YOHANA NAGAMBIRA KAYI KWANANKULA KUZIMA ABOLEKEREZI B’EVANJELI.
1 Omugurusiha mwendwa wange Kayi, owe nkwenda kimo. 2 Mwendwa wange, nkukusabira oze obusyo muli byona na mu buhozi bw’engingo, nk’okw’omwoyo gwawe guz’obusyo. 3 Nkasemererwa muno, abatabani betu ka bezire nibamanyisya obukomereza bwawe, n’entungwa zawe zikomereze. 4 Obusemererwa bwange obusingire nikwo kuhulira okw’abana bange balibata mu bukomereza.
5 Mwendwa wange, okutungwa kuzima k’okukolera abatabani betu, munomuno abageni. 6 Bamanyisize obwendani bwabe ebusyo y’eklezia; hakili ochumire olugendo lwabo, mu lulengo luhikire Mungu. 7 Kuba bakemuch’olugendo kuber’ ezina lye, nzira kuhabwa kintu mu basenzi. 8 Mbe tulagirwe kukuma kuzima abantu nk’abo batyo, niho tukobere nabo obuz’ obusyo bw’obukomereza.
9 Nayandikire eklezia, nawe Diotrefe, akwenda kuba mukuru wabo, takunda agetu. 10 Hatyo, olwo ndaiza, ndimuhanira amabi ago akukola, naikara kutuchwererera; kandi, kuti henda ebyo bitamuhika, takwanga chonka kwanankula omwene abatabani betu, nawe akuzibira abakwenda kubayanankula, naberucha mw’eklezia. 11 Mwendwa wange, otarubirira amabi, nawe amazima. Akukola kuzima ni wa Mungu; akukola kubi tabwene Mungu.
12 Bona, n’obukomereza bwonene, bakusima Demetrio; itwe twena tumusima, kai okumanya okw’obusimi bwetu ni bwa kimo.
13 Sanga ndi na bingi byo kukwandikira, nawe tinkwenda kubyandika n’obwino n’ekalamu. 14 Nkutegeza kukubona bwangu, kai tukufumorana. Omulebo gube n’ewe. Abanwani betu bakukubwacha. Obwachega abanwani betu, omo omo.