံၣ် ညီၣ်အီၤန့ၣ်ဒ်လဲၣ်. သုစံၣ်ညီၣ်ပှၤအိၣ်လၢတၢ်အပူၤ, တမ့ၢ်ဘၣ်ဧါ. ¹³ မ့မ့ၢ်ပှၤအိၣ်လၢခိတဖၣ်န့ၣ်, ယွၤစံၣ် ညီၣ်အီၤလီၤ. ဟီထီၣ်ကွံာ်ပှၤအၢပှၤသီတဂၤန့ၣ်, လၢ သုကျါတက့ၢ်.

၆

¹ သုဝဲသ့ၣ်တဂၤဂၤ တၢ်အမူးဘၣ်ဃးဒီးပှၤဂၤမ့ၢ်အိၣ် ဒီး, သုလိာ်ကွီၢ်လၢပှၤတတီတလိၤဘၣ်အမဲာ်ညါ, ဒီး တမ့ၢ်ဘၣ်လၢပှၤစီဆှံအမဲာ်ညါန့ၣ် ဘၣ်ကဘူၣ်ဧါ. ² မ့ၢ်သုတသ့ၣ်ညါဘၣ်လၢ ပှၤစီဆှံကစံၣ်ညီၣ်ဟီၣ်ခိၣ် ဘၣ်ဧါ. ဒီးဟီၣ်ခိၣ်မ့ၢ်ဘၣ်တၢ်စံၣ်ညီၣ်လၢသုဒီး, မ့ၢ် သုစံၣ်ညီၣ်တၢ်လၢ အဆံးကတၢၢ်တဖၣ်တကြၢးဘၣ် ဧါ. ³ မ့ၢ်သုတသ့ၣ်ညါဘၣ်လၢ ပကစံၣ်ညီၣ်ကလူး တဖၣ်န့ၣ်ဘၣ်ဧါ. ဒီးတၢ်ဘၣ်ဃးဒီးအအံၤတဃၣ်အါ န့ၣ်အန့ၣ်တက့ၢ်, တမ့ၢ်ဘၣ်ဧါ. ⁴ မၤသးဒ်န့ၣ်ဒီး, စံၣ် ညီၣ်တၢ်ဘၣ်ဃးဒီးအအံၤတဃၣ်အလီၢ်မ့ၢ်အိၣ်ဒီး, ပာ် ပှၤလၢအလၤကပီၤဆံးကတၢၢ် လၢတၢ်အိၣ်ဖှိၣ်အပူၤ, လၢအကစံၣ်ညီၣ်တၢ်န့ၣ်တက့ၢ်.

⁵ ယကတိၤတၢ်လၢသုမဲာ်ဆှးအဂီၢ်လီၤ. မ့ၢ်ဒ်န့ၣ်ဧါ. ပှၤကူၣ်တၢ်သ့တအိၣ်ဘၣ်လၢ သုကျါနီတဂၤဘၣ်ဧါ. ပှၤစံၣ်ညီၣ်တၢ်လၢဒီပုၢ်ဝဲၢ် အဘၢၣ်စၢၤတအိၣ်ဘၣ်နီ တဂၤဘၣ်ဧါ. ⁶ မ့မ့ၢ်ဒီပုၢ်ဝဲၢ်လိာ်ကွီၢ်ဒီးဒီပုၢ်ဝဲၢ်, ဒီးအ ဝဲန့ၣ်လၢပှၤတစူၢ်တနာ်ဘၣ် တၢ်တဖၣ်အမဲာ်ညါ လီၤ. ⁷ မၤသးဒ်န့ၣ်ဒီး, ခဲကနံၣ်အံၤမ့ၢ်မးတၢ်ကမၣ် အိၣ်လၢသုကျါသပှၢ်တၢၢ်လီၤ. အဂ့ၢ်ဒ်အံၤ, သုလိာ် လိာ်သုသးလၢကွီၢ်လီၤ. ဘၣ်မနုၤလၢသုတဒိးဘၣ်တၢ် ဂုာ်န့ၢ်သုတၢ်လဲၣ်. ⁸ မ့မ့ၢ်သုမၤတၢ်တတီတလိၤဘၣ်, ဒီးသုဂုာ်န့ၢ်ပှၤဂၤအတၢ်, ဒီးသုမၤတၢ်န့ၣ်တဖၣ်မ့ၢ်လၢ သုဒီပုၢ်ဝဲၢ်လီၤ. ⁹ မ့ၢ်သုတသ့ၣ်ညါဘၣ်လၢပှၤတတီ တလိၤဘၣ်န့ၣ်, တန့ၢ်ဘၣ်သါယွၤအဘီအမုၢ်န့ၣ်ဘၣ် ဧါ. သုတလီလီၤသုသးတဂ့ၤ. ပှၤမၤကမၣ်ပိာ်မုၣ်ပိာ် မၢၤမ့ၢ်ဂ့ၤ, ပှၤဘါတၢ်ဂီၤမ့ၢ်ဂ့ၤ, ပှၤအဲၣ်ဘၢတၢ်မ့ၢ်ဂ့ၤ, ပှၤဒိးတၢ်အဲၣ်ပကၢၤမ့ၢ်ဂ့ၤ, ပှၤအဲၣ်ပကၢၤတၢ်မ့ၢ်ဂ့ၤ,―

¹⁰ ပှၤဟုၣ်တၢ်မ့ၢ်ဂ့ၤ, ပှၤသးကွံစ့မ့ၢ်ဂ့ၤ, ပှၤအီမူၤသံးမ့ၢ်ဂ့ၤ, ပှၤဒုၣ်ဒွဲၣ်တၢ်မ့ၢ်ဂ့ၤ, ပှၤအီၣ်ကဘျံးအီၣ်ကဘျၣ်တၢ်မ့ၢ်

¹¹ ဂ့ၤ, တန့ၢ်ဘၣ်သါယွၤအဘီအမုၢ်ဘၣ်လီၤ. ဒီးသုဝဲ တနီၤနီၤ, သုမ့ၢ်တ့ၢ်ပှၤဒ်န့ၣ်အသိးလီၤ. မ့မ့ၢ်လၢပက စၢ်ယ့ၣ်ရှူးခရံာ်အမံၤ, ဒီးပကစၢ်အသးသတးဒီး, သု ဘၣ်သ့စီကွံာ်, ဒီးသုစီဆှံထီၣ်, ဒီးသုဘၣ်တၢ်ပာ်တီပာ် လိၤသုလီၤ.

¹² တၢ်ခဲလၢာ်မ့ၢ်တီမ့ၢ်လိၤလၢယဂီၢ်, ဘၣ်ဆၣ်ဒီးတၢ် ခဲလၢာ်မၤအါထီၣ်တၢ်ဘျုးတမ့ၢ်ဘၣ်. တၢ်ခဲလၢာ်မ့ၢ် တီမ့ၢ်လိၤလၢယဂီၢ်, ဘၣ်ဆၣ်ဒီးယတအိၣ်ဘၣ်လၢ အစိအကမီၤအဖီလာ်နီတမံၤဘၣ်. ¹³ တၢ်အီၣ်တၢ်အီ မ့ၢ်လၢဟၢဖၢအဂီၢ်, ဒီးဟၢဖၢမ့ၢ်လၢတၢ်အီၣ်တၢ်အီအ ဂီၢ်, ဒီးယွၤကမၤဟးဂီၤခံမံၤလၢာ်လီၤ. ဘၣ်ဆၣ်ဒီးပ နီၢ်ခိအံၤ, တမ့ၢ်ဘၣ်လၢတၢ်ကမၣ်မုၣ်ကမၣ်ခွါအဂီၢ် ဘၣ်. မ့ၢ်လၢကစၢ်အဂီၢ်, ဒီးကစၢ်မ့ၢ်လၢပနီၢ်ခိအဂီၢ် လီၤ. ¹⁴ ဒီးယွၤမၤဂဲၤဆၢထၢၣ်က့ၤကစၢ်န့ၣ်, ဒီးကမၤ ဂဲၤဆၢထၢၣ်က့ၤပဝဲဒၣ်စ့ၢ်ကီး, လၢအစိအကမီၤဒၣ်ဝဲ လီၤ.

¹⁵ မ့ၢ်သုတသ့ၣ်ညါဘၣ်လၢ သုနီၢ်ခိတဖၣ်န့ၣ်, မ့ၢ်ခရံာ် အဂီၤတဖၣ်ဘၣ်ဧါ. မၤသးဒ်န့ၣ်ဒီး မ့ၢ်ယကဟံးန့ၢ် ခရံာ်အဂီၤတဖၣ်, ဒီးပာ်အီၤလၢပှၤဃဲသဲမုၣ်အဂီၤတ ဖၣ်န့ၣ်ဧါ. မ်အသုတမၤအသးဒ်န့ၣ်တဂ့ၤ. ¹⁶ မ့ၢ်သု တသ့ၣ်ညါဘၣ်လၢပှၤလၢအစဲဘူးလိာ်အသးဒီးဃဲသဲ မုၣ်တဂၤမ့ၢ်နီၢ်တဂၤဘၣ်ဧါ. အဂ့ၢ်ဒ်အံၤ, ပှၤခံဂၤက ကဲထီၣ်လၢတၢ်ညၣ်တပူၤဃီ, စံးဝဲဒၣ်+ ၁မိၤ. ၂း၂၄|Gen.2.24*.―

¹⁷ မ့မ့ၢ်ပှၤလၢအစဲဘူးလိာ်အသးဒီးကစၢ်န့ၣ်, မ့ၢ်အသး တဖျၢၣ်ဃီလီၤ. ¹⁸ ဃ့ၢ်ဟးဆှဲးကွံာ်တၢ်မၤကမၣ်မုၣ်က မၣ်ခွါတက့ၢ်. ကယဲၢ်တၢ်မၤကမၣ်တမံၤလၢ်လၢ်လၢ ပှၤကညီမၤဝဲန့ၣ်, တဘၣ်ဃးဘၣ်ဒီးပနီၢ်ခိဘၣ်. မ့မ့ၢ် ပှၤလၢအမၤကမၣ်ပိာ်မုၣ်ပိာ်မၢၤန့ၣ်, မၤကမၣ်အနီၢ် ခိဒၣ်ဝဲလီၤ. ¹⁹ သုနီၢ်ခိမ့ၢ်တၢ်လုၢ်အဟံၣ်ဘၣ်ဃးဒီး သးစီဆှံ, အိၣ်လၢသုပူၤ, လၢသုန့ၢ်လၢယွၤ, ဒီးသုတမ့ၢ် ဘၣ်သုတၢ်ဒၣ်သုဝဲဘၣ်န့ၣ်, မ့ၢ်သုတသ့ၣ်ညါဘၣ် ဧါ. ²⁰ အဂ့ၢ်ဒ်အံၤ, တၢ်ပှ့ၤက့ၤသုလၢအပှ့ၤလီၤ. မၤသး ဒ်န့ၣ်ဒီး, မၤလၤကပီၤယွၤလၢသုနီၢ်ခိနီၢ်ကစၢ်တက့ၢ်.

၇

¹ ဒီးတၢ်လၢသုကွဲးန့ၢ်ယၤအဂ့ၢ်န့ၣ် ပှၤမ့ၢ်တဘၣ်ဘူး ဘၣ်ဒီးပိာ်မုၣ်ဘၣ်ဒီး, ဂ့ၤဝဲလီၤ. ² ဘၣ်ဆၣ်ဒီးဒ်သိးပှၤ ကဟးဆှဲးတၢ်မၤကမၣ်မုၣ်ကမၣ်ခွါဒီး, မ်ပိာ်ခွါက အိၣ်ဒီးအမါဒၣ်ဝဲ, ဒီးပိာ်မုၣ်ကအိၣ်ဒီးအဝၤဒၣ်ဝဲတ က့ၢ်. ³ မ်ဝၤမၤတၢ်ကြၢးဒီးအမါ, ဒီးမါလၢအဝၤဒ်န့ၣ် အသိးစ့ၢ်ကီးတက့ၢ်. မါတဂၤတအိၣ်ဘၣ်ဒီးအစိအ ကမီၤလၢအနီၢ်ခိဒၣ်ဝဲအဖီခိၣ်ဘၣ်, မ့ၢ်အဝၤလီၤ. ⁴ ဒီး ဒ်န့ၣ်အသိးစ့ၢ်ကီး, ဝၤတဂၤတအိၣ်ဘၣ်ဒီးအစိအက မီၤလၢအနီၢ်ခိဒၣ်ဝဲအဖီခိၣ်ဘၣ်, မ့ၢ်အမါလီၤ. ⁵ မ့တ မ့ၢ်ဘၣ်လၢသုအၢၣ်လီၤအီလီၤလိာ်သုသးလၢ သုက အိၣ်ဖးတစိၢ်, ဒ်သိးသုက+ ဒုၣ်တၢ်အီၣ်တၢ်အီဒီးဘါထုကဖၣ်တၢ်အဂီၢ်ဒီး, သုတဂုာ်န့ၢ်လိာ်သုတၢ်တ ဂ့ၤ. ဒီးအိၣ်ဃုာ်က့ၤကဒီးတက့ၢ်. ဒ်သိးမုၣ်ကီၤလံၢ် သုတလ့ပစီသုလၢ သုကီၤသုသးတကဲဘၣ်အဃိတ ဂ့ၤလီၤ. ⁶ ဘၣ်ဆၣ်ဒီးတၢ်အံၤတမံၤယစံးဒ်တၢ်ပျဲအ သိး, တမ့ၢ်ဘၣ်ဒ်တၢ်မၤလိာ်အသိးဘၣ်လီၤ. ⁷ အဂ့ၢ် ဒ်အံၤ, ယသးအိၣ်လၢပှၤခဲလၢာ်ကအိၣ်ဒ်ယကစၢ်ဒၣ် ယဲအသိးလီၤ. မ့မ့ၢ်ပှၤတဂၤဒီးတဂၤအိၣ်ဒီးအတၢ်ဘျုး ဒၣ်ဝဲလၢယွၤ, တဂၤဒ်အံၤ, ဒီးတဂၤဒ်နုၤလီၤ.

⁸ ဘၣ်ဆၣ်ဒီးယစံးဘၣ်ပှၤလၢအမါတအိၣ်ဘၣ်, ဒီးပှၤ မုၣ်ကမဲသ့ၣ်တဖၣ်, မ့ၢ်အိၣ်ဒၣ်ဝဲဒ်ယၤအသိးဒီး, ဂ့ၤ လၢအဂီၢ်လီၤ. ⁹ ဘၣ်ဆၣ်ဒီးကီၤအသးမ့ၢ်တကဲဘၣ် ဒီး, ကန့ၢ်မါန့ၢ်ဝၤဒၣ်ဝဲတက့ၢ်. အဂ့ၢ်ဒ်အံၤ, န့ၢ်မါန့ၢ် ဝၤဂ့ၤန့ၢ်တၢ်အိၣ်ဒီးသးကတၢတက့ၢ်လီၤ.

¹⁰ ဒီးပှၤဒီမိဝၤတဖၣ်ယမၤလိာ်အီၤ, ဘၣ်ဆၣ်ဒီးတမ့ၢ် ဘၣ်ယၤဘၣ်, မ့ၢ်ကစၢ်လီၤမါတဂၤ, မ်အသုတလဲၤသ ဒၣ်အဝၤတဂ့ၤ. ¹¹ ဘၣ်ဆၣ်ဒီးမ့ၢ်လဲၤသဒၣ်ဝဲဒီး, အဝၤ တအိၣ်ဘၣ်ဒီးမ်အအိၣ်တက့ၢ်. မ့တမ့ၢ်ဘၣ်ဒီး, မ်အ ဘၣ်လိာ်က့ၤအသးဒီးအဝၤန့ၣ်တက့ၢ်. ဒီးအဝၤတဂၤ န့ၣ်မ်အသုတပာ်မၢ်အမါတဂ့ၤ.

¹² လၢပှၤအိၣ်လီၤတဲာ်တဖၣ်န့ၣ်ယစံးဘၣ်ယဲ, တမ့ၢ် ဘၣ်ပကစၢ်ဘၣ်. ဒီပုၢ်ဝဲၢ်တဂၤဂၤမ့ၢ်အိၣ်ဒီးအမါလၢ အတနာ်ဘၣ်တၢ်, ဒီးမ့ၢ်ဘၣ်အသးလၢအကအိၣ်ဝဲ ဆိးဝဲဒီးအီၤဒီး, မ်အသုတပာ်မၢ်အီၤတဂ့ၤ. ¹³ ဒီးပိာ်မုၣ် လၢအအိၣ်ဒီးအဝၤလၢအတနာ်ဘၣ်တၢ်, ဒီးမ့ၢ်ဘၣ် အသးလၢအကအိၣ်ဝဲဆိးဝဲဒီးအီၤဒီး, မ်အသုတလဲၤ သဒၣ်အီၤတဂ့ၤ. ¹⁴ အဂ့ၢ်ဒ်အံၤ, ဝၤလၢအတနာ်ဘၣ် တၢ်တဂၤ, တၢ်ပာ်အီၤလၢအကဆှီလၢအမါအဃိ, ဒီး မါလၢအတနာ်ဘၣ်တၢ်တဂၤ, တၢ်ပာ်အီၤလၢအက ဆှီလၢအဝၤအဃိလီၤ. မ့တမ့ၢ်ဘၣ်ဒ်န့ၣ်ဒီး, သုဖိမ့ၢ် တၢ်တကဆှီဘၣ်လီၤ. မ့မ့ၢ်ခဲကနံၣ်အံၤ, မ့ၢ်အကဆှီဝဲ လီၤ.

¹⁵ ဘၣ်ဆၣ်ဒီးပှၤလၢအတနာ်ဘၣ်တၢ် မ့ၢ်လဲၤသဒၣ်ဝဲ ဒီး, ကလဲၤသဒၣ်ဒၣ်ဝဲတက့ၢ်. တၢ်မ့ၢ်မၤအသးဒ်န့ၣ်ဒီး, ဒီပုၢ်ဝဲၢ်မုၣ်မ့ၢ်ဂ့ၤ, ဒီပုၢ်ဝဲၢ်ခွါမ့ၢ်ဂ့ၤ, တဘၣ်စၢဃာ်ဘၣ် ဝဲဘၣ်. ဘၣ်ဆၣ်ဒီးယွၤကိးလံပှၤလၢတၢ်အိၣ်ဃူအိၣ် ဖိးအဂီၢ်လံ. ¹⁶ အဂ့ၢ်ဒ်အံၤ, ပိာ်မုၣ်ဧၢ, နတအုၣ်က့ၤခီၣ် က့ၤနဝၤဘၣ်န့ၣ်, နသ့ၣ်ညါဒ်လဲၣ်. ဒီးပိာ်ခွါဧၢ, နတ အုၣ်က့ၤခီၣ်က့ၤဘၣ်နမါဘၣ်န့ၣ်, နသ့ၣ်ညါဒ်လဲၣ်.―

¹⁷ ဘၣ်ဆၣ်ဒီးဒ်ယွၤဟ့ၣ်နီၤဖးတဂၤအတၢ်, တဂၤအတၢ် အသိး, ဒီးဒ်ကစၢ်ကိးလံပှၤတဂၤဒီးတဂၤအသိးန့ၣ်, မ်အလဲၤတၢ်ဒ်န့ၣ်အသိးတက့ၢ်. ဒီးယမၤလိာ်တၢ်ဒ်န့ၣ် အသိး, လၢတၢ်အိၣ်ဖှိၣ်တဖၣ်ခဲလၢာ်အပူၤလီၤ.

¹⁸ ပှၤတဂၤဂၤလၢအဒိးတၢ်ကူးတရံးန့ၣ်, မ့ၢ်ဘၣ်တၢ် ကိးအီၤဒီး, မ်အသုတကဲထီၣ်ပှၤလၢအတဒိးဘၣ်တၢ် ကူးတရံးတဂ့ၤ. ပှၤတဂၤဂၤလၢအတဒိးဘၣ်တၢ်ကူး တရံးမ့ၢ်ဘၣ်တၢ်ကိးအီၤဒီး, မ်အသုတဒိးတၢ်ကူးတရံး တဂ့ၤ. ¹⁹ တၢ်ဒိးတၢ်ကူးတရံးတမ့ၢ်ဘၣ်တၢ်ဘၣ်, ဒီးတၢ် တဒိးဘၣ်တၢ်ကူးတရံး တမ့ၢ်ဘၣ်တၢ်ဘၣ်. မ့မ့ၢ်တၢ် တိၢ်န့ၢ်ယွၤအတၢ်မၤလိာ်န့ၣ်, မ့ၢ်တၢ်လီၤ. ²⁰ တၢ်ကိးလၢ ပှၤအိၣ်တ့ၢ်လၢအပူၤ ဖဲတၢ်ကိးအီၤန့ၣ်, မ်အအိၣ်အ ဆိးဒၣ်တၢ်လၢအပူၤတက့ၢ်. ²¹ လၢတၢ်ကိးနၤ, နမ့မ့ၢ် ကုၢ်ဒီး, ပးကဲအဝဲန့ၣ်တဂ့ၤ. ဘၣ်ဆၣ်ဒီးနထူၣ်ဖျဲးမ့ၢ် သ့ဒီး, ဟံးန့ၢ်အဝဲန့ၣ်, မ့ၢ်အဂ့ၤတက့ၢ်လီၤ. ²² အဂ့ၢ်ဒ် အံၤ, ကုၢ်လၢအဘၣ်တၢ်ကိးအီၤလၢကစၢ်အပူၤ မ့ၢ်က စၢ်အပှၤထူၣ်ဖျဲးလီၤ. ဒ်န့ၣ်အသိးစ့ၢ်ကီး, ပှၤထူၣ်ဖျဲး လၢအဘၣ်တၢ်ကိးအီၤ, မ့ၢ်ခရံာ်အကုၢ်အပှၤလီၤ. ²³ တၢ် ပှ့ၤက့ၤသုလၢအပှ့ၤလီၤ. သုတကဲထီၣ်ပှၤကညီအကုၢ် အပှၤတဂ့ၤ. ²⁴ ပုၢ်သ့ၣ်ဝဲၢ်သ့ၣ်ဧၢ, တၢ်လၢပှၤအိၣ်တ့ၢ် လၢအပူၤ, ဖဲအဘၣ်တၢ်ကိးအီၤန့ၣ်, မ်အအိၣ်အဆိး လၢအပူၤဒီးယွၤတက့ၢ်.

²⁵ ဒီးလၢပမုၣ်ကနီၤအဂ့ၢ်အကျိၤန့ၣ်, ယတအိၣ်ဘၣ်ဒီး တၢ်မၤလိာ်လၢကစၢ်န့ၣ်ဘၣ်. မ့မ့ၢ်ဒ်ပှၤလၢအဒိးတၢ် သးကညီၤလၢကစၢ်လၢအကမ့ၢ် ပှၤအကလုၢ်တီအ သိးန့ၣ်, ယဟ့ၣ်ယတၢ်ဆိကမိၣ်လီၤ. ²⁶ မၤသးဒ်န့ၣ် ဒီးယဆိကမိၣ်လၢတၢ်အံၤ မ့ၢ်အဂ့ၤဝဲလၢတၢ်နးတၢ် ဖှီၣ်ခဲကနံၣ်အံၤအဃိန့ၣ်, လၢအမ့ၢ်တၢ်ဂ့ၤလၢပှၤက အိၣ်ဝဲဆိးဝဲဒ်အအိၣ်ဝဲအသိးလီၤ. ²⁷ မ့ၢ်နဘၣ်စၢဃာ် ဒီးမါန့ၣ်ဧါ. သုတဃုထူၣ်ဖျဲးတဂ့ၤ. မ့ၢ်နထူၣ်ဖျဲးဒီးမါ န့ၣ်ဧါ. ဃုန့ၢ်မါတဂ့ၤ. ²⁸ မ့ၢ်နာ်သက့ဒ်န့ၣ်ဒီးနမ့ၢ်န့ၢ်မါ စ့ၢ်ကီးဒီး, နတမၤကမၣ်ဘၣ်တၢ်ဘၣ်. ဒီးမုၣ်ကနီၤမ့ၢ် န့ၢ်ဝၤဒီး, တမၤကမၣ်ဘၣ်တၢ်ဘၣ်. မ့မ့ၢ်ပှၤဒ်န့ၣ်အ သိးတဖၣ်, ကဘၣ်တၢ်နးတၢ်ဖှီၣ်လၢပဖံးပညၣ်အပူၤ လီၤ. ဒီးယသးလီသုလီၤ.

²⁹ မ့မ့ၢ်ပုၢ်သ့ၣ်ဝဲၢ်သ့ၣ်ဧၢ, ယစံးတၢ်အံၤ, တၢ်အဆၢအ ကတီၢ်အံၣ်ကိာ်သတးဒီး, တၢ်အိၣ်လီၤတဲာ်မ့ၢ်လၢပှၤ အိၣ်ဒီးအမါ, ဘၣ်အိၣ်ဝဲ, ဒ်အတအိၣ်ဘၣ်အသိး, ³⁰ ဒီး ပှၤလၢအဟီၣ်, ဒ်အတဟီၣ်ဘၣ်အသိး, ဒီးပှၤလၢအ သူၣ်ဖှံသးညီ, ဒ်ပှၤလၢအတသူၣ်ဖှံသးညီဘၣ်အသိး, ဒီးပှၤလၢအပှ့ၤတၢ်, ဒ်အတၢ်တအိၣ်ဘၣ်အသိး, ³¹ ဒီး ပှၤလၢအမၤအအံၤတဃၣ်အတၢ်, ဒ်ပှၤလၢအတမၤ ဘၣ်နးကဲၣ်ဆိးအသိးန့ၣ်လီၤ. အဂ့ၢ်ဒ်အံၤ, တၢ်အိၣ် လၢခိအံၤ, အက့ၢ်အဂီၤဒံကွံာ်ဝဲလီၤ.

³² ဘၣ်ဆၣ်ဒီးယသးအိၣ်လၢသုသုတအိၣ်ဒီးတၢ်ဘၣ် ယိၣ်ဘၣ်ဘီတဂ့ၤလီၤ. ပှၤလၢအတန့ၢ်ဘၣ်အမါန့ၣ်, ကမၤဘၣ်ကစၢ်အသးဒ်လဲၣ်ဒ်လဲၣ်န့ၣ်, ဘၣ်ယိၣ်တၢ် လၢအဘၣ်ဃးဒီးကစၢ်အဂ့ၢ်လီၤ. ³³ မ့မ့ၢ်ပှၤလၢအအိၣ် ဒီးအမါန့ၣ်, ကမၤဘၣ်အမါအသးဒ်လဲၣ်ဒ်လဲၣ်န့ၣ်, ဘၣ်ယိၣ်တၢ်လၢအဘၣ်ဃးလၢ ဟီၣ်ခိၣ်အဂ့ၢ်လီၤ.―

³⁴ ပမါဒီးပမုၣ်ကနီၤန့ၣ်, တဒ်သိးလိာ်အသးစ့ၢ်ကီးဘၣ်. ပှၤလၢအဝၤတအိၣ်ဘၣ်န့ၣ်, ဘၣ်ယိၣ်တၢ်လၢအဘၣ် ဃးဒီးကစၢ်အဂ့ၢ်, ဒ်သိးအနီၢ်ခိမ့ၢ်ဂ့ၤ, အသးမ့ၢ်ဂ့ၤ, က စီကဆှံလီၤ. မ့မ့ၢ်ပှၤလၢအအိၣ်ဒီးအဝၤန့ၣ်, ကမၤဘၣ် အဝၤအသးဒ်လဲၣ်ဒ်လဲၣ်ဒီး, ဘၣ်ယိၣ်တၢ်လၢအဘၣ် ဃးဒီးဟီၣ်ခိၣ်အဂ့ၢ်လီၤ.

³⁵ ဒီးတၢ်တဖၣ်န့ၣ်, ယစံးဘၣ်သုလၢသုဘျုးအဂီၢ်လီၤ. တမ့ၢ်ဘၣ် ဒ်သိးယကကွံာ်ဖျီၣ် ပျံၤသကွီၤလၢသုလိၤ ဘၣ်. မ့မ့ၢ်လၢတၢ်ဂ့ၤအဂီၢ်, ဒ်သိးတၢ်တံာ်မုၢ်တံာ်တာ် တအိၣ်ဘၣ်ဒီး, သုကမၤကစၢ်အတၢ်လီၤ. ³⁶ ဘၣ်ဆၣ် ဒီးပှၤတဂၤဂၤ မ့ၢ်ဆိကမိၣ်လၢအမၤအပှၤမုၣ်ကနီၤတ ဂ့ၤတဘၣ်ဘၣ်, ဒီးအယူာ်အထံးမ့ၢ်တလၢကွံာ်ဒီးတၢ် မ့ၢ်ကြၢးဒ်န့ၣ်ဒီး, မ်အမၤတၢ်ဖဲဒၣ်အသးတက့ၢ်. တမ့ၢ် ဘၣ်အမၤတၢ်ဒဲးဘးဘၣ်. မ်အဝဲသ့ၣ်ဒိးဖျီလိာ်အသး တက့ၢ်.

³⁷ ဘၣ်ဆၣ်ဒီးပှၤလၢအလီၢ်တအိၣ်ဘၣ်, ဒီးအိၣ်ဂၢၢ်ဆိး ကျၢၤလၢအသး, ဒီးအိၣ်ဒီးအစိကမီၤလၢအသးဒၣ်ဝဲ အဖီခိၣ်, ဒီးစံၣ်ညီၣ်လံတၢ်အံၤလၢအသး, လၢအက ဟံးဃာ်အပှၤမုၣ်ကနီၤဒၣ်ဝဲန့ၣ်ဒီး, အဝဲဒၣ်မၤတၢ်ဂ့ၤ လီၤ. ³⁸ ဒ်န့ၣ်အသိး, ပှၤလၢအဒုးဖျီအီၤန့ၣ်မၤတၢ်ဂ့ၤ ဘၣ်ဆၣ်ဒီး, ပှၤလၢအတဒုးဖျီဘၣ်န့ၣ်, မၤတၢ်ဂ့ၤတ က့ၢ်လီၤ. ³⁹ ပိာ်မုၣ်ဖဲအဝၤမူဝဲအဖၢမုၣ်န့ၣ်, ဘၣ်စၢဃာ်ဒီးအဝၤလီၤ. မ့မ့ၢ်အဝၤမ့ၢ်သံဒီး, ထူၣ်ဖျဲးဝဲ, ဒီးကန့ၢ်ဘၣ်အဝၤဖဲဒၣ်အသးဘၣ်ဆၣ်ဒီး, ထဲလၢကစၢ်အပူၤဧိၤလီၤ.―

⁴⁰ ဘၣ်ဆၣ်ဒီးဒ်ယဆိကမိၣ်တၢ်အသိးန့ၣ်, မ့ၢ်အိၣ်ဒၣ် တၢ်ဒီး, ကမုာ်တက့ၢ်လီၤ. ဒီးယဆိကမိၣ်လၢယအိၣ် ဒီးယွၤအသးလီၤ.

၈

¹ ဒီးတၢ်လၢပှၤလုၢ်ထီၣ်အီၤလၢ တၢ်ဂီၤအဂ့ၢ်အကျိၤ န့ၣ်, ပသ့ၣ်ညါလၢပအိၣ်ဒီးတၢ်သ့ၣ်ညါကိးဂၤဒဲးလီၤ. တၢ်သ့ၣ်ညါဒုးအိၣ်ထီၣ်သးကဖၢလၢ, မ့မ့ၢ်တၢ်အဲၣ် တၢ်ကွံန့ၣ်မၤထီၣ်မၤထီတၢ်လီၤ. ² ဒီးပှၤတဂၤဂၤမ့ၢ် ဆိကမိၣ်လၢအသ့ၣ်ညါတၢ်တမံၤမံၤဒီး, ဒ်အကြၢး သ့ၣ်ညါဝဲအသိးန့ၣ်, တသ့ၣ်ညါဒံးဘၣ်တၢ်နီတမံၤ ဘၣ်. ³ မ့မ့ၢ်ပှၤတဂၤဂၤမ့ၢ်အဲၣ်ယွၤဒီး, အဝဲဒၣ်က ဘၣ်တၢ်သ့ၣ်ညါအီၤလၢယွၤလီၤ.

⁴ မၤသးဒ်န့ၣ်ဒီးတၢ်အီၣ်လၢပှၤလုၢ်ထီၣ်အီၤလၢတၢ်ဂီၤ အဂ့ၢ်န့ၣ်, ပသ့ၣ်ညါလၢတၢ်ဂီၤတမ့ၢ်ဘၣ်တၢ်နီတမံၤ ဘၣ်လၢဟီၣ်ခိၣ်ချၢ, ဒီးမ့တမ့ၢ်ဘၣ်ယွၤတဂၤဃီဘၣ် ဒီး, ကစၢ်တအိၣ်ဘၣ်နီတဂၤဘၣ်လီၤ. ⁵ အဂ့ၢ်ဒ်အံၤ, လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, တၢ်လၢပှၤကိးအီၤ လၢကစၢ်တဖၣ်အိၣ်ဝဲ, ဒ်ယွၤအိၣ်အါဂၤဒီးကစၢ်အိၣ် အါဂၤအသိးနာ်သက့ဒီး, ⁶ မ့မ့ၢ်လၢပဝဲဒၣ်, ပၢ်ယွၤ အိၣ်တဂၤဃီ, လၢတၢ်ခဲလၢာ်ကဲထီၣ်လၢအီၤ, ဒီးပအိၣ် ပဝဲလၢအဂီၢ်, ဒီးကစၢ်ယ့ၣ်ရှူးခရံာ်တဂၤဃီ, လၢတၢ် ခဲလၢာ်ကဲထီၣ်လၢအီၤ, ဒီးပကဲထီၣ်လၢအီၤလီၤ.

⁷ မ့မ့ၢ်တၢ်သ့ၣ်ညါအံၤတအိၣ်ဘၣ် လၢပှၤကိးဂၤဒဲးအ ပူၤဘၣ်. ဒီးပှၤတနီၤနီၤတုၤခဲကနံၣ်အံၤအိၣ်ဝဲဒီးအသး လၢအသ့ၣ်ညါဒၣ်တၢ်ဘၣ်ဃးဒီး တၢ်ဂီၤဒီးအီၣ်တၢ်ဒ် တၢ်လၢပှၤလုၢ်ထီၣ်အီၤလၢတၢ်ဂီၤအသိးလီၤ. ဒီးအသး လၢအသ့ၣ်ညါဒၣ် တၢ်အဂံၢ်စၢ်ဘါစၢ်ဒီး, ဘၣ်အၢဝဲ လီၤ. ⁸ ဘၣ်ဆၣ်ဒီးတၢ်အီၣ်တပာ်ဂ့ၤဘၣ်ပှၤလၢယွၤအ မဲာ်ညါဘၣ်. အဂ့ၢ်ဒ်အံၤ, ပမ့ၢ်အီၣ်ဒီး, ပတဂ့ၤထီၣ် ဘၣ်, ပမ့ၢ်တအီၣ်ဘၣ်ဒီး, ပတအၢလီၤဘၣ်.― ⁹ ဘၣ် ဆၣ်ဒီးဒ်သိးသုစိသုကမီၤအံၤ, သုတကဲထီၣ်လၢတၢ် လီၤဃံၤအလီၢ်လၢပှၤဂံၢ်စၢ်ဘါစၢ်တဂ့ၤဒီး, ပလီၢ်သု သးတက့ၢ်. ¹⁰ အဂ့ၢ်ဒ်အံၤ, ပှၤတဂၤဂၤမ့ၢ်ထံၣ်နၤ, လၢ အအိၣ်ဒီးတၢ်သ့ၣ်ညါတဂၤ, ဆ့ၣ်နီၤအီၣ်တၢ်လၢတၢ် ဂီၤအဟံၣ်ပူၤဒီး, ပှၤလၢအဂံၢ်စၢ်အဘါစၢ်တဂၤန့ၣ်, အ သးလၢအသ့ၣ်ညါဒၣ်တၢ်, ကကျၢၤထီၣ်တုၤအကအီၣ် တၢ်လၢပှၤလုၢ်ထီၣ်အီၤလၢတၢ်ဂီၤ, တမ့ၢ်ဘၣ်ဧါ. ¹¹ ဒီး မ့ၢ်နတၢ်သ့ၣ်ညါအဃိဒီး, နဒီပုၢ်ဝဲၢ်လၢအဂံၢ်စၢ်ဘါ စၢ်, လၢခရံာ်ဒိးသံအသးလၢအဂီၢ်တဂၤ, ကဟးဂီၤ လီၤ. ¹² တုၤသုမၤကမၣ်သုဒီပုၢ်ဝဲၢ်ဒ်န့ၣ်, ဒီးမၤဆါအ သးလၢအသ့ၣ်ညါဒၣ်တၢ်, လၢအဂံၢ်စၢ်ဘါစၢ်န့ၣ်ဒီး, သုမၤကမၣ်ခရံာ်လီၤ. ¹³ မၤသးဒ်န့ၣ်ဒီးတၢ်အီၣ်မ့ၢ်ဒုး လီၤကမၣ်ယဒီပုၢ်ဝဲၢ်ဒီး, တစိၤဒၣ်ယၤယတအီၣ်လၢၤ ဘၣ်တၢ်ညၣ်, ဒ်သိးယဒီပုၢ်ဝဲၢ်သုတလီၤကမၣ်တၢ်တ ဂ့ၤလီၤ.

၉

¹ မ့ၢ်ယတမ့ၢ်ဘၣ်တၢ်မၢဖိဘၣ်ဧါ. မ့ၢ်ယတမ့ၢ်ဘၣ်ပှၤ ထူၣ်ဖျဲးဖိဘၣ်ဧါ. မ့ၢ်ယတထံၣ်ဘၣ်လံပကစၢ်ယ့ၣ်ရှူး ခရံာ်ဘၣ်ဧါ. မ့ၢ်သုတမ့ၢ်ဘၣ်ယတၢ်မၤလၢကစၢ်အ ပူၤဘၣ်ဧါ. ² ယမ့တမ့ၢ်ဘၣ်ပှၤတၢ်မၢဖိလၢပှၤဂၤအဂီၢ် ဘၣ်ဆၣ်ဒီး, ယမ့ၢ်မးလၢသုဂီၢ်လီၤ. အဂ့ၢ်ဒ်အံၤ, သုအိၣ် လၢကစၢ်အပူၤန့ၣ်, သုမ့ၢ်တၢ်စဲပနီၣ်ဃာ်လၢယမ့ၢ်ပှၤ တၢ်မၢဖိလီၤ. ³ ပှၤလၢအသံကွၢ်သံဒိးယၤန့ၣ်, ယစံး ဆၢအီၤဒ်အံၤ, ⁴ ဒ်သိးပကအီၣ်တၢ်အီတၢ်န့ၣ်, ပစိပ ကမီၤတအိၣ်ဘၣ်ဧါ. ဒ်သိးပကဟးဝ့ၤဝီၤဆှၢဒီပုၢ်ဝဲၢ် မုၣ်ပမါဒ်တၢ်မၢဖိအဂၤတဖၣ်, ⁵ ဒီးပကစၢ်အဒီပုၢ်ဝဲၢ် သ့ၣ်တဖၣ်, ဒီးစီၤက့ၤဖး, အသိးန့ၣ်, ပစိပကမီၤတအိၣ် ဘၣ်ဧါ. ⁶ ထဲယၤတဂၤ, ဒီးစီၤဘၢ်နါဘၤ, ပစိပကမီၤ လၢပသုတမၤတၢ်ဖံးတၢ်တဂ့ၤန့ၣ်, တအိၣ်ဘၣ်ဧါ. ⁷ အ ဘူးအလဲတအိၣ်ဘၣ်ဒီး, မ့ၢ်မတၤလဲၤဒုးတၢ်တဘျီဘျီ တဂၤလဲၣ်. မ့ၢ်မတၤသူၣ်စပံးအလီၢ်, ဒီးတအီၣ်ဘၣ် အသၣ်တဂၤလဲၣ်. မ့ၢ်မတၤကွၢ်သိတဖုဒီး, တအီၣ် ဘၣ်တဖုန့ၣ်အနုၢ်ထံဘၣ်တဂၤလဲၣ်.

⁸ မ့ၢ်ယစံးတၢ်တဖၣ်န့ၣ်ဒ်ပှၤကညီအသိး, မ့ၢ်တၢ်သိၣ် တၢ်သီစံးစ့ၢ်ကီးတၢ်တဖၣ်န့ၣ်လဲၣ်. ⁹ အဂ့ၢ်ဒ်အံၤ, တၢ် ကွဲးအသးလၢစီၤမိၤရှ့အတၢ်သိၣ်တၢ်သီအပူၤ, ဂီၤဖံး လၢအယီၢ်ဘုန့ၣ်, သုတပသံးဃာ်အထးခိၣ်တဂ့ၤ.+ ၅မိၤ. ၂၅း၁၀၄|Deut.25.104*. မ့ၢ်ယွၤအံးက့ၤကွၢ်က့ၤ ဂီၤဖံးဧါ. ¹⁰ မ့ၢ် အစံးတၢ်န့ၣ်ခဲလၢာ်လၢပဂီၢ်လဲၣ်. မ့ၢ်မးတၢ်ကွဲးအသး လၢပဂီၢ်, ဒ်သိးပှၤလၢအထဲၣ်တၢ်ကထဲၣ်တၢ်အိၣ်ဒီး တၢ်မုၢ်လၢ်, ဒီးပှၤလၢအယီၢ်ဘုအိၣ်ဒီးတၢ်မုၢ်လၢ်န့ၣ်, ကန့ၢ်ဘၣ်တၢ်လၢအမုၢ်လၢ်ဝဲလီၤ. ¹¹ ပဝဲဒၣ်အံၤ, ပမ့ၢ်ဖှံ တၢ်ဘၣ်ဃးဒီးသးလၢသုဂီၢ်ဒီး, သုတၢ်ဘၣ်ဃးဒီးတၢ် ညၣ်ပမ့ၢ်ကူးဒီး, မ့ၢ်တၢ်အဒိၣ်အမုၢ်ဧါ. ¹² ပှၤဂၤမ့ၢ်အိၣ် ဒီးတၢ်စိတၢ်ကမီၤအံၤ လၢသုဖီခိၣ်ဒီး, ပဝဲဒၣ်အံၤအါ န့ၢ်အန့ၣ်တက့ၢ်, တမ့ၢ်ဘၣ်ဧါ. ဘၣ်ဆၣ်ဒီးပတမၤဘၣ် တၢ်စိတၢ်ကမီၤအံၤဘၣ်. မ့ၢ်ပဒိးတၢ်ခဲလၢာ်, ဒ်သိးပသု တတြီတၢ်သးခုကစီၣ်တဂ့ၤလီၤ.

¹³ မ့ၢ်သုတသ့ၣ်ညါဘၣ်လၢပှၤလၢ အမၤတၢ်စီဆှံအ တၢ်မၤတဖၣ်, အီၣ်တၢ်ဘၣ်ဃးဒီးတၢ်လုၢ်အဟံၣ်, ဒီး ပှၤလၢအမၤတၢ်လုၢ်လီၢ်အတၢ်မၤန့ၣ်, န့ၢ်ဘၣ်တၢ်ဘၣ် ဃးဒီးတၢ်လုၢ်လီၢ်, တမ့ၢ်ဘၣ်ဧါ. ¹⁴ ဒ်န့ၣ်အသိးစ့ၢ် ကီး, ကစၢ်စံၣ်ညီၣ်ဝဲလၢ ပှၤလၢအစံၣ်တဲၤတဲလီၤတၢ် သးခုအကစီၣ်တဖၣ်န့ၣ်, ကမူဝဲလၢတၢ်ဘၣ်ဃးဒီး တၢ်သးခုအကစီၣ်လီၤ ¹⁵ ဘၣ်ဆၣ်ဒီးယတမၤန့ၢ်ဘၣ် တၢ်တဖၣ်န့ၣ်နီတမံၤဘၣ်. ဒီးယတကွဲးဘၣ်တၢ်အံၤ, ဒ်သိးပှၤကမၤတၢ်ဒ်န့ၣ်လၢယဂီၢ်ဘၣ်. အဂ့ၢ်ဒ်အံၤ, ယ မ့ၢ်သံဒီး, ဂ့ၤန့ၢ်ပှၤဒုးကဲထီၣ်ယတၢ်ပာ်ယသးကဖၢလၢ အံၤလၢတၢ်ကလီကလီန့ၣ်တက့ၢ်လီၤ. ¹⁶ အဂ့ၢ်ဒ်အံၤ, ယမ့ၢ်စံၣ်တဲၤတဲလီၤတၢ်သးခုကစီၣ်ဒီး, တမ့ၢ်ဘၣ်ယ ပာ်ယသးကဖၢလၢအလီၢ်အိၣ်န့ၣ်ဘၣ်. အဂ့ၢ်ဒ်အံၤ, ယဘၣ်မၤဒ်န့ၣ်လီၤ. မ့ၢ်မးယမ့ၢ်တစံၣ်တဲၤတဲလီၤဘၣ် တၢ်သးခုကစီၣ်ဘၣ်ဒီး, ယကဘၣ်အဖှီၣ်လီၤ. ¹⁷ အ ဂ့ၢ်ဒ်အံၤ, လၢယသးလိၣ်ထီၣ်ဒၣ်ဝဲအဃိယမ့ၢ်မၤတၢ် ဒီး, ယအိၣ်ဒီးယဘူးယလဲလီၤ. ဘၣ်ဆၣ်ဒီးမ့တမ့ၢ် လၢယသးလိၣ်ထီဒၣ်ဝဲအဃိဘၣ်ဒီး, မ့ၢ်မးတၢ်ဒုးမၤ ယၤလၢပှၤကွၢ်တၢ်အလီၢ်လီၤ.

¹⁸ မၤသးဒ်န့ၣ်ဒီးယဘူးယလဲမ့ၢ်မနုၤလဲၣ်. မ့ၢ်လၢယက စံၣ်တဲၤတဲလီၤတၢ်သးခုကစီၣ်ဒီး, တပာ်ဘၣ်တၢ်သး ခုအကစီၣ်အပှ့ၤဘၣ်, ဒ်သိးယသုတမၤဒီးယစိယက မီၤလၢတၢ်သးခုကစီၣ်အပူၤ အါကဲၣ်ဆိးတဂ့ၤန့ၣ် လီၤ. ¹⁹ အဂ့ၢ်ဒ်အံၤ, ယထူၣ်ဖျဲးဒီးပှၤခဲလၢာ်ဘၣ်ဆၣ်ဒီး ယပာ်လီၤယသးလၢပှၤခဲလၢာ်အကုၢ်အပှၤ, ဒ်သိးယ ကမၤန့ၢ်ပှၤအါတက့ၢ်လီၤ. ²⁰ လၢပှၤယူဒၤဖိအဂီၢ်, ယ ကဲထီၣ်တၢ်ဒ်ပှၤယူဒၤဖိအသိး, ဒ်သိးယကန့ၢ်ဘၣ်ပှၤ ယူဒၤဖိလီၤ. လၢပှၤအိၣ်လၢတၢ်သိၣ်တၢ်သီအဖီလာ် အဂီၢ်, ဒပှၤအိၣ်လၢတၢ်သိၣ်တၢ်သီအဖီလာ်, ဒ်သိးယကန့ၢ်ဘၣ် ပှၤအိၣ်လၢတၢ်သိၣ်တၢ်သီအဖီလာ်လီၤ.― ²¹ လၢပှၤလၢအတအိၣ်ဘၣ်ဒီးတၢ်သိၣ်တၢ်သီဘၣ်အဂီၢ်, ဒ်ပှၤလၢ တၢ်သိၣ်တၢ်သီတအိၣ်ဘၣ်အသိး, တအိၣ် ဘၣ်ဒီး ယွၤအတၢ်သိၣ်တၢ်သီတမ့ၢ်ဘၣ်, မ့ၢ်ယအိၣ် လၢခရံာ်အတၢ်သိၣ်တၢ်သီအဖီလာ်, ဒ်သိးယကန့ၢ် ဘၣ်ပှၤလၢအတအိၣ်ဘၣ်ဒီးတၢ်သိၣ်တၢ်သီန့ၣ်လီၤ.

²² လၢပှၤအဂံၢ်စၢ်အဘါစၢ်အဂီၢ်, ဒ်ပှၤဂံၢ်စၢ်ဘါစၢ်အသိး, ဒ်သိးယကန့ၢ်ဘၣ် ပှၤအိၣ်ဒီးအဂံၢ်စၢ်ဘါစၢ်န့ၣ်လီၤ. လၢပှၤခဲလၢာ်အဂီၢ်, ယကဲတၢ်ခဲလၢာ်, ဒ်သိးယမၤတၢ် ခဲလၢာ်သတးဒီး ယကအုၣ်က့ၤခီၣ်က့ၤ ပှၤတနီၤနီၤ လီၤ. ²³ ဒီးယမၤတၢ်ခဲလၢာ် လၢတၢ်သးခုအကစီၣ်အ ဃိ, ဒ်သိးယကကဲလၢ ပှၤန့ၢ်ဃုာ်အဘျုးအဖှိၣ်န့ၣ်လီၤ.

²⁴ မ့ၢ်သုတသ့ၣ်ညါဘၣ်လၢ ပှၤလၢအဃ့ၢ်သတြီၤတၢ် တဖၣ်န့ၣ်, ဃ့ၢ်ခဲလၢာ်ဘၣ်ဆၣ်ဒီးပှၤန့ၢ်ဘၣ်တၢ်မ့ၢ်ထဲ တဂၤဧိၤန့ၣ်ဘၣ်ဧါ. ဒ်သိးသုကန့ၢ်တၢ်ဒီး, ဃ့ၢ်ဒ်န့ၣ်သိး တက့ၢ်. ²⁵ ဒီးကယဲၢ်ပှၤလၢအဂုာ်မၤသတြီၤတၢ်တဖၣ် န့ၣ်, ကီၤဒၣ်အသးလၢတၢ်ခဲလၢာ်လီၤ. ဒီးအဝဲသ့ၣ်မၤ ဝဲဒ်သိးအကန့ၢ်ဘၣ်တၢ်ခိၣ်သလုးလၢ အအုၣ်သံကျၣ် သံဒၣ်တၢ်လီၤ. မ့မ့ၢ်ပဝဲဒၣ်အံၤ, တၢ်လၢအတအုၣ်သံ ကျၣ်သံဘၣ်လီၤ. ²⁶ မၤသးဒ်န့ၣ်ဒီး ယဃ့ၢ်တၢ်ဒ်န့ၣ်အ သိး, ဒ်ပှၤသးဒ့ဒီအသိးတမ့ၢ်ဘၣ်. ယထိတၢ်ဒ်န့ၣ်အ သိး, ဒ်ပှၤတီၢ်ကလံၤအသိးတမ့ၢ်ဘၣ်. ²⁷ မ့ၢ်ယမၤနၢၤ မၤဃၣ်ယနီၢ်ခိ, ဒီးယမၢအကဲကုၢ်ဒ်သိးယစံၣ်တဲၤတဲ လီၤတၢ်လၢပှၤဂၤဝံၤဒီး, ယသုတကဲလၢပှၤဘၣ်တၢ်ညိ ကွံာ်အီၤယကစၢ်ဒၣ်ယဲတဂ့ၤလီၤ.

၁၀

¹ အဂ့ၢ်ဒ်အံၤ, ပုၢ်သ့ၣ်ဝဲၢ်သ့ၣ်ဧၢ, ယသးတအိၣ်ဘၣ်လၢ သုတသ့ၣ်ညါဘၣ်, လၢပပၢ်သ့ၣ်ခဲလၢာ်အိၣ်လၢတၢ် အၢၣ်အဖီလာ်, ဒီးခီဂာ်ပီၣ်လဲၣ်, ² ဒီးဒိးဘျၢ*အသးခဲ လၢာ်လၢတၢ်အၢၣ်ဒီးပီၣ်လဲၣ်အပူၤ ဆူစီၤမိၤရှ့အပူၤ,―

³ ဒီးအီၣ်တၢ်အီၣ်ဘၣ်ဃးဒီးသးတမံၤဃီခဲလၢာ်, ဒီးအီ တၢ်အီဘၣ်ဃးဒီး သးတမံၤဃီခဲလၢာ်လီၤ. ⁴ အဂ့ၢ်ဒ် အံၤ, အီတၢ်လၢလၢၢ်ဘၣ်ဃးဒီးသးလၢအပိာ်အခံ, ဒီး လၢၢ်န့ၣ်မ့ၢ်ခရံာ်လီၤ.― ဘၣ်ဆၣ်ဒီး ပှၤအါတက့ၢ်တ ဖၣ်န့ၣ်, တဘၣ်ယွၤအသးဘၣ်. အဂ့ၢ်ဒ်အံၤ, တၢ်က လ့ၢ်လီၤအီၤလၢပှၢ်မုၢ်ကနၢလီၤ.

⁶ ဒီးတၢ်တဖၣ်န့ၣ် ကဲတၢ်အဒိအတဲာ်လၢပဂီၢ်, ဒ်သိး ပသုတသးကွံတၢ်အၢတၢ်သီ, ဒ်အဝဲသ့ၣ်သးကွံတၢ် အသိးန့ၣ်တဂ့ၤ. ⁷ ဒီးသုတကဲထီၣ်ပှၤဘါတၢ်ဂီၤဒ်အဝဲ သ့ၣ်တနီၤနီၤအသိးတဂ့ၤ. ဒ်တၢ်ကွဲးအသးအသိးန့ၣ်, ပှၤဂီၢ်မုၢ်ဆ့ၣ်နီၤအီၣ်တၢ်ဒီးအီတၢ်ဒီး, ဂဲၤဆၢထၢၣ်လိာ်ကွဲတၢ်လီၤ.―+ ၂မိၤ. ၃၂း၆|Exod.32.6⁸ ဒီးသုတမၤကမၣ်မုၣ်ကမၣ် ခွါ, ဒ်အဝဲသ့ၣ်တနီၤနီၤမၤကမၣ်မုၣ်ကမၣ်ခွါ, ဒီးလီၤ ဃံၤဝဲခံကလးသၢကထိလၢ မုၢ်တနံၤဃီအသိးန့ၣ်တ ဂ့ၤ.+ ၂မိၤ. ၃၂း၆|Exod.32.6⁹ ဒီးသုတလ့ပစီခရံာ်ဒ်အဝဲသ့ၣ်တနီၤနီၤ လ့ပစီ တၢ်အသိး, ဒီးသံဝဲလၢဂုၢ်န့ၢ်တဖၣ်န့ၣ်တဂ့ၤ. ¹⁰ ဒီးသု တကဒူးကဒ့ၣ်တၢ်, ဒ်အဝဲသ့ၣ်တနီၤနီၤ ကဒူးကဒ့ၣ် တၢ်အသိး, ဒီးတၢ်မၤဟးဂီၤတၢ်န့ၣ်, မၤဟးဂီၤအီၤန့ၣ်တဂ့ၤ.

¹¹ ဒီးတၢ်န့ၣ်တဖၣ်ခဲလၢာ် မၤအသးလၢအဝဲသ့ၣ်အ လိၤ, ဒီးကဲလၢတၢ်အဒိအတဲာ်, ဒီးအိၣ်ကွဲးအသးလၢ ပဝဲဒၣ်, လၢတၢ်အစိၤကတၢၢ်ဟဲဘၣ်အီၤအဂီၢ်, ဒ်သိး ပကဘၣ်တၢ်သိၣ်က့ၤသီက့ၤန့ၣ်လီၤ. ¹² မၤသးဒ်န့ၣ်ဒီး ပှၤလၢအဆိကမိၣ်လၢအအိၣ်ဆၢထၢၣ်န့ၣ်, ဒ်သိးအ သုတလီၤဃံၤတဂ့ၤဒီး, မ်အပလီၢ်အသးတက့ၢ်. ¹³ တ မ့ၢ်ဘၣ်သုဘၣ်တၢ်လ့ပစီလၢ အတဘၣ်ဒံးဘၣ်ပှၤက ညီဘၣ်. ဒီးယွၤမၤဝဲအကလုၢ်တီသတးဒီး, တၢ်လ့ပစီ လၢအဆူၣ်ကဲၣ်ဆိး, လၢသုဒိးတကဲဘၣ်န့ၣ်, တဒုးဒိး ဘၣ်သုဘၣ်. မ့မ့ၢ်လၢတၢ်လ့ပစီအပူၤ, ကမၤထီၣ်ကျဲ ဒ်သိးသုကပူၤဖျဲးလၢအီၤလီၤ.

¹⁴ မၤသးဒ်န့ၣ်ဒီးပှၤလၢယအဲၣ်အီၤသ့ၣ်ဧၢ, ဃ့ၢ်ဟးဆှဲး တၢ်ဘါတၢ်ဂီၤတက့ၢ်. ¹⁵ ယစံးဘၣ်တဲဘၣ်သုဒ်ပှၤကူၣ် တၢ်သ့တဖၣ်အသိးန့ၣ်လီၤ. တၢ်လၢယစံးတၢ်န့ၣ်, စံၣ် ညီၣ်သုဝဲတက့ၢ်. ¹⁶ တၢ်ဆိၣ်ဂ့ၤအလီခီလၢ ပဆိၣ်ဂ့ၤ အီၤန့ၣ်, တမ့ၢ်ဘၣ်တၢ်ရ့လိာ်ဒီးခရံာ် အသွံၣ်ဘၣ်ဧါ. ကိၣ်လၢပစိၢ်ဘျဲးအီၤန့ၣ်, တမ့ၢ်ဘၣ်တၢ်ရ့လိာ်ဒီးခရံာ် အနီၢ်ခိဘၣ်ဧါ. ¹⁷ အဂ့ၢ်ဒ်အံၤ, ပဝဲဒၣ်ပအိၣ်အါဂၤဒီး, ပ မ့ၢ်ကိၣ်တဖျၢၣ်ဃီ, ပမ့ၢ်နီၢ်တဂၤဃီလီၤ. အဂ့ၢ်ဒ်အံၤ, ပအီၣ်ကိၣ်တဖျၢၣ်ဃီခဲလၢာ်လီၤ.

¹⁸ ကွၢ်ပှၤအံၣ်စရ့လးဖိ ဒ်ပဖံးပညၣ်အသိးန့ၣ်တက့ၢ်. ပှၤလၢအအီၣ်တၢ်လုၢ်တဖၣ်န့ၣ်, မ့ၢ်အတဘၣ်ဃးဒီး တၢ်လုၢ်အလီၢ်ဘၣ်ဧါ.

¹⁹ မၤသးဒ်န့ၣ်ဒီးမ့ၢ်ယစံးဒ်လဲၣ်. လၢတၢ်ဂီၤမ့ၢ်တၢ်တ မံၤမံၤဧါ. ဒီးတၢ်လၢပှၤလုၢ်လၢတၢ်ဂီၤ မ့ၢ်တၢ်တမံၤမံၤ ဧါ. ²⁰ တမ့ၢ်ဘၣ်. မ့ၢ်ယစံးလၢပှၤကလုာ်တဖၣ်န့ၣ်, တ လုၢ်ထီၣ်တၢ်လၢယွၤဘၣ်. မ့ၢ်အလုၢ်ထီၣ်တၢ်လၢတၢ် နါတဖၣ်လီၤ.+ ၅မိၤ. ၃၂း၁၇|Deut.32.17ဒီးယသးတအိၣ်ဘၣ် လၢသုကဘၣ်ဃးဒီးတၢ်နါဘၣ်. ²¹ သုအီကစၢ်အလီခီ ဒီးတၢ်နါအလီခီတသ့ဘၣ်. သုအီၣ်တၢ်လၢကစၢ်အ မ့ၤလၣ်, ဒီးတၢ်နါအမ့ၤလၣ်တသ့ဘၣ်. ²² ပကထိၣ်ဂဲၤ ယွၤအသးက့ၣ်န့ၣ်ဧါ. မ့ၢ်ပဆူၣ်န့ၢ်အီၤတက့ၢ်ဧါ.

²³ တၢ်ခဲလၢာ်မ့ၢ်အတီအလိၤ, ဘၣ်ဆၣ်ဒီး, တၢ်ခဲလၢာ် တမၤအါထီၣ်တၢ်ဘျုးတၢ်ဖှိၣ်ဘၣ်. တၢ်ခဲလၢာ်မ့ၢ်အ တီအလိၤဘၣ်ဆၣ်ဒီး, တၢ်ခဲလၢာ်တမၤထီၣ်မၤထီ ဘၣ်တၢ်ဘၣ်. ²⁴ မ်ပှၤသုတဃုအတၢ်ဒၣ်ဝဲနီတဂၤတ ဂ့ၤ. မ်အဃုပှၤဂၤအတၢ်ကိးအဂၤဒဲးတက့ၢ်. ²⁵ ကယဲၢ် တၢ်လၢပှၤဆါကွံာ်လၢဖၠါပူၤန့ၣ်, အီၣ်ကၢ်နဲာ်, သံကွၢ် တၢ်လၢ သးလၢအသ့ၣ်ညါဒၣ်တၢ်အဃိ, နီတမံၤတ ဂ့ၤ. ²⁶ အဂ့ၢ်ဒ်အံၤ, ဟီၣ်ခိၣ်ဒီးတၢ်လၢအမၤပှဲၤအီၤန့ၣ်, မ့ၢ်ယွၤအတၢ်လီၤ.+ စံး. ၂၄း၁|Ps.24.1

²⁷ ဒီးပှၤတဂၤဂၤလၢအတစူၢ်တနာ်ဘၣ်မ့ၢ်ကိးသု, ဒီးတၢ် မ့ၢ်မိၣ်လဲၤဘၣ်သုသးဒီး, ကယဲၢ်တၢ်လၢအပာ်လၢသု မဲာ်ညါ, အီၣ်ကၢ်နဲာ်, သံကွၢ်တၢ်လၢသးလၢအသ့ၣ် ညါဒၣ်တၢ်အဃိ, နီတမံၤတဂ့ၤ. ²⁸ ဘၣ်ဆၣ်ဒီးပှၤတဂၤ ဂၤမ့ၢ်စံးဘၣ်သု, တၢ်အံၤမ့ၢ်ပှၤလုၢ်ထီၣ်အီၤလၢတၢ်ဂီၤ လီၤန့ၣ်ဒီး, အီၣ်တဂ့ၤ, လၢပှၤဒုးနဲၣ်တၢ်အဃိ, ဒီးသး လၢအသ့ၣ်ညါဒၣ်တၢ်အဃိလီၤ. ²⁹ သးလၢအသ့ၣ်ညါ ဒၣ်တၢ်ဒၣ်နဲန့ၣ်ယတစံးဘၣ်. မ့ၢ်အဝဲတဂၤအသးလီၤ. အဂ့ၢ်ဒ်အံၤ, ယတၢ်ထူၣ်ဖျဲးကဘၣ်တၢ်စံၣ်ညီၣ်ဃၣ် လၢပှၤဂၤအသးလၢ အသ့ၣ်ညါဒၣ်တၢ်, ဘၣ်မနုၤ လဲၣ်. ³⁰ ယမ့ၢ်ဟံးန့ၢ်တၢ်, အိၣ်ဒီးတၢ်စံးထီၣ်ပတြၢၤ အဘျုးအဖှိၣ်ဒီး, ဘၣ်မနုၤလၢယဘၣ်တၢ်ဒုၣ်ဒွဲၣ်လၢ တၢ်လၢယစံးထီၣ်ပတြၢၤတၢ်အဘျုးအဖှိၣ် လၢအဃိ န့ၣ်လဲၣ်.

³¹ မၤသးဒ်န့ၣ်ဒီးသုအီၣ်တၢ်မ့ၢ်ဂ့ၤ, သုအီတၢ်မ့ၢ်ဂ့ၤ, က ယဲၢ်တၢ်လၢသုမၤမ့ၢ်ဂ့ၤ, မၤတၢ်ခဲလၢာ်လၢယွၤအလၤ ကပီၤအဂီၢ်တက့ၢ်. ³² သုတကဲလၢတၢ်လီၤကမၣ်အ လီၢ်လၢပှၤယူဒၤဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ်ဂ့ၤ, ယွၤအတၢ် အိၣ်ဖှိၣ်မ့ၢ်ဂ့ၤန့ၣ်တဂ့ၤ. ³³ ဒ်ယမၤယဲစ့ၢ်ကီးလၢတၢ်ခဲ လၢာ်ဒ်သိးယကမၤဘၣ်ပှၤခဲလၢာ်အသး, ဒီးယတဃု ဘၣ်ယဘျုးဒၣ်ယဲဘၣ်, မ့မ့ၢ်ပှၤအါဂၤအဘျုး, ဒ်သိး အကတုၤလၢတၢ်အုၣ်က့ၤခီၣ်က့ၤအီၤလီၤ.

၁၁

¹ ကွၢ်လိယၤ, ဒ်ယကွၢ်လိယဲစ့ၢ်ကီးခရံာ်အသိးန့ၣ်တ က့ၢ်. ² ပုၢ်သ့ၣ်ဝဲၢ်သ့ၣ်ဧၢ, ယစံးထီၣ်ပတြၢၤသုလၢသု သ့ၣ်ညါနီၣ်ထီၣ်က့ၤယၤလၢတၢ်ခဲလၢာ်, ဒီးတိၢ်န့ၢ်တၢ် မၤလိာ်တဖၣ်, ဒ်ယဟ့ၣ်လီၤသုအသိးအဃိန့ၣ်လီၤ.

³ ဘၣ်ဆၣ်ဒီးယသးအိၣ်လၢသုကသ့ၣ်ညါလၢ ကယဲၢ် ပိာ်ခွါတဂၤလၢ်လၢ်အခိၣ်မ့ၢ်ခရံာ်, ဒီးပိာ်မုၣ်အခိၣ်မ့ၢ် ပိာ်ခွါ, ဒီးခရံာ်အခိၣ်မ့ၢ်ယွၤလီၤ. ⁴ ကယဲၢ်ပိာ်ခွါလၢအ ဘါထုကဖၣ်တၢ်မ့ၢ်ဂ့ၤ, ကတိၤတၢ်လၢဝံအကျိာ်မ့ၢ် ဂ့ၤ, မ့ၢ်ကျၢၢ်ဘၢအခိၣ်ဒီး, မ့ၢ်အမၤဟးဂီၤအခိၣ်အလၤ အကပီၤလီၤ. ⁵ မ့မ့ၢ်ကယဲၢ်ပိာ်မုၣ်လၢအဘါထုကဖၣ် တၢ်မ့ၢ်ဂ့ၤ, ကတိၤတၢ်လၢဝံကျိာ်မ့ၢ်ဂ့ၤ, မ့ၢ်တကျၢၢ်ဘၢ ဘၣ်အခိၣ်ဒီး, မ့ၢ်အမၤဟးဂီၤ အခိၣ်အလၤအကပီၤ လီၤ. အဂ့ၢ်ဒ်အံၤ, မ့ၢ်ဒ်သိးသိးဒီးတၢ်လူၤအခိၣ်လီၤ. ⁶ အ ဂ့ၢ်ဒ်အံၤ, ပိာ်မုၣ်မ့ၢ်တကျၢၢ်ဘၢဘၣ်အသးဒီး, မ်အလူၤ အခိၣ်တက့ၢ်. ဘၣ်ဆၣ်ဒီးတံာ်အခိၣ်မ့ၢ်ဂ့ၤ, လူၤအခိၣ် မ့ၢ်ဂ့ၤ, မ့မ့ၢ်တၢ်မဲာ်ဆှးလၢပိာ်မုၣ်ဒီး, မ်အကျၢၢ်ဘၢအ သးတက့ၢ်. ⁷ အဂ့ၢ်ဒ်အံၤ, ပိာ်ခွါမ့ၢ်ယွၤအက့ၢ်အဂီၤဒီး အလၤကပီၤသတးဒီး, တဂ့ၤကျၢၢ်ဘၢဘၣ်အခိၣ်ဘၣ်. မ့မ့ၢ်ပိာ်မုၣ်မ့ၢ်ပိာ်ခွါအလၤအကပီၤလီၤ. ⁸ အဂ့ၢ်ဒ်အံၤ, တမ့ၢ်ဘၣ်ပိာ်ခွါအိၣ်ထီၣ်လၢပိာ်မုၣ်ဘၣ်. မ့ၢ်ပိာ်မုၣ် အိၣ်ထီၣ်လၢပိာ်ခွါလီၤ. ⁹ အဂ့ၢ်ဒ်အံၤ, တမ့ၢ်စ့ၢ်ကီးဘၣ် ပိာ်ခွါဘၣ်တ့အသးလၢပိာ်မုၣ်အဂီၢ်ဘၣ်. မ့ၢ်ပိာ်မုၣ် ဘၣ်တ့အသးလၢပိာ်ခွါအဂီၢ်လီၤ. ¹⁰ မၤသးဒ်န့ၣ်ဒီးပိာ် မုၣ်ဂ့ၤအိၣ်ဒီးအစိအကမီၤလၢအခိၣ်အဖီခိၣ်, လၢက လူးတဖၣ်အဃိလီၤ.

¹¹ ဘၣ်ဆၣ်ဒီးလၢကစၢ်အပူၤ, ပိာ်ခွါတအိၣ်ဘၣ်ဒီးပိာ် မုၣ်တမ့ၢ်ဘၣ်, ဒီးပိာ်မုၣ်တအိၣ်ဘၣ် ဒီးပိာ်ခွါတမ့ၢ် ဘၣ်. ¹² အဂ့ၢ်ဒ်အံၤ, ဒ်ပိာ်မုၣ်အိၣ်ထီၣ်လၢပိာ်ခွါအသိး, ဒ်န့ၣ်အသိးပိာ်ခွါအိၣ်ထီၣ်လၢ ပိာ်မုၣ်စ့ၢ်ကီး, ဒီးတၢ် ခဲလၢာ်အိၣ်ထီၣ်လၢယွၤလီၤ. ¹³ စံၣ်ညီၣ်သုဝဲတက့ၢ်, ပိာ်မုၣ်တကျၢၢ်ဘၢဘၣ်အခိၣ်, ဒီးဘါထုကဖၣ်တၢ်လၢ ယွၤ, ဂ့ၤစ့ၢ်ကီးဧါ. ¹⁴ ပိာ်ခွါအိၣ်ဒီးခိၣ်သူထီန့ၣ်တၢ်အ အလုၢ်အလၢ်လၢအအိၣ်ဒၣ်တၢ်ဒၣ်လဲာ်န့ၣ်, သိၣ်လိ သုလၢအမ့ၢ်တၢ်မဲာ်ဆှးတမ့ၢ်ဘၣ်ဧါ. ¹⁵ ဘၣ်ဆၣ်ဒီးပိာ် မုၣ်မ့ၢ်အိၣ်ဒီးအခိၣ်သူထီန့ၣ်, မ့ၢ်အဝဲဒၣ်အလၤအက ပီၤ, တမ့ၢ်ဘၣ်ဧါ. အဂ့ၢ်ဒ်အံၤ, တၢ်ဟ့ၣ်အခိၣ်သူလၢ တၢ်ကျၢၢ်ဘၢအဂီၢ်လီၤ. ¹⁶ ဘၣ်ဆၣ်ဒီးပှၤတဂၤဂၤမ့ၢ်ပာ် အသးလၢ အကဂ့ၢ်လိာ်ဘှီလိာ်ဒီး, ပဝဲဒၣ်မ့ၢ်ဂ့ၤ, ယွၤ အတၢ်အိၣ်ဖှိၣ်တဖၣ်မ့ၢ်ဂ့ၤ, အလုၢ်အလၢ်ဒ်န့ၣ်တအိၣ် ဘၣ်.

¹⁷ ဒီးတၢ်လၢယစံးဖျါထီၣ်အံၤ, ယတစံးထီၣ်ပတြၢၤ ဘၣ်သုဘၣ်. အဂ့ၢ်ဒ်အံၤ, သုအိၣ်ဖှိၣ်ရိဖှိၣ်တမ့ၢ်ဘၣ် လၢတၢ်ဂ့ၤထီၣ်အဂီၢ်ဘၣ်. မ့ၢ်လၢတၢ်အၢလီၤအဂီၢ် လီၤ. ¹⁸ အဂ့ၢ်ဒ်အံၤ, အခီၣ်ထံးအဂ့ၢ်န့ၣ်, တုၤသုအိၣ်ဖှိၣ် ရိဖှိၣ်လၢတၢ်အိၣ်ဖှိၣ်လၢတၢ်အိၣ်ဖှိၣ်အပူၤဒီး, ယနၢ် ဟူလၢသုလီၤဖးလိာ်သုသး, ဒီးယနာ်စ့ၢ်ကီးတနီၤ လီၤ ¹⁹ အဂ့ၢ်ဒ်အံၤ, ဒ်သိးပှၤအဂ့ၤလၢသုကျါကအိၣ်ဖျါ ထီၣ်ဒီး, တၢ်စုတလီၤဃုာ်ဘၣ်တဖၣ်, ဘၣ်အိၣ်ထီၣ်စ့ၢ် ကီးလၢသုကျါလီၤ.

²⁰ မၤသးဒ်န့ၣ်ဒီးတုၤသုအိၣ်ဖှိၣ်ရိဖှိၣ်တပူၤဃီဒီး, တမ့ၢ် ဘၣ်သုအီၣ်ကစၢ်အတၢ်အီၣ်လၢဟါအီၣ်ဘၣ်. ²¹ အဂ့ၢ် ဒ်အံၤ, လၢသုအီၣ်တၢ်န့ၣ်ပှၤဟံးန့ၢ်ဆိအတၢ်အီၣ်လၢ ဟါအီၣ်ဒၣ်ဝဲကိးဂၤဒဲး, ဒီးပှၤတဂၤတၢ်သၣ်ဝံၤအသး, ဒီးပှၤတဂၤအီၣ်လုၣ်ကိတၢ်လီၤ. ²² မ့ၢ်ဒ်လဲၣ်. သုအီၣ် တၢ်ဒီးအီတၢ်န့ၣ်သုဟံၣ်တအိၣ်ဘၣ်ဧါ. မ့တမ့ၢ်ဘၣ် ဒီး, မ့ၢ်သုတပးကဲဘၣ် ယွၤအတၢ်အိၣ်ဖှိၣ်, ဒီးမၤမဲာ်ဆှး ပှၤလၢအတၢ်တအိၣ်ဘၣ်န့ၣ်ဧါ. မ့ၢ်ယဘၣ်စံးဘၣ်သု ဒ်လဲၣ်. မ့ၢ်ယကစံးထီၣ်ပတြၢၤသုလၢတၢ်န့ၣ်အဃိဧါ. ယတစံးထီၣ်ပတြၢၤဘၣ်သုဘၣ်.

²³ အဂ့ၢ်ဒ်အံၤ, တၢ်လၢယဒိးန့ၢ်လၢကစၢ်အအိၣ်, ယ ဟ့ၣ်လီၤစ့ၢ်ကီးသု, လၢကစၢ်ယ့ၣ်ရှူး, လၢမုၢ်နၤလၢတၢ် ဟ့ၣ်လီၤကွံာ်အီၤန့ၣ်, ဟံးန့ၢ်ကိၣ်, ²⁴ ဒီးစံးထီၣ်ပတြၢၤ တၢ်အဘျုးအဖှိၣ်, ဒီးစိၢ်ဘျဲးဝဲ, ဒီးစံးဝဲဒၣ်, အအံၤမ့ၢ်ယ နီၢ်ခိလၢသုဂီၢ်လီၤ. မၤတၢ်အံၤလၢတၢ်သ့ၣ်နီၣ်ထီၣ်က့ၤ ယၤအဂီၢ်န့ၣ်တက့ၢ်. ²⁵ ဒ်န့ၣ်အသိးစ့ၢ်ကီး, အီၣ်တၢ်အီၣ် လၢဟါအီၣ်ဝံၤဒီး, ဟံးန့ၢ်လီခီဒီးစံးဝဲဒၣ်, လီခီအံၤမ့ၢ် တၢ်အၢၣ်လီၤအီလီၤအသီလၢ ယသွံၣ်န့ၣ်လီၤ. ဖဲဒၣ် သုအီတၢ်အံၤတစုစုဒီး, မၤလၢတၢ်သ့ၣ်နီၣ်ထီၣ်ယၤ အဂီၢ်န့ၣ်တက့ၢ်. ²⁶ အဂ့ၢ်ဒ်အံၤ, ဖဲသုအီၣ်ကိၣ်အံၤ, ဒီး အီလီခီအံၤတစုစုန့ၣ်, သုဒုးနဲၣ်ဖျါထီၣ်ကစၢ်အဒိးသံ အသး, တုၤအဟဲန့ၣ်လီၤ.

²⁷ မၤသးဒ်န့ၣ်ဒီး, ဖဲဒၣ်ပှၤလၢအအီၣ်ကိၣ်မ့ၢ်ဂ့ၤ, ဒီးအီ ကစၢ်အလီခီမ့ၢ်ဂ့ၤ, တဂ့ၤတဘၣ်ဘၣ်တဂၤဂၤန့ၣ်, တၢ် ဒဲးဘးလၢအမၤကမၣ်ဘၣ်ကစၢ်အနီၢ်ခိဒီး အသွံၣ်န့ၣ်, ဂ့ၤဘၣ်အီၤလီၤ. ²⁸ ဘၣ်ဆၣ်ဒီးမ်ပှၤသံကွၢ်သံဒိးလီၤအ သး, ဒီးအီၣ်ကိၣ်, ဒီးအီလီခီဒ်န့ၣ်အသိးတက့ၢ်. ²⁹ အ ဂ့ၢ်အံၤ, ပှၤလၢအအီၣ်ဝဲဒီးအီဝဲဒီးတဆိကမိၣ်နီၤဖးဘၣ် ကစၢ်အနီၢ်ခိအဂ့ၢ်ဒီး, အီၣ်ဝဲဒီးအီဝဲလၢတၢ်စံၣ်ညီၣ် ဃၣ်လၢအဂီၢ်ဒၣ်ဝဲလီၤ.

³⁰ လၢတၢ်အံၤအဃိဒီး, ပှၤအိၣ်လၢသုကျါလၢအဂံၢ်စၢ် ဘါစၢ်ဒီးဘၣ်တၢ်ဆူးတၢ်ဆါအါဂၤ, ဒီးပှၤမံသပ့ၤတ စှၤဂၤဘၣ်လီၤ. ³¹ အဂ့ၢ်ဒ်အံၤ, ပမ့ၢ်စံၣ်ညီၣ်လီၤပသးဒီး, တၢ်တစံၣ်ညီၣ်ဘၣ်ပှၤဘၣ်. ³² မ့မ့ၢ်တုၤပဘၣ်တၢ်စံၣ် ညီၣ်ပှၤဒီး, ကစၢ်သိၣ်ဃီၣ်ပှၤဒ်သိးပသုတဘၣ်တၢ်စံၣ် ညီၣ်ဃၣ်ဒီးဟီၣ်ခိၣ်န့ၣ်တဂ့ၤလီၤ.

³³ မၤသးဒ်န့ၣ်ဒီး, ယပုၢ်သ့ၣ်ဝဲၢ်သ့ၣ်ဧၢ, တုၤသုအိၣ်ဖှိၣ် ရိဖှိၣ်အီၣ်တၢ်ဒီး, ဆူလၢ်ဟူလိာ်သုသးသကိးသကိး တက့ၢ်. ³⁴ ဒီးဒ်သိးသုသုတအိၣ်ဖှိၣ်ရိဖှိၣ်လၢ တၢ်စံၣ် ညီၣ်ဃၣ်အဂီၢ်တဂ့ၤဒီး, ပှၤတဂၤဂၤ, တၢ်မ့ၢ်သၣ်ဝံၤအ သးဒီး, မ်အအီၣ်တၢ်လၢအဟံၣ်ပူၤတက့ၢ်. ဒီးတၢ် အိၣ်လီၤတဲာ်တဖၣ်န့ၣ်, တုၤယဟဲတုၤဒီး, ယကစံၣ် ညီၣ်ကတီၤအီၤလီၤ.

၁၂

¹ ဒီးပုၢ်သ့ၣ်ဝဲၢ်သ့ၣ်ဧၢ, တၢ်ဟ့ၣ်တဖၣ်ဘၣ်ဃးဒီးသး အဂ့ၢ်အကျိၤန့ၣ်, လၢသုတသ့ၣ်ညါဘၣ်န့ၣ်, ယသးတ အိၣ်ဘၣ်.

² သုသ့ၣ်ညါလၢသုမ့ၢ်တ့ၢ်ပှၤကလုာ်တဖၣ်, ဒီးဘၣ် တၢ်ဆှၢသုဆူတၢ်ဂီၤလၢအတအုၣ်တဖၣ်အအိၣ်, ဖဲဒၣ် တၢ်ဆှၢသုအသိးန့ၣ်လီၤ. ³ မၤသးဒ်န့ၣ်ဒီးယဘိးဘၣ် သ့ၣ်ညါသုလၢပှၤမ့ၢ်ကတိၤတၢ်လၢယွၤအသးဒီး, တ စံးဘၣ်လၢ ယ့ၣ်ရှူးမ့ၢ်တၢ်ဘၣ်ဆိၣ်အၢန့ၣ်, နီတဂၤ ဘၣ်. ဒီးမ့တမ့ၢ်ဘၣ်လၢသးစီဆှံဘၣ်ဒီး, ပှၤစံးလၢယ့ၣ် ရှူးမ့ၢ်ကစၢ်, တသ့ဘၣ်နီတဂၤဘၣ်.

⁴ ဒီးတၢ်ဟ့ၣ်န့ၣ်အိၣ်လီၤဆီအါမံၤဘၣ်ဆၣ်ဒီး, သးန့ၣ် မ့ၢ်တဂၤဃီလီၤ. ⁵ ဒီးတၢ်အခ့အပှၤအတၢ်မၤအိၣ်လီၤ ဆီအါမံၤဘၣ်ဆၣ်ဒီး, ကစၢ်မ့ၢ်တဂၤဃီလီၤ. ⁶ ဒီးတၢ် ဖံးတၢ်မၤအိၣ်လီၤဆီအါမံၤဘၣ်ဆၣ်ဒီး, ယွၤလၢအမၤ တၢ်ခဲလၢာ်လၢပှၤခဲလၢာ်အပူၤ, မ့ၢ်တဂၤဃီလီၤ. ⁷ ဒီး တၢ်ဟ့ၣ်လီၤပှၤတဂၤဒီးတဂၤ အတၢ်ဒုးဖျါထီၣ်သးန့ၣ် လၢတၢ်ဘျုးတၢ်ဖှိၣ်အဂီၢ်လီၤ. ⁸ အဂ့ၢ်ဒ်အံၤ, တၢ်ဟ့ၣ် လီၤပှၤတဂၤလၢတၢ်ကတိၤကူၣ်သ့လၢသးန့ၣ်, ဒီးပှၤ တဂၤဒၣ်လၢ တၢ်ကတိၤသ့ၣ်ညါတၢ်, လၢသးတဂၤ ဃီ, ⁹ ဒီးပှၤတဂၤဒၣ်လၢတၢ်နာ်, လၢသးတဂၤဃီ, ဒီး ပှၤတဂၤဒၣ်လၢတၢ်ဟ့ၣ်မၤဘျါက့ၤ တၢ်ဆူးတၢ်ဆါ, လၢသးတဂၤဃီ, ¹⁰ ဒီးတဂၤဒၣ်လၢတၢ်မၤလီၤလးတၢ်, ဒီးတဂၤဒၣ်လၢတၢ်ကတိၤလၢဝံအကျိာ်, ဒီးတဂၤဒၣ် လၢတၢ်သ့ၣ်ညါနီၤဖး သးတဖၣ်အဆၢ, ဒီးတဂၤဒၣ် လၢပျ့ၤအကလုာ်ကလုာ်, ဒီးတၢ်ဂၤဒၣ်လၢတၢ်ဒုးနဲၣ် ပျ့ၤတဖၣ်အခီပညီလီၤ. ¹¹ ဘၣ်ဆၣ်ဒီး တၢ်တဖၣ်ခဲ လၢာ်အံၤမၤအသးလၢသးတဂၤဃီဒၣ်တၢ်, လၢအဟ့ၣ် နီၤဖးတၢ်တဂၤတမံၤ, တဂၤတမံၤ, အတၢ်လီၤဆီဖဲဒၣ် အသးလီၤ.

¹² အဂ့ၢ်ဒ်အံၤ, ဒ်နီၢ်မ့ၢ်တဂၤဃီဒီး အိၣ်ဒီးအက့ၢ်အဂီၤ အါမံၤ, ဒီးနီၢ်တဂၤအက့ၢ်အဂီၤခဲလၢာ်အိၣ်အါမံၤဘၣ် ဆၣ်ဒီး, မ့ၢ်နီၢ်တဂၤဃီအသိးန့ၣ်, ခရံာ်မ့ၢ်စ့ၢ်ကီးဒ်န့ၣ် အသိးလီၤ. ¹³ အဂ့ၢ်ဒ်အံၤ, ပဝဲဒၣ်အံၤ, ပှၤယူဒၤဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ်ဂ့ၤ, ပှၤကုၢ်ဖိမ့ၢ်ဂ့ၤ, ပှၤသဘျ့ဖိမ့ၢ်ဂ့ၢ်, လၢသးတမံၤဃီပဒိးဘျၢ*ပသးခဲလၢာ်ဆူ နီၢ်တဂၤဃီ အပူၤ, ဒီးတၢ်ဒုးအီပှၤလၢသးတမံၤဃီအပူၤ, ခဲလၢာ် လီၤ.

¹⁴ အဂ့ၢ်ဒ်အံၤ, နီၢ်မ့ၢ်အက့ၢ်အဂီၤတမံၤဧိၤတမ့ၢ်စ့ၢ်ကီး ဘၣ်. မ့ၢ်အါမံၤလီၤ. ¹⁵ ခီၣ်မ့ၢ်စံး, ယတမ့ၢ်ဘၣ်စုဘၣ်, ဒီးယတဘၣ်ဃးဘၣ်ဒီးနီၢ်ဘၣ်န့ၣ်ဒီး, မၤသးဒ်န့ၣ်ဒီး, မ့ၢ်အတဘၣ်ဃးဘၣ်ဒီးနီၢ်ဘၣ်ဧါ. ¹⁶ ဒီးနၢ်မ့ၢ်စံး, ယတ မ့ၢ်ဘၣ်မဲာ်ဘၣ်, ဒီးယတဘၣ်ဃးဘၣ်ဒီးနီၢ်ဘၣ်န့ၣ် ဒီး, မၤသးဒ်န့ၣ်ဒီးမ့ၢ်အတဘၣ်ဃးဘၣ်ဒီးနီၢ်ဘၣ်ဧါ.―

¹⁷ နီၢ်မ့မ့ၢ်မဲာ်ဒီဂၤညါဒီး, နၢ်ဟူတၢ်ကအိၣ်ဖဲလဲၣ်. နီၢ်မ့မ့ၢ် နၢ်ဒီဂၤညါဒီး, နၢတၢ်ကအိၣ်ဖဲလဲၣ်.

¹⁸ ဘၣ်ဆၣ်ဒီးခဲကနံၣ်အံၤ, ယွၤပာ်တၢ်အက့ၢ်အဂီၤတ မံၤဒီးတမံၤလၢနီၢ်အပူၤ, ဖဲဒၣ်အသးလီၤ. ¹⁹ ဒီးတၢ်ခဲ လၢာ်မ့မ့ၢ်တၢ်အက့ၢ်အဂီၤတမံၤဧိၤဒီး, နီၢ်ကအိၣ်ဖဲ လဲၣ်. ²⁰ မ့မ့ၢ်ခဲကနံၣ်အံၤ, တၢ်အက့ၢ်အဂီၤအိၣ်အါမံၤ, ဒီးနီၢ်အိၣ်တဂၤဃီလီၤ. ²¹ ဒီးမဲာ်န့ၣ်စံးဘၣ်စု, ယမၤတၢ် ဒီးနၤအလီၢ်တအိၣ်ဘၣ်န့ၣ်, တသ့ဘၣ်. မၤကဒီးတစု, ခိၣ်န့ၣ်စံးဘၣ်ခီၣ်, ယမၤတၢ်ဒီးသုအလီၢ်တအိၣ်ဘၣ် န့ၣ်, တသ့ဘၣ်. ²² မ့မ့ၢ်အါန့ၢ်အန့ၣ်တက့ၢ်အက့ၢ်အဂီၤ လၢအလီၤဂၤလၢ အဂံၢ်အဘါစၢ်ဒိၣ်တက့ၢ်တဖၣ်န့ၣ်, ပမၤအီၤအလီၢ်အါတက့ၢ်လီၤ. ²³ ဒီးနီၢ်အက့ၢ်အဂီၤလၢ ပဆိကမိၣ်လၢအလၤကပီၤဆံးတက့ၢ်တဖၣ်န့ၣ်, ပပာ် လၤကပီၤအီၤဒိၣ်ဒၣ်တၢ်တက့ၢ်လီၤ. ဒီးပက့ၢ်ပဂီၤလၢ အလၤကပီၤတအိၣ်ဘၣ်တဖၣ်န့ၣ်, အိၣ်ဒီးအလၤက ပီၤဒိၣ်ဒၣ်တၢ်တက့ၢ်လီၤ. ²⁴ ဒီးပက့ၢ်ပဂီၤလၢအလၤအ ကပီၤအိၣ်ဝဲတဖၣ်န့ၣ်, န့ၢ်ဘၣ်တၢ်အလီၢ်တအိၣ်ဘၣ် မ့မ့ၢ်ယွၤကတဲာ်ကတီၤပနီၢ်ခိ, ဒီးဟ့ၣ်အလၤကပီၤဒိၣ် လၢတၢ်လၢအလၤကပီၤဆံးတဖၣ်န့ၣ်, ²⁵ ဒ်သိးတၢ်လီၤ မုၢ်လီၤဖးသုတအိၣ်လၢနီၢ်အပူၤတဂ့ၤ, မ့မ့ၢ်အက့ၢ်အ ဂီၤကအံးက့ၤကွၢ်က့ၤလိာ်အသး ထဲသိးထဲသိးန့ၣ် လီၤ. ²⁶ ဒီးတၢ်အက့ၢ်အဂီၤတမံၤမ့ၢ်ဘၣ်တၢ်နးတၢ်ဖှီၣ် ဒီး, တၢ်အက့ၢ်အဂီၤဘၣ်ဃုာ်ခဲလၢာ်စ့ၢ်ကီးလီၤ. ဒီး တၢ်အက့ၢ်အဂီၤတမံၤမ့ၢ်ဘၣ်တၢ်လၤကပီၤဒီး, တၢ်အ က့ၢ်အဂီၤခဲလၢာ်သးခုစ့ၢ်ကီးဒီးအီၤလီၤ.

²⁷ ဒီးသုမ့ၢ်ခရံာ်အနီၢ်ခိ, ဒီးအက့ၢ်အဂီၤစုာ်စုာ်လီၤ.

²⁸ ဒီးယွၤပာ်ပှၤလၢတၢ်အိၣ်ဖှိၣ်အပူၤန့ၣ်, အခီၣ်ထံးမ့ၢ် ပှၤတၢ်မၢဖိတဖၣ်, ပှဲၤထီၣ်ခံမံၤတမံၤ, ဝံဧိၤမီၣ်ဧိၤတဖၣ်, ပှဲၤထီၣ်သၢမံၤတမံၤ, ပှၤသိၣ်တၢ်သီတၢ်တဖၣ်, လၢခံ က့ၤန့ၣ်ပှၤမၤတၢ်လီၤလးတဖၣ်, လၢခံက့ၤန့ၣ်ပှၤမၤ ဘျါက့ၤတၢ်ဆူးတၢ်ဆါတဖၣ်, ပှၤမၤစၢၤတၢ်တဖၣ်, ပှၤ စံၣ်ညီၣ်တၢ်တဖၣ်, ပှၤကတိၤတၢ်လၢပျ့ၤအကလုာ်က လုာ်တဖၣ်လီၤ. ²⁹ ပှၤခဲလၢာ်မ့ၢ်ပှၤတၢ်မၢဖိဧါ. ပှၤခဲ လၢာ်မ့ၢ်ဝံဧါ. ပှၤခဲလၢာ်မ့ၢ်ပှၤသိၣ်တၢ်သီတၢ်ဧါ. ပှၤခဲ လၢာ်မ့ၢ်ပှၤမၤလီၤလးတၢ်ဧါ. ³⁰ ပှၤခဲလၢာ်မ့ၢ်ပှၤမၤဘျါ က့ၤတၢ်ဆူးတၢ်ဆါဧါ. ပှၤခဲလၢာ်မ့ၢ်ပှၤကတိၤတၢ်လၢ ပျ့ၤတဖၣ်ဧါ. ပှၤခဲလၢာ်မ့ၢ်ပှၤကတိၤကျိာ်တၢ်အဆၢ ဧါ. ³¹ ဘၣ်ဆၣ်ဒီးသးကွံသပှၢ်ပှၢ်တၢ်ဟ့ၣ်လၢ အဂ့ၤ ကတၢၢ်တဖၣ်တက့ၢ်. မ့ၢ်နာ်သက့ဒ်န့ၣ်ဒီး, ယဒုးနဲၣ် သုကျဲလၢအဂ့ၤန့ၢ်အန့ၣ်တက့ၢ်လီၤ.

၁၃

¹ ယမ့ၢ်ကတိၤတၢ်လၢ ပှၤကညီဒီးကလူးအပျ့ၤတဖၣ် ဘၣ်ဆၣ်ဒီး, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယ မ့ၢ်ဒ်တိၢ်ဘီသီၣ်အသိး, ဒီးဒ်စှၢၣ်စှံးသီခြၣ်ခြၣ်အသိး န့ၣ်လီၤ. ² ဒီးယကတိၤတၢ်လၢဝံအကျိာ်မ့ၢ်သ့, ဒီးက ယဲၢ် တၢ်အဒီၣ်အယိာ်ယနၢ်မ့ၢ်ပၢၢ်, ဒီးယမ့ၢ်သ့ၣ်ညါ တၢ်ခဲလၢာ်, ဒီးယမ့ၢ်န့ၢ်ဘၣ်တၢ်နာ်ခဲလၢာ်, တုၤယ မၤသုးကစၢၢ်ကလိသ့, ဘၣ်ဆၣ်ဒီးယတၢ်အဲၣ်တၢ်ကွံ မ့ၢ်တအိၣ်ဘၣ်ဒီး, ယမ့ၢ်တၢ်ကလီကလီလီၤ.―

³ ဒီးယမ့ၢ်ဟ့ၣ်အီၣ်ပှၤဂၤလၢယတၢ်ဖိတၢ်လံၤခဲလၢာ်, ဒီးယမ့ၢ် ဟ့ၣ်လီၤကွံာ်ယနီၢ်ခိဒ်သိး အကဘၣ်တၢ်ဆူးကိၢ်ဃိာ် အီၤဘၣ်ဆၣ်ဒီး, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတဘၣ်ဘျုးဘၣ်ဖှိၣ်လၢတၢ်နီတမံၤဘၣ်. တၢ်အဲၣ်တၢ်ကွံ ဝံသးစူၤတၢ်ဃဲးဃဲး, ဒီးမၤဂ့ၤတၢ်, တၢ်အဲၣ်တၢ်ကွံတသးကါဘၣ်တၢ်ဘၣ်, တပာ်ဘၣ် အသးကဖၢလၢဘၣ်, တပာ်ထီၣ်ထီဘၣ်အသးဘၣ်. ⁴ တၢ်အဲၣ်တၢ်ကွံ ဝံသးစူၤတၢ်ဃဲးဃဲး, ဒီးမၤဂ့ၤတၢ်, တၢ်အဲၣ်တၢ်ကွံတသးကါဘၣ်တၢ်ဘၣ်, တပာ်ဘၣ်အသးကဖၢလၢဘၣ်, တပာ်ထီၣ်ထီဘၣ်အသးဘၣ်.―

⁵ တမၤဘၣ်တၢ်တဂ့ၤတဘၣ်န့ၣ်ဘၣ်, တဃုဘၣ်အတၢ် ဒၣ်ဝဲဘၣ်, အသးတဒိၣ်ထီၣ်ဘၣ်, တဆိကမိၣ်ဘၣ်တၢ် အၢတၢ်သီဘၣ်. ⁶ အသးတခုဘၣ်လၢ တၢ်တတီတ လိၤအပူၤဘၣ်, မ့မ့ၢ်အသးခုဝဲလၢတၢ်အမ့ၢ်အတီအ ပူၤလီၤ. ⁷ ဒိးတၢ်ခဲလၢာ်, နာ်တၢ်ခဲလၢာ်, မုၢ်လၢ်တၢ်ခဲ လၢာ်, ဝံသးစူၤတၢ်ခဲလၢာ်လီၤ. ⁸ တၢ်အဲၣ်တၢ်ကွံန့ၣ်, တလီၤတူာ်လီၤကာ်ဘၣ်, မ့မ့ၢ်တၢ်ကတိၤလၢဝံအ ကျိာ်ကပူၤကွံာ်, ပျ့ၤတဖၣ်ကဆိတ့ၢ်ဝဲ, ဒီးတၢ်သ့ၣ်ညါ ကပူၤကွံာ်လီၤ. ⁹ အဂ့ၢ်ဒ်အံၤ, ပသ့ၣ်ညါတၢ်တနီၤဧိၤ, ဒီးပကတိၤတၢ်လၢဝံအကျိာ်တနီၤလီၤ. ¹⁰ မ့မ့ၢ်တုၤတၢ် လၢတၢ်ပှဲၤဟဲဝဲဒီး, တၢ်တနီၤန့ၣ်ကပူၤကွံာ်ဝဲလီၤ.

¹¹ လၢယမ့ၢ်ဖိသၣ်န့ၣ်, ယကတိၤတၢ်ဒ်ဖိသၣ်အသိး, ယနၢ်ပၢၢ်တၢ်ဒ်ဖိသၣ်အသိး, ယကူၣ်တၢ်ဒ်ဖိသၣ်အ သိးလီၤ. မ့မ့ၢ်တုၤယသးပှၢ်ထီၣ်ဒီး, ယကွံာ်တ့ၢ်ကွံာ် ဖိသၣ်အတၢ်န့ၣ်လီၤ. ¹² အဂ့ၢ်ဒ်အံၤ, ခဲကနံၣ်အံၤ, ပထံၣ် ဘၣ်တၢ်လၢမဲာ်ထံကလၤ လၢအတဖျါဘၣ်, မ့မ့ၢ်ခဲ ကိာ်န့ၣ်, လၢမဲာ်သကိးမဲာ်လီၤ. ခဲကနံၣ်အံၤ, ယသ့ၣ် ညါတၢ်တနီၤ, မ့မ့ၢ်ခဲကိာ်န့ၣ်, ယကသ့ၣ်ညါထံတၢ်ဒ် တၢ်သ့ၣ်ညါထံယၤအသိးန့ၣ်လီၤ.

¹³ ဒီးခဲကနံၣ်အံၤ, တၢ်နာ်, တၢ်မုၢ်လၢ်, တၢ်အဲၣ်တၢ်ကွံ, သၢမံၤန့ၣ် အိၣ်ဒၣ်တၢ်လီၤ. ဒီးတၢ်အဒိၣ်ကတၢၢ်လၢ အကျါန့ၣ်မ့ၢ်တၢ်အဲၣ်တၢ်ကွံလီၤ.

၁၄

¹ လူၤတၢ်အဲၣ်တၢ်ကွံ, ဒီးဂဲၤလိာ်ဆၢန့ၢ်တၢ်ဟ့ၣ်ဘၣ် ဃးဒီးသူၣ်ဒီးသး, ဘၣ်ဆၣ်ဒီးအါတက့ၢ်လၢသုကက တိၤတၢ်လၢဝံအကျိာ်တက့ၢ်. ² အဂ့ၢ်ဒ်အံၤ, ပှၤလၢအ ကတိၤတၢ်လၢတၢ်အပျ့ၤန့ၣ်, တကတိၤဘၣ်တၢ်လၢ ပှၤကညီဘၣ်, မ့ၢ်လၢယွၤလီၤ. အဂ့ၢ်ဒ်အံၤ, ပှၤကညီအ နၢ်တပၢၢ်ဘၣ်နီတဂၤဘၣ်. ဘၣ်ဆၣ်ဒီးလၢသးအပူၤ န့ၣ်မ့ၢ်အကတိၤတၢ်အဒီၣ်အယိာ်လီၤ. ³ မ့မ့ၢ်ပှၤလၢအ ကတိၤတၢ်လၢဝံအကျိာ်န့ၣ်, ကတိၤတၢ်လၢအမၤထီၣ် မၤထီပှၤကညီ, ဒီးတၢ်သဆၣ်ထီၣ်ပှၤအခံ, ဒီးတၢ်မၤ မုာ်ထီၣ်ပသးလီၤ. ⁴ ပှၤလၢအကတိၤတၢ်လၢ တၢ်အ ပျ့ၤန့ၣ်, မၤထီၣ်မၤထီအကစၢ်ဒၣ်ဝဲ, မ့မ့ၢ်ပှၤလၢအက တိၤတၢ်လၢဝံအကျိာ်န့ၣ်မၤထီၣ်မၤထီတၢ်အိၣ်ဖှိၣ်လီၤ.

⁵ ဒီးဘၣ်ယသးလၢ သုကတိၤတၢ်လၢတၢ်အပျ့ၤတဖၣ် ခဲလၢာ်, ဘၣ်ဆၣ်ဒီးအါတက့ၢ်လၢသုကတိၤတၢ်လၢ ဝံအကျိာ်လီၤ. အဂ့ၢ်ဒ်အံၤ, ပှၤလၢအကတိၤတၢ်လၢတၢ် အပျ့ၤတဖၣ်န့ၣ်, မ့ၢ်တကတိၤကျိးဘၣ်တၢ်အဆၢဒ်သိး တၢ်အိၣ်ဖှိၣ်ကဘၣ်ထီၣ်ဘၣ်ထီဝဲဒီး, ပှၤလၢအကတိၤ တၢ်လၢဝံအကျိာ်ဒိၣ်န့ၢ်အီၤတက့ၢ်လီၤ.

⁶ ဘၣ်ဆၣ်ဒီးခဲကနံၣ်အံၤ, ပုၢ်သ့ၣ်ဝဲၢ်သ့ၣ်ဧၢ, ယမ့ၢ်ဟဲ ကတိၤတၢ်လၢတၢ်အပျ့ၤတဖၣ်လၢသုကျါဒီး, ယက တိၤတၢ်မ့ၢ်တဖျါဘၣ်, မ့ၢ်တဒုးသ့ၣ်ညါဘၣ်တၢ်ဘၣ်, မ့ၢ်တကတိၤဘၣ်တၢ်လၢဝံအကျိာ်ဘၣ်, မ့ၢ်တသိၣ် လိဘၣ်တၢ်ဘၣ်ဒီး, ယကဒုးဘၣ်သုလၢတၢ်ဘျုးမနုၤ တမံၤလဲၣ်. ⁷ တၢ်လၢအတအိၣ်ဘၣ်ဒီးအသးသမူ, ပံ မ့ၢ်ဂ့ၤ, တနၢ်မ့ၢ်ဂ့ၤ, ဟ့ၣ်အသီၣ်ဒီးမ့ၢ်တနီၤဖးဘၣ်သီၣ် အဆၢဘၣ်ဒီး, အူတၢ်မ့ၢ်ဂ့ၤ, ဒ့တၢ်မ့ၢ်ဂ့ၤ, ပှၤနၢ်ပၢၢ်က သ့ဒ်လဲၣ်. ⁸ ဒီးကွဲၤမ့ၢ်သီၣ်ကလီကလီဒီး, မ့ၢ်မတၤ ကကတီၤအသးလၢအကဒုးတၢ်တဂၤလဲၣ်. ⁹ ဒ်န့ၣ် အသိး, သုဝဲဒၣ်လၢတၢ်အပျ့ၤန့ၣ်, သုမ့ၢ်တကတိၤဘၣ် တၢ်ကတိၤလၢပှၤနၢ်ပၢၢ်ညီဘၣ်ဒီး, ပှၤသ့ၣ်ညါတၢ်လၢ သုကတိၤဝဲန့ၣ်, ကသ့ဒ်လဲၣ်. အဂ့ၢ်ဒ်အံၤ, သုကတိၤ တၢ်ဆူကလံၤအပူၤလီၤ.

¹⁰ တၢ်ကလုၢ်သီၣ်အိၣ်သ့ၣ်သ့ၣ်အါထဲအံၤလၢ ဟီၣ်ခိၣ် ချၢ, ဒီးအိၣ်ဒီးအခီပညီကိးမံၤဒဲးလီၤ. ¹¹ မၤသးဒ်န့ၣ် ဒီးယနၢ်မ့ၢ်တသ့ၣ်ညါဘၣ် အတၢ်ကလုၢ်သီၣ်အစိအ ကမီၤဘၣ်ဒီး, ယကမ့ၢ်ပှၤတကလုာ်ဒၣ်လၢပှၤကတိၤ တၢ်အမဲာ်ညါ, ဒီးပှၤလၢအကတိၤတၢ်, ကမ့ၢ်ပှၤတကလုာ်ဒၣ်လၢယမဲာ်ညါလီၤ.

¹² ဒ်န့ၣ်အသိး, သုဂဲၤလိာ်လၢ သုကန့ၢ်ဘၣ်တၢ်ဟ့ၣ်ဘၣ်ဃးဒီးသးန့ၣ်သတးဒီး, ဂဲၤ လိာ်အါတက့ၢ်တၢ်လၢ အကမၤထီၣ်မၤထီတၢ်အိၣ်ဖှိၣ် န့ၣ်တက့ၢ်.

¹³ မၤသးဒ်န့ၣ်ဒီးပှၤလၢ အကတိၤတၢ်လၢတၢ်အပျ့ၤတ ဖၣ်န့ၣ်, မ်အဘါထုကဖၣ်ဒ်သိးအကကတိၤကျိးတၢ် အဆၢတက့ၢ်. ¹⁴ အဂ့ၢ်ဒ်အံၤ, ယမ့ၢ်ဘါထုကဖၣ်တၢ် လၢတၢ်အပျ့ၤဒီး, ယသးဘါထုကဖၣ်တၢ်ဘၣ်ဆၣ်ဒီး ယသးလၢ အသ့ၣ်ညါနၢ်ပၢၢ်တၢ်န့ၣ်, အတၤသၣ်တ အိၣ်ဘၣ်. ¹⁵ မၤသးဒ်န့ၣ်ဒီးမ့ၢ်အမ့ၢ်မနုၤလဲၣ်. ယကဘါ ထုကဖၣ်တၢ်လၢယသး, ဒီးယကဘါထုကဖၣ်လၢယ သးလၢအသ့ၣ်ညါနၢ်ပၢၢ်တၢ်စ့ၢ်ကီးလီၤ. ယကသးဝံၣ် တၢ်လၢယသးန့ၣ်, ဒီးယကသးဝံၣ်တၢ်လၢယသးလၢ အသ့ၣ်ညါနၢ်ပၢၢ်တၢ်စ့ၢ်ကီးလီၤ. ¹⁶ မ့တမ့ၢ်ဒ်န့ၣ်ဒီး, န မ့ၢ်ဆိၣ်ဂ့ၤတၢ်လၢနသးဒီး, ပှၤလၢအအိၣ်လၢပှၤတသ့ ဘၣ်အလီၢ်တဖၣ်န့ၣ်, မ့ၢ်အနၢ်တပၢၢ်ဘၣ်နတၢ်ကတိၤ သတးဒီးကစံးအၤမ့ၣ်, လၢနစံးထီၣ်ပတြၢၤတၢ်အဘျုး န့ၣ်, သ့ဒ်လဲၣ်. ¹⁷ အဂ့ၢ်ဒ်အံၤ, နစံးထီၣ်ပတြၢၤတၢ်အ ဘျုးအဖှိၣ်ကစီဒီယၢာ်, ဘၣ်ဆၣ်ဒီး တမၤထီၣ်မၤထီ ဘၣ်ပှၤဂၤဘၣ်.

¹⁸ ယကတိၤတၢ်လၢ တၢ်အပျ့ၤတဖၣ်အါန့ၢ်သုခဲလၢာ် သတးဒီး, ယစံးထီၣ်ပတြၢၤယွၤလီၤ. ¹⁹ ဘၣ်ဆၣ်ဒီး လၢတၢ်အိၣ်ဖှိၣ်အပူၤယကတိၤတၢ်ကတိၤ ယဲၢ်ဘီလၢ ယသးလၢအသ့ၣ်ညါနၢ်ပၢၢ်တၢ်ဒ်သိး ယကသိၣ်လိ စ့ၢ်ကီးပှၤဂၤဒီး, ဘၣ်ယသးဒိၣ်န့ၢ်ယကတိၤလၢတၢ် အပျ့ၤလၢတၢ်ကတိၤအဘီတကလးန့ၣ်တက့ၢ်လီၤ.

²⁰ ပုၢ်သ့ၣ်ဝဲၢ်သ့ၣ်ဧၢ, လၢသးလၢအသ့ၣ်ညါနၢ်ပၢၢ်တၢ် အပူၤန့ၣ်, သုတမ့ၢ်ဖိသၣ်တဂ့ၤ, မ့မ့ၢ်လၢသးလၢအ သးဟ့တၢ်အပူၤန့ၣ်, မ်သုမ့ၢ်ဖိသၣ်အီၣ်နုၢ်တက့ၢ်. မ့မ့ၢ် လၢသးလၢ အသ့ၣ်ညါနၢ်ပၢၢ်တၢ်အပူၤန့ၣ်, မ်သုကဲ လၢပှၤဒိၣ်တုာ်ခိၣ်ပှဲၤတက့ၢ်.

²¹ တၢ်ကွဲးအသးလၢတၢ်သိၣ်တၢ်သီအပူၤ, လၢပျ့ၤအဂၤတဖၣ်, ဒီးလၢပျုၤအဂုၤအဂၤ, ယကကတိၤတၢ်ဒီးပှၤဂီၢ်မုၢ်အံၤ, ဒီးဒ်န့ၣ်အသိးဒၣ်လဲာ်, တဒိကနၣ်ဘၣ်ယကလုၢ် ဘၣ်, ကစၢ်စံးဝဲဒၣ်.+ ၡါ. ၂၈း၁၁|Isa.28.11*.

²² မၤသးဒ်န့ၣ်ဒီး တၢ်အပျ့ၤတဖၣ်မ့ၢ်လၢတၢ်ပနီၣ်အ ဂီၢ်, လၢပှၤနာ်တၢ်အဂီၢ်တမ့ၢ်ဘၣ်, မ့ၢ်လၢပှၤတစူၢ် တနာ်ဘၣ်တၢ်အဂီၢ်လီၤ. မ့မ့ၢ်တၢ်ကတိၤလၢဝံအကျိာ် န့ၣ်တမ့ၢ်ဘၣ်လၢ ပှၤတစူၢ်တနာ်ဘၣ်တၢ်အဂီၢ် ဘၣ် မ့ၢ်လၢပှၤနာ်တၢ်အဂီၢ်လီၤ.

²³ မၤသးဒ်န့ၣ်ဒီးတၢ်အိၣ်ဖှိၣ်ခဲလၢာ် မ့ၢ်အိၣ်ဖှိၣ်တပူၤ ဃီဒီး, ပှၤခဲလၢာ်မ့ၢ်ကတိၤတၢ်လၢတၢ်အပျ့ၤတဖၣ်ဒီး, ပှၤလၢအတသ့ဘၣ်မ့ၢ်ဂ့ၤ, ပှၤလၢအတစူၢ်တနာ်ဘၣ် မ့ၢ်ဂ့ၤ, မ့ၢ်ဟဲနုာ်ဒီး, ကစံးလၢသုမ့ၢ်ပှၤအပျုၢ်, တမ့ၢ် ဘၣ်ဧါ. ²⁴ မ့မ့ၢ်ပှၤခဲလၢာ်မ့ၢ်ကတိၤတၢ်လၢဝံအကျိာ်, ဒီးပှၤလၢအတသ့ဘၣ်မ့ၢ်ဂ့ၤ, ပှၤလၢအတစူၢ်တနာ် ဘၣ်မ့ၢ်ဂ့ၤ, မ့ၢ်ဟဲနုာ်ဒီး, ကဘၣ်တၢ်သိၣ်ဃီၣ်အီၤလၢ ပှၤခဲလၢာ်, ဒီးကဘၣ်တၢ်စံၣ်ညီၣ်အီၤလၢပှၤခဲလၢာ်,―

²⁵ ဒီးတၢ်ကထုးဖျါထီၣ်အသးအတၢ်ခူသူၣ်သတးဒီး, က ဆုးလီၤအခိၣ်ပိာ်လီၤအမဲာ်ဒီးဘါထီၣ်ယွၤ, ဒီးကအုၣ် အသးလၢယွၤအိၣ်လၢသုကျါနီၢ်နီၢ်လီၤ.

²⁶ မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ, မ့ၢ်ဒ်လဲၣ်. တုၤသု အိၣ်ဖှိၣ်ရိဖှိၣ်ဒီး, သုအိၣ်တဂၤတဂၤဒီးတၢ်သးဝံၣ်အိၣ် ဒီးတၢ်သိၣ်တၢ်သီ, အိၣ်ဒီးတၢ်အပျ့ၤ, အိၣ်ဒီးတၢ်လီၣ် ဖျါ, အိၣ်ဒီးတၢ်ကတိၤကျိးတၢ်အဆၢစုာ်စုာ်လီၤ. မ်ပှၤ မၤတၢ်ခဲလၢာ်လၢတၢ်မၤထီၣ်မၤထီအဂီၢ်တက့ၢ်. ²⁷ ပှၤ မ့ၢ်ကတိၤတၢ်လၢတၢ်အပျ့ၤတဂၤဂၤဒီး, ဘၣ်ကတိၤ တၢ်ထဲခံဂၤသၢဂၤဧိၤ, ဒီးကတိၤတၢ်တဂၤဘၣ်တဂၤ, ဒီးမ်ပှၤတဂၤကတိၤကျိးတၢ်အဆၢတက့ၢ်. ²⁸ ဒီးပှၤက တိၤကျိးတၢ်အဆၢမ့ၢ်တအိၣ်ဘၣ်ဒီး, မ်အအိၣ်ဘှီၣ် လၢ တၢ်အိၣ်ဖှိၣ်အပူၤတက့ၢ်. ဒီးမ်အကတိၤတၢ်လၢ အကစၢ်ဒၣ်ဝဲဒီးယွၤန့ၣ်တက့ၢ်. ²⁹ ဒီးဝံတဖၣ်န့ၣ်, မ်အကတိၤတၢ်ခံဂၤမ့ၢ်ဂ့ၤ, သၢဂၤမ့ၢ်ဂ့ၤ, ဒီးအဂၤတဖၣ်ကစံၣ်ညီၣ်တၢ်အဆၢန့ၣ်တက့ၢ်.―

³⁰ ဘၣ်ဆၣ်ဒီးတၢ်မ့ၢ်လီၣ်ဖျါထီၣ် တၢ်တမံၤမံၤလၢပှၤတ ဂၤဒၣ်လၢအဆ့ၣ်နီၤဖဲန့ၣ်ဒီး, ပှၤဂံၢ်ခိၣ်တဂၤ, မ်အအိၣ် ဘှီၣ်တက့ၢ်. ³¹ အဂ့ၢ်ဒ်အံၤ, ဒ်သိးပှၤခဲလၢာ်ကဘၣ်တၢ် သိၣ်က့ၤသီက့ၤအီၤဒီး တၢ်မၤမုာ်ထီၣ်အသးဒီး, သုက တိၤတၢ်တဂၤဒီးတဂၤလၢဝံအကျိာ်သ့လီၤ. ဒီးဝံအသးအိၣ်လၢဝံအဖီလာ်လီၤ. ³² အဂ့ၢ်ဒ်အံၤ, ယွၤတဘၣ်ဃးဘၣ်ဒီး တၢ်တၢထီၣ်တၢလီၤဘၣ်. မ့ၢ် အဘၣ်ဃးဒီးတၢ်ဃူတၢ်ဖိး, ဒ်လၢပှၤစီဆှံအတၢ်အိၣ် ဖှိၣ်ခဲလၢာ်အပူၤအသိးန့ၣ်လီၤ.

³⁴ မ်သုပိာ်မုၣ်သ့ၣ်တဖၣ်အိၣ်ဘှီၣ် လၢတၢ်အိၣ်ဖှိၣ်တ ဖၣ်အပူၤတက့ၢ်. အဂ့ၢ်ဒ်အံၤ, တၢ်တဒုးကတိၤဘၣ် အီၤဘၣ်. မ့မ့ၢ်ဘၣ်အိၣ်လၢတၢ်အဖီလာ်, ဒ်တၢ်သိၣ် တၢ်သီစံးစ့ၢ်ကီးဝဲအသိးန့ၣ်လီၤ. ³⁵ ဒီးမ့ၢ်မိၣ်မၤလိအ သးလၢတၢ်တမံၤမံၤဒီး, မ်အသံကွၢ်အဝၤဒၣ်ဝဲလၢဟံၣ် ပူၤတက့ၢ်. အဂ့ၢ်ဒ်အံၤ, ပိာ်မုၣ်ကတိၤတၢ်လၢတၢ်အိၣ် ဖှိၣ်အပူၤ, မ့ၢ်တၢ်မဲာ်ဆှးလီၤ.

³⁶ မ့ၢ်ဒ်လဲၣ်, မ့ၢ်ယွၤအကလုၢ်အကထါဟဲထီၣ်လၢသု အိၣ်ဧါ. မ့ၢ်အဟဲထဲဆူသုအိၣ်ဧါ. ³⁷ ပှၤတဂၤဂၤမ့ၢ်ဆိ ကမိၣ်လီၤအသးလၢအမ့ၢ်ဝံမ့ၢ်ဂ့ၤ, လၢအဘၣ်ဃးဒီး သးမ့ၢ်ဂ့ၤ, မ်အအၢၣ်လီၤအီလီၤလၢတၢ်လၢယကွဲးန့ၢ် သု, မ့ၢ်ကစၢ်အတၢ်မၤလိာ်န့ၣ်တက့ၢ်. ³⁸ ဘၣ်ဆၣ်ဒီး ပှၤတဂၤဂၤမ့ၢ်တသ့ၣ်ညါဘၣ်ဒီး, ကအိၣ်ဒၣ်ဝဲလၢတၢ် တသ့ၣ်ညါဘၣ်တက့ၢ်. ³⁹ မၤသးဒ်န့ၣ်ဒီး, ပုၢ်သ့ၣ်ဝဲၢ် သ့ၣ်ဧၢ, ဂဲၤလိာ်ဆၢကတိၤတၢ်လၢဝံအကျိာ်တက့ၢ်. ဒီးတြီကတိၤတၢ်လၢတၢ်အပျ့ၤတဖၣ်တဂ့ၤ. ⁴⁰ တၢ်ခဲ လၢာ်န့ၣ်, မ်ပှၤမၤဂ့ၤဂ့ၤဘၣ်ဘၣ်, တဂ့ၢ်တဂ့ၢ်တက့ၢ်.

၁၅

¹ ဒီးပုၢ်သ့ၣ်ဝဲၢ်သ့ၣ်ဧၢ, ယဘိးဘၣ်သ့ၣ်ညါသုလၢတၢ် သးခုအကစီၣ်, လၢယစံၣ်တဲၤတဲလီၤသု, ဒီးတၢ်လၢသု တူၢ်လိာ်စ့ၢ်ကီး, ဒီးသုဆၢထၢၣ်လၢအပူၤ, ² ဒီးသုမ့ၢ် ဟံးဃာ်တၢ်လၢယစံးဘၣ်တဲဘၣ်သု, ဒီးသုနာ်တၢ်န့ၣ် မ့တမ့ၢ်ဘၣ်တၢ်ကလီကလီဘၣ်ဒီး, သုကတုၤလၢတၢ် အုၣ်က့ၤခီၣ်က့ၤသုလၢအဃိစ့ၢ်ကီးလီၤ.

³ ယဟ့ၣ်လီၤသုလၢတၢ်အဆိတဖၣ်အကျါ, တၢ်လၢ ယဒိးန့ၢ်စ့ၢ်ကီးယဲ, လၢခရံာ်ဒိးသံအသးလၢပတၢ်ဒဲး ဘးအဃိ, ဒ်တၢ်ကွဲးအသးအသိးလီၤ. ⁴ ဒီးလၢအဘၣ် တၢ်ခူၣ်လီၤကွံာ်အီၤ, ဒီးလၢသၢနံၤတနံၤန့ၣ် ဂဲၤဆၢ ထၢၣ်က့ၤ, ဒ်တၢ်ကွဲးဝဲအသိးန့ၣ်လီၤ. ⁵ ဒီးလၢစီၤက့ၤ ဖးထံၣ်ဘၣ်အီၤ, ဒီးလၢခံက့ၤပှၤတဆံခံဂၤလီၤ. ⁶ လၢ ခံက့ၤဒီး, ဒီးပုၢ်ဝဲၢ်ယဲၢ်ကယၤအဘျဲၣ်ထံၣ်ဘၣ်အီၤတ စုဃီလီၤ. အဝဲသ့ၣ်တဖၣ်မံသပ့ၤလံတနီၤလံ. ဘၣ်ဆၣ် ဒီး, အိၣ်ဒံးဝဲတုၤခဲကနံၣ်အံၤ, အါတက့ၢ်လီၤ. ⁷ လၢ ခံက့ၤဒီး, စီၤယၤကိာ်ထံၣ်ဘၣ်အီၤ, လၢခံက့ၤဒီးပှၤတၢ် မၢဖိခဲလၢာ်, ⁸ ဒီးလၢခံကတၢၢ်, ယဲဒၣ်အံၤ, ဒ်ပှၤလၢ အမုၢ်အလါတဘၣ်ဘၣ်ဒီး, အိၣ်ဖျဲၣ်အသိးန့ၣ်, ယထံၣ် စ့ၢ်ကီးအီၤယဲဒၣ်လီၤ. ⁹ အဂ့ၢ်ဒ်အံၤ, ယဲဒၣ်အံၤယမ့ၢ်ပှၤ တၢ်မၢဖိအဆံးကတၢၢ်လၢ ယမၤအၢမၤသီယွၤအတၢ် အိၣ်ဖှိၣ်အဃိ, ဒီးတၢ်တဂ့ၤကိးဘၣ်ယၤလၢပှၤတၢ်မၢ ဖိဘၣ်. ¹⁰ ဘၣ်ဆၣ်ဒီးလၢယွၤအဘျုးအဖှိၣ်အဃိဒီး, ယမ့ၢ်တၢ်လၢယမ့ၢ်အံၤ, ဒီးအဘျုးအဖှိၣ်တဘၣ်ဘၣ် ယၤကလီကလီဘၣ်, မ့ၢ်ယမၤတၢ်အါန့ၢ်အဝဲသ့ၣ်ခဲ လၢာ်, ဘၣ်ဆၣ်ဒီးတမ့ၢ်ဘၣ်ယၤဘၣ်. မ့ၢ်ယွၤအဘျုး အဖှိၣ်အိၣ်ဒီးယၤလီၤ. ¹¹ မၤသးဒ်န့ၣ်ဒီးယၤမ့ၢ်ဂ့ၤ, အဝဲ သ့ၣ်မ့ၢ်ဂ့ၤ, ပစံၣ်တဲၤတဲလီၤတၢ်ဒ်န့ၣ်, ဒီးသုစူၢ်က့ၤ နာ်က့ၤတၢ်ဒ်န့ၣ်လီၤ.

¹² ဘၣ်ဆၣ်ဒီး ပမ့ၢ်စံၣ်တဲၤတဲလီၤခရံာ်လၢ အဂဲၤဆၢထၢၣ်က့ၤလၢတၢ်သံဒီး, ဘၣ်မနုၤလၢပှၤလၢသုကျါတ နီၤနီၤစံးဝဲလၢ ပှၤသံတဖၣ်တဂဲၤဆၢထၢၣ်က့ၤဘၣ် လဲၣ်. ¹³ ဘၣ်ဆၣ်ဒီးတၢ်ဂဲၤဆၢထၢၣ်က့ၤလၢတၢ်သံမ့ၢ် တအိၣ်ဘၣ်ဒီး, ခရံာ်တဂဲၤဆၢထၢၣ်က့ၤဘၣ်ဝဲဘၣ်.―

¹⁴ ဒီးခရံာ်မ့ၢ်တဂဲၤဆၢထၢၣ်က့ၤဘၣ်ဒီး, ပစံၣ်တဲၤတဲလီၤ တၢ်န့ၣ်, မ့ၢ်တၢ်ကလီကလီ, ဒီးသုစူၢ်က့ၤနာ်က့ၤတၢ် န့ၣ်, မ့ၢ်စ့ၢ်ကီးတၢ်ကလီကလီလီၤ. ¹⁵ ဒီးပဝဲဒၣ်အံၤ, တၢ်ထံၣ်န့ၢ်ပှၤလၢ ပှၤအုၣ်အသးကဘျံးကဘျၣ် လၢ ယွၤအဂ့ၢ်လီၤ. အဂ့ၢ်ဒ်အံၤ, ပအုၣ်ပသးလၢယွၤအဂ့ၢ်, လၢအဒုးဂဲၤဆၢထၢၣ်က့ၤခရံာ်ဘၣ်ဆၣ်ဒီး, ပှၤသံမ့ၢ် တဂဲၤဆၢထၢၣ်က့ၤဘၣ်ဒီး, တဒုးဂဲၤဆၢထၢၣ်က့ၤဘၣ် အီၤဘၣ်. ¹⁶ အဂ့ၢ်ဒ်အံၤ, ပှၤသံမ့ၢ်တဂဲၤဆၢထၢၣ်က့ၤ ဘၣ်ဒီး, ခရံာ်တဂဲၤဆၢထၢၣ်က့ၤစ့ၢ်ကီးဘၣ်ဝဲဘၣ်.―

¹⁷ ဒီးခရံာ်မ့ၢ်တဂဲၤဆၢထၢၣ်က့ၤဘၣ်ဒီး, သုနာ်တၢ်မ့ၢ် တၢ်ကလီကလီ, သုအိၣ်ဒံးမးလၢသုတၢ်ဒဲးဘးအပူၤ လီၤ.― ¹⁸ မ့မ့ၢ်ဒ်န့ၣ်ဒီး, ပှၤလၢအမံဝဲလၢခရံာ်အပူၤတ ဖၣ်န့ၣ်, မ့ၢ်အဟးဂီၤစ့ၢ်ကီးလီၤ. ¹⁹ ပမ့ၢ်မုၢ်လၢ်တၢ်လၢ ခရံာ်အပူၤ ထဲတၢ်မူအအံၤတဃၣ်အပူၤဧိၤဒီး, ပဘၣ် တၢ်ဖှီၣ်ဒိၣ်န့ၢ်ပှၤဂၤခဲလၢာ်တက့ၢ်လီၤ. ²⁰ မ့မ့ၢ်ခဲကနံၣ်အံၤ, ခရံာ်ဂဲၤဆၢထၢၣ်က့ၤလံလၢတၢ်သံလံ, ဒီးကဲထီၣ်ပှၤမံတဖၣ်န့ၣ်အတၤသၣ်ဆိလီၤ.―

²¹ အဂ့ၢ်ဒ်အံၤ, မ့ၢ်တၢ်သံအိၣ်ထီၣ်လၢပှၤကညီဒီး, တၢ်ဂဲၤ ဆၢထၢၣ်က့ၤလၢ တၢ်သံအိၣ်ထီၣ်လၢ ပှၤကညီဒီး, တၢ်ဂဲၤဆၢထၢၣ်က့ၤလၢ တၢ်သံအိၣ်ထီၣ်လၢပှၤကညီစ့ၢ် ကီးလီၤ. ²² အဂ့ၢ်ဒ်အံၤ, ဒ်ပှၤခဲလၢာ်သံဝဲလၢစီၤအၤဒၣ် အပူၤအသိးန့ၣ်, ပှၤခဲလၢာ်ကဘၣ်တၢ်မၤမူထီၣ်က့ၤ အီၤလၢခရံာ်အပူၤ, ဒ်န့ၣ်အသိးလီၤ. ²³ ဘၣ်ဆၣ်ဒီးပှၤ ကညီတဂၤဒီးတဂၤ လၢအတီၤဒၣ်ဝဲအပူၤစုာ်စုာ်, တၤ သၣ်ဆိခရံာ်, လၢခံက့ၤပှၤဘၣ်ဃးဒီးခရံာ်ဖဲအဟဲလီၤ က့ၤအကတီၢ်လီၤ. ²⁴ တုၤနုၤတစု, တုၤအမၤဟးဂီၤကွံာ် ကယဲၢ်တၢ်အခိၣ်, ဒီးတၢ်အစိအကမီၤ, ဒီးတၢ်အဂံၢ် အဘါခဲလၢာ်, တုၤအဟ့ၣ်က့ၤဘီမုၢ်လၢပၢ်ယွၤအစုပူၤ, ဒီး, တၢ်အကတၢၢ်ကဘၣ်လီၤ. ²⁵ အဂ့ၢ်ဒ်အံၤ, ခရံာ်ဘၣ် ပၢတၢ်တုၤအပာ်လီၤ ကယဲၢ်အဒုၣ်အဒါလၢ အခီၣ်ဖီ လာ်ခဲလၢာ်လီၤ. ²⁶ ဒုၣ်ဒါလၢအကဘၣ်တၢ်ဟးဂီၤလၢ ခံကတၢၢ်န့ၣ်, မ့ၢ်တၢ်သံလီၤ. ²⁷ အဂ့ၢ်ဒ်အံၤ, ပာ်လံတၢ် ခဲလၢာ်လၢအခီၣ်ဖီလာ်လံ.+ စံး. ၈း၆|Ps.8.6*. ဘၣ်ဆၣ်ဒီး လၢအစံး, ပာ်လံတၢ်ခဲလၢာ်လၢအဖီလာ်တဘၣ်ဃး ဘၣ်ဒီး ပှၤလၢအပာ်တၢ်ခဲလၢာ်လၢအဖီလာ်တဂၤန့ၣ် ဘၣ်, အိၣ်ဖျါဝဲလီၤ. ²⁸ ဒီးတုၤတၢ်ခဲလၢာ် ဘၣ်တၢ်ပာ် အီၤလၢအဖီလာ်ဒီး, ဖိခွါအကစၢ်ဒၣ်ဝဲဒၣ်လဲာ်, ကအိၣ် စ့ၢ်ကီးလၢပှၤလၢအပာ်တၢ်ခဲလၢာ်လၢ အဖီလာ်တဂၤ န့ၣ်, အဖီလာ်, ဒ်သိးယွၤကမ့ၢ်တၢ်ခဲလၢာ်, လၢတၢ်ခဲ လၢာ်အပူၤလီၤ.

²⁹ မ့တမ့ၢ်ဘၣ်ဒ်န့ၣ်ဒီး, ပှၤသံတဖၣ်မ့ၢ်တဂဲၤဆၢထၢၣ် က့ၤလ့ၤတက့ၤဘၣ်ဒီး, ပှၤလၢအဒိးဘျၢ*အသးလၢပှၤ သံအဂ့ၢ်တဖၣ်န့ၣ်, ကမၤဝဲဒ်လဲၣ်. ဒီးဘၣ်မနုၤလၢအ ဒိးဘျၢ*အသးလၢအဂ့ၢ်လဲၣ်. ³⁰ ဒီးပဝဲဒၣ်အံၤ, ပအိၣ် ဘူးဒီးပကဘၣ်တၢ်နးတၢ်ဖှီၣ်ကိးအနၣ်ရံၣ်ဒဲးန့ၣ်, ဘၣ် မနုၤလဲၣ်. ³¹ ယအုၣ်ယသးလၢယတၢ်သးခုလၢသုဃိ လၢအအိၣ်ဒီးယၤလၢပကစၢ်ယ့ၣ်ရှူးခရံာ်အပူၤန့ၣ်, ယ သံကိးမုၢ်နံၤမုၢ်နၤဒဲးလီၤ.

³² ဒ်ပှၤကညီအသိးယမ့ၢ်ဒုးလိာ်ယသးဒီးတၢ်ဒူတၢ်ဃိၤ လၢအ့းဖ့းစူးအပူၤဒီး, ပှၤသံတဖၣ်မ့ၢ်တဂဲၤဆၢထၢၣ် က့ၤဘၣ်ဒီး, ယကဘၣ်ဘျုးမနုၤတမံၤလဲၣ်. အီၣ်သကိးအီသကိးတၢ်တက့ၢ်. အဂ့ၢ်ဒ်အံၤခဲဂီၤပကသံလီၤ.+ ၡါ. ၂၂း၁၃|Isa.22.13*.

³³ သုတလီလီၤသုသးတဂ့ၤ. တၢ်ရ့လိာ်လၢအအၢအသီ န့ၣ်, မၤအၢလီၤတၢ်အလုၢ်အလၢ်လၢ အဂ့ၤတဖၣ် လီၤ. ³⁴ ဖုသံနီၣ်ထီၣ်လၢတၢ်တီတၢ်လိၤတက့ၢ်. ဒီးမၤ တၢ်ဒဲးဘးတဂ့ၤ. အဂ့ၢ်ဒ်အံၤ, ပှၤတနီၤနီၤတသ့ၣ်ညါ ဘၣ်ယွၤဘၣ်, ယစံးတၢ်အံၤလၢတၢ်ဒုးမဲာ်ဆှးသုလီၤ.

³⁵ မ့မ့ၢ်ပှၤတနီၤနီၤကစံးဝဲ, ပှၤသံတဖၣ်ကဂဲၤဆၢထၢၣ် က့ၤဝဲဒ်လဲၣ်, ဒီးကဟဲထီၣ်ဒီးအနီၢ်မနုၤလဲၣ်. ³⁶ ပှၤဟး ဂီၤဖိဧၢ, တၢ်လၢနဖှံလီၤနဲန့ၣ်, မ့ၢ်တအုၣ်သံဘၣ်ဒီး, တမဲထီၣ်ဘၣ်ဝဲဘၣ်. ³⁷ တၢ်လၢနဖှံလီၤန့ၣ်, နတဖှံလီၤ အနီၢ်လၢအကအိၣ်ထီၣ်န့ၣ်ဘၣ်. မ့မ့ၢ်ထဲအချံ, ဘု ကၠူၣ်မ့ၢ်ဂ့ၤ, ဘုအဂုၤအဂၤမ့ၢ်ဂ့ၤလီၤ. ³⁸ မ့မ့ၢ်ဖဲအဘၣ် အသးဒီး, ယွၤဟ့ၣ်အနီၢ်ဒီးတၢ်ချံခဲလၢာ်, တမံၤဒီးတ မံၤ, လၢအနီၢ်ဒၣ်ဝဲလီၤ.

³⁹ တၢ်ညၣ်ခဲလၢာ်န့ၣ်, တမ့ၢ်ဘၣ်တၢ်ညၣ်တမံၤဃီ ဘၣ်. ပှၤကညီအညၣ်မ့ၢ်တမံၤ, ဒီးဆၣ်ဖိကီၢ်ဖိအညၣ် မ့ၢ်တမံၤဒၣ်, ညၣ်အညၣ်မ့ၢ်တမံၤဒၣ်, ဒီးထိၣ်အညၣ် မ့ၢ်တမံၤဒၣ်လီၤ. ⁴⁰ ဒီးတၢ်အမိၢ်ပှၢ်တဖၣ် ဘၣ်ဃးဒီးမူ ခိၣ်အိၣ်ဝဲ, ဒီးတၢ်အမိၢ်ပှၢ်တဖၣ်ဘၣ်ဃးဒီး ဟီၣ်ခိၣ် အိၣ်ဝဲလီၤ. ဘၣ်ဆၣ်ဒီးတၢ်ဘၣ်ဃးဒီးမူခိၣ်အလၤက ပီၤမ့ၢ်တမံၤ, ဒီးတၢ်ဘၣ်ဃးဒီးဟီၣ်ခိၣ်အလၤကပီၤမ့ၢ် တမံၤဒၣ်လီၤ. ⁴¹ မုၢ်အလၤကပီၤမ့ၢ်တမံၤ, ဒီးလါအ လၤကပီၤမ့ၢ်တမံၤဒၣ်, ဒီးဆၣ်ဧိၤဖီဧိၤအလၤကပီၤမ့ၢ် တမံၤဒၣ်လီၤ. အဂ့ၢ်ဒ်အံၤ, ဆၣ်သ့ၣ်တဖၣ်အလၤကပီၤ တဖျၢၣ်ဒီးတဖျၢၣ်လီၤဆီလိာ်အသးလီၤ.

⁴² ဒီးပှၤသံဂဲၤဆၢထၢၣ်က့ၤန့ၣ်, မၤအသးဒ်န့ၣ်အသိး စ့ၢ်ကီးလီၤ. ဘၣ်ဖှံလီၤအသးလၢတၢ်အုၣ်သံအပူၤ, က ဂဲၤဆၢထၢၣ်က့ၤဒီးတၢ်တအုၣ်သံဘၣ်အပူၤလီၤ. ⁴³ ဘၣ် ဖှံလီၤအသးလၢအလၤကပီၤတအိၣ်ဘၣ်, ကဂဲၤဆၢ ထၢၣ်က့ၤအိၣ်ဒီးအလၤကပီၤလီၤ. ဘၣ်ဖှံလီၤအသး အိၣ်ဒီးအဂံၢ်စၢ်ဘါစၢ်, ကဂဲၤဆၢထၢၣ်က့ၤအိၣ်ဒီးအ စိၤအကမီၤလီၤ. ⁴⁴ ဘၣ်ဖှံလီၤအသးန့ၣ်မ့ၢ်နီၢ်ခိ, ဂဲၤဆၢ ထၢၣ်က့ၤန့ၣ်မ့ၢ်နီၢ်သးလီၤ. နီၢ်ခိအိၣ်ဒီးနီၢ်သးအိၣ်ဝဲ လီၤ. ⁴⁵ ဒ်န့ၣ်အသိးတၢ်ကွဲးအသး, ပှၤကညီလၢအခီၣ် ထံး, စီၤအၤဒၣ်တဂၤန့ၣ်, ကဲထီၣ်လၢသးလၢအမူလီၤ.+ ၁မိၤ. ၂း၇|Gen.2.7*. စီၤအၤဒၣ်အကတၢၢ်တဂၤန့ၣ် ကဲထီၣ် လၢသးမၤမူထီၣ်တၢ်လီၤ. ⁴⁶ ဘၣ်ဆၣ်ဒီးတၢ်ဘၣ်ဃး ဒီးသးန့ၣ်, တအိၣ်ဆိဘၣ်. မ့ၢ်တၢ်ဘၣ်ဃးဒီးတၢ်ဖံး တၢ်ညၣ်အိၣ်ဆိဝဲ, ဒီးတၢ်ဘၣ်ဃးဒီးသးအိၣ်ထီၣ်ဝဲ လၢခံလီၤ. ⁴⁷ ပှၤကညီလၢအခီၣ်ထံးတဂၤန့ၣ်, ကဲထီၣ် လၢဟီၣ်ခိၣ်ဒီး, ဘၣ်ဃးဒီးဟီၣ်ခိၣ်လီၤ. ပှၤကညီလၢခံ တဂၤန့ၣ်, မ့ၢ်+ ကစၢ်လၢမူခိၣ်လီၤ. ⁴⁸ ဒ်ပှၤဘၣ်ဃး ဒီးဟီၣ်ခိၣ်တဂၤအသိးန့ၣ်, ပှၤလၢအဘၣ်ဃးဒီးဟီၣ် ခိၣ်တဖၣ်မ့ၢ်ဒ်န့ၣ်အသိးလီၤ. ဒီးဒ်ပှၤဘၣ်ဃးဒီးမူခိၣ် တဂၤအသိးန့ၣ် ပှၤဘၣ်ဃးဒီးမူခိၣ်တဖၣ်ဒ်န့ၣ်အသိး လီၤ. ⁴⁹ ဒီးဒ်ပဒိးပှၤဘၣ်ဃးဒီးဟီၣ်ခိၣ်တဂၤအက့ၢ်အ ဂီၤအသိးန့ၣ်, ပကဒိးပှၤဘၣ်ဃးဒီးမူခိၣ်တဂၤအက့ၢ် အဂီၤစ့ၢ်ကီးလီၤ. ⁵⁰ ဒီးပုၢ်သ့ၣ်ဝဲၢ်သ့ၣ်ဧၢ, ယစံးတၢ်အံၤ, တၢ်သွံၣ်ဒီးတၢ်ညၣ်န့ၣ်, န့ၢ်ဘၣ်သါယွၤအဘီအမုၢ်တသ့ဘၣ်. ဒီးတၢ်အုၣ်သံန့ၢ်ဘၣ်သါ တၢ်တအုၣ်သံဘၣ်န့ၣ်တသ့ဘၣ်.―

⁵¹ ကွၢ်ကွၢ်, ယစံးဘၣ်သုလၢ တၢ်ခူသူၣ်တမံၤအံၤလီၤ. ပတမံဘၣ်ကိးဂၤဒဲးဘၣ်. ဘၣ်ဆၣ်ဒီးပကဘၣ်တၢ် လဲက့ၤပသးကိးဂၤဒဲး, ⁵² လၢတစိၢ်ဖိ, ပမဲာ်တဖျးအတီၢ် ပူၤ, ဖဲကွဲၤအကတၢၢ်န့ၣ်လီၤ. အဂ့ၢ်ဒ်အံၤ, ကွဲၤကသီၣ် ထီၣ်, ဒီးပှၤသံတဖၣ်ကဂဲၤဆၢထၢၣ်က့ၤလၢ တၢ်တ အုၣ်သံဘၣ်, ဒီးပကဘၣ်တၢ်လဲက့ၤပသးလီၤ. ⁵³ အ ဂ့ၢ်ဒ်အံၤ, တၢ်အုၣ်သံအံၤ, ဘၣ်သိးထီၣ်တၢ်တအုၣ်သံ ဘၣ်, ဒီးတၢ်သံသ့အံၤ, ဘၣ်သိးထီၣ်တၢ်သံတသ့ဘၣ် လီၤ. ⁵⁴ ဒီးတုၤတၢ်အုၣ်သံအံၤသိးထီၣ်တၢ်တအုၣ်သံ ဘၣ်, ဒီးတၢ်သံသ့အံၤသိးထီၣ်တၢ်သံတသ့ဘၣ်ဒီး, တၢ်ကတိၤကွဲးအသးကလၢထီၣ်ပှဲၤထီၣ်ဝဲ, တၢ်သံလီၤ ဘျၢလံလၢ တၢ်မၤနၢၤမၤဃၣ်အီၤအပူၤလံ.+ ၡါ. ၂၅း၈|Isa.25.8*.⁵⁵ တၢ်သံဧၢ, နစုကဝဲၤအိၣ်ဖဲလဲၣ်. ပျုၤပူၤဧၢ, နတၢ် မၤနၢၤမၤဃၣ်အိၣ်ဖဲလဲၣ်.+ ဟိၤ. ၁၃း၁၄|Hos.13.14*.⁵⁶ တၢ်သံ အစုကဝဲၤမ့ၢ်တၢ်ဒဲးဘး, ဒီးတၢ်ဒဲးဘးအစိအကမီၤမ့ၢ် တၢ်သိၣ်တၢ်သီလီၤ. ⁵⁷ ဘၣ်ဆၣ်ဒီးမ်တၢ်စံးထီၣ်ပတြၢၤ ယွၤအဘျုးအဖှိၣ်လၢ အဒုးမၤနၢၤမၤဃၣ်ပှၤလၢပက စၢ်ယ့ၣ်ရှူးခရံာ်အဃိန့ၣ်တက့ၢ်.

⁵⁸ မၤသးဒ်န့ၣ်ဒီးပုၢ်သ့ၣ်ဝဲၢ်သ့ၣ်လၢ ယအဲၣ်အီၤသ့ၣ်ဧၢ, မ့ၢ်သုသ့ၣ်ညါလၢသုမၤတၢ်လၢကစၢ်အပူၤန့ၣ်, တမ့ၢ် ဘၣ်တၢ်ကလီကလီဘၣ်သတးဒီး, မ်သုအိၣ်စံာ်အိၣ် ကျၢၤ, အိၣ်ဂၢၢ်အိၣ်ခၢၣ်, ဒီးမၤတၢ်အါအါဂီၢ်ဂီၢ်လၢ ကစၢ်အတၢ်မၤ, တထံၣ်ဃီတက့ၢ်.

၁၆

¹ ဒီးလၢတၢ်ထၢဖှိၣ်လၢ ပှၤစီဆှံတဖၣ်အဂီၢ်အဂ့ၢ်န့ၣ်, ဒ်ယမၤလိာ်တၢ်အိၣ်ဖှိၣ်တဖၣ် အိၣ်ဝဲလၢကလၤတံအ သိးန့ၣ်, မၤသုဝဲဒ်န့ၣ်သိးတက့ၢ်. ² ဒီးတုၤယဟဲ, ဒ် သိးတၢ်ထၢဖှိၣ်အလီၢ်သုတအိၣ်တဂ့ၤဒီး, နွံနံၤအကျါ, မုၢ်ခီၣ်ထံးအနံၤ, မ်ပှၤပာ်ဖှိၣ်ပာ်တၢ်, လၢတၢ်ပာ်ဖှိၣ်အ လီၢ်, ဖဲအဒိးန့ၢ်ဘၣ်တၢ်ဘျုးတၢ်ဖှိၣ်အသိး, ကိးဂၤဒဲး တက့ၢ်. ³ ဒီးတုၤယဟဲဒီး, ဖဲဒၣ်ပှၤလၢသုအဲၣ်ဒိးတ ဖၣ်န့ၣ်, ယကမၢအလဲၤစိာ်သုဘျုးဒီး လံာ်တဖၣ်ဆူ ယရူၤၡလ့ၣ်လီၤ. ⁴ ဒီးအလီၢ်မ့ၢ်အိၣ်ဒီး, ယကလဲၤစ့ၢ် ကီး, ဒီးအဝဲသ့ၣ်ကလဲၤဒီးယၤလီၤ.

⁵ ဒီးတုၤယလဲၤခီဂာ်မၤက့းဒနံဒီး, ယကလဲၤဆူသုအိၣ် လီၤ. အဂ့ၢ်ဒ်အံၤ, ယကလဲၤခီဂာ်မၤက့းဒနံလီၤ. ⁶ ဒီး ဘၣ်တဘၣ်ယကအိၣ်ဒီးသု, ဒီးအိၣ်လၢတၢ်ဂိၢ်ခါ ဒီ ကတီၢ်ညါ, ဒ်သိးသုကဆှၢယၤဖဲယကလဲၤတၢ်တပူၤ ပူၤလီၤ. ⁷ အဂ့ၢ်ဒ်အံၤ, ခဲကနံၣ်အံၤ, ယသးတအိၣ်ဘၣ် လၢယကထံၣ်ဘၣ်သုလၢကျဲဘၣ်. ဘၣ်ဆၣ်ဒီး, မ့ၢ် ဘၣ်ကစၢ်အသးဒီး, ယမုၢ်လၢ်လၢယကအိၣ်ဒီးသုတ စိၢ်လီၤ. ⁸ ဘၣ်ဆၣ်ဒီးယကအိၣ်ဒံးလၢအ့းဖ့းစူး, တုၤ အဘၣ်ဘူၣ်ယဲၢ်ဆံအမုၢ်နံၤလီၤ. ⁹ အဂ့ၢ်ဒ်အံၤ, တြဲၤလၢ အဒိၣ်, ဒီးမၤတၢ်သ့န့ၣ်, အိၣ်အိးထီၣ်အသးလၢယဂီၢ် လံ. ဒီးပှၤဂ့ၢ်လိာ်ဘှီလိာ်တၢ်အိၣ်အါဂၤလီၤ.

¹⁰ ဒီးစီၤတံၤမသ့းမ့ၢ်ဟဲဒီး, ဒ်သိးအကအိၣ်ဒီးသုလၢပျံၤ တၢ်တအိၣ်ဘၣ်ဒီး, ကွၢ်သုဝဲတက့ၢ်. အဂ့ၢ်ဒ်အံၤ, အဝဲ ဒၣ်န့ၣ်မၤကစၢ်အတၢ်ဒ်ယၤအသိးလီၤ. ¹¹ မၤသးဒ်န့ၣ် ဒီးမ်ပှၤသုတမၤအီၤတရီတပါနီၤတဂၤတဂ့ၤ. ဒီးမ်ပှၤ ဆှၢအီၤမုာ်မုာ်, ဒ်သိးအကဟဲဆူယအိၣ်တက့ၢ်. အဂ့ၢ် ဒ်အံၤ, ယကွၢ်လၢ်အကျဲလၢအကဟဲဒီးဒီပုၢ်ဝဲၢ်တဖၣ် န့ၣ်လီၤ.

¹² ဒီးလၢဒီပုၢ်ဝဲၢ်, စီၤအပီးလိၤအဂ့ၢ်န့ၣ်, ယသဆၣ်ထီၣ် အခံအါမးလၢ အကလဲၤဒီးဒီပုၢ်ဝဲၢ်သ့ၣ်ဆူသုအိၣ်လီၤ. ဒီးခဲကနံၣ်အံၤ, တၢ်တမိၣ်လဲၤဘၣ်အသးလ့ၤတက့ၤ ဘၣ်. ဘၣ်ဆၣ်ဒီးကလဲၤဝဲလၢအကတီၢ်လၢအဂ့ၤအ ဘၣ်န့ၣ်လီၤ.

¹³ ဆိးသီတက့ၢ်, အိၣ်စံာ်အိၣ်ကျၢၤလၢတၢ်နာ်အပူၤတ က့ၢ်. မၤသုသးဒ်ပိာ်ခွါအသိးန့ၣ်တက့ၢ်. အိၣ်ဆူၣ်တ က့ၢ်. ¹⁴ မၤသုတၢ်ခဲလၢာ်လၢတၢ်အဲၣ်တၢ်ကွံအပူၤတ က့ၢ်.

¹⁵ ဒီးစီၤစတ့းဖနၣ်အဟံၣ်ဖိန့ၣ်, သုသ့ၣ်ညါအီၤလၢအ မ့ၢ်တၤသၣ်ဆိလၢအဃါယၤအပူၤ, ဒီးလၢအဟ့ၣ်လီၤ အသးလၢ တၢ်မၤစၢၤပှၤစီဆှံတဖၣ်န့ၣ်လီၤ. ¹⁶ ဒီးပုၢ် သ့ၣ်ဝဲၢ်သ့ၣ်ဧၢ, ယဃ့ကညးသု, ဒ်သိးသုကစူၢ်ပှၤဒ်န့ၣ် အသိး, ဒီးကယဲၢ်ပှၤလၢအမၤဃုာ်ဒီးပှၤ, ဒီးမၤတၢ်သ ပှၢ်ပှၢ်န့ၣ်လီၤ.

¹⁷ ဒီးစီၤစတ့းဖနၣ်, ဒီးစီၤဖူာ်တူၤနါတူး, ဒီးစီၤအဃကူး ဟဲတုၤဝဲဒီး, ယသးခုလီၤ. အဂ့ၢ်ဒ်အံၤ, သုတၢ်တလၢတ ပှဲၤဘၣ်န့ၣ်, အဝဲသ့ၣ်မၤလၢထီၣ်ပှဲၤထီၣ်လီၤ. ¹⁸ အဂ့ၢ် ဒ်အံၤ, မၤမုာ်ထီၣ်ယသးဒီးသုသးလီၤ. မၤသးဒ်န့ၣ် ဒီး, ပှၤဒ်န့ၣ်အသိးတူၢ်လိာ်အီၤတက့ၢ်.

¹⁹ တၢ်အိၣ်ဖှိၣ်အိၣ်လၢအၤစံတဖၣ်, ကတိၤဒိၣ်သုလီၤ. စီၤအကူလၤ, ဒီးနီၢ်ပြံးစကံလၤ, ဒီးတၢ်အိၣ်ဖှိၣ်အိၣ်ဝဲ လၢအဟံၣ်ပူၤန့ၣ်, ကတိၤဒိၣ်သုလၢအအါ, လၢကစၢ် အပူၤလီၤ. ²⁰ ဒီပုၢ်ဝဲၢ်ခဲလၢာ်ကတိၤဒိၣ်သုလီၤ. ကတိၤ ဒိၣ်လိာ်သုသးလၢတၢ်နၢမူစီဆှံတက့ၢ်.

²¹ ယၤစီၤပီလူးကွဲးတၢ်လၢယစုဒၣ်ယဲ, ဒီးကတိၤဒိၣ် တၢ်လီၤ.

²² ပှၤမ့ၢ်တအဲၣ်ဘၣ် ကစၢ်ယ့ၣ်ရှူးခရံာ်တဂၤဂၤဒီး, မ် အဘၣ်တၢ်ဆိၣ်အၢတက့ၢ်. ကစၢ်ဟဲဝဲလီၤ.

²³ ကစၢ်ယ့ၣ်ရှူး အဘျုးအဖှိၣ်န့ၣ်, မ်အအိၣ်ဒီး သုတ က့ၢ်. ²⁴ ယတၢ်အဲၣ်တၢ်ကွံ, မ်အအိၣ်ဒီးသုခဲလၢာ်, လၢ ယ့ၣ်ရှူးခရံာ်အပူၤတက့ၢ်. [အၤမ့ၣ်].