Zekalia

¹TO osùn sinatòntọ mẹ, to owhè awetọ Daliusi tọn mẹ, ohó OKLUNỌ tọn wá jẹ Zekalia visunnu Belekia tọn lọ de, visunnu Ido yẹwhegán lọ tọn, dọmọ, ²OKLUNỌ ko yín mahùnhomẹnọ po otọ́ mìtọn lẹ po. ³Enẹwutu hiẹ ni dọ hlan yé dọ, Le wẹ OKLUNỌ awhànpa lẹ tọn dọ: Mì lẹ́gọ̀ do dẽ, wẹ OKLUNỌ awhànpa lẹ tọn dọ, yẹn bo na sọ lẹ́gó do mì de, wẹ OKLUNỌ awhànpa lẹ tọn dọ. ⁴Mì tin di otọ́ mìtọn lẹ blo, mẹhe yẹwhegán nukọntọn lẹ dawhá hlan, dọmọ, Le wẹ OKLUNỌ awhànpa lẹ tọn dọ, Mì lẹ́gọ̀ dinvie sọn aliho ylanylan mìtọn lẹ mẹ, podọ sọn wiwà ylanylan mìtọn lẹ mẹ: ṣigba yé ma sè, mọ ma sọ tuntóai hlan mi gba, wẹ OKLUNỌ dọ. ⁵Otọ́ mìton lẹ, fie wẹ yé te? podọ yẹwhegán lẹ lọ, be yé nọgbẹ́ kakadoi? ⁶Ṣigba ohó ṣie lẹ po oséndoai ṣie lẹ po, he yẹn degbèna devi ṣie yẹwhegán lẹ, bé yé ma pla olọ mìtọn lẹ? bọ yé sọ lẹ́ bo dọmọ, Taidi le OKLUNỌ awhànpa lẹ tọn lẹn do nado wà hlan mí, kẹdẹdi aliho mitọn lẹ, podọ kẹdẹdi wiwà mítọn lẹ, mọwẹ ewọ ko zán hẹ mi do.

⁷To azán kònukunẹnẹtọ osùn widopotọ tọn mẹ, he yín osùn ṣebati, to owhè awetọ Daliusi tọn mẹ, ohó OKLUNỌ tọn wá jẹ Zekalia de visunnu Belekia tọn, visunnu Ido yẹwhegán lọ tọn, dọmọ, ⁸Yẹn mọ to ozán mẹ, bo dayi e go dawe de hẹ́ osọ vẹ̀ de ji, é bo sọ ṣite to atin miltili he tin to otẹn oyẹtẹn mẹ lẹ ṣẹnṣẹn; podọ osọ́ lẹ sọ tin finẹ to godo nẹ̃, ovẹ̃, vẹ̃mínímíni, po wéwé po. ⁹Whenenu wẹ yẹn dọmọ, Klunọ ṣie È, eté wẹ ehelẹ? angẹli he to hódọ hẹ mi lọ sọ dọ hlan mi dọ, Yẹn na do núhe ehelẹ yín hia we. ¹⁰Dawe he Site to atin miltili lẹ ṣẹnṣẹn sọ gblọn bo dọmọ, Ehele wẹ yé he OKLUNỌ ko dohlan nado zinzọnlin yìgodo yìnukọn gbọn aigba lọ mẹ. ¹¹Yé sọ gblọnna angẹli OKLUNỌ tọn lọ he ṣite to atin miltili lẹ lọ ṣẹnṣẹn, bo dọmọ, Mí ko zinzọnlin yìgodo yìnukọn gbọn aigba lọ mẹ, bo, dayi e go, wẹ́kẹ lẹpo wẹ sinai abọẹ, bo sọ tin to gbọjẹ mẹ. ¹²Whenẹnu wẹ angẹli OKLUNỌ tọn lọ, gblọn bo dọmọ, OKLUNỌ awhànpa lẹ tọn E, dẹn sọ nawẹ hiẹ ma na tindo lẹblanu to Jelusalẹm ji podọ to tòdaho Juda tọn lẹ ji, ehe go hiẹ ko tindo homẹgble do to owhè kandegbàn helẹ mẹ? ¹³OKLUNỌ sọ gblọnna angẹli he to hódọ hẹ mi lọ po ohó dagbe lẹ po, yèdọ ohó homẹmiọnnọ lẹ. ¹⁴Mọ wẹ angẹli he to hódọ hẹ mi lọ sọ dọ hlan mi dọ, Hiẹ ni dawhá, dọmọ, Le wẹ OKLUNỌ awhànpa lẹ tọn dọ: Yẹn yi awuwhàn daho de do yín awuwhànnọ na Jelusalẹm podọ na Ziọni. ¹⁵Podọ yè hẹn mi yín homẹmahùnnọ po akọta he tin abọẹ lẹ po: na vude wẹ yè hẹn yẹn yín homẹmahùnnọ, yé sọ gọalọ na oylan. ¹⁶Enẹwutu le wẹ OKLUNỌ dọ: Yè hẹn mi lẹ́gọ̀ po lẹblanu lẹ po do Jelusalẹm de; ohọ̀ ṣie na yín didó to e mẹ, wẹ OKLUNỌ awhànpa lẹ tọn dọ, podọ okàn de na sọ yín dindlẹn jẹgbonu to Jelusalẹm ta. ¹⁷Sọvọ́ awhádo, dọmọ, Le wẹ OKLUNỌ awhànpa lẹ tọn dọ: Tòdaho ṣie lẹ na sọ vọ́ yí oyọ́nna do gọ́fla; podọ OKLUNỌ na sọ vọ́ homẹmìọnna Zioni, bo na sọ vọ́ Jelusalẹm dè.

¹⁸Yẹn sọ zé nukun ṣie lẹ daga, bo mọ, bo dayi e go azò ẹnẹ. ¹⁹Yẹn bo sọ dọ hlan angẹli he to hódo hẹ mi lọ dọ, Etẹ́ ehelẹ yín? Ewọ sọ gblọnna mi dọ, Èhelẹ wẹ azò he ko vúnvún Juda, Islaeli, po Jelusalẹm po. ²⁰OKLUNỌ sọ do ayátọ ẹnẹ hia mi, ²¹Whenẹnu wẹ yen dọmọ, Etẹ́ ehelẹ wá nado wà? Ewọ sọ dọhó, dọmọ, Ehelẹ wẹ azò lẹ lọ he vúnvun Juda, mọ bọ omẹ de ma zé ota etọn daga: ṣigba ehelẹ wá nado klọ́n yé sẹ̀, nado zé azò akọta lẹ tọn lẹ lọ dlan ai, he zé azò yetọn daga do aigba Juda tọn ji nado vúnvún in.

¹YẸN sọ zé nukun ṣie lẹ daga, bo mọ, bo dayi dawe de go po okàn nujlẹnu tọn de po to alo etọn mẹ. ²Whenẹnu wẹ yẹn dọmọ, Fiedali hiẹ jei? Ewọ sọ dọ hlan mi dọ, Nado jlẹ Jelusalẹm, nado mọ etẹ́ ogblo etọn yín, podọ etẹ otè etọn yín. ³Bo, dayi e go, angẹli he to hódọ hẹ mi lọ jegbonu yì, angẹli devo sọ jẹgbonu yì nado hòjẹ ẹ, ⁴Bo sọ dọ hlan ẹn dọmọ, Dowezun, dọhó hlan omẹ winyanwinyan he, dọmọ, Jelusalẹm na nọ nò di tòpẹvi lẹ matin odokó, gbọn ogégé gbẹtọ lẹ po whékanlin lẹ po tọn dali to e mẹ. ⁵Na yẹn, wẹ OKLUNỌ dọ, na yín adó miyọn tọn de hlan ẹn lẹ́do pé, podọ yẹn na, sọ yín gigo to gblagbla e tọn mẹ. ⁶Ũ, ũ, họ̀nyì sọn aigba agéwaji tọn lọ mẹ, wẹ OKLUNỌ dọ: na yẹn ko dlan mì hlangbonu di ojẹhọn ẹnẹ olọn tọn lẹ, wẹ OKLUNỌ dọ. ⁷Ũ Ziọni, họ̀ngán, hiẹ he nọnọ̀ viyọnnu Babilọni tọn lọ de. ⁸Na le wẹ OKLUNỌ awhànpa lẹ tọn dọ: To gigo lọ godo ewọ ko do mi hlan akọta he mì gble lẹ de: na ewọ he doalọ mì go doalọ azìn nukun etọn tọn go. ⁹Na, dayi e go, Yẹn na whàn alọ ṣie do yé ta, yé bo na sọ yin ogblannú de hlan enẹlẹ he to yé sẹ̀n mìwlẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan. ¹⁰Jihàn bo sọ jaya, hiẹ viyọnnu Ziọni tọn E: na, pọ́n, yẹn wá, yẹn na sọ nọnọ̀ gblagbla hiẹ tọn mẹ, wẹ OKLUNỌ dọ. ¹¹Podọ akọta susu we na sọ kọ̀n yéde dopọ hlan OKLUNỌ to azán nẹ gbè, bo na sọ yín omẹ ṣie lẹ: yẹn bo na sọ nọnọ̀ gblagbla hiẹ tọn mẹ, hiẹ bo na sọ yọnẹn dọ OKLUNỌ awhànpa le tọn wẹ ko do mi hlan hiẹ de. ¹²OKLUNỌ bo na sọ yí Juda do dùgú di mimá etọn to aigba wiwe lọ mẹ, bo na sọ vọ Jelusalẹm dè. ¹³Yín abọẹnọ, mì agbasalan lẹpo, to OKLUNỌ nukọn: na yè fọ́n ẹn tite sọn fininò wiwe etọn mẹ.

¹EWỌ sọ do Jọsua yẹwhenọ daho lọ hia mi tote to angẹli OKLUNỌ tọn lọ nukọn, podọ Satani tote to alọ etọn adusi mẹ nado yín mẹglatọ etọn. ²OKLUNỌ sọ dọ hlan Satani dọ, OKLUNỌ wọhẹ we, Satani E; mọwẹ, OKLUNỌ he ko dè Jelusalẹm wọhẹ we: bé ehe ma yín miyọntin de dọ̀n tọ́n sọn miyọn mẹ? ³Dinvie yè yí awugbo dihónọ de do ṣinyọ̀navọ̀na Jọsua, bo sọ ṣite to OKLUNỌ nukọn. ⁴Ewọ sọ gblọn bo dọhó hlan enẹlẹ he ṣite to ewọ nukọn, dọmọ, Mì dè awugbo dihónọ lẹ lọ sẹ́ sọn e go. Podọ hlan ewo wẹ é sọ dọmọ, Dayi e go, Yẹn ko hẹn oylanwà towe nado juyì sọn hiẹ mẹ, yẹn bo na sọ yí avọ akuẹnọ ṣinyọnna we ⁵Podọ ewọ sọ dọmọ, gbọ yé ni zé ojẹgbakun whànpẹnọ de do ota etọn ji, bo sọ yí awugbo lẹ do nọ̀; angẹli OKLUNỌ tọn lọ sọ site to olá. ⁶Angẹli OKLUNỌ tọn lọ sakunnu hlan Jọsua, dọmo, ⁷Le wẹ OKLUNỌ awhànpa lẹ tọn dọ: Eyín hiẹ na nọ zinzọnlin to aliho ṣie lẹ mẹ, podọ eyín hiẹ na yìn asẹ ṣie, whenẹnu wẹ hiẹ ga na nọ dawhèna owhe ṣie, bo na sọ nọ pọ́n akanmahó ṣie lẹ go, yẹn bo na sọ na otẹn lẹ we nado nọ zinzọnlin to ehe ṣite to olá helẹ ṣẹnṣẹn. ⁸Sè dinvie, hiẹ Jọsua yewhenọ daho È, hiẹ po ohatọ towe he ṣite to hiẹ nukọn lẹ po; na omẹ he yín awujinu de wẹ yé: na, dayi e go, yen na hẹn devi ṣie Àlà lọ jegbonu wá ⁹Na dayi e go, zannu he yẹn ko zé do Joṣua nukọn; nukun ṣinawe wẹ to zannu dopo ji: dayi e go, Yẹn na pa opipa etọn, wẹ OKLUNỌ awhànpa lẹ tọn dọ, podọ azán dopo mẹ wẹ yẹn na sọ bẹ́ oylanwà aigba ne tọn sẹ́. ¹⁰To azán ne me, OKLUNỌ awhànpa le tọn dọ, wẹ mìwlẹ na nọ ylọ omẹ dopodopo kọmẹnu etọn to vẹntin lọ glọ podọ to atin ovò tọn lọ glọ.

¹ANGẸLI he to hódọ he mi lọ sọ vọ́ wá, bo dọhó hẹ mi, di omẹ he yè hẹn fọ́n sọn amlọn etọn mẹ de. ²Ewọ sọ dọ hlan mi dọ, Eté hiẹ mọ? Yẹn bo sọ dọmọ, Yẹn ko mọ, bo dayi e go, zògbántin sika dodo tọn de, po adingbén etọn po to aga etọn, po zògbán etọn ṣinawe lẹ po to e ji; po funnẹ̃ ṣinawe po hlan zògbán lẹ, he tin to aga etọn: ³Po atin oliviéli tọn awe po to e dali, dopo to adà adusi adingbén lọ tọn ji, awetọ sọ tin to adà amiọn eton ji. ⁴Yen sọ gblọn bo dọhó hlan angeli he to hodọ hẹ mi lọ, dọmọ, Eté we ehelẹ, kluno ṣie? ⁵Whenẹnu wẹ angẹli he to hódọ hẹ mi lọ gblọn bo dọ hlan mi dọ, Hiẹ ma yón núhe ehelẹ yín? Yẹn sọ dọmọ, Lala, klunọ ṣie. ⁶Whenẹnu wẹ ewọ gblọn bo sọ dọhó hlan mi, dọmọ, Ehe wẹ ohó OKLUNỌ tọn hlan Zelubabeli, dọmọ, Gbọn awhànfuntọ de dali ma gba, mọ huhlọn dali ma gba, adavo gbọn gbigbọ ṣie dali, wẹ OKLUNỌ awhànpa lẹ tọn dọ. ⁷Mẹnu wẹ hiẹ, hiẹ osé daho È? to Zelubabẹli nukọn hiẹ na lẹzùn dangbo de: ewọ na sọ hẹn zannu aga tọn jegbonu wá po àbobodido jọmiọn, jomion tọn lẹ po jẹ e kòn. ⁸Humọ ohó OKLUNỌ tọn sọ wá jẹ dè, dọmọ, ⁹Alọ Zelubabẹli tọn lẹ ko do dòdonu ohò he tọn ai; alọ etọn lẹ ga wẹ na sọ vọ ẹ; hiẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan de we. ¹⁰Na mẹnu wẹ ko nọ vlẹ azán onú pẹvi lẹ tọn? na yé na jaya, bo sọ mọ adójlọnú to alọ Zelubabẹli tọn mẹ, yèdọ ṣinawe helẹ, he yín nukun OKLUNỌ tọn lẹ; yé to wezunhòn yìgodo yìnukọn gbọn aigba lọ lẹpo me. ¹¹Whenẹnu wẹ yẹn gblọn, bo dọ hlan ewọ dọ, Eté wẹ atin olivieli awe lẹ to adà adusi zògbántin lọ tọn ji podọ to adà amiọn etọn ji? ¹²Yẹn sọ gblọn whlawetọ, bo dọ hlan ẹn dọ, Etẹ́ alà awe olivieli tọn helẹ yín, he to sika kọ́ sọn yéde mẹ gbọn onù sikanọ awe lẹ mẹ tọn dali? ¹³Ewọ sọ gblọnna mi bo dọmọ, Hiẹ ma yọ́n núhe ehelẹ yín? Yẹn sọ dọmọ, Lala, klunọ ṣie. ¹⁴Whenẹnu wẹ ewọ dọmọ, Ehelẹ wẹ visunnu amì tọn awe lẹ, he ṣite to OKLUNỌ aigba pete lọ tọn dali.

¹WHENẸNU wẹ yẹn sọ vó nukun ṣie lẹ zé daga, bo mọ, bo dayi e go, owehiha he zìnzlọn de. ²E sọ dọ hlan mi dọ, Eté wẹ hiẹ mọ? Yẹn sọ gblọn dọ, Yẹn mọ owéhiha he zinzlọn de; awàgbà oko wẹ tèdidì etọn, podọ ogblo etọn awàgbà ao. ³Whenẹnu wẹ ewọ sọ dọ hlan mi dọ, Ehe wẹ dẹ̀hodo he jegbonu yì nukunmẹ aigba pete lọ tọn ta: na omẹ depope he jẹajo na yín kikisa sẹ́ sọn dinvie yì gbọn e dali; podọ omẹ he nọ whle lẹpo na yín kikisa sẹ́ sọn dinvie yì gbọn e dali. ⁴Yẹn na sọ hẹn ẹn nado jẹgbonu yì, wẹ OKLUNỌ awhànpa lẹ tọn dọ, é bo na sọ biọ ohò ajotọ lọ tọn mẹ, podọ biọ ohò ewọ he nọ yí oklọ do whle gbọn oyín ṣie dali lọ tọn mẹ: é bo na sọ nọnọ̀ gblagbla ohò etọn tọn mẹ, bo na sọ dù i súdo po whlẹlidemẹ etọn po po zannu etọn po.

⁵Whenẹnu wẹ angẹli he to hódọ hẹ mi lọ jẹgbonu yì, bo sọ dọ hlan mi dọ, Zé nukun towe lẹ daga dinvie, bo pọ́n etẹ́ wẹ núhe jẹgbonu jei he. ⁶Yẹn sọ dọmọ, Eté é yín? Ewọ sọ dọmọ, Ehe wẹ efa he jẹgbonu yì lọ E sọ dọ humọ dọ, Ehe wẹ nukun yetọn to aigba lọ lẹpo mẹ: ⁷(bo dayi e go, yè sọ zé agó mimlin osùnmí tọn de daga:) ehe sọ wẹ nawe de he aisinsin to gblagbla efa lọ tọn mẹ. ⁸E sọ dọmọ, Ehe wẹ Oyinylan lọ; é sọ zé e dlan jẹte biọ gblagbla ẹfa lọ tọn mẹ: podọ ewọ sọ zé ojlẹ osùnmí ton lọ dlan onù etọn ji ⁹Whenẹnu wẹ yẹn zé nukun ṣie lẹ daga, bo mọ, bo dayi e go, nawe awe de jẹgbonu wá finẹ, ojẹhọn lẹ sọ tin to awà yetọn lẹ mẹ; dinvie yé tindo awà lẹ taidi awà adọwé de tọn: yé bo sọ zé ẹfa lọ daga to aigba lọ po olọn po ṣẹnṣẹn. ¹⁰Whenẹnu wẹ yẹn sọ dọ hlan angẹli he to hódọ hẹ mi lọ dọ, Fiedali ehelẹ hẹn ẹfa lọ jei? ¹¹Ewọ Sọdọ hlan mi dọ, Nado dó ewọ ohò de to aigba Sinali tọn mẹ: podọ whenuena yè hẹn ẹn lódo, ewọ na yin zizé do finẹ do ozọ̀n etọn titi ji.

¹YẸN sọ vó nukun ṣie lọ zé daga, bo mọ, bo dayi e go, kẹkẹ ẹnẹ jẹgbonu wá sọn osọ́ awe lẹ ṣẹnṣẹn: osọ́ lẹ lọ sọ yin osọ́ gànvẹ̃ tọn lẹ. ²Osọ́ vẹ̀ lẹ wẹ tin to kẹkẹ tintan mẹ; podọ to awetọ mẹ osọ́ oyù lẹ; ³podọ to kẹkẹ atọ̀ntọ mẹ osọ́ wéwé le; podọ to kẹkẹ ẹnẹtọ mẹ osọ́ hu-hlọnnọ wéwéalánọ lẹ. ⁴Whenẹnu wẹ yẹn gblọn bo sọ dọ hlan angeli he to hódọ hẹ mi lọ dọ, Eté wẹ ehelẹ, klunọ ṣie? ⁵Angẹli lọ sọ gblọn bo dọ hlan mi dọ, Ehelẹ wẹ gbigbọ ẹnẹ olọn tọn lẹ, he jẹgbonu yi sọn tintọ́nkọ̀ mẹ to OKLUNỌ aigba lọ lẹpo tọn nukọn. ⁶Kẹkẹ he mẹ osọ́ oya lẹ te jẹgbonu yì otò agéwaji tọn dali; podọ wéwé jẹgbonu yì hodo yé; podọ wéwéalánọ lẹ lọ sọ jegbonu yì otò ohùwaji tọn dali. ⁷Podọ huhlọnnọ lẹ lọ sọ jẹgbonu yì, bo to dindin nado yì na yé nido zinzọnlin yìgodo yìnukọn gbọn aigba lọ mẹ: é bo sọ dọmọ, Yì sọn ofile, zinzọnlin yìgodo yìnukọn gbọn aigba lọ mẹ. Mọ wẹ yé zinzọnlin yìgodo yìnukọn gbọn aigba lọ mẹ. ⁸Whenẹnu wẹ ewọ dawhá do oji e, bo dọhó hlan mi, dọmọ, Dayi e go, yé he yì otò agéwaji tọn dali lẹ ko hẹn gbigbọ ṣie nabọẹ to otò agéwaji tọn lọ mẹ.

⁹Ohó OKLUNỌ tọn sọ wá jẹ dẽ, dọmọ, ¹⁰Yí sọn yé mẹmẹglọ lẹ tọn mẹ, yèdọ sọn Hẹldai mẹ, sọn Tobija mẹ, podọ sọn Jẹdaia mẹ; hiẹ ni sọ wá to azán doponẹ gbè, bo yì biọ ohọ̀ Josia visunnu Zefania tọn lọ tọn mẹ, fiedali yè hẹn yé sọn Babilọni mẹ wá; ¹¹mọwẹ, yí fataka po sika po sọn yé si, bo basi ojẹgbakun de, bo zé e do ota Jọṣua visunnu Jehozadaki, yẹwhenọ daho lọ tọn tọn ji; ¹²bo dọhó hlan ẹn, dọmọ, Le wẹ OKLUNỌ awhànpa lẹ tọn dọhó do, dọmọ, Dayi e go, dawe lọ oyín mẹhetọn nọ yín Alà: podọ ewọ na zalà sọn otẹn etọn mẹ, ewọ bo na sọ do tẹmpli OKLUNỌ tọn: ¹³yèdọ ewọ na do tẹmpli OKLUNỌ tọn lọ; ewọ bo na sọ hẹn gigo lọ, bo na sinai bo dùgán to ofìn etọn ji; yẹwhenọ de na sọ tin to ofìn etọn ji: podọ hónamẹ jijọho tọn na sọ tin yé meawe lẹ ṣẹnṣẹn. ¹⁴Podọ ojẹgbakun lọ na tin jẹ Helẹmi de, podọ jẹ Tobija de, podọ jẹ Jẹdaia de, podọ na dagbewà Hẹni visunnu Zẹfania tọn lọ tọn, na oflinnú de to tẹmpli OKLUNỌ tọn mẹ. ¹⁵Podọ yé he tin to aganu boboe lẹ na sọ wá bo do tẹmpli OKLUNỌ tọn lọ, mìwlẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan mì de. Podọ ehe na sọ jọ, eyín míwlẹ na yí sọwhiwhe do sètónuna ogbè OKLUNỌ Jiwheyẹwhe mìtọn tọn.

¹E sọ wá jọ to owhè ẹnẹtọ ahọlu Daliusi tọn mẹ, wẹ ohó OKLUNỌ tọn wá jẹ Zekalia de to azán ẹnẹtọ osùn sinẹnẹtọ lọ tọn mẹ, yèdọ to Kisíẹvi mẹ. ²Dinvie yé Bẹti-ẹli tọn lẹ, yèdọ Ṣalezeli po Legẹmimeleki po, po omẹ yetọn lẹ po, ko domẹhlan nado vèvẹ́na nukundágbe OKLUNỌ tọn, ³podọ nado dọhó hlan yẹwhenọ ohọ̀ OKLUNỌ awhànpa lẹ tọn lọ tọn tọn lẹ, podọ hlan yẹwhegán lẹ, dọmọ, Yẹn do sọ viavi to osùn atọ́ntọ mẹ, kinklan dẽ dovo, dile yẹn ko wà do to owhè susu sọmọ helẹ mẹ wẹ ⁴Whenẹnu wẹ ohó OKLUNỌ awhànpa le tọn wá jẹ dẽ, dọmọ, ⁵Dọhó hlan gbẹtọ aigba lọ tọn lẹpo, podọ hlan yẹwhenọ lẹ, dọmọ, Whenuena mìwlẹ blanù bo so blawu, to osùn atọ́ntọ mẹ podọ to ṣinaweto mẹ, yèdọ owhè kandegbàn helẹ, bé mìwlẹ gbẹ́ blanù hlan mi mọ̃, yèdọ hlan yẹn? ⁶Podọ whenuena mì to dùdù, podọ whenuena mì to nùnù, mìwlẹ ma wẹ yé he to dùdù na míde bo sọ to nùnù na míde? ⁷Mìwlẹ ma do sè ohó he OKLUNỌ ko dawhádọ lẹ gbọn yẹwhegán nukọntọn lẹ dali, whenuena yè to Jelusalẹm me nọ̀ podọ to oyọ́nna mẹ, bọ yè to tòdaho etọn lẹ́do e pé lẹ, po ohùwaji po po aigbasọgbè po me nẹ̀?

⁸Ohó OKLUNỌ tọn sọ wá jẹ Zekalia de, dọmọ, ⁹Le wẹ OKLUNỌ awhànpa lẹ tọn ko dọhó do, dọmọ, Mì hẹn whẹ̀dida nugbo ṣẹ, bo sọ nọ do lẹblanu po homeyọn po hia ome dopodopo hlan mẹmẹsunnu etọn: ¹⁰Bo bianukunna asúṣiọsi blo, mọ na tóṣiọvi blo, ojonọ, mọ na wamọnọ blo; bo sọ dike mẹde sọn mì mẹ kanyiha ylanylan to ayiha mìtọn mẹ do mẹmẹsunnu etọn go blo. ¹¹Ṣigba yé gbé nado tuntóai, bo sọ lé abọ́ adingbannọ de, bo sọ hẹn otọ́ yetọn lẹ pẹ́n, na yé ma na do sè. ¹²Mọwẹ, yé basi ayiha yetọn lẹ di zannu adamanti de, yé nikã sè osẹ́n lọ, po ohó he OKLUNỌ awhànpa lẹ tọn ko dohlan lẹ po gbọn gbigbọ etọn dali gbọn alọ yẹwhegán nukọntọn lẹ tọn dali: enẹwutu wẹ homẹgble daho sọn OKLUNỌ awhànpa lẹ tọn de wá finẹ ¹³E sọ wá jọ dọ, le ewọ dawhá, bọ yé ma jlo na sè; mọ wẹ yéwlẹ na dawhá, bọ yẹn ma na sọ sè, wẹ OKLUNỌ awhànpa lẹ tọn dọ; ¹⁴Ṣigba yẹn na yí jẹhọnahizi de do vúnvún yé to akọta mẹhe yé ma ko yọnẹn lẹpo ṣẹnṣẹn. Le wẹ aigba lọ yín ojẹvọ́ to yé godo do, bọ omẹ de ma juwayi mọ ma lẹ́gọ̀ gba: na yé hẹn aigba ojlo tọn lọ zùn ovọ́jẹ.

¹OHÓ OKLUNỌ awhànpa lẹ tọn sọ wá jẹ dẹ̃, dọmọ, ²Le wẹ OKLUNỌ awhànpa lẹ ton dọ. Yẹn yí awuwhàn daho do yín awuwhànnọ na Ziọni, podọ yẹn sọ yí homẹwlu daho do yín awuwhànnọ na ẹn, ³Le wẹ OKLUNỌ dọ: Yè hẹn mi lẹ́gọ̀ do Ziọni de, bo na sọ nọnọ̀ gblagbla Jelusalẹm tọn mẹ: podọ Jelusalẹm na sọ yín yiylọ dọ Tòdaho nugbo tọn lọ; po osé OKLUNỌ awhànpa lẹ tọn po dọ Osó wiwe lọ. ⁴Le wẹ OKLUNỌ awhànpa lẹ tọn dọ: Sunnu yọnhónọ lẹ po yọnnu yọ́nhónọ lẹ po na gbé sọ sinai aligbo Jelusalẹm tọn lẹ mẹ, omẹ dopodopo po opò etọn po to alọ etọn me na ogégé azán lẹ tọn. ⁵Podọ aligbo tòdaho lọ tọn lẹ na sọ tin gọ́ na yọpọsunnu lẹ po yọpọyọnnu lẹ po to aihúnda to aligbo etọn lẹ ji. ⁶Le wẹ OKLUNỌ awhànpa lẹ tọn dọ: Eyín é yín awujinú to nukun pipòtọ omẹ he lẹ tọn lẹ mẹ to azán nẹlẹ mẹ, bé é do yín awujinú ga to nukun yẹn tọn lẹ mẹ? wẹ OKLUNỌ awhànpa lẹ tọn dọ. ⁷Le wẹ OKLUNỌ awhànpa lẹ tọn dọ: Dayi e go, Yẹn na whlẹn omẹ ṣie lẹ sọn oto whìzẹtẹn ji tọn mẹ, podọ sọn otò whèyihọ ji tọn mẹ: ⁸Yẹn na sọ hẹn yé wá, yé na sọ nọnọ̀ gblagbla Jelusalẹm tọn mẹ; Yéwlẹ bo na yín omẹ ṣie, yẹn bo na sọ yín Jiwheyẹwhe yetọn, to nugbo mẹ podọ to dódó mẹ. ⁹Le wẹ OKLUNỌ awhanpa lẹ tọn dọ: Mì gbọ alọ mìtọn lẹ ni yin huhlọnnọ; mì sè ohó helẹ to azán helẹ mẹ sọn onù yẹwhegán lẹ lọ tọn mẹ, he tin to azán he mẹ yè do dòdonu ohọ̀ OKLUNỌ awhànpa lẹ tọn tọn ai, yèdọ tẹmpli lọ, na é ni do yín didó. ¹⁰Na jẹnukọnna azán nẹlẹ opàdido de ma tin na gbẹtọ gba, mọ opàdido depope ma sọ tin na kanlin; mọ jijọho depope ma sọ tin finẹ hlan ewọ he to gbonujẹ yìkavi wá whégbè na mẹglatọ lọ tọn wutu: na yẹn zé gbẹtọ lẹpo omẹ dopodopo do kọmẹnu etọn ji. ¹¹Ṣigba dinvie yẹn ma na tin hlan pipòtọ omẹ he lẹ tọn di to azán nukọntọn le mẹ gba, wẹ OKLUNỌ awhànpa lẹ tọn dọ. ¹²Na okún jijọho tọn na tin finẹ; ovẹntin na jó osinsẹ́n etọn, podọ aigba lọ na sọ jó jideji etọn, podọ olọn lẹ na jó ahún yetọn; yẹn bo na sọ hẹn pipòtọ omẹ he lẹ tọn nado yí onú he lẹpo do dùgú. ¹³E na sọ wá jọ dọ, le míwlẹ yín dẹ̀hodo de to akọta lẹ ṣẹnṣẹn, mì owhé Juda tọ́n po owhé Islaeli tọn po emi, mọ wẹ yẹn na whlẹn mì do, mìwlẹ bo na sọ yín odona de: mì dibu blo, ṣigba mì gbọ alọ mìtọn lẹ ni yín huhlọnnọ. ¹⁴Na le wẹ OKLUNỌ awhànpa lẹ tọn dọ. Le yẹn lẹn nado wà oylan hlan mì do, whenuena otọ́ mìtọn doadihomẹna mi jẹ homẹgble, wẹ OKLUNỌ awhànpa lẹ tọn dọ, bọ yẹn ma diọlinlẹn gba; ¹⁵Mọ wẹ yẹn ko sọ vọ lẹn to azán helẹ mẹ nado wà dagbe hlan Jelusalẹm podọ hlan owhé Juda tọn: mì dibu blo. ¹⁶Ehelẹ wẹ onú he mìwlẹ na nọ wà; Mì nọ dọhó nugbo omẹ dopodopo hẹ kọmẹnu etọn; dawhẹ́ nugbo po whẹ̀dida jijọho tọn po to họ̀ngbo mìtọn lẹ mẹ: ¹⁷Bo ma sọ dike mẹde mì tọn lẹn oylan to ayiha mìtọn lẹ mẹ do kọmẹnu etọn go blo; bo sọ yiwanna asẹtúndo lalo de blo: na ehe lẹpo wẹ onú he yẹn gbẹwanna, wẹ OKLUNỌ dọ.

¹⁸Podọ ohó OKLUNỌ awhànpa lẹ tọn sọ wá jẹ dè, dọmọ, ¹⁹Le wẹ OKLUNỌ awhànpa lẹ tọn dọ: dọ Nùbibla osùn ẹnẹtọ tọn, po nùbibla atọ̀ntọ tọn po, po nùbibla ṣinawetọ tọn po, po nùbibla aotọ tọn po, na yín ayajẹ po homẹhùn po hlan owhé Juda tọn, podọ ohùnwhẹ wàlẹnọ lẹ; enẹwutu mì ni yiwanna nugbo po jijọho po. ²⁰Le wẹ OKLUNỌ awhànpa lẹ tọn dọ: E na gbẹ́ sọ wá jọ, dọ gbẹtọ lẹ na wá finẹ, po tòmẹnu tòdaho gbò lẹ tọn lẹ po: ²¹podọ tòmẹnu tòdaho de tọn lẹ na nọ yì jẹ awetọ de, dọmọ, Mì gbọ mí ni yí doteji nado vẹ̀vẹ̀na nukundágbe OKLUNỌ tọn podọ nado din OKLUNỌ awhànpa lẹ tọn yì: Yẹn na yì ga. ²²Mowẹ, gbẹtọ susu po akọta huhlọnnọ lẹ po na wá nado din OKLUNỌ awhànpa lẹ tọn yì Jelusalẹm mẹ, podọ nado vẹvẹ́na nukundágbe OKLUNỌ tọn. ²³Le wẹ OKLUNỌ awhànpa lẹ tọn dọ: To azán nẹlẹ mẹ é na wá jọ, dọ omẹ ao na tẹ́do e go, sọn akọgbè akọta lẹ tọn lẹpo mẹ, yèdọ na tẹ́dọ avọ̀tónu ewọ he yín Ju de tọn go, dọmọ, Míwlẹ na yì hẹ mì, na mí ko sè dọ Jiwheyẹwhe tin to mì de.

¹OZÓNJI ohó OKLUNỌ tọn tọn to aigba Hadlaki tọn ji, Damasku na sọ yin otẹn gbigbọjẹ etọn tọn: na OKLUNỌ tindo nukun de to gbẹtọ lẹ ji podọ to whẹndo Islaeli tọn lepo ji: ²podọ Hamati ga he dodogbo to enẹ ji: Tile po Zidọni po, le ewọ tlẹ yín nuyọnẹntọ talala sọ. ³Podọ Tile do figángán de na ede, bo sọ bẹ́ fataka pli di kọgudu, podọ sika dagbedagbe di ababá aligboji lẹ tọn. ⁴Dayi e go, OKLUNỌ na dè e sọn nutindo mẹ, podọ é na sọ hò ohù he yín osòhọ̀ etọn; yè na sọ yí miyọn do và ẹ. ⁵Askelọni na mọ ẹn, bo sọ dibu; Gaza ga, bo na yín awufiẹsanọ badabada; podọ Ẹklọni, na núdonukun etọn na yín winyanmọtọ: podọ ahọlu lọ na súdo sọn Gaza mẹ, podọ Askelọni mẹ ma na yín ninò gba. ⁶Podọ akò ayọvi de na sinai di ahọlu to Aṣdọdi mẹ, Yẹn bo na sọ sán osakla Filistini lẹ tọn sẹ̀. ⁷Podọ yẹn na sọ dè ohùn etọn sẹ̀ sọn onù etọn mẹ, po osùnú etọn lẹ po sọn adú etọn lẹ ṣẹnṣẹn; podọ ewọ ga na yín pipòtọ de na Jiwheyẹwhe mítọn: podọ ewọ na sọ yín gbèdètọ de to Juda mẹ, podọ Èklọni di Jẹbusinu de. ⁸Yẹn bo na sọ dosla lẹ́do ohọ̀ ṣie di otòwhàn de, bọ mẹde ma na ju wayi mọ sọ lẹ́gọ̀ gba: podọ mẹhodùtọ de ma na ju gbọn yé mẹ ba: na lè wẹ yẹn ko yí nukun ṣie lẹ do mọ.

⁹Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn. ¹⁰Yẹn bo na sọ sán kẹkẹ sẹ̀ sọn Eflaimi mẹ, podọ osó lọ sọn Jelusalẹm mẹ, podọ ogába awhàn tọn na sọ yin sinsán sẹ́; ewọ bo na sọ dọhó jijọho hlan akọta lẹ: ahọluigba etọn bo na sọ tin sọn ohù mẹ jẹ ohù de, podọ sọn Otọ lọ mẹ jẹ opòdo aigba lọ tọn lẹ. ¹¹Na hiẹ tọn ga, na ohùn alẹ̀nù towe tọn tọn wutu yẹn ko do ogàntọ towe lẹ hlan jẹgbonu sọn odò mẹ ehe mẹ osìn de ma te. ¹²Mì lẹ́gọ̀ do figángán lọ kọ̀n, mì ogàntọ otódido tọn emi: yèdọ egbé wẹ yẹn lá dọ yẹn na lẹ́gọ̀sú dogbẹ́aweji hlan we. ¹³Na yẹn ko dó Juda na mi, yẹn ko yí Éflaimi do gọ́ ogába ṣie; podọ yẹn na fọ́nadan visunnu towe lẹ, Hiẹ Ziọni È, do visunnu towe lẹ ji Hiẹ Javani E, bo na sọ basi we di ohi omẹ hlọnhlọnnọ de tọn. ¹⁴OKLUNỌ bo na sọ yín mimọ to yé ta, podọ ogá etọn na sọ jẹgbonu yì di abi: OKLUNỌ JIWHEYẸWHE bo na sọ kún opèn lọ, bo na sọ yì po jẹhọnahizi huwaji tọn lẹ po. ¹⁵OKLUNỌ awhànpa lẹ tọn na glọnawhànna yé; yé na vàsúdo, bo sọ tùnafọ zannu akotopẹ́ tọn lọ ji; podọ yé na nù, bo sọ basi hùnhlungbè de di gbọn ovẹ̃n mẹ: yé na sọ yín gigọ́ taidi òtọ̀ lẹ, taidi lọnglọnẹn agbà tọn lẹ. ¹⁶OKLUNỌ JIWHEYẸWHE yetọn bo na sọ whlẹn yé to azán nẹ gbè di lẹngbọpa omẹ etọn lẹ tọn: na yé na tin di zannu ojẹgbakun de tọn lẹ, he sisẹ́ to aigba etọn ta. ¹⁷Na nawẹ oyónna yetọn yin daho sọ, podọ nawe owhànpẹ yetọn yín daho sọ ogbadó na hẹn yọ̀pọ sunnu etọn lẹ whlẹsàn, podọ ovẹ̃n yọyó deviyọnnu lẹ.

¹MÌ nọ biọ jikun to ojlẹ jikun agọ̀gbọnẹn tọn mẹ sọn OKLUNỌ si, yèdọ sọn OKLUNỌ he basi abi lẹ si; ewọ bo na sọ na fìnfán jikun tọn lẹ yé, hlan ome dopodopo ogbó to danji. ²Na asányìn le ko dọhó ovótọ, podọ odọsẹnọ lẹ ko mọ olalo de; podọ odlọnọ lẹ yí oklọ do dọhó, yé to homẹmìọnnamẹ to ovó mẹ: enẹwutu wẹ yé to yìyì taidi lẹngbọ lẹ, yè nukunbiana yé, na lẹngbọhótọ de ma tin finẹ wutu. ³Yè hẹn adi ṣie jimiọn do lẹngbọhótọ lẹ ji, podọ yẹn na sọ sayana alùnkun lẹ: na OKLUNỌ awhànpa lẹ tọn ko dla lẹngbọpa etọn owhé Juda tọn pọn, bo na sọ basi yé di osé etọn whanpẹnọ to awhànfuntẹn mẹ. ⁴Ewọ mẹ wẹ zannu lọnglọnẹnmẹ tọn na jẹgbonu sọn wá, húngan lọ sọn ewọ mẹ, ogába awhán tọn lọ sọn ewọ mẹ, gándùtọ lẹpo dopọ sọn ewọ mẹ ⁵Yé bo na sọ tin di omẹ hlọnhlọnnọ lẹ, he to kẹ̀ntọ yetọn lẹ zíndai to ababá aligboji lẹ tọn mẹ to awhànfuntẹn mẹ; podọ yé na hoavùn, na OKLUNỌ tin to yé de wutu: yè bo na sọ hẹn hihétọ lẹ to osé ji yín oflunọ ⁶Yẹn bo na sọ nahuhlọn owhé Juda tọn, podọ yẹn na whlẹn owhé Josẹfu tọn, yẹn bo na sọ hen yé nado nọ nó, na yen tindo lẹblanu to yé ji; yé bo na sọ tin di yẹn ma tẹ ko zé yé dlangbé dai: na yẹn wẹ OKLUNỌ Jiwheyẹwhe yetọn, yẹn bo na sọ sè yé. ⁷Podọ yé Eflaimi tọn lẹ na tin di taidi omẹ hlọnhlọnnọ de, ayiha yetọn na sọ to ayajẹ di gbọn ovẹ̃n mẹ: mọwẹ, ovi yetọn lẹ na mọ ẹn, bo sọ jaya; ayiha yetọn na sọ yín homẹhùnnọ to OKLUNỌ mẹ. ⁸Yẹn na dèpislọ na yé, bo sọ pli yé dopọ; na yẹn ko fli yé: podọ yé na sudeji dile yé ko nọ sudeji do. ⁹Podọ le yẹn tlẹ do yé do gbẹtọ lẹ ṣẹnṣẹn sọ, yé na nọ flin mi to otò dindẹndindẹn lẹ mẹ: Yé bo na sọ nọnọ̀ ovi yetọn lẹ de, bo na sọ lẹ́gọ̀. ¹⁰Yẹn na sọ vọ́ yé hẹnwá ga sọn aigba Egipti tọn mẹ, bo sọ ṣinyan yé sọn Asilia mẹ pli; yẹn bo na sọ hẹn yé wá biọ aigba Gileadi po Lẹbanọni po tọn mẹ; podọ otẹn ma na sọ yin mimọ na yé gba ¹¹Ewọ bo na sọ gbọn ohù nukunbia tọn mẹ yì, bo na họ̀ ohù agbowhẹn lẹ tọn, podọ odògbo Nile tọn lẹpo wẹ na hú: yè bo na sọ hẹn osakla Asilia tọn jẹte wá, ogánpò Egipti tọn na sọ fọ́nyì sẹ̀. ¹²Yẹn bo na sọ nahuhlọn yé to OKLUNỌ mẹ; yé bo na sọ to zọnlinzin hẹji podọ jẹte to oyín etọn mẹ, wẹ OKLUNỌ dọ.

¹LẸBANONI È, hùn ohòn towe lẹ, na miyọn nido và kedali towe lẹ súdo. ²Atin fili È, dohùkúhlu, na yè hẹn kedali hó, na yè hẹn yé gigonọ lẹ gble wutu: mì dohukùhlu, mì oaki Baṣani tọn emi, na yè hẹn zùnkan dòkọnọ lọ jẹte wá. ³Ogbè hukuhludido lẹngbọhótọ lẹ tọn tọn de na yè hẹn gigo yetọn gble: ogbè lìli kinnikinni ovú lẹ tọn tọn de na yè hẹn osakla Jọdani tọn gble. ⁴Le wẹ OKLUNỌ Jiwheyẹwhe ṣie dọ: Yìn lẹngbọpa hùhù tọn lọ; ⁵Hihọ́tọ mẹhetọn hù yé, bo ma sọ hia yéde na whẹ̀ylantọ gba; podọ yé he sà yé dọmọ, Donanọ OKLUNỌ ni yín, na adọkunnọ wẹ yẹn: podọ lẹngbọhótọ lọ ma sọ blawuna yé gba. ⁶Na yẹn ma to na sọ blawuna tòmẹnu aigba lọ lẹ tọn ba gba, wẹ OKLUNỌ dọ: ṣigba, pọ́n, yẹn na jó gbẹtọ lẹ omẹ dopodopo do alọ kọmẹnu etọn tọn mẹ, podọ do alọ ahọlu etọn tọn mẹ: yé bo na sọ hò aigba lọ, podọ yẹn ma to na sọ whlẹn yé sọn alọ yetọn mẹ gba. ⁷Mọ wẹ yẹn yìn lẹngbọpa hùhù tọn lọ, nugbo otapònọ sọn lẹngbọ lẹ mẹ petepete. Yẹn bo sọ yí opò awe hlan dẽ; yẹn ylọ ode dọ Whànpẹ, bo sọ ylọ awetọ dọ Homẹbla lẹ; yẹn bo sọ to lẹngbọpa lẹ yìn. ⁸Yẹn sọ sán lẹngbọhótọ atọ̀n lẹ sẹ́ to osùn dopo mẹ; na alindọn ṣie yín gbẹ́donọ na yé, podọ alindọn yetọn ga sọ gbẹ́na mi. ⁹Whenẹnu wẹ yẹn dọmọ, Yẹn ma na yìn mì gba: dọ ehe to kúkú, gbọ é ni kú; podọ enẹ he yè hẹnbu, gbọ é ni yín hinhẹnbu; bo sọ gbọ yé he yè jódai ni dù omẹ dopodopo agbasalan mẹawetọ tọn. ¹⁰Yẹn bo sọ zé opò sie Whánpẹ, bo sán ẹn doawe, na yẹn nido gbà alẹ̀nù ṣie he yẹn ko basi po gbẹtọ ewlẹ lẹpo po. ¹¹E bo sọ yín wìnwẹ́n to azán nẹ gbè: bọ otapònọ lẹngbọ lẹ tọn petepete he yí ayìhapa jẹ dè lẹ yọnẹn dọ ohọ́ OKLUNỌ tọn wẹ. ¹²Yẹn sọ dọ hlan yé dọ, Eyín mì lẹn dagbe, mì na opàkakuẹ ṣie mi; podọ eyín lala, mì bo gbọ̀. Mọ wẹ yé jlẹ owọwó fataka tọn ogbàn na opàkakuẹ ṣie. ¹³OKLUNỌ sọ dọ hlan mi dọ, Zé e dlan hlan zẹ́ndotọ lọ, osọha dagbedagbe he ji yè dèahina mi do sọn yé de. Yẹn sọ yí owọwọ́ fataka tọn ogbàn lọ, bo zé e dlan hlan zéndotọ lọ to ohọ̀ OKLUNỌ tọn mẹ. ¹⁴Whenẹnu wẹ yẹn sọ sán opò ṣie awetọ doawe, yèdọ Homẹbla lẹ, na yẹn nido sán nọvinú lọ to Juda po Islaeli po ṣẹnṣẹn.

¹⁵OKLUNỌ sọ dọ hlàn mi dọ, Sọ gbẹ́ vọ́ yí hlan we núzinzán lẹngbọhótọ oklenọ de tọn lẹ. ¹⁶Na, pọ́n, yẹn na fọ́n lẹngbọhótọ de daga to aigba lọ mẹ, he ma na bú enẹlẹ he yín hinhẹnbu, mọ ma na sọ din ovú he yè vúnvún lẹ, mọ ma na so hẹnazọ̀ngbọna enẹ he yè gbà; mọ é ma sọ to na yìn enẹ he ṣite, ṣigba ewọ na dù agbasalan ehe dojó tọn, bo na sọ tlẹn ofèn yetọn lẹ hanyanhanyan. ¹⁷Dindọn hlan lẹngbọhótọ mẹvọnu lọ he jó lẹngbọpa lọ dai ohi lọ na tin to awà etọn ji, podọ to nukun adusi etọn ji: awà etọn yè na hẹn hú háyóháyó, podọ nukun adusi etọn wẹ yè na sọ hẹn dozinvlu gbidigbidi.

¹OZỌNJI ohó OKLUNỌ tọn tọn lọ gbọn Islaeli tọn dali. Le wẹ OKLUNỌ dọ, he dlẹn olọn lẹ jẹgbonu, bo do dòdonu aigba tọn ai, bo sọ do gbigbọ gbẹtọ tọn to ewọ homẹ: ²Dayi e go, yẹn na hẹn Jelusalẹm zùn kọfo samùmù tọn de hlan gbẹtọ lẹpo lẹ́do pé, podọ do Juda ji ga we é na flẹ je nado yín oglọndo do Jelusalẹm ji. ³E na sọ wá jọ to azán nẹ gbè, wẹ yẹn na hẹn Jelusalẹm zùn zannu pẹ́nagbàn de na gbẹtọ lẹpo; yé he yí i do pẹ̀nagbàn yéde na yín awugblenọ badabada; podọ akọta aigba tọn lẹpo wẹ yè na dọnpli dopọ do e ji. ⁴To azán nẹ gbè, wẹ OKLUNỌ dọ, Yẹn na yí awujiji no bo osé dopodopo, podọ hihẹ́tọ etọn po onúlu po: Yẹn na sọ hùn nukun ṣie lẹ do owhé Juda tọn ji, bo na sọ yí nukuntọ́n do hò osó gbẹtọ lẹ tọn dopodopo. ⁵Gbèdètọ Juda tọn lẹ na sọ dọ to ayiha yetọn mẹ dọ, Tòmenu Jelusalẹm tọn lẹ wẹ huhlọn ṣie to OKLUNỌ awhànpa lẹ tọn mẹ Jiwheyẹwhe yetọn ⁶To azán nẹ gbè we yẹn na basi gbedetọ Juda tọn lẹ taidi pànu miyọn tọn de to atin ṣẹnṣẹn podo taidi zòwhan miyọn tọn de to odi lẹ ṣẹnṣẹn; yé bo na sọ dù gbẹtọ lẹpo và lẹdo pe, to alọ adusi go podọ to amiọn go: Jelusalẹm bo na gbẹ́ sọ vọnọ̀ otẹn etọn titi mẹ, yèdọ to Jelusalẹm mẹ. ⁷OKLUNỌ ga na whlẹn gohọ̀ Juda tọn lẹ whẹ́, na gigo owhe Davidi tọn tọn po gigo tòmẹnu Jelusalẹm tọn ton po yín yínjlana hugán to Juda ji blo. ⁸Azán nẹ me wẹ OKLUNỌ na glonawhanna tomẹnu Jelusalẹm tọn lẹ; podọ ewọ he dabli to yé ṣẹnṣẹn to azán nẹ gbè na tin di Davidi; owhé Davidi tọn na sọ tin di Jiwheyẹwhe, di angẹli OKLUNỌ tọn to yé nukọn. ⁹E na sọ wá jọ to azán nẹ mẹ, wẹ yẹn na din nado hù akota he wá Jelusalẹm ji lẹpo súdo. ¹⁰Yẹn bo na sọ kọ̀n gbigbọ ojọmiọn tọn po ovọ́ tọn po do owhe Davidi tọn ji, podọ do tomẹnu Jelusalẹm tọn lẹ ji, yé bo na sọ nọ pọ́n hlan ewọ mẹhe ye ko sọwhán: yé bo na sọ blawu na ewọ dile mẹde nọ blawu na visunnu etọn dopoakàn do, bo na sọ tin to ovivẹ́ mẹ na ewọ, di omẹ he tin to ovivẹ́ mẹ de na oplọnji eton. ¹¹Azán nẹ mẹ wẹ awubla daho de na tin fine to Jelusalẹm mẹ, di awubla Hadadlimọni tọn to agbàdo Mẹgidọni tọn mẹ. ¹²Podọ aigba lọ na blawu, whédo dopodopo võvo; whédo owhé Davidi tọn tọn võvo, podọ asi yetọn lẹ võvo; whédo owhé Natanì tọn tọn võvo, podọ asi yetọn lẹ võvo; ¹³whédo owhé Levi tọn tọn võvo, podọ asi yetọn lẹ võvo; whédo Simeinu lẹ tọn võvo, podọ asi yetọn lẹ võvo; ¹⁴whédo he pò lepo, whédo dopodopo võvo, podọ asi yetọn lẹ võvo.

¹AZÁN nẹ mẹ finẹ wẹ asisanuvo de na yín hùnhùn hlan owhé Davidi tọn podọ hlan tòmẹnu Jelusalẹm tọn lẹ, na ylando podọ na mawé. ²E na so wá jọ to azán nẹ mẹ, OKLUNỌ awhanpa lẹ tọn dọ, wẹ yẹn na sán oyín vodun lẹ tọn lẹ sẹ́ sọn aigba lọ mẹ, podọ yé ma na sọ yín finflin gbède ba: podọ yẹn na sọ hẹn yẹwhegán le po gbigbọ mawé lọ po nado ju yì sọn aigba lọ mẹ ga. ³E na sọ wá jọ do, whenuena mẹde na gbẹ́ sọ dọdọdai, whenẹnu wẹ otọ̀ etọn po onọ etọn he dè ewọ tọn po na dọ hlan ẹn dọ, Hiẹ ma na nọgbẹ́ gba; na hie dọhó olalo lẹ to oyin OKLUNỌ tọn mẹ: podọ otọ́ etọn po onọ etọn he dè ewọ tọn po na sọnu in luntọ́n whenuena ewọ to dọdaidọ. ⁴E na sọ wa jọ to azán nẹ mẹ, wẹ yè na hẹn yẹwhegan lẹ lọ mọwinyan omẹ dopodopo numimọ etọn tọn, whenuena ewọ to dọdaidọ; mọ yé ma to na do awu ofunnọ nado klọmẹ gba: ⁵ṣigba é na dọmọ, Yẹn ma yín yẹwhegán gba, pipo tọ aigba tọn de wẹ yẹn; na yè ko hẹn mi yín mẹmẹglọ sọn vúwhenu ṣie. ⁶Ome de bo na sọ dọ hlan ẹn dọ, Etẹ́ alan helẹ to alo towe lẹ ṣẹnṣẹn yin? Whenẹnu wẹ ẹwo na gblọn dọ, Enẹle he yè yi do doalan mi to owhé wanyinọ ṣie lẹ tọn gbé.

⁷Ohi È, fọ́n, do lẹngbọhótọ ṣie ji, podọ do omẹ he yín ohatọ ṣie lọ ji, wẹ OKLUNỌ awhànpa lẹ tọn dọ: ho lẹngbọhótọ lo, lẹngbọ lẹ bo na sọ yín vúnvunvúnvún; yẹn bo na sọ diọ alọ ṣie do omẹ finfin lẹ ji. ⁸E na sọ wá jọ, dọ to aigba lẹpo mẹ, we OKLUNỌ dọ, ada awe to e mẹ na yín sinsan sẹ̀, bo sọ kú; ṣigba atọ̀ntọ na yín jijódai do e mẹ ⁹Podọ yẹn na sọ hẹn ada atọ̀ntọ lọ gbọn miyọn mẹ wá, bo na kọn ye dile yè nọ kọn fataka do, bo na sọ whle ye pon dile ye nọ whle sika pọ́n do: Ye na nọ ylọ oyín ṣie, yẹn bo na sọ sè yé: Yẹn na dọmọ, Omẹ ṣie lẹ wẹ yé; yewlẹ bo na sọ dọmọ, OKLUNỌ lọ wẹ Jiwheyẹwhe mitọn.

¹DAYI e go, azán OKLUNỌ tọn de ja, whenuena ogblannú towe ne yín mimá to gblagbla hiẹ tọn mẹ. ²Na yẹn na bẹ́ akọta lẹ pli do Jelusalẹm ji hlan awhàn; podọ todaho lọ na sọ yín yíyí, podọ owhe lẹ gbigbà, podọ yọnnusi lẹ piplọyì: podọ oda todaho lọ tọn na jẹgbonu yì biọ mẹmẹglọ mẹ, podọ pipotọ gbẹtọ lẹ tọn ma na yín sinsán sẹ sọn todaho lọ mẹ gba. ³Whenẹnu wẹ OKLUNỌ na jẹgbonu yì, bo hoavùn hẹ akọta nẹlẹ, di whenuena é to avùnho to azán awhan tọn lẹ mẹ. ⁴To azán nẹ gbè wẹ afọ etọn lẹ na ṣite to oso Olivieli tọn lẹ ji, he tin to Jelusalẹm nukọn to whèzẹtẹn ji, podọ osé Olivieli tọn le na zẹ́dawe to gblagbla etọn mẹ hlan whezẹntẹn ji dali podọ hlan whèyihọ ji dali, agbàdo daho talala de na sọ tin fine; odá osé lọ tọn na diọtẹn hlan agéwaji dali, podọ odá e tọn hlan hùwaji dali. ⁵Mìwlẹ bo na sọ họ̀nyì jẹ agbado osé lẹ lọ tọn kọ̀n; na agbàdo oso lẹ lọ tọn na yì je Azeli: mọwẹ, mì na họ̀nyì, taidi le mì họnyì sọn aigbawhimwhan lọ nukọn do to azàn Uzia ahọiu Juda tọn tọn lẹ me: podọ OKLUNỌ Jiwheyẹwhe ṣie na wá, po omẹ wiwe etọn lẹpo po to e de. ⁶E na sọ wá jọ to azán nẹ gbè, wẹ hinhọ́n ma na tin finẹ, ome sisẹ́nọ lẹ na nọ dọ́n yede dopọ. ⁷Ṣigba é na yín azán dopo he yín yinyọnẹn hlan OKLUNỌ; okle ma gba, ozán ma gba: ṣigba é na wá jọ, dọ hinhọ́n na tin finẹ to whejai jlẹme. ⁸E na sọ wá jọ to azán nẹ mẹ, wẹ osìn gbẹ́nọ lẹ na jẹgbonu yì sọn Jelusalẹm mẹ; odá ye tọn hlan ohù whèzẹtẹn ji tọn dali, podọ odá yé tọn hlan ohù whèyihọ ji tọn dali: alunlun mẹ po afo mẹ po wẹ é na tin ⁹OKLUNỌ bo na sọ yín ahọlu to aigba lẹpo ta: to azán nẹ mẹ wẹ OKLUNỌ na yin dopo, podọ oyin etọn dopo ¹⁰Aigba lẹpo na sọ yin didiọ di Álaba, sọn Geba mẹ jẹ Limọni huwaji Jelusalẹm tọn; ewọ na sọ yín zizédaga, bo na sọ nọ nò otẹn etọn mẹ, son hòngbo Bẹnjamini tọn ji jẹ oten hongbo tintan tọn mẹ, jẹ hòngbo lọnglonenme podọ sọn atọ̀họ Hananẹli tọn mẹ jẹ vẹ̃nfinyọntẹn ahọlu tọn le. ¹¹Gbẹtọ lẹ na sọ nọ nò e mẹ, podọ dẹ̀hodo ma na sọ tin finẹ ba; ṣigba Jelusalẹm na nọ nọ́ blẹo. ¹²Podọ ehe na sọ yín azọ̀nylankan he OKLUNỌ na do ho gbẹtọ he ko funawhàn hẹ Jelusalẹm lepo: agbasalan yetọn na dùsúdo sẹ́ whenuena ye site to afọ yeton lẹ ji, podọ nukun yetọn lẹ na sọ dùsúdo sẹ́ to oslo yetọn le mẹ, podọ odẹ́ yetọn na sọ dùsúdo sẹ́ to onù yetọn mẹ ¹³E na sọ wa jọ to azán nẹ mẹ, wẹ gbigbàdo daho de sọn OKLUNỌ de na tin to yé ṣẹnṣẹn; yé na sọ hẹn omẹ dopodopo alọ kọmẹnu etọn tọn go, alọ etọn na sọ fọ́n daga do alọ komẹnu etọn tọn ji. ¹⁴Juda ga na sọ hoavùn to Jelusalẹm; podọ adọkunnú akọta lẹpo tọn lẹ́do pé na sọ yín bibépli dopọ, sika, po fataka po, po avọ̀ po, to susu daho mẹ. ¹⁵Mọ wẹ azọ̀nylankan osọ́ lọ tọn te, otlo tọn, kanklosó-póawenọ tọn, po kẹtẹkẹtẹ tọn po, po kanlin lẹpo tọn po he na tin to osla nẹlẹ mẹ, di azọ̀nylankan he. ¹⁶E na sọ wá jọ, dọ omẹ dopodopo he yè na jódai sọn akọta he wa Jelusalẹm ji lẹpo mẹ, na nọ hẹji yì sọn owhè mẹ jẹ owhè mẹ nado litaina Ahọlu lọ, OKLUNỌ awhànpa lẹ tọn, podọ nado nọ payi ohùnwhé gohọtúntún lẹ tọn go. ¹⁷E na sọ yín, dọ mẹdepope sọn whédo aigba tọn lẹpo mẹ he ma hẹji yì jẹ Jelusalẹm nado litaina Ahọlu lọ, OKLUNỌ awhànpa lẹ tọn, jikun ma na tin yé ji to finẹ gba. ¹⁸Podọ eyín whédo Egipti tọn ma hẹji yì, bo ma sọ wá gba, yé ji wẹ azònylankan lọ na te, ehe OKLUNỌ na do ho akọta he ma hẹji yì nado payi ohùnwhó gohọ̀túntún lẹ tọn go. ¹⁹Ehe wẹ na sọ yín ylando Egipti tọn, podọ ylando akọta lẹpo tọn he ma hẹji yì nado payi ohunwhẹ̀ gohọ̀túntún lẹ tọn lo go. ²⁰To azán nẹ mẹ wẹ Wiwe Hlan OKLUNỌ na tin finẹ to azà osé lẹ tọn lẹ go; podọ ozẹ́n lẹ to ohọ̀ OKLUNỌ tọn mẹ na tin taidi òtò lẹ to agbà lọ nukọn. ²¹Mowẹ, ozẹ́n lẹpo to Jelusalẹm mẹ podọ to Juda mẹ na yín wiwe hlan OKLUNỌ awhànpa lẹ tọn: bọ yé he to avọ́sán lẹpo na wá bo dè sọn yé mẹ, bo nọ soakusìn to yé mẹ: podọ to azán nẹ mẹ Kananinu de ma na sọ tin to ohó OKLUNỌ awhànpa lẹ tọn tọn mẹ finẹ ba.