2 TIMOTI

¹ Ami Bulus waa Cidon zen nde cemi kan fotson bu Yesu Kiristi, jiji m dan yi pajukun aji ki cin anuge waa Cidon ge dan ra, apa ma bà dzu di bu Yesu Kiristi hunnu kuri du cindi ra. Ami mna ta afa wakara ri na yiu, au Timoti anwu wa conconmi. ² Atai Cidon ba Cindoi Yesu Ki risti ku san u sansan, ku hwi ciciu, ku yiu mikyin wa na jinni. ³ Mna mbu mikyin yi Cidon waa mna waku ba mikyin dzun dzun ndafan jinni ci tsadzu waa abe yakumi ndi tsa ra. Mna dzwa nde na pya Cidon weu ki cin u ko nukon. ⁴ Mna kyepan ba nde kuto waa u ndi ku ba janme ki zou bobo numa ra. Mna pya an yutu ba afitse jiji m mbyà zou, jiji m mbu mikyin suu numa. ⁵ Mna kyepan ba wajinderiu wa byenbyen waa ù ci baku ci tsa dzu waa Lois yakuu ba Afiniki ayou ndi ci baku ra. Ci numa ra m wemi bonban ki cin u ba. ⁶ Ki cin wakara mna con m kyepan u yo jiji ú tsa sansan ba abyon wa ki byeu waa Cidon ndi yiu anyu nu waa m ndi sen u vo ki cin u ra. ⁷ Ki cin waa Denden waa Ci don yii ra, hwari yii zin’i azin bu abu dzun ba. Ama Denden waji ci Denden wa yi apa gben, ba acon wa con apa, kukà hwa yii ri pan yi cinna bu dii sansan. ⁸ Ki cin wakara ká dada pan tsenni wa dan aji ki cin bu Cin doi ko ki cinmi ami waa be pan mi nde tse jinni ki cin’a ci kara ba. Ama ú gban mikyin ú wa fyin ki cin Aji wa Sansan waji ki bye gben bu Cidon. ⁹ Cidon nwàdzui, kukà bai nde jiji í bi ci byecu wa sansan nyenye numa. Bà ki cin wa sansan wa tsa yiyi bu dii hwa ri hunnu Cidon nwàdzui raba, ama ku nwàdzui ki bye con mikyin’a ba wa sansan’a waa ku tsai ki cin bu Yesu Kiristi avo ndi gbogbo dzu jinni bi ra. ¹⁰ Tanma Cidon ta yii wa san san’a waji ki byeya numa ki bye akyon waa Yesu Kiristi apa wa nwàdzui bi ra. Ku kagben bu aki ra. Ki bye Aji wa Sansan ra ku ta yii cindi ki byeya numa waa aki ri bwan kaaku ba. ¹¹ Aji waji ciri aji waa Cidon cemi danra, m kan fotson wa nde aji waji dan yi pajukun, m kan manu wa nde aji waji fyen ta yi pajukun. ¹² Ci abu wa tsa mna wa fyin waji numa ra hun. Ama tsenni panmi ba, ki cin waa m yì apa waa mna yi wajinderi ki byea ranu. M yìnu ku tsayi wa nde abu waa m nde kwaku ki voa ra konso hun sansan keke yaya ki bye Anyunu wa hun ra. ¹³ U bà be bu aji baajinderi baa ù ndi fo ki numi sansan. Pantse san gbangban numa ki cin wajinderi, ba acon wa con pa jukun ki bye Yesu Kiristi. ¹⁴ Ki bye gbentsòn bu Denden wa nyenye wa bai ci dzun ra. Ú kon abu wa sansan waa be nde kwau kì vou ra sansan. ¹⁵ Ù yìnu danra, pajukun baa bà Cidon baa ki fin jen bu Asiya kata be she gafan jinni ra, kwan ba Fijalas ba Har majanas kata du. ¹⁶ Mna pya Ci don ku san baci bando Unasifaras sansan, ki cin waa Unasifaras zen gbanmi mikyin cia wa dandan ba. Ko waa be panmi nde tse so jinni ra, pan’aku tsenni wa bi byemi ba. ¹⁷ Waa ku bi zan ki finka Roma numa, ku nyà panmi. ¹⁸ Anyunu wa hun ra Cindoi ku hwi cicia. Au yì tsazaza waa ku tsa suu numa ki finka Afisus ranu kata.

¹ A nwumi, ú pantse san gban gban numa ki bye wa sansan bu Cidon waa ku yi pajukun baa ho cinbe bi kwan bye Yesu Ki risti ra. ² Aji baa m ndi nde kwau ki vou ki byeya numa duzo bu pajukun suu numa ra, ú nde kwa pajukun baa ù zen nde babe byenbyen numa ki vobe jiji bekà fyen ta yi pajukun badati. ³ Mbyā diu so ge cin bu afyin wa wawa ci tsadzu apa wa nuken bu Yesu Kiristi. ⁴ Apa wa nuken wama ci ki nu aken kuri tsaa abu ci tsa dzu ku ci ndo na tsa ba, ama kuri nga jiji ku tsa abu wa vya hwan bu akù ken. ⁵ Apa wama ci tiri ki pyin mana nganga, apa dzun ri yiaku avotso raba tiri, se kuma nganga waji acoa ndafan jinni kuma nde ajoa tá jinni hun nu beri yiku avotso. ⁶ Kà ci numa du ba apa wa nane, apa wa nane wama gban mikyin so hwan ki da, kuri kapyen rì swa abuju wa ripye ki ndoa. ⁷ Ú ga hwan ki cin abu baa mna dan yiu kara san san, Cidon ri tsazau yo, jiji ú hwayi ba abu baaji baakara kata, ⁸ Ká dada muji ba Yesu Kiristi Nwuda bu Dawuda wa do don pwadzu ki shimbi raba. Wakara ciri cin bu aji wa tu kari kata waa mna zen aji ki cin’a ra hun. ⁹ Ki cin waa mna zen aji ki cin aji waji wakara hunnu kan afyin nami ki cin, pajukun wemi ba akan nde tse so jinni ci tsadzu apa wa vyi vyu. Ama apa wa tsakà wa panka aji bu Cidon tse so jinni ba akan baani. ¹⁰ Abu wa tsa m zen nde gban mikyin wa afyin baakara baa dumi ra, ki cin waa pajukun baa Cidon cebe ra, bé bà dzu bye Yesu Kiristi bé du wa nwàdzudzu, jiji be ci bye wa yafan jinni bu Cidon wa yafan bye numa keke yaya. ¹¹ Ci aji wajinderi waa be ndi danra, "Ima hu aki ki dzun baku, ī kari ci ju ki dzun baku. ¹² Ima gban mikyin wa fyin keke numa yaya, ī kari tsa tson ki dzun baku. ¹³ Ima nghaku, kuri nghai numa du. Ima zen aji anu pyinna, bua kuri zen’a aji anu pyinna ba. Ki cin waa ku tsakaa wa zen aji anu pyinna ba." ¹⁴ Ú kyepan pajukun abu baakara yo, u nube dòn bàvo kiyo gbangban numa, bema jiji Cidon béká ye ayepye ki bye aji wa zenzen ba. Atswi ayepye wa yeye wakara san’a ba, ayepye waji ri tsaba pajukun baa ri gon tson ri fo ra mikyin. ¹⁵ Ú so hwan kiyo jiji ú tsa abu wa vya hwan bu Cidon ndafan jinni byenbyen numa, ci tsadzu apa wari tsa abu tsenni ri pan’aku ba. Ú dan aji bu Cidon yi pajukun ndafan jin ni zan myi byenbyen numa. ¹⁶ Úká nde nuu kà ki bye aji baa zenzen baa nya hwan azota, wari yia Cidon hwe ba, aji baa ri hwa yi pajukun ri kasen ba nyaken ki nyaco bu Cidon raba. ¹⁷ Apa pyinna ki fin baa na zen aji wa kara ci Hamayas ba Filitus. Atswi aji waji waa bena zen ra ci tsadzu ado pi. ¹⁸ Be fan aji wa byenbyen tá jinni ra, bena fyen tsaba wajinderi bu pajukun ba dati danra, ī do don pwadzu ki shimbi gbogbo numa ra. ¹⁹ Ama atan waa Cidon ma dzwa nwoa ri, pantse ci sansan ra hun. Be tā atō ki di bu anwo atan waji danra, "Apa wama ci abu Cidon, Cidon yì apa waji nu," kati, "Apa wama so dia danra ku ci apa wa bà Cidon, se ku fan abu wa baba wa tsatsa be jinni." ²⁰ Ando wama ci ando wa kwa kyi numa, kuri ci ba atswén atswitswi, badati be mbyābe ba zinariya ba azurufa, badati be hwabe hwahwa ba hin, badati be myibe myimyi ba ajen pe. Beri vo badati ki bye anyunu wa ciho, beri vo badati ko ki bye abu wani kata. ²¹ Apa wama pan cin’a sansan numa, kuri ci tsadzu atswén wa vovo wajinderi waa beri yiku hwe, beri ndeku konso hun kyoo numa jiji wa sen ndo ku vo ra. ²² Ká tsa abu dan dan numa ci tsadzu anwutishe ba, ama ú tsa abu ú so hwan ki bye abu wa sansan wa tsatsa. Ú so hwan ki bye wajinderi wa yiyi ki bye Yesu Kiristi. Ú so hwan ki yo, una con pajukun. Ú ci bye cuu rito numa ba pajukun baa ri bande bu Cindoi Yesu Kiristi ba mikyin wa nyenye ra. ²³ Ká nde nuu kà ki bye ayepye wa yeye wa nya hwan azota numa ba. Atswi ayepye baakara beri ken nube ba ndegbe. ²⁴ A nwu nya bu Cidon kúká dada gbende ba. Kú ci ba pajukun rito numa, kú ci ba mikyin wa tashuma, ku fyen yì abu byenbyen numa ndafan jinni. ²⁵ Abe ajo yepyea ma ngya nyaco kà hwan kú bàbe ridan numa, dzun tiri Cidon ri hwa yibe ri mbyàyi abo bu dibe bé fan abu wa bababe jinni, be ka sen bi ki fin nyaco wa byenbyen. ²⁶ Dzun tiri anwobe ribi ko jinni, beri nga jiji be pwindzu ki bye atswe bu Shetan, wa ndi panbe a yibe na tsa abu wa vya hwan’a ra.

¹ Ú hwayi sansan danra, anyu nu wa kennu ma mbamba tiri ra, afyin ribi na fin tswen suu. ² Anyunu waji ma mba tiri ra, ko kani ri con dia maari vinni, pa jukun ri lolo hwanbe ri so bye àbè, beri caco ri cì dibe, beri tso pajukun ce, beri fobe tson bu atabe ba ayobe ba, abu ri ken’a azobe ba, beri zinbe azin bu Ci don ba. ³ Beri hwabe ce bu apa dzun ba, beri conbe aji bu avyon ba, beri zen aji tsaba cin bu pa jukun, beri ge nwo be bu dibe, beri babe cin ba, mikyinbe ri ci baba numa, beri conbe aji bu abu dzun wa sansan ba, ⁴ pa-jukun ri ho dibe ri hwen yi ajo zebe, beri pyi kyin, beri cì dibe, beri con aji bu ashara wa tsatsa ka aji bu Cidon ri. ⁵ Azobe ci azo bu pajukun baa bà Cidon ama ki fin mikyinbe be sinni agben bu Cidon. Ú gadi ba tswi pa jukun baakara. ⁶ Pajukun badati ki tiri ki finbe be bon na ya ndo pajukun na bye bawuwa baa je je, baa abu wa baba ji hore mikyinbe don rara, abyon wa ba ba kà pan hou mikyinbe don ra. ⁷ A bawuwa baaji na gon tson na fo abu wa fyenfyen ko nukon, ama be yìbe aji wa byenbyen waa bé pan ba. ⁸ Andi Yanisus ba Yambarisu be ndi sunnu ba Musa numa ci tsadzu waa pa jukun baakara na sunnu ba aji wa byenbyen ra. Mikyin bu pa jukun baaji vyin pukan jinni ra, wajinderi bube waa be ci baku ra, ci abu wa nya hwan azota. ⁹ Ama beri yabé ki pyen ba abu waji waa bena tsa raba. Ki cin waa pajukun kata ri fè yinu mwamwa numa danra, bena jeje, ci tsadzu waa pajukun ndi fè yi aje bu abe Yanisus ba Yamba risu ra. ¹⁰ Au Timoti, u ndi gon tson nari fo ajimi, ù ten abemi, ù yì abu waa mna ma ki mikyin mi ranu, ù yi wajinderi waa m yi ki bye Yesu ranu, ù yinu danra, m ci apa wa gban mikyin, ù yinu danra, m ci apa wa con pajukun, ù yinu danra, m ci apa wa gban mikyin wa fyin. ¹¹ Ù yi afyin waa pajukun tami, ba afyin waa m wa ranu. Ú kyepan ba afyin baa ndi dumi ki finka Antakiya, ba Iko niya, ka ba Listira ra. M̀ ndi gban mikyin wa afyin baakara kata, Yesu kà nwàdzumi ki vobe kata. ¹² Ko kani kata wama con jiji ku kwan cin ki bye dzundzun ba Yesu Kiristi, jiji ku tsa abuu Cidon ndafan jinni numa, se ku ma wa fyin. ¹³ Pajukun baa tsa abu wa baba, ba pajukun baa bye apa, beri foji abu wa baba wa tsa kwankwan kiyo yaya ki pyen. Beri bye pajukun, be kari bye dibe du. ¹⁴ Ama, au, ú bà abe bu aji baa m ndi fyen u, ù yi wajinderi kiyo ra ndafan jinni sansan numa foji wa yaya ki pyen. Ú mbye diu danra, abu baaji ù fyen ki vo bu kani waji re? ¹⁵ U yinu, ávo waa ù ndi ci tiri nwutishe, ù yi afa baa nyenye nu. Afa baaji tsayì wa tà yi apa nyaco wa nwàdzudzu ki bye wajinderi wa yiyi ki bye Yesu Kiristi. ¹⁶ Ko aji wani kata wa ki fín afa hora, dzu bye Cidon bi, aji baaji san wa fyen apa bu, be ci aji baa nu apa dòn, be ci aji baa gbe apa tson, be ci aji baa naten apa, jiji apa ku tsa abuu Cidon ndafan jinni sansan. ¹⁷ Jiji ko kani kata wama tsa butso bu Cidon ku ci apa wajinderi wa tsaka wa kon dia so hun jiji bu butso wa sansan wani kata.

¹ Ú kyepan ba waa Yesu Ki risti ri kasen ribi tsa tson ra. Ki cin wakara mna nuu dòn ki pyen bu Cidon ba Yesu Kiristi wari mbye pajukun baa huhu, ba baa riju akwen ra. ² Mna nuu dòn bàvo kiyo danra, ú so hwan kiyo, ú dan aji bu Cidon yi pa jukun, ko uma du nyaco, ko uma duu nyaco ba. Ú nya pajukun nde, ú gbebe tson, ú nube don, ú gban mikyin, ú foji abu wana fyen pajukun fyenfyen. ³ Anyunu nabi ki pyen waa pajukun ribi zenbe nde jiji be gon tson ki bye abu wa fyenfyen wajinderi ba. Pajukun ribi conka waa jiji be gon tson be fo aji wari vyakàbe ki dibe vinni. Beri nyà manu baa ri fyen abu wari vyabe ki dibe ra, kwan bye dzundzun. ⁴ Beri zenbe nde jiji be gon tson jiji be fo aji wa byenbyen ba, beri gon tson ri fo aji wa màmá azota. ⁵ Ama, au, ú pan diu sansan, ko ki bye kake kata, ú gban mikyin, ú wa fyin, ú tsa vinni butso wa fye waa apa wa bà Cidon ku tsa. ⁶ Bumi, anyunu mba tiri waa pa jukun ri ndemi ri bwanbwan ra, anyunu wa do kyonmi mba tiri ra. ⁷ M̀ pansan wajinderimi gbangban numa, m nuken nunu, jinna vinni ra ri. M bà aji bu Cidon ndafan jinni kata, ⁸ abu wa datimi tanma ci avokwin bu abu wa sansan wa tsatsa waa be nde so don na ge cinmi ra ri. Anyunu wa hun waa Yesu Cindoi wari fo kwen ndafan jinni sansan numa ribi ra, kuri yimi avokwin waji. Kuri yimi dzun dzunmi maari vinni ba, ama kuri yimi ba pajukun baa lolo hwanbe so nyaco na bàzoa ra. ⁹ Ú nga jiji ú bi ge ki byemi ba mbwari. ¹⁰ Di-mas vya aji bu abu wa ki fin tswen wakara, ku she fanmi jinni, ku yara ki Tasalonika ra. Karaska ya ra ki Galatiya ra. Titus yara ki fín jen bu Dalmastiya ra. ¹¹ Apa wa dati bami ci, fan Luka adzun dzun’a maari ri. U yi Markus ku kyen dzun bau bi, ki cin waa ku ci apa wa tsakà wa tsazami yo ki bye butso suu numa. ¹² M̀ tson Tikikus tson ya ki Afisus. ¹³ Ùma bi ra, ú ho agbagidimi waa m ndi fan we ki bye Karbus ki Taruwasu ra, bi yimi. Ú ho afa kwan yo bi yimi, tuntun afa waa be mbyāku ba ageho raba. ¹⁴ Alikizanda, apa wa ngyongyu ra, tsami abu wa baba tutu. Cidon ri banku ton bu abu wa baba waa ku tsami ra banban. ¹⁵ Au du, ú tsa sansan ba diu, ki cin waa kuna zen tsaba ajii numa cia wa dandan ba. ¹⁶ Dede waa m ndi kapyen pantse na zen aji ra, apa dzun wa zen nde ba ajimi baani, katabe be she gafan jinni fanmi so dzundzunmi. Mna pya danra, Cidon kúká banbe ton bu abu wa baba waji yo ba. ¹⁷ Ama Cidon bami ci bye dzundzun, ku yimi agben mikyin, m̀ dan ajia zan myi yi atsu pajukun badati fo. Ci don nwàdzumi ki nu zenku. ¹⁸ Ci-don ri nwàdzumi ki vo bu abu wa baba wani kata, kuri ndemi ya zan ndo tson’a ki don. Ahwè ku ci abua kenken keke numa yaya ko nukon. Ku ci numa. ¹⁹ Ú nà Briska, ba Akila, ba zhen baci bando Unasifaras kiyo. ²⁰ Arastus ci tiri ki Korintos. Tarafimus foa vya ba, m fanku ki Militus. ²¹ Ú so hwan kiyo, ú bi ge ki byemi ba ambwari ka pyen waa iri ka fin àdinu ra. Afi bulus, ba Budis, Linus, ba Kalafidiya, ba bandoi kire kata na nàu kiyo. ²² Cindoi ku sanni san san, ku hwi cicini.