HKAWHKAM LABAU LAIKA LANGAI

HKAWHKAM LABAU LAIKA LANGAI

¹ Adam, Shet, Enusha; ² Kenan, Mahalela, Yared; ³ Enuk, Mahtusala, Lamek; ⁴ Noa, Shem, Ham, Yahpet hte rai ma ai. ⁵ Yahpet a shadang sha ni gaw, Goma, Magoga, Madai, Yawan, Htubala, Meshek, Htira hte rai ma ai. ⁶ Goma a shadang sha ni gaw, Ashkena, Rihpat, Htugama hte rai ma ai. ⁷ Yawan a shadang sha ni gaw, Elisha, Tarshi, Kihtim, Dodanim hte rai ma ai. ⁸ Ham a shadang sha ni gaw, Hkusha, Mizra-im, Hput, Hkanan hte rai ma ai. ⁹ Hkusha a shadang sha ni gaw, Seba, Hawila, Saphta, Rama, Sabhtahka hte rai ma ai. Rama a shadang sha gaw Sheba yan Dedan rai ma ai. ¹⁰ Hkusha gaw Nimrod hpe mung shaprat wu ai; dai wa gaw ga ntsa e kaba hpang ai wa rai nga ai. ¹¹ Mizra-im gaw Ludim, Anamim, Lehabim, Naphtuhim. ¹² Hpahtrusim, Hkasluhim, Hkaphturim amyu ni hpe shaprat wu ai: Hpiliste masha ni gaw Hkasluhim amyu hta na rai ma ai. ¹³ Hkanan gaw shi a kasha alat Sidon hte Het, ¹⁴ Yebusi, Amori, Girgashi; ¹⁵ Hiwi, Arki, Sini; ¹⁶ Arwadi, Zimari, Hamahti amyu ni hpe shaprat wu ai. ¹⁷ Shem a shadang sha ni gaw, Elam, Ashura, Arhpaza, Luda, Aram, Uza, Hula, Gehta, Meshek hte rai ma ai. ¹⁸ Arhpaza gaw Shela hpe shaprat wu ai; Shela gaw Ebera hpe shaprat wu ai. ¹⁹ Ebera mung shadang sha lahkawng shaprat wu ai: Langai wa a amying gaw Hpelek rai lu ai: kaning rai nme law, dai wa a prat e lamu ga hpe karan la ma ai; kanau wa a amying gaw Yoktan rai lu ai. ²⁰ Yoktan gaw, Almoda, Shalep, Hazarmawet, Yerak; ²¹ Hadoram, Uzala, Dikla; ²² Ebala, Abimela, Sheba, ²³ Ohpira, Hawila, Yoba hte hpe shaprat wu ai: ndai hte mahkra gaw Yoktan a shadang sha ni rai ma ai. ²⁴ Shem, Arhpaza, Shela; ²⁵ Ebera, Hpelek, Reu; ²⁶ Seruk, Nahura, Htera, ²⁷ Abraham ngu ai Abram rai ma ai. ²⁸ Abraham a shadang sha yan gaw, Isak hte Ishmaela rai ma ai. ²⁹ Da ndai gaw shanhte a lakung lama ni rai nga ma ai: Ishmaela a kasha la hpunglat gaw Nabaiyut: dai kaw nna Kedara, Adebela, Mibsam; ³⁰ Mishma, Duma, Masa, Hadad, Tema; ³¹ Yetura, Nahpisha, Kedma rai ma ai. Dai hte gaw Ishmaela a kashu kasha ni rai ma ai. ³² Bai Abraham a lashi num Ketura a kashu kasha ni gaw, Zimran, Yokshan, Medan, Midian, Yishbak, Shua hte rai ma ai. Yokshan a kasha yan gaw Sheba hte Dedan rai ma ai. ³³ Midian a kasha ni gaw, Ehpa, Epera, Hanuk, Abida, Eleda hte rai ma ai: dai hte yawng Ketura kashu kasha ni rai ma ai. ³⁴ Bai Abraham gaw Isak hpe shaprat wu ai. Isak a kasha yan gaw, Esaw hte Israela rai ma ai. ³⁵ Esaw a shadang sha ni gaw, Elihpa, Reuela, Yeusa, Yalam, Kora hte rai ma ai. ³⁶ Elihpa a shadang sha ni gaw, Hteman, Umara, Tsehpi, Gahtam, Keneza, Htimna, Amalek hte rai ma ai. ³⁷ Reuela shadang sha ni gaw, Nahat, Zera, Shama, Miza hte rai ma ai. ³⁸ Seira a shadang sha ni gaw, Lotan, Shobala, Zibeun, Ana, Dishon, Ezera, Dishan hte rai ma ai. ³⁹ Lotan a shadang sha yan gaw Hori hte Homam hte rai ma ai; Lotan a kajan gaw Htimna rai lu ai. ⁴⁰ Shobala a shadang sha ni gaw, Alian, Manahat, Ebala, Shehpi, Unam hte rai ma ai. Zibeun a shadang sha yan gaw, Aya hte Ana rai ma ai. ⁴¹ Ana a kasha gaw Dishon rai lu ai. Dishon a shadang sha ni gaw, Hamran, Eshban, Yitran, Hkeran hte rai ma ai. ⁴² Ezera a shadang sha ni gaw, Bilahan, Zawan, Yakan hte rai ma ai. Dishan a shadang sha yan gaw Uza hte Aran rai ma ai. ⁴³ Da ndai gaw Israela kashu kasha ni hta hkawhkam garai n nga yang, Edom mung e up ai hkawhkam ni rai nga ma ai. Beora a kasha Bela gaw hkaw dung nna, shi a mare a amying gaw Dinhaba rai lu ai. ⁴⁴ Bela si mat nna, Bozra mare na Zera a kasha Yoba gaw shi a aya hta shang dung wu ai. ⁴⁵ Yoba si mat yang, Hteman mung na Husham gaw shi a malai shang dung wu ai. ⁴⁶ Husham si mat yang, Moba pa ga e Midian masha ni hpe gasat kau ai Bedada a kasha Hadad gaw, shi a aya hta shang dung wu ai: shi a mare a amying gaw Awit rai lu ai. ⁴⁷ Hadad si mat yang, Masreka shara na Samla gaw shi a aya hta shang dung wu ai. ⁴⁸ Samla si mat nna, dai hka makau e nga ai Rehubut shara na Sha-ula gaw shi a aya hta shang dung wu ai. ⁴⁹ Sha-ula si mat nna, Akbura a kasha Bala-hanan gaw shi a aya hta shang dung wu ai. ⁵⁰ Bala- hanan si mat nna, Hadad gaw shi a aya hta shang dung wu ai: shi a mare a amying gaw Pai ngu ai rai lu ai; shi a madu jan a amying gaw Mehetabela rai nga ai: shi gaw Mezahaba a kasha Matreda a shayi sha rai nga ai. ⁵¹ Ya Hadad mung si mat sai. Edom mung a du ni gaw ndai hte rai nga ma ai: du Htimna, du Alia, du Yehtet; ⁵² du Oholibama, du Ela, du Pinon; ⁵³ du Kena, du Hteman, du Mibzara; ⁵⁴ du Magdiela, du Iram hte rai ma ai. Dai ni gaw Edom mung na du ni rai nga ma ai.

¹ Israela a shadang sha ni gaw, Rubin, Simun, Lewi, Yuda, Yisahka, Zebulun, ² Dan, Yosep, Ben-yamin, Naphtali, Gad, Ashe hte rai ma ai. ³ Yuda a shadang sha ni gaw, Era, Onan, Shela hte rai ma ai: dai masum gaw Hkanan num Shua hta shaprat ai rai ma ai. Yuda a kasha alat Era gaw Yehowa man e n hkru nga ai rai nna, Yehowa shi hpe sat kau wu ai. ⁴ Shi a kanam Htama gaw shi a matu Hparet yan Zerak hpe shaprat wu ai. Yuda a kasha ni yawng marai manga rai ma ai. ⁵ Hparet kasha yan gaw, Hezron hte Hamula rai nga ma ai. ⁶ Zerak a shadang sha ni gaw, Zimri, Ehtan, Heman, Hkalakola, Dara hte rai ma ai; yawng gaw marai manga rai nga ma ai. ⁷ Hkarmi a kasha Ahkara rai nga ai: shi gaw dai majai kau ai rai ni hpe lagu la wu ai rai nna, Israela amyu hpe sharu shatsang kau wu ai. ⁸ Bai Ehtan a kasha gaw Azaria rai lu ai. ⁹ Hezron shaprat ai shadang sha ni gaw, Yeramela, Ram, Hkelubai. ¹⁰ Ram gaw Aminada hpe shaprat wu ai: Aminada gaw Yuda kashu kasha ni a du Nasun hpe shaprat wu ai. ¹¹ Nasun gaw Salma hpe shaprat wu ai; Salma gaw Bua hpe shaprat wu ai; ¹² Bua gaw Obed shaprat wu ai; Obed gaw Yese hpe shaprat wu ai; ¹³ Yese gaw shi a kasha alat Eliaba, lahkawng ngu na Abinadab, masum ngu na Shima, ¹⁴ mali ngu na Nahtanela, manga ngu na Radai; ¹⁵ kru ngu na Ozem, sanit ngu na Dawi hpe shaprat wu ai: ¹⁶ shanhte a kajan yan gaw, Zeruia hte Abigala rai nga ma ai. Zeruia shadang sha ni gaw, Abishai, Yoba, Asahela hte rai ma ai. ¹⁷ Abigala gaw Amasa hpe shaprat wu ai: Amasa a kawa gaw Ishmaela amyu Yehtera rai nga ai. ¹⁸ Bai Hezron a kasha Hkaleb gaw, shi a madu jan Azuba hta Yeriot hpe shaprat wu ai; shi a kasha ni gaw Yeshera, Shoba, Ardon hte rai ma ai. ¹⁹ Azuba si mat ai hpang, Hkaleb gaw Ehprat hpe la nna, Hura hpe shaprat wu ai. ²⁰ Hura gaw Uri hpe, Uri gaw Bezalela hpe shaprat wu ai. ²¹ Dai hpang Hezron gaw asak kru shi ning du sayang, Gilead a kawa Mahkira a shayi sha kaw shang nhtawm, shi hpe la nna, shi gaw Seguba hpe shaprat wu ai. ²² Seguba gaw Yaira hpe shaprat wu ai: dai wa gaw, Gilead mung hta e mare hkun masum hte hpe up nga ai. ²³ Bai Geshura yan Aram gaw Kenat hte hpawn, Yaira mare ni hte kahtawng kru shi kashun la mu ai. Dai hte yawng gaw Gilead kawa a Mahkira a kashu kasha ni rai ma ai. ²⁴ Ya Hezron gaw Hkaleb-ehprahta e si mat ai hpang, Hezron a madu jan Abiya gaw Tekoa kawa Ashura hpe shangai wu ai. ²⁵ Bai Hezron a kasha alat Yeramela shadang sha ni gaw, kasha a lat Ram hte Buna. Oren, Ozem, Ahiya hte rai ma ai. ²⁶ Yeramela gaw Atara mying ai kaga madu jan mung lu ai rai nna, shi gaw Onam a kanu rai nga ai. ²⁷ Bai Yeramela a kasha alat Ram a shadang sha ni gaw Maza, Yamin, Ekera hte rai ma ai. ²⁸ Onam a shadang sha yan gaw Shamai hte Yada rai ma ai. Shamai a shadang sha yan gaw Nadab hte Abishura rai ma ai. ²⁹ Abishura a madu jan a amying gaw Abihala rai lu ai; shi gaw kasha Aban hte Molid hpe shangai wu ai. ³⁰ Nadab a kasha yan gaw Seled hte Apa-im, Seled chyawm gaw kasha n kap ai si mat sai . ³¹ Apa-im a kasha Ishi:Ishi a kasha Sheshan; Sheshan a kasha Alai. ³² Shamai a kanau Yada a shadang sha yan gaw, Yehtera hte Yonahtan rai ma ai; Yehtera chyawm gaw kasha n kap ai si mat sai. ³³ Yonahtan a kasha yan gaw, Pelet hte Zaza rai ma ai. Dai ni gaw Yeramela a lakung lama ni rai nga ma ai. ³⁴ Sheshan chyawm gaw shadang sha n lu ai, shayi sha hkrai rai lu ai. Bai Sheshan gaw Yara mying ai Egutu mung na mayam la langai mi lu ai. ³⁵ Sheshan gaw shi a mayam Yara hpe, shi a shayi sha ya wu ai rai n na, shi gaw kawa a matu Atai hpe shangai wu ai. ³⁶ Atai gaw Nahtan hpe shaprat wu ai; Nahtan gaw Zabad hpe shaprat wu ai; ³⁷ Zabad gaw Epla shaprat wu ai; Epla gaw Obed hpe shaprat wu ai; ³⁸ Obed gaw Yehu hpe shaprat wu ai. Yehu gaw Azaria hpe shaprat wu ai. ³⁹ Azaria gaw Hele hpe shaprat wu ai. Hele gaw Eleasa hpe shaprat wu ai. ⁴⁰ Eleasa gaw Sismai hpe shaprat wu ai; Sismai gaw Shalum hpe shaprat wu ai; ⁴¹ Shalum gaw Yekamia hpe shaprat wu ai; Yekamia gaw Elishama hpe shaprat wu ai. ⁴² Bai Yeramela a kanau Hkaleb a shadang sha ni gaw, shi a kasha alat Zihpa a kawa Mesha hte, Hebron a kawa Maresha a kasha ni rai nga ma ai. ⁴³ Hebron a shadang sha ni gaw, Kora, Tapua, Rekem, Shema hte rai ma ai. ⁴⁴ Shema gaw Yorkeam a kawa Raham hpe shaprat wu ai; Rekem gaw Shamai hpe shaprat wu ai. ⁴⁵ Bai Maon gaw Shamai a kasha rai nga ai; Maon mung Betzura a kawa rai nga ai. ⁴⁶ Hkaleb a lashi num Ehpa gaw, Haran, Moza, Gaze hte hpe shangai wu ai; bai Haram gaw Gaze hpe shaprat wu ai. ⁴⁷ Bai Yadai a shadang sha ni gaw, Regem, Yohtan, Geshan, Pelet, Ehpa, Shahpa hte rai ma ai. ⁴⁸ Hkaleb a lashi num Mahka gaw, Shebera yan Tirhana hpe shaprat wu ai. ⁴⁹ Dai hta kaga shi gaw, Madmana a kawa Shahpa Makbena yan Gibea a kawa Shewa hpe mung shaprat wu ai: Hkaleb a shayi sha gaw Aksa rai nga ai. ⁵⁰ Da ndai gaw Ehprahta a kasha alat Hura a kasha Hkaleb a shadang sha ni rai nga ma ai: Kiriat-yarim a kawa Shobala; ⁵¹ Betlehem a kawa salma; Bet-gadera a kawa Harep hte rai ma ai. ⁵² Bai Kiriat-yarim kawa Shobala a kasha yan gaw, Haroe ngu ai Menuhot chyen mi up nga ma ai. ⁵³ Bai Kiriatyarim a lakung lama ni gaw, Ihtri masha ni, Puhti masha ni, Shumahti masha ni Mishrai masha ni rai ma ai; dai ni hta nna Zorahti masha ni hte Eshtaoli masha ni pru ma ai. ⁵⁴ Salma a kashu kasha ni gaw, Betlehem hte Netohpa, Atrot-bet-yoba hte Zori ngu ai, Manahati amyu chyen mi rai nga ma ai. ⁵⁵ Bai Yabet mare e nga ai laika ka ai amyu ni gaw, Tirahti, Shimehti, Suhkahti ni rai ma ai. Dai ni gaw Rehkab dap ni a kawa, Hamat kaw nna karan wa ai, Keni amyu masha ni rai ma ai.

¹ Da ndai gaw Hebron mare e shangai ai Dawi a shadang sha ni rai ma ai: Yezrela num Ahinoam, kasha alat Amanon; lahkawng ngu na, Hkarmela num Abigala a kasha Daniela; ² masum ngu na, Geshura hkawhkam Talamai a shayi sha Mahka a kasha Absalom; mali ngu na Hagit a kasha Adoniya; ³ manga ngu na, Abitala a kasha Shehpati; kru ngu na, shi a numdung jan Egla a kasha Itream hte rai ma ai: ⁴ Hebron mare hta e shi a kasha kru hte hpe shaprat wu ai: shi gaw dai yang e sanit ning e shata kru up wu ai; Yerusalem mare hta e sumshi masum ning up nga ai. ⁵ Yerusalem e shaprat ai shi a kasha ni gaw, Shimea, Shoba, Nahtan, Shawlumon; dai mali gaw Amiela a shayi sha Bat-shua hta shaprat ai rai ma ai: ⁶ dai hta kaga, Iba, Elishama, Elihpelet ⁷ Noga, Nehpeg, Yahpia. ⁸ Elishama, Eliada, Elihpelet ngu na jahku rai ma ai. ⁹ Da ndai yawng, lashi num ni a shadang sha ni n tsun ai, Dawi a shadang sha ni hkrai rai nga ma ai: shanhte a kajan gaw Htama rai malu ai. ¹⁰ Ya Shawlumon a kasha Rehoboam;Rehoboam a kasha Abiya; Abiya a kasha Asa; Asa a kasha Yeehosahpat; ¹¹ Yehosahpat a kasha Yoram; Yoram a kasha Ahazia; Ahazia a kasha Yosha; ¹² Yosha a kasha Amazia; Amazia a kasha Azaria; Azaria a kasha Yohtam ¹³ Yohtam a kasha Ahaza; Ahaza a kasha Hezekia; Hezekia a kasha Manashe; ¹⁴ Manashe a kasha Amon; Amon a kasha Yoshia rai nga ai. ¹⁵ Yoshia shadang sha ni gaw, kasha alat Yohanan; lahkawng ngu na Yehoiakim; masum nga na, Zedekia; mali ngu na Shalum hte rai ma ai. ¹⁶ Yehoiakim a kasha yan gaw, Yehkonia hte Zedekia rai ma ai. ¹⁷ Bawngdung hkrum ai Yehkonia shadang sha ni gaw Shalatela, ¹⁸ Malhkiram, Pedaia, Shenaza, Yekamia, Hoshama, Nedabia hte rai ma ai. ¹⁹ Pedaia a shadang sha yan gaw, Zerubabela hte Shime rai ma ai. Zerubabela shadang sha ni gaw Meshulam yan Hanania; bai, ²⁰ Hashuba, Ohela, Berehkia, Hasadia, Yushabhesed, manga ngu na, rai ma ai:shanhte a kajan gaw Shelomit rai nga ai. ²¹ Hanania shadang sha yan gaw, Pelati hte Yeshaia rai ma ai. Yeshaia kasha Rehpaia; Rehpaia kasha Arnan; Arnan a kasha Obadia; Obadia kasha Shehkania; ²² Shehkania a kasha Shemaia rai nga ai. Shemaia shadang sha ni gaw, Hatu, Igala, Baria, Naria, Shahpat: dai gaw kru rai nga ma ai. ²³ Bai Naria shadang sha ni gaw, Elionai, Hizkia, Azrikam; yawng masum rai ma ai. ²⁴ Elionai a shadang sha ni gaw, Hodawia, Eliashib, Pelaia, Akub, Yohanan, Delaia, Anani, yawng marai sanit rai ma ai.

¹ Yuda a shadang sha ni gaw, Hparet, Hezron, Hkarmi, Hura, Shobala hte rai ma ai. ² Shobala a kasha Reaia gaw Yahat hpe shaprat wu ai. Yahat gaw Ahumai yan Lahad hpe shaprat wu ai. Da ndai gaw Zorahti dap ni rai nga ma ai. ³ Bai, dai ni gaw Etam a kawa a kashu kasha ni rai nga ma ai: Yezrela, Ishma, Idbash hte shanhte a kajan Hazeleponi: ⁴ Gedora kawa Penuela; Husha a kawa Ezera hte rai ma ai: dai ni gaw, Betlehem a kawa Ehprahta a kasha alat Hura a dap ni rai nga ma ai. ⁵ Tekoa a kawa Ashura gaw, Hela hte Nara mying ai num lahkawng lu ai . ⁶ Nara a kasha ni gaw, Ahuzam, Hehpera, Temeni, Hashtari hte rai ma ai. Dai ni gaw Nara a kashu kasha ni rai ma ai. ⁷ Hela a kasha ni gaw, Zeret, Izhara, Etnan hte rai ma ai. ⁸ Bai Hakoza gaw, Anub yan Zobeba hte Harum a kasha Ahazela a dap ni hpe shaprat wu ai. ⁹ Yabet gaw shi a kahpu kanau ni hta arawng grau lu nga ai: shi a kanu gaw, Yawnhkyen hkrum let ngai shi hpe shaprat se ai, nga nna Yabet shamying wu ai. ¹⁰ Yabet mung, Israela Karai Kasang hpe, Nang ngai hpe shaman ya nna, nye a lamu ga jarit dam lada di ya e! Ngai yawnhkyen ai hta lawt lu n ga na a lahpum hte n hkru n hkra ai hta na ngai hpe magawp maga la e! ngu nna hpyi jahtau wu ai.Karai Kasang mung shi hpyi ai ga madat mara ya wu ai. ¹¹ Bai Shupa kanau Hkelub gaw Eshton a kawa Mehira hpe shaprat wu ai. ¹² Eshton gaw, Bet-rahpa, Pasea, Irnahasa a kawa Tehina hpe shaprat wu ai. Dai ni gaw Rehka amyu ni rai nga ma ai. ¹³ Kenaza a shadang sha yan gaw, Otniela hte Seraia rai ma ai. Otniela a kasha gaw Hahtat rai nga ai. ¹⁴ Bai Meonohtai gaw Ohpra hpe shaprat wu ai; Seraia gaw Ge-harashim a kawa Yoba hpe shaprat wu ai: shanhte gaw Iasama ni rai nga ma ai. ¹⁵ Bai Yehpuna a kasha Hkaleb a shadang sha ni gaw, Iru, Ela, Na-an hte rai ma ai: Ela yan Kenaza mung kasha lu ma ai. ¹⁶ Yehalela shadang sha ni gaw, Zip, Zihpa, Tiria,Asarela hte rai ma ai. ¹⁷ Ezra a shadang sha ni gaw, Yehtera, Mered, Ehpera, Yalon hte rai ma ai: Mered a madu jan Miriam, Shamai hte Eshtemoa a kawa Ishba hpe shaprat wu ai. ¹⁸ Bai shi a madu jan Yuda num gaw, Gedora kawa Yered, Sohko a kawa Hebera, Zanoa kawa Yekuhtila hpe shaprat wu ai. Dai ni gaw Mered la ai Hpara-u a shayi sha Bihtia a kashu kasha ni rai ma ai. ¹⁹ Bai Nahan a kajan, Hodia madu jan a kasha ni gaw, Garmi masha Keila a kawa hte Mahkahti masha Eshtemoa rai ma ai. ²⁰ Shimon a shadang sha ni gaw, Amnon, Rina, Benhanan, Tilon hte rai ma ai. Ishi a shadang sha yan gaw Zohet hte Ben-zohet rai ma ai. ²¹ Yuda a kasha Shela a shadang sha ni gaw, Lehka a kawa Era. Maresha a kawa Lada hte, mani ai lachyit sumpan chye da ai Ashbea dap ni hte. ²² Yokim, Hkozeba amyu masha ni, Yoasha hte Moba ga hte Yashubi-lehem up ai Sarap hte rai ma ai: gawn da ai labau ga gaw, moi na ga rai nga ai. ²³ Shanhte gaw dibu sama ni hte, Netim e, Gedera e dung nga ai ni rai nga ma ai: shanhte makan galaw let, hkawhkam wa hte rau dai yang e nga ma ai. ²⁴ Simun a shadang sha ni gaw, Nemuela, Yamin, Yarib, Zera, Sha-ula hte rai ma ai: ²⁵ Sha-ula a kasha Shalum; Shalum a kasha Mibsan; Mibsan a kasha Mishma, rai ma ai. ²⁶ Mishma a kasha ni gaw Hamula, Zahkura, Shime hte rai ma ai. ²⁷ Shime gaw shadang sha shi kru hte shayi sha kru hte hpe shaprat wu ai: shi a kanau ni chyawm gaw kasha law law n lu ma ai hte, Yuda kashu kasha ni zawn mayat maya ma ai n rai. ²⁸ Shanhte gaw Berasheba, Molada, Haza-shuala, ²⁹ Bela, Ezem, Tolad, ³⁰ Behtuela, Horma, Ziklag, ³¹ Bet-marhkabot, Hazarasusim, Bet-biri hte Sharim mare ni hta nga nga ma ai. Dai mare ni gaw Dawi hkaw dung ai prat du hkra shanhte a mare ni rai nga malu ai. ³² Shanhte a kahtawng ni gaw, Etam, Ain, Rimon, Tohken, Ashan hte rai malu ai: dai gaw mare manga rai nga ai. ³³ Dai mare ni a grupyin na kahtawng ni mahkra hpe mung, Bala du hkra, up nga ma ai. Dai gaw shanhte a buga hte, shanhte a ahtik labau rai nga ai. ³⁴ Meshoba, Yamlek, Amazia a kasha Yosha; ³⁵ Yoela, Yoshibia a kasha Yehu; shi a kaji Seraia, shi a kawa Asiela; ³⁶ Elionai, Yakoba, Yeshohaia, Asaia, Adeila, Yesimela, Benaia; ³⁷ Shihpi a kasha Ziza, shi a kaji Alon, shi a kawa Yedaia, shi a kawa Shimri, shi a kawa Shemaia ³⁸ ngu ai hte gaw tinang a dap ni hta du hkrai rai nga ma ai: shanhte a kaji kawa dap ni gaw, grai wa mayat maya wa ma ai. ³⁹ Ya shanhte gaw Gedora du hkra, kadit a sinpraw maga hku, shanhte a yamnga ni a matu udat shara tam let, hkawm wa ma ai rai nna, ⁴⁰ dam lada, tsit lali, pyaw ai udat shara mu hkrup mu ai; hpyen majan mung n hkrum ma ai: kaning rai nme law, Ham a kashu kasha ni dai shara e shawng de nga nga ma ai. ⁴¹ Laika hta amying ka da ai ni gaw, Yuda hkawhkam Hezekia aprat e sa du nna, shanhte a sum ni hte shanhte hte rau nga ai Meunim masha ni hpe dai ni du hkra atsai awai shaza kau nhtawm, shanhte a shara hta shang nga nga ma ai: kaning rai nme law, shanhte a yamnga ni a matu dai yang e udat shara tsawm nga malu ai. ⁴² Bai, Simun a kashu kasha ni, marai manga tsa hte gaw, Ishi a kasha ni Pelatia, Nearia, Rehpaia, Uziela hte hpe du shatai nna, Seira bum de shang nga let, ⁴³ naw ngam nga ai Amalek masha ni hpe sat kau nhtawm, dai ni du hkra dai yang e nga nga ma ai.

¹ Rubin gaw Israela a kasha alat rai nga ai: raitimung, kawa a yupku hpe awu asin di kau wu ai majaw, hpu lat aya gaw Israela a kasha Yosep hpe jaw kau wu ai rai nna, ahtik labau laika gaw hpu lat aya hku hkan wu ai n rai. ² Kaning rai nme law, Yuda gaw kahpu ni a ntsa e kaba wa ai rai nna, du gaw shi kaw nna pru wa ai: hpu lat aya chyawm gaw Yosep hte seng nga ai. ³ Ya, Israela a kasha alat Rubin a shadang sha ni gaw, Hanuk, Hpalu, Hezron, Hkarmi hte rai ma ai. ⁴ Bai Yoela a shadang sha ni gaw, Shemaia, shi a kasha Goga, shi a kasha Shime; ⁵ shi a kasha Mihka, shi a kasha Reaia, shi a kasha Bala; ⁶ shi a kasha Bera hte rai ma ai: dai Bera hpe Asuri hkawhkam Tilgatpilnese bawng rim wa wu ai: shi gaw Rubin dap a du rai nga ai. ⁷ Shi a kanau ni a ahtik labau laika ni prat mi hte prat mi gawn yu yang, du Yeila hte Zehkaria rai nga ma ai; ⁸ Azaza a kasha Bela mung rai nga ai; Azaza gaw Shema a kasha; Shema gaw Yoela a kasha; shi gaw Nebo kaw nna Bala-meon du hkra dam ai Aroera e dung nga ai; ⁹ sinpraw maga de ang wa yang, shi gaw Uhprat hka nam mali lam du hkra up nga ai; kaning rai nme law, shanhte a yamnga ni gaw Gilead mung hta e law htam wa malu ai. ¹⁰ Bai shanhte gaw Shawlu a aprat e Hagara masha ni hpe gasat dang kau nhtawm, Geliad mung na sinpraw maga de na, shanhte a sum ni hta nga nga ma ai. ¹¹ Bai, Gad a kashu kasha ni gaw, Saleka mung du hkra shanhte a tawtap e, Bashan mung hta e nga nga ma ai. ¹² Yoela gaw du rai nga ai; shi a lawu e Shahpam; Yanai, Bashan mung na Shahpat hte rai ma ai. ¹³ shanhte a kawa a aru arat ni gaw, Mihkaela, Meshulam, Sheba, Yorai, Yahkan, Zia, Ebera hte, sanit ngu na, rai ma ai. ¹⁴ Shanhte gaw, Guni, Abdiela, Ahi, Buza, Yado, Yeshishai ¹⁵ Mihkaela, Gilead, Yaroa, Huri, Abihala dap lakung ni rai nga ma ai: Guni gaw shanhte a du rai nga ai. ¹⁶ Shanhte gaw Gilead mung, Bashan mung, Sharon ginwang lamu ga jarit du hkra, tinang a mare kahtawng ni hta nga nga ma ai. ¹⁷ Shanhte a ahtik labau gawn ai laika gaw, Yuda a hkawhkam Yohtam hte Israela hkawhkam Yeroboam a lakhtak du hkra gawn da nga ai. ¹⁸ Ya Rubin amyu, Gad amyu hte Manashe amyu chyen mi hta na, n-gang lang ai hte nhtu hpye nna, ndan chye gap ai hte hpyen majan amu galaw ram ai nden ja ai wa-ngan mun mali hkying mali sanit tsa kru shi rai nga ma ai. ¹⁹ Shanhte gaw Hagara amyu ngu ai, Yetura, Nahpisha, Nodab hte gasat ma ai. ²⁰ Shanhte gasat nga ma yang, Karai Kasang hpe hpyi jahtau let, shi hpe tawngban ai hte shi hta shamyet shanat nga ma ai majaw, shanhte karum ai lu la nna, Hagara masha ni hte shanhte hte rau rai nga ai yawng hte hpe rim la lu mu ai: ²¹ shanhte a yamnga hpung ni hpe mung, shanhte a gawla-u mun manga, sagu bainam sen lahkawng mun manga hte, lawze hkying lahkawng, masha sen mi hpe mung, hkap rim la mu ai. ²² Dai hpyen majan gaw Karai Kasang kaw na rai nga ai majaw, masha law law wa kataw si mat ma ai. Israela masha ni mung bawngdung ai aten du hkra, Hagara masha ni a shara e nga nga ma ai. ²³ Bai Manashe amyu chyen mi gaw, dai mung hta e nga nga nna, Bashan mung kaw nna, Bala-hermon, Senira hte Hermon bum du hkra law htam wa ma ai. ²⁴ Shanhte a amyu dap ni hta baw rai nga ai ni gaw, Ehpera, Ishi Eliela, Azriela, Yeremia, Hodawia, Yadiela hte rai ma ai: shanhte gaw nden ja ai share ni hte tinang amyu dap ni a kajai gumhkawng ai baw ni rai nga ma ai. ²⁵ Raitimung, shanhte gaw tinang a kaji kawa ni a Karai Kasang hpe n madat nga ma ai rai nna, Karai Kasang gaw shanhte a man e shaza kau ai. mung masha ni a hpara ni hte shut hpyit ai amu galaw nga ma ai. ²⁶ Dai rai nna Israela Karai Kasang gaw Asuri hkawhkam Pula hte Tilgat-pilnese yan a myit hpe sharawt ya wu ai rai nna, Tilgat-pilnese gaw Rubin amyu Gad amyu, Manashe amyu chyen mi hpe bawng rim wa nna, shanhte hpe dai ni du hkra, Hala, Habora, Hara hte Gozan hka kau e bawngdung shangun mu ai.

¹ Lewi a shadang sha ni gaw, Gershon, Kohat, Merari hte rai ma ai. ² Kohat a shadang sha ni gaw, Amram, Izhara, Hebron, Uziela hte rai nga ma ai. ³ Amram a kashu kasha ni gaw, Arun, Mawshe, Miriam hte rai ma ai. Arun a shadang sha ni gaw, Nadab, Abihu, Eleaza, Ihtama hte rai ma ai. ⁴ Eleaza gaw Hpinehasa hpe shaprat wu ai; Hpinehasa gaw Abishua hpe shaprat wu ai: ⁵ Abishua gaw Buki, Buki gaw Uzi; ⁶ Uzi gaw Zerahia, Zerahia gaw Meraiot. ⁷ Meraiot gaw Amaria; Amaria gaw Ahitob, ⁸ Ahitob gaw Zadok; Zadok gaw Ahimaza; ⁹ Ahimaza gaw Azaria, Azaria gaw Yohanan; ¹⁰ Yohanan gaw, Yerusalem mare na Shawlumon galaw da ai nta hkinjawng amu galaw ai Azaria hpe shaprat wu ai. ¹¹ Azria gaw Amaria, Amaria gaw Ahitob. ¹² Ahitob gaw Zadok, Zadok gaw Shalum; ¹³ Shalum gaw Hilkia, Hilkia gaw Azaria: ¹⁴ Azaria gaw Seraia, Seraia gaw Yehozadek hpe shaprat wu ai. ¹⁵ Yehowa gaw Yuda hte Yerusalem masha ni hpe Nebuhkadneza a lata hte rim woi wa ai shaloi e Yehozadek mung bawngdung lawm nga ai. ¹⁶ Lewi a shadang sha ni gaw, Gershom, Kohat, Merari hte rai ma ai. ¹⁷ Da ndai gaw Gershom a shadang sha yan a amying rai nga ai: Libni hte Shime rai ma ai, ¹⁸ Kohat a shadang sha ni gaw, Amram, Izhara, Hebron, Uziela hte rai ma ai. ¹⁹ Merari a shadang sha yan gaw Marali hte Mushi rai ma ai. Dai ndai gaw Lewi amyu a dap lakung ni rai nga ma ai: ²⁰ Gershom a dap ni: shi a kasha Libni a kasha Yahat, Yahat a kasha Zima; ²¹ Zima a kasha Yoa; Yoa a kasha Ido, Ido a kasha Zera, Zera a kasha Yeaterai hte rai ma ai. ²² Kohat a shadang sha ni gaw: shi a kasha Aminadab, Aminadab a kasha Kora; Kora a kasha Asira: ²³ Asira a kasha Elkana. Elkana a kasha Ebiasap, Ebiasap a kasha Asira; ²⁴ Asira kasha Tahat, Tahat a kasha Uriela, Uriela a kasha Uzia, Uzia a kasha Shawlu hte rai ma ai. ²⁵ Elkana a shadang sha yan gaw, Amasai hte Ahimot rai ma ai. ²⁶ Elkana hte shi a kasha ni a ahtik labau gaw: Elkana a kasha Zohpai. Zohpai a kasha Nahat; ²⁷ Nahat a kasha Eliaba; Eliaba kasha Yeroham, Yeroham a kasha Elkana hte rai ma ai. ²⁸ Bai Samuela shadang sha yan gaw, kasha alat Yoela hte shi a kanau Abiya rai ma ai. ²⁹ Merari a shadang sha ni gaw, shi a kasha Mahali a kasha Libni, Libni a kasha Shime, Shime a kasha Uza. ³⁰ Uza a kasha Shimea, Shimea kasha Hagia, Hagia kasha Asaia rai nga ai. ³¹ Sakse sumpu gaw Yehowa a nta hta sim nga sayang e, Yehowa a nta hta mahkawn mangoi woi na matu. Dawi san tawn da nna san da ai ni rai nga ma ai: ³² Shawlumon gaw Yerusalem mare hta e Yehowa a nta hpe gap da ai nhtoi du hkra, shanhte gaw shawa hpawng a sumpan nta man e mahkawn mangoi woi nga ma ai. Shanhte gaw tinang a ahpung abat hkan nna woi ma ai. ³³ Mahkawn mangoi woi ai ni hte, shanhte a kashu kasha ni gaw ndai ni rai nga ma ai: Kohat a kashu kasha ni hta mahkawn mangoi woi ai Heman rai nga ai: Heman gaw Yoela kasha, Yoela gaw Samuela kasha; ³⁴ Samuela gaw Elkana a kasha; Elkana gaw Yeroham a kasha; Yeroham gaw Eliela a kasha; Eliela gaw Toa a kasha; ³⁵ Toa gaw Zup a kasha. Zup gaw Elkana a kasha; Elkana gaw Mahat a kasha, Mahat gaw Amasai a kasha; ³⁶ Amasi gaw Elkana a kasha, Elkana gaw Yoela kasha, Yoela gaw Azaria kasha; Azaria gaw Zehpani a kasha; Zehpani gaw Tahat a kasha; ³⁷ Tahat gaw Asira kasha; Asira gaw Ebiasap a kasha; Ebiasap gaw Kora a kasha; ³⁸ Kora gaw Izhara a kasha; Izhara gaw Kohat a kasha; Kohat gaw Lewi a kasha; Lewi gaw Israela a kasha rai nga ai. ³⁹ Bai Heman a kanau Asap gaw shi a hkra maga e tsap nga ai: Asap gaw Berehkia kasha; Berehkia gaw Shimea kasha; ⁴⁰ Shimea gaw Mihkaela kasha; Mihkaela gaw Basea kasha; Basea gaw Malhkiya kasha; ⁴¹ Malhkiya gaw Etni kasha;Etni gaw Zera kasha; Zera gaw Adaia kasha; ⁴² Adaia gaw Ehtan a kasha;Ehtan gaw Zimma kasha; Zimma gaw Shime kasha; ⁴³ Shime gaw Yahat a kasha; Yahat gaw Gershom a kasha; Gershom gaw Lewi a kasha rai nga ai. ⁴⁴ Pai maga de e shanhte a kanau ni Merari a kashu kasha ni rai nga ma ai; Ehtan gaw Kishi a kasha, Kishi gaw Abdi a kasha; Abdi gaw Maluk a kasha; ⁴⁵ Maluk gaw Hashabia kasha; Hashabia gaw Amazia kasha; Amazia gaw Hilkia kasha, Hilkia gaw Amzia kasha; ⁴⁶ Amzia gaw Bani a kasha Bani gaw Shemera kasha; ⁴⁷ Shemera gaw Mahali a kasha; Mahali gaw Mushi a kasha; Mushi gaw Merari a kasha; Merari gaw Lewi a kasha rai nga ai. ⁴⁸ Shanhte a kahpu kanau Lewi masha ni gaw, Karai Kasang a sumpan nta e, dawjau na amu mahkra a matu san da ai hkrum ma ai. ⁴⁹ Raitimung, Arun hte shi a shadang sha ni chyawm gaw, Karai Kasang a shangun ma Mawshe htet da mada hte maren, chyoi pra htum ai shara amu a nlang hte hte, Israela masha ni a lam htingrai htingrat ya na matu, wan nat hkungga nawng ai hkungri ntsa e mung, manam pyaw ai baw nat nawng ai hkungri ntsa e mung, nat nawng ma ai. ⁵⁰ Da ndai gaw Arun a shadang sha ni gaw: shi a kasha Eleaza; Eleaza a kasha Hpinehasa; Hpinehasa a kasha Abishua; ⁵¹ Abishua a kasha Buki; Buki a kasha Uzi; Uzi a kasha Zerahi; ⁵² Zerahi a kasha Meraiot, Meraiot a kasha Amaria; Amaria a kasha Ahitob; ⁵³ Ahitob a kasha Zadok; Zadok a kasha Ahimaza rai nga ai. ⁵⁴ Da ndai gaw shanhte a lamu ga jarit na nga nga shara hte dabang ni rai nga malu ai: Arun a kasha Kohat a dap lakung ni a matu lata san tawn da ai lamu ga gaw: ⁵⁵ Yuda mung na Hebron mare hte de a ginwang ga shanhte hpe jaw mu ai: ⁵⁶ raitimung mare na yi hkauna ni hte grupyin na kahtawng ni hpe Yehpun a kasha Hkaleb hpe jaw da mu ai. ⁵⁷ Bai shanhte gaw Arun a kashu kasha ni hpe shingbyi nga na mare ni ap ya mu ai: Hebron, Libna hte de a ginwang ga; Yatira, Eshtemoa hte de a ginwang ga; ⁵⁸ Hilen hte de a ginwang ga; Debira hte de a ginwang ga; ⁵⁹ Ashan hte de a ginwang ga; Betsheme hte de a ginwang ga; ⁶⁰ Ben-yamin amyu lamu ga hta na, Geba hte de a ginwang ga; Alemet hte de a ginwang ga; Anahtot hte de a ginwang ga rai malu ai; shingrai shanhte a dap lakung hkan nna, madu nga ai mare ni yawng, shi masum rai nga malu ai. ⁶¹ Naw ngam nga ai Kohat a kashu kasha dap lakung ni hpe, Manashe amyu chyen mi a lamu ga hta na, mare shi hpe, hpaida da ai hte jaw da mu ai. ⁶² Gershom kashu kasha lakung lama hkan nna, Yishahka amyu hta na, Ashe amyu hta na, Naphtali amyu hta na, Bashan mung na Manashe amyu hta na mare shi masum hte hpe jaw da mu ai. ⁶³ Bai Merari kashu kasha dap lakung ni hpe, hpai da hte, Rubin amyu hta na, Gad amyu hta na, Zebulun amyu hta na mare shi lahkawng hte hpe jaw da mu ai. ⁶⁴ Israela masha ni gaw dai mare ni hte de a ginwang ga ni hpe Lewi masha ni hpe jaw da mu ai. ⁶⁵ Dai hta kaga shanhte gaw, Yuda kashu kasha ni a amyu hta na, Simun kashu kasha ni a amyu hta na, Ben-yamin kashu kasha ni a amyu hta na, lahta de tsun da sai mare ni hpe, hpaida da ai hte jaw kau mu ai. ⁶⁶ Kohat a kashu kasha ni a dap lakung ni nkau mi gaw, Ehprim a lamu ga hta e san da ai mare ni hpe madu lu ma ai: shanhte gaw shingbyi nga na mare ni hpe ap ya mu ai: ⁶⁷ Ehprim bum ga na Shehkem mare hte de a ginwang ga: Gezera mare hte de a ginwang ga; ⁶⁸ Yokmeam hte de a ginwang ga; Bet-horon hte de a ginwang ga; ⁶⁹ Aiyalon hte de a ginwang ga; Gat-rimon hte de a ginwang ga, rai nga ai. ⁷⁰ Naw ngam nga ai Kohat kashu kasha ni a lakung lama ni a matu, Manashe amyu chyen mi hta na, Anera hte de a ginwang ga; Bileam hte de a ginwang ga ni hpe jaw da mu ai. ⁷¹ Ya Gershom a kashu kasha ni gaw Manashe amyu chyen mi hta na, Bashan mung na Golan hte de a ginwang ga; Ashtarat hte de a ginwang ga; ⁷² bai, Yisahka amyu hta na, Kedesha hte de a ginwang ga; Daberat hte de a ginwang ga; ⁷³ Ramot hte de a ginwang ga; Anem hte de a ginwang ga; ⁷⁴ bai, Ashe amyu hta na, Mashala hte de a ginwang ga,Abdon hte de a ginwang ga; ⁷⁵ Hukok hte de a ginwang ga, Rehob hte de a ginwang ga; ⁷⁶ bai, Naphtali amyu hta na Galile mung na Kadesha hte de a ginwang ga, Hamon hte de a ginwang ga; Kiriahtim hte de a ginwang ga ni hpe, jaw mu ai. ⁷⁷ Naw ngam nga ai Merari a kashu kasha ni hpe mung, Zebulun amyu hta na, Rimo hte de a ginwang ga, Tabora hte de a ginwang ga; ⁷⁸ bai, Yerihko mare a sinpraw maga, Yawdan hka wora hkran na Rubin amyu hta na, nam maling na Bezera hte de a ginwang ga, Yaza hte de a ginwang ga; ⁷⁹ Kedemot hte de a ginwang ga, Mehpat hte de a ginwang ga; ⁸⁰ bai, Gad a amyu hta na, Gilead mung na Ramot hte de a ginwang ga, Mahanim hte de a ginwang ga; ⁸¹ Heshbon hte de a ginwang ga, Yazera hte de a ginwang ga ni hpe jaw da mu ai.

¹ Bai Yisahka shadang sha ni gaw, Htola, Hpua, Yashub, Shimron, yawng marai mali rai ma ai. ² Htola a shadang sha ni gaw Uzi, Rehpaia, Yeriela, Yamai, Ibsam, Shemuela hte rai ma ai; dai ni gaw tinang adap lakung ni hta du rai nga ai hte, tinang a prat hta e nden ja ai share ni rai nga ma ai: shanhte gaw Dawi a aprat e mun lahkawng, hkying lahkawng kru tsa law nga ma ai. ³ Uzi a shadang sha gaw, Izrahia; Izrahia shadang sha ni gaw, Mihkaela, Obadia, Yoela, Ishia; shanhte marai manga rai ma ai hte, yawng gaw masha kaba rai ma ai. ⁴ Shanhte hta madu jan ni hte kasha ni law nga ma ai majaw, shanhte gaw kawa ni a dap lakung hkan nna, hpyen luksuk ni mun masum hkying kru rai nga ma ai. ⁵ Yisahka dap lakung ni mahkra hta, shanhte a kahpu kanau ni ngu ai, nden ja ai share ni yawng hpe hti yu yang, marai mun matsat hkying sanit rai nga ma ai. ⁶ Bai, Ben-yamin shadang sha ni gaw, Bela, Behkara, Yediela, marai masum rai nga ma ai. ⁷ Bela shadang sha ni gaw, Ezbon, Uzi, Uziela, Yerimot, Iri, marai manga rai ma ai: shanhte gaw kawa ni a dap lakung hkan nna, nden ja ai share ni hpe hti yu yang, mun lahkawng hkying lahkawng sumshi mali rai nga ma ai. ⁸ Behkara a shadang sha ni gaw, Zemira, Yosha, Elieza, Elioni, Omri, Yeremot, Abiya, Anahtot, Alemet hte rai ma ai. Dai yawng Behkara a shadang sha ni rai nga ma ai. ⁹ Shanhte gaw kawa ni a dap lakung hkan nna, du hkrai rai nga ai hte, nden ja ai share ni hpe hti yu yang, mun lahkawng, hkying lahkawng ni tsa rai nga ma ai. ¹⁰ Yediela kasha gaw, Bilhan rai nga ai.Bilhan a shadang sha ni gaw, Yesha, Ben-yamin, Ehud, Hkenana, Zehtan Tarshi,Ahishara hte rai nga ma ai; ¹¹ dai ni yawng gaw tinang a kawa ni a dap lakung ni hkan nna, nden ja ai share ni hte hpyen majan luksuk ni hta lawm lu ai, Yediela a kashu kasha ni mun mi hkying sanit, ni tsa rai ma ai. ¹² Shanhte hta kaga Ira a kasha Shupim yan Hupim hte Ahera a kasha Hushim rai ma ai. ¹³ Naphtali a shadang sha ni gaw, Yaziela, Guni, Yezera, Shalum hte rai ma ai: ndai ni gaw Bila a kashu kasha ni rai ma ai. ¹⁴ Manashe a shadang sha gaw, shi a lashi num Arami numsha sha prat ai Asriela rai nga ai; bai, shi gaw, Gilead kawa Mahkira hpe shaprat wu ai: ¹⁵ Mahkira gaw Hupim yan Shupim shayi sha la wu ai: shi a kanau a amying gaw Mahka rai lu ai: kanau kaga a amying gaw Zelohpa rai nga ai; Zelohpa gaw shayi sha shaprat wu ai. ¹⁶ Mahkira madu jan Mahka gaw shadang sha shaprat wu ai rai nna, shi a amying hpe Pere shamying wu ai; shi a kanau a amying gaw Shere rai lu ai; shi a kasha yan gaw Ulam hte Rakem rai ma ai. ¹⁷ Ulam a kasha Bedan rai nga ai. Dai ni gaw Manashe a kashu Mahkira a kasha Gilead a amyu anoi ni rai nga ma ai. ¹⁸ Shi a kajan Molehket gaw Ishod, Abieze, Mala hpe shaprat wu ai. ¹⁹ Shemida a shadang sha ni gaw, Ahian, Shehkem, Lihki, Aniam hte rai ma ai. ²⁰ Ehprim a shadang sha gaw Shuhtela; Shuhtela a kasha gaw Bered; Bered a kasha Tahat, Tahat a kasha Eleada, Eleada a kasha Tahat, ²¹ Tahat a kasha Zabad, Zabad a kasha Shuhtela rai ma ai: dai hta kaga Ehprim a kasha Ezera hte Elead yan gaw, dai mung e shangai wa ai Gat a masha ni a yamnga ni hpe kashun la mu ai majaw, sat kau ai hkrum ma ai. ²² Shan a kawa Ehprim gaw, nhtoi na na wa shan a lam yawnhkyen nga ai rai nna, kahpu kanau ni gaw shi hpe shalan shabran na, sa du ma ai. ²³ Dai hpang shi gaw madu jan kaw shang nna, shi na-um nasin hkum nga wa ai hte shadang sha shangai wu ai: shi a nta masha ni ruyak hkrum nga ma ai majaw, dai ma hpe Beria ngu nna shamying wu ai. ²⁴ Shi a shayi sha gaw. Shera rai lu ai; shi gaw lawu lahta Bet-horon hte Uzen-shera de da wu ai. ²⁵ Bai, shi a kasha Rehpa yan Reshep; Reshep a kasha Tela; Tela a kasha Tahan; ²⁶ Tahan a kasha Ladan; Ladan a kasha Amihud; Amihud a kasha Elishama; Elishama a kasha Nun; ²⁷ Nun a kasha Yawshu rai nga ma ai. ²⁸ Shanhte a lamu ga jarit hte shanhte madu nga ai shara ni gaw, Betela hte de a kahtawng ni; sinpraw maga na Naran hte, sinna maga na Gezera hte de a kahtawng ni; Shehkem hte de a kahtawng ni kaw nna,Aza hte de a kahtawng ni du hkra. ²⁹ Manashe lamu ga jarit makau na Bet-shean hte de a kahtawng ni; Tanak hte de a kahtawng ni; Megido hte de a kahtawng ni; Dora hte de a kahtawng ni rai nga malu ai. Dai shara ni hta Israela a kasha Yosep a kashu kasha ni nga nga ma ai. ³⁰ Ashe a shadang sha ni gaw, Imna, Ijiswa, Yiswi, Beria hte shanhte a kajan Sera hte rai ma ai. ³¹ Beria shadang sha gaw Hebera yan Malhkiela rai ma ai; Malhkiela gaw Birza-it a kawa rai nga ai. ³² Hebera gaw, Yaplet, Shome, Hohtam hte shanhte a kajan Shua hpe shaprat wu ai. ³³ Yaplet a shadang sha ni gaw, Pasak, Bimhala, Ashwat hte rai ma ai. Dai ni gaw Yaplet a kashu kasha ni rai nga ma ai. ³⁴ Sheme a shadang sha ni gaw, Ahi, Roga, Yehuba, Aram hte rai ma ai. ³⁵ Shi a kanau Helem a shadang sha ni gaw, Zohpa, Yimna, Shele,Amala hte rai ma ai. ³⁶ Zohpa a shadang sha ni gaw, Sua, Harnehpe, Shuala, Beri, Imra, ³⁷ Bezera, Hoda, Shama, Shilsha, Ihtran, Bera hte rai ma ai. ³⁸ Yehtera shadang sha ni gaw, Yehpuna, Pispa, Ara hte rai ma ai. ³⁹ Ula a shadang sha ni gaw, Ara, Haniela, Rizia hte rai ma ai. ⁴⁰ Dai ni yawng gaw, kawa ni a dap lakung hta san da ai nden ja ai share ni hte du kaba ni rai nga ma ai;shanhte gaw Ashe a kashu kasha ni hkrai rai nga ma ai. Shanhte a labau hkan nna jahpan laika hta kada ai, hpyen gasat ram ai ni gaw, mun lahkawng hkying kru rai nga ma ai.

¹ Ben-yamin gaw shi a kasha alat Bela, lahkawng ngu na Ashbela, masum ngu na Ahara, ² mali ngu na Noha, ma-nga ngu na Rahpa hte hpe shaprat wu ai. ³ Bela a shadang sha ni gaw, Adara, Gera, Abihu, ⁴ Abishua, Naman, Ahoa, ⁵ Gera, Shehpuhpan, Huram hte rai ma ai. ⁶ Dai ni gaw Ehuda shadang sha ni rai nga ma ai: shanhte gaw Geba shara na tinang kawa ni a nta na agyi ni rai nga nna, shanhte hpe Manahat du hkra bawng woi wa mu ai: ⁷ Naman, Ahiya hte Gera gaw shanhte hpe bawng woi wa mu ai rai nna, Gera gaw Uza yan Ahihu hpe shaprat wu ai. ⁸ Shanhte hpe dat dat mu ai hpang Shaharim gaw Moba mung hta e kasha shaprat wu ai;Hushim hte Bara gaw shi a madu jan yan rai ma ai. ⁹ Bai shi gaw shi a madu jan Hodesha hta, Yobaba, Zibia, Mesha, Malhkam, ¹⁰ Yeuza, Shahkia, Mirma hte hpe shaprat wu ai. Dai ni gaw shi a shadang sha ni, tinang a kawa a dap agyi ni rai nga ma ai. ¹¹ Shawng num Hushim hta Abitu yan Elpala hpe shaprat wu ai. ¹² Elpala a shadang sha ni gaw, Ebera, Misham, Sheme hte rai ma ai; Sheme gaw Ono hte Loda mare hte de a mare ni hpe de da wu ai; ¹³ Beria hte Shema, Gat masha ni hpe jahtaw kau ai, Aiyalon masha ni a kawa dap ni a agyi ni rai ma ai: ¹⁴ dai hta kaga, Ahio, Shashak, Yeremot, ¹⁵ Zebadia, Arad, Edera, ¹⁶ Beria kasha ni Mihkaela, Ishpa, Yoha, ¹⁷ Zebadia, Meshulam. Hizki, Hebera, ¹⁸ Ishmerai, Izlia, Yobab, Elpala a kasha ni, ¹⁹ Yakim, Zihkri, Zabdi, ²⁰ Elienai, Zilehtai, Eliela, ²¹ Adaia, Beraia, Shimrat hte gaw Shimei a kasha ni rai ma ai; ²² Ishpan, Ebera, Eliela, ²³ Abdon, Zihkri, Hanan, ²⁴ Hanani, Elam, Anhtohiya; ²⁵ Ipdia, Penuela hte gaw Shashak a kasha ni rai nga ma ai; ²⁶ Shamsherai, Shehari, Ahtalia, ²⁷ Yeroham a kasha ni Yareshi, Elia, Zihkri hte rai ma ai. ²⁸ Dai ni gaw Yerusalem mare e nga nga nna, prat mi hte prat mi tinang a kawa ni a dap lakung ni hta agyi rai nga ma ai. ²⁹ Gibeon a shara hta e Abi-gibeon nga nga ai; shi a madu jan a amying Mahka rai lu ai; ³⁰ shi a kasha alat gaw Abdon; shi a kanau ni, Zura, Kisha, Bla, Nadab, ³¹ Gedora, Ahio, Zehkera hte rai ma ai. ³² Miklot gaw Shimea hpe shaprat wu ai. Shanhte mung Yerusalem mare e tinang baw sang ni hte rau, kahpu kanau ni a tawtap e nga nga ma ai. ³³ Bai Nira gaw Kisha hpe shaprat wu ai; Kisha gaw Shawlu hpe shaprat wu ai; Shawlu gaw Yonahtan, Mahkishua, Abinadab, Eshbala hte hpe shaprat wu ai. ³⁴ Yonahtan a kasha Meribala rai nga ai; Meribala gaw Mihka hpe shaprat wu ai. ³⁵ Mihka a shadang sha ni gaw, Pihton, Melek, Tarea, Ahaza hte rai ma ai. ³⁶ Ahaza gaw Yehoada, Yehoada gaw Alemet, Azmawet hte Zimri hpe shaprat wu ai; Zimri gaw Moza hpe shaprat wu ai. ³⁷ Moza gaw Binea hpe shprat wu ai; Binea kasha Rahpa; Rahpa a kasha Eleasa; Elesa a kasha Azela. ³⁸ Azela gaw shadang sha kru lu ai rai nna shanhte a amying ni, Azrikam, Bokeru, Ishmaela, Sheria, Obadia, Hanan rai nga malu ai. ³⁹ Dai ni yawng Azela kasha ni rai ma ai. Shi a kanau Eshek a shadang sha ni gaw, kasha alat Ulam, lahkawng ngu na Yeusha, masum ngu na Elihpelet rai nga ma ai. ⁴⁰ Ulam a shadang sha ni gaw nden ja ai share ni hte, ndan chye gap ai ni rai nga nna, kashu kasha marai latsa e manga shi law nga ma ai. Dai ni nlang hte gaw Ben-yamin a kashu kasha ni rai nga ma ai.

¹ Shingrai Israela msha ni yawng amyu mi hte amyu mi ka da nga masai; yu mu, shanhte gaw Israela hkawhkam ni a ahtik labau laika hta ka da nga ma ai: Yuda amyu gaw tinang a yubak mara majaw Babelon mung de bawng woi wa ai hkrum ma ai. ² Shanhte a mare ni hte madu lu ai lamu ga hta shawng nga ai ni gaw, Israela masha ni, hkinjawng ni, Lewi masha ni hte Nehtinim ni rai nga ma ai. ³ Yerusalem mare hta e, Yuda kashu kasha ni, Ben-yamin a kashu kasha ni, Ehprim hte Mana-she a kashu kasha ni ngu ai, ⁴ Amihu a ksha Uhtai; Amihu gaw Omri a kasha, Omri gaw Imri a kasha, Imri gaw Bani a kasha, Bani gaw Yuda a kasha Hparet a aru arat rai nga ai. ⁵ Shilon masha ni hta na, kasha alat Asaia hte shi a kashu kasha ni lawm ma ai. ⁶ Zera a kashu kasha ni hta na, Yeuela hte shi a kanau ni, marai kru tsa jahku shi rai ma ai. ⁷ Ben-yamin a shadang sha ni gaw, Meshulam a ksha Salu; Meshulam gaw Hodawia kasha, Hodawia gaw Hasenua kasha rai ma ai. ⁸ bai, Yeroham a kasha Ibnea; Uzi a kasha Ela; Uzia gaw Mihkri a kasha; bai, Shehpatia kasha Meshulam; Shehpatia gaw Reuela a kasha, Reuela gaw Ibniya a kasha rai nga ai: ⁹ shanhte a kahpu kanau ni yawng amyu mi hte amyu mi, jahku tsa e manga shi kru rai nga ma ai. Dai ni yawng gaw tinang a kawa ni a dap lakung ni hta amyu agyi ni rai nga ma ai. ¹⁰ Hkinjawng ni hta na Yedaia, Yehoiarib, Yahkin hte rai ma ai: ¹¹ bai, Hilkia kasha Azaria; Hilkia gaw Meshulam a kasha, Meshulam gaw Zadok a kasha, Zadok gaw Meraiot a kasha; Meraiot gaw Karai Kasang a Nta up ai Ahitub a kasha rai nga ai: ¹² bai Yeroham a kasha Adaia; Yeroham gaw Pashura kasha, Pashura gaw Malhkiya a kasha; Malhkiya gaw Masai a kasha; Masai gaw Adiela kasha; Adiela gaw Yazera a kasha; Yazera gaw Meshulam a kasha; Meshulam gaw Meshilemit a kasha, Meshilemit Imera kasha rai ma ai; ¹³ tinang a kawa ni a dap lakung ni a agyi ngu ai kahpu kanau ni gaw, hkying mi sanit tsa kru shi rai ma ai; shanhte gaw Karai Kasang a nta na dawjau na amu matu grai chye galaw ai ni rai ma ai. ¹⁴ Bai, Lewi masha ni hta na, Hashuba kasha Shemaia; Hashuba gaw Azrikam a kasha; Azrikam gaw Hashabia kasha;dai ni gaw Merari a kashu kasha ni rai ma ai; ¹⁵ bai, Bakbara, Heresha, Galala hte Mihka a kasha Matania; Mihka gaw Zihkri a kasha; Zihkri gaw Asap a kasha rai ma ai: ¹⁶ bai, Shemai a kasha Obadia;Shemai gaw Galala kasha; Galala gaw Yeduhtun a kasha; bai, Asa a kasha Berehkia; Asa gaw Netohpa kahtawng ni hta nga ai Elkana a kasha rai nga ai. ¹⁷ Bai, chyinghka sin ai ni gaw, Shalum, Akub, Talmon, Ahiman hte kahpu kanau ni rai nga ma ai: Shalum gaw agyi rai nga ai: ¹⁸ Shanhte gaw ya du hkra, sinpraw maga na hkawhkam chyinghka sin ai ni rai nga ma ai: Lewi a kashu kasha ni a dap na chyinghka sin ai ni shanhte rai nga ma ai. ¹⁹ Korah a dap Ebiasap a kashu, Kore a kasha Shalum hte shi a kahpu kanau Korah masha ni gaw, dai dawjau ai amu hpe bau sin na matu sumpan nta chyinghka hkinbawng hpe sin nga ma ai:shanhte a kaji kawa ni mung Yehowa a dap chyinghka lam hpe sin nga ai ni tai wa masai. ²⁰ Eleaza a kasha Hpineha gaw moi shawng e shanhte a ntsa e up nga ai. Yehowa shi hte rau nga u ga. ²¹ Bai Meshelemia kasha Zehkaria gaw, shawa hpawng a sum chyinghka hpe sin nga ai. ²² Chyinghka hkinbawng hpe sin na matu san da ai ni yawng hte gaw ni tsa shi lahkawng rai ma ai. Shanhte gaw kahtawng mi hte kahtawng mi hta tinang a ahtik labau hkan nna, Dawi hte myihtoi Samuela aya dang da ai ni rai ma ai. ²³ Shingrai shanhte hte shanhte a kashu kasha ni gaw ladaw tawn da ai hte maren, Yehowa a nta ngu ai sumpan nta a chyinghka lam hpe sin nga ai. ²⁴ Chyinghka sin ai ni gaw, sinpraw, sinna, dingdung, dingda, man mali sin nga ma ai. ²⁵ Kahtawng ni hta nga ai shanhte a kahpu kanau ni gaw, shanhte hpe sa tau na matu, nhtoi ladaw sanit ya shagu sa du ma ai: ²⁶ Kaning rai nme law, Lewi masha rai nga ai, chyinghka sin na aya lu ai agyi marai mali gaw, Karai Kasang nta na sutdek hte gawk kaga ni hpe sin na matu, tut tut anga nga ma ai. ²⁷ Shanhte gaw Karai kasang a nta grupyin e nga nga ma ai: dai hpe sin na matu shanhte a amu rai malu ai: jahpawt shagu chyinghka hpaw na, shanhte a amu mung rai nga ai. ²⁸ Bai, shanhte hta na nkau mi gaw dawjau yang lang ai gawm ni hpe sin nga ma ai; kaning rai nme law, shashawn yang mung, shapraw yang mung, dai ni langai hte langai hpe hti yu ma ai. ²⁹ Bai nkau mi hpe gaw chyoi pra ai shara hte seng ai ku ni hte gawm ni mahkra hpe mung, mani ai shadung, tsabyi jahku, namman, lawban hte manam pyaw ai baw ni hpe lajang na matu san da mu ai. ³⁰ Bai, hkinjawng kasha ni nkau mi gaw, manam pyaw ai baw sau ni hpe hpaw chye ma ai. ³¹ Korah dap na, Shalum a kasha alat, Lewi masha, Matihtia gaw hpri pa hta kabaw ai muk pa ni hpe yu lajang na ahkang lu nga ai. ³² Shanhte a kahpu kanau ni, Kohat a kashu kasha ni nkau mi gaw, madun dan ai muk ni hpe laban nhtoi shagu lajang nga ma ai. ³³ Dai ni gaw Mahkawn mangoi woi ai, Lewi a dap lakung a agyi ni hte, wing gawk ni hta nga nga let, amu kaga hte lawt ai ni rai nga ma ai: shanhte gaw shani shagu tinang hte seng ai amu ni hpe gunhpai nga ma ai. ³⁴ Dai ni gaw Lewi a dap lakung ni a agyi ni hte, prat mi hte prat mi, woi awn ai ni rai nga ma ai: shanhte gaw Yerusalem mare hta e nga nga ma ai. ³⁵ Gibeon shara hta e Gibeon a kawa Yeiela nga nga ai; shi a madu jan amying Mahka rai lu ai: ³⁶ Shi a kasha alat gaw, Abdon; shi a kanau ni Zura, Kisha, Bala, Nera, Nadab, ³⁷ Gedora,Ahio, Zehkaria, Miklot hte rai ma ai; ³⁸ Miklot gaw Shimeam hpe shaprat wu ai. Shanhte mung, Yerusalem mare e tinang baw sang ni hte rau, kahpu kanau ni a tawtap e nga nga ma ai. ³⁹ Bai Nera gaw Kisha hpe shaprat wu ai; Kisha gaw Shawlu hpe shaprat wu ai; Shawlu gaw Yonahtan Mahkishua, Abinadab, Eshbala hte hpe shaprat wu ai. ⁴⁰ Yonahtan a kasha Meribala rai nga ai; Meribala gaw Mihka hpe shaprat wu ai. ⁴¹ Mihka a shadang sha ni gaw, Pihton, Melek, Tarea, Ahaza hte rai ma ai. ⁴² Ahaza gaw Yara hpe, Yara gaw Alemet, Azmawet, Zimri hte hpe shaprat wu ai;Zimri gaw Moza hpe shaprat wu ai; ⁴³ Moza gaw Binea hpe shaprat wu ai;Binea kasha Rehpaia, Rehpaia kasha Eleasa, Eleasa a kasha Azela rai ma ai. ⁴⁴ Azela gaw shadang sha kru lu ai rai nna, shanhte a mying ni, Azrikam, Bohkeru, Ishmaela, Sheria, Obadia, Hanan rai nga malu ai: dai ni gaw Azela a kasha ni rai nga ma ai.

¹ Ya Hpilisti masha ni Israela masha ni hpe gasat mu ai: Israela masha ni mahtang masha hpyen ni a man e hprawng nna Gilaboa bum ga hkan e hkala nba hkrum ai hte si shajang ma ai. ² Hpilisti masha ni mung Shawlu hte shi a kasha ni hpe htep lahti hkan shachyut nna, Shawlu a kasha Yonahtan, Abinadab hte Mahkishua hte hpe sat kau mu ai. ³ Shingrai dai gasat gala ai gaw, Shawlu a matu jin nga ai rai nna, ndan gap ai ni shi hpe dep mu ai: dai ndan pala gap ai ni a majaw shi myit ru nga ai. ⁴ Dai rai nna Shawlu gaw shi a ri nhtu gunhpai ai wa hpe, Ndai matu n gadoi ai ni gaw ngai e n sa galun lu nna, ngai e n roi lu ma ai du hkra, na nhtu shaw nna ngai e galun ya e, ngu wu timung, dai wa gaw grai hkrit nga ai majaw, n hkraw nga ai. Dai rai nna Shawlu gaw shi a nhtu dai la nna dai hta abraw ju si wu ai. ⁵ Ri nhtu lang ai wa mung, Shawlu si mat sai hpe mu jang, shi gaw shi a nhtu hta abraw ju si wu ai. ⁶ Shingrai Shawlu hte shi a kasha masum si mat masai; shi a nta masha ni yawng, rau si wa masai. ⁷ Ya, Israela masha ni hprawng mat ma ai hte, Shawlu mung, shi a kasha ni mung si mat ma ai gaw dai kadit e nga ai Israela masha ni mu mu yang, sahnhte gaw tinang a mare kahtawng ni hpe kau da ma ai rai nna, Hpilisti masha ni sa de nga ma ai. ⁸ Hpang jahpawt e Hpilisti masha ni, si mang ni hta na lanep hpyu la na nga, du sa wa ma yang, Shawlu hte shi a kasha ni Gilaboa bum ga e si taw nga ai hpe mu ma ai. ⁹ Shanhte shi a arai ni hpe hpyu la ai hte, shi a baw hte shi a hpyen palawng la wa nhtawm, shanhte a Hpara sumla hkan e mung, masha ni a man e mung, kajai gumhkawng na matu, Hpilisti mung grupyin hkan e shagun dat mu ai. ¹⁰ Shi a hpyen palawng hpe tinang a Hpara ni a nta e tawn da mu ai; shi a baw hpe Dagon a nta e noi da mu ai. ¹¹ Hpilisti masha ni Shawlu hpe shing di ai lam Yabesha Gilead masha ni yawng na ma yang, ¹² share ni mahkra rawt nna, Shawlu hte shi a kasha ni a moi mang ni hpe la nna, Yabesha mare de hpai wa nhtawm, Yabesha wa myi hpun npu e lup makoi kau nna, sanit ya tup lusha gam nga ma ai. ¹³ Shingrai Shawlu gaw Yehowa a ga hpe n madat ai hte, Yehowa hpe shut hpyit kau ai majaw mung, Yehowa hpe n san yu ai sha, nat shung ai num hpe tam san yu ai majaw mung si ai hkrum wu ai. ¹⁴ Dai re ai majaw Yehowa gaw shi hpe sat kau nhtawm, Yese a kasha Dawi hpe dai mungdan ap ya kau wu ai.

¹ Shaloi Israela masha ni yawng, Hebron mare de Dawi kaw sa du nna, Yu u, anhte gaw na a nrut nra, na a hkumshan rai nga ga ai. ² Mani ma ni Shawlu anhte a hkawhkam naw rai nga yang pyi, nang hkum nan Israela amyu hpe woi pru woi shang ai wa, rai nga nit dai: na a Karai Kasang Yehowa mung, Nang gaw nye a amyu Israela hpe woi rem na wa mung, nye a amyu Israela ntsa e du magam mung, tai lu na rin dai, ngu nna nang madu hpe tsun nit dai, ngu mu ai. ³ Shingrai, Israela agyi salang ni yawng, Hebron mare de Hkawhkam wa kaw sa du nna, Dawi gaw Hebron mare hta e, Yehowa a man e shanhte hte ga shaka tawn da nhtawm, shanhte gaw, Samuela a n-gup hta Yehowa tsun da ai hte maren, Israela hkawahkam tai na matu, Dawi hpe namman chya ya mu ai. ⁴ Bai Dawi hte Israela amyu ting, Yebu ngu ai, Yerusalem de lung wa ma ai: dai mung na kashu kasha ni ngu ai, Yebusi masha ni gaw, dai yang e nga nga ma ai. ⁵ Yebu mare masha ni chyawm gaw, Nang gaw nang e shang lu na ndai n rai, ngu nna Dawi hpe tsun mu timung, Dawi gaw Ziun ngu ai hpyendap hpe gasat la wu ai; dai gaw Dawi a mare ngu ai, rai nga ai. ⁶ Bai Dawi gaw, Yebusi masha ni hpe shawng dep gasat lu ai wa, agyi hte hpyenbu tai na ra ai, nga nna tsun ai majaw, Zeruia kasha Yoab gaw shawng lung wa nna, agyi tai wa sai, ⁷ Dai hpang Dawi gaw dai hpyendap hta anga nga ai; dai re ai majaw dai mare hpe Dawi a mare ngu nna shamying mu ai. ⁸ Dai hta kaga shi gaw, dai mare hpe Milo shara kaw nna grupyin du hkra de da wu ai: Yoab gaw dai mare a kaga daw mi hpe lajang wu ai. ⁹ Dawi chyawm gaw grau nna galu kaba jat wa nga ai;kaning rai nme law, Zaw nawng Zaw wa up ai Yehowa gaw shi hte rau rai nga ai. ¹⁰ Da ndai gaw, Dawi hte rau nga ai nden ja ai share ni a agyi ni rai nga ma ai: Yehowa gaw Israela amyu a lam tsun wu ai hte maren, shanhte gaw Israela amyu masha ni mahkra hte rau Dawi hpe hkawhkam aya dang na matu, shi hpang maga e, dai mungdan hta, n-gun dat ai ni rai nga ma ai. ¹¹ Da ndai gaw Dawi hte rau nga ai nden ja ai share ni a jahpan rai nga ai: Hakmoni amyu Yashobeam gaw hpyenbu ni a du rai nga ai: shi gaw ri lang let, marai masum tsa hpe lang lata gasat nna, sat kau mu ai. ¹² Shi a hpang e, Ahohi masha Dodo a kasha Eliaza gaw, n-gun ja ai share masum hta lawm nga ai. ¹³ Shi gaw Dawi hte rau Pasdamin shara e nga nga ai rai nna, dai shara e nga ai muk-yaw mam hkaibang lawk hta hpyen gasat na matu Hpilisti masha ni hpawng nga ma ai; mung masha ni gaw Hpilisti masha ni a majaw hprawng mat wa ma ai. ¹⁴ Shanhte chyawm gaw hkaibang lawk ka-ang e tsap let hkap gasat nga nna Hpilisti masha ni hpe sat kau mu ai: Yehowa gaw padang ninglaw kaba hte shanhte hpe hkyehkrang la mu ai. ¹⁵ Lang mi gaw agyi sumshi hta na marai masum Dawi nga ai lunghkrung hkan na Adulam ginlawng hku kata de shang ma ai: Hpilisti luksuk ni gaw Rehpim kadit e dap jung nga ma ai. ¹⁶ Dawi gaw dai shaloi e dai hpyendap hta nga nga nna, Hpilisti sin langa ni gaw Betlehem mare kata de nga nga ma ai. ¹⁷ Dawi gaw, Marai langai ngai Betlehem chyinghka makau na hka htung ntsin ngai e lu shangun mi le, nga nna marit ai myit hte tsun wu ai. ¹⁸ shaloi dai marai masum Hpilisti dap de htim bang nna, Betlehem chyinghka makau na ntsin ja la nhtawm, Dawi hpang de la wa mu ai: raitimung, Dawi gaw n lu hkraw ai sha Yehowa man e ru kau let, ¹⁹ Ndai ntsin ngai lu na gaw nye a Karai Kasang hkum u ga; tinang asak hpe nawng kau ai ni a asai ngai lu na kun? shanhte gaja wa tinang asak nawng kau ai hte ndai ntsin la wa ma ai, nga nna n lu hkraw ai. Shingrai dai share masum galaw ma ai. ²⁰ Bai Yoab a kanau Abshai gaw share kaba masum a agyi rai nga ai: shi gaw ri lang let masha masum tsa hte hpe gasat nna, sat kau mu ai majaw dai marai masum hta shi lawm nga ai. ²¹ Dai marai masum hta na, shi gaw marai lahkawng hta arawng grau lu nna, shan a agyi tai wa ai: raitimung, shi gaw shawng na marai masum a lahkam n dep wu ai. ²² Bai Kabzela shara na, nden ja ai myit hte magam amu kaba shachyen chye ai Yehoiada a kasha Benaia gaw, rai nga ai: shi gaw Moba masha Ariela a shadang sha yan hpe sat kau wu ai: dai hta kaga shi gaw nshung ta e lungpu ka-ang de shang nhtawm, hkanghkyi langai mi hpe sat kau wu ai. ²³ Hkum shing-yan dawng manga tsaw ai Egutu masha langai mi hpe mung shi sat kau wu ai: dai Egutu masha a lata hta da hkaw daram kaba ai ri numdu lang nga timung, Benaia gaw dawhkrawng sha lang let, sa wa nna, Egutu masha a lata na ri kashum la nhtawm, dai ri hte shi hpe sat kau wu ai. ²⁴ Dai amu hte hpe Yehoiada kasha Benaia galaw wu ai rai nna, share masum ngu na hta shi a amying mung lawm nga ai. ²⁵ Yu u, shi gaw share sumshi hta arawng grau lu timung, shawng na marai masum a lahkam n dep wu ai: Dawi gaw shi a sin langa ni a ntsa e shi hpe bu shatai wu ai. ²⁶ Bai luksuk laba ni a share ni gaw: Yoab a kanau Asahela; Betlehem masha Dodo a kasha Elhanan; ²⁷ Haro masha Shamot; Pelo masha Heleza; ²⁸ Teko masha Ikesha a kasha Ira; Anahtot masha Abieza; ²⁹ Hushat masha Sibehkai; Aho masha Ilai; ³⁰ Netohpa masha Maharai; Netohpa masha Bana a kasha Heled; ³¹ Ben-yamin amyu Gibea shara na Ribai a kasha Ihtai; Pirat masha Benaia; ³² Gasha hkaraw na Hurai; Arba masha Abiela; ³³ Baharu masha Azmawet; Shalabo masha Eliaba; ³⁴ Gizon masha Hashem a kasha ni; Hara masha Shage a kasha Yonahtan; ³⁵ Hara masha Sahkara kasha Ahiam; Ura kasha Elihpala; ³⁶ Mehkera masha Hehpera, Pelo masha Ahiya; ³⁷ Hkarmela masha Hezro: Ezbai a kasha Narai; ³⁸ Nahtan a kanau Yoela; Hagri a kasha Mibhara: ³⁹ Amon masha Zelek; Zeruia kasha Yoab a ri nhtu gunhpai ai wa Berot masha Naharai; ⁴⁰ Ihtri masha Ira; Ihtri masha Gareb; ⁴¹ Hiti masha Urai; Alai a kasha Zabad; ⁴² Rubin du amyu hta na Rubin masha Shiza a kasha Adina hte, shi hte rau nga ai marai sumshi; ⁴³ Mahka a kasha Hanan, Mitni masha Yoshahpat; ⁴⁴ Ashtera masha Uzia; Arori masha Hohtam a kasha Shama yan Yiela; ⁴⁵ Shimri a kasha Yediela hte shi a kanau Tizi masha Yoha; ⁴⁶ Mahawi masha Eliela; Elnam a kasha Yeribai yan Yoshawi; ⁴⁷ Moba masha Itma hte hpawn Eliela. Obed, Mezoba masha Yesiela hte rai ma ai.

¹ Dawi gaw Kisha a kasha Shawlu hpe hprawng makoi nna, Zikla mare e naw nga nga yang, shi kaw sa shingbyi ai ni gaw da ndai hte rai ma ai: shanhte gaw hpyen majan hta shi hpe karum ai nden ja ai share ni rai nga ma ai. ² Shanhte gaw ndan lang nna, lakli hte nlung nwat kabai timung, ndan pala gap yang mung, pai hkra lata ma ai n rai: dai ni gaw Ben-yamin amyu hta na Shawlu a kahpu kanau ni rai ma ai. ³ Agyi wa gaw Ahizera; shi hpang na ni. Gibea masha Shema a kasha Yosha; Azmawet a kasha Yezela yan Pelet; Berahka. Anahtot masha Yehu; ⁴ dai marai sumshi hta lawm nna, shanhte a ntsa e rai nga ai, nden ja ai share Gibeon masha Ishmaia; Jeremia, Yahazela, Yohanan. Gedera masha Yozabad; ⁵ Eluzai, Yerimot, Bealia, Shemari, Haruk masha Shehpatia; ⁶ Elkana, Ishia, Azarela, Yozera, Yashobeam, Kora masha ni, ⁷ Yoela hte Gedora masha Yehoram a kasha Zebadia hte rai ma ai. ⁸ Bai Dawi nga ai nam mali na hpyendap ni hta, hprawng shingbyi nga ai, nden ja ai share ni, hpyen majan amu chye galaw nna, ri n-gang chye lang ai Gad masha ni mung lawm ma ai: shanhte a myiman gaw hkanghkyi myiman hte bung nna, bum lang ga hkan na tsu aya zawn gat laram chye ma ai. ⁹ Ezera gaw agyi rai nga ai; lahkawng ngu na Obadia; masum ngu na Eliaba; ¹⁰ mali ngu na Mishman;manga ngu na Yeremia; ¹¹ kru ngu na Atai; sanit ngu na Eliela; ¹² matsat ngu na Yohanan; Jahku ngu na Elazaba; ¹³ shi ngu na Yeremia; shi langai ngu na, Makbanai, rai nga ma ai. ¹⁴ Ya tsun ai Dan masha ni gaw luksuk bu ni rai nga ma ai: Grau kaji ai wa gaw marai latsa hpe, grau kaba ai gaw marai hkying mi dang lu ai. ¹⁵ Shanhte gaw Yawdan hka tung ai aten, shawng na ta hta rap sa nna, pa ga na sinpraw sinna e nga ai masha ni hpe jahtaw kau mu ai. ¹⁶ Bai, Dawi nga ai hpyendap ni de, Ben-yamin hte Yuda kashu kasha ni mung sa shingbyi ma ai rai nna, ¹⁷ Dawi gaw shanhte hpe tau la na nga pru sa wa let, Ngai hpe shingtau na matu nanhte ngwi pyaw ai hte du sa myit dai rai yang gaw, nye a myit nanhte a myit hte makyit na li ai: shing n rai, nye hpyen ni a lata de ngai hpe ap kau na matu nanhte sa du ai rai yang, nye a lata hta hpa mara n kap ai majaw, ji wa a Karai Kasang dai hpe yu yu nna, daru kau u ga, ngu nna shanhte hpe hkap tsun mu ai. ¹⁸ Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, Nang hta ngwi ngwi pyaw pyaw rai nga u ga law; Nang hpe karum ai ni mung ngwi pyaw nga mu ga law, ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai. ¹⁹ Dawi gaw Hpilisti masha ni hte rau Shawlu hpe gasat na nga sa wa nga yang, Manashe masha nkau mi mung, shi hpang de hprawng shingbyi ma ai: raitimung, Hpilisti masha ni hpe karum mu ai n rai: kaning rai nme law, Hpilisti du ni gaw, Anhte hpe sat kau na matu, shi gaw shi a madu Shawlu hpang de kayin mat na ra ai, nga nna bawng nhtawm, shi hpe shabai kau dat mu ai ²⁰ Shingrai Dawi gaw Zikla mare de sa wa yang, shi kaw hkan nang ai Manashe masha ni gaw Adna, Yozabad, Yediela, Mihkaela, Yozabad, Elihu, Zilihtai hte rai ma ai:dai ni gaw Manashe amyu na hkying hkying up ai bu ni rai nga ma ai. ²¹ Shanhte gaw nden ja ai share ni hte, hpyen luksuk du ni rai nga nna, damya hpung ni hpe gasat na matu, Dawi hpe karum mu ai. ²² Shingrai Karai Kasang a wunawng wuwa zawn law ai luksuk daram du hkra. Dawi hpe karum na matu, lani hte lani masha ru bang wa ma ai. ²³ Da ndai hte gaw, Yehowa mungga hte maren, Shawlu a mungdan, Dawi a lata de ap ya na nga, Hebron mare de shi kaw sa du ai, hpyen majan galaw na matu ri nhtu lang ai agyi ni a nambat rai nga ai. ²⁴ Yuda amyu hta na n-gang hte ri lang ai hpyen masha hkying kru e matsat tsa; ²⁵ Simun amyu hta na hpyen shang ram ai nden ja ai wa-ngan ni, hkying sanit e latsa; ²⁶ Lewi kashu kasha ni hta na, hkying mali e kru tsa hte rai ma ai. ²⁷ Arun dap na agyi gaw Yehoiada rai nga nna, shi hte rau marai hkying masum e sanit tsa lawm ma ai; ²⁸ bai, nden ja ai wa-ngan Zadok hte shi kawa a dap na hpyenbu hkun lahkawng mung lawm ma ai. ²⁹ Shawlu a kahpu kanau Ben-yamin masha ni hta na marai hkying masum sha lawm ma ai: kaning rai nme law, dai aten du hkra shanhte law malaw gaw Shawlu nta hta naw manoi nga ma ai. ³⁰ Ehprim a kashu kasha ni hta na, tinang a kaji kawa ni a dap hta kajai gumhkawng ai nden ja ai wa-ngan ni mun lahkawng e matsat tsa; ³¹ Dawi hpe hkawhkam dang na nga, jahpan hta lawm ai Manashe amyu chyen mi hta na mun me hkying matsat hte lawm ma ai. ³² Bai, Israela masha ni, dai aten e mai galaw na lam chye dawdan ai Yisahka kashu kasha ni hta na, agyi ni tsa mung lawm nna, shanhte a kahpu kanau ni yawng, shanhte a ga madat mara nga ma ai. ³³ Myit mashe n rawng nna, hpyen hking arai amyu myu hte hpyen majan lam chye shachyen nna, hpyen luksuk ni hte rau pru sa wa lu ai, Zebulun amyu hta na wa-ngan mun manga mung lawm ma ai. ³⁴ Naphtali amyu hta na hpyenbu hkying mi, n-gang hte ri lang ai hpyen masha mun masum hkying sanit; ³⁵ Hpyen majan chye galaw ai Dan amyu hta na mun lahkawng hkying matsat e kru tsa; ³⁶ hpyen majan chye galaw nna luksuk ni hte rau pru wa lu ai Ashe amyu hta na mun mali; ³⁷ Yawdan hka wora hkran na Rubin, Gad hte Manashe amyu chyen mi hta na, hpyen gasat na matu hpyen hking amyu amyu myu lang ai marai sen me mun lahkawng lawm ma ai. ³⁸ Shanhte nlang hpyen majan chye galaw nna, Dawi hpe Israela hkawhkam aya dang na nga, myit langai sha hte Hebron mare de sa wa ma ai: naw ngam nga ai Israela amyu yawng hte mung, myit langai sha hte Dawi hpe hkawhkam aya dang na maw ma ai. ³⁹ Shanhte gaw masum ya tup dai yang e Dawi hte rau lusha let nga nga ma ai: kaning rai nme law, shanhte a kahpu kanau ni hkyen tawn ngut manu ai. ⁴⁰ Dai hta kaga grupyin htingbu manang ni mung, Yisahka, Zebulun, Naphtali tsan ai ginwang kaw nna, shanhte gaw gumra, gawla-uk, lawze, utang ni hta, lusha, ngu ai muk hte muk shadung, lakum si dik apye, tsabyi si sumbaw, tsabyi jahku, tsanlun sau ni htaw sa ma ai: sagu dumsu law law mung gawt sa ma ai: kaning rai nme law, Israela amyu hta kabu gara rai nga ai.

¹ Bai Dawi gaw, agyi ni ngu ai, hpyen masha hkying mi up ai, latsa up ai bu ni yawng hte hte bawng nna, shi gaw Israela shawa hpawng hpe, ² Nanhte ra ai hte, anhte a Karai Kasang Yehowa mung hkraw a yang gaw, hkinjawng ni hte Lewi masha ni de nga ai mare ni hte de a ginwang ni hta naw ngam nga ai Israela mungdan shara shagu hkan na anhte a hpunau ni gaw anhte hte rau zuphpawng nga na matu, shaga la gaw; ³ shingrai, anhte a Karai Kasang a sakse sumpu hpe anhte bai hpai la ga: Shawlu a prat e dai sumpu a man e anhte san yu ga ga ai nrai, nga nna tsun ai ga hpe, ⁴ shawa masha ni na ra mu ai rai nna, dai lam mung masha ni a man e htuk nga malu ai majaw, shingrai galaw na lam yin la ma ai. ⁵ Shingrai Dawi gaw Karai Kasang a sakse sumpu hpe, Kiriat-yearim mare na hpai la na nga, Egutu mung na Shihora hka shi kaw nna, Hamat lamu ga jarit du hkra nga ai Israela amyu masha yawng hte hpe jahpawng la n-htawm, ⁶ Hkerubim lapran e dung ai, Yehowa amying nsang hte seng ai, Karai Kasang Yehowa sakse sumpu hpe hpai la na matu, Dawi hte Israela masha ni yawng, Yuda mung na, Kiriat-yearim ngu ai Bala mare de lung wa ma ai. ⁷ Ya shanhte gaw Karai Kasang a sumpu hpe Abinadab a nta na shapraw nhtawm, leng nnan a ntsa e mara mu ai: Uza yan Ahia gaw leng gau ma ai. ⁸ Dawi hte Israela masha ni yawng, mahkawn mangoi na matu, tingse, doria, chying, shupsheng hte pahtau lang let, n-gun lagaw mahkra hte Karai Kasang a man e dum nga ma ai. ⁹ Shingrai shanhte gaw Hkidon a mam chyarang de du ai shaloi, usu ni kadawng ai majaw, sakse sumpu hpe jum shadang na matu, Uza lata ladawn nna jum wu ai. ¹⁰ Shingrai sakse sumpu hpe jum ai majaw, Yehowa gaw Uza hpe masin pawt nna, dai yang e shi hpe ari jaw ai hte, shi Karai Kasang a man e si wa sai. ¹¹ Yehowa gaw Uza hpe anu sat kau ai majaw Dawi myit n pyaw nga ai rai nna, dai shara hpe ya du mateng Pere-Uza ngu nna shamying wu ai. ¹² Dawi gaw dai shani hta Karai Kasang hpe hkrit nna, ngai gaw Karai Kasang a sumpu hpe kaning rai hpai wa lu na kun, nga nna tsun let, ¹³ shi a shara Dawi mare de sumpu hpe n hpai wa ai sha, Giti masha Obed-edom a nta de hpai koi mat wa ai. ¹⁴ Shingrai Karai Kasang a sumpu gaw Obed-edom a nta masha ni hte rau, shi a nta hta shata masum tup rai nga ai: Yehowa mung Obed-edom a nta hte shi lu malu mahkra hpe shaman ya wu ai.

¹ Bai Turu hkawhkam Hiram gaw, Dawi a matu hkaw gap mu ga nga, kasa ni hte rau arit hpun, wut gaw ai ni hte laksama ni hpe shangun dat mu ai. ² Shingrai Yehowa gaw, shi hkum nan hpe Israela mungdan hta dang shagrin da nga ai gaw, Dawi nan chye da wu ai: kaning rai nme law, dai mungdan gaw, Israela amyu a jaw e shatsaw shagrau da ai hkrum nga ai. ³ Bai Dawi gaw Yerusalem mare hta num bai la jat nna, shayi shdang sha hte hpe shaprat wu ai. ⁴ Ya Yerusalem e shaprat ai, Dawi a kashu kasha ni a amying gaw, Shamua, Shoba, Nahtan, Shawlumon, ⁵ Ibhara, Elishua, Elpelet ⁶ Noga, Nehpeg, Yahpia, ⁷ Elishama, Beliada, Elipelet hte rai ma ai. ⁸ Ya Dawi gaw Israela amyu ting a ntsa e hkawhkam tai na matu namman chya hkam ai lam, ai lam, Hpilisti masha ni na ma yang shanhte nlang Dawi hpe tam sa wa nga ma ai: Dawi mung dai lam na nna, shanhte hpe hkap gasat na pru sa wa ai. ⁹ Hpilisti masha ni chyawm gaw Rehpim kadit e hpya lu hpya sha nga ma ai. ¹⁰ Shaloi Dawi gaw, Ngai Hpilisti masha ni hpe hkap gasat lu na kun? nang shanhte hpe na a lata hta ap ya na n ni? ngu nna Karai Kasang hpe san wu yang, Yehowa gaw Lung wa su, ngai shanhte hpe na a lata hta ap ya na de ai, ngu wu ai. ¹¹ Shingrai shanhte gaw Bala-perazim de lung nna, Dawi gaw shanhte hpe dai shara e hkap sat kau mu ai: Dawi mung, Karai Kasang gaw nye a lata hte, mawru ru ai zawn, nye a hpyen ni hpe agrawp kau wu ai, nga nna dai shara hpe Bala-perazim shamying wu ai. ¹² Shanhte gaw dai shara e tinang a hpara ni hpe kau da ma ai rai nna, dai ni hpe nat kau na, Dawi hkangda wu ai. ¹³ Bai Hpilisti masha ni gaw, dai kadit e hpya lu hpya sha let, nga nga ma ai. ¹⁴ Dawi mung Karai Kasang hpe bai san wu ai rai nna, Karai Kasang gaw, Nang shanhte nga ai de hkan lung lu na n rai; shanhte hpe koi kau nna, labri shalawng tawtap hku lung htim su; ¹⁵ Iabri hpun ni a ndung e hpyen hkawm sharat ai na ai shaloi, hpyen gasat na htim u: Hpilisti luksuk ni hpe gasat na nga, Karai Kasang gaw na a shawng e pru wa sai, ngu nna shi hpe tsun wu ai. ¹⁶ Karai Kasang hkangda ai hte maren Dawi galaw wu ai rai nna, Gibeon shara kaw nna, Gezera du hkra Hpilisti luksuk ni hpe hkan shaza kau mu ai. ¹⁷ Shingrai Dawi a kajai gumhkawng ai lam mung shagu hta danhkung wa nna, amyu shagu shi hpe hkrit mu ga nga, Yehowa shabyin wu ai.

¹ Dai hpang Dawi gaw, Dawi mare hta shi a matu nta shachyaw da wu ai; Karai Kasang a sakse sumpu matu mung shara mazing da nna sum gap wu ai. ² Shaloi Dawi gaw, Lewi masha ni hta kaga, Karai Kasang a sakse sumpu hpe kadai mung mai hpai na n rai: Karai Kasang a sakse sumpu hpe hpai na hte, shi a man e tutnawng dawjau na matu, Yehowa shanhte hpe lata la mu ai, nga ai . ³ Dai rai nna Dawi gaw, shi mazing da ai shara de, Yehowa sakse sumpu hpe hpai tawn na nga, Israela amyu ting hpe, Yerusalem mare e jahpawng la mu ai. ⁴ Bai Dawi gaw, Arun a kashu kasha ni hte Lewi masha ni hpe mung jahpawng la mu ai: ⁵ Kohat a kashu kasha ni hta na, Uriela agyi rai nga nna shi kahpu kanau ni latsa e hkun rai ma ai; ⁶ Merari a kashu kasha ni hta na, Asaia agyi rai nga nna, shi a kahpu kanau ni ni tsa e hkun rai ma ai; ⁷ Gershom a kashu kasha ni hta na, Yoela agyi rai nga nna shi a kahpu kanau ni latsa e sumshi rai ma ai; ⁸ Elizahpan a kashu kasha ni hta na, Shemia agyi rai nga nna, shi a kahpu kanau ni ni tsa rai ma ai; ⁹ Hebron a kashu kasha ni hta na, Eliela agyi rai nga nna shi a kahpu kanau ni matsat shi rai ma ai; ¹⁰ Uziela kashu kasha ni hta na, Aminadab agyi rai nga nna, shi a kahpu kanau ni latsa e shi lahkawng rai ma ai. ¹¹ Bai Dawi gaw hkinjawng Zadok yan Abiahta hpe, Lewi masha ngu ai, Uriela, Asaia, Yoela, Shemia, Eliela Aminadab hte hpe shaga la nna, ¹² shanhte hpe, Nanhte nan Lewi kaji kawa ni a dap na agyi ni rai nga myit dai, Israela Karai Kasang Yehowa a sakse sumpu hpe, ngai mazing da ai shara de hpai la na matu, nanhte hte nanhte a kahpu kanau ni tinang hkun shachyoi shapra mu. ¹³ Shawng de lang mi nanhte n hpai nna, tara hte maren shi hpe n tam ai majaw, anhte a Karai Kasang Yehowa anhte hpe ari jaw mi ai, ngu nna tsun mu ai. ¹⁴ Shingrai, Israela Karai Kasang Yehowa a sakse sumpu hpe hpai shalun na matu, hkinnawng ni hte Lewi masha ni tinang hkum hpe shachyoi shapra ma ai. ¹⁵ Yehowa htet da ai ga hkan nna, Mawshe hkangda ai hte maren, Lewi kashu kasha ni gaw Karai Kasang a sakse sumpu hpe kandang hte tinang a lahpa hta hpai mu ai. ¹⁶ Bai, kabu gara myit hte nsen sharawt garu let, sumpyi, doria, tingse shupsheng dum nna, mahkawn mangoi chye ai Lewi kahpu kanau ni hta na lata san da na lam, Dawi gaw Lewi agyi salang ni hpe hkangda mu ai. ¹⁷ Shingrai Lewi agyi ni gaw, Yoela kasha Heman hte shi a kanau ni hta na Berehkia kasha Asap; shanhte a kahpu kanau Merari a kashu kasha ni hta na Kushaia kasha Ehtan hte hpe mung; ¹⁸ shanhte a lawu na kahpu kanau ni, Zehkaria, Ben, Yaziela, Shemiramot, Yehiela, Uni, Eliaba, Benaia, Masia, Matihtia, Elihpelehu, Miknea hte hpe mung san da mu ai: chyinghka sin ai yan Obed-Edom hte Yeiela rai ma ai. ¹⁹ Shingrai mahkawn mangoi woi ai Heman, Asap, Ehtan hte gaw magri shupsheng dum shangoi ma ai; ²⁰ bai, Aramut tingse dum ai ni gaw, Zehkaria, Aziela, Shemiramot, Yehiela, Uni, Eliaba, Masia, Benaia hte rai ma ai. ²¹ Nsen hkum ai Sheminit tingse dum ai ni gaw, Matahtia, Elihpelehu, Miknea, Obed-edom, Yeiela, Azazia hte rai ma ai. ²² Lewi masha ni a agyi Hkenani gaw mahkawn mangoi lam woi nga ai: shi gaw dai baw hpaji rawng ai majaw, mahkawn mangoi lam sharin ya wu ai. ²³ Berehkia hte Elkana gaw, sakse sumpu a chyinghka sin ai yan rai nga ma ai. ²⁴ Bai, hkinjawng Shebania, Yoshahpat, Nehtanela, Amasai, Zehkaria, Benaia, Elieze hte gaw, Karai Kasang a sakse sumpu man e pahtau dum ma ai: Obed- edom hte Yehia gaw sakse sumpu a chyinghka sin ai yan rai nga ma ai. ²⁵ Shingrai Dawi, Israela agyi salang ni hte hpyen hkying mi up ai bu ni gaw, Obed-edom a nta na Yehowa a ga shaka sumpu hpe kabu gara myit hte hpai la na nga, sa wa ma ai. ²⁶ Ya Karai Kasang gaw, Yehowa a ga shaka sumpu hpai la ai Lewi masha ni hpe karum mu ai majaw, shanhte gaw usu sanit, sagu la sanit nawng ya mu ai. ²⁷ Dawi mung, sakse sumpu hpai ai ni mung, mahkawn mangoi ai ni hte mahkawn mangoi woi ai agyi Hkenania mung, hpraw tu ai lachyit sumpan lawai nga ma ai. dai hta kaga Dawi gaw lachyit hpahkai lawng kahtap hpun da wu ai. ²⁸ Shingrai Israela masha ni yawng, garu jahtau nna, pahke, pahtau, shupsheng dum ai hte, tingse, doria hpe shangoi let, Yehowa a ga shaka sumpu hpe hpai wa ma ai. ²⁹ Ya Yehowa a ga shaka sumpu Dawi mare hta shang wa yang, Shawlu a shayi sha Mihkala gaw hkuwawt hku hkap yu nna, Dawi ka let tingse dum nna wa ai hpe mu wu jang, shi hpe hkyet yu rung wu ai.

¹ Shingrai shanhte gaw Karai Kasang a sakse sumpu hpai la nna, Dawi mazing da ai sum ka-ang e tawn da nhtawm, wan nat hkungga hte mahku hkungga Karai Kasang a man e nawng ya mu ai. ² Ya Dawi gaw wan nat hkungga hte mahku hkungga nawng ya ngut jang, mung masha ni hpe Yehowa a mying nsang hte shaman ya mu ai. ³ Bai shi gaw Israela masha lasha numsha shagu hpe muk tawng mi, shan tau mi hte tsabyi si pa pa karan jaw mu ai. ⁴ Bai, Yehowa a sakse sumpu a mana e dawjau na hte, Israela Karai Kasang Yehowa a chyeju dum nna, shi hpe shakawn kungdawn na matu, Dawi gaw Lewi masha nkau mi hpe san da mu ai: ⁵ Asap gaw agyi rai nga ai; shi a lawu e nga nna, tingse hte doria dum ai ni gaw, Zehkaria, Yeiela, Shemiramot, Yehiela, Matihtia, Eliaba, Benaia, Obed-edom, Yeiela hte rai ma ai; Asap gaw ngoi garu ai shupsheng dum nga ai; ⁶ bai hkinjawng Benaia hte Yahaziela gaw Karai Kasang a ga shaka sumpu man e tutnawng pahtau dum nga ma ai. ⁷ Dai shani e Dawi gaw, Asap hte shi a kahpu kanau ni a n-gup e Yehowa a chyeju hpe shakawn kungdawn ai lam nnan tawn da wu ai. ⁸ Yehowa a chyeju hpe shakawn mu, Shi a amying nsang hpe shaga mu: Shi a amu bungli amyu baw ni hpe tsun dan mu. ⁹ Shi hpe mahkawn mu, shi hpe mangoi mu, Shi a mauhpa amu nlang hte hkai dan mu. ¹⁰ Shi a chyoi pra ai amying hta kabu gumrawng nga mu: Yehowa hpe tam ai ni amyit masin kabu nga malu ga. ¹¹ Yehowa hte shi a n-gun atsam hpe tam san mu; Shi a myiman hpe tutnawng e hkan tam mu. ¹² Shi a mayam Israela a aru arat hte e, Shi lata la ai Yaku a kashu kasha ni e, ¹³ Shi galaw dan sai lamik kumla bungli hte, Shi a mauhpa magam, shi a n-gup na pru ai tara hpe, adum nga mu. ¹⁴ Shi Yehowa gaw anhte a Karai Kasang rai nga ai: Ga ting hta e shi a tara dara ai ga, pru nga ai. ¹⁵ Abraham hte tawn da nga nna, Isak hpe dagam shagrin da ai ga shaka ngu ai, ¹⁶ Prat hkying mi a matu hkangda ai mungga hpe, Prat dingnawng e adum nga mu. ¹⁷ "Hkanan mung hpe na a sali wunli jarit matu, Ngai nang hpe jaw na nngai," nga ai ga gaw, ¹⁸ Yaku hte ga madat shi tawn da nna, Israela hta prat dingsa na ga shaka shatai nu ai. ¹⁹ Nanhte hpe hti yu na mi garai n ra, Amyu kaji naw rai nga nna, dai mung e shingbyi nga ma yang, ²⁰ Amyu mi hta na amyu mi de, Mung mi kaw nna mung mi de, htawt hkawm ma ai shaloi e, ²¹ Shanhte hpe zingri na shi n hkraw nga ai rai nna, Shanhte a majaw hkawhkam hpe pyi ari jaw nu ai. ²² "Nye a namman chya ai ni hpe hkum hkra myit, Nye a myihtoi ni hpe hkum shatsang myit," nga nna shi tsun nga ai. ²³ Aga ting Yehowa hpe mahkawn mangoi mu, Shi a hkyehkrang la ai lam hpe lani hte lani hkai dan mu. ²⁴ Masha amyu ni hpe shi a hpung shingkang, Amyu baw shagu hpe shi a mauhpa amu gawn dan mu. ²⁵ Yehowa gaw galu kaba nga ai rai nna, Nachying shakawn ging ai wa rai nga ai: Hpara mahkra ni hta mung shi hpe grau hkrit mai nga ai. ²⁶ Amyu baw ni a hpara ni, sumla hkrai rai nga ma ai; Yehowa chyawm gaw sumsing lamu hpe hpan da nu ai. ²⁷ Ndaw nsa hte hpung shingkang shi a man e nga nga ai, Atsam hte reng htum ai shi a shara e nga nga ai. ²⁸ Masha amyu dap ni e, anhte a Yehowa hpe, Rai sa, Yehowa hpe hpung shingkang hte atsam yin la mu. ²⁹ Yehowa a mying ningsang hpe hpung shingkang yin la mu; Lusha hkungga lang let shi a man de shang mu: Chyoi pra ai hpe mawn sumli nna, Yehowa hpe nawku mu. ³⁰ Mung shagu shi a man e hkrit gari nga mu ga; Gaja wa mungkan ga hpe shi tawn da nna, dai gaw shamu shamawt nga ai, n rai. ³¹ Sumsing lamu kabu gara nga nna, gingding aga garu jahtau na ra ai; "Yehowa gaw Hkawhkam rai nga ai," ngu nna masha amyu ni hpe tsun dan mu. ³² Nammukdara hte dai hta rawng marawng, nsen kaba hte kashaw nga mu ga: Pa hte dai yang na nga manga kabu awng nga mu ga: ³³ Shaloi maling na hpun yawng hte, Yehowa man e awng sharawng nga na mara ai; Kaning rai nme law, Lamu ga hpe tara dara na shi du ra ai. ³⁴ Yehowa gaw mai kaja nga ai majaw, chyeju dum mu; Shi a chyeju htani htana e anga nga ai. ³⁵ Nanhte gaw, Anhte hpe hkyehkrang la ai Karai Kasang e, anhte hpe hkyehkrang la mi. Na a chyoi pra ai amying hpe shakawn kungdawn nna, Nang hpe shakawn ai hta nlaw nga lu hkra, Masha amyu ni hta na anhte hpe shinggyin la nna, mawai la mi law, ngu nna tsun mu. ³⁶ Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai. ³⁷ Shingrai shi gaw, Yehowa a ga shaka sumpu man e shani shagu tutnawng dawjau na matu, Asap hte shi a kahpu kanau ni hpe mung, ³⁸ Obed-edom hte shi a kahpu kanau kru shi matsat hte hpe mung; chyinghka sin na matu Yeduhtun hte Hosa a kasha Obed-edom hpe mung, ga shaka sumpu man e san da mu ai; ³⁹ bai, wan nat hkungga nawng ai tawn hkungri ntsa e shani shagu jahpawt hte shana e Yehowa hpe wan nat hkungga nawng ya na matu, Gibeon a tsaw ai kawng ntsa na, ⁴⁰ Yehowa a sumpan sum man e, hkingjawng Zadok hte shi a kahpu kanau ni hpe tawn da mu ai: dai gaw, Israela masha ni hpe hkangda ai hte, Yehowa a tara hta ka da nga ai hte maren rai nga ai: ⁴¹ bai, Yehowa a n-gaw nwai myit htani htana agrin nga ai majaw, shi a chyeju hpe mahkawn mangoi na matu, Heman hte Yeduhtun hpe mung, Jahpan hta amying lawm ai ni hpe mung, shanhte hte rau san da mu ai: ⁴² shingrai Heman yan Yeduhtun gaw Karai Kasang hpe mahkawn mangoi na matu, pahke hte shupsheng aja awa dum shangoi ma ai: Yeduhtun a kasha ni gaw chyinghka sin nga ma ai. ⁴³ Shingrai shawa masha ni langai hte langai tinang a nta de wa mat ma ai: Dawi mung shi a nta hpe shaman ya na matu, bai wa ai.

¹ Ya Dawi gaw shi a hkaw e ban sa nga yang, shi gaw myihtoi Nahtan hpe, Yu u, ngai wa gaw marau hpun nta hta rawng nga ni ai; Yehowa a ga shaka sumpu chyawm gaw sumpan sum npu e rawng nga ai, ngu wu ai, ² Shaloi Nahtan gaw, Nang myit lu ai hte maren galaw u; Karai Kasang nang hte rau rai nga ai, ngu nna Dawi hpe htan wu ai. ³ Ya dai shana e pyi Karai Kasang a mungga Nahtan kaw du pru nna, ⁴ Nye a shangun ma Dawi hpe sa tsun su; Yehowa ning nga ai, Nang nye a matu shanu nga na nta galaw lu na n rai: ⁵ Kaning rai nme law, Israela amyu hpe woi lung wa ai shani kaw nna, dai ni du hkra, hpunpyen nta hta ngai n rawng ai sha, sum langai hte langai hta mung, htawt rawng nga ni ai. ⁶ Israela amyu ting hte ngai htawt hkawm nga ai shara shagu hkan e, nye a amyu hpe bau rem na Israela tara agyi langai ngai hpe, Nanhte gaw nye a matu marau hpun nta, hpa majaw n galaw myit ta? ngu nna ga hkaw mi tsun yu n ni? ⁷ Dai re ai majaw nye a shangun ma Dawi hpe ning ngu u; Zaw nawng zaw wa up ai Yehowa ning nga ai. Nang gaw nye a amyu Israela ntsa e du tai na matu, nang sagu naw rem nga kaw nna, sagu lawng hta na ngai nang hpe lata la sade ai: ⁸ nang hkawm sa wa ai lam shagu hta ngai nang hte rau rai nga nna, nang hpe hpyen ai ni yawng hpe na a man e ngai seng kau nhtawm, ga ntsa na danhkung ai amying rawng ai ni a amying zawn, ngai na a amying hpe mung shatai ya na de ai. ⁹ Bai, ngai gaw nye a amyu Israela matu nga shara tawn da nna, shanhte gaw tinang a shara hta nga nga lu ai hte, htawmhpang e nhtawt wa lu hkra, ngai shanhte hpe shangang da na mawe ai: n hkru n hkra re ai masha ni mung, moi shawng e zawn, ¹⁰ bai, nye a amyu Israela a ntsa e ngai tawn da ai tara agyi ni a aprat e zawn, shanhte hpe shamyit kau lu na n rai; nang hpe hpyen ai ni mahkra hpe, ngai shadip kau na nme ai.Dai hta n-ga, Yehowa na a matu nta gap da na ra ai, ngu nna ngai nang hpe tsun dan de ai. ¹¹ Shingrai nang aprat htum nna, na nji nwa ni kaw wa mat lu jang, na nsha ni hta na langai mi hpe ngai shagrau da nna, shi a mungdan hpe shagrin da na nngai. ¹² Shi gaw nye a matu nta galaw na ra ai; shi a tingnyang prat dingsa e ngai shagrin da na we ai. ¹³ Ngai gaw shi a kawa tai nna, shi gaw nye a kasha rai na ra ai; na a shawng e nga ai wa kaw na, nye a n-gaw nwai myit ngai dawm la ai zawn, shi hta na ngai dawm la na n rai: ¹⁴ ngai gaw shi hpe nye a nta, nye a mungdan hta, tutnawng shagrin da nna, shi magam tingnyang gaw htani htana dinggrin anga nga na ra ai, ngu wu ai. ¹⁵ Shingrai Nahtan gaw ndai ga mahkra hte, ndai shingran ga mahkra Dawi e htawn tsun ya wu ai. ¹⁶ Shaloi Dawi hkawhkam gaw nhku kata de shang nna Yehowa man e dung let, Karai Kasang Yehowa e, nang ngai hpe ndai hte wa shagrau da ai gaw, ngai hpa hkaw ai wa rai ta? nye a nta dap mung hpa rai nga a ta? ¹⁷ Dai gaw Karai Kasang e, na a man e amu kaji naw rai nga ai: raitimung, Karai Kasang Yehowa e, na mayam a nta hta htawmhpang e byin na ra ai lam ni, nang tsun dan nna, ngai hpe hpung rawng ai wa zawn nawn da n hka! ¹⁸ Nang gaw, na a myam Dawi hpe madun dan ai arawng sadang lam, ngai nang hpe hpa naw tsun lu na rai nga a ta? nang gaw na a mayam wa hpe chye nga ndai. ¹⁹ Yehowa e, ndai amu kaba mahkra hpe madu dan nga u ga, na a mayam wa matu mara mung, nang myit ra ai hte maren, ndai amu kaba mahkra hpe nang shabyin nu ai. ²⁰ Yehowa e, anhte na lu ai mahkra hte maren, nang hte bung ai mi n nga ai, nang hta kaga Karai Kasang shaje n nga ai. ²¹ Ga ntsa ting hta e, na a amyu Israela hte kadai bung nga a ta? Karai Kasang gaw shi a matu amyu shatai nna, mauhpa hte hkrithpa amu galaw let, amying nsang kaba shadan dan u ga nga, Egutu mung na nang woi lung wa ai, na amyu a man na tsasam amyu ni hpe shaden kau mu ai. ²² Kaning rai nme law, nang gaw na a amyu Israela hpe htani htana prat dingsa na a amyu shatai nna, nang gaw Yehowa e, shanhte a Karai Kasang tai nit dai; ²³ ya chyawm gaw Yehowa e, nang gaw na a mayam wa hte shi a nta masha ni a lam nang tsun ai ga tutnawng grin wa u ga; nang tsun ai hte maren shadik ya mi. ²⁴ Zaw nawng zaw wa up ai Yehowa gaw Israela Karai Kasang rai nga ai; rai sa, Israela amyu a matu Karai Kasang rai nga ai, nga nna, htani htana e na amying nsang hpe shagrin da ai hte shagrau ai hkrum u ga law; na a mayam Dawi a amyu matu mung, na a man e tutnawng agrin nga ai, ²⁵ Kaning rai nme law, nye a Karai Kasang e, nang gaw nye a amyu matu shagrin da na lam, na a mayam wa hpe madun dan nit dai majaw, na a mayam wa, na a man e akyu hpyi na wam nga ai. ²⁶ Ya chyawm gaw Yehowa e, nang Karai Kasang rai nga nna, na a mayam wa hpe ndai mai kaja ai lam shaka da nit dai: ²⁷ na a mayam wa a amyu matu ni na a man e prat dingsa grin nga lu hkra, na a mayam wa a nta hpe nang shaman ya nit dai: kaning rai nme law, nang Yehowa shaman ya nit dai majaw, dai gaw prat dingsa chyeju shaman ai hkrum nga ai, ngu nna hpyi wu ai.

¹ Dai hpang Dawi gaw Hpilisti masha ni hpe gasat dang kau nna, Gat hte de a kahtawng ni hpe Hpilisti masha ni a lata na kashun la mu ai. ² Moba masha ni hpe mung shi gasat dang kau nna, shanhte gaw Dawi a mayam tai let, hkanse bang ma ai. ³ Bai Dawi gaw Uhprat hka ginwang e shi a mungdan sa shagrin da yang, Zoba hkawhkam Hadareze hpe Hamat du hkra hkan gasat wu ai. ⁴ Dawi gaw dai wa a hpyen leng hkying mi, gumra jawn ai masha hkying sanit, lagaw hkawm ai hpyen masha mun lahkawng rim la nhtawm. hpyan leng latsa a matu gumra ngam da nna. hpyen leng gumra gale mahkra hpe lahkap dan kau ya wu ai. ⁵ Ya Damasku mare na Suri masha ni gaw Zoba hkawhkam Hadareze hpe sa karum yang. Dawi gaw Suri masha mun lahkwng e hkying lahkawng sat kau wu ai. ⁶ Shaloi Dawi gaw Suri mung na Damasku mare hta sin langa tawn da wu ai rai nna, Suri masha ni gaw Dawi a mayam tai nna, hkanse jaw mu ai. Dawi sa wa ai lam shagu hta Yehowa makawp maga nga ai. ⁷ Hadareze a mayam ni lang ai ja n-gang ni hpe Dawi kashun la nna. Yerusalem mare de la wa ma ai. ⁸ Dai hta kaga Dawi gaw Hadareze a mare Tibhat hte Hkun kaw na magri law law kashun la wu ai: Shawlumon gaw dai magri hte magri hka lawng, shadaw ni hte magri arai ni hpe galaw wu ai. ⁹ Ya Dawi gaw Zoba hkawhkam Hadareze a hpyen luksuk ni mahkra hpe dang kau lu ai lam, Hamat hkawhkam Tau na wu yang, ¹⁰ shi gaw hkawhkam Dawi hpe hkap shachyen na hte shaman ya na matu, shi a kasha Hadoram hpe shangun dat wu ai: kaning rai nme law, Hadareze mung tau hte hpyen majan rai nga ai; Hadareze mung tau hpe ya sha gasat sat di wu ai; Hadora gaw aja, gumhpraw, magri arai amyu myu hpe la sa wu ai. ¹¹ Hkawhkam Dawi gaw dai arai ni hpe mung, Edom, Moba, Ammon a kashu kasha ni, Hpilisti hte Amalek masha ni kaw na lahkawn wa ai aja gumhpraw hte rau Yehowa hpe nawng ya wu ai. ¹² Dai hta n-ga Zeruia kasha Abishai gaw Jum Kadit e Edom masha mun me hkying matsat sat kau wu ai. ¹³ Edom mung hta e, shi sin langa tawn da nna, Edom masha ni mahkra gaw Dawi a mayam ni tai nga ma ai. Yehowa mung Dawi a hkawm mahkawm hta shi hpe makawp maga da wu ai. ¹⁴ Shingrai Dawi gaw Israela mungdan ting hpe up nna, shi a mung masha ni mahkra hpe tara dara ai hte dinghpring ai hku jeyang wu ai. ¹⁵ Zeruia kasha Yoab gaw shi a jaubu kaba rai nga ai; Ahiluda kasha Yahosahpat gaw labau ka da ai wa rai nga ai. ¹⁶ Ahitob a kasha Zadok yan Abiahta a kasha Abimelek, hkinjawng rai nga ma ai; Shawsha gaw, kunhting chyare rai nga ai; ¹⁷ Yehoiada kasha Benaia gaw Hkrehte yan Pelehti ni hpe up nga ai: Dawi a kasha ni gaw Hkawhkam a hkringmang ni rai nga ma ai.

¹ Dai hpang Ammon a kashu kasha ni a hkawhkam Nahat gaw si mat nna, shi a kasha, kawa a malai hkaw dung nga ai. ² Shaloi Dawi gaw, Hanun a kawa Nahat ngai hpe chyeju madun ai majaw, ngai mung Hanun hpe chyeju htang na we ai, nga nna kawa a yawn hta na shi hpe shalan shabran na nga, kasa shangun dat wu ai. Dawi a ali ama ni mung Ammon a kashu kasha ni a mung hta, Hanun hpe shalan shabran na matu, shi kaw du ma ai. ³ Ammon a kashu kasha ni a agyi salang ni chyawm gaw Hanun hpe, Nang kaw shalan shabran ai masha sa du ai gaw, Dawi na a kawa hpe hkungga lara ai zawn, nawn da wu ni? Ndai mungdan hpe sawk yu nna, kin-yu yu ai hte hpya kau na matu, shi a shangun ma ni nang kaw sa du ai, n rai nga a ni?ngu nna tsun mu ai. ⁴ Dai rai nna Hanun gaw Dawi a shangun ma ni hpe rim la nna, mun shangun kau ya ai hte, dang bau du hkra shanhte a hpun palawng rep di kau ya nhtawm, dat dat mu ai. ⁵ Ya shanhte hpa hkrum ai lam, masha nkau mi Dawi hpe sa shana ya mu ai. Shanhte kaya kahpa kaba hkrum ai majaw, Dawi gaw shangun ma dat dat nna, hkawhkam wa gaw shanhte hpe, Nanhte a nmun garai n galu dingsa, Yerihko mare e naw nga ga nna, dai hpang e she wa marit, ngu dat mu ai. ⁶ Ammon a kashu kasha ni gaw Dawi a man e matsat shabat rai nga ai lam, shanhte dum chye la jang, Hanun hte Ammon a kashu kasha ni gaw, hpyen leng hte gumra jawn ai masha shaga na matu, Mesopotami mung, Aram-mahka mung hte Zoba mung de gumhpraw joi hkying mi shagun dat mu ai. ⁷ Shingrai shanhte gaw hpyen leng mun masum hkying lahkawng hpe mung, Mahka hkawhkam hte shi a masha ni hpe mung shaga la nna, dai ni gaw Medeba mare tawtap e sa but nga ma ai. Ammon a kashu kasha ni mung zuphpawng nga nna, tinang a mare ni kaw na gasat na pru wa ma ai. ⁸ Dai lam Dawi na wu jang shi gaw Yoab hte shi a share luksuk ni mahkra hpe shangun dat mu ai. ⁹ Shingrai Ammon a kashu kasha ni mung pru nna, mare chyinghka lam e hpyen gasat hkyen nga ma ai: sa karum ai hkawhkam ni gaw pa ga e kaga hkrai rai nga ma ai. ¹⁰ Ya Yoab gaw shi a shingdu aman hpyen man lahkawng tai nga ai mu jang, Israela masha ni mahkra hta na grau share ai ni yawng hpe lata la nna, Suri masha ni a hpang maga de hkyen tawn shangun mu ai. ¹¹ Naw ngam nga ai masha ni hpe shi a kanau Abishai a lata de ap ya wu ai rai nna, shanhte gaw Ammon masha ni a hpang maga de hkyen nga ma ai. ¹² Bai Yoab gaw, Suri masha ni ngai hpe dang wa jang ngai e sa karum e; Ammon a kashu kasha ni nang hpe dang kau yang, ngai nang hpe karum na de ai. ¹³ Dakan nga u; anhte a amyu hte anhte a Karai Kasang a mare ninghtawn ni a matu n-gun marai dat ga; Yehowa gaw shi ra ai hku hte maren, galaw u ga, ngu wu ai. ¹⁴ Shingrai Yoab gaw shi a masha ni hte rau Suri dap hpe gasat na htim mu ai rai nna, Suri masha ni shi a man na hprawng mat wa ma ai. ¹⁵ Suri masha ni hprawng mat wa ai hpe Ammon a kashu kasha ni mu jang, shanhte mung shi a kanau Abishai a man na hprawng nna, mare de hprawng wa ma ai. Shaloi Yoab gaw Yerusalem mare de wa mat ai. ¹⁶ Ya Suri masha ni gaw Israela masha ni a man e sum mat ai mu chye jang, shanhte gaw kasa shangun dat nna, hka wora hkran na Hadareze san da ai hpyenbu Shohpak hte shi up ai Suri masha ni hpe shaga mu ai. ¹⁷ Dai lam Dawi na wu jang, Israela masha ni yawng hte hpe jahpawng la nhtawm, Yawdan hka rap nna, shanhte nga ai de du jang hpyen gasat na hkyen tawn mu ai. Shingrai Dawi gaw hpyen gasat na hkyen ngut jang, Suri masha ni shi hpe hkap gasat mu ai. ¹⁸ Suri masha ni mung Israela masha ni a man na hprawng wa ma ai rai nna, Dawi gaw Suri hpyen leng masha hkying sanit, lagaw hkawm ai hpyen masha mun mali hpe sat kau ai hte, hpyenbu Shohpak hpe mung sat kau wu ai. ¹⁹ Shanhte gaw Israela man e sum mat ai hpe, Hadareze a ali ama ni mu jang, shanhte Dawi hte htinglu nna, shi kaw yamnga ma ai; Suri masha ni gaw htawmhpang e Ammon a kashu kasha ni hpe n karum manu ai.

¹ Ya shaning galai nna hkawhkam ni hpyen gasat na ladu bai hkrum jang, Yoab gaw hpyen luksuk ni hpe woi nna, Ammon a kashu kasha ni a mung hpe shaza kau nhtawm, Raba mare hpe wang tawn da mu ai. Dawi chyawm gaw Yerusalem mare e anga nga ai. Yoab mung Raba mare hpe gasat nna dang kau wu ai. ² Shaloi Dawi gaw shanhte a hkawhkam wa a janmau hpe shi a baw hta na raw la wu ai; dai gaw aja talenta langai mi daram li ai hte lungseng mung rawng nga ai: dai hpe Dawi a baw hta gup da wu ai: Dawi mung mare na lanep law law wa shapraw la wu ai. ³ Mare masha ni hpe mung shi shapraw nna, shanhte hpe zingret, hpri nasit, nwa hte ret achye sat kau mu ai. Shingrai Dawi gaw Ammon a kashu kasha ni a mare ni mahkra hpe galaw wu ai. Dai hpang Dawi gaw shi a masha ni mahkra hte rau Yerusalem mare de rai wa ai. ⁴ Dai hpyin ai hpang, Gezera shara hta e, Hpilisti masha ni hte hpyen majan baw wa sai: dai shaloi e Husha masha Sibehkai gaw Rehpim masha Sipai hpe sat kau nna, Hpilisti masha ni dang kau ai hkrum ma ai. ⁵ Hpilisti masha ni hte hpyen majan bai baw pru wa ai: dai shaloi e Yaira kasha Elhanan gaw dahkaw daram kaba ai ri numdu lang ai Giti masha Goliat a kanau Lami hpe sat kau wu ai. ⁶ Gat mare hta e hpyen majan bai baw pru sai: dai yang e hkum shing-yan tsaw ai hte lagaw lata maga mi kru kru tu nna, yawng hkun mali tu ai wa langai mi nga ai; shi mung Rehpim amyu na rai nga ai. ⁷ Shi gaw Israela masha ni hpe hta dakat nga yang, Dawi a kahpu Shimea kasha Yonahtan gaw shi hpe sat kau wu ai. ⁸ Ndai ni gaw Gat mare na Rehpim amyu a kasha ni rai nga ma ai: shanhte gaw Dawi hte shi ali ama ni a lata hte si mat masai.

¹ Ya Satan gaw Israela masha ni hpe alau nna, Israela amyu hpe jahpan la na Dawi hpe shadut wu ai. ² Shingrai Dawi gaw, Yoab hte Israela agyi salang ni hpe, Sa mu, Bera-sheba kaw nna Dan mare du hkra Israela amyu hpe hti yu nhtawm, shanhte gade law nga ma ai kun, ngai chye lu hkra, wa tsun dan marit, ngu dat mu ai. ³ Dai rai nna Yoab gaw, Yehowa shi a amyu hpe ya nga ai hta, htam latsa naw shalaw u ga; raitimung, nye a madu hkawhkam wa e, shanhte yawng na a mayam ni rai nga ma ai, n rai ni ? nye a madu ndai lam hpa majaw ra nta? Israela amyu hpe hpa majaw shut shangun na rai ta? ngu wu ai. ⁴ Raitimung hkawhkam a ga gaw Yoab a ga hpe dang kau wu ai. Dai re ai majaw Yoab sa nna, Israela mung ting hproi hkra hkawm nhtawm, Yerusalem de bai wa ai. ⁵ Ya Yoab gaw Jahpan laika a nambat Dawi hpe wa sak ya wu ai. Israela amyu hta ri nhtu chye lang ai masha yawng ri mi e sen mi law nga ma ai: Yuda amyu hta ri nhtu chye lang ai masha sen mali mun sanit rai nga ma ai. ⁶ Yoab gaw hkawhkam wa a ga hpe matsat ai majaw, Lewi hte Ben-yamin amyu hpe n hti shalawm wu ai. ⁷ Karai Kasang chyawm gaw dai lam n ra wu ai rai nna, Israela amyu hpe ari jaw wu ai. ⁸ Dai rai nna Dawi gaw Karai Kasang hpe, Ndai lam ngai galaw ai majaw, ngai nachying shut ni ai; raitimung, na a mayam wa a mara hpe ya raw dat kau ja e; ngai wa nachying ngawk ai amu galaw kau se ai, ngu nna hpyi wu ai. ⁹ Bai Yehowa gaw Dawi a myihtoi Gad hpe, Dawi hpang de sa tsun su: ¹⁰ Yehowa ning nga ai. Ngai nang hpe lam masum madun dan de ga; nang hpe ari jaw na matu dai hta na langai mi lata la u, ngu u, ngu dat wu ai. ¹¹ Shingrai Gad Dawi hpang de sa nna, Yehowa ning nga ai. ¹² Masum ning tup hku wa na tsin-yam; shing n rai, shata masum tup hpyen ni nang hpe hkan shachyut nna, nhtu hte shaza hkrum ai tsinyam; shing n rai, masum ya tup ndai mungdan hta Yehowa nhtu ngu ai ana zinli pru nna, Yehowa a lamu kasa gaw Israela mungdan ting lamu ga jarit du hkra shaza kau na tsin-yam, gara mahtang lata la mayu yang lata la u: ngai e shangun ai wa hpe gara hku htan lu hkra myit aru yu u, ngu wu ai. ¹³ Dai rai nna Dawi gaw, Ngai myit grai ru nngai; Yehowa a lata hta ngai shang u ga; shi a matsan dum ai myit grai kaba nga lu ai: masha a lata hta ngai n du n ga, ngu nna myihtoi Gad hpe tsun wu ai. ¹⁴ Shingrai Yehowa gaw Israela amyu hta ana zingli shangun dat nna, Israela masha mun sanit si mat ma ai. ¹⁵ Yerusalem mare hpe jahten na matu, Karai Kasang gaw lamu kasa shangun dat nna, dai mare hpe jahten magang wa nga yang, Yehowa mada yu nna, ari dai hte a majaw myit bai kayin nna, Ram sai, na lata dawm la nu, ngu nna jahten maw ai lamu kasa hpe tsun wu ai. Yehowa a lamu kasa chyawm gaw Yebusi masha Ornan a mam chyarang makau e tsap nga ai. ¹⁶ Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai. ¹⁷ Shaloi Dawi gaw Karai Kasang hpe, Mung masha ni hpe hti yu na, ngai nan hkangda ai, n rai nga a ni? shut nna n shawp ai amu kaba galaw ai gaw, ngai hkum nan rai nga n-ngai; ndai sagu ni mahtang hpa lam shut nga ma ta? nye a Karai Kasang Yehowa e, na a mung masha ni ana zinli n hkrum lu hkra, ngai hpe mung, nye wa a nta dap hpe mung ari jaw e law, ngu nna tsun wu ai. ¹⁸ Dawi gaw, Yebusi masha Ornan a mam chyarang hta Yehowa a matu tawn hkungri galaw na lam, Dawi hpe hkangda na, Yehowa a lamu kasa gaw Gad hpe hkang dat wu ai. ¹⁹ Dai rai nna Yehowa a amying nsang hte Gad htawn tsun ai ga hte maren, Dawi lung sa wa ai. ²⁰ Ornan gaw kayin yu wu yang, lamu kasa hpe mada mu wu ai; shi hte rau nga ai shi a shadang sha mali gaw makoi nga ma ai.Ornan chyawm gaw hkaulan mam dup nga ai. ²¹ Ya Dawi Ornan kaw sa du yang, Ornan mada yu nna Dawi hpe mu jang, mam chyarang na shi pru nhtawm, Dawi a man e ga de gum dagup wu ai. ²² Shaloi Dawi gaw Ornan hpe, Yehowa a matu tawn hkungri galaw na ndai mam chyarang ngai hpe ya e; mung masha ni hta na dai ana zinli jasim ya lu hkra, dai hpe ging dan ai manu hte dut ya rit, ngu wu ai. ²³ Shaloi Ornan gaw, Dai hpe la u; nye a madu hkawhkam wa myit ra ai hte maren galaw u ga: yu u, wan nat hkungga matu usu ni, hpun shatai na mam dup arai ni, lusha hkungga matu hkaulan mam hte yawng ngai sakjaw na nngai, ngu nna Dawi hpe tsun wu ai. ²⁴ Hkawhkam Dawi mahtang, Dai hku n rai; ngai gaja wa ging dan ai manu hte mari la na nngai; na a sut rai Yehowa hpe nawng ya na matu, ngai n la na nngai; manu n hkrat ai wan nat hkungga hpe mung n nawng ya na nngai, ngu nna Ornan hpe tsun wu ai. ²⁵ Shingrai Dawi gaw Ornan hpe aja shekela kru tsa shen ya nna, dai shara hpe mari la wu ai. ²⁶ Bai Dawi gaw dai yang e Yehowa a matu tawn hkungri galaw nna, wan nat hkungga hte mahku hkungga nawng ya let, Yehowa hpe shaga wu ai: Yehowa mung wan nat hkunga nawng ai tawn hkungri ntsa e wan jahkrat ai hte sumsing lamu de nna Dawi hpe htan ya wu ai. ²⁷ Yehowa gaw lamu kasa hpe hkangda nna, shi gaw shi a nhtu hpe n-ga hta bang da wu ai. ²⁸ Yehowa gaw Yebusi masha Ornan a mam chyarang e shi hpe htan ya wu ai gaw, Dawi mu wu yang, shi gaw dai shara e hkungga a nawng ya nga ai. ²⁹ Kaning rai nme law, nam mali hkan e Mawshe galaw ai Yehowa sumpan nta hte, wan nat hkungga nawng ya ai tawn hkungri gaw, dai aten e Gibeon a tsaw ai kawng ntsa e nga nga ai. ³⁰ Dawi chyawm gaw, Yehowa lamu kasa a nhtu hpe hkrit nga ai majaw, dai hkungri man e Karai Kasang hpe sa san na, n wam wu ai.

¹ Shaloi Dawi gaw, Ndai gaw Karai Kasang Yehowa nta, ndai gaw Israela masha ni a wan nat hkungga nawng na tawn hkungri, rai nga ai, nga ai. ² Bai Dawi gaw, Israela mung ting na tsasam masha ni hpe jahpawng da na lam hkangda wu ai: Karai Kasang a nta shachyaw na matu, nlung tawk ai ni hte nlung gaw chye ai ni hpe shaga mu ai. ³ Dai hta kaga Dawi gaw nta chyinghka ni, wing chyinghka ni hte dingbat ni hpe dit na matu, hpri masen law law mahkawng da wu ai; n dang shen hkra law ai magri mung shi tawn da wu ai. ⁴ N dang hti ai arit hpun hpe mung shi tawn da wu ai; kaning rai nme law, Sidon hte Turu masha ni gaw Dawi hpe arit hpun law law sak ya mu ai. ⁵ Dai rai nna Dawi gaw, Ngai sha Shawlumon asak kaji ai hte myit garai n kung nga ai: Yehowa matu shachyaw na nta chyawm gaw, mungdan shagu hta, hpung shingkang, arawng sadang danhkung kajai gumhkawng ai nta rai na rai ai: dai re ai majaw dai nta matu ngai shachyip da we ga, nga nna Dawi shi garai n si yang, arai law law shachyip da nu ai. ⁶ Shaloi shi gaw shi a kasha Shawlumon hpe shaga nna, Israela Karai Kasang Yehowa a matu nta galaw na lam hkangda wu ai. ⁷ Shingrai Dawi gaw shi a kasha Shawlumon hpe, Ngai nan, nye a Karai Kasang Yehowa a mying ningsang matu nta galaw na myit nngai. ⁸ Raitimung, Yehowa ngai hpe ning nga ai. Nang gaw asai law law ru kau ai hte, hpyen majan kaba gun nit dai: ga ntsa nye a man e sai law law hkaw kau ai majaw, nye a amying matu nta galaw lu na n rai. ⁹ Yu u, na a shadang sha langai mi ngwi pyaw ai wa rai na ra ai; grupyin na hpyen ni shi hpe gumlau lu na n rai; shi a amying gaw Shawlumon rai nga lu ai rai nna, shi a aprat e Israela masha ni hpe ngwi pyaw ai hte ban sa ai ngai jaw na nngai; ¹⁰ dai wa nan nye a amying matu nta galaw na ra ai; shi gaw ngai sha, ngai gaw shi a kawa tai na nngai; Israela mungdan ntsa e shi a tingnyang hpe htani htana prat dingsa e ngai shagrin da na we ai, nga ai, ngu wu ai. ¹¹ Ya ngai sha e, Yehowa nang hte rau rai nga u ga; nang galu kaba wa nna, Yehowa na a lam tsun ai hte maren, na a Karai Kasang Yehowa a nta hpe galaw da u. ¹² Na a Karai Kasang Yehowa a tara hpe nang hkan nang lu hkra, Yehowa gaw nang hpe hpaji byeng-ya hte kunghpan ai myit jaw ya nna, Israela masha ni a lam nang hpe hkangda n ga. ¹³ Yehowa gaw Mawshe hpe Israela amyu ni a lam hkangda ai matsun maroi ga hte tara dara ai ga hpe, nang hkan nang n yang gaw, ngamu ngamai ai hkrum na ndai: n-gun dating nna myit nden shaja u: hkum hkrit et, myit hkum hten et; ¹⁴ Yu u, ngai tsin-yam tsindam naw hkrum nga ai hte yang, Yehowa nta a matu, aja joi sen mi, gumhpraw joi ri mi hte n dang shen hkra law ai magri hte ahpri mahkawng da nngai; dai gaw grai law nga ai; ngau hte nlung mung shachyip da ni ai; nang gaw dai hta jat n ga. ¹⁵ Dai hta n-ga amu chye galaw ai ni law law nang hte rau nga ma ai; nlung chye tawk ai ni, lasama ni hte hpa baw amu mung chye galaw ai ni law law wa nga ma ai: ¹⁶ n dang hti ai aja, gumhpraw, magri, hpri nga nga ai, Rawt u, amu galaw nu, Yehowa nang hte rau rai nga u ga, ngu nna hkangda wu ai. ¹⁷ Dai hta kaga Dawi gaw shi a kasha Shawlumon hpe karum na matu, Israela agyi salang ni mahkra hpe hkangda nna, ¹⁸ Nanhte a Karai Kasang Yehowa gaw, nanhte hte rau rai nga ai n rai ni? shi nanhte hpe shara shagu hta ban sa shangun nga ai, n rai ni? shi gaw ndai mung na masha ni hpe nye a lata hta ap ya nna, dai mungdan gaw Yehowa a man e mung, shi a amyu masha ni a man e mung, taw nga ma ai. ¹⁹ Dai re ai majaw, nanhte a Karai Kasang Yehowa hpe hkan tam na nga, myit masin hte kraw lawang mahkra hpe shaja mu: rawt mu, Yehowa a mying ningsang a matu galaw na ra ai nta hta, Yehowa a ga shaka sumpu hte Karai Kasang a chyoi pra ai arai ni hpe shashawn na matu, Karai Kasang Yehowa chyoi pra ai nta hpe galaw da mu, ngu mu ai.

¹ Ya Dawi gaw dingla u-gut gu wa sai rai nna, shi a kasha Shawlumon hpe Israela ntsa e hkawhkam shatai wu ai. ² Dai hta kaga shi gaw, Israela agyi salang ni, hkinjawng ni hte Lewi masha nlang hte hpe, zuphpawng shangun wu ai. ³ Ya Lewi masha ni hta na asak sumshi ning lai nna, jahpan hta lawm ai lasha langai hte langai hpe hti yu yang, marai mun masum hkying matsat rai nga ma ai. ⁴ Dai ni hta na, Yehowa a nta hta amu yu hpajang ai ni, mun lahkawng hkying mali rai nga ma ai; hkying kru hte gaw tara agyi ni hte salang ni; ⁵ hkying mali hte gaw chyinghka sin ai ni; bai hkying mali hte gaw, ngai Dawi galaw ai dum ai baw hte Yehowa hpe dum shakawn na, rai nga ma ai. ⁶ Bai Dawi gaw, Lewi a shadang sha ni, Gershon, Kohat hte Marari a amyu hkan nna, shanhte hpe hpung mi hte hpung mi karan tawn mu ai. ⁷ Gershon a shadang sha yan gaw, Ladan hte Shime rai ma ai. ⁸ Ladan a shadang sha ni gaw, lat wa Yehiela, Zehtam hte Yoela, shanhte masum rai ma ai. ⁹ Shime a shadang sha ni gaw, Shelomot, Haziela, Haran hte masum rai ma ai. Shanhte gaw kawa Ladan a nta dap ni a agyi ni rai nga ma ai. ¹⁰ Bai Shime a kasha ni gaw, Yahat, Zina, Yeusha, Beria hte rai ma ai: dai mali gaw Shime a shadang sha ni rai nga ma ai. ¹¹ Yahat gaw alat wa rai nga ai; Ziza gaw Nnaw ngu na rai nga ai: Yeusha yan Beria gaw shadang sha law law n lu ma ai majaw, kawa a nta dap hta jahpan lawm ma ai. ¹² Kohat a shadang sha ni gaw, Amram, Izhara, Hebron, Uziela hte mali rai ma ai. ¹³ Amram a shadang sha yan gaw Arun yan Mawshe rai ma ai: Arun hte shi a shadang sha ni gaw, Yehowa a man e manam pyaw ai baw nat nawng na hte, shi hpe dawjau let shi a amying nsang hta shaman ya lu hkra, chyoi pra ai arai ni hpe tutnawng shachyoi shapra na matu, Arun gaw san da ai hkrum wu ai. ¹⁴ Karai Kasang a masha wa Mawshe a shadang sha ni gaw, Lewi amyu hta hti lawm ma ai. ¹⁵ Mawshe a shadang sha Gershom yan Eliaza rai ma ai. ¹⁶ Gershom a shadang sha ni hta, Shebuela alat rai nga ai. ¹⁷ Eliaza a shadang sha alat Rehabia rai lu ai: Eliaza gaw shadang sha kaga n lu ai: raitimung, Rehabia kasha ni grai law ma ai. ¹⁸ Izhara shadang sha, alat Shelomit rai nga ai. ¹⁹ Hebron a shadang sha ni gaw, alat wa Yeria, lahkawng ngu na Amaria, masum ngu na Yahaziela, mali ngu na Yekameam rai ma ai. ²⁰ Uziela shadang sha yan gaw, alat Mihka hta Nnaw Ishia rai ma ai. ²¹ Merari a shadang sha gaw, Mali yan Mushi rai ma ai. Mali a shadang sha gaw, Eleaza hte Kisha rai ma ai. ²² Eleaza gaw shadang sha n lu ai, shayi sha hkrai shaprat nna si mat sai. Kanau Kisha a shadang sha ni gaw shanhte hpe la mu ai. ²³ Mushi a shadang sha ni gaw, Mali, Edera, Yeremot hte masum rai ma ai. ²⁴ Da ndai gaw, asak hkun ning lai nna, Yehowa a nta hta amu gunhpai ai, Lewi shadang sha ni a kawa dap hkan nna, jahpan hta lawm ai amyu dap ni a agyi salang ni rai nga ma ai. ²⁵ Kaning rai nme law, Dawi gaw, Israela Karai Kasang Yehowa, shi a amyu masha ni hpe ban sa ai jaw ya nna, shi gaw Yerusalem mare hta tutnawng anga nga ai: ²⁶ Lewi masha ni mung, sumpan nta hte dawjau na matu dai hte seng ai arai ni hpe, ya kaw nna htawmhpang de n hpai ra na sai, nga ai. ²⁷ Kaning rai nga yang, Dawi a hpang jahtum na ga hte maren, asak hkun ning lai ai Lewi a shadang sha ni hpe jahpan la mu ai. ²⁸ Lewi a kashu kasha ni a aya chyawm gaw, Arun a shadang sha ni hpe shingtep shingtau ai rai nga ai: dai rai nna shanhte gaw, Yehowa a nta hte, nta wing ni hta, gawk ni hta mung, chyoi pra ai arai ni mahkra hpe, Karai Kasang a nta hta shi hpe dawjau na matu, shachyoi shapra na mung; ²⁹ madun da ai muk ni hpe, shadung hkungga jaw na matu mani ai shadung, matsi n rawng ai muk, di hta kabaw ai hpe raitimung, katsing raitimung, shadawn sharam ai lam shagu hta mung; ³⁰ jahpawt shagu, shana shagu, Yehowa a chyeju hpe shakawn kungdawn na matu mung; ³¹ ga shaka hte maren, laban nhtoi e mung, shata praw e mung, ladaw da ai poi nhtoi hta mung, Yehowa man e, tutnawng wan nat hkungga nawng ya na matu mung, ³² shawa masha ni hpawng nga ai sum hpe mung, chyoi pra ai shara hpe mung, Yehowa a nta hta dawjau na matu mung, tinang a kahpu kanau Arun a kashu kasha ni hpe singtep shingtau na matu san da ai hkrum ma ai.

¹ Ya, da ndai gaw Arun a amyu hpung ni rai nga ma ai. Arun a shadang sha ni gaw, Nadab, Abihu, Eliaza, Ihtama hte rai ma ai. ² Nadab yan Abihu gaw shadang sha n shaprat ai, kawa a shawng e si mat ma ai; dai rai nna, Eliaza hte Ihtama gaw hkinjawng amu galaw ma ai. ³ Dawi gaw, Eliaza kasha Zadok yan Ihtama a kasha Ahimelek hte rau, shan a amyu dap ni hpe, galaw ang ai amu hte maren, karan da mu ai. ⁴ Ihtama kashu kasha ni hta, agyi salang ni, Eliaza a agyi salang ni grau law ma ai: shanhte hpe ning rai karan da mu ai: Eliaza a amyu dap ni hta agyi shi kru, Ihtama a amyu dap ni hta agyi matsat rai nga ma ai. ⁵ Eliaza a kashu kasha ni hta na mung, Ihtama a kashu kasha ni hta na mung, chyoi pra ai shara hte, Karai Kasang a amu gunhpai na agyi ni rai nga ma ai majaw, shanhte hpe hpaida hte karan lata la mu ai. ⁶ Lewi amyu na, Nehtanela kasha, chyare wa Shemaia gaw, hkawhkam wa a man e mung, agyi salang ni a man e mung, hkinjawng Zadok a man e mung, Abiahta a kasha Ahimelek a man e mung, Lewi amyu na hkinjawng dap agyi ni a man e mung, shanhte a amying hpe ka da na, Eliaza a amyu dap hte Ihtama amyu dap hta na, langai hte langai hpe lata la mu ai. ⁷ Ya hpaida hte ang ai ni gaw, shawng e Yehoiariba hpe, lahkawng lang na Yedaia hpe; ⁸ masum lang na Harim hpe; mali lang na Seorim hpe; ⁹ manga lang na Malhkiya hpe, kru lang na Mayamin hpe; ¹⁰ sanit lang na Hakoza hpe, matsat lang na Abiya hpe; ¹¹ jahku lang na Yeshua hpe, shi lang na Shehkania hpe; ¹² shi langai lang na Eliashiba hpe, shi lahkawng lang na Yahkim hpe; ¹³ shi masum lang na Hupa hpe, shi mali lang na Yeshebea hpe; ¹⁴ shi manga lang na Bilga hpe, shi kru lang na Imera hpe; ¹⁵ shi sanit lang na Hezira hpe, shi matsat lang na Hapize hpe; ¹⁶ shi jahku lang na Pehtaia hpe, hkun lang na Yehezkela hpe; ¹⁷ hkun langai lang na Yahkin hpe, hkun lahkawng lang na Gamula hpe; ¹⁸ hkun masum lang na Delaia hpe, hkun mali lang na Mazi hpe lata la mu ai. ¹⁹ Dai gaw, Israela Karai Kasang Yehowa shanhte a kawa Arun hpe hkangda nna, Arun gaw shanhte hpe htawn tsun ai lam hte maren, Yehowa nta hta dawjau ai amu galaw na matu, san da ai hpung ni rai nga ma ai. ²⁰ Ya naw ngam ai Lewi a kashu kasha ni gaw, Amram a kasha ni hta Shubaela; Shubaela kasha ni hta na Yedea; ²¹ Rehabia kasha ni hta na, alat Ishia rai nga ma ai. ²² Izharia kasha ni hta na Shelomit; Shelomit a kasha ni hta na Yahat rai nga ai. ²³ Hebron a kasha ni hta na, alat wa Yeria, lahkawng ngu na, Amaria, masum ngu na Yahaziela, mali ngu na Yekameam rai ma ai. ²⁴ Uziela shadang sha Mihka; Mihka a shadang sha Shamira rai ma ai. ²⁵ Mihka a kanau Ishia; Ishia kasha ni hta na Zehkaria rai nga ai. ²⁶ Merari a kasha Mali yan Mushi; Yazia kasha Beno; ²⁷ Meraria amyu, Yazia shadang sha ni gaw, Beno, Shoham, Zahkura, Ibri hte rai ma ai. ²⁸ Mali kasha Eliaza gaw shadang sha n lu ai. ²⁹ Kisha a kasha Yeramela rai lu ai. ³⁰ Mishi a kasha ni hta na Mali, Edera, Yerimot rai ma ai. Da ndai gaw Lewi a kashu kasha ni a kawa dap ni rai nga ma ai. ³¹ Shanhte mung, shanhte a kahpu kanau Arun a kashu kasha ni hte maren, Hkawhkam Dawi hte Zadok yan Ahimelek a man e mung, Lewi amyu na, hkinjawng hpung ni a agyi salang ni a man e mung, hpaida hte lata la nna, kanau a amyu dap ni hpe lata la mu ai hte maren, shanhte hpe mung lata la mu ai.

¹ Dai hta kaga, Asap, Heman, Yeduhtun a kashu kasha nkau mi tingse, duria, shupsheng dum let, myihtoi htoi na matu, Dawi hte luksuk ni a bu ni gaw shanhte hpe san da mu ai: ² san da ai hpung ni hte maren, amu galaw ai ni a nambat gaw, Asap a kashu kasha ni hta na, Zahkura, Yosep, Nehtania, Asharela hte rai ma ai; shanhte gaw hkawhkam wa tawn da ai lam hte maren, kawa Asap a lawu e myihtoi htoi ma ai. ³ Bai. Yeduhtun amyu na, Yeduhtun a kashu kasha ni gaw Gedalia, Zeri, Yeshaia, Hashabia, Matihtia hte, kru rai ma ai: shanhte gaw kawa Yeduhtun a lawu e, tingse dum let, Yehowa chyeju hpe shakawn kungdawn nna, myihtoi htoi ma ai. ⁴ Bai, Heman amyu na, Heman a kashu kasha ni gaw, Bukia, Matania, Uziela, Shebuela, Yerimot, Hanania, Hanan, Eliahta, Gidalti, Romamti-ezera, Yoshbekasha, Malohti, Hohtira, Mahaziot he rai ma ai. ⁵ Shanhte mahkra gaw hkawhkam a myihtoi wa Heman a lawu e pahtau dum let, Karai Kasang hpe shakawn ma ai. Karai Kasang gaw Heman hpe shadang sha shi mali hte shayi sha masum jaw ya wu ai. ⁶ Shanhte mahkra gaw, Yehowa a nta hta mahkawn mangoi na hte, shupsheng, duria, tingse dum let, Karai Kasang a nta hta dawjau na matu, shanhte a kawa a lawu e rai nga ma ai: Asap, Yeduhtun hte Heman gaw hkawhkam a hkangda ai ga hte maren galaw ma ai. ⁷ Shanhte hte shanhte a kahpu kanau ni hte hpawn, Yehowa hpe mahkawn mangoi na hpaji lu ai ni yawng hte gaw, marai ni tsa e matsat shi matsat rai ma ai. ⁸ Dai aya lu la na matu shanhte hta kaji kaba, sara hte sape yawng, hpaida hte lata la ai maren hkrum ma ai. ⁹ Shawng na hpaida gaw Asap amyu na Yosep hta ang wa ai; lahkawng lang na Gedalia hta ang ai: shi hte shi a kahpu kanau ni hte shi a shadang sha ni, marai shi lahkawng rai ma ai: ¹⁰ masum lang na, Zahkura hte shi a shadang sha ni hte shi a kahpu kanau ni, shi lahkawng hta ang ma ai: ¹¹ mali lang na, Izri hta shi a shadang sha ni hte shi a kahpu kanau ni, shi lahkawng hta ang ma ai: ¹² manga lang na, Nehtania hte, shi a shadang sha ni hte kahpu kanau, shi lahkawng hta ang ma ai: ¹³ kru lang na, Bukia hte shi a shadang sha ni hte kahpu kanau, shi lahkawng hta ang ma ai; ¹⁴ sanit lang na, Yesharela hte shi a shadang sha ni hte kahpu kanau shi lahkawng hta ang ma ai; ¹⁵ matsat lang na, Yeshaia hte, shi a shadang sha ni hte kahpu kanau, shi lahkawng hta ang ma ai: ¹⁶ jahku lang na, Matania hte, shi a shadang sha ni hte kahpu kanau, shi lahkawng hta ang ma ai: ¹⁷ shi lang na, Shime hte shi a shadang sha ni hte kahpu kanau, shi lahkawng hta ang ma ai: ¹⁸ shi langai lang na, Azarela hte shi a kahpu kanau, shi lahkawng hta ang ma ai: ¹⁹ shi lahkawng lang na, Hashabia hte shi a shadang sha ni hte kahpu kanau, shi lahkawng hta ang ma ai: ²⁰ shi masum lang na, Shubaela hte shi a shadang sha ni hte kahpu kanau, shi lahkawng hta ang ma ai. ²¹ shi mali lang na, Matihtia hte shi a shadang sha ni hte kahpu kanau, shi lahkawng hta ang ma ai: ²² shi manga lang na, Yeremot hte shi a shadang sha ni hte kahpu kanau, shi lahkawng hta ang ma ai: ²³ shi kru lang na, Hanania hte shi a shadang sha ni hte kahpu kanau, shi lahkawng hta ang ma ai: ²⁴ shi sanit lang na, Yoshbekasha hte shi a shadang sha ni hte kahpu kanau, shi lahkawng hta ang ma ai: ²⁵ shi matsat lang na, Hanan hte shi a shadang hsa ni hte kahpu kanau, shi lahkawng hta ang ma ai: ²⁶ shi jahku lang na, Malohti hte shi a shadang sha ni hte kahpu kanau, shi lahkawng hta ang ma ai: ²⁷ hkun lang na, Eliahta hte shi a shadang sha ni hte kahpu kanau, shi lahkawng hta ang ma ai: ²⁸ hkun langai lang na, Hohtira hte shi a shadang sha ni hte kahpu kanau, shi lahkawng hta ang ma ai: ²⁹ hkun lahkawng lang na, Gidalti hte shi a shadang sha ni hte kahpu kanau, shi lahkawng hta ang ma ai: ³⁰ hkun masum lang na, Mahaziot hte shi a shadang sha ni hte kahpu kanau, shi lahkawng hta ang ma ai: ³¹ hkun mali lang na, Romamti-ezera hte shi a shadang sha ni hte kahpu kanau, shi lahkawng hta ang ma ai.

¹ Bai, chyinghka sin ai hpung ni gaw: Kora amyu hta na, Asap a dap, Kore a kasha Meshelemia rai nga ai. ² Meshelemia gaw shadang sha shaprat ai: kasha alat gaw Zehkaria; lahkawng ngu na, Yediela; masum ngu na, Zebadia; mali ngu na Yatniela; ³ manga ngu na, Elam; kru ngu na Yehohan; sanit ngu na Elihonai hte rai ma ai. ⁴ Obed-edom mung shadang sha shaprat wu ai: kasha alat gaw Shemai; lahkawng ngu na Yehozaba; masum ngu na Yoa; mali ngu na Sahkara; manga ngu na Nehtanela; ⁵ kru ngu na Amiela; sanit ngu na Isahka; matsat ngu na Peulhtai rai ma ai: kaning rai nme law, Karai Kasang shi hpe shaman ya wu ai. ⁶ Shi a kasha Shemaia mung, shadang sha shaprat wu ai: shanhte gaw kawa nta dap ni hpe up ma ai: hpa majaw nga yang, shanhte gaw nden ja ai wa-ngan ni rai nga ma ai, ⁷ Shemaia shadang sha ni gaw, Otni, Rehpaela, Obed, Elzaba hte n-gun ja ai shi a kanau Elibu Semahkia hte rai ma ai. ⁸ Dai ni mahkra gaw Obed-edom a kashu kasha ni rai ma ai: shanhte mung, shanhte a kashu kasha ni hte kahpu kanau ni mung, dawjau na matu n-gun ja ai ni rai nga ma ai; Obed-edom hta na yawng marai kru shi lahkawng rai ma ai. ⁹ Meshelemia mung, n-gun ja ai shadang sha hte kahpu kanau shi matsat rai lu ai. ¹⁰ Merare amyu na Hosa mung shadang sha lu nga ai; Shimri gaw kasha alat n rai tim kawa gaw shi hpe kasha alat shatai wu ai; ¹¹ lahkawng ngu na Hilkia, masum ngu na Tebalia; mali ngu na Zehkaria hte rai ma ai: Hosa a shadang sha ni hte kahpu kanau ni yawng marai shi masum rai ma ai. ¹² Da ndai gaw Yehowa nta hta dawjau na matu, shanhte a kahpu kanau ni hte maren aya lu ai chyinghka sin ai ni a agyi dap ni rai nga ma ai. ¹³ Shanhte kaji kaba langai hte langai hpe tinang a kawa dap hkan nna, chyinghka sin na matu hpaida hte lata la mu ai. ¹⁴ Sinpraw chyinghka, Shelemia hta ang wa ai. Dai hpang shanhte gaw hpaji daw chye ai, shi a kasha Zehkaria matu hpaida da nna, shi gaw dingdung maga ang wa ai. ¹⁵ Obed-edom gaw dingda maga ang wa ai: shi a kasha ni gaw, rai tawn da ai nta hpe sin nga ma ai. ¹⁶ Shupim hte Hosa gaw Shalek chyinghka makau na lung wa ai lam e, sin langa htap mi hte htap mi sin na matu, sinna maga ang wa ma ai. ¹⁷ Shani shagu sinpraw maga de Lewi masha kru; dingdung maga de mali, dingda maga de mali; arai tawn da ai nta matu marai lahkawng hkawng; ¹⁸ sinna maga na Parabara shara hta lam sin na matu marai mali, Parabara matu lahkawng rai nga ma ai. ¹⁹ Da ndai gaw, Merari amyu Kora kashu kasha ni hta na chyinghka sin ai hpung ni rai nga ma ai. ²⁰ Bai Lewi masha Ahiya gaw, Karai Kasang nta na sutdek hte, chyoi pra ai arai ni a sutdek ni hpe up nga ai. ²¹ Gershon a amyu Ladan hta na kawa dap ni a agyi, Ladan a shadang sha Yehiela rai nga ai: ’ ²² Yehiela a shadang sha Zehtam hte shi a kanau Yoela gaw, Yehowa nta na sutdek hpe up nga ma ai. ²³ Amram amyu, Izhari a amyu, Hebron amyu hte Uziela amyu masha ni hta na nkau mi mung lawm ma ai. ²⁴ Mawshe a dap Gershom a kasha Shebuela gaw sutdek ni hpe up nga ai. ²⁵ Shi a kanau ni hta na Eliezera, rai nga ai: Eliezera kasha Rehabia a kasha Yeshaia, shi a kasha Yoram, shi a kasha Zihkri, shi a kasha Shelomot rai nga ai. ²⁶ Shelomot hte shi a kanau ni gaw, hkawhkam Dawi hte kawa dap ni agyi ni ngu ai, hpyen ma hkying mi, hpyen ma latsa hte luksuk laba ni a bu ni tawn da ai chyoi pra ai sut rai ni mahkra hpe up nga ai. ²⁷ Hpyen gasat nna lu la ai lanep hta na, Yehowa nta hpe lajang na matu, shanhte majai tawn da mu ai. ²⁸ Myihtoi Samuela, Kisha kasha Shawlu, Nera a kasha Abna, Zeruia kasha Yoab hte gaw, majai tawn da ai rai yawng mayawng hpe, Shelomot hte shi a kanau ni up nga ma ai. ²⁹ Izhari a amyu hta na Hkenania hte shi a shadang sha ni gaw, du hte tara agyi tai nna, Israela mungdan a magam amu gunhpai ma ai. ³⁰ Hebron amyu hta Hashbia hte shi a kanau ni nden ja ai masha hkying me sanit tsa hte gaw, Yawdan hka sinna maga de nga ai, Israela amyu hta du tai nna, Yehowa hpe dawjau ai amu hte hkawhkam wa magam amu mahkra hpe gunhpai nga ma ai. ³¹ Hebron amyu hta na, Hebron masha ni a kawa dap hkan yang, Yeriya gaw agyi rai nga ai. Dawi hkawhkam tai ai mali shi ning hta e, dai amyu ni hpe jahpan la yu yang, Gilead mung na Yazera mare hta nden ja ai masha mu hkrup ma ai, ³² Shi a kanau ni, nden ja ai masha kawa dap ni a agyi ni, marai hkying lahkawng sanit tsa hte gaw, Dawi hkawhkam san da ai hte maren, Rubin amyu, Gad amyu, Manashe amyu chyen mi hpe up nna, Karai Kasang hte hkawhkam wa a magam bungli shagu hpe gunhpai na matu, san da mu ai.

¹ Hkawhkam wa a amu gunhpai nna, shata mi hte shata mi, shaning ting hta, tinang a hpung hte maren galaw ai masha ni gaw, kawa ni a dap hkan nna, hpyen ma hkying mi, hpyen ma latsa up ai bu ni a mying sawn nna, sa sa wa wa re ai ni hpe ningja yang, masha mun lahkawng hkying mali li rai nga ma ai. ² Shawng na ta hta, shawng na hpung hpe up ai wa gaw, Zabdiela kasha Yeshobeam rai nga ai: shi a hpung hta marai mun lahkawng hkying mali lawm ma ai.. ³ Shi gaw Paret a kashu kasha ni hta na rai nna, shawng na ta na luksuk bu mahkra ni a agyi rai nga ai. ⁴ Shata lahkawng na hpung hpe up ai wa gaw Ahohi amyu Dodai rai nga ai: Miklot gaw du rai nga ai: shi a hpung hta marai mun lahkawng hkying mali lawm ma ai. ⁵ Shata masum hta na sin langa ni a hpyenbu masum ngu na wa, hkinjawng Yehoiada a kasha Benaia rai nga nna, agyi rai nga ai: shi a hpung hta marai mun lahkawng hkying mali lawm ma ai. ⁶ Dai Benaia gaw share kaba rai nga ai hte, dai share sumshi hta lawm nna shanhte a agyi rai nga ai: shi a kasha Amizaba mung shi a hpung hta lawm nga ai. ⁷ Shata mali hta na mali ngu na hpyenbu wa, Yoab a kanau Asahela hte, shi a kasha Zebadia gaw shi a lawu e rai nga ai: shi a hpung hta marai mun lahkawng hkying mali lawm ma ai. ⁸ Shata manga hta na manga ngu na hpyenbu wa gaw,Izraha amyu Shamhut rai nga ai: shi a hpung hta marai mun lahkawng hkying mali lawm ma ai. ⁹ Shata kru hta kru ngu na hpyenbu wa gaw Teko masha Ikesha kasha Ira rai nga ai; shi a hpung hta marai mun lahkawng hkying mali lawm ma ai. ¹⁰ Shata sanit hta na sanit ngu na hpyenbu wa gaw, Ehprim amyu, Peloni dap na Helet rai nga ai;shi a hpung hta marai mun lahkawng hkying mali lawm ma ai. ¹¹ Shata matsat hta na matsat ngu na hpyenbu wa gaw, Zerahi amyu, Hushai dap na Sibehkai rai nga ai; shi a hpung hta marai mun lahkawng hkying mali lawm ma ai. ¹² Shata jahku hta na jahku ngu na hpyenbu wa gaw, Ben-yamin amyu, Anahtot dap na Abiezera rai nga ai; shi a hpung hta marai mun lahkawng hkying mali lawm ma ai. ¹³ Shata shi hta na shi ngu na hpyenbu wa gaw, Zerahi amyu, Netohpat dap na Maharai rai nga ai: shi a hpung hta marai mun lahkawng hkying mali lawm ma ai. ¹⁴ Shata shi langai hta na shi langai ngu na hpyenbu wa gaw, Ehprim amyu, Perahton dap na Benaia rai nga ai: shi a hpung hta marai mun lahkawng hkying mali lawm ma ai. ¹⁵ Shata shi lahkawng hta na shi lahkawng ngu na hpyenbu wa gaw, Otniela amyu, Netohpat dap na Heldai rai nga ai: shi a hpung hta marai mun lahkawng hkying mali lawm ma ai. ¹⁶ Bai, Israela ntsa e up ai du ni gaw: Rubin amyu hta, Zihkri a kasha du Eliezera; Simun amyu hta, Mahka a kasha Shehpatia; ¹⁷ Lewi amyu hta Kemuela kasha Hashabia; Arun dap hta, Zadok; ¹⁸ Yuda amyu hta, Dawi a kahpu Elihu: Yisahka amyu hta, Mihkaela kasha Omri; ¹⁹ Zebulun amyu hta Obadia kasha Ishmaia; Naphtali amyu hta, Azriela kasha Yeremot; ²⁰ Ehprim amyu hta, Azazia kasha Hoshea; Manashe amyu chyen mi hta, Pedaia kasha Yoela; ²¹ Gilead mung na manashe amyu chyen mi hta, Zehkaria kasha Ido; Ben-yamin amyu hta, Abna a kasha Yasiela; ²² Dan amyu hta, Yeroham a kasha Azarela hte rai ma ai. Da ndai gaw Israela amyu ni hta up ai du ni rai nga ma ai. ²³ Raitimung, Yehowa gaw Israela kashu kasha ni hpe lamu na shagan ni zawn shalaw na nme ai, nga ai majaw, Dawi gaw asak hkun ning n du ai ni hpe jahpan laika hta n shalawm mu ai. ²⁴ Zeruia kasha Yoab gaw dai jahpan la hpang timung, n shangut lu wu ai: dai lam majaw Israela ntsa e tsinyam tsindam du pru ai; hti lu ai nambat hpe mung, hkawhkam Dawi a labau laika hta n ka shalawn wu ai. ²⁵ Bai, Adiela kasha Azmawet gaw, hkawhkam a kunhting wa rai nga ai: Uzia kasha Yonahtan gaw, yi hkauna, mare kahtawng hte hpyendap ni a sutdek ni hpe up nga ai: ²⁶ Hkelub a kasha Ezri gaw, yi hkauna galaw ai ni hpe up nga ai: ²⁷ Ramat masha Shime gaw tsabyi sun ni hpe up nga ai: Shipmi amyu na Zabdi gaw tsabyi si hte tsabyi jahku tawn da ai nhkun ni hpe up nga ai; ²⁸ Gederi masha Bala-hanan gaw, layang ga e tu ai tsanlun hpun hte lakum hpun ni hpe up nga ai: Yoasha gaw tsanlun sau nhkun ni hpe up nga ai: ²⁹ Sharon masha Shitrai gaw, Sharon udat na yamnga hpung ni hpe up nga ai: Adlai kasha Shahpat gaw kadit hkan na yamnga hpung ni hpe up nga ai: ³⁰ Ishmaela masha Obila gaw gawla-uk hpung ni hpe up nga ai: Meron masha Yedia gaw lawze ni hpe up nga ai: Hagri masha Yazi gaw sagu bainam hpung ni hpe up nga ai. ³¹ Dai ni mahkra gaw hkawhkam Dawi a sutgan hkrai up ai ni rai nga ma ai. ³² Bai, Dawi a kawa di Yonahtan gaw, myitsu ai wa rai nga nna, bawmung hte chyare wa rai nga ai: Hakmoni a kasha Yehiela gaw hkawhkam kasha ni a kanawn manang rai nga ai: ³³ Ahihtohpela gaw hkawhkam a bawmung rai nga ai: Arhki masha Hushai gaw hkawhkam a jinghku rai nga ai. ³⁴ Ahihtohpela lawu e Benaia kasha Yehoiada hte Abiahta rai nga ma ai: Yoab gaw hkawhkam a luksuk laba ni a bu rai nga ai.

¹ Bai Dawi gaw, Israela du agyi ni ngu ai, amyu ni a du agyi ni hpe, hkawhkam wa san da ai sin langa ni a bu ni hpe, hpyen ma hkying mi up ai bu ni hpe, latsa up ai bu ni hpe, hkawhkam wa hte shi a kasha ni a sut rai yawng up ai kunhting ni hpe, du ni hte nden ja ai share ni yawng mayawng hte hpe, Yerusalem mare e zuphpawng shangun mu ai. ² Shaloi Dawi hkawhkam sa tsap nna, Nye a hpunau ni hte amyu masha ni e, nye a ga madat mara ya mi: Yehowa a ga shaka sumpu shanu nga na shara hte, anhte a Karai Kasang a lagaw kabye lahkum nga na nta galaw na ngai myit hkut nna, dai nta matu arai hkyen da se ai. ³ Raitimung Karai Kasang gaw, Nang hpyen gasat ai wa rai nga ndai hte, sai jahkaw kau ai majaw, nye mying nsang a matu nta galaw lu na nrai, nga ai. ⁴ Shing nga timung, Ngai Israela amyu ntsa e prat dingsa e hkawhkam tai na nga Israela Karai Kasang Yehowa nan, nye wa nta na ngai hpe lata la ni ai; kaning rai nme law, agyi amyu tai na matu Yuda amyu hpe shi lata la wu ai: Yuda amyu hta nye wa nta hpe mung, Israela amyu yawng a ntsa e up na matu, nye wa a shadang sha ni hta shi ngai hpe sharawng awng ni ai: ⁵ ngai shadang sha law law mayat timung, ngai sha Shawlumon langai hpe chyu sha shi lata la nna, Israela amyu ntsa e up let, Yehowa a mungdan tingnyang hta dung shangun wu ai. ⁶ Ngai hpe mung, Na nsha Shawlumon gaw nye nta hte nye a wing ni hpe galaw na ra ai: ngai shi hpe kasha yin la nna, ngai shi a kawa tai na nngai. ⁷ Shi gaw nye a hkangda ai ga hte matsun maroi ga hpe, dai ni na zawn, tutnawng hkan shatup a yang gaw, ngai shi a mungdan hpe htani htana prat dingsa shagrin da na we ai, nga ai. ⁸ Dai re ai majaw, ndai mai kaja ai mungdan hpe nanhte madu lu nna, nanhte a kashu kasha shu mashi shu masha prat du hkra, sali wunli tai lu na matu, Yehowa shawa hpawng ngu ai, Israela a man e mung, anhte a Karai Kasang na lu ai a majaw mung, nanhte a Karai Kasang Yehowa hkangda ai ga yawng mayawng hte hpe hkan shatup nga mu law. ⁹ Ya chyawm gaw, ngai sha Shalamon e, na nwa a Karai Kasang hpe chye u: ngwi pyaw ai myit hte tsawra ai kraw lawang hte, shi hpe dawjau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai. ¹⁰ Ya, sadi nga u; chyoi pra ai shara matu nta galaw na, Yehowa nang hpe lata la nit dai: dating nga nna galaw u, ngu dat wu ai. ¹¹ Dai hpang Dawi gaw shi a kasha Shawlumon hpe, nta jan na kasi hte, nta a, sutdek ni a, ntsa gawk na, kata gawk na hte chyeju magap tawn da ai gawk na kasi kamang hpe mung; ¹² Yehowa a nta wing ni, grupyin e nga ai gawk ni, Karai Kasang a nta a sutdek ni hte majai tawn ai sut rai sutdek ni a kasi kamang ni hpe mung, shi a myit wenyi hta rawng ai hte maren, madun dan wu ai. ¹³ Dai hta kaga shi gaw, hkinjawng ni hte Lewi hpung ni a matu mung; Yehowa a nta hta dawjau na amu mahkra hte, Yehowa a nta hta dawjau na matu arai mahkra hpe mung; ¹⁴ dawjau yang, lam shagu hta lang ra ai aja rai ni a matu shen da ai aja; dawjau yang, lam shagu hta lang ra ai gumhpraw rai ni matu shen da ai gumhpraw: ¹⁵ ja pyengdin shadun hte de a pyengdin ni langai hte langai a matu shen da ai aja; gumhpraw pyengdin shadun hte de a pyengdin langai hte langai a matu mung lang ra ai hte maren, ja gumhpraw shen ya wu ai: ¹⁶ madun dan ai muk ni a aja ku, langai hte langai a matu aja; gumhpraw ku a matu gumhpraw mung shen ya wu ai: ¹⁷ chyinghkyi ni, angdung ni, gawm ni gaw, ja jet rai nga ai: aja gawm ni, langai hte langai a matu, ja jet shen ya wu ai: gumhpraw gawm ni, langai hte langai a matu gumhpraw shen ya wu ai: ¹⁸ manam pyaw ai baw nat na hkungri a matu ja jet shen ya wu ai: singkaw shachyen nna, Yehowa a ga shaka sumpu hpe ka-up nga ai hkerubim leng sumla a kasi kamang matu mung, aja shen ya wu ai. ¹⁹ Shaloi Dawi gaw, Ndai amu hte de a kasi kamang ni yawng mayawng, Yehowa a lata hte nye a ntsa e ka da nga ai majaw, ngai hpe chye na shangun nngai, nga ai. ²⁰ Bai Dawi gaw shi a kasha Shawlumon hpe, N-gun dating nna myit nden shaja u; dai amu hpe galaw u; hkum hkrit et; myit hkum hten et; nye a Karai Kasang, Karai Kasang Yehowa, nang hte rau rai nga ai: dawjau na amu matu Yehowa nta ngut wa lu hkra, nang hpe shinggan kau na, nang hpe kau da na, n rai. ²¹ Bai, Yu u, Karai Kasang nta na dawjau na amu mahkra a matu, hkinjawng hte Lewi hpung ni nga ma ai: dawjau na matu, hpa baw amu raitimung, chye chyang ai ni kadai mung, nang hte rau nga nga na mara ai: hpyenbu ni hte mung masha ni gaw, na a hkang ai ga hkrai hkan nang na mara ai, ngu wu ai.

¹ Bai hkawhkam Dawi gaw dai shawa hpawng ting hpe, Karai Kasang lata la ai, ngai sha Shawlumon, asak naw kaji ai hte myit garai n kung nga ai; amu mahtang kaba nga ai:dai htingnu gaw masha matu nrai, Karai Kasang Yehowa matu rai nga ai. ² Ya ngai gaw nye a n-gun lagaw mahkra hte nye a Karai Kasang a nta matu, aja rai ni a matu aja, gumhpraw rai ni a matu gumhpraw, magri rai ni a matu magri, hpri rai ni a matu hpri, hpun rai ni a matu hpun; unuk nlung hte, tawk hkrep na matu ahpraw nsam amyu myu pru ai lungseng baw shagu mung, lung hpraw law law mung, ngai mahkawng hkyen da se ai. ³ Dai hta kaga, Karai Kasang a nta hta nye a myit manoi nga ai hte, ngai hkum nan lu ai aja gumhpraw sut rai naw nga ai majaw, nye a Karai Kasang a chyoi pra ai nta matu, ngai mahkawng da ai hta n-ga, ⁴ nta shakum ni hpe tawk sup na matu, ngai hkum nan lu ai Ohpira ja joi hkying masum; jet ai gumhpraw joi hkying sanit hpe mung, ⁵ tawk chye ai masha ni a lata hte amu amyu myu galaw na matu, aja rai ni a matu aja, gumhpraw rai ni a matu gumhpraw, ngai jaw da ni ai. Dai rai yang, dai ni jang, Yehowa hpe tinang a kumhpa sa nawng ya na, kadai wa rai ta? ngu nna san mu ai. ⁶ Shaloi, kawa dap ni a agyi ni, Israela amyu du ni, hpyen ma hkying mi up ai, latsa up ai bu ni hte, hkawhkam wa amu gunhpai ai agyi ni gaw, tsawra ai myit hte kumhpa nawng ya nna, ⁷ Karai Kasang a nta e dawjau na amu matu, aja joi mun manga, ja den-ga mun mi, gumhpraw joi sen mi, magri joi mun me hkying matsat, hpri joi sen mi, sakjaw mu ai. ⁸ Lungseng lu ai ni mung, Gershon masha Yehiela lata hte, Yehowa nta a sutdek hta sa bang da mu ai. ⁹ Dai rai nna shanhte gaw tsawra hkum tsup ai myit hte Yehowa hpe kumhpa sakjaw lu ai majaw, kabu gara shajang ma ai; hkawhkam Dawi mung ja ja kabu gara nga ai. ¹⁰ Dai re ai majaw, Dawi gaw shawa hpawng ting a man e Yehowa hpe shakawn kungdawn let, Anhte a Wa, Karai Kasang Yehowa e, nang gaw htani htana prat dingsa, a nga n ga law. ¹¹ Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai. ¹² Sutgan hte arawng sadang nang kaw na rai nga nna, nang gaw yawng mayawng a ntsa e up nga ndai; na a lata hta ahkang aya hte n-gun atsam rawng nga ai; nang gaw na a lata hte shagrau shatsaw lu nna, yawng mayawng hpe n-gun lagaw jaw lu nga ndai. ¹³ Dai re ai majaw, anhte a Karai Kasang e, na a chyeju hpe anhte dum nna, na a hpung shingkang rawng ai mying ningsang shakawn kungdawn nga ga ai. ¹⁴ Raitimung, tsawra ai myit hte ndai daram wa jaw ya ai lu hkra, ngai mung, nye a amyu masha ni mung, hpa wa mi rai nga a hka? Yawng mayawng nang kaw na rai nga nna, nang kaw na arung arai hkrai, anhte nang hpe jaw ga ai: ¹⁵ anhte gaw ji wa ni mahkra zawn, na a man e tsasam masha hte malet nhprang manam hkrai rai nga ga ai: anhte a ga ntsa e nga ai nhtoi hte gaw, shingnip hte bung nna myit mada shara n nga ai. ¹⁶ Anhte a Karai Kasang Yehowa e, na a amying nsang a matu nta galaw na nga, anhte hkyen tawn da ai arai ni yawng, na a lata na rai nga ai, mahkra hpe nang madu nga ndai. ¹⁷ Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sakjaw nngai: dai hta kaga, nang e hpawng nga ai, na a amyu masha ni mung nang hpe sakjaw ai lam, kabu gara ai myit hte ngai mada mu nngai. ¹⁸ Anhte a ji wa Abraham, Isak, Israela a Karai Kasang Yehowa e, na a masha ni gaw ndai lam hpe tutnawng prat dingsa dum nga lu hkra, shanhte a myit nang hpang de kayin shagrin ya mu: ¹⁹ ngai sha Shawlumon hpe mung, na a hkangda ai ga, sakse ga, matsun maroi ga hte lam yawng mayawng hte hte, ngai hkyen tawn ai htingnu hpe galaw shangut lu na matu, hkum tsup ai myit jaw ya e law, ngu nna hpyi wu ai. ²⁰ Shaloi Dawi gaw, shawa hpawng ting hpe, Nanhte a Karai Kasang Yehowa hpe ya shakawn kungdawn mu, ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai. ²¹ Hpang jahpawt e shanhte gaw Yehowa hpe shagu hkungga, Yehowa hpe wan nat hkungga, usu hkying mi, sagu la hkying mi, sagu kasha hkying mi hte hpawn, dumhpung hkungga hte, Israela matu shagu hkungga law law nawng ya nna, ²² dai shani e kabu gara ai myit kaba hte, Yehowa a man e lu lu sha sha rai nga ma ai. Dai hta kaga shanhte gaw Dawi a kasha Shawlumon hpe lahkawng lang ngu na hta hkawhkam aya dang ya nna, Yehowa a lawu e du tai na matu, shi hpe namman chya ya mu ai; Zadok hpe mung hkinjawng aya dang da mu ai. ²³ Dai rai nna Shawlumon gaw, shi a kawa Dawi a malai, hkawhkam tai nna, Yehowa a tingnyang hta dung let galu kaba nga ai; Israela amyu ting shi a ga madat mara nga ma ai. ²⁴ Du gyi salang ni, nden ja ai share ni hte Dawi hkawhkam a shadang sha ni yawng hte pyi, Shawlumon hkawhkam uphkang ai npu e rai nga ma ai. ²⁵ Yehowa gaw Shawlamon hpe Israela amyu ting a man e ja ja shagrau shatsaw da nna, shi a shawng na Israela hkawhkam ni hkam la yu ai hkawhkam daru magam jaw da wu ai. ²⁶ Ya Yese a kasha Dawi gaw Israela mungdan ting hpe up nga ai. ²⁷ Israela ntsa e up nga ai aten gaw, mali shi ning rai nga ai: Hebron mare hta e sanit ning, Yerusalem e sumshi masum ning up nga ai. ²⁸ Dawi gaw ngamu ngamai daru magam rawng let, dingla ugut gu prat htum nna si mat wa sai: shi a kasha Shawlumon gaw shi a malai hkaw dung nga ai. ²⁹ Dawu hkawhkam tai ai lam npawt ndung hkren, uphkang ai lam, daru magam hte kajai gumhkawng ai lam ni hte hpawn, Israela mungdan hte kaga mungdan ni yawng hta byin mabyin mahkra gaw, ³⁰ myihtoi Samuela laika, myihtoi Nahtan a laika, myihtoi Gad a laika ni hta ka da nga ai.