Daniẹli

¹TO owhè atọ̀ntọ ahọludu Jehọiakimi tọn ahọlu Juda tọn tọn me wẹ Nẹbukadnẹzali ahọlu Babilọni tọn wá jẹ Jelusalẹm, bo sọ glọn ẹn do. ²OKLUNỌ sọ jó Jehọiakimi ahọlu Juda tọn do alọ etọn mẹ, podọ adade sọn núzinzán ohọ̀ Jiwheyẹwhe tọn tọn lẹ mẹ; ewọ bo sọ bẹ́ yé yì biọ aigba? mali tọn mẹ jẹ ohọ̀ yẹwhe etọn tọn mẹ: é bo sọ hẹn núzinzán lẹ lọ wá biọ adọkunnuhò yẹwhe etọn tọn mẹ. ³Ahọlu sọ dọhó hlan Àspenazi mẹmẹnu ojọ etọn lẹ tọn, na é ni do hẹn dẽlẹ sọn ovi Islaeli tọn lẹ mẹ wá họmẹ, yèdọ sọn okún ahọlu tọn mẹ podọ sọn mẹgbògbo lẹ mẹ; ⁴yọ̀pọ lẹ mẹhe mẹ azọ̀n de ma tin, ṣigba nukundagbenọ, bo sọ pèvè to nuyọnẹn lẹpo mẹ, bo zìn to oyọnen mẹ, bo sọ tùnwun óyọnẹnnú, podọ omẹ mónkọtọn he tindo huhlọn nado site to ohòn ahọlu tọn mẹ; pódọ na ewọ ni do plón yé oplọ́nmọyí po ohógbè Kaldeanu lẹ tọn po. ⁵Ahọlu sọ dè mimá eyesọ tọn de na yé sọn nugbòtón ahọlu tọn lẹ mẹ, podọ sọn ovẹ̃n he é nọ nù mẹ, podọ yè ni yìn yé owhè atọ̀n; dọ to opòdo etọn yé nido site to ahọlu nukọn. ⁶Dinvie to ehelẹ ṣẹnṣẹn, Sọn ovi Juda tọn lẹ mẹ wẹ Daniẹli, Hanania, Misaẹli, po Azalia po te. ⁷Ogán ojọ lẹ lọ tọn sọ na oyín lẹ hlan yé: hlan Daniẹli é na oyín Beltesazali tọn; podọ hlan Hanania, Ṣadlaki tọn; podọ hlan Misaẹli, Mẹsaki tọn; podọ hlan Azalia, Abẹdi-nẹgo tọn. ⁸Ṣigba Daniẹli yilẹn to ayiha etọn mẹ na ewọ ma na do yí núdùdù ahọlu tọn do flu ede, kavi po ovẹ̃n he ewọ to nùnù po: enẹwutu ewọ biọ sọn ogán ojọ lẹ tọn lọ si na ewọ ni ma do flu ede blo. ⁹Dinvie Jiwheyẹwhe hẹn Daniẹli nado mọ nukundágbe po homẹyọ̀n po to nukun ogán ojọ lẹ lọ tọn tọn mẹ. ¹⁰Ogán ojo lẹ lọ tọn sọ dọ hlan Daniẹii dọ, Yẹn dibusi klunọ ṣie ahọlu, mẹhe dè dànùdopo núdùdù mìtọn po núnùnù mìtọn po: na etẹwutu wẹ ewọ na do mọ nukunme mìtọn lẹ ylanhu jijlo hú yọ̀pọ he yín ohá mìtọn lọsu lẹ tọn? mọwẹ mìwlẹ do do ota ṣie owu mẹ to ahọlu de ¹¹Whenẹnu wẹ Daniẹli dọ hlan ohòkọnsi lọ, mẹhe ogán ojọ lẹ lọ tọn ko dè do Daniẹli, Hanania, Misaẹli, So Azalia po ji dọ: ¹²yẹn vè we, yi tẹ́n devi towe lẹ pọ́n azán ao; bo gbọ yé ni na omá mí nádo dù po osìn po nado nù. ¹³Whenẹnu gbọ nukunmẹ mítọn lẹ ni yín pinpọ́n to nukọn towe, po nukunmẹ yọ̀pọ he to dùdù sọn dànùdopo núdùdù ahọlu tọn mẹ lẹ tọn po; podọ le hiẹ mọ do, wẹ hiẹ ni zán hẹ devi towe lẹ do. ¹⁴Mọwẹ ewọ tuntóai hlan yé to owhèhó he mẹ, bo sọ tẹ́n yé pon azán ao. ¹⁵Podọ to opòdo azán ao lẹ tọn nukunmẹ yetọn lẹ sọawuhia whanpẹnọhú, yé sọ yín awumọtọ to agbasalan mẹ, hú yọ̀pọ he to dùdù sọn dànùdopo núdùdù ahọlu tọn mẹ lẹpo. ¹⁶Mowẹ ohòkọnsi lọ dè núdùdù yetọn sè, po ovẹ̃n he yé do nù po, bo to omá na yé. ¹⁷Dinvie na yọ̀pọ ẹnẹ helẹ tọn, Jiwheyẹwhe na oyọnẹn yé bo sọ pevè to oplónmọyi po nuyọnẹn lẹpo po mẹ: podọ Daniẹli sọ tindo wuntùntùn to numimọ lẹpo mẹ po odlọ le po. ¹⁸Podọ to opòdo azán he ahọlu ko dọ lọ tọn ji na hinhẹn yé wá họmẹ, ogán ojọ lẹ lọ tọn hẹn yé wá họmẹ to Nẹbukadnẹzali nukọn. ¹⁹Ahọlu sọ dọhó po yé po; podọ to yé mẹpó ṣẹnṣẹn yè ma mọ mẹde taidi Daniẹli, Hanania, Misaẹli, po Azalia po gba: enẹwutu wẹ yé do nọ nọte to ahọlu nukọn. ²⁰Podọ to owhèhó nuyọnẹn tọn po wuntùntùn po tọn lẹpo mẹ, gbọn ehe tọn dali ahọlu kanbiọ sọn yé de, é nọ mọ yé pónte whla ao hú nújlẹtọ lẹpo po afinọnnọ lẹ po he tin to ahọluigba etọn lẹpo mẹ. ²¹Daniẹli sọ to yìyìmọ yèdọ jọ owhè tintan ahọlu Kilusi tọn mẹ.

¹PODỌ to owhè awetọ ahọludu Nẹbukadnẹzali tọn tọn mẹ, Nẹbukadnẹzali kú ọdlọ lẹ; yè sọ hẹn gbigbọ eton jẹtukla, amlọn etọn sọ klón sọn e de. ²Whenẹnu wẹ ahọlu degbè nado ylọ nújlẹtọ lẹ, po afinọnnọ lẹ po, po owọntọ lẹ po, po Kaldeanu lẹ po, na nado dọ na ahọlu odlọ etọn lẹ. Mowẹ yé wá họmẹ bo site to ahọlu nukọn. ³Ahọlu sọ dọ hlan yé dọ, Yẹn ko kú odlọ de, yè sọ hẹn gbigbọ ṣie jẹtukla nado yón odlọ lọ. ⁴Whenẹnu wẹ Kaldeanu lẹ dọhó hlan ahọlu to ogbè Silia tọn mẹ dọ, Ahọlu ni nọgbè kakadoi: dọ odlọ lọ na devi towe lẹ, míwlẹ bo na sọ do otadèna lọ hia. ⁵Ahọlu sọ gblọn bo dọ hlan Kaldeanu lẹ dọ, Yè hẹn ohó lọ jẹgbonu yì sọn dẽ: eyín míwlẹ ma hẹn odlọ lọ po otadèna etọn po zùn yinyọnẹn hlan mi gba, mì na yín sinsán do flinflin, yè na sọ hẹn owhé mìtọn lẹ zùn ogbóji de, ⁶ṣigba eyín mìwlẹ do odlọ lọ hia po otadèna etọn po, mì na mọ nunina lẹ yí sọn dẽ po ale lẹ po po ogbégbo daho po: enẹwutu mì do odlọ lọ hia mi po otadèna etọn po. ⁷Yé sọ gblọn whla awetọ bo dọmọ, Gbọ ahọlu ni dọ odlọ lọ na devi etọn lẹ, míwlẹ bo na sọ do otadèna etọn hia. ⁸Ahọlu sọ gblọn bo dọmọ, Yẹn yọnẹn sọn nugbo de mẹ dọ míwlẹ do na hò ojlẹ lọ, na mìwlẹ mọ dọ yè hẹn ohó lọ jẹgbonu yì sọn dẽ wutu. ⁹Ṣigba eyín míwlẹ ma hẹn odlọ lọ zùn yinyọnẹn hlan mi gba, osén dopo janwẹ tin na mì: na mìwlẹ ko wleawu ohó lalo po gbigble lẹ po tọn nado dọ to nukọn ṣie, kaka ojlẹ lọ yín didiọ: enẹwutu mì dọ odlọ lọ na mì, yẹn na sọ yọnẹn dọ mì sọgan do otadèna etọn hia mi. ¹⁰Kaldeanu lẹ sọ gblọn to ahọlu nukọn, bo dọmọ, Omẹ de ma tin finẹ to aigba ji he sọgan do owhẹ̀hó ahọlu tọn hia gba: sọle ahọlu, OKLUNỌ, kavi ogán de, ma ko kàn onú mọnkọ de biọ sọn nújlẹtọ, kavi afinọnnọ, kavi Kaldeanu depope de gba. ¹¹Podọ onú maya de wẹ ehe ahọlu kanbiọ, podọ mẹdevo de ma tin finẹ he sọgan do e hia to ahọlu nukọn gba, adavo yẹwhe lẹ, ninò mẹhetọn ma tin to agbasalan de. ¹²Na ehe wutu ahọlu yín adinọ podọ homẹwlunọ talala, bo sọ degbè nado và omẹ nuyọnẹntọ Babilọni tọn lepo. ¹³Mowẹ asẹ jẹgbonu yì, podọ omẹ nuyọnẹntọ lẹ lọ tin nado yín hùhù; Yé bo sọ to Daniẹli po ogbẹ́ etọn lẹ po din nado yín hùhù. ¹⁴Whenẹnu wẹ Daniẹli yí ohónamẹ po zìnzìn po do lẹ́ ogbègblọn gọ̀ hlan Aliọki awhàngán ogànwhé ahọlu tọn tọn, he yè hẹn jẹgbonu yì nado hù omẹ nuyọnẹntọ Babilọni tọn lẹ; ¹⁵é gblọn bo sọ dọ hlan Aliọki awhàngán ahọlu tọn dọmọ, Etẹwutu wẹ aṣẹ lọ do yín plapla sọn ahọlu de mọ? Whenẹnu wẹ Aliọki hẹn onú lọ zùn yinyọnẹn hlan Daniẹli. ¹⁶Daniẹli sọ yì họmẹ, bo biọ sọn ahọlu de na é ni na ojlẹ de e, na ewọ nido do otadèna lọ hia ahọlu.

¹⁷Whenẹnu we Daniẹli yì jẹ ohọ̀ etọn mẹ, bo sọ hẹn onú lọ zùn yinyọnen hlan Hanania, Misaẹli, po Azalia po, ogbẹ́ etọn lẹ: ¹⁸na yé na do biọ lẹblanu lẹ sọn Jiwheyẹwhe olọn tọn de gbọn aṣe he tọn dali; na Daniẹli po ogbẹ́ etọn lẹ po ma na do súdo po pipòtọ omẹ nuyọnẹntọ Babilọni tọn tọn lẹ po gba. ¹⁹Whenẹnu wẹ yè dè aṣli lọ hia hlan Danieli to numimọ ozánmẹ tọn de mẹ. Whenẹnu wẹ Daniẹli sọ dona Jiwheyẹwhe olọn tọn. ²⁰Danieli sọ gblọn bo dọmọ, Donanọ oyín Jiwheyẹwhe tọn ni yín kakadoidoi, na etọn wẹ nuyọnẹn po hlọnhlọn po yín: ²¹podọ e sọ nọ diọ ojlẹ le po osã lẹ po: e nọ dìotenna ahọlu lẹ sẹ̀, bo sọ nọ zé ahọlu lẹ daga: é no na nuyọnen hlan nuyọnentọ lẹ, po oyonẹn po hlan yé he yọ́n wuntùntùn. ²²E nọ dè onú sisosiso po aṣli po hia: ewọ yọ́n núhe tin to zinvlu mẹ, podọ é de wẹ hinhọ́n sọ nọ nọ̀. ²³Yẹn dopẹna we, bo so pà we, hiẹ Jiwheyẹwhe otọ ṣie lẹ tọn È, mẹhe ko na nuyọnẹn po hlọnhlọn po mi, bo ko so hẹn zùn yinyọnẹn hlan mi dinvie núhe míwlẹ kanbiọ sọn de we: na hiẹ ko hẹn owhẹ̀hó ahọlu ton zùn yinyọnẹn hlan mí. ²⁴Enẹwutu Daniẹli yì họme je Alioki de, mẹhe aholu ko dè nado sú omẹ nuyọnẹntọ Babilọni tọn lẹ do: é yì bo sọ dọ le hlan ẹn dọ; A và omẹ nuyọnẹntọ Babilọni tọn lẹ blo: hẹn mi wá họme to ahọlu nukọn, yẹn bo na sọ do otadèna lọ hia aholu.

²⁵Whenẹnu wẹ Alioki hẹn Daniẹli wá họmẹ to ahọlu nukọn to awuya me, bo dọ le hlan ẹn dọ, Yẹn ko mọ dawe de sọn ovi mẹmẹglọ Juda tọn lẹ mẹ, he na hen otadèna lọ zùn yinyọnen hlan ahọlu. ²⁶Ahọlu sọ gblọn bo dọ hlan Daniẹli, oyín mẹhetọn yín Bẹltesazali, dọmọ, Hie tin sọgan nado hẹn odlọ he yẹn ko mọ zùn yinyọnen hlan mi, po otadèna eton po? ²⁷Daniẹli sọ gblọn to ahọlu nukọn, bo dọmọ, Asli he ahọlu ko biọ, omẹ nuyọnẹntọ lẹ, afinọnnọ lẹ, nújlẹtọ lẹ de, kavi odọṣẹnọ lẹ ma tle sọgan dohia hlan ahọlu gba; ²⁸ṣigba Jiwheyẹwhe de tin to olọn mẹ he nọ dè aṣli lẹ hia, podọ ewọ ko sọ hẹn núhe na tin to azán godotọn lẹ mẹ zùn yinyọnẹn hlan Nẹbukadnẹzali, Odlọ towe, po numimọ ota towe tọn lẹ po to adọzàn, towẹ ji wẹ ehelẹ: ²⁹na biẹ tọn, ahọlu E, linlẹn towe lẹ biọ ayiha towe mẹ wá to adọzàn towe ji, nuhe do na jọ to osọ̀godo; podọ ewọ he nọ dè aṣli lẹ hia ko hẹn núhe na wá jọ lẹ zùn zinyọnẹn hlan we. ³⁰Ṣigba na yẹn tọn, yè ma dè aṣli he hia hlan mi na nuyọnẹn depope heyẹn tindo húgan ogbẹ̀nọ depope gba, ṣigba hlan yílẹn lọ na yè nido hẹn otadèna lọ zùn yinyọnẹn hlan ahọlu, podọ na hiẹ nido yọ́n, linlẹn ayiha; towe tọn lẹ. ³¹Ahọlu È, hie mọ, bo sọ dayi boṣiọ daho de go. Boṣiọ he, he yín hlọnhlọnnọ, podọ sisẹ́ mẹhetọn yín gigodahonọ, site to nukọn towe; podọ mimọ etọn lọ sọ yín núdobu. ³²Na boṣiọ he tọn, ota etọn tin sọn sika dagbedagbe mẹ, anó etọn po awà etọn le po sọn fataka mẹ, ohòto etọn po asapada etọn lẹ po sọn ogànvẹ̃ mẹ. ³³Azàngándán etọn lẹ sọn ogànyu mẹ, afọ etọn lẹ adade sọn ogànyu mẹ, podọ adade sọn okò mẹ. ³⁴Hiẹ tomimọkaka bọ yè do san zannu matin alọ lẹ de jẹgbonu, he hò bosiọ lọ to afọ etọn he tin sọn ogànyu po okò po mẹ lẹ ji, bo sọ gbà yé do flinflin. ³⁵Whenẹnu wẹ yè gbà ogànyu lọ, okò lọ, ogànvẹ̃ lọ, fataka lọ, po sika lọ po do flinflin dopọ, bọ é sọ lẹzùn taidi núyọ vẹ̃ngbaji alúnlún mẹ tọn lẹ; ojẹhọn sọ bẹ́ yé yì, bọ yè ma sọ do mọ otẹn de na yé gba: podọ zannu he họ̀ boṣiọ lọ sọ lẹzùn osé daho de, bo sọ gó aigba lọ pete. ³⁶Ehe wẹ odlọ lọ; míwlẹ bo na sọ dọ otadèna etọn to ahọlu nukọn. ³⁷Aholu E, hiẹ wẹ ahọlu ahọlu lẹ tọn, mẹhe Jiwheyẹwhe olọn tọn ko na ahọludu, huhlọn, po gándidu po, po gigo po hlan; ³⁸podọ fie ovi gbẹtọ lẹ tọn lẹ nọ nọ̀ depope, gbékanlin danji tọn lẹ po ohọ́ olọn tọn lẹ po wẹ ewọ ko na do alọ towe mẹ, bo ko sọ hẹn we nado dùgán to yé mẹpó ji: hiẹ wẹ ota sika tọn. ³⁹Podọ to hiẹ godo wẹ ahọludu devo whèhú hlan we na tite; podo devo ahọludu atọ̀ntọ sọn ogànvẹ̃ mẹ, he na hẹn ogándù to aigba lẹpo ji. ⁴⁰Podọ ahọludu ẹnẹtọ na yín sinsinyẹn di ogànyu: sọle ogànyu wén do flinflin bo sọ howhiwhẹ onú lẹpo: podọ di ogànyu he pétẹ ehe lẹpo, wẹ é na gbà do flinflin bo sọ pétẹ. ⁴¹Podọ yídomọ hiẹ mọ afọ lẹ po afọsú lẹ po, adade okò ozẹ́ndotọ lẹ tọn, podọ adade ogànyu tọn, é na yín ahọludu mimá de; ṣigba é na tin to e mẹ finẹ sọn gándido ogànyu tọn mẹ, sọle hie mọ ogànyu lọ flusọ po okòzén po. ⁴²Podọ le afọsú afọ lẹ tọn yín adade ogànyu, Utọn, podọ adade okò tọn, mọwẹ ahọludu lọ na yín sinsinyẹn, podọ adade gbigbà. ⁴³Podọ yídomọ hiẹ mọ ogànyu flusọ po okòzẹ́n po, yé na hẹn yéde flusọ po okún gbẹtọ lẹ tọn po; ṣigba yé ma na bọdo yénọzo go gba, yèdọ dile ogànyu lọ ma flusọ po okò lọ po do. ⁴⁴Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi. ⁴⁵Sọle hiẹ mọ dọ yè sán zannu de aọn osé lọ mẹ matin alọ lẹ, podọ é gbà ogànyu lọ, ogànvẹ̃ lọ, okò lọ, fataka lọ, po sika lọ po do flinflin; Jiwheyẹwhe daho lọ ko hẹn zùn yinyọnẹn hlan ahọlu núhe na jọ to osògodo: podọ nugbo wẹ odlọ lọ yin, bọ otadèna etọn sọ diun. ⁴⁶Whenẹnu wẹ ahọlu Nẹbukadnẹzali hó jẹ nukunmẹ etọn ji, bo litaina Daniẹli, bo sọ degbè na yé do na avọ̀sánnu de po nudèwan vivi lẹ po hlan ẹn. ⁴⁷Ahọlu sọ gblọn hlan Daniẹli, bo dọmọ, Sọn nugbo de mẹ Jiwheyẹwhe towe wẹ Jiwheyẹwhe yẹwhe lẹ tọn, podọ OKLUNỌ ahọlu lẹ tọn, po dìdèhìatọ aṣli le tọn de po, mimọ hiẹ ko tin sọgan nado dè aṣli he hia mi. ⁴⁸Whenẹnu wẹ ahọlu hẹn Daniẹli klo, bo sọ na nunina susu daho ewọ, bo sọ hẹn ẹn nado dùgán to gbétatò Babilọni tọn pete ji, podọ nado yín nukọntọ otògán to omẹ nuyọnẹntọ Babilọni tọn lẹpo ji. ⁴⁹Daniẹli sọ kanbiọ sọn ahọlu de, ewọ sọ dè Ṣadlaki, Misaki, po Abẹdi-nẹgo po, do owhẹ̀hó gbétatò Babilọni tọn tọn lẹ ji: ṣigba Daniẹli tin to otògùn ahọlu tọn mẹ.

¹NẸBUKADNẸZALI ahọlu sọ basi boṣiọ sika tọn de, ote ehetọn yín awàgbà kandeko, podọ ogblo etọn awàgbà ṣidopo: é zé e daga do danfafa Dula tọn mẹ, to gbétatò Babilọni tọn mẹ. ²Whenẹnu wẹ Nẹbukadnẹzali ahọlu domẹhlan nado bẹ́ gbétahọlu le, whépọ́ntọ lẹ, otògán lẹ, whèdatọ lẹ, agbàngopọ́ntọ lẹ, hónamẹtọ lẹ, sẹ́nyízántọ lẹ, po ogán gbétatò lẹ tọn lẹpo po pli, nado wá jẹ klandowiwe oboṣiọ he Nẹbukadnẹzali ahọlu ko zé daga tọn kòn. ³Whenẹnu wẹ yè bé gbétahọlu lẹ lọ, whépọ́ntọ lẹ, otògán lọ, whèdatọ lẹ, agbàngopọntọ lẹ, hónamẹtọ lẹ, sẹ́nyízántọ lẹ, po ogán gbétatò lọ tọn lẹpo po plidopọ do kinklandowiwe oboṣiọ he Nẹbukadnẹzali ahọlu ko zé daga lọ tọn kọ̀n; yé sọ ṣite to boṣiọ he Nẹbukadnẹzali ko zé daga nukọn. ⁴Whenẹnu wẹ ogànhútọ dawhá lélé dọ, Mì wẹ é yín gbèdena hlan, mì gbẹtọ lọ emi, akọta lẹ, po ogbè lẹ po, ⁵dọ ojlẹ he mẹ mì sè núdidọ afinván tọn, okète, ajalen, vángbèlelénọ, hànjinu okànnọ, hànjinu hihò, po hùnkọ kànjinu lẹpo po tọn, mì ni sinọn ai bo litaina obosiọ sika tọn lọ he Nẹbukadnẹzali ahọlu ko zé daga: ⁶podọ mẹdepope he ma ṣinọn ai bo litai wẹ yè na zédlan to ojlẹ dopolọ ji biọ gblagbla ozohọ̀ miyọn jiji de tọn mẹ. ⁷Enẹwutu to ojlẹ nẹ ji, whenuena gbẹtọ lẹ sè núdidọ afinván lọ tọn, okète, ajalẹn, vángbèlélénọ, hànjinu okànnọ, po hùnkọ hànjinu lẹpo po tọn, gbẹtọ lẹpo, akọta lẹ, po ogbè lẹ po ṣinọn ai bo Ìitaina oboṣiọ sika tọn he Nẹbukadnẹzali ahọlu ko zé daga. ⁸Enẹwutu to ojlẹ nẹ ji Kaldeanu delẹ wá sẹpọ́, bo hẹn mẹslẹhó wá Ju lẹ ji. ⁹Yé gblọn bo dọ hlan Nẹbukadnẹzali ahọlu lọ dọmọ, Ahọlu E, hiẹ nọgbẹ́ kakadoi. ¹⁰Ahọlu E, hiẹ ko basi aṣẹ de, dọ omẹ he na sè lẹpo núdidọ afinván lọ tọn, okète, ajalẹn, vángbèlélénọ, hànjinu okànnọ, po hànjinu hihò po, po hùnkọ hànjinu lẹpo po tọn, na ṣinọn ai bo litaina oboṣiọ sika tọn lọ: ¹¹podọ mẹdepope he ma ṣinọn ai bo Ìitai, yè na zédlan biọ gblagbla ozohọ̀ miyọn jiji de tọn mẹ. ¹²Ju dẽlẹ tin mẹhe hiẹ ko dè do owhẹ̀hó gbotatò Babilọni tọn tọn lẹ ji, Ṣadlaki, Mẹsaki, po Abẹdi-nẹgo po; ahọlu E, dawe helẹ, ma ko hò we pọ́n: yé ma to yẹwhe towe lẹ sẹ́n gba, mọ ma sọ litaina oboṣiọ sika tọn lọ he hiẹ ko zé daga. ¹³Whenẹnu wẹ Nẹbukadnẹzali to adanjijẹ etọn mẹ po homẹwlu po degbè nado hẹn Ṣadlaki, Mẹsaki, po Abẹdi-nẹgo po wá. Whenẹnu wẹ yé hẹn dawe helẹ wá ahọlu nukọn. ¹⁴Nẹbukadnẹzali sọ gblọn bo dọ hlan yé dọmọ, Hiẹ Ṣadlaki, Mẹsaki, po Abẹdinẹgo po, oyílẹn mẹ é tin sọn, bọ mìwlẹ ma do sẹ̀n yẹwhe ṣie, mọ bo ma sọ litaina oboṣio sika tọn lọ he yẹn ko zé daga? ¹⁵Dinvie eyín mìwlẹ yín awuwlenọ dọ to ojlẹ he ji mì sè núdidọ afinván lọ tọn, okète; ajalẹn, vángbèlélénọ, hànjinu okànnọ, po hànjinú hihò po, po húnkọ hànjinu lẹpo po tọn, mì ṣinọn ai bo litaina obosiọ he yen ko basi lọ, bé dado: ṣigba eyín mìwlẹ ma litaina, yè na zé mì dlan to ojlẹ dopolọ mẹ biọ gblagbla, ozohọ̀ miyọn jiji de tọn mẹ; podọ mẹnu wẹ yẹwhe nẹ he na whlẹn mì sọn alọ ṣie lẹ mẹ? ¹⁶Ṣadlaki, Mẹsaki, po Abẹdi-nẹgo po, sọ gblọn bo dọ hlan ahọlu lọ dọ, Nẹbukadnẹzali E, míwlẹ ma tindo núwhèdo de nado gblọnna we to owhẹ̀hó he mẹ gba. ¹⁷Dayi e go, Jiwheyẹwhe mítọn mẹhe mìwlẹ to sinsẹ̀n tin sọgan nado whlẹn mí sọn ozohọ̀ miyọn jiji lọ tọn mẹ; ewọ bo na sọwhlẹn mí sọn alọ towe mẹ, hiẹ ahọlu È. ¹⁸Ṣigba eyín lala, ahọlu E, é ni yín yinyọnẹn hlan we, dọ míwlẹ ma na sẹ̀n yẹwhe towe lẹ gba, mọ litaina oboṣiọ sika tọn lọ he hiẹ ko zé daga gba. ¹⁹Whenẹnu wẹ Nẹbukadnẹzali gọ́ na homẹwlu, bọ ojlẹmọ nukunmẹ etọn tọn sọ yín didiọ do Ṣadlaki, Mẹsaki, po Abẹdi-nẹgo po ji: enẹwutu é dọhó, bo degbè na yé ni do hẹn ozohọ̀ lọ hùnmiyọn whla ṣinawe húgán le yè jlo nado hẹn ẹn hùnmíyọn do. ²⁰Ewọ sọ degbèna omẹ hlọnhlọnnọ dẽlẹ he tin to awhànfuntọ eton lẹ mẹ nado bla Ṣadlaki, Mẹsaki, po Abedi-nẹgo po, nado zé yé dlan biọ ozohọ̀ miyọn jiji lọ tọn mẹ. ²¹Whenẹnu wẹ yè bla dawe helẹ to afọbudo yetọn lẹ mẹ, otabudo yetọn lẹ, po avọ̀kọdo yetọn lẹ po, po awugbó yetọn devo lẹ po, yè bo sọ zé yé dlan biọ gblagbla ozohọ́ miyọn jiji lọ tọn mẹ. ²²Enẹwutu na gbèdide ahọlu tọn yín plapla wutu, bọ ozohọ̀ lọ sọ hùnmíyọn gbahugbahu, ozolọ miyọn lọ tọn hù omẹ he dida Ṣadlaki, Mẹsaki, po Abẹdi-nẹgo po nẹlẹ. ²³Dawe atọ̀n helẹ, Ṣadlaki, Mẹsaki, po Abẹdi-nẹgo po, sọ jai bibla biọ gblagbla ozohò miyọn jiji lọ tọn mẹ. ²⁴Whenẹnu wẹ Nẹbukadnẹzali ahọlu lọ yín awujinọ, bo sọ tite to awuyìya mẹ: é dọhó bo sọ dọ hlan hónamẹtọ etọn lẹ dọ, Omẹ atọ̀n bibla ma wẹ mi zédlan biọ gblagbla miyọn tọn mẹ? Yé gblọn bo sọ dọ hlan ahọiu dọ, Ahọlu E, nugbo wẹ. ²⁵Ewọ sọ gblọn bo dọmọ, Pọ́n, Yẹn mọ omẹ ẹnẹ túntun, zọ̀nlinzin to gblagbla mìyọn lọ tọn mẹ, Yé ma sọ tindo awugble de; podọ mimọ mẹnẹtọ lọ tọn tin taidi visunnu yẹwhe lẹ tọn de. ²⁶Whenenu wẹ Nẹbukadnẹzali wá sẹpọ́ jẹ ohọ̀n ozohọ̀ miyọn jiji lọ tọn kọ̀n: é dọhó bo dọmọ, Ṣadlaki, Mẹsaki, po Abẹdi-nẹgo po, mì devi Jiwheyẹwhe Gigogán tọn lẹ, mì jẹgbonu wá, bo wá flle. Whenẹnu wẹ Ṣadlaki, Mesakì, po Abẹdi-nẹgo po, jẹgbonu sọn gblagbla miyọn lọ tọn mẹ wá. ²⁷Gbétahọlu le, whépọ́ntọ lẹ, po otògán lẹ po, po hónamẹtọ ahọlú tọn le po, he yè bẹ́ plidopọ lẹ, mọ dawe helẹ, dọ miyọn ma tindo huhlọn de to agbasa yetọn lẹ ji, mọ odà ota yetọn ton ma yín wiwlọ, mọ afọbudo yetọn lẹ ma yín didiọ, mọ owán miyọn tọn ma tlẹ gbọn yé jì gba ²⁸Nẹbukadnẹzali sọ dọhó bo dọmọ, Donanọ Jiwheyẹwhe Ṣadlaki, Mẹsaki, po Abẹdinẹgo po tọn yín, mẹhe ko do angẹli etọn lẹ hlan, bo whlẹn devi etọn he dotu to ewọ mẹ lẹ gán, bo ko diọ ohó ahọlu tọn lọ, bo ko sọ jó agbasa yetọn lẹ hlan, na yé ma na do són mọ ma sọ litaina yẹwhe depope, adavo Jiwheyẹwhe yetọn lọsu. ²⁹Enẹwutu Yẹn sọ basi asẹ de, dọ gbẹtọ lẹpo, akọta, po ogbè po, he dọ onú depope jẹagò do Jiwheyẹwhe Ṣadlaki, Mẹsaki, po Abẹdi-nẹgo po tọn go, Yè na sán do flinflin, owhé yetọn lẹ na sọ yín ogboji de: na yẹwhe dẽvo de ma tin he tin sọgan nado whlẹnmẹ kẹdẹdi ehe hùnkọ wutu. ³⁰Whenẹnu wẹ ahọlu zé Ṣadlaki, Mẹsaki, po Abẹdi-nẹgo po daga, to gbétatò Babilọni tọn mẹ.

¹NẸBUKADNẸZALI ahọlu lọ, hlan gbẹtọ lẹpo, akọta lẹ, po ogbè lẹ po, he nọ nò aigba lẹpo mẹ; jijọho ni yín jideji hlan mì. ²E ko sọawuhia dagbe hlan mi nado do ohia lẹ po awujinu lẹ po hia he Jiwheyẹwhe Gigogán ko wà hlan dali ṣie. ³Nawẹ ohia etọn lẹ yín kiklo sọ podọ nawẹ awujinu etọn lẹ yín hlọnhlọnnọ sọ ahọludu etọn wẹ ahọludu madopodo de, podọ ahọluigba etọn sọn owhẹ́ndo mẹ jẹ owhẹ́ndo mẹ wẹ.

⁴Yẹn Nẹbukadnẹzali tin blẹo to ohò ṣie mẹ, bo sọ to vùnvùn to ohònmẹ ṣie me. ⁵Yẹn mọ odlọ de he hẹn mi savọ̀; bọ ohiamọ to adọzan ṣie ji lẹ lọ po númimọ ota ṣie tọn lẹ lọ po dotukla mi. ⁶Enẹwutu wẹ yẹn basi asẹ de nado hẹn omẹ nuyọnẹntọ Babilọni tọn lẹ lẹpo wá họmẹ to nukọn ṣie, na yé nido hẹn otadèna odlọ lọ tọn zùn yinyọnẹn hlan mi. ⁷Whenẹnu wẹ nújlẹtọ lẹ wá họmẹ, afinọnnọ lẹ, Kaldeanu lẹ, po odọṣẹnọ lẹ po: yẹn sọ dọ odlọ lọ to yé nukọn; ṣigba yé ma hẹn otadèna etọn zùn yinyọnẹn hlan mi gba. ⁸Ṣigba godo wẹ Daniẹli wá họmẹ to nukọn ṣie, oyín mẹhetọn yín Bẹltesazali, kẹdẹdi oyín yẹwhe ṣie tọn, podọ mehe mẹ gbigbọ yẹwhe wiwe lẹ tọn te: yẹn sọ dọ odlọ lọ to ewọ nukọn, dọmọ. ⁹Bẹlteṣazali È, mẹmẹnu nújlẹtọ lẹ tọn, na yẹn yọnẹn dọ gbigbọ yẹwhe wiwe lẹ tọn tin to hiẹ mẹ wutu, podọ asli de ma nọ dotukla we gba, dọ númimọ odlọ ṣie tọn he yẹn ko mọ lẹ na mi, po otadèna etọn po. ¹⁰Le wẹ númimọ ota ṣie tọn lẹ lọ yín, to adọzan ṣie ji: yẹn mọ, bo dayi e go, atin de to gblagbla aigba tọn mẹ, podọ ojiyìyì etọn yín kiklo. ¹¹Atin lọ whẹ́n, bo sọ yín sinsinyẹn, ojiyìyì etọn bo sọ yì jẹ olọn, podọ nukunmẹ etọn jẹ opòdo aigba lẹpo tọn. ¹²Amà etọn lẹ yín whanpẹnọ, podọ osinsẹ́n etọn gégé, podọ é mẹ wẹ núdùdù te na mẹpopo: gbékanlin danji tọn lẹ tindo oyẹ́tẹn to e glọ, podọ ohẹ̀ olọn tọn lẹ nọ nọ̀ alà etọn lẹ mẹ, podọ agbasalan lẹpo wẹ yè to yìnyìn sọn e mẹ. ¹³Yẹn mọ to númimọ ota ṣie tọn mẹ to adọzan ṣie ji, bo, dayi e go, hihọ́tọ de po omẹ wiwe de po jẹte sọn olọn mẹ wá. ¹⁴E dawhá lélé, bo dọ le, dọ, Sán atin lọ liai, bo sọ sán alà etọn lẹ sẹ́, húnhún amà etọn lẹ sẹ́, bo sọ vúnvún osinsẹ́n etọn: gbọ gbékanlin lẹ ni yì sọn e glọ, podọ ohè lẹ sọn alà etọn lẹmẹ. ¹⁵Ṣogán jó dòdonu adọ̀ etọn tọn lẹ dai to aigba mẹ, yèdọ po okọgàn ogànyu po oganvẹ́ po tọn de, to ogbé omú danji tọn mẹ; bo sọ gbọ yè ni yí ahún olọn tọn do yọ̀n ẹn, bo sọ gbọ mimá etọn ni tin to gbékanlin lẹ de to ogbé aigba tọn lọ mẹ: ¹⁶gbọ ayiha etọn ni yín didiọ sọn gbẹtọ tọn mẹ bo sọ gbọ yè ni na ayiha gbékanlin tọn de hlan ẹn; bo sọ gbọ ojlẹ ṣinawe ni gbọn ewọ ji. ¹⁷Whẹ̀dahó lọ tin gbọn aṣẹ hihótọ lẹ lọ tọn dali, podọ owhóhó lọ gbọn ohó omẹ wiwe lẹ lọ tọn dali: hlan oyílẹn dọ ogbènọ lọ nido yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ yi i na hlan mẹdepope ewọ jlo, bo nọ zé omẹ he yìdòpatapata daga do e ji. ¹⁸Odlọ he wẹ yẹn ahọlu Nẹbukadnẹzali ko mọ: podọ hiẹ, Bẹltesazali E, lá otadèna lọ, sọle omẹ nuyọnẹntọ ahọludu ṣie tọn lẹpo ma tin sọgan nado hẹn otadèna lọ zùn yinyọnẹn hlan mi; ṣigba hiẹ tin sọgan, na gbigbọ yẹwhe wiwe lẹ tọn tin to hiẹ mẹ.

¹⁹Whenẹnu wẹ Daniẹli, oyín mẹhetọn yín Bẹlteṣazali, yín awujinọ na osã de, linlẹn etọn lẹ sọ dotukla ẹ. Ahọlu sọ gblọn bo dọmọ, Bẹlteṣazali, a dike odlọ lọ, kavi otadèna etọn, dotukla we blo. Bẹlteṣazali sọ gblọn bo dọmọ, Klunọ ṣie, odlọ lọ ni tin hlan yé he gbẹwanna we lẹ, podọ otadèna etọn hlan mẹglatọ towe lẹ. ²⁰Atin he hiẹ mọ, he whén, bo sọ yín sinsinyẹn, ojiyìyì ehetọn yì jẹ olọn, podọ nukunmẹ etọn jẹ aigba lẹpo kón; ²¹amà ehetọn yín whanpẹnọ, bọ osinsẹ́n etọn sùpli, podọ to e mẹ wẹ núdùdù te na mepopo; ehe glọ gbékanlin danji tọn lẹ nọ nò, podọ alà ehetọn ji ohẹ́ olọn tọn lẹ tindo fininọ̀ yetọn te: ²²ahọlu E, hie wẹ ewọ, he yè hẹn whẹ́n bo sọ lẹzùn sinsinyẹn: na yè hen kiklo towe whẹ́n, bo sọ yì jẹ olọn, podọ ahọluigba towe jẹ opòdo aigba tọn. ²³Podọ yídomọ ahọlu sọ mọ hihótọ de po omẹ wiwe de po to tejẹ sọn olọn mẹ ja, bo to didọmọ, Sán atin lọ liai, bo và ẹ súdo; ṣogàn jó dodonu adò etọn lẹ tọn dai do aigba mẹ, yèdọ po okọ̀gàn ogànyu po ogànvẹ̃ po tọn de, to ogbé omú danji tọn mẹ; bo sọ gbọ yè ni yí ahún olọn tọn do yọn ẹn, bo gbọ mimá eton ni tin to gbékanlin danji tọn lẹ de, kaka ojlẹ ṣinawe gbọn ewọ ji; ²⁴ahọlu E, ehe wẹ otadèna lọ, podọ aṣẹ Gigogán tọn wẹ, he yè hẹn wá klunọ ṣie ahọlu ji: ²⁵dọ yè na yàn we sọn gbẹtọ lẹ mẹ, podọ ninọ̀ towe na tin to gbékanlin danji tọn lẹ de, yè bo na sọ hẹn we nado dù ogbé di oyín lẹ, yè bo na sọ yí ahún olọn tọn do yọ̀n we, ojlẹ ṣinawe na sọ gbọn oji we; kaka hiẹ na do yọnẹn dọ Gigogán we dùgán to ahọludu gbẹtọ lẹ tọn mẹ, bo sọ nọ jó e hlan mẹdepope he ewọ jlo. ²⁶Podọ yídomọ yé degbé nado jó dòdonu adò atin lọ tọn lẹ dai; ahọludu towe na tin undi hlan we, ehe godo hiẹ ko yọnẹn dọ olọn lẹ wẹ to gándù. ²⁷Ahọlu E enẹwutu, gbọ hónamẹ ṣie ni yín alọkẹyì hlan we, bo sọ fli ylando towe lẹ gbọn dódó dali, po oylanwà towe lẹ po gbọn lẹblanu sọhia hlan wamọnọ lẹ dali; eyín ohẹngbọ nuwàyìndò towe tọn sọgan tin. ²⁸Ehe lẹpo wá ahọlu Nẹbukadnẹzali ji. ²⁹To opòdo osùn wiawe tọn ji ewọ to zọnlinzin to ohònmẹ Babilọni tọn ji. ³⁰Ahọlu sọ dọhó bo dọmọ, Ehe ma wẹ Babilọni daho, he yẹn ko do na otẹn ninọ̀ ahọlu tọn, gbon hlọnhlọn huhlọn ṣie tọn dali podọ na gigo gigọ, daho ṣie tọn? ³¹Le ohó lọ tin to onù ahọlu lọ tọn mẹ, ogbè de flẹ finẹ sọn; olọn mẹ, dọmọ, Ahọlu Nẹbukadnẹzali È, hiẹ é yín didọ hlan: yè hẹn ahọludu lọ fọnyì sọn de we. ³²Hiẹ bo na sọ yín yinyàn sọn gbẹtọ lẹ mẹ, ninọ̀ towe na tin to gbékanlin danji tọn lẹ de; hiẹ na sọ yín hinhẹn nado dù ogbé di oyín lẹ, ojlẹ ṣinawe bo na sọ gbọn hiẹ ji; kaka hiẹ na do yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ jó e hlan mẹdepope he ewọ jlo. ³³To ọjle dopolọ mẹ wẹ yè hẹn onú lọ ṣẹ to Nẹbukadnẹzali ji: ewọ sọ yín yinyàn sọn gbẹtọ lẹ mẹ, bo sọ dù ogbé di oyín lẹ, yè sọ yí ahún olọn tọn do yọ́n agbasa etọn, kaka yè do hẹn odà etọn gọ́ taidi ofún akùn lẹ tọn, podọ ofẹn etọn lẹ taidi ofẹ́n ohẹ̀ lẹ tọn. ³⁴To opòdo azán lẹ lọ tọn yẹn Nẹbukadnẹzali zé nukun ṣie lẹ daga hlan olọn, wuntùntùn ṣie bo sọ lẹ́gọ̀ hlan dẽ, Yẹn bo sọ dona Gigogán ọ, podọ yẹn pà bo sọ gbogbéna ewọ he togbẹ̀ kakadoi; na ahọluigba etọn wẹ ahọluigba madopodo de, podọ ahọludu etọn sọn whẹndo mẹ jẹ whẹndo mẹ: ³⁵podọ tòmẹnu aigba tọn lẹpo wẹ yè hia di ovọ́: ewọ sọ nọ wà kẹdẹdi ojlo etọn to awhànfuntọ olọn tọn lẹ mẹ, podọ to tòmẹnu aigba tọn lẹ ṣẹnṣẹn: podọ mẹde ma sọgan hò alọ etọn só, kavi dọ hlan ẹn dọ, Eté hiẹ wiwà? ³⁶To ojlẹ dopolọ ji wuntùntùn ṣie lẹ́gọ̀ hlan dẽ; podọ na gigo ahọludu ṣie tọn, gìgodaho ṣie po osìsọ́ po lẹ́gọ̀ hlan dẽ; bọ hónamẹtọ ṣie lẹ po ogán ṣie lẹ po sọ din hlan dẽ; yè sọ hẹn yẹn lódo to ahọludu ṣie mẹ, podọ yè sọ do kiklo yeyinọ é ji hlan mi. ³⁷Dinvie yẹn Nẹbukadnẹzali pà bo jlayínna bo sọ gbogbéna Ahọlu olọn tọn; na nugbo wẹ azón etọn lẹpo, podọ aliho etọn lẹ whẹ̀dida: podọ enẹlẹ he to zọnlinzin to osakla mẹ lẹ ewọ tin sọgan nado zíndai.

¹BẸLṢAZALI ahọlu basi hùnwhẹ daho de hlan fọtọ́n dopo sọn ogán etọn lẹ mẹ, bo sọ to ovẹ̃n nù to fọtọ́n lẹ lọ nukọn. ²Belṣazali, le é dó ovẹ̃n lọ pọ́n, degbè nado bẹ́ núzinzán sika po fataka po tọn lẹ wá ehe Nẹbukadnẹzali otọ etọn ko bẹ́ tọ́n sọn tẹmpli he tin to Jelusalẹm mẹ mẹ; na ahọlu lọ po ogán etọn lẹ po, asi etọn lẹ po yọnnuyíyí etọn lẹ po, nido nù to emẹfinẹ. ³Whenẹnu wẹ yé hẹn núzinzán sika tọn lẹ lo wá ehe yè bẹ́ tón sọn tẹmpli ohọ̀ Jiwheyẹwhe tọn tọn mẹ lẹ he tin to Jelusalẹm mẹ; ahọlu lọ po ogán etọn lẹ po, asi etọn lẹ po yọnnuyíyí etọn lẹ po, sọ nù to yé mẹ. ⁴Yé nù ovẹ̃n, bo sọ to yẹwhe sika tọn lẹ po fataka tọn po, ogànvẹ̃ tọn, ogànyu tọn, atin tọn, po zannu tọn po pà. ⁵To ojlẹ dopolọ mẹ alọviyẹyẹ alọ gbẹtọ de tọn lẹ jẹgbonu wá, bo wlanwé do aga do titlẹ adó ohọ̀nmẹ ahọlu lọ tọn tọn go, pannukọn zògbántin lọ: ahọlu bo sọ mọ apade alọ he wlanwé tọn lọ. ⁶Whenẹnu wẹ yè hẹn nukunmẹ ahọlu tọn diọ to ewọ homẹ, linlẹn etọn lẹ sọ dotukla ẹ; yè sọ hẹn opetẹn adaja etọn tọn lẹ tún, kligónu etọn lẹ sọ to hihò ode do ode go. ⁷Ahọlu sọ dawhá lélé nado hẹn afinọnnọ lẹ, Kaldeanu lẹ, po odọsẹnọ lẹ po wá họmẹ. Ahọlu lọ dọhó bo sọ dọ hlan omẹ nuyọnẹntọ Babilọni tọn lẹ dọ, mẹdepope he na hia wéwinwlan he, bo sọ do otadèna etọn hia mi, yè na yí avọ̀gefununmẹ ṣinyọn ẹn, bo sọ tindo ogódẹ sika tọn de lédo okò etọn, bo na sọ dùgán di dopo to mẹatọn lẹ mẹ to ahọludu lọ mẹ. ⁸Whenẹnu wẹ omẹ nuyọnẹntọ ahọlu tọn lẹpo wá họmẹ: ṣigba yé ma sọgan hia wéwinwlan lọ gba, mọ hẹn otadèna lọ zùn yinyọnẹn hlan ahọlu gba. ⁹Whenẹnu wẹ yè sọ hẹn Bẹlsazali yín tuklanọ talala, yè sọ hẹn nukunmẹ etọn diọ to ewọ homẹ, ogán etọn lẹ sọ yín oflunọ. ¹⁰Dinvie ahọsi lọ gbọn ohó ahọlu lọ po ogán etọn lẹ po tọn lẹ tọn dali biọ hùnwhẹgbó lọ họmẹ: ahọsi lọ sọ dọhó bo dọmọ, Ahọlu È, nọgbẹ́ kakadoi; a dike linlẹn towe lẹ dotukla we blo, mọ a sọ dike yè hẹn nukunmẹ towe diọ blo: ¹¹dawe de tin finẹ to ahọludu towe mẹ, mẹhe mẹ gbigbọ yẹwhe wiwe lẹ tọn te; podọ to azán otọ́ towe lẹ tọn lẹ mẹ yè mọ hinhọ́n po wuntùntùn po po nuyọnẹn po, taidi nuyọnẹn yẹwhe lẹ tọn to ewọ homẹ: podọ ahọlu Nẹbukadnẹzali otọ́ towe, ahọlu E, otọ́ towe hẹn ewọ zùn mẹmẹnu nújlẹtọ lẹ, afinọnnọ lẹ, Kaldeanu lẹ, po odọsẹnọ lẹ po tọn; ¹²sọle gbigbọ yẹyinọ de, po oyọnẹn po, po wuntùntùn po, otadidèna odlọ lẹ tọn, po didohia whẹ̀dahó zinvlunọ tọn lẹ po, po túntún núdabla lẹ tọn po yín mimọ to Daniẹli dopolọ mẹ, mẹhe otọ́ towe ylọyín Bẹlteṣazali. Dinvie gbọ yè ni ylọ Daniẹli, ewọ na sọ do otadèna lọ hia.

¹³Whenẹnu wẹ yè hẹn Daniẹli wá họmẹ to ahọlu lọ nukọn. Ahọlu lọ dọhó bo sọ dọ hlan Daniẹli dọmọ, Hiẹ wẹ Daniẹli nẹ, he tin sọn ovi mẹmẹglọ Juda tọn tọn lẹ mẹ, mẹhe ahọlu otọ́ ṣie sọn Juda mẹ wá? ¹⁴Yẹn ko sè linlin towe, dọ gbigbọ yẹwhe lẹ tọn tin to hiẹ mẹ, podọ hinhọ́n po wuntùntùn po po nuyọnen yẹyinọ po yín mimọ to hiẹ mẹ. ¹⁵Podọ dinvie omẹ nuyọnẹntọ lẹ, afinọnnọ lẹ ko yín hinhẹnwá họmẹ to nukọn ṣie, dọ yé ni do hia wéwinwlan he, bo sọ hẹn otadèna etọn zùn yinyọnẹn hlan mi: ṣigba yé ma sọgan do Otadèna onú lọ tọn hia gba. ¹⁶Ṣigba yẹmko sè linlin towe, dọ hiẹ sọgan na otadèna lẹ, bo sọ tún núdabla lẹ: dinvie eyín hiẹ sọgan hia wéwinwlan lọ, bo sọ hẹn otadèna etọn zùn yinyọnẹn hlan mi, yè na yí avọ̀gefunwunmẹ ṣinyọn hiẹ, bo sọ tindo ogẹ̀dẹ sika tọn de lẹ́dọ okọ̀ towe, bo na sọ dùgán di dopo to mẹatòn lẹ mẹ to ahọludu lọ mẹ ¹⁷Whenẹnu wẹ Daniẹli gblọn bo dọ to ahọlu lọ nukọn dọ, Gbọ nunina towe lẹ ni tin hlan dewe, bo sọ yi ale towe lẹ na mẹdevo; sogàn yẹn na hia wéwinwlan lọ hlan ahọlu, bo so hẹn otadèna lọ zùn yinyọnẹn hlan ẹn. ¹⁸Hiẹ ahọlu È, Jiwheyẹwhe Gigogán na ahọludu, po kiklo po, po gigodaho po, Nẹbukadnẹzali otò towe: ¹⁹podọ na kiklo he ewọ na ẹn tọn wutu, gbẹtọ lẹpo, akọta lẹ, po ogbè lẹ po nọ sisọ bo sọ dibu to ewọ nukọn; mẹhe é jlo é nọ hù, podọ mẹhe é sọ jlo é po degbè; podọ mẹhe é jlo é nọ zédaga, podọ mehe é sọ jlo é nọ gò do odò. ²⁰Ṣigba whenuena ayiha etọn yín zizé daga, bọ gbigbọ etọn so yín sinsinyẹn bọ é yí osakla do zán, yè hẹn ẹn jẹte sọn ofìn ahọlu tọn etọn ji, yé sọ yí gigo etọn sọn e de: ²¹yè sọ yàn ẹn sọn visunnu gbẹtọ lẹ tọn mẹ; yè sọ basi ayiha etọn taidi gbékanlin lẹ, podọ ninọ̀ etọn sọ tin kẹtẹkẹtẹ ogbémẹ tọn lẹ de; yè yí ogbé do yìn ewọ taidi oyín lẹ, yè sọ yí ahún olọn tọn do yòn agbasa etọn: kaka ewọ do yọnen dọ Jiwheyẹwhe Gigogán dùgán to ahọludu gbẹtọ lẹ tọn mẹ, podọ mẹdepope ewọ jlo énọ zédaga do e, ji. ²²Podọ hiẹ visunnu etọn, Bẹlṣazali È, ma húwhẹ́ ayiha towe gba, dole hiẹ tlẹ yọ̀n ehe lẹpo sọ; ²³ṣigba ko zé dewe daga do OKLUNỌ olọn tọn ji; yé ko sọ hẹn núzinzán ohọ̀ etọn tọn lẹ wá nukọn towe, hiẹ po ogán towe lẹ po, asi towe lẹ po yọnnuyíyí towe lẹ po, ko sọ nù ovẹ̃n to yé mẹ; hiẹ bo ko sọ pà yẹwhe fataka tọn lẹ, po sika po, ogànvẹ̃ tọn, ogànyu, atin, po zannu po, he ma mọnú, mọ ma sè, mọ ma yọnnuin: podọ Jiwheyẹwhe alọ mẹhetọn mẹ gbọfufu towe te, podọ mẹhetọn aliho towe lẹpo yín, wẹ hiẹ ma ko pàgigona gba: ²⁴whenẹnu wẹ yè do apadopo alọ lọ tọn hlan sọn nukọn e tọn, bọ yè do kàn wéwinwlan he. ²⁵Podọ ehe wẹ wewinwlan lọ he yè kàn, MENE, MENE, TEKẸLI, UFALSINI. ²⁶Ehe sọ wẹ otadèna onú lọ tọn: MENE; Jiwheyẹwhe ko yísọhana ahọludu towe, bo sọ hẹn ẹn wá jẹ opòdo de. ²⁷TEKẸLI; yè ko jle hiẹ to ojlẹgàn lẹ mẹ, yè bo sọ mọ hiẹ gbògàn. ²⁸ PELẸSI; yè má ahọludu towe, bo sọ jó hlan Medìanu lẹ po Pẹlsianu lẹ po. ²⁹Whenẹnu wẹ Belsazali degbè, yé sọ yí avọ̀gefunwunmẹ ṣinyọn Daniẹli, bo sọ yí ogẹ̀dẹ sika tọn de lédo okò etọn, bo sọ dèmisẽlu gbọn ewọ tọn dali, na ewọ ni do dùgán di dopo to mẹatòn lẹ mẹ to ahọludu lọ mẹ. ³⁰To ozán nẹ mẹ wẹ yè hù Bẹlṣazali ahọlu Kaldianu lẹ tọn lọ. ³¹Bọ Daliusi Medianu lọ sọ yí ahọludu lọ, mẹhe yín owhè kandekonukunawe nkọ mẹho.

¹E sọ jlò Daliusi nado zé gbétahọlu kantọ̀n do ahọludu lọ ji, he do tin gbọn ahọludu lọ pete mẹ; ²po mẹnunọtọ atọn po to yé ji, sọn mẹhe mẹ Daniẹli yín dopo; na gbétahọlu helẹ nido nọ na ogbèdo hlan yéwlẹ, podọ ahọlu lọ ma na do tindo awugble de. ³Whenẹnu wẹ yè hẹn Daniẹli he tónkọ húgán mẹnunọtọ lẹ po gbétahọlu lẹ po, na gbigbọ yẹyinọ de tin to ewọ mẹ wutu; ahọlu bo sọ to linlẹn nado zé e do ahọluigba pete ji. ⁴Whenẹnu wẹ mẹnunọtọ lẹ lọ po gbétahọlu lẹ lọ po din nado mọ aklọnnú do Daniẹli go gbọn ahọludu lọ gblamẹ; ṣigba yé ma sọgan din aklọnnú de mọ, kavi yẹwànú; sọle ewọ yín nugbonọ, mọ yè ma sọ mọ nuwàyìndò depope kavi yẹwànú to ewọ mẹ gba. ⁵Whenẹnu wẹ omẹ helẹ dọmọ, Míwlẹ ma na din aklọnnú depope mọ do Daniẹli he go gba, adavo mí din in mọ do e go gbọn osén Jiwheyẹwhe etọn tọn dali. ⁶Whenẹnu mẹnunọtọ helẹ po gbétahọlu lẹ lọ po wá po zingidi po jẹ ahọlu de, bo dọ le hlan ẹn dọ, Nọgbẹ̀ kakadoi, ahọlu Daliusi. ⁷Mẹnunọtọ ahọludu lọ tọn lẹpo, whépọ́ntọ lẹ po gbétahọlu lẹ po, hónamẹtọ lẹ po otògán lẹ po, ko dowé dopọ na ahọlu ni do hẹn oséndoai de lódo, bo sọ basi aliglọn sinsinyẹn de, dọ mẹdepope he na biọ onúbiọ de son yẹwhe depope si kavi gbẹtọ na azán ogbàn, adavo sọn hiẹ si, ahọlu E, ewọ na yín zizédlan biọ odò kinnikinni lẹ tọn mẹ ⁸Dinvie, ahọlu È, hẹn aliglọn lọ lódo, bo sọ doalọ wéwinwlan lọ me, dọ é yín didiọ blo, kẹdẹdi osén Medianu lẹ po Pẹlsianu lẹ po tọn, he ma nọ juwá yì. ⁹Enẹwutu wẹ ahọlu Daliusi doalọ wéwinwlan lọ mẹ po aliglọn lọ po. ¹⁰Podọ whenuena Daniẹli yọnẹn dọ yè doalọ wéwinwlan lọ mẹ, é yì biọ ohò etọn mẹ; (dinvie ovẹ́sẹ́ etọn lẹ tin hùnhùn to abò etọn mẹ hlan Jelusalẹm dali;) ewọ bo sọ jẹklo to okligónu etọn lẹ ji whla atọ̀n to gbèdopo, bo hodẹ̀, bo sọ na opẹ́ lẹ to Jiwheyẹwhe etọn nukọn, dole é nọ wà do daidaì. ¹¹Whenẹnu wẹ omẹ helẹ pli dopọ, bo mọ Danieli to onúbiọ basi po ovẹ́ po to Jiwheyẹwhe etọn nukọn. ¹²Whenẹnu wẹ yé wá sẹpò, bo sọ dọhó to ahọlu nukọn gbọn aliglọn ahọlu tọn lọ tọn dali; dọ, Hiẹ ma ko doalọ aliglọn de mẹ, dọ omẹ dopodopo he na basi onúbiọ hlan yẹwhe depope kavi gbẹtọ to azán ogbàn helẹ mẹ, adavo hlan hie, ohọlu E, na yín zizédlan biọ odò kinnikinni lẹ tọn mẹ? Ahọlu lọ sọ gblọn bo dọmọ, Nugbo wẹ onú lọ, kẹdẹdi osén Medianu lẹ po Pẹlsianu lẹ po tọn he ma nọ juwá yì. ¹³Whenẹnu wẹ yé gblọn bo dọ to ahọlu lọ nukọn dọ, Danieli nẹ he tin sọn ovi mẹmẹglọ Juda ton lẹ tọn mẹ, ma hò we pọ́n gba, ahọlu È, kavi aliglọn he hiẹ doalọ e mẹ lọ, ṣigba basi onúbiọ etọn whla atọ̀n gbèdopo. ¹⁴Whenẹnu wẹ ahọlu lọ, whenuena é sè ohó helẹ, yín mahùnhomẹnọ gbahugbahu, bo sọ zé ayiha etọn do Daniẹli go nado whlẹn ẹn: é sọ jẹtukla kaka jẹ yìyì odò owhè tọn nado whlẹn ẹn dai. ¹⁵Whenẹnu wẹ omẹ helẹ pli dopọ do ahọlu de, bo sọ dọ hlan ahọlu lọ dọmọ, Ahọlu E, yọnẹn, dọ osẹ́n Medianu lẹ po Pẹlsianu lẹ po tọn de wẹ, dọ aliglọn de kavi oséndoai he ahọlu hẹn lódo ma sọgan yín didiọ gba. ¹⁶Whenẹnu wẹ ahọlu lọ degbè, yé bo sọ hẹn Daniẹli wá, bo zé e dlan biọ odò kinnikinni lẹ tọn mẹ. Dinvie ahọlu lọ dọhó bo sọ dọ hlan Daniẹli dọ, Jiwheyẹwhe towe mẹhe hiẹ to sinsẹ̀n whepoponu, é na whlẹn we. ¹⁷Yè sọ hẹn zannu de wá, bo zé do onù odò lọ tọn ji; ahọlu sọ yí ohiadonu etọn titi do dohia ẹ, po ohiadonu ogán etọn lẹ tọn po; na didiọ linlẹn tọn de ma na do tin finẹ gbọn Daniẹli tọn dali. ¹⁸Whenẹnu wẹ ahọlu yì jẹ ohònmẹ etọn mẹ, bo yí ozánmẹ lọ do blanù: mọ yè ma hẹn yọpọyọnnu owèdutọ lẹ wá ewọ nukọn gba: amlọn etọn sọ họ̀nyì sọn e de. ¹⁹Whenẹnu wẹ ahọlu fọ́n fliflimẹ to afọnnu, bo yì to awuya mẹ jẹ odò kinnikinni lẹ tọn lọ kọn. ²⁰Podọ whenuena é wá sẹpò jẹ odò lọ kọ̀n jẹ Daniẹli de, é yí avigbè de do dawhá: ahọlu dọhó bo dọ hlan Daniẹli dọmọ, Daniẹli E, devi Jiwheyẹwhe ogbènọ lọ tọn, Jiwheyẹwhe towe, mẹhe hiẹ to sinsẹ́n whepoponu, tin sọgan nado whlẹn we sọn kinnikinni lẹ lọ si? ²¹Whenẹnu wẹ Daniẹli dọ hlan ahọlu lọ dọmọ, Ahọlu È, nọgbè kakadoi. ²²Jiwheyẹwhe ṣie ko do angẹlì etọn hlan, bo ko sọ bò onù kinnikinni lẹ lọ tọn lẹ do, bọ yé ma ko gbleawu de na mi gba: sọle yè mọ ohòmẹvò to yẹn mẹ to ewọ nukọn do; podọ ga to hiẹ nukọn, ahọlu È, wẹ yẹn ma ko sọ wà awugblenú de. ²³Whenẹnu wẹ ahọlu lọ yín homẹhùnnọ gbahugbahu, bo sọ degbè dọ yé ni zé Daniẹli daga tòn sọn odò lọ mẹ. Mowẹ yè zé Daniẹli daga tọ̀n sọn odò lọ mẹ do, podọ yè ma mọ hùnkọ awugble tọn de to ewọ go gba, na ewọ ko dotu to Jiwheyẹwhe etọn mẹ wutu. ²⁴Ahọlu lọ sọ degbè, yé sọ hẹn omẹ nẹlẹ he ko slẹ Daniẹli wá, yé sọ zé yé dlan biọ odò kinnikinni lẹ tọn lọ mẹ, yéwlẹ, ovi yetọn lẹ, po asi yetọn lẹ po; kinnikinni lẹ sọ jẹ yé ji, bo gbà ohú yetọn lẹ hanyanhanyan, kavi whẹpo yé wá jẹ asábọ odò lọ tọn.

²⁵Whenẹnu wẹ Daliusi wlanwé hlan gbẹtọ lẹpo, akọta lẹ, po ogbè lẹ po, he nọ nọ̀ aigba lẹpo mẹ; Jijọho ni yín jideji hlan mì. ²⁶Yẹn basi asẹ de, dọ to ahọluigba ahọludu ṣie tọn lẹpo mẹ gbẹtọ ni sisọ bo sọ sinú to Jiwheyẹwhe Daniẹli tọn nukọn: na ewọ wẹ Jiwheyẹwhe ogbẹ̀nọ lọ, bo sọ nọtegligli kakadoi, podọ ahọludu etọn enẹ he ma na yín vivà, podọ aholuigba etọn na tin yèdọ jẹ opòdo lọ: ²⁷ewọ nọ whlẹn bo sọ nọ glọndai, podọ ewọ sọ nọ basi ohia lẹ po awujinu lẹ po to olọn mẹ podọ to okẹ́ mẹ; mẹhe ko whlẹn Daniẹli sọn huhlọn kinnikinni lẹ tọn mẹ. ²⁸Mowẹ yè hẹn nuyọnna Daniẹli he do to ahọludu Daliusi tọn mẹ, podọ to ahọludu Èilusi Pẹlsianu lọ tọn mẹ.

¹TO owhè tintan Bẹlsazali ahọlu Babilọni tọn tọn mẹ wẹ Daniẹli mọ odlọ de po númimọ ota etọn tọn lẹ po to adọzan etọn ji: whenẹnu wẹ é wlan odlọ lọ bo sọ dọ osọha owhèhó lẹ lọ tọn. ²Daniẹli dọhó bo sọ dọmọ, Yẹn mọ to númimọ ṣie mẹ to ozánmẹ, bo, dayi e go, jẹhọn ẹnẹ olọn tọn gbà jẹgbonu to ohù daho lọ ji. ³Bọ gbékanlin daho ẹnẹ hẹji sọn ohù lọ mẹ wá, hùnkọhùnkọ ode sọn awetọ mẹ. ⁴Tintan tin taidi kinnikinni de, bo tin ofún akùn tọn lẹ: yẹn to pinpọn kaka yè do sùn ofún etọn lẹ, yè bo sọ zé e daga sọn aigba mẹ, bo sọ hẹn nado site to afọ awe ji di gbẹtọ de, yè sọ yí ayiha gbẹtọ tọn de na ẹn. ⁵Bo sọ dayi gbékanlin devo go, awetọ de, taidi beali de, yè sọ zé e daga to adà, dopo ji, adajahú atọ̀n sọ tin to onù etọn mẹ to adú lẹ ṣẹnṣẹn: yé sọ dọ le hlan ẹn dọ, Tite, và Agbasalan susu súdo. ⁶To ehe godo yẹn dayi e go, bo sọ pòn devo, taidi opò de, he tindo awà ẹnẹ ohẹ̀ de tọn to onẹgbé e tọn ji; gbékanlin lọ ga tindo ota ẹnẹ; yè sọ yí ahọluigba de nẹ. ⁷To ehe godo yẹn sọ mọ to numimọ ozánmẹ tọn lẹ mẹ, bo dayi e go gbékanlin ẹnẹtọ de, kanylantọ bo dobu bo sọ dohuhlọn gbahugbahu; é sọ tindo ogànyudú daho lẹ; é vàsúdo bo sọ gbà do flinflin, bo sọ yí afọ etọn lẹ do zín pipòtọ dai: é sọ yín hùnkọhunkọ sọn gbékanlin he tin to ewọ nukọn lẹpo mẹ; é sọ tindo azò ao. ⁸Yẹn lẹn azò lẹ lọ pọ́n, bo, dayi e go, azò devo, hẹaga to yé ṣẹnṣẹn wá, pẹvi dopo, ehe nukọn yè sún atọ̀n sọn azo tintan lẹ mẹ sò po adò lẹ po: bo, dayi e go, nukun taidi nukun gbẹtọ de tọn lẹ tin to azò he mẹ, podọ onù de he to onú dahodaho lẹ dọ. ⁹Yẹn to pinpọ́n yè do zé ofìn lẹ dlan ai, bọ mẹde he yín hóhótọ azán lẹ tọn sinai: avọ̀ etọn yín wéwé di osìnagó, podọ odà ota etọn tọn taidi lẹngbọfún wiwe; ozolọ miyọnnọ lẹ wẹ ofìn etọn, podọ kẹkẹfọ etọn miyọn jiji. ¹⁰Asisa miyọnnọ de tọn jẹgbonu sọn ewọ nukọn wa: fọtọ́n fọtọ́n lẹ to devizónwà hlan ẹn, podọ fọtọ̀n ao donu fọtọ́n ao site to ewọ nukọn: yè zé whẹ̀dida lọ dai, yè sọ hùn owé lẹ. ¹¹Yẹn pọ́n to ojlẹ nẹ mẹ na ogbè ohó daho lẹ lọ tọn he azò lọ to didọ tọn wutu; yẹn to pinpòn yèdọ yè do hù gbékanlin lọ, bo sọ và agbasa etọn, yè sọ jó e nado yí miyọn do mè ẹn. ¹²Podọ na pipòtọ gbékanlin lẹ lọ tọn tọn, yè yí ahọluigba yetọn yì: gãnṣo yè hẹn ogbè yetọn lẹ dite na osã de po ojlẹ de po ¹³Yẹn sọ mọ to númimọ ozán lọ mẹ tọn lẹ mẹ, bo, dayi e go, mẹde po aslọ olọn tọn lè po taidi visunnu gbẹtọ tọn de wá fìnẹ, ewọ sọ wá yèdọ jẹ hóhótọ azán lẹ tọn lọ de, yé sọ hẹn ewọ wá sẹpọ́ ewọ nukọn. ¹⁴Yè sọ yí ahọluigba na ẹn finẹ, po gigo po, po ahọludu de po, na gbẹtọ lẹpo, po akọta lẹ po, po ogbè lẹ po ni do sọ sẹ̀n ẹn: ahọluigba madopodo de wẹ ahọluigba etọn, he ma na juwá yì, podọ ahọludu etọn enẹ he ma na yín vivà.

¹⁵Na yẹn Daniẹli tọn, yè hẹn gbigbọ ṣie sadi to gblagbla agbasa ṣie tọn mẹ, podọ númimọ ota ṣie tọn lẹ sọ dotukla mi. ¹⁶Yẹn wá sẹpọ̀ jẹ dopo yé tọn he ṣite to ola de, bo kàn nugbo lọ sè e gbọn ehe lẹpo tọn dali. Mọ ewọ dọ na mi bo sọ hẹn mi yọ̀n otadèna onú lẹ lọ tọn. ¹⁷Gbékanlin daho helẹ, he yín ẹnẹ, ahọlu ẹnẹ wẹ, he na fọ́n sọn aigba lọ mẹ. ¹⁸Ṣigba mẹwiwe Gigogán tọn lẹ wẹ na mọ ahọludu lọ yí, bo sọ yí ahọludu lọ na nutindo kaka, yèdọ kaka doidoi. ¹⁹Whenẹnu wẹ yẹn sọ jlo nado yọ́n nugbo lọ gbọn gbékanlin ẹnẹtọ lọ tọn dali, he yín hùnkọdevo sọn popo yé tọn mẹ, kanylantọ gbahugbahu, adú mẹhetọn yín ogànyu tọn lẹ, podọ ofẹ́n etọn lẹ ogànvẹ̃ tọn; he vàsúdo, gbà do flinflin, bo sọ yi afọ etọn lẹ do zín pipòtọ dai; ²⁰podọ gbọn azò ao lẹ he tin to ota etọn go tọn dali, po azò devo lò po he hẹaga wá, podọ ehe nukọn atọ̀n flẹ te; yedọ azò nẹ he tindo nukun lẹ, po onù de po he to onú daho lẹ dọ, nupinpọ́n mẹhetọn ylan hugán ogbẹ́ etọn lẹ tọn. ²¹Yẹn dayi e go, azò dopolọ funawhàn hẹ mẹwiwe lẹ bo hugánnú to yé ji; ²²kaka hóhótọ azán lẹ tọn lọ do wá, yè sọ yí whẹ̀dida lọ jó na mẹwiwe Gigogán tọn lẹ; ojlẹ lọ bo sọ wa he mẹwiwe lẹ do yí ahọludu lọ na nutindo. ²³Le wẹ ewọ dọ, Gbékanlin lọ na yín ahọludu ẹnẹtọ de to aigba ji, he na yín hùnkọdevo sọn ahọludu lẹpo mẹ, bo na sọ và aigba lọ pete súdo, bo na sọ li i do odò, bo sọ gbà ẹ hanyanhanyan. ²⁴Podọ na azò ao lẹ tọn, ahọlu ao na fọ́n sọn ahọludu he mẹ: podọ devo na sọ fọ́n to yé godo; ewọ na yín hùnkọdevo sọn tintantọn mẹ, ewọ bo na sọ yí ahọlu atọ̀n do odò. ²⁵Ewọ bo na nọ dọ ohó lẹ do Gigogán go, bo na sọ hẹn agbọpé mẹwiwe Gigogán tọn lẹ: ewọ bo na sọ lẹn nado diọ ojlẹ lẹ po osẹ́n lọ po; yè na sọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po. ²⁶Ṣigba whẹ̀dida na sinai, yé bo na sọ yí ahọluigba etọn yì, nado hùsúdo podọ nado va e jẹ opòdo lọ. ²⁷Podọ ahọludu lọ po ahọluigba lọ po, podọ kiklo ahọludu lẹ lọ tọn to olọn pete glọ, wẹ yè na na hlan gbẹtọ lẹ sọn mẹwiwe Gigogán tọn lẹ mẹ: ahọludu madopodo de wẹ ahọludu etọn, ahọluigba lẹpo na nọ sẹ̀n bo sọ sètónuna ẹn. ²⁸Ofile wẹ opòdo owhẹ̀hó lọ tọn te. Na yẹn Daniẹli tọn, linlẹn ṣie lẹ dotukla mi talala, podọ yè sọ hẹn nukunmẹ ṣie diọ to yẹn homẹ: ṣigba yẹn whla owhẹ̀hó lọ to ayiha ṣie mẹ.

¹TO owhè atọ̀ntọ ahọludu, ahọlu Belṣazali tọn tọn mẹ númimọ de sọ sọawuhia hlan mi, yèdọ hlan yẹn Daniẹli, to enẹ he sọawuhia hlan mi tintan tọn godo. ²Yẹn bo mọ to númimọ lọ mẹ; mọwẹ é yín dinvie, na whenuena yẹn mọ, yẹn tin to Ṣuṣani osíngbo lọ mẹ, he tin to gbétatò Elami tọn mẹ; yẹn bo sọ mọ to númimọ lọ mẹ, podọ yẹn tin to otọ Ulai dali. ³Whenẹnu wẹ yẹn zé nukun ṣie lẹ daga, bo mọ, bo, dayi e go, agbò he tindo azò awe de ṣite fìnẹ to otọ̀ lọ nukọn: azò awe lẹ lọ yìaga; ṣigba ode yìaga hú awetọ, ehe yìagahugán wẹ wá aga gbọngodo. ⁴Yẹn mọ agbò lọ lo avùndlọn hlan whèyihọ dali, podọ hlan agéwaji dali, podọ hlan huwaji dali; podọ gbékanlin lẹ de ma sọ sọgan ṣite to ewọ nukọn mọ mẹdepope ma tin finẹ he sọgan whlẹnmẹ sọn alọ etọn mẹ; ṣigba ewọ to wiwà kẹdẹdi ojlo etọn, bo sọ to ede hẹnklo. ⁵Podọ le yẹn to nulẹnpón, dayi e go, alunkùn de sọn whèyihọ ji wá nukunmẹ aigba lọ pete tọn tà, bo ma jẹ aigba go: alunkùn lọ sọ tindo azò klòklo de to nukun etọn lẹ ṣẹnṣẹn. ⁶Ewọ sọ wá agbò he tindo azò awe lọ de, he yẹn mọ ṣite to otọ̀ lọ nukọn, bo họ̀nwezun dli do e ji to homẹwlu huhlọn etọn tọn mẹ. ⁷Yẹn sọ mọ ẹn sẹpọ wá jẹ agbo lọ ji, yè sọ hẹn ẹn yi fifìẹ do wlu do e ji, bo sọ hò agbò lọ, bo wẹ́n azò etọn awe lẹ; huhlọn de ma sọ tin to agbò lọ mẹ nado ṣite to ewọ nukọn: ṣigba é zé e jai jẹ aigba, bo tùnafọ e ji; mẹde ma sọ tin finẹ he sọgan whlẹn agbò lọ sọn alọ etọn mẹ. ⁸Alunkùn lọ sọ to ede hẹnklo gbahugbahu: podọ whenuena ewọ yín huhlọnnọ, yè wén azò daho lọ; podọ to otẹn etọn mẹ azò klòklo ẹnẹ hẹaga wá hlan ojẹhọn ẹnẹ olọn tọn lẹ dali. ⁹Podọ azò pẹvi de tón sọn dopo yé tọn mẹ jẹgbonu wá, ehe whén zùn kiklo talala, hlan huwaji dali, podọ hlan whèzẹtẹn dali, podọ hlan aigba gigonọ lọ dali. ¹⁰E whén zùn kiklo, yèdọ jẹ awhànpa olọn tọn lọ de; podọ é zé vude sọn awhànpa lọ mẹ podọ sọn sunwhlẹvu lẹ mẹ dlan odò jẹ aigba, bo sọ tùnafọ yé ji. ¹¹Mọwẹ, ewọ to ede hẹnklo, yèdọ jẹ ahọvi awhànpa lọ tọn de; yè sọ yí avọ́ nunina mimẹ̀ whepoponu tọn lọ yì sọn e si, yè sọ zé otẹn fiwiwe etọn tọn lọ liai. ¹²Yè sọ na awhànpa de hlan ẹn do avọ núnina mimẹ whepoponu tọn lọ ji gbọn osẹ́nmẹjẹ mẹ; é sọ zé nugbo dlan odò jẹ aigba, é bo sọ wà homẹhùnnu etọn bo duale. ¹³Whenẹnu wẹ yẹn sè omẹ wiwe de to hódọ; omẹ wiwe devo sọ dọ hlan omẹ doponẹlọ he dọhó dọmọ, Nawẹ númimọ gbọn avọ́ nunina mimẹ whepoponu tọn lọ tọn dali, po osẹ́nmẹjẹ he hẹn zùn ovọjẹ po, na tin dẹn sọ, nado jó fiwiwe lọ po awhànpa lọ po nado yín zínzíndai to afọ glọ? ¹⁴Ewọ sọ dọ hlan ẹn dọmọ, Jẹ whèjai lẹ po afọnnu lẹ po fọtọ́n awe po fọdekanweko po: whenẹnu wẹ fiwiwe lọ na yín whèsuna.

¹⁵E sọ wá jọ, whenuena yẹn, yèdọ yẹn Daniẹli, ko mọ númimọ lọ, wẹ yẹn din wuntùntùn; bo, dayi e go, di awusọhia gbẹtọ de tọn site finẹ to yẹn nukọn. ¹⁶Yẹn sọ sè ogbè omẹ de tọn to otọ́ Ulai tọn lẹ ṣẹnṣẹn, he ylọ, bo sọ dọmọ, Gabriẹli, hẹn dawe he nado tùnwun númimọ lọ. ¹⁷Mọwẹ ewọ wá sẹpọ́ fie yẹn site te; podọ whenuena é wá, yè hẹn yẹn dibu, bo sọ họ dó nukunmẹ ṣie ji: ṣigba ewọ dọ hlan mi dọmọ, Tùnwun, hiẹ visunnu gbẹtọ tọn È; na númimọ lọ tin hlan ojlẹ opòdo tọn. ¹⁸Dinvie le ewọ to hódọ hẹ mi, yẹn sọ́ biọ amlọn yìtóji de mẹ po nu-kunmẹ ṣie po hlan aigba: ṣigba ewọ doalọ ogo e, bo zé mi do fie yẹn ko ṣite te. ¹⁹Ewọ sọ dọ hlan mi dọ, Dayi e go, Yẹn na hẹn we yọ́n núhe na tin to ojlẹ agọ̀gbọnẹn homẹgble tọn lọ mẹ: na é tin hlan ojlẹ didè opòdo lọ tọn. ²⁰Agbò he hiẹ mọ he tindo azò awe, ahọlu Media po Pẹlsia po tọn lẹ wẹ yé. ²¹Podọ alunkùn òfúnnọ lọ ahọlu Javani tọn wẹ: podọ azò daho he tin to nukun etọn lẹ ṣẹnṣẹn wẹ ahọlu tintan lọ. ²²Podọ na enẹ he yè wén tọn, to otẹn ehetọn mẹ ẹnẹ site do, ahọludu ẹnẹ na fọ́n tite sọn akọta lọ mẹ, ṣigba po huhlọn etọn po ma gba. ²³Podọ to ojlẹ agọ̀gbọnẹn ahọludu yetọn tọn lọ mẹ, whenuena yè hẹn osẹ́nmẹjẹ lẹ wá jẹ gigọ́ mẹ, ahọlu nukunmẹ dobu, po wuntùntùn owhẹ́dahó lẹ tọn po de, na site. ²⁴Huhlọn etọn yín hlọnhlọnnọ, ṣigba po huhlọn etọn pọ ma gba; ewọ bo na sọ yí awujiji do vàmẹ, bo na wàdagbe bo sọ wà homẹhùn etọn: podọ ewọ na và omẹ hlọnhlọnnọ lẹ po gbẹtọ mẹwiwe lẹ tọn po. ²⁵Podọ gbọn zìnzìn etọn mẹ é na hẹn anà nado wàdagbe to alọ etọn mẹ; ewọ bo na sọ to ede hẹnklo to ayiha etọn mẹ, podọ to madodego yetọn mẹ wẹ ewọ na và mẹsusu: ewọ na tite ga do ahọvi ahọvi lẹ tọn ji; ṣigba yè na wẹ́n ewọ matin alọ. ²⁶Podọ númimọ whèjai lẹ po afọnnu lẹ po tọn he yè ko dọ lọ nugbo wẹ: ṣigba hiẹ ni súnúdo númimọ lọ; na é tin hlan azán susu to godo ja. ²⁷Yẹn Daniẹli sọ kuṣiọ, bo sọ yín awutunọ azán de; whenẹnu wẹ yẹn fọ́n tite, bo sọ wà azón ahọlu tọn lọ: yè sọ hẹn awuji mi do númimọ lọ go, ṣigba mẹde ma tin nado hẹn ẹn yín nutùnwun gba.

¹TO owhè tintan Daliusi visunnu Àhasuelusi tọn tọn mẹ, sọn okún Medianu lẹ tọn mẹ, he yè hẹn zùn ahọlu to ahọlutò Kaldeanu lẹ tọn ji; ²to owhè tintan ahọludu etọn tọn mẹ, Yẹn Daniẹli tùnwun osọha owhè lẹ tọn gbọn owé lẹ lọ dali, ehetọn ohó OKLUNỌ tọn wá jẹ Jẹlemia yẹwhegán lọ de, na hinhẹn ovọ́jẹ Jelusalẹm tọn tọn pé, yèdọ owhè kandegbàn. ³Yẹn sọ zé nukunmẹ ṣie do hlan OKLUNỌ Jiwheyẹwhe ṣie de, nado din hodo odẹ́ po ovẹ́ po, po nùbibla po, po odẹ́vọ̀ po, po afín po. ⁴Yẹn sọ hodé hlan OKLUNỌ Jiwheyẹwhe ṣie, bo sọ basi ogbèyí, bo dọmọ, OKLUNỌ E, Jiwheyẹwhe osidahonọ lọ, he nọ yìn alẹ̀nù po lẹblanu po hẹ yé he yiwan nẹ bo sọ nọ yìn gbèdide etọn lẹ; ⁵mìwlẹ ko wàylando, bo ko sọ yí gbigble do zán, bo ko sọ yí yinylan do wà, bo ko sọ ṣatẹ, yèdọ lilé dapadopo sọn ogbèdai towe lẹ mẹ, podọ sọn whẹ̀dida towe lẹ mẹ: ⁶mọ míwlẹ ma ko sọ tuntóai hlan devi towe yẹwhegán lẹ gba, he dọhó to oyín towe mẹ hlan ahọlu mítọn lẹ, ahọvi mítọn lọ, po otọ́ mítọn lẹ po, podọ hlan omẹ aigba lọ ji tọn lẹpo. ⁷OKLUNỌ E, dódó tin hlan we, ṣigba hlan mìwlẹ oflu nukunmẹ tọn, dì azán he gbè tọn; hlan omẹ Juda tọn lẹ, podọ hlan tòmẹnu Jelusalẹm tọn lẹ, podọ hlan Islaeli lẹpó, he tin sẹpọ́, podọ he sọ tin to aganu, gbọn otò lẹpo mẹ fie hiẹ ko yàn mí hlan, na osẹ́nmẹjijẹ yetọn he yé ko do jẹsénmẹ do ogo we. ⁸OKLUNỌ È, oflu nukunmẹ tọn tin hlan míwlẹ, hlan ahọlu mítọn lẹ, hlan ahọvi mítọn lẹ, podọ hlan otọ́ mítọn lọ, na mí ko wàylando do ogo we wutu. ⁹Lẹblanu lẹ po ojona po tin hlan OKLUNỌ Jiwheyẹwhe mítọn, le míwlẹ tlẹ ko ṣatẹ do e go sọ; ¹⁰mọ míwlẹ ma ko sètónuna ogbè OKLUNỌ Jiwheyẹwhe mítọn tọn, nado nọ zinzọnlin to osẹ́n etọn lẹ mẹ he ewọ zé do mí nukọn gbọn devi etọn yẹwhegán lẹ dali. ¹¹Mowẹ, Islaeli lẹpo wẹ ko jẹsẹ́nmẹna osẹ́n towe, yèdọ lilé dapadopo, na yé ma na do sètónuna ogbè towe: enẹwutu wẹ yè ko do kọ̀n odẹ́hodo jẹgbonu do mí ji, po aṣẹtúndo he yè wlan to osẹ́n Moṣe devi Jiwheyẹwhe tọn tọn mẹ lọ po; na míwlẹ ko wàylando do e go. ¹²Podọ ewọ ko sọ hẹn ohó etọn lẹ he é dọ do mi go ṣẹ̀, po do whẹ̀datọ mítọn lẹ he dawhèna mí lẹ po go, gbọn hinhẹn oylan daho de wá mí ji dali: na to olọn pete glọ yè ma ko wà dile yè ko wà do to Jelusalẹm ji gba. ¹³Dile yè wlan ẹn do to oṣẹ́n Moṣe tọn mẹ, oylan he lẹpo wẹ yè hẹnwá mí ji: gãnṣo mìwlẹ ma ko vẹ̀vẹ̀na nukundágbe OKLUNỌ Jiwheyẹwhe mítọn tọn gba, na míwlẹ ni do lẹ́ sọn oylanwà mítọn lẹ mẹ, bo yí nuyọnẹn do zán to nugbo towe mẹ. ¹⁴Énẹwutu wẹ OKLUNỌ do payi oylan lọ go, bo sọ hẹn ẹn wá mí ji: na dódónọ wẹ OKLUNỌ Jiwheyẹwhe mítọn to azọ́n etọn he é wà lẹpo mẹ, míwlẹ ma ko sọ sètónuna ogbè etọn gba. ¹⁵Podọ dinvie, OKLUNỌ Jiwheyẹwhe mítọn E, he ko yí alọ hlọnhlọnnọ de do hẹn omẹ towe lọ jẹgbonu sọn aigba Egipti tọn ji wá, bo ko sọ do doyíndina we dile é te to egbé; mí ko wàylando, ní ko yí yinylan do wà. ¹⁶OKLUNỌ E, yẹn vẹ̀ we, gbọ adi towe po homẹwlu towe po ni yín didiọ kẹdẹdi dódó towe lẹ sọn tòdaho towe Jelusalẹm ji, osé Wiwe towe na ylando mítọn le tọn wutu, podọ na oylanwà otọ́ mítọn lẹ tọn, Jelusalẹm po omẹ towe lẹ po tin lẹzùn ovlẹ de hlan yé he tin lédo mi pé lẹpo. ¹⁷Énẹwutu dinvie, Jiwheyẹwhe mítọn E, tuntóai hlan odẹ́ devi towe tọn, podọ hlan ovẹ̀ etọn lẹ, bo hẹn nukunmẹ towe nado họ́nun do fiwiwe towe he yín ojẹvó ji, na OKLUNỌ tọn wutu. ¹⁸Jiwheyẹwhe ṣie E, dé otó towe, bo sè; hùn nukun towe lẹ, bo sọ pọ́n ojẹvó mítọn lẹ, po tòdaho he yè nọ ylọ gbọn oyín towe dali po: na mìwlẹ ma hẹn ovè mítọn lẹ nado flẹ jẹ nukọn towe na dódó mítọn gba, adavo na lẹblanu towe daho lẹ. ¹⁹Oklunọ È, sè; OKLUNỌ E, jona; OKLUNỌ E, tuntóai bo wà; a dọngbàn blo: na towe lọsu tọn wutu, Jiwheyẹwhe ṣie E, na tòdaho towe po omẹ towe lẹpo yín yiylọ gbọn oyín towedali wutu.

²⁰Podọ whenuena yẹn to hódọ, bo to dẹ́ho, bo sọ to gbèyína ylando ṣie po ylando Islaeli omẹ ṣie lẹ tọn po, bo sọ to ovẹ̀ ṣie zé do OKLUNỌ Jiwheyẹwhe ṣie nukọn na osẹ́ wiwe Jiwheyẹwhe ṣie tọn lọ; ²¹mọwẹ, whenuena yẹn to hódọ to odẹ̀ mẹ, dawe lọ Gabriẹli, mẹhe yẹn ko mọ to númimọ lọ mẹ to ṣaunṣaunwhenu, hẹ yè hẹn nado zlọn po awuya po wá sẹpọ́ jẹ dẽ to ojlẹ avọ́ whèjai tọn nkọ mẹ. ²²Ewọ sọ hẹn mi nado tùnwun, bo sọ to hódọ hẹ mi, bo dọmọ, Daniẹli È, Yè hẹn mi jẹgbonu wá dinyie nado hẹn we zùn anàtọ wuntùntùn tọn. ²³To ṣaunsaunwhenu ovẹ̀ towe lẹ tọn wẹ gbèdide jẹgbonu yi, yè sọ hẹn mi wá nado dọ na we; na yè yiwanna we talala: enẹwutu lẹn owhèhó lọ pọ́n, bo sọ tùnwun númimọ ọ. ²⁴Osẹ́ kandegbàn wẹ yè dogbèaina to omẹ towe lẹ ji podọ to tòdaho towe ji, nado glọn osénmẹjẹ lọ, podọ nado hẹn ylando lẹ jẹ opòdo de, podọ nado klọ oylanwà lọ sẹ̀, podọ nado hẹn dódó madopodo lọ wá homẹ, podọ nado yí hiadonu do tlẹ́ númimọ po yẹwhegán po, podọ nado samisisána otẹn wiwe petepete de. ²⁵Enẹwutu yọnẹn bo sọ tùnayinugo, dọ sọn gbonu jẹ yì gbèdide lọ tọn nado gọ̀jẹ́ podọ nado do Jelusalẹm hlan mẹyiamisisádodè de, ahọvi lọ, na yín osẹ̀ ṣinawe: po osè kandekonukunawe po, é na sọ yín vivọ́ do, po alihogbo po po odòkọdò po, yèdọ to ojlẹ tuklanọ lẹ mẹ. ²⁶Podọ to osẹ̀ kandekonukunawe lẹ lọ godo wẹ yè na sán mẹyiamisisádodè lọ sè, mẹde ma na sọ tin yín etọn gba: podọ omẹ ahọvi he na wá lọ tọn lẹ na và tòdaho lọ po fiwiwe lọ po; bọ opòdo etọn na tin po sìngigó de po, yèdọ awhàn na tin jẹ opòdo lọ; Yè dotana ovọ́jẹ lẹ. ²⁷Podọ ewọ na basi alẹ̀nù liló de hẹ mẹsusu na osọ̀ dopo: podọ to gblagbla odá osẹ̀ lọ tọn mẹ ewọ na hẹn avọ̀sánnu po avọ́ nunina jinulili tọn po nado doalọte; podọ to adadanu osùnú lẹ lọ tọn ji wẹ omẹ he basi ovọ́jẹ na wá; yèdọ jẹ opòdo lọ, pọdọ didotana enẹ, wẹ yè na kọ̀n homẹgble jẹgbonu do ovójẹ lọ ji.

¹TO owhè atọ̀ntọ Kilusi ahọlu Pẹlsia tọn tọn mẹ yè dè onú de hia hlan Daniẹli, oyín mẹhetọn yè ylọ Bẹlteṣazali; podọ nugbo wẹ onú lọ, yèdọ awhànzón daho de: ewọ sọ tùnwun onú lọ, bo sọ tindo wuntùntùn númimọ lọ tọn. ²To azán nẹlẹ mẹ yẹn Daniẹli to awubla osẹ̀ atọ̀n pete. ³Yẹn ma dù akla dagbe de, mọ olàn kavi ovẹ̃n ma wá onù ṣie mẹ, mọ yẹn ma sọ samisisána dẽ lala, kaka yè do hẹn osè atọ̀n lẹ pete pé. ⁴Podọ to azán kònukunẹnẹtọ osùn tintan tọn mẹ, le yẹn tin to adà otò daho lọ tọn mẹ, he yín Hidẹkẹli. ⁵Yẹn zé nukun ṣie lẹ daga, bo pọn, bo dayi e go dawe de ṣinyọn alàvọ̀, adaja mẹhetọn yè yí sika dagbe Ufazi tọn do gbànjana: ⁶agbasa etọn ga tin taidi bẹlili, podọ nukunmẹ etọn di awusọhia ohinhón tọn, podọ nukun etọn lẹ di zogbán miyọn tọn lẹ, podọ awà etọn lẹ po afọ etọn lẹ po jijlọ to owhèkan mẹ hlan ogànvẹ̃ súnsún, podọ ogbè ohó etọn lẹ tọn taidi ogbè agùndaho de tọn. ⁷Podọ yẹn Daniẹli kẹdẹ wẹ mọ númimọ lọ: na omẹ he tin to dẽ lẹ ma mọ númimọ lọ gba; ṣigba sisọsisọ daho de flẹ jẹ yé ji, yé sọ họ̀nyì nado whla yéde. ⁸Mowẹ yè jó yẹn dopoakan dai, yẹn bo sọ mọ númimọ daho he, huhlọn de ma sọ pò to yẹn homẹ to finẹ: na yè diọ owhanpẹ ṣie to yẹn homẹ do ogble mẹ, yẹn ma sọ tindo huhlọn de. ⁹Gãnṣo yẹn to ogbè ohó etọn lẹ tọn sè: podọ whenuena yẹn sè ogbè ohó etọn lẹ tọn whenẹnu wẹ yè hẹn mi flẹ biọ amlọn sisosiso de mẹ to nukunmẹ ṣie ji, po nukunmẹ ṣie po hlan aigba. ¹⁰Bo, dayi e go, alọ de jẹ ogo e, he zé mi ahlida do oklo ṣie lẹ ji podọ do alọpáhomẹ alọ ṣie lẹ tọn lẹji. ¹¹E sọ dọ hlan mi dọ, Daniẹli E, hiẹ omẹ yiwanna talala, tùnwun ohó he yẹn to didọ hlan we, bo nọte titegbè; na hiẹ de wẹ yè do mi hlan dinvie: podọ whenuena ewọ ko dọ ohó he hlan mi, yẹn site to sisọsisọ. ¹²Whenẹnu wẹ é dọ hlan mi dọ, A dibu blo, Daniẹli; na sọn azán tintan he mẹ hiẹ zé ayiha towe do nado tùnwun, podọ nado huwhẹ dewe to Jiwheyẹwhe towe nukọn, yè sè ohó towe lẹ: yè sọ hẹn mi wá na towe tọn wutu. ¹³Ṣigba ahọvi sọn ahọludu Pẹlsia tọn mẹ gbòalina mi azán kònukundopo; ṣigba, pọ́n, Mikaẹli, dopo to ahọvi nukọntọ lẹ mẹ, wá nado goalọna mi: podọ yèn sọ dòn do finẹ to ahọlu Pẹlsia tọn lẹ de. ¹⁴Dinvie yè hẹn mi wá nado hẹn we tùnwun núhe na jọdo omẹ towe lẹ go to azán agọ̀gbọnẹn lẹ mẹ: na númimọ lọ gbẹ́ sọ tin na azán susu. ¹⁵Podọ whenuena é ko dọho hlan mi kedẹdi ohó helẹ, yẹn zé nukunmẹ ṣie do hlan aigba, bo sọ yín unbọpẹn. ¹⁶Bo, dayi e go, mẹde taidi apajlẹ visunnu gbẹtọ lẹ tọn tọn doalò; onùfío ṣie lẹ go: whenenu we yẹn kè onu ṣie, bo dọhó bo dọ hlan evo he site to nukọn ṣie dọ, OKLUNỌ ṣie E, gbọn númimọ lọ, tọn dali yè hẹn awubla ṣie lẹ diọ do oji e, yẹn ma sọ tindo huhlọn de ¹⁷Na nawẹ devi klunọ ṣie he tọn sọgan dọhó hẹ klunọ ṣie he do? na na yẹn tọn, to dinvie huhlọn de ma tin to yẹn homẹ, mọ yè ma sọ pò gbọfufu dai to yẹn homẹ gba. ¹⁸Whenẹnú wẹ mẹde taidi awusọhia gbẹtọ de tọn sọ vọ́ doalọ ogo é, bo nahuhlọn mi. ¹⁹Ewọ sọ dọmọ, Hiẹ omẹ yiwanna talala È, a dibu blo: jijọho tin hlan we, yín huhlọnnọ, mọwẹ, yín, huhlọnnọ. Podọ whenuena é dọhó hlan mi, yè nahuhlọn mi, yẹn sọ dọmọ, Gbọ; klunọ ṣie ni to hódọ; na hiẹ ko nahuhlọn mi. ²⁰Whenẹnu wẹ ewọ dọmọ, Hiẹ yọ́n etẹwutu wẹ yè hẹn mi wá jẹ de we? podọ dinvie wẹ yẹn na lẹ́gọ̀ nado hoavùn hẹ ahọvi Pẹlsia tọn: podọ whenuena yẹn jẹgbonu yì, pọ́n, ahọvi Javani tọn lọ na wá. ²¹Ṣigba yẹn na dọ ẹnẹ he yè kàn to wéwinwlan nugbo tọn lọ mẹ na we: podọ mẹdé ma tin he nahuhlọn ede gbọn onu helẹ tọn dali gba, adavo Mikaẹli ahọvi mìtọn.

¹PODỌ na yẹn tọn, to owhè tintan Daliusi Mediahu lọ tọn mẹ, yẹn fọ́n tite nado dotuhomẹna bo sọ nahuhlọn ẹn.

²Podọ dinvie wẹ yẹn na do nugbo lọ hia we. Dayi e go, ahọlu atọ̀n na gbẹ́ sọ fọ́n titẹ to Pẹlsia mẹ; podọ ẹnẹtọ na yín adọkunnọ lankan hú yé mẹpó: podọ whenuena ewọ whén huhlọnnọ gbọn adọkun etọn mẹ, ehe lẹpo na fọ́nadan ahọlutò Javani tọn lọ. ³Podọ ahọlu hlọnhlọnnọ de na sọ fon tite, he na yí ahọluigba daho do dùgán, bo sọ nọ wà kẹdẹdi ojlo etọn. ⁴Podọ whenuena ewọ na fọ́n tite, ahọludu etọn na yín gbigbà, bo na sọ yín mimá hlan o jẹhọn ẹnẹ olọn tọn lẹ dali; ṣigba hlan ovikún etọn ma gba, mọ kẹdẹdi ahọluigba etọn ehe é do dùgán ma gba; na ahọludu na yín dindọnsùn, yèdọ na mẹdevo mayín ehelẹ. ⁵Podọ ahọlu hùwaji tọn na yín huhlọnnọ, ṣigba dopo sọn ahọvi etọn lẹ mẹ na yín huhlọnnọ hugán ewọ, bo sọ tindo ahọ luigba; ahọluigba etọn na yín ahọluigba daho de. ⁶Pọdọ to opòdo owhè lẹ tọn yé na kòn yéde dopọ; podọ viyọnnu ahọlu hùwaji tọn tọn na wá jẹ ahọlu agéwaji tọn dé nado basi Alọsin dopọ lẹ: ṣigba ewọ ma na mọ huhlọn awà etọn tọn gba; mọ ewọ ma na nọte, mọ awà etọn ma gba; ṣigba yè na jó ewọ do, po yé he hẹn ẹn wá lẹ po, po ewọ he ji i po, po ewọ he nahuhlọn ẹn to ojlẹ nẹlẹ mẹ po. ⁷Ṣigba tón sọn alà de mẹ sọn adò etọn lẹ mẹ wẹ mẹde na fọ́n tite to azọnhò etọn mẹ, he na wá awhànfuntọ lẹ lọ ji, bo na biọ agbó ahọlu agéwaji tọn tọn mẹ, bo na zán do yé go, bo na sọ glónú: ⁸podọ ga yẹwhe yetọn le, po ahọvi yetọn lẹ po, podọ núzinzán yetọn dagbedagbe fataka tọn lẹ po sika tọn lẹ po wẹ ewọ na bé mẹmẹglọ yì biọ Egipti mẹ; ewọ bo na sọ dọ̀n owhè vude do godo sọn ahọlu agéwaji tọn de. ⁹Ewọ bo na sọ wá biọ ahọlutò ahọlu hùwaji tọn tọn mẹ, ṣigba ewọ na sọ lẹ́gọ̀ biọ aigba etọn lọsu mẹ. ¹⁰Podọ visunnu etọn lẹ na fọnawhàn, bo na bé agùndaho huhlọn lẹ tọn de pli, ewọ bo na sọ wá aga, bo gófla, bo sọ juyì: é na sọ lẹ́gọ̀ bo fọ́nawhàn, yèdọ jẹ agbó etọn ji. ¹¹Yè na sọ yí fifìẹ do fọ́nadan ahọlu hùwaji tọn, bo na sọ jégbonu wá bo hoavùn hẹ ẹ, yèdọ hẹ ahọlu agéwaji tọn: ewọ bo na sọ zé agùndaho de jẹgbonu, agùndaho lọ na sọ yín jijó do alọ etọn mẹ. ¹²Yè na sọ zé agùndaho lọ yì, ayiha etọn na sọ yín zédaga: ewọ na zé fọtọ́n ao lẹ liai, ṣigba ewọ ma na glónú gba. ¹³Ahọlu agéwaji tọn lọ bo na sọ lẹ́gọ̀, bo na zé agùndaho talala de hú nukọntọn jẹgbonu; é na sọ wá aga to opòdo ojle lẹ tọn ji, yèdọ na owhè lẹ, po awhàngbé daho de po po adọkunnu gégó po. ¹⁴Podọ to ojlẹ nẹlẹ mẹ finẹ wẹ mẹsusu na fọ́n tite do ahọlu hùwaji tọn lọ ji: ga ovi huhlọn tọn lẹ to omẹ towe lẹ ṣẹnṣẹn na zé yéde daga nado hẹn númimọ lọ lódo; ṣigba yé na jai. ¹⁵Mowẹ ahọlu agéwaji tọn na wá, bo dlẹn odòkọ de, bo sọ yí tòdaho odòkọnọ lẹ lọ: podọ awà hùwaji tọn lẹ ma na glọnalinamẹ, kavi omẹ ṣinyanṣinyan etọn lẹ, kavi huhlọn depope ma na tin finẹ nado glọnalinamẹ gba. ¹⁶Ṣigba ewọ he wá e ji na wá kẹdẹdi ojlo etọn titi, mẹdepope ma na sọ nọte to ewọ nukọn: é na sọ site to aigba gigonọ lọ mẹ, podọ alọ etọn mẹ wẹ hùsúdo na te. ¹⁷Ẹ na sọ zé nukunmẹ etọn do nado wá po huhlọn ahọludu etọn tọn pete po, bo na basi nuyíwà alọsin dopọ po e po: ewọ bo na sọ wà homẹhùnnu etọn: ewọ bo na sọ yí viyọnnu yọnnu lẹ tọn lọ na ẹn, nado và ẹ; ṣigba é ma na site gba, mọ ma sọ tin na ewọ gba. ¹⁸Èhe godo wẹ é na lé nukunmẹ etọn hlan hùtóigba lẹ, bo na bẹ́ susu: ṣigba awhàngán de na hẹn ovlẹ yè namẹ gbọn ewọ lọ dali nado doalọte; mọwẹ, humọ, ewọ na hẹn ovlẹ etọn nado diọ do e ji. ¹⁹Whenẹnu wẹ é na sọ diọ nukunmẹ etọn hlan agbó aigba etọn lọsu tọn lẹ dali: ṣigba é na dahli bo jai, bo ma na sọ yín dindinmọ ba. ²⁰Whenẹnu wẹ mẹde na ṣite to azọ́nhọ̀ etọn mẹ he na hẹn asúfántọ de nado gbọn gigo ahọludu lọ tọn mẹ wáyi: ṣigba to azán vude mẹ ewọ na yín gbigbà, mọ adi mẹ ma gba, mọ to awhànfuntẹn ma gba. ²¹Podọ azọ́nhọ̀ etọn mẹ wẹ gbẹtọ ovlẹnọ de na ṣite te, mẹhe yé ma ko na ogbegbò ahọludu lọ tọn hlan gba: ṣigba ewọ na wá to ojlẹ blẹo tọn mẹ, bo na sọ yí ahọludu lọ gbọn ovlẹko lẹ dali. ²²Podọ awà sìngigọ tọn lẹ de wẹ yè na yí do plọ yé yì sọn nukọn e tọn, bo na sọ yín gbigbà; mọwẹ, ga ahọvi alẹ̀nù etọn tọn lẹ. ²³Podọ kẹdẹdi alẹ̀nù he yè basi po e po ewọ na yi oklọ do wàzón: na ewọ na hẹji wá, bo na lẹzùn huhlọnnọ po omẹ vude po. ²⁴To ojlẹ jijọho tọn mẹ wẹ ewọ na wá yèdọ otẹn jonọ gbétatò lọ tọn lẹ ji; ewọ bo na sọ wà enẹ he otọ etọn lẹ ma ko wà, mọ otọ́ otọ́ etọn lẹ tọn lọ ma gba; ewọ na vúnvún àmánanú to yé ṣẹnṣẹn, po ogblannú po, po adọkunnu po: mọwẹ, ewọ na bladọ núbladọ etọn lẹ do figángán lẹ lọ go, yèdọ na ojlẹ de. ²⁵Ewọ na sọ fọ́nadan huhlọn etọn po tudido etọn po do ahọlu huwaji tọn go po awhànfuntọ daho de lẹ po; ahọlu hùwaji tọn na sọ funawhàn to awhànfuntẹn mẹ po awhànfuntọ daho gégé hlọnhlọnnọ de po: ṣigba ewọ ma na nọtẹ gba, na yé na bladọ núbladọ lẹ do ewọ go. ²⁶Mowẹ, ye he dù sọn nugbòtón etọn lẹ mẹ na gbà ẹ, podọ awhànfuntọ lẹ na gófla: podọ mẹsusu na jai alántọṣiọ lẹ. ²⁷Podọ na ahọlu awe helẹ tọn, ayiha yetọn lẹ na tin nado wà odanú, yé na sọ nọ dọhó lalo lẹ to tafo dopo ji: ṣigba é ma na doale gba; na gãnṣo opòdolọ na tin to ojlẹ didè ji. ²⁸Whenẹnu wẹ ewọ na lẹ́gọ̀ biọ aigba etọn mẹ po adọkunnu susu po; ayiha etọn na sọ tin to alẹ̀nù wiwe lọ go; ewọ na sọ wà homẹhùnnú etọn, bo sọ lẹgọ̀ do aigba etọn titi mẹ. ²⁹To ojlẹ didè lọ ji ewọ na lẹ́gọ̀, bo wá biọ hùwaji mẹ; ṣigba e ma na yin to ojlẹ agọ̀gbọnẹn mẹ dile é te to nukọntọn mẹ gba. ³⁰Na ohún Kitimi tọn lẹ na wa e ji; enẹwutu yè na hẹn ewọ yín adinọ, bo sọ lẹ́gọ̀, bo sọ tindo homẹgble do alẹ̀nù lọ go, bo sọ wà homẹhùnnú ẹtọn: yèdọ ewọ na lẹ́gọ̀, bo sọ tindo mẹhòpọ́n hlan yé he gbẹ́ alẹ̀nù wiwe lọ dai de. ³¹Awà lẹ na sọ ṣite to adà etọn ji, yé bo na sọ flu fiwiwe lọ, yèdọ agbó lọ, bo na sọ dè avọ́ nunina mimẹ whepoponu tọn lọ sẹ̀, yé bo na sọ zé osùnú lọ he nọ basi ovọ́jẹ daga. ³²Podọ mẹhùnkọ he yí yinylan dozah nú do alẹ̀nù lọ go le na yín hinhẹn flu gbọn ovlẹ lẹ dali: ṣigba omẹ he yọ́n Jiwheyẹwhe yetọn na yín huhlọnnọ, bo sọ wà asukanú lẹ. ³³Podọ mẹplọntọ gbẹtọ lẹ tọn lẹ na nọ naplọn mẹsusu: gãnṣo yé na jai gbọn ohi dali podọ gbọn ozolọ dali, gbọn mẹmẹglọ dali podọ gbọn ogblan dali, azán susu. ³⁴Dinvie whenuena yé na jai, yé na yín omẹ yí alọgọ pẹvi de do gọalọna: ṣigba mẹsusu na yí ovlẹ lẹ do kòn yéde dopọ hlan yé. ³⁵Podọ vude sọn mẹplọntọ lẹ mẹ na jai, nado hẹn yé wé, podọ nado lèwé, podọ nado hẹn yé zùn wiwé, yèdọ jẹ ojlẹ opòdo lọ tọn: na é gbẹ́ sọ tin na ojlẹ didè lọ. ³⁶Podọ ahọlu lọ na nọ wà kẹdẹdi ojlo etọn; ewọ na sọ nọ zé ede daga, bo sọ nọ hẹn ede klo to yẹwhe lẹpo ji, bo sọ nọ dọhó onú jawujawu lẹ tọn do Jiwheyẹwhe yẹwhe lẹ tọn go: ewọ na sọ mọdagbe kaka homẹgble do yín hinhẹn lódo; na enẹ he yè dotana na yín wiwà. ³⁷Mọ ewọ ma na hò yẹwhe otọ́ etọn lẹ tọn lẹ pọ́n gba, kavi nujlo yọnnu lẹ tọn, kavi hò yẹwhe depope pọ́n gba: na ewọ na hẹn ede klo to popo ji. ³⁸Ṣigba to azọ́nhọ̀ etọn mẹ wẹ ewọ na nọ gbogbéna yẹwhe agbóhomẹ lẹ tọn: podọ yẹwhe mẹhe otọ́ etọn lẹ ma yọnẹn de wẹ ewọ na yí sika, po fataka po do gbògbéna, po zannu họakuẹ lẹ po, po onú whanpẹnọ lẹ po. ³⁹Ewọ na sọ zán hẹ agbó ṣinyẹnsinyẹn lẹ gbọn alọgọ yẹwhe ojonọ de tọn dali; mẹhe ewọ na yígbèna bo hẹn sudeji po gigo po: ewọ bo na hẹn yé nadọ dùgán to mẹsusu ji, bo na sọ má aigba lọ na akuẹta de. ⁴⁰Podọ to ojlẹ opòdo lọ tọn ji wẹ ahọlu hùwaji tọn na sọta ewọ: podọ ahọlu agéwaji tọn na wá ewọ ji taidi ojẹhọn ahizi de, po kẹkẹ Iẹ po, po osọ́nọ lẹ po, po ohún lẹ po; ewọ na sọ biọ otò lẹ lọ mẹ, bo na gófla bo ju wáyi. ⁴¹Ewọ na biọ aigba gigonọ lọ ga, otò susu na yín gòhùnna: ṣigba ehele na yín whinwhlẹn sọn alọ etọn mẹ, Edọmi, po Moabi po, po nukọntọ ovi Amọni tọn lẹ tọn po. ⁴²Ewọ ná dlen alọ etọn jẹgbonu ga do otò lẹ ji: podọ aigba Egipti tọn ma na họ̀ngan gba. ⁴³Ṣigba ewọ na tindo huhlọn do adọkunnu sika tọn po fataka tọn po jì, podọ do onú họakue Egipti tọn lẹpo ji; podọ Libianu lẹ po Etiopianu lẹ pó ná tin to afọdìde etọn lẹ kòn. ⁴⁴Ṣigba lìnlìn lẹ sọn whèzẹtẹnji podọ sọn agéwaji na nọ dotuklá ẹ: é na so jẹgbonu yì po homẹwlu daho po nado và podọ nado dopàna mẹsusu. ⁴⁵Ewọ bo na sọ do ogohọ̀ ohọ̀nmẹ etọn tọn lẹ to ohù lẹ ṣẹnṣẹn to osé wiwe gigonọ lọ ji; gãnṣo ewọ na wà je opòdó etọn, bọ mẹde ma na sọ gọalọna ẹn gba.

¹PODỌ to ojlẹ nẹ ji wẹ Mikaẹli na tite, ahọvi daho lọ he ṣìtè na ovi Ome towe lẹ tọn lẹ: ojlẹ tuklá tọn de na sọ tin finẹ, hùnkọ he ma ko tin gbède sọn whenu akọta de ko tin yèdọ jẹ ojlẹ dopolọ nẹ mẹ: podọ to ojlẹ nẹ ji omẹ towe lẹ na yín whinwhlẹn, omẹ dopodopo he na yín mimọ wlan tó owé lọ mẹ. ²Podọ susu yé tọn he damlọn to kógudu aigba tọn mẹ na fọ́n, dẽlẹ hlan ogbè madopodo, podọ dẽlẹ hlan owinyan po wangbẹna madopodo po. ³Podọ mẹplọntọ he yín nuyọnẹntọ lẹ na to sisẹ́ dí osisẹ́ dovlomẹ tọn; podọ yé he lẹ́ mẹsusu hlan dódó kọ̀n lẹ di sunwhlẹvu lẹ kakadoidoi. ⁴Ṣigba hiẹ, Daniẹli È, súnúdo ohó lẹ lọ, bo sọ yí ohiadonu do tlé owé lọ, yèdọ jẹ ojlẹ opòdo lọ tọn: mẹsusu na họ̀nwezun yìgodo podọ yìnukọn, yè na sọ hẹn oyọnẹn sudeji.

⁵Whenẹnu wẹ yẹn Daniẹli pọ́n, bo, dayi e go, mẹawe devo lẹ site finẹ, dopo to otọ́ otò lọ tọn to awà he ji, podọ awetọ to otọ́ otò lọ tọn to awà nẹ ji. ⁶Ode sọ dọ hlan dawe yè ṣinyọn alàvò na lọ he tin taga osìn otọ́ lọ tọn lẹ, dọmọ, Nawẹ é na yín dindẹn sọ jẹ opòdo awujinu hele lọ tọn? ⁷Yẹn sọ sè dawe yè ṣinyọn alàvò na lọ, he tin taga osìn otò lọ tọn le, whenuena é zé alọ etọn adusi po alọ amiọn etọn po daga hlan olọn, bo whle gbọn ewọ he togbẹ̀ kakadoi dali dọ é na tin na ojlẹ de, ojlẹ lẹ, po odá de po; podọ whenuena yé ko basi opòdo gbigbà huhlọn omẹ wiwe lẹ tọn tọn de hanyanhanyan, onú he lepo na yín tadona. ⁸Podọ yẹn sè, ṣigba yẹn ma tùnwun gba: whenẹnu wẹ yẹn dọmọ, Klunọ ṣie È, Etẹ́ wẹ na yín opòdo agọ̀gbọnẹn onú helẹ tọn? ⁹Ewọ sọ dọmọ, Daniẹli, to yìyì na dewe, na ohó lẹ lọ yín núsúnúdo bo sọ yín yíyí ohiadonu do tlẹ́ jẹ ojlẹ opòdo lọ tọn. ¹⁰Mẹsusu na lẹ̀ yéde wé, bo sọ hẹn yéde zùn wéwé, bo sọ yín kiklọwé; ṣigba mẹylankan lẹ na yí ylankan do to wiwà; ṣigba mẹplọntọ he yín nuyọnẹntọ lẹ na tùnwun. ¹¹Podọ sọn ojlẹ he mẹ avọ́ nunina mìinó whẹwhẹ tọn lọ na yín didè sẹ̀, bọ Osùnú he basi ojẹvọ́ lọ yín zizé daga, na yín azán fọṣidopo po kanweao po. ¹²Donanọ ewọ he nọtepọ́n yín, bo sọ wá jẹ azán fọṣidopo po kantọ̀nfọtọ̀n po lọ kòn. ¹³Ṣigba hiẹ to yìyì na dewe kaka ojlẹ lọ na do tin: na hiẹ na gbọjẹ, bo sọ site to tẹnmimọ towe mẹ, to opòdo azán lẹ lọ tọn.