Jọṣua

¹E sọ wá jọ lò to okú Moṣe mẹmẹsi OKLUNỌ tọn tọn godo, wẹ OKLUNỌ dọhó hlan Jọṣua visunnu Nuni tọn, dèvizọ́nwàtọ Moṣe tọn, dọmọ, ²Moṣe mẹmẹsi ṣie yín oṣiọ; dinvie enẹwutu tite, yì Jọdani he godo, hiẹ, po ome he lẹpo po, yì aigba he yẹn ko na hlan yé ji, yèdọ hlan ovi Islaeli tọn lẹ. ³Ofi he afọpáhomẹ towe na zín lẹpo, mì wẹ yẹn ko na ẹn hlan, dile yẹn ko dọhó hlan Moṣe do. ⁴Sọn zùngbo lọ mẹ, po Lebalọni he po, yèdọ jẹ otò daho lọ kón, otọ́ Euflate lẹ, aigba Hitinu lẹ tọn, podọ jẹ ohù daho lọ kòn hlan odò yìyì owhè tọn dali, wẹ na yín agbóji mìtọn. ⁵Sunnu depope ma na tin sọgan nado nọte to nukọn towe to azán ogbẹ́ towe tọn lẹpo gbè: dile yẹn tin po Moṣe po do, mọwẹ yẹn na sọ tin po hiẹ po do: yẹn ma na hẹn we mọwinyan, kavi gbẹ́kọ́ ogo we gba. ⁶Yín huhlọnnọ po tudotọ dagbe de tọn po: na hiẹ na hẹn omẹ he lẹ nado yí na ogú aigba he yẹn ko whle hlan otọ́ yetọn lẹ nado na yé. ⁷Yín huhlọnnọ sokẹdẹ tudotọ susu, nado payi nado nọ wà kẹdẹdi osẹ́n lẹpo, ehe Moṣe mẹmẹsi ṣie degbèna we: a lẹ́ sọn e de hlan adusilọ kavi hlan amiyọnlọ mẹ blo, na hiẹ nido tindo núwàdotana dagbe to ofi he hiẹ yì depope. ⁸Owé osén lọ tọn he ma na yìsọn onù towe gba, ṣigba hiẹ na nọ lẹnayihamẹpón to e mẹfinẹ to okle po ozán po, na hiẹ nido payi nado nọ wà kẹdẹdi enẹ he yè wlan do e mẹ finẹ lẹpo: na whenẹnu wẹ hiẹ na hẹn aliho towe yín nuyọnnanọ, podọ whenẹnu hiẹ na tindo núwàdotana dagbe. ⁹Yẹn ma ko degbèna we? Yín huhlọnnọ po tudotọ dagbe de tọn po; a yín avosatọ blo, a sọ yín butọnọ blo: na OKLUNỌ Jiwheyẹwhe towe tin po hiẹ po to ofi hiẹ yìyì depope.

¹⁰Whenẹnu wẹ Jọsua degbèna omẹ ewlẹ, dọmọ, ¹¹Mì dagbọn osla lọ homẹ bo degbèna omẹ ewlẹ, dọmọ, Mì wleawuna núdùdù mìtọn lẹ; na to azán atọ̀n mẹ mì tin nado juyi Jọdani he godo, nado biọ e mẹ nado tindo aigba lọ, he OKLUNỌ Jiwheyẹwhe mìtọn na mì nado tindo e.

¹²Jọsua sọ dọhó hlan Leubẹninu lẹ, podọ hlan Gadinu lẹ, podọ hlan odá whẹndo Manasse tọn tọn lọ, dọmọ, ¹³Mì ni flin ohó he Moṣe mẹmẹsi OKLUNỌ tọn degbèna mì, dọmọ, OKLUNỌ Jiwheyẹwhe mìtọn na ogbọjó mì, bo na sọ na aigba he mì. ¹⁴Asi mìtọn lẹ, ovi mìtọn lẹ, po kanlinpa mìtọn po na nọnó aigba lọ ji he Moṣe na mì to Jọdani godo; ṣigba mìwlẹ na juyì to mẹmẹsunnu mìtọn lẹ nukọn to gbàjamẹ, sunnu adantọ huhlọn tọn lẹpo, bo na goalọna yé; ¹⁵kaka OKLUNỌ ko na ogbọjẹ mẹmẹsunnu mìtọn lẹ, dile é ko na mìwlẹ do, bọ yéwlẹ ga ko tindo aigba lọ he OKLUNỌ Jiwheyẹwhe mìtọn na yé: whenẹnu; mìwlẹ na gódo aigba nutindo mìtọn tọn ji, bo na tindo e, ehe Moṣe mẹmẹsi OKLUNỌ tọn na mì to Jọdani godo hlan whèzẹtẹn dali. ¹⁶Yé sọ gblọnna Jọsua, dọmọ, Ehe hiẹ ko degbèna mí lẹpo mí na basi, podọ ofi he hiẹ do mí hlan depope mí na yì. ¹⁷Kẹdẹle mí tuntóai hlan Moṣe to onú lẹpo mẹ do, mọwẹ mí na tuntóai hlan we do: OKLUNỌ Jiwheyẹwhe towe ni tin po hiẹ poṣokẹdẹ dile é ko tin po Moṣẹ po do. ¹⁸Mẹdepope ewọ yín he na ṣiatẹ do gbèdide towe go, bo ma na tuntóai hlan ohó towe lẹ to ehe yè degbè nẹ lẹpo mẹ, yè na hù i: yín huhlọnnọ ṣokẹdẹ po tudotọ dagbe de tọn po.

¹JỌṢUA visunnu Nuni tọn sọ do sunnu awe hlan sọn ṣitimi di amé gbọn nuglọ, dọmọ, Yì là aigba lọ pọ́n, po Jẹliko po. Yé sọ yì, bo wá owhé galọtọ de tọn gbè oyín mẹhetọn nọ yín Lahabi, bo mlọn finẹ. ²Yè sọ dọ na ahọlu Jẹliko tọn, dọmọ, Sunnu de lẹ sọn ovi Islaeli tọn mẹ wá ofi to ozán he mẹ nado dindòna aigba lọ. ³Ahọlu Jẹliko tọn sọ do omẹ hlan Lahabi, dọmọ, Hẹn dawe he wá de we lẹ tọ́n, he biọ owhé towe gbè: na otò he wẹ yé wá nado dindòna. ⁴Nawe lọ sọ bẹ dawe awe lẹ, bo whla yé; é sọ dọmọ, Nugbo, omẹ ewlẹ wá dẽ, ṣigba yẹn ma yọ́n fie yé te gba: ⁵E sọ wá jọ to ojlẹ súsú họ̀ngbo tọn tọn, whenuena é yín zinvlu, wẹ dawe ewlẹ tón yì: fie omẹ ewlẹ yì yẹn ma yọnẹn: mì yawu domóna yé; na mì na pla yé. ⁶Ṣigba ewọ ko hẹn yé wá aga to ohọ̀ta, bo yí zinkán sékanfun tọn vàna yé, he é ko bẹ́ tò do ohọ̀ta ⁷Omẹ ewlẹ sọ doafọna yé to aliho jei Jọdani jẹ tọ̀pẹsẹ lẹ kọ̀n: le yé mẹhe doafọna yé lẹ tón yì, yé sú họ̀ngbo. ⁸Whẹpo yé na do mlọnai, é hẹ́ aga wá yé de to ohọ̀ta; ⁹ewọ sọ dọ hlan omẹ ewlẹ dọ, Yẹn yọnẹn dọ OKLUNỌ ko na aigba he mì, podọ zingidi mìtọn ko jẹ mí ji, podọ tòmẹnu aigba lọ tọn lẹpo wẹ yé kònyìngbe to mì nukọn. ¹⁰Na mí ko sè lé OKLUNỌ hẹn osìn Ohù Vẹ̃ tọn hú to mì nukọn do, whenuena mì tón sọn Egipti; po onú he mì wà hlan ahọlu awe Amolinu lẹ tọn po, he tin to Jọdani godo, hlan Sihọni, podọ hlan Ogi, yé mẹhe mì hùsúdo gbidigbidi. ¹¹Le míwlẹ sè e, ayiha mìtọn lẹ yé, mọ gbigbọ de ma sọ pò to omẹ depope homẹ, na mì tọn wutu: na OKLUNỌ Jiwheyẹwhe mìtọn, ewọ wẹ Jiwheyẹwhe to olọn mẹ aga, podọ to aihọn ji to odò. ¹²Enẹwutu dinvie, yẹn vé mì, whle hlan mi gbọn OKLUNỌ lọ dali, sọle yẹn ko zán homẹhùn hẹ mì, dọ mìwlẹ ga na zán homẹhùn hẹ owhé otọ́ ṣie tọn, bo na ohia dagbe de mi: ¹³podọ mìwlẹ na whlẹn otọ́ ṣie dogbẹ̀, po onọ ṣie po, po nọvisunnu ṣie lẹ po, po nọviyọnnu ṣie lẹ po, po enẹ he yé tindo lẹpo po, bo na sọ whlẹn ogbẹ̀ mìtọn lẹ sọn okú mẹ ¹⁴Omẹ ewlẹ sọ dọ hlan ẹn dọ, Ogbẹ̀ mitọn na mìtọn, eyín mi ma dọ azón mìtọn he; é na sọ wá jọ, whenuena OKLUNỌ na aigba he mi, wẹ mí na yí homẹhùn po nugbo po do zán hẹ we. ¹⁵Whenẹnu wẹ é yí okàn de do dè yé jẹte gbọn vẹ́sẹ́nu: na owhé etọn tin to otò dòkọdó ji, ewọ sọ nọnọ̀ adó lọ ji. ¹⁶Ewọ sọ dọ hlan yé dọ, Mì yì osé ji, na afọdonamẹtọ lẹ nika hòjẹ mì; bo whla mìde do finẹ azán atọ̀n kaka afọdonamẹtọ lẹ do lẹ́gọ̀: enẹgodo mì nido yí aliho mìtọn yì. ¹⁷Omẹ ewlẹ sọ dọ hlan ẹn dọ, Mí na yín matinwhẹgbledo, sọn whiwhle towe he mẹ he hiẹ ko hẹn mí nado whle. ¹⁸Dayi e go, whenuena mi wá biọ aigba lọ mẹ, hiẹ na sìn okàn sekànvẹ̃ṣẹẹẹ tọn hè hiẹ do dè mí jẹte do vẹ́sẹ́nu: hiẹ na sọ bẹ́pli do owhé gbé do dewe de otọ́ towe, po onọ towe po, po nọvisunnu towe lẹ po, po whédo otọ́ towe tọn lẹpo po. ¹⁹E na sọ yín, dọ omẹ depope he na tọ́n sọn ohọ̀n owhé towe tọn lẹ mẹ jẹ aligboji, ohùn etọn na tin to ota etọn, míwlẹ na sọ yín matinwhẹgbledo: mẹdepope he na tin po hiẹ po to owhé gbè, ohùn etọn na tin to ota mitọn, eyín alọ depope tin to e ji. ²⁰Ṣigba eyín hiẹ dọ azọ̀n mitọn he, whenẹnu míwlẹ na yín matinwhẹgbledo sọn whiwhle towe mẹ he hiẹ ko hẹn mi nado whle. ²¹Ewọ sọ dọmọ, Kẹdẹdi hlan ohó mìtọn lẹ, mọwẹ é ni yín. Ewọ sọ jò yé hlan yì, yé sọ fọ́nyì: ewọ sọ sìn okàn sekànvẹsẹsẹ tọn lọ do vẹ́sẹ́nu. ²²Yé sọ yì, bo wá osé lọ kòn, bo nò fine azán atọ̀n; kaka afọdonamẹtọ lẹ lọ do lẹ́gọ̀: afọdonamẹtọ lẹ lọ din yé to aliho lẹpo ṣigba bo ma mọ yé. ²³Whenẹnu omẹ awe lẹ lẹ́gọ̀, bo jẹte sọn osé lọ ji, bo juwayi, bo wá Jọsua visunnu Nuni tọn de; yé sọ dọ ehe jọ̀ do yé go lẹpo nẹ̃. ²⁴Yé sọ dọ hlan Jọsua, dọ Nugbonugbo OKLUNỌ ko yí aigba lọ lẹpo do alọ mìtọn lẹ mẹ; humọ otòmẹnu aigba lọ tọn lẹpo wẹ yọ́ kọnyìngbe to mi nukọn.

¹JỌṢUA sọ tite to afọnnufũ, yé sọ diọtẹn sọn Sitimi, bo wá Jọdani, ewọ po ovi Islaeli tọn lẹpo po; yé sọ ṣi finẹ whẹpo yé do juwáyi. ²E sọ wá jọ to azán atọ̀n godo, wẹ ogán lẹ dagbọn ṣẹnṣẹn osla tọn; ³yé sọ degbèna gbẹtọ lẹ, dọmọ, Whenuena mì mọ alki alẹ̀nu OKLUNỌ Jiwheyẹwhe mìtọn tọn, bọ yẹwhenọ Levinu lẹ zé e hẹn, whenẹnu mì na diọtẹn sọn otẹn mìtọn mẹ, bo hodo e. ⁴Gãnṣo tẹnvọ de na tin to mì po e po ṣẹnṣẹn, nayì awàgba fọtọ́n awe nkọ jijlẹ: mì sẹpọ́ e dali blo, na mì nido yón aliho he mì na gbọn yì; na mì ma ko gbọn aliho he daigbede ⁵Jọṣua sọ dọ hlan gbẹtọ lẹ dọ, Mì le mìde wé: na OKLUNỌ na wà nujawu lẹ to mì ṣẹnṣẹn to osọ̀. ⁶Jọṣua sọ dọhó hlan yẹwhenọ lẹ, dọmọ, Mì zé alki alẹnu tọn lọ, bo juyì to gbẹtọ lẹ nukọn. Yé sọ zé alki alènu tọn lọ, bo to yìyì to gbẹtọ lẹ nukọn. ⁷OKLUNỌ sọ dọ hlan Jọṣua dọ, Egbé wẹ yẹn na ṣẹ nado hẹn we klo to nukun Islaeli lẹpo tọn mẹ, na yé nido yọnẹn dọ, le yẹn tin po Moṣe po do, mọwẹ yẹn na tin po hiẹ po do. ⁸Hiẹ na sọ degbèna yẹwhenọ he hẹn alki alẹ̀nu lọ tọn lẹ, dọmọ, Whenuena míwlẹ jẹ otópa osìn Jọdani tọn lẹ tọn, mìwlẹ na ṣite ṣúdudu to Jọdani mẹ.

⁹Jọṣua sọ dọ hlan ovi Islaeli tọn lẹ dọ, Mì sẹpófi, bo sè ohó OKLUNỌ Jiwheyẹwhe mìtọn tọn lẹ. ¹⁰Jọṣua sọ dọmọ, Fidali mì na yọnẹn te dọ Jiwheyẹwhe ogbẹnọ tin to mì ṣẹnṣẹn, podọ ewọ matin winyandomẹ na yàn Kananinu lẹ, po Hitinu lẹ po, po Hivinu lẹpo, po Pelizinu lẹ po, po Gilgaṣinu lẹ po, po Amọlinu lẹ po, po Jẹbusinu lẹ po sọn mì nukọn. ¹¹Dayi e go, alki alẹnu OKLUNỌ aihọn lẹpo tọn dagbọn nukọn mì tọn jei Jọdani mẹ. ¹²Enẹwutu dinvie, mì dè sunnu wiawe sọn whẹndo Islaeli tọn lẹ mẹ, sunnu dopo na whẹndo dòpodopo. ¹³E na sọ wá jọ, whenuena afọpàhomẹ afọ yẹwhenọ he hẹn alki OKLUNỌ tọn tọn lẹ, OKLUNỌ aihọn lẹpo tọn, na gbọjẹ to osìn Jọdani tọn lẹ mẹ, bọ osìn Jọdani tọn lẹ na yín sinsán sẹ, yèdọ osìn he jẹte sọn aga wá lẹ: yé na nọte to ogònu dopo mẹ. ¹⁴E sọ wá jọ, whenuena gbẹtọ lẹ diọtẹn sọn ogohò yetọn lẹ mẹ, nado juyì Jọdani godo, bọ yẹwhenọ he hẹn alki alẹ̀nu tọn lẹ tin to gbẹtọ lẹ nukọn; ¹⁵whenuena yé he hẹn alki lọ wá jẹ Jọdani, bọ afọ yẹwhenọ he hẹn alki lọ tọn lẹ tọn yín dido otòpa osìn tọn mẹ (na Jọdani nọ gọ́ṣinyọn agbègbè etọn lẹ ji to ojlẹ ojijẹ tọn lẹpo mẹ,) ¹⁶bọ osìn he sọn aga wá lẹ nọte, bo fọnṣite to ogónu dopo mẹ, to aganu boboe dọ̃n, to Adami, tòdaho he tin to Zaletani wàji: podọ enẹlẹ he yì odò hlan ohù Alaba dali, yèdọ Ohù Ojẹ̀ tọn, yè sán ẹn sè pete; gbẹtọ lẹ sọ juwayì Jẹliko titegbe. ¹⁷Yẹwhenọ he hẹn alki alẹ̀nu OKLUNỌ tọn tọn lọ nọte gli to aigba húhú ji to ṣẹnṣẹn Jọdani tọn, Islaeli lẹpo sọ juwayì to aigba húhú ji, kaka akọta lẹpo do juwayì Jọdani godo patapata.

¹E sọ wá jọ, whenuena akọta lẹpo ko juwayì Jọdani godo patapata, wẹ OKLUNỌ dọhó hlan Jọṣua, dọmọ ²Dè sunnu wiawe sọn gbẹtọ lẹ mẹ, sunnu dopo sọn whendo dopodopo mẹ. ³Mì bo degbèna ye dọmọ, Mi zé sọnfìnẹ sọn ṣẹnṣẹn Jọdani tọn, sọn otẹn fie afọ yẹwhenọ lẹ tọn lẹ nọte glì te, zannu wiawe, bo hẹn yé juyì po mì po, bo sọ yé dai do otẹn fininò me, fie mì na nọ̀ to ozán he mẹ. ⁴Whenenu wẹ Jọṣua ylọ sunnusi wiawe lẹ he é ko wleawuna sọn ovi Islaeli tọn lẹ mẹ, sunnu dopo sọn whẹndo dopodopo mẹ: ⁵Jọṣua sọ dọ hlan yé dọ, Mì juyì alki OKLUNỌ Jiwheyẹwhe mìtọn tọn nukọn yì ṣẹnṣẹn Jọdani tọn, omẹ dopodopo mì tọn ni ze zannu dopo do abọ́ etọn ji, kẹdẹdi osọha whẹndo ovi Islaeli tọn lẹ tọn: ⁶na ehe nido yín ohia de to mì ṣẹnṣẹn, dọ whenuena ovi mìtọn lẹ to ojlẹ he ja mẹ na kanbiọ mì, dọmọ, Etẹ wẹ mì lẹn gbọn zannu helẹ tọn dali? ⁷Whenẹnu mì na dọ hlan yé dọ, Na yè sán osìn Jọdani tọn lẹ sẹ̀ to alki alẹ̀nu OKLUNỌ tọn tọn nukọn wutu wẹ; whenuena é juwayì Jọdani godo, osìn Jọdani tọn lẹ yín sinsán sẹ̀: zannu helẹ na sọ tin na oflin de hlan ovi Islaeli tọn lẹ kakadoi. ⁸Ovi Islaeli tọn lẹ sọ wà mọ dile Jọṣua degbè do, bo zé zannu wiawe sọn ṣẹnṣẹn Jọdani tọn, dile OKLUNỌ dọhó hlan Jọṣua do, kẹdẹdi osọha whẹndo ovi Islaeli tọn lẹ tọn; yé sọ hẹn yé juyì po yé po jẹ otẹn fie yé nọ̀, bo sọ yé bèdai to finẹ. ⁹Jọsua sọ zé zannu wiawe dote do ṣẹnṣẹn Jọdani tọn, do otẹn fie afọ yẹwhenọ he hẹn alki alènu lọ tọn lẹ tọn site te: yé sọ tin to finẹ, jẹ egbé he. ¹⁰Na yẹwhenọ he hẹn alki lọ lẹ ṣite to ṣẹnṣẹn Jọdani tọn, kaka yè do dotana onú dopodopo he OKLUNỌ degbèna Jọṣua nado dọ hlan gbẹtọ lẹ, kẹdẹdi ehe Moṣe degbèna Jọṣua lẹpo: gbẹtọ lẹ sọ yawu bo juyì. ¹¹E sọ wá jọ, whenuena gbẹtọ lẹ ko juyì patapata, bọ alki OKLUNỌ tọn ko sọ juyì, po yẹwhenọ lẹ po, to nukun gbẹtọ lẹ tọn mẹ. ¹²Bọ ovi Luebẹni tọn lẹ, po ovi Gadi tọn lẹ po, po odá whẹndo Manassẹ tọn tọn po, juyì to gbajamẹ to ovi Islaeli tọn lẹ nukọn, dile Moṣe dọhó hlan yé do: ¹³nayì fọtọ́n kande blagbaja gli na awhàn juyì awhànfuntẹn to OKLUNỌ nukọn, yì odànfafa Jẹliko tọn. ¹⁴To azán nẹ gbè OKLUNỌ hẹn Jọṣua klo to nukun Islaeli lẹpo tọn mẹ; yé sọ dibusi i, dile yé nọ dibusi Moṣe do, to azán ogbè etọn lẹpo tọn mẹ.

¹⁵OKLUNỌ sọ dọhó hlan Jọṣua, dọmọ, ¹⁶Degbèna yẹwhenọ he hẹn alki kunnuhó lọ tọn lẹ, dọ yé ni hẹ́ aga wá sọn Jọdani mẹ ¹⁷Enẹwutu Jọṣua degbèna yẹwhenọ lẹ, dọmọ, Mì hẹ̀ aga wá sọn Jọdani mẹ. ¹⁸E sọ wá jọ, whenuena yẹwhenọ he hẹn alki alẹ̀nu OKLUNỌ tọn lẹ tọ́n sọn ṣẹnṣẹn Jọdani tọn wá aga, bọ afọpahomẹ afọ yẹwhenọ lẹ tọn tọn yín zedaga do aigba húhú ji, wẹ osìn Jọdani tọn lẹ lẹ́gọ̀ do otẹn yetọn mẹ, bo sọ gbàpé agbègbe etọn lẹpo ji, di hóhótọn. ¹⁹Gbẹtọ lẹ sọ hé aga sọn Jọdani mẹ to azán aotọ osùn tintan tọn ji, bo dosla to Gilgali, to agbó whèzètẹn Jẹliko tọn ji. ²⁰Zannu wiawe nẹlẹ he yé zé sọn Jọdani mẹ lẹ, wẹ Jọsua zé dote to Gilgali mẹ. ²¹E sọ dọhó hlan ovi Islaeli tọn lẹ, dọmọ, Whenuena ovi mìtọn lẹ na kanbiọ otọ́ yetọn lẹ to ojlẹ he ja mẹ, dọmọ, Etẹ wẹ zannu helẹ lọ̀? ²²Whenẹnu mì na gbọ ovi mìtọn lẹ ni yọnẹn, dọmọ. Islaeli wá Jọdani he godo gbọn aigba húhú ji. ²³Na OKLUNỌ Jiwheyẹwhe mìtọn hú osìn Jọdani tọn lẹ sọn mì nukọn, kaka mì do juwàyì godo, dile OKLUNỌ Jiwheyẹwhe mìtọn wà hlan Ohù Vẹ̃ do, he é hú sọn mí nukọn, kaka mí do juwayì godo: ²⁴na gbẹtọ aihọn tọn lẹpo nido yọ́n alọ OKLUNỌ tọn, dọ é yín huhlọnnọ; na yé nido nọ dibusi OKLUNỌ Jiwheyẹwhe mìtọn kakadoi.

¹E sọ wá jọ, whenuena ahọlu Amọlinu lẹ tọn lẹpo, he tin to Jọdani godo hlan whèyìhọ dali, po ahọlu Kananinu lẹ tọn lẹpo po, he tin to ohù dali, sè le dọ OKLUNỌ ko hú osìn Jọdani tọn lẹ sọn ovi Islaeli tọn lẹ nukọn, kaka mí do juwayì godo, wẹ ayiha yetọn yè, mọ gbigbọ ma sọ tin to yé homẹ ba, na ovi Islaeli tọn lẹ tọn wutu.

²To ojlẹnẹ mẹ OKLUNỌ dọ hlan Jọsua, dọmọ, Basi ohi okén tọn lẹ na we, bo sọ gbòwhẹna ovi Islaeli tọn lẹ whlawetọ. ³Jọṣua sọ basi ohi okẹ́n tọn lẹ nè, bo gbòwhẹna ovi Islaeli tọn lẹ to okọta kọ̀n sọn ayútintan lẹ mẹ. ⁴Ehe wẹ onú he wutu Jọṣua gbòwhẹ: gbẹtọ he tọ́n sọn Egipti lẹpo, he yín asú lẹ, yèdọ sunnu awhàn tọn lẹ, ko kú to zùngbo mẹ to aliho ji, to godo yé ko tọ́n sọn Egipti. ⁵Na gbẹtọ he tọ́n lẹpo wẹ yè gbòwhẹna: ṣigba omẹ he yè ji lẹpo to zùngbo mẹ to aliho le yé tọ́n ja sọn Egipti, yé ma ko gbòwhẹ gba. ⁶Na owhè kande wẹ ovi Islaeli tọn lẹ do zinzọnlin to zùngbo mẹ, kaka akọta lẹpo, yèdọ sunnu awhàn tọn lẹ he tọ́n sọn Egipti wẹ yè súdo, na yé ma tuntóai hlan ogbè OKLUNỌ tọn wutu: mẹhe OKLUNỌ whle hlan dọ é ma na dike yé ni mọ aigba lọ ehe OKLUNỌ whle hlan otọ̀ yetọn lẹ dọ é na na yé, aigba he yí oyìnnọ́ po owín po do to sisa ⁷Ovi yetọn lẹ he é zetite to otẹn yetọn mẹ lẹ, yé wẹ Jọṣua gbòwhẹna: na yé yín magbòwhẹnọ, na yé ma ko gbòwhẹna yé to aliho wutu. ⁸E sọ wá jọ, whenuena yé ko basi whẹgbigbòna akọta lẹpo vò, wẹ yé nò otẹn yetọn lẹ mẹ to osla mẹ, kaka yé do jẹgángán. ⁹OKLUNỌ sọ dọ hlan Jọṣua dọ, Egbé wẹ yẹn bli ovlẹ Egipti tọn sè sọn mì ji. Enẹwutu wẹ yè ylọ oyín otẹn lọ tọn dọ Gilgali, jẹ egbé.

¹⁰Ovi Islaeli tọn lẹ sọ dosla do Gilgali mẹ; yé sọ payi juwayi go to azán wiẹnẹtọ osùn tọn ji to whèjai to danfafa Jẹliko tọn lẹ ji. ¹¹Yé sọ dù sọn gbàdo hóhó aigba lọ tón mẹ to aihọngbe to juwayi lọ godo, aklahihi madotónnọ lẹ po gbàdo sisọ po to gbèdoponẹ. ¹²Mana sọ gbòdo to aihọngbe, to godo yé ko dù sọn gbàdo hóhó aigba lọ tọn mẹ; mọ ovi Islaeli tọn lẹ ma sọ tindo mana gbede ba; ṣigba yé to dùdù sọn sinsẹ́n aigba Kanani tọn tọn mẹ to owhè nẹ mẹ.

¹³E sọ wá jọ, whenuena Jọsua tin to Jẹliko dali, wẹ é zé nukun etọn lẹ daga bo pọ́n, bo, dayi e go, dawe de nọte to aga jlọ do e ji po ohi etọn po to súnsún to alọ etọn mẹ: Jọṣua sọ yì e de, bo dọ hlan ẹn dọ, Mí hiẹ tin na, kavi na mẹglatọ mìtọn lẹ? ¹⁴Ewọ sọ dọmọ, Lala; ṣigba di awhàngan awhànpa OKLUNỌ tọn tọn wẹ yẹn wá na dinvie. Jọṣua sọ họ́ṣinyọn nukunmẹ eton ji hlan aigba, bo sèn, bo dọ hlan ẹn dọ, Etẹ wẹ klunọ ṣie dọ hlan mẹmẹsi etọn? ¹⁵Awhàngan awhànpa OKLUNỌ tọn tọn lọ sọ dọ hlan Jọṣua dọ, Dè afọpa towe sẹ̀ sọn afọ towe; na otẹn fieji hiẹ ṣite te wiwe wẹ. Jọṣua sọ wà mọ.

¹(DINVIE yè glọn Jẹliko do e mẹ pẹ̀npèn na ovi Islaeli tọn lẹ tọn wutu: mẹde ma yì gbonu, mẹde ma sọ biọ whegbe.) ²OKLUNỌ sọ dọ hlan Jọṣua dọ, Pọ̀n, yẹn ko na Jẹliko do alọ towe mẹ, po ahọlu etọn po, po Sunnu huhlọnnọ tudido tọn lẹ po. ³Míwlẹ na lèdo tòdaho lọ, sunnu awhàn tọn lẹpo, yìyì lédo tòdaho lọ whladopo. Le wẹ hiẹ na wà do hè azán ṣidopo. ⁴Yẹwhenọ ṣinawe na hẹn opèn ṣinawe agbòzo tọn lẹ to alki nukọn: to azán sinawetọ gbè mì na lédo tòdaho lọ whla ṣinawe, yẹwhenọ lẹ na sọ kún opèn lẹ lọ. ⁵E na sọ yín, dọ whenuena yé yí agbòzo lọ do basi zínhiho, podọ whenuena míwlẹ sọ sè ogbè opèn lọ tọn, gbẹtọ lẹpo na sọ zìn abóbó daho dogbè; adó Jẹliko tọn lẹpo na sọ họ́ jai mlẹnmlẹn, gbẹtọ lẹ dopodopo na sọ hẹji titegbe to nukọn etọn ⁶Jọṣua visunnu Nuni tọn sọ ylọ yẹwhenọ lẹ, bo dọ hlan yé dọ, Mì ze alki alènu tọn lọ, bo sọ gbọ yẹwhenọ ṣinawe ni hẹn opẹ̀n ṣinawe agbozo tọn lẹ to alki OKLUNỌ tọn lọ nukọn. ⁷Yé sọ dọ hlan gbẹtọ lẹ dọ, Mì jù zọ̀nmí, bo lẹ́do tòdaho lọ, bo sọ gbọ sunnu awhànfuntọ lẹ ni jù zọ̀nmí to alki OKLUNỌ tọn nukọn. ⁸E sọ yín mọ, dọ whenuena Jọsua ko dọhó hlan gbẹtọ lẹ, yẹwhenọ ṣinawe he hẹn opèn ṣinawe agbòzo tọn to OKLUNỌ nukọn lẹ, juyì, bo zìn opèn lẹ dogbè: alki alènu OKLUNỌ tọn tọn sọ bòdo yé go. ⁹Sunnu awhànfuntọ lẹ to yìyì to yẹwhenọ he to opèn kún lẹ nukọn, godo-whàn sọ to yìyì to alkì godo, yẹwhenọ lẹ to opèn lẹ kún le yé to yìyì. ¹⁰Jọsua sọ degbèna gbẹtọ lẹ, dọmọ, Mì dabóbó blo, mọ mì sọ dike yè sè ogbè mìtọn blo, mọ ohó depope ma na sọ tọ́n sọn onù mìtọn mẹ gba, kakajẹ azán he gbè yẹn na degbèna mi ni dabóbó; whenẹnu wẹ mì na dabóbó. ¹¹Mowẹ é hẹn alki OKLUNỌ tọn lọ nado lẹ̀do tòdaho lọ, bo nọ yì lẹ̀do whladopo: yé sọ gọ̀ wá osla mẹ, bo nọ̀ osla mẹ.

¹²Jọṣua yawu fọ́n to afọnnu, yẹwhenọ lẹ sọ zé alki OKLUNỌ tọn lọ. ¹³Yẹwhenọ ṣinawe he hẹn opẹ̀n ṣinawe agbòzo tọn lẹ to alki OKLUNỌ tọn nukọn to yìyì manọte, bo to opẹ̀n lẹ kún: sunnu awhànfuntọ lẹ sọ to yé nukọn; godo-whán wá godo alki OKLUNỌ tọn, yẹwhenọ lẹ to opẹ̀n lẹ kún le yé to yìyì. ¹⁴To azán awetọ gbè yé lẹ́do tòdaho lọ whladopo, bo sọ légè do osla mẹ: mọwẹ yé wà họ̀ azán ṣidopo. ¹⁵E sọ wá jọ to azán ṣinawetọ gbè, wẹ yé yawu fọ́n to afọnnu fu, bo lẹ̀do tòdano lọ kẹdẹdi owalọ dopolọ whlaṣinawe: gbẹdoponẹ kẹdẹ wẹ yé lẹ́do tòdaho lọ whlaṣinawe. ¹⁶E sọ wá jọ to whlasinawetọ ji, whenuena yẹwhenọ lẹ kún opẹ̀n, Jọṣua dọ hlan gbẹtọ lẹ dọ, Dabóbó; na OKLUNỌ ko na tòdaho lọ mì. ¹⁷Yè na sọ yí tòdaho lọ do dèpa, yèdọ ewọ po ehe tin to e mẹ lẹpo po, hlan OKLUNỌ: Lahabi galọtọ kẹdẹ wẹ na nọgbẹ̀, ewọ po ehe tin to e de to owhé gbè lẹpo po, na ewọ whla mẹdagun he mí dohlan lẹ wutu. ¹⁸Podọ mìwlẹ, to nudepope mẹ mì ni whla mìde sọn onú dodèpa mẹ, na whenuena mì ko yí i do dèpa, mì nika yí sọn onú dodèpa lọ mẹ; mọwẹ mì na sọ hẹn osla Islaeli tọn zùn dẹ̀hodo, bo dotukla ẹ. ¹⁹Adavo fataka lẹpo, po sika po, nuzinzán gànvẹ po gànyù po tọn, wẹ wiwe hlan OKLUNỌ: yé na wá agbànhọ OKLUNỌ tọn mẹ. ²⁰Mọwẹ gbẹtọ lẹ dabóbó, bọ yẹwhenọ lẹ kún opẹ̀n lẹ̀: é sọ wá jọ, whenuena gbẹtọ lẹ sè ogbè opẹ̀n lọ tọn wẹ gbẹtọ lẹ zìn abóbó daho dogbè, bọ adó hò jai mlẹnmlẹn, mọwẹ gbẹtọ lẹ hẹji yì tòdaho lọ mẹ, omẹ dopodopo titegbe to nukọn etọn, yé sọ yi tòdaho lọ. ²¹Yé sọ yí onù ohi tọn do hù omẹ he tin to tòdaho lọ mẹ lẹpo sudo, sunnu po yọnnu po, yọ̀pọ po mẹho po, oyìn po lẹngbọ lẹ po, po kẹtẹkẹtẹ po. ²²Jọṣua sọ dọ hlan omẹ awe he yín amé aigba lọ tọn dọ, Mì yì owhé galọtọ lọ tọn gbè, bo hẹn nawe lọ sọn finẹwá, po ehe e tindo lẹpo po, dile mì whle hlan ẹn do. ²³Yọpọ sunnu amẹ́ lọ yì owhé gbè, bo hẹn Lahabi jẹgbonu, po otè etọn po, po onọ etọn po, po mẹmẹsunnu etọn lẹ po, po ehe é tindo lẹpo po, hẹnnumẹ etọn lẹpo ga yé hẹn jẹgbonu; yé sọ do yé gbonu osla Islaeli tọn tọn. ²⁴Yé sọ yi miyọn do mè tòdaho lọ, po ehe tin to e mẹ lẹpo po: fataka kẹdẹ, po sika po, po nuzinzán gànvẹ̃ po gànyu po tọn lẹ, yé bẹ́ do adọkunnu ohò OKLUNỌ tọn tọn mẹ. ²⁵Ṣigba Lahabi galọtọ, po whédo otè etọn tọn po, po ehe é tindo lẹpo po, wẹ Jọṣua whlẹn dogbè? é sọ nọnọ̀ ṣẹnṣẹn Islaeli tọn, kakajẹ egbé; na ewọ whla mẹdagun he Jọṣua dohlan lẹ nado bẹ̀pọ̀n Jẹliko wutu. ²⁶Jọṣua sọ yi whiwhle de do naṣẹ yé to ojlẹ nẹ mẹ, dọmọ, Dẹ̀hodonọ wẹ omẹ lọ yín to OKLUNỌ nukọn, he fọ́n tite bo gbá Jẹliko tòdaho he: okú plọnji etọn tọn wẹ é na yí do do dòdo etọn ai, po okú visunnu jivọ etọn tọn po wẹ é na yí do zé hòngbo etọn do ote. ²⁷Mowẹ OKLUNỌ tin po Jọṣua po; linlin etọn sọ tin to aigba lẹpo ji.

¹ṢIGBA ovi Islaeli tọn lẹ wà ylankan de to onú dodèpa lọ mẹ: na Akani, visunnu Kalmi tọn, vìsunnu Zabdi tọn, visunnu Zela tọn, sọn whẹndo Juda tọn mẹ, yí sọn onú dodèpa lọ mẹ: yè sọ hẹn adi OKLUNỌ tọn jimiyọn do ovi Islaeli tọn lọ Ji.

²Jọṣua sọ do omẹ sọn Jẹliko hlan Ai, ehe tin to Bẹbaveni wàji, to whẹzẹntẹn Bẹteli tọn dali, bo dọhó hlan yé, dọmọ, Mì hẹji yì bo bẹ̀pọ̀n aigba lọ. Omẹ ewlẹ sọ yìaga bo bẹ̀pọ̀n Ai. ³Yé sọ lẹ́gọ̀wá Jọsua de, bo dọ hlan ẹn dọ, A dike gbẹtọ lẹpo hẹji yì blo; ṣigba gbọ gbẹtọ fọtọ́n awe kavi atọ̀n ni hẹji yì bo hò Ai; a hẹn gbẹtọ lẹpo nado wàzọ̀n finẹ blo; na omẹ vúde wẹ yé. ⁴Mowẹ sunnu nayì fọtọ́n atọ̀n hẹji yì finẹ sọn gbẹtọ lẹ mẹ: yé sọ hònyì to omẹ Ai tọn lẹ nukọn. ⁵Omẹ Ai tọn lẹ sọ hù sunnu nayì gbãntọ́nnukundopo sọn yé mẹ: yé sọ domọna yé sọn họ̀ngbo nukọn yèdọ jẹ Ṣibalimi, bo hù yé whenuena yé to tejẹ jei: ayiha gbẹtọ ewlẹ tọn lẹ sọ yè, bo lẹzùn di osìn. ⁶Jọsua sọ tlẹn avè etọn lẹ, bọ hè jai to nukunmẹ etọn ji to alki OKLUNỌ tọn nukọn kakajẹ whèjai, ewọ po mẹho Islaeli tọn lẹpo; yé sọ yí kọgudu do ota yetọn lẹ ji. ⁷Jọsua bọ dọmọ, Ṣó, OKLUNỌ È Jiwheyẹwhe, etẹwutu wẹ hiẹ ka hẹn omẹ he lẹ wá Jọdani godo, nado yí mí do alọ Amọlínu lẹ tọn mẹ nado hẹn mí nado dọ̀n? mí do ko yín pupékọnọ bo nọnò Jọdani gododọ̃n ⁸A OKLUNỌ, etẹ wẹ yẹn na dọ, godo ehe Islaeli ko lè nẹgbé yetọn lẹ to kẹ̀ntọ yetọn lẹ nukọn ⁹Na Kananinu lẹ po tòmenu aigba lọ tọn lẹpo po na sè gbọn etọn dali, bo na lédo mípé, bo na sán oyín mìtọn sè sọn aihọn mẹ: etẹ wẹ híẹ na wà na oyín daho towe? ¹⁰OKLUNỌ sọ dọ hlan Jọṣua dọ, Fọ́n ṣite; etẹwutu wẹ hiẹ họ̀ jẹ nukunmẹ towe jí dole? ¹¹Islaeli ko wàylando; nugbo, yèdọ yé ko dasa alènu ṣie he yẹn degbèna yé: nugbo, yèdọ yé ko yí sọn onú dodèpa lọ mẹ; bo ko sọ fìn ga, bo sọ wàblu ga, yèdọ yé ko yi i do agbàn yetọn titi ṣẹnṣẹn. ¹²Enẹwutu ovi Islaeli tọn lẹ ma sọgan nọte to kẹ̀ntọ yetọn lẹ nukọn, yé lé nẹgbé yetọn lẹ to kẹ̀ntọ yetọn lẹ nukọn, na yé tin lẹzùn dèhodonọ wutu: Yẹn ma to na tin po mì po ba gba, adavo mì hù onú dodèpa lọ súdo sọn mì ṣẹnṣẹn. ¹³Fọ́n, klan gbẹtọ lẹ do wiwe, bo dọmọ, Mì klan mìde do wiwe hlan osè: na le wẹ OKLUNỌ dọ, Jiwheyẹwhe Islaeli tọn, Onú dodèpa de tin to ogbla towe mẹ, Hiẹ Islaeli: hiẹ ma sọgan nọte to kẹ̀ntọ towe lẹ nukọn gba, kaka mì do zé onú dodépa lọ sè sọn mì ṣẹnṣẹn, ¹⁴Enẹwutu to afọnnu yè na hẹn mì sẹwá gbọn whendo mìtọn lẹ dali: é na sọ yín, dọ whẹndo he OKLUNỌ na yí na sẹwá gbọn hẹnnu lẹ dali; hẹnnu he OKLUNỌ na sọ yí na sẹwá gbọn whédo lẹ dali: whédo he OKLUNỌ na sọ yí na sẹwá gbọn omẹ dopodopo dali. ¹⁵E na sọ yín, dọ ewọ he yè yi po onú dodèpa lọ po yè na yí miyọn do mẹ̀ ẹn, ewọ po ehe é tindo lẹpo po: na ewọ dasa alẹ̀nu OKLUNỌ tọn wutu, podọ ewọ ko wà nudakan to Islaeli mẹ wutu.

¹⁶Mọwe Jọsua yawu fọ́n to afọnnu, bo hẹn Islaeli sẹwá gbọn whẹndo yetọn lẹ dali; yè sọ yí whẹndo Juda tọn: ¹⁷e sọ hẹn hẹnnu Juda tọn sẹwá; é sọ yí hẹnnu Zelanu lẹ tọn: é sọ hẹn hẹnnu Zelanu lẹ tọn sẹwá gbon omẹ dopodopo dali; yè sọ yí Zabdi ¹⁸e sọ hẹn whédo etọn sẹwá gbọn ome dopodopo dali; yè sọ yí Akani, visunnu Kaími tọn, visunnu Zabdi tọn, visunnu Zela tọn, sọn whendo Juda tọn mẹ. ¹⁹Jọṣua sọ dọ hlan Akani dọ, Visunnu ṣie, yẹn vẹ̀ we, na gigo hlan OKLUNỌ, jiwheyẹwhe Islaeli tọn, bo basi ogbèyí hlan ẹn; bo dọ núhe hiẹ wà na mi dinvie; a sọ ẹ whla do mi blo. ²⁰Akani sọ gblọnna Jọṣua, bo dọmọ, Sọn nugbo de mẹ yẹn ko wàylan do OKLUNỌ, Jiwheyẹwhe Islaeli tọn, podọ le po le po wẹ yẹn ko wà: ²¹whenuena yẹn mọ tó gblannú lẹ ṣẹnṣẹn awugbó Babiloni tọn dagbedagbe de, po ṣẹkle fataka tọn fọde po, po opatin ṣẹkle kandeao jijlẹ sika tọn tọn de po, whenẹnu yẹn donukunkẹnna yé, bo yí yé; bo, dayi e go, yè whla yé do okọ́ mẹ to gohọ ṣie ṣẹnṣẹn, po fataka lọ po to e glọ. ²²Mọwẹ Jọsua do mẹdagun lẹ hlan, yé sọ họnwèzun yì gohọ̀ lọ mẹ; bo, dayi e go, yè whla ẹ do gohọ̀ etọn mẹ, po fataka lọ po to e glọ. ²³Yé sọ zé yé sọn ṣẹnṣẹn gohò tọn, bo hẹn yé wá Jọṣua de, po ovi Islaeli tọn lẹpo po de; yé sọ bé yé dai do OKLUNỌ nukọn. ²⁴Jọsua, po Islaeli lẹpo po po e po, yí Akani visunnu Zela tọn, po fataka lọ po, po awugbó lọ po, po opatin sika tọn lọ po, po visúnnu etọn lẹ po, po viyónnu etọn lẹ po, po oyínsú etọn lẹ po, po kẹtẹkẹtẹ etọn lẹ po, po lẹngbọ etọn lẹ po, po gohọ̀ etọn po, po ehe é tindo lẹpo po: yé sọ hẹn yé hẹji yì agbàdo Akọ tọn mẹ. ²⁵Jọsua sọ dọmọ, Etẹwutu wẹ hiẹ dotukla mí? OKLUNỌ na dotukla we to egbé. Islaeli lẹpo sọ dlanzannu do e hù; yé sọ yí miyọn do mẹ̀ yé, bo dlanzannu do yé hù. ²⁶Yé sọ dọ̀n okiti daho zannu lẹ tọn de pli do e ji, kakajẹ egbé; OKLUNỌ sọ lé sọn zohùnhùn adi etọn tọn mẹ. Enẹwutu wẹ yè do nọ ylọ oyín otẹn lọ mẹ tọn dọ, Agbàdo Akọ tọn, kakajẹ egbé.

¹OKLUNỌ sọ dọ hlan Jọsua dọ, A dibu blo, mọ a sọ yín avosatọ blo: yí sunnu awhàn tọn lẹ po hi pò, bo fọ́n, hẹji yì Ai: pọ́n, yẹn ko na do alọ towe mẹ ahọlu Ai tọn, po omẹ etọn lẹ po, po todaho etọn po, po aigba etọn po: ²Hiẹ na sọ wà hlan Ai po ahọlu etọn po dile hiẹ wà hlan Jẹliko po ahọlu etọn po do: ogblannu etọn lẹ kẹdẹ, po kanlinyìnyìn etọn lẹ po, wẹ mì na yí na ogblan de hlan mìde: dè omẹ do owumẹ na todaho lọ to godo etọn. ³Mọwẹ Jọsua fon, po omẹ awhán tọn lẹpo po, nado heji yì Ai: Jọsua sọ dè omẹ fọtọ́n ogbàn, sunnu adántọ huhlọn tọn lẹ, bo do yé hlan to ozán mẹ ⁴E sọ degbèna yé, dọmọ, Dayi e go, Mì na mlọnai to owu mẹ do tòdaho lọ ji, to tòdaho lọ godo: mì yì dẹn glanglan do tòdaho lọ blo, ṣigba mì omẹ: pó ni yín awuwletọ: ⁵podọ yẹn, po omẹ he tin to dẹ̃ lẹpo po na sẹpọ́ tòdaho lọ: é na sọ wá jọ, whenuena yé tọ́n wá míwlẹ ji, di tintan tọn, bọ míwlẹ to hinhọnyì to yé nukọn; ⁶bọ yéwlẹ na tọ́n hodo mí, kaka mí ko do dọ̀n yé sọn tòdaho lọ mẹ; na yé na dọmọ, Yé họ̀nyì to mí nukọn di tintan tọn; mọwẹ míwlẹ na họ̀nyì to yé nukọn do: ⁷míwlẹ na sọ fọ́nṣite sọn owu mẹ, bo yí nutindo tòdaho lọ tọn: na OKLUNỌ Jiwheyẹwhe mìtọn na yí i do alọ mìtọn mẹ ⁸E na sọ yín, whenuena mìvle ko zónzín tòdaho lọ ji, wẹ mì na simiyọn todaho lọ ji; kedẹdile ohó OKLUNỌ tọn te wẹ mì na wà do: pọ́n, yẹn ko degbèna mì. ⁹Jọsua sọ do yé hlan: yé sọ yì owu mẹ, bo nò Bẹteli po Ai po ṣẹnṣẹn, to whèyìhọ Ai tọn dali: ṣigba Jọṣua nò gbẹtọ lẹ ṣẹnṣẹn to ozán nẹ mẹ.

¹⁰Jọsua sọ yawu fọ́n tó afọnnu, bo pli gbẹtọ lẹ, bó hẹji yì, ewọ po mẹho Islaeli tọn lẹ po to gbẹtọ lẹ nukọn hlan Ai. ¹¹Gbẹtọ lẹpo, yèdọ sunnu awhàn tọn he tin to e de lẹ, hẹji yí, bo sẹ̀yi, bo wá tòdaho lọ nukọn, bo whesla do agewàji ada Ai tọn mẹ: dinvie agbàdo de tin to ewọ po Ai po ṣẹnṣẹn. ¹²E sọ yí nayì sunnu fọtọ́n atọn bo do yé owu mẹ to Bẹteli po Ai po ṣẹnṣẹn, to ada whèyìhọ tòdaho lọ tọn mẹ. ¹³Mọwẹ yé do gbẹtọ lẹ, yèdọ awhànpa he tin to agewàji tòdaho lọ tọn lẹpo, po aimlọntọ yetọn lẹ po to ovàmẹ he tin to whèyìhọ todaho lọ tọn ji: Jọsua sọ yì ṣẹnṣẹn agbàdo lọ tọn to ozán nẹ mẹ. ¹⁴E sọ wá jọ, whenuena ahọlu Ai tọn mọ ẹn, dọ yé yawu bo fọ́n tite, wẹ omẹ tòdaho lọ tọn lẹ tọ́n yì awhàn do Islaeli ji, ewọ po omẹ etọn lẹpo po, to ojlẹ didè lọ mẹ, to Alaba nukọn: ṣigba é ma yonẹn dọ wutọnamẹ de tin to oji nẹ to todaho lọ godo gba ¹⁵Jọṣua po Islaeli lepo po basi di yè gbà yé to yé nukọn, bo họ̀n gbọn aliho zùngbomẹ tọn dali jei. ¹⁶Yè sọ ylọ gbẹto he tin to tòdaho lọ mẹ lẹpo plidopọ nado domọna yé: yé domọna Jọṣua, yè sọ dọ̀n yé sọn tòdaho lọ mẹ. ¹⁷Sunnusi dopo ma pò to Ai kavi Bẹteli, he ma jẹmọna Islaeli: yé sọ jo todaho lọ do nuvo, bo domọna Islaeli. ¹⁸OKLUNỌ sọ dọ hlan Jọṣua dọ, Dlẹn owhán he tin to alọ towe mẹ hlan Ai dali; na yẹn na na ẹn do alọ towe mẹ Jọsua sọ dlẹn owhán he tin to alọ etọn mẹ lọ hlan tòdaho lọ dali. ¹⁹Owuvàtọ lẹ sọ fọ́n plaun sọn otẹn etọn mẹ, le é dlẹn alọ etọn jẹgbonu ede wẹ yé béwezun, bo biọ tòdaho lọ mẹ, bo yí i; yé sọ yawu bo simiyọn tòdaho lọ ji. ²⁰Whenuena omẹ Ai tọn lẹ pọ́n godo yetọn, yé mọ, bo, dayi e go, azọ̀flizọ tòdaho lọ tọn hẹji yì olọn, yé ma sọ tindo huhlọn de nado họ̀nyì aliho he ji kavi aliho nẹ ji: omẹ he sọ họ̀nyì zùngbomẹ lẹ lé gọ̀ do mọdonamẹtọ lẹ go. ²¹Whenuena Jọṣua po Islaeli lẹpo po mọ dọ owuvàtọ lẹ ko yí tòdaho lọ, podọ azọ̀flizọ tòdaho lọ tọn hẹji, whenẹnu yé sọ lẹ́, bo hù omẹ Ai tọn lẹ. ²²Omẹ devo lẹ sọ tọ́n sọn tòdaho lọ mẹ wá yé ji; mọwẹ yé tin to ṣẹnṣẹn Islaeli tọn, omẹ delẹ to ada he jì, omẹ delẹ to ada nẹ ji; yé sọ hò yé, sọmọ bọ yé ma dike ode yé tọn pò kavi họ̀ngan. ²³Yé sọ wle ahọlu Ai tọn gbẹ́te, bo hẹn ẹn wá Jọṣua de. ²⁴E sọ wá jọ, whenuena Islaeli ko dotana hùhù tòmẹnu Ai tọn lẹpo to danji, to zùngbomẹ fiemẹ yé domọna yé te, bọ yé mẹpó jai gbọn onù ohi tọn dali, kaka yè do và ye, wẹ Islaeli lẹpo gọ̀ do Ai bo yí onù ohi tòn do hò yé. ²⁵Omẹ he jai to azán nẹ gbè lẹpo, sọn sunnu po yọnnu po mẹ, yin fọtọ́n wiawe, yèdọ omẹ Ai tọn lẹpo. ²⁶Na Jọṣua ma dọ̀n alọ etọn do godo, ehe é yí do dlẹn owhán lọ do gbonu, kaka é do hù tòmẹnu Ai tọn lẹpo sùdo gbidigbidi. ²⁷Kanlinyìnyìn po ogblannu todaho nẹ tọn kẹdẹ wẹ Islaeli yí na ogblan hlan yéde, kẹdẹdi ohó OKLUNỌ tọn he é degbèna Jọṣua. ²⁸Mọwẹ Jọṣua mẹ́ Ai, bo hẹn ẹn zùn okiti de kakadoi, yèdọ adóto de, kakajẹ egbe. ²⁹E sọ yí ahọlu Ai tọn pla do atin de go kakajẹ whèjaidamẹ: to odò yìyì owhè tọn jlẹmẹ Jọṣua degbè, yé sọ zé oṣiọ etọn jẹte sọn atin go, bo dlan ẹn do bibiọ hòngbo tòdaho lọ tọn tọn mẹ, bo pli do finẹji okiti daho zannu lẹ tọn de, kakajẹ egbe.

³⁰Whenẹnu wẹ Jọsua tùn agbà de hlan OKLUNỌ, Jiwheyẹwhe Islaeli tọn, to osé Ebali mẹ, ³¹Dile Moṣe mẹmẹsi OKLUNỌ tọn degbèna ovi Islaeli tọn lẹ do, dile yè wlan do to owé osẹ́n Moṣe tọn tọn mẹ, agbà de sọn zannu mapamapa lẹ mẹ, ehe omẹ de ma ko zé ogàn depope do oji na: yé sọ sanvọ to e ji avọ́ nunina mimẹ́ lẹ hlan OKLUNỌ, bo sọ na avọ́ nunina jijọho tọn lẹ ³²E sọ wlan hiadoai osẹ́n Moṣe tọn tọn de do zannu lẹ ji to finẹ, ehe é wlan, to nukọn ovi Islaeli tọn lẹ tọn mẹ. ³³Isláeli lẹpo, po mẹho yetọn lẹ po po ogán lẹ po, po whẹ̀datọ yetọn lẹ po ṣite to ada alki tọn he ji podọ to ada nẹ ji to yẹwhenọ Levinu lẹ nukọn, he hẹn alki alẹ́nu OKLUNỌ tọn tọn lọ, jonọmẹ po whevi po: dadawe yé tọn to osé Gelizimi nukọn, dadawe yé tọn to osé Ebali tọn nukọn; dile Moṣe mẹmẹsi OKLUNỌ tọn ko degbè do, na yé nido dona omẹ Islaeli tọn lọ jẹnukọn. ³⁴Enẹgodo é hia ohó osén tọn lẹ lẹpo, odona lọ po dẹ́hodo lọ po, kẹdẹdi ehe yè wlan do owé osẹ́n tọn mẹ lẹpo. ³⁵Ohó de ma tin sọn ehe Moṣe degbèna lẹpo mẹ, he Jọsua ma hia to agùnplidopọ Islaeli tọn lẹpo nukọn, yọnnusi lẹ, po yọpọvu lẹ po, po jonọmẹ lẹ po he yín zọ̀nhẹtọ to yé ṣẹnṣẹn lẹ.

¹E sọ wá jọ, whenuena ahọlu he tin to Jọdani godo lẹpo, to otò okọta tọn mẹ, podọ to dòdòklidò mẹ, podọ to hùtò ohù daho tọn lẹpo to nukọn Lebanọni tọn, Hitinu lẹ, po Amolinu lẹ po, Kananinu lẹ, Pẹlizinu lẹ, Hivinu lẹ, po Jẹbusinu lẹ po, sè e; ²wẹ yé bẹ́ yéde plidopọ, nado yí gbènọpọ do hoavùn hẹ Jọṣua podọ hẹ Islaeli.

³Ṣigba whenuena tòmẹnu Gebioni tọn mẹ sè nùhe Jọṣua ko wa hlan Jẹliko po Ai po, ⁴Yéwlẹ ga yí vòblanamẹ do wànú, yé yì bo basi di mẹdagun lẹ wẹ yé yín, bo yí oku hóhó lẹ do kẹtẹkẹtẹ yetọn lẹ ji, po ayú-gò ovẹ̃n tọn lẹ po, he dohó bo sọ tlẹn bọ yè dé; ⁵po afọpa hóhó vàsú lẹ po do afọ yetọn, po awu hóhó lẹ po do ògo; akla núdùgbàn yetọn tọn lẹpo wẹ hú bo sọ lẹzùn owhà dodo. ⁶Yé sọ yì Jọṣua de to osla mẹ to Gilgali, bo dọ hlan ẹn, podọ hlan omẹ Islaeli tọn lẹ dọ, Òtò dindẹn mẹ wẹ míwlẹ sọn: enẹwutu dinviẹ basi alènu de hẹ mí. ⁷Ómẹ Islaeli tọn lẹ sọ dọ hlan Hivinu lẹ dọ, Èya ṣẹnṣẹn mí tọn wẹ mì nọnọ̀; nawẹ mí na basi alẹ̀nu de hẹ mì do? ⁸Yé sọ dọ hlan Jọṣua dọ, Mẹmẹsi towe wẹ mìwlẹ. Joṣua sọ dọ hlan yé dọ, Mẹnu wẹ mìwlẹ? podọ fie wẹ mì sọn wá? ⁹Yé sọ dọ hlan ẹn dọ, Otò dindẹn talala de mẹ wẹ mẹmẹsi towe lẹ sọn wá na oyín OKLUNỌ Jiwheyẹwhe towe tọn wutu: na mìwlẹ ko sè linlin e tọn, po onú he é wà to Egipti mẹ lẹpo po, ¹⁰po ehe é wà lẹpo po hlan ahọlu awe Amọlìnu lẹ tọn lẹ, he tin to Jọdani godo dọn, hlan Sihọni ahọlu Hẹṣbọni tọn, podọ hlan Ogi ahọlu Baṣani tọn, he ko tin to Astalọti. ¹¹Bọ mẹho mìtọn lẹ po tòmenu otò mìtọn tọn lẹpo po dọhó hlan mí, dọmọ, Mì yí núdùgbàn do alọ mìtọn mẹ na gbéjizọnlin lọ, bo yì nado pé yé, bo dọ hlan yé dọ, Memẹsi mìtọn wẹ míwlẹ: dinvie mì ni basi alẹ̀nu de hẹ mí. ¹²Akla mìtọn miyọnawu wẹ mì yí na núdùgbàn mìtọn sọn owhé mìtọn lẹ gbè to azán he gbè mi tọ́n wá nado yì mì de; ṣigba dinvie, dayi e go, é yín húhú, é sọ tin lẹzùn owhà dodo: ¹³podọ ayúgo helẹ, he mí gọ́, yín yọ̀yọ̀; bo, dayi e go, Yé yín tintlẹn podọ awu mìtọn helẹ po afọpa mìtọn lẹ po tin lezùn hóhó gbọn tedidi glanglan gbéjizọnlin lọ tọn tọn dali. ¹⁴Omẹ ewlẹ sọ yí sọn núdùgbàn yetọn mẹ, bo ma sọ kàn hónamẹ biọ tò onù OKLUNỌ tọn mẹ gba. ¹⁵Jọṣua sọ basi jijọho hẹ yé, bo sọ basi alènu de hẹ yé, nado gbọ yé ni nọgbè: ahọvi agùn tọn lẹ sọ whle hlan yé. ¹⁶E sọ wá jọ to opòdo azán atọ̀n tọn ehegodo yé ko basi alẹnu de hẹ yé, wẹ yé sè dọ ṣẹnṣẹn yé tọn wẹ yé nọnọ̀ ¹⁷Ovi Islaeli tọn lẹ sọ jẹgbéjizọnlin ji, bo wá tòdaho yetọn lẹ mẹ to azán atọ̀ntọ gbè. Dinvie tòdaho yetọn lẹ wẹ Gebiọni, po Kefila po, po Beeloti po, po Kiliati-jealimi po. ¹⁸Ovi Islaeli tọn lẹ ma sọ hù yé gba, na ahọvi agùn tọn lẹ ko whle hlan yé gbọn OKLUNỌ dali wutu, Jiwheyẹwhe Islaeli tọn. Agùn lẹpo sọ to hunhlun do ahọvi lẹ ji. ¹⁹Ṣigba ahọvi lẹpo dọ hlan agùn lẹpo dọ, Mí ko whle hlan yé gbọn OKLUNỌ dali, Jiwheyẹwhe Islaeli tọn: dinvie enẹwutu mí ma sọgan doalọ yé go gba ²⁰Ehe wẹ mí na wà hlan yé, bo gbọ yé ni nọgbè: homẹgble nikã tin to mí ji, na whiwhle he mí ko whle hlan yé tọn wutu. ²¹Ahọvi lẹ sọ dọ hlan yé dọ, Mì gbọ yé ni nọgbè: mọwẹ yé lẹzùn didatọ naké tọn lẹ podọ dindòntọ osìn tọn lẹ hlan agùn lẹpo; dile ahọvi lẹ ko dọhó hlan ye do. ²²Jọsua sọ ylọ yé, ewọ sọ dọhó hlan yé, dọmọ, Etẹwutu wẹ mì blu mí, dọmọ, Mí tin dẹn talala do mì: whenuena é yín mí ṣẹnṣẹn wẹ mì nọnọ̀? ²³Enẹwutu dinvie mìwlẹ yín dèhodonọ, nado yín mẹglọnọtọ ma na gbla mì go, didatọ naké tọn lẹ podọ dindọ̀ntọ osìn tọn lẹ na owhé Jiwheyẹwhe ṣie tọn. ²⁴Yé sọ gblọnna Jọsua, bo dọmọ, Na yè dọ na mẹmẹsi towe lẹ nugbonugbo wutu wẹ, na le dọ OKLUNỌ Jiwheyẹwhe towe degbèna Moṣe mẹmẹsi etọn nado na aigba lẹpo mì, podọ nado hù tòmẹnu aigba lọ tọn lẹpo sẹ̀ sọn mì nukọn; enẹwutu wẹ mí yín avosatọ susu na ògbẹ̀ mitọn lẹ na mì tọn wutu, bo ko do wà onú he. ²⁵Dinvie, dayi e go, alọ towe mẹ wẹ mi te: dile é sọawuhia dagbedagbe bo sọ jlọjẹ hlan we do nado wà hlan mí, wà. ²⁶Mọwẹ é sọ wà hlan yé, bo whlẹn yé sọn alọ ovi Islaeli tọn lẹ tọn mẹ bọ yé ma do hù yé gba ²⁷Jọṣua sọ yí yé do basi didatọ naké tọn lẹ po dindòntọ osìn tọn lẹ po to gbenẹgbe na agùn lọ podọ na agbà OKLUNỌ tọn kakajẹ egbé, to otẹn he é na dè mẹ.

¹DINVIE é sọ wá jọ, whenuena Adoni-zedeki ahọlu Jelusalẹm tọn sè le Jọsua ko yí Ai do, bo ko sọ hù i sudo patapata; dile é ko wà hlan Jẹliko po ahọlu etọn po do, mọwẹ ewọ ko wà hlan Ai po ahọlu etọn po; podọ le tòmẹnu Gebiọni tọn lẹ ko basi jijọho hẹ Islaeli do, bo tin to ye ṣẹnṣẹn; ²obudi yé susu, na tòdaho de we Gebiọni, di dopo sọn tòdaho ahọlu tọn lẹ mẹ, podọ na é yín kiklohu Ai wutu, omẹ etọn lẹpo sọ yín huhlọnnọ. ³Enẹwutu Adonì-zedeki ahọlu Jelusalẹm tọn doomọ hlan Hohami ahọlu Heblọni tọn, podọ hlan Pilami ahọlu Jalmuti tọn, podọ hlan Jafia ahọlu Lakisi tọn, podọ hlan Debili ahọlu Eglọni tọn, dọmọ, ⁴Mì hẹji wá dẽ, bo gọalọna mi, bo gbọ mi ni hò Gebiọni: na ewọ ko basi jijọho hẹ Jọsua podọ hẹ ovi Islaeli tọn lẹ. ⁵Enẹwutu wẹ ahọlu atọ́n Amọlinu lẹ tọn, ahọlu Jelusalẹm tọn, ahọlu Heblọni tọn, ahọlu Jalmuti tọn, ahọlu Lakisi tọn, ahọlu Eglọni tọn bé yéde pli dopọ, bo hẹji yì, yé po awhànpa yetọn lepo pó, bo dosla do Gebiọni ji, bo fùnawhàn hẹ ẹ. ⁶Omẹ Gebiọni tọn lẹ sọ do omẹ hlan Jọṣua to osla mẹ to Gilgali, dọmọ, Á jokanna alọ towe sọn mẹmẹsi towe lẹ de blo; hẹji wá mí de plaun, bo whlẹn mí, bo gọalọna mí: na ahọlu Amọlinu lẹ tọn he nọnọ̀ otò okọta tọn mẹ lẹpo wẹ yè bé plidopọ do mí ji. ⁷Mọwẹ Jọsua hẹji yì sọn Gilgali, ewọ, podọ omẹ awhàn tọn lepo po e po, po sunnu adántọ huhlọn tọn lẹpo po ⁸OKLUNỌ sọ dọ hlan Jọsua dọ, A dibu na yé blo: na yẹn ko yí yé do alọ towe lọ mẹ; omẹ dopo yé tọn ma na nọte to nukọn towe gba. ⁹Enẹwutu Jọsua wá ye ji ajiji; na ozán lẹpo wẹ é do yì sọn Gilgali. ¹⁰OKLUNỌ sọ dogblagbla yé to Islaeli nukọn, é sọ hù yé do hù hùja daho to Gebiọni, bo sọ yanmọna yé gbọn aliho agayìyì tọn dali jẹ Bẹti-holọni, bo hò yé jẹ Azeka, podọ jọ Makeda. ¹¹E sọ wá jọ, le yé họ̀njei sọn Islaeli nukọn, whenuena yé tin to odò yìyì Bẹtiholọni tọn mẹ, wẹ OKLUNỌ bli zannu daho lẹ dlan odò sọn olọn do yé ji jẹ Azeka, yé sọ kú: yé he kú po kénsu lẹ po sùhú yé he ovi Islaeli tọn lẹ yí ohi do hù.

¹²Whenẹnu wẹ Jọṣua dọhó hlan OKLUNỌ to azán he gbè whenuena OKLUNỌ jó Amọlinu lẹ to ovi Islaeli tọn lẹ nukọn; é sọ dọ to nukun Islaeli tọn mẹ dọ,

¹⁵Jọsua sọ lẹ́gọ̀, po Islaeli lẹpo po gó nẹ̃ wá osla mẹ to Gilgali.

¹⁶Ahọlu atọ́n helẹ sọ họ̀nyì, bo whla yéde do aigbaslo mẹ to Makeda. ¹⁷Yè sọ dọ na Jọṣua, dọmọ, Yè din ahọlu atọ̀n lẹ mọ, whiwhla to aigbaslo mẹ to Makeda. ¹⁸Jọṣua sọ dọmọ, Mì bli zannu daho lẹ do onù aigbaslo lọ tọn ji, bo dè omẹ do e kọ̀n na nado họ́ yé: ¹⁹ṣigba mì ṣite blo; mì domọna kẹ̀ntọ mìtọn lẹ, bo hò godotọ yé tọn lẹ; mì dike na yé nado biọ tòdaho yetọn le mẹ yì blo: na OKLUNỌ Jiwheyẹwhe mìtọn ko jó yé do alọ mìtọn mẹ. ²⁰E sọ wá jọ, whenuena Jọsua po ovi Islaeli tọn lẹ po ko dotana yíyí yé do hù hùja, kaka yè do sú yé do, bọ pipòtọ yé tọn he po lẹ ko biọ todaho dòkọnọ lẹ mẹ, ²¹wẹ gbẹtọ lẹpo gò do osla mẹ do Jọsua de to Makeda to jijọho mẹ: mẹde ma whàn odó etọn do ovi Islaeli tọn lẹ depope go. ²²Whenẹnu wẹ Jọṣua dọmọ, Mì hùn onù aigbaslo lọ tọn, bo hẹn ahọlu atọ́n nẹlẹ tọ́n wá dè sọn aigbaslo lọ mẹ. ²³Yé sọ wà mọ, bo hẹn ahọlu atọ́n nẹlẹ tón wá e de sọn aigbaslo lọ mẹ, ahọlu Jelusalẹm tọn, ahọlu Heblọni tọn, ahọlu Jalmuti tọn, ahọlu Lakisi tọn, ahọlu Eglọni tọn. ²⁴E sọ wá jọ, whenuena ye hẹn ahọlu atọ́n nẹlẹ tón wá Jọṣua de, wẹ Jọṣua ylọ omẹ Islaeli tọn lẹpo, bo dọ hlan ogán sunnu awhàn tọn tọn he yì po yé po lẹ dọ, Mì sẹ̀ wá, yí afọ mìtọn lẹ do okè ahọlu helẹ tọn ji. Yé sọ sè wá, bo yí afọ yetọn lọ do okọ́ yé tọn lẹ ji ²⁵Jọṣua sọ dọ hlan yé dọ, Mì dibu blo, mì sọ yín avọ̀satọ blo; mì yín huhlọnnọ po tudotọ dagbe tọn po: na le wẹ OKLUNỌ na wà do hlan kentọ mìtọn mẹhe mì to ovùnhò hẹ lẹ ²⁶Enẹgodo Jọṣua hò yé, bo hù yé, bo zé yé pla atin atọ́n go: yé sọ tin to pipla to atin lẹ lọ ji kakajẹ whèjai. ²⁷E sọ wá jọ to ojlẹ odò yìyì owhè tọn mẹ, wẹ Jọṣua degbè, yé sọ dè yé wá odò sọn atin lẹ ji, bo sọ bẹ́ yé dlan aigbaslo hemẹ yé ko whla yéde do, bo zé zannu daho lẹ do onù aigbaslo lọ tọn, kakajẹ egbé he.

²⁸Jọṣua sọ yí Makeda to gbenẹgbe, bo yí onù ohi tọn do hò e, po ahọlu etọn po; é hù yé súdo patapata po ayiha he tin to e mẹ lẹpo po, é ma pò mẹde dai gba: é so wà hlan ahọlu Makeda tọn dile é wà hlan ahọlu Jẹliko tọn do.

²⁹Jọsua sọ tọ́n sọn Makeda, po Islaeli lẹpo po po e po, wá Libna, bo hòavùn hẹ Libna: ³⁰OKLUNỌ sọ jó e ga, po ahọlu etọn po, do alọ Islaeli tọn mẹ; é sọ yí onù ohi tọn do hò e, po ayiha he tin to e mẹ lẹpo po; é ma pò mẹde dai toye mẹ gba; é sọ wà hlan ahọlu etọn dile é ko wà hlan ahọlu Jẹliko tọn do.

³¹Jọṣua sọ tón sọn Libna, po Islaeli lẹpo po po e po wá Lakisi, bo dosla do kòji nẹ, bo hòavùn hẹ ẹ: ³²OKLUNỌ sọ jó Lakisi do alọ Islaeli tọn mẹ, é sọ yí i to azán awetọ gbè, bo yí onù ohi tọn do hò e, po ayiha he tin to e mẹ lẹpo po, kẹkẹdi ehe é wà hlan Libna lẹpo.

³³Whenẹnu Holamì ahọlu Gezeli tọn hẹji wá nado gọalọna Lakisi; Jọsua sọ hò e po omẹ etọn lẹ po, kaka é ma do pò mẹde dai nẹ̀.

³⁴Jọṣua sọ tón sọn Lakisi, po Islaeli lẹpo po po e po, wá Eglọni, yé sọ dosla do kọ̀ji nẽ, bo hòavùn hẹ ẹ; ³⁵yé sọ yí i to azája nẹ gbè, bo yi onù ohi tọn do hò e, ayiha he tín to e mẹ lẹpo e hù súdo pátapata to gbenẹgbe, kẹdẹdi ehe é wà hlan Lakisi lẹpo.

³⁶Jọṣua sọ hẹji yì sọn Eglọni, po Islaeli lẹpo po po e po, wá Heblọni; yé sọ hòavùn hẹ ẹ: ³⁷yé sọ yí i, bo yí onù ohi tọn do hò e, po ahọlu etọn po, po tòdaho etọn lẹpo po, po ayiha he tin to e mẹ lẹpo po; é ma pò mẹde dai; kẹdẹdi ehe é wà hlan Eglọni lẹpo; aigba é hù i súdo patapata, po ayiha he tin to e mẹ lẹpo po.

³⁸Jọṣua bo lẹ́, po Islaeli lẹpo po po e po, wá Debili: bo sọ hòavùn hẹ ẹ: ³⁹Ewọ sọ yí i, po ahọlu etọn po, po tòdaho etọn lẹpo po: yé sọ yí onù ohi tọn do hò yé, bo hù ayiha he tin to e mẹ lẹpo súdo patapata; é ma pò mẹde dai gba: le é wà hlan Heblọni do mọwẹ é wà hlan Debili do, podọ hlan ahọlu etọn; dile é wà ga hlan Libna podọ hlan ahọlu etọn.

⁴⁰Mowẹ Jọṣua hò aigba lẹpo do, otò okọta tọn, po hùwaji po, po dòdòklidò po, po dòdomẹ lẹ po, po ahọlu yetọn lẹpo po; é ma pò mẹde dai: ṣigba é hù núhe to gbigbọ lẹpo súdo patapata, dile OKLUNỌ, Jiwheyẹwhe Islaeli tọn, degbè do ⁴¹Jọṣua hò yé sọn Kadesi-balnea yèdọ jẹ Gaza, po otò Gọsẹni tọn lẹpo po, yèdọ jẹ Gibioni. ⁴²Ahọlu helẹpo, po aigba yetọn po wẹ Jọsua yí to ojlẹ dopo mẹ, na OKLUNỌ, Jiwheyẹwhe Islaeli tọn hòavùn na Ialaeli wutu. ⁴³Jọṣua po Islaeli lẹpo po po e po sọ lẹ́gó do osla mẹ to Gilgali.

¹E sọ wá jọ, whenuena Jabini ahọlu Hazọli tọn sè e, wẹ é do omẹ hlan Jobabi ahọlu Madọni tọn podọ hlan ahọlu Ṣimiọni tọn, podọ hlan ahọlu Akisa tọn, ²Podọ hlan ahọlu he tin to agèwaji lẹ, to otò okọta tọn mẹ, podọ to Alaba hùwàji Kinelọti tọn mẹ, podó to dòdòklidò mẹ, podọ to aga Dọli tọn lẹ mẹ to whèyìhọ ji, ³Hlan Kananinu lẹ to whèzẹtẹn po whèyìhọ po ji, po Amọlinu lẹ po po Hitìnu lẹ po, po Pelizinu lẹ po, po Jẹbusinu lọ po to otò okọta tọn mẹ, po Hivinu lẹ po to Hẹlmọni glọ to aigba Kizpa tọn ji. ⁴Yé sọ tón yì gbonu, yé po awhànpa yetọn lẹpo po po yé po, gbẹtọ susugégé, yèdọ di tọ̀kẹn he tin to hùtó tò gégé mẹ, osé lẹ po kẹkẹ lẹ po to pọ́gégé. ⁵Ahọlu he lẹpo sọ pli dopọ; yé sọ wá bo tòlẹ́do dopọ to osìn Milọmi tọn kọ́n, nado hòavùn hẹ Islaeli. ⁶OKLUNỌ sọ dọ hlan Jọsua dọ, A yín avòsatọ na yé tọn wutu blo: na osò to ojlẹ he mẹ wẹ yẹn na jó yé omẹ pó alantọṣiọ to Islaeli nukọn: hiẹ na sandònmẹna osé yetọn lẹ, bo yí miyọn do mẹ kẹkẹ yetọn lẹ. ⁷Mowẹ Jọṣua, po omẹ awhàn tọn lẹpo po po e po, wá yé ji to osìn Melọmi tọn lẹ dali ajiji, bo zón jẹ yé ji. ⁸OKLUNỌ sọ jó yé do alọ Islaeli tọn mẹ, yé sọ hò yé, bo domọna yé jẹ Zidọni daho, podọ jẹ Mialefọti-maimi, podọ jẹ agbàdo Mizpẹ tọn to whèzẹtẹn dali; yé hò yé, kaka yé ma do pò omẹ de dai na yé. ⁹Jọṣua sọ wà hlan yé dile OKLUNỌ degbè nẹ̃ do: é sándònmẹna osé yetọn lẹ, bo yi miyọn do mé kẹkẹ yetọn lẹ.

¹⁰Jọṣua sọ diọkò to ojlẹ nẹ mẹ, bo yí Hazọli, bo yí ohi do hò ahọlu yetọn: na Hazọli wẹ ota ahọludu nẹlẹ tọn to daidai. ¹¹Yé sọ yí ohi do hò ayiha he tin to e mẹ lẹpo, bo hù yé súdo patapata: mẹde ma pò bo to gbigbọ: é sọ yí miyọn do mé Hazọli. ¹²Tòdaho ahọlu nẹlẹ tọn lẹpo, po ahọlu yé tọn lẹpo po, wẹ Jọṣua yi, é sọ yí onù ohi tọn do hò yé, bo hù yé súdo patapata; dile Moṣe mẹmẹsi OKLUNỌ tọn degbè do. ¹³Bigba na tòdaho he nọte to agbó yetọn lẹ ji, Islaeli ma mó ode yé tọn gba, adavo Hazọli kẹdẹ; enẹ wẹ Jọsua mó. ¹⁴Ogblannú tòdaho nẹlẹ tọn lẹpo, po kanlinyìnyìn lẹ po, ovi Islaeli tọn lẹ yí na ogblàn de hlan yéde; aigba gbẹtọ lẹpo wẹ yé yí onù ohi tọn do hò, kaka yé do hù yé sudo, mọ yé ma sọ pò omẹ depope dai he to gbigbọ. ¹⁵Dile OKLUNỌ degbèna Moṣe mẹmẹsi etọn do, mọwẹ Moṣe degbèna Jọsua do: mọwẹ Jọsua sọ wà do; é ma pò nude dai mawà sọn ehe OKLUNỌ degbèna Moṣe lẹpo mẹ.

¹⁶Mowẹ Jọṣua yí aigba nẹ lẹpo, otò okọta tọn, po hùwaji lẹpo po, po aigba Goṣẹni tọn lẹpo po, po dòdòklidò po, po Alaba po, po otò okọta Islaeli tọn po, po dòdòklidò doponẹ lọ tọn po; ¹⁷Sọn osé Halaki, he yì aga jẹ Seìli, yèdọ jẹ Baali-gadi to agbàdo Lebanọni tọn mẹ to osé Helmọni glọ: po ahọlu yetọn lẹpo po wẹ é yí, bo hò yé, bo hù yé. ¹⁸Jọṣua basi awhàn họ̀ ojlẹ dindẹn de hẹ ahọlu nẹlẹ pó. ¹⁹Tòdaho de ma tin he basi jijọho hẹ ovi Islaeli tọn lẹ, adavo Hivinu lẹ tòmẹnu Gibiọni tọn lẹ: yé yí yé mẹpo to awhànpétẹn. ²⁰Na é tin sọn OKLUNỌ de nado hẹn ayiha yetọn lẹ sinyẹn, nado wá Islaeli ji to awhànpétẹn mẹ, na é nido hù yé súdo patapata, bọ yé ma na do tindo nukundagbe depope, ṣigba dọ ewọ nido hù yé súdo, dile OKLUNỌ degbèna Moṣe do.

²¹Jọṣua sọ wá to ojlẹ nẹ mẹ, bo sán Anakimi sẹ̀ sọn otò okọta tọn mẹ, sọn Heblọni, sọn Debili, sọn Anabi, podọ sọn otò okọta Juda tọn tọn lẹpo mẹ, podọ sọn otò okọta Islaeli tọn tọn lẹpo mẹ. Jọsua hù yé omẹ pó po tòdaho yetọn lẹpo po súdo patapata. ²²Anakimi lẹ de ma pò to aigba ovi Islaeli tọn lẹ tọn de mẹ: Gaza mẹ kẹdẹ, Gati mẹ, po Asidọdi po mẹ, wẹ vúde pò te. ²³Mowẹ Jọṣua yí aigba lẹpo pete, kẹdẹdi ehe OKLUNỌ dọ hlan Moṣe lẹpo; Jọsua sọ na ẹn na ogú de hlan Islaeli kẹdẹdile gònugnu yetọn lẹ te gbọn whẹndo yetọn lẹ dali. Aigba lọ sọ tindo gbọjẹ sọn awhàn si.

¹DINVIE ehe lẹ wẹ ahọlu aigba lọ tọn lẹ, mẹhe ovi Islaeli tọn lẹ hò, bo tindo aigba yetọn to Jọdani gododọ̃n hlan whèzẹtẹn dali, sọn agbàdo Alnọni tọn mẹ jẹ osé Helmọni kọ̀n, po Alaba lẹpo po hlan whèzẹtẹn dali: ²Sibọni ahọlu Amọlinu lẹ tọn, mẹhe nọnọ̀ Hẹsiboni, bo dugán sọn Aloeli, he tin to tónu agbàdo Alnoni tọn tọn, po tòdaho hetin to ṣẹnṣẹn agbado lọ tọn po, po Gileadi dadawe po, yèdọ jẹ otò Jabọkì, dògboji ovì Ammọni tọn lẹ tọn; ³Po Alaba po jẹ ohù Kinnelọti tọn, hlan whèzẹtẹn dali, podọ jẹ ohù Alaba tọn, yèdọ Ohù Ojó tọn, hlan whèzẹtẹn dali, aliho hlan Bẹti-jẹṣimọti; podọ to hùwaji, to dòdòmẹ Pisga tọn lẹ glọ: ⁴Dogboji Ogi ahọlu Baṣani tọn tọn, sọn pipotọ Lefaimi tọn mẹ, mẹhe nọnọ Asitalọti po Edlei po, ⁵Bo dugán to osé Helmọni tọn mẹ, podọ to Saleka, podọ to Baṣani lẹpo mẹ, jẹ dògboji Gẹsulinu lẹ tọn po Maakatinu lẹ po, po Gileadi dadawe po, dogboji Sihọni ahọlu Hẹṣiboni tọn tọn. ⁶Moṣe mẹmẹsi OKLUNỌ tọn po ovi Islaeli tọn lẹ po hò yé: Moṣe mẹmesi OKLUNỌ tọn na ẹn na ogú de hlan Leubẹninu lẹ, po Gadinu lẹ po, po dadawe whẹndo Manassẹ tọn po.

⁷Ehe lẹ wẹ ahọlu aigba lọ tọn lẹ mẹhe Jọṣua po ovi Islaeli tọn lẹ po hò to Jọdani gododọ̃n hlan whèyìhọ dali, sọn Baali-Gadi to agbàdo Lebanọni tọn mẹ yèdọ jẹ osé Halaki kọ̀n, he yì aga jẹ Seili; Jọṣua sọ na ẹn hlan whẹndo Islaeli tọn lọ na nutindo de kẹdẹdi gọ̀nu yetọn lẹ; ⁸To otò okọta tọn mẹ, podọ to dòdòklidò mẹ, po Alaba po mẹ, po dòdò lẹ po mẹ, podọ to zùngbo mẹ, podọ to hùwaji; Hitinu lẹ, Amọlinu lẹ, Kananinu lẹ, Pelizinu lẹ, Hivinu lẹ, po Jẹbusinu lẹ po: ⁹Ahọlu Jẹliko tọn, dopo; ahọlu Ai tọn, he tin to Bẹteli damẹ, dopo; ¹⁰Ahọlu Jelusalẹm tọn, dopo; ahọlu Heblọni tọn, dopo; ¹¹Ahọlu Jalmọti tọn, dopo; ahọlu Lakisi tọn, dopo; ¹²Ahọlu Eglọni ọn, dopo; ahọlu Gezeli tọn, dopo, ¹³Ahọlu Debili tọn, dopo; ahọlu Gedeli tọn, dopo; ¹⁴Ahọlu Holma tọn, dopo; ahọlu Aladi tọn, dopo; ¹⁵Ahọlu Libna tọn, dopo; ahọlu Adulami tọn, dopo; ¹⁶Ahọlu Makeda tọn, dopo; ahọlu Bẹteli tọn, dopo; ¹⁷Ahọlu Tapua tọn, dopo: ahọlu Hefeli tọn, dopo; ¹⁸Ahọlu Afẹki tọn dopo; ahọlu Lasalọni tọn, dopo; ¹⁹Ahọlu Madọni tọn, dopo; ahọlu Hazọli tọn, dopo; ²⁰Ahọlu Ṣimilọni-mẹlọni tọn, dopo; ahọlu Akiṣafi tọn, dopo; ²¹Ahọlu Taanaki tọn, dopo; ahọlu Mẹgido tọn, dopo; ²²Ahọlu Kedẹṣi tọn, dopo; ahọlu Jọkneami tọn, to Kalmeli mẹ, dopo; ²³Ahọlu Dọli tọn to aga Dọli tọn mẹ, dopo; ahọlu Golimi tọn to Gilgali mẹ, dopo; ²⁴Ahọlu Tilza tọn, dopo; ahọlu lẹpo gbànnukundopo.

¹DINVIE Jọsua yín yónhonọ bo dohó to owhè mẹ; OKLUNỌ sọ dọ hlan ẹn dọ, Hiẹ yín whinwhẹn bo dohó to owhè mẹ, aigba susu gégé gbẹ́ sọ pò nado yín yíyí. ²Ehe wẹ aigba he gbẹ́ sọ pò: agbègbè Filistini tọn lẹpo, po Gesuli lẹ po; ³Sọn Siholi, he tin to Egipti nukọn, yèdọ jẹ dògboji Eklọni tọn hlan agewàji, he yè hia hlan Kananinu lẹ: klunọ atọn Filìstinu lẹ tọn: Gazanu lẹ, Asidọdinu lẹ, Asikeloninu lẹ, Gitinu lẹ, po Eklọninu lẹ po; Aviminu lẹ ga, ⁴To hùwàji: aigba Kananinu lẹ tọn lẹpo, po Meala he yín Zidọninu lẹ tọn po, jẹ Afẹki, jẹ dògboji Amọlinu lẹ tọn: ⁵Po Gebalinu lẹ tọn po, po Lẹbalọni lẹpo po, hlan whèzẹtẹn dali, sọn Baali-gadi to osé Helmọni glọ jẹ bibiọ Hamati tọn mẹ: ⁶Tòmẹnu otò okọta tọn sọn Lẹbalọni jẹ Mislefọtimaimi, yèdọ Zidọnianu lẹpo; yé wẹ yẹn na yàn tọ́n sọn ovi Islaeli tọn lẹ nukọn: kìki hiẹ ni kán ẹn na hlan Islaeli na ogú de, dile yẹn degbèna we do. ⁷Enẹwutu dinvie má aigba he na ogú de hlan whẹndo sinẹnẹ lẹ, po dadawe whẹndo Manassẹ tọn po. ⁸Leubẹninu lẹ po Gadinu lẹ po ko yí ogú yetọn po yé po, ehe Moṣe na yé, to Jọdani gododọ̃n hlan whèzẹtẹn dali, yèdọ dile Moṣe mẹmẹsi OKLUNỌ tọn na yé do; ⁹Sọn Aloeli, he tin to tónu agbàdo Alnọni tọn tọn go, po tòdaho he tin to ṣẹnṣẹn agbàdo lọ tọn mẹ po, po danfafa Medeba tọn lẹpo po jẹ Dibọni; ¹⁰Po tòdaho Sihọni ahọlu Amọlinu lẹ tọn tọn lẹpo po, he duahọlu to Hẹṣiboni mẹ, jẹ dògboji ovi Ammọni tọn lẹ tọn; ¹¹Po Gileadi po, po dògboji Gẹsulinu po Maakatinu lẹ po tọn, po osé Helmọni lẹpo po, po Baṣani lẹpo po jẹ Saleka; ¹²Ahọludu Ogi tọn to Baṣani mẹ lẹpo, he duahọlu to Aẹilaíọti mẹ podọ to Edlei mẹ (doponẹ wẹ yè jódai sọn pipòtọ Lefaimi tọn mẹ); na ehelẹ wẹ Moṣe hò, bo yàn yé jẹgbonu. ¹³Gãnṣo ovi Islaeli tọn lẹ ma yàn Gẹsulinu lẹ kavi Maakatinu lẹ tón jẹgbonu: ṣigba Gẹsuli po Maakati po nọnọ̀ ogbla Islaeli tọn mẹ, kaka jẹ egbé. ¹⁴Hlan whẹndo Levi tọn kẹdẹ wẹ é ma má ogú de; avọ́ nunina OKLUNỌ tọn, Jiwheyẹwhe Islaeli tọn, yè basi gbọn miyọn dali lẹ wẹ ogú etọn, dile é dọhó hlan ẹn do.

¹⁵Moṣe sọ na hlan whẹndo ovi Leubẹni tọn tọn lẹ kẹdẹdi whédo yetọn lẹ. ¹⁶Dògboji yetọn sọ tin sọn Aloeli, he tin to tónu agbàdo Alnọni tọn tọn ji, po tòdaho he tin to ṣẹnṣẹn agbàdo lọ tọn mẹ po, po danfafa lẹpo po to Mẹdeba dali; ¹⁷Hẹṣiboni, po tòdaho etọn lẹpo po he tin to danfafa lọ ji; Dibọni, po Bamọtíbaali po, po Bẹti-baalìmeọni po; ¹⁸Po Jahazi po, po Kedemọti po, po Mẹfaati po; ¹⁹Po Kilialaimi po, po Sibima po, po Zeletisahali po to osé agbàdo lọ tọn mẹ; ²⁰Po Bẹti-peọli po, po dòdòmẹ Pisga tọn lẹ po, po Bẹti-jẹsimọti po; ²¹Po tòdaho danfafa tọn lẹpo po, po ahọludu Sihọni ahọlu Amọlinu lẹ tọn lẹpo po, he duahọlu to Hẹṣiboni mẹ, mẹhe Moṣe hò po ogán Midiani tọn lẹ po, Evi, po Lekẹmi po, po Zuli po, po Huli po, po Leba po, ahọvi Sihọni tọn lẹ, he nọnọ̀ aigba lọ ji lẹ. ²²Balaami ga visunnu Beọli tọn, dọṣẹnọ lọ, wẹ ovi Islaeli tọn lẹ yí ohi do hú to pipòtọ alantọṣiọ yetọn tọn lẹ mẹ. ²³Dògboji ovi Leubẹni tọn lẹ tọn wẹ Jọdani, po dògboji etọn po. Ehe wẹ ogú ovi Leubẹni tọn lẹ tọn kẹdẹdi whédo yetọn lẹ, tòdaho lẹ po gbeta etọn lẹ po.

²⁴Moṣe sọ na hlan whẹndo Gadi tọn, hlan ovi Gadi tọn lẹ, kẹdẹdi whédo yetọn lẹ. ²⁵Dògboji yetọn wẹ Jazeli, po tòdaho Gileadi tọn lẹpo po, po oda aigba ovi Ammọni tọn lẹ tọn po, jẹ Aloeli he tin to Labba nukọn; ²⁶Podọ sọn Hẹẹibọni jẹ Lamati-mizpẹ, po Betonimi po; podọ sọn Mahanaimi jẹ dògboji Debili tọn; ²⁷Podọ to agbàdo mẹ Bẹti-halami, po Bẹtinimila po, po Sokoti po, po Zafoni po, po pipòtọ ahọludu Sihọni ahọlu Hẹṣiboni tọn tọn po, Jọdani po dògboji etọn po, jẹ pòdopatapata ohù Kinneleti tọn tọn to Jọdani gododọ́n hlan whèzẹtẹn dali. ²⁸Ehe wẹ ogú ovi Gadi tọn lẹ tọn kẹdẹdi whédo yetọn lẹ, tòdaho lẹ po gbeta etọn lẹ po.

²⁹Moṣe sọ na ogú hlan oda whẹ́ndo Manassẹ tọn: é sọ tin na oda whẹ̀ndo ovi Manassẹ tọn lẹ tọn kẹdẹdi whédo yetọn lẹ. ³⁰Dògboji yetọn sọ tin sọn Mahanaimi, Baṣani lẹpo, ahọludu Ogi ahọlu Baṣani tọn tọn lẹpo, po tòpẹvi Jaili tọn lẹpo po, he tin to Baṣani mẹ, tòdaho kandeko: ³¹Po oda Gileadi tọn po, po Asitalọti po, po Adlei po, tòdaho ahọludu Ogí tọn tọn lẹ to Baṣani mẹ, wẹ na ovi Makili visunnu Manassẹ tọn tọn lẹ, yèdọ na oda ovi Makili tọn tọn lẹ kẹdẹdi whédo yetọn lẹ.

³²Ehelẹ wẹ ogú he Moṣe má lẹ to danfafa Moabi tọn lẹ ji, to jọdani gododọ̃n to Jẹliko, hlan whèzẹtẹn dali. ³³Ṣigba hlan whẹ́ndo Levi tọn Moṣe ma na ogú de gba: OKLUNỌ, Jiwheyẹwhe Islaeli tọn, wẹ ogú yetọn, dile é dọhó hlan yé do.

¹EHELẸ wẹ ogú he ovi Islaeli tọn lẹ yí to aigba Kanani tọn mẹ, ehe Eleàzali yẹwhenọ, po Jọṣua ovi Nuni tọn po, po ogán ọwhó otọ́ whendo ovi Islaeli tọn lẹ tọn tọn má hlan yé, ²Gbọn mimá ogú yẹtọn tọn dali, dile OKLUNỌ degbé do gbọn alọ Moṣe tọn mẹ, na whendo ṣinẹnẹ lẹ, podọ na oda whendo lọ tọn. ³Na Moṣe ko na ogú whẹ́ndo awe lẹ po oda po tọn to Jọdani gododọ̃n: ṣigba hlan Levinu lẹ é ma na ogú de to yé ṣẹnṣẹn gba. ⁴Na ovi Josẹfu tọn yín whendo awe, Manassẹ po Eflaimi po: yé ma sọ na mimá de hlan Levinu lẹ to aigba lọ mẹ gba, adavo tòdaho lẹ nado nọnọ̀ e mẹ, po agbohomẹ etọn lẹ po na kanlinyìnyìn yetọn lẹ podọ na agbàn yetọn. ⁵Dile OKLUNỌ degbèna Moṣe do, mọwẹ ovi Islaeli tọn lẹ wà do, yé sọ má aigba lọ.

⁶Whenẹnu wẹ ovi Juda tọn lẹ sẹ̀wá Jọsua de to Gilgali: Kalebi visunnu Jẹfunnẹ tọn Kenizinu dọ hlan ẹn dọ, Hiẹ yón ọnú he OKLUNỌ dọ hlan Moṣe Jiwheyẹwhe gbẹtọ gbọn yẹn tọn dali podọ gbọn hiẹ tọn dali to Kadesi-balnea. ⁷Omẹ owhè kandé tọn wẹ yẹn whenuena Moṣe mẹmẹsi OKLUNỌ tọn do mi hlan sọn Kadesi-balnea nado bẹ̀pọ́n aigba lọ; yẹn sọ hẹn ohó wá e de dile é te to ayiha ṣie mẹ do. ⁸Adi mẹmẹsunnu ṣie he hẹji yì po yẹn po lẹ tọn hẹn ayiha gbẹtọ lẹ tọn yé: ṣigba yẹn hodo OKLUNỌ Jiwheyẹwhe ṣie pete. ⁹Moṣe sọ whle to gbenẹgbe, dọmọ, Nugbònugbo aigba he afọ towe ko zín lọ na yín ogú de hlan we podọ hlan ovi towe lẹ kakadoi, na hiẹ kò hodo OKLUNỌ Jiwheyẹwhe towe pete wutu, ¹⁰Podọ dinvie, dayi e go, OKLUNỌ ko whla mi dogbẹ, dile é dọhó do, owhè kande atón helẹ mẹ, sọn ojlẹ he mẹ OKLUNỌ ko dọ ohó he hlan Moṣe, whenuena Islaeli to zọnlinzin to zùngbo mẹ: podọ dinvie, pọ́n, yẹn to egbé he yín omẹ owhè kanwe atón tọn. ¹¹Jẹ dinvie yẹn tin huhlọn to egbé dile yẹn te to azán he gbè Moṣe do mi hlan: dile huhlọn ṣie te whenẹnu, yèdọ mọwẹ huhlọn ṣie te dinvie, na awhàn, podọ nado tón yì podọ nado wá Whégbe. ¹²Enẹwutu dinvie na osé he mi, ehe OKLUNỌ dọhó etọn to gbenẹgbe; na hiẹ mọ to gbenẹgbe le Anakimi lẹ tin to finẹ do, po tòdaho kiklọ dòkónọ le po: é sọgan yín dọ OKLUNỌ na tin po yẹn pọ, yẹn bo na sọ yàn yé jẹgbonu, dile OKLUNỌ dọ do. ¹³Jọṣua sọ dona ẹn; é sọ na Heblọni hlan Kalẹbi visunnu jẹfunnẹ tọn na ogú de. ¹⁴Enẹwutu Heblọni lẹzùn ogú Kalẹbì tọ́n visunnu Jẹfunnẹ tọn Kenizinu, jẹ egbé he; na dọ ewọ hodo OKLUNỌ, Jiwheyẹwhe Islaeli tọn pete wutu. ¹⁵Dinvie oyín Heblọni tọn daidai wẹ Kiliati-alba; Alba he yín omẹ daho talala to Anakimi ṣẹnṣẹn. Aigba lọ sọ tindo jijọho ṣọn awhàn sì.

¹MIMÁ na whendo ovi Juda tọn lẹ tọn kẹdẹdi whédo yetọn lẹ tin jẹ dògboji Edọmi tọn, yèdọ jẹ zùngbo Zini tọn mẹ hlan hùwaji dali, to adà agapatapata hùwaji tọn, ²Dògboji yetọn hùwaji tọn tin sọn adà agapatapata Ohù Ojẹ́ tọn tọn, sọn hùzẹklan he pọ́n hlan húwaji dali: ³E sọ tón yì hùwaji dali agayìyì Aklabbimi tọn tọn, bo gbọn mọ jẹ Zini, bo sọ hẹji yì gbọn hùwaji Kadesi-balnea dali, bo sọ gbọn mọ gbọn Hezlọni dali, bo hẹji yì jẹ Addali, bo sọ diọkò jẹ Kalka: ⁴E sọ gbọn mọ yì jẹ Azmọni, bo tón yì to tòpa Egipti tọn; jijẹgbonu dògboji tọn tin to ohù tó: ehe nayín dògboji hùwaji mìtọn tọn. ⁵Dògboji whèzẹtẹn tọn wẹ Ohù Ojẹ́ tọn, yèdọ jẹ pòdo Jọdani tọn. Podọ dògboji agewaji dali tọn wẹ sọn hùzẹklan ohù tọn to pòdo Jọdani tọn: ⁶Dògboji lọ yì aga jẹ Bẹti-hogla, bo gbọn mọ gbọn agewàji Bẹti-alaba dali; dògboji lọ sọ yì aga jẹ Zannu Bohani visunnu Leubẹni tọn tọn kọ́n: ⁷Dògboji lọ sọ yì aga lẹ Debili sọn agbàdò Akọli tọn, podọ mọwẹ hlan agewaji dali, bo pinpọ́n hlan Gilgali, he tin to titegbe agayìyì Ádummimi tọn, he tin tó adà hùwaji otọ́ tọn ji; dògboji lọ sọ gbọn mọ jẹ osìn Enṣẹmẹsi tọn kón, po yìyì gbonu etọn lẹ po tin to Ẹn-logẹli; ⁸Dògboji lọ sọ yì aga gbọn agbàdo visunnu Hinnọmì tọn tọn dali jẹ adà Jebusinu lẹ tọn hlan hùwaji dali (doponẹ wẹ Jelusalẹm): dògboji lọ sọ yì aga jẹ adadanu osé lọ tọn he tin tọ agbàdo Hinnọmi tọn nukọn hlan whèyihọ dali, he tin to adà agapatapata dòdò Lefaim tọn tọn hlan agewaji dali: ⁹Dògboji lọ wẹ yè sọ dòn sọn adadanu osé lọ tọn jẹ asisanu osìn Nẹfitọa tọn tọn lẹ kòn, bo tón yì jẹ tòdaho osé Elìọni tọn lẹ kòn; yè sọ dòn dògboji yì jẹ Baalá (doponẹ Wẹ Kiliati-jealimi): ¹⁰Dògboji lọ sọ diọkọ̀ sọn Baala hlan whèyihọ dàlì yì jẹ osé Seili kòn, bo gbọn mọ yì jẹ adà osé Jealimi tọn kọ́n to agewàji (doponẹ wẹ Sẹsalọni), bo sọ yì odò jẹ Bẹti-Sẹmẹsi, bo sọ gbọn mọ gbọn Timna dali: ¹¹Dògboji lọ sọ tọ́n yì je adà Eklọni tọn hlan agewaji dali: dògboji lọ yèsọdón jẹ Sikkelọni, bo sọ gbọn mọ yì jẹ osé Baàla kọ̀n, bo tọ́n yì to Jabneẹli: yìyì gbonu dògboji lọ tọn lẹ tin to ohù tó. ¹²Dògboji whèyihọ dali tọn wẹ jẹ ohù daho kòn, po dògboji etọn po. Ehe wẹ dògboji ovi Juda tọn lẹ tọn lẹ́dolédo kẹdẹdi whédo yetọn lẹ.

¹³Podọ hlan Kalẹbi visunnu Jẹfunnẹ tọn é nà mimá de to ovi Juda tọn lẹ ṣẹnṣẹn, kẹdẹdi gbèdide OKLUNỌ tọn hlan Jọṣua, yèdọ Kiliati-alba, Alba he yín otọ́ Anaki tọn (doponẹ wẹ Heblọni). ¹⁴Kalebi sọ yàn visunnu atọ̀n Anaki tọn lẹ sọn finẹ, Sẹfeai, po Ahimani po, po Talmai po, ovi Anaki tọn lẹ. ¹⁵E so hẹaga yì sọn finẹ do oji na tòmẹnu Debili tọn lẹ: dinvie oyín Debili tọn daidai wẹ Kiliatisefeli. ¹⁶Kalẹbi sọ dọmọ, Ewọ mẹhe hò Kiliati-Sefelì, bo yí i, hlan ẹn wẹ yẹn ná na Aksa viyọnnu ṣie hlan asi. ¹⁷Otnieli visunnu Kenazi tọn, nọvisunnu Kalẹbi tọn, yí I: é sọ yí Aksa viyọnnu etọn nẹ̃ hlan asi. ¹⁸E sọ wá jọ, whenuena é wá e de, wẹ é hẹn ẹn nado biọ danji de sọn otọ́ etọn si: é sọ jẹte sọn kẹtẹkẹtẹ etọn ji; Kalẹbi sọ dọ hlan ẹn dọ, Etẹ wẹ hiẹ jlo? ¹⁹Ewọ sọ dọmọ, Na dona de mí; na enẹ hiẹ ko zé mi do aigba hùwaji tọn ji, na asisanu osìn tọn lẹ mi ga. Ewọ sọ yí asisanu ága tọn lẹ po odò tọn lẹ po nẹ̃.

²⁰Ehe wẹ ogú Whèndo ovi Juda tọn lẹ tọn tọn kẹdedi whédo yetọn lẹ.

²¹Tòdaho agapatapata Whèndo oví Juda tọn lẹ tọn tọn hlan dògboji Edọmi tọn dali to hùwaji wẹ Kabzeẹli; po Edeli po, po Jaguli po: ²²Po Kina po, po Dimọna po, po Adada po; ²³Po Kedẹṣi po, po Hazọli po, po Etinani po; ²⁴Zifi, po Tẹlẹmì po, po Bealọti po; ²⁵Po Hazọli-hadatta po, po Keliọti-hezlọnl po (doponẹ wẹ Hazọli); ²⁶Amami, po Ṣema po, po Molada po; ²⁷Po Hazali-gadda pó, pó Hẹsimọni po, po Bẹti-peleti po; ²⁸Po Hazali-suali po, po Beẹli-ṣeba po, po Biziọtia po; ²⁹Baàla, po Iìmi po, po Ezẹmi po; ³⁰Po Eltoladi po, po Kesili po, po Họlma po; ³¹Po Ziklagí po, po Madimanna po, po Sansanna po; ³²Po Lebaọti po, po Silihimi po, po Aini po, po Limmọni po: tòdaho lẹpo yín koatọ́nnukunẹnẹ po gbeta yetọn lẹ po.

³³To dòdòklidò mẹ, Esilaoli, po Zóla po, po Asina po; ³⁴Po Zanoa po, po Eni-gannimi po, Tappua, po Enami po; ³⁵Jalmuti, po Adulami po, Soko, po Azeka po; ³⁶Ṣaalaimi, po Adìtàimi po, po Gedela po, po Gedelotaimì po; tòdaho wiẹnẹ po gbeta petọn lẹ po.

³⁷Zenani, po Hadasa po, po Migdaligadi po; ³⁸Po Dilani po, po Mizpẹ po, po Jokteẹli po; ³⁹Lakiṣi, po Bọzkati po, po Eglọni po; ⁴⁰Po Kabbọni po po Lahimamì po, po Ṣitiliṣi po; ⁴¹Po Gedeloti po, Bẹti-dagọni, po Naama po, po Makkeda po; tòdaho fọtónnukundopo po gbeta yetọn lẹ po.

⁴²Libna, po Eteli po, po Asani po; ⁴³Po Ifta po, po Asina po, po Nezibi po; ⁴⁴Po Keila po, pó Akizibi po, po Malẹsa po; tòdaho ṣinẹnẹ po gbeta yetọn lẹ po.

⁴⁵Eklọni, po tòpẹvi etọn lẹ po po gbeta etọn lẹ po: ⁴⁶Sọn Eklọni yèdọ jẹ ohù tó, ehe tin to adà Asidọdi tọn dali lẹpo, po gbeta yetọn lẹ po.

⁴⁷Ásidọdi, tòpẹvi etọn lẹ po gbeta etọn lẹ po; Gaza, tòpẹvì etọn lẹ po gbeta étọn lẹ po; jẹ tòpa Egipti tọn, po ohù daho lọ po, pó dògboji ètọn po.

⁴⁸Podọ to otò okọta tọn mẹ, Samili, po Jattili po, po Soko po; ⁴⁹Po Danna po, po Kiliati-sanna po, (doponẹ wẹ Debili); ⁵⁰Po Anabi po, po Esitemọhi po, po Ànimi po; ⁵¹Po Goṣẹni po, po Holọni po, pó Gilọhi po; tòdaho widopo po gbeta yetọn lẹ po.

⁵²Alabi, po Duma po, po Eṣani po; ⁵³Po Janimi po, po Bẹti-tappua pó, po Afeka po; ⁵⁴Po Humtahi po, po Kiliati-alba po (doponẹ wẹ Heblọni), po Ziọli po; tòdaho sinẹnẹ po gbeta yetọn lẹ po.

⁵⁵Maoni, Kalmẹlì, po Zifi po, po Jutabi po; ⁵⁶Po Jezleẹli po, po Jokdeami po, po Zanoahi po; ⁵⁷Káini, Gibiahi, po Timnahi po, tòdaho ao po gbeta yetọn lẹ po.

⁵⁸Halihuli, Bẹti-zíuli, po Gedọli po; ⁵⁹Po Maalati po, po Bẹti-ánoti po, po Eltekọni po; tòdaho ṣidopo po gbeta yetọn lẹ po.

⁶⁰Kiliatì-baali (doponẹ wẹ Kiliatijealimi), po Labbahi po, tòdaho awe po gbeta yetọn lẹ po.

⁶¹To zùngbo mẹ, Bẹti-alabahi, Middini, po Sikakahi po; ⁶²Po Nibsani po, po Tòdaho Ojó tọn po, po Eni-gẹdi po; tòdaho sidopo po gbeta yetọn lẹ po.

⁶³Podọ na Jẹbusinu lẹ tọn, tòmẹnu Jelusalẹm tọn lẹ, ovi Juda tọn lẹ ma sọgan yàn yé jẹgbonu gba: ṣigba Jebusinu nọnọ̀ hẹ ovi Juda tọn lẹ to Jelusalẹm, jẹ egbé he.

¹MIMÁ na ovi Josẹfu tọn lẹ tón yì sọn Jọdani to Jẹliko, to osìn Jeliko tọn lẹ kòn to whèzẹtẹn ji, yèdọ Zùngbo lọ, aga yìyì sọn Jẹliko gbọn otò okọta tọn me jẹ Bẹteli; ²E sọ tón yì sọn Bẹteli jẹ Luzi, bo gbọn mọ jẹ dògboji Alkinu lẹ tọn jẹ Atalọti; ³Ṣigba é yì odò hlan whèyìhọ dali jẹ dògboji Jafletinu lẹ tọn, jẹ dògboji Bẹti-holọni tọn to odò, yèdọ jẹ Gezeli: po tintón yì gbonu etọn lẹ po tin to ohù tó. ⁴Ovi Josẹfu tọn lẹ, Manassẹ po Eflaimi po, yí ogú yetọn. ⁵Dògboji ovi Eflaimi tọn lẹ tọn kẹdẹdi whédo yetọn lẹ wẹ lankọ: yèdọ dògboji ogú yetọn tọn hlan whèyìhọ dali wẹ Atalọti-addali, jẹ Bẹti-holọni to aga; ⁶Dògboji lọ sọ tón yì hlan whèyìhọ dali to Mekinẹtati to agewaji dali; dògboji lọ sọ diọkò hlan whèzẹten dali jẹ Taanati-ṣilo, bo gbọn e dali mọ to whèzẹtẹn Janoahi tọn ji; ⁷E sọ yì odò sọn Janoahi jẹ Atalọti, podọ jẹ Naalahi, bo sọ jẹ Jẹliko dali, bo jẹgbonu yì Jọdani. ⁸Sọn Tappuahi dògboji lọ gbọn mọ yì whèyìhọ dali jẹ tòpa Kanahì, po tintón etọn lẹ po sọ tin to ohù tó. Ehe wẹ ogú whendo ovi Eflaimi tọn lẹ tọn tọn kẹdẹdi whẹdo yetọn lẹ; ⁹Dopọ hẹ todaho he yè klandovo lẹ na ovi Eflaimi tọn lẹ to ogbla ogú ovi Manassẹ tọn lẹ tọn tọn mẹ, tòdaho lẹpo po gbeta yetọn lẹ po. ¹⁰Yé ma sọ yàn Kananinu he nọnọ̀ Gezeli mẹ lẹ tón gba: ṣigba Kananinu nọnó ogbla Eflaimi tọn mẹ, jẹ egbé he, bo sọ lẹzùn mẹmẹsi lẹ nado wà sẹ́njọzón.

¹EHE wẹ mimá na whẹ̀ndo Manassẹ tọn; na ẹwọ wẹ plọnji Josẹfu tọn. Na Makili plọnji Manassẹ tọn tọn, otọ́ Gileadi tọn, na ewọ yín omẹ awhàn tọn wutu, enẹwutu wẹ é do tindo Gileadi po Baṣani po. ²Mimá lọ sọ tin na pipòtọ ovi Manassẹ tọn lẹ tọn kẹdẹdi whédo yetọn lẹ; na ovi Abiezeli tọn lẹ, podọ na ovi Heleki tọn lẹ, podọ na ovi Ásilieli tọn lẹ, podọ? na ovi Ẹekẹmi tọn lẹ, podọ na ovi Hefeli tọn lẹ, podọ na ovi Sẹmida tọn lẹ: ehelẹ we ovi sunnu Manassẹ tọn lẹ visunnu Josẹfu tọn kẹdẹdi whédo yetọn lẹ. ³Ṣigba Zelofeíiadi, visunnu Hefeli tọn, visunnu Gileadi tọn, visunnu Makili tọn, visunnu Manassẹ tọn, ma tindo visunnu de gba, adavo viyọnnu lẹ: ehelẹ wẹ oyín viyọnnu etọn lẹ tọn, Mahilahi, po Noahi po, Hoglahi, Milkahi, po Tilzahi po. ⁴Yé sọ sẹwá Eleazali yẹwhenọ nukọn, po Jọṣua visunnu Nuni tọn po nukọn, po ahọvi lẹ po nukọn, dọmọ, OKLUNỌ degbèna Moṣe nado na ogú de mí to mẹmẹsunnu mìtọn lẹ ṣẹnṣẹn: enẹwutu kẹdẹdi gbèdide OKLUNỌ tọn ewọ na ogú de yé to mẹmẹsunnu otọ́ yetọn tọn lẹ ṣẹnṣẹn. ⁵Oda ao flẹ hlan Manassẹ de, dogó aigba Gileadi po Baṣani po tọn, he tin to Jọdani gododọ̃n; ⁶Na viyọnnu Manassẹ tọn ko tindo ogú de to visunnu etọn lẹ ṣẹnṣẹn wutu: aigba Gileadi tọn sọ tin hlan pipotọ visunnu Manassẹ tọn lẹ. ⁷Dògboji Manassẹ tọn sọ tin sọn Aṣeli jẹ Mikinẹtati he tin to Ṣekẹmi nukọn; dògboji lọ sọ yì mọ jẹ adusilọ mẹ, jẹ tòmẹnu Ẹn-tappuahi tọn lẹ de. ⁸Áigba Tappuahi tọn tin hlan Manassẹ: ṣigba Tappuahi to dògboji Manassẹ tọn tin hlan ovi Eflaimi tọn lẹ. ⁹Dogboji lọ sọ yì odò jẹ tòpa Kanahi tọn, hlan hùwaji dali tòpa tọn: tòdaho helẹ tin hlan Eflaimi to tòdaho Manassẹ tọn lẹ ṣẹnṣẹn: dògboji Manassẹ tọn sọ tin to adà agewaji tòpa lọ tọn go, tintón etọn lẹ sọ tin to ohù tó: ¹⁰Hlan hùwaji dali é yin Eflaimi tọn, hlan agewaji dali é yín Manassẹ tọn, ohù wẹ dògboji etọn: yé sọ yì jẹ Aṣeli to agewaji, podọ jẹ Issakali to whèyìhọ ji. ¹¹Manassẹ sọ tindo to Issakali mẹ podọ to Aẹeli Bẹtiseani po tòpẹvi etọn lẹ po mẹ, Ibleami po tòpẹvi etọn lẹ po, podọ to tòmẹnu Dọli tọn lẹ mẹ po tòpẹvi etọn lẹ po, tòmẹnu Ẹn dọli tọn lẹ po tòpẹvi etọn lẹ po, tòmẹnu Taanakì tọn lẹ po tòpẹvi etọn lẹ po, tòmẹnu Megiddo, tọn lẹpo tòpẹvi etọn lẹ po, yèdọ aga atọ̀n lẹ ¹²Gãnṣo ovi Manassẹ tọn lẹ ma sọgan yàn tòmẹnu tòdaho nẹlẹ tọn lẹ jẹgbonu gba; ṣigba Kananinu lẹ jlo na nọnọ̀ aigba nẹ ji. ¹³E sọ wá jọ, whenuena ovi Islaeli tọn lẹ hẹn ye lẹzùn huhlọnnọ, wẹ yé yí Kananinu lẹ do sónjọzọ́n kọ̀n, bo ma sọ yàn yé tọ́n patapata gba.

¹⁴Ovi Josẹfu tọn lẹ sọ dọhó hlan Jọṣua, dọmọ, Etẹwutu wẹ hiẹ na mimá dopo kẹdẹ mi po ada dopo po na ogú de, mimọ dọ yẹn yín gbẹtọ susu de, sọle kakajẹfile OKLUNỌ ko dona mi? ¹⁵Jọṣua sọ dọ hlan yé dọ, Eyín hiẹ yín gbẹtọ susu de, bo họ̀ aga yi zùnkan mẹ, bo sán liai na dewe to finẹ to aigba Pelizinu lẹ tọn mẹ po Lefaimi tọn po; eyín otò okọta Eflaimi tọn yín fìnfinọn gbahu na we. ¹⁶Ovi Josẹfu tọn lẹ sọ dọmọ, Otò okọta tọn yín masò na mí: podọ Kananinu he nọnọ̀ aigba agbàdo tọn ji lẹpo tindo kẹkẹ gànyú tọn lẹ, yé mẹhe tin to Bẹti-seani mẹ lẹ po tòpẹvi etọn lẹ po, po yé he tin to agbàdo Jezleẹli tọn mẹ lẹ po. ¹⁷Jọṣua sọ dọhó hlan owhé Josẹfu tọn, yèdọ hlan Eflaimi podọ hlan Manassẹ, dọmọ, Gbẹtọ susu de wẹ hiẹ, bo sọ tindo huhlọn: hiẹ ma na tindo mimá dopókẹdẹ gba: ¹⁸Ṣigba otò okọta tọn lọ na yín towe; na le é tlẹ yín zùnkan de gãnṣo nẹ, hiẹ na sán ẹn liai, tintón jẹgbonu etọn le na yín towe: na hiẹ na yàn Kananinu lẹ jẹgbonu, gãnṣo yé tindo kẹkẹ gànyũ tọn lẹ, podọ gãnṣo yé yín huhlọnnọ.

¹AGÙN ovi Islaeli tọn lẹ tọn pete pli yéde dopọ do Ṣilo, bo zé ogohọ̀ opli tọn do aga to finẹ: aigba lọ sọ yín zíndai to yé nukọn. ²Whendo ṣinawe sọ pò to ovi Islaeli tọn lẹ ṣẹnṣẹn, he ma ko má ogú yetọn gba. ³Jọṣua sọ dọ hlan ovi Islaeli tọn lẹ dọ, Nawẹ é yín díndẹn sọ bọ mí do awuwhle nado biọ e me yì nado tindo aigba lọ, he OKLUNỌ, Jiwheyẹwhe otọ́ mìtọn lẹ tọn ko na mì? ⁴Póndè na mìde sunnusi atọ́n na whóndo dopodopo: yẹn na do yé hlan, yé na sọ fọ́n, bo zinzọnlin gbọn aigba lọ ji, bo jlẹ ẹ kẹdẹdi ogú yetọn; yé na sọ wá dẽ. ⁵Yé na sọ má ẹn do donu ṣinawe: Juda na nọnọ̀ dògboji etọn to hùwaji, owhé Josẹfu tọn na sọ nọnó dògboji yetọn to agewaji ⁶Mì na sọ jlẹ aigba lọ do donu ṣinawe, bo sọ hẹn jijlọ etọn wá ofi to dẽ: yẹn na sọ devò lẹ na mì to ofi to OKLUNỌ Jiwheyẹwhe mìtọn nukọn. ⁷Na Levinu lẹ ma tindo mimá de to mì ṣẹnṣẹn gba; na yẹwhenọduta OKLUNỌ tọn wẹ ogú yetọn: Gadi po Leubẹni po po oda whẹ́ndò Manassẹ tọn po ko mọ ogu yetọn yí to Jọdani gododọ̃n hlan whèzẹtẹn dali, he Moṣe mẹmẹsi OKLUNỌ tọn na yé. ⁸Sunnusi ewlẹ sọ fọ́n, bo yì: Jọṣua sọ nasẹ yé he yì lọ nado jlẹ aigba lọ, dọmọ, Mì yì bo zinzọnlin gbọn aigba lọ ji, bo jlẹ ẹ, bo sọ gò wá dè, yẹn na sọ devò lẹ na mì to ofi to OKLUNỌ nukọn to Ṣilo. ⁹Sunnu ewlẹ sọ yì bo gbọn aigba lọ ji bo jlẹ ẹ do tòdaho donu ṣinawe mẹ do owó de mẹ, yé sọ wá Jọsua de to osla mẹ to Ṣilo. ¹⁰Jọṣua sọ devò na yé to Ṣilo to OKLUNỌ nukọn: finẹ wẹ Jọsua má aigba lọ te hlan ovi Islaeli tọn lẹ kẹdẹdi gónugónu yetọn lẹ.

¹¹Mimá whẹ̀ndo ovi Benjamini tọn lọ tọn tọn hugan kẹdẹdi whédo yetọn lẹ: dògboji mimá yetọn tọn tón yì to ovi Juda tọn lẹ po ovi Josẹfu tọn lẹ po tọn ṣẹnṣẹn. ¹²Dògboji yetọn to awà agewaji tọn ji wẹ sọn Jọdani; dògboji lọ yì aga jẹ adà Jẹliko tọn dali to agewaji, bo sọ yì aga gbọn otò okọta tọn mẹ hlan whèyihọ dali: tintón jẹgbonu etọn lẹ tin to zùngbo Bẹti-aveni tọn kòn. ¹³Dògboji lọ sọ gbọn mọ sọn finẹ jẹ Luzi, hlan adà Luzi tọn ji (doponẹ wẹ Bẹteli), hlan hùwaji dali; dògboji lọ sọ yì odò hlan Ataloti-addali dali, to osé he tin to hùwaji Bẹti-holoni tọn go to odò. ¹⁴Dògboji lọ yè dọ̀n bo diọkòna to awà whèyìhọ tọn ji hlan hùwaji dali, sọn osé he tin to Bẹti-holoni nukọn hlan hùwaji dali; tintón jẹgbonu etọn lẹ tin to Kiliatibaali (doponẹ wẹ Kiliati-jealimi), tòdaho ovi Juda tọn lẹ tọn de: ehe wẹ awà whèyìhọ tọn. ¹⁵Awà hùwaji tọn wẹ sọn adà agapatapata Kiliati-jealimi tọn, dògboji sọ tón yì hlan whèyìhọ dali, bo sọ tón yì jẹ asisanu osìn Neftoahi tọn lẹ kón: ¹⁶Dògboji lọ sọ yì odò jẹ adà agapatapata osé he tin to agbàdo visunnu Hinnọmi tọn tọn go, ehe tin to agbàdo Leflaimi tọn mẹ hlan agewaji dali; é sọ yì odò jẹ agbàdo Hinnọmi tọn go, hlan adà Jebusinu tọn hlan hùwaji dali, bo yì odò jẹ Ẹn-logeli; ¹⁷Yè sọ dón ẹn wá agewaji go, é sọ tón yì to Ẹn-ṣemẹsi, bo sọ tón yì jẹ Gelìloti, ehe tin to titègbe agayìyì Adummimi tọn; é sọ yì ódò jẹ zannu Bohani visunnu Leubẹni tọn tọn kọ̀n; ¹⁸E sọ gbọn mọ jẹ adà titegbe Alabahi tọn hlan agewaji dali, bo sọ yì odò jẹ Alabahi: ¹⁹Dògboji lọ sọ gbọn mọ yì jẹ adà Bẹti-hoglahi tọn hlan agewaji dali: tintọ́n yi gbonu dògboji tọn lẹ sọ tin to agewaji hùzẹklan Ohù Ojẹ́ tọn tó, to opòdo hùwaji Jọdani tọn: ehe wẹ hùwaji dogboji lọ ²⁰Jọdani sọ wẹ dògboji e tọn to awà whèyihọ tọn ji Ehe wẹ ogú ovi Bẹnjamini tọn lẹ tọn, gbọn dògboji etọn lẹ dali lẹdolẹ́do, kẹdẹdi whédo yetọn lẹ. ²¹Dinvie tòdaho whẹndo ovi Bẹnjamini tọn lẹ tọn le kẹdẹdi whédo yetọn lẹ wẹ Jẹlikò po Bẹti-hoglahi po, po Ẹmẹki-kẹzizi po; ²²Po Bẹtialabahi po, po Zemalaimi po, po Bẹtẹli po; ²³Po Avvími po, po Palahi po, po Oflahi po; ²⁴Po Kefali-ammọni po, po Ọfni po, po Geba po; tòdaho wiawe po gbeta yetọn lẹ po: ²⁵Gibeọni, po Lamahi po, po Beẹlọti po; ²⁶Po Mizpẹhi po, po Kefilahi po, po Mozahi po; ²⁷Po Lekẹmi po, po Ilpeẹli po, po Talalahi po; ²⁸Po Zelahi po, Eleá, po Jebusinu po (doponẹ wẹ Jelusalẹm), Gibeatì, po Kiliati po; todaho wiẹnẹ po gbeta yetọn lẹ po. Ehe wẹ ogú ovi Bẹnjamini tọn lẹ tọn kẹdẹdi whédo yetọn lẹ.

¹MIMA awetọ tọ́n wá na Simeọni, yèdọ na whẹndo ovi Simeọni tọn kẹdẹdi whédo yetọn lẹ: ogú yetọn lẹ sọ tin to gblagbla ogú ovi Juda tọn lẹ tọn mẹ. ²Yé sọ tindo Beẹliseba, kavi Ṣeba, po Moladahi po na ogú yetọn; ³po Hazali--suali po, po Balahi po, po Ẹzemi po; ⁴po Elitoladi po, po Betuli po, po Họlmahi po; ⁵po Ziklagi po, po Bẹti-malkabọti po, po Hazalisusahi po; ⁶po Bẹti-lebaoti po, po Saluheni po; tòdaho wiatòn po gbẹtọ yetọn lẹ po: ⁷Aini, Tjimmọni, po Eteli po, po Aṣau po; tòdaho ẹnẹ po gbeta yetọn lẹ po: ⁸pọ gbeta lẹpo po he tin lédo tòdaho helẹ jẹ Baalati-beẹh, Lamahi hùwaji tọn. Ehe wẹ ogú whẹndo ovi Simeọni tọn lẹ tọn tọn, kẹdedi whédo yetọn lẹ. ⁹Mimá ovi Juda tọn lẹ tọn mẹ wẹ ogú ovi Simeọni tọn lẹ tọn sọn: na mimá ovi Juda tọn lẹ tọn yín gégé suhugan na yé: enẹwutu wẹ ovi Simeọni tọn lẹ do tindo ogú to gblagbla ogú yetọn tọn mẹ.

¹⁰Mimá atọ̀ntọ wá aga na ovi Zebuluni tọn lẹ kẹdẹdi whédo yetọn lẹ: dògboji ogú yetọn tọn wẹ jẹ Salidi: ¹¹Dògboji yẹtọn sọ yì aga hlan whèyìhọ dali, yèdọ jẹ Malalahi, bo yìjẹ Dabbeṣeti dali; é sọ yìjẹ otẹ he tin to Jokneami nukọn; ¹²é sọ diọkò sọn Salidi whèzẹtẹn dali hlan whèzizẹ dali jẹ dògboji ṣislọti-taboli tọn; é sọ tọn jẹgbonu yì jẹ Dabelati, bo yì aga jẹ Jafìa; ¹³sọn finẹ é gbọn gàji whèyihọ dali jẹ Gati-hefeli, jẹ Etikazini; é sọ jẹgbonu yì to Limmọni he dlẹn jẹ Neahi; ¹⁴Dògboji lọ sọ diọkọ to e dali to agewaji go jẹ Hannatoni: yìyì gbonu etọn lẹ tin to agbàdo Iftahieli; ¹⁵po Kattati po, po Nahalali po, po Simlọni po, po Idalahi po, po Bẹtilehemi pò: tòdaho wiawè po gbeta yetọn lẹ po. ¹⁶Ehe wẹ ogú ovi Zebuluni tọn lẹ tọn kẹdẹdi whédo yetọn lẹ, tòdaho helẹ po gbeta yetọn lẹ po.

¹⁷Mimá ẹnẹtọ tón wá na Issakali, yèdọ na ovi Issakalitọn lẹ kẹdẹdi whédo yetọn lẹ. ¹⁸Dògboji yetọn sọ tin jẹ Jézliẹlì, po ṣẹsulọti po, po Sunẹmi po; ¹⁹po Hafalaimi po, po Siọm po, po Anahalati po; ²⁰po Labbiti po, po Eisiọni po, po Ebezi po; ²¹po Lemẹti po, po Ẹn-gannimi po, po Ẹn-haddahi po, po Bẹti-pazzezi pọ; ²²Dògboji sọ yìjẹ Tabọli, po Sahazumahi po, po Bẹtisemẹsi po; po tintọn yì gbonu dògbọji yetọn lẹ tọn lẹ tin to Jọdani: todaho fọtọ̀nnukundopo po gbeta yetọn lẹ po. ²³Ehe wẹ ogú whẹndo ovi Issakali tọn lẹ tọn tọn kẹdẹdi whédo yetọn lẹ, tòdaho lẹ po gbeta yetọn lẹ po.

²⁴Mimá atóntọ wá gbonu na whẹndo ovi Aṣeli tọn lẹ tọn kẹdẹdi whédo yetọn lẹ. ²⁵Dogboji yetọn sọ wẹ Helkati, po Hali po, po Bẹteni po, po Akṣafi po; ²⁶po Alammeleki po, po Amadi pọ, po Misali po; é sọ yìjẹ Kalmẹli hlan whèyìhọ dali, podọ jẹ Sihọli-libnati: ²⁷ẹ sọ diọkò hlan whèzizẹ jẹ Bẹti-dagoni, bo sọ yìjẹ Zebuluni, podọ jẹ agbàdo Iftahi-eli tọn hlan agewaji dali jẹ Bẹti-ẹmeki po Neieli po; é sọ yì gbonu jẹ Kabuli to amiyọnlọ ji, ²⁸po Ẹblọni po, po Lehobi po, pọ Hammọni po, po Kanahi po, yèdọ jẹ Zidọni daho; ²⁹Dògboji lọ sọ diọkò jẹ Lamahi, podọ jẹ tòdaho dòkọ́nọ Tìle tọn; dògboji lọ sọ diọkò jẹ Hosahi; tintan jẹgbonu etọn lẹ tin to ohù tó to: agbègbe Akzibi tọn dali: ³⁰Ummahi ga, po Afeki po, po Lehobi po: tòdaho konukunawe po gbeta yetọn lẹ po. ³¹Ehe wẹ ogú whẹndo ovi Aṣeli tọn lẹ tọn tọn kẹdẹdi whédo yetọn lẹ, tòdaho helẹ po gbeta yetọn lẹ po.

³²Mimá sidopotọ wá gbonu na òvi, Naftali tọn lẹ, yèdọ na ovi Naftali tọn lẹ kẹdẹdi whédo yetọn lẹ. ³³Dogbọjh yetọn sọ tin sọn Helefì, sọn atin-oaki kòn to Zaanannimi mẹ, po Adami-nekebi po, po Jabneẹli po, jẹ Lakkumi; po tintan jegbonu etọn lẹ pọ tin to Jọdani: ³⁴Dògboji lọ sọ diọkò hlan whèyihọ dali jẹ Aznọti-taboh, bo sọ yì gbonu sọn finẹ jẹ Hukkọki: é sọ yìje Zebuluni dali to hùwaji go, bo sọ yìjẹ Aṣeli dali to whèyìhọ go, podọ jẹ Juda to Jọdani hlan whèzizẹ dali. ³⁵Tòdaho dòkẹ̀nọ lẹ wẹ Ziddimi, Zeli, po; Hammati po, Lakkati, po Ẹinneleti po; ³⁶po Adamahi po, po Lamahi po, po Hazọli po; ³⁷po Kedẹṣi pọ, po Ẹdlei po, po Ẹn-hazọli po; ³⁸po Ilọni po, po Migdali-eli po, Holẹmi, po Beti-anati po, po Bẹtì-semẹẹi po; tòdaho fọtọ̀nnukunẹnẹ po gbeta yetọn lẹ po. ³⁹Ehe wẹ ogú whendo ovi Naftaíi tọn lẹ tọn tọn kẹdẹdi whédo yetọn lẹ, tòdaho lẹ pp gbeta yetọn de po;

⁴⁰Mimá sinawetọ wá gbonu na whẹ̀ndo ovi Dani tọn lẹ tọn kẹdẹdi whédo yetọn lẹ. ⁴¹Dogboji? ogú yetọn tọn wẹ Zolahi, po Ẹsitaoli po, po Ili-semesi po; ⁴²po Saalabbini po, po Aijalọni po, po Itlahi po; ⁴³po Elọni po, po Timnahi po, po Ẹklọni po; ⁴⁴po Ẹltekehi po, po Gibbetoni po, po Baalati po; ⁴⁵po Jehudi po, po Bene-belaki po, po Gati-limmọni po; ⁴⁶po Me-jalkọm po, po Bakkọni po, dogọ́ dògboji to Jọppa titegbe. ⁴⁷Dògboji ovi Dani tọn lẹ tọn yì gbonu zẹ̀ yé go: na ovi Dani tọn le yì aga bo hòavùn hẹ Lesemi, bo yí i, bo yí onù ohi tọn do hò e, bo sọ tindo e, bo nọnọ̀ emẹfinẹ, bo ylọ Lesemi, Dani, kẹdẹdi oyín Dani otọ́ yetọn tọn. ⁴⁸Ehe we ogú whẹ̀ndo ovi Dani tọn lẹ tọn tọn kẹdẹdi whédo yetọn lẹ, tòdaho helẹ po gbeta yeton lẹ po.

⁴⁹Mọwẹ yé dogbèna mimá aigba tọn na ogú gbọn dògboji etọn lẹ dali; ovi Islaeli tọn lẹ sọ na ogú de hlan Jọṣua visunnu Nuni tọn-lọ gblagbla yé tọn mẹ: ⁵⁰Kedẹdi gbèdide OKLUNỌ tọn yé na tòdaho he e biọ lọ ẹ yèdọ Timnatisalahi to otò okọta Eflaimi tọn mẹ: ewọ sọ do tòdaho lọ ai, bo nọnọ̀ emẹfinẹ.

⁵¹Ẹhe lẹ wẹ ogú lẹ, he Eleazali Yẹwhenọ, po Jọsua visunnu Nuni tọn po, po ogán owhé otọ́ whẹndo ovi Islaeli tọn lẹ tọn tọn lẹpo po, má na ogú gbọn ovò dali to Ṣilo mẹ to OKLUNỌ nukọn, to ohọn gohọ̀ pipli tọn tọn ji. Mọwẹ yẹ dogbèna mimá aigba lọ tọn.

¹OKLUNỌ sọ dọhó hlan Jọsua, dọmọ, ²Dọhó hlan, ọvi Islaeli tọn lọ, dọmọ, Dèdẹ̀ tòdaho fibẹ̀tado tọn lẹ na mì, fietọn yẹn dọ hlan mí gbọn alọ Moṣe tọn mẹ: ³dọ mẹhutọ he hù omẹ depope to mayọnẹn mẹ podọ to madodego mẹ nido nọ họ̀nyì finẹ; yé na sọ yín hlan mì na fibẹ̀tado de sọn ahọsuyítọ ohùn tọn si. ⁴Ewọ na sọ; họnyì jẹ dopo todaho helẹ tọn mẹ, bo na site to bibiọ hòngbo tòdaho lọ tọn mẹ tọn ji, bo lá whèhó etọn to otó mẹho todaho nẹ tọn lẹ tọn mẹ; yé na sọ yí i do tòdaho lọ mẹ do yé de, bo na otẹn dè, na é nido nọnọ̀ yé ṣẹnṣẹn. ⁵Eyín ahọsuyítọ ohùn tọn domọna to e godo, whenẹnu yé ma to na jó mẹhùtọ lọ do alọ etọn mẹ gba; na é hò kọmenu etọn madodego wutu, bo ma ko gbẹwan nẹ̃ daidai gba. ⁶Ewọ na nọnọ̀ tòdaho nẹ mẹ, kaka é na do ṣite to agùn nukọn na whẹ̀dida, kakajẹ okú yẹwhenọ daho he na tin to azán nẹlẹ mẹ tọn tọn whenu: whenẹnu wẹ mẹhùtọ lọ na diọkò, bo na wá tòdaho etọn titi mẹ, podọ owhé etọn titi gbe, wá tòdaho fie é ko họ̀nyì sọn mẹ. ⁷Yé sọ dè Kẹdẹṣi to Galile mẹ do olá, to otò okọta: Náftali tọn mẹ, po Ṣekẹmi po to ótò okọta Eflaimi-tọn mẹ, po Kiliatialba po (doponẹ wẹ Heblọni) to otò okọta Juda ton mẹ, ⁸Podọ to Jọdani gododọ̃n to Jẹliko hlan whèzẹtẹn dali, yé dèdẹ́ Bezeli to zùngbo mẹ to danfafa ji sọn whẹ̀ndo Leubẹni tọn mẹ, po Lamọti po to Galile mẹ sọn whẹ̀ndo Gadi tọn mẹ podọ Golani to Baṣani mẹ sọn whẹ̀ndo Manassẹ tọn mẹ. ⁹Ehelẹ wẹ tòdaho didè lẹ na ovi Islaeli tọn lẹpo, podọ na ojonọ he wáwási to yé ṣẹnṣẹn, dọ, mẹdepope he hù ome de mayọnẹn nido nọ họ̀nyì finẹ, bó ma kú gbọn alọ ahọsuyítọ ohùn tọn tọn mẹ blo, kaka é do ṣite to agùn nukọn.

¹WHENẸNU wẹ ogán owhé otọ́ Leyinu lẹ tọn tọn lẹ wá Eleazali yẹwhenọ de, po Jọṣua visunnu Nuni tọn po de, podọ wá ogán owhé whendo ovi Islaeli tọn lẹ tọn tọn de; ²yé sọ dọhó hlan yé to Ṣilo to aigba Kanani tọn ji, dọmọ, OKLUNỌ degbè gbọn alọ Moṣe tọn mẹ nado na tòdaho lẹ mí nado nọnọ̀ yé mẹ po agbóhomẹ etọn lẹ po na kanlinyìnyìn mìtọn lẹ. ³Ovi Islaeli tọn lẹ sọ na hlan Levinu le sọn ogú yetọn mẹ, kẹdẹdi gbèdide OKLUNỌ tọn, tòdaho helẹ po agbóhomẹ yetọn lẹ po.

⁴Ovò lọ sọ wá gbonu na whédo Kohatinu lẹ tọn: ovi Aalọn yẹwhenọ tọn lẹ, he tin sọn Levinu lẹ mẹ, tindo gbọn ovò dali sọn, whẹndo Juda tọn mẹ, podọ sọn ai whẹ̀ndo Simeọninu lẹ tọn mẹ, podọ sọn whẹ̀ndo Bẹnjamini tọn mẹ, tòdaho wiatòn.

⁵Pipòtọ ovi Kohati tọn tọn lẹ sọ tindo gbọn ovò dali sọn whédo whẹ̀ndo Eflaimi tọn tọn lẹ mẹ, podọ sọn whẹ̀ndo Dani tọn mẹ, podọ sọn odá whẹ̀ndo Manassẹ tọn mẹ, tòdaho ao.

⁶Ovi Gẹlṣọnni tọn lẹ sọ tindo gbọn ovò dali sọn whódo whẹ̀ndo Issakali tọn tọn lẹ mẹ, podọ sọn whẹ̀ndo Aṣeli tọn mẹ, podọ sọn whẹ̀ndo Naflali tọn mẹ, podọ sọn odá whẹ̀ndo Manassẹ tọn mẹ to Baṣani mẹ, tòdaho wiatọ̀n.

⁷Ovi Mẹlali tọn lẹ kẹdẹdi whédo yetọn lẹ tindo sọn whẹ̀ndo Leubẹni tọn mẹ, podọ sọn whẹ̀ndo Gadi tọn mẹ, podọ sọn whẹ̀ndo Zebuluni tọn mẹ, tòdaho wiawe.

⁸Ovi Islaeli tọn lẹ sọ na gbọn ovò dali hlan Levinu lẹ tòdaho helẹ po agbóhomẹ yetọn lẹ po, dile OKLUNỌ degbè gbọn alọ Moṣe tọn mẹ do. ⁹Yé sọ na sọn whẹ̀ndo ovi Juda tọn lẹ tọn mẹ, podọ sọn whẹ̀ndo ovi Simeọni tọn lẹ tọn mẹ, tòdaho helẹ he yè ylọ gbọn oyín dali to ofi lẹ: ¹⁰yé tin na ovi Aalọn tọn lẹ, sọn whédo Kohatinu lẹ tọn lẹ mẹ, he yín ovi Levi tọn tọn lẹ: na yetọn wẹ ovò tintan. ¹¹Yé sọ na Kiliati-alba yé, Alba he yín otọ́ Anaki tọn (doponẹ wẹ Heblọni,) to otò okọta Juda tọn mẹ, po agbọ́homẹ etọn lẹ po lédo ¹²ṣigba danji tòdaho lọ tọn lẹ, po gbeta etọn lẹ po wẹ yé na hlan Kalebi visunnu Jẹfunnẹ tọn na nutindo etọn.

¹³Podọ hlan ovi Aalọn yẹwhenọ tọn lẹ yé na Heblọni po agbóhomẹ etọn lẹ po, tòdaho fibẹ̀tado tọn na mẹhùtọ, Libnahi po agbóhomẹ etọn lẹ po; ¹⁴Jattili po agbóhomẹ etọn lẹ po, Ẹsitemoa po agbóhomẹ etọn lẹ po; ¹⁵Helọni po agbóhomẹ etọn lẹ po, Debili po agbóhomẹ etọn lẹ po; ¹⁶Aini po agbóhomẹ etọn lẹ po, Juttahi po agbóhomẹ etọn lẹ po, Bẹtsemẹsi po agbóhomẹ etọn lẹ po; tòdaho ṣinẹnẹ sọn whendo awe nẹlẹ mẹ. ¹⁷Podọ sọn whendo Bẹnjamini tọn mẹ, Gibeọni po agbóhomẹ etọn lẹ po, Geba po agbónomẹ etọn lẹ po; ¹⁸Anatọti po ágbóhomẹ etọn lẹ po, Almọni po agbóhomẹ etọn lọ po, tòdaho ẹnẹ. ¹⁹Tòdaho ovi Aalọn, Yẹwhenọ lẹ tọn lẹ tọn lẹpo yín tòdaho wiatòn po agbóhomẹ etọn le po.

²⁰Whédo ovi Kohati, Levinu lẹ tọn lẹ tọn, yèdọ pipòtọ ovi Kohati tọn lẹ tọn, yé tindo tòdaho ovò yetọn tọn lẹ sọn whendo Eflaimi tọn mẹ. ²¹Yé sọ na Ṣekẹmi yé po agbóhomẹ etọn lẹ po to otò okọta Eflaimi tọn mẹ, tòdaho fìbẹ̀tado tọn na mẹhùtọ, Gezeli po agbóhomẹ etọn lẹ po; ²²Kibzaimi po agbóhomẹ etọn lẹ po, Bẹti-holọni po agbóhomẹ etọn lẹ po; tòdaho ẹnẹ ²³Podọ sọn whẹ̀ndo Dani tọn mẹ, Ẹlteke po agbóhomẹ etọn lẹ po, Gibbetọni po agbọhomẹ etọn le po; ²⁴Aijalọni po agbóhomẹ etọn lẹ po, Gati-limmọni po agbóhomẹ etọn lẹ po; tòdaho ẹnẹ, ²⁵Podọ sọn odá whẹ̀ndo Manassẹ tọn mẹ, Taanaki po agbóhomẹ etọn lẹ po, Gati-limmọni po agbóhomẹ etọn lẹ po; tòdaho awe. ²⁶Todaho pipotọ whédo ovi Kohati tọn lẹ tọn tọn lẹpo yín ao po agbóhomẹ yetọn lẹ po.

²⁷Podọ hlan ovi Gẹlsọni tọn lẹ, sọn whédo Levinu lẹ tọn mẹ, sọn odá whendo Manassẹ tọn mẹ yé na Golani to Baṣani mẹ po agbóhomẹ etọn lẹ po, tòdaho fìbẹ̀tado tọn na mẹhùtọ; Be-esitelahi po agbóhomẹ etọn lẹ po; tòdaho awe. ²⁸Podọ sọn whẹ̀ndo Issakali tọn mẹ, Kisiọni po agbóhomẹ etọn lẹ po, Dabelati po agbóhomẹ etọn lẹ po; ²⁹Jalmuti po agbóhomẹ etọn lẹ po, Ẹn-gannimi po agbóhomẹ etọn lẹ po; todaho ẹnẹ. ³⁰Podọ sọn whẹ̀ndo Aṣeli tọn mẹ, Misali po agbóhomẹ etọn lẹ po, Abdọni po agbóhomẹ etọn lẹ po; ³¹Helkati po agbóhomẹ etọn lẹ po, Lehobi po agbóhomẹ etọn lẹ po; tòdaho ẹnẹ. ³²Podọ sọn whendo Naftali tọn mẹ, Kedẹṣi to Galile mẹ po agbóhome etọn lẹ po, tòdaho fìbẹ̀tado tọn na mẹhùtọ, Hammọti-doli po agbóhomẹ etọn lẹ po, Kaltani po agbóhomẹ etọn lẹ po; tòdaho atọ̀n. ³³Tòdaho Gẹlsọninu lẹ tọn lẹpo kẹdẹdi whédo yetọn lẹ yín tòdaho wiatòn po agbóhomẹ yetọn lẹ po.

³⁴Podọ hlan whédo ovi Mẹlali tọn lẹ, pipòtọ Levinu lẹ tọn, sọn whòndo Zebuluni tọn mẹ, Jọknẹami po agbohomẹ etọn lẹ po, Kaltahi po agbóhomẹ etọn lẹ po, ³⁵Dimnahi po agbóhomẹ etọn lẹ po, Nahalali po agbóhomẹ etọn lẹ po; tòdaho ẹnẹ. ³⁶Podọ sọn whẹ̀ndo Leubẹni tọn mẹ, Bezeli po agbóhomẹ etọn lẹ̀ po, Jahazi po agbóhomẹ etọn lẹ̀ po, ³⁷Kedemọti po agbóhomẹ etọn lẹ po, Mẹfaati po agbóhomẹ etọn lẹ po; tòdaho ẹnẹ. ³⁸Podọ sọn whẹ̀ndo Gadi tọn mẹ, Lamọti to Gileadi mẹ po agbóhomẹ étọn lẹ po, tòdaho fibẹ̀tado tọn na mẹhùtọ, Mahanaimi po agbóhomẹ etọn lẹ po; ³⁹Hẹṣbọni po agbóhomẹ etọn lẹ po, Jazeli po agbóhome etọn lẹpo; popolẹpo tòdaho ẹnẹ. ⁴⁰Ehelẹ pó wẹ tòdaho ovi Mẹlali tọn lẹ tọn kẹdẹdi whédo yetọn lẹ, yèdọ pipòtọ whédo Levinu lọ tọn; ovò yeiọn wẹ tòdaho wiawe.

⁴¹Todaho Levinu lẹ tọn lẹpo to gblagbla nutindo ovi Islaeli tọn lẹ tọn tọn mẹ wẹ tòdaho kandesinatòn po agbóhomẹ yetọn lẹ po ⁴²Tòdaho helẹ tin dopodopo po agbóhomẹ yetọn lẹ po lẹ́do yé: le wẹ é yín po tòdaho helẹ po.

⁴³Mowẹ OKLUNỌ na hlan Islaeli aigba he é whlena lẹpo nado na hlan otọ̀ yetọn lẹ; yé sọ tindo e, bo nọnọ̀ emẹfine. ⁴⁴OKLUNỌ sọ na ogbọjẹ yé lédo, kẹdẹdi ehe é whlena lẹpo hlan otọ́ yetọn lẹ: omẹ de sọn kẹ̀ntọ yetọn lẹ mẹ ma nọte to yé nukọn; OKLUNỌ jó kẹ̀ntọ yetọn lẹpo do alọ yetọn mẹ. ⁴⁵Núde ma gbopò sọn onú dagbe he OKLUNỌ do hlan owhé Islaeli tọn depope mẹ gba; popo lẹpo wẹ sọ.

¹WHENẸNU wẹ Jọsua ylọ Leubẹninu lẹ, po Gadinu lẹ po, po odá whendo Manassẹ tọn po, ²Bo do hlan yé dọ, Mìwlẹ ko yìn enẹ he Moṣe mẹmẹsi OKLUNỌ tọn degbèna mì lẹpo, bo ko sọ tuntóai hlan ogbè ṣie to enẹ he yẹn ko degbèna mì lẹpo mẹ: ³mìwlẹ ma ko jó mẹmẹsunnu mìtọn lẹ dai to azán susu helẹ mẹ jẹ egbé he, mì ko yìn asẹ gbèdide OKLUNỌ Jiwheyẹwhe mìtọn tọn ⁴Dinvie OKLUNỌ Jiwheyẹwhe mìtọn ko na ogbọjẹ hlan mẹmẹsunnu mìtọn lẹ, dile é dọhó hlan mì do: enẹwutu dinvie mì ni lé, bo yì gohò mìtọn lẹ mẹ, bo yì aigba nutindo mìtọn tọn ji, ehe Moṣe mẹmẹsi OKLUNỌ tọn na mì to Jọdani gododọ̃n ⁵Kiki mì sà yí ayipipa vivẹnunọ ṣokẹdẹ nado basi gbèdide po osén lọ po, he Moṣe mẹmẹsi OKLUNỌ tọn degbèna mì, nado yiwanna OKLUNỌ Jiwheyẹwhe mìtọn, podọ nado nọ Zinzọnlin to aliho etọn lẹpo mẹ, podọ nado yìn gbèdide etọn lẹ, podọ nado sẹbọ ẹ do ogo, podọ nado yí ayiha mìtọn lẹpo, po gbigbọ mìtọn lẹpo po do nọ sèn ẹn. ⁶Mowẹ Jọsua dona yé, bo kija yé yì yé sọ yì gohò yetọn lẹ kòn.

⁷Dinvie hlan oda whendo Manassẹ tọn Moṣe ko na ogú to Baṣani mẹ: ṣigba hlan odá awetọ wẹ Jọṣua na to mẹmẹsunnu yetọn lẹ ṣẹnṣẹn to Jọdani gọdodọ̃n hlan whèyìhọ dali. Humọ whenuena Jọsua kija yé yì gohò yetọn lẹ kòn, é dona yé, ⁸bo dọhó hlan yé, dọmọ, Mì gọ̀yì po adọkun gégé po do gohò mìtọn kòn, po kanlinyìnyìn gégé po, po fataka po, po sika po, po gànvẹ̃ po, po gànyú po, po avọ̀ susu gégé po; mì ni má ogblannu kẹ̀ntọ mìtọn lẹ tọn hẹ mẹmẹsunnu mìtọn lẹ.

⁹Ovi Leubẹni tọn lẹ po ovi gadi tọn lẹ po po odá whẹ̀ndo Manassẹ tọn po diọkò, bo klan sọn ovi Islaeli tọn lẹ mẹ sọn Ṣilo, he tin to aigba Kanani tọn ji, nado yì aigba Gileadi tọn ji hlan aigba nutindo yetọn tọn ji, fietọn yè hẹn yé tindo, kẹdẹdi gbèdide OKLUNỌ tọn gbọn alọ Moṣe tọn mẹ. ¹⁰Whenuena yé wá agbègbe Jọdani tọn dali, he tin to aigba Kanani tọn ji, ovi Leubẹni tọn lẹ po ovi Gadi tọn lẹ po po odá whẹ̀ndo Manassẹ tọn po dó agbà de to finẹ to Jọdani dali, agbà daho de nado mọ hlan. ¹¹Ovi Islaeli tọn lẹ sọ sè dọ, Dayi e go, ovi Leubẹni tọn lẹ po ovi Gadi tọn lẹ po po odá whẹ̀ndo Manassẹ tọn po ko dó agbà de to nukọntitegbe aigba Kanani tọn tọn, to agbègbe Jọdani tọn dali, to ada he tinna ovi Islaeli tọn lẹ. ¹²Whenuena ovi Islaeli tọn lẹ sè e, agùn ovi Islaeli tọn lẹ tọn pete pli yéde dopọ to Ṣilo, nado hẹji yì péhẹ yé nado funawhàn.

¹³Ovi Islaeli tọn lẹ sọ do omẹ hlan ovi Leubẹni tọn lẹ, podọ hlan ovi Gadi tọn lẹ podọ hlan odá whẹ̀ndo Manassẹ tọn, yì aigba Gileadi tọn ji, Finebasi visunnu Eleazali yẹwhenọ tọn; ¹⁴po ahọvi ao po po e po, ahọvi dopo sọn owhé otò lẹ de tọn gbè na whẹ̀ndo dopodopo Islaeli tọn lẹ tọn; yé dopodopo yé tọn sọ yín ogán owhé otò yétọn lẹ tọn le tọn to fọtọ̀n Islaeli tọn tọn lẹ ṣẹnṣẹn. ¹⁵Yé sọ wá ovi Leubẹni tọn lẹ de, po ovi Gadi tọn lẹ po de, po odá whẹ̀ndo Manassẹ tọn po de, to aigba Gileadi tọn ji, yé sọ dọhó hẹ yé, dọmọ, ¹⁶Le wẹ agùn OKLUNỌ tọn pete dọ, Ylanwiwá tẹ wẹ ehe mì wà do Jiwheyẹwhe Islaeli tọn he, nado diọkò to egbé he sọn hihodo OKLUNỌ mẹ, to enẹ mẹ mi ko dó agbà de na mì, nado ṣiatẹ hẹ OKLUNỌ to egbé he? ¹⁷Ylanwá Peọli tọn yín pẹvi gbahu na mí, ehe mẹ mí ma ko lè mide wé sọn jẹ egbé he, gãnṣo azònylankan de wá agùn OKLUNỌ tọn pete ji, ¹⁸dọ mì nọma diọkò yì to egbé he sọn OKLUNỌ hihodo mẹ blo? é na sọ yín, mimọ mì ṣiatẹ to egbé hẹ OKLUNỌ, dọ to osò ewọ na yín homẹgbletọ hẹ agùn Islaeli tọn pete. ¹⁹Depope, eyín aigba nutindo mìtọn tọn yífi mawé, whenẹnu mì bo juwayì aigba nutindo OKLUNỌ tọn tọn kọ̀n, fìemẹ gohò OKLUNỌ tọn nọnọ̀, bo yí nutindo to mí ṣẹnṣẹn: ṣigba mì ṣiatẹ hẹ OKLUNỌ blo, kavi ṣiatẹ hẹ mìwlẹ blo, to didó agbà de na mì mẹ dogó agbà OKLUNỌ Jiwheyẹwhe mitọn tọn. ²⁰Akani visunnu Zelahi tọn ma wà ylanwiwa de to onú dodèpa me bọ homegble flẹ jẹ agùn Islaeli tọn pete ji? dawe nẹ dopo ma wẹ dọn to ylanwiwà etọn mẹ gba.

²¹Whenẹnu wẹ ovi Leubẹni tọn lẹ po ovi Gadi tọn lẹ po po odá whendo Manassẹ tọn po gblọnhó, bo dọhó hlan ogán Islaeli tọn fọtọ́n lẹ tọn lẹ, dọ, ²²OKLUNỌ, Jiwheyẹwhe yẹwhe lẹ tọn, OKLUNỌ, Jiwheyẹwhe yẹwhe lẹ tọn, ewọ yọnẹn, podọ Islaeli ewọ na yọnẹn; eyín é yín atẹ mẹ wẹ, kavi eyín ylanwiwà mẹ do Okluno go wẹ, (a whlẹn mí to azán he gbé blo,) ²³dọ mìwlẹ ko dó agbà de na mí nado diọkò yì sọn hihodo OKLUNỌ mẹ; kavi eyín nado na to ejifìnẹ avọ́ nunina mimẹ̀ kavi avọ́ nunina jinulili tọn, kavi eyín nado na avọsanu avọ́ nunina jijọho tọn lẹ to ejifìnẹ, gbọ OKLUNỌ lọsu ni kanbiọ; ²⁴eyín mí ma kuku ko wà ehe sọn ayipipa mẹ, podọ sọn núdétamẹ, dọmọ, To ojlẹ he ja mẹ ovi mìtọn lẹ sọgan dọ hlan ovi mìtọn le, dọmọ, Ẹtẹ mìwlẹ tindo nado wà po OKLUNỌ po, Jiwheyẹwhe Islaeli tọn? ²⁵Na OKLUNỌ ko yí Jọdani do basi dògboji de to mí po mì po ṣẹnṣẹn, mì ovi Leubẹni tọn lẹ po ovi Gadi tọn lẹ po; mọwẹ ovi mìtọn lẹ na hẹn ovi mìtọn lẹ doalọte sọn budisi OKLUNỌ mẹ. ²⁶Enẹwutu wẹ mí dọmọ, Mì gbọ mi ni wleawu dinvie nado dó agbà de na mí, é ma yín na avọ́ nunina mimẹ̀, kavi na avọsannu gba: ²⁷ṣigba é na yín kunnudenu tò mí po mì po ṣẹnṣẹn, podọ to whendo mìtọn lẹ ṣẹnṣẹn to mí godo, dọ mí nido wà sinsẹ̀nzọ́n OKLUNỌ tọn to nukọn etọn po avọ́ nunina mimẹ̀ mìtọn lẹ po, po avọsannu mìtọn lẹ po, po avọ́ nunina jijọho tọn mìtọn lẹ po; dọ ovi mìtọn lẹ ni ma do dọ hlan ovi mìtọn lẹ blo to ojlẹ he ja mẹ dọ, Míwlẹ ma tindo mimá de to OKLUNỌ mẹ gba. ²⁸Enẹwutu wẹ mí do dọmọ, E na yín, whenuena yé dọ hlan míwlẹ kavi hlan whẹ̀ndo mìtọn lẹ to ojlẹ he ja mẹ, wẹ míwlẹ na dọmọ, Mì dayi ohia agbà OKLUNỌ tọn tọn go, ehe otọ́ mìtọn lẹ basi, é ma yín na avọ́ nunina mimẹ̀, kavi na avọsannu gba; ṣigba kunnudenu de wẹ to mí po mì po ṣẹnṣẹn. ²⁹Jiwheyẹwhe dike blo dọ míwlẹ ni do ṣiatẹ hẹ OKLUNỌ, bo lẹ́ to azán he gbè sọn OKLUNỌ hihodo mẹ, nado dó agbà de na avọ́ nunina mimẹ̀, na avọ́ nunina jinulili tọn, kavi na avọnuninu, mayín agbà OKLUNỌ Jiwheyẹwhe mìtọn tọn he tin gohọ̀ nukọn.

³⁰Whenuena Finehasi yẹwhenọ, po ahọvi agùn tọn lẹ po, yèdọ ogán fọtọ́n Islaeli tọn lẹ tọn he tin to e de lẹ, sè ohó he ovi Leubẹni tọn lẹ po ovi Gadi tọn lẹ po po ovi Manasse tọn lẹ po dọ, é hẹnhomẹhùn yé dagbedagbe ³¹Finehasi visunnu Eleazali yẹwhenọ tọn sọ dọ hlan ovi Leubẹni tọn lẹ podọ hlan ovi Gadi tọn lẹ, podọ hlan ovi Manassẹ tọn lẹ dọ, Azán he gbè wẹ mí yọnẹn dọ OKLUNỌ tin to ogbla mí tọn mẹ, na mìwlẹ ma ko wà ylanwiwà he do OKLUNỌ go gba wutu: dinvie wẹ mì whlẹn ovi Islaeli tọn lẹ sọn alọ OKLUNỌ tọn mẹ. ³²Finehasi visunnu Eleazali yẹwhenọ tọn, po ahọvi lẹ po, diọkọ sọn ovi Leubẹni tọn lẹ de, podọ sọn ovi Gadi tọn lẹ de, sọn aigba Gileadi tọn ji, yì aigba Kanani tọn ji, yì ovi Islaeli tọn le de, bo sọ henohó wá na yé. ³³Onú lọ sọ hẹnhomẹhùn ovi Islaeli tọn lẹ; ovi Islaeli tọn lẹ sọ dona Jiwheyẹwhe, bo ma sọ dọhó yìyì aga tọn, de ba nado funawhàn hẹ yé, nado và aigba fiemẹ ovi Leubẹni tọn lẹ po ovi Gadi tọn lẹ po nọnọ̀. ³⁴Ọvi Leubeni tọn lẹ po oví Gadi tọn lẹ po ylọ agbà lọ dọ Edi: Na, yé dọmọ, kunnudenu de wẹ to mí ṣẹnṣẹn dọ OKLUNỌ Wẹ Jiwheyẹwhe.

¹E sọ wá jọ to azán susu godo, whenuena OKLUNỌ ko na gbọjẹ hlan Islaeli sọn kẹ̀ntọ yetọn lẹ si lédo, bọ Jọsua ko yín mẹwhinwhén bo pevè to owhè susu mẹ; ²wẹ Jọsua ylọ na Islaeli lẹpo, na mẹho yetọn lẹ pọdọ na ogán yetọn lẹ, podọ na whèdatọ yetọn lẹ podọ na azọ́ngán yẹtọn lẹ, bo dọ hlan yé dọ, Yẹn yín mẹwhinwhẹ́n bo sọ pevè to owhè susu mẹ: ³mìwlẹ ko sọ mọ ẹnẹ he OKLUNỌ Jiwheyẹwhe mìtọn ko wà hlan akọta hele pó na mì tọn wutu; na OKLUNỌ Jiwheyẹwhe mìtọn, ewọ wẹ ewọ he ko hòavùn na, mì ⁴Dayi e go, yẹn ko dedẹ́ hlan mì akọta helẹ he po, nado yín ogú de na whẹ̀ndo mìtọn le, sọn Jọdani, po akọta he yẹn ko sán sẹ̀ lẹpe po, yèdọ jẹ ohù daho kọ̀n hlan yìyì odò owhè tọn ⁵OKLUNỌ Jiwheyẹwhe mìtọn, ewọ na sisẹ yé jẹgboúu sọn mì nukọn, bo yàn ye son nukun mì tọn me; mìwlẹ na sọ tindo aigba yetọn, dile OKLUNỌ Jiwheyẹwhe mìtọn dọbo hlan mì do. ⁶Enẹwutu mì ni yín tudotọ talala nado yìn podọ nado wà enẹ he yè wlan do owé osẹ́n Moṣe tọn tọn mẹ lẹpo, dọ mì lẹ do apadopo sọnfinẹ hlan adusilọ mẹ kavi hlan amiyọn blo; ⁷dọ mì wá akọta helẹ ṣẹnṣẹn blo, ehe pò to mì ṣẹnṣẹn helẹ; mọ mì sọ dohoylọ oyín yẹwhe yetọn lẹ tọn blo, kavi hen nado whle gbọn yé dali blo, mọ mì sọ sẹn yé blo, kavi dé mìde hlan ye blo: ⁸ṣigba mì ni sẹbọ OKLUNỌ Jiwheyẹwhe mìtọn do ogo, dile mì ko nọ wà do jẹ azán he gbè. ⁹Na OKLUNỌ ko yàn jẹgbonu sọn mì nukọn akọta daho huhlonnọ lẹ: Ṣigba na mìwlẹ tọn, omẹ de ma ko nọte to mì nukọn je azán he gbè ¹⁰Sunnusi dopo mì tọn na yànmọna fọtọ̀n de: na OKLUNỌ Jiwheyẹwhe mìtọn, ewọ wẹ éwọ he to avùnho na mì, dile é dọhó hlan mì do. ¹¹Enẹwutu mì yí ayipipa dagbe hlan mìde, dọ mì ni yiwanna OKLUNỌ Jiwheyẹwhe mìtọn. ¹²Ṣigba eyín mì ha to alọdepope mẹ gọ̀yì godo, bo sèbọ pipotọ akọta helẹ tọn do ogo, yèdọ ehelẹ he pò to mì ṣẹnṣẹn, bo basi alọwe po ye po, bo yì hòmẹ jẹ yé de, bọ yéwle jẹ mì de: ¹³mì ni yọnẹn na nugbo de dọ OKLUNỌ Jiwheyẹwhe ma to na sọ yàn akọta helẹ jegbonu sọn mì nukunmẹ ba gba, ṣigba yé na yín omọ̀ de po ogé dẹ po hlan mì, podọ mehòbá de to ada mìtọn lẹ mẹ, podọowun lẹ to nukun mìtọn lẹ mẹ, kaka mì na do và sọn aigba dagbe he ji ehe OKLUNỌ Jiwheyẹwhe mìtọn ko na mì. ¹⁴Podọ, dayi e go, azán he gbè yẹn jei aliho aihọn lẹpo tọn ji: mìwlẹ sọ yọnẹn to ayiha mìtọn lẹpo mẹ podọ to gbigbọ mìtọn lẹpo mẹ, dọ onú dopo ma gbọ̀pò sọn onú dagbe he OKLUNỌ Jiwheyẹwhe mìtọn dọ gbọn mì dali lẹ de mẹ; popolẹpo wẹ ṣẹ hlan mì, onú dopo ma gbòpò to e mẹ gba. ¹⁵E na sọ wá jọ, dọ le onú; dagbe lẹpo wá mì ji ehe tọn OKLUNỌ Jiwheyẹwhe mìtọn dọ hlan mì, mọwẹ OKLUNỌ na hẹn wá mì ji onú ylanylan lẹpo, kaka é na ko do và mì sọn aigba dagbe he ji ehe OKLUNỌ Jiwheyẹwhe mìtọn ko na mì. ¹⁶Whenuena mì gbà alẹ̀nu OKLUNỌ Jiwheyẹwhe mìtọn tọn, ehe é degbèna mìj bo yì bo sẹ́n yẹwhe devo lẹ, bo dé mìde hlan yé; whenẹnu wẹ yè na hẹn adi OKLUNỌ tọn jimiyọn do mì ji, bọ mì na sọ và plaun sọn aigba dagbe lọ ji ehe é ko na hlan mì.

¹JỌSUA sọ pli whẹ̀ndo Islaeli tọn lepo do Ṣekẹmi, bo ylọ na mẹho Islaeli tọn lẹ, podọ na ogán yetọn lẹ, podọ na whọdatọ yetọn lẹ, podọ na azngán yetọn lẹ; yé sọ hẹn yéde wá Jiwheyẹwhe nukọn ²Jọsua sọ dọ hlan gbẹtọ lẹpo dọ, Le wẹ OKLUNỌ, Jiwheyẹwhe Islaeli tọn dọ, Otọ́ mìtọn lẹ to ojlẹ hóhó tọn mẹ nọnọ̀ Otò lọ gododọ̃n, yèdọ Tolahi, otọ́ Ablaham tọn, po otọ́ Nahọli tọn po: yé sọ nọ sẹ́n yẹwhe devo lẹ. ³Yẹn sọ yí otọ́ mìtọn Ablaham sọn Ọtọ̀ lọ gododọ̃n, bo hẹn ẹn dán gbọn aigba Kanani tọn lẹpo ji, bo hẹn ọkún etọn sugégé, bo sọ na Isaki i. ⁴Yẹn sọ na hlan Isaki Jakobu po Esau pọ: yẹn sọ na hlan Esau ọsó Seili, nado tindo e; Jakobu po ovi etọn lẹ po sọ jẹtẹ yì biọ Egipti mẹ. ⁵Yẹn sọ do Moṣe po Aalọn po hlan, bo doazònylankanna Egipti, kẹdedi enẹ he yẹn wà to ọgbla etọn mẹ: podo to godomẹ yẹn sọ hẹn mì jẹgbonu ⁶Yẹn hẹn otọ́ mìtọn lẹ tón sọn: Egipti; mìwlẹ sọ wá ohù tó; Egiptinu lẹ sọ yí kẹkẹ lẹ po osónọ lẹ po do domọna otọ́ miton lẹ jẹ Ohù Vẹ̃ tó. ⁷Whenuena yẹ sọ dawha daga hlan OKLUNỌ, é yí zinvlu do mì po Egiptinu lẹ po ṣẹnṣẹn, bo sọ hẹn ohù wá yé ji, bo ṣinyọn yé; nukun mìtọn lẹ sọ mọ núhe yẹn wà to Egipti mẹ mìwlẹ sọ nọ zùngbo mẹ azán susu. ⁸Yẹn sọ hẹn mì biọ aigba Amọlinu lẹ tọn mẹ, he nọnọ̀ Jọdani gododọ̃n lẹ; yé hòavùn hẹ mì: yẹn sọ na yé do alọ mìtọn mẹ, míwlẹ sọ tindo aigba yetọn; yẹn sọ và yé sọn mì nukọn. ⁹Whenẹnu wẹ Balaki visunnu Zipọli tọn, ahọlu Moabi tọn, fọ́n bo hòavùn he Islaeli; ewọ sọ do omẹ: hlan bo ylọ Balaami visunnu Beoli tọn nado hodèdo mì: ¹⁰ṣigba yẹn ma jlo na tuntóai hlan Balaami gba; enẹwutu ewọ to didona mì jànwẹ: mọwẹ yẹn whlẹn mì sọn alọ etọn mẹ. ¹¹Mìwlẹ sọ yì Jọdani godo, bo wá jẹ Jẹliko: omẹ Jẹliko tọn lẹ sọ hòavùn hẹ mì, Amọlinu, po Pelizzinu po, po Kananinu po, po Hitinu po, po Gilgasinu po, Hivinu, po Jẹbusinu po; yẹn sọ jó yé do alọ mìtọn mẹ. ¹²Yẹn sọ do ogbón hlan mì nukọn, he yàn yé tón sọn mì nukọn, yèdọ ahọlu awe Amọlinu lẹ tọn lẹ; é ma yín po ohi mìtọn po gba, kavi po ogá mìtọn po, ¹³Yẹn sọ na aigba de mí fieji hiẹ ma ko jẹtukla do, po tòdaho lẹ po he mì ma doai, mìwlẹ sọ nọnọ̀ finẹmẹ; vẹ̃ngle lẹ po olivieligle lẹ po he hiẹ ma pò mẹ wẹ hiẹ to dùdù sọn. ¹⁴Enẹwutu dinvie dibusi OKLUNỌ, bo nọ sẹ̀n ẹn to dódó mẹ podọ to nugbo mẹ: bo dè yẹwhe he otò mìtọn lẹ sẹ̀n to Otò lẹ gododọ̃n sẹ̀, podọ to Egipti mẹ; mì ni bo sẹ̀n OKLUNỌ ¹⁵Podọ eyín é sọawuhia di oylan hlan mì nado sẹ̀n OKLUNỌ, mì bo dè to azán he gbè mẹhe mì na nọ sẹ̀n; eyín é yín yẹwhe he otọ́ mìtọn lẹ sẹ̀n lẹ he tin to Otò lọ gododọ̃n, kavi yẹwhe Amọlinu lẹ tọn lẹ, aigba mẹhe tọn ji mì ninò lẹ: ṣigba na yẹn tọn po owhé ṣie po, míwlẹ na OKLUNỌ lọ sẹ̀n. ¹⁶Gbẹtọ lẹ sọ gblọn bo dọmọ, Jiwheyẹwhe dike blo bọ míwlẹ na do gbẹ́ OKLUNỌ dai nado sẹ̀n yẹwhe devo le; ¹⁷na OKLUNỌ Jiwheyẹwhe mìtọn ewọ wẹ ewọ he hẹn mí po otò mìtọn lẹ po heji tòn sọn aigba Egipti tọn ji, sọn owhé mẹglọnọ tọn mẹ, podọ he wà ohia daho nẹlẹ to nukun mìtọn mẹ, bo sọ whla mí to aliho lẹpo ji fiemẹ mí gbọ̀n, podọ to gbẹtọ lẹpo ṣẹnṣẹn ogbla mẹhe tọn mẹ mí gbọn: ¹⁸OKLUNỌ sọ yàn gbẹtọ lẹpo jẹgbonu sọn mí nukọn, yèdọ Amọlinu lẹ he nọnọ̀ aigba lọ ji lẹ: enẹwutu míwlẹ ga na sẹ̀n OKLUNỌ; na ewọ wẹ Jiwheyẹwhe mìtọn. ¹⁹Jọṣua sọ dọ hlan gbẹtọ lẹ dọ, Míwlẹ ma sọgan sẹ̀n OKLUNỌ gba; na Jiwheyẹwhe wiwe de wẹ ewọ; Jiwheyẹwhe awuwhantọ de wẹ ewọ; é ma na jona nudakandakan mìtọn kavi ylando mìtọn lẹ gba. ²⁰Eyín mìwlẹ gbẹ́ OKLUNỌ dai, bo sẹ̀n yẹwhe alọpade lẹ, whenẹnu ewọ na lẹ̀ bo wà oylan do mì, bo và mì, to godo ehe é ko wà dagbe na mì ²¹Gbẹtọ lẹ sọ dọ hlan Jọsua dọ, Lala; ṣigba míwlẹ na sẹ̀n OKLUNỌ. ²²Jọṣua sọ dọ hlan gbẹtọ lẹ dọ, Mì yín kunnudenu lẹ do mìde kọ̀ dọ mì ko dè OKLUNỌ na mì, nado nọ sẹ̀n ẹn. Yé sọ dọmọ, MÍ yín kunnudenu lẹ. ²³Enẹwutu dinvie, dè sẹ̀, é dọ, yẹwhe alọpade lẹ he tin to mì ṣẹnṣẹn, bo lẹ́ ayiha mìtọn hlan OKLUNỌ de, Jiwheyẹwhe Islaeli tọn. ²⁴Gbẹtọ lẹ sọ dọ hlan Jọsua dọ, OKLUNỌ Jiwheyẹwhe mìtọn wẹ mí na sẹ̀n, podọ hlan ogbè etọn wẹ mí na tuntóai. ²⁵Mowẹ Jọsua basi alẹ̀nu de po gbẹtọ ewlẹ po to azán nẹ gbè, bo zé sẹ́ndoai de po gbèdai de po dote na yé to ṣekẹmi.

²⁶Jọṣua sọ wlan ohó helẹ do owé osẹ́n Jiwheyẹwhe tọn tọn mẹ; é sọ yí zannu daho de bo zé e daga to finẹ to oakitin he tin to fiwiwe OKLUNỌ tọn dali. ²⁷Jọṣua sọ dọ hlan gbẹtọ lepo dọ, Dayi e go, zannu he na yín kunnudenu de do mí kọ̀; na é ko sè ohó OKLUNỌ ton lẹpo he é dọ hlan mí: é na yín na enẹwutu kunnudenu de do mì kọ̀, mì mkà món Jiwheyẹwhe mìtọn. ²⁸Mọwẹ Jọṣua kija gbẹtọ ewlẹ yì, omẹ dopodopo yì ogú etọn kòn.

²⁹E sọ wá jọ to onú helẹ godo, wẹ Jọṣua visunnu Nuni tọn, mẹmẹsi OKLUNỌ tọn, kú, é yín mẹwhinwhẹ́n họ̀ owhè kanwegbàn. ³⁰Yé so di i do dogboji ogú etọn tọn to Timnatiselahi mẹ, he tin to otò okọta Eflaimi tọn mẹ, to agewaji osé Gaasi tọn tọn go. ³¹Islaeli sọ sẹ̀n OKLUNỌ to azán Jọṣua tọn lẹpo gbè, podọ azán mẹho he dò hú Jọṣua lẹ tọn lẹpo gbè, bo ko yọ́n azọ́n OKLUNỌ tọn lẹpo, he é ko wà na Islaèli. ³²Ohú Josẹfu tọn lẹ, he ovi Islaeli tọn lẹ hẹn hẹji tón sọn Egipti, yé di do Ṣekẹmi mẹ, to oglegban he Jakobu họ̀ sọn visunnu Hamọli otọ́ Ṣekẹmi tọn tọn lẹ si na gànkuẹ wọ̀wọ́ kanweko: yé sọ lẹzùn ogú ovi Josefu tọn lẹ tọn. ³³Eleazali visunnu Aalon tọn sọ kú; yé sọ di i do okọta Finehasi visunnu etọn tọn me, he yè na ẹn to oto okọta Eflaimi tọn tọn mẹ.