12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

Surat

di

Yudas

Popela’an

Iti surat diti, tinulis di Yudas, it tinoori di Yakobus. Miduduwo doalo dino, tobpinee di Tuhan Yesus. I Yakobus dino, ponotua dit jemaat sid Yerusalem, om yalo no ot minonulis dit Surat Yakobus. I Yudas diti, sangaran di Yudas Iskariot, it pinadagang di Yesus. I Yudas diti, osiba ot ginawo, tu nokuro ong tobpinee yo poma dot rantas pusod i Tuhan Yesus, nga okunon yo-i dot “turipon di Yesus Kristus” it kondiri yo.

Kinoponulisan nopo di Yudas ditit surat yo diti, popeelo dit tongo pambaca, supaya jumaga dit tongo guru dit maamalid, it ginumawul sid jemaat doalo. Iti surat tonibak diti, miinong sâabat dit Surat Koduwo di Petrus. Momuransang i Yudas dit tongo pambaca, supaya monotos yoalo posintor dit tudukan ontok-ko it kemaya’an tokow. Tu it tudukan diri, insan daas no pataako do Kinoringan sid umat tosusi Yo, om it tudukan dino, abanar sampay misingkoleed.

Suwang

Salam do kotimpuunan: 1:1-2

Bubuatan, Tudukan om Koompuson dit tongo guru dit maamalid: 1:3-16

Nosiat supaya Apatog ot Koosipan: 1:17-23

Doa dot Paangarayow: 1:24-25

1

Salam do Kotimpuunan

1Iti surat diti, mantad sid dogon i Yudas, it rantas pusod di Yakobus. 1:1 I Yudas dino, ino-no it tobpinee di Tuhan Yesus, sangaran di Yudas Iskariot it pinadagang di Yesus. Turipon oku di Yesus Kristus. Iti surat diti, irikot ku sid dikoo, it noloow do Kinoringan i Tama om it amu Yo koyuyuuan, om it pipiara’on di Yesus Kristus. 1:1 Mat 13:55; Mrk 6:3

2Kososogit konow sid saralom dit kosianan, koosayan om toluod do Kinoringan dit aso gisom sid dikoo.

Bubuatan, Tudukan om Koompuson dit Tongo Guru dit Maamalid

(2Ptr 2:1-22)

3Oy tongo koobpineeyan ku dit aa-ku koyuyuuan, oleed no dot agayo ginawo ku monulis pakaa sid dikoo ontok-ko it kasalamatan dit notorima tokow. Nga apajalan iti ginawo ku monulis ditit surat diti dot monuu dikoo, supaya monotos kow posintor dit tudukan ontok-ko it kemaya’an tokow. It tudukan diri, insan daas no pataako do Kinoringan sid umat tosusi Yo, om it tudukan dino abanar sampay misingkoleed.4Sagay ugu dino ot poomoros ku, tu warot tongo guru dot maamalid dot moolosok rumunggum sid jemaat duyu. Mising-bobos yoalo mamaal dot kalaalasu tu, ka doalo, “Ompunan tokow-i do Kinoringan,” ka. Om olimon doalo i Yesus Kristus i Tuhan tokow, it Moonguasa dit kikiawi. Montod po dit gulu, nokotulis no mâantad sid Kitab dot ukumon yoalo do Kinoringan. 1:4 Mat 13:41

5Ela’an duyu poma mâantad kikiawi ot komoyoon ku diti, nga eengin oku popoondom dikoo dot kinukuro do Kinoringan it tulun dit amu minimoyo Doo. Tu it tongo tulun Israel kodori, sunduy sinalamat yoalo do Tuhan dot mogidu mantad sid negeri dot Mesir, nga nakatalib iri, ombo it tulun dit amu minimoyo Doo, minangan Yo binasa’o. 1:5 Kel 12:51; Bil 14:26-30 6Om ondomo duyu no pogi it tongo moleekat dit rinumalad po mantad dit tugas dit nitaak do Kinoringan, om niduan doalo it doo kondiri do kineeyonon. Minangan do Kinoringan korooto yoalo dot rantay dit otiru misingkoleed, om jiilo nogi sid luwang dit paling otuwong, tu peendadon dit tadlaw dot kendorosi, ino-no it tadlaw dit pongukuman doalo. 1:6 Kej 6:1-4; 2Ptr 2:4; 1Ptr 3:19 7Om ugu keeri no it kota dot Sodom om Gomora, om it tongo kota sid mintutuk siri. It tongo kusay sid tongo kota diri, miinong-i dit bubuatan dit tongo moleekat diri, tu minamaal yoalo dot kalaalasu om monokiagay dara’ay dot suwâay no ot winangun. 1:7 ... monokiagay dara’ay dot suwâay no ot winangun. It tongo moleekat dit noreet sid ayat 6, ki-duso tu minanansawo dot tongo tongondu dot tulun (Kej 6:1-4). Komoyoon, minanansawo yoalo dot tongondu dot suwâay ot winangun, dot iri diri, kaasana’an do Kinoringan. Nga ii-nopo tongo kusay sid Sodom om Gomora, mangagay dara’ay dot tongo moleekat – it moleekat dit minagandaa di Lot (Kej 19:5-11). Iri not kinopongukuman do Kinoringan doalo dot tapuy dot aso kopisakan, tu pangaandaman kumaa sid tulun kikiawi dit lumawan Doo.1:7 Kej 19:1-24

8Jadi, it tongo guru dit maamalid nga ugu keeri-i. Ki-tinipi yoalo kabarasan, dot it tongo tinipi yo no diri ot pawaya’an mamaal dot kalaalasu, ino-no, monginsosomu dit koyuwan kondiri. Amu mongorumat yoalo dit isay nopo it ki-pangkat, om kukuwo’on doalo it ongo-susundu sid sawat. 9Insan i Mikhael no tu kotua do moleekat, nga amu-i nokobulun mogkuraraat dot boboroson sid Raja do Rogon. Tiya dit minisolod yalo om it Raja do Rogon dit bangkay di Musa, 1:9 It tuturan pasal dit minisolod yalo om it Raja do Rogon dit bangkay di Musa, nanu mantad sid buuk dit reetan dot Kineensawatan di Musa sid Surga. It buuk diri, amu nakaagkum sid Kitab. Napatay nopo i Musa sid pomogunan dot Moab (Ul 34:5-6), ka dit tuturan diri, poki’oowitan nôono dit Raja do Rogon it bangkay di Musa mongoy sid naraka, tu pinatay di Musa it iso ot tulun dot Mesir diri (Kel 2:12). Nga i Mikhael nopo, mokipongowit dit bangkay di Musa mongoy sid surga. iri no ot boros di Mikhael, “Ombo-ko i Kinoringan ot mongukum dikaw,” ka. 1:9 Dan 10:13, 21; 12:1; Why 12:7; Ul 34:6; Za 3:2 10Nga ong it tongo guru dit maamalid dit komoyoon ku diri, sumûurag-i monguukuwo dit nunu nopo it amu oorotiyan doalo. It oorotiyan doalo, maya nôopo dit opurimanan sid ginawo yo, ugu-ko it dupot dit asot takal. Om it hal no diri ot kobinasa doalo.

11Asabak yoalo! Tu tinumiruwan dit kinowowoyo’on di Kain , dit dinumangki dit tinoori yo. 1:11 I Kain dino, dinumangki sampay minamatay dit tobpinee yo. Om ugu-ko i Bileam yoalo, tu momiyayat dot tongo tulun mamaal dot kalaalasu tu moki’u’untung. Binasa’on yoalo, ugu-ko i Korah tu lumawan do Kinoringan. 1:11 Kain: Kej 4:3-8 Bileam: Bil 22:1-18; 24:10-14; 25:1-3, 16-18; 31:16; Kel 23:3-6 Korah: Bil 16:1-35; 26:9-10

12It bubuatan dit tongo guru dino, mangaraag dit tongo poginakanan dot dang jemaat. 1:12... poginakanan dot dang jemaat. Tiya di Yudas, oobas it tongo Kristian mi’aandam mangakan sambil mongoondom dit poginakanan di Tuhan Yesus (perjamuan kudus keenong ekaristi). Tu ong mandam yoalo dikoo mangakan, orusuk om amu omomoluan. It tiyan yo no kondiri ot podulion yo. Yoalo dino, ugu-ko it kawut dit tilibon dot sarup tu amu sumondot, komoyoon, amu mongowit dot barakat sid tulun wookon. Om ugu-ko it koowa’an dit amu monguwa tiya dot kooponguwa’an, tu nasakat sampay nolonot babanar. 1:12 Ams 25:14 13Om yoalo dino, ugu-ko gumbang tagayo dit poogol dot puta om sinomu sid tisan dit laut, tu kembulay sompôori it bubuatan doalo dit kamaamalu. Om ugu-ko tongo rombituon yoalo dit amu kototoron, tu okon-ko potolunung dot tulun, mamalid nogi. Nosodia mâantad do Kinoringan ot peeyanan doalo sampay misingkoleed, sid paling otuwong.

14I Henokh, solusuk koturu dot i Adam ot nimpuunon. I Henokh diri nga nokopolombus no mâantad do nubuat ontok-ko it tongo guru diri. Ka dialo, “Intangay pogi! Andang rumikot i Tuhan dot miwaya dit rinibuan it umat tosusi Yo. 1:14 Kej 5:18, 21-24 15Momisara Yalo dit kikiawi ot tulun, om mangaratu dot tukum sid tulun taraat. Mangan yoalo ukumo do Tuhan, tu lumawan Doo om araat it boboroson doalo, tu minongusiba yoalo do Tuhan,” ka di Henokh. 1:15 Itit ayat diti, nanu mantad sid 1 Henokh 1:9, dot ino buuk dino, amu nakaagkum sid Kitab.16Tu it tongo guru diri, oobas mootongur om wâaro nopo ot poguangan, om mising-bobos mamaal dot araat, dot it tiwow ot potuudan. Otombirang ot kakabangon om mongolimumuud dot tulun wookon, tu moki’u’untung.

Nosiat Supaya Apatog ot Koosipan

17Nga ikoo, oy koobpineeyan ku dit aa-ku koyuyuuan, ondomo duyu no babanar nunu ot nokoboros mâantad dit tongo rasul di Tuhan tokow Yesus Kristus. 18Boros doalo sid dikoo diri, “Kadung miirikot no ot koowian do zaman, waro tulun mimbulay dot it tiwow do ginawo ot potuudan yo. Mamaabakak yoalo do Kinoringan om it umat Yo,” ka. 1:18 2Ptr 3:3 19Om yoalo no dino ot monguyas dit jemaat duyu. Yoalo dino, aso Tatod Tosusi sid ginawo doalo, om nokuasa dit kenginan kondiri.

20Nga ikoo oy koobpineeyan ku, kada kow mingkoyod pogirot dit koosipan duyu sid tudukan tosusi dit notorima duyu. Pintaduwa kow no dot mokitarayan di Tatod Tosusi. 21Jaga’o duyu no inot kondiri duyu supaya oogot ot pitoluadan duyu do Kinoringan, mising-korikot di Tuhan tokow Yesus Kristus. Yalo no ot indadadan tokow, dot manaak do koposiyon tototog, tu osianan Yalo daton.

22Impapagay duyu it tulun dit opiduwo ot koosipan, dot otoluod ot gama duyu. 23Om it tulun wookon dit napalid no, nga adapat po manalamat, salamato duyu talangkas yoalo, ugu-ko it gama mangagayat dot tulun mantad sid tapuy. Nga waro po wookon ot tulun dit maya nopo dit kenginan doalo dit araat. Pembulayo duyu it kosianan duyu sid doalo, nga tandayan duyu no supaya amu kow ogigilan dit karaatan doalo. Anggapo duyu no it karaatan doalo diri dot ugu-ko soosokot dit nensosomuan.

Doa dot Mangarayow

24Royo’o tokow no i Kinoringan dot Yalo no ot ki-kuasa momiara daton, supaya amu tokow kosunsurut. Om ki-kuasa po Yalo mongowit daton tumoguwang sid tompiling Yo, dot aso ponuduan tokow om landu kootomon. 25Om royo’o tokow no Yalo tu iso no Yalo ot Kinoringan, it Maanalamat daton, dot i Yesus Kristus i Tuhan tokow ot pinawaya’an. Yalo not osundu, asawat, apangkat om ki-kuasa dot momorinta mantad dit kodori sampay tidîino om sampay misingkoleed! Amin.