2 SAN PEDRO

SAN PEDRO

ISKAIMA KARTA KACHASKAMANDA

¹ Nuka­pa kuias­ka­kuna, nuka Simón Pedro, Jesu­cristopa lutrin­sina, pai kacha­mus­ka­mi kani, Alli Willai­ta willaspa purin­ga­pa. Nukan­chipa Dius i kis­pi­chig Jesu­cristo tukuipi alli kag­manda­mi, kam­kuna­pas nukan­chi­sina pai­wa suma iuia­rig­kuna tukug­samur­kan­gi­chi. ² Taita Dius­manda i nukan­chipa Iaia Jesus­manda kam­kuna rig­sis­ka­manda, Taita Dius, kam­kunata asku­rinti kuiaspa, suma iuiai­wa kawa­pua­chu.

Cristowa tukus­ka­kuna, imasa kaug­sai iukas­ka­kuna­manda

³ Taita Dius kikin, tukuipi atun suma alli kas­pa­mi nukan­chita agllarka. Nukan­chi paita rigsis­ka­kuna­manda­mi, pai Taita Diuska paipa iapa iachai­wa ima minis­tis­ka­kunata kara­murka; chasaka nukan­chi, paita iuia­rispa, pai­manda­lla kaug­san­ga­pa­kuna. ⁴ Chi­wa, nukan­chita willarkami, pai­wa sug­lla­pi iapa suma­sina atun kag­rin­ga­pa. Chita suias­paka, kam­kuna, tukui millanga­sina rurai­kuna­manda anchu­rispa, Taita Dius imasa kas­kapi sug­lla­pi­mi tukun­kan­gi­chi. Jiru munai­kuna­manda­mi chi millanga­sina rurai­kuna kai alpama chaia­murka.

⁵ Chi­manda­mi kam­kuna iukan­gi­chi, pai­wa suma iuia­rispa, tukuipi alli­lla kaug­san­ga­kuna. Ña tukuipi alli­lla kaug­sa­na­kus­paka, iukan­gi­chimi tukuipi Alli Willai­ta iachai­kun­ga­kuna. ⁶ Alli Willai­ta tukuipi iachai­kus­paka, iukan­gi­chimi, ima mana alli­lla iuia­rispa munai apigpi, chita mana ruran­ga­kuna. Tukui jiru munai­kunata sakis­paka, iukan­gi­chimi mana piña­na­kus­pa­lla kaug­san­ga­kuna. Mana piña­na­kus­pa­lla kaug­sas­paka, iukan­gi­chimi Taita Diusta alli­lla iuia­rig kan­ga­kuna. ⁷ Taita Diusta alli­lla iuia­rig­kuna kas­paka, iukan­gi­chi­mi kam kikin­pura sumag­lla pari­juma lla­ki­na­kuspa kawa­na­kunga. Chasa kawa­na­kus­paka, iukan­gi­chimi tukui­kunata kuia­na­kunga.

⁸ Kam­kuna chasa suma iuiai­wa mira­na­kug­pika, mana ianga kaug­sa­na­kun­kan­gi­chi­chu. Chasa­lla­ta, nukan­chipa Iaia Jesu­cristota mana ianga rigsig kan­kan­gi­chi­chu. ⁹ Ikuti mai­kan­pas mana chasa iuiai apagka, jiru ruras­ka­kunata mai­llaska kagta kunga­rigmi ni­raiá. Ñawi­wa mana karu kawan­ga­pa pudig­sina­mi ni­raiá.

¹⁰ Chasa­manda, taita­kuna i mama­kuna, Taita Dius kam­kunata agllaspa kaias­kata mana kun­ga­ris­pa­lla, chi iuiai­kunata sin­chi cha­ri­ri­puai­chi. Chasa sin­chi cha­ri­ris­paka, ñi ima­ura­pas mana pan­da­riipi urman­kan­gi­chi­chu. ¹¹ Chasaka, nukan­chipa kis­pi­chig Iaia Jesu­cris­to­mi, kam­kunata: “Samui” nispa, pai dil­tudu­pa suma manda­kus­ka­ma sumag­lla pusanga.

¹² Chi­mandami ikuti ikuti chasa­lla­ta iuia­chispa kai­ki­chita, kam­kuna sutipa Alli Willai­ta ña iachag­sa­muspa cha­ri­raiag­pi­kuna­pas. ¹³ Nuka kaug­san­kama, iuka­nimi kam­kunata chi iuiai­kunata iuia­chi­kunga. ¹⁴ Nukan­chipa Iaia Jesu­cristo willa­warkami, ña wañui cha­ia­wan­ga­pa kagta. ¹⁵ Chi­manda­mi muna­kuni, ima­sa­pi­pas, nuka wañus­ka­ura­manda­pas, kam­kuna chi iacha­chis­ka­kunata iuiai­lla­pi kan­ga­pa­kuna.

Cristo iapa suma pun­challa kagta kawas­ka­kuna­manda

¹⁶ Iaia Jesu­cristo samus­ka­manda, pai tukuipi pudig kagta nukan­chi kam­kunata iacha­chis­kaka, runa­kuna iuia­riska ianga par­lu­kuna mana kan­chu. Pai iaia man­dag kas­ka­ta­mi nukan­chi kikin­kunapa ñawi­wa kawar­kan­chi. ¹⁷ Taita Dius paita atun­ia­chispa suma­ia­chis­ka­ta­mi kawar­kan­chi. Asku­rinti suma pun­cha luar­manda­mi kasa rimai uia­rig­samurka: “Kai­mi nuka­pa kuiaska wam­bra ka­puá. Paita iapa alli suma­mi iuia­chii­wa kawani”. ¹⁸ Nukan­chi kikin­kuna­mi chi suma luar­manda rimas­kata uiar­kan­chi. Chasa uia­ri­ura, Taita Dius­pa­lla tukug­samuska lumapi Iaia Jesus­wa­mi kar­kan­chi.

¹⁹ Chi nukan­chi kawaspa uias­ka­kuna­wa­mi mas suma iuia­rin­chi, Santu Ispi­ri­tu­wa ñugpa­manda rimag­kuna willaska sutipa kagta. Chi ñugpa­manda willai­kunaka kan­mi ima­wapas amsapi pun­cha­ia­chig­sina. Kam­kunaka iukan­gi­chimi, chi willai­kunata suma uiaspa, mana kun­ga­ris­pa­lla kan­ga­kuna. Chi­kuna­waka, kam­kunapa iuiaipi pun­cha­ia­chig­sina­mi iukan­kan­gi­chi, Cristo kawa­rig­samun­kama. Paka­ri­ku­ura lusiru istrilla llugsí; chasa­lla­ta­mi Cristo kawa­rig­samun­ga­pa ka.

²⁰ Tukui­manda ñugpa, kasa iachai­chi. Dius­pa Rimaipi Santu Ispi­ri­tu­wa ima ñug­pa­manda willas­ka­kuna­taka mana pudi­rin­ga­pa kan­chu, sug sug kikinpa iuiai­lla­wa ima ni­raias­kata iachan­ga­pa. ²¹ Ñug­pa­manda willag runa­kunaka, kikinpa iuiai­lla­wa mana willa­na­kur­ka­chu. Santu Ispí­ritu iuia­chis­ka­wa­mi chasa Taita Dius­manda willa­na­kurka.

Llullaspa iacha­chig­kuna­manda

¹ Imasami, ñugpa­manda Israel­manda runa­pura, llullaspa willag­kuna tiarka: chasa­lla­ta­mi, kam kikin­pura, llullaspa iacha­chig­kuna tian­ga­pa kan­kuna. Pai­kunaka, waglli­chin­ga­pa iuiai­wa­mi sug rig­cha iuiai­kuna­wa llulla­chispa iacha­chin­ga­pa kan­kuna. Chasaka, kis­pi­chig Iaia Jesus­ta­mi wasa chu­raspa piña­rin­ga­pa kan­kuna. Chasa rurag­kunaka, mana unai­lla­mi dil­tu­du­pa nina­ma sitai tukun­ga­pa kan­kuna. ² Achka­kuna­mi, chi iacha­chig­kunata iachai­kuspa, jiru ruraspa katin­ga­pa kan­kuna. Pai­kuna chasa jiru ruras­kata kawas­paka, Alli Willai sutipa kas­ka­ta­mi kami­rin­ga­pa kan­kuna. ³ Pai­kunaka, kulki­lla munaspa, kikin­kunapa llu­lla rimai­lla­wa­mi kam­kunata tun­tia­chin­ga­pa kan­kuna. Pai­kuna­manda­mi ñugpa­manda­ta ni­raiá, dil­tudu­pa puchu­ka­rin­ga­pa kag­ta­kuna. Pai­kuna chasa puchu­ka­rin­ga­pa nis­ka­taka mana tian­chu imasa kis­pi­chinga.

⁴ Panda­rig anjil­kuna­taka, Taita Dius mana pasin­siar­ka­kunatachu. Pai­kunata alpa ukuma amsapi kadi­na­wa watas­pa­mi churar­ka­kunata, jus­ti­siag atun pun­cha cha­ian­kama. ⁵ Ñugpa pun­cha­kuna pan­da­rig kaug­sas­ka­kuna­ta­pas, Taita Dius mana pasin­siar­ka­chu. Chi runa­kuna imasa munaska jiru ruraspa kaug­sa­na­kug­manda, tukuipi iaku jun­da­chis­ka­wa­mi puchu­kar­ka­kunata. Alli­lla kaug­san­ga­pa willag Noé suti runa­lla­ta­mi sug kan­chis­kuna­lla­wa kis­pi­chirka. ⁶ Sodoma i Gomo­rra suti pui­blu­kunapi kaug­sa­na­kuska­ta­pas nina­mi kacha­murka. Rupaspa, uch­pa­lla tukug­ta­mi rupa­chirka. Kati pun­cha­kuna Taita Diusta mana man­chas­pa­lla kaug­sag­kunata mana chasa kaug­san­ga­pa iuia­chin­ga­pa­mi chasa rurarka. ⁷ Chasa kag­pi­pas, sug alli rurag Lot suti runa­ta­mi chipi rupan­ga­pa kas­kata kis­pi­chirka. Lotka, chi jiru iuiai munai­lla­wa ruraspa kaug­sa­na­kus­kata iapa lla­kii­wa­mi kawa­dur karka.

⁸ Chi alli rurag Lotka, pai­kuna­wa sug­lla­pi tukui pun­cha­kuna kaug­sa­kuspa, jiru ruras­ka­kunata kawaspa i uias­pa­mi paipa alli iuiai­lla­pi iapa lla­kii­wa karka. ⁹ Atun Taita Dius, paita iuia­rispa kaug­sag­kunata lla­kii­manda kis­pi­chig­mi ka. Ikuti jiru ruraspa kaug­sa­na­kug­taka, pai­mi charí, jus­ti­siag atun pun­cha chaian­kama. Chi­ura­mi dil­tu­du­pa nina­ma sitai tukun­ga­pa kan­kuna. ¹⁰ Pai nis­ka­kunata piña­rispa, kikinpa jiru iuiai­lla­wa imasa munas­ka­sina ruraspa kaug­sa­na­kus­kata mas­mi chi nina­ma sitai­wa jus­ti­sian­ga­pa ka. Chasa­kunaka, mai­tuku ni­kug­pi­pas mana uias­pa­lla, imasa munas­ka­sina ruras­pa­mi kaug­sa­nakú. Sug luarpi suma atun kag­kuna­ta­pas mana man­chas­pa­lla kamig­kuna­mi kan­kuna. ¹¹ Ikuti anjil­kunaka, pai­kuna­manda mas iachai­wa pudig kas­pa­pas, mana ima kamii­pas pai­kunata riman­kuna­chu; cha­saka, atun Taita Dius­pa ñawipi mana jus­ti­siai tukun­ga­pa­kuna.

¹² Chi llullaspa iacha­chig­kunaka, ñi ima mana juisius­pa­lla animal­kuna­sina­mi kaug­sa­nakú. Apispa, wañu­chii tukun­ga­pag­lla­mi tiag­sa­muska kan­kuna. Pai­kuna mana iachas­ka­kuna­ta­pas kamis­pa­lla­mi riman­kuna. Chasa rimag­kunaka, ani­mal­kuna­sina­mi puchu­ka­rii tukun­ga­pa kan­kuna. ¹³ Sug­kunata iapa lla­ki­chis­ka­manda, pai­kuna­pas chasa­lla­ta­mi randi­chii tukun­ga­pa kan­kuna. Mana unailla ialin­ga­pa kusi­kuska panda­rii­kuna­wa­mi munan­kuna kaug­san­ga­pa. Kam­kuna atun pun­cha­kuna iali­chin­ga­pa sug­lla­pi tanda­ris­kapi, chi iacha­chig­kuna­pas, chipi kaspa, pai­kunapa mana unailla ialig kusi­kui­waka iapa pingaia­chis­pa­mi kan­kuna. Chasa kawas­paka, kam­kuna­pas pudin­gi­chimi panda­ringa.

¹⁴ Pai­kunaka, mai­kan warmita kawas­paka, paita iapa muna­rispa iuiai­lla­wa­mi kan­kuna. Mana sai­kun­kunatachu, jiru ruran­ga­pa. Cris­to­wa manara suma iuia­rig­kunata mana alli­lla­pi­mi urma­chin­kuna. Tukui ima­pas iukan­ga­pa pai­kuna­manda­lla­mi munan­kuna. Chi­kunaka, maldisis­ka­mi kan­kuna. ¹⁵ Cris­to­wa sutipa suma iuia­riita sakispa, sug rig­cha iuiai­kuna­ta­mi apig­samun­kuna. Ñugpa­manda rimag Balaam suti Beorpa wam­bra imasa kaug­sas­ka­sina­mi kaug­san­kuna. Chi Balaamka muna­kurkami, pai jiru ruras­ka­manda kulkilla chas­kin­ga­pa. ¹⁶ Pai chasa ruran­ga­pa iuiaspa ri­ku­uraka, kikin apa­kuska upa buru­mi, paita runa­sina rimaspa, piñaspa arkarka. Cha­saka, pai upa­sina iuia­kus­ka­ta­mi sakirka.

¹⁷ Chi llullaspa iacha­chig­kunaka, iaku ñawi chaki­ris­ka­sina­mi kan­kuna. Waira pukuspa kasama cha­sa­ma apaska puiu­sina­mi kan­kuna. Pai­kuna­manda­mi ni­raiá dil­tu­du­pa iana tutapi kag­rin­ga­pa­kuna. ¹⁸ Pai­kunapa suma ianga rimai­wa rimaspa, jiru iuiai munai­kunata iuia­chispa, chi jiru rurai­kuna­manda mailla anchu­chi­ri­na­kus­kata ikutimi iuia­chin­kuna, pai­kuna­sina­lla­tata kan­ga­pa. ¹⁹ Nin­kunami: “Watas­ka­sina­manda kacha­ris­ka­mi kan­kan­gi­chi”. Chasa nis­pa­pas, pai kikin­kuna jiru munai­kuna­wa ruraspa watas­ka­sina­mi kaug­sa­nakú. Mai­kan runapas sug jiru ruraita cha­ri­raiag­pika, chi jiru rurai­wa watas­ka­sina­mi ka. ²⁰ Mai­kan­pas nukan­chita kis­pi­chig Iaia Jesu­cristota rig­sigka, kai alpapi jiru munai­kuna­manda anchu­chi­ris­ka­mi ni­raiá. Chasa anchu­chi­riska ni­ra­ias­pa­pas, ikuti chi jiru­kunama tigrag­pika, chi jiru­kuna­wa watas­ka­sina­mi ikuti tukug­samú. Chasaka, ñug­pa­man­da­pas mas jiru rurag­mi tukug­sa­munga. ²¹ Mai­kan­pas Taita Dius tukuipi alli man­das­kata iachaspa anchu­rigka, mas alli­char kan­tra, chi Alli Willai­ta mana iachag­samuspa kan­ga­pa. ²² Pai­kuna­manda chasa ni­raias­kaka, kai ni­diru­pi­mi kasa nig­samurka:

Alkuka, kikin kimnas­ka­ta­mi ikuti mikú.

Armachiska kuchipas,

ikuti turu­pi­mi builtiarí.

Iaia Jesús, ikuti samun­ga­pa kaska­manda

¹ Nuka­pa kuiaska taita­kuna i mama­kuna, ña iskaima karta­ta­mi kachai­ki­chita. Chi iskan­di­waka suma iuia­chin­ga­pa­mi munai­ki­chita. ² Taita Dius­pa­lla kag Santu Ispi­ri­tu­wa ñugpa­manda rimag­kuna willas­kata alli­lla iuia­ri­puai­chi. Cha­sa­lla­ta, kis­pi­chig Iaia Jesús ima nis­kata alli­lla iuia­ri­puai­chi. Pai kikin kacha­muska runa­kuna­mi kam­kunata chita iacha­chir­ka­kuna.

³ Tukui­kuna­manda mas alli­lla, kasa iuia­rii­chi: tuku­rii pun­cha­kunaka, Dius­pa Rimaita unz̈ag­kuna­mi kawa­rig­samun­ga­pa kan­kuna. Pai kikin­kunapa jiru iuiaita imasa munas­ka­sina ruras­pa­mi kaug­san­ga­pa kan­kuna. ⁴ Unz̈aspa, kasa­mi nin­ga­pa kan­kuna: “Cristo ikuti samun­ga­pa nis­kaka, ¿ima­wan­tak mana samú? Nukan­chipa taita­kuna wañug­pi­pas, ñi ima manima sug rig­cha tukú. Imasa­mi Taita Dius tukui ima wiña­chiska­ura­man­da­ta kaska ka: chasa­lla­mi ka”. ⁵ Chi unz̈ag­kunaka mana munan­kuna­chu iachan­ga­pa, sug luar ñug­pa­man­da­ta tiagta. Kai alpa­ta­pas Dius­pa rimai­wa­mi iaku­manda i iaku­wa ruraspa wiña­chirka. ⁶ Cha­sa­lla­ta, atun tamiaska iaku­wa­mi kai alpapi ñugpa­manda kaug­sa­na­kus­kata puchu­karka. Chi­ta­pas mana iachan­ga­pa munan­kuna­chu. ⁷ Kuna­ura tiaska kai alpa i sug luarka, Dius­pa rimai­lla­wan­ta­mi cha­rii tukun­kuna, Taita Dius jus­ti­siai pun­cha chaian­kama. Chi­urami nina­wa rupa­chii tukun­ga­pa kan­kuna. Chi pun­chami paita mana man­chas­pa­lla unz̈ag­kuna puchu­kai tukun­ga­pa kan­kuna.

⁸ Nuka­pa kuiaska taita­kuna i mama­kuna, mana kasa kunga­rii­chi. Atun Taita Dius­pa ñawipi, sug pun­chaka ni­raian­mi waranga wata­sina. Waranga wataka, sug­lla pun­cha­sina­mi ni­raiapú. ⁹ Ikuti sug­kunaka nin­kunami: “Atun Taita Dius iapa­mi una­ia­ku, pai ima nis­kata rurag­sa­mun­ga­pa”. Chasa mana kan­chu. Atun Taita Diuska, pasin­sialla suiaspa, mana muna­kun­chu, pipas puchu­ka­rin­ga­pa. Kam­kuna­manda iapa suma lla­kis­pa­mi muna­ku, tukui­kuna, pan­da­rii­kunata sakispa, pai­wa tigran­ga­pa­kuna.

¹⁰ Chasa kag­pi­pas, imasa­mi sisai mana willas­pa­lla samú: chasa­lla­ta­mi, mana iuia­na­ku­ura, Iaia Jesús samun­ga­pa ka. Chi pun­chaka, sug luar iapa manchanga­sina uia­ris­pa­mi puchu­ka­rin­ga­pa ka. Tukui ima chipi tias­ka­mi rupaspa tuku­rin­ga­pa ka. Kai alpa i tukui ima tias­ka­kuna­pas­mi chasa­lla­ta rupaspa puchu­ka­rin­ga­pa ka.

¹¹ Chasa tukui puchu­ka­rin­ga­pa kagta iachas­paka, kam­kunata chaia­kumi, Taita Diusta sumag­lla iuia­rispa, pai­manda­lla kaug­san­ga­pa­kuna. ¹² Chasa suma kaug­saspa, suia­na­kun­gi­chi, Dius samug pun­cha chaian­kama. Tukuipi alli­lla ruraspa kaug­sa­na­kun­gi­chi; chasaka, chi pun­cha mana unai­lla chaia­mun­ga­pa. Chi pun­cha, sug luar rupas­pa­mi puchu­ka­rin­ga­pa ka. Tukui ima tias­ka­pas­mi rupaspa iaku­iaspa puchu­ka­rin­ga­pa ka. ¹³ Ikuti nukan­chika, Taita Dius nis­kata, musu sug luar i musu alpa­ta­mi suia­na­kun­chi. Chi­kuna­pika, tukui alli­kuna­lla­mi kag­rin­ga­pa kan­chi.

¹⁴ Chasa­manda, nuka­pa ku­ias­ka taita­kuna i mama­kuna, musu sug luar i alpata suia­na­kun­kama, animu ruran­gi­chi, tukuipi alli ruraspa sumag­lla kaug­sa­na­kun­ga­pa, mana panda­ris­pa­lla. Kam­kuna chasa sumag­lla kaug­sa­na­kus­kata, Taita Dius tarig­samuchu.

¹⁵ Kasa­pas iuia­ri­puai­chi: nukan­chipa Iaia Jesús mana­ra samun­chu, sug­kuna­ta­pas kis­pi­chig­sa­mun­ga­pa pasin­sia­lla suiaspa. Chasa­lla­ta­mi nukan­chipa kuiaska waugki Pablo­pas, Taita Dius­pa iachaita karas­ka­wa kam­kunata karta kacharka. ¹⁶ Tukui paipa kar­ta­kuna­pi­mi Pablo chasa­lla­ta iacha­chispa rimarka. Chi kar­ta­kuna­pika, sug nig­ta­kunaka mana iachan­ga­sina­mi iskri­bi­raiá. Chi ni­raias­ka­kunata sug­kunaka, mana alli­lla iachag­kuna i mana­ra suma uiag­kuna, pan­da­mi iacha­chin­kuna. Dius­pa Rimaipi tukui sug kas­ka­kuna­ta­pas­mi chasa­lla­ta panda iacha­chin­kuna. Chasa iacha­chis­paka, pai kikin­kuna­mi puchu­ka­rin­ga­pa kan­kuna.

¹⁷ Chi­wanka, nuka­pa kuiaska taita­kuna i mama­kuna, manara chasa pasa­rig­pi­mi kam­kunata ña willar­kai­ki­chita. Chi­manda, ¡ama­lai­lla­pas kam­kuna, jiru iacha­chig­kuna­wa panda­chii tukuspa, Cristo­wa suma iuia­ris­kata sakin­tran­gi­chi! ¹⁸ Nukan­chipa kis­pi­chig Iaia Jesu­cris­tota mas suma rigsi­puai­chi. Paipa suma kuiai­wa mas kuia­na­kui­chi. Kuna­ura i ima­ura­pas paita ni­sun­chi: “Kam, iapa suma atun­mi kangi, mai­tuku waranga waranga wata ialig­pi­pas”. [Chasa kachu.]