Owalọ Apọsteli Lẹ Tọn

¹TEOFIL, hógbèwinwlan tintan lọ wẹ yẹn basi gbọn onú he Jesu ṣẹ̀ wiwà bo sọ to mẹplọn lẹ lọn dali, ²kaka jẹ azán he gbè yè yí i daga, to godo he é gbon Gbigbọ Wiwe dali na asẹ hlan aposteli le, he e sinyan: ³mẹhe e do ede hia hlan ga to ogbè to oyaji etọn godo gbọn ohia nugbo susu dali, bo to awusohia hlan yé kaka azán kande, bo sọ tọ ohó onú he gbọn ahọludu Jiwheyẹwhe tọn dali lẹ tọn dọ: ⁴whenuena e to núdù po yé po, é dosénna ye dọ yé yì son Jelusalẹm blo, ṣigba yé ni nọtepọ́n opagbe Otọ́ tọn, ehe, é dọ, mì ko sè sọn onù ṣie mẹ. ⁵Na nugbo wẹ Johanu yí osìn do baptizi; ṣigba yè na yí Gbigbọ Wiwe do baptizi mì, e ma yín azán susu sọn dinvie gba.

⁶Enewutu whenuena yé pli, yé kanbiọ ẹ dọ, Oklunọ, hiẹ na gò aholudu jo hlan Islaeli to ojle he mẹ lo? ⁷E sọ dọ hlan yé, dọ, E ma tin na mìwlẹ nado yon owhenu kavi ojlẹ he Oto yi do huhlon ede tọn mẹ gba. ⁸Ṣigba mìwlẹ na mọ huhlọn yí whenuena Gbigbọ Wiwe wá mì ji: mìwlẹ nasọ yín kunnude to na mi to Jelusalẹm mẹ, to Jude lẹpo mẹ, po Samalia po, podo jẹ opodo aigba tọn ⁹Whenuena é dọ onu helẹ, le yé to pinpọ́n, yè zé e yì aga; aslọ sọ yí i son nukunmẹ ná yé. ¹⁰Le ye zínnukun do olọn me bo to pinpọ́n le e to yìyì, dayi e go, sunnusi awe alàvọ̀no site to yé de; ¹¹he ga dọmọ, Mì dawe Galili tọn lẹ, etẹwutu wẹ mi site bo to nukun zin do olọn me? Jesu he lọ, he yè yi do olon mẹ sọn mì de, nasọ lẹgò wá dile mì mọ ẹn bo é jei Olọn do.

¹²Whenenu wẹ yé lẹgò sọn oso lọ he yè nọ ylọ Olivie ji yi Jelusalẹm, ehe den do Jelusalẹm sọ zọnlin gbọjẹzan dopo tọn: ¹³whenuena yé biọwhegbe, yé yì biọ abò aga tọn mẹ, ofi he Pitapo Jakobu po, Johanu po Andlé po, Eilipi po Tọmasi po, Batelemi po Matiu po, po Jakobu ovi Alfe ton po, po Simọni Zelote po, po Juda nọvisunnu Jakobu tọn po te. ¹⁴Ehelẹ po yi ayiha dopo do nọte to odẹ po ovẹ̀ po mẹ, po yọnnu dẹle po, po Malia onọ Jesu tọn po, po nọvisunnu etọn lẹ po.

¹⁵To azán nẹlẹ mẹ wẹ Pita fọ́n site to ṣẹnṣẹn mẹmẹsunnu lẹ tọn, (sọha agùndaho gbẹtọ lẹ tọn de he pli dopọ to fine, yì kantọ̀n,) bo dọmọ ¹⁶Mì mẹho, mẹmẹsunnu emì, Owé wiwe he ma sọgan nọ ma sè, ehe Gbigbọ Wiwe ko dọdai gbọn onù Davidi: tọn mẹ, gbọn Juda ton dali, he yín mẹdehiatọ hlan ye he wle Jesu le. ¹⁷Na yè hia ẹ dogo mí, é sọ tindo oten to devizon he me. ¹⁸Dawe he ko yí ale ylando tọn do hò aigba de; whenuena e jai sọahòndo, e là sọn ṣẹnṣẹn adọ etọn lepo sọ tón jegbonu. ¹⁹E sọ zùn yinyọnen hlan mehe tin to Jelusalẹm lẹpo: enẹwutu wẹ ye do nọ ylọ odanji lọ to ogbè yewlọsu tọn mẹ dọ, Akeldama, enẹ wẹ, Odanji ohùn tọn; ²⁰Na yè wlan to Owé Psalm lẹ tọn mẹ dọ,

¹WHENUENA azán Pẹntikọsti tọn wá dinvie, ye omẹ po tin to ofi dopo. ²Ogbè de sọn olọn mẹ wa ajiji di ogbè jẹhọn sinsinyen ton, bo sọ gó ohọ he me yé sinai te. ³Owhè odé tọn taidi miyọn tọn tón do yé ji, bo sọ jẹ do dopodopo yetọn ji. ⁴Yé ome pó sọ gó na Gbigbọ Wiwe, bo so sè ogbe devo yí do to hodọ, kẹdedile Gbigbọ na ogbè yé do.

⁵Ju gbẹtọ ayihawiwẹnọ lẹ tin bo nọnọ̀ Jelusalẹm, sọn akọta he tin to olọn glọ lepo me. ⁶Whenuena yè hlun ehe lédo, gbeto susu pli dopo, yé jẹflu, na omẹ dopodopo se ye to hodọ to ogbè etọn me. ⁷Awuji ye, avọ̀ so vò yé, yé sọ to didọ hlan yenọzo dọ, Pọn, Galilitọ ma wẹ ye ome he to hodọ helẹ pó? ⁸Etẹwutu ka wẹ mí omẹ dopodopo do to sisè to ogbè mìtọn mẹ, to ofi he yè ji mí te? ⁹Paltiato, Mediatọ, Elamitọ, podọ mehe nọnọ̀ Mesopotamia lẹ, he tin to Judé lẹ, he tin to Kapadokia lẹ, he tin to Pọntu po Asia po, ¹⁰he tin to Fligia po Pamfilia po, he tin to Egipti, podọ to Libia po Silene po dali, wásinu Lomu tọn lẹ, Ju lẹ po hùnzòntọ lẹ po, ¹¹Kletetọ po Alabiatọ lẹ po, mí to sisè yé to ohó azón huhlọnnọ Jiwheyẹwhe tọn dọ to ogbè mìtọn me. ¹²Awuji yé ome pó, yé sọ tin to ayiawe mẹ, yé sọ to dido hlan yénọzo, dọ, Etẹwẹ ehe yín? ¹³Omẹ devo lẹ to vivlẹ dọ, Omẹ helẹ gó na ovẹ̃n yọ́yọ́.

¹⁴Ṣigba Pita fọ́n site po omẹ widopo he pò lẹ po, bo zé ogbè etọn daga, bo dọ hlan yé, dọ, Mì omẹ Judé tọn le, po mi mehe nọnọ̀ Jelusalẹm lẹ po, ehe ni yín yinyọnen hlan mì, na mì ni sọ dotó ohó ṣie go: ¹⁵na ehelẹ ma yín ahànnùmúnọ, dile mì lẹn do gba, mimọ dọ ojle atọ̀ntọ azán tọn wẹ ¹⁶Ṣigba ehe wẹ ehe yè dọ gbọn yẹwhegán Joẹli dali: 1

³⁷Whenuena yé se ehe, ayiha yetọn hòapa yésọ kanbiọ Pita po apọstẹli he pò lọ po dọmo, Mẹho, mẹmẹsunnu emi, ete wẹ mi ni wa? ³⁸Pita sọ dọ hlan yé, dọmọ, Mì lẹnvọjọ, na yè ni sọ baptizi dopodopo mìtọn to oyín Jesu Klisti tọn mẹ na desè ylando ton, miwlẹ nasọ mọ nina Gbigbọ Wiwe tọn yí. ³⁹Na opagbe he hlan mì wẹ, podọ hlan ovi mìtọn, lẹ, podọ hlan mẹhe tin to aganu lẹpo, podọ hlan omẹ sọha he Oklunọ Jiwheyẹwhe mìton na ylọ lẹ. ⁴⁰Podọ ohó susu devo wẹ e sọ yí do to hódọ bo sọ do to homejladonayé dọ, Mì whlẹn mìde sọn whẹndo nuyọnẹnwhintinwhintin ton he sí. ⁴¹Whenenu wẹ yè baptizi mẹhe yí homẹhùnhùn do yí ohó etọn lẹ: yè sọ hia dogo ye ayiha fõfọtọ́n nkọ to gbèdopo ne. ⁴²Yé sọ nọte gligli to oplọ́n po kọndopo apọsteli lẹ tọn po mẹ, podọ to kìnkan akla po odè po mẹ.

⁴³Obu sọ jẹ gbigbọ lẹpo ji: azon jawu po ohia susu po wẹ yè gbọn alọ apọsteli lẹ tọn mẹ wà. ⁴⁴Yé omẹ he yise lẹpo sọ nọpọ, yé sọ tindo onú popo do zẹnzèn; ⁴⁵yé sọ sà adọkunnu po ajọnu yetọn lẹ po, bo má yé hlan gbẹtọ lẹpo, dile ome dopodopo yín matindotọ do. ⁴⁶Yé sọ yí ayiha dopo do nọte gbepogbe to templi me, podọ to kinkan akla mẹ sọn owhe de gbè jẹ owhe de gbè, yé sọ to homehùnhùn po ayiha dopo po yí do to núdùdù yetọn dù, ⁴⁷yé to Jiwheyẹwhe pa, bo sọ mọ nukundagbe to gbẹtọ lẹpo de. Oklunọ sọ to didè dogò agùn lọ egbósọegbésọ mẹhe hunkọ yè na whlẹngan lẹ.

¹PITA po Johanu po zònpọ hẹji jei tẹmpli mẹ to ojlẹ odè tọn mẹ, to ojlẹ sinẹnẹtọ mẹ. ²Yè zé dawe he kusé sọn adò onọ etọn tọn me de wá, he yè no zé egbe sọegbésọ wá do hòngbo templi tọn he ye nọ ylọ Dagbedagbe ji, nado no bionu to mehe to tẹmpli me biọ lẹ si; ³mehe mimọ Pita po Johanu po to na bio tẹmpli me, bio nado mọ nunina de yí ⁴Whenuena Pita zínnukun do ego po Johanu po, é dọ, Pon mí ⁵E sọ bonukun do yé go, é to tódo nado mọ nude yi sọn yé si ⁶Whenẹnu we Pita dọ hlan en, dọ, Fàta ka po sika po yen ma tindo: ṣigba onú he hunko yẹn tindo wẹ yen na we; to oyín Jesu Klisti Nazaleti tọn mẹ, fon bo zinzonlin ⁷E so hẹn adusilọ nẹ, bo fọ́n en site to tendoponeme afọ etọn po afọkọhú etọn po lódo. ⁸Bo to linlẹn, é site, bo sè zọnlinzin, é sọ hodo yé biọ templi mẹ, é to zọnlinzin, é to linlọn, bo sọ to Jiwheyẹwhe pa. ⁹Gbetọ lẹpo mọ ẹn to zọnlinzin, bo sọ to Jiwheyẹwhe pa: ¹⁰yé sọ yọnẹn dọ ewọ wẹ mehe ko nọ sinai na nubibiọ to hòngbo Dagbedagbe templi tọn ji yè sọ yí vivó po awujiji po do gọ yé do onú he jọ hlan en go.

¹¹Le dawe sekunọ he yè hẹnazọ̀ngbọna lọ hẹn Pita po Johanu po go, gbẹtọ lẹpo honwezun plidopọ do yé de to hònnuwá he yè nọ ylọ Solọmọni tọn me, awuji yé talala. ¹²Whenuena Pita mo ẹn, é gblọn dọ hlan gbẹtọ le, do, Mì ome Islaeli tọn emi, etẹwutu wẹ awuji mì do onú he go? kavi etẹwutu wẹ mì zínnukun do mí go, taidi gbon huhlon mìtọn kavi wiwe mìtọn dali wẹ mí basi bọ dawe he do to zonlinzin? ¹³Jiwheyẹwhe Ablaham tón, Isaki tọn, podọ Jakobu tọn, Jiwheyẹwhe otọ́ mìton le tọn, we pagigona Jesu Ovi etọn; mehe mìwlẹ dèjó, bo sọ món to Pilati nukọn, whenuena ewọ ko magbè etọn nado jo e hlan. ¹⁴Ṣigba mìwlẹ mọ́n Mẹwiwe, Dódóno nẹ bo sọ biọ dọ yè ni jó hlọnhutọ de hlan mì; ¹⁵bo hù Ahọvi ogbè ton, he Jiwheyẹwhe zé tile son osiọ lẹ me; kunnudetọ ehe ton mìwlẹ yín, ¹⁶Gbọn yise dali to oyín etọn mẹ wẹ hẹn dawe he dohuhlon, mehe mì mọ bo sọ yọnen: podọ yise he gbọn ewọ dali wẹ na gángánjijẹ hézéhézé he e to nukun mì-òmẹ pó tọn mẹ. ¹⁷Be dinvie, mẹmẹsunnu emi, yen yonen do mayọnen mẹ wẹ mì wà e gbọn, dile ogán mìtọn lẹ basi do ga. ¹⁸Ṣigba onú nele pó, he Jiwheyẹwhe ko sohia dai sọn ohù yẹwhegán etọn lẹpo tọn mẹ dọ, Klisti na jiya, wẹ é hẹn sẹ do mọ. ¹⁹Mi lenvọjọ na enẹwutu, na yè ni diọ mi, na ye nido súnsún ylando mìton se, to whenuena ijlẹ awumimiọn ton na sọn nukun Oklunọ ton mẹ wá; ²⁰ewọ nasọ do Jesu Klisti hlan, mẹhe yè dọyewheho eton hlan mì dai: ²¹Mehe olọn ma sọgan nọ ma yí kaka é na do jẹ ojle ohengò onú popo tọn mẹ, he Jiwheyewhe ko dọ sọn onù yẹwhegán wiwe etọn lẹpo tọn mẹ sọn whenuena aihon ko sẹ. ²²Moṣe do hlan Otọ le nugbonugbo, dọ, Oklunọ Jiwheyẹwhe mìtọn na zé yẹwhegán de tite hlan mi to mẹmẹsunnu mìtọn lẹ mẹ, di yen hunkọ; 1 ewọ wẹ mì ni yise to onu he e na do hlan mì lẹpo mẹ. ²³E nasọ wa jọ, ayiha depope he ma yí yẹwhegán lo se, we yè na súdo sọn gbẹtọ lẹ mẹ. ²⁴Mọwẹ, yẹwhegán lẹpo sọn Samueli whenu, po mẹhe jọ to godo etọn lẹpo po, omẹ sọha he dọho lẹ, ko dọhó azán helẹ tọn ga. ²⁵Mì wẹ ovi yẹwhegán lẹ tọn, podọ alẹnu he Jiwheyẹwhe ho po otọ́ mìtọn lẹ po tọn, é to didọ hlan Ablaham, dọ, To okún towe mẹ wẹ yè na dona hẹnnu aihọn tọn lepo. ²⁶Whenuena Jiwheyẹwhe zé Jesu ovi etọn tite, mìwlẹ whé whé de wẹ é do e hlan nadọ dona mì, podọ nado diọkọna dopodopo mìtọn sọn ylando etọn lẹ mẹ.

¹LE yé to hódọ hlan gbẹtọ lẹ, yẹ whenọ lẹ, awhangán tẹmpli tọn, po Sadusi lẹ po fọ́n do yé ji, ²homẹ yetọn gble, na yé to gbẹtọ le plọn wutu, podọ ye to yẹwheho fìnfon sọn osiọ lẹ mẹ to Jesu mẹ tọn dọ. ³Yé déalọ wle yé, bo sọ hla yé do ogànhò mẹ kaka je aihọngbè: na ai ko to sinṣinyọn. ⁴Ṣigba susu mẹhe sè ohó lọ tọn lẹ yise: sọha yé tọn yì sunnu degbadefọtón.

⁵E sọ wá jọ to aihọngbè, ogán yetọn le, po mẹho lẹ po, po wekantọ lẹ po, pli do Jelusalẹm, ⁶Anna yẹwhenọ daho, po Kaifa pọ, po Johanu po, pọ Álẹkzandle po po sọha mẹhe yín hẹnnumẹ yẹwhenọ daho tọn lẹ po. ⁷Whenuena yé hẹn yé site do ṣẹnṣẹn, yé kanbiọ dọ, Huhlọn, kavi oyín tẹ mẹ wẹ mì to ehe wà te? ⁸Whenẹnu wẹ Pita gigọ́ na Gbigbọ Wiwe, dọ Hlan yé, dọmọ, Mìogán gbẹtọ le tọn, po meho Islaeli ton lẹ po emi, ⁹Eyíndọ yè to dodinna mí to egbé gbọn azọ́n dagbe he yè wà hlan dawe potẹn lọ tọn dali, gbọn nuwiwà he tọn dali yè hẹn ẹn jọ gángán; ¹⁰ehe ni yín yinyọnẹn hlan mì omẹ pó, podọ hlan omẹ Islaeli tọn lepo, do to oyín Jesu Klisti Nazaleti tọn ton me, mehe mìwlẹ whè do satin go, bọ Jiwheyẹwhe zé tite sọn osiọ lẹ me, yèdọ to oyín he mẹ we dawe he site to nukọn mìton to ofì to agbasa liló mẹ. ¹¹Ewọ wẹ ozannu lọ he yè gbọn alọ kọdotọ lẹ ton me gbẹdai, ehe sọ zùn gángánsu hòlọnglọnen tọn. ¹²Mọ whlẹngan ma sọ tin to mẹdevo de; na oyín de ma tin to olọn glọ he yè namẹ to gbẹtọ mẹ he yè nado whlẹn mí gán.

¹³Whenuena yé mọ tugbigbo Pita po Johanu po tọn, bọ yé sọ yọnẹn dọ yé gbọagba núpinplọ́n tọn, bo sọ yín gbẹtọ wunvinọ, awuji yé; yé sọ pọnliwhan yetọn, dọ yé ko nọnọ hẹ Jesu. ¹⁴Whenuena yé pọ́n dawe he yè hẹnazọ̀ngbọna bọ é site to yé de, yé ma sọgan dọ nude do e go ¹⁵Ṣigba whenuena yé degbèna yé nado sèjẹla son oplito, yé lẹn hẹ yénọzo, ¹⁶dọmo, Etẹ mí na wà hẹ omẹ hele? dọ azon jawu asẹ tọn ko jọ sọn alọ yetọn mẹ sọawúhia hlan omẹ he nọnọ̀ Jelusalẹm lẹpo; mìwlẹ ma sọgan món ẹn. ¹⁷Ṣigba do é ma na do gbapé gbẹtọ lẹ mẹ yì nukọn ba, mì gbọ mí ni dobuna yé susu, dọ sọn egbeheyi yé sọ dọhó to oyín he mẹ hlan mẹde ba blo. ¹⁸Yé sọ ylọ yé, bo dosénna yé dọ yé sọ dọhó lala, kavi plónmẹ to oyín Jesu tọn mẹ gbède ba blo. ¹⁹Ṣigba Pita po Johanu po gblọn bo dọ hlan yé, dọmọ, Eyín é jlọ to nukun Jiwheyẹwhe tọn mẹ nado sè mìton hú Jiwheyẹwhe tọn, mì yí lẹnpọn. ²⁰Na mìwlẹ ma sọgan nọ ma dọ onú he mí ko mọ, bo sọ sè ²¹Whenuena yé sọ dobuna yé dogo, yé jó yé do na yé ni yì, whenuena ye ma mọ onú he yé na do saya hẹ yé de, na gbẹtọ lẹ tọn wutu: na gbẹtọ lẹpọ wẹ to Jiwheyẹwhe pa na onú he yè wà; ²²Na dawe he go yè do azón jawu he hia te owhè etọn hú kande.

²³Whenuena yé jó yé dò na yé ni yì, yé yì ogbé yetọn lẹ de, bo sọ dóhó Onú he ogán yẹwhenọ le tọn po mẹho lẹ po dọ tọn hlan yé. ²⁴Whenuena yé sè e, yé yí ayiha dopo do ze ogbè yetọn daga hlan Jiwheyẹwhe, bó dọmọ, Okluno È, hiẹ wẹ Jiwheyẹwhe he da olọn, aigba, ohù, po onú hẹ tin ye mẹ lẹ po: ²⁵mehe dọ sọn onù, Davidi devi towe tọn, mẹ, dọmọ, Etẹwutu we Kosi lẹ to adidu, Bọ gbẹtọ lẹ sọ to onú vo len? ²⁶Ahọlu aihọn mẹ tọn le fọ́n site, Ogán lẹ sọ sinyan yéde pli, Do Oklunọ ji, podọ do Klisti etọn Ji. ²⁷Podọ na nugbo de tọn, Ovi wiwe towe Jesu, mehe hiẹ yí ohia amì tọn do dè ji wẹ Hẹlọdi, po Pontiu Pilati po, po Kosi lẹ po, po ome Islaeli tọn lẹ po pli do, ²⁸nado wà onú depope he alọ towe po hónamẹ towe po ko magbè etọn dai nado wa jọ. ²⁹Dinvie, Okluno, pòn budonamẹ yetọn: bo yí na hlan afànumẹ towe le, nado nọ yí tugbigbo lẹpo do dọ ohó towe, ³⁰gbọn alọ dindlen towe dali nado hẹnazòngbọ; podọ na azón ohia tọn po azón jawu po ni nọ yín wiwà gbọn oyín Ovi wiwe towe Jesu tọn mẹ. ³¹Whenuena yé hodè ohò he mẹ yé pli do whàn gigi; yé ome pó sọ gó na Gbigbọ Wiwe, yé sọ yí tugbigbo do dọ ohó Jiwheyẹwhe tọn.

³²Agùn mehe yise lẹ tọn sọ tin to ayiha dopo mẹ podọ to gbigbọ dopo mẹ: omẹ depope to yé mẹ ma dọ do onú he é tindo yín etọn titi; ṣigba yé tindo onu lẹpo do zẹnzẹn. ³³Huhlọn daho wẹ apọsteli lẹ do dekunnu fọ́nsọnku Jesu Oklunọ tọn: ojomion susu sọ tin to yé ome pó mẹ. ³⁴Omẹ depope ma gboagba to yé mẹ: na ome sọha he tindo aigba, kavi owhé sà yé, bo hẹn akuẹ onú he yé sà ton wá, ³⁵yé yí yé bọdai to afọ apọsteli lẹ tọn go: yè sọ basi mimá etọn hlan mẹdopodopo kẹdẹdile matindo ẹtọn sọ.

³⁶Podọ Jose, mẹhe yè gbọn alọ apọsteli le tọn mẹ ylọ oyíngó etọn dọ, Balnaba (ehe tadena etọn yín, Ovi homẹmimiọn ton) sọn whendo Levi tọn mẹ, Kiplutọ, ³⁷Le e tindo aigba de, é sà ẹ, bo yí akue ẹtọn wá, bo sọ bọdai to afọ apọsteli lẹ tọn go.

¹ṢIGBA dawe de yè nọ ylọ Ananias, po asi etọn Safìla po, sà adọkunnu de. ²E sọ dè adade whlá sọn akuẹ lọ mẹ, asi etọn mọdòna ga, é yí sọha de wá, bo yí i bọdai to afọ apọsteli lẹ tọn go. ³Ṣigba Pita dọmọ, Ananias, etẹwutu Satani gò ayiha towe mẹ nado klọ Gbigbọ Wiwe, podọ nado de adade whlá sọn akuẹ aigba lọ tọn mẹ? ⁴Whenuena é tin to alọ towe mẹ, é ma yín towe titi wẹ? to godo ehe yè sà tọn, é ma sọ tin to huhlọn towe titi mẹ? Etẹwutu wẹ hiẹ lẹn onú he to ayiha towe mẹ? hie ma dolalo hlan gbẹtọ gba, ṣigba hlan Jiwheyẹwhe wẹ. ⁵Whenuena Ananias sè ohó helẹ, é jai, bo sọ kú: obu daho sọ jẹ mẹhe sè onú hele pó ji. ⁶Yọpọsunnu lẹ tite, bo bla ẹ, bo zé e jẹgbonu, bo di i.

⁷E sọ yì ojlẹ atọn hunkọ to ehe godo, asi etọn he ma yon onú he ko jọ, biọwhégbè. ⁸Pita sọ gblon hlan ẹn, dọ, Dọ na mi, eyín sọha le we mìwlẹ sà aigba lọ yín? E sọ dọmọ, Nugbo, sọha mọwẹ. ⁹Whenẹnu wẹ Pita dọ hlan ẹn, dọmọ, Etẹwutu we mìwlẹ dogbèpó nado whle Gbigbọ Oklunọ tọn pòn? Pọ́n, afọ mẹhe disiọ asú towe tọn lẹ tin to hòngbo ji, yé nasọ ze we jẹgbonu. ¹⁰Ewọ sọ jai to afọ etọn go to tẹndoponẹmẹ bo sọ ku: yọpọsunnu lẹ sọ biọwhégbè, bo mọ é ku, yé zé e jẹgbonu, bo sọ di i do asú etọn de. ¹¹Obu daho sọ jẹ agùn lẹpo po omẹ sọha he sè onú helẹ po ji.

¹²Yè sọ gbọn alọ apọsteli lẹ tọn mẹ wàzón ohia tọn po azón jawu susu po to gbẹtọ lẹ mẹ; (yé omẹ pó yí ayiha dopo do nò hònnuwá Sọlomọni tọn mẹ. ¹³Podọ to ome he pò lẹ mẹ mẹde ma sọ dike ha nado kọndopọ he yé: ṣigba gbẹtọ lẹ to yínjla na yé. ¹⁴Yisenọ susu wẹ yè sọ to didè dogó yé, sunnu po yọnnu po.) ¹⁵Sọmọ bọ yé to azòntọ lẹ zé tòn jẹ aligbóji, bo to yé té do adọzan po nuzẹnme po ji, dọ oyè Pita he juwajei tọn vovò ni gbé ṣinyọnyè vude yeton ji. ¹⁶Agùndaho ga sọn todaho lẹ me lédo Jelusalẹm wá plidopọ finẹ, bo to azòntọ le hẹnwá, po yé he gbigbọ mawe to awufiesadona lẹ po; yè sọ hẹnazọ̀ngbọna omẹ dopodopo.

¹⁷Whenẹnu wẹ yẹwhenọ daho fọn site, po mẹhe tin to e de lẹpo po, (he tin to awà Sadusi le tọn ji) adi go oho yetọn mẹ, ¹⁸yé sọ dealọ wlé apọsteli lẹ, bo sọ yé do ogànhọ mẹ. ¹⁹Ṣigba angeli Oklunọ tọn hùn ohòn agànhọ tọn to ozán mẹ, whenuena é hẹn yé jẹgbonu wá, e dọmọ, ²⁰mì yì, bo site dọ oho ogbè he tọn lẹpo to tẹmpli mẹ hlan gbẹtọ le. ²¹Whenuena yé sè ehe, yé biọ tẹmpli mẹ to afọnnufù, bo to meplón. Ṣigba yẹwhenọ daho wá, po mẹhe to e de lẹ po, bo ylọ hódọtọ lẹ plidopọ, po tohódọtọ ovi Islaeli tọn lẹpo po tọn, yé sọ do omẹ hlan ogànhọ mẹ nado hẹn yé wá. ²²Ṣigba whenuena mẹdagun lẹ wá finẹ, bo ma mọ yé to ogànhọ mẹ, yé lẹgọ̀, bo wá dọ ²³Dọmọ, Mì mọ agànhọ é sú tlọ nugbonugbo, hihotọ lẹ sọ site to gbonu to ohòn nukọn: ṣigba whenuena mí hùn ohòn, mí ma mọ omẹ depope to ogànhọ mẹ gba. ²⁴Whenuena yewhenọ daho, po ogán tẹmpli tọn po, po ogán yẹwhenọ lẹ tọn po sè onú helẹ, é dablado yé dọ, fie wẹ ehe na yì jẹ. ²⁵Whenẹnu wẹ omẹ de wá, bo dọ na yé dọ, Pọ́n, dawe he mì bé do ogànhọ mẹ le, site to templi mẹ bo sọ to gbẹtọ lẹ plọ́n. ²⁶Whenẹnu wẹ awhangán po mẹdagun lẹ po yì, bo hẹn yé wá mahlọnhu: na yé dibuna gbẹtọ lẹ wutu, na yè nikã dlẹn zannu do yé. ²⁷Whenuena yé hẹn yé wá, yé hẹn yé do ote to agùn tòhódọtọ lẹ tọn nukọn: yẹwhenọ daho sọ kanbiọ yé, ²⁸dọmọ, Mìwlẹ ma ko kọ́ na mì susu dọ, mì so ha plọnmẹ to oyín he mẹ ba blo? pọ́n, mìwlẹ yí núplọnmẹ mìtọn do gọ́ Jelusalẹm, mìwlẹ sọ to linlẹn nado hen ohùn dawe he tọn wá ota mìtọn. ²⁹Ṣigba Pita po apọsteli he pò lẹ po gblọn, bo dọmọ, Mìwlẹ ma ha nọ ma setónuna Jiwheyẹwhe hú gbẹtọ. ³⁰Jiwheyẹwhe otọ́ mítọn lẹ tọn zé Jesu tite, mẹhe mìwlẹ hù bo sọ pla do atin go. ³¹Ewọ wẹ Jiwheyẹwhe yí adusi etọn do zé daga nado yín Ahọyi, Whlẹngantọ, nado na lenvọjọ hlan Islaeli, po jona ylando tọn po. ³²Mìwlẹ sọ wẹ kunnudetọ onú helẹ tọn to ewọ mẹ; po Gbigbọ Wiwe po ga, mẹhe Jiwheyẹwhe na hlan mẹhe setónu nẹ lẹ.

³³Whenuena yé sè ehe, ayiha yetọn dalan jẹ homẹ, yé sọ lẹn nado hù yé. ³⁴Whenẹnu wẹ dopo to agùn tòhódọtọ lẹ tọn mẹ, he yè nọ ylọ Gamaíieli, Falesi de, sẹnplbnmẹntọ, mẹhe tindo yẹyi to gbẹtọ lẹ de, fẹ́n site, bo dọ yè ni hẹn apọsteli lẹ jagò yì godo vude; ³⁵é: sọ dọ hlan yé, dọmọ, Mì omẹ Islaeli tọn lẹ emi, mì payi mìde go na onú he mì to linlẹn nado wà do dawe helẹ tọn. ³⁶Na jẹnukọnna azán helẹ Teuda fọ́n, bo to awagundo nado yín omẹ daho de; mẹhe go gbẹtọ fowè nkọ mlindọ: mẹhe yè hù; omẹ sọha he sọ yí etọn se lepo, yè gbà yé kija, bo sọ hẹn yé zùn ovọ́. ³⁷To dawe he godo wẹ Juda Galilitọ fọ́n to omẹ hihia whenu, bo sọ dòn omẹ susu do ede de; ewọ ga é dòn; po omẹ sọha he sọ yí etọn se lẹpo po, yè gbà yé do. ³⁸Be dinvie yẹn dọ hlan mì, Mì jagù sọn dawe helẹ de, bo sọ gbọ sọn yé go abọẹ: na eyín hónamẹ he kavi azón he jin gbẹtọ tọn, é na yín hihọliai: ³⁹ṣigba eyín Jiwheyẹwhe tọn wẹ, mìwlẹ ma na sọgan họ ẹ liai gba; na e nikã yín dọ, yè mọ mì to avùnho hẹ Jiwheyẹwhe. ⁴⁰Yé sọ yí etọn se: whenuena yé ylọ apọsteli lẹ, bo linu yé, yé dosénna yé dọ, yé sọ dọhó to oyín Jesu tọn mẹ ba blo, yé sọ jó yé do na yé ni yì. ⁴¹Yé sọ yì sọn agùn tòhódọtọ lẹ tọn nukon bo to ayajẹ na yè len ye jẹ nado jiya na oyín etọn wutu. ⁴²Podọ egbésọegbésọ to tẹmpli mẹ podọ to owhe dopodopo gbè, yé ma nọ omẹ ma plọ́n, yé ma sọ nọ yẹwheho Jesu Klisti tọn ma dọ.

¹PODỌ to azán nẹlẹ gbè, whenuena sọha nuplọntọ lẹ tọn to susu do e ji, hunhlun de fọ́n to Gleki lẹ mẹ do Heblu lẹ, na yè to jiwọn asusiọsi yetọn le go to numánamẹ egbésọegbésọ tọn mẹ wutu. ²Whenẹnu wẹ omẹ wiawe lẹ ylọ agùndaho nuplọntọ lẹ tọn plidopọ, bo dọmọ, E ma jẹ na mìwlẹ ni jó ohó Jiwheyẹwhe tọn dai, bo to tafo sèn gba. ³Enẹwutu, mẹmẹsunnu emi, mì pọ́n sunnusi ṣinawe to mì mẹ, oyín dagbenọ, mẹhe gó na Gbigbọ Wiwe, podọ na nuyọnen, mehe mí do dè do azọ́n he kòn. ⁴Ṣigba mìwlẹ na jó mìde na odẹ́ to whepoponu, podọ na devizọn ohó lọ tọn. ⁵Ohó lọ sọ do homẹhùnhùn na agùndaho lẹpo: yé sọ dè Stefani, dawe he gó na yise, podo na Gbigbọ Wiwe, Filipi po Plokole po, Nikanoli po Timoni po, Palmena po Nikola hùnzontọ Antioku tọn de po: ⁶mẹhe yé hẹn wá nukọn apọsteli lẹ tọn: whenuena yé hodè, yé do alọ yetọn yé ji.

⁷Ohó Jiwheyẹwhe tọn sọ hẹnai; sọha nuplọntọ lẹ tọn so to susu do e ji talala to Jelusalẹm; podọ omẹ susu to; yẹwhenọ lẹ mẹ setónuna yise.

⁸Podọ Stefani hé gọ́ na yise, po huhlọn po, é wà azọ́n jawu po nujawu daho po to gbẹtọ lẹ mẹ. ⁹Whenènu wẹ omẹ delẹ fọn to sinagọgu mẹ, he yè nọ ylọ sinagọgu mèdèdote lẹ tọn, po Silenitọ lẹ tọn po, po Alẹkzandlitọ lẹ tọn po, po Sihsiatọ lẹ tọn pọ, po Asiatọ lẹ tọn po, yé to hodòn hẹ Stefani. ¹⁰Yé ma sọ sọgan pehẹ nuyọnẹn po gbigbọ po he é do to hódọ hẹ yé. ¹¹Whenẹnu wẹ yé hẹn sunnu lẹ whledounji, he dọmọ, Mìwlẹ sè dawe he to ohó nùzinzan tọn dọ do Moṣe po Jiwheyẹwhe po go. ¹²Yé sọ to gbẹtọ lẹ wlu, po mẹho lẹ po, po wekantọ lẹ po, bo fọn do e ji, yé wlé e, bo hẹn ẹn wá tòhódọtọ lẹ de, ¹³yé hẹn kunnudetọ lalonọ lẹ wá, yé he dọ, dọmọ, Dawe he ma gbọ sọn ohó nùzìnzan tọn didọ do ofi wiwe he po osén po go gba, ¹⁴na mìwlẹ se, é dọmọ, Jesu Nazalẹti tọn he na gbà ofì he, bo na dìọ owalọ he Moṣe yí do alọ mẹ na mí. ¹⁵Omẹ he sinai to oplìto tòhódọtọ lẹ tọn lẹpo sọ zínnukun do e go bo to pinpọ́n ẹn, yé sọ mọ nukunmẹ etọn, é taidì nukunmẹ angẹli de tọn.

¹WHENẸNU wẹ yẹwhenọ daho gblọn dọmọ, onú helẹ yín mọ? ²Ewọ sọ gblọn bo, dọmọ, Mẹho, mẹmẹsunnu, po mì otọ́ lẹ po emi, mì tùntóai: Jiwheyẹwhe gigo tọn sọawúhia Ablaham otọ́ mìtọn, whenuena é tin to Mẹsopotamia, whẹpo é do yín wásinu to kalláni, ³bo sọ dọ hlan ẹn, dọ, Yì sọn aigba towe: ji, podọ sọn hẹnnumẹ towe lẹ mẹ, bo wá aigba he yẹn na dohia we ji. ⁴Whenẹnu wẹ é yì sọn aigba Kaldétọ lẹ tọn ji, bo sọ yín wásinu to Kallani: to godo whenuena otọ́ ẹtọn kú, finẹ wẹ é fọ́n sọn wá aigba he ji, fie mìwlẹ to ninò to dinvie. ⁵E ma na ogú i, lala, é ma yín sọ afọpa dopo to aigba lọ mẹ gba: ṣigba é sinadan dọ, é na yí do na adọkunnu in, podọ hlan okún etọn lẹ to godo etọn, to whenuena é ma ko tindo ovi. ⁶Jiwheyẹwhe sọ dọ le dọ, okún etọn na wáwási to aigba devo ji; podọ yé na yí yé do basi kanlinmọ, bọ na sọ bianukunna yé hò owhè fòwe. ⁷Jiwheyẹwhe, dọmọ, Akọta he yé na yín kanlinmọ hlan wẹ yẹn na dawhèna: enẹgodo wẹ yé na jẹgbonu wá, bo sèn mi to ofìle. ⁸E yi alènu owhẹgbo tọn na ẹn; mọwẹ Ablaham ji Isaki, bo gbọwhẹ nẹ to azán sinatòntọ gbè, Isaki sọ ji Jakobu; Jakobu sọ ji otó-daho wiawe lẹ. ⁹Otọ-daho lẹ po awuwhan po do Josẹfu go, sà ẹ hlan Egipti: ṣigba Jiwheyẹwhe tin po ẹ po, ¹⁰bo sọ whlẹn ẹn sọn nukunbibia etọn lẹpo mẹ, bo na nukundagbe po nuyọnẹn po e to Falo ahọlu Egipti tọn nukunmẹ; owọ sọ yí i do do otògán Egipiti tọn po owhé etọn lẹpo po tọn. ¹¹Huvẹ de wá aigba Egipti tọn lẹpo po Kananì po ji, po nukunbibia daho po; otọ́ mìtọn lẹ ma sọ tindo núdùdù. ¹²Ṣigba whenuena Jakobu sè dọ gbadó tin to Egipti, é do otọ́ mìtọn lẹ hlan whé. ¹³To whlawetọ Josẹfu hẹn ede zùn yìnyọnẹn hlan nọvisunnu etọn lẹ; yè sọhẹn hẹnnumẹ Josẹfu tọn lẹ zùn yinyọnẹn hlan Falo. ¹⁴Whenẹnu wẹ Josẹfu dowẹnhlan, bo ylọ Jakobu otọ́ etọn wá e de, po hẹnnumẹ etọn lẹpo po, ayiha kandegbànatọ́n. ¹⁵Mọwẹ Jakobu jẹte yì Egipti, bo sọ kú, ewo po otọ́ mìtọn le po. ¹⁶Yè sọ hẹn yé yì Sisẹmi, bo té yé do oyọwhé he Áblaham hò yín sọha fatakakuẹ tòn de to ovi Emọli tọn si, otọ́ Sisẹmi tọn. ¹⁷Ṣigba whenuena ojlẹ opagbe tọn, ehe Jiwheyẹwhe do whlé hlan Ablaham to sisẹpó, gbẹtọ lẹ to susu bo sọ; to jijigba to Egipti, ¹⁸kaka ahọlu devo do dù, he ma yón Josẹfu. ¹⁹Ewọ wẹ yí oyẹ do zán hẹ hẹnnumẹ mìtọn lẹ, bo sọ wàylan do otọ́ mítọn lẹ, sọmọ bọ yé bé ovivu yetọn lẹ dlangbe, na yé ma na do nọgbè. ²⁰To Ojlẹ he mẹ yè ji Moṣe te, mehe yọnwhanpẹ talala, bọ yè sọ pọ́n ẹn whén tó owhé otọ́ etọn tọn gbè hò osùn atọn: ²¹whenuena yè sọ tún in dlangbe, oviyọnnu Falo tọn mọ ẹn só, bo sọ pọ́n e go na ovi ede tọn. ²²Yè sọ plọn nuyọnẹn Egiptitọ tọn lẹpo Moṣe, ewọ sọ dohuhlọn to ohó po owalọ po mẹ ²³Whenuena é yín owhè kande mẹho, é wá ayiha etọn mẹ nado yì la mẹmẹsunnu etọn lẹ ovi Islaeli tọn lẹ pọ́n. ²⁴Whenuena é mọ dopo to yé mẹ to yaji, é yíwhè do e ji, é sọ yíahọsu mẹhe yè to yasahẹ tọn, bo sọ hu Egiptitọ lọ: ²⁵na e lẹn dọ mẹmẹsunnu etọn lẹ na yón le Jiwheyẹwhe gbọn alọ etọn mẹ to whlẹngan na yé do: ṣigba yé ma yọnẹn. ²⁶To azán awetọ gbè é do ede hia hlan yé le yé to avùnho, ewọ do sọ da yé, é dọmọ, Mẹho: emi, mẹmẹsunnu wẹ mì; etẹwutu wẹ mì to nugbigble wà do mìnọzo? ²⁷Ṣigba mẹhe wànugbigble do omẹ awẹtọ etọn, sisẹ ẹ sè, bó dọmọ, Mẹnu wẹ yí we do dogán kavi whẹdatọ do mí ji? ²⁸Hiẹ jlo na hù mi dile hiẹ hù Egiptitọ do to osọ? ²⁹Whenẹnu wẹ Moṣe hònyi na ohó he wutu, bo sọ yín wásinu to aigba Madiani tọn ji, ofì he é ji óvi awe te. ³⁰Whenuena owhè kande juyì, angẹli Oklunọ tọn de sọawúhia ẹ to zùngbo mẹ to osé Sinai tọn ji to ozòlọ mẹ to nukan mẹ. ³¹Whenuena Moṣe mọ ẹn, nupinpọn lọ jiawu to nukun etọn mẹ: whenuena é sẹpọ́ ẹ nado pọ́n ẹn tlintlin, ogbè Oklunọ tọn wá e de, ³²dọmọ, Yẹn wẹ Jiwheyẹwhe otọ́ tówe lẹ tọn, Jiwheyẹwhe Ablaham tọn, Jiwheyẹwhe Isaki tọn, Jiwheyẹwhe Jakobu tọn. Whenẹnu wẹ Moṣe siso, é ma sọ ha na pọ́n ẹn ba. ³³Oklunọ sọ dọ hlan ẹn, dọ, Dè afọpa towe sọn afọ towe: ne ofi he hiẹ site te aigba wiwe wẹ. ³⁴Yẹn ko mọ, yẹn ko mọ nukunbibia omẹ ṣie he tin to Egipti lẹ tọn, yẹn ko sè winwẹn yetọn, yẹn sọ jete wá nado whlẹn yé. Hiẹ wá dinvie, yẹn na do we hlan Ègipti. ³⁵Moṣe he yé gbé, dọ, Mẹnu wẹ yí we do dogán kavi whẹdatọ? ewọ dopolọ wẹ Jiwheyẹwhe dohlan nado yín ogán, mẹwhlẹntọ gbọn alọ angẹli lọ tọn mẹ he sọawúhia ẹ to nukan mẹ. ³⁶Ewọ wẹ hẹn yé jegbonu, to ehegodo é do nujawu po ohia po hia to aigba Egipti tọn ji, podọ to Ohù Vẹ me, podọ to zùngbo mẹ owhè kande. ³⁷Ehe wẹ Moṣe lọ he dọ hlan ovi Islaeli tọn lẹ, dọ, Oklunọ Jiwheyẹwhe mìtọn na zé yẹwhegán de tite hlan mì to mẹmẹsunnu mìtọn lẹ me di yen: etọn wẹ mì ni yise. ³⁸Ehe lo wẹ mẹhe tin to agùn mẹ to zùngbo me po angẹli he to hódọ hẹ ẹ po to osé Sinai tọn ji, podọ hẹ otọ́ mìtọn lẹ: mẹhe yí ohó ogbè tọn nado na mí: ³⁹mẹhe otú mìtọn lẹ ma jlo na yise, ṣigba yé sisẹ ẹ sọn yé de, bo sọ lé to ayiha yetọn mẹ hlan Egipti, ⁴⁰yé dọ hlan Aalọn, dọ, Basi vodun na mí ehe na hòali jenukọnna mí: na Moṣe he plan mí sọn aigba Egipti tọn ji tọn, mìwlẹ ma yọ́n onú he wà ẹ. ⁴¹Yé sọ kòn bosiọ oyìnvu tọn to azán nẹle mẹ, yé sánvọ́ hlan bosiọ lọ, bo sọ tò ayajẹ to azón alọ yeton mẹ tọn me. ⁴²Whenẹnu wẹ Jiwheyẹwhe lé, bo jó yé do nado to awhanpa olon tọn le sèn; dile yè wlan ẹn to owé yẹwhegán le tọn mẹ dọ, 4

⁵¹Mi tasinyẹntọ, ayiha magbowhẹnọ, whepoponu wẹ mi nọ glọnalihona Gbigbọ Wiwe; le otọ́ mìtọn lẹ wà do, mọwẹ mìwlẹ to wiwà do. ⁵²Mẹnu wẹ to yẹwhegán lẹ me he otọ mìtọn lẹ ma ko dohomekẹn? yé ko sọ hù mehe to wiwá Dódónọ nẹ tọn dọdai lẹ; mẹhe mìwlẹ yín mẹdohiatọ na, hlọnhutọ: ⁵³Mẹhe mọ osén yí gbọn lizọnyiyi angẹli lẹ tọn dali, bo ma yìn in ⁵⁴Whenuena yé sè onú helẹ, ayiha yetọn dalan jẹ homẹ, yé sọ duadukúnkún do e ji. ⁵⁵Ṣigba ewọ gó na Gbigbọ Wiwe, é zínnukun do aga do olọn mẹ, bo sọ mọ gigo Jiwheyẹwhe tọn, po Jesu po to ote to adusilọ Jiwheyẹwhe tọn mẹ. ⁵⁶E sọ dọmọ, Pọ́n, yẹn mọ olọn lẹ hùn, po Ovi gbẹtọ tọn po to ote to adusilọ Jiwheyẹwhe tọn me. ⁵⁷Ṣigba yé yí ogbè lélé de do dawhá, bo sú otọ́ yetọn, bo yí ayiha dopo do hozín do e ji, ⁵⁸yé dòn ẹn jẹ dokọgodo otodaho lo ton, bo dlẹn ozannu do e: kunnudetọ lẹ sọ yí avọ̀ yetọn bọdai to afo visunnu de ton go, he yè nọ ylọ Saulu. ⁵⁹Yé dlẹn ozannu do Stefani, é to Jiwheyẹwhe ylọ, bo to didọmọ, Jesu Oklunọ, yí gbigbọ ṣie. ⁶⁰E sọ jeklo, bo yí ogbè lélé de do dawhá dọ, Oklunọ, a lẹn ylando he do okó na yé blo. Whenuena é dọ ehe, é damlọn.

¹Saulu sọ doalọ to oku eton me Whenẹnu wẹ homẹkẹn daho de tin do agùn he tin to Jelusalẹm ji; yè sọ vúnvún yé omẹ pó pé Jude po Samalia po dali, adavo apọsteli lẹ kẹdẹ. ²Omẹ ayihawiwenọ lẹ sọ zé osiọ Stefani tọn yì diditẹn etọn, bo sọ basi avigbè daho do e ji. ³Ṣigba Saulu to agún hẹngble, é to whégbèwhègoè biọ, bo to sunnu po yọnnu po wle, bo to ye bé do ogànho me.

⁴Enẹwutu yé hẹ ye vúnvún pé to ofi popo yì, bo yẹwheho oho lo tọn do. ⁵Whenenu wẹ Filipi jẹte yì otòdaho Samalia ton mẹ, bo lá Klisti hlan yé ⁶Agùndaho lẹ sọ yí ayiha do tùntó ohó he Filipi to didọ go, yé to sisè, bo sọ to azón ohia ton he é to wiwà mọ ⁷Na gbigbọ mawe le yiygbè lelé do to awhado, bo tọn sọn omẹ susu he ji ye hé: le go: podo omẹ susu he awukuzòn wlé le, po osekuno lẹ po, yè hẹnazọ̀ngbọna yé. ⁸Ayajije daho sọ tin to otodaho lọ mẹ.

⁹Ṣigba dawe de tin to tòdaho lọ me he ye nọ ylọ Simọni, he ko nọ dowọnna Samaliatọ le dai, bo nọ dọ megangán de we emi: ¹⁰Mẹhe omẹ popo payi e go son omẹpevi jẹ omẹdahó, bo didọ, dọ, Dawe he we huhlọn Jiwheyẹwhe tọn ne he yè nọ ylo Daho. ¹¹Yé sọ nọ wleyẹyi nẹ, na whenu dindẹn wẹ é ko no dowọnna yé wutu. ¹²Ṣigba whenuena yé yí Filipi se he to yẹwheho onú he yín aholudu Jiwheyẹwhe ton dọ, po oyín Jesu Klisti tọn po, yè baptizi ye, sunnu po yọnnu po. ¹³Smiọm lọsu yise ga; whenuena ye baptizi i, é to hihodo Filipi, é to azón jawu po nujawu he yè to wiwà po pọ́n, é sọ yin awujinọ.

¹⁴Whenuena apọsteli he tin to Jelusalẹm le sè dọ Samaliatọ lẹ yí ohó Jiwheyẹwhe tọn se, yé do Pita po Johanu po hlan yé: ¹⁵yé mẹhe hodè na yé, whenuena yé jete wá, na yé nido mo Gbigbọ Wiwe yí: ¹⁶(Na kaka jẹ whenenu é ma ko je do medepope ji to yé mẹ gba; yè baptizi yé to oyín Jesu Oklunọ tọn me pòun wẹ.) ¹⁷Whenenu we yé dealo do ye ji yé sọ mọ Gbigbọ Wiwe yí. ¹⁸Whenuena Simọni mọ dọ gbon alọ do omẹ ji aposteli lẹ tọn mẹ wẹ yè gbọn do to Gbigbọ Wiwe namẹ, e dopagbe akue tọn na yé, ¹⁹dọmọ, Mì na asẹ he nkọ mi ga, dọ medepope he ji yen dealo do, nido mọ Gbigbọ Wiwe yí. ²⁰Ṣigba Pita dọ hlan ẹn, dọ, Akue towe ni và po hiẹ po, na hiẹ lẹn do ye nọ yí akue do hò nunina Jiwheyẹwhe ton wutu. ²¹Hie ma tindo otẹnmẹ kavi mimá to ohó he mẹ: na ayiha towe ma sọgoè to Jiwheyẹwhe nukọn gba. ²²Enẹwutu lẹnvọjọ na jijo ylankan towe he, bo sọ hodè hlan Jiwheyẹwhe, eyín eya yè sọgan jo linlẹn ayiha towe me tọn na we ²³Na yẹn pọ́n dọ hie tin to vive ovivé tọn mẹ, podọ to ogàn ylando ton me. ²⁴Whenẹnu we Simọni gblon bo dọmọ, Mì hodè hlan Okluno na mi, na depope to onú he mì dọ helẹ me wá oji e blo.

²⁵Podọ yewlẹ, whenuena yé ko dekunnu bo sọ dọyẹwheho ohó Oklunọ tọn tọn, yé lé gọyì Jelusalẹm, bo sọ dọyewheho wendagbe tọn to otò-pẹvìpẹvi Samaliatọ le tọn susu mẹ.

²⁶Angẹli Oklunọ tọn sọ dọ hlan Filipi, domo, Fon bo yì ohù wàji to aliho he sọn Jelusalẹm yì Gaza ji, ehe yín zùngbo me ²⁷Whenuena é sọ fọ́n, é yì; bo dayi e go, dawe Etiopiatọ de, ojọ asènọ daho to Kandakẹ ahọsi Etiopiatọ lẹ tọn glọ, mẹhe si adokunnú etọn lẹpo te, é wá nado hodè to Jelusalẹm. ²⁸Le é gò jei, bo sinai to kẹkẹ etọn mẹ, é to owé Esaia yẹwhegán tọn hia. ²⁹Whenẹnu wẹ Gbigbọ dọ hlan Filipi, dọ. Yì, bo kòn dewe dopọ po kekẹ he po. ³⁰Filipi sọ dowezun yì e de, bo sè, é to owé Esaia yẹwhegán tọn hia, é sọ kanbiọ ẹ dọ, Hiẹ tunwun onú he hiẹ to hihia? ³¹Ewọ sọ dọmọ, Nawẹ yẹn sọgan do, adavo mẹde deana mi? E sọ vè Filipi nado hẹji wá bo sinai po e po. ³²Ofi Owé wiwe he é to hihia lọ tọn wẹ ehe, 1

¹ṢIGBA Saulu gbé to gbigbọ adi po hùhù po tọn gbọ do nuplọntọ Oklunọ tọn lẹ ji, bo yì yẹwhenọ daho de, ²bo biọ owé to e de yì Damasku jẹ sinagọgu lẹ me dọ, eyín é mọ omẹ aliho he ji tọn de, eyín yé yín sunnu kavi yọnnu, na é ni hẹn yé bibla wá Jelúsalẹm. ³Le é to zọnlinji jei, é wá jọ bọ, é sepó Damasku; hinhọ́n de hon lédo e ajiji sọn olon mẹ: ⁴E sọ jai, bo sè ogbè de he to didọ hlan ẹn, dọ Saulu, Saulu, etẹwutu wẹ hiẹ to homẹkẹndo mi? ⁵Ewọ sọ dọmọ, Hiẹ mẹnu wẹ, Oklunọ? Oklunọ sọ dọmọ, Yẹn Jesu mẹhe hiẹ to homekẹndo wẹ: ⁶Ṣigba tite, bo yì otòdaho lo me, finẹ yè na dọ onú he hiẹ na Wà hlan we te. ⁷Mehe to zọnlinji po e po jei lẹ site sudúdú, yé to ogbè sè, ṣigba yé ma mọ omẹ de. ⁸Saulu sọ tite sọn aigba; whenuena yè hùn nukun etọn, é ma mọ ome de: ṣigba yé hẹn alọ nẹ, bo hen en wá Damasku. ⁹E nọ nukunnumamo azán atọ̀n, é ma dù, mọ é ma nù.

¹⁰Nuplọntọ dopo de tin tó Damasku, he ye nọ ylọ Anania; ewọ wẹ Oklunọ dọ na to numimọ me, dọmọ, Anania Ewọ sọ dọmọ, Pon, yẹn tin to ofì, Oklunọ. ¹¹Oklunọ sọ dọ hlan ẹn, dọmọ, Tite, bo yì alihogbó he yè nọ ylọ Jijló ji, bo kàn mede biọ to owhé Juda tọn gbè, he yè nọ ylọ Saulu, Talsutọ: na, pọ́n, é to dèho, ¹²Ewọ ko sọ mọ dawe de to numimọ mẹ, he yè nọ ylọ Ananiá, é biọ owhé gbè, bo dealọ do è ji, na é nido mọnú. ¹³Ṣigba Anania gblọn dọmọ, Oklunọ, yẹn ko sè linlin dawe he tọn to omẹ susu de, oylan susu he é wà do mẹwiwe tòwe lẹ to Jelusalẹm: ¹⁴Podọ ofile é tindo asẹ sọn ogán yẹwhenọ lẹ tọn de, nado bla mẹhe to oyín towe ylọ lẹ. ¹⁵Ṣigba Oklunọ dọ hlan ẹn, dọmọ, To yìyì na dewe: na núzinzán didè de wẹ ewọ yín hlan mi, nado hẹn oyín ṣie yì Kosi lẹ, po ahọlu lẹ po po ovi Islaeli tọn lẹ po nukọn: ¹⁶Na yen na dohia ẹ onú susu nẹmu ewọ na jiya na na oyín ṣie tọn wutu ¹⁷Anania sọ yì, bo biọ owhé lọ gbè; le é dealọ do é ji, é dọmo, Saulu mẹmẹsunnu, Okluno, yèdọ Jesu, he doawúhia we to aliho whenuena a ja, wẹ do mi hlan, na hìẹ nido mọnukunnu, na yè nido yí Gbigbo Wiwe do go we. ¹⁸To afọdoponẹji nude flẹ́ son nukun eton mẹ di ohọn: ewọ sọ mọnukunnu, é fon, yè sọ-baptizi i. ¹⁹E dùnú, agbasa eton ló. Saulu sọ nòhẹ nuplọntọ he tin to Damasku lẹ hò azán nemude. ²⁰To afọdoponẹji é dọyẹwheho Klisti tọn to sinagọgu lẹ mẹ, dọ, Ovi Jiwheyẹwhe tọn wẹ ewọ. ²¹Ṣigba awuji mẹhe to sisè e lẹ, yé sọ dọmọ, E ma yín dawe he we to yé he to oyín he: ylọ lẹ husúdo to Jelusalẹm, bo sọ wá ofi na ehe wutu, na é nido hẹn yé bibla yì ogán yẹwhenọ lẹ tọn de? ²²Ṣigba huhlọn Saulu tọn to e ji jẹ, é so doflu Ju he nọnọ̀ Damasku lẹ, bo sọ sọhia dọ èhe wẹ Klisti lọ.

²³Whenuena azán susu ko juwayì godo, Ju lẹ to ayihakan nado hù i: ²⁴Ṣigba owuviva yeton zùn yinyọnẹn hlan Saulu. Yé sọ to hònghoji hó to okle po ozán po nado hù i. ²⁵Nuplọntò etọn lẹ hẹn ẹn to; ozán mẹ, bo sọ zlọn ẹn dai gbọn odokọ ji to ọha mẹ.

²⁶Whenuena é: wá Jelusalẹm, é zé e pọ́n nado kòn ede dopọ hẹ nuplontọ lẹ: ṣigba yé omẹ pó to budi nẹ, ye ma yise dọ nuplontọ de wẹ ewọ gba. ²⁷Ṣigba Balnaba hẹn ẹn, bo plan en wá apọsteli lẹ de; bo sọ dọ le ẹwọ mọ Oklunọ to aliho do, podo le é dọhó hẹ ẹ do, podọ le é yí otugbigbo do dọyẹwheho to Damasku to oyín Jesu tọn mẹ do. ²⁸E sọ nò yé de bo to yìyì bo to gigò to Jelusalẹm. ²⁹E sọ yí otugbigbo do dọhó to oyín Jesu Oklunọ tọn me, bo sọ to nudòn hẹ Glẹki lẹ: ṣigba yé to zizé e pọ́n nado hù i. ³⁰Whenuena mẹmẹsunnu lẹ yọ́n ehe, yé hẹn ẹn jẹte yì Sesalea, bo sọ ẹ dohlan Talsu.

³¹Mowẹ agùn lẹ tindo jijọho lédo Judé, to Galili podọ to Samalia, bo yín lili: yé sọ to zọnlinzin to osi Okluno tọn mẹ, podọ to homẹmimiọn Gbigbọ Wiwe tọn mẹ, bo sọ to susu do e ji.

³²E sọ jọ, le Pita ju gbọn agbègbè lẹ ji jei, é jẹte yì mẹwiwe he tin to Lidda lẹ de ga. ³³Finẹ wẹ é mọ dawe de te, he yè nọ ylọ Enea, he ko mlọnai to adozan etọn ji owhè sinatòn, na ewọ to jijizòn jẹ ³⁴Pita sọ dọ hlan ẹn, dọ, Enea, Jesu Klisti hen we jẹgángán: tite, bo vó adózan towe basi E sọ tite to afọdoponeji ³⁵Mẹhe tin to Lidda po Saloni po lẹ mọ ẹn, bo sọ lẹ do Oklunọ de.

³⁶Nuplọntọ de sọ tin to Jọppa he yè nọ ylọ Tabita, ehe yè nọ ylọ gbọn tadena dali dọ Dolka: nawe he sù to azọ́n dagbe mẹ, podọ to azón nunamẹ tọn he é to bibasi mẹ. ³⁷E sọ wá jọ to azán nẹle mẹ, wẹ é jẹazòn, bo sọ kú: whenuena yé lẹ́awu nẹ, yé té ẹ do gbàngan de mẹ to aga. ³⁸Le Lidda sẹpọ Jọppa, nuplọntọ lẹ sisè dọ Pita tin to finẹ, do sunnusi awe hlan ẹn, nado vè ẹ dọ, é wanukundidọ nado wá yé de blo. ³⁹Pita sọ fọ́n, bo hodo yé yì. Whenuena é wa, yé hẹn en wá biọ gbàngan aga tọn lọ mẹ: asúsiọsi lẹpo sọ site to e de bo to avivi, bo sọ to awu po avọ̀ po he Dolka gbò whenuena é tin to ye de dohia ẹ. ⁴⁰Ṣigba Pita dè yé ome pó jẹgbonu, bo jẹklo, bo hodè; bo lé pànnukọn osiọ, bo dọmọ, Tabita, tite. E sọ hùn nukun etọn: whenuena é mọ Pita, é tite sinai: ⁴¹Ewọ sọ dlẹn alọ etọn hlan ẹn, bo zé e do ote, yiylọ mẹwiwe lẹ po asúsiọsi lẹ po, é dè e jegbonu to ogbè. ⁴²Yè sọ sè e lédo Jọppa; gbẹtọ susu sọ yí Oklunọ se. ⁴³E sọ wá jọ, bọ é nọ azán susu to Jọppa to Simọni dawe ayukannọ de de.

¹DAWE de tin to Sesalea he yè nọ ylọ Kọneliọsi, mẹkanwekowhangán awhanpa he yè nọ ylọ ogbé Itali tọn tọn. ²Gbẹtọ ayihawiwenọ, mẹhe dibusi Jiwheyẹwhe pó whégbètọ etọn lẹ po, mẹhe nọ na nunina lẹblanu tọn susu gbẹtọ lẹ, bo sọ nọ hodè hlan Jiwheyẹwhe to whepoponu. ³E mọ hézéhéze to númimọ mẹ to ojlẹ ogàn sinẹnetọ okle tọn mẹ, angẹli Jiwheyẹwhe tọn de wá e de, bo dọ hlan ẹn, dọ, Kọneliọsi. ⁴Whenuena é to pinpọ́n ẹn, avọ̀vò e, é sọ dọmọ, Oklunọ, etẹ wẹ? Ewọ sọ dọ hlan ẹn, dọmọ, Odè towe lẹ, po nunina towe lẹ po hẹji wá aga na oflin de to Jiwheyẹwhe nukọn. ⁵Do omẹ hlan Jọppa dinvie, bo hẹn Simọni wá, mẹhe oyíngọ etọn nọ yín Pita; ⁶E jẹ owhe Simọni ayukannọ de tọn gbè, he owhé etọn tin to ohùtó: ⁷Whenuena angẹli he dọhó hẹ Kọneíiọsi lọ ko jo e do yì, é ylọ devi sunnu awe owhé etọn gbè tọn, po awhanvipẹ ayihawiwenọ dopo po to yé he nọ site to e de to whepoponu lẹ mẹ; ⁸whenuena é ko dọ onu helẹ pó hlan yé, e do yé hlan Jọppa.

⁹To azán awetọ gbè, le yé to yìyì to zọnlin yetọn ji, bo to sisepọ otò lọ, Pita hé ozà ji jei dèho gbe to ojlẹ sidopotọ mẹ: ¹⁰huvẹ sọ to hùhù i talala, ewọ sọ jlo na dùnú: ṣigba le yé to awuwle, é jẹ númimọ mẹ, ¹¹bo mọ olọn hùn, núzinzán de sọ jẹte di avọ̀whe daho, he yè sìn sọn tónu ẹne le, yè sọ dòn ẹn wá aigba: ¹²ehe mẹ kanlin afọ ẹnẹnọ hunkọhunkọ aigba tọn lẹpo tin te, ogbé kanlin lẹ, po onú he nọ lìn gbọn aigba lẹ po, po ohẹ̀ oji aga tọn lẹ po. ¹³Ogbè de sọ dọ hlan ẹn, do, Pita, tite, to hùhù bo sọ to dùdù. ¹⁴Ṣigba Pita gblọn bo dọmọ, Oklunọ, é ma yín mọ gba; na yẹn ma dù onú he yín osù kavi mawe de gbède. ¹⁵Ogbè lọ sọ dọ hlan ẹn whlawetọ, dọ, Onú he Jiwheyẹwhe klọ́, hiẹ sọ ylọ osù ba blo. ¹⁶Yè sọ basi ehe whlatòn: yè sọ zé núzinzán lọ gò yì oji aga.

¹⁷Le é dabla do Pita to óhò etọn me, na onú he onúmimọ he é mọ he yín, pọ́n, dawe he yè dohlan sọn Kọneliọsi de lẹ wá, yé to owhe Simọni tọnkanbiọ, bo site to hòngboji, ¹⁸bo dawhá kanbiọ eyín Simọni he yè nọ ylọ Pita jẹ finẹ. ¹⁹Le Pita to númimọ lọ tọn lẹnpón, Gbigbọ dọ hlan ẹn, do, Dayi ego, sunnusi atọ̀n to dindin we. ²⁰Ṣigba fọ́n, bo jẹte, bo hodo yé yì, a hà nudepope blo: na yẹn wẹ do yé hlan. ²¹Pita sọ jẹte yì dawe he yè do dohlan en sọn Kọneliọsi de wá lẹ de; bo dọmọ, Pọ́n, yẹn wẹ mẹhe mì to dindin: etẹ wẹ onú he wutu mì wá? ²²Yé sọ dọmọ, Kọneliọsi, mẹkanwekowhangán, dawe dódónọ de, mẹhe dibusi Jiwheyẹwhe, bo sọ diyín dagbe to akọta Ju tọn lẹpo mẹ, wẹ yè hensèava sọn Jiwheyẹwhe de gbọn angeli wiwe dali, nado dowẹn hlan we, na hiẹ ni wá owhé etọn gbè nado sè ohó sọn de we. ²³Mọwẹ é ylọ yé biọ owhé gbè; bo dotẹnna yé. To azán awetọ gbè, Pita hodo yé yì, mẹmẹsunnu adade sọn Jọppa plan ẹn yì. ²⁴To azán atọ̀ntọ gbè yé biọ Sesalea. Kọneliọsi ko to nukundo yé, bo ko sọ ylọ hẹnnumẹ etọn lẹ, po họ́ntọn etọn lẹpo po plidopọ. ²⁵Le Pita to owhé gbè biọ, Kọneiiọsi yì pó e, bo jẹklo to afọ etọn go, bo litai nẹ̃. ²⁶Ṣigba Pita ze e tite, bo dọmọ, Tite, gbẹtọ wẹ yẹn ga ²⁷Le é to hódọ po e po, é biọ owhé gbè, e mọ gbẹtọ susu wá plidopọ. ²⁸E sọ do hlan yé, domo, Mìwlẹ yón le é ma gbọn aliho osen tọn na ye he yín Ju, nado zọnhe kavi nado wá ye he yín akọta devo de: ṣigba Jiwheyewùe ko sọhia mi dọ yẹn sọ ylọ omẹ de osu kavi mawé blo ²⁹Enẹwutu yen do wá mì de madònnu, dole ye dowẹn hlan mi do: be enẹwutu yẹn kanbiọ, etẹ wẹ onú he wutu mì dowẹn hlan mi? ³⁰Kọneliọsi sọ gblọn dọmọ, Azán ẹnẹ gbọn wẹ yẹn ko to nùbla kaka jẹ ojlẹ he mẹ; podọ to ojlẹ sinẹnẹtọ me yen to dèho to owhé ṣie gbè, dayi e go, dawe de site to nukọn ṣie to avọ̀ weweteté mẹ, ³¹bo dọmo, Kọneliọsi, yè sè odè towe yè sọ yi nunina towe to oflin mẹ to Jiwheyẹwhe nukọn. ³²Enẹwutu dowen hlan Jọppa, bo ylọ Simọni wá ofì, mẹhe oyíngo etọn nọ yín Pita: é je owhe Simọni ayukannọ de tọn gbè to ohùtó. ³³Afọdoponeji wẹ yẹn dowẹn hlan we; hiẹ sọ wàdagbe bọ hiẹ do wá. Enewutu mí omẹ pó tin to ofi to Jiwheyẹwhe nukọn dinvie nado sè onú he yè degbèna wẹ sọn Oklunọ de lẹpo. ³⁴Pita sọ kè onù etọn, bo domọ, Nugbo, yẹn pọ́n dọ Jiwheyẹwhe ma yín mẹnukuntahopọntọ gba: ³⁵ṣigba to akọta lẹpo mẹ, mẹhe dibu si i, bo wàzón dódo, wẹ yè kealoyi to e de. ³⁶Ohó he Jiwheyẹwhe doblan ovi Islaeli ton lẹ, he to yẹwheho wẹndagbe tọn dọ gbon Jesu Klisti dali: (ewọ wẹ Oklunọ onú popo tọn:) ³⁷Mìwlẹ yón ohó lọ, he yè ko dọyẹwheho etọn lédo Judé lẹpo, ehe yè sè do e go sọn Galili, to baptem he Johanu dọyẹwheho etọn godo; ³⁸le Jiwheyẹwhe kọn Gbigbo Wiwe po huhlọn no do Jesu Nazaleti tọn ji do: mẹhe to dindanpé nado wàdagbe, podọ nado hẹnazọ̀ngbọna omẹ he yè tọ yasahẹ sọn lẹgba si wá lẹ; na Jiwheyẹwhe tin po e po. ³⁹Mìwlẹ sọ wẹ kunnudetọ onú he e wà lẹpo tọn, to aigba Ju lẹ tọn ji, podọ to Jelusalẹm; mẹhe yé hù, bo sọ pla do atin go: ⁴⁰ewọ wẹ Jiwheyẹwhe zetite to azán atònto gbè, bo so do e hia gbangba; ⁴¹ẹ ma yín hlan gbẹtọ lẹpo gba, ṣigba hlan kunnudetọ he yè ko dè dai sọn Jiwheyẹwhe de lẹ, yèdọ hlan mìwlẹ, mẹhe dù bo sọ nù he ẹ to whenuena é tite sọn osiọ lẹ mẹ godo, ⁴²E sọ nasè mí nado dọyẹwheho hlan gbẹtọ lẹ, podọ nado dekunnu dọ, ewọ wẹ yè dè sọn Jiwheyẹwhe de do basi Whẹdatọ omẹgbe po osiọ po tọn. ⁴³Ewọ we yẹwhegán lẹpo dekunnu hlan dọ, medepope he yise to oyìn etọn mẹ, na mọ odesè ylando tọn yí.

⁴⁴Le Pita to onó nẹlẹ dọ, Gbigbọ Wiwe je do yé omẹ pó he to ohó lọ sè ji. ⁴⁵E sọ jiawu do omẹ owhẹgbo tọn lẹ, soha ome he hodo Pita wá lẹ tọn, na yè kọn nunina Gbigbọ Wiwe tọn do Kosi lẹ ji ga wutu. ⁴⁶Na yé sè yé yí ogbè devo do to hódọ, bo sọ to gigopana Jiwheyẹwhe. Whenẹnu wẹ Pita gblọn dọmọ, ⁴⁷Omẹ depope sọgan kó dọ yè ma na yí osìn do baptizi omẹ helẹ, he mọ Gbigbọ Wiwe yí kededi mìwlẹ? ⁴⁸E sọ dọ yè ni baptizi yé to oyín Oklunọ ton mẹ Whenenu wẹ yé vó ẹ nado dọ̀ngban ho azán sọhade.

¹APỌSTELI le po mẹmẹsunnu he tin to Judé lẹ po se dọ Kosi lẹ ko mọ ohó Jiwheyẹwhe tọn yí ga. ²Whenuena Pita heji wá Jelusalẹm, ome owhẹgbo tọn lẹ to wìwọhẹ è, ³Dọmọ, Hie yì magbowhènọ lẹ de, bo sọ dùnú hẹ yé. ⁴Ṣigba Pita vó ohó lọ dọ sọn dodó, bo sọ to e hlan yé gbọn kannukannu, dọmo, ⁵Yẹn tin to oto Jọppa tọn mẹ, bo to dẹho; to onúmimọ me yẹn mọ onúmimọ de, Nuzinzán de jẹte di avọwhẹ daho, he yè sìn sọn tónu ẹnẹ lẹ, é jẹte sọn olọn mẹ wá odò; e sọ wá kaka jẹ dẽ: ⁶Onú he go whenuena yẹn zínnukundo, yẹn lẹnpón, bo sọ mọ kanlin alo ẹnẹnọ aigba tọn lẹ, ogbé kanlin lẹ, onú he nọ lìn lẹ, po ohó oji aga tọn lẹ po. ⁷Yẹn sọ sè ogbè de to didọ hlan mì, do, Tite, Pita; to hùhù bo sọ to dùdù. ⁸Ṣigba yen dọmọ, Oklunọ, é ma yín mọ gba: na onú hẹ yín osù kavi mawé de ma ko biọ onù ṣie mẹ gbède. ⁹Ṣigba ogbè lọ sọ vọ̀ do hlan mi son olọn mẹ, dọmọ, Onú he Jiwheyẹwhe ko kló, hiẹ sọ ylọ osù blo. ¹⁰Yè sọ basi ehe whlatọn; yè sọ dòn popo lẹpo gò yì oji aga. ¹¹Bo pọ́n, to tẹndoponẹmẹ dawe atọ̀n ko pó owhé he gbè yẹn te, he yè dohlan mi sọn Sesalea. ¹²Gbigbọ sọ dọ hlan mi dọ yen ni hodo yé yì, podọ yẹn hà nudepope blo. Humọ mẹmẹsunnu sidọpo helẹ plan mi yi, mí sọ biọ owhé dawe lọ tọn gbè. ¹³E sọ la le e mọ angẹli de to owhé etọn gbè do na mí, he site bo dọmọ, Do ome hlan Jọppa, bo ylọ Simọni oyíngó mehetọn nọ yín Pita; ¹⁴mẹhe na dọ ohó lẹ hlan we, ehe dali hiẹ po owhégbètọ towe lepo po na I gbọn do gán. ¹⁵Le yẹn ṣẹ̀ hódọ, Gbigbọ Wiwe jẹte do yé ji, dile é jete do mí ji do to whéwhéwhenu. ¹⁶Whenenu wẹ yẹn flin ohó Oklunọ tọn, le é dọ, dọmọ, Johanu yí osin do baptizi nugbo; ṣigba yè na yí Gbigbọ Wiwe do baptizi mìwlẹ. ¹⁷Be eyín Jiwheyẹwhe na onunima he hunko yé ehe e na mí mehe yí Jesu Klisti Oklunọ se lẹ; mẹnu wẹ yẹn, bọ yẹn na do sọgan glọnalihona jiwheyẹwhe? ¹⁸Whenuena yé se onú hele, ye bò onù yetọn do, bo sọ pagigona Jiwheyẹwhe, dọmọ, Be Jiwheyẹwhe yí lẹnvojọ hlan ogbè, hlan Kosi le ga.

¹⁹Yé he vunvún pé na homeken he fon gbọn Stefani tọn dali lẹ zinzọnlin yì Fenike, po Kiplu po, po Antioku po dali, ye ma dọyewheho ohó lọ tọn hlan medevo gba, adavo hlan Ju lẹ kẹdẹ. ²⁰Ome dẹlẹ sọn yé mẹ, omẹ sọn Kiplu po Silene po, whenuena yé jẹ Antioku, ye mẹhe dọhó hlan Gleki lẹ, yé to yewheho Jesu Oklunọ ton dọ. ²¹Alọ Oklunọ tọn sọ tin po yé po soha ome susu tọn yise, bo sọ lé do Oklunọ de ²²Whenenu wẹ linlin onú hele tọn di jẹ otọ́ agùn he tin to Jelusalẹm tọn me: yé sọ do Balnaba hlan, do e ni yì kaka je Antioku. ²³Mẹhe, whenuena e jẹ finẹ, bo mọ ojọmiọn Jiwheyẹwhe ton, homẹ etọn hùn, é sọ yí ohó do jlahomedona yé omẹ pó, dọ, po awuwiwle to ayiha mẹ po wẹ yé ni yí dó sèbọ Oklunọ dogo. ²⁴Na omẹ dagbe wẹ ewọ, é sọ gó na Gbigbọ Wiwe po yise po: gbẹtọ susu wẹ ye sọ hia dogo Oklunọ. ²⁵Balnaba sọ tón yi Talsu, na nado din Saulu. ²⁶Whenuena é sọ mọ ẹn, é hẹn ẹn wá Antioku. E sọ wá jọ, dọ owhè dopo pete wẹ yé do to pipli hẹ agùn lọ, bo sọ plón omẹ susu. To Antioku whéwhe wẹ yè plọn nuplọnto lẹ ylọ dọ Klistiani te.

²⁷To azán nẹlẹ mẹ yẹwhegán le sọn Jelusalẹm jẹte wá Antioku. ²⁸Dopo to yé mẹ, he yè nọ ylọ Agabu sọ fọ́n site, bo sọ dohia gbọn Gbigbọ dali dọ, huvẹ daho de na tón lédo aihọn lẹpo: ehe sọ sè to Klaudiu Sesali whenu. ²⁹Nuplọntọ lẹ, omẹ dopodopo kẹdẹdile huhlọn etọn sọ, dogbèpọ nado do alọgo dohlan mẹmẹsunnu he nọnọ̀ Judé lẹ: ³⁰Ehe yé yí basi, bo sọ yí dohlan mẹho lẹ gbọn alọ Balnaba po Saulu po tọn me.

¹TO ojlẹ ne mẹ wẹ ahọlu Hẹlọdi dlẹn alọ etọn nado dinaklọn to ome delẹ nu to agùn lọ mẹ. ²E sọ yí ohi do hù Jakobu nọvisunnu Johanu ton. ³Whenuena é mọ dọ e vivi na Ju lọ, e jei nado wlé Pita ga. (Enẹlẹ wẹ azán akla madoton ton lẹ.) ⁴Whenuena é wlé e, e yí i do oganhọ me, bo yi i do alọ me na meẹnewhanpa awhanvipe lẹ tọn nado to hihó ẹ bo sọ to linlẹn na dè e tón wá gbeto le de to juwayì godo. ⁵Yè yí Pita whla do ogànhọ mẹ: ṣigba agùn to dèho hian Jiwheyẹwhe nẹ̃ magbọjẹ ⁶Whenuena Hẹlọdi do dè e jẹgbonu, to ozán dopone mẹ Pita to amlọndọ to awhanvipe awe ṣẹnṣẹn, to ogan awe mẹ: awhanvipe lẹ sọ tin to họngboji bo to oganhọ họ́. ⁷Bo dayi e go, angẹli Oklunọ tọn de site jlọ do e ji, hinhọ́n so họ́n to oganhọ mẹ: é linu Pita sọn adaja mẹ, bo ze e tite, bo dọmọ, Pọ́n site plaun. Ogàn etọn lẹ sọ dè konyinai sọn alọ etọn. ⁸Angeli lọ sọ do hlan ẹn, dọ, Blagbajẹ, bo sìn oyìnyìntọfọpa towe. E sọ basi mọ. E sọ dọ hlan ẹn, dọ, Yí avọ̀ towe yìnkò, bo to hihodo mi ⁹Ewọ sọ tọn, bo hodo e; é ma sọ yọnẹn dọ nugbo we onú he yè wà gbọn angẹli lọ dali gba: ṣigba é lẹn dọ onúmimọ de wẹ. ¹⁰Whenuena ye zè hihọten tintan po awetọ po go, yé jẹ ohòngbo ogàn tọn ji, ehe tón jẹ otò mẹ; bo sọ hùn ededenu hlan yé: whenuena yé jẹgbonu, yé gbọn aligbo dopo ji to yìyì; to afọdoponẹji angẹli lọ yì sọn e de. ¹¹Whenuena nukun Pita tọn wai, é dọmọ, Dinvie wẹ yẹn yọnẹn nugbo, dọ Oklunọ do angeli etọn hlan, bo sọ whlen mi sọn alọ Hẹlọdi tọn mẹ, podọ sọn tódido ome Ju lẹ tọn tọn lẹpo mẹ. ¹²Whenuena e sọ lẹn onú lọ pọn, éyì owhé Malia onọ Johanu tọn tọn gbè, he oyíngb etọn yín Malku; ofì he ome susu pli do, bo to dèho. ¹³Le Pita húhú hòngbo, oviyọnnu de he yè nọ ylọ Lode, wá kanbiọ. ¹⁴Whenuena é yón ogbè Pita tọn, é ma hùn ohòn na ayaje, ṣigba é họnwezun biọ owhe gbè, bo dọ, dọ, Pita site to hòngboji ¹⁵Yé sọ dọ hlan ẹn, dọ, Hiẹ to nulu Ṣigba, óto didọ janwẹ, do mọwẹ, Yé sọ dọmọ, Angẹli etọn wẹ ¹⁶Ṣigba Pita to hènhúhú jánwẹ: whenuena yé hùn ohòn, yé mọ ẹn, bo sọ yin awujinọ. ¹⁷Ṣigba é to alọ mì hlan yé nado nabọẹ, é dọ odò etọn lẹpo hlan yé le Oklunọ hẹn ẹn jẹgbonu sọn ogànhọ mẹ wá do. E sọ dọmọ, Mì dọ onú hele hlan Jakobu, podọ hlan mẹmẹsunnu lẹ E fonyì, bo sọ yì ofi devo. ¹⁸Whenuena é zùn afọnnu, jugblaju he tin to awhanvipẹ lẹ mẹ ma yin pevide, dọ, fie wẹ Pita te. ¹⁹Whenuena Helọdi din in pé, bo ma mọ ẹn, é dindona hihọtọ le, bo dọmọ, yè ni hù yé. E sọ jẹte sọn Judé yì Sesalea, bo sinai to ofinẹ.

²⁰Hẹlọdi sọ to homegble do omẹ Tile po Sidọni tọn lẹ po go susu: ṣigba yé yí ayiha dopo do wá e de, whenuena yé yí Blastu ojọ ahọlu tọn do jihọntọn, yé to whẹgbigbọ biọ; na otò ahọlu tọn mẹ we yè nọ hẹn núdùdù sọn wá na oto yetọn wutu. ²¹E sọ zùn azán ayidego tọn de gbè, Helọdi dasọ, bo sinai to ofìn ji, bo to hódọ hlan yé. ²²Gbetọ le sọ dabobo, dọmọ, Ogbè yẹwhe de tọn we, e ma yín gbẹtọ tọn gba. ²³To tendoponẹmẹ angẹli Oklunọ ton de linu in, na é ma na gigo Jiwheyẹwhe wutu: é jiwé, bo sọ kú.

²⁴Ṣigba ohó Jiwheyẹwhe tọn whinwhẹn, bo sọ to susu do e ji.

²⁵Balnaba po Saulu po sọ lẹgò wá Jelusalẹm, whenuena yé dotana devizón yetọn, yé hẹn Johanu wá po yé po, oyíngọ mẹhetọn nọ yín Malku.

¹YẸWHEGÁN po meplọntọ dẹ̃lẹ po tin to agùn he tin to Antioku mẹ: le Balnaba, po Simeọni he yè nọ ylọ Nigeli po, po Lukiu Silene tọn po, po Manaeni po, he yè plón dopọ po Hẹlọdi otògán po, po Saulu po ²Le yé to devizónwà hlan Oklunọ, bo to nùbla, Gbigbọ Wiwe dọmọ, Mì klan Balnaba po Saulu pò do olá na mi do azón he kòn yẹn ylọ yé do. ³Whenuena yé blanù, bo sọ hodó, yé zé alọ yetọn do yé ji, bo do yé hlan.

⁴Lè yè do yé hlan gbọn alọ Gbigbọ Wiwe tọn mẹ, mọwẹ yé jẹte yì Seleukia, sọn finẹ yé dohún yì Kiplu. ⁵Whenuena yé tin to Salami, yé dọyẹwheho ohó Jiwheyẹwhe tọn tọn to sinagọgu Ju lẹ tọn mẹ: bo sọ tindo Johanu na lizọ́nyítọ yetọn ga. ⁶Whenuena yé zé olopo lọ go jẹ Pafo, yé mọ owọntọ de, yẹwhegán lalonọ, Ju, he ye nọ ylọ Baljesu: ⁷Mẹhe ko tin to Sọlgiu Paulu otògán otò lọ tọn de, gbẹtọ zìnzìntọ de: mẹhe dowẹn yì ylọ Balnaba po Saulu po, bo jlo ohó Jiwheyẹwhe tọn nado sè ⁸Ṣigba Elima owọntọ lọ, (mọwẹ tadena oyín etọn tọn) é glọnalina yé, bo to dindin nado lé ayiha na otògán lọ sọn yise me. ⁹Ṣigba Saulu, (mẹhe yé no ylọ dọ Paulu) é gó na Gbigbọ Wiwe, é zínnukun do e go, ¹⁰Bo dọmọ, Hiẹ, ovi lẹgba tọn, kèntọ dódó lẹpo tọn, mẹhe gó na yẹwiwà lẹpo, podọ na oka lẹpo, hiẹ ma to na doalọtena ahònsọdona aliho jijlọ Jiwheyẹwhe tọn? ¹¹Be dinvie, pọ́n, alọ Oklunọ tọn tin to ogo we, hiẹ nasọ tọnnukun, mamọ owhè na whenu de. To tẹndoponẹmẹ avìvì po zinvlu po ṣinyọn ẹn; é sọ to yigòyigò yì do to omẹ din nado hẹn alọ go nẹ̃ yì. ¹²Whenẹnu otògán lọ, whenuena é mọ onú he yè wà, é yise, na awuji i do oplọ́n Oklunọ tọn go wutu.

¹³Dinvie Paulu po ogbé etọn lẹ po súnhún sọn Pafo, yé wá Pẹlga to Pamfilia: Johanu sọ jo yé do, bo gò yì Jelusalẹm. ¹⁴Ṣigba whenuena yé ton sọn Pẹlga, yé wá Antioku to Pisidia, bo sọ biọ sinagọgu mẹ to gbọjezángbè, bo sinai. ¹⁵To owé osén tọn po yẹwhegán lẹ tọn po hihia godo, ogán sinagọgu tọn lẹ do omẹ hlan yé, dọmọ, Mì mẹho, mẹmẹsunnu emi, eyín mì tindo ohó homẹjlado tọn depope na gbẹtọ lẹ, mì to didọ. ¹⁶Whenẹnu we Paulu fọ́n site, bo mìalọ hlan yé, bo dọmọ, Mì omẹ Islaeli tọn emi, po mì he dibusi Jiwheyẹwhe po emi, mì tùntóai. ¹⁷Jiwheyẹwhe omẹ Islaeli helẹ tọn, wẹ dè otọ́ mìtọn lẹ, bo sọ zé omẹ ewlẹ daga whenuena yé wáwási to aigba Egipti tọn ji, awà daho wẹ é yí do hẹn yé jẹgbonu sọn e mẹ. ¹⁸Nai ojlẹ owhè kande tọn wẹ é do zé yé hẹn di otọ́ vigopóntọ de to zùngbo mẹ. ¹⁹Whenuena é sukún akọta ṣinanwe tọn do to aigba Kanaani tọn ji, é má aigba yetọn hlan yé. ²⁰To godo enẹ tọn é na whẹdatọ yé hò ojlẹ owhè fòwe kandeao tọn kaka jẹ whenu Samueli yẹwhegán tọn. ²¹To enẹgodo wẹ yé biọ ahọlu de: Jiwheyẹwhe sọ na Saulu ovi Kisì tọn ye, dawede to whẹndo Bẹnjamini tọn mẹ, hò owhè kande ²²Whenuena é sọ dè e só, é zé Davidi dote hlan yé nado yín ahọlu yetọn: mẹhe é dekunnuna dọ, Yẹn ko mọ Davidi ovi Jese tọn, omẹ ayiha ṣie tọn, he na hẹn ojlo ṣie lẹpo sè. ²³Sọn okún dawe he tọn mẹ Jiwheyẹwhe ko hẹn Whlẹngantọ de wá Islaeli de kẹdẹdi opagbe tọn; ²⁴Whenuena Johanu dọyewheho baptẹm lẹnvọjọ tọn hlan omẹ Islaeli tọn lẹpo jẹnukọnna wiwá etọn. ²⁵Podọ le Johanu hẹn ali etọn jẹ pòdo, é dọmọ, Mẹnu wẹ mì lẹn dọ yẹn yín? Yẹn ma wẹ ewọ gba. Ṣigba mì dayi e go, omẹ de ja to godo ṣie, afọpa afọ mẹhetọn yẹn ma tin jẹ na tún. ²⁶Mẹho, mẹmẹsunnu emi, sọn ovi adò Ablaham tọn mẹ podọ omẹ depope to mì mẹ he dibusi Jiwheyẹwhe, mì wẹ yè do ohó whlẹngan he tọn hìlon ²⁷Na yé omẹ he nọnọ̀ Jelusalẹm lẹ, po ogán yetọn lẹ po, na yé ma yón ẹn wutu, podọ yé ma yọn ogbè yẹwhegán lẹ tọn he yè to hihia to gbọjẹzángbè gbọjẹzángbè wutu, yé hen yé sẹ to whẹgbigbledo e mẹ. ²⁸Podọ le yé ma tlẹ mọ nuhùmẹna de to e go, gãnṣo yé vẹ̀ Pilati nado hù ì. ²⁹Whenuena yé ko hẹn onú he yè wlan na etọn wutu lẹpo sẹ, yé ze e jẹte sọn satin go, bo tó ẹ do oyọwhé de mẹ. ³⁰Ṣigba Jiwheyẹwhe zé e tite sọn osiọ lẹ mẹ. ³¹Yè sọ mọ ẹn hó azán susu to yé he jẹte sọn Galili wá Jelusalẹm lẹ mẹ de, yé he yín kunnudetọ etọn hlan gbẹtọ lẹ. ³²Mìwlẹ sọ to owen dagbe ayajẹ tọn do mì, opagbe yè do hlan otọ mìtọn lẹ. ³³Le Jiwheyẹwhe ko hẹn ẹn sẹ hlan ovi mìtọn lẹ do, whenuena é ze Jesu tite; dile yè kàn ẹn do to Psalm awetọ mẹ ga, dọ, Hiẹ wẹ Ovi ṣie, egbé wẹ yẹn dè we tón. ³⁴Podọ le é ze e tite sọn osiọ lẹ mẹ tọn dali, mẹhe ma to nasọ gò do gbigble mẹ ba, é dọ dole, dọmọ, Yẹn na na dagbe Davidi tọn he diun mì. ³⁵Enẹwutu é sọ dọ to Psalm devo mẹ ga, dọ Hiẹ ma na dikena Mẹwiwe towe ni mọ ogble. ³⁶Na ehegodo Davidi ko sèn whẹndo etọn titi gbọn ojlo Jiwheyẹwhe tọn dali, é damlọn, yè té ẹ do otọ́ etọn lẹ ji, é sọ mọ ogble: ³⁷ṣigba ewọ, mẹhe Jiwheyẹwhe zetite, ma mọ ogble gba. ³⁸Na enẹwutu ehe ni yín yinyọnẹn hlan mì, mẹho, mẹmẹsunnu emi, dọ gbọn dawe he dali wẹ yè to yẹwheho jona ylando tọn tọn dọ hlan mì te: ³⁹podọ yè sùwhẹna omẹ he yise gbọn dali etọn lẹpo to onú popo mẹ, sọn ehe mẹ yè ma sọgan sùwhẹna mì gbọn osén Moṣe tọn dali te. ⁴⁰Enẹwutu mì payi mìde go, na enẹ nikã jọ do mì go, he yè dọhó etọn to owe yẹwhegán lẹ tọn mẹ; ⁴¹Pọ́n, mì mẹvlẹtọ, awu ni ji mì, na mì ni và: Na yẹn wàzón to azán mìtọn mẹ, Azón he mì ma na yise gbọn alọ depope mẹ, eyín gbẹtọ tlẹ dọ odò etọn hlan mì.

⁴²Whenuena Ju lẹ tón yì sọn sinagọgu mẹ, Kosi le vèvè dọ yè ni sọ vó yẹwheho ohó helẹ tọn dọ hlan yé to gbọjẹzán awetọ gbè. ⁴³Whenuena agùn kija, susu Ju le tọn, susu to hùnzọntọ ayihawiwenọ lẹ mẹ hodo Paulu po Bal naba po yì: mẹhe doho hlan ye, bo sọ diọayihana yé nado nọte to ojọmiọn Jiwheyẹwhe tọn mẹ.

⁴⁴To gbojezán awetọ gbè, otò lepo wẹ bla plidopọ nado sè ohú Jiwheyẹwhe tọn. ⁴⁵Ṣigba whenuena Ju le mọ agùndaho lẹ lọ, homẹ yetọn go na adi, ye sọ to hódọ do onú he yè dọ sọn onù Paulu tọn mẹ nẹlẹ go, yé to hówhlen hẹ ẹ, bo sọ to nùzan. ⁴⁶Whenenu wẹ Paulu po Balnaba po dọhó madibu, bo dọmo, E jẹ dọ yè ni dọ ohó Jiwheyẹwhe tọn hlan mì whé: ṣigba le mìwlẹ ko sisẹ ẹ sè son mì de, bo sò dawhèna mìde dọ mì ma jẹ na ogbè madopodo gba, mì pọ́n, mìwlẹ diọkọ do Kosi lẹ de. ⁴⁷Na mọwẹ Oklunọ ko dọ hlan mí, dọ, Yẹn ko zé we dote nado yín hinhọ́n Kosi lẹ tọn, Na hiẹ nido tin na whlẹngan kaka jẹ opòdo aigba tọn. ⁴⁸Whenuena Kosi lẹ sè ehe, yé jaya, bo sọ pagigona ohó Oklunọ tọn: omẹ sọha he yè dèdo ogbè madopodo mẹ lẹ yise. ⁴⁹Yè sọ hlun oho Oklunọ tọn pé agbègbè lẹpo ji; ⁵⁰Ṣigba Ju lẹ do yọnnu ayihawiwenọ yeyinọ lẹ, po mẹho otodaho lọ mẹ tọn lẹpo po, yé sọ da homẹkẹn dai do Paulu po Balnaba po ji, bo sọ fọ́n yé sọn agbègbè yetọn lẹ ji. ⁵¹Ṣigba yé hunhún kọgudu afọ yetọn go tọn do yé ji, bo sọ yì Ikpnioni. ⁵²Nuplọntọ lẹ sọ gó na ayajẹ po Gbigbọ Wiwe po.

¹E SỌ wá jọ to Ikonioni, yé omẹ awe le zònpọ yì sinagọgu Ju lẹ tọn me, yé sọ dọhó sọmọ, bọ agùndaho Ju lẹ po Gleki lẹ po tọn yise ga. ²Ṣigba Ju mayisenọ lẹ fọ́nadan Kosi lẹ, bo sọ hẹn họmẹ yetọn gble do mẹmẹsunnu ewle go. ³Whenu susu wẹ yé nò finẹ hò, bo do to hódọ to Oklunọ mẹ madibu, mẹhe to kunnudena ohó ojọmiọn etọn tọn, bo sọ to azón ohia tọn po azón jawu po wa gbọn alọ yetọn mẹ ⁴Ṣigba agùndaho otodaho lọ mẹ tọn lẹ madawe: adade kọndopọ hẹ Ju lẹ, adade sọ kọndopọ hẹ apọsteli lẹ. ⁵Le Kosi lẹ, po Ju lẹ po, po ogán yetọn lẹ po hozinjẹ yé ji nado wàdanu do yé, podọ bo na sọ do dlanzannu do yé, ⁶yé yọnen, bo sọ hòn yì Listla po Delbe po, otòdaho Lukaonia tọn lẹ, podo yì lẹ̀nu he lédo mẹ: ⁷finẹ wẹ yé sọ dọyẹwheho wẹndagbe tọn te.

⁸Dawe he afọ etọn kusẹ de, mẹhe kusẹ sọn ohò onọ eton tọn mẹ, bo ma zinzọnlin gbède, sinai to Listla: ⁹dopolọ wẹ sè Paulu to hódọ: é zínnukun do e go, bo mọ dọ é tindo yise na yè nido hẹnazòngbọ nè, ¹⁰é yí ogbè lélé do dọ hlan en, dọ, Fónsite gli to afọ towe ji E sọ lon bo zinzọnlin. ¹¹Whenuena gbẹtọ lẹ mọ onú he Paulu wà, yé zé ogbè yetọn daga bo to dido to ogbè Lukaonia tọn mẹ, dọ, Yẹwhe lẹ wá mì de to apajlẹ gbẹtọ tọn mẹ. ¹²Yé ylọ Balnaba dọ Jupiteli; bo ylọ Paulu dọ Melkuliu, na ewọ wẹ ogán hódidọ tọn wutu. ¹³Whenẹnu wẹ yẹwhenọ Jupiteli tọn tẹmpli mẹhetọn tin to nukọn otòdano tọn, hẹn oyín po azàn po wá hòngboji, ewo sọ jlo na sánvọ́ po gbẹtọ lẹ po. ¹⁴Whenuena apọsteli lẹ, Balnaba po Paulu po sè, yé dòn avọ̀ yetọn tlẹn, bo họnwezun biọ gbẹtọ le ṣẹnṣẹn, bo to awhádo, ¹⁵yé to didọmọ, Meho emi, etewutu we mì to onu helẹ wà? Gbẹtọ jijọ doponenọ di mìwlẹ wẹ mìwlẹ, bo sọ to yẹwheho wẹndagbe tọn dọ hlan mì, na mì nido lé sọn onú vó hele mẹ do Jiwheyẹwhe ogbènọ de, he da olọn po wẹkẹ po, ohù po onú he tin to yé mẹ lẹ po: ¹⁶mẹhe gbosọn akọta lẹpo go to hóhó whenu nado to zọnlinzin to aliho yede tọn ji. ¹⁷Ṣigba é ma jo ede dai matindo okunnu, na é to dagbe wà, bo to jikun na mí sọn olọn mẹ, po whenu sinsẹ́n susugege tọn po, é sọ to núdùdù po ayajẹ po yí do to hogó na mí ¹⁸Pẹvide wẹ pò bọ yé ma na do sọgan yí ohó hele do hen gbẹtọ lẹ dote ma nado sánvọ́ do sèn yé.

¹⁹Ju delẹ sọn Antioku po Ikonioni po wá, mẹhe diọayihana gbẹtọ lẹ, whenuena yé dlanzannu do Paulu, yé dòn ẹn tón sọn otòdaho lọ mẹ, bo lẹn dọ é ko kú. ²⁰Ṣigba whenuena nuplọntọ lẹ site lẹdo e, é fọ́nsite, bo sọ wá otodaho lọ mẹ: to azán awetọ gbè, é hodo Balnaba yì Delbe. ²¹Whenuena yé doyẹwheho hlan otòdaho lọ, bo ko sọ plọn omẹ susu, yé sọ legò wá Listla, Ikonioni po Antioku po, ²²yé to tudohomẹna nuplọntọ lẹ, bo sọ yí ohó do jlahomẹdona yé nado nọte to yise lọ mẹ, podọ mi ma sọgan nọ ma gbọn nukunbia susu mẹ biọ ahọludu Jiwheyẹwhe tọn mẹ gba. ²³Whenuena yé dè meho do agùn dopodopo ji, bo sọ yí nùbibla do hodè, yé yí yé do alọ Oklunọ tọn mẹ, omẹ he yé yise. ²⁴Whenuena yé gbọn Pisìdia ṣẹnṣẹn luntón, yé wá Pamfilia. ²⁵Whenuena yé ko dọyẹwheho ohó lọ tọn to Pẹlga, yé jẹte yì Atalia: ²⁶finẹ yé súnhún sọn yì Antioku, sọn ofi he gbọn yè ko yí yé do alọ ojọmiọn Jiwheyẹwhe tọn mẹ te na azón he yé wà dotana. ²⁷Whenuena yé gò, bo ylọ agùn plidopọ, yé dọhó onú he Jiwheyẹwhe po yé po wà lẹpo tọn, podọ le é hùn ohòn yise tọn hlan Kosi lẹ do. ²⁸Finẹ wẹ yé sọ nò nuplọntọ lẹ de hó azán susu.

¹DAWE delẹ jẹte sọn Judé wá, bo to mẹmẹsunnu lẹ plón dọ, Adavo yè gbowhẹna mì kededi osén Moṣe tọn, yè ma sọgan whlen mi gán gba. ²Enewutu whenuena kinklan po nudindọn po he Balnaba po Paulu po tindo hẹ yé ma yín pẹvi, yé magbè nado do Paulu po Balnaba po, po omẹ delẹ po to yé mẹ hlan apọsteli po mẹho lẹ po de to Jelusalẹm, na nukanbiọ he. ³Whenuena yè ko deafọ yetọn do aliho ji gbọn agùn lọ de, yé dá gbọn Fenike po Samalia po ṣẹnṣẹn, bo to didiọ Kosi lẹ tọn dọ: bo sọ hen aya daho wá na mẹmẹsunnu lẹ. ⁴Whenuena yé wá Jelusalẹm, mẹkẹalọyi wẹ yé yín to agùn lọ de, apọsteli lẹ, po mẹho lẹ po, yé sọ dọhó onú he Jiwhe yẹwhe po yé po wà lẹpo tọn. ⁵Ṣigba ome he yise to awà Falesi lẹ tọn ji delẹ fọ́nsite, bo to didọmọ Nuwiwa wẹ nado gbowhẹna yé, podọ nado nasẹ yé nado to osén Moṣe tọn yìn.

⁶Apọsteli lẹ po mẹho lẹ po plidopọ nado lẹn ohó he pon. ⁷Whenuena nudindọn zùn susu, Pita fọ́nsite, bo dọ hlan ye, dọmọ, Mì mẹho, mẹmẹsunnu emi, mìwlẹ yọnẹn to whenu dinden do godo, le Jiwheyẹwhe dè to mí me do na Kosi lẹ nido sè ohò wẹndagbe tọn sọn onù ṣie mẹ, bo sọ yise. ⁸Podọ Jiwheyẹwhe he yón ayiha, to kunnudena yé, bo sọ to Gbigbọ Wiwe na yé, kẹdẹdile é wà hlan mí do; ⁹é ma sọ yí vògbingbọn de do ṣẹnṣẹn mí po yé po tọn gba, é to yise yí do to ayiha kló na yé ¹⁰Be dinvie enẹwutu etẹwutu wẹ mì to Jiwheyẹwhe whlepọ́n, nado yí zègó do okò na nuplọntọ lẹ, ehe otọ́ mítọn lẹ kavi mìlọsu ma sọgan hẹn? ¹¹Ṣigba mìwlẹ yise do gbọn ojọmiọn Jesu Klisti Oklunọ tọn dali, yè na whlẹn mí gán kẹdedi yewlẹ.

¹²Whenẹnu wẹ agùndaho lẹpo nabọe, bo sọ tùntóai hlan Balnaba po Paulu po, he to ohó azonsawu po nujawu he Jiwheyẹwhe wà gbọn yé dali tọn po dọ. ¹³Ehẹgodo yé nabọẹ, Jakobu gblọn, bo dọmọ, Mẹho, mẹmẹsunnu emi, mì tùntóai hlan mi: ¹⁴Simeọni ko dọ le Jiwheyẹwhe to whéwhéwhenu dla Kosi lẹ pọ́n do, nado dè gbẹtọ to yé mẹ na oyín etọn. ¹⁵Podọ ehe wẹ ohó yẹwhegán lẹ tọn sọgbè hẹ, dile yè wlan ẹn dọ, 1 ¹⁶To ehegodo yen na lé, Bo nasọ vọ gohò Davidi tọn he yè ko họlìai pẹn; Yẹn na vó adóto etọn dó, Yẹn nasọ vó ẹ zé dote; ¹⁷Na pipòtọ gbẹtọ lẹ tọn nido to Oklunọ din, Po Kosi lẹpo po, mẹhe go yè to oyín ṣie ylo do, ¹⁸Wẹ Oklunọ dọ, mẹhe wà onú he yín yinyọnen helẹ pó. ¹⁹Enẹwutu whẹ̀dida ṣie we, dọ mí dotukla yé hé lé to Kosi lẹ mẹ do Jiwheyẹwhe de blo: ²⁰ṣigba dọ mí ni wlanwe hlan yé, dọ yé ni jagò sọn diho bosiọ lẹ tọn kòn, sọn ogàlilọ kòn, sọn onú slokona kòn, podọ sọn ohùn kòn. ²¹Na Moṣe hóhó whenu gbọn tindo omẹ he to yẹwheho etọn dọ lẹ to otòdaho dopodopo mẹ, yè nọ to hihia ẹ to sinagọgu mẹ to gbọjẹzángbè gbọjẹzángbè.

²²Whenẹnu wẹ é sọawúhia dagbe hlan apọsteli lẹ, po mẹho lẹpo po, po agùn lepo po, nado dè sunnusi to yé mẹ hlan Antioku he Paulu po Balnaba po; Juda he yè nọ ylọ oyíngó etọn dọ Balsaba, po Sila pó, mẹhe diyín lẹ to mẹmẹsunnu lẹ mẹ: ²³ye wlanwe he nkọ gbọn alọ yetọn mẹ dọ; Apọsteli lẹ, po mẹho lẹ po, po mẹmẹsunnu mẹho lẹ po, dọnúdo mẹmẹsunnu Kosi lẹ mẹ tọn hlan, he tin to Antioku, to Silia, podọ to Silìsia: ²⁴Sọle he mí sè dọ, omẹ he tón yì sọn mí de delẹ to ohó yí do to homẹhẹngblena mì, bo to ayiha mìtọn hẹn sọkọdò, dọmọ, Mì ma sogan nọ ma gbowhẹ, bo sọ yìn osén Moṣe tọn: mẹhe mìwlẹ ma yí osén mọtọnnkọ de do alọ mẹ na: ²⁵E yón to nukun mìtọn me, whenuena mí yí ayiha dopo do plidopọ, nado do sunnusi he diyín hlan mì hẹ Balnaba po Paulu po, mẹvivẹ mítọn lẹ, ²⁶yé omẹ he yí ogbe yetọn do owu mẹ na oyín Jesu Klisti Oklunọ mìtọn ton wutu. ²⁷Enẹwutu mí do Juda po Sila po hlan, mẹhe na yí ohó onù mẹ tọn do dọ onu doponẹ hlan mi. ²⁸Na é sọ yon to nukun Gbigbọ Wiwe tọn mẹ, podọ to nukun mí tọn mẹ ga, ma na do doagbàn he klohugan do mì ji, hú onú he yè ma sọgan nọma wà helẹ; ²⁹dọ mì ni jagò sọn olàn he yè do sánvọ́ hlan bosiọ kòn, podọ sọn ohùn kòn, sọn nuslokọnahu kòn, podọ sọn ogàlilọ kòn; sọn ehe kòn eyín mì whlá mìde, mì na wà dagbe Mì nọ blèo. ³⁰Whenuena yè kija yé, yé wá Antio ku: whenuena yé ylọ gbẹto lẹ plidopọ, yé yí owé lọ na yé: ³¹whenuena yé hia ẹ, yé jaya na ohomẹmion lọ. ³²Le Juda po Sila po yín yẹwhegán na yéde ga, yé yí ohó do jlahomẹdona mẹmẹsunnu lẹ, bo sọ dotuhomẹna yé. ³³Whenuena yé nò finẹ dẹn vude, yè jo yé nado yì sọn mẹmẹsunnu lẹ de jijọho wá apọsteli le de. ³⁴Ṣigba é jlo Sila nado nò finẹ vude do gó. ³⁵Paulu ga, po Balnaba po nọte to Antioku, yé to mẹplón bo sọ to yẹwheho ohó Oklunọ tọn dọ, yé po omẹ susu devo lẹ po ga. ³⁶To azán vude godo Paulu dọ hlan Balnaba, dọmọ, Gbọ mí ni lẹ́gọ̀ dinvie bo sọ dla mẹmẹsunnu mìtọn lẹ pọ́n to otòdaho dopodopo mẹ, to ofì he mí ko dọ yẹwheho ohó Oklunọ tọn te, bo pọ́n le yé to wiwà do. ³⁷Balnaba sọ magbè nado hẹn Johanu yì po yé po, mẹhe oyíngó etọn yín Malku. ³⁸Ṣigba Paulu lẹn mayón etọn nado hẹn ẹn yì po yé po, mẹhe yì sọn yé de sọn Pamfilia, bo ma yì azón lọ kòn po yé po. ³⁹Wiwọ lọ susọmọ to yé ṣẹnṣẹn, bọ yé vùn dawe, omẹ de sọn omẹ de go: Balnaba yí Malku hẹn bo súnhún wá Kiplu; ⁴⁰Paulu sọ dè Sila, bo yì, le yè gbọn alọ mẹmẹsunnu lẹ tọn mẹ jo e hlan ojomiọn Jiwheyẹwhe tọn. ⁴¹E sọ dán gbọn Silia po Sihsia po, bo sọ to tudohomẹna agùn lẹ.

¹WHENẸNU wẹ é wá Delbe po Listla po: bo dayi e go, nuplọntọ de tin to finẹ, bọ yè nọ ylọ dọ Timoti, ovi nawe he yin Ju de tọn, he yise; ṣigba Gleki wẹ otọ etọn: ²mẹhe mẹmẹsunnu he tin to Listla po Ikonioni po lẹ to dagbe etọn dọ. ³Ewọ wẹ Paulu jlo nado yí hẹn yì po e po; é sọ yí i bo gbowhẹ nẹ̃ na Ju he tin to finẹ dali lẹ tọn wutu: na yé omẹ pó wẹ yọnẹn dọ Gleki wẹ otọ́ eton ⁴Le yé to dindan gbọn otòdaho le mẹ, yé yí aṣe lọ na yé nado to yìnyìn, he yè ko doai sọn apọsteli lẹ po meho he tin to Jelusalẹm lẹ po de. ⁵Mọwẹ yè to agùn lẹ hẹn li to yise mẹ, bo sọ to hinhẹnsu do e ji egbésọegbésọ.

⁶Whenuena yé dán gbọn Fligia lẹpo, po awà Galatia tọn lẹpo po ji, bọ yè kó na yé sọn Gbigbọ Wiwe de nado dọyẹwheho ohó lọ tọn to Asia, ⁷whenuena yé wá Misia, yé zé e pọ́n nado yì Bitinia: ṣigba Gbigbọ ma dikena yé gba. ⁸Yé sọ gbọn Misia jẹte wá Tloa ⁹Númimọ de sọ tón do Paulu ji to ozán mẹ; Dawe Makedoniatọ de ṣite, bo to vivé adọ̀, Juwá Makedonia, bo gọalọna mí. ¹⁰Whenuena é ko mọ númimọ he, afọdoponẹji mí wleawu nado yì Makedonia, mí lẹn ẹn pọ́n dọ Oklunọ wẹ ylọ mí na nado dọyẹwheho wẹndagbe tọn hlan yé.

¹¹Enẹwutu whenuena mí súnhún sọn Tloa, mí gbọn aliho jijlọ ji wá Samotlaki, to azán awetọ gbè mí jọ Neapoli. ¹²Podọ sọn finẹ jẹ Filippi, he yín otòdaho Makedonia tọn de, tintan ahọlutò lọ tọn, tòyíyí Lomu tọn de: mí sọ tin to tòdaho he mẹ hò azán sọha de. ¹³To gbọjẹzángbè mí tón yì sọn otòdaho lọ mẹ gbọn otò de tó, ofi he yè nọ hodó te; mí sọ sinai bo dọhó hlan yọnnusi he wá finẹ lẹ. ¹⁴Nawe de he oyín etọn nọ yín Lidia, ogefunwunmẹ satọ, sọn otòdaho Tiatila tọn mẹ, mẹhe to Jiwheyẹwhe sèn, sè ohó mìtọn: ayiha mẹhetọn Oklunọ hùn, nado joawu hlan onú he yè todidọ sọn onù Paulu tọn mẹ. ¹⁵Whenuena yè baptizi i po whédo etọn po, é ve mí dọmọ, Eyín mì yón mi yín nugbonọ hlan Oklunọ, mì bo wá owhe ṣie gbè, na mì ni nọnọ̀ finẹ. E sọ ve mí.

¹⁶E sọ wá jọ, le mí jei ode ji, oviyọnnu he tindo gbigbọ odọse tọn de pó mi, mẹhe nọ yí odọse do hẹn ale susu wá na klunọ etọn lẹ: ¹⁷ewọ lọ wẹ hodo Paulu, po mìwlẹ po, é to awhádo dọmọ, Omẹ helẹ wẹ mẹmẹglọ Jiwheyẹwhe Gigogan tọn, he to aliho whlẹngan tọn dè dohia hlan mì ¹⁸Ewọ sọ wà ehe hò azán susu. Ṣigba homẹ Paulu tọn gble, é sọ lé bo dọ hlan gbigbọ lọ, dọmọ, Yẹn dègbèdo we to oyín Jesu Klisti tọn mẹ nado tọn sọn e go. E sọ tón to ojlẹ doponẹ mẹ.

¹⁹Whenuena klunọ etọn lẹ mọ dọ tódido ale yetọn tọn yì, yé wlé Paulu po Sila po, bo dòn yé yì ogán lẹ de to ahi me, ²⁰bo hẹn yé wá otogán lẹ de, bo dọmọ, Dawe helẹ, he yín Ju to tuklado otodaho mìtọn gbahugbahu, ²¹bo sọ to owalọ he ma biọ osén mẹ na mí mẹhe yín Lomunu lẹ, nado yí Kavi nado do ayi e go. ²²Agùndaho lọ sọ fọ́n do yé ji; otògán lẹ sọ hẹn avọ̀ yetọn tlẹn, bo degbè nado yí opò do linu yé. ²³Whenuena yé ko hò obá susu yé, yé zé yé dlẹn ogánhọ mẹ, bo nasó gankọnnọtọ nado whlá yé dagbedagbe. ²⁴Whenuena ewọ sè ohógbè mọtọn hunkọ, é sisó yé do ogànhọ ṣẹnṣẹn tọn mẹ, bo sọ yí afọ yetọn ján do osopò mẹ ²⁵To ozánhomẹ, Paulu po Sila po hodè, bo sọ jihan pipa tọn hlan Jiwheyẹwhe: ogàntọ lẹ sọ sè ogbè yetọn. ²⁶Ajiji aigba whinwhan daho de tin, sọmọ bọ kódòdo ogànhọ tọn whàn gigi: tẹndoponẹmẹ ohòn lepo hùn, ogàn omẹ dopodopo tọn sọ dè kọnyinai. ²⁷Whenuena gankọnnọtọ fọ́n sọn amlọn mẹ bo mọ ohòn ogànhọ tọn lẹ to nuvo, é dòn ohi etọn sún, ewọ do ko hù ede, na é lẹn dọ ogàntọ lẹ ko wò yì. ²⁸Ṣigba Paulu yi ogbè lélé do dawhá dọ, a gbleawuna dewe blo: na mí omẹ pó tin to ofi. ²⁹Whenẹnu wẹ é biọ miọngban, bo lón biọ ohò mẹ, bo to sisọsiso, bo ṣinyọnai to Paulu po Sila po nukọn, ³⁰é hẹn yé jẹgbonu wá, bo dọmọ, Mẹho emi, etẹ wẹ yẹn do wà nado yín whinwhlengan? ³¹Yé sọ dọmọ, Yí Jesu Klisti Oklunọ se, yè nasọ whlẹn we po whédo towe po. ³²Yé sọ dọ ohó Oklunọ tọn hlan ẹn, po hlan omẹ he tin to owhe etọn gbè lẹpo po. ³³E sọ bó yé to ojlẹ doponẹ mẹ to ozán mẹ, bo kló bápa yetọn; yè sọ baptizi i po omẹ etọn lẹpo po to tẹndoponẹmẹ. ³⁴Whenuena é hẹn yé wá owhe etọn gbè, é zé núdùdù do yé nukọn, é to ayajẹ, bo sọ yí Jiwheyẹwhe se po whédo etọn lẹpo po.

³⁵Whenuena ai hón, otògán lẹ do pònọgán lẹ hlan nado dọ, dọmọ, Gbọ dawe nẹlẹ ni yì; ³⁶Gankọnnọtọ do owẹn he Paulu, dọmọ, Otògán lẹ ko dowen hlan nado gbọ mì ni yì: be dinvie enẹwutu mì tọn, bo yì jijọho. ³⁷Ṣigba Paulu dọ hlan yé, dọmọ, Yé ko linu mí to gbangba mahuwhè de, mí mẹhe yín Lomunu, bo ko sọ zé mí dlọn ogànhọ mẹ; dinvie yé tùn mi jẹgbonu to nuglọ? lala nugbo; ṣigba gbo yé lọsu ni wá bo hẹn mí jẹgbonu. ³⁸Ponọgán lẹ dọ ohó helẹ hlan otogán lẹ: yé sọ dibu, whenuena yé sè dọ Lomunu wẹ yé. ³⁹Yé sọ wá, bo vẹvèna yé, bo hẹn yé jẹgbonu, bo vè yé nado yì sọn otòdaho yetọn mẹ. ⁴⁰Yé sọ tòn sọn ogànhọ mẹ, bo biọ owhé Lidia tọn gbè: whenuena yé mọ mẹmẹsunnu lẹ, yé miọnhomẹna yé, bo sọ tòn yì.

¹WHENUENA yé ko dán gbọn Amfipoli po Apolonia po, yé wá Tẹsalonika, to ofi he sinagọgu Ju lẹ tọn dẹ̃ te: ²Paulu dile jijọ etọn te, é biọ hòmẹ yì yé de, na gbọjezán atọ̀n é yí oho do to ohó jlẹ na yé sọn Owe wiwe lẹ mẹ, ³é to hùnhùn, bo sọ to lila hlan yé dọ, Klisti ma sọgan nọma jiya, bo sọ fọ́n sọn osiọ le mẹ; podọ Jesu he, mẹhe yẹn to yẹwheho etọn dọ hlan mì, wẹ Kksti lọ. ⁴Adade to yé mẹ yise, bo sọ to zinzọn hẹ Paulu po Sila po; podọ Gleki ayihawiwenọ lẹ susugege, po yọnnusi yẹyinọ lẹ po é ma yín vude. ⁵Ṣigba Ju he ma yise lẹ yí awuwhan do sadi, bo sọ dòn mẹvọnu lẹ sọn mẹhe jọgblewà lẹ mẹ do yéde de, bo sọ sinyan ogbé plidopọ, bo sọ hẹn otòdaho lẹpo wlu, bo sọ hozinjẹ owhé Jasoni tọn ji, bo to aliho din nado hẹn yé jẹgbonu wá gbẹtọ le de. ⁶Whenuena yé ma mọ yé, yé dòn Jasoni po mẹmẹsunnu delẹ po wá otògán otodaho lọ tọn de, bo to awhádo dọ, Omẹ helẹ he to tasọdòna aihọn wá ofìle ga; ⁷mehe Jasoni yíhen: podọ ehelẹ pó wẹ to núagò wà do osén Sesali tọn go, dọmọ, Ahọlu devo de tin, Jesu de. ⁸Yé sọ domagbọjẹna agùndaho lọ, po ogán otòdaho lọ tọn lẹ po, whenuena yé sè onú helẹ. ⁹Whenuena yé yí alọyitọ Jasoni tọn, po omẹ he pò lẹ po tọn, yé jo yé do yé ni yì.

¹⁰To tẹndoponemẹ mẹmẹsunnu lẹ yí Paulu po Sila po dohlan Belea to ozán mẹ: whenuena yé sọ jẹ finẹ, yé biọ sinagogu Ju lẹ tọn me. ¹¹Ehelẹ yín yẹyinọ hú Tẹsalonika tọn lẹ, na yé kọnayiha dai do yí ohó lọ, bo nọ to Owé wiwe lẹ din egbésọegbésọ, eyín mọ wẹ onú nẹlẹ yín. ¹²Enẹwutu susu yetọn yise; podọ to Gleki yọnnusi yẹyinọ lẹ mẹ, podọ to sunnusi lẹ mẹ, é ma yín vude. ¹³Ṣigba whenuena Ju Tẹsalonika tọn lẹ sè linlin dọ Paulu to yẹwheho ohó Jiwheyẹwhe tọn tọn dọ to Belea, yé wá finẹ, bo sọ fọ́nadan agùndaho lọ lẹ. ¹⁴Whenẹnu to tẹndoponẹmẹ, mẹmẹsunnu lẹ yí Paulu dohlan yí dẹn sọ ohùta: ṣigba Sila po Timoti po nọte to finẹ lọ. ¹⁵Mẹhe plan Paulu yì lẹ hẹn ẹn wá Atẹni, whenuena yé yí owẹn sọn e de yì Sila po Timoti po de dọ, yé ni yawu wá é de, yé yì.

¹⁶Whenuena Paulu sitepòn yé to Atẹni, ayiha etọn fònadan to ohò etọn mẹ, whenuena é mọ dọ otòdaho lọ gò na ovodun lẹ. ¹⁷Enẹwutu é to ohó yí do to hójlẹ to sinagọgu mẹ hẹ Ju lẹ, podọ hẹ gbẹtọ ayihawiwenọ lẹ, podọ to ahi mẹ egbésọegbésọ hẹ omẹ he dukosọ nẹ̃ lẹ. ¹⁸Whenẹnu wẹ nuyonẹntọ delẹ to Nuvividùtọ le mẹ, podọ to Stoiki lẹ mẹ to pipehe ẹ. Mẹdelẹ to didọmọ, Etẹ wẹ hówladọtọ he to jijlo na dọ? Omẹ devo lẹ dọmọ, E di omẹ he na yín yẹwhe jonọ dadaitọ: na é dọyẹwheho Jesu tọn po fọ́nsọnku po tọn hlan yé wutu. ¹⁹Yé sọ hẹn e go bo hen ẹn wá okọta Malsi tọn nukọn, bo dọmọ, Mìwlẹ sọgan yòn onú he oplòn yóyò he hiẹ to ohó etọn dọ yín? ²⁰Na hiẹ hẹn onú jonọ wá otọ́ mìtọn mẹ: enẹwutu mi jlo na yòn onú he ehelẹ yín. ²¹(Na Atẹnitọ lẹpo, podọ jonọ he wáwási to finẹ lẹpo ma nọ zán ojlẹ yetọn to nude mẹ hú nado to didọ, kavi nado to onú yọ́yọ́ sè.) ²²Paulu sọ fọ́nsite to gblagbla Alẹọpagu tọn mẹ, bo dọmọ, Mì omẹ Atẹni tọn emi, yẹn mọhlan dọ to onú lẹpo mẹ hùnsentọ alọpade to onú lẹpo mẹ wẹ mì ²³Na le yẹn juwajei bo sọ pọ́n nudoai sinsẹ́n mìtọn tọn lẹ, yen mọ agbà de ga po wéwinwlan he po, HLAN JIWHEYẸWHE MAYỌNẸN de. Enẹwutu mẹhe mì to sinsẹ̀n to wunvi mẹ, ewọ lọ wẹ yẹn to lila hlan mì. ²⁴Jiwheyẹwhe he basi aihọn po onú he tin to e me lẹpo po, ewọ he yín Oklunọ olọn po aihọn po tọn, ma nọnọ̀ tẹmpli he yè yí alọ do basi lẹ mẹ gba; ²⁵mọ yè ma nọ yí alọ gbẹtọ tọn do sẹ̀n ẹn, di ewọ to nude jlo, na ewọ wẹ ogbe na omẹ pó, po gbọfufu po, po onu lẹpo po; ²⁶e sọ yí ohùn dopodo da akọta gbẹtọ lẹpo tọn na nado nò aigba nukunmẹ lẹpo ji, bo ko sọ dotana osã didè yetọn lẹ, podọ dògbo ninò yetọn lẹ tọn, ²⁷na yé nido nọ din Jiwheyẹwhe, eyín vlavo ayiha yetọn sọgan dòn do e go, bo sọ din in mọ, mọ é ma tlẹ dẹn sọn dopodopo mìtọn de gba: ²⁸na ewọ mẹ wẹ mìwlẹ togbè te, bo to whinwhan, bo sọ tindo tintin mìton; dile Yèdọ aziza mítọn lọsu delẹ ko do ga, dọmọ, Ovi etọn ga wẹ mìwlẹ. ²⁹Whenẹnu yín yìn ovi Jiwheyẹwhe tọn, mìwlẹ ma sọ jẹ nado len dọ, enẹ he yín Yẹwhe tin jijlẹ hlan sika, kavi fataka, kavi ozannu, he yè kòn gbọn anà po linlẹn gbẹtọ tọn po dali gba. ³⁰Enẹwutu ojlẹ wunvi tọn lẹ go we Jiwheyẹwhe denukunsè sọn; ṣigba to dinvie é degbèna gbẹtọ lẹ to ofi popo dọ yé do lẹnvọjọ: ³¹sọle ewọ ko dè azán de, ehe mẹ ewọ na dawhèna aihọn to dódó mẹ to dawe he ewọ ko do de mẹ; ehetọn é ko na adọgbigbó hlan gbeto lẹpo, to ehe mẹ é ko fọ́n ẹn sọn osiọ le mẹ.

³²Dinvie whenuena yé sè fọ́nsọnku osiọ lẹ tọn tọn, medelẹ to vivlè: medelẹ dọmọ, Mí na vọ onú he sè to onù towe. ³³Le wẹ Paulu tónyì sọn yé ṣẹnṣẹn do. ³⁴Ṣigba dawe delẹ dọn do e de, bo sọ yise: mẹhe mẹ Dionìsiu Aleopagutọ te, po nawe de po he nọ yín Damali, podọ omẹ devo delẹ po yé po.

¹TO onú hele godo é fọ́nyi sọn Atẹni, bo yì Kọlinti. ²E sọ mọ Ju de he yè nọ ylọ dọ Akuila, omẹ Pọntu tọn de gbọn akọta tọn dali, he gò sọn Itali to yóyóvié, po Pliskila asi etọn po; (na Klaudiu ko degbèna Ju lẹpo nado fọ́nyi sọn Lomu wutu:) é wá yé de. ³Podọ é yín anà doponẹ wàtọ wutu, é nò hẹ yé, bo to azónwà: na gbọn azón yetọn dali oflògbatọ wẹ yé. ⁴E sọ to hóyijledohógona yé to sinagọgu mẹ to gbọjezángbè gbọjezángbè, bo sọ to alọtúndo Ju lẹ po Gleki lẹ po.

⁵Ṣigba whenuena Sila po Timoti po gò sọn Makedonia, yè sọ hounpansu Paulu gbọn ohó lọ dali é sọ to kunnude hlan Ju lẹ dọ, Jesu wẹ Klisti lọ. ⁶Whenuena yé to nùwhlẹn hẹ yénọzo, bo sọ to nùzan, é húnhún avọ̀ etọn, bo dọ hlan yé, dọmọ, Ohùn mìtọn tin to ota mìlọsu tọn; yẹn wé: sọn dinvie yì yẹn na yì Kosi lẹ de. ⁷E sọ fọ́nyi sọn finẹ, bo biọ owhe dawe de ton gbè, he nọ yín Justu, mẹhe to Jiwheyẹwhe sèn, owhé mẹhetọn sẹpọ́ sinagọgu whíwhí. ⁸Klispu, ogán daho sinagọgu tọn, sọ yí Oklunọ se po omẹ he tin to owhé etọn gbè lẹpo po; omẹ susu to Kọlìntmu le mẹ, he sè, yise, yè sọ baptizi yé. ⁹Whenenu we Oklunọ dọhó hlan Paulu to ozán mẹ gbọn numimọ mẹ, dọmọ, A dibu blo, to hódọ, a do onù towe abọe blo; ¹⁰na yen tin to godo na we, omẹ de ma na fọ́n do oji we nado gbleawuna we, na yẹn tindo gbẹtọ susu tó otòdaho he me. ¹¹E sọ nò finẹ hò owhe dopo po osùn ṣidopo po, bo to ohó Jiwheyẹwhe tọn plọnmẹ to yé ṣẹnṣẹn.

¹²Whenuena Galio du otògán Akaia tọn, Ju lẹ yí ayiha dopo do sate do Paulu go, bo hen ẹn wá whẹdotẹn, ¹³bo to didọmọ, Dawe he to mẹhẹn nado sèn Jiwheyẹwhe jagò do osén go ¹⁴Whenuena Paulu to onù na kẹ́, Galio dọ hlan Ju le, dọmọ, Eyín é yín owhè nujagò tọn kavi kanyinylan tọn de wẹ, mi Ju emi, é jlọ dọ yẹn do yíwhe do mi ji:

¹⁵Ṣigba eyín é yín okanbiọ ohó po oyín lẹ po tọn, po osén mìton po tọn wẹ, mì pọ́n e go; na yẹn ma jlo na yín whedatọ onu mọtọn hunkọ tọn gba. ¹⁶E sọ yàn yé sọn whẹdotẹn. ¹⁷Whenẹnu wẹ Gleki lẹpo hẹn Sọstene, ogán daho sinagọgu tọn, bo linu in to whedọtẹn nukọn. Galio ma so hò onú nẹlẹ de pọ́n.

¹⁸Paulu sọ nọte to finẹ hò azán susu to ehe godo, whenẹnu wẹ é yì sọn mẹmẹsunnu lẹ de, bo súnhún sọn finẹ yì Silia, Pliskila po Akuila po po e po; é lunda etọn to Kẹnklea na é tindo opàdido de. ¹⁹Yé wá Efesu, é sọ jo yé do finẹ: ṣigba ewọ lọsu biọ sinagogu mẹ, bó yíhodojlehó hẹ Ju lẹ. ²⁰Whenuena yé vẹ́ ẹ dọ é ni nòhẹ yé dẹn dogó, é kẹ; ²¹ṣigba é dọ é zungbede na yé, bo sọ dọmọ, Yẹn ma sogan nọma wàhunwhẹ he ja to Jelusalẹm gba: ṣigba yẹn nasọ lé gọwá mì de, eyín Jiwheyẹwhe jlo. E sọ súnhún sọn Efesu. ²²Whenuena é jlẹhún to Sesalea, bo yì aga, bo dọnúdo agùn, é jẹte yì Antioku. ²³Whenúena é ko zán ojle vude to finẹ, é fọ́nyi, bo gbọn agbègbè Galatìa po Fligia tọn lepo po ji whinnuwhinnu, bo sọ to tudohomẹna nuplọntọ lẹpo.

²⁴Ju de tin he nọ yín Apọlọhe yè ji to Alẹkzandlé, omẹ he didé, bo pèvè to Owé wiwe mẹ, wá Efesu. ²⁵Yè ko plọn dawe he to ali Oklunọ tọn ji; le é basi omẹ he hùnzo to ayiha me, é dọhó bo sọ piẹn onú Oklunọ tọn lẹ omẹ to vivẹnú me, baptẹm Johanu tọn kẹdẹ wẹ é yọnen. ²⁶E sọ ṣẹ̀ hódọ madibu to sinagọgu mẹ; whenuena Akuila po Pliskila po sè ohó etọn, yé dòn ẹn do ogo, yé sọ dọdò ali Jiwheyẹwhe tọn hlan en hézéhézé. ²⁷Whenuena ayiha etọn dọn nado juyì Akaia, mẹmẹsunnu lẹ wlanwe do vẹ̀ nuplọntọ lẹ nado yí i do: mẹhe whenuena é wà, é gọalọna mẹhe yise gbọn ojọmiọn mẹ lẹ susu: ²⁸na é yí huhlọn do gòkòna Ju lẹ to gbangba, bo sọ to didohia gbọn Owé wiwe mẹ dọ, Jesu wẹ Klisti lọ.

¹E SỌ wá jọ, dọ whenuena Apọlo tin to Kọlinti, bọ Paulu jugbọn agbègbè aga tọn ji wá Efesu: bo mọ nuplọntọ delẹ, ²é dọ hlan yé, dọmọ, Mìwlẹ ko mọ Gbigbọ Wiwe yí sọn whenu mì ko yise? Yé sọ dọ hlan ẹn, dọ, Mìwlẹ ma ko sè jẹ mọ dọ Gbigbọ Wiwé de tin. ³E sọ dọ hlan yé, dọ, Etẹ mẹ wẹ yè ka baptizi mi do? Yé sọ dọ hlan ẹn, dọ, Do baptẹm Johanu tọn mẹ. ⁴Whenẹnu wẹ Paulu dọmọ, Nugbo Johanu yí baptẹm lẹnvọjọ tọn do baptizi, bo sọ dọ hlan gbẹtọ lẹ dọ yé ni yí ewọ he ja to godo ewọ tọn se, enẹ wẹ, Jesu. ⁵Whenuena yé sè ehe, yè baptizi yé to oyín Jesu Oklunọ tọn mẹ. ⁶Whenuena Paulu sọ dealọ do yé ji, Gbigbọ Wiwe wá yé ji; yé ogbè devo do do to hódọ, bo sọ to didọdai. ⁷Yé gbẹtọ lẹpo yì sunnusi wiawe nkọ.

⁸E sọ yì sinagọgu mẹ, bo sọ yí tudido do dọhó hò osùn atọ̀n, é to hóyídohójlẹ, bo sọ to mẹhẹn gò do onú he yín ahọludu Jiwheyẹwhe tọn tọn kòn. ⁹Ṣigba whenuena omẹ delẹ to yé mẹ yín sinsinyẹn, tólivẹtọ bo to danu dọ do aliho lọ go to agùndaho lọ nukọn, é yì sọn yé de, bo klán nuplọntọ lẹ dovò, bo sọ to hóyíjlẹdohógo egbésọegbésọ to owehọ omẹ he yè nọ ylọ Tilannusi tọn de mẹ. ¹⁰Ehe to yìyì hò owhè awe nkọ; sọmọ bọ omẹ he tin to Asia lẹpo sè ohó Jesu Oklunọ tọn, Ju lẹ po Gleki lẹ po. ¹¹Jiwheyẹwhe sọ gbọn alọ Paulu tọn mẹ wà azọnjawu he gbọnvò susu. ¹²Sọmọ bọ yè to duku kavi ovantẹ yí sọn agbasa etọn go wá azòntọ lẹ de, azọ̀n to yìyì sọn yé go, gbigbọ ylankan lẹ sọ to tintan sọn yé go. ¹³Whenẹnu wẹ Ju dudlutọ delẹ, gbigbọylankanyantọ lẹ, yí do yéde ji nado ylọ oyín Jesu Oklunọ tọn do omẹ he tindo gbigbọ lẹgba tọn lẹ ji, dọmọ, Mìwlẹ yí oyín Jesu he Paulu to yẹwheho etọn dọ tọn do hodẹdo mì. ¹⁴Omẹ ṣinawe delẹ tin, ovi omẹ he yè nọ ylọ Skeva de tọn, Ju, ogán yẹwhenọ lẹ tọn, mẹhe wà mọ lẹ. ¹⁵Gbigbọ ylankan lọ gblọn bo dọmọ, Yẹn yón Jesu, yẹn sọ yón Paulu; ṣigba mẹnu wẹ mìwlẹ? ¹⁶Dawe mẹhe Homẹ gbigbọ ylankan lọ tin te lón tó do yé go, bo doflu yé, bo gbà yé do, sọmọ bọ yé hòntón sọn ohò mẹ to omé podọ to awugble mẹ. ¹⁷Ehe sọ zùn yinyọnẹn pé hlan Ju lẹpo po Gleki lẹpo po ga he nọnọ̀ Efesu lẹ; obu jẹ yé omẹ pó ji, oyín Jesu Oklunọ tọn sọ zun kiklo. ¹⁸Susu ga sọn omẹ he yise lẹ mẹ wá, yé to gbeyí, bo sọ to owalọ yetọn lẹ dohia. ¹⁹Susu yetọn ga he nọ zán anà hunkọhunkọ bé owé yetọn lẹ plidopọ, bo mé yé to gbẹtọ lẹpo nukọn: yé lẹn akuẹ yetọn, yé mọ ẹn, é yín fatakakuẹ fọtọ́n-fọtọ́n kadeao. ²⁰Mowẹ ohó Jiwheyẹwhe tọn to whinwhẹn do e ji, bo sọ to aihẹn.

²¹Ehegodo onú helẹ pó donù vò, Paulu lẹn dote to ayiha mẹ, whenuena é ko dán gbọn Makedonia po Akaia po, nado yì Jelusalẹm, dọmọ, Ehegodo yẹn jẹ fìnẹ, yẹn ma na nọma mọ Lomu ga. ²²Mọwẹ é do omẹ awe to lizọnyítọ etọn lẹ mẹ hlan Makedonia, Timoti po Elastu po; ṣigba ewlọsu nọte to Asia na whenu de.

²³To ojlẹ nẹ mẹ pẹvide ma wẹ zingidi he fọ́n na aliho lọ tọn wutu gba. ²⁴Na dawe de he nọ yín Demetliu, fatakayawàtọ, he basi fatakahò Diana tọn, nọ hẹn ale susu wá na asiàwàtọ lẹ: ²⁵yé omẹ he é ylọ plidopọ po anà mọtọnnkọ wàtọ lẹ po, bo dọmọ, Mẹho emi, mì yọnẹn dọ gbọn anà he dali wẹ mí tindo adọkunji mìtọn. ²⁶Humọ mì mọ bo sọ sè, dọ é ma yín Efesu kẹdẹ, ṣigba bla yín Asia lẹpo lédo, wẹ Paulu he to alọtúndo bo sọ to omẹ susu diọ, bo to didọmọ onú he yè yí alọ do basi lẹ ma yín yẹwhe de gba: ²⁷sọmọ é ma yín asiàzón mìtọn he kẹdẹ wẹ tin to owu mẹ nado hẹn zùn ovó gba; ṣigba dọ tẹmpli Diana vodunasi daho tọn na zùn vivlẹ ga, yẹyidáho etọn na zùn hẹngble, mẹhe Asia lẹpo po aihọn po to taliaina ²⁸Whenuena yé sè ohó helẹ, yé gó na adi, bo sọ dawhá daga, dọmọ, Daho wẹ Diana Efesunu lẹ tọn. ²⁹Otòdaho lẹpo sọ gó na zingidi: le yé wlé Gaiu po Álistaku po, Makedoniatọ lẹ, ogbé Paulu tọn lẹ to whẹntóngbé mẹ, yé yí ayiha dopo do họbiọ aihunhò mẹ. ³⁰Whenuena Paiìlu sọ jlo nado biọ ohò mẹ yì gbẹtọ lẹ de, nuplọntọ lẹ ma dike nẹ̃. ³¹Ogán Asia tọn delẹ, he yín họ́ntọn etọn, do omẹ hlan ẹn, bo vè ẹ dọ é do ede owu mẹ to aihunhò mẹ blo. ³²Omẹ delẹ to awhádo dọ onú de, omẹ delẹ to onú devo dọ: na agùndido lọ tin wuwlu me; omẹ susu yetọn wẹ ma yón onú he ye hohúdopọ na. ³³Yé sọ dòn Alẹkzandlé tón sọn agùndaho lọ mẹ, Ju lẹ sọ ẹ do nukọn. Alẹkzandlé mì alọ hlan, ewọ ko sọ jlo nado dọ etọn hlan gbẹtọ lẹ. ³⁴Ṣigba whenuena yé yọnẹn dọ Ju wẹ ewọ, yé omẹ pó yí ogbè dopo do dawhá hò ojlẹ awe nkọ dọ, Daho wẹ Diana Efesunu lẹ tọn. ³⁵Whenuena tòwekantọ ko hòhuwhẹ agùndaho lọ, é dọmọ, Mì omẹ Efesu tọn emi, gbẹtọ tẹwẹ tin bo ma yón le otòdaho Efesunu lẹ tọn yín Diana vodunasi daho sẹ̀ntọ do, po bosiọ he flẹ́ sọn Jupiteli de po tọn? ³⁶Le yè ma sọgan mọ onú de dọ do onú helẹ go nẹ, é jẹ dọ mì ni nabọẹ, mì sọ yí sọmawhe do wà nude blo. ³⁷Na mì hẹn omẹ helẹ wá ofi, yé ma yín ajotọ to ohó yẹwhe tọn lẹ mẹ, yé ma tlẹ sọ yín omẹ he zánnù do vodunasi mìtọn go. ³⁸Enẹwutu eyín Demetliu po asiàwatọ he gó nẹ̃ lẹ po, tindo owhẹhó do omẹ depope go, whẹdọtẹn to nuvò, whẹdatọ lẹ sọ tin: mì gbọ yé ni yì jẹwhè yénọzo tọn. ³⁹Ṣigba eyín mì sọ kàn onú de se gbọn owhẹhó devo dali, yè na dotana ẹn to opli he jẹ na osén ton mẹ ⁴⁰Na mìwlẹ tin to owu mẹ nado ylọ kanhóbiọ na awhá egbé tọn he wutu, na onú he mí na mọ dọ gbọn zingìdi egbé he tọn dali de ma tin. ⁴¹Whenuena é dọ le pó, é kija opli lọ.

¹EHEGODO zingidi lọ huwhé, Paulu dowẹn ylọ nuplọntọ lẹ do ede de, bo dòn yé do ogo, bo fọ́nyi na nado yì biọ Makedonia. ²Whenuena é ko yì lédo awà nẹlẹ pó ji, bo sọ dọhó homẹjlado tọn susu hlan yé, é wá aigba Gleki lẹ tọn ji. ³E nò finẹ hò osùn atọ̀n. Whenuena Ju lẹ tọwù do aliho nẹ̃, le é to linlẹn nado gbọn ohún mẹ yì Silia, é lẹn nado lẹ́gọ̀ gbọn Makedonia. ⁴Sopateli Belea tọn plan ẹn yì jẹ Asia; to Tẹsalonikanu lẹ mẹ, Alistaku po Sekundu po; Gaiu Delbe tọn, po Timoti po; podọ to Asiatọ lẹ mẹ, Tikiku po Tlofimu po. ⁵Ehelẹ to yìyì; to nukọn, bo sọ sitepón mí to Tloa. ⁶Mí sọ súnhún sọn Filippi to azán akla madotón tọn lẹ godo, bo sọ wá yé de to Tloa to azán atón mẹ; ofì he mí nò hò azán ṣinawe.

⁷Azán tintan awlẹn tọn gbè, whenuena nuplọntọ lẹ plidopọ nado kán akla, Paulu dọyẹwheho hlan yé, bo wleawu nado fọ́nyi to osò; é dón ohó etọn dite kaka jẹ ozánhomẹ. ⁸Miyọngbán susu wẹ to abò aga tọn lọ mẹ, to ofi he mí plidopọ te. ⁹Visunnu dẹpẹ de he yè nọ ylọ dọ Eutiku sinai to vẹsẹnu, amlọn biọ lanmẹ nẹ: le Paulu dẹn to yẹwhehódọ mẹ, é fló to amlọn mẹ, bo jai sọn aga atọ̀ntọ wá odò, yè sọ zé e do zé oṣiọ. ¹⁰Paulu sọ jẹte yì odò, bo pavàvá do e ji, bo dòn ẹn do ogo bo dọmọ, Mì dotukla mìde blo; na gbigbọ etọn tin to ohò etọn mẹ. ¹¹Enẹwuw whenuena é gò wà aga, bo kán akla, bo dù, bo sọ dọhó dẹn, yèdọ kaka jẹ afọnnu, mọwẹ é fọ́nyi. ¹²Yé sọ hẹn visunnu dẹpẹ lọ gò to ogbe, é ma yín vude wẹ homẹ yetọn vivi gba.

¹³Mìwlẹ jẹnukọn yì ohún mẹ, bo súnhún wá Asso, finẹ mí to linlẹn nado yí Paulu do vàtlẹ lọ mẹ te: na mọwẹ é ko magbè etọn do, é jlo nado gbọn afọ na ede. ¹⁴Whenuena é pla mí to Asso, mí yí i do ohún mẹ, bo wá Mitilene. ¹⁵Mí sọ súnhún sọn finẹ, to azán awetọ gbè, mí wá Kio jlẹji; to azán etọn awetọ gbè mí jẹ Samo, bo sọ nọte to Tlogiliu; to azán awetọ gbè, mí wá Miletu. ¹⁶Na Paulu ko sọ magbè etọn nado dohún gbọn Efesu dali, na éwọ ma to na zán ojlẹ lọ to Asia wutu: na é to plapla ji, eyín é sọgan yín wiwà nẹ̃, nado tin to Jelusalẹm to azán Pẹntikọsti tọn gbè.

¹⁷E do omẹ hlan Efesu sọn Miletu, nado ylọ mẹho agùn tọn lẹ wá. ¹⁸Whenuena yé wá e de, é dọ hlan yé, dọmọ, Mìwlẹ yọnẹn, sọn azán tintan he gbè yẹn wá Asia, alọ he ji yẹn nò po mì po to ojlẹ lẹpo mẹ. ¹⁹Le yẹn yí hùwhẹ ayiha tọn lẹpo do tó Oklunọ sén do, po dasìn lẹ po, po whlepón lẹ po, he pla mi gbọn owùtọnamẹ Ju lẹ tọn dali: ²⁰podọ le yẹn ma gbòawupò sọn lilá nude he yín ale hlan mì mẹ, ṣigba yẹn ko dọ hlan mì, bo sọ plón mì to gbangba, podọ sọn whégbè jẹ whégbè, ²¹bo to didọ hlan Ju lẹ podọ hlan Glẹki lẹ ga, lẹnvọjọ hlan Jiwheyẹwhe de, po yise po hlan Jesu Klisti Oklunọ mìtọn de. ²²Dinvie mì dayi e go gbigbọ ṣie didé do Jelusalẹm yìyì ji, yẹn ma sọ yón onú he na pla mi to finẹ, ²³adavo dọ Gbigbọ Wiwe kunnude hlan mi to otòdaho dopodopo mẹ dọ, ogàn po nukunbibia lẹ po tin to nukọn ṣie. ²⁴Ṣigba dopo to onú helẹ mẹ ma hẹn mi sẹtẹn gba, mọ yẹn ma sọ lẹn gbigbọ ṣie di nuvivé hlan dẽ, sọmọ dọ yẹn nido yí ayajẹ do hẹn ali ṣie jẹ pòdo, po devizón he yẹn yí sọn Jesu Oklunọ de po, nado nọ la wẹndagbe ojọmiọn Jiwheyẹwhe tọn tọn. ²⁵Dinvie mì dayi e go, yẹn yọnẹn dọ mì omẹ pó, mẹhe mẹ yẹn ko to dindan gbọn do to yẹwheho ahọludu lọ tọn dọ te, ma sọ to nukunme ṣie na mọ ba. ²⁶Enẹwutu yẹn ylọ mì nado dekunnu to egbé, dọ yẹn wé sọn ohùn gbẹtọ lẹpo tọn mẹ. ²⁷Na yẹn ma gboawupò nado la linlẹn Jiwheyẹwhe tọn hlan mí ²⁸Enẹwutu mì payi mìde go, po apó he Gbigbọ Wiwe yí mì do basi nugopọntọ na lẹpo po, nado nọ yìn agùn Jiwheyẹwhe tọn, he é yí ohùn ede ton do họ́. ²⁹Na yen yón ehe dọ, to yìyì ṣie godo, ohla he dobu na biọ mì mẹ, mapò apó yìnte. ³⁰Podọ to mìlọsu mẹ wẹ sunnusi lẹ na fọ́n sọn bo na to onú agò dọ, nado dòn nuplọntọ lẹ do godo yetọn ³¹Enewutu mì payi bo sọ nọ flin dọ, owhè atọ̀n nkọ wẹ yẹn ma gbòawupò nado to dasìn yí do to hókóna mì omẹ dopodopo to ozán po okle po. ³²Be dinvie, mẹmẹsunnu emi, yẹn jo mì do alọ Jiwheyẹwhe tọn mẹ, podọ do ohó ojomiọn etọn tọn mẹ, he sọgan hẹn mì do ote, bo sọ na ogú mì to mẹhe yè hẹn zùn wiwe lẹpo mẹ. ³³Yẹn ma donukunkẹn do fataka omẹ de tọn go, kavi sika, kavi avọ̀. ³⁴Mìlọsu yọnẹn dọ alọ helẹ wẹ wàzón hlan númananọmatindo ṣie lẹ, podọ hlan mẹhe tin to dẽ lẹ ga. ³⁵Yẹn ko yí onú lẹpo hia mì, dọ to azọnwiwà mọ mẹ é jẹ dọ mì nado nọ gọalọna omẹ awumasinyẹnna le, podọ nado nọ flin ohó Jesu Oklunọ tọn lẹ, le ewlọsu dọ do, dọmọ Nado namẹ do dona hú nado mọyi.

³⁶Whenuena é dọhó dole pó, é jẹklo, bo hodó hẹ yé omẹ pó. ³⁷Yé omẹ pó sọ viavi susu, bo té do okò Paulu tọn go, bo donùnùgo nẹ, ³⁸lẹblanu wà yé húgan popo lẹpo na ohó he é dọ lẹ, dọ yé ma to na mọ nukunmọ etọn ba. Yé sọ plan ẹn yì vàtlẹ lọ mẹ.

¹WHENUENA é sọ wá jọ, to ehe godo mí yì sọn yé de, mí súnhún, bo gbọn aliho titegbe wá Koọsi, to azán awetọ gbè, mí wá Lodu, bo sọ sọn finẹ yì Patala. ²Whenuena mí sọ mọ ohún he juwajei Fenike de, mí do vàtlẹ de, bo sọ sún. ³Whenuena mi mọ Kiplu to aganu, bo sọ lé ẹ do amiyọn mẹ, mí súnhún yì Silia, bo jlẹhún to Tile: na finẹ wẹ vàtlẹ lọ to agbàn na bókọndai te. ⁴Le mí mọ nuplọntọ lẹ, mí nọte to finẹ hò azán ṣinawe: mẹhe dọ hlan Paulu gbọn alọ Gbigbọ tọn mẹ, dọ é yi Jelusalẹm blo. ⁵Whenuena azán nẹlẹ ko pé, mi tọ́n bo sọ jẹ ali mitọn ji; ye omẹ pó sọ do mí je aliho mìtọn ji, yọnnu po yọ̀pọ po kaka mí do tón sọn otòdaho lọ mẹ: mí sọ jẹklo to ohùtó bo hode. ⁶Whenuena mí dọ é zùngbede na minọzo, mí biọ vàtlẹ lọ mẹ; yewlẹ sọ lé gò yì owhé.

⁷Whenuena mí hẹn ali mìtọn jẹ pòdo sọn Tile, mí wá Ptolẹmai, mí dọnúdo mẹ-mẹsunnu lẹ, bo sọ nóhẹ yé azán dopo. ⁸To azán awetọ gbè, mí mẹhe yín ogbé Paulu tọn lẹ tón bo sọ wá Sesalea: mí sọ biọ ohò Filipi evangelisti tọn mẹ, he yín dopo to omẹ ṣinawe lẹ mẹ; bo sọ nòhe ẹ. ⁹Dawe lọ tindo oviyọnnu ẹnẹ, awhli, he nọ dọdọdai. ¹⁰Le mi nọte to finẹ hò azán susu, yẹwhegán de he nọ yín Agabu jẹte sọn Judé wá. ¹¹Whenuena é wá mí de, é yí homẹbla Paulu tọn, bo bla alọ po afọ po na ede, bo dọmọ, Le wẹ Gbigbọ Wiwe dọ, Le wẹ Ju he tin to Jelusalẹm lẹ na bla mẹhe tindo homẹbla he do, bo nasọ jó e do alọ Kosi lẹ tọn mẹ. ¹²Whenuena mí sè onú helẹ, mí po omẹ finẹ tọn lẹ po vó ẹ ma nado hẹji yì Jelusalẹm. ¹³Whenẹnu wẹ Paulu gblọn dọmọ, Etẹ wẹ mì to wiwà nado to avivi, podọ nado to homẹhẹngblena mi? nayẹn wleawu é ma yín na bibla kẹdẹ, ṣigba nado kú ga to Jelusalẹm na oyín Jesu Oklunọ tọn. ¹⁴Whenuena yè ma sọgan diọ ayiha etọn, mí nabọẹ, bo dọmọ, Ojlo Jiwheyẹwhe tọn ni yín wiwà.

¹⁵To azán nẹlẹ godo, mí bé agbàn mìtọn lẹ, bo hẹji yì Jelusalẹm. ¹⁶Nu plọntọ Sesalea tọn delẹ hodo mí yì ga, bo sọ hẹn Mnasọni Kiplu tọn de po yé po, nuplọntọ hóhó de, mẹhe de mí na jẹ.

¹⁷Whenuena mí wá Jelusalẹm, mẹ mẹsunnu lẹ yí homẹhùnhùn do yí mí. ¹⁸To azán awetọ gbè, Paulu biọ ohò mẹ po mí po yì Jakobu de; mẹho lẹpo sọ tin to finẹ. ¹⁹Whenuena é ko dọnúdo yé, é dọ whinnuwhinnu azón onú he tọn Jiwheyẹwhe wà to Kosi lẹ mẹ gbọn devizón etọn dali lẹ na yé ²⁰Whenuena yé sè, yé pagigona Oklunọ, bo sọ dọ hlan ẹn, dọmọ, Mẹmẹsunnu, hiẹ mọ, fọtónfọtón sọha Ju lẹ tọn he yise; yé omẹ pó sọ wẹ vivẹnunọ osén tọn: ²¹yè ko dọ hlan yé gbọn hiẹ tọn dali dọ, hiẹ to Ju he tin to Kosi lẹ mẹ lẹpo plón nado gbé Moṣe dai, bo to didọ na yé ma nado gbowhena ovi yetọn lẹ, mọ ma nado zinzọnlin gbọn owalọ lọ ji. ²²Be enẹwutu etẹ wẹ? jé na sè nugbo dọ hiẹ gò. ²³Enẹwutu ehe mí dọ hlan we he wẹ hiẹ ni wà: Mìwlẹ tindo sunnusi ẹnẹ he tindo opadido lo yé ji; ²⁴yí yé, bo yìn dewe po je po, bo sọ nọ whle akuẹ hẹ yé, na yé nido lùn òda yetọn: yé omẹ pó na sọ yọnẹn dọ onú nẹlẹ, ehe ton yè dọ na yé gbọn dali towe, ma yín nugbo gba; ṣigba dọ hiẹlọsu to zọnlinzin titegbe, bo sọ to osén lọ yín. ²⁵Gbon Kosi he yise lẹ tọn dali, mí ko dowenhlan bo sọ magbè dọ, yé dayi onú mọtọnnkọ go blo, ṣigba dọ yé ni whlá yede sọn onú he yè yí do sánvọ́ hlan bosiọ lẹ kòn, podọ sọn ohùn kòn, sọn nuslokòna kọn, podọ son gàlilọ kòn. ²⁶Whenẹnu wẹ Paulu yi ome ewlẹ, to azán awetọ gbè, whenuena é yìn ede po yé po, é biọ tẹmpli mẹ, nado basi ohia pipé azán awuyinyìn tọn kaka yè na do sánvò na omẹ dopodopo yetọn.

²⁷Whenuena azán sìnawetọ ko bla pé, le Ju Asia tọn lẹ mọ ẹn to tẹmpli mẹ, yé fònadan agùndaho lẹpo, bo dealọ wlé e, ²⁸bo to awhádo dọmọ, Mì gọalọ, mì omẹ Islaeli tọn emi: Ehe wẹ dawe lọ he to omẹ plọn to ofì popo do gbẹtọ lẹ go, do osén go, podọ do ofi he go: humọ é to Gleki lẹ hẹn wá templi mẹ ga, bo sọ to ofi wiwe he hẹn flu. ²⁹(Na yé ko mọ Tlofimu Efesunu lọ to e de dai to otòdaho lọ mẹ, mẹhe ye len dọ Paulu hẹn biọ tẹmpli mẹ.) ³⁰Otodaho lepo yè whàngona, gbẹtọ lẹ sọ họnwezun plidopọ; yé wlé Paulu, bo dòn ẹn tòn sọn tẹmpli mẹ; tẹndoponẹmẹ ohòn sọ sú. ³¹Le yé sọ to dindin nado hù i, owẹn wá awhangándabo awhanpa tọn de dọ, awhá to didi to Jelusalẹm lẹpo ³²Mẹhe yí awhanvipẹ po mekanwekowhangán po to tendoponemẹ, bo họnwezun jẹte yì yé de: whenuena yé mọ awhangándaho po awhanvipe lẹ po, yé gbọ sọn nuli Paulu go. ³³Whenẹnu wẹ awhangándaho sẹ́wá, bo yi i, bo sọ dọmọ, yè ni yí ogàn awe do sín in: é sọ to mehe é, yín, po onú he é wà po kanbiọ. ³⁴Omẹ delẹ to awhádo dọ onú de, ome dele sọ to devo dọ to agùn mẹ: whenuena o ma yón nugbo zingidi lọ tọn, é degbè dọ yè ni hẹn ẹn biọ síngbo mẹ. ³⁵Whenuena ewọ jẹ ayila ji, awhanvipẹ lẹ ze e do aga na huhlọn gbẹtọ lẹ tọn wutu. ³⁶Na agùndaho gbẹtọ lẹ tọn to hihodo e, bo sọ to awhádo dọ, Mì dè e sẹ.

³⁷Le yè to na hẹn Paulu biọ síngbo mẹ, é dọ hlan awhangándaho, dọ, Yẹn sọgan ha dọhó hẹ we? Mẹhe gblọn dọmọ, Hiẹ sè ogbè Gleki tọn? ³⁸E ma yín hiẹ wẹ Egiptitọ lọ, jẹnukọn na azán helẹ, he sàtẹ, bo sọ plan gbẹtọ degbade he yín hlọnhutọ biọ ozùn mẹ? ³⁹Paulu sọ dọmọ, Ju de wẹ yẹn, Talsu tọn tọ Silisia mẹ, otòvi he ma yín otodaho wamọnọ de: yẹn vẹ̀ we, gbọ yen ni dọhó hlan gbẹtọ lẹ. ⁴⁰Whenuena é dike nè, Paulu site to ayila ji, bo mìalọ hlan gbẹtọ lẹ. Whenuena yé nabọẹ gùn, é dọhó hlan yé to ogbè Heblu tọn mẹ.

¹MẸHO, mẹmẹsunnu, po otò lẹ po emi, mì tùntó ohó onù ṣie mẹ tọn go dinvie.

²(Whenuena yé sè dọ é to hódọ to ogbè Heblu tọn mẹ hlan yé, yé nabọẹ gun; é sọ dọmọ,)

³Ju de wẹ yẹn, mẹbe yè ji to Talsu, Silisia tọn mẹ, ṣigba he yè plòn to otòdaho he mẹ, to afọ Gamalieli tọn go, he yè plón to osén otọ́ lẹ tọn mẹ mlẹnmlen, he sọ yín vivẹnunọ hlan Jiwheyẹwhe dali, dile mì omẹ pó yín to egbé. ⁴Yẹn sọ dohomẹkẹn aliho he kaka jẹ okú, bo to bibla bo sọ to bibé do ogànhọ mẹ, sunnu po yọnnu po. ⁵Dile yẹwhenọ daho dekunnuna mì do, podọ agùn mẹho lẹpo tọn ga: yé omẹ he de yẹn yí owe sọn ga yì mẹmẹsunnu lẹ de, bo sọ yì Damasku, nado hẹn mẹhe to finẹ lẹ bibla yì Jelusalẹm, na nado doyana yé. ⁶E sọ wá jọ, dọ le yẹn jẹ zọnlin ṣie ji, bo sọ sẹpọ Damasku, to whèmẹ nkọ, to ajiji hinhọ́n daho de hòn sọn olọn lédo mi. ⁷Yẹn sọ jai, bo sè ogbè de to didọ hlan mi dọ, Saulu, Saulu, etẹwutu wẹ hiẹ to homẹkẹndo mi? ⁸Yẹn sọ gblọn dọmọ, Mẹnu we hiẹ, Oklunọ? Ewọ sọ dọ hlan mi, dọ, Yẹn Jesu Nazalẹti tọn wẹ, mẹhe hiẹ to homẹkẹndo. ⁹Mẹhe tin to dẽ lẹ mọ hinhọ́n lọ nugbo, obu sọ di yẹ ṣigba yé ma sè ogbè ewọ he to hòdọ hẹ mi tọn gba. ¹⁰Yẹn sọ dọmọ, Oklunọ, etẹ yẹn na wà? Oklunọ sọ dọ hlan mi, dọ, Tite, bo yì Damasku; finẹ yè na dọhó onú he yẹn dè na we nado wá lẹ tọn na we te. ¹¹Whenuena yẹn ma sọgan mọnukunnu na gigo hinhọn nẹ tọn wutu, whenuena yè gbọn alọ omẹ he tin to dẽ lẹ tọn mẹ plan mi, yẹn biọ Damasku. ¹²Anania de, omẹ ayihawiwenọ kẹdedile osén te, he diyín to Ju he nọnọ̀ finẹ lẹpo de, ¹³wa dè, bo site, bo dọ hlan mi dọ, Saulu, mẹmẹsunnu, mọnú To ojlẹ doponẹ mẹ yẹn mọnukunnu bo sọ pòn ẹn. ¹⁴E so dọmọ, Jiwheyẹwhe otò mìtọn lẹ tọn ko dè we, na hiẹ nido yòn ojlo etọn, bo sọ mọ Omẹ Dódónọ nẹ, bo sọ do sè ogbè sọn onù etọn mẹ. ¹⁵Na hiẹ na yín kunnudeto etọn hlan gbẹtọ lẹpo na onú he hiẹ mọ bo sọ sè lẹ tọn ¹⁶Etẹwutu wẹ hiẹ nọte dinvie? Tite, na yè ni baptizi we, bo klò ylando towe lẹ sè, bo sọ to oyín Oklunọ tọn ylọ. ¹⁷E sọ wá jọ, dọ whenuena yẹn lẹ́gọ̀ do Jelusalẹm, yèdọ whenuena yẹn to dòho to tẹmpli mẹ, yẹn tin numimọ de mẹ; ¹⁸bo sọ mọ ẹn to didọ hlan mi, dọ, Yawu, bo tọn sọn Jelusalẹm, na yé ma na yí okunnude towe gbọn dali ṣie gba. ¹⁹Yẹn sọ dọmọ, Oklunọ, yé yọnẹn dọ yẹn nọ bé do ogànhọ mẹ bo sọ nọ linu mẹhe yí we se lẹ to sinagọgu dopodopo mẹ: ²⁰podọ whenuena yè kònhùn Stefani kunnudetọ towe tọn dai, yẹn tin to ote to finẹ ga, yẹn tindo ogbè to okú etọn mẹ, bo sọ yí avọ̀ omẹ he hù i lẹ tọn hen. ²¹Ewọ sọ dọ hlan mi, dọ, Yì; na yẹn na do we hlan aganu bobó jẹ Kosi lẹ de.

²²Ye sọ tùntóai nẹ̃ jẹ ohó helẹ me, whenenu wẹ ye ze ogbè yetọn daga, bo dọmọ, Mi dè ehenọ nkọ sọn aihọn: na é ma jẹ dọ é ni nò ogbè gba. ²³Le yé to awhado, bo to avọ̀ yetọn lẹ klón yìngbe, bo sọ to kọgudu húnhún daga, ²⁴awhangándaho degbe dọ yè ni hẹn ẹn biọ síngbo mẹ, bo sọ dọ yè ni yí hihò do dindo nẹ̃; na ewọ nido yón onú he wutu yé to awhádo do e ji do mọ. ²⁵Le yé yí whlẹnkan do bla ẹ, Paulu dọ hlan mekanwekowhangán he site sẹpò? dọmọ, E tin je na mì nado hò mẹhe yín Lomunu de whemagbledo? ²⁶Whenuena mekanwekowhangán lọ sè, é yì, bo dọ hlan awhangándaho, dọ, Payi dewe go na onú he hiẹ to wiwà, na Lomunu wẹ dawe he ²⁷Whenẹnu wẹ awhangándaho lọ wá, bo dọ hlan ẹn dọmọ, Dọ na mi, Lomunu wẹ hiẹ? E sọ dọ, Mowẹ. ²⁸Awha-ngándaho lọ gblọn dọmọ, Akuẹ gégé wẹ yẹn yí do yí mẹdekànnujẹ he. Paulu dọmọ, Otovi wẹ yẹn. ²⁹To afọdoponẹji mẹhe to na yí hihò do dindò sẹ̃ lẹ fọnyì sọn e de: awhangándaho lẹ dibu ga, whenuena é yọnen dọ Lomunu de wẹ ewọ, podọ ẹ ko sọ bla ẹ wutu.

³⁰To azán awetọ gbe, jijlo nado yonen hezéhezé onu he wutu ye jẹwhẹ etọn gbọn alọ Ju le tọn mẹ, e tún in sọn ogàn mẹ, bo so degbena ogán yẹwhenọ le ton po tòhódọtọ yetọn lepo po nado tònwa bo sọ hẹn Paulu jẹte wá, bo sọ ẹ do ote to yé nukọn.

¹PAULU sọ zínnukundo agùn tohodọtọ lẹ lọ tọn go, bo dọmọ, Mẹho mẹmẹsunnu emi, yẹn ko tin to homẹdagbe lẹpo mẹto Jiwheyẹwhe nukọn kaka jẹ egbé. ²Anania yewhenọ daho sọ degbena mẹhe site sepó ẹ lẹ nado tùnnu onù nẹ̃. ³Whenẹnu wẹ Paulu dọ hlan ẹn, do, Jiwheyẹwhe na tùnnu we, hiẹ adó wewé: hiẹ sinai nado dindòna owhe ṣie gbọn osén dali, bo so degbe yè ni linu mi jagò do osén go? ⁴Omẹ he site sẹpọ́ ẹ le sọ dọmọ, Hiẹ to yẹwhenọ daho Jiwheyẹwhe tọn vlẹ? ⁵Whenẹnu wẹ Paulu dọmọ, Mẹmẹsunnu yẹn ma yọnẹn dọ yẹwhenọ daho wẹ ewọ gba: na yè ko wlanwe dọ, Hiẹ ma na dọhó ylankan do ogan omẹ towe lẹ tọn go gba ⁶Whenuena Paulu mọhlan dọ, adade yetọn yín Sadusi, podọ adade sọ yín Falesi, é dawhá to agùn tòhódọtọ lẹ lọ tọn mẹ dọ, Mẹhọ, mẹmẹsunnu emi, Falesi de wẹ yẹn, ovi Falesi tọn de: na tódido po fọnsọnku osiọ lẹ tọn po wutu we yè do ylọ mi wá kannuse. ⁷Whenuena é dọ ehe, wiwọ de fọ́n to Falesi po Sadusi lẹ po ṣẹnṣẹn: agùn lọ sọ má do awe. ⁸Na Sadusi lẹ dọmọ, fọ́nsọnku de ma tin, kavi angeli, kavi gbigbọ; ṣigba Falesi lẹ yí awelẹ se. ⁹E sọ lezun awhá daho; wekantọ he tin to awà Falesi lẹ tọn ji, fọ́n, bo to hódòn dọmọ, Mìwlẹ ma mọ onu ylankan de to dawe he go gba: ṣigba eyín gbigbo kavi angẹli de wẹ dọhó hlan ẹn, mì dike mí hòavùn hẹ Jiwheyẹwhe blo. ¹⁰Whenuena wiwo lọ zùn daho, awhangandaho lọ, budidi Paulu nikã zùn dọntlẹn gbọn yé dali, degbèna awhanvipẹ lẹ ni jẹte yì, nado yi huhlon do tutlu i sọn yé si, bo hẹn ẹn wá síngbo mẹ.

¹¹To ozán nẹ mẹ, Oklunọ site to e de bo dọmọ, Dotu, Paulu, na le hiẹ dekun-nuna mi to Jelusalẹm do, mọwẹ hiẹ nasọ dẹkunnu to Lomu ga.

¹²Whenuena ai hòn, Ju delẹ nùalẹ, bo yí dẹ̀hodo de do sín yéde, dọmọ, yé ma to onú de na dù, mọ yé ma to na nù, kaka yé na do hù Paulu. ¹³Yé he nùalẹ he lẹ hú gbẹtọ kande. ¹⁴Yé sọ wá ogán yẹwhenọ lẹ tọn di po mẹho lẹ po, bo dọmọ, Mìwlẹ ko sín mìde do dẹ̀hodo daho de glọ ma nado dó núde pọ́n kaka mí na do hù Paulu. ¹⁵Enewutu dinvie, mìwlẹ po agùn tòhódọtọ lẹ tọn po ni dọ hlan awhangándaho ni hẹn Paulu jẹte wá mì de to osò, taidi mì do onú dódó de na kanse na etọn wutu: whẹpo e na do sẹpọ́, mìwlẹ na ko wleawu pó nado hù i. ¹⁶Whenuena ovi nọviyọnnu Paulu tọn sè owùtitọ yetọn, é yì, bo biọ síngbo mẹ, bo dọ na Paulu. ¹⁷Whenẹnu wẹ Paulu ylọ dopo to mẹkanwekowhangán lẹ mẹ do ede de, bo dọmọ, Hẹn dawe he yì awhangándaho de: na é tindo núde na dọ nẹ. ¹⁸E sọ yí i, bo plan ẹn yì awhangándaho de, bo dọmọ, Paulu ogàntọ ylọ mi do ede de, bo sọ vè mi nado hẹn dawe he wá de we, mẹhe tindo núde na dọ hlan we. ¹⁹Whenenu wẹ awhangándaho hen alọkọ etọn, bo hẹn ẹn jẹ ola to nuglọ, bo kanse e dọ, Etẹ wẹ onú he hiẹ tindo nado dọ na mi? ²⁰E sọ dọmọ, Ju lẹ ko dogbèpó nado vè we na a ni hẹn Paulu jẹte wá agùn tòhódọtọ lẹ tọn mẹ to osò, taidi yé do núde na kanse dódó gbọn dali etọn. ²¹Ṣigba a sè yetọn blo: na yé omẹ he tọwù dai nẹ̃ lẹ hu gbẹtọ kande, he ko sín yéde do dèhode de glọ ma nado dù mọ ma nado nù kaka yé na ko do hù i: podọ dinvie yé ko wleawupó, bo sọ tódo ogbè sọn de wẹ. ²²Whenẹnu wẹ awhangándaho jo visunnu lọ do ni yì, bo sọ dosẹ́n nẹ dọ, A dọ na omẹ de dọ hiẹ ko do onú helẹ hia mi blo. ²³E sọ ylọ mẹkanwekowhangán awe do ede de, bo dọmọ, Mì wleawu awhanvipẹ fọde tọn dai nado yì Sesalea, osọ́nọ kandegbàn, po owhánnọ fọde po, to ojlẹ atọ̀ntọ ozán mẹ tọn mẹ; ²⁴mì sọ wleawu kanlin tọn ehe ji yè na zé Paulu hẹ, na yé nido hẹn ẹn jijọho mẹ yì jẹ Feliksi otògán lọ de. ²⁵Ewọ sọ wlan owé dole dọ:

²⁶Klaudiu Lusia hlan Feliksi gigonọ daho, ayajẹ. ²⁷Ju lẹ wlé dawe he, bo sọ to linlẹn nado hù i: whenẹnu wẹ yẹn wá po awhàn po, bò yí i sọn yé si, whenuena yẹn sè dọ Lomunu wẹ ewọ. ²⁸Whenuena yẹn sọ jlo na yòn onú he wutu yé to owhè etọn jẹ, yẹn hẹn ẹn jẹte wá agùn tòhódọtọ yetọn lẹ tọn mẹ: ²⁹Mẹhe yẹn mọ dọ gbọn osén yetọn dali wẹ yè to owhè etọn jẹ, mọ bo ma mọ onú he jẹ na okú kavi na ogàn de hia dokò nẹ̃. ³⁰Whenuena yè dọ le Ju lẹ tọwù dote na dawe lọ do na mi, yẹn sọ ẹ dohlan we plaun, bo sọ degbèna whẹjẹtọ etọn lẹ ga, nado dọ to nukọn towe onú he yé tindo nado dọ do e go. Blẹ́o.

³¹Whenẹnu wẹ awhanvipẹ lẹ, dile yè zọ́n yé do, plan Paulu, bo hẹn ẹn to ozán mẹ yì Antipatli. ³²To aihọngbè yé jo osònọ lẹ nado hodo e yì, yewlẹ sọ lẹ́gọ̀ biọ síngbo mẹ. ³³Whenuena yé jẹ Sesalea, bo yí owé na otògán lọ, yé hẹn Paulu wá nukọn etọn. ³⁴Whenuena otògán hia owé lọ, é kanse dọmọ, otò tẹ tọn wẹ ewọ yín? Whenuena é sè dọ Silisiatọ wẹ ewọ; ³⁵e dọ, Yẹn na sè owhè towe, whenuena whẹjẹtọ towe lẹ wá. E sọ dọmọ yè ni whlá ẹ do owhẹhọ Hẹlọdi tọn mẹ.

¹TO azán atọ̀n godo, Anania yẹwhenọ daho jete wá, po mẹho delẹ po, po déditọ de po Teltulu de, mẹhe dọhó do Paulu go na otògán lọ. ²Whenuena yè ylọ ẹ jẹgbonu, Teltulu sè owhè etọn jẹ, dọmọ, Jijọho wẹ mìwlẹ to dùdù gbọn dali towe, podọ azọ́n he jẹ talala susu wẹ yè to wiwà na akọta he gbọn númọdai towe mẹ, ³mìwlẹ yí opé lẹpo do kẹalọyi i whepoponu, pódọ to ofi popo, Feliksi gigonọ daho. ⁴Ṣigba na yẹn ma nado dòn ẹn dite yì kaka hlan we, yẹn vè we na hiẹ ni yí homẹmimiọn towe do sè ohó mìtọn pẹvide. ⁵Na mìwlẹ yí dawe he do mọ gbẹtọ adlanọ de, avùndadaitọ to Ju he tin to aihọn mẹ lẹpo ṣẹnṣẹn, podọ nukọntọ awà Nazalene lẹ tọn tọn; ⁶mẹhe to dindanpé nado hẹn tẹmpli gble ga: mí wlé e, mẹhe mí jlo na dọwhèhẹ kẹdẹdi osén mìtọn. ⁷Ṣigba Lusia, awhangándaho lọ, wá, bo yí huhlọn daho do yí i sọn alọ mìtọn mẹ, ⁸bo sọ degbèna whẹjẹtọ etọn lẹ nado wá de we: to dòdinna owhè etọn mẹ, hiẹlọsu na yí nuyọnẹn onú helẹ pó tọn, ehe mẹ mí to owhè etọn jẹ te. ⁹Ju lẹ ko sọ dogbèpò ga dọ, mọwẹ onú helẹ yín.

¹⁰Whenuena otògán lọ mìalọ hlan ẹn nado dọhó, Paulu gblọn dọmọ, Le yẹn yọnẹn dọ hiẹ yín whẹdatọ hlan akọta he sọn owhè susu wá, yẹn yí ayajijẹ susu humọ nado gblọnhó na dẽ: ¹¹mimọ dọ hiẹ sọgan yi oyọnẹn, azán wiawe fi kẹdẹ wẹ yẹn hẹji yì Jelusalẹm nado sèn. ¹²Mọ yé ma mọ mi to tẹmpli mẹ to núdòn hẹ omẹ de, kavi to tuklado gbẹtọ lẹ, to sinagọgu lẹ mẹ kavi to otodaho mẹ: ¹³mọ yé ma sogan detana onú he yé owhè ṣie jẹ na dinvie. ¹⁴Ṣigba ehe wẹ yẹn yígbe etọn hlan we, dọ di aliho he yè ylọ plòngiglọ, mọ wẹ yẹn to Jiwheyẹwhe otọ ṣie lẹ tọn sèn, bo sọ to onú he yè wlan to osén mẹ lẹpo, podọ to yèwhegán lẹ mẹ yise: ¹⁵Yẹn sọ tindo todido hlan Jiwheyẹwhe de, ehe yọlọsu yigbe etọn ga dọ, fọ́nsọnku dódónọ lẹ tọn, po mawàdódónọ lẹ po tọn de na tin. ¹⁶Ehe mẹ wẹ yẹn to azónna dẽ wà te, nado tindo ayiha he ma tindo afọklẹnnu de hlan Jiwheyẹwhe de, podọ hlan gbẹtọ de to whepoponu. ¹⁷Mọ to owhè susu godo, yẹn wá nado hẹn nunina lẹblanu ton wá na akọta ṣie, po avọsannu lẹ po. ¹⁸Ehe mẹ wẹ Ju Asia tọn delẹ mọ mi te, to lèwé mẹ to tẹmpli mẹ, é ma yín po omẹ susu po, kavi po zingidi po. ¹⁹Yé omẹ he jẹ nado tin to nukọn towe to ofi, bo dedonukunmẹna mi, eyín yé tindo núde na dọ do ogo e. ²⁰Kavi eyín é ma sọ yín mọ, gbọ yé he tin to ofì lẹ ni dọ, eyín yé mọ owalọ ylankan de to ogo e, le yẹn to ote to agùn tòhódọtọ lẹ tọn nukọn he, ²¹adavo na ogbè dopo he kẹdẹ wutu, he yẹn dawhá whenuena yẹn site to yé ṣẹnṣẹn dọ, Fónsọnku oṣiọ lẹ tọn wutu wẹ yè ylọ mi wá kannuse gbon alọ towe mẹ to egbé.

²²Whenuena Feliksi sè onú helẹ, le é yòn ali lọ hézéhézé, é kija yé whé, bo sọ dọmọ, Whenuena Lusia, awhangándaho lọ jẹte wá, yẹn na yòn ota owhè mìtọn tọn jẹdò. ²³E sọ degbèna mẹkanwekowhangán de nado pọ́n Paulu go, bo sọ na otẹn ẹn, podọ é glọn omẹ he yín họ́ntọn etọn de nado wá yílizọn nè kavi nado wá e de blo.

²⁴To azán vude godò, whenuena Feliksi wá po Dlusila asi etọn po, mẹhe yín Ju yọnnu, é do omẹ hlan yì ylọ Paulu, bo sọ sehó sọn e de gbọn yise he to Klisti mẹ dali. ²⁵Le é to hóyídohójlẹ gbọn dódó, owùnza, po whẹ̀dida he ja po tọn; dali, Feliksi hùnbu, bo sọ gblọn dọmọi Yì ojlẹ he mẹ whé; whenuena yẹn tindo whenu he bọawú, yẹn na do omẹ ylọ we wá dẽ. ²⁶E dotó ga to enẹ mẹ do yè na na akuẹ ẹ sọn Paulu de, na ewọ nido jo e do: enẹwutu é nọ to omẹ dohlan ẹn whepoponu humọ, bo nọ to hódọ hẹ e ²⁷Ṣigba to owhè awe godo, Pọlkiu Festu yí oten Feliksi tọn; Feliksi sọ jlo nado do nukundagbe hia Ju lẹ, é jo Paulu do ogàn mẹ.

¹WHENUENA Festu wá jẹ gbetatò lọ mẹ, to azán atọ̀ntọ godo, é hẹji sọn Sesalea yì Jelusalẹm. ²Whenẹnu wẹ yẹwhenọ daho po mẹho aglosu Ju lẹ tọn po, dọhó nẹ̃ do Paulu go, bo sọ ẹ, ³yé to nukundagbe biọ do e go, na ewọ nido do omẹ ylọ ẹ wá Jelusalẹm, bo tọwù do ote nẹ̃ to aliho nado hù i. ⁴Ṣigba Festu gblọn dọ yè ni hẹn Paulu dote to Sesalea, podọ ewọ lọsu na yì odon to azánvielẹmẹ. ⁵Enẹwutu wẹ é dọmọ, mẹhe sọgan yì to mì mẹ ni hodo mi yì, eyín owalọ ylankan de sọ tin to dawe he go, na yé ni jẹwhẹ etọn.

⁶Whenuena é nò yé de hú azán ao, é jẹte yì Sesalea; to aihọngbè, é sinai to oján owhẹda tọn ji, bo degbè nado hẹn Paulu wá. ⁷Wlienuena yè hẹn ẹn wá, Ju he jẹte sọn Jelusalẹm wá le site lédo e pó, bo sọ to owhè dahodàho susu Ìẹn do Paulu kò, ehe yé ma sọgan detana. ⁸Whenuena Paulu dọ to whèdidọ etọn mẹ dọmọ, E ma yín do osén Ju le tọn go, kavi do tẹmpli go, kavi ko Sesali go wẹ yẹn wà onú de jẹgọ̀ do gbède. ⁹Ṣigba Festu jlo na yí nukundagbe to Ju lẹ de, é gblọnhóna Paulu dọmọ, Be hiẹ jlo nado hẹji yì Jelusalẹm, na yè nido dawhè onú helẹ tọn to fine to nukọn ṣie? ¹⁰Whenẹnu wẹ Paulu dọmọ, Yẹn ko site to oján Sesali whẹ̀da tọn kòn, fie jẹ yè do dawhèna mi te: yẹn ma wà onú ylankan de do Ju lẹ, dile hiẹlọsu yọnẹn do hézéhézé. ¹¹Eyín whenẹnu yẹn yín ylanwàtọ, kavi dọ yẹn ko wà onú he jẹ hlan okú, yẹn ma gbé nado kú gba: ṣigba eyín onu helẹ depope ma yín nugbo, na ehe wutu ehelẹ jẹwhẹ ṣie, omẹ depope ma sọgan jo mi hlan yé gba. Yẹn yí owhẹ ṣie hlan Sesali. ¹²Whenẹnu Festu, whenuena é lẹnhó po tòhódọtọ lẹ po, gblọnhóna Paulu dọmọ, Hiẹ yí owhè towe hlan Sesali? Sesali de wẹ hiẹ na yì.

¹³To azán vude godo, Aglipa ahọlu po Belnike po wá Sesalea nado dọnúdo Festu. ¹⁴Whenuena yé ko nọ finẹ hò azán susu, Festu dọ owhèhó Paulu tọn to aholu nukọn, dọmọ, Yè jo dawe de dai to ogàn mẹ sọn Feliksi de wá, ¹⁵mẹhe wutu, whenuena yẹn tin to Jelusalẹm, ogan yẹwhenọ lọ tọn, po mẹho Ju lẹ tọn po dọ na mi, bo sọ biọ whẹ̀dida do e go. ¹⁶Yé omẹ he yẹn gblọnna, dọmọ, E ma yín owalọ Lomunu lẹ tọn nado gblewhẹ okú ton do omẹ depope, whẹpo mẹhe yè jẹwhẹ etọn na sọnukun whẹjetọ etọn lẹ, bo sọ tindo otẹn nado doho na ede gbọn owhẹ he yè hia do okò nẹ̃ tọn dali. ¹⁷Enẹwutu whenuena ye zọnpọ wá ofi, yẹn ma hen dote, to aihọngbè yẹn sinai to oján whẹda tọn ji, bo sọ do omẹ yì ylọ dawe lọ wá. ¹⁸Mẹhe whenuena whejẹtọ etọn lẹ fọ́nsite, yé ma hẹn owhẹhó he nkọ yẹn vẹdo wá gba: ¹⁹Adavo owhẹ sinsẹ́n yetọn tọn delẹ he yé to nudòn hẹ ẹ na, podọ Jesu de tọn, he ko kú, mẹhe Paulu to didọ dọ é tin to ogbẹ. ²⁰Na ayiha ṣie ma mọnújẹ ohó motonnkọ lẹ mẹ wutu, yẹn kanse e dọ e jlo nado yì Jelusalẹm, na yè nido dawhẹ ohó helẹ tọn to finẹ. ²¹Ṣigba whenuena Paulu dọmọ, yè ni hen ẹn dote jẹ sisè whẹ̀dida Augustu tọn, yẹn degbè yè ni yí i whlá kaka yẹn na do sọgan do e hlan Sesali de. ²²Whenẹnu wẹ Aglipa dọ hlan Festu, dọ, Yẹn jlo nado sehó dawe lọ tọn na dè ga. E dọ, Osò hiẹ na sehó etọn.

²³To azán awetọ gbè, whenuena Aglipa po Belniki po wá, to asọ daho me, bo sọ biọ ofi he yè nọ sehó te, po awhangándaho lẹ lọ po, po meho otòdaho lọ mẹ tọn lẹ po, to gbèdide Festu tọn mẹ, ye hẹn Paulu jẹgbonu. ²⁴Festu sọ dọmọ, Aglipa ahọlu, po mì ome he pli hẹ mí lẹ po, mì mọ dawe he, mehe wutu agùndaho Ju lẹ tọn lédo mi to Jelusalẹm, podọ to ofi dinvie, bo to awhádo dọ, Ewọ ma jẹ na nọgbẹ dẹn ba gba. ²⁵Ṣigba whenuena yẹn mọ dọ é ma wà onú he jẹ na okú, podọ le ewlọsu ko yí owhẹ etọn hlan Augustu, yẹn ko sọ magbè etọn nado do e hlan. ²⁶Na mẹhe tọn yẹn ma mọ nújọnú de nado wlanwe hlan Oklunọ ṣie. Enẹwutu yẹn hẹn ẹn jegbonu wá nukọn mìtọn, humọ wá nukọn towe, ahọlu Aglipa, na ehegodo mì dindo nẹ, na yẹn nido tindo onú de nado wlanwe. ²⁷Na é ma jlọ to nukun ṣie mẹ gba nado do ogàntọ hlan, bo ma mọ onú de nado do owhẹ he ye to wiwlé hẹ ẹ hia.

¹WHENẸNU wẹ Aglipa dọ hlan Paulu, dọmọ, Yè na otẹn we nado dọhó na dewe. Whenẹnu wẹ Paulu dlẹn alọ etọn jẹgbonu, bo sọ dọwhè etọn:

²Na onú he yè to whẹwle hẹ mi na lẹ, gbọn Ju lẹ dali, ahọlu Aglipa, homẹ yẹn lọsu tọn hùn na yẹn na dọhó na dẽ to nukọn towe to egbé: ³humọ yẹn sọ yọnẹn dọ owalọ po nudindòn Ju lẹ tọn po wẹ hiẹ yọnẹn hézéhézé; enẹwutu yẹn vẹ we na hiẹ ni yí homẹ mimiọn do sè ṣie. ⁴Jijọ ṣie sọn ovu, sọn whẹwhéwhenu wá to Jelusalẹm to akọta ṣie lẹ ṣẹnṣẹn, Ju lẹpo yọnẹn; ⁵Yé mẹhe yón mi sọn dòwhenu lẹ, eyín yé jlo na dekunnu, dọ magboàwupò na sinsẹn kanta mìtọn tọn, Falesi de wẹ yẹn. ⁶Dinvie na tódido opagbe he yè ko do hlan otọ́ mìtọn lẹ sọn Jiwheyẹwhe de tọn wutu wẹ yẹn site bọ yè do ylọwhè mi to ofi. ⁷Na opagbe he whendo mìtọn wiawe lẹ, magbọjẹ to okle po ozán po to Jiwheyẹwhe sèn na, bo sọ to nukundo na wá. Na tódido nẹ wutu wẹ yè to owhè ṣie jẹ gbọn Ju lẹ dali, ahọlu Aglipa. ⁸Etẹwutu wẹ yè nado lẹn ẹn na onú he ma yín yíyí hlan we dọ, Jiwheyẹwhe zé osiọ titẹ? ⁹Yẹn sọ lẹn to ohò ṣie mẹ nugbonugbo dọ, yẹn wẹ jẹ nado wà onú he jẹagọ̀ susu do oyín Jesu Nazaleti tọn go. ¹⁰Onú he ga wẹ yẹn sọ wà to Jelusalẹm: omẹ susu to mẹwiwe lẹ mẹ wẹ yẹn glọn do ogànhọ mẹ, whenuena yen yí huhlọn sọn ogán yẹwhenọ lẹ tọn de; whenuena yè sọ to yé hù, yẹn do ogbè to e mẹ. ¹¹Yẹn nọ doyana yé whepoponu to sinagọgu lẹpo mẹ, bo sọ nọ hẹn yé zánnù; homẹ yetọn nọ gble mi susu, yẹn sọ nọ dohomẹkẹn yé kaka jẹ otòdaho devo mẹ. ¹²To ehe lọ mẹ, le yẹn jei Damasku po asè po, po osén huhlọn tọn po sọn ogán yẹwhenọ lẹ tọn de, ¹³To okle owhè sà mẹ, ahọlu È, yẹn mọ hinhọn sọn olọn mẹ wá, é hú vivé owhè tọn, é hón lẹdo mi, po omẹ he hodo mi jei whẹntóngbé mẹ lẹ po, ¹⁴Whenuena mí omẹ pó jai, yẹn sè ogbè de to hódọ hlan mi, to ogbè Heblu tọn mẹ, dọ, Saulu, Saulu, etẹwutu hiẹ to homẹkẹndo mi? E sinyẹnawú na we nado sẹwhẹ atintlọntlón. ¹⁵Yẹn sọ dọmọ, Mẹnu wẹ hiẹ, Oklunọ? Ewọ sọ dọmọ, Yẹn Jesu, mẹhe hiẹ to homẹkẹndo wẹ. ¹⁶Ṣigba tite, bo site to afọ towe ji: na ehe wutu wẹ yẹn sọawúhia we, nado yí we do basi devizónwàtọ podọ kunnudetọ onú he hiẹ mọ tọn, po onú he yẹn na yí awúhia we na tọn lẹ po. ¹⁷Yẹn na whlẹn we sọn gbẹtọ lẹ si, podọ sọn Kosi lẹ si, yé omẹ he de yẹn na do we hlan to dinvie lẹ, ¹⁸Nado hùn nukunna yé, nado lẹ́ yé sọn zinvlu mẹ do hinhọ́n mẹ, podọ sọn huhlọn Satani tọn mẹ do Jiwheyẹwhe de, na yé nido mọ ojona ylando tọn yí, po ogúigba po hẹ omẹ he yè hen zùn wiwe lẹ gbọn yise he tin to yen mẹ dali. ¹⁹Enẹwutu, aholu Aglipa È, yẹn ma sọ vetóli do onúmimọ olọn tọn lọ go gba: ²⁰Ṣigba yẹn dọ hlan yé Damasku tọn lẹ whé podọ to Jelusalẹm, podọ lédo Judé dali lẹpo, podọ hlan Kosi lẹ ga, dọ yé ni lẹnvọjọ, bo lé do Jiwheyẹwhe de, bo wà azón he jẹ na lẹnvọjọ yetọn ²¹Na onu helẹ wutu wẹ Ju lẹ wlé mi to tẹmpli mẹ, bo sọ to dindin nado hù mi. ²²Le yẹn sọ to alọgọna mọyi sọn Jiwheyẹwhe de, yẹn to ote kaka jẹ egbé, bo to kunnude hlan pevi po daho po, yẹn ma to onú devo de dọ hú onú he yẹwhegán le po Moṣe po ko dọ dọ é na jọ lẹ: ²³Dọ le Klisti mananọma jiya do, podọ le ewọ gbọn ofọnsọnku tintan osiọ lẹ tọn dali do la hinhọ́n hlan gbẹtọ lẹ podọ hlan Kosi lẹ do.

²⁴Le e to onú helẹ dọ na ede, Festu yí ogbè lélé do dọmọ, Paulu, ayihadiọ wẹ, nupinplón glànglàn hen we lunú. ²⁵Ṣigba ewọ dọmọ, Yen ma lunú gba, Festu, gigonọ daho; ṣigba ohó nugbo po owùnza po tọn wẹ yẹn to didọ jegbonu. ²⁶Na ahọlu yọnẹn son onú helẹ mẹ, mẹhe nukọn yẹn mọ vivò te ga do to hódọ: na ayiha ṣie dọ na mi dọ, yè ma wa onú helẹ de to nuglọ gba. ²⁷Ahọlu Aglipa, be hiẹ yí yẹwhegán lẹ se? Yẹn yonẹn dọ hiẹ yise. ²⁸Whenẹnu wẹ Aglipa dọ hlan Paulu, dọmo, Hóyídodònmẹ pẹde dogó hiẹ do jlo yí homehùnhùn do hẹn mi yín Khstiani de. ²⁹Paulu so dọmọ, Yẹn to jìjlo to Jiwheyẹwhe de, dọ eyín po vude po kavi po susu po, hiẹ sokẹdẹ ma gba, ṣigba mẹhe sèhó ṣie to egbe lẹpo, dọ lẹzùn mẹhunkọ yẹn yín, ogàn helẹ ndèhlan.

³⁰Whenuena é dọhó dolẹ, ahọlu tite po otògán lọ po, po Belnike po, po omẹ he sinai tọ yé de lẹ po: ³¹Whenuena yé jẹ olá, yé dọhó po yénọzo po, dọmọ, Dawe he ma wà onú he jẹ na okú, kavi na ogàn gba. ³²Aglipa sọ dọ hlan Festu, dọ, Eyin dawe he ma ko yí owhé etọn hlan Sesali gba, be yè do dè e do ote.

¹WHENUENA yéko magbè nado súnhún yì Itali yé yí Paulu po ogàntọ devo delẹ po do alọ mẹkanwekowhangán de tọn mẹ, he yín Juliu, to awhanpa Augustani tọn mẹ. ²Mí sọ bio vatle Adlamittiu tọn de mẹ, awuwiwle nado gbọn Asia dali yì, mi súnhún; Alistaku, Makedoniatọ Tesalomka tọn tin to mí de. ³To aihongbe mí jẹ Sidoni. Juliu basi homẹdagbe hlan Paulu, bo sọ na otẹn ẹn nado nọ yì họntọn etọn lẹ de, nado doawuyana ede. ⁴Whenuena mí tón sọn finẹ jei, mí súnhún gbọn Kiplu glọ, na jẹhọn ma yìn gbọn titegbe wutu. ⁵Whenuena mí ko kùnhún zè ohù Silisia po Pamfilia po tọn go, mí jẹ Mila, otòdaho Likia tọn de. ⁶Finẹ wẹ mekanwekowhangán lọ mọ vàtlẹ Alẹkzandle tọn de te, ehe to na sún yì Itali: é sọ bẹ mi kòn do e mẹ. ⁷Whenuena mí to húnkùn dẹdẹ hò azán susú, bo bla na sò wá Kinidu jleji, le jẹhọn ma na vivòtẹn mí, mí kùnhún gbọn Klete glọ, to Salmọni jlẹji. ⁸Po awusinsinyẹn po to láwhiwhlẹ jei mẹ, mí wa ofì de he yè nọ ylọ dọ, Otòpa he diun; bo sepó ofi he otòdaho Lasea tọn ko tin te dai.

⁹Whenuena mí hò azán susu, bọ alakiké zùn owu, na onùbla whenu ko juwayì wutu, Paulu lẹn núde hẹ yé, ¹⁰Bo dọ hlan yé, dọmọ, Mẹho emi, yẹn lẹn dọ, vàtlẹ lọ súnsún he na ylan, é nasọ do nuhẹngu susu, é ma yín agbàn po ohún po tọn kẹdẹ, ṣigba gbigbọ mìton tọn ga. ¹¹Ṣigba mekanwekowhangán lọ yí ohuntọ po ohúnnọ lẹ po tọn se hú onú he yè dọ gbọn onù Paulu tọn mẹ. ¹²Na otòpa lọ ma bọawú nado hlenavivọ to finẹ wutu, omẹ susu dówe nado yì sọn finẹ ga, eyín yé na sọgan hlọnhu nado jẹ Fenike, bo nado hlẹnavivọ to finẹ; ehe yín otòpa Klete tọn, he pànnukọn ohuwajiwheyìhọ, po agéwaji-wheyìhọ po. ¹³Whenuena ohù jẹhọn sọ tó yìnyìn dẹdẹ linlẹn dọ yé ko mọ ojlo yetọn, bo jó sọn finẹ, yé kùnhún gbọn olá Klete tọn go yì. ¹⁴Ṣigba é ma dẹn to enẹgodo, oyú he yè nọ ylọ dọ Euloklidoni yìn do e ji. ¹⁵Whenuena é zé vátlẹ lọ, bọ é ma sọgan pannukọn oyú lọ, mí jo e do ni to sisà. ¹⁶Whenuena é sà ẹ gbọn olopo de glọ he yè nọ ylọ dọ Klauda, po awusinyẹn po wẹ mí sọgan nado whlẹn ọvàtlẹ lọ: ¹⁷Whenuena yé zé e daga, yé zán alọgọna lẹ, bo to vàtlẹ lọ sú to odò; whenuena budi yé na yé nikã biọ otòkén bibọ mẹ, mi kéala, mọwẹ mí to sisà pé. ¹⁸Oyú lọ to mí bli pé talala, toazán awetọ gbè yé sẹ agbàn békònyin ohù mẹ bo hẹn ohún fua; ¹⁹to azán etọn atọ̀ntọ gbè, mí yí alọ mìtọn lọsu do bé núzinzán he tin to vàtlẹ lọ mẹ lẹ kọnyingbe. ²⁰Whenuena owhè kavi sunwhlẹvu ma sọawúhia hò azán susu, bọ oyú ma sọ na dotẹn mí, tódido dọ yè na whlẹn mí gán tọn lẹpo yì. ²¹Whenuena yé nọnúmadù azán susu, whenẹnu wẹ Paulu fọ́n site to ṣẹnṣẹn yetọn, bo dọmọ, Mẹho emi, mì do yí ṣie se, bo ma ko yì sọn Klete, owu he ma do wu mí, agbàn he lẹ ma do sọ, gú mì. ²²Dinvie yẹn jlahomẹdona mì, na mí ni kònawudai: na gbigbọ omẹ de tọn ma na và to mì mẹ gba, adavo vàtlẹ lọ kẹdẹ. ²³Na angẹli Jiwheyẹwhe tọn de, omẹ he tọn yẹn yín, podọ omẹ he yẹn to: sinsẹ́n ga, site to dẽ to ozán he mẹ, ²⁴Bo dọmọ, Paulu, a dibu bló; yè ma na nọma hẹn we jẹ Sesali nukọn gba: bo sọ pọn, Jiwheyẹwhe yí omẹ he dohún hẹ wẹ lẹpo na we. ²⁵Enẹwutu, mẹho emi, mì kònawudai, na yẹn yí Jiwheyẹwhe se dọ, é na nọ kẹdẹdile yè dọ hlan mi do. ²⁶Ṣigba yè na hẹn mí sà jẹ olopo de go.

²⁷Whenuena é jẹ ozán azán wiẹnẹtọ tọn mẹ, le mí to sisà yìde yìdòn to ohú Adlia tọn ji to ozán homẹ húnkuntọ lẹ lẹn dọ yé dòn sẹpọ́ otò de; ²⁸Yé jléhù pọ́n, bo sọ mọ sìso awàgba òko: whenuena yé sẹdo vude deji, yé sọ vò ohú jlé, bo sọ mọ siso awàgba fọtọ̀n. ²⁹Whenuena budiye yé nikã glin do ozannu ji, yé do húnsíngàn ẹnẹ otò to húhyònu, bo to dèho na aihinhọn. ³⁰Le húnkùntọ lẹ to otẹn din nado hòn sọn ohún lọ mẹ, bo ko túnkan na ovàtlẹ dlọn ohú mẹ, taidi yé to jijlo nado zé húnsíngàn dlọn sọn húnkò, ³¹Paulu dọ hlan mẹkanwekowhangán po awhanvìpẹ lẹ po dọmọ, Adavo ehelẹ nò ohún lọ mẹ mìwlẹ ma sọgan yín whinwhlẹngán gba. ³²Whenẹnu wẹ awhanvipẹ lẹ sán okan ablẹhún tọn bo sọ jo e do flẹ́ jẹ odọn. ³³Whenuena ai to hinhọ́n, Paulu vè yé omẹ pó nado dùnú, bo sọ dọmọ, Egbé yín azán wiẹnẹtọ he mì ko to tódo, bọ mì ma dù nude, mì ma sọ dó onú depope pòn. ³⁴Enẹwutu yẹn vẹ mì, na mì ni dùnú pẹvide: na ehe wẹ na agbasa? lilo mìtọn: na odà dopo ma to na sùn sọn ota mì omẹ de tọn. ³⁵Whenuena é dọ onú helẹ, bo yí akla, é dopẹna Jiwheyẹwhe to yé omẹ pó nukọn: whenuena é kan ẹn, é ẹò dùdù. ³⁶Whenẹnu wẹ yé omẹ pó kònawudai, bọ yé lọsu sọ dùnú vude. ³⁷Mí omẹ he tin to ohún lọ mẹ lẹpo yín ayiha fodekandegbàntònnukundopo. ³⁸Whenuena yé dùnú góho, yé hẹn ohún lọ fua, bo sọ bé olikún kòn do ohù mẹ. ³⁹Whenuena aihọn, yé ma yọn aigba lọ, ṣigba yé mọ ogblọn he tindọ otòpa de, finẹ wẹ yé lẹn, eyín é sọgan yín wiwà, na yé nido sisẹ ohún lọ do e mẹ. ⁴⁰Whenuena yé dòn húnsíngàn lẹ daga yé jo yé dai do ohù mẹ, whenuena-yó tún okan húndónu tọn, bo kéala daho do jẹhọn ji, yé sọkò age. ⁴¹Whenuena yé jẹ ofi he ohù awe plinù te, yé kùnhún yì tàn: ohúnkọ sọ whè do okò mẹ gbángbán, é ma sọgan sẹtẹn, ṣigba huhlọn agbówhẹn tọn gbà yònu ohún lọ tọn. ⁴²Linlẹn awhanvipẹ lẹ tọn wẹ dọ yé ni hù ogántọ, lẹ, na ode yetọn nikã linsìn jẹ age, bo hòn yì. ⁴³Ṣigba mekanwekowhangán jlo nado whlẹn Paulu, é gbẹ́ ohó yetọn, bo sọ degbè dọ, Mẹhe sọgan linsìn to mì mẹ lẹ whéwhẹ ni jẹ ohù mẹ, bo yì age. ⁴⁴Pìpòtọ lẹ, delẹ to owhlẹ ji, delẹ to onú sọn ohún mẹ lẹ ji. Mowẹ é wá jọ, bọ yé omẹ pó gán jẹ age jijọho.

¹WHENUENA mí omẹ pó ko hòhgán, wẹ mí yọnẹn dọ Melita wẹ olopo lọ nọ yín. ²E ma sọyín dagbe vude wẹ gbẹtọ akọmasègbe lẹ wà na mí gba; na yé pla miyọn, bo sọ yí mí omẹ pó do, na jikun whenẹnu tọn po avivọ po wutu. ³Whenuena Paulu sinyan nakéyẹyẹ pli, bo bé yé do miyọn mẹ, amàpbe de tón sọn yózo mẹ, bo tò do alọ etọn go. ⁴Whenuena akọmasègbe lẹ mọ kanlin adinọ té do alọ etọn go, yé to didọ hẹ yénọzo dọ, Matinyèdọ hlọnhutọ de wẹ dawè he, mẹhe, le é hòngan sọn ohù mẹ, gãnṣo ahọsu ma dike ni nọgbò. ⁵Ewọ sọ mímí kanlin lọ dlẹn miyọn mẹ, nudepope ma sọ wà ẹ. ⁶Ṣigba yé to pinpòn whenuena ewọ na ji, kavi jai ajiji bo kú: ṣigba ehegodo yé dòngbàn kaka, bọ yé ma mọ nude wà ẹ, yé diọ ayiha yetọn bo dọmọ, yẹwhe de wẹ dawe he.

⁷Aigba ogán olopo ji lọ tọn tin to awà finẹ tọn ji, mẹhe nọ yín Publiu; mẹhe yí mí, bo sọ yí homẹdágbe do na nòtẹn mí hò azán atọ̀n. ⁸E sọ wá jọ, otò Publiu tọn to vàzòn po zẹntin po jẹ: mẹhe Paulu biọ họmẹ yì e de, bo hodẹ, bo dealọ etọn do e ji, bo hẹnazòngbọ nẹ. ⁹Whenuena yè wà ehe, omẹ devo lẹ ga, he tindo azọ̀n to olopo lọ ji, wá e de, é sọ hẹnazọ̀ngbọna yé: ¹⁰yé mẹhe wleyẹyi susu na mí ga; whenuena mí sọ jei, yé doagbàn onú he mí ma tindo lẹpo tọn na mí.

¹¹To osùn atọ̀n godo, mí gbọn ohún Alẹkzandlé tọn de mẹ tònyì, ehe hlẹnavivọ to olopo lọ ji, ehe ohia etọn yín Nọvisunnu ahoho awe lọ. ¹²Whenuena mí jlẹhún to Silakusi, mí nọte to finẹ hò azán atọ̀n. ¹³Sọn finẹ whenuena mí lédo, mí jẹ Legiumi: to azán awetọ gbè, jẹhọn ohùwaji tọn yin, to aihọngbè mí wá Puteoli. ¹⁴Ofì he mí mọ mẹmẹsunnu lẹ te, bọ yé sọ? 4 mí nado nọte to yé de hò azán ṣinawe mọwẹ mí pànnukọn Lomu jei. ¹⁵Whenuena mẹmẹsunnú lẹ sè linlin mìtọn, sọn finẹ yé wá kaka jẹ Apiu Folomi, po avàtẹn atọ̀n lẹ po, nado wá pé mí: mẹhe, whenuena Paulu mọ, é dopéna Jiwheyẹwhe, bo sọ kònawudai.

¹⁶Whenuena mí wá Lomu, mẹkanwekowhangán fò ogàntọ lẹ do alọ ogán ogànwhé tọn mẹ: ṣigba yé jo Paulu do ni nọ na ede to awhanvipẹ he yín mẹhọtọ etọn lẹ de.

¹⁷E sọ wá jọ, to azán atọ̀ntọ gbè, Paulu ylọ ogán Ju lẹ tọn plidopọ: whenuena yé pli, é dọ hlan yé, dọmọ, Mẹho, mẹmẹsunnu emi, le yẹn ma tlẹ wà nude do gbẹtọ lẹ, kavi do owalọ otò mìtọn lẹ tọn go, gãnṣo yé yí mi do alọ Lomunu lẹ tọn mẹ di ogàntọ sọn Jelusalẹm. ¹⁸Whenuena yé diọdòna mi, yé mẹhe do ko jo mi do ma yì, na owhẹhó okú tọn de ma tin to ogo e wutu. ¹⁹Ṣigba whenuena Ju lẹ dọhó do e go, yè yí unpànsú do hẹn mi yí owhè ṣie hlan Sesali; é ma yín dọ yẹn tindo nude nado dọ do okọta ṣie go gba. ²⁰Enẹwutu wẹ yẹn do omẹ ylọ mì, nado mọ mí, podọ nado dọhó hẹ mì: na tódido Islaeli tọn wutu wẹ yè yí ogàn he do sín mi. ²¹Yé sọ dọ hlan ẹn, dọmọ, Mìwlẹ ma mọ owé de yí sọn. Judé gbọn dali towe gba, mọ mẹmẹsunnu he sọn finẹ wá lẹ ma dohia kavi dọhó awugble towe tọn de. ²²Ṣigba mí jo na sè sọn de we onú he hiẹ lẹn tọn: na eyín akọta he tọn wẹ, mìwlẹ yọnen dọ ofi popo wẹ yè to ohó ylankan dọ do e go te.

²³Whenuena yé do azán nẹ, susu yetọn wẹ wá e de to owhé he gbè é jẹ; yé mẹhe é dọ tadena po ohó ahọludu Jiwheyẹwhe tọn po hlan, bo sọ to kọgòna yé gbọn Jesu tọn dali, sọn osén Moṣe tọn mẹ, podọ sọn yẹwhegán lẹ mẹ, sọn afọnnu kakajẹ whejai. ²⁴Omẹ delẹ yí onú he é to didọ se, omẹ delẹ ma yise. ²⁵Whenuena ogbè yetọn ma nọdopo to ṣẹnṣẹn yéde tọn, yé tònyì, ehegodo Paulu dọhó dopo, dọ, Nugbo wẹ Gbigbọ Wiwe dọ gbọn onù Isaia yẹwhegán tọn mẹ hlan otò mìtọn lẹ, ²⁶dọmọ,

³⁰Paulu sọ hò owhè awe pete to owhé he gbè é jẹ, bo sọ to omẹ he biọ owhé gbè wá e de lẹpo yí, ³¹é to yẹwheho ahọludu Jiwheyẹwhe tọn tọn dọ, bo sọ yí tudido lẹpo do to mẹplòn, to onú he yín Jesu Klisti Oklunọ tọn nẹlẹ mẹ, omẹ depope ma sọ kò nẹ.