LUKA

¹ Tiyofilus, andi pajukun hwe hwe numa nga dibe bé tā aji ki cin abu baa tsa ki byei kata. ² Be tā aji waa be ndi fo ki nu bu pajukun baa ndi mbyà abu wa tsa ba zo dibe. Be fo aji waji ba tson dibe, be dan yi pajukun Aji wa Sansan bu Yesu Kiristi. ³ Ci numa ra, au Tiyofilus wa ci ba hwe kairi kata. M mbye pajukun baa ndi yì anwo bu baa ndi tsa kata avo ndi jo nwoa kapyen, m mbyà danra san kari m tā afa yiu ki cin aji baaji ate ba ate, ⁴ jiji u mbyàyi wa byen byen bu abu baa be dan yiu ra. ⁵ Ki we bu Hiridus akù wa ki Yahudiya, avon dzun kiyo beri baku danra Zakariya, ku ci apa wa ki fin abi bu Abija. Awaa beri baku danra Alisabatu, ku ci dzun dzun ki fin zhen bube avon du. ⁶ Zakariya ba awaa kata bena kyenkyon ndafan jinni sansan numa ki pyen bu Cidon. Bena kon adòn bu Cidon sansan numa kata, bena tsa koke kata we hwan bu Cidon ndafan jinni sansan numa. ⁷ Ama be mbabe nwu ba dibe ba, ki cin waa Alisabatu ci zakenku. Kati, katabe pyinna hora kata be kan ahweton ra. ⁸ Waa ayo mba tiri waa avon baa ki ndo Abija ri tsari butso ki tan wa wa Cidon ra, be ka mbo ka ngyi pan ki cin bu Zakariya ku ya tsari butso ki tan wa wa Cidon ku ya tsòn abu baa nufyin sansan yi Cidon. Anyunu waa Zakariya kaya ki tan wa wa Cindoi Cidon ku tsòn abu baa nufyin baaji. Dede waa kuna tsòn yi Cidon abu wa nufyin sansan waji ki tiri ki vo numa, pajukun suu numa na myi na pya Cidon weku yo. ¹¹ Ki bye ayo waji wakara nwutsōn bu Cidon tà dia yi Za kariya. Ku pantse ki go kyekye vo wunu bu Zakariya ki cin kyen kyen ki don, ki bye waa kuna tsòn abu wa nufyin sansan waji kiyo ra. ¹² Waa Zakariya mbyàku numa adia fen jinni, azin panku. ¹³ Ama nwutsōn dan yiku danra, "Ka zin u zin ba Zakariya, ki cin waa Ci don pan ndedzwau ra. Awau Alisabatu ri mba nwu wa wunu yiu, uri tsoku zen danra, Yohanna. ¹⁴ Niri cu cucu, mbu mikyin Pajukun suu numa ri cu cucu, anyunu mbambaa, ¹⁵ Anwu waji ri ci nwu wa ci ba hwe suu numa ki pyen bu Cindoi Cidon, kuká wa cen ba, ko ajan dzun wa gbangban, avo anyunu waa beri mbaku dzu ki fin bu ayoa dzu ta jinni ra, Denden bu Cidon ri baku ci dzun, avo waa ku ki tiri ki fin bu ayoa. ¹⁶ Kuri vyin pukan zhenzhen Isra’ila suu numa bi ki bye Cindobe Cidon, ¹⁷ Kuri ci fotson wa ho nyaco. Denden bu Cidon ba gbentsòn’a ri baku ci dzun ci tsadzu waa ndi ci ba Iliya ra. Ku ciri apa wari hwa ata ba bazhenzhenbe be pukan mikyinbe be ban vyon ba dibe. Pajukun baa gban cin baa ri tsabe abu wa we hwan bu Cidon bara, kuri hwa be pukan mikyinbe bi bye Cidon be tsa abu wa we hwan bu Cidon. Ci numa ra kuri mbyāsan mikyin bu pajukun bu Cidon so nyaco ge cin u." ¹⁸ Zakariya mbye nwutsōn bu Cidon ra danra, "Mri bi tsanini hwa yinu? Ami kanmi ahweton ra, awami du kan hweton ra." ¹⁹ Nwutsōn bu Cidon ra dan yiku danra, "Ami ciri Jibraila. Ami ri pantse ri ki pyen bu Cidon ko nukon. Ku tsonmi ri tson dan m bi zen aji bau, m dan yiu aji wa vyavya wakara. ²⁰ Ama wezo u mbyà, ki cin waa u nghau wa yi wajinderi ki bye aji waa m dan yiu ra, aji waji ribi dzu numa anyunu waa amba wa mbamba ma mba tiri ra. Numa ra, ki cin waa u nghau wa yi wajinderi ra, uri tsu nu, uri zen kau aji ba, se anyunu waa aji baa m dan ra, ma tsa ra hunnu." ²¹ Pajukun ci na bazo Za kariya ki myi, be nyani abu wa tsa ku ya ci jan gban hwe numa ki tan wa wa Cidon ra. ²² Ayo waa ku pwadzu bi dube ra, ku dan kaa aji dzun babe ba. Se pajukun hwa yinu danra, ku mbyà abu dzun ki zo mbu ki tan wa wa Cidon. Ku zen aji babe ki bye avo wa tata ki cin abu wa duku ra, ku ci tiri tsu nu. ²³ Anyunu waa butso bu Zaka riya vinni ra, ku kasen ya ki ndo. ²⁴ Ki nyaken wakara se awaa Alisa batu nyefín, ku nde dia yu zan ason tswanna ku pwadzua ki myi ba. Ku danra, ²⁵ "Wakara ci butso bu Cidon, tanma ra hunnu ku yi ason’a mbu dzwami ki di, ku nwàdzumi ki bye tsenni ki zo bu pajukun." ²⁶ Dede waa afin bu Alisabatu zan ason shizhen numa ra, Cidon tson nwutsōn’a ya ki finka dzun wa ki Galili, beri ba finka waji danra, Nazarati. ²⁷ Cidon tsonku ya ki bye nwu mafan wuwa dzun wa ci tiri kon, beri baku danra Mariyamu. Wunu dzun wa ci nwuda ki bye Dawuda wa na akù beri baku danra Yusufu, ku genu ba nwu wa wuwa waji danra kuri ndeku ban. ²⁸ Nwutsōn bu Cidon ra bi ki bye Mariyamu a dan yiku dan ra, "Nashan-yii, au wuwa waa Cidon yi son’a mbu dzwau ki di, Cindoi Cidon bau ci dzun!" ²⁹ Waa Mariyamu fo aji wakara numa tonton taku pyuu. Kuna ga ki mikyin’a danra cinna bu aji wakara dan ke hun? ³⁰ Se nwu tsōn bu Cidon dan yiku danra, "Ka zinzin ba, Mariyamu, ù du mwe wa sansan ki bye Cidon ra. ³¹ Mbyà, uri nyefin uri mba nwu wa wunu, uri baku danra Yesu. ³² Kuri ci apa wa ci ba hwe, beri baku danra, Nwu bu Cidon wa ci ba hwe kari kata. Cindoi Cidon ri ndeku na Akù za byecu bu ataa Dawuda. ³³ Kuri na tson ki cin zhenda bu Yakubu keke numa yaya ko nukon. Atson bua ri tea jinni ba." ³⁴ Mariyamu mbye nwutsōn bu Cidon danra, "Abu wakara ribi tsanini ci numa, ami wa yi fomi wunu fo raba?" ³⁵ Nwutsōn bu Cidon dan yiku danra, "Denden bu Cidon ribi ki byeu, Cidon wa ba hwe kari kata ribi gon tsuken u jinni ba gbentsòn’a, ci numa ra, anwu waa uri mba ra, apa wa Nyenye, Nwu bu Cidon. ³⁶ Mbyà Alisabatu nwuzau wa wuwa, pajukun ndi na baku danra, ku ci zakenku, ku kan ahweton ra, tanma ku fò ason tswanna ba fin ki di. ³⁷ Abu dzun wa kagben bu Cidon baani." ³⁸ Mariyamu dan yiku danra, "Ami nwu nya bu Cidon m ci kara, abu baa u dan ra, Cidon ku hwa ku ci numa." Se nwutsōn bu Cidon ra do fanku ki byeri yaa dia yo ri. ³⁹ Ki nyaken wakara Mariya mu do ya mwamwa numa ki cin kwen ki finka dzun wa ki Yahudiya. ⁴⁰ Ku ya ki ndo Zaka riya ya nà Alisabatu. ⁴¹ Ayo waa Alisabatu fo ajen wa nana bu Mariyamu numa ra, anwu ki fin bu Alisabatu kpa dia ya kankan. Denden bu Cidon tu bi ki cin bu Mariyamu we mu mikyin’a. ⁴² Ku zen aji ba gben numa danra, "Ci don ku kwan u kiyo, au wuwa wa du mwe wa sansan ki fin bawuwa kata. Nwu waa uri mba ki fin u ra ci ba wa sansan bu Cidon. ⁴³ Ami ci abu wa tsake hunnu waa ayo bu Cidon ku do numa bi nàmi jen! ⁴⁴ Dede waa m fo akyuu waa una nàmi jen ra, anwu wa ki finmi do kpasun ya kankan ba cucu wa cucu. ⁴⁵ Ci-don ku kwan u kiyo, ki cin waa u yi wajinderi danra, aji waa Ci don dan ra ribi tsa numa!" ⁴⁶ Mariyamu she Cidon ba avyon wa tsotso ri danra, "Mikyinmi na shē zen bu Cindomi. ⁴⁷ Mikyinmi fo vya ba Cidon, aku wa nwami, ⁴⁸ ki cin waa ku kyepan bami, ami wa ci anyaa wa wuwa, m kenmi abu dzun ba. Ki pyen kire pajukun kata ri bami danra u fo vya. ⁴⁹ Ki cin abu wa kwakyi waa Cidon wa ka koke kata tsa yimi. Aku waa zen’a Nyenye. ⁵⁰ Pajukun baa zinzin’a hora, kuri hwibe keke yaya ki cin bu bazhenzhenbe, ba bazhendabe ki nyakenni. ⁵¹ Ku ta agbentson’a ba voa, pajukun baa ri ndēdi ba abu wana cìbe ki mikyinbe ra, Cidon kan gafanbe nya cincin ra. ⁵² Pajukun baa ndanda hora ku gbebe dzu don wa jinni ra. Pajukun baa cibe abu dzun ki zo pajukun bara, Cidon gbe dobe so don ra. ⁵³ Pajukun baa bwan mbo Cidon yibe buju wa sansan be ji. Pajukun baa ci ba abu ki vo, ku do gafanbe jinni avo nyi. ⁵⁴ Pajukun zhenzhen Isra’ila baa ci anyaa hora ku tsazabe yo, ku hwi cicibe. ⁵⁵ Tsadzu waa ku ndi dan yi Ibrahim danra, pan ki cin u numa yaya ki bye zhenzhen u ba bazhendau ki nyaken." ⁵⁶ Mariyamu ba Alisabatu ci ndoa zan ason tsara hunnu ku do kasen ya ki ndoa. ⁵⁷ Waa ason fin bu Alisabatu mba wa mbamba rara, ku mba nwu wa wunu. ⁵⁸ Bajo ndoa, ba bazhenzaa be fo abu wa sansan wa kwakyi waa Cidon tsa yi Alisa batu ra, be mbu zaku mikyin yo ki dzun. ⁵⁹ Anyunu waa ku zan anyunu tsuntsa ra be ndeku ya jiji be kyuku abukua yo. Be ndi na con be tsoku zen’a yo danra Za kariya, ku ji azen bu ataa. ⁶⁰ Ama ayoa dan yibe danra, "Cia numa ba, iri baku danra Yohanna." ⁶¹ Be dan yiku danra, "Ki fin atsuu kata apa dzun jia zen wakara ba." ⁶² Se bena zen aji ki bye avo wa tata yi ata nwu jiji be mbyeku azen waa kuna con be tso nwu ra. ⁶³ Se ku nya abu dzun wa ta abu, ku tā yibe danra, "Azen’a danra, Yohanna." Ko kani kata nwoa ken jinni pyi. ⁶⁴ Mwamwa numa anū bu Zakari ya pofan jinni, Cidon fenfanku ne nea yo ku tsayi wa zen aji danra, "M nya son bu Cidon." ⁶⁵ Abajo byecube baa ci ndo tebe ra kata azin panbe. Pajukun zen aji ki cin abu wakara ka fye ho cin kwen baa ki Yahudiya ra kata. ⁶⁶ Pajukun baa fo aji wakara kata, bena ga aji ki fin mikyinbe na mbye danra, "A nwu wakara ribi ci tswi nwu ke kara?" Pajukun yi danra Cidon sen nwu waji vo ki dn. ⁶⁷ Denden bu Cidon tu bi ki cin bu Zakariya ata bu anwu waji we mu fin mikyin’a kata, kuna da adon dan yi pajukun abu waa Denden bu Cidon ta yiku ra danra, ⁶⁸ "Wa sansan ku kwan Cindoi Cidon bu zhenzhen Isra’ila kiyo, ki cin waa ku bi tsaza pajukun bandoa yo, ku bi hwa pen rebe ki bye abu wa bababe. ⁶⁹ Ki fin ndo nwu nyaa Dawuda ku ce apa dzun yii, ku ci ahyu wari ku nde danra, kuri nwàdzui ki bye abu wa babai. ⁷⁰ Tun avo ndi gbogbo pajukun baa Cidon ndi cebe bé da adon yi pajukun ra ndi dan numa danra, ⁷¹ Cidon genu bai danra, kuri nwadzui ki vo bu pajukun baa ri zei, ba baa ci ba gben wari nghai. ⁷² Cidon genu ba bayakui hora danra kuri hwi cicibe kuri kyepan ba anu wa gege waa ku ge so jijibe ra. ⁷³ Ku ge nuge ba Ibrahim ku dàn aki danra kuri nwàdzui ki vo bu pajukun baa zei. ⁷⁴ Kuri pofan’i nyaco wa nwàdzudzu ki vo bu pajukun baa zei, í waku iká zinzin ba. ⁷⁵ Í tsa abu kata ndafan jinni sansan numa we hwan’a nde ya zan anyunu wa kennu bui." ⁷⁶ Zakariya na danra, "Au nwumi pajukun ri bau danra apa wa da don bu Cidon wa ci ba hwe kari kata. Uri kapyen napyen bu Cindoi jiji u mbyāsanku nyaco waa kuri bi dzu. ⁷⁷ Uri ya dan yi pajukun danra, beri nwàdzube ki fin abu wa bababe, beri fan abu wa bababe yibe. ⁷⁸ Cindoi Cidon wa hwi cicii kuri yii abye wa yafan jinni bu cindi ci tsadzu waa anyunu ri vyin pwadzu ki nyunupon ribi ra. ⁷⁹ Kuri yafan bye dzwa di bu pajukun baa na fin afitse, ba baa na nga aki wa huhu ra kuri tà yii nyaco waa í dzu í kyenkyon ki fin mikyin wa na jinni." ⁸⁰ Yohanna nwu waji hwe kan apa ki di, ba gben mikyin kata. Ku ci ki hwan pan numa keke ya zan anyunu waa kuri nde zoa tà yi pajukun ki fa byeya numa ki pyen bu zhenzhen Isra’ila.

¹ Ki fin ayo waji wakara akù Kaisar augustus da don dan ra, ko kani kata ku kasen ya ki tswen bu Yakua bye waa ku dzu yo bi jiji ku yibe ta azen’a ki fin afa, ki cin waa jiji be hwèn vinni pajukun baa ki fin tswen kata. ² Wakara ciri apa wa hwènhwen waa be jo nwoa kapyen hwèn ki Suriya ki we waa atswen ki vo bu Kariniyas. ³ Se ko kani kata do ya ki tswen ndoa jiji ku ya ta zen’a ki bye afa. ⁴ Yusufu do ki Nazarati ki fin jen bu Galili dzu ki fin jen bu Yahudiya ya zan ki finka bu Dawuda waa beri baku danra, Baitalami, ki cin waa ku ci nwuda bu Dawuda. ⁵ Yusufu ya ki bye waji jiji ku ya ta azen’a ba azen bu Mariyamu waa ku geku nu danra kuri banku ra, aku Mariyamu kwaa ci ba di pyinna. ⁶ Waa be ya zan finka Baitalami numa akyòn mu tsu ken bye ki finka kata, be dube ndo kyon waa be ka yo ba. Ayo waa be ci tiri ki Baitalami ra afin bu Mariyamu byen mba tiri wa mbamba ra. Ku mba anwu mbafyen’a wa kapyen ci nwu wa wunu. Ku ndeku pen ki bye ayoke tukpa ndeku hwa tan bupyu ki bye ago waa beri ji buju kiyo ra. ⁸ Ki go kyekye dzun numa ki fin jen waji pajukun baa za bupyu wena ki fa byeya numa ki dika na kon bupyube afitse. ⁹ Nwutsōn bu Cindoi Cidon bi ta dia yibe ki bye waji. Abye wa yafan jinni bu Cindoi Cidon dzu don bi yafan bye wàà numa shu kwabe jinni. Pajukun baa na kon bupyu hora mbyà numa adibe na vonvon, azin panbe suu numa. ¹⁰ Se nwutsōn bu Cidon ra dan yibe danra, "Niká zinzin ba, Mbyà, m tswan Aji wa Sansan wa cu cucu suu numa bi dan yini. Aji waji ci aji waa pajukun kata ribi fo. ¹¹ Jinna afitse wakara be mbani anwu wa wunu yo ki finka bu Dawuda wa na akù. Apa wari bi nwàdzuni, ku ci Cindoi Yesu Kiristi. ¹² Amà bu abu waa niri mbyà ciri, niri ya du nwutishe wa rijan be ndeku kpon bye ayoke ki fin tan bupyu ki bye ago waa beri ji buju kiyo ra." ¹³ Be dan bé cifo numa, mwamwa numa be mbyà abi bu zhentsōn bu Cidon badati tu dzu ki don hwehwe numa bi kwan ba nwutsōn bu Cidon wa kyan bi kapyen ra, katabe kata foji azen bu Cidon wana sheshe na danra, ¹⁴ "Ahwè ci abu Cidon wa ki hwa cucu kari kata ki don, pajukun baa ki myi kire baa du mwe wa sansan ki bye Cidon ra, du mikyin wa na jinni ra!" ¹⁵ Ki nyaken wakara abe zhen tsōn bu Cidon hora do kasen yabe ki hwadon ri. Abe baa ri za bupyu hora gen ace ba dibe dan ra, "Í do don í ya ki Baitalami tanma numa, í ya mbyà abu wa kò ki bye waji waa Cindoi pwai tson aji waji ra." ¹⁶ Mwamwa numa be do ya du Yusufu ba Mariyamu, be mbyà anwu wa rijan hwana ki bye ago waa bupyu ri ji buju kiyo ra. ¹⁷ Ayo waa be mbyà nwu waji numa be dan yi pajukun aji waa nwutsōn bu Cidon dan yibe ki cin bu nwu waji ra. ¹⁸ Pajukun kata baa fo aji waa baa za bupyu daa yibe ra, a nwobe ken jinni. ¹⁹ Mariyamu ndea aji waji hwasa kiyo ba, kuna ga aji ki cin’a ki fin mikyin’a. ²⁰ Pajukun baa za bupyu baaji kasen ya ndo, bena she zen bu Cidon koco naya ki cin abu waa be fo, ba abu waa be mbyà ba azobe, ci numa ci tsadzu waa Cidon dan yibe ra. ²¹ Ki nyaken waa nwu waji zan anyunu tsuntsa numa, ciri anyunu waa bé kyuku abukua yo, anyunu waji be tsoku zen danra Yesu tsadzu waa nwutsōn bu Cidon ndi dan yibe avo waa be ngha nyebe fin’a ki di raba. ²² Waa anyunu mba tiri waa bé ya kēn dibe bwi ci tsadzu waa Cidon dan yi Musa ra, se be nde nwu waji ya ki Urushalima jiji be ya ndeku ndafan yi Cidon. ²³ Ci tsadzu waa be ta ki fin Afa bu Cindoi danra, "Ko nwu wa wunu mbafyen wani bema mba kata be nde ndafan yi Cindoi Cidon." ²⁴ Cidon ka dan ki fin Afaa dan ra, "Bé ho hwankpa ko hwan fyen apyinna, ko zhen hwankpa pyinna be tsòn wa Cidon kiyo." Ayo waa Yusufu ba Mariyamu ya ra, be pan hwankpa ya tsòn wa Cidon kiyo. ²⁵ Apa dzun ki finka Urushalima beri baku dan ra, Simiyon. Ku ci apa wa tsa abu we mikyin bu Cidon ndafan jinni sansan, kuna bà Cidon ba mikyin dzundzun. Ku nde zoa hwa hyaco na ge cin waa ku mbyà apa wari nwàdzu zhenzhen Isra’ila. Denden bu Cidon ba Simiyon ci bye dzundzun. ²⁶ Ku dan yi Simiyon ki zo mbu danra, "Uri huu raba, se uma mbyà Apa waa Cidon ri tsonku bi ra hunnu." ²⁷ Denden bu Cidon suku ya ki tan wa wa Cidon dede waa Yusufu ba Mariyamu nde Yesu nwube ya jiji be ya tsaku bu tswen ci tsadzu waa adon waa Cidon yi Musa dan ra. ²⁸ Se Simiyon pan nwu waji ki don ki voa numa ku she Cidon danra, ²⁹ Cindoi Cidon, "Ami nwu nyau, tanma mikyinmi na jinni ra, Uma zen nde, u fanmi jinni m bi duu ri, ci tsadzu waa u genu ra. ³⁰ Ki cin waa azomi mbyà apa waa u nde yii ku nwàdzu pajukun kata ra, ³¹ Ù tsonku bi jiji bu pajukun kata ki fin tswen wakara. ³² Ku ci abye wa yafan jinni ki pyen bu pajukun baa yibe Cidon ba, ku kari yi zhenzhen Isra’ila hwe." ³³ Aji waa Simiyon dan ki cin nwu waji ra, ata nwu, ba ayo nwu, a nwobe ken jinni. ³⁴ Simiyon yibe nde wa sansan, Ku dan yi Mariyamu danra, "Wezo u mbyà, a nwu wa ci kara be ndeku so jiji wa koko ba wa dodo bu pajukun suu numa ki fin zhenzhen Isra’ila. Cidon tsonku bi jiji ku tà yi pajukun abu waa be ndi yibe ba, ama pajukun suu numa ri zen aji tsaba ku. ³⁵ Beri geu gisingiri ki mikyin u. Jiji aji baa yuyu baa dzona yo ra, be dzu we ya." ³⁶ A wuwa dzun ki tiri beri baku danra Hannatu nwu bu Fa nirila ki ndo bu Ashira. Andi ku ban wunu be ci ba dibe zan aju tsupyen anua dzu ta jinni hu fan ku yo. Ki nyaken wakara ku ban’a wunu dzun riba, ku ci awuwa wa da adon bu Cidon ri. ³⁷ Ku ci nukyon numa keke ya zan aju dipa nyena nwa nyena. Kuri gaadi ki tan wa Cidon ba. Kuna vo Cidon anyutu ba afitse ba anusen wa sensen. ³⁸ Dede waa Yusufu ba Mariyamu ci ki fin tan wa wa Cidon jiji be nde Yesu ndafan yi Cidon ra, aku Hannatu waji bi dube kiyo. Han natu she zen bu Cidon ku mbu mikyin yiku, ku zen aji ki cin anwu waji yi pajukun kata baa ndi ho zobe so nyaco bé mbyà anyunu wa nwàdzudzu bu Uru shalima ra. ³⁹ Ki nyaken waa Yusufu ba Mariyamu tsa vinni koke kata rito numa ci tsadzu waa Cidon dan ki bye adon ra, be kasen yabe ki Galili ki finkabe Nazara ti. ⁴⁰ Nwu waji na hwe, kuna du gben di. Ku ci ba ayì wa yiyi hwehwe, wa sansan bu Cidon ki cin’a. ⁴¹ Ko aju wani kata ataa ba ayoa ri ya ki Urushalima ki bye cinkwan bu paska. ⁴² Waa Yesu zan aju dzwe nwa pyinna numa ku babe kyen dzun ya du. ⁴³ Ki nyaken waa be ji vinni paska ra, Yusufu ba Mariyamu do kasen naya ki ndo, ama anwu waji pan abe cifo titi numa ki Urushalima hunnu. Ataa ba ayoa yibe ba. ⁴⁴ Bena ga danra, ku ci fin bi bu pajukun. Be do ponpon keke anyunu kobe ki cin, be ndeku nayo na nya ki fin bavyonbe, ba azo mbyàyi badati. ⁴⁵ Waa be kasen bi ki Urushalima be ndeku nayo na nya tiri de. ⁴⁶ Anyunu wa kwan tsara be duku ki tan wa wa Cidon. Ku tuci ba manu baa ri fyen tà yi pajukun aji bu Cidon. Ku nde tson gon jinni na fobe, kuna mbyebe aji. ⁴⁷ Pajukun kata baa fo aji bua waa ku ci ba ayì wa dan yafan fin aji baa be mbyeku ra, yi nwo bu ko kani kata ken jinni. ⁴⁸ Ataa, ba ayoa waa be mbyàku numa anwobe ken jinni du. Ayoa mbyeku dan ra, "Nwumi tsanini u tsai numa? Ami ba atau mikyin’i gedzu i ndeu nayo nyanya numa." ⁴⁹ Yesu dan yibe danra, "Ake waji tsari nina nyami? Nī yini waa ci ken m ci fin tan bu Atami ba?" ⁵⁰ Ama be hwa yibe cinna bu aji waa ku dan yibe raba. ⁵¹ Se Yesu do babe kyen dzun ya ki Nazarati, ku nde cin na jinni yibe. Ayoa pan aji baaji kata so fin mikyin’a. ⁵² Yesu na hwe kwan yo ba yi, ba hwe ya ki pyen. Ku du mwe wa sansan ki pyen bu Cidon ba pajukun du.

¹ Ayo waa Tibariya Kaisar zan aju dzwe nwa tswanna ki bye atson ra, Bilatus Babuntu ci akù wa ki Yahudiya, Hiridus ci akù wa ki Galili, Filibus nwuzaa ci akù wa ki Ituriya ba Tarukuni, Lisaniya ci akù wa ki Abelene. ² Hanana ba Kayafas ciri avon baa ciho kari kata. Dede waji wakara Yohanna ci ki yo hwan Cidon yi ajia pwaku jiji ku nde ajia dan yi pajukun. ³ Yohanna do ya kyen shukwa bye baa ki nu nú waa beri baku danra, Urudon ra kata. Kuna dan yi pajukun danra, "Ni vyin pukan mikyin bi ki bye Cidon, ni gadi ba abu wa babani, be tsani batisma, Cidon ri fan abu wa babani yini." ⁴ Ishaya apa wa da adon bu Cidon ta ki fin Afaa danra, "Apa dzun na da ndekuto ki yo hwan danra, ’Ní fyan san nyaco jiji Cindoi ku bi dzwa. Ní gbe ndafan nyaco baa nghangha gwegwe hora jinni soku yo. ⁵ Ní za jen wemu ponshi wani kata. Ní dagban gondon ba cin kwen wani kata we jinni be ji ban jinni. Nyaco baa nghangha hora, ní gbe ndafanbe. Nyaco baa baba baba hora be ji ban jinni pyasi numa. ⁶ Pajukun kata ri mbyà waa Cidon ri nwàdzu pajukun ba azo.’" ⁷ Pajukun suu numa bi ki bye Yohanna jiji ku tsabe batisma. Yohanna dan yibe danra, "Ani agwa hora! Akani dan yini ri danra ní she nwàdzu ki vo bu kyinna wari bi ra? ⁸ Ní tsa abu wa ta danra, nī pukan mikyinni bi ki bye Cidon ra ajinderi! Niká cani co ba Ibrahim danra ku ci Yakuni ba. Mna dan yini Cidon tsayi wa vyin pukan aban baa na kara be kan zhenzhen bu Ibrahim. ⁹ Tanma numa be nde gatiri hwa nwo hin na ge ra. Ko hin wani kata wama nwaa nwa wa sansan ba beri ge kenku nde ku ta yaya ki pyu." ¹⁰ Pajukun mbyeku danra, "Numa ra, í tsa nini?" ¹¹ Ku dan yibe danra, "Apa wama ci ba tukpa pyinna ku gbe dzun dze apa wa nyani baku. Apa dzun ma ci ba buju ku kodzu yi apa wa nyani." ¹² Pajukun baa ri pan buwe bi ki byea, bena con ku tsabe batisma. Be mbyeku danra, "Manu bui iri tsanini?" ¹³ Ku dan yibe danra, "Niká ge abè kwan cin buwe wa panpan ba." ¹⁴ Se banuken badati bi ki byea du. Be mbyeku danra, "Ai du iri tsanini?" Ku dan yibe danra, "Ko abè, koke kata niká dafye pajukun yo ba gben, ko ba akan wa kankan ba. Ní mbyà abè sonni waa bena hwani ra, mba tiri ra numa." ¹⁵ Pajukun hora kata na ga aji ki fin mikyinbe ba cucu wa cucu ki cin bu Yohanna danra, ko dzun tiri ku ci Kiristi ho. ¹⁶ Se Yohanna dan yibe kata danra, "Apa dzun wa kami ba hwe suu numa nabi ki tiri ki pyen. Ko aju tabea ma, m kenmi waa m kan jinni m fenfan ba. Ami mna tsani batisma ba jape, ama aku wari bi ra, kuri tsani batisma ba Den den bu Cidon ba apyu. ¹⁷ Kuri bi ba abí wa tā za ki voa jiji ku tā vinni aza kata. Kuri tā ngyiza we fin age, ama kuri ho tsin’a ya tsontson ki pyu wari den’a jinni ba, ko nukon!" ¹⁸ Yohanna dan yi pajukun Aji wa Sansan bu Yesu ku gbebe tson ki bye nyaco tswi tswi. ¹⁹ Ama Hiridus wa na akù, Yo hanna gbeku nde suu numa ki cin waa ku fyere awa bu nwutaa nde ban avo waa ku hua raba, ba tswi abu baa baba badati baa ku tsa. ²⁰ Ki nyaken wakara abu wa baba waji neku kwankwan kiyo, ku pan Yohanna hwa tan. ²¹ Ki nyaken waa Yohanna tsa vinni pajukun kata batisma ra ku tsa Yesu ki nyaken. Dede waa Yesu na pya Cidon numa se abye hwadon pofan jinni, ²² Den den bu Cidon tu dzu don nabi ci tsadzu ahwan numa bi ki cin’a, Akyu dzu don bi na danra, "Au ci Nwu wa conconmi. Mikyinmi na fo vya bau tutu." ²³ Dede waa Yesu pan butso bu abu wa fyenfyen ra, ku zan aju didzun kyadzwe ra. Pajukun na so ki fin mikyinbe danra, Yesu ci nwu bu Yusufu. Be yi danra Yusufu ci nwu bu Heli. ²⁴ Heli ci nwu bu maliki, Maliki ci nwu bu Yanna, Yanna ci nwu bu Yusufu, ²⁵ Yusufu ci nwu bu Matatiya, Matatiya ci nwu bu Amos, Amos ci nwu bu Nahum, Nahum ci nwu bu Asali, Asali ci nwu bu Najaya, ²⁶ Najaya ci nwu bu Mayata, Mayata ci nwu bu Matatiya, Matatiya ci nwu bu Shimi, Shimi ci nwu bu Yuseka, Yuseka ci nwu bu Yahuda, ²⁷ Yahuda ci nwu bu Yohanna, Yohanna ci nwu bu Risa, Risa ci nwu bu Zerubabel, Zerubabel ci nwu bu Shalatilu, Shalatilu ci nwu bu Niri, ²⁸ Niri ci nwu bu Maliki, Maliki ci nwu bu Adi, Adi ci nwu bu Kusane, Ku sane ci nwu bu Alamadama, Ala madama ci nwu bu Ari, ²⁹ Ari ci nwu bu Yosi, Yosi ci nwu bu Ya rima, Yarima ci nwu bu Matati, Matati ci nwu bu Lawi, ³⁰ Lawi ci nwu bu Simiyon, Simiyon ci nwu bu Yahuda, Yahuda ci nwu bu Yusufu, Yusufu ci nwu bu Yu nana, Yunana ci nwu bu Aliyaki-mu. ³¹ Aliyakimu ci nwu bu Malaya, Malaya ci nwu bu Ma nana, Manana ci nwu bu Matati, Matati ci nwu bu Nathana, Nathana ci nwu bu Dawuda, ³² Dawuda ci nwu bu Jesse, Jesse ci nwu bu Obida, Obida ci nwu bu Boaz, Boaz ci nwu bu Salamuna, Salamuna ci nwu bu Nahshon, ³³ Nahshon ci nwu bu Aminadabu, Aminadabu ci nwu bu Arama, Arama ci nwu bu Farisa, Farisa ci nwu bu Yahuda, ³⁴ Yahuda ci nwu bu Yakubu, Yakubu ci nwu bu Ishaku, Ishaku ci nwu bu Taraha, Taraha ci nwu bu Nahura, ³⁵ Nahura ci nwu bu Saruja, Saruja ci nwu bu Rau, Rau ci nwu bu Falaja, Falaja ci nwu bu Abiru, Abiru ci nwu bu Shela, ³⁶ Shela ci nwu bu Kanana, Kanana ci nwu bu Arafashada, Arafashada ci nwu bu Shemi, Shemi ci nwu bu Nuhu, Nuhu ci nwu bu Lamaka, ³⁷ Lamaka ci nwu bu Matushalaha, Matushalaha ci nwu bu Enok, Enok ci nwu bu Yarada, Yarada ci nwu bu Mahalayilu, Mahalayilu ci nwu bu Kanana, ³⁸ Kanana ci nwu bu Anosha, Anosha ci nwu bu Seti, Seti ci nwu bu Adamu, Adamu ci nwu bu Cidon.

¹ Yesu do kasen dzu ki nu nú bu Urudon bi ba Denden bu Cidon mu ki fin mikyin’a suu numa. Denden bu Cidon neku ndeku kaya ki fin pon ngha vyon dzun numa. ² Ku ci bye waji zan anyunu dipa pyinna, Shetan na con ku byeku. Yesu jia ba, ku waa ba, ki fin anyunu baaji baakara. Ki nyaken wakara ambo tsaku ji cia wa dandan ki nu ba. ³ Se Shetan bi duku a dan yiku danra, "Uma ci Nwu bu Cidon ajinderi byenbyen, u dan yi aban wakara ku kan borodi" ⁴ Yesu dan yiku danra, "Cidon dan ki fin Afaa danra, ’Buju ciari maari vinni abu waa apa ku ji ku du cindi kiyo ba.’" ⁵ Shetan ndeku ne yaya ki don nana numa ki bye waa ku tsayi wa mbyà koke kata kiyo. Mwa mwa numa tsadzu be me zo numa ku tà mbyāa yiku koke kata wa ki fin tswen ra, ⁶ Ku dan yiku danra, "Gben bu fin tswen wakara, ba hwea kata be ba yimi ki vo, mri tsayi wa nde yi ko kani waa mma con. ⁷ Tanma, uma tu ben jinni ki pyenmi uma wami, mri fan koke kata yiu ki vo." ⁸ Yesu dan yiku danra, Cidon dan ki fin Afaa danra, "Uka wa abu dzun ba, se Cindou Cidon maari vinni." ⁹ Ki nyaken wakara Shetan ka ndeku ya ki cin mbwi bu tan wa wa Cidon. Shetan dan yiku danra, "Uma ci Nwu bu Cidon ajinderi byenbyen, u pen dzu ta jinni. ¹⁰ Ki cin waa Cidon dan ki fin Afaa danra, ’Kuri tson zhentsōn’a bi jiji be kon u!’ ¹¹ Cidon ka danra, ’Zhentsōn’a baaji ri pan u, ki cin waa jiji uká bi da abe ki bye aban u tenfo ba’" ¹² Yesu dan yiku danra, "Ci don dan ki fin Afaa danra, ’Uka ken mbafo Cindou Cidon ba!’" ¹³ Ayo waa Shetan dzu vinni nya co waa ku dzu kata ku byeku ku dukaa nyacoa bara, ku gadi baku fanku apyo hunnu. ¹⁴ Ki nyaken wa ci kara Den den bu Cidon nde Yesu kasen ya ki Galili ajia gban nya fye ho tswen baa na shukwa abye waji jinni ra kata. ¹⁵ Ku fyen tà yi pajukun abu ki tan wa fyen abube, Pajukun kata yiku hwe. ¹⁶ Yesu ya ki Nazarati abye waa be tswan gbanku kiyo. Ku kaya ki tan wa fyen abu anyunu wa ngha nwo ra. Ku kā do don pantse don jiji ku hwèn aji. ¹⁷ Be nde Afa bu Ishaya apa wa da adon ndafan nde yiku. Ku pofan Afa ya shonshon ki bye waa Ishaya dan kiyo danra, ¹⁸ "Denden bu Cindoi Cidon ki cinmi, Cidon cemi danra jiji m dan yi pajukun zhen shon Ajia wa Sansan. Ku tsonmi tson jiji m ya dan yi anya hora danra, beri fenfanbe jinni ki bye aju. Pajukun baa gbànzo, m pofanbe azobe yo, pajukun baa na wa fyin ki vo bu pajukun m nwàdzube du. ¹⁹ Ḿ da don dan yi pajukun aju waa Cidon nde so danra, kuri nwàdzu pajukun ra." ²⁰ Ki nyaken wakara se ku pen afa waji nde kasen yi baco wa sen butso, ku kasen tucia jinni. Kata pajukun baa kwanna tan wa fyen abu waji weku zo. ²¹ Ku dan yibe danra, "Jinna aji wa kara dzu ra ajinderi, nī fonu numa ki tsonni." ²² Pajukun kata mbu mikyin baku. Katabe kata anwobe ken jinni ki cin aji wa sansan waa ku dan dzu nua ra. Be mbye dibe aji danra, "Apa wakara cia nwu bu Yusufu ba?" ²³ Yesu dan yibe danra, "Ajinderi m yinu danra, niri bi kapyó wa kara numa wemi ki di danra, ’Abongyi kwa nwo apa fan nwoa jinni’. Kata abu baa i fo danra, u tsa ki Kafarnahum ra, ú tsa ki finka buu kire du!" ²⁴ Mna dan yini aji wajinderi, "Apa wa da adon pajukun baa ki finka bua ri zenbe nde baku ba. ²⁵ Ní gon tson m dan yini aji wajinderi ni fo. Andi gbogbo dede waa Iliya apa wa da adon na tsa butsoa ra, bawuwa aki suu numa wena fin zhenzhen Isra’ila. Acù ho voa don gadi ba wa tata zan aju tsara ba she, dede waji ambo wa ciho numa bwan ki fin tswen kata. ²⁶ Cidon tson’a Iliya ya ki byebe ba. Ama ku tsonku ya finka Ze rafat wa ki fin jen bu Sidon, ki bye awaki dzundzun tori numa vinni kiyo. ²⁷ Ki bye ayo waa Elisha na tsa butso bua ra, pajukun baa dā ado pyu suu numa wena fin zhenzhen Isra’ila, ama apa waa ado pyua fanku jinni baani, se Naama vinni wa dzu ki Suriya bi." ²⁸ Pajukun kata baa ki tan wa fyen abu ra, ngo ngo ba aji wakara ken ra ko nukon. ²⁹ Be do don tswa suku pwadzu ki finka, be zareku numa keke yaya ki cin mbwi bu akwen waa be myi finkabe ki cin’a ra, jiji be tesuku taya jinni ki bye ponshi. ³⁰ Ama ku kyen kyon’a numa pwadzu ki fin pajukun ya dia yo. ³¹ Ki nyaken wakara Yesu ya ki finka Kafarnahum ki fin jen wa ki Galili. Kuna fyen pajukun bu ki fin anyunu wa ngha nwo. ³² Pajukun kata nwobe ken ta ken don, ki cin nyaco bu wa fyenfyen’a ci ba gben. ³³ Ki tiri ki fin tan wa fyen abu numa apa dzun ki finbe wa ci ba ajon wa baba ki cin’a da ndekuto ba gben numa danra, ³⁴ "Au Yesu apa wa ki Nazarati. I bau kwan ke! Ko u bi wa bwan’i bwanbwan? Ami yiu nu, u ci apa wa dzu bye Cidon bi!" ³⁵ Yesu nya jon wa baba waji wana neku ra nde danra, "Bande ba nuu mwa mwa numa, ú pwadzu ki cin bu apa wakara!" ajon wa baba waji gbe apa waji yaya ki don ndeku ta jinni du zo bu pajukun kata gbuu numa ki pyenbe. Ku pwadzu fo dia aji kyon, ama ku ten’aku fo ba, ko dzundzun. ³⁶ Nwo bu pajukun kata ken jinni. Bena dan aji ba dibe danra, "Agbo! Wakara azo ke hun? Apa wakara ajia ci ba gben, ba hwe, kuna kan dzu ajon wa baba pwadzu." ³⁷ Aji bu Yesu gban nya fye ho bye kata ki fin tswen. ³⁸ Yesu do ki tan wa fyen bu, ku ya ki ndo Siman. Awo da avyo bu Siman wa wuwa ta jinni, adia sepyu gbaa numa. Be dan yi Yesu danra awuwa waji foa vya ba. ³⁹ Se Yesu ya pantse cin naa, ku nya adia wana sepyu ra nde kú be jinni. Mwamwa numa awuwa waji gban do don tsabe buju yo. ⁴⁰ Waa anyunu ri nde nua tswa jinni numa, pajukun baa dā ado tswàtswi ba bazhenzhenbe be hobe bi bye Yesu. Ki fin pajukun baa dā ado hora kata Yesu sen ko kani avo ki cin, ku nwadzube ki bye adobe. ⁴¹ Badati ki finbe hwe hwe numa ajon wa baba na pwa dzu ki cinbe, bena da ndekuto danra, "Au ci Nwu bu Cidon." Ku nyabe nde ku zen’ande yibe be ponu zen aji ba. Ki cin waa be fe yinu danra, ku ci Kiristi. ⁴² Dede waa abye yafan jinni tsa wa numa Yesu pwadzu ki finka ne pon kaya ki fin pon ngha vyon, Pajukun ndeku nayo nyanya be bi duku, waa be bi duku ra, be conbe waa be fan daaku pyo ko titi numa riba. ⁴³ Se ku dan yibe danra, "Ci ken m ya dan yi pajukun Aji wa San san bu tson bu Cidon ki don ki finka badati du. Ki cin waa wa kara ciri butso waa Cidon gbemi danra m tsa hun." ⁴⁴ Se ku foji Aji bu Cidon wana dandan ki fin tan baa fyen abu ki Yahudiya.

¹ Anyunu waa Yesu pantse ki kyi nú waa beri baku danra, Janisarati ra, pajukun suu numa na pi dibe. Ko kani kata na sun ku pi nwādzu ya ki bye Yesu, kú fo aji bu Cidon waa Yesu na dan yibe ra. ² Ku wezo ku mbyà akò kwan dzun pyinna bàna nú ama basenjibe pwadzu yana tso san andùbe. ³ Ki fin akò pyinna hora adzundzun kiyo ci bu Siman. Yesu kaya ki fin’a ku vo Siman danra, "U ya akò waji kpasun ya ki pyen titi numa." Yesu tuci ki fin akò waji na fyen pajukun bu. ⁴ Waa ku zen vinni aji numa ku dan yi Siman danra, "Ya akò waji kpasun yaya ki fin zo dzon ki bahun, u we ndu ki byeri jiji u pan aje." ⁵ Siman dan yiku danra, "Cindo, avo ana afitse ī nga nga ī ni, ī pan’i abu dzun ba, ama mri bà nuu m ya we ndu waji," ⁶ Be we ndu waji be pan aje baa kwakyi kwakyi suu numa, andù ci tsadzu ri ge kyu kyu. ⁷ Bajobe na fin akò bube ki bahun, Siman pyabe vo danra be bi tsazabe yo. Be bi ba akò bube, kata akò pyinna hora mumu ba aje kata, har akò na nga wa dzu sese ki jinni. ⁸ Waa Siman Bitrus mbyà abu wa tsa numa ra, ku dzu be jinni ki pyen bu Yesu ku dan yiku danra, "Cindo, ú gadi bami, ki cin waa ami ci apa wa tsa abu wa baba!" ⁹ Aku Siman ba pajukun baa na fin akò baku ki dzun ra kata anwobe ken jinni ki cin aje wa hwea hwea numa be pan ra. ¹⁰ Ci numa ba abe bajo bu Siman du, Yakubu ba Yohanna bazhenzhen bu Zabadi. Yesu dan yi Siman dan ra, "Ka zin u azin ba, nde kire ya pyen uri bi pan pajukun." ¹¹ Be ya akò nde ya bà ki nu gobi, be fan koke kata jinni bà Yesu. ¹² Anyunu waa Yesu ci ki finka dzun numa, apa wa dā ado pyu ki finka waji, ado waji ji tsaba dia kata. Waa apa waji tazo mbyàku numa ku voku danra, "Cindo, uma zen nde m yinu u tsaka wa nwàdzumi ki bye adomi wakara." ¹³ Yesu ndafan voa goku ki di dan ra, "M zen nde ra, ú nwàdzu ki bye adou ra!" Mwamwa numa ado fanku jinni. ¹⁴ Yesu nuku don danra "Pan nuu, ka dada dan yi apa dzun ba. U ya nde diu tà yi abe von baa ciho ú nde san hwan buu waa ado fan ù jinni ra teyo bani ya ci tsadzu waa adon bu Musa nu don ki cin’a ra jiji pajukun be mbyà ba azobe." ¹⁵ Ama ajia foji wana yaya ki pyen kwankwan kiyo ki fin tswen kata kagben wa ndi kapyen. Pajukun suu numa foji wana bibi ki byea jiji be fo ajia, ku nwàdzube ki bye adobe du. ¹⁶ Ama Yesu tsa mbwa kaya ki fin pon ngha vyon ya dzwa nde ki byeri. ¹⁷ Anyunu dzun numa waa Yesu na fyen abu, abe Farisawa badati, ba abe manu baa ri fyen pajukun aji bu Cidon be tu cina bye waji. Be dzu ki finka cincin cincin ki bye jen bu Galili bi. Badati dzu finka baa ki bye jen bu Yahudiya ba finka Urushalima bi. Agbentsòn bu Cidon ba Yesu ci bye dzun dzun kuna nwàdzu pajukun ki bye dobe. ¹⁸ Pajukun badati tswan apa dzun wa hu vo, hu abe ki bye akyakpa bi. Bena con be ndeku kaya ki fin tan waa Yesu ci kiyo ra, bé nde hwaku ki pyen’a. ¹⁹ Ama pajukun mu pi tsuken bye kata ra, nyaco dzun baani waa be pi kaya ki byea, se be tswanku nde ne ki citon tan ki don. Be pyin citon waji titi jiji be du apyo waa be nde apa wa dā ado ra dzo pwadzu kiyo ba akyakpaa kata du Yesu ki jinni ki pyen’a. ²⁰ Waa Yesu mbyà tswi wajinderi waa pajukun hora ci baku numa ku dan yi apa wa dā ado ra danra, "Ayoo, m fan abu wa babau yiu ra." ²¹ Abe Farisawa ba abe baco baa ri fyen pajukun aji bu Cidon na dan ki mikyinbe danra, "Wakara akani waji kara na zen aji tsaba zen bu Cidon numa ra? Apa dzun wari fan abu wa baba bu apa yiku baani, se Cidon dzundzun vinni!" ²² Yesu yi aji waa bena ga ki fín mikyinbe ranu, ku mbyebe danra, "Nina ga aji ke numa ki mikyinni? ²³ A wani tutu kari waa m dan yi apa wa hu vo, hu abe ra danra, m fan abu wa babaa yiku ra, ko m dan yiku danra, ku do don ku pen byenaa ku kyenkyon? ²⁴ Tanma numa m ta yini danra, Nwu pajukun ci ba gben wa fan abu wa baba bu pajukun baa ki fín tswen wakara yibe." Se Yesu dan yi apa wa hu vo, ba abe ra danra, "Mna dan yiu, u do don u pen byenau foji kyon ki ndou." ²⁵ Mwamwa numa ku do don du zobe kata ki pyenbe penre byenaa fo dia jikyon ki ndoa, yana she Cidon. ²⁶ Pajukun baaji kata anwobe ken jinni, avobe ba abebe hu ta jinni kata. Adibe na vonvon, bena she ashi bu Ci don danra, "Jinna i mbyà abu wa ken nwo ra!" ²⁷ Ki nyaken wakara waa Yesu pwadzu ki finka ra, se ku mbyà apa dzun waa beri baku danra, Lawi kuna pan pajukun buwe. Ku dan yiku danra, "U bàmi." ²⁸ Lawi fan koke kata jinni, ku do don bàku. ²⁹ Ki nyaken wakara Lawi taku kyon wa kwakyi numa ki fin ndoa. Pajukun baa ri pan buwe suu numa ba pajukun badati tuci babe na ji buju ki dzun. ³⁰ Fari-sawa ba baco baa ri fyén pajukun aji bu Cidon hora be foji ndenwi wana nwinwi. Be mbye baa bà Yesu danra, "Tsa nini ni zen nde na ji buju ki dzun ba baa pan buwe, ba pajukun baa tsa abu wa baba?" ³¹ Yesu dan yibe danra, "Pajukun baa ci ba wa rito ri nyabe apa wa sen hyen ba, se pajukun baa dā ado. ³² Bumi m bimi waa jiji m nyà pajukun baa na so dibe kagben ra, be pukan mikyinbe bi ki bye Cidon ba, ama m bi jiji bu pajukun baa tsa abu wa baba, m babe nde be pukan mikyinbe bi ki bye Cidon." ³³ Be mbyeku danra, "Abe baa bà Yohanna ri sennu suu numa, ba ndedzwa wa dzwadzwa. Ka ci numa ba abe baa ri bà Farisawa hora, ama buu bandou foji buju wana jiji, ba ajan wana wawa." ³⁴ Yesu mbyebe danra, "Ni tsaka wa dan yi bajo bu anù bu akishe be sennu, waa anù bu akishe babe ci tiri dzun? ³⁵ Anyunu dzun ki tiri nabi ki pyen dede waa bema panre nù bu akishe yara hunnu be hun ri sennu." ³⁶ Yesu dan yibe cinna bu aji dzun ki kara danra, "Akani ri kyiya abuken wa ripye ri, ku nde be bye apyo bu abuken wa riko? Apa wama tsa numa ku geya tsaba buken wa ripye rara. Tukpa wa ripye ra, ri wea ki dzun ba wa riko raba. ³⁷ Akani ri ko ajan byon ri, ri wo fin akwìn wa riko? Apa wama ko ajan byon wo fin’a kuma na zan anyunu pyinna numa ajan waji ri ndende kyi gbanfan akwìn waji jinni ri fa dzu du jinni kata azota numa ki tswen. Akwìn waji kata ka gbàn tsaba nya hwan numa azota hun. ³⁸ Ama apa ri wo jan byon ki bye akwìn wa ripye wa gbāngbān numa. ³⁹ Apa wama wa jan abakya ra, kuri zen’ande ku wa byon’a riba. Kuri ga danra, abakya ra san kari."

¹ Anyunu dzun Yesu ba abe baa bàku kyenkyon ka nwā dzu ki fin ada za dzun numa anyunu wa ngha nwo. Abe baa bàku hora gbeken adōn za ra pu we vobe na dzwan nube. ² Fari-sawa badati mbyebe danra, "Ake tsari nina tsa abu wa she she wa tsatsa anyunu wa ngha nwo?" ³ Yesu mbyebe danra, "Ko ni hwèn foni aji ki cin abu waa Dawuda ba pajukun bandoa ndi tsa dede waa ambo ndi bwanbe raba? ⁴ Ayo waa ku kaya ki tan wa wa Cidon ra, ku ya nde borodi waa be nde yu so kuku numa ji, aka koyi pajukun ba ndoa baa baku ci dzun ra. Bo rodi waji wakara kwaa sheshe tutu numa waa apa dzun wa zota numa ku nde go nua ma nwàdzu ba avon wari tsa butso ki bye waji ra." ⁵ Yesu dan kwanbe kiyo dan ra, "Nwu pajukun ciri Cindo bu anyunu wa ngha nwo." ⁶ Anyunu dzun wa ngha nwo Yesu kaya ki fin tan wa fyen bu, ku fyen pajukun abu kiyo. Apa dzun waa avoa wa nwe ki finbe du. ⁷ Baco baa ri fyen pajukun aji bu Cidon ba abe Farisawa na hin Yesu zo jiji be mbyà ko kuri nwàdzu pajukun baa dā ado anyunu wa ngha nwo du re. Bena nya nyaco waa be pan Yesu ba ada dzun. ⁸ Yesu yì aji waa bena ga ki mikyinbe nu, se ku dan yi apa waa avoa wa nwe ra danra, "U do don bi pantse pyen bu pajukun kire." Apa waji do don bi pantse ki fa byeya gede gede numa ki pyen bu pajukun baaji. ⁹ Yesu mbyebe danra, "Adon bu Cidon dandan ke? Sansan waa í tsa apa abu wa sansan anyunu wa ngha nwo re, ko í tsa apa abu wa baba? í nwàdzu cindi re, ko í bwan bwan?" ¹⁰ Yesu hinbe zo numa kata ken cin dibe ya dzwa myi, ku dan yi apa waa avoa wa nwe ra danra, "U ndafan vou." Apa waji ndafan voa, avoa yafan jinni sansan numa. ¹¹ Ama pajukun baaji kanbe akya ri. Bena dan ba dibe danra, "Iri bi tsa Yesu wa kara nini kara?" ¹² Anyunu dzun numa Yesu pwadzu neya ki cin kwen jiji ku ya vo Cidon. Ku pan Cidon wa vovo ciyo vovo afitse tse abye yafan weku ki cin cara. ¹³ Waa abye yafan jinni wa numa ku ba pajukun baa bàku nde jiji be bi ki byea. Ki finbe ku ce du pajukun dzwe nwa pyinna kiyo danra, be ci fotson’a. ¹⁴ Siman waa Yesu tsoku zen danra, Bit rus ra, ba Andarawus nwuzaa, ba Yakubu, ba Yohanna, ba Filibus, ba Bartalamawus, ¹⁵ ba Matiyu, ba Toma, ba Yakubu nwu bu Alafayas, ba Siman waa beri baku danra apa wa fifi tswen, ¹⁶ ba Yahuda nwu bu Yakubu, ba Yahuda Isikariyoti wa nde Yesu hwenji ra. ¹⁷ Dede waa Yesu ba abe fo tson’a dzwe nwa pyinna hora gantu dzu ki cin kwen dzwa nabi numa Yesu pantse ki bye wa yafan adi numa. Pajukun suu numa baa bàku ci bye, kwan ba pajukun badati suu numa baa dzu ki tswen baa ki jen bu Yahudiya, ba finka Urushalima, ba finka badati baa ki nu teku bu Sur, ba Sidon. Be bi ki byea jiji be fo aji bua, ku nwàdzube ki bye adobe du. ¹⁸ Badati ki fin be ci ba ajon baa baba ki cinbe, na tsa cibe, ku nwàdzube. ¹⁹ Pajukun na sun jiji be du pyo waa be nde vo goku ki dia. Ki cin waa be yinu danra, ku ci ba gbentsòn dzun wari dzu ki dia ri nwàdzu pajukun ki bye adobe kata. ²⁰ Yesu gbe zoa don ku mbyà abe baa bàku ra numa ku danra, "Ani pajukun baa tsa hwen hora, ni fo vya ki cin waa ndo tson bu Cidon ki don ci buni! ²¹ Ani pajukun baa na bwan mbo tanma ra, ni fo vya ki cin waa anyunu wa kyen Cidon ri yini koke kata! Ani pajukun baa na ku ndekuto tanma ra ni fo vya ki cin waa anyunu wa kyen niri bi vyen vyon! ²² "Wa sansan bu Cidon ku kwanni kiyo, dede waa pajukun ma tson vyon bani, ma nwa honi soya kankan, bena vyenni vyon, bena ge aji beni ki cin ki cin Nwu pajukun! ²³ Abu baakara ma duni numa, ní cu cucu, ní pen penpen, ki cin waa avokwin-ni wa ciho numa ci tiri ki don na bazoni. Andi gbogbo bayakube ndi tsa abe baa da don bu Cidon numa du. ²⁴ "Ama Ḿm̀ hunni, ani pajukun baa ci ba abu ki vo! Ki cin waa ni kapyen fo vinni vya buni kire ra. ²⁵ Ḿm̀ hunni! Ani baa na pyenzu tanma ra, ambo ribi bwanni tiri. Ḿm̀ hunni! Ani baa na vyen vyon tanma ra, niri bi pe mikyin ku ndekutó tifi. ²⁶ Ḿm̀ hunni! Ani baa pajukun kata na she shini, andi gbogbo bayakuni ndi na she shi bu pajukun baa ndi na so dibe danra, be ci pajukun baa da adon bu Cidon numa du, ama be ci pajukun baa kankan." ²⁷ Yesu dan yibe danra, "Ani baa na gon tson fo ajimi ra, mna dan yini ko kani kata ku con apa wari zeku, pájukun baa ma con be ajiu ba, u tsabe abu wa san san. ²⁸ Pajukun baa ri zen aji tsabau cin, u pya wa sansan bu Cidon webe yo. Pajukun baa ri tsou ce, u vo Cidon webe yo, ²⁹ Apa wama tau pyuta ki tsonkyi go dzun u pukan go dzun yiku kwan yo. Apa wama hore tukpau don, ká hwa denku wa ho buken u kwan yo ba. ³⁰ Ko kani kata wama vou abu yo, u yiku. Apa wama da fyereu dukya, ka bàku danra ku ho ka sen bi yiu ba. ³¹ Tswi abu waa uri con pajukun be tsau ra, au ma u tsabe numa du. ³² "Uma ri cón pajukun baa con u vinni, uma con u baa zeu ba, uri bi du wa sansan ke ki pyen bu Cindo? Ko pajukun baa yibe Cidon bama, na tsa numa. Bena cón pajukun baa conbe vinni. ³³ Uma na tsa abu wa san san yí pajukun baa na tsau abu wa sansan ra vinni ávokwin ke uri pan ki bye Cidon? Ko pajukun baa yibe Cidon ba ma, bena tsa numa. ³⁴ Uma ri ji pajukun ton baa una so hwan ki dibe danra, beri hwa kasen yiu maari vinni, ávokwin ké uri pan ki bye Cidon? Ko pajukùn baa yibe Cidon ba ma, na yi dibe ton numa du. ³⁵ Mna dan yini ní con pajukun baa ri zeni, ní tsabe abu wa sansan, nima yibe ton, niká nde mikyinni sen so yo danra be hwani ba. Numa niri du vokwin ni hwehwe numa, niri ci bazhen zhen bu Cidon wa ki don wá ci ba hwe kari kata. Pajukun baa baba, baa ri tsabe Cidon mgba gye ba, katabe Cidon na tsabe abu wa sansan. ³⁶ Ni hwi cici bu pajukun ci tsadzu Atani wa ki don na hwi cicini ra." kapyen gbe nwa atsu hin wa kan ci zou ra hunnu, ú mbyà bye sansan wa gbe nwa akyi bu abu wa dzu ta nwuzau ki zo ra." ³⁷ Yesu na fyen tà yi pajukun danra, "Niká mbye apa dzun kwen ba, ki cin waa Cidon kúká bi mbyeni kwen ba du, Niká ge kwen bu pajukun ba, ki cin waa Cidon kúká bi ge kwenni ba du. Ní fan abu wa baba bu pajukun yibe, jiji Cidon ku fan abu wa baba buni yini du. ³⁸ Ní yi pajukun abu tafan vo, Cidon ku yini numa du. Cidon ri yini abu mu vo surududu numa ri nyanya ki jinni. Ambò waa niri mba abu kiyo ri yi apa ra, Cidon kari mba yini numa." ³⁹ Yesu dan yibe cinna bu aji wa ci kara! "Apa wa gbànzo ri gbe apa wa gbànzo agà? Kuma tsa numa katabe pyinna ri dzu ya nyabe ki fin shi ba? ⁴⁰ Ko ma kani kata waa be mana fyenku abu, ku kaa cindoa wana fyenku bu raba. Ama ko kani wama dzu abu wa fyenfyen ki vo bu cindoa wa fyenku abu ra hunnu, kuri ci tsadzu cindoa wa fyenku bu ra. ⁴¹ "Ki cin ke una mbyà abu wa titi wa dzu ta nwuzau ki zo, ama u gau ba buu waa atsu hin kwa kyi kwa numa kan ciyo raba? ⁴² Ko uri bi tsanini dan yi nwuzau danra, ’Nwuza cikpo m gbe nwa abu wa ki zou ra don,’ ama buu u gau ba atsu hin wa kwakyi kwa wa kan ci zou raba? Kai, au apa wa ta ban nde vo yu nyaken, ⁴³ Yesu dan yibe danra, "Ahin wama ci hin wa sansan kuri nwaa nwahin wa baba ba. Ahin wama ka ci hin wa baba kuri nwaa nwahin wa sansan ba. ⁴⁴ Ko atswi hin wani kata beri mbyà yiku nu ki bye nwaa. Apa ri dua nwa tin ki bye hin tswí ba. Apa kari pyaa nwa kwaji ki bye atswí ba. ⁴⁵ Apa wajinderi wa tsa abu wa sansan, ki bye abu waa kuri tsa ri ta abu wa sansan wa ki fin mikyin’a waa ku ci baku. Apa wa tsa abu wa baba, ki bye abu waa kuri tsa ri ta tswi abu wa babaa waa ku ci baku ki fin mikyin’a. Aji wari pwadzu ki nu bu apa ri tari tswi mikyin waa apa ci baku." ⁴⁶ Yesu mbyebe danra, "Ki cin ke nina bami danra, ’Cindo, Cin do,’ ama ni tsani abu waa m dan yini ba? ⁴⁷ Ko kani kata wama bi byemi gon tson tsa butso ba abu waa ku fo ki byemi, m tà yini tswi apa waa ku ci. ⁴⁸ Ku ci tsa dzu apa wa kashi dzon wuru dudu numa yaya ki jinni ya du aban hunnu, ku hun nde tan myi cin’a. Ki nyaken wakara dede waa acù ta jape mu gbanyo, jape da atan waji dada atan pantse gyu, ko di ma ku ndea ba, ki cin waa ku pantse gangan numa ki cin aban ra. ⁴⁹ Ama apa wama fo ajimi kuma pan tsaa butso baku ba, ku ci tsadzu apa wa myi tan bua ki cin von, ku kaa shi ku jo nwo tan waji ki cin aban ba. Ki nyaken wakara dede waa acù ta jape mu gbanyo da atan waji gbogbo numa atan waji dzu hun jinni ra. Atan waji dzu hun jinni ba gben gbuu numa!"

¹ Ki nyaken waa Yesu dan vinni ajia kata kà pajukun ki tson ra, ku do kaya ki finka Ka farnahum. ² Acin bu banuken wadzun anwu nya bua waa kuri con zen’ande bara, ado daaku hwa jinni kuna nga aki wa huhu. ³ Waa acin bu banuken ra fo aji waa pajukun na dan ki cin bu Yesu ra, ku gbe baco baa sen tswen badati ki fin Yahudawa ya ki bye Yesu. Kuna con be ya voku ku bi nwàdzu nwu nya ra ki bye ado wa duku ra. ⁴ Be bi ki bye Yesu be voku bàvo kiyo danra, "Apa wakara ken waa u tsazaku yo. ⁵ Ki cin waa kuna tsazai yo ki finkai, atan wa fyen abu bui ra, ku myii ri yo." ⁶ Yesu do babe kyen dzun ya. Ávo waa Yesu ngha zan’a ki ndo waji raba, acin bu banuken waji tson bandoa badati ya du Yesu ki nyaco danra, "Cindo, uká biu ba, ki cin waa m kenmi waa ukà ki fin ndomi ba. ⁷ Ábu wa tsa ami ba dimi m mbyà dimi danra m kenmi wa bi kaa ki byeu bara hun. Ama ú zen aji ba anu azota kire, anwu nyami waji ri nwàdzu ki bye ado wa duku ra. ⁸ M dan numa ra ki cin waa m ci vo bu baco baa dzun ki pyen, ami ka ci ba banuken badati baa ki vomi ki nyaken du. Ci numa ra, mma dan yi wa dzun danra, ’U ya,’ kuri ya, mma ba dzun nde dan, ’Ú bi,’ Kuri bi. Mma dan yi anyami danra, ’U tsa abu wakara numa,’ kuri tsa." ⁹ Waa Yesu fo aji wa dzu ki nu bu apa wakara numa anwoa ken jinni. Ku pu kan zo mbyà pajukun suu numa baa na baku kyenkyon ki dzun hora. Ku dan yibe danra, "Mna dan yini kara, ko ki fin zhenzhen Isra’ila ma m du fomi apa dzun wa ci ba wajinderi fora ci tsadzu apa wa ci kara ba." ¹⁰ Bando bu cin soja baa ku gbèbe bi shon Yesu ki nyaco ra, be kasen ya dzwa ndo be mbyà nwu waji adia yafan jinni van numa kata ra. ¹¹ Cifo kwan yo titi numa Yesu ya ki finka dzun waa beri baku danra Nain. Abe baa bàku ba pajukun badati suu numa baku kyen dzun ya, ¹² Ku kyen naben tsonkà jinni numa, be mbyà pajukun tswan kwān pwadzu ki finka nabi. Apa waji wa hu ra, ci nwu wa wunu dzundzun tori numa bu awaki dzun waa anua hu fan bàku ki vo. Pajukun suu numa ki finka do gbuu numa pwadzu baku kyen dzun. ¹³ Waa Yesu mbyà awuwa ra numa, ku hwi eieia, ku dan yiku danra, "Ka ku ndekuto ba." ¹⁴ Waa Yesu zan ki bye akwān waji ra ku pan akyakpa, pajukun baa tswan a kwān waji ra pantse jinni. Ku dan ra, "Ayoo, mna dan yiu danra, U do don". ¹⁵ Akwān waji do don ci don. Ku jo nwo aji wa zenzen ku ndeku yi ayoa. ¹⁶ Azin pan pajukun hora kata. Bena she zen bu Cidon na yiku hwe danra, "Apa wa da adon dzun wa ci ba hwe kwakyi numa pwadzu ki fin’i ra!" ¹⁷ Aji ki cin bu Yesu ba abu waa ku tsa ra gban nya fye ho bye kata ki fin jen wa ki Yahudiya, ba tswen baa na shukwaku jinni hora kata. ¹⁸ Abe baa bà Yohanna dan vinni aji bu baa tsa ra kata yiku. ¹⁹ Ku bā pajukun pyinna ki fin baa bàku hora nde, tsonbe tson ya ki bye Cindoi jiji be mbyeku danra, "Au ciri apa waa Cidon danra kuri tsonku bi ki fin tswen ra re, ko iri ci bàzo apa dzun ken wari bi?" ²⁰ Dede waa apa hora bi ki bye Yesu ra, be dan yiku danra, "Yohanna wa tsa batisma tson’i danra i bi mbyeu danra, ’Au ciri apa waa Cidon danra kuri tson bi ki fin tswen wakara re, ko iri ci bàzo apa dzun ken wari bi?’" ²¹ Ayo waji Yesu na nwàdzu pajukun suu numa ki bye adobe tswi tswi. Pajukun baa ci ba ajon baa baba hora Yesu kan dzube pwadzu ki cinbe. Pajukun baa gbànzo ku tafanbe azobe yo, be mbyà bye. ²² Yesu dan yi apa pyinna hora danra, "Ní yani kyonni. Ní ya dan yi Yohanna abu baa ni mbyà ba zo dini, ba aji waa ni fo ba tson dini. Pajukun baa gbànzo na mbyà bye, pajukun baa avobe ba abebe huhu na kyenkyon, pajukun baa da ado pyu, na nwàdzu ki bye adobe, pajukun baa kan tson na fo tson, pajukun baa huhu na do don ba cindi ki bye aki. Pajukun baa ci zhen shon bena dan Aji wa Sansan bu Cidon na yibe fo. ²³ Apa wama taa atsu ki bye ajimi ba, wa san san bu Cidon ku kwanku kiyo!" ²⁴ Ki nyaken waa fotson bu Yo hanna baa kwan dzun pyinna hora kasen yabe ra, Yesu foji aji wana dandan yi pajukun baa kwan bye waji hwehwe numa ra ki cin bu Yohanna danra, "Andi waa ni ndi ya ki bye Yohanna ki hwan ra ni ndi ya mbyà atswi apa wani? Ni ndi ya jiji ni ya mbyà abyen waa awo ri saku ndedi ra? ²⁵ Ni ndi ya jiji ni ya mbyà kake? Ko ni ndi ya jiji ni ya mbyà apa wa mbyādi ba tukpa wa ba abè? Ní gon tson ni fo, pajukun baa ri mbyādi ba tukpa baa ci ba abè, ba baa ri ci byecu bu vya hora be na ndo akù baa ndanda. ²⁶ Ama ni ndi pwadzu ya rá, ni ndi ya jiji ni ya mbyà kake? Ni ndi ya jiji ni ya mbyà apa wa da adon bu Cidon? Numa ajin deri, ama mna con m dan yini danra, ku kagben bu abe baa da adon bu Cidon suu numa! ²⁷ Yo-hanna ciri apa waa Cidon dan aji ki cin’a be ta ki fin Afa danra, ’Wezo ni mbyà, mna tson fotson kapyen na pyen u riya bazou kuri ya mbyāsan nyaco so ge cin u.’" ²⁸ Yesu dan yibe danra, "Ki fin pajukun baa bawuwa mba kata apa dzun wa ka Yohanna ba hwe baani. Ama ko ma nwu wa titi numa ki ndo Cidon, ku ka Yohanna ri ba hwe." ²⁹ Pajukun kata kwan ba baa pan buwe dede waa be fo aji waa Yesu dan numa, be hwayi danra nyaco waa Cidon ndi tsa be du batisma ki vo bu Yohanna ra, ci nyaco wa sansan ndafan jinni! ³⁰ Ama abe Farisawa ba baco baa ri fyen pajukun aji bu Cidon ngha nyaco wakara waa Cidon tsa sobe yo ra, be nghabe wa yi Yohanna ku tsabe batisma. ³¹ Yesu ka mbyā danra, "Mri nde pajukun baa tanma hwa ba kake hun, be dzu kake hun? ³² Mri ndebe hwa ba zhenzhen baci baa ci ti. Bena ba dibe nde danra, ’I gbani gangan yo, ni gbeni jo ba. I nde vo hwa nu na da ndekuto, ni ku zai ndekuto yo ba.’ ³³ "Ayo waa Yohanna ndi jo nwo butsoa ra, kuri jia borodi ba, kuri waa jape anab ba. Nina dan aji ki cin’a danra, ’Awo wa baba dzun na neku ri ki cin’a.’ ³⁴ Ama Nwu pajukun na ji buju tsadzu waa pajukun badati na ji ra, kuna wa jape anab. Ama nina danra, ní wezo ní mbyà apa wa kara ku hwe fin buju kagben, ku wa jape anab hwe kagben. Ku ci ajo bu baa pan buwe ba baa tsa abu wa baba! ³⁵ Ama pajukun bu Cidon baa Cidon yibe yì pan vo ki bye butsoi!" ³⁶ Apa dzun ki fin Farisawa ba Yesu nde buju ki ndoa. Yesu ya ki ndoa ya baku ji buju ki dzun. ³⁷ Awuwa dzun ki finka ku ci awuwa wa tsa abu wa baba. Waa ku fo danra, Yesu na gba agbu ki ndo apa wa ci Farisawa ra, ku nde turubasa waa beri baku dan ra, Alibasita ra ku we byu wa nufyin kwinni kwinni numa mu fin’a nde kabi baku. ³⁸ Ku pantse nyaken bu Yesu, ku tu ben jinni ki bye abea ajanme na dzuku ki zo papa numa. Ajanme ra dzu foji wana wewe ki be bu Yesu. Se kuna pa nye Yesu yo ba shen jin wa ki cin’a. Ku nde abyu wa nufyin kwinni kwinni ra na paku yo ki bea. Awuwa waji nde kon mikyin’a bà bye bu Yesu. ³⁹ Ba farisi wa baku nde buju ra mbyà numa, ku ga aji ki mikyin’a dan ra, "M’ḿ, akyan apa wakara rima kyan ci apa wa da adon bu aji bu Cidori ajinderi byenbyen kuri kyan hwayi ba abu waa awuwa ra na tsa ra danra, ku ci awuwa wa tsa abu wa baba." ⁴⁰ Se Yesu dan yiku danra, "Siman, m ci ba aji dzun waa mna con m zen bau." Siman dan yiku danra, "Cindo, u dan u." ⁴¹ Yesu danra, "Apa dzun wa sen abu ki vo, pajukun pyinna bi ji aton ki byea. Apa dzun ji ton bu abaadzwin dipa tswanna ndo tswanna, wadzun ji ton bu abaadzwin dipa pyinna kyadzwe. ⁴² Ayo waa pajukun hora hwa kabe aton wa ki cinbe bara, apa wa yibe ton ra fan yibe kata. Tanma ki finbe pyinna hora, akani ri conku kari?" ⁴³ Siman dan yiku danra, "Mna ga danra apa waa aton bua hwe kari ra." Yesu dan yiku danra, "Ù gafan aji waji acoa." ⁴⁴ Se Yesu pukan zoa mbyà awuwa waji ku mbye Siman danra, "Ùna mbyà awuwa wakara nu? M kabi ki ndou ù yimi japé waa m tsonye bemi kiyo ba, ama awuwa ra tsonye bemi ba janme ki zoa, ku pa nye bemi ba ajin wa ki cin’a. ⁴⁵ Áu panmí be mikyin u ba. Ama bua avo waa ku kabi ra, ku nia ba wa nde kon mikyin’a be ki bemi ba. ⁴⁶ Au wemi abyu ki cinmi ba, ama awuwa ra nde byu wa nufyin kwinni kwinni pami ki bemi. ⁴⁷ Ki cin wakara mna dan yiu danra, awuwa wakara wa tsa abu wa baba hwehwe numa ra, m fan abu wa babaa hwehwe numa kata yiku ra, ábu wa tsa awuwa waji ci ba acon hwehwe numa ki fin mikyin’a ra. Apa waa bema fan abu wa babaa titi numa yiku, ku ci ba acon bu Cidon ki mikyin’a titi numa." ⁴⁸ Yesu dan yi awuwa waji danra, "Be fan abu wa babau yiu ra." ⁴⁹ Pajukun baa ki byeri baa baku ji buju ki bye dzundzun ra, bena mbye dibe aji ki mikyin danra, "Apa wakara akani waji, har kuna fan abu wa baba bu pajukun na yibe?" ⁵⁰ Yesu dan yi awuwa waji danra, "Wajinderiu nwaù ra, u yau sansan ri."

¹ Ki nyaken wakara Yesu ya kyen ban finka baa kwakyi ba finka baa titi. Kuna dan yi pajukun Aji wa Sansan bu tsòn bu Cidon ki don. Abe baa bàku kwan dzun dzwe nwa pyinna hora, ² ba bawuwa badati baku kyen dzun. Bawuwa baaji Yesu ndi nwàdzube ki bye adobe, ku kan dzu awo baa baba baa ki cinbe. Mariyamu Magadaliya ra, Yesu kan dzu awo baa baba atsupyen ki cin’a. ³ Yuwana awa bu Kuza wa ci fotson bu Hiridus wa na akù, ba Suzana, ba bawuwa badati, ba Yesu ba baa bà Yesu kata kyen dzun. Bawuwa baakara na tsazabe yo ba tswén bu dibe waa be ci baku. ⁴ Dede waa pajukun pwadzu dzu ki finka cincin dncin bi kwan mu Yesu ki di ra ku zenbe aji ba cinna bu aji danra, ⁵ "Apa dzun ya ki da jiji ku ya tà zaa. Waa kuna tà zaa waji numa badati fyen dzu nya nyaco pajukun na te abe ki cin’a, anyi gwa hore aza baaji ji vinni kata. ⁶ Ngyiza badati dzu nya cin pan ago. Ngyiza waji nga dzu mwamwa numa cifo kwan yo numa ajea na foji wa huhu, ki cin waa ku dua ajen wa dzondzon wa tashuma wa nda den’a ya yo ba. ⁷ Ngyiza badati dzu nya fin tswí. Atswí waji ba aza waji nga dzu dzun ki bye dzundzun, be hwe ki bye dzundzun, atswí ra kpon tsu ken aza waji. ⁸ Ngyiza badati dzu nya cin jen wa sansan, ku nga dzu ku hwe, aza waji nwa cin cia wa dandan ba." Waa Yesu na dan numa ra, se ku dan gbangban numa danra, "Apa wama ci ba atson wa fo aji ku gon tson ku fo!" ⁹ Abe baa bàku mbyeku nwo cinna bu aji wakara, ¹⁰ Yesu dan yibe danra, "Buni ki byeni Cidon yini ayì waa ní yì aji wa dzon dzon ki ndo tsòn bu Cidon ki don. Ama ki bye pajukun badati bena tafan zobe ki kara ama beri mbyàbe ba. Bena fo aji kara ama beri hwa yibe ba, se mma dan yibe aji ki bye cinna bu aji hunnu beri mbyà zo, be kari hwayi aji." ¹¹ Cinna bu aji waji ci kara, "Atswī bu ra, ciri aji bu Cidon. ¹² Ngyiza baa fyen dzu nya jinni ki nyaco ra we dzun ba pajukun baa fo aji bu Cidon, ama Shetan bi nde aji wa ki fin mikyinbe don jiji beka yi wajinderi ki bye aji bu Cidon ku nwàdzube ki bye abu wa bababe ba. ¹³ Ngyiza wa dzu nya cin pan ago ra we dzun ba pajukun baa fo aji bu Cidon, be zen nde ba aji waji ba mikyin wa mbumbu, ama aji waji dua nwo byecu ki mikyinbe ciyo ba. Beri yi wajinderi ama ma cifo kwan yo titi numa abyebye bu fin tswen hwa be fan aji bu Cidon jinni. ¹⁴ Ngyiza baa dzu nya fin tswí ra we dzun ba pajukun baa ri nyà abu ki vo, beri lolo hwanbe so bye ajuvya ba avya wa fofo ki fin tswen be tsu ken azo mikyinbe, aji bu Cidon ci kaa ki fin mikyinbe ba, ri tsababa ki jinni numa ki tswen. ¹⁵ Ngyiza baa dzu nya ki fin jen wa sansan ra we dzun ba pajukun baa fo aji bu Cidon be pan ba mikyin dzun dzun na tsa butso baku beri pan tse ba gben. ¹⁶ "Apa dzun baani wari mu pyù ki nyaken wakara ku nde atukpe bere ku bà jinni. Ko ku bà ku nde dzo ya ki shi gudu. Ama kuri nde sen ki cin atswà jiji pajukun baa ri kabi hora kata be du abye wa yafan jinni. ¹⁷ Abu dzun wa yuyu waa beri fubeku ta myi ba baani. Aji wa dzon dzon dzun waa beri pofanbe fin’a yafan jinni be fuku ta myi ba baani. ¹⁸ Ní hwayi ba aji baa ni fo ra sansan fa! Apa wama ci ba abu ki vo, ku ciri apa waa be kari kwanku abu kiyo. Apa wama nyani ba abu ki vo, ku ciri apa waa beri fyere abu waa kuna ga danra ku ci baku ra don." ¹⁹ Bazhenza bu Yesu ba ayoa bi ki byea. Waa be bi ra, be zan kabe ki bye waa ku ci kiyo raba, ki cin waa pajukun byi ken jinni kagben. ²⁰ Be dan yiku danra, bazhenzau ba ayou bi pantse na myi hun, bena con be mbyà zou. ²¹ Áma ku dan yibe danra, "Baa na fo aji bu Cidon na tsa butso baku ra, be ciri bazhenzami ba ayomi." ²² Ki tiri ki tiri anyunu dzun ki fin ayo wakara Yesu ba abe baa bàku ka akò ki nu teku, ku dan yibe danra, "í kyan ya ki zhen ki bahun." Be do kyan ya. ²³ Ama waa be ki fin kyon ya akò na ya numa, Yesu na ne hwa. Awo do ki fin teku ra, na sa ba gben gbugbu numa. Akò na gan na kō jape, akò na con wa sebe sese. ²⁴ Abe baa bà Yesu baku nde danra, "Cindo, Cindo, i hu ra!" Yesu fen dze jinni, ku nya awo ba jape wana na me ra nde dan ra, kú be jinni. Awo ba jape be jinni abye bande gyu numa, ²⁵ Yesu mbye abe baa bàku hora danra, "Ake tsari ni yini wajinderi ki byemi ba?" Anwobe ken jinni, azin panbe. Be mbye dibe danra, "Apa wakara ci tswi apa wani nya awo, ba jape nde be bé jinni?" ²⁶ Yesu ba abe baa bàku kyan teku wa ki Galili ya ki zhen ki fin jen bu Garasinawa ci potswa ba Galili numa. ²⁷ Waa Yesu pwadzu ki fin akò dzwa myi numa ku shon ba apa dzun wa ki finka bu Garasinawa hora. Apa waji ci ba awo baa baba ki ein’a, ku zen’ande na ndo ba, kuri na cin mbi, du anyunu pyinna ra kuri dzea tukpa ki di ba. ²⁸ Waa ku tazo mbyà Yesu numa ra, ku da ndekuto gbangban numa, ku dzu ta jinni ki pyen bu Yesu. Kuna danra, "Au Yesu Nwu bu Cidon wa ci ba hwe kari kata, m bau kwan ke? Gbagba, ká tami fyin dzun wa kagbenmi ba." ²⁹ Ki cin waa avo gbogbo Yesu kapyen dan yi awo wa baba ra danra, ku pwadzu ki cin bu apa waji. avo ndi gbogbo awo wa baba ra na tsa ciku sen dia suu numa ra. Kuri panku ba gben numa, bazhenzaa na kon ku konkon, be weku akan, ba asho wa ci ba gben, ama kuri gbekyu akan ba asho hora kata. Awo wa baba waji ri neku kaka ki hwan. ³⁰ Yesu mbyeku danra, "Azen u dan ke?" Ku danra, "Azenmi dan ra, Inànà." Ku dan numa ra ki cin waa awo baa baba baaji na cin’a hwehwe. ³¹ Awo baa baba baaji vo Yesu danra, kúká hobe weya ki fin ashi wa dzon wurududu raba. ³² Abi bu adzù badati na ji buju ki cin kwen ki byeri, be vo Yesu danra, "Uma zen nde í kaya ki fin adzù hora." Yesu zen nde yibe. ³³ Awo baa baba baaji she pwadzu ki cin bu apa waji ya ka ki fin bu adzù hora, adzù hora she gantu dzu nya ya fin teku. Be hu kata ki bye waji. ³⁴ Waa pajukun baa na zabe mbyà abu wa tsa numa ra, be dzu we myi ba sho ya dan yi pajukun ki finka baa kwakyi ba ki da ki da abu wa tsa ra. ³⁵ Waa pajukun fo numa ra, be we shò bi jiji be mbyà abu waji wa tsa ra, be bi zan ki bye Yesu. Apa wa ndi ci ba awo baa baba hora Yesu kan dzube don ki cin’a ra. Be mbyà apa waji tuci ki pyen bu Yesu ho tukpa dze dia, akyin’a kata we jinni ra. Azin panbe. ³⁶ Pajukun baa mbyà abu waji ba azobe ra, be dagban aji waji dan yi pajukun danra, be nwàdzu apa waa awo wa baba ndi neku rara. ³⁷ Se pajukun baa ki tswen bu Garasinawa hora kata dan yi Yesu danra ku pwadzube ki tswen, ki cin waa bena zinzin’a hwehwe numa. Se Yesu kasen kaya ki fin akò jiji ku kyan kasen yaa bà bua. ³⁸ Se apa waa Yesu kan dzuku awo baa baba ki cin’a ra vo Yesu danra, ku gbagba ku yiku baku kyen dzun ya. Ama Yesu nghaa ku dan yiku danra, ³⁹ "Ú kasen ya ndou, ú ya da don dan yi pajukun aji ki cin abu baa kwakyi kwakyi numa waa Cidon tsau ra." Apa waji do don kaya ki finka yana da don yi pajukun ki cin abu baa kwakyi numa waa Yesu tsa ra. ⁴⁰ Ki nyaken waa Yesu kyan teku kasen bi ra, pajukun kata caku kiyo caca numa, ki cin waa be ndi ho zobe soso ki nyaco na ge cin’a. ⁴¹ Apa dzun azen bua danra Yayirus ku ci cin ki fin tan wa fyen bu bube Yahudawa hora. Ku ci ba nwu wa wuwa dzundzun tori numa ajua zan adzwe nwa pyinna ra. Aku Ya yirus bi ki bye Yesu bi tu ben ki pyen’a a voku danra, "Ú bi ki ndomi ki cin waa nwumi na nga aki ki vo." Waa Yesu do na ya numa pajukun piku kagben. ⁴³ Awuwa dzun ci kiyo da aje asa duku dududu zan aju dzwe nwa pyinna asa nghaa wa gege ki jinni. Ku bwan ji voa kata dà ado be hun, be re, apa dzun dàgban kaa ku ba. ⁴⁴ Awuwa waji bàbe ki nya ken pipi ya nde voa go bye buken bu Yesu numa mwamwa numa se asa wa ndi ri dzuku ra ge jinni, ⁴⁵ Yesu mbyebe danra, "Akani gomi vo ri?" Pajukun kata tson nwàu dibe don. Se Bitrus ba pajukun ki byeri danra, "Cindo, pajukun pi kagben, á pipi waa be pi kagben ra be hun di bau." ⁴⁶ Ama Yesu danra, "Apa dzun ki tiri gomi vo, ki cin waa m hwa yinu danra agben dzun pwadzu ki dimi." ⁴⁷ Awuwa waji mbyà nyaco dzun baani waa ku nde dia yu, ci numa ra ku bi adia na von tetete ku dzu ta pyen bu Yesu ku dan yi pajukun du zobe kata abu wa hwa hunnu ku hun go Yesu vo ki di ra, ba waa mwamwa numa asaa ge jinni ra. ⁴⁸ Yesu dan yi awuwa waji danra, "Nwumi, wajinderiu nwàdzuu ra, u ya sansan." ⁴⁹ Ávo waa kuna zen aji ki tiri ki nua numa ku ngha bàande raba, se be tson apa dzun ki ndo bu apa wa ci cin bu atan wa fyen bu abube Yahudawa ra bi zan ra ki bye Yesu ra. Ku ten Yayirus aki danra, "Nwu buu rì hua ra, úká tsa ciu Cindomi riba." ⁵⁰ Ama waa Yesu fo numa ra ku dan yi Ya yirus danra, "Ka geu kyin ba, se u yi wajinderi, nwuu ri do ba cindi." ⁵¹ Dede waa Yesu ya zan ndo waji ra, ku zen’ande yi apa dzun ku baku kaya ba, se Bitrus, ba Yo hanna, ba Yakubu, ba ata bu nwu wa wuwa waji, ba ayoa maari vinni kàri baku ya. ⁵² Pajukun kata foji ndekuto wana kuku na da nde kuto weyo. Yesu dan yibe danra, "Niká ku nde weku ki cin ba, ku hua huhu ba, kuna na ana." ⁵³ Pajukun vyenku vyon bu sinni, be yinu danra, anwu wa wuwa ra huhu ra. ⁵⁴ Ama Yesu pan voa, ku ba ndea ku danra, "Anwu wa wuwa, u do don." ⁵⁵ Denden’a ka sen bi dia, ku do don mwamwa numa. Yesu dan yibe danra be yiku buju ku ji. ⁵⁶ Nwo bu ata nwu waji ba ayoa ken jinni. Ama Yesu dan yibe danra, beká dan yi apa dzun abu wa tsa raba.

¹ Yesu ba fotson’a kwan dzun dzwe nwa pyinna hora nde bi kwan pyen’a ki bye dzundzun ku yibe gben ba byon ki cin bu awo wa baba wani kata, bé nwàdzu pajukun baa dā do ki bye tswi dobe wani kata. ² Ku tsonbe tson ya jiji be ya dan yi pajukun aji ki cin ndo tsòn bu Cidon wa ki don, bé nwàdzu pajukun ki bye adobe. ³ Ku nube don danra, "Niká nde abu dzun pan voni ya baku ba, ko agà, ko andú, ko borodi, ko abè, ko buken wa wewe ki dini kú ci dzundzun kuká zan pyinna ba. ⁴ Fin ndo waa nima kayo bema panni san san ni ci gbán fin ndo waji ya zan anyunu waa niri do fan atswen waji. ⁵ Nima ka ki fin ndo waa pajukun zenbe nde yini zo vyon be panni ba, anyunu waa niri pwadzu ki finka waji ra, ni da vivi ki beni nyabe ki nyakyon ndobe, ci àmà bu abu wa baba wa ki cinbe hun." ⁶ Be do don dzwa gon da hora numa kata ya be myi, bena dan Aji wa Sansan bu Yesu na yi pajukun, bena dàgban pajukun baa dā adō ki bye adobe ko kini kata. ⁷ Akù Hiridus wa ki fin jen bu Galili waa ku fo aji ki cin butso waa Yesu ba abe fotson’a na tsa ra numa, mikyin’a gedzu, ki cin waa pajukun badati na danra, "Yohanna wa tsa batisma ra Ci don ba doku pwadzu ki shimbi ba cindi ra!" ⁸ Badati na danra Diya pwadzuri bi nde dia na ta. Badati dan bube danra a dzun dzun ki fin abe baa ndi da adon bu Cidon gbogbo ra do ri ki shimbi pwadzu. ⁹ Hiridus danra, "Ami geken cin bu Yohanna don ra, ama apa wakara waa mna fo aji ki cin’a ra, akani?" Hiridus na con ku mbyà Yesu. ¹⁰ Ayo waa abe fotson hora kasen bi ra, be mà yi Yesu abu waa be ya tsa zan myi kata yiku. Yesu hobe ku tsa tswa numa fan pajukun jinni be ya ci zo dibe ki finka dzun waa beri baku danra Baitaseda ra, ¹¹ Ama waa pajukun fe yi numa ra, be bàku ki nyaken yaya ki bye waji. Ku panbe, ku zen aji yibe ki cin ndo tsòn bu Cidon ki don, ábe baa na nya ku dàgbanbe ki bye adobe kukà nwàdzube. ¹² Waa anyunu na nga wa nde nua tswa jinni numa, se abe fo tson’a kwan dzun dzwe nwa pyin na hora bi duku ba aji danra, "Ú do gafan pajukun hora jiji be ya ki da ki da, ba goka hora be ya nya buju be ji, be ya du bye wa nana kiyo kata, ki cin waa abye waa i ciyo kire ra apa dzun baani kiyo." ¹³ Ama ku dan yibe danra, "Ní yibe buju be ji." Be danra, "Ī baini ba buju kire, se gan bu bo rodi kwan dzun tswanna ba aje pyinna. Ko una con i ya hwen buju bi yi pajukun baa na kara kata?" ¹⁴ Pajukun bawunu azo dibe numa zan dubu tswanna. Yesu dan yi fotson’a hora danra, "Ni gafanbe be ci ndo ndo ko wani ando wani kata ku ci apa dipa pyinna kya dzwe " ¹⁵ Be tsa numa, be gafanbe jinni ando ndo. ¹⁶ Yesu ho agan bu borodi atswanna ba aje pyinna hora ki voa, ku nde zoa ta don ku mbu mikyin yi Cidon, Ku koken gafanbe, ku nde yi abe fotson’a bé nde gafan yi pajukun baa kwanna ando ndo hora. ¹⁷ Pajukun hora kata ji buju zezu. Buju waji be ji dati afyanube ra be zaho mu tikshe dzwe nwa pyinna. ¹⁸ Anyunu dzun waa Yesu do ya ci kankan na vo Cidon, abe fo tson’a baku ki bye waji du. Yesu mbyebe danra, "Pajukun na dan ra, m ci kani?" ¹⁹ Be dan yiku dan ra, "Pajukun badati na danra, u ci Yohanna wa ndi na tsa batisma, ama badati na danra, u ci Iliya, badati na danra, a dzundzun ki fin abe baa ndi na da adon bu Cidon gbogbo ra dori pwadzu ki bye mbi ba cindi." ²⁰ Yesu mbyebe danra, "Abuni pa? Nina danra, m ci kani?" Bitrus dan yiku danra, "Au ci Kiristi waa Cidon tsonku bi ra." ²¹ Yesu nu abe fotson’a hora don bàvo kiyo gbangban numa danra, "Niká dada dan yi apa dzun danra m ci Kiristi ba." ²² Yesu ka dan yibe danra, "A Nwu pajukun ci ken ku wa fyin atswi tswi ki vo bu baco baa ciho, ba baco baa na fyen tà yi pajukun aji bu Cidon, beri ngha ku, beri bwanku, ama anyunu wa hwa tsara Cidon ri ba doku don pwadzu ki bye aki." ²³ Ki nyaken wakara se Yesu dan yibe kata danra, "Ko kani kata wama con wa bami, se ku fan abu wa ki mikyin’a kata be jinni, ku wa fyin jijimi. Ci tsadzu waa mri hu aki ki cin hin wa shon gege ra, ko dede wa kini kata kú mbyā dia soso waa ku tswan hin wa shon gegea ku bàmi. ²⁴ Ko ma kani kata wama con ku kon cindia wa ki fin tswen kire, kuri nyani ba cindi wa ci kenken. ²⁵ Apa wama du vinni abu wa ki myi kire ama kuma nyani ba cindi wa ci kenken, abu waji waa ku du ra tsa faku ki bye ke? ²⁶ Ko kani kata wama pan tsenni ki cin waa ku ci apa wa bàmi, kuma ka pan tsenni wa nde ajimi dan yi pajukun, anyunu waa mri kasen bi ki bye hwemi, ba ahwè bu Atami Cidon, ba zhen tsōn bu Cidon baa beri tsonbe kyen dzun bami bi ra, Nwu pajukun ri pan tsenni bu apa waji du. ²⁷ Mna dan yini aji wajinderi pajukun badati baa na fo ajimi kire ra, beri hube ba, se bema mbyà tsòn bu Cidon ba azo." ²⁸ Ki nyaken anyunu tsuntsa waa Yesu zen vinni ajia baakara, ku neya ki cin kwen dzun jiji ku ya vo Cidon. Ku nde Bitrus, ba Yohanna, ba Yakubu be baku ne cin kwen waji kyen dzun ya. ²⁹ Dede waa Yesu na vo Cidon ra azén’a ki cin vyin pukan jinni kata na zunzun nyanya numa ci tsadzu anyunu. Tukpa wa ki dia ci mbu purututu numa. ³⁰ Be wezo mbyà pajukun pyinna baku na vya ce, be ci Musa ba Iliya. ³¹ Be pwadzu bi ki fin ahwè bu abye wa yafan jinni ra. Aji waa be ba Yesu na vya ace ki cin’a ra ki cin aki waa kuri ya hu ki finka Urushalima ki cin waa jiji ku tsa bàn butso waa Cidon tsonku bi dan ku tsa ra. ³² Bitrus ba bandoa baa bàku na byeri aná bwan janbe, be fen dze jinni be mbyà zén bu Yesu wana zun nyanya numa ra. Be mbyà Musa ba Iliya pantse baku. ³³ Waa Bit rus mbyà Musa ba Iliya ri do yabe yaya rara, Se Bitrus dan yi Yesu danra, "Cindo abye wa kara san tsadzu katai iri cii kire ri. San kari ai fotson u hora í be apu kwan dzun tsara, adzundzun jiji buu adzundzun jiji bu Musa, adzundzun jiji bu Iliya." Ku yia abu waa kuna dan raba. ³⁴ Kuna dan aji wakara numa bàande ba nua raba, se anandi bi be gon tsukenbe ba nwini kata. Be zin zin waa be dzona ki fin anandi ra. ³⁵ Be fo akyu ki fin anandi ra na danra, "Wakara ci Nwumi waa m ceku cece so, ni gon tson ní fo ajia!" ³⁶ Ki nyaken wakara be wezo mbyà Yesu dzundzun’a vinni pantseri ki bye tori. Be ho vo be nube. Ki fin anyunu baaji baakara abe fotson baaji vya dabe ace ki cin abu waji wakara waa be mbyà ra yi apa dzun fo ba. ³⁷ Nakyabyea Yesu ba fotson’a kwan dzun tsara baa bāku kyen dzun neya ki cin kwen ra, be gantu dzu cin kwen dzwa nabi jinni. Pajukun suu numa ya shon Yesu ki nyaco. ³⁸ Apa dzun ki fin pajukun baa bi shon Yesu ki nya co ra, da ndekuto gbangban numa na danra, "Cindo gbagba ú wezo dzwa nwumi wa wunu ra ki di. Ku ci dzundzun tori numa maari vinni waa m ci baku. ³⁹ Awo wa baba ki cin’a. Awo waji ma neku ra, ri yiku da ndekuto, ri ndeku bwan jinni bwanbwan ri tenku fo, har fyecon ri pwadzu ki nua. Kuri ndoaku ju mwamwa ba. ⁴⁰ M vo fotson u hora danra bé kanre awo wa baba waji pwadzu ki cin’a, ama be tsakabe ba." ⁴¹ Yesu danra, "Ani pajukun baa tanma, nī cini ba wajinderi ba, nī gban cin kagben, mri bi gban ke ci bani numa se nukon?" Se ku dan yi apa waji danra, "Ya, u ya nde nwuu waji bi kire." ⁴² Ávo waa nwu waji na bibi tiri ki nyaco numa awo waji gbeku da jinni adia na vonvon tetete numa. Ama Yesu nya awo waji nde, nwu waji gban, ku ndeku kasen yi ataa. ⁴³ Pajukun kata ken nwo ki ein butso bu Cidon wa ba hwe wakara. Waa abu baa Yesu tsa ra kata na ken pajukun hwo tiri ra, ku dan yi abe fotson’a horà danra, ⁴⁴ "Ní gon tson ní fo aji baakara ki tsonni sansan, a Nwu pajukun apa dzuh ri ndeku ya dzo pajukun ki vo." ⁴⁵ Ama be hwa yibe cinna bu aji waji wakara ba. Aji waji cia koh numa ki byèbe, be hwa yibe ba, ama azin na zinbe waa be mbye aji ki cin’a. ⁴⁶ Abe fotson’a hora na sun hwe ba dibe danra, "Akani ki fin’i ri ci ba hwe kári?" ⁴⁷ Yesu yì aji waa bena ga tó fita mikyinbe ranu, se ku gbe nwu wa titi dzun numa bi so go kyekyea. ⁴⁸ Yesu dan yibe danra, "Ko apa wani wama zen nde ba tswi nwu wakara ki fin zenmi kū zen nde bami. Apa wama. zen nde bami kū zen nde ba Atami wa tsonmi bi. Ki finni hora, apa wama nde cin’a na jinni kári, ku ci ba hwe kári." ⁴⁹ Yohanna dan yi Yesu danra, "Cindo, i mbyà apa dzun nde zen u na kan dzu awo baa baba kiyo ki cin bu, pajukun, ī kanku sho danra ku fan jinni ki cin waa ku baani ki fin’i." ⁵⁰ Yesu dan yiku danra, "Niká kanku sho ba, ki cin waa apa wama nghau ba, ku ci apa buu?" ⁵¹ Anyunu dati titi numa waa Cidon ri nde Yesu kasen ya ndoa ki don, Yesu nde zén’a so ndafanfan foji wa yaya ki Uru shalima. ⁵² Ku tson abe fotson’a napyen kapyen ya jiji be ya nya hdo kyon soku yo ki tswen wa titi numa bu Básamariya. ⁵³ Ama baa sen tswen nghabe ki cin waa be mbyàyi danra, Yesu so zén’a ndafan wa yaya ki Urushalima. ⁵⁴ Dede waa abe fotson’a Yakubu ba Yohanna mbyà numa ra, be dan yi Yesu danra, "Cindo, uri con i bā apyù dzu don bi ji bwanbe?" ⁵⁵ Ama ku kā pukan zo numa ku nyabe nde. ⁵⁶ Ki nyaken wakara be ya kà kyon ki da dzun. ⁵⁷ Be ki nyaco kyenkyon naya numa se apa dzun bi dan yi Yesu danra, "Mri bàu ya ko ki bye wani kata waa uma ya yo." ⁵⁸ Yesu dan yiku danra, "Ātán ci ba ashibe waa beri na yo, anyi baa pen don ci ba ndobe waa beri na yo, ama Nwu pajukun dua abye waa ku nde cin’a gòn yo ba." ⁵⁹ Se Yesu dan yi apa dzun danra, "U bàmi." Apa waji danra, "Cindo, ú yimi pyo jiji m kasen ya nde atami jì hunnu m kasen bi bàu." ⁶⁰ Ama Yesu dan yiku danra, "Fan pajukun baa huhu be jì bazhenzabe baa huhu. Ama au ú ya dan yi pajukun aji bu ndo tsòn bu Ci don ki don." ⁶¹ Apa dzun dan yi Yesu danra, "Cindo, mri bàu, ama ú yimi pyo jiji m ya dan yi pajukun baa ki ndomi hunnu." ⁶² Yesu dan yiku danra, "Ko kani kata wama nde anè pan voa na nane kata hunnu kuma nya zo ba nyaken ku ken’a wa ka ndo tsòn bu Cidon ba."

¹ Ki nyaken wakara Cindoi Yesu ce pajukun dipa tsara kyadzwe. Ku gafanbe kyen pyinna pyinna ba dibe tsonbe ya ko ki finka wani, ko ki da bye wani kata. Se ki nyaken hunnu kuri ban ya mbyàbe ki nu butsobe. ² Ku dan yibe danra, "Buju baa benben na ki da suu numa, ama pajukun baa ben buju baaji kenbe ba. Ní vo wa sen da yo jiji ku dà pajukun we da jiji be benku buju yo. ³ Ní ya! Mna tsonni naya tsadzu mna tson àdòn naya ki fin vyinvyindzwan. ⁴ Niká nde ashuku ko andú ba, niká dzo tabe ba, niká nà apa dzun jen ki nyaco ba. ⁵ Ko ndo wani kata waa nima kaya yo, ní kapyen danra, ’Ani baa sen ndo, Cidon ku yini mikyin wa na jinni!’ ⁶ Apa wama pan nde wa sansan wakara, kuri ci ba kyin wa na jinni, ama apa dzun ma pan’a ba, akyin wa na jinni ni ri kasen bi tiri ki byeni. ⁷ Ndo waa nima ya ka kyon kiyo ra, niká do pwadzu ya ka kyon ki ndo apa dzun riba, keke ya zan anyunu waa niri do. Bema yini jan ni wa, bema yini buju ni ji, ki cin waa apa wa kofyin fye waa ku ji fyin bu byetua. ⁸ Ko finka wani kata waa nima ka yo, bema panni, buju waa bema nde bi yini ni pan ni ji. ⁹ Pajukun baa dā ado na yo ra, ní nwàdzube ki bye adobe. Ní dan yi pajukun baa ki finka waji danra, ’Anyunu bu atsòn bu Cidon ki don naben jinni ra.’ ¹⁰ Finka waa nima kayo kata bema panbeni ba, ní pwadzu ya ki nyaco ki finka waji ní danra, ¹¹ ’Kó vivi wa ki finkani wa bànai ki bei ra, ī pa hobe na nyani ki jinni kara d akwe bwii ki byeni hun, ama ní yinu danra atson bu Cidon ki don naben jinni ra!’ ¹² Mna dan yini kara, Anyunu kwen bu Cidon ra, ko pajukun baa ki Sodom ma ri kabe ki fin fyin mbamba pajukun baa ki finka wakara ba! ¹³ "Ḿm̀ hunni, ani pajukun baa ki finka Korasinu! Ḿm̀ hunni, ani pajukun baa ki finka Baitase-da! Beri ma kyan danra, butso wa tsatsa ba abu baa kyahozo baa ken nwo bu gbentsòn bu Cidon baa tsa ki finkani ra, rima ndi tsa finka Sur, ba Sidon akyan gbogbo numa pajukun baa kiyo ra, beri kyan we ayoke tukpa ki dibe dzu ndé bye tsonpyu pe mikyin fan abu wa bababe jinni ra. ¹⁴ Mna dan yini kara Anyunu waa Cidon ri fo kwen’a ra, kuri hwi pajukun baa ki Sur ba Sidon kani ani pajukun baa ki Ko rasinu ba Baitaseda! ¹⁵ Ani pajukun baa ki Kafarnahum pa; nina con ní ndè cinni ki don yaya ki hwa cucu? Beri honi nya yaya ki jinni ki fin pyu ki kindo." ¹⁶ Yesu dan yi abe pajukun baa ku gbebe kyon ra danra, "Apa wama gon tson fo ajini, ku fo ajimi hun. Apa wama nghani ku nghami hun. Apa wama nghami ku ngha Cidon wa tson mi bi ra hun." ¹⁷ Pajukun dipa tsara kyadzwe hora kasen bi ki bye Yesu ba cucu wa cucu danra, "Cindo, pajukun baa ci ba awo wa baba ki cinbe ra, ima nya awo baaji nde ba zen u numa, be fo tson’i foji wana pwadzudzu ki cin bu pajukun baaji!" ¹⁸ Yesu dan yibe danra, "M mbyà Shetan dzu ki hwadon dzu ta jinni ci tsadzu acù vyinzo. ¹⁹ Wezo ní mbyà anyo, ba anē baa ci ba akyan hora m yini gben waa ní tebe abe ki cin. M yini agben waa ní te Shetan abe ki cin, abu dzun ri tsaani ba. ²⁰ Ama niká cu cucu ki cin waa awo baa baba hora na pwadzu ki cin bu pajukun raba, ama ní mbu mikyin ki cin waa be ho zenni ta so ki fin Afa wa ki ndo Cidon ki don." ²¹ Dede wakara Yesu mbu mikyin suu numa ki bye Denden bu Cidon ku danra, "Ata, Cindo bu abye wa ki don ba bye wa ki jinni, m mbu mikyin suu numa yiu, ki cin waa u ho abu baakara yu pajukun baa sen yi, ba pajukun baa byenzo, ama u ho tà yi pajukun baa cibe ba ayì ba. Ata numa ra wakara ciri abu wa we hwan u hun. ²² "Koke kata Atami ba yimi ki vo, Apa dzun wa yì Nwu waji baani, se Atami waji. Apa wa ka yì Atami waji baani se Nwu waji, ba pajukun baa mma con m ta yibe Átami waji." ²³ Yesu vyin pukan zoa ya bye abe fotson’a numa, ku byu byubyu dan yibe ridan numa danra, "Azo baa ma mbyà abu baa azoni mbyà ra, Cidon ku kwanbe kiyo. ²⁴ Mna dan yini aji wajinderi kara, pajukun baa da adon bu Cidon, ba abe akù akù suu numa nya jiji be du abu baa ni mbyà hora mbyà, ama be mbyà kabe ba, be nya jiji be du aji baa ni fo ra fo tsonbe, be du kabe fo ba." ²⁵ Baco dzun wa sen yì suu numa ki fin Afa bu don bi ken mbafo Yesu. Ku mbye Yesu danra, "Cindo, mri bi tsanini hunnu jiji m du cindi wa ci ken ken?" ²⁶ Yesu mbyeku danra, "Abu waa be ta so fin Afa bu Musa ra ci kake? Una hwèn aji buu waji nini?" ²⁷ Baco waji dan ra, "Cidon danra, ’U con Cindou Cidon dzwadzwa ki fin mikyin u kata, ba cindiu kata, ba gben u kata, ba cinnau kata, u con ko kani kata ci tsadzu waa una con diu ra.’" ²⁸ Yesu dan yiku danra, "U dan coa, u ya tsa numa, uri du cindi wa ci kenken." ²⁹ Ama baco waji na con ku ta dia danra, ku cia apa wari tsa abu wa baba ba, ku mbye Yesu danra, "Akani ciri jo ndomi?" ³⁰ Yesu dan yiku danra, "Apa dzun do ki Urushalima na ya ki Jeriko, ku ya dzu bwan vo bu baa gbanco. Be panku pen fye ho tukpa ki dia don kata, be daku gba dada tira numa tenku fo, fanku te nu aki. ³¹ Avon dzun dzwa nyaco waji numa nabi, waa ku wezo mbyà apa waji numa ku kyo nyaco hwaku ki jinni dzu kyakya ki bahun ya dia yo fanku ta bye. ³² Apa dzun ki fin atsu bube Lawi baa ri tsa butsobe ki tan wa wa Cidon. Ku dzwa tiri nyaco waji numa bi, waa ku ya fen apa waji jinni numa, ku kyo co taku ki jinni dzu kankan ya dia yo. ³³ Ama apa dzun wa ki Samariya dzu nyaco waji na ya kyon du. Waa ku bi zan ki bye waa apa ra tana yo ra, ku wezo mbyàku numa cici tsaku, ³⁴ Ku bi ki byea ku paku byu ba jape anab ki dia, kpon be tsukenku ba adonbu, Ku wòre apa waji sen cin jakyia ndeku ya ka ki ndo kyon na daku do. ³⁵ Nakyabyea ku yi zhenzhen baa na tsa butso ki bye waji ra asho pyinna, ci vo kwinbe hun. Ki nyaken wakara ku ya du wa sen ndo waa ku ka kyon ki ndoa ra danra, ’Ú wemi zo ki di bu apa wakara sansan, avò waa uma bwan ki cin’a kata ma nwādzu ba wakara, mma ka sen bira mri hwau.’" ³⁶ Yesu mbye baco waji danra, "Apa wa kara wa dzu bwan baa gbanco ki vo ra, akani ki finbe tsara hora, u mbyà danra, ku ta apa wakara con?" ³⁷ Baco waji danra, "Apa wa ta yiku con ra, ci apa wa tsazaku yo ra." Yesu dan yiku danra, "Au ma u ya tsa numa." ³⁸ Dede waa Yesu ba abe fo tson’a na kyen ki da ki da na kyen ra, be ya zan ki da dzun numa Yesu shon ba awuwa dzun waa beri baku dan Marta, ku panku ka kyon ki ndoa panku vo pyinna ba nwuzaa wa wuwa dzun beri baku danra Mariyamu. ³⁹ Mariyamu bi tuci ki pyen bu Yesu na gon tson fo abu wa fyenfyen’a. ⁴⁰ Ama mikyin bu Marta tsaba jinni kata ki cin waa butso hweku ki di kagben. Se ku bi ki bye Yesu ku dan yiku dan ra, "Cindo, waa nwuzami she fan butso bàmi ki vo bi ci bau kire ra vyau vyavya? Gbagba, u dan yiku ku do don bi tsazami butso yo." ⁴¹ Yesu baku nde dzwa pyin na kata danra, "Marta ù dzodi, akyin u ki don kata tanma. ⁴² Ábu dzun ci kiyo wa san kari waa apa ku nya, Mariyamu nya du abu waji wa san kari rara. Apa dzun wa ken wa gbe fyere ku yo don baani."

¹ Anyunu dzun Yesu ya ki bye dzun yana vo Cidon, waa ku vo vinni Cidon numa, adzundzun ki fin fotson’a hora voku danra, "Cindo andi Yohan na fyen tà yi abe baa bàku hora Cidon wa vovo, ai ma, ú fyen tà yii du." ² Yesu dan yibe danra, "Ayo waa nima ribi vo Cidon ra ni danra, ’Atai Ata Cidon wa ki don, i yi zen u hwe Atson u ku bi. ³ U ga bujui wa jinna ba wa kyen yii. ⁴ U fan abu wa babai yii tsadzu waa ai fan abu wa baba yi pajukun baa tsai abu wa baba hora. Ka hoi ya ki bye atswe bu Shetan ba.’" ⁵ Yesu dan yi fotson’a hora dan ra, "Bé danra apa dzun ki finni ya ki ndo joa ayotsu dan yiku danra, ’Ayoo gbagba, u yimi agan bu borodi kwan dzun tsara numa. ⁶ A jomi dzun bi kami kyon tanma tanma numa ki ndo m dumi abu dzun wa taku kyon baku ba!’ ⁷ Bé danra ajou waji ci fin tan dan yiu danra, ’Ka bàmi ba! M tsuken nyakyon gbogbo numa ra, ami ba bazhenzhenmi kata ina nana tan ma. Mri do kami don pwadzu bi yiu abu dzun ba!’ ⁸ Nī mbyà nini? Mna dan yini ko waa ku hwaa ce bu ajoa jiji ku do don ku yiku bara, ki cin waa ku ci ajoa ra kuri do ki don ku yiku koke kata waa kuna con, ki cin waa ku pan’a tsenni waa ku foji abu waji wa vovo tson tò kiyo ba. ⁹ Ci numa ra mna dan yini, ní vo beri yini, ní nya niri du, ní da vo ki nyakyon, beri pofanni yo. ¹⁰ Ko apa wani wama nya kuri du, apa wama da avo ki nyakyon beri pofanku yo. ¹¹ Akani ki finni wama ci ata nwu, anwua ma voku borodi yo, kuri yiku bàn? Ko ku voku aje yo, ku yiku anyo zanu bu aje? ¹² Ko ku voku kyenkwin yo, ku nde anē paku ki vo? ¹³ Ani waa ni ci pajukun baa tsa abu wa baba nima yi san hwan wa yi bazhenzhenni fyin mbye Ata Cidon waa ku yi pajukun baa ri voku ra Denden bu Cidon?" ¹⁴ Anyunu dzun Yesu kan dzu awo wa baba dzun wa yi anū bu apa tsuken jinni pwadzu. Ki nya ken waa awo wa baba ra pwadzu ra apa waji na zen aji. Pajukun suu numa nwobe ken jinni. ¹⁵ Ama pajukun badati ki finbe danra, "Akù bu awo baa baba waa beri baku danra ’Ba’azabul’ ra yi Yesu gben ri jiji ku kan dzu awo baa baba kiyo." ¹⁶ Badati ki finbe na ken mba foku jiji ku tsa abu dzun wa kyahozo dzun wari tà danra avo bu Cidon kiyo. ¹⁷ Ama Yesu yì abu waa bena ga ki fin mikyinbe ranu. Ku dan yibe danra, "Ko akù wani waa pajukun bua ma gafan dibe ndo pyinna mana ze dibe atswen waji ri tsaa cin ba. Ando waa pajukun baa kiyo ma gafan dibe ndo pyinna mana ze dibe ando waji ri gban gafanfan nya cincin. ¹⁸ Ando bu Shetan ma gafan dia ndo pyinna mana nuken ba dia, tsanini tson’a ri byendi? Nī dan ra akù bu Shetan Ba’azabul yimi ri gben mna kan dzu pajukun awo wa baba ki cinbe. ¹⁹ In ma ci numa ajinderi danra, mna kan dzu pajukun awo wa baba ki cinbe ba gbentsòn bu Ba’azabul, bandoni na kan dzu awo wa baba ki cin bu pajukun ba gben tsòn bu kani? Abe ba dibe ciri pajukun baa ri gafan azo aji waji. ²⁰ Ama Cidon ma pan vo ri kiyo hunnu mna kan dzu awo baa baba hora, atson bu Cidon gbàn zan ra ki byeni ra hun. ²¹ "Dede waa apa wa ci ba gben ma ho tswén bufoa mbe voa, mbyā dia mbyámbyà pantse na kon ndoa abu dzun ri goa tswén wa ki ndoa riba. ²² Ama apa wa gbān kaku ma dzu bi senku ki di, ma jiku ken, kuri fye hore tswén bufo baa ku kyan ci babe na caco ki cinbe hora, kuri fye ho dukyaa kata gafan jinni. ²³ Apa wama baani ki byemi ku ci wazemi. Apa wama hoa pajukun bi kwan bye dzundzun bàmi ba, kuna dagban fanbe na nyanya ki hun." ²⁴ Yesu danra, "Ayo waa awo wa baba ma pwadzu ki cin bu apa kuri nya abye wa nwenwe jiji ku ya ngha nwo kiyo. Kuma dua abye waa ku ngha nwo kiyo ba, kuri dan ki mikyin’a danra, mri kasen ya ki ndomi waa m ndi dzu yo bi ra, m ya ciyo. ²⁵ Se ku kasen ya ki ndoa waji ku ya du ndo waji be za nyere ku kata, a mbyāsan vinni ku ra. ²⁶ Ku ya nya pan awo baa baba badati kwan dzun tsupyen baa bakaku, bi baku ci bye waji. Tanma ra apa waji bākā waa ku ndi ci kapyen rari." ²⁷ Dede waa Yesu na dan yibe aji wakara numa, awuwa dzun ki fin pajukun suu numa zen aji ba gben numa danra, "Awuwa wa nyefin mbau, a yiu janmyi u ma ra, Cidon ku kwanku kiyo." ²⁸ Ama Yesu dan yiku danra, "Ko kani kata wama gon tson fo aji bu Cidon ma tsa abu we hwan bu Cidon ndafan jinni ku fo vya kari!" ²⁹ Dede waa pajukun kwan mu ki bye dzundzun ki bye Yesu ra, ku dan yibe danra, "Pajukun baa tanma hora be ci pajukun baa baba, bena nya be mbyà abu dzun wa kyahozo wari ta yibe danra avo bu Cidon kiyo, ama mri tsami abu dzun wa ta numa ba, ma nwādzu ba waa Yunana ndi ta yibe rara. ³⁰ Ci tsadzu waa abu wa kyahozo ndi tsa ki cin bu Yunana pajukun baa ki Nineveh mbyà abutso bu Cidon ba azo dibe, ci numa ba Nwu pajukun ki bye pajukun baa tanma. ³¹ Andi akù wa wuwa dzun wa dzu ki nyunupon nana numa bi ki bye akù Solomon jiji ku fo aji wa ci ba zobyen ki nua. Anyunu wa kennu waa Cidon ri fo pajukun kwen ra, awuwa waji ri do ki shimbi pwadzu ba pajukun baa tanma, aji waa awuwa ra ri dan ra, ri be zo bube. Ní mbyà apa wa tsa abu ka akù Solomon bi ra. ³² Anyunu wa kennu waa Cidon ri fo pajukun kwen ra, pajukun baa ki Nineveh ri do don pwadzu ki shimbi ba pajukun baa tanma, aji waa pajukun baa ki Nineveh ri zen ra, ri be zo bu pajukun baa tanma, ki cin waa pajukun baa ki Nineveh ndi fo aji bu Cidon ki nu bu Yunana fan abu wa bababe jinni pukan mikyinbe kasen bi bye Cidon. Ní mbyà apa wa tsa abu ka Yunana bi ra!" ³³ Yesu danra, "Apa dzun baani wari mu pyù nde akwe beku bà jinni, ama kuri nde so ki cin atswà jiji ku yafan pajukun bye ki tan. ³⁴ apyù wa ki diu ci ngyi zou, abu dzun ma daa ki zou ba, adiu kata ri ci zo bye wa yafan jinni numa. Ama zou ma ci zo wa baba, adiu kata ri ci azo afitse gyu numa. ³⁵ Ci numa ra, u tsa sansan jiji abyeya wa ki diu ra kúká kàn afitse ba. ³⁶ Adiu kata ma ci azo bye wa yafan jinni kata abye dzun ko titi numa ma baani ki bye afitse, ribi yafan bye jinni dzwa kini kata ci tsadzu waa apyù ri yafan bye jinni ba gben’a kata dzwau ki di ra." ³⁷ Waa Yesu dan vinni aji numa Bafarisi dzun baku nde ku ya gban zoza ki ndoa baku. Yesu kaya ki ndoa ya tuci jiji ku ji buju baku. ³⁸ Waa ku mbyà Yesu tsoa voa bá foji buju wa jiji numa ra, anwoa ken jinni. ³⁹ Yesu dan yiku danra, "Ani Farisawa, nina tsonye gan nyaken bu azan ba akwe kata, ama afinni ci azo abu wa baba ba nwe wa mwamwa numa." ⁴⁰ Ani ci pajukun baa jeje! Aku Cidon wa mà bye nya ken ra, ku màa bye wa ki fin ra riba? ⁴¹ Ní ho buju wa ki fin azanni ba kweni hora yi pajukun baa tsa hwen, numa ra kokeni kata ri ci nyenye numa ki byeni. ⁴² "Ḿm̀ hunni! Farisawa, abó, ba adón, ba jebyo badati hora nima kpón dzwe nina ten kpon dzun dzun kiyo wa Cidon, ama nina tani pajukun abu ndafan jinni ba, ni cini ba acon bu Cidon ki mikyinni ba. San kari ni mbyāsan mikyinni, butso baa sansan baa nina tsa ra, niká fan bè jinni ba. ⁴³ Ḿm̀ hunni, Farisawa hora! Ki fin tan wa fyen buni hora nina cé byecu wa ki pyen na ci yo, Ki pyín ndo akù nina con pajukun be nàni jen be yini hwe. ⁴⁴ Ḿm̀ hunni! Ni ci tsadzu ashimbi waa pajukun na kyenkyon ki cin’a be yibe waa ci shimbi ba." ⁴⁵ Adzundzun ki fin baco baa ri fyen tà yi pajukun aji bu Cidon ra dan yi Yesu danra, "Manu, ki bye ajiu waa una dan kara una sinnii sinnini hun." ⁴⁶ Yesu danra, "Ani baco baa na fyen pajukun aji bu Cidon hora du, Ḿm̀ hunni! Nina tse tswan tswen ndanda ndanda numa na ngye pajukun ki cin, ama ani ba dini zenni nde ko titi numa ni hwabe avo kiyo ba, ⁴⁷ Ḿm̀ hunni! Bayakuni ndi bwan pajukun baa da adon bu Cidon, ani ni ho aban na myi sen dn mbibe waji. ⁴⁸ Ani ba dini ni yinu byenbyen numa waa bayakuni bwanbe ri. Ni zen nde ba abu waa be tsa ra, nina myi san dn mbi bu baa da adon baa be ndi bwan ra. ⁴⁹ Ki cin wa kara Cidon wa ci ba ayì danra, ’Mri tson pajukun baa da adon ba fotson ya yibe, badati ki finbe beri bwanbe bwanbwan, badati beri tabe fyin.’ ⁵⁰ Asa bu pajukun baa da adon wa ndi we ki jinni ra, abwibe panna pajukun baa tanma ki cin. ⁵¹ Pan avo ki cin bu Habila ba Zakariya waa be ndi bwanku ki yoba bu kyènkyèn ba fin tan wa nyenye ra, mna dan yini ajinderi Cidon ri tsò kwen nube ki cin bu pajukun baa tanma. ⁵² "Ḿm̀ hunni, ani baco hora baa na fyen tà yi pajukun aji bu Cidon! Ni ho abu wa po nu nyakyon waa apa ku yi aji bu Cidon so voni, ani ba dini ni kayani kiyo ba, nikà nghani wa pofan pajukun baa na con wa kaya ra, be kaya." ⁵³ Dede waa Yesu do ki bye waji ra, abe Farisawa, ba baco baa ri fyen tà yi pajukun aji bu Cidon ra, zen aji tsaba Yesu baba numa. Bekà mbyeku aji ki cin abu badati suu numa. ⁵⁴ Bena nga be tswaku tswe jiji aji dzun ku fyen dzu ki ndea numa be panku.

¹ Ki bye ayo wakara pajukun suu numa ho dibe bi kwan bye dzundzun, bena pi dibe na te dibe abe. Yesu ka pyen jo nwo aji wa zenzen ba abe fotson’a hunnu danra, "Ní wa dini sansan ba tswi nwe bu Farisawa waa beri ta aban nde vo yu nyaken ra. Be ci tsadzu abu waa beri nde we ki bye mbu borodi ri yiku nde fu ra. ² Abu dzun wa yu kuku numa ci waa anyunu dzun beri fubeku ta myi ba baani. ³ Ci numa ra ko aji ke kata waa nima danku ki fin tsū pajukun ribi foku fofo kata ki bye wa yafan jinni van numa. Aji waa nima te nyakyon tsu yo byu byubyu ba dini zen ki tan atson abá foa ba, atson kwin foa ba, beri bi foku ki ti gbuu numa. ⁴ "Ani bandomi hora, niká zin zin bu pajukun baa ri bwan dini ba, ki nyaken be cibe ba abu dzun wa tsatsa riba. ⁵ Ḿ dan yini apa waa ní zinzin’a ci Cidon. Ku ci ba gben waa ku bwanni kukà ci ba agben waa ku honi nyaya ki fin pyu wari den’a jinni ba. Mna dan yini ku ciri apa waa ní zinzin’a hun! ⁶ "Beri hobe aja tswanna ri hwen ki cin kobo pyinna ba? Ama ki finbe Cidon ri mujia ba ko dzundzun tori numa kiyo ba. ⁷ Ama buni ko ajin wa ki cinni ma Cidon hwènbe hwènhwén so. Ci numa ra, niká zinni azin ba, ki cin waa ahwèni ka bu aja ri nana numa. ⁸ "Mna dan yini ko kani kata wama dan aji ki cinmi yi pajukun fo danra ku ci apa bumi, Nwu pajukun ri dan aji ki cin’a ki byeya numa ki pyen bu zhentsōn bu Cidon. ⁹ Ama ko kani kata wama tson nutson ki cinmi dan ra ku yimi ba, Nwu pajukun ri tson nutson ki cin’a ki pyen bu zhentsōn bu Cidon numa, mri danra, m yimku ba du. ¹⁰ "Ko kani wama zen aji wa baba ki cin bu Nwu pajukun Ci don ri fan abu wa babaa ri yiku, ama apa wama zen aji tsaba Denden bu Cidon, Cidon ri fan’a abu wa babaa yiku ba. ¹¹ "Anyunu waa bema honi ya ki pyen bu baco baa ki tan wa fyen abu bu Yahudawa hora, ko abe akù ba baco baa sen tswen baa ni ki vobe, niká geni kyin ba. Niká danra, Iri bi dan dan kere? Iri bi dzuni re’ ba? ¹² Dede wa ci kara Denden bu Cidon ri dan yini tswi aji waa ni ya dan." ¹³ Ki fin pajukun baa kwan ki bye Yesu ra, adzundzun ki finbe dan yibe danra, "Cindo, ú dan yi nwuzami danra, í gafan tswen baa atai hu fan soi yo ki nyaken ra." ¹⁴ Yesu dan yiku danra, "Apa, akani ndemi ri so apa wa ga akwen, ko apa wa gafan azo aji bu ayepye wa ki yobani?" ¹⁵ Kukà dan yibe kata danra, "Ní wa dini sansan niká ngingi bu abu ba. Ki cin waa ko apa wama ci ba abu ki voa suu numa kúká soa hwan danra, cindia ri dzu bye abu waa ku ci baku ki voa ra ri dzu ba." ¹⁶ Yesu ka dan yibe cinna bu aji dzun danra, "Apa dzun wa ci ba abu ki vo, buju sanku ki da suu numa. ¹⁷ Kuna ga aji ki fin mikyin’a danra, ’Mri bi tsanini kara? M dumi bye waa mri ben bujumi we yo ba.’ ¹⁸ Ku danra, ’Abu waa mri bi tsa baani, se mri bi dagban venmi hora we jinni m myi baa kwan ka baakara, jiji m du bye wa ho bujumi ngà yo, m ho tswenmi badati so yo. ¹⁹ Mri dan yi dimi danra: En hen, tanma m ci apa wa sen bu ki vo, m ci ba buju wari panmi ya zan aju suu numa ki pyen kire. Mri ngha nwo, mri ji, ri wa, mri tsa abu wani kata wa vya hwanmi waa mri con!’ ²⁰ Ama Ci don dan yiku danra, ’Au apa wa jeje! Ki fin tsu wa jinna ra, mri nde cindiu, abu baa u ho konso hun hora kata uri fan yi kani?’" ²¹ Yesu danra, "Ci numa apa wama du abu ki vo, ho so jiji dia ra, ki bye Cidon ku ci apa wa tsa hwen." ²² Yesu dan yi abe fotson’a hora danra, "Ci numa ra niká we bonban ki cin buju wa jiji danra iri bi ji ke, iri bi wa ke re ba, ko iri bi dui tukpa kini dze dii re bá. ²³ Cindi bu apa kari buju, adi bu apa kari tukpa, ²⁴ Ní wezo ni mbyà anyi wa pen don, be nàbe ada ba, be babeni ba agè wa so buju ama Cidon yibe na ji, bena wa, Ani hweni ka abu nyi ri! ²⁵ Ki finni apa dzun mana we hwan danra, kuri huhu ra, azin waa kuna zin ra, ri kpa nyunua ya pyen? ²⁶ Nima kenni waa ni tsaka abu dzun wa titi numa ba, ake tsari nina we hwan ba azin wa zinzin ki cin abu badati. ²⁷ ní wezo ní mbyà ambyì hin ki hwan waa bena hwe ra, beri tsabe fyin kwà tukpa webe ki di ba, beri tsabe butso dzun ba. Ama mna dan yini ko akù Solomon kwan ba yàkū abè waa ku ci baku ra, ba tukpaa, ba adi wa mbyámbya bua kata, ku san’a mbamba ko dzundzun ki fin ambyì hin hora ba. ²⁸ Cidon mana mbyāsan ambyì hin ki hwan ri yi adibe ci zunzun numa wa mbyàmbyá, ambyì hin wa ci sansan numa ki zo jinna, a kyen ku nwe tsaba jinni be mu gbeku taya ki fin pyu, fyin mbyeni ani pajukun baa wajinderi ken’a ni ba? Ci don ri mbyāsanni adini yo ka bu mbyì hin hora ri. ²⁹ Ci numa ra niká we bonban ki cin abu waa niri nya ri ji nuni, ba abu waa niri nya ri wa nuni ba. Niká gaf an mikyinni pyinna ba. ³⁰ Pajukun baa yibe Cidon ba na nya abu baakara na sunsun kiyo, ama Cidon yi mikyinni nu waa nina con abu baakara du. ³¹ Ama abu wa san kari ciri ni kapyen nya ndo tsòn bu Cidon ki don hunnu bé hun kwanni abu badati baa nina nya ki nyaken." ³² Yesu danra, "Niká zinni azin ba, ani abi bu pajukun baa titi wakara, ki cin waa Ata Cidon ri mbu mikyin suu numa waa ku yini Ndo tson’a. ³³ Ní ho tswenni hwenji kata ni ho abèa yi pajukun baa tsa hwen. Ní mbyāsan ashuku wa sansan numa wari yàa ba so dini yo, ni ho abèni konso yo ki don sansan numa ki bye waa avyú ri zan kaa kiyo ba. Apī ri ji tsaba kaaku ba. Abèni ri ci don ki byeri ri vin’a jinni ba. ³⁴ Ki cin waa abye waa u ho tswen u so yo ra mikyin u ri ci gban yo. ³⁵ "Ní da akapyoni gangan numa pantse ba pyuni ki vo na ji pyù. ³⁶ Ni ci tsadzu zhen nya baa ci na nwe cin bu wa sen ndo wari kasen dzu kyon ribi ra. Dede waa kuma bi zan ra, kuma da vo ki nyakyon, beri pofanku nyakyon yo mwa mwa numa. ³⁷ Dede waa wa sen ndobe bi dube bena nwe cin’a nwenwe ci bazoa, be nabe ana ba ra, kai! be ci ba mikyin wa mbu mbu. Mna dan yini wa sen ndo wakara ri da dia kapyo gan numa ri gbebe tuci cin atswà, kuri tsa buju ba dia yibe ji. ³⁸ Ko kuma kasen bi ayotsu, ko kuma bi akwin da ndekuto, kuma bi du anya hra ci na nwe cin’a numa, beri mbu mikyin. ³⁹ Ama ní yinu sansan, béma danra wa sen ndo ri yì ayo waa avyú ribi ndoa nu, kuri mbyā dia nwe nwo nwenwe ci, kuri zen’a nde yi avyú dagbanku ndo kabi vyiku vyú ki ndo ba. ⁴⁰ Ci numa ra, ni nwe nwo nwenwe ci, ki cin waa Nwu pajukun ri kasen bi ayo waa ni soni hwan ki dia danra kuri bi ba." ⁴¹ Bitrus mbye ce danra, "Cin do, cinna bu aji waa una danra, una dan bai vinni re, ko una dan ba pajukun kata?" ⁴² Cindoi Yesu danra, "Anya wajinderi wari tsa butsoa byenbyen numa ndafan jinni ci kani? Ku ciri apa waa wa sen ndoa ri ba ndoa yiku ki vo, kú weku zo kiyo, ku kana yi zhen nya badati bujube ki bye ayo wa mbamba tiri. ⁴³ Anya waji ma tsa butsoa sansan numa wa sen ndoa ma bi duku kiyo anyunu waji ri mbuku mikyin! ⁴⁴ Mna dan yini aji wajinderi cin doa ra ri ba tswén badati baa ku ci baku ra ri yiku ki vo. ⁴⁵ Ama anya waji ma ga ki fin mikyin’a danra, ’Cindomi ri bia mwamwa ba’, kuma pan anya bawuwa ba bawunu ba agba foji wana dada, kuma na ji, kuma na wa pyen, ⁴⁶ anyunu waa anya waji soa hwan ki di bu cindoa danra kuri bi bara, se ku bi gbànku gbàn gbàn ki jinni tsa pwi dzwa dzun dzun ki bye ayo waa ku yia ba, Cindoa ri ge sha gafanku jinni nyaya ki fin pyu ki bye waa pajukun baa yibe wajinderi ba ri ya ci yo ra. ⁴⁷ "Anya wama yì abu waa cindoa na con ku tsa, kuma soa cin kiyo tsa abu waa cindoa dan ku tsa ba, cindoa ribi taku fyin suu numa ba akpan wa dada. ⁴⁸ Ama anya wama yia abu waa cindoa ri con ku tsa ba, kuma tsada abu dzun wa fye waa be daku akpan, beri daku akpan vo pyinna numa. Apa waa bema yiku abu suu ciri apa waa beri nya abu ki voa hwe kari. Apa waa bema ka yiku abu suu numa ki vo hwe kari kata, be kari nya abu ki voa hwehwe numa kari kata. ⁴⁹ "M bi ki fin tswen ki cin waa jiji m dzo pyù kiyo. Mna pya danra apyu waji kuri kyan se gbogbo numa! ⁵⁰ Mri du batisma dzun, mikyinmi tutu numa ya zan anyunu waa abu waji nwa dzu ra! ⁵¹ Nina ga danra bibimi waa m bi ki fin tswen kire ra ki cin waa jiji pajukun be du mikyin wa we jinni? M dan yini danra cia numa ba, ama m bi wa gafan pajukun nya cincin. ⁵² Nde kire ya pyen pajukun ma tswanna ki fin ndo dzundzun atsara ri ze apyinna ki finbe, apyinna hora kari ze atsara hora. ⁵³ Abe ata ri ze bazhenzhenbe bawuwa, bazhenzhen bawuwa kari ze abe atabe. Abayo ri ze zhenzhenbe bawuwa, zhenzhen bawuwa kari ze bayobe. Ayo bu nwu wa wunu ri ze anwua, ayo bu nwu wa wunu ri ze awa bu nwua, awa bu nwu wa wunu kari ze ayo bu nua." ⁵⁴ Yesu ka dan yi pajukun suu numa danra, "Nima mbyà ana ndi dzu anyuzota nabi numa, mwamwa numa niri danra, ’Acù ri tata’. Acù ta ajinderi. ⁵⁵ Awo ma sa dzu mudu nabi numa niri danra, ’Byetu dzwa ra!’ Ci numa ajinderi byetu bi dzwa hwehwe numa. ⁵⁶ Ani pajukun baa ta aban nde vo yu nyaken hora! Nī pan yi aroho bu abu wa ki hwa don, ba abu wa ki jinni, ama ake tsari ni pan yini aroho bu bye myi wa tanma ba? ⁵⁷ "Ake tsari ni nghani wa mbyà yi abu wa sansan ba dini ni tsa? ⁵⁸ Apa wama con ku dzwa kwen u, kuri nde kwen u ya dzwa tan kwen. Avo waa ni ngha ya zanni ki tan kwen raba, u nga ni ban vyon ba dini, ki cin waa kuká ndeu ya ki pyen bu apa wa fo kwen ba, apa wa fo kwen ma ndeu yi dogori ki vo, kuri ndeu ya tsutsu ki tan. ⁵⁹ Uri pwadzuu kiyo ba, se uma hwa vinni abè bu kwen waa be ge yiu ra hun, m dan yiu."

¹ Dede wa ci kara ki fin pajukun suu numa pajukun badati kiyo dan yi Yesu aji ki cin bu pajukun badati ki Galili baa Hiridus bwanbe ki bye ayo waa bena tsòn abu na wa Cidon ki vo numa. ² Yesu mbyebe danra, "Buni ki byeni nina ga danra pajukun baa be bwanbe ra, ábu wa bababe kari abu pajukun badati baa ki Galili hunnu be wa tswi fyin wa kara hwe numa ra? ³ Cia numa ba. Mna dan yini nima pukanni mikyinni bi bye Cidon ba, niri hu tsaba nya hwan numa ci tsadzu waa be hu ra. ⁴ Mna con m kyep anni aji dzun yo. Pajukun dzwe nwa tsuntsa ki Siluwan baa kacuru hun bwanbe ra. Nina ga danra abu wa dube ra abu wa bababe hwe kari abu pajukun badati ki Uru shalima? ⁵ Cia numa ba! Ani ma nima vyin pukanni bi bye Cidon ba, niri hu tsaba jinni nya hwan numa tsadzu waa be hu ra." ⁶ Yesu dan yibe cinna bu aji wakara danra, "Wa sen da dzun zhen hin tin ki da ndoa. Anyunu dzun ku ya ki da waji ya nya nwa hin bu tin waji, ama ahin waji nwaa ba. ⁷ Se ku dan yi apa wari tsa akpenju ki da waji ra danra, ’Ú mbyà aju tsara tanma mna bi kire jiji m pya nwa hin ra ama m dumi ko dzundzun numa kiyo ba. Ú ge kenku taya hun. Ku ci te tsuken bye azota numa abu ke?’ ⁸ Apa wari tsaku akpenju ki da waji ra danra, ’Wa sen ndo, ú fanku jinni aju wakara hunnu, mri kashi ki nwoa vyin pukan jinni m za myi byín we nwoa, ⁹ jiji i mbyà, aju wari bi ra kuma nwa san, kuma nwaa ba hunnu ú dan yimi m ge kenku taya hun.’" ¹⁰ Anyunu wa ngha nwo dzun bu Yahudawa Yesu na fyen tà yi pajukun bu ki tan wa fyen bu. ¹¹ Awuwa dzun ci kiyo ba awo wa baba ki cin’a hwa denku wa kyen kyon ki don. Ku na jinni numa zan aju dzwe nwa tsuntsa. ¹² Waa Yesu mbyàku numa ku baku nde danra, "Awuwa, adou fan u jinni ra." ¹³ Ku nde voa senku ki cin, mwa mwa numa awuwa waji gban ra, ku nya zen bu Cidon. ¹⁴ Baco wa ci cin bu atan wa wa Cidon ra ngongo ki cin waa Yesu nwàdzu apa ki bye anyunu wa ngha nwo be. Se baco waji dan yi pajukun danra, "I ci ba anyunu shizhen wa tsa butso kiyo, nima con wa nwà dzu ki bye adoni, ni bi ki fin anyunu shizhen ra. Ama anyunu wa ngha nwoi ra cia anyunu waa ni nwàdzu ki bye adoni ba." ¹⁵ Ci ndoi Yesu danra, "Ani pajukun baa ta aban nde vo yu nyaken! Apa dzun ki finni ri fenfan’a anaa ko jakyia ki pu ku gbeku ya wa jape anyunu wa ngha nwo ba? ¹⁶ Nwu wa wuwa wakara ci nwuda bu Ibrahim fa, Shetan tseku ba ado hwa jinni zan aju dzwe nwa tsuntsa. Waa m fenfanku jinni ki bye ajù wakara anyunu wa ngha nwo ra, san’a ba?" ¹⁷ Waa ku dan aji wakara numa pajukun baa na zeku horá tsenni panbe, ama pajukun kata mbu mikyin ki cin butso baa ci ba hwe waa kuna tsa ra, ¹⁸ Yesu mbyebe danra, "Atsòn bu Cidon dzu kake? M kari nde ku hwa ba kake? ¹⁹ Atsòn bu Cidon we dzun ba ngyi hin dzun waa beri baku danra mustad waa apa nde ya tà da ndoa. Dede waa ku tà ra ku hwe za vo, anyi baa pen don bi wena yo." ²⁰ Yesu kana mbyebe aji dan ra, "Mri nde tsòn bu Cidon ri mba ba ke? ²¹ Atsòn bu Cidon we dzun ba yist abu wari nde mbu, waa wuwa ma nde we ki fin ambu ambò wa mba bu atsara bu mbu borodi ri hwa yi ambu waji ri ndende kan wa hwehwe suu numa." ²² Waa Yesu naya ki Urushali-ma ra, kuna kyenkyon pwadzu ki finka ba ki da ki da baa ki nu nyaco, kuna fyen pajukun bu. ²³ Apa dzun mbyeku danra, "Cindo, pajukun baa ri nwàdzu hora kenbe ba?" Yesu dan yibe danra, ²⁴ "Ní nga ni pi kadzu nu nyakyon wa pipi ra, mna dan yini aji wajinderi pajukun ri con be pi kadzu yo, ama beri tsakabe ba. ²⁵ Ki nyaken waa wa sen ndo do don ya tsuken nyakyon ra, ani pajukun baa pantse myi na da vo ki nu nyakyon ra, niri baku nde danra, ’Cindo, ú pofan’i nyakyon yo!’ Kuri dan yini danra, ’M yimi abye waa ni dzu yo bi ba!’ ²⁶ Ki nyaken wakara niri dan yiku dan ra, ’Ai bau ji dzun, i bau wa dzun, ù kabi ki finka bui fyen’i abu kiyo!’ ²⁷ Kuri dan yini ra, ’M yimi abye waa ni dzu kiyo bi ba! Ani ci pajukun baa tsa abu wa baba kata, ní gadi bami!’ ²⁸ Anyunu waa nima mbyà Ibrahim, ba Ishaku ba Yakubu, ba pajukun baa da adon bu Cidon ki don. Ani beri kanni pwadzu ci myi ki bye wakara niri ku ndekuto dzwan nyi. ²⁹ Pajukun badati ri dzu ki nyunupon, badati ri dzu ki nyuzota, badati ri dzu ki rike, badati ri dzu mudu ri ka ki ndo Cidon ki don. Abye waa Ibrahim ba Ishaku ba Yakubu ci kiyo ra. ³⁰ Pajukun baa ken niken ri zayo kan pajukun baa kapyen, baa kapyen ri zayo kan pajukun baa ken niken." ³¹ Dede waji Farisawa badati bi ki bye Yesu bi dan yiku danra, "Ú do don kire ya ci bye dzun ki cin waa Hiridus na nga ku bwan u." ³² Yesu dan yibe danra, "Ni ya dan yi agye waji danra, ’Jinna ba akyen mna kan dzu awo wa baba ki cin bu pajukun badati, mna nwàdzu badati ki bye adobe, mri foji bu tsomi wa tsatsa numa ra hun keke se ma zan anyunu atsara hunnu mri hun ri ken nua.’" ³³ Yesu ka dan yibe danra, "Ko waa m dan yini aji waji numa ra, jinna, ba akyen, ba azin, ci ken m pan nyac omi foji akyon wa yaya ki pyen. Ki cin waa m yinu danra apa wa da adon bu Cidon beri bwanbe ku ki bye dzun ba, se ki Urushalima. ³⁴ "Ani pajukun baa ki Uru shalima! Ani pajukun baa ki fin ka Urushalima! Pajukun baa na da adon bu Cidon nina bwanbe! Fotson baa Cidon gbebe bi ki byeni nina tabe aban! Dzwa panna waa mna con m honi kata kwan bye dzundzun ci tsadzu waa ayo kwìn ri gaho bazhen zhen’a kwan bye dzundzun ri gon tsukenbe ba savoa ra? Ama ni zenni nde ba! ³⁵ Cidon ri pu kan nyaken yi finkani ri kan fu ndoko! Mna dan yini kara niri du kani zomi mbyà riba, se anyunu dzun nima dan ba anuni danra, Akū wa kabi ki fin zen bu Cindoi Cidon ra, wa sansan bu Cidon ku kwanku kiyo."

¹ Anyunu wa ngha nwo dzun numa Yesu ya ji buju lri ndo baco wa ciho dzun numa ki fin Farisawa pajukun ho zo dzwa Yesu ki cin gangan numa. ² Apa dzun waa avoa ba abea kata fànfan bi ki bye Yesu. ³ Se Yesu mbye Farisawa hora ba baco baa ri fyen tà yi pajukun aji bu Cidon ra danra, "Àdon bu Cidon zen nde waa i nwàdzu apa wa dà ado anyunu wa ngha nwo, ko ku zen’ande ba?" ⁴ Abye bà nde gyu. Se Yesu nde apa wa dā ado waji bi ku nwàdzuku, ku doku ya kyon’a. ⁵ Yesu dan yi pajukun baaji danra, "Apa dzun ki finni ma ci ba jakyi ko ana kuma kòdzu ta fin ashi anyunu wa ngha nwo kuri doa don mwa mwa numa ku ya can nwaku pwadzu anyunu wa ngha nwo ba?" ⁶ Pajukun hora aji denbe nu. ⁷ Yesu wezo mbyà waa akyòn badati baa be babe bi hora kapyen ya ceho byecu baa ci bu baco baa ndanda ki pyen cibe kiyo, Yesu dan yibe danra, ⁸ "Apa dzun ma báunde ki bye akishe, ka dzodi kapyen ya ce byecu bu baco ki pyen ciyo ba. Ki cin waa dzun tiri ba, ku ba apa dzun nde waa hwea ka buu ri ki pyen nabi tiri. ⁹ Ki nyaken wakara wa sen ndo ku bi dan yiu danra, ’U do don, u fan byecu yi apa wakara!’ Ci numa ra tsenni ri pan u, uri ya nya byecu wa titi ú ken ciyo ri. ¹⁰ Abu wa san kari ciri dede waa apa ma baunde akishe, uma yara u ya nya byecu wa ki nyaken kata ú tuci kiyo. Ki nyaken wakara apa wa baunde akishe ra, ma bi mbyàu numa kuri danra, ’Ayoo, ne nwādzu bi ci don ki pyen kire.’ A hunnu ahweu ri hun mu zo bu pajukun baa kwan na jinni na ji buju bau ki dzun ra. ¹¹ Ko kani kata wama nde cin’a ki don, beri teku yo kan jinni, ko kani kata wama te cin’a kan jinni, beri teku yo so don." ¹² Se Yesu dan yi apa wa baku nde ra danra, "Uma tsa cinkwan dzun ko akishe waa uri tsa buju ú ba akyon nde be bi ji, ká ba bazhenzau, ba bavyon u, ba bajou, ba bajo ndou, ba baa sen abu ki vo, ká babe bi kiyo ba. Ki cin waa ki nyaken pajukun baakara ribi baunde baba du. Ma ci numa be tsa ban ton yiu ra hun. ¹³ Ama uma tsa cinkwan se ú ba pajukun baa ísa hwen hora, ba abe akashon, ba abe agbànzo. ¹⁴ Uma tsa numa, uri du wa sansan bu Cidon, ki cin waa pajukun baakara dube abu dzun ki vobe waa anyunu dzun be baunde ban ton ba. Ci numa ra, pajukun baa ri tsa abu wa sansan we hwan bu Cidon anyunu waa Cidon ri ba dobe ki bye mbi ra, beri pan vokwin wa sansan ki byea." ¹⁵ Se apa dzun ki fin pajukun baa kwanna na ji buju ki dzun ba Yesu ra, waa ku fo aji waa Yesu dan ra, ku danra, "Apa wama ya ji buju ki ndo tsòn bu Cidon ki don, Cidon ku kwanku kiyo." ¹⁶ Yesu dan yiku danra, "Ápa dzun ki tiri wana con ku tsa buju wa sansan numa jiji ku ba akyòn nde hwehwe numa be bi ji buju waji. ¹⁷ Dede waa be tsa mbyà buju be ya ba akyòn baaji nde danra, ’Ní bini ri, be tsa vinni buju kata ra!’ i ¹⁸ Se abe bakyòn bandoa baaji hora ko kani kata na kpa nwo ajinda wa ndanda. Wa kapyen ra dan yi anya ra danra, ’Ami hwēn ada ki vo bu apa dzun ki bye dzun mna con m ya mbyà ada waji, mri dukami nyaco wa bibi ba, gba gba.’ ¹⁹ Wa dzun danra, ’Ami hwēn ana baa nane kwan dzun dzwe, m pwadzu na yaya tanma ra kara, m ya mba fobe m mbyà. Mri dukami apyo wa bibi ba, gbagba.’ ²⁰ Wa dzun danra, ’M gbe awuwa wa ripye ka ndo anyunu pyinna ki kara, ábu wa hwadenmi wa bibi hun,’ ²¹ Waa anya ra kasen ya zan bye cindoa numa ku dan yiku abu baa pajukun hora dan ra. Se cindoa ra ngongo cia wa dandan ba. Ku dan yi anyaa ra danra, ’Ú kasen mwamwa numa ya ki pyín, ba nyaco wa ga pyinna, ú ba pajukun baa tsa hwen, ba akashon, ba pajukun baa hu vo, ba abe, ba agbànzo, ú hobe bi.’ ²² Ki nyaken waa anya ra tsa abu baakara kata numa, ku kasen bi dan yi cindoa danra, ’M tsa vinni koke kata waa ù dan m tsa rara, ama pajukun mu tsukenbe abye raba,’ ²³ Cindoa dan yiku danra, ’Ú ya nyaco kon, ba abyico, ú gbe pajukun bi we ndo jiji ando ku mu tsuken jinni ba pajukun ban numa. ²⁴ Abe pajukun baa kyan kapyen m babe nde be nghabe wa bibi ra, apa dzun ko dzundzun numa ki finbe ri ndea bujumi ri go nua ba!’" ²⁵ Abi bu pajukun tswàtswi suru dudu numa ba Yesu kyen dzun na ya. Yesu vyin pukan zoa mbyàbe numa ku dan yibe danra, ²⁶ "Ko kani kata wama bi ki byemi kuma con ku bàmi, kuma conmi ka ataa ba ayoa, ba awaa, ba bazhen zhen’a bawunu, ba bawuwa, ba bazhenzaa bawuwa, ba cindia ba, ku ken’a wa bàmi ba hun. ²⁷ Ko kani kata wama zen’ande wa fyin ko ku du nyaco bu aki wa bwanku ki cinmi ba, ku ken’a wa bàmi ba hun. ²⁸ Akani ki finni wama con ku myi kacuru, kuri gaa aji kapyen ki cin abè waa kuri jì hunnu ku mbyà ko ku ci ba abè wari ken wa myi ken kacuru waji re ba? ²⁹ Ki cin waa kúká bi kanku abu waa pajukun bebi vyenku vyon ba, waa bema mbyà ku jo nwo tan ama ku myi ban’a ba. ³⁰ Beri bi vyenku vyon danra, ’Mbyà, wandou jo nwo tan wa myimyi fanku te nya co!’" ³¹ Yesu na danra, "Akù dzun ma dzu ken ba banuken bua dubu dzwe jiji ku ya nuken ba akù dzun wa nabi ba banuken bua dubu didzun, ci ken se akù waji ku ga hwan sansan ko kuri tsaka wa nuken ba akù waji wakara re. ³² Ma cia numa ba, avo waa akù waji ci tiri ki bye wa nana ku ngha zan’a ki byea raba ra, ku gbè fo tson ya ki byea jiji be nya nyaco bu vyon wa banban ba dibe ávo ba mbwanu," ³³ Yesu danra, "Ci numa ki finni apa wama gaadi ba abu baa ku ci baku kata ba, ku ken’a wa bàmi ba." ³⁴ Yesu danra, "Àmā ci abu wa sansan fa. Àmá ma vyaa riba, nyaco dzun baani wa mbyāsanku ri, ³⁵ Ku cia ba abu dzun ki dia wa tsa cin ki bye jen, ko ki shi jen ko titi numa riba. Beri fare ku nya yaya ki hwan azota numa ki tswen. Apa wama ci ba atson wa fo aji ku gon tson ku fo!"

¹ Anyunu dzun pajukun baa pan buwe, ba pajukun baa tsa abu wa baba suu numa tswàtswi bi ki bye Yesu jiji be foku. ² Se abe Farisawa ba baco baa ri fyen tà yi pajukun aji bu Cidon na nwinde nwi ki cin bu Yesu danra, "Apa wakara pan pajukun baa tsa abu wa baba, kuna ji buju ki dzun babe." ³ Yesu dan yibe cinna bu aji dzun danra, ⁴ "Apa dzun ki finni ma ci ba àdòn dipa tswanna, adzun dzun ki finbe ma jan kuri tsa nini? Kuri fan’a àdòn dipa nyena kyadzwe nwa tsunyo hora jinni ki bye waa bena ji buju kiyo, ku ya nya adzundzun wa jan ra keke ku nya panku ba? ⁵ Ayo waa ku nya fyoku ra, ku mbu mikyin, ku ndeku da hwan’a ⁶ kasen bi ki ndo. Ku ba abe bajoa, ba bajo ndoa nde danra, ’Ní bi mbu mikyin zami yo ki dzun bami, ki cin waa àdònmi wa jan ra, m nya fyoku ra!’" ⁷ Yesu danra, "Ci numa ba apa dzundzun wa ndi ri tsa abu wa baba, tanma kuma pukan mikyin’a bi ki bye Cidon, mna dan yini ki ndo Cidon ki don beri mbu mikyin ki cin’a kari pajukun dipa nyena kyadzwe nwa tsunyo baa na ga danra bena tsa abu wa we hwan bu Cidon, ama be pukanbe mikyin be bi ki bye Cidon ba." ⁸ Yesu dan yibe danra, "Awuwa wama ci ba asho dzwe, adzundzun ki fin’a ma jan, kuri tsanini? Kuri mua pyu ku za san ndoa nyenye numa ku nya fyoku ba? ⁹ Waa ku nya fyo asho waji ra, kuri ba abe joa hora, ba pajukun baa ci bajo ndoa hora danra, ’Ní bi ní mbu zami mikyin yo, ki cin waa abèmi wa jan ra, m nya fyoku ra!’" ¹⁰ Yesu danra, "Ci numa mna dan yini, zhen tsōn bu Cidon ki don ri mbu mikyin ki cin bu apa dzundzun wa tsa abu wa baba, tanma ku pukan mikyin bi ki bye Cidon." ¹¹ Yesu na danra, "Apa dzun ci ba zhen baci bawunu kwan dzun pyinna. ¹² Se anwu wa ken niken ra vo ataa danra, ’Ata ki fin tswén ú hora, ú gafan u nde ndo bumi yimi.’ Se atabe gafan tswen’a ndo pyinna yi zhenzhen’a kwan dzun pyinna hora. ¹³ Du anyunu pyinna numa vinni anwu wa ken niken ra, ho tswén bua hwen vinni kata, ku do don foji kyon wa yaya ki finka dzun nana numa ya ci dia yo ki bye. Ku ho abèa bwan vinni kata ki bye waji ki cin abu baa ri gbe mikyin bu apa ki fin tswen azota numa nya hwan. ¹⁴ Ki nyaken waa ku ho mbyà abèa bwan vinni kata ra, ambo wa kwakyi numa ko ki tswen waji, ku kan apa wa tsa hwen. ¹⁵ Ku ya nde dia bà ba apa dzun ki tswen waji, apa waji tesuku ya pyuku adzù ki da. ¹⁶ Nwu wakara na con ku du buju ku ji zezu, ko tswi buju waa adzù hora na ji ra, ama ku dua apa wa yiku buju waji ba. ¹⁷ Anyunu dzun ku dzwa cin ga hwan gaga ku mbyàyi abu wa babaa ku danra, ’Mbyà, pajukun baa na tsa butso ki vo bu atami, be ci ba buju hwehwe numa bena ji nghangha, ama ami ci kire na hu ba ambo! ¹⁸ Mri kasen ya ki ndo tanmi mri ya dan yi atami danra, ata m tsa abu wa baba ki pyen bu Cidon, m ka tsau abu wa baba ki pyen u du. ¹⁹ M kenmi waa ú bami danra nwuu riba, uma zen nde ú ndemi so abu dzundzun ba pajukun baa na vou, na tsa butso ra!’ ²⁰ Se ku do don pan nyaco foji kyon wa yaya ki bye ataa. "Dede waa kuna bi ki tiri nya co nana numa ra, ataa tazo mbyàku numa se cicia tsaku ku dosho ya shonku ki nyaco, hwan panku be mikyin’a. ²¹ "Nwu waji dan yi ataa dan ra, ’Ata m kenmi waa u bami danra, nwuu ba, m tsa abu wa baba ki pyen bu Cidon, m tsa abu wa baba ki pyen u kata du!’ ²² Ama ataa ba zhen nya bua hora nde danra, ’Mwamwa, ní ho tukpa wa san kari kata bi dzeku yo. Ní nde akan bi paku ki voa, ní ho tabe bi dzoku yo ki bea. ²³ Ní pan mafan ana wa kwan kari ra bwan jiji í ji buju wa sansan í mbu mikyin. ²⁴ Ki cin waa nwu wakara ndi hu ra, tan ma ku ci ba cindi, andi ku jan ra ki hwan, ama tanma ku kasen bira ki ndo ra.’ ²⁵ "Se anwu wa ciho ra ya jan gban da yana tsa butso, Dede waa ku kasen nabi ki ndo numa ku dzwa tiri ki go ndo numa tiri, ku fo bena gba bu gbejo weyo. ²⁶ Ku ba dzundzun ki fin zhen nya bu ataa ra, ku mbyeku danra, ’Ake waji tsari ki ndo kire jinna numa?’ ²⁷ Anya waji dan yiku danra, ’Atéu kasen bi ra. Ki cin wa ci kara atau bwan mafan ana wa kwan kari ra, ki cin waa nwua kasen bi ki ndo rito numa ra.’ ²⁸ Nwu wa ciho ra ngongo cia wa dandan ba, ku nghaa wa kaya ki fín ndo, ataa pwadzu bi duku za nde zaza numa yiku jiji ku kaya ndo. ²⁹ Ama nwu waji dan yi ataa danra, ’Ata, aju suu numa m ci vou na kofyin wau tsadzu anya, ko anyunu dzundzun numa m dà fou aji raba, ama ko abyín dzundzun numa ù yi fomi danra m pan bwan tsa buju kiyo, m ba bajomi nde be bi ji ba, ³⁰ Ama nwu buu wa ya ho tswén u tsaba jinni ki cin bawuwa gbaza nya hwan numa ku ya dàndàn kasen bi ù pan mafan ana wa kwan kari kata bwan yiku!’ ³¹ Ataa dan yiku danra, ’Au nwumi ko anyunu wa kini ù bami ci dzun, koke kata waa m ci baku d buu. ³² San kari í tsa buju í mbu mikyin í cu cucu ki cin bu téu wa ndi hu ra, kuka kasen ci tiri riju, ku ndi jan ra, i fyoku ra.’"

¹ Yesu dan yi abe fotson’a hora danra, "Apa dzun ci apa wa sen abu ki vo, ku nde apa dzun kū ba tswén’a kata yi apa waji ki vo kuna weku zo kiyo. ² Se apa dzun bi dan yiku danra, ’Apa waa ù ba atswen u kata yiku ki vo ra, ho tswén u baaji ji kata ra.’ Se wa sen abu ki vo ra, ba apa waa ku ndi ba tswén’a kata yiku ki vo ra nde bi mbyeku danra, ’M fo be danra una bwan tsaba tswénmi. Tanma ú ta yimi cinna bu nyaco waa u tsa ba tswénmi kata. Ù fyeu wa ci cin bu tswénmi baa m ndi ba yiu ki vo ra riba.’ ³ Apa waji na ga aji ki mikyin’a danra, ’Cindomi ma kanmi sho, mri bi dumi butso wa tsatsa riba, mri bi tsanini. M dumi gben wa na kaa ne tanma ba, mma dan m kan apa wa vovo kyen abu wa pan tsenni. ⁴ M hun, m yi abu waa mri tsa tanma ra, ko bema kánmi pwadzudzu ki bye butso, badati ri panmi vo pyinna ki ndobe,’ ⁵ Pajukun baa ci ba aton bu cindoa ki cinbe ra, apa wakara babe nde bi kwan dzun ki byea. Apa wa kapyen bi zan numa apa waji mbyeku danra, ’Ton bu cin domi wa ki cin u ra ci panna?’ ⁶ Apa waji dan yiku danra, ’Kuna panmi ton abyugbon àkwìn dipa tswanna.’ Se apa waji dan yiku danra, ’Mbyà afa bu aton wa jiji buu ci hun, nde u kodzu kasen kan àkwìn dipa pyinna kyadzwe.’ ⁷ Apa dzun ka bi bua, apa waji mbyeku danra, ’Ton bu cindomi wa ki cin u ci panna?’ Ku dan yiku danra, ’Ci abà za dipa tswanna.’ Apa waji dan yiku danra, ’Mbyà afa bu aton wa jiji buu ci kara, ú tā danra kuri pan u dipa nyena.’ ⁸ Cindo bu apa waji mbyà abu waa apa waji tsa ra ku dzua ki nyaco ba ra ku dan yiku danra, ’U ye kyinye kagben.’" Yesu danra, "Pajukun baa ki fin tswen tanma yìri tswi nyaco waa beri dzu ba san jobe baa tanma, ka pajukun baa be ta yibe bye wa yafan jinni rari ba kyinye." ⁹ Yesu na danra, "Ci numa mna dan yini, ni tsa butso ba dukya bu fin tswen wakara wa ki voni ra nina pan ajo kiyo yi dini, ki cin waa ayo waa abu waji ma vin jinni ki vonni ra, niká nyani ando wa ci kenken waa niri bi ciyo ba. ¹⁰ Apa wama tsa butso ba abu wa titi ki fin nyaco wajinderi ndafan jinni byenbyen, ku kari tsaka wa tsa butso ba abu wa ciho ki fin nyaco wajinderi ndafan jinni byenbyen. Apa wama tsaa butso ba abu wa titi ki fin nyaco wajinderi byen byen ndafan jinni ba, ku kari tsa kaa butso ba abu wa ciho ki fin nyaco wajinderi byenbyen ndafan jinni ba. ¹¹ Nima tsani butso sansan ki fin nyaco wajinderi byenbyen ndafan jinni ba dukya waa ni du ki fin nyaco wa ki myi wa ki fin tswēn kire raba, akani ribi zen nde ri nde abu wa byenbyen wa ci bu Cidon yini ki voni? ¹² Nima soni hwan ki bye tswén bu apa panní cin’a bi dzun sansan ba, akani ribi zen nde ri yini tswén buni bu dini? ¹³ "Anya dzun wari ci ba cindo pyinna baani. Ko kuri nde cin na jinni yi wadzun ku sinni wadzun. Ci numa ra niri nde kani mikyin ni yi Cidon ndafan jinni ba Mammor kata ba." ¹⁴ Waa Farisawa fo vinni aji baakara kata waa Yesu dan ra, be vyenku vyon, ki cin waa be ci pajukun baa vya abè kagben. ¹⁵ Se Yesu ka dan yibe danra, "Ani na ta dini ki pyen bu pajukun danra ni ci pajukun baa sansan ama abu wa ki finni se Cidon yi ri. Abu waa pajukun ri mbyà danra ci abu wa sansan ki zobe ra, ci abu wa shendi numa ki bye Cidon. ¹⁶ "Adon bu Musa ba afa baa baa da adon bu Cidon ta hora, tsa butso ba gben numa keke bi zan dede waa Yohanna wa tsa batisma bi ra. Pan ki we bu Yo hanna wa tsa batisma pajukun du aji fo ki cin Aji wa Sansan bu ndo tson bu Cidon ki don. Pajukun na sunsun na kabi kiyo. ¹⁷ Cia ba fyin waa abye wa ki don ba abye wa ki jinni be ji jinni ba, ama adon baa Cidon yi Musa ta fín Afa ra ko adon dzundzun numa kiyo ri jia jinni ba. ¹⁸ "Ko kani wama bwan aben bu awaa kuma ban wuwa pye, kuna tsa aso baku. Awuwa waa anua ma bwan aben baku apa dzun ma nde bàn aso wa tsatsa kuna tsa baku, cia awaa ba." ¹⁹ Yesu na danra, "Apa dzun ki tiri ku ci apa wa ci ba abu ki vo, atswén baa ku dze dia kata ci atswén baa ci ba abè numa cia wa dandan ba. Ko anyunu wani kata ku ci fin abè wa bwanbwan tsa abu wa vya mikyin’a ka dia. ²⁰ Apa dzun wa tsa hwen dzun ki tiri du, beri baku danra Liazaru. Adia kata ci zo fyon jagba numa, Ko anyunu wani kata beri tswanku bi so nu nyakyon bu apa wa sen dukya ra. ²¹ Apa wakara na nya afyanu buju waa beri ji fyen dzu dzu ki cin atswà na nya jinni ku fyi ji. Abá nabi ngyoku fyon waji yo. ²² Anyunu dzun apa waji hu, nwutsōn bu Cidon bi nde cindia ya so bye waa Ibrahim ci kiyo ra. Ki tiri ki tiri anyunu dzun apa wa ci ba abu wa ki vo ra, bi hu be ndeku ji. ²³ Ku ya ka ki kindo ki fin pyu na wa fyin suu numa. Ku gbère zoa ki don numa ku mbyà Liazaru apa wa tsa hwen ra ki bye wa nana numa zan ci mikyin bu Ibrahim na ngha dia nwo ki bye, ²⁴ Apa wa sen dukya ra na ba Ibrahim nde gbangban numa dan ra, ’Atami Ibrahim, ú wezo mbyà mi ú hwi cicimi. U tson Liazaru bi ki byemi ku nde ngyi voa dzo bye jape titi numa ndebi tami ki ne nemi jiji akyumi ku tashuma, ki cin waa m ci fin fyin suu numa ki fin pyu kire!’ ²⁵ lbrahim dan yiku dan ra, ’Nwumi, ú kyepan ba ayo waa ù ndi ci ki fin tswen ra, u ndi du abu baa sansan kata ù fo vya babe. Dede waa Liazaru ci ki fin tswen ra kuna wa fyin, ama kire tanma kuna mbu mikyin fo vya, au na wa fyin. ²⁶ Wakara ciari aji waa mri dan yiu vinni ba, Ki yobai ba dii ashi wa dzon wurududu numa nage jinni kiyo. Ki cin wa ci kara apa wama con ku gbekyan bi kire nyaco baani. Kà ci numa apa dzun ri kyan kaa ki byei kire ya ki byeni ki bahun ba!’ ²⁷ Apa wa ndi ci ba abu ki vo ra, dan yiku danra, ’Ata, mna vou, u gbagba uma zen nde u tson Liazaru ya ki ndo atami, ²⁸ jiji ku dan yi bazhenzami baa kwan dzun tswanna baa ci kiyo ra, ku dan yibe beká dzu nyacomi waa m dzu ra be bi ka ki fin fyin wakara riba.’ ²⁹ Ibrahim dan yiku danra, ’Afa bu Musa ba afa bu pajukun baa da don bu Cidon ndi ta ra ki tiri ki vo bu bazhenzau hora, se bé gon tson be fo ajibe kiyo.’ ³⁰ Ama apa waji dan ra, ’Au tami Ibrahim, apa dzun ma dzu kindo ya dan yibe beri gon tson foku, be fan abu wa bababe jinni.’ ³¹ Ama Ibrahim dan yiku danra, ’Bema gonbe tson fo Musa ba baa da adon bu Cidon ba, ko apa dzun ma dzu ki kindo kire ya dan yibe beri fobe ku ba.’"

¹ Yesu dan yi abe fotson’a hora danra, "Ajinderi abu wari hwa yi apa ku tatsu ki nya co bu Cidon ri nia wa bibi ba, ama apa waa nwo bu wari yi apa ri tatsu dzu byea bi ra Ḿm̀ hunn’a! ² Apa waji sanfo waa be kyan nde akwīn wa hwa aza tse ku ki hwan’a ndeku taya ki zo dzon bu teku, anū waa ku yi ko apa dzundzun numa ki fin baci baaji baa titi baakara ku tsa abu wa baba. ³ Ní wa dini sansan! Nwuzau dzun ma tsa abu wa baba u gbeku nde, kuma fan abu wa babaa jinni karara, u fan abu abu wa babaa yiku. ⁴ Ko kuma tsau abu wa baba sen dia dzwa tsupyen anyunu dzundzun, kuma kyen ki byeu ba ndekuto danra ’M karara!’ Se u fan abu wa babaa yiku." ⁵ Abe fotson bu Yesu voku dan ra, "Cindo, u kwan’i wajinderi kiyo!" ⁶ Cindoi Yesu dan yibe dan ra, "Nima ci ba wajinderi titi numa ci tsadzu angyi bu mustad se ni tsayi wa dan yi hin hwìn wakara danra ku gbedzu ya dzu zhen ki fin teku ki bahun kuri tsayi wa gbedzu ya zhen ciyo." ⁷ Yesu mbyebe danra, "Apa dzun ki finni ma ci ba nwu nya dzun ki voa wana naku ne yo, ko kuna zaku ana yo, ayo waa kuma kasen dzu ki da bi ndo ra, ko kuri bi baku nde danra, ’U bi mwamwa numa u ji buju?’ ⁸ Ko kuri dan’a yiku danra, ’U mbyā diu u dze tukpau, u tsa buju yimi, buju waji ma byen ra u nde bi yimi, m ji, m wa, ki nyaken wakara hunnu, uri ji buju buu, uri hun wa jan buu.’ ⁹ Kuri zen nde dan yi nwu nya ra dan mgbagye ki cin waa ku tsa abu waa ku dan yiku dan ku tsa ra? ¹⁰ Ci numa bani ki byeni du, nī tsa vinni koke kata waa be ta yini ni tsa ra, ni danra, ’Ai ci anya azota, abu baa be dan yii danra í tsa ra, ī tsa vinni ra.’" ¹¹ Waa be pan nyaco wa ya ki Urushalima dzwa na ya numa Yesu na danya ka ki finka baa ki fin jen bu Galili ba finka baa ki fin jen bu Samariya. ¹² Waa ku kà ki da dzun numa ku du pajukun baa we kon pantse na bye wa nana ki bahun. ¹³ Waa be mbyà Yesu numa be baku nde danra, "Cindoi Yesu u hwi cicii." ¹⁴ Waa Yesu mbyàbe numa ku dan yibe danra, "Ní ya ki bye abe von ní ya ta yibe adini be mbyà." Waa be kyenkyon na ya numa, se ado kon be yafan jinni. ¹⁵ A dzundzun ki finbe waa ku mbyà ado kon’a fan ku jinni numa ku kā pukan cin’a kasen ba nyaken kuna foji ashi bu Cidon wana sheshe ba gben numa. ¹⁶ Ku bi dzu be pyen bu Yesu na mbu mikyin yiku, aku apa waji ci apa wa ki Samariya. ¹⁷ Yesu danra, "Pajukun baa m nwàdzube hora be cibe adzwe ba? Pajukun tsunyo badati hora kini? ¹⁸ Ake tsari apa wa ci kyon dzundzun’a vinni biri na mbu mikyin yi Cidon, badati hora nghabe waa be kasen bi mbu mikyin yi Cidon?" ¹⁹ Yesu dan yiku danra, "Do don u yau kyon u; wajinderiu nwàdzuu ra." ²⁰ Farisawa badati mbye Yesu danra, "Anyunu wani atsòn bu Ci don ribi?" Ku dan yibe danra, "Nyaco waa atsòn bu Cidon ribi kiyo ra pajukun ri mbyàbe ku ba azo ba." ²¹ Ci numa ra apa dzun baani waa ku danra, "Atsòn bu Cidon kire ki kara! Ko ki bahun hun! Ki cin waa atsòn bu Cidon ki finni." ²² Se Yesu dan yi abe fotson’a hora danra, "Anyunu nabi ki pyen waa niri nya ní mbyà azo anyunu dzundzun numa ki fin anyunu bu Nwu pajukun, ama niri bi dukani mbyà ba. ²³ Pajukun ribi dan yini danra, ’Ku kire kara! Ku ki bahun,’ ama niká yani bye dzun ba, niká bàbe ya ba. ²⁴ Ci tsadzu acù ma vyinzo, kuri yi abye don yafan bye dzwadzwa ki jinni ra, anyunu waa Nwu pajukun ribi ra ri ci numa du. ²⁵ Ama ci ken m wa fyin ki cin abu badati suu numa hunnu pajukun baa tanma ri nghami. ²⁶ Tswi abu baa pajukun ndi tsa dede bu Nuhu ra, ribi tsa numa ki bye anyunu bu Nwu pajukun. ²⁷ Dede bu Nuhu ra pajukun na ji, na wa, bawunu foji bawuwa wa banban, bawuwa ka foji bawunu wa banban, keke ya zan anyunu waa Nuhu ka ki fin akò, acù ta jape mu gbanyo bwan ji pajukun badati hora kata. ²⁸ Ka ci numa dede bu Lot, pajukun na ji, na wa, bena hwēn abu ti na za pukan vo kiyo, bena zhen hin, bena myi tan. ²⁹ Ama anyunu waa Lot do pwadzu ki Sodom dzwa nyaco na ya, se apyu, ba ambu pyu dzu don bi se bwan pajukun kata. ³⁰ Pajukun ri tsa numa keke ya zan anyunu waa Nwu pajukun ribi gban zanni jinni tsa pwi ra. ³¹ "Anyunu wakara ma ge apa dzun ki cin tan ki don kuma fan dukyaa ki fin tan, kúká tsaa dia fyin dzwa jinni dan ku ho tswén’a ba. Apa wama ki da kúká tsaa dia fyin wa kasen ya ndo riba. ³² Ní hwa mbu mbye awa bu Lot! ³³ Ko kani kata wama con ku kon cindia wa ki fin tswen wakara kuri nyani cindi wa ci kenken, ama apa wama nde cindia yi aki, beri nwàdzuku. ³⁴ Mna dan yini ki fin afitse wa kara pajukun pyinna ri na bye acu dzundzun, beri nde dzun dzun ri fan dzundzun. ³⁵ Bawuwa ribi na hwa kwin ki bye dzun dzun beri nde dzundzun ri fan dzundzun. ³⁶ "[Pajukun pyinna ribi kan na da na tsa butso, beri nde dzun dzun ri fan dzundzun]." ³⁷ Abe fotson bu Yesu mbyeku danra, "Cindo abu waji ri tsa bani?" Yesu dan yibe danra, "Abye waa akwan ma hu nayo, abye waa nyifyi ri we yo."

¹ Yesu fyen ta yibe cinna bu aji wakara, ki cin waa béna dzwa nde vo Cidon ko nukon, beká ni ba. ² Ku danra, "Ki finka dzun apa wa fo kwen dzun kiyo, ku zin’a zin bu Cidon ba, ku hwaa ace bu apa dzun ba. ³ Ki finka waji ra awaki dzun kiyo du, kuna kyen ki bye apa wa fo kwen ra na voku danra, ’U ga fanmi akwen yo ba awazemi.’ ⁴ Apa wa fo kwen ra ci dede numa ku nghaa wa tsa abu dzun ki cin aji waji. Ama awaki waji nia ba wa kyenkyen ba, se anyunu dzun apa wa fo kwen waji ga aji ki fin mikyin’a danra, ’Ko waa m zinmi zin bu Cidon bara, m hwami ce bu apa dzun bara, ⁵ ama wuwa ra kami ki di kagben na danra m gafanku akwen yo, ci numa ra mri gafan ku akwen waji yo jiji ku kana wòmi di jinna ba akyen ba!’" ⁶ Cindoi danra, "Ní fo aji bu apa wa fo kwen wa cia apa wajinderi byenbyen ba, dan ra. ⁷ Tanma numa Cidon ribi gaa kwen we pajukun baa cece bua hora yo, baa na kunde yiku anyunu ba afitse raba? Kuri bi zen nde wa nda ki di wa tsa zabe yo? ⁸ Mna dan yini kuri ga kwen webe yo mwamwa numa. Ama Nwu pajukun ma bi ra kuri bi du pajukun baa ci ba wajinderi ki fin tswen?" ⁹ Yesu dan yiku danra, "Jinna Cidon nwàdzu fin ndo wakara ra. Ku ci nwuda bu Ibrahim du. ¹⁰ Nwu pajukun bi ki fìn tswen kire ki cin waa ku nya fyò abu wa jan, ku nwàdzuku." ¹¹ Bafarisi ra pantse dzundzun’a na vo Cidon, kuna danra, ’Au Cidon, m mbu mikyin yiu, m cimi tsadzu pajukun badati hora ba, baa ji bupyu, baa tsa abu wa rimyi, baa tsa agya hora ba, m cimi tsadzu apa wa pan buwe wa hun raba. ¹² Ki fin byecen dzundzun mna sennu dzwa pyinna mna ten dzu cin abu waa mna du kata a dzun dzun ki fin dzwe na yiu.’ ¹³ Ama apa wa pan buwe ra do don pantse bye wa nana numa ki bahun, ku zen’ande ku gbe cin’a ki don ba, ko titi. Ama ku da vo ki mikyin’a danra, ’Ata Cidon, u hwi cicimi, ami ci apa wa tsa abu wa baba!’" ¹⁴ Yesu dan yibe dan ra, "Ki pyen bu Cidon apa wa pan buwe ra do don ya ki ndo rito numa kwen bu Cidon baani ki cin’a, ama cia numa ba apa wà hun raba. Ko kani kata wama nde cin’a ki don beri teku yo kan jinni. Apa wama nde cin’a kan jinni beri gbe doku yo so don." ¹⁵ Pajukun ho zhen baci baa titi bi ki bye Yesu jiji ku senbe vo ki cin. Dede waa abe fotson’a mbyà numa se be nyabe nde danra beká hobe bi kire ba. ¹⁶ Se Yesu ba zhen baci baa titi baaji nde danra, be bi ki byea, ku dan yi abe fotson’a hora danra, "Ní fan baci baa titi hora be bi ki byemi niká kanbe sho ba, ki cin waa ndo tson bu Cidon ci bube, ¹⁷ Mna dan yini aji wajinderi, apa wama pan’a atsòn bu Cidon ki don ci tsadzu nwutishe wa titi ba, kuri kaa ki ndo Cidon ba, ko dzundzun." ¹⁸ Atsòn kán dzun ki fin Yahudawa mbye Yesu danra, "Manu wa sansan, mri bi tsanini hunnu m du cindi wa ci kenken?" ¹⁹ Yesu mbyeku danra, "Ake tsari u bami dan m d apa wa sansan. Apa dzun wa tsa abu wa sansan baani se Cidon dzundzun maari vinni. ²⁰ Ù yi adon nu: Ka tsa agya ba, ka bwan apa ba, ka vyi vyu ba, ka ge aji be apa dzun ki nu ba, ú yi atau, ba ayou hwe," ²¹ Apa waji dan yiku danra, "Avo waa m ndi d tiri nwutishe mna kon adon baakara kata pan numa keke bibi jinna!" ²² Ki nyaken waa Yesu fo aji wakara numa, se ku dan yiku danra, "U ya ho tswén u baa ù ci babe hora kata hwen ji kata, ú ho abèa gafan yi pajukun baa tsa hwen hunnu u bi bàmi. Ci numa ra uri ho dukya buu so ndo Cidon ki don." ²³ Waa ku fo aji wakara numa ku pe mikyin cia wa dandan ba, ki cin waa ku ci apa wa ci ba abu ki vo suu numa. ²⁴ Yesu wezo mbyàku numa ku danra, "Ci ba fyin ki bye apa wa sen abu ki vo ku ka ndo Cidon! ²⁵ Rakumi tsayi wa ka pwadzu ki pyo bu abongyi mwamwa kari waa apa wa sen abu ki vo ku kaya ki ndo tsòn bu Cidon ki don." ²⁶ Waa pajukun fo numa ra, be mbyeku danra, "Ma ci numa akani ribi nwàdzu ri?" ²⁷ Ama Yesu dan yibe danra, "Abu wama kenni apa, ri kennia Cidon ba." ²⁸ Bitrus dan yi Yesu danra, "Mbyà, i fan kokei kata jinni bi bàu." ²⁹ Yesu dan yibe danra, "Mna dan yini kara: Ko kani kata wama fan ndo, ko awuwa, ko bazhenza, ko bavyon, ko bazhenzhen, ki cin aji bu Atsòn bu Cidon ³⁰ Kuri du vo su, du vo wunu ávo ki myi kire, anyunu wa kyen ku kari du cindi wa ci ken ken." ³¹ Yesu ho fotson’a hora kwan dzun dzwe nwa pyinna ya kan kan ku dan yibe danra, "Ní mbyà iri ya ki Urushalima ki kara, abu baa baa da don bu Cidon ndi dan dzu nube kata be ta so fin Afa ra, abu baaji ri tsa numa ki cin Nwu pajukun. ³² Beri ya nde ku dzo pajukun baa yibe Cidon ba ki vo, beri vyenku vyon, beri tàku fyin, beri tu con taku ki di. ³³ Beri daku akpan, beri bwanku, ki fin anyunu wa kwan tsara kuri do don ki shimbi ba cindi." ³⁴ Ama be hwa yibe ba cinna bu aji baakara baa ku dan yibe raba. Aji baaji cibe akon numa, be hwa yibe ba abu waa Yesu dan yibe raba. ³⁵ Dati titi numa waa Yesu ku zan ki nu nyakyonka Jeriko numa apa wa gbànzo dzun ci ki nu nyaco ki bye, kuna vo bu. ³⁶ Waa ku fo nugban bu pajukun suu numa na nwādzu ra, se ku mbye pajukun abu wa tsa. ³⁷ Apa dzun dan yiku danra, "A Yesu apa wa ki Nazarati na nwādzu ri." ³⁸ Se apa wa gbànzo waji dan aji ba agben numa danra, "Yesu Nwu bu Dawuda ú hwi cicimi!" ³⁹ Pajukun baa tswàtswi baku kyen dzun ra, nyā apa wa gbàn zo ra nde danra, "U bande ba anuu." Apa wa gbànzo ra hun ka kwan kyua kiyo gbangban danra, "Au Nwu bu Dawuda, ú hwi cicimi!" ⁴⁰ Yesu pantse jinni dan yibe danra, be ndeku bi. Waa ku bi zan ki bye Yesu numa, ⁴¹ Yesu mbyeku danra, "Una con m tsau ke?" Apa waji danra, "Cindo, mna con m du zo wa mbyà bye." ⁴² Yesu dan yiku danra, "Ú du azo wa mbyà bye, wajinderi buu nwàdzuu ra." ⁴³ Mwamwa numa ku du azo wa mbyà bye. Ku bàku ya, kuna she ashi bu Cidon. Apa wama mbyà ku numa kata kuna nya zen bu Cidon. gafan yi pajukun baa tsa hwen. Apa waa mma jiku bupyù mri hwa zaku kiyo sen dia ndo nyena."

¹ Yesu danya ka ki finka Je riko. ² Apa dzun ci kiyo beri baku danra Zakka, ku ci cin bu pajukun baa pan buwe kata, ku ci apa wa sen bu ki vo. ³ Kuna con ku mbyà Yesu kende waa ku ci ra. Ku nga nga jiji ku mbyà Yesu ku mbyà kaaku ba, ki cin waa pajukun hwe kagben, aku cia apa wa gongon ba. ⁴ Se ku nde ashò ya ge jinni ki pyen pan hin hwìn neya ci cin’a ki don na ge cin waa Yesu ma bi nwadzu ra ku mbyàku. ⁵ Waa Yesu bi zan ki nwo hin waji ku gbe zoa don numa ku mbyàku ki cin hin ki don ku dan yiku danra, "Zakka mwamwa numa ú dzwa jinni bi, jinna mri ya ka kyon ki ndou." ⁶ Zakka sunsun numa dzwa jinni ku pan Yesu vo pyinna ki ndoa ba mikyin wa mbumbu. ⁷ Waa pajukun mbyà numa, be kya jinu danra, "Ní mbyà Yesu bi ka kyon ki ndo apa wa tsa abu wa baba." ⁸ Zakka do don pantse don dan yi Yesu danra, "Cindo, Cindo, mbyà mri gafan dukyami jinni ndo pyinna m ho ndo dzun ¹¹ Waa be gon tson na fo aji wakara numa se Yesu ka mbyā zen cinna bu aji dzun kwanbe kiyo. Dede waji wakara be kyen naben Urushalima jinni ra. Pajukun na ga dan ko Atsòn bu Cidon ri bibi dede waji ba mbwari numa ra. ¹² Ku dan yibe danra, "A nwukù dzun do ya kyon ki tswen wa nana numa ku ya nya be naku tson yo hunnu ku hun kasen bi ndo. ¹³ Ávo waa ku ngha doa kyon waji raba, ku ba zhen nyaa kwan dzun dzwe nde bi kwan pyen’a, ku yibe naira dzundzun dzundzun ken cin dibe kata. Ku dan yibe danra be pukan vo baku se kuma bi ra. ¹⁴ Pajukun baa ki tswen ndoa nghaku. Ki nyaken waa ku do yara, be gbè pajukun badati na nyaken’a kan bea ya dan yibe danra, ’Bui iri con’i waa ku na akù ki cin’i ba.’ ¹⁵ "Se nwukù ra waa be ya na vinniku akù kata ku kasen bi ndo. Mwamwa numa ku yibe ba zhen nyaa baa ku ndi yibe abè jiji be dan yiku jape waa be du ki cin’a. ¹⁶ Ànyaa wa kapyen ra do bi ki byea danra, ’Cindo, naira dzundzun waa ú yimi ra, m vyin pukan vo baku m du jape ki cin’a naira dzwe,’ ¹⁷ Cindoa dan yiku danra, ’M hun, au ci nwu nyami wa sansan, avo waa m mbyà ù tsa butso wajinderi ndafan jinni byenbyen numa ki cin bu abu wa titi ra mri nau tsòn m ba tswen dzwe yiu ki vo ú wezo kiyo,’ ¹⁸ Anyaa wa kwan pyinna ka bi bua danra, ’Cindo, naira waa ù yimi ra, m pukan vo baku, m du jape ki cin’a naira tswanna’. ¹⁹ Cindoa dan yiku danra, ’Mri nau tsòn m ba tswen tswanna yiu ki vo, ú wezo kiyo’. ²⁰ Anyaa wa dzun do bi ki pyen’a danra, ’Cindo, mbyà naira buu waa ù yimi ra, ci kara, m nde den ki bye ayoke kyoo numa nde sou ki hun, m pan tswén u. ²¹ M zinzin u ki cin waa ajiu tsatu kagben. Uri kodzu abu ki bye abu waa ù nde ú ri so ba. Uri ben za ki bye waa u tau ri za kiyo ba,’ ²² Cindoa dan yiku dan ra, ’Au nya wa baba, aji waa u dan dzu nuu ra, mri fou kwen baku uma yinu danra ajimi tsatu kagben, mri kodzu abu waa m ndemi ri so ba, mri ben aza ki bye waa m tami za ri kiyo ba. ²³ Ake tsari ù ndeú abèmi yibe be vyin pukanmi vo baku ba? Tanma waa m kasen bi ra, cika mri kyan du jape ki cin bu abèmi ra.’ ²⁴ Se cindoa dan yi zhen nya baa na bye waji ra danra, ’Ní pan naira dzundzun wa ki voa ra don ní nde kwan apa wa ci ba naira dzwe ra ki bye bua.’ ²⁵ Be dan yi cindobe danra, ’Cindo, ku kapyen ci ba naira dzwe ki voa ra!’ ²⁶ Se ku dan yibe danra, ’Mna dan yini ko kani wama ci ba abu beri kwanku abu kiyo, apa wama baani ba abu, abu wa titi waa ku ci baku ra, beri panre don ki voa. ²⁷ Tanma pajukun baa na zemi be conbe waa m na aku ki cinbe bara, ní pan hobe bi ki pyenmi ní bwanbe.’" ²⁸ Ki nyaken waa Yesu dan vinni aji wa ci kara numa, ku foji kyon pan nyaco so cin’a foji wana yaya ki Urushalima. ²⁹ Waa ku kyen naben ba Baitafaji, ba Baitanya bye da baa ki cin kwen waa beri baku danra Zaitun ra, ku tson fotson’a kwan dzun pyinna tson. ³⁰ Ku dan yibe dan ra, "Ní ya ki da wa ki pyenni ra, nima kaka numa niri mbyà nwu jakyi waa be ne fobeku fora ba, sa ci yo. Ní fenku bi baku. ³¹ Apa dzun ma mbyeni danra, ’Ake tsari nina fen nwu jakyi ra?’ Ní dan yiku danra, ’Cindoi na con ku tsa butso baku.’" ³² Abe fo tson baaji ya du koke kata tsa dzu waa Yesu dan yibe ra. ³³ Dede waa bena fen nwu jakyi ra pajukun baa sen ndo mbyebe danra, "Ake tsari nina fen nwu jakyi ra?" ³⁴ Be dan yibe danra, "Cindoi na con ku tsa butso baku." ³⁵ Be fen jakyi bi ki bye Yesu. Be ho tukpabe byan nya ken bu jakyi waji hunnu be nde Yesu sen yo. ³⁶ Waa Yesu kyan wi naya numa pajukun ten ho buken ki dibe byan nyaco. ³⁷ Dati titi numa waa ku kà ki finka Urushalima waa ku kyen bi zan ki go kwen bu Zaitun ra numa se pajukun baa yi wajinderi ki byea hora jo nwoa foji cucu wa cucu, be she ashi bu Cidon ba akyu wa gbangban numa ki cin abu baa ken nwo baa ku tsa suu numa be mbyà ba zobe ra. ³⁸ Be danra, "Aku Akù wana bi ki fin zen u Cindoi Cidon, Cidon ku kwanku wa sansan kiyo! Abye wa ki don ci ba akyin wa we jinni, ahwè ci abu Cidon!" ³⁹ Farisawa badati ki fin pajukun dan yi Yesu danra, "Manu, ú nyā bandou hora nde." ⁴⁰ Yesu dan yibe danra, "M dan yini ko bema bande, akwen baa na kara ri gban nu!" ⁴¹ Waa Yesu dzwá tsonkà numa ku bwan vyin pyu ki cin’a. ⁴² Ku danra, "Ani pajukun baa ki Urushalima jinna mna con ní mbyàyi nyaco wari nde mikyin wa na jinni bi, ama azoni mbyà kaa ba. ⁴³ Anyunu nabi ki cin u tiri ki pyen waa pajukun baa ri zeni ribi ge shukwani so yoba, beri konni konkon ri ge tsuken nyaco kata niri pwadzu kani ba. ⁴⁴ Ani ba bazhenzhenni kata, ba pajukun baa ki finka kata beri bwan jini kata. Aban waa be myi kacuru baku ra, beri fanbe ko dzundzun ki cin dzun ba. Beri tsa numa ki cin waa anyunu waa Cidon bi ku nwàdzuni ra, nī mbyà yini ba!" ⁴⁵ Yesu kaya ki tan wa wa Cidon ku kān ho pajukun baa na hwen ti ki byeri ra pwadzu kata. ⁴⁶ Ku dan yibe danra, "Cidon dan ki fìn Afaa danra, ’Beri ba tanmi dan atan wa wa Cidon,’ ama ni pukan ku kan pyo bàn waa pajukun baa gbanco ri dafye tswén bi yu yo!" ⁴⁷ Ko anyunu wa kini Yesu na fyen tà yi pajukun bu ki tan wa wa Cidon. Abe von baa ciho, ba baco baa ri fyen pajukun aji bu Cidon, ba baco baa sen tswen katabe na con be bwan Yesu. ⁴⁸ Ama be du kabe nyaco waa be tsa numa ba, ki cin waa pajukun na gon tson fo ajia waa kuna dan ra.

² mbyeku danra, "Akani yiu gbentsòn wa tsa abu wakara ri, akani waji yiu gben ri dan u tsabe?" ³ Yesu dan yibe danra, "Ami du m ci ba aji wa mbye mbye dzundzun numa ni dan yimi. ⁴ Andi Yohanna ri tsa pajukun batisma ra Cidon yiku ri gben re ko pajukun?" ⁵ Se be jo nwo wana ye yepye ba dibe, "Iri bi dan yiku dan ke? Ima dan yiku danra, ’Cidon yiku gben ri’ kuri bi mbyei danra, ’Ma ci numa akake tsari ni yini wajinderi ki bye aji bu Yohanna ba?’" ⁶ Beka danra, "Ima dan yiku danra, ’Apa yiku ri gben,’ pajukun baa ki fin tswen wakara kata ribi ta bwan’i ba aban, ki cin waa katabe ribi danra, aji nderi Yohanna ci apa wa da adon bu Cidon." ⁷ Se be dan yiku danra, "Ko Cidon ko apa yiku ri gben ho i yii ba." ⁸ Yesu dan yibe danra, "Ami du mri dan yimni bye waa m du gben kiyo hunnu na tsa abu wakara ba." ⁹ Yesu dan yi pajukun cinna bu aji wakara danra, "Apa dzun zhen hin anab ki da ndoa, ku bare ada waji yi pajukun baa na tsaku butso akpenju kiyo ra ki vo. Ku do don ya kyon ki tswen dzun nana numa ku kasen bia mwamwa ba. ¹⁰ Dede waa nwa hin waji byen mbamba wa pya pya ra, ku tson nwu nyaa dzun ya du baa na tsaku butso ki da ra jiji be pya nwa hin yiku bani bi ki ndo. Ama be da nwu nya ra akpan dada kanku kasen ya ndo vo nyi. ¹¹ Se wa sen da waji ka mbyā tson nwu nyaa dzun ya kpo, beka panku nayo dada ten ku fo, be tsa ciku, be kanku ka sen ya ndo vo nyi. ¹² Se wa sen da ra ka mbyā tson anyaa wa kwan tsara ya tiri kpo, aku ma be daku gba tenku fo, be panku taya ki nyaken da waji. i ¹³ Wa sen da waji dan ki fin mikyin’a dan ra, ’Mri bi tsanini kara? Mri bi tson nwumi waa mna conku ba mikyinmi kata ya, dzun tiri beri bi mbyà hwea mube ki zo!’ ¹⁴ Ama waa be mbyàku numa be gen ce ba dibe be danra, ’Wa kara ciri nwu wari bi jī ada waji kara. í da bwanku jiji ada waji ku kan bui.’ ¹⁵ Se be panku taya ki nyaken da be da bwanku ki bye, Tanma abu waa wa sen da ra ri tsa ba baa na tsaku butso akpenju ra ci kake?" ¹⁶ Yesu dan yibe danra, "Wa sen ada ra ribi bwan pajukun hora kata ku bare ada waji yi pajukun badati ki vo." Waa be fo aji wakara numa be danra, "Cidon ku be abu kiyo!" ¹⁷ Yesu webe zo ku dan yibe danra, "Cinna bu aji waa be ta ki fin Afa bu Cidon ra dan ke. Wa danra, ’Aban waa pajukun baa myi tan nghaku ra, ciri aban waa be kasen bi ndeku myi cin pwe bu atan kiyo.’" ¹⁸ Yesu danra, "Ko kani kata wama kokwi ki cin aban waji kuri tenfo ama apa waa aban waji ma dzu taku ki cin, ri da bwa tsabaku caka numa." ¹⁹ Dede waa Yesu dan aji wa kara baco baa ri fyen pajukun aji bu Cidon, ba abe von baa ciho bena con be pan Yesu dede waji ki cin waa be fèyi cinna bu aji waa ku dan ra, ku kapyo webe ki di, ama bena zin mikyin bu pajukun. ²⁰ Bena nweku nwenwe waa be panku. Be gbè pajukun weku ki nwobe jiji be tsa tsadzu be ci pajukun baa ri zen nde ba ajia, bena kaku vo ki fin, bé nwenwe pan san aji dzun waa kuma zen daa ki nua be nde vo pan yo, be panku yi baa sen tswen, baa sen tswen be hun ndeku yi Akù. ²¹ Bē kaku vo ki fin mbyeku ce danra, "Manu, i yinu danra, abu waa una fyen tà yii ba ajiu waa una dan ra sansan ki pyen bu Cidon. Uri conu apa dzun ka apa dzun ba. ī yinu danra abu waa una fyen pajukun ra ci nyaco bu Cidon ajinderi byenbyen. ²² Sansan í wawe yi Kaisar, ko san’a ba?" ²³ Yesu pan yì aroho bu aji wa ki fin mikyinbe ranu. Ku dan yibe dan ra, ²⁴ "Ní nde abè waji bi m mbyà. Acin akù wa kiyo, ba azèn wa kiyo ra ci kani?" Be dan yiku danra, "Acin akù Kaisar ba azèn’a ciri kiyo." ²⁵ Se Yesu dan yibe danra, "Ní yi Kaisar abu wama ci abu Kaisar, ní yi Cidon abu wama ci abu Cidon." ²⁶ Ki bye aji waa Yesu dan ra, be dube aji dzun waa be nde vo pan yo, be panku ki pyen bu pajukun ki bye waji numa ba. Se nwobe ken ta, ken don ki cin aji waa ku dan yibe ra. ²⁷ Abe Sadukiyawa ciri baa zenbe nde danra apa ma hu ra, ku kari do don ba cindi riba. Badati ki finbe bi ki bye Yesu, be mbyeku danra, ²⁸ Mamu, ki bye adon bu Musa tā yii ra ku danra, ’Apa dzun ma hu fan awaa jinni bema mbabe nwu ba dibe ba, se nwuza bu nua ku kwan fin’a jiji ku mba nwu yi nwuzaa wa hu ra.’ ²⁹ Andi pajukun badati ki tiri kwan dzun tsupyen be ci bazhenza fin dzun ba dibe. Wa kapyen ban wuwa be mbabe nwu ba dibe ba, anua dzu ta jinni hu fanku jinni. ³⁰ Se wa teku ra kwan fin awa bu nwuzaa waji, awuwa waji ka mbaa nwu yiku ba, anua ka hu fanku jinni, ³¹ Ka ci numa ba wa kwan tsara keke ya zan cin bu wa kwan tsupyen ra, katabe be ban awuwa wakara, be mbabe nwu baku ba, katabe be hu vin ni. ³² Ki nyaken wakara awuwa waji dzu ta jinni hu du. ³³ Tanma ra, ú dan yii, anyunu waa Cidon ri ba do pajukun do don ki bye aki ra, awuwa wakara ribi ci awa bu kani ki finbe ki cin waa abe tsupyen hora kata be banku." ³⁴ Yesu dan yibe danra, "Pajukun baa ki myi tanma wunu ba wuwa na ban aben ba dibe. ³⁵ Ama anyunu wa kyen ra pajukun baa ken waa Cidon ku ba dobe ki bye aki ra beri do don ba cindi wa ci kenken, aji bu aben wa banban ribi baani ki don. ³⁶ Beri ci tsadzu zhentsōn bu Cidon beri hube riba, be ci zhenzhen bu Cidon baa Cidon ba dobe ki bye aki. ³⁷ Musa dan yafan jinni van numa yii ki fin Afa danra, Cidon ri bado pajukun baa huhu ra do don ki bye aki ba cindi. Ku dan numa ki bye Afa wa zen aji ki cin apyu wana se ki hwan, ama ji tsòn’a byen ba, dede waji Cidon na danra, ’Ami ci Cidon bu Ibrahim, m ci Cidon bu Ishaku, m ci Cidon bu Yakubu.’ ³⁸ Ku cia Cidon bu pajukun baa huhu ba, ki cin waa ko kani kata na du cindia wa ci kenken ki bye Cidon." ³⁹ Apa dzun ki fin pajukun baa ri fyen tà yi pajukun aji bu Cidon danra, "Manu ajiu waa u dan ra ci coa." ⁴⁰ Ki nyaken wakara apa dzun wa gbankà mikyin mbye Yesu aji baani ri. ⁴¹ Yesu mbyebe danra, "Tsa nini bena danra, Kiristi ci Nwu bu Dawuda? ⁴² Dawuda ba dia ki fin Afa bu Avyon wa tsotso dan ra, ’Cindoi Cidon dan yi Cindomi danra, ú tuci go kyekye vo wunumi, ⁴³ Pan numa ya zan anyunu waa mri yiu te pajukun baa na zeu ra abe ki cinbe.’" ⁴⁴ Yesu danra, "In Dawuda ba dia ma ba Kiristi danra Cindoa, tsanini kukà ci Nwua ri?" ⁴⁵ Dede waa pajukun suu numa na gon tson fo aji waa Yesu na danra, se Yesu dan yi abe baa bàku hora danra, ⁴⁶ "Ní wa dini sansan ba baco baa ri fyen pajukun aji bu Cidon ra. Bena fa ki fin ti na kyen ba bukenbe pan jinni wurududu numa na con jiji bena nabe jen. Be vya wa ci ki byecu bu baco ki pyen ki tan wa fyen bu. Bema tsa cinkwan kata beri tí byecu baa ciho ciho kata ki pyen ri ciyo. ⁴⁷ Bena pan buju pyu ki vo bu bawuwa aki na ji, bena da kanbe pwadzu ki ndobe. Bena dzwa nde gbe aji gon’a gon’a numa, anwe. Beri bi ka fyin wa baba numa kari kata."

¹ Yesu gbè zoa don numa ku mbyà pajukun, se ku mbyà pajukun baa sen bu ki vo nwà abè na we bye atukpe ki tan wa wa Cidon na yi Cidon. ² Ku mbyà awaki dzun wa tsa hwen wa dua abu dzun ki vo ba, ku ho kobo pyinna ya we bye atukpe waji du, yi Cidon. ³ Yesu dan yi pajukun danra, "Mna dan yini aji wajinderi abè waa awaki wa tsa hwen ra yi ra, hwe ka abu pajukun badati hora ri kata. ⁴ Ki cin waa pajukun badati hora pyà dzu cin abu waa be ci baku ki vobe titi numa vinni bi yi Cidon, ama awuwa wakara ci awuwa wa tsa hwen, abu wa dati ki voa waa kuri ji, ku kpa mbyā re kata nde bi yi Cidon." ⁵ Pajukun badati ki finbe na vyace ki cin bu atan wa wa Ci don. bena zen aji ki cin atan waji be gyaku gyagya sansan numa ba aban baajinderi jinderi numa baa sansan hora. Be kana zen aji ki cin abu waa pajukun na yi Cidon ra. Yesu danra, ⁶ "Abu baa nina mbyàbe hora kata anyunu nabi ki pyen kire waa niri mbyàni ko aban dzundzun numa ki cin bu wadzun ki don ba. Beri bi da gbanbe kata nyanya ki jinni ki cincin." ⁷ Pajukun baaji mbye Yesu danra, "Manu, a dede wani waa abu waji ribi tsa. Ake waji ribi tà yii àmà bu abu waji ri?" ⁸ Yesu dan yibe danra, "Ní tsa sansan apa dzun kúká puni ba. Ki cin waa pajukun suu ribi nde zen mi ri pu pajukun kiyo danra, ’Be ci Kiristi! Anyunu bayo ra!’ Ama níká bàbe ba. ⁹ Nima fo ata ken wa nunu ba bye myi wa ndedi, nika zinni zin ba, Ki cin waa ci ken abu baakara be kapyen tsa hunnu. Ama bema tsa numa taa danra anyunu wa kennu mba tiri ri raba. ¹⁰ Atswen dzun ba atswen dzun ri nuken ba dibe, finka ba finka dzun ri nuken ba dibe. ¹¹ Bye myi ribi ndedi suu numa, ambo ribi bwan, ado wa dáda gbuu ba tswen numa riko, pajukun ribi mbyà abu badati ki don zinzin numa, ba abu badati baa ken nwo baa ta hwe bu Cidon. ¹² "Avo waa abu baakara ri ngha tsaa raba tiri, beri panni, beri yini fyin, beri panni ya ki pyen bu baco baa ki tan wa fyen bu, beri honi we tan, beri honi ya ki pyen bu abe akù akù, ba baa sen tswen ki cinmi. ¹³ Anyunu wakara nī du apyo wa nde Aji wa Sansan ki cinmi dan yi pajukun. ¹⁴ Ama avo waa anyunu waji bia raba, níká ge kyin ga hwan ki cin aji waa niri bi ya zen ki pyenbe ba. ¹⁵ Ki cin waa mri bi yini ayì, ba aji wa zen yiyi ki nu, waa pajukun baa ri zeni hora ri sun kabe anu bani ba. ¹⁶ Ama har atani ba ayoni, ba bazhenzani, ba bavyonni, ba ba joni beri gbeni hwa fin aji ní kà vo bu baa sen tswen, beri bwan badati ki finni. ¹⁷ Ko kani kata ri nghani nghangha ki cinmi, ¹⁸ Ama ajin wa ki cinni ko dzun dzun numa ri gbedzu taa ki jinni ba, ¹⁹ Ní pantse gbangban numa ki cin waa ki cin wa pantse gban gbanni ra hunnu niri nwàdzu." ²⁰ Yesu na danra, "Ayo waa nima mbyà pajukun baa nuken ma ge shukwa Urushalima shon dzun ra, ri yaa ki pyen kacin riba Urushalima ri dzu hunhun ki jin ni. ²¹ Ayo wakara pajukun baa na ki tswen baa ki Yahudiya ra, bé she neya ki cin kwen, pajukun baa na finka Urushalima bé she pwadzu ya, pajukun baa ki da hora béká she bi finka ba. ²² Anyunu baakara ci anyunu waa Cidon ri ban pajukun ton yo, jiji ku we ba aji baa Afa dan ra. ²³ Mè hun! Bawuwa baa ci ba afin ki di, ba baa ci ba baci baa rijan ki vo, ki bye ayo baakara! Pajukun suu numa ri wa fyin cia wa titi ba, ki cin waa Cidon na nakyin ba pajukun baaji baakara. ²⁴ Beri ge bwan badati ba gisingiri, badati beri panbe we tan ho gafan we finka cincin cincin. Pajukun baa cibe Yahudawa ba, be yibe Cidon ba, beri gbàn finka Urushalima ri." ²⁵ Yesu danra, "Niri mbyà àmà bu abu badati ki bye anyunu, ba ason, ba atswí. Pajukun ki fin tswen wakara kata ri zinzin, bema fo ndekuto bu teku numa akyinbe ri gedzu. ²⁶ Pajukun badati ri zinzin ri ko hu, ki cin azo bu baa tswi tswi baa ri ko ki fin tswen kire ra. Ki cin waa abu baa ki don kata ribi ndedi. ²⁷ Ki nyaken wakara niri hun mbyà Nwu pajukun nabi ki fin anandi, kuri bi ba gbentsòn ba hwe cia wa dandan ba. ²⁸ Ayo waa abu baakara ma jo nwo wa tsatsa numa ní gbè zoni ki don ni mbyà bye hwadon, ní yi danra anyunu mba tiri waa Cidon ku nwà dzuni." ²⁹ Ki nyaken wakara Yesu dan yibe cinna bu aji dzun danra, "Ní wezo mbyà hin tin ba hin badati sansan. ³⁰ Ayo ma mbamba waa beri tswa je ra, ní mbyà ba azoni, ní yi danra acù kone na dzubye ra. ³¹ Ci tsadzu waa niri mbyà abu wa ki fin tswen ri tsa numa ra, ci numa Tsòn bu Cidon na dzubye ba wa bibi ra. ³² Ní kye pan sansan. Abu baakara ri tsa avo waa pajukun baa tanma ngha hube raba tiri. ³³ Abye don ba bye jinni ri ji jinni ama ajimi ri jia jinni ba." ³⁴ Yesu danra, "Ani ba dini ní tsa sansan, níká fan dini yi buju wa jiji hwe kagben, nina ji na pyenzu, nina wa na pyen, níká bà aji bu abu baa ki fin tswen be hwa mikyinni ku ci pyipyi numa har Anyunu waa Yesu ribi ra kubi geni gege bwa numa ba. ³⁵ Anyunu waji ribi ge pajukun ki fin tswen gege bwa numa kata. ³⁶ Ko ayo wani kata ní nwe nwo nwenwe ci, nina vo Cidon ku yini gben wa pantse gbangban numa ki cin waa dede waa abu baakara kata ma duni ní gban mikyin ba waa ní pantse ki pyen bu Nwu pajukun." ³⁷ Ko anyunu kù wa ki don wani Yesu na ka ki tan wa wa Cidon bu Yahudawa hora, kuna fyen pajukun bu. Afitse ma tse kuri pwadzu ya na cin kwen waa beri baku danra Zaitun ra. ³⁸ Ko ponpon wani kata pajukun ri kwan ki tan wa wa Cidon jiji be fo abu wa fyenfyen’a.

¹ Dati anyunu pyinna waa abe Yahudawa ri kwan ki bye dzundzun ya zan anyunu tsupyen waa beri ji borodi waa be webe abu wari ndē mbu bo rodi kiyo ba. Cin kwanbe beri baku danra paska waa beri kye pan ba anyunu wa ndi gbogbo waa Cidon nwàdzu bayakui ki Masar ra. ² Abe avon baa ciho, ba baco baa ri fyen tà yi pajukun aji bu Cidon ra be ho nube ma dzun jiji be nya nyaco wa bwan Yesu, ama bena we hwan bu pajukun. ³ Shetan ka ki mikyin bu Yahuda Isikariyoti. Ku ci dzun dzun ki fin abe baa bà Yesu kwan dzun dzwe nwa pyinna hora. ⁴ Ku ya ki bye abe von, ba watson baa ri mbyà atan wa wa Cidon ra, kuna nya nyaco waa ku nde Yesu hwen yibe. ⁵ Vyabe kagben, be zen nde danra beri hwaku abè. ⁶ Yahuda zen nde ba abè waji waa be danra beri yiku ra, ci numa ku nya nyaco waa ku nde Yesu dzobe ki vo jiji pajukun béká yi ba. ⁷ Anyunu mba tiri waa Yahudawa ri kwan cin ki bye dzundzun ri ji borodi waa be webe abu wari ndē mbu borodi kiyo ba. Ci anyunu waa beri bwan zhen dòn be ji Paska kiyo. ⁸ Yesu tson Bitrus ba Yohanna tson, ku dan yibe danra, "Ní ya, ní ya tsai buju bu Paska yo i ji." ⁹ Be mbyeku danra, "Ábye wani waa una con í ya tsa buju waji kiyo?" ¹⁰ Ku dan yibe danra, "Ní fo, dede waa nima kaya ki finka waji numa niri shon ba apa dzun wa tswan ape jape ki cin’a. Ní bà baku ya ki ndo waa kuri ya ka yo ra. ¹¹ Ní dan yi wa sen ndo waji danra, ’Manui na mbyeu danra: Atan kyon waa mri ji Paska kiyo ba baa bàmi kini?’ ¹² Kuri ta yini atan dzun kwakyi numa wa kwan pyinna ki don. Atswén bu butso wa tsa buju kiyo na tan waji kata." ¹³ Be ya du koke kata ki bye waji kyoo numa ci tsadzu waa Yesu dan yibe ra. Be tsa buju bu Paska waji, ¹⁴ Waa ayo mba tiri rara, Yesu tuci byecu ki dzun ba abe fo tson’a. ¹⁵ Ku dan yibe danra, "Avo waa m ngha kami ki fin fyin raba, mna con ba mikyinmi kata waa m ji buju wakara bani hunnu, ¹⁶ Mna dan yini kara, mri mbyā jimi Paska dzun riba, se butsoa ma tsa zan myi kata ki ndo tsòn bu Cidon hunnu." ¹⁷ Se Yesu nde avyé ku mbu mikyin yi Cidon, ku danra, "Ní nde wa kara ni wa ken cin dini. ¹⁸ Mna dan yini kara pan kire ya ki pyen mri wami jape bu nwa hin anab riba, se atsòn bu Cidon ma bi ra hunnu." ¹⁹ Ku nde agan bu boro di, ku mbu mikyin yi Cidon, ku koken gafan borodi waji yibe, ku danra, "Borodi wakara ci adimi waa mri nde ri yi ki cinni. Ní tsa numa ki cin waa ni kyepan bami." ²⁰ ki nyaken waa be ji vinni buju ra ku nde avyé tan don ku danra, "Avyé wakara ci nuge wa ripye ki bye asami waa mri nde we jinni ki cinni. ²¹ "Ama ní wezo ní mbyà! Apa wari ndemi hwenji ra bami na dzo vo ki dzun ki bye kwe kire. ²² Nwu pajukun ci ken ku hu ci tsadzu waa Cidon so numa ra, ama apa waa nwo aki wari bwanku dzu byea ra, mm hun’a!" ²³ Se abe baa bàku hora na mbye dibe aji danra, "Akani waji na con wa tsa abu wakara ri?" ²⁴ Abe baa ri bà Yesu na sun hwe ba dibe na mbye dibe dan ra, a kani ki finbe ri ciri ba hwe? ²⁵ Yesu dan yibe danra, "Ní yinu abe akù baa ki fin tswen ri ta pajukunbe agbentsòn waa be ci baku, abe tsònku hora bena con be ci pajukun baa ci sansan ki pyen bu pajukun. ²⁶ Ama buni ki byeni wakara cia ri nyaco waa niri dzu ba. Apa wama con ku ci ba hwe ki finni, ku tsa anyani kata. Apa wama con ku ciri baco wa ki pyen kata ci ken ku kofyin wani. ²⁷ Apa wama tuci jinni na jiji azoa ba apa wana kyakya yiku na ji ra, akani kari ba hwe ki finbe? Apa wa tuci na jiji maari vinni ra cia ba hwe kari ba? Ci numa ami ci anya ki byeni wana tsa buju tsatsa yini ji. ²⁸ "Ama ani ciri baa yimi gben mikyin dede bu fyinmi ra, nī she fanmi ba. ²⁹ Ami ma m nde tsòn kwani ki vo ra, ci tsadzu waa atami nde kwami yo ra. ³⁰ Niri ji dzun bami, ri wa dzun bami ki ndo Tsonmi ki vo wunumi ní fo atsu bu zhenzhen Isra’ila dzwe nwa pyinna hora kwen." ³¹ Yesu danra, "Siman Siman! Shetan vo du nyaco wa ken mba foni kata ra, ci tsadzu waa beri ven gafan aza ba atsin’a ra. ³² Ama m pya Cidon weu yo, Siman, ki cin waa ú pantse bye wajinderiu gbangban, úká kokwi ba. Ayo waa uma pukan zén u kasen bi byemi ra, ú yi bazhen zau baa ki nyaco bu Cidon gben mikyin." ³³ Bitrus dan yiku danra, "Cindo, ko bema pan u ya hwa hwa ki tan, ami zen nde m bau ya na ki tan waji ki dzun, ko ma ci aki ma, m zen nde mri bau hu aki waji ki dzun." ³⁴ Yesu dan yiku danra, "Au Bitrus, afitse wa jinna ávo waa akwìn ngha daa ndekuto raba, uri tson nutson danra, u yimi ba, sen diu dzwa tsara." ³⁵ Yesu mbyebe danra, "Andi ayo waa m tsonni tson danra níká nde ashuku ba, niká nde abà ba, niká dzo ahobenī ba, ni ndi nyani ba abu dzun?" Be dan ra, "Ḿ, m̀." ³⁶ Yesu dan yibe dan ra, "Ama tanma ra ko kani wama ci ba ashuku, ba ndu, ku nde. Apa wama cia ba gisingiri ba, ku ho tukpaa hwen ku ho abèa ya hwen gisingiri kiyo. ³⁷ Mna dan yini aji wa ki fin Afa bu Cidon danra, ’Beri ndeku so ba apa wa tsa abu wa baba abu dzundzun’. Aji wakara be dan ki cinmi ci numa ra mri tsaku. Ko aji waji kata waa bema dan ki cinmi ko tanma mri tsaku tsa tsa." ³⁸ Se be dan yiku danra, "Cindo, gisingiri pyinna ki kara!" Yesu dan yibe danra, "Mba ra numa!" ³⁹ Ci tsadzu waa Yesu ri tsa kékè ra, ku pwadzu ki finka ya ki cin kwen waa beri baku dan Zaitun, abe baa bàku baku kyen dzun ya. ⁴⁰ Ku zan bye waa kuri ciyo pya Cidon keke ra ku dan yibe danra, "Ní vo Cidon jiji niká ka vo bu tswe ba". ⁴¹ Se Yesu kpasun ya kankan numa mba mba waa apa ma ta aban ri zan bye waji, ku tu ben jinni vo Ci don. ⁴² Ku danra, "Ata uma zen nde ú nde avyé wakara don ki byemi, ama se abu waa uma mbyà san u, ka bà aji bumi ba." ⁴³ Ki nyaken wakara nwutsōn bu Cidon bi dan gbanku mikyin. ⁴⁴ Yesu ci ba mikyin wa pepe hwehwe numa, ku foji Cidon wana vovo kwan kiyo gbangban. Byetu na wa dzu dia na we jinni ci tsadzu agege asa. ⁴⁵ Se ku do ki bye waa ku vo Cidon kiyo ra kasen bi bye abe baa bàku, ku dube be foji aná wana nana, mikyin’a bá jinni. ⁴⁶ Ku mbyebe danra, "Tsanini nina foji ana wana nana? Ní do don ki don ní vo Cidon jiji She tan kúká du nyaco wa tswani tswe ba." Yesu ku pan Yesu be ki kon mikyin’a bà kwan mikyin bàku. ⁴⁷ Ayo waa Yesu na zen aji ki vo numa pajukun suu numa bi ki byea. Yahuda Isikariyoti adzun dzun ki fin baa bàku kwan dzun dzwe nwa pyinna hora ho pajukun baa bi ra nyaco ri. Ku bi fo ki bye ⁴⁸ Ama Yesu dan yiku danra, "Yahuda, ù ndemi hwenji ra, hun kasen bi na bye Nwu bu pajukun?" ⁴⁹ Abe baa bàku badati baa baku ci dzun ra, waa be mbyà abu waa pajukun hora ri tsa ra, be mbyeku danra, "Cindo, uri con i gebe ba gisingiri?" ⁵⁰ Se adzun dzun ki fin abe baa bàku hora gbe nwa gisingiri geken tson go kyekye vo wunu bu anya bu avon wa ciho dzun wa kari kata. ⁵¹ Ama Yesu dan yibe danra, "Ní fan jinni!" Se ku go vo ki tson bu apa waji atson’a kasen ci tiri kiyo kyoo numa ci tsadzu wa ndi ra. ⁵² Abe von, ba baco baa sen tswen ba abe banuken baa ri kon atan wa wa Cidon hora, waa be bi zan jiji be pan Yesu numa, se Yesu mbyebe danra, "Ake tsari ni bi ki byemi ba gisingiri ba acukon ci tsadzu ni bi pan apa wa gbanco? ⁵³ Ko anyunu wa kini kata m bani ci dzun, ni pan mi ba, ama ayo wakara ci buni waa ni tsa butso ba gbentsònni bu afitse." ⁵⁴ Se be pan Yesu be ndeku ya ki ndo cin bu abe von kata; Bitrus na kyakya ki bahun na bàku ki nyaken. ⁵⁵ Ki nyaken waa be tuse pyu ki yoba bu fi bye wa fo kwen, Bitrus babe ci bye waji na vye pyu du. ⁵⁶ Waa nwu wa wuwa dzun mbyà Bitrus na vye pyu numa ra, ku nde zo dzwa soku ki cin ken nwo pyi numa, ku danra, "Apa wakara ci dzundzun ki fin bando bu Yesu du." ⁵⁷ Ama Bitrus tson nde nu hun jinni danra, "Awuwa, m yi fomi apa waa una zen aji ki cin’a ra fo raba." ⁵⁸ Cifo titi numa apa dzun ka mbyàku danra, "Au ma, ù ki finbe du." Ama Bitrus danra, "M’m, cimi ba!" ⁵⁹ Ki nyaken titi numa vinni apa dzun danra, "Ayepye baani, apa wakara baku ki dzun du, ki cin waa ku ci apa wa ki Galili!" ⁶⁰ Ama Bitrus ka mbyā danra, "Au apa wakara, m yimi apa waa una dan aji ki cin’a raba!" Dede waa kuna dan aji waji ngha bàande raba ma, se akwìn da ndekuto. ⁶¹ Se Cindoi Yesu pukan zoa so Bitrus ki cin ken nwo pyi numa. Bitrus kye pan ba aji waa Yesu ndi dan yiku danra, "Afitse wa jinna ra avq waa akwìn ngha daa nde kuto raba, uri tson nutson ki cinmi sen diu dzwa atsara." ⁶² Se Bitrus pwadzu dagban jinni ba ndekuto ki myi cia wa dandan ba. ⁶³ Pajukun baa na kon Yesu ra, be vyenku yyon, be ndeku nayo dada numa ba akpan. ⁶⁴ Be ho tukpa kpon tsuken zoa, be mbyeku danra, "Akani waji dau ri! Ú dan yii azen bu apa wa dau ra!" ⁶⁵ Be zenku ajibo badati hwehwe numa vyen vyon weyo. ⁶⁶ Nakyabyea abe Yahudawa baco baa sen tswen, ba abe von baa ciho, ba baco baa ri fyen tà yi pajukun aji bu Cidon ra, be ho dibe kwan bye dzundzun, be nde Yesu ya ki tan wa fo kwen bube jiji be foku kwen. ⁶⁷ "Uma ci Kiristi ajinderi byenbyen ú dan yii." Ama ku dan yibe danra, "Ko mma dan yini ma niri panni vo kiyo ba. ⁶⁸ Mma ka mbyeni aji niri danyimi ba. ⁶⁹ Ama ki pyen kire Nwu pajukun ri ci vo wunu wa ba gben bu Cidon." ⁷⁰ Baeo hora kata mbyeku danra, "Agbo! Abu waji u ci Nwu bu Cidon pa?" Ku dan yibe danra, "Nī dan ra." ⁷¹ Be mbye dibe danra, "Iri kari nya aji dzun kwan yo tiri? Ki cin waa ai ba dii i fo aji waa ku dan ki nua ranu ba tson dii!"

¹ Baco baa ki pyen baa kwan ki bye dzundzun ra do ki don kata nu dzundzun nde Yesu ya ki pyen bu Bilatus Babuntu. ² Be jo nwo wana dzwa boa ki pyen’a danra, "I pan apa wakara bi ki cin waa kuna nukwan pajukun bandoi cin, kuna dan yibe danra beká wawe yi Kaisar Agustus ba. Kuna danra ku ci Akù Kiristi." ³ Bilatus mbyeku danra, "Ù ci Akù bu Yahudawa?" Yesu danra, "U dan ra." ⁴ Se Bilatus dan yi abe von baa ciho hora ba pajukun baa kwan ki bye waji ra danra, "Bumi m mbyàmi bo bu apa wakara ki bye abu dzun ba." ⁵ Ama pajukun zen aji tson atò kiyo baka wa kyan kapyen rari danra, "Apa wakara na fyen pajukun bu panbe mikyinbe yo na nukwan cincin. Ku kapyen jo nwo abu wa fyenfyen avo ki Galili pan numa ban shukwa tswen baa ki Yahudiya kata pan numa keke bi zanzan ki finka kire." ⁶ Bilatus fo aji wakara numa ku mbyebe dan ra, "Apa waji wakara ci apa wa ki Galili?" ⁷ Waa Bilatus fo danra Yesu ci apa wa ki fin tswen wa ki vo bu Hiridus ra, ku yibe nde Yesu ya yiku. Ki fin anyunu baaji baakara Hiridus ba dia ki Uru shalima du. ⁸ Ayo waa Hiridus mbyà Yesu numa ra vyaku kagben, ki cin waa avo ndi gbogbo kuna fo don bu Yesu kuna con Yesu ku tsaku abu dzun wa ken nwo waa kuri tsa ra jiji ku mbyà. ⁹ Yesu wā aji wa mbyembye suu numa ki bye Hiridus, ama Yesu poanu ba. ¹⁰ Abe von baa ciho, ba baco baa ri fyen pajukun aji bu Cidon ra, pantse na pyen bu Hiridus na dzwa bo bu Yesu ba gben suu numa. ¹¹ Hiridus ba banuken hora tsa ci Yesu, be vyen Yesu vyon, be sinniku. Be weku buken wajinderi sansan numa ki di, ki nyaken wakara Hiridus ndeku kasen ya yi Bilatus. ¹² Andi byecu bu Bilatus ba Hiridus be ci byecu bu apyu ba ambu fyon ba dibe, ama ki bye ayo wakara be ban vyon ba dibe. ¹³ Abe von baa ciho, ba baco badati hora, ba pajukun suu numa Bilatus babe nde danra be kpabi pyen’a, ¹⁴ Ku dan yibe danra, "Nī nde apa wakara bi pyenmi kire danra ku ci apa wa gbàntswen, ama aboa waa ni dzwa ra, m bà aji waji numa keke ya dzwa myi m panmku ba ada dzun ko titi numa ba. ¹⁵ Hiridus ma duaku ba ada dzun ba. Abu wa tsa ku ndeku kasen bi ki byei ra, ki cin waa ku daa aji dzun wa ken wa huhu ba. ¹⁶ Mri daku kpan m fanku yo," ¹⁷ [Ki bye kwankwan bu Yahudawa ri kwan be baku danra Paska ra beri tsa abu son tswen dzun kiyo waa ko aju wani beri ten apa dzun ki fin baa be panbe we tan ra fanku jinni azota numa.] ¹⁸ Se pajukun kata nyakyin nu dzundzun gbangban numa danra, "Ní nde Yesu bwan! Ní ten Bara bas pwadzu ni fanku yo." ¹⁹ Bara bas ci gbàntswen wa ndi kwan cin ba pajukun badati hwa aken ki finka bwan pajukun ra, ábu wa tsa be ndeku hwa tan ra hun. ²⁰ Bilatus ka mbyā zen aji babe kwan yo, ki cin waa kuna con ku ten Yesu pwadzu fanku yo ya. ²¹ Ama be nyakyin danra, "Be nde Yesu kan ki cin hin wa shon gege! Be ndeku kan!" ²² Bilatus ka nde nua don mbyebe aji wa kwan tsara danra, "Apa wakara dani ke? M panmku kwen bu abu dzun wa baba waa ku da kēn waa ku hu ba. Mri daku kpan vinni ni fanku jinni ku ya kyon’a." ²³ Ama pajukun hora nyakyin ba gbenbe kata. Ko kani kata na danra ci ken be ya kan Yesu. Akyube ne don kagben. ²⁴ Se Bilatus zen nde yibe anu be ya tsa abu waa bena con ba Yesu. ²⁵ Bilatus ten Barabas ki tan pwadzu yibe. Ku ciri apa waa be vo danra jiji ku ten nwàku pwadzu ra. Ku ndi ciri gbàntswen wa hwa aken ki finka bwan pajukun hunnu be ndi panku hwa tan ra. Ama Bilatus fan Yesu dzo be ki vo bé ya tsa abu wana tube baku ra. ²⁶ Waa be nde Yesu hwa pyen naya ki nyaco numa, be shon ba apa dzun beri baku danra Siman apa wa ki finka Kurane, ku dzu da nabi ki Urushalima. Be pan ku teku nu bayo nde ahin wa shon gege senku ki cin’a danra kú bà Yesu ki nyaken. ²⁷ Pajukun suu numa na bàku ki nyaken. Bawuwa badati ki fin be na shen aki kundekuto naku ki nyaken. ²⁸ Se Yesu vyin pukan zo mbyàbe numa ku dan yibe danra, "Ani bawuwa baa ki Uru shalima níká shenni akimi ba, ama ni shen aki bu adini ba bazhenzhenni. ²⁹ Anyunu nabi ki pyen kire pajukun ribi danra, ’Bawuwa baa ken mba, bawuwa zakenku, ba bawuwa baa nwu ma foa myibe raba, afyin bube ri sanfo ka bu bawuwa baa ci ba zhenzhen ki vo.’ ³⁰ Ayo wakara pajukun ri vo cin kwen hora danra, ’Ni kò be tsuken’i, beri vo age hora danra, Ní hoi yu!’" ³¹ Se Yesu dan yibe danra, "Abu waa pajukun na tsa ba hin wa tashuma numa kara, hin waji ma nwe beri tsaku nini hun?" ³² Be ho pajukun baa gbanco kwan dzun pyinna ya kwan ki di bu Yesu jiji be bwanbe ki bye dzundzun. ³³ Waa be kyen zan ki cin age dzun waa beri baku danra, "Koko cin bu apa," be nde Yesu kan ki cin hin wa shon gege kiyo. Pajukun baa gbanco kwan dzun pyinna hora be nde dzun kan ki vo wunua. Wadzun be ndeku kan ki vo sua. ³⁴ Yesu danra, "Ata, u fan abu wa bababe yibe, ki cin waa be yibe abu waa bena tsara ba." banuken hora da abaadzwin ki cin tukpaa jiji be ho gafan yi dibe. ³⁵ Pajukun pantse na byeri na weku zo, abe baco Yahudawa hora vyen gbe nyi baku ki di. Bena danra, "Ku nwàdzu pajukun badati, in apa wakara ma ci Kiristi Nwu bu Cidon ajinderi byenbyen waa Ci don ceku cece, kú nwàdzu dia dzwa jinni!" ³⁶ Abe banuken hora ka tsaku awò du. Be bi ki pyen’a na con be yiku jape anab wa ban ban ku wa. ³⁷ Be dan yiku danra, "Uma ci Akù bu Yahudawa aji nderi ú nwàdzu diu!" ³⁸ Ki cin hin waa be ndeku kan yo ra, be ta abu kiyo danra, "WAKARA CI AKÙ BU YAHUDAWA." ³⁹ A dzun dzun ki fin pajukun baa gbanco kwan dzun pyinna hora mbye Yesu aji bu para numa danra, "Áu du Kiristi ba? U nwàdzu diu bai kata dzwa dzundzun mana." ⁴⁰ Ama wadzun nde nua don nyaku nde danra, "Au ko azin bu Cidon numa uri zin u ba? Ai kata aji dzundzun tsei ri. ⁴¹ Ama ami bau, aju tsei ki dn waa ina pan vokwin bu abu wa babai waa i tsa, ama apa wakara tsaa abu wa baba dzun ba." ⁴² Se ápa wa nya nwuzaa nde ra vo Yesu danra, "Yesu u kyepan bami dede waa uma pan tson u ra" ⁴³ Yesu dan yiku danra, "Mna dan yiu aji wajinderi jinna ù bami d dzun ki paradais." ⁴⁴ Dede waa anyunu zan ki yoba bwa numa ra, fin tswen kata na tsuken jinni gyu numa keke ya zan asho tsara. ⁴⁵ Tukpa waa be dzo ge gafan atan wa wa Cidon baku ra kyi gafan jinni pyinna. ⁴⁶ Yesu bānde gbangban numa danra, "Ata, mna hu we ki vou ki kara!" Maari waa ku dan numa ra se ku ken nwo, ⁴⁷ Waa cin bu banuken hora mbyà abu waa ku tsa ra, ku nya zen bu Cidon danra, "Ase aji nderi apa wakara ci apa wa san san wari tsa abu we hwan bu Cidon!" ⁴⁸ Pajukun baa kwanna bye waji kata jiji be mbyà abu wari tsa ra, waa be mbyà abu wa tsa ki bye ba azobe ra, be da vo ki mikyinbe numa kasen ya ndo. ⁴⁹ Abe bajo bu Yesu ba azo mbyàyi kata kwan ba bawuwa baa dzu ki Galili baku kyen dzun bi ra, be pantse na bye wa nana ki bahun na mbyà abu baa tsa ra. ⁵⁰ Apa dzun wa ki fin Yahuda wa baco baa sen tswen, azen’a danra Yusufu, apa wajinderi byenbyen sansan numa. ⁵¹ Bua avoa ba abea baani ki bye aji waa be den ki cin bu Yesu ba abu waa be tsaku raba. Ku ci apa wa ki finka bu Yahudawa dzun waa beri baku danra, Arimatiya. Ku nde zoa hwa nya co na bazo tson bu Cidon. ⁵² Ku ya ki bye Bilatus ya voku danra, ku yiku kwan bu Yesu. ⁵³ Se ku ture kwan bu Yesu dzwa jinni, ku penku ba akya bufyen, ku ndeku ya ki shimbi waa ku pwa ki cin aban waa ku ndi pwa soso, bē ji fobe aki dzun kiyo fo raba. ⁵⁴ Anyunu waa Yesu hu ra ci anyunu Jumma anyunu waa Yahudawa ri mbyā tswénbe kwan dzun mbyā dibe soso nakyabyea ci anyunu wa ngha nwobe. ⁵⁵ Bawuwa baa dzu ki Galili kyen dzun baku bi ra, be bà Yusufu ki nyaken ya mbyà shimbi waji. ⁵⁶ Ki nyaken wakara be kasen ya ndo kyonbe ya mbyāsan tswén baa nufyin san san numa ba abyu baa nufyin sansan numa. Nakyabyea ra be ngha nwo tsadzu waa adòn dan ra.

¹ Bawuwa baa ya nya abyu wa nufyin sansan numa jiji be ya pa kwan bu Yesu ki dia ra, anyunu Lahadi wa ci anyunu wa kapyen ki fin byecen, be na dodo ponpon pyuu numa abye na tsa biri biri numa tiri ya ki shimbi. ² Aban waa andi banuken hora nde be tsuken nu shi waji kiyo baku ra, waa be zan ki bye waji ra be mbyà aban waji gandzu taya kankan. ³ Be kaya ki shimbi waji ama be mbyàbe kwan bu Yesu ba. ⁴ Waa be ci bye waji na ga aji numa mwa mwa numa be wezo mbyà pajukun pyinna pantse na gobe kara, tukpa bufyen ki dibe na zun nyanya numa. ⁵ Azin pan bawuwa baaji se be tu ben jinni ki pyen bu pajukun hora. Pajukun hora mbyebe danra, "Ake tsari nina nya apa wa ci ba cindi ki shimbi? ⁶ Yesu baani kire, ku do ba cindi ra! Ní kye pan ba aji bua waa ku ndi dan yini avo waa ku ki tiri ki Galili ra, waa ku ndi danra, ⁷ Nwu pajukun anyunu dzun beri nde ku hwenji yi pajukun baa tsa abu wa baba, beri ndeku kan ki cin hin wa shon gege, kuri hu, ama anyunu wa kwan tsara kuri do ki don ba cindi." ⁸ Bawuwa hora kyepan ba aji waa ku dan yibe ra, ⁹ be do ki cin mbi ra kasen ya dan yi abe baa ri bà Yesu kwan dzun dzwe nwa dzundzun ba pajukun badati be dan yibe abu wakara wa tsa ra. ¹⁰ Bawuwa baaji azenbe danra, Mariyamu Magadaliya, ba Yuwana, ba Ma riyamu ayo bu Yakubu, ba bawuwa badati baa babe ya ki dzun ki bye abe fotson bu Yesu Kiristi, be dan yibe aji wakara kata. ¹¹ Ama abe fotson bu Yesu na ga danra, ko aji wa nya hwan azota, be yibe wajinderi ki bye aji waji ba. ¹² Se Bitrus nde ashò ya dzwa ki shimbi waji, waa ku ya zan yo numa ku kan jinni dizo ki shimbi waji ku mbyà adòn tukpa bufyen waa be ndi nde penku kiyo ra ken ciri ki kankan numa vinni. Se ku do kasen ya ki ndo na ga aji ki cin abu wa ken nwo wakara wa tsa ra. ¹³ Anyunu waji waa Yesu do ki shimbi ra, pajukun baa bàku ba mikyin dzundzun kwan dzun pyin na pan nyaco dzwa na ya ki da dzun waa beri baku danra Imwasu. Nde ki Urushalima ya bye waji zan lamba atsupyen. ¹⁴ Waa be kyenkyon ba dibe naya numa bena vyace ba dibe ki cin abu baa tsa ra kata. ¹⁵ Waa be ki fin ace wa vyavya ba dibe ki nyaco naya numa, se Yesu ba dia kpasun bi dube kyen bye dzundzun babe naya. ¹⁶ Ama be mbyà yibeku waa ku ci Yesu ba. ¹⁷ Yesu mbyebe danra, "Nina vyace ke ba dini dzwa co nabi ra?" Se be pantse jinni gbe tsuken azobe ki cin kata, ¹⁸ A dzundzun ki finbe apa pyinna hora, waa beri baku danra, Kiliyo bas ra mbyeku danra, "Au dzun dzun u vinni ciri akyon ki Urushalima wa yiu abu baa tsa ki fin anyunu baakara ba?" ¹⁹ Ku mbyebe danra, "Akake waji tsari kiyo?" Be dan yiku danra, "Aji wa ki cin bu Yesu apa wa ki Nazarati. Ki pyen bu Cidon ba ki pyen bu pajukun kata ku ci apa wa da adon bu Cidon wa ciho numa ki bye aji wa zenzen’a ba butso wa tsatsaa. ²⁰ Baco bandoi, ba abe von, ba baco badati baa ri fo kwen tesuku dzo Bilatus ki vo jiji ku foku kwen bu aki, se be ndeku kan ki cin hin wa shon gege. ²¹ Bui ki byei i lolo mikyin’i so danra ku ciri apa wari penre zhenzhen Isra’ila don. Ki nyaken wakara jin na anyunu wa kwan tsara kara waa abu waji tsa. ²² Bawuwa ba ndoi badati baa ya ki cin mbi waji aponpon pyuu numa ra kasen bi dan yii aji wa ken’i nwo, ²³ danra be mbyàbe kwan’a ba. Se be kasen bi danra zhentsōn bu Cidon ta dibe yibe danra, Yesu do don ba cindi ra. ²⁴ Se ki fin bawunu hora, badati ki finbe ya ki shimbi waji ya mbyà abu kata ci tsadzu waa bawuwa hora bi dan yii ra, ama be mbyàbe Yesu ba dia ba." ²⁵ Ku dan yibe danra, "Ani bawunu ni jeje kagben, mikyinni nda kagben ní yi wajinderi ki bye aji kata waa pajukun baa da adon dan ra! ²⁶ Cia ken waa Kiristi ku kà ki fin fyin baakara ki nyaken hunnu ku du hwe ba?" ²⁷ Se Yesu dan yibe aji waa be ta ki fin Afa bu Cidon zan myi van numa yibe. Ku jo nwoa avo ki cin abu baa Musa ta ki fin Afa, ba abu baa baa da adon badati kata dan ki cin’a. ²⁸ Be kyen naben gon da waa bena ya kiyo ra, Yesu tsa tsadzu kuri nwādzube nwādzudzu numa, ²⁹ se be hwa denku be bàku baba jiji ku babe ci byebe, Be danra, "Ú mbyà anyunu ko ra, dati titi numa afitse ri tsetse ra kara, ú na jinni bai kire jin na." Se ku zen nde babe na jinni ki bye dzundzun. ³⁰ Waa ku babe ci dzun na ji buju numa, ku nde gan bu borodi ku pya nde wa sansan we yo, ku koken gafan jinni yibe. ³¹ Azobe tsa piri numa be mybàyi ku, ki nyaken wakara ku janbe ki zo. ³² Se be dan yi dibe danra, "Mikyin’i kyan tà yii waa i mbyà yiku ba, dede waa ku kyan na zen aji bai ki nyaco na pofan afiri aji baa be ta ki fin Afa bu Cidon ra". ³³ Ki bye ayo wakara numa be do don kasen ya ki Urushalima. ³⁴ Be du abe fotson dzwe nwa dzundzun kata, ba pajukun badati babe ki bye waji. Be dan yi pajukun baa kwan dzun pyinna hora danra, "Ajinderi Cindoi Yesu do ba cindi ra, ku ta dia yi Siman!" ³⁵ Se abe pajukun baa kwan dzun pyinna hora dan yibe abu wa tsabe ki nyaco ra Bekà dan zan myi yibe abu wa tsa ki byebe dede waa Yesu koken gafan borodi be mbyàyi ku danra ku ci Yesu ra. ³⁶ Dede waa pajukun baa kwan dzun pyinna hora na dan yibe aji wakara numa, tsa biri numa se be wezo mbyà Yesu ba dia pantse finbe ci kara, ku dan yibe danra, "Ní ho kyinni we jinni." ³⁷ Azin panbe yi dibe na vonvon, bena ga dan ko ci nwutsōn bu Cidon be mbyà. ³⁸ Yesu dan yibe danra, "Ake tsani ri mikyinni gedzu numa, Ake tsari nina ga aji wangyi wan gyi numa ki fin mikyinni. ³⁹ Ní mbyà vomi ba abemi ci kara, ní go vo ki dimi ní mbyà, nwutsōn bu Cidon baani ba awi ba ake tsadzu waa m ci kara ba." ⁴⁰ Dede waa kuna dan yibe numa se ku ta yibe voa ba abea. ⁴¹ Nwobe ken jinni pyi be mbu mikyin, zanga mikyin waa be mbu hwe kacin ra, hwa be zenbe nde yi wajinderi danra ku ci Yesu ba. Se ku mbyebe danra, "Ni ci ba buju dzun wa jiji kire hun?" ⁴² Se be nde aje wa kan kan dzun nde yiku, ⁴³ Ku dzwan ki pyenbe du zobe, ⁴⁴ Ki nyaken wakara kata ku dan yibe danra, "Aji baakara kata ci aji bumi waa m ndi dan yini avo m bani ci tiri ki dzun. M ndi dan yini danra abu baa Musa ta ba abu baa abe baa da don bu Cidon ta so ki jinni, ba afa bu Avyon wa tsotso ki cinmi ra se nima tsa vinnibe kata ya dzwa myi." ⁴⁵ ki bye wakara numa hunnu ku hun pofanbe azobe yo waa bé hwayi ba aji baa ki fin Afa. ⁴⁶ Ku dan yibe danra, "Be ta aji so fin Afa numa danra, Kiristi ri wa fyin anyunu wa hwa tsara kuri do don pwadzu ki shimbi. ⁴⁷ Beri dan yi pajukun jiji be fan abu wa bababe jinni, be pukan mikyinbe bi ki bye Cidon. Beri dan yibe danra ki fin zen bu Yesu Cidon ri fan abu wa bababe ri yibe. Beri kapyen nde aji waji wakara yi pajukun baa ki Urushalima hunnu be hun ri nde aji waji da gban nya ka pyo ko kini kata ki fin tswen. ⁴⁸ Ani ciri pajukun baa mbyà abu baakara nu ba zoni, nī fonu ba tsonni. ⁴⁹ Ami ba dimi mri tson nuge bu Atami ge ra bi yini. Ama ní ci finka Urushalima wawe kiyo ya zan anyunu waa beri yi abyon ri dzu hwadon bi ki cinni ra." ⁵⁰ Ki nyaken wakara Yesu ho baa bàku hora pwadzu ki Uru shalima ya zan ki finka Baitanya. Waa be ci kiyo ra Yesu ho voa ki don pya nde wa sansan webe ki cin. ⁵¹ Dede waa kuna pya nde wa sansan webe yo numa, tsa biri numa vinni Cidon nde Yesu neya ki hwadon ki ndoa. ⁵² Be waku, be kasen ya ki Urushalima ba mikyin wa mbumbu hwehwe numa cia wa dandan ki nu ba. ⁵³ Be ci gban ki tan wa wa Cidon ko nukon na she Cidon ki byeri.