1 Samuẹli

¹DINVIE dawe Lamataimi-zofimi tọn de tin, sọn otò okọta Eflaimi ton mẹ, oyín etọn nọ yín Ẹlkana, visunnu Jelohami tọn, visunnu Elihu tọn, visunnu Tohu tọn, visunnu Zufì tọn, Eflaiminu de. ²Ewọ sọ tindo asi awe; oyín ode tọn nọ yín Hanna, oyín awetọ tọn nọ yín Pẹnina: Pẹnina tindo ovi lẹ, ṣigba Hanna ma tindo ovi de. ³Dawe he nọ hẹji tọ́n yì sọn tòdaho etọn mẹ whème whèmẹ nado sẹn podọ nado sanvọ́ hlan OKLUNỌ awhànpa le tọn to ṣilo mẹ. Visunnu Eli tọn awe lẹ Họfini po Finehasi po, yẹwhenọ lẹ hlan OKLUNỌ, tin finẹ. ⁴Whenuena azán lọ wá bọ Ẹlkana sanvọ́, é na mimá lẹ hlan Pẹnina asi etọn, podọ hlan visunnu etọn lẹpo po viyọnnu etọn lẹ po: ⁵ṣigba hlan Hanna é na mimá awepọ de: na é yiwanna Hanna, ṣigba OKLUNỌ ko sú adò etọn. ⁶Asísi etọn sọ nọ doadihomẹ nẹ badabada, na nado hẹn ẹn fiẹ, na OKLUNỌ ko sú adò etọn wutu. ⁷Le é nọ to mọ wà to whèmẹ whèmẹ, whenuena é hẹji yì ohò OKLUNỌ tọn mẹ, mọwẹ é nọ to adidohomẹ nẹ̃; enẹwutu é nọ viavi, bo ma dùnú. ⁸Ẹlkana asú etọn sọ dọ hlan ẹn dọmọ, Hanna, Etẹwutu hiẹ toavivi? podọ etẹwutu hiẹ ma dùnú? etẹwutu ayiha towe to adisa? Yẹn ma ka pọ́nte hú visunnu ao hlan we? ⁹Mọwẹ Hanna tite to godo yé ko dùnú to Ṣilo, podọ godo yé ko nù. Dinvie Eli yẹwhenọ sinai to aisinnu etọn ji to ohọ̀n dòtin tẹmpli OKLUNỌ tọn tọn dali. ¹⁰Ewọ sọ tin to vivè ayiha tọn mẹ, bo hòdẹ hlan OKLUNỌ, bo viavi badabada. ¹¹Ewọ sọ do opà de, bo dọmọ, OKLUNỌ awhànpa lẹ tọn, eyín hiẹ nugbonugbo na pọ́n nukunbibia deviyọnnu towe tọn, bo flin mi, bo ma wọ̀n deviyọnnu towe gba, ṣigba bo na yọ̀pọ sunnu de hlan deviyọnnu towe, whenẹnu yẹn na na ẹn hlan OKLUNỌ to azán ogbè etọn tọn lẹpo mẹ, dalunhi de ma na wá ota etọn go. ¹²E sọ wá jọ, le é dotena dẹhiho to OKLUNỌ nukọn, wẹ Eli payido onù etọn. ¹³Dinvie Hanna, to hódọ to ayiha etọn mẹ; nùflo etọn lẹ kẹdẹ wẹ to whinwhàn, ṣigba yè ma sè ogbè etọn gba: enẹwutu Eli lẹn dọ yè ko hẹn ahánmú in. ¹⁴Eli sọ dọ hlan ẹn dọ, Na yè na hẹn ahànmú we dẹn sọ? dè ovẹ̃n towe sọn de we. ¹⁵Hanna sọ gblọn bo dọmọ, Lala, klunọ ṣie, yọnnusi ayiha awublanọ tọn de wẹ yẹn: Yẹn ma ko nù ovẹ̃n kavi ahàn sinsinyẹn de gba, ṣigba yẹn to ayiha ṣie túntún jẹgbonu to OKLUNỌ nukọn. ¹⁶A hia deviyọnnu towe na viyọnnu Beliali tọn de blo: na sọn ogégé okuefan ṣie mẹ po adidohomẹnamẹ ṣie po wẹ yẹn do to hódọ jẹdinvie. ¹⁷Whenẹnu wẹ Eli gblọn bo dọmọ, Yì jijọho mẹ: Jiwheyẹwhe islaeli tọn ni sọ okanbiọ towe he hiẹ biọ sọn e si na we. ¹⁸Ewọ sọ dọmọ, Gbọ devi towe ni din nukundagbe mọ to nukun towe mẹ. Mowẹ nawe lọ wleali etọn yì, bo dùnú, nukunmẹ etọn ma sọ yín awublanọ ba gba. ¹⁹Yé sọ tite to afọnnu íú, bo sẹ̀n to OKLUNỌ nukọn, bo lẹ̀gò, bo wá owhé yetọn gbè to Lama: Elkana sọ yọ́n Hanna asi etọn; OKLUNỌ sọ flin in. ²⁰E sọ wá jọ, whenuena yè hẹn ojlẹ lọ wá, wẹ Hanna mọhò, bo ji visunnu de: é sọ ylọ oyín etọndọ Samuẹli, dọmọ, Na yẹn ko biọ ẹ sọn OKLUNỌ si wutu. ²¹Dawe lọ Ẹlkana, po owhé etọn lẹpo po, hẹji yì nado nanú whèmẹ-whèmẹ tọn lọ hlan OKLUNỌ, po padido etọn po. ²²Ṣigba Hanna ma hẹji yì gba; na é dọ hlan asú etọn dọ, Yẹn ma to na hẹji yì gba kaka yè na do dèanọna ovi lọ, whenẹnu wẹ yẹn na hẹn ẹn wá, na é nido sọawuhia to OKLUNỌ nukọn, bo nọnọ̀ finẹ kakadoi. ²³Ẹlkana asú etọn sọ dọ hlan ẹn dọmọ, Wà núhe sọawuhia dagbe na we; dọngbàn kaka hiẹ na ko dèanọ nẹ̃; OKLUNỌ ni sa ko hẹn ohó etọn lódo kẹdẹ. Mowẹ nawe lọ dọngbàn, bo to anọdona visunnu etọn, kaka é do dèanọna ẹn, ²⁴Whenuena ewọ ko dèanọna ẹn, é zé e hẹaga po e po, po oyín aflanmẹ atọ̀n po, po ẹfa dopo olinfìn tọn po, po ogò ovẹ̃n tọn dopo po, bo hẹn ẹn wá owhé OKLUNỌ tọn gbè to Ṣilo mẹ: ovi lọ sọ tin to ovú. ²⁵Yé sọ hù oyín aflanmẹ lọ, bo hẹn ovi lọ wá Eli de. ²⁶Ewọ sọ dọmọ, A klunọ ṣie, le ayiha towe to ogbẹ̀, klunọ ṣie, yẹn wẹ nawe he nọte to dali towe to ofi bo to dẹ́ho hlan OKLUNỌ. ²⁷Ovi he wẹ yẹn hodẹ̀ na; OKLUNỌ ko sọ na okanbiọ ṣie mi he yẹn biọ sọn e si: ²⁸enẹwutu yẹn ga ko sọ ẹ na hlan OKLUNỌ; sọ le é to ogbẹ̀ dẹn do ewọ yín mẹsọna hlan OKLUNỌ. E sọ sẹ̀n OKLUNỌ to finẹ.

¹HANNA hodẹ̀ bo sọ dọmọ: Ayiha ṣie zédaga to OKLUNỌ mẹ, Yè hẹn azò ṣie zédaga to OKLUNỌ mẹ:

⁷OKLUNỌ wẹ nọ hẹn zùn wamọnọ, bo sọ nọ hen zùn adọkunnọ:

¹¹Ẹlkana sọ yì owhé etọn gbè to Lama. Ovi lọ sọ to devizọ̀nwà hlan OKLUNỌ to Eli yẹwhenọ nukọn.

¹²Dinvie visunnu Eli tọn lẹ yín visunnu Beliali tọn lẹ; yé ma yòn OKLUNỌ gba. ¹³Wàlọ yẹwhenọ lẹ tọn to gbẹtọ le de wẹ, dọ, whenuena omẹ depope na avọ́sannu, devi yẹwhenọ tọn nọ wá, whenuena olàn lọ tin to akúnsìn mẹ, po lànsọ́nu okẹ́n atọ̀n tọn de po to alọ etọn mẹ; ¹⁴é sọ yí i do pánu mẹ, kavi gànzẹ́npẹvi, kavi gànzéndaho, kavi ozẹn; ehe lànsọ́nu hẹn wá aga lẹpo yẹwhenọ nọ yí na ede. Mọwẹ yé to wiwà to Ṣilo hlan Islaelinu lẹ he wá finẹ lẹpo. ¹⁵Nugbo, whẹpo yé do nọ mè ojó lọ, devi yẹwhenọ tọn nọ wá, bo nọ dọ hlan omẹ he sanvọ̀ dọ, Na olàn nado mẹ̀ na yẹwhenọ; na ewọ ma na yí olàn akúnsìnnọ sọn asi we gba, adavo omú ¹⁶Eyín omẹ lọ sọ dọ hlan ẹn dọ, Yé na mẹ̀ ojo lọ dinviedinvie, whenenu bo yí sùsọ ehe ayiha towe jlo; whenẹnu ewọ na dọmọ, Lala, adavo hiẹ na ẹn mi dinvie: eyín a kò, yẹn na yí i gbọn Adán dali. ¹⁷Ylando yọ̀pọ Sunnu ewlẹ tọn sọ yín dahò tàla to OKLUNỌ nukọn: na gbẹtọ lẹ to avọ̀ nuna OKLUNỌ tọn vlẹ.

¹⁸Dinvie Samuẹli to devizọ̀nwà to OKLUNỌ nukọn, yínyín yọ̀pọ de, yè yí efọdi alavọ̀ tọn de do blagbaja nẹ̃. ¹⁹Humọ onọ etọn basi tewu de nẹ, bo nọ hẹn ẹn wá nẹ̃ whèmẹ whèmẹ, whenuena ewọ hẹaga wá po asú etọn po nado na avọ̀sannu whèmẹ tọn lọ. ²⁰Eli sọ dona Ẹlkana po asi etọn po, bo dọmọ, OKLUNỌ na okún we sọn nawe he de na núyìnyan he yè whé hlan OKLUNỌ. Yé SỌ yì owhé yetọn lọsu gbè. ²¹OKLUNỌ dla Hanna pọ̀n, é sọ mọhò, bo ji visunnu atọ̀n po viyọnnu awe po. Ovi Samuẹli sọ whẹ́n to OKLUNỌ nukọn.

²²Dinvie Eli yín yònhonọ tàla; é sọ sè onú lẹpo he visunnu etọn lẹ to wiwà hlan Islaeli lẹpo, podọ le yé to hòdo hẹ yọnnusi he sinsẹ̀nzọ̀n wà to ohòn gohò pipli tọn tọn ji lẹ do. ²³Ewọ sọ dọ hlan yé dọ, Etẹwutu wẹ míwlẹ to onú mọnkọ lẹ wà? na yẹn to zinzán ylankan mìtọn tọn sè sọn gbẹtọ he lẹpo de ²⁴Lala, visunnu ṣie emi; na é ma yín lìnlìn dagbe de wẹ yẹn to sisè gba: míwlẹ to omẹ OKLUNỌ tọn lẹ hẹn nado to ylankan wà. ²⁵Eyín omẹ de wàylando do mẹawetọ, Jiwheyẹwhe na dawẹ̀na ẹn: ṣigba eyín omẹ de wàylando do OKLUNỌ, menu wẹ na vẹ̀vẹ̀ na ẹn? Ṣogán yé ma tuntóai hlan ogbè otọ́ yetọn tọn gba, na OKLUNỌ na hù yé wutu. ²⁶Ovi lọ Samuẹli sọ to whinwhẹn, bo sọ tin to nukundagbe mẹ to OKLUNỌ de podọ to gbẹtọ lẹ de ga.

²⁷Omẹ Jiwheyẹwhe tọn de sọ wá Eli de, bo do hlan ẹn dọmọ, Le wẹ OKLUNỌ dọ, Be yẹn do dẽ hia hlan owhé otò towe tọn, whenuena yé tin to Egipti to mẹglọnọ mẹ hlan owhé Falo tọn? ²⁸Be yẹndè e sọn whẹndo Islaeli tọn lẹpo mẹ nado yín yẹwhenọ ṣie, nado hẹji yì agbà ṣie ji, nado nọ mẹ̀nuwhénwan, nado nọ do ẹfodi to nukọn ṣie? Be yẹn na hlan owhé otò towe tọn avọ̀ nunina ovi Islaeli tọn lẹ tọn lẹ he yè basi gbọn miyọn dali? ²⁹Etẹwutu wẹ míwlẹ sẹ́whẹ̀ do avọ̀ ṣie podọ do nunina ṣie, he yẹn ko degbèna to fininọ̀ ṣie mẹ; bo gbogbóna visunnu towe hú mi, nado yí avọ̀ nunina whanpẹnọ Islaeli ome ṣie lẹ tọn lẹpo do hẹn mìde dojó? ³⁰Enẹwutu OKLUNỌ, Jiwheyẹwhe Islaeli tọn, dọmọ, Yẹn dọ nugbonugbo dọ owhé towe, po owhe otọ̀ towe tọn po, na nọ zinzonlin to nukọn ṣie kakadoi: ṣigba dinvie OKLUNỌ dọmọ, E ni tin dẹn do mi; na yé he gbògbóna mi lẹ wẹ yẹn na gbògbéna, yé he sọ vlẹ mi lẹ wẹ yè ma na hòpón. ³¹Dayi e go, azán lẹ wá, bọ yẹn na sán awà towe sẹ́, po awà owhé otọ́ towe tọn tọn po, bọ omẹ hóhó de ma na tin to owhé towe gbè ³²Hiẹ na sọ dayi nukunbibia fíninó ṣie tọn go, to adọkun lẹpo he Jiwheyẹwhe na na Islaeli mẹ: omẹ hóhó de ma na sọ tin to owhé towe gbè gbedegbede. ³³Òmẹ sọn towe mẹ lọ, he yẹn na sán sẹ́ sọn agbà ṣie kòn, na tin nado và nukun towe lẹ podọ nado hẹn ayiha towe sádi: jideji owhé towe tọn lẹpo wẹ na kú to winyanwinyan whenu yetọn tọn mẹ. ³⁴Ehe wẹ na sọ yín ohia hlan we, he na wá visunnu towe awe lẹ ji, Họfni po Finehasi po ji; azán dopo mẹ yé omẹ awe lẹ na kú. ³⁵Yẹn na sọ zé yẹwhenọ dódónọ de tite na mi, he na wà kẹdẹdi enẹ he tin to ayiha ṣie mẹ podọ to ojlo ṣie mẹ: yẹn na sọ gbá ohọ́ gangán de nẹ̃; é na sọ to zọnlinzin to mẹyíamisisádodè ṣie nukọn kakadoi. ³⁶E na sọ wá jọ, dọ omẹ he yè na pòdai to owhé towe gbè lẹ na wá bo dó hlan ẹn na fataka vude po agó akla tọn de po, bo na dọmọ, Yl mi do azọ́nhọ yẹwhenọ tọn de mẹ, yẹn vé we, na yẹn nido dù nùdo akla tọn de.

¹OVI lọ Samuẹli sọ to devizọ́nwà hlan OKLUNỌ to Eli nukọn. Ohó OKLUNỌ tọn sọ yín nuhọakuẹ to azán nẹle me; numimọ gbangba de ma sọ tin. ²E sọ wá jọ to ojlẹ nẹ mẹ, whenuena yè hẹn Eli mlọnai to otẹn etọn mẹ, (dinvie nukun etọn lẹ ko sọ nado whẹ́n dozin, bọ é ma do sọ sọgan mọnu,) ³miyọngbán Jiwheyẹwhe tọn yè ma ko hẹn si gba, yè sọ hẹn Samúẹli mlọnai nado dọamlọn, to tẹmpli OKLUNỌ tọn mẹ, fie alki Jiwheyẹwhe tọn tin te: ⁴bọ OKLUNỌ ylọ Samuẹli: ewọ sọ dọmọ, Yẹn tin to ofi. ⁵Ewọ sọ dowezun yì Eli de, bo dọmọ, Yẹn tin to ofi; na hiẹ to yiylọ mi. Ewọ sọ dọmọ, Yẹn ma ylọ gba; yì mlọnai. ⁶OKLUNỌ sọ vọ́ ylọ, Samuẹli. Samuẹli sọ tite bo yì Eli de, bo dọmọ, Yẹn tin to ofi; na hiẹ to yiylọ mi Ewọ sọ gblọn dọ, Yẹn ma ylọ gba; visunnu ṣie; sọ yì mlọnai. ⁷Dinvie Samuẹli ma ko yón OKLUNỌ gba, mọ yè ma ko hẹn ohó OKLUNỌ tọn sọawuhia hlan ẹn gba. ⁸OKLUNỌ sọ vó Samuẹli ylọ atọ̀ntọ. E sọ tite bo sọ yì Eli de, bo dọmọ, Yẹn tin to ofi; na hiẹ to yiylọ mi. Eli sọ yọnẹn dọ OKLUNỌ wẹ ko to ovi lọylọ. ⁹Ènẹwutu wẹ Eli do dọ hlan Samuẹli dọmọ, Yì, mlọnai: é na sọ yín, eyín é sọ ylọ we, wẹ hiẹ na dọmọ, To hódọ, OKLUNỌ; na devi towe to sisè. Mọwẹ Samuẹli yì bo mlọnai to otẹn etọn mẹ ¹⁰OKLUNỌ sọ wá, bo ṣite, bo ylọ di whenu tintan tọn lẹ, Samuẹli, Samueli. Whenẹnu wẹ Samuẹli dọmọ, To hódọ; na devi towe to sisè. ¹¹OKLUNỌ sọ dọ hlan Samuẹli dọ, Dayi e go, yẹn na wà onú de to Islaeli mẹ, ehe go otó awe mẹdepope he sè tọn lẹ na, hè. ¹²To azán nẹ gbè yẹn na wà do Eli enẹ he yẹn ko dọ gbọn owhé etọn tọn dali lẹpo, sọn odò yèdọ jẹ opòdo. ¹³Na yẹn ko dọ nẹ dọ yẹn na dawhèna owhé etọn kakadoi, na oylanwà he ewọ yọnẹn, na visunnu etọn ko hẹn dẹ́hodo de wá yéde ji wutu, bọ ewọ ma sọ gọ̀ ye gba. ¹⁴Podọ enẹwutu yẹn ko whle hlan owhé Eli tọn, dọ oylanwà owhé Eli tọn tọn yè ma to na yí avọ́ kavi avọ́ nunina do Mẹ sẹ́ gba kakadoi. ¹⁵Samuẹli sọ mlọnai kaka jẹ afọnnu bo sọ hùn ohọ̀n OKLUNỌ tọn tọn lẹ. Samuẹli sọ dibu nado do numimọ lọ hia Eli. ¹⁶Whenẹnu wẹ Eli ylọ Samuẹli, bo dọmọ, Visunnu ṣie, Samuẹli. Ewọ sọ dọmọ, Yẹn tin to ofi ¹⁷Ewọ sọ dọmọ, Etẹ wẹ onú he OKLUNỌ dọ hlan we? Yẹn vẹ́ we a sọ ẹ whla do mi blo: Jiwheyẹwhe ni wà mọ hlan we, podọ humọ ga, eyín hiẹ yi onú depope whla do mi sọn onú he é dọ hlan we lẹpo mẹ. ¹⁸Samuẹli sọ dọ patapatapó nẹ̃, bo ma whla núde do e. Ewọ sọ dọmọ, OKLUNỌ wẹ: gbọ é ni wà núhe sọawuhia dagbe nẹ̃. ¹⁹Samuẹli sọ whén, OKLUNỌ sọ tin po e po, bo ma sọ dike núde son ohó etọn lẹ mẹ ni flẹ́ jẹ aigba gba. ²⁰Islaeli lẹpo sọn Dani Yèdọ jẹ Beẹl-seba sọ yọnẹn dọ Samuẹli wẹ yè hẹn lódo nado yín yẹwhenọ OKLUNỌ tọn de. ²¹OKLUNỌ sọ doawuhia to Ṣilo: na OKLUNỌ sọ ede hia hlan Samuẹli to Ṣilo mẹ gbọn ohó OKLUNỌ tọn dali.

¹OHÓ Samueli tọn sọ wá Islaeli lẹpo de. Dinvie Islaeli sọ tón yì gbonu do Filistini lẹ ji nado fùnawhàn, bo dosla do Ebene-ezeli wàji: Filistini lẹ sọ dosla do Afẹki mẹ. ²Filistini lẹ sọ yí yéde do titò mẹ do Islaeli ji: whenuena yé sọ kọ̀n awhàn dopọ, jẹ̀ hò Islaeli lẹ to Filistini lẹ nukọn: yé sọ hù sọn awhàn lọ mẹ to danji sunnu fọtọ́n ẹnẹ nkọ ³Whenuena yè hẹn gbẹtọ ewlẹ wá osla mẹ, mẹho Islaeli tọn lẹ dọmọ, Etẹwutu wẹ OKLUNỌ hò mí to egbé to Filistini lọ nukọn? Mì gbọ mí ni hẹn alki alẹ̀nù OKLUNỌ tọn tọn tọn sọn Ṣilo wá mi de, na e nido wa mí ṣẹnṣẹn, bo whlẹn mígbọn alọ kẹ̀ntọ mìtọn lẹ tọn mẹ. ⁴Mowẹ gbẹto le do omẹ hlan ṣilo, yé sọ hẹn alki alẹnù OKLUNỌ awhanpa lẹ tọn tọn sọnfinẹ wá, he sinai to kẹlubimi ji: visunnu Eli tọn awe lẹ Họfni po Finehasi po tin to finẹ po alki alẹ́nù Jiwheyẹwhe tọn tọn po. ⁵Whenuena alki alẹ́nù OKLUNỌ tọn tọn wá biọ osla mẹ, Islaeli lẹpo yí ayajẹ daho de do dabobo, sọmọ bọ aigba whànjẹnjẹn. ⁶Whenuena Filistini lẹ sè hùnhlungbè abobo lọ tọn, yé dọmọ, Etẹ́ wẹ hùnhlungbè abobo daho he tọn yín to osla Heblu lẹ tọn mẹ? Yé sọ tunwun dọ alki OKLUNỌ tọn wẹ yè hẹn wá biọ osla mẹ. ⁷Filistini le sọ yín avosatọ, na yé dọmọ, Yè hẹn Jiwheyẹwhe wá biọ osla lọ mẹ. Yé sọ dọmọ, Dindọn hlan mí! na onú mọtọnkọ de ma ko tin jedinvie. ⁸Dindọn hlan mí! mẹnu wẹ na whlẹn mí sọn alọ yẹwhe huhlọnnọ helẹ tọn mẹ? ehe lẹ wẹ yẹwhe he yí hunkọhunkọ azònylankan tọn lẹ do hó Egiptinu lẹ to zùngbo mẹ. ⁹Mì yìn huhlọnnọ, bo jó mide di sunnu, mi Filistini emì, dọ mi yín mẹmẹsi hlan Heblu lẹ blo, dile yewlẹ ko yín hlan míwlẹ: mì jó mìde di sunnu, bo hòavùn. ¹⁰Filistini lẹ sọ hòavùn, yè sọ hò Islaeli lẹ, yé sọ họ̀nyì omẹ dopodopo yì gohọ̀ etọn kọ̀n: hùhù daho de wẹ sọ tin to fìne; na gbẹtọ afọnọ fọtọ́n ogbàn wẹ jai sọn Islaeli lẹ mẹ. ¹¹Yè sọ yí alki Jiwheyẹwhe tọn; yè sọ hù visunnu awe Eli tọn lẹ Họfni po Finehasi po. ¹²Omẹ Bẹnjamini tọn de sọ họ̀nwezun tón sọn awhàn lọ mẹ, bo wá Ṣilo to gbèdoponẹ po avọ̀ etọn lẹ po tintlẹn, po kọgudu po to ota etọn. ¹³Whenuena é wá, pọ́n, Eli to aisinsin to aisinnú etọn ji to aliho ji to álihó: na áyiha etọn to Sisọsisọ na alki Jiwheyẹwhe tọn. Whenuena omẹ lọ wá biọ todaho mẹ, bo dọ ẹ, tòdaho lẹpo béawhá. ¹⁴Whenuena Eli sè hùnhlungbè awhádido lọ tọn, é dọmọ, Etẹ wẹ hùnhlun zingidi he tọn yín? omẹ lọ sọ yawu, bo wá bo dọ na Eli. ¹⁵Dinvie Eli yín mẹwhinwhén owhè kanwefọtọ̀nnukunatọ̀n tọn; nukun etọn lẹ bó, bo é ma do sọgan mọnú. ¹⁶Omẹ lọ dọ hlan Eli dọ, Yẹn wẹ ewọ he tọ́n sọn awhàn lọ mẹ wá, yẹn sọ hòn sọn awhàn lọ mẹ to egbé. Ewọ sọ dọmọ, Visunnu ṣie, nawẹ whẹhó lọ yì do? ¹⁷Ewọ mẹhe hẹn owẹ̀n lẹ lọ wá lọ sọ gblọn bo dọmọ, Yè hẹn Islaeli lẹ họ̀nyì to Filistini lẹ nukọn, hùhù daho de wẹ ko sọ tin to gbẹtọ lẹ ṣẹnṣẹn, visunnu towe awe lẹ ga, Họfni po Finehasi po, yín oṣiọ, yè sọ yí alki Jiwheyẹwhe tọn. ¹⁸E sọ wá jọ, whenuena é dọhóylọyín alki Jiwheyẹwhe tọn tọn, ewọ flẹ́ son aisinnú etọn ji hlangodo to awà hòngbọ tọn go, okọ́ etọn wẹ́n, é sọ kú: na yọnhonọ de wẹ ewọ yín, bo sọ pẹ́n. E o sọ dawhèna Islaeli hò owhè kandé. ¹⁹Yao etọn, asi Fihehasi tọn, tin to awuawe, sẹpọ́ nado yín jijitọ: whenuena é sè owẹ̀n lẹ lọ dọ yè yí alki Jiwheyẹwhe tọn, podọ asútọ etọn po asú etọn po yín osiọ, é dẹ́ ede bo jivi; na awufẹsa etọn lẹ wá é ji. ²⁰Podọ to ojlẹ okú etọn tọn mẹ yọnnusi he ṣite to e dali lẹ dọ hlan en dọ, Á dibu blo; na hiẹ ko hẹn visunnu de wá gbonu. Ṣigba ewọ ma gblọn gba, mọ é ma sọ hò e pọ́n.

²¹Ewọ sọ ylọyín ovi lọ. Ikabọdi, dọmọ, Yè hẹn gigo yìsọn Islaeli: na yè ko yí alki Jiwheyẹwhe tọn wutu, podọ asútọ e tọn po asú etọn po tọn wutu. ²²Ewọ sọ dọmọ, Yè hẹn gigo yìsọn Islaeli; na yè yí alki Jiwheyẹwhe tọn.

¹DINVIE Filistini lẹ ko yí alki Jiwheyẹwhe tọn, yé sọ hẹn ẹn sọn Ebeni-ezeli wá Ásidọdi ²Filistini lẹ sọ yí alki Jiwheyẹwhe tọn lọ, bo hẹn ẹn wá ohọ́ Dagọni tọn mẹ, bo zé e do Dagọni de. ³Whenuena yé Asidọdi tọn lẹ tite to afọnnu fũ to aihọngbè, dayi e go, yè ko hẹn Dagọni flẹ́ jẹ nukunmẹ etọn ji hlan aigba to alki OKLUNỌ tọn nukọn. Yé sọ yí Dagọni, bo sọ vó ẹ zé do otẹn etọn mẹ. ⁴Whenuena yé sọ fọ́ntite to aihọngbè to afọnnu fũ, dayi e go, yè ko sọ hẹn Dagọni flẹ́ jẹ nukunmẹ etọn ji hlan aigba to alki OKLUNỌ tọn nukọn; ota Dagọni tọn po alọpàhòmẹ alọ etọn awe lẹ tọn po tin yín sinsán só to hóngboji; gotolio Dagọni tọn kẹdẹ wẹ yè pòdai nẹ̃. ⁵Enẹwutu yẹwhenọ Dagọni tọn lẹ kavi omẹ he nọ wá ohọ̀ Dagọni tọn mẹ lẹ depope ma sọ tunafọ họ́ngboji Dagọni tọn to Asidọdi ba, kaka jẹ egbé.

⁶Ṣigba alọ OKLUNỌ tọn yín pinpẹ́n to yé Asidọdi tọn lẹ ji, é sọ và yé, bo yí agówuwu lẹ do hò yé, yèdọ Aṣidọdi po agbègbè etọn lẹ po. ⁷Whenuena omẹ Aṣidọdi tọn lẹ mọ dọ é yín mọ, yé dọmọ, Alki Jiwheyẹwhe Islaeli tọn tọn ma to na nò po mí po gba: na alọ etọn yín sinsinyẹn to mí ji, podọ to Dagọni yẹwhe mìtọn ji. ⁸Enẹwutu yé domẹhlan boyi ogán Filistini tọn lẹpo do yé de, e dọmọ, Eté wẹ mí na Zọ̀ndo alki Jiwheyẹwhe islaeii tọn tọn? Yé sọ gblọn dọ, Mì gbọ yè ni hẹn alki Jiwheyẹwhe Islaeli tọn tọn dánpé jẹ Gati. Yé sọ hẹn alki Jiwheyẹwhe Islaeli tọn tọn lọ dánpé jẹ finẹ. ⁹E sọ yín mọ, dọ ehegodo yé ko hẹn ẹn dánpé, alọ OKLUNỌ tọn yí gbigbado daho de do tin to tòdaho lọ ji; bo hò omẹ tòdaho lọ tọn lẹ, pẹvi po daho po, agówuwu lẹ sọ gbà do yé ji. ¹⁰Mowẹ yé do alki Jiwheyẹwhe tọn lọ hlan Eklọni. E sọ wá jọ, le alki Jiwheyẹwhe tọn lọ jẹ Eklọni, wẹ Eklọninu dawhá daga, dọmọ, Yé ko hẹn alki Jiwheyẹwhe Islaeli tọn tọn dánpé jẹ mí de, nado hù mí po omẹ mìtọn lẹ po. ¹¹Enẹwutu yé domẹhlan bo pli ogán Filistini lẹ tọn lẹpo dopọ, yé sọ dọmọ, Mì do alki Jiwheyẹwhe Islaeli tọn tọn lọ hlan yì, bo gbọ é ni sọ vó gọ̀yì otẹn etọn mẹ, bọ é ma na do hù mí, po omẹ mìtọn lẹ po gba: na gbigbado hùhù tọn de tin to tòdaho lẹpo mẹ lẹ́do; alọ Jiwheyẹwhe tọn yín pinpọ́n susu to finẹ. ¹²Omẹ he ma kú lẹ yè yí agówuwu lẹ do hò yé: awhá tòdaho lọ tọn sọ yì aga jẹ olọn.

¹ALKI OKLUNỌ tọn lọ sọ tin to otò Filistini lẹ tọn me osùn ṣinawe. ²Filistini lẹ sọ ylọ yẹwhenọ lẹ po asẹlio lẹ po, dọmọ, Etẹ́wẹ mi na zòndo alki OKLUNỌ tọn lọ? mì dohia mí, eté wẹ mí na do do e hlan otẹn etọn mẹ. ³Yé sọ dọmọ, Eyín mì do alki Jiwheyẹwhe Islaeli tọn tọn lọ hlan, mì do e hlan agbá blo; ṣigba to alọ depope mẹ mì ni lẹ avọ́ nunina whẹ́yìnylan tọn de gọ̀ nẹ̃: whenẹnu yè na hẹnazọ́ngbọna mi, é na sọ yín yinyọnẹn hlan mì etẹwutu yè ma do dè alọ etọn sọn mì go. ⁴Whenẹnu wẹ yé dọmọ, Etẹ́wẹ na yín avọ́ nunina whẹ́yìnylan tọn he mí na na hlan? Yé sọ dọmọ, Agówuwu sikanọ atón, po ajaka sikanọ atón po, kẹdẹdi osọhà ogán Filistini lẹ tọn tọn: na azònylankan dopo wẹ tin to mì omẹ pó, podọ to ogán mìtọn lẹ go. ⁵Enẹwutu wẹ mì na basi boṣio agówuwu mìtọn lẹ tọn lẹ, po bosiọ ajaka mìtọn lẹ tọn lẹ po he hẹn aigba lọ flu; mìwlẹ na sọ na gigo hlan Jiwheyẹwhe Islaeli tọn: eya é na dè alọ etọn sẹ́ sọn mì go, pọdọ sọn yẹwhe mìtọn lẹ go, podọ sọn aigba mìtọn go. ⁶Whenẹnu etẹwutu wẹ mì hẹn ayiha mìtọn lẹ sinyẹn, dile Egiptinu lẹ po Falo po hẹn ayiha yetọn lẹ sinyẹn do? whenuena ewọ yí nujawu do wázón to yé ṣẹnṣẹn, be ye na gbọ gbẹtọ ewlẹ ni yì, bọ yé sọ fọnyì? ⁷Enẹwutu dinvie mì ni yí bo wleawu na mì kẹkẹ yọ́yọ́ de, po yìnsi vinọ awe po, ehe ji glepònu de ma ko jẹ gbède, bo sìn yìnsi lẹ lọ do kẹkẹ lọ go, bo fò yìnvi yetọn lẹ sọn yé kòn wá owhé. ⁸Bo zé alki OKLUNỌ tọn lọ, bo yí i do kẹkẹ lọ ji; bo yí asọdonu sika tọn le, he mì gọ̀jọ́ nẹ̃ na avọ́ nunina whèyinyian tọn de, to apotin de mẹ to adà etọn mẹ; bo do e hlan, na é nido yì. ⁹Bo pinpọn, eyín é gbọn aga jeì to aliho owhègbè etọn titi tọn dali hlan Bẹti-semẹsi dali, be whenẹnu ewọ wẹ ko wàylan daho he do mí: ṣigba eyín lala, whenẹnu mí na yọ́nẹn dọ é ma yín alọ etọn wẹ ko hò mí gba; be núdukosọ de wẹ é yín he ko jọ hlan mí de. ¹⁰Omẹ ewlẹ sọ wà mọ; bo yí yìnsi vinọ awe lẹ, bo sìn yé do kẹkẹ lọ go, bo súapó do yìnvi yetọn lẹ do whégbe: ¹¹yé sọ zé alki OKLUNỌ tọn lọ do kẹkẹ lọ ji, apotin po ajaka sika tọn lẹ po po boṣiọ agówuwu yetọn tọn lẹ po ¹²Yìnsi lẹ lọ sọ yí aliho titegbe gbọn aliho hlan Bẹti-semẹsi dali; yé to yìyì to alihogbo lọ ji, bo to awhádo le yé to yìyì, bo ma tó do apadopo hlan alọ adusi mẹ kavi hlan amiyọn mẹ; ogán Filistini tọn lẹ bọdo yé go jẹ dògboji Bẹti-semẹsi tọn. ¹³Yé Bẹti-semẹsi tọn lẹ ko to oli bibia yetọn gbẹn to agbàdo lọ mẹ: yé sọ zé nukun yetọn lẹ daga, bo mọ alki lọ, bo sẹ̀ jaya nado mọ ẹn. ¹⁴Kẹkẹ lọ sọ wá biọ ogle Josua Bẹti-semẹsinu lọ tọn mẹ, bo nọtó to finẹ, fie zannu daho de ko te: yé sọ zé nakó kẹkẹ lọ tọn bo yí yìnsi lẹ lọ do na avọ́ nunina mimẹ̀ de hlan Okluvọ ¹⁵Levinu lẹ sọ zé alki OKLUNỌ tọn lọ do aigba, po apotin he tin po e po po, ehemẹ aṣọdonu sika tọn lẹ te, bo yí ye do zannu daho lọ ji: omẹ Bẹti-semẹsi tọn lẹ na avọ́ nunina mimẹ̀ lẹ bo sọ sán avọ́ lẹ to gbèdoponẹ hlan OKLUNỌ. ¹⁶Whenuena ogán aión Filistini tọn lẹ ko mọ ẹn, yé lẹ́gọ̀ do Eklọni to gbèdoponẹ.

¹⁷Ehelẹ sọ wẹ agówuwu sikanọ lẹ he Filistini lẹ gójó na avọ́ nunina whèyinylan de tọn hlan OKLUNỌ; na Dopo na Asidọdi, dopo na Gaza, dopo na Aṣikelọni, dopo na Gati, dopo na Eklọni; ¹⁸Ajaka sika tọn lẹ lọ kẹdẹdi osọha todaho Filistini lẹ tọn lẹpo he yín ogán atón lẹ tọn, tòdaho dòkọnọ lẹ po otò gbẹta tọn lẹ po: yèdọ hlan zannu daho lọ kọ̀n, fìetọnji yé zlọn alki OKLUNỌ tọn lọ do, zannu he gbó sọ tin kaka jẹ egbé to ogle Josua Bẹti-semẹsinu tọn mẹ ¹⁹E sọ ho sọn omẹ Beti-ṣemẹsi tọn lẹ mẹ, na yé pọ́n hlan alki OKLUNỌ tọn mẹ wutu, yèdọ é hò sọn omẹ ewlẹ mẹ sunnusi fọtọ́n kandeao é lán kandegbàn: omẹ ewlẹ sọ blawu na OKLUNỌ ko yí hùhù daho de do hò omẹ ewlẹ wutu. ²⁰Omẹ Bẹti-semẹsi tọn lẹ sọ dọmọ, Mẹnu wẹ tin sọgan nado nọte to OKLUNỌ nukọn, Jiwheyẹwhe wiwé he? podọ mẹnu de wẹ é na hẹagayì sọn mí de? ²¹Yé sọ do mẹdagun lẹ hlan tòmẹnu Kiliati-jealimi tọn lẹ, dọmọ, Filistini lẹ ko hẹn alki OKLUNỌ tọn wá; mì jẹte wá, bo hẹn ẹn hẹji yì mì de.

¹OMẸ Kiliati-jealimi tọn lẹ sọ wá, bo hẹn alki OKLUNỌ tọn lọ hẹji wá, bo hẹn ẹn biọ owhé Abinadabi tọn gbè, to okọta lọ mẹ, bo lẹ visunnu etọn Eleazali wó nado nọ pọ́n alki OKLUNỌ tọn go.

²E sọ wá jọ, sọn azán he gbè alki lọ tin to Kiliati-jealimi, dọ ojlẹ lọ yín dindẹn; na é yín owhè oko: owhé Islaeli tọn lepo wẹ to awubla to OKLUNỌ godo. ³Samuẹli sọ dọhó hlan owhé Islaeli tọn lẹpo, dọmọ, Eyín mì yí ayiba mìtọn lẹpo do diọko hlan OKLUNỌ de, be mì ni bo dè yẹwhe alọpade lẹ po Asitalọti po sọn mì ṣẹnṣẹn, bo wleawu ayiha mìtọn tọn hlan OKLUNỌ de, bo sọ nọ sẹ́n ewọ kẹdẹ: ewọ na sọ whlẹn mì sọn alọ Filistini lẹ tọn mẹ ⁴Whenẹnu wẹ ovi Islaeli tọn lẹ dè Baalimi po Asitalọti po só, bo sọ to OKLUNỌ kẹdẹ són.

⁵Samuẹli sọ dọmọ, Mì pli Islaeli lẹpo do Mizpa, yen na sọ hodẹ̀ na mì hlan OKLUNỌ ⁶Yé sọ pli dopọ do Mizpa, bo dòn osìn, bo kòn ẹn dai to OKLUNỌ nukọn, bo sọ blanù to azán nẹ gbè, bo dọ to fìnẹ dọ, Mìwlẹ ko wàylando do OKLUNỌ go. Samuẹli sọ dawhẹ̀na ovi Islaeli tọn ẹ to Mizpa. ⁷Whenuena Filistini lẹ sè dọ ovi Islaeli tọn lẹ pli dopọ do Mizpa, ogán Filistini tọn lẹ hẹji yì Islaeli lẹ ji. Whenuena ovi Islaeli tọn lẹ sè e, yé yín avosatọ na Filistini lẹ tọn. ⁸Ovi Islaeli tọn lẹ sọ dọ hlan Samuẹli dọ, A doalọte nado to awhádo hlan OKLUNỌ, Jiwheyẹwhe mìtọn na mí blo, dọ ewọ ni whlẹn mí sọn alọ Filistini lẹ tọn mẹ. ⁹Samuẹli sọ yí lẹngbọvu he to anọ́nu de do na avọ́ nunina mimẹ̀ blebu de hlan OKLUNỌ: Samuẹli sọ dawhá hlan OKLUNỌ na Islaeli; OKLUNỌ sọ yígbè nẹ. ¹⁰Podọ le Samuẹli to nina hlan aga avọ́ nunina mimẹ̀ lọ, Filistini lẹ dọ̀n sẹpọ́ nado funawhàn hẹ Islaeli: Ṣigba OKLUNỌ yí wanyinyẹn daho de do yenwan to gbènẹgbe do Filistini lẹ ji, bo gbà yé do; yè sọ hò yé liai to Islaeli nukọn. ¹¹Omẹ Islaeli tọn lẹ sọ tón yì son Mizpa, bo domọna Filistini lẹ, bo hò ye, kaka yé do wá Bẹti-kali glọ. ¹²Whenẹnu wẹ Samuẹli yí zannu de, bo zé e do Mizpa po Ṣẹm po ṣẹnṣẹn, bo ylọ oyín é tọn dọ Ebẹni-ezeli, dọmọ, OKLUNỌ ko gọalọna mí jẹfi. ¹³Mowẹ yè zín Filistini lẹ dai do, yé ma sọ wá agboji hòmẹ Islaeli tọn gbède ba: alọ OKLUNỌ tọn sọ tin to Filistini lẹ ji to azán Samuẹli tọn lẹpo mẹ. ¹⁴Todaho he Filistini lẹ ko yí sọn Islaeli si wẹ yè gọ̀jó hlan Islaeli, sọn Eklọni yèdọ jẹ Gati; po agboji etọn po wẹ Islaeli whlẹn sọn alọ Filistini lẹ tọn mẹ. Jijọho sọ tin to Islaeli po Amolinu lẹ po ṣẹnṣẹn. ¹⁵Samuẹli sọ dawhẹ̀na Islaeli to azán ogbé etọn tọn lẹpo mẹ ¹⁶E sọ nọ yì to whèmẹ whèmẹ to lẹ́do mẹ jẹ Bẹteli, po Gilgali po, po Mizpa po; é sọ to whẹ̀dana Islaeli to otẹn nẹ lẹpo mẹ. ¹⁷Lẹ́gọ̀ etọn wẹ hlan Lama, na finẹ wẹ yín owhé etọn; finẹ wẹ é sọ nọ dawhẹna Islaeli te: é sọ do agbà de to finẹ hlan OKLUNỌ.

¹E sọ wá jọ, whenuena Samuẹli yín yọnhonọ, wẹ é yí visunnu etọn lẹ do basi whẹ̀datọ to Islaeli ji. ²Dinvie oyín plọnji etọn tọn nọ yín Joẹli; oyín awetọ etọn tọn Abija: yé wẹ yín whẹ̀datọ to Beeli-seba mẹ. ³Visunnu etọn lẹ ma zinzọnlin to aliho etọn lẹ mẹ, ṣigba lẹ́ dapadopo hodo alemayón, bo to núbibla lẹ yí, bo nọ gùda whẹ̀dida.

⁴Whenẹnu wẹ mẹho Islaeli tọn lẹpo pli yéde dopọ, bo wá Ssinuẹli de to Lama: ⁵yé sọ dọ hlan ẹn dọmọ, Dayi e go, hiẹ yín yọnhonọ, visunnu towe lẹ ma sọ to zọnlinzin to aliho towe lẹ mẹ: dinvie basi ahọlu de na mí nado nọ dawhèna mí di akọta lẹpo tọn, ⁶Ṣigba onú lọ mahẹnhomẹhùn Samuẹli gba, whenuena yé dọmọ, Na ahọlu de mi nado nọ dawhèna mi Samuẹli sọ hodè hlan OKLUNỌ. ⁷OKLUNỌ sọ dọ hlan Samuẹli dọ, Tuntóai hlan ogbè omẹ ewlẹ tọn to enẹ he yé dọ hlan we lẹpo mẹ; na hiẹ ma wẹ yé ko gbẹ́ gba, ṣigba yẹn wẹ yé ko gbẹ́, na yẹ́n ma na do duahọlu to yé ji. ⁸Kẹdẹdi azọ́n he yé ko to wiwà lẹpo sọn azán he gbè yẹn ko hẹn yé tọn sọn Egipti yèdọ jẹ azán he gbè, to enẹ mẹ yé ko gbẹ́ mi dai bo to yẹwhe devo lẹ sẹ̀n, mọwẹ yé to wiwà hlan we ga. ⁹Enẹwutu dinvie tuntóai hlan ogbè yẹtọn: ṣogàn hiẹ na sahẽlu pẹsẹ mẹ hlan yé, bo dohia yé owàlọ ahọlu he na dugán to yé ji tọn.

¹⁰Samuẹli sọ dọ ohó OKLUNỌ tọn lẹpo hlan omẹ ewlẹ he biọ ahọlu de sọn e si. ¹¹Ewọ sọ dọmọ, Ehe wẹ na yín owàlọ ahọlu he na dugán to mì ji tọn: ewọ na yi visunnu mìtọn lọ, bo dè yé hlan ẹn, na kẹkẹ etọn lẹ, podọ nado yìn sọyìntọ etọn lẹ; yé na sọ nọ to wezundo to kẹkẹ etọn lẹ nukọn: ¹²ewọ na nọ dè yé hlan ẹn na awhàngán fọtọ́n lẹ tọn, po awhàngán kandeao lẹ tọn po; é na nọ dè dẽlẹ nado pọ̀ aigba etọn, podọ nado nọ gbẹ̀n ojìjẹ etọn, podọ nado nọ basi nuzinzán etọn awhàn tọn lẹ, po nuzinzán kẹkẹ etọn tọn lẹ po. ¹³Ewọ na nọ yí viyọnnu mìtọn lẹ nado nọ yín nuvivisàtọ lẹ, podọ nado yín núdatọ lẹ, podọ nado yín akladatọ le. ¹⁴Ewọ na nọ yí ogle mìtọn lẹ, po vẹ̃npa mìtọn lẹ po, po olivielipa mìtọn lẹ po, yèdọ whanpẹnọ talala sọn yé mẹ, bo nọ na yé hlan mẹmẹsi etọn lẹ. ¹⁵Ewọ na nọ yí madao sọn okún mìtọn lẹ mẹ, podọ sọn vẹ̃npa mìtọn lẹ mẹ, bo yí yé na hlan gbonugán etọn lẹ, podọ hlan mẹmẹsi etọn lẹ. ¹⁶Ewọ na nọ yí devisunnu mìtọn lẹ, po deviyọnnu mìton lẹ po, po omẹ winyanwinyan mìtọn lẹ po, po kẹtẹkẹtẹ mìtọn lẹ po, bo yí yé do azón etọn kọ̀n. ¹⁷Ewọ na nọ yi dadao sọn kanlinpa mìtọn lẹ mẹ: mìwlẹ na sọ nọ yín mẹmẹsi etọn lẹ, ¹⁸Mìwlẹ na sọ dawhá daga to azán nẹ gbè na ahọlu mìtọn he mì ko dè tọn wutu; OKLUNỌ ma sọ; to na siọ mì to azán nẹ gbè gba. ¹⁹Ṣigba omẹ ewlẹ kọ́ nado tuntóai hlan ogbè Samuẹli tọn; ye sọ dọmọ, Lala; ṣigba míwlẹ na tindo ahọlu de to mí ji; ²⁰na míwlẹ ga nido tin di akota lẹpo; podọ na ahọlu mìtọn nido nọ dawhèna mí, bo nọ tón yì to mí nukọn, bo nọ funawhàn mìtọn lẹ. ²¹Samuẹli sọ sè ohó omẹ ewlẹ tọn lẹpo, ewọ sọ whè yé dọ to otọ́ OKLUNỌ tọn lẹ mẹ. ²²OKLUNỌ sọ dọ hlan Samuẹli dọ, Tuntóai hlan ogbè yetọn, basi ahọlu de na yé. Samuẹli sọ dọ hlan omẹ Islaeli tọn lẹ dọ, Dopodopo mìtọn ni yì todaho etọn mẹ.

¹DINVIE dawe Bẹnjamini tọn de tin, oyín mẹhetọn nọ yín Kisi, visunnu Abieli tọn, visunnu Zelọli tọn, visunnu Bekolati tọn, visunnu Afia tọn, visunnu Bẹnjamininu de tọn, dawe huhlọnnọ tudido tọn de. ²Ewọ sọ tindo visunnu de, oyín mẹhetọn nọ yín Sauli, yọ̀pọ dẹpẹ de, whànpẹnọ de: mẹde to ovi Islaeli tọn lẹ mẹ ma yin whànpẹnọ hú ewọ gba: sọn abọ́ etọn lẹ podọ hlan aga é dite hú omẹ ewlẹ depope. ³Yè sọ hẹn kẹtẹkẹtẹ Kisi otọ́ Sauli tọn tọn lẹ bú. Kisi sọ dọ hlan Sauli visunnu etọn dọ, Yí dinvie dopo sọn devi lẹ mẹ do de we, bo tite, yì din kẹtẹkẹtẹ lẹ yì. ⁴Ewọ sọ gbọn otò okọta Eflaimi tọn lẹ́do, bo gbọn aigba Salisa tọn ji lẹ́do, ṣigba yé ma mọ yé gba: whenẹnu wẹ yé gbọn aigba Saalimi tọn ji lédo, Yé ma sọ tin to finẹ gba: ewọ sọ gbọn aigba Bẹnjamininu lẹ tọn ji lédo, ṣigba yé ma sọ mọ yé gba. ⁵Whenuena yè hẹn yé wá aigba Zufi tọn ji, Sauli dọ hlan devi etọn he tin to e de dọmọ, Wá, gbọmíni diọkọ; otọ́ ṣie nikã jó nuhiha na kẹtẹkẹtẹ lẹ do bo yí olẹnpón na míwlẹ tọn. ⁶Ewọ sọ dọ hlan ẹn dọ, Dayi e go dinvie, Jiwheyẹwhe gbẹtọ de tin to tòdaho he mẹ, ewọ sọ yín omẹ yè gbògbéna; ehe é nọ dọ lẹpo wẹ nọ wá jọ nugbonugbo: dinvie gbọ mí ni yì finẹ; eya é sọgan dọ na mi gbọn gbéjizọnlin mìtọn tọn dali fìeji mí gbọn jei. ⁷Whenẹnu wẹ Sauli dọ hlan devi etọn dọ, Ṣigba, dayi e go, eyín mí jei, etẹ́ mí na hẹn yì nẹ? na akla he to nuzinzán mìtọn lẹ mẹ yè ko zán, nunamẹ de ma sọ tin nado hẹn yì na omẹ Jiwheyẹwhe tọn lọ gba: nútẹ́ wẹ mí tindo? ⁸Devi lọ sọ vọ́ gblọnna Sauli, bo dọmọ, Dayi e go, yẹn tindo to alọ ṣiè mẹ Madẹnẹ ṣẹkle fataka tọn tọn de; enẹ wẹ yẹn na na hlan omẹ Jiwheyẹwhe tọn lọ, nado dọ aliho mìtọn na mí. ⁹(Daidai to Islaeli mẹ, whenuena omẹ de jei nado kanbiọ sọn Jiwheyẹwhe de, le wẹ é nọ dọ, dọmọ, Wá mì gbọ mí ni yì númọtọ de: na ewọ he yè to yiylọ Yẹwhegán de dinvie wẹ yè nọ ylọ dọ numọtọ de daidai.) ¹⁰Whenẹnu wẹ Sauli dọ hlan devi etọn dọ, Hiẹ dọ dagbe; wá, gbọ mí ni yì. Mowẹ yé yì tòdaho lọ mẹ fie omẹ Jiwheyẹwhe tọn lọ te. ¹¹Le yé to jìhẹ jei aga hlan tòdaho lọ dali, yé mọ yọ̀pọ yọnnu lẹ tọ́n jei nado dòn osìn, bo dọ hlan yé dọmọ, Numọtọ lọ tin to ofi? ¹²Yé sọ gblọnna yé, bo dọmọ, E tin; dayi e go, ewọ tin to nukọn towe: yawu dinvie, na yè hẹn ẹn wá biọ tòdaho mẹ to egbé; na gbẹtọ lẹ tindo avọ́ de to egbé to otẹn yìaga lẹ mẹ: ¹³le mì yín omẹ hẹn biọ tòdaho lọ mẹ, mì na mọ ẹn titegbe, whẹpo é na do hẹji yì otẹn yìaga lọ mẹ nado dùnú: na gbẹtọ lẹ ma to na dùnú kaka é do gọ́, na ewọ wẹ nọ dona avọ́ lọ wutu; to enẹgodo wẹ yé mẹhe yè ylọ lẹ na do dùnú. Enẹwutu dinvie mì hẹaga yí; na mìwlẹ na mọ ẹn to ojlẹ he mẹ. ¹⁴Yé sọ heji yì tòdaho lọ mẹ; le yé wá tòdaho lọ hòmẹ, dayi e go, Samuẹli tọ́n do yé ji, na nado hẹaga yì otẹn yìaga lọ mẹ.

¹⁵Dinvie OKLUNỌ ko dohia hlan Samuẹli azán dopo whẹpo Sauli do wá, dọmọ, ¹⁶To osò to ojlẹ he nko mẹ yẹn na do dawe de hlan we sọn aigba Bẹnjamini tọn ji, hiẹ na sọ samisisána ẹn nado yín ahọvi to omẹ ṣie lẹ Islaeli ji, ewọ na sọ whlẹn omẹ ṣie lẹ sọn alọ Filistini lẹ tọn mẹ: na yẹn ko pọ́n omẹ ṣie lẹ dali, na awhá yetọn yè hẹn wá nukọn ṣie wutu. ¹⁷Whenuena Samuẹli mọ Sauli, OKLUNỌ dọ hlan ẹn dọ Dayi dawe ohó mẹhe tọn yẹn dọ hlan we go! ehe doponẹ wẹ na tindo asẹ to omẹ ṣie lẹ ji. ¹⁸Whenẹnu wẹ Sauli dón sẹpọ́ Samuẹli de to hòngboji, bo dọmọ, Dọ na mi, yẹn vẹ́ we, fie wẹ owhé numọtọ lọ tọn te? ¹⁹Samuẹli sọ gblọnna Sauli, bo dọmọ, Yẹn wẹ numọtọ lọ; to yìyì to nukọn ṣie jẹ otẹn yìaga lo mẹ, na míwlẹ nadùnú hẹ mi to egbé: podọ to afọnnu yẹn na gbọ a ni yì, bo na sọ dọ na we onú he tin to ayiha towe mẹ lẹpo. ²⁰Na kẹtẹkẹtẹ towe he bú to azán atọ́n he wá yì tọn, a zé ayiha towe do yé go blo; na yè ko mọ yé. Na mẹnu wẹ onú he yín ojlotọn to Islaeli mẹ yín? E ma yín na hiẹ wẹ, podọ na owhé otọ́ towe tọn lẹpo? ²¹Sauli sọ gblọn bo dọmọ, E ma yín Bẹnjamininu de wẹ yẹn, sọn pẹvi talala whẹ́do Islaeli tọn tọn mẹ? podọ whédo ṣie pẹvi talala sọn whédo whẹ̀ndo Bẹnjamini tọn tọn mẹ? whenẹnu etẹwutu wẹ hiẹ dọhó le tọn nkọ hlan mi? ²²Samuẹli sọ yí Sauli po devi etọn po, bo hẹn yé wá biọ gbàngàn mẹ, bo hẹn yé sinai to otẹn aga talala tọn mẹ to yé he yè ylọ lẹ ṣẹnṣẹn, he yín gbẹtọ ogbàn nkọ. ²³Samuẹli sọ dọ hlan nudatọ dọmọ, Hẹn mimá he yẹn yína we wá, ehe tọn yẹn dọ hlan we dọ, A ni yí do de we. ²⁴Nudatọ lọ sọ yí asá lọ po enẹ he tin to ẹ ji po, bo yí i do Sauli nukọn. Samuẹli sọ dọmọ, Dayi enẹ go ehe yè ko dovà! yí i do nukọn towe bo dù; na hlan ojlẹ didè lọ wẹ yè ko whla ẹ na we wutu, na yẹn dọmọ, Yẹn ko ylọgbé omẹ ewlẹ. Mọwẹ Sauli dùnú hẹ Samuẹli to gbènẹgbe. ²⁵Whenuena yè ko hẹn yé jẹte sọn otẹn yìaga lọ mẹ biọ tòdaho mẹ, é dèpá hẹ Sauli to hóta aga. ²⁶Yé sọ tite to fliflimẹ: é sọ wá jọ to ojlẹ wunkinkẹn tọn mẹ dali, wẹ Samuẹli yì Sauli de to hòta, dọmọ, Tite, na yẹn nido do we hlan yì. Sauli sọ tite, yé omẹ awe lẹ sọ tite jẹgbonu jei, ewọ po Sampẹli po, to họntò. ²⁷Le yé to tejẹ jei to opòdo tòdaho lọ tọn, Samuẹli dọ hlan Sauli dọ, Degbèna devi lọ ni to yìyì to mí nukọn (ewọ sọ to yìyì), ṣigba hiẹ ni nọte pẹ̃de to ojlẹ he mẹ, na yẹn nido hẹn we nado sè ohó Jiwheyẹwhe tọn.

¹WHENẸNU wẹ Samuẹli yí ogò amisìsá tọn lọ, bo kọ́n ẹn do ota nẹ̃, bo donùnùgo nẹ̃, bo dọmọ, Be é ma yín dọ OKLUNỌ wẹ ko samisisána we nado yín ahọvi to ogú etọn ji? ²Whenuena yè hẹn we yì sọn dẽ to egbé, whenẹnu hiẹ na mọ sunnusi awe to oyọ̀whé Lakẹli tọn dali to dògboji Bẹnjamini tọn to Zelza; yé na sọ dọ hlan we dọ, Kẹtẹkẹtẹ he hiẹ yì nado din yè ko mọ: bo, pọ́n, otọ́ towe jo núhiha kẹtẹkẹtẹ lẹ tọn dai, bo yí olẹnpọ́n na mìwlẹ tọn, dọmọ, Etẹ yẹn na wà na visunnu ṣie? ³Whenẹnu wẹ hiẹ na to yìyì sọnfinẹ hiẹ na sọ wá oaki-tin Tabọli tọn kòn, finẹ sunnusi atọ̀n he hẹji jei Jiwheyẹwhe de to Bẹteli na pé we, ode zé gbọgbọevu atọ̀n hẹn jei, omẹ awetọ zé mlinmlin akla tọn atọ̀n hẹn jei, omẹ devo sọ zé ogò ovẹ̃n ton de hẹn jei: ⁴yé na dọnudo we bo sọ na mlinmlin akla tọn awe we; ehe hiẹ na yí sọn alọ yetọn mẹ. ⁵To enẹgodo hiẹ na wá okọta Jiwheyẹwhe tọn kòn, fie tòwhàn Filistini lẹ tọn te: é na sọ wá jọ whenuena yè hẹn we wá tòdaho mẹ finẹ, wẹ hiẹ na mọ ogbẹ́ Yẹwhegán lẹ tọn de to tejẹ sọn otẹn yìaga lọ mẹ ja po asiazọ́n hànjinu de po, po akóhún de po, po hànjinu okànnọ de po, po ajalẹn de po, to yé nukọn; yé na sọ to dọdaidọ: ⁶gbigbọ OKLUNỌ tọn na sọ yí huhlọn do wa òji we, hiẹ na sọ to dọdaidọ po yé po, bo na sọ yín mẹdiọ zùn omẹ devo. ⁷Bo gbọ é ni yín, whenuena yè hẹn ohia helẹ wá de we, wẹ hiẹ ni wà dile tẹnmẹ vò na we do, na Jiwheyẹwhe tin to de we. ⁸Hiẹ na sọ jẹte yì Gilgali jẹnukọnna mi; bò, dayi e go, yẹn na jẹte wá de we, nado na avọ́ nunina mimẹ̀ lẹ, podọ nado na avọ́ nunina jijọho tọn lẹ: azán ṣinawe wẹ hiẹ na dọ̀ngbàn họ́, kaka yẹn na do wáde we, bo do núhe hiẹ na wà hia we. ⁹E sọ yín mọ, dọ whenuena ewọ lẹ́ nẹgbe etọn nado yì sọn Samuẹli de, Jiwheyẹwhe na ayiha devo e: ohia nẹ lẹpo sọ wá jọ to azán nẹ gbè. ¹⁰Whenuena yé wá finẹ to okọta kọ́n, bo, dayi e go, ogbé yẹwhegán lẹ tọn de pé e; gbigbọ OKLUNỌ tọn sọ yí huhlọn do wá e ji, ewọ sọ dọdọdai to yé ṣẹnṣẹn. ¹¹E sọ wá jọ, whenuena yé he yọ́n ẹn daidai lẹ mọ dọ, dayi e go, ewọ to dọdaidọ po yẹwhegán lẹ po, whenẹnu wẹ gbẹtọ lẹ to didọ hlan yénọzo dọ, Etẹ́ ehe yè hẹn wá visunnu Kisi tọn de he? Sauli ga tin to yẹwhegán lẹ ṣẹnṣẹn? ¹²Mẹde sọn otẹn dopolọmẹ sọ gblọn bo dọmọ, Mẹnu ka wẹ otọ́ yetọn? Enẹwutu é lẹzùn hówhinwhẹ́n de, Sauli ga tin to yẹwhegán lẹ ṣẹnṣẹn? ¹³Whenuena ewọ ko dotana didọdai, é wá otẹn yìaga lọ mẹ.

¹⁴Tavẹ Sauli tọn sọ dọ hlan ẹn podọ hlan devi etọn dọ, Fiedali wẹ miwlẹ yì? Ewọ sọ dọmọ, Nado din kẹtẹkẹtẹ lẹ: whenuena míwlẹ sọ mọ dọ, yè ma mọ yé gba, mi wá Samuẹli de. ¹⁵Tavẹ Sauli tọn sọ dọmọ, Dọ na mi, yẹn vẹ́ we, núhe Samuẹli dọ hlan mì. ¹⁶Sauli sọ dọ hlan tavẹ etọn dọ, Ewọ dọ na mí domọ́ dọ yè ko mọ kẹtẹkẹtẹ lẹ lọ. Ṣigba gbọn whẹ́ho ahọludu tọn dali fietọn Samuẹli dọ, ewọ ma dọ na ẹn gba.

¹⁷Samuẹli sọ ylọ omẹ ewlẹ pli do OKLUNỌ de to Mizpa; ¹⁸é sọ dọ hlan ovi Islaeli tọn lẹ dọ, Le wẹ OKLUNỌ, Jiwheyẹwhe Islaeli tọn dọ, Yẹn hẹn Islaeli hẹaga tón sọn Egipti, yẹn sọ whlẹn mì sọn alọ Egiptinu lẹ tọn mẹ, podọ sọn alọ ahọludu lẹpo tọn mẹ, he to nukunbiana mì lẹ: ¹⁹ṣigba míwlẹ to azán he gbè gbẹ́ Jiwheyẹwhe mìtọn, mẹhe ewlọsu whlẹn mì sọn núhámẹ mìtọn lẹ mẹ po nukunbibia mìtọn lẹ po; míwlẹ ko sọ dọ hlan ẹn dọ, Lala, ṣigba dè ahọlu de do mí ji. Enẹwutu dinvie mì ni hẹn mìde sọawuhia to OKLUNỌ nukọn gbọn whẹ́ndo mìtọn lẹ dali, podọ gbọn fọtọ́n mìtọn lẹ dali. ²⁰Mowẹ Samuẹli hẹn whẹ́ndo Islaeli tọn lẹ sẹpọ́, yè sọ yí whẹ́ndo Bẹnjamini tọn. ²¹E sọ hẹn whẹ́ndo Bẹnjamini tọn sẹpọ́ gbọn whédo lẹ dali, yè sọ yí whédo Matlinu lẹ tọn: Sauli visunnu Klẹi tọn wẹ yè sọyí; ṣigba whenuena yé din in, yè ma sọgan mọ ẹn gba. ²²Enẹwutu yé kanbiọ sọn OKLUNỌ de dogọ́ dọ, Be omẹ de gbé sọ tin nado wá file? OKLUNỌ sọ gblọn dọ, Dayi e go, ewọ ko whla ede to hómẹnú ṣẹnṣẹn. ²³Yé sọ dowezun bo hẹn ẹn sọn finẹ wá; whenuena é ṣite to gbẹtọ lẹ ṣẹnṣẹn, é yín mẹdite hú gbẹtọ lẹpo sọn abọ́ etọn lẹ ji yìaga. ²⁴Samuẹli sọ dọ hlan gbẹtọ ewlẹ dọ, Mì mọ ẹn mẹhe OKLUNỌ ko dè, dọ mẹhe taidi i de ma tin to gbẹtọ lẹpo ṣẹnṣẹn? Gbẹtọ lẹpo sọ dabobo, bo dọmọ, jiwheyẹwhe ni whlẹn ahọlu lọ.

²⁵Whenẹnu wẹ Samuẹli dọ na gbẹtọ lẹ owàlọ ahọludu lọ tọn, bo wlan ẹn dó owé de mẹ, bo tó ẹ daga to OKLUNỌ nukọn. Samuẹli sọ do gbẹtọ ewlẹ hlan yì, mẹdopodopo hlan owhé etọn gbè. ²⁶Sauli ga sọ yì owhé etọn gbè to Gibea; awhànpa lọ sọ yì po e po, ayiha mẹhetọn Jiwheyẹwhe sọalọ. ²⁷Ṣigba visunnu Beliali tọn dẽlẹ dọmọ, Nawẹ dawe he na whlẹn mí do? Yé bo sọ vlẹ ẹ, bo ma hẹn nunina de wá nẹ́ gba. Ṣigba ewọ tin di ewọ ko yín tókúnọ.

¹WHENẸNU wẹ Nahasi Ammọninu hẹaga wá, bo doalo Jabẹsi-gileadi ji: Omẹ Jabẹṣi tọn lẹpo sọ dọ hlan Nahasi dọ, Basi alẹ̀nù de hẹ mí, míwlẹ na sọ nọ sẹ́n we. ²Nahaṣi Ammọninu lọ sọ dọ hlan yé dọ, Ehe tamẹ wẹ yẹn na basi alẹ̀nù hẹ mì te, dọ adusi nukun mìtọn lẹpo ni yín didè sẹ́; yẹn na sọ sọ ẹ dai na ovlẹ de do Islaeli lẹpo ji. ³Mẹho Jabẹṣi tọn lọ sọ dọ hlan ẹn dọ, Na azán ṣinawe agọ̀jijo tọn mí, na mí nido do mẹdagun lẹ hlan agboji Islaeli tọn lẹpo: whenẹnu, eyín mẹde ma tin nado whlẹn mí, míwlẹ na tón jẹgbonu wá de we. ⁴Whenẹnu wẹ mẹdagun lẹ wá Gibea Sauli tọn, bo dọ ohó helẹpo to otó gbẹtọ ewlẹ tọn lẹ mẹ; gbẹtọ lẹpo sọ zé ogbè yetọn daga, bo viavi. ⁵Bo, dayi e go, Sauli hodo oyìnsu lẹ sọn danji ja; Sauli sọ dọmọ, Etẹ́ wẹ jọ do gbẹtọ lẹ go bọ yé do to avivi? Yé sọ dọ ohó Omẹ Jabẹṣi tọn lẹ tọn lẹ na ẹn. ⁶Gbigbọ OKLUNỌ tọn sọ yí huhlọn do wá Sauli ji whenuena é sè ohó nẹlẹ, yè sọ hẹn adi etọn jimiyọn talala. ⁷E sọ yí glepònu oyín lẹ tọn de, bo sán yé do flinflin bo bẹ́ yé hlan agboji Islaeli tọn lẹpo lẹ́do gbọn alọ mẹdagun lẹ tọn mẹ, dọmọ, Mẹdepope he ma tón wá Sauli po Samuẹli po godo, mọwẹ yè na wà hlan oyín etọn lẹ do. Obu OKLUNỌ tọn sọ jẹ gbẹtọ lẹ ji, yé sọ tọ́n wá di omẹ dopo. ⁸Ewọ sọ hia yé to Bezeki mẹ; ovi Islaeli tọn lẹ yín fọtọ́n fọdekanweko, omẹ Juda tọn lẹ yín fọtọ́n ogbàn. ⁹Yé sọ dọ hlan mẹdagun he wá lẹ, dọ, Le wẹ mì na do hlan omẹ Jabẹsi-gìleadi tọn lẹ, dọ, To osọ̀, to ojlẹ whenuena yè hẹn owhè hùnmiyọn, míwlẹ na tindo whlẹngan. Medagun lẹ sọ wá bo dọ na omẹ Jabẹṣi tọn lẹ; yé sọ yín homẹhùnnọ. ¹⁰Enẹwutu omẹ Jabẹṣi tọn lẹ dọmọ; to osò, míwlẹ na tón wá mì de, míwlẹ na sọ wà hẹ mí ehe sọawuhia dagbe hlan mì lẹpo. ¹¹E sọ yín mọ to aihọngbe, wẹ Sauli yí gbẹtọ lẹ do ogbẹ́ atọ̀n mẹ; yé sọ wá biọ gblagbla osla lọ tọn mẹ to hihó afọnnu tọn mẹ, bo họ̀ Ammọninu lẹ kakajẹ yozo okle tọn mẹ: é sọ wá jọ, na yè vúnvún yé mẹhe pò lẹ, sọmọ dọ yè ma jo awe sọn yé mẹ dai dopọ gba. ¹²Gbẹtọ lẹ sọ dọ hlan Samuẹli bọ, Mẹnu wẹ ewọ he dọmọ, Be Sauli na dugán to mí ji wẹ? hẹn omẹ ewlẹ wá, na mí nido hù yé. ¹³Sauli sọ dọmọ, Yè ma na hù omẹ de to azán he gbè gba: na egbé wẹ OKLUNỌ basi whlẹngan to Islaeli mẹ.

¹⁴Whenẹnu wẹ Samuẹli dọ hlan gbẹtọ lẹ dọ, Mì wá bo gbọ mí ni yì Gilgali, bo hẹn ahọludu jẹyọyọ́ to finẹ. ¹⁵Gbẹtọ lẹpo sọ yì Gilgali; finẹ wẹ yé sọ yí Sauli do basi ahọlu te to OKLUNỌ nukọn to Gilgali mẹ; finẹ wẹ yé sọ na avọ́ nunina jijọho tọn lẹ te to OKLUNỌ nukọn; finẹ wẹ Sauli po omẹ Islaeli tọn lẹpo po jaya te talala.

¹SAMUẸLI sọ dọ hlan Islaeli lẹpo dọ, Mì dayi e go, yẹn ko tuntóai hlan ogbè mìtọn to ehe mì dọ hlan mi lẹpo mẹ, bo ko sọ basi ahọlu de do mì ji. ²Dinvie, mì dayi e go, ahọlu lọ to zọnlinzin to mì nukọn: yẹn sọ yín yónhonọ po tawhànọ po; bo, dayi e go, visunnu ṣie lẹ sọ tin to mì de: yẹn ko sọ to zọnlinzin to mi nukọn sọn ovu ṣie jẹ azán he gbè. ³Yẹn tin to ofi: mì ni sakunnu do oji e to OKLUNỌ nukọn, podọ to mẹyíamisisádodè etọn nukọn: oyín mẹnutọn wẹ yẹn ko yí? kavi kẹtẹkẹtẹ mẹnutọn wẹ yẹn ko yí? kavi mẹnu wẹ yẹn ko hòdù? mẹnu wẹ yẹn ko bianukunna? kavi alọ mẹnutọn mẹ wẹ yẹn ko yi núblá de sọn nado yí do hẹn nukun ṣie lẹ tón? yẹn na sọ gò ẹ jo na mì ⁴Yé sọ dọmọ, Hiẹ ma hò mí dù gba, kavi bianukunna mí, mọ hiẹ ma sọ yi núde sọn alọ mẹdepope tọn mẹ gba. ⁵E sọ dọ hlan yé dọ, OKLUNỌ yín kunnusatọ to mì ji, mẹyíamisisádodè etọn sọ yín kunnusatọ to azán he gbè, de mì tọn ma mọ núde to alọ ṣie mẹ gba. Yé sọ dọmọ, Ewọ yín kunnusatọ. ⁶Samueli sọ dọ hlan gbẹtọ lẹ dọ, OKLUNỌ wẹ mẹhe dè Moṣe po Aalọn po, podọ he hẹn otọ́ mìtọn lẹ hẹji tón sọn aigba Egipti tọ́n ji wá. ⁷Enẹwutu dinvie mì ṣite abọẹ, na yẹn nido yíhódọ hẹ mì to OKLUNỌ nukọn gbọn owàlọ dódónọ OKLUNỌ tọn lẹpo tọn dali, he ewọ wà hlan mì podọ hlan otọ́ mìtọn lẹ. ⁸Whenuena yè hẹn Jakobu wá biọ Egipti, bọ otọ́ mìtọn lẹ dawhá hlan OKLUNỌ, whenẹnu wẹ OKLUNỌ do Moṣe po Aalọn po hlan, mẹhe hẹn otọ́ mìtọn lẹ tónjẹgbonu sọn Egipti, bo hẹn yé nado nọnọ̀ otẹn he mẹ. ⁹Ṣigba yé wọnji OKLUNỌ Jiwheyẹwhe yetọn go, ewọ sọ sà yé do alọ Sisela tọn mẹ, awhàngán awhànpa Hazoli tọn tọn, po dọ do alọ Filistini lẹ tọn mẹ, po dọ do alọ ahọlu Moabi tọn tọn mẹ, yé sọ hòavùn hẹ yé. ¹⁰Yé sọ dawhá hlan OKLUNỌ, bo dọmọ, Míwlẹ ko wàylando, na míwlẹ ko gbẹ́ OKLUNỌ dai wutu, bo ko to Baali, mi po Asitalọti po sẹ́n: ṣigba dinvie whlẹn mí sọn alọ kẹ̀ntọ mìtọn lẹ tọn mẹ, mí na sọ nọ sẹ́n we. ¹¹OKLUNỌ sọ do Jelubbaali hlan, po Bedani po, po Jẹfta po, po Samuẹli po, bo whlẹn mì sọn alọ kẹ̀ntọ mìtọn lẹ tọn mẹ to awà lẹpo ji, mìwlẹ sọ to jijọho mẹ nọ̀. ¹²Whenuena mìwlẹ sọ mọ dọ Nahasi ahọlu ovi Ammọni tọn tọn lẹ wá mì ji, mìwlẹ dọ hlan mi dọ, Lala, ṣigba ahọlu de na dugán tò mí ji: whenuena OKLUNỌ Jiwheyẹwhe mìtọn yín ahọlu mìtọn. ¹³Enẹwutu dinvie mì dayi ahọlu mẹhe míwlẹ ko dè go, podọ mẹhe mìwlẹ ko biọ: bo, dayi e go, OKLUNỌ ko yí ahọlu de do mì ji. ¹⁴Eyín mìwlẹ na dibusi OKLUNỌ, bo nọ sẹ́n ẹn, bo tuntóai hlan ogbè etọn, bo ma ṣiatẹ hẹ gbèdide OKLUNỌ tọn, bọ mìwlẹ po ahọlu lọ po ga he dugán to mì ji yín mẹhodotọ OKLUNỌ Jiwheyẹwhe mìtọn tọn, dagbe wẹ: ¹⁵Ṣigba eyín míwlẹ ma na tuntóai hlan ogbè OKLUNỌ tọn gba, ṣigba bo ṣiatẹ hẹ gbèdide OKLUNỌ tọn, whenẹnu wẹ alọ OKLUNỌ tọn na tin to mì go, dile é ko tin to otọ́ mìtọn lẹ go do. ¹⁶Enẹwutu dinvie mì site abọẹ bo mọ onú daho he, ehe OKLUNỌ na wà to nukun mìtọn lẹ nukọn ¹⁷E ma yín ojijẹ oli tọn gbè wẹ egbé? Yẹn na ylọ hlan OKLUNỌ, na é nido do osò po jikun po hlan; mìwlẹ na sọ yọnẹn bo mọ dọ kiklo wẹ kanyinylan mìtọn, ehe mì ko wà to nukun OKLUNỌ tọn mẹ to bibiọ ahọlu de na mì mẹ. ¹⁸Mowẹ Samuẹli ylọ hlan OKLUNỌ; OKLUNỌ sọ do osò po jikun po hlan to azán nẹ gbè: gbẹtọ lẹpo sọ dibusi OKLUNỌ talala po Samuẹli po. ¹⁹Gbẹtọ lẹpo sọ dọ hlan Samuẹli dọ, hodọ́ na devi towe lẹ hlan OKLUNỌ Jiwheyẹwhe towe, dọ mí kú blo: na míwlẹ ko dèdogó ylando mìtọn lẹpo oylan he, nado biọ ahọlu de na mí. ²⁰Samueli sọ̀ dọ hlan gbẹtọ lẹ dọ, Mì dibu blo: mìwlẹ ko wà oylan he lẹpo nugbonugbo: gãnṣo mìwlẹ lẹ́ sọn OKLUNỌ hihodo mẹ blo, ṣigba mì ni yí ayiha mìtọn lẹpo do to OKLUNỌ sẹ́n; ²¹Mì lẹ́ do apadopo blo: na whenẹnu wẹ mì na wá hodo onu ovọ́ lẹ he ma sọgan doale kavi whlẹn, na ovọ́ wẹ yé. ²²Na OKLUNỌ ma to na gbé omẹ etọn lẹ dai gba na oyín dahó etọn tọn wutu: na é ko hẹnhomẹhùn OKLUNỌ nado yí mì do basi gbẹtọ de hlan ede. ²³Humọ, na yẹn tọn, Jiwheyẹwhe dike blo bọ yẹn na do wàylando do OKLUNỌ go to alọdote mẹ nado hodó na mì: ṣigba yẹn na nọ plọnayiha mì to aliho dagbe po jijlọ po mẹ ²⁴Kiki mì ni nọ dibusi OKLUNỌ kẹdẹ, bo sọ nọ yí ayiha mìtọn lẹpo do nọ sẹ́n ẹn: na mì ni lẹn le onú he é ko wà na mì lẹ klo sọ. ²⁵Ṣigba eyín mìwlẹ gbẹ́ sọ yí ylankan do to wiwà, yè na sú mì do, míwlẹ po ahọlu mìtọn po.

¹SAULI yín omẹ owhè ogbàn tọn whenuena é ṣẹ̀ nado dùahọlu; é sọ duahọlu owhè awe to Islaeli ji ²Sauli sọ dè sunnu fọtọ́n atọ̀n sọn Islaeli mẹ na ede; ehetọn fọtọ́n awe tin to Sauli de to Mikinasi mẹ podọ to osé Bẹteli ton mẹ, fọtọ́n dopo tin to Jonatani de to Gibea Bẹnjamini tọn mẹ: pipòtọ gbẹtọ lẹ tọn é do omẹ dopodopo hlan gohọ̀ etọn mẹ. ³Jonatani sọ hò tòwhan Filistini lẹ tọn he tin to Geba, Filistini lẹ sọ sè e. Sauli sọ kún opẹ́n lèdo aigba lẹpo, dọmọ, Gbọ Heblu lẹ ni sè. ⁴Islaeli lẹpo sọ sè dọ Sauli ko hò tòwhàn Filistini lẹ tọn, podọ Islaeli ga yè tindo to osùnú mẹ to Filistini lẹ de. Yè sọ pli gbẹtọ lẹ dopọ do Sauli godo to Gilgali. ⁵Filistini lẹ sọ ṣinyan yéde dopọ nado hòavùn hẹ Islaeli, kẹke fọtọ́n ogbàn, po osọ́nọ fọtọ́n ṣidopo po, podọ gbẹtọ di tòkẹn he tin to ohù to to gegé mẹ: yé sọ heaga wá, bo dosla to Mikinasi mẹ, whèyìhọ Bẹti-aveni tọn dali. ⁶Whenuena omẹ Islaeli tọn lẹ mọ dọ ye tin tọ jinján de mẹ (na yè hẹn nukunbia gbẹtọ lẹ,) whenẹnu wẹ gbẹtọ lẹ whla yéde to aigbaslo Lẹ mẹ, podọ to zunkàn lẹ mẹ, podọ to osé lẹ mẹ, podọ to ganhọ le me, podọ to dogbogbé lẹ mẹ. ⁷Dinvie dẽlẹ Sọn Heblu lẹ mẹ ko yì Jọdani gododọ̃n to aigba Gadi po Gileadi po tọn ji; ṣigba na Sauli tọn, ewọ tin to Gilgali mẹ, gbẹtọ lẹpo sọ to hihodo e to sisọsisọ mẹ.

⁸Ẹwọ sọ dọ̀ngbàn azán ṣinawe, kẹdedi ojlẹ didè he Samuẹli ko dọ: ṣigba Samuẹii ma wá Gilgali gba; yè sọ hẹn gbẹto lẹ kija sọn e de. ⁹Sauli sọ dọmọ, Mì hẹn avọ́ nunina mimẹ̀ lọ wá dè, po avọ́ nunina jijọho tọn po. E sọ na avọ́ nunina mimẹ̀ lọ. ¹⁰E sọ wá jọ, le é ko dotana nina avọ́ nunina mimẹ̀ lọ kẹdẹ, dayi e go, wẹ Samuẹli wá; Sauli sọ tọ́n yì nado pé e, na é nido dọnudo e. ¹¹Samuẹli sọ dọmọ, Eté hiẹ ko wà? Sauli sọ dọmọ, Na yẹn mọ dọ yè hẹn gbẹtọ lẹ kija sọn dẽ wutu, podọ hiẹ ma sọ wá to azán he yè dè lẹ mẹ, podọ Filistini lẹ bé yéde dopọ to Mikinasi; ¹²Enẹwutu wẹ yẹn dọmọ, Dinvie wẹ Filistini lẹ na jẹte wá oji e to Gilgali, yẹn ma ko vẹvẹ na nukundagbe OKLUNỌ tọn: enẹwutu yẹn yí huhlọn do hẹn dẽ, bo na avọ́ nunina mimẹ̀ lọ. ¹³Samuẹli sọ dọ hlan Sauli dọ, Hiẹ wà onú di OHLO NỌ: hiẹ ma ko yìn gbèdide OKLUNỌ Jiwheyẹwhe towe tọn gba, ehe é degbèna we: na dinvie wẹ OKLUNỌ do ko hẹn ahọludu towe lódo to Islaeli ji kakadoi. ¹⁴Ṣigba dinvie ahọludu towe ma na yìkaka gba: OKLUNỌ ko din omẹ de nẹ́ di ayiha ede titi tọn, OKLUNỌ ko sọ dè e nado yín ahọvi to omẹ etọn lẹ ji, na hiẹ ma ko yìn enẹ he OKLUNỌ degbèna we wutu.

¹⁵Samuẹli sọ tite, bo hẹn ede fọ́n sọn Gilgali yì Gibea Bẹnjamini tọn. Sauli sọ hia gbẹtọ he tin to e de lẹ, nai sunnusi nuọntọ̀n nkọ. ¹⁶Sauli, po Jonatani visunnu etọn po, po omẹ he tin to e de lẹ po, nọnó Geba Bẹnjamini tọn mẹ: ṣigba Filietini lẹ dosla do Mikinasi mẹ. ¹⁷Ogblandutọ lẹ sọ tọ́n wá sọn osla Filistini lẹ tọn mẹ to ogbẹ́ atọ̀n mẹ: ogbẹ dopo lé hlan aliho he yì Ọfla ji, hlan aigba Ṣuali tọn ji: ¹⁸Ogbẹ́ awetọ diọ aliho hlan Beti—holọm dali ogbẹ́ atọ̀ntọ diọ aliho agboji tọn he pon odo do agbàdo Zẹboimi tọn ji hlan zùngbo lọ dali.

¹⁹Dinvie yè ma mọ ayátọ de to aigba Islaeli tọn lẹpo ji lédo, na Filistini lẹ dọmọ, Heblu lẹ nikã basi ohi lẹ po owhán lẹ po na yé: ²⁰Ṣigba Islaelinu lẹpo sọ jẹte yì Filistini lẹ de nado gàn ome dopodopo agbogọdoẹ etọn, po alín etọn po, po asiovi etọn po, po akùn etọn po; ²¹Gãnṣo yé tindo ayinyọn de na akùn lẹ, podọ na alín lẹ, podọ na ogá lẹ, podọ na asiọvi lẹ, podọ nado tò gànbá lẹ. ²²Mọwẹ é sọ wá jọ to azán awhàn tọn gbè, bọ yè ma mọ ohi de kavi owhan to alọ omẹ he tin to Sauli po Jonatani po depope de gba: adavo to Sauli po Jonatani visunnu etọn po de wẹ yè mọ de te. ²³Otòwhàn Filistini lẹ tọn sọ tọ́n yì Mikinasi gòzizẹ.

¹DINVIE éjẹ azán degbè, bọ Jonatani visunnu Sauli tọn dọ hlan yọ̀pọ depẹ he hẹn awhàngbaja etọn dọ, Wá bo gbọ mí ni yì towhan Filistini lẹ tọn gododọ̃n, he tin to adà dọntọn ji. Ṣigba é ma dọ na otọ etọn gba. ²Sauli sọ tin to agapatapata adà Gibea tọn to atin pomẹglanate glọ he tin to Miglọni mẹ: gbẹtọ he tin to e de lẹ yín sunnusi nuọntọ̀n nkọ; ³Ahija, visunnu Ahitubi tọn, nọvisunnu Ikabọdi tọn, visunnu Finehasi tọn, visunnu Èli tọn, yewhenọ OKLUNỌ tọn to Ṣilo mẹ, to efodi de do. Gbẹtọ lẹ ma sọ yọnẹn dọ yè ko hẹn Jonatani yì gba. ⁴To gòzizẹ lẹ ṣẹnṣẹn, ehe dali Jonatani din nado yì tòwhàn Filistini lẹ tọn gododọ̃n, osé tlóntlón de tin to awà ode ji, osé tlóntlón de sọ tin to awà awetọ ji: oyín ode tọn nọ yín Bozẹzi, oyín awetọ tọn Senẹ. ⁵Tlóntlón ode fọ́n yìaga to agewaji go to nukọn Mikinasi tọn, awetọ to hùwaji go to nukọn Geba tọn. ⁶Jonatani sọ dọ hlan yọ̀pọ dẹpẹ he hẹn awhàngbaja etọn dọ, Wá bo gbọ mí ni yì towhàn whèmagbonọ helẹ tọn de to gododọ̃n: é sọgan yín dọ OKLUNỌ na wàzọn na mí: na oglọn de ma tin hlan OKLUNỌ gba nado whlẹn gbọn susu dali kavi gbọn vude dali. ⁷Awhàngbaja hẹntọ etọn sọ dọ hlan ẹn dọ, Wà ehe tin to ayiha towe mẹ lẹpo: lé dewe, dayi e go yẹn tin to de we kẹdẹdi ayiha towe. ⁸Whenẹnu wẹ Jonatani dọmọ, Dayi ego, míwlẹ na juyì omẹ ewlẹ de to gododọ̃n, mí na do mìde hia hlan yé. ⁹Eyín yé dọ le hlan mí dọ, Mì dọ̀ngbàn kaka míwlẹ ni do wá mì de; whenẹnu míwlẹ na site abọẹ to otẹn mìtọn mẹ, bo ma na heji yi yé de gba. ¹⁰Ṣigba eyín yé dọ le dọ, Mì hẹaga wá mí de; whenẹnu míwlẹ na hẹaga yì: na OKLUNỌ ko jó yé do alọ mìtọn mẹ: ehe wẹ na sọ yín ohia hlan mí. ¹¹Yé omẹ awelẹ sọ do yéde hia hlan tòwhàn Filistini le tọn: Filistini lẹ sọ dọmọ, Dayi e go, Heblu lẹ tọ́n wá sọn odò le mẹ fie yé ko whla yéde do. ¹²Omẹ towhàn tọn lẹ sọ gblọnna Jonatani po awhàngbajahẹntọ eton po, bo dọmọ, Mì hẹji wá mí de, mìwlẹ na sọ do onú de hia mì. Jonatani sọ dọ hlan awhàngbajahẹntọ etọn dọ, Hẹji wá hodo mi: na OKLUNỌ ko jó yé do alọ Islaeli tọn mẹ. ¹³Jonatani sọ sáklegbé yì aga po awhàngbajahẹntọ etọn po to godo nẹ: yé sọ jai to Jonatani nukọn; awhàngbajahẹntọ etọn sọ to yé hù to ewọ godo. ¹⁴Hùhù tintan nẹ, ehe Jonatani po awhàngbajahẹntọ etọn po basi, yín sunnusi oko nkọ, to homẹ taidi odá whẹndọvlọ de tọn to glegban aigba tọn de mẹ. ¹⁵Sisọsisọ de sọ tin to osla mẹ, to danji, podọ to gbẹto lẹpo ṣẹnṣẹn; tòwhàn lọ, po gblandùtọ lẹ po, yéwlẹ ga to sisọsisọ: aigba sọ sisọ; Mowẹ aigba sisisọ daho talala de sọ tin. ¹⁶Hihọtọ Sauli tọn to Gibea Bẹnjamini tọn mẹ sọ pọ́n; bo, dayi e go, agùndaho lọ sọ yọ́ kọ̀nyìngbé, ye sọ to odé po odọ́n po yì.

¹⁷Whenẹnu wẹ Sauli dọ hlan omẹ he tin to e de lẹ dọ, Mì hia dinvie, bo pọ́n mẹnu wẹ yì sọn mí de. Whenuena yé sọ hia, dayi e go, Jonatani po awhàngbajahẹntọ etọn po ma tin to finẹ gba. ¹⁸Sauli sọ dọ hlan Ahija dọ, Hẹn alki Jiwheyẹwhe tọn wá file. Na alki jiwheyẹwhe tọn tin finẹ to ojlẹ nẹ mẹ to ovi Islaeli tọn lẹ de. ¹⁹E sọ wá jọ, whenuena Sauli dọhó hlan yẹwhenọ lọ, wẹ zinzinyìnyẹn he tin to osla Filistini lẹ tọn mẹ to yìyì bo sọ to susudeji: Sauli sọ dọ hlan yẹwhenọ lọ dọ, Dòn alọ towe do godo. ²⁰Yè sọ dòn Sauli po omẹ he tin to e de lẹpo po plidopọ, bo wá awhànfuntẹn: bo, dayi e go, ohi omẹ dopodopo tọn tin to hatọ etọn: ji, gbìgbà daho talala de sọ tin. ²¹Dinvie Heblu he ko tin to Filistini lẹ de daidai, he heji yì po yé po biọ osla mẹ sọn oto mẹ lẹdo, yéwlẹ ga lé nado tin to Islaelinu lẹ de he tin to Sauli po Jonatani po de. ²²Mọkẹdẹ omẹ Islaeli tọn lẹpo he ko whla yéde do otò okọta Eflaimi tọn mẹ, whenuena yé sọ sè dọ Filistini lẹ họ̀nyì, yèdọ yéwlẹ ga domọna yé sinyẹnsinyẹn to awhànfuntẹn. ²³Mowẹ OKLUNỌ whlẹn Islaeli do to azán nẹ gbè: awhàn sọ ju gbọn Bẹti-aveni gododọ̃n dali. ²⁴Yè bo hẹn nukunbia omẹ Islaeli tọn lẹ to azán nẹ gbè: ṣigba Sauli hòdòdo gbẹtọ lọ, dọmọ, Dèhodonọ omẹ lọ yín he dù núdùdù depope kaka é do yín whèjai, bọ yè yíahọsu ṣie to kẹ̀ntọ ṣie lẹ go. Mọwẹ gbẹtọ lọ ma dò núdùdù de pọ̀n. ²⁵Gbẹtọ lẹpo sọ wá biọ zùnkàn mẹ; owín sọ tin to aigba ji. ²⁶Whenuena gbẹtọ lẹ wá zùnkàn mẹ, dayi e go, owín to kùnkùn: ṣigba omẹ de ma yí alọ etọn do onù etọn go gba; na gbẹtọ lọ dibusi whiwhle lọ. ²⁷Ṣigba Jonatani ma sè whenuena otọ̀ etọn yí whiwhle do nasẹ gbẹtọ lẹ gba: enẹwutu wẹ ewọ dè obẹ̀ opò he tin to alọ etọn mẹ tọn jẹgbonu, bo ylọn ẹn do owínja lọ mẹ, bo yí alọ etọn do onù etọn; yè sọ hẹn nukun etọn lẹ hònun. ²⁸Whenẹnu dopo sọn gbẹtọ lẹ mẹ gblọn, bo dọmọ, Otọ̀ towe ko yí whiwhle vivẹ̀ do naṣẹ gbẹtọ lọ, dọmọ, Dèhodonọ omẹ lọ yín he dù núdùdù to azán he gbè. Gbẹtọ lẹ sọ yín madogánnọ. ²⁹Whenẹnu wẹ Jonatani dọmọ, Otò ṣie to tuklado (aigba) otò: pòn, yẹn vè we, le yè hẹn nukun ṣie lẹ hònun do, na yẹn dò vude pòn sọn owín he mẹ wutu. ³⁰Nẹmunẹmu, eya eyín gbẹtọ lọ ko yí vivẹ́ do dù to egbé sọn ogblannú kẹ̀ntọ yetọn lẹ tọn mẹ, he yé ko dinmọ? na dinvie hùhù daho de ma ko tin to Filistini lẹ ṣẹnṣẹn gba. ³¹Yé sọ hò sọn Filistini lẹ mẹ to gbenẹgbe sọn Mikmaṣi jẹ Aijalọni: gbẹtọ lẹ sọ yín madogánnọ. ³²Gbẹtọ lọ sọ zlọn jẹ ogblannú lọ ji, bo bẹ̀ lẹngbọ lẹ, po oyín lẹ po, po yìnvu lọ po, bo hù yé do aigba ji: gbẹtọ lẹ sọ dù yé po ohùn po. ³³Whenẹnu yé dọ na Sauli, dọmọ, Dayi e go, gbẹtọ lẹ wàylando do OKLUNỌ go, to ehe mẹ yé dù po ohùn po. Ewọ sọ dọmọ, Mìwlẹ ko yí oylan do zán: mì bli zannu daho de hlan mi to azán he gbè. ³⁴Sauli sọ dọmọ, Mì ni vlẹ mìde to gbẹtọ lọ ṣẹnṣẹn, bo dọ hlan yé dọ, Omẹ dopodopo ni hẹn oyín etọn wá dẹ̃ to file, podọ omẹ dopodopo lẹngbọ etọn, bo hù yé to ofi, bo dù; bo ma wàylando do OKLUNỌ go to dùdù po ohùn po mẹ blo. Gbẹtọ lẹpọ sọ hẹn wá omẹ dopodopo oyín etọn po e po to ozán nẹ mẹ, bo sọ hù yé to finẹ. ³⁵Sauli sọ dó agbà de hlan OKLUNỌ: dopolọ wẹ agbà tintan he ewọ dó hlan OKLUNỌ. ³⁶Sauli sọ dọmọ, Gbọ mi ni jẹte yànmọna Filistini lẹ to ozán mẹ, bo hẹn yé gble kakajẹ afọnnu hinhọ́n, a dike mí pò omẹ de dai to yé mẹ blo. Yé sọ dọmọ, Wà nudepope he sọawuhia dagbe hlan we. Whenẹnu wẹ yẹwhenọ lọ dọmọ, Gbọ mí ni dòn sẹpò file hlan Jiwheyẹwhe de. ³⁷Sauli sọ kàn hónamẹ biọ sọn Jiwheyẹwhe de dọ, Yẹn na jẹte yì Filistini lẹ de? hiẹ na jó yé do alọ Islaeli tọn mẹ? Ṣigba ewọ ma gblọn nẹ to azán nẹ gbè gba ³⁸Sauli sọ dọmọ, Dòn sẹpò file, mì ogán gbẹtọ lẹpo tọn emi: bo yònẹn bo sọ mọ fìemẹ ylando he ko tin te to azán he gbè. ³⁹Na, le OKLUNỌ togbẹ̀, he whlẹn Islaeli, yín é tlẹ yín to Jonatani visunnu ṣie mẹ, ewọ na kú dandan. Ṣigba omẹ de ma tin to gbẹtọ lẹpo ṣẹnṣẹn he gblọn nẹ̀. ⁴⁰Whenẹnu wẹ ewọ dọ hlan Islaeli lẹpo dọ, Mì omẹ pó nọ awà dopo ji, yẹn po Jonatani visunnu ṣie po na sọ tin to awà awetọ ji. Gbẹtọ lẹ sọ dọ hlan Sauli dọ, Wà núhe sọawuhia dagbe hlan we. ⁴¹Enẹwutu Sauli dọ hlan OKLUNỌ Jiwheyẹwhe Islaeli tọn dọ, Do ojlọjẹ hia. Yè sọ yí Jonatani po Sauli po gbọn ovò dali: ṣigba gbẹtọ lẹ hòngán. ⁴²Sauli sọ dọmọ, Devò lẹ to yẹn po Jonatani visunnu ṣie po ṣẹnṣẹn. Yè sọ yí Jonatani. ⁴³Whenẹnu wẹ Sauli dọ hlan Jonatani dọ, Dọ na mi núhe hiẹ ko wà. Jonatani sọ dọ họ̀, bo dọmọ, Nugbonugbo yẹn yí obẹ̀ opò he tin to alọ ṣie mẹ tọn do dọ̀ owín vude pọ̀n; bo, pọ̀n, Yẹn mànanọma kú gba. ⁴⁴Sauli sọ dọmọ, Jiwheyẹwhe ni wà mọ podọ húmọ ga: na hiẹ na kú dodo, Jonatani. ⁴⁵Gbẹtọ lẹ sọ dọ hlan Sauli dọ, Be Jonatani na kú, mẹhe ko basi whlẹngan daho he to Islaeli mẹ? Jiwheyẹwhe dike blo: le OKLUNỌ togbẹ̀, odà dopo sọn ota etọn ma na flẹ́ jẹ aigba gba; na ewọ ko wàzòn hẹ Jiwheyẹwhe to azán he gbè. Mowẹ gbẹtọ lẹ tutlu Jonatani, bọ ewọ ma do kú. ⁴⁶Whenẹnu wẹ Sauli hẹji yì sọn mọyànna Filistini lẹ mẹ: Filistini lẹ sọ yì otẹn yetọn titi mẹ.

⁴⁷Dinvie whenuena Sauli ko yí ahọludu to Islaeli ji, é hòavùn hẹ kẹ̀ntọ etọn lẹpo to awà lẹpo ji, hẹ Moabi, podọ hẹ ovi Ammọni tọn lẹ, podọ hẹ Edọmi, podọ hẹ ahọlu Zoba tọn lẹ, podọ hẹ Filistini lẹ: fidepope é lẹ́ ede hlan, é nọ hẹnhomẹgble yé. ⁴⁸E sọ yí hlọnhlọn do wà, bo hò Amalẹkinu lẹ, bo whlẹn Islaeli sọn alọ yé he to yé hẹngble lẹ tọn mẹ.

⁴⁹Dinvie visunnu Sauli tọn lẹ wẹ Jonatani, po Isivi po, po Malkisua po: oyín viyọnnu etọn awelẹ tọn wẹ ehelẹ; oyín plọnji tọn Mẹlabi, oyín nọvipẹvi tọn Mikali: ⁵⁰Oyín asi Sauli tọn tọn wẹ Ahinoami viyọnnu Ahimaazi tọn: oyín awhàngán awhànpa etọn tọn wẹ Abneli visunnu Nẹli tọn, tavé Sauli tọn. ⁵¹Kisi wẹ otọ̀ Sauli tọn; Nẹli otọ̀ Abneli tọn wẹ visunnu Abiẹli tọn.

⁵²Awhàn sinyẹnsinyẹn tin tọ Filistini lẹ ji to azán Sauli tọn lẹpo gbè: podọ whenuena Sauli mọ omẹ asuka depope, kavi omẹ hlọnhlọnnọ depope, é nọ yí i do e de.

¹Samuẹli sọ dọ hlan Sauli dọ, OKLUNỌ do mi hlan nado samisisána we nado yín ahọlu to omẹ etọn lẹ ji, to Islaeli ji: enẹwutu dinvie hiẹ ni tuntóai hlan ogbè ohó OKLUNỌ tọn tọn go. ²Le wẹ OKLUNỌ awhànpa lẹ ton dọ, Yen ko ṣinyandola enẹ he Amalẹki wà hlan Islaeli, le é dè ede do e ji to aliho do, whenuena é hẹji tòn sọn Egipti ja. ³Dinvie yì bo hò Amalẹki, bo và onú he yé tindo lẹpo gbidigbidi, a hla yé dai blo; aigba hù sunnu po yọnnu po, yọ̀pọ po vianònu po, oyín po lẹngbọ po, kanklosọ-póawenọ po kẹtẹkẹtẹ po.

⁴Sauli sọ ylọ gbẹtọ lẹ pli, bo hia yé to Tetaimi mẹ, afọnọ fọtọ̀n fọde, po fọtọ̀n ao omẹ Juda tọn lẹ po. ⁵Sauli sọ wá tòdaho Amalẹki tọn mẹ, bo và dọ owu mẹ to agbàdò mẹ. ⁶Sauli sọ dọ hlan Kẹninu lẹ dọmọ, Mì yì, tònyì, mì jẹte yì sọn Amalẹkinu lẹ ṣẹnṣẹn, yẹn nikã và mìwlẹ po yé po: na mìwlẹ do homẹhùn hia ovi Islaeli tọn lẹpo, whenuena yé hẹaga tòn ja sọn Egipti. Mowẹ Kẹninu lẹ tònyì sọn Amalẹkinu lẹ ṣẹnṣẹn. ⁷Sauli sọ hò Amalẹkinu lẹ sọn Havila le hiẹ jei Ṣuli, he tin to Egipti nukọn. ⁸Ewọ sọ wlé Agagi ahọlu Amalẹkinu lẹ tọn gbẹ̀te, bo yí onù ohi tọn do và gbẹtọ lẹpo gbidigbidi. ⁹Ṣigba Sauli po gbẹtọ lẹ po Agagi dai, podọ dagbe talala sọn lẹngbọ lẹ mẹ, podọ sọn oyín lẹ mẹ, podọ sọn ehe dojó lẹ mẹ, po lẹngbọvu lẹ pọ, po ehe yín dagbe lẹpo po, bo ma na và yé gbidigbidi gba: ṣigba onú he yín ylanylan po gbẹ́dai lepo po, enẹ ye và gbidigbidi.

¹⁰Whenẹnu wẹ ohó OKLUNỌ tọn wá Samuẹli de, dọmọ, ¹¹E hẹn mi diọlinlẹn dọ yẹn ko zé Sauli daga nado yín ahọlu: na yè ko hẹn ẹn lẹ́ sọn hihodo mi mẹ, bo ma ko sọ yí gbèdide ṣie lẹ basi gba. Samuẹli sọ yín homẹgblenanọ; é sọ to awhádo hlan OKLUNỌ to ozán nẹ lẹpo mẹ. ¹²Samueli sọ tite to flifli mẹ nado pé Sauli to afọnnu: Yè ko sọ dọ na Samuẹli, dọmọ, Sauli ko wá Kalmẹli, bo, dayi e go, é ko zé oflinnu de daga nẹ̃, yè sọ hẹn ẹn yì lépé, bo juyì nukọn bo jẹte yì Gilgali. ¹³Samuẹli wá Sauli de: Sauli sọ dọ hlan ẹn dọ, Donanọ hiẹ yín sọn OKLUNỌ de: yẹn ko yí gbèdide OKLUNỌ tọn basi. ¹⁴Samuẹli sọ dọmọ, Be eté wẹ ogbè lẹngbọ lẹ tọn to otọ́ ṣie lẹ mẹ yín, po awhá oyín lẹ tọn po he yẹn to sisè? ¹⁵Sauli sọ dọmọ, Amalẹkinu lẹ de wẹ yé hẹn yé sọn: na gbẹtọ lẹ hla dagbe talala lẹ dai sọn lẹngbọ lẹ mẹ podọ sọn oyín lẹ mẹ, nado sánvò hlan OKLUNỌ Jiwheyẹwhe towe; pipòtọ lẹ mí ko và gbidigbidi. ¹⁶Whenẹnu wẹ Samuẹli dọ hlan Sauli dọ, Nọte, yẹn na sọ dọ na we núhe OKLUNỌ dọ hlan mi to ozán he mẹ. Ewọ sọ dọ hlan ẹn dọ, Dọ zònmí. ¹⁷Samuẹli sọ dọmọ, Le hiẹ tlẹ yín pẹvi to nukun dewe titi tọn mẹ sọ bé yè ko yí we do basi ota whẹ̀ndó Islaeli tọn lẹ tọn? OKLUNỌ sọ samisisána we do doahọlu do Islaeli ji; ¹⁸OKLUNỌ sọ do we hlan gbéjizọnlin de ji, bo dọmọ, Yì bo và Amẹlẹkinu ylandonọ lẹ gbidigbidi, bo sọ hòavùn hẹ yé kaka yé do yín súsúdo. ¹⁹Whenẹnu etẹwutu hiẹ ma do sètónuna ogbè OKLUNỌ tọn, ṣigba bo zlọn jẹ ogblannu ji, bo wà enẹ he yín oylan to OKLUNỌ nukunmẹ? ²⁰Sauli sọ dọ hlan Samuẹli dọ, Nugbo, yẹn ko sè, tónuna ogbè OKLUNỌ tọn, bo ko sọ yì aliho he é do mi hlan ji, bo ko sọ hẹn Agagi ahọlu Amalẹki tọn wá, bo ko sọ và Amalẹkinu lẹ gbidigbidi. ²¹Ṣigba gbẹtọ lẹ yí sọn ogblannu mẹ, lẹngbọ lẹ po oyín lẹ, po, nújọnú sọn onú dodopà lẹ mẹ nado sánvò hlan OKLUNỌ, Jiwheyẹwhe towe to Gilgali. ²²Samuẹli sọ dọmọ, Bé OKLUNỌ tindo homẹhùn he klo to avọ̀ nunina mimẹ̀ lẹ mẹ po avọ̀ lẹ po di to tónusisèna ogbè OKLUNỌ tọn mẹ? Dayi e go, nado sètónu yín pònte hú avọ́, podọ nado tuntóai hú ojó agbò lẹ tọn. ²³Na tólivivẹ tin di ylando afionnọn tọn, podọ tasinsinyẹn tin di bosiọsinsèn po hennuvodun po. Na hiẹ ko gbé ohó OKLUNỌ tọn dai wutu, ewọ ga ko sọ gbé we dai sọn yínyín ahọlu mẹ. ²⁴Sauli sọ dọ hlan Samuẹli dọ, Yẹn ko wàylando: na yẹn ko dasa gbèdide OKLUNỌ tọn po ohó towe lẹ po: na yẹn dibusi gbẹtọ lẹ bo sọ sètónuna ogbè yetọn wutu. ²⁵Enẹwutu dinvie, yẹn vẹ̀ we, jona ylando ṣie, bo sọ vọ́ gọ̀ po yẹn po, na yẹn nido litaina OKLUNỌ. ²⁶Samuẹli sọ dọ hlan Sauli dọ, Yẹn ma na lẹ́gọ̀ po hiẹ po gba: na hiẹ ko gbẹ́ ohó OKLUNỌ tọn dai, OKLUNỌ ko sọ gbẹ́ we dai sọn yínyin ahọlu to Islaeli ji mẹ. ²⁷Le Samuẹli sọ lẹ́ godo nado tón yì, é tẹ́ do tónu awu etọn tọn go, bọ é sọ tlẹn. ²⁸Samuẹli sọ dọ hlan ẹn dọ, OKLUNỌ ko tlẹn ahọludu Islaeli tọn lọ sọn de we to azàn he gbè, bo ko sọ na ẹn hlan kọmẹnu hiẹ tọn de, he yín pónte hú hiẹ. ²⁹Podọ ga Huhlọn Islaeli tọn ma lalo na do kavi diọlinlẹn gba: na ewọ ma yín gbẹtọ de bọ ewọ na do diọlinlẹn. ³⁰Whenẹnu wẹ é dọmọ, Yẹn ko wàylando: gãnṣo yẹn vẹ̀ we, gbògbéna mi dinvie, to mẹho ome ṣie lẹ tọn lẹ nukọn, podọ to Islaeli nukọn; bo sọ vọ́ gọ̀ po yẹn po, na yẹn nido litaina OKLUNỌ Jiwheyẹwhe towe. ³¹Mowẹ Samuẹli sọ vó gò hodo Sauli; Sauli sọ litaina OKLUNỌ.

³²Whenẹnu wẹ Samuẹli dọmọ, Mì hẹn Agagi ahọlu Amalẹkinu lẹ tọn wá dẽ to file. Agagi sọ wá e de po awuvivi po Agagi sọ dọmọ, Yè hẹn ovivé okú tọn fè nugbonugbo. ³³Samuẹli sọ dọmọ, Le ohi towe lẹ ko hẹn yọnnu lẹ yín vimatinnọ, mọwẹ onọ towe na yín vimatinnọ to yọnnu lẹ ṣẹnṣẹn do. Samuẹli sọ já Agagi do flínflín to OKLUNỌ nukọn to Gilgali.

³⁴Whenẹnu wẹ Samuẹli yì Lama; Sauli sọ hẹji yì owhé etọn gbè to Gibea Sauli tọn mẹ ³⁵Samuẹli ma sọ wá nado pọ́n Sauli ba kaka jẹ azán okú etọn tọn gbè; na Samuẹli blawu na Sauli: OKLUNỌ sọ diọlinlẹn dọ ewọ ko yí Sauli do basi ahọlu to Islaeli ji.

¹OKLUNỌ sọ dọ hlan Samuẹli dọ, Dẹn sọ na wẹ hiẹ na do blawu na Sauli, mimọ yẹn ko gbẹ̀ ẹ dai sọn ahọlu yínyín mẹ to Islaeli ji? Yí amì do gó lànzò towe mẹ, bo yì, yẹn na do we hlan Jẹsse Bẹti-lehẹmìnu dena yen ko wleawu ahọlu de tọn dai na mi to visunnu etọn lẹ ṣẹnṣẹn. ²Samuẹli sọ dọmọ, Na yẹ́n sọgan yì do? eyín Sauli sè e, ewọ na hù mi. OKLUNỌ sọ dọmọ, Yí yìnasiwhe de hẹn sọyi, bo dọmọ, Yè hẹn mi wá nado sánvọ́ hlan OKLUNỌ. ³Bo ylọ Jẹsse do avọ́ lọ kọ̀n, yẹn na sọ do núhe hiẹ na wà hia we: hiẹ na sọ samisisána hlan mi ewọ mẹhe yẹn ylọyìn hlan we. ⁴Samueli sọ wà enẹ he OKLUNỌ dọ, bo wá Beti-lehẹm. Mẹho tòdaho lọ tọn lẹ sọ wá nado pé e bo sisọsisọ, bo dọmọ, Jijọho tọn hiẹ do wá? ⁵Ewọ sọ dọmọ, Jijọho wẹ: yè hen mi wá nado sánvọ́ hlan OKLUNỌ: mì lẹ̀ mlde wé, bo wá avọ́ lọ kọ̀n po yẹn po. Ewọ sọ lẹ̀ Jẹsse wé po visunnu etọn lẹ po, bo ylọ yé do avọ́ lọ kòn. ⁶E sọ wá jọ, whenuena yè hẹn yé wá, wẹ é pọ́n Eliabi tlintlin, bo dọmọ, Nugbonugbo mẹyíamisádode OKLUNỌ tọn tin to ewọ nukọn. ⁷Ṣigba OKLUNỌ dọ hlan Samuẹli dọ, A pọ́n nukunta etọn ji blo, kavi agayìyì ote etọn tọn; na yẹn ko gbẹ́ ẹ dai wutu: na OKLUNỌ ma nọ mọnú dile gbẹtọ mọ do gba; na gbẹtọ nọ to awusọhia gbonu go tọn dali pọ́n ṣigba ayiha pọ́n wẹ OKLUNỌ te. ⁸Whenẹnu Jẹsse ylọ Abinadabi, bo hẹn ẹn gbọn Samuẹli nukọn. Ewọ sọ dọmo, OKLUNỌ ma ko sọ dè ehe gba. ⁹Whenẹnu wẹ Jẹsse sọ hẹn Samma nado jù wá yì. Ewọ sọ dọmọ, Mọ OKLUNỌ ma ko sọ dè ehe. ¹⁰Jẹsse sọ hẹn visunnu etọn ṣinawe lẹ nado gbọn Samuẹli nukọn. Samuẹli sọ dọ hlan Jẹsse dọ, OKLUNỌ ma ko dè ehelẹ gba. ¹¹Samuẹli sọ dọ hlan Jẹsse dọ, Ovi towè lẹpo wẹ to ofi? Ewọ sọ dọmọ, E gbẹ́ sọ pò agọ̀gbọnẹn, bo, dayi e go, é to lẹngbọ lẹ yìn. Samuẹli sọ dọ hlan Jẹsse dọ, Do omẹ hlan bo hẹn ẹn wá: na míwlẹ ma ai na sin kaka ewọ do wá file. ¹²Ewo sọ do omẹ hlan bo hẹn ẹn wá whégbe. Dinvie é yín mẹvẹ̃, podọ gọ́napopo nukunta whanpenọ tọn de, bo sọ disán nado pọ́n. OKLUNỌ sọ dọmọ, Fọ́nṣite, samisisána ẹn: na ehe wẹ ewọ. ¹³Whenẹnu wẹ Samuẹli yí lànzò ami tọn lọ, bo samisisána ẹn to ogbla mẹmẹsunnu etọn lẹ tọn mẹ: gbigbọ OKLUNỌ tọn sọ yí hlọnhlọn do wá Davidi ji sọn azán nẹ gbè jeijei. Mowẹ Samuẹli tite, bo yì Lama.

¹⁴Dinvie gbigbọ OKLUNỌ tọn ko yìsọn Sauli de, gbigbọ ylankan de sọn OKLUNỌ de to tuklado e. ¹⁵Devi Sauli tọn lẹ sọ dọ hlan ẹn dọ, Dayi e go dinvie, gbigbọ ylankan de sọn OKLUNỌ de to tuklado we. ¹⁶Gbọ klunọ mìtọn ni degbèna devi etọn lẹ dinvie he tin to nukọn towe nado din omẹ de mọ he yín ajalẹn hòtọ ananọ de: é na sọ wá jọ, whenuena gbigbọ ylankan sọn Jiwheyẹwhe de wá oji we, wẹ ewọ na yí alọ etọn do hò, hiẹ na sọ jẹgángán. ¹⁷Sauli sọ dọ hlan devi etọn lẹ dọ, Mi wleawu mẹhe sọgan hò dagbedagbe tọn de na mi, bo hẹn ẹn wá dè. ¹⁸Whenẹnu wẹ dopo sọn yopọ dẹpẹ lẹ mẹ gblọn, bo dọmọ, Dayi e go, Yẹn ko mọ visunnu Jẹsse Bẹti-leheminu tọn de he yín ananọ to hiho mẹ, podọ sunnu hlọnhlọnnọ tudido tọn de podọ sunnu awhàn tọn de, podọ déditọ to hógbè mẹ, podọ gbẹtọ whànpẹnọ de OKLUNỌ sọ tin; hẹ ẹ. ¹⁹Enẹwutu Sauli do mẹdagun lẹ hlan Jẹsse, bo dọmọ, Dó Davidi visunnu towe hlan mi, he tin to lẹngbọ lẹ kon. ²⁰Jẹsse sọ yí ketẹkẹtẹ yè yí akla do doagbànna de, po ogò ovẹ̃n tọn de po, po gbọgbọẹvu de po, bo yí ye hlan gbọn Davidi visunnu etọn dali hlan Sauli ²¹Davidi sọ wá Sauli de, bo ṣite to nukọn etọn: ewọ sọ yiwanna ẹn susutàla; é sọ lẹzùn aw, hàngbajahentọ etọn. ²²Sauli sọ do omẹ hlan Jẹsse, dọmọ, Yẹn vẹ we, gbọ Davidi ni nọ ṣite to nukọn ṣie; na ewọ ko mọ nukundagbe to nukun ṣie mẹ ²³E sọ wá jọ, whenuena gbigbọ ylankan sọn Jiwheyẹwhe de tin to Sauli ji, wẹ Davidi nọ yí ajalẹn, bo nọ yí alọ etọn do hò: mọwe yè sọ: nọ hẹn Sauli whiwhẹ, bo sọ nọ tin gángán, gbigbọ ylankan lọ sọ nọ yì sọn e de.

¹DINVIE Filistini lẹ bẹ́ awhàn yetọn lẹ pli dopọ do awhànfuntẹn, yè sọ bé yé plidopọ to Soko, he yín Juda tọn, bo sọ dosla do Soko po Azeka po ṣẹnṣẹn to Efẹsidammimi mẹ. ²Yè sọ bé Sauli po omẹ Islaeli tọn lẹ po plidopọ, bo dosla do agbàdo Ela tọn mẹ, bo tò awhàn do haji do Filistini lẹ ji. ³Filistini lẹ sọ nọte to osé ji to awà ode ji, Islaeli sọ nọte to osé ji to awà awetọ ji: agbàdo de sọ tin to yé ṣẹnṣẹn. ⁴Agawú de sọ tọ́n jẹgbonu sọn osla Filistini lẹ tọn mẹ, he yè nọ ylọ Goliati Gati tọn, ote mehetọn yín awàgba ṣidopo po alọkikẹ dopo po. ⁵E sọ tindo tabudo gànvẹ̃ tọn de to ota etọn, yè sọ yí awu gànlinlọn tọn de do nẹ̃; pinpẹ̀n awu lọ tọn yín ṣẹkle gànvẹ̃ tọn fọtọ́n atón. ⁶E sọ tindo azàngàndánbudo gànvẹ̃ tọn lẹ to azàngàndán etọn lẹ go, podọ dludlu gànvẹ̃ tọn de to abó etọn lẹ ṣẹnṣẹn. ⁷Atin owhán etọn tọn tin taidi opòntin avọ̀lọntọ de tọn; ota owhán etọn tọn jlẹ ṣẹkle gànyù tọn nuọntọ̀n: awọyínuhẹntọ etọn to yìyì to nukọn nẹ. ⁸E sọ site bo dawhádọ hlan awhàn Islaeli tọn lẹ, bo dọ hlan yé dọ, Etẹwutu wẹ yè hen mì tọ́n jegbonu nado tò awhàn mìtọn do haji? Filistini de ma wẹ yẹn, mìwlẹ mẹmẹsi hlan Sauli? Dè omẹ de na mì, bo gbọ e ni jẹte wá dẽ. ⁹Eyín ewọ tin sọgan nado hòavùn hẹ mi, bo sọ hù mì, be whenẹnu míwlẹ na yín mẹmẹsi mìtọn lẹ: ṣigba eyín yẹn hugán ewọ to huhlọn me, bo sọ hù i, be whenẹnu mìwlẹ na yín mẹmẹsi míwlẹ tọn lẹ, bo nọ sẹ̀n mí. ¹⁰Filistini lọ sọ dọmọ, Yẹn dèafudo awhàn Islaeli tọn to azán he gbè; na omẹ de mi, na mí ni péavùn. ¹¹Whenuena Sauli po Islaeli lẹpo po sè ohó Filistini lọ tọn nele, yè hẹn yé DIBU, bo sọ savọ̀ gbahugbahu.

¹²Dinvie Davidi wẹ visunnu Eflatinu Bẹti-lehẹm-juda tọn nẹ tọn, oyín mẹhetọn yín Jesse; ewọ sọ tindo visunnu ṣinantọn: dawe lọ sọ yín omẹ yònhonọ de to azán Sauli ton lẹ me, yìnukọn to owhè lẹ mẹ to gbẹtọ lẹ ṣẹnṣẹn. ¹³Visunnu whinwhẹ́n Jẹsse tọn atọ̀n lẹ ko hodo Sauli yì awhànfuntẹn: oyín visunnu etọn atọ̀n he yì awhànfuntẹn tọn lẹ wẹ Eliabi oplọnji lọ, podọ he bò do e go Abinadabi, podọ atọ̀ntọ Samma ¹⁴Davidi wẹ agọ̀gbọnẹn: atọ̀n whinwhén lẹ ko hodo Sauli ¹⁵Dinvie Davidi to yìslọyì sọn Sauli de nado yìn lẹngbọ otọ́ etọn tọn le to Beti-lehẹm. ¹⁶Filistini lọ sọ: to dìndòn sẹpọ́ to afọnnu po whèjai po, bosọ ede hia azán kànde.

¹⁷Jesse sọ dọ hlan Davidi visunnu etọn dọ, Yí dinvie na mẹmẹsunnu towe lẹ efa dopo gbadó sisọ he tọn, po akla mlìnmlin ao helẹ po, bo hẹn yé yì ola mẹ plaun jẹ mẹmẹsunnu towe lẹ de; ¹⁸bo sọ hẹn yìnnóhihò ao helẹ wá jẹ awhàngan fọtọ́n yetọn tọn de, bo pọ́n nawẹ mẹmẹsunnu towe lẹ te, bo yí gòdenú yetọn. ¹⁹Dinvie Sauli, po yé po, po omẹ Islaeli tọn lẹpo po, tin to agbadò Ela tọn mẹ, to avùnhò hẹ Filistini lẹ. ²⁰Davidi sọ fọ́nṣite to afọnnufù, bo jó lẹngbọ lẹ do yìnyìntọ de de, bo yí, bo yi, dile Jẹsse ko degbè-nẹ do, ewọ sọ wá otẹn kẹkẹgbó lẹ tọn mẹ, le awhànpa he tọ́n jei nado hòavùn dabobo na awhàn lọ. ²¹Islaeli po Filistini lẹ po yí awhàn do haji, awhàn pànnukọn awhàn ²²Davidi sọ jó awhàngban etọn do alọ hihọtọ awhàngban tọn tọn mẹ, bo dowezun yì awhàn, bo wá bo dọnudo mẹmẹ sunnu etọn lẹ. ²³Le é to hódọ hẹ yé, dayi e go, finẹ agàwú lọ hẹji wá, Filistini Gati tọn lọ, Goliati gbọn oyín dali, sọn ogbé Filistini lẹ tọn lẹ mẹ, bo to hódọ kẹdẹdi ohó doponẹ lẹ lọ: Davidi sọ sè yé. ²⁴Omẹ Islaeli tọn lẹpo, whenuena yé mọ dawe lọ, họ̀nyì sọn e de, bo to avosà badabada. ²⁵Omẹ Islaeli tọn lẹ sọ dọmọ, Mìwlẹ ko mọ dawe he he yè hẹn hẹji wá mí de? nugbonugbo nado dèafudo Islaeli wẹ ewọ do hẹji wá: é na sọ yín, dọ omẹ lọ he hù i, ahọlu na yí adọkun daho do doadọkunna ewọ, bo na sọ na viyọnnu etọn ẹn, bo sọ hẹn owhé otọ́ etọn tọn vò to Islaeli mẹ. ²⁶Davidi sọ dọhó hlan omẹ he site to e dali lẹ, dọmọ, Onú tẹwẹ na yín wiwà hlan omẹ lọ he hù Filistini he, bo dè ovlẹ sọn Islaeli? na mẹnu wẹ Filistini whẹ̀magbonọ he, bọ ewọ na do dèafudo awhàn Jiwheyẹwhe ogbẹ́nọ tọn lẹ? ²⁷Gbẹtọ lẹ sọ gblọn nẹ̃ di ehe hunkọ, dọmọ, Mowẹ é na yín wiwà do hlan omẹ lọ he hù i. ²⁸Eliabi nọvisunnu etọn dahopete sè whenuena é to hódọ hlan omẹ ewlẹ; yè sọ hẹn adi Eliabi tọn jimiyọn yọn do Davidi ji, é sọ dọmọ, Etẹwutu wẹ yè hẹn we jẹte wá? podọ mẹnu de wẹ hiẹ jó lẹngbọ pẹde nẹlẹ do to zùngbo mẹ? Yẹn yọ́n gòyíyí towe, po danuwiwà ayiha towe tọn po; na yè hẹn we jẹte wá na hiẹ nido mọ awhàn lọ wẹ. ²⁹Davidi sọ dọmọ, Eté yẹn ko wà to dinvie? Whẹ̀hó de ma tin? ³⁰E sọ lẹ́ sọn e de hlan mẹawetọ de, bo sọ dọhó kẹdẹdi doponẹ nkọ: gbẹtọ lẹ sọ vọ́ gblọnna ẹn kẹdẹdi nukọntọn nkọ. ³¹Whenuena yè sè ohó he Davidi dọ lẹ, yé yí yé dọ to Sauli nukọn; ewọ sọ do omẹ hlan ẹn. ³²Davidi sọ dọ hlan Sauli dọ, A dike ayiha omẹ de tọn kusiọ na e tọn wutu blo; mẹmẹsi towe na yì bo hòavùn hẹ Filistini he. ³³Sauli sọ dọ hlan Davidi dọ, Hiẹ ma tin sọgan nado yì Filistini he ji nado hòavùn hẹ ẹ gba na omẹ ovu de wẹ hiẹ, podọ ewọ omẹ awhàn tọn de sọn ovú etọn gbọ̃n. ³⁴Davidi sọ dọ hlan Sauli domọ, Mẹmẹsi towe to lẹngbọ otọ́ etọn tọn lẹ yìn; whenuena kinnikinni de wá finẹ, kavi ogbépọẹ de, bo yí lẹngbọ de sọn kanlinpa mẹ, ³⁵Yẹn tón domọ nẹ̃ yì, bo hò e, bo sọ whlẹn ẹn sọn onù etọn mẹ: whenuena é sọ tite do oji e, yẹn wle e gbọn ogbì etọn dali, bo hò e, bo sọ hù i. ³⁶Mẹmẹsi towe hù kinnikinni lọ po ogbépọẹ lọ po: Filistini whẹmagbonọ he na tin di dopo yé tọn, mimọ ewọ dèafudo awhàn Jiwheyẹwhe ogbẹ̀nọ tọn lẹ. ³⁷Davidi sọ dọmọ, OKLUNỌ he whlẹn mì sọn ofẹ́n kinnikinni tọn si, podọ sọn ofẹ́n ogbépọẹ tọn si, ewọ na whlẹn mi sọn alọ Filistini he tọn mẹ. Sauli sọ dọ hlan Davidi dọmọ, Yì, OKLUNỌ na sọ tin to de we. ³⁸Sauli sọ yí awu etọn do na Davidi, é yí otabudo gànvẹ̃ tọn de do ota etọn, é sọ yí agawu gànlinlọn tọn de donẹ. ³⁹Davidi sọ bla ohi etọn do awu etọn ji, é sọ zépọ́n nado yì; na ewọ ma ko whle e pọn gba. Davidi sọ dọ hlan Sauli dọmọ, Yẹn ma sọgan yì pò ehelẹ po gba; na yẹn ma ko whle yé pọ́n gba. Davidi sọ dè yé sọn ogo. ⁴⁰Ewọ sọ yí opò etọn do alọ etọn mẹ, bo ṣinyan owàn zannu atọ́n sọn otọ̀tó, bo yí yé do sẹ́gẹ lẹngbọyintọ tọn he e tindo mẹ, yèdọ do sakotó etọn mẹ; akòtopẹ́ etọn sọ tin to alọ etọn mẹ: ewọ sọ dọ̀n sẹpọ́ hlan Filistini lọ de. ⁴¹Filistini lọ sọ ja bo dọ̀n sẹpọ́ hlan Davidi de; omẹ he hẹn awọyínú sọ to yìyì to nukọn etọn. ⁴²Whenuena Filistini lọ pọ́n hlan, bo mọ Davidi, é kò e: na ewọ yín yọ̀pọ de wutu bo sọ bia, podọ gọna enẹ nukunta whànpẹnọ tọn de. ⁴³Filistini lọ dọ hlan Davidi dọmọ, Avún de wẹ yẹn, bọ hiẹ dò ja dẽ po opò lẹ po? Filistini lọ sọ hodẹ̀do Davidi gbọn yẹwhe etọn lẹ dali. ⁴⁴Filistini lọ sọ dọ hlan Davidi dọmọ, Wá dẽ yẹn na sọ na agbasalan towe ohẹ̀ aga tọn lẹ, podọ hlan kanlin danji tọn lọ. ⁴⁵Whenẹnu wẹ Davidi dọ hlan Filistini lọ dọmọ, Hiẹ ja dẽ po ohi de po, pọ owhán de po, po dludlu de po: ṣigba yẹn ja de we to oyín OKLUNỌ awhànpa lẹ tọn mẹ, Jiwheyẹwhe awhàn Islaeli tọn lẹ tọn, he hiẹ dèafudo. ⁴⁶Azán he gbè wẹ OKLUNỌ na jó we do alọ ṣie mẹ; yẹn na hò we, bo sọ yí ota towe sẹ̀ sọn ogo we; yẹn na sọ yí osiọ awhànpa Filistini lẹ tọn tọn lẹ na hlan ohẹ̀ aga tọn lọ, podọ hlan kanlin adúadú aigba tọn lẹ; na aihọn lẹpo nido yọnẹn dọ Jiwheyẹwhe de tin to Islaeli mẹ: ⁴⁷podọ na agùnpipli he lẹpo nido yọnẹn dọ OKLUNỌ ma nọ yí ohi po owhán po do whlẹnmẹ gba: na OKLUNỌ tọn wẹ awhàn lọ, ewọ na sọ jó mì do alọ mìtọn mẹ. ⁴⁸E sọ wá jọ, whenuena Filistini lọ fòntite, bo ja bo dòn sẹpò yakẹ nado pé Davidi, wẹ Davidi yawu bo dowezun jlọdo awhàn lọ ji nado pé Filistini lọ. ⁴⁹Davidi sọ yí alọ etọn do adọpò etọn mẹ, bo dè zannu de tọ́n sọn finẹ, bo yìn in, bo hò Filistini lọ to nukọngángán etọn mẹ; zannu lọ sọ siọ do nukọngángán etọn mẹ, bọ é jai jẹ nukunmẹ etọn ji hlan aigba. ⁵⁰Mọwẹ Davidi yí akòtopé de po zannu de po do gbawhàn to Filistini lọ ji, bo hò Filistini lọ, bo sọ hù i; ṣigba ohi de ma tin to alọ Davidi tọn mẹ gba. ⁵¹Whenẹnu wẹ Davidi dowezun, bo nọte to Filistini lọ ji, bo yí ohi etọn, bo dọ̀n ẹn tọ̀n sọn apà etọn mẹ, bo hù i, bo yí do sán ota etọn to finẹ. Whenuena Filistini lẹ mọ dọ agàwú yetọn yín oṣiọ, yé họ̀nyì. ⁵²Omẹ Islaeli tọn lẹ po Juda tọn lẹ po sọ tite, bo dabobo, bo domọna Filistini lẹ, kaka hiẹ do wá jẹ Gai, podọ jẹ họngbo Eklọni tọn lẹ ji. Alántọ Filistini tọn lẹ to aijẹ to aliho jẹ Saalaimi, yèdọ jẹ Gati, podọ jẹ Eklọni. ⁵³Ovi Islaeli tọn lẹ sọ lẹ sọn mọyanna to Filistini lẹ godo mẹ, yé sọ hẹn osla yetọn gble. ⁵⁴Davidi sọ yí ota Filistini lọ tọn, bo hẹn ẹn wá Jelusalẹm; ṣigba é yi awhàngbaja etọn do gohọ̀ etọn mẹ.

⁵⁵Whenuena Sauli mọ Davidi tòn yì Filistini lọ ji, é dọ hlan Abneli awhàngán awhànpa etọn tọn dọ, Abneli, visunnu mẹnutọn wẹ vivú he? Abneli sọ dọmọ, Le alindọn towe to ogbẹ̀, Ahọlu, yẹn ma sọgan dọ gba. ⁵⁶Ahọlu sọ dọmọ, Hiẹ ni kanbiọ visunnu mẹnutọn wẹ yọpọdẹpẹ he. ⁵⁷Le Davidi lẹ́gọ̀ sọn huhù Filistini lẹ tọn gbémẹ, Abneli yí i, bo hẹn ẹn wá Sauli nukọn po ota Filistini lọ tọn po to alọ etọn mẹ. ⁵⁸Sauli sọ dọ hlan ẹn dọ, Visunnu mẹnutọn wẹ hiẹ, hiẹ dẹpẹmọ? Davidi sọ gblọn dọ, Visunnu Jẹsse Bẹti-lehẹminu mẹmẹsi towe tọn wẹ yẹn.

¹E sọ wá jọ, whenuena é ko dotana hódidọ hlan Sauli, wẹ alindọn Jonatani tọn dọ̀ndo alindọn Davidi tọn go, Jonatani sọ yiwanna ẹn di alindọn etọn titi. ²Sauli sọ yí i to azán nẹ gbè, bo ma sọ jlo na gbọ ni yì owhé otò etọn tọn gbè ba. ³Whenẹnu wẹ Jonatani po Davidi po basi alẹ̀nù de, na ewọ yiwanna ẹn di alindọn etọn titi wutu ⁴Jonatain sọ dè ede sọn tewu he tin to e go mọ, bo yí ì na hlan Davidi, po awudido etọn po, yèdọ kakajẹ ohi etọn ji, podọ jẹ ogá etọn ji, podọ jẹ homẹbla etọn ji. ⁵Davidi sọ to fidepope Sauli do e hlan yì, bo sọ yí nuyonẹn do to ede hò: Sauli sọ dè e do omẹ awhàn tọn lẹ ji, é sọ yín dagbe to nukun gbẹtọ lẹpo tọn mẹ, podọ to nukun mẹmẹsi Sauli tọn lẹ tọn mẹ.

⁶E sọ wà jọ le ye ja, whenuena Davidi lẹ́gọ̀ sọn hùhù Filistini lọ tọn gbé, wẹ yọnnu lẹ tòn sọn tòdaho Islaeli tọn lẹpo mẹ, bo to hànji bo to wèdú, nado pé Sauli ahọlu, po akọ̀hún lẹ po, po ayajẹ po, po nuzinzán ogbèmlin tọn lẹ po. ⁷Yọnnu lẹ sọ to hànji ode hlan awetọ to aihúndida yetọn mẹ, bo didọmọ,

¹⁰E sọ wá jọ to aihọngbe, wẹ gbigbọ ylankan de sọn Jiwheyẹwhe de wá Sauli ji po huhlọn po, é sọ dọdọdai to ogbla owhé etọn tọn gbè: Davidi sọ yí alọ etọn do to ajalẹn hò dile é nọ wà do to gbèpogbè: Sauli sọ tindo owhán etọn to alọ etọn mẹ. ¹¹Sauli sọ dlọn owhán etọn; na é dọmọ, Yẹn na hò Davidi yèdọ hlan adó go. Davidi sọ vì sọn nukọn etọn whlawe. ¹²Osi Davidi tọn tin na Sauli, na OKLUNỌ tin to e de wutu, yè sọ hẹn ẹn yìsọn Sauli de. ¹³Enẹwutu Sauli dè e sọn e de, bo yí i do basi awhàngán etọn to fọtọ̀n de ji; é sọ to tintọ̀n bo to whégbe biọ to gbẹtọ lẹ nukọn. ¹⁴Davidi sọ yí nuyọnẹn do to ede họ̀ to aliho etọn lẹpo mẹ; OKLUNỌ sọ tin to e de. ¹⁵Whenuena Sauli mọ dọ e yí nuyọnẹn do to ede hò talala, ewọ nọte to awujiji mẹ sọn e de. ¹⁶Ṣigba Islaeli lẹpo po Juda po yiwanna Davidi; na ewọ to tintòn bo to whégbe biọ to yé nukọn.

¹⁷Sauli sọ dọ hlan Davidi dọ, Dayi e go, viyọnnu ṣie mẹho Mẹlabi, ewọ wẹ yẹn na na we hlan asi: hiẹ ni yín adantọ na mi kẹdẹ, bo sọ nọ fùn awhàn OKLUNỌ tọn lẹ. Na Sauli dọmọ, A dike alọ ṣie tin to e go blo, ṣigba gbọ na alọ Filistini lẹ tọn ni tin tò e go. ¹⁸Davidi sọ dọ hlan Sauli dọ, Mẹnu yẹn yín, podọ eté wẹ ogbẹ́ ṣie, kavi whédo otọ ṣie tọn to Islaeli mẹ, bọ yẹn na do yín visunnu yọnwhẹ̀n hlan ahọlu? ¹⁹ṣigba é wá jọ to ojlẹ mẹ whenuena yè do ko na Mẹlabi viyọnnu Sauli tọn hlan Davidi, wẹ yè yí ewọ na hlan Adlieli Mẹholatinu hlan asi. ²⁰Mikali viyọnnu Sauli tọn sọ yiwanna Davidi: yé sọ dọ na Sauli, onú lọ sọ hẹnhomẹhùn in. ²¹Sauli sọ dọmọ, Yẹn na na ewọ ẹ, na é nido yín omọ de hlan ẹn, podọ na alọ Filistini lẹ tọn nido tin to e go. Enẹwutu Sauli dọ hlan Davidi dọ, Hiẹ to egbé he na yín visunnu yọnwhẹ̀n ṣie whlawetọ. ²²Sauli sọ degbèna mẹmẹsi etọn lẹ, dọmọ, Mì dèpá abọẹabọẹ hẹ Davidi, bo dọmọ, Dayi e go, ahọlu tindo homẹvivi to hiẹ mẹ, mẹmẹsi etọn lẹpo sọ yiwanna we: enẹwutu dinvie yín visunnu yọnwhẹ̀n ahọlu tọn. ²³Mẹmẹsi Sauli tọn lẹ sọ dọ ohó helẹ do otọ́ Davidi tọn lẹ mẹ. Davidi sọ dọmọ, E sọawuhia hlan mìwlẹ onú fufua de nado yín visunnu yọnwhẹn ahọlu tọn, mimọ dọ omẹ wamọnọ de wẹ yẹn, podọ mẹmagàndeji? ²⁴Mẹmẹsi Sauli tọn lẹ sọ dọ nẹ̃, dọmọ, Ehe hunkọ ji wẹ Sauli dọhó do. ²⁵Sauli sọ dọmọ, Le wẹ mì na dọ hlan Davidi dọ, Ahọlu ma jlo asibiọnu depope gba, adavo ayútintan Filistini lẹ tọn kanweko, nado yín ahọsuyí sọn kẹ̀ntọ ahọlu tọn lẹ de. Dinvie Sauli to linlẹn nado hẹn Davidi jai gbọn alọ Filistini le tọn dali. ²⁶Whenuena mẹmẹsi etọn lẹ dọ ohó helẹ na Davidi, é hẹnhomẹhùn Davidi dagbedagbe nado yín visunnu yọnwhẹn ahọlu tọn. Azán lẹ ma sọ féwáyì gba; ²⁷Davidi sọ tite bo yì, ewọ po omẹ etọn lẹ po, bo hù sunnusi fọde sọn Filistini lẹ mẹ; Davidi sọ hẹn ayútintan yetọn lẹ wá, yé sọ yí yé na to sọha pipé mẹ hlan ahọlu, na ewọ nido yín visunnu yọnwhẹn ahọlu tọn. Sauli sọ na Mikali viyọnnu etọn ẹn hlan asi. ²⁸Sauli sọ mọ bo yọnẹn dọ OKLUNỌ tin to Davidi de; Mikali viyọnnu Sauli tọn sọ yiwanna ẹn. ²⁹Osi Davidi tọn gbẹ́ sọ tin na Sauli sú: Sauli sọ yín kẹ̀ntọ Davidi tọn jeìjeì.

³⁰Whenẹnu wẹ ahọvi Filistini tọn lẹ tón jẹgbonu: é sọ wá jọ, sùsọ le yé tón jẹgbonu do, wẹ Davidi nọ yí nuyọnẹn do họ ede hú mẹmẹsi Sauli tọn lẹpo; mọ wẹ yè nọ dè oyín etọn do ola.

¹SAULI sọ dọhó hlan Jonatani visunnu etọn podọ hlan mẹmẹsi etọn lẹpo, na yé ni hù Davidi. ²Ṣigba Jonatani visunnu Sauli tọn homẹhùn susu to Davidi mẹ. Jonatani sọ dọ na Davidi, dọmọ, Sauli otọ́ ṣie to dindin nado hù we: enẹwutu dinvie, yẹn vẹ́ we, yí awuhihó hlan dewe to afọnnu, bo nọ otẹn núglọ tọn de me, bo whla dewe: ³Yẹn na tón yì gbonu bo site to otọ́ ṣie damẹ to danji fie hiẹ te, yẹn na dèpá hẹ otọ́ ṣie gbọn dali towe; eyín yẹn sọ mọ núde, yẹn na dọ na we. ⁴Jonatani sọ dọhó Davidi tọn dagbe hlan Sauli otọ́ etọn, bo dọ hlan ẹn dọ, A dike ahọlu wàylando do mẹmẹsi etọn go blo, do Davidi go; na ewọ ma ko waylando do ogo we gba wutu, podọ azón etọn lẹ ko yín dagbe talala hlan dali towe: ⁵Na ewọ yí ogbẹ́ etọn do alọ etọn mẹ, bo hò Filistini lọ, OKLUNỌ sọ basi awhàngba daho de na Islaeli lẹpo: hiẹ mọ ẹn, bo sọ jaya: whenenu etẹwutu hiẹ na wàylando do ohùn homẹvọnọ go, nado hù Davidi matin nujònú de? ⁶Sauli sọ tuntóai hlan ogbè Jonatani tọn: Sauli sọ whle, dọ, Le OKLUNỌ tin to ogbẹ́, yè ma to na yí i hlan okú gba. ⁷Jonatani sọ ylọ Davidi, Jonatani sọ do onú nẹlẹpó hia ẹ. Jonatani sọ hẹn Davidi wá Sauli de, ewọ sọ tin to nukọn etọn di jlehóhó tọn.

⁸Awhàn sọ vó tin: Davidi sọ tón yì, bo hòavùn hẹ Filistini lẹ, bo yí hùhù daho do hù yé; yé sọ họ̀nyì to ewọ nukọn. ⁹Gbigbọ ylankan de sọn OKLUNỌ de sọ tin to Sauli ji, le é sinai to owhé etọn gbè po owhán etọn po to alọ etọn mẹ. ¹⁰Sauli sọ to dindin nado yí owhán etọn do hò Davidi yèdo hlan adó go; ṣigba ewọ dídí yì sọn Sauli nukọn, bọ ewọ sọ hò owhán lọ biọ adó mẹ: Davidi sọ họ̀nyì, bo họ̀ngán to ozán nẹ mẹ. ¹¹Sauli sọ do mẹdagun lẹ hlan owhé Davidi tọn gbè, nado tòwuna ẹn, podọ nado hù i to afọnnu: Mikali asi Davidi tọn sọ dọ nẹ̃, dọmọ, Eyín hiẹ ma whlẹn ogbẹ́ towe to ozán he mẹ gba, to osọ́ ye na hù hiẹ. ¹²Mowẹ Mikali zlọn Davidi dai gbọn vẹsẹnu: ewọ sọ yì, bo hónyì, bo hòngán. ¹³Mikali sọ yí atin pipa, bo tẹ́ ẹ do adózan ji, bo sọ yí okọdo ofún gbọgbọẹ tọn tọn de do ota etọn dali, bo yí avọ́ lẹ do ṣinyọn ẹn ¹⁴Whenuena Sauli do mẹdagun lẹ hlan nado wle Davidi, ewọ dọmọ, Ewọ yín azòntọ. ¹⁵Sauli sọ do mẹdagun lẹ hlan nado mọ Davidi, dọmọ, Mì hẹn ẹn hẹji wá dẽ to adózan mẹ, na yẹn nido hù i. ¹⁶Whenuena mẹdagun lẹ wá whégbe, dayi e go, hennuvodun lọ tin to adózan mẹ, po okọdo ofún gbọgbọẹ tọn tọn po to ota etọn dali. ¹⁷Sauli sọ dọ hlan Mikali dọ, Etẹwutu wẹ hiẹ klọ mi dole, bo dike kẹ̀ntọ ṣie ni yì, bọ yè do hẹn ẹn họngán? Mikali sọ gblọnna Sauli dọ, Ewọ dọ hlan mi wẹ, dọ, Gbọ yẹn ni yì; etẹwutu wẹ yẹn na hù we?

¹⁸Dinvie Davidi họ̀nyì, bo hòngán, bo wá Samuẹli de to Lama, bo dọ onú he Sauli wà hlan e dali lẹpo nẹ̃. Ewọ po Samuẹli po sọ yì bo nọnọ̀ Naiọti mẹ. ¹⁹Yè sọ dọ na Sauli, dọmọ, Dayi e go, Davidi tin to Naiọti dali to Lama mẹ ²⁰Sauli sọ do medagun lẹ hlan nado wle Davidi: whenuena yé mọ ogbé yẹwhegán lẹ tọn to dọdaidọ, bọ Samuẹli to ote di ogán to yé ji, gbigbọ Jiwheyẹwhe tọn wá mẹdagun Sauli tọn lẹ ji, yéwlẹ ga sọ dọdọdai. ²¹Whenuena yè dọ ẹ na Sauli, é sọ do mẹdagun devo lẹ hlan, yéwlẹ ga sọ dọdọdai. Sauli sọ vọ̀ mẹdagun lẹ dohlan whla atọ̀ntọ, yéwlẹ ga sọ dọdọdai. ²²Whenẹnu wẹ ewọ ga yì Lama, bo wá odòtọ daho he tin to Seku mẹ kọ̀n: ewọ sọ kanbiọ bo dọmọ, Fie wẹ Samueli po Davidi po te? Omẹ dopo sọ dọmọ, Dayi e go, yé tin to Náiọti dali to Lama mẹ. ²³Ewọ sọ yì finẹdalì to Naiọti to Lama: gbigbọ Jiwheyẹwhe tọn sọ wá e ji ga, é sọ tó yìyì, bo dọdaidọ kaka é do wá Naiọti to Lama mẹ. ²⁴Ewọ gà sọ klọ́n avọ̀ etọn lẹ sọn ogo, ewọ ga sọ dọdọdai to Samuẹli nukọn, bo mlọnai to azán nẹ lẹpo gbè podọ to ozán nẹ lẹpo mẹ. Enẹwutu yé didọmọ, Be Sauli ga tin to yẹwhegán le ṣẹnṣẹn.

¹DAVIDI sọ họ̀nyì sọn Naiọti to Lama, bo wá bo dọ to Jonatani nukọn dọ, Eté wẹ yẹn ko wà? eté wẹ ylanwiwà ṣie? podọ eté wẹ ylando ṣie to otọ́ towe nukọn, bọ ewọ do to ogbè ṣie din? ²Ewọ sọ dọ hlan ẹn dọ, Jiwheyẹwhe dike blo; hiẹ ma na ku gba: dayi e go, otọ́ ṣie ma nọ wà núde eyín daho kavi pẹvi, adavo dọ é do e hia hlan mi: etẹwutù wẹ otọ́ ṣie whla onú he sọn dẽ? é ma yín mọ gba. ³Davidi sọ whle humọ deji, bo dọmọ, Otọ́ towe yọnẹn dagbedagbe dọ yẹn ko mọ nukundagbe to nukun towe lẹ mẹ: ewọ sọ dọmọ, A dike Jonatani yọ́n ehe blo, ewọ nikà yín adínọ: ṣigba nugbonugbo dile OKLUNỌ to ogbè, podọ dile gbigbọ towe to ogbè, afọdidè dopo wẹ tin to yẹn po okú po ṣẹnṣẹn. ⁴Whenẹnu wẹ Jonatani dọ hlan Davidi dọ, Nudepope alindọn towe jlo, yèdọ yẹn na wà ẹ na we. ⁵Davidi sọ dọ hlan Jonatani dọ, Dayi e go, osò osùn yọ́yọ́ tin, yẹn ma do na gọ̀n nado sinai hẹ ahọlu to núdùdù kòn gba: ṣigba gbọ yẹn ni yì, na yẹn nido whla dẽ to danji jẹ azán atọ̀ntọ gbè to whèjai. ⁶Eyín otọ́ towe bà mi pò jãnwẹ, whenẹnu dọmọ, Davidi yí sọwhiwhe do biọ ojodo sọn dẽ na ewọ nido dowezun yì Bẹti? lehemi tòdaho etọn mẹ; na é yín avọ́ whèmẹ-whèmẹ tọn gbè na whédo lẹpo. ⁷Eyín ewọ dọ le dọ, é yín dagbedagbe; memesi towe na tindo jijọho: ṣigba eyín ewọ yín homẹgblenọ, whenẹnu yọnẹn dọ yè ko yígona oylan gbọn e dali. ⁸Enẹwutu yí homẹhùn do zán hẹ mẹmẹsi towe; na hiẹ ko hẹn mẹmẹsi towe wá biọ alẹ̀nù OKLUNỌ tọn de mẹ hẹ we; ṣigba eyín ylanwiwà de tin to yẹn mẹ, hlẹlọsu ni hù mi; na etẹwutu hiẹ na do hẹn mi wá otọ́ towe de? ⁹Jonatani sọ dọmọ, E ni tin dẹn sọn de we: na eyín yẹn gbé sọgan yọnẹn dọ yè yígona oylan gbọn otú ṣie dali nado wá oji we, whenẹnu bé yẹn ma na dọ ẹ na we? ¹⁰Whenẹnu wẹ Davidi dọ hlan Jonatani dọ, Mẹnu wẹ na dọ na mi eyín gbọn okòsọ dali otọ́ towe yí hóbéwlu do gblọnhóna we? ¹¹Jonatani sọ dọ hlan Davidi dọ, Wá bo gbọ mí ni tọ́n yì biọ danji. Yé sọ tọ́n yé omẹ awelẹ yì biọ danji.

¹²Jonatani sọ dọ hlan Davidi dọ, OKLUNỌ, Jiwheyẹwhe Islaeli tọn ni yín kunnudetọ; whenuena yẹn ko dotò otọ́ ṣie: to ojlẹ he nkọ mẹ to osò, kavi to azán atọ̀ntọ gbè, dayi e go, eyín dagbe tin finẹ hlan Davidi de, béyẹn ma na do omẹ hlan we to whenẹnu, bo do e hia hlan we? ¹³OKLUNỌ ni wà mọ hlan Jonatani, podọ humọ ga, eyín é hẹnhomẹhùn otọ́ ṣie nado wà oylan do we, eyín yẹn ma do e hia hlan we, bo do we hlan yì, na hiẹ nido yì to jijọho mẹ: OKLUNỌ ni tin po hiẹ po, dile é ko tin po-otú towe po do. ¹⁴E ma na yín whenuena yẹn to ogbè kẹdẹ wẹ hiẹ ni do dagbewà OKLUNỌ tọn hia, na yẹn kú blo gba: ¹⁵Ṣigba ga hiẹ ma na sán dagbèwà towe sẹ̀ sọn owhé ṣie gbè gbède gba: lala, é ma yín whenuena OKLUNỌ ko sán kẹ̀ntọ Davidi tọn lẹ sè omẹ dopodopo sọn nukun aigba tọn ji. ¹⁶Mowẹ Jonatani basi alẹ̀nù de hẹ owhé Davidi tọn, dọmọ, Podọ OKLUNỌ na kàn ẹ biọ to alọ kẹ̀ntọ Davidi tọn lẹ tọn mẹ. ¹⁷Jonalani sọ hẹn Davidi nado vọ̀ whle, na owanyi he ewọ tindo hlan ẹn: na ewọ yiwanna ẹn dile é yiwanna alindọn ede tọn do. ¹⁸Whenẹnu wẹ Jonatani dọ hlan ẹn dọ, Osùn yọ́yọ́ tin to osọ̀; na sọ bà hiẹ pò, na aisinnú towe na jẹvọ́ wutu. ¹⁹Whenuena hiẹ ko nọte azán atón, hiẹ na yawu jẹte yì, bo wá otẹn fie hiẹ whla dewe do whenuena azón lọ tin to alọ mẹ, bo na sọ nọai to zannu Ezẹli kòn. ²⁰Yẹn na só ogá atọ̀n do adà etọn ji, di dọ yẹn sègá do ohia de. ²¹Bo, dayi e go, yẹn na do vidẹpẹ lọ hlan, dọmọ, Yi, din ogá lẹ mọ. Eyín yẹn dọ hlan vidẹpẹ lọ dọ, Dayi e go, ogá ewlẹ tin to adà ofi towe tọn ji: bé hiẹ, bo wá; na jijọho tin finẹ hlan we awugble de ma tin, dile OKLUNỌ to ogbẹ̀. ²²Ṣigba eyín yẹn dọ hlan yọpọsunnu lọ dọ, Dayi e go, ogá ewlẹ tin to nukọnna we: yì aliho towe; na OKLUNỌ ko do we hlan yì. ²³Podọ gbọn nujijọ lọ tọn dali ehe hiẹ po yẹn po dọhó e tọn, dayi e go, OKLUNỌ tin to hiẹ po yẹn po ṣẹnṣẹn kakadoi.

²⁴Mowẹ Davidi whla ede to danji: whenuena yè hẹn osùn yọ́yọ́ lọ wá, ahọlu sinai nado dù núdùdù. ²⁵Ahọlu sọ sìn aisinnú etọn ji, di ojlẹ devo lẹ tọn, yèdọ to aisinnú ji to adó gò; Jonatani sọ fọ́n ṣite, Abneli sọ sinai to adà Sauli tọn mẹ: ṣigba otẹn Davidi tọn tin to ovọ́. ²⁶Ṣogàn Sauli ma dọhónu depope to azán nẹ gbè gba: na é lẹn dọ, núde flẹjẹ e ji, é ma tin wiwé gba; nugbo ewọ ma tin wiwé gba. ²⁷E sọ wá jọ to aihọ́ngbe to osùn yọ́yọ́ godo, ehe yín azán awetọ, wẹ otẹn Davidi tọn yín ovótọ: Sauli sọ dọ hlan Jonatani visunnu etọn dọ, Etẹwutu wẹ visunnu Jẹsse tọn ma do wá núdùdù kòn, to osọ kavi to egbé? ²⁸Jonatani sọ gblọnna Sauli dọ, Davidi vivẹ́vivẹ́ biọ ojodo sọn dẽ lado yì Bẹti-lehẹmi: ²⁹Ewọ sọ dọmọ, Gbọ yẹn ni yì, yẹn vẹ̀ we; na whédo mìtọn tindo avọ́ de to tòdaho mẹ; nọvisunnu ṣie, ewọ ko degbèna mi nado tin to finẹ; dinvie, eyín yẹn ko mọ nukundagbe to nukun towe lẹ mẹ, gbọ yẹn ni tón yì, yẹn vè we, bo mọ mẹmẹsunnu ṣie lẹ. Enẹwutu wẹ yè ma do hẹn ẹn wá tafo ahọlu tọn kọ́n gba. ³⁰Whenẹnu wẹ yè hẹn adi Sauli tọn jimiyọn do Jonatani ji, ewọ sọ dọ hlan ẹn dọ, Hiẹ visunnu yọnnu gbigbletọ atẹsitọ de tọn, bé yẹn ma yọnẹn dọ hiẹ ko dè visunnu Jẹsse tọn hlan winyan towe titi, podọ hlan winyan omé onọ towe tọn tọn? ³¹Na dẽn sọ le visunnu Jẹsse tọn tin to ogbẹ̀ to aigba ji, yè ma na hẹn we lódo kavi ahọludu towe gba. Enẹwutu do omẹ hlan bo hẹn ẹn wá dẽ, na ewọ na kú dandan. ³²Jonatani sọ gblọnna Sauli otọ́ etọn, bo dọ hlan ẹn dọ, Etẹwutu wẹ yè na do yí i hlan okú? etẹ́ wẹ é ko wà? ³³Sauli sọ dlẹn owhán etọn do e nado hò e: fietọndali Jonatani yọnẹn dọ é yín nuyígona sọn otọ́ etọn de nado yí Davidi hlan okú. ³⁴Mowẹ Jonatani tite sọn tafo ji to adi daho mẹ, bo ma sọ dù núdùdù de to azán awetọ osùn tọn mẹ, na yè hẹn homẹgble e na Davidi, na otọ́ etọn ko dowinyan ẹn wutu.

³⁵E sọ wá jọ to afọnnu, wẹ Jonatani tọ́n yì biọ danji to ojlẹ yè do hẹ Davidi ji, yọpọsunnu pẹvi de po e po. ³⁶Ewọ; sọ dọ hlan yọpọsunnu etọn lọ dọ, Dowezun, bo din ogá lẹ mọ dinvie he yẹn sẹ́. Le yọpọsunnu lọ bẹ̀wezun, é sẹ̀ ogá dopo hlan nukọn nẹ̃. ³⁷Whenuena yè hẹn yọpọsunnu lọ wá otẹn ogá he Jonatani ko sẹ̀ tọn mẹ, Jonatani dawhá to yọpọsunnu lọ godo, bo dọmọ, Bé ogá lọ ma tin to nukọnna we, wèzun dédé, awúdide, a nọte blo. ³⁸Yọpọsunnu Jonatani tọn sọ ṣinyan ogá lẹ, bo wá mẹmẹnu etọn de. ³⁹Ṣigba yọpọsunnu lọ ma yọ́n onú depope gba: Jonatani po Davidi po kẹdẹ wẹ yọ́n nujijọ lọ. ⁴⁰Jonatani sọ yí adanwànú etọn lẹ na hlan yọpọsunnu etọn, bo dọ hlan ẹn dọ, Yì, hẹn yé yì tòdaho mẹ. ⁴¹Le yè hẹn yọpọsunnu lọ yì kẹdẹ, Davidi tite sọn otẹn de mẹ pannukọn hùwaji dali, bo ṣinyọn nukunmẹ etọn ji hlan aigba, bo dé ede whla atọ̀n: yé sọ donùnùgona yé nọzo, bo viavi hẹ yé nọzo, kaka Davidi do yìdẹn. ⁴²Jonatani sọ dọ hlan Davidi dọ, To yìyì jijọho mẹ, sọle mí ko whlé mí omẹ awelẹ to oyín OKLUNỌ tọn mẹ, dọmọ, OKLUNỌ na tin to yẹn po hiẹ po ṣẹnṣẹn, podọ to okún ṣie po okún towe po ṣẹnṣẹn kakadoi. Ewọ sọ tite bo fọ́nyì; jonatani sọ yì biọ tòdaho mẹ.

¹WHENẸNU wẹ Davidi wá Nọbi to Ahimelẹki yẹwhenọ de: Ahimelẹki sọ wá nado pé Davidi po sisọsisọ po, bo dọ hlan ẹn dọ, Etẹwutu wẹ é yín hiẹ só, bọ omẹ de ma tin gó we? ²Davidi sọ dọ hlan Ahimelẹki yẹwhenọ dọ, ahọlu ko degbè azón de tọn na mi, bo kọ sọ dọ hlan mi dọ, A dike omẹ de yón onú azọ́n lọ tọn depope blo fiedalitọn yẹn do we hlan, po onú he yẹn degbèna we po: Yẹn kọ sọ dè yọpọdẹpẹ lẹ hlan otẹn de le po le po mẹ. ³Enẹwutu dinvie etẹ́ wẹ tin to alọ towe glọ? na mlinmlin akla tọn atón mi do alọ ṣie mẹ, kavi núdepope he tin ai to finẹ. ⁴Yẹwhenọ lọ gblọnna Davidi, bo dọmọ, Akla vọ́tọ de ma tin to alọ ṣie glọ gba, ṣigba akla wiwe tin finẹ; eyín yọ̀pọ dẹpẹ lẹ ko yìn yéde sọn yọnnu de kẹdẹjànwẹ. ⁵Davidi sọ gblọnna yẹwhenọ lọ, bo dọ hlan ẹn dọmọ, Sọn nugbo de mẹ yè ko dè yọnnu lẹ sọn mí de nai azán atọ̀n helẹ mẹ; whenuena yẹn tọ́n jẹgbonu, nuzinzán yọpọdẹpẹ lẹ tọn lẹ yín wiwe, le gbéjizọnlin vọ́tọ de tlẹ wẹ é yín; nẹmunẹmu whenẹnu to egbé wẹ nuzinzán yetọn lẹ na yín wiwe? ⁶Mowẹ yẹwhenọ lọ na akla wiwe e: na akla de ma tin finẹ adavo akládlọ lọ, he yè yí sọn OKLUNỌ nukọn, nado yí akla miyọnawu dohò to azán he gbè yè yí ì sẹ̀. ⁷Dinvie dawe de sọn mẹmẹsi Sauli tọn lẹ mẹ tin finẹ to azán nẹ gbè, he yè glọn do OKLUNỌ nukọn; oyín etọn nọ yín Doẹgi Edọminu, nukọntọpete kanlingopóntọ lẹ tọn he yín Sauli tọn. ⁸Davidi sọ dọ hlan Ahimelẹki dọ, Bé ogá kavi ohi de ma tin to ofi to alọ towe glọ? na yẹn ma hẹn ohi ṣie kavi adanwànu ṣie lẹ wá po yẹn po gba, na azọ́n ahọlu tọn biọ awúdide wutu. ⁹Yẹwhenọ lọ sọ dọmọ, Ohi Goliati Filistini tọn, mẹhe hiẹ hù to agbàdò Ela tọn mẹ, dayi e go, é tin to ofi to bubu tó avọ́ mẹ to efọdi lọ godo: eyín hiẹ na yí enẹ, bo yí i na devo de ma tin adavo enẹ to ofi. Davidi sọ dọmọ, Ode ma tin di enẹ gba; na ẹn mi.

¹⁰Davidi sọ tite, bo họ̀nyì to gbènẹgbe na osi Sauli tọn, bo yì Akisi ahọlu Gati tọn de. ¹¹Mẹmẹsi Akisi tọn lẹ sọ dọ hlan ẹn dọ, Bé ehe ma wẹ Davidi ahọlu aigba lọ tọn? bé yé ma jihàn ewọ tọn hlan yénọzo to owè lẹ mẹ, dọmọ,

¹ENẸWUTU Davidi fọ́nyì sọn finẹ, bo họ̀ngán hlan aigbaslo Adulami tọn dali: whenuena mẹmẹsunnu etọn lẹ po owhé otọ etọn tọn lẹpo po sè e, yé jẹte yì e de to finẹ. ²Mẹdepope he tin to nukunbibia mẹ, podọ omẹ he tin to ahọ́ mẹ lẹpó, po omẹ he yín awúmajainanọ lẹpo po, bẹ́ yéde pli hlan e de; ewọ sọ lẹzùn awhàngán to yé ji: sunnusi nai fowe nkọ sọ tin to e de.

³Davidi sọ yì sọn finẹ jẹ Mizpẹ Moabi tọn: é sọ dọ hlan ahọlu Moabi tọn dọ, Yẹn vè we, gbọ otọ́ ṣie po onọ ṣie po ni tọn jẹgbonu wá bo tin to dẽ, kaka yẹn na do yón núhe Jiwheyẹwhe na wà na mi. ⁴E sọ hẹn yéwá ahọlu Moabi tọn nukọn: yé sọ nọ̀ po e po to ojlẹ lẹpo mẹ he Davidi tin to odò lọ mẹ. ⁵Gadi yẹwhegán sọ dọ hlan Davidi dọmọ, A nọ odò lọ mẹ blo; fọ́nyì, bo yì biọ aigba Juda tọn mẹ. Whenẹnu wẹ Davidi fọ́nyì, bo wá biọ zùnkangbo Helẹti tọn mẹ.

⁶Sauli sọ sè dọ yè mọ Davidi, po omẹ he tin to e de lẹpo: dinvie Sauli sinai to Gibea, to atin tamaliski glọ to Lama, po owhán etọn po to alọ etọn mẹ, mẹmẹsi etọn tin to ote to e de. ⁷Sauli sọ dọ hlan mẹmẹsi etọn he site to e de lẹ dọ, Sè dinvie mì Bẹnjamininu lẹ emi; bé visunnu Jẹsse tọn na na ogle lẹ po vẹ̃npa lẹ po mì, bé ewọ na yí mì do basi awhàngán fọtọ́n lẹ tọn po awhàngán kanweko lẹ tọn po; ⁸bọ popo mì tọn ko do dupà to oji e, bọ mẹde ma tin he dohia hlan mi whenuena visunnu ṣie basi núbibla de hẹ visunnu Jẹsse tọn, bọ mẹde mì tọn ma tin he yín awublatọ na mi, kavi dohia hlan mi dọ visunnu ṣie ko fọ́nadan mẹmẹsi ṣie do oji e, nado mlọnai to owu mẹ, dile é te to egbé? ⁹Whenẹnu wẹ Doẹgi Edọminu, he ṣite to mẹmẹsi Sauli tọn lẹ de, gblọn, bo dọmọ, Yẹn mọ visunnu Jẹsse tọn ja Nọbi, to Ahimelẹki visunnu Ahitubi tọn de. ¹⁰Ewọ kanbiọ sọn OKLUNỌ de nẹ̀, bo na núdùdù i, bo sọ na ohi Goliati Filistini tọn ẹn, ¹¹Whenẹnu wẹ ahọlu do omẹ hlan nado ylọ Ahimelẹki yẹwhenọ, visunnu Ahitubi tọn, po owhé otọ́ etọn tọn lẹpo po, yẹwhenọ he tin to Nọbi lẹ, popo yé tọn sọ wá ahọlu de. ¹²Sauli sọ dọmọ, Sè dinvie, hiẹ visunnu Ahitubi tọn. Ewọ sọ gblọn dọ, Yẹn tin to ofi, klunọ ṣie. ¹³Sauli sọ dọ hlan ẹn dọmọ, Etẹwutu wẹ mìwlẹ blanú do ogo è, hiẹ po visunnu Jẹsse tọn po, tò ehe mẹ hiẹ do na akla ẹ, po ohi de po, bo ko sọ kanbiọ sọn Jiwheyẹwhe de nẹ̃ na ewọ nido fọ́n do oji e, nado mlọnai to owu mẹ, dile é te to egbé? ¹⁴Whenẹnu wẹ Ahimeleki, gblọnna ahọlu, bo dọmọ, Bé mẹnu wẹ yín dódónọ to mẹmẹsi towe lẹpo ṣẹnṣẹn di Davidi, he yín visunnu yọnwhẹn ahọlu tọn, bọ yè yí do tòhódọtọ towe lẹ mẹ, bo sò mẹgbògbéna to owhé towe gbè? ¹⁵Bé yẹn ko sẹ to egbé nado kanbiọ sọn Jiwheyẹwhe de nẹ? é ni tin dẹn sọn dè, a dike ahọlu sẹ onú depope hlan mẹmẹsi etọn de blo, kavi hlan owhé otọ́ ṣie tọn depope blo: na mẹmẹsi towe ma yón núde sọn ehe lẹ de mẹ, whèhú kavi sùhú. ¹⁶Ahọlu sọ dọmọ, Hiẹ na kú dandan, Ahimelẹki, hiẹ, po owhé otọ́ towe lẹpo po. ¹⁷Aholu sọ dọ hlan mẹmẹgo he site to e dali dọ, Lé, bo hù yẹwhenọ OKLUNỌ tọn lẹ; na alọ yetọn ga tin to Davidi de wutu, podọ yé yónẹn dọ ewọ họ̀nyì wutu, bo ma do e hia hlan mi gba. Ṣigba mẹmẹsi ahọlu tọn lẹ ma jlo na dè alọ yetọn jẹgbonu nado jè yẹwhenọ OKLUNỌ tọn lẹ ji gba. ¹⁸Ahọlu sọ dọ hlan Doẹgi dọ, Hiẹ lé, bo jẹ́ yẹwhenọ lẹ ji. Doẹgi Edọminu lọ sọ lẹ́, ewọ sọ jẹ yẹwhenọ lẹ ji, ewọ sọ hù to gbènẹgbe gbẹtọ kanweatón he nọ do efodi alavọ̀nọ de. ¹⁹Podọ Nọbi, tòdaho yẹwhenọ lẹ lọ tọn wẹ é yí onù ohi tọn do hò, sunnu po yọnnu po, yọ̀pọ lẹ po vianọ́nu lẹ po, oyín lẹ po kẹtẹkẹtẹ lẹ po po lẹngbọ lẹ po. ²⁰Dopo sọn visunnu Ahimelẹki tọn lẹ mẹ, visunnu Ahitubi tọn, yè ylọyín Abiatali, họ̀ngán, bo họ̀n hodo Davidi. ²¹Abiatali sọ dọ na Davidi dọ Sauli ko hù yẹwhenọ OKLUNỌ tọn lẹ. ²²Davidi sọ dọ hlan Abiatali dọ, Yẹn yọnẹn to gbènẹgbe whenuena Doẹgi Edọminu tin to finẹ, dọ ewọ na dọ na Sauli dandan: yẹn wẹ hẹn okú omẹ owhé otọ́ towe tọn gbè lẹ tọn jọ. ²³Nọ̀ dẽ, a dibu blo; na ewọ he to ogbẹ̀ ṣie din to ogbẹ̀ towe din: na to dè hiẹ na tin to nuglọ mẹ.

¹YÉ sọ dọ na Davidi dọmọ, Dayi e go, Filistini lẹ to avùnhò hẹ Keila, yé sọ yí vẹ̃nlitẹn lẹ. ²Enẹwutu wẹ Davidi kanbiọ sọn OKLUNỌ de, dọmọ, Yẹn na yì bo hò Filistini helẹ? OKLUNỌ sọ dọ hlan Davidi dọ, Yì, bo hò Filistini lẹ bo whlẹn Keila. ³Omẹ Davidi tọn lẹ sọ dọ hlan ẹn dọ, Dayi e go, mí yín avosatọ to ofi to Juda: nẹmunẹmu whenẹnu eyín mí yì Keila to awhàn Filistini lẹ tọn ji? ⁴Whenẹnu wẹ Davidi sọ vọ́ kanbiọ sọn OKLUNỌ de. OKLUNỌ gblọnna ẹn bo dọmọ, Fọn, jẹte yì Keila; na yẹn na jó Filistini lẹ do alọ towe mẹ. ⁵Davidi po omẹ etọn lẹ po sọ yì, bo hoavùn hẹ Filistini le, bo hen kanlinpa yetọn lẹ wá yì, bo yí hùhù daho de do hù yé. Mowẹ Davidi whlẹn tòmẹnu Keila tọn lẹ.

⁶E sọ wá jọ, whenuena Abiatali visunnu Ahimelẹki tọn họnyì Davidi de to Keila, wẹ é jẹte wá po ẹfọdi de po to alọ etọn me. ⁷Yè sọ dọ ẹ na Sauli dọ yè hen Davidi wá Keila. Sauli sọ dọmọ, Jiwheyẹwhe ko jó e do alọ ṣie mẹ; na yè sú i do whégbe, gbọn bibiọ otòpẹvi de mẹ he tindo họ̀ngbo lẹ po gànbá lẹ po. ⁸Sauli sọ ylọ gbẹtọ lepo pli do awhàn kòn, nado jẹte yì Keila, nado gbòalina Davidi po omẹ etọn lẹ po. ⁹Davidi sọ yọnẹn dọ Sauli to okà lẹn do e go; é sọ dọ hlan Abiatali yẹwhenọ dọ, Hẹn ẹfọdi lọ wá file. ¹⁰Whenenu wẹ Davidi dọmọ, OKLUNỌ E, Jiwheyẹwhe Islaeli tọn mẹmẹsi towe ko sè nugbonugbo dọ Sauli to dindin nado wá Keila, nado và tòdaho lọ na ṣie tọn wutu. ¹¹Bé omẹ Keila tọn lẹ na jó mi do alọ etọn mẹ? bé Sauli na heji wá, dile mẹmẹsí towe sè do? OKLUNỌ È, Jiwheyẹwhe Islaeli tọn, yẹn vẹ we, dọ na mẹmẹsi towe. OKLUNỌ sọ dọmọ, Ewọ na jẹte wá. ¹²Whenẹnu wẹ Davidi dọmọ, Bé omẹ Keila tọn lẹ na jó mi po ome ṣie lẹ po do alọ Sauli tọn mẹ? OKLUNỌ sọ dọmọ, Yé na jó we do. ¹³Whenẹnu wẹ Davidi po omẹ etọn lẹ po, he yín nuontòn nkọ, tite bo fonyì sọn Keila, bo to yìyì fidepope yé sọgan yì. Yè sọ dọ na Sauli dọ Davidi ko hòngán sọn Keila; é sọ gbọ sọn nado tón yì go.

¹⁴Davidi sọ nọnó zùngbo mẹ to odò gángán lẹ mẹ, bo sọ to otò okọta tọn mẹ nò to zùngbo Zifi tọn mẹ. Sauli sọ to dindin in egbesọegbesọ, ṣigba Jiwheyẹwhe ma jó e do alọ etọn mẹ gba. ¹⁵Davidi sọ mọ dọ yè hẹn Sauli tón jẹgbonu nado din ogbẹ etọn: Davidi sọ tin to zùngbo Zifi tọn mẹ to atin lẹ gblamẹ. ¹⁶Jonatani visunnu Sauli tọn sọ tite, bo yì Davidi de to atin lẹ gblamẹ, ho hẹn alọ etọn dohuhlọn to Jiwheyẹwhe mẹ. ¹⁷E sọ dọ hlan ẹn dọ, A dibu blo: na alọ Sauli otọ́ ṣie tọn ma to na mọ we gba; hiẹ na yín ahọlu to Islaeli ji, yẹn na sọ yín omẹ awetọ hlan we; podọ Sauli otọ́ ṣie yọnẹn ga. ¹⁸Yé omẹ awelẹ sọ basi alẹ̀nù de to OKLUNỌ nukọn: Davidi sọ to atin lẹ gblamẹ nọ̀, Jonatani sọ yì owhé etọn gbè. ¹⁹Whenẹnu wẹ Zifinu lẹ hẹji wá Sauli de to Gibea, dọmọ, Bé Davidi ma sọ ede whlá to mí de to odò gángán lẹ mẹ to atin lẹ gblamẹ, to okọta Hakila tọn mẹ, he tin to hùwaji zùnkan tọn go? ²⁰Enẹwutu dinvie, ahọlu, jẹte wá, kẹdẹdi ojlo alindọn towe tọn lẹpo nado jẹte wá: mìtọn dali tọn na yín nado jó e do alọ ahọlu tọn mẹ. ²¹Sauli sọ dọmọ, Donanọ sọn OKLUNỌ de mì ni yín; na mìwlẹ tindo awuvẹmẹ to oji e. ²²Mì yì, yẹn vẹ́ mì, bọ vó basi nugbonugbo, bo yọnẹn bo sọ mọ otẹn etọn fie jẹtẹn etọn te, po mẹhe ko mọ ẹn to finẹ po: na yè ko dọ na mi dọ nuyọnẹnwinniwinni wẹ é nọ zán. ²³Enẹwutu pọ́n, bo yí oyọnẹn bibẹ́tẹn lẹpo tọn fie é whlá ede do, mì bo sọ vó wá dẽ sọn nugbo de mẹ, yẹn na sọ yì po mì po: é na sọ wá jọ, eyín ewọ tin to aigba lọ ji, wẹ yẹn na din in mọ to fọtọ́n Juda tọn lẹ ṣẹnṣẹn. ²⁴Yé sọ tite, bo yì Zifi to Sauli nukọn: aigba Davidi po omẹ etọn lẹ po tin to zùngbo Maoni ton mẹ, to Alaba mẹ to hùwaji zùnkan tọn go ²⁵Sauli po omẹ etọn lẹ po sọ yì nado din in Yé sọ dọ na Davidi: enẹwutu wẹ é jẹte wá osé kọ̀n, bo nọnọ̀ zùngbo Maoni tọn mẹ. Whenuena Sauli sè enẹ, é domọna to Davidi godo to zùngbo Maoni tọn mẹ. ²⁶Sauli to yìyì to awà osó tọn he ji, Davidi po omẹ etọn lẹ po to awà osó tọn nẹ ji: Davidi sọ yawu nado yi sẹ́ na osi Sauli tọn; na Sauli po omẹ etọn lẹ po glọn Davidi po omẹ etọn lẹ po lédo nado wlé yé. ²⁷Ṣigba mẹdagun de wá Sauli de, dọmọ, Hẹn dewe yawu, bo wá; na Filistini lẹ ko basi oṣinyọn de do aigba. ²⁸Mowẹ Sauli lẹ́gọ̀ sọn mọdona to Davidi godo, bo yì Filistini lẹ ji; enẹwutu wẹ yé do nọ ylọ ofi nẹ dọ Sela-hammalekọti. ²⁹Davidi sọ hẹji yì sọn finẹ, bo nọnọ̀ odò gángán Ẹn-gẹdi tọn lẹ mẹ.

¹E sọ wa jọ, whenuena yè hẹn Sauli lẹ́gọ̀ sọn hihodo Filistini lọ mẹ, wẹ yè dọ nẹ̃ dọmọ, Dayi e go, Davidi tin to zùngbo Ẹn-gẹdi tọn mẹ. ²Whenẹnu wẹ Sauli yí omẹ ṣinṣinyan fọtọ́n atọ̀n sọn Islaeli lẹpo mẹ, bo yì nado din Davidi po omẹ etọn lẹ po to osé tégbọẹ lẹ tọn lẹ ji. ³E sọ wá lẹngbọpó lẹ kòn to aliho ji, fie aigbaslo de te; Sauli sọ yì e mẹ nado bunúdo afọ etọn lọ. Dinvie Davidi po omẹ etọn lẹ po tin to abò adà homẹnukònnukón aigbaslo lọ tọn lẹ mẹ. ⁴Omẹ Davidi tọn lẹ sọ dọ hlan ẹn dọ, Dayi e go, azán he OKLUNỌ dọ hlan we, Dayi e go, yẹn na jó kẹ̀ntọ towe do alọ towe mọ, hiẹ na sọ wà hlan ẹn dile é na sọawuhia dagbe hlan we do. Whenẹnu wẹ Davidi tite abọẹ, bo sán tónuyínyẹn otewu Sauli tọn tọn. ⁵E sọ̀ wá jọ to godo, wẹ ayiha Davidi tọn to hihò e, na é sán otewu tónuyínyẹn Sauli tọn sẹ́ wutu. ⁶E sọ dọ hlan omẹ etọn lẹ dọ, OKLUNỌ dike blo dọ yẹn ni do wà onú he hlan klunọ ṣie dali, mẹyíamisisádodè OKLUNỌ tọn, nado dè alọ ṣie jẹgbonu do e ji, mimọ dọ mẹyíamisisádodè OKLUNỌ tọn wẹ ewọ. ⁷Mowẹ Davidi yí ohó helẹ do gbẹ́hóna omẹ etọn lẹ, bo ma dikẽna yé nado fọ́n do Sauli ji. Sauli sọ tite sọn aigbaslo lọ mẹ, bo to yìyì to ali etọn ji. ⁸Davidi ga tite to godo, bo tón yì sọn aigbaslo lọ mẹ, bo dawhádọ hlan Sauli, dọmọ, Klunọ ṣie ahọlu Whenuena Sauli pọ́n godo etọn, Davidi dẹ́ po nukunmẹ etọn po hlan aigba, bo basi whékanbiọ. ⁹Davidi sọ dọ hlan Sauli dọ, Etẹwutu wẹ hiẹ tuntóai hlan ohó gbẹtọ lẹ tọn lẹ, dọmọ, Dayi e go, Davidi to awugble towe din? ¹⁰Dayi e go, egbé nukun towe lẹ ko mọ le OKLUNỌ ko jó we to egbé do alọ ṣie mẹ to aigbaslo mẹ do: mẹdelẹ lẹnhẹ mi nado hù we: ṣigba nukun ṣie hla we dote; yẹn sọ dọmọ, Yẹn ma na yí alọ ṣie jegbonu do klunọ ṣie ji gba; na mẹyíamisisádodè OKLUNỌ tọn wẹ ewọ. ¹¹Humọ, otọ́ ṣie, pọ́n, nugbo, pọ́n tónuyínyẹn otewu towe tọn to alọ ṣie mẹ: na to enẹ mẹ yẹn sán tónuyínyẹn otewu towe tọn sẹ́, bo ma hù we gba, hiẹ ni yọnẹn bo sọ mọ dọ oylan kavi sénhẹngbà de ma tin to alọ ṣie mẹ gba, podọ yẹn ma wà ylando de do ogo we gba, yín hiẹ tlẹ to mọdona alindọn ṣie nado yi i. ¹²OKLUNỌ ni dawhẹ́ to yẹn po hiẹ po ṣẹnṣẹn, podọ OKLUNỌ ni yiahọsuna mi sọn de we; ṣigba alọ ṣie ma to na tin to oji we gba. ¹³Dile hówhínwhén hóhótọ lẹ tọn dọ dọmọ, Mẹylankan mẹ wẹ ylankan nọ tón sọn wá: ṣigba alọ ṣie ma to na tin to oji we gba. ¹⁴Mẹnu ka wẹ yè ahọlu Islaeli tọn hẹn domọna wá? mẹnu wẹ hiẹ ka to mọyanna? to avún ṣiọ de godo, jẹhli de. ¹⁵Enẹwutu OKLUNỌ ni yín whẹ̀datọ, bo na ayihanúmọ to yẹn po hiẹ po ṣẹnṣẹn, bo pọ́n, bo yíwhẹ́hó ṣie dọ, bo whlẹn mi sọn alọ towe mẹ. ¹⁶E sọ wá jọ, whenuena Davidi ko dotana didọ ohó helẹ tọn hlan Sauli, wẹ Sauli dọmọ, Bé ogbè towe wẹ ehe, visunnu ṣie Davidi? Sauli sọ zé ogbè etọn daga, bo viavi. ¹⁷E sọ dọ hlan Davidi dọ, Hiẹ yín dódónọ hú yẹn: na hiẹ ko basi dagbe hlan mi, ṣigba jàgódo yẹn ko na oylan hlan we. ¹⁸Hiẹ ko sọ lá to egbé le hiẹ ko zána yì dagbedagbe hẹ mi do: sùsọmọ dile whenuena OKLUNỌ ko jó mi do alọ towe mẹ, hiẹ ma hù mi gba. ¹⁹Na eyín omẹ de mọ kẹ̀ntọ etọn, bé ewọ na gbọ e ni yì jijọho blẹo? enẹwutu wẹ OKLUNỌ na súahọ́ we dagbe na ehe hiẹ ko wà hlan mi to egbé. ²⁰Podọ dinvie, dayi e go, Yẹn yọnẹn dọ hiẹ na yín ahọlu nugbonugbo, podọ yè na hẹn ahọludu Islaeli tọn lódo to alọ towe mẹ. ²¹Enẹwutu dinvie whle hlan mi gbọn OKLUNỌ dali, dọ hiẹ ma to na sán okún ṣie sẹ́ to godo ṣie gba, podọ hiẹ ma to na súkúndona oyín ṣie Sọn owhé otọ́ ṣie tọn gbè gba. ²²Davidi sọ whle hlan Sauli. Sauli sọ yì owhé; ṣigba Davidi po omẹ etọn lẹ po hẹn yéde yìaga yì odò lọ kón.

¹SAMUẸLI sọ kú; Islaeli lẹpo sọ bẹ́ yéde pli dopọ, bo ví i, bo di i do owhé etọn gbè to Lama. Davidi sọ tite, bo jẹte yì zùngbo Palani tọn mẹ.

²Dawe de sọ tin to Maoni, nutindo mẹhetọn tin to Kalmẹli; dawe lọ yín omẹ kiklo talala, é sọ tindo lẹngbọ fọtọ́n atọ̀n, po gbọgbọẹ fọtọ́n po: é sọ to fúnpana lẹngbọ etọn lẹ to Kalmẹli. ³Dinvie oyín dawe lọ tọn nọ yín Nabali; podọ oyín asi etọn tọn Abigaili: nawe lọ sọ tin sọn wuntùntùn dagbe mẹ, podọ sọn owhànpẹ nukunmẹ tọn de mẹ: ṣigba dawe lọ yín gbéjinu bo sọ ylan to wàlọ etọn lẹ mẹ; ewọ sọ tin sọn owhé Kalẹbi tọn mẹ ⁴Davidi sọ sè to zùngbo mẹ dọ Nabali to fúnpana lẹngbọ etọn lẹ. ⁵Davidi sọ do yọ̀pọ sunnu ao hlan, Davidi sọ dọ hlan yọ̀pọ sunnu lẹ lọ dọ, Mì hẹji yì Kalmẹli, bo yì Nabali de, bo dọnúdo e to oyín ṣie mẹ: ⁶Le wẹ mì na dọ hlan ewọ he tin to nuyọnnamẹ mẹ dọ, Jijọho ni tin hlan we, jijọho ni tin hlan owhé towe, jijọho ni sọ tin hlan ehe hiẹ tindo lẹpo. ⁷Dinvie yẹn sè dọ hiẹ tindo fúnpatọ lẹ: lẹngbọyìntọ towe lẹ tin to mí de dinvie, mí ma sọ wà awugble de do yé gba, mọ núde ma sọ whè do yé to ojlẹ he mẹ yé ko tin to Kalmẹli gba. ⁸Kanbiọ yọ̀pọ sunnu towe lẹ, yé na dọ na we: enẹwutu gbọ yọ̀pọ sunnu lẹ ni mọ nukundagbe to nukun towe lẹ mẹ; na míwlẹ wá to azán dagbe he mẹ; yẹn vẹ́ we, na onú he wá alọ towe mẹ depope, hlan devi towe lẹ, podọ hlan visunnu towe Davidi. ⁹Whenuena yọ̀pọ sunnu Davidi tọn lẹ wá, yé dọhó hlan Nabali kẹdẹdi ohó nẹlẹ lẹpo to oyín Davidi tọn mẹ, bo sọ nabọẹ. ¹⁰Nabali sọ gblọnna devi Davidi tọn lẹ, bo dọmọ, Mẹnu Davidi yín? podọ mẹnu visunnu Jẹsse tọn yín? devi susu wẹ tin dinvie to azán he lẹ mẹ he nọ gbà omẹ dopodopo do sọn mẹmẹnu etọn de. ¹¹Bé yẹn na yí whenẹnu akla ṣie, po osìn ṣie po, podọ olàn ṣie he yẹn na na fúnpatọ ṣie lẹ, bo na ẹn hlan omẹ mẹhe tọn yẹn ma yọ́n fie yé tin sọn? ¹²Mowẹ yọ̀pọ sunnu Davidi tọn lẹ lẹ́gọ́ do aliho yetọn ji, bo gọ̀ yì, bo wá bo dọ nẹ̃ kẹdẹdi ohó helẹ lẹpo. ¹³Davidi sọ dọ hlan omẹ etọn lẹ dọ, Mì bla do ogo omẹ dopodopo ohi etọn; Davidi ga sọ bla ohi etọn do ogo: gbẹtọ fowe nkọ sọ hẹji yì to Davidi godo; omẹ fọde sọ nọ̀ agbàn kọ̀n. ¹⁴Ṣigba dopo sọn yọ̀pọ sunnu lẹ mẹ dọ na Abigaili, asi Nabali tọn, dọmọ, Dayi e go, Davidi do mẹdagun lẹ hlan sọn zùngbomẹ nado dọnúdo mẹmẹnu mìtọn; ewọ sọ zlọn jẹ yé ji. ¹⁵Ṣigba omẹ ewlẹ yín mẹdagbe hlan mí susu, yè ma gbleawuna mí gba, mọ mí ma sọ bà onú depope pò gba, dẹ́n sọ le mí yín zọ̀nhẹtọ po yé po do, whenuena mí tin to danji lẹ: ¹⁶yé yín adó de hlan mí to ozánmẹ podọ to okle, to ojlẹ lẹpo mẹ he mí tin to yé de do to lẹngbọ mìtọn lẹ yìn. ¹⁷Enẹwutu dinvie yọnẹn bo sọ lẹn núhe hiẹ na wà; na yè yígòna oylan to mẹmẹnu mìtọn ji, podọ to owhé etọn lẹpo ji: na ewọ yín visunnu Beliali tọn mọnkọ de, bọ mẹde ma sọgan dọhó hlan. ¹⁸Whenẹnu wẹ Abigaili yawu, bo yí akla mlinmlin fọde, po ogò ovẹ́n tọn awe po, po lẹngbọ dida atọ́n po, po ojlẹ gbadó sisọ tọn atón po, po ohín kanweko ovẹ̃nsínsén húhú tọn po, po aklahihi fọde votin lẹ tọn po, bo bé yé do kẹtẹkẹtẹ lẹ ji. ¹⁹E sọ dọ hlan yọ̀pọ sunnu etọn lẹ dọ, Mì to yìyì to nukọn ṣie; dayi e go, yẹn ja to mì godo. Ṣigba é ma dọ na asú etọn Nabali gba. ²⁰E sọ yín mọ, le ewọ hẹ́ kẹtẹkẹtẹ etọn ji, bo jẹte wá to oglọ osé tọn dali, wẹ, dayi e go, Davidi po omẹ etọn lọ po jẹte ja e ji; ewọ sọ pé yé. ²¹Dinvie Davidi ko dọmọ, Nugbonugbo ovọ́ wẹ yẹnhọ onú hatọ he tindo to zùngbo mẹ do, mọ bọ yè ma bà núde pò sọn ehe yín etọn lẹpo de mẹ: ewọ ko sọ gọ́ oylan hlan mi na dagbe. ²²Jiwheyẹwhe ni wà mọ hlan kẹntọ Davidi tọn lẹ, podọ húmọ ga, eyín yẹn pò sọn onú he yín etọn lẹpo de mẹ dai jẹ afọnnu sù sọ ovi omẹ dopo tọn. ²³Whenuena Abigaili mọ Davidi, é yawu, bo jẹte sọn kẹtẹkẹtẹ etọn ji, bo họ́ ṣinyọn nukunmẹ etọn ji to Davidi nukọn, bo dẹ́ ede hlan aigba. ²⁴E sọ ṣinyọnai to afọ etọn go, bo dọmọ, To oji e, klunọ ṣie, to oji e ylanwiwà lọ ni te: bo gbọ deviyọnnu towe, yẹn vẹ́ we, ni dọhó to otó towe lẹ mẹ, bo sọ sè ohó deviyọnnu towe tọn lẹ. ²⁵A dike klunọ ṣie, yẹn vẹ́ we, hò dawe Beliali tọn he pọ́n blo, yèdọ Nabali: na le oyín etọn te, mọwẹ ewọ te; Nabali wẹ oyín etọn yín, gúgú tin po e po: ṣigba yẹn deviyọnnu towe ma mọ yọ̀pọ klunọ ṣie tọn lẹ gba, mẹhe hiẹ dohlan lẹ. ²⁶Enẹwutu dinvie, klunọ ṣie, le OKLUNỌ to ogbẹ́, podọ le alindọn towe to ogbẹ́, mimọ OKLUNỌ ko gọ́ we do godo sọn hùnwhẹyìnylan mẹ, podọ sọn alọ towe titi do yíahọsuna dewe mẹ, enẹwutu dinvie, gbọ kẹ̀ntọ towe lẹ po yé he to oylan din hlan klunọ ṣie lẹ po, ni tin di Nabali. ²⁷Podọ dinvie nunina he devi towe hẹn wá klunọ ṣie de, gbọ yè ni na ẹn hlan yọ̀pọ sunnu he to klunọ ṣie hodo lẹ. ²⁸Jona, yẹn vẹ́ we, ylando deviyọnnu towe tọn: na OKLUNỌ na yí nugbo do basi owhé lili de na klunọ ṣie, na klunọ ṣie to awhàn OKLUNỌ tọn fùn wutu; yè ma sọ to na mọ oylan to hiẹ mẹ to azán towe lẹ mẹ gba ²⁹Eyín yè tlẹ hẹn gbẹtọ fọ́n nado domọna we, podọ nado din alindọn towe, gãnṣo alindọn klunọ ṣie tọn yè na bla do odi ogbẹ̀ tọn mẹ to OKLUNỌ Jiwheyẹwhe towe de; alindọn kẹ̀ntọ towe lẹ tọn lẹ, yé wẹ é na do yìnakòtopé jẹgbonu, di sọn ohò akòtopó de tọn mẹ ³⁰E na sọ wá jọ, whenuena OKLUNỌ na ko wà hlan klunọ ṣie kẹdẹdi dagbe he é ko dọ gbọn etọn dali lẹpo, bo na ko yí we do dè ahọvi do Islaeli ji; ³¹wẹ ehe ma na yín adi hlan we gba, kavi ọwhẹ́ ayiha tọn hlan klunọ ṣie gba, mọ hiẹ ma kòn ohùn dai matin whẹ̀hó, kavi dọ klunọ ṣie ko yíahọsuna ede: whenuena OKLUNỌ na ko zán dagbedagbe hẹ klunọ ṣie, whenẹnu flin deviyọnnu towe. ³²Davidi, sọ dọ hlan Abigaili dọ, Donanọ OKLUNỌ yín, Jiwheyẹwhe Islaeli tọn, he do we hlan to egbé nado pé mi: ³³Donanọ nuyọnẹn towe ni yín, donanọ hiẹ ni yín, he ko glọn mi to egbé sọn hùnwhèyínylan mẹ, podọ sọn alọ ṣie titi yí do yíahọsuna dẽ mẹ. ³⁴Na to wàlọ lọsu mẹ, le OKLUNỌ, Jiwheyẹwhe Islaeli tọn, to ogbẹ́, he ko dọ̀n mi do godo sọn awugblena we mẹ, le hiẹ yawu bo wá nado pé mi, nugbonugbo yè ma to na pòdai hlan Nabali jẹ afọnnu sù sọ ovi omẹ dopo tọn gba. ³⁵Mowẹ Davidi yí sọn alọ etọn mẹ enẹ he ewọ hẹn wá nẹ̀: é sọ dọ hlan ẹn dọ, Hẹji yì owhé towe gbè jijọho mẹ; pọ́n, yẹn ko tuntóai hlan ogbè towe, bo sọ kẹalọyí we. ³⁶Abigaili sọ wá Nabali de; bo, dayi e go, é to hùnwhẹ de wà to owhé etọn gbè, di hùnwhẹ ahọlu de tọn; ayiha Nabali tọn sọ yín ayanọ to homẹ nẹ̃, na yè hẹn ahànmu in talala: enẹwutu ewọ ma dọ núde nẹ̃, whèhú kavi sùhú, kakajẹ afọnnu. ³⁷E sọ wá jọ to afọnnu, whenuena yè hẹn ovẹ̀n yì sọn Nabali mẹ, wẹ asi etọn dọ onú helẹ nẹ̃, ayiha etọn sọ kú to homẹ nẹ̃, ewọ sọ lẹzùn taidi zannu de. ³⁸E sọ wá jọ to azán ao nkọ godo, wẹ OKLUNỌ hò Nabali, bọ é kú. ³⁹Whenuena Davidi sè dọ Nabali yín osiọ, é dọmọ, Donanọ OKLUNỌ yín, he ko yí whẹ́hó ovlẹ ṣie tọn dọ sọn alọ Nabali tọn mẹ, bo ko gò mẹmẹsi etọn do godo sọn oylan mẹ: ylan-wiwà Nabali tọn OKLUNỌ ko sọ lẹ́gọ̀ do ota ewọ lọsu tọn ji. Davidi sọ do omẹ hlan bo dọhó gbọn Abigaili tọn dali, nado yí i wá e de hlan asi. ⁴⁰Whenuena yè hẹn mẹmẹsi Davidi tọn lẹ wá Abigaili de to Kalmẹli, yé dọhó hlan ẹn, dọmọ, Davidi do mí hlan we, nado yí we wá e de hlan asi. ⁴¹Ewọ sọ tite, bo dẹ́ ede po nukunmẹ etọn po hlan aigba, bo dọmọ, Dayi e go, devi de wẹ deviyọnnu towe nado klọ́ afọ devi klunọ ṣie tọn lẹ tọn. ⁴²Abigaili sọ yawu, bo tite, bo hẹ́ kẹtẹkẹtẹ de ji, po awhlivu atọ́n po sọn etọn lẹ mẹ he to hihodo e; é sọ to yìyì to mẹdagun Davidi tọn lẹ godo, bo lẹzùn asi etọn. ⁴³Davidi sọ yí Ahinoami Jẹzleẹli tọn ga; yé omẹ awelẹ sọ lẹzùn asi etọn. ⁴⁴Dinvie Sauli ko yí Mikali viyọnnu etọn, asi Davidi tọn na Palti visunnu Laisi tọn, he tin sọn Galimi.

¹ZIFINU lẹ sọ wá Sauli de to Gibea, dọmọ, Bé Davidi ma whlá ede do okọta Hakila tọn mẹ, ehe tin to zùnkàn nukọn? ²Whenẹnu wẹ Sauli tite, bo jẹte yì zúngbo Zifi tọn mẹ, tintindo omẹ ṣinṣinyan fọtọ́n atón sọn Islaeli mẹ po e po, nado din Davidi to zùngbo Zifi tọn mẹ. ³Sauli sọ whèsla do okọta Hakila tọn ji, ehe tin to zùnkàn nukọn to aliho ji Ṣigba Davidi tin to zùngbo mẹ, ewọ sọ mọ dọ Sauli domọna ẹn wá biọ zùngbo mẹ. ⁴Enẹwutu Davidi do amé lẹ hlan gbonu, bo sọ tùnwun dọ yè hẹn Sauli wá sọn nugbo de mẹ. ⁵Davidi sọ tite bo wá ofi he Sauli whèsla do, Davidi sọ dayi ofi he Sauli mlọn go; po Abneli visunnu Neli tọn po, awhàngán awhànpa etọn tọn; Sauli sọ mlọnai to ṣẹnṣẹn otẹn agbànkẹkẹ lẹ tọn mẹ, gbẹtọ lẹ sọ whèsla lédo e pé. ⁶Whenẹnu wẹ Davidi gblọnna bo dọ hlan Ahimelẹki Hitinu, podọ hlan Abisai visunnu Zeluia tọn, nọvisunnu hlan Joabi, dọmọ, Mẹnu wẹ na jẹte yi Sauli de to osla mẹ hẹ mi? Abisai sọ dọmọ, Yẹn na jẹte yì hẹ we. ⁷Mowẹ Davidi po Abiṣai po wá gbẹtọ lẹ de to ozánmẹ: bo dayi e go, Sauli mlọnai to amlọndọ to ṣẹnṣẹn agbànkẹkẹ lẹ tọn, po owhán etọn po whète to aigba to ota ligbé etọn: Abneli po gbẹtọ lẹ po sọ mlọnai lẹ́do e pé. ⁸Whenẹnu wẹ Abisai dọ hlan Davidi dọ, Jiwheyẹwhe ko jó kẹ̀ntọ towe do alọ towe mẹ to egbé; enẹwutu dinvie yẹn vẹ́ we, gbọ yẹn ni yí owhán do hò e liai sisó dopo, yẹn ma to na sọ́ ẹ whla awetọ gba. ⁹Davidi sọ dọ hlan Abisai dọ, A và ẹ blo: na mẹnu wẹ sọgan dè alọ etọn jẹgbonu do mẹyíamisisádodè OKLUNỌ tọn ji, bo yín matinwhẹ́yinylan? ¹⁰Davidi sọ dọmọ, Le OKLUNỌ to ogbẹ́, OKLUNỌ na hò e; kavi azán etọn na wá nado kú; kavi é na jẹte yì biọ awhànfuntẹn, bo dọ̀n. ¹¹OKLUNỌ dike blo dọ yẹn na do dé alọ ṣie jẹgbonu do mẹyíamisisádodè OKLUNỌ tọn ji: ṣigba dinvie, yẹn vẹ́ we, yi owhán he tin to ota ligbé etọn, po ogò osìn tọn po, bo gbọ mí ni yì. ¹²Mọwẹ Davidi yí owhán po ogò osìn tọn po sọn ota Sauli tọn; yé sọ tón yì, omẹ de ma sọ mọ ẹn, kavi yón ẹn, mọ mẹde ma sọ fọ́n: na yé omẹ popo tin to amlọn mẹ; na yè hẹn amlọn sisosiso de sọn OKLUNỌ de flẹ́ jẹ yé ji wutu. ¹³Whenẹnu wẹ Davidi gbọn aga yì adà awetọ ji, bo ṣite to adàdà osé tọn ji to aganu; otẹn daho de tin to yé ṣẹnṣẹn: ¹⁴Davidi sọ jlẹgbè hlan gbẹtọ lẹ, podọ hlan Abneli visunnu Neli tọn, dọmọ, Abneli, hiẹ ma gblọnhó? Whenẹnu Abneli gblọnhó bo dọmọ, Mẹnu wẹ hiẹ he to gbẹ̀jlẹ hlan ahọlu? ¹⁵Davidi sọ dọ hlan Abneli dọmọ, Bé omẹ tudotọ de ma we hiẹ yín? mẹnu wẹ tin jijlẹ do ogo we to Islaeli mẹ? whenẹnu etẹwutu hiẹ ma hózán to ahọlu klunọ towe ji? na omẹ de sọn gbẹtọ lẹ mẹ wá whégbe nado và ahọlu klunọ towe. ¹⁶Onú hiẹ wà he ma yín dagbe gba. Le OKLUNỌ to ogbè, mìwlẹ tin jẹ nado kú, na mì ma hózán to klunọ mìtọn ji wutu, mẹyíamisisádodè OKLUNỌ tọn. Podọ dinvie, pọ́n, fie owhán ahọlu tọn te, po ogò osìn tọn po he tin to ota ligbé etọn. ¹⁷Sauli sọ yọ́n ogbè Davidi tọn, bo dọmọ, Visunnu ṣie Davidi, ogbè towe wẹ ehe? Davidi sọ dọmọ, Klunọ ṣie, ahọlu, ogbè ṣie wẹ. ¹⁸Ewọ dọmọ, Etẹwutu wẹ klunọ ṣie to mọyanna mẹmẹsi etọn? etẹwẹ yẹn ko wà? kavi oylan tẹwẹ tin to alọ ṣie mẹ? ¹⁹Enẹwutu dinvie, yẹn vẹ́ we, gbọ kluno ṣie ahọlu ni sè ohó mẹmẹsi etọn tọn. Eyín é yín OKLUNỌ wẹ ko fọ́nadan we do oji e, gbọ é ni kẹalọyi avọ́ nunina de: ṣigba eyín é yín ovi gbẹtọ lẹ tọn lẹ we, dẹ̀hodonọ yé yín to OKLUNỌ nukọn; na yé ko yàn mi jegbonu to egbé bọ yẹn ma na do sẹbọdo ogú OKLUNỌ tọn go, dọmọ, Yì, sèn yẹwhe devo lẹ. ²⁰Enẹwutu dinvie, a dike ohùn ṣie kùn do aigba yì sọn nukun OKLUNỌ ṣie ton mẹ blo: na yè hẹn ahọlu Islaeli tọn jẹgbonu wá nado din jẹhli de, di whenuena omẹ de to gbéyanna asọkle de to osé lẹ ji. ²¹Whenẹnu wẹ Sauli dọmọ, Yẹn ko wàylando: gọ, visunnu ṣie Davidi: na yẹn ma to na gbleawuna we ba gba, na ogbẹ̀ ṣie yín nuhọakuẹ to nukun towe lẹ mẹ to egbé wutu: dayi e go, yẹn ko zán gúgú, bo ko sọ buali talala. ²²Davidi sọ gblọn, bo dọmọ, Ahọlu, pọ́n owhán lọ! enẹwutu gbọ dopo sọn yọ̀pọ sunnu lẹ mẹ ni wá aga bo wá yí i. ²³OKLUNỌ na na hlan omẹ dopodopo dódó etọn po nugbo etọn po: sọle OKLUNỌ JO we do alọ ṣie mẹ tò egbé, bọ yẹn ma jlo na dè alọ ṣie jẹgbonu do mẹyíamisisádodè OKLUNỌ tọn ji. ²⁴Bo dayi e go, le yè zé ogbẹ̀ towe do sùsọ to nukun ṣie lẹ mẹ to egbé do, mọwẹ a ni gbọ yè ni zé ogbẹ́ ṣie do sùsọ to nukun OKLUNỌ tọn lẹ mẹ, bo gbọ é ni whlẹn mi sọn nukunbibia lẹpo mẹ. ²⁵Whenẹnu wẹ Sauli dọ hlan Davidi dọ, Visunnu ṣie, Davidi, donanọ hiẹ yín: hiẹ na yí hlọnhlọn do wà, bo na gbawhàn nugbonugbo. Mowẹ Davidi yí ali etọn, Sauli sọ gọ̀ do otẹn etọn mẹ.

¹DAVIDI sọ dọ to ayiha etọn mẹ dọ, Yẹn na dòn dinvie to gbèdopo gbọn alọ Sauli tọn mẹ: núde ma tin pónte na mi hú dọ yẹn na do hòngán biọ aigba Filistini lẹ tọn mẹ; Sauli na sọ dèji sọn dẽ, ma nado din to agbó Islaeli tọn lẹpo ji ba: mọwẹ yẹn na hòngán sọn alọ etọn mẹ. ²Davidi sọ tite, bo jugbọn gododọ̃n, ewọ po omẹ nuọntọ̀n he tin to e de lẹ po, jẹ Akisi visunnu Maoki tọn de, ahọlu Gati tọn. ³Davidi sọ tin to Akisi de to Gati, ewọ po omẹ etọn lẹ po, omẹ dopodopo po whégbètọ etọn po, yèdọ Davidi po asi etọn awe lẹ po, Ahinoami Jẹzleẹlinu-yọnnu, po Abigaili Kalmẹlinu-yọnnu po, asi Nabali tọn. ⁴Yè sọ dọ na Sauli dọ yè hẹn Davidi họ̀nyì Gati: ewọ ma sọ din in na mọ ba gba.

⁵Davidi sọ dọ hlan Akisi dọ, Eyín dinvie yẹn ko mọ nukundagbe to nukun towe lẹ mẹ, bo gbọ yé ni na otẹn de mi to tòdaho lẹ de mẹ to agbègbè ji, na yẹn nido nọnọ̀ finẹ: na etẹwutu mẹmẹsi towe na dó tòdaho whànpẹnọ mẹ hẹ we? ⁶Whenẹnu wẹ Akisi na ẹn Ziklagi to azán nẹ gbè: enẹwutu wẹ Ziklagi yín ahọlu Juda tọn lẹ tọn jẹ egbé.

⁷Osọha azán lẹ tọn he Davidi do nọ̀ agbègbè Filistini lẹ tọn ji yín owhè gìgọ́ dopo po osùn ẹnẹ po. ⁸Davidi po omẹ etọn lẹ po sọ yì aga, bo basi aligbò de na Gẹsulinu lẹ, po Gilzinu lẹ po, po Amalẹkinu lẹ po: na akọta nẹlẹ wẹ tòmẹnu aigba lọ tọn lẹ, he tin sọn hóhó, le hiẹ jei Ṣuli, yèdọ hlan aigba Egipti tọn dali. ⁹Davidi sọ hò aigba lọ, ma whlẹn sunnu kavi yọnnu do ogbẹ́, bo bé lẹngbọ lẹ yì, po oyin lẹ po, po kẹtẹkẹtẹ lẹ po, po kanklosọpóawenọ lẹ po, po avọ̀ lẹ po; ewọ sọ lẹ́gó, bo wá Akisi de. ¹⁰Akisi sọ dọmọ, Fie míwlẹ basi aligbò de te to egbé? Davidi sọ dọmọ, Do hùwaji Juda tọn ji, podọ do hùwaji Jelamẹelinu lẹ tọn ji, podọ do hùwaji Keninu lẹ tọn ji. ¹¹Davidi masọ whlẹn sunnu kavi yọnnu de do ogbé, nado hẹn yé wá Gati gba, dọmọ, Yé nikã dèdòna mí, dọmọ, Mọ wẹ Davidi wà do, podọ mọwẹ wàlọ etọn ko yín to ojlẹ he mẹ ewọ ko tin to agbègbè Filistini lẹ tọn ji. ¹²Akisi sọ yí Davidi sè, dọmọ, Ewọ ko hẹn Islaeli omẹ etọn lẹ patapata nado gbẹwan nẹ̃; enẹwutu ewọ na yín mẹmẹsi ṣie kaka doi.

¹E sọ wá jọ to azán nẹlẹ mẹ, wẹ Filistini lẹ bé awhànpa yetọn lẹ plidopọ na awhànvipẹzọ́n, nado họavùn hẹ Islaeli. Akisi sọ dọ hlan Davidi dọ, Hiẹ ni yọnẹn nugbonugbo, dọ hiẹ na tón hẹ mi yì to awhànpa lọ mẹ, hiẹ po omẹ towe lẹ po. ²Davidi sọ dọ hlan Akisi dọmọ, Enẹwutu hiẹ na yón núhe mẹmẹsi towe na wà. Akisi sọ dọ hlan Davidi dọmọ, Enẹwutu wẹ yẹn na hẹn we basi nugopọ́ntọ ota ṣie tọn kaka doi.

³Samuẹli ko yín osiọ dinvie, Islaeli lẹpo ko sọ ví i, bo di i do Lama, yèdọ do tòdaho etọn titi me. Sauli ko sọ dè enẹlẹ he tindo gbigbọ kẹninsi tọn lẹ, po azetósunnu lẹ po jẹgbonu sọn aigba lọ ji. ⁴Filistini lẹ sọ bẹ́ yéde plidopọ, bo wá bo whèsla do Ṣunẹmi mẹ: Sauli sọ bẹ́ Islaeli lẹpo plidopọ, yé sọ whèsla do Gilboa mẹ. ⁵Whenuena Sauli mọ awhànpa Filistini lẹ tọn, ewọ yín avọ̀satọ, ayiha etọn sọ to sisọsisọ talala. ⁶Whenuena Sauli kanbiọ sọn OKLUNỌ de, OKLUNỌ ma gblọnhó nẹ̃ gba, gbọn odlọ lẹ dali, kavi gbọn Ulimi dali, kavi gbọn yẹwhegán lẹ dali. ⁷Whenẹnu wẹ Sauli dọ hlan devi etọn lẹ dọmọ, Mì din yọnnu de na mi he tindo gbigbọ kẹninsi de ton, na yẹn nido yì e de, bo kanbiọ sọn e de. Devi etọn lẹ sọ dọ hlan ẹn dọ, Dayi e go, nawe de tin he tindo gbigbọ kẹninsi tọn de to Ẹn-dọli. ⁸Sauli sọ diọunna ede, bo yí awu devo do, bo yì, ewọ po sunnusi awe po po e po, yé sọ wá nawe lọ de to zánmẹ: ewọ sọ dọmọ, Yẹn vé we, kànnú hlan dẽ gbọn gbigbọ kẹnsi tọn dali, bo hẹn wá aga na mi mẹdepope yẹn na ylọyín hlan we. ⁹Nawe lọ sọ dọ hlan ẹn dọmọ, Dayi e go, hiẹ yón núhe Sauli ko wà, le ewọ ko sán enẹlẹ he tindo gbigbọ kẹnnsi lẹ do, po azetọ-sunnu lẹ po sé sọn aigba lọ ji do: enẹwutu etẹwutu hiẹ do omó de na ogbẹ́ ṣie, nado basi mi nado kú? ¹⁰Sauli sọ whle hlan ẹn gbọn OKLUNỌ dali, dọmọ, Le OKLUNỌ to ogbẹ́, yàdonamẹ de ma to na jọ do ogo we na onú he gba. ¹¹Whenẹnu wẹ nawe lọ dọmọ, Mẹnu wẹ yẹn na hẹn wá aga hlan we? Ewọ sọ dọmọ, Hẹn Samuẹli wá aga na mi, ¹²Whenuena nawe lọ mọ Samuẹli, é yí ogbè gángán do dawhá: nawe lọ sọ dọhó hlan Sauli, dọmọ, Etẹwutu wẹ hiẹ klọ mi? na Sauli wẹ hiẹ. ¹³Ahọlu sọ dọ hlan ẹn dọ, A yín avọ̀satọ blo: na etó hiẹ mọ? Nawe lọ sọ dọ hlan Sauli dọ, Yẹn mọ yẹwhe de ja aga sọn aigba mẹ. ¹⁴Ewọ sọ dọ hlan ẹn dọ, Ojlẹmọ tẹ́ tọn wẹ ewọ? é sọ dọmọ, Dawe yónhonọ de wá aga; yè sọ yi otewu de ṣinyọn ẹn. Sauli sọ yọnẹn dọ Samuẹli wẹ, é sọ dẹ́ po nukunmẹ etọn po hlan aigba, bo kànwhébiọ. ¹⁵Samuẹli sọ dọ hlan Sauli dọ, Etẹwutu hiẹ to magbọjẹdona mi, nado hẹn mi wá aga? Sauli sọ gblọn dọ, Yè hẹn nukunbia mi susu; na Filistini lẹ to awhàn basi to oji e, Yè sọ hẹn Jiwheyẹwhe yì sọn dẽ, bo ma sọ to hógblọnna mi ba, gbọn Yẹwhegán lẹ dali, kavi gbọn odlọ lẹ dali: enẹwutu wẹ yẹn ko do ylọ we, na hiẹ nido hẹn zùn yinyọnẹn hlan mi núhe yẹn na wà. ¹⁶Samuẹli sọ dọmọ, Whenẹnu etẹwutu hiẹ kanbiọ sọn dẽ, mimọ dọ OKLUNỌ ko yì sọn de we, bọ yè hẹn lẹzùn mẹglatọ towe? ¹⁷OKLUNỌ ko sọ basi na ede dile é dọhó gbọn dali ṣie do: OKLUNỌ ko sọ fẹ́n ahọludu lọ sọn alọ towe mẹ, bo na ẹn hlan kómẹnu towe, yèdọ hlan Davidi. ¹⁸Na hiẹ ma sètónuna ogbè OKLUNỌ tọn wutu, bo ma hẹn homẹgble miyọnawu etọn sẹ to Amalẹki ji gba, enẹwutu wẹ OKLUNỌ do wà onú he do ogo we to egbé. ¹⁹Humọ OKLUNỌ na jó Islaeli ga po hiẹ po do alọ Filistini lẹ tọn mẹ: to osò hiẹ po visunnu towe lẹ po na tin to dẽ: OKLUNỌ na jó awhànpa Islaeli tọn ga do alọ Filistini lẹ tọn mẹ. ²⁰Whenẹnu wẹ Sauli zònzú jai jẹ aigba, bo sọ yín avọ̀satọ susu, na ohó Samuẹli tọn lẹ wutu: huhlọn de ma sọ tin to e homẹ; na é ma ko dù akla de to okle lẹpo gba, kavi to ozán lẹpo mẹ. ²¹Nawe lọ sọ wá Sauli de, bo mọ dọ yè hẹn ẹn jẹtukla talala, bo sọ dọ hlan en dọ, Dayi e go, deviyọnnu towe ko tuntóai hlan ogbè towe, yẹn ko sọ yí ogbẹ̀ ṣie do alọ tọwe ṣie mẹ, bo ko tuntóai hlan ohó towe lẹ he hiẹ dọ hlan mi. ²²Enẹwutu dinvie, yẹn vè we, hiẹ ni sọ tuntóai ga hlan ogbè deviyọnnu towe tọn, bo gbọ yẹn ni zé nùdo akla tọn de do nukọn towe; bo dù, na hiẹ nido tindo huhlọn, whenuena hiẹ to yìyì to aliho towe ji. ²³Ṣigba ewọ gbè, bo dọmọ, Yẹn ma to na dùnú gba. Ṣigba devi etọn lẹ, kòndopọ hẹ nawe lọ, hẹn ẹnsèvè; ewọ sọ tuntóai hlan ogbè yetọn. Mowẹ é tite sọn aigba, bo sinai to adọzàn ji. ²⁴Nawe lọ sọ tindo yìnvú ojonọ de to owhé gbè; ewọ sọ yawu, bo hù i; é sọ yí olìnfin, bo hò e, bo hì akla madotón etọn: ²⁵E sọ hẹn ẹn wá Sauli nukọn, po devi etọn lẹ po nukọn; Yé sọ dù. Whenẹnu wẹ yé tite, bo yì to ozán nẹ mẹ.

¹DINVIE Filistini lẹ bẹ́ awhànpa yetọn lẹpo plidopọ do Afẹki: Islaelinu lẹ sọ whèsla do asisanù dali he tin to Jezleẹli mẹ. ²Klunọ Filistini tọn lẹ sọ juyì kanweko-kanweko lẹ, po fọtón-fọtón lẹ po: Davidi po omẹ etọn lẹ po sọ juyì gbọngodo po Akisi po. ³Whenẹnu wẹ ahọvi Filistini tọn lẹ dọmọ, Etẹ́ Heblu helẹ to wiwà to ofi? Aklẹi sọ dọ hlan ahọvi Filistini tọn lẹ dọmọ, Ehe ma wẹ Davidi, mẹmẹsi Sauli ahọlu Islaeli tọn tọn, he ko tin to dẽ azán helẹ mẹ kavi owhè helẹ mẹ, yẹn ma sọ mọ nuwàyìndo de to e mẹ sọnwhenu é ko họ̀nwá dẽ jẹ egbé? ⁴Ṣigba ahọvi Filistini tọn lẹ yín homẹgbletọ to ewọ de; ahọvi Filisti ni tọn lẹ sọ dọ hlan ẹn dọ, Hẹn dawe lọ lẹ́gọ̀, na é nido gọ̀ do otẹn etọn mẹ fie hiẹ ko dè nẹ, a dike é jẹtẹ yì awhànfuntẹn po mí po blo, ewọ to awhànfuntẹn nikã lẹzùn mẹglatọ de hlan mí: na etẹ́ wẹ hatọ he na yí do gbọwhèna ede hlan klunọ etọn? bọ é ma na do yín po ota omẹ helẹ tọn lẹ po? ⁵Ehe ma wẹ Davidi, mẹhe tọn yé toh ànji ode hlan awetọ to owè lẹ mẹ, dọmọ, Saul ko hù fọtọ́n etọn lẹ, Podọ Davidi fọtọ́n ao etọn lẹ?

⁶Whenẹnu wẹ Akisi ylọ Davidi, bo dọ hlan ẹn dọ, Le OKLUNỌ to ogbẹ̀, hiẹ ko yín mẹnọtegli, tintón jẹgbonu towe podọ whégbe bibiọ towe po yẹn po to awhànpa mẹ yín dagbe to nukun ṣie mẹ: na yẹn ma mọ oylan to hiẹ mẹ sọnwhenu azán wiwá dẽ towe tọn jẹ egbé gba; ṣogàn klunọ lẹ ma tindo nukundagbe do ogo we gba. ⁷Enẹtọnwutu dinvie, lẹ́gọ̀, bo yì jijọho mẹ, na hiẹ ma na do nọma hẹnhomẹhùn klunọ Filistini tọn lẹ gba. ⁸Davidi sọ dọ hlan Akisi dọ, Ṣigba eté yẹn wà? onú tẹwẹ hiẹ mọ to mẹmẹsi towe mẹ le yẹn ko tin to nukọn towe dẹ̀n sọ jẹ egbé he, bọ yẹn ma na do yì bo hòavùn hẹ kẹ̀ntọ ahọlu klunọ ṣie tọn lẹ? ⁹Akisi sọ gblọn bo dọ hlan Davidi dọ, Yẹn yọnẹn dọ hiẹ yín mẹdagbe to nukun ṣie mẹ di angẹli Jiwheyẹwhe tọn de; sogán ahọvi Filistini tọn lẹ ko dọmọ Ewọ ma na hẹji yì awhànfuntẹn lọ po mí po gba. ¹⁰Enẹtọnwutu dinvie yawu tite to afọnnu po mẹmẹsi klunọ towe tọn lẹ po he yè hẹn wá de we: plaun le míwlẹ yawu tite do to afọnnu, bo tindo hìnhọ́n, tọnyì. ¹¹Mowẹ Davidi yawu tite, ewọ po omẹ etọn lẹ po, nado tónyì to afọnnu, nado lẹ́gọ̀ do aigba Filistini lẹ tọn ji. Filistini lẹ sọ hẹji yì Jẹzleẹli.

¹E sọ wá jọ, whenuena yè hẹn Davidi po omẹ etọn lọ po wá Ziklagi to azán atọ̀ntọ gbè, bo Amalekinu lọ ko basi aligbò de to hùwaji ji, podọ to Ziklagi ji, bo ko hò Ziklagi, bo ko yí miyọn do mẹ́ ẹn; ²bo ko yí yọnnu lẹ do yí mẹmẹglọ po onú he tin to e mẹ lẹpo po, pẹvi po daho po: yé ma hù depope gba, ṣigba bẹ́ yé yì, bo yí aliho yetọn yì. ³Whenuena Davidi po omẹ etọn lẹ po wá tòdaho lọ mẹ, dayi e go, yè ko yí miyọn do mẹ́ ẹn; asi yetọn lẹ, po visunnu yetọn lẹ pò, po viyọnnu yetọn lẹ po, yè ko do yí mẹmẹglọ lẹ. ⁴Whenẹnu wẹ Davidi po gbẹtọ he tin to e de lẹ po zé ogbè yetọn daga, bo viavi, kaka yé ma sọ do tindo huhlọn de nado viavi ba. ⁵Asi Davidi tọn awe lẹ yè do yí mẹmẹglọ, Ahinoami Jẹzleẹlinuyọnnu, po Abigaili asi Nabali Kalmẹlinu tọn po. ⁶Yè sọ hẹnnukunbia Davidi talala; na gbẹtọ lẹ dọhó zannudindlan ẹntọn, na alindọn gbẹtọ lẹpo tọn wẹ yè hẹn adido wutu, omẹ dopodopo na visunnu etọn lẹ podọ na viyọnnu etọn lẹ: ṣigba Davidi nahuhlọn ede to OKLUNỌ Jiwheyẹwhe etọn mẹ.

⁷Davidi sọ dọ hlan Abiatali yẹwhenọ visunnu Ahimelẹki tọn dọ, Yẹn vẹ́ we, hẹn ẹfọdi lọ wá dẽ file. Abiatali sọ hẹn ẹfọdi lọ wá Davidi de to finẹ. ⁸Davidi sọ kanbiọ sọn OKLUNỌ de, dọmọ, Eyín yẹn domọna to awhàn he godo, yẹn na pla yé? Ewọ sọ gblọn nẹ̃ dọ, Domọna; na hiẹ na pla yé nugbonugbo, bo na sọ hẹn popo gò matin mawà. ⁹Mowẹ Davidi yì, po omẹ nuọntọ̀n he tin to e de lẹ po, bo wá jẹ tòpẹsẹ Besoli kòn, fie omẹ he yè jódai to godo lẹ nọte te. ¹⁰Ṣigba Davidi to mọdona, ewọ po omẹ fowe po: na fọde nọte to godo, he to pakú sọmọ bọ yé ma sọgan yì tọ̀pẹsẹ Besoli gododọ̃n gba: ¹¹Yé sọ mọ Egiptinu de to danji, bo hẹn en wá Davidi de, bo na akla ẹ, ewọ sọ dù; yé sọ na osìn in nado nù: ¹²Yé sọ na ẹn akla hihi kanpò votin lẹ tọn de, po ohín awe vẹ̃nsínsén húhú tọn lẹ po: whenuena ewọ dù, gbigbọ etọn vọ́ gò do e de: na ewọ ma ko dù akla de, kavi nù osìn depope, họ́ okle atọ̀n po ozán atònpo. ¹³Davidi sọ dọ hlan ẹn dọ, Mẹnu tọn wẹ hiẹ? podọ fie hiẹ tin sọn? Ewọ sọ dọmọ, Yọpọ sunnu Egipti tọn wẹ yẹn, devi hlan Amalẹkinu de; mẹmẹnu ṣie sọ jó mi dai, na azán atón dogodo yẹn jẹazón mlọnai wutu. ¹⁴Míwlẹ basi aligbò de to hùwaji, Kẹlẹtinu lẹ tọn ji, podọ to enẹ he yín Juda tọn ji, podọ to hùwaji Kalẹbi tọn ji; mí sọ yí miyọn do mẹ́ Ziklagi. ¹⁵Davidi sọ dọ hlan ẹn dọ. Hiẹ na hẹn mi jẹte yì awhàn he de? Ewọ sọ dọmọ, Whle hlan mi gbọn Jiwheyẹwhe dali, dọ hiẹ ma to na hù mi, kavi jó mi do alọ mẹmẹnu ṣie lẹ tọn lẹ mẹ gba, yẹn na sọ hẹn we jẹte yì awhàn he de. ¹⁶Whenuena é ko hẹn ẹn jẹte wá, dayi e go, yè tẹ́ yé pé vó pó aigba lẹpo ji, bo to dùdù bo nùnu, bo hùnwhẹwà, na ogblannu susu lẹpo he yé ko yí sọn aigba Filistini lẹ tọn ji wutu, podọ sọn aigba Juda tọn ji. ¹⁷Davidi sọ hò yé sọn fliflimẹ yèdọ jẹ whèjai azán awetọ tọn gbè: omẹ dopo sọn yé mẹ ma hòngán, adavo yọ̀pọ sunnu fowe lẹ, he hó kanklosọpóawenọ ji bo họ̀nyì lẹ. ¹⁸Davidi sọ hẹn popo gò he Amalẹkinu lẹ yí: Davidi sọ whlen asi etọn awe lẹ. ¹⁹Núde ma sọ whèdo yé, pẹvi kavi daho, visunnu lẹ kavi viyọnnu lẹ, ogblannu lẹ, kavi onú he yé ko yí hlan yé lẹ; Davidi hẹn popo gò. ²⁰Davidi sọ yí lẹngbọ lẹpo po oyín lẹ po, he yé dèdo kanlinpa devo lẹ nukọn, bo dọmọ, Ehe wẹ ogblannu Davidi tọn. ²¹Davidi sọ wá omẹ fọde lẹ de, he kúpẹ sọmọ bọ yé ma do sọgan hodo Davidi, mẹhe ga yé ko basi nado nọ̀ tọ̀pẹsẹ Besoli dali: yé sọ tón jẹgbonu nado pé Davidi, podọ nado pé gbẹtọ he tin to e de lẹ: whenuena Davidi sẹpọ́ wá gbẹtọ lẹ de, é dọnudo yé. ²²Whenẹnu wẹ omẹ ylankan lẹpo po omẹ Beliali tọn lẹ po, sọn enẹlẹ mẹ he yì hẹ Davidi, gblọn, bo dọmọ, Na yé ma yì hẹ mí wutu, mí ma to na na núde yé sọn ogblannu he mí hẹngọ̀ mẹ gba, adavo hlan sunnu dopodopo asi etọn po ovi etọn lẹ po, na yé nido dè yé do nukọn, bo fọ́nyì. ²³Whenẹnu wẹ Davidi dọmọ, Mẹmẹsunnu ṣie emi, míwlẹ ma na yí enẹ he OKLUNỌ na hlan mì do wà mọ gba, mẹhe whla mí, bo sọ jó awhàn he wá mí ji do alọ mìtọn mẹ. ²⁴Mẹnu wẹ na tuntóai hlan mì to whẹ́hó he mẹ? na le mimá etọn te he jẹte yì awhànfuntẹn, mọwẹ mimá etọn na yín he nọte to agbàn kòn: zẹ̃nzẹ̃n yé na má do. ²⁵E sọ yín mọ sọn azán nẹ gbè jeijei, wẹ é yí i do basi aṣẹdai de po ogbèdai de po na Islaeli jẹ egbé.

²⁶Whenuena Davidi wá Ziklagi, é dohlan sọn ogblannu lọ mẹ hlan mẹho Juda tọn lẹ, yèdọ hlan họ́ntọn etọn lẹ, dọmọ, Dayi nunina de go na mì sọn ogblannu kẹ̀ntọ OKLUNỌ tọn lẹ tọn mẹ; ²⁷Hlan yé he tin to Bẹteli mẹ lẹ, podọ hlan yé he tin to Lamọti hùwaji tọn mẹ lẹ, podọ hlan yé he tin to Jatili mẹ lẹ; ²⁸Podọ hlan yé he tin to Aloeli mẹ lẹ, podọ hlan yé he tin to Sifìmoti mẹ lẹ, podọ hlan yé he tin to Esitemoa mẹ lẹ; ²⁹Podọ hlan yé he tin to Lakali mẹ lẹ, podọ hlan yé he tin to tòdaho Jelamẹelinu lẹ tọn lẹ mẹ lẹ, podọ hlan yé he tin to tòdaho Keninu lẹ tọn lẹ mẹ lẹ; ³⁰podọ hlan yé he tin to Họlma mẹ lẹ, podọ hlan yé he tin to Kọli-asani mẹ lẹ, podọ hlan yé he tin to Ataki mẹ lẹ; ³¹Podọ hlan yé he tin to Heblọni mẹ lẹ, podọ hlan ofi lẹpo fie Davidi lọsu po omẹ etọn lẹ po kúkàn nado nọ hòsasa te.

¹DINVIE Filistini lẹ to avùnhò hẹ Islaeli: omẹ Islaeli tọn lẹ sọ họ̀nyì sọn Filistini lẹ nukọn, bo jai alántọ́siọ to osé Gilboa ji. ²Filistini lẹ sọ to Sauli yàn badabada, po visunnu etọn lẹ po; Filistini lẹ sọ hù Jonatani, po Abinadabi po, po Malkisua po, visunnu Sauli tọn lẹ. ³Awhàn lọ sọ yì sinyẹnsinyẹn talala do Sauli ji, ogásẹ́tọ lẹ sọ pla ẹ; yè sọ hẹn nukunbia ẹ talala gbọn ogásẹ́tọ lẹ tọn dali. ⁴Whenẹnu wẹ é dọ hlan awhàngbajahẹntọ etọn dọ, Dọ̀n ohi tòwe sún, bo yí do sọ́ mi luntọ́n; magbowhẹ́nọ helẹ nikã wá bo sónú mi luntọ́n, bo vlẹ mi Ṣigba awhàngbajahẹntọ etọn ma jlo gba; na ewọ yín avọ̀satọ talala. Enẹwutu Sauli yí ohi etọn, bo dẹ́ jẹ e ji. ⁵Whenuena awhàngbajahẹntọ etọn mọ dọ Sauli yín oṣiọ, ewọ mọga dọ́ jẹ ohi etọn ji, bo kú po e po. ⁶Mọwẹ Sauli kú, po visunnu etọn atọ̀n lẹ po, po awhàngbajahẹntọ etọn po, po omẹ etọn lẹpo po, to azán doponẹ gbè dopọji. ⁷Whenuena omẹ Islaeli tọn lẹ he tin to awà awetọ agbadò tọn ji, po yé he tin to Jọdani gododọ̃n lẹ po, mọ dọ omẹ Islaeli tọn lẹ họ̀nyì, podọ Sauli po visunnu etọn lẹ po yín oṣiọ, yé gbẹ́tòdaho lẹ dai, bo họ̀nyì; Filistini lẹ sọ wá bo nọnọ̀ yé mẹ.

⁸E sọ wá jọ to aihọ́ngbe, whenuena Filistini lẹ wá nado klọnnú sọn alántọsiọ lẹ go, wẹ yé mọ Sauli po visunnu etọn atọ̀n lẹ po jai do osé Gilboa ji. ⁹Yé sọ sán ota etọn sẹ́, bo klọn awhàngbaja etọn sẹ̀, bo do omẹ hlan aigba Filistini lẹ tọn ji lẹ́do, nado hẹn owẹ̀n lẹ yì ohọ̀ boṣiọ yetọn lẹ tọn mẹ, podọ yì gbẹtọ lẹ de. ¹⁰Yé sọ yí awhàngbaja etọn do ohọ̀ Asitalọti tọn mẹ: yé sọ whè gotolio etọn do adó Bẹti-sani tọn go ¹¹Whenuena tòmẹnu Jabẹsi-gileadi tọn lẹ sè gbọn ewọ tọn dali enẹ he Filistini lẹ ko wà hlan Sauli, ¹²Omẹ tudotọ lẹpo tite, bo yì to ozán mẹ, bo yí gotolio Sauli tọn po gotolio visunnu etọn lẹ tọn lẹ po sọn adó Bẹti-sani tọn go; yé sọ wá Jabẹṣi, bo mẹ́ yé to finẹ. ¹³Yé sọ bẹ́ ohú yetọn lẹ, bo di yé do atin tamaliski sá to Jabẹṣi mẹ, bo blanù azán ṣinawe.