1PAULU, Apọsteli Jesu Klisti tọn de gbọn ojlo Jiwheyẹwhe tọn mẹ, po Timoti mẹmẹsunnu mítọn po. 2Hlan mẹwiwe lẹ, po mẹmẹsunnu yisenọ to Khsti mẹ he tin to Kọlọsi lẹ po: Ojọmiọn po jijọhọ po hlan mì sọn Jiwheyẹwhe Otọ́ mítọn po Jesu Klisti Oklunọ po de.
3Mí to pédohlan Jiwheyẹwhe Otò Jesu Klisti Oklunọ mítọn tọn, mí sọ to dèho na mì whepoponu, 4to whenuena mí sè linlin yise mìtọn tọn to Klisti Jesu me, po owanyi he mì tindo do mẹwiwe lẹpo go po, 5na tódido he é zé do aga na mì to olọn lẹ mẹ, ehe tọn mì ko sè jẹnukọn to ohó nugbo wẹndagbe tọn mẹ; 6ehe wá jẹ mì de yèdọ dile é te to aihọn lẹpo mẹ ga; bo sọ to sinsẹ́n hẹn bo to susudeji, dile é to bibasi do to mì mẹ ga, sọn gbẽgbe mìwlẹ ko sè, bo yón ojọmiọn Jiwheyẹwhe tọn to nugbo mẹ 7yèdọ dile mì ko plòn to Epafla mẹdagungbẹ́ mítọn vive de, mẹhe basi mẹdagun nugbonọ Klisti tọn na mì tọn wutu; 8mẹhe sọ dọ owanyi mìtọn to Gbigbọ mẹ hlan mí ga.
9Na ehe tọn wutu mìwlẹ ga, sọn gbẽgbe mí ko sè ehe, mí ma gòn odẹ mà hò na mì, bo sọ to bibiọ na mì nido gó na yinyọnẹn ojlo etọn tọn to wuntunnu mẹ podọ to nuyọnen gbigbọnọ lepo mẹ; 10na mì nido to zọnlinzin dole é jẹ na Oklunọ to nukundagbe lepo mẹ, na mì ni yín sinsẹ́nnọ to azon dagbe lẹpo mẹ, bo sọ to susu to oyọnen Jiwheyẹwhe tọn mẹ; 11na yè nido yi huhlon lepo do hẹn mì dogán, kẹdẹdi hlọnhlọn gigo eton tọn, jẹ homẹfa lepo mẹ, linsinsinyen lẹpo me po ayajije po; 12mìwlẹ so to pédo hlan Otọ́, mehe basi mí jẹ nado yín máhẹtọ to ogú mẹwiwe lẹ tọn mẹ to hinhọ́n mẹ: 13mẹhe sọ whlẹn mi sọn huhlọn zinvíu tọn mẹ, bo sọ diọ mí do ahọludu Ovi vivẹ etọn tọn mẹ; 14mẹhe mẹ mìwlẹ do ofligò te gbọn ohùn etọn mẹ, yèdọ ojona ylando tọn; 15mẹhe basi apajle Jiwheyẹwhe tọn he yè ma mọ, ovi plọnji to yé he yè da lẹpọ mẹ: 16na e de wẹ yè gbọn da onú lepo, ehe tin to olọn lẹ mẹ, po ehe tin to aihọn mẹ po, ehe yè mọ po ehe yè ma mọ po, eyín yé tlẹ yin ofìn, kavi ahọlu-yigba, kavi ogán lẹ, kavi huhlọn lẹ; gbọn e de wẹ yè da onú lẹpo, podọ na ewọ. 17E sọ tin jẹnukonna onú popo, to ewọ mẹ wẹ yè hẹn onú lẹpo plita do. 18Ewọ wẹ sọ yín ota na agbasa lọ, yèdọ agùn: mehe yín dodó, oplọnji sọn osiọ lẹ mẹ; na ewọ nido tindo kiklo to onú lẹpo mẹ. 19Na òjlo Otọ́ tọn wẹ dọ, to ewọ mẹ wẹ gigo popo na nò; 20é ko sọ yí ohùn satin etọn tọn do to jijọho basi, gbọn dali etọn nado gbọwhẹ onú popo tọn hlan ede; yẹn dọ, gbọn dali etọn, eyín yé tlẹ yín onú he tin to aihọn mẹ, kavi onú he tin to olọn lẹ mẹ. 21Mìwlẹ ga, mẹhe yè ko hẹn zùn jonọ, zùn kèntọ to ojlẹ de mẹ dai to ayiha mìtọn mẹ gbọn azọ̀n ylankan dali, we e sọ gbọwhẹ hẹ to dinvie. 22To agbasa agbasalan etọn tọn mẹ gbọn okú mẹ, nado hẹn mì wá to wiwe mẹ madodiho podọ mado whẹkò to ewọ nukọn: 23eyín mì nọte to yise mẹ, bo hẹnadoai bo nọtegli, bọ yè ma sọ hẹn mì seafọ sọn tódido wẹndagbe tọn mẹ gba, ehe mì ko sè, ehe yè dọ yẹwheho etọn hlan omẹ he tin to olọn glọ lẹpo; ehe tọn yè yí yẹn Paulu do basi devizònwàtọ de na.
24Yẹn mẹhe to ayajẹ dinvie na oya ṣie na mì tọn wutu, bo sọ hẹn nukunbia Klisti tọn he pò to godo gò to agbasalan ṣie go, na agbasa etọn he yín agùn; 25ehe tọn yè yí mi do basi devizònwàtọ kẹdẹdi mánamẹ Jiwheyẹwhe tọn he yè yí na mì tọn wutu, nado hẹn ohó Jiwheyẹwhe tọn di: 26yèdọ nudabla he yè sọ whlá sọn hóhówhenu podọ sọn whẹndo lẹpo mẹ, mọ yè to sisọhia mẹwiwe etọn lẹ to dinvie: 27mẹhe Jiwheyẹwhe jlo nado yí adọkun gigo nudabla he tọn hia to Kosi lẹ ṣẹnṣẹn, ehe yín Klisti to mì ṣẹnṣẹn, tódido gigo tọn: 28mẹhe yẹwheho mìwlẹ to didọ, to hókọna omẹ dopodopo, bo to pinplòn omẹ dopodopo to nuyọnẹn lẹpo mẹ, na mí nido hẹn ome dopodopo pégan to Klisti Jesu mẹ: 29ehewutu yẹn to magbọjẹ do na dẽ ga, bo sọ to vivẹnu do kẹdẹdi huhlọnzòn etọn, he to azọ̀n gángán wà susu talala to yẹn mẹ.
21NÁ yẹn to jijlo dọ mì ni yòn le avùn he yẹn hò na mì lọ klo sọ, na Laodikeatọ lẹ, podọ na yé omẹ sọha he ma ko mọ nukun ṣie ta gbọn agbasalan tọn mẹ gbède; 2na yè nido hẹnhomẹmiọn ayiha yetọn lẹ, kinkòn yé dopọ to owanyi mẹ, podọ hlan adọkun gigọ́ dódo wuntùntùn tọn, na yé nido yón nudabla Jiwheyẹwhe tọn, yèdọ Klisti. 3Mẹhe mẹ yè yí adọkunnu nuyọnẹn tọn po zinzin lẹpo po tọn whlá do. 4Ehe wẹ yẹn to didọ, na mẹdepope ma na do yí ohó lalo do klọ mì. 5Na eyín yẹn ma tlẹ tin to mì de to agbasa mẹ, ṣigba yẹn tin to mì de to gbigbọ mẹ, yẹn sọ to ayajẹ, bo sọ to zọnlin jijlọ mìtọn pọ̀n, podọ oteninọ yise mìtọn tọn to Klisti mẹ.
6Enẹwutu le mì yí Klisti Jesu Oklunọ do, mọwẹ mì ni nọ to zọnlinzin to ewọ mẹ do: 7na yè ni yí afọ mìtọn hẹnai, na yè ni sọ dó mì daga to e mẹ, bo hẹn mì lódo to yise mẹ, yèdọ dile yè plọn mì do, na mì ni sọ to susudeji to dopo lọ mẹ po pẹ́dido po.
8Mì nọ payi do mìde na mẹde ma na do yí yinyọnẹn po oklọ tata po do bé mì, gbọn otànhóhó gbẹtọ tọn dali, gbọn ojọgbè aihọn tọn mẹ, ehe ma dile Klisti tọn te. 9Na ewọ mẹ we gigọ́ ozọnji Jiwheyẹwhe tọn lẹpo nọnọ̀ to agbasa mẹ. 10E ko sọ basi mì sọgbè to ewọ mẹ, mẹhe basi ota ogán lẹ, po huhlọntọ lẹpo po tọn: 11mẹhe mẹ yè to owhẹgbo he yè ma yí alọ do basi gbò na mì, gbon ehe mẹ mìwlẹ ga ko klòn agbasa agbasalan tọn lọ tọn dai gbọn owhẹgbo Klisti tọn mẹ: 12bọ yè sọ di mì dopọ hẹ ẹ to baptem mẹ, ehe mẹ yè fọ́n mì do ogbè po e po te ga gbọn yise mẹ to azón wiwà Jiwheyẹwhe tọn mẹ mẹhe fọ́n ẹn tite do ogbè sọn osiọ lẹ mẹ: 13podọ mìwlẹ, mẹhe ko kú to ylando mìtọn lẹ mẹ po owhẹmagbo agbasalan mìtọn tọn po mẹ, wẹ yè sọ diọzun ogbẹnọ dopọ hẹ ẹ ga, bo sọ jo ylankan mìtọn lẹpo na mì; 14bo sọ súnsún yíyíalọdowlan oséndai tọn sò he tin to okèn hẹ míehe jẹagò do mí, é dè e sọn aliho bo whè e do satin go; 15bo sọ klòn gándudu lẹ po huhlọn lẹ po sọn ede go, é basi odohia yé tọn de gbangba, bo sọ to aglinjẹ tò yé ji to e mẹ.
16Enewutu mì dike mẹde sọ dawhèna mì to núdùdù mẹ blo, kavi onú nùnù mẹ, kavi gbọn azán hunwhe de tọn dali, kavi osùn yọ́yọ́ de, kavi gbojẹzán de dali: 17ehe yín oyè onú be ja lẹ tọn de; ṣigba Klisti tọn wẹ agbasa. 18Mì dike mede fìn ale mìtọn sọn mì si blo, gbọn hùwhẹ be sọn ojlo ede lọsu tọn mẹ de dali, po taliaina angeli lẹ tọn po, bo nò onú he ewọ ko mọ le me, bo sọ nọ to kikla gbọn nuyọnẹn agbasalan etọn tọn mẹ, 19bo ma sọ hen Ota lọ go gligli, sọn ehe me agbasa lepo gbọn agomẹàgomẹ gbọn kanmẹ-kanmẹ nọ mọ dùdù yí te, bọ yè sọ sín ye mepo dopọ, be to susudeji gbọn deji Jiwheyẹwhe tọn me.
20Enẹwutu eyín mìwlẹ kúhẹ Klisti sọn ojodo aihọn tọn le me, etewutu, di mehe tin to ogbè to aihọn mẹ, wẹ mì do yín memeglọ hlan oséndai lẹ, 21(ẹ hen e go blo; a dópón blo; a zinpon blo; 22onu he lepo na dòn po zínzan po;) kedẹdi osen po oplọ́n gbẹtọ tọn po? 23Onu he tindo ohia yìnyọnẹn tọn de nugbo, to ojlo taliaì po hùwhẹ po mẹ, po mapò agbasa yìnte po; he ma yin yẹyi de to nupekò agbasalan tọn ji.
31BE eyín mì fọ́n dogbẹ̀ bẹ Klisti ga, mì nọ din onú be tin to aga le, fie Klisti sinai te to adusilọ Jiwheyẹwhe tọn mẹ. 2Mì nọ zé ojlo ayiha mìtọn tọn daga do onú he tin to olọn mẹ lẹ go, é ma yin onu he tin to aihọn mẹ go gba. 3Na mì ko kú, bọ yè sọ yí ogbè mìtọn whlá do Klisti de to Jiwheyẹwhe mẹ. 4Whenuena Klisti, mẹhe yín ogbè mítọn, na yí ede hia, whenẹnu wẹ mìwlẹ ga na yí mìde hia gọ́ nẹ̃ to gigo mẹ.
5Enẹwutu mì nọ hẹn awutugonu mìton he tin to aihọn me lẹ kú, gàlilọ, mawé, wantúntún, ojlo ylankan, po nukunkẹn po, he yín bosiọsinsón: 6na onú he tọn wutu homegble Jiwheyẹwhe tọn ja ota ovi tólivetọ lẹ tọn ji; 7ehe mẹ mìwlẹ ga ko to zọnlinzin de to ojle de mẹ dai, to whenuena mì tin to ogbè to yé mẹ. 8Ṣigba dinvie mì klọn ehele pó dai ga, homegble, adi, homekẹn, nutlọ, po ohógblo po sọn onù mìton mẹ: 9mì dolalona mìnọzo blo, sapọn dọ mì ko klón gbẹtọ hóhó nẹ dai po azón etọn pọ; 10bo ko zé dawe yọ́yọ́ nẹ dogo, ehe yè diọ zùn yóyo jẹ oyọnẹn mẹ kẹdẹdi apajlẹ mẹhe da ẹtọn: 11fie Gleki kavi Ju, owhẹgbo kavi owhẹmagbo, akọmasegbe, Skitiatọ, mẹmẹglọ kavi mẹmẹdekannu ma tin te; ṣigba Klisti wẹ popo, podọ to popo mẹ.
12Enewutu, di mẹsinsinyan Jiwheyẹwhe tọn, mẹwiwe, mẹyiwanna, mì zé lẹblanu homẹ tọn, odagbewà, hùwhẹ, wàlọmimiọn, po linsinsinyẹn po dogo; 13mì sọ nọ sinyẹnlin hẹ mìnọzo, mì nọ jona mìnọzo, eyín mede tindo wiwo do mẹde go; yèdọ dile Klisti Jona mì do, mọ ga wẹ mì ni nọ basi do. 14Otado onú hele pó tọn, mì zé owanyi dogo, ehe yín poninọ gbèsisọ tọn. 15Mì sọ gbọ jijọho Jiwheyẹwhe tọn ni dugán to ayiha mìtọn mẹ, ehe mẹ yè ylọ mì do ga to agbasa dopo me: mì ni sọ nọ dopé. 16Mì gbọ ohó Klisti tọn ni nọ nò mì me susugege to nuyọnẹn popo me; mì nọ plón, bo sọ nọ kọhóna mìnọzo to ohàn wiwe mẹ, to ohàn pipa tọn mẹ, podọ to ohàn gbigbọnọ mẹ, mì nọ yí ojọmiọn do jihan to ayiha mìtọn mẹ hlan Oklunọ. 17Nudepope he mì to bibasi to ohó mẹ, kavi to wiwà mẹ, mìnọ basi popo to oyín Jesu Okluno tọn me, bo nọ na opé hlan Jiwheyẹwhe Otọ́ gbọn ewọ mẹ.
18Mì asi le, mì yín mẹmẹglọ hlan asú mìtọn lẹ, dile é jẹ do to Oklunọ me. 19Mì asú lẹ, mì yiwanna asi mìtọn lẹ, mì sọ fiẹ do yé go blo. 20Mì ovi lẹ, mì nọ setónuna mẹjitọ mìtọn lẹ to onú popo mẹ, na ehe yónwhanpẹ talala to Oklunọ de. 21Mì otọ́ lẹ, mì hẹn homẹgblena ovi mìtọn lẹ blo, na yé nikã gblehomẹ. 22Mì afànumẹ lẹ, mì setónuna mẹmẹnu mìtọn lẹ hlan agbasalan to onú popo mẹ: é ma yín yè mọ mẹnukunta do sèn, diwahianọ lẹ gba; ṣigba gbọn ayiha dopo mẹ to osi Jiwheyẹwhe tọn mẹ: 23nudepope he mì to wiwà, mì nọ yí ayiha dodó do wà ẹ, kẹdẹdi hlan Oklunọ, é ma yín hlan gbẹtọ gba. 24Na mì ni yọnẹn dọ Oklunọ de wẹ mìwlẹ na mọ ale ogú tọn yí te: na mì yín mẹmẹglọ hlan Klisti Oklunọ wutu. 25Ṣigba mẹhe wà onú gigble, é nasọ mọ yí na gbigble he é wà: mẹhòpọ́n gbẹtọ tọn de ma tin.
41Mì mẹmẹnu le, mì nọ yí onú he yín dódó bo sọ sọzẹn na afànume mìtọn lẹ; na mì ni sọ yọnen dọ mìwlẹ do Mẹmẹnu de to olon me ga.
2Mì nọ nọte to odẹ mẹ, bo sọ nọ họ mìde to dopolọ mẹ po pédido po; 3gọna ehelẹ pó, mì nọ hodé na mìwlẹ ga, na Jiwheyẹwhe nido hùn ohòn ohó tọn do nuvo hlan mí nado nọ dọ nudabla Klisti tọn, onú he yẹn tin to ogàn mẹ na gá: 4na yẹn nido do e hia, dole é jẹ na mi nado nọ do do. 5Mì nọ zinzọnlin to nuyọnẹn mẹ hlan yé Hẹ tin to gbonu lẹ, na mì ni sọ nọ basi ofligò ójlẹ tọn. 6Mì gbọ ohógbè mìtọn ni tin po ojọmiọn po to whepoponu, ehe ojè pé, na mìwlẹ nido yón le mì na nọ gblọnhóna gbẹtọ lẹ dopodopo do.
7Le yẹn te lẹpo wẹ Tikiku na hẹn zùn yinyọnẹn hlan mì, mẹhe yín mẹmẹsunnu yiwanna, devizònwàtọ nugbonọ podọ mẹdagungbé to Oklunọ mẹ: 8mẹhe yẹn ko dohlan mì na ehe dopolọ tọn, na ewọ nido yọ́n aisinsin mìtọn, na nido na: homẹmimiọn ayiha mìtọn; 9po Onesimu po, mẹmẹsunnu nugbonọ meyiwanna, mẹhe yín dopo to: mì mẹ Yé na hẹn onú he mí to wiwà to ofì lẹpo zùn yinyọnen hlan mì.
10Alistaku, ogànmẹgbẹ̀ ṣie, dọnúdo mì, po Malku po, ovi nọviyọnnu Balnaba tọn, (na mẹhetọn mì osẹn mọ yí; eyín é wá jẹ mì de, na mì ni yí i;) 11podọ Jesu, mẹhe yè nọ ylọ Justu, mẹhe tin sọn owhẹgbo tọn mẹ le. Ehelẹ kẹdẹ wẹ azọ́nwàhẹmẹtọ ṣie hlan ahọludu Jiwheyẹwhe tọn, mehe yin homẹmiọn de hlan mi 12Epafla, mẹhe yín dopo to mì mẹ, mẹmẹglọ Klisti tọn, dọnúdo mì, bo sọ yí odé vivẹ do to azónwa na mì whepoponu dọ, na mìwlẹ ni pégan bo sọ sọgbè to ojlo Jiwheyẹwhe tọn lepo mẹ. 13Na yẹn dekunnu nẹ dọ, é do tuklajẹ susu na mì na mẹhe tin to Laodikea lẹ, podọ na yé he tin to Hialapoli le. 14Luku, bokọnọ mẹyiwanna, po Dema po, dọnúdo mì. 15Mì dọnúdo mẹmẹsunnu he tin to Laodikea; Nimfa, po agùn he tin to owhé etọn gbè po. 16Whenuena yè hia owé he to mì ṣẹnṣẹn vò, hẹn ẹn: ni yín hihia ga to agùn Laodikea tọn mẹ; podọ mìwlẹ ga ni sọ hia owé he sọn Laodikea wá. 17Bo dọ hlan Alkippu, Hiẹ ni payi devizón he hiẹ ko yí to Oklunọ de go, dọ hiẹ ni hen ẹn di.
18Onúdọdomẹ son alọ yen Paulu tọn titi mẹ. Mì nọ flin ogànjijẹ ṣie. Na ojọmiọn ni tin po mì po. Niṣẹ.