Surat Koduwo
di
Yohanes
Popela’an
Iti Surat Koduwo di Yohanes diti, tinulis dit “ponotua dot jemaat”, ino-no i Yohanes kondiri, it tanak di Zebedeus om rantas pusod di Yakobus. Iti surat diti, nikirim sid tongondu “dit nopili do Kinoringan” om sid “tongo tanganak yo”. Komoyoon nopo dati di Yohanes dot i “Tongondu” om it “tanak yo”, ino-no, it iso ot jemaat om it tongo anggota siri. Tomodon nopo ditit surat tonibak diti, monuu babanar doalo supaya mitotoluod, om jumaga dit tudukan dit tongo guru dit maamalid.
Suway mantad keeti surat diti, waro pot apat ot Kitab dot tinulis di Yohanes, ino-no, it Surat Keeso om Surat Kotolu di Yohanes, om it Tabar Tawasi di Yohanes om it Kitab Wahyu (Niintalang).
Suwang
Salam do kotimpuunan: 1:1-3
Maya dit Tudukan Tabanar om Mitotoluod: 1:4-6
Kada no Mokipalid dit Tongo Guru dit Maamalid: 1:7-11
Salam do Kopupuson: 1:12-13
1Salam do Kotimpuunan
1Itit surat diti, mantad sid dogon it ponotua dot jemaat, irikot ku sid dikaw, oy Kinan, it nopili do Kinoringan, om sid tongo tanak nu, 1:1 Iri dati ot komoyoon di Yohanes diri, dot oy Kinan, ka, ino-no it jemaat siri, om it tongo tanak nu, ino-no it tongo anggota siri. Tu tiya dit minonulis nogi i Yohanes dit surat diti, nokotimpuun no it tongo pomorinta dot Ruum dot manansara dit tongo Kristian. Jadi kakalu dati ong amu sinondot banar di Yohanes dot isay ot porikatan yo ditit surat diti, supaya ong abaca dit tongo maanansara itit surat diti, amu otutunan doalo isay ot porikatan. it babanar-ko aa-ku koyuyuuan. Okon-ko yoku no ot amu mongoyuu dikoo, ino-i-nga ii-pot kikiawi it tulun dit nokotorima dit tudukan tabanar. 2Sagay ugu dino, tu nokosokot sid ginawo tokow it tudukan tabanar, om sisiri nôonod ginawo tokow sampay misingkoleed.
3Kososogit konow sid saralom dit kowosian, kosianan om koosayan do Kinoringan it Tama om i Yesus Kristus, it Tanak di Tama, supaya kumuyut kow dit tudukan tabanar om mitotoluod kow.
Maya dit Tudukan Tabanar om Mitotoluod
4Oy Kinan, banar-ko otomon oku, tu nela’an ku dot warot tongo tanak nu dot minaya dit tudukan tabanar, ugu-ko it nisuu daton di Kinoringan i Tama. 5Jadi, pokionuwon ku sid dikaw oy Kinan dot mitotoluod tokow. Nga okon-ko kaawagu po itit suu ku diti, ino-i-nga nokosopol mâantad sid daton tiya dit tinumimpuun tokow nogi mimoyo di Kristus. 1:5 Yoh 13:34; 15:12, 17; 1Yoh 2:7 6Komoyoon nopo dot mitotoluod, maya dit pinonuu’an do Kinoringan. Iti no ot pinonuu’an dit norongow duyu dat tanak nu oy Kinan, mantad dit tinumimpuun kow nogi mimoyo di Kristus: Pitotoluod kow no dat tongo tanak nu. 1:6 1Yoh 3:11; 4:10
Kada no Mokipalid dit Tongo Guru dit Maamalid
7Tu ogumu ot maamalid dot nokotongkop ditit pomogunan, it amu mangakun dot nokorikot i Yesus Kristus sitid pomogunan dot nakaanu do koyuwan dot tulun komimiiyo. It tulun dit ugu keeri, maamalid om sokutu di Anti-Kristus. 1:7 1Yoh 4:1-3 8Jadi, jaga kow no dat tongo tanak nu, oy Kinan, tu ong tumolikud kow mantad sid di Kristus, aso guguna ya dot minongowit sid dikoo dit Tabar Tawasi. Jadi subay-ko tumilombus kow-i mimoyo supaya, ong orikot it Tadlaw dot Pongukuman, amu enayan it isuli do Kinoringan sid dikoo. 9Tu isay nopo ot amu monguyut dit tudukan di Kristus, ino-i-nga sumompiang nogi, nokotolikud no mantad sid Kinoringan. Nga, isay nopo ot kumuyut dit tudukan diri, nokeeso no di Kinoringan om it Tanak Yo i Yesus Kristus. 10Ino nogi, ong warot tulun mongoy sid dikoo om modtuduk dot suway mantad dit tudukan di Kristus, okon-ko pendokodon it tulun dino sid walay duyu, om okon-ko sumamung dit tulun dino. 11Tu isay nopo ot sumamung dit tulun dit ugu keeri, aso bîida dot monguup yalo dit karaja taraat dit tulun dino.
Salam do Kopupuson
12Ogumu po dara ot boroson ku sid dikaw oy Kinan, nga amu ku-i tulison sitid surat diti. Arapon ku dot kapagandaa oku dikaw om inot tongo tanak nu, om kopitoguwang kito miboboros, supaya otomon tokow babanar.
13It tongo tanak dit tobpinee nu dot tongondu it nopili-i do Kinoringan, kirim salam sid dikaw. 1:13 Komoyoon nopo dati di Yohanes diri dot It tongo tanak dit tobpinee nu dot tongondu ... ka, ino-no it tongo Kristian sid jemaat wookon, kalu ong it sid kampung di Yohanes.