1OHÓ Nehemia visunnu Hakalia tọn lọ lẹ. Dinvie é wá jọ to osùn Kislẹvi mẹ, to owhè okotọ mẹ, le yẹn tin to Susani ohọ̀nmẹ lọ mẹ, 2wẹ Hanani, dopo sọn mẹmẹsunnu lẹ mẹ, wá, ewọ po dawe dẽlẹ po sọn Juda; yen sọ kanbiọ yé gbọn Ju he ko hòngán lẹ lọ tọn dali, he yè pòdai sọn mẹglọnọ lẹ lọ mẹ, podọ gbọn Jelusalẹm tọn dali. 3Yé sọ dọ hlan mi dọmọ, Pipòtọ he yè pòdai sọn mẹglọnọ mẹ finẹ lẹ to ogbeta lọ mẹ tin to nukunbia daho po ovlẹ po mẹ: yè ko họ́ adó Jelusalẹm tọn liai ga, yè sọ yí miyọn do mẹ̀ họ̀ngbo etọn lẹ. 4E sọ wá jọ, whenuena yẹn sè ohó helè, wẹ yẹn sinai bo viavi, bo sọ blawu azán sọhade; yẹn blanù bo sọ hodẹ̀ to Jiwheyẹwhe olon tọn nukọn, 5Bo dọmọ, OKLUNỌ E, Jiwheyẹwhe olọn tọn, Jiwheyẹwhe daho he dobu lọ, he nọ payi alẹ̀nù po lẹblanu po go to yé he yiwanna ẹn bo sọ nọ payi gbèdide etọn lẹ go, yẹn vẹ̀ we; 6gbọ otó towe dinvie ni yín tùntùnai, po nukun towe lẹ po hùnhùn, na hiẹ nido tuntóai hlan odẹ̀ mẹmẹsi towe tọn, he yẹn to hihò to nukọn towe to ojlẹ he mẹ, to okle po ozán po, na ovi Islaeli mẹmẹsi towe tọn lẹ, whenuena yẹn to gbèyína ylando ovi Islaeli tọn lẹ tọn lọ, he mí ko do wàylando do we: nugbo, yẹn po owhé otọ́ ṣie tọn po ko wàylando 7Mìwlẹ ko yí gbigble susu do zán hẹ we, bo ma ko payi gbèdide lọ lẹ go gba, kavi osẹ́ndoai le, kavi whẹ̀dida lẹ, he hiẹ degbèna Moṣe mẹmẹsi towe. 8Yẹn vẹ̀ we, flin ohó he hiẹ degbèna Moṣe mẹmẹsi towe, dọmọ, Eyín mìwlẹ wàylando, yẹn na vúnvún mì pé akọta lẹ ṣẹnṣẹn: 9ṣigba eyín mì sọ diọkọ hlan dè, bo sọ payi gbèdide ṣie lẹ go, bo sọ basi yé, eyín zéyìngbé mítọn lẹ tlẹ yín to opòdopatapata adà olọn lọ tọn ji, gãnṣo yẹn na ṣinyan yé sọn finẹ, bo na sọ hẹn yé wá jẹ otẹn lọ mẹ he yẹn ko dè nado hẹn oyín ṣie nado nọ nọ̀ finẹ 10Dinvie ehelẹ wẹ mẹmẹsi towe lẹ po gbẹtọ towe lẹ po, mẹhe hiẹ ko fli gbọn huhlọn towe daho dali, podọ gbọn alọ huhlọnnọ towe dali. 11OKLUNỌ E, yẹn vẹ̀ we, gbọ otó towe ni yín tùntùnai hlan odẹ̀ mẹmẹsi towe tọn lọ, podọ hlan odẹ̀ mẹmẹsi towe lẹ tọn, mẹhe hùnhomẹ nado dibusi oyín towe: hẹn mẹmẹsi towe duale, to azán he gbè, yẹn vẹ̀ we, bo na lẹblanu hlan ẹn to nukun dawe he tọn mẹ. (Dinvie kọfohẹntọ wẹ yẹn to ahọlu lọ de.)
21E sọ wá jọ to osùn Nisani mẹ, to owhè òkotọ Altakẹlikesi ahọlu lọ tọn mẹ, whenuena ovẹ̃n tin to nukọn nẹ̃, wẹ yẹn zé ovẹ̃n lọ daga, bo na ẹn hlan ahọlu lọ. Dinvie yẹn ma ko yín nukunmẹylọntọ to nukọn etọn dai gbède, 2Ahọlu lọ sọ dọ hlan mi dọmọ, Etẹwutu wẹ nukunmẹ towe yín yìnylan, mimọ hiẹ ma yín awutunọ? ehe ma yín onú dèvo de adavo awubla ayiha tọn. Whenẹnu wẹ yẹn yín avosatọ badabada. 3Yẹn sọ dọ hlan ahọlu dọmọ, Gbọ ahọlu ni togbẹ̀ doidoi: etẹwutu wẹ nukunmẹ ṣie ma na do yín yìnylan, whenuena tòdaho lọ, otẹn oyọ̀whé otọ́ ṣie lẹ tọn lẹ tọn mlọnai jẹvó, bọ yè sọ yí miyọn do fiọ họ̀ngbo etọn lẹ? 4Whenẹnu wẹ ahọlu lọ dọ hlan mi dọmọ, Eté wẹ hiẹ basi okanbiọ na? Mowẹ yẹn hodẹ́ hlan Jiwheyẹwhe olọn tọn lọ. 5Yẹn sọ dọ hlan ahọlu dọmọ, Eyín é hùnhomẹ ahọlu lọ, podọ eyín mẹmẹsi towe ko mọ nukundagbe to nukun towe mẹ, bọ hiẹ na do do mi hlan jẹ Juda, jẹ tòdaho oyọ̀whé otọ́ ṣie lẹ tọn lẹ mẹ, na yẹn nido dó e. 6Ahọlu lọ sọ dọ hlan mi dọmọ, (ahọsi lọ ga sinai to e de,) Na dẹ́n sọ na wẹ gbéjizọnlin towe na yín? podọ whetẹnu wẹ hiẹ na lẹ́gọ̀? Mọwẹ é hùnhomẹ ahọlu lọ nado do mi hlan; yẹn sọ do ojlẹ de nẹ̃. 7Humọ yen sọ dọ hlan ahọlu lọ dọmọ, Eyín é hùnhomẹ ahọlu, gbọ yè ni na ohówé lẹ mi hlan otògán lẹ to otò gododọ̃n, na yé nido gbọ yẹn nido jù yì kaka yẹn do wá jẹ Juda; 8podọ ohówé de hlan Asafi hihọtọ zùnkan ahọlu lọ tọn tọn, na é nido na whlẹlidemẹ mi nado basi atingbobli lẹ na hòngbo whéhla lọ tọn lẹ he yín ohò lọ tọn, podọ na adó tòdaho lọ tọn, podọ na ohò he mẹ yẹn na biọ lọ. Ahọlu sọ na hlan mi kẹdẹdi alọ dagbe Jiwheyẹwhe ṣie tọn to oji e. 9Whenẹnu wẹ yẹn wá jẹ otògán lẹ lọ de to otọ́ gododọ̃n, bo yí ohówé ahọlu lọ tọn lẹ na yé. Dinvie ahọlu lọ ko do awhàngán awhànfuntọ lọ tọn lẹ po osónọ lẹ po hlan gọ́na mi. 10Whenuena Sanbalati Holoninu lọ, po Tobia mẹmẹsi, Ámmọmnu lọ po, sè linlin e tọn, é doadihomẹna yé gbahugbahu, na dọ yè hẹn omẹ de wá finẹ nado din jijọho ovi Islaeli tọn lẹ tọn. 11Mowẹ yẹn wá jẹ Jelusalẹm, bo sọ tin finẹ azán atón. 12Yẹn sọ tite to ozán lọ mẹ, yẹn po omẹ vude dẽlẹ po gọ́na mi; mọ yẹn ma sọ dọ na omẹ depope núhe Jiwheyẹwhe ṣie yí do ayiha ṣie mẹ nado wà na Jelusalẹm: mọ okanlin depope ma tin to dẽ, adavo okanlin he ji yẹn hó lọ. 13Yẹn sọ tọ́n yì to ozán lọ mẹ gbọn họ̀ngbo lọ gbàdomẹ, yèdọ hlan odòtọ odànawanọ lọ tọn kọ̀n, podọ jẹ họ́ngbo agbóji tọn lọ kọ́n, bọ yẹnpón adó Jelusalẹm tọn lọ lọ, he yè ko gbà liai, yè ko sọ yí miyọn do fiọ họ́ngbo etọn lẹ. 14Whenẹnu wẹ yẹn to yìyì jẹ asisa họ́ngboji podọ jẹ otándò ahọlu tọn lọ kọ̀n: ṣigba otẹn de ma tin na okanlin he tin to oglọ ṣie nado gbọnyì. 15Whenẹnu wẹ yẹn hẹji yì to ozán lọ mẹ gbọn tópẹṣẹ lọ dali, bo sọ yinpón adó lọ; yẹn sọ gọ̀do godo, bo gbọn agbadò họ́ngboji lọ biọwhégbè, bo sọ légó mọ. 16Ogán lẹ ma yón fie yẹn yì, kavi núhe yẹn ko wà gba: mọ yẹn ma tlẹ ko dọ ẹ hlan Ju lẹ lọ gba, kavi hlan yẹwhenọ lẹ, kavi hlan mẹgbògbo lẹ, kavi hlan ogán lẹ, kavi hlan pipòtọ he wàzọ́n lọ lẹ. 17Whenẹnu wẹ yẹn dọ hlan yé dọmọ, Mìwlẹ mọ homẹgblenu ylanylan he mẹ mìwlẹ te, le Jelusalẹm mlọnai jẹvọ́ do, bọ yè yí miyọn do fiọ hòngbo etọn lẹ: mì wá bo gbọ mí ni dó adó Jelusalẹm tọn yìaga, na mí sọ yín ovlẹ de ba blo. 18Yẹn sọ dọ alọ Jiwheyẹwhe ṣie tọn he yín dagbe to oji na ye, podọ sọn ohó ahọlu tọn lẹ mẹ ga he é ko dọ hlan mi. Yé sọ dọmọ, Mì gbọ mi ni fọ́n tite bo to didó. Mowẹ yé nahuhlọn alọ yetọn lẹ na azọ́n dagbe lọ. 19Ṣigba whenuena Sanbalati Holoninu lọ, po Tobia mẹmẹsi Ammọninu lọ po, po Gesẹmi Alabianu lọ po, sè e, yé sàn mí kò, bo sọ vlẹ mi, bo dọmọ, Eté wẹ onú he mìwlẹ to wiwà he? mìwlẹ na ṣiatẹ hẹ ahọlu lọ wẹ? 20Whenẹnu wẹ yẹn gblọnna yé, bo dọ hlan yé dọmọ, Jiwheyẹwhe olọn tọn, ewọ na donukunda gbehia mí; enẹwutu mí mẹmẹsi etọn lẹ na tite bo to didó: ṣigba mìwlẹ ma tindo mimá de, kavi ojlọjẹ, kavi nuflinnú, to Jelusalẹm mẹ gba.
31WHENẸNU wẹ Eliasibi ogán yẹwhenọ lọ tite po mẹmẹsunnu etọn yẹwhenọ lẹ po, yé sọ dó lẹngbọ họ́ngboji lọ; yé lẹ́ ẹ wé, bo zé ohọ̀n etọn lẹ daga; yèdọ jẹ atọ̀họ̀ Hammea tọn kọ̀n wẹ yé lẹ́ ẹ wé, jẹ atọ̀họ̀ Hananẹli tọn kọ́n. 2Awetọsẹpọ́ e de wẹ omẹ Jẹliko tọn lẹ dó. Podọ awetọ to yé de wẹ Zakuli visunnu Imli tọn lọ dó. 3Whèvi hóngboji lọ wẹ visunnu Hassenaa tọn lẹ dó; yé dó whlẹlidemẹ etọn lẹ, bo sọ zé ohòn etọn lẹ dote, sẹ́hlo etọn lẹ, po họ̀nglatin etọn lẹ po. 4Podọ awetọsẹpọ́ yé de wẹ Melẹmọti visunnu Ulia tọn lọ, visunnu Hakozi tọn lọ jlado. Awetọsẹpọ́ yé de wẹ Mẹṣulami visunnu Belekia tọn lọ, visunnu Meṣẹzabeli tọn lọ jlado. Podọ awetọsẹpọ́ yé de wẹ Zadọki visunnu Baana tọn lọ jlado. 5Podọ awetọsẹpọ́ yé de wẹ Tekoinu lọ lọ jlado; aigba mẹgbõgbo yetọn lẹ ma yí okò yetọn lẹ hlan azọ́n klunọ yetọn tọn gba. 6Họ́ngbo hóhó lọ wẹ Joiada visunnu Pasea po Mesulami po tọn visunnu Besodeia tọn lọ jlado, yé sọ do whlẹlidemẹ etọn lẹ, bo sọ zé ohọ́n etọn lẹ dote, po sẹ́hlo etọn lẹ po, po họ̀nglatin etọn lẹ po. 7Awetọsẹpọ́ yé de wẹ Mẹlatia Gibeọninu lọ, po Jadoni Mẹlonọtinu lọ po, omẹ Gibeọni tọn lẹ, po Mizpa tọn lẹ po, jlado, he yín ofìn otògán lọ tọn to otọ́ gododọ̃n. 8Awetọsẹpọ́ e de wẹ Uziẹli visunnu Halhaia tọn, sikayawàtọ lẹ lọ, jlado. Podọ awetọsẹpọ́ e de wẹ Hanania dopo sọn anàhọ̀tọ lẹ mẹ jlado, yé sọ li Jelusalẹm yèdọ jẹ adó gbigblo lọ kòn. 9Podọ awetọsẹpọ́ fie wẹ Lefaia visunnu Huli tọn lọ, ogán odá awlomẹ Jelusalẹm tọn lọ tọn jlado. 10Awetọsẹpọ́ yé wẹ Jedaia visunnu Halumafi tọn lọ jlado, yèdọ pannukọn owhé etọn. Podọ awetọsẹpọ́ e de wẹ Hatusi visunnu Hasabneia tọn lọ jlado. 11Malkija visunnu Halimi tọn lọ, po Hasubi visunnu Pahati-moabi tọn lọ po, jla mimá devo do, po atòhò ozòhó lẹ lọ tọn po. 12Podọ awetọsẹpọ́ e de wẹ Ẹalumi visunnu Halohẹsi tọn lọ, ogán odá owlomẹ Jelusalẹm tọn lọ tọn, ewọ po viyọnnu etọn lẹ po jlado. 13Agbadòmẹ hóngboji wẹ Hanuni, po tòmẹnu Zanoa tọn lẹ po jlado; yé dó e, bo sọ zé ohọ́n etọn lẹ dote, sẹ́hlo etọn, po họ̀nglatin etọn lẹ po, awàgbà fọtọ́n sọn adó lọ go jẹ ogbó họ́ngboji lọ. 14Ogbó họ́ngboji lọ wẹ Malkija visunnu Lekabi tọn lọ, ogán awlomẹ Beti-hakelẹmi tọn lọ tọn jlado; é dó e, bo sọ zé ohọ̀n etọn lẹ dote, sẹ́hlo etọn lẹ, po họ̀nglatin etọn lẹ po. 15Po asisa hóngboji lọ po wẹ Ṣalumi visunnu Kọli-hozẹ tọn lọ, ogán awlomẹ Mizpa tọn lọ tọn jlado; é dó e, bo sọ ṣinyọnnúdo e, bo zé ohọ̀n etọn lẹ dote, sẹ́hlo etọn lẹ, po họ̀nglatin etọn lọ po, po adó otándò Ṣela tọn tọn po to ojipa ahọlu lọ tọn dali, yèdọ jẹ agahẹ́nú he jẹte jei sọn tòdaho Davidi tọn mẹ 16To ewọ godo wẹ Nẹhemia visunnu Azbuki tọn lọ, ogán odá owlomẹ Bẹti-zuli tọn tọn lọ jlado jẹ otẹn he pannukọn oyọ́whé Davidi tọn lẹ podọ jẹ otándò he yè basi lọ kòn, podọ jẹ owhé omẹ hlọnhlọnnọ lẹ tọn kòn. 17Ewọ godo wẹ Levinu lọ lọ, Lẹhumi visunnu Bani tọn jlado. Awetọsẹpọ́ e de wẹ Hasabia, ogán odá awlomẹ Keila tọn tọn lọ jlado na awlomẹ etọn. 18Ewọ godo wẹ mẹmẹsunnu yetọn lẹ jlado, Bawai visunnu Henadadi tọn, ogán odá awlomẹ Keila tọn tọn lọ. 19Awetọsẹpọ́ e de wẹ Ezeli visunnu Jeṣua tọn, ogán Mizpa tọn jlado, mimá devo, pannukọn jihẹ́ jei jẹ ohọ̀ awhàngbaja tọn go to kọ̀hiha adó lọ tọn 20Ewọ godo Baluki visunnu Zabbai tọn yí sọwhiwhe do jla mimá devo do, sọn kóhiha adó lọ tọn jẹ ohọ̀n owhé Eliasibi ogán yẹwhenọ lọ tọn kọ̀n. 21Ewọ godo wẹ Mẹlẹmoti visunnu Ulia tọn lọ visunnu Hakọzi tọn lọ jla mimá devo do, sọn ohọ̀n owhé Eliasibi tọn kọ́n yèdọ jẹ opòdo owhé Eliasibi tọn tọn. 22To ewọ godo wẹ yẹwhenọ lẹ jlado, omẹ Danfafaji tọn lẹ. 23To yé godo wẹ Bẹnjamini po Haṣubi po jlado pannukọn owhé yetọn. To yé godo wẹ Azalia visunnu Maaseia tọn visunnu Anania tọn lọ jlado gọ́na owhé etọn titi. 24To ewọ godo wẹ Binnui visunnu Henadadi tọn jla mimá awetọ do, sọn ohó Azalia tọn kòn jẹ kòhiha adó tọn lọ, podọ jẹ lọnglọnẹnmẹ. 25Palali visunnu Uzai tọn jlado pannukọn kọ̀hiha adó tọn lọ, po atọ̀họ̀ he nọte tọ́n sọn ohọ̀ agatọn ahọlu tọn lọ, he tin to akànmaho ahọluwhàn tọn lọ dali. To ewọ godo wẹ Pedaia visunnu Palosi tọn jlado. 26(Dinvie Nẹtinimi lẹ nọ nó Ofẹli mẹ jẹ otẹn pànnukọn osìn họ́ngboji hlan whèzẹtẹn dali po atọ̀họ̀ lọ he nọte tọ́n po.) 27To ewọ godo wẹ Tekoinu lẹ jla mimá dèvo do, pànnukọn atọ̀họ̀ daho lọ he nọte tọ́n, podọ jẹ adó Ofẹli tọn kọ́n. 28To osé lọ họ́ngboji aga wẹ yẹwhenọ lẹ jlado, omẹ dopodopo pànnukọn owhé etọn titi. 29To yé godo wẹ Zadọki visunnu Immeli tọn jlado pànnukọn owhé etọn titi. Podọ to ewọ godo wẹ Ṣemaia visunnu íjekania tọn hihótọ hòngbo whèzẹtẹn tọn lọ jlado. 30To ewọ godo wẹ Hanania visunnu Ṣẹlemia tọn, po Hanuni po visunnu ṣidopotọ Zalafi tọn lọ sọ jla mimá dẽvo do. To ewọ godo wẹ Mẹṣulami visunnu Bẹlekia tọn lọ jlado pànnukọn abòmẹ etọn. 31To ewọ godo wẹ Malkija dopo sọn sikayawàtọ lẹ mẹ jlado jẹ ohọ́ Nẹtinimi lẹ tọn kọ́n, podọ sọn ajọ́tọ lẹ mẹ, pànnukọn họ́ngbo Hamifikadi tọn, podọ jẹ jeiaga lọnglọnẹn lọ tọn. 32Podọ to jeiaga lọnglọnẹn lọ tọn po lẹngbọ họ́ngboji lọ po ṣẹnṣẹn wẹ sikayawàtọ lẹ po ajọ́tọ lẹ lọ po jlado.
41ṢIGBA é sọ wá jọ dọ, whenuena San balatisèdọ mí dó adó lọ, ewọ yínhomẹgblenọ, bo yí adisisa daho, bo to Ju lẹ sànko. 2E sọ dọhó to mẹmẹsunnu etọn lẹ po awhànfuntọ Samalia tọn lẹ po nukọn, bo dọmọ, Etẹ́wẹ Ju madogannọ helẹ̃ to wiwà? Yé na hẹn yéde lì wẹ? Yé na nọ sánvọ́ wẹ? Yé na basi opòdo to azán dopo mẹ wẹ? Yé na fọ́n zannu lẹ dogbẹ́ sọn okiti zodàpò tọn mẹ wẹ, mimọ yè ko mó yé? 3Dinvie Tobia Ammọni lọ tin to e de, é sọ dọmọ, Yèdọ enẹ he yé dó, eyín wọtupọẹ de hẹji yì, é na gbà adó yetọn jannu tọn liai. 4Sè, Jiwheyẹwhe mítọn E; na yè to mí vlẹ: bo diọ ovlẹ yetọn do ota yetọn titi ji, bo sọ jó yé hlan jẹ ohẹngble to aigba mẹglọnọ tọn de mẹ: 5Á ṣinyọnnudo ylanwà yetọn blo, a sọ dike ylando yetọn yín súnsún sẹ́ sọn nukọn towe blo: na yé ko hẹnhomẹgble we jẹ adiji to didótọ lẹ lọ nukọn. 6Mọwẹ mí dó adó lọ; yè sọ basi adó lẹpo do dopo jẹ odá jiyìyi etọn: na gbẹtọ ewlẹ tindo otù de nado wàzọ́n.
7Ṣigba é sọ wá jọ dọ, whenuena Sanbalati, po Tobia po, po Alabianu lẹ po, po Ammọninu lẹ po, po Asdọdinu lẹ po, sè dọ jijlado adó Jelusalẹm tọn lẹ tọn to yìyì nukọn, podọ yè ṣẹ̀ kikó lẹ hẹn dote, whenẹnu wẹ yé yín homẹgbletọ susu; 8Yé sọ blató popo yé tọn dopọ nado wá bo sọ hòavùn hẹ Jelusalẹm, podọ nado hẹn oflu wá enẹ mẹ. 9Ṣigba míwlẹ to odó mítọn basi hlan Jiwheyẹwhe mítọn, bo sọ dè hihọtọ de do yé ji to okle po ozán po, na yé tọn wutu. 10Juda sọ dọmọ, Huhlọn agbànhẹntọ agbàn lẹ tọn lẹ yín whiwhepò, zodùpò susu sọ tin finẹ; mọ wẹ míwlẹ ma sọ tin sọgan nado dó adó lọ. 11Mẹglatọ mítọn lẹ sọ dọmọ, Yé ma to na yọnẹn, kavi mọ, kaka mí do wá biọ ṣẹnṣẹn yé tọn, bo hù yé, bo sọ hẹn azọ́n lọ nado doalọte. 12E sọ wá jọ dọ, whenuena Ju he nọ nó yé dali lẹ wá, ye dọ hlan mí whla ao sọn otẹn lẹpo mẹ dọmọ, Mì do na lẹ́gọ́ jẹ mí de. 13Enẹwutu wẹ yẹn dè omẹ do adà otẹn yìdò lẹ mẹ sọn tẹnvivò adó lọ godo tọn, to otẹn vòtò lẹ mẹ, yèdọ yẹn dè gbẹtọ lẹ kẹdẹdi ohẹnnu yetọn lẹ po ohi yetọn lẹ po, owhán yetọn lẹ, po ogá yetọn lẹ po. 14Yẹn sọ pọ́n, bo tite, bo dọ hlan mẹgbógbo lẹ, podọ hlan ogán lẹ, podọ hlan pipòtọ gbẹtọ lẹ tọn dọmọ, Mì yín avọ̀satọ yé tọn blo: mì nọ flin OKLUNỌ, he yín daho dobu, mì ni sọ hòavùn na mẹmẹsunnu mítọn lẹ, visunnu mítọn lẹ po viyọnnu mítọn lẹ po, asi mítọn lẹ po owhé mítọn lẹ po. 15E sọ wá jọ, whenuena kẹ̀ntọ mítọn lẹ sè dọ é yín yinyọnẹn hlan mí, podọ Jiwheyẹwhe ko hẹn hónamẹ yetọn wá jẹ ovó mẹ, wẹ mí lẹ́gọ̀ popo mí tọn jẹ adó lọ kọ̀n, omẹ dopodopo hlan azón etọn kón. 16E sọ wá jọ sọn ojlẹ nẹ mẹ zọ̀nmi wẹ odá mẹmẹsi ṣie lẹ tọn wà to azón lọ mẹ, odá yé tọn sọ hẹn owhán lẹ go, awọnyínu lẹ, po ogá lẹ po, po awù ogàn tọn lẹ po; ogán lẹ sọ tin to owhé Juda tọn lẹpo godo. 17Yé he to adó dó lẹ po yé he to agbàn lẹ hẹn po doagbànna yéde, omẹ dopodopo yí alọ etọn lẹ do to wiwà to azón lọ mẹ, bo sọ yi awetọ do hẹn adánwànu etọn lẹ go; 18podọ didótọ lẹ, omẹ dopodopo tindo ohi etọn bibla to adà etọn mẹ, bo to didó mọ. Ewọ he to opẹ̀n lọ kún sọ tin to dẽ. 19Yẹn sọ dọ hlan mẹgbògbo lẹ, podọ hlan ogán lẹ podọ hlan pipòtọ gbẹtọ lẹ lọ tọn dọmọ, Daho wẹ azọ́n lọ bo sọ klo, yè sọ klán mí do adó lọ ji, ode dẹn sọn awetọ de: 20otẹn depope mẹ mì sè ogbè opẹ́n lọ tọn te, mì ni yànwhá jẹ mí de to finẹ; Jiwheyẹwhe mítọn na sọ hòavùn na mí. 21Mowẹ mí to wiwà to azọ́n lọ mẹ: odá yé tọn sọ hẹn owhán lẹ go sọn finfọ́n afọnnu tọn mẹ kakajẹ awusọhia sunwhlẹvu lẹ tọn. 22Domọkẹdẹ to ojlẹ dopolọ mẹ wẹ yẹn dọ hlan gbẹtọ ewlẹ dọmọ, Gbọ omẹ dopodopo po mẹmẹsi etọn po ni nó Jelusalẹm mẹ, dọ to ozán mẹ yé nido yín ahọluwhàn de hlan mí, podọ nido jẹtukla to okle mẹ. 23Mọwẹ yẹn, kavi mẹmẹsunnu ṣie lẹ, kavi mẹmẹsi ṣie lẹ, kavi omẹ ahọluwhàn lọ tọn lẹ he to hihodo mi lẹ, depope mí tọn ma klón avọ́ mítọn lẹ dai gba, ome dopodopo to yìyì po adánwànu etọn po jẹ osìn lọ kọ̀n.
51WHENẸNU wẹ awhá daho de tite sọn gbẹtọ lẹ mẹ podọ sọn asi yetọn lẹ mẹ do mẹmẹsunnu yetọn Ju lẹ go. 2Na omẹ dèlẹ tin he didọ finẹ dọmọ, Míwlẹ, visunnu mítọn lẹ po viyọnnu mítọn lẹ po yín mẹsusu: mì gbọ mí ni tindo gbadó, na mí nido dù bo gán. 3Omẹ dẽlẹ tin finẹ ga he didọmọ, Mìwlẹ to ogle mítọn lẹ, po ovéngle mítọn lẹ po, pọ owhé mítọn lẹ po súafa: mì gbọ mí ni tindo gbadó, na hùvẹ́ lọ tọn wuta. 4Mẹdẽlẹ tin finẹ ga he didọmọ, Mìwlẹ ko yàn akuẹ na otakuẹ ahọlu tọn to ogle mítọn lẹ po ovẹ̃ngle mítọn lẹ po ji. 5Gãnṣo agbasalan mítọn tin di agbasalan mẹmẹsunnu mítọn lẹ tọn, ovi mítọn lẹ di ovi yetọn lẹ: bo pọ́n, mí hẹn visunnu mítọn lẹ po viyọnnu mítọn lẹ po wá biọ kanlinmọgbénu nado yín mẹmẹsi lẹ, podọ yè ko hẹn sọn viyọnnu mítọn dẽlẹ mẹ wá biọ kanlinmọgbénu die: mọ é ma tin to huhlọn mítọn mẹ nado gbẹ́ ẹ gba; na omẹ dẽvo lẹ wẹ tindo ogle mítọn lẹ po ovẹ̃ngle mítọn lẹ po. 6Yẹn sọ yín adinọ talala whenuena yẹn sè awhá yetọn po ohọ́ helẹ̃ po. 7Whenẹnu wẹ yẹn dowé hẹ dẽ, bo wọ́ hẹ mẹgbõgbo lẹ lọ po ogán lẹ lọ po, bo sọ dọ hlan yé dọmọ, Mìwlẹ to alèmasẹ́nmẹ yí, omẹ dopodopo sọn nọvisunnu etọn si. Yẹn sọ do opli daho de do yé ji. 8Yẹn sọ dọ hlan yé dọmọ, Mìwlẹ kẹdẹdi huhlọn mítọn ko hó mẹmẹsunnu mítọn Ju lẹ, he yè ko sà hlan kosi lẹ; bé mìwlẹ na sọ sà yèdọ mẹmẹsunnu mítọn lẹ wẹ, bẹ́ yè na sọ sà yé hlan mìwlẹ? Whenẹnu wẹ yé nabọẹ, boma sọ mọ ohó de ba. 9Yẹn sọ dọ ga dọmọ, Onú he míwlẹ wà ma yín dagbe gba; bé é ma jẹ mìwlẹ nado nọ zinzọnlin to budisi Jiwheyẹwhe mítọn tọn mẹ, na ovlẹ kosi kẹ̀ntọ mítọn lẹ lọ tọn wutu? 10Podọ yẹn mọkẹdẹ, mẹmẹsunnu ṣie lẹ po mẹmẹsi ṣie lẹ po, yàn akuẹ po gbadó po na yé do alèmasẹ́nmẹ ji. Yẹn vẹ̀ mì, gbọ mí ni jó alèmasẹ́nmẹ he dai. 11Mì gọ̀jó, hlan yé, yẹn vẹ́ mì, yèdọ to azán he gbè, ogle yetọn lẹ, ovẹ̃ngle yetọn lẹ, olivieligle yetọn lẹ, po owhé yetọn lẹ po, odá kanwekotọ akuẹ lọ tọn ga, po gbadó lọ tọn po, óvẹn lọ, po amì lọ po, he mìwlẹ yí sọn yé si. 12Whenẹnu wẹ yé dọmọ, Mìwlẹ na gọ̀ yé jó, bo ma na sọ biọ núdo sọn yé de gba; mọwẹ mìwlẹ na wà do, yèdọ le hiẹ dọ do. Whenẹnu wẹ yẹn ylọ yẹwhenọ lẹ, bo yí whiwhle de sọn yé de, na yé na do wà kẹdẹdi adangblọn he. 13Yẹn sọ húnhún awukẹyẹ ṣie dogbonu, bo dọmọ, Mọwẹ Jiwheyẹwhe ni húnhún omẹ dopodopo dogbonu do sọn owhé etọn gbè, podọ sọn tuklajẹ etọn mẹ he ma yí adangblọn he basi; yèdọ le wẹ é ni yín húnhúnhúnhún dogbonu do, bo sọ yín bẹnjẹvọnọ. Agùn lẹpo sọ dọmọ, Niṣẹ, bo so pà OKLUNỌ Gbẹtọ lẹ sọ basi kẹdẹdi adangblọn he. 14Hugamọ sọn ojlẹ he mẹ yè ko dè mi nado yín otògán yetọn to aigba Juda tọn mẹ, sọn owhè ogbàntọ mẹ yèdọ jẹ owhè gbànnukunawetọ Altakẹlikesi ahọlu lọ tọn mẹ, enẹ wẹ, owhè wiawe, yẹn po mẹmẹsunnu ṣie lẹ po ma ko dù akla otògán lọ tọn gba. 15Ṣigba otògán he ko tin jẹnukọn na mi lẹ yín ahódokọnamẹ hlan gbẹtọ ewlẹ, bo sọ nọ yí sọn yé de akla po ovẹ̃n po, dogọ́ ṣekẹli okande fataka tọn; nugbo yèdọ mẹmẹsi yetọn lẹ to gándù to omẹ ewlẹ ji: aigba yẹn ma wà mọ gba, na budisi Jiwheyẹwhe tọn tọn wutu. 16Nugbo, yẹn to lin-sinyẹn to azọ́n adó he lọ tọn mẹ, mọ míwlẹ ma sọ họ́ aigba depope: yè sọ bẹ́ mẹmẹsi ṣie lẹpo pli finẹ do azọ́n lọ kòn. 17Huganmọ to tafo ṣie ji ogán kantóngbàn sọn Ju lẹ mẹ tin finẹ, gọ́na enẹlẹ he wá jẹ mí de lẹ sọn kosi he tin lẹ́do mí pé lẹ ṣẹnṣẹn. 18Dinvie enẹ he yè wleawuna na azán dopo yín oyín dopo po lẹngbọ didè ṣidopo po; koklo lẹ ga wẹ yè sọ wleawuna na mi, podọ whladopo to azán ao mẹ agbànhò ovẹ̃n alọpálọpa lẹ tọn lẹpo tọn: ganṣo na ehe lẹpo yẹn ma biọ akla otògán lọ tọn gba, na mẹglọnọ lọ yín pinpọ́n to omẹ he lẹ ji wutu. 19Jiwheyẹwhe ṣie È, flin hlan mi na dagbe, he yẹn ko wà lẹpo na omẹ he lẹ.
61DINVIE é sọ wá jọ, whenuena yè hẹnwádọ jẹ Sanbalati po Tobia po de, podọ jẹ Gẹsẹmi Alabianu lọ po de, podọ jẹ pipòtọ kẹ̀ntọ mítọn lẹ tọn po de, dọ yẹn ko dó adó lọ, podọ yè ma sọ pò kikẹ̀ de dai to finẹ gba; (mọ yèdọ jẹ ojlẹ nẹ mẹ yẹn ma ko zẹ́ ohọ́n họ̀ngbo lẹ tọn lẹ lọ dote gba;) 2Wẹ Sanbalati po Gẹṣẹmi po domẹhlan mi, dọmọ, Wá, gbọ mí ni pli dopọ do dopo otọ̀ lẹ lọ tọn mẹ to danfáfá Ono tọn ji. Ṣigba yé to linlẹn nado wà odánú hẹ mì wẹ. 3Yẹn sọ do mẹdagun lẹ hlan yé, dọmọ, Yẹn to azón daho de wà, sọmọ bọ yẹn ma sọgan jẹte wá gba: etẹwutu azọ́n lọ na do pòali, whenuena yẹn jó e dai, bo jẹte wá mì de? 4Yé sọ domẹhlan mi whla ẹnẹ kẹdẹdi ehe hunkọ; yẹn sọ gblọnna yé kẹdẹdi alọpa doponẹ lọ. 5Whenẹnu wẹ San-balati do mẹmẹsi etọn hlan mi to alọpa mọnkọ mẹ whla atóntọ po ohówé hùnhùn de po to alọ etọn mẹ; 6ehemẹ yè wlan do dọmọ, Yè hẹnwádọ to akọta lẹ ṣẹnṣẹn, Gasini wẹ dọ ẹ, dọ hiẹ po Ju lẹ po to linlẹn nado ṣiatẹ; na ehe tọn wutu hiẹ dó adó lọ: hiẹ na sọ yín ahọlu yetọn kẹdẹdi ohó helẹ. 7Podọ hiẹ ko sọ dè yẹwhegán de lẹ ga nado dọyẹwheho towe tọn to Jelusalẹm, dọmọ, Ahọlu de tin to Juda mẹ: podọ dinvie yè na hẹnwádọ to ahọlu de kẹdẹdi ohó helẹ̃. Enẹwutu wá dinvie, bo gbọ mí ni yi hónamẹ dopọ. 8Whenẹnu wẹ yẹn domẹhlan ẹn, dọmọ, Yè ma wà onú mọnkọ de dole hiẹ dọ do gba, ṣìgba hiẹ pà yé dọ tón sọn ayiha towe titi mẹ wẹ 9Na yé omẹ popo na ko hẹn mí savọ̀, dọmọ, Yè na hẹn alọ yetọn lẹ yin madogannọ sọn azọ́n lọ kọ̀n, bọ é ma na yín wiwà. Ṣigba dinvie, Jiwheyẹwhe È, hiẹ ni nahuhlọn alọ ṣie lẹ.
10Yẹn sọ yì jẹ owhé Ṣemaia visunnu Delaia tọn visunnu Mẹhetabẹli lọ tọn gbè, mẹhe yè glọn do; ewọ sọ dọmọ, Gbọ mí ni pli dopọ to ohọ̀ Jiwheyẹwhe mítọn tọn mẹ, to tẹmpli lọ hòmẹ, bo sọ gbọ mí ni sú ohọ́n tẹmpli lọ tọn lẹ: na yé na wá nado hù we: nugbo ozán mẹ wẹ yé na wá nado hù we. 11Yẹn sọ dọmọ, Bé omẹ di yẹn nkọ de ao họ̀nyì? mẹnu ka wẹ tin finẹ, he, tintin di yẹn nkọ, na yì biọ tẹmpli mẹ nado whlẹn ogbẹ́ etọn? Yẹn ma jei hòmẹ gba. 12Yẹn sọ fọyè, bo, dayi e go, Jiwheyẹwhe ma wẹ ko do e hlan gba: ṣigba é kó odọdai he do oji e wẹ: podọ Tobia po Sanbalati po wẹ dà ẹ. 13Ehe wutu wẹ yè do dà ẹ, na yẹn na do yín avọ̀satọ, bo wà mọ, bo do wàylando, podọ yé Dido tindo owhẹ̀hó na oylan hinhẹnwádọ de, na yé nido vlẹ mi kò. 14Jiwheyẹwhe ṣie E, flìn, Tobia po Sanbalati po kẹdedi azọ́n yetọn helẹ̃, po Noadia yẹwhegányọnnu lọ po ga, po pipòtọ yẹwhegán lẹ tọn po, he do ko hù mi lẹ.
15Mowẹ yè vẹ̀ adó lọ to azán koatọ́ntọ osùn Eluli tọn mẹ, to azán kandewiawe mẹ. 16E sọ wá jọ, whenuena kẹ̀ntọ mítọn lẹpo sè e, wẹ kosi lẹpo he tin to mí dali dibu, yè sọ hẹn yé kúgblẹ̃ to nukun yetọn titi lẹ mẹ: na yé mọhlan dọ Jiwheyẹwhe mítọn de wẹ yè wà azọ́n he sọn. 17Huganmọ to azán nẹlẹ̃ mẹ mẹgbõgbo Juda tọn lẹ do ohówé susu hlan Tobia, podọ ohówé Tobia tọn lẹ sọ nọ wá jẹ yé de. 18Na mẹsusu tin yè hẹn whle to Juda mẹ finẹ hlan ẹn, na ewọ yín yọ́nwhèn Ṣekania visunnu Ala tọn tọn wutu; Jehohanani visunnu etọn ko sọ yí viyọnnu Mẹṣulami tọn visunnu Bẹlekia tọn do dà asi. 19Yé sọ nọ dọhó owàlọ dagbe etọn lẹ tọn to nukọn ṣie, bo sọ nọ hẹn ohó ṣie lẹ wádọ nẹ̃. Tobia sọ do ohówé lẹ hlan nado do mi obu mẹ.
71DINVIE é sọ wá jọ, whenuena yè dó adó lọ, bọ yẹn ko sọ zé ohọ́n lẹ dote, bọ yè ko sọ dè họ̀njinọtọ lẹ po hànjitọ lẹ po po Levinu lẹ po, 2wẹ yẹn na asẹ Hanani nọvisunnu ṣie, po Hanania otògán whéhla tọn lọ po, to Jelusalẹm ji: na omẹ nugbonọ de wẹ ewọ, bo sọ nọ dibusi Jiwheyẹwhe hugan mẹsusu. 3Yẹn sọ dọ hlan yé dọmọ, Mì dike hóngbo Jelusalẹm tọn lẹ yín hùnhùn kaka owhè do vẹ́ blo; podọ whenuena yé ṣite to hihọ́tẹn ji, gbọ yé ni sú ohọ̀n lọ, mì ni sọ yí họ́nglatin do glá yé: bo sọ dè hihọ́tọ lẹ sọn tòmẹnu Jelusalẹm tọn lẹ mẹ, omẹ dopodopo do hihọ́ etọn mẹ, podọ omẹ dopodopo nado tin pànnukọn owhé etọn titi. 4Dinvie tòdaho lọ yín gbigblo bo sọ klo: ṣigba gbẹtọ vúde wẹ tin to e mẹ, yè ma ko sọ dó ohò lẹ gba. 5Jiwheyẹwhe ṣie sọ yí do ayiha ṣie mẹ nado pli mẹgbógbo lẹ dopọ, po ogán lẹ po, po gbẹtọ ewlẹ po, na yè nido hia yé gbọn whóndo dali. Yẹn sọ mọ owé whẹ́ndo yé he hẹji wá tintan lẹ tọn tọn, yẹn sọ mọ yè wlan to e mẹ: 6Eheló wẹ ovi gbeta tọn lẹ, he hẹji tón yì sọn mẹglọnọ he yè ko bó yì nẹlẹ̃ tọn mẹ, mẹhe Nẹbukadnẹzali ahọlu Babilọni tọn ko bó yì lọ, podọ he lẹ́gọ̀ jẹ Jelusalẹm podọ jẹ Juda, omẹ dopodopo jẹ tòdaho etọn mẹ; 7Mẹhe wá po Zelubabẹli po lẹ, Jeṣua, Nẹhemia, Azalia, Laamia, Nahamani, Moldekai, Bilsani, Mispelẹti, Bìgvai, Nẹhumi, Baana. Osọha sunnusi lẹ tọn sọn omẹ Islaeli tọn lẹ mẹ: 8ovi Paloṣi tọn lẹ, fọtọ́n awe po kẹnnẹwiawe po. 9Ovi Ṣẹfatia tọn lẹ, fọdekẹnnẹwiawe. 10Ovi Ala tọn lẹ, nuọntọ̀n-kandewiawe. 11Ovi Pahati-moabi tọn lẹ, sọn ovi Jeṣua po Joabi po tọn lẹ mẹ, fọtọ́n awe po ofẹnẹ-fọtọ̀nnukunatọ̀n po. 12Ovi Elami tọn lẹ, fọṣidopo po kandewiẹnẹ po. 13Ovi Zatu tọn lẹ, fẹnẹkàndeatọ́n. 14Ovi Zakai tọn lẹ, nuọntọ̀nkẹnnẹ. 15Ovi Binnui tọn lẹ, nuọntọ̀nkandeṣinatọ́n. 16Ovi Bebai tọn lẹ, nuọntọ̀nkòatọ́n-nukunatọ̀n. 17Ovi Azgadi tọn lẹ, fọtọ́n awe po fọdekantọ̀nnukunawe po. 18Ovi Adonikami tọn lọ, nuọntọ̀nkandekòatọ́nnukunawe. 19Ovi Bigvai tọn lọ, fọtọ́n awe po kandekòatọ́nnukunawe po. 20Ovi Adini tọn lẹ, nuọntọ̀nkandefọtòk. 21Ovi Ateli tọn lẹ, sọn Hezekia mẹ, kanwefọtọ̀nnukunatọ̀n. 22Ovi Hasumi tọn lẹ, fọdekantọ̀nsinatòn. 23Ovi Bezai tọn lẹ, fọdekantọ̀nnukunẹnẹ. 24Ovi Halifi tọn lẹ, kantọ̀n. 25Ovi Gibeọni tọn lẹ, kanwefọtọ̀n. 26Omẹ Bẹtlehem po Nẹtofa po tọn lẹ, kẹnnẹkoatọ́nnukunatọ̀n. 27Omẹ Anatọti tọn lẹ, kantọ̀nṣinatọ̀n. 28Omẹ Bẹti-azmavẹ tọn lẹ, kandenukunawe. 29Omẹ Kiiiati-jealimì tọn lẹ, Kefila, po Beẹloti po, nuọntọ̀nkantọ̀nkònukunatọ̀n. 30Omẹ Lama po Geba po tọn lẹ, nuọntọ̀nkonukundopo. 31Omẹ Mikinasi tọn lẹ, kantọ̀nukunawe. 32Omẹ Bẹtieli po Ai po tọn lẹ, kantọ̀nnukunatọ̀n. 33Omẹ Nebo awetọ tọn lẹ, kandewiawe. 34Ovi Elami awetọ tọn lẹ, fọtọ́n dopo po fọdekandewiẹnẹ po. 35Ovi Halimi tọn lẹ, fọdekàntọ̀n. 36Ovi Jẹliko tọn lẹ, fọdekàntọ̀nkòatọ́n. 37Ovi Lodi, Hadidi, o Ono po tọn lẹ, nuọntọ̀nkàntọ̀nnukundopo. 38Ovi Senaa tọn lẹ, fọtọ́n atọ̀n po fẹnẹkàntọ̀nao po. 39Yẹwhenọ lẹ: ovi Jedaia tọn lẹ, sọn owhé Jeṣua tọn gbè, fẹnẹkẹnnẹwiatòn. 40Ovi Immeli tọn lẹ, fọtọ̀n dopo po kandewiawe po. 41Ovi Pasihuli tọn lẹ, fọtọ́n dopo po fọdekàndesinawe po. 42Ovi Halimi tọn lẹ, fọtọ́n dopo po fọtọ́nnukunawe po. 43Levinu lẹ: ovi Jeṣua, Kadiniẹli tọn tọn lẹ, sọn ovi Hodeva tọn lẹ mẹ, kandegbànnukunẹnẹ. 44Hànjitọ lẹ: ovi Asafi tọn lẹ, kantọ̀nkòatọ̀nnukunatọ̀n. 45Hònjinọtọ lẹ: ovi Ṣalumi tọn lẹ, ovi Ateli tọn lẹ, ovi Talmọni tọn lẹ, ovi Akubi tọn lẹ, ovi Hatita tọn lẹ, ovi Ẹobai tọn lẹ, kantọ̀nfọtọ̀nnukunatọ̀n. 46Nẹtinimi lẹ: óvi Ziha tọn lẹ, ovi Hasufa tọn lẹ, ovi Tabaoti tọn lẹ; 47ovi Kẹlosi tọn lẹ, ovi Sia tọn lẹ, ovì Padọni tọn lẹ; 48ovi Lẹbana tọn lẹ, ovi Hagaba tọn lẹ, ovi Salmai tọn lẹ; 49ovi Hanani tọn lẹ, ovi Gidẹli tọn lẹ, ovi Gahali tọn lẹ; 50ovi Leaia tọn lẹ, ovi Lẹzimi tọn lẹ, ovi Nekoda tọn lẹ; 51ovi Gazami tọn lẹ, ovi Uza tọn lẹ, ovi Pasea tọn lẹ; 52ovi Besai tọn lẹ, ovi Meunimi tọn lẹ, ovi Nẹfuṣẹsimi tọn lẹ; 53ovi Bakbuki tọn lẹ, ovi Hatifa tọn lẹ; 54ovi Bazliti tọn lẹ, ovi Mẹhida tọn lẹ, ovi Halsa tọn lẹ; 55ovi Balkosi tọn lẹ, ovi Sisela tọn lẹ, ovi Tema tọn lẹ; 56ovi Nẹzia tọn lẹ, ovi Hatifa tọn lẹ; 57ovi mẹmẹsi Sọlọmọni tọn lẹ tọn lẹ: ovi Sotai tọn lẹ, ovi Sofelẹti tọn lẹ, ovi Pelida tọn lẹ; 58ovi Jaala tọn lẹ, ovi Dalkoni tọn lẹ, ovi Gidẹli tọn lẹ; 59ovi Sẹfatia tọn lẹ, ovi Hatili tọn lọ, ovi Pọkeleti-hazibaimi tọn lẹ, ovi Amọni tọn lẹ. 60Netinimi lẹpo, po ovi mẹmẹsi Sọlọmọni tọn lẹ tọa lẹ po, yín fọdekẹnnẹgbànnukunawe. 61Ehelẹ̃ wẹ yé he hẹji yì sọn Telimẹla, Teli-halṣa, Kẹlubi, Addoni, po Immẹli po mẹ: aigba yé ma sọgan do owhé otọ yetọn lẹ tọn lẹ hia gba, kavi okún yetọn lẹ, eyin yé yín sọn Islaeli tọn mẹ: 62ovi Delaia tọn lẹ, ovi Tobia tọn lẹ, ovi Nekoda tọn lẹ, nuọntọ̀nkandenukunawe. 63Podọ sọn yẹwhenọ lẹ mẹ: ovi Hobaia tọn lẹ, ovi Hakọzi tọn lẹ, ovi Balzilai tọn lẹ he dà asi de sọn viyọnnu Balzilai Gileadinu lọ tọn lẹ mẹ, bọ yè nọ ylọ kẹdẹdi oyín yetọn. 64Ehelẹ̃ din otòwé yetọn to enẹlẹ ṣẹnṣẹn he yè hia gbọn whẹndo dali, ṣigba yè ma mọ ẹn gba: enẹwutu wẹ yè hẹn yé sọawuhia oflunọ bo sọ dè sọn yẹwhenọdùta lọ mẹ 65Tẹlsata sọ dọ hlan yé, dọ yé ma na do dù sọn onú wiwe gbahugbahu lẹ mẹ, kaka yẹwhenọ de do tite to finẹ gẹ́na Ulimi po Tumimi po. 66Agùn lọ pete dopọ yín fọtọ́n kandenukunawe po fọdekẹnnẹ po. 67Dogẹ́na mẹmẹsisunnu yetọn lẹ po mẹmẹsiyọnnu yetọn lẹ po, sọn mẹhe mẹ finẹ yín fọtọ́n ṣinawe po fọdekanwegbãntọ́nnukunawe po: yé sọ tindo hànjitọ sunnu po hànjitọ yọnnu po fọdekandeatọ́n. 68Osẹ́ yetọn lẹ yín nuọntọ̀n-kantọ̀nfọtọ̀nnukundopo; otlo yetọn lẹ, fọdekandeatọ́n; 69kanklosọpóawenọ yetọn lẹ, fowegbãntọ́n; kẹtẹkẹtẹ yetọn lẹ, fọtọ́n ṣinawe po nuọntọ̀nkàntọ̀n po. 70Podọ mẹdẽlẹ sọn nukọntọ owhé otọ́ lẹ tọn lẹ ṣẹnṣẹn na hlan azẹ́n lọ. Tilsata na hlan núbẹ́sẹ̀do lọ daliki sika tọn fọtọ́n, ṣiklẹ kandeao, awu yẹwhenọ lẹ tọn lẹ fowekantọ̀nao. 71Podọ mẹdẽlẹ sọn nukontọ owhé otọ́ lẹ tọn lẹ mẹ na do núbẹ́sẹ̀do azọ́n lọ tọn mẹ daliki sika tọn fọtọ́n òko, po panùn fataka tọn po fọtọ́n awe po fọde po. 72Podọ enẹ he pipòtọ gbẹtọ lẹ tọn na yín daliki sika tọn fọtọ́n òko, po panùn fataka tọn fọtọ́n awe po, po awu yẹwhenọ lẹ tọn lẹ po kandekòatọ́nnukunawe. 73Mowẹ yẹwhenọ lẹ, po Levinu lẹ po, po hònjinọtọ lẹ po, po hànjitọ lẹ po, podọ mẹdẽlẹ sọn gbẹtọ lẹ mẹ, po Nẹtinimi lẹ po, po Islaeli lẹpo po, sọ nọ̀ tòdaho yetọn lẹ mẹ.
73Whenuena yè hẹn osùn ṣinawetọ lọ wá, ovi Islaeli tọn lẹ tin to tòdaho yetọn lẹ mẹ.
81GBẸTỌ lẹpo sọ bẹ́ yéde plidopọ di omẹ dopo do otẹn gbigblo he tin to osìn họngbo lọ nukọn; yé sọ dọhó hlan Ẹzla wékantọ lọ nado hẹn owé osén Moṣe tọn lọ tọn wá, he OKLUNỌ ko degbèna hlan Islaeli. 2Ẹzla yẹwhenọ lọ sọ hẹn osẹ́n lọ wá agùn lọ nukọn, sunnu po yọnnu po, po ehe sọgan yí wuntùntùn do sè lẹpo po, to azán tintan osùn ṣinawetọ lọ tọn ji. 3E sọ hia to e mẹ finẹ to otẹn gbigblo lọ nukọn he tin to osìn họ̀ngbo lọ nukọn sọn afọnnu fliflimẹ kakajẹ okleda, to nukun sunnu lẹ po yọnnu lẹ po tọn mẹ, po enẹlẹ he sọgan tùnwun po tọn; otọ́ gbẹtọ lẹpo tọn sọ yín sọwhètọ hlan owé osẹ́n lọ tọn. 4Ẹzla wékantọ lọ sọ ṣite to nuyìaga atin tọn de ji, he yé ko basi na núwiwà lọ; Matitia sọ site gọ́na ẹn, po Sema po, po Anaia po, po Ulia po, po Hilkia po, po Maaseia po, podọ to alọ adusi etọn ji; podọ to alọ amiyọn etọn ji, Pẹdaia, po Misaẹli po, po Malkija po, po Hasumi po, po Haṣbadana po, Zekalia, po Mẹṣulami po. 5Ẹzla sọ hùn owé lọ to nukun gbẹtọ lẹpo tọn mẹ; (na ewọ tin to aga gbẹtọ lẹpo tọn;) whenuena ewọ sọ hùn in, gbẹtọ lẹpo fọ́n ṣite: 6Ẹzla sọ dona OKLUNỌ, Jiwheyẹwhe kiklo lọ. Gbẹtọ lẹpo sọ gblọn, po zizó daga alọ yetọn lẹ tọn po, dọmọ, Niṣẹ, Niṣẹ: yé sọ dẹ́ ota yetọn lẹ, bo sọ litaina OKLUNỌ po nukunmẹ yetọn lẹ po hlan aigba. 7Jeṣua ga, po Bani po, po Ṣelebia po, Jamini, Akubi, Sabetai, Hodia, Maaseia, Kẹlita, Azalia, Jozabadi, Hanani, Pelaia, po Levinu lẹ po sọ hẹn gbẹtọ lẹ nado tùnwun osén lọ: gbẹtọ ewlẹ sọ site to otẹn yetọn mẹ. 8Yé sọ hia to owé lọ mẹ, to osén Jiwheyẹwhe tọn lọ mẹ, hezeheze; yé sọ na tadena lọ, sọmọ bọ yé tùnwun hihia lọ. 9Nẹhemia, he yín Tilẹata, po Ẹzla yẹwhenọ wékantọ lọ po, po Levinu lẹ po he to gbẹtọ lẹ plọn, dọ hlan gbẹtọ lẹpo dọmọ, Azán he wiwe wẹ hlan OKLUNỌ Jiwheyẹwhe mítọn; mi blawu, kavi viavi blo. Na gbẹtọ lẹpo wẹ to avivi, whenuena yé sè ohó osén lọ tọn lẹ. 10Whenẹnu wẹ é dọ hlan yé dọmọ, Mì yì, dù ojó lọ, bo sọ nù vivi lọ, bo sọ do mimá lẹ hlan ewọ he yè ma wleawu núde tọn na: na azán he wiwe wẹ hlan OKLUNỌ mítọn: mì sọ yín adinọ blo; na ayajẹ OKLUNỌ tọn wẹ huhlọn mítọn. 11Mowẹ Levinu lẹ hẹn gbẹtọ lẹpo nabọẹ, dọmọ, Mì hẹn abọẹ mítọn go, na wiwe wẹ azán lọ; mì sọ yín adinọ blo. 12Gbẹtọ lẹpo sọ yì nado dù, podọ nado nù, podọ nado do mimá lẹ hlan, odọ nado basi ajògidi daho, na yé o tùnwun ohó he yè lá hlan yé lẹ wutu.
13To azán awetọ gbè wẹ yè bé nukọntọ owhé otọ́ lẹ tọn tọn lẹ sọn gbẹtọ lẹpo mẹ plidopọ, yẹwhenọ lẹ, po Levinu lẹ po, do Ẹzla wékantọ lọ de, yèdọ nado na sowhiwhe hlan ohó osẹ́n lọ tọn lẹ. 14Yé sọ mọ winwlan to osẹ́n lọ mẹ, le dọ OKLUNỌ ko degbè gbọn Moṣe dali, na ovi Islaeli tọn lẹ na do nọ nọ̀ avàja lẹ mẹ to hùnwhẹ̀ osùn ṣinawetọ tọn lọ mẹ: 15Podọ na yé na do dèmisẽlu bo sọ lá to tòdaho yetọn lẹpo mẹ, podọ to Jelusalẹm mẹ, dọmọ, Mì tón yì jẹ osé lọ ji, bo bẹ́ alà olivieli tọn lẹ, po alà olivieli wuju tọn lẹ po, po alà miltle tọn lẹ po, po odépá lẹ po, po alà atin titli lẹ tọn lẹ po, wá nado basi avàjà lẹ, dile yè wlan do. 16Mowẹ gbẹtọ lẹ tọ́n yì, bo bọ́ yé wá, bo basi avajà lẹ na yéde, omẹ dopodopo to aga ohọ̀ etọn tọn ji, podọ to awánu yetọn le mẹ, podọ to akànmaho ohọ̀ Jiwheyẹwhe tọn tọn lẹ mẹ, podọ to otẹn gbigblo họ̀ngbo osìn tọn mẹ, podọ to otẹn gbigblo họ̀ngbo Eflaimi tọn tọn lọ mẹ. 17Agùn yé tọn he yè hẹn tọ́n sọn mẹglọnọ mẹ wá lẹpo basi avàjà lẹ, bo sọ nọ nọ̀ avàjà lẹ mẹ: na sọn azán Jeṣua visunnu Nuni tọn tọn gbọn jẹ azán nẹ gbè wẹ ovi Islaeli tọn lẹ ma ko to mọ wà gba. Ayajẹ daho sọ tin to finẹ. 18Egbesọegbesọ ga, sọn azán tintan gbè jẹ azán godotọn gbè, é nọ to hihia to owé osẹ́n Jiwheyẹwhe tọn lọ tọn mẹ. Yé sọ wà hùnwhẹ lọ azàn ṣinawe; to azán sinatọ̀ntọ gbè opli ayidego de sọ tin, kẹdẹdi ogbèdai lọ.
91DINVIE to azán kònukunẹnẹtọ osùn he tọn mẹ wẹ yè yí nùbibla, po odẹ́vò po, po kọ́gudu po to yé ji, do bẹ́ ovi Islaeli tọn lẹ pli. 2Okún Islaeli tọn lẹ sọ klán yéde dòvo sọn ojonọ lẹ mẹ, bo ṣite bo sọ to ogbè ylando yetọn lẹ tọn yi, po ylanwà otọ́ yetọn lẹ tọn po. 3Yé sọ fọ́n ṣite to otẹn yetọn mẹ, bo hia to owé osẹ́n OKLUNỌ Jiwheyẹwhe yetọn tọn mẹ adà ẹnẹtọ okle tọn de; podọ adà ẹnẹtọ dẽvo yé yígbèna, bo litaina OKLUNỌ Jiwheyẹwhe yetọn. 4Yé fọ́n ṣite to aila Levinu lẹ, Jeṣua, po Bani po, Kadiniẹli, Ṣebania, Buni, Ṣelebia, Bani, po Kenani po tọn lẹ ji, bo yí ogbe lélé de do dawhá hlan OKLUNỌ Jiwheyẹwhe yetọn. 5Whenẹnu wẹ Levinu lẹ, Jeṣua, po Kadiniẹli po, Bani, Hasabneia, Ṣelebia, Hodia, Sebatìia, po Petahia po, dọmọ, Mì fọ́n tite bo dona OKLUNỌ Jiwheyẹwhe mítọn sọn madopodo jẹ madopodo: podọ donanọ oyìn gigonọ towe yín, he yè zedaga hugan odona po pipà lẹpo po. 6Hiẹ wẹ OKLUNỌ, yèdọ hie sokẹde; hiẹ wẹ basi olọn, òlọn olọn lẹ tọn po awhànpa yetọn lẹpo po, aigba po onú he tin to e ji lẹpo po, ohù lẹ po ehe tin to yé mẹ lẹpo po, hiẹ sọ to yé mẹpo hla dai; awhànpa olọn tọn sọ to taliana we 7Hie wẹ OKLUNỌ Jiwheyẹwhe lọ, mẹhe dè Ablam, bo sọ hẹn ẹn tón sọn Ulli Kaldianu lẹ tọn me, bo na ẹn oyín Ablaham tọn; 8bo sọ mọ ayiha nugbonọ etọn to nukọn towe, bo sọ basi alẹ̀nù de po e po nado yí aigba Kananinu lẹ, Hitinu le, Amọlinu lẹ, po Pelizinu lẹ po, po Jebusinu lẹ po, po Gilgasinu lẹ tọn po nẹ̃, yedo nado yí i na okún etọn, bo ko sọ yí ohó towe lẹ basi; na dódónọ wẹ hiẹ. 9Podọ hiẹ sọ mọ nukunbibia otọ́ mítọn lẹ tọn to Egipti mẹ, bo sọ sè awhá yetọn to Ohù Vẹ̃ lọ dali; 10bo do ohia lẹ hia po nujawu lẹ po to Falo ji, podọ to mẹmẹsi etọn lẹpo go, podọ to gbẹtọ aigba eton tọn lẹpo go; na hiẹ yọnen do yé yí sakla do zán hẹ yé; bo sọ tindo oyin de na we, dile é te to azán he gbè. 11Podọ hiẹ sọ klán ohù to yé nukọn, sọmọ bọ yé gbọn gblagbla ohù lọ tọn mẹ yì to aigba húhú ji, podọ modonamẹtọ yetọn lẹ wẹ hiẹ zedlan osédo lẹ mẹ, di Zannu de do osìn huhlọnnọ le me. 12Huganmọ hiẹ plan yé yì to odòtin aslọ tọn de mẹ to okle; podọ to odòtin miyọn tọn de mẹ to ozán mẹ, nado na hinhọn yé to aliho he mẹ yé do gbọn yí. 13Hiẹ jẹte wá osé Sinai ji ga, bo sọ dọhó po yé po sọn olọn mẹ, bo sọ na whẹ̀dida jijlọ lẹ yé po osẹ́n nugbo lẹ po, osẹ́ndoai dagbe lẹ po gbèdide lẹ po: 14bo sọ hẹn gbọjẹzán wiwe zùn yínyọnẹn hlan yé, bo degbèna yé gbèdide lẹ po osẹ́ndoai lẹ po, po osẹ́n de po, gbọn alọ Moṣe mẹmẹsi towe tọn mẹ: 15bo sọ na akla yé sọn olọn mẹ na ohùvẹ́ yetọn, bo sọ hẹn osìn tọ́n wá na yé sọn osé mẹ na nùgbla yetọn, bo sọ degbèna yé na do yì emẹ nado tindo aigba lọ he hiẹ ko zé alọ towe daga nado na yé. 16Ṣigba yé po otọ mítọn lẹ po yí sakla do zán, bo sọ hẹn okọ̀ yetọn sinyẹn, bo ma sọ tùntóai hlan gbèdide towe lẹ gba, 17bo gbẹ́ nado sètónu, kavi yín ayipanúgotọ nujawu towe lẹ tọn he hiẹ wà to yé ṣẹnṣẹn; ṣigba hẹn okọ̀ yetọn sinyẹn, podọ to atẹṣiṣi yetọn mẹ dè awhàngán de nado lẹ́gọ̀ do mẹglọnọ yetọn mẹ: ṣigba Jiwheyẹwhe awuwlenọ de wẹ hiẹ nado jona, dagbenọ bo sọ gọ́ na awuvẹ́mẹ, whleawu nado sadi, podọ susunọ to lẹblanu mẹ, bo ma sọ gbẹ́ yé dai gba. 18Nugbo, whenuena yé ko basi oyìnvú kinkọ̀n de na yéde, bo dọmọ, Ehe wẹ Jiwheyẹwhe towe he hẹn we hẹji tọ́n wá sọn Egipti mẹ, bo ko sọ wà homẹgblenu daho lẹ, 19gãnṣo hiẹ to lẹblanu yẹndawe towe lẹ mẹ ma gbé yé dai to zùngbo lọ mẹ gba: dotin aslo tọn lọ ma fọ́nyì sọn yé ji to okle, nado plan yé yí to aliho lọ mẹ; kavi dòtin miyọn tọn lọ to ozán mẹ, nado do hinhọ́n hia yé, podọ aliho ehemẹ yé do gbọn yì. 20Hiẹ yí gbigbọ dagbe towe jó ga nado naplọn yé, bo ma sọ dè mana towe sọn onù yetọn gba, bo sọ yí osìn na yé na nùgbla yetọn. 21Nugbo, owhè kande wẹ hiẹ do yìn yé to zùngbo mẹ, yé ma sọ bà núde pò; avọ̀ yetọn lẹ ma dohó, podọ afọ yetọn lẹ ma sọ jí. 22Huganmọ hiẹ yí ahọludu lẹ po akọta lẹ po na yé, he hiẹ do mágú kẹdẹdi mimá yetọn lẹ: mọwẹ yé tindo aigba Sihọni tọn lọ, yèdọ aigba ahọlu Hẹṣbọni tọn tọn lọ, po aigba Ogi ahọlu Basanni tọn tọn lọ po. 23Ovi yetọn lẹ ga wẹ hiẹ hẹnsudeji di sunwhlẹvu olọn tọn lẹ, bo sọ hẹn yé wá do aigba lọ ji, gbọn ehe tọn dali hiẹ dọ hlan otọ́ yetọn lẹ, na yé na do yì emẹ nado tindo e. 24Mowẹ ovi lẹ yì emẹ bo tindo aigba lọ, hiẹ sọ hówhiwhẹ tòmẹnu aigba lọ tọn lẹ to yé nukọn, Kananinu lẹ lọ, bo sọ jó yé do alọ yetọn lẹ mẹ, po ahọlu yetọn lẹ po, po akọta aigba lọ tọn lẹ po, na yé nido wà do yé dile yé jlo do. 25Yé sọ yí tòdaho dokọnọ lẹ, po aigba ojonọ de po, bo sọ tindo ohọ̀ lẹ gigọ na onú dagbe lẹpo, odla kùnkùn lẹ, ovẹ́ngle lẹ, po olivieligle lẹ po, po atin sinsẹ́nnọ lẹ po to ogégé mẹ: mọwẹ yé dù, bo sọ yín gigónọ, bo sọ lẹzùn ojonọ́, bo nahomẹhùn yéde to dagbewà towe daho mẹ. 26Gãnṣo yé yín tólivẹtọ, bo sọ ṣiatẹ hẹ we, bo fọ́ osẹ́n towe dlan nẹgbé yetọn godo, bo sọ hù yẹwhegán towe he sakunnu do yé ji lẹ nado gọ̀ yé do de we, yé sọ wà homẹgblenú dahodaho. 27Enẹwutu wẹ hiẹ jó yé do alọ meglatọ yetọn lẹ tọn mẹ; mehe bianukunna yé: podọ to ojlẹ tukla yetọn tọn mẹ, whenuena yé dawhá hlan we, hiẹ sè sọn olọn mẹ; podọ kẹdẹdi lẹblanu yẹndawe towe lẹ hiẹ na whlẹngantọ lẹ yé, mẹhe whlẹn yé sọn alọ mẹglatọ yetọn lẹ tọn mẹ. 28Ṣigba godo yé tindo ogbọjẹ yé sọ wà oylan to nukọn towe: enẹwutu wẹ hiẹ jó yé dai do alọ kẹ̀ntọ yetọn lẹ tọn mẹ, sọmọ bọ yéwlẹ tindo ahọludu to yé ji: gànṣo whenuena yé lẹ́gọ̀, bo dawhá hlan we, hiẹ sè sọn olọn mẹ; whla susu wẹ hiẹ whlẹn yé kẹdẹdi lẹblanu towe lẹ; 29bo sọ sakunnu do yé ji, na hiẹ nido hẹn yé wá osẹ́n towe kọ̀n: gãnṣo yé yi sakla do zán, bo ma tùntóai hlan gbèdide towe lẹ gba, ṣigba bo wàylando do whẹ̀dida towe lẹ go, (ehe eyin omẹ de wà, é na to ogbẹ̀ to yé mẹ,) bo dọ̀n abọ́ lọ, bo sọ hẹn okọ yetọn sinyẹn, bo ma sọ sè. 30Gãnṣo owhè susu wẹ hiẹ sinyẹnlin to yé de, bo sọ sakunnu do yé ji gbọn gbigbọ towe dali gbọn yẹwhegán towe lẹ mẹ: gãnṣo yé ma na otọ́: enẹwutu wẹ hiẹ jó yé do alọ akọta aigba lọ lẹ tọn lẹ tọn mẹ. 31Gãnṣo to lẹblanu yendawe towe lẹ mẹ hiẹ ma basi opòdo yé tọn gigọ́ de gba, kavi gbẹ́ yé dai gba, na Jiwheyẹwhe dagbenọ lẹblanunọ de wẹ hiẹ. 32Enẹwutu dinvie, Jiwheyẹwhe mítọn, daho lọ, huhlọnnọ lọ, Jiwheyẹwhe dobu lọ, mẹhe nọ yìn alẹ̀nù po lẹblanu po, a dike tuklajẹ lẹpo sọawuhia pẹvi to nukọn towe blo, he ko wá mi ji, to ahọlu mítọn lẹ go, to ahọvi mítọn lẹ go, podọ to yẹwhenọ mítọn lọ go, podọ to yẹwhegán mítọn lẹ go, podọ to otọ́ mítọn lẹ go, podọ to omẹ towe lẹpo go, sọn ojlẹ ahọlu Asilia tọn lẹ tọn mẹ gbọn jẹ azán he gbè. 33Ṣogãn hlẹyín nugbonọ to popo he yè hẹn wá mí ji lẹ mẹ; na hiẹ yí nugbo do zán, ṣigba mìwlẹ ko yí kanyinylan do wà: 34mọ ahọlu mítọn lẹ, ahọvi mítọn lẹ, yẹwhenọ mítọn lẹ, kavi otọ́ mítọn lẹ, ma yìn osẹn towe gba, kavi tuntóai hlan gbèdide towe lẹ po asẹdai towe lẹ po, he hiẹ do sakunnu do yé ji. 35Na yé ma sẹ̀n we to ahọludu yetọn mẹ gba, podọ to dagbewà towe daho mẹ he hiẹ na yé, podọ to aigba daho ojonọ̀ he hiẹ na to ye nukọn, mọ yé ma sọ ló sọn azọ́n ylankan yetọn lẹ mẹ gba. 36Dayi e go, mẹmẹsi wẹ míwlẹ to egbé, podọ na aigba lọ tọn he hiẹ na hlan otọ́ mítọn lẹ nado nọ dù sinsẹ̀n etọn po dagbe etọn po, dayi e go, mẹmẹsi wẹ mí to e mẹ. 37E sọ to jideji pọ́gégé jó hlan ahọlu lẹ lọ mẹhe hiẹ dè do mí ji na ylando mítọn lọ tọn wutu: yé tindo huhlọn agbasa mítọn lẹ ji ga podọ to whékanlin mítọn lẹ ji to homẹhùn yetọn mẹ, mìwlẹ sọ tin to nukunbia daho mẹ. 38Gãnṣo na ehe lẹpo mí to alẹ̀nù magble de basi, bo sọ wlan ẹn; ahọvi mítọn lẹ, Levinu mítọn lẹ, po yẹwhenọ mítọn lẹ po, dọtufó do e kọ̀n.
101DINVIE enẹlẹ he dọtufó lẹ wẹ, Nẹhemia Tilsata lọ, visunnu Hakalia tọn, po Zẹdekia po; 2Selaia, Azalia, Jẹlemia; 3Pashuli, Amalia, Malkija; 4Hatusi, Ṣebania, Maluki; 5Halimi, Melẹmoti, Obadia; 6Daniẹli, Ginetọni, Baluki; 7Mẹṣulami, Abija, Mijamini; 8Maazia, Bilgai, Ṣemaia: ehelẹ wẹ yẹwhenọ lẹ. 9Podọ Levinu lẹ: yínylọ, Jeṣua visunnu Azania tọn, Binui sọn visunnu Henadadi tọn lẹ mẹ, Kadiniẹli; 10po mẹmẹsunnu yetọn lẹ po, Ṣebania, Hodia, Kẹlita, Pelaia, Hanani; 11Mika, Lẹhobi, Hasabia: 12Zakuli, Ṣelebia, Ṣebania; 13Hodia, Bani, Bẹnnu. 14Nukọntọ gbẹtọ lẹ tọn lẹ: Palosi, Pahati-moabi, Elami, Zatu, Bani; 15Buni, Azgadi, Bebai; 16Adonjja, Bigvai, Adini; 17Ateli, Hẹzekia, Azuli; 18Hodia, Hasumi, Bezai; 19Halifi, Anatoti, Nobai; 20Magpiasi, Mẹṣulami, Hezili; 21Mẹsezabeli, Zadọki, Jadua; 22Pẹlalia, Hanani, Anaia; 23Hosea, Hanania, Hasubi; 24Halohẹsi, Pilha, Ṣobeki; 25Lehumi, Haṣabna, Maaseia; 26po Ahia po, Hanani, Anani; 27Maluki, Halimi, Baana. 28Po pipòtọ gbẹtọ lẹ tọn po, yẹwhenọ lẹ, Levinu lẹ hònjinọtọ lẹ, hànjitọ lẹ, Nẹtinimi lẹ, po yé he ko klán yéde dovò lẹpo po sọn akọta aigba lọ lẹ tọn mẹ hlan osẹ́n Jiwheyẹwhe tọn, asi yetọn lẹ, visunnu yetọn lẹ, po viyọnnu yetọn lẹ po, omẹ dopodopo he tindo oyọnẹn po wùntùntùn po; 29yé sẹ̀bọ̀ do mẹmẹsunnu yetọn lẹ de, mẹgbõgbo yetọn lẹ, bo biọ dẹ̀hodo de mẹ, po whiwhle de po mẹ, nado nọ zinzọnlin to osẹ́n Jiwheyẹwhe tọn mẹ, he yè na gbọn Moṣe mẹmẹsi Jiwheyẹwhe tọn lọ dali, podọ nado nọ payi podọ nado nọ basi gbèdide OKLUNỌ Jiwheyẹwhe mítọn tọn, po whẹ̀dida etọn lẹ po po osẹ́ndai etọn lẹ po; 30podọ na mìwlẹ ma na do na viyọnnu mítọn lẹ hlan akọta aigba lọ tọn lẹ gba, kavi yí viyọnnu yetọn lẹ na visunnu miton lẹ: 31podọ eyín akọta aigba lọ tọn lẹ hẹn núsisa kavi núdùdù depope wá to gbojẹzángbè nado sà, wẹ mìwlẹ ma na họ̀ sọn yé si to gbojẹzángbè gba, kavi to azán wiwe de gbè: podọ míwlẹ na jó owhè ṣinawetọ do, po bibiọ ahọ depope tọn po. 32Mí sọ basi ogbèdai lẹ ga na ni, nado yí dadatòn, ṣekẹli de tọn na sinsẹ̀n ohọ̀ Jiwheyẹwhe mítọn tọn tọn do doahọkọna mìde to whèmẹwhèmẹ; 33na akla-adlọ lọ, podọ na avọ́ nunina jinulili whẹwhẹ tọn, podọ na avọ́ nunina mimẹ̀ whẹwhẹ́ tọn, gbọjẹzán lẹ tọn, osùn yọ́yọ́ lẹ tọn, na hùnwhẹ dido lẹ, podọ na onú wiwe lẹ, odọ na avọ́ nunina ylando tọn lẹ nado asi ovẹ̀sè na Islaeli, podọ na azọ́n ohọ̀ Jiwheyẹwhe mítọn tọn tọn lẹpo. 34Mí sọ dèvò lẹ, yẹwhenọ lẹ, Levinu lẹ, po gbẹtọ lẹ po, na avọ́ nunina naké tọn, nado hẹn ẹn wá biọ ohọ̀ Jiwheyẹwhe mítọn tọn mẹ, kẹdẹdi owhé otọ́ mítọn lẹ tọn lẹ, to ojlẹ didè lẹ ji, to whèmewhème, nádo nọ mẹ̀ to agbà OKLUNỌ Jiwheyẹwhe mítọn tọn ji, dile yè wlan ẹn to osẹ́n mẹ do: 35podọ nado hẹn sinsẹ́ntintan aigba mítọn tọn lẹ wá, po sinsẹ́ntintan sinsẹ́n alọpalọpa atin lẹ tọn lẹpo po, to whèmẹwhèmẹ jẹ ohọ̀ OKLUNỌ tọn mẹ: 36plọ́nji visunnu mítọn lẹ tọn ga, po whékanlin mítọn tọn po, dile yè wlan ẹn to osẹ́n mẹ do, po plọ́nji kanlinpa mítọn tọn lẹ po, po lẹngbọpa mítọn lẹ tọn po, nado nọ hẹn wá do ohọ́ Jiwheyẹwhe mítọn tọn mẹ, jẹ yẹwhenọ he to devizọ́nwà to ohò Jiwheyẹwhe mítọn tọn mẹ de: 37podọ mí nado nọ hẹn sinsẹ́ntintan linfinhihò mítọn tọn lẹ wá, po avọ́ nunina mítọn zédlanga tọn lẹ po, podọ sọn sinsẹ́n alọpalọpa atin lẹ tọn lẹpo po, ovẹ̃n po amì po jẹ yẹwhenọ lẹ de, do abò ohọ̀ Jiwheyẹwhe mítọn lọ tọn tọn mẹ; po madao aigba mítọn tọn jẹ Levinu lẹ de; na yé, Levinu lẹ nọ yí madao lẹ to tòdaho oglegbo mítọn tọn lẹpo mẹ. 38Podọ yẹwhenọ visunnu Aalọn tọn lọ na tin to Levinu lẹ de, whenuena Levinu lẹ to madao lẹ yí: Levinu lẹ na nọ hẹn madao sọn madao lẹ mẹ hẹji wá jẹ ohọ̀ Jiwheyẹwhe mítọn tọn mẹ, do abò lẹ mẹ, biọ agbàn hòmẹ. 39Na ovi Islaeli tọn lẹ po ovi Levi tọn lẹ po wẹ nọ hẹn avọ́ nunina zédlanga tọn, ogbadó tọn, ovẹ̃n tọn, amì tọn, do abò lẹ mẹ, fie nuzinzán fiwiwe tọn lẹ te, po yẹwhenọ he to devizónwà lẹ po, po hònjinọtọ lẹ po, po hànjitọ lẹ po: podọ mìwlẹ ma na gbẹ́ ohó Jiwheyẹwhe mítọn tọn lọ dai gba.
111AHOVI gbẹtọ lẹ tọn lẹ sọ nọ nọ̀ Jelusalẹm mẹ: pipòtọ gbẹtọ lẹ tọn ga sọ dèvò lẹ, nado hẹn omẹ dopo sọn ao mẹ wá nado nọ nò Jelusalẹm tòdaho wiwe lọ mẹ, podọ ṣinẹnnẹ he pò lẹ to tòdaho dèvo lẹ mẹ. 2Gbẹtọ lẹ sọ dona omẹ he yí ojlo do jó yéde nado nó Jelusalẹm mẹ lẹpo, 3Dinvie ehelẹ wẹ ogán gbeta tọn lẹ he nọ nọ̀ Jelusalẹm mẹ: ṣigba to tòdaho Juda tọn lẹ mẹ wẹ omẹ dopodopo nọ nọ̀ nutindo etọn mẹ to tòdaho yetọn lẹ mẹ, nado dọ, Islaeli lẹ, yẹwhenọ lẹ, po Levinu lẹ po, po Netinimi lẹ po, po ovi mẹmẹsi Sọlọmọni tọn lẹ tọn lẹ po. 4Podọ to Jelusalẹm mẹ mẹdẽlẹ sọn ovi Juda tọn lẹ mẹ nọ nọ̀, podọ sọn ovi Bẹnjamini tọn lẹ mẹ Sọn ovi Juda tọn lẹ mẹ: Ataia visunnu Uzia tọn lọ, visunnu Zekalia tọn lọ, visunnu Amalia tọn lọ, visunnu Sẹfatia tọn lo, visunnu Mahalaleli tọn lọ, sọn ovi Pelezi tọn lẹ mẹ; 5po Maaseia visunnu Baluki tọn lọ po, visunnu Koli-hoze tọn lọ, visunnu Hazaia tọn lọ, visunnu Adaia ton lọ, visunnu Joialibi tọn lọ, visunnu Zekalia tọn lọ, visunnu Ṣiloninu lọ tọn. 6Visunnu Pelẹzi tọn lẹpo he nọ nọ Jelusalẹm mẹ lẹ yín omẹ hlọnhlonnọ fowekandekoatọ́nnukunatọ̀n. 7Ehelẹ sọ wẹ visunnu Benjamini tọn lẹ: Salu visunnu Mẹṣulami tọn lọ, visunnu Joẹdi tọn lọ, visunnu Pẹdaia tọn lọ, visunnu Kolaia tọn lọ, visunnu Maaseia tọn lọ, visunnu Itiẹli tọn lọ, visunnu Jẹsaia tọn lọ. 8Podọ to godo etọn Gabbai, Salai, fenẹkantọ̀nsinatọ̀n. 9Joẹli visunnu Zakli tọn wẹ nugopóntọ yetọn: podo Juda visunnu Hasenua tọn lọ wẹ meawetọ to tòdaho lọ ji. 10Sọn yẹwhenọ lẹ mẹ: Jedaia visunnu Joialibi tọn, Jakini, 11Selaia visunnu Hilkia tọn lọ visunnu Mẹṣulami tọn lọ, visunnu Zadọki tọn lọ, visunnu Mẹlaioti tọn lọ, visunnu Ahitubi tọn lọ, ogán ohọ̀ Jiwheyẹwhe tọn tọn, 12po mẹmẹsunnu yetọn lẹ po he nọ wà azón ohò lọ tọn lẹ, fenẹkònukunawe: po Ádaia visunnu Jelohami tọn lọ po, visunnu Pẹlalia tọn lọ, visunnu Amzi tọn lọ, visunnu Zekalia tọn lọ, visunnu Pashuli tọn lọ, visunnu Malkija tọn lọ, 13po mẹmẹsunnu etọn lẹ po nukọntọ owhé otọ́ lẹ tọn tọn lẹ fọdekandenukunawe: po Amassai visunnu Azaleli tọn lọ po, visunnu Ahzai tọn lọ, visunnu Mẹsilẹmoti tọn lọ, visunnu Immẹli tọn lọ, 14po mẹmẹsunnu yetọn lẹ po, omẹ hlọnhlọnnọ tudido tọn lọ kantọ̀nsinatọ̀n: podọ nugopóntọ yetọn wẹ Zabdiẹli, visunnu Hagedolimi tọn lọ. 15Podọ sọn Levinu lẹ mẹ; Ṣemaia visunnu Hasubi tọn lọ, visunnu Azlikami tọn lọ, visunnu Hasabia tọn lọ, visunnu Buni tọn lọ; 16podọ Sabetai po Jozabadi po, sọn ogán Levinu lẹ tọn mẹ, mẹhe tindo núgopọ́n azọ́nwà gbonu dali ohọ̀ Jiwheyẹwhe tọn lọ tọn; 17po Matania visunnu Mika tọn po, visunnu Zabdi tọn lọ, visunnu Asafi tọn lọ, mẹhe yín ogán nado ṣẹ̀ avọ́ nunina pénina tọn to odẹ̀ mẹ, po Babukia po, mẹawetọ to mẹmẹsunnu etọn lẹ ṣẹnṣẹn; po Abda visunnu Ṣamua tọn lọ po, visunnu Galali tọn, visunnu Jedutuni tọnlọ. 18Levinu lẹpo to tòdaho wiwe lọ mẹ yín fọdekanwenukunẹnẹ. 19Huganmọ hònjinọtọ lẹ, Akubi, Talmọni, po mẹmẹsunnu yetọn lẹ po, he hẹn nuhihó go to hòngbo lẹ ji, yín kantọ̀nnukunawe. 20Podọ pipòtọ Islaeli tọn, sọn yẹwhenọ Levinu lẹ mẹ, tin to tòdaho Juda tọn lẹpo mẹ omẹ dopodopo to gúdùnú etọn mẹ. 21Ṣigba Netinimi lẹ nọ nọ̀ Gfẹli mẹ: Ziha po Gispa po tintò Netinimi lẹ lọ ji. 22Nugopọ́ntọ lẹ ga sọn Levinu lẹ mẹ to Jelusalẹm wẹ Uzi visunnu Bani tọn lọ, visunnu Hasabia tọn lọ, visunnu Matania tọn lọ, visunnu Mika tọn lọ, sọn visunnu Asafi tọn lẹ mẹ, hànjitọ lẹ lọ, to azọ́nwà ohọ̀ Jiwheyẹwhe tọn tọn ji. 23Na gbèdide de tin sọn ahọlu lọ de gbọn yé tọn dali, po núwleawuna de po na hànjitọ lẹ lọ, dile azán dopodopo biọ do. 24Podọ Petahia visunnu Mẹsezabẹli tọn lọ, sọn ovi Zela tọn lẹ mẹ visunnu Juda tọn lọ, wẹ to alọ ahọlu lọ tọn ji to whẹ́hó lẹpo mẹ gbọn gbẹtọ lẹ lọ tọn dali. 25Podọ na gbeta lẹ, po ogle yetọn lẹ po, mẹdẽlẹ sọn ovi Juda tọn lẹ mẹ nọ nò Kiliati-alba mẹ po otò etọn lẹ po, podọ to Dibọni mẹ po otò etọn lẹ pọ, podọ to Jekabzeẹli mẹ po gbeta ẹtọn lọ po; 26podọ to Jeṣua mẹ, podọ to Molada mẹ, po Bẹti-pẹleti po; 27podọ to Hazali-sua mẹ, podọ to Beẹli-seba mẹ po otò etọn lẹ po; 28podọ to Ziklagi mẹ, podọ to Mẹkona mẹ podọ to otò etọn lẹ mẹ; 29podọ to Eni-limmọni mẹ, podọ to Zola mẹ, podọ to Jalmuti mẹ; 30Zanva, Adulami, po gbeta yetọn lẹ po, Lakisi po ogle etọn lẹ o, Azeka po otò etọn lẹ po. Mowẹ yé osla sọn Beẹli-seba mẹ jẹ agbàdo Hinnọmi tọn mẹ. 31Ovi Bẹnjamini tọn lẹ ga nọ nọ̀ sọn Geba mẹ hlannukọn, to Mikinasi po Aija po, podọ to Bẹti-ẹli po otò etọn lẹ po; 32to Anatoti, Nobi, Anania; 33Hazoli, Lama, Gitaimi; 34Hadidi, Zeboimi, Nẹbalati; 35Lọdi, po Ono po, ágbàdo anàwàtọ lẹ tọn. 36Podọ sọn Levinu lẹ mẹ yè hẹn okànta dẽlẹ to Juda mẹkọ̀ndopọ hlan Bẹnjamini.
121DINVIE ehelẹ̃ wẹ yẹwhenọ lẹ po Levinu lẹ lọ po he hẹji yì po Zelubabẹli visunnu Sealtlẹli tọn lọ po, po Jeṣua po, Selaia, Jẹlemia, Ẹzla; 2Amalia, Maíuki, Hatusi; 3Sekẹma, Lẹhumi, Melẹmọti; 4Iddo, Ginnetọi, Abija; 5Mijamini, Maadia, Bilga; 6Ṣemaia, po Jọialibi po, Jedaia; 7Salu, Amọki, Hilkia, Jẹdaia. Ehelẹ̃ wẹ ogán yẹwhenọ lẹ tọn po mẹmẹsunnu yetọn lẹ tọn po to azán Jeṣua tọn lẹ mẹ. 8Humọ Levinu le lọ: Jeṣua, Binnui, Kadiniẹli, Selẹbia, Juda, po Matania po, he tin to avọ́ nunina pẹ́dido tọn lẹ ji, ewọ po mẹmẹsunnu etọn lẹ po. 9Bakbuluà ga po Unnọ po, mẹmẹsunnu yetọn lẹ, tin to titegbè na yé to hihọ́ lẹ mẹ. 10Jeṣua wẹ so ji Jọiakimi, Jọiakimi sọ ji Eliasibi, Eliasibi sọ ji Jọiada, 11Joiada sọ ji Jonatani, Jonatani sọ ji Jadua. 12Yẹwhenọ lẹ sọ tin to azán Jọiakimi tọn lẹ mẹ, nukọntọ owhé otọ́ lẹ tọn lẹ tọn: sọn Selaia mẹ, Melaia; sọn Jẹlemia mẹ, Hanania; 13sọn Ẹzla mẹ, Mẹṣulami; sọn Amalia me, Jehohanani; 14sọn Maluki mẹ, Jonatani; sọn Sebania mẹ, Josẹfu; 15sọn Halimi mẹ, Adna; sọn Mẹlaioti mẹ, Hẹlkai; 16sọn Iddo mẹ, Zekalia; sọn Ginnẹtọni mẹ, Mẹṣulami; 17sọn Abija mẹ, Zikli; sọn Miniamini mẹ, sọn Moadia mẹ, Piitai; 18sọn Bilga mẹ, Ṣamua; sọn Ṣemaia mẹ, Jehonatani; 19podọ sọn Joialibi mẹ, Metẹnai; sọn Jedaia mẹ, Uzi; 20sọn Salai mẹ, Kalai; sọn Amọki mẹ, Ebeli; 21sọn Hilkia mẹ, Hasabia; sọn Jedaia mẹ, Nẹtanẹli. 22Levinu lẹ lọ to azán Eliasibi tọn lẹ mẹ, Jọiada, po Johanani po, po Jadua po, wẹ yè do yíflin nukọntọ owhé otọ́ lẹ tọn tọn: yẹwhenọ lẹ ga, to ahọludu Daliusi Pẹlṣianu lọ tọn mẹ. 23Visunnu Levi tọn lẹ, nukọntọ owhé otọ́ lẹ tọn tọn lẹ, wẹ yè wlan do owé otànnugbo lẹ tọn mẹ, yèdọ kakajẹ azán Johanani visunnu Eliasibi tọn ton lẹ mẹ. 24Podọ ogán Levinu lẹ tọn lẹ: Hasabia, Selebia, po Jeṣua visunnu Kadiniẹli tọn po, po mẹmẹsunnu yetọn lẹ po pànnukọn yé, nado nọ pà bo sọ nọ na opẹ́ lẹ kẹdẹdi gbèdide Davidi omẹ Jiwheyẹwhe tọn lọ tọn, hihọ́ pànnukọn hihọ́. 25Matania, po Bakbukia po, Obadia, Mẹṣulami, Talmọni, Akubi, wẹ họ̀njinọtọ lẹ he to hihó go pọ́n to agbànhò hòngbo lẹ tọn lẹ ji. 26Ehelẹ tin to azán Jọiakimi visunnu Jeṣua tọn tọn lẹ mẹ, visunnu Jozadaki tọn lọ, podọ to azán Nẹhemia otògán lọ tọn lẹ mẹ, po Ẹzla yẹwhenọ wékantọ lọ tọn po.
27To klándowìwe adó Jelusalẹm tọn tọn whenu wẹ yé din Levinu lẹ sọn otẹn yetọn lepo mẹ, nado hẹn yé wá jẹ Jelusalẹm, nado yí homehùn do payi klándowiwe lọ go, po pẹ́dido lẹ po, po hànjiji po, po ajògàn lẹ po, asiazón hànjinu lẹ, po ajalẹn lẹ po. 28Visunnu hànjitọ lẹ lọ tọn lẹ sọ bẹ́ yéde pli dopọ, tọ́n sọn danfáfá ji lẹ́do Jelusalẹm, podọ sọn gbeta Netofitinu lẹ tọn lẹ mẹ; 29sọn Bẹtigilgali mẹ ga, podọ tón sọn danji Geba po Azmavẹ po tọn lẹ mẹ: na hànjitọ lẹ lọ ko do gbeta lẹ na ye lẹ́do Jelusalẹm pó. 30Yẹwhenọ lẹ po Levinu lẹ po sọ lẹ́ yéde wé; yé sọ lẹ̀ gbẹtọ lẹ wé, po hòngbo lẹ lọ po, po adó lẹ lọ po. 31Whenẹnu we yẹn hẹn ahọvi Juda tọn lẹ hẹji wá to adó lọ ji, bo sọ dè ogbẹ́ daho awe he to opẹ́ lẹ na bo sọ to yìyì to titò mẹ; fietọn ode to yìyì to alọ adusi go to adó lọ ji hlan ogbóji họ̀ngbo lọ dali: 32podọ to yé godo wẹ Hosaia to yìyì, po odá po sọn ahọvi Juda tọn lẹ mẹ, 33po Azalia po, Ẹzla, po Mẹṣulami po, 34Juda, po Bẹnjamini po, po Ṣemaia po, po Jẹlemia po, 35podọ mẹdẽlẹ sọn visunnu yẹwhenọ lẹ tọn lẹ mẹ po opẹ́n lẹ po: Zekalia visunnu Jonatani tọn lọ, visunnu Ṣemaia ton lọ, visunnu Matania tọn lọ, visunnu Mikaia tọn lọ, visunnu Zakuli tọn lọ, visunnu Asafi tọn lọ; 36po mẹmẹsunnu etọn lẹ po, ṣẹmaia, po Azalẹli po, Milalai, Gilalai, Maai, Netanẹli, po Juda po, Hanani, po nuzinzán hànjinu Davidi omẹ Jiwheyẹwhe tọn tọn lẹ po; Ẹzla wékantọ lọ sọ tin to yé nukọn: 37podọ to asisa hóngboji dali, podọ to yé nukọn titegbè, wẹ yé nọ gbọn hẹji yì to aila tòdaha Davidi tọn tọn dali, to hihẹji yì adó lọ tọn, to aga ohọ̀ Davidi tọn, yèdọ jẹ osìn họ́ngboji hlan whèzẹtẹn dali. 38Podọ ogbẹ́ yé tọn awetọ he to opẹ́ lẹ na yì nado pa yé, podọ yẹn to yé godo, po odá gbẹtọ lẹ tọn po, to adó lọ ji, to aga atòhó zohò lẹ tọn ji, yèdọ jẹ adó gbigblo lọ kòn; 39podọ to aga họ̀ngbo Eflaimi tọn ji, podọ to họ̀ngbo hóhó lọ dali, podọ to owhèvi họ́ngbo lọ dali, po atọ̀họ́ Hananẹli tọn po, po atọ́nó Hamea tọn po, yèdọ jẹ lẹngbọ họ́ngbo lọ ji: yé sọ ṣite gun to hóngbo ahọluwhàn tọn lọ mẹ. 40Mowẹ ogbó yé tọn awe lẹ he to opó lẹ na to ohọ̀ Jiwheyẹwhe tọn mẹ ṣite, podọ yẹn, po odá ogán lẹ tọn po to dè: 41podọ yẹwhenọ lẹ, Eliakimi, Maaseia, Miniamini, Mikaia, Elioenai, Zekalia, po Hanania po, po opẹ́n lẹ po; 42Maaseia, po Ṣemaia po, po Eleazali po, po Uzi po, po Jehohanani po, po Malkija po, po Elami po, po Ezẹli po. Hànjitọ lẹ to hànji lẹ́dó, po Jezlahia nugopọ́ntọ yetọn po. 43Yé sọ sán avọ́ daho lẹ de to azán nẹ gbè, bo sọ jaya: na Jiwheyẹwhe ko yí ayajijẹ daho do nẹn yé jaya; yọnnusi lẹ ga po yọ̀pọ lẹ po sọ to ayajẹ: sọmọ bọ yè sẹ̀ ayajijẹ Jelusalẹm tọn lọ yèdọ jẹ aganu bóbóe.
44Azán nẹ gbè wẹ yè dè gbẹtọ lẹ do abò lẹ ji na adọkunnu lẹ, na avọ́ nunina zédlanga lẹ, na sinséntintan lẹ, podọ na madao lẹ, nado bépli do yé mẹ, kẹdẹdi ogle tòdaho lẹ tọn lẹ, mimá yè dè gbọn osẹ́n dali lẹ na yẹwhenọ lẹ po Levinu lẹ po: na Juda to ayajẹ na yẹwhenọ lẹ podọ na Levinu he nọ site lẹ. 45Yé sọ to ayipa hihọ́ Jiwheyẹwhe yetọn tọn go, po hihọ́ klándowiwe tọn po, mọwẹ hànjitọ lẹ po họ̀njinọtọ lẹ po to wiwà do kẹdẹdi gbèdide Davidi tọn, po Sọlọmọni visunnu etọn tọn po. 46Na to azán Davidi po Asafi po tọn lẹ mẹ sọn hóhó ogán hànjitọ lẹ tọn de podọ ohàn pipà tọn lẹ po opó po tin hlan Jiwheyẹwhe. 47Islaeli lẹpo to azán Zelubabẹli tọn lẹ mẹ, podọ to azán Nẹhemia tọn lẹ mẹ nọ na mimá hànjitọ lẹ po hònjinọtọ lẹ po tọn lẹ, dile azán dopodopo biọ do: yé sọ lẹ́wé na Levinu lẹ; Levinu lẹ sọ lẹ́wé na visunnu Aalọn tọn lẹ.
131TO azán nẹ gbè wẹ yé hia to owé Moṣe tọn lọ mẹ to sisè gbẹtọ lẹ tọn mẹ; emẹfinẹ yè mọ yè wlan te, na Ammọninu de po Moabinu de po ma na do biọ agùn Jiwheyẹwhe tọn mẹ yì gbèdegbède; 2na yé ma yí akla po osìn po do pó ovi Islaeli tọn lẹ wutu, ṣigba dapà Balaami do yé ji, nado hòdẹ́do yé: ṣogàn Jiwheyẹwhe mítọn diọ dẹ́hòdo lọ do dona de mẹ. 3E sọ wá jọ, whenuena yé ko sè osẹ́n lọ, wẹ yé klán agùndaho flusọ lọ lẹpo sọn Islaeli mẹ.
4Dinvie jẹnukọnna ehe, Eliasibi yẹwhenọ lọ, mẹhe yè ko dè do abò ohọ̀ Jiwheyẹwhe mítọn tọn lọ tọn ji, yínyín dọ̀ndopọ hlan Tobia 5ko wleawu abò daho de tọn nẹ, tò hóhówhenu fie ye ko nọ zé avọ́ nunina jinulili tọn lẹ lọ do, nuyọnwán lọ, po nuzinzán lọ lẹ po, po madao gbadó tọn lẹ po, ovẹ̃n lọ, po amì lọ po, he yè na gbọn gbèdide dali hlan Levinu lẹ, po hànjitọ lẹ lọ po, po hònjinọtọ lẹ lọ po; po avọ́ nunina Zédlanga lẹ po na yẹwhenọ lẹ. 6Ṣigba to ojlẹ he lẹpo mẹ yẹn ma tin to Jelusalẹm gba: na to owhè gbànnukunawetọ Altakẹlkesi ahọlu Babilọni tọn lọ tọn mẹ wẹ yẹn yì ahọlu de, podọ to azán sọha dẽlẹ godo biọ ojódo sọn ahọlu de: 7yẹn sọ wá jẹ Jelusalẹm, bo sọ tùnwun oylan he Eliasibi ko wà na Tobia tọn, to awuwlena abò lẹ de nọ̀ mẹ to akànmaho ohọ̀ Jiwheyẹwhe tọn tọn mẹ. 8E sọ doadihomẹna mi badabada: enẹwutu wẹ yẹn do bẹ́ agbàn whédo Tobia tọn lẹpo tón sọn abò lọ mẹ. 9Whenẹnu wẹ yẹn degbè, bọ yé sọ klọ́ abò lẹ wé: finẹ wẹ yẹn sọ vó nuzinzán ohọ́ Jiwheyẹwhe tọn tọn lẹ bẹ́wá, po avọ́ nunina jinulili lẹ po po nuyọnwán lọ po. 10Yẹn sọ mọhlan dọ yè ma ko na mimá Levinu lẹ tọn yé gba; sọmọ bọ yè hẹn Levinu lẹ po hànjitọ lẹ lọ po he wà azọ́n lọ lẹ, hónyì omẹ dopodopo jẹ ogle etọn kón. 11Whenẹnu wẹ yẹn wọ́hẹ ogán lẹ lọ, 00dọmọ, Etẹwutu wẹ yè gbẹ́ ohọ̀ Jiwheyẹwhe tọn lọ dai? Yẹn sọ bẹ́ yé plidopọ, bẹ do yé otẹn yetọn mẹ. 12Whenẹnu wẹ Juda lẹpo hẹn madao gbadó lọ tọn po ovẹ̃n lọ po po amì lọ po wá do adọkunnu lẹ lọ mẹ. 13Yẹn sọ basi adọkunnugán lẹ do adọkunnu lẹ ji Ṣẹlẹmia yẹwhenọ lọ, po Zadọki wékantọ lọ po, podọ sọn Levinu lẹ mẹ, Pedaia: podọ awetọ sẹpọ́ yé wẹ Hanani visunnu Zakuli tọn, visunnu Matania tọn: na yè hia yé nugbonọ, azọ́nwà yetọn sọ wẹ nado nọ mánú hlan mẹmẹsunnu yetọn lẹ. 14Jiwheyẹwhe ṣie È, flin mi, gbọn ehe tọn dali, bo ma sọ súnsún owàlọ dagbe ṣie lẹ sé blo he yẹn ko wà na ohọ̀ Jiwheyẹwhe ṣie tọn, podọ na ayipanugo etọn lẹ.
15To azán nẹlẹ̃ mẹ wẹ yẹn mọ mẹdẽlẹ to Juda mẹ to avọ́nlinú lẹ zín to gbọjẹzán gbè, bo to hinhẹn amakó lẹ wá whégbè, bo sọ yí do to agbàndona kẹtẹkẹtẹ lẹ; di ovẹ̃n ga, ovẹ̃nsinsẹ́n lẹ, po ovọ̀sinsẹ́n lẹ po, po hùnkọ agbàn lẹ tọn lẹpo po, he yé to hinhẹn wá Jelusalẹm mẹ to gbọjẹzán gbè: yẹn sọ sakunnu do yé ji to azán lọ gbè ehemẹ yé to núdùdù lẹ sà te. 16Omẹ Tile tọn lẹ nọ nò finẹmẹ ga, he nọ hẹn owhèvi wá whegbè, po hunkọ ajọnú tọn lẹpo po, bo nọ to sisà to gbọjẹzán gbè hlan ovi Juda tọn lẹ, podọ to Jelusalẹm mẹ. 17Whenẹnu wẹ yẹn sọ wọ́hẹ mẹgbõgbo Juda tọn lẹ, bo sọ dọ hlan yé dọmọ, Eté wẹ onú ylankan ehe mì to wiwà he, bo to gbọjẹzán hẹngble? 18Otọ́ mítọn lẹ ma ko wà le, Jiwheyẹwhe mítọn ma ko sọ hẹn oylan he lẹpo wá mí ji, po tòdado he po ji? gãnṣo mì sọ hẹn homẹgble huganmọ ja Islaeli ji gbọn gbọjẹzán hinhẹngble dali. 19E sọ wá jọ wẹ, whenuena hóngboji Jelusalẹm tọn lẹ ṣẹ̀ nado tin zinvíu jẹnukọnna gbọjẹzán, Yẹn degbè na ohón lẹ na do yín súsú, bo degbè na yé ma na do yín hùnhùn kakajẹ gbọjẹzán lọ godo: mẹdẽlẹ sọn mẹmẹsi ṣie lẹ mẹ wẹ yẹn sọ dè do họ̀ngbo lẹ ji, na agbàn de ma na do yín hinhẹn wá biọ whégbè finẹ to gbọjẹzán gbè. 20Mowẹ ajótọ lẹ po sisàtọ hunkọ ajọ́nú tọn lẹpo tọn po lẹ jẹavà do Jelusalẹm gbonu whladopo kavi whlawe. 21Whenẹnu wẹ yẹn sakunnu do yé ji, bo dọ hlan yé dọmọ, Etẹwutu wẹ mì do jẹ̀avà to adó go lẹ́do? eyín mìwlẹ sọ wà mọ ba, Yẹn na do alọ lẹ mì go. Sọn ojlẹ nẹ mẹ gbọ̃n wẹ yé ma ko sọ wá to gbọjẹzán gbè ba. 22Yẹn sọ degbèna Levinu lẹ na yé na do lẹ́ yéde wé, podọ na yé na do nọ wá bo sọ nọ payi họngbo lẹ go, nado lẹ́ gbọjezán lọ wé. Jiwheyẹwhe ṣie E, flin hlan mi, ehe ga, bo sọ hla mi dai kẹdẹdi kiklo lẹblanu towe tọn lọ.
23To azán nẹlẹ̃ mẹ ga wẹ yẹn mọ Ju lọ lẹ he ko wlealọhẹ yọnnu Aṣdọdi tọn lẹ, Ammọni tọn, po Moabi tọn po: 24ovi yetọn lẹ sọ nọ dọhó odá to ohógbè Aṣdọdi tọn mẹ, bo ma sọ sọgan dọhó to ogbè Ju tọn mẹ gba, aigba kẹdẹdi ogbè gbẹtọ lẹ dopodopo tọn. 25Yẹn sọ wóhẹ yé, bo hodédo yé, bo hò mẹdẽlẹ sọn yé mẹ, bo sùn odà yetọn lẹ sé, bo hẹn yé whle gbọn Jiwheyẹwhe dali, dọmọ, Mìwlẹ ma na jó viyọnnu mítọn lẹ hlan visunnu yetọn lẹ gba, kavi yí viyọnnu yetọn lẹ na visunnu mítọn lẹ, kavi na mìde gba. 26Bé Sọlọmọni ahọlu Islaeli tọn ma wàylando gbọn onú heló dali? gãnṣo to akọta susu ṣẹnṣẹn ahọlu ewọ nkọ de ma tin finẹ, ewọ sọ yín mẹyiwanna son Jiwheyẹwhe etọn de, Jiwheyẹwhe sọ yí i do basi ahọlu to Islaeli lẹpo ji: ṣogàn yèdọ ewọ wẹ yọnnu ojonọ lẹ hẹn nado wàylando 27Bé mìwlẹ na tuntóai hlan mì nado to oylan daho he lẹpo wà, nado to ylanwà do Jiwheyẹwhe mítọn go to alọwlehẹ yọnnu ojonọ lẹ mẹ? 28Podọ dopo sọn visunnu Jọiada tọn lẹ mẹ, visunnu Eliasibi yẹwhenọ daho lọ tọn lọ, yín yọ́nwhẹn hlan Sanbalati Holoninu lọ: enẹwutu wẹ yẹn yàn ẹn sọn dẽ. 29Jiwheyẹwhe ṣie È, flin yé, na yé ko flu yẹwhenọduta lọ, po alẹ̀nù yẹwhenọduta lọ tọn po, po Levinu lẹ tọn po wutu. 30Le wẹ yẹn klọ́ yé wé do sọn ojonọ lẹpo mẹ, bo sọ dè hihó lẹ na yẹwhenọ lẹ podọ na Levinu lẹ, omẹ dopodopo to azọ́n etọn mẹ; 31podọ na onake nina, to ojlẹ didè lẹ ji, podọ na sinséntintan lẹ. Jiwheyẹwhe ṣie È, flin mi, na dagbe.