MARKUS

MARKUS

¹ Aji wa ci kara ci aji wa san­ san ki cin bu Yesu Kiristi Nwu bu Cidon. ² Aji waji jo nwoa avo ndi gbogbo tsadzu waa Isha­ ya apa wa da don bu Cidon tā danra: "Wezo u mbyà fotsonmi ci kara. Mri tsonku tson kapyen bi jiji ku mbyāsan nyaco sou yo. ³ Apa dzun na bānde ki fin pon danra, ’Mbyāsan nyaco bu Cindoi sansan numa so bazoa. Ní mbyāsan nyaco baa nghangha gwegwe hora ndafan jinni ku bi kyenkyon kiyo.’" ⁴ Ci numa ra Yohanna pwadzu ya ki fin pon na tsa pajukun batisma, ku kana dan aji bu Ci­ don na yibe. Yohanna dan yi pajukun danra, be vyin pukan mikyinbe jinni, be fan abu wa bababe jinni be bi tsa batisma, Cidon ribi fan abu wa bababe ri yibe, ⁵ Ko kani kata ki fin jen bu Yahudiya, ba pajukun baa na finka Urushalima, be pwadzu kata bi ki hwan na fo Yohanna. Ki nyaken waa be fu abu wa bababe ra, ku tsabe batisma ki fin anú waa beri baku danra Urudon. ⁶ Yohanna dze tukpa waa be dzoku ba ahwē rakumi, kukà ci ba ageho wa tsege shon. Abujua wa jiji ci apokwin ba abyu den. ⁷ Ku da don na dan yi pajukun danra, "Apa wari bi ra, ahwea kagben bumi, m kenmi waa m kan jinni m ten tabea ki bea ba. ⁸ Ami na tsani batisma ba jape, ama kuri bi tsani batisma ba Denden bu Cidon." ⁹ Dede waji Yesu dzu wa ki Nazarati ki fin jen bu Galili, Yo­ hanna tsaku batisma ki fin anú waa beri baku danra Urudon. ¹⁰ Mwamwa numa ki nyaken waa Yesu pwadzu ki fin anú bu Urudon ra, ku mbyà abye hwa cucu ki don pofan jinni, ku mbyà Denden wa nyenye nabi ki cin’a tsadzu Ahwan nabi ri. ¹¹ Akyú pwadzu ki hwadon bi na dan yi Yesu danra, "Au ci Nwumi wa concon kagben." ¹² Mwamwa numa Denden wa nyenye ndeku ya ki hwan. ¹³ Ku ci fin hwan anyunu dipa pyinna. Akù bu abe jon waa beri baku danra Shetan ra, bi na ken mba foku. Abupon na bye waji du, ama zhentsōn bu Cidon bi na tsazaku yo. ¹⁴ Ki nyaken waa be pan Yo­ hanna tsu tan ra, Yesu do don ya ki Galili yana dan Aji wa Sansan bu Cidon na yibe. ¹⁵ Kuna dan yibe danra, "Anyunu bayo ra, atsòn bu Ci­ don na dzubye ra. Ní pukan mikyinni jinni ki bye abu wa bab­ ani, ni yi wajinderi ki bye Aji wa Sansan bu Cidon." ¹⁶ Dede waa Yesu na kyenkyon nwadzu ki nu teku bu Galili numa, ku mbyà Siman ba nwuzaa Anda­ rawus, bena pan aje ba andu. Be ci pajukun baa bwan je. ¹⁷ Yesu dan yibe danra, "Ní bi bàmi jiji ḿ fyen tà yini nyaco waa ní bi pan pajukun." ¹⁸ Mwamwa numa be fan ndube nya jinni abi bà Yesu. ¹⁹ Kukà kyenkyon kpasun ya numa, ku mbyà pajukun pyinna be ci zhenza fìn dzundzun. Azen bu wadzun danra Yakubu, wadzun danra Yohanna. Katabe pyinna hora be ci zhenzhen bu apa dzun­ dzun waa beri baku danra Zabadi. Be ci fin akò na nwo andu waa beri bi we. ²⁰ Mwamwa numa Yesu babe nde. Be pwadzu ki fin akò, a fan atabe Zabadi ki fin akò ba zhenzhen baa ri tabe nwo akò, Yakubu ba Yohanna be babé Yesu. ²¹ Be bi zan ki finka Kafar­ nahum. Byekya ra ci anyunu wa ngha nwo, Yesu kaya ki fin tan waa beri fyen aji bu Cidon kiyo ra, kuna fyen pajukun bu ki bye waji. ²² Abe pajukun baa foku ra, ci abu wa kyahozo ki byebe, ki cin waa ku fyenbe ba gben bu dia, cia tsadzu abe Manu baa ri fyenbe aji bu Cidon raba. ²³ Ki bye waji apa dzun wa ci ba ajon wa baba ki cin’a kabi ki fin atan waji, ²⁴ a nyakyin danra, "I bau kwan ke, au Yesu wa ki Naza­ rati. U bi wa bwan ji tsui kata? M yiu nu, waa u ci Nwu tsòn wa nyenye bu Cidon." ²⁵ Yesu nya ajon nde danra "Bànde ba nuu mwamwa numa! Ú pwadzu ki cin bu apa waji." ²⁶ Ajon wa baba wa ki cin bu apa waji ra, yi apa waji vondi, kukà nyakyin gbangban numa, ku pwadzu ki cin bu apa waji. ²⁷ Aji waji kyaho pajukun zo, ko kani na mbye joa danra, "Wak­ ara azo ke hun. Wakara ci abu wa fyenfyen wa ripye re ko? Apa wa ci kara ku ci ba agben bu dia, ku nya jon nde be yiku hwe." ²⁸ Mwa­ mwa numa aji ki cin bu Yesu ka pyo fye ho bye ki fin jen bu Galili kata. ²⁹ Ki nyaken wakara Yesu do ki fin atan waa beri fyen aji bu Cidon kiyo ra, a ya ki ndo bu Siman ba Andarawus. Yakubu ba Yohanna babe ki bye waji du. ³⁰ Avyo bu Siman wa wuwa awo daku ta jinni, Dede waa Yesu zan ki ndo waji ri ra, be dan yiku waa awo da avyo bu Siman wa wuwa, ku na jinni. ³¹ Yesu ya, aya pan voa gbeku do don so don. Awo fanku yo. Ku tsabe buju. ³² Dede agyedi be ho pajukun baa dā do, ba baa ci ba ajon baa baba ki einbe kata bi yi Yesu, ³³ Pajukun baa ki fin tswen waji pwadzu kata bi kwan nyakyon waji. ³⁴ Yesu nwàdzu pajukun suu numa baa ci ba ado ki cincin ki cincin. Ku kān abe jon baa baba suu numa pwadzu. Ku zen’ande yi abe jon baa baba hora be zen aji dzun ba, ki cin waa be yiku nu. ³⁵ Te cin byekya, Yesu do don pwadzu ki tan aya ki bye waa pajukun baani kiyo. Ki bye waji kuna vo Cidon. ³⁶ Siman ba abe joa badati pwadzu dzwa abe bu Yesu nyaku na kyen, ³⁷ Dede waa be du Yesu ra, bena danra, "Pajukun kata na nyàu." ³⁸ Yesu zen nde a dan yibe danra, "Ci ken i ya ki bye tswen badati jiji m ya dan aji bu Cidon yibe, wakara ciri abu wa ndemi bi kire hun." ³⁹ Ki cin wakara ku pwadzu ya ki fin jen bu Galili kata na kyen na dan aji bu Cidon yi pajukun ki tan baa beri fyen aji bu Cidon kiyo, ku kān abe jon baa baba pwadzu ki cin bu pajukun. ⁴⁰ Apa wa we kon dzun bi duku, ku tu ben jinni na voku danra, "Ù tsaka, uma zen nde u dà gbanmi" ⁴¹ Yesu mbyà cicia a nde vo goku ki dia, ku danra, "M zen nde u nwàdzu ki bye ado kon u ra." ⁴² Mwamwa numa akon fanku jin­ ni ra, ku du wa rito. ⁴³ Yesu nuku don bavo kiyo, aka kanku sho danra, ⁴⁴ "Ka dada dan aji dzun yi apa dzun ba. Ya, u ya tà diu ki bye manu wa eiho, ukà yi abē nyena ci tsadzu waa Musa ndi danra ci ken ni yi abē nyena jiji pajukun be yinu danra u du wa rito ki bye akon u ra," ⁴⁵ Ko waa ku zen nde ba aji waa Yesu dan yiku ra, apa wa du wa nwàdzudzu ki bye ado kon’a ra, ku pwadzu ya myi yana zen aji yi pajukun ba mikyin’a kata. Ki cin wakara Yesu kabi kaa ki finka ki fa byeya numa riba. Ku ci ki yo hwan pajukun dzu kini kata yana duku ki byeri.

¹ Du anyunu pyinna numa Yesu kà kasen bi ki Kafar­ nahum. Pajukun fo danra ku ki tiri ki ndo. ² Pajukun suu numa kwan mu bye dzundzun, kó afà byeya dzun wa te abe kiyo numa datia ba, ko ki nu nyakyon. Yesu na zen aji bu Cidon na yibe. ³ Pajukun badati nde apa dzun wa dua vo wa te jinni, ba abe wa kyenkyon ba, pajukun kwan dzun nyena tswanku nde bi. ⁴ Dede waa pajukun hora du kabe nyaco wa ya bye Yesu bara, be ne ya ki citon tan ki don, aya po pyo ki zo ton tan waji. Ki nyaken waa be po zo ton tan ra, be pen nwuzabe wa dā do ra ki bye cua wa nana, be ndeku dzo dzu bye apyo waa be pofan ki zo tan waji ra, nde hwa pyen bu Yesu ki fin tan. ⁵ Yesu mbyà wajinderi waa be ci baku ra, ku dan yi apa wa hudi ra danra, "Nwumi, m fan abu wa babau yiu ⁶ Abe manu badati baa fyen aji bu Cidon tuci na bye waji, be ga aji ki fin mikyinbe danra, ⁷ "Ki cin ke kuna zen tsaba azen bu Cidon?" Beka ga aji ki fin mikyinbe danra, "Apa ri tsayia wa fan abu wa baba bu nwuzaa yiku ba, se Cidon maari vinni." ⁸ Mwamwa numa Yesu yì aji waa bena ga ki fin mikyinbe ranu. Ki cin wakara ku mbyebe danra, "Akake tsari nina ga hwan numa? ⁹ Wani ciri nyaco wa mwamwa kari m dan yi apa wa dā do bu adi wa huhu ra danra, m fan abu wa babaa yiku ra ba waa m dan yiku danra kú do don ku pen acua wa nana ku jo nwo akyon wa kyenkyen?" ¹⁰ Yesu danra kuri ta yibe waa ki fin tswen kata Nwu pajukun ci ba agben wa fan abu wa baba bu apa wa tsa abu wa baba yiku. Ci numa ra, ku dan yi apa wa dā do bu avo ba abe wa huhu ra danra, ¹¹ "Do don u pen acuu wa nanau pan nyaco foji kyon wa yaya ki ndou." ¹² Apa waji do don pen acu wa nanaa, ku pwadzu ki pyen bu pajukun hora kata, be mbyàku nu ba zo dibe, anwobe ken ta, ken don, bena nya zen bu Cidon, bena yi Cidon hwe, be danra, "I mbyà foi abu wakara anyunu dzundzun numa fo raba." ¹³ Yesu ka kasen ya ki nu teku waa beri baku danra, Galili ra. Pajukun suu numa bi ki byea, kuna fyenbe aji bu Cidon. ¹⁴ Dede waa Yesu kyen naya ra, ku mbyà apa dzun waa beri baku danra Lawi anwu bu Alfayas. Aku Lawi ci fin tan waa beri pan abuwe kiyo, Yesu dan yiku dan­ ra, "Bàmi." Lawi do don gbogbo numa bàku. ¹⁵ Cifo titi numa Yesu yana ka agbu ki ndo Lawi. Pajukun baa pan buwe suu numa kwan ba pajukun baa ri bàbe don bu Ci­ don ba, bena bà Yesu. Badati ki finbe ba Yesu ba baa na bàku na dzo vo ki kwe dzundzun na ji buju. ¹⁶ Abe manu badati baa ri fyen aji bu Cidon ki fin Fari­ sawa hora, be wezo mbyà Yesu na ka agbu ki bye dzundzun ba pajukun baa pan buwe ba baa ri bàbe don bu Cidon ba. Ci numa ra be mbye baa bà Yesu danra, "Ki cin ke Yesu ba pajukun baa pan buwe, ba pajukun baa ri bàbe don bu Cidon ba, na ji buju ki bye dzundzun?" ¹⁷ Waa Yesu fo numa ra, ku dan yibe danra, "Pajukun baa cibe ba ado ba, beri nyabe apa wa dà ado ba, se pajukun baa dā do maari vinni ri nyari apa wa dà do. M̀ bimi ki cin bu pajukun baa tsa abu wa sansan hora ba, ama m bi ki cin bu pajukun baa tsa abu wa baba." ¹⁸ Dede dzun abe pajukun baa bà Yohanna wa tsa batisma, ba abe Farisawa, bena sennu. Pajukun badati bi ki bye Yesu, be mbyeku danra, "Tsanini pajukun baa na bà Yohanna, ba abe baa na bà Farisawa, bena sennu, ama pajukun buu baa na bàu hora be senbe nu ba?" ¹⁹ Yesu kabe nda ki cin’a danra, "Nina ga danra, pajukun baa ri tsa akishe ribi sennu dede waa anù bu akishe ma babe ci tiri ki bye dzundzun? ²⁰ Ama dede dzun ribi tiri waa beri nde re anù bu akishe don. Anyunu waji ma bi ra hunnu beri bi sennu. ²¹ Apa dzun wari zen nde gbekyi tukpa wa ripye nde be bye apyo tukpa wa riko baani. Ki cin waa kuma tsa numa tukpa wa ripye ri dzu fan wa riko ra ba apyo yāyā numa ka wa ndi kapyen ra. ²² Kati, apa dzun wari bi zen nde ko ajan byon nde we bye àkwìn wa riko baani. Apa wama tsa numa ajan byon ra ri ndē da­ gban àkwìn wa riko ra. Akwìn ba ajan kata ribi tsaba jinni. Akwìn wa ripye ci jiji bu ajan byon." ²³ Anyunu dzun wa ngha nwo Yesu kwan ba pajukun baa bàku kyenkyon na nwadzu ki fin da dzun. Waa be kyenkyon nwadzu naya numa se abe baa bàku ra ge ken dōn za anyunu waji. ²⁴ Ki cin wakara abe Farisawa mbye Yesu danra "Wezo u mbyà. Akake tsari bena tsa abu waa be nu don kiyo ki fin Afa danra fyea wa tsatsa anyunu wa ngha nwo ba?" ²⁵ Yesu zenbe nde, aka mbyebe danra, "Nī hwènni aji ki fin Afa ni fo abu waa Dawuda ndi tsa kwan ba abe jo kyon’a dede waa ambo bwanku raba? ²⁶ Be kaya ki fin tan wa wa Cidon, be nde borodi wa sheshe wa ci bu Cidon nde ji. Abu wakara tsa ki we bu Abiyata wa ci avon wa ciho. Ki bye adonbe sheshe waa apa dzun ku nde borodi waji go nua ma nwadzu ba avon wa dho ra. Ama Dawuda ji, aka ko yi bandoa." ²⁷ Yesu ka dan yibe danra, "Cidon mà anyunu wa ngha nwo ki cin waa ku tsaza pajukun. Cidon màa pajukun ki cin bu anyunu wa ngha nwo ba. ²⁸ Ci numa ra Nwu pajukun ci Cin­ do bu anyunu wa ngha nwo du."

¹ Yesu kasen ya ki tan waa beri fyen aji bu Cidon kiyo. Ku mbyà apa dzun wa hu vo ki fin tan waji. ² Pajukun badati baa na fin tan waji ra, bena nwe jiji be mbyà bo bu Yesu. Ki cin wakara be ho zobe so jiji be mbyà ko Yesu ribi nwàdzu apa wa dā do waji anyunu wa ngha nwo ra re. ³ Yesu dan yi apa wa dā do avo wa huhu ra danra, "Do don bi ki pyen kire." ⁴ Yesu mbye pajukun baa na bye waji ra danra "Akake waa adon’i zen nde jiji í tsa anyunu wa ngha nwo, í tsa apa abu wa sansan re, ko í tsa apa abu wa baba? Í nwàdzu cindi bu apa re, ko í fan cindi bu apa ku jan?" Abye bà­ nde gyu, apa dzun pokaa nu zen aji ba. ⁵ Yesu wezo mbyà pajukun hora numa, ku pe mikyin, kukà mwamwa numa mbyà cicibe, ki cin ke ba, be ci pajukun baa gban cin, bekà ci pajukun baa jan nyaco. Yesu dan yi apa wa hu vo ra danra, "U ndafan vou." Ku ndafan voa ku du wa rito bu voa waji. ⁶ Ki cin wakara abe Farisawa do don ki fin tan waa beri kwan cin kiyo ra, be ya du abe bando bu Hiri­ dus ho nube ma dzun bé nya nyaco waa be pan Yesu be bwanku. ⁷ Yesu ba baa bàku do don yabe ki Galili. Pajukun suu numa na bàku. Be dzu Galili bi, badati dzu ki Yahudiya bi, ⁸ badati dzu ki Urushalima, badati dzu bye jen bu Idumiya bi, badati dzu ki bye jen go kyekye bu nu bu Urudon bi, badati dzu ki bye jen tswen pyinna baa beri babe danra Sur ba Sidon bi. Pajukun hora dzu kini dzu kini hwehwe numa bi ki bye Yesu ra ki cin waa bē fo abu waa Yesu tsa nakyen ranu. ⁹ Yesu dan yi abe baa bàku ra danra, be ya nya akò soku yo jiji ku bi ka kiyo, ki cin waa pajukun hweku ki di kagben, beká bi piku ba, ¹⁰ Abu wa tsa Yesu dan numa ra, ki cin waa ku nwàdzu pajukun baa dā do suu numa, bena nga jiji be goku vo ki dia. ¹¹ Dede waa abe jon baa baba ma mbyà Yesu numa, be dzu be jinni ki nwobe bu Yesu, na danra, "U ci Nwu bu Cidon." ¹² Yesu nube don gbangban numa danra beká dan yi apa dzun waa ku ci Nwu bu Cidon ba. ¹³ Yesu ka kasen neya ki cin kwen, ku ba pajukun baa cece bandoa nde bi ki bye. ¹⁴ Ku ce pajukun kwan dzun dzwe nwa pyinna bé baku ci bye dzundzun ki cin waa ku bi tsonbe ya dan aji bu Cidon. ¹⁵ Ku kari yibe gben wa kan ajon wa baba pwadzu, ¹⁶ Azen bu pajukun baa ku ce hora ci kara: Wa kapyen azen’a danra Siman waa Yesu ka baku danra Bitrus, ¹⁷ Yakubu nwu bu Zabadi ba Yohanna nwuza bu Yakubu, Yesu ka babe danra Buwanarijis, cinna bu azen waji ciri zhenzhen bu cunyande. ¹⁸ Andarawus ba Filibus ba Ba­ rtalamawus, ba Matiyu, ba Toma, ba Yakubu nwu bu Alfa­ yas, ba Tadawus, ba Siman wa nyo mikyin wa tsa bu, ¹⁹ ba Yahuda Isikariyoti wa kasen bi kan apa wa nde Yesu hwen ra. ²⁰ Ki nyaken wakara Yesu do don ya ndo. Pajukun kwan mu kagben, Yesu ba baa bàku dù kabe nyaco wa ji buju ba. ²¹ Dede waa bavyon bu Yesu fo waa pajukun kwan mu kagben Yesu dukaa nyaco wa ji buju bara, be ya jiji be ya gbere Yesu do don ki yobabe. Bena ga dan­ ra acin’a vyin pukan jinni ra. ²² Abe manu baa ri fyen aji bu Cidon hora dzu wa ki Urushali-ma bi zan, be danra, "Ba’azabul ra neku ra." Badati na danra, "Yesu na kān ajon baa baba na pwadzu ki cin bu pajukun baa ci ba ajon baa baba hora ki cin waa akù bu abe jon baa baba yiku nu danra ku tsa numa." ²³ Yesu babe nde ku kabe nda danra, "Tsanini aku jon Shetan ribi kān dzu Shetan ba dia? ²⁴ Atsòn ma gafan dia pyinna ki fin ndegbe atsòn waji ri tsea don ba. ²⁵ Bazhenzhen ndo dzundzun ki fin ndo ma gafan nube nya cin­ cin ki fin ndegbe ando waji ri tsea ba. ²⁶ Ci numa atsòn bu Shetan ma gafan pyinna mana nuken ba dibe, atsòn waji ribi pantse kaa ba, ci ken ribi te jinni. ²⁷ Apa ri kakaa ki ndo bu apa wa sen gben ku gban ndoa ku hore tswen’a kiyo don ba, se kuma sa apa wa sen ndo waji ju hunnu kuri tsaka wa ho tswen ki ndoa." ²⁸ Yesu ka dan yibe danra "Ní kyepan waa Cidon ribi fan abu wa baba bu pajukun waa bema tsa kata ri yibe, ko bema zen aji wa baba ki nube kata Cidon ribi fan yibe. ²⁹ Ama apa wama zen tsaba Denden wa nyenye Cidon ribi zen’ande fan abu wa babaa ri yiku ba. Apa wama tsa numa kuri ci ba bo wa ci kenken." ³⁰ Yesu dan aji wakara ki cin waa pajukun badati na danra Yesu ci ba ajon wa baba ki cin’a. ³¹ Ayo bu Yesu ba bazhenzaa bi pantse na myi, be tsontson ya baku nde. ³² Pajukun suu numa ci shukwa Yesu shon dzun. Be dan yiku danra, "Mbyà ayou ba bazhenzau na mbye jiu." ³³ Yesu mbyebe danra. "Ayomi wani, ba bazhenzami bani?" ³⁴ Ku wezo mbyà pajukun baa shukwaku shon dzun ra ku danra, "Abayomi, ba bazhenzami na kara. ³⁵ Apa wama tsa abu wa we mikyin bu Cidon ku ciri nwuzami ba ayomi."

¹ Yesu ka jo nwo wana fyen pajukun bu ki nu teku bu Galili. Pajukun suu numa ci shu­ kwaku ki byeri ki cin wakara Yesu do don kaya ki fin akò, ku tuci jinni. Akò ki fin jape pajukun kwan na nu teku. ² Ku fyenbe bu suu numa ba anda wa kaka. Dede waa kuna fyenbe bu ra ku dan yibe danra, ³ "Ni gon tson ní fo. Apa wa nane dzun pwadzu na ya jiji ku ya nya za. ⁴ Dede waa kuna nya za ra, badati fyin dzu nya jinni ki nyaco anyi bi nwo ho ji. ⁵ Aza badati dzu nya bye waa ajen baani kiyo ndanda ci apan go. Aza baa ko ki cin ago ra be nga pwadzu ya mwamwa numa ki cin waa ajen wa ki bye waji cia ajen wa ndanda ba. ⁶ Dede waa anyunu tu sensen numa be hu mbyà hore don kata, ki cin waa adenbe dua ajen wa ndanda ba. ⁷ Atswi za badati fyin dzu nya bye waa asen bwanza kiyo, Dede waa asen bwanza nga ra, ku bwan re aza don, aza mba kaa ba. ⁸ Aza badati fyin dzu nya bye ajen wa sansan, be pwa fye hore bye, be nwa cin. Badati zan tse dipa tswanna ndo tsara, badati adipa tswanna ndo shizhen, badati zan dubu dzundzun." ⁹ Yesu ka danra, "Apa wama ci apa wa fo tson ku fo!" ¹⁰ Dede waa pajukun gafan jin­ ni, abe pajukun dzwe nwa pyinna baa bàku, ba pajukun badati baa fo Yesu, be kwan dzun na mbye Yesu jiji ku dan yibe cinna bu nda waa ku ka ra. ¹¹ Yesu dan yibe danra, "Ki byeni tanma Cidon yini ayì ki cin bu abu wa yuyu ki bye atsòn’a. Ama ki bye pajukun baa ki myi, ayì bu tsòn’a ci bye anda wa kaka, ¹² jiji pajukun baa ki myi be mbyà ama beká mbyàyì ba, be fo ama beká hwayi ba. In ma cia numa ba, beri pukan ya bye Ci­ don, Cidon ri fan abu wa bababe yibe." ¹³ Yesu mbyebe danra, "Ase ni fo yini anda wa kaka wakara ba? In nima fo yini anda wa kaka waji ba, niri bi tsanini ribi fo yi anda baa kaka badati?" ¹⁴ Ku danra, "Apa wa nane wana nya tswi bu ra, we dzun ba apa wari nya aji bu Cidon. ¹⁵ Baa dzu nya nyaco hora we dzun ba apa wa fo aji bu Cidon ki mikyin’a gbogbo numa Shetan mwamwa numa ribi fyere aji bu Cidon waa be tà ki fín mikyinbe ra don. ¹⁶ Ci nyaco dzun­ dzun ba pajukun badati be ci tsa­ dzu atswi bu wa ko ki cin ago abye waa ajen baani kiyo sansan. Ayo waa bema fo aji bu Cidon numa gbogbo numa be pan avo pyinna ba mikyin wa mbumbu. ¹⁷ Aji bu Cidon waji kaa ki fin mikyinbe dzondzon ba, bema ci du anyunu pyinna numa, dede waa afyin ba aze bu fin tswen ma dube ra, mwamwa numa beri kokwi ki nya­ co bu Cidon. ¹⁸ Pajukun badati ci tsadzu atswi bu wa ko ki bye waa asen bwanza na yo. Be ci pajukun baa na fo aji bu Cidon, ¹⁹ ama ahwan wa gaga ki cin abu wa ki fin tswen, ba con bu dukya ba con bu badati baa ki fin tswen kà ki fin mikyinbe ji mbyàre aji bu Ci­ don don kiyo ki cin waa aji bu Cidon kúká bi mba zhenzhen ki fin mikyinbe ba. ²⁰ Atswi bu baa ko ki bye ajen wa sansan ci tsadzu pajukun baa fo aji bu Cidon pan so mikyinbe, aji waji mba zhen­ zhen, badati mba zan adipa tswan­ na ndo atsara, badati mba zan adipa tswanna ndo shizhen, badati mba zan dubu dzundzun." ²¹ Yesu mbyebe danra, "Apa ri mu apyu ri nde atukpe bereku bà jinni ko kuri mu apyu ri nde dzo ya shi gudu re, ko kuri mu apyu ri nde tson ki don? ²² Abu wama yuyu ci kuri bi pwadzudzu ki myi, abye wa yafan jinni ribi fuku hwahwa ki myi. ²³ Apa wama ci ba atson wa fo aji ku fo." ²⁴ Yesu ka danra, "Ní gon tson ní fo. Tswi mbò wa mbabu waa niri mba bu kiyo yi apa ra, beri mba kiyo yini numa du, har beri bi tsòni atsò ki cin’a. ²⁵ Ki bye apa wama ci ba abu ki vo beri tsòku atsò kwan yo, apa wa nyani bu ki vo, beri nya abu wa titi waa ku ci baku ki voa ra." ²⁶ Kukà danra, "Atsòn bu ndo Cidon we dzun ba apa wari nya tswi bu ki jinni. ²⁷ Ko anyunu wani kata afi ma tse, ku ya na jinni, abye ma kya ku do don. Atswi bu ri nga pwadzu, ri hwe, apa wa nya tswi bu ra ku yia abu wa tsa hunnu atswi bu ra nga pwadzu myi raba. ²⁸ Ajen ri hwa rì hunnu atswi bu ri nga pwadzu, ari hwe, ari mba zhenzhen. Wa kapyen ambwi za ri pwadzu, ri hwe gbe ase, ribi nyefin ahunnu kuri bi mba ngyiza. ²⁹ Dede waa aza ma byen ra hunnu apa ri tson baa ben za, be da za nya jinni, ayo wa ben buju mba ra hun." ³⁰ Yesu mbyebe danra, "Akake waa iri bi nde mba ba atsòn bu Cidon, Anda wa kaka wani waa iri bi ka ki cin tsòn bu Cidon. ³¹ Atson bu Cidon ci tsadzu atswi hin dzun waa beri baku danra mustad, atswi bu waji ciri tswi bu wa zoka koke kata ki fin tswen. Apa wa tà tswi bu ri nde tswi bu mustad ri tà. ³² Ma du nyunu pyinna kuri hwe kan hin wa zavo panpan ki jinni suu ka hin badati kata. Anyi baa pen don tsaka wa bi ho cinbe gòn ki nwinia." ³³ Yesu dan ajia yi pajukun ba anda wa kaka suu numa baa ci kara. Ku dan yi pajukun aji suu numa wa mbamba gbenbe waa be foka. ³⁴ Yesu ri zen’a aji babe numa azota ba, ma nwadzu ba anda wa kaka. Ayo waa Yesu ma ci ba abe baa bàku zo dibe kuri pofan fin aji yibe fo kata. ³⁵ Anyunu waji nyuzota Yesu dan yi abe baa bàku danra, "I ya ka akò jiji i kyan ya ki zhen" ³⁶ Abe baa bàku do don fan pajukun baa kwanna ki nu teku ra, be ya ka akò ba Yesu, be kyen dzun baku ya. Akò badati na bye waji du. ³⁷ Awocu wa ciho do, jape name na do gban fin akò, dafan titi numa waa afin bu akò ri mumu ba jape. ³⁸ Yesu ki nwo akò na ne hwa. Ku nde cin’a te bye mugu wa te cin. Baa bàku ya da dzeku, be danra, "Manu ina vò ki tanma, u gau aji dzun bara, una con jiji i huhu?" ³⁹ Yesu do don, a nya awo nde jiji awo kuká sa ba, ku kà dan yi teku danra ku pantse jinni. Awo ge jinni jape wa name ra pantse jinni. ⁴⁰ Ci numa ra Yesu dan yi abe baa bàku danra, "Akake tsari nina zinzin, ni cini ba wajinderi ba?" ⁴¹ Kata be kata azin panbe, aji waji kenbe nwo, bena mbye dibe danra, "Apa wakara apa wani, awo ba teku ba dibe yiku hwe?"

¹ Yesu ba baa bàku ya zan ki nu gobi bu Galili, a pwadzu ya ki bye ajen bu pajukun bu Garasinawa. ² Dede waa Yesu pwadzu ki finka ra, apa dzun wa ci ba ajon wa baba ki cin’a dzu ki bye mbi, abye waa beri ji pajukun baa huhu kiyo ra bi du Yesu. ³ Apa waji ri na byena bua ki bye waa beri ji pajukun baa huhu kiyo, Apa dzun wa pan kaaku sa jinni baani, ko bema weku akān. ⁴ Apa waji be we tenku akān ra, bekà nde tenku abea pa bye apyo hin ra. Ama ku dakyu re akān waji kukà da ken gafan ahin waji nya cincin. Apa dzun wa ci ba gben waa ku da niku baani. ⁵ Anyutu ba afitse kata kuna kyen na kyen ki bye ambi ba cin akwen, kuna ku ndekuto kuna nyakyin kata shu­ kwa bye, kuna gbeza dia ba abàn. ⁶ Ávo waa ku mbyà Yesu nabi avo tiri ki bye wa nana ku nde shò ya ki bye Yesu ku ya tu ben jinni ki pyen’a. ⁷ Ku da ndekuto ba gben numa danra, "Au Yesu Nwu bu Cidon, Cidon wa ci ba hwe kari kata, akake kou ri bami? Uma jiji Cidon ka tami fyin ba." Abu wa tsa kuna dan aji ra numa ra ⁸ ki cin waa Yesu na dan yi ajon wa baba ra danra ku pwadzu ki cin’a. ⁹ Yesu mbyeku danra, "Azen u dan ke?" Ku zen nde danra, "Azenmi danra, Isuu, ki cin waa ai jon i ci suu." ¹⁰ Aku apa wa ci ba ajon wa baba ki cin’a ra vo Yesu danra ku gbagba kuká kan hore jon hora pwadzu ki fin ajen waji ba. ¹¹ Ci numa ra adzù suu numa na ji buju na dzubye ba go kwen. ¹² Ajon baa baba vo Yesu danra ku gbagba ku kan hore be kaya ki fin adzù. ¹³ Yesu yibe nū. Ajon baa baba baaji mwamwa numa pwadzu ki fin bu apa waji aya kaya ki fin adzù hora. Adzù baaji zan dubu pyinna, be gan dzu nyaya ki fin teku be hu kata. ¹⁴ Abe baa za adzù ra mwa­ mwa numa ho shò kaya ki finka ba ki yo hwan, bena dan yi pajukun aji ki cin abu waji. Pajukun pwadzu bi jiji be mbyà abu wa tsa ra. ¹⁵ Be bi fo ki bye waa Yesu kiyo ra, be mbyà apa wa kyakya wa ndi ci ba ajon baa baba ki cin’a ra tuci jinni ba tukpa ki dia. Ku ci ba kyinyea, azin pan pajukun kata. ¹⁶ Pajukun baa mbyà abu wa tsa apa wa kyakya ra ba adzù hora, be dan yi badati aji waji. ¹⁷ Pajukun kata jo nwo wana vo Yesu ku pwadzu ki fin jenbe. ¹⁸ Dede waa Yesu kasen kana ya ki fin akò ra, aku apa wa ndi ci ba jon baa baba ki cin’a ra za nde yi Yesu jiji ku ba Yesu ya. ¹⁹ Yesu nghaa, a dan yiku danra, "Kasen ya ndo ki bye bandou ú ya dan yibe abu waa Cidon tsau, ba waa ku hwi ciciu ra." ²⁰ Ku do don, a yana dan aji ba gben’a kata, ki fin bye waa beri ba dan­ ra Tswen Dzwe, ki cin abu waa Yesu tsa ki cin’a. Aji waji ken pajukun kata nwo. ²¹ Dede waa Yesu kasen bi zan ki nu gobi wa hun, pajukun suu numa bi kwan shukwaku jinni, ku ci nu gobi bu teku. ²² Awatson dzun bu atan waa beri fyen aji bu Cidon kiyo ra, azen’a danra Yayirus, ku bi mbyà Yesu, ku dzu ta jinni ki nwobe bu Yesu, ²³ ku vo Yesu danra "Anwumi wa titi wa wuwa na nga aki. U bi senku vo ki cin jiji ku gban, kuká hu ba." ²⁴ Yesu ba Yayirus kyen dzun na ya. Pajukun suu numa bàbe na ya, be mu go kyekyea kata. ²⁵ Awuwa dzun ci ba ado zan ju dzwe nwa pyinna. Dede waa kuma da jea asa ri dzuku suu numa, ²⁶ ku wa fyin suu numa ba baa ri tsò hyen, ku ho mbyà abè ki voa bwan vinni kata, ku dua wa rito ba, ado foji wana kwankwan kiyo, ²⁷ Awuwa waji fo aji ki cin bu Yesu. Ku dan yi dia danra kuma nde voa go ki bye buken bu Yesu maari vinni kuri nwàdzu ki bye adoa ra. ²⁸ Ci numa ku bà Yesu ki nyaken ki fin abi, ku nde voa go Yesu ki bye buken’a. ²⁹ Mwamwa numa asa wana dzuku ra ge jinni, ku fo dia rito numa. ³⁰ Mwamwa numa Yesu yinu waa ahwea pwa­ dzu, ci numa ra ku pukan jinni ki fin abi ku mbye danra, "Akani gomi vo ri ki bye bukenmi?" ³¹ Abe baa bàku danra, "Pajukun suu numa na piu, ki cin ke u kana mbye aji bu apa wa gou vo ki di?" ³² Yesu wezo shukwa bye jiji ku mbyà apa wa tsa abu waji ra. ³³ Awuwa ra yi abu waa Yesu tsa­ ku nu, ci numa ra ku bi dzu ta jinni ki pyen bu Yesu ba azin nukwan ba adi wa vonvon, ku dan yi Yesu aji wajinderi kata. ³⁴ Yesu dan yiku danra, "Nwumi wa wuwa wajinderi buu nwàdzuu ra, u ya ba wa sansan, uri ci ba wa rito numa yaya." ³⁵ Waa Yesu na zen aji ki vo numa pajukun badati dzu ki ndo Yayirus bi. Be dan yiku danra, "Nwuu hu ra, ake tsari avo tan­ ma una ta Manu fyin?" ³⁶ Yesu gon’a tson ki bye aji waji ba, ku dan yi awatson bu atan bu Cidon danra, "Ka zin u zin ba, ú yi wajinderi." ³⁷ Yesu zen’ande yi apa dzun ku baku ya ba, se Bit­ rus ba Yakubu ka ba nwuzaa Yohanna maari vinni. ³⁸ Dede waa be bi fo ki ndo bu watson bu tan bu Cidon ra, Yesu mbyà pajukun kwankwan na suu numa, bena gban nu, pajukun badati na shen aki ba ndekuto gbangban numa. ³⁹ Ki nyaken waa Yesu kaya ki fin ndo waji ra, ku mbyebe danra, "Ki cin ke nina kunde da ndekuto ba kyu gbangban numa? Nwuni hua huhu ba, kuna na ana." ⁴⁰ Be vyen Yesu vyon, Yesu yibe pwa­ dzu ki fin tan kata bi myi, ku nde ata nwu, ba ayo nwu ba abe baa bàku, be kaya ki fin tan bye waa nwu waji kiyo ra. ⁴¹ Yesu pan vo bu nwu waji so don, ku dan dan­ ra, "Tilita kom." a cinna bu aji waji danra, "Anwu wa wuwa wa titi, ú do don." ⁴² Mwamwa numa nwu ra do don, a kyenkyon. Ku ci ba aju dzwe nwa pyinna. Numa ra abu waji kyaho pajukun zo. ⁴³ Yesu nube don gbangban numa danra, beka dada dan yi apa dzun aji ki cin abu waji ba. Kukà mbyā dan yibe danra be nyà buju yi nwu wa wuwa ra ku ji.

¹ Yesu do don ki bye waji kasen ya ki tswen’a. Abe baa bàku hora baku foji kyon. ² Anyunu wa ngha nwo waji ku jo nwo wana fyenbe bu ki tan waa beri fyen aji bu Cidon kiyo. Pajukun suu numa baa foku ra ci abu wa ken nwo ki byebe, be danra, "Apa wakara dù ayì wa ci kara ki bye wani? Wa­ kara ci akake waa kuna fyen? kuna tsa abu baa ci ba hwe wa kyahozo." ³ Be mbye danra, "Wa­ kara cia apa wari hwa hin raba? Anwu bu Mariyamu ba nwuza bu Yakubu ba Yahuda ba Siman?" Bekà danra, "Ku cia apa waa bazhenzaa bawuwa bai ci dzun kire raba?" Be hyu akyu baku. ⁴ Yesu danra, "Apa wama ci apa wari da don bu Cidon, ku ci ba hwe ko kini kata ma nwadzu ba ndoa, ba batsua ba fin ndoa." ⁵ Yesu tsakaa abu wa kyahozo dzun ki bye waji ba, ama ku nde voa sen pajukun baa dā ado badati titi numa vinni, be du wa rito. ⁶ Ci abu wa ken Yesu nwo, ki cin waa be yibe wajinderi ki byea ba. ⁷ Ku kyen na kyen ki bye atswen baa titi badati, kuna fyenbe bu. Ku ba abe dzwe nwa pyinna hora nde, ku jo nwo wana dan yibe bé pwadzu ya myi apyinna pyinna. Ku yibe byon wa gbangban numa wa kān dzu ajon baa baba. ⁸ Ku nube don danra beká dada nde abu dzun ya baku ba, se agà wa kyenkyon maari vinni. Ku dan beká ya ba ko buju, ko abà ko abè ki fin ndube ba. ⁹ Bé dzo tabe, bé we buken dzundzun maari vinni. ¹⁰ Yesu dan yibe danra, "A tswen waa nima ya yo, ando waa nima kà yo ni ci gban ndo waji kenken se anyunu waa nima ri do fan tswen waji ra hunnu. ¹¹ Abye wama nghani, ma gon’a tson foni ba, dede waa nima ri do don ki bye waji ra, ní pà voni ba abeni we bye waji jiji be yinu danra beri bi pan vo kwinbe." ¹² Ci numa ra, abe dzwe nwa pyinna hora pwadzu yana dan aji bu Cidon jiji pajukun be vyin pukan mikyinbe jinni be fan abu wa bababe jinni. ¹³ Be kān ajon baa baba suu numa pwadzu ki cin bu pajukun beka pà pajukun baa dā ado suu numa abyu, be da nwà­ dzube. ¹⁴ Akù Hiridus fo aji ki cin abu waji ki cin waa azen bu Yesu kota fye ho bye wani kata. Badati danra ci Yohanna wa tsa batisma dori pwadzu ki shimbi, ci abu wa tsa ku ci ba gben wa gbangban numa ki byea numa ra, ¹⁵ Badati danra ci Iliya, badati ka danra ci apa wari da don bu Cidon tsadzu abe baa ri da don bu Cidon wa ndi gbogbo ra. ¹⁶ Dede waa Hiridus fo numa ra ku danra, "Á Yohanna waa m ndi ge ken cin’a ra do ri ki fin mbi." ¹⁷ Hiridus kapyen pan Yo­ hanna nde tsu ki tan. Ki bye Hiridus ku tsa abu wa ci kara numa ki cin waa kú san hwan bu Hirudiya awa bu nwuzaa Filibus. Abu wa tsa numa ra ki cin waa Hiridus fyere Hirudiya awa bu nwuzaa Filibus ban. ¹⁸ Yohanna dan yi Hiridus danra kū gbekyan adon bu Cidon ki cin waa ku nde awa bu nwuzaa ban ra. ¹⁹ Hi-rudiya ci ba mikyin wa pepe ba Yohanna. Ci numa ra kuna con ku bwan Yohanna, ama ku dukaa nyaco wa bwanku ba ²⁰ ki cin waa Hiridus nde Yohanna so danra ku ci apa wa ci ba hwe, kuka yinu danra Yohanna ci apa wa sansan wa ci ba mikyin wa nyenye. Ki cin wakara ku kān­ den pajukun wa tsa Yohanna bu wa baba. Dede waa Hiridus fo Yohanna na zen aji numa adia vonvon, cinna bu aji bu Yohan­ na ci abu wa kenku nwo, ama ki byea ku gon tson ba mikyin wa mbumbu. ²¹ Nyunu dzun Hirudiya du nya­ co dede waa Hiridus kwan cin bu baco baa fo kwen bandoa, ba baco baa ki fin banuken ba baco baa sen tswen bu Galili, ki cin waa bé kyepan ba anyunu wa mbambaa. ²² Dede waa anwu bu Hirudiya wa wuwa kabi ki bye cinkwan, ku gbe­ jo, ajo ra san Hiridus ba baco bandoa. Hiridus dan yi anwu wa wuwa waji danra, "U vomi abu waa uma con kata mri tsaka wa yiu abu waji." ²³ Kukà dan aki dan­ ra koke waa "Uma vo, mri yiu, ko uma con m gafan ajenmi ki mba­ gaga m nde go dzun yiu." ²⁴ A nwu wa wuwa waji pwadzu ya mbye ayoa danra akake san kari ku vo re. Ayoa danra, ku vo cin bu Yo­ hanna wa tsa batisma. ²⁵ Mwamwa numa ku ya ki pyen bu akù ku dan yi akù danra, "Tanma, tanma mna con u yimi cin bu Yohanna ki bye atukpe" ²⁶ Aku pe mikyin titiri ba, ama ki cin waa ku kapyen dan aki, kukà mbyà bandoa kwanna tiri ki jinni ra ku con’a wa tsaba nuge waa ku ge ba nwu wa wuwa raba. ²⁷ Mwamwa numa ku tson kahwa dzun kú ya nde cin bu Yohanna bi. Ku ya, ku ya geken cin bu Yohanna ki fin tan waa beri pan pajukun we yo ra. ²⁸ Ku nde cin bu Yohanna ki bye atukpe, nde yi nwu wa wuwa waji, nwu wa wuwa waji nde yi ayoa. ²⁹ Dede waa baa bà Yohanna fo numa ra be ya nde gangan dia ya ji ki shimbi. ³⁰ Abe baa Yesu tsonbe tson hora kasen bi ki bye Yesu. Be dan yiku abu waa be tsa, ba abu waa be fyen pajukun kata. ³¹ Yesu dan yibe danra "Ai zo dii í ya ki bye waa pajukun babeni ki bye waji jiji í ya ngha nwo titi numa." Ki cin waa pajukun suu numa baa na bibi ba baa na yaya, ci numa ra be dukabe nyaco waa be ji buju ba. ³² Be kà ki fin akò ya ki bye waa pajukun babeni kiyo. ³³ Waa bena ya ra pajukun suu numa mbyàbe nu, be yìbe nù be ho sho kapyenbe ri ya zan ki bye waji yi Yesu ba baa ku tsonbe tson hora. ³⁴ Dede waa Yesu bi bà jinni ba akò numa ra, ku mbyà pajukun suu numa, ci numa ra ku hwi cicibe, ki cin waa be ci tsadzu adòn baa babe cin­ do ba. Ku jo nwo wana fyenbe abu suu numa. ³⁵ Dede waa anyunu ko, abe baa bà Yesu be bi na dan yiku danra, "Abye wa ci kara ci abye waa ando baani kiyo, anyunu ko ra, ³⁶ ci numa ra, ú dan yi pajukun be gafan jinni, be ya ki fin tswen ba atswen baa titi baa na dzubye ba abye waji jiji be ya nya buju waa be ji." ³⁷ Ku zenbe nde, ku dan yibe danra, "Ani ni ya nya buju yibe." Be zen Yesu nde danra "Una con i ya hwen borodi bu nu naira dipa pyinna yibe?" ³⁸ Yesu mbyebe danra, "Ni ci ba agan bu borodi panna? Ni ya mbyà." Be danra, gan bu borodi kwan dzun tswanna ba aje pyinna. ³⁹ Yesu dan yibe danra be ci gafan dibe ndo ndo, be ci jinni ki cin byen wa tashuma. ⁴⁰ Ci numa be ci gafan dibe, badati zan dipa pyinna kyadzwe, badati zan dipa tswanna. ⁴¹ Yesu ho agan bu borodi tswanna ba aje pyinna hora, ku nde zoa ta don, ku she Ata Cidon. Ku bu gafan borodi hora, ku nde yi pajukun baa na bàku jiji be ho gafan yi pajukun baa na jinni hora. Kukà gafan aje pyinna hora jiji ko kani kata ku du, ⁴² Katabe kata, be ji, be zezu kenbe kenken. ⁴³ Abe baa bà Yesu do don ho tikshe, be nwo afyà buju waa pajukun hora ji dati ra, mu bye tikshe adzwe nwa pyinna. ⁴⁴ Ki fin pajukun baa ji buju waji bawu­ nube zan dubu tswanna. ⁴⁵ Mwamwa numa Yesu dan yi abe baa bàku danra be kapyen ka akò ya ki nu gobi wa ki zhen ki bahun, be ya ki Baitaseda kapyen waa ku do pajukun be gafan jinni ya ndobe. ⁴⁶ Ki nyaken waa Yesu do gafanbe jinni ra ku do don neya ki cin kwen yana vo Cidon ki byeri. ⁴⁷ Dede waa abye be zo numa akò ki fin teku, Yesu ci gondon a dzundzun’a. ⁴⁸ Ku mbyà­ be waa bena wa fyin ba akò wa kyankyan ki cin waa awo na yibe fyin kagben. ⁴⁹ Te cin byekya numa ku ya ki byebe, kuna kyenkyon ki cin jape. Kuna con ku kyen nwadzube, ama ayo waa be mbyàku na kyenkyon ki cin jape ra be da ndekuto danra ci jon. ⁵⁰ Katabe be mbyàku azin wa kwa­ kyi numa panbe. Ama mwamwa numa Yesu dan yibe danra, "Ní gban mikyin, nika zinni azin ba, eimi Yesu." ⁵¹ Ku ka ki fin akò babe, awo ge jinni. ⁵² Abu wa ci kara kyahobe zo kata, ki cin waa be yibe cinna bu abu waa Yesu tsa ba borodi waa ku kyan gafan yi pajukun raba, mikyinbe pyi ken jinni. ⁵³ Dede waa be kyan ya bà jinni ki Janisarati ra be gbe kobe ya sen cin von. ⁵⁴ Ayo waa be pwadzu ki fin akò ra, gbogbo numa pajukun mbyà Yesu ra. ⁵⁵ Be ho sho kaya ki bye wani kata ki fin jenbe, be jo nwo wana ho baa dā do ki bye byenabe bi ki bye waa bema fo danra Yesu ci bye waji. ⁵⁶ Abye waa Yesu ma bi yo kata, ko ki da, ko ki finka, ko ki fin jen wani kata, pajukun na tswan baa dā do bi we ki nu pyin, bena za nde yi Yesu jiji baa dā do hora be nde vobe go ki bye fya tukpaa. Katabe baa go vo kiyo ra, be du wa rito.

¹ Abe Farisawa ba manu baa fyen aji bu Cidon, dzu wa ki Urushalima bi ci shukwa Yesu shon dzun, ² be mbyà badati baa bà Yesu na ji buju vo jin, be tsobe vobe ba. ³ Ki bye Farisawa ba Yahudawa kata bena bà abu waa be fyen ki bye bacobe baa kapyen, beri jibe buju vo jin numa ba, se bema tso vobe ki bye nyaco wa sansan hunnu. ⁴ Be kari jibe buju wari dzu ki ti ribi ba, se bema tso nyeku ra hunnu. Be kà ci ba adon badati suu numa baa be ndi pan, tsadzu nyaco wa sansan wa tso koko, ba ape, ba ape sho. ⁵ Abe Farisawa ba manu baa fyen aji bu Cidon hora mbye Yesu danra, "Ki cin ke abe baa ri bàu bàbé nyaco bu baco baa ndi gbogbo ba? Bena ji buju vo jin numa?" ⁶ Yesu dan yibe danra, "Ishaya wa ndi da adon bu Cidon avo ndi gbogbo dan aji wajinderi ki cinni danra, ’Ani ci Pajukun baa ri bye pajukun’, ki bye waa Ishaya ta danra: Tajukun baa ci kara, Cidon danra bē yiku hwe bá nube kenken, ama mikyinbe ci nana. ⁷ Wawabe waa be wa Cidon cia abu dzun ki zoa ba. Ki cin waa be nde don bu pajukun fyen tsadzu adon bu Cidon.’" ⁸ Yesu dan yibe danra, "Be ngha don bu Cidon kasen yana bà don bu pajukun." ⁹ Kukà mbyā dan yibe danra, "Nina ngha aji bu Cidon ki fa byeya numa kasen yana bà aji bu yakubada." ¹⁰ Yesu dan yibe danra, "Musa dan yini danra, ’Ní yi atani ba ayoni hwe. Kukà dan­ ra apa wama zen aji wa baba ki cin bu yoa, ko ki cin bu ataa ci ken be bwanku.’ ¹¹ Ama nina fyen danra apa wama ci ba abu waa ku tsaka wa tsaza ataa, ba ayoa yo, ama kuma danra abu waji ci bu ’Koban’ (cinnaa danra ci abu Cidon), ¹² ma ci numa cia ken ku tsaza ataa ba ayoa yo ba. ¹³ Ki bye nyaco waji nina gbe­ kyan don bu Cidon dede waa nina fyen bazhenzhenni bu we bye nyaco waa andi abe yakuni ndi dzu ra. Nina tsa abu badati suu numa ci tsadzu wakara." ¹⁴ Yesu ba pajukun nde kwan go kyekyea, ku dan yibe danra, "Ní gon tson ki byemi kata jiji ni fo yi. ¹⁵ Buju wa jiji dzun baani waa apa ku ji ku du mikyin wa na jinni. [ ¹⁶ Apa wama ci ba atson wa fo aji ku fo.]" ¹⁷ Ayo waa ku do don fan pajukun jinni, ku kaya ki ndoa, abe baa bàku mbyeku aji ki cin anda wa kaka waji. ¹⁸ Yesu zenbe nde danra "Ani du ni fo yini bá du? Ni hwa yini ba? Abu waa apa ma ji ya ki fin’a ri tsakaa wa yi mikyin’a na jinni ba, ¹⁹ ki cin waa ri ka yaa ki fin mikyin’a ba. Kuri ka ya ki fin’a, ki nyaken wakara kuri pwadzu nya dika." (Ki bye aji wakara Yesu ta danra buju kata wadzun wa sheshe wa jiji kiyo baani). ²⁰ Yesu ka danra abu wari pwadzu ki fin mikyin bu apa ciri abu wari yi apa kan jin. ²¹ Ki fin mikyin bu apa abu wari pwadzu kiyo ciri; ahwan wa gaga wa baba, ba agbaza wa tsa­ tsa, ba avyú wa vyivyi, apa wa bwanbwan, awa bu apa wa nyanya, ²² ba juvya, anwe, bupyu wa jiji, abu baa dándán wa tsatsa ba adi wa con kari, ba aji wa ge be apa ki nu, ba acò wa caca, ba aje wa jeje. ²³ Bu baa ci kara kata dzu ki fin mikyin bi, beri hwari yi mikyin bu apa ri kan jin. ²⁴ Yesu do don ya ki bye jen bu tswen baa beri babe danra Sur ba Sidon. Ku kaya ki fin tan dzun, ku con’a waa apa dzun ku yi dia ba, ama ku yu kaa ba. ²⁵ Mwamwa numa awuwa dzun waa nwua wa wuwa ci ba jon wa baba ki cin’a ku fo di bu Yesu ku bi tu ben jinni ki pyen bu Yesu. ²⁶ Awuwa waji atsua ken, be mbaku ki tswen dzun waa beri baku danra Su­ rofinikiya. Ku vo Yesu kú kan jon ra pwadzu ki cin bu nwua. ²⁷ Yesu kaku nda danra, "U gban mikyin i kapyen yi zhenzhen pajukun buju hunnu, ki cin waa san’a waa be nde buju bu zhen pajukun kapyen yi abá ba." ²⁸ Ku zen Yesu nde danra, "Ù dan mba tiri, ama abá tsaka wa ji afyanu zhenzhen pajukun." ²⁹ Yesu dan yiku danra, "Ki bye andeu waa u zen kara, ú ya ndo, ajon wa baba fan nwuu yo ra." ³⁰ Ku kasen ya ndo, ku ya fo ndo, ku mbyà nwua na ki gudu, ajon wa baba pwadzu fanku yo ra. ³¹ Yesu kasen dzu wa ki Sur nabi, ya ki bye teku bu Galili. Dede waji ku nwadzu ki fin jen bu Sidon ba ajen bu Tswen Dzwe. ³² Pajukun nde apa dzun wa kan tson, kukà ka nene zen yia aji kacin ba. Pajukun hora vo Yesu jiji ku nde avoa sen apa ra ki cin. ³³ Yesu gbere apa waji do don ki fin pajukun baa nabi byea hora ya so kankan. Yesu nde ngyi voa dzo apa waji ki shi tson’a kata pyinna, kukà tu con ta voa nde goku ki nenea. ³⁴ Yesu nde zoa ta don, a hunhun, ku dan yi apa waji danra, "Afafata," cinna bu Afafata ciri atson, ní pofan jinni. ³⁵ Atson’a pofan, anenea ndafan jinni, ku zen aji ndafan jinni sansan. ³⁶ Yesu nube don danra beká dada dan yi apa dzun ba, ama be nde aji waji dagbàn nya fye ho bye yi pajukun kata. ³⁷ Abu wa ci kara ken nwo kagbenbe, be danra ku tsa koke kata sansan, ku yi kantson fo tson, kukà yi atsunu zen aji.

¹ Ki fin anyunu baa ci kara abi pajukun badati wa kwakyi numa bi kwan, be cibe ba buju wa jiji ba. Yesu ba baa bàku nde bi ki byea, ku dan yibe danra: ² "Mna mbyà cici bu pajukun baa kwanna kara, ki cin waa be bami ci zan anyunu atsara buju wa jiji baani. ³ Mma dan yibe danra be gafan jinni ya ndobe ba ambo ki finbe, badati ribi ya kò nazan ki nyaco, ki cin waa badati dzu bye wa nana bi." ⁴ Baa bàku mbyeku danra, "Iri tsanini du borodi ki fin hwan kire i yi pajukun baakara?" ⁵ Yesu mbyebe danra, "Ni ci ba agan bu borodi pan­ na?" Be zen nde danra, "I ci ba agan bu borodi kwan dzun tsupyen." ⁶ Yesu dan yi pajukun hora danra be ci jinni, ku ho borodi tsupyen hora, ku she Ci­ don. Ki nyaken waa ku she Ci­ don ra ku koken gafanbe, ku ho yi baa bàku, bé ho gafan yi pajukun. Baa bàku ho gafan jin­ ni yi pajukun kata. ⁷ Be ci ba aje wa fefe titi numa vinni cia suu ba. Yesu she Cidon ki cin aje hora kukà dan yibe danra be ho gafan jinni yi pajukun. ⁸ Be ji be zezu, be ho afyanu buju waa be ji dzu nya jinni hora kwan dzun mu bye atikshe atsupyen. ⁹ Be zan pajukun dubu nyena. Yesu dan yibe danra be do don gafan jinni. ¹⁰ Mwamwa numa aku ba baa bàku be kà ko ya ki bye waa beri baku danra Dalmanuta. ¹¹ Abe Farisawa badati bi, na ye yepye ba Yesu, bena con jiji be ken mba foku. Be dan yi Yesu danra bena con jiji ku tsa abu dzun wa kyahozo wa dzu bye Cidon bi. ¹² Yesu hunhun ki fin mikyin’a, ku danra "Ki cin ke pajukun baa tan­ ma vya aji bu abu wa kyahozo numa?" Kukà danra, "M dan yini aji wajinderi, abe pajukun baa ci kara, beri dube abu dzun wa kya­ hozo ba." ¹³ Ku fanbe ku kà ki fin akò, ku kyan teku. ¹⁴ Abe baa bà Yesu be muji waa be bi ba borodi suu be ci ba agan bu borodi adzundzun vinni ki fin akò. ¹⁵ Yesu nube don danra, "Ní tsa sansan, ní wà dini ki bye yist bu Farisawa ba Hiridus." ¹⁶ Abe baa bàku jo nwo wana zen aji ba dibe danra Yesu dan aji wa ci kara ki cin waa be cibe ba borodi ba. ¹⁷ Yesu yì abu waa bena dan ranu, Ci numa ra ku danra "Ki cin ke waa nina zen aji ki cin borodi waa ni baniku bara? Nī hwa yini ba? Ko tanma ni ngha fo yini raba?" Yesu kà mbyebe danra, "Ni pyi kyin? ¹⁸ Nī ci ba azo, ni mbyà kani bye ba? Nī ci ba atson nī fo kani aji ba? Nī kyepanni ba? ¹⁹ Ayo waa m ndi bu gafan gan bu borodi atswanna jiji bu pajukun dubu tswanna, atikshe apanna waa ni nwo afyanu buju wa nya jinni mu yo?" Be danra, "Adzwe nwa pyin­ na." Yesu kà mbyā mbyebe danra, ²⁰ "Dede waa m kà bu gafan agan bu borodi atsupyen jiji bu pajukun dubu nyena hora, atikshe panna waa ni nwo fyanu buju wa nya jinni mu yo?" Be dan yiku danra, "Atsupyen." ²¹ Yesu kà mbyà mbyebe danra, "Avo tanma ba, ni ngha fo yini raba?" ²² Yesu ba abe baa bàku ya fo ki Baitaseda. Pajukun badati nde agbànzo dzun bi ki byea. Be vo Yesu jiji ku goku vo ki di, ²³ Yesu gbere apa waji ki vo pwa­ dzu ki finka ya ki myi. Yesu tu con taku ki zo, kukà nde voa senku ki cin’a ku mbyeku danra, "Una mbyà bye nu tanma?" ²⁴ Apa waji danra, "Mna mbyà pajukun, ama ki byemi ci tsadzu ahin na kyen ri kyon." ²⁵ Yesu kà mbyā nde voa te apa waji ki zoa. Ku pofan zoa kata, ku du bye wa mbyàmbya, ku mbyà koke kata. ²⁶ Yesu dan yiku danra, "Ú kasen yau ki ndou ri, ká kasen ya ki finka ba." Ku foji kyon’a wa yaya ki ndoa. ²⁷ Yesu ba abe baa bàku foji kyon ya ki fin tswen baa titi badati ki fin jen waa beri ba danra Kaisariya Filibi. Dede waa bena ya ki nyaco ra, Yesu mbye baa bàku danra, "Ayo waa pajukun mana zen aji ki cinmi, bena ga danra, m ci tswi apa wani?" ²⁸ Be dan yiku danra, "Badati danra, u ci Yohanna wa tsa batisma, badati danra, u ci Iliya, badati danra, u ci dzun­ dzun ki fin bàa da don bu Ci­ don." ²⁹ Yesu mbyebe danra, "Ani pa, nina danra, m ci kani?" Bitrus danra, "U ci Kiristi waa Cidon tson bi." ³⁰ Ku nube don danra, "Beka dan yi apa dzun aji waji ba." ³¹ Yesu jo nwo wana fyen abe baa bàku abu, ku fyenbe danra, "Ci ken Nwu pajukun ribi wa fyin suu, abe baco, ba abe kù manu baa ciho, ba abe manu baa ri fyen aji bu Cidon, ri pukan nyaken yimi, beri bi bwanmi, anyunu ko dzun, ko pyinna wa hwa tsara mri do don pwadzu ki shimbi." ³² Yesu dan aji wa ci kara yafan jinni jiji be fo yi. Bit­ rus gbē Yesu ya ki kankan, ku jo nwo wana be Yesu vo ki nu danra, "Ka dan numa ba." ³³ Yesu vyin pukan jinni numa wezo mbyà baa bàku, ku kānden Bitrus danra, "Do don kire, Shetan. Aji waa u ga ra ci abu apa, cia abu Cidon ba." ³⁴ Yesu ba pajukun kwan ba baa bàku nde bi kwan byea. Ku danra "Apa wama con wa bàmi, ku kapyen sinni dia, kukà zen nde danra, kuri bi tswan ahin wa shon gegea ba dia hunnu ku bi bàmi" ³⁵ Yesu danra, "Ki byemi, apa wama con ku kon cindia, kuri nyani cindia, apa wama nyani cindia ki cinmi, ba ki cin aji bu Cidon kuri bi du cindia. ³⁶ Akake waa apa ribi du, ku du vinni abu wa ki fin tswen kata, ama ku nyani ba cindia. ³⁷ Akake waa apa ribi hwa wari bi ken wa hwa penre cindia. ³⁸ Ko kani ki fin pajukun baa tsa abu wa baba, ba baa tsa abu dandan numa ki fin tswen jinna kata, apa wama pan tsenni mi ba ajimi, Nwu pajukun ribi pan tsennia dede waa kuma kasen bi ki fin hwe bu ataa Ata Cidon ba abe zhentsōn bu Cidon baa nyenye."

¹ Yesu ka dan yibe danra, "Ajinderi mna dan yini kara, badati kire, beri bi hube ba, se bema mbyà atsòn bu Cidon wari bi ba ahwè ra." ² Ki nyaken anyunu shizhen Yesu kyen dzun ba Bitrus, ba Yakubu, ba Yohanna, ku na pyenbe ya ki cin kwen wa gon­ gon, be fan pajukun badati ki jinni, Ayo waa be wezo mbyà Yesu numa ku vyin pukanbe jin­ ni ki zo. ³ Tukpaa kasen ci mbu purututu numa, na zun nyanya numa. Apa dzun wa ki fin tswen wa tsaka wa tso tukpa ku mbu tsadzu waji numa baani. ⁴ Abe baa bàku kwan dzun tsara hora mbyà Iliya ba Musa ba Yesu na zen aji. ⁵ Bitrus dan yi Yesu danra, "Manu, ci abu wa sansan waa i na kire ra, san kari jiji i da apu kwan dzun atsara, wadzun ku ci buu, wadzun ku ci abu Musa, wadzun ku ci abu Iliya." ⁶ Abu wa tsa ku dan numa ra ki cin waa azin wa kwakyi numa pan­ be, ku yia abu waa kuri bi dan ba. ⁷ Anandi nwadzu ki cinbe anwinia bebe, akyu bu Cidon pwadzu ki fin anandi danra, "Anwu wa ci kara ci Nwu wa conconmi. Ni gon tson ni foku." ⁸ Gbogbo numa waa bena wezo pukan jinni numa, be mbyàbe apa dzun riba, se fan Yesu dzun­ dzun’a maari vinni. ⁹ Dede waa Yesu ba abe baa bàku dzwa gantu dzu ki cin kwen nabi ra, Yesu nube don gbangban numa danra, "Nika dada dan yi apa dzun aji ki cin abu waa ni mbyà raba; Se dede waa Nwu pajukun ma do don pwadzu ki shimbi ba cindi." ¹⁰ Ki cin wakara be nde aji waji konso fin mikyinbe, be kana ga aji ki fin mikyinbe danra, "Cinna bu dodo ki shimbi ci ake hun?" ¹¹ Be mbye Yesu danra, "Ki cin ke waa pajukun baa fyen aji bu Cidon danra Iliya ri kapyen ribi?" ¹² Yesu dan yibe danra, "Iliya ribi kapyen jiji ku mbyāsan abu kata. Ki cin ke aji bu Cidon na danra aku wa ci Nwutsòn ki fin pajukun ri wa fyin suu numa, pajukun ribi sinni ku?" ¹³ Yesu danra, "M dan yini Iliya bi ra, pajukun tsaku abu wa vya mikyinbe. Ci abu waa aji bu Ci­ don danra ribi tsa hun." ¹⁴ Dede waa Yesu ba baa bàku atsara hora kasen bi du abe badati baa bàku ra, be mbyà abi bu pajukun suu numa kwan shu­ kwabe jinni. Abe baa fyen aji bu Cidon na ye yepye babe. ¹⁵ Mwa-mwa numa dede waa abe bi bu pajukun hora mbyà Yesu ra, ci abu wa kyahozo, be ho sho yana na Yesu jen. ¹⁶ Yesu mbye abe baa bàku hora danra, "Ki cin ke nina ye yepye babe?" ¹⁷ Apa dzun ki finbe danra, "Manu, m nde nwumi bi ki cin waa ku ci ba ajon wa baba wa hwa yiku tsu nu. ¹⁸ Ayo waa ajon waji ma neku ra, kuri yiku kokwi dzu ta jinni, afyecon ri dzu ki nua, kuri ho nyia kwa kwan dzun, adia kata ri nwenwe ndafan jinni, cia waa apa ku taben kà ba. M vo abe baa bàu jiji be kan dzu ajon waji, apa dzun wa tsaka ki finbe baani." ¹⁹ Yesu zen nde aka dan­ ra, "Ani pajukun baa tanma niri yini wajinderi ba, se mma ci bani zan anukon hunnu? Atswi nyaco ke waa mri bi dzu bani?" Ku danra, "Nde nwu waji bi." ²⁰ Be nde nwu bi ki byea. Ayo waa ajon wa baba mbyà Yesu numa ra ku hwa yi anwu waji vondi, dzu ta jinni, na bon ki vivi ki jinni, fyecon dzu ki nua. ²¹ Yesu mbye ataa danra, "Ado waji pan anwu waji avo nukon?" Ataa danra "Avo waa ku ci tiri nwu­ tishe. ²² Ayo badati suu numa kuri hwa yiku ko dzu ta pyu, ba ki jape jiji ku bwan reku ya Kin­ do. Ama uma tsaka wa tsa abu dzun ki cin’a, ú mbyà cicii, u tsazai yo." ²³ Yesu mbyeku dan­ ra, "Ki cin ke waa u danra mma tsaka?" Apa wa ci ba wajinderi ri tsaka koke kata! ²⁴ Mwamwa numa se ata nwu da ndekuto danra, "M yi wajinderi, ama ken’a ba. Ú tsa zami yo." ²⁵ Dede waa Yesu mbyà pajukun suu numa nabi ki byea ra, ku nu jon wa baba ra don danra, "Au jon bu atsunu ba akantson, m dan yiu, u pwadzu ki fin’a, ka dada kà ki fin’a riba." ²⁶ Ajon wa baba waji kunde, da ndekuto, a hwa yi anwu waji vondi. Ki nyaken wakara ku pwadzu fanku yo. A nwu kasen ci tsadzu akwan, pajukun kata danra ku huhu ra. ²⁷ Yesu nde voa pan avo bu nwu waji, anwu pan gben vo bu Yesu ra ku kā do don pantse don. ²⁸ Ki nyaken waa Yesu do don kaya ki tan, abe baa bàku na mbyeku aji yuyu danra, "Ake tsari waa i kān kai jon wa baba ra pwadzu ba?" ²⁹ Yesu danra, "Atswi jon wa ci kara apa ri tsakaa wa kan­ ku pwadzu ba abu dzun ba, se Cidon wa vovo maari vinni." ³⁰ Ki nyaken abu wakara be do don fan abye waji jinni, be nwa­ dzu ki fín jen bu Galili. Yesu con’a waa apa dzun ku yi ba, ³¹ Ki cin waa kuna fyen abe baa bàku danra, "Nwu pajukun ribi kà ki vo bu pajukun, beri bi bwanku, dede waa kuma hu ra, anyunu ko pyinna ko tsara, kuri do don ba cindi." ³² Be hwa yibe ba cinna bu abu waa ku fyenbe raba. Bena zin azin waa be mbye sanku cinna bu aji waji. ³³ Be bi fo ki Kafarnahum. Ayo waa Yesu ki fin tan ku mbyebe danra, "Aji ke nina ye yepye ba dini ki nyaco ayo waa nina bi ra?" ³⁴ Be pobe nu ba, ki cin waa dede waa bena bi ki nyaco ra, bena ye yepye ba dibe danra ki finbe ra akani ciri baco re. ³⁵ Yesu tuci jinni, a ba abe dzwe nwa pyinna hora nde danra be kpasun bi goa, ku dan yibe danra, "Apa wama con ku kàn baco, ci ken ku nde dia kàn nwutishe wari wa badati kata." ³⁶ Yesu gbere nwutishe dzun bi so pyenbe, ki nyaken wakara ku nde nwu waji kasen bi so goa, ku dan­ ra, ³⁷ "Apa wama zen nde ba nwu­ tishe tsadzu wa ci kara ki fin zenmi, kuna zen nde bami. Apa wama zen nde bami, ku zen’ande bami kenken ba, ama ku kana zen nde ba apa wa tsonmi bi ra." ³⁸ Yohanna dan yiku danra, "I mbyà apa dzun na kān dzu ajon wa baba ki fin zen u. I kān den­ ku jiji kuka tsa numa ba, ki cin waa ku cia apa wa bài ba." ³⁹ Yesu danra, "Niká kān denku ba, ki cin ke ba, apa wama tsa abu wa kyahozo ki fin zenmi, kuri bi zen tsabaa zenmi mwa­ mwa ba. ⁴⁰ Apa wama cia apa wa zei ba, ku ci apa bui." ⁴¹ Yesu danra, "Abu waa mna dan yini kara, apa wama yini jape wa wawa ki cin waa ni ci pajukun baa bà Yesu Kiristi, apa waji ri nyania vokwin’a ba ko titi." ⁴² Yesu danra, "Anu waa apa dzun ku hwa yi nwutishe wa bàmi ku ta atsu ki nyacomi ra, sanfo waa be nde akwīn wa hwa za wa kwakyi numa nde tseku ki hwan’a, be ndeku taya fin nú. ⁴³ Avou ma hwa jiji u da aji, u ge kenku don. Nu waa ú ya ka ndo pyu ba avo pyinna, san kari u ya kà ki ndo Cidon ba avo wa ken­ ken. [ ⁴⁴ Ki fin pyu wakara Pajukun baa ngha Cidon ri wa fyin wa ci kenken. Shishi hora ri hube ba, beri foji dibe wa jiji, apyu ra ri den’a ba.] ⁴⁵ In abeu dzun ma hwa yiu tsa abu wa baba, u ge kenku ta hun. San kari ki byeu jiji u du cindi wa ci kenken ba nu waa u ya kà ki pyu ba abe pyinna ra. [ ⁴⁶ Ki bye wa ci kara pajukun baa ngha Cidon ri wa fyin wa ci kenken. Shishi hora ri hube ba, beri foji dibe wa jiji, a pyu waji ri den’a jinni ba.] ⁴⁷ Azou ma hwau jiji u da aji, u pon nwaku don. Nu waa u ya ka ndo pyu ba azo pyinna, sanfo wa ya ka ndo tson bu Cidon ba azo go dzundzun wa gbàngbàn. ⁴⁸ "Ki fin ndo pyu waji adzwi ’Kiyo beri hube ba, apyu waji ri den’a jinni ba.’ ⁴⁹ "Ko kani kata beri tso nyeku ba apyu tsadzu waa beri tsa ba āmā ra. ⁵⁰ "Ámā ci abu wa sansan, àmá āmā ma nyani ba vya ki dia, niri tsanini mbyā sanku ri? Ní ci bye­ cu tsadzu āmā wa sansan ba dini, ni ci ba wa rito ba dini."

¹ Yesu do don fan bye waji a ya bye jen bu Yahudiya ba jen wa ki kyan nu. Abi bu pajukun bi kwan shukwaku shon dzun. Tanma tsadzu waa kuri tsa keke ra, ku fyenbe bu. ² Abe Farisawa bi jiji be ken mba foku, be mbyeku danra, aben wa kaka shea sheshe ki bye don bu Cidon ba re. ³ Yesu mbyebe danra, "Andi Musa ndi nu don danra ke ki cin aji bu aben wa kaka?" ⁴ Abe Farisawa ka dan yi Yesu danra, "Musa zen nde waa apa ku ge afa bu aben wa kaka yi awaa hunnu, ku hun fanku nyaco ku yaa ri." ⁵ Yesu dan yibe danra, "Ki cin waa ni gban cin kacin ra abu wa hwa Musa hun ta adon wa ci kara yini ra. ⁶ Ama dede waa Cidon jo nwo wa ka­ pyen mà tswen ra, ku mà wunu ba wuwa. ⁷ Ki cin wakara wunu ribi pwadzu fan ataa ba ayoa, ribi ba awaa ci byecu. ⁸ Abe pyinna kasen ribi kan dzundzun, nde ya ki pyen beri bi cibe pyinna ba, beri ci dzundzun. ⁹ Ki cin wakara abu waa Cidon ma ho tse kwan dzun ra apa dzun ká fenfanbe ba." ¹⁰ Dede waa be kasen ya ki tan ra, abe baa bàku kà mbyeku aji ki cin aji waji. ¹¹ Yesu dan yibe danra, "Apa wama ka ben ba awashea kuma tse aben ba awuwa dzun, kuna tsa awa shea ra abu wa baba ki zoa wa ta danra ku tsa aso. ¹² Kà ci numa ba wuwa wama ka aben ba nu shea ma ya ban wunu dzun, kuna tsa abu wa baba ki zo bu anu shea." ¹³ Pajukun gbe baci baa titi numa bi ki bye Yesu jiji ku gobe vo ki di. Abe baa bàku kan pajukun baa ho baci nabi bye Yesu ra sho danra beká ya bye Yesu ba, ¹⁴ Dede waa Yesu mbyà numa ra, ku ngongo, ku dan yibe danra, "Ni fan baci be bi ki bye­ mi, niká kanbe sho ba, ki cin ke ba, baci baa titi tsadzu baa ci kara numa beri bi kan watson ki ndo Cidon." ¹⁵ Yesu danra, "M dan yini ajinderi apa wama pan’a tsòn bu Cidon ci tsadzu nwutishe wa titi ba, kuri bi kaa ki fin ndo bu Cidon ba." ¹⁶ Yesu gbe ho baci hora bi ki pyen’a ku nde voa senbe ki cin, ku she Cidon ki cinbe. ¹⁷ Dede waa Yesu do kyon na ya, apa dzun nde sho bi tu ben jinni ki pyen’a a mbyeku danra, "Manu wa sansan, akake waa mri bi tsa jiji m du cindi wa ci ken­ ken?" ¹⁸ Yesu pofan nua mbyeku danra, ki cin ke, u bami danra, "Manu wa sansan? Apa dzun baani wa ci apa wa sansan se Ci­ don dzundzun maari vinni." ¹⁹ Yesu ka mbyā ka danra, "Au yi Cidon nu: Ká bwan apa ba, ká nya wa bu apa ba, ká vyi vyu ba, ka ge aji be apa dzun ki nu ba, ka ji abu pyu ba, ú yi atau, ba ayou hwe." ²⁰ Ku dan yi Yesu danra, "Manu, m kon vinni adon baa na kara kata avo waa m ndi ci tiri nwutishe." ²¹ Yesu mbyàku numa, ku conku. Yesu ka dan yiku dan­ ra, "Fan abu dzundzun ki tiri waa u nyani. U ya, ú ya ho tswén u waa ù ci baku kata hwen, ki nyak­ en wakara abu waa uma du kiyo kata ú ho vyon pajukun baa tsa hwen, ki nyaken bu wakara, uri ci ba dukya ki ndo Cidon. Ki nyaken wakara ú kasen bi bàmi." ²² Dede waa Yesu dan numa ra, ku gbe tsuken zoa ki cin, ku pwadzu foji kyon, ku ya ndo ba mikyin wa pepe, ki cin waa ku ci ba abu suu numa ki vo. ²³ Yesu wezo mbyà pajukun baa ci shukwaku shon dzun ra, ku dan yi abe baa bàku danra, "Ci ba fyin apa wa sen dukya ku ka ki ndo Cidon." ²⁴ Aji waa Yesu dan numa ra ken baa bà Yesu nwo. Yesu ka mbyā ka danra "Bazhenzami, ci ba fyin apa ku kà ndo Cidon. ²⁵ Ma ribi cia ba fyin waa rakumi ku kà ki pyo bu abongyi ba, apa wa sen dukya ri kà ki ndo Cidon." ²⁶ Katabe anwo­ be ken ta, ken don, avobe ba abebe hu ta jinni. Be danra, "Ma ci numa akani ribi du wa nwà­ dzudzu ri ka?" ²⁷ Yesu mbyàbe zo, a danra, "Ki bye apa, nyaco baani, ama ki bye Cidon baa fyin ba, ki ein waa Cidon tsaka wa tsa koke kata." ²⁸ Bitrus jo nwo wana danra, "Mbyà! I fan koke kata nya jin­ ni, i bi bau." ²⁹ Yesu danra, "Mna dan yini ajinderi ko apa wani kata wama fan ndoa, ko bazhenzaa bawunu, ko bawuwa, ko ayoa, ko ataa, ko bazhen­ zhen’a, ko adaa ki cinmi, ba aji bu Cidon, ³⁰ kuri bi du vokwin ndo dipa tswanna ki fin tswen tanma, ba ando, ba bazhenza, ba bayo, ba bazhenzhen ba ada. Dede dzun kuri bi du fyin du, anyunu wa kyen kuri du cindi wa ci kenken. ³¹ Pajukun suu numa baa ki pyen tanma, beri kasen kàn pajukun baa ki nyaken, pajukun baa ki nyaken tanma ri kasen kàn pajukun baa ki pyen." ³² Be pan nyaco wana ya ki Urushalima, Yesu kyen na pyen­ be. Abe baa bàku, aji waji kya­ hobe zo azin pan pajukun badati baa bàku. Yesu gbe ho abe baa bàku dzwe nwa pyinna ya kan­ kan, kuna dan yibe abu waa pajukun ri ya tsa baku. ³³ Yesu danra "Ní mbyà, tanma ina ya ki Urushalima, baa fyen aji bu Ci­ don ribi pan Nwu pajukun ba vo. Beri bi foku kwen wa ya kindo. Beri ndeku yi tsu badati ki vo. ³⁴ Abe tsu pajukun badati hora ribi tenku aji ten bekà ribi tu con taku ki di, bekà ribi daku akpan, bekà ribi bwanku. Ki nyaken anyunu atsara kuri do don ba cindi." ³⁵ Yakubu ba Yohanna zhen­ zhen bu Zabadi bi ki bye Yesu, be danra, "Manu, abu waa ima vo kata gbagba ina con jiji ú tsazai yo." ³⁶ Yesu danra, "Akake waa nina con m tsazani yo?" ³⁷ Be dan­ ra, "Ina con u yii hwe jiji i ci vo wunu ba vosu bu tson u." ³⁸ Yesu dan yibe danra, "Nī yini abu waa nina vo raba. Niri bi wa kaa jan ki bye avyé waa mri wa ra? Ko niri bi tsaka batisma ki bye nyaco waa mri tsa ra?" ³⁹ Be dan yiku danra, "Iri tsaka." Yesu dan yibe danra, "Avyé waa mma wa jan kiyo, niri bi wa kiyo du, ba batisma waa beri bi tsami, beri bi tsani du. ⁴⁰ Ama byecu wa ki vo wunu bumi, ba vo sumi, mri bi yi kamni ba, byecu hora ci jiji apa waa be mbyā so jijia." ⁴¹ Dede waa abe dzwe hora fo numa ra be jo nwo wa ngongo ba Yakubu ba Yohanna. ⁴² Yesu ba abe dzwe nwa pyinna nde bi ki byea, ku dan yibe danra, "Ki fin atsu pajukun badati ni yinu tsadzu baa sen tswen be vo apa kagben, abe baco ri tsa tsonbe ki cinbe. ⁴³ Ki finni hora niká zen nde tsa numa ba. Apa wa mana con ku ci apa wa ba hwe ki finni kata ci ken ku kàn apa wari wa ko kani kata. ⁴⁴ Apa wama con ku ci apa wa kapyen ci ken ku kàn nya bu ko kani kata. ⁴⁵ Ci numa Nwu pajukun du, bia ki cin waa pajukun be waku ba, ama ku wabe, kukà nde cindi hwa ton wari bi nwadzu pajukun suu numa ki fin tswen." ⁴⁶ Be bi zan ki Jeriko, Waa Yesu ba baa bàku, ba bi bu pajukun suu numa beri do fan bye Jeriko numa ra, agbànzo dzun wari vo avo, azen’a danra Bartimawus nwu bu Timawas, ku ci kyi nyaco. ⁴⁷ Dede waa ku fo be danra apa wana nwadzu ra ci Yesu wa ki Nazarati, ku jo nwo wana da ndekuto dan­ ra, "Yesu Nwu bu Dawuda ú hwi cicimi." ⁴⁸ Pajukun suu numa na nyaku nde jiji ku bànde ba nua. Waa be nyaku nde danra ku ba­ nde ra, ku foji ndekuto wa dada gbangban, "Nwu bu Dawuda, ú hwi cicimi." ⁴⁹ Yesu pantse jinni, dan yibe danra, be baku nde. Be baku nde, be ka dan yiku danra, "Mbu mikyin, do don, kuna bau nde." ⁵⁰ Ku fen ho agbagidia nya hun, ku kā do don ya ki bye Yesu. Yesu mbyeku danra, "Akake waa una con jiji m tsau?" ⁵¹ Agbànzo ra dan yiku danra, "Cindomi mna con m du azo wa mbyà bye." ⁵² Yesu dan yiku danra, "Pan nya­ cou foji kyon, wajinderi buu yiu wa rito ra." Mwamwa numa ku du zo wa mbyà bye, ku ba Yesu foji kyon wa yaya.

¹ Dede waa bena bi dzubye ba tsonkà Urushalima, ki bye pyinna baa beri babe danra Bai­ tafaji ba Baitanya ki go cin kwen waa beri baku danra acin kwen bu Zaitun, Yesu tson baa bàku kwan dzun pyinna danra, ² "Ni ya ki bye nwu tswen baa titi ki pyenni, Dede waa nima kaya fin tswen waji numa niri mbyà nwu jakyi waa apa dzun ne foaku fo raba, sa ci jinni ni fenreku bi. ³ Apa dzun ma mbyeni danra ki cin ke nina fen nwu jakyi rare, ni dan yiku danra Cindoni na conku, ku kari nde tson kasen mwamwa numa bi yiku." ⁴ Be foji kyon ya zan ki fin tswen waji, be mbyà nwu jakyi sa ci nyakyon sukpa. ⁵ Be fenreku don. Ayo waa bena fen ra, pajukun baa kwankwan na mbyà zo ra, mbyebe danra, "Ki cin ke nina fen nwu jakyi ra?" ⁶ Be dan yibe ci tsadzu waa Yesu danra apa wama mbyebe aji be dan yiku ra. Ci numa be zen nde yibe fenfan. ⁷ Be fenre nwu jakyi bi yi Yesu, Be ten ho bukenbe byan gan bu jakyi waji Yesu ne ci cin’a. ⁸ Pajukun badati suu numa ten ho bukenbe byan nyaco, badati ge jebu hin ki hwan bi byan nyaco jiji Yesu ku ne jakyi te abe ki cin’a nwadzu. ⁹ Pajukun baa na pyen’a, ba baa na nyaken’a na sheku danra, "Nashan-yii Abagaidu! Cindoi Ata Cidon ku kwan ahwè bu apa wana bi ki fín zen’a ra kiyo. ¹⁰ Cidon ku kwan hwe bu tson wana bi tanma, wa ndi ci tson bu yakui Dawuda ra. Ahwè kata ci bu Cidon." ¹¹ Yesu kaya ki finka Urushali-ma, ku ya ki fin tan waa beri ya wa Cidon kiyo, ku wezo mbyà koke kata. Anyunu ko ra, ku pwadzu ba abe dzwe nwa pyinna hora ya ki Baitanya. ¹² Byekyaa waa be kasen dzu wa ki Baitanya bi ra, ambo bwanku ra. ¹³ Ku wezo ki pyen ku mbyà ahin tin dzun wa ci ba je, ku ya ki nwoa ko kuri bi du nwaa re. Ayo waa ku zan nwo tin ra, ku dua nwa tin waji ba ko dzundzun ki cin waa ayo ngha mbaa waa ahin tin waji ku nwa raba. ¹⁴ Yesu ya hin tin waji nde danra, "Apa ribi dada dua nwa hin ki diu riba." Abe baa bàku ra be fonu. ¹⁵ Be bi fo ki Urushalima, Yesu kaya ki fin tan wa wa Cidon ku jo nwo wana kan abe pajukun baa na tsa ati ki fin’a pwadzu myi. Ku tesu atswà bu baa na za abe ra ta jinni, kukà te adudu bu baa na hwenji ba ahwankpa ra nya jinni. ¹⁶ Ku kānden pajukun danra beká tswan abu dzun kabi ki fin tan bu Cidon ba. ¹⁷ Yesu fyen ta yibe dan­ ra, ko be tabe danra, "Atanmi ribi ci atan bye waa tsu pajukun wani kata ki fin tswen ribi vo Cidon kiyo ba?" Kukà danra, "Ama ani, ni ndeku kan tsadzu abye wa gban co." ¹⁸ Abe manu baa ciho ba abe manu baa fyen aji bu Cidon, be fo aji waji numa, be nya nyaco waa be bi bwan re ku don ki cin waa azin panbe. Abe abi bu pajukun baa kwan ki bye waji ra, aji waji kyahobe zo. ¹⁹ Dede waa anyunu ko numa Yesu ba baa baku pwadzu ki fin tswen. ²⁰ Byekyaa aponpon numa bena nwadzu ki nyaco, se be mbyà ahin tin waa Yesu yaku nde ra, ku vyo mbyà je kata ra, ku nwenwe kwan ba aden’a ki jinni kata. ²¹ Bitrus kyepan ba abu wa tsa ra, ku dan yi Yesu danra, "Manu wezo jiji u mbyà ahin waa ù yaku nde ra, ku hu ra." ²² Yesu dan yibe danra, "Ci ken ni yi wajinderi ki bye Cidon." ²³ Yesu danra, "Mna dan yini kara, apa wama dan yi kwen wa ci kara ba wajinderi ki mikyin’a danra, ku gbedzu ya ta fin teku, kuma dan’a ba hwan pyinna ba, kuri bi gbe­ dzu. ²⁴ Ci numa mna dan yini dan­ ra nima vo koke kata ki bye Cidon ba wajinderi danra ni du abu waji, gbogbo numa niri duku dudu. ²⁵ Ko ayo wani waa apa ma pantse na vo Cidon, ku fan abu wa baba bu pajukun baa daku aji ra yibe, a hunnu ataa Ata Cidon wa ki don hun ribi fan abu wa baba bua ri yiku. [ ²⁶ Ama apa ma fan’a abu wa baba bu pajukun baa daku aji ra ma yibe ba, ci numa Ataa Cidon ri fan’a abu wa baba bua ri yiku ba]." ²⁷ Be kasen bi zan ki Urushali-ma. Ki fin yo waa kuna kyenkyon ki fin tan bye waa beri wa Cidon kiyo, abe manu baa ciho, ba manu baa fyen aji bu Cidon ba baco badati bi ki bye Yesu. ²⁸ Be mbye­ ku danra, "Ki bye gben bu kake waa una tsa abu wa ci kara, akani yiu gben wakara ri?" ²⁹ Yesu dan­ ra, "Mri mbyeni aji. Nima tsaka wa dan yimi dnnaa hunnu mri dan yini agben bu waa mna tsa ra," ³⁰ Ku mbyebe danra, "Batisma bu Yohanna dzu vo bu Cidon re, ko dzu vo bu pajukun? Ní dan yimi cinnaa." ³¹ Bena ye yepye ba dibe, bena danra, "Ima danra dzu vo bu Cidon bi, kuri mbyei danra tsanini i nghai wa yi wajinderi ki byea re, ³² Ko i danra dzu vo bu pajukun bi maari re." Bena zin azin bu pajukun ki cin waa pajukun yi wajinderi danra Yohanna ci apa wa da adon bu Cidon wajinderi. ³³ Be dan yi Yesu danra be yìbe ba, Yesu ka dan yibe danra, "Ami du, mri dan yimni ko ki bye gben bu kake waa mna tsa numa ba."

¹ Yesu jo nwo wana zenbe aji ba anda wa kaka danra, "Apa dzun nà ada, ku ta tswi bu dzun ki da waji wari ndanda ki di hin, beri baku danra, anab. Ku du àgá shukwa ada waji jinni, ku hwa ashi wa pen jape anab kiyo, kukà we tswa ki fin ada waji. Ku nde ada waji kwa pajukun badati ki vo. Ku do don yaa kyon ki tswen dzun. ² Anyunu mbamba tiri waa hin ra ku nwa ra, ku tson anyaa dzun ku ya nya nwa hin ki bye pajukun baa na so hwan ki da waji. ³ Abe baa na tsa butso ki da waji ra, be pan nwutsōn waji be daku dada, kanre ku pwadzu ka­ sen avo nyi. ⁴ Ku ka mbyā tson apa dzun ya, be tenku fo ki cin’a be sinni ku. ⁵ Ku ka mbyā tson apa dzun ya, be bwan re ku. Be tsa numa ba anya badati suu numa. Badati be dabe dada fanbe yo, badati be da bwanbe bwanbwan ya kindo. ⁶ "Wasen da ra, ci ba apa dzun, ci nwu wa concon’a ki nyaken baa ku kapyen tson ya ra, ku bi tson nwua wa concon kuna ga danra, ci nwua ra beri bi panku avo pyin­ na. ⁷ Abe baa na tsa butso ki da waji ra, be dan yi dibe danra, ’Apa wa ci kara ciri apa wari zando. I ya i ya bwan re ku don jiji i kasen kàn apa baa zando,’ ⁸ Be pan re ku, be bwan re ku, be nde kwan’a taya hwan. ⁹ "Akake waa wa sen da ra ribi tsa. Kuri bi bwan hore abe baa na kon ada hora kata, ku bi nde ada waji kwa pajukun badati ki vo? ¹⁰ Nī hwènni aji waji ba? ’Aban waa baa myi tan ngha ra, ku kasen bi kan aban wa ci ba gben waa be nde myi cin pwe bu atan kiyo. ¹¹ Wakara ci butso bu Cidon, ábu wa tsa ku kya hoi zo ra.’" ¹² Abe baco bu Yahudawa na nga be pan Yesu ki vo, ki be, ki cin waa be yinu danra anda waa Yesu ka ra, ku ka we dibe. Ama bena zin azin bu pajukun, ci numa ra be fanku yo, be yabe. ¹³ Be tson abe Farisawa badati, ba abe bando bu Hiridus, be ya jiji be ya kà Yesu vo ki fin, be fo abu wa ki ndea, ¹⁴ Be bi ki bye Yesu be danra, "Manu, i yinu danra u ci apa wajinderi, uri zin u zo bu apa dzun ba. U mbyàu apa dzun ka apa dzun ba. Una fyen bu ki bye nyaco bu Cidon ba wajinderi kenken. Fye waa i wa we yi Kaisar ko fyea ba? I wa re, ko ika wai ba?" ¹⁵ Yesu yinu be ci pajukun baa ri bye apa, ku danra, "Ki cin ke nina ken mba fomi? Ní nde asho waji bi jiji m mbyà." ¹⁶ Be nde bi ku mbyebe danra, "Acin kù wa ci kara, ci cin akù wani? Ba asin waa be kyi kiyo ra ci abu kani." Be zenku nde danra, "Abu Kaisar." ¹⁷ Yesu danra, "M hun, abu wama ci abu Kaisar ni nde yi Kaisar, abu wama ci abu Cidon ni nde yi Cidon." Aji ra kyahobe zo. ¹⁸ Abe Sadukiyawa baa na dan­ ra, dodo bu pajukun baa huhu anyunu wa kennu baani, be bi ki bye Yesu na mbyeku aji danra, ¹⁹ "Manu, Musa tà yii danra, apa waa nwuzaa ma hu awaa ma mbaa nwu ba, ku kwan fin’a jiji ku mba nwu baku so tswi bu nwuzaa. ²⁰ Anyunu dzun bazhenza fin dzundzun kwan dzun tsupyen, wa kapyen ra ban wuwa. Dede waa ku bi dzu ta jinni hu, ku fan’a nwu ko dzundzun ba. ²¹ Atea kwan fin bu wuwa waji, kukà dzu ta jinni hu, ku fan’a nwu ko dzundzun ba. ²² Wa hwa tsara ka ci numa du, katabe kata tsupyen hora, apa dzun wa fan nwu ki nyaken baani. Ki nyaken wakara wuwa waji dzu ta jinni hu. ²³ Ki fín anyunu wa dodo bu baa huhu, awuwa waji ribi ci awa bu kani ki finbe? Ki cin waa katabe kata atsupyen hora be ban awuwa waji." ²⁴ Yesu danra, "Ni jan nyaco ki cin waa ni yini abu Cidon ba gben bu Cidon ba." ²⁵ Yesu ka danra, "Dede waa baa huhu ma do ra, aben wa banban ribi baani beri bi ci tsadzu zhentsōn bu Cidon." ²⁶ Yesu danra, "Ni mana mbyemi aji ki cin baa huhu, ni hwènni aji ki fin Afa bu Musa ki go kyekye wa dan aji ki cin ahin dzun raba? Ki bye waji Cidon dan yi Musa danra, ’Ami Cidon bu Ibrahim, ba Ishaku, ba Yakubu.’ ²⁷ Pajukun baa huhu Cidon ma ci Cidonbe, be ci ba cindi. Ani nina jan nyaco kata." ²⁸ Adzundzun ki fin abe baa ri fyen aji bu Cidon bi, ku fo bena vya ace ba dibe. Ku yinu Yesu na ta yibe nyaco wa sansan. Ki cin wakara ku mbye Yesu danra, "Ki fin adon bu Cidon wani ciri wa kapyen wa san kari kata?" ²⁹ Yesu zenku nde danra, "Adon wa ka­ pyen wa san kari ciri, ’Ani Isra’ila ni gon tson ni fo. Cindoi Cidon ci Cindoi dzundzun vinni. ³⁰ Ní con Atani Cidon ba mikyinni kata, ba dendenni kata, kà ba kyinyeni, kà ba agbenni kata.’ ³¹ Wa hwa pyin­ na, u con nwuzau tsadzu diu; Adon wa kā baakara baani." ³² Apa wa fyen aji bu Cidon ra danra, "Manu, ù dan coa, ù dan ajinderi waa ù danra Cidon ci dzundzun vinni, Cidon dzun baani ri. ³³ Apa ma con Cidon ba mikyin’a kata, ba kyinyea kata, kà ba gben’a kata, kuma kà con nwu­ zaa tsadzu dia, ma ci numa sanka wa bwan bupyu, tsontson nde yi Cidon." ³⁴ Ki nyaken waa Yesu foku zen aji ra ki bye nyaco wa sansan ra, ku dan yiku danra, "Dafan titi uri bi kà ndo Cidon." Ki nyaken abu wakara kata be zinzin apa dzun wa ci ba gben mikyin wa mbye aji baani. ³⁵ Ayo waa Yesu na fyen abu ki fin tan bye wa wa Cidon ra, ku danra, "Tsanini waa abe baa ri fyen aji bu Cidon danra Kiristi ci Nwu bu Dawuda. ³⁶ Denden bu Cidon hwa yi Dawuda ba cindia danra, ’Cidon dan yi Cindomi danra: U ci vo wunumi, jiji m vyin pukan pajukun baa na zeu ra be tu ben jinni ki pyen u.’ ³⁷ "Dawuda ba cindia ba Kiri­ sti waji danra, ’Cindomi.’ Ki bye nyaco wani hunnu kuri bi ci Nwu ki byea?" ³⁸ Ki bye ayo waa Yesu na fyen pajukun bu ra ku danra, "Ni wà dini sansan ba baa ri fyen aji bu Cidon baa na con be we buken wa ciho na kyen ki fin ti na kyen, bē kana con pajukun suu numa bena nàbe jen na kyen ki fin ti. ³⁹ Be kana con ka byecu wa ci ba hwe dede waa abi bu pajukun ma kwanna jinni dede buju wa jiji. ⁴⁰ Bekà ci pajukun baa ri fye abu ki vo bu abe bawuwa beri dzwa nde vo Cidon zen aji wababa gongon numa ba akàn ki finbe, beri bi pan vokwin bu fyin wa kwakyi numa kari kata." ⁴¹ Dede waa Yesu tuci jinni ki go kyekye bye waa beri we abè bu Cidon kiyo ra, ku wezo na mbyà abi bu pajukun baa ná we abè ki bye waji ra. ⁴² Awaki dzun wa tsa hwen ho angyi sho wa nyonyo kwan dzun pyinna, kwan dzun kata ci kobo dzundzun vin­ ni, ku ho we ki bye waji. ⁴³ Yesu ba abe baa bàku nde bi ki go kyekyea, ku danra, "M dan yini ajinderi awaki wa tsa hwen ra ku yi abu ka abe pajukun baa na we abè ki bye wakara ri kata. ⁴⁴ Abe ba dibe yinu numa ki fin mikyin­ be danra be ci ba abu hwehwe, bua ku yi ki cin gben’a, ku kpà mbyā re abu wa ki nwo ndua kata."

¹ Dede waa ku pwadzu ki fin tan wa wa Cidon na ya ra, a dzundzun ki fin baa bàku danra, "Manu wezo ú mbyà asan bu abàn waa be myi atan ra baku ra, ba asan bu atan waji ba dia." ² Yesu dan yiku danra, "Ù mbyà ahwè bu atan wa ci kara? Beri bi nwa ho abàn hora ki cin bu wani kata, abàn dzun wari bi dati ki cin bu wadzun baani, beri te sube nya jinni kata." ³ Ki bye waa ku ya tuci ki cin age waa beri baku danra Zaitun pukan zoa dzwa tan bu Cidon waji, dede waa be ci zo dibe ra. Bitrus ba Yakubu, ba Yohanna, ba Andarawus mbyeku danra, ⁴ "Dan yii dede waa abu waji ri tsa ra, ú kà tà yii abu wari bi tsa dede waji jiji i yinu danra abu dzun ribi tsa." ⁵ Yesu jo nwo wana danra, "Ní tsa sansan apa dzun ka hwa yini jan nyaco ba. ⁶ Pajukun suu numa ribi ki fin zenmi danra, be ci Kiri­ sti, beri bi hwa yi pajukun badati suu numa ribi jan nyaco. ⁷ Dede waa nima fo dón bu aken ma nudi na dzubye bani, ko ki bye dzun nima fo aji ki cin aken wa ki bye wa nana, niká zin azin ba, ní kò nwoni ki jinni. Ci ken abu baakara be tsa, ama anyunu wa kennu ngha mbambaa raba. ⁸ Atsù dzun ribi nuken ba atsù dzun, atsòn dzun ribi do nuken ba atsòn dzun. Abye ribi ndedi dzwa go wani kata, ambo ribi bwan. Wakara ciri jo nwo bu fyin tiri hun. ⁹ "Ní mbyāsan dini ki cin waa beri bi pan honi ya ki pyen bu baa-fo kwen, beri bi dani akpan ki bye waa beri fyen aji bu Cidon kiyo. Niri bi pan tsenni ki pyen bu akù akù, ba baco baco ki cinmi, niri dan aji wajinderi ki pyenbe. ¹⁰ Wa kapyen ci ken se bema dan aji bu Cidon wa san­ san ma ka ki tson bu tsu pajukun wani kata ki fin tswen. ¹¹ Dede waa bema panni ya ki pyen bu baa fo kwen, niká vondi kpekpe kapyen ki cin abu waa niri bi dan ba. Dede waji ma bi ra, ní dan abu waa ni du ki fin mikyinni, ki cin waa ani ribi danni aji waji riba; Denden wa nyenye ribi dan nuni ri. ¹² Pajukun ribi nde nwu­ zabe yi aki. Ata nwu ribi tsa numa ba nwua. Bazhenza ribi do du ata ba ayobe, ri hobe yi aki. ¹³ Niri bi ci abu wa nghangha ki bye pajukun. Pajukun kata ribi zeni ki cin azenmi. Apa wama gban mikyin yaya anyunu wa kennu, anyunu kia kuri du wa nwadzudzu. ¹⁴ "Dede waa nima mbyà Aze wari tsaba abu ki bye nyaco wa cia coa ba, (Apa wana hwèn aji bu abye wa ci kara se abu waa kuma hwayi ri) dede waji nima mbyà numa pajukun baa na Yahudiya bé she gbanfan jinni ya ki cin kwen. ¹⁵ Apa wa mana ngha nwo ki ya, kuká dada kaya tan ya nde abu dzun ya baku ba. ¹⁶ Apa wama ki da, kuká dada she kasen bi ndo ho tukpaa ba. ¹⁷ Ḿm̀ hun bu abaa ma ci ba fin ki di, ba nwu jan ki vo anyunu waji! ¹⁸ Ni vo Cidon jiji abu wa­ kara kuká tsa ki fin àdinu ba. ¹⁹ Ki cin waa afyin wa dede waji ribi ci afyin wa kwakyi wa ka fyin badati ki fin tswen avo gbogbo dzu jinni bi waa Cidon jo nwo wa mà fin tswen nde numa bibi jinna keke yaya ki pyen. ²⁰ Cidon kodzu nyunu baaji kasen, kúri ma kodzúa anyunu baaji kasen ba, apa dzun wari bi nwàdzu baani. Ama ki cin pajukun’a baa ku ce ra, ábu wa tsa hunnu ku kodzu anyunu baaji kasen ra. ²¹ "Dede waji apa wama dan yini danra, ’Wezo u mbyà Kiristi kire kara; ko ku ci ki bahun hun,’ niká yi wajinderi ki bye aji waji ba. ²² Baa ri kankan danra be ciri Ki­ risti waji, ba baa kari kankan danra be ci baa da don bu Cidon, beri bi do don ribi tsa abu baa kyahozo. Beri bi tsa numa jiji be bi du nyaco wa bye pajukun baa Cidon ndi ce, bema bi duka nyaco wa tsa numa. ²³ Ní mbyā dini sansan ki cin ke ba, m kapyen dan yini koke kata ra, kapyen waa be bi tsa. ²⁴ "Anyunu waji ki nyaken bu fyin waa pajukun ma bi wa ra, anyunu ribi yafan’a zo ba, ason ri tsefi. ²⁵ Atswí baa na don ri dzu don dzu nya jinni, abu badati ki don kata ri ndedi. ²⁶ Ki nyaken wa ci kara hunnu niri bi mbyà Nwu pajukun ki fin pajukun dzu wa ki hwadon ki fin anandi nabi ba hwe wa kwakyi, ba asan bu ahwè bu byecua. ²⁷ Ki nyaken bu wakara mri gbè abe zhentsōnmi jiji be ba kwan pajukun baa Cidon ndi cebe ki nyunupon, ba ki nyuzota, ka ba mudu ba rike, ki nu ken niken bu bye jinni ba bye don. ²⁸ "Ní nde zoni hwa jinni ridan numa ni mbyà ahin tin dede waa avoa ma ci tsadzu ku nwenwe numa, ajea ma vyo dzu nya jinni, kuma tswa je pye ma bi, ni yinu danra cukone na dzubye ra. ²⁹ Ka ci numa dede waa nima mbyà abu hora mana tsa ra, ní yinu danra wa bibimi na dzubye ba nyakyon kà ra hun. ³⁰ M dan yini ajinderi pajukun baa kwan­ na ki kara jinna ra, ajen ribi bea zobe kà ba, se abu hora ma tsa du zobe. ³¹ Hwa cucu ba fin tswen ci abu baa ribi jìji ki jinni, ama ajimi wa ci ba hwe ribi jia jinni ba. ³² "Apa dzun wa yi anyunu waji ko ayo waji baani, ko zhen­ tsōn bu Cidon baa na don baku, ko Nwu bu Cidon ba dia yia anyunu waji ba, se Ata Cidon maari vinni. ³³ Ní mbyā dini nina nwe nwo ki cin waa ni yini dede waa anyunu waji ribi ba. ³⁴ Ci tsadzu apa dzun wa ya kyon, dede waa ku do fan ndoa ra, ku nde ndo kwa zhen bandoa ki vo, ko kani ki finbe kata ci ba butsoa. Ku dan yi nwu wa kon nu nyakyon ra danra ku kon abye waji. ³⁵ Ní nwe nwo ki cin ke ba, ni yini dede waa wa sen ndo ra ri kasen bi ba, ko anyu­ zota ko ayotsu, ko akwìn da nde­ kuto, ko kwa aponpon, ³⁶ jiji ke ba, kuma bi mwamwa numa, kuma duni nina na ana, san’a ba. ³⁷ Abu waa mna dan yini, ci abu waa m dan yi ko kani kata, ni nwe nwo."

¹ Fan nyunu pyinna hunnu ri ci anyunu wa kyepanpan ba cinkwan bu paska bu Yahudawa ba cin wa kwankwan bu borodi wa gbugbu waa be gbanbe yist kiyo ba. Abe manu baa ciho ba abe manu baa fyen aji bu Cidon bena nwe Yesu nwenwe jiji ku da ajikù, bé du nyaco waa be panku nde bwan. ² Ama be danra, beká nga be panku dede anyunu baaji ba, ki cin ke ba, pajukun ribi do ba aken wa nunu. ³ Dede waa Yesu ki Baitanya do ya du abe akù manu baa ciho ki ndo Siman wa ndi dā do kon, jiji ku du nyaco waa ku nde Yesu ayo waa Yesu na ka gbu awuwa dzun kàbi ba turubasa bu aban dzun waa beri baku danra alaba­ sta ba abyu wa nyenye wa nufyin sansan numa waa beri baku dan nard wa ci ba abè suu. Ku pofan nu turubasa a fare byu we Yesu ki cin’a. ⁴ Pajukun badati baa na bye waji ra, bena zen aji ngongo ba dibe danra, "Ki cin ke be nde abyu wa ci ba abe suu numa tsaba nya hwan numa. ⁵ Ki cin waa kuri ma kyan nde hwen iri du ngyi sho kiyo kagben dipa tswanna ndo shizhen, beri kyan nde vyon baa tsa hwen yo." Be sinniku kyinye. ⁶ Yesu danra, "Ni fanku yo. Tsanini nina sinniku kyinye? Ku tsa abu wa sansan ki byemi. ⁷ Ki cin ke ba, baa tsa hwen hora be ci kire bani yaya, nima con abu wa sansan wa tsa­ be, niri tsabe ko anyunu wani kata ama ami mri bi cinmi kire bani yaya ba. ⁸ Ku tsa abu waa ku tsaka, ku wemi byu ki di avo waa m ngha humi raba. ⁹ Mna dan yini aji wajinderi ki bye wani kata ki fin tswen waa bema dan aji bu Cidon kiyo beri bi gbè aji bu waa ku tsa ra kiyo jiji be kyepan baku." ¹⁰ Ki nyaken bu wakara a Yahuda Isikariyoti, a dzundzun ki fin abe dzwe nwa pyinna hora, ku do ya du abe akù manu baa ciho jiji ku du nyaco waa ku nde Yesu hwen. ¹¹ Dede waa be fo abu wa ki nde bu Yahuda Isikariyoti numa ra, be mbu mikyin baku. Be genu baku danra, beri yiku abè. Ki nyaken wakara Yahuda na nya nyaco bu waa kuri bi tsa ku nde Yesu hwen yibe. ¹² Ki fin anyunu wa kapyen bu anyunu baa beri ji borodi wa gbugbu waa be gbanbe yist kiyo bara, dede waa beri bwan àdòn bé kyepan ba anyunu paska ra, abe baa bà Yesu be mbyeku danra, "Abye wani waa una con i mbyāsan jiji ú bi ka agbu bu paska ra kiyo?" ¹³ Ku ce baa bàku kwan dzun pyinna ku dan yibe danra, "Ní kaya ki finka niri shon ba wunu dzun wa tswan àkwìn jape ki cin’a. ¹⁴ Ní baku ya ki ndo waa kuma ya ka yo, ní dan yi wa sen ndo danra, ’Manu danra atan kyon’a ki go wani re? Abye waa kuri ba baa bàku ji buju bu paska kiyo.’ ¹⁵ Wa sen ndo ribi ta yini atan wa ki don wa kwakyi wa ci ba byecu kata ki fin’a. Ní mbyāsan buju so bye waji bazoi." ¹⁶ Abe pyinna do don pan nyaco foji wa yaya ki finka. Waa be ya zan numa be mbyà abu baa ku kyan dan yibe ra. Be mbyāsan buju bu paska. ¹⁷ Dede agyedi numa Yesu ba baa bàku, be bi kà. ¹⁸ Dede waa be na jinni na kà agbu ra Yesu danra, "Ḿ dan yini ajinderi, a dzundzun ki finni baa bami na ji buju ra ribi ndemi ri hwen." ¹⁹ A mikyinbe gedzu, be jo nwo wana dan adzundzun dzundzun, wa­ kara na danra, "Ami re." wakara na danra, "Ami re." ²⁰ Ku danra, "A dzundzun ki finni dzwe nwa pyinna baa kwanna kara, apa wana nde borodi ban ki bye abo ki fin kwe dzundzun bami ra. ²¹ Nwu pajukun ribi hu tsadzu waa be ndi ta so ra. Ḿm̀ hun! Afyin ribi ken apa wari bi ndemi hwen ra ki di. Sanfo waa be ndi ká mbabe ku ba." ²² Ayo waji waa bena kà agbu ki vo numa Yesu nde borodi ki voa, ku pya wa sansan bu Ata Cidon we borodi waji ki cin. Ki nyaken wakara ku bu gafan jinni ho gafan yibe. Ku danra, "Ní pan. Wakara ci adimi." ²³ Ku nde avyé ki nyaken waa ku pya Ci­ don ra, nde yibe. Katabe kata be wa jan ki fin avyé waji. ²⁴ Yesu dan yibe danra, "Wakara ci asa­ mi wa dzu we jinni jiji bu pajukun suu numa. Asa wakara hwa nuge ci wajinderi." ²⁵ Yesu danra, "Ḿ dan yini ajinderi mri bi wami jape nwa hin anab riba se anyunu wari bi ra hunnu m hun kari mbyā wa byon jape nwa hin anab ki ndo Ata Cidon." ²⁶ Be tsò vyon na she Cidon. Ki nyaken wakara be do don pwa­ dzu neya ki cin kwen waa beri baku danra Zaitun. ²⁷ Yesu dan yibe danra, "Ka­ tani, niri bi she gbanfan jinni fan­ mi ci dzundzunmi ci tsadzu waa be ndi ta danra: Cidon danra, ’Mri bi na pyenni ya Galili.’" ²⁹ Bitrus nde nua don dan yiku danra, "Ko pajukun badati kata ma she gban­ fan jinni fan u yo, ami ribi she fan u jinni ba." ³⁰ Yesu danra, "M dan yiu ajinderi: Kapyen waa akwìn tagben ku da ndekuto wa hwa pyinna ki fin afitse wa ci kara, ùri bi tson nutson dzwa atsara danra ù yimi ba." ³¹ Bitrus dan te dia nde jinni danra, "Ko kuma kànmi nya­ co aki mri bi zen bau ka ba." Kata abe baa bàku be dan numa anu dzundzun katabe. ³² Be do don ya ki bye dzun waa beri baku danra Jestamane. Ku dan yi abe baa bàku danra be tuci jinni ki bye wa ci kara dèdè waa kuri vo Cidon ra. ³³ Ku nde Bitrus, ba Yakubu, ba Yo­ hanna, ku jo nwo wana wa fyin ba mikyin wa tsaba jinni. ³⁴ Ku dan yi abe baa baku ya ra danra, "Mikyinmi pe kagben tsadzu aki ku bwan remi. Ani ni ci kire ni nwe nwo na bazomi." ³⁵ Ku kyen kpasun ya titi numa ku dzu be jinni, ku vo Cidon danra, "Nyaco dzun ma ci tiri waa mri bi nwa­ dzu ki bye ayo bu fyin wana bi ki pyenmi ra, ri san. ³⁶ Atami Ata Cidon wa tsaka wa tsa koke kata, ú pan re fyin waa mna wa kara don ki byemi. Ú tsa abu waa mikyin u con, bà abu waa mikyinmi con ba." ³⁷ Yesu kasen bi dube bena na ana. Ku dan yi Bitrus danra, "Siman ù na ana ra hun? U tsakau wa còn ana, u nwe nwo titi numa ba?" ³⁸ Ku ka dan yibe danra, "Nína nwe nwo nina vo Cidon sheji waa niká bi ko ki bye tswe bu Shetan ba. A mikyin na con ama adi zen’ande ba." ³⁹ Ki nyaken wakara Yesu kà mbyā kà kasen ya, ya vo Cidon. Kukà mbyā kà dan tiri aji wa kyan kapyen ra. ⁴⁰ Kukà kasen bi dube, be foji ana wana nana tiri; azobe ndanda kata ba ana. Be nyani ba aji waa be dan yiku. ⁴¹ Ku ya, kukà kasen bi wa kwan tsara, ku mbyebe danra, "Nina foji ana wa nana ba anwo wa nghangha tiri? Mba tiri ra numa, anyunu bayo ra. Mbyà tanma Nwu pajukun kà ra ki vo bu pajukun baa tsa abu wa baba ra. ⁴² I do don i ya, ni mbyà, apa wari ndemi ri hwen ra ku kire tanma." ⁴³ Mwamwa numa waa Yesu na zen aji waji ki tiri ki vo numa, Yahuda dzundzun ki fin abe dzwe nwa pyinna hora ho abi bu pajukun bé nwoa bi, ba gisingiri, ba atsō nda, ba acukon. Pajukun hora ciri manu baa ciho ba manu baa ri fyen aji bu Cidon, baco baa sen tswen tsonbe ri ya. ⁴⁴ Aku apa wari nde Yesu hwen ra ku kapyen tà yibe abu waa kuri ya tsa ba Yesu kata ra. Ku danra, "Apa waa nima mbyà mma kapyen ya baku bà kwan mikyin ki bye dzundzun ho nui ma dzun ciri Yesu hun. Ní pan reku sansan kyoo numa ki vo ya baku." ⁴⁵ Dede waa ku zan numa ku ya ki pyen bu Yesu ya bà kwan mikyin ki dzun baku danra, "Cindomi," a bà kwan mikyin bu con baku ki dzun. ⁴⁶ Be pan re Yesu a tseku gan numa. ⁴⁷ Adzundzun ki finbe baa pantse na bye waji ra, gbe nwa re gisin­ giria, a ge ken re tson bu anya bu manu wa ciho dzun. ⁴⁸ Yesu danra, "Nī bi ba atsō, ba acukon ci tsadzu m ci apa wa gbanco? ⁴⁹ Anyunu wani kata m bani ci dzun ki tan wa wa Cidon mna fyenni abu, ama ni panmi ba. Ábu wakara tsa numa ki cin waa ku we dzun ba aji bu Cidon waa be ta ra." ⁵⁰ Katabe baa bàku ra, be she gbanfan jinni soo numa fanku yo. ⁵¹ Nwu mafan dzun bàku ki nyaken, ku dzea abu dzun ba. Ku ho agbagidi maari vinni ya dia, ⁵² Be nga jiji be pan re ku, ku dzu du myi ba asho, she fan agbagidi babe ki vo, she nwo rinyi ya. ⁵³ Be nde Yesu hwa pyen ya du manu wa ciho wa kapyen, abe akù manu, ba baco baa sen tswen, ba abe manu baa fyen aji bu Cidon ho cinbe kwan bye dzundzun kata. ⁵⁴ Akyan Bitrus bà Yesu na kyakya kaya ki fin pyin ndo bu manu wa ciho wa kapyen. Ku ci bye dzundzun ba baa ri kon tswen nari vye pyu. ⁵⁵ Abe manu baa ciho ba abi bu baa sen tswen baa kwan hora, bena nya be du pajukun baa ribi dan ada bu Yesu jiji be du abye wa nde vobe pan yo, be bwan re ku. ⁵⁶ Pajukun suu kan­ kan sen Yesu ki cin, ama ajibe kata wadzun wa we ba dibe baani. ⁵⁷ Badati do don tse, a kankan senku ki cin danra, ⁵⁸ be fo ku danra kuri dagban atan waa beri wa Cidon wa ci kara waa be myi ba avo ra. Ki fin anyunu tsara kuri myi wadzun waa be myibe ku ba avo ba. ⁵⁹ Ko waa be dan numa ra, ajibe cia nu dzundzun ba. ⁶⁰ Akù bu manu wa ciho do don tse don ki pyen bu baco bandoa, ku mbye Yesu danra, "U ciu ba aji wa zenzen ki cin aji baa pajukun hora na dan ki cin ura ba?" ⁶¹ Ama Yesu poanu dan aji dzun ba, ku bànde ba nua gyu numa. Kati, akù manu wa ciho ka mbyeku danra, "Ù ci Yesu Kiristi Nwu bu Cidon wa ci ba hwe?" ⁶² Yesu zenku nde danra, "Ami ciri Kiristi. Uri mbyà Nwu pajukun ri tuci ki vo wunu bu Cidon wa ci ba gben. Kuri bi ki fin anandi ki hwadon." ⁶³ Amanu wa ciho ra gbeya tukpaa danra, "Ki cin ke ina nyà apa dzun ku dan adaa? ⁶⁴ Ani ni fo aji waa ku zen sinni Cidon ranu hun. Ki byeni niri dan dan ke?" Katabe be nya beku nde nu danra ci ken se be bwanku. ⁶⁵ Badati jo nwo wana tu con taku ki di, be beku vo ki zo, a taku pyuta danra, "Ú dan yii apa wa tau pyuta ra." Abe baa kon tswen kosen Yesu ba agba wa dada. ⁶⁶ Dede waa Bitrus ki fin pyin bu atan kwen wa ki jinni ra, anwu wa wuwawa wa manu wa ciho ra, ⁶⁷ mbyà Bitrus nari vye pyu. Ku mbyàku zo numa ku danra, "Au du ù ci apa bu apa wa dzu ki Nazarati waa beri baku danra Yesu ra." ⁶⁸ Bitrus tson’a danra ku fo yia cinna bu aji waa kuna zen raba. Ku do don pwadzu ya ki taje, se akwìn tagben da ndekuto wa kapyen. ⁶⁹ Nwu wa wuwa ra mbyàku ka jo nwo wana dan yi abe baa tsena bye waji ra danra, "Apa wa ci kara ci dzundzun ki finbe du." ⁷⁰ Kati, Bitrus ka mbyā kà tson’a. Cifo titi numa kati abe baa pantse na bye waji ra dan yi Bitrus, danra, "Acoa, ù ci dzun­ dzun ki finbe, ki cin waa au du, u ci apa wa ki Galili." ⁷¹ Ku jo nwo wana dàn aki danra, "Cidon ba dia yinu, ko titi m yimi apa wa ci kara waa nina zen aji ki cin’a raba." ⁷² Gbogbo numa akwìn tagben da ndekuto wa hwa pyinna ra. Bitrus kyepan ba aji waa Yesu ndi dan yiku danra kapyen waa akwìn ku da nde­ kuto wa hwa pyinna ra, kuri tson nutson ba ajia dzwa atsara. Avoa, ba abea hu dzu ta jinni, ku dzu ta jinni se ndekuto.

¹ Mwamwa numa abyekyaa aponpon numa abe manu baa ciho, ba baco, ba baa fyen aji bu Cidon, ba pajukun badati baa na ki fin cinkwan waji, katabe kata be zen aji ki cin aji waji. Be tsere Yesu nde hwa pyen ya yi Bilatus. ² Bilatus mbyeku danra, "Au ci Akù bu Yahudawa?" Yesu danra, "Ù dan ra." ³ Abe akù manu baa ciho be mbyà bo bu Yesu suu numa ki cin abu badati. ⁴ Bilatus ka mbye Yesu aji kwan yo danra, "Ù ciu ba aji dzun wa zenzen ki cin aji baakara ba? Gon tson, ú fo abou waa pajukun hora na dan ki cin u ra." ⁵ Kati, Yesu poanu dan aji dzun ba. Abu waji ken Bilatus nwo. ⁶ Ko ki fin aju wani kata waa bema tsa cinkwan bu paska Bilatus ri ten nwa apa dzun waa beri con ki tan pwadzu. ⁷ Ki fin pajukun baa ki fin tan waji ra, Barabas ci dzun­ dzun ki fin pajukun baa ndi bwan pajukun ki bye aken dzun waa be ndi nu ba baco Romawa baa sen tswen. ⁸ Pajukun suu numa zaba ho dibe bi du Bilatus voku danra ku tsa atswi bu son tswen waa kuri tsa keke ki bye aju wani kata dede paska ra. ⁹ Ku mbyebe danra, "Niri con jiji m ten nwa Akù bu Yahudawa yini?" ¹⁰ Abu wa hwa ku dan numa ra ki cin waa ku mbyà abe akù manu baa ciho be nde Yesu yi ki cin waa bena hyu akyu baku. ¹¹ Abe manu baa ciho na dzo pajukun aji ki nu jiji be zen nde be dan yi Bilatus danra ku ten nwa Barabas pwadzu yibe zanu bu Yesu. ¹² Bilatus danra, "Ma ci numa m tsanini ba Akù waa ni danra ku ci Akù Yahudawa ra?" ¹³ Be nyakyin danra be ndeku kan ki cin hin wa shon gege. ¹⁴ Bilatus mbyebe danra, "Abu wa baba ke waa ku tsa?" Be nyakyin kwan yo gbangban numa ka wa kyan ka­ pyen ra danra be ndeku kan ki cin hin wa shon gege. ¹⁵ Ki cin waa Bilatus na con ku tsa abu wa vya mikyin bu pajukun hora, ku fan Barabas yo, ku pan Yesu, a daku akpan, ndeku yibe jiji be ndeku ya kan. ¹⁶ Abe baa nuken nde Yesu hwa pyen ya baku ki ndo wa sen tswen, ando waji beri baku dan­ ra Pretoriyan. Be ba abi bu pajukun baa nuken kata bi kwan jinni ki bye waji. ¹⁷ Be ho tukpa bu pe yaku ki dia, be tan ake bu tswí nde kponku ki cin’a. ¹⁸ Be jo nwo wana naku jen, bena yiku votso danra, "Nashan-yii Abagaidu Aku bu Yahudawa." ¹⁹ Be nde hin na daku ki cin, be tu con taku ki di. Beka tu ben jinni ci tsadzu bena yiku hwe. ²⁰ Ki nyaken waa be sinniku, a ka tenku aji ten bu atsòn kata, be pore abu pe wa ki dia ra don, be ho tukpa bua beku yo. Be gbere ku ya jiji be ya kanku. ²¹ Be shon cin ba apa dzun waa beri baku danra Siman wa ki Ku­ rane ra ki nyaco. Ku dzu ki hwan ka nabi ki finka. Be teku nu bayo kpo numa danra jiji ku tswan ahin wa shon gege jiji bu Yesu. Apa waji ci ata bu Iskandari ba Rufus. ²² Be nde Yesu bi ki bye waa beri baku danra Golgota. Cinna bu azen waji danra, gondon wa ci tsadzu koko cin bu apa. ²³ Be nga jiji be yiku jape wa banban bu anab, fufu ba ahyen dzun waa beri baku danra muri, ama ku nghaa wa wawa. ²⁴ Be ndeku kan. Be da baadzwin jiji be mbyàyi baa ribi gafan tukpa bu Yesu yi dibe ra, ²⁵ Be ndeku kan dede akan tsunyo wa ponpon. ²⁶ Be tā cinna bu ada waa be dan ku da ra so dia danra, "AKÙ BU YAHUDAWA" ²⁷ Be ho baa gban co kwan dzun pyinna kan dzubye baku, adzundzunki go vo wunua, a dzundzun ki go vo wuwaa. [ ²⁸ Aji ki fín aji wa ndi kapyen danra, beri bi ndeku so tsadzu ku ci dzundzun ki fin baa tsaba don. Aji waji dzu ra.] ²⁹ Abe baa na nwadzu co ra bena sinniku na gan cinbe we yo danra, "M m hun; Au wa ndi con u dagban tan wa wa Cidon jiji u mbyā myiku ki fin anyunu tsara ra, ³⁰ nwàdzu diu dzwa jinni ki cin hin ra!" ³¹ Abe manu baa ciho, ba abe baa fyen aji bu Ci­ don sinni Yesu, ana dan yi dibe danra, "Ku tsayi wa nwàdzu badati! Ku tsayia wa nwadzu kaa dia ba, ³² Aku wa danra ku ciri Nwutsòn, Akù bu Isra’ila ra, kú dzwa jinni ki cin hin wa shon gege ra jiji i mbyà, i yi wajinderi." Abe baa be hobe kan te baku ra du, be zenku jibo. ³³ Dede waa anyunu tse yoba ra, afin tswen kata tsefi zan akan atsara. ³⁴ Dede akan atsara ra Yesu bānde ba akyu wa gbangban numa danra, "Eloi Eloi lama sabatani?" Cinnaa danra, "Cidon­ mi, Cidonmi, ki cin ke u fanmi vo ki di?" ³⁵ Dede waa pajukun baa pantse na bye waji ra, foku numa ra, be danra, "Ní fo kuna ba Iliya nde." ³⁶ Apa dzun nde sho ya, ya nde soso dzo bye jape anab wa nghangha nde agà sho dzo yo, nde ndafan yi Yesu jiji ku wa. Ku dan­ ra, "I eifo jiji i mbyà ko Iliya ribi tureku dzwa jinni re." ³⁷ Yesu ka mbyā bānde ba gben, ki nyaken wakara ku hun ken nwo ya Kindo. ³⁸ Atukpa wa dzo kon ge gafan fin tan wa wa Cidon ra, kyi gafan jinni ndo pyinna dzu don dzwa jinni. ³⁹ Akù bu baa nuken dzun pantse ki bye waa bena kan Yèsu kiyo ra, ku nde zoa dzwa Yesu ki cin. Dede waa ku mbyà Yesu ken nwo numa ku danra, "Ajinderi apa wa ci kara ci Nwu bu Cidon." ⁴⁰ Bawuwa badati na ki bye wa nana numa na wezo. Mariyamu wa ki Magadaliya, ba Solome, ba Mariyamu yo bu Yakubu wa titi, ba Yosi ki finbe. ⁴¹ Dede waa Yesu ki Galili ra, bawuwa baakara na tsòku ape buju ri, be ka ci baa bàku. Bawuwa badati suu numa du bā Yesu kyen dzun bi ki Urushali-ma. ⁴² Na dzubye ba waa anyunu ri nde nua tswa jinni numa Yusufu wa ki Arimatiya bi. Ku ci dzun­ dzun ki fin pajukun baa ri kwan cin, ⁴³ ku ci apa wa ci ba hwe ki finbe. Kati ku ci apa wana ge cin bu anyunu waa beri tsa bujube soso ki hun kapyen anyunu wa ngha nwo. Ki cin wakara Yusufu gban mikyin kaya du Bilatus a voku kwan bu Yesu yo. ⁴⁴ Aji waji ken Bilatus nwo waa ku fo danra Yesu hu rara, Ku ba akù bu baa nuken waji nde, a mbyeku danra, "Yesu hu ra re?" ⁴⁵ Akù bu baa nuken waji dan yi Bilatus danra, "A, ku hu ra," Bilatus zen nde danra Yusufu ku ya ndea kwan bu Yesu. ⁴⁶ Yusufu hwen akya bufyen ho kpon pu­ kan di bu Yesu, Ku nde kwan bu Yesu nde ya hwa ki fin ambi waa be ndi hwa ashi waji ki bye aban soso. Ku ganre aban dzun bi be nu shimbi waji. ⁴⁷ Mariya-mu wa ki Magadaliya ba Mariya­ mu yo bu Yosi, be mbyà abye waa be nde akwan bu Yesu ya hwa yo ranu.

¹ Dede waa anyunu wa ngha nwo bi nwadzu, Ma­ riyamu wa ki Magadaliya ba So­ lome ka ba Mariyamu ayo bu Yakubu, be hwen hyen wa nufyin sansan numa jiji be ya pa ki bye kwan bu Yesu. ² Nakyabyea ponpon waa anyunu vyin nabi numa, anyunu wa kapyen ki fin byecen be ya ki bye ambi. ³ Bena mbye dibe dan­ ra, "Akani ka ganre abàn waa be nde be nu shi rari ri?" ⁴ Waa be gbe zobe ki don numa ra be mbyà be ganre abàn waji don ra, abàn waji ci abàn wa kwakyi. ⁵ Waa be kaya ki fin mbi numa be mbyà nwu mafan dzun tuci ki vo wunube dze akya bufyen ki dia mbu purututu numa, anwobe ken ta ken don. ⁶ Ku dan yibe danra, "Niká zinni azin ba. Nina nya Yesu wa ki Nazarati waa be ndeku kan ra. Ku do ra, ku baani kire. Ní wezo ní mbyà abye waa be ndi ndeku hwa yo ra. ⁷ Ní ya ni ya dan yi baá bàku, ka ba Bitrus danra Yesu na pyen na ya ki Galili hun. Niri bi mbyà­ ku ki bye waji ci tsadzu waa ku ndi kapyen dan yini ra." ⁸ Be pwadzu ki fin mbi ba asho, ba adi wa vonvon. Ci abu wa ken nwo. Be dan yibé apa dzun aji waji ba, ki cin waa azin panbe. [ ⁹ Dede waa Yesu do aponpon numa ki fin anyunu wa te anyunu wa ngha nwo, ku kapyen tà dia yi Mariyamu wa ki Magadaliya waa ku ndi kan dzu ajon baa baba kwan dzun tsu­ pyen ki cin’a ra. ¹⁰ Ku ya, a ya dan yi abe jo byecu bu Yesu dede waa bena shen aki ra. ¹¹ Dede waa be fo danra ku do ra ku ci ba cindi, Mariyamu wa ki Magadaliya mbyàku ra, be nghabe wa pan vo ki bye aji waji. ¹² Ki nyaken wakara kukà tà dia ki bye nyaco dzun yi abe bajo byecua badati kwan dzun pyinna dede waa bena pwadzu nde cin­ be so naya hwan. ¹³ Be kasen bi a dan yi badati, ama be nghabe wa pan vo kiyo. ¹⁴ Ki nyaken wakara kuka tà dia ki bye abe dzwe nwa dzundzun ki bye ayo waa bena ji buju ra. Yesu gbebe nde, ki cin waa be yibe wajinderi ki byea ba, be ngo tson kagben. Kukà gbebe nde ki cin waa be yibe wajinderi ki bye aji bu baa mbyàku dede waa kù do raba. ¹⁵ Ku dan yibe danra, "Ní ya ki fin tswen kaía, ni ya dan aji bu Cidon wa sansan yi ko kani kata: ¹⁶ Apa wama yi wajinderi kuma ka du batisma, kuri bi nwàdzu, aitia apa wama nghaa wa yi wajinderi, kuri bi ko ju. ¹⁷ Abu baa kyahozo baa ribi tà yini waa niri bi yinu danra be ci baa yi wajinderi ra ciri; beri bi kān ajon baa baba pwadzu ki fin azenmi, beri bi zen nene wa ripye tswi tswi. ¹⁸ Bema pan anyo ba avo, ko bema wa akyan dzun ribi tsaabe abu dzun ba. Bema nde vobe sen pajukun baa dā do ki cin beri bi du wa rito." ¹⁹ Ki nyaken waa Yesu zen vinni aji wa ci kara ba baa bàku numa ra, ku neya ki don, ku ya ci vo wunu bu Ata Cidon. ²⁰ Be do ya myi aya dan aji bu Cidon ki gon wani kata. Cindobe babe ci bye dzundzun kukà ta yi pajukun abu baa kyahozo jiji be yinu waa aji bu baa bà Yesu ci aji wajinderi.]