2 KORINTOPI

KORINTO PUIBLUPI CRISTOWA TUKUSKAKUNATA

SAN PABLO ISKAIMA KARTA KACHASKAMANDA

¹ Taita Dius nukata muna­was­ka­manda, Jesu­cristo kacha­mu­waska­mi kani, Alli Willai­ta willaspa purin­ga­pa. Timoteo suti waugki­wa kaspa, kam­kuna Taita Dius­wa tukus­ka­kuna Korinto pui­blupi kaug­sa­na­kus­kata i Taita Dius­pa­lla tukui kag­kuna Akaia alpa suiu kaug­sa­na­kus­ka­ta­pas­mi kai karta kachai­ki­chita. ² Nukan­chipa Taita Dius i Iaia Jesu­cristo, kam­kunata kuiaspa, suma iuiai­wa kawa­pua­chu.

Taita Dius, imapipas llakii­kunata samachig­manda

³ Nukan­chipa Iaia Jesu­cristopa Taita Diusta ni­sun­chi: “Kam, iapa suma atun­mi kangi”. Pai­mi ka nukan­chi­manda llakii­iug. Ima­pi­pas llakii­kunata sama­chig­mi ka. ⁴ Nukan­chi ima iapa llakii­wa kas­kata, paimi samachí; chasaka nukan­chipas, sug­kuna ima iapa llakii iukag­pika, paipa suma iuia­chii­lla­wan­ta pai­kunata sama­chin­ga­pa. ⁵ Imasa­mi nukan­chita chaiá, Cristo­manda iuia­rispa iapa llakii­wa pasan­ga­pa: chasa­lla­ta­mi Cristo, nukan­chita chi llakii­kunata sama­chí. ⁶ Nukan­chi, iapa llakii­wa pasa­na­kun­chi; chasaka, kam­kunapa llakii­kunata sama­chispa kispi­chin­ga­pa. Cristo, nukan­chita chi llakii­kunata samachí; chasaka, kam­kunapa llakii­kunata sama­chispa, chi­wanka nukan­chi­sina iapa llakii­kuna­wa pasa­na­kus­ka­ta apai pudin­ga­pa. ⁷ Imasa­mi kam­kuna, nukan­chi­sina iapa llakii­kuna­wa pasa­na­kun­gi­chi: chasa­lla­ta­mi nukan­chi­sina llakii­kunata sama­chii tukun­kan­gi­chi. Chasa iachaspa­mi nukan­chi kam­kuna­manda tukui alli­lla tukug­samun­ga­pa suia­na­kun­chi.

⁸ Nukan­chi Asia alpapi ka­ura, iapa llakiimi iukar­kan­chi. Muna­na­kun­chimi: kam taita­kuna i mama­kuna chasa iacha­puai­chi. Asku­rinti mana awan­tanga­sina llakii­wa­mi pasa­na­kur­kan­chi. Chi­wanka, iuia­na­kur­kan­chimi: “Ña mana maschar kaug­sa­sun­chi”. ⁹ Wañu­chii tukun­ga­pa kag­sina­mi iuia­na­kur­kan­chi. Chasa­wa­mi iachai­kur­kan­chi, nukan­chi kikinpa iuiai­kuna­lla­wa mana ima­pas awan­tai pudin­ga­pa kagta. Taita Dius wañus­ka­kunata kaug­sa­chig­wa iuia­rispa­lla­mi pudin­ga­pa kan­chi awan­tan­ga­pa. ¹⁰ Pai­mi chi iapa manchanga­sina wañuita nukan­chita kispi­chirka. Nis­paka, chasa­lla­ta ikuti­mi kispi­chin­ga­pa ka. Ari, pai­lla­ta­mi suia­na­kun­chi, ikuti ikuti nukan­chita kispi­chig­samun­ga­pa, ¹¹ kam­kuna­pas Taita Diusta nukan­chi­manda mañaspa kagpi­kuna. Achka­kuna nukan­chi­manda Taita Diusta mañag­pi­kuna, achka­kuna­lla­ta­ta­mi, Taita Dius nukan­chita suma iuiai­wa kawa­kug­manda, paita: “Pai Siñur” ninga­kuna.

San Pablo, Korinto pui­bluma imapa mana riska­manda

¹² Kasa­manda­mi alli iuia­chii­wa kan­chi: nukan­chipa iuiai­wa­mi iachan­chi, nukan­chi kai alpapi i maspas kam­kuna­wa, sug­lla suma iuiai­wa tukuipi alli­lla kaug­saspa kagta­kuna. Mana chasa kaug­sa­na­kun­chi­chu nukan­chi kikinpa iuiai­lla­wa. Taita Dius kikin suma kuiaita kara­mus­ka­wa­mi chasa alli­lla kaug­sa­na­kun­chi. ¹³ Kam­kuna­pagma nukan­chi karta­kuna kachas­ka­pika, nukan­chi ima iuia­na­kuska­lla­ta­mi ni­na­kun­chi, kam­kuna iachan­ga­pa. Kam­kuna, chi­kunata kawas­paka, kunan­kama mai­lla­mi nukan­chi ima iacha­chis­kata alli­lla iachan­gi­chi. Muna­ku­nimi, kam­kuna tukuipi alli­lla iuiaipi iachan­ga­pa. Chasaka, nukan­chipa Iaia Jesús samug puncha chaia­ura, imasa­mi nukan­chi, kam­kuna­manda iuia­rispa, alli iuia­chii­wa kan­chi: chasa­lla­ta­mi kam­kuna­pas, nukan­chi­manda iuia­rispa, alli iuia­chii­wa kan­kan­gi­chi.

¹⁵ Kam­kuna chasa kag­manda alli iuiaspa, nuka muna­kur­kani, ñugpa kam­kuna­pagma chaiag­rin­ga­pa. Chi­wanka muna­kurka­nimi, iskai biaji kam­kunata kawag­rispa, kam­kuna iapa alli­lla kan­ga­pa. ¹⁶ Kam­kunapagta ialispa, Mase­do­nia alpa­ma­mi rin­ga­pa kar­kani; chi­manda kuti­muspa, ikuti kam­kunata kawag­samun­ga­pa. Chi­manda, kam­kuna aida­wan­ga­pa­mi kar­kan­gi­chi, Judea alpama chaiag­rin­ga­pa. ¹⁷ Nuka chasa iuia­kus­paka, ¿mana­chu muna­kur­kani chasa ruran­ga­pa? ¿Kam­kuna iuian­gi­chi­chu, nuka iskai iuiai iukag­ta; cha­saka, kam­kunata: “Kasa­mi rurasa” nis­paka, ikuti chi­ura­lla­ta­ta: “Mana chasa rura­sa­chu” nin­ga­pa? ¹⁸ Taita Dius, nukan­chi­manda iachan­mi: nukan­chi, kam­kunata: “Kasa­mi rurasa” nis­paka, ikuti chi­ura­lla­ta­ta sug rigcha ruran­ga­pa mana nin­chi­chu. ¹⁹ Sil­vano, Timo­teo i nuka, kam­kunata Taita Dius­pa wam­bra Jesu­cristo­manda willar­kan­chi; pai Jesu­cristoka, “Kasa­mi rurasa” nis­paka, ñi ima­ura­pas mana nin­chu: “Mana chasa rura­sa­chu”. Pai niska, tukui chasa­mi tukú. ²⁰ Tukui ima Taita Dius karan­ga­pa niska, Jesu­cristo­wa­mi nukan­chita kara­mú. Chi­manda, chasa niska­manda nukan­chi uiaspa, pai­manda iuia­rispa, nin­chimi: “Chasa kachu”; chi­wanka, Taita Diusta suma atun­ia­chin­ga­pa. ²¹ Taita Dius­mi Jesu­cristo­wa nukan­chita i kam­kunata tukui­pi alli­lla charí. Pai­mi nukan­chita agllarka. ²² Pai­mi Santu Ispi­ri­tu­wa nukan­chita siña­larka, paipa kagta ni­raian­ga­pa. Pai­lla­ta­ta­mi Santu Ispi­ri­tuta kacha­murka, nukan­chi­wa sug­lla­pi kan­ga­pa. Chasa­manda­mi iachan­chi, nukan­chi sug luarpi tukui sumag­lla chas­kig­rin­ga­pa kagta­kuna.

²³ Taita Dius, nuka ima iuia­kus­kata iachan­mi, nuka kam­kunata ima ni­kuska sutipa kagta: kam­kunata mana piñanga­manda­mi mana Korinto pui­bluma rir­kani. ²⁴ Mana munan­chi­chu, kam­kunata nin­ga­pa: “Kasa u chasa Cristo­wa iuia­rii­chi”. Kam­kuna, ña suma­mi pai­wa iuia­rin­gi­chi, mana sakis­pa­lla. Chasa­paka munan­chimi, kam­kuna­wa sug­lla­pi aida­na­kun­ga­pa; cha­saka kam­kuna, alli iuia­chii­wa kan­ga­pa.

¹ Chi­mandami iuia­rir­kani, mana­ra ikuti kam­kuna­pagma chaiag­rin­ga­pa; chasaka, mana kam­kunata llaki­chin­ga­pa. ² Nuka chasa kam­kunata llaki­chig­pika, ¿pitak nuka­manda llakin­tra, alli iuia­chi­wan­ga­pa? Kam­kuna­lla­mi, nuka­wa llaki­chii tukuspa, pudin­tran­gi­chi, nukata alli iuia­chi­wan­ga­pa. ³ Chi­manda­mi chasa karta kachar­kai­ki­chita. Chi­wanka, nuka chaiag­ri­ura, kam­kuna­wa mana llaki­rispa kasa­chu. Chasa­paka, kam­kuna­wa kun­tin­tu­lla­mi kasa. Suma­mi iuiani, nuka alli iuia­chii­wa kag­pika, tukui kam­kuna­pas alli iuia­chii­wa kan­ga­pa­kuna. ⁴ Kam­kuna­manda iapa lla­kispa wakas­pa­mi chi karta­ta kachar­kai­ki­chita. Mana kachar­kai­ki­chita­chu, kam­kuna kawas­paka, llaki­rig­samun­ga­pa. Nuka kam­kunata iapa sumag­lla kuiag kagta iachan­ga­pa­mi kachar­kai­ki­chita.

Jiru rurag runata, San Pablo pasin­siaska­manda

⁵ Llaki­chi­wagka, mana nuka­lla­ta llaki­chi­warkachu. Tukui kam­kuna­ta­pas­mi mailla­lla­pas llaki­chirka. “Mailla­lla­pas” ni­nimi; iapaspa llullag­sina mana ni­ni­chu. ⁶ Chi runa jiru ruragta ña unai­mi kam­kuna kaska­manda llugsi­chiska ka; chika, alli­lla­mi rurar­kan­gi­chi, chasa sug­kuna mana iuiag­pi­pas. Kuna­ura, chi­lla. ⁷ Kuna­ura­manda iukan­gi­chimi, paita pasin­siaspa, iuia­chispa, paipa llakiita kunga­chinga. Mana kag­pika, ¡ujala­lla­pas iapa llakii iukaspa, iuia­rin­tra mana mas kaug­san­ga­papas! ⁸ Chi­manda­mi suma mañai­ki­chita: paita kawa­chi­puai­chi ikuti kuiagta­kuna. ⁹ Pai­manda­mi ñugpa karta­ta kacharkai­ki­chita, iachan­ga­pa: nuka tukui ima nis­kata, ¿kam­kuna ruran­kan­gi­chi­chu u mana­chu ruran­kan­gi­chi? ¹⁰ Mai­kan­ta­pas kam­kuna pasin­siagpi­kunaka, nuka­pas­mi pasin­siani. Ima pasin­sian­ga­pa tiag­pika, kam­kuna kuiaska kagta iuia­rispa­mi Cris­topa ñawipi pasin­siani. ¹¹ Cha­sa­mi pasin­sian­chi. Mana kag­pika, iaia kuku, nukan­chi­wa ri­kug­sina­mi tukunga. Chi iaia kuku ima­pi­pas jiru ruran­ga­pa munag kagta alli­lla­mi iachan­chi.

Troas pui­blupi, San Pablo llakii­wa kaska­manda

¹² Nuka Troas pui­blupi Cristo­manda Alli Willai­ta willan­ga­pa chaiag­ri­uraka, Iaia Jesús kikin, alli alpa suma tarpun­ga­pa tiag­sina­mi kawa­chi­warka; chasa­pika, achka­kunata Alli Willai­ta willan­ga­pa. ¹³ Chipi nuka ka­ura, waugki Tito mana kawa­ri­warkachu. Chi­manda­mi nuka llakii­wa kar­kani. Chi­manda, chipi kag­kunata: “Kaia­kama” nispa, Mase­do­nia alpa­ma­mi rir­kani.

Nukanchi, Jesu­cristowa binsig kag­kuna­manda

¹⁴ Taita Diusmi nukan­chita ima­ura­pas paipa iapa iachai karamú, Jesu­cristo­wa iaia kukuta miti­ku­chin­ga­pa. Chasa­lla­ta, nukan­chita maima­pas­mi kachá, Alli Willai­ta willaspa purig­rin­ga­pa —chi Alli Willaika, iapa miski asna­rig­sina­mi ka— chita uias­paka, sug­kuna­pas paita rigsig­samun­ga­pa. Chi­manda­mi paita nini: “Pai Siñur”. ¹⁵ Imasa­mi insinsu rupa­chi­ura, miski asna­rí: chasa­lla­ta­mi Cristo, nukan­chita kacha­mú, Taita Dius­manda miski asna­rig­sina paipa Alli Willai­ta willan­ga­pa. Chi Alli Willai­taka,+ 2:15 griego rimai­wa: chi asna­rig­sina. kis­pi­rin­ga­pa kag­kuna i mana kispi­rin­ga­pa kag­kuna­pas­mi uian­kuna. ¹⁶ Mana kispi­rin­ga­pa kag­kuna­taka chi Alli Willai­ta uias­ka­waka dil­tu­du­pa wañui­mi chaian­ga­pa kan­kunata. Ikuti kispi­rin­ga­pa kag­kunaka, dil­tudu­pa kaug­sai­mi chas­kin­ga­pa kan­kuna. Chasa tukun­ga­pa kaska­mandaka, ¿pitak tia, tukui chi­kunata alli­lla willan­ga­pa? Ñi pipas manima. ¹⁷ Nukan­chika, Dius­pa Rimaita mana willa­na­kun­chi­chu, nukan­chi kulki­rin­ga­pa, achka­kuna chasa rurag­pi­kuna­pas. Taita Dius kacha­mus­ka­kuna kaspa­mi, Dius­pa ñawipi Cristo­manda willa­na­kun­chi, mana ima­pi­pas llullas­pa­lla.

Taita Dius­wa i runa­kunawa ikuti sumag­lla tukuska­kuna­manda Alli Willaimanda

¹ Chasa nispaka, ¿ikuti nukan­chi kikin­kuna­chu ni­na­kun­chi: “Mas alli­mi kan­chi”? Sug­kunata chaiá, kikin­kuna­manda alli niska karta apa­muspa kawa­chig­samun­ga­pa; chasaka, Dius­pa Rimaita iacha­chin­ga­pa. ¿Chasa­lla­ta­chu nukan­chi­ta­pas chaia­ku, karta kam­kunata kawa­chig­samun­ga­pa i kam­kuna­pag­manda­pas apaspa rin­ga­pa? Mani­ma. ² Kam kikin­kuna­mi ni­ra­ian­gi­chi nukan­chi­manda alli niska karta­kuna kag­sina. Nukan­chipa iuiaipi niska karta kag­sina­mi kan­gi­chi. Kam­kunata kawas­pa­mi tukui runa­kuna, nukan­chi alli­lla iacha­chig kagta­kuna kawanga­kuna. ³ Kam­kuna kan­gi­chimi Cristo kacha­muska karta, nukan­chi iuia­rispa iskri­biska kag­sina. Tinta­wa iskri­bi­raias­ka­sina mana kan­gi­chi­chu. Kaug­sag Taita Dius­pa Ispi­ri­tu­wa­mi nukan­chi iacha­chiska iskri­bi­raias­ka­sina kan­gi­chi. Chasa­lla­ta, rumi pamba­pi iskri­bi­raias­ka­sina mana kan­gi­chi­chu. Kam­kunapa iuiai­pi­mi nukan­chi iacha­chiska iskri­bi­raias­ka­sina kan­gi­chi.

⁴ Taita Diusta Cristo­wa iuia­ris­pa­mi chasa nin­chi. ⁵ Nukan­chi kikin­pa iuiai­lla­wa ñi ima­pas mana pudin­chi­chu. Taita Dius­pa iapa iachaita nukan­chita kara­mug­manda­mi pudin­chi. ⁶ Taita Dius kikin­mi paipa iachaita kara­murka; chasaka, pai­wa i runa­kuna­wa ikuti pasin­sia­chi­rispa sumag­lla tukuska­manda nukan­chi willan­ga­pa. Chika mana ni­raian­chu Moisés ñugpata willas­ka­wa. Santu Ispí­ritu iuia­chis­ka­wa­mi chasa ni­raiá. Moisés ima ruran­ga­pa willa­raias­kapi ni­ra­ian­mi, panda­rig­kuna wañu­chii tukun­ga­pa. Ikuti Santu Ispi­ri­tuka, suma kaug­sai­ta­mi karamú.

⁷ Ima ruran­ga­pa rumipi willa­ra­ias­kata iapa puncha­wa­mi Taita Dius, Moisesta kuag­samurka; chi­wa­mi Moisespa ñawipas iapa pun­cha kawa­rig­samurka. Chasa­taka Israel­manda runa­kuna, mana paipa ñawita kawan­ga­pa pudir­ka­kuna­chu. Chi puncha­ias­kaka, mai­lla mai­lla wañu­rispa wañu­rispa­mi rirka. Chi runa­kuna wañun­ga­pa willa­raias­ka­ta­mi ña iapa puncha­wa Moisesta kuag­samurka. ⁸ Ikuti kikin Santu Ispí­ritu kara­mus­kaka iukan­mi, asku­rinti mas iapa pun­cha­wa tukug­samunga. ⁹ Ari, jus­ti­siai tukun­ga­pa willa­raias­kata iapa pun­cha­wa­mi Moisesta kuag­sa­murka; mana panda­rig ni­raian­ga­pa Alli Willai­ta uiaspa iukan­mi, Santu Ispi­ri­tu­wa asku­rinti mas iapa puncha­wa tukug­samunga. ¹⁰ Chi willa­raias­kata Moisés chaski­ura, iapa puncha­ia­chig­pi­pas, kuna­ura asku­rinti iapa puncha Alli Willai­manda chi ñugpa­mandaka ñi ima­pas mana puncha ni­raian­chu. ¹¹ Chi puchu­ka­rin­ga­pa willa­raias­kata iapa puncha­wa Moisesta kuag­samurka. Ikuti mana ima­ura­pas puchu­ka­ri­diru Alli Willaika iukan­mi, chi willa­raiaska­manda mas iapa puncha­wa tukug­samunga.

¹² Chasa tukug­samun­ga­pa kagta nukan­chi alli­lla iachaspa­mi, mana manchas­pa­lla chi Alli Willai­ta willa­na­kun­chi. ¹³ Nukan­chika, mana Moi­ses­sina rura­na­kun­chi­chu. Paika, ñawita linsu­wa kilpa­rispa­mi karka; chi­wanka Israel­manda runa­kuna, paipa ñawi puncha­ias­kata mailla mailla wañu­rispa wañu­rispa ri­kus­kata mana kawan­ga­pa. ¹⁴ Chasa kilpa­riska kas­kata, pai­kuna mana iachar­ka­kuna ima ni­ra­iag­ta. Kuna­ura­pas, Dius­pa ñug­pa­manda Rimaipi willa­raias­ka­ta uias­pa­pas, pai­kunapa iuiai­pi chi lin­suta kilpa­raias­ka­sina­mi chara kan­kuna. Chasaka, mana alli­lla iachag­samun­ga­pa pudin­kuna­chu. Cristo­lla­wa iuia­ris­ka­pi­mi chi kilpa­raiaska lin­suta anchu­chig­sina tukug­samú. ¹⁵ Ari, pai­kuna, Moisés willa­raias­kata kawas­pa­pas, kunan­kama pai­kunapa iuiai­pi linsu­wa kilpa­raias­ka­sina­mi chara kan­kuna; chasaka, mana alli­lla iachag­samun­ga­pa­kuna. ¹⁶ Ikuti mai­kan­pas Iaia Jesus­wa tukug­samu­uraka, chi kilpa­raiaska lin­suta anchu­chig­sina­mi tukug­samú, alli­lla iachag­samun­ga­pa­kuna. ¹⁷ Atun Taita Diuska, ispi­ri­tu­mi ka. Paipa Ispí­ritu, watas­ka­sina maipi kas­kapi kas­ka­kunata kacha­rig­sina­mi rurag­samú. ¹⁸ Chi­manda­mi tukui nukan­chika, ñawi kilpa­raias­kata anchu­chig­sina tukug­samuspa, Iaia Jesús suma puncha­lla kagta ispi­jupi­sina sug­kunata kawa­chi­ri­na­kun­chi. Chi­wanka nukan­chi, pai suma puncha­lla kag­sina­lla­ta­ta­mi mailla mailla suma puncha­lla tukug­samu­na­kun­chi. Atun Taita Dius­pa Ispi­ri­tumi chasa nukan­chita rura­ku.

¹ Nukan­chi, chasa iachas­paka, Taita Dius nukan­chi­manda lla­ki­rispa Alli Willai­ta willan­ga­pa min­gas­kata mana samba­iaspa­lla­mi charin­chi. ² Chi Alli Willai­ta willan­ga­paka, tukui pingaipa pakalla jiru rurai­kunata wabutispa­mi sakin­chi. Chasaka, mana sug rigcha iuias­pa­lla­mi willan­chi. Dius­pa Rimai­ta­pas mana sug rigcha ni­raias­kata iacha­chin­chi­chu. Chasa­paka, sutipa kas­kata willaspa­mi, tukui runa­kunata kawa­chi­rispa, Dius­pa ñawipi suma iacha­chin­chi. ³ Nukan­chi willa­na­kuska Alli Willaika, sug­kunata lin­su­wa kilpa­raias­ka­sina­mi amsa tukú; chika kan­mi dil­tudu­pa puchu­ka­rin­ga­pa kag­kuna­manda. ⁴ Kai alpa­manda dius­sina iaia kukuka, manara Cristota rigsig­kunapa iuiaita tuntia­chig­sina­mi rurarka; chasaka, iapa suma puncha­ia­chig Cristo­manda Alli Willai­wa pai­kunapa iuiaita mana puncha­ia­chig­sina tukug­samun­ga­pa. Pai Cris­toka, Taita Dius­pa ñawi kag­sina­mi kawa­rig­samú. ⁵ Nukan­chi kikin­kuna­mandaka ñi ima mana willa­na­kun­chi­chu. Jesu­cristo­lla tukui­kunapa iaia kag­ta­mi willa­na­kun­chi. Jesus­manda­lla iuia­rispa, kam­kunapa lutrin­sina­kuna­mi kan­chi. ⁶ Taita Dius­mi nirka: “Iana tutapi, puncha­ia­chu”. Taita Dius­lla­ta­ta­mi nukan­chipa iuiai­kunata pun­cha­ia­chig­samurka; chi puncha­ia­chis­ka­waka, pai tukuipi suma atun kagta nukan­chi iachan­ga­pa. Chi puncha­ia­chii­mi Cristo kikinpa ñawipi kawa­chi­rig­samú.

Iaia Jesus­wa suma iuia­rispa kaug­sai­manda

⁷ Nukan­chipa kuir­pu alpa manga­sina kag­pi­pas, chasa kuir­pu­kunapi chi puncha­ia­chig­sina Alli Willai­ta­mi chari­raian­chi; chasaka, nukan­chipa iachai­wa mana kagta kawa­chin­ga­pa. Taita Dius­pa iapa iachai­wa kagta kawa­chin­ga­pa­mi chi Alli Willai­ta chari­raian­chi; ⁸ chasaka, iapa llakii­kuna chaiag­pi­pas, ñi ima­pi­pas mana samba­iaspa­lla kan­ga­pa. Chasa­lla­ta, iapa llakii­kuna­wa iuiai­kuna chaiag­pi­pas, Cristo­wa suma iuia­ris­kata mana sakis­pa­lla­mi kaug­san­chi. ⁹ Sug runa­kuna jiru ruran­ga­pa muna­na­kug­pi­pas, Taita Dius, nukan­chita mana sapalla sakin­chu. Urmagta piagpi­kuna­pas, mana puchuka­rin­ga­pa kan­chi­chu. ¹⁰ Mai­ma rispa­pas, nukan­chipa kuir­pupi llakiita apaspa, Jesús wañu­chii tukus­ka­ta­mi kawa­chin­chi. Chi llakiita apa­kuspa­pas, Jesús nukan­chi­wa kaug­sa­kug­ta­mi mana samba­iaspa­lla kawa­chin­chi. ¹¹ Cha­saka, nukan­chi kaug­sa­na­kun­kama Jesus­manda willa­na­kug­manda­mi sug­kunaka tukui puncha­kuna muna­nakú, nukan­chita wañu­chin­ga­pa; chi­wanka nukan­chi, Jesus­pa kaug­saita nukan­chipa wañunga kuir­pu­pi kawa­rin­ga­pa. ¹² Chasa­manda, nukan­chita wañui­mi kati­raiá. Ikuti kam­kuna­taka kaug­sai­mi kati­raiá.

¹³ Kasami ñugpa­manda librupi willa­raiá:

Taita Diuswa suma iuia­rir­kani.

Chimandami paimanda rimar­kani.

Chasallata nukan­chi­pas, Iaia Jesus­wa suma iuia­rin­chi. Chi­manda­mi pai­manda riman­chi, ¹⁴ kasa iachaspa: Taita Dius, Iaia Jesusta kaug­sa­chig, nukan­chi­ta­pas pai­wa­mi kaug­sa­chin­ga­pa ka. Nukan­chita kaug­sa­chis­paka, kam­kuna­wan­ta­mi pusan­ga­pa ka, pai kikinpa ñawipi kag­rin­ga­pa. ¹⁵ Tukui llakii­kuna u ima nukan­chita pasa­riska, kam­kuna­manda alli­lla­pa­mi ka; chasaka mas achka runa­kuna, Taita Dius­pa suma kuiaita chas­kig­samun­ga­pa; chi­wanka mas achka­kuna, paita: “Pai Siñur” nispa, iapa suma atun­ia­chin­ga­pa.

¹⁶ Chasamandami ima­ura­pas mana samba­iaspa­lla kan­chi. Nukan­chipa kuir­pu ruku­ia­kug­pi­pas, nukan­chipa alma­taka kada puncha­mi Taita Dius mas suma­ia­chi­ku. ¹⁷ Nukan­chi kaug­sa­na­kun­kama llakii iukas­ka­kunaka, mana unai­lla­mi ialí; ñi ima mana kag­sina­mi iuiachí. Chi llakii­kuna iukas­ka­wa, nukan­chi iapa alli suma iuia­chi mana puchu­ka­ri­diru kaug­sai­wa­mi kaug­sag­rin­ga­pa kan­chi. ¹⁸ Kawa­ri­diru, tuku­ringa­lla­mi. Ikuti mana kawa­ri­diruka, mana ima­ura­pas tuku­rin­ga­pa kan­chu. Chi­manda, kawa­ri­diru­kuna­lla­wa mana iuia­na­ku­sun­chi. Mana kawa­ri­diru­kuna­wa­mi iukan­chi iuia­na­kunga.

¹ Kasapasmi iachan­chi: nukan­chipa kuir­pu, sug wasi mana una­ias­pa­lla tuku­rig­sina puchu­ka­ri­ura, suma luar­pika sug musu wasi­sina kuir­pu­mi iukan­ga­pa kan­chi. Chi wasi­sina kuir­pu, mana runa ruraska kan­chu. Taita Dius kikin ruras­ka­mi ka. Chi wasi­sina kuir­pu suia­kumi, nukan­chi chipi dil­tudu­pa kaug­sag­rin­ga­pa. ² Chi­manda­mi, kai kuir­pu­pi kaug­sa­na­kun­kama, waka­na­kug­sina iuia­rispa, muna­na­kun­chi nukan­chipa suma luar­manda wasi­sina kuir­pu­pi kaug­sa­na­kug­rin­ga­pa. ³ Chi musu kuir­pu­pi chura­raiag­sina kas­paka, mana kawa­ri­sun­chi­chu mana kuir­pu­wa. ⁴ Kai karpa wasi­sina kuir­pu­pi kaug­sa­na­kus­paka, lla­kii­wa waka­na­kug­sina­mi kan­chi. Mana muna­na­kun­chi­chu, mana kuir­pu­wa kawa­ri­na­kun­ga­pa. Musu kuir­pu­pi chura­ris­ka­sina tukug­sa­mun­ga­pa­mi muna­na­kun­chi; cha­saka kai wañun­ga­pa kuir­pu, dil­tu­du­pa musu kaug­sai­wa alli­lla tukun­ga­pa. ⁵ Taita Dius­mi nukan­chita wiña­chirka, chi musu kaug­sai­ta chaskig­rin­ga­pa. Pai­lla­ta­ta­mi Santu Ispi­ri­tuta nukan­chita kara­murka; chi­wanka, nukan­chi chas­kig­rin­ga­pa kas­kata iachan­ga­pa.

⁶ Chimandami nukan­chi ima­ura­pas chasa tukun­ga­pa kagta iuia­ris­pa­lla kan­chi. Kasa­pas­mi iachan­chi: nukan­chipa kuir­pupi kaug­san­kama, karupi kag­sina manara Iaia Jesus­wa sug­lla­pi kan­ga­pa chaiagta. ⁷ Pai­wa suma iuia­rispa­mi kaug­san­chi, manara ñawi ñawi kawa­na­kus­pa­pas. ⁸ Chasa kaug­sas­pa­pas, pai­wa sug­lla­pi kag­rin­ga­pa kagta iuia­rispa­lla­mi kan­chi. Kasa­pas­mi muna­na­kun­chi: ¡ama­lai mana mas kai kuir­pupi kaug­saspa, Iaia Jesus­wa sug­lla­pi ña kaug­sag­rin­tran­chi! ⁹ Chi­manda, kai kuir­pupi u suma luar­manda kuir­pupi kaug­sas­pa­pas, Iaia Jesusta kun­tin­ta­chin­ga­pag­lla­mi iuiaspa kaug­sa­na­kun­chi. ¹⁰ Tukui­kunami iukan­chi, Cristopa ñugpa ladu kawa­rig­ringa; chi­pika, alli­lla u mana alli­lla kaug­san­kama ruras­ka­kuna­wa imasa chaias­ka­sina chaskin­ga­pa.

Taita Dius­wa pasin­sia­chirii­chi, niska­manda

¹¹ Chimandami, Iaia Jesusta sumag­lla manchan­ga­pa chaias­kata iachaspa, runa­kunata alli­lla willan­chi, pai­kuna­pas Jesus­wa tukun­ga­pa. Nukan­chi imasa kas­ka­taka, Taita Diusmi alli­lla iachá. Muna­ku­nimi, kam­kuna­pas nukan­chi imasa kas­kata alli­lla iachan­ga­pa. ¹² Kam­kunata mana ni­na­kun­chi­chu: “Nukan­chi, alli­mi kan­chi”. Kam­kuna, nukan­chi­manda “Alli­lla­mi kan­kuna” iuia­rispa, kun­tin­tu­lla tukun­ga­pa­mi chasa ni­na­kun­chi. Chasaka, chi mana iuiaipi kas­kata iuias­pa­lla kawaska­lla­wa atun tukug­kunata pudin­kan­gi­chimi iuia­chinga­kunata. ¹³ Nukan­chi upa­sina kagta pai­kuna nigpi­kunaka, Taita Dius­manda­mi chasa kan­chi. Ikuti suma iuiai­iug rigcha kas­paka, kam­kuna­manda alli­lla­pa­mi chasa kan­chi. ¹⁴ Cristo, nukan­chita iapa kuiaspa, imasa kaug­san­ga­pa­mi iuia­chí. Kasa­mi iachan­chi: Cristo­lla­mi tukui runa­kuna­manda wañurka. Chasa­manda­mi tukui nukan­chi, Dius­pa ñawipi pai­wa wañuska ni­raian­chi. ¹⁵ Imasa­mi Cristo, tukui­kuna­manda wañuspa, kaugsa­rirka: chasa­lla­ta­mi nukan­chi­pas, pai­wa kaugsa­ris­paka, kikin­manda­lla mana kaug­sai ni­raian­chi. Pai Cristo­manda­lla­mi kaug­sai ni­raian­chi. ¹⁶ Chi­mandaka, imasa­mi kai alpa­manda runa­kuna pi­manda­pas iuia­nakú: chasaka mana iukan­chi­chu kuna­ura­manda iuianga. Cristo­manda­pas kai alpa­manda runa­kuna­sina nukan­chi ñugpa­manda iuia­na­kus­kaka, kuna­ura­manda pai­manda mana chasa iuia­sun­chi. ¹⁷ Mai­kan Cristo­wa kag­kuna, ikuti musuia­chig­sina­mi tukug­samun­kuna. Ñugpa­manda ruku kaug­sai, ñami ialirka. Ikuti sug rigcha kaug­sai­wa musuia­chig­sina­mi tukug­samurka.

¹⁸ Taita Diusmi tukui chasa rurag ka. Paimi nukan­chita kikinwa pasin­sia­chirka. Cristo­wa­mi chasa rurarka. Paimi nukan­chita min­garka, tukui­kunata pai kikinwa pasin­sia­chin­ga­pa. ¹⁹ Pai Taita Dius, Cristo­wa kaspa, kai alpa­manda runa­kunata kikinwa pasin­sia­chirka, pai­kunapa jiru rurai­kunata mana iuia­ris­pa­lla. Pai­mi nukan­chita mingarka, “Taita Dius­wa pasin­sia­chi­rii­chi” tukui­kunata nispa purin­ga­pa. ²⁰ Chi­manda­mi nukan­chika, Cristo kacha­muska willag­kuna kan­chi. Taita Dius, nukan­chi­wa kam­kunata mañag­sina­mi ka. Cristo­manda­mi suma mañan­chi: “Taita Dius­wa pasin­sia­chi­rii­chi”.

²¹ Cristo kikin ñi ima panda­rig mana kag­pi­pas, Taita Diuska, nukan­chi­manda panda­rig­sina­lla­ta­ta­mi paita kawarka; chasaka nukan­chi, Cristo­wa mana panda­rig ni­raian­ga­pa.

¹ Nukan­chi, Taita Dius­wa aida­na­kug­sina kaspa, kam­kunata kasa­mi mañan­chi: Taita Dius kam­kunata chasa iapa kuiaska­manda­ka, ¡ujala­lla­pas kam­kuna ianga chas­kin­gi­chi! ² Chasa­lla­ta­mi ñugpa­manda librupi willa­raiá, kasa nispa:

Allipi kawa­chin­ga­pa puncha chaia­ura­mi uiarkaiki.

Kispi­chin­ga­pa puncha chaia­ura­mi aidarkaiki.

Kuna­urami chi allipi kawa­chin­ga­pa puncha chaia­muska ka. Kuna­ura­mi ka chi kispi­chin­ga­pa puncha.

³ Ñi pi­ta­pas mana panda­chispa kaug­san­chi­chu. Chasaka, ñi pipas nukan­chi Alli Willai­ta willa­na­kuska­manda mana nin­ga­pa kan­kuna­chu, mana alli kagta. ⁴ Chasa­paka, tukui­pi­mi kawa­chin­chi, nukan­chi Taita Dius ima nis­kata rurag kagta­kuna. Nukan­chita iapa llaki­chig­pi­pas, ima minis­ti­rig­pi­pas, ima pasa­rig­pi­pas, ⁵ asutig­pi­pas, kar­sil­pi churag­pi­pas, nukan­chita killa­chig­pi­pas, sai­kugta tra­ba­jan­ga­pa chaiag­pi­pas, mana puñus­pa­lla i aslli­ta­lla mikuspa kaug­san­ga­pa chaiag­pi­pas, tukuipi mana sakis­pa­lla­mi kawa­chin­chi, Taita Dius ima nis­kata rurag kagta­kuna. ⁶ Chasa kagta­kuna­mi kawa­chin­chi, ñi ima jiru iuiai­kuna mana iukaspa, sumag­lla iachai­wa kaspa, ñi pi­ta­pas mana piñas­pa­lla, tukui­kuna­wa sumag­lla kaspa, Santu Ispi­ri­tuta iukaspa, tukui suma iuiai­wa kuiaspa, ⁷ Dius­pa Rimai sutipa kagta willaspa, Dius­pa iapa iachai­wa alli­lla ruraspa; chasa kaug­sa­na­kuspa­mi kawa­chin­chi, Taita Dius ima nis­ka­ta rurag kagta­kuna. Chasa tukuipi alli kaspa kaug­sas­ka­wa­mi pudin­chi, mana alli­lla kaug­saita arkaspa binsin­ga­pa. ⁸ Nukan­chita su­ura­kuna kuian­kunami; ikuti su­ura­kunaka kamin­kunami. Nukan­chi­manda su­ura­kuna mana alli kagta­kuna­mi nin­kuna; ikuti su­ura­kunaka alli kagta­kuna­mi nin­kuna. Nukan­chita llulla kagta­kuna nig­pi­pas, nukan­chika sutipa kas­ka­ta­mi willan­chi. ⁹ Nukan­chi­manda ni­chu­kuna, mana rigsiska kagta­kuna: chasa nig­pi­pas, nukan­chi alli­lla rigsi­du­kuna­mi kan­chi. Ña wañun­ga­sina kaspa­pas, kaug­sa­lla­mi kan­chi. Wañu­naiag­ta asutig­pi­pas, mana wañun­chi­chu. ¹⁰ Llakii iukas­pa­pas, ima­ura­pas alli iuia­chii­wa­mi kan­chi. Ñi ima mana iukag kas­pa­pas, Alli Willai­ta willaspa, achka­kunata iukag kan­ga­pa karag­sina­mi ruran­chi. Mana ñi ima iukas­pa­pas, Dius­pa ñawipi tukui­kunata iukag­mi ni­raian­chi.

¹¹ Kam­kuna Korintopi kaug­sa­na­kus­kata mana ima­pas pakas­pa­lla­mi willan­chi. Nukan­chipa tukui iuiai­kuna­wa­mi kam­kunata kuian­chi. ¹² Kam­kunata kuiaspa, mana sug rigcha kam­kuna­manda iuian­chi­chu. Ikuti kam kikin­kunaka, nukan­chi­manda sug rigcha iuiai­wa­mi kan­gi­chi. ¹³ Chasa kag­manda­mi nuka­pa wam­bra­kuna­ta­sina mañai­ki­chita: imasa­mi nukan­chi, kam­kuna­manda iuian­chi: chasa­lla­ta kam­kuna­pas, nukan­chi­manda kuias­pa­lla iuia­puai­chi.

Taita Diuspa wasi­sinami nukan­chi ni­raianchi

¹⁴ Mana Cristota rigsig­kuna­wa mana sug­lla­pi tuku­nakun­gi­chi. Alli­lla rurag­kuna­wa mana alli­lla rurag­kuna­wa mana pudi­rin­chu, sug­lla­pi tukun­ga­pa­kuna. Chasa­lla­ta, iuiai­kunata puncha­ia­chiska kag­kuna­wa iana tutapi­sina kag­kuna­wa mana pudi­rin­chu, sug­lla iuiai apa­na­kun­ga­pa. ¹⁵ Cristo­wa iaia kuku­wa mana pudi­rin­chu, sug­lla iuiai kan­ga­pa. Chasa­lla­ta, Cristo­wa suma iuiagwa manara paita rig­sig­wa, sug­lla iuiai­wa mana kan­ga­pa pudi­rin­chu. ¹⁶ Ianga dius­kuna­wa mana pudi­rin­chu, Dius­pa wasi ukupi sug­lla­pi kan­ga­pa. Nukan­chi­mi kaug­sag Dius­pa wasi­sina ni­raian­chi. Chasa­lla­ta­mi ñugpa­manda librupi Taita Dius kikin willarka, kasa nispa:

“Pai­kunapa chaugpipi puris­pa­mi kaug­san­ga­pa kani.

Pai­kunapa Taita Dius­mi kan­ga­pa kani.

Pai­kunaka, nuka agllaska runa­kuna­mi ka­puan­ga­pa kan­kuna”.

¹⁷ Chi­manda, kasapasmi atun Taita Dius ni:

“Nukata manara rigsi­was­ka­kuna­pura­manda llugsi­mui­chi.

Mana pai­kunawa sug­lla­pi tuku­nakui­chi.

Mapa ni­raiaska­ta­pas mana tupa­rin­gi­chi.

Chasaka nuka, kam­kunata sumag­lla­mi chaskisa­ki­chita.

¹⁸ Kam­kunapa Taita­mi kan­ga­pa ka­pui­ki­chita.

Kam­kunaka, nuka­pa wam­bra­kuna­mi ka­puan­ga­pa kan­gi­chi”.

Chasami tukui pudig atun Taita Dius ni.

¹ Chi­wanka, kuiaska taita­kuna i mama­kuna, Taita Dius chasa nukan­chi­manda sumag­lla ruran­ga­pa niska­manda, nukan­chi­pa kuir­puta i ispi­ri­tuta tukui mapa ni­raias­ka­kunata anchu­chi­ri­sun­chi. Pai­pa­lla kan­ga­pa iuia­rispa, paita sumag­lla manchaspa kaug­sa­sun­chi.

Korintopi kaug­sag Jesus­wa tukus­ka­kuna, Taita Dius­wa ikuti tigraska­manda

² Nukan­chi kam­kunata sumag­lla kuian­ga­pa saki­rii­chi. Ñi pi­ta­pas mana llaki­chir­kan­chi­chu. Ñi pi­ta­pas mana waglli­chir­kan­chi­chu. Ñi pi­ta­pas mana ñi ima kichur­kan­chi­chu. ³ Chasa rimas­paka, mana ni­na­kui­ki­chitachu, kam­kunata nig­sina: “Mana alli­mi kan­gi­chi”. Ñami nirkai­ki­chita, kam­kunaka nukan­chipa kuiaska kagta­kuna, sug­lla­pi sumag­lla kaug­san­ga­pa, wañun­kama. ⁴ Ñi ima mana pakas­pa­lla­mi rima­na­kui­ki­chita. Nukaka, kam­kuna­manda iapa alli iuia­chii­wa­mi kani. Nukan­chi ña iapa llakii pasas­pa­pas, iapa suma kun­tin­tu­lla­mi kani.

⁵ Nukan­chika, Mase­do­nia alpa­ma chaiag­samu­ura­manda­ta mana sama­rii pudir­kan­chi­chu. Kai­pika, tukui­pi­mi llakii­kunalla tari­na­kur­kan­chi. Nukan­chipa muiundi kag­kuna­wa­mi killa­chi­na­kui­wa kaug­sa­na­kur­kan­chi. Nukan­chipa iuiai­pika iapa man­chai­wa­mi kar­kan­chi. ⁶ Chasa kag­pi­pas, Taita Dius samba­iaska iuiai­wa kag­kunata suma iuia­chig­ka, Tito chaiag­samug­manda­mi nukan­chita chi llakii­kunata sumag­lla kunga­chirka. ⁷ Pai chaiag­samug­manda­llaka, mana; kam­kunata kawag­rispa, iapa kun­tin­ta­rispa kag­manda­mi nukan­chi­ta­pas iapa alli iuia­chirka. Pai Tito­mi nukan­chita willag­samurka: kam­kuna muna­na­kun­gi­chisi, nukan­chita ikuti kawan­ga­pa; iapa llakii­wa­si kan­gi­chi; nukata jucha­chi­wa­na­kuska­manda micha­wan­ga­pa iuiaspa­si kan­gi­chi. Nuka chasa uias­paka, mas­mi alli iuia­chii tuku­wag­samurka.

⁸ Nuka chi karta­wa kam­kunata llaki­chispa­pas, kuna­uraka ñi ima llakii mana iuia­chi­wan­chu. Ñugpata chi karta­wa sug ratulla kam­kunata llaki­chis­kata iachas­paka, nuka­pas llakii­wa­mi kar­kani. ⁹ Ikuti kuna­uraka, alli iuia­chii­wa­mi kani. Kam­kunata llaki­chiska­mandaka, mana; kam­kuna llaki­chii tukus­paka, Taita Dius­wa ikuti tukug­samug­kuna­manda­mi iapa kun­tin­tu­lla kani. Taita Dius­pa ñawipi kikin imasa muna­kus­ka­sina­si llaki­rig­samur­kan­gi­chi. Chasaka nukan­chi, ñi ima­pi­pas mana kam­kunata waglli­chig­sina rurar­kan­chi­chu. ¹⁰ Taita Dius imasa munas­ka­sina kacha­muska llakii iukagka, Taita Dius­wa­mi tukug­samú; chasaka, dil­tudu­pa wañuita kispi­rin­ga­pa. Chasa llakii iukas­paka, kipa­ma mana ñi ima­pi­pas llakii iukanga­chu. Ikuti kai alpapi tias­ka­kuna­lla­wa iuia­rispa llakii iukagka, mana dil­tudu­pa wañuita kispi­rin­ga­pa kan­chu. ¹¹ Kam­kuna, Taita Dius imasa muna­kus­ka­sina chi llakiita iukaska­mandaka, kuna­ura kawai­chi imasa iapa alli tukug­samugta. Alli­lla­mi iuia­rir­kan­gi­chi. Chi jiru ruraita micha­rig iuiai­wa­mi tukug­samur­kan­gi­chi. Alli­lla­mi chi jiru ruragta piñar­kan­gi­chi. Chi jiru rurai­manda alli­pa­mi mancha­rir­kan­gi­chi. Nis­paka, muna­na­kur­kan­gi­chi­mi kawa­wan­ga­pa. Micha­wan­ga­pa iuiai­pas­mi iukar­kan­gi­chi. Chi jiru ruragta alli­lla­mi jus­ti­siar­kan­gi­chi. Tukui chasa ruras­ka­kuna­wa­mi kawa­chi­rir­kan­gi­chi mana panda­riska kagta­kuna.

¹² Nuka, chi karta­ta kam­kuna­pagma kachas­paka, chi jiru rurag­manda ñi chi jiru rurai tukug­manda iuia­rispa­lla mana kacharkai­ki­chitachu. Kam­kuna Dius­pa ñawipi nukan­chi­manda iapa llakii iukag­kunata kawa­chin­ga­pa­mi chi karta­ta kacharkai­ki­chita. ¹³ Kam­kuna chasa alli­lla ruraska­manda­mi nukan­chi, uiaspa, iapa alli iuia­chii­wa kan­chi.

Kasapas. Tito iapa alli iuia­chii­wa chaiag­samus­kata kawaspa­mi nukan­chita asku­rinti alli iuia­chii­wa kun­tin­ta­rig­samur­kan­chi. Tukui kam­kuna, paipa iuiaita sumag­lla musuia­chig­sina­mi rurag­samur­kan­gi­chi. ¹⁴ Tito manara rigpi­ta­mi nuka kam­kuna­manda: “Alli runa­kunami kan­kuna” paita willar­kani. Pai kikin­mi kawag­rirka nuka imasa willas­ka­sina sutipa kagta. Imasa­mi nukan­chi tukui ima kam­kunata willas­ka­kuna sutipa ka: chasa­lla­ta­mi kam­kuna­manda Titota alli­lla willar­kan­chi. ¹⁵ Tukui kam­kuna, suma mancha­rispa chugchu­rispa, pai Tito ima willas­kata uiaspa, suma­mi rurar­kan­gi­chi. Chasa iuia­rispa­mi kam­kunata iapa kuiá. ¹⁶ Kam­kuna tukui ima uias­kata alli­lla rura­na­kugta iachaspa­mi kam­kuna­wa iapa alli kun­tin­tu­lla iuia­chiwá.

Alli iuiai­wa karai iukaska­kuna­manda

¹ Muna­na­kun­chimi, kam taita i mama­kunata kasa willan­ga­pa: Taita Diuska, Cristo­wa tukus­ka­kuna Mase­do­nia alpapi kaug­sa­na­kus­ka­ta­mi kawa­chi­rig­samurka iapa suma kuiagta. ² Pai­kunata iapa lla­kii­kuna chaiag­pi­pas, mana iapa iuia­rispa­lla, alli iuia­chii­lla­wa­mi kan­kuna. Ñi ima mana iukas­pa­pas, iukag­sina­mi kulki karan­kuna, mana llakis­pa­lla. ³ Nuka kikin, chasa kawaspa­mi willai­ki­chita: pai­kuna, karai pudiska­manda mas­mi karan­kuna, ñi pipas manara nigpi. ⁴ Sin­chimi nukan­chita mañar­ka­kuna, kasa nispa: “Kai karas­kata chas­kii­chi; chika, Taita Dius­pa­lla kag­kunata aida­rin­ga­pa”. ⁵ Nukan­chi iuia­na­kuska­manda­pas mas­mi karar­ka­kuna. Ñugpa­mi Taita Dius imasa muna­kus­ka­sina Iaia Jesusta iuka­chi­rir­ka­kuna. Mas nis­paka, nukan­chi­ta­pas kulki­mi karar­ka­kuna. ⁶ Chi­manda­mi Titota mañar­kan­chi, kam­kuna­pag­ma rin­ga­pa; chasaka kam­kuna, sumag­lla kuiai­wa karan­ga­pa kas­ka­kunata pai ikuti kalla­rispa, tanda­chii puchu­kan­ga­pa. ⁷ Kam­kuna, Cristo­wa iapa suma iuia­rispa, tukuipi suma rimaspa, tukui suma iachaspa, tukui suma rurai­kunata ruraspa, nukan­chita suma kuiaspa­mi alli­lla rura­na­kugta kawa­chi­rin­gi­chi. Tukuipi alli­lla rura­na­kugta kawa­chi­rin­ga­paka, kuna­ura­manda iukan­gi­chimi, chi mana ima­pas iukag­kunata sumag­lla kuiaspa, achka ima­pas pai­kuna­manda karanga­kuna.

⁸ Chasa nis­paka, mana nii­ki­chitachu: “Nuka ima ni­kus­kata chasa rurai­chi”. Sug­kuna suma iuiai­wa karas­ka­kunata kam­kuna iachan­ga­pa­mi chasa nii­ki­chita; chasa iachas­paka, kam­kuna­pas, chasa­lla­ta karaspa, tukui suma alli iuiai­wa kuia­na­kus­kata kawa­chi­rin­ga­pa. ⁹ Nukan­chipa Iaia Jesu­cristo imasa suma kuiai iukas­kata ñami alli­lla iachan­gi­chi. Paika, iapa iukag kaspa­pas, kam­kunata iapa kuiaspa­mi mana ima­pas iukag­sina tukug­samurka. Pai chasa tukug­samuska­mandaka, kam­kunaka, Dius­pa ñawipi mana ñi ima iukas­pa­pas, iapa iukag­sina­mi tukur­kan­gi­chi.

¹⁰ Kam­kuna minis­tis­ka­kuna­manda kulki tanda­chin­ga­pa kalla­riska, ña sug wata­mi tukurka. Kalla­riilla mana kalla­rir­kan­gi­chi­chu. Iapa munaspa­mi kalla­rir­kan­gi­chi. Chi­manda, kam­kuna alli­lla kan­ga­pa­mi kasa iuia­chii­ki­chita: ¹¹ kuna­ura kam­kuna kalla­ris­kata puchuka­puai­chi. Chi­wanka, imasa­mi iapa munaspa suma iuiai­wa kalla­rir­kan­gi­chi: chasa­lla­ta­mi suma iuiai­wa iukan­gi­chi, imasa pudi­ris­ka­sina puchu­kan­ga­kuna. ¹² Mai­kan­pas alli iuiai­wa karan­ga­pa munas­ka­taka, Taita Dius sumag­lla­mi kawá, achka u mana achka karag­pi­pas. Taita Dius mana mañan­chu, ima mana iukas­kata karan­ga­pa.

¹³ Mana nii­ki­chitachu, kam­kuna ima karas­ka­wa sug­kuna sumag­lla kaug­san­ga­pa, nispa kam kikin­kunaka pisi llakii­wa pasa­na­kun­ga­pa. ¹⁴ Tukui­kuna iwallla pasan­ga­pa­mi chasa nii­ki­chita. Kuna­ura­mi kam­kuna iukan­gi­chi; ima iukas­ka­waka, sug­kunata ima minis­tis­ka­kunata aidan­ga­pa. Chasa­lla­ta su­ura, kam­kuna minis­ti­ku­ura, pai­kuna iukas­ka­ta­mi karanga­kuna. Chasaka, kam­kuna pai­kuna­wa ima­pi­pas iwal­lla­mi pasan­kan­gi­chi. ¹⁵ Chasa­lla­ta­mi ñugpa­manda librupi willa­raiá, kasa nispa:

Achka tanda­chig­taka

mana puchu­purkachu.

Ñi asllita tanda­chig­kuna­ta­pas

mana pisi­purkachu.

Titota i sug­kuna­ta­pas kachakuska­manda

¹⁶ Imasami nuka, kam­kuna­manda suma iuiai­wa kani: chasa­lla­ta­mi Taita Dius, Tito­ta­pas iuia­chirka. Chi­manda­mi Taita Diusta: “Pai Siñur” nini. ¹⁷ Nuka Titota kam­kuna­pagma rin­ga­pa maña­uraka, Arimi aini­warka. Kam­kunata kawag­rin­ga­pa iuiai­wa kas­pa­mi pai kikinpa munai­wa kam­kuna­pagma rin­ga­pa ka.

¹⁸ Sug waugki­tapasmi Tito­wa kacha­na­kun­chi, kam­kuna­pagma rin­ga­pa. Chi waugki Alli Willai­ta willaspa purig­mandaka, Cristo­wa tukui tukus­ka­kuna sug­nigta kaug­sa­na­kuska­pas­mi nin­kuna: “Alli runa­mi ka”. ¹⁹ Kasapas. Tukui Cris­to­wa tukus­ka­kuna, pai­ta­mi agllar­ka­kuna, nukan­chi­wa rispa, pai­kunapa sumag­lla kuiai­wa kulki karas­ka­kunata apaspa, minis­tis­ka­kunata karag­rin­ga­pa. Chi karas­kata chaskig­kunaka, atun Taita Diusta: “Iapa suma atun­mi kangi” nin­ga­pa i nukan­chi suma iuiai­wa karas­kata kawa­chin­ga­pa­mi chasa karag­rin­ga­pa kan­chi. ²⁰ Chi waugki, nukan­chi­wa richu, chi achka kulki tanda­chis­ka­kunata minis­tis­ka­kunata karag­rin­ga­pa: chasa­pika iuian­chimi: ñi pipas mana sug rigcha­kuna iuian­ga­pa pudinga­kuna­chu. ²¹ Muna­na­kun­chimi, Iaia Jesuspa ñawipi i runa­kunapa ñawi­pi­pas alli­lla rura­na­kugta kawa­chin­ga­pa.

²² Pai­kuna­wa sug waugki­ta­pas­mi kacha­na­kun­chi, kam­kuna­pagma rin­ga­pa. Pai­taka sug rigcha sug rig­cha­pi­mi kawar­kan­chi, tukui­pi alli­lla rurag kagta. Kuna­ura pai­ka, kam­kunata iapa alli iuiai­wa kaspa, mas­mi suma muna­ku, alli­lla ruraspa kam­kuna­wa kag­rin­ga­pa. ²³ Tito­manda pipas tapugpi­kunaka, pai­manda ainin­gi­chi: “Nuka­wa purig­mi ka; kam­kuna­manda nuka­wa sug­lla­pi alli­lla rurag­mi ka”. Chi sug waugki­kuna­mandaka pipas tapug­pi­kunaka, pai­kuna­mandaka ainin­gi­chi: “Pai­kuna­pas, Cristo­wa tukus­ka­kuna sug­nigta kaug­sa­na­kus­ka­ta­mi kacha­muska kan­kuna. Pai­kunapa suma kaug­sai­wa­mi Cristota suma atun­ia­chig­sina ruran­kuna”. ²⁴ Pai­kunata kawa­chi­puai­chi, kam­kuna sutipa kuiaspa kagta­kuna; chasaka, Cristo­wa tukus­ka­kuna sug­nigta kaug­sa­na­kug­pas iachan­ga­pa. Kasa­pas pai­kunata kawa­chi­puai­chi, nukan­chi mana ianga kam­kuna­manda alli iuia­chii­wa kagta­kuna.

Taita Diuspa­lla kag­kuna­manda tanda­chi­na­kuska kulki­manda

¹ Taita Diuspa­lla kag­kuna­manda tanda­chi­na­kuska kulki­manda mana chaia­wa­kun­chu, kam­kunata ñi ima­pas willan­ga­pa. ² Kam­kuna chasa tanda­chin­ga­pa muna­na­kugta ñami iachani. Kai Mase­do­nia alpapi Cristo­wa tukus­ka­kunata, kam­kuna­manda alli iuia­chii­wa kaspa, ni­nimi: “Akaia alpapi kaug­sa­na­kug sumag­lla iuiai­wa aidan­ga­pa niska, ña sug wata­mi tukurka”. Kam­kuna chasa suma iuiai­wa kag­kunata uias­paka, achka­kuna­mi animu­rir­ka­kuna, pai­kuna­pas karan­ga­pa. ³ Chasa kag­pi­pas, chi waugki­kunata kam­kuna­pag­ma­mi kacha­kuni; chasaka, nukan­chi kam­kuna­manda sug­kunata willaska mana llulla­sina kan­ga­pa. Chi­wanka kam­kuna, karan­ga­pa iuiai­lla­wa suia­na­kun­gi­chi. ⁴ Mase­do­nia­manda mai­kan­kuna, nuka­wa rispa, kawag­ri­chu­kuna kam­kuna mana­ra tanda­chispa suia­na­kugta: chasa kawas­paka, nukan­chika, kam­kuna­manda alli­lla iuiai­wa kas­pa­pas, pingai­pa­mi pasan­tran­chi. Chasa­waka kam­kunaka, mas­mi pin­gai­pa pasan­tran­gi­chi. ⁵ Chi­manda­mi iuia­rir­kani: “Chaia­wa­kumi, chi waugki­kunata mañan­ga­pa”; pai­kuna, ñugpa kam­kuna­pag­ma rispa, kam­kunata iuia­chig­ri­chu­kuna; chasaka, kam­kuna ima karan­ga­pa nis­kata ña tanda­chiska kan­ga­pa. Mana munan­chi­chu, nukan­chi maña­na­kuska­manda kam­kuna kara­chu­kuna. Kam kikin­kunapa suma iuiai­lla­wa karan­ga­pa­mi muna­na­kun­chi.

⁶ Kasa iuia­rii­chi: asllita tarpug, aslli­ta­mi pallá. Ikuti achka tar­pug­ka, achka­mi pallá. ⁷ Tukui­kuna iukan­gi­chimi, kam kikin­kunapa iuiaipi imasa karan­ga­pa nis­ka­sina karan­ga­kuna. Mana karan­gi­chi llakispa u maña­na­kug­manda­lla. Alli iuia­rispa kun­tin­tu­lla karag­ta­mi Taita Dius kuiá. ⁸ Taita Diuska pudin­mi, kam­kunata ima minis­tiska ialig­ta­pas kara­munga. Chasaka, kam­kuna iukas­ka­wa pudin­gi­chimi, ima­ura­pas sug­kunata ima­pi­pas aidanga. ⁹ Chasa­lla­ta­mi ñugpa­manda libru­pi willa­raiá, kasa nispa:

Mana ima­pas iukag­kunata

ialig­ta­mi achka kará.

Pai alli­lla ruras­ka­kunaka,

ñi ima­ura­pas mana tuku­rin­ga­pa kan­chu.

¹⁰ Taita Dius tarpun­ga­pa simi­lla­ta i mikun­ga­pa mikuita karag, pai­lla­ta­ta­mi kam­kuna­ta­pas tukui karan­ga­pa ka. Chi karas­ka­kunaka, wiña­chig­sina­mi tukug­samun­ga­pa ka. Chasaka, kam­kuna tarpug­sina sug­kunata karas­ka­kunaka mas nis­paka achka sumag­lla pallan­ga­pa­sina­mi tukug­samun­ga­pa ka. ¹¹ Cha­sa­pika kam­kuna, tukuipi iapa iukag­sina­mi tukug­samun­kan­gi­chi; chi­wanka, sug­kunata alli­lla iuiai­wa karan­ga­pa. Chi kulki kam­kuna tanda­chi­na­kus­kata nukan­chi karag­ri­uraka, chita chaskig­kuna Taita Diusta: Pai Siñurmi nin­ga­pa kan­kuna. ¹² Chi kulki Taita Dius­pa­lla kag­kunata karas­paka, pai­kuna mana ima­pas iukag­manda­lla mana karan­ga­pa kan­chi­chu. Pai­kuna­taka iuia­chin­ga­pa­mi kan­chi, Taita Diusta ikuti ikuti: “Pai Siñur” nin­ga­pa­kuna. ¹³ Kam­kuna karas­kata kawas­pa­mi iachan­ga­pa kan­kuna, Cristo­manda Alli Willai­ta kam­kuna iachaspa, alli­lla ruraspa kagta­kuna. Chi­manda­mi pai­kuna, Taita Diusta nin­ga­pa kan­kuna: “Kam, iapa suma atun­mi kangi”. Kam­kuna alli­lla iuiai­wa pai­kunata i tukui­kunata karaska­manda­pas­mi paita iapa suma atun kagta nin­ga­pa kan­kuna. ¹⁴ Chasa­lla­ta­mi kam­kuna­manda Taita Diusta mañan­ga­pa kan­kuna, kasa nispa: “Sumag­lla kawa­pua­chu­kunata”. Taita Dius kam­kunata asku­rinti suma kuiai­wa kawaska­manda­mi pai­kuna­pas kam­kunata kuian­ga­pa kan­kuna. ¹⁵ Mana ima rimai­wa­pas parlai pudinga­sina­wa nukan­chita kispi­chin­ga­pa kacha­muska­manda, Taita Diusta ni­sun­chi: “Pai Siñur”.

San Pablota jucha­chi­na­kuskata, pai ainiska­manda

¹ Cristo tukui­kunata lla­kispa kawaspa, mana atun­ia­chi­rispa­lla kag­manda­mi nuka Pablo kikin kasa mañai­ki­chita. Kam­kuna­pura sug­kunaka, nuka­man­da­si nin­kuna: nuka kam­kuna­wa kag­ri­ura, manchas­pa­lla­si rimai­ki­chita. Ikuti kam­kuna­pag­manda karupi ka­uraka, asku­rinti sin­chi piñas­pa­si iskri­bii­ki­chita. ² Nuka­manda chasa nig­pi­kuna­pas, mañai­ki­chi­ta­mi: nuka ikuti kam­kuna­pag­pi chaiag­ri­uraka, ¡ujala­lla­pas chaia­wa­chu, chasa rima­na­kugta sin­chi piñag­rin­ga­pa! Pai­kuna, nukan­chi­manda kai alpapi tias­ka­kuna­lla­wa iuia­na­kug­ta­mi jucha­chi­nakú. Alli­chi­riska­mi kani, chasa jucha­chi­wa­na­kus­kata sin­chi ainin­ga­pa.

³ Nukan­chi, kai alpapi kaug­sa­na­kus­pa­pas, mana kai alpa­manda runa­kuna­sina maka­na­kuspa kaug­san­chi­chu. ⁴ Chasa­lla­ta, kai alpa­manda wañu­chi­na­ku­diru mana iukan­chi­chu. Taita Dius kikin kara­muska pudig binsi­diru­sina­mi iukan­chi. Chi­kuna­waka, iaia kuku arkaska pata­kunata urma­chig­sina­mi ruran­ga­pa pudin­chi. ⁵ Chasa­lla­ta, tukui atun tukuspa Taita Diusta rigsig­samun­ga­pa arkaska iuiai­kuna­ta­mi anchu­chin­ga­pa pudin­chi. Tukui nukan­chipa mana alli iuiaita arkas­ka­sina­mi charin­ga­pa pudin­chi; chasaka, Cristo imasa niska­lla­ta ruran­ga­pa. ⁶ Tukui paita mana uias­ka­kunata jus­ti­sian­ga­pa alli­chi­riska­mi kan­chi, pai tukui ima nis­kata kam­kuna alli­lla ruraspa tukug­samu­ura.

⁷ Kam­kunapa ñawi­wa kawas­pa­lla­mi ima­pas iuia­rin­gi­chi, alli­lla u mana alli­lla kagta. Mai­kan­pas Cris­topa kagta iuia­rig­pika, kasapas iuia­ri­chu: imasa­mi pai­kuna, Cristopa kan­kuna: chasa­lla­ta­mi nukan­chi­pas kan­chi. ⁸ Iaia Jesús kikin nukan­chita kacha­mus­kata nuka atun tukuspa sin­chi rima­kus­pa­pas, nukata chi­manda mana man­cha­ri­wan­chu. Mana kam­kunapa iuiaita waglli­chin­ga­pa nukan­chita kacha­murkachu. Kam­kunata alli suma iuiai iuia­chin­ga­pa­mi kacha­murka. ⁹ Mana iuian­gi­chi, kam­kunata mancha­chin­ga­pa nuka karta­kuna kachaska kagta. ¹⁰ Nuka­pa karta­kuna­manda kasasi nin­kuna: “Paika, ajai sin­chi­mi kar­tapi rimá. Ikuti pai kikin kaipi ka­uraka, wañunga­sina­mi rimá. Pai rimaskapas, pipas nin­kunami: ‘Asi­chinga­sina­lla­mi rimá’.” ¹¹ Chasa nig­kuna iacha­chu­kuna: imasa­mi nukan­chi, karupi kaspa, karta­kunapi rimaspa kan­chi: chasa­lla­ta­mi, kam­kuna­wa kaspa, ima rurai­kuna­pas ruraspa kan­ga­pa kan­chi.

¹² Chi runa­kuna iuia­rin­kuna: “Nuka, mas atun­mi kani”. Nukan­chika mana munan­chi­chu, pai­kuna­sina tukun­ga­pa. Pai­kuna kikin­pura­mi tapu­ri­nakú: “¿Pi­sik mas iacha kan­chi?”; chi­kunaka, mana iuiai­iug­kuna­mi kan­kuna. ¹³ Nukan­chika, atun iacha kagta ni­ris­pa­pas, mana ialigta atun tukun­ga­pa munan­chi­chu. Taita Dius­mi nukan­chita iuia­chi­ku, mai­kama Alli Willai­ta willaspa purin­ga­pa. Pai­lla­ta­ta­mi nukan­chita kacharka, kam­kuna­pag­ma chaiag­rin­ga­pa. ¹⁴ Chi­manda­mi, kam­kunata kai karta­kunapi iuia­chispa, mana ialig­ta iskri­bin­chi. Nukan­chi manara kam­kuna­pagma chaiag­riska kag­pika, sug rigcha­char kan­tra. Nukan­chi, tukui­kuna­manda ñugpa­mi kam­kuna­pagma chaiag­riska kan­chi, Cristo­manda Alli Willai­ta willan­ga­pa. ¹⁵ Mana iskri­bin­chi­chu, sug­kuna Cristo­manda ruras­ka­kuna­wa atun tukuspa. Chasa iskri­big­pika, iapa ialig­ta­mi ni­raian­tra. Kasa­pas­mi nukan­chi muna­na­kun­chi: kam­kuna Cristo­wa mas suma kuia­na­kuspa iuia­rig­samug­pi­kunaka, Taita Dius imasa muna­kus­ka­sina nukan­chi kam­kuna­pura Alli Willai­ta mas willaspa miran­ga­pa­kuna. ¹⁶ Chi­wanka, kam­kunapa alpa­manda mas karupi kaug­sa­na­kus­ka­ta­pas chi Alli Willai­ta willag­rin­ga­pa, sug­kuna ñugpa willai kalla­ris­ka­kuna­wa mana atun tukus­pa­lla.

¹⁷ Mai­kan­pas kikin­manda­lla iuia­rispa ni­richu: “Nuka, mas atun­mi kani”: chasaka, mana. “Atun Taita Dius­manda­lla­mi atun kag­sina kani” iuia­ri­chu. ¹⁸ Mai­kan­pas, kikin­lla ni­ri­chu: “Nuka­mi atun kani”: pai­taka atun Taita Dius mana nin­chu chasa kagta. Mai­kanta Taita Dius atun kagta nis­ka­ta­mi atun ni­raiá.

Atun­ia­chirispa llullaspa iacha­chig­kunata ainiska­manda

¹ ¡Amalai nuka sug mana bali upa­sina rima­kus­kata uia­wai pudin­tran­gi­chi! Imasa rima­kug­pi­pas, uia­wai­chi. ² Taita Dius imasa­mi muna­ku, kam­kuna pai­pa­lla kan­ga­pa, mana pi­manda­pas tukus­pa­lla: chasa­lla­ta­mi nuka­pas muna­kuni. Kam­kunata Cristo­wa kasa­ran­ga­pa animu­chig­sina­mi rurar­kani, manara kari rigsiska sipas­sina paita kawa­chin­ga­pa iuia­rispa. ³ Chasa ruras­pa­pas, nuka kasa­mi man­chaspa iuia­rini: imasa­mi iaia kuku kuli­bra, paipa iapa jiru iuiai­wa Evata llu­llaspa panda­chirka: ¡ujala­lla­pas kam­kuna chasa­lla­ta saki­rin­tran­gi­chi, ima­pi­pas pan­da­chii tukun­ga­pa! Chasa panda­rig­pi­kunaka, kan­trami tukui kuiaspa iuiai­wa Cristo­manda­lla kaug­sa­na­kuspa, paita kunga­rin­ga­pa­kuna. ⁴ Nukan­chi kam­kunata Jesus­manda ñugpa willag­riska­ura­manda, mai­kan kati chaiag­rispa, Jesus­manda sug rigcha willas­ka­ta­mi suma uiaspa kan­gi­chi. Santu Ispi­ri­tuta alli­lla chas­kiska kas­pa­pas, kati­ma rimas­kata uiaspa, sug rig­cha ispi­ri­tu­ta­mi sumag­lla chas­kin­gi­chi. Chasa­lla­ta, sutipa Alli Willai­ta uias­pa­pas, mas nis­paka sug rig­cha willa­na­kus­ka­ta­pas­mi sumag­lla uia­na­kun­gi­chi. ⁵ Chi Cristo kikin kacha­mu­waska kagta ni­rispa atun iacha­chig­kunaka, ¿nuka­manda mas iacha­chu kan­kuna? Chita iuia­nimi, mana chasa kagta. ⁶ Panda panda nuka rima­kus­kata alli­lla­mi iachani ima rima­kugta. Ima­pi­pas, nukan­chi imasa ruras­ka­kuna­wa­mi kam­kunata kawa­chir­kan­chi chasa alli­lla iachagta.

⁷ Kasapas. Nuka, Taita Dius kara­muska Alli Willai­ta­mi willar­kai­ki­chita, mana ima­pas kam­kunata mañas­pa­lla. Kam­kunata aidan­ga­pa­mi, nuka kam­kuna­wa sug­lla­pi tuku­ura, ima rurai tias­kata ruraspa kar­kani. Chi­wanka, ¿panda­rirka­ni­chu? ⁸ Cristo­wa tukus­ka­kuna sug­nigta kaug­sa­na­kus­ka­ta­mi kulki chas­kir­kani, kam­kuna­pag­pi Alli Willai­ta willag­rin­ga­pa. Chasaka, kam­kuna­manda pai­kunata kulki kichug­sina­mi rurar­kani. ⁹ Kam­kuna­wa ka­ura, nukata ima minis­tiska ñi pi­ta­pas mana mañar­ka­ni­chu. Mase­do­nia alpa­manda waugki­kuna, chaiag­rispa­mi nukata ima minis­tiska kara­wag­rir­ka­kuna. Chi­manda­mi kam­kunata mana mañaspa ima­pas llaki­chir­kai­ki­chita. Chasa­lla­ta­mi mana mañaspa ima­pas llaki­chin­ga­pa kai­ki­chita. ¹⁰ Cristo­manda sutipa Alli Willai­ta nuka iachas­pa­mi kasa nii­ki­chita: tukui Akaia alpapi ñi ima­pas mana mañar­ka­ni­chu. Chasa­manda nuka alli iuia­chii­wa kas­kata, ñi pipas mana kichu­wan­ga­pa kan­chu. ¹¹ ¿Ima­pa­tak chasa rima­rini? ¿Kam­kunata mana kuiaspa­chu chasa rima­rini? Taita Dius­mi alli­lla iachá, nuka sutipa kam­kunata kuiagta.

¹² Nuka rura­kuskaka mana sakis­pa­lla­mi ima­pas mana mañas­pa­lla rura­kun­ga­pa kani. Chasaka, chi kulki mañaspa iacha­chig­kunaka mana ima­ura­pas pudinga­kuna­chu, nukan­chi­sina alli iuia­chii­wa kan­ga­pa­kuna. ¹³ Chi kulki mañaspa iacha­chig­kunaka, Cristo kikin mana kacha­muska kan­kuna­chu. Llullaspa iacha­chig­kuna­mi kan­kuna. Cristo kacha­mus­ka­sina tukuspa­mi llu­llaspa puri­nakú. ¹⁴ Chasa iacha­chispa puri­na­kug­mandaka mana ujna­ringa­sina kan­chu. Kikin iaia kuku­mi alli anjil­sina puncha­ia­chiska kawa­rí. ¹⁵ Chasa­lla­ta­mi kawa­rí: chi iaia kuku ima nis­kata rurag­kuna­pas tukuipi alli iacha­chi­na­kug­sina tukug­pi­kunaka, mana ujna­ringa­sina kan­chu. Chasa kag­pi­pas, imasa jiru ruras­ka­kuna­wa­mi dil­tudu­pa puchu­ka­rin­ga­pa kan­kuna.

San Pablo imasa Iaia Jesus­manda iapa llakii iukaska­manda

¹⁶ Ikuti kasami nii­ki­chita: mana pipas iuia­chu­kuna, nuka upa­sina kagta. Chasa iuiagpi­kuna­pas, nuka sug mailla atun tukuspa, upa­sina riman­ga­pa kas­kata uia­wai­chi. ¹⁷ Chasa rimas­paka, Iaia Jesús munas­ka­sina mana riman­ga­pa kai­ki­chitachu. Upa­sina­mi riman­ga­pa kani, atun tukus­pa­lla. ¹⁸ Achka­kuna, kai alpapi imasa kaska­manda iuia­rispa, atun tukuspa­mi kan­kuna; chasa­lla­ta­mi nuka­pas, atun tukun­ga­pa kani. ¹⁹ Kam­kunaka, alli­lla iachag­kuna­sina kaspa, chi upa iuiai­iug­kuna­ta­pas suma kun­tin­tu­lla­mi uian­gi­chi. ²⁰ Mai­kan­pas imasa munas­ka­sina kam­kunata trabaja­chig­pi­pas, kam­kunapata kichug­pi­pas, kam­kunata llulla­chig­pi­pas, atun tukuspa unz̈ag­pi­pas, ñawipi wagtag­pi­pas, kam­kunaka ñi ima­pas mana ainin­gi­chi­chu. ²¹ Ikuti nukan­chi­taka manchaimi apirka, chasa kam­kunata ruran­ga­pa. Chasaka manchas­pa­lla­mi nii­ki­chita.

Chasa kag­pi­pas, imasa­mi sug­kuna, kai alpapi kaska­manda iuia­rispa, atun tukun­kuna: chasa­lla­ta­mi nuka­pas, upa­sina rimaspa, atun tukuni. ²² Pai­kuna hebreo runa kagpi­kunaka, nuka­pas chasa­lla­ta­mi kani. Pai­kuna Israel­manda kagpi­kunaka, nuka­pas chasa­lla­ta­mi kani. Pai­kuna ñugpa­manda achala taita Abra­hampa kagpi­kunaka, nuka­pas chasa­lla­ta­mi kani. ²³ Pai­kuna Cristo ima nis­kata rurag kagpi­kunaka, upa­sina rimaspa nii­ki­chi­ta­mi: nukaka, pai­kuna­manda mas­mi kani. Pai­kuna­manda mas sin­chi rurag­mi kani. Pai­kuna­manda mas achka biaji­mi karsilpi wichka­raiaska kani. Pai­kuna­manda mas achka biajimi asutii tukuska kani. Achka biajimi wañui kispiska kani. ²⁴ Pichka biajimi judiu­kuna kimsa chunga iskun­kama asuti­war­ka­kuna. ²⁵ Kimsa biaji­mi kaspi chag­lla­wa asuti­war­ka­kuna. Sug biaji­mi rumi­kuna­wa pia­war­ka­kuna. Nuka ri­kuska barkuka, kimsa biaji­mi iaku ukuma junda­rirka. Sug biaji sug tuta i puncha­mi lamar iakupi waita­kur­kani, wañunga kis­pigta. ²⁶ Achka biaji ñambi­kunapi, iaku jundaska wañui kis­piska, sisai­kuna wañu­chi­wan­ga­pa kis­piska, judiu­kuna i mana judíu kag­kuna wañu­chi­wan­ga­pa kis­piska­mi kani. Puiblu­kunapi i chusa sitaska alpa­kunapi wañu­chi­wan­ga­pa kis­piska, lamar iakupi wañui kis­piska, llu­llaspa waugki­kuna­sina wañu­chi­wan­ga­pa kis­piska­mi kani. ²⁷ Nuka kikinpa maki­wa sai­kug­ta­mi ima tra­ba­ju­kuna­pas rurar­kani. Achka bia­ji­mi mana puñus­pa­lla paka­rir­kani. Iarkai­wa i iaku­nai­wa­mi kar­kani. Achka biaji­mi mana mikui mikur­kani, Taita Diusta iuia­rispa. Mana katan­ga­wa kaspa, chiri­wa­mi kar­kani.

²⁸ Imasami nirkai­ki­chita: tukui chi­kuna­wa i sug ima­kuna pasa­ri­was­ka­wa iuia­rispa, tukui pun­cha­kunami Cristo­wa tukui tukus­ka­kuna­manda maipi kaug­sa­na­kus­ka­manda llakii­wa chisia­kuni. ²⁹ Mai­kan Jesus­wa kaspa paita katin­ga­pa samba­iag­pika, ¿mana­chu nuka­ta­pas samba­ia­wan­tra? Chasa­lla­ta, pipas mai­kanta panda­chig­pika, ¿mana­chu nukata iapa llaki­ri­wan­tra?

³⁰ Imapipas nuka atun tukun­ga­pa chaia­wag­pika, nuka kikinpa iuiai­wa ñi ima mana rurai pudig­sina kas­ka­wa­mi atun tukuska kag­sina iuiasa. ³¹ Nuka mana llullas­pa­lla willas­kata, Iaia Jesuspa Taita Diusmi iachá. Paita ima­ura­pas ni­sun­chi: “Kam, iapa suma atun­mi kangi”. ³² Damasko pui­blupi nuka kag­ri­uraka, atun mandag Aretas iukarka sug mandag; chi mandagka api­wan­ga­pa­mi muna­kurka. Chi­manda, chi pui­blu­manda tukui llug­si­diru pungu­kunata chapan­ga­pa­mi churarka, nuka mana llugsii pudin­ga­pa. ³³ Nig­pika, nukata sug atun saparupi chura­waspa, pui­bluta muiu­chi­raiaska atun pata kincha awa­nig­manda alpa­ma­mi urai­ku­chi­war­ka­kuna. Chasa­pi­mi paipa maki­manda kispi­rir­kani.

Iaia Jesús, ima muskui ukupi­sina San Pablota kawa­chiska­manda

¹ Nuka kikinlla atun tukuspa iuia­ris­ka­waka ñi ima alli­lla mana surku­ni­chu. Chasa kag­pi­pas, Iaia Jesús ima muskui uku­pi­sina kawa­chi­waska­manda i ima kawa­ri­waska­manda­mi iukani rimanga. ² Cristo­wa tukuska kag runa­ta­mi rig­sini.+ 12:2 Chi runa, kikin San Pablomi ni­raiá. Chi runaka, kimsa awa ialiska sug luar­ma­mi apai tukurka. Chasa pasa­ris­kaka, chunga chusku wata­mi ka. ¿Kuir­pundi­wa­chu u ispi­ri­tu­lla­wa­chu chi runa chasa apai tukurka? Chita mana iacha­ni­chu. Taita Dius­lla­mi iachá. ³ Chi runa­taka, ¿kuir­pundi­wa­chu u ispi­ri­tu­lla­wa­chu chasa apai tukurka? Chita mana iacha­ni­chu. Taita Dius­lla­mi iachá. ⁴ Chi runaka, paraíso suti suma luar­ma­mi apai tukurka. Chi­taka alli­lla­mi iachani. Chi­pika, pipas mana iachaska, pipas mana riman­ga­pa lisin­siaska rimai­kuna­ta­mi uiarka.

⁵ Nukata chasa pasa­ri­waska­manda­mi atun tukuni.+ 12:5 griego rimai­wa: Chi runa­manda­mi atun tukuni. Ikuti nuka kikin­man­daka mana atun tuku­ni­chu. Nuka kikin­pa iuiai­wa ñi ima mana rurai pudig­sina kas­ka­wa­mi atun tukuni. ⁶ Nuka atun­ia­chi­rin­ga­pa munaspa, mana­char upa­sina kan­trani. Nuka, mana ñi imapi llu­lla­ni­chu. Chasa kag­pi­pas, nuka kikinka mana atun­ia­chi­ri­ni­chu. Chasaka mai­kan­pas, nuka ruras­kata kawa­waspa, nuka rimas­kata uia­waspa, mana iuian­ga­chu, nuka imasa kag­manda mas atun kagta.

⁷ Nuka muskui ukupi­sina iapa suma luar­manda kawa­ris­ka­kunata kawaska­manda­mi iaia kuku chura­warka, nuka­pa kuir­pupi tug­sispa iapa nanai iukan­ga­pa. Chasa lisin­siaimi tiarka, nuka mana iapa atun­ia­chi­riska iuiai­wa kan­ga­pa. ⁸ Kimsa biajimi Iaia Jesusta nuka mañar­kani:

—Kai nanaita anchu­chi­wai.

⁹ Paika aini­warka:

—Kamta, nuka achka kuiai­mi iukaiki. Chi­lla­mi chaiá. Mai­kan­pas samba­iaspa mana pudig­sina kas­ka­pi­mi nuka­pa iapa iachaita mas alli­lla kawa­chini.

Chasamandami nuka, samba­iaspa mana pudig­sina kaspa­pas, alli iuia­chii­wa kani; chasaka Cristopa iapa iachai, nuka­wa kawa­chii tian­ga­pa. ¹⁰ Chi­manda nuka, samba­iaspa mana pudig­sina u iapa minis­tiska u llakii­wa kaspa­pas, u kami­wa­na­kug­pi­pas u jiru rura­wan­ga­pa muna­wa­na­kug­pi­pas; Cristo­manda ima­pas kag­pika, alli iuia­chii­wa­mi kani. Nuka samba­iaspa mana pudig­sina ka­ura, Cristo­wa­mi tukui pudig kani.

Korintopi kaug­sag Cristowa tukuska­kuna­manda, San Pablo llakikuska­manda

¹¹ Upa­sinami nuka kikin­manda rimar­kani. Kam­kunami iukar­kan­gi­chi nuka­manda ninga­kuna: “Pai, alli runa­mi ka”. Chasa kam­kuna nigpi­kunaka, nuka manami upa­sina rimani. Nuka ianga­sinalla kag­pi­pas, chi “Cristo kikin kacha­mu­waska­mi kani” ni­rispa atun iacha­chig­kuna, pai­kunaka ñi ima­pi­pas nuka­manda mas atun mana kan­kuna­chu. ¹² Nuka kam­kuna­wa ka­uraka, mana pipas kawas­ka­sina­kuna­wa, ujna­ringa­sina­kuna­wa i mana pipas pudis­ka­sina­kuna­wa­mi, Cristo kikin kacha­mu­waska kagta mana samba­iaspa­lla kawa­chi­rir­kani. ¹³ Imasa­mi Cristo­wa tukus­ka­kuna sug­nigta kaug­sa­na­kus­ka­wa kar­kani: ¿mana­chu kam­kuna­wapas chasa­lla­ta kar­kani? Chasa­lla­ta ima kag­pi­pas, kam­kunata ñi ima­pas mana mañaspa llaki­chirkai­ki­chita­chu. Chasa mana mañaska­mandaka, pasin­sia­wai­chi.

¹⁴ Uia­wai­chi. Ña alli­chi­riska­mi kani, kimsama kam­kunata kawag­rin­ga­pa. Kai biajipas, mana ima­pas mañaspa llaki­chin­ga­pa kai­ki­chitachu. Kam­kunapa­taka ñi ima mana muna­ri­ku­ni­chu. Kam kikin­kuna­ta­mi muna­na­kui­ki­chita. Uchu­lla wam­bra­kunata mana cha­ia­kun­chu, taita­manda i mama­manda kulki tanda­chin­ga­pa. Tai­tata i mama­ta­mi chaia­ku, wam­bra­kuna­manda tanda­chin­ga­pa. Chasa­lla­ta­mi mana kam­kunata chaia­ku, nuka­manda kulki tanda­chin­ga­pa. Nuka­ta­mi chaia­wa­ku, tukui ima kawan­ga­pa. ¹⁵ Nuka tukui ima iukas­ka­ta­mi alli iuia­chii­wa kam­kuna­manda tuku­chisa; nuka kikinpas puchuka­rig­sina­pas­mi tukusa; chasaka, kam­kunapa alma alli­lla kispi­rin­ga­pa. Nuka chasa kam­kuna­manda iuia­rispa kuiaspa rurag­pi­pas, rigcha­wan­mi, kam­kunaka nukata mana muna­wag­kuna­sina.

¹⁶ Kam­kunata ñi ima­pas nuka mana mañaska kag­pi­pas, sug­kunaka, chasa iachaspa, ni­na­kumi: “Pai, iachag tukuspa­mi kam­kunata llulla­chispa kri­chirka”. ¹⁷ ¿Mai­kanta kam­kuna­pagma kachas­pa­chu, kam­kunata llulla­chispa, ima­pas kichur­kai­ki­chita? Manima. ¹⁸ Titota kam­kuna­pagma rin­ga­pa mañaspa, kai sug waugki­wan­ta kachar­kani; ¿Tito­chu, kam­kunata llulla­chispa, ima­pas sisarka? ¿Mana­chu nukan­chi iskandi, sug­lla iuiai­wa suma alli­lla ruraspa purir­kan­chi?

¹⁹ Kam­kuna iuia­na­kun­gi­chichar, kam­kunapa ñawipi nukan­chi alli­lla kan­ga­pa chasa rima­na­kugta. Chasa mana kan­chu. Taita Dius­pa ñawipi Cristopa kaspa­mi chasa alli­lla rima­na­kun­chi. Nuka­pa kuias­ka­kuna, kam­kunata alli suma iuiai iuia­chin­ga­pa­mi tukui chasa rima­na­kun­chi. ²⁰ Kasa­pas­mi llaki­wa­ku: nuka kam­kuna­pagma chaiag­ri­ura, nuka imasa munas­ka­sina mana kam­kunata tarig­rin­ga­pa. Chi­ura, nuka kam­kunata piñag­pika, kam­kuna imasa muna­was­ka­sina chasa­lla­ta mana kawa­wan­ga­pa kan­gi­chi­chu. Kam­kunata kasa tarig­rin­ga­pa­mi llaki­wa­ku: kam­pura piña­chi­ri­na­kuspa, jiru iuiai­wa kawa­na­kuspa, rabia­chi­ri­na­kuspa, pari­juma minusa­ri­na­kuspa, jucha­chi­na­kuspa, wasa rima­na­kuspa, atun tukuspa, killa­chi­na­kuspa kagpi­kuna. ²¹ Chasa kag­pika, nuka kim­sa­ma kam­kuna­pagma chaiag­ri­uraka, iapa­mi llaki­ri­wan­ga­pa ka. Nuka­pa Taita Dius­pa ñawipi kam­kuna­manda pingai­pa­mi pasan­ga­pa kani. Kam­kuna­pura achka­kuna, ñugpa­manda­ta jiru ruraspa, kari warmi­wa panda­rispa, chasa­lla­ta ima jiru iuiai munai­kunata ruraspa kaug­sa­na­kug­manda; chi­mandaka, Taita Dius­wa mana tigran­ga­pa iuia­na­kuska­manda wakan­ga­pa­char chaia­wanga.

Korintopi kaug­sa­na­kuskata ikuti iuia­chiska­manda

¹ Ña kimsa­ma­mi kam­kuna­ta kawag­rin­ga­pa kai­ki­chita. Nuka chaiag­ri­ura, “Mai­kan panda­riska ni­na­kug­pika, iskai u kimsa kawag­kuna­mi willan­ga­kuna chasaka sutipa kagta. Chasaka, alli­lla­mi kanga”. ² Imasa­mi nuka, iskai bia­ji­ma kam­kuna­wa kag­ri­ura nir­kai­ki­chita: chasa­lla­ta kuna­ura, mana chipi kas­pa­pas, ñug­pata jiru ruraspa kaug­sa­na­kus­kata i tukui kam­kunata kasa­mi ikuti nii­ki­chita: chasa kaug­sa­na­kug­pika, nuka, kam­kuna­pagma chaiag­ri­ura, mana lla­kis­pa­lla­mi piñag­rin­ga­pa kai­ki­chita. ³ Chasa­wa­mi kam­kuna imasa iuia­na­kus­ka­sina kawa­wan­kan­gi­chi, nuka, Cristo­wa kaspa, kam­kunata chasa rima­kugta. Cristo kikinka, kam­kuna­wa mana kan­chu mana pudig­sina. Kam­kunapa chaug­pipi tukui pudig­mi ka. ⁴ Paika, samba­iaspa mana pudig­sina krus­pi wañu­chii tukus­pa­pas, Taita Dius­pa iapa iachai­wa­mi tukui pudig kaug­sa­ku. Nukan­chi­pas chasa­lla­ta Cristo­wa sam­ba­iaspa mana pudig­sina­mi kan­chi. Chasa kas­pa­pas, Taita Dius­pa iapa iachai­wa­mi Cristo­wa tukui pudig kaug­sa­na­kun­chi; cha­saka, kam­kuna­manda tukuipi alli­lla tukun­ga­pa.

⁵ Tukui­kuna alli­lla iuia­ri­puai­chi, ari u mana Cristo­wa suma iuia­ri­na­kugta. Iuia­ri­puai­chi, imasa alli­lla u mana alli­lla kagta­kuna. ¿Mana­chu iuia­rin­gi­chi, Jesu­cristo kam­kuna­wa kagta? Pai­wa mana kaspa­mi kam­kuna mana suma iuia­rii­wa kan­gi­chi. ⁶ Kasa­mi munani: nukan­chi alli­lla iacha­chig kagta­kuna, kam­kuna iachan­ga­pa. ⁷ Taita Diusta maña­pui­ki­chi­ta­mi, kam­kuna ñi ima jiru mana ruras­pa­lla kaug­sa­na­kun­ga­pa. Nuka mana maña­pui­ki­chitachu; chi­wanka, nukan­chi alli­lla iacha­chig kagta­kuna kawa­rin­ga­pa. Kam­kuna alli­lla ruraspa kaug­sa­na­kun­ga­pag­lla­mi maña­pui­ki­chita, nukan­chi ianga iacha­chig kawa­rig­sina kas­pa­pas. ⁸ Nukan­chi mana pudin­chi­chu nin­ga­pa, sutipa Alli Willai, mana alli kagta. Iukan­chimi, Alli Willai­ta iachas­paka, sutipa kagta riman­ga­kuna. ⁹ Chi­manda, nukan­chi samba­iaspa mana ima­pas pudig­sina kagpi, ikuti kam­kunaka tukui pudig kagpi­kunaka, chasa iachaspa, nukan­chita iapa alli­mi iuia­chí. Kasa­pas­mi kam­kuna­manda mañan­chi: kam­kuna tukuipi iapa alli tukun­ga­pa­kuna. ¹⁰ Nuka manara kam­kuna­wa kag­rispa­mi chasa ni­na­kui­ki­chita. Chi­wanka, nuka kam­kuna­pag­ma chaiag­ri­ura, mana chaia­wanga­chu, kam­kunata sin­chi piñag­rin­ga­pa. Iaia Jesuska mana kacha­mu­warka­chu puchu­kan­ga­pa. Alli suma iuiai kam­kunata iuia­chin­ga­pa­mi kacha­mu­warka.

Kaia­kama, niska­manda

¹¹ Kuna­ura, taita­kuna i mama­kuna, alli iuia­chii­wa kun­tin­ta­ri­puai­chi. Tukuipi alli ruraspa kaug­sa­puai­chi. Kam kikin­pura sumag­lla iuia­chi­ri­na­kuspa ka­puai­chi. Sug­lla kag­sina iuia­rispa, sumag­lla kaug­sa­puai­chi. Taita Dius, kam­kunata iapa kuiag i sumag­lla kaug­saita karag­mi kam­kuna­wa kan­ga­pa ka. ¹² Kam kikin­pura Taita Dius­wa iuia­rispa, mucha­na­kuspa, “Puangi” ni­na­kui­chi. ¹³ Taita Dius­manda­lla tukui kaipi sumag­lla kaug­sag­kuna, kam­kunata: Puan­gi­mi ni­nakú.

¹⁴ Iaia Jesu­cristo, kam­kunata sumag­lla kawa­pua­chu. Taita Dius, suma kuiaspa chari­pua­chu. Santu Ispí­ritu, tukui­kuna­wa sug­lla­pi kaug­sa­pua­chu.