BUTSO BU ABE FOTSON

¹ Au Tiyofilus mna nàu jen. Ki fin afami wa kapyen ra m tā abu baa Yesu tsa ki fin’a tsatsa tsa ba abu baa ku fyen kata avo waa ku ndi jo nwo butsoa ra, ² pan numa yaya zan anyunu waa Cidon ndeku neya ki hwadon. Kapyen waa Cidon ku ndeku neya ki don ra, aku Yesu nu abe fotson baa ku cebe hora dòn ki cin abu waa be ei. Ku nube dòn waji ki bye gbentsòn bu Denden bu Cidon. ³ Ki fin anyunu dipa pyinna ki nya ken bu akia, ku tà dia yibe ki bye nyaco tswi tswi baa tà yibe ajinderi be yinu danra ku ci ba cindi. Be mbyàku ku zen aji babe ki cin ndo tson bu Cidon. ⁴ Ayo waa be kwan na bye dzundzun ba dibe ra, ku nube dòn danra, "Niká dada do fan finka Urushalima ba, ní ci bàzo nuge bu Atami waa m ndi yya cea yini ra. ⁵ Nī yinu danra Yohanna ndi tsa batisma ba jape, ama fan anyunu titi numa waa ani ribi du batisma ki bye Denden bu Cidon." ⁶ Ayo waa be kwan cin ki dzun ba Yesu ra, be mbyeku danra, "Cindo, wakara ciri ayo waa uri fyere tson bu Isra’ila kasen nde yibe ki vo?" ⁷ Yesu pofan nua dan yibe danra, "Cia butsoni waa ní yi anyunu ba ayo waa Ata Cidon gbè ki bye gbentsòn’a ba. ⁸ Ama niri bi du agben ayo waa Denden bu Cidon ma bi ki cinni ra, niri bi zen ajibyen ki cinmi ki Urushalima ba Samariya keke ya tete ki bye waa atswen teyo." ⁹ Ki nyaken waa Yesu dan vin ni aji wakara numa abe baa bàku dan be wezo numa se be mbyà Cidon gaku di ba jen, anandi bi tswan reku jan babe jinni ki zo. ¹⁰ Waa Yesu ne naya ra, be tafan zobe na wezo ki hwa cucu ki don, mwamwa numa be mbyà pajukun pyinna dze tukpa bu fyen pantse na go kyekyea. ¹¹ Abe pajukun baa kwan dzun pyinna hora be danra, "Ani pajukun baa ki Galili ake tsari nī pantse na wezo ya hwa cucu ki don? Yesu waa Cidon gaku di bani ndeku neya ki don ra, ku kari kasen ribi tiri ci tsadzu waa nī mbyàku ne naya ra." ¹² Be kasen dzu wa ki cin age dzun waa beri baku danra Zaitun, bi Urushalima. Age waji cia naco ba Urushalima ba, anaa ri zan tsadzu lamba dzundzun maari. ¹³ Be kà ki finka, be ya ki bye atan wa ki don abye waa beri kà kyòn kiyo ra, Bitrus, Yohanna, Yakubu, Andarawus ba Filibus ba Toma, Bartalamawus ba Matiyu, ba Yakubu nwu bu Alfayas, ba Siman apa wa fìfi tswen, ba Yahuda nwu bu Yakubu. ¹⁴ Katabe kwan cinbe kenbi ba mikyin dzundzun, bena vo Cidon bàvo kiyo ko nukon. Abe ba bazhenza bu Yesu ba wunu, kwan ba abi bu bawuwa. Mariyamu ayo bu Yesu ki finbe du. ¹⁵ Ayo waji Bitrus kā do don pantse don ki fin bazhenzaa baa bà Yesu, be kwan dzun kata zan dipa shizhen. ¹⁶ Bitrus danra, "Bando, aji waa Denden bu Ci don hwa yi Dawuda zen aji ki cin bu Yahuda Isikariyoti ra abu waji ci ken ku tsa. Yahuda Isika riyoti ci dzundzun ki fin’i waa Yesu ceku jiji ku bai tsa butso ki dzun. Ama jinna Yahuda vyin pukan kasen kan apa wa ho pajukun nyaco wa pan Yesu." ¹⁸ (Yahuda nde vo kwin bu abu wa babaa waa ku pan ra nde ya hwen ada kiyo. Ki nyaken wakara ku kokwi dzu tá jinni afin’a kyi gban gafan jinni ambifua pwadzu we yá. ¹⁹ Ko kani kata fo aji wa kara nu ki Urushalima, be ba azen bu ada waji ki nu tsube danra "Akadama," Cinna bu azen waji danra, ada bu asa). ²⁰ Bitrus kà danra, "Ci tsadzu be ndi ta ki fin afa wa tso vyon danra, ’Andoa ku kan ken findo, apa dzun ká ciyo ba!’ Abye dzun kà danra, ’Apa dzun ku za abutsoa.’ ²¹ "Ki cin wakara apa dzun ku kwan bai jiji ku dan yi pajukun aji wajinderi ki cin wa dodo bu Cin doi Yesu. ²² Apa waji ci ken ku ci dzundzun ki fin abi bui avo waa Yesu ndi bai na kyen ki we bu Yohanna wa tsa batisma pan numa ya zan ki bye anyunu waa Cidon nde Yesu don gadi bai ra." ²³ Be gbè azen bu pajukun pyin na, apa dzun ci Yusufu waa beri baku danra Barsaba, kati badati ri baku danra Yustus. Apa wa dzun azen’a danra Matiyas. ²⁴ Ki bye wakara be vo Cidon danra, "Cin doi, ù yi mikyin bu ko kani kata nu. Ta yii apa waa uri con ²⁵ ku za fin tson bu fotson waa Yahuda fan ta jinni ya ki bye vokwin’a wa ci kenken ra." ²⁶ Ki nyaken wakara be mba mbo jiji be ce apa dzun ki finbe pyinna hora. Ambo kò ki cin Bu Matiyas be ndeku kwan babe dzwe nwa dzundzun abe fotson bu Yesu hora.

¹ Katabe kata kwan cin kenbi ki bye dzundzun anyunu bu Pen tekost. ² Mwamwa numa be fo adón bu abu dzun ci tsadzu adón bu awo wari sa ba gben dzu wa ki don bi mu fin tan bye waa be kwan ciyo ra. ³ Be mbyà abu dzun ci tsadzu a nene pyu gbangafan jinni ya ki cin bu ko kani kata ki finbe. ⁴ Denden bu Cidon kà mu mikyin be, be jo nwo wana zen aji ba nene badati baa Denden bu Cidon hwa yibe zenkà. ⁵ Ki Urushalima abe Yahudawa badati baa wa Cidon na yo. Be ndi pwadzu ki fin jen wani kata ki fin tswen bi kwan ki finka Urushalima. ⁶ Ayo waa be fo dón bu abu ra numa, abi bu pajukun kwan. Nwobe ken don, ken ta kata, ki cin waa ko kani kata ki finbe fo waa abe fotson bu Yesu na zen aji ki nene tsua. ⁷ Nwobe ken jinni, abu waji kya hobe zo, bena danra, "Apa hora kata baa na zen aji wa ci kara numa bà katabe kata ci baa ki Galili ba? ⁸ Ma ci numa ra tsanini bena zen aji ba nene waa be mbai ki fin’a? ⁹ Badati ki fin’i be mbai ki Bartiya, badati ki Madaya. Badati be mbabe ki Ilam. kà ba Bagadaza, ba Yahudiya, ba Kafadokiya, ba Fantiya, kà ba Asiya, ¹⁰ ba Firijiya, ba Bamfiliya, ba Masar, kà ba bye jen Kurane na dzubye ba Turabus. Ki fin’i badati dzu wa ki Roma bi. Ki finbe be ci tswi tsu pyinna, badati ci Yahudawa badati cibe Yahudawa ba, be kàn Yahudawa anyutu gede gede ki bye nyaco wa wa Cidon. ¹¹ Badati dzu wa ki Ka ritawa, ba Larabawa. Kwan ba waa ī dzu cinein ki cincin bi ra, katai kata ī fo bena zen aji ki nu tsui ki bye butso wa kwakyi waa Cidon tsa kara." ¹² Nwobe kata ken jinni, bena ga hwan, ana mbye dibe danra, "Cinna bu abu wa ci kara dan danke kara?" ¹³ Badati sinni abe fotson hora, bena dan yi fotson hora danra azù bu jape anab na pyenbe ri. ¹⁴ Bitrus kā do don pantse don ba abe dzwe nwa dzundzun hora, ku nde nua don á dan aji ba gben numa yi abi bu pajukun hora. Ku dan, "Bandomi, ani Yahudawa ba ani kata baa na ki Urushalima, ní gon tsonni san san ní fo abu waa mri dan yini ra, ¹⁵ Baa na kara bà be pyen cen ci tsadzu waa nina ga raba. Ki cin waa ci akan tsunyo wa pon pon tanma tiri. ¹⁶ Ama abu wa kara ciri abu waa apa wa da dòn dzun waa beri baku dan Joel ndi dan danra, ¹⁷ Cidon danra, ’Anyunu wa kennu mri tson Dendenmi wa nyenye ribi we ki cin bu ko kani kata. Bazhen zhenni bawunu ba bawuwa ribi da dòn ki cin abu wari bi tsa anyunu wa kyen. Bazhenzhenni mafan bawunu hora mri bi pofanbe zo jiji be mbyà abu wa ripye. Abe hwetonni bawunu ribi nda ndo. ¹⁸ M, ci numa ko abe nyami bawunu ba bawuwa mri bi tson Dendenmi wa nyenye bi webe ki cin anyunu waji. Beri da dòn ki cin bu abu wari bi tsa anyunu wa kyen. ¹⁹ Mri bi tsa abu wa kyahozo ki hwadon ba àmà bu abu badati ki jinni. Niri mbyà asa, ba apyu, ba vyenpyu hwehwe numa. ²⁰ Kapyen anyunu wa kwakyi wajinderi bu Cindoi ribi ra anyunu ribi tsefi. Ason ri vyin pukan ci nyo joro numa ci tsadzu asa. ²¹ Ajinderi ko kani kata wama pya Cindoa kuri bi du wa nwàdzudzu.’" ²² Bitrus kà danra, "Ani bazhen zhen Isra’ila ní fo aji wakara. Ata Cidon ta àmà bu hwe bu Yesu ki myi ki bye nyaco waa ku tsa abu baa kyahozo, dzu ki byea, ci tsa dzu waa ani ba dini yinu numa ra. ²³ Ki bye con mikyin bu Cidon bu ayia ku ndi kapyen tsa nyaco waa kuri nde Yesu yini ki voni ra. Ani bwan reku ki bye waa nī yi baa tsa abu wa baba ndeku kan ra. ²⁴ Ama Cidon kà mbyā ba doku. Cidon nwàaku don ki bye fyin bu aki. Ki cin waa nyaco baani waa aki ku panku so jinni numa keke yaya, ²⁵ Ci tsadzu waa Dawuda dan aji ki cin’a dan danra, ’M mbyàyi waa Cindomi ri bami ci dzun ko nukon, ki cin waa ku ci go kyekye vo wunumi ra, abu dzun wari hwa m vondi baani. ²⁶ Ki cin wakara mikyinmi cu cucu, nenemi zen aji wa mbu mikyin. Ko waa m ci apaki ra, mikyinmi ri ci gban diu, ku na ki jinni. ²⁷ Ki cin waa uri bi fan u cindimi ki kindo ba. U kari zen u nde fan nwu tsòn u ku so tsaba jinni ba. ²⁸ Ùkà tami ri nyaco wa ya bye cindi, Mri mbu mikyin hwehwe numa ki cin waa ù yi ason u mbu dzwami ki di.’" ²⁹ Bitrus danra, "Bazhenza, ci ken m dan aji zan myi yini ki cin yakui wa kapyen Dawuda. Ku hu be ndeku ji, ambia ki tiri kire jinna bai. ³⁰ Dawuda ci apa wa da dòn bu Cidon, ku yinu Cidon genu danra kuri nde adzundzun ki fin atsu bua kuri bi naku akù ci tsadzu akū. ³¹ Dawuda mbyàyi abu waa Cidon ribi tsa. Ki cin wakara ku zen aji ki cin bu dodo bu Kiristi ayo waa ku danra be fanbeku ki kindo ba, adia so baa jinni ki kindo ba. ³² Yesu wakara waa Cidon doku ra ai kata ciri baa zen nua. ³³ Ataa Cidon do reku ndeku ya so go kyekye vo wunua, kukà yiku Denden wa nyenye ci tsadzu waa ku ndi genu ra. Abu baa nina mbyà na fo kire ra ci vyon wa vyonvyon waa ku vyon’i. ³⁴ Dawuda ba cin dia ku yaa ki don ba, ama ajia waa ku dan ci kara. ’Cidon dan yi Cindomi danra: U ci vo wunu bumi kire, ³⁵ Abe baa zeu be bi tu ben jinni ki pyen u be yiu hwe.’" ³⁶ Bitrus danra, "Ci numa ra Isra’ila kata ní pan vo ki bye ajia vo pyinna danra Cidon nde Yesu waa nī ndi ndeku kan ra, ku ci Cindoi ba apa waa Cidon ndi danra ci Kiristi." ³⁷ Ayo waa pajukun fo aji wa kara numa ra, bonban webe kata, be dan yi Bitrus ba abe fotson badati hora danra, "Bazhenza, iri bi tsanini?" ³⁸ Bit-rus dan yibe danra, "Ko kani kata ki finni, ku fan abu wa babaa jinni. Ní pe mikyin ki cin abu wa babani, ní fan be jinni. Ní tsa batisma ki fin zen bu Yesu Kiristi jiji Cidon ku fan abu wa babani yini, hunnu kuri bi vyonni vyon bu Denden wa nyenye. ³⁹ Anuge bu Cidon ge ra ci jijini, ba bazhenzhenni kà ba pajukun baa ci nabye bani, kà ci jiji bu ko kani waa Cindoi Cidon ma baku nde bi ki byea." ⁴⁰ Bitrus ya ki pyen ba aji baa dandan badati suu numa ku pofanbe fin aji baaji kata, kuna vobe danra, "Ní nwaa dini don ki bye fyin wana bi ki cin bu abe pajukun baa tsa abu wa baba hora!" ⁴¹ Pajukun suu numa ki finbe zen nde ba ajia be du batisma, pajukun zan tsadzu dubu tsara kwan ki cin bu abe baa bà Yesu anyunu waji. ⁴² Be nde mikyinbe kata sen so bye abu wa fyenfyen bu abe fotson ba byecu bu vyon waa be ci ba dibe sansan numa. Beri pyin ga fan borodi bu Cindoi ri ji dzun, be kari dzwa nde ki dzun. ⁴³ Azin pan ko kani kata, ki cin abu baa ken nwo, baa kyahozo ba abu badati hwehwe numa baa fo tson na tsa ra. ⁴⁴ Abe pajukun baa yi wajinderi ki bye Yesu kata bena kwan cin ki dzun ba mikyin dzun dzun, koke kata waa be ci baku beri ho kwan bye dzundzun. ⁴⁵ Be hun ri ho abu baa be ci baku ki vobe ri hwen, a hunnu beri ho abè ra gafan yi dibe mbamba anu bu waa ko kani kata ri nyà. ⁴⁶ Ko anyunu wani kata be foji cinbe wana kwankwan ki fin tan wa wa Cidon. Beri ji bujube ki bye dzun dzun bà ando ndo. Beri ji bujube ba mikyin wa mbumbu apa dzun wari nde cin don ki finbe baani. ⁴⁷ Be nya Cidon pajukun kata fo vya babe. Ko anyunu wani kata Cindobe Yesu foji pajukun baa ku nwàdzube wana ba kwanbe yo kwankwan ki bye abibe.

¹ Anyunu dzun dede akan tsara wa nyuzota Bitrus ba Yohanna pwadzu naya ki tan wa wa Cidon ayo waa pajukun ri kwan ri za nde yi Cidon. ² Ki bye waji ki nu nyakyon waa beri baku danra, "Nu nyakyon wa sansan", apa dzun wa hu abe waa be mbaku baku numa dzu fin bi, ku tuci nu nyakyon waji. Ko anyunu wani kata beri tswan ku ya so nu nyakyon waji jiji kuna vo pajukun baa ri kaya tan wa wa Cidon ra vo. ³ Waa apa waji tā zo mbyà Bitrus ba Yo hanna waa beri kaya ki fin tan bye wa wa Cidon numa ra, ku vobe jiji be yiku abu dzun. ⁴ Bit-rus ba Yohanna kata wezo mbyàku numa. Bitrus dan yiku danra, "Wezou jiji ú mbyài." ⁵ Apa waji lolo hwan’a so danra kuri bi du abu dzun ki byebe, ci numa ra se ku wezo na mbyàbe. ⁶ Bitrus danra, "M bami abè ba, ama abu waa m ci baku ciri abu waa mri nde yiu. Mna dan yiu ki fin zen bu Yesu Kiristi wa ki Nazarati, ú do don pantse don ú kyenkyon!" ⁷ Bitrus nde vo pan apa ra ki vo wunua, a gbeku dzwa don. Mwamwa numa akere bea ba hwan bea du gben; ⁸ Ku pen penpen pantse don ku jo nwo kyon wana kyenkyen. Ku babe kyen dzun kaya ki tan wa wa Cidon nari she Cidon. ⁹ Waa pajukun kata wezo mbyà waa apa waji na kyenkyon nari she Cidon numa ra, ¹⁰ be mbyà yiku waa ku ci apa wa kyan ci nu nyakyon na vovo ra, nu nyakyon waa beri baku danra ci nu nya kyon wa sansan ra. Ci numa abu wa tsaku ra kyahobe zo, yi nwobe ken tà, ken don, abu waji kà yibe hwan wa gaga. ¹¹ Waa apa ra nde voa pan Bitrus ba Yohanna ki di, pajukun mbyà numa ra anwobe ken jinni, pajukun kata pwadzu ho sho bi ki bye nwo taje wa ya gbada numa waa beri baku dan ra nwo taje bu Solomon ra. ¹² Dede waa Bitrus mbyà pajukun we sho nabi numa ra, ku danra, "Ani bazhenzhen Isra’ila, ki cin ke abu wakara kenni nwo? Ki cin ke nī fyan fan zoni bài ki cin? Nina ga danra ai hwari yi apa wakara kyenkyon ki bye gben dii re, ko ki bye mikyin’i wa sansan waa ī ci baku ki pyen bu Cidon ra? ¹³ Cidon bu Ibrahim, ba Ishaku ba Yakubu, Cidon bu abe bayakui ku ciri wa yi Nwua Yesu hwe kári kata, waa nī ndeku bwan baa sen tswen ki vo ra, nī nghaku ki pyen bu Bilatus, ko waa Bilatus danra kuri con ku fanku yo ra. ¹⁴ Ko waa Yesu ci apa wa nyenye wa sansan ra nī nghaku. Ki bye wa kara nī vo Bilatus jiji ku tsani abu wa vya mikyinni, kú fenfan apa wa bwan apa ra yini, ¹⁵ nī bwan re Yesu apa wa tà yi apa nyaco wa nwàdzudzu. Ama Ci don doku ba cindi pwadzu ki fin bu baa huhu. Ai ciri baa ri zen nua. ¹⁶ Ki bye ahwè bu zen bu Yesu waa apa ra, waa ni mbyàku aka yiku nu ra, ku du gben. Wajinderi ki bye Yesu yiku wa rito ri ki pyenni. ¹⁷ "Tanma ra bazhenza, m yì abu waa nī ndi tsa ranu, nī yini cinna bu abu waji ba, kwan ba baa sen tswenni kata. ¹⁸ Andi gbogbo Ata Cidon dan aji bui dzu ki bye baa da dòn bua baa kapyen danra apa wa ciri Kiristi ra ribi wa fyin, ci numa ra Cidon tsa abu waa ku dan rara. ¹⁹ Ma ci numa ní dan abu wa babani, ní pe mikyin ki cinbe, ní vyin pukan jinni bi bye Cidon jiji ku tso nyeni abu wa babani yo. ²⁰ Jiji nibi du mikyin wa yafan jinni wari dzu bye Cindoi ribi ra. Cindoi ri nde apa wa ci Kiristi ra tson bi yini, ciri Yesu. ²¹ Aku Yesu tanma ci ken ku ci ki ndo Cidon ki don bàzo ayo waa Cidon ndi dan dzu ki nu bu baa da dòn’a baa ndi kapyen ra. ²² Musa danra, ’Cidon Cindoni ribi tson apa wa da dòn yini ci tsadzu waa ku ndi tsonmi ra. Apa wa da dòn waji ribi pwa dzu bye tsuni. Ci ken ní gon tson ní foku ki bye ke kata waa kuma dan yini. ²³ Apa wama gon’a tson fo apa wa da don waji ba, Cidon ribi gaku di ba baa bà Cidon, ku kari bi tsa ban’aku don.’ ²⁴ Kati, abe baa da dòn hora kata do numa ki cin bu Samuila pan numa keke yaya ki pyen ajibe ci abu dzundzun ba anyunu wa jinna. ²⁵ Anuge waa Cidon ge dzu ki bye baa da don hora ci buni. Ani du pajukun baa ki fin nuge wa ban vyon waa Cidon ndi dan yi Ibrahim danra, ’Ki fin tsuu mri bi yi pajukun wa sansan kata ki fin tswen.’ ²⁶ Ci numa Cidon gbè nyaa kapyen tsonku bi ki byeni jiji ku yini wa sansan ki bye waa kú pu kan mikyin bu ko kani kata ki finni ku gadi ba nyaco bu abu wa baba."

¹ Ayo waa Bitrus ba Yohanna ki fin aji wana zenzen numa ba pajukun, se abe von baa wa Ci don, ba akù bu abe baa ri kon atan wa wa Cidon ra, ba Saduki yawa bi ki byebe. ² Be tsaba mikyin ki cin waa abe fotson bu Cidon pyinna hora na fyen pajukun bu ki cin waa Cidon ndi do Yesu ki bye aki. Wakara tà wajinderi dan ra pajukun baa huhu ribi do ba cindi. ³ Be pan hobe tsu ki tan kon nayo kyabye ki cin waa anyunu ko ra. ⁴ Suu numa baa fo aji waa Bit rus ba Yohanna dan anyunu waji ra be yi wajinderi! Bawunu hwe zan tsadzu adubu tswanna. ⁵ Byekyaa ra, baco bu Yahuda wa, ba baco baa sen tswen, ba abe manu baa ri fyen pajukun aji bu Cidon, be kwan cin kenbi ki bye dzundzun ki Urushalima. ⁶ Hanana cin bu abe von baa tsòn bu wa Cidon kiyo ki tan wa wa Cidon, ba Kayafas, ba Yo hanna, ba Iskandari kwan ba badati baa ci bando bu Hanana a cin bu abe von hora kwan na bye waji kata babe ki dzun, ⁷ Se be ho abe fotson hora kwan dzun pyinna ra bi pantse pyen be. Hanana mbyebe kwen danra, "Ake tsari ní tsa numa? Agben kake waa nī ci baku, ko ki fin zen bu kani waa ni tsa abu wa kara?" ⁸ Denden wa nyenye kà mu fin bu Bitrus, ku nde nua don danra, "Ani baa sen tswen, kà ba ani baco, ⁹ jinna nī mana mbye aji ki cin abu wa sansan waa ī tsa ki cin bu apa wa hu abe wakara, nī mana mbye dan ra tsanini hunnu ku du wa rito, ¹⁰ ma ci numa ci ken ani baco kata, kata pajukun bu Isra’ila kata katani kata ní yinu danra aku apa wa pantse pyenni kara, ku du wa rito ki fin zen bu Yesu Kiristi apa wa ki Nazarati. Yesu waa nī ndi panku kan ki cin hin wa shon gege Cidon doku ba cindi. ¹¹ Aban waa baa myi abu nghaku, nī kà kasen bi ndeku myi cin pwe bu atan. Ani ciri baa myi abu waji." ¹² Bitrus danra, "Apa dzun baani wa tsayi wa nwàdzu apa dzun, ki cin waa ki fin pajukun baa ki fin tswen kire kata Cidon yii azen bu apa dzun wa ken wa nwàdzu apa ba," ¹³ Aji ra kyaho baa sen tswen zo, ki cin waa Bitrus ba Yohanna gban mikyin kagben, abe baa sen tswen kà hwà yinu danra abe pyin na hora cibe ba ayì kacin ba, Be ci pajukun baa dán numa. Ci numa ra abu waji kenbe nwo. Be hwà yinu danra be ndi ba Yesu ci dzun. ¹⁴ Be dube anu wa zen aji ba, ki cin waa apa wa du wa rito pantse tiri ki pyen bu Bitrus ba Yohanna ki bye waji, ¹⁵ Ki cin wa kara be dan yi Bitrus ba Yohanna danra be pwadzu ki tan kwen. Ki nyaken wakara bena gen ce ba dibe. ¹⁶ Be kapyen mbye dibe aji danra, "Akake waa iri bi tsa pajukun baa ci kara? Ko kani kata ki finka Urushalima yinu waa Bit rus ba Yohanna tsa abu dzun wa kyahozo wa kwakyi. ī tsakai wa nde abē te aji waji bà jinni danra ci akan ba. ¹⁷ ìma con waa aji ra kúká kà kpasun ya pyen ba, í nube dòn danra beká dada zen aji ba apa dzun ki fin zen bu Yesu riba." ¹⁸ Be babe nde kasen bi ki fin tan, a dan yibe danra, "Niká dada dan yi apa aji, ko ní fyen apa dzun abu ki fin zen bu Yesu riba." ¹⁹ Bitrus ba Yohanna dan yibe danra, "San kari ki bye Cidon waa í gon tson foni re, ko í gon tson fo Cidon? Ní ga hwan ní mbyà. ²⁰ Ci ken í zen aji ki cin abu waa atson’i fo, ba abu waa azoi mbyà." ²¹ Abe baa sen tswen hora ka mbyā nube dòn bàvo kiyo ba gben, ki nyaken wa kara be fanbe jinni yabe ri. Abe baa sen tswen dù kabe nyaco waa bé naten Bitrus ba Yohanna ba. Ki cin waa pajukun kata na nyā Cidon ki bye abu wa sansan waa be tsa ra. ²² Aku apa waa be dà gbanku ki bye adoa wa hwa yi nwo bu pajukun ken jinni ra, aju bu mbaa nwādzu ba dipa pyinna. ²³ Kì nyaken waa be fan Bitrus ba Yohanna jinni ra, be ya du jo byecube, be dan yibe abu waa abe kù bu avon baa tsòn abu wa Cidon, ba abu waa baa sen tswen dan rá kata. ²⁴ Ayo waa be fo aji ra numa katabe kata kwan bye dzundzun na vo Cidon dan ra, "Amà wa mà tswen kán mà tswen akù, ba jape, ba abu baa na fin’a kata. ²⁵ Au Ata Cidon ù hwa Denden wa nyenye yi Yakui Dawuda wa ci nyau kú zen aji ayo waa ku ndi danra: ’Ki cin ke tsu badati na ngongo hwe numa? Ki cin ke pajukun na pwa hwan bu abu wa baba wa tsatsa waa beri bi dube nyaco wa tsatsa ba? ²⁶ Abe akù baa sen tswen mbyā dibe, abe watson kata kwan dibe jiji be nuken ba Cindoi wa ci Kiristi.’ ²⁷ Ci ajinderi Hiridus, ba Buntus Bilatus ba abe tsu badati, ba pajukun bu Isra’ila, katabe kata kwan ki finka wakara nuken ba Yesu Nwuu waa u tsonku bi ra. ²⁸ Be kwan ki cin waa jiji be tsa koke kata waa au kapyen ndi so numa danra kuri bi tsa numa ki bye gbentsòn u. ²⁹ Au Cindoi ina con ú yì fyin waa bena con be tài. Ú yii gben mikyin waa ai banyau í dan ajiu ba gben mikyin’i kata. ³⁰ Ú ndafan vou jiji pajukun be du wa rito. Ú yii tsa abu baa kyahozo, ba baa ken nwo ki fin zen bu Nwuu Yesu waa u nde butsou kwaku ki vo ra." ³¹ Ki nyaken waa be vinni ba Cidon wa vovo ra, abye waa be kwan kiyo ra ndedi. Katabe kata be du Denden wa nyenye bu Cidon. Be jo nwo wana dan aji bu Cidon ba agben azin baani. ³² Abe abi bu pajukun baakara katabe kata, anube we bye dzun dzun. Apa dzun ki finbe wa dan ra abu waa ku ci baku ci jiji nu di bua kenken baani. Katabe kata beri gafan abu waa bema ci baku ki bye dzundzun ken cin dibe. ³³ Abe fotson dan aji ba gben suu numa ki cin dodo bu Yesu. Pajukun fo vya babe ki cin waa be nde zo hwa jinni ridan numa be mbyà apa dzun wa tsa hwen ki fínbe baani. ³⁴ Baa ma ci ba ada, ko ando, beri nde hwen ho abèa yi abe fotson. ³⁵ A hun nu beri gafan àbè waji yi ko kani kata waa be mbyà ku nyani ba abu wa fye waa ku du. ³⁶ Ci tsa dzu Yusufu waa abe fotson baku danra Barnabas. Acinna bu azen waji danra apa wari dan gban apa mikyin. Kukà ki nwo tsu bu Lawi, be mbaku ki Kuburus. ³⁷ Ku nde adaa hwen ho abèa bi yi abe fotson.

¹ Apa dzun ki tiri beri baku danra Hananiya, azen bu awaa danra Safiratu, ku nde tswén’a waa ku ci baku nde hwen. ² Ku kodzu abèa yu hun, Awaa yì abu wa kiyo nu kata. Ki nyaken wakara ku ho wa datia bi yi abe fotson. ³ Bitrus danra, "Au Hananiya, akake tsari Shetan tà abu wa baba ki fin mikyin u hwe numa, hwa yiu kan Denden bu Cidon akan ki bye waa nī kodzu abè waa nī du ki bye ada waa u nde hwen ra yu hun? ⁴ Kapyen waa ù nde ada ra hwen ra ci buu, abè waa ù pan kiyo ra kà ci buu. Akake tsari waa ù ga aji wakara ki mikyin u numa. Akan ra, ù kan yiu pajukun ba, ama ù kan yi Ci don." ⁵ Ayo waa Hananiya fo aji ra numa ra ku kodzu tá jinni se aki. Badati kata baa fo aji wakara numa ra azin panbe. ⁶ Bazhen mafan bawunu badati baa gban gban do don, be ho tukpa kia mbyāku adi aki kiyo, a tswan reku ya myi ya nde ji. ⁷ Ki nyaken waa akān tsara tsa nwādzu numa se awaa kà hwan’a dia dzu wa ki bahun bi, ku yia abu wa tsa ba. ⁸ Bitrus dan yiku danra, "Ú dan yimi aji wajinderi, ko abè wa ci kara ciri amaari abè waa nī du ki bye adani waa nī nde hwen ra kata hun?" Ku zen nde danra, "E, amaari abu waa ī du kata hun." ⁹ Bitrus kà dan yiku danra, "Ki cin kake waa au, ba anuu ho nuni ma dzun waa ní ken mbafo Denden bu Cidon? Mbyà abē bu baa nde nuu ya ji ra, be wena tiri ki nya kyon hun. Be kari tswan u pwadzu ki myi." ¹⁰ Gbogbo numa ku dzu tá jinni se aki. Abe bazhen mafan hora bi mbyàku, be bi tswan reku pwadzu ya baku ki myi, ya ndeku ji ki go kyekye bu anua numa. ¹¹ Acin wa kwankwan bu baa bà Yesu kata, ba badati baa fo aji waji, azin panbe kata. ¹² Abe fotson be tsa abuu Ci don baa kyahozo baa ken nwo ki fin pajukun. Katabe baa yi wajinderi zen nde danra be ho dibe ya kwan bye dzundzun ki nwo taje tan waa be baku danra nwo taje tan bu Solomon ra. ¹³ Apa dzun wa cia ki fin abibe ba, wa nga kwan cin babe ki bye dzundzun baani. Ama pajukun badati baa ki myi nya asonbe. ¹⁴ Pajukun baa yi wajinderi bena kwan ba abi bu baa bà Cindoi kā wa ndi kapyen, kwan ba ba wunu ba bawuwa kata. ¹⁵ Ki bye butso waa abe fotson hora tsa na kyen ra, pajukun badati tswan baa dā do bi we ki kyi nyaco, be hobe we ki cin agábe ba acube, ki cin waa jiji ayo waa Bitrus mabi kyenkyon nwādzu ki bye waji ko ma nì nini ba, anwini bu denden’a ku be badati ki di. ¹⁶ Abi bu pajukun badati dzu wa ki tswen baa ci na dzubye ba Urushalima ho abe baa dā do bi, kà ba abe baa ajon wa baba nebe, be bi du wa rito katabe. ¹⁷ Ki nyaken wakara avon wa ciho dzun, ba bandoa baa ci bazhenzhen bu Sadukiyawa ki fin tswenbe, be jo nwo wana hyu akyu ba abe fotson bu Cidon. ¹⁸ Ki bye wakara, be pan ho abe fotson tse hobe weya ki fin tan kón wa ki tswenbe. ¹⁹ Ama ki fin tsū waji nwutsōn bu Cidon dzun bi pofanbe nu nyakyon tan kón waji. ²⁰ Ku yi abe fotson hora pwadzu kata, ku dan yibe danra, "Ní ya niya pantse fin tan wā wa Cidon, ní dan yi pajukun kata aji bu cinna bu cindi wa ripye ra." ²¹ Abe fotson hora zen nde ba aji waji. Byekyaa aponpon pyuu numa be ya ki fin tan wa wa Cidon yana fyen tà yi pajukun abu kiyo. Ayo waa bena fyen tà yi pajukun abu numa acin bu abe von wa kari kata ra, ba bandoa bi fò, be ba kwan abe, "Sanhidrin," ci cin kwan bu baco baa sen tswen bu Yahudawa kata. Be tson pajukun badati ya ki tan kon jiji be ya ho abe fotson baaji pwadzu bi ki bye cinkwan waji. ²² Abe wa tson hora ya zan tan kon, be mbyàbe ko apa dzundzun ki finbe ba. Be kasen bi dan yi baco hora danra, ²³ "I mbyà nu nyakyon hora kata tsutsu, abe baa kon nu nya kyon hora kata pantse na tiri ki bye nu nyakyon baa be gafan hobe so yo. Ama dede waa ī pofan nu nyakyon ra ī mbyài ko apa dzundzun kiyo ba." ²⁴ Ayo waa be fo aji ra numa aku cin bu baa ri kon atan wa wa Cidon, ba abe von baa ciho akyinbe gedzu, bena ga aji ki cin abu waji wa tsa ra. ²⁵ Se apa dzun bi na dan yibe danra, "Ní mbyà pajukun hora baa nī ndi pan hobe we tan ra be ná fin tan wa wa Cidon ki bahun na fyen pajukun abu." ²⁶ Ayo waa be fō numa ra, acin bu abe baa ri kon tan bu Cidon ra, ho bandoa be nwo ya pan hobe bi. Ama be pan bebe ki nyaco bu ndegbe ba, ki cin waa bena zinzin waa badati ri tabe aban. ²⁷ Be hobe bi pantse pyen bu baco baa sen tswen hora. Aku von wa ciho ra na mbyebe kwen ba dia danra, "ī dan yini zanzan ki myi danra níká dada fyen abu ki bye azen wa ci kara ba. Ní mbyà abu waa nī tsa! ²⁸ Nī yi abu wa fyenfyenni kà fye ho bye kata ki Urushalima, nī kana tà danra ai ciri baa bwan Yesu!" ²⁹ Bitrus zen nde jiji nu dia, kà ba abe fotson badati dan, "Ci ken í fo aji bu Cidon kā apa, ³⁰ Cidon bu abe bayakui do Yesu waa nī ndeku kan ki cin hin wa shon gege ra. ³¹ Cidon doku ndeku so bye wa ba hwe ki go kyekye vo wunua jiji ku ci cin, kukà ci apa wa nwàdzu apa jiji abe bazhen zhen Isra’ila be dan abu wa bababe, Cidon ku fan yibe. ³² Ai ciri baa ri zen aji ki cin aji wakara kata. Denden wa nyenye waa Cidon nde yi baa ri yiku hwe ra, kuri dan aji ki cin aji waji du." ³³ Aji waji fyonbe fyon mikyin, beri con be bwan abe fotson hora. Ama apa dzun ki tiri ki fin cin kwan bu baco baa sen tswen waji, ³⁴ apa waji ci Farisawa, beri baku danra Gamaliya, ku do don pantse don, ku ci apa wari fyen tà yi pajukun aji bu dòn, pajukun kata na zinku zinzin. Ku danra bé ho fotson hora pwadzu ya myi titi numa hunnu. ³⁵ Ku dan yi abe baco bu cinkwan waji danra, "Ani baco bu Isra’ila, ní kò nwoni ki jinni hunnu ní yì abu waa niri bi tsa ba abe pajukun hora. ³⁶ Andi gbogbo Tudas ndi pwadzu bi nde dia so ci tsadzu ku ci apa wa ci ba hwe kwakyi numa. Pajukun zan tsadzu dipa tswanna ndo nyena na bàku na kyen. Be bwan reku, abi bu pajukun baa ndi na bàku ra she gbanfan jinni nya cincin she yu kata, ³⁷ Ki nyaken bua dede waa beri hwèn pajukun bi, Apa dzun wa ki Galili waa beri baku danra Yahuda pwadzu bua bi, Aku du ku bye pajukun badati jiji be bàku, Be bwan reku, a bandoa du kà she gbanfan jinni yu jan, ³⁸ Ci numa ra tanma mna dan yini ní gadi ba tswi pajukun baakara, ní fanbe ki bye waji. Butsobe waji ma ci butso bu pajukun ribi jiji ki jinni. ³⁹ Ama ma ci butso bu Cidon, niri bi tsakani wa denbe butso waji kà ba. Ki bye wakara niri bi mbyà waa dzun tiri ba, nina nga jiji ní nuken ba Cidon." ⁴⁰ Abe baco baa sen tswen hora be zen nde ba aji bu Gama liya, Be ba ho abe fotson hora kasen bi dube. Ki bye wakara be dabe akpan, be nube dòn waa beká dada mbyā pofan anube zen aji ki cin bu Yesu riba. Ki bye wakara numa hunnu be hun fanbe yo. ⁴¹ Abe fotson hora do don pwadzu fan bye waa baco hora na tsa cinkwanbe kiyo ra jinni, Be ci ba mikyin wa mbu mbu ki cin waa Cidon ndebe so danra be ken wa wa fyin bu sinni jiji bu Yesu ra. ⁴² Ko anyunu wani kata ki fin tan wa wa Ci don, kà ba ki fin ndo bu pajukun be foji abu wana fyen pajukun yo fyenfyen, be kana zen aji wa sansan ki cin bu Yesu Kiristi.

¹ Ayo waa ahwè bu abi bu baa bà Yesu foji wana kwankwan kiyo ra, abe Yahudawa baa ri zen nene Helenawa hora na nwinde ba abe baa ri zen nene Yahudawa hora, ki cin waa ko dede wani kata waa bema gafan buju yi pajukun bawuwaki bube ri dube abu dzun wa tsa cin ba. ² Se abe dzwe nwa pyinna hora be ho abi bu baa bà Yesu kwan dzun. Be dan yibe danra, "Ribi san’a waa í fan butso bu aji bu Cidon wa dandan bè jinni, í ka sen yana tsa butso bu akwe buju wa gaga ba. ³ Ki cin wakara bazhenza, ní ce pajukun kwan dzun tsupyen ki finni baa azènbe vya shu, baa mu ba a kyinye, be tsa butso wakara. ⁴ Ki bye wa kara hunnu iri hun ho mikyin’i so bye ndedzwa wa dzwadzwa, ba aji bu Cidon wa dandan." ⁵ Waa be fo aji wakara numa pajukun baa bà Yesu kata mbu mikyin ba aji waji. Ki bye wakara numa be ce Istifanus wa mu ba wajinderi ba Denden wa nyenye ki fin mikyin’a. Be gbè Filibus, ba Burukoras, ba Nikano, ba Timan, ba Barminas, kà ba Nikolas wa ki Antakiya wa bi kàn Yahudawa ki bye nyaco wa wa Cidon ra. ⁶ Abi bu pajukun baa bà Yesu hobe bi yi abe fo tson bē dzwa nde senbe vo ki cin. ⁷ Ki bye wakara aji bu Cidon foji wana yaya ki pyen ki pyen, Abe baa bà Yesu baa ki finka Urushalima foji wana kwankwan kiyo. Abe avon baa ri tsòn abu wa Cidon suu numa yi wajinderi. ⁸ Istifanus wa mu ba wa sansan bu Cidon ba gben tsa abu baa ken nwo, ba abu badati baa kyahozo ki fin pajukun. ⁹ Numa ra pajukun badati zenbe nde ba aji bu Istifa nus ba butsoa waa ku tsa na kyen ra riba, Pajukun baaji ci fin abi bu baa ri kwan cin ki tan waa beri fyen aji bu Cidon kiyo ra. Atan waji beri baku danra, atan bu baa ci akù dibe. Yahudawa badati ki finbe dzu ki Kurane, ba Yahuda wa baa dzu ki Iskandariya ki fin abi waji du. Abe hora ba Yahuda wa badati baa dzu ki Kilikiya, kà ba baa dzu ki Asiya, be jo nwo wana zen aji sunnu ba Istifanus. ¹⁰ Denden wa nyenye yi Istifanus kyinye suu numa. Áyo waa kuma zen aji be dube anu wa zen aji baku ba. ¹¹ Se be bon ya dzo pajukun badati aji ki nu danra be ge aji be Istifanus ki nu danra, "Ī fo kuna zen aji baa baba ki cin bu Musa ba Cidon." ¹² Ki bye wakara numa be tsa pajukun susu, ba abe baco, ba abe manu baa fyen aji bu Cidon, be bi bye Istifanus a pan’aku nde ya ki pyen bu cin kwan bu baco baa sen tswen. ¹³ Ki nyaken wakara be ba pajukun badati nde bi jiji be kankan ge aji be Istifanus ki nu. Pajukun hora danra, "Apa wakara na zen aji tsaba Atan’i wa nyenye wa wa Cidon wakara ko nukon. Kà ba dòn bu Musa. ¹⁴ Ī kà fo ku danra Yesu apa wa ki Nazarati kuri bi dagban hore tan’i wa wa Cidon nya jinni. Aku Istifanus ri vyin pu kan bu yakubadai waa abe bayakui ndi fyen’i yo ra." ¹⁵ Katabe kata baa ki fin cinkwan waji ra nwafan zobe so Istifanus ki cin. Be mbyà zén’a ci tsadzu abu Nwutsōn bu Cidon.

¹ Ki bye wakara acin bu abe von wa ki pyen kata mbye Istifanus danra, "Aji waa be dan ki cin u ra ci numa ajinderi?" ² Istifanus nde nua don danra, "Bazhenzami, ba ani baco, ní gon tson ní fo, Cidon wa ci ba hwe kata tà dia ki bye Yakui Ibrahim ayo waa ku ki Mespota-miya Kapyen waa ku do ya ci ki Haran ra. ³ Cidon dan yiku dan ra ’U fan ndou ba tswen u, ú ya ki bye waa mri bi tà yiu.’ ⁴ Ki bye wakara numa ku do don fan jen bu Kalidiya ya pan ndo ki Haran. Ki nyaken waa ata bu Ibrahim hu hunnu Cidon hun do Ibrahim bi ci bye a jen waa nī ciyo tanma ra. ⁵ Ayo waji Cidon naa Ibrahim tson ndeku so dan ra ku ciri wa sen jen waji ba. Ama Cidon genu danra kuri bi nde yiku, kari bi ci abua ba batsua ki nyaken. Ayo waa Ci don ge nuge wakara numa ba Ibrahim ra, Ibrahim mbaa nwu ko dzundzun raba tiri. ⁶ Wakara ciri aji waa Cidon dan yiku dan ra, ’Atsuu ki nyaken u beri bi ci ndo ki fin jen bu tsu badati. Beri bi kan nya bu pajukun baa sen jen waji. Beri bi tabe fyin ju dipa tswanna ndo nyena.’ ⁷ Cidon danra, ’Mri fo baa sen jen baa bena wabe ra kwen. Ki nyaken wakara atsuu ribi pwadzu ki bye jen waji be bi wami ki bye jen wakara.’ ⁸ Ci numa ra Cidon fyen Ibrahim nyaco bu abuku wa kyu kyu wari tà wajinderi bu nugea waa ku ge, Ki cin wakara Ibrahim kyu nwua Ishaku bukua yo ki nyaken anyunu tsuntsa waa be mbaku. Ishaku kà ten abea numa ki bye nwua Yakubu. Aku Yakubu kà tsa numa ba abe bayakui dzwe nwa pyinna hora. ⁹ "Abe bayakui hora fifi ba Yusufu be ndeku hwen ci tsadzu anya yi abe baa ki Masar. ¹⁰ Ama Cidon baku ci bye dzundzun, akà nwàdzu ku ki bye fyin waa ku wa kata. Cidon nde kyinye, ba byon yi Yusufu. Ci numa ra aku Fri’auna wa ci akù bu Masar ra fo vya baku a naku tson wa kwakyi ki bye jen ba fin ndo akù waji. ¹¹ Ki nyaken wakara ambo bi bwan ki tswen bu Masar, kà ba Kanana kata yi pajukun fyin suu. Abe bayakui nyani buju. ¹² Ki bye waa Yakubu fō be dan ra aza ki Masar ra, ku gbe bayakui akyon wa kapyen wa ya ki Masar. ¹³ Ki bye akyonbe wa kwan pyinna hunnu Yusufu hun tà dia yi bazhenzaa. Kati, a hun nu Fri’auna hun bi yì bando Yusufu. ¹⁴ Yusufu tsontson ya we ataa yo jiji atsube ku do don bi ki Masar. Abe kata be kwan dzun zan dipa tsara kyadzwe nwa tswanna. ¹⁵ Yakubu do don ya ki Masar. Ki bye waji ku hu ba abe bayakui. ¹⁶ Be ho kwanbe ya ji ki Shekim ki fin mbi waa Ibrahim ndi hwen ba abèa ki vo bu abe tsu bu Hamur. ¹⁷ "Dede waa Cidon ndi genu ba Ibrahim ra na dzubye numa, pajukun mba foji wana kwan kwan kiyo ki Masar. ¹⁸ Ki nyaken wakara apa dzun wa yia abu dzun ki cin bu Yusufu ba, bi na akù ki Masar. ¹⁹ Ku bye abe tsui, ku kà tsa bayakui abu wa baba. Ku yibe ho bazhenzhenbe baa rijan pwadzu ki ndo ya nya hwan jiji be hu. ²⁰ Ki bye ayo waji bwa numa be mbà Musa. Ku ci nwu jan wa vya Cidon ki mikyin, be tswanku ki ndo a son tsara. ²¹ Ayo waa be bi ndeku ya ta hwan ra, nwu bu Fri’auna wa wuwa ya fyoku nde bi tswan ci tsadzu nwu fin’a. ²² Be fyenku ayì bu abu wa ki Masar kata. Ku kan apa wa kwakyi ki bye ajia kà ba butsoa. ²³ "Na dzubye ba waa ku zan ju dipa pyinna numa mikyin’a dan yiku danra ku ya mbyà bazhenzaa bazhenzhen bu Isra’ila. ²⁴ Waa ku ya zan numa ku mbyà apa dzun wa ki Masar na yi dzundzun ki fin bazhenzaa hora fyin. Ci numa ra ku do don ya tso kwen nu bu nwuzaa ban ton nua, a da bwan apa wa ki Masar. ²⁵ Kuna ga danra bazhen zaa yinu waa Cidon ri nwàdzube dzu voa ra, ama be yibe ba. ²⁶ Nakyabyea pajukun kwan dzun pyinna na gbende ba dibe. Ku bi penbe danra, ’Akake nī ci bazhenza numa nina gbende ba dini?’ ²⁷ Ama apa wana da nwu zaa ra tswasu Musa numa so ya kankan danra, ’Akani ceu ri baco wa ga kwen ki cin’i. ²⁸ Ko una con ú bwanmi bwanbwan ci tsadzu waa ùnà bwan apa wa ki Masar ra?’ ²⁹ Mwamwa numa waa Musa fo akyu wa ci kara ra, ku she do don ya kà kyon ki fin jen dzun waa beri baku danra Madayana ra, ci bye waa ku ya mba zhenzhen bawunu pyinna kiyo. ³⁰ "Ki nyaken bu ju dipa pyin na se nwutsōn bu Cidon dzun bi ki bye Musa. Ku bi tà dia ki bye àmà bu nene pyu wana se ki fin hwan ki nwo Kwen Sinai ra. ³¹ Waa Musa mbyà numa ra abu waji kenku nwo. Se ku kpasun ya gbangban jiji ku mbyà san abu waji. Se akyu bu Cindoa Cidon dzu don bi danra, ³² ’Ci mi, Ci don bu bayakuu, Cidon bu Ibrahim, ba Ishaku, ba Yakubu.’ Ayo waa Musa fo numa ra, adia vonvon, ku gban kaa mikyin jiji ku mbyà san kwan yo riba. ³³ Akyu bu Cindoi nari dan yi Musa danra, Ten ho tabe ki beu don, ki cin waa abye waa u pan tse yo ra ci abye wa nyenye. ³⁴ Ajinderi m mbyà fyin waa pajukun bumi na wa ki Masar, m fo aton wa tintinbe nu. M dzwa bi tanma ki cin waa m nwàdzube. Tanma ra bi m tson u ya Masar.’ ³⁵ "Too, Musa wa ci kara ciri apa waa be nghaku danra, akani gbèku ri danra ku ci baco wa ga kwen re. Kukà ciri apa waa Ci don gbèku so apa wa ki pyen ba wa nwàdzube ki nu bu nwutsōn bu Cidon waa ku fo kyua ki fin hwan ra. ³⁶ Aku Musa hobe ri pwadzu ki Masar, kukà tsa abu baa kyahozo ki Masar ki bye anú dzun waa beri baku danra anú wa nyonyo ra, ka ki fin hwan zan aju dipa pyinna. ³⁷ Aku Musa waji ciri apa wa zen aji ba bazhenzhen Isra’ila danra, ’Ci don ribi do apa dzun wa nu dòn bu Cidon ri dzu ki finni ci tsadzu waa ku domi ra.’ ³⁸ Musa ciri apa wa ki yobaba bu abi bu bazhen zhen Isra’ila ki fin hwan ra, kà ba nwutsōn bu Cidon wa zen aji yiku ki bye akwen bu Sinai ra, ci numa ba bayakui, kukà ciri apa wa pan aji bu cindi nde bi yii. ³⁹ Ama abe bayakui nghabe wa nde cin na jinni fo ajia. Be tswa suku ya kankan ki cin waa mikyinbe kasen yara ki bye ajen bu Masar ra. ⁴⁰ Se be dan yi Ha runa danra, ’Ú hwāi bakindo baa ri kai pyen. Ki cin waa ī yìi abu wa tsa Musa wa ndi hoi pwadzu ki Masar raba.’ ⁴¹ Ki bye ayo waji ra, be ngyo aki dzun wa dzu nwu na. Be ge bwan bupyu yiku, tswanku asa ki cin’a, bena cu cucu be fo vya ba butso waa be tsa ba vobe ra. ⁴² Ki cin wa kara numa Cidon pukanbe nya ken, a fanbe vo ki di, yibe ya wa tswí baa na hwadon ci tsadzu waa be ndi ta ki fin Afa bu baa da dòn danra, ’Ani bazhenzhen Isra’ila waa nī ci hwan aju dipa pyinna ra bucon baa nina ge bwan na tsòn hora, nī tsòn yimi? ⁴³ Nikà ho akpa wa sheshe waa beri ho fan ki ndo aki waa beri baku danra Molok ra tswan na kyen baku. Kà ba atswí bu aki waa beri baku danra Ramfan. Nī hobe bani na kyen dzun. Be ci bakindo baa nī hwa jiji ní wabe. Ci numa ra mri bi kanni sho wa yaya ki bye wa nana, wa naco ka Babila.’ ⁴⁴ "Andi bayakui ndi na hwan ra be da apu gon fan akpa kiyo. Apu gon bu akpa waji ra tà danra Ci don babe ci dzun. Be ndi da apu gon wa fan akpa waji ki bye nyaco waa Cidon ndi tà yi Musa ra. ⁴⁵ Bayakui hora du apu gon bu akpa wa fanfan bu Cidon wakara ki vo bu abe atabe. Se abe yakui hora pen apu gon bu akpa wa fanfan ra tswan kaya ki Kaana ayo waa be ba Joshua kyen dzun kaya. Ayo waa be bi pan ajen waji waa Cidon kan ho pajukun badati pwadzu du zobe, pan numa keke bi zan ki we bu Dawuda ra apu gon bu akpa waji ci tiri, ⁴⁶ Dawuda wa du mwe wa sansan ki pyen bu Cidon. Ku vo Cidon jiji Cidon ku zen nde yiku nyaco waa ku myi Cidon bu Yakubu ndo yo. ⁴⁷ Ama Solomon myi ri ndo bu Cidon waji. ⁴⁸ Numa ra Cindoi Ata Cidon wa ba hwe kari kata kuri cia ki tan waa pajukun myi ba vo ba, ci tsa dzu waa Ishaya apa wa da dòn bu Cidon danra, ⁴⁹ ’Cidon danra bye hwadon ci adudu bu tsonmi, bye jinni ci abye waa mri nda bemi we yo, atan wani waa niri myi yimi ri? Abye wa kini waa mri bi ngha nwo kiyo? ⁵⁰ Ami ba vo dimi màmi abu baa na kara ri kata ba?’ ⁵¹ "Ani pajukun baa gban cin, baa mikyinni jan nyaco bu Ci don, baa foni tson ba. Ko ayo wani kata nina pen fyín ba Den den bu Cidon ci tsadzu waa bayakuni ndi tsa ra, ani du nina ten abebe numa. ⁵² Ki fin baa da don bu Cidon hora akani ki fin be waa bayakuni ndi yiaku fyin ba? Be bwan abe baa ndi dan aji ki cin bu apa wajinderi waa Cidon ri tsonku bi, ani pajukun baa tanma nikà ndeku hwen, nī kà ciri nyaco bu akia. ⁵³ Nī ciri pajukun baa pan dòn bu Cidon wa dzu vo bu nwutsōn bu Cidon ama nī konni adòn waji ba!" ⁵⁴ Waa be fo akyu wakara numa ra, se mikyinbe tsaba jinni. Be ngongo suu numa baku, be foji nyibe wana dzwandzwan ki cin’a. ⁵⁵ Ama waa mikyin bu Istifanus mu ba Denden wa nyenye ra, ku nde zoa tá don ki hwa cucu, ku mbyà hwe bu Cidon, ka ba Yesu pantse vo wunu bu Cidon. ⁵⁶ Se ku danra, "Ní mbyà! M mbyà abye wa ki don pofan jinni, m mbyà Nwu pajukun pantse go kyekye vo wunu bu Cidon." ⁵⁷ Be nyakyin ba gben numa, a ho vo kan tsuken tsonbe jinni, be tsa wu numa we sho bi pan reku. ⁵⁸ Mwamwa numa be ndeku pwadzu ya ki gokà, a foji aban wana taku tata. Abe baa ge aji beku ki nu ra, pen hore tukpabe kwan bye dzundzun ki nwobe bu a nwu mafan dzun numa waa beri baku danra Sha wulu ra ku webe zo kiyo. ⁵⁹ Ayo waji be foji aban wana ta Istifanus tata. Aku Istifanus kuna vo Cidon danra, "Cindomi Yesu, u pan cin dimi." ⁶⁰ Ki nyaken wakara, ku tu ben jinni, Ku nde kyua don ba gben numa danra, "Ata Cidon, ú fan abu wa baba waa bena tsa ra yibe." Ki bye waa ku dan numa se ku ken nwo.

¹ Shawulu zen nde ba aki waa be bwan Istifanus ra. Ki bye anyunu waji afyin wa baba numa du abi bu pajukun baa bà Yesu ki Urushalima. Pajukun baa bà Yesu kata she gbanfan nya cin cin ki bye jen bu Yahudiya, ba Samariya, se fan abe fotson vinni maari. ² Dede waji pajukun badati baa bà Cidon ba mikyin dzundzun nde Istifanus ri ji. Bekà shen akia suu numa. ³ Ci numa Shawulu pantse ba gben ku nga kú tsaba abi bu baa bà Yesu. Kuna ri kà ki ndo ki ndo, ana pan bawunu ba bawuwa hobe na we ki tan kón. ⁴ Numa ra abe pajukun baa be kan gafanbe nya cincin ra, nari kà ki bye wani kata na dan yi pajukun aji bu Cidon. ⁵ Filibus ya ki finka Samariya. Ki bye waji kuna dan aji ki cin bu Yesu Kiristi yi pajukun. ⁶ Waa abi bu pajukun fo numa ra, be kà mbyà abu baa kyahozo waa Filibus tsa. ⁷ Ki cin waa pajukun suu numa ki finbe baa ci ba ajon baa baba yibe na da ndekuto ba gben numa Filibus kanbe pwadzu. Pajukun baa hu abe hu avo suu numa, kwan ba baa ri kyenkyon gbe abebe gbegbe kata ku nwà dzube ki bye adobe waji. ⁸ Ki cin wakara hwa yibe mbu mikyin suu numa ki finka waji. ⁹ Apa dzun ki tiri beri baku danra Siman wa ndi ci apa wa von nukon ki finka waji. Kuna tsa hyen baa kyahozo suu numa ki pyen bu pajukun ki finka Samariya, yi nwobe ken jinni. Kuna dan yibe danra aku ku ci apa wa kwakyi. ¹⁰ Pajukun suu numa ho tsonbe gon jinni, ho mikyinbe so dia. Baco ba baci kata na danra, "Apa wakara ci apa wa ci ba tswi gbentsòn bu Cidon waa beri baku danra, ’Gbentsòn wa ndanda.’" ¹¹ Ci numa ra ku jire mikyinbe don kata, ki cin waa avo gbogbo numa kuna ri tsa hyen baa ken pajukun nwo. ¹² Ama ayo waa Filibus dan Aji wa Sansan ki cin tson bu Cidon yi pajukun ki bye zen bu Yesu numa ra, be yi wajinderi, katabe kata bawunu, ba bawuwa be tsabé batisma. ¹³ Ci numa ra aku Siman ba dia yi wajinderi. Ki nyaken waa be tsaku batisma ra kuna bà Filibus ki nyaken ko nukon. Ki bye abu baa kyahozo baa kwakyi kwakyi baa kuna mbyà ba abu baa ba hwe bu Cidon hora, abu baaji kenku nwo. ¹⁴ Ayo waa abe fo tson bu Yesu fo danra pajukun baa ki Samariya pan aji bu Ci don ra, se be gbè Bitrus ba Yo hanna kyon ya ki byeri. ¹⁵ Ayo waa Bitrus ba Yohanna zan ki Samariya ra, be vo Cidon jiji baa yi wajinderi ra be du Denden bu Cidon. ¹⁶ Ki cin waa Denden bu Cidon ngha bia ki cinbe raba, be ndi du batisma ki fin zen bu Cindoi kenken. ¹⁷ Bitrus ba Yo hanna ho vo senbe ki cin. Ayo waji Cidon tson Denden wa nyenye bi ki cinbe. ¹⁸ Waa Siman mbyà waa abe fotson ho vo sen pajukun hora ki cin, be du Denden wa nyenye bu Cidon numa ra, kuna nga ku hwa Bitrus ba Yohanna abè, ¹⁹ Kuna daiì yibe danra, "Ní yimi gbentsòn wakara du. Ki cin waa ko kani kata waa mma nde vomi senku ki cin ku du Denden wa nyenye bu Cidon du." ²⁰ Ama Bitrus dan yiku danra, "Ú dàn tsaba jinni ba abèu waji kata! Ki cin ke ba, una con ú hwen avyon wa vyonvyon bu Cidon ba abè. ²¹ Avou, ba abēu, baani ki bye butsoi wakara ko titi, ki cin ke ba, mikyin u cia dzundzun ki pyen bu Cidon ba. ²² Ci numa ra se u pukan mikyin u fan abu wa baba bè jinni, ú vo Cindou Ci don dzun tiri kuri fan abu wa baba wa ki mikyin u ra yiu, ²³ Ki cin ke ba, m mbyàu ci apa wa hyu akyu, ukà ci nya bu abu wa baba." ²⁴ Se Siman zen nde dan ra, "Ní vo Cidon ki cinmi jiji ko abu dzundzun numa ki fin abu waa nī danra kúká dumi ba." ²⁵ Ci numa, abe fotson bu Yesu be zen aji ki bye aji wajinderi bu Cindoi Cidon, ki nyaken wakara be kasen pan nyaco wa ya ki Urushalima. Ki fin kyonbe bena da dòn bu aji bu Cidon kà ki fin tswen suu numa ki Samariya. ²⁶ Nwutsōn bu Cidon dzun dan yi Filibus danra, "Ú do don ú ya ki rike, u pan nyaco wa pwadzu ki Urushalima yá ki Gaza." Tanma pajukun ge abē wa dzu nyaco waji ra. ²⁷ Se ku do don pan nyaco foji wa yaya. Ku ya shon ba watson dzun wa ki Habasha. Ku ci apa wa ndanda numa wa ci ba hwe ki bye tson bu Kandakatu Nwotsi wa ki Habasha. Aku apa waji baani ki ndo, ku ciri apa wari so dukya bu Nwotsi waji. Ku ndi bi ki Uru shalima ki cin waa ku bi wa Cidon. ²⁸ Ru kasen naya ki ndo. Ku ci fin tswi vin sho waa avin ri gbe ra. Kuna hwèn aji ki fin Afa bu apa wa da dòn bu Cidon waa beri baku danra Ishaya ra. ²⁹ Denden bu Cidon nari zen aji ba Filibus danra ku kpasun ya pyen dzubye ba avin sho waa avin ra na gbe ra. ³⁰ Ci numa ra Filibus nde shò ya ci dzubye baku, ana fo kuna hwèn aji ki fin Afa bu apa wa da dòn bu Cidon waa beri baku danra Ishaya. Ci numa ra Filibus mbyeku danra, "Ù hwayi cinna bu aji waa una hwèn ranu?" ³¹ Awatson waji nde nua don danra, "Mri bi tsa nini hwayi, se apa dzun ma dan cinnaa ri yimi." Numa ra ku vo Filibus danra ku ne ya baku ci dzun. ³² Wakara ciri atō waa kuna hwèn ajia ra kara: "Ku ci tsadzu àdòn waa be gbeku yari ge bwanbwan, ku ci tsadzu nwu dòn waa beri gezan hwēa ku bànde ci gyu numa ra, ko nu wa don, ko nu wa tà, ku poa ba, ³³ Be tsa ciku, be fobeku kwen wa byenbyen ba. Akani ribi zen kaa aji ri ki cin tsua? Cidon nde cindia don ki fin tswen kire ra." ³⁴ Numa ra watson waji mbye Filibus danra, "Aku apa wa da dòn bu Cidon ra, na zen aji ra we dia re, ko kuna zen we ki di bu apa dzun?" ³⁵ Ci numa Filibus pofan nua nari jo nwo wa dan yiku aji ki cin bu atō waji. Kuna ri dan yiku Aji wa Sansan bu Yesu. ³⁶ Be ki fin kyon nari ya numa, se be ya zan ki nu jape dzun, Aku watson ra danra, "Jape ci kara ake kan denri waa ú tsami batisma?" [ ³⁷ Filibus dan yiku danra, "Uma yi wajinderi ba mikyin dzundzun mri tsau batisma." Apa waji danra, "M yi wajinderi danra Yesu Kiristi ci Nwu bu Cidon."] ³⁸ Se apa waji yi avin’a pantse jinni, se apa wa hu abuku waji ba Filibus pyinna kaya ki fin jape waji, Filibus tsa ku batisma. ³⁹ Ámà waa be pwa dzu ki fin jape numa se Denden bu Cindoi Cidon bi wore Filibus don jan bá jinni ki zo bu apa wa hu abuku ra. Ama ku pan nya coa dzwa naya ba mikyin wa mbumbu hwehwe numa. ⁴⁰ Ci numa ra bekà mbyà Filibus ki bye waa beri baku danra Azotus, Kuna ri ban finka finka hora kata ana ri da dòn bu aji yaya ki bye waa beri baku danra Kaisariya ra.

¹ Ayo waji Shawulu foji azin wana hwa pajukun baa bà Cindoi Yesu hwahwa. Kuna dan yibe danra kuri bwanbe bwan bwan. Ku ya ki bye cin bu avon wa ki pyen kata, ² ku ya voku danra ku tá afa yiku danra ku zen nde yiku nū ku kà ki tan wa fyen aji bu Cidon ki Dimashika, jiji kuma ya du baa bà nyaco bu Cindoi Yesu, bawunu ko bawuwa kata kú tse hobe bi ki Urushalima. ³ Dede waji ku pan nyaco foji wa yaya. Ku kyen nabèn ba tsonkà Dimashika numa, gbogbo numa ku mbyà abye wa yafan jinni van numa dzu wa ki don bi be tsukenku kata. ⁴ Se ku kòdzu ta jinni, ku kana ri fo akyu dzu ki hwadon na zen aji baku danra, "Shawulu, Shawulu, akake tsari una tsa cimi numa?" ⁵ Aku Shawulu nari mbye danra, "Au kani waji Cin do?" Se akyu waji dan yiku dan ra, "Cimi Yesu waa una tsa ciku ra. ⁶ Ama ú do don, ú kaya ki finka. Ki bahun beri bi dan yiu abu waa ú tsa." ⁷ Abe bajo kyon bu Shawulu be nyani ba anu wa zen aji. Ki cin waa bena fo akyu na zen aji, ama be mbyàbe apa waji ba. ⁸ Ayo waa Shawulu do don ki jinni pofan zoa numa ku mbyà kaa bye ba. Numa ra apa dzun gbeku agà ri, ndeku numa kaya ki finka Dimashika. ⁹ Ku na zan fe byecen ku mbyà kaa bye ba. Dede waji ku jia ba, ku waa ba. ¹⁰ Apa dzun wa bà Yesu ki tiri ki finka Dimashika azèn’a danra Hananiya. Cindoi Cidon baku nde ki zo mbu danra, "Ha naniya." Ku zen nde danra, "Angya! m ki kara." ¹¹ Se Cindoi danra, "Ú do don ya ki nyaco wa kwakyi waa beri baku danra nyaco wa ndafan jinni, ú ya mbye aji ki ndo Yahuda ki cin bu apa wa ki Tarsus waa beri baku danra Shawulu ra, ku ci tiri ki bye waji nari vo Cidon. ¹² Aku Shawulu ri mbyà apa dzun waa zen’a dan Hananiya ra ki zo mbu pantse cin’a. Ku kabi, nde vo senku ki cin, ki cin waa jiji azo wa mbyà byea ku kasen bi." ¹³ Ama aku Hananiya zen nde danra, "Cindomi, mna ri fo dón bu apa wakara waa pajukun suu numa na zen aji ki cin abu wa babaa suu numa waa kuna tsa pajukun baa bàu ki finka Uru shalima. ¹⁴ Ci numa ra abe von baa ciho ki pyen yiku nū wa tà danra kuma du ko kani kata ki Dimashika baa ri vo Cidon ba zèn u, jiji ku panbe." ¹⁵ Ama Cin doi dan yiku danra, "Ú do don ú yau. Ki cin waa wakara ci tswén bu butso m ceku cece jiji ku da dòn bu zènmi ki pyen bu tsu pajukun badati, ba abe akù akù, ka ba abe bazhenzhen Isra’ila! ¹⁶ Mri bi tà yiku afyin wa wawa wa ci ken numa ku wa jiji bu azènmi." ¹⁷ Ci numa ra se Ha naniya do don ya, aya kaya ndo waji, a nde vo sen Shawulu ki cin’a, a danra, "Nwuzami Sha wulu, Cindomi Yesu tsonmi bi ki byeu, apa wa ta dia yiu ki nyaco dede waa una bi ki Dimashika ra ci Yesu hun. Ku tsonmi bi jiji ú du azo wa mbyà bye, jiji kukà we muu ba Denden bu Cidon." ¹⁸ Mwamwa numa ki bye waji abu dzun pwadzu ki zoa ci tsa dzu akoje numa dzu ta jinni. Ku mbyà bye. Ku do don be tsaku batisma. ¹⁹ Ku ji buju ki nyaken wakara agben dia kasen bi yo. Shawulu na zan anyunu pyinna ba pajukun baa bà Yesu ki Dimashika. Shawulu dan aji bu Cidon yi baa ki Dimashika. ²⁰ Mwamwa numa ku jo nwo wari da dòn ji bu Yesu ki fin tan baa beri fyen aji bu Cidon kiyo danra Yesu ci Nwu bu Cidon. ²¹ Katabe kata baa foku ra, aji waji kenbe nwo. Bena ri danra, "Wa kara bà ciri apa wa kan gafan baa ri vo Cidon ki bye zen bu Yesu ki Urushalima raba? Ci numa ra ku bi kire ba mikyin waa jiji ku tse hobe ya yi abe avon baa ciho." ²² Ci numa ra Shawulu pantse cin bu aji waji ba gben kwan yo. Ku dan yafan fin yi pajukun horo dodo numa danra aji wajinderi Yesu ci Nwu bu Cidon waa Cidon tsonku bi. Se abe Yahudawa baa ki Dimashika hora, ande babe ki nu. ²³ Ki nyaken bu anyunu hwe hwe numa abe Yahudawa genu wa baba ki cin bu Shawulu jiji be du nyaco wa bwanku. ²⁴ Ci numa ra aku Shawulu kapyen fo kya dón bu abu waa be ki fin’a ra, waa bena nweku ki nyakyon kà ki vo, ki abe, anyutu ba afitse jiji be bwanku. ²⁵ Anyunu dzun afitse baa bà Yesu baa ndi fo aji bu Cidon ki nua ra ndeku dzo bye atikshe dzo pwadzu ki pyo bu akà ya myi ki dika. ²⁶ Ayo waa Shawulu zan ki Uru shalima numa kuna con ku kwan cin ba abi bu pajukun baa bà Yesu, Ama be zenbe nde baku ba, ki cin waa bena ri zinzin’a. ²⁷ Ama Barnabas tsaza Shawulu yo, a ndeku ya ki pyen bu abe fotson bu Yesu. Ku dan yibe danra Sha wulu ndi mbyà Cindoi Yesu ki nyaco ki bye co waa Cidon zen aji baku. Ki nyaken wakara kukà zen aji ki fin zen bu Yesu ba gben numa ki pyen bu pajukun baa ki Dimashika. ²⁸ Dede wa ci kara hunnu Shawulu du pyo wa kwan cin ki dzun babe ki Urushalima. ²⁹ Kuna ri da dòn ba gben mikyin ba zen bu Cindoi. Kuna dan aji ba abe Yahudawa baa ri zen hene Helenawa ra. Kuna ri tā wáshu babe ki cin wakara bena nya nya co waa be bwanku. ³⁰ Waa bazhen za baa bà Yesu hwayi numa ra, be ndeku do don ya ki Kaisariya, aka ndeku tson nwādzu yaya ki Tar sus. ³¹ Ki nyaken wakara abi bu baa bà Yesu ki Yahudiya, ba Galili, ba Samariya du nwo wa hoho, be kà foji wana kwankwan kiyo yaya ki pyen. Bena tsa butsobe ba azin bu Cindoi Ci don. Denden wa nyenye kana ri dan gbanbe mikyin. Ci numa ra be foji wana yaya ki pyen. ³² Waa Bitrus ban shukwa jen ra kata, ku kaya ki bye pajukun baa bà Yesu baa ki Lida, ³³ Ki bye waji ku du apa dzun azen’a danra Iniyasu waa ado daku na jinni aju tsuntsa, avoa, ba abea hu dzu. ³⁴ Bitrus dan yiku danra, "Iniyasu, Yesu Kiristi nwàdzuu ki bye adou rá ra, ú do don, u pen byenau." Ki bye waji bwa numa dzwa dzundzun ku do don. ³⁵ Pajukun baa ki Lida kata, ba baa ki bye jen bu Sarona du, be mbyàku, be pukan mikyinbe bi ki bye Yesu Cindoi. ³⁶ Ki finka dzun waa beri baku dan Yafa, awuwa dzun ki tiri yo, wa bà Yesu zèn’a dan Tabita. Ki nu Helenawa ci Dokas cinna bu azen waji danra awikyin. Awuwa waji ci awuwa wa ci ba mikyin wa sansan wa ndafan vo yi zhen shon ki fin tswen cia wa dandan ba. ³⁷ Ki bye ayo waji wakara ado daaku ta jinni, ado waji bi kaa gben’a ku hu. Ki nyaken wakara be woku adiki kata, ndeku ya hwa bye acū kia ki tan wa ki don, ³⁸ Abye Lida ci dzubye ba Yafa. Waa baa bà Yesu fo danra Bitrus ci tiri ki bahun ra, be gbè apa pyinna tson tson weku yo za nde yiku danra, "Gbagba, ú tse don tse don bi ki byei!" ³⁹ Bitrus do don babe kyen dzun ya, Waa ku ya zan bye waji numa be ndeku neya ki tan wa ki don waji. Kata abe bawuwaki hora kata bi pantse na go kyekyea foji ndekuto wana kuku, ana ri tà tukpa baa sansan wa dze di, ba wa wewe baa Tabita ndi yibe ayo waa ku ki tiri riju ra. ⁴⁰ Numa ra Bitrus yibe pwadzu ki fin tan waji kata. Ku tu ben jinni ana za nde na vo Cidoa Ki nyaken wakara ku tafan zoa mbyà akwan bu Tabita. Ku danra, "Tabita, ú do don." Aku Tabita pofan zoa. Ku mbyà Bitrus. Ku do don tuci ba nwo. ⁴¹ Bitrus ndafan voa yiku, a gbeku tse don. Ki nyaken wakara ku ba kwan abi bu baa bà Yesu hora kwan ba abe bawuwaki hora ki dzun. Ku ndeku ba cindi riju numa yibe, ⁴² Adón bu aji wakara gbàn fye ho bye fínka Yafa kata, ⁴³ Abi bu pajukun suu numa zen nde pan aji bu Cindoi. Aku Bitrus pan abē ki Yafa du anyunu pyinna ki ndo bu apa dzun wa fo ageho waa beri baku danra Siman.

¹ Apa dzun ki tiri ki Kaisa riya beri baku danra Karni liyus. Apa waji ci baco wa ki pyen bu abi baa nuken waa beri ba danra, abi bu baa nuken wa ki Italiya. ² Ku ci apa wa nde mikyin’a yi Cidon. Aku ba fin ndoa kata be ci baa zinzin bu Cidon. Kuna ri vyon pajukun vyon tafan vo suu numa. Ku kana vo Cidon ko nukon. ³ Anyunu dzun dede akan tsara wa nyuzota, a nwutsōn bu Cidon bi ki byea ki zo fyen. Ku kàbi, a bānde danra, "Karniliyus!" ⁴ Karniliyus nwafan zo bàku ki dn gangan numa, afin’a sunsun kata, a danra, "Akake waji tsari?" Nwutsōn ra dan yiku danra, "Ande wa zazau waa una za ki pyen bu Cidon ra, ba avo wa ta fanfan waa ù tafan na vyon pajukun vyon ra zan ki pyen bu Cidon ra. Be ci abu baa kyepanpan ki pyen bu Cidon tanma. ⁵ Tanma ú tson pajukun ya ki Yafa be ya ba Siman waa beri baku danra Bitrus ra nde. ⁶ Kū bi kà kyon ki ndo Siman wa fo ageho waa ndoa ki nu teku ra." ⁷ Ki nyaken waa nwutsōn bu Cidon wa zen aji baku ra yaa ra, se ku ba zhenzhen nyà bandoa badati kwan dzun pyinna, kà ba apa wa nuken dzun wa ci apa wa zin Cidon du, ku ci dzundzun ki fin baa ri konku ko nukon. ⁸ Karniliyus dan vinni abu wa tsa kata yibe, ku tsonbe ya ki Yafa. ⁹ Nakyabyea be ki fin kyon naya, dede waa be nabèn ba finka Yafa numa, dede waji Bitrus neya ki cin tan waa be myi be tsuken cin’a ba jen, jiji ku ya vo Cidon. ¹⁰ Ayo waji ambo bwan Bitrus kuna nya buju wa jiji ku ji. Be ki fin wana tsaku buju ki vo numa se ku mbyà zo fyen. ¹¹ Ku mbyà bye hwadon pofan jinni, abu dzun dzwa dzu don nabi kwakyi numa ci tsadzu atukpa ci ba cin pwe anyena. ¹² Ki fin’a atswi wi wani kata ki fin tswen kiyo, tswi wi baa kpa ba fin, ba anyi baa pen don kata. ¹³ Se akyu dzun na dan yiku dan ra, "Bitrus, ú do don, ú ge bwan awi hora ú dzwan." ¹⁴ Ci numa ra Bitrus danra, "Cia numa ba Cindomi, ki cin waa awi baakara m dzwan fombe fo raba, mna shebe sheshe." ¹⁵ Se akyu kà mbyā kà zen aji wa kwan pyinna baku danra, "Ábu waa Cidon ma mbyāsan ra, ká zen tsaba ku ba." ¹⁶ Abu waji tsa numa dzwa tsara, ki nyaken wakara be gbe nwe tukpa waji kasen ya don. ¹⁷ Bitrus ki fin hwan wana gaga suu numa, ana ri danra, "Akake ciri cinna bu zo fyen waa m mbyà ra." Ki nyaken wakara pajukun baa Karniliyus tsonbe ya ra bi pantse ki nu nyakyon sukpa. Be kyan kapyen mbye ndo bu Siman ra. ¹⁸ Be bānde bu baa sen ndo, bena mbye aji dan ra, "Ko Siman waa beri baku danra Bitrus ra kà kyon kire?" ¹⁹ Ayo waji Bitrus nari ga aji ki cin zo fyen ra ki vo. Se Denden bu Cidon dan yiku danra, "Apa kwan dzun tsara na nyau. ²⁰ Ú do don babe kyen dzun ya. Úká pyan hwan ba, ki cin waa ami tsonbe ri." ²¹ Se Bitrus tu dzu dzwa jinni bi du apa baaji. Ku dan yibe danra, "M ci kara. Aji ke ndeni ri bi?" ²² Se be danra, "Akù ken dzun waa beri baku danra Karniliyus apa wajinderi waa pajukun bu abe Yahudawa na nya son’a ba mikyin wa san san ra tson’i tson ri bi. Nwutsōn bu Cidon zen aji baku danra jiji ku bau nde ya ki ndoa jiji ku ya fo ndeu." ²³ Bitrus dan yibe dan ra bé kà kyon kire. Nakyabyea ku do don babe kyen dzun ya. Abe bazhenza badati ki Yafa nube co numa babe kyen dzun ya. ²⁴ Nakyabyea be kà ki Kaisariya. Aku Karni liyus nde zo hwahwa ki nyaco numa na bà zobe. Ci numa ra ku ba kwan bazhenzaa, ba bajoa kwan dzun. ²⁵ Ámà waa Bitrus kaya fin ndo waji numa Karni liyus do ya shonku ki nyaco, a tu ben jinni yiku votso. ²⁶ Ama Bit rus gbeku do don ki jinni, pantse don, a dan yiku danra, "U do don, ami m ci pajukun azota ci tsadzu waa ù ci ra du." ²⁷ Waa Bitrus zen aji baku numa ra, ku kaya fin ndo ku mbyà pajukun suu numa kwanna. ²⁸ Ku dan yibe danra, "Ani ba dini yinu waa ki bye abu yakubadai, she she waa nwu Yahudawa ku kwan abu dzun ba atsu dzun ken, ko ku bān afa numa ya ki ndo atsu dzun ken. Ama jinna Cidon tà yimi danra m ká nde apa dzun so dán numa ko ci azo aso numa riba. ²⁹ Ajiji wakara ayo waa ù tsontson bami nde ra, m bi, ko anu wa sunsun numa m sunmi ba. Tanma mna con m yì abu wa hwa nī bami nde ra." ³⁰ Se Karniliyus danra, "Ki fin anyunu nyena baa nwādzu ya wa ki bye ayo wa tanma kara, m tu ben jinni na dzwa nde dede akan tsara wa nyuzota numa ki ndo mi, se m mbyà apa dzun pantse pyenmi, ba tukpa bufyen wa mbu purututu numa ki dia. ³¹ Ku danra, ’Karniliyus, Cidon pan ndedzwau waa ù dzwa ya byea rá ra, ku kari mujia ba avo waa una tafan vyon pajukun vyon raba. ³² Ci numa ra ú tsontson ya ki Yafa be ya ba Siman waa beri baku danra Bitrus ra nde. Kū kà kyon ki tiri ki ndo Siman wa fo ageho. Andoa ki nu teku.’ ³³ Gbogbo numa m tsontson weu yo ra. Au du, ukà zen nde, u bi ra. Tanma numa ai kata ī kwan ci pyen bu Cidon jiji í fo tswi aji wani kata waa Cidon gbeu bi jiji ú dan yii." ³⁴ Bitrus nde nua don danra, "Ajinderi, tanma m mbyà yinu danra Cidon ri cea apa cece ba, ³⁵ Ko tswi apa wani kata, wa kini kata wama zinzin’a a mari tsa abu wa vya hwan bu Cidon, Ci don ri zen nde baku, ³⁶ Ani ni yì aji waa Cidon ndi tson ya ki bye atsu bu bazhenzhen Isra’ila ranu. Aji wa Sansan bu Yesu Kiristi wari yi apa mikyin wa na jinni (wa tà danra Yesu ci Cindo bu ko kani kata). ³⁷ Aji waji be dāgban nya fye ho bye kata ki fin jen bu Yahudiya, aji waji ka pyen jo nwoa ki Galili, ki nyaken waa Yohanna dan aji ki cin batisma ra. ³⁸ Aji waji ci ki cin bu Yesu wa ki Nazarati waa Cidon ceku ki bye Denden wa nyenye, ba gben. Kuna ban abye na tsa wa sansan’a ki cin pajukun. Kuna ri nwàdzu pajukun baa Shetan nari tabe fyin, ki cin waa Cidon baku ci dzun. ³⁹ Ai ciri baa ri zen aji nua ki cin abu baa ku tsa ki bye jen bu Yahudawa ba finka Urushalima. Kukà ciri ki cin hin wa shon gege. ⁴⁰ Ku ciri waa Cidon doku ki bye anyunu wa kwan tsara. Cidon ka zen nde jiji ku tà dia. ⁴¹ Bà ko kani kata mbyàku nu ba, se ai baa Cidon zen nde bai cei avo ndi gbogbo. Ci ai hun, baa baku ji, baku wa bye dzundzun ki nya ken waa ku do ki fin mbi ra. ⁴² Ku nui dòn danra í nde ajia dan yi pajukun, í kà tà yibe wajinderi danra ku ciri waa Ci don ndeku so ku bi fo baa ki ju, ba baa huhu kwen. ⁴³ Ku ciri apa waa baa da dòn bu Cidon kata, be dan aji ki cin’a danra, ki bye azèn’a ko kani kata wama zen nde ba ajia, Cidon ribi fan abu wa babaa ri yiku." ⁴⁴ Bitrus ki fin aji wana dandan numa, se Denden bu Cidon bi ki cin bu pajukun baa na foku ra kata. ⁴⁵ Abe Yahudawa baa bà Yesu baa ndi kyen dzun ba Bit rus dzu Yafa bi ra, abu waji kenbe nwo waa be mbyà atsu baa cibe Yahudawa ba, Cidon vyonbe vyon bu Denden wa nyenye du. ⁴⁶ Ki cin waa be fo pajukun hora na zen aji ki nene badati baa Denden yibe ri. Be kana nya son bu Cidon. Ci numa ra Bitrus danra, ⁴⁷ "Apa dzun ken wa hwa den pajukun baakara waa be tsabe batisma ba jape, baa du Denden wa nyenye ci tsadzu waa ai ī ndi du ra?" ⁴⁸ Ku danra be tsabe batisma ki fin zen bu Yesu Kiristi. Ki nya ken wakara be voku danra ku pan bē cifo babe zan anyunu pyinna hunnu.

¹ Abe fotson bu Yesu ba bazhenza baa ki Yahudiya fo danra atsu pajukun badati baa cibe Yahudawa ba zen nde pan aji bu Cidon ra. ² Waa Bitrus kasen bi ki Urushalima numa se abe Yahudawa baa na bàvo ki bye aji bu abuku wa kyukyu ra sunnu baku ³ danra, "Ki cin ke u ya kwan tswi ba pajukun baa kyube abukube ba, u babe dzo vo ki dzun ji buju?" ⁴ Ci numa ra Bitrus jo nwo wana dan yibe cinna bu aji byanbe ki jinni ye redede numa danra, ⁵ "Ami ci ki finka Yafa nari vo Cidon, m mbyà abu dzun ki zo fyen dzwa dzu wa ki don nabi ci tsadzu avo tukpa wa kwakyi. Tukpa waji ci ba cin pwe kwan dzun nyena waa be ndeku dzwa dzu wa ki don bi ra. Ku dzwa keke bibi ki pyenmi. ⁶ Waa m wezo numa, m mbyà awi baa ki hwan, ba abupon, ba nyi baa pen don kata ki fin’a. ⁷ Ci numa ra, m fo akyu wa dzu wa ki don bi, na dan yimi danra, ’Bitrus, u do don, u ge bwan awi hora jiji u dzwan.’ ⁸ Ama m dan yiku danra, ’M’m, Cindomi. Ki cin waa buju baa mri sheshe, ko baa ci aso numa kà foa ki numi fo raba.’ ⁹ Ci numa akyu kà zen aji wa kwan pyinna ki hwadon danra, ’Abu waa Cidon ma mbyāsan ra, ká ndebe ci abu wa sheshe, ko abu wa ci aso ba!’ ¹⁰ Be tsa wa ci kara numa dzwa tsara. Ki nyaken wa kara be gbe nwe tukpa waji ba abu baa ki fin’a kata kasen ya ki hwadon. ¹¹ Mwamwa numa m mbyà pajukun tsara pantse nu nyakyon ndo waa mkà kyòn kiyo ra. Be tsonbe dzu ki Kaisariya ya ki byemi. ¹² Ci numa ra Denden bu Cidon dan yimi danra, m babe kyen dzun ya, m ká pyan hwan ba, Bazhenza baa kwan dzun shizhen baa na kara du, be numi kyen dzun kà ki fin ndo apa waji. ¹³ Apa waji dan yafan fin van numa yii waa ku ndi mbyà nwutsōn bu Cidon pantse ndoa na danra, ’Ú tsontson ya ki Yafa, be ya ba Siman waa beri baku danra Bitrus ra nde. ¹⁴ Ku ciri apa wari bi dan yiu aji wa ribi nwàdzuu, au ba fin ndou kata!’ ¹⁵ Ámà waa m jo nwo ajimi numa Denden wa nyenye bi ki einbe ci tsadzu waa ku ndi bi ki cin’i kapyen ra. ¹⁶ Ci numa ra m kyepan ba aji bu Cindoi wa dan ra, ’Yohanna tsa batisma ba jape ama buni beri tsani batisma ba Denden wa nyenye.’ ¹⁷ Waa be du vyon wa vyonvyon ki bye Ci don mba dzun ba abui waa ī ndi du ra, ami kani waji hunnu wari du anu wa sunsun ba Cidon?" ¹⁸ Waa be fo numa ra, be nyani ba aji wa dandan. Ci numa ra bena yi Cidon hwe, danra, "Ase, abe tsu badati Cidon yibe nyaco waa be pukan fan abu wa badabe jinni, be du cindi wa ci kenken du." ¹⁹ Ci numa ra ayo waa be bwan Istifanus ra, pajukun baa bà Yesu baa afyin ndi dube ra, be she gbanfan jinni nya cincin kaya ki finka badati. Be kyan yaya ki bye jen bu Finikiya, ba tswì bu Kuburus, ba finka bu Antakiya, bena danbe aji bu Cidon yi atsu dzun ba, se Yahudawa maari zoa. ²⁰ Ama pajukun badati baa bà Yesu baa be mbabe ki Kuburus ba Kurane be ya ki Antakiya, be dan yi abe Helenawa Aji wa San san bu Cindoi Yesu. ²¹ Avo bu Cidon babe ci dzun, pajukun suu numa na foji wajinderi wa yiyi ki bye aji bu Cindoi Yesu, be pukan mikyinbe bi yiku. ²² Ci numa aji ra kyen ya kà ki tson bu abi bu baa bà Yesu ki Urushalima, abe abi baa bà Yesu hora gbè Barnabas kyon jiji ku ya ki Antakiya. ²³ Waa ku kyen ya zan numa, ku mbyà wa sansan bu Cidon waa ku tsa apa baaji, ku mbu mikyin, akà nube dòn danra be pantse ba abebe pyinna kata ki bye wajinderibe, ba mikyin dzundzun gbangban numa ki bye Cidon. ²⁴ Aku Barnabas ku ci apa wa sansan, kukà ci ba wajinderi ba Denden wa nyenye bu Cidon. Ci numa ra pajukun suu numa ka bi kwan ki bye abi bu pajukun baa bà Yesu Cindoi. ²⁵ Ki nyaken wa ci kara Bar nabas do ya ki Tarsus, yana ri nyà Shawulu. ²⁶ Ku nayo nana nya panku ndeku bi ki Antakiya. Be bi ci zan aju dzundzun ki bye waji. Bena ri kwan cin ki dzun ba abi bu baa bà Yesu, a kana ri fyen pajukun suu numa bu. Ki Antakiya be jo nwo wa kapyen ba pajukun baa bà Yesu danra Kirista. ²⁷ Ci numa ra ki bye ayo waji apa badati baa da dòn bu Cidon dzu wa ki Urushalima bi ki Antakiya. ²⁸ Apa dzun wa ki finbe waa azèn’a danra Agabus ra, ku do don pantse don, ana ri zen aji ki bye gben bu Denden wa nyenye danra, ambo wa ciho numa ribi bwan ki tswen kata. Abu wakara bi tsa numa ajinderi ki we bu Kalaudiya. ²⁹ Ayo waji pajukun baa bà Yesu kata nde ki mikyinbe danra ko kani kata ku yi abè wa mbamba gben dia be ho kwan dzun tson ya yi bazhenza ki Yahudiya, ³⁰ a ho atswén baaji kwa Barnabas, ba Shawulu ki vo, jiji be ho ya yi baco bu abi bu baa bà Yesu ki vo.

¹ Ki bye ayo wa ci kara, Akù waa beri baku danra Hiridus ra jo nwo wana tà badati ki fin abi bu baa bà Yesu fyin. ² Ku geken cin bu Yakubu nwuza bu Yohanna ba gisingiri. ³ Waa ku mbyà abu waji mbu abe Yahudawa mikyin numa ra se kukà pan Bitrus du, ki bye ayo waa beri ji borodi wa gbugbu wa baa yist ba. ⁴ Waa ku panku ra, ku yibe ndeku tsu ki tan. Ku ndeku kwa ki vo bu abi baa nuken nyena nyena ndo nyena. Ku con be konku sansan numa ya zan anyunu waa be bi ndeku bi ki pyen bu pajukun ki nyaken bu anyunu baa beri ji borodi wa baa yist bara. ⁵ Ci numa ra bena kon Bitrus ki tan kon. Abi bu baa bà Yesu ho cinbe kwan dzun ba mikyinbe kata, ana ri pya Ci don weku yo. ⁶ Ki fín afitse wama nakyabyea Hiridus ri yibe nde Bitrus pwadzu bi ra, Bitrus dzo ci yobaba bu banuken pyinna nari na ana. Be weku akan pyinna. Banuken badati nari kon nu nyakyon tan kon waji. ⁷ Ayo waji nwutsōn bu Cidon dzun bi pantse go kyekye bu Bitrus. Abye wa yafan jinni yi fin tan waji yafan jinni gau numa. Nwutsōn bu Cidon waji te Bitrus vo ki go kyekyea danra, "Do don mwamwa." Mwamwa numa Bitrus do don akan fen dzu ki voa dzu we jinni. ⁸ Nwutsōn bu Cidon dan yiku danra, "Dze buu, ukà ho tabeu dzo beu." Ku tsa numa, se ku kà dan yiku danra, "Ho tukpau ya diu, àji ú bàmi ki nyaken, í ya." ⁹ Ci numa ku pwadzu a bàku. Ku yia danra abu waa nwutsōn ra tsa kara ci ajinderi ba. Kuna ga dan ko kuna nda ndo. ¹⁰ Waa be nwā dzu baa ri kon nu nyakyon wa kapyen ba wa kwan pyinna, be zan ki bye nyakyon shó waa uma nwā dzu ri kaya finka ra. Nyakyon shó waji pofan jinni ba dia. Numa ra be pwadzu. Waa be kyen nwādzu ba nyaco wa kwakyi ra, mwamwa numa nwutsōn ra jan Bitrus jinni ki zo. ¹¹ Waa mikyin bu Bitrus kas en bi ki dia numa, ku danra, "Tan ma m yinu, Cidonmi tson nwutsōn’a rì bi jiji ku nwàdzumi ki vo bu Hiridus ba mikyin wa baba bube Yahudawa." ¹² Waa ku hwayi numa ra, ku pan nyaco wa yaya ki ndo bu Mariyamu ayo bu Yohan na waa beri baku danra Markus ra. Abye waji abi bu baa bà Yesu numa kwan nayo na vo Cidon. ¹³ Waa ku da vo ki nu nyakyon sukpa numa ra, a nwu wa wuwa dzun waa beri baku dan Ruda bi ki bye waji jiji ku mbyà apa waji wana da vo ki nu nyakyon ra. ¹⁴ Waa ku foyi akyu bu Bitrus numa ku pofan kaa anu nyakyon waji ba, ki cin cucu wa cucu. Ku she kasen ya fin ndo ba aji ki nua na danra a Bitrus pantse ri ki nu nyakyon sukpa. ¹⁵ Be dan yiku danra, "Una kyakya dzun?" Aku nwu wa wuwa waji kà mbyā dan aji waji bàvo kiyo ba gben numa danra, "Ci ku!" Be danra, "Ci nwutsōn bu Cidon bu Bitrus." ¹⁶ Ayo waji Bitrus foji avo wana dada ki nyakyon. Waa be do don ya pofan nu nyakyon numa be mbyà Bitrus ajinderi. Abu waji kenbe nwo. ¹⁷ Ama Bitrus tsabe vo danra be bànde. Ku dan tà yibe waa Ata Cidon nwàdzu ku ki tan kon ra. Ku danra, "Ní dan yi Yakubu, ba bazhenza, abu wa ci kara." Ki nyaken wakara ku do don a ya ki bye dzun. ¹⁸ Waa abye nde kya numa, bàa ndegbe wa titi kò ri ki fín bu baa nuken ba. Ki cin waa akake tsa Bitrus ri. ¹⁹ Waa Hiridus nyaku ku duaku bara numa, ku yibe pan ho abe ba nuken baa ri kon tan hora, ana ri mbyebe aji. Ki nyaken wakara ku danra be hobe kata ya hwa yi nyifyi ki hwan. Ki nyaken wakara aku Hiridus wa sen tswen, do ki Yahudiya, a ya ki Kaisariya ya ci bye waji du anyunu pyinna. ²⁰ Ci numa ra Hiridus bwa wi suu numa ba pajukun baa ki Sur ba Sidon. Ci numa be kwan cin ya dzwa juwea. Be kapyen vya Bilatus nde nu gbogbo numa danra jiji ku zen nde babe. Aku Bilatus ra ku natson wa byene ki cin’a. Be nya jiji be we jen yi Hiridus jiji ku nashan-yii. Ki cin waa gben bu bujube waa bena du kata na dzu bye jen bu Hiri dus. ²¹ Ki tiri ki tiri waa be we jen ra anyunu san kyo dzun waa Hiridus ge yibe ra, ku wa akù ba tswén bu tsòn’a, nda wea pwa dzu bi tu ki bye adudu bu amà, ku shon wea yibe. ²² Ci numa ra pajukun nyakyin ba gben numa na sheku danra, "Ande wakara cia nde bu apa ba. Ande bu Cidon na shon wea ri." ²³ Mwa-mwa numa vinni nwutsōn bu Ci don yi adivon panku ra. Ki cin waa ku yīa Cidon hwe ba. Adzwi jiku jiji ji bwanku ki bye ayo waji. ²⁴ Ama aji bu Cidon kà tson bu pajukun ko kini kata foji wana yaya ki pyen. ²⁵ Barnabas ba Sha wulu tsa vinni butso waa be ndi tsonbe ra, be do ki Urushalima kasen ya ki Antakiya. Yohanna waa beri baku danra Markus ra babe kyen dzun ya.

¹ Pajukun badati ki tiri ki fin abi bu baa da dòn bu Cidon, ba baa ri fyen pajukun aji bu Cidon, beri babe danra, Bar nabas ba Simiyon waa beri baku danra apa wa pepe, ba Likiyus apa wa ki Kurane, ba Shawulu, ba Manayan waa be pan hweku ki dzun ba Hiridus ki ndo akù. ² Ayo waa be kwan na wa Cidon, a kana sennu numa, Denden wa nyenye danra, "Ní ten Barnabas, ba Shawulu somi ki kankan jiji be pan butso waa m babe nde ki cin’a ra." ³ Ki nyaken waa be sennu ra, be kana vo Cidon ki bye ndedzwa, be nde vo senbe ki cin, a dobe kyon yabe ri. ⁴ Abe baa Denden wa nyenye ten hobe ra, be pan nyaco wa ya ki Salukiya. Ki bye waji ki bahun be kà akò wa ki jape ya ki bye tswì bu Kuburus. ⁵ Waa be ya zan ki Salamis numa be dan aji bu Cidon ki byeri ki fin tan bu Yahudawa bye baa beri fyen pajukun aji bu Cidon kiyo ra. ⁶ Ki nyaken waa be ban vinni atswì kata bi bebe ki Bafas ra, be shon ba apa dzun wa von mbò wana kankan danra ku ci apa wa da dòn bu Cidon. Ku ci Yahudawa azèn’a danra Bar Yesu. ⁷ Ku ci dzun ba awatson bu atswì waji waa zèn’a danra Sarji yus Bulus ra, apa wa ci ba ayì. Aku watson waji ku ba Barnabas ba Shawulu nde, kuri con jiji ku fo aji bu Cidon ki nube. ⁸ Ama apa wa von nukon waa ki nu Helenawa beri baku danra Alimas ra, ku ye yepye babe. Kuna nya nyaco waa jiji ku vyin pukan mikyin bu wa tson ra ki bye wajinderi waa kuna yi ki bye Yesu ra. ⁹ Shawulu wa ciri Bulus ra, Denden wa nyenye mu ki fin mikyin’a ku hinku zo. ¹⁰ Ku danra, "Au apa wa baba wa ci kara, nwu bu Shetan, au wa ci jo ken bu aji wajinderi, uri gaudi ba nyaco waa una bye pajukun baa bà Cidon raba? ¹¹ Ci numa ra natenten bu Cidon ribi ki cin u, uri mbyà kau anyunu ba, nde kire ya pyen suu numa." Ki bye waji abu dzun bi tsadzu anandi wa tse fi, bi be tsukenku zo, kuna ri nyà apa baa ribi gbeku agà. ¹² Dede waa aku watson ra mbyà numa ra, aji bu Cindoi Yesu kyahoku zo. Ci numa ra ku yi wajinderi. ¹³ Numa ra Bulus ba abe jo kyon’a be do kyon ki Bafas. Be kà kò wa ki jape, be ya zan Barga ki jen bu Bamfiliya. Ki bye ayo waji Yohanna fanbe jinni, a pan nyaco kasen bia ki Urushali-ma. ¹⁴ Ci numa ra be pwadzu ki Barga ya ki Antakiya ki jen bu Bisidiya. Anyunu wa ngha nwo bu Yahudawa ra, be kaya ki tan waa beri fyen aji bu Cidon kiyo. Be ci bye waji. ¹⁵ Ki nyaken waa be fo afa wa hwènhwen waa be hwèn ki bye afa bu adòn bu Musa, ba abe afa baa da dòn bu Cidon. Abe baco bu atan waa beri fyen aji bu Cidon kiyo ra tsontson webe yo danra, "Bazhenza, nima ci ba aji dzun waa ní nu pajukun hora don baku, ní nube." ¹⁶ Ci numa ra Bulus do don pantse don, kuna tsabe vo danra be bànde. Ku danra, "Ani bazhenzhen Isra’ila, ba ani pajukun baa ri zinzin bu Cidon, tanma ní gon tsonni ní fo. ¹⁷ Cidon bu pajukun baakara bu bazhenzhen bu Isra’ila ndi ce abe bayakui hora. Ku nde do hwebe ki don ayo waa be ndi ci kyon ki Masar ra. Ci numa ra ku hobe pwadzu ki fin jen waji ki fin hwe wa kwakyi ba gben. ¹⁸ Ci numa ra ki fin ju dipa pyinna ku gban mikyin babe na kyen ki fin hwan. ¹⁹ Ci numa ra, ki nyaken waa ku bwan ji tsu tsupyen ki fin jen bu Kanana ra, ku gafan ajen waji yibe ki vobe jiji be za yo. Ci numa ra be ci fin jen waji aju deri nyena ba dipa pyinna kya dzwe. ²⁰ Ki nyaken wakara kukà na badati tson bu kwen wa fofo keke numa yaya ki we bu apa wa da dòn bu Cidon waa beri baku danra Samuila ra. ²¹ Kati, bekà za nde danra be nabe akù dzun. Ci numa ra Cidon yibe apa dzun azèn’a dan Saul nwu bu Kish, wa dzu ki fin tsu bu Ba nyami ya zan aju dipa pyinna. ²² Ki nyaken waa ku ten reku don ra, ku nde Dawuda natson zaku. Aku Cidon shon wea ki cin bu Dawuda danra, ’M du Dawuda nwu bu Jesse waa mikyinmi ri con suu, wari bi tsa abu wa vya mikyinmi kata.’ ²³ Ki fin tsu bu apa wa ci kara Cidon nde nyaco wa nwàdzudzu bi ki bye bazhenzhen Isra’ila zèn’a dan Yesu ci tsadzu waa Cidon ndi genu ba bayakube ra. ²⁴ Ayo waa ku tà dia dzu byeya ra, Yo hanna dan aji bu Cidon yi abe bazhenzhen Isra’ila danra, ’Ní fan abu wa babani jinni ní pukan mikyinni bi ki bye Cidon, aji ní du batisma!’ ²⁵ Ayo waa Yohan na na dzubye waa ku tsa vinni butsoa ra, ku mbye danra, ’Nina ga danra, m ci kani? M cimi ri apa waa nina ci na bazoa raba. Ci numa ra, apa dzun nabi ki tiri ki nyakenmi, wa ci ba hwe waa m kenmi waa m fen fanku aju bu tabea yo ba.’ ²⁶ "Ani bazhenza baa ciri tsu bu Ibrahim, ba baa ri zin Cidon ki finni. Ai ciri pajukun baa fo akyu bu Cidon danra kuri tson apa dzun bi ku nwàdzui. ²⁷ Ní mbyà byecu bu finka Urushalima ba baco baa ki fin’a, be hwà yibe ba Yesu ba. Bekà ga yibe aji bu abe afa bu pajukun baa da dòn bu aji bu Cidon waa beri hwèn jinna, ba akyen ki fin anyunu wa ngha nwo raba. Ama be zenmu anu aji waa baa da dòn hora dan ra ayo waa be fo Yesu kwen danra beri bwan ku ra, ²⁸ Kwan ba waa be dube ku ba ada waa be bwanku bara, ama be vo Bilatus danra be bwan’aku. ²⁹ Waa be zenmu abu waa baa da dòn hora ndi dan ki cin’a ra kata, be tuku dzu cin hin waa be ndeku kan yo ra dzwa jinni, be ndeku hwa jinni ki fin mbi. ³⁰ Ama Cidon ba doku ki fin mbi don. ³¹ Nde anyunu suu numa kuna tà dia yi baa ndi baku kyen dzun dzu wa ki Galili bi ki Urushalima. Tanma abe baa ci kara ciri abaa na dan yi pajukun ajia, ³² Ai du, ī nde Aji wa Sansan wakara bi ki byeni dan ra wakara ciri nuge bu Cidon bi ki bye bayakui. ³³ Ku zenmu nuge wakara ki byei ai baa ci tsube, waa ku do Yesu ki fin mbi tsadzu waa be ndi taku ki fin vyon wa kwan pyinna danra, ’Au ci Nwumi, jinna m ci Atau.’ ³⁴ Ki cin dodoa ki bye mbi waa Cidon so danra kuri sòa ki fin mbi ba, abu waa ku dan ci kara. ’Mri bi tà yini wa sansanmi wa nyenye Waa m ndi shon wemi genu ba Dawuda ra,’ ³⁵ Ki cin wakara numa ku shon wea ki bye vyon dzun danra, ’Uri bi fan u apa wa nyenye buu ku so ba jinni ki fin mbi ba.’ ³⁶ Aku Dawuda kofyin wa tswen suu numa ki bye ayo waa ku natson ra, ki bye con bu Cidon. Ki nyaken wakara ajen’a bi gbàn nyi. Be ndeku kwan ba bayakua ki bye dzundzun. Ku sò ki fín mbi. ³⁷ Ama aku Yesu waa Cidon ba doku ki fin mbi ra, ku sòa ba. ³⁸ Ci numa wa sansan bu apa wa ci kara waa ī dan ajia yini ra, ciri nyaco waa Cidon ri fan abu wa babani ri yini. ³⁹ Ki byea ko kani kata wama yi wajinderi kuri bi du wa nwàdzudzu ki bye abu baa adòn bu Musa tsakaa wa fen fanku kiyo bara. ⁴⁰ Ci numa ra ní tsa sansan ki cin waa abu waa afa bu baa da dòn bu aji bu Cidon dan ra, kuká duni ba. ⁴¹ Afa waji danra, ’Ani baa ri sinni apa, ani baa aji wa kyahozo, ri hwa yini jan co ra, ní mbyà, ní hu jì jinni. Ki cin waa mna tsa butso dzun ki weni. Abutso waji niri bi yini wajinderi kiyo ba, ko apa dzun ma dan yini.’" ⁴² Ayo waa aku Bulus ba Bar nabas pwadzu ki fin tan wa fyen aji bu Cidon nari bi, abe pajukun hora vobe dan, anyunu wa ngha nwo wari bi ra, be kàbi dan aji wakara kwanbe kiyo. ⁴³ Waa pajukun gafan jinni ra, abe Yahudawa, ba abaa cibe Yahudawa ba, ama be kan Yahudawa ba gben anyunutu gede gede ki bye nyaco wa wa Cidon, be ba Bulus ba Barnabas ya. Abe du be dan aji yibe, aka nube dòn be ci byecube sansan ki bye wa sansan bu Cidon. ⁴⁴ Ayo waa anyunu wa ngha nwo ka pukan bi shon yo numa, ci tsadzu pajukun baa ki fin tswen waji kata do vinni kata kwan dzun jiji be fo aji bu Cidon. ⁴⁵ Waa abe Yahudawa mbyà pajukun kwan suu numa ra, mikyinbe hyuhyu. Bena ye yepye ba Bulus ki bye abu waa kuna dan ra, bena tsoku ce we yo. ⁴⁶ Bulus ba Barnabas dan aji ba gben mikyinbe numa danra, "Ani ciri baa fye wa kapyen fo aji bu Cidon. Ama nī su aji bu Cidon taya hwan, nī sinni dini tà danra nī fyeni wa du cindi wa ci kenken ba. Ci numa ra iri bi pukan yai ki bye tsu pajukun badati ki fin tswen. ⁴⁷ Ri cin wakara numa Cin doi shon wea danra, ’M nde bu so abye wa yafan jinni ki pyen bu tsu pajukun badati baa cibe Yahudawa ba. Ù ciri nyaco wa nwàdzu pajukun baa ki fin tswen wakara.’" ⁴⁸ Waa atsu pajukun badati fo numa ra, be mbu mikyin suu, be nya son bu aji bu Cidon. Ki vonu ki bye waji bwa numa, baa Cidon sobe danra be du cindi wa ci ken ken ra, be yi wajinderi. ⁴⁹ Numa ra aji bu Cidon foji wana yaya ki pyen ki fin jen waji. ⁵⁰ Ama abe Yahudawa fè pajukun tson, abe bawuwa baa ci ba hwe ki fín tswen waji, kà ba baco baa sen tswen. Ki cin wakara be kan Bulus ba Bar nabas pwadzu ki fin tswen waji. ⁵¹ Bulus ba Barnabas pwadzu, be tso vobe, ba abebe, tsa pu kyakya webe ki cin. Be pan nyacobe nwā dzu ya dibe yo ki Ikoniya. ⁵² Numa ra abi bu baa bà Yesu ci ba mikyin wa mbumbu, bekà mu ba Denden bu Cidon ki fin mikyinbe.

¹ Ki Ikoniya be kà ki fin tan bu abe Yahudawa waa beri fyen aji bu Cidon kiyo ra, be dan yibe aji bu Cidon kiyo. Ci numa ra, pajukun suu numa, abe Yahudawa kà ba tsu pajukun badati yi wajinderi ki bye aji bu Cidon. ² Ama Yahudawa badati nghabe aji waji, be kà tà yi abe tsu pajukun badati hora, be kà fin bu bazhenza baa yi wajinderi ki bye Yesu ra, be dan tsaba aji waji. ³ Ki cin wakara Bulus ba Barnabas ci bye waji du anyunu pyinna bena dan aji bu Cidon ba gben. Cidon kà tà yi pajukun danra ajibe waa bena dan ki cin wa sansan’a ra ci aji wajinderi. Ku yibe byon waa be tsa abu baa kyahozo, ba abu baa ri ken pajukun nwo, ⁴ Numa ra pajukun baa ki finka waji anube gafan jinni pyinna. Badati zen nde ba aji bu Yahudawa badati na nyaken bu abe fotson bu Yesu hora. ⁵ Ayo waji tsu pajukun badati, ba Yahudawa, ba baco baa sen tswen, be con be do du abe fotson hora jiji be tsa cibe, bé tabe aban. ⁶ Dede waa abe fotson hora fo numa ra, be she do ki finka baa beri babe danra, Listira ba bye baa shukwa be shon dzun. ⁷ Ki bye waji wakara be foji aji bu Cidon wana dan yi pajukun dandan. ⁸ Apa dzun ki tiri ki Listira avo waa be mbaku ra, ku kyen foa kyon fo raba, abea huhu. ⁹ Kuna gon tson nari fo aji bu Cidon waa Bulus na dan yi pajukun ra. Bulus nari weku zo, ku mbyàyi waa wajinderi bu apa waji ken wa nwà dzuku. ¹⁰ Numa ra Bulus nde kyua ki don ba gben numa danra, "Ú do don pantse don," Mwamwa numa apa waji kā do don pantse don, a jo nwo kyon wa kyenkyen. ¹¹ Waa abi bu pajukun mbyà abu waa Bulus tsa ra, be nde akyube ki don na dan ki nu Likoniya dan ra, "Keika! ī jī aki ra, baa pukan dibe kan pajukun bi ki byei." ¹² Ci numa ra be ba Barnabas danra Zafsa, bekà ba Bulus danra Hamis, ki cin waa ku ci apa wa ki pyen wari zen aji. ¹³ Se avon wari wa aki waa beri baku danra Zafsa ra, waa byeko ndo akia waji ci nu nyakyon kà bu fin tswen waji ra, ku pan ho ana bawunu ba tswi mbyi hin dzun bi ki nu nyakyon kà waji. Aku ba pajukun con jiji be ge bwan ana hora wa abe fo tson hora kiyo, ¹⁴ Waa abe Barnabas ba Bulus fo numa ra, be do don, a gbeya tukpabe, a do kaya ki fin abi bu pajukun hora, be nde akyube ki don na danra, ¹⁵ "Keika! Ake tsari nina tsa numa bando. Ai ci pajukun ci tsadzu waa ni ci ra du. ī nde aji bu Cidon bi dan yini ki cin waa ní fan abu baa zota baa ci kara jinni, ní pu kan bi ki bye Cidon wa ba cindi wa mà tswen kan mà tswen kù, ba teku, ba abu baa ki finbe kata. ¹⁶ Andi gbogbo Cidon zen nde fan tsu pajukun tsa abu wani wa vya hwanbe kata, ¹⁷ ama kwan ba wa kara numa ra, ku fan’a ajia numa azota ba. Ki cin waa kuna tsani wa sansan waa kuri yi acu ri tani yo. kukà ri yini adí wa sansan, kuna ri yini buju wa jiji, ku kana yini mikyin wa mbumbu." ¹⁸ Kwan ba aji baa abe fotson hora dan ra, panbe ki cin numa hunnu be hun fan ana wa bwanbwan waji be jinni. ¹⁹ Ama ki nyaken waa abe Yahudawa badati dzu wa ki Antakiya ba Ikoniya bi bye abi bu pajukun hora, be kò Bulus ba aban wa tata. Be gbe panku ki jinni numa ya ta dika, bena ga danra ko ku hu ra. ²⁰ Ama abi bu apa baa bà Yesu bi kwan cin’a, se Bulus do don kasen kaya ki finka. Nakyabyea aku ba Bar nabas be ya ki Darba. ²¹ Be da dòn bu aji bu Cidon ki Darba, aka du abi bu baa bà Yesu suu. Ki nyaken wakara be kasen ya ki Listira ba Ikoniya kà ba Antakiya. ²² Bena ri dan gban baa yi wajinderi mikyin, be kana nube dòn be pantse bye wajinderibe. Be kà danra, se apa ma wa fyin hunnu kuri bi kà ki ndó Cidon. ²³ Ki nyaken waa be ce baco bu abi bu baa bà Cidon ki fin bu abe abi bu baa bà Cidon ko kini hora, be za nde ciyo vo Cidon vovo numa ki pyen bu Cidon kwan ba anu wa sensen, be hobe ndafan kwa Cindoi Yesu ki vo waa andi be zen nde ba ajia ra. ²⁴ Waa be bān dzu ki fin jen bu Bisidiya ra, be ban numa keke ya zanzan ki bye jen bu Bamfiliya. ²⁵ Be dan aji bu Cidon ki tswen dzun waa beri baku danra Barga, aka nwādzu yaya ki Italiya. ²⁶ Ki nyaken wa ci kara be kà akò wa ki jape, a ya ki Antakiya ki bye waa pajukun ndi za nde pya wa sansan bu Cidon webe yo jiji Cidon ku konbe ki bye butsobe waa be tsa vinni tanma ra. ²⁷ Waa be zan ki Anta kiya numa be bā ho abi bu baa bà Yesu kwan jinni ki bye dzun dzun be dan yibe aji ki cin abu waa Ata Cidon tsa babe, ba nya co waa Cidon pofan yi tsu pajukun badati yi wajinderi. ²⁸ Be ci fo anyunu suu numa ki Anta kiya ba abi bu baa bà Yesu.

¹ Pajukun badati dzu wa ki Yahudiya bi, ana fyen abe bazhenza hora danra bema kyube abukube ci tsadzu waa adòn bu Musa dan raba, beri dube wa nwàdzudzu ba. ² Ki bye aji wa ci kara, bàa ayepye wa titi waa Bulus ba Barnabas babe ye ki cán bu aji wa ci kara ba. Numa ra, bazhenza hora gbèbe ya ki Urushalima ki bye bu abe bacobe ki cin bu aji waji. ³ Waa abi bu baa bà Yesu nube co, be ban fin jen bu Finikiya ba Samariya nari dan yi pajukun aji ki cin waa tsu pajukun badati na yi wajinderi ki bye aji bu Cidon ra. Aji waji wakara mbu bazhenza mikyin bàa wa titi ba. ⁴ Waa be kyenkyen ya zan ki Urushalima be ya du abi bu baa bà Yesu, ba abe fotson, ba baco bu abibe, be cabe ba mikyin wa mbumbu. Abe du, be dan yibe abu waa Cidon tsa babe. ⁵ Ama abe baa yi wajinderi baa ndi ci Farisawa ra, be do dòn pantse don danra, "Ci ken be kyu baa bà Yesu abukube yo," Bekà nube dòn danra be bà dòn bu Musa. ⁶ Ci numa ra, abe fotson bu Yesu ba abi bu baa bà Yesu kwan cinkwan ki dzun ki cin waa jiji be mbyà aji waji, ⁷ Ki nyaken waa be ye yepye suu numa, Bitrus do don pantse don dan yibe danra, "Bazhenza, nī yinu danra avo ka pyen ki cin bu aji wakara Cidon ce ki finni danra ki nuni tsu pajukun badati ribi fo ajia, be yi wajinderi. ⁸ Cidon ci apa wa yì mikyin bu ko kani kata nu. Ku tà yii waa ku zen nde babe ki bye nyaco waa ku nde Denden wa nyenye yibe tsadzu waa ku yii ra. ⁹ Ku tà yií nyaco wa gafanfan ki yobabai ba dii babe ba. Ki cin waa ku kapyen tso nye mikyinbe ki bye nyaco wajinderi bube waa be yi ra. ¹⁰ Ki cin wakara numa, ake tsari nina con ní ken mbafo Cidon waa nina con ní tse tswén wa ndanda wa ndi nda kagben bu bayakui ba ai kata, nde ngye pajukun baa yi wajinderi ki bye Cidon ki cin? ¹¹ Ama ki bye wa sansan bu Cindoi Yesu ī du wa nwàdzudzu tsadzu waa abe dú, be du ra," ¹² Ayo waji pajukun kata ande bàbe ki nu gyu numa. Be gon tson nari fo Bar nabas ba Bulus ayo waa bena dan aji ki cin butso bu gben bu Cidon ba abu baa kyahozo waa Ata Ci don tsa ki fin abe tsu pajukun badati dzu ki byebe. ¹³ Ki nyaken waa be dan vinni aji ra, Yakubu nde nua don dan ra, "Ani bazhenza, ní gon tson ní fomi. ¹⁴ Aku Siman Bitrus ka pyen dan aji danra Ata Cidon jo nwo wari ta wa sansan’a ki cin atsu pajukun badati ki finbe waa be ci bua. ¹⁵ Wakara ci coa wa we dzun ba aji waa baa da dòn bu aji bu Cidon ndi tā danra, ¹⁶ ’Ki nyaken wakara, mri kasen ribi jiji m mbyā myi san ndo bu Dawuda wa ndi gban be jinni ra. M mbyā doku don jiji ku kasen pantse don. ¹⁷ Ki cin waa pajukun badati bé du co be nya Cidonbe, abe tsu pajukun baa ci bumi kata. ¹⁸ Cindoi dan numa, kukà ciri apa wa tà abu baakara avo ndi gbogbo.’ ¹⁹ "Ci numa bumi m mbyà san kari í ká yi pajukun baa ki fin tsu badati baa na pukan bi ki nyaco bu Cidon ra, fyin ba. ²⁰ San kari í ta afa yibe jiji beká zen nde kpasun ya go bu abu baa ci aso ba. Beká ji buju waa be wa aki kiyo ba. Beká tsa agbaza ba. Beká dzwan awi waa be vyin penka hwan’a vyin pen kaka waa asaa wea ki jinni ba. Beká ji asa bu bucon ba. ²¹ "Ki cin waa avo ndi gbogbo ki fin tswen wani kata beri da dòn bu aji bu Cidon ki bye afa bu dòn bu Musa ki fin tan bye waa beri fyen aji bu Cidon kiyo ki bye anyunu wa ngha nwo wani kata." ²² Abe fotson ba bacobe ba abi bu baa bà Yesu hora danra, "San kari í ce pajukun badati ki fín’i í tsonbe ya ki Antakiya ba Bulus ba Barnabas ki dzun." Numa ra, be ce Yahuda waa beri baku danra Barsaba, ba Silas. Baa ci kara, be ci baa ci ba hwe ki fin bazhenza. ²³ Be tā ki fin afa waa be tsonbe tson kiyo ra dan ra, "Afa wakara dzu vo bu bazhenzani ai fotson bu Yesu, ba baco, kwan ba abi bu baa bà Yesu kata bi ki byeni ani bazhenzai baa cini atsu buni ken ki Antakiya, ba jen bu Sham, ba Kilikiya. Ina nàni jen suu numa. ²⁴ Avo waa ī du aji ki cinni fo danra badati ki fin’i na tsa abu baa da do mikyinni ki don ba aji badati suu numa, bena ri byeni, ko waa ī dan yiíbe ri danra be dan yini numa ba. ²⁵ Ī mbyà san kari waa anui tanma ci bye dzundzun ra, í tson badati baa ī cece ki fin’i be bi byeni, ba bazhen zai baa concon’i, Barnabas ba Bulus, ²⁶ baa ndi nde dibe yi aki ki cin zen bu Cindoi Yesu Kiristi. ²⁷ Ci numa ra, ī tson Yahuda, ba Silas, abe du, beri bi dan yini aji baa ci kara ba anu dibe. ²⁸ Ki cin waa Denden wa nyenye mbyà ci coa, ai du ī mbyà danra san’a waa í nde dòn dzun wa ndanda ngyeni ki cin ba, ma nwā dzu baa ci kara baa san kari ní bà ra. ²⁹ Niká ji buju aki ba, ní gadi ba awi wa dzwandzwan wa rimyi nukwan ba asa numa ra, ba awi baa be vyin penkabe hwanbe, be ge bwanbé be ge bwanbwan ba. Niká tsa agbaza ba, nima gadi ba abu baa ci kara, niri bi tsa wa sansan, nī kari bi ci rito. Ní cini sansan." ³⁰ Abe zhentsōn hora, ki nya ken waa baco danra be yabe ri ra, be kyen numa ya zan ki Antakiya. Ki bye waji be ba kwan abi bu baa bà Yesu, a nde afa waji nde yibe. ³¹ Waa be hwèn aji wa ki fin afa waji numa ra, be mbu mikyin suu, ki cin waa aji baa ki fin afa ra yibe gben mikyin. ³² Yahuda ba Silas, baa ci fin baa da dòn bu Cidon du, be dan yi abe bazhenza hora aji suu numa aka yibe mikyin gben kwan yo. ³³ Ki nyaken waa be na anyunu pyinna babe numa, abe bazhenza nube hwa nyaco ba mikyin wa na jinni, be kasen ya ki bye baa tsonbe tson ra. ³⁴ Ama aku Silas mbyà san kari ku ci tiri babe hunnu, ³⁵ Bulus ba Barnabas du, bekà pan abē ki Antakiya du anyunu pyinna hunnu. Abe ba pajukun badati suu numa na fyen abi bu baa bà Yesu bu, a kana da dòn bu aji bu Cindoi yibe. ³⁶ Ki nyaken wakara Bulus dan yi Barnabas danra, "Tanma í kasen ya mbyà bazhenza ki fin tswen wani kata waa ī da dòn bu aji bu Cindoi kiyo ra, jiji í mbyà tswi byecu waa be ci." ³⁷ Barnabas na con jiji be kyen dzun ba Yohanna waa beri baku danra Markus ra. ³⁸ Ama Bulus mbyà san’a waa be kyen dzun baku ba, ki cin waa ku ndi ten nwà dia don ki bye butso avo waa be tsa vinnibe butso waji raba, a fanbe yo ki Bamfi liya, a kasen yaa. ³⁹ Numa ra ndegbe kà ki Yobaba be ba dibe, anube gafan jinni nya cin cin. Barnabas nde aku Yohanna waji waa beri baku danra Mar kus ra, nde kà ki fin akò wa ki jape baku ki dzun yabe ki tswì bu kuburus. ⁴⁰ Ama Bulus gbè Silas. Ki nyaken waa abi bu baa bà Yesu pya wa sansan bu Ci don webe ki cin, ku konbe ra, be yabe ri. ⁴¹ Bulus na ban jen bu Sham ba Kilikiya, kuna ri dan gbanbe mikyin ki fin abi bu baa bà Yesu baa kiyo.

¹ Bulus ya ki Darba, ba Listira. Numa ra apa dzun waa azen’a danra Timoti ki tiri ki bye waji. Ku ci nwu bu awuwa dzun wa bà Yesu wa ci Yahuda wa. Ata bu Timoti waji ci Hele nawa. ² Aku Timoti, bazhenza baa ki Listira, ba Ikoniya bena she ashia danra ku ci apa wa sansan. ³ Ci numa ra Bulus na con Timoti ku nuku ya. Numa ra ku ya kyuku abukua yo, ki cin waa Yahudawa baa na tiri ki tswen waji katabe kata yì ata bu Timoti nu waa ku ci Helenawa. ⁴ Ayo waa be ki fin kyon, bena kà kò, ko ki tswen wani bena dan yi pajukun baa bà Yesu adòn bu abe fotson bu Yesu, ba baco bu abi bu baa bà Yesu baa be dèn ki Urushalima jiji be kon be, ⁵ Ci numa abe bi bu baa bà Yesu bena ri du gben ki fin wajinderi ko anyunu wani kata, be foji wana kwankwan kiyo. ⁶ Numa ra, be ban ajen bu Firi jiya ba Galatiya ki cin waa Den den wa nyenye hwa denbe wa dan aji bu Cindoi ki fin jen bu Asiya. ⁷ Waa be zan ki bye waa ajen bu Misiya ho she kiyo numa, bena nga jiji be kaya ki Bitiniya, ama Denden zen’ande yibe ba. ⁸ Ki cin wakara numa be kaya ki fin jen bu Misiya, be gantu ya ki Tarsus. ⁹ Anyunu dzun afitse numa Bulus mbyà azo mbu. Ku mbyà apa dzun wa ki jen bu Makidoniya pan tse, ana ri voku danra, "Ú gbekyan bi ki Makidoniya, ú bi tsazai yo ba?" ¹⁰ Ki bye waji ī yi wajinderi danra Ata Cidon bai nde ri jiji í ya dan ajia yibe. Ci numa ra, waa ku mbyà zo mbu wa ci kara mwamwa numa ī pan nyaco foji wa yaya ki Makidoniya. ¹¹ Numa ra, ī do kyon, ī kà kò wa ki jape ki Tarsus, ī nda fanfan ya zan ki bye tswì bu Samutarki. Nakyabyea ī ya zan ki Niyabalis. ¹² Ki bye waji ī kyenkyon ba abē numa ya zan ki Filibi wa kwakyi numa ki bye kyekye bu ajen waji. Ku ci finka dzun waa abe Roma wa kà na yo, ī na ki finka waji zan anyunu pyinna. ¹³ Anyunu wa ngha nwo ī pwadzu ya ki tsonkà, ī ya zan ki nu nú, abye waa ina ga aji danra dzun tiri ba, iri bi du abye waa beri vo Cidon kiyo. ī tu ci jinni ki bye waji ana ri zen aji ba bawuwa baa kwan ci bye waji ra. ¹⁴ adzundzun ki fin bu baa ri gon tson foi ra, awuwa dzun waa beri baku danra Lidiya. Ku ci awuwa wari hwenji ba tukpa bupe. Ku ci awuwa wa ki Tiyatira. Kukà ci awuwa wari wa Cidon. Cindoi pofanku mikyin waa ku gon tson fo abu waa Bulus nari dan ra. ¹⁵ Waa be tsaku batisma kwan ba fin ndoa kata, ku voi danra, "In nima ndemi so danra m ci apa wajinderi ki bye Cindoi, ní bi kà kyon ki ndomi." Ku danra ci ken í kà, se ī zen nde. ¹⁶ Anyunu dzun ī ci fin kyon wana ya ki bye wa wa Cidon, ī ya shon ba nwu nyà dzun wa wuwa wa ci ba ajon wa mbyà zo. Kuri du abè kiyo suu numa ri yi abe cindoa ki bye azo wa mbyà mbyá waji. ¹⁷ Kuna ri bài ki nya ken, ai ba Bulus. Kuna ri nyakyin danra, "Apa baa na ya kara be ci bazhen nyà bu Cidon wa kari. Bena dan yini aji bu nyaco wa nwàdzudzu." ¹⁸ Numa kuna dan tswi aji baakara numa nde anyunu suu numa. Anyunu dzun kyinna nà Bulus, ku pukan jinni a dan yi ajon wa baba wa ki cin bu nwu wa wuwa ra danra, "Mna dan yiu ki fin zen bu Yesu, ú pwadzu ki cin bu nwu wa wuwa ra." Mwamwa numa ajon ra gadi baku. ¹⁹ Waa abe cindo bu nwu wa wuwa ra mbyà danra nyaco waa beri du abèbe kiyo tsuken jinni rara, be pan Bulus, ba Silas a gbe hobe ya ki nu ti, ki nu pyín bu baa sen tswen. ²⁰ Be hobe ya ki pyen bu baa fo kwen, bena ri danra, "Apa hora ci gbàntswen. Be ci Yahudawa du. ²¹ Bena fyen’i nyaco badati baa san’a waa ai Romawa í zen nde í bàbe ba." ²² Numa ra pajukun do don kata, abe baa fo kwen gbe yabe tukpa wa ki dibe kata, ana ri danra, "Ní dabe akpan." ²³ Waa be dabe dada numa ra, be hobe weya ki tan, a dan yi watson bu atan waji danra ku konbe sansan numa. ²⁴ Aku watson ra, waa ku fo abu waa abe baa fo kwen dan ki cin bu Bulus ba Silas ra, ku hobe tsu kpasun yaya ki tan kon ki fin, Kukà pābe hin ki be. ²⁵ Dede ayotsu Bulus ba Silas bena ri vo Cidon, a kana ri nya son bu Cidon ki bye avyon wa tsotso. Abe badati baa be panbe we hora na gon tson fobe. ²⁶ Mwamwa numa ajen ndedi wa ciho numa. A nwo tan waji nde di. A nu nyakyon tan baaji pofan jinni ci nu riyo. Akān baa be ho webe ki bebe hora kata fenfan jinni. ²⁷ Ayo waa watson bu atan waji fen dze jinni ki bye ana ra, ku mbyà nu nyakyon tan pofan fan ci nu riyo. Numa ra ku gbe nwà gisingiria jiji ku ge bwan dia. Ki cin waa kuna ga danra abe baa be pan hobe tsu tan hora she pwadzu ya ho ra. ²⁸ Ama Bulus nyaku nde danra, "Úká ten diu fo ba, katai kata ina tiri." ²⁹ Aku watson waji danra be mu pyu bi. Mwamwa numa ku kabi ki fin tan waji, a dzu be jinni ki pyen bu Bulus ba Silas, azin pan ku adia na von kpakpa. ³⁰ Ki nya ken wakara aku Bulus ba Silas pwadzu ki myi, ku danra, "Baco, mri bi tsanini m du wa nwà dzudzu?" ³¹ Bulus ba Silas dan yiku danra, "U yi wajinderi ki bye zen bu Cindoi Yesu, uri bi du wa nwàdzudzu, au ba fin ndou kata." ³² Beka dan aji bu Cindoi yiku, ba fin ndoa kata. ³³ Mwamwa numa ki bye afitse waji ku hobe ya, a tso nyebe dibe bye baa be tenbe fo kiyo ra. Dede waji be tsaku batisma, aku ba pajukun baa ki fin ndoa, ³⁴ Numa ra ku hobe kaya ki nya kyon ndoa, ku ya nde buju bi sobe ki pyen. Aku ba fin ndoa kata bena mbu mikyin suu numa ki cin waa be yi Cidon jinna ra. ³⁵ Waa bye yafan jinni numa, abe baa fo kwen tsontson we abe dogori yo danra, be fan apa hora jinni, a Bulus ba Silas. ³⁶ Aku watson bu atan kón ra dan yi Bulus danra, "Abe baa fo kwen tsontson bi dan í fanni jin ni." ³⁷ Ama Bulus dan yibe dan ra, "Bē dai gba ki fa byeya gede gede numa, be bàbe nwo aji jiji be yì adà waa ī dà ba. Ai du, ī ci bazhenzhen tswen ki bye tson bu Roma. Be dai gba, a hoi tsu ki tan kón. Tanma beri con be ten hoi pwadzu yuyu? A’a, cia numa ba. San kari be bi ba dibe jiji be bi ten hoi pwadzu." ³⁸ Abe dogori hora kasen ya dan yi baa fo kwen hora aji wa ci kara danra Bulus ba Silas ci zhen tswen ki bye tsòn bu Roma. Waa be fo numa ra azin panbe. ³⁹ Ci numa ra abe baa fo kwen waji be ya, a danra be dà ra. Ki nyaken wakara be hobe pwadzu, a vobe danra be yabe ri, be pwadzu ki fin tswen waji. ⁴⁰ Ki nyaken waa be tenbe pwa dzu ki tan kón ra, Bulus ba Silas do don ya ki ndo bu Lidiya. Be mbyà bazhenza baa bà Yesu, be dan aji yibe gben mikyin ahunnu be dobe kyon yabe ri.

¹ Waa be do kyon ra, be ya dzu ki Amfibolis, ba Abolo niya, be ya zan ki Tasalonika ki bye waa atan wa fyen aji bu Cidon ciyo. ² Numa ra Bulus kaya ki bye be ci tsadzu waa kuri kà keke ki bye badati hora. Anyunu wa ngha nwo tsa dzwa tsara sen dia kuna dan yibe cinna bu aji ki fin afa wa nyenye. ³ Kuna ri pofan fin aji yibe, ku kana ri tà yibe danra ci aji wajinderi, kà ci ken Yesu Kiristi ku wa fyin, kukà do don ki fin mbi. Bulus kà danra, "Yesu wakara waa mna dan ajia na yini ra, ku dri Kiristi waji." ⁴ Pajukun badati ki finbe zen nde ba aji bu Bulus ba Silas. Ci numa ba abi bu He lenawa suu numa baa wa Cidon, kà ba bawuwa baa ci ba hwè suu numa. ⁵ Ama abe Yahudawa be fifi ki cin bu abe Bulus ba Silas. Be ho bazhen wo baa ki nyaco, be ho pajukun kwan dzun, be nukwan bye ba finka waji kata. Be kà ki ndo bu Jason, bena ri nyà abe Bulus ba Silas àji be hobe pwadzu bi ki pyen bu pajukun. ⁶ Waa be nyanibe ra, be gbē Jason, ba bazhenzhen badati baa bà Yesu, be hobe bi ki pyen bu baa sen tswen. Bena ri nyakyin ana ri danra, "Pajukun baakara ci baa ri do fin tswen mikyin ki don, be bi ra kire du. ⁷ Numa ra aku Jason wa hobe kà kyòn ki ndoa ra, aku kwan babe kata be ci baa ri tsaba dòn bu Kaisar. Bena danra wé apa dzun ciri akù, wé azen bu apa waji danra Yesu." ⁸ Waa pajukun baa ki finka, ba baa sen tswen fo numa ra, mikyinbe tsaba jinni. ⁹ Be fánbe be jinni adi tata numa azota ba, be ge abè yi Jason ba badati baa bà Yesu hwa ahunnu be fan be yo. ¹⁰ Mwamwa numa waa fitse tse ra, bazhenza dan yi Bulus ba Silas danra be do yabe ki Biriya. Dede waa be kyen ya zan ki Biriya numa, be ya kà ki tan wa fyen aji bu Cidon wa ki bye waji. ¹¹ Numa ra abe Yahudawa baa ci Biriya ra, be ci ba mikyin wa sansan ka baa ki Tasalonika, ki cin waa be pan aji bu Yesu ba vo pyinna. Bena fon fin bu Afa bu Cidon ko nukon, jiji be mbyà abu wa ci fin’a ra ci ajinderi. ¹² Ki cin wakara numa suu numa ki finbe, be yi wajinderi, ba abi bu Helenawa suu numa, ba bawuwa baa ci ba hwè, ka ba bawunu. ¹³ Ama abe Yahudawa baa ki Tasalonika fo waa Bulus nari dan aji bu Cidon ki Biriya ranu du. Ci numa ra be ya aya na dzo pajukun aji baa baba ki nu, ana ri fyonbe fyon mikyin. ¹⁴ Mwa-mwa numa abe bazhenza baa bà Yesu do Bulus ya ki nu teku. Ama Silas ba Timoti ci tiri ki Biriya. ¹⁵ Abe baa nu Bulus co ya ra, be nuku numa keke ya zan zan ki Atina. Ki nyaken wakara Bulus tsonbe tson ba aji kasen ya ki bye Silas ba Timoti danra, be tse don tse don mwamwa numa be ya duku. ¹⁶ Ayo waa Bulus d nari bàzo bu bandoa hora ki Atina ra, mikyin’a tsaba jinni suu numa. Ki cin waa ku mbyà atswen waji ndende na zo bakindo numa. ¹⁷ Ko anyunu kù wa ki don wani kata kuna ye yepye ki fín tan wa fyen aji bu Cidon ba abe Yahudawa badati baa wa Cidon, ku kana dan aji yi pajukun badati baa ri kwan ki pyin, ¹⁸ Ayo waji abe manu badati baa ci Abikuriya ba Stokiya baa ci ba ayì be shon cin ba Bulus. Badati danra, "Aku apa wana ri hwè aji numa ra, kuna dan dan ke?" Badati kà danra, "Ku ci apa wa da dòn bu tswi Cidon bu tsu pajukun badati." Be dan tsaba ku numa ki ein waa ku ci apa wa da dòn bu aji bu Yesu ba wa dodoa ki bye mbi. ¹⁹ Be baku ya ki cin ge dzun waa beri baku dan Arasa ra. Be danra, "Ina con ú dan yii aein na bu abu wa ripye wani kata waa ù nde bi na fyen’i ra. ²⁰ Ki cin ke ba, ù nde aji wa ken nwo bi ki byei. Ina con u pofan’i cinna bu aji waji." ²¹ Abe bazhenzhen baa ki Atina, ba abe tsu badati baa ci byecu babe ki dzun, abu dzun wari vyabe kari kata ciri be tsaba yobe kata ki bye abu dzun wa ripye waa be fo, ko abu dzun wa ripye waa be dan. ²² Bulus do don pantse don ki cin age bu Arasa, bye waa be ciyo ra, ku nde nua don danra, "Ani bazhenzhen baa ki Atina, m hwà yinu danra nī ci pajukun baa con Cidon wa wawa ko ki bye nyaco wani kata. ²³ Ki cin waa ayo waa mna ri ban finka numa nari kyen ra, m mbyà tswi abu baa nina wabe ra. Numa ra m kà mbyà bye dzun waa niri bwan bupyu yiku. Be tā abu dzun ki cin bye waji danra, ’Wa kara ci bye tswi Cidon dzun waa ī yiiku ba.’ Aku waa niri waku ama ni yini ku ba, ciri waa mna dan yini ra. ²⁴ Ata Cidon wa mà tswen kán mà tswen kù, ba abu baa ki fin’a kata, aku ciri Cindo bu bye don ba bye jinni, kuri cia ki tan waa beri wa Cidon waa apa myi ri ba. ²⁵ Ci numa ra kuri nyaa abu dzun wa tsazaza ki bye apa ba, ka ci numa aco waa pajukun be waku ba abu wari dzu ki vobe baani. Ki cin ke ba, aku ba dia ku ciri wari yi pajukun kata cindi, ba nwo wa hoho, ba koke kata. ²⁶ Ku ciri Amà wa mà ko tsu wani kata dzu ki bye apa dzundzun jiji be ci byecu ki bye jen wa ki fin tswen. Kukà tabe shē ki bye ajen waa be ci byecube kiyo. ²⁷ Ci numa ra ajia ciri pajukun kata be nyàku nyànya, ki cin waa bema nyàku ci tsadzu waa agbànzo ri nyà nyaco ra, dzun tiri ba, beri duku. Ko waa ci numa ra, ku cia nana ba ko kani ba. ²⁸ Ki byea ina du cindi, ina ndèdi, ka ki byea ikà ci tiri, tsadzu waa baa tso vyonni ri sheku danra, ’Ajinderi, ai ī ci tsu bu Cidon’, ²⁹ Too, ima ci tsu bu Cidon numa, san’a waa í nde Cidon ki mikyin so tsadzu abàn wa ba hwe, ko zinariya, ko azurufa waa apa tsayi wa mbyā ku ki bye ayia, ba kyinyea ba. ³⁰ Andi Ata Cidon na nde zoa taya hun ki bye pajukun baa ndi ci tiri zo kon, ama tanma ku shon wea danra, pajukun kata ko kini be fan abu wa bababe jinni, be pukan mikyinbe bi ki byea. ³¹ Ki cin waa Cidon so anyunu waa kuri bi fo fin tswen akwen wa ci wajinderi. Apa waa Cidon nde so ri fo kwen wakara ci Yesu Kiristi waa ku ba doku ki fin mbi ra, ri tà yi pajukun danra aji wakara ci aji wajinderi!" ³² Waa be fo aji waa Bulus dan yibe ki cin waa Cidon ri ba do pajukun baa huhu ki fin mbi ra, badati ki finbe sinni aji waji, ama badati danra, "Ki cin bu aji wa ci kara ina con í kà fo aji dzun kwan yo." ³³ Numa ra Bulus pwadzu ki finbe ya. ³⁴ Ama ki fin bu pajukun hora badati kan be bu Bulus ya, be yi wajinderi ki bye aji waji. Ki finbe, apa dzun waa beri baku danra Diyonisiyus ra, ku ci dzun dzun ki fin baco baa ndanda hora baa ri fo kwen ki cin age bu Arasa ra, ka ba awuwa dzun waa beri baku danra Damaris kà ba badati.

¹ Ki nyaken wakara Bulus do ki Atina, ya ki Korintos. ² Ki bye waji ku du apa dzun wa ci Yahudawa, azen’a danra Akila apa wa ki Fantas. Ku dzu wa ki Italiya bi ba awaa Biriskila anyunu pyinna wa nwādzu ya ra. Ki cin waa akù waa beri baku danra Kalaudiya ra, ku danra, apa wama ci Yahudawa kata ku pwadzu ki Roma. Numa ra Bulus ya kà kyon ki byebe, bena ri tsa butso ki dzun. ⁴ Kuna ri zen aji suu numa ki tan wa fyen aji bu Cidon ko anyunu wa ngha nwo wani kata. Kuna ri pukan mikyin bu Yahudawa ba Hele nawa du. ⁵ Ayo waa Silas ba Timoti dzu wa ki Makidoniya bi du Bulus ki Korintos ra, Bulus nde mikyin’a kata so bye adòn wa dada. Kuna ri tà yi Yahudawa danra Yesu ciri Kiristi. ⁶ Waa be ngha ajia baku ki cin ra, be foji ace wana tsoku tsotso. Aku Bulus do don tson voa tson abea yibe. Ku danra, "Akwe bwinmi cini yo kara. Bumi m dan dzu kwe bwinmi yini ra. Nde ki bye waji mri do ya ki bye tsu badati baa cibe Yahudawa ba." ⁷ Ku do don ki bye waji ku ya ki ndo apa dzun waa beri ba zen’a danra Tifiyus Yustus, apa wa wa Cidon, Andoa ki go tan wa fyen aji bu Cidon. ⁸ Numa ra watson wa ki tan wa fyen aji bu Cidon waji waa beri baku danra Kirisbus ra, ku yi wajinderi ki bye Cindoi, aku kwan ba fin ndoa kata. Abe baa ki Korintos suu numa baa fo aji bu Bulus numa, be kà yi wajinderi. Ci numa ra be tsabe batisma. ⁹ Anyunu dzun dede afitse Cindoi dan aji yi Bulus ki zo mbu danra, "Úká zinzin ba. Ú foji adòn wa dada. Uká bànde ba. ¹⁰ Ki cin waa m bau ci dzun. Ci numa ra, apa dzun wari bi dzu sen u ki di, ku ten u fo, baani. Ki cin waa m ci ba pajukun suu numa ki finka wa ci kara." ¹¹ Numa ra Bulus ci finka waji aju dzundzun ba ason shi zhen kuna ya pyen ba aji bu Cidon wa fyenfyen ki finbe, ¹² Ayo waa Galiyo wa ciri wa tson bu jen wa ki Akaya ra, se Yahudawa kosen Bulus ki di, be zaaku hwa pyen ya ki pyen bu kwen. ¹³ Be danra, "Apa wa ci kara na byè pajukun danra wé be wa Cidon ki bye nyaco wa gbekyan adon." ¹⁴ Bulus na mbyā nua waa ku dan aji numa, aku watson Galiyo dan yi abe Yahudawa danra, "Keika! Ani Yahudawa kuri ma kyan dà ada dzun, ko kuri ma kyan dà abu dzun ci kara mri tsaka wa gon tson foni. ¹⁵ Ama ki cin waa ci ayepye wa yeye azota ki finni. Ki cin bu angyi aji badati ba zèn, ka ba adòn, wakara ajini, ní foni ba dini. Ami conmi wa ponu ki cin abu baakara ba." ¹⁶ Numa ra ku kanbe sho ki pyen bu kwen. ¹⁷ Numa ra, be pan aku watson bu tan wa fyen aji bu Cidon waa zèn’a danra Sasitanisu ra, be daku akpan ki pyen bu baa ri fo kwen. Ama aku Galiyo hwaa ce bu abu baa bena tsa raba. ¹⁸ Bulus pan abē ki Korintos du anyunu suu numa ba abi bu baa bà Yesu. Ki nyaken wakara ku dan yi abe bazhenzaa danra kuri yaa yaya ra ri. Ku hwēn jin’a ki Kankiriya ki cin bu nuge waa ku ge, a kà kò wa ki jape ya ki bye jen bu Sham. Ku kyen dzun ba Biriskila, ba Akila, ¹⁹ Waa be kyen ya zan ki Afisus ra, ku fan be jinni ki bye waji. Ku ya kà ki tan wa fyen aji bu Cidon, ku yana ye yepye ba abe Yahudawa ki bye waji. ²⁰ Ci numa ra be voku danra ku babe ci byeri du anyunu pyinna hunnu, ama ku nghaa. ²¹ Ku dan yibe danra, "Se mma du anyunu pyinna hunnu mri kasen bi ki byeni, in Ata Cidon ma zen nde." Ki bye waji ku do ki Afisus a kà kò wa ki jape. ²² Waa ku ya zan ki Kaisariya, ku nwādzu ya ki Urushalima. Ku ya nà jen ba abe abi bu baa bà Yesu ki bye waji, Ki nyaken wa kara ku nwādzu ya ki Antakiya. ²³ Ki nyaken waa ku na anyunu pyinna ki bye waji numa, ku do don ana ban bye badati ki fin jen bu Galatiya, kà ba Firi jiya. Kuna ri ban finka fínka, ana ri dan gban abi bu baa bà Yesu mikyin. ²⁴ Numa ra Yahudawa dzun waa beri baku danra Apolo ra bi ki Afisus, nwo tsua ku ci apa wa ki Iskandariya. Ku ci agehye pa wa zen yi aji. Kukà yì Afa bu Cidon kagben. ²⁵ Be ndi fyenku bu ki bye nyaco bu Cindoi, ci abu wa sansan ki byea suu numa. Kuna ri dan aji ki cin nyaco bu Yesu, ku kana fyen bu kiyo. Ama á batisma bu Yohan na vinni waa ku yi. ²⁶ Numa ra ku jo nwo wa da dòn bu aji bu Cidon ba gben ki tan wa fyen aji bu Cidon, ama Biriskila ba Akila bena fo ajia waa kuna ri dan ra. Numa ra, be gbēku ya kankan, ana pofan fin aji bu nyaco bu Cidon kwanku kiyo ka wa ndi ra. ²⁷ Waa Apolo na con ku gbèkyan kaya ki jen bu Akaya numa, bazhenza dan gbanku mikyin, be kà ta afa yi abe abi bu baa bà Yesu ki bye waji, jiji be panku vo pyinna sansan. Waa ku ya zan bye waji ra ku nga dia suu numa waa ku tsaza baa yi wajinderi ki bye wa sansan bu Cidon. ²⁸ Ki cin waa ku kanden abe Yahudawa ba ajia ba gben numa ki bye ayepye wa yeye waa bena ye baku ki pyen bu pajukun. Ku dan tà yibe aji ki fin Afa bu Cidon ki byeya numa danra Yesu ciri Kiristi.

¹ Ayo waa Apolo ki Korin tos numa ra Bulus ban jen ki bye gondon, kukà gantu ya ki Afisus. Ki bye waji ku ya du baa bà Yesu kiyo. ² Ku mbyebe aji danra, "Ki nyaken waa nī yi wajinderi ra nī du Denden wa nyenye abu Cidon ra?" Be dan yiku danra, "Ī foi aji ki cin bu Denden wa nyenye ba." ³ Ku danra, "Atswi batisma bani be tsani?" Be dan yiku danra, "Atswi batisma bu Yohanna." ⁴ Bulus danra, "Yohanna tsa batisma jiji pajukun be fan abu wa bababe jinni," kukà dan yibe danra, bé yi wajinderi ki bye apa waji ciri Yesu. ⁵ Waa be fo numa ra, be yibe tsabe batisma ki fin zèn bu Cindo Yesu, ⁶ Waa Bulus nde vo senbe ki cin numa, Den den wa nyenye bu Cidon bi ki cinbe, Be jo nwo wana zen nene badati, bena ri dan aji bu Cidon. ⁷ Abe kata be zan dzwe nwa pyinna. ⁸ Bulus kaya ki fin tan wa fyen aji bu Cidon, kuna ri da dòn bu aji bu Cidon ba gben numa. Ku tsa ason tsara kuna dan aji bu Cidon ki bye waji. Kuna ri ye ayepye babe, ana ri pukanbe mikyin bi ki bye tsòn bu Cidon. ⁹ Ama badati ki finbe tsuken fin mikyinbe, nghabe wa yi waji nderi. Bena sinni aco waji ki pyen bu pajukun. Numa ra Bulus nwà dia don ya ci kankan, aka kwan cin ba baa bà Yesu, ana fyen ta yibe abu, ko anyunu wani ki fin tan wa fyen abu waa beri baku danra Atan bu Tira nus. ¹⁰ Nde aju pyinna kuna tsa butso wakara ki bye waji. Numa ra pajukun baa ki fin jen bu Asiya kata, be fo aji bu Cindoi, Yahudawa ba Helenawa kata. ¹¹ Cidon tsa butso baa kyahozo baa be mbyà fobe raba dzu ki vo bu Bulus. ¹² Ci numa ra be ho afyà tukpa wa pa byetua, ba tukpa badati ki dia ya ki bye baa dā do yana mbafo ki dibe. Baa dā do na nwàdzu ki bye adobe, baa ci ba ajon wa baba ki cinbe ajonbe na she pwadzu ki cinbe. ¹³ Yahudawa badati kwan dzun tsupyen be ci bazhenzhen bu apa dzun waa beri baku danra Siba, ku ci baco wa ndanda numa ki fin Yahudawa baa ri tsòn bu wa Cidon kiyo ra. Abe tsupyen hora be ci baa kyan jon, be ban shukwa tswen na kyen, Bena con be kan dzu ajon wa baba ki cin bu pajukun. Waa be du apa dzun wa ci ba ajon wa baba ki cin’a ra, bena tsa butso bube kwan ba zen bu Yesu dan ra, "Mna dan yiu ki fin zen bu Yesu waa Bulus na zen aji ki cin’a ra, ú pwadzu ki cin bu apa wakara," ¹⁵ Ajon wa baba ra dan yibe danra, "Ami yi Yesu nu, m kà yì Bulus. Too, ani baa nari zen aji ra buni nī ci kani?" ¹⁶ Apa wakara wa ci ba jon wa baba ki cin’a ra, ku pen ya don dzu dzwa jinni, ku dzu senbe ki di. Ku gban kagbenbe kata, ku tenbe fo. Be she pwadzu nwo rinyi ba afo ki dibe. ¹⁷ Pajukun baa ki Afisus kata fo don bu abu waji wa kò ra. Abe Yahudawa ba tsu pajukun badati kata. Katabe azin panbe ashishi kobe ki di. Numa ra bena ri she ashi bu Cindoi Yesu na yiku hwe suu numa. ¹⁸ Pajukun suu numa ki fin baa yi wajinderi be bi foji abu wa bababe wana fufu, be bebé vo ki bye abu dzun ba. ¹⁹ Pajukun suu numa baa von nukon ho afa bu nukonbe tsòn pyu du zo bu pajukun kata. Afa baa be ho tsòn pyu ra, abèbe kata kwan dzun ri zan naira dubu tsupyen. ²⁰ Numa ra aji bu Cidon foji wana yaya ki pyen ba gben, ahwèa kana do ne don foji wana yaya ki pyen. ²¹ Ki nyaken bu anyunu baa ci kara Bulus nde ki mikyin’a dan ra kuri bān ajen bu Makidoniya, ba Akaya, kuri ya ki Urushalima. Kukà danra ki nyaken waa kuma ya ki go wa hun ra, ci ken ku ya ki finka Roma. ²² Ki cin wakara ku tson abe jo butsoa kwan dzun pyinna Timoti ba Arastus tson, be ya ki Makidoniya. Bua ku ci tiri ki Asiya. ²³ Ayo waji fyin do ki nyaco bu Yesu bà wa titi ba, ²⁴ ki cin apa wa ngyongyu waa zen’a danra Dimitiriyus wari ngyo zén bu atan dzun bu bakindo wa wuwa waa azèn’a danra Aritimas. Kuri ngyo abu waji ba azurufa. Aku ba bajo butsoa na du abè ki bye nyaco wakara suu numa ki bye abu baakara waa bena ngyo ra. ²⁵ Ci numa ra aku Dimitiriyus ba kwan baa ngyongyu bandoa baa ri ngyo tswi abu baaji baakara. Ku dan yibe danra, "Numa ra ani pajukun ní yinu wakara ciri nyaco waa iri du dukyai kiyo. ²⁶ Nina fonu ba tsonni, nina mbyànu ba azoni. Bà ki Afisus vinni ba, ci numa ba jen bu Asiya kata, Bulus wakara na pukan mikyin bu pajukun suu numa. Kuna ri vyin pukanbe, na dan yibe dan wé tswi cidon baa avo bu apa mbyā ri ra cia cidon wajinderi ba. ²⁷ Ní mbyà wakara ci fyin. Bà ki cin waa pajukun ribi sinni butsoi waji ra maari kenken ba, ama atan bakindo wa wuwa wa ba hwe wa ci kara, ribi cia abu dzun ki pyen kire riba. Numa ra beri bi gaku di ba hwèa, aku waa jen bu Asiya, ba bye wa ki fin tswen kata beri kwan dzun waku." ²⁸ Waa be fo numa ra, ango dobe suu numa, be do don kata be, bena da ndekuto danra, "Ci ken ahwè ku ci bu Aritimas wa ki Afisus." ²⁹ Afin tswen kata nukwan jinni. Pajukun kata we sho wababa ya ki nu pyin. Bena gbe Gayus ba Aristakus apa baa ki Makidoniya bajo kyon bu Bulus. ³⁰ Bulus na con ku kaya ki fin cinkwan waji ama abe baa bà Yesu kan denku. ³¹ Abe watson badati baa ci fin jen bu Asiya baa ci jo bu Bulus be tsontson weku yo danra kúká dada te bea ya ki nu pyin waji ba. ³² Pajukun baa kwan ki bye waji ra nukwan kata ra, aji waji sepyu cia wa dandan ba, ko kani kata na dan tswi aji wa ki ndea. Pajukun badati baa hwe kari ki finbe yìbe abu waji wa hwa be kwanna ki bye waji raba. ³³ Abe Yahudawa dan yi apa dzun waa azèn’a dan ra Iskandari danra ku zen aji. Ci numa ra badati ga aji danra Iskandari gbe aji wakara ri hwa hunnu pajukun kwan numa ra. Iskandari nde voa ki don na tsa be vo be bànde, ki cin waa jiji ku dan cinna bu abu wa hwa pajukun kwan mube ki cin ra yibe. ³⁴ Waa be tazo mbyà yiku ku ci Yahudawa ra, se be ho kyube ki don nyakyin gbangban numa anu dzundzun kata zan akan pyinna nari danra, "Ariti mas bakindo bu baa ki Afisus ci ba hwè nana numa." ³⁵ Ki nyaken wakara manu dzun wari tā afa bu akù wa sen tswen dan aji ba pajukun, ku hwa yibe ho mikyinbe we jinni. Kukà danra, "Keika, ani pajukun baa ki Afisus. Ko apa wani kata yinu danra finka Afisus ciri bye wari kon tan waa beri wa bakindo wa wuwa wa ba hwè waa azèn’a danra Aritimas ra. Ko kani kà yinu danra abàn wa ci azén’a waa iri waku ra dzu hwadon kò ki jinni. ³⁶ Ci tsadzu waa nyaco dzun baani waa apa ku sunnu ki cin aji wakara ra, san kari ní ho tsoni zan jinni. Niká nga dzo di tsa abu dzun mwamwa ba. ³⁷ Ní mbyà nī ho apa baakara bi, be vyibe vyu ki tan bu bakindo wa wuwa raba. Bekà sinnibe bakindo waji ba. ³⁸ Too, aku Dimitiriyus ba abe jo butsoa, bema ci ba aji ba apa dzun, atan kwen po fanfan ci tiri riyo, abaa fo kwen kà na tiri, san kari be ya dzwa kwen. ³⁹ Ama abu dzun ma ki tiri waa nina nyà kēn, san kari ní ndeku ya pyen bu baa sen tswen jiji be mbyā san. ⁴⁰ Í tsa sansan, ki cin ke ba, fan anyunu titi numa waa iri bi dan nui ki pyen bu kwen ki cin bu ndegbe wa ci kara jinna. Andegbe wakara cia ba cinna ba. Ci numa ra, bema mbyei aji iri bi tsakai waa í dan anwo aji wa hwa hunnu ndegbe ra kò raba." ⁴¹ Waa ku dan numa ra ku dan yi baa kwan mu bye waji ra danra be yabe ri.

¹ Ki nyaken waa ndegbe wakara ná jinni ra, Bulus ba kwan abi bu baa bà Yesu. Ki nyaken waa ku dan gbanbe mikyin, ku dan yibe danra se anyunu pyinna ri. Ku pan nyaco foji kyon wa yaya ki Makidoniya. ² Waa ku ya ban kyekye bu jen wakara, kukà dan aji, a yibe mikyin gben ki bye aji waji. Kukà ya ki jen bu Giris. ³ Ku ci byeri zan son tsara, Abe Yahudawa ge aji dzun senku ki cin ayo waa kuna mbyā di kyon waa kú kà kò wa ki jape wa ya ki bye jen bu Sham. Waa ku fèyi numa ra, se ku mbyāa adi kyon wa dzu Makidoniya ki gondon ri. ⁴ Pajukun baa danra beri baku ri ya ki dzun hora azènbe danra, Subatarus apa wa ki Biriya, a nwu bu Bitrus, ba Aristakus, ba Sakundus pajukun baa ki Tasalonika, ba Gayus wa ki Dar ba, ba Timoti, kà ba Tikikus, ba Tarufimas pajukun baa ki Asiya. ⁵ Abe baa kapyen ya hora bē ya ci bazoi ki Tarsus. ⁶ Ki nyaken bu anyunu baa beri ji borodi wa gbugbu wa baa yist ba, ī do kyon ki Filibi ki bye akò wa ki jape. Ki nyaken bu anyunu tswanna, ī ya du abe jo kyon’i baa kapyen ra ki Tarsus. ī ci bye waji zan anyunu tsupyen. ⁷ Ki bye anyunu wa kapyen bu byecen waji ayo waa ī kwan ki cin waa í kà gbu ba borodi numa, Bulus dan aji ki cin waa kuri mbyā di danra nakyabyea kuri doa dodo. Ki bye ajia ra ku gbē aji suu ya zan ayotsu. ⁸ Apyù wa mbyà bye na suu numa ki fin tan wa ki don abye waa ī kwan ciyo ra. ⁹ Ki bye waji nwu mafan wa wunu dzun azèn’a danra Afitikos tuci ki tson bu apyo atan wa ki don. Ayo waa Bulus na zen aji ra anwu waji foji aná wana fyènfyen kagben’a, ku gan pwadzu ki pyo tan waji ki bye atan wa kwan tsara ki don kò dzu ta jinni. Be bi ndeku ra cin dia baani ri. ¹⁰ Ayo waji Bulus tu dzu dzwa bi jinni, ku gbe ndafan dia, a ndeku be mikyin’a. Ku danra, "Níká weni bonban ba, cindia ki tiri." ¹¹ Ki nyaken wa kara Bulus ne kasen ya aya ko ken gafan borodi, a kà agbu kiyo, a ya pyen ba aji wa zenzen nde ayo suu numa, aya zan bye kya. Numa ra ku doa kyon ri, ¹² Se be nde nwu mafan ra riju kyen dzun babe ya. Be mbu mikyin cia wa dandan ba. ¹³ Ai ī kpasun ya zan bye akò waji. ī ya ya zan ki Asus abye waa iri con í tswan Bulus ki fin kò waji ki byeri. Ki cin waa ku ndi kapyen dan yii danra kuri kyen ba abē yari dui ki byeri. ¹⁴ Waa ku bi dui ki Asus numa, ī tswan reku ki fin akò waji, ī ya zan ki Militus. ¹⁵ Ki bye waji ī pan kyōn ki fin akò wa ki jape waji. Nakyabyea ī ya zan na dzu bye ba nu gobi bu tswì bu Kiyos. Fè byecen’a ī ya zan bye tswì bu Samas. Azo byecen’a se ī zan ki bye tswì bu Militus, ¹⁶ Andi Bulus nde ki fin mikyin’a danra kuri nwādzu Afisus nwādzudzu ki jin ni ki fin kò ki jape ki cin waa kúká mbà anyunu ki Asiya ba. Kuna con ku kyen mwamwa, Ci don ma zen nde ku ya zan ki Urushalima anyunu pentekost. ¹⁷ Ki Militus Bulus tsontson ya ki Afisus yà ba baco bu abi bu baa bà Yesu be ya duku ki byea. ¹⁸ Waa be bi zan ki byea numa ku dan yibe danra, "Anī ba dini nī yì tswi byecu waa m ci byeni avo nyunu waa m nde bemi te kabi ki jen bu Asiya. ¹⁹ M nde cin na jinni kofyin wa Cindomi ba janme ki zo, ba abu baa m shon cin babe tswi tswi, ba fyin waa m wa ki cin abu baa baba baa abe Yahudawa na tsami. ²⁰ Ní yinu danra m ndami di wa nde aji dan yini ki cin bu abu baa ci abu wa sansan ba. Mna fyen tà yini ki fa byeya gede gede, m kana bàni kà ki ndo ki ndo, ²¹ Mna dan tà yi Yahudawa ba tsu pajukun baa cibe Yahudawa ba kata wajinderi wa san kari be fan abu wa bababe jinni, bé bi ki bye Cidon, bé kà yi wajinderi ki bye Cindoi Yesu. ²² Tanma numa mri kasen ya ki Urushali-ma ki cin waa Denden wa nyenye dan tà yimi danra m ya. Ci numa ra, m yimi abu wari bi ya dumi ki bye waji ba. ²³ Ama abu dzundzun waa m yì ciri Denden wa nyenye tà yimi danra kó ki fin tswen wani kata waa mri kà kiyo ra, ajù ribi tsemi, mri wa fyin, be cici numa na bàzomi. ²⁴ Ama m ndemi cin dimi so abu dzun ba, kà tumi ba, in butso waa Cindoi Yesu nde kwami ki vo ra, mma tsa vinni ku kata ra, Butso waji ciri m dan yi pajukun Aji wa Sansan bu Yesu Kiristi, ba wa sansan waa Cindoi na tsai ra. ²⁵ "Ani baa m ndi kapyen bān ki finni kata na dan aji bu Tson bu Cidon na yini ra, tanma ra, m yinu danra nina mbyàa zomi wa ken niken ra kara. ²⁶ Ki cin wakara mna dan san yini jinna sansan danra, m dan dzu kwe bwinmi kata yi ko kani kata ra. ²⁷ Ki cin waa anumi ndaa ndanda waa m dan yini abu waa Cidon ri con ba. ²⁸ Ní tsa sansan ba dini, kà ba abi waa Denden wa nyenye nde kwani ki vo jiji ní webe zo ki di ra. Ní pyu abi bu baa bà Yesu baa Cidon hwa penbe ba asa bu Nwua Yesu ra. ²⁹ M yìnu ki nyaken waa mma pukan be numa vyinvyindzwan baa baba ribi kà bibi ki finni. Beri hwi dàbe cici bu abi waji ba. ³⁰ Ci numa ki byeni du, badati ribi do, beri dan aji baa wea ki bye nyaco ba, ki cin waa bé gbe baa bà Yesu bé bàbe. ³¹ Ki cin wakara ní ci byecu bu aye tafan zoni pyinna kata so riju. Ní kyepan ba aju tsara waa m ndi tsa ki byeni ra. Anyunu ba afitse, m nìmi ba adòn wa nuni nunu ba, kwan ba janme ki zomi bobo numa. ³² "Tanma numa m honi kwa Cidon ki vo, ki bye aji wa sansan bua kú gonni aki baku. Aji bua waji ciri ba gben wa mbyāsanni, kúkà yini ní ji ndo ki dzun ba pajukun baa bàku kata. ³³ M vya mi abè bu apa dzun ba, m kà nyemi tukpa bu apa dzun ba. ³⁴ Ani ba dini ní yinu danra, avo mi baa na kara tsa zami ri yo ki bye koke kata waa m ci baku, ba pajukun baa ki vomi. ³⁵ M nde nyaco hwani ki jinni waa ní bà danra ci ken í tsa numa jiji í tsaza baa byebye, íkà kyepan ba aji bu Cindoi Yesu wa danra, ’Abu wa nde ndafan vo yi apa sansan kari wa panpan ki vo bu apa.’" ³⁶ Waa Bulus dan numa ra be tu ben jinni be vo Cidon ki dzun. ³⁷ Katabe be da gbàn jinni ba ndekuto. Be hwan pan Bulus be mikyinbe, ana ri ta yiku àmà bu con waa bena conku. ³⁸ Be tsaba mikyin kari kata ki cin aji waa ku dan yibe danra, be mbyàa zoa wa ken niken ra hun ra. Nde ki bye waji be nuku co keke ya zanzan ki bye akò waa kuri kà.

¹ Ayo waa ī gadi babe fanbe ki fin fyin numa ra ī ya kà kò, ī ndafanfan numa keke ya zàn ki bye tswì dzun waa beri baku danra kos ra. Nakyabyea ī so cin’i ndafanfan numa ya zan Rodusa, atswì wa hwa pyinna. Ki bye waji ī nwādzu dzu ya zan ki finka dzun waa beri baku danra Batara. ² Waa ī du akò dzun wari kyan ya ki Finikiya numa, se ī kà ko waji ya. ³ Ayo waa zoi na mbyà tswì bu Kuburus numa ra, ī dzu kyoku hwa ya vosu ī foji wa yaya ya zan ki sham. ī ya ya bà jinni ki Sur ki cin waa akò waa ī kà kiyo ra ri tu tswén’a ki bye waji. ⁴ Ki bye waji ī kà ki fin abi bu pajukun baa bà Yesu babe zan anyunu tsupyen. Se Denden bu Cidon tà yi pajukun hora danra beká yi Bulus ku kà ya ki Urushalima ba. ⁵ Waa anyunu mba tiri wa do kyon rara, numa ra ī do kyon a wari yaya ra. Abe abi bu baa bà Yesu hora kata kwan ba bawuwabe ba bazhenzhenbe be nui co yaya ki nyaken bu akà. Ayo waa ī ya zan ki nu gobi numa ra, ī tu ben jinni, ī vo Cidon ki bye waji. Ki nyaken wakara ī dan yibe danra se anyunu pyinna ri. ⁶ Ai kaya ki fin kò, bazhenzai hora kasen yabe ki ndo ri. ⁷ Waa ī ki fin akyon wa kyen kyen numa dede waa ī do ki Sur numa ī ya da nyà jinni ki Tala maya ī nà bazhenzai jen, ī kà nde na jinni ki bye waji anyunu dzundzun. ⁸ Nakyabyea ī do kyon ya ki Kaisariya. Ī yà kà kyon ki ndo apa dzun wa da dòn bu Yesu waa beri baku danra Filibus. Ku ci dzundzun ki fin pajukun tsupyen baa be ndi cebe ki Urushaiima ra. ⁹ Aku Filibus ku ci ba bazhenzhen bawuwa kwan dzun nyena baa ngha yabe ki ndo ben raba, baa ri zen aji ki bye gbentsòn bu Denden wa nyenye. ¹⁰ Ī ci tiri ki bye waji ya zan anyunu suu numa. Apa dzun ki tiri wari dan aji ki bye gben tsòn bu Denden wa nyenye du, beri ba zen’a danra Agabus. Ku dzu wa ki Yahudiya bi. ¹¹ Waa ku bi ki byei numa, se ku ho donbu wa tsege shon bu Bulus ho tse bea ba voa gan nyi numa ku danra, "Denden bu Cidon tà yimi danra, ci tsadzu waa m tse dimi ra, ci numa Yahudawa baa ki Urushalima ri tse apa wa senji donbu wa tse ge shon waji wa kara ri ndeku dzo pajukun baa cibe Yahudawa ba ki vo." ¹² Waa ī fo numa ra ai ba pajukun baa ki bye waji kata dan yi Bulus danra ku gbagba kúká ya ki Uru shalima ba. ¹³ Numa se Bulus nde nua don danra, "Nina tsa kake waji kara? Ndekuto waa nina ku ra, nami kyin, Bumi m mbyā dimi mbyámbyà ci, ko be tsemi, ko be bwanmi ki cin zen bu Cindomi Yesu m zen nde." ¹⁴ Waa ī mbyà ku foa ajii bara numa ra, se ī bài nde, ī danra, "Cindoi ku tsa abu waa ku mbyà san kari." ¹⁵ Ki nyaken bu anyunu baa nwādzu ya ra, ī mbyā dii ya ki Urushalima. ¹⁶ Badati baa bà Yesu ki Kaisariya nui nyaco ya. Be hoi ya ki bye apa wa ki Kuburus waa zen’a danra Mi nasan ku bà Yesu avo rina ra, Ku ciri apa waa ī kà kyon ki ndoa. ¹⁷ Waa ī bi zan ki Urushalima numa abe bazhenza pan’i ba mikyin wa mbumbu. ¹⁸ Nakyabyea Bulus bai kyen dzun ya ki bye Yakubu. Abe baco bu abi bu baa bà Cidon kata na tiri ki bye waji. ¹⁹ Ki nyaken waa ku nà jen babe numa ku ho aji ki cin tswi abu baa Ata Cidon tsa ki fin bu tsu pajukun badati ki bye butsoa we jinni numa yi baco hora. ²⁰ Waa abe baco hora fo numa ra, be nya son bu Cidon. Bekà dan yi Bulus danra, "Too, ú mbyà nwu za, pajukun suu numa ki fin Yahudawa wajinderi, be pantse ba gbenbe kata ho abebe te bà jinni ki bye adòn bu Musa. ²¹ Be ndi fo aji ki cin u danra, una fyen tà yi abe Yahudawa baa na ki fin tsu pajukun badati danra bé fan adòn bu Musa wa bàba jinni, Be dan wé, ù danra beká kyu bazhenzhenbe abukube yo ba, beká bà abu Yakubada ba. ²² Tanma ra iri bi tsanini, ki cin waa ci ken be fo dón u, waa u bi ra. ²³ Ci numa ra, ú fo abu waa iri dan yiu u tsa. ī ci ba pajukun kwan dzun nyena baa nde nuge wa gege ki fin’i kire. ²⁴ Ci numa ra se ú babe kyen dzun ya jiji be ya pa njeni àboni yo dzwa dzun dzun. Ú kà hwabe abu ki jinni, ko ma kake kata, ki cin waa jiji be kpabe jinbe yo. Ma ci numa hunnu ko kani kata ribi yì danra abu baa be dan yibe ki cin u ra cia aji wajinderi ba. Numa ra beri bi hwa yinu danra au ba diu du una kon dòn bu Musa waji. ²⁵ Tsu pajukun baa cibe Yahuda wa ba ndi pukan mikyinbe bi ki bye Yesu Cindoi ra, ī ta afa yibe danra, abu wa san kari waa be kon ciri beká ji buju waa be wa bakindo baku ba. Beká dzwan wi waa be penka hwan’a penkaka, be ge bwanbeku ge bwanbwan ba akwin ba. Beká ji asa ba. Beká tsa agbaza ba." ²⁶ Numa ra se Bulus ho pajukun hora, nakyabyea waa be pa nyebe abo ki di ki dzun. Bulus kaya ki tan wa wa Cidon ku ya da dòn danra fan anyunu titi numa waa beri kyu nugebe waa beri fon ko kani kata ki finbe. ²⁷ Waa anyunu tsupyen ra na dzubye ra, abe Yahudawa baa ki tswen wa ki Asiya, be mbyà Bulus ki tan wa wa Cidon. Numa ra be ge jinni ge jinni panku be nde vo hwa nu da ndekuto danra, ²⁸ "Ani bazhenzhen Isra’ila, nibi tsazai yo, Apa wa ci kara nari kà ko kini kata, a nari fyen tà yi pajukun be sinni tsui, ba dòn bu Musa, kà ba bye wa ci kara. Bàa wa ci kara vinni ba, kukà ho tsu bu Helena wa kàbi tan wa wa Cidon, ku tsaba mbyàa bye wa nyenye kata ra." ²⁹ Be dan numa ki cin waa be ndi mbyà Tarufimas apa wa ki Afisus ba Bulus na ban afa ki dzun ki finka. Bena ga danra ko Bulus ndeku kaya ki fin tan wa wa Ci don. ³⁰ A finka waji kata nukwan jinni. Pajukun we sho ya pan Bulus, a gbe panku pwadzu ki fin tan wa wa Cidon, Mwamwa numa be pan nu nyakyon tan waji tsu ken jinni. ³¹ Bena con jiji be bwan ku. Aji waji dādzu ya kaya ki tson bu baco baa nuken bu Romawa danra finka Urushalima kata nu kwan jinni ra. ³² Ki bye waji ku ho abe baa nuken ba baa ci ba hwe badati ki fin baa nuken hora, be do sho ya ki bye waji. Waa abe pajukun baa na da Bulus ra mbyà aku baco ra, ba abe baa nuken hora, be fan gba wa da Bulus jinni. ³³ Aku baco bu baa nuken hora kpasun ya dzubye babe, ku pan Bulus, ku shon wea yibe danra bé weku akan pyinna ki nyaken wa kara ku mbyebe danra ku ci kani waji re, ku da kake? ³⁴ Abi bu pajukun ki bye waji nde vo hwa nu da ndekuto wababa, badati na dan bube abu dzun ken numa. Ki cin waa nugban bu pajukun hwe kagben ki bye waji ra aku baco bu baa nuken hora fo yia cinna bu abu waji wa gbe ndegbe ra hwa raba. Numa ra ku shon wea danra be nde Bulus ya ki puken bu baa nuken. ³⁵ Waa Bulus bi zan bye numa, abe baa nuken tswanku tswantswan, ki cin waa pajukun na tsa abu tsadzu be kya akya ki bye waji. ³⁶ Abi bu pajukun tswatswi foji wana bibi ki nyakenbe. Bena da ndekuto, a nari danra, "Í tsaba ku!" ³⁷ Bena dzubye ba waa be nde Bulus kaya ki fin puken numa ra Bulus dan aji ba cin bu baa nuken ra danra, "Ko uri bi zen nde m dan aji yiu?" Se aku cin bu baa nuken hora mbyeku dan ra, "Au du, uri fo nu Helenawa? ³⁸ Ko ù ciu ri apa wa ki Masar wa ki fin ju baa tsa nwàdzu ya nyaken, ku gbe ndegbe hwa tswen, ku ho pajukun baa bwan apa dubu nyena ya ki yo hwan raba?" ³⁹ Bulus dan yiku danra, "M ci Yahudawa wa ki Tarsus wa ki fin jen bu Kilikiya. M ci nwu dzun wa ki fin tswen wa ci ba hwe. Mna vou u fanmi jinni m dan aji yi pajukun." ⁴⁰ Waa cin bu baa nuken ra zen nde yiku pyo wa zen aji numa ra, Bulus do don pantse don ki bye waa beri te abe kiyo ne kaya ki pu ken ra. Ku nde voa ki don na tsa pajukun vo danra be bànde. Katabe be ci bye bànde gyu numa. Ku dan yibe aji ki nu Yahudawa danra,

¹ "Ani bazhenzami, ba ani baco, ní gon tson jiji m dan yini aji wa ki fin abu waa bena ri dan ra." ² Waa be fo ku dan yibe ki nu Yahudawa numa ra, se be kà bà nde gyu numa kwan yo. Numa ra, ku danra, ³ "Ami m ci Yahudawa. Be mbami ki Tarsus ki fin jen bu Kilikiya. Ama m hwe ki Urushali-ma kire. Kire m fyen abu ki vo bu Gamaliya ki bye nyaco bu adòn wa ba gben bu bayaku bada. M kà ci apa wa ci ba mikyin wa wa Cidon ci tsadzu waa ani ba dini ci jinna ra. ⁴ M ndi na tà pajukun baa na bà nyaco wakara fyin. Mna ri bwanbe, m kana tse badati, ba wunu ba bawuwa, m hobe nari we ki tan kon. ⁵ Aku cin bu abe von wa ki pyen kata ra, ba cinkwan bu baco baa sen tswen be tsayi wa dan aji numi. Ki byebe m ndi pan afa wa ya ki bye bazhenzai Yahudawa. M ya ki Dimashika ki cin waa m ya tse baa ki byeri bi ki Urushalima jiji be natenbe. ⁶ "M ci fin kyon na dzubye ba Dimashika numa dede waa anyunu ki yoba bwa numa. Mwamwa numa m mbyà bye wa yafan jinni wa kagben dzu wa ki don bi ge shukwami shon dzun, ⁷ dami ta jinni, m kana fo akyu danra, ’Shawulu, Shawulu, akake tsari una ri tsa cimi numa?’ ⁸ Ami du, m zen nde danra, ’Au kani waji Cindomi?’ Aku kà danra, ’Cimi, Yesu wa ki Nazarati waa una tsa ciku ra.’ ⁹ Abe bajo kyonmi mbyà bye wa yafan jinni waji ranu, ama be fobe akyu wana dan yimi aji raba. ¹⁰ Ci numa ra m danra, ’Too, m tsanini Cindo?’ Aku Cindomi shon wea danra m do don ki jinni, m kaya ki finka Dimashika. Ki bye waji beri bi dan yimi abu baa mri bi tsa. ¹¹ Waa m mbyà kami bye ba, ki cin bye wa yafan jinni wa kagben ra, abe bajo kyonmi gbemi agà ri ki nyaco, a ndemi kaya ki finka Dimashika. ¹² Apa dzun ki tiri ki Dimashika azen’a danra Hana niya, ku ci apa wa wa Cidon ki bye nyaco bu adòn bu Musa, abe Yahudawa baa ki bye waji na nya son’a numa. ¹³ Ku bi pantse dzubye bami. Ku dan yimi danra, ’Nwuzami Shawulu, azo wa mbyà byeu ku kasen biu yo.’ Ki bye waji mwamwa numa àgyo zomi kasen bi, m wezo mbyàku, ¹⁴ Ku danra, ’Cidon bu bayakui ceu ri jiji u yì mikyin’a, ú mbyà apa wajinderi ra, jiji ukà fo aji ki nua. ¹⁵ Ki cin waa au ci apa wa dan aji nua ki pyen bu pajukun ki cin bu abu waa ù mbyà, ba abu waa ù fo. ¹⁶ Tanma ù ci nari tsa kake kire? Ú do don be tsau batisma. U vo Cidon ki bye zèn bu Yesu, Cidon ribi fan abu wa babau ri yiu.’ ¹⁷ "Waa m kasen bi ki Uru shalima mna ri vo Cidon ki tan wa wa Cidon numa ra se m mbyà zo fyen. ¹⁸ Ki fin zo fyen waji se m mbyà Cindomi, kuna ri dan yimi danra, m pwadzu ki Uru shalima mwamwa numa. Ki cin waa abe pajukun baa ki Uru shalima beri bi zenbe nde ba aji waa uri dan ki cinmi raba. ¹⁹ Ami du m danra ’Cindomi, numa ra, abe pajukun hora ba dibe be yinu danra ko ki fin tan wa fyen aji bu Cidon wani kata, m ndi pan baa zen nde ba aji buu, m ndi dabe, hobe we tan kon. ²⁰ Numa ayo waa be bwan Istifa nus apa wari dan tà yi pajukun ajiu ra, ami ndi ci tiri ki bye waji. M zen nde ba aki waa be bwan Istifanus ra. M kà ndi ciri apa wa ndi na kon tukpa bu baa bwanku’. ²¹ Ci numa ra Cindomi dan yimi danra, m do don ya. Kuri tsonmi ya ki bye wa naco ki fin tsu bu pajukun badati baa cibe Yahudawa ba." ²² Numa bi zan ki bye akyu wakara pajukun gon tson na foku. Ayo waa ku dan numa ra pajukun nyakyin ba gben numa danra, "I bwanku! í ga apa wa kara di ba bye myi. San’a waa ku ci tiri ba cindi ba." ²³ Be foji kyin wana nyanya a nari ven tukpabe, bena do vivi kurududu. ²⁴ Ci numa ra acin bu baa nuken hora dan yi baa nuken danra be ndeku kaya ki fin puken jiji be ya daku kpan, kú dan yibe abu wa hwa hunnu pajukun na nya kyin kwan mu cin’a hwe numa ra. ²⁵ Waa be tse Bulus ju jiji be bi daku akpan ra, ku mbye adzundzun ki fin cin bu baa nuken wa pantse dzubye baku ra danra, "Numa ribi ci coa ki bye adònni waa ní da nwu tswen wa ki Roma akpan avo waa nī ngha foni kwen panku raba?" ²⁶ Waa apa dzun ki fin baa nuken hora fo numa ra, ku dzu da jinni mwamwa numa ya dù acin bu baa nuken hora, a mbyeku dan ra, "Wakara azo ke una tsa kara? Mbyà, nwu wakara ci nwu tswen wa ki Roma." ²⁷ Se a cin bu baa nuken hora bi mbye Bulus danra, "Ú dan yimi aji wajinderi. Ù ci nwu tswen wa ki Roma re?" Bulus zen nde danra, "Ci numa." ²⁸ Aku akù bu baa nuken hora danra, "Keika! Ami bwan abè suu numa hunnu m hun kan nwu tswen wa ki fin jen bu Roma." Bulus dan yiku dan ra, "Bumi, be mbami tsa ìn numa ki fin jen waji." ²⁹ Ki cin wakara numa, abe baa na con be foku kwen ra, mwamwa numa be gbe dibe kasen ba nyaken. Akù bu baa nuken ra ba dia waa ku hwayi numa danra Bulus ci nwu jen bu Roma ra, se azin panku ki cin waa ku kapyen tseku ju ra. ³⁰ Nakyabyea ra, aku akù bu baa nuken ra, kuna con ku yì adà bu Bulus waa abe Yahudawa dan ki cin’a ra. Numa ra ku fenfan Bulus, a dan yi abe avon baa ciho kata kwan ba baco baa sen tswen dan be tsa cinkwan. Ci numa ra ku nde Bulus dzwa bi, a ndeku so pyenbe.

¹ Bulus wezo mbyà cinkwan bu baco baa sen tswen kwan ra. Ku danra, "Ani bazhenza, mna kofyin wa Cidon ba mikyin dzundzun tori numa keke bibi jinna." ² Aku Hananiya wa ci cin bu abe von baa ri tson bu wa Cidon ra, dan yi pajukun baa ci na gon tsòn fo Bulus ra danra, bé daku abu ki nua. ³ Ci numa ra Bulus danra, "Cidon du ribi dau banton. Ù ci zo sansan numa ama mikyin u ci so buru numa. Ù danra uri bi fomi kwen ki bye adòn bu Musa, ama au ba diu una taka adòn waji danra be dami gba re?" ⁴ Pajukun baa pantse don ki go kyekye bu Bulus ra danra, "Agbu! Avon wa ciho bu Cidon tsadzu wa ci kara, uri tsoku ce kpa numa?" ⁵ Bulus dan yibe danra, "Bazhenza, ami yimi danra ku ci cin bu abe von ba, M kà yinu be ta ki fin Afa bu Cidon danra, ’Uká dada dan aji wa baba ki cin bu baco wa ki pyen bu pajukun ba.’" ⁶ Bulus mbyà pajukun hora ci go kyekye pyinna. Akyekye dzun ci Sadukiyawa, go kyekye dzun kà ci Farisawa. Ci numa ra Bulus zen aji nde akyua don ba gben numa ki pyen bu baco baa sen tswen baa kwanna ki jinni ra danra, "Bazhenzami, ami du m ci Farisawa, m ci nwu Farisawa wogbo. Ci numa ra, ki cin waa m yi mikyin wajinderi ki bye wa dodo bu apa ki fin mbi ba cindi ra hwari hunnu nina fomi kwen ra." ⁷ Waa ku dan numa ra ayepye do ki yoba bu abe Fari sawa ba Sadukiyawa. Ki bye wa kara anu bu baco baa sen tswen ki bye cinkwan waji gafan jinni apyinna. ⁸ Ki cin waa abe Sadukiyawa danra dodo ki fin mbi baani, be kà danra bazhen zhen tsōn bu Cidon, ba Denden bàbeni. Ama abe Farisawa yi wajinderi danra abu baakara kata na tiri. ⁹ Numa ra ayepye wa kwakyi wa hwa ndegbe suu numa dò ki fin cinkwanbe. Pajukun badati baa ri fyen dòn bu Musa ki fin Farisawa be do dòn tse don, be sunnu suu numa, Bena ri danra, "Bui ī mbyài bo bu apa wa ci kara ba. Ki cin ke ba, dzun tiri ci aji wajinderi waa Denden, ko nwu tsōn bu Cidon ma dan aji rì baku pà?" ¹⁰ Ayepye waji sepyu kagb en, ri con ku kan ndegbe. Aku akù bu baa nuken ra azin panku danra beri gbe bwan Bulus. Ci numa ra ku yi baa nuken nde danra be dzwa ya, be ya gbe fye Bulus don ki vobe ba gben, be ndeku kaya ki puken. ¹¹ Ki bye fitse waji Cindoi pantse dzubye ba Bulus, a shon wea danra, "Ú gban mikyin. Ci tsadzu waa u dan yi pajukun ajimi wa byen byen ki Urushalima ra, ci numa uri dan yi pajukun baa ki Roma du." ¹² Nakyabyea aponpon Yahudawa badati ho dibe bi kwan ki bye dzundzun ho anube ma dzun, dan aki danra, beri cibe numa anu tswan so, tswan pon, se bema bwan Bulus hunnu be hun ri gban zoza. ¹³ Abe pajukun baa dàn aki wakara, be kagben dipa pyinna. ¹⁴ Numa ra be do don ya du baco baa sen tswen, be danra, "Ī dàn aki dzun wa tutu danra, iri bi ci numa anu tswan so, anu tswan pon, se ima mbyà kwan bu Bulus ki zoi ra hunnu. ¹⁵ Ki cin wakara numa ra, ani kà ba cinkwan bu baco baa sen tswen, ní dan yi akù ken ku ndeku pwadzu bi yini, ci tsadzu niri con ní bà ajia kpasun ya pyen numa. Ai ci ba dimbyá waa jiji í bwanku, kapyen waa ku bi zan byeni." ¹⁶ Ci numa ra nwu shon bu Bulus wa wunu dzun waa nwuzaa wa wuwa mba, fo kyaa aji waji numa, ku dzu da jinni ya puken ya du Bulus shon’a nwuza yoa ho aji waji we jinni numa dan yiku. ¹⁷ Bulus ba apa dzundzun ki fin baco baa nuken hora nde, a dan yiku danra, "Nde nwu mafan wa wunu wakara hwa pyen ya du akù ken. Nwu waji ci ba aji waa kuri ya dan yiku." ¹⁸ Aku baco dzun waji wa ki fin baa nuken hora, nde nwu ra hwa pyen ya du akù ken, ku danra, "Apa waa be panku hwa tan waa zen’a danra Bulus ra bami nde, a vomi danra, m nde nwu wa ci kara bi duu, ki cin waa nwu waji ci ba aji waa kuri bi dan yiu." ¹⁹ Akù bu baa nuken ra, pan avo bu nwu mafan waji, a gbeku ya ki kankan, a mbyeku danra, "Aji ke waa uri con ú dan yimi?" ²⁰ Nwu waji danra, "Abe Yahuda wa ho nube ma dzun jiji bé bi vou u nde Bulus ya yibe ki bye cin kwan bu baco baa sen tswen akyen, ci tsadzu beri con jiji be dón fin aji waji kpasun ya pyen. ²¹ Numa ra úká zen u nde ba. Ki cin waa pajukun kagben dipa pyinna baa ci nari nwe cin’a ki nyaco. Be kapyen dàn aki danra, beri ci numa anu tswan so, nu tswan pon, se bema bwan Bulus ra hunnu. Tanma ra be ci ba dimbyá, be ci na nwe cin waa u zen nde maari vinni." ²² Aku kù bu baa nuken hora dan yi nwu ra danra, ku yaa ri. Kukà nuku don bàvo kwan yo danra, "Ú ká dada pofan nuu dan yi apa dzun danra, ù dan yimi aji waji ba." ²³ Akù bu baa nuken hora ba ho baco pyinna ki fin bu baa nuken, ku danra, "Ní ho baa nuken kwan dzun dipa tswanna ndo pyinna, ba baa ne vin ki pyen bu ken apa dipa tsara kya dzwe, ba baa nwe tso adipa tswanna ndo pyinna, be do ya ki Kaisariya asho tsunyo wa fitse wakara." ²⁴ Kukà dan yibe danra be mbyā vin dzun di waa Bulus ribi ne jiji bé ndeku ya ki pyen bu apa wa sen tswen waa beri baku danra Filikus ra rito numa. ²⁵ Kukà ta afa tebe kiyo. Ki fin afa waji ku danra: ²⁶ "Dzu ki bye Kalaudiya Lisiyas ya ki bye wa ba hwe, akù wa sen tswen Filikus. Mna wa aku ki juweu suu numa. ²⁷ Ki nya ken bu wa ci kara, apa wa ci kara abe Yahudawa pan ku. Dati titi numa beri bwan reku. Ami mwamwa numa, m ho baa nuken ya m gbe fyeku ki vobe don, ki cin waa m fo aji ki cin’a danra ku ci nwu tswen wa ki fin jen bu Roma wa ki kira. ²⁸ Waa m con m fo aji ki nua ki cin adà waa be dan ku dà ra, m ndeku ya ki pyen bu baco baa sen tswen. ²⁹ M fo yì adà waa be nde senku ki cin’a ra ken’a waa be bwanku ko be tseku ki tan ba. ³⁰ Waa be pofan fin aji waji yimi fo danra be manu wa baba ki cin’a ra, mwamwa numa m ndeku tson bi ki juweu. M kà dan yi baa dzwa kwen ra aji danra be ya mà aji yiu ki juweu." ³¹ Ci numa ra baa nuken hora nde Bulus ya ci tsadzu waa akube dan yibe ra. Be ndeku atsunnu ya ki finka Antibatiris. ³² Nakyabyea ponpon baa nuken badati ki finbe baa kyen ba abe hora kasen ya ki puken abe baa ne vin hora nde Bulus kpasun ya ki pyen. ³³ Waa abe baa ne vin ken hora ya zan ki Kaisariya numa, be nde afa ra yi Filikus wa sen tswen, a nde Bulus ya ki byea. ³⁴ Waa ku hwèn aji wa ki bye afa ra, ku mbye Bulus danra, "Ù dzu tswen wa ki bye jen wani bi?" Waa ku fo danra ku dzu ki tswen wa ki Kilikiya bi ra, ³⁵ ku danra, "Se ayo waa baa dzwa kwen u hora ma bi ra hunnu, mri gon tson fo ajiu." Ci numa ra akù wa sen tswen shon juwea danra be ndeku ya tsu ki ndo Hiridus akù waa ajen’a ndi gban nyi ra.

¹ Waa be nde Bulus ya tsa nyunu tswanna Hananiya acin bu abe von hora, ba baco badati kà ba apa wa yi aji kwen dzun waa beri ba zen’a danra Tartulus, bi dzwa kwen bu Bulus ki pyen bu Filikus wa sen tswen. ² Waa be ba Bulus nde bi zan, aku Tartulus apa wa yi aji kwen ra, kà ki bye aji bu adà bu Bulus danra, "Au Filikus wa ci ba hwè kari. ī ci byecu wa nde cin na jinni ki pyen u suu. Ki bye ajiu wa gaya pyen ciri wari mbyāsan byecu bu pajukun’i. ³ Ko kini kata ina zen nde bau, ki bye koke kata waa una tsa, ī kana nya son u, ⁴ Ama ki cin waa uká nì ba, mna vou ki bye wa sansan u, gon tson fo aji wa gon’a kacin bara wakara waa mri zen ra. ⁵ Ī du apa wa ci kara ku ci apa wari tsabai bye, ku kari kà ko kini kata ki fin tswen. Kukà ci baco wari dzo pajukun baa beri babe danra Naziri ra gben. ⁶ Ku nga ku tsaba atan wa wa Cidon. Ai ī panku ba mikyin waa í natenku ki bye nyaco bu adòn bui. ⁷ Ama aku akù bu baa nuken Lisiyas, ku bi gbe fyeku don ki voi ba gben. ⁸ Ku danra ai baa dzwa kwen’a ra í bi ki pyen u. Au uma fo ndea ba diu uri bi tsayi wa hwayi wajinderi ki nua kata ki cin abu baa be dzwa kwen’a kiyo ra." ⁹ Abe Yahudawa zen nde ba aji waji numa, be danra ci aji wajinderi aji waji ci numa. ¹⁰ Waa akù wa sen tswen tsa Bulus vo aji ku do don ku dan ajia ra numa, ku nde nua don danra, "M yinu u nde jū suu numa una ri fo pajukun hora kwen. Ki cin wakara mri nde ajimi bi ki bye mikyin wa sansan. ¹¹ Au ba diu u tsayi wa yinu danra nwā dzua anyunu dzwe nwā pyinna ba, waa m ya ki Urushalima ya wa Cidon. ¹² Be mbyà fobemi tsa abu dzun wa ci ayepye ba apa dzun fo raba. M hwami ndegbe wa gafan pajukun ki tan wa wa Cidon fo raba, ko ki tan wa fyen aji bu Cidon, ko ki finka. ¹³ Be kari bi tà kabe yimi ajinderi byenbyen numa abu waa be dzwa kwenmi ki cin’a raba. ¹⁴ Ama m zen nde danra ki bye nyaco waa beri baku danra, ’Nyaco bu adà,’ ki bye nyaco waji mna wa Cidon bu bayakui, m kana yi wajinderi kata ki bye abu waa adòn bu Musa dan, ba afa bu baa da dòn bu aji bu Cidon. ¹⁵ M nde mikyinmi so di bu Cidon ci tsadzu waa abe baa na kara du ho mikyinbe so numa danra, Cidon ribi do baa huhu ki bye mbi, abe baa sansan, ba baa baba kata. ¹⁶ Ki cin wa ci kara numa ko dede wani kata mna nga m ci ba mikyin wa san san ki bye Cidon kà ba pajukun. ¹⁷ "M ndi gadi ba Urushalima zan ju suu numa, ama ki nyaken wakara m kasen ya jiji m nde avo waa pajukun baa bà Yesu kwan yimi jiji m nde ya yi abe tsumi. M kaya fon Cidon. ¹⁸ M̀ ci fin wana tsa numa be ya dumi, ki nyaken waa m mbyāsan mikyin mi ki fin tan wa wa Cidon. Ayo waji abi bu pajukun baa bà Ci don baani kiyo. ¹⁹ Abe ciri baa fye kari be bi ki pyen u, be dzwa kwenmi, in bema ci ba aji dzun bami. ²⁰ Ko ma cia numa ba, abe apa baa ci kara bé dan adàmi waa be dumi baku ayo waa m pantse pyen bu baco baa sen tswen ra. ²¹ Ci aji dzundzun vinni waa m dan ayo waa m pantse pyenbe. M nde kyumi ki don ba gben numa danra, ’Jinna nina ri fomi kwen ki cin waa m yi wajinderi danra Cidon ri do baa huhu ki fin mbi.’" ²² Aku Filikus ku ci apa wa ci ba ayì suu ki cin bu nyaco bu Yesu Kiristi. Ci numa ra ku dan yibe danra kuri fan kwen ra jinni se anyunu waa akù bu baa nuken Lisiyas ma bi ra ahunnu ku bi ge kwen waji. ²³ Wa sen tswen ra dan yi cin bu baa nuken ra danra ku kon Bulus sansan, kúkà hwi cicia, kuká kān pajukun bandoa sho waa be bi tsa zakuyo ba. ²⁴ Du anyunu pyinna numa Filikus ba awaa Durosila wa ci nwu Yahudawa ra bi. Ku tson tson danra jiji be nde Bulus bi. Ci numa Filikus ba awaa zen nde gon tson foku ki bye aji waa ku yi wajinderi danra Yesu ciri Kiristi ra. ²⁵ Bulus na dan tà yiku cinna bu aji abu waa pajukun be tsa hunnu be ci pajukun baa san san. Kukà dan aji ki cin anyunu wa nàtenten wari bi ra. Ci numa ra aji waji yi adi bu Filikus von von, ku nde nua don danra, "Tanma ú kasen yau ri. Mma du nyaco ra, m kari mbyā bau nde." ²⁶ Ku dan numa ra ki cin waa kuri ga danra dzun tiri ba, Bulus ribi dzoku vo ndu, ciri abu wa hwa kuna ri ba Bulus nde nari baku nari vya ce ra hun, ²⁷ Ki nyaken bu aju pyinna Burkiyas Fastas bi za tson bu Filikus. Ki cin waa Filikus na con ku san mikyin bu Yahudawa ra ku fan Bulus tsu ci tan ku ndea ku pwa dzu ba.

¹ Waa aku Fastas ya zan ki bye ajen waji zan fè byecen numa ku do ki Kaisariya a ya ki Urushalima. ² Numa ra abe von baa ciho ba abe baco Yahudawa be nde kwen bu Bulus ya ki byea, aka voku ³ danra ku tsa sanbe, kú tsontson ya jiji be nde Bulus bi ki Urushalima, abe kwaa be kapyen na nwe cin bu Bulus ki nyaco waa kuma ribi ra be bwanku. ⁴ Ama aku Fastas zenbe nde danra, "Bulus tsè ci tiri ki Kaisariya. Ami ba dimi m ci ba dimbyá wa ya bye waji ki pyen kire." ⁵ Ku danra, "Ki cin wakara numa baco badati ki fin ni, bé bami kyen dzun ya. Bulus ma ci ba adà dzun be dzwa kwen’a." ⁶ Fastas babe ci dzun ki Uru shalima nwādzua anyunu tsuntsa ko adzwe ba, ku ya ki Kaisariya. Nakyabyea ku nda wea tu ki bye adudu bu mà wa fo kwen. Ku danra be nde Bulus bi. ⁷ Waa Bulus bi numa ra, abe Yahudawa baa ki Urushalima bi ge shukwaku jinni, bena foji aboa wa dzwadzwa ba tswi aji badati suu numa baa ci ba gben ki cin’a, Kwan ba ajibe wa hwea hwea numa be zen ki cin’a ra wadzun wa tà danra ci aji wajinderi baani. ⁸ Ama Bulus nde nua don danra, "Ami dàmi abu dzun ki bye adòn bu Yahudawa, ki bye atan wa wa Cidon, ko ki dn bu Kaisar wa sen tswen ba, ko titi." ⁹ Fastas wa sen tswen ki cin waa jiji ku tsa vya Yahudawa hwanbe yo, ku mbye Bulus danra, "Ko uri zen nde u ya ki Urushali-ma jiji be ya fou kwen ki byeri ki ein bu abu baa d kara ki pyenmi?" ¹⁰ Ama Bulus danra, "Ami pantse don ki tan kwen bu Kaisar ki kara, abye wa fye kari waa be fomi kwen kiyo, au ba diu u yìnu danra m dàmi Yahudawa aji dzun ba. ¹¹ Too, mma ci apa wa da ajikù wadzun wa ken waa be bwanmi, mri zinmi zin waa be bwanmi ba. Ama aji wajinderi dzun ma baani ki fin kwen waa be dzwami ra, apa dzun wari tsaka waa ku ndemi yibe ki cin waa ku tsa vyabe mikyin baani. Mna nya nyaco wa gbe nwe kwenmi ya ki pyen bu Kaisar." ¹² Ki nyaken waa Fastas gen ce ba abe baco bandoa numa, ku zen nde danra, "Una con be nde kwen u ya ki pyen bu Kaisar! Ki pyen bu Kaisar kwaa iri ndeu ya." ¹³ Tsa anyunu pyinna numa se Agaribas wa na akù ba Barniki bi ki Kaisariya jiji be bi ca Fastas. ¹⁴ Waa be ci bye waji zan anyunu suu numa ra, Fastas dan yi akù aji ki cin bu Bulus danra, "Apa dzun ki tiri waa Filikus panku sa so tiri ki jinni. ¹⁵ Ayo waa m ci tiri ki Urushalima ra abe von baa ciho kwan ba abe baco bu Yahudawa be nde kwen’a bi ki byemi, akà vomi danra jiji m natenku. ¹⁶ M dan yibe danra wakara cia nyaco waa abe Roma ri tsa abu kiyo numa ba, waa be natenku kapyen hun nu ku shon zo ba baa dzwaku kwen ra azo ba azo ba. Ama kuri kapyen shon zo babe azo ba azo, ku du nyaco waa ku dan pen dia ki bye kwen. ¹⁷ Ki cin wakara numa, waa be bi kire ki bye dzundzun ra, m jamdi ba, nakyabyea mwamwa numa m ya tu ki cin adudu bu amà wa fo kwen. M dan yibe danra be nde apa waji bi ki pyen bu kwen. ¹⁸ Abe baa dzwaku kwen hora do don pantse don. Ama be danbe aji dzun wa baba ki cin’a tsadzu waa mna ga danra beri dan raba. ¹⁹ Se tswi aji badati bu nyaco bu Cidonbe wa bàba waa be ge sen ku ki cin, kà ba aji ki cin bu apa dzun wé Yesu wa hu, ama Bulus kà danra ku ci tiri ba cindi. ²⁰ Ami m nyani ba cinna bu aji waji waa m fon fin’a. Ci numa ra m mbye Bulus danra ko kuri zen nde jiji ku ya ki Urushalima jiji be ya foku kwen ki byeri ki cin bu aji baakara re. ²¹ Ama Bulus danra be fan kwen waji jinni, se Kaisar Augustus ku fo aji waji. Ci numa ra, m dan yibe danra be ndeku tsu tan kapyen waa mri bi ndeku tson ya ki pyen bu Kaisar." ²² Agaribas dan yi Fastas danra, "Ami du, mri con m fo nde bu apa waji ba dimi." Fastas dan yiku danra, "Akyen uri bi foku." ²³ Nakyabyea akù Agaribas ba Barniki te kyon bu tsòn numa kaya ki sukpa bye waa baco baa sen tswen, ba baco baa nuken, kà ba abe baco baa ci zo tswen hora kwan nayo ra. Se Fastas yi nde danra, be nde Bulus kabi. ²⁴ Fastas danra, "Au akù Agari bas, ba pajukun baa bai kwanna kire ki dzun ra, ní wezo ní mbyà apa wa ci kara waa abi bu Yahudawa kata nde kwen’a bi ki pyenmi ki Urushalima, ba kire du. Bena ri nyakyin danra, san’a waa be fan apa wa ci kara ba cindi ba. ²⁵ Ama ami ba dimi m wezo m mbyàmi abu waa apa wakara dà wa ken waa be bwan ku ba. Avo waa ku nya nyaco ba dia danra be gbe nwe kwen’a ya ki bye Augustus Kaisar ra, ami du m zen nde ki fin mikyinmi m ndeku tson ya byea. ²⁶ Ama m mbyàmi abu dzun waa m nde vo pan yo, m nde tà yi cindomi ki cin aji wakara ba. Ki cin wakara numa m ndeku bi ki pyenni, kà ki pyen u, au akù Agaribas, ki cin waa ki nyaken waa ima fon fin bu ajia ra, dzun tiri ba, mri bi du abu dzun waa m ta aji ki cin’a. ²⁷ Ki cin waa ki bye wa mbyà mbyâ bumi cia coa ba, waa be nde apa wa da aji tson ya, ama be tābe tswi adà baaji baa ku dà hunnu be tseku raba."

¹ Ágaribas dan yi Bulus danra, "Tanma ra, u ci ba nyaco waa u zen aji." Numa ra Bulus jo nwo wa zen aji na tsa voa ki don danra, ² "Au akù Agaribas, ci ken m dan Cidon bami ci dzun, ki cin waa m ci pyen u tanma jiji m dan yiu aji jinna ki cin akwen waa abe Yahudawa dzwami. ³ Ki cin waa ù ci apa wa tsa yì, ùkà yì tswi nyaco bu yakubada babe nu suu numa. Ki cin wakara mna vou u gbagba u gban mikyin gon tson fomi. ⁴ "Tswi byecu waa m ndi ci avo ba nwutishe dzu bi kapyen ki fin tsumi kà ba ki finka Urushalima bibi jinna, ko Yahudawa wani kata yìmi nu. ⁵ Be yìnu avo ndi kapyen, in bema con be dan aji bu Cidon, avo ndi kapyen m ci fin abi bu Yahudawa baa ri bà nyaco bu Cidon ba gben kari kata, baa beri babe danra Fari sawa hora. ⁶ Ki cin waa m nde mikyinmi so ki cin nuge waa Ata Cidon ndi ge ba bayakui ra, ki cin wakara bena ri fomi kwen tanma. ⁷ Anuge waji hwari nwo tsui dzwe nwa pyinna kata ho mikyinbe so bye wa wa Cidon anyutu ba fitse. Be ho mikyinbe so jiji be mbyà zen mumu bu nuge waji. Ki bye mikyin wa soso wakara hwa Yahudawa nari dzwami kwen, Abagaidu! ⁸ Ani Yahudawa ake tsari nī nghani wa yi wajinderi danra, Cidon ri do pajukun baa huhu ki bye mbi? ⁹ "Too, ami ba dimi andi gbo gbo ki byemi ci tsadzu ci ken m tsa koke kata wari sinni zen bu Yesu apa wa ki Nazarati. ¹⁰ M tsa numa ki Urushalima. M du nyaco ki bye bu abe von baa ciho. M ho pajukun baa bà Ci don suu numa tsu tan. Ayo waa bema ri bwanbe ami zen nde danra be hu. ¹¹ M tabe fyin ko ki tan wa fyen abu wani kata. M ndi nari nga jiji m yibe fan wajinderibē bè jinni. Kyinna hwa yimi tabe fyin pwadzu kà yaya ki fin tswen bu tsu pajukun badati. ¹² "Ki bye wa ci kara numa mna ri ya ki Dimashika ba nde zen bu abe von baa ciho, ba atson wa tsontson be. ¹³ Abagai-du, waa anyunu zan yobaba numa m ki nyaco, m mbyà abye wa yafan jinni dzun wa dzu wa ki hwadon bi byemi. Abye waji yafan jinni kā anyunu ri. Ku ya fan jinni shukwami shon dzun kwan ba abe bajo kyonmi kata. ¹⁴ Waa ī dzu we jinni, m fo akyu dzu wa ki hwadon bi na zen aji bami ki nu Yahudawa danra, ’Shawulu, Shawulu, akake tsari una tsa cimi numa? Uri con ú nde cin u mbà bami? Ajé wa nwā ci bye myi ma ri tsu, kuri ten dia fó azota!’ ¹⁵ Se m mbyeku danra, ’Au kani waji, Cindomi?’ Aku Cindomi zen nde danra, ’Ami ciri Yesu waa una tsa cimi ra. ¹⁶ Ama ú do don, ú pantse don. Ami tà dimi ki byeu numa jiji m ndeu so apa wa kofyin bumi, ú kà ci apa wa da dòn bu abu baa u mbyà ki byemi jinna ra. Kà ba abu waa mri bi tà yiu ki pyen. ¹⁷ Mri nwàdzuu ki vo bu abe Yahudawa kà ba tsu badati baa mri bi tson u ya ki pyenbe. ¹⁸ Ki cin waa ú ya pofanbe zo wa mbyà bye jiji be pwadzu ki fin afitse bi ki bye wa yafan jinni, be dzu ki vo bu Shetan kasen bi ki vo bu Cidon, jiji m fan abu wa bababe yibe, jiji be ji ndo waa Cidon ce so jiji bu baa ci ba mikyin wa nyenye ki cin waa be zen nde ba ajimi ra.’ ¹⁹ "Ki cin wakara numa Abagaidu Agaribas m nghami wa nde cin na jinni yi zo fyen waa m mbyà dzu don bi raba. ²⁰ M kapyen dan aji bu Cidon yi pajukun baa ki Dimashika, kà ba baa ki Urushalima, kā pukan numa bi ki bye jen bu Yahudawa kata, numa kà ba abe tsu pajukun badati. M ndi dan yibe danra, ’Ní fan abu wa babani waa nina tsa ra jinni, ní pukan bi bye Cidon, nikà tsa abu baa ri tà danra nī pukan bi ra ki bye Cidon ajinderi.’ ²¹ Aji wakara numa hwari hunnu abe Yahuda wa panmi ki tan wa wa Cidon, Numa ra bena nya jiji be bwan mi. ²² Ama m du wa tsazaza ki bye Cidon m pantse ki pyenni ani baco baa sen tswen ba baci na zen aji waji na yini kara. Mna danmi aji dzun ken ba, se abu baa baa da dòn ndi dan, ba Musa avo ndi gbogbo ²³ danra ci ken apa waa Cidon tsonku bi ra, ku wa fyin, kúkà tà yi Yahudawa ba tsu badati bye wa yafan jinni wa nwàdzu pa, ki bye waa kuri bi ciri apa wa do don kapyen pwadzu ki shi mbi ra." ²⁴ Bulus ki fin ajia wana zen zen numa, Fastas nde kyua ki don ba gben numa danra, "Bulus uri kyakya dzun! Ayì bu afa waa ù yì suu numa ra hwa yi cin u vyin pukan jinni ra." ²⁵ Ama Bulus danra, "Abagaidu Fastas, acinmi vyin pukan’a ki jinni rì ba. M kò nwomi ki jinni numa hunnu mna zen aji wajinderi na yiu. ²⁶ Abu baakara kata ci abu baa ki fin tata vo bu akù. Mna dan aji baaji ba gben mikyinmi kata, ki cin waa m yi wajinderi danra abu dzun waa ku yia kiyo ba, baani ki cin abu baa ci kara. Ki cin waa abu wa kara cia abu waa be tsaku yuyu ba. ²⁷ Abagaidu, Agaribas ù zen nde ba abe pajukun baa da dòn bu Cidon? M yinu danra u zen nde numa." ²⁸ Akù Agaribas mbye Bulus danra, "Ki bye aji wa titi wakara una pya u pukan mi m kan apa wa bà Yesu?" ²⁹ Bulus danra, "Ko ki bye wa titi wakara, ko ki bye wa hwèhwè mna pya Cidon danra, bà au dzundzun u vinni ba, ama kwan ba pajukun baa na gon tson fomi jinna ra kata be ci tsadzu waa m ci ra, ama aji bu akān wa we apa baani kiyo." ³⁰ Waa Bulus dan numa ra se akù do don kwan ba wa sen tswen ba Barniki, ba baa tuci na byeri babe ra kata. ³¹ Ki nyaken waa be pwadzu ya kwan bye dzun ki kankan, be gen ce ba dibe danra, "Apa wa ci kara dàa aji dzun wa ken waa be bwanku kó be tsèku ki tan kon ba." ³² Akù Agaribas dan yi Fastas danra, "Apa wakara ri kyan ri du wa nwàdzudzu kuri ma kyan ndea kwen’a ya pyen bu Kaisar raba, ci kara iri fanku jinni."

¹ Waa be mbyāi di wa do kyon ki bye akò wa ki jape ya ki jen bu Italiya numa ra, se be nde Bulus ba pajukun badati baa be panbe we tan hobe kwa baco bu baa nuken dzun ki vo, azen’a danra Yuliya. Ku ki fin abi bu baa nuken bu Augustus. ² Ī kà kò dzun wa dzu ki Ada ramatiya wa mbyā vinni adi kyon wa ya ki tswen badati baa na nu gobi bu Asiya. Ai kapyen ri do. Aristakus apa wa ki Tasalonika ki fin jen bu Makidoniya bai kyen dzun ya. ³ Nakyabyea ra ī ya zan ki Sidon. Aku baco bu baa nuken waa beri baku danra Yuliya ra, ku tsa Bulus abu wa sansan. Ku fanku nyaco waa ku ya mbyà bajoa jiji bekà tsazaku yo. ⁴ Waa ī do ki Sidon ki bye akò wa ki jape numa keke ī ya za pukan ki nyaken bu tswì bu Kuburus ki cin waa awo nari nga di bai nari gbei kasen. ⁵ Waa ī bi dzubye ba jen bu Kilikiya ba Bamfiliya numa, ī gbekyan teku ya zan ki Mira ki fin jen bu Likiya. ⁶ Ki bye waji aku baco bu baa nuken hora du akò dzun wa dzu Iskandariya ri ya ki jen bu Italiya. Ku hoi kà ki fin akò waji. ⁷ I kyen na nyaco anyunu suu numa. Ina ri kyenkyon titi titi titi numa ba fyin. ī kyen ya na dzu bye ba finka dzun waa beri baku danra Nidas. Awo kanden’i wa yaya ki pyen. Ci numa ra, ī kà ya za pukan ki nyaken bu tswì bu Karita dzubye ba Salome, ⁸ Ina bà ridan numa ki kyi nu gobi ba fyin suu numa. ī ya zan ki bye dzun waa beri baku dan ra, Abye wa Sansan wa yu yuyu ci dzubye ba finka waa beri baku danra Lasiya. ⁹ Ī kapyen mba anyunu hwe hwe numa ki bye akyon waa ina kyen ra ra. Akyon waji kan kyon bu fyin ki cin waa ayo waji ci ayo waa Yahudawa ri sennu. Ayo wa sennu waji nwādzu ya numa Bulus nube dòn danra, ¹⁰ "Ani bando, m mbyà kyon wa ci kara kan akyon bu abo, ba mikyin wa pepe suu numa. Bà ki cin tswén’i, ba akòi maari vinni ba, ama cindi bu pajukun badati ki fin’i du ribi jan." ¹¹ Ama aku baco bu baa nuken ra, hwaa ce waa Bulus na nube dòn raba. Kuna ri gon tson fo aji bu baa ya kò hora, ba wa sen akò waji vinni. ¹² Ki cin waa abye wa yuyu waji cia abye wa sansan waa be ci byeri pan adinu ba, ci numa ra se badati baa hwe kari gen ce danra, ribi san kari í do don kire, ko ma tsanini ba, i ya zan ki bye dzun waa beri baku danra Fini kas, abye wa kà gugu tswì bu Karita. Abye waji ci tswa zén ba bye nyuzota wa nde ya ki mudu, ba anyuzota wa nde ya ki rike. Beri con be tsa adinu ki bye waji. ¹³ Waa awo nari sa dzu wa ki rike nabi titi titi titi numa ra, bena so danra, abu waa beri nya ra, be du ra. Ci numa ra se be gbē ho asho waa beri tsè kò kiyo ra we ya fin kò, be bà dzu kyi nu gobi bu tswì bu Karita ki nu gobia kpakpa numa. ¹⁴ Cifo titi numa awo dzun do bi ba gben numa, awo waji beri baku dan Yurokilidon do dzu bye tswì waji. ¹⁵ Waa awo waji bi da akò waji ra, akò ya kaa ki pyen riba. Numa ra ī fan akò jinni awo gbeku foji wana yaya. ¹⁶ Ī ya dzu ki bye nwu tswì dzun waa beri baku danra Kalauda, ī du abye wa nde cin gon yo. ī wa fyin ki bye waji suu ayo waa ī du co wa tse nwo koi wa titi ra. ¹⁷ Ki nya ken wakara be gbeku bi ki cin bu akò wa ciho ra. Ci numa ra, be pwa hwan be tse ju ki nwo kò wa ciho ra ndeku sa jinni jiji be panku gben kwan yo. Ki cin waa bena we bonban waa awo ra kúká ndebe ya ne cin von waa beri baku danra Sirtis raba. Be kodzu tswén badati baa ri tsa zabe yo waa akò ku kyenkyon we jinni. Be yi akò waji nari kyen’a numa ri. ¹⁸ Ki cin waa awo waji yibe na tā birika ki cin jape suu. Nakyabyea numa be jo nwo wana ho tswénbe ki fin kò na nyaya jape, ¹⁹ Na fè byecen numa abe ba dibe, be ho tswén wari tsa butso bu akò waji foji wana nyanya ki hun ki fin jape. ²⁰ Ī na anyunu suu numa azoi mbyàa anyunu ki don ba, ko atswí du, awo ra pan wana dai numa. Wa kara hwa mikyin’i gedzu ī danra iri nwàdzui ba. ²¹ Be nde anyunu suu numa be na mbo. Ci numa ra Bulus do don pantse don ki yobababe danra, "Ani pajukun, ci kara nima fo ndemi, iri ndi doi ki tswì bu Karita í bi kà fín fyìn ba mikyin wa pepe, ba tswén’i baa jan bá jinni raba. ²² Tanma ra m kà nari nuni dòn, ní gban mikyin, apa dzun wari bi nyani dn dia ki finni baani, se akò ba dia vinni. ²³ Ki cin waa ki fin tsu wa kyabye ana ra, nwutsōn bu Cidonmi waa m ci bua ra, bi pan tse dzubye bami. ²⁴ Ku danra, ’Uká zin u zin ba, Bulus. Ci ken ú pan tse pyen bu Kaisar wa sen tswen. Ki cin wakara Cidon zen nde yiu kwan ba abe bajo kyon u kata jiji be nwàdzu.’ ²⁵ Ki cin wakara numa ní ci ba mikyin gben, bando, ki cin waa m yi wajinderi danra aji waa Ata Cidon shon wea yimi ra, ribi tsa numa. ²⁶ Ama ci ken awo ri ndei ya dá bye tswì dzun hunnu." ²⁷ Ki bye afitse bu anyunu wa kwan dzwe nwa nyena, awo nari tei foji wa yaya ki teku waa beri baku danra Adariya ra. Waa atsu mbagago numa, abe baa kyan kò hora bena ga danra, ī bi dzubye ba ajen ra. ²⁸ Numa ra be mba dzòn bu jape waji. Abye waji ci agò didzun. Waa be kà kpasun ya pyen titi numa, be kà mbyā mba, be du dzòn’a zan gò dzwe nwa tswanna. ²⁹ Ki cin waa bena zinzin waa beká ya dá bye aban ba, numa ra be fan asho wa tse nwo kò kwan dzun nyena weya ki nwo jan ki jinni ki nya ken bu akò waji, bekà vo Cidon jiji bye kú kyà. ³⁰ Abe baa ya akò waji nari nga jiji be she sho. Bena ri tà yi baa ki fin akò ra ci tsadzu beri con be nde àshó dzun wa tse nwo kò we ki fin kò. Ci numa ra, be nde akò wa titi dzwa ya ki fin jape. ³¹ Ci numa ra Bulus dan yi baco bu baa nuken hora danra, "Apa baa ya akò ra bema pantse bé ki fín akò ba, nyaco waa iri tsa í nwàdzu baani." ³² Numa ra abe baa nuken hora be gekyu jù bu akò wa titi ra, fanku jinni ku bà kye jape ya. ³³ Ayo waa bye na nga wa kya kya numa, Bulus na dan yibe dan-ra, "San kari ní ji buju tanma, ki cin waa anyunu dzwe nwà nyena baa nwādzu ra nī cini anuni tswan so, tswan pon azota numa, nikà ci fin bonban wa wewe, nī nde kani buju dzun numa ji nuni ba. Ki cin wakara numa ní go zoza M nuni ki cin wa rìtoni. ³⁴ Ki cin waa ki finni kata, apa dzun waa ngyi jin wa ki cin’a ribi jan baani." ³⁵ Waa ku dan numa ra, ku nde agan bu borodi, ku she ashi bu Cidon M pyenbe kata. Ki nyaken wakarà ku koken gafanku gafanku. Ku ka pyen ji. ³⁶ numa ra mikyinbe kasen bi dibe. Abe du, be pan buju wa jiji. ³⁷ Ai pajukun baa ki fin kò waji katai kata ī zan pajukun adipa tswanna ndo pyin na, ba dipa tsara kyadzwe nwa shizhen. ³⁸ Waa be ji buju zezu gan numa ra, be kà kodzu ndà bu tswén wa ki fin kò waji kasen ki bye waa bena ri ho aza badati na nyaya ki fin jape ra. ³⁹ Waa abye kya ra, be hwa yibe ajen waji waa be kiyo raba. Ama be mbyà san bye gugu wa ci bá gobi waa avōn ci yo. Numa ra, se be gen ce ba dibe danra, ko bi san kari be nde kò ra ya bà ki bye avōn waji re. ⁴⁰ Ci numa ra se be gbekyu aju bu asho baa tse akò baa be kyan ho weya jape ra kata, be fanbe ki jape bye waji. Bekà fenfaiì aju waa be tse ki hwan bu akò ra. Ki nyàken wakara be ho akpa waa beri fan ki don ki pyen bu akò awo ri tsazaku yo kuri kyenkyon mwamwa ki bye gobi bu avon waji. ⁴¹ Ama waa ī kyen ya zan ki bye waa akye bu jape shon kiyo numa ra, akò waji ya né cin von. Mupyen bu akò waji pantse jinni, ku nde kaa di riba. Agben bu jape wana ri nà me ra jo nwo wana ri da gbàn nwo kò waji. ⁴² Numa ra, abe baa nuken bena con be bwan ho purusuna baa be pan we tan hora. Ki cin waa beká pen dzu we jape, be wo yà bà bye von, be nwàdzu ba. ⁴³ Ama aku kù bu baa nuken hora waa kuna con wa nwàdzu Bulus ku hwaden abu waa baa nuken na con be tsa ra numa, ku yi nde danra kata apa wama wo yi jan, ku kapyen dzu ta fin jape, ku wo ya bà ki nu gobi. ⁴⁴ Badati bé pan hin bu akò ra, badati bé pan tswén badati. Ci numa ra ai kata kyan ya zan ki nu gobi rito numa.

¹ Ki nyaken waa ī wo nwà dzu ra hunnu ī hun yì zen bù tswì waji. Bèri baku danra Malita. ² Pajukun baa ki tswen waji be pan’i vo pyihna sansan numa cia wa dandan ba. Adzundzun ki fin abu baa san san suu numa waa be tsai ciri be tui pyu yo, jiji í vye, Ki cin waa acu nari tā awo kana tai du. Be pan’i ba mikyin dzundzun tori numa. ³ Ayo waa Bulus ya fyikan kyehin be mikyin’a bi be ki bye pyu numa, agwa dzun pwadzu ki fin ahin waji ayo waa apyu na nyanya kaku ki di ra. Ku dzwan Bulus nyi ki vo. ⁴ Abe pajukun baa ki jen waji waa be mbyà anyo ra dzwan bà Bulus nyi ki vo numa ra, be gen ce ba dibe danra, "Ci ken apa wa ci kara ci apa wa bwan apa. Kwan ba waa ku pwadzu ki bye fyin bu jape ra, ní mbyà vokwin bu abu wa babaa foji wana baku bàba, se kuma hu." ⁵ Bulus ven nyo waji nyaya ki fin pyu. Abu dzun tsaa ku ba. ⁶ Abe apa hora nari ga danra abye waa anyo ra dzwan Bulus nyi kiyo ra ribi mumu. Ko kuri bi dzu ta jinni dzwa dzun dzun numa ri huhu, Ama be ci, nde ci, be mbyà abu dzun tsaa Bulus ba. Ci numa ra be dan pukan aji danra, "Ku ci bakindo dzun." ⁷ Ci dzubye ba abye waji numa ada dzun ci kiyo. Ada waji ci abu akù Babiliyas wa sen tswì waji. Ku hoi ya kà kyon ki ndo tson’a, ku pan’i ba mikyin wa mbumbu, ī na ndoa zan anyunu tsara. ⁸ Ata bu akù Babiliyas wa sen tswen awo daaku ta jinni. Ku kana she bye hwán ba asa. Se Bulus kaya ki byea, a ya dzwa nde, a nde vo senku ki di, ku gban ki bye ado waji. ⁹ Waa ku tsa numa ra, se abe baa ci ba ado ki bye atswì waji be tswa tswi foji wana bibi ki bye Bulus. Kuna ri nwàdzube. ¹⁰ Be vyon’i abu badati suu numa waa jiji í mbyā di kyon kiyo ki fin kò. Be foji abu waa ima con kata wa kwan hona yii yiyi. ¹¹ Ki nyaken bu ason tsara tsa nwādzu numa ī do kyon ki bye tswì waji ki bye akò dzun wa dzu ki Iskandariya, wa tsa adinu ki bye tswì waji. Be tsa àmà dzun ki di bu akò waji ba azén bu bazhenzhen kutswen bawunu. ¹² Ī bi zan ki bye dzun waa beri baku danra Sirakusa. Ī nde na jinni ki bye waji zan anyunu tsara. ¹³ Ī do ki bye waji ī ya za pukan ki rigiyum. Waa ī ya na yo numa ra, awo do dzu wa ki rike bi. Nakyabyea ī ya zan ki finka dzun waa beri baku danra Butiyoli. ¹⁴ ī ya du bazhenza badati ki bye waji. Be voi danra í gbagba í babe na jinni ki bye waji zan anyunu tsupyen. ī do ki byeri kyen ba abē numa ya zan ki Roma. ¹⁵ Waa bazhenza baa ki Roma fo dii numa ra, be bi shon’i ki nyaco ki ti dzun waa beri baku danra Abiya. Badati kà bi dui ki bye dzun waa beri baku danra Apu kyòn kwan dzun tsara. Waa Bulus shon zén babe numa ku nya son bu Cidon, numa ra kukà du gbendi ayo waji. ¹⁶ Waa ī ya zan ki Roma numa, be zen nde yi Bulus ku ya kà kyon ki dzun ba apa wa nuken dzun wari konku ra. ¹⁷ Ki nyaken bu anyunu tsara Bulus ba kwan abe baco bu Yahudawa baa ki finka waji. Waa be bi kwan cin numa, ku dan yibe danra, "Bazhenza, ami m dàmi pajukun aji ba, ko ki bye nyaco bu bayakui. Kwan ba wa kara numa be tsemi ki Urushali-ma, ndemi bi yi baa ki Roma. ¹⁸ Be mbyemi aji, ki nyaken wa kara bena con be fanmi jinni ki cin waa be dube mi ba ada wa ken waa be bwanmi ba. ¹⁹ Ama abe Yahudawa ngha aji bàbe ki cin. Numa ci ken ki byemi m gbe do kwenmi don bi ki pyen bu Kaisar, bà ki cin waa mna dzwa kwen bu Yahudawa bazhenzami ba. ²⁰ Ābu wa tsa m nya nyaco ba honi kwan dzun ra, ki cin waa be wemi kan ra ki cin waa mna yi wajinderi ki bye apa waa ai bazhenzhen Isra’ila ho zoi so nyaco na ge cin’a waa Cidon tsonku bi ra ra." ²¹ Abe baco hora pofan nube danra, "Ai, ī dui afa dzun wa dzu ki Yahudiya bi ki cin u ba. Apa dzun kà dzua ki bye waji bi jiji ku dan yii aji dzun ki cin u ba, ko ku dan tswi aji dzun wa baba, ī fo foi wakara fo raba, ²² Ama ina con í fo ki nuu, ú dan yii abu wa ki mikyin u, Ki cin waa ma ki cin nyaco wakara, ī yinu ko kini kata beri zen tsaba tswi nyaco waa au dzu ki fin’a ra." ²³ Be ge anyunu yi Bulus waa beri kasen bi ki byea. waa anyunu waji tsa numa pajukun tswatswi suu numa bi ki bye Bulus. Ci numa ra, ku nde aji ra na dan yibe. Kuna ri pofanbe fin aji. Ki fin ajia kuna tà yibe wajinderi wa ki ndo tsòn bu Ci don. Ku ki cin aji avo ponpon keke afitse tseku ki cin. Kuna nga jiji ku gbe mikyinbe ki cin aji bu Yesu ki bye nyaco bu afa bu Musa ba abe afa bu baa da dòn bu Cidon. ²⁴ Badati ki finbe, zen nde ba ajia, ama badati zen be nde ba. ²⁵ Waa anube wea dzun ba dibe bara, bena nga wa gafanfan ki jinni numa, Bulus dan yibe aji dzundzun danra, "Numa ra Denden wa nyenye dan coa, ayo waa ku dan aji yi abe bayakui dzu ki nu bu apa wa da dòn bu Cidon dzun waa beri baku danra Ishaya danra: ²⁶ ’Ú ya ki bye pajukun hora, dan yibe danra: Atsonni ribi fo aji, ama niri bi hwa yini ba, ko titi. Nikà ribi mbyà niri bi yini cinnaa ba du. ²⁷ Ki cin waa fin mikyin bu pajukun hora nà tsuken jinni, bekà mbe tsuken azobe. Rima cia numa ba, atsonbe ri fo aji, azobe ri mbyà bye, mikyinbe ribi hwayi waa bé kasen bi ki byemi. Cidon dan numa ra, akà dan jiji m nwàdzube.’" ²⁸ Bulus ka danra, "Numa ra ní yì Cidon nde wa nwàdzudzua tson bi yi tsu badati. Abe beri bi gon tson fo." ²⁹ Waa ku dan numa ra, abe Yahudawa do don foji kyon, ana ri ye yepye ba dibe. ³⁰ Bulus ci ki tan kyon waa kuri hwa abè kiyo ra ya zan aju pyin na, kuna ri ca pajukun kata baa na bi ki byea. ³¹ Ku ci bye waji nari da dòn bu atson bu Cidon. Ku kana ri fyen bu ki bye nyaco bu Cindoi Yesu Kiristi ki yá ba gben mikyin’a kata. Apa dzun kan den’aku ba.