PRU MAT WA AI

PRU MAT WA AI

¹ Da ndai gaw Egutu mung de du sa ai Israela a shadang sha ni a amying rai nga malu ai: tinang a ndum nta hte htep, kawa Yaku hte rau du sa ai ni yawng gaw, ² Rubin, Simun, Lewi, Yuda: ³ Yisahka, Zebulun, Ben-yamin: ⁴ Dan, Naphtali, Gad Ashe hte rai ma ai. ⁵ Yaku a nshang nna hkrat ai shinggyim masha yawng hte gaw marai sanit shi rai ma ai: Yosep chyawm gaw Egutu mung e nga magang nga sai. ⁶ Ya Yosep hte shi a kahpu kanau ni mung, dai prat na ni nlang hte mung si mat masai. ⁷ Israela a kashu kasha ni chyawm gaw mayat maya wa nna, tsanawn nga ma ai hte law htam wa let ja ja kaba wa nga ma ai: dai mung ting hkan e shanhte hpring at nga ma ai. ⁸ Dai shaloi Yosep hpen chye ai hkawhkam ningnan, Egutu mung ntsa e paw pru wa ai. ⁹ Dai wa gaw shi a mung masha ni hpe, Yu mu, Israela a kashu kasha ni a amyu gaw law htam nga ma ai hte anhte hta grau ja nga ma ai: ¹⁰ ya sa marit, shanhte n law wa lu na hte majan pru yang anhte a hpyen maga de shang nna anhte hpe gasat kau da nhtawm, ndai mung na n lung mat wa lu mug a, shanhte hpe zai hte galaw gaw, ngu wu ai. ¹¹ Dai rai nna Egutu du ni gaw amu bungli hte shanhte hpe sharu shatsang na matu shanhte a ntsa e hpareng tawn da mu ai: shanhte mung Hpara-u a matu rai tawn da na mare Hpihtum hte Ramese de ya mu ai. ¹² Raitimung shin di zingri ai hte shanhte je law wa nna hpring chyam nga ma ai: dai rai nna shanhte gaw Israela a kashu kasha ni a majaw myit ru nga ma ai. ¹³ Shingrai Egutu masha ni gaw Israela a kashu kasha ni hpe nhtum nni di nna yam da mu ai: ¹⁴ wut shakap hkumpup hte wut galaw ai amu hte mung, Yi hkauna galaw amu lam shagu hte mung, shanhte hpe galaw shangun ai ru tsang ai mayam amu lam shagu hte mung, shanhte a asak hpe jahki shaba ya da mu ai. ¹⁵ Dai hta kaga Egutu hkawhkam gaw, Hebre numsha ni hpe shangai karum rum re ai Shipra hte Hpua mying ai shangai karum num yan hpe, ¹⁶ Nan Hebre numsha ni hpe shangai karum nna, dai shangai punghkum hta shanhte ma shangai nga yang, lasha rai yang gaw sat kau ya mu, numsha rai jang chyawm gaw jahkrung dam u, nhu nna hkang dam u ai. ¹⁷ Shangai karum num yan chyawm gaw Karai Kasang hpe hkrit hkungga ma ai rai nna, Egutu hkawhkam hkangda ai hku n hkan ai sha, lasha ni hpe jahkrung day a mu ai. ¹⁸ Dai re ai majaw Egutu hkawhkam gaw shangai karum num yan hpe bai gaw, hpa re ai rai myit ta? Ngu wu ai. ¹⁹ Shangai karum num yan gaw, Hebre numsha ni Egutu numsha ni zawn n rai ma ai; shanhte tsam rawng ma ai rai nna, shangai karum ai jan garai n du yang, shanhte shangai ngut kau kau rai ma ai, ngu nna Hpara-u hpe htan mu ai. ²⁰ Dai rai nna Karai Kasang gaw shangai karum num yan hpe chyeju jaw mu ai: dai amyu mung law htam wa nna ja ja galu kaba wa ma ai. ²¹ Shingrai, shangai karum num yan Karai Kasang hpe hkrit hkungga ma ai majaw, shi gaw shan a matu dinghku shachying ya mu ai. ²² Bai Hpara-u gaw shi a mung masha ni nlang hte hpe hkangda nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

¹ Dai hte yang Lewi amyu la langai mi gaw Lewi amyu num sa la wu ai. Shaloi dai num na-um nasin rai nna shadaung sha mi shangai wu ai: ma dai ahpraw tsawm nga ai hpe kanu mu wu yang shata masum ting shi hpe makoi da wu ai. ²³ Dai hpang n makoi da lu nna, dai hpe namsu hte hpun naw chya nhtawm, ma hpe dai hta bang nna, hka kau na maiaw tu ai shara e shawaw tawn wu ai. ⁴ Kana mung, shi hta kaning rai byin ai, yu na nga, tsan tsan e tsap nga ai. ⁵ Dai shaloi Hpara-u a shayi sha gaw hkum shin na nga hka de yu sa ai rai nna, shi a shangun ma ni hka kau e garet khawm nga ma yang, dai maiaw brap e sumpu hpe shi mu nna dai hpe sa shaw la na, shi a shangun num hpe shangun dat wu ai. ⁶ Dai sumpu magap hpaw yu mu yang, dai ma hpe shi mu wu ai; yu mu, dai ma mung hkrap nga ai: shaloi shi matsan dum nna, Ndai gaw Hebre ma she rai nga ai, nga nna tsun ai. ⁷ Dai ma a kana mung, Na a matu dai ma hpe chyu shachyu ya na, Hebre num langai mi ngai wa saw ya de ga law? ngu nna Hpara-u a shayi sha hpe tsun wu ai. ⁸ Hpara-u a shayi sha mung, Sa saw ya e, ngu nna shangun dat wu yang, dai numsha ma gaw, dai ma chyangai a kanu hpe wa shaga ya wu ai. ⁹ Dai rai nna Hpara-u a shayi sha gaw, Ma chyangai ndai la wa nna nye a matu shapan ya e; ngai nang hpe shabrai jaw na de ai, ngu nna shangun wu ai hte maren, dai numsha gaw ma chyangai dai hpe la wa nna chyu shachyu ya wu ai. ¹⁰ Dai ma kaba wa jang, Hpara-u a shayi sha hpe sa sa ya wu ai rai nna shi a kasha tai nga ai: shi gaw dai ma hpe Mawshe ngu nna shamying wu ai: dai gaw, Hka hta na ngai shi hpe shaw la we ai, nga ai, rai lu ai. ¹¹ Ya Mawshe kaba wa jang, shi a amyu masha ni kaw sa wa nhtawm shanhte gun li ai lit sa mada ya wu ai: shaloi Egutu masha langai mi gaw, shi a amyu Hebre masha langai mi hpe adup ajin di ai, mu wu ai. ¹² Dai rai nna grupyin mada yu yang, kadai mung n nga ma ai majaw, Egutu masha wa hpe sat kau nhtawm, zaibru hta lup kau wu ai. ¹³ Hpang shani e shi bai pru hkawm yang, Hebre masha lahkawng shada kamu chyi nga ma ai: dai rai nna shi gaw dai dang ai wa mahtang hpe, Hpa rai na manang wa hpe kayat n ta? Ngu wu ai. ¹⁴ Shaloi dai wa gaw, Anhte a ntsa e du hte tara agyi tai na nang hpe gade ai san tawn da a ta? Dai Egutu masha hpe nang sat kau ai zawn, ngai e mung sat kau na maw nga n ni? ngu nna htan wu ai. Dai majaw Mawshe gaw, Gaja wa, ndai amu brawng sam sai, nga nna hkrit nga ai. ¹⁵ Hpara-u dai lam na jang Mawshe hpe sat na tam nga ai. Mawshe chyawm gaw Hpara-u kaw na hprawng mat wa nna, Midian mung e sa nga nga ai: dai de du yang hka htung langai mi a makau e shi dung sa nga ai. ¹⁶ Ya Midian hkinjawng gaw shayi sha sanit lu nga ai: shanhte gaw hka sa ja nna, shanhte a kawa a sagu bainam hpung ni hpe ntsin shayaw na nga, ntsin htung ni hta ja jahpring ma ai. ¹⁷ Sagu rem ni gaw du sa nna shanhte hpe shachyut kau mu ai: Mawshe chyawm gaw rawt nna num ni hpe karum let, shanhte a sagu bainam hpung ni hpe ntsin shayaw ya mu ai. ¹⁸ Bai shanhte gaw kawa Reuela hpang de du wa yang, shi gaw, Dai ni gaw hpa rai ndai hte wa lawan wa lu marin ta? ngu nna hkap san wu ai. ¹⁹ Shanhte gaw, Egutu masha langai mi anhte hpe sagu rem ni a lata na shaw la nna, anhte hpe hka ja karum ai hte sagu bainam hpung ni hpe ntsin shayaw ya mi ai, ngu nna tsun dan mu ai. ²⁰ Kawa gaw, Rai taw, shi kanang rai nga a ta? shi hpe hpa rai kau da myit ta? shi shat sha ruga, sa shaga la ma su, ngu nna shi a shayi sha ni hpe tsun wu ai. ²¹ Mawshe mung dai wa kaw nga ra nga ai rai nna, shi a shayi sha Tsihpura hte hkungran ya wu ai. ²² Num dai mung shadang sha shangai ai rai nna, Mawshe gaw, Masha mung ga e tsasam manam tai nga nngai, nga nna shi a amying hpe Gershom ngu nna shamying wu ai. ²³ Ya nhtoi tsawmra wa na wa sayang she Egutu hkawhkam si mat ai: Israela a kashu kasha ni mung dai mayam lit a majaw, madai nna hkrap sharung ai ga gaw dai mayam lit kaw nna Karai Kasang hpang de hkrang lung wa malu ai. ²⁴ Shanhte a madai sharung ai nsen hpe Karai Kasang na ya wu ai rai nna, Abraham, Isak, Yaku hte hte tawn da ai ga shaka hpe dum wu ai. ²⁵ Karai Kasang gaw Israela a kashu kasha ni hpe mada mara yu nna, Karai Kasang gaw shanhte hpe dum nga ai.

¹ Ya Mawshe gaw shi a katsa Yehtru ngu ai Midian hkinjawng a sagu bainam hpung rem nna nga nga ai:dai hpung ni hpe nam jahtum de shi gawt sa wa wu ai rai nna, Horeb ngu ai Karai Kasang a bu de sa du ai. Ya Mawshe gaw shi a katsa yehtru ngu ai Midian hkinjawng a sagu bainam hpung rem nna nga nga ai: dai hpung ni hpe nam jahtum de shi gawt sa wa wu ai rai nna, Horeb ngu ai Karai Kasang a bum de sa du ai. ² Shaloi Karai Kasang a lamu kasa gaw, singwum hta wan grung ai hte shi kaw danpru ai: dai hpe shi yu yu wu yang, yu u, wan grung nga timung singwum gaw n hkru mat nga ai. ³ Dai rai nna Mawhse gaw, Singwum hpa rai n hkru mat ai kun, mauhpa lam kaba wora hpe ngai sa yu se ga, nga ai. ⁴ Shi sit sa wa ai hpe Yehowa mu wu yang, Karai Kasang gaw, Mawshe e, Mawshe e, nga nna dai singwum kata na shi hpe shaga pru ai: shi gaw, Nang rai nga nngai, ngu nna htan wu ai. ⁵ Shaloi Karai Kasang gaw, Nang de hkum sit nit; na a kyepdin raw kau u; dai nang kabye ai ga gaw chyoi pra ai shara rai nga ai, nga nna mung; ⁶ Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai, nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myiman magap da wu ai. ⁷ Bai Yehowa gaw, Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai: ⁸ shanhte hpe Egutu masha ni a lata na hkyehkrang la na hte dai mung kaw nna, Hkanan, Hiti, Amori, Hperizi, Hiwi hte Yebusi masha ni nga ai, ja kat ai hte kaba nga ai, nga chyu hte lagat jahku lwi ai mung de woi wa na ngai yu sa ring ngai. ⁹ Ya, yu u, Isarela a kashu kasha ni a hkrap sharung ai nsen gaw ngai kaw du ra ai; Egutu masha ni shanhte hpe zingri zingrat ai mayam amu hpe mung ngai mu se ai. ¹⁰ Dai majaw, ya sa wa su, nye a amyu Israela a kashu kasha ni hpe Egutu mung na sa shapraw la lu na, ngai nang hpe Hpara-u haang de shangun dat de ga, ngu nna tsun wu ai. ¹¹ Sahloi Mawshe gaw Karai Kasang hpe de sa na mung, Israela a kashu kasha ni hpe Egutu mung na shaw la lu na mung, ngai hpa hkaw ai wa rai nga a ta? ngu wu ai. ¹² Bai Karai kasang gaw, Ngai nang hte rau teng teng nga na ring ngai; ngai nang hpe shangun dat ai kumla gaw, Dai amyu hpe Egutu mung na nang shapraw wa nhtawm, ndai bum hta e nanhte Karai Kasang hpe naw jau lu ai rai na ra ai, ngu wu ai. ¹³ Bai Mawshe mung, Yu u, Israela a kashu kasha ni hpang de ngai sa du nna, Nanhte a nji nwoi ni a Karai Kasang gaw ngai hpe nanhte hpang de shangun dat nngai, ngu mawe yang, shanhge mung, Dai Karai Wa a amying ningsang kaning nga lu ta? nga nna san dam yang, ngai kaning ngu bai htan na rai ta? ngu nna Karai Kasan hpe san wu ai. ¹⁴ Shaloi Karai Kasang gaw, Ngai rai nga nngai hte maren ngai wa rai nga nngai; Ngai Wa Rai Nga Nngainga ai wa gaw nanhte hpang de ngai hpe shangun dat ni ai, ngu nna Israela a kashu kasha ni hpe nang tsun na rai ndai, ngu nna Mawshe hpe tsun wu ai. ¹⁵ Bai Karai Kasang gaw Mawshe hpe, Nanhte a nji nwoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai shangun dat ni ai, ngu nna Israela a kashu kasha ni hpenang tsun na rai ndai: dai gaw htani htana na nye a amying rai nga na li ai; dai gaw prat mi hte prat mi na nye a masat dingsat mying rai nga na li ai. ¹⁶ Sa wa su, Israela a salang ni hpe jahpawng nhtawm shanhte hpe ning ngu mu: Nanhte a nji nwa ni a Karai Kasang, Abraham, Isak, Yaku kaw danpru nna, Ngai nanhte hpe gaja wa kawan yu nna, Egutu mung e nanhte hpe di ai lam ngai mu se ai; ¹⁷ dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu. ¹⁸ Shanhte mung na a ga madat na ma ai; shingrai, nang hte Israela a salang ni gaw Egutu hkawhkam kaw shang nna, Hebre masha ni a Karai Kasang Yehowa gaw anhte hte hkrum sai; dai rai nna, anhte a Karai Kasang Yehowa hpe hkungga jaw lu na nam mali de lam masum ya sat sa lu na ahkang anhte hpe jaw mi, ngu nna shi hpe tsun na rai myit dai. ¹⁹ Egutu hkawhkam chyawm gaw, nanhte hpe sa wa na ahkang jaw na myit dai n rai, ngai chye nngai. ²⁰ Shaloi ngai gaw nye a lata sharawt nna Egutu mung hta e ngai di dat na nye a mauhpa amu nlang hte hte dai mung hpe ari jaw dat na ra ai. ²¹ Ndai amyu hpe Egutu masha ni a man e ngai myiman pa shangun na mawe ai rai nna, nanhte pru wa lu ai shaloi kaman pru wa na myit dai n rai: numsha hkum shagu tinang a thingbu hte, tinang a nta shingbyi ai hpun palawng hpyi la nna, nanhte a shayi shadang sha ni hpe shanawn na marin dai: shingrai nanhte gaw Egutu masha ni hpe akrin atsai di kau na marin dai, ngu nna Mawshe hpe tsun dat wu ai.

¹ Raitimung Mawshe gaw, Yu u, shanhte gaw, Yehowa nang kaw danpru ai n rai, nga nna ngai hpe mung n kam nye ga mung n madat na ma ai, ngu nna htan wu ai. ² Dai majaw Yehowa gaw, Dai nang lang ai hpa rai lit ta? ngu wu yang, shi gaw, Dawhkrawng rai li ai, ngu wu ai. ³ Bai Yehowa gaw, Ga de kabai dat u, ngu wu ai; shi mung kabai dat wu ai rai nna, dai gaw lapu tai nga lu ai; Mawshe mung dai kaw na hprawng wu ai. ⁴ Bai Yehowa gaw, Na lata ladawn nna shi a nmai sa jum u, ngu nna Mawshe hpe tsun wu yang, shi lata ladawn nna dai hpe sa uum ai; shloi dai gaw shi a lata hta dawhkrawng bai tai lu ai: ⁵ ning di yany, shanhte a kaji kawoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai Yehowa nang kaw danpru ai gaw shanhte kam na mara ai, ngu nna Mawshe hpe tsun wu ai. ⁶ Dai hta kaga Yehowa gaw, Na lata hpe sinda de shawn bang u, ngu nna shi hpe tsun wu ai; shi mung sinda de lata shawn bang nna, bai shaw la yu wu yang, yu u, shi a lata gaw hkyen zawn hpraw nna manggang gang nga lu ai. ⁷ Bai Yehowa gaw, Na lata sinda de bai shawn bang u, ngu wu ai hte maren, sinda de lata bai shawn bang nna, bai shaw la wu yang, yu u, shawoi na ta bai rai mat lu ai. ⁸ Shaloi raitimung, shanhte nang hpe n kam ai hte shawng na lamik kumla hpe n sawn ya yang gaw, hpang na lamik kumla hta kam na ma ai. ⁹ Shing n rai, dai lamik kumla lahkawng hta mung n kam, na a ga mung n madat ya ma yang gaw, dai hka nu na hka sa ja la nna hkarang e ru tawn dan u; shaloi hka nu na ja la ai ntsin gaw hkarang e asi tai na ra ai, ngu nna tsun wu ai. ¹⁰ Bai Mawshe gaw, Madu e, ngai gaw n-gup mamsup n rawng ai wa rai nngai; shawng de nna mung n rawng nngai, na mayam hpe nang tsun jang nna pyi n rawng li ai: ngai gaw n-gup li ai hte shinglet li ai wa rai nngai, ngu nna Yehowa hpe tsun wu ai. ¹¹ Dai majaw Yehowa hpe gaw, Masha a n-gup kadai shatut ya ai rai ta? ma-a ai hte na lahpang ai, myi mu ai hte myi kyaw ai wa hpe kadai hpan da a ta? ngai Yehowa hpan da ai n rai ni? ¹² Dai rai nna ya sa wa su; na n-gup hta ngai nga nna, nang kaning ngu tsun na gaw, ngai sharin ya na da ai, ngu wu ai. ¹³ Mawshe gaw, Madu e, Nang shangun mayu ai wa hpe me shangun dat u, ngu wu ai. ¹⁴ Shaloi Yehowa gaw Mawshe hpe masin pawt nna, Lewi masha Arun gaw na nhpu rai nga ai n rai ni? shi atsawm sha chye tsun ai ngai chye nngai: shi mung nang hpe wa tau la na nga pru sa wa ra ai: shi nang hpe hkrum jang myit kabu na ra ai. ¹⁵ Nang shi hte shaga nna ndai ga shi a n-gup hta hti bang ya na rai ndai; shingrai ngai gaw na n-gup hta mung, shi a n-gup hat mung rawng nga nna, nan kaning ngu tsun na gaw sharin ya na made ai. ¹⁶ Shi gaw amyu masha ni a man e na a ga htawn tai nna, na n-gup a malai rai na ra ai; nang mung shi a matu Karai Kasang zawn tai na ra ai. ¹⁷ Dai hta n-ga, nang madun na ra ai lamik kumla a matu dawhkrawng dai mung na a lata hta ngang lang nga ju na rai ndai, ngu nna tsun dat wu ai. ¹⁸ Shaloi Mawshe gaw, shi a katsa Yehtru kaw wa nna, Egutu mung e nga ai ngai hpu ngai nau ni naw hkrung nga ma ai kun, ngai wa yu na, ngai e dat dat e, ngu nna shi hpe tsun wu ai: Yehtru mung, Angwi apyaw wa su, ngu nna Mawshe hpe dat dat wu ai. ¹⁹ Bai Yehowa gaw, Egutu mung de bai wa su; na a asak tam ai ni yawng si mat ma masai, ngu nna Midian mung e Mawshe hpe tsun wu ai. ²⁰ Shaloi Mawshe gaw shi a madu jang hte kasha yan hpe woi nna lawze shjawn let Egutu mung de bai sa wa ai: Mawshe gaw Karai Kasang a dawhkrawng mung shi a lata hta lang da wu ai. ²¹ Bai Yehowa gaw, Egutu mung de nang sa du yang, nang hpe ngai ap ya ai mauhpa amu lam yawng Hpara-u a man e galaw dan lu na, dum nga u: shing di madun timung, ngai shi a masin shaja ya na we ai rai nna dai amyu hpe shi dat dat hkraw na n rai. ²² Hpara-u hpe mung, Yehowa ning nga ai, Israela gaw nye a shadang sha, ngai sha alat rai li ai: ²³ ngai sha ngai hpe naw jau lu li ga dat dat ya e; n dat na nga nang ndang nga ndai majaw, yu u, na a shadang sha na nsha alat hpe hna ngai sat kau ya na de ai, nga ai, ngu nna tsun u, ngu nna Mawshe hpe tsun dat wu ai. ²⁴ shingrai sa wa nga yang, jarawp langai mi hta Yehowa shi hte hkrum nna sat kau na maw da wu ai. ²⁵ Shaloi shi a madu jan Tsihpura gaw hpai lung nhkyi la nna, kasha a hpyi matu gadoi dut nhtawm, madu wa a lagaw nhpang e kabai tawn let, Nang gaw gaja nan ngai hta sai kap ai la rai nga ndai, ngu wu ai. ²⁶ Shaloi Yehowa gaw Mawshe hpe dat dat wu ai: shi madu jan mung matu gadai lam a majaw, Nang ngai hta sai kap ai la rai nga ndai, nga ai, rai nga ai. ²⁷ Dai shaloi Yehowa gaw, Nam de Mawshe hpe sa tau la na sa wa su, ngu nna Arun hpe tsun wu ai. Dai majaw shi sa wa yang Karai Kasang a bum e Mawshe hte hkrum nna shi hpe pup wu ai; ²⁸ shaloi Mawshe gaw Yehowa shi hpe shangun dat ai ga nlang hte hte shi hpe hkangda ai lamik kumla yawng Arun hpe tsun dan wu ai. ²⁹ Bai Mawshe yan Arun gaw sa nna, Israela amyu a agyi salang ni yawng hpe jahpawng nhtawm, ³⁰ Yehowa Mawshe hpe tsun dat ai ga yawng Arun htawn tsun nna, amyu masha ni a man e dai lamik kumla madun dan mu ai; ³¹ amyu masha ni mung kamsham nga ma ai: ³² Yehowa gaw Israela a kashu kasha ni hpe kawna datsan yu sa ai mung, shan hte hkrum ai ru tsang ai hpe yu ya ai mung shanhte na ma yanng, shanhte gum dagup nna nawku ma ai.

¹ Dai hpang Mawshe yan Arun gaw Hpara-u kaw shang nna, Israela a Karai Kasang Yehowa ning nga ai, Nye a amyu masha ni nam e nye a matu poi sa galaw lu mu ga shanhte hpe dat dat mu, nga ai, ngu nna sa tsun mu ai. ² Hpara-u chyawm gaw, Yehowa a ga madat nna, Israela a amyu masha ni hpe ngai dat kau na gaw, dai Yehowa kadai rai ta? Yehowa hpe ngai n chye nngai, Israela a amyu hpe mung ngai n dat dat na nngai, ngu wu ai. ³ Bai, shan gaw, Hebre masha ni a Karai Kasang anhte hte hkrum sai; dai re ai majaw, shi anhte hte hkrum katut nna ana ahkya, ri nhtu hte anhte hpe n sat mi ga, nam de lam masum ya sat anhte sa nna, anhte a Karai Kasang Yehowa hpe hkungga sa jaw na, ahkang jaw dat mi, ngu mu ai. ⁴ Dai rai nna Egutu hkawhkam gaw, Mawshe yan Arun e, nan ndai amyu hpe tingang a amu hta na hpa rai nhtut shangun da mu ta? wo nan a lit sa gun mu, ngu nna shan hpe tsun mu ai. ⁵ Bai Hpara-u gaw, Yu mu, ndai amyu gaw ndai mung hta ya law nga ma rai rai nna, nan gaw shanhte hpe tingang a lit hta na ban shangun da mu hka, nga nna tsun nhtawm, ⁶ dai shani jang nna Hpara-u gaw dai amyu hpe reng ai hpareng ni hte shanhte a bu ni hpe haang da nna, ⁷ Shawoi na yi hku jaw ai zawn ndai amyu hpe wut galaw na yi hku, nanhte hkum jaw manu; shanhte hkrai tinang a matu yi hku tam la mu ga. ⁸ Wut chyawm gaw shawoi na shadang hte maren galaw shangun lu na rai myit dai; dai hta shayawm lu na n rai: shanhte lagawn nga ma ai; dai majaw, Anhte a Karai Kasang hpe hkungga sa jaw ga, nga nna shanhte jahtau ma ai. ⁹ Dai rai nna, htep lahti hkang let galaw shangun mu, shanhte hpe jahki shaba mu: masu ai ga hkum madat shangun myit, ngu nna hkang dat mu ai. ¹⁰ Dai amyu a hpareng ni hte shanhte a bu ni mung pru wa nna, Hpara-u ning nga ai: Nanhte hpe yi hku ngai n jaw na ni ai: ¹¹ yi hku nga ai shara kanang raitimung nanhte hkrai tam la mu: raitimung, nanhte galaw ai amu shadang gaw yawn lu na n rai, nga ai, ngu nna amyu masha ni hpe tsun mu ai. ¹² Dai majaw dai amyu masha ni gaw yi hku di na matu yi hku ndu sa tam la na nga Egutu mung ting bra hkawm nga ma ai. ¹³ Hpareng ni mung, Yi hku jaw yang na shadang hte maren lani hte lani ngut hkra galaw mu, nga nna hkan reng nga ma ai. ¹⁴ Hpara-u a hpareng ni san tawn da ai Israela amyu hta na bu ni hpe mung, Shawng de na shadang hte maren, dai ni mung, mani mung wut galaw ai amu hpa rai n shangut myit ta? nga nna san let, shanhte hpe anu kayat mu ai. ¹⁵ Shaloi Israela a amyu bu ni gaw Hpara-u kaw shang nna, Hpa majaw na a mayam ni hpe ning di mi ta? Na a mayam ni hpe yi hku n jaw myit dai mi, Wut galaw mu, nga nna shanhte reng mi ai hte, na a mayam ni anu kayat ai hkrum ga ai: na a masha ni hta sha mara nga nga ai, nga nna jahtau ma ai. ¹⁶ Shi chyawm gaw, Nanhte lagawn nga myit dai, lagawn nga myit dai; dai majaw, Yehowa hpe hkungga sa jaw ga, nga nna nanhte tsun tsun rai myit dai: ¹⁷ dai rai nna, wa mu, amu bungli sa galaw mu; yi hku gaw jaw na made ai n rai; raitimung, wut gaw shawoi na made jaw lu na myit dai, ngu dat wu ai. ¹⁸ dai rai nna, wa mu, amu bungli sa galaw mu; yi hku gaw jaw na mi de ai n rai; raitimung, wut gaw shawoi na made jaw lu na myit dai, ngu dat wu ai. ¹⁹ Shingrai, Shni shagu galaw ai wut shadang hta n yawm lu na re ai, nga nna tsun dat ai majaw, Israela a amyu bu ni gaw shanhte hta ruyak kaba du ra ai gaw mu mu ai. ²⁰ Hpara-u kaw na shanhte pru wa yang, lam e la nga mala ai Mawshe yan Arun hte hkrum ma ai. ²¹ Shaloi shanhte gaw, Yehowa nan hpe yu nna jeyang ya myit ga: kaning rai nme law, Hpara-u a masha ni a nhtu hte anhte hpe sat shangun na nga, nan gaw anhte a sama hpe, Hpara-u hte shi a agyi salang ni a man e matsat shngun ya manit dai, ngu nna shan hpe hkap tsun mu ai. ²² Dai re ai majaw Mawshe gaw Yehowa kaw nna, dai amyu hpe shi zingri da wu ai: gaja wa teng teng, na amyu hpe nang hkrang la ndai nrai, ngu wu ai.

¹ Shaloi Yehowa gaw, Hpara-u hpe ngai kaning di na gaw, nang ya mu na rin dai: kaning rai nme law, n-gun ja ai lata hte shi shanhte hpe dat dat nna, n-gun ja ai lata hte shi a mung na shanhte hpe gawt dau dat na ru ai, ngu nna Mawshe hpe tsun wu ai. ² Bai Karai Kasang gaw Mawshe hpe, Ngai gaw Yehowa rai nga nngai: ³ ngai gaw Abraham, Isak, Yaku hte daw Chyahtum chyalai n-gun rawng ai, ngu ai Karai Kasang mying hte danpru nngai, raitimung, nye a mying ningsang Yehowa re ai gaw shanhte n chye ma ai. ⁴ Dai hta kaga shanhte manam gai let shingbyi nga ai mung Hkanan ga shanhte hpe jaw na nga nna nye a ga shaka ngai shanhte hte tawn da se ai. ⁵ Dai hta n-ga, Egutu masha ni yam da mu ai Israela amyu a madai sharung ai ga ngai na se ai; nye a ga shaka mung ngai dum nga nngai. ⁶ Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharaw nga ai lata hte mung, ari kaba amyu myu hte mung ngai nanhte hpe hkyehkrang la na made ai: ⁷ nye a amyu shatai na matu ngai nanhte hpe shinggyin la nna ngai mung nanhte a Karai Kasang tai na nngai: ngai nanhte hpe Egutu masha ni a mayam lit hta na raw la ai nanhte a Karai Kasang Yehowa rai nga nngai gaw, shloi nanhte chye na marin dai. ⁸ Abraham, Isak, Yaku hte hpe jaw na ngu nna dagam da ai mung de ngai nanhte hpe woi wa nna, sali wunli matu jaw na made ai: ngai Yehowa rai nga nngai, ngu wu ai. ⁹ Shaloi Mawshe gaw Israela a kashu kasha ni hpe dai hte maren tsun mu ai: raitimung, shanhte a myit hki ba ai hte aja awa di ai mayam bungli majaw, Mawshe a ga nmadat ya lu ma ai. ¹⁰ Bai Yehowa gaw Mawshe hpe, ¹¹ Egutu hkawhkam Hpara-u gaw shi a mungdan na Israela a kashu kasha ni hpe dat dat u ga, shi kaw shang tsun su, ngu wu ai. ¹² Dai rai nna Mawshe gaw Yehowa a man e, Yu u, Israela a kashu kasha ni pyi nye a ga n madat nga yang me, matu n gadoi ai n-gup hte tsun ai nye a ga hpe Hpara-u kaning rai madat ya na rai ta? ngu wu ai. ¹³ Raitimung Yehowa gaw Mawshe yan Arun hpe shaga la nna, Israela a kashu kasha ni hpe Egutu mung na shapraw la na matu, Israela a kashu kasha ni hpang de mung, Egutu hkawhkam Hpara-u hpang de mung, shan hpe shangun dat mu ai. ¹⁴ Da ndai gaw shan a kaji kawa daju ni rai nga ma ai. Israela a kasha alat Rubin a shadang sha ni gaw, Hanuk, Hpalu, Hesrun, Hkadmi hte rai ma ai: dai hte gaw Rubin a dap ni rai nga ma ai. ¹⁵ Simun a shadang sha ni gaw, Yemuela, Yamin, Ohad, Yahkin, Esuhara hte Hkanan num hta Sha-ula hte rai ma ai: dai hte gaw Simun a dap ni rai nga ma ai. ¹⁶ Da ndai gaw Lewi a shadang sha ni, tinang a amying hte tinang a lakung lama hkan yang, Gershon, Kohat, Merari hte rai nga ma ai: Lewi a aprat chyawm gaw latsa e sumshi sanit ning rai lu ai. ¹⁷ Gershon a shadang sha hte shan a lakung lama gaw Libni yan shimi rai nga ma ai. ¹⁸ Kohat a shadang sha ni gaw, Amram, Izhara, Hebrun, Uziela hte rai nga ma ai: Kohat a aprat chyawm gaw latsa e sumshi masum ning rai lu ai. ¹⁹ Merari a shadang sha yan gaw, Mahali hte Mushi rai ma ai: dai hte gaw Lewi a dap hte shanhte a lakung lama ni rai nga ma ai. ²⁰ Amram chyawm gaw shi a kamoi Yohkebe hpe la wu ai rai nna, shi gaw Arun hte Mawshe hpe shangai wu ai: Amram a aprat gaw latsa e sumshi sanit ning rai lu ai: ²¹ Izhara shadang sha ni gaw, Kora, Nahpek, Zihkri hte rai ma ai; ²² Uziela a shadang sha ni gaw, Mishaela, Elisahpan, Sihtri hte rai ma ai. ²³ Arun gaw Aminabad a shayi sha, Nashon a kajan Elishiba hpe la wu ai rai nna, shi gaw Nadab, Abihu, Eleaza, Ihtama hte hpe shangai wu ai. ²⁴ Kora a shadang sha ni gaw, Asira, Elkana, Abiasap hte rai ma ai: dai hte gaw Kora a dap ni rai nga ma ai. ²⁵ Arun a shadang sha Eleaza gaw Hputiela a shayi sha langai me la wu ai rai nna, shi gaw Hpinehasa hpe shangai wu ai: dai hte gaw Lewi dap hta na tinang a lakung lama a kaji kawa daju ni rai nga ma ai. ²⁶ Ndai Arun yan Mawshe gaw, Israela a kashu kasha wunawng wuwa ni hpe Egutu mung na shapraw la mu, nga nna Yehowa tsun ai ga lu la ai yan rai nga ma ai. ²⁷ Dai yan mung Israela a kashu kasha ni hpe Egutu mung na shapraw la na, Egutu hkawhkam Hpara-u kaw shang tsun ai yan rai nga ma ai: shan gaw dai Mawshe yan Arun rai nga ma ai. ²⁸ Egutu mung e Yehowa Mawshe hpe shaga tsun ai nhtoi hta mung, ²⁹ Ngai Yehowa rai nga nngai, ngai nang hpe hkang dat ai lam yawng Egutu hkawhkam Hpara-u hpe sa tsun su, nga nna Mawshe hpe Yehowa tsun dat wu ai. ³⁰ Mawshe chyawm gaw, yu u, nye a n-gup gaw matu n gadoi ai n-gup rai li ai majaw, nye a ga hpe Hpara-u kaning rai madat ya na rai ta? ngu nna Yehowa a man e tsun wu ai.

¹ Dai re ai majaw Karai Kasang gaw Mawshe hpe, Yu u, Ngai nang hpe Hpara-u a ntsa e Karai Kasang zawn sna da sade ai rai nna, na nhpu Arun gaw na a mhihtoi tai na ra ai. ² Ngai nang hpe tsun matsun nang hti bang nna, Israela a kashu kasha ni hpe Hpara-u shi a mung na dat ya na lam na nhpu Arun gaw shi kaw tsun na rai wu ai. ³ Ngai mung Hpara-u a masin shaja ya nna, Egutu mung e nye a lamik kumla hte mauhpa ningsam shalaw na we ai. ⁴ Hpara-u chyawm gaw nan a ga n madat ya na ra ai rai nna, ngai mung nye a lata Egutu mung ntsa e dawn nna, ari kaba hte nye a wunawng wuwa, nye a amyu Israela a kashu kasha ni hpe, Egutu mung na woi shapraw la na we ai. ⁵ Shingrai Egutu mung a ntsa e nye a lata dawn nna, shanhte a kata na Israela a kashu kasha ni hpe ngai shapraw wa ai shaloi, ngai Yehowa rai nga nngai gaw, Egutu masha ni chye na mara ai, ngu wu ai. ⁶ Mawshe yan Arun mung Yehowa shan hpe hkang dat ai hte maren galaw ma ai. ⁷ Shan gaw Hpara-u kaw shang tsun ai shaloi, Mawshe a asak matsat shi ning rai sa lu ai; Arun a asak matsat shi masum ning rai sa lu ai. ⁸ Bai Yehowa Mawshe yan Arun hpe tsun wu ai gaw: ⁹ Hpara-u nan hpe, Nan di lu ai mauhpa lam madun yu mi, nga yang, Na a dawhkrawng Hpara-u a man e kabai tawn u, ngu nna Arun hpe tsun u; shaloi dai gaw lapu tai na ra ai, ngu wu ai. ¹⁰ Mawshe yan Arun mung Hpara-u kaw shang nna, Yehowa hkang dat ai hte maren galaw ma ai: Arun gaw shi a dawhkrawng hpe Hpara-u a man e mung, shi a agyi salang ni a man e mung kabai tawn wu ai rai nna, dai gaw lapu tai lu ai. ¹¹ Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai: ¹² langai hte langai tinang a dawhkrawng hpe kabai tawn nna dai gaw lapu tai malu ai: Arun a dawhkrawng chyawm gaw shanhte a dawhkrawng ni hpe mayu kau ya wu ai. ¹³ Shingrai, Yehowa tsun ai hte maren, Hpara-u a masin ja nga lu ai rai nna, shan a ga hpe n madat ya wu ai. ¹⁴ Bai Yehowa gaw Mawshe hpe, Hpara-u masin ja nga lu ai rai nna, dai amyu hpe dat dat na shi n hkraw nga ai. ¹⁵ Hpawt de Hpara-u kaw sa su; yu u, shi dai hka nu de pru sa na ra ai; shi hte jahkrum na dai hka hkin-gau e nang sa tsap lu na rai ndai; lapu tai ia dawhkrawng mung na a lata hta lang da u. ¹⁶ Shi hpe ning ngu u, Nam e ngai hpe sa naw jau lu mu ga, nye a amyu hpe da dat ya mi, nga nna Hebre masha ni a Karai Kasang Yehowa gaw nang kaw ngai e shangun dat nngai: raitimung, yu u, ya du hkra nang n madat nga ndai. ¹⁷ Yehowa tsun ai gaw, Ngai Yehowa rai nga nngai gaw ndai lam hta nang chye lu na ndai; yu u, nye a dawhkrawng hte ndai hka nu hpe kayat nna dai hka gaw asai tai na ra rai: ¹⁸ hka hta rawng ai nga ni mung si ma na mara ai; dai hka mung manam hkying mat na ra ai; Egutu masha ni mung dai hka lu na matsat na mara ai, ngu nna hkap tsun u, ngu wu ai. ¹⁹ Dai hta kaga Yehowa Mawshe hpe tsun wu ai gaw, Arun hpe, Na a dawhkrawng la nna, Egutu mung na hka ngu ai hka shi hka nu, hka lawng hka nawng ni a ntsa e na a lata ladawn u; dai yawng gaw asai tai mu ga; shingrai hpun lawtawk ni hta raitimung, nlung yam ni hta raitimung, Egutu mung ting hta e asai tai na ra ai, ngu u, ngu wu ai. ²⁰ Shingrai Mawshe yan Arun gaw Yehowa hkangda ai hte maren galaw nna, shi gaw shi a dawhkrawng hte Hpara-u a man e mung, dai hka nu hpe kayat nna, hka nu na hka yawng gaw asai tai mat wa ai. ²¹ Hka hta rawng ai nga ni mung si mat ma ai rai nna, dai hka manam hkying nga ai majaw, Egutu masha ni hka dai hpen lu lu mu ai: Egutu mung ting gaw asai hkrai pri rai nga ai. ²² Egutu lakle sara ni mung shanhte a lakle het dai zawn galaw ma ai: shingrai Yehowa tsun ai hte maren Hpara-u a masin ja nga lu rai nna shan a ga n madat ya wu ai. ²³ Hpara-u gaw shi a nta de wa nna dai lam hpe myit gun da wu ai n rai. ²⁴ Shaloi Egut masha ni yawng hte gaw, dai hka nu hka h lu lu ai majaw, hka lu lu na matu dai hka nu hka dau hkan e htu ma ai. ²⁵ Yehowa dai hka hpe kayat ari jaw ai hpang sanit ya lai hkra rai nga ai.

¹ Bai Yehowa gaw Mawshe hpe, Hpara-u kaw shang nna, Yehowa ning nga ai, ngu u: Nye a amyu ngai hpe sa naw jau lu mi ga, shanhte hpe dat dat ya e: ² n dat ya na nga, nang ndang n yang gaw, yu u, na a mung ting hpe shu hte ngai ari jaw na de ai: ³ dai hka na shu kanawng pru na ra ai rai nna, dai ni gaw na a nta e mung, na a yupra hta mung, na a agyi salang ni a nta e mung, na amyu masha ni hta mung, na a muk kabaw na wanhtung ni hta mung, na a shadung gumrin ai n-gawt ni hta mung lung wa na mara ai: ⁴ dai shu ni gaw nang hta mung, na amyu masha ni hta mung, na agyi salang ni yawng hta mung lung wa na mara ai, ngu u, ngu nna tsun wu ai. ⁵ Bai Yehowa Mawshe hpe tsun wu ai gaw, Arun hpe, Egutu mung hta shu shalun na matu, hka nu ni a ntsa e, hka shi ni a ntsa e, hka lawng ni a ntsa e, na lata sharawt nna dawhkrawng hte dawn u, ngu nna tsun u, ngu wu ai. ⁶ Shingrai Arun gaw Egutu mung ting na hka ntsa e shi a lata dawn wu ai rai nna, shu ni lung wa ai hte Egutu mung ting hprawi rai nga ai. ⁷ Lakle sara ni mung shanhte a lakle hte dai zawn galaw nna, Etutu mung hta shu shalun la mu ai. ⁸ Shaloi Hpara-u gaw Mawshe yan Arun hpe shaga la nna, Yehowa kaw ngai hte nye a amyu masha ni kaw na shu seng kau ya na hpyi nem ya e; shingrai ndai amyu gaw Yehowa hpe hkungga jaw na matu, ngai shanhte hpe dat dat na mawe ai, ngu wu ai. ⁹ Shaloi Mawshe gaw, Nang het na a nta na shu ni hpe seng kau nna, hka nu hta sha ngam nga hkra, nang hte na a agyi salang ni a matu, na a amyu masha ni a matu ngai hpyi nem ya na ahkying nang nan ngai hpe daw dat ya e, ngu nna Hpara-u hpe tsun wu ai. ¹⁰ Shi gaw, Hpawt de rai u ga, ngu wu ai. Mawshe mung, Anhte a Karai Kasang Yehowa zawn re ai Karai Kasang n nga ai gaw nang chye lu na matu, na a ga hte maren rai na ra ai. ¹¹ Shaloi shu ni gaw, nang hte na a nta na mung, na agyi salang ni hte na a amyu masha ni kaw na mung pru mat wa nna dai hka nu hta sha ngam nga na mara ai, ngu wu ai. ¹² Shaloi Mawshe yan Arun gaw Hpara-u kaw na pru wa nna, Hpara-u a ntsa e Yehowa shalun da ai shu ni a majaw, Mawshe Yehowa kaw hpyi nem ya wu ai. ¹³ Yehowa mung Mawshe hpyi ai ga hte maren galaw wu ai rai nna, dai shu ni gaw, nta ni hte nta wing hkan na mung, yi hkauna hkan na mung si mat ma ai. ¹⁴ Dai shu si ni hpe shanhte hta sumpum da mu ai rai nna, mung ting manam hkying nga ai. ¹⁵ Hpara-u chyawm gaw nsa awai la lu nu ai rai nna, Yehowa tsun ai hte maren, shi a masin shaja ai hte shan a ga n madat ya ai nga nga ai. ¹⁶ Bai Yehowa Mawshe hpe tsun wu ai gaw, Arun hpe, Na a dawhkrawng sharat nna, Egutu mung ting na ga nhpu machyi tai na matu, dai ga nhpu hta dayat u, ngu nna tsun u ngu wu ai. ¹⁷ Dai hte maren shn galaw nna, Arun gaw shi a lata hte dawhkrawng sharawt nna, ga nhpu hta kayat wu ai: shaloi jang masha hta mung, yamnga hta mung machyi hkrai rai nga ai: Egutu mung ting na ga nhpu yawng machyi tai nga ai. ¹⁸ Lakle sara ni mung shanhte a lakle hte machyi shatai na dai zawn di yu mu timung, n di lu mu ai: shingrai masha hta mung yamnga hta mung machyi hkrai puk rai nga ai. ¹⁹ Dai rai nna lakle sara ni, Ndai gaw Karai Kasang a lata nan rai lu ai, nga nna Hpara-u hpe tsun ma ai: raitimung Yehowa tsun ai hte maren, Hpara-u a masin ja nga lu ai rai nna, shan a ga n madat ya ai nga nga ai. ²⁰ Bai Yehowa gaw Mawshe hpe Hpawt de jau jau rawt nna, hka de pru sa wa ai. Hpara-u a man e sa tsap nhtawm, Yehowa ning nga ai: Nye a amyu masha ni ngai hpe dawjau lu mu ga, shanhte hpe dat dat mu. ²¹ Nye a amyu masha ni hpe nang n dat yang gaw, yu u, nang hta mung, ngai jinghkam shalun dat na ring ngai: shaloi Egutu masha ni a nta ni hte, shanhte nga ai ga hta, jinghkam hkrai chyat rai na ra ai. ²² Dai hta kaga, ka-ang ga e ngai Yehowa rai nga nngai gaw nang chye lu na matu, dai nhtoi hta, nye a amyu masha ni nga ai Goshen mung hpe ngai ginhka da na we ai rai nna, dai hta jinghkam nga na ra ai n rai. ²³ Shing di nye a amyu hte na a amyu a lapran e ngai madin din da na we ai: dai lamik kumla hpawt ni e byin pru na ra ai, ngu nna tsun u, ngu wu ai. ²⁴ Yehowa shing di galaw wu ai rai nna, Hpara-u a nta hta mung, shi a agyi salang ni a nta hta mung, nachying yak la ai jinghkam wunawng ni du ma ai: Egutu mung ting gaw dai jinghkam ni a majaw hten mat magang wa nga ai. ²⁵ Shaloi Hpara-u gaw Mawshe yan Arun hpe shaga la nna, Ndai mung e nanhte a Kari Kasang hpe hkungga sa jaw mu, ngu wu ai. ²⁶ Mawshe gaw, Dai hku mai na n rai; dai hku di yang, Egutu masha ni matsat ai baw, anhte a Karai Kasang Yehowa hpe nawng na ga ai: Egutu masha ni matsat ai baw shanhte a man e nawng ya yang shanhte gaw nlung hte anhte hpe kabai sat na ma ai n rai ni? ²⁷ Dai rai nna nam de masum ya sat sa nhtawm, anhte a Karai Kasang Yehowa tsun ai hte maren hkungga sa jaw na ga ai, ngu nna tsun wu ai. ²⁸ Shaloi Hpara-u gaw, Nanhte a Karai Kasang Yehowa hpe nam e hkungga sa jaw na ngai nanhte hpe dat dat na made ai: raitimung tsan tsan sa lu na myit dai n rai: nye a matu hpyi nem ya mi, ngu wu ai. ²⁹ Mawshe mung, Yu u, nang kaw na ngai pru wa nna, Hpara-u hte shi a agyi salang ni kaw na mung, shi a amyu masha ni kaw na mung hpawt de jinghkam hkoi mat hkra, Yehowa kaw ngai hpyi nem ya na ring ngai: raitimung dai amyu masha ni Yehowa hpe hkungga sa jaw na lam, Hpara-u bai n hkalem u ga, ngu wu ai. ³⁰ Shaloi Mawshe gaw Hpara-u kaw na pru nna, Yehowa hpe hpyi nem wu ai. ³¹ Yehowa mung Mawshe a ga hte shi a agyi salang ni kaw na mung, shi a amyu masha ni kaw na mung, langai mi muk n ngam hkra jahkoi kau ya wu ai. ³² Hpara-u chyawm gaw shaloi na hta mung shi a masin shaja nna dai amyu hpe n dat dat ai nga ga ai.

¹ Bai Yehowa gaw Mawshe hpe, Hpara-u kaw shang nna, Hebre masha ni a Karai Kasang Yehowa gaw ning nga ai, Ngai hpe sa naw jau lu na nye a amyu hpe dat dat u: ² Shanhte hpe dat dat na nang ndang nna, naw hkum da wu taw gaw, ³ yu u, Yehowa a lata du nna, pa e nga ai yamnga, gumra, lawze, gawla-u hte nga dumsu hpung, sagu bainam hpung ni hta, nachying yak la ai urum zinli kap na ra ai. ⁴ Israela a yamnga ni hte Egutu masha ni a yamnga ni a lapran e Yehowa ginhka na wu ai rai nna, Israela a yamnga ni hte Egutu masha ni a yamnga ni a laprn e Yehowa ginhka na wu ai rai nna Israela a amyu a yamnga ni hta na gaw, langai mi mung si na n rai. ⁵ Hpawt de dai amu ndai mung hta Yehowa shabyin dat na ru ai, nga nna Yehowa shabyin dat na ru ai, nga nna Yehowa gaw ahkying ladaw tawn da nu ai, ngu nna tsun u, ngu wu ai. ⁶ Shingrai, hpang shani e Yehowa dai amu shabyin dat wu ai rai nna, Egutu masha ni a yamnga nlang hte si mat malu ai: Israela amyu a yamnga hta na chyawm gaw langai mi mung n si malu ai. ⁷ Hpara-u gaw masha shangun dat nna, yu u, Isaraela masha ni a yamnga langai mi mung n si ai gaw shi chye wu ai: raitimung Hpara-u a masin ja lu ai rai nna, dai amyu hpe n dat dat ai nga nga ai. ⁸ Bai Yehowa gaw Mawshe yan Arun hpe, Nan gaw wanhtung hta na dap latup tup la nna, Mawshe gaw dai hpe Hpara-u a man e kabai shamawng dat na rai wu ai. ⁹ Shaloi dap dai gaw Egutu mung ting hta mawng ai nbun tai nna, mung ting na masha hte yamnga hta bum lapau wa ai shu duhtau tai na ra ai, ngu wu ai. ¹⁰ Shingrai shan gaw wanhtung hta na dap la nna, Hpara-u a man e tsap let, Mawshe gaw dai hpe lamu de kabai shamawng dat wu ai: shaloi dai gaw masha hta mung yamnga hta mung bum lapau wa ai shu duhtau byin wa ai. ¹¹ Dai shu gaw lakle sara ni hta mung, Egutu masha mahkra hta mung kap wa ai majaw, lakle sara ni gaw Mawshe a man e n tsap lu ma ai. ¹² Yehowa Mawshe hpe tsun dat ai hte maren, Hpara-u a masin hpe Yehowa shaja ya wu ai rai nna, shan a ga n madat ai nga nga ai. ¹³ Bai Yehowa Mawshe hpe tsun wu ai gaw, Hpawt de jau jau rawt nna, Hpara-u a man e sa tsap nga u: shi hpe Hebre masha ni a Karai Kasang Yehowa ning nga ai, Ngai hpe sa naw jau lu na, nye a amyu hpe dat dat u: ¹⁴ ga ntsa ting hta e ngai zawn re ai kadai n nga ai gaw, nang chye lu na matu, ya ndai lang hta gaw, na a masin hta mung, na a agyi salang ni hte na a amyu masha ni hta mung, nye a ari zinli nlang ngai sharut bun dat na made ai. ¹⁵ Nye a lata ngai sharawt nna, nang hpe mung, na a amyu masha ni hpe mung ana ahkya hte ari jaw made taw gaw, ndai ga ntsa na nang htum mat na nit dai: ¹⁶ raitimung nye a ningsam nang hta dan lu na hte, nye a amying ningsang ga ntsa ting hta kajai gumhkawng nga u ga, ngu nna sha ngai nang hpe sharawt da sade ai: ¹⁷ nang ya mung nye a amyu hpe n dat dat ai, shanhte hta nang naw grau dum nga n ni? ¹⁸ Yu u, Egutu mung de ai kaw nna ya du hkra n hkrat yu ai nachying kaba ai sin marang, hpawt de ndai hkying hta ngai jahtu dat na we ai. ¹⁹ Dai majaw, ya shangun dat nna pa de nga ai na a yamnga ni hte nang lu malu yawng gawt shinggyin la u: pa e nga ai nta de n shashawn ai masha hte yamnga yawng gaw, dai sin hkrat si mat na mara ai, nga ai, ngu nna tsun u, ngu wu ai. ²⁰ Yehowa a ga hkrit kamyin ai Hpara-u agyi salang ni gaw, shanhte a shangun ma ni hte ginang yamnga ni hpe nta de hprawng wa shangun mu ai: ²¹ Yehowa a mungga hpe hpa n nawn ai ni chyamwm gaw shanhte a shangun ma ni hte tinang a yamnga ni hpe pa e dam da mu ai. ²² Shaloi Yehowa gaw, Egutu mung ting na, masha ntsa e mung, yamnga ntsa e mung, hkai nmai mahkra a ntsa e mung, Egutu mung ting hta sin marang htu hkrat u ga, na a lata lamu de ladawn u, ngu nnaMawshe hpe tsun wu ai. ²³ Mawshe mung shi a dawhkrawng hpe lamu de ladawn dat wu ai rai nna, Yehowa gaw mu ngoi ai hte sin marang jahtu dat wu ai; wan mung ga ntsa de htu hkrat wa ai: shingrai Yehowa gaw Egutu mung hta sin marang jahtu dat wu ai. ²⁴ Egutu amyu tai ai kaw nna, dai mung ting hta lang mi mung n byin yu ai, nachying htat ai sin hte, dai hta kaprap ai wan, htu hkrat wa ai. ²⁵ Egutu mung ting na pa e nga ai nga manga masha hpe mung, yamnga hpe mung, dai sin e adup mu ai: pa na hkai nmai yawng hpe mung sin e adup wu ai rai nna, pa na hpun mahkra mungdaw mat ma ai. ²⁶ Israela a kashu kasha ni nga ai Goshen mung hta chyawm gaw dai sin n hkrat malu ai. ²⁷ Shaloi Hpara-u gaw mahsa shangun nna Mawshe ya Arun hpe shaga nhtawm, Nda lang hta chyawm gaw ngai shut ni ai: Yehowa dinghpring nga ai, ngai hte nye a amyu mahtang n shawp nga ga ai. ²⁸ Karai Kasang a wu kadu ai hte sin marang htu ai wa ram la sai; Yehowa hpe hpyi nem ya e; Nanhte hpe ngai dat dat na ni ai, nanhte naw hkring na myit dai n rai, ngu nna tsun wu ai. ²⁹ Shaloi Mawshe gaw, Mare na ngai pru wa jang, Yehowa a man e nye a lata ngai lalam n we ai; shaloi Yehowa lamu ga madu rai nga ai gaw, nang chye lu na matu, dai mu ngoi ai sim mat na ra ai, sin marang mung htu na sai n rai. ³⁰ Raitimung nang hte na a agyi salang ni Yehowa Karai Kasang hpe garai n hkrit myit dai gaw ngai che nga nngai, ngu nna tsun da wu ai. ³¹ Dai shaloi lachyit hte muk-yaw mam hpe sin e adup dau wu ai: kaning rai nme law, muk-yaw mam gaw nsi rai sai, lachyit mung pu sai. ³² Hkaulan mam hte nbaw mam chyawm gaw, garai n tu ma ai majaw, n hten ma ai. ³³ Mawshe gaw Hpara-u kaw na pru nna mare shinggan rai jang Yehowa a man e shi a lata lalam wu ai: shaloi mu ngoi ai hte sin marang sim mat wa ai: ga de marang mung n htu sai. ³⁴ Shingrai marang n htu nna sin hte mu ngoi sim mat ai hpe Hpara-u mu jang, shi yubak bai galaw nna, shi hte shi a agyi salang ni gaw tinang a masin bai shaja ma ai. ³⁵ Yehowa Mawshe hpe tsun da ai hte maren, Hpara-u a masin ja nga lu ai rai nna Israela a kashu kasha ni hpe n dat dat wu ai.

¹ Bai Yehowa gaw Mawshe hpe, Hpara-u kaw sa shang su: Ngai Yehowa rai nga nngai gaw nanhte chye lu na hte, Egutu mung hta ngai galaw dan ai amu hte shanhte a ka-ang e ngai shapraw ai nye a mauhpa ningsam hpe, ² na a kasha ni hte nshu ni a na hta nang hkai dan nga lu na matu, Hpara-u hte shi a agyi salang ni a ka-ang e ndai nye a lamik kumla dan lu na matu, Hpara-u hte shi a agyi salang ni a ka-ang e ndai nye a lamik kumla dan lu hkra shi a masin hpe mung, shi a agyi salang ni a masin hpe mung, ngai shaja ya mase ai, ngu wu ai. ³ Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning hga ai:Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u: ⁴ nye a amyu hpe dat dat na nang naw ndang nga n yang gaw, yu u, hpawt de na a mung hta n-gam-yaw ngai shangun dat na ring ngai: ⁵ dai ni gaw ga man ndawng hkra ga ting ka-up na mara ai; sin marang e n jahten hkra ai, naw nga ai yawng hte hpe mung, nanhte a matu ga na tu wa ai hpun nlang hte hpe mung, sha kau ya na mara ai: ⁶ na a nji nwa ni mung, na a nji nwa ni a kaji kawa ni mung, dinghta ga de pra pru ai nhtoi kaw nna ya du mateng n mu yu ai, dai n-gam-yaw ni gaw na a nta ni hta mung, na agyi salang ni a nta ni hta mung, Egutu masha ni yawng a nta ni hta mung hpring chyat nga na mara ai, nga nna tsun nhtawm, Hpara-u kaw na kayin pru mat wa ma ai. ⁷ Dai rai nna Hpara-u a agyi salang ni gaw, Gaten du hkra ndai wa anhte a mahkam tai nga na rai nga a ta? shanhte a Karai Kasang Yehowa hpe shanhte nawku lu mu ga, lasha ni hpe dat dat mu; Egutu mung ting hten mat sai gaw nang garai n chye n ni? ngu nna tsun mu ai. ⁸ Shingrai Mawshe yan Arun hpe Hpara-u kaw bgai shashawn nna, shi gaw, Nanhte a Karai Kasang Yehowa hpe sa naw mu; raitimung sa ni gaw kadai dai rai myit ta? ngu nna shan hpe tsun wu ai. ⁹ Shaloi Mawshe gaw, Anhte sa na rai yang, Yehowa a man e anhte poi galaw na rai ga ai majaw, anhte a ma kaji ni gumgai dingla ni, anhte a shayi shadang sha ni, anhte a sagu bainam yamnga hpung ni hte nawng sa na rai ga ai, ngu nna htan wu ai. ¹⁰ Hpara-u chyawm gaw, Ngai nanhte hte nanhte a ma kaji ni hpe dat dat made ai zawn, Yehowa nanhte hte rau nga u ga; sadi nga mu; nanhte gaw myit magaw she myit nga myit hka; ¹¹ dai hku rai lu na n rai; nanhte ra ai hte maren, wa-ngan ni hkrai sa nna, Yehowa hpe sa naw jau mu, ngu nna shan hpe tsun nhtawm, Hpara-u man na gawt kau mu ai. ¹² Shaloi Yehowa gaw Mawshe hpe, Dai n-gam-yaw ni Egutu mung ntsa e du nna, dai mung na hkai nmai mahkra hte sin a ngam nga manga hte hpe sha kau mu ga, Egutu mung a ntsa e na a lata ladawn u, ngu wu ai. ¹³ Dai hte maren Mawshe mung shi a dawhkrawng hpe Egutu mung a ntsa e ladawn wu ai rai nna, dai shani hte dai shana tup Yehowa gaw sinpraw nbung dai mung ntsa e shabung dat nna, hpang jahpawt rai jang dai sinpraw nbung gaw n-gam-yaw ni hpe woi kanawng wa ai. ¹⁴ Dai n-gam-yaw ni gaw Egutu mung ting hpe galup nna, Egutu lamu ga jarit grup hkra hkrat ka-up nga ma ai: dai ni gaw nachying htat nga ai hte, dai zawn re ai n-gam-yaw gaw shawng de mung n byin yu, hpang de mung byin na ra ai n rai: ¹⁵ dai ni gaw lamu ga chyang mat hkra, ga ting galup nna, mung ting na hkai nmai nga manga hte, sin e n hkra ai namsi namsaw yawng hpe sha kau mu ai: Egutu mung ting hta hpun hte pa na hkai nmai tsit lali ai hpa mung n ngam mat ai. ¹⁶ Dai rai nna Hpara-u gaw Mawshe yan Arun hpe alawan wan shaga la nna, Ngai gaw, nan a Karai Kasang Yehowa hpe mung, nan hpe mung shut ni ai: ¹⁷ raitimung, ndai lang mi sha nye a yubak dat kau ya mi; ndai si lam langai sha ngai kaw na seng kau ya e ga, nan a Karai Kasang Yehowa hpe hpyi nem ya mi, ngu wu ai. ¹⁸ Shaloi Mawshe gaw Hpara-u kaw na pru nna Yehowa hpe hpyi wu ai. ¹⁹ Yehowa mung nachying ja ai sinna nbung shabung dat ai hte dai nbung gaw n-gam-yaw ni hpe woi magawn wa nna hkyeng ai nawng hta jahkrat bang kau wu ai: Egutu mung ting hta n-gam-yaw langai mi mung ngam sai n rai. ²⁰ Raitimung Yehowa gaw Hpara-u a masin shaja ya wu ai rai nna, Israela a kashu kasha ni hpe n dat dat ai, bai nga nga ai. ²¹ Bai Yehowa gaw Mawshe hpe, Amai amang nsin n rai, masawp hkrum lu ai nsin Egutu mung a ntsa e jasin dat na, na lata lamu de ladawn u, ngu wu ai. ²² Shaloi Mawshe gaw shi a lata lamu de ladawn wu ai rai nna, Egutu mung ting hta nachying htat ai nsin masum ya tup sin chyip nga ai: ²³ dai rai nna, langai hte langai shada n mu hkat ai hte masum ya ting kadai mung tinang a shara na n htawt lu ma ai: raitimung Israela a kashu kasha ni yawng gaw, tinang a shara e ahtoi lu ma ai. ²⁴ Shaloi Hpara-u gaw Mawshe yan Arun hpe shaga la nna, Yehowa hpe sa naw jau ma su: raitimung, sagu bainam yamnga hpung ni gaw tawn da mu: nanhte a ma kaji ni hpe mung woi sa mu, ngau nna tsun mu ai. ²⁵ Dai rai nna Mawshe gaw, Anhte a Karai Kasang Yehowa hpe hkungga nawng na matu, hkungga hkum hte wan nat na hkungga nang pyi jaw na rai nga ndai; ²⁶ anhte a yamnga ni mung gawt sa wa na rai ga ai; lahkru lanai mi mung ngam da na n rai; kanaing rai nme law, dai ni hta anhte lata la nna anhte a Karai Kasang Yehowa hpe jau na rai ga ai: dai de garai n du yang gara mahtang Yehowa hpe sat nawng na gaw, anhte n chye ga ai, ngu nna tsun wu ai. ²⁷ Yehowa Hpara-u a masin shaja ya wu ai rai nna, shi shanhte hpe dat dat mayu ai n rai. ²⁸ Dai hta n-ga Hpara-u gaw Mawshe hpe, Ngai kaw na pru wa u; ya hpang de nye a myiman n bai mu hkra sadi u; nye a myiman bai mu ai nhtoi hta nang si lu na ndai, ngu dat wu ai. ²⁹ Mawshe mung, Na a ga rai la salit dai; ya hpang de na a myiman ngai bai n mu na ni ai, ngu da wu ai.

¹ Bai Yehowa gaw Mawshe hpe, Ari zinli langai mi, Hpara-u hte Egutu mung a ntsa e ngai naw dat dat na we ai; dai hpang shi nanhte hpe dat dat na ru ai: nanhte hpe dat dat myit dai shaloi mung, gaja wa kalang ta sha nanhte hpe gawt kau dat na marin dai: ² shaloi Israela ni gaw, la mung htingbu la kaw, num mung htingbu num kaw gumhpraw rai, aja rai hpyi la mu ga, amyu masha ni hpe tsun da u, ngu nna tsun wu ai. ³ Shaloi Yehowa gaw dai amyu hpe Egutu masha ni a man e myiman pa shangun wu ai: dai wa Mawshe gaw, Egutu mung e, Hpara-u a agyi salang ni a man e mung, mung masha ni a man e mung, nachying galu kaba wa lu ai. ⁴ Bai Mawshe gaw, Yehowa ning nga ai: Yuptung hpawa e Egutu mung kata de ngai shang sa wa na ring ngai: ⁵ shaloi tingnyang hta dung nga ai, Hpara-u kasha alat kaw nna, htumrin rin nga ai mayam num a kasha alat kaw du hkra, Egutu mung ting na kasha alat nlang hte hte, yamnga ni a kasha alat nlang hte si na mara ai. ⁶ Egutu mung ting hta e, shawng de mung n bying yu, hpang de mung n byin na ra ai sharung shayawt kaba rai na ra ai. ⁷ Raitimung, Egutu masha ni hte Israela a kashu kasha ni hpe Yehowa kaning rai ginhka da wu ai gaw nanhte chye lu hkra, Israela a kashu kasha ni hta marai langai mi a man e mung, yamnga langai mi a man e mung, gwi langai mi pyi nying lu na n rai, nga ai. ⁸ Dai rai nna, ndai, na a agyi salang ni yawng ngai kaw sa du nna nye a man e dingnyawm let, Nang hte nang kaw hkan nang ai ni yawng hte nawng pru wa manu, ngu myit yang she ngai pru wa na ring ngai, nga nna tsun nhtawm, masin pawt bu ai hte Hpara-u kaw na pru mat wa ai. ⁹ Yehowa chyawm gaw, Egutu mung hta e nye a mauhpa ningsam law wa na a majaw, Hpara-u gaw nan a ga madat ya na n rai, ngu nna Mawshe hpe tsun wu ai. ¹⁰ Mawshe yan Arun gaw ndai mauhpa ningsam yawng Hpara-u a man e shapraw dan mu ai: raitimung, Yehowa gaw Hpara-u a masin shaja wu ai rai nna, Israela a kashu kasha ni hpe shi a mung na dat dat wu ai n rai.

¹ Shaloi Yehowa Egutu mung e Mawshe yan Arun hpe shaga la nna tsun wu ai gaw: ² Ndai shata gaw nanhte a shawng shata ngu ai, shaning shagu na shata langai rai na, rai malit dai. ³ Israela a shawa hpung hpe ning ngu tsun dat mu: Ndai shata shi ya shani e shanhte mahkra gaw, htinggaw langai hte langai, tinang htinggaw hkan nna htinggaw mi hta sagu kasha langai ngai la san da na rai ma ai. ⁴ Htinggaw kaji nna, sagu kasha langai mi n dang yang gaw, masha sawn yu nna shi a nta hte grau ni ai htingbu hte kahkyin nhtawm, sagu kasha langai mi la da na rai ma ai: htinggaw langai hte langai, sagu kasha langai mi sha law na hte masha hti yu na rai myit dai. ⁵ Sagu kasha raitimung, bainam kasha raitimung nanhte la na mahtang gaw, n hten ai hte ladu hkrum ai ala kasha rai na rai malit dai: ⁶ dai shata shi mali ya du hkra, nanhte dai hpe rim tawn da na rai myit dai; shaloi Israela shawa hpung nlang hte, dai shana de dai hpe sat na rai myit dai. ⁷ Dai sagu kasha sat sha ai nta shagu gaw de a sai la nna, dai nta a chyinghka hkadun daw lahkawng hte hkanoi hta chya da na rai mu ai. ⁸ Dai shana e dai shan hpe wan hta kakang nhtawm, matsi n rawng ai muk hte sha na rai mu ai: hka ai shatmai lap hte mung sha na rai mu ai. ⁹ Shan katsing hpe raitimung, shadu shapyaw ai mung hkum sha mu ga; abaw, lagaw, apu asin ni hpe mung wan hta kakang nna she sha mu. ¹⁰ Shan dai hpe jahpawt du hkra hkum ngam da mu; jahpawt du hkra ngam na hpe gaw, wan hta ju kau na rai mu ai. ¹¹ Dai hpe nanhte ning rai sha na rai myit dai; nshang e shingkyit kyit, lagaw hta kyepdin din, dawhkrawng lang rai nna, alawan wan sha na rai myit dai: dai gaw Yehowa a shaloi dat ai poi rai nga ai. ¹² Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai. ¹³ Dai asai gaw nanhte a nta ni hta nanhte a matu masat dingsat tai na ra ai rai nna, dai hpe ngai mu jang, ngai nanhte kaw na lai mat wa na nngai; shing di ngai Egutu mung hpe ari jaw na we ai shaloi, jahten shabya ai ari gaw nanhte hpe hkra lu na n rai. ¹⁴ Dai nhtoi gaw nanhte adum nga na nhtoi tai na ra ai rai nna, dai hta e Yehowa a matu poi galaw na rai myit dai: dai gaw prat dingsa na matsun maroi rai nga ai rai nna, dai poi hpe prat mi hte prat mi nanhte a galaw nga na rai myit dai. ¹⁵ Sanit ya tup matsi n rawng ai muk nanhte sha nga na rai myit dai; nnan shani nna pyi, nta hkan na matsi nanhte seng kau na rai myit dai; kaning rai nme law, nnan shani kaw nna sanit ya nhtoi du hkra matsi rawng ai muk sha ai wa gaw, Israela a amyu hta na sumri dan kau ya ai hkrum na ra ai. ¹⁶ Shawng shani hta e chyoi pra ai zuphpawng hpawng na rai myit dai; sanit ya nhtoi hta mung chyoi pra ai zuphpawng hpawng na rai myit dai: dai nhtoi yan hta masha hkum shagu lusha ra ai shat galaw sha amu hta kaga, hpa amu mung galaw lu na n rai. ¹⁷ Dai azuma poi hpe nanhte dum nga lu na rai myit dai; kaning rai nme law, dai nhtaoi hta nanhte a wunawng wuwa ni hpe ngai Egutu mung na woi shapraw wa made ai: dai re ai majaw, dai nhtoi hpe prat dingsa na matsun maroi rai nga ai hte maren prat mi hte prat mi nanhte hkan nga lu na rai myit dai. ¹⁸ Shawng shata shi mali ya shana de kaw nna, dai shata hkun langai ya shana de du hkra matsi n rawng ai muk nanhte sha nga na rai myit dai. ¹⁹ Sanit ya tup nanhte a nta ni hta matsi rawng nga lu na n rai; matsi rawng ai muk sha ai wa gaw, sa shingbyi nga ai wa raitimung, dai mung e dai daw ai wa raitimung, Israela a shawa hpung hta na, sumri dan kau ya ai hkrum na ra ai. ²⁰ Matsi rawng ai baw hpa mung nanhte sha lu na rai myit dai, ngu tsun u, ngu wu ai. ²¹ Shaloi Mawshe gaw Israela masha ni a salang ni nlang hte hpe shaga la nna shanhte hpe, Pru wa mu, hiinggaw shagu tinang nang a matu sagu kasha san la nna, shalai dat ai poi hkungga sat mu. ²² Kinla pu nhtan mi la nna, ang hta rawng ai sai hta kapruk nhtawm, hkanoi hte hkadun daw yan hta, ang hta na sai hte kabat bun na rai myit dai: dai hta kaga, jahpat du hkra kadai mung tinang a nta chyinghka na pru lu na mhit dai n rai. ²³ Kaning rai nme law, Egutu masha ni hpe ari jaw na nga, Yehowa dinghkren mat wa na ra ai: dai hkanoi hte hkadun daw yan hta na sai hpe mu jang, Yehowa dai chyinghka hpe lai kau da na wu ai rai nna, jahten shabya ai wa gaw nanhte hpe jahten na, nanhte a nta hta shang lu na ahkang shi jaw na wu ai n rai. ²⁴ Dai gaw nanhte hta mung, nanhte a kashu kasha ni hta mung, matsun maroi tai nga na rai nna, dai lam hpe prat dingnawng hkan nga lu na rai myit dai. ²⁵ Ba ndat nga ai hte maren Yehowa nanhte hpe jaw na marin dai mung de nanhte du wa ai shaloi ndai dawjau ai amu nanhte galaw nga na rai myit dai. ²⁶ Nanhte a kashu kasha ni gaw, Ning re ai dawjau lam gaw hpa nga mayu ai rai ta? nga nna san myit yang, ²⁷ Nanhte gaw, Yehowa Egutu masha hi hpe ari jaw ai shaloi, anhte a nta ni hpe shalawt yang na, Egutu mung e Israela kashu kasha ni a nta ni hpe lai kau da ai, Yehowa a shalai dat ai hkungga rai nga ai, ngu nna shanhte hpe tsun dan lu na rai myit dai, ngu wu ai: shing nga tsun ngut jang amyu masha ni gaw baw dagup nna nawku nga ma ai. ²⁸ Israela a kashu kasha ni mung pru wa nna shingrai galaw ma ai: Yehowa Mawshe yan Arun hpe hkangda mu ai hte maren shanhte galaw nga ma ai. ²⁹ Shaloi yuptung hpawa e Yehowa gaw tingnyang hta dung nga ai Hpara-u a kasha alat kaw nna, htawng e bawngdung nga ai wa a kasha alat du hkra, Egutumung na kasha alat nlang hte hpe mung yamnga a kasha alat nlang hte hpe mung, yamnga a kasha alat nlang hte hpe mung sat kau wu ai. ³⁰ Dai shana e Hpara-u hte shi a agyi salang ni nlang hte mung, rawt nna si mang n taw ai nta langai mi mung n nga sai majaw, Egutu mung e sharung shayawt kaba rai nga ai. ³¹ Dai shana jang Mawshe yan Arun hpe shaga la nna, Rawt mu, nan hte nawng Israela kashu kasha ninlang nye a amyu kaw na pru mat wa mu: nan tsun myit dai hte maren Yehowa hpe sa naw jau mu. ³² Nan tsun mhit dai hte maren nanhte a sagu bainam, yamnga hpung ni gawt nna sa wa masit: ngai e mung shaman ya da mi, ngu nna tsun wu ai. ³³ Egutu masha ni mung, Anhte nlang chyasi rai ma saga ai, nga nna tsun let, dai mung na shanhte hpe alawan shapraw dat na gawt shadut mu ai. ³⁴ Dai amyu masha ni gaw matsi garai n rawng ai muk katsing la nna, muk gumrin ai n-gawt ni hpe mung tinang a hpun nba hte makai nna hpai ma ai. ³⁵ Mawshe tsun da ai hte maren Isarela kashu kasha ni galaw nn, gumhpraw rai, aja rai hte hpun palawng Egutu mash ni kaw na hpyi la mu ai: ³⁶ hpyi ai hte maren lu la hkra, dai amyu hpe Egutu masha ni a man e Yehowa myiman pa shangun wu ai rai nna, shanhte gaw Egutu masha ni hpe akrin atsai di kau mu ai. ³⁷ Shaloi Israela kashu kasha ni gaw Ramese kaw nna Suhkut de sa wa ma ai: ma kaji e n hti yang lagaw hte hkawm lu ai wa-ngan sen kru daram rai ma ai. ³⁸ Amyu kaga law law ni mung, sagu bainam, yamnga hpung law law hte shanhte kaw hkan nang lung wa ma ai. ³⁹ Egutu mung na tin shapun gawt kau ai hkrum nna, n hkring lu mu ai hte, sha jarit n shachyip rau ma ai majaw, Egutu mung na la wa ai muk katsing hpe matsi n rawng ai ta kabaw sha ma ai. ⁴⁰ YaIsraela kashu kasha ni Egutu mung e sa shingbyi nga ai aprat gaw, mali tsa e sumshi ning rai malu ai. ⁴¹ Dai mali tsa e sumshi ning du ai shani hta nan, Yehowa a wunawng wuwa ni Egutu mung hta na pru wa ma ai. ⁴² Egutu mung na shanhte hpe shapraw wa mu ai majaw, dai shana gaw, Yehowa a matu grau dum mai shana rai nga ai; dai shana gaw, Israela kashu kasha ni prat mi hte prat mi hkan nga na, grau dum mai ai Yehowa a shana rai nga ai. ⁴³ Bai Yehowa gaw Mawshe yan Arun hpe, Ndai gaw shalai dat ai hkungga a matsun rai nga ai: amyu kaga mash kadai mung dai sha lawm lu na n rai; ⁴⁴ raitimung, gumhpraw hte mari ai mayam gaw, matu gadoi hkam sai rai yang, sha lawm lu na rai nga ai. ⁴⁵ Sa shingbyi nga ai manam hte shabrai sha ai nchyang sha rai yang gaw, dai sha lawm lu na n rai. ⁴⁶ Hkungga langai mi hpe nta langai hta sha, sha lu na rai myit dai: dai shan hpe shingan da la shapraw lu na n rai: nra langai mi mung mai daw na myit dai n rai. ⁴⁷ Israela shawa hpung nlang hte gaw dai poi galaw lu na rai ma ni. ⁴⁸ Nang kaw sa manam nga ai amyu kaga wa Yehowa a matu shalai dat ai poi galaw mayu yang gaw, shi kaw na lasha nlang hte matu gadoi ai lam hkam u ga; shaloi dai wa gaw, dai mung hta dai daw ai wa zawn rai sai majaw, shi sit nna dai poi hta shang u ga; matu gadoi n hkam ai kadai mung dai poi hta shang sha lu na n rai. ⁴⁹ Amyu madung hta na wa a matu mung, nanhte kaw shingbyi nga ai manam a matu mung, tara lam langai sha rai nga ai, ngu wu ai. ⁵⁰ Israela dashu kash ni nlang hte mung shingrai galaw ma ai. Mawshe yan Arun hpe Yehowa hkangda ai hte maren shanhte galaw ma ai. ⁵¹ Dai shani hta nan Yehowa gaw Israela kashu kasha hpung wunawng wwa ni hpe, Egutu mung na shapraw wa wu ai.

¹ Bai Yehowa gaw Mawshe hpe, ² Israela kashu kasha ni hta na, shinggyim masha raitimung, yamnga raitimung, shawng hkrat ai kasha alat nlang hte hpe nye a matu shachyoi shapra da mu; dai gaw nye a rai li ai, ngu wu ai. ³ Mawshe mung dai amyu masha ni hpe tsun wu ai gaw, Nanhte yamnga ai nta, Egutu mung na nanhte pru wa lu ai dai ni nhtoi hpe dum nga mu: Yehowa nanhte hpe ningsam rawng ai lata hte dai yang na shaw la manit dai; matsai rawng ai muk nanhte sha lu na n rai. ⁴ Abi shata dai ni hta nan nanhte pru wa myit dai. ⁵ Nang hpe jaw na nga, na nji nwa ni hta dagam da ai, nga chyu hte latat jahku lwi ai, Hkanan, Hiti, Amuri, Hiwi, Yebusi masha ni nga ai mung de, Yehowa nang hpe woi tawn da ndai shaloi, ndai ta hta e ndai dawjau ai amu nang galaw lu na rai ndai. ⁶ Sanit ya tup matsi n rawng ai muk nang sha nna, dai sanit ya nhtoi hta Yehowa a poi rai na rai nga ai. ⁷ Matsi n rawng ai muk sha nga ai sanit ya tup hta rai na ra ai: n rai; nang hte na a mung ting hta mung matsi rawng mai na n rai. ⁸ Ndai nhtoi hta e, Ngai Egutu mung na pru wa ai shaloi, nye a matu Yehowa galaw ya ai chyeju majaw ning re ai rai nga ai, ngu nna na a shadang sha hpe tsun hti dan na rai ndai. ⁹ Yehowa a tara na a n-gup hta nga nga u ga, da ndai gaw na a lata htakumla, na a myi lapran e masat dingsat tai nga na rai nga ai: kaning rai nme law, Yehowa gaw n-gun rawng ai lata hte nang hpe Egutu mung na shaw la nit dai. ¹⁰ Dai majaw ndai htung hpe shi a ladaw langa hta, nang shaning shagu galaw lu na rai ndai. ¹¹ Nang hpe jaw na nga, nang hpe mung, na nji nwa ni hpe mung dagam da ai, Hkanan masha ni nga ai mung de, Yehowa nang hpe woi tawn da ndai shaloi; ¹² shawng shaprat ai kasha alat nlang hte hte, na a yamnga ni hta shawng hkrat ai alat nlang hte hpe, Yehowa a matu rai na rai nga ai. ¹³ Lawze hta hkrat ai alat hpe gaw, sagu kasha hte nang galai la na rai wu ai: de a matu malai n jaw mayu yawng gaw, de a du gang daw dau ya na rai wu ai: masha hta na kasha alat nlang hte hpe gaw, nang hkrang la lu na rai ndai. ¹⁴ Hpang prat e, Ndai hpa rai ta? nga nna na sha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai: ¹⁵ Hpara-u myit ja nna anhte hpe aloi sha n dat dat mi yang, masha kaw nna yamnga du hkra, Egutu mung na kasha alat nlang hte hpe Yehowa sat kau wu ai: dai majaw shawng hkrat ai ala nlang hte hpe ngai Yehowa hpe hkungga jaw ai rai nga ai: raitimung tinang a shadang sha ni hta na alat hpe gaw ngai hkrang la lu ai rai ndai. ¹⁶ Dai lam mung na a lata hta kumla, na a myi lapran e masat dingsat laika tai nga na rai lit dai: kaning rai nme law, n-gun rawng ai lata hte Yehowa anhte hpe Egutu mung na shaw la mani ai, ngu nna tsun wu ai. ¹⁷ Ya Hpara-u gaw dai amyu hpe dat dat wu ai shaloi, Hpilisti mung hprang ai lam hku ni nga timung, Karai Kasang gaw shanhte hpe dai lam hku n woi wa wu ai: kaning rai nme law, Ndai amyu gaw hpyen mu jang myit kayin nna, Egutu mung de bai nhtang mayu na ra ai nhten, nga nna Karai Kasang tsun nga ai ¹⁸ dai rai nna Karai Kasang gaw dai amyu hpe hkyeng ai nawng makau nam lam hku woi kawai wa mu ai: Israela kashu kasha ni mung ri nhtu hte rai nna Egutu mung na lung wa ma ai. ¹⁹ Dai hta kaga, shawng de Yosep Israela kashu kasha ni hpe, grai grai nga nna, Karai Kasang nanhte hpe gaja wa teng teng kawan katsan sa yu na ra ai; shaloi nye a nrut nra hpe ndai mung na nanhte la wa ya lu na rai myit dai, ngaa nna dagam shangun mu ai majaw, Mawshe gaw shi nrut nra dai hpe shi hte rau la lung wa wu ai. ²⁰ Bai shanhte gaw Suhkut kaw na htawt nhtawm, nam makau na Ehtam shara e but nta ma ai. ²¹ Shani shana shanhte sa lu hkra Yehowa gaw, shani e lam madun na matu sumwi shaw hte, shana e htoi ya na matu wan shaw hte shanhte a shawng e sa wa wu ai: ²² shani na sumwi shaw hte shana na wan shaw mung shanhte kaw na dawm la wu ai n rai.

¹ Bai Yehowa gaw Mawshe hpe, ² Israela kashu kasha ni kayin wa nna, Migdola hte nawng lapran, Bela-Zehpun tawtap na Hpi-hahirot e dap jung nga mu, ngu nna tsun dat u: dai shara hte tawtap nawng makau e nanhte dap jung na rai myit dai. ³ Shaloi Hpara-u gaw, Israela kashu kasha ni gyeng ai kaw rai masai, nam mali lam mung pat nga malu ai, nga na ra ai: ⁴ ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu mashani chye lu na matu, Hpara-u hte shi a hpyen luksuk ni mahkra hta, nye a hpung shingkang danhkung na ra ai, ngu nna tsun ai. ⁵ Shaloi dai amyu hprawng mat wa ai lam Egutu hkawhkam hpe tsun shana mu ai rai nna, Hpara-u hte shi a agyi salang ni gaw dai amyu masha ni a lam myit kayin nna, Israela hpe anhte yam sha nga ai kaw na dat kau dat ga ai gaw, hpa re ai rai nga nga ga ta? nga nna tsun ma ai. ⁶ Shaloi Hpara-u gaw shi a hpyen leng ni shading nna, shi a masha ni hpe shi hte rau woi sa mu ai: ⁷ san tawn da ai leng kru tsa hte Egutu mung na hpyen leng nlang hte nawng shaga woi wu ai ⁸ Yehowa mung Egutu hkawhkam Hpara-u a myit shaja ya wu ai rai nna, shi gaw Israela dashu kasha ni hpe hkan shachyut wu ai: kaning rai nme law, Israela kashu kasha ni gaw gumrawng gumra rai nna dai mung na pru wa ma ai. ⁹ Shingrai Hpara-u a gumra ni nlang hte hte shi a hpyen leng ni, shi a gumra jawn ai ni hte shi a luksuk Egutu masha ni gaw shanhte hpe hkan shachyut mu ai rai nna, Bala Zehpun hte tawtap dai nawng makau na Hpi-hahirot saw e dap jung nga ai kaw shanhte hpe hkan dep mu ai. ¹⁰ Ya Hpara-u ni sa wa jang, Israela kashu kasha ni gaw mada yu nna, yu mu, Egutu masha ni shanhte a hpang de du sa wa nga malu ai: dai rai nna Israela kashu kasha ni nachying hkrit ai hte Yehowa hpe jahtau shaga nga ma ai. ¹¹ Shan hte mawshe hpe mung, Egutu mung e lup n nnga ai majaw, ndai nam e si mu ga, ngu nna nang anhte hpe woi wa n ni? Anhte hpe ning di Egutu mung na hpa rai woi wa n ta? ¹² Egutu masha ni kaw anhte naw yamnga na ga ai, ngu nna Egutu mung e anhte nang hpe tsun ai gaw, ndai zawn rai na hpe tsun ai n rai ni? nang nam e si na hte Egutu masha ni kaw yam na gaw grau mai nga ai, nga nna tsun ma ai. ¹³ Mawshe chyawm gaw, Hkum hkrit myit, asim sha she nga mu; Yehowa dai ni nanhte a matu hpaw ya na hkyehkrang la lam hpe yu yu ma la: dai ni nanhte mu lu ai Egutu masha ni hpe htawmhpang de galoi mung bai mu la na sai n rai. ¹⁴ Yehowa nanhte hpang maga gasat ya na ra ai; nanhte gaw asim sha she nga na rai myit dai, ngu nna amyu masha ni hpe tsun wu ai. ¹⁵ Shaloi Yehowa gaw Mawshe hpe, Nang hpa rai ngai hpe jahtau shaga n ta? Israela kashu kasha ni shanang sa wa mu ga, shanhte hpe tsun dat mu. ¹⁶ Nang chyawm gaw na a dawhkrawng sharat nna dai nawng ntsa de na lata ladawn ai hte dai hpe jahka u; saloi Israela kashu kasha ni dai nawng hta hkarang hku hkawm sa wa na rai ma ai. ¹⁷ Ngai mung Egutu masha ni a masin shaja ya na we ai rai nna, shanhte mung dai ni kaw hkan shang nang na mara ai: shaloi Hpara-u hte shi a hpyen hpung ni hta mung, shi a hpyen leng ni hte gumra jawn ai ni hta mung nye a hpung shingkang danhkung na ra ai. ¹⁸ Shingrai Hpara-u hte shi a hpyen leng ni, shi a gumra jawn ai ni hta nye a hpung shingkang danhkung nga ai shaloi, ngai Yehowa rai nga nngai gaw, Egutu masha ni chye na mara ai, ngu wu ai. ¹⁹ Shaloi, Israela dap a shawng e sa wa ai Karai Kasang a lamu kasa gaw kayin nna, shanhte a hpang de sa nga ai: sumwi shadaw mung shanhte a shawng na htawt nna shanhte a hpang e sa tu nga ai: ²⁰ dai gaw Egutu dap hte Israela dap lapran e din shadang nna, sumwi hte nsin sin nga ai raitimung, dai gaw shana e ahoi jahtoi ya nga ai: shingrai shana tup dai dap hte wora dap htep lu ma ai n rai. ²¹ Shaloi Mawshe dai nawng ntsa e shi a lata ladawn wu ai; Yehowa mung shana tup nachying ja ai sinpraw nbung hte dai hka hpe shabai kau dat wu ai rai nna, dai nawng gaw hkarang tai mat nga ai: dai hka mung ga karan mat nga ai. ²² Shaloi Israela kashu kasha ni gaw dai nawng de shang nna, hkarang hta e hkawm sa wama ai: dai hka mung shanhte a hkra maga pai maga de shakum tai nga malu ai. ²³ Shaloi Egutu masha ni, Hpara-u gumra leng nlang hte, shi a hpyen leng ni hte gumra jawn ai ni mung, shanhte hpe hkan shachyut let dai nawng de hkan shang nang ma ai. ²⁴ Jahpawt manap na ahkying e Yehowa gaw dai wan sumwi shadaw hta nna Egutu hpyen hpung ni hpe mada yu let, shanhte hpe sharu shatsang da mu ai. ²⁵ Shanhte a hpyen leng ni hpe leng dingsen ni malaw dau ya nna, sa yak shangun da mu ai: dai rai nna Egutu masha ni gaw, Israela amyu a man na anhte hprawng saga: Yehowa shanhte a matu Egutu masha ni hpe gasat nga ai, nga nna tsun shajang ma ai. ²⁶ Bai Yehowa gaw, Dai nawng a hka Egutu masha ni a ntsa e, shanhte a hpyen leng ni hte gumra jawn ai ni a ntsa de bai nhtang wa u ga, dai nawng a ntsa de na a lata ladawn dat u, ngu nna Mawshe hpe tsun wu ai. ²⁷ Dai majaw Mawshe dai nawng ntsa de shi a lata ladawn dat wu ai rai nna, jahpawt nhtoi htoi jang, hka dai gaw shawoi na hte maren, bai nhtang lwi wa ai hte, Egutu masha hprawng wa ai hta dai hte hkrum ma ai: shingrai Yehowa gaw Egutu masha ni hpe dai nawng ka-ang e humpye bang kau wu ai. ²⁸ Dai hka nhtang wa nna, dai nawng de shanhte hpe hkan shachyut shang nang ai hpyen leng ni, gumra jawn ai ni hte Hpara-u a hpyen hpung nlang hte hpe ka-up kau mu ai rai nna, langai mi mung kaw wa lu na n rai. ²⁹ Israela kashu kasha ni chyawm gaw dai nawng ka-ang hkarang hta e hkawm wa lu ma ai rai nna, hka dai gaw shanhte a hkra maga pai maga shakum tai nga malu ai. ³⁰ Shingrai Yehowa gaw dai nhtoi hta e Egutu masha ni a lata na Israela kashu kasha ni hpe hkyehkrang la mu ai; dai nawng hkin-gau hkan e Egutu masha ni si taw nga ma ai hpe Israela masha ni mu ma ai. ³¹ Shingrai Egutu masha ni hta Yehowa galaw ai ningsam kaba hpe Israela amyu ni mu lu nna, Yehowa hpe hkrit nga ma ai: shanhte gaw Yehowa hte shi a shangun kasa wa Mawshe hpe kamsham ma ai.

¹ Dai shaloi Mawshe hte Israela kashu kasha ni gaw, ndai mahkawn mangoi ga hte Yehowa hpe ning nga mahkawn mangoi ma ai: Yehowa hpe ngai mahkawn mangoi na nngai: Shi gaw magam shingkang danhkung let ninglaw nga ai. Gumra hte dai hta jawn ai wa hpe nawng hta gumpye bang kau nu ai. ² Yehowa gaw nye a n-gun, nye a mahkawn mangoi shara rai nga ai. Nye a hkyehkrang la ai lam shi tai ya sai: Shi gaw nye a Karai Kasang rai nga li ai rai nna, ngai shi hpe shakawn na we ai; Ngai ji ngai wa ni a Karai Kasang shi rai nga ai rai nna, ngai shi hpe shagrau na we ai. ³ Yehowa gaw hpyen laba du rai nga ai, Shi a amying ningsang Yehowa rai nga lu ai. ⁴ Hpara-u a hpyen leng ni hte hpyen hpung ni hpe, dai nawng hta gumpye bang kau nu ai; San da ai hpyenbu ni mung, dai nawng hkyeng hta lup mat masai. ⁵ Le sung ai shara gaw shanhte hpe magap kau wu ai, Nlung zawn shanhte gaw le sung ai de yu hkrat wa ma ai. ⁶ Yehowa e, na hkra lata gaw, n-gun hte danhkung nga lit dai; Yehowa e, na hkra lata gaw hpyen ni hpe agrawp kau nu ai. ⁷ Nang hpe hpyen ai ni e, na a daru magam shingkang hte nang kaming kamawng di kau nu ai: Na a pawt ai shadawng dat dat nna, shanut zawn shanhte hpe hkru kau nu ai. ⁸ Na a ladi na shaw ai nsa hte hka hpungnung ni gumdin mat wa ma ai: Lwi nga ai hka hpungla ni rawt tsap jan jan rai nga ma ai; Dai nawng a ka-ang na sung ai hka hpung ni ting ting hkang hkang rai nga ma ai. ⁹ Dai hpyen wa tsun ai gaw: Ngai lanep karan la na we ai: shing di shanhte hta ngai mashi asat na we ai: Nye a nhtu ngai shaw nna, shanhte hpe ngai hpya kau na we ai, nga ai. ¹⁰ Na nbung hte nang a hpawt dat nna, dai nawng gaw shanhte hpe magap kau nu ai; Dai hka hpungtang de chyu zawn shanhte lup mat masai. ¹¹ Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi pra ai hta danhkung nga ai wa, nang zawn re ai kadai nga a ta? ¹² Na a hkra lata nang ladawn dat nna, Aga gaw shanhte hpe mayu kau nu ai. ¹³ Nang hkyehkrang la ai amyu hpe, matsan dum ai hte nang woi wa nit dai; Na a chyoi pra ai nga shara de, na a chyeju ningsam hte nang shanhte hpe lam woi madun wa nit dai. ¹⁴ Masha amyu ni dai na nna, hkrit gari nga ma ai: Hpiliste masha ni kawa machyi hkrum ma ai. ¹⁵ Dai shaloi Edom du ni mau mahka nga ma ai, Moba share ni hkrit gari hkrum nga ma ai: Hkanan masha ni nlang minla byaw mat masai. ¹⁶ Ma kajawng ai hte hkrit gari ai shanhte a ntsa e du sai: Yehowa e, na a amyu kawt mat wa ai shaloi, Nang hkrang la ai amyu lai wa lu ai shaloi, Na nsam rawng ai lahpum majaw shanhte nlung zawn atsin sha nga nga ma ai. ¹⁷ Yehowa e, Sali wunli bum ngu ai, Nang shanu nga na, nang mazing da ai shara de, Nang, madu de da ai nawku htingnu de, Nang shanhte hpe woi tawn d na rin dai. ¹⁸ Yehowa gaw htani htana prat dingsa a up nga na ra ai, nga ma ai. ¹⁹ Kaning rai nme law, Hpara-u gumra ni, shi a hpyen leng ni hte gumra jawn ai ni, dai nawng hta shang ma ai rai nna, Yehowa gaw dai nawng na hka shanhte a ntsa e bai nhtang lwi shangun wu ai: Israela kashu kasha ni chyawm gaw dai nawng ka-ang e hkarang hku hta hkawm sa wa ma ai. ²⁰ Shaloi, Arun a kana, myihtoi num Miriam gaw shi a lata hta chying lang nna, numsha ni mahkra mung chying dum ai hte ka let shi a hpang e hkan nang ma ai. ²¹ Miriam gaw shanhte hpe woi awn let, Yehowa hpe mahkawn mangoi mu, Shi gaw magam shingkang hte danhkung let ninglaw nga ai. Gumra hte dai hta jawn ai wa hpe nawng hta gumpye bang kau ni ai, nga nna mahkawn mangoi nga ai. ²² Ya Mawshe gaw Israela amyu hpe dai nawng hkyeng na woi pru wa nna, Shura nam mali de shang wa ma ai: shanhte gaw dai nam mali hta masum ya sat hkawm wa ma timung hka n mu lu ma ai. ²³ Mara ngu ai shara de du ma yang, Mara na ntsin hpe hka ai majaw shanhte n lu lu ma ai: dai rai nna, de a amying Mara rai lu ai. ²⁴ Shaloi dai amyu masha ni Mawshe hpe, Anhte hpa lu na rai nga ga ta? ngu nna aput mu ai. ²⁵ Dai majaw shi gaw Yehowa hpe hpyi jahtau wu ai; Yehowa mung shi hpe hpun langai mi madun wu ai rai nna, hpun dai hpe hka hta kabai bang wu yang, hka dai mu wa ai. Dai yang e shi shanhte a matu ga madat hte hkang ai tara langai mi tawn da nna, dai yang e shanhte hpe chyam yu wu ai: ²⁶ shi gaw, Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkangda mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai, ngu wu ai. ²⁷ Dai kaw nna shanhte gaw, hka deng shi lahkawng hte namhtan hpun sanit shi tu ai Elim shara de du nna, dai hka makau e but nga ma ai.

¹ Dai hpang shanhte gaw Elim na htawt sa wa ma ai rai nna Israela kashu kasha shawa hpung ting, Egutu mung na pru wa ai hpang, shata lahkawng ngu na hta shi manga ya e, Elim hte Sina bum lapran na Sin ngu ai nam mali de du shang ma ai. ² Shaloi dai nam e Israela kashu kasha shawa hpung nlang hte gaw Mawshe yan Arun hpe aput nga ma ai. ³ Shanhte gaw, Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka, nga nna shan hpe tsun mu ai. ⁴ Dai rai nna Yehowa gaw Mawshe hpe, Yu mu, ngai nanhte a matu lamu de na mu k jahtu ya na made ai; shaloi shanhte shani shagu sa nna lani mi na matu ram tup ram tup hta la na rai ma ai: shin rai nye a tara hpe shanhte hkan nang ma ai kun, n hkan nang ma ai kun, ngai chyam yu na mawe ai. ⁵ Kru ya nhtoi hta gaw shani shagu hta la ai hta, htam lahkawng hta la nna lajang da na rai ma ai, ngu wu ai. ⁶ Shaloi Mawshe yan Arun gaw, Yehowa nanhte hpe Egutu mung na shaw wa manit dai gaw dai na de nanhte chye na marin dai: ⁷ hpawt de mung Yehowa a hpung shingkang nanhte mu na marin dai: Yehowa hpe nanhte a put ai ga gaw shi na nu ai: an hpe aput na gaw an hpa hkaw ai yan rai ga ta? ngu nna israela kashu kasha ni hpe tsun mu ai. ⁸ Bai Mawshe gaw, shana de sha na matu shan, jahpawt e hkru ram hkra sha na muk, Yehowa nanhte hpe jaw na myit dai shaloi, nye a ga teng na ra ai: Yehowa hpe nanhte aput ai ga shi na nu ai: an wa mi hpa rai ga ta? nanhte aput ai ga gaw an hta hkra ai n rai, Yehowa hta hkra nga ai, ngu wu ai. ⁹ Bai Mawshe gaw, Nanhte aput ai ga Yehowa na nu ai rai nna, shi hpang de sit sa wa marit, ngu nna Israela kashu kasha shawa hpung nlang hpe tsun shana su, ngu nna Arun hpe hkang dat wu ai. ¹⁰ Dai hte maren Arun mung Israela kashu kasha shawa hpung nlang hpe tsun shana wu yang, dai nam mali de shanhte mada yu mu ai rai nna, Yehowa a hpung shingkang dai sumwi hta danhkung nga ai. ¹¹ Yehowa mung, Israela kashu kasha ni aput ai ga ngai na se ai; ¹² Shana de nanhte shan sha lu na marin dai; jahpawt mung muk hte hkru kat na marin dai: shaloi ngai nanhte a Karai Kasang Yehowa rai nga nngai gaw nanhte chye lu na marin dai, ngu nna shanhte hpe tsun mu, ngu nna Mawshe hpe tsun wu ai. ¹³ Dai hte maren shana de u preng ni hkrat nna dai dap hpe up di da mu ai: jahpawt mung dai dap grupyin e mari hkrat nga ai. ¹⁴ Dai mari hkoi mat yang, yu mu, dai nam mali na ga man hta, hkyen dingsi zawn din din re ai kaji ai rai mi taw nga ai. ¹⁵ Israela kashu sasha ni dai hpe mu ma yang, Ndai hpa rai nga a ga? nga nna shada da san shajang ma ai: kaning rai nme law, dai hpa re ai gaw shanhte n chye ma ai. Dai rai nna Mawshe gaw, Nanhte sha na matu Yehowa jaw ai muk gaw ndai rai nga ai. ¹⁶ Langai hte langai tinang sha law hpu magawn la mu; tinang sum hta rawng ai masha hti yu nna, marai langai mi a matu uma langai ngai magawn la lu na rai myit dai, nga nna Yehowa hkang dat ai lam rai nga ai, ngu wu ai. ¹⁷ Israela kashu kasha ni mung shingrai masha law n law hku hkan nna, magawn la la rai ma ai. ¹⁸ Dai hpe uma bye hte hteng yu mu yang, law hta la ai wa n hra, n law hta la ai wa mung n ra; langai hte langai tinang sha law law hkrai magawn la mu ai. ¹⁹ Bai Mawshe gaw, Jahpawt du hkra kadai mung hkum ngam da myit, ngu nna shanhte hp tsun wu ai. ²⁰ Raitimung nkau mi gaw Mawshe a ga n madat ai hte jahpawt du hkra ngam da mu ai majaw dai gaw byet tai nna manam mat malu ai: dai rai nna Mawshe gaw shanhte hpe masin pawt wu ai. ²¹ Shanhte gaw langai hte langai tinang sha law hpu, jahpawt shagu magawn la ma ai: dai gaw jan ja wa jang tun mat wa ai. ²² Kru ya nhtoi hta e shawng na hta htam lahkawng, langai hte langai a matu uma lahkawng hkawng shanhte magawn la ma ai: shawa hpung na agyi salang ni mahkra mung, dai lam Mawshe hpe sa tsun dan mu ai. ²³ Shaloi shi gaw, Hpawt ni gaw Yehowa a matu chyoi pra ai Laban nhtoi ngu ai, sim sa ai nhtoi rai nga ai; kabaw ra ai hte kabaw mu, shapyaw ra ai hte shapyaw mu, ngam ai nlang hte hpe hpawt de na matu tawn da mu, nga nna Yehowa tsun ai lam rai nga ai, ngu wu ai. ²⁴ Shanhte mung Mawshe a ga hte maren, hpang jahpawt du hkra tawn da ma ai: raitimung dai gaw manam mat ai n rai, byet mun rawng ai n rai. ²⁵ Bai Mawshe gaw, Nanhte ngam da ai hpe dai ni sha mu; dai ni Yehowa a Laban nhtoi rai nga ai: dai ni nam prang e nanhte mu lu na myit dai n rai. ²⁶ Kru ya tup nanhte dai hpe magawn la lu na rai myit dai; sanit ya nhtoi chyawm gaw laban nhtoi rai nga ai rai nna, dai shani e dai tai na n rai, ngu wu ai. ²⁷ Masha nkau mi gaw dai sanit ya shani e sa hta na nga pru sa ma ai: raitimung shanhte n mu mu ai. ²⁸ Dai majaw Yehowa gaw Mawshe hpe, Ngai hkangda ai lam hte nye a tara hpe nanhte galoi du hkra ndang nga na myit ta? Yu mu, Yehowa nanhte hpe dai laban nhtoi daw ya manit dai rai nna, kru ya shani hta ni ni na matu muk jaw manit dai; kadai mung tinang shara e nga nga mu; sanit ya nhtoi hta tinang shara na kadai hkum pru myit, ngu nna tsun wu ai. ³⁰ Dai rai nna amyu masha ni sanit ya nhtoi hta ban sa nga ma ai. ³¹ Israela masha ni gaw dai hpe Manna ngu nna shamying mu ai: dai gaw hpakgyi tum zawn rai nna ahpraw nsam nga ai; lagat jahku hte kayau ai muk pa zawn dwi nga ai. ³² Bai Mawshe gaw, Da ndai gaw Yehowa hkangda ai lam rai nga ai: Ngai nanhte hpe Egutu mung na shapraw la made ai shaloi, nam mali e nga nanhte hpe sha shangun ai muk, nanhte a kashu kasha ni prat mi hte prat mi mu lu mu ga, uma bye langai mi prat dingnawng kyem tawn da nga mu, ngu wu ai. ³³ Dai hat kaga Mawshe gaw Arun hpe mung, Nanhte hta prat mi hte prat mi rem nga na matu, di bu langai mi la nna manna muk uma mi bang nhtawm, Yehowa a man e kyem tawn da u, ngu wu ai. ³⁴ Shingrai Yehowa Mawshe hpe htet da wu ai hte maren, Arun gaw dai Sakse a man e manna muk dai hpe kyem tawn da wu ai. ³⁵ Israela kashu kasha ni gaw masha nga ai ga de du ai du hkra, mali shi ning tup manna muk sha ma ai; Hkanan mung a lamu ga jarit du ai du hkra shanhte manna sha nna nga ma ai. ³⁶ Uma mi ngu ai gaw Ehpa a htamshi hta htammi rai nga ai.

¹ Ya Israela kashu kasha shawa hpung ting, Yehowa a ga hte maren, Sin nam mali na pru nhtawm, hkau mi hte hkau mi sat sa wa nna Rehpidim e but ma ai; dai kaw e amyu masha ni lu na hka n nga ai. ² Dai re ai majaw amyu masha ni gaw, Anhte hpe lu na ntsin jaw mi, nga nna Mawshe hte ndang kalang hkat nga ma ai. Mawshe mung, Nanhte ngai hpe hpa rai ahtu nga myit ta? hpa rai Yehowa hpe chyam yu nga myit ta? ngu nna shanhte hpe htan mu ai. ³ Dai kaw e amyu masha ni hpang kara nna, Mawshe hpe aput let tsun ma ai gaw, Anhte hte anhte a kashu kasha ni hpe mung, anhte a yamnga ni hpe mung hpang kara ai hte sat kau na rai yang gaw, hpa majaw Egutu mung na anhte hpe woi wa n ta? ngu mu ai. ⁴ Shaloi Mawshe gaw Yehowa hpe jahtau nna, Ndai amyu hpe ngai kaning di na magang wa da mi ai, ngu nna hpyi wu ai. ⁵ Dai rai nna Yehowa gaw Mawshe hpe, Dai amyu masha ni a shawng e sa wa su;Isrela a agyi salang ni nkau mi hpemung shaga woi u; dai hka nu kayat ai na a dawhkrawng lang let sa wa su: ⁶ Yu u, Horeb bum na lunghkrung ntsa hta na a man e ngai tsap nga na ring ngai; nlung dai hpe nang kayat na wu ai rai nna, amyu masha ni lu na matu, dai nta na ntsin lwipru na ra ai, ngu nna tsun wu ai. Mawshe mung Israela a agyi salang ni a man e shing di galaw wu ai. ⁷ Dai Kaw e israela kash kasha ni gaw, Yehowa anhte hta nga ngaai kun, n nga nga ai kun, nga nna Yehowa hpe chyam dinglik yu ai hte ndang kalang hkat ai lam a majaw, shara dai hpe Masa ngu nna mung, Meriba ngu nna mung shamying mu ai. ⁸ Dai shaloi Amalek masha ni sa pru nna, Rehpidim e, Israela amyu hpe sa gasat ma ai. ⁹ Dai majaw Mawshe gaw, Yawshu hpe, Masha lata la nna Amalek ni hpe gasat na pru su; hpawt de, Karai Kasang a dawhkrawng lang nna, dai kawng pungding e ngai tsap nga na ring ngai, ngu nna tsun wu ai. ¹⁰ Shingrai Mawshe hkang dat ai hte maren Yawshu galaw nna Amalek ni hpe gasat wu ai; Mawshe, Arun, Hura hte gaw dai kawng pungding de lung wa ma ai. ¹¹ Ya Mawshe gaw shi a lat sharawt wu yang, Israela masha ni dang wa ma ai; shi a lata jahkrat yang gaw Amalek ni dang wa ma ai. ¹² Raitimung Mawshe a lata tsu wa lu ai rai nna, shan gaw nlung langai mi la nhtawm, dai hta shi hpe shadun wu ai: shingrai Arun yan Hura mung maga mi de langai ngai nga nna shi a lata pawn shadaw ya mu ai: dai rai nna jan du hkra shi a lata sharat dingyang rai nga lu ai. ¹³ Yawshu mung Amalek du wa hte shi a masha ni hpe nhtu hte shayu kau wu ai. ¹⁴ Dai Majaw Yehowa gaw Mawshe hpe, Sumsing lamu a npu na Amalek amying hpe ngai teng teng shaprai kau na we ai, rai nna, lam ndai hpe dum nga na matu laika hta ka da nhtawm, yawshu a na hta hti dan u, ngu wu ai. ¹⁵ Mawshe mung tawn hkungri galaw nna, dai hpe Yehowa nisi ngu nna shamying wu ai; ¹⁶ dai gaw, Yehowa a tingnyang de ladawn ai lata rai nta ai majaw, Yehowa gaw Amalek hpe prat dingsa gasat nga na sai, nga ai rai lu ai.

¹ Dai shaloi Midian hkinjawng wa Mawshe a katsa Yehtru gaw, Karai Kasang Mawshe hte shi a amyu Israela a matu galaw ai lam nlang hpe mung, Yehowa Israela hpe Egutu mung na shaw wa ai lam mung na wu ai. ² Ya, Mawshe a katsa Yehtru gaw, Mawshe dat tawn da ai madu jan Zihpura hte shi a shadang sha yan hpe woi nna, sa wa ai: ³ kasha langai mi a amying gaw Gershom rai lu ai; dai gaw, Masha mung ga e ngai tsasam manam tai mat ni ai, nga ai rai lu ai: ⁴ langai mi a amying gaw Eliaza rai lu ai; dai gaw, Ngai wa a Karai Kasang ngai hpe karum nna, Hpara-u a nhtu hta na ngai hpe hkye la ni ai, nga ai, rai lu ai. ⁵ Shingrai Mawshe a katsa Yehtru gaw shi a kashu yan hte kasha jan hpe woi nna, dai nam mali Karai Kasang a bum makau e dap jung nga ai Mawshe kaw du sa wa ai rai nna, ⁶ Ngai na ntsa Yehtru hte, na madu jan, kasha ni, nang kaw du sa ra ga ai, ngu nna Mawshe hpe tsun wu ai. ⁷ Shaloi mawshe mung, katsa hpe tau la na nga pru nna, gum dagup nhtawm shi hpe pup wu ai: shingrai shada da hkam kaja ai lam san let, sum kata de shang wa ma ai. ⁸ Shaloi Mawshe gaw shi a katsa hpe, Yehowa Israela matu Hpara-u hte Egutu masha ni hta galaw ai amu lam nlang hte mung, lam hkan e shanhte hkrum hkra ai lam nlang hte hte Yehowa shanhte hpe kaning di mawai la ai lam hpe mung, hkai dan wu ai. ⁹ Yehtru mung, Yehowa Israela hpe madun dan ai chyeju lam mahkra hte Egutu masha ni a lata na shanhte hpe hkrang la ai majaw, kabu gara nga ai. ¹⁰ Dai majaw Yehtru gaw, Egutu masha ni a lata na mung, Hpara-u a lata na mung nanhte hpe shaw hkrang la nna, ndai amyu hpe egutu masha ni a lata na shaw hkrang la ai Yehowa gaw a nga u ga law. Hpara mahkra hte hta Yehowa grau kaba nga ai gaw, ya ngai chye se ai; shanhte myit tsaw gumlawt ai hta dai lam hkrum sha ma ai, nga ai. ¹² Shaloi Mawshe a katsa Yehtru gaw Karai Kasang a matu wan nat hkungga hte mayu hkungga la sa ai rai nna, Arun hte Israela agyi salang ni mahkra gaw, Mawshe a katsa hte shat rau sha na nga, Karai Kasang a man de sa ma ai. ¹³ Hpang shani e Mawshe gaw amyu masha ni hpe tara dawdan ya na nga, dung nga ai: dai masha ni mung jahpawt kaw nna shana de du hkra Mawshe kaw tsap nga ma ai. ¹⁴ Dai amyu masha ni hta Mawshe galaw ai amu nlang hpe shi a katsa mu ya wu yang, shi gaw, Dai amyu hta nang galaw ai lam gaw kaning re ai rai nga lit ta? Nang hkrai sha dung nga nna, amyu masha ni na a man e jahpawt kaw nna shana de du hkra tsap nga ma ai gaw, hpa majaw rai ta? ngu wu ai. ¹⁵ Mawshe gaw, Dai amyu masha ni Karai Kasang hpe san yu na nga, ngai kaw sa ma ai majaw, rai nga ai; ¹⁶ shanhte amu rawng yang ngai kaw du sa nna ngai gaw masha wa hte shi a manang lapran e jeyang ya ai hte, Karai Kasang a ga matsun mung shi a tara mung ngai sharin ya mawe ai, ngu nna katsa hpe tsun wu ai. ¹⁷ Dai rai nna Mawshe a katsa gaw, Dai nang galaw ai hku gaw, n rai nga lit dai; nang mung, nang hte rau nga ai ndai amyu mung, teng teng n-gun yawm mat na marin dai; amu dai gaw na matu nau wa li nga lit dai: nang hkrai sha dai hpe dang lu na n rai. ¹⁹ Ya nye a ga madat u; ngai nang hpe hpaji daw ya de ga; Karai Kasang mung nang hte rau nga u ga: nang gaw Karai Kasang hte seng ai lam hta shanhte a matu htingrai nna, Karai Kasang kaw dai amu lam shashawn ya u: ²⁰ ga matsun hte jep ai tara mung, nang shanhte hpe sharin ya nna, shanhte hkawm sa wa na lam hte galaw ra ai amu hpe, nang shanhte hpe madun ya na rai ndai. ²¹ Dai hta kaga, ndai amyu yawng hta na, Karai Kasang hpe hkrit hkungga ai myitsu ai masha, sadi sahka re ai hte sake manawn n tsaw ai masha nang san da na rai wu ai: dai ni hpe, masha hkying mi a agyi, latsa a agyi, manga shi a agyi, marai shi a agyi shatai nna dang tawn da u: ²² shanhte gaw galoi raitimung masha ni hpe tara dawdan ya mu ga; amu kaba rai yang sha nang kaw shashawn mu ga; amu kaji yawng gaw shanhte hkrai dawdan ya mu ga: dai rai jang shanhte nang hpe shingtau nna na a amu tsang na ra ai. ²³ Ning rai Karai Kasang a ahkang hte nang galaw n yang gaw, nang hta n-gun rawng na ra ai; amyu masha ni mung tinang wa nga na mung de ngwi pyaw ai hte sa wa lu na mara ai, ngu nna tsun wu ai. ²⁴ Mawshe mung katsa wa a ga madat wu ai rai nna, shi tsun ai hku yawng galaw wu ai. ²⁵ Shingrai Mawshe gaw Israela amyu ting hta na myitsu ai masha lata la nhtawm, masha hkying mi a agyi, latsa a agyi, manga shi a agyi, marai shi a agyi dang tawn da mu ai. ²⁶ Dai ni gaw, galoi raitimung dai amyu masha ni hpe dawdan ya nga ma ai: yak ai amu rai yang sha Mawshe kaw shashawn mu ai; loi ai amu shagu gaw shanhte hkrai dawdan ya ma ai. ²⁷ Dai hpang Mawshe gwshi a katsa hpe shabawn dat wu ai; shi gaw shi a mung de bai wa mat ai.

¹ Israela kashu kasha ni gaw Egutu mung na pru wa ai hpang, shata masum ngu na hta langai ya shani e Sina nam mali de du ma ai. ² Rehpidim na shanhte htawt nna Sina nam mali de du ma yang, dai nam mali hta shanhte but nga ma ai; dai yang na bum man e Israela amyu but nga ai. ³ Shaloi Mawshe Karai Kasang hpang de lung wa nna, Yehowa mung dai bum na shi hpe shaga la nna tsun wu ai gaw, Yaku a nta, Israela kashu kasha ni hpe nang ning ngu tsun na rai ndai: ⁴ Egutu masha ni hpe ngai galaw ai lam hte, kalang a singkaw hte nanhte hpe hpai wa nna, ngai hpang de nanhte hpe woi la masade ai gaw, nanhte mu manit dai. ⁵ Dai re ai majaw, nanhte nye a ga teng teng madat nna, nye a ga shaka hkan myit yang gaw, masha amyu nlang hte hta na nanhte nye a Sali wunli tai na marin dai: kaning rai nme law lamu ga ting nye a rai nga li ai: ⁶ nanhte gaw nye a matu hkinjawng mungdan hte chyoi pra ai amyu tai na marin dai. Ga ndai hte gaw Israela kashu kasha ni hpe nang tsun na ga rai nga ai, ngu wu ai. ⁷ Shaloi Mawshe bai wa nna, dai amyu a agyi salang ni hpe shaga la nhtawm, Yehowa shi hpe htet dat ai ga mahkra, shanhte hpe tsun dan wu ai. ⁸ Dai amyu masha ni nlang hte mung, Yehowa tsun matsun anhte galaw na ga ai, nga nna jawm htan ma ai. Mawshe mung amyu masha ni a ga Yehowa hpe bai htawn shana wu ai. ⁹ Bai Yehowa gaw, yu u, nang hte ngai ga tsun yang, amyu masha ni na lu nna, galoi mung nang hpe kamsham nga mu ga, htat ai sumwi hta ngai nang kaw a du nga na ring ngai, ngu nna Mawshe hpe tsun wu ai. Mawshe mung amyu masha ni a ga Yehowa hpe tsun shana wu ai. ¹⁰ Dai rai nna Yehowa gaw Mawshe hpe, Dai amyu masha ni hpang de yu wa nna, dai ni, hpawt ni nhtoi hta shanhte shachyoi shapra nna, shanhte a hpun palawng hkrut shangun u; ¹¹ masum ya nhtoi hta shanhte chyip chyip rai nga mu ga: kaning rai nme law, dai masum ya ngu na nhtoi hta Yehowa gaw amyu masha ni yawng a man e Sina bum ntsa de yu hkrat wa na ra ai. ¹² Amyu masha ni n lai mai ai masin dai bum hpe grup di grang da nna, Dai bum de mung n lung, bum lagaw hpe mung n hkra hkra, sadi mu, ngu nna tsun u: dai bum hkra ai wa kadai mung teng teng si ai hkrum u ga: ¹³ dai wa hpe lata hte hkum hkra myit; nlung hte kabai sat ai, shing n rai pala e gap ai hte teng teng si ai hkrum u ga: yamnga mung, shinggyim masha mung hkrung lu na n rai; pahtau na na ngoi jang she dai bum de shanhte sit lung lu na rai ma ai, ngu nna tsun wu ai. ¹⁴ Shaloi Mawshe gaw dai bum na amyu masha ni hpang de yu wa nna, shanhte hpe shachyoi shapra wu ai: shanhte mung tinang a hpun palawng hkrut ma ai. ¹⁵ Dai hta kaga shi gaw, Masum ya nhtoi hta chyip chyip rai nga mu; numsha hte hkum kasawt myit, ngu nna amyu masha ni hpe tsun wu ai. ¹⁶ Ya masum ya ngu na jahpawt hta mu ngoi ai, myihprap gala ai hte ja ja htat ai sumwi dai bum ntsa e ka-up nga ai; nsen kaba hte nachying ngoi ai pahtau mung ngoi nga ai: dai dap e nga ai amyu masha ni mahkra gaw hkrit gari nga ma ai. ¹⁷ Shaloi Mawshe gaw amyu masha ni hpe Karai Kasang hte jahkrum na matu, dai dap nna woi shapraw wu ai; shanhte mung dai bum lagaw e tsap nga ma ai. Yehowa gaw wan galup ai hte Sina bum ntsa de yu hkrat wa ra ai majaw, dai bum ting wanhkut mawng nga ai:dai wanhkut gaw, wanhtung na wanhkut zawn mawng lung nna bum ting mung ja ja ashun awam rai nga ai. ¹⁸¹⁹ Dai pahtau ngoi ai mung, grau grau nna ngoi kaba wa ai shaloi, Mawshe shaga nna Karai Kasang gaw ga nsen hte htan ya wu ai. ²⁰ Shaloi Yehowa gaw Sina bum pungding de yu du nna, Yehowa Mawshe hpe dai bum pungding de shaga wu ai; Mawshe mung dai de lung wa ai. ²¹ Yehowa mung, Amyu masha ni Yehowa hpe yu yu na nga, tawt shang wa nna, law law wa n si mu ga, shanhte hpe shadum shahprang na naw yu hkrat wa u: ²² Yehowa kaw sit sa ai hkinjawng ni mung tinang hkum shachyoi shapra mu ga; dai n rai yang, Yehowa shanhte hpe ari jaw na ru ai, ngu nna Mawshe hpe tsun wu ai. ²³ Mawshe mung, Amyu masha ni Sina bum de n lung lu na ma ai; kaning rai nme law, Dai bum grup grup masin grang nna dai hpe shachyoi shapra u nga, nang tsun nit dai, ngu nna Yehowa hpe tsun wu ai. ²⁴ Bai Yehowa gaw, Nang yu wa sit; nang hte Arun lung lu na rai ni gaw Yehowa kaw lung na nga, n tawt n shang mu ga; tawt shan yang shi shanhte hpe ari jaw na wu ai, ngu nna shi hpe tsun dat wu ai. ²⁵ Mawshe mung amyu masha ni hpang de yu hkrat wa nna, shanhte hpe wa tsun mu ai.

¹ Shaloi Karai Kasang ndai mungga mahkra jaw dat let tsun wu ai gaw: ² Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai. ³ Ngai hta kaga Karai Kasang shaje hpe hkum naw hkum ku et. ⁴ Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw hkum shachyaw et; ⁵ dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe ndawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai; ⁶ ngai hpe tsawra nna ngai hkangda ai matsun hkan nang ai ni hpe gaw, lamun latsa prat du hkra, matsan dum ai hku a galaw nga nngai. ⁷ Na a Karai Kasang Yehowa a mying ningsang hpe kaman lila hkum gang hkum tsun et; kaning rai nme law, shi a mying ningsang kaman lila gang ai wa hpe, Yegowa mara n shagun ai, nga na wu ai n rai. ⁸ Laban nhtoi hpe shachyoi shapra na, dai nhtoi hpe dum u: ⁹ kru ya nhtoi tup nang amu bungli galaw nna, na a makan lam chachyen nga na rai ndai: ¹⁰ sanit ya nhtoi gaw na a Karai Kasang Yehowa a matu laban nhtoi rai nga ai; dai shani e, nang hte na a shayi shadang sha ni mung, na a mayam num mayam la mung, na a yamnga mung, na a chyinghka kata e rawng ai tsasam manam mung amu bungli galaw lu na n rai: ¹¹ kaning rai nme law, Yehowa gaw kru ya laman e, sumsing lamu hte ginding aga, nammukdara hte nga yawng nga pra hpe hpan hpajang da nna, sanit ya ngu ai nhtoi hta ban sa nga wu ai: dai re ai majaw Yehowa gaw dai sanit ya nhtoi hpe shaman nna shachyoi shapra da nu ai. ¹² Na a Karai Kasang Yehowa nang hpe jaw ai ga hta na a asak galu lit ga, na nnu yan nwa hpe hkungga lara di u. ¹³ Masha hkum sat et. ¹⁴ Masha num hkum shaw et. ¹⁵ Masha arai hkum lagu et. ¹⁶ Na a htingbu manang a lam n teng n man ai sakse hkum hkam et. ¹⁷ Na a htingbu manang a nta hpe ra marit ai myit hkum rawng et; na htingbu manang wa a madu jan hpe mung, shi a mayam num mayam la hpe mung, shi a dumsu lawze re ai hpe mung, na htingbu manang wa lu ai rai hpa hpe mung ra marit ai myit hkum rawng et, nga ai. ¹⁸ Ya amyu masha ni nlang hte gaw, mu ngoi ai hte myi hprap galam ai, pahtau ngoi wu ai hte wanhkut hku ai bum hpe mu ma ai; amyu masha ni dai hpe mu mu yang, hkrit gari ai hte tsan tsan e tsap nga ma ai. ¹⁹ Shanhte gaw Mawshe hpe, Anhte hpe nang she tsun mi, anhte madat na ga ai; anhte si wa na ga ai, Karai Kasang shi nan gaw anhte hpe n tsun mi ga, ngu nna tsun mu ai. ²⁰ Shaloi Mawshe gaw, Hkum hkrit myit; nanhte hpe chyam yu na matu mung, nanhte yubak n galaw hkra, shi hpe hkrit hkungga nga na matu mung, Karai Kasang yu hkrat wa ra ai, ngu nna amyu masha ni hpe tsun wu ai. ²¹ Dai rai nna amyu masha ni gaw tsan tsan kaw e tsap nga ma ai; Mawshe chyawm gaw Karai Kasang rawng ai htat ai sumwi de sit sa wa ai. ²² Shaloi Yehowa gaw Mawshe hpe, Ga ndai Israela kashu kasha ni hpe nang tsun na rai ndai: Sumsing lamu de nna ngai nanhte hte shaga nngai gaw nanhte mu manit dai. ²³ Ngai hpe nawku ai lam hta, tinang a matu gumhpraw hpara ja hpara nanhte galaw lu na myit dai n rai. ²⁴ Nye a matu ga hkungri nang gaw na rai ndai; dai hta e na a wan nat hkungga hte mahku hkungga ngu na, na a sagu hte dumsu, nang nawng lu na rai ndai: nye ahkang hte nye a mying ningsang gang ai shara shagu hta ngai nang kaw du sa nna, nang hpe shaman ya na de ai. ²⁵ Nye a matu nlung hkungri gaw n yang gaw, tawk shapri ai nling hte gaw lu na n rai: hpri rai hte gaw ai hkungri gaw awu asin re ai rai nga ai. ²⁶ Dai hkungri ntsa e na kaya hpa ndawng lit ga, nye a hkungri de lakang hte nang lung lu na n rai, ngu wu ai.

¹ Da ndai mung nang shanhte hpe dawdan ya na tara rai nga ai: ² Nang Hebre mayam mari wu yang gaw kru ning sha yam lu na rai wu ai: sanit ning ngu na hta gaw shi hkum manu n hkrat ai pru wa lu na rai wu ai; ³ ningnan yam ai kaw nna shi chyu sha rai yang gaw, shi chyu sha bai pru lu na rai wu ai; madu jan hte rai yang gaw, madu jan hte rau pru lu na rai wu ai. ⁴ Shing n rai, shi a madu la ya ai num hte nga nna, dai num hte shayi shadang shaprat yang gaw, madu jan hte shi a shayi shadang sha ni gaw madu a rai nga ai; shi chyawm gaw shi chyu sha pru lu na rai wu ai. ⁵ Raitimung dai mayam wa, Nye a madu hte nye a madu jan, kashu kasha ni hpe ngai nja nngai; ngai n pru n hkawm na nngai, nga nna dan dan leng leng tsun nga yang gaw; ⁶ shi a madu gaw, Karai Kasang hpang de mung, chyinghka shing n rai hkadun daw de mung shi hpe woi sa nna, shi a na hpe sumprang hte shajut ya na rai wu ai: dai kaw nna gaw shi a madu kaw prat tup yamnga na rai wu ai. ⁷ Masha langai ngai tinang a shayi sha hpe mayam di nna dut kau wu yang gaw, dai numsha gaw lasha yam zawn lawt pru lu n n rai. ⁸ Shi a madu gaw shi hpe la nhtawm, bai n ra wu yang gaw, shi hpe hkrang la shangun u ga: shi hpe hkalem kau nu ai majaw, tsasam amyu kaw dut kau na ahkang lu na wu ai n rai. ⁹ Tinang kasha hpe la ya wu yang gaw, shayi sha hpe zawn lahku u ga. ¹⁰ Num kaga bai la kahtap ya wu yang gaw, shawng na num hpe lusha, hpun palawng hte lashum lanoi lam shayawm ya lu na n rai. ¹¹ Ndai lam masum n shatup na rai yang gaw, shi hkum manu n hpyi ai dat dat lu na rai wu ai. ¹² Mahsa hpe sat kau ai wa gaw, teng teng si ai hkrum lu na rai nga ai. ¹³ Sat na nga dingsa di ai n re ai sha, shi a lata hta Karai Kasang e ap kau ai rai yang gaw, shi hprawng lu na shara ngai na a matu san tawn ya na made ai. ¹⁴ Manang wa hpe sat na nga, dingsa sa hpaji daw nna sat ai wa hpe gaw, nye a hkungri hta noi timung, shi si na matu dai kaw na dun la kau mu ga. ¹⁵ Kanu kawa hpe sat ai wa gaw, teng teng sat kau ai hkrum u ga. ¹⁶ Masha hpe lagu ai wa gaw, dut kau sai raitimung, shi a lata e naw nga ai raitimung, teng teng sat kau ai hkrum u ga. ¹⁷ Kanu kawa hpe matsa ai wa gaw, teng teng sat kau ai hkrum u ga. ¹⁸ Masha shada ga law nna langai mi gaw manang wa hpe nlung hte rai yang rai, lata hte htwi ai rai yang rai, shingna hkrum ai wa n si timung, yupra e machyi taw nga ai rai yang mung, ¹⁹ bai rat nna shi a kawhkrawng hte shinggan de rat hkawm lu ai rai yang mung, shingna dat ai wa hta mara lawt na rai nga ai, tai timung, machyi ai wa a hkatum tum ai a matu shi gumhpraw wa nna, shi hpe atsawm sha tsi shamai lu na rai wu ai. ²⁰ Masha langai ngai tinang a mayam num, mayam la hpe hpun tawng hte kayat nna shi a lata hta si mat yang gaw, shi teng teng ari hkrum na rai nga ai: ²¹ raitimung dai mayam wa lani, ni ni naw hkrung nga yang gaw, dai gaw shi a sut rai nga lu ai majaw, ari hkrum na n rai. ²² Msha shada kamu hkat nna hkum n manu ai numsha hpe hkra wu ai majaw, shi nbya bya kau hkra raitimung, nma kaga n kap yang gaw, dai num a madu wa tawn ai hku shi teng teng wa lu na rai nna, tara agyi ni dawdan ai hte maren jaw lu na rai wu ai. ²³ Raitimung nma kap yang gaw, asak a matu asak, ²⁴ myi a matu myi, wa a matu wa, lata a matu lata, lagaw a matu lagaw, ²⁵ wan hkru ai a majaw wan hkru ai, hpye ai a matu hpye ai, shingna hkang ai a matu shing hkang, hkrum lu na rai wu ai. ²⁶ Masha langai ngai shi a mayam num, mayam la a myi hpe htwi jahten ya wu yang gaw, myi hte ai a matu shi hpe dat dau lu na rai wu ai. ²⁷ Dai hte maren mayam num mayam la a wa hpe kayat daw ya wu yang gaw, wa daw ai matu shi hpe dat kau lu na rai wu ai. ²⁸ Dumsu langai ngai numsha, lasha kadai hpe raitimung si hkra daru sat kau wu yang gaw, nga dai hpe nlung hte teng teng kabai sat lu na rai myit dai; de a shan mung sha lu na n rai; nga madu chyawm gaw mara lawt lu na rai nga ai. ²⁹ Nga dai shawng de daru ga nga ai rai nna, dai hpe madu mung chye da ninglen, n dun n rem ai dat dat nna, lasha hpe shing n rai numsha hpe daru sat kau wu yang gaw, nga dai hpe nlung hte kabai sat kau ya nna, madu mng sat kau ai hkrum na rai wu ai. ³⁰ Gumhpraw wa na hku dawdan ya mu yang gaw, shi a asak hkrang la na matu, dawdan ya mu ai hte maren shi hkum manu jaw lu na rai wu ai. ³¹ Masha wa a shayi shadang hpe daru sat ya yang mung dai hte maren shi hpe di lu na rai wu ai. ³² Masha wa mayam num mayam la hpe daru st ya wu yang gaw, shi a madu hpe shekela gumhpraw sumshi wa lu na rai wu ai: nga dai hpe mung nlung hte kabai sat kau na rai mu ai. ³³ Mashalangai ngai nhkun hpaw da ai rai yang rai, nhkun htu nna n magap da ai rai yang rai, dai hta e masha wa a nga dumsu, shing n rai lawze hkrat bang a yang gaw, ³⁴ nhkun hpaw da ai wa, wa lu na rai wu ai; yamnga madu hpe shi gumhpraw wa nna, si mang hpe gaw shi la lu na rai wu ai. ³⁵ Masha langai a usu gaw manang a usu hpe daru sat ai rai yang, nga madu yan gaw hkrung ai nga hpe dut nna, de a jahpu karan la na rai mu ai: si ai nga hpe mung karan la na rai mu ai. ³⁶ Usu dai shawng de daru ga nga ai hpe madu chye ninglen n dun n rem ai dat da ai rai yang gaw, shi gaw usu a matu usu wa lu na rai wu ai; shingrai nga si mang gaw shi la lu na rai wu ai.

¹ Masha langai ngai, usu shing n rai sagu lagu la nna, dai hpe sat kau ai raitimung, dut kau ai ri timung, usu langai mi a matu usu manga, sagu langai mi a matu sagu mali bai wa lu na rai wu ai. ² Lagut wa nta tawk waw nga yang, masha mu hkrup nna si hkra anu kau timung, bunglat hka nga na n rai. ³ Raitimung jan pru sai rai yang gaw bunglat wa lu na rai nga ai: shi wa lu na lam nga nga ai; shi hpa mung n lu yang gaw shi lagu ai rai a matu shi hkum hpe dut kau lu na rai nga ai. ⁴ Shi lagu ai usu rai yang rai, lawze rai yang rai, sagu rai yang rai, shi lata e hkrung ai ta mu la lu yang gaw, htam lahkawng shi wa lu na rai nga ai. ⁵ Masha wa a yi hkauna hta rai yang rai, tsabyi sun hta rai yang rai, tinang a yamnga sa rem shayaw ya ai; shing n rai, yamnga dat shalam dat nna masha wa a yi hkauna shang sha ya ai rai yang gaw, tinang yi hkauna, tinang sun na kaja htum ai shapraw nna, bai wa lu na rai wu ai. ⁶ Wan nat dat ai majaw, ju tsing hta hkrawn hkru wa nna, hkauling, shing n rai, mam hpun hte yi hkauna pa hkru mat wa yang gaw, wan nat ai wa teng teng wa lu na rai wu ai. ⁷ Masha langai ngai shi a hingbu wa kaw aja gumhpraw,, shing n rai, arai lama ma kyem shangun na ap tawn da nna, kyem ya ai wa a nta na lagu mat wa ai rai yang, lagut wa hpe mu hkrup yang gaw lagut wa htam lahkawng wa lu na rai wu ai. ⁸ Lagut wa hpe n mu hkrup yang gaw, nta madu wa, shi a htingbu wa a arai la ai n la ai gaw, Karai Kasang a man e sa kadeng mu ga. ⁹ Kaning rai nme law, n tsen ai amu lam shagu hta, usu, lawze, sagu, hpun palawng re ai hte, mat ai rai lama ma mu nna, Ndai gaw nye a rai nga li ai, nga nna marai langai ngai tsun yang gaw, rai rem ai wa hte shan lahkawng Karai Kasang a man e sa dadeng nna, Karai Kasang man e amu dingdawng ai wa mahtang, htam lahkawng wa lu na rai wu ai. ¹⁰ Masha langai ngai shi a htingbu wa kaw, Rem da ya e, nga nna shi sawze, dumsu, sagu re ai hpa yamnga raitimung, ap da ai hta na si mat ai rai ri mung, hkala nna machyi ai raitimung, masha e gawt mat wa ai raitimung, kadai n mu ai rai yang, ¹¹ rem ya wa gaw manang wa a rai shi la ai n la ai, Yehowa hta dagam nna, shan a lapran e dai dagam ai hte ngut u ga; rai madu mung dai hku hkraw u ga; rem ya ai wa mung n wa u ga. ¹² Raitimung shi kaw na masha lagu mat wa ai rai yang gaw, rai madu pe wa lu na rai wu ai. ¹³ Rai matse e kawa sat ai rai yang gaw sakse matu si mang madunu ga: kawa sat hkrum ai a matu shi wa lu na n rai. ¹⁴ Masha langai ngai thingbu wa kaw na lama ma shap la nna, madu hte n re ai si mat ai raitimung, hkala nna machyi mat ai raitimung, teng teng wa lu na rai wu ai: ¹⁵ madu hte rai yang gaw shap ai wa, wa ra na n rai: ugun hte shap ai rai yang gaw ugun sha hpyi na rai wu ai. ¹⁶ Masha langai ngai kadai garai n yup nga yang gaw, shi teng teng hpu bang nna shi hpe la na rai wu ai. ¹⁷ Raitimung kawa n jaw n ya mayu yang gaw, hpu bang ang ai made, gumhpraw wa lu na rai wu ai. ¹⁸ Nat sangau ai num hpe jahkrung da lu na ndai n rai. ¹⁹ Yamnga hte kanawn ai kadai raitimung teng teng sat kau ai hkrum lu na rai nga ai. ²⁰ Yehowa hta kaga hpara shaje a man e hkungga jau ai wa gaw, atsai awai hpya kau ai hkrum lu na rai nga ai. ²¹ Egutu mung e nanhte masha tsasam manam hpe yu manit dai majaw, tsasam manam hpe sharu shatsang zingri zingrat di lu na ndai n rai. ²² Gaida jan hte jahkrai nmai ma hpe nanhte sharu shatsang lu na n rai. ²³ Nang shan hpe lama ma di sharu shatsang nna, ngai hpe shan hte loi mi sha jahtau timung, ngai shanhte a nsen teng teng na lu nna, ²⁴ nye a myit pawt bu na hte, nanhte hpe nhtu hte ngai sat kau na made ai: shaloi nanhte a madu jan ni gaida tai nna nanhte a kashu kasha ni mung jahkrai ma tai na mara ai. ²⁵ Nang hte rau nga ai nye a amyu matsan mayan wa hpe, gumhpraw hkoi ya n yang gaw, gumhpraw boi sha wa zawn shi hpe hkum di et; amyat hkum hpyi et. ²⁶ Na a thingbu wa nang kaw shi a hpajawng sa tang da yang, jan garai n du yang nang bai ya lu na rai ndai: kaning rai nme law, shi hpun ai hpajawng dai sha rai lu ai: ²⁷ shi a hpun palawng mug rai lu ai: shi hpa hpun yup na rai ta? ngai matsan dum nga nngai majaw, shi ngai hpe jahtau yang ngai na la ya na nngai. ²⁸ Nang Karai Kasang hpe shatan lu na ndai n rai; na amyu hta na du hpe mung matsa lu na n rai. ²⁹ Shawng myin ai nsi naisi shawng shup ai tsabyi jahku, n shim n dang ai sha jaw lu na ndai. Shawng shaprat ai shadang sha mung ngai e jaw lu na ndai. ³⁰ Dai hte maren, sagu, dumsu hpe mung dai hku di lu na rai ndai; sanit ya tup kanu hte nga shangun nna matsat ya ngu na nhtoi du jang, ngai e sa jaw lu na rai ndai. ³¹ Nanhte nye a chyoi pra ai masha tai nga na rai myit dai; dai re ai majaw, nam na matse labye e kawa sat ai shan nanhte sha lu na myit dai n rai; dai gaw gwi ni hpe kabai jaw kau na rai myit dai.

¹ N teng n man ai shiga nang htawn tsun lu na n rai; tara n lang ai ni hte rau n teng n man ai sakse hkam na, na a lata hkum sharawt et. ² N hkru ai amu galaw na masha law ai maga de hkum hkan et; amu tsun ai lam hta tara man ai hku jahten na, masha law ai maga de nang skse hkam ya lu na n rai; ³ matsan mayan wa hpe raitimung shi a amu hta maga lu na n rai. ⁴ Nang hte majan ai wa a dumsu shing n rai lawze, lam dam ai mu yang, dai hpe nang teng teng wa sa ya lu na rai ndai. ⁵ Nang hpe ndawng ai wa a lawze, daw hte kataw rawng nga ai hpe mu hkrup yang, n karum mayu timung, dai hpe teng teng raw karum lu na rai ndai. ⁶ Nang hta matsan mayan re ai wa amu rawng yang, n ding n man ai hku nang hparan ya lu na n rai. ⁷ N teng n man ai amu hta tsan tsan koi nga u; mara n rawng ai wa hte dingman ai wa hpe nang sat lu na n rai: kaning rai nme law, tara n lang ai wa hpe ngai shalawt na n rai. ⁸ Nang sake manawn sha lu na ndai n rai: kaning rai nme law, dai baw kumhpa gaw hpaji rawng ai ni a myi hpe magap ya nna dingman ai ni a ga hpe gale kau ya lu ai. ⁹ Masha tsasam hpe nang sharu shatsang lu na n rai; Egutu mung e nanhte hkum dai masha tsasam tai yu manit dai majaw, masha tsasam a myit nanhte chye nga myit dai. ¹⁰ Kru ning tup na a yi hkauna ga hta nang gat hkai nna nsi naisi shu la na rai ndai: ¹¹ sanit ning ngu na hta, nanhte a amyu matsan mayan ni sha lu na matu, nang dai hpe jahkam tawn da na rai ndai: shanhte ngam da ai hte gaw nam na ashu ashan ni sha mu ga. Dai hte maren na a tsabyi sun hte tsanlun sun hpe mung di lu na rai ndai. ¹² Kru ya nhtoi tup nang amu bungli hta galaw shaja nna, sanit ya nhtoi hta ban nga lu na ndai; shaloi na a utang hte na a lawze ban sa lu nna, na mayam num a kasha hte tsasam manam mung, nsa awai la lu na mara ai. ¹³ Ngai nanhte hpe tsun matsun mahkra hta sadi nga mu; hpara kaga a amying hkum tsun, hkum gang et; dai gaw na a n-gup na kadai mung nna u ga. ¹⁴ Nang nye a matu laning mi hta masum lang poi galaw lu na rai ndai. ¹⁵ Dai azuma poi nang galaw lu na rai ndai: ngai nang hpe hkangda ai hte maren, Abi shata hta ladaw da ai ahkying hta, nhtoi sanit ya tup matsi n rawng ai muk nang sha lu na rai ndai: kaning rai nme law dai shata hta Egutu mung na nang pru wa ndai: dai poi hta ngai hpang de sa ai kadai mung, kaman sa pru lu na n rai: ¹⁶ yi hkauna galaw nna nsi naisi nnan shu ai shaloi, nlung nnan poi mung; shaning jahtum na nmut tawm hta nsi naisi dan shinggyin la ai shaloi, nmut shinggyin poi mung, nang galaw lu na ndai. ¹⁷ Nanhte hta na lasha nlang hte gaw, laning mi hta masum lang madu Yehowa kaw myiman madun lu na rai myit dai. ¹⁸ Ngai hpe nawng ai hkungga asai hte matsi rawng ai muk shagup nna jau lu na n rai: ngai e jau ai hkungga hta na asau hpe jahpawt du hkra ngam da lu na n rai. ¹⁹ Na a yi hkauna na shawng ngai ai nsi naisi, na a Karai Kasang Yehowa a nta de nang la sa lu na rai ndai. Bainam kasha hpe kanu a chyu hte hkum shapyaw et. ²⁰ Yu u, lam hkan e nang hpe pau sin nna, ngai mazing da ai shara de nang hpe woi wa na matu, na a shawng e lamu kasa ngai shangun dat se ai. ²¹ Shi a man e sadi nga mu, shi a ga madat mu; shi hpe hkum gumlau et; nanhte shut ai mara shi raw dat dau na n rai; kaning rai nme law, nye a amying shi hta nang nga ai. ²² Nang gaja wa shi a ga madat nna, ngai tsun matsun mahkra hkan galaw n yang gaw, na a hpyen ni hpe ngai hpyen na we ai, nang hpe shadang ai ni hpe ngai shadang na we ai. ²³ Nye a kasa na a shawng e sa wa nna, Amori, hiti, Hperizi, Hkanan, Hiwi, Yebusi masha ni nga ai de nang hpe woi wa nna, dai ni hpe ngai atsai awai tsan kau na we ai. ²⁴ Shanhte a hpara ni hpe nang nawku lu na n rai; dai ni hpe jaw jau lu na n rai; shanhte a lai len hku mung nang hkan lu na ndai n rai: shanhte hpe nang atsai awai tsan kau nna, shanhte a hpara shadaw ni hpe mung kahtum gadaw di kau na rai myit dai. ²⁵ Nanhte a Karai Kasang Yehowa hpe sha nanhte jau lu na rai nna, shi nanhte a lusha hte lu na ntsin hpe shaman ya na marin dai; nanhte hta na ana ahkya mung ngai yeng seng kau ya na made ai. ²⁶ Na a mung hta e nbya bya ai hte maudung dung ai, ubya bya ai hte uhtum htum ai, nga lu na n rai: na a aprat ngai gu shangun na de ai. ²⁷ Ngai hpe hkrit gari na myit na a shawng e ngai shangun dat nna, nang du dep wa ai shara shagu e masha amyu ni hpe myit mak shangun na mawe ai: na a hpyen ni yawng hpe ngai shingdu hpyin galaushangun na mawe ai. ²⁸ Dai hta kaga, nanhte a shawng e gitshang ngai shangun dat nna, Hiwi, Hkanan, Hiti masha ni hpe gawt kau na maru ai. ²⁹ Dai amyu masha ni hpe laning jan sha hta nanhte a man na ngai n shapraw kau na mawe ai; shing di yang, dai mung katsi mat nna, nam na matse labye ni hpring at na mara ai. ³⁰ Nang law htam wa nna, mung ting shang sha lu ai nhtoi du hkra, shanhte hpe na a man na yat yat she gawt kau na mawe ai. ³¹ Na a lamu ga jarit hpe nawng hkyeng kaw nna Hpiliste nawng du hkra, dai nam mali kaw nna hka nu kaba du hkra, ngai tawn da na we ai: dai hta na masha ni hpe nanhte a lata de ngai ap nna, nanhte shanhte hpe gawt kau na marin dai. ³² Shanhte hte mung, shanhte a hpara ni hte mung nang ga shaka tawn da lu na ndai n rai. ³³ Shanhte nang hpe ngai e n shut shangun mu ga, na a mungdan hta shahte nga lu na n rai: shanhte a hpara ni hpe nang jaw jau yang, dai gaw teng teng na a mahkam tai na ra ai, ngu nna tsun wu ai.

¹ Bai Yehowa gaw Mawshe hpe, Nang hte Arun, Nadab, Abihu hte hte Israela salang sanit shi, Yehowa hpang de rau lung wa nna shanhte tsan tsan e nawku nga mu ga; ² Mawshe chyu sha Yehowa hpang de sit sa lu na rai nga ai; kaga ni gaw sit sa lu na n rai; amyu masha ni mung, shi hte rau lung wa lu na ma ai n rai, ngu wu ai. ³ Shaloi Mawshe yu wa nna, Yehowa a ga mahkra hte shi hkang dat ai tara mahkra amyu masha ni hpe tsun shana wu ai: amyu masha ni mahkra mung, Yehowa tsun matsun mahkra anhte hkan galaw na ga ai, nga nna lang lata sha htan ma ai. ⁴ Mawshe gaw Yehowa a ga mahkra ka da ngut jang, jahpawt jau jau rawt nna, bum lagaw e tawn hkungri raw nhtawm, Israela amyu shi lahkawng hkan nna shadaw shi lahkawng jun tawn da wu ai. ⁵ Israela kashu kasha hta na shabrang ni hpe shi shangun dat nna shanhte taw, Yehowa a matu wan nat hkungga hte mahku hkungga di na usu sat nawng mu ai. ⁶ Mawshe gaw sai ka-ang hkup la nna dai hpe ang hta bang tawn wu ai;ka-ang hkup gaw tawn hkungri hta lapri bun wu ai. ⁷ Dai ga shaka laika mung shi la nna shawa hpawng a a man e hti dan wu ai: shanhte mung, Yehowa tsun matsun mahkra anhte hkan galaw let madat na ga ai, nga nna tsun ma ai. ⁸ Bai Mawshe gaw dai sai la nna amyu masha ni hpe lapri bun let, Yu mu, sai ndai gaw, ndai amu a lam mahkra hta Yehowa nanhte hpe yin la ai ga shaka asai rai nga ai, ngu nna tsun wu ai. ⁹ Shaloi Mawshe hte Arun, Nadab, Abihu hte hte Israela salang sanit shi lung wa ma ai rai nna, ¹⁰ shanhte gaw Israela a Karai Kasang hpe mu ma ai; shi a lagaw npu e, sahpira lungseng zawn htoi ala ai hte lamu san kabrim ai zawn re ai nep nga ai. ¹¹ Shi gaw Israela a du salang ni hpe shi a lata hte hkra wu ai n rai, shanhte mung Karai Kasang hpe mu lu ninglen lu let sha lelt nga lu ma ai. ¹² Bai Yehowa gaw Mawshe hpe, Ngai nga ai bum de lung nna wa nga rit; masha ni hpe, nang sharin achyin ya lu na matu, lungpa hta ngai ka da ai nye a matsun hte hkang ai tara, ngai nang hpe jaw de ga, ngu wu ai. ¹³ Shaloi Mawshe hte shi a hkringmang Yawshu rawt nna, Mawshe gaw Karai Kasang a bum de lung wa ai. ¹⁴ Salang ni hpe mung, Nanhte hpang de an bai yu wa ai du hkra, nang e ala nga mi: yu mu, Arun yan Hura nanhte hte rau rai nga ai rai nna, amu rawng ai ni kadai mung shan kaw sa mu ga, ngu nna tsun da mu ai. ¹⁵ Shaloi Mawshe dai bum de lung wa ai; sumwi mung dai bum hpe ka-up da wu ai. ¹⁶ Yehowa a hpung shingkang Sina bum ntsa e danhkung nga ai hte, sumwi mung kru ya tup a ka-up nga ai; sanit ya ngu na nhtoi hta dai sumwi kata nna, shi Mawshe hpe shaga wu ai. ¹⁷ Yehowa a hpung shingkang gaw, dai bum pungding ntsa e, grung nga ai wan zawn, Israela kashu kasha ni a man e mahkran nga ai. ¹⁸ Shaloi Mawshe gaw dai sumwi kata de shang nna dai bum de du lung wa ai: Mawshe gaw dai bum ntsa e nhtoi mali shi ya tup nga nga ai.

¹ Shaloi Yehowa Mawshe hpe tsun wu ai gaw, ² Israela kashu kasha ni nye a matu Kumhpaw kumhpa la sa na tsun mu: kam jaw ai myit te jaw mayu ai masha hkum shagu hta na, nanhte nye a matu alu kumhpa hkap la da na rai myit dai. ³ Shanhte kaw na nanhte hkap la da na alu hkumhpa baw gaw ndairai na rai malit dai; aja, gumhpraw, magri; ⁴ sawm tsit ai ri, hkyeng mang ai ri, hkyeng tsawm ai ri, mani ai lachyit sumpan, bainam mun; ⁵ jaw shahkyeng ai sagu la hpyi, tahkisha hpyi, marau hpun; ⁶ wan shatu na matu sau;chya ya na namman hte manam pyaw ai baw nat na matu manam pyaw ai baw; ⁷ unuk lungseng, dai hpa hkai lawng hte sinda magap hta hkrep na matu lungseng re ai ni, nanhte hkap la da na rai myit dai. ⁸ Ngai shanhte hta shanu nga na matu, chyoi pra ai nta nye a matu shanhte galaw mu ga. ⁹ Ngai nang hpe madun dan de ai kasi hte maren, dai sumpan sum hte de a ari nlang hte hpe, nanhte galaw lu na rai myit dai. ¹⁰ Marau hpun hte sumpu langai mi shanhte galaw na rai mu ai: dai gaw, galu de dawng lahkawng e lahkam mi, nda de dawng me lahkam mi, tsaw de dawng me lahkam mi, rai na rai nga ai. ¹¹ Dai hpe kata, ntsa ja jet hte kayawp lu na rai wu ai; de a ntsa nten grup grup, ja machyi nang shakau lu na rai wu ai. ¹² De a matu mung ja shanghkawng mali jaw la nna, de a jut mali hta shatut da na rai wu ai; maga mi de shanghkawng lahkawng hkawng rai na rai nga ai. ¹³ Marau hpun hte kandang mung nang galaw nna, dai hpe ja hte sup na rai wu ai. ¹⁴ Dai sumpu hpe hpai na matu, sumpu a maga mi hte maga mi de na shanghkawng ni hta, dai kandang dinghkrawn da na rai wu ai. ¹⁵ Dai kandang ni hpe sumpu a shanghkawng ni hta na n shaw kau ai sha tutnawng dinghkrawn da na rai mu ai. ¹⁶ Ngai nang e jaw na de ai sakse ga hpe dai sumpu jet hte Chyeju magap mung nang galaw lu na rai ndai; dai mung galu de dawng lahkawng e lahkam mi, nda de dawngme lahkam mi rai na rai nga ai. ¹⁷ Ja jet hte Chyeju magap mung nang galaw lu na rai ndai; dai mung galu de dawng lahakang e lahkam mi, nda de dawng me lahkam mi rai na rai nga ai. ¹⁸ Ja hte Hkerubim lahkawng mung nang galaw lu na rai ndai; dai chyeju magap a matu maga mi hte maga mi de tawk nna nang galaw na rai ndai. ¹⁹ Ndai matu de Hkerub langai mi, wora matu de Hkerub langai mi galaw da u: dai chyeju magap hkum hta nna, de a matu a lahkawng maga hta Hkerubum lahkawng nanhte galaw shapraw lu na rai myi dai. ²⁰ Dai Hkerubim lahkawng yan myiman hkrum rai nna, dai chyeju myi magap de myiman yawng, dai chyeju mahap hpe ka-up na rai mu ai. ²¹ Chyeju magap dai hpe sumpu hta magap tawn da na rai wu ai; ngai nang hpe jaw na de ai sakse ga hpe dai sumpu kata e nang bang da lu na rai ndai. ²² Dai kaw e ngai nang hte jahkrum nna, dai sakse sumpu a chyeju magap ntsa na, Hkerubim lahkawng a lapran e, Israela kashu kasha ni a matu mara, ngai nang hpe hkang dat ra ai lam shagu, ngai nang hpe ga tsun na nngai. ²³ Bai marau hpun hte ku langai mi nang galaw lu na rai ndai; dai gaw, galu de dawng lahkawng, nda de dawng mi tsaw de dawng me lhkam mi rai na rai nga ai. ²⁴ Dai hpe ja jet hte nang kayawp na rai wu ai; dai hta grup grup ja hte htinggawt dat na rai wu ai. ²⁵ Dai hta e, de a matu grup grup lahpa hpa shakra da nna, dai kra ai a matu grup grup mung ja hte machyi shakau na rai wu ai. ²⁶ De a matu ja hte shanghkawng ni shatut da na rai wu ai. ²⁷ Dai ku hpai na matu, dai kra ai a npu e shanghkawng ni hpe shatut da nna, kadang dingkrawn na shara rai na rai nga ai. ²⁸ Dai ku hpai na matu marau hpun hte kadang mung nang galaw nna, ja jte hte sup na rai wu ai. ²⁹ Dai ku hte seng ai wan ni, chyaw ni, ang ni hte ru jaw na matu gawm ni hpe, ja jte hte nang galaw lu na rai ndai. ³⁰ Nye a man e ku dai hta tutnawng madun dan nga na muk nang bang tawn da lu na rai ndai. ³¹ Ja jet hte pyengdin shadun langi mi mung nang galaw lu na rai ndai: dai pyengdin shadun na htumpa, madung, wan ni, gumdin ni hte nampan ni hpe, langai sha di nna dup na rai ndai: ³² dai madung hta nna, maga mi de lahying masum sum di nna, lakying kru pru na rai nga ai: ³³ dai pyengdin madung hta na pru ai maga mi a lahkying langai mi hta nampan pu zawn re ai wan masum hte de a gumdin masum yep yep rai nga ai; bai maga mi de na lakying langai mi hta mung, nampan pu zawn re ai wan masum hte de a gumdin masum yep yep rai nga ai: dai zawn dai pyengdin madung hta na pru ai lakying kru hte hta shing re ai rai na rai nga ai: ³⁴ dai pyending madung hta mung, nampan pu zawn re ai wan mali hte de a gumdin mali yep yep rai na rai nga ai: ³⁵ bai lakying man shagu a matut ai npu e gumdin langai ngai rai na rai nga ai: shingrai dai pyengdin madung na pru ai lakying man masum a matu rai na rai nga ai. ³⁶ De a gumdin ni hte lakying ni hpe langai sha di nna, dai pyengdin hkum ting hpe ja jet hte dup na rai wu ai. ³⁷ Dai hta shadun na pyengdin sanit mung, nang galaw lu na rai ndai: dai ku hta htoi nga na matu dai pyengdin hpe shatu tawn da na rai mu ai. ³⁸ De a lakap ni hte kap bang na wan ni mung ja jet hte rai na rai nga ai. ³⁹ Dai pyengdin hte de a arai mahkra hpe ja jet joi shi daram hte glaw lu na rai nga ai. ⁴⁰ Bum e nang hpe madun dan sade ai kasi hte maren dai hte hpe galaw lu hkra sadi nga u.

¹ Dai hta kaga di sumpan sum mung, nga grang shi dang hte nang galaw lu na rai ndai; kaboi ngut sai mani ai lachyit ri hte, sawm tsit ai, hkyeng mang ai, hkyeng tsawm ai ri a, ka chye ai masha ka ai Hkerubim sumla kap ai, nang galaw lu na rai ndai. ² Nba grang langai mi a galu de dawng hkun matsat, nda de dawng mali rai nna, nba grang langai mi a shadawn hte maren mahkra hte a rai na rai nga ai. ³ Nba grang manga hte hpe langai hte langai matut lu na rai nga ai; bai nba grang manga hte hpe langai hte langai matut lu na rai nga ai. ⁴ Shingrai matut ai nba grang a shakung hku, sawm tsit ai ri hte shangwang hku shakau na rai ndai: dai hte maren nba grang kaga a shakung hku mung dai zawn di na rai nga ai. ⁵ Nba grang langai mi hta shangwang hku manga shi, bai matut nga ai kaga langai mi a shakung lam mi hta shangwang hku shada hkrum hkrum di na rai nga ai. ⁶ Ja hte chinghkyi manga shi nang galaw lu nna, dai chyinghkyi hte nba grang ya hpe mahkai maut nna, dai sumpan sum langai sha rai na rai nga ai. ⁷ Bai dai sumpan sum, galup na matu bainam mun hte da ai nba grang shi langai nang galaw lu na rai ndai. ⁸ Nba grang langai mi a galu de dawng sumshi, nda de dawng malu rai nna, nba grang shi langai hte ting maren rai a rai nga ai. ⁹ Bai nba grang manga hte hpe nang langai sha di nna madut na rai wu ai; nba grang kru hpe mung, langai sha di nna matut na rai wu ai: kru ngu na nba grang hpe gaw sum a ndaw maga de katsu tawn na rai wu ai. ¹⁰ Matut ngut sai nba grang langai mi a shakung lam mi hta shangwang hku manga shi, bai langai mi a shakung lam mi hta shangwang hku manga shi, nang galaw lu na rai ndai. ¹¹ Magri hte chyinghkyi manga shi nang galaw nna, dai chyinghkyi ni hpe shangwang hku ni hta mahkai matut na rai wu ai: shing di matut nna dai sum gaw langai sha rai na rai nga ai. ¹² Dai ntsa htap na nba grang kra ai ka-ang hkup hpe gaw, sumpan sum a nbang maga de shayat tawn na rai wu ai. ¹³ Dai sum a maga mi hte maga mi de kra nga ai nba grang dawng dawng, dai sumpan sum hta maga mi hte maga mi de yat nga nna, dai hpe magap nga na matu rai na rai nga ai. ¹⁴ Bai dai sum galup na matu jaw shahkyeng ai sagu la hpyi hte magap langai mi, de a ntsa e tahkisha hpyi hte magap langai mi, nang galaw lu na rai nga ndai. ¹⁵ Dai sumpan sum a shakum matu, marau hpun hte hpunpyen shadun mung, nang galaw lu na rai ndai. ¹⁶ Hpunpyen langai mi a galu de dawng shi nda de dawng me lahkam mi rai na rai nga ai. ¹⁷ Dai hpunpyen ni mahkra hpe, langai mi hta dawhkai lahkawng hkawng galaw bang nna, dai yawng hpe yan sha di shachyaw na rai wu ai:shingrai sumpan sum a hpunpyen mahkra hpe nang galaw na rai ndai. ¹⁸ Dai sumpan sum a matu dingda maga de hpunpyen hkun, nang galaw su na rai ndai. ¹⁹ Dai hpunpyen hkun a htumpa de na matu gumhpraw hte machyaw mali shi nang jaw lu na rai ndai: hpunpyen langai mi hta na dawhkai lahkawng a matu, machyaw lahkawng hkawng rai na rai nga ai. ²⁰ Dai hte maren sumpan sum a kaga maga, dai dingdung maga matu mung hpunpyen hkun rai na rai nga ai: ²¹ de a matu mung gumhpraw machyaw mali shi jaw nna, langai mi a htumpa e machyaw lahkawng hkawng rai na rai nga ai. ²² Dai sumpan sum a nbang ngu na sinna maga a matu mung hpunpyen kru galaw lu na rai ndai. ²³ Dai sumpan sum a nbang jut lahkawng a matu hpunpyen lahkawng nang galaw na rai ndai. ²⁴ Dai lahkawng hpe htumpa de e kahtap nna, matu de na shangkawng du hkra maren di lu na rai nga ai; shingrai dai jut lahkawng rai na rai nga ai; dai gaw dai jut lahkawng a matu rai na ri nga ai. ²⁵ Shingrai hpunpyen matsat hte da a gumhpraw machyaw shi kru rai na rai nga ai: hpunpyen langai mi a htumpa e machyaw lahkawng hkawng, rai na rai nga ai. ²⁶ Bai marau hpun hte htinggrang mung nang galaw lu na rai ndai; sumpan sum shakum maga mide na matu htinggrang manga nga rai na rai nga ai; ²⁷ bai sumpan sum a nbang ngu na sinna maga de na matu htinggrang manga rai na rai nga ai. ²⁸ Kaang na htinggrang gaw nbang npan hkren jut htuk htuk, tawk dinghkren ai rai na rai nga ai. ²⁹ Dai hpunpyen ni hpe ja hte nang kayawp nna, htinggrang dinghkrawn na matu ja shanghkawng galaw na rai ndai: dai htinggrang ni hpe mung ja hte sup lu na rai ndai. ³⁰ Dai bum e nang hpe madun dan sade ai kasi hte maren, sumpan sum hpe nang sharawt da lu na rai wu ai. ³¹ Bai, sawm tsit ai, hkyeng mang ai, hkyeng tsawm ai hte kaboi ngut sai lachyit ri hte nba shinggang langai minang galaw lu na rai ndai: dai gaw, ka chye ai masha galaw ai Hkerubim sumla kap ai rai na rai nga ai: ³² gumhpraw machyaw mali hta jung tawn ai ja hte sup sai marau hpun shadaw mali hta nang dai hpe noi da na rai wu ai: dai hta noi ai chyinghkyi mung ja rai na rai nga ai. ³³ Dai nba shinggang hpe chyinghkyi ni hta noi grang nna, nba shinggang a kun kata de dai sakse sumpu shawn tawn da na rai wu ai: shaloi dai nba shinggang gaw, dai chyoi pra ai shara hte chyoi pra htum ai shara hpe, karan ginhka na ra ai. ³⁴ Dai chyoi pra htum ai shara na sakse sumpu hta dai chyeju magap hpe nang magap da na rai wu ai. ³⁵ Dai nba hpe tawn da nna, sumpan sum a dingda maga, dai ku hte tawtap e, dai pyengdin ngu na maga de dai ku tawn da na rai nga ai. ³⁶ Bai dai sum a chyinghka a matu sawm tsit ai, hkyen mang ai, hkyeng tsawm ai hte kaboi ngut sai lachyit ri a ka chye ai masha da ai chyinghka grang langai mi mung, nang galaw na rai ndai. ³⁷ Dai chyinghka grang noi na matu, marau hpun hte shadaw manga nang galaw nna, ja hte sup na rai wu ai: de a chyinghkyi ni mung ja rai na rai nga ai: de a matu mung machyaw manga, magri hte nang jaw lu na rai ndai.

¹ Tawn hkungri hpe mung marau hpun hte nang galaw lu na rai ndai: de a galu de dawng manga, nda de dawng manga di nna, dingdung dingda maren rai na rai nga ai: de a tsaw de dawng masum rai na rai nga ai. ² De a jut mali hta nrung mung nang shatut na rai ndai; de a nrung ni kanu hte langai sha rai na rai nga ai; dai hte hpe magri hte nang kayap lu na rai ndai. ³ Dap hte kau na di ni hte, shingban ni, angdung ni, shanchyinghkyi ni, wan ban pa ni, nang galaw lu na rai ndai; de a arai nlang hte hpe, magri hte hkrai nang galaw lu na rai ndai. ⁴ Magri awa hte de a matu magrang nang galaw lu na rai nga ndai; dai magri awa a ntsa jut mali hta magri shanghkawng mali mung nang galaw na rai ndai. ⁵ Magri awa dai hpe tawn hkungri a ka-ang hkup, madawn a npu tup di nna grang da na rai wu ai. ⁶ Dai tawn hkungri hpai na matu marau hpun hte nang kandang galaw nna magri hte kayawp na rai wu ai. ⁷ Dai kandang yan hpe shanghkawng ni hta nang dinghkrawn da nna, tawn hkungri hpe hpai na matu, dai kandang yan maga hpra hpra rai na rai nga ai. ⁸ Dai hkungri hpe kata de kaman hpungkraw di nna hpunpyen hte galaw na rai ndai: dai bum e nang hpe madun sai hte maren, shanhte galaw na rai mu ai. ⁹ Dai sumpan sum a wing mung nang galaw na rai ndai: dai wing a maga mi na matu, dingda maga ngu na de, kaboi ngut sai mani ai lachyit ri hte dawng latsa galu ai winggrang langai mi galaw na rai ndai: ¹⁰ de a matu shadaw hkun hte magri machyaw hkun galaw nna, chyinghkyi ni hte ngaugran ni gaw gumhpraw rai na rai nga ai. ¹¹ Dai hte maren dingdung maga ngu na de mung, dawng latsa galu ai winggrang hte de a shadaw hkun magri machyaw hkun rai na rai nna, chyinghkyi hte ngaugran ni gumhpraw rai na rai nga ai. ¹² Bai sinna maga ngu na dai wing a nda de na matu, dawng manga shi galu ai winggrang hte de a shadaw shi, machyaw shi rai na rai nga ai. ¹³ Sinpraw maga ngu na wing a nda de mung, dawng manga shi gang na rai nga ai. ¹⁴ Dai wing chyinghka a maga mi de na winggrang dawng shi manga hte de a shadaw masum machyaw masum rai na rai nga ai: ¹⁵ bai maga mi de na mung, winggrang dawng shi manga hte de a shadaw masum, machyaw masum, rai na rai nga ai. ¹⁶ Dai wing chyinghka di na matu, sawm tsit ai, hkyeng mang ai, hkyen tsawm ai, kaboi ngut sai lachyit ri hte, ka chye ai masha da ai, dawng hkun rawng ai chyinghka grang langai mi hte, de a shadaw mali, rai na rai nga ai. ¹⁷ Dai wing grup grup na shadaw mahkra hte hta guphpraw ngaugran gran da na rai nga ai: de a chyinghkyi ni gumhpraw, de a machyaw ni magri rai na rai nga ai. ¹⁸ Dai wing a galu maga dawng latsa, nda de dawng manga shi, tsaw de dawng mang di nna, kaboi ngut sai mani ai lachyit ri hte da ai nba grang rai na rai nga ai: de a machyaw ni mung magri rai na rai nga ai. ¹⁹ Dai sumpan sum hte de a dawjau ai amu mahkra hte seng ai arai nlang hte hte, de a mailak ni nlang, dai wing a mailak ni nlang, magri rai na rai nga ai. ²⁰ Pyengdin tutnawng htoi ya nga na matu, dai hpe shatu na tsanlun si hta na htu la ai tsanlun sau jet Israela kashu kasha ni nang kaw la wa mu ga, nang shanhte hpe tsun na rai ndai. ²¹ Dai shawa sum kata, sakse a man e grang ai nba shinggang a shinggan maga e, Arun hte shi a shadang sha ni, shana de nna jahpawt du hkra Yehowa a man e dai hpe hpajang lu na rai mu ai: dai gaw Israela kashu kasha ni hta prat mi hte prat mi anga nga na matsun hkringhtawng rai na rai nga ai.

¹ Na nhpu Arun nye a man e hkinjawng amu gun hpa nga na matu, shi hte shi a shadng sha ni Nadab, Abihu, Eleaza, Ihtama hte hpe, Israela kashu kasha ni hta na lata la nna nang hpang de shaga la u. ² Na nhpu Arun hta arawng sadang hte hpung rawng na matu, shi hpe chyoi pra ai hpun palawng nang galaw jahpun na rai ndai. ³ Nye a man e Arun hkinjawng amu gunhpai ya lu na rai nna, shi hpe shachyoi shapra na matu, myit kung nna hpaji wenyi hte ngai jahpring ai ni nlang hte gaw dai hpun palawng galaw na lam nang tsun na rai ndai. ⁴ Da ndai gaw shanhte galaw na hpun palawng rai nga ai: sinda magap, hpa hkai lawng, ntsa palawng, maka ka ai palawng, bunghkaw hte shingkyit rai na rai nga ai; nanhpu Arun nye a man e hkinjawng amu gunhpai nga na matu, shi hte shi a shadang sha ni hpe chyoi pra ai hpun palawng, shanhte galaw ya na rai nga ai. ⁵ Ja hte sawm tsit ai ri, hkyen mang ai ri, hkyen tsawm ai ri hte mani ai lachyit sumpan shanhte la na rai mu ai. ⁶ Dai hpa hkai lawng hpe, aja hte sawm tsit ai, hkyeng mang ai, hkyeng tsawm ai hte kaboi ngut sai mani ai lachyit ri a ka chye ai masha da ai hku, galaw na rai mu ai. ⁷ Dai hpa hkai lawntg hpe matut na matu, gade de na shakung lahkawng hta nna lahpa mahkai lahkawng rai na rai nga ai. ⁸ Dai hpe kyit na matu, dai hte seng ai reng ai shingkyit hpe mung, dai hpa hkai lawng hte langai sha di nna, dai hpe mung aja hte, sawm tsit ai, hkyeng mang ai, hkyeng tsawm ai ri hte, kaboi ngut sai mani ai lachyit ri hte da ai rai na rai nga ai. ⁹ Bai unuk nlung lahkawng nang la nna, Israela kashu kasha ni a amying shi lahkawng hpe dai hta tawk ka na rai mu ai: ¹⁰ shanhte a asak kaji kaba hkan nna nlung langai mi hta amying kru, bai nlung langai mi hta amying kru rai na rai nga ai. ¹¹ Nlung ka chye ai masha galaw ai hku hkan nna, dazik hta ka ai zawn, dai nlung lahkawng hta Israela kashu kasha ni a mying nang tawk shakap nna, dai yan hpe ja hkalawk hta bang na rai mu ai. ¹² Dai nlung lahkawng hpe, hpa hkai lawng a hpa hkai yanhta nang shakap da na rai wu ai; dai gaw Israela kashu kasha ni a matu masat dingsat nlung rai na rai nga ai: Arun gaw shadum shahprang nga na matu dai hpe shia lahpa lahkawng hta shanhte a amying Yehowa a man e hpai ya nga na rai wu ai. ¹³ Bai hkalawk dai hpe ja hte galaw na rai ndai: ¹⁴ ja jet hte saidawnglahkawng mung, jinghkri zawn hkri nna, nang galaw na rai ndai; dai hkri ngut sai saidawng yan hpe hkalawk yan hta noi na rai wu ai. ¹⁵ Hpaji rawng ai masha galaw ai hku hkan nna, tara madun ya ai sinda magap langai mi nang galaw na rai ndai: dai hpe hpa hkai lawng galaw ai hku, aja hte, sawm tsit ai, hkyeng mang ai, hkyen tsawm ai ri hte, kaboi ngut sai mani ai lachyit ri hte da lu na rai wu ai. ¹⁶ Dai gaw dingdung dingda maren jut mali rai nna lahkawng hpam rai na rai nga ai: de a galu maga lahkam mi nda maga lahkam mi rai na rai nga ai. ¹⁷ Dai hta lungseng lam mali nang hkrep da na rai wu ai: langai ngu na lam hta patemya, utahpaya, mya, rai na rai nga ai; ¹⁸ lahkawng ngu na lam hta, lung hkyen, nila, sin; masum ngu na lam hta, wakintu, mahoya, htitun nila; ²⁰ mali ngu na lam hta, myek-yoi, unku, naga htoi, rai na rai nna, langai hte langai hpe ja hkalawk hta bang da na rai wu ai. ²¹ Israela amyu shi lahkawng rai nga ai hte maren, dai lungseng ni mung, shanhte a amying hkan nna shi lahkawng rai na rai nga ai: dazik hta tawk ka ai zawn langai hte langai hta mying kap nna, dai gaw amyu shi lahkawng a matu gu gu rai na rai nga ai. ²² Bai sinda magap hta e hkri ngut sai jinghkri zawn di nna, ja jte hte saidawng nang galaw lu na rai ndai. ²³ Ja hte shanghkawng lahkawng mung nang galaw nna, dai shanghkawng yan hpe sinda magap a ntsa jut lahkawng hta e shatut na rai ndai. ²⁴ Dai hkri ngut sai ja saidawng lahkawng hpe, dai sinda magap a ntsa jut na shangkawng yan hta nang dat da rai wu ai. ²⁵ Bai, dai saidawng lahkawng a matu yan hpe, dai hkalawk lahkawng hta nang dat da nna, hpa hkai lawng a hpa hkai ntsa e, dai yan hpe noi da na rai wu ai. ²⁶ Bai, ja hte shanghkawng lahkawng nang galaw nna, dai sinda magap htap lahkawng hta na hpa hkai lawng de jahtum ai htap a htumpa jut lahkawng hta shatut da na rai ndai. ²⁷ Bai, ja hte shangkawng lahkawng nang galaw nna hpa hkai lawng a man maga nshang matu ang, dai reng ai shingkyit a ntsa hkawt e, gade de na matut ai makau e, dai yan hpe shatut da na rai wu ai. ²⁸ Sinda magap gaw hpa hkai lawng a reng ai shingkyit ntsa hkawt e shaang nna, hpa hkai lawng hte n hka na matu, dai sinda magap hta na shanghkawng yan hte, hpahkai lawng hta na shanghkawng yan hpe jahkrum nna, sawm tsit ai sumri hte noi da na rai mu ai. ²⁹ Arun gaw dai chyoi pra ai shara de shang ai shaloi, tara madun ya ai sinda magap hta, Israela kashu kasha ni a amying hpe shi a masin hta gun ya nga na rai nna, dai gaw Yehowa a man e tutnawng na masat dingsat tai nga na rai nga ai. ³⁰ Dai tara madun ya ai sinda magap kata e, Urim hte Huumim nang bang da na rai wu ai; Arun gaw Yehowa a man de shang ai shaloi, shi a masin hta dai Urim hte Htumim rawng nga na rai nna, Arun gaw shi a masinhat Israela kashu kasha ni a matu jeyang ai lam Yehowa a man e tutnawng e gun ya nga na rai wu ai. ³¹ Bai, dai Hpa hkai lawng hte seng ai ntsa palawng hpe sawm tsit ai ri hte sha da lu na rai ndai. ³² Dai hta baw shawn na matu lawngdu dat nna, dai n je hkra, hpyen palawng hta na hpri lawng du zawn, de a shakung grup hpe da la ai sumpan hte du hkawp na rai wu ai. ³³ Dai ntsa palawng a htumpa matu grup e, sawm tsit ai, hkyeng mang ai, hkyen tsawm ai ri hte hkai nu si ngu ai si hte, de a langai din din ja dingsi nang galaw noi na rai wu ai: ³⁴ dai ntsa palawng a htumpa grup e ja dingsi langai hte hkainu si langai di nna noi na rai wu ai. ³⁵ Arun gaw dawjau ai amu galaw nga ai shaloi, shi hta noi nga na rai wu ai: shi gaw dai chyoi pra ai shara de Yehowa a man e shang wa pru wa re ai hte, si ai n hkrum na matu, de a nsen na nga lu na rai nga ai. ³⁶ Ja jet hte htan bam langai mi mung nang galaw nna, dazik tawk shakap ai zawn di nna, Yehowa a matu chyoi pra nga ai, ngu nna dai hta e ka shakap na rai nga ai. ³⁷ Dai hpe sawm tsit ai sumpan yan hta shakap nna, man maga de bunghkaw a ntsa e gyit da na rai nga ai. ³⁸ Dai gaw Arun a lahtan e bam nga nna, Israela kashu kasha ni a chyoi pra ai alu hte seng ai, shachyoi shapra ai arai mahkra hta yubak mara, Arun gun ya nga na rai nga ai: shanhte gaw Yehowa a hkap la ai hkrum na matu, dai gaw Arun a lahtan hta tutnawng bam nga na rai nga ai. ³⁹ Bai maka ka ai palawng mung mani ai lachyit ri hte nang da nna, bunghkaw hpe mung mani ai lachyit ri hte da na rai wu ai: maka ka chye ai masha galaw ai hku hkan nna, chingkyit langai mi mung nang galaw lu na rai wu ai. ⁴⁰ Bai Arun a shadang sha ni arawng sadang hte hpung rawng na matu, palawng galu, shingkyit, bunghkaw re ai ni da ya na rai mu ai. ⁴¹ Shingrai na nhpu Arun hte shi a shadang sha ni hpe nang shabu jahpun nna, nye a man e hkinjawng amu gunhpai nga na matu, shanhte hpe namman chya nna, aya dang da ai hte shacyoi shapra na rai mu ai. ⁴² Shanhte a kaya hpa ndawng na matu, nshang nna magyi du ai bu hkung, sumpan hte chywi ya na rai mu ai: ⁴³ Arun hte shi a shadang sha ni hta mara n kap nna n si mu ga, shawa sum kata de shang yang raitimung, chyoi pra ai sha ra na hkungri hta dawjau na sit sa yang raitimung, dai bu hkung shanhte bu na rai mu ai: dai gaw Arun hte shi a amyu matu ni a prat dingsa na matsun hkringhtawng rai nga na rai nga ai.

¹ Shanhte nye a man e hkinjawng amu gunhpai lu na matu, nang shanhte hpe ning di shachyoi shapra na rai ndai: ra n rawng ai usu kasha hte sagu la lahkawng; ² hkaulan mam shadung hte galaw ai, matsi n rawng ai muk, sau hte kayau ai matsi n rawng ai muk pa, sau hte gumchya ai matsi n rawng ai muk hkrawp, la na rai ndai. ³ Dai muk ni hpe ka langai mi hta bang nhtawm, dai usu hte sagu la lahkawng nawng, dai ka hte rau la sa na rai ndai. ⁴ Arun hte shi a shadang sha ni hpe mung, shawa sum a chyinghka de woi sa nna, hka shin ya na rai ndai. ⁵ Shingrai dai hpun palaawng ni la nna, Arun hpe, dai palawng galu hte hpa hkai lawng hte seng ai ntsa palawng, hpa hkai lawng hte sinda magap, nang bu hpun shangun nna, hpa hkai lawng hte seing ai reng ai shingkyit kyit ya na rai wu ai: shi a baw hta dai bunghkaw nang hkaw ya nna, bunghkaw a ntsa e, dai chyoi pra ai than bam, bam ya na rai ru ai. ⁶ l ⁷ Shing di nhtawm chya na namman la nna, shi a baw hta ru bun let shi hpe chya na rai wu ai. ⁸ Shi a shadang sha ni hpe mung nang shaga la nna, palawng galu jahpun ya na rai ndai. ⁹ Arun hte shi a shadang sha ni hpe shingkyit kyit ya nna, bunghkaw hkaw ya na rai wu ai: shingrai shanhte gaw, tutnawng nga nga ai tara hte maren hkinjawng amu gun nga lu na rai nga ai:shing di Arun hte shi a shadang sha ni hpe hkinjawng aya hta nang dang da na rai ndai. ¹⁰ Dai usu hpe mung shawa sum ndaw de nang la sa nna, Arun hte shi a shadang sha ni dai usu a baw hta shahte a lata mara na rai mu ai. ¹¹ Usu dai hpe shawa sum a chyinghka makau Yehowa a man e nang sat lu na rai ndai. ¹² Dai usu sai la nna tawn hkungri a nrung ni hta na a layung hte chya nhtawm, dai ngam nga ai sai mahkra hpe gaw tawn hkungri a ninghpang e ru hkaw na rai wu ai. ¹³ Pu kan magap ai sau rap mahkra hte, sin hta kap ai sap sanap mung, nhkyun tawng lahkawng hte dai hta kap ai sau hpe mung nang la nna, tawn hkungri hta nat na rai ndai. ¹⁴ Dai usu a shan, ahpyi hte ahkyi re ai ni hpe gaw, dap shinggan e nat kau na rai ndai: dai gaw mara raw ai hkungga rai nga ai. ¹⁵ Bai, sagu la langai mi mung nang la nna, Arun hte shi a shadang sha ni dai sagu a baw hta shanhte a lata mara na rai mu ai. ¹⁶ Dai sagu la hpe mung nang sat nna, de a sai la nhtawm, tawn hkungri a ntsa tsang grup lapri na rai ndai. ¹⁷ Dai sagu la hkum hpe nang kahtum gadaw di daw nna, de a pu kan hte lagaw ni hpe kashin kau nhtawm, baw hte shan tawng ni hpe sumbum tawn nna, ¹⁸ sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai. ¹⁹ Bai sagu la langai mi hpe mung nang la nna, Arun hte shi a shadang sha ni dai sagu a baw hta shanhte a lata mara na rai mu ai. ²⁰ Dai sagu la hpe nang sat nna, de a asai la nhtawm, Arun a hkra na lapyen hta mung, shi a shadang sha ni a hkra na lapyen hta mung, shanhte a hkra lata yung nu hta mung, hkra lagaw yung nu hta mung chya ya nna, tawn hkungri ntsa tsang grup hpe lapri na rai wu ai. ²¹ Bai, dai tawn hkungri hta na sai hte namman nang la nna, Arun hte shi a hpun palawng hta mung, shi a shadang sha ni hte shanhte a hpun palawng hta mung, lapri bun ya na rai ndai: shingrai shi hte shi a shadang sha ni mung, shanhte a hpun palawng ni mung, chyoi pra nga na ra ai. ²² Dai gaw aya dang ai sagu la rai nga ai majaw, dai sagu la hta na sau tawng hte sau kap ai nmai, pu kan magap ai sau rap, sin hta kap ai sap sanap, nhkyun tawng lahkawng hte dai yan hta kap ai sau, hkra maga na magyi hte hte, ²³ Yehowa a man e tawn da ai matsi n rawng ai muk ka hta na, muk tawng langai mi, sau hte galaw ai muk pa langai mi, muk hkrawp pa mi nang la nna, ²⁴ dai hpe Arun hte shi a shadang sha ni a lata hta shalan nhtawm, nwat hkungga di nna, Yehowa a man e nwat na rai mu, ²⁵ Bai shanhte a lata na nang dai hpe la nna, Yehowa a man e manam pyaw ai sangau di na matu, tawn hkingri na wan nat hkungga a ntsa e nat na rai ndai: dai gaw Yehowa hpe wan hte nawng ai hkungga rai nga ai. ²⁶ Bai Rrun a aya dang ai sagu la sinda hpe nang la nhtawm nwat hkungga di nna Yehowa a man nwat na rai ndai: dai gaw na a matu rai na rai nga ai: ²⁷ shing di Arun hte shi a shadang sha ni a aya dang ai sagu la hta na, nwat hkungga di nna nwat ai sinda hte, manawt hkungga di nna manawt ai magyi hpe nang shachyoi shapra na rai wu ai: ²⁸ dai gaw manat hkungga rai nga ai majaw, Arun hte shi a shadang sha ni a matu, Israela kashu kasha ni kaw na, prat dingsa lu la na hkringla rai nga ai: dai gaw Israela kashu kasha ni kaw na, prat dings lu la na hkringla rai nga ai: dai gaw Israela kashu kasha ni jaw nga na mahku hkungga hta, Yehowa a man e manawt ai manawt hkungga rai na rai nga ai. ²⁹ Arun a chyoi pra ai hpun palawng hpe mung, shi hpang na shadang sha ni hkringhtawng dagraw nna, namman chya hkam ai aya dang hkam ai shaloi bu hpun lu na rai nga ai. ³⁰ Arun a malai shi shadang sha ni hta na hkinjawng aya shang ai wa gaw, chyoi pra ai shara hta dawjau na nga, dai shawa sum hta shang ai shaloi nhtoi sanit ya tup dai bu hpun nga lu na rai wu ai. ³¹ Dai aya dang ai sagu la shan hpe nang la nna, chyoi pra ai shara e shadu nhtawm, ³² Arun hte shi a shadang sha ni dai sagu la shan hte, dai ka na muk hpe, shawa sum a chyinghka makau e sha na rai mu ai. ³³ Sahnhte hpe aya dang ai hte shachyoi shapra ai hta na shanhte a matu htingrat ai hkungga shanhte sha na rai mu ai: dai hkungga gaw chyoi pra nga ai majaw yu maya masha ni sha lu na n rai. ³⁴ Dai aya dang ai hta na ashan raitimung, muk raitimung, hpang jahpawt du hkra ngam nga na rai jang gaw dai angaw angam hpe wan hte nat kau na rai wu ai: di gaw chyoi pra nga ai majaw kadai sha lu na n rai. ³⁵ Ngai nang hpe hkangda mada hte maren Arun hte shi a shadang sha ni hpe nang galaw na rai ndai: nhtoi sanit ya tup shanhte hpe aya dang ai amu nang galaw nga na rai ndai. ³⁶ Htingrat ya na matu mara raw ai hkungga hte seng ai usu langai mi shani shagu nang nawng nga na rai ndai: dai tawn hkungri a matu htingrat ya ai shaloi, nang dai hpe jasan jaseng na rai wu ai: dai hpe shachyoi shapra na matu, namman chya na rai wu ai. ³⁷ Nhtoi sanit ya tup dai tawn hkungri a matu htingrat hkungga nang nawng nna dai hpe shachyoi shapra na rai wu ai: shaloi dai gaw chyoi pra htum ai tawn hkungri rai na ra ai; dai tawn hkungri hpe hkra ai rai hpa mung, chyoi pra ai rai, rai na ra ai. ³⁸ Ya da ndai gaw dai tawn hkungri hta nawng tau nga na hkungga rai nga ai:ladu hkrum sai sagu kasha lahkawng shani shagu dinggrin nawng jau nga lu na rai ndai. ³⁹ Dai hpe jahpawt e langai mi, shana de langai mi nawng ya na rai nga ai: ⁴⁰ sagu kasha langai mi nawngai hta, htu la ai namamn loga masum hte kayau ai hkaulan mam shadung uma langai mi hte, ru hkaw na kumhpa matu tsabyi jahku loga masum, rai na rai nga ai. ⁴¹ Bai sagu kasha langai mi hpe shana de na nawng jau ai hta, jahpawt na lusha kumhpa hte ru hkaw na kumhpa shalawm nna, Yehowa hpe wan hte jau ai hkungga hte manma pyaw ai sangau di na rai ndai. ⁴² Dai gai, ngai nanhte hte hkrum shaga ai shara ngu ai, shawa sum a chyinghka makau, Yehowa a man e, nanhte shu mashi shu masha prat dingsa wna hte nat nawng nga na hkungga, rai malit dai. ⁴³ Dai shara hta e ngai Israela kashu kasha ni hte hkrum nna, sum dai gaw nye a hpung shingkang hte chyoi pra nga na rai nga ai. ⁴⁴ Daishawa sum hte tawn hkungri hpe ngai shachyoi shapra na we ai: Arun hte shi a shadang sha ni hpe mung, nye a man e hkinjawng amu gunhpai nga lu na matu, ngai shachyoi shapra na mawe ai. ⁴⁵ Israela kashu kasha ni hta ngai rawng nga nna shanhte a Karai Kasang tai nga na nngai. ⁴⁶ Shanhte hta ngai rawng nga na ngu nna, Egutu mung na shanhte shapraw wa ai shanhte a Karai Kasang Yehowa ngai rai nga nngai gaw shanhte chye na mara ai: ngai gaw shanhte a Karai Kasang Yehowa rai nga nngai.

¹ Bai, manam pyaw ai baw nat na matu, hkungri langai mi mung, marau hpun hte nang galaw na rai ndai. ² De a galu de dawng mi, nda de dawng mi di nna, mali maga maren rai na rai nga ai; de a tsaw de dawng lahkawng ra na rai nga ai: de a nrung ni mung dai hte langai sha rai na rai nga ai. ³ Dai hpe ntsa maga de mung, nhkrem grup grup mung, nrung ni hta mung, ja jet hte nang kayap nna, de a matu grup e ja htinggawt dat da na rai ndai. ⁴ De matu mung shanhkawng lahkawng nang galaw nna, dai ja htinggawt a lawu hkawt, hkungri a maga mi hte maga mi de na jut yan hta shatut da na rai wu ai rai nna, dai gaw hpai na matu kandang dinghkrawn na shara rai na rai nga ai. ⁵ De a kandang yan hpe marau hpun hte nang galaw nna, ja hte sup na rai wu ai. ⁶ Ngai nang hte jahkrum na shara ngu ai, dai sakse sumpu a ntsa na chyeju magap a man ang, dai sakse a man e grang ai nba shinggang a shinggan e, nang dai hpe tawn da na rai wu ai. ⁷ Shingrai Arun gaw, jahpawt shagu dai pyengdin lajang ai shaloi, dai hkungri hta manam pyaw ai baw nat na rai wu ai. ⁸ Shana de mung Arun dai pyengdin shatu ai shaloi dai hta manam pyaw ai baw nat na rai wu ai: dai gaw nanhte a shu mashi shu masha prat dingsa Yehowa a man e tutnawng jau nga na manam pyaw nat lam rai na rai nga ai. ⁹ Manam pyaw ai rai kaga dai hkungri hta nanhte nat lu na n rai; wan nat hkungga raitimung, shahpa hkungga raitimung, ru hkaw ai kumhpa hkungga raitimung, dai hta nat jau lu na n rai. ¹⁰ Laning mi hta lang lang dai yubak hkungga asai hte dai hpe Arun htingrat lu na rai wu ai: dai gaw Yehowa a matu chyoi pra htum ai hkungri rai na rai nga ai, ngu wu ai. ¹¹ Bai Yehowa gaw Mawshe hpe shaga la nna, ¹² Israela kashu kasha ni hpe nang hti nna shanhte hpe jahpan la yang, shanhte ana ahkya n hkrum mu ga, shanhte hpe jahpan la mu ai shaloi langai hte langai tinang a myit masin a matu, Yehowa hpe galai la na jahpu jaw lu na rai mu ai. ¹³ Da ndai gaw, shanhte hpe hti yu yang, jahpan hta lawm ai ni nlang hte gaw, chyoi pra ai sum a shekela hkan nna shekela chyen chyen jaw lu na rai ma ai: (shekela langai mi gaw gera hkun rai nga ai): shekela chyen chyen Yehowa a matu kumhpa rai na rai nga ai. ¹⁴ Jahpan hta lawm ai, hkun ning kaw nna dai hta jan ai ni nlang hte gaw, Yehowa hpe dai kumhpa jaw lu na rai ma ai. ¹⁵ Nanhte a myit masin a matu mara htingtat nna Yehowa hpe dai kumhpa jaw myit yang, dai shekela chyen mi hta sut lu a I ni shajan lu na n rai, matsan mayan ni mung shayawm lu na n rai. ¹⁶ Shingrai dai htingrat ai gumhpraw Israela kashu kasha ni kaw na nang la nna, shawa sum a dawjau ai amu matu tawn da na rai wu ai:dai gaw, nanhte a myit masin a matu htingrai htingrat ya na, Israela kashu kasha ni a matu mar Yehowa a an e masat dingsat rai na rai nga ai, ngu wu ai. ¹⁷ Bai Yehowa gaw Mawshe hpe shaga la nna, ¹⁸ Kashin kamun rai na matu magri hte ntsin htung mung, magri hte dai shadun na ku mung nang galaw nna, dai shawa sum hte tawn hkungri lapran e dai hpe tawn da na rai wu ai; dai hta ntsin mung nang ja bang na rai wu ai. ¹⁹ Arun hte shi a shadang sha ni dai hta e lagaw lata shin na rai mu ai. ²⁰ Shanhte si ai n hkrum na matu, shawa sum hta shang na rai yang mung, Yehowa a matu wan hte hkungga nat na nga, tawn hkungri de dawjau na sit sa wa ai rai yang mung, shanhte ntsin hte shin na rai mu ai: ²¹ shingrai shanhte si ai n hkrum u ga, shanhte tinang a lagaw lata shin na rai mu ai: dai gaw, shi a matu mung, shi a kashu kasha ni a prat dingsa na matu mung, htani htan ga matsun rai na rai nga ai, ngu wu ai. ²² Bai Yehowa gaw Mawshe hpe shaga la nna, ²³ Kaja htum ai manan pyaw ai baw, mura sau shekela manga tsa, hpun maza hpyi ni tsa manga shi, hkalamu ni tsa manga shi; ²⁴ chyoi pra sum a shekela hkan nna hkasia manga tsa hte tsanlun sau hin langai mi la nna, ²⁵ dai hte chya na matu, chyoi pra ai namman di na manam pyaw hpaw chye ai wa hpaw ai hku, manam pyaw ai sau nang hpaw na rai ndai: dai gaw chya na matu chyoi pra ai namman rai na rai nga ai. ²⁶ Dai namman hte, shawa sum hpe mung, sakse sumpu hpe mung; ²⁷ muk ku hte de a rai nlang hpe mung, pyengdin hte de a rai nlang hpe mung, manam pyaw ai baw nat ai hkungri hpe mung; ²⁸ wan nat hkungga a tawn hkungri hte de a arai nlang hpe mung, ntsin htung hte de a shadun ku hpe mung, nang chya nna, ²⁹ dai hte chyoi pra htum nga na matu shing di shachyoi shapra na rai ndai:dai rai ni hpe hkra ai hpa mung chyoi pra ai rai tai na ra ai. ³⁰ Arun hte shi a shadang sha ni hpe mung nang chya nna, nye a man e shanhte hkinjawng amu gunhpai nga lu na matu, shanhte hpe shing di shachyoi shapra na rai ndai. ³¹ Israela kashu kasha ni hpe mung nang ning ngu tsun na rai ndai:Ndai gaw nanhte a shu mashi shu masha prat dingsa hta, nye a matu chya na chyoi pra ai namman tai nga na rai nga ai: ³² dai nhpe masha hkum hta nanhte ru bun lu na n rai; dai hpaw ai hku kaga mung nanhte hpaw lu na n rai; dai gaw chyoi pra nga ai rai nna, chyoi pra ai ngu nna nanhte dum nga na rai myi dai. ³³ Dai hte shabung nna hpaw ai wa hte, dai hpe yu may hta chya ai wa kadai raitimung, tinang amyu hta na sumri gadoi kau ai hkrum lu na rai nga ai, ngu wu ai. ³⁴ Bai Yehowa Mawshe hpe tsun wu ai gaw, Manam pyaw ai baw ngu ai, natap naw, unuhka, galaban naw; manam pyaw ai baw hte jet ai lawban amyu, dai hte hpe maren ren di shen la nna, ³⁵ manam pyaw hpaw chye ai wa hpaw ai hku, mum hte kayau nna, nat na matu jet ai hte chyoi pra ai manam pyaw ai baw nang hpaw lu narai ndai. ³⁶ Dai hta na nkau mi hpe mani hkra nhu nhtawm, ngai nang hte jahkrum ai shara, dai shawa sum kata na sakse a man e nang tawn da na rai ndai: dai gaw nanhte hta chyoi pra htum ai rai na rai nga ai. ³⁷ Dai nanam pyaw hpaw ai hku tinang a matu kaga nanhte hpaw lu na myit dai n rai: dai gaw nang hta Yehowa a matu chyoi pra ai rai na rai nga ai. ³⁸ Tinang manam na matu dai hte shabung nna hpaw ai wa gaw, tinang amyu hta na sumri gadoi kau ai hkrum lu na rai nga ai, ngu wu ai.

¹ Bai Yehowa gaw Mawshe hpe ga tsun nna, ² Yu u, Yuda lahkung hta na Uri a kasha Hura kashu Bezalela hpe amying hte ngai shaga se ai: ³ shi gaw aja, gumhpraw, magri dup amu hte, nlung ka nna hkrep ai amu, hpun tawk ai amu hte hpaji amu lam baw sumhpa chye wa na, ⁴ hpaji hparat, zai byengya chye chyang ai lam hte seng ai hpaji amu baw sumpa chye nna, ⁵ reng hkik ai amu galaw chye na matu, Karai Kasang a wenyi shi hta ngai jahpring se ai. ⁶ Bai, yu u, shi hte shingtau na, Dan lakung hta na Ahisamak a kasha Aholiaba hpe mung ngai san da se ai: shingrai, ngai nang hpe hkangda mada yawng hte, myit hpaji rawng ai ni chye galaw lu hkra, shanhte a myit hta hpaji hparat ngai bang ya mase ai: ⁷ dai rai nna shanhte gaw dai shawa sum, dai sakse a matu sumpu hte de a ntsa na magap, dai sum hte seng ai arai ni nlang hte hte; ⁸ mk ku hte de a arai nlang, jet ai pyengdin hte de a arai nlang, manam pyaw nat ai hkungri; ⁹ wan nat hkungga nawng ai hkungri hte de a arai nlang, ntsin htung hte de a shadun ku; ¹⁰ hkinjawng amu gunhpai yang na matu, hkinjawng Arun a reng hkik ai hte chyoi pra ai hpun palawng mung, shi a shadang sha ni a hpun palawng mung; ¹¹ chya na namman hte chyoi pra ai shara e lang na manam pyaw ai baw mung, ngai nang hpe hkangda mada hte maren shanhte galaw na rai ma ai, ngu wu ai. ¹² Bai Yehowa Mawshe hpe shag tsun wu ai gaw, ¹³ Israela kashu kasha ni hpe nang ning ngu na rai ndai: Ngai san da ai Laban nhtoi gaw nanhte gaja wa hkan nga na rai myit dai; kaning rai nme law, nanhte hpe shachyoi shapra ai Yehowa ngai rai nga nngai gaw nanhte chye lu na matu, dai gaw nanhte a shu mahi shu masha prat dingsa hta e nanhte hte nye a lapran e sakse kumla tai nga na rai nga ai. ¹⁴ Dai rai nna, dai laban nhtoi hpe nanhte hkan nga lu na rai myit dai; dai gaw nanhte a matu chyoi pra nga ai: dai hpe shabyak ai wa gaw teng teng si lu na rai nga ai; dai nhtoi hta amu bungli galaw ai wa kadai raitimung, shi a amyu hta na sumri gadoi kau ai hkrum lu na rai wu ai. ¹⁵ Kru ya nhtoi tup makan bungli galaw lu na rai nga ai; sanit ya nhtoi chyawm gaw, Yehowa a chyoi pra ai laban ban na nhtoi kaba rai nga ai: laban nhtoi hta amu bungli galaw ai wa gaw teng teng si lu na rai nga ai. ¹⁶ Dai re ai majaw Israela kashu kasha ni prat mi hte prat mi na, htani htana ga shaka tai nga na matu, dai laban nhtoi hpe tut shanang hkan nga lu na rai ma ai. ¹⁷ Dai gaw ngai hte Israela kashu kasha ni a lapran e htani htana na kumla tai nga na rai nga ai: kaning rai nme law, Yehowa gaw sumsing lamu hte ginding aga hpe kru ya laman e hpan hpajang da nna, sanit ya ngu na nhtoi hta ban sa nga ai hte nsa awai la wu ai, ngu wu ai. ¹⁸ Shingrai Karai Kasang gaw Sina bum ntsa e Mawshe hte shaga ngut jang, shi a layung hte ka ai sakse ga kap ai lungpa lahkawng shi hpe ap ya dat wu ai.

¹ Ya dai bum e Mawshe na na nga mat ai hpe amyu masha ni mu ma yang, shanhte gaw Arun kaw hpawng sa nna, Rawt u, anhte a shawng e sa wa na hpara, anhte a matu galaw ya mi: anhte hpe Egutu mung na woi wa ai wa, dai Mawshe hta hpa byin sai gaw, anhte n chye saga ai, ngu nna tsun mu ai. ² Shaloi Arun mung, Nanhte a madu jan, kasha ni a na e kai ai ja shanghkawng ni hpyu la nna ngai kaw la sa marit, ngu nna shanhte hpe tsun mu ai. ³ Dai rai nna amyu masha ni nlang tinang a na e kai ai ja shanghkawng ni raw la nna Arun kaw la sa mu ai. ⁴ Arun mung dai hkap la nna, sumprang hte shajut nhtawm, dumsu kasha sumla jaw wu ai: dai ngut jang shahte gaw, Israela amyu e, hpara ndai gaw Egutu mung na nang hpe shaw wa ai, na a hpara rai nga ai law, nga ma ai. ⁵ Arun mung dai hpe mu jang, de a man e tawn hkungri gaw nhtawm, Hpawt ni na nhtoi gaw Yehowa a matu poi nhtoi rai nga ai, nga nna ga shabra dat wu ai. ⁶ Hpang jahpawt jau jau shanhte rawt nna, wan nat hkungga nawng ai hte mahku hkungga la sa mu ai: amyu masha ni mung lusha let dung nga ma ai; bai ka manau na nga rawt ma ai. ⁷ Dai rai nna Yegowa gaw Mawshe hpe, Nang yu wa sit; Egutu mung na nang shaw wa ai na a masha ni gaw byak mat masai: ⁸ ngai hkangda ai lam hta na shanhte alawan dam mat wa nna, dumsu sumla jaw nhtawm, Israela amyu e, hpara ndai gaw Egutu mung na nang hpe shaw wa ai, na a hpara ni rai nga ai law, nga nna tsun let dai sumla man e nawku nna hkungga nawng nga masai, ngu nna tsun wu ai. ⁹ Dai hta kaga Yehowa gaw Mawshe hpe, Ndai amyu hpe ngai yu yu mase ai, du ja ai baw rai nga ma ai: ¹⁰ dai rai nna, nye a pawt sindawng ai kahtet nga nna ngai shanhte hpe atsai awai di kau lu hkra, ngai hkrai chyu nga n ga: shingrai ngai nang hpe sha amyu kaba shatai na de ai, ngu nna tsun wu ai. ¹¹ Mawshe chyawm gaw shi a Karai Kasang Yehowa hpe, Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta? ¹² Karai Kasang gaw myit magaw myit nna shanhte hpe nam mali hkan e sat kau ai hte ga ntsa na shanhte hpe shaprai kau na sha shaw wa wu ai, nga nna Egutu masha ni tsun shara hpa rai sharawng na rai ta? Na a pawt bu ai masin hpe shakawp la u; na a amyu hpe ning rai ari jaw na myit gaw kayin kau u. ¹³ Nang tsun ndai hte maren, Nanhte a amyu matu hpe sumsing lamu na shagan ni zawn ngai shalaw na made ai rai nna, ngai ndat da ai ga ndai mahkra nanhte a amyu matu ni hpe ngai jaw nna, dai hpe prat dingsa shanhte madu nga lu na mara ai, nga nna, nang hkum dai hta, nang gang dagam ai ga lu la ai ni, ngu ai, na a mayam Abraham, Isak, Israela hte hpe dum u law, ngu nna hpyi nem wu ai. ¹⁴ Yehowa mung shi a amyu hpe ari jaw na lam tawn da ai myit kayin la wu ai. ¹⁵ Shaloi Mawshe gaw dai sakse lungpa lahkawng la lang let kayin nna dai bum na yu wa ai: dai lungpa lahkawng a man lahkawng yan hta, maga mi hte maga mi de ka nga ai. ¹⁶ Dai lungpa yan gaw Karai Kasang galaw ai lungpa yan hta Karai Kasang galaw ai lungpa rai nga ai: laika hkum mung, dai lungpa yan hta Karai Kasang ka jahkang ai laika rai nga ai. ¹⁷ Amyu masha ni jahtau garu ai nsen Yawshu a wu yang, Dai dap de hpyen gasat grau re nga ai, ngu nna Mawshe hpetsun wu ai. ¹⁸ Mawshe gaw, Ngai na ai nsen gaw, ninglaw nna garu ai mung n rai, sum nna jahtau ai mung n rai: mahkawn mangoi ai she rai re nga ai, ngu wu ai. ¹⁹ Hing rai dai dap de du wa yu yang, dumsu kasha hte ka nga ma la ai hpe wa mu wu ai; dai majaw Mawshe masin pawt bu nna, dai lungpa yan hpe shi lata na jahkrat kau ai hte dai bum lagaw e atrawp kau wu ai. ²⁰ Shanhte galaw ai dumsu kasha hpe mung shi la nna, wan hta ju nhtawm, ayun ayaw rai hkra rin wu ai; dai hpe hka hta run bun nhtawm, Israela kashu kasha ni hpe lu shangun mu ai. ²¹ Shingrai Mawshe gaw Arun hpe mung, Ndai amyu hta nde wa kaba ai yubak shapraw na gaw, shanhte nang hpe kaning di ma ta? ngu nna san wu yang, ²² Arun gaw, Madu e, masin hkum pawt et; ndai amyu n hkru ai myit rawng ai gaw nang chye nga ai myit rawng ai gaw nang chye nga ndai; ²³ shanhte mahtan, Anhte a shawng e sa wa na hpara anhte a matu galaw ya mi; Egutu mung na anhte hpe woi wa ai wa dai Mawshe hta hpa byin sai gaw anhte n chye ga ai, nga nna ngai hpe sa tsun ma ai majaw, ²⁴ ngai mung, Ja lu ai wa kadai mung, raw mu ga, ngu mawe ai: dai hte maren shanhte ngai kaw ja la sa nna, dai hpe wan hta ngai bang we yang, ndai dumsu kasha pru wa ai, ngu nna htan wu ai. ²⁵ Shingrai amyu masha ni kabrawng mat wa nna, shanhte a hpyen ni a man e shatan shara rawng hkra, Arun e shaprang dat wu ai hpe, Mawshe mu wu yang, ²⁶ dai dap chyinghka lam e shi tsap da nna, Yehowa hpang maga de naw nga ai ni kadaimung, ngai kaw wa hpawng ma ai. ²⁷ Shaloi shi gaw, Israela Karai Kasang Yehowa ning nga ai: Nanhte hkum shadap maga mi de na chyinghka kaw nna, maga mide na chyinghka du hkra dinghkrang hkawm nna, langai hte langai tinang a htingbu wa hpe sat mu, nga ai, ngu nna shanhte hpe hkang dat wwu ai. ²⁸ Mawshe hkang dat ai hte maren Lewi a shadang sha ni galaw ma ai rai nna, dai shani e amyu masha ni hta na marai hkying masum daram si mat ma ai. ²⁹ Bai Mawshe gaw, Dai ni Yehowa nanhte hpe shaman ya mit ga, langai hte langai tinang a shadang sha, tinang a hpunau wa hpe hpyen na, nanhte a hkum hpe Yehowa a matu san tawn mu, ngu wu ai. ³⁰ Bai hpang jahpawt mung Mawshe gaw amyu masha ni hpe, Nanhte yubak kaba galaw manit dai; raitimung ngai Yehowa hpang de lung wa nna, nanhte a yubak matu htingrat ya lu na nhten, ngu nna tsun da mu ai. ³¹ Shaloi Mawshe gaw Yehowa hpangde bai lung wa nna, Gaja wa, ndai amyu gaw tinang a matu ja hpara galaw ai hte yubak kaba galaw masai; ³² raitimung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law, ngu nna hpyi wu ai. ³³ Yehowa chyawm gaw, kadai wa ngai hpe shut yang, nye a laika hta na dai wa hpe ngai arut kau na we ai: ³⁴ ya, naw sa wa su, ngai nang hpe tsun ai shara de ndai amyu hpe woi s wa su; yu u, nye a Lamu kasa na a shawng e sa wa na ra ai:raitimung, ngai kawan katsan yu sa ai nhtoi hta shanhte a yubak shanhte a ntsa e jaw na ngai du na ring ngai, ngu dat wu ai. ³⁵ Shingrai Arun hte amyu masha ni dai dumsu kasha galaw ma ai majaw Yehowa shanhte hpe ari jaw wu ai.

¹ Bai Yehowa gaw Mawshe hpe, Sa wa su, nang hte Egutu mung na nang woi wa ai masha ni ndai shara na pru nna, Na a amyu matu ni hpe ngai jaw na ngu nna, Abraham, Isak Yaku hte hpe ngai dagam da ai ga de sa wa ma su: ² na a shawng e lamu kasa mung ngai shangu dat ya nna, Hkanan, Amuri, Hiti, Hperizi, Hiwi hte Yebusi masha ni hpe ngai shachyut kau ya na made ai; ³ shingrai, nga chyu hte lagat jahku lwai ai mung de ngai nanhte hpe woi wa na made ai: raitimung, nang du ja ai amyu rai nga ndai majaw, lam hkan e ngai nang hpe n jahten kaun ga, ngai hkum nan nanhte a ka-ang e hkan sa lawm na n rai, ngu nna tsun wu ai. ⁴ Amyu masha ni dai hkrithpa shi na ma yang yawn nna, kadai mung tinang hkum sumli ma ai n rai. ⁵ Bai Yehowa Mawshe hpe, Israela kashu kasha ni hpe ning ngu tsun mu: Nanhte du ja ai amyu rai nga myit dai: na a ka-ang e hkring mi sha ngai du yang, ngai nang hpe atsai awai di kau na de ai: dai majaw nang hpe ngai kaning di na ngai chye lu n ga, na a sumli ai arai ni raw kau u, ngu u, ngu wu ai. ⁶ Shingrai Israela kashu kasha ni gaw Horeb bum du ai kaw nna shanhte a sumli rai raw da ma ai. ⁷ Ya Mawshe dai sum la nna dap shinggan tsawmra tsan kaw gap nhtawm shawa Sum ngu nna, shamying wu ai. ⁸ Dai rai nna Yehowa hpe tam ai ni kadai mung, dap shingganna dai shawa sum de pru sa ma ai. ⁹ Mawshe dai Sum de pru sa wa ai shaloi, amyu masha ni yawng rawt tsap nna, langai hte langai tinang nang a sum chyinghka lam e tsap nga let, dai sum kata de Mawshe shang yang, sumwi shadaw yu hkrat wa nna, sum chyinghkalam e tu nga let, Yehowa Mawshe hte ga tsun wu ai. ¹⁰ Dai sum chyinghka lam e sumwi shadaw tu nga ai hpe amyu masha ni mu ma yang, shanhte nlang rawt nna, langai hte langai tinang nang a sum chyinghka lam e nawku ma ai. ¹¹ Shingrai Yehowa gaw jinghku shada shachyen ai zawn Mawshe hte myiman hkrum rai nna shaga wu ai. Mawshe dai dap de bai shang wa ai, raitimung, shi a hkringmang, Nun a kasha Yawshu ngu ai shabrang gaw, dai sum na n pru ai naw nga nga ai. ¹² Shaloi Mawshe gaw Yehowa hpe, Yu u, ndai amyu hpe woi wa u, nga nna nang ngai hpe tsun nit dai, raitimung, ngai hte rau kadai hpe nang shangun ya ndai gaw, nang ngai hpe n tsun ndai: raitimung nang ngai hpe, Na mying hte ngai nang hpe chye da de ai, nye a man e nang myiman pa nit dai, nga ndai: dai rai nna, na a man e ngai myiman pa ni ai rai yang gaw, ngai myiman pa ai lam ngai chye lu n ga, nang hpe mung ngai chye lu hkra, na a lam ngai hpe madun ya e: ndai amyu, na a masha ni rai nga ma ai hpe myit yu u, ngu nna hpyi wu ai. ¹⁴ Yehowa gaw, Ngai hkum nan sa nna, nang hpe shalan shabran na de ai, ngu nna htan ya wu ai. ¹⁵ Mawshe mung, Nang hkum nan ngai hte rau n sa yang gaw, ndai kaw na anhte hpe hkum woi ling wa mi. ¹⁶ Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni? ngu wu ai. ¹⁷ Shaloi Yehowa gaw, Nang nye a man e myiman pa nit dai hte nang hpe na amying hte ngai chye de ai majaw, ya nang tsun ai hku mung ngai hkan ga law na nngai, ngu nna Mawshe hpe tsun wu ai. ¹⁸ Mawshe mung Na a hpung shingkang ngai hpe madun ya e, ngu wu ai. ¹⁹ Yehowa gaw, Nye a maikaja ai hpung mahkra na a man e ngai shalai dat nna, Yehowa a mying hpe na man e ngai shapraw na we ai: chyeju madun mayu ai wa hpe ngai chyeju madun na we ai; matsan dum myit rawng ai wa hpe ngai matsan dum na we ai. ²⁰ Raitimung, nang nye a myiman mu lu na n rai; ngai e mu ai masha hkrung nga lu na n rai. ²¹ Yu u, nye a makau e shara langai mi nga nga ai; dai lunghkrung ntsa e nang tsap nga na rai ndai: ²² shingrai nye a hpung shingkang lai wa nga yang, nang hpe dai lung kran e ngai bang da nna, ngai lai mat wa hkra, nang hpe nye a lata hte magapda na de ai: ²³ shaloi nye a lata ngai dawn la ai hpang, nye a shingma sha nang mu lu na ndai: nye a myiman chyawm gaw nang mu ya lu na n rai, ngu nna Yehowa tsun wu ai.

¹ Bai Yehowa gaw Mawshe hpe, Shawng na lungpa yan zawn lungpa lahkawng naw ga la u: shawng na ngang agrawp kau ai lungpa hta ka ai ga hte maren, dai lungpa hta ngai bai ka na we ai. ² HPawt de Sina bum de lung wa nna, dai bum pungdinge nye a man e tsap nga na, hpawt manap e jin jin rai nga u. ³ Nang hte rau kadai mung hkum lung u ga; dai bum ting hta masha langai mi muk hkum dawng pru shangu et: sagu bainam, yamnga hpung ni mung dai bum a man e ushat hkum shayaw mu ga, ngu wu ai. ⁴ Shaloi Mawshe, shawng na zawn re ai lungpa lahkawng ga la nhtawm, jahpawt jau jau rawt nna, Yehowa shi hpe hkang dat ai hte maren, dai lunpa yan hpe shi lata hta lang let, Sina bum de lung wa ai. ⁵ Yehowa mung sumwi hte yu hkrat wa na, dai yang e shi hte rau tsap let Yehowa amying shapraw dan wu ai. ⁶ Yehowa gaw shi a man e lai wa let, Yehowa, Yehowa sumnung ai myit hte chyeju hpring ai, myit galu ai hte n-gaw nwai re ai, matsan dum ai hte sadi sahka hpring ai: ⁷ masha hkying hkying mun mun hpe matsan dum ai myit madun nna, shut hpyit ai, tara tawt lai ai, yubak mara raw dat kau ya timung, kaman lila n dat kau ya ai; prat masum prat mali du hkra kawa ni a yubak kashu kasha ni hta a jaw nga ai Karai Kasang rai nga nngai, nga nna tsun dan wu ai. ⁸ Mawshe mung alawan gum dagup nna nawku let, ⁹ Madu e, ngai na a man e myiman pa ni ai rai yang gaw, nang Madu anhte hte rau sa wa ga law; ndai amyu du ja ai amyu rai nga timung, anhte a shut hpyit ai hteyubak mara dat kau ya nna, anhte hpe na a sali wunli matu woi tawn da mi law, ngu nna hpyi wu ai. ¹⁰ haloi Yehowa gaw, Yu u, ngai ga shaka tawn da nga nngai: ga ntsa ting na mungkan amyu mahkra hta galoi mung n di yu ai mauhpa amu na a amyu masha ni yawng a man e ngai galaw shapraw na we ai; nang hta ngai galaw ai lam hkrithpa lam rai ngaa ai majaw nang hte rau nga ai amyu masha ni Yehowa amu hpe mu lu na ra ai. ¹¹ Dai ni ngai nang hpe hkangda ai lam hkan galaw u:yu u, na a man na Amuri, Hkanan, Hiti, Hperizi, Hiwi hte Yebusi masha ni hpe ngai shaden dau ya na made ai: ¹² ya nang lung du na mung masha ni hte ga shaka tawn da nna, dai gaw nang hta mahkam n tai lit ga, sadi nga u: shanhte a tawn hkungri ni hpe nang run kau ya na rai ndai; shanhte a sumla shadaw ni hpe nang agrawp kau ya nna, shanhte a Asherim sumla ni hpe krandaw kau ya na rai myit dai: ¹⁴ hpara shaje nang nawku lu na n rai: Nsu nnawn ngu ai Yehowa gaw, nsu nnawn myit rawng ai Karai Kasang rai nga ai: ¹⁵ dai mung na masha ni hte nang ga shaka da ai a majaw, shanhte tinang a hpara ni hte shut hpyit ai amu galaw nna, dai hpara ni hpe hkungga jaw ai shaloi, nang hpe shaga nna ngang dai hkungga shan sha lawm hkrup na hpe mung; ¹⁶ shanhte a shayi sha ni hpe na a shadang ni a matu nang sa la nhtawm, dai shayi sha nigaw tinang a hpara ni hte shut hpyit ai lam galaw nna, na a shadang sha ni hpe dai hpara hi hte shut tsan shara nga lit dai. ¹⁷ Nang gaw na a matu jaw ai hpara galaw lu na ndai n rai. ¹⁸ Dai azuma poi nang hkan galaw lu na rai ndai: Abi shata hta Egutu mung na ngang pruwa ndai re ai majaw, dai Abi shata ladaw tawn da ai hta, ngai nang hpe hkangda sai hte maren, sanit ya tup matsi n rawng ai muk nang sha lu na rai ndai. ¹⁹ Alat mahkra hte gaw nye a rai li ai; na a yamnga ni hta na, dumsu raitimung, sagu bainam raitimung, shawng hkrat ai ala mahkra gaw nye a rai nga ai. ²⁰ Raitimung, shawng hkrat ai lawze kasha hpe gaw sagu kasha hte galai la lu na rai ndai: n galai la mayu n yang gaw, de a du hpe nang gang daw kau ya lu na rai wu ai. Na a shadang sha ni hta na alat yawng hpe chyawm gaw nang galai la lu na rai ndai: kadai mung nye man de kaman dawng pru lu na myit dai n rai. ²¹ Kru ya tup amu bungli nang galaw shaja nna sanit ya ngy na nhtoi hta ban sa lu na rai ndai: mam dat nai dat ta e raitimung, nmut ta raitimung ban sa lu n a rai ndai. ²² Hkaulan mam dan hpang ai ta hta bat sanit poi mung, shaning ladu hkrum ai hta nmut shinggyin poi mung, nang hkan nga lu na rai ndai. ²³ Laning mi hta masum lang na a kasha nlang hte gaw Israela Karai Kasang ngu ai, Madu Yehowa hpang de dawng pru lu na rai myit dai. ²⁴ Kaning rai nme law, masha amyu ni hpe na a man na ngai shaden kau ya nna, na a lamu ga madenh shangun ya na de ai: nang Karai Kasang Yehowa a man de laning mi hta masum lang myiman madun sa mat ai shaloi, na lamu ga hpe gade ai mung la ya mayu lu na n rai. ²⁵ Nye a hkungga asai hpe matsi rawng ai muk hte shagup nna nawng lu na n rai: shalai dat ai poi a hkugga shan hpe jahpawt du hkra tawn da lu na n rai. ²⁶ Na a yi hkauna na shawng ngai ai kaja htum ai nsi naisi hpe, na a Karai Kasang Yehowa a nta de nang la wa lu na rai ndai. Bainam kasha hpe kanu a chyu hte hkum shapyaw et, ngu wu ai. ²⁷ Bai Yehowa gaw, Ga ndai ni hpe ka da u: ga ndai hta tsun ai hku hkan nna, nang hte Israela kashu kasha ni hta ngai ga shaka tawn da se ai, ngu nna Mawshe hpe tsun wu ai.. ²⁸ Shingrai Mawshe gaw dai yang e, shat mung n sha ntsin mung n lu ai, mali shi ya tup Yehowa kaw nga nga ai. Dai lungpa yan hta, ga shaka ngu na, jep ai tara ga kanu shi, ka ya dat wu ai. ²⁹ Mawshe gaw dai sakse lungpa lahkawng la lang let, Sina bum na yu wa yang, shi Yehowa hte shaga ai majaw, shi a myiman ahpraw tu kabrim lu ai gaw Mawshe n chye wu ai. ³⁰ Arun hte Israela kashu kasha ni nlang Mawshe hpe hkap mu ma yang, yu u, shi a myiman ahpraw tu kabrim lu ai rai nna, shi kaw sit sa na shanhte hkrit nga ma ai. ³¹ Dai majaw Mawshe gaw shnhte hpe shaga la wu ai rai nna, Arun hte shawa hpawng a agyi salang ni shi hpang de sit sa ma ai: shaloi Mawshe shanhte hpe hkap shachyen wu ai. ³² Dai hpang Israela kashu kasha ni nlang hte sit sa ma ai rai nna, Sina bum hta Yehowa shi hpe tsun dat ai ga mahkra shi shanhte hpe tsun hti dan wu ai. ³³ Mawshe gaw shanhte hpe ga tsun ngut jang, shi a myiman hpe man magap hte magap da wu ai. ³⁴ Yehowa kaw shang ai shaloi, Mawshe gaw, bai pru wa hkra, shi a myiman magap raw da da di wu ai: shingrai bai pru nna, shi hpe hkang dat ai lam, Israela kashu kasha ni hpe htawn tsun tsun rai wu ai. ³⁵ Mawshe a myiman a hpyi ahpraw tu kabrim nga lu ai gaw, Israela kashu kasha ni mu ya mu ai: Yehowa hte ga tsun na sum kata de bai shang ai du hkra, shi a myiman magap Mawshe magap da da di wu ai.

¹ Shaloi Mawshe gaw Israela kashu kasha shawa hpung nlang hte hpe jahpawng tawn nna, Da ndai gaw nanhte hkan galaw lu na Yehowa hkang dat ai ga rai nga ai: ² Kru ya tup amu bungli nang galaw shachyen lu na rai ndai: sanit ya ngu na nhtoi gaw, nanhte hta chyoi pra ai shani, Yehowa matu ban sa nga lu na laban nhtoi kaba rai nga ai; dai nhtoi hta amu bungli galaw ai wa gaw si ai hkurm lu na rai nga ai. ³ Nanhte a nga shara shagu hta, laban nhtoi e, nanhte wan wut lu na myit dai n rai, ngu nna shanhte hpe htawn tsun wu ai. ⁴ Bai Mawshe gaw Israela kashu kasha ni a shawa hpung nlang hte hpe, Da ndai gaw Yehowa hkang dat ai ga rai nga ai: ⁵ Nanhte hta na Yehowa a matu kamhpaw kumhpa lahkawn la mu: kam ja ai myit hte jaw mayu ai masha hkum shagu, Yehowa a kumhpawkumhpa ngu na, aja, gumhpraw, magi; ⁶ sawn tsit ai, hkyeng mang ai, hkyeng tsawm ai ri, mani ai lachyit sumpan, bainam mun; ⁷ jaw shahkyen ai sagu la hpyi, tahkisha hpyi, marau hpun: ⁸ wan shatu na matu sau; chya ya na namman hte manam pyaw ai baw nat na matu, manam pyaw ai baw; ⁹ unkuk lungseng, dai hpa hkai lawng hte sinda magap hta hkrep na matu lungseng, re ai ni la sa marit. ¹⁰ Nanhte hta na myit hpaji rawng ai ni kadai mung Yehowa hkangda mada hte maren, ¹¹ sumpan nta hte de a sum, de a magap, de a chinghkyi, de a hpunpyen, de a htinggrang, de a shadaw ni hte machyaw ni hpe mung; ¹² bai sumpu hte de a dandang yan, chyeuuu magap hte grang na matu nba shinggang mung; ¹³ dai muk ku hte de a kandang, dai hte seng ai rai ni hte madun dan ai muk mung; ¹⁴ wan shatu na pyengdin shadun hte dai hte seng ai arai ni, de a pyengdin ni hte wan shatu na sau mung; ¹⁵ manam pyaw ai baw nat na matu hkungri hte de a kandang, chya na namman, manam pyaw ai baw, sumpan sum chyinghka grang na chyinghka grang mung; ¹⁶ wan nat hkungga nawng na tawn hkungri hte, de a magri magrang, de a kandang, dai hte seng ai arai nlang hte, ntsin htung hte de a shadun ku mung; ¹⁷ winggrang hte de a shadaw, de a mac;hyaw, wing chinghka grang na chyinghka grang mung; ¹⁸ sumpan sum ai mailak, wing a mailak hte de a sumri ni mung; ¹⁹ chyoi pra ai sha e dawjau yang na matu reng ai hpun palawng, hkinjawng amu gunhpai yang na matu hinjawng Arun hte shi a shadang sha ni bun hpun na chyoi pra ai hpun palawng mung, sa galaw maru, ngu nna tsun wu ai. ²⁰ Shaloi Israela kashu kasha shawa hpung mahkra hte Mawshe kaw na pru wa shjang nna, ²¹ tinang myit hta katu ai masha, kam jaw ai myit hte jaw na myit rawng ai hnlang hte gaw, dai shawa sum galaw na matu mung, dai hta dawjau na amu a matu mung, chyoi pra ai hpun palawng galaw na matu mung Yehowa hpe kumhpaw kumhpa di na nga la sa ma ai. ²² Kam jaw ai shawng myit rawng ai numsha lasha ni yawng, ja hkaidang, ladi shanghkawng, sachyawp, lahkawn, re ai aja arai ni la sa ai: Yehowa hpe aja kumhpa jaw ai ni yawng du sa ma ai. ²³ Sawm tsit ai, hkyeng mang ai, hkyeng tsawm ai ri hte, mani ai lachyit sumpan, bainam mun, jaw sahhkyeng ai sagu la hpyi, tahkisha hpyi re ai rai lu ai ni mung la sa ma ai. ²⁴ Gumhpraw hte magri kumhpa jaw ai ni mung, Yehowa kaw dai kumhpa la sa ma ai: dawjau na ari ni yawng a matu marau hpun lu ai ni mung, dai hpe la sa ma ai. ²⁵ Hpaji maka rawng ai numsha ni nlang hte mung tinang a lata hte ri ri nna hkyeng tsawm ai hte mani ai lachyit ri re ai ni la sa ma ai. ²⁶ Hpaji maka rawng ai hte tinang myit katu ai numsha ni nlang hte mung, bainam mun ri ma ai. ²⁷ Agyi salang ni mung unuk lungseng hte, hpa hkai lawng hte sinda magap hkrep na lungseng; ²⁸ wan shatu na matu, chya na namman matu, manam pyaw ai baw nat na matu, manam pyaw ai baw hte sau re ai ni la sa ma ai. ²⁹ Shingrai, Yehowa Mawshe hpe hkang dat ai amu lam shagu a matu, Israela kashu kasha ni hta kam jaw ai shawng myit katu ai numsha, lasha nlang hte Yehowa hpe shawang myit kumhpa s sak ma ai. ³⁰ Bai Mawshe gaw Israela kashu kasha ni hpe, Madat yu mu, Yehowa gaw Yuda lakung hta na Uri a kasha Hura a kashu Bezalela hpe amying hte shaga dang da nu ai; ³¹ shi gaw aja, gumhpraw, magri dup amu hte, nlung ka nna, hkrep ai amu, hpun tawk ai amu hte hpaji amu lam baw sumhpa chye wa nna, ³² hpaji hparat, zai byeng-ya, chye chyang ai lam hte seng ai hpaji amu baw sumhpa chye nna, ³³ reng hkik ai amu galaw chye na matu Karai Kasang a Wenyi shi hta jahpring nu ai. ³⁴ Shi hte Dan lakung hta na Ahisamak a kasha Aholiaba gaw, gale ni hpe sharin ya lu na matu, shan hta hpaji maka bang ya manu ai. ³⁵ Dai yan gaw, tawk sama amu, sawm tsit ai, hkyeng mang ai, hkyeng tsam ai hte mani ai lachyit ri a maka ka chye ai amu, da da ai amu, hpaji lam amyu myu hte na amu, reng kik ai hku galaw chye galaw na matu hpaji byeng-ya hte jahpring ai yan rai nga ma ai.

¹ Shingrai Bezalela yan Aholiaba hte Yehowa e hpaji hparat hte zai byeng-ya jahpring ai myitsu ai ni nlang hte gaw, Yehowa hkangda mada hte maren, dai chyoi pra ai shara a dawjau lam hte seng ai amu lam shagu hte hpe galaw na maru ai, ngu wu ai. ² Bai Mawshe gaw Bezalela yan Aholiaba hte, Yehowa hpaji hparat jaw bang nna, tinang myit hta dai amu galaw na myit katu ai, myitsu ai ni nlang hte hpe shaga la nn, ³ shanhte gaw, dai chyoi pra ai Nta hte seng ai dawjau na arai ni galaw na matu, Israela kashu kasha ni la sa ai kumhpa rai yawng Mawshe a lata na hkap la mu ai. Dai hta kaga kumhpap kumhpa jaw mayu ai ni jahpawt shagu naw la sa nga ma ai. ⁴ Hpaji rawng nna dai chyoi pra ai nta a dawjau rai galaw ai ni mung, langai hte langai tinang galaw ai amu hta na pru sa nna, ⁵ Yehowha hkangda ai hte galaw law na hta n-ga jan hkra la sa masai, ngu nna Mawshe hpetsun dan mu ai. ⁶ Sahloi Mawshe gaw, Dai chyoi pra ai nta hte seng ai dawjau na lam matu amu galaw ai amu galaw ai numsha lasha kadai mung, hkum bai galaw jat manit, nga nna dai dap ting hpe ga shana dat ai hte, amyu masha ni kumhpa la sa ai lam hpe shadim kau wu ai. ⁷ Lu la sai rai ni mung, dai amu mahkra hpe galaw ngut na matu law nna jan nga ai. ⁸ Shingrai myit hpaji rawng nna dai amu galaw ai ni gaw dai sumpan nta hpe nba grang shi hte galaw mu ai: dai nba grang ni gaw kaboi ngut sai mani ai lachyit ri, sawm tsit ai, hkyeng mang ai, hkyeng tsawm ai ri hte ka chye ai masha galaw ai hku Hkerubim sumla hte galaw ai rai malu ai. ⁹ Nba grang langai mi a galu de dawng hkun matsat, nda de dawng mali rai nna, nba grang langai mi a shadawn hte maren mahkra hte a rai nga ai. ¹⁰ Bai shi gaw nba grang manga hte hpe langai hte langai matut wu ai: bai nba grnag manga hte hpe langai hte langai matut wu ai. ¹¹ Shingrai matut ai nba grang a shakung hku, sawm tsit ai ri hte shangwang hku shakau wu ai: nba grang kaga a shakung hku mung dai hte maren di wu ai. ¹² Nba grang langai mi hta shangwang hku manga shi; bai matut nga ai kaga langai mi a shakung lam mi hta shangwnag hku manga shi di nna, dai shangwang hku shada hkrum hkrum rai nga ai. ¹³ Ja jet chyinghkyi manga shi mung shi galaw nna, dai chinghkyi hte nba grang yan hpe mahkai matut wu ai rai nna, dai wumpan sum gaw langai sha rai nga ai. ¹⁴ Bai, dai sumpan sum galup na matu, bainam mun hte nba grang shi langai shi galaw wu ai. ¹⁵ Nba grang langai mi a galu de dawng sumshi, nda de dawng mali di nna, nba grang shi langai hte ting maren rai nga ai. ¹⁶ Bai nba grang manga hte hpe, langai sha di nna matut wu ai; nba grang kru hpe mung langai sha di nna matut wu ai. ¹⁷ Matut ngut sai nba grang langaio mi a shakung lam mi hta, shangwang hku manga shi, bai langai mi a shakung lam mi hta shangwang hku manga shi di nna galaw wu ai. ¹⁸ Magri hte chyinghkyi manga shi mung shi galaw nna, dai chyinghkyi ni hpe shangwang hku ni hta mahkai matut nna, dai sum gaw langai sha rai nga ai. ¹⁹ Bai, sumpan sum galup na matu jaw shahkyeng ai sagu la hpyi hte magap langi mi, de a ntsa e tahki sha hpyi hte magap langai mi shi galaw wu ai. ²⁰ Bai sumpan sum a shakum matu marau hpun hte hpunpyen shadun mung shi galaw wu ai. ²¹ Hpunpyen langai mi a galu de dawng shi, nda de dawng me lahkam mi rai ngai ai. ²² Dai hpunpyen ni mahkra hpe langai mi hta daw hkkai lahkawng hkawng galaw bang nna, dai sumpan sum a hpunpyen mahkra hpe shing di galaw wu ai. ²³ Dai sumpan sum a dingda maga de na matu hpunpyen hkun shi galaw wu ai: ²⁴ dai hpunpyen hkun a htumpa de na matu, gumhpraw hte machyaw mali shi, jaw wu ai; hpunpyen langai mi hta na daw hkai lahkawng a matu machyaw lahkawng hkawng di wu ai. ²⁵ Dai hte maren dai sumpan sum a kaga maga, dai dingdung maga de na matu mung, ²⁶ hpunpyen hkun hte de a matu gumhpraw machyaw maili shi jaw nna, langai mi a htumpa e machyaw lahkawng hkawng di wu ai: ²⁷ dai sumpan sum a nbang ngu na sinna maga a matu mung, hpunpyen kru hte galaw wu ai. ²⁸ Dai sumpan sum a nbang jut lahkawng a matu mung, hpunpyen lahkawng shi galaw wu ai: ²⁹ dai lahkawng hpe htumpa de kahtap nna matu de na shanghkawng du hkra maren di wu ai: shing di dai jut lahkawng hpe shangut wu ai. ³⁰ Shingrai hpunpyen masat hte de a gumhpraw machyaw shi kru rai nga ai: hpunpyen langai mi a htumpa e machyaw lahkawng hkawng rai nga ai. ³¹ Bai marau hpun hte htinggrang mung shi galaw wu ai; sumpan sum a maga mi de na matu htinggrang manga nga galaw wu ai. ³² bai sumpan sum a nbang ngu na sinna mata de na hpunpyen ni a matu maung htinggrang manga galaw wu ai. ³³ Kaang na htinggrang hpe gaw nbang npan hkren jut htuk htuk tawk nna dinghkren wu ai. ³⁴ Dai hpunpyen ni hpe ja hte shi kayawp nna, htinggrang dinghkrawn na matu ja shanghkawng mung galaw shatut wu ai; dai htinggrang ni hpe mung ja sup wu ai. ³⁵ Bai, sawm tsit ai, hkyeng mang ai, hkyeng tsawm ai hte kaboi ngut sailachyit ri hte dai nba shinggang hpe shi galaw wu ai; dai hpe ka chye ai masha galaw ai hku Hkerubim sumla ka shakap wu ai. ³⁶ De a matu mung marau hppun hte shadaw mali, shi galaw nna, dai hpe ja hte kayawp wu ai:de a chyinghkyi ni mung ja rai nga ai: dai shadaw matu mung gumhpraw hte machyaw mali jaw wu ai. ³⁷ Bai, dai sum chyinghka a matu, sawm tsit ai, hkying mang ai, hkyeng tsawm ai hte kaboi ngut sai mani ai lachyit ri a ka chye ai masha da ai hku chyinghka grang langai mi mung, shi galaw wu ai: ³⁸ de a shadaw manga hte dai hta na chyinghkyi ni mung shi galaw nna, shadaw matu ni hte ngaugran ni hpe ja hte kayawp wu ai: de a machyaw manga chyawm gaw magri rai nga ai.

¹ Bai bezalela gaw marau hpun hte dai sumpu galaw wu ai: dai gaw galu de dawng lahkawng e lahkam mi, nda dawng mi lahkam mi, tsaw de dawng me lahkam mi rai nga ai: ² dai hpe kata, ntsa ja hte kayap wu ai: de a ntsa nten grup grup ja machyi shakau wu ai. ³ De a matu mung ja shanghkawng mali jaw la nna, de a jut mali hta maga mi de lahkawng hkawng shatut wu ai. ⁴ Marau hpun hte kandang mung shi galaw nna ja hte sup wu ai. ⁵ Dai sumpu hpe hpai na matu sumpu a maga mi hte maga mi de na shanghkawng ni hta dai kandang dinghkrawn da wu ai. ⁶ Ja jet hte chyeju magap mung shi galaw wu ai; dai mung galu de dawng lahkawng e lahkam mi, nda de dawng me lahkam mi rai nga ai. ⁷ Ja hte HKerubim lahkawng mung shi galaw wu ai; chyeju magap a matu maga mi hte maga mi hte maga mi de tawk nna galaw wu ai: ⁸ ndai matu de Hkerub langai mi, wora matu de Hkerub langai mi di nna, dai chyeju magap hkum hta nna, de a matu lahkawng maga hta Hkerubim lahkawng galaw shapraw wu ai. ⁹ Dai Hkerubim lahkawng yan myiman hkrum rai nna, dai chyeju magap de myiman yawng let, shan a shinkaw kahpyen nhtawm, chyeju magap hpe ka-up nga ma ai. ¹⁰ Bai, marau hpun hte dai ku mung shi galaw wu ai:dai gaw galu de dawng lahkawng, nda de dawng mi, tsaw de dawng me lahkam mi rai nga ai: ¹¹ dai hpe ja jet hte shi kayawp nna, de a grup grup ja hte htinggawt dat wu ai. ¹² Dai hta e de a matu grup grup lahpa hpa shakra da nna, dai kra ai a matu grup grup hpe mung ja hte machyi shakau wu ai. ¹³ De a matu ja hte shanghkawng malli mung shi jaw nna, de a lagaw mali hta na jut mali hta e dai shanghkawng ni hpe shatut da wu ai. ¹⁴ Dai ku hpai na matu dai kra ai a npu e shanghkawng ni hpe shatut da nna, dai gaw kandang dinghkrawn na shara rai nga ai. ¹⁵ Dai ku hpa na matu mung marau hpun hte kandang galaw nna ja jet hte kayawp wu ai. ¹⁶ Ku dai hte seng ai wan ni, chyaw ni, ang ni hte, ru jaw na gawm ni hpe, ja jet hte galaw wu ai. ¹⁷ Bai, ja jet hte dai pyengdin shadun shi galaw wu ai: dai pyengdin shadun na htumpa, madung, wan ni, gumdin ni hte nampan ni hpe langai sha di nna dup wu ai. ¹⁸ Dai madung hta nna maga mi de lahkying masum sum di nna lakying kru shapraw wu ai. ¹⁹ dai pyengdin madung hta na pru ai maga mi a lakying langai mi hta nampan pu zawn re ai wan masum hte de a gumdin masum yep yep rai nga ai: bai maga mi de na lakying langai mi hta mung nampan pu zawn re ai wan masum hte de a gumdin masum yep yep rai nga ai; dai zawn dai pyengdin madung hta na pru ai lakying kru hte hta shing re ai hkrai rai nga ai. ²⁰ Dai pyengdin madung hta mung nampan pu zawn ra ai wan mali hte de a gumdin mali yep yep rai nga ai; ²¹ bai lakying man shagu a matut ai npu e gumdin langai ngai rai nga ai; shingrai dai pyengdin madung na pru ai lakying man masum ting hta rai nga ai. ²² De a gumdin ni hte lakying ni hpe langai sha di nna, dup wu ai. ²³ Dai hta shadun na pyengdin sanit mung, de a lakap ni hte kap bang na wan ni mung, ja jet hte galaw wu ai. ²⁴ Dai pyengdin hte de a arai mahkra hpe ja jet joi shi hte galaw wu ai. ²⁵ Bai, manam pyaw ai baw nat na matu hkungri mung marau hpun hte shi galaw wu ai; de a galu de dawng mi, nda de dawng mi rai nna mali maga maren di galaw wu ai: de a tsaw de dawng lahkawng rai nga ai: de a nrung ni hpe mung dai hte langai sha di wu ai. ²⁶ Dai hpe ntsa maga de mung, nhkrem grup trup mung, nrung ni hta mung ja jet hte kayawp nna de a matu grup e ja htinggawt dat da wu ai. ²⁷ De a matu mung, shanghkawng lahkawng galaw nna, ja htinggawt a lawu hkawt, hkungri a magami hte maga mi de na jut yan hta shatut wu ai; dai gaw hpai na matu kandang dinghkrawn shara rai nga ai. ²⁸ De a kandang yan hpe marau hpun hte shi galaw nna ja hte sup wu ai. ²⁹ Manam pyaw ai baw hpaw chye ai wa hpaw ai hku, chya namatu chyoi pra ai namman mung, jet ai manam pyaw ai baw hpe mung, shi hpaw wu ai.

¹ Bai, marau hpun hte wan nat hkungga nawng na tawn hkungri mung shi galaw wu ai: de a tsaw de dawng masum rai nga ai. ² De a jut mali hta nrung mung shatut wu ai: dai nrung ni gaw kanu hte langai sha rai nga ai; dai hte hpe magri hte kayawp wu ai. ³ Dai tawn hkungri hte seng ai, di ni, shingban ni, angdung ni, shan chyinghkyi ni, wan ban pa ni mahkra hpe magri hte galaw wu ai. ⁴ Dai tawn hkungri a ka-ang hkup madawn a npu tup di nna, magrang na matu magri awa hte magrang mung, shi galaw wu ai. ⁵ Kandang dinghkrawn na matu dai magri magrang a jut mali hte hta e shatut na shanghkawng mli mung shi jaw wu ai. ⁶ Kandang yan hpe marau hpun hte shi galaw nna magri hte sup wu ai. ⁷ Tawn hkungri hpe hpai na matu, gade de na shanghkawng ni hta dai kandang yan hpe dinghkrawn da wu ai; dai hkungri hpe kata de kaman hpungkraw di nna hpunpyen hte galaw wu ai. ⁸ Bai, dawjau amu a majaw shawa sum chyinghka lam e sa hpawng hpawng re ai numsha ni a magri jamna la nna, dai ntsin htung hte de a shadun ku shi galaw wu ai. ⁹ Dai wing mung shi galaw wu ai: dai wing a maga mi na matu, dingda maga ngu na de, kaboi ngut sai mani ai lachyit ri hte dawng latsa galu ai winggrang langai mi galaw wu ai: ¹⁰ de a shadaw hkun hte de a magri machyaw hkun shi galaw nna, chyinghkyi ni hte ngaugran ni hpe gaw gumhpraw hte galaw wu ai. ¹¹ Dai hte maren dingdung maga ngu na de mung, dawng latsa galu ai winggrang hte shadaw hkun, magri machyaw hkun galaw nna chyinghkyi hte ngaugran ni hpe gumhpraw hte galaw wu ai. ¹² Bai sinna maga ngu na dai wing a nda de na matu, dawng manga shi galu ai winggrang hte shadaw shi machyaw shi galaw wu ai: shadaw ni a chyinghkyi ni hte ngaugran ni gumhpraw rai nga ai. ¹³ Sinpraw maga ngu na de mung dawng manga shi gang nga ai. ¹⁴ Dai wing chyinghka a maga mi de na wing grang dawng shi manga hte shadaw masum, machyaw masum rai nga ai: ¹⁵ bai maga mi de na mung dai hpe maren rai nga ai; dai wing a chyinghka lam a maga mi hte maga mi de, winggrang dawng shi manga nga, shadaw marum rum, machyaw masum sum rai nga ai. ¹⁶ Dai wing grup na nba grang nlang hte gaw mani ai lachyit ri hte da ai hkrai rai nga ai. ¹⁷ Shadaw a machyaw ni magri, chyinghkyi ni hte ngaugran ni gumhpraw rai nga ai; shadaw a matu ni hpe mung gumhpraw hte sup wu ai: dai wing na shadaw ni a ngaugran ni yawng gumhpraw rai nga ai. ¹⁸ Dai wing chyinghka e grang na matu, sawm tsit ai, hkyeng mang ai, hkyeng tsawm ai, kaboi ngut sai mani ai lachyit ri hte ka chye ai masha da ai chyinghka grang rai nga ai: dai gaw galu de dawng hkun rai nna tsaw de gaw wing grang kaga ni hte maren dawng manga rai nga ai. ¹⁹ De a shadaw mali magri machyaw mali hte, de a chyinghkyi ni mung gumhpraw, shadaw matu ni hte ngaugran ni mung gumhpraw rai nga ai. ²⁰ Sumpan sum hte wing a mailak ni yawng magri rai nga ai. ²¹ Ndai hte gaw, Mawshe hkangda ai hku hkan nna, dai sakse sumpan sum hte Lewi masha ni dawjau na amu a matu, hkinjawng Arun a kasha Ihtama hti tawn ai hte maren, sumpan sum hte seng ai arai ni a jahpan rai nga ai. Yehowa Mawshe hpe hkangda mada hte maren, Yuda lakung hta na Uri a kasha Hura a kashu Bezalela galaw wu ai. ²²²³ Dan a lakung hta na Ahasimak a kasha Aholiaba mung shi hpe shingtau wu ai; dai wa gaw nlung ka ai, lata maka rawng ai, sawm tsit ai, hkyeng mang ai, hkyeng tsawm ai, kaboi ngut sai mani ai lachyit ri hte maka chye ka ai wa rai nga ai. ²⁴ Dai chyoi pra ai shara na amu mahkra a matu ma ai ja gaw, dai chyoi pra ai shara na joi hku hkan yang, joi nitsa jahku shi sanit e hkan masum rai nga ai. ²⁵ Sahawa jahpan hta lawm ai ni jaw ai gumhpraw yawng gaw, dai chyoi pra ai shara na joi hku hkan yang, hkying me joi shi sanit e hkan sanit lap manga rai nga ai. ²⁶ Jahpan hta lawm ai hkun ning kaw nna dai hta jan ai ni yawng, sen kru e hkying masum, manga tsa manga shi rai ma ai hte maren shanhte langai hte langai jaw ai gaw, chyoi pra ai shara na joi hku hkahn yang, beka ngu ai, gumhpraw gyap gyap rai malu ai. ²⁷ Dai chyoi pra ai sum a machyaw ni hte nba shinggang a machyaw ni jaw na matu, gumhpraw joi hkying mi shang nga ai: machyaw langai mi hta joi shi shi shang ai rai nna machyaw latsa rai nga ai. ²⁸ Bai ngam ai joi shi sanit e hkan sanit lap manga hte, shadaw a chyinghkyi ni hte de a matu ni kayawp nna ngaugran ni hpe galaw wu ai. ²⁹ Magri kumhpa chyawm gaw joi sanit tsa e hkun mali rai nga ai. ³⁰ Magri dai hte shawa sum chyinghka a machyaw ni, magri tawn hkungri, magri magrang hte dai tawn hkungri hte seng ai rai nlang: ³¹ wing grup a machyaw ni, wing chyinghka a machyaw ni, sumpan sum a mailak nlang hte hte, wing grupyin na mailak nlang hte hpe mung, shi galaw wu ai.

¹ Bai, Yehowa Mawshe hpe hkangda ai hte maren, dai chyoi pra ai shara e dawjau yang bu hpun na matu reng hkik ai hpun palawng mung, Arun bu hpun na chyoi pra ai hpun palawng mung, sawm tsit ai, hkyeng mang ai, hkyeng tsawm ai sumpan hte shanhte galaw mu ai. ² Dai hpa hkai lawng hpe aja hte sawm tsit ai, hkyeng mang ai, hkyeng tsawm ai hte kaboi ngut sai mani ai lachyit ri hte galaw wu ai. ³ Dai ja hpe dup apa la nna sumri di zen la nhtawm, sawm tsit ai, hkyeng mang ai, hkyeng tsawm ai hte mani ai lachyit ri hte kayau nna, maka chye ai ni ka ai hku galaw mu ai. ⁴ Matut na matu gade de na shakung lahkawng hta nna lahpa mahkai lahkawng shanhte galaw mu ai. ⁵ Yehowa Mawshe hpe hkangda ai hte maren, kyit ma matu dai hte seng ai reng ai shingkyit mung, dai hpa hkai lawng hte langai sha di nna, aja, sawm tsit ai, hkyeng mang ai, hkyeng tsawm ai ri hte, kaboi ngut sai mani ai lachyit ri a galaw mu ai. ⁶ Dai unuk lungseng lahkawng mung shanhte shatsawm la nna, dazik hta ka shakap ai zawn, Israela kashu kasha ni a amying ka shakap nhtawm, ja hkalawk hta bang mu ai. ⁷ Shingrai Israela kashu kasha ni a matu masat dingsat nlung tai nga na, dai nlung yan hpe hpa hkai lawng a matut ai hpa hkai ntsa e shakap wu ai: dai gaw Yehowa Mawshe hpe hkangda ai hte maren rai nga ai. ⁸ Bai, hpa hkai lawng galaw ai hku, maka chye ai masha galaw ai hkan nna, aja, sawm tsit ai, hkyeng mang ai, hkyeng tsawm ai ri hte kaboi ngut sai mani ai sachyit ri a sinda magap mung shi galaw wu ai. ⁹ Dai gaw dingdung dingda maren jut mali rai nna, lahkawng hpan rai nga ai: de a galu maga lahkam mi nda maga lahkam mi rai nga nna, dai sinda magap gaw lahkawng hpam rai nga ai. ¹⁰ Dai hta lungseng lam mali hkrep da mu ai: langai ngu na lam hta, patemya, utahpaya, mya; ¹¹ lahkawng ngu na hta, lung hkyeng, nila, sin; ¹² masum ngu na hta wakintu, mahoya, htitun nila; ¹³ mali ngu na hta, myek-yoi unjk, naga htoi rai nga ai: langai hte langai ja hkalawk hta hkrep da mu ai. ¹⁴ Israela kashu kasha ni a amyu shi lahkawng rai nga ai hte maren, dai lungseng ni mung shanhte a amying hkan nna shi lahkawng rai nga ai; dazik hta tawk ka ai zawn langai hte langai hta mying kap nna amyu shi lahkawng a matu gu gu rai nga ai. ¹⁵ Sinda magap hta hkri ngut sai jinghkri zawn di nna ja jet hte saidawng galaw wu ai. ¹⁶ Bai, ja hte hkalawk lahkawng hte ja shanghkawng lahkawng shanhte galaw nna dai shanghkawng yan hpe sinda magap a ntsa jut lahkawng hta e shatut nhtawm; ¹⁷ dai ja saidawng lahkawng hpe sinda magap a ntsa na shanghkawng lahkawng hta noi mu ai. ¹⁸ Dai saidawng lahkawng a matu yan hpe hpa hkai lawng a hpa hkai ntsa na hkalawk yan hta noi da mu ai. ¹⁹ Bai, ja hte shanghkawng lahkawng shanhte galaw nna, dai sinda magap htap lahkawng hta na, hpa hkai lawng de jahtum ai htap a htumpa jut lahkawng hta shatut da wu ai. ²⁰ Bai ja hte shanghkawng lahkawng galaw nna, hpa hkai lawng a man maga nshang matu ang, dai reng ai shingkyit a ntsa hkawt e gade de na matut ai a makau e da yan hpe shatut wu ai. ²¹ Shingrai, dai sinda magap hpa hkai lawng a reng ai shingkyit a ntsa e rai nga nna hpa hkai lawng hte n hka na matu, sinda magap a ja shanghkawng yan hte hpa hka lawng a shanghkawng yan hpe sawm tsit ai sumri hte dun mu ai: dai gaw Yehowa Mawshe hpe hkangda ai hte maren rai nga ai. ²² Bai dai hpa hkai lawng hte seng ai ntsa palawng hpe sawm tsit ai ri hte sha du mu ai: ²³ dai hta lawng du dat nna, n je wa na matu, hpyen palawng hta na hpri lawng du zawn di hkawp wu ai. ²⁴ Dai ntsa palawng a htumpa matu grup e sawm tsit ai, hkyeng mang ai, hkyeng tsawm ai ri hte lachyit ri a galaw ai hkainu si hte, ²⁵ ja jet hte dingsi galw nna, ntsa palawng a htumpa grup e, hkaainu si langai hta ja dingsi langai din din di nna noi da wu ai: ²⁶ dawjau yang hpun na palawng hpe ja dingsi langai mi, hkainu si langai mi din din di nna shangut mu ai: dai gaw Yehowa Mawshe hpe hkangda ai hte maren rai nga ai. ²⁷ Bai, Arun hte shi a shadang sha ni a matu, ds la ai mani ai lachyit sumpan hte palawng mung, ²⁸ lachyit sumpan bunghkaw mung, mani ai lachyit sumpan hte tsawm htap ai baw chyawp mung, bu mung ²⁹ maka chye ai ni da ai kaboi ngut sai lachyit ri, sawm tsit ai, hkyeng mang ai, hkyeng tsawm ai ri hte da ai shingkyit mung galaw ya mu ai; dai gaw Yehowa Mawshe hpe hkangda ai hte maren rai nga ai. ³⁰ Ja jet apa hte dai chyoi pra ai htan bam mung shanhtegalaw nna, dazik hta tawk ka ai zawn, Yehowa a matu chyoi pra nga ai, nga nna dai hta e ka shakap nhtawm, ³¹ sawm tsit ai sumpan yan hta shakap nna bunghkaw a ntsa e gyit da wu ai: dai gaw Yehowa Mawshe hpe hkangda ai hte maren rai nga ai. ³² Shingrai Yehowa mawshe hpe hkangda ai hte maren Israela kashu kasha ni galaw nna dai shawa sum hte seng ai amu mahkra hpe galaw shangut mu ai: shingrai shanhte galaw ma ai. ³³ Israela kashu kasha ni gaw dai sumpan nta hte de a Sum, dai hte seng ai arai mahkra hte hte, chyinghkyi ni, hpunpyen ni ³⁴ jaw shahkyeng ai sagu la hpyi magap, tahkisha hpyi magap, kata e grang na nba shinggang; ³⁵ sakse sumpu hte de a kangdang, de a chyeju magap; ³⁶ muk ku hte dai hte seng ai rai ni, dai hta madun da na muk; ³⁷ jet ai pyengdin shadun hte, de a matu shading da ai pyengdin ni hte dai hte seng ai arai nlang, dai hta shatu na sau; ³⁸ ja hkungri, chya na namman, nat na manam pyaw ai baw, dai Sum a chinghka grang; ³⁹ magri tawn hkungri de a magri magrang, de a kandang hte dai hte seng ai rai nlang ntsin htung hte de a shadun ku; ⁴⁰ winbggrang, wings hadaw, de a machaw, wing chyinghka grang matu chinghka grang hte de a sumri ni, mailak ni hte shawa sum kata na ngu ai sumpan ni; ⁴¹ chyoi pra ai shara e dawjau yang bu hpun na hkik ai hpun palawng mung, hkinjawng amu gunhpai yang hkinjawng Arun bu hpun na chyoi pra ai hpun palawng mung, shi a shadang sha ni bu hpun na hpun palawng mung, ⁴² Yehowa Mawshe hpe hkangda mada hte maren, Israela kashu kasha ni galaw ngut nna Mawshe kaw la sa ma ai. ⁴³ Dai amu mahkra hpe Mawshe yu yu nna, Yehowa hkangda ai hte maren shanhte galaw ngut manu ai gaw, shi mu wu ai: dai rai nna Mawshe gaw shanhte hpe shaman ya wu ai.

¹ Bai, Yehowa gaw Mawshe hte ga tsun nna, ² Shata langai ngu na hta nnan shani e, dai shawa sum a sumpan nta nang sharawt na rai ndai. ³ Dai sum a kata e, dai sakse sumpu nang shawn da nna, nba shinggang hte grang da na rai ndai. ⁴ Mukku mung nang shawn nna, dai hta tawn da na arai ni hpe hpajang da na rai wu ai: dai pyengdin shadun mung nang shawn nna, pyengdin ni hpe mung shatu tawn na rai ndai. ⁵ Manam pyaw nat ai ja hkungri hpe mung, dai sakse sumpu a man ang e nang tawn da nna, dai sumpan nta na chyinghka lam e dai chyinghka grang grang da na rai wu ai. ⁶ Dai wan nat hkungga a hkungri hp mung, shawa sum a sumpan nta a chyinghka lam ang ang e nang tawn da na rai wu ai. ⁷ Dai ntsin htung hpe mung, shawa sum hte tawn hkungri a lapran e nang shadun da nna, dai hta ntsin ja bang na rai wu ai. ⁸ Dai wing grup dai winggrang nang sharaw nna, wingchyinghka lam e chyinghka grang grang da na rai wu ai. ⁹ Chya na namman mung nang la nna, sumpan nta hte dai hta rawng ai rai nlang hpe chya ai hte, dai sumpan nta hte dai hta rawng ai rai nlang hte hpe shachyoi shapra na rai wu ai: shingrai dai hte gaw chyoi pra nga na ra ai. ¹⁰ Wan nat hkungga tawn hkunggri hte de arai nlang hte hpe mung nang chya nna dai hpe shachyoi shapra ai hte, dai tawn hkunggri gaw chyoi pra htum ai hkungri rai nga na ra ai. ¹¹ Dai ntsin htung hte, de a shadun ku hpe mung nang chya nna shachyoi shapra na rai wu ai. ¹² Arun hte shi a shadang sha ni hpe mung shawa sum chyinghka lam de nang woi la nna shanhte hka shin na rai mu ai. ¹³ Arun hpe mungdai chyoi pra ai hpun palawng nang jahpun nna, nye a man e hkinjawng amu gun nga na matu, shi hpe namman chya ai hte shachyoi shapra na rai wu ai. ¹⁴ Shi shadang sha ni hpe mung nang woi la nna, hpun palawng jahpun nhtwm, ¹⁵ nye a man e hkinjawn amu gun hpa nga lu na matu, shanhte a kawa hpe chya ai zawn shanhte hpe mung namman chya na rai wu ai: shanhte hpe namman chya ai lam gaw shanhte a shu mashi shu masha prat dingsa na hkinjawng lam a hkringhtawng rai malu ai, ngu wu ai. ¹⁶ Mawshe hte maren shingrai galaw wu ai. ¹⁷ Shingrai ni ning shaning, shata langai a nnan shani hta Mawshe gaw dai sumpan nta sharawt wu ai. ¹⁸ Mawshe gaw dai sumpan nta sharatwt wu yang, de a mschaw ni bang da nna, hpunpyen ni hpe shadun nhtawm, htinggrang ni dinghkrawn ai hte de a shadaw ni sharawt da wu ai.: ¹⁹ Dai sumpan nta ntsa e dai sum shi kahpyen galup nna, dai sum ntsa e mung de a magap bai galup wu ai: dai gaw Yehowa Mawshe hpe hkangda ai hte maren rai nga ai. ²⁰ Bai, dai sakse lungpa shi la nna dai sumpu hta bang nhtawm, dai sumpu hta kandang dinghkrawn nna de a chyeju magap hte dai hpe magap tawn wu ai: ²¹ dai sumpu hpe sumpan nta nhku e shi shawn da nna, dai sakse sumpu hpe shinggang da na matu, nba shinggang grang da wu ai:dai gaw Yehowa Mawshe hpe hkangda ai hte maren rai nga ai. ²² Muk ku hpe mung dai shawa suma sumpan nta a nhku e, dai nba shinggang a shinggan, dingdung maga de tawn da wu ai: ²³ dai ku hta Yehowa a man e madun dan ai muk mung shi mara da wu ai: dai gaw Yehowa Mawshe hpe hkangda ai hte maren rai nga ai. ²⁴ Pyengdinshadun mung, dai shawa sum a sumpan nta a nhku, dingda maga, muk ku hte tawtap e shi tawn da nna, ²⁵ Yehowa a man e pyengdin ni hpe shatu tawn wu ai: dai gaw Yehowa Mawshe hpe hkangda ai hte maren rai nga ai. ²⁶ Ja hkungri hpe mung shawa suma sumpan nta nhku, dai nba shinggang a shinggan e tawn da nna, ²⁷ dai hkungri hta manam pyaw ai baw nat da wu ai: dai gaw Yehowa Mawshe hpe hkangda hte maren rai nga ai. ²⁸ Dai sumpan nta a chyihghka lam e mung, dai chyinghka grang shi grang da wu ai. ²⁹ Wan nat hkungga a tawn hkungri hpe mung, shawa sum a sumpan nta chyinghka lam ang e tawn da nna, dai tawn hkungri hta wan nat hkungga hpe mung, shadung kumhpa hpe mung nat nawng wu ai: dai gaw Yehowa Mawshe hpe hkangda ai hte maren rai nga ai. ³⁰ Ntsin htung hpe mung shawa sum hte tawn hkungri a lapran e shi tawn da nna, kashin kamun rai na matu, dai hta e ntsin bang da wu ai. ³¹ Mawshe mung, Arun hte shi a shadang sha ni mung dai hta lagaw lata shin ma ai: ³² shawa sum nhku de shang na rai yang munbg, tawn hkungri de sit sa na rai yang mung, shanhte shin ma ai: dai gaw Yehowa Mawshe hpe hkangda ai hte maren rai ngta ai. ³³ Dai sumpan nta hte tawn hkungri a grupyin e dai wing shi sharawt nna, dai wing a chyinghka lam e chyinghka grang grang da wu ai. Shingrai Mawshe gaw dai amu hpe shangut wu ai. ³⁴ Shaloi dai sumwi gaw shawa sum hpe ka-up nna Yehowa a hpung shingkang dai sumpan nta hta hpringnga ai. ³⁵ Shingrai dai sumwi gaw shawa sum hpe ka-up nga ai hte Yehowa hpung shingkang dai sumpan nta hta hpring nga ai majaw dai kata de Mawshe n shang lu wu ai. ³⁶ Dai sumpan nta ntsa na sumwi shalun la jang, Israela kashu kash ni gaw shanhte hkawm sa wa na lam de hkawm sa wa wa rai ma ai: ³⁷ dai sumwi n shalun la yang gaw, shalun la ai shani du hkra n hkawm n sa ai nga nga rai ma ai. ³⁸ Kaning rai nme law, Israela nta masha ni hkawm sa wa ai lam dingdung hta, shanhte mahkra a man e Yehowa a sumwi gaw sumpan nta ntsa e, shani e jung nga nna, shana e dai nhku hta wan htoi nga ai.