APOCALIPSIS

JESUCRISTO, IMA SAN JUANTA KAWACHISKAMANDA

¹ Kasami Taita Dius, Jesu­cris­tota willarka; paika, imasa mana unai­lla­pi pasa­rin­ga­pa kagta paipa lutrin­sina­kunata kawa­chin­ga­pa. Paika, sug anjilta Juan suti paipa lutrin­sina­pagma kacha­murka, Taita Dius willas­kata kawa­chin­ga­pa. ² Nuka Juanka, tukui ima kawas­ka­ta­mi willani. Taita Dius­pa rimaita i kikin Jesu­cristo ima willas­kata, tukui­mi willani. ³ Mai­kan­pas kai Santu Ispi­ri­tu­wa rimai­kunata kawaspa i uiaspa rurag­kunaka, Taita Dius­pa iapa kuias­ka­mi kan­ga­pa kan­kuna. Chi pun­cha­kunaka, ñami chaia­mun­ga­pa ka.

Jesus­wa tukuska­kuna kanchis pui­blu­kunapi kaug­sa­na­kus­kata willaska­manda

⁴ Nuka Juan, Jesus­wa tukus­ka­kuna Asia alpapi kan­chis pui­blu­kunapi kaug­sa­na­kus­kata kai libru­ta­mi kachai­ki­chita. Taita Dius kam­kunata kuiaspa, suma iuiai­wa cha­ri­pua­chu. Paimi kuna­ura ka i ñug­pata karka. Pai­lla­ta­ta­mi samun­ga­pa ka. Tukui kan­chis ispí­ritu paipa manda­diru ñugpa ladu kag­kuna i Jesu­cristopas, chasa­lla­ta kam­kunata kuiaspa, suma iuiai­wa cha­ri­pua­chu.

⁵ Jesu­cristo, sutipa tukuipi willag­mi ka. Pai, wañuska kaspa, tukui­kuna­manda ñugpa­mi kaugsa­rirka, mana mas wañun­ga­pa. Kai alpapi mandag­kunata iaia man­dag­mi ka. Cristo, nukan­chita iapa kuias­pa­mi paipa iawar­wa nukan­chi pan­da­ris­ka­kunata anchu­chirka. ⁶ Pai­mi nukan­chita agllarka, atun mandag­kuna i sasir­duti­kuna kan­ga­pa; chi­wanka, paipa Taita Dius ima nis­kata ruran­ga­pa. Cristota ima­ura­pas ni­sun­chi: “Tukui­kunapa iaia mandag i suma atun­mi kangi. Cha­sa­mi kan­kangi, mai­tuku waranga waranga wata­kuna ialig­pi­pas. Chasa kachu”.

⁷ Cristo, puiu­pi­mi samun­ga­pa ka. Tukui­kuna­mi paita kawa­sun­chi. Paita kruspi klabaspa wañu­chig­kuna­pas­mi kawan­ga­pa kan­kuna. Paita kawas­paka, kai alpapi tukui runa­kuna­mi, llaki­rispa, wakan­ga­pa kan­kuna. Ari, chasa­mi kan­ga­pa ka.

⁸ “Nukami kani kalla­rig i puchu­kag”; chasa­mi tukui pudig atun Taita Dius ni. Paimi kuna­ura ka i ñugpata karka. Pai­lla­ta­ta­mi samun­ga­pa ka.

Jesu­cristo, asku­rinti punchalla kawa­riska­manda

⁹ Nuka Juan, kam­kuna­wa waug­kindi­mi kani. Kam­kuna­sina iapa llakii­wa­mi kani. Kam­kuna­wa, Taita Dius suma manda­kus­ka­pi­mi nuka­pas kag­rin­ga­pa kani. Jesus­mi nukan­chita karamú, tukuipi paita mana sam­ba­ias­pa­lla kati­raian­ga­pa. Dius­pa Rimaita i Jesús ima willas­kata nuka iacha­chi­kug­man­da­mi Pat­mos suti isla­pi­mi nuka wich­ka­raiar­kani. ¹⁰ Dumingu, Iaia Jesusta iuia­ri­diru pun­cha, Santu Ispi­ri­tu­mi nuka­wa tukug­samurka. Chasa­waka, muskui ukupi­sina­mi tukug­samur­kani. Chi­uraka, nuka­pa wasa­nig­manda bututu­sina sin­chi rimai­mi uia­ri­warka. ¹¹ Kasa­mi ni­warka:

—Kam tukui ima kawas­kata suma kati­chispa, librupi iskribingi. Nis­paka, chi libruta kachangi Jesus­wa tukus­ka­kuna Asia alpapi kan­chis pui­blu­kunapi kaug­sa­na­kus­kama: Efesoma, Esmirnama, Per­ga­moma, Tiatirama, Sardisma, Fila­del­fiama i Laodiseama.

¹² Chasa ni­wa­ura, nuka tigra­rir­kani kawan­ga­pa: ¿pitak chasa rima­wa­ku? Tigra­ri­uraka, kan­chis kurita ruraska bila saia­chi­diru­kuna­mi kawa­ri­warka. ¹³ Chi bila­kuna saia­na­kuska chaugpi­pika, kawa­ri­war­kami sug runa saia­kug­sina. Paika, alpa­kama kusma­sina chura­riska i kuri chumbi­sina pichupi chum­bi­llis­ka­mi saia­kurka. ¹⁴ Paipa uma i paipa agcha­kunaka, iura mil­ma­sina i sirinu puiu­sina asku­rinti iapa iura­mi karka. Paipa ñawi muru­kunaka, nina sindi­sina­mi kar­ka­kuna. ¹⁵ Paipa chaki­kunaka, sug iru brunsi llam­bu­ia­chiska puka ninapi rupa­chis­ka­sina­mi iukarka. Paipa rimaika, achka iaku­kuna awa­manda talli­rispa ri­na­kug­sina­mi uia­ri­warka. ¹⁶ Paipa alli maki­pika, kan­chis istri­lla­mi cha­ri­kurka. Paipa simi­mandaka, pun­tiaska iskan­dima afi­laska machi­ti­sina­mi llug­si­ra­iarka. Paipa ñawika, indi­sina pun­cha­mi karka.

¹⁷ Paita kawas­paka, nuka, paipa chaki­kunapi wañus­ka­sina­mi urmar­kani. Paika, alli maki chura­waspa, kasa ni­warka:

—Mana mancha­ri­kui. Nuka­mi kani kalla­rig i puchu­kag. ¹⁸ Dil­tudu­pa­mi nuka kaug­sani. Nuka, wañus­pa­pas, ikutimi kaugsa­rir­kani. Ima­ura­pas­mi kaug­sai­lla kan­ga­pa kani, mai­tuku waranga waranga wata­kuna ialig­pi­pas. Nuka­mi wañuipa llabi iukani, i wañus­ka­kuna maipi kas­ka­kuna­manda­pas.

¹⁹ —Kasa librupi iskri­bingi: ñug­pata kawar­kangi: chita; kuna­ura kawa­kungi: chita; kuna­ura­manda kawan­ga­pa kangi: chi­ta­pas. ²⁰ Kam, kai kan­chis istri­lla­kuna nuka­pa alli makipi cha­ri­kus­kata i kai kan­chis kurita ruraska bila saia­chi­diru­kunata kawa­kus­pa­pas, mana iachan­gi­chu ima ni­raiagta. Willa­saki. Kai kan­chis istri­lla­kunaka ni­raian­kunami kan­chis igli­sia­manda anjil­kuna. Kai kan­chis bila saia­chi­diru­kunaka ni­raian­mi chasa­lla­ta chi kan­chis igli­sia­kuna.

Jesuswa tukuska­kuna Efesopi kaug­sa­na­kus­kata willan­ga­pa kachaskamanda

¹ Jesuswa tukus­ka­kuna Efeso pui­blupi kaug­sa­na­kus­ka­manda anjilta kasa nin­ga­pa kachai.

Kanchis istri­lla­kuna alli makipi cha­rispa, kan­chis kurita ruraska bila saia­chi­diru chaugpipi purispa kag, kasa­mi nin­ga­pa kachaiki: ² kam tukui ima sin­chi rura­kus­kata mana sam­ba­ias­pa­lla kag­ta­mi rigsiiki. Jiru rurag­kuna­taka mana awan­tan­ga­pa pudin­gi­chu. Pai­kuna, kikin­kuna­manda ni­rin­kunami: “Jesús kacha­muska runa­kuna­mi kan­chi”. Ikuti kam­ka, pai­kunata tapu­chispa, rig­sir­kangimi llulla­kuna kagta. ³ Nuka­manda kamba suma iuiaita mana sakis­pa­lla, iapa llakii­kuna­mi apa­kungi, mana sam­ba­ias­pa­lla.

⁴ Chasa kag­pi­pas, imajchu iukaiki ninga. Kam, ñugpa­manda nuka­wa kuiai­ta­mi saki­kungi. ⁵ Iuia­rii, imasa­mi ñugpata kar­kangi. ¿Imapatak, alli­lla kas­paka, pan­da­ri­kungi? Chi mana alli­lla rurai­kunata sakii. Ñugpata ima­sa­mi alli­lla rura­kur­kangi: chasa­lla­ta kuna­ura­manda ikuti kalla­ringi ruran­ga­pa. Mana uia­wag­pika, nukaka, kam­bagma rispa, kamba bila saia­chi­diruta nuka maipi saia­chis­ka­manda kichug­sina­mi ruran­ga­pa kaiki; chika, kam pan­da­ris­ka­kunata mana sakig­pika.

⁶ Chasa kag­pi­pas, kam chara kasa alli kag­ta­mi kawa­kuiki. Niko­laitas suti runa­kuna ima jiru rura­na­kus­ka­ta­mi mana munangi. Nuka­pas­mi chasa­lla­ta mana muna­ni­kunata.

⁷ Chasami Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi. Mana alli rurai­kunata bin­sig­taka kaug­sai kara­diru sacha­manda mikui­ta­mi karan­ga­pa kani. Chika, Taita Dius­pa paraíso suti suma alpa­pi­mi tia.

Jesus­wa tukuska­kuna Esmirnapi kaug­sa­na­kus­kata willan­ga­pa kachaska­manda

⁸ Jesus­wa tukus­ka­kuna Esmirna pui­blupi kaug­sa­na­kus­ka­manda anjilta kasa nin­ga­pa kachai.

Nukami kani kalla­rispa puchu­kag. Wañus­pa­pas kaug­sa­rir­ka­nimi. Kasa­mi nin­ga­pa kachaiki: ⁹ nuka iacha­nimi, kam iapa llakii­kuna­wa kagta i ñi ima mana iukagta. Chasa kag­pi­pas, nii­kimi: nuka­pa ñawipi iapa iukag­sina­mi ni­raia­puangi. Nuka iacha­nimi, judíu suti­chi­rig­kunaka imasa kamta jucha­chi­na­kugta. Chasa suti­chi­ris­pa­pas, mana sutipa judíu kan­kuna­chu. Iaia kuku­wa iuia­rispa tanda­ri­diru wasi­sina­mi ni­raian­kuna.

¹⁰ Mana mancha­ringi, kamta ima llakii chaiag­pi­pas. Iaia kukuka, mai­kan­kunata kar­sil­pi­mi chura­chin­ga­pa ka. Chi­pi­mi rig­si­ringa, mai­kan nuka­wa u mana nuka­wa kagta. Chunga pun­cha­mi chasa llakii iukan­ga­pa kan­gi­chi. Wañun­kama nuka­lla­wa iuia­kungi. Chasa nuka­lla­wa wañun­kama iuia­kug­pika, llaug­tu­sina kaug­sai­ta­mi kara­saki.

¹¹ Chasami Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi. Mana alli rurai­kunata bin­sigka, parisma wañui­taka+ 2:11 Parisma wañuika ni­raianmi dil­tudu­pa rupa­kuska nina ukuma sitai tukun­ga­pa; chi­mandaka, mana mas llug­sin­ga­pa. mana iukan­ga­pa kan­gi­chi­chu.

Jesus­wa tukuska­kuna Pergamopi kaug­sa­na­kus­kata willan­ga­pa kachaska­manda

¹² Jesus­wa tukus­ka­kuna Pér­gamo pui­blupi kaug­sa­na­kus­ka­manda anjilta kasa nin­ga­pa kachai.

Nuka, puntiaska iskandima afilaska machi­ti­sina iukag, kasa­mi nin­ga­pa kachaiki: ¹³ kam maipi kaug­sa­kus­ka­ta­mi iachani. Iaia kuku manda­diru kas­ka­sina­pi­mi kaug­sa­kungi. Chasa kaug­sa­kus­pa­pas, nuka­manda alli­lla iuiai­lla­pi­mi kaug­sa­kungi. Anti­pas suti runa nuka­manda mana sakis­pa­lla willagta kam­kuna kas­kapi wañu­chii tuku­ura, chi pun­cha­kuna­pas kam­kuna mana kunga­ri­war­kan­gi­chi­chu, chi iaia kukupa alpapi­sina kaug­sa­na­kus­pa­pas.

¹⁴ Chasa kag­pi­pas, imajchu iukaiki ninga. ¿Imapatak, Balaam suti ñugpa­manda runa iacha­chis­kata rura­na­kug­pi­pas, chara awan­ta­kungi? Chi Balaammi Balak suti mandagta iacha­chirka, Israel­manda runa­kunata kasa pan­da­chin­ga­pa: ianga dius­kunata kama­riku karaska aichata miku­chin­ga­pa i kari warmi­wa pan­da­chin­ga­pa. ¹⁵ Chasa­lla­ta, niko­lai­tas suti runa­kuna imasa iacha­chis­ka­sina kaug­sa­na­kug­ta­pas­mi awan­ta­kungi. Nuka, chasa­kunata mana muna­ni­chu. ¹⁶ Chasa­man­da­mi niiki: alli­lla iuia­rig­samui. Mana kag­pika, nuka kikin­mi kam­bagma utkalla risa, nuka­pa simi­manda machi­ti­sina iukas­ka­wa pai­kunata puchu­kan­ga­pa.

¹⁷ Chasami Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi. Mana alli rurai­kunata bin­sig­taka kai alpapi mana kawa­ri­diru mikui­ta­mi+ 2:17 Chi mikui suti karka “maná”. karan­ga­pa kani. Sug iura rumi­pas­mi paita kuan­ga­pa kani. Chi iura rumipi, mana pipas rigsiska musu suti­mi churan­ga­pa kani. Chi suti­taka, mai­kan chas­kig­lla­mi iachan­ga­pa ka.

Jesus­wa tukuska­kuna Tiatirapi kaug­sa­na­kus­kata willan­ga­pa kachaska­manda

¹⁸ Jesus­wa tukus­ka­kuna Tiatira pui­blupi kaug­sa­na­kus­ka­manda anjilta kasa nin­ga­pa kachai.

Nuka, Taita Dius­pa wam­bra, nina sindi­sina ñawi­iug, llambu brun­si­sina chaki­iug kaspa, kasa­mi nin­ga­pa kachaiki: ¹⁹ kam tukui ima rura­kus­ka­ta­mi iachani. Kam kuia­waspa, suma iuia­waspa, sug­kunata alli­lla ruraspa mana sam­ba­ias­pa­lla­mi kaug­sa­kungi. Ñug­pata rurai kalla­ris­ka­manda­pas mas­mi kuna­uraka rura­kungi. Chi­ta­pas­mi iachani.

²⁰ Chasa kag­pi­pas, imajchu iukaiki ninga. Jezabel suti war­mi­ta­mi sakingi iacha­chin­ga­pa. Chi warmika ni­rin­mi: “Nuka, Santu Ispi­ri­tu­wa­mi rimag kani”. Cha­saka, nuka­pa lutrin­sina­kuna­ta­mi pan­da­chi­pua­ku, kari warmi­wa pan­da­rin­ga­pa i ianga dius­kunata kama­riku karaska aichata mikun­ga­pa. ²¹ Chi warmi­taka achka pun­cha­kuna­mi suia­kur­kani, chi pan­da­rii­kunata sakispa, Taita Dius­wa tigramun­tra. Chasa suia­kug­pi­pas, mana munan­chu, chi kari­kuna­wa pan­da­rii­kunata sakin­ga­pa. ²² Chi­man­da­mi sin­chi ungui­wa kawi­tupi urma­chin­ga­pa kani. Chi pai­wa pan­da­rig­kuna mana chi pan­da­rii­kunata sakig­pi­kunaka, pai­kuna­ta­pas­mi chasa­lla­ta mas sin­chi unguipi urma­chin­ga­pa kani. ²³ Paipa wam­bra ni­raias­ka­kuna­ta­pas­mi jiru ungui­wa puchu­kan­ga­pa kani. Chasa­waka, tukui Jesus­wa tukus­ka­kunaka iachan­ga­pa­mi kan­kuna: nukaka, runa­kunapa mai­tuku pakalla ukupi iuia­na­kug­ta­pas pasag­ta­mi kawa­kuni. Chasa­lla­ta, alli­lla ruras­kata i mana alli­lla ruraska­ta­pas imasa chaias­ka­sina­mi karan­ga­pa kai­ki­chita.

²⁴ Kuna­uraka uia­wai­chi, Tia­tira pui­blupi mana chasa jiru rurai­kunata kati­chig­kuna. Chi sug­kunaka nin­kuna: “Iaia kuku­pa pipas mana iachas­kata willai­kuna­ta­mi iachan­chi”; chi llu­lla iacha­chig­kuna­taka, kam­kuna mana iachai­kur­kan­gi­chi­chu. Chi­manda­mi sug llasa rurai­kuna­sina mana mingai­ki­chita. ²⁵ Ima­sa­mi alli­lla ruraspa kaug­sa­na­kun­gi­chi: chasa­lla kan­gi­chi, nuka samun­kama. ²⁶ Mana alli rurai­kunata bin­sig, wañun­kama nuka ima munas­kata ruraspa kaug­sag­pika, kara­sami, sug alpa­kuna­manda runa­kunata pai man­dag kan­ga­pa. ²⁷ Ima­sa­mi alpa man­gata iru bara­wa paki­chig­sina rurá: chasa­mi nuka­pa man­dai­waka chi runa­kunata ruran­ga­pa ka. ²⁸ Imasa­mi nuka­pa Taita man­dai kara­mu­was­ka­wa iukani: chasa­lla­ta­mi pai­pas man­dan­ga­pa ka. Lusiru istri­lla­ta­pas­mi paita karan­ga­pa kani. ²⁹ Cha­sa­mi Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi.

Jesus­wa tukuska­kuna Sardispi kaug­sa­na­kus­kata willan­ga­pa kachaska­manda

¹ Jesus­wa tukus­ka­kuna Sardis pui­blupi kaug­sa­na­kus­ka­manda anjilta kasa nin­ga­pa kachai.

Nuka, Taita Dius­pa kan­chis ispi­ri­tu­kunata i kan­chis istri­lla­kunata iukag, kasa­mi nin­ga­pa kachaiki: kam tukui ima rura­kus­ka­ta­mi iachani. Kasa­pas­mi niiki: kam­manda nin­kuna: “Kaug­sa­mi kangi”. Chasa nig­pi­pas, wañus­ka­sina­mi kangi. ² Rig­cha­rig­sina tukug­samui. Wañun­ga­sina kaug­saita mas kaug­sa­chii. Kam ima ruras­ka­kunaka, nuka­pa Taita Dius­pa ñawipi manara alli­lla ruraska kag­ta­mi kawaiki. ³ Chi­manda, kam ima uiaspa iachai­kus­kata alli­lla iuia­rii. Chi iuiai­kunata suma cha­ri­rii. Tukui pan­da­rii­kunata sakii. Kam puñu­kug­sina kag­pika, nukaka sisai­sina­mi mana willas­pa­lla cha­iag­rin­ga­pa kani. Kam mana iachan­ga­pa kan­gi­chu, ima­ura nuka kamta shachig­samun­ga­pa kagta.

⁴ Chasa kag­pi­pas, Sar­dispi kam­kuna­pura mai­lla­kunaka, mana katanga mapa chura­ris­ka­sina­mi kaug­sa­na­kun­gi­chi. Kam­kunaka, iapa iura katanga chu­ra­ris­ka­kuna­mi nuka­wa purin­ga­pa kan­gi­chi, nuka­pa alli­kuna kag­manda. ⁵ Mana alli rurai­kunata bin­sig­kunaka, iapa iura katanga chura­ris­ka­mi kan­ga­pa kan­gi­chi. Kam­kunapa suti­kunaka, kaug­san­ga­pa agllas­ka­kunata willa­raiaska libru­pi­mi ña tia­pun­gi­chi. Chi suti­kuna­taka mana ima­ura­pas anchu­chin­ga­pa ka­ni­chu. Kam­kuna­mandaka nuka­pa Taitapa i anjil­kunapa ñawipi willan­ga­pa­mi kani: “Pai­kunata rigsi­nimi”. ⁶ Chasa­mi Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi.

Jesuswa tukuska­kuna Filadelfiapi kaug­sa­na­kus­kata willan­ga­pa kachaskamanda

⁷ Jesuswa tukus­ka­kuna Fila­del­fia pui­blupi kaug­sa­na­kus­ka­manda anjilta kasa nin­ga­pa kachai.

Nuka, tukuipi sutipa alli, mana llullas­pa­lla kag, ñugpa­manda taita Davidpa llabita cha­ri­kug­mi kani. Chi llabi­wa nuka ima paskas­ka­taka, ñi pipas mana pudin­ga­pa kan­kuna­chu wich­kan­ga­pa. Chasa­lla­ta nuka ima wich­kas­ka­taka, mana ñi pipas pudin­ga­pa kan­kuna­chu pas­kan­ga­pa. Kasa­mi nin­ga­pa kachaiki: ⁸ kam tukui ima rura­kus­ka­ta­mi iachani. Uia­mui. Kamba ñugpa ladu sug pungu­sina­mi paska­pur­kaiki. Chi­taka, ñi pipas mana wich­kai pudin­ga­pa kan­kuna­chu. Kam, mana iapa iachai iukas­pa­pas, nuka ima nis­kata mana piña­ris­pa­lla­mi cha­ri­rir­kangi.

⁹ Uia­mui. Iaia kuku­wa iuia­rispa tan­da­ri­diru wasipi iai­kug­kuna, llu­lla­chis­pa­mi ni­nakú: “Judiu­kuna­mi kan­chi”, mana sutipa judiu­kuna kas­pa­pas. Pai­kuna­taka kaia­chin­ga­pa­mi kani, kamba chaki ladu kun­gu­rin­ga­pa. Chi­pi­mi rig­sin­ga­pa kan­kuna, nuka kamta kuiagta. ¹⁰ Kam nuka­pa rimaita mana sakis­pa­lla cha­ri­rig­man­da­mi nuka sumag­lla kis­pi­chin­ga­pa kaiki, kai alpapi tukui kaug­sa­na­kus­kata iapa lla­kii­kuna tukug­samu­ura. ¹¹ Nuka, mana unai­lla­mi samun­ga­pa kani. Kamba suma kaug­sai i ruraita suma cha­ri­ringi, mana kacha­ris­pa­lla. Chasaka, kamba llaug­tu­sina chas­kin­ga­pa kas­kata mana kichui tukun­kan­gi­chu.

¹² Mana alli rurai­kunata bin­sig­taka nuka­pa Taita Dius­pa atun wasipi pilarta­sina­mi saia­chin­ga­pa kani. Chi­mandaka, ñi ima­ura­pas mana llug­si­chii tukun­ga­pa kan­chu. Chi­pika, nuka­pa Taita Dius­pa sutita i nuka­pa Taita Dius­pa atun pui­blupa suti­ta­mi churan­ga­pa kani. Chi pui­blu ni­raian­mi suma luar­manda musu Jeru­salén. Nuka­pa Taita Dius­pa ñawi­man­da­mi urai­ku­mun­ga­pa ka. Nuka kikinpa musu suti­ta­pas­mi chipi churan­ga­pa kani. ¹³ Chasa­mi Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi.

Jesuswa tukuska­kuna Laodiseapi kaug­sa­na­kus­kata willan­ga­pa kachaskamanda

¹⁴ Jesus­wa tukus­ka­kuna Lao­di­sea pui­blupi kaug­sa­na­kus­ka­manda anjilta kasa nin­ga­pa kachai.

Nuka, tukui­manda mana llu­llas­pa­lla sutipa kas­kata willag­mi kani. Nuka­wa­mi Taita Dius tukui wiña­chirka. Kasa­mi nin­ga­pa kachaiki: ¹⁵ kam tukui ima rura­kus­ka­ta­mi iachani. Kam mana kan­gi­chu nuka­wa ñi sug­kuna­wa. Chasa­pika, rupa­sina ñi chi­ri­sina mana kan­gi­chu. ¡Ama­lai kan­trangi sug­lla: rupa­sina u chi­ri­sina! ¹⁶ Kam rupa­sina u chi­ri­sina kan­ga­taka, kunu­sina­lla­mi kangi. Chasa nuka­pa simipi cha­ri­kug­sina kas­kata kim­nag­sina­mi sitan­ga­pa kaiki.

¹⁷ Kam iuia­kungimi: “Iapa iukag­mi kani. Tukuimi iukani. Mana ima­pas pisi­wan­chu”. Chasa iuia­kug­pi­pas, ¿mana­chu iuia­ringi imasa kam kikin kagta? Kam, achka llakii­wa, katanga i ñi ima­pas mana iukag­sina­mi kangi. Mana ñawi iukag­sina­pas­mi kangi. ¹⁸ Chi­manda­mi nuka nin­traiki: nuka­pa kuri ninapi suma rupa­chis­ka­sinata randi­wai. Chasaka, sutipa iukag­mi ni­raian­kangi. Iura katan­ga­sinata ran­di­wai; chita kata­ris­paka, pin­gai lla­tan­sina ni­raiaska mana kawa­rin­ga­pa. Ñawi­kuna­manda ambi­sina­ta­pas ran­di­wai. Chi talli­ris­pa­mi alli­lla kawag ni­raian­kangi. ¹⁹ Nuka­pa kuias­ka­kuna­ta­mi iuia­chispa, piñaspa, asu­tig­sina ruraspa kuiani. Chasa­manda, pan­da­rii­kunata sakispa, rupa­sina nuka­wa tukui.

²⁰ Uiamui. Nukaka, pungu ladu saia­ris­pa­mi kaia­kuiki. Mai­kan­pas nuka­pa rimaita uia­waspa, punguta paska­puag­pika, wasipi­sina paipa sun­gupi iai­ku­pu­sami. Pai­wa i nuka­wa sug­lla­pi mikug­sina­mi rura­sun­chi. ²¹ Imasa­mi nuka kikin, mana allita bin­sispa, nuka kikinpa Taitapa manda­dirupi pai­wa sug­lla­pi sumag­lla tia­rig­rir­kani: chasa­lla­ta­mi mai­kan mana alli rurai­kunata bin­sigta nin­ga­pa kani: “Nuka­pa man­da­dirupi nuka­wa sug­lla­pi tia­rig­samui”. ²² Chasa­mi Santu Ispí­ritu, Jesus­wa tukus­ka­kunata willa­ku. Pai­taka, rinri iukag­kuna uian­gi­chi.

Suma luarpi, Taita Diusta iapa kuiaspa kungu­ri­na­kuska­manda

¹ Chi­ura­mandaka, sug pungu suma luarpi paska­raias­ka­ta­mi kawar­kani. Chi ñugpata bututu­sina uia­ri­wagka ni­warka:

—Kasama sikamui. Kawa­chin­ga­pa­mi kaiki, kuna­ura­manda ima pasa­rin­ga­pa kagta.

² Chasa ni­wag­lla­pika, Santu Ispi­ri­tumi nuka­wa tukug­samurka. Chasa­waka, muskui ukupi­sina­mi tukug­samur­kani. Suma luarpi kawar­kani, sug mandag tia­ri­diru tiagta. Chi manda­diru­pika, sug­mi tia­kurka. ³ Chi tia­kugka, jaspe i kor­na­lina suti rumi­kuna­sina iapa suma pun­cha­ia­chig­sina­mi kawa­ri­warka. Chi tia­ri­diru muiun­dika, esme­ralda pun­cha­ia­chi­kug­sina kui­chimi saia­kurka.

⁴ Chi mandag tia­ri­diru muiug­taka, iskai chunga chusku tia­ri­diru­mi tiagta kawar­kani. Chi tia­ri­diru­kuna­pika, iskai chunga chusku iacha taita­kuna­mi tia­na­kurka. Chi taita­kunaka, suma iura katan­ga­kuna i uma­pika kuri llaug­tu­kuna­sina chura­ris­pa­mi tia­na­kurka. ⁵ Chi mandag tia­ri­diru­pag­mandaka, iapa manchan­ga­sina rilampa, triwinu­sina sin­chi rimai­pas­mi uia­ri­kug­samurka. Kan­chis sindi michun­kuna­mi mandag tia­ri­diru ñugpa ladu rupa­na­kurka. Chi­kuna, Dius­pa kan­chis ispi­ri­tu­kuna­mi ni­raiar­ka­kuna. ⁶ Atun kucha u bidriu­sina rig­cha­pas­mi chi tia­ri­diru ñugpa ladu kawa­ri­warka.

Chi tia­ri­diru ukupi, chusku kuchu­kunapi tiar­kami chusku ani­mal­sina rig­cha kaug­sag­kuna. Chi­kuna, tukuipi ñawilla junda­mi kawa­ri­war­ka­kuna. ⁷ Chi sug ani­mal­sina rig­cha­kuna­mandaka, liun­mi rig­cha kawa­ri­warka; iskai­maka, kari wagra­sina rig­cha; kim­sa­maka, runa­sina ñawi­iug; chus­ku­maka, sug atun agila ña wairapi ata­rin­ga­sina­mi kawa­ri­warka. ⁸ Chi tukui chusku ani­mal­sina rig­cha­kunaka, sugta sugta alas­kuna­mi iukar­ka­kuna. Tukui alas­kuna­pika, iskan­dima ñawi muru­lla­mi junda kar­ka­kuna. Tuta i pun­cha mana sakin­kuna­chu, ikuti ikuti ni­na­kun­ga­pa:

—Iapa alli, iapa alli, iapa alli,

tukui pudig atun Iaia Taita Dius.

Paimi ñugpata karka

i kuna­ura­pas ka.

Pai­lla­tatami samun­ga­pa ka.

⁹ Chi chusku ani­mal­sina rig­cha­kuna, dil­tudu­pa ima­ura­pas kaug­sai­wa mandag tia­ri­dirupi tia­kugta iapa suma alli­lla atun­ia­chispa, “Pai Siñur” nispa ka­uraka, ¹⁰ chi iskai chunga chusku iacha taita­kunaka, paipa chaki ladu kumu­ris­pa­mi kun­gu­rin­kuna. Nis­paka, pai­kunapa llaug­tu­kunata tia­ri­diru ñugpa ladu­mi churan­kuna, kasa nispa:

¹¹ —Nukan­chipa atun Taita Dius,

kammi iapa alli kangi,

iapa suma alli atun­ia­chii tukuspa,

tukui pudig kan­ga­pa,

maituku waranga waranga wata­kuna ialig­pi­pas.

Kammi tukui ima tiaska wiña­chir­kangi.

Kam munaskamandami

tukui ima wiñachiska­pas tia.

Maituskapi iskribi­raiaska­manda i ubija­sina rig­cha­manda

¹ Chi­ura­mandaka, chi tia­ri­di­rupi tia­kugpa alli makipi sug mai­tus­kapi iskri­bi­raias­kata cha­ri­kug­ta­mi kawar­kani. Ñugpa ladu i wasa ladu iskri­bis­ka­mi karka. Kan­chis sillu prinsas­ka­mi karka. ² Sug anjil iapa pudig­ta­pas­mi kawar­kani. Chi anjilka, sin­chi rimai­wa kapa­rirka, kasa tapuspa:

—¿Pitak iapa alli kan­gi­chi, chi sillu­kunata piti­chispa, iskri­bi­raias­kata paskan­ga­pa?

³ Chi­ura sug luarpi, alpapi ñi alpa ukupi, ñi pipas mana alli tiarka, chi iskri­bi­raias­kata pas­kaspa, ima ni­raias­kata kawaspa iachan­ga­pa. ⁴ Ñi pipas mana tiag­manda, nukata iapa wakai­mi chaia­warka. ⁵ Chasa waka­ku­uraka, sug iacha taitaka ni­warka:

—Mana wakakui. Kawai. Judá suti runapa iawar­manda liun kag­sina, atun mandag Davidpa wam­bra­kunapa wam­brami bin­sig­samurka. Pai­mi, chi kan­chis sillu­kunata piti­chispa, iskri­bi­raias­kata pas­kan­ga­pa ka.

⁶ Chi­uraka, kasa­pas­mi kawar­kani: mandag tia­ri­diru chaug­pipi, chi chusku ani­mal­sina rig­cha­kunapa chaugpipi, chi iacha taita­kuna kas­kapi, chi­pika, sug Ubija­sina­mi saia­rig­samurka. Chi Ubi­jaka, wañu­chin­ga­pa tugsiska kag­sina­mi kawa­ri­warka. Kan­chis kachu­iug, kan­chis ñawi muru­iug­mi karka. Chi­kuna ni­raian­mi Taita Dius­pa kan­chis ispi­ri­tu­kunata kai tukui alpama pai kacha­muska.

⁷ Chi Ubi­jaka, mandag tia­ri­dirupi tia­kug­pag­ma kai­lla­ias­paka, paipa alli maki ladu cha­ri­kuska iskri­bi­raias­ka­ta­mi chas­kirka. ⁸ Chita chas­ki­uraka, chi chusku ani­mal­sina rig­cha­kuna i iskai chunga chusku iacha taita­kunaka, Ubi­japa ñugpa ladu kumu­ris­pa­mi kun­gu­rir­ka­kuna. Chi tukui­kunaka, sug sug arpa i suma asna kupal jun­da­chiska kurita ruraska kupa­kuna­mi cha­ri­na­kurka. Chi suma asna kupal­kuna ni­raian­mi Taita Dius­pa­lla kag­kuna ima maña­na­kuska. ⁹ Kun­gu­ris­paka, musu kan­tu­mi bir­siar­ka­kuna, kasa nispa:

—Kammi wañuchii tukur­kangi.

Kamba iawarwaka,

tukui puiblu­kuna­nig­manda,

tukui alpakuna­nig­manda,

tukuinigmanda sug rig­cha

sug rig­cha rimaspa runa­kuna­ta­mi

Taita Diusmanda randir­kangi.

Chimandami kam kikin alli kangi,

chi iskri­bi­raias­kata chas­kispa,

prinsaska sillu­kunata piti­chin­ga­pa.

¹⁰ Pai­kuna­ta­mi nukan­chipa Taita Dius­manda agllar­kangi,

mandag­kuna i sasir­duti­kuna kan­ga­pa.

Paikunami tukui alpapi mandan­ga­pa kan­kuna.

¹¹ Chi­ura­mandaka, ikuti kasa­pas­mi kawar­kani: mandag tia­ri­diru muiugta, chi chusku ani­mal­sina rig­cha­kuna i chi iacha taita­kunapa muiug­ta­pas, iapa achka anjil­kuna­ta­mi uiar­kani. Chi anjil­kuna, iapa achka waranga waranga­mi kar­ka­kuna. ¹² Pai­kunaka, sin­chi rimai­wa ni­na­kurka:

—Kam Taita Dius­pa Ubija suti

wañu­chiimi tukur­kangi.

Kamta chaia­kumi

tukui pudiita,

tukui iukaita,

tukui iachaita

i tukui mandaita

kam iukan­ga­pa.

Kam, iapa suma­mi kangi;

iapa allimi kangi;

iapa atunmi kangi.

¹³ Sug luarpi, kai alpapi, alpa ukuma i lamar iakupi, tukui­pi­pas tukui ima tias­ka­kuna i tukui kaug­sag­kuna­pas ima ni­na­kus­ka­ta­mi uiar­kani. Taita Dius tia­ri­dirupi tia­kugta i paipa Ubija suti­ta­pas kungu­ri­na­kurka, kasa nispa:

—Ari, kam, ima­ura­pas iapa suma alli atun­mi kangi.

Kammi ima­ura­pas kangi tukui pudig.

Chasami kamta ni­na­kun­ga­pa kan­chi,

maituku waranga waranga wata­kuna ialig­pi­pas.

¹⁴ Chi­ura, chi chusku ani­mal­sina rig­cha­kunaka nir­ka­kuna:

—Chasa kachu.

Iacha taita­kuna­pas, alpama kumu­rispa, paita kungu­rir­ka­kuna.

Chi kanchis prinsaska sillu­kunata piti­chiska­manda

¹ Taita Dius­pa Ubija suti kan­chis prinsaska sillu­kuna­manda sug silluta piti­chis­ka­ta­mi kawar­kani. Chi­uraka chi chusku ani­mal­sina rig­cha­pura sugka, triwinu uia­rig­sina rimai­wa kapa­rirka, kasa nispa: “Samui”. ² Chasa kapa­rig­lla­pika, sug iura kaba­llu­mi kawa­rig­sa­murka. Chipi tia­kug­ka, fli­cha­diru arkus­mi cha­ri­kurka. Pai­taka sug llaug­tu­mi chu­ra­chir­ka­kuna. Cha­saka, bin­si­dur­sina­mi llug­sirka, ikuti ikuti bin­sii­lla apa­kun­ga­pa.

³ Iskaima chi prinsaska silluta piti­chi­uraka, ikuti sug ani­mal­sina rig­chata uiar­kani, “Samui” kapa­rigta. ⁴ Chasa kapa­rig­lla­pika, ikuti sug puka kaballumi llug­si­rig­sa­murka. Chipi tia­kug­taka kachar­ka­kunami, tukui kai alpapi runa­kuna­pura wañu­chi­na­kui tukun­ga­pa. Chasa ruran­ga­paka, sug largu machi­timi paita kuar­ka­kuna.

⁵ Kimsama chi prinsaska silluta piti­chi­uraka, kimsama ani­mal­sina rig­chata uiar­kani, “Samui” kapa­rigta. Chasa kapa­rig­lla­pika, iana kaba­llu­mi kawa­rig­samurka. Chipi tia­kugka, libra­dirumi makipi cha­ri­kurka. ⁶ Chi­ura, chi chusku ani­mal­sina rig­cha­kunapa chaugpi­manda kasa rimaimi uia­ri­warka:

—Iapa iarkai puncha chaia­mug­manda, sug­lla kilu trigu, chisiagta pun­cha ganaska kulkimi balin­ga­pa ka. Kimsa kilu sibadapas, chasa­lla­ta­mi balin­ga­pa ka. Ikuti asiti u binu­taka mana waglli­chingi.

⁷ Chuskuma chi prinsaska silluta piti­chi­uraka, chuskuma sug ani­mal­sina rig­chata uiar­kani, “Samui” kapa­rigta. ⁸ Chasa kapa­rig­lla­pika, killu kaballumi llug­si­rig­samurka. Chipi tia­kugka suti ni­raiar­kami: “Wañui”. Paipa katika, ikuti sugka kati ladu tia­kurka. Chi, sutimi ni­raiarka: “Wañus­ka­kuna ka­diru”. Pai­taka lisin­sia kuarka, kai alpapi tukui kaug­sa­na­kuska runa­kuna chuskuma parti­riska kas­ka­kuna­taka sug partita wañu­chin­ga­pa. Wañu­chi­na­kui­wa, iarkai­wa, ungui­kuna­wa i sachuku­manda jiru ani­mal­kuna­wa­mi wañu­chii tukun­ga­pa lisin­sia kuarka.

⁹ Pich­kama chi prinsaska silluta piti­chi­uraka, sug alma­kuna­ta­mi altar ukuma kawar­kani. Chi alma­kunaka, Dius­pa Rimaita suma alli­lla willag­kuna­manda wañu­chii tukus­ka­mi kar­ka­kuna. ¹⁰ Chi­kunaka, sin­chi­mi kapa­ri­na­kurka, kasa tapuspa:

—Tukui mandu­iug Tai­tiku, tukuipi mas alli kag, suma man­daiwa kag i sutipa ima nis­kata rurag, ¿ima­ura­kamatak suian­kangi, jus­ti­siai ruran­ga­pa? ¿Ima­uratak nukan­chita wañu­chiska iawar sur­kus­ka­kunata alpapi kaug­sag­kunata randi­chi­puan­kangi?

¹¹ Chi­uraka, chi tukui­kunata sug sug iapa iura katangami iuka­chir­ka­kunata, kasa nispa:

—Chara sug ratu suia­rii­chi. Kam­kunapa waugki i pani­kuna­mi chara pisi­nakú. Pai­kuna­pas kam­kuna­sina­lla­tata Cristo­manda wañu­chii tukuspa samun­kama suia­rii­chi.

¹² Sugtama chi prinsaska silluta piti­chi­uraka, nuka kawar­ka­nimi, tukui alpa timbu­rig­samugta. Indi pun­cha­iaika, iana tuta­mi tukug­samurka. Killa pun­cha­iaika, iawar­lla­mi kawa­rig tukug­samurka. ¹³ Istri­lla­kunaka, awa­nig­manda kai alpama urmamur­ka­kuna; imasa­mi igus sacha iapa sin­chi waira­wa chab­si­rispa llullu mikui­kuna susu­rin­kuna: chasa. ¹⁴ Awa ladupas, sug papil maitu­ris­ka­sina­mi tukug­sa­murka. Tukui atun filu­kuna i isla­kuna pariju, sug­sina­ma­mi iali­chii tukur­ka­kuna. ¹⁵ Chasa kawas­paka, kai alpapi atun mandag­kuna i kati mandag­kuna, suldaduta atun man­dag­kuna, iapa iukag­kuna i iapa pudig­kuna, patrun­kuna i lutrin­kuna­pas, tukui runa­kunaka maipi pusu­kuna kawa­riska i piña­kuna­nig­ta­mi miti­kuspa paka­kug­rir­ka­kuna, ¹⁶ kasa nispa:

—Filu­kuna i awa rumi­kuna, nukan­chipa awa urmag­samui­chi. Paka­wai­chi, chi mandag tia­ri­dirupi tia­kug mana nukan­chita kawan­ga­pa, chi Ubija sutika nukan­chi­wa rabia­rispa llakii iukag­manda. ¹⁷ Pai­kuna asku­rinti rabia­rispa llakii pun­chami chaia­murka. Chasa­taka, ¿pi­sik pudinga kispi­rin­ga­pa?

Israelpa iawar iukas­ka­kunata agllaska­kuna­manda

¹ Chi­ura­mandaka, ikuti­mi kawar­kani: chusku anjil­kuna, kai alpapi saia­na­kuspa, chusku ladu­nig­manda waira chaia­na­kus­ka­ta­mi arka­na­kurka, alpapi, lamar iakupi ñi ima sachapi mana waira chaia­mun­ga­pa. ² Sug anjil­ta­pas­mi kawar­kani. Chi anjilka, indi llug­si­diru­nig­manda samuspa, kaug­sag Taita Dius­pa prin­sa­diru sillu­ta­mi cha­ri­kurka. Ikuti sug chusku anjil­kuna­pas­mi kar­ka­kuna; pai­kuna, alpa­ta i lamar iakuta wag­lli­chin­ga­pa kacha­mui tukus­ka­kuna. ³ Prin­sa­diru silluta cha­ri­kug anjilka, pai­kunata sin­chi kapa­rig­samurka, kasa nispa:

—Alpata, lamar iakuta ñi sacha­kunata manara waglli­chin­gi­chi, nukan­chipa Taita Dius­pa lutrin­sina­kunata printipi sillu churan­kama.

⁴ Chi­ura­mandaka uiar­kani mai­tuku­kuna sillu­wa prinsai tukugta­kuna: patsa chusku chunga chusku waranga. Chi tukui runa­kunapa ñug­pa­manda kalla­rig achala taita, Israel­mi suti karka.

⁵ Judá suti runapa wam­bra­kunapa wam­bra­kuna­taka, chunga iskai warangasi sillu­wa prinsai tukur­ka­kuna.

Rubén suti runapa wam­bra­kunapa wam­bra­kuna­taka, chunga iskai waranga chasa­lla­ta.

Gad suti runapa wam­bra­kunapa wam­bra­kuna­taka, chunga iskai waranga chasa­lla­ta.

⁶ Aser suti runapa wam­bra­kunapa wam­bra­kuna­taka, chunga iskai waranga chasa­lla­ta.

Neftalí suti runapa wam­bra­kunapa wam­bra­kuna­taka, chunga iskai waranga chasa­lla­ta.

Manasés suti runapa wam­bra­kunapa wam­bra­kuna­taka, chunga iskai waranga chasa­lla­ta.

⁷ Simeón suti runapa wam­bra­kunapa wam­bra­kuna­taka, chunga iskai waranga chasa­lla­ta.

Leví suti runapa wam­bra­kunapa wam­bra­kuna­taka, chunga iskai waranga chasa­lla­ta.

Isakar suti runapa wam­bra­kunapa wam­bra­kuna­taka, chunga iskai waranga chasa­lla­ta.

⁸ Zabulón suti runapa wam­bra­kunapa wam­bra­kuna­taka, chunga iskai waranga chasa­lla­ta.

José suti runapa wam­bra­kunapa wam­bra­kuna­taka, chunga iskai waranga chasa­lla­ta.

Benjamín suti runapa wam­bra­kunapa wam­bra­kuna­taka, chunga iskai waranga chasa­lla­ta sillu­wa prinsai tukur­ka­kuna.

Iapa achka­kuna, iura katanga churariska kawa­riska­manda

⁹ Chi­ura­mandaka, mana pipas kuin­tai pudin­ga­sina iapa achka runa­kuna­ta­mi kawar­kani. Chi runa­kuna kar­ka­kunami tukui alpa­nig­manda i tukui pui­blu­kuna­nig­manda. Tukui­nig­manda sug rig­cha sug rig­cha rimas­pa­mi kar­ka­kuna. Taita Dius kikin mandag tia­ri­diru ñugpa ladu i paipa Ubijapa ñugpa ladu­mi saia­na­kurka, iura katan­ga­kuna chura­riska i ramus­kuna cha­rispa. ¹⁰ Chi runa­kunaka, sin­chi kapa­rispa, ni­na­kurka:

—Nukan­chipa Taita Dius, man­dag tia­ri­dirupi tia­kug i paipa Ubija sutimi nukan­chita kispi­chig kangi.

¹¹ Iacha taita­kuna i chi chusku ani­mal­sina rig­cha­kuna, mandag tia­ri­diru ladu­pi­mi kar­ka­kuna. Tukui anjil­kuna, pai­kuna kas­kapi i tia­ri­diru muiug­ta­mi saia­na­kurka. Nis­paka, chi tia­ri­diru ñugpa ladu alpa­ma kumu­rispa, nukan­chipa Taita Diusta kungu­rir­ka­kuna, ¹² kasa nispa:

—Kasa kachu.

Kam, ima­ura­pas iapa suma alli atun­mi kangi.

Ima­ura­pas kamta:

Pai Siñurmi nin­chi.

Kammi ima­ura­pas kangi

tukui iachag,

tukui pudig

i tukui mandag.

Chasami kamta ni­na­kun­ga­pa kan­chi,

maituku waranga waranga wata­kuna ialig­pi­pas.

Chasa kachu.

¹³ Chipi kag sug iacha taitaka tapu­warka, kasa nispa:

—Chi iura katanga chura­ris­ka­kuna, ¿pi­kunatak kan­kuna? ¿Mai­manda­tak samur­ka­kuna?

¹⁴ Nukaka ainir­kani:

—Kam kikin taitami iacha­puangi.

Chasa aini­ura, paika ni­warka:

—Pai­kuna, iapa achka llakii pasas­ka­mi kan­kuna.

Pai­kunapa katan­ga­kuna,

Taita Dius­pa Ubijapa iawar­pi­mi tagsaspa,

iura­ia­chir­ka­kuna.

¹⁵ Chasamandami Taita Dius mandag tia­ri­diru ñugpa ladu kag­samun­kuna.

Tuta i pun­cha, paipa atun wasipi pai ima nis­kata rurag­mi kan­kuna.

Taita Dius manda­dirupi tia­kug kikin­mi suma kawan­ga­pa kan­kunata.

¹⁶ Mana iarkai ñi iaku­naiai

paikuna iukan­ga­pa kan­kuna­chu.

Indi rupai ñi sug rig­cha rupai­kuna­pas,

paikuna mana tantian­ga­pa kan­kuna­chu.

¹⁷ Taita Dius­pa Ubija suti mandag tia­ri­dirupa ñugpa ladu saia­kug­pas­mi suma kawan­ga­pa kan­kunata.

Iaku ñawi­kuna­ma­mi

pai­kunata pusan­ga­pa ka,

chipi upiaspa, sumag­lla kaug­sai iukan­ga­pa.

Taita Dius­pas,

pai­kunapa tukui wiki­ta­mi

ñawi­manda tusta­chin­ga­pa kan­kunata.

Kurita ruraska kusni­chin­ga­pa chura­diru­manda

¹ Taita Dius­pa Ubija suti kan­chisma chi prinsaska silluta piti­chi­uraka, chaugpi ura­sina­mi sug luarpi upallag­samurka. ² Chi­ura­man­daka kan­chis anjil­kuna, Taita Dius­pa ñugpa ladu saia­na­kug­ta­mi kawar­kani. Tukui kan­chis­kuna­taka sug sug bututu­sina­mi kuar­ka­kunata.

³ Chi­ura­manda sug anjilka, altar ñugpa ladumi saia­rig­samurka, kurita ruraska kusni­chin­ga­pa chura­diruta cha­ri­riska. Pai­taka achka suma asna kupalmi kuar­ka­kuna; chi­wanka, Taita Dius­man­da­lla kaug­sag­kuna ima maña­na­kus­ka­wa kurita ruraska altarpi cha­pu­chispa kusni­chin­ga­pa. Chi altar, man­dag tia­ri­diru ñugpa ladu­mi saia­chiska ka. ⁴ Chasa­pika, suma asna kus­ni­kunaka, anjilpa maki­manda ata­rispa, chi suma maña­na­kus­ka­wa sug­lla­pi cha­pu­rispa, Taita Dius­pa ñawipi chaiag­rirka. ⁵ Chi­ura­manda chi anjilka, altarpi rupa­kuska ninata apispa, kusni­chin­ga­pa chura­dirupi junda­chis­paka, kai alpama sita­murka. Chi nina kilim­sa­kuna alpama sita­mu­uraka, iapa sin­chi rimai i triwinu uia­rispa, rilampa kawa­rispa, alpa­mi timbug­samurka.

Kanchis bututu­sinata pukuska­kuna­manda

⁶ Chi kanchis anjil­kunaka alli­chi­rir­ka­kunami, bututu­sinata pukun­ga­pa. ⁷ Sug anjilka pukurka. Pukug­lla­pi, granisu i nina iawar­wa cha­pu­ris­pa­mi kai alpama urmag­samurka. Chasa­waka, kai alpa kim­sama par­ti­riska kas­kata sug parti sacha­kuna i birdi ugsa­wan­ta­mi rupag­sa­murka.

⁸ Iskaima anjilka pukurka. Pukug­lla­pi, atun luma filu ninalla sindi­sinaka lamar iakuma sitai tukurka. Chasa­waka, lamar iaku kim­sama parti­riska kas­kata sug parti pai iawar­lla­mi tukug­samurka. ⁹ Cha­sa­pika, chi kuchapi kaug­sag ani­mal­kuna kimsama parti­riska kas­kata sug partimi wañur­ka­kuna. Chipi kaska barku­kuna­pas, chasa­lla­ta­mi puchu­ka­rir­ka­kuna.

¹⁰ Kimsama anjilka pukurka. Pukug­lla­pi, sug atun istri­lla nina sindi­sina­mi awa­manda urmag­sa­murka. Iaku­kuna i iaku ñawi­kuna kimsama parti­riska kas­kata sug parti­pi­mi urmag­samurka. ¹¹ Chi istri­lla suti kan­mi “Winja”. Chi istri­lla urmag­samus­ka­waka, chi sug parti tukui iakumi winjaiag­sa­murka. Iapa achka runa­kuna­mi, chi winjaiaska iaku upiaspa, wañur­ka­kuna.

¹² Chuskuma anjilka pukurka. Pukug­lla­pi, indi, killa i istri­lla­kuna kimsama parti­riska kas­kata sug par­ti­mi waglli­chii tukug­samur­ka­kuna. Chasa­waka, chi­tuku­lla­tata pai­kunapa pun­cha­iaika tutaiag­samurka. Pun­cha i tu­ta­pas chasa­lla­ta sug parti iapa tutaiarka.

¹³ Chi­ura­mandaka, sug agila iapa awapi bula­kus­ka­ta­mi kawaspa uiar­kani. Chi agilaka, sin­chi rimas­pa­mi kapa­rig­samurka, kasa nispa:

—¡Ai ai ai, apai alpapi kaug­sag­kuna, imachar pasan­ga­kuna, kai sug kimsa anjil­kuna bututu­sinata puku­ura!

¹ Pich­kama anjilka pukurka. Pukug­lla­pi, sug istri­lla­sina kawari awa­manda kai alpama urmas­ka­ta­mi kawar­kani. Chi istri­lla­sina­taka kai alpa uku­nig­manda pusupa pungu­manda lla­bi­ta­mi kuar­ka­kuna. ² Chi pusuta pas­kag­samu­uraka, sug asku­rinti atun kus­ni­mi llug­sig­samurka. Chi kus­ni­waka indi i wairata iapa­mi amsa­ia­chirka.

³ Chi kusni­mandaka, langosta suti atun cha­pulin­kuna­sina­mi kai alpapi tukuima cha­pu­rig­samurka. Pai­kunata kuarka, kai alpa­manda ala­kran­kuna­sina tugsispa wag­lli­chin­ga­pa. ⁴ Pai­kunata nirka:

—Kai alpapi tiaska ugsa­kunata, was­ka­kunata i sacha­kunata mana waglli­chin­gi­chi. Mai­kan runa Taita Dius­pa prinsaska sillu printipi mana iukas­ka­kuna­lla­ta tugsispa nana­chin­gi­chi.

⁵ Chi langosta­kuna­taka mana chi runa­kunata wañu­chin­ga­pa lisin­sia kuar­ka­kunata­chu. Pichka killapa mana awan­tan­ga­sina nana­chin­ga­pag­lla­mi ni­raiar­ka­kunata; imasa­mi alakran, tugsispa, runa­kunata mana awan­tan­ga­sina nana­chí: chasa. ⁶ Chi pun­cha­kunaka, runa­kuna wañun­ga­pa maska­na­kug­pi­pas, mana pudin­ga­pa kan­kuna­chu wañui tarin­ga­pa. Ari, wañun­ga­pa muna­na­kug­pi­pas, wañui mana chaia­mun­ga­pa kan­kunata­chu.

⁷ Chi langosta­kunaka rig­cha­war­ka­kuna­mi kaballu­kuna wañu­chi­na­kuima ña rin­ga­pa kag­sina. Pai­kunapa uma­pika, kuri llaugtu chu­ra­raias­ka­sina­mi rig­cha­war­ka­kuna. Pai­kunapa ñawika, runa­kuna­pa­sina­mi rig­cha­war­ka­kuna. ⁸ Pai­kunapa agchaka, warmi­kunapa agcha­sina­mi rig­cha­warka. Kiru­kunaka, liun­pa­sina­mi rig­cha­warka. ⁹ Pai­kunapa pichu­pika, iruta ruraska katan­ga­sina­mi kata­raiar­ka­kuna. Alas­kuna kuiu­chi­uraka, achka kaba­llu aliu­diru augtu­kuna wañu­chi­na­kuima kal­pa­na­kug­sina­mi uia­ri­wag­samurka. ¹⁰ Chupa­kunaka, ala­kran tug­si­diru­iug kag­sina­mi rig­cha­war­ka­kuna; chi­kuna­waka, pichka killa runa­kunata mana awan­tan­ga­sina nana­chii­kuna ruran­ga­pa. ¹¹ Pai­kunata man­dagka, alpa uku­manda iaia anjil­mi ka. Pai­pa sutika, hebreo rimai­wa­mi ka “Aba­dón”. Griego rimai­waka, Apo­lion­mi suti ka. (Chi suti­kuna, llaki­chispa puchu­kag­mi ni­raiá.)

¹² Ñugpa llakii, ñami ialirka. Cha­ra­mi iskai llakii pisi­ku.

¹³ Chi­ura­manda, kasa­mi kawar­kani. Sugtama anjilka, butu­tu­sinata pukurka. Pukug­lla­pi, Taita Dius­pa ñugpa ladu kurita ruraska altar saia­kuska chusku ladu­nig­man­daka+ 9:13 u “ladu kachu­manda”. sug rimai­ta­mi uiar­kani. ¹⁴ Chi rimaika, sugtama anjilta nirka:

—Chusku anjil­kuna Eufrates suti atun iaku patapi wata­raias­ka­kunata kacha­rig­rii.

¹⁵ Chi­uraka, chi chusku anjil­kunata kacha­rig­rirka. Pai­kuna­mi alli­chi­riska suia­na­kurka, ima ura, ima pun­cha, ima killa, ima wata cha­ia­mun­kama, runa­kuna kimsama par­ti­riska kas­ka­kuna­taka sug par­tita puchu­kan­ga­pa. ¹⁶ Chi anjil­kunapa kaballupi tia­rig suldadu­kunaka, iskai patsa waranga waran­ga­si kar­ka­kuna. Chasa­mi uiar­kani.

¹⁷ Nuka­pa muskui ukupi­sinaka, kasa­mi kaballu­kuna i chi­kunapi tia­na­kus­kata kawar­kani. Tia­na­kuskapa pichu­pika, nina sindi­sina puka, asul i asufri­sina killu rig­cha iruta ruraska katan­ga­sina­mi kata­raiar­ka­kuna. Kaballu­kunapa uma­ka, liunpa uma­sina­mi rig­cha­war­ka­kuna. Pai­kunapa simi­man­daka, asufri nina kusni­mi llug­si­kurka. ¹⁸ Runa­kuna kimsama par­ti­riska kas­kata sug parti, chi kimsa lla­kii­kuna­wa­mi wañur­ka­kuna. Chi kaba­llu­kunapa simi­manda asu­fri nina kusni sita­na­kus­ka­wa­mi wañur­ka­kuna. ¹⁹ Chi kaba­llu­kunaka, simi­wa i chupa­wa­pas­mi wañu­chii pudir­ka­kuna. Chupa­kunaka, kuli­bra­sina uma­iug­mi kar­ka­kuna; chi­wanka, runa­kunata tug­sin­ga­pa.

²⁰ Chi llaki­chii­kuna­wa wañus­ka­kunata kawas­pa­pas, kaug­sa kidag­kunaka, pai­kunapa jiru rurai­kunata mana sakir­ka­kuna­chu. Kuku waira­kunata, ñi kurita, kul­kita, brun­sita, rumita i kas­pita ruraska dius­kuna­ta­pas mana sakir­ka­kuna­chu muchan­ga­pa; chi ianga dius­kuna, kawan­ga­pa, uian­ga­pa ñi purin­ga­pa mana pudin­kuna­chu. ²¹ Chasa­lla­ta wañu­chii, jiru iacha pukui, kari warmi­wa pan­da­rii ñi sisai­pas mana sakir­ka­kuna­chu. Chi­wanka, Taita Dius­wa mana tigrar­ka­kuna.

Uchulla maituskapi iskribi­raias­kata, San Juan mikuska­manda

¹ Chi­ura­mandaka, kasa­mi kawar­kani. Sug iapa iacha anjil puiu­wa maitu­ris­ka­mi sug luar­manda urai­ku­mukurka. Paipa uma­pika, kui­chi­sina­mi muiu­chi­raiarka. Paipa ñawika, indi­sina­mi pun­cha karka. Paipa chaki­kunaka, puka nina pilar­kuna­sina­mi karka. ² Paipa maki­pika, uchu­lla mai­tus­kapi iskri­bi­raiaska pas­kas­ka­ta­mi cha­ri­kurka. Chi anjilka, alli chakita lamar iaku­pi­mi chu­rarka. Lluki chaki­taka alpa­ma­mi sarurka. ³ Nis­paka, liun sin­chi kapa­rig­sina­mi kapa­rig­sa­murka. Chasa kapa­rig­lla­pika, kan­chis triwi­nu­kuna­pas­mi sug­lla­pi aini­chir­ka­kuna. ⁴ Nuka chi kan­chis triwi­nu­kuna ima aini­chis­kata iskri­bin­ga­pa ña ka­uraka, suma luar­nig­manda rimai kasa­mi ni­warka:

—Kanchis triwinu­kuna ima aini­chis­kata mana iskri­bii. Cha­saka, ñi pipas mana iachan­ga­chu.

⁵ Chi nuka kawa­kuska lamar iakupi i alpapi saia­kug anjilka, alli maki awa­sinama ata­ri­chirka, ⁶ kasa nispa:

—Diltudupa ima­ura­pas kaug­sag, sug luar, alpa luar, lamar iaku i tukui ima chi­kunapi tias­ka­kunata wiña­chig­mi kawa­ku. Kasa­mi paipa ñawipi nini: mana mas suiai tian­ga­pa kan­chu.

⁷ Kanchisma anjil bututu­sinata pukun­ga­pa ka­ura, Taita Dius ima iuias­kata timpumi ruraska karka, imasa pai kikinpa Ispi­ri­tu­wa rimaspa lutrin­sina­kunata willas­ka­sina. Chi­taka pakas­ka­sina­mi karka, ñi pipas mana ñugpa iachan­ga­pa.

⁸ Chi suma luar­nig­manda rima­wagka ikuti kasa­mi ni­warka:

—Chi anjil lamar iakupi i alpapi saia­kug­pagma kailla­iag­rii. Chi uchu­lla maitus­kapi iskri­bi­raiaska makipi paskaska cha­ri­kus­kata chas­kig­rii.

⁹ Chi­uraka, chi anjil­pagma rispa, nig­rir­kani:

—Chi uchulla maitus­kapi iskri­bi­raias­kata kua­wai.

Chi­ura, kua­waspa ni­warka:

—Kam mikui. Kamba simipi dusi­sina miski miku­rig­pi­pas, kamba wigsa ukumaka winja­lla­mi iuia­chin­ga­pa ka.

¹⁰ Chi iskribi­raias­kata anjilpa maki­manda chas­kis­paka, mikur­kani. Nuka­pa simipi, dusi­sina mis­ki­mi miku­ri­warka. Mikui puchu­kas­ka­ura­mandaka, wigsa ukuma iapa winja­lla­mi iuia­chi­wag­samurka. ¹¹ Chi­ura­mandaka ni­war­ka­kuna:

—Ikutimi kamta chaia­ku, achka pui­blu­kunapi kaug­sa­na­kus­ka­manda, achka alpa­kuna­manda, sug rig­cha sug rig­cha rimai iukas­ka­kuna­manda i achka mandag­kuna­manda­pas Santu Ispi­ri­tupa iuiai­wa willag­rin­ga­pa.

Dius­manda iskai willag­kuna­manda

¹ Chi­ura­mandaka, tupu­diru pukun­ga­sina­mi kua­war­ka­kuna, kasa ni­waspa:

—Atarii. Dius­pa atun wasi altar­wan­ta tupug­rii. Mai­tuku chi ukupi kungu­riska tiag­kuna­ta­pas kuin­tangi. ² Ikuti chi atun kan­cha­taka sakingi, mana tupus­pa­lla. Chi kan­chaka, mana Taita Diusta uiag­kuna­manda­mi sakiska ka. Pai­kunaka, chusku chunga iskai killa­mi Taita Dius­pa­lla kaska pui­bluta apun­tadu saru­na­kun­ga­pa ka. ³ Nuka­manda iskai willag­kuna­ta­mi chima kachan­ga­pa kani. Pai­kunaka, wañus­ka­sina­manda iana katanga chura­rispa, nuka­pa Ispi­ri­tu­wa­mi chipi rima­puan­ga­pa kan­kuna, chi waranga iskai patsa sugta chunga pun­cha­kuna.

⁴ —Chi iskai nuka kachas­ka­kunaka, kai alpata mandag atun Taita Dius­pa ñawi­pika iskai olivos suti sacha i iskai bila saia­chi­diru, pai­kuna­lla­ta­ta­mi ni­raian­kuna. ⁵ Mai­kan­pas pai­kunata mana alli ruran­ga­pa muna­na­kus­kata, nina sin­di­mi pai­kunapa simi­manda pukun­ga­pa kan­kunata, chi mana munag­kunata dil­tudu­pa puchu­kan­ga­pa. Chasa­mi mai­kan­pas pai­kunata jiru ruran­ga­pa muna­na­kug puchu­ka­rin­ga­pa kan­kuna. ⁶ Chi iskandi Santu Ispi­ri­tu­wa rimag­kunaka pudin­ga­pa­mi kan­kuna, tamia­ta­pas arka­chin­ga­pa; chasaka, mana chi pun­cha­kuna tamian­ga­pa. Chasa­lla­ta­mi pudin­ga­pa kan­kuna, iaku­kuna­ta­pas: “Iawar tukug­sa­mui” nin­ga­pa i, masa biaji­kuna­pas pai­kuna imasa munas­ka­sina, kai alpa­manda runa­kunata sug rig­cha sug rig­cha llaki­chin­ga­papas.

⁷ —Pai­kuna chasa willai­ta puchu­kas­ka­ura­mandaka, sug iapa man­chan­ga­sina atun kukuka, alpa uku­nig­manda llug­si­rispa, pai­kunata makaipi bin­sis­pa­mi wañu­chin­ga­pa ka. ⁸ Wañu­chii tukus­ka­kunapa kuir­pu­kuna­taka atun kaska pui­blu­pi­mi sitaspa sakin­ga­pa kan­kuna. Chi pui­blupi mana alli­lla ruraspa kaug­sa­na­kus­ka­manda, Iaia Jesus­wa suma iuia­rig­kuna suti­chin­chimi: “Sodoma” u “Ejipto”. Chi pui­blu­lla­pi­ta­mi Iaia Jesús kruspi kla­bai tukurka. ⁹ Chasa pasa­ri­uraka, tukui sug pui­blu­kuna­nig­manda i alpa­kuna­nig­manda, tukui­nig­manda sug rig­cha sug rig­cha rimag­kuna­pas­mi chi sitaska kuir­pu­kunata kawan­ga­pa kan­kuna. Kimsa pun­cha i chaug­pi­mi mana pam­bas­pa­lla kanchapi sakin­ga­pa kan­kuna. ¹⁰ Pai­kuna wañug­samug­mandaka, kai alpapi kaug­sa­na­kugka, sumag­lla kun­tin­ta­rispa, pai­pura pai­pura sugma sugma iuka­chi­rii­kuna­mi rura­na­kun­ga­pa kan­kuna, kasa nispa: “¡Achalai! Chi iskandi Santu Ispi­ri­tu­wa rimag­kuna ñami wañur­ka­kuna. Pai­kuna­mi nukan­chita iapa ima­pi­pas piñaspa iachar­ka­kuna kanga”.

¹¹ Chi kimsa pun­cha i chaugpi ialis­ka­ura­mandaka, kasa­mi kawar­kani: chi iskandi­kunapa kuir­pu­pika, Taita Dius­pa samai­wa­mi kaug­sa­chir­ka­kunata. Chi­wanka, ikuti­mi saia­rispa purii kalla­rir­ka­kuna. Chipi tukui kawa­na­kug­taka asku­rintimi man­cha­chir­ka­kuna. ¹² Chi iskan­di­kunaka, suma luar­nig­manda sin­chi rimai­ta­mi uiar­ka­kuna: “Kasama sika­mui” nigta. Chi­uraka, suma luar­ma­mi puiupi sikar­ka­kuna, pai­kunata mana munag­kuna kawa­na­kug­lla­pi.

¹³ Pai­kuna sikag­lla­pika, alpa­mi timbug­samurka. Chi­wanka, chi atun pui­bluta chungama piti­chig­sina niipa, sug piti chi atun pui­blu kas­kaka puchu­ka­rig­ta­mi urmarka. Chi­pika, kan­chis waranga runa­kuna­mi wañur­ka­kuna. Ikuti sug­kunaka kaug­sa kidag­kunaka, asku­rinti mancha­rispa, Taita Dius suma luarpi tiag­ta­mi dimanchai kun­gu­rispa, nir­ka­kuna: “Kam, iapa suma atun­mi kangi”.

¹⁴ Iskaima llakii ñami ialirka. Ña­lla­mi kimsama samun­ga­pa ka.

Kanchisma bututu­sinata pukuska­manda

¹⁵ Kanchisma anjilka, bututu­sinata pukurka. Pukug­lla­pi, sin­chi rimai­kuna­mi suma luar­manda uia­rirka, kasa nispa:

—Tukui alpapi mandai tiag­kuna, nukan­chipa atun Taita Dius­pa i pai agllaska Cristo­pa­mi tukug­samurka. Ari, mana tuku­rii pun­cha­kuna­pi­mi mandan­ga­pa ka, mai­tuku waranga waranga wata­kuna ialig­pi­pas.

¹⁶ Chi­wanka chi iskai chunga chusku iacha taita­kuna Taita Dius­pa ñawi ladu manda­dirupi tia­na­kug­ka, suma kumu­rispa, paita kun­gu­rir­ka­kuna, ¹⁷ kasa nispa:

—Kam tukui pudig atun Taita Diusta:

Pai Siñurmi nin­chi.

Kammi kuna­ura kangi

i ñugpa­mandata kar­kangi.

Kam kikinpa iapa iachai­wa­mi

tukuita suma mandaiwa kalla­rir­kangi.

¹⁸ Tukui alpapi kaug­sa­na­kugka,

kamwa­mi rabia­riska kan­kuna.

Chi rabia­riska­kuna­manda,

ñami kamba puncha chaia­murka,

pai­kuna­ta­pas rabia­lla­wan­ta randi­chin­ga­pa;

chasa­lla­ta, wañus­ka­kuna­ta­pas jus­ti­siai ruran­ga­pa.

Ikuti kamba lutrin­sina­kunata,

kamba Ispi­ri­tu­wa rimag­kunata,

kam­manda­lla kaug­sag­kunata

i atun u uchulla kas­ka­kuna­ta­pas,

tukui kamta sumag­lla kuiaspa manchai­wa kas­ka­kuna­taka

sumag­lla­mi karan­ga­pa kangi.

Alpapi tukui waglli­chig­kuna­ta­pas

chasa­llatami pai­kunata randi­chin­ga­pa kangi.

¹⁹ Chi­ura Dius­pa atun wasi suma luarpi tias­kaka, pungu paskas­ka­sina­mi kawa­ri­warka. Taita Dius­wa runa­kuna­wa iuia­ri­na­kuska suti baul­ta­mi chi ukupi kawa­ri­warka. Chasa kawa­ri­wa­uraka, rilampa kawa­rispa, iapa sin­chi rimai i triwi­nu­sina uia­rispa, alpa tim­bu­rispa, iapa granisumi urmag­sa­murka.

Warmi indi­sina puncha katanga churariska i amarun kuku­manda

¹ Chi­ura­mandaka, sug ajai iapa atun siñalmi awapi kawa­ri­wag­samurka. Chi­pika, sug warmi indi­sina pun­cha katanga chu­ra­riska, killa awa­lla­mi saia­kurka. Paipa uma­pika, chunga iskai istri­lla­iug llaug­tu­sina­mi muiu­chi­raiarka. ² Chi warmika, wam­britu­wa ungu­rin­ga­pa­mi karka. Ajai­mi kapa­ri­kurka, nanai api­kug­manda.

³ Sug siñalpasmi awapi kawa­rig­samurka: sug nina puka­sina ajai atun amarun kuku, kan­chis uma­iug i chunga kachu­iug. Tukui kan­chis umapi, sug sug llaug­tu­sina­mi chura­raiarka. ⁴ Chi amarun kukuka, awapi tiaska istri­lla­kuna kimsama parti­riska kas­ka­kuna­taka sug par­tita paipa chupa­wa alius­pa­mi kai alpama bula­chi­murka. Chi ama­run kukuka, chi ungug warmipa ñugpa ladumi saia­rig­samurka, wawa tiag­samug­lla­pi, mikun­ga­pa.

⁵ Chi warmika, kari wam­brami iukag­samurka. Chi wam­bra ni­ra­iar­kami tukui alpa­manda runa­kunata iru bara­wa iapa man­dag kan­ga­pa. Chi wawa­taka tia­kug Taita Dius­pa man­dag tia­ri­di­ru­ma­mi apar­ka­kuna. ⁶ Chi war­mika, Taita Dius agllaska chusa sitaska alpa luar­ma­mi miti­kurka; chi­pika, waranga iskai patsa sugta chunga pun­cha pai­taka mikui kara­kun­ga­pa.

⁷ Chi­ura­mandaka, sug luarpi maka­na­kuimi tiarka. Atun anjil, Miguel suti, paipa anjil­kuna­wa, ama­run kuku i ama­runpa anjil­kuna­wa­pas­mi maka­na­kurka. Chi ama­runka, paipa anjil­kuna­wan­ta ⁸ mana pudir­ka­kuna­chu bin­sin­ga­pa. Chasaka, mana mas pudir­ka­kuna­chu, sug luarpi kaug­san­ga­pa. ⁹ Cha­sa­pika, chi iapa atun ama­run kuku, kai alpa­ma­mi sitamui tukurka. Chi ama­runka ni­raian­mi unai ñugpa­manda kuku kulibra, tukui kai alpa­manda runa­kunata llu­lla­chig, Diablu u Satanás suti iaia kuku. Paita i tukui paipa anjil­kuna­wan­ta­mi kai alpama sitamui tukur­ka­kuna.

¹⁰ Chi­uraka, suma luarpi, kasa­mi sin­chi kapa­rii uia­ri­warka:

—Ñami nukan­chita kispi­chii pun­cha chaia­murka.

Taita Dius­pa iapa iachai­wa­mi chaia­murka.

Nukan­chipa Taita Dius­pa suma mandai pun­cha

ñami chaia­murka.

Pai agllaska Cristopa mandai­pas­mi kawa­ri­murka.

Nukan­chipa waugkindi­kunata jucha­chig iaia kuku

ñami sitai tukurka.

Tuta i pun­chami

nukan­chipa Taita Dius­pa ñawipi pai­kunata jucha­chi­dur karka.

¹¹ Nukan­chipa waugkindi­kunaka,

paipa Ubija suti wañu­chii tukuskapa iawar­wa­mi

chi iaia kukuta miti­ku­chir­ka­kuna.

Dius­pa Rimaita willas­ka­kuna­wa­pas­mi

paita miti­ku­chir­ka­kuna.

Ari, wañuita mana mancha­ris­pa­lla­mi

willai apar­ka­kuna.

¹² Chasa­manda, suma luar­manda kag­kuna i tukui chipi kaug­sag­kuna­pas,

ajai sumag­lla alli iuia­chi­riilla kai­chi.

Ikuti, ¡ai, kam­kuna­manda

iapa llakii alpapi i lamar iakupi tukui kaug­sag­kuna­manda!

Chi iaia kukuka iachá,

mana achka pun­cha­kuna

pai­manda iukan­ga­pa kagta.

Chimandami asku­rinti achka rabia­wa kam­kuna­pagma urai­ku­murka.

¹³ Chi ama­run kukuka, alpama sitamui tukuska kagta kawa­ris­paka, chi kari wam­bra iukaska warmita kalpa­chin­ga­pa­mi kalla­rirka. ¹⁴ Chi warmi­taka atun agi­lapa iskandi alas­kuna­ta­mi chu­ra­chir­ka­kuna; chi­wanka bulaspa, ama­run kukuta sakispa, miti­kun­ga­pa; pai­manda agllaska chusa sitaska alpa luar­pika kimsa wata sugta killa mikui chas­kispa kaug­sa­kun­ga­pa. ¹⁵ Ama­run kukuka, paipa simi­manda atun iaku­mi kim­narka; chi­wanka, chi warmi apai tukun­ga­pa. ¹⁶ Alpaka, war­mita kis­pi­chin­ga­paka, simi pas­ka­rig­sina tukug­samuspa, chi ama­runpa simi­manda kimn­aska iakuta amu­llispa upiarka. ¹⁷ Chasa­manda ama­runka, chi warmi­manda asku­rinti rabia­rispa, rirka, war­mipa sug wam­bra­kunata makan­ga­pa. Chi wam­bra­kunaka ni­raian­kunami Taita Dius ima nis­ka­kunata ruraspa i Jesús ima willas­kata suma cha­ri­rispa kaug­sag­kuna.

¹⁸ Ama­run, lamar iaku patapi ris­paka, saia­rig­rirka.

Iskai iapa manchanga­sina atun kuku­kuna­manda

¹ Lamar iaku­mandaka sug iapa manchan­ga­sina atun kuku llug­si­rig­samug­ta­mi kawar­kani. Chi kukuka, chunga kachu­iug, kan­chis uma­iug­mi karka. Tukui chunga kachu­pi­mi sug sug llaugtu chura­raiarka. Uma­kuna­pika, Taita Dius­manda kamispa rimai­kuna­mi willa­raiarka. ² Chi kukuka, tig­ri­sina rig­cha­mi kawa­ri­warka. Chaki­kuna­ka, usu­pa­sina­mi karka; simika, liun­pa­sina. Ama­run kukuka, kikinpa iachai­ta­mi chi kukuta kararka, kikinpa man­dag tia­ri­di­rupi tia­rig­rin­ga­pa; chi­pika, iapa achka­kunata man­dan­ga­pa. ³ Chi man­chan­ga­sina kukupa sug umaka, wañun­ga­pa­sina kuchui tukus­ka­mi karka. Chi wañun­ga­pa­sina kuchus­kaka ambi­rig­sa­mur­kami. Chasa kawas­paka, tukui kai alpapi kaug­sa­na­kugka, iapa ujna­rispa, pai imasa rimas­kata uiaspa rurai kalla­rir­ka­kuna.

⁴ Ama­run chi kukuta paipa man­daita karas­ka­mandaka, pai­ta­mi kun­gu­rir­ka­kuna. Kikin ani­mal­ta­pas­mi chasa­lla­ta kungu­rir­ka­kuna, kasa nispa:

—¿Pisik tia kai kuku­sina? ¿Pi­sik pudinga, pai­wa maka­na­kun­ga­pa?

⁵ Chi manchanga­sina kuku­taka lisin­sia kuarka, atun­ia­chi­rispa Taita Diusta rimaspa kamin­ga­pa. Chusku chunga iskai killa­mi chasa ruran­ga­pa lisin­sia kuarka. ⁶ Chi­wanka, Taita Dius­manda, paipa wasi­manda i suma luarpi kaug­sag­kuna­ta­mi kami­dur karka.

⁷ Chi kuku­taka lisin­sia kuarka, Taita Dius­manda­lla kaug­sa­na­kus­kata makaspa, bin­sin­ga­pa. Tukui pui­blu­kuna­nig­manda i alpa­kuna­nig­manda, tukui­nig­manda sug rig­cha sug rig­cha rimag­kunata man­dan­ga­pa­pas­mi lisin­sia kuarka. ⁸ Mai­kan­pas kai alpapi kaug­sa­na­kug kikinpa suti­kuna, paipa wañu­chii tukuska Ubija cha­riska librupi mana tias­ka­kuna, tukui pai­kunaka chi kukuta kun­gu­rir­ka­kuna. Ikuti sug luarpi kaug­sag­rin­ga­pa agllas­ka­kunapa suti­kuna­lla­wa­mi kai alpa wiña­chis­ka­ura­manda­ta chi librupi willa­raiá; pai­kunaka, mana chi kukuta kun­gu­rin­ga­pa.

⁹ Mai­kan rinri iukag­kunaka, kasa uia­wai­chi.

¹⁰ Mai­kan karsilpi churag­taka,

chasa­llatami pai­ta­pas churan­ga­pa kan­kuna.

Mai­kan largu machi­ti­wa wañu­chig­taka

chasa­llatami wañu­chin­ga­pa kan­kuna.

Chi­wanka, Taita Dius­manda­lla kaug­sag­kunaka iukan­gi­chimi, sutipa allita mana sakis­pa­lla, pai­wa suma iuiai apa­na­kunga.

¹¹ Chi­ura­mandaka, ikuti sug man­chan­ga­sina iskai kachu­iug atun kuku alpa uku­nig­manda llug­si­rig­sa­mug­ta­mi kawar­kani. Chi kachu­kunaka, ubijapa kachu­kuna­sina­mi rig­cha­warka. Ikuti rimaika, ama­run kuku­sina­mi rima­kurka. ¹² Chi kati kukuka, ñugpa­manda manchan­ga­sina kukupa tukui mandaiwa­mi kikinpa ñawipi rurarka. Chi­wanka, tukui kai alpapi kaug­sa­na­kus­kata nirka, chi ñugpa­manda kuku wañun­ga­sina kuchuska ambi­ris­kata kun­gu­rin­ga­pa. ¹³ Asku­rinti ujna­chin­ga­sina mana ima­ura­pas kawas­ka­ta­mi rura­dur karka. Nina sindi awa­nig­manda kai alpama urma­chii­mi runa­kunapa ñawipi rura­dur karka.

¹⁴ Chasa ñugpa­manda man­chan­ga­sina kukupa ñawipi ruran­ga­pa chas­kis­ka­kuna­waka, kai alpapi kaug­sa­na­kus­ka­ta­mi pan­da­chirka, kasa nispa:

—Chi kuku largu machi­ti­wa wañu­chii tukuspa alias­kata kawas­pa, chasa­lla­ta kawa­ri imajin rurai­chi.

¹⁵ Chi kati atun kuku­taka lisin­sia kuarka, ñugpa­manda kukupa ima­jinta kaug­sa­chin­ga­pa. Chi ima­jinka, rimag­samuspa, nirka:

—Nukata mana mucha­wag­sa­mug­kunata wañu­chii­chi.

¹⁶ Chi­manda, atun­kunata i uchu­lla­kunata, iukag­kunata i mana iukag­kunata, patrun­kunata i lutrin­kunata nirka:

—Tukui­kunata alli makipi i prin­tipi chi kukupa silluta prin­saspa churai­chi—. ¹⁷ Mai­kan­pas mana chi silluta iukag­pika, mana pudir­ka­chu ran­din­ga­pa u katun­ga­pa. Chi prin­saska sillu­pika willa­raiarka, ñugpa­manda man­chan­ga­sina kuku imasa suti kaska u paipa sutika numiru­kuna­wa.

¹⁸ Kaitaka, alli iuiai­iug­kuna­lla­mi iachan­ga­pa kan­kuna. Mai­kan­pas iuiai­ta apig­kunaka, iachan­ga­kunami, chi atun kukupa sutika ima numiru­kuna­wa ni­raian­ga­pa kagta. Chi numiruka, sug runapa sutimi willa­raian­ga­pa ka. Sugta patsa sugta chunga sug­ta­mi chi suti kan­ga­pa ka.

Patsa chusku chunga waranga­kuna, musu kantu kantaska­kuna­manda

¹ Chi­ura­mandaka, Sión suti lumapi Taita Dius­pa Ubija saia­kus­ka­ta­mi kawar­kani. Patsa chusku chunga chusku waran­ga­kuna­mi pai­wa sug­lla­pi kar­ka­kuna. Chi­kunaka, chi Ubijapa i paipa Taitapa suti printipi sillu pias­ka­mi iukar­ka­kuna. ² Chi­uraka, atun iaku talli­rispa ri­kug­sina i sin­chi triwina­kug­sina­mi suma luar­nig­manda uia­rig­samurka. Chi uia­rii­pika, achka arpa­kuna uia­chi­na­kus­ka­sina­mi uia­rig­samurka. ³ Musug­lla sug rig­cha kan­tu­mi uia­chig­samur­ka­kuna. Tai­ta Dius­pa man­dag tia­ri­diru ñugpa ladu, chusku ani­mal­sina rig­cha­kunapa i iacha taita­kunapa ñugpa ladu­mi chi kantu uia­chig­samur­ka­kuna. Ñi pipas mana pudir­ka­kuna­chu, chi kan­tuta iachai­kun­ga­pa. Chi patsa chusku chunga chusku waranga kai alpa­manda kis­pi­chii tukus­ka­kuna­lla­mi pudir­ka­kuna, chita kantan­ga­pa. ⁴ Pai­kuna, ñi ima­ura­pas ñi mai­kan war­mi­wa mana sug­lla­pi kaug­sar­ka­kuna­chu. Chasa­lla­ta, pai­kunapa kuir­pu­wa­pas ñi imapi mana pan­da­riska kar­ka­kuna. Pai­kunaka, Taita Dius­pa Ubi­jata maima ri­kus­ka­ma­mi sug­lla­pi kati­raian­kuna. Pai­kunaka, ñugpa agllas­ka­kuna­mi kar­ka­kuna, runa­pura­manda kispi­rin­ga­pa; cha­saka, Taita Dius­pa i paipa Ubija­pa­lla ni­raian­ga­pa. ⁵ Pai­kuna ñi ima­ura­pas mana llu­llar­ka­kuna­chu. Pai­kuna­taka, ¿pitak ninga: “Ima­pi­pas pan­da­ris­ka­mi kan­gi­chi”?

Kimsa anjil­kuna willaska­kuna­manda

⁶ Chi­ura­mandaka, sug anjil awapi bula­kus­ka­ta­mi kawar­kani. Chi anjilka, kai alpapi tukui kaug­sa­na­kus­kata mana puchu­ka­ri­diru Alli Willai­ta willan­ga­pa samukus­ka­ta­mi kawar­kani. Tukui alpa­manda­kunata, tukui pui­blu­manda­kunata i tukui­nig­manda sug rig­cha sug rig­cha rimag­kuna­ta­pas chi Willai­ta willan­ga­pa­mi samukurka. ⁷ Sin­chi rimai­wa­mi ni­kurka:

—Taita Dius jus­ti­siai ruran­ga­pa pun­cha, ñami chaia­murka. Chi­manda, paita suma manchai­wa iuia­rispa nii­chi: “Kam, iapa suma atun­mi kangi”. Sug luarta, alpata, lamar iakuta i iaku ñawi­kunata wiña­chig kag­manda, paita kun­gu­rii­chi.

⁸ Iskaima kawa­rig anjilka, kasa kapa­rispa nig­samurka:

—Babi­lo­nia suti atun pui­bluka ña­mi urmaspa puchu­ka­rirka. Ima­sa­mi sug kari­sapa warmi, iapa macha­chii­wa upa iuiaipi urma­chí: cha­sa­lla­ta­mi tukui alpa­manda runa­kunata paipa mana alli iuiai­wa tun­tia­chig­samuska karka.

⁹ Kimsama kawa­rig anjilka, sug­kuna­sina­lla­tata sin­chi rimai­wa kapa­rispa nig­samurka:

—Mai­kan­pas chi manchan­ga­sina kukuta i paipa imajinta muchag­kunata i paipa prinsaska silluta printipi u makipi chu­ra­chi­rig­kunata, ¹⁰ pai­kuna­taka, Taita Dius kikin rabia­rispa llakii­wa kupa­pi­sina mana iaku cha­puska­lla binu­ta upia­chig­sina­mi ruran­ga­pa ka. Pai­kunaka, Taita Dius­pa tukui­pi alli anjil­kunapa ñawipi i paipa Ubijapa ñawi­pika nina asufri tias­ka­pi­mi rupa­chii tukun­ga­pa kan­kuna. ¹¹ Chi rupa­chii tuku­na­kus­kapa kus­nika, ima­ura­pas mana puchu­ka­ris­pa­lla kus­ni­kun­ga­pag­lla­mi ka. Chi kukuta i paipa ima­jinta muchag­kuna paipa suti willa­raiaska silluta chura­chi­riska kag­kunaka, mana sakis­pa­lla­mi rupa­chii tukun­ga­pa kan­kuna, mai­tuku waranga waranga wata­kuna ialig­pi­pas. ¹² Chasa­manda Taita Dius­manda­lla kaug­sag­kuna, pai ima nis­ka­kunata ruraspa Jesus­wa suma iuia­rig­kunaka, chasa­lla­ta tukui animu­wa apa­na­kui­chi, mana sam­ba­ias­pa­lla.

¹³ Chi­ura­mandaka, suma luar­nig­manda uiar­ka­nimi kasa ni­kus­kata:

—Iskribii. Mai­kan­pas kuna­ura­manda Iaia Jesus­wa suma iuia­rispa wañug­kunaka, Taita Dius­pa iapa kuias­ka­mi kan­ga­kuna.

—Ari—, Santu Ispi­ri­tuka nin­mi—. Pai­kuna tukuipi alli­lla ruras­ka­kuna­manda­mi sumag­lla sama­rin­ga­pa kan­kuna.

Alpapi tarpus­kata pallan­ga­sina jus­ti­siai tukuska­manda

¹⁴ Chi­ura­mandaka, sug iura puiu­mi kawa­ri­warka. Chi puiu­pika, sug runa tukuska rig­chami tia­kurka. Paipa uma­pika, kurita ruraska llaug­tumi chura­raiarka. Paipa maki­pika, afilaska machi­ti­sina­mi cha­ri­kurka. ¹⁵ Chi­ura sug anjilka, Dius­pa atun wasi­nig­manda llug­si­murka. Llug­si­mus­paka, chi puiupi tia­kus­kata sin­chi rimai­wa kapa­rirka, kasa nispa:

—Ñami jus­ti­siai pun­cha cha­ia­murka. Alpapi tarpuska ñami pallan­ga­sina ka. Chi­mandaka, machi­ti­wa kuchug­sina rurai, kamba jus­ti­siai tukun­ga­pa.

¹⁶ Chi­uraka chi puiupi tia­kugka, machi­ti­wa alpapi kuchuspa kuchuspa tanda­chirka.

¹⁷ Ikuti sug anjilka, Dius­pa atun wasi suma luarpi tias­ka­manda llug­si­murka. Paipas, afilaska machi­ti­sina­mi cha­ri­kurka. ¹⁸ Ikuti sug anjilka, altar­nig­manda­mi llug­si­murka. Chi anjil, altarpi nina tias­kata kawag­mi karka. Chi anjilka, afilaska machiti cha­ri­kug­taka sin­chi rimai­wa kapa­rirka, kasa nispa:

—Alpapi pukuska ubas­kunaka ña­mi tanda­chin­ga­sina ka. Chi­man­daka, afilaska machi­ti­wa kuchus­paka, ubas waiun­ga­kunata tan­da­chii.+ 14:18 Chi ubas­kunaka, mana alli rurag runa­kuna­mi ni­raian­kuna.

¹⁹ Chi­uraka chi anjilka, kai alpa­pi tiaska ubas­kunata machi­ti­wa kuchuspa kuchuspa tanda­chirka. Chi ubas­kuna­taka kapi­diru­pi­mi chu­rarka, kapin­ga­pa. Chi kapi­di­ruka ni­raian­mi Taita Dius­pa tukui rabia­wa churaska. ²⁰ Chi ubas­kuna, pui­blu kancha­pi­mi kapii tukurka. Chi kapi­diru­mandaka, iawar­mi llug­sirka. Chi iawarka, kaba­llu­kunapa simipi churaska prinu awa­kama­mi jundarka. Kimsa patsa kilumitru­kama­mi chi iawar iaku­sina kalpa­kurka.

Kanchis anjil­kuna, iapa sinchi llakii chari­na­kuska­manda

¹ Chi­ura­mandaka, sug iapa ujnailla manchan­ga­sina si­ñal­ta­mi sug luar­manda kawar­kani. Kan­chis anjil­kunaka, sug sug iapa sin­chi llakiimi cha­ri­na­kurka. Chi llakii­kuna anjil­kuna runa­kuna­pag­ma kacha­mus­ka­waka, Taita Dius pasin­sia­rin­ga­pa­mi ka. ² Nina­wa kris­talwa cha­puska atun kucha­sina rig­cha­ta­pas­mi kawar­kani. Chi kucha ladu­lla­pika, man­chan­ga­sina kukuta miti­ku­chig­kuna­mi Taita Dius arpa iuka­chis­ka­kunata cha­rispa saia­na­kurka. Taita Dius karaska iuiai­wa mana saki­rir­ka­kuna, kukupa ima­jinta muchan­ga­pa i paipa suti numiru willa­raiaska siñalta chas­kin­ga­pa. ³ Pai­kunaka, Moi­sés suti Taita Dius­pa lutrin­sinapa kantu i Taita Dius­pa Ubijapa kan­tu­mi kan­ta­na­kurka, kasa nispa:

—Tukui pudig atun Taita Dius­mi kangi.

Kam tukui ima ruras­ka­kunaka

iapa suma achalai ujnan­ga­sina­mi kan­kuna.

Tukui alpapi mandag­kuna­manda mas atun mandag­mi kangi.

Kam tukuipi sutipa kas­kata

alli­lla ruras­ka­mi ka­pungi.

⁴ Kam tukuipi mas alli atun Taita Dius­lla­mi kangi.

Chi­mandaka tukui runa­kuna­mi,

kamta suma manchai­wa iuia­rispa,

mas suma atun­ia­chi­na­kunga.

Kam imasa chaias­ka­sina jus­ti­siai rurag­samug­manda­mi

tukui alpa­nig­manda runa­kuna,

chasa kawas­paka, samuspa,

kamta kungu­rin­ga­pa kan­kuna.

⁵ Chi­ura­mandaka, suma luarpi Dius­pa atun wasi­manda pungu pas­ka­raias­ka­ta­mi kawar­kani. Chi uku­pika, sug linsu wasi­sina­mi kawa­ri­warka. Chipi, Taita Dius kikin kaug­sa­dirumi ni­raiá. ⁶ Chi uku­mandaka, chi kan­chis anjil­kuna, sug sug iapa sin­chi llakii cha­ri­na­kus­ka­mi llug­si­mur­ka­kuna. Chi anjil­kunaka, linsu katanga suma pun­cha­lla­mi chura­riska kar­ka­kuna. Pai­kunapa pichu­pika, kuri siñi­dur­mi chumbilliska kar­ka­kuna. ⁷ Chi chusku ani­mal­sina rig­cha­kuna sugka, chi kan­chis anjil­kunata sug sug kuri kupa­ta­mi kuarka. Chi kupa­kuna­pika, Taita Dius dil­tudu­pa ima­ura­pas kaug­sagpa rabia­rispa lla­kii­kuna­ta­mi junda­chiska tukug­sa­murka. ⁸ Chi­uraka, tukui kikin suma ruraska atun Taita Dius­pag­manda samukug kusni­mi Dius­pa atun wasi ukupi jundag­samurka. Cha­sa­waka, ñi pipas mana pudir­ka­kuna­chu chi ukuma iai­kun­ga­pa, mana­ra tukui chi kan­chis anjil­kuna iapa sin­chi llakii­kuna cha­ri­na­kus­kata puchu­kan­kama.

Taita Dius iapa rabia­riska kanchis kupapi llakii­kuna tiaska­manda

¹ Chi­uraka, Dius­pa atun wasi uku­nig­manda sin­chi kapa­rispa rimai­ta­mi uiar­kani. Chi kan­chis anjil­kunata kasa­mi nirka:

—Rii­chi. Taita Dius iapa rabia­riska kan­chis kupapi llakii­kuna tias­kata alpama tallig­rii­chi.

² Chasa uias­paka, sug anjilka, llug­si­mus­paka, paipa kupapi tias­kata alpa­ma­mi tallig­samurka. Cha­sa­waka, mai­kan runa­kuna man­chan­ga­sina kukupa silluta chura­ra­ias­ka­kunata i paipa ima­jinta muchas­ka­kuna­taka millan­ga­sina iapa nana chu­pu­kuna­mi llug­si­rir­ka­kunata.

³ Iskaima anjilka, paipa kupapi tias­kata lamar iaku­ma­mi tallig­sa­murka. Chi­uraka, wañuskapa iawar­sina­mi tukug­samurka. Chi­wanka, tukui lamar iakupi tias­ka­kuna­mi wañur­ka­kuna.

⁴ Kimsama anjilka, paipa kupapi tias­kata iaku­kunama i iaku ñawi­kuna­pi­mi tallig­samurka. Chi­kuna­pas iawar­lla­ta­ta­mi tukug­sa­mur­ka­kuna. ⁵ Chi­uraka, iakuta kawag anjil­ta­mi uiar­kani, kasa nigta:

—Tukuipi mas alli Tai­tiku,

ñugpa­mandata kar­kangi

i kuna­ura ima­urapasmi chasalla kangi.

Kam tukuipi chasa jus­ti­siai rurag­manda­mi

tukuipi alli­lla kangi.

⁶ Chi jus­ti­siai tukug­kuna­mi,

kam­manda­lla kaug­sag­kunata

i Santu Ispi­ri­tu­wa rimag­kunata wañu­chispa,

pai­kunapa iawarta ichar­ka­kuna.

Chasa rurag­kuna­manda­mi

iawar upia­chir­kangi.

Chimandami pai­kunata chasa chaiarka chas­kin­ga­pa­kuna.

⁷ Altar­nig­mandaka, kasa rimai­pas uia­ri­warka:

—Ari, tukui pudig atun Taita Dius, kam chasa ruras­paka, sutipa­mi tukuipi alli jus­ti­siai rurar­kangi.

⁸ Chuskuma anjilka, paipa kupapi tias­kata indi­ma­mi tallig­rirka. Chi­uraka, indi kalla­rirka, tukui runa­kunata rupa­chin­ga­pa. ⁹ Chi indi rupa­chis­ka­waka, runa­kunapa aicha­kunaka rupas­pa­mi iapa llakin­ga­sina kusa­ri­na­kurka. Chasa rupa­chi­kug­pi­pas, mana pan­da­rii­kunata sakir­ka­kuna­chu. Mana Taita Dius­wa tukuspa, paita suma atun­ia­chir­ka­kuna­chu. Cha­sa­paka, pai Taita Dius chi llakii­kunata kacha­mui pudig­mandaka, pai­ta­mi kami­na­kurka.

¹⁰ Pich­kama anjilka, paipa kupapi tias­kata chi manchan­ga­sina kukupa mandaspa tia­ri­diru­pi­mi tallig­samurka. Tallig­lla­pika, chi kuku manda­kuska alpa­pika iana tuta­mi tukug­samurka. Chasa tukug­samu­ura, tukui runa­kunaka di­nanai kallu­ta­mi kani­ri­na­kurka. ¹¹ Chasa tukug­samug­pi­pas, pan­da­rii­kunata mana sakir­ka­kuna­chu. Pai­kunapa nanai i chu­pu­kuna­wa kas­pa­pas, Taita Dius suma luarpi kag­ta­mi kami­na­kurka.

¹² Sugtama anjilka, paipa kupapi tias­kata Eufrates suti atun iaku­pi­mi tallig­samurka. Chi­uraka, chi iaku tustag­samurka. Chasaka, indi llug­si­diru­nig­manda atun man­dag­kunata sakirka ialin­ga­pa.

¹³ Kasapasmi kawar­kani. Ama­run kukupa simi­manda, man­chan­ga­sina kukupa simi­manda i kuku wai­ra­wa llullaspa rimagpa simi­man­da­pas, tukui chi kimsa­kunapa simi­mandaka sug sug sapu­sina rig­cha kuku waira­kuna­mi llug­si­rir­ka­kuna. ¹⁴ Chi kuku waira­kunaka, mana pipas ruran­ga­pa pudis­ka­sina­mi kawa­chi­na­kurka. Kai tukui alpa­pi mandag­kunata tan­da­chin­ga­pa­mi llug­si­rir­ka­kuna; chasaka, tukui pudig Taita Dius­pa atun pun­cha chaia­mu­uraka, pai­wa wañu­chi­na­kun­ga­pa iuiai­wa.

¹⁵ Iaia Jesús, kasa­mi ni:

—Uiamui­chi. Nukaka, sug sisai­sina mana iuia­ku­urami samun­ga­pa kani. Mai­kan­pas suma katanga chu­ra­riska rig­cha­raiag­sina suia­wa­na­kug­ka, Taita Dius­pa iapa kuias­ka­mi ka­puan­kan­gi­chi. Cha­saka, chi pun­cha mana llatan­sina pingaipa kan­kan­gi­chi­chu.

¹⁶ Chi kuku waira­kunaka, hebreo rimai­wa Armajedón suti pam­ba­pi­mi mandag­kunata tanda­chir­ka­kunata.

¹⁷ Kanchisma anjilka, paipa kupa­pi tias­kata waira­pi­mi tallig­sa­murka. Chi­uraka, Dius­pa atun wasi uku­pi mandag tia­ri­diru­nig­man­da­mi sin­chi rimai­wa uia­rig­sa­murka, kasa nispa:

—Tukui imasa ni­raias­ka­sina­mi tukug­samurka—. ¹⁸ Chasa ni­uraka, rilampa kawa­rispa, iapa sin­chi rimai i triwinu uia­ri­ura, tukui alpa kuiu­rispa timbu­rig­samurka. Kai alpapi runa­kuna tias­ka­ura­manda­ta, mana ima­ura­pas chasa kuiu­rispa timbu­rii tiarka­chu. ¹⁹ Chi­wanka chi atun pui­blu, kim­sa­ma­mi parti­rig­samurka. Chasa­lla­ta, kai alpapi tiaska tukui pui­blu­kuna­pas­mi dirum­bag­samur­ka­kuna. Chasa­mi Taita Dius, Babi­lo­nia suti atun pui­blu iapa pan­da­rii­kuna iukag­manda, chasa iuia­rispa, kikin iapa rabia­rispa llakii­wa kupapi binuta upia­chig­sina rurarka.

²⁰ Chasa tuku­uraka, tukui isla­kuna i atun filu­kuna­pas­mi chin­ga­rir­ka­kuna. ²¹ Iapa atun gra­ni­su­kuna, awa­nig­manda tukui runa­kunapi urmag­samur­ka­kuna. Chi gra­ni­su­kunaka, kimsa aruba­sina­mi lla­sar­ka­kuna. Chasa llakii asku­rinti manchan­ga­sina tukug­pi­pas, runa­kunaka Taita Diusta kamii­lla­mi apa­na­kurka.

Karisapa warmi­sina atun pui­bluta justi­siai tukuska­manda

¹ Chi­ura­mandaka, chi kan­chis anjil­kuna kupa cha­ri­na­kug­pura sug rima­wag­sa­murka, kasa ni­waspa:

—Samui. Kawa­chi­sakimi, chi kari­sapa atun warmi­sina atun iaku­kuna patapi tia­kus­ka­sinata imasa jus­ti­siai tukun­ga­pa kagta. ² Alpapi atun mandag­kunaka, pai­wa pan­da­rii­kuna­mi rurar­ka­kuna. Alpapi kaug­sag­kuna­pas, paipa binuta machag­ta­mi upiag­sina ruraspa, pai­wa tukui mana alli­llata rurar­ka­kuna.

³ Chasa ni­was­paka, muskui uku­pi­sina chusa sitaska alpa­ma­mi apa­warka. Chi­pika sug warmi man­chan­ga­sina puka kukupi tia­kug­ta­mi kawar­kani. Chi kuku­pika, Taita Diusta kamispa rimai­kuna­lla­mi willa­raiarka. Chi kuku kar­kami kan­chis uma­iug i chunga kachu­iug. ⁴ Chi warmika, pichi i puka katan­ga­kuna­mi chura­raiarka. Kuri, pirla­kuna i sug rig­cha sug rig­cha iapa bali uchu­llita rumi­kuna­wa­mi alli­chi­riska karka. Paipa maki­pika, sug kurita ruraska kupa­mi cha­ri­kurka. Chi kupa­pika, kari­kuna­wa pan­da­riska i paipa iapa millai jiru iuiai­kunata junda­chis­ka­sina­mi ka­purka. ⁵ Paipa prin­ti­pika, sug mana pipas iachan­ga­sina suti­mi willa­raiarka. Kasa­mi suti ni­raiá: “Nuka, Babi­lo­nia suti iapa atun pui­blu­mi kani. Tukui kari­sapa warmi­kunapa mama­mi ni­raiani. Tukui sug rig­cha mana alli­lla rurai­kuna alpapi tias­ka­kunapa mama­pas­mi kani”.

⁶ Chi­ura­mandaka, chi warmita kawaspa, iuia­ri­wag­samur­kami, Tai­ta Dius­pa­lla kag­kunata i Jesus­manda willag­kunata wañu­chispa, pai­kunapa iawarta upiaspa machas­ka­sina kagta. Paita kawas­paka, iapa mancha­rir­kani. ⁷ Chi anjilka ni­warka:

—¿Imapatak mancha­ringi? Chi warmi kan­chis uma­iug chunga kachu­iug atun kukupi tia­kuska i kikin kuku ima ni­raias­ka­kuna­ta­mi willan­ga­pa kaiki. ⁸ Chi kukuta mus­kui ukupi kam kawas­kaka, ñug­pa­ta­mi kaug­sarka; kuna­ura mana tian­chu. Mana tiag­pi­pas, ikuti­mi alpa uku­nig­manda llug­si­mun­ga­pa ka, dil­tudu­pa manara wañu­chii tukugpi. Chi kuku ñug­pata kaug­saska, kuna­ura mana tiaska ikuti samugta kawas­paka, kai alpapi kaug­sag­kuna, achka­kuna iapa man­cha­ris­pa­mi kawan­ga­pa kan­kuna. Chasa man­cha­rig­kunapaka, kikin­pa suti­kuna kai alpa wiña­chis­ka­ura­manda­ta suma luarpi kaug­sag­rin­ga­pa willa­raiaska librupi mani­ma willa­raian­ga­pa ka.

⁹ —Alli iuiai iukag­kuna­mi kaita iachan­ga­pa kan­gi­chi. Chi kan­chis uma­kunaka, kan­chis luma­kuna­mi ni­raiá. Chi luma­kuna­pi­mi chi warmi ni­raiaska tia­ku. ¹⁰ Chi uma­kunaka, kan­chis atun mandag­kuna­pas­mi ni­raian­kuna. Chi kan­chis mandag­kuna­mandaka, pichka­kuna ñami wañur­ka­kuna. Sugka, kuna­urami manda­ku. Ikuti sugka manara samun­chu. Pai mandai kalla­ri­uraka, pai manda­kuska mana iapa una­ian­ga­pa kan­chu. ¹¹ Chi ñugpata kaug­saska atun kukuka, kuna­uraka mani­ma ña tia; chika, chi kan­chis man­dag­pura­manda kaspa, ikuti­mi kawa­rig­samun­ga­pa ka pusagma. Pai­mi dil­tudu­pa wañu­chii tukun­ga­pa ka.

¹² —Chi chunga kachuta kawar­kangi; chi­kunaka, chunga atun man­dag­kuna­mi ni­raian­kuna. Chi man­dag­kunaka, manara man­dan­ga­pa kalla­rin­kuna­chu. Pai­kunaka, sug ratu­lla­mi chi man­chan­ga­sina kuku­wa sug­lla­pi man­dan­ga­pa kan­kuna. ¹³ Chi chunga man­dag­kunaka, sug­lla iuiai­wa­mi tukun­ga­pa kan­kuna. Pai­kunapa man­dai­taka chi man­chan­ga­sina kuku­ta­mi kuan­ga­pa kan­kuna, pai mandai iukan­ga­pa. ¹⁴ Pai­kunaka, Taita Dius­pa Ubija suti­wa­mi maka­na­kun­ga­pa kan­kuna. Chi Ubija sutika, iaia­kunapa iaia i mandag­kuna­ta­pas tukuita man­dag kaspa, chi­wa­mi tukui kuku­wa kas­ka­kunata miti­ku­chin­ga­pa ka. Taita Dius agllaspa kaiaska paita mana sakis­pa­lla kag­kuna­mi chi Ubija suti­wa sug­lla­pi miti­ku­chin­ga­pa kan­kuna.

¹⁵ Kasapasmi anjil ni­warka:

—Iaku­kuna patapi kari­sapa war­mi­sina tia­kugta kawar­kangi; chi iaku­kunaka ni­raian­mi tukui pui­blu­kuna, tukui alpa­manda runa­kuna i tukui­nig­manda sug rig­cha sug rig­cha rimag­kuna.

¹⁶ —Chi chunga kachu atun kuku­pi tias­kata kawar­kangi; chi­kunaka ni­raian­mi kari­sapa warmi­sina­wa rabia­rin­ga­pa kag­kuna. Rabia­ris­paka, chi warmi­sinata ima iukas­kata kichuspa, katanga pariju lluspi­chig­sina ruras­pa­mi sitan­ga­pa kan­kuna. Paipa aicha­ta­pas­mi mikug­sina ruran­ga­pa kan­kuna. Nis­paka, tukuimi rupa­chin­ga­pa kan­kuna. ¹⁷ Taita Dius­mi pai­kunata chasa iuiai­kuna kacha­murka, pai kikin imasa munas­ka­sina pai­kuna ruran­ga­pa. Paimi chi mandag­kunata iuia­chirka, sug­lla iuiai­wa tukuspa, chi kukuta mandai kuan­ga­pa; chasaka, Taita Dius kikin imasa pai rimas­ka­sina tukug­sa­mun­ga­pa.

¹⁸ —Chi warmita kam kawar­kangi; chika ni­raian­mi atun pui­blu tukui alpapi atun mandag­kunata mandag.

Babi­lo­nia atun pui­blu justi­siai tukuska­manda

¹ Chi­ura­mandaka sug iapa iacha anjil, suma luar­man­da urai­ku­mukug­ta­mi kawar­kani. Paipa suma pun­cha­ia­chii­waka kai alpa mas pun­cha­mi kawa­rig­sa­murka. ² Chi anjilka, sin­chi rimai­wa kapa­rirka, kasa nispa:

—Babi­lo­nia suti atun pui­bluka ñami urmarka; ñami urmarka.

Tukui sug rig­cha sug rig­cha millan­ga­sina kuku waira kaug­sa­dirumi

chi atun pui­blu tukug­sa­murka.

Chi­lla­pita, tukui millan­ga­sina kuku pisku­kuna kaug­sa­diru­pas­mi tukug­samurka.

³ Chi pui­blupimi tukui alpa­manda kaug­sag­kunaka,

pai­wa binuta machagta upiag­sina ruraspa,

tukui jiru pan­da­rii­kunata ruraspa kaug­sar­ka­kuna.

Kai alpapi atun mandag­kuna­pas,

paiwami iapa pan­da­rii rurar­ka­kuna.

Chi pui­blu iapa iukag kas­ka­manda,

kai alpapi randispa katuspa purig­kuna­pas,

pai iapa ima munaska katui tias­ka­kuna­wa­mi

iapa iukag tukuska kar­ka­kuna.

⁴ Chi­ura­mandaka, sug rimai suma luar­nig­manda uia­ri­warka, kasa nispa:

—Nuka agllaska runa­kuna,

chi pui­blu­manda llug­sii­chi.

Chasaka kam­kuna,

chi pui­blu­manda pan­da­rii­kunapi

mana urman­kan­gi­chi­chu.

Llug­sigpi­kunaka,

chi pui­blupi iapa sin­chi llakii­kuna chaian­ga­pa kaskapas

mana kam­kunata chaian­ga­chu.

⁵ Chi pui­blu­manda pan­da­rii­kunaka,

iapa achkami mirarka.

Chi­wanka Taita Diuska,

chi pan­da­rii­kunata mana kunga­rin­ga­pa kan­chu.

⁶ Imasami sug­kunata mana alli­lla rurarka:

kam­kuna­pas chasa­lla­ta

chaugpi iapa­wa paita kuti­chii­chi.

Pai imasa mana alli­lla ruras­kata iskaima randi­chii­chi.

Imasami sug­kunata llakii­kuna upia­chig­sina rurarka:

chasa­lla­ta paita iskaima mas timbu­ris­kata karai­chi.

⁷ Imasami iapa iukag tukuspa,

sug­kunata unz̈arka:

chasa­lla­ta pai­ta­pas unz̈aspa

llaki­chispa nana­chii­chi.

Paipa iuiai­lla­pi­mi kasa iuiá:

“Nukami kani tukui­kunata mandaspa tia­kug.

Mana kusaiug warmi­sinaka

mana kaug­sa­ku­ni­chu.

Ima llakii­kuna­pas manima iukan­ga­pa ka­ni­chu”.

⁸ Chasa iuia­kug­pi­pas,

suglla pun­cha­pi­mi

kasa paita samun­ga­pa ka:

sinchi llakii,

iarkai i wañuipas.

Nina­wapasmi

rupa­chii tukun­ga­pa ka.

Tukui pudig atun Taita Dius kikin­mi

chi pui­bluta jus­ti­siag­sa­murka.

⁹ Kai alpapi atun mandag­kuna, chi pui­blu­wa iapa pan­da­rispa imasa munas­ka­sina iapa iukag tukus­ka­kuna, chi mandag­kunaka, chi pui­blu rupa­kus­kata, nina sindi kusni puiu­ia­kus­kata kawas­paka, iapa atun lla­kii­wa­mi wakaspa kan­ga­pa kan­kuna. ¹⁰ Iapa manchai­wa­mi chi lla­kii­kunata karu­manda­lla kawa­na­kun­ga­pa kan­kuna, kasa nispa:

—¡Ai, ai, tukui pudig atun pui­blu Babi­lo­nia­mi kar­kangi!

Suglla ura­lla­pi­mi

dil­tudu­pa llakin­ga­sina

jus­ti­siai tukur­kangi.

¹¹ Kai alpapi randispa katuspa purig­kuna­pas­mi chi pui­blu­manda iapa llaki­rispa wakan­ga­pa kan­kuna. Kuna­ura­mandaka, ñi pipas mana tian­ga­pa kan­kuna­chu, pai­kuna ima katun­ga­pa apa­mu­na­kus­kata randin­ga­pa. ¹² Kasa­mi apa­dur kar­ka­kuna: kuri, kulki, pirla i sug rig­cha iapa bali uchullita rumi­kuna, sida, pichi, puka i sug rig­cha iapa suma linu­kuna, tukui sug rig­cha sug rig­cha suma asna kaspi­kuna, mar­filta ruras­ka­kuna, iapa bali kas­pi­kuna, brunsi, iru, marmul suti iura rumi, ¹³ kanila, miski suma asnai asna­ri­kuna, mira suti i sug rig­cha asna kupal­kuna, suma asna­ia­chi­ri­diru tugtu iaku­kuna, binu, asiti, arina, trigu, apa­ri­chi­diru ani­mal­kuna, ubija­kuna, kaballu­kuna, kaba­llu­kuna aliu­diru augtu­kuna i randispa i katu­diru runa­kuna.

¹⁴ Chi pui­bluta nin­ga­pa­mi kan­kuna:

—Sacha­kuna­manda iapa miski muiu­kuna

chi­tuku muna­dur kar­kangi;

chi­kunaka ñami tuku­ri­pur­kangi.

Kam sumag­lla alli­chi­rispa chura­ri­diru­kuna,

suma mikui mikuspa kun­tin­tu­lla ka­diru,

tukui chi­kuna­mi puchu­ka­ri­pur­kangi.

Tukui ima iukaska, mana mas kawan­ga­pa kan­gi­chu.

¹⁵ Imasami randispa katuspa purir­ka­kuna; chasa­waka, iapa iukag tukur­ka­kuna; chasa pui­bluta kawaspa, iapa manchai­wa­mi lla­kispa, karu­manda­lla kawa­na­kun­ga­pa kan­kuna. Iapa atun lla­kii­wa wakaspa kapa­rin­ga­pa­mi kan­kuna, kasa nispa:

¹⁶ —¡Ai, ai, chi­tuku atun pui­blu­mi kar­kangi!

Pi­chi, puka i sug rig­cha sug rig­cha

iapa suma linsu katanga

chura­riska warmi­sina­mi rig­cha­kur­kangi.

Kuri, pirla i sug rig­cha sug rig­cha

iapa bali uchullita rumi­kuna­wa

alli­chi­ris­ka­mi kar­kangi.

¹⁷ Chituku iapa iukai­kuna­pas,

mana unai­lla­mi tuku­ri­pur­kangi.

Chasa­lla­ta tukui barku­kunata man­dag­kuna, iaku pata pata rig­sispa puri­chig­kuna, barku­kunapi tra­ba­jag­kuna i tukui lamar iakupi chalwaspa purig­kuna, chi tukui­kuna­mi karu­manda­lla kawa­na­kurka. ¹⁸ Chi pui­blu rupa­kus­kata, kusni nina sindi puiu­ia­kus­kata kawas­paka, kapa­rir­ka­kuna:

—¿Mai­kan pui­blu­sik tia; kam atun pui­blu puchu­ka­ri­kungi: chasa?

¹⁹ Chasa kaparis­paka, dillakii alpa ñutu­chispa, umapi talli­rir­ka­kuna. Iapa atun llakii­wa wakaspa, kasa­pas­mi kapa­rir­ka­kuna:

—¡Ai, ai! Kai atun pui­blupi iapa iukai­waka,

tukui barku iukag­kuna­pas­mi

iapa iukag tukug­samur­kan­chi.

Tukui ima iukai tiaska,

mana unaillami puchu­ka­rig­samurka.

²⁰ Ikuti kam­kuna Taita Dius­man­da­lla suma kaug­sag­kuna,

pai kikin agllaska runa­kuna

i Santu Ispi­ri­tu­wa rimag­kunaka,

sumag­lla alli iuia­chi­riilla

sug luarpi kai­chi,

chi pui­blu puchu­ka­ris­ka­manda.

Taita Diuska,

ñami kam­kuna­manda

alli­lla jus­ti­siai rurag­samurka.

²¹ Chi­ura­mandaka sug iapa iacha anjilka, atun kutan­ga­sina rumita ata­ri­chispa, lamar iakuma sitamurka, kasa nispa:

—Kasami Babi­lo­nia atun pui­blupas

diulpilla sitai tukun­ga­pa ka.

Chi­ura­mandaka, mana mas kawa­rin­ga­pa kan­chu.

²² Mana mas, kamba ñambi­kuna­pika,

arpa, flaugta i bututu

uia­rin­ga­pa kan­kuna­chu.

Ñi mai­kan ima rurai­kuna rura­dur­kuna­pas,

kamba pui­blupi mana mas kawa­rin­ga­pa kan­kuna­chu.

Ñi mai­kan rumipi kutag­kuna­pas

mana mas uiarin­ga­pa kan­kuna­chu.

²³ Ñi ima punchaia­chi­dirupas

mana mas punchaia­chin­ga­pa tian­ga­pa kan­chu.

Mana mas kasaraipi kusi­ku­chi­na­kui atun pun­cha­sina tian­ga­pa kan­chu.

Kam­bagpi randispa katuspa purig­kunaka,

kai alpapi iapa pudig­kuna­mi kar­ka­kuna.

Kai alpapi kaug­sa­na­kus­kata,

tukui­kuna­ta­mi kamba jiru iachai­wa llulla­chig­samur­kangi.

²⁴ Santu Ispi­ri­tu­wa rimag­kuna, Taita Dius­manda­lla suma kaug­sag­kuna i sug­kuna kai alpapi wañu­chii tukus­ka­kuna­pas, tukui chi runa­kunapa iawarpas chi pui­blu­pi­mi kawa­rirka.

¹ Chi­ura­mandaka, iapa ach­ka runa­kuna sin­chi rimai­wa suma luarpi kapa­ri­na­kus­ka­ta­mi uiar­kani. Kasa­mi ni­na­kurka:

—Nukan­chipa atun Taita Diusta

iapa suma atun­ia­chi­sun­chi.

Paimi suma atun tukui pudig kispi­chig ka.

² Paimi tukuipi alli­lla jus­ti­siai sutipa rurá.

Chi karisapa atun warmi­sina kag,

tukui kai alpa­manda runa­kunata

atun pan­da­rii­kunapi

urma­chispa waglli­chirka.

Chimandami paita jus­ti­siai rurag­samurka.

Chi warmi­sina kag,

Taita Dius­pa lutrin­sina­ku­nata wañu­chis­ka­manda­mi

paita chasa jus­ti­siai rurarka.

³ Iskaima ikuti kapa­rig­samur­ka­kuna, kasa nispa:

—Atun Taita Diusta iapa suma atun­ia­chi­sun­chi. Chi pui­blu rupa­kuska nina sindi kusnika, mana sakis­pa­lla­mi puiuia­kun­ga­pa ka, mai­tuku waranga waranga wata­kuna ialig­pi­pas.

⁴ Chi­ura chi iskai chunga chusku iacha taita­kuna i chusku ani­mal­sina rig­cha­kunaka, mandag tia­ri­dirupi tia­kug Taita Dius­pa chaki ladu kumu­rispa, kungu­rir­ka­kuna, kasa nispa:

—Chasa kachu. Atun Taita Dius­ta iapa suma atun­ia­chi­sun­chi.

⁵ Chi­uraka, chi tia­ri­diru­nig­man­daka sug rimai uia­ri­warka, kasa nispa:

—Nukan­chipa Taita Dius­pa lutrin­sina­kuna, paita suma kuiaspa manchai­wa kag­kuna, uchulla­kuna i atun­kuna­pas, tukui­kuna suma paita atun­ia­chii­chi.

Taita Dius­pa Ubija suti kasarai puncha­manda

⁶ Iapa achka runa­kuna rima­na­kug­sina­mi uiar­kani. Atun iaku talli­rispa ri­kug­sina i sin­chi triwinu­sina­pas­mi uia­ri­warka. Kasa­mi ni­na­kurka:

—Nukan­chipa tukui pudig atun Taita Dius,

paipa suma mandaiwa­mi ña kalla­rirka.

Chi­mandaka, paita iapa suma atun­ia­chi­sun­chi.

⁷ Sumag­lla alli iuia­chi­rii­wa kun­tin­ta­ri­sun­chi.

Paita iapa suma atun­ia­chi­sun­chi.

Taita Dius­pa Ubija suti kasarai pun­chaka

ñami chaia­murka.

Paipa warmi tukun­ga­pa kagpas

ñami alli­chi­riska ka.

⁸ Ñami paipa warmi tukun­ga­pa kagta lisin­sia kuarka,

ñi imapi mana mapa suma pun­cha katangata chura­rin­ga­pa—.

Chi suma katan­ga­kunaka, Taita Dius­manda­lla suma kaug­sag­kuna ima­pi­pas alli­lla ruras­ka­kuna­mi ni­raiá.

⁹ Chi­uraka, anjilka ni­warka:

—Kasa iskribii. Mai­kan­pas Taita Dius­pa Ubija suti kasaraska budama kunbidai tukus­ka­kunaka, Taita Dius­pa iapa kuias­ka­mi kan­kuna.

Kasapasmi ni­warka:

—Chi­kunaka, kikin Taita Dius rimaska, tukui sutipa­mi ka.

¹⁰ Chasa ni­wa­uraka, anjilpa cha­kipi kungu­rir­kani, paita nin­ga­pa: “Iapa alli­mi kangi”. Chi­uraka, paika ni­warka:

—Mana chasa rura­kui. Nuka­ka, kam­sina i kamba waugki­kuna­sina, Jesuspa alli willai­kunata suma cha­ri­rig­kuna­sina, Taita Dius­pa lutrin­sina­lla­ta­ta­mi kani. Taita Dius­lla­ta­mi kungu­rii iukangi—. Jesuspa willai­kuna­wa­mi Santu Ispi­ri­tu­wa rimag­kunata suma iuia­chii tukun­kuna.

Iura kaballupi tiakuska­manda

¹¹ Chi­ura­mandaka, suma luar pas­kas­ka­sina­mi kawa­ri­warka. Chi­pika, sug iura kaballu­mi kawa­ri­warka. Kaballupi tia­kugka suti kan­mi: “Sutipa tukui ima nis­kata alli­lla rurag”. Tukui­pi­mi imasa chaias­ka­sina jus­tisiá. Wañu­chi­na­kun­ga­pa chaia­ura, alli­lla­pa­mi rurá. ¹² Paipa ñawi muru­kunaka, nina sin­di­sina­mi pun­cha­ia­kurka. Paipa uma­pika, achka llaug­tu­kuna­sina­mi chura­raiarka. Chi llaug­tu­kuna­pika, sug suti­mi willa­raiarka. Chi suti­taka, pai­lla­mi iachá ima ni­raiagta. ¹³ Iawar­wa tiñi­riska katan­ga­mi chura­raiarka. Paipa sutika kanmi: “Dius­pa Rimai”.

¹⁴ Suma luarpi kaug­sag sul­da­du­kunaka, iura kaba­llupi tia­ris­pa­mi paita kati­raiar­ka­kuna. Chi sul­da­du­kunaka, mana mapa, suma iura linsu katan­ga­kuna­mi chura­raiar­ka­kuna.

¹⁵ Chi man­dagpa simi­man­daka afi­laska largu machi­ti­mi llug­si­ra­iarka; chi­wanka, kai alpapi kaug­sa­na­kus­kata kuchun­ga­pa­kunata. Iru bara­wa­mi iapa man­dan­ga­pa kan­kunata. Ubas­kunata chaki­wa sin­chi saruspa kapig­sina­mi jus­ti­siai ruran­ga­pa kan­kunata. Tukui pudig Taita Dius iapa rabia­rispa lla­kii­wa kupapi jun­da­chig­sina ruraspa upia­chin­ga­pa­mi kan­kunata. ¹⁶ Paipa katan­gapi i paipa kun­gur awa ladu, kasa­mi ni­raiarka: “Atun man­dag­kunapa man­dag i iaia man­dag­kunapa iaia”.

¹⁷ Chi­ura­mandaka, sug anjil indipi saia­kus­ka­ta­mi kawar­kani. Chi anjilka, tukui gallinasu­kuna awa­pi bula­na­kus­kata sin­chi rimai­wa kapa­rispa, kasa nirka:

—Samui­chi. Taita Dius achka mikui tias­kama tanda­rig­samui­chi. ¹⁸ Chi­pika, atun mandag­kuna, suldadu­kunata mandag­kuna, iapa mana manchag­kuna, kaballu­kuna i kaballupi tia­na­kug­kuna, patrun­kuna i lutrin­kuna­pas, uchulla­kuna i atun­kuna­pas, chi tukui­kunapa aicha­ta­mi mikun­ga­pa kan­gi­chi.

¹⁹ Chi­uraka, chi manchan­ga­sina kukuta i kai alpapi atun mandag­kunata pai­kunapa suldadu­kuna­wan­ta­mi kawar­kani. Chi­kunaka tanda­ris­ka­mi kar­ka­kuna, chi iura kaballupi tia­kugwa paipa suldadu­kuna­wan­ta wañu­chi­na­kun­ga­pa. ²⁰ Manchan­ga­sina kukuta i kuku waira­wa llullaspa rimag­ta­mi sug­lla­pi apii tukur­ka­kuna. Chi llullaspa rimag­mi manchan­ga­sina kukupa ñawipi mana ima­ura­pas kawas­ka­sina­kunata rura­dur karka. Chasa­kuna­waka, chi kukupa sillu prin­saska chura­chi­ris­ka­kunata i paipa imajinta muchag­kunata llu­lla­chi­dur karka. Chi iskandi­kuna, asu­fri rupa­kuska atun nina ukuma kaug­sa sitai tukur­ka­kuna. ²¹ Tukui iskan­dita kati­raiag­kunaka, chi kaba­llupi tia­kugpa simi­manda largu machi­ti­wa­mi wañu­chii tukur­ka­kuna. Chi wañu­chii tukus­ka­kunapa aichata, tukui gallinasu­kuna sag­sag­ta­mi mikur­ka­kuna.

Iaia kuku, diltudupa nina ukuma sitai tukuska­manda

¹ Chi­ura­mandaka, sug anjil suma luar­manda urai­ku­mu­kug­ta­mi kawar­kani. Chi anjil, alpa uku­nig­manda pusupa pungu­manda llabi i atun kadi­na­pas cha­ris­ka­mi urai­ku­mukurka. ² Chi anjilka, chi iapa atun ama­run kuku­ta­mi apig­samurka. Chi ama­runka ni­raian­mi unai ñugpa­manda kuku kuli­bra, Sata­nás suti iaia kuku. Chi ama­runta apis­paka, waranga watapa kadi­na­wa­mi watarka. ³ Nis­paka, jundu pusu­ma­mi sitarka. Pusu pun­guta wich­kaspa, sillaspa sakirka; cha­saka, chi waranga wata ialin­kama, kai alpapi kaug­sag­kunata mana llulla­chig­samun­ga­pa. Wa­ran­ga wata iali­uraka, ikuti­mi sug ratu­llaka kacha­rii tukun­ga­pa ka.

⁴ Achka mandag tia­ri­diru­kuna­ta­pas­mi kawar­kani. Chipi tia­na­kug­taka, Taita Dius kuar­kami, jus­ti­siai ruran­ga­pa­kuna. Sug runa­kunapa alma­kuna­ta­pas­mi kawar­kani. Chi runa­kunaka, Dius­pa Rimaita mana sakis­pa­lla, Jesus­manda willag­kuna kag­manda­mi kunga anchu­chispa wañu­chii tukur­ka­kuna. Pai­kunaka, chi man­chan­ga­sina kukuta i paipa ima­jinta mana muchan­ga­pa munar­ka­kuna­chu. Chasa­lla­ta, paipa prin­saska silluta prin­tipi ñi makipi mana chura­chi­rin­ga­pa munar­ka­kuna­chu. Chi­wanka pai­kuna, kaug­sa­rispa, waranga wata­mi Cris­to­wa man­dag kan­ga­pa kan­kuna. ⁵ Pai­kunaka, ñugpa kaug­sa­rig­kuna­mi kan­kuna. Chi waranga wata manara ialin­kama, sug wañus­ka­kunaka manara kaugsa­rin­ga­pa kan­kuna­chu. ⁶ Ñugpa kaug­sa­rig­kunaka, Taita Dius­pa iapa kuias­ka­mi kan­kuna; pai­pa­lla­mi ni­raian­kuna. Pai­kuna­taka, parisma wañuika mana chaian­ga­pa kan­kunata­chu. Pai­kunaka, Taita Dius i Cristo­manda sasir­du­ti­kuna­mi kan­ga­pa kan­kuna. Waranga wata­mi Cris­to­wa mandag­kuna kan­ga­pa kan­kuna.

⁷ Chi waranga wata ialis­ka­ura­mandaka, iaia kukuka wich­ka­raias­ka­manda kacha­riimi tukun­ga­pa ka. ⁸ Llug­si­chii tukus­paka, kai tukui alpapi kaug­sa­na­kus­ka­ta­mi llulla­chig­samun­ga­pa ka. Gog i Ma­gog suti alpa­kunapi mandag­kuna­ta­mi llulla­chig­samun­ga­pa ka. Nis­paka, pai­kunapa suldadu­kuna­ta­mi tanda­chin­ga­pa ka, Cristo­wa puchu­ka­na­kun­ga­sina maka­na­kun­ga­pa. Chi sul­dadu­kunaka, asku­rinti iapa achka­mi kar­ka­kuna, lamar iaku pla­ia­kunapi arina­sina; chi­wanka, mana kuin­tan­ga­pa pudi­rin­ga­sina achka.

⁹ Chi kuku­wa kag suldadu­kunaka, tukui­nig­manda samus­paka, Taita Dius­man­da­lla suma kaug­sag­kuna kas­kata i pai kuiaska pui­blu­ta­mi muiu­chig­sa­mur­ka­kuna. Chasa ka­uraka, awa­nig­manda nina­mi, urma­muspa, tukui­kunata rupa­chispa puchu­kag­sa­murka. ¹⁰ Chi iaia kuku tukui­kunata llu­lla­chig­taka asu­fri rupa­kuska atun nina uku­ma­mi sitai tukurka. Chi­pika, man­chan­ga­sina kuku i kuku wai­ra­wa llu­llaspa rimag­pas tim­pu­mi sitai tukuska kar­ka­kuna. Chi ukupi kas­ka­kunaka, tuta i pun­cha tukui lla­kii i nanai­kuna­mi iukan­ga­pa kan­kuna, mai­tuku waranga waranga wata­kuna ialig­pi­pas.

Taita Dius­pa atun mandag tia­ri­diru ñugpa ladu jus­ti­siai tukus­ka­kuna­manda

¹¹ Chi­ura­mandaka, mandag tia­ri­diru­ta­mi kawar­kani; chika, iapa iura i atun­mi karka. Chi­pika, Taita Dius­mi tia­kurka. Paipa ñawi­nig­man­daka, kai alpa i sug luarka anchu­ris­pa­mi tuku­rirka, ñi mai­pi­pas mana mas kawa­rin­ga­pa. ¹² Atun i uchulla wañus­ka­kuna, chi man­dag tia­ri­dirupa ñugpa ladu saia­na­kug­ta­mi kawar­kani. Chi­uraka, sug libru­kunata paskar­ka­kuna. Mai­kan suma luarpi kaug­sag­rin­ga­pa willa­raiaska libru­ta­pas­mi pas­kar­ka­kuna. Chi libru­kunapi imasa willa­raias­kata kawas­pa­mi, alli­lla u mana alli­lla kas­kata chi wañus­ka­kunata jus­ti­siai rurai tukur­ka­kuna. ¹³ La­mar iakupi wañus­ka­kunata kuti­chi­mur­kami, chasa­lla­ta kai alpapi pamba­raias­ka­kuna­ta­pas. Tukui­kuna­ta­mi jus­ti­siai chaiar­ka­kunata. Chasaka tukui­kuna, imasa alli­lla ruras­ka­kuna­wa u mana alli­lla ruras­ka­kuna­wa­mi jus­ti­siai tukur­ka­kuna. ¹⁴ Jus­ti­siai ruras­ka­ura­man­daka, kikin wañui­ta­mi rupa­kuska atun nina ukuma sitai tukurka. Chi nina rupa­kus­kaka ni­raian­mi dil­tudu­pa parisma wañui luar. ¹⁵ Mai­kanpa suti kaug­san­ga­pa willa­raiaska librupi mana tari­rig­pika, pai­kuna­ta­pas­mi chi ukuma sitai tukun­ga­pa kan­kuna.

Sug luar i kai alpa luar, musu kaska­manda

¹ Chi­ura­mandaka, musu sug luar, chasa­lla­ta musu alpa­mi kawar­kani. Ñugpa sug luar i ñug­pa alpa­pas puchu­ka­ris­ka­mi karka. Lamar iaku­pas ña mana mas kawa­ri­warka­chu. ² Sug atun suma pui­blu, Taita Dius­pa­lla kag musu Jeru­salén ni­raias­ka­ta­mi kawar­kani. Chi pui­bluka, suma luar­manda, Taita Dius­pag­manda­mi urai­ku­mu­kurka. Imasa­mi warmi tukun­ga­pa kag, sumag­lla alli­chi­riska ka, kusa­wa sug­lla­pi tukun­ga­pa: chasa­lla­ta­mi alli­chi­riska karka.

³ Mandag tia­ri­diru­nig­manda sin­chi rimai uia­ri­warka, kasa ni­waspa:

—Kawai. Kaika, Taita Dius runa­kuna­wa kaug­sa­dirumi chaia­murka. Pai­kuna­wa­mi kaug­san­ga­pa ka. Chi runa­kunaka, pai­pa­lla­mi kan­ga­pa kan­kuna. Taita Dius kikin­mi pai­kuna­wa kan­ga­pa ka. ⁴ Pai­kunapa tukui wiki­mi ñawi­manda tus­ta­chin­ga­pa ka. Mana mas tian­ga­pa kan­chu wañui, ñi wakai, ñi lla­kii­wa kapa­rii ñi nanai. Tukui ima ñug­pata tias­ka­kuna ñami puchu­ka­rirka.

⁵ Chi­uraka, mandag tia­ri­dirupi tia­kugka nirka:

—Kawai. Nuka, tukuimi musu­ia­chi­kuni—. Kasa­pas­mi ni­warka— Iskri­bii: chi rimai­kunaka sutipa kas­ka­ta­mi nini. Tukui nuka nis­ka­mi tukug­samun­ga­pa ka.

⁶ Kasapasmi ni­warka:

—Tukui imasa ni­raias­ka­sina­mi tukug­samurka. Litrapi A kalla­rig­sina i Z puchu­kag­sina, chasa­lla­ta nuka­mi kani kalla­rig i puchu­kag. Mai­kan iaku­naiai iukas­ka­taka karan­ga­pa­mi kani, suma kaug­sai kara­diru iaku ñawi­manda mana ran­dis­pa­lla upian­ga­pa. ⁷ Mana alli rurai­kunata bin­sig­ta­mi chasa karan­ga­pa kani. Nukaka, paipa Taita Dius­mi kan­ga­pa kani. Paika, nuka­pa wam­bra­mi ni­raian­ga­pa ka. ⁸ Ikuti mai­kan­pas nukata kun­ga­ri­waspa mana uia­wag­kuna, mana nuka­wa iuia­ri­wag­kuna, jiru millaita rurag­kuna, wañu­chig­kuna, kari war­mi­wa pan­da­rig­kuna, jiru iacha pukug­kuna, ianga dius­kunata kun­gu­rig­kuna i tukui llu­lla­chig­kuna, chi­kuna­taka chaian­mi, asu­fri rupa­kuska atun nina ukuma sitai tukun­ga­pa. Chika, dil­tudu­pa parisma wañui luar­mi ni­raiá.

Musu Jeru­salén ni­raiaska­manda

⁹ Chi­ura­mandaka, chi kan­chis anjil­kuna puchu­kan­ga­pa llakii­kuna kupapi junda tias­kata cha­riska kag­pura sugka, samus­paka, ni­warka:

—Samui. Taita Dius­pa Ubijapa warmi tukun­ga­pa kas­kata kawa­chi­saki.

¹⁰ Chasa ni­was­paka, muskui uku­pi­sina awa atun luma­ma­mi apa­warka. Chi­mandaka, atun suma pui­blu, Taita Dius­pa­lla kag musu Jeru­salén ni­raias­ka­ta­mi kawa­chi­warka. Chi pui­bluka, suma luar­manda, Taita Dius­pag­manda­mi urai­ku­mukurka.

¹¹ Chi pui­bluka, Taita Dius­pa suma pun­cha­ia­chii­wa­mi pun­challa karka; iapa bali rumi­sina, bidriu­sina, jaspe suti rumi­sina, chasa. ¹² Chi pui­blu awa atun kincha muiu­raias­ka­pika, chunga iskai pungumi iukarka. Tukui pungu­pi­mi sug sug anjil saia­na­kurka. Chi pungu­kuna­pika, ñugpa­manda achala taita Israelpa chunga iskai wam­bra­kuna imasa suti kas­ka­mi sug sug pungupi willa­raiarka. ¹³ Kasa­mi tiar­ka­kuna: kimsa pungu, indi llug­si­diru ladu; sug kimsaka, alli maki ladu; sug kim­saka, indi chinga­ri­diru ladu; sug kim­saka, lluki maki ladu. ¹⁴ Chi awa kin­cha muiu­chi­raias­kaka, chunga iskai atun rumi­kuna­pi­mi saia­chiska karka. Chi rumi­kuna­pika, Taita Dius­pa Ubijapa chunga iskai agllaska runa­kuna imasa suti kas­ka­mi sug sug rumipi willa­raiarka.

¹⁵ Nukawa rima­kug anjilka, kurita ruraska tupumi cha­ri­kurka; chi­wanka, chi atun pui­bluta, pun­gu­kunata i awa kincha muiu­chi­ra­ias­kata tupun­ga­pa. ¹⁶ Chi pui­bluka, chuskundima larguma i anchuma chasa­lla­ta iwal­lla­mi tupu iukarka. Anjil tupu­uraka, iskai waranga iskai patsa kilumitrumi iukarka. Larguma, awama, an­chu­ma, chasa­lla­ta­mi tukuima tupu­raiarka. ¹⁷ Awa kincha muiu­chi­raiaska­ta­pas­mi anjil tupurka. Runa­kuna tupu­diruwaka iskai chunga iskai brasa­sina­mi awama iukarka.

¹⁸ Chi awa kinchaka, jaspe suti iapa suma rumi­wa­mi ruraska karka. Chi atun pui­bluka, mai­llaska bidriu­sina pun­cha kuri­lla­wa ruras­ka­mi karka. ¹⁹ Awa kincha kalla­riipi churaska, chi atun rumi­kunaka kar­ka­kunami sug rig­cha sug rig­cha iapa bali rumi­kuna­wa sumaia­chiska.

Sug rumika, jaspe suti­wa­mi sumaia­chiska karka;

iskaimaka, zafiro suti­wa;

kimsamaka, ágata suti­wa;

chuskumaka, esmeralda suti­wa;

²⁰ pich­kamaka, ónise suti­wa;

sugtamaka, kornalina suti­wa;

kanchismaka, krisólito suti­wa;

pusagmaka, berilo suti­wa;

iskunmaka, topasio suti­wa;

chungamaka, krisoprasa suti­wa;

chunga sugmaka, jasinto suti­wa;

chunga iskaimaka, amatista suti­wa.

²¹ Tukui chunga iskai pungu­kunaka, asku­rinti atun pirla­lla­mi kar­ka­kuna. Tukui pungu­kunaka, sug sug­lla pirla­wa­mi ruraska karka. Puiblu atun ñambika, bidriu­sina pun­cha kuri­lla­wa­mi ruraska karka.

²² Chi pui­blupi, Taita Diusta iuia­ri­diru wasi apartika mana kawa­ri­warka. Chi­manda­mi chi pui­blupi pudirí, tukui pudig atun Taita Diusta i paipa Ubijata mai­pi­pas kun­gu­rin­ga­pa. ²³ Indi ñi killa mana minis­tin­chu, chi pui­bluta pun­cha­ia­chin­ga­pa. Taita Dius suma kawa­kus­ka­wa­mi pun­cha ka. Paipa Ubija­mi tukui chipi pun­cha­ia­chig ni­raiá. ²⁴ Chi pui­blupi pun­cha­ia­kus­ka­wa­mi kai alpa­manda kaug­sag­kuna­pas pun­cha­lla purin­ga­pa kan­kuna. Kai alpapi atun man­dag­kunaka, ima suma iukas­ka­ta­mi chi pui­bluma apan­ga­pa kan­kuna. ²⁵ Pun­cha­kuna, chi pui­blu­pika pungu­kuna pas­kas­ka­lla­mi kan­ga­pa kan­kuna. Chi­pika, mana tuta tian­ga­pa kan­chu. ²⁶ Tukui kai alpapi kaug­sag­kunaka, pai­kunapa ima suma iukai­kunata i iachai­kunata chi pui­blu­ma­mi apan­ga­pa kan­kuna. ²⁷ Mai­lla­lla­pas mapa ni­raias­kaka mana chipi iai­kun­ga­pa kan­chu. Jiru millaita rurag­kuna, llu­lla­chispa kaug­sag­kuna, chi­kuna­pas mana iai­kun­ga­pa pudin­ga­pa kan­kuna­chu. Runa­kuna kikin­kunapa suti kaug­san­ga­pa willa­ra­iaska librupi tias­ka­kuna­lla­mi chi­ma iai­kun­ga­pa kan­kuna. Chi libru­taka, Taita Dius­pa Ubija­mi cha­ri­ku.

¹ Chi­ura­mandaka chi anjil­ka, suma kaug­sai kara­diru atun iaku­ta­mi kawa­chi­warka. Chi iakuka, sug bidriu­sina pun­cha­mi karka. Taita Dius i paipa Ubijapa man­da­diru­nig­manda­mi chi iaku llug­si­mu­kurka. ² Chi pui­blu atun ñambi chaug­pipi i iaku pata pata­pas, chasa­lla­ta kaug­sai kara­diru sacha­kuna­mi wiña­na­kurka. Chi sacha­kunaka, killa killa­pi­mi mikui aparí. Chasaka, wata­pika chunga iskai biaji­mi aparí. Chi sacha pan­ga­kunaka, kai alpapi kaug­sag­kuna­manda ambi­mi ka. ³ Ñi ima mal­di­sis­kaka mana chipi tian­ga­pa kan­chu. Taita Dius i paipa Ubijapa man­da­diruka, chi pui­blu­pi­mi kan­ga­pa ka. Paipa lutrin­sina­kunaka nin­ga­pa­mi kan­kuna: “Iapa alli­mi kangi”. ⁴ Pai­ta ñawi ñawi­mi kawan­ga­pa kan­kuna. Paipa sutika, prin­ti­pi­mi chu­ra­raian­ga­pa kan­kuna. ⁵ Tutaka, chipi mana tian­ga­pa kan­chu. Chipi kaug­sag­kunaka, indi ñi sug rig­cha pun­cha­ia­chi­diru mana minis­tin­ga­pa kan­kuna­chu. Atun Taita Dius­mi pai­kunata pun­cha­ia­chig kan­ga­pa ka. Pai­kuna man­dan­ga­pa­mi kan­kuna, mai­tuku waranga waranga wata­kuna ialig­pi­pas.

Jesu­cristo ña samun­ga­pa kaska­manda

⁶ Chi­ura­mandaka, anjilka ni­warka:

—Chi rimai­kunaka sutipa kas­ka­ta­mi nini. Tukui nuka nis­kaka, chasa­mi tukug­samun­ga­pa ka. Kikin atun Taita Dius, Santu Ispi­ri­tu­wa rimag­kunata iuia­chig­mi paipa anjilta kacha­murka, paipa lutrin­sina­kunata ima mana unai­lla­pi pasa­rin­ga­pa kas­kata iuia­chispa kawa­chin­ga­pa.

⁷ Iaia Jesusmi ni­ku:

—Ñami samun­ga­pa kani. Santu Ispi­ri­tu­wa kai librupi willa­raias­kata uiaspa, chasa­lla­ta kaug­sag­kunaka, Taita Dius­pa iapa kuias­ka­mi ka­puan­kan­gi­chi.

⁸ Nuka Juanmi chasa uiar­kani i kawar­kani. Chasa uiaspa i kawas­paka, chi anjil kawa­chi­waska kagpa chakipi kungu­rir­kani, paita nin­ga­pa: “Iapa alli­mi kangi”. ⁹ Chi­ura, paika ni­warka:

—Mana chasa rura­kui. Nuka­ka, kam­sina, kamba waugki­kuna­sina, Santu Ispi­ri­tu­wa rimag­kuna­sina i kai librupi willa­raias­kata suma cha­ri­rig­kuna­sina, Taita Dius­pa lutrin­sina­lla­ta­ta­mi kani. Taita Dius­lla­ta­mi kungu­rii iukangi.

¹⁰ Kasapasmi ni­warka:

—Kai librupi ima Santu Ispi­ri­tu­wa willa­raias­kata mana upa­lla kangi. Kam ima iachas­kata willangi. Ñami chaia­muku, tukui ima ni­raias­ka­sina tukug­samun­ga­pa. ¹¹ Ianga kawangi mana alli­lla rurag­kunata i jiru millai rurag­kuna­ta­pas; pai­kuna iacha­chu­kuna. Ikuti alli­lla rurag­kunaka, chasa­lla­ta sumag­lla apa­na­kun­gi­chi. Taita Dius­manda­lla suma kaug­sag­kuna­pas, pai­lla­wa iuia­na­kun­gi­chi.

¹² Iaia Jesusmi ni­ku:

—Ari, ñami samukuni. Tukui­kuna alli­lla u mana alli­lla ruras­ka­kuna­ta­mi imasa chaias­ka­sina karag­samun­ga­pa kani. ¹³ Litrapi A kalla­rig­sina i Z puchu­kag­sina, chasa­lla­ta nuka­mi kani kalla­rig i puchu­kag.

¹⁴ —Mai­kan­pas katan­ga­kunata Taita Dius­pa Ubijapa iawarpi tag­sag­sina rurag­kunaka, suma kaug­sai kara­diru sacha­manda­ta mikui pudin­ga­pa­mi kan­gi­chi. Taita Dius­pa iapa kuias­ka­mi kan­gi­chi. Cha­sa­manda kam­kunaka, chi alli pui­blu pungu­kunapi iai­kun­ga­pa­pas­mi pudin­ga­pa kan­gi­chi. ¹⁵ Ikuti mai­kan­pas alku­sina mana alli iuiai­wa kaug­sag­kuna, jiru iachai­wa pukug­kuna, kari warmi­wa pan­da­rig­kuna, wañu­chig­kuna, ianga dius­kunata kun­gu­rispa muchag­kuna i llu­llaita munaspa llulla­chig­kuna, chi­kunaka kan­cha­pi­mi sakii tukun­ga­pa kan­kuna.

¹⁶ —Nuka Jesús, nuka­pa anjilta kacharkai­ki­chi­ta­mi, tukui nuka­wa tukus­ka­kunata chasa willan­ga­pa. Nuka­mi atun mandag Davidpa iawar kani. Lusiru istri­lla­sina­mi kani.

¹⁷ Santu Ispí­ritu i Taita Dius­pa Ubijapa warmika ni­na­kumi:

—Samui.

Mai­kan uiagka nii­chi:

—Samui.

Mai­kan iaku­naiai iukag­kunaka, munas­paka samui­chi, dil­tudu­pa kaug­sai kara­diru iakuta mana ran­dis­pa­lla upiag­samun­ga­pa.

¹⁸ Santu Ispi­ri­tu­wa kai librupi willa­raias­kata tukui uiag­kuna­taka kasa­mi nuka iuia­chii­ki­chita: mai­kan kai willa­raias­kapi mas iapag­pika, Taita Diuska kai librupi willa­raiaska llakii­kuna­ta­mi paita kacha­mun­ga­pa ka. ¹⁹ Mai­kan­pas kai libru­pi Santu Ispi­ri­tu­wa willa­raias­kata anchu­chig­pika, Taita Diuska mana sakin­ga­pa kan­chu, dil­tudu­pa kaug­sai kara­diru sacha­manda­ta pai mikun­ga­pa. Chasaka, Taita Dius­pa­lla kag pui­blupi mana kaug­sag­rin­ga­pa pudin­ga­pa kan­chu. Chasa­man­da­mi kai librupi willa­raiá.

²⁰ Iaia Jesús, chasa willas­paka, ni­kumi:

—Ari. Nukaka ñami samukuni.

Chasa kachu. Samuilla, Iaia Jesús.

²¹ Iaia Jesuspa suma kuiaipi tukui paipalla kag­kunata cha­ri­pua­chu.