YAKUBU

YAKUBU

¹ Ami Yakubu nwu nya bu Ci­ don ba Cindoi Yesu Kiristi, mna nani jen ani pajukun baa bà Cidon baa gbanfan nyana cincin ki fin tswen hora. ² Bazhenza, atswi fyin wama duni kata ma ci fyin wa ken mbafo wajinderini, ní mbyàbe ci abu wa mbu mikyin ki byeni. ³ Ní gban mikyin ki bye yo wani waa afyin ma duni kata. ⁴ Ní gban mikyin tse gbangban numa yaya ki pyen. Ní ci nyenye numa ki pyen bu Cidon. Ní tsa vinni koke kata jiji níká koshe ki bye abu dzun wa sansan wa tsa­ tsa ba. ⁵ Apa dzun ki finni ma nyani kyinye ku vo Cidon yo jiji ku yiku. Cidon ri yi apa abu ba mikyin dzundzun, ku kari mbyea apa ajibo kiyo ba. ⁶ Ama apa wa­ ma vo Cidon abu yo, ku voku yo ba mikyin wajinderi, kúká pyan hwan kiyo ba. Ki cin waa apa wa pyan hwan ci tsadzu jape wa name waa awo ri saku ta hun tare, kuri pantse kaa ki bye dzundzun ba. ⁷ Ko kani kata wama ci ba mikyin pyinna ki pyen bu Cidon, kuma yìa bye waa ku nde hwan’a so yo byen­ byen numa ba, apa waji kúká soa hwan danra kuri du abu dzun ki bye Cindoi ba. ⁹ Apa wa tsa hwen, ayo waa kuma fa hwen’a ra kú mbu mikyin yi Cidon. ¹⁰ Apa wa sen dukya kú mbu mikyin ko ki bye yo waa kuma nyani ba abu ki voa. Ki cin waa dukya ci abu wa vinvin ki jinni ci tsadzu waa ambyì hin ri vyo nya jinni ra. ¹¹ Anyunu ma tu sensen numa ambyì hin waji ri nghe nghe, kuri vyo dzu nya jinni ci pu keke numa. Ci tsadzu waa ambyì hin ri vyo tsaba jinni ra, apa wa sen dukya ri hu tsaba jinni numa ki bye ayo waa kuna nya dukyaa. ¹² Apa wama gban mikyin ma nwàdzu ki bye tswe waa bema tswaku apa waji ri mbu mikyin. Ki cin waa kuma nwàdzu ki bye fyin waa beri taku beri tswaku tswe kiyo ra Cidon ri yiku cindi wa ci vokwin waa ku ndi ge nuge danra kuri yi apa wama conku ra. ¹³ Ní yinu danra, ayo waa apa ma con wa tsa abu wa baba ra, kúká dan’a danra Cidon suku ri ya tsa abu wa baba waji ba. Ki cin waa Cidon ba dia ri tsaa abu wa baba ba, ci numa ra kuri sua apa ya tsa abu wa baba ba. ¹⁴ Ama aji wa baba wa gaga ki mikyin bu apa ri gbe apa ri ya da aji. ¹⁵ Aji wa baba wa gaga wakara ri hwa apa ri ya tsa abu wa baba. Abu wa baba ma hwe ra kuri gbe nyaco bu aki ribi. ¹⁶ Ani bazhenzami baa concon, níká zen nde yi apa dzun ku byeni ba. ¹⁷ Ko tswi abu wa san­ san wani kata ba wa san nwā­ dzudzu wani kata ri dzu bye Cidon bi. Cidon wa mà anyunu, ba son, ba atswi ra. Abu baakara kata ri vyin pukan, ama Cidon ri vyin pukan’a ba. ¹⁸ Cidon ba con mikyin’a ki bye ajia wa byenbyen ku gbe hoi kwan dzun jiji í kan zhenzhen mbafyen ki bye ba­ zhenzhen’a baa ku yibe cindi wa ci kenken ra. ¹⁹ Bazhenzami baa concon, ní tsa sansan ko kani kata ku gon tson ku fo aji mwamwa numa, ama apa ku ga aji ridan numa hunnu ku zen. Ká ngongo mwa­ mwa ba. ²⁰ Apa wari ngongo mwamwa ri tsayia abu dzun wa sansan wari we hwan bu Cidon ba. ²¹ Ci numa ra, ní fan abu wa babani be jinni, ba nwe wa mwa­ mwa kata. Aji bu Cidon waa be nde tà ki mikyinni ra ní panku vo pyinna ba cin wa nde na jinni. Ki cin waa aji waji ciri wa tsayi wa nwàdzu cindini ki bye aki. ²² Ama ni tsa abu waa aji bu Cidon dan ta yini ra, níká gón tson kiyo vinni fo fan nya jinni ba. Apa wama gón tson kiyo fo vinni kuma tsaa abu waji ba, ku­ na bye dia. ²³ Apa wama fo aji vinni kuma pan tsaa butso kiyo ba, apa waji ci tsadzu apa wa mbyà zén’a ki bye abu wa mbyà­ zo. ²⁴ Kuma mbyà kuma yaa ra, ma cifo kwan yo titi numa ku muji cinna bu zén’a ra. ²⁵ Ama apa ma mbyà abu waa be fyen ta yii ki bye dòn ra, kuma pan abu wa fyenfyen waji byenbyen numa kuma fan nyaa hun ba, Cidon ri san apa waji suu numa. ²⁶ Apa wa mana so dia danra ku ci apa wa yì Cidon, ama kuma zen aji pan’a nua bi dzun sansan ba, kuna bye dia, ku tsaa abu dzu zo bu apa wa bà Cidon ba. ²⁷ Cidon wa baba wajinderi byen­ byen numa ki pyen bu Atai Ci­ don ciri apa ku tsaza zhenki ba bawuwa kwade ki fin fyin. Apa waji kúkà wà dia sansan jiji kúká bi da aji bu Cidon ki cin vya wa ki fin tswen ba,

¹ Bazhenzami, ci tsadzu waa nī kapyen yi wajinderi ki bye Cin­ doi Yesu waa hwea be bye ra, ci numa ra fyea waa ní tà adi wa concon riba. ² Bé danra apa pyin­ na be bi ki fin cinkwanni, apa dzun ki fínbe ku dze tukpa wa sansan numa, kúkà pa akan waa be ngyoku ba zinariya, apa dzun dze yoke tukpa. ³ Nima ca apa wa dze tukpa wa sansan ra kari, nima dan yiku dan ayoo ci byecu wa sansan kire kara, ama nima dan yi apa wa tsa hwen wa dze yoke tukpa ra danra ci bahun, ko ci nwobei ki jinni kire, ⁴ Nī mana tsa numa nina ta adi wa concon nī kana ga kwen bu ye ki mikyinni. ⁵ Bazhenzami, ní gon tson ní fo. Ase Cidon cea pajukun baa tsa hwen ki fin tswen wakara jiji be yi wajinderi ki bye Cindoi Yesu Kiristi jiji be du dukya wajinderi bekà du ndo tson bu Cidon waa ku ndi genu avo ndi gbogbo danra kuri yi apa wama conku raba? ⁶ Ama nī yini pa­ jukun baa tsa hwen hwe ba. Pa­ jukun baa na tani fyin bekà honi na ya tan kwen ra cibe pajukun baa sen dukya hora ba? ⁷ Be ciri pajukun baa na zen aji tsaba zen wa sansan bu Yesu Kiristi waa Cidon tsoni baku ra. ⁸ In nima kon dòn waa Cidon nu ki fin Afaa danra, "Ú con ajo ndou ci tsadzu waa ù con adiu ra," nī tsa abu wa sansan. ⁹ Ama ni mana con apa dzun ka apa dzun nina tsa abu wa rimyi. Akwen ka tani ra, ki cin dòn bu Cidon waa ni gbekyan ra. ¹⁰ Apa wama gbekyan dzundzun ki fin dòn bu Cidon, ku ko ra ki fin dòn badati kata ra hun. ¹¹ Ki cin waa Cidon wa danra, "Úká go adi ba awa bu apa ba," kukà dan ri danra, "Uká bwan apa ba." Too, uma gou adi ba awa bu apa ba, ama uma bwan apa, ai ù ci apa wa gbekyan dòn ra hun, ¹² Ci numa ra, ki bye abu waa nima tsa kata ní yinu danra Cidon ribi mbyeni kwen ko nī bà don’a baa tsayi wa nwàdzuni rito azota ra­ re. ¹³ Apa wama hwia cici bu pa­ jukun badati ba, anyunu waa Cidon ma mbye kwen ra, kuri hwia cici bu apa waji ba du. Ama apa wama hwi cici bu pajukun badati Cidon ribi hwi cici bu apa waji ki bye kwen numa du. ¹⁴ Bazhenzami, apa wama danra kuna yi wajinderi ki bye Cidon, ama kuma tsaa abu waa Cidon dan raba, tswi wajinderi wakara ri tsaza apa waji yo ki bye kake? Tswi wajinderi wakara tsayi wa nwàdzu apa waji hun kwaa? ¹⁵ Bé danra apa wa tsa hwen dzun na nya tukpa wa dzedze ku dua ba, ku kana nya buju wa jiji ku dua ba. ¹⁶ Ama nima dan yiku danra, "Too, ya sansan, Cidon ku ga yiu ji, ku ga yiu wa, kúkà ga yiu dze," ama nī yini ku abu dzun ba, asan bu aji wakara ki bye ke hun? ¹⁷ Ci numa ba wajinderi, apa wama danra kuri yi wajinderi ki bye Ci­ don maari vinni kuma tsaa abu waa Cidon dan raba, wajinderi bu apa waji wakara ci abu wa nya hwan azota, ¹⁸ Dzun tiri apa dzun ri danra, "Apa dzun ri ci apa wa ci ba wajinderi, apa dzun ri ci apa wari fcsa abu wa sansan." Ama mna mbye apa waji danra, apa ri tsa­ nini ri tà byenbyen numa danra, ku ci apa wa yi wajinderi, in kuma tsaa abu wa sansan ba? ¹⁹ Ki bye abu wa sansan waa apa ri tsa ra hunnu ri tà wajinderia. Bé dan ù yi wajinderi dan Cidon ci dzun­ dzun tori numa vinni, ma ci numa ù tsa san kagben. Ama ú yinu danra ko jon baa baba yi wajinderi wakara numa du, ama azin yi adi­ be na vonvon. ²⁰ Ajè, una con jiji be dandan yiu hunnu danra, apa wama yi wajinderi ama kuma tsaa abu wa sansan ba, wajinderi wa­ kara ci abu wa nya hwan azota ra, ù yiu ba? ²¹ Kyepan ba yakui Ibrahim, abu wa hwa Cidon soku danra ku ci apa wajinderi ra bà ki cin wa sansan waa ku ndi nde nwua Ishaku ya jiji ku ya ge bwan­ ku ki cin kyènkyèn tson wa Cidon kiyo raba? ²² Ta ki byeya numa ci kara danra wajinderi bu Ibrahim ba abu wa sansan’a wa tsatsa we ki dzun ba dibe. Ki bye abu wa sansan waa ku tsa ra hunnu ku hun zēn ban nu wajinderia. ²³ Wa­ kara ci cinna bu aji waa be ta ki fin Afa bu Cidon danra, "Ibrahim yi wajinderi ki bye Cidon, ci numa ra Cidon nde Ibrahim so apa wajinderi numa ki byea." Bekà ba­ ku danra, ku ci ajo bu Cidon. ²⁴ Too, ní mbyànu danra, ase Ci­ don ri nde apa so danra, ku ci apa wajinderi numa ki bye abu wa sansan waa apa ri tsa, ama cia wajinderi waa apa ri yi ki bye Cidon maari vinni ba. ²⁵ Níkà kye­ pan ba Rahaba awuwa gbaza ra, ayo waa zhentsōn bu Yahudawa hora ndi ya ki bye waa ku ci yo ra ku panbe vo pyinna ku hobe yu hobe yu sansan numa, kukà tà yibe nyaco wa nwàdzudza ²⁶ Too, ci tsadzu waa nwo bu apa ma ken jinni ra, gangan adia kan akwan ra, ci numa du apa wama yi wajinderi ki bye Cidon kuma tsaa abu wa sansan ba, wajinderi waji ci akwan.

¹ Bazhenzami, san’a waa pa­ jukun suu numa ki finni bena nya jiji be kan pajukun baa fyen abu ba. Ki cin waa nī yinu danra, ai manu baa na fyen abu hora Cidon ri mbyei kwen bàvo kiyo tutu numa ka pajukun baa zota hora ri. ² Ki cin waa ai kata ina zen da aji suu numa. Apa dzun ma ci tiri wama ri zen daa aji ba, se apa waji ci apa wa horododo, Tswi apa wakara tsayi wa panka adia sansan numa ki bye koke kata. ³ Ci tsadzu waa apa ma con jiji avin ku tsa abu waa kuri con, kuri dzoku anajan ki nua kuri gbeku ya ki bye wani waa kuma con kata. ⁴ Ní mbyà, ci tsadzu akopyu wa ki jape, ko waa ku ci kwakyi kwa numa ra, awo wa gbangban numa kari saku, ama apa wari penku ra tsayi wa pen­ ku ya ki bye wani waa kuma con kata ba hwan bu akopyu waji wa ci titi numa ra. ⁵ Ci numa ba nene wa ci titi numa ra du, ku ci ba gben ki di bu apa, ku kari mà aji baa kwakyi kwakyi numa. Ci tsadzu anu hin pyu ci titi numa tsayi wa ji tsòn abye hwan kata ra. ⁶ Nene ci tsadzu apyu. Abu wa baba wa ki fin tswen wakara kata kwan bye nene wa ki dii ra. Abu wa baba waji gbàn fye ho adi bu pajukun kata. Nene waji do pyu ji tsòn tsaba eindi bu pajukun kata ra. Apyu waji dzu bye Shetan ba dia ribi. ⁷ Apa tsayi wa hwa yi awī wa ki gondon, ba wa ki jape, ba anyi, ba awi baa kpa ba fin, fea tswi awī wani kata be nde cinbe na bà jinni yi apa. ⁸ Ama apa tsayia wa tsa abu dzun ki cin bu nene jiji ku panka arohoa ba. Ku ci abu wa baba wa zen’ande cika ki bye dzundzun kyoo numa ba. Akyàn wa baba ri dzu byea bi. ⁹ Ina nya Cindoi wa cá Atai ra baku, Kati ina zen aji tsaba pajukun baa Ci­ don màbe dzu dia ra baku. ¹⁰ Ku dri nene wa nya Cidon kiyo, kukà ciri nene wa tso ace kiyo. Bazhen­ zami, abu wakara fyea ba, ko dzundzun. ¹¹ Jape wa vyavya ba jape wa mámà dzu fo ki fin shi dzundzun fora? ¹² Ko hin atin ri nwa kaa nwa hin bu zaitun? Ko hin bu anab ri tsayi wa nwaka nwa hin bu atin? Ci numa du jape wa vyavya ri dzua ki bye shi jape wa mámà ba. ¹³ Ki finni hora apa wa ye kyin­ ye ba apa wa hwàyi aji ci kani? Too, kú tà abu baaji numa ki bye byecua waa ku ci ba cin wa nde na jinni. Ki bye cin wa nde na jinni ra hunnu ri ta kyinye. ¹⁴ Ama nima ci ba fi wa baba wa fifi ki mikyinni ba ngi abu wa ngingi, ni mana con cin dini, níká caco na te aji byen ba jinni ba. ¹⁵ Atswi kyinye wakara dzua ki bye Cidon bi ba, ama ci kyinye wa ki myi wa dzu fin mikyin wa baba dzu bye Shetan bi. ¹⁶ Bye waa pajukun baa fifi wa baba ba baa condi ma kwanna yo anube ri wea ki bye dzundzun ba, anwe wa baba wa nwanwa kari ci tiri ki finbe. ¹⁷ Ama kyinye wa byen­ byen ri dzu bye Cidon ribi. Kuri yi apa mikyin wa nyenye ba mikyin wa tashuma. Kuri hwa yi apa ri fin nde ba cin wa nde na jinni. Kuri hwi cici bu apa ka­ gben, kuri tsa abu wa sansan ko nukon. Kuri vyin pukan’a jinni ba, ku kari pujia apa ba. ¹⁸ Pa-jukun baa ci ba mikyin wa na jinni, be kana ban pajukun ba­ dati vyon ba dibe ra, beri bi du vokwin wa sansan.

¹ Akake waji na hwa aken ba ndegbe ki finni ri? Abu wana hwa aken ba ndegbe ki finni ra ci abu wa baba wa vyavya na nuken ri bani ki fin mikyinni. Nina con abu kara ama ni duka­ ni ba, hwa yini bwan pajukun. Nina nye abuu pajukun nima du kani ba, nina gbende na dagba ba dini. ² Abu wa tsa nī dukani abu waa nina con bara, ki cin waa nī voni Cidon yo ba. ³ Dzun tiri nī vo Cidon yo ama ku yiani ba, ki cin waa nī voni ku yo sansan ba. Nina vó abu wa vyani ki mikyinni vinni. ⁴ Nī ci tsadzu bawuwa baa tsa agbaza. Nī yini danra apa wama bà aji bu abu wa ki fin tswen wakara kuri kan ajo ze bu Cidon ba? Apa wama bà aji bu abu wa ki fin tswen wakara ku kan jo ze bu Cidon ra hun. ⁵ Nina ga danra aji waa be ndi ta so ki fin Afa bu Cidon danra, "Denden waa Cidon nde soi ki fin’i ra fifi kagben", ra ci aji wa nya hwan azota? ⁶ Ama wa sansan waa Cidon na tsa yii ra kagben bu abu wana vyai ki fin mikyin’i rari. Ci tsadzu waa be ta so fin Afa bu Cidon danra, "Cidon ri ngha pajukun baa ndē di ama kuri tsaza pajukun baa ndè cin na jinni yo." ⁷ Ci numa ra ní nde cinni na jinni yi Cidon. Nima ngha Shetan, Shetan ri ga­ di bani. ⁸ Nima kyen shon Cidon yo Cidon kari kyen shonni yo du. Ani pajukun baa tsa abu wa ba­ ba ní nwa voni don ki bye abu wa baba wa tsatsa. Ani pajukun baa ta ban nde vo yu hora ní fan abu wa baba wa ki fin mikyinni ra jinni zan myi kata. ⁹ Ní kan yiki, ní pe mikyin, níkà kundekuto ki cin bu abu wa ba­ bani. Ní vyin pukan avyon wa vyenvyenni ku kan yiki wa kan­ kan. Níkà vyin pukan cucu wa cucuni ku kan mikyin wa pepe. ¹⁰ Nima sinni dini ki pyen bu Ci­ don kuri gbe doni so don. ¹¹ Bazhenzhenmi níká zen aji tsaba dini cin ba. Apa wama ri zen aji tsaba cin bu nwuzaa ku­ ma kana mbye nwuzaa kwen apa waji na tsaba dòn bu Cidon, ku kana fo dòn bu Cidon kwen hun. Apa wama fo dòn bu Cidon kwen apa waji cia apa wa kon dòn bu Cidon ba, ama ku ci apa wa fo don bu Cidon kwen. ¹² Á Cidon dzundzun vinni ri so ri don, ku kari fo ri kwen. Áku dzundzun’a vinni ciri ba agben wa nwàdzu pajukun ki fin kwen, ko ku bwan jibe be jinni. Au ci kani waji hunnu una fo nwuzau kwen ra? ¹³ Ní gon tson ní fo, ani baa na danra, "Jinna ko akyen iri ya kyon ki finka wakara numa, iri ya tsa aju ki byeri jiji í du abè." ¹⁴ Ama nī yini abu wari tsa akyen ba. A cindini ci kake waji. Cin­ dini ci tsadzu anandi kuma ci fo kwan yo titi numa kuri kafanfan jinni. ¹⁵ San kari ní danra, "Cidon ma zen nde pan’i ya zan akyen rito numa iri tsa abu wakara numa." ¹⁶ Ama tanma numa nina ndēdini, nī kana zama ki bye aji wa zenzen. Atswi amàza wakara ci ada. ¹⁷ Too, ní yinu danra, abu wa fye kari waa apa ku tsa kuma tsaa ba, kuna tsa abu wa rimyi.

¹ Ani baa ci ba dukya hora nibi gon tson ní fo. San kari ní pe mikyin ní kan yiki ki cin fyin atswi tswi baa kwakyi kwa­ kyi nabi ki cinni. ² Dukyani tsaba jinni ra. Akòn jiya tsaba tukpani kata jinni ra. ³ Abèni da aje tsaba jinni ra. Aje wa dada ra na ta danra adini ri so tsaba jinni numa du ci tsadzu waa apyu ri ji tsòn tsaba abu ra. Ávo ndi gbogbo nde numa keke bi anyu­ nu wa ken niken waa ī ci fin’a jinna, nī ci ba dukya ki voni suu numa. ⁴ Nina puji pajukun badati na tsani butso yo ki dani ama ni yinibe vokwinbe sansan ba. Ci numa bena kundekuto ba akyu wa gbangban numa. Ndekutobe waji zan ra ki bye Cidon wa senji koke kata ra. ⁵ Nina wa vya ki bye byecuni wa ki myi kire, nī kana tsa abu wani wa san hwan­ ni kata. Nina ji, nina kwàn ci tsadzu ana na ci bazo anyunu waa beri ya ge bwanku. ⁶ Apa wa daa aji ba, nī foku kwen teku anu ba bye aji, ku poa anu ba, nī bwanku. ⁷ Ci numa ra, bazhenzami, ní gban mikyin ci bazo anyunu waa Cindoi Yesu ri kasen bi ra. Ní wezo ní mbyà mikyin wa gban­ gban waa apa wa nane ci baku ra. Acù kone ma ko ra, kuri ta azaa ba tswi buju badati, Kuri gban mikyin ci numa bazo bu acù wa ken niken ma ho voa don hunnu kuri hun ben bujua. ⁸ Ci numa ra ní gban mikyin du. Ní mbyāsan mikyinni tse gbangban numa ki cin waa Cindoi Yesu naben wa bibi ra. ⁹ Bazhenza, ní kana nwinde ba dini ba, ki cin waa jiji niká bi ko ki vo kwen bu Cidon ba. Ní mbyà apa wari ga­ fan azo aji ra naben wa bibi ra. ¹⁰ Bazhenzami, ní kyepan ba pa­ jukun baa da dòn bu Cidon ho­ ra. Ayo waa afyin ndi dube ra be gban mikyin. Ci numa ra fye waa ní gban mikyin numa du ci tsadzu waa be ndi gban ra. ¹¹ Iri ba pajukun baakara danra be ci pajukun baa mbu mikyin ki cin waa be ci ba mikyin wa gban­ gban numa yaya ko nukon. Nikà fo waa Ayuba ndi gban mikyin ki bye afyin wa ndi duku ra. Nikà fo waa Cidon hwa afyin waji vyin pukan kan wa sansan. Ci ajinderi Cidon ci apa wari hwi cici bu apa, ku kari tsaza apa yo. ¹² Bazhenzami, abu wa sansan kari ciri níká dàn aki ba, ko ba abye wa ki don ko ba abye wa ki jinni. Níká dàn aki ba zen bu abu dzun ko titi numa ba. Nima zen nde danra "M" ndezenni ku ci "M" maari vinni. Nima ka zen nde danra "M’m" ndezenni ku ci "M’m" maari vinni. Ki cin waa jiji béká bi panni kwen ba. ¹³ Ko apa dzun ki finni na wa fyin? Se ku vo Cidon jiji ku tsa­ zaku yo. Ko pajukun badati ki finni na mbu mikyin, be kana cu cucu? Se be tso vyon wa nya Cidon. ¹⁴ Ko apa dzun wa foa vya ba ki finni? Se ku ba baco nde jiji be pya Cidon weku yo, be paku abyu ki fin zen bu Cin­ doi Yesu Kiristi. ¹⁵ Bema pya Ci­ don weku yo ba wajinderi byenbyen numa ki fin mikyinbe kuri gbangban. Apa waji ma ndi tsá abu wa baba dzun Cidon ri fan abu wa babaa waji ri yiku. ¹⁶ Ci numa ra, mna dan yini ní fu abu wa babani yi adini. Níkà pya Cidon we dini yo jiji Cidon ku nwàdzuni ki fin ado. Apa wama ci ba mikyin wa sansan numa ndedzwaa ri tsa butso ba gben suu numa. ¹⁷ Iliya ci apa ci tsadzu waa ī ci ra du, ama waa ku vo Cidon ba mikyin dzundzun dan acù kúká ta ba. Ajinderi nde ki bye ayo waji numa ya zan aju tsara ba ashe acù taa ki bye waji ba. ¹⁸ Ki nyaken wakara kukà vo Cidon yo danra jiji acù ku ta. Cidon pan vo ki bye aji waji ku yi acù ta numa cia wa dandan ba. Buju baa be tà ki jinni ra nga sansan numa. ¹⁹ Bazhenzami, apa dzun ki finni ma jan nyaco wa byenbyen bu Cidon, apa dzun ki finni ma gbeku kasen bi ki nyaco bu Ci­ don, ²⁰ ní yinu danra, apa wama hwa apa wa tsa abu wa baba ma fan abu wa babaa jinni, apa wa hwa yiku fan abu wa babaa jinni ra ku nwàdzu apa wa tsa abu wa baba ra ki bye aki ra hun. Ci numa ra Cidon ri fan abu wa babaa suu numa ri yiku.