2 Tẹsalonikanu Lẹ

¹PAULU, Silvanu, po Timoti po, hlan agùn Tẹsalonikanu lẹ tọn, to Jiwheyẹwhe Otọ́ mìton po Jesu Klisti Oklunọ po mẹ: ²ojọmiọn po jijọho po hlan mì sọn Jiwheyẹwhe Otọ mítọn po Jesu Klisti Oklunọ po de.

³Mìwlẹ ma sọgan nọ opé mado hlan Jiwheyẹwhe whepoponu na mì, mẹmẹsunnu, le é jẹ do, na yise mìtọn to whinwhẹn deji susu, podọ owanyi dopodopo mìtọn tọn do mìnọzo go lẹzun susu; ⁴sọmọ bọ mìlọsu to gigodo to mi me to agùn Jiwheyẹwhe tọn lẹ mẹ, na; homẹfa mìtọn, po yise mìton po to homẹkẹn po tukiàjijẹ mìtọn po mẹ, he mì doakonna: ⁵ẹhe basi ohia whẹ̀dida Jiwheyẹwhe tọn dódo he ma búun; na yè nido lẹn mì jẹ na ahọludu Jiwheyẹwhe tọn, na ehe tọn wutu mì to yaji ga: ⁶eyín mọ é yín dọ onú dódónọ de wẹ to Jiwheyẹwhe de nado yí nukunbibia do yíahọsu to yé he tó nukunbiana mì lẹ go; ⁷podọ hlan mì he yè bianukunna lẹ ni gbọje to mí de, to whenuena yè na do Jesu Oklunọ hia sọn olọn mẹ, po angẹlihuhlọnnọ etọn lẹ po, ⁸mẹhe to ahọsuyì to yé he ma yón Jiwheyẹwhe lẹ go, podọ yé he ma setónuna wẹndagbe Jesu Klisti Oklunọ mítọn tọn lẹ, to miyọn he to jiji mẹ: ⁹mẹhe yè na yí vivà madopodo do sayana sọn Oklunọ nukọn, podọ sọn gigo huhlọn etọn tọn mẹ; ¹⁰whenuena ewọ na wá nado yín omẹ he yè na pagigona to mẹwiwe etọn lẹ me, bo naso yín omẹ he jawu to pipa mẹ to yisenọ lẹpọ ṣẹnṣẹn, (na yè ko yí kunnude mítọn se to mì ṣẹnṣẹn wutu,) to azán ne gbè ¹¹Enẹwutu mìwlẹ to dèho na mì whepoponu ga, na Jiwheyẹwhe mítọn nido lẹn mì jẹ na ọylọ he, na é nido hẹn ojlo homẹdagbe eton tọn lepo podọ azon yise tọn to huhlọn mẹ di: ¹²na yè nido pagigọna oyín Jesu Klisti Oklunọ mítọn tọn to mì mẹ, podọ mìwlẹ to ewọ mẹ, kẹdẹdi ojomiọn Jiwheyẹwhe mítọn tọn po Jesu Klisti Oklunọ tọn po.

¹MẸMẸSUNNU, mìwlẹ mì vè, gbọn gigòwá Jesu Klisti Oklunọ mítọn tọn dali, podọ gbọn oplidopọ mítọn dali to ewọ de, ²na otùwhẹ yawu li mì blo, kavi obu di mìblo, ébo sọ yín gbon gbigbọ mẹ, kavi gbọn ohó me, kavi gbọn owé kinkan de dali di sọn mí de, taidi azán Klisti tọn sẹpó. ³Mì dike mẹdepope klọ mì to-nudepope mẹ blo: na azán lọ ma na wá, adavo aijijẹ de vá whé, bọ yè na yí dawe ylandonọ nẹ hia, ehe yín ovi vivà tọn; ⁴mehe to aliglọn, bo sọ to ede zé do oji hú ehe yè nọ ylọ Jiwheyẹwhe, kavi ehe yè nọ litaina lẹpo; sọmọ bọ é sinai tọ tẹmpli Jiwheyẹwhe tọn mẹ, bo zé ede do gbonu di Jiwheyẹwhe. ⁵Be mi ma flin dọ, whenuena yẹn tin to mì de, yẹn ko dọ onú helẹ na mi ga? ⁶Dinvie mì sa ko yón onú he glọnali nẹ na yè nido do e hia to ojlẹ etọn mẹ. ⁷Na nudabla ylando tọn ko sè do azọ̀n wiwà ji: ṣigba ewọ he to aliglọn nẹ na to aliglọn nẹ̃ kaka yè na do dè e sẹ̀ sọn ali ji. ⁸Whenenu wẹ yè na dè mẹjẹglo lọ hia, mehe Oklunọ na yí gbigbọ onù etọn mẹ tọn do súdo, bo nasọ yí sisé gigò etọn tọn do súkundona: ⁹yèdọ ewọ lọ, mẹhe wiwá etọn na taidi azọ̀n Satani tọn kẹdẹ, po huhlọn lẹpo po, ohia, po lalo hé jawu lẹ po, ¹⁰po oklọ mawàdódó tọn lẹpo po na yé he dòn lẹ; na yé ma yí owanyi nugbo tọn wutu, na yè nido whlẹn yé gán ¹¹Podọ ehewutu, Jiwheyẹwhe na do oklọ sinsinyẹn hlan yé, na yé nido yí lalo se: ¹²na yè nido dawhèna yé mẹpo he ma yí nugbo se lẹ, ṣigba bo tindo homẹvivi tò mawàdódó mẹ.

¹³Ṣigba mìwlẹ ma sọgan nọ opé mado hlan Jiwheyẹwhe whepoponu na mì tọn wutu, mẹmẹsunnu mẹyiwanna Oklunọ tọn lẹ, na Jiwheyẹwhe ko dè mì do whlẹngan kòn to whéwhéwhenu, gbọn lèwé Gbigbọ tọn po yise nugbo tọn po dali: ¹⁴do ehe dali é ylọ mì gbọn wẹndagbe mítọn mẹ, nado mọ gigo Jesu Klisti Oklunọ mítọn tọn yí. ¹⁵Enẹwutu, mẹmẹsunnu, mì nọte gligli, bo hẹn otànhóhó he yè ko plọ́n mì lẹ go, gbọn ohó mẹ, kavi gbọn owé mítọn mẹ.

¹⁶Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ, ¹⁷ni miọnayihana mì, bo sọ hẹn mì lódo to ohó po azọ̀n dagbedagbe lẹpo po mẹ.

¹TO popolẹpo mẹ, mẹmẹsunnu, mì nọ hodẹ na mí, na ohó Oklunọ tọn nido tó nukọnyì, bo sọ yín ehe yè na pagigona, yèdọ dile é te to mì de: ²podọ na yè nido whlen mí sọn yé he ma lẹnnupọ́n po mẹylankan lẹ po de: na omẹ pó ma tindo yise goa. ³Ṣigba nugbonọ wẹ Oklunọ, mẹhe na hẹn mì lódo, bo na sọ mí whlá sọn oylan mẹ. ⁴Mí sọ do tugbigbo to Oklunọ mẹ na mì tọn wutu dọ, mì ko wà, bo nasọ to onú he mí degbèna mì lẹ wà. ⁵Na Oklunọ ni yín alihiamẹtọ mìtọn to ayiha mẹ do owanyi Jiwheyẹwhe tọn; mẹ, podọ do homẹfa Klisti tọn mẹ.

⁶Be mìwlẹ sọ degbèna mì, mẹmẹsunnu, to oyín Jesu Klisti Oklunọ mítọn tọn mẹ, dọ mì ni klán mìde sọn mẹmẹsunnu depope he zọnlin etọn ma jlọ dali, he ma di otànhóhó he mì yí sọn mí de. ⁷Na mìlọsu yẹ́n le mì do nọ hodo mí do: na mìwlẹ ma yí mìde do wà onú he ma jlọ de to mì ṣẹnṣẹn gba; ⁸mọ mìwlẹ ma sọ dù núdùdù omẹ depope tọn tata; ṣigba mìwlẹ to azónwà to tuklajijẹ po awufiẹsa pọ mẹ to okle po ozán po, na mí ma nado zán akuẹ omẹ depope tọn. ⁹Na é ma yín dọ, mìwlẹ ma tindo huhlọn wẹ gba, ṣigba mí to mìde yi do to ohia basi hlan mì nado nọ hodo mi. ¹⁰Na whenuena mí tlẹ tin to mì de, ehe lọ wẹ mí degbèna mì, dọ eyín omẹ depope ma jlo azón na wà, é ma jẹ ni dùnú gba. ¹¹Na mìwlẹ sè dọ omẹ delẹ tin, bọ zọnlin yetọn ma gbọn titegbè to mì mẹ, he ma nọ wàzón lala, ṣigba yé kúkú gbọ lẹzun ajanmánọ. ¹²Dinvie yé he yín omẹ mọnkọ lẹ wẹ mí degbèdo, bo sọ to homẹjladona to Jesu Klisti Oklunọ mítọn mẹ, dọ yé ni nọ wà dẹdẹ do wàzn, na yé ni sọ nọ dù núdùdù yetọn titi. ¹³Ṣigba mì, mẹmẹsunnu emi, nusikọna mì to azọ̀n dagbe wiwà mẹ blo. ¹⁴Eyín ómẹ depope ma sọ yí ohó mítọn gbọn owẹ́ he dali, mì payi e go, mi sọ dogbé hẹ ẹ blo, na winyan nido hù i. ¹⁵Mì yí i do do kéntọ blo, ṣigba mì nọ kọhó nẹ di mẹmẹsunnu.

¹⁶Be na Oklunọ jijọho tọn lọsu ni na jijọho mì whepoponu to onú popo mẹ. Na Oklunọ ni tin tó mì mẹpo de.

¹⁷Onúdọdomẹ Paulu tọn sọn alọ yẹhlọsu tọn mẹ, ehe yín ohia to owé lẹpo mẹ: mọwẹ yẹn to wéwlan. ¹⁸Na ojọmiọn Jesu Klisti Oklunọ mítọn tọn ni tin to mì mẹpo de. Niṣẹ.