2 Kọlintinu Lẹ

¹PAULU apọsteli Jesu Klisti tọn de, gbọn ojlo Jiwheyẹwhe tọn mẹ, po Timoti mẹmẹsunnu mítọn po, hlan agùn Jiwheyẹwhe tọn he tin to Kọlinti, po mẹwiwe he tin to Akaia lẹpo po. ²Ojọmiọn po jijọho po ni tin hlan mì sọn Jiwheyẹwhe Otọ́ mítọn de, podọ sọn Jesu Klisti Oklunọ de.

³Donanọ wẹ Jiwheyẹwhe ni yín, yèdọ, Otọ́ Jesu Klisti Oklunọ mítọn tọn, Otọ́ lẹblanu lẹ tọn, Jiwheyẹwhe homẹmimiọn lẹpo tọn; ⁴mẹhe to homẹmiọn na mí to tukla mítọn lẹpo mẹ, na mìwlẹ nido miọnhomẹna yé he tin to tukla depope mẹ lẹ, gbọn homẹmimiọn he mẹ yè miọnhomẹna mílọsu sọn Jiwheyẹwhe de. ⁵Nà le oya Klisti tọn to susudeji to mí mẹ do, mọ wẹ homẹmimiọn mítọn sọ to susudeji do gbọn Klisti mẹ ga. ⁶Eyín yè sọ to yasana mí, na họmẹmimiọn mìtọn po whlengan po wẹ, ehe magbòvọ to linsinsinyẹn oyà dopolọ tọn mẹ he mìwlẹ to jiji ga: kavi eyín yè sọ tò hòmẹmiọnna mí, na homẹmimiọn po whlẹngan mìtọn po wẹ. ⁷Tódido mítọn na mì wẹ tenọgli; le mí yọnen, dọ dile mì yín mimátọ oya lẹ tọn do, mọ wẹ mì nasọ yín homẹmimiọn tọn do ga. ⁸Mẹmẹsunnu emi, mìwlẹ ma jlo mì ni yín madọnanọ tukla mítọn tọn he pla mí to Asia gba, dọ yè finyọn mí zójlẹgo, húgan huhlọn mítọn, yèdọ sọmọ bọ mí ma sọ tin tódido na ogbè mítọn ba: ⁹ṣigba mí lọsu tindo owhèda okú tọn to mìlọsu mẹ, na mí ma nado dotu do mìde go, adavo do Jiwheyẹwhe he zé osiọ lẹ tite go: ¹⁰mẹhe whlẹn mí sọn okú daho mọtọnnkọ mẹ, bo sọ to mí whlẹn: mẹhe go mí dótudo dọ é nasọ to mí whlẹn zònmí ¹¹le mìlọsu ga to alọgọ dopọ gbọn ọvè mìtọn dali na mí, dọ, na nunina he yè kòn do mí ji gbọn gbẹtọ susu dali, na yè nido dopé gbọn mẹsusu dali na mítọn wutiì.

¹²Na ehe wẹ awagundido mítọn, okunnuho ayiha mítọn tọn, dọ to ayidopo mẹ po nugbo di Jiwheyẹwhe tọn po mẹ, é ma yín po nuyọnẹn agbasalan tọn po gba, ṣigba to ojọmiọn Jiwheyẹwhe tọn mẹ, wẹ mìwlẹ to jijọ mítọn zán te to aihon mẹ, humọ susu hlan mìwlẹ dali. ¹³Na mìwlẹ ma wlan onú devo de hlan mi, hú ehe mì hia kavi he mì yigbèna; yẹn sọ dotu dọ mì na yigbèna kaka jẹ pòdo; ¹⁴dile mìwlẹ ko yigbèna mí do ga to apadopo, dọ awagundido mìtọn wẹ mìwlẹ yín, dile mìwlẹ yín mìwlẹ tọn do ga to azán Jesu Oklunọ tọn gbè.

¹⁵To tudido he me wẹ yẹn ko to linlẹn te nado wá mì de dai, na mì nido tindo ale awetọ; ¹⁶bo nado gbọn mì dali yì Makedonia, bo na do gò sọn Makedonia wá mì de, bọ yè na do hẹn mi sọn mì de to zọnlin ṣie ji yì Judé dali ¹⁷Be whenuena yẹn to linlẹn dole, yẹn yí do to aslanyìn wẹ? kavi onú he yẹn magbè etọn le, be yẹn magbè etọn kẹdedì agbasalan tọn wẹ, dọ to yẹn de na mọwẹ mọwe, lala Ìala, nido tin? ¹⁸Ṣigba dile Jiwheyẹwhe yín nugbonọ do, ohó mítọn hlan mi ma yín mowẹ po lala po gba. ¹⁹Na Ovi Jiwheyẹwhe tọn, Jesu Klisti, mẹhe yè dọyẹwheho etọn to mì ṣẹnṣẹn gbọn mi dali, yèdọ gbọn yẹn po Silvanu po, po Timoti po dali ma yín mọwẹ po lala po gba, ṣigba to ewọ me mọwẹ wẹ tin. ²⁰Na opagbe Jiwheyẹwhe tọn lẹpo to ewọ mẹ mọwẹ wẹ yé, podọ to ewọ mẹ Niṣẹ, hlan gigo Jiwheyẹwhe tọn gbọn mí mẹ. ²¹Omẹ he to mí hẹnlódo po mìwlẹ po to Klisti mẹ, bo sọ yí amisisa do dè mí, wẹ Jiwheyẹwhe: ²²mẹhe ko sọ dohia mí go ga, bo sọ na gòdenú Gbigbọ tọn omẹ to ayiha mítọn lẹ mẹ.

²³Humọ yẹn ylọ Jiwheyẹwhe na kunnudetọ do gbigbọ ṣie ta, dọ nado wàdẹdehẹ mì wẹ yẹn ma ko do wá Kọlinti kaka jẹ dinvie gba ²⁴E ma yín dọ mìwlẹ tindo huhlọn to yise mìtọn ji wutu gba, ṣigba alọgọnamẹtọ ayajẹ mìtọn tọn wẹ mìwlẹ yin: na gbọn yise dali wẹ mì to ote.

¹Ṣigba yẹn ko magbè ehe tọn hẹ dẽ, dọ yẹn ma sọ to na wá mì de to awúbla mẹ ba gba. ²Na eyín yẹn hẹn mì blawú, be mẹnu wẹ éwọ he hẹn homẹ ṣie hùn, adavo ewọ lọ he yè hen blawú gbọn yẹn dali. ³Yẹn sọ wlan dopo he lọ hlan mì, na whenuena yẹn wá, yẹn nikã tindo awúbla sọn ewọ he de yẹn jẹ na jaya te; Jle yẹn tindo tudido to mì omẹ pó mẹ do, dọ ayajẹ ṣie we ayajẹ mì omẹ popo tọn. ⁴Na sọn nukunbibia susu po nuhanuha ayiha ṣie tọn po mẹ wẹ yẹn yí odasìn susu do wlanwe hlan mì; é ma yín dọ yè nido hẹn mì blawú wutu gba, ṣigba dọ mì nido yọn owanyi susugege he yẹn tindo hlan mì.

⁵Ṣigba eyín mẹdepope da awúbla dote, ewọ ma hẹn mi blawú gba, adavo to apadopo: na yen ma na do doagbanna mi omẹ popo ⁶Oya he mẹsusu sahẹ omẹ mọtọnnko he ko sù nẹ̃. ⁷Mọ dọ ehejeagò é jẹ mì ni jona ẹn, bo miọnhomẹ nẹ̃, na ayiha omẹ mọtọnnkọ tọn niká tlọ gbọn awúbla glanglan dali. ⁸Enẹwutu yẹn vè mì dọ mi ni hẹn owanyi mìtọn lódo hlan e dali. ⁹Na ehe wutu ga wẹ yẹn wlanwe, na yẹn nido yọn zinzán mìtọn, eyín mìwlẹ yín tónu setọ to onú lẹpo mẹ. ¹⁰Hlan mehe mì jo núde na, yẹn jona ga: na eyín yẹn jo núde na omẹ, hlan mehe yẹn jo e na, na mì tọn wutu wẹ yẹn jo e na omẹ, to Klisti nukọn; ¹¹na alọ Satani tọn ma na do jẹ jijoho mítọn go: na mí ma yín madọnanọ oklọ etọn lẹ tọn gba.

¹²Humọ, whenuena yẹn wá Tloa nado dọyẹwheho wendagbe Klisti tọn, bọ yè hùn ohòn de hlan mi gbọn Oklunọ dali, ¹³yẹn ma tindo gbọjẹ; de to ayiha ṣie mẹ, na yẹn ma mọ Titu mẹmẹsunnu ṣie wutu: ṣigba whenuena yen biọgbè yé, yẹn ton son finẹ yì Makedonia. ¹⁴Ṣigba opé tin hlan Jiwheyẹwhe, he nọ hẹn mí to whepoponu nado glonu to Klisti mẹ, bo sọ hẹn owán oyọnẹn etọn tọn sọawúhia gbon dali mítọn to ofi popo. ¹⁵Na owán vivi Klisti tọn wẹ mìwlẹ yin hlan Jiwheyẹwhe, to yé he yè whlengan lẹ mẹ, podọ to yé he dòn lẹ me: ¹⁶owán okú tọn hlan okú wẹ mí hlan ode; podọ owán ogbè tọn hlan ogbè hlan mẹawetọ. Mẹnu wẹ pénudego na onú helẹ? ¹⁷Na mìwlẹ ma dile mesusu te, he no hen ohó Jiwheyẹwhe tọn gble lẹ gba: ṣigba di son nugbo homẹ tọn mẹ, ṣigba di son Jiwheyẹwhe de, to nukọn Jiwheyẹwhe tọn wẹ mìwlẹ to hódọ te to Klisti mẹ.

¹BE mìwlẹ sọ vó sè nado to mìde pa wẹ? kavi mìwlẹ to jijlo, di ome delẹ, episteli pipa tọn hlan mì, kavi sọn mì de? ²Mìwlẹ wẹ episteli mítọn winwlan to ayiha mítọn mẹ, he omẹ popo ko yọnẹn bo ko sọ hia: ³sole yè dè mì hia gbangba nado yín episteli Klisti tọn he yè to lizọnyína gbọ́n mí dali, he yè ma yí owesìn do wlan, ṣigba he yè yí Gbigbọ Jiwheyẹwhe ogbènọ tọn do wlan; é ma yín to tafo zannu tọn lẹ ji, ṣigba to tafo olánnọ ayiha tọn ji. ⁴Tudido mọtọnnkọ wẹ mìwlẹ tindo gbọn Klisti mẹ hlan Jiwheyẹwhe de; ⁵é ma yín dọ mìwlẹ pénudego na mìde nado lẹn núde di mìde tọn gba; Jiwheyẹwhe de wẹ nugopipe mìton sọn: ⁶mẹhe ga ko yí mí do basi devizònwàtọ núgopétọ alẹnu yọ́yọ́ tọn; é ma yín owé tọn gba, adavo gbigbọ tọn: na owé nọ hùmẹ, ṣigba gbigbọ no na ogbè omẹ. ⁷Ṣigba eyín devizonwiwà okú tọn he yè wlan bo sọ yí azọnwànu do kàn do zannu go yín gigonọ, sọmo bọ ovi Islaeli tọn lẹ ma do sogan pọ́n nukunmẹ Moṣe tọn tlintlin na gigo nukun etọn mẹ tọn wutu; gigo he yè na fú sè: ⁸nawẹ devizònwiwà gbigbọ tọn na nọma yín gigonọ hú? ⁹Na eyín devizónwiwa whẹgbledo tọn yin gigo, nẹmunemu wẹ devizònwiwà dódó ton húgan to gigo mẹ. ¹⁰Na yèdọ ehe yè tlẹ hen zun gigonọ ma tindo gigo de na ehe wutu, gbọn onú gigo tọn he húgan dali. ¹¹Na eyín ehe yè fú sò yín gigono, nẹmunẹmu wẹ ehe to ote tin to me.

¹²Na enẹwutu le mí tindo tódido he hunkọ, mí to mimé ohógbè tọn zán. ¹³E ma yín di Moṣe, he yí nukunmẹṣinyọnnu ṣinyọn nukun etọn mẹ, bọ ovi Islaeli tọn lẹ ma do sọgan pọ́n hlan opòdo ehe yè gbidi sò tọn tlintlin gba; ¹⁴ṣigba nukun yetọn homẹ tọn tón: na nukunmeṣinyọnnu dopolọ tin tai mabẹsè to hihia alènu hóhó mẹ kaka jẹ egbé; nukunmẹṣinyọnnu he yè fú sè to Klisti mẹ. ¹⁵Ṣigba yèdọ kaka jẹ egbé, whedepopenu yè to Moṣe hia, nukunmẹṣinyọnnu de tin to ayiha yeton ji. ¹⁶Ṣigba whenuena é na gò do Oklunọ de, ye na bé nukunmẹṣinyọnnu lọ sè. ¹⁷Dinvie Oklunọ lọ wẹ Gbigbọ lọ: ofie Gbigbọ Oklunọ tọn tin te, mẹdekannujẹ tin to fìne. ¹⁸Ṣigba mí omẹ popo, matin nukunmẹṣinyọnnu he to gigo Oklunọ tọn pòn taidi to mẹpónnu de mẹ, we yè diọ do apajlẹ dopolọ mẹ sọn gigo mẹ jẹ gigo mẹ, Yèdọ taidi sọn Gbigbọ Oklunọ tọn mẹ.

¹ENẸWUTU le mìwlẹ tindo devi zòn he, dile mí mọ lẹblanu yí do, mí ma yón nudikọ gba. ²Ṣigba mí ko gbé onú bibè bublu tọn lẹ dai, mí ma to zọnlinzin to oklọ mẹ, mí ma sọ to oklọ yí do to ohó Jiwheyẹwhe tọn go hẹn; ṣigba gbọn awúsọhia nugbo tọn dali mí to mìde pa hlan ayiha omẹ dopodopo tọn to nukọn Jiwheyẹwhe ton. ³Ṣigba eyín wẹndagbe mítọn yín ehe bè, e yin bibè hlan ome he to dindon lẹ: ⁴mẹhe mẹ yẹwhe owhenu he tọn ko tọnnukunna nuyọnẹn omẹ he ma yise lẹ tọn, na hinhọ́n wẹndagbe gigonọ Klisti tọn tọn, mẹhe yín apajlẹ Jiwheyẹwhe tọn, ma na do hónun hlan yé. ⁵Na mìwlẹ ma to yẹwheho mìde tọn dọ gba, adavo Klisti Jesu Oklunọ tọn; mìlọsu mẹmẹglọ mìtọn na Jesu tọn wutu. ⁶Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

⁷Ṣigba mìwlẹ tindo adọkunnu he to núzinzán okò tọn lẹ mẹ, na owhanpẹ huhlọn tọn nido yín Jiwheyẹwhe tọn, bo ma yin sọn mìwlẹ mẹ gba. ⁸Yè to tuklado mí to awà popo ji, gãnṣo mí ma yín mẹhẹnalọdotena; yè to mí gbeje, ṣigba e ma yín to matin tódido mẹ gba; ⁹yè to homekendo mí, gãnṣo yè ma gbé mí dai gba; yè to mí hòliai, gãnṣo yè ma hú mí súdo; ¹⁰mí sọ to okú Jesu Oklunọ tọn hen danpé to agbasa mẹ, dọ na yè nido hen ogbè Jesu tọn sọawúhia to agbasa mítọn mẹ ga. ¹¹Na whepoponu we yè to mí he tin to ogbè lẹ jo hlan okú na Jesu tọn wutu, dọ na yè nido hẹn ogbè Jesu tọn sọawúhia to agbasalan kúkú mítọn mẹ ga. ¹²Enẹwutu okú to azónwà to mìwlẹ mẹ, ṣigba ogbò to mìwlẹ me. ¹³Le mí tindo gbigbọ yise tọn dopolọ, dile yè wlan ẹn dọ, Yẹn yisẹ, enẹwutu wẹ yẹn dọhó; 1 mìwlẹ yise ga, enẹwutu wẹ mí dọ dọhó ga; ¹⁴le mí yọnẹn dọ ewọ he ze Jesu Oklunọ tite, na zé mí tite ga hẹ Jesu, bo nasọ sọ mí hia po mì po. ¹⁵Na mì tọn wutu wẹ onú lẹpo do tin, na ojọmiọn susugege nido gbọn pédido mesusu tọn mẹ yín susu hlan gigo Jiwheyẹwhe tọn.

¹⁶Enẹwutu mí ma yọn nudikọ; ṣigba eyín gbẹtọ mítọn gbonu tọn to dindọn, ṣigba yè to gbẹtọ mítọn homẹ tọn hejẹyọ́yọ́ egbésọegbésọ. ¹⁷Na nukunbibia mítọn whiwha, ehe tin na nukunwhiwhe dopo, to azón kiklo po gigo pinpẹ̀n madopodo he húgan po wà na mí; ¹⁸sọle mí ma to onú he yè mọ lẹ pòn, adavo onú he yè ma mọ lẹ: na onú he yè to mimọ lẹ wẹ dinvietọn; ṣigba onú he yè ma to mimọ lẹ wẹ madopodo tọn.

¹NA mìwlẹ yonẹn dọ eyín yè hẹn ohò mítọn okọ́mẹnù ogohò he tọn yé, mìwlẹ tindo ohò didó de sọn Jiwheyẹwhe de, ohò yè ma yí alọ do basi, madopodo to olọn lẹ mẹ. ²Na ehe mẹ wẹ mí to winwẹn te, bo sọ to jijlo gbahugbahu nado yí ohò mítọn he tin sọn olọn mẹ do ṣinyọ̀navọ̀na mí: ³eyín é yín mọ dọ yè ṣinyọ̀navọ̀na mí yè ma to na mọ mí to omẹ gba. ⁴Na mí he tin to ogohò he mẹ lẹ, he yè doagbànna, to winwẹn: é ma yín dọ yè ma na ṣinyọ̀navọ̀na mí wutu gba, ṣigba le yè ṣinyọ̀navọ̀na mí, na ogbè nido ze okú mì. ⁵Omẹ he basi mí na onú dopo lọ wẹ Jiwheyẹwhe, mẹhe na gòdenu Gbigbọ tọn hlan mí ga. ⁶Enẹwutu mìwlẹ tindo tugbigbo to whepoponu, bo so yọnen dọ whenuena mìwlẹ tin to owhe gbè to agbasa mẹ, mí dẹn do Oklunọ: ⁷(na yise dali wẹ mí to zọnlinzin gbọn, é ma yín gbọn mimọ dali gba:) ⁸mìwlẹ tindo tugbigbo, wẹ yẹn dọ, bo sọ to jijlo nado kúkú dén sọn agbasa mẹ, bo nado tin to Oklunọ de. ⁹Enẹwutu wẹ mí to tuklajẹ, dọ, eyín mí tin kavi mí dén, nado yín nújlomẹ dagbe hlan ẹn. ¹⁰Na mí omẹ popo wẹ na yín mẹsọawuhia to whèda-ján Klisti tọn nukọn; na omẹ dopodopo nido mọ onú he yè wà to agbasa eton me lẹ yí, kẹdẹdi ehe ewọ ko wà, eyín é yín dagbe kavi gbigble.

¹¹Enẹwutu le mìwlẹ yón osi Oklunọ tọn do, mí to alọtundona gbẹtọ lẹ; ṣigba yè hẹn mí sọawúhia hlan Jiwheyẹwhe; yẹn sọ dotu ga dọ yè hẹn mí sọawúhia to ayiha mìtọn mẹ ga. ¹²Na mí ma to hódọ di mí to mìde vè pa hlan mì gba, ṣigba jijo tẹnmẹ gigodido tọn na mi na mítọn wutu, na mi nido tindo onú he mì nado gblọnna ye he to gigodo to awusọhia mẹ lẹ, bọ é ma yín to ayiha mẹ. ¹³Na eyín tamẹ mítọn tlẹ gble, be hlan Jiwheyẹwhe wẹ; kavi eyín mí sọ yín hùwhẹnọ, be na onú mìtọn wutu wẹ. ¹⁴Na owanyi Jiwheyẹwhe tọn to huhlọnna mí; na mí to whẹ̀da dole wutu, dọ, omẹ dopo kú na omẹ popo, enẹwutu omẹ popo wẹ kú: ¹⁵podọ é kú na omẹ popo, na yé he tin to ogbè lẹ ma na do tin to ogbè sọn dinvie hlan yéde ba, adavo hlan ewọ mẹhe kú na ye, bo sọ fóntite. ¹⁶Enẹwutu sọn dinvie mìwlẹ ma sọ yén omẹ de kẹdẹdi agba salan tọn ba gba; yèdọ, eyín mìwlẹ tlẹ ko yọn Klisti kẹdẹdi agbasalan tọn dai, be sọn dinvie mìwlẹ ma sọ yén ẹn ba. ¹⁷Enẹwutu eyín omẹ de tin to Klisti mẹ, mẹdida yọ́yọ́ ewọ: YE ko hẹn onú hóhó lẹ juwayì; bo dayi e go, onú lẹpo lẹzun yọ́yọ́. ¹⁸Jiwheyẹwhe tọn wẹ onú lepo, mẹhe ko gbọwhẹ hẹ mí hlan ede gbọn Jesu Klisti me, bo so na devìzón owhẹgbọ tọn hlan mí; ¹⁹nado dọ, dọ Jiwheyẹwhe tin to Klisti me, bo to whegbọ hẹ aihon hlan ede, bo ma sọ to ylando yetọn hia hlan yé gba; bo sọ yí ohó owhẹgbọ tọn hlan mí.

²⁰Enẹwutu médagun na Klisti tọn wẹ mìwlẹ, di Jiwheyẹwhe tlẹ to mìwlẹ vè gbọn mìwlẹ dali: mí vè mì na Klisti tọn wutu, mi ni yín megbọwhẹhẹ hlan Jiwheyẹwhe. ²¹Na e ko basi ewọ he ma yon ylando depope nado yín ylando na mí, na yè nido yí mí do basi dódó Jiwheyẹwhe tọn to ewọ mẹ.

¹Enẹwutu mìwlẹ di azọ́nwàtọ dopọ po e po, to mì vẹ ga dọ mì yí ojọmiọn Jiwheyẹwhe tọn to ovo mẹ blo. ²(Na é dọmọ, Yẹn ko sehó towe to ojlẹ he yè kẹalọyi ton de mẹ, To azán whlẹngan tọn gbè wẹ yẹn ko gọalọna we dayi e go, dinvie wẹ ojlẹ he yè kẹaloyi lọ: dayi e go, dinvie wẹ azán whlẹngan tọn.) ³Ma hẹn mẹde dahli to onu depope mẹ, na devizèn mítọn ma nado yín núgblewhẹdo: ⁴ṣigba to onú lẹpo mẹ mìwlẹ to whèsuna mìde di devizònwàtọ Jiwheyẹwhe tọn, to homẹfa susu mẹ, to nukunbibia mẹ, to matindo mẹ, to awusinyẹn mẹ, ⁵to hihò mẹ, to ogànhọ mẹ, to zingidi mẹ, to tuklajijẹ mẹ, to awuhihè mẹ, to nùbibla mẹ, ⁶to jijọ wiwe mẹ, to oyọnẹn mẹ, to linsinyẹn mẹ, to homedagbe mẹ, to Gbigbọ Wiwe mẹ, to owanyi madoklọ mẹ, ⁷to ohó nugbo tọn mẹ, to huhlọn Jiwheyẹwhe tọn mẹ, to gbaja dódó tọn mẹ to adusilọ mẹ podọ to amiyọnlọ mẹ, ⁸gbọn gigo po ovlẹ po dali, gbọn mẹsislẹ ylankan po mẹsislẹ dagbe po dali: di mẹklọtọ, ṣigba nugbonọ; ⁹di omẹ yè ma yọnẹn, gãnṣo yè yón mí dagbedagbe; di omẹ he to kúkú, bo dayi e go, mí tin; di ome he yè to hiho, bọ yè ma hù; ¹⁰di awúblanọ, gãnṣo mí to ayajẹ whepoponu; di wamọnọ, gànso mí to mẹsusu hẹn zùn adọkunnọ; di omẹ he ma tindo núde, gãnṣo bo wàdọkun onu lẹpo tọn.

¹¹Mì Kọlintinu emi, onù mítọn kẹ̀ hlan mì, ayiha mítọn sọ hùn dote. ¹²Yè ma hẹn awusinyẹn mì to mìwlẹ mẹ gba, ṣigba to núyiwanna mìtọn lọsu mẹ wẹ yè hẹn awusinyẹn mì te. ¹³Na ahọsu de, to dopolọ mẹ, (yẹn to hódọ di hlan ovi ṣie lẹ), ayiha mìtọn ni hùn dote ga.

¹⁴Mì yín omẹ yè yí gbèmasọ do dopokle dopọ po mayisenọ lẹ po blo: na pọninọ tẹwẹ dódó tindo po mawàdódó po? kọndopọ tẹwẹ hinhọ́n tindo po zinvlu po? ¹⁵Hiha tẹwẹ Klisti tindo po Beliali po? kavi mimá tẹwẹ éwọ he yise tindo po mayisenọ po? ¹⁶Vivẹ tẹwẹ fiwiwe Jiwheyẹwhe tọn tindo po bosiọ lẹ po? na fiwiwe Jiwheyẹwhe oglẹnọ tọn de wẹ mìwlẹ; dile Jiwheyẹwhe dọ, dọmọ, Yẹn na nọnọ̀ yé mẹ, bo sọ nọ to zọnlinzin to yé mẹ; yẹn na yín Jiwheyẹwhe yetọn yewlẹ nasọ yín omẹ ṣie. ¹⁷Enewutu wẹ Oklunọ, dọmọ,

¹Enẹ wutu, le mí tindo opagbe helẹ, mẹyiwanna vivẹ emi, mì gbọ mí ni kló mìde sọn diho agbasalan po gbigbọ tọn lẹpo po mẹ, bò sọ hẹn wiwe sọgbè to osi Jiwheyẹwhe tọn mẹ.

²Mì yí mí; mí ma wàylan do omẹ depope, mí ma hẹn omẹ depope gble; mí ma sọ blú omẹ depope. ³Yẹn ma to ehe dọ nado gblewhẹdo mì gba; na yẹn ko dọ jẹnukọn dọ, mì tin to ayiha mítọn mẹ nado kú bo sọ nọgbè po mì po. ⁴Daho wẹ tugbigbo ohógbè ṣie tọn hlan mì dali, daho wẹ awagundido ṣie na mì tọn wutu: yè yí homẹmimiọn do gó mi, yẹn sọ to ayajẹ talala to tukla mítọn lẹpo mẹ.

⁵Na whenuena mí wà Makedonia, agbasalan mítọn ma tindo gbọjẹ, ṣigba ye to tuklado mí to awá popo ji; avún tin to gbonu, obu tin to homẹ. ⁶Ṣigba Jiwheyẹwhe, he nọ miọnhomẹna omẹ he yè zíndai lẹ, miọnhomẹna mí gbọn wiwá Titu tọn dali; ⁷é ma sọ yín gbọn wiwá etọn dali kẹdẹ, ṣigba gbọn homẹmimiọn he mẹ yè miọnhomẹ nẹ to mì mẹ dali tọn, whenuena é dọ ojìo zogbe mìtọn na mí, awubla mìtọn, vivẹnu ayiha mìtọn mẹ tọn hlan dali ṣie; sọmọ bọ yẹn jaya húgan. ⁸Na eyín yẹn tlẹ yí owé do hẹn mì blawú, yẹn ma lẹnvọjọ gba, eyín yẹn tlẹ ko lẹnvọjọ dai: na yẹn mọ dọ episteli dopo lọ hẹn mì blawú, eyín é tlẹ yín na whenu vude. ⁹Dinvie yẹn to ayajẹ, é ma yín yè hẹn mì blawú wutu gba, ṣigba dọ mì blawú hlan lẹnvọjọ wutu; na yè hẹn mì blawú di owalọ sinsèntọ de tọn, na mì nido mọ awugble yí gbọn mí dali to núde mẹ blo. ¹⁰Na awúblasinsóntọ tọn nọ wàzón lẹnvọjọ tọn hlan whlẹngan he yè ma na lẹnvọjọ na; ṣigba awúbla aihọn tọn wẹ nọ wàzón okú tọn. ¹¹Na mì ni dayi onú dopolọ go, dọ mì blawú di owalọ sinsèntọ tọn nkọ, bé sọwhiwhe he é na mì ma sù, mọwẹ, be owhèsu mìde tọn ma sù, be adi ma sù, be osi ma sù, be ojlo ma húnmiyọn, be vivẹnu ma sù, be ahọsu ma sù! To onú lẹpo mẹ mì ko do mìde hia nado yín omẹ maylanwhẹ to ọwhé he mẹ. ¹²Enẹwutu eyín yẹn tlẹ ko wlanwe hlan mì, yẹn ma wlan ẹn na ewọ he wà nugbigble nẹ tọn wutu gba, kavi na ewọ he jiya nugbigble lọ tọn wutu gba, ṣigba na vivẹnu mítọn na mì to nukọn Jiwheyẹwhe tọn nido sọawúhia hlan mì. ¹³Enẹwutu yè miọnhomẹna mí: podọ to homẹmiọn mítọn mẹ, mìwlẹ sọ to ayajẹ humọ talala na ayajẹ Titu tọn, na yè hẹn awuya gbigbọ etọn gbọn mì omẹ popo dali wutu. ¹⁴Na eyín yẹn ko yígo onú de tọn hlan ẹn na mì tọn wutu, yè ma dowinyan mi gba; ṣigba dile mí dọhó onú lẹpo tọn hlan mì to nugbo mẹ, yèdọ mọ awagundido mítọn, he yẹn basi to Titu nukọn, yè do mọ nugbo. ¹⁵Owanyi etọn homẹ tọn sọ vó sùgege hlan mì de, whenuena é flin yise mì omẹ popo tọn, na le mì yí osi po sisọsisọ po do kẹalọyi i do. ¹⁶Enẹwutu yẹn jaya dọ yẹn tindó tugbigbo to mì mẹ to onú lẹpo mẹ.

¹HUMỌ mẹmẹsunnu emi, mí ni hẹn mì yón ojọmiọn Jiwheyẹwhe tọn he yè na agùn Makedonia tọn lẹ. ²Na le susugege zinzán yetọn tọn po ohẹn yetọn madodogbo po zùn susu hlan adọkun homẹdagbe yetọn tọn do, to whlẹpbn daho nukunbibia tọn mẹ. ³Na kẹdedi Huhlọn yetọn yẹn dekunnu, mọwẹ húgan huhlọn yetọn yé to jijlo sọn yéde de; ⁴bo sọ yi ovè susu do to mí vẹ̀ na mí nido yi nunina lọ, bo sọ yí pọninọ devizọnwiwà hlan mewiwe lẹ tọnwà na mìde. ⁵Ehe wẹ yé basi, é ma yín dole mìwlẹ len do gba, ṣigba yé jo yéde hlan Oklunọ whé, podọ hlan mìwlẹ gbọn ojlo Jiwheyẹwhe tọn dali. ⁶Sọmọ bọ mí vè Titu, dọ le ewọ sè do, mọwẹ é ni dotana ojọmion dopolọ do to mì mẹ ga. ⁷Enẹwutu, dile mìwlẹ to sùsù to onú lẹpo mẹ do, to yise mẹ, to hódidọ mẹ, to oyọnen mẹ, to sọwhiwhe me, podọ to owanyi mìton mẹ hlan mí, mì nọ sù to ojọmiọn he me ga. ⁸Yẹn ma to didọ gbọn osén dali gba, ṣigba gbọn nukọnyìyì na sọwhiwhe mẹdevo lẹ tọn wutu, podọ nado modòná nugbo owanyi mìtọn tọn. ⁹Na mìwlẹ yọn ojọmiọn Jesu Klisti Oklunọ mítọn tọn, dọ, le ewọ yín adọkunnọ, ṣigba na mìwlẹ tọn wutu, é lẹzun agbátọnọ, na mìwlẹ nido yín adọkunnọ gbọn ohẹn etọn mẹ. ¹⁰Podọ to eheme, yẹn yí whèdìda ṣie na mì: na ehe wẹ jẹ na mì, mehe ko sè dai, é ma yín nado wà kẹdẹ, ṣigba nado jlo ga sọn owhè dopo gbọn. ¹¹Dinvie enẹwutu mì yí wiwà etọn wà: dọ dile awuwiwle tin do hlan ojlo, na wiwà nido tin ga sọn ehe mì tindo nẹ mẹ. ¹²Na eyín ojlo homẹ tọn tin jẹnukọn, yè kealọyi i kẹdedi ehe omẹ lọ tindo, é ma yín kẹdẹdi ehe é ma tindo gba; ¹³na yẹn ma jlo dọ yè ni hẹnawubò mẹdevo lẹ, bo hẹnawusinyẹn mìwlẹ gba: ¹⁴ṣigba gbọn gbèsisọ dali, dọ susugege mìtọn yínyín nugènu de na matindo yetọn to Ojlẹ he mẹ dinvie, na susugege yetọn ga nido lẹzun nugònu de na matindo mìwlẹ tọn: na gbèsisọ nido tin: ¹⁵dile yè wlan ẹn dọ, Ewọ he bé susu ma tindo núde lanai; ewọ he sọ bé pẹvide ma tindo ohẹn.

¹⁶Ṣigba opé ni tin hlan Jiwheyẹwhe mehe yí vivẹnu zogbe dopolọ do ayiha Titu tọn mẹ na mì. ¹⁷Na ewọ kẹalọyi homẹjladohó lọ nugbo: ṣigba le é ma gboawupò depope, gbọn ojlo etọn titi dali é yì mì de. ¹⁸MI sọ do mẹmẹsunnu lọ hlan po e po, pipa mẹhe tọn pé to wendagbe me to agùn lepo me, ¹⁹é ma sọ yín ene kede, ṣigba mehe agùn lẹ dè nado tonwhen po ojomiọn he po hẹ mí, ehe yè to devizónwàna gbọn mí dali, hlan gigo Okluno dopo lọ tọn, po lila awuwle ayiha mìtọn tọn po: ²⁰mìwlẹ to apadona ehe, na medepope ma na do dowhè mí to susugege he mẹ ehe yè to devizónwàna gbọn mí dali: ²¹bo sọ to awú onú he yọn lẹ tọn wlé dai, é ma yín to nukọn Oklunọ tọn kẹdẹ, ṣigba to nukọn gbẹtọ tọn ga. ²²Mí ko sọ do mẹmẹsunnu mítọn hlan po yé po, mẹhe mí mo magboawupò to onú susu mẹ whepoponu, ṣigba dinvie é ma sọ gboawupò depope, to tugbigbo daho he yẹn tindo to mì mẹ ji. ²³Eyín medepope to hokanbiọ gbọn Titu tọn dali, ewọ we azónwàhemẹtọ, podọ alọgọnameto ṣie hlan mì dali: kavi mẹmẹsunnu mítọn lẹ tọn wẹ yè to kinkanbiọ, médagun agùn lẹ tọn wẹ yé, podọ gigo Klisti tọn. ²⁴Enẹwutu mì sọhia hlan yé, to agùn lẹ nukọn, ohia owanyi mìtọn tọn po awagun mítọn tọn po na mì tọn wutu.

¹NA devizònwiwà hlan mewiwe lẹ tọn, enẹ ma jẹ na mi nado wlanwe hlan mì gba: ²na yẹn yón awuwiwle ayiha mìton tọn, na ehe wutu yẹn yí mì do doawagun hlan Makedoniatọ lẹ; dọ Akaia ko wleawu sọn owhè dopo gbọn; vivẹnu mìtọn ko sọ doadihomẹna omẹ susu talala. ³Gãnṣo yẹn do mẹmẹsunnu lẹ hlan, na awagun mítọn na mì tọn wutu nikã yín yaya na ehe wutu; do, dile yẹn dọ do, na mì nido wleawu dai: ⁴vlavo eyín Makedoniatọ lẹ hodo mí wá, bo sọ mọ mì mawleawu, mìwlẹ (na mi dọ mìwlẹ blo,) nikã mọwinyan, to tugbigbo awagun dopohe lọ mẹ. ⁵Enewutu wẹ yẹn lẹn dọ é jlọ nado yí ohó do jlàhomẹdona mẹmẹsunnu lẹ dọ yé ni jẹnúkọn wá mì de, bo wleawu nunina mìtọn tọn dote, ehe yè ko sọhia mì dai, na yè nido wleawu dopolọ tọn dote, di nunina, é yín di nukunken tọn blo.

⁶Ṣigba yẹn do ehe, Ewọ he tèalọpò do húnhúnjinọkún, nasọ tèalọpò do gbèn ga; podọ ewọ he húnhúnjinọkún gege, nasọ gbèn gege ga ⁷Omẹ dopodopo dile é lẹn to ayiha etọn mẹ do, mọwẹ mí ni gbọ é ni na do; é yín po hunhlun po blo, kavi huhlọn dohẹnbasi tọn blo; na Jiwheyẹwhe yiwanna nunamẹtọ homẹhùnhùnnọ ⁸Jiwheyẹwhe sọ sọgan hẹn ojomiọn lẹpo sudeji hlan mí de; na mì, le mì tindo opékọ lẹpo to onú lẹpo mẹ to whepoponu, nido sugege hlan azọ́n dagbe lẹpo. ⁹(Dile yè wlan ẹn dọ, E ko vúnvún pó; é ko na hlan wamọnọ lẹ: Dódó etọn to ote kakadoi. ¹⁰Ewọ he to nọkún na didotọ to akla na mì na núdùdù mìtọn, bo sọ to nọkún mìtọn yè do hẹnsù, bo sọ to sinsẹ́n dódó mìtọn tọn hẹn sudeji;) ¹¹lẹ́ yè yí mì do basi adọkunnọ to onú popo mẹ hlan dagbewà lẹpo, ehe hẹn pédido wá gbọn mi dali hlan Jiwheyẹwhe. ¹²Na devizònwiwà sinsẹ́n he tọn ma yíten matindo mẹwiwe lẹ tọn kẹdẹ gba, ṣigba é yín gege ga gbọn opé susu dali hlan Jiwheyẹwhe; ¹³dọ gbọn zinzán devizọ̀nwiwa he dali yé to gigopana Jiwheyẹwhe na mẹglọnọ yígbena mìtọn hlan wendagbe Klisti tọn, po na mánamẹ mìtọn vónu po hlan yé, podọ hlan gbẹtọ lẹpo; ¹⁴gbọn ové yetọn dali na mì, yé he jiljo na mì na ojọmiọn Jiwheyẹwhe tọn gege he tin to mì mẹ. ¹⁵Opẹ́ ni tin hlan Jiwheyẹwhe na nunina masọudọ etọn tọn.

¹YẸN Paulu lọsu vẹ̀ mì gbọn wà lọmimiọn po jijọ pẹ̀sẹ̀ Klisti tọn po dali, mẹhe yín mẹtata to agbasa go to gbonu whenuena yẹn tin to mì ṣẹnṣẹn, ṣigba whenuena yẹn ma tin to mì de yẹn yín tudotọ hlan mì dali: ²mọwẹ yẹn vè mì, na yen ma na do do tudido po tugbigbo nẹ po hia whenuena yẹn tin to mì ṣẹnṣẹn gbọn ehe tọn dali yen lẹn nado yín tudotọ do mẹdelẹ go jẹagọ, he to linlẹn mí taidi mí to zọnlinzin di agbasalan tọn. ³Na eyín mìwlẹ tlẹ to zọnlinzin to agbasalan me, be mí ma to awhànfùn di agbasalan tọn gba: ⁴(na ogbaja awhànfùn mítọn tọn lẹ ma yín agbasanọ gba, ṣigba huhlọnnọ gbọn Jiwheyẹwhe dali hlan hihọliai ofi gángán lẹ tọn;) ⁵bọ to linlẹn lẹ họliai, po onú he yìaga lẹ po ehe to ede zédaga do oyọnẹn Jiwheyẹwhe tọn ji, bo sọ to linlẹn lẹpo hẹn wá ogokanme hlan tónusise Klisti tọn; ⁶bọ sọ tin to awuwiwle mẹ nado yíahọsu tólivivẹ lepo tọn, whenuena tónusìse mìtọn na yín pipé. ⁷Mìwlẹ to onú he tin to nukunme mìtọn nukọn pọn wẹ? Eyín omẹ de dotu do ede go dọ Klisti tọn wẹ ewọ, mì gbọ é ni sọ vó ehe lẹn na ede, dọ, le ewo yín Klisti tọn do, mọwẹ mìwlẹ sọ yín Klisti tọn do. ⁸Na eyín yẹn tlẹ to awagun depope do gbọn asẹ mítọn tọn dali, he Oklunọ na didó daga, bo ma yín na zìnzìn mì dai gba, yè ma na dowinyan mi gba: ⁹na é ma na do sọawúhia di yẹn to owé yi do to budona mì. ¹⁰Na yé dọmọ, Owé etọn lẹ pènzín bo sọ gò na huhlọn; ṣigba tintónkọ etọn to agbasa mẹ yín madogánnọ, ohógbè etọn sọ vlẹ. ¹¹Mì gbọ omẹ mọtọnnkọ ni lẹn ehe, dọ, omẹ he hunkọ mìwlẹ yín to ohó mẹ gbọn owé lẹ dali whenuena mí ma tin to mì ṣẹnṣẹn, omẹ mọtọnnkọ wẹ mí na yín to owalọ me ga whenuena mí tin to mì ṣẹnṣẹn. ¹²Na mìwlẹ ma yín tudotọ nado hia mìde dogò osọha yetọn, kavi bo na yí mìde jlé do yé he yéde pa delẹ go: ṣigba le yé to yéde jlé gbọn yéde dali, bo sọ nọ jlé yéde do yéde go to ṣẹnṣẹn yéde tọn, yé ma yín nuyọnẹntọ gba. ¹³Ṣigba mìwlẹ ma to na doawagun onú lẹ tọn húgan ojlé mítọn, ṣigba kẹdẹdi ojlé ohùkan tọn he Jiwheyẹwhe ko má hlan mí, ojlé nado wá yèdọ kaka jẹ mì de. ¹⁴Na mìwlẹ ma dlẹn mìde zè ojlé mítọn go gba, taidi mìwlẹ ma wá kaka jẹ mì de: na mìwlẹ wá kaka jọ mì de ga to yẹwheho wẹndagbe Klisti tọn didọ mẹ: ¹⁵bo ma sọ to awagun onú he húgan ojlé mítọn lẹ tọn do, enẹ we, gbọn azón mẹdevo lẹ tọn dali: ṣigba le mìwlẹ tindo tódido, whenuena yise mìtọn to susudeji, na mìwlẹ nido yín mẹzedaga gbọn mìwlẹ dali kẹdẹdi hùkan mítọn susugege, ¹⁶nado dọyẹwheho wẹndagbe tọn to otò he tin to godo mìtọn lẹ mẹ, bo ma na do doawagun to hùkan onú mẹdevo tọn lẹ mẹ he yè ko hẹn wleawu hlan alọ mítọn mẹ. ¹⁷Ṣigba mì gbọ ewọ he to awagundo ni nọ to awagundo to Oklunọ mẹ. ¹⁸Na é ma yín ewọ he to ede pa wẹ omẹ he yè alọkẹyi gba, adavo omẹ he Oklunọ pa.

¹YẸN jlo dọ, mì ni sinyẹnlin hẹ mi pẹde to nulu ṣie mẹ; nugbo mì sinyẹnlin hẹ mi. ²Na yẹn yí awuwhàn sinsèntọ tọn de do yín awuwhànnọ de to mì ji: na yẹn ko biọ mì hlan asú dopo, na yen nido plan mì di awhli wiwe de hlan Klisti. ³Ṣigba obu didi mi, dọ to onú depope mẹ dile odàn klọ Evi gbọn oklọ etọn dali, na yè nikã hẹn ayiha mìtọn gble sọn malẹnayiawe he tin to Klisti mẹ mẹ. ⁴Na eyín ewọ he ja dọyẹwheho Jesu devo de tọn, mẹhe mìwlẹ ma ko dọyẹwheho etọn, kavi eyín mìwlẹ mọ gbigbọ devo de yí, he mì ma ko mọyi dai, kavi wẹndagbe devo de, he mì ma ko kealoyi dai, be mì sọgan sinyẹnlin hẹ ẹ dagbo. ⁵Na yen hia dọ yẹn ma yí yòwhi do gbongodo na apọsteli dahodaho lẹ de gba. ⁶Ṣigba eyín yẹn tlẹ klen to ohógbè mẹ, be é ma yín to oyọnẹn mẹ gba; ṣigba yè ko hen mí sọawúhia hezehezé to mì ṣẹnṣẹn to onú lepo mẹ. ⁷Be oylan de wẹ yẹn wà to zinzin dẽ dai mẹ na yè nido ze mìwlẹ daga, na yẹn dọyẹwheho wẹndagbe Jiwheyẹwhe tọn hlan mì vọnu wutu? ⁸Yẹn nọ bó agbàn agùn devo lẹ ton, yẹn nọ yí akuẹ sọn yé de do nọ wàdevizọ́n hlan mìwlẹ. ⁹Podọ whenuena yẹn tin to mì de, bo yín matindonọ, yẹn ma doakuẹzinzánna medepope na onú he whè do mi, mẹmẹsunnu he sọn Makedonia wá lẹ ko yí dogó: to onú lẹpo mẹ yẹn ko bò dẽ dai na ma nado yín tuklanọ hlan mì, mọwẹ yẹn nasọ to dẽ bọdai do. ¹⁰Dile nugbo Klisti tọn te to ohò ṣie me, omẹ he na hen awagun dido ṣie he dote to Akaia dali depope ma tin. ¹¹Etẹtọnwutu? na yẹn ma yiwanna mì wutu? Jiwheyẹwhe yọnẹn ¹²Ṣigba ehe yẹn to wiwà, wẹ yẹn na to wiwa, na yè nido dè aklọn sọn mẹhe to aklọn jlo lẹ de; na ehemẹ yé to awagundo te yè nido mọ yé kẹdedi mìwlẹ. ¹³Na apọsteli lalonọ wẹ omẹ motọnnkọ lẹ, azónwàtọ oklọnọ, he nọ diọadana yéde biọ apọsteli Klisti tọn lẹ mẹ. ¹⁴E ma sọ yín nujawu de; na Satani losu nọ dioadazùn angẹli hinhọ́n tọn ¹⁵Enẹwutu é ma yín onú daho de eyín devizómvàtọ etọn lẹ ga yín mẹdiọada di dovizọnwàtọ dódó tọn lẹ; opodo mẹhetọn na nọ kẹdẹdi azón yetọn lẹ.

¹⁶Yẹn sọ vó dọ, Mẹdepope lẹn mi do nulunọ wẹ yẹn blo; eyín é ma sọ yin mọ, gãnṣo di nulunọ mì yí mi, na yẹn nido doawagun na dẽ pẹde. ¹⁷Ehe yẹn to didọ nẹ yẹn ma to didọ ẹ di Oklunọ tọn gba, ṣigba di nulunọ hódidọ to tugbigbo awagundido he tọn mẹ. ¹⁸Dọ le mẹsusu nọ to awagundo di agbasalan tọn, yen na doawagun ga. ¹⁹Na mìwlẹ nọ yí homẹvivi do sinyẹnlin hẹ nulunọ lẹ, whenuena mìlọsu yín nuyọnẹntọ. ²⁰Na mìwlẹ nọ sinyẹnlin, eyín mẹde hẹn mì wa meglonọ mẹ, eyín mẹde tlẹn mi dù, eyín mẹde yì sọn mì de, eyín mẹde zé ede daga, eyín mẹde hò nukunmẹ na mì. ²¹Yen to hódọ gbọn ovlẹ tọn dali, taidi míwlẹ yín madogánnọ Ṣigba nudepope he mẹ mẹde yín awagunnọ te (yen to hódo di nulunọ,) yẹn yín awagunnọ ga ²²Heblu wẹ yé? mọ wẹ yen. Islaelinu wẹ yé? mọ wẹ yẹn. Okún Ablaham tọn wẹ yé? mọ wẹ yẹn. ²³Devizònwàtọ Klisti tọn wẹ ye? (yẹn to hódọ di nulunọ) yẹn hú yé; to tuklajẹ mẹ gbahúgbahu, to gànhò mẹ gbahugbahu, to hihò mẹ é zé ojlé gó, to okú me whepoponu. ²⁴Sọn Ju lẹ si whlatón wẹ yen yi obá gbànatọ́nnukunẹnẹ adavo whladopo. ²⁵Whlatọn we yè li opò mi, yè dlanzannu do mi whladopo, húnsiọ mi whlatòn, okle dopo ozan dopo wẹ yẹn do tin to odògbo mẹ; ²⁶to gbejizọnlin lẹ mẹ whepoponu, to owu osìn tọn me, to owu ajọtọ lẹ tọn mẹ, to owu mẹ sọn tòmẹnu ṣie titi lẹ de, to owu mẹ sọn Kosi lẹ de, to owu mẹ to otòdaho me, to owu mẹ to zùngbo me, to owu me to ohù mẹ, to owu mẹ to mẹmẹsunnu lalonọ lẹ ṣẹnṣẹn; ²⁷to nudikọ po awufiesa po me, to awuhihó mẹ whepoponu, to huve po nugbla po me, to nùbibla me whepoponu, to avivọ po oméjẹ po me. ²⁸Po onú he tin to gbonu nẹlẹ po, ehe to oji e wá egbésoegbesọ, tuklajẹ agùn lẹpo tọn. ²⁹Mẹnu wẹ yín madogánnọ, bọ yẹn ma yín madogánnọ? menu we yè hẹn nado dahli, bọ home ṣie ma jizo? ³⁰Ejín yen ma sọgan nọ madoawagun, yẹn na doawagun onú he gbọn ganmado ṣie lẹ tọn dali. ³¹Jiwheyẹwhe Otọ Jesu Klisti Oklunọ mítọn tọn, he yín donanọ kakadoi, yọnẹn dọ yẹn ma dolalo gba. ³²To Damasku otonọ to ahọlu Aleta glọ dè awhanvipẹ lédo otòdaho Damaskutọ lẹ tọn bo to jijlo nado wlé mi: ³³Vẹsẹnu to oha mẹ wẹ yè gbọn zlon mi dai to dokọ godo, bọ yẹn do hongan sọn alọ etọn mẹ.

¹YEN ma na nọma doawagun gba, le é ma tlẹ jẹ sọ. Ṣigba yẹn na wá numimọ po osọhia Oklunọ tọn lẹ po mẹ. ²Yẹn yón dawe de to Oklunọ mẹ, é hú owhè wiẹnẹ dinvie, (eyín agbasa mẹ wẹ, yẹn ma sọgan dọ; kavi to gbonu agbasa tọn, yẹn ma sọgan dọ: Jiwheyẹwhe wẹ yọnẹn:) omẹ mọtọnnkọ wẹ yè zé yi aga yèdọ jẹ olọn atọ̀ntọ. ³Yẹn sọ yén omẹ mọtọnnkọ de, (eyín agbasa mẹ wẹ, kavi to gbonu agbasa tọn, yẹn ma sọgan dọ: Jiwheyẹwhe wẹ yọnẹn;) ⁴le yè zé e yi aga yì paladisi do, bo sè ohó he yè ma sọgan dọ, ehe ma jẹ na gbẹtọ nado dọ jẹgbonu. ⁵Gbọn omẹ mọtọnnkọ dali wẹ yẹn na doawagun: ṣigba gbọn ṣie lọsu tọn dali yẹn ma to awagun na do gba, adavo to madogán ṣie lẹ mẹ. ⁶Na eyín yẹn tlẹ jlo nado doawagun, yẹn ma na yín nulunọ gba; na nugbo wẹ yẹn na dọ wutu: ṣigba dinvie yẹn jodo, na omẹ de nikã lẹn mi húgan onú he é mọ yẹn yín, kavi ehe é sè gbọn dali ṣie. ⁷Pọdọ na yẹn nikã zé dẽ daga zé ojlé go gbọn osọhia susugege dali, yè na owùn mi to agbasalan mẹ, mẹdagun Satani tọn nado tùnnu mì, na yẹn nikã zé dẽ daga zé ojlé go. ⁸Yẹn sọ vé Oklunọ whlatòn na onú he, na é ni dè e sọn dẽ. ⁹Ewọ sọ dọ hlan mi, dọ, Ojọmiọn ṣie ko pó we, na madogán mẹ wẹ yè hẹn huhlọn ṣie sọgbè te. Enẹwutu wẹ yẹn na kúkú yí homẹhùnhùn do doawagun to madogán ṣie lẹ mẹ, na huhlọn Klisti tọn nido nọte do oji e. ¹⁰Enẹwutu wẹ yẹn do yí homẹvivi to madogán lẹ mẹ, to vlẹko lẹ mẹ, to matindo lẹ mẹ, to homẹkẹn lẹ mẹ, to awusinyẹn lẹ mẹ na Klisti tọn wutu: na whenuena yẹn yín madogánnọ, whenẹnu wẹ yẹn yín huhlọnnọ.

¹¹Yẹn lẹzun nulunọ to awagundido mẹ; mì wẹ hẹn mi yí huhlòn do basi: na é jẹ yè ni ko pa mi sọn mì de: na yẹn ma yín godotọ na apọsteli dahodaho lẹ to onú depope mẹ, eyín yẹn ma tlẹ sọ yín, núde. ¹²Nugbo ohia apọsteli tọn lẹ wẹ yè do wàzón to mì ṣẹnṣẹn to homẹfa lẹpo mẹ, to ohia lẹ mẹ, nujawu lẹ, po owalọ huhlọn tọn lẹ po mẹ. ¹³Na etẹ wẹ onú lọ ehe mìwlẹ do whèhú agùn devo lẹ, adavo é ni yín dọ yẹn lọsu ma yín tuklanọ hlan mì? mì jo oylan he na mì.

¹⁴Mì dayi e go, ehe wẹ whlatòntọ yẹn wleawu nado wá mì de: yẹn ma sọ to na yín tuklanọ hlan mì gba: na é ma yín onú mìtọn lẹ wẹ yẹn to dindin gba, adavo mìlọsu: na é ma yín ovi lẹ wẹ jẹ nado bé adọkun pli dai na mẹjitọ lẹ gba, adavo mẹjitọ lẹ na ovi lẹ. ¹⁵Na yẹn na yí homẹhùnhùn do zán bo sọ yín mẹzinzán na mì: sọle yẹn tlẹ yiwanna mì susugege do, pẹvide wẹ yè yiwanna mi. ¹⁶Ṣigba é ni yín mọ, yẹn ma doagbànna mì gba: ṣigba di zinzin tọ yẹn yi oklọ do wlé mì. ¹⁷Be yẹn yí mì do duale gbọn yé he yẹn dohlan mì depope dali? ¹⁸Yẹn vè Titu, bo sọ do mẹmẹsunnu de hlan po e po. Be Titu yí mì do duale? be é ma yín gbigbọ dopolọ mẹ wẹ mí to zọnlinzin te? be é ma yín aliho dopolọ ji wẹ mí to zọnlinzin gbọn?

¹⁹Podọ, be mìwlẹ to linlẹn dọ mìwlẹ to ové mìde tọn vé hlan mì wẹ? to nukọn Jiwheyẹwhe tọn to Klisti mẹ wẹ mìwlẹ to hódọ te: ṣigba mìwlẹ to onú lẹpo wà, mẹyiwanna vivẹ emi, na hẹndote mìtọn. ²⁰Na obu didi mi dọ, whenuena yẹn na wá, yẹn ma na mọ mì di omẹ he hunkọ yẹn jlo gba, podọ yè nasọ mọ mì di omẹ he hunkọ mìwlẹ ma jlo hlan mìwlẹ: na nudindọn, nuvẹun, homẹgble, avùn, mẹnudidọ nuglọhódidọ, kikla, zínzíndido ma nado tin. ²¹Podọ, whenuena yẹn sọ vé wá, na Jiwheyẹwhe ṣie nikã hòhùwhé mi to mì ṣẹnṣẹn, podọ yẹn na ví mẹsusu he ko wàylando wayì, bo ma ko lẹnvọjọ na jijọmawe lọ, ogàlilọ po wantúntún he yé ko zán lẹ po.

¹EHE wẹ whlatòntọ he yẹn ja mì de. To onù kunnudetọ awe kavi atọ̀n tọn mẹ wẹ yè na hẹn ohó lẹpo lódo. ²Yẹn ko dọ dai donukọn, bo ko sọ dọ dai, di yẹn tin to mì de, whlawetọ; le yẹn ma sọ tin to mì de dinvie, yẹn wlanwe hlan yé he ko wàylando kaka jẹ dinvie lẹ, podọ hlan yé he pò lẹpo, dọ, eyín yẹn sọ vó wá, yẹn ma na hla yé dote gba: ³whenuena mìwlẹ ko to ohia Klisti to hódọ to ohò ṣie mẹ tọn din, ehe ma yín madogán hlan mìwlẹ dali, ṣigba huhlọn wẹ é yín to mì mẹ. ⁴Na eyín yè tlẹ whè e do satin go gbọn madogán dali, ṣigba é tin to ogbé gbọn huhlọn Jiwheyẹwhe tọn mẹ. Na mìwlẹ yín madogánnọ to ewọ mẹ ga, ṣigba mí na tin to ogbè po e po gbọn huhlọn Jiwheyẹwhe tọn mẹ hlan mì de. ⁵Mì dindòna mìde, eyín mì tin to yise mẹ; mì mọdòna mìde dagbedagbe. Be mì mẹ yén mìde wẹ, dọ Jesu Klisti tin to mì me, eyín é ma yín mọ be mẹgbigbé wẹ mì yin? ⁶Ṣigba yẹn gbotu dọ mìwlẹ na yonen dọ mìwlẹ ma yín mẹgbigbẹ gba. ⁷Dinvie yẹn to dèho hlan Jiwheyẹwhe dọ mìwlẹ wà oylan depope blo; é ma yín dọ mìwlẹ nido sọawúhia di mepégan wutu wẹ gba, ṣigba na mìwlẹ nido wà ehe yón, eyín mìwlẹ tlẹ sọ taidi mẹgbigbé ⁸Na mìwlẹ ma sọgan wà núde do nugbo go, adavo na nugbo. ⁹Na homẹ mítọn hùn, whenuena mìwlẹ yín madogánnọ, bọ mìwlẹ yín huhlọnnọ ehe wẹ mìwlẹ sọ to jijlo ga, yèdọ pipé mìtọn. ¹⁰Enẹwutu wẹ yen do wlàn onú helẹ whenuena yẹn ma tin to mì de, na yen nikã zán adi whenuena yen tin to mì ṣẹnṣẹn kededi huhlon he Oklunọ ko na mi hlan hẹndote é ma yín hlan husúdo gba.

¹¹Na popolẹpo, mẹmẹsunnu emi, mì no blèo. Mì yin pipe, mì yín homemi mionnọ, mì yín homedoponọ, mì nọ nò jijoho mẹ: Jiwheyẹwhe owanyi po jìjo ho po ton na tin po mì po ¹²Mi yi nùdonùgo wiwe do donúdo mìnọzo.

¹³Mewiwe lẹpo dọnúdo mì.

¹⁴Ojọmiọn Jesu Klisti Oklunọ tọn, owanyi Jiwheyẹwhe tọn, podọ Gbigbọ Wiwe tọn ni nò hẹ mì omẹ popo. Niṣẹ.