1 Ahọlu Lẹ

¹DINVIE Davidi ahọvi ko yín mẹho bo sọ sù to owhè lẹ mẹ; yé sọ yí avọ̀ lẹ ṣinyọn nẹ̃, ṣigba e ma tin yozo gba. ²Enẹwutu mẹmẹsi etọn lẹ dọ hlan ẹn dọmọ, Gbọ yè ni din awhli vú de na ahọlu klunọ ṣie: bo gbọ é ni ṣite to ahọlu nukọn, bo to kikẹ́ ẹ; bo sọ gbọ é ni mlọn akòn etọn nu, na ahọlu klunọ ṣie nido tin yozo. ³Mọwẹ yé din na yọnnuvu whànpẹnọ de lédo olẹnu Islaeli tọn lẹpo, bo mọ Abisagi Sunaminu lọ, bo hẹn ẹn wa ahọlu de. ⁴Yọnnuvu lọ sọ yín whànpẹnọ talala, ewọ sọ to ahọlu kẹ̃, bo to devizọ̀nwà hlan ẹn; ṣigba ahọlu ma yọ̀n ewọ gba. ⁵Whenẹnu wẹ Adonija visunnu Haggiti tọn zé ede daga, dọmọ, Yẹn na yín ahọlu: ewọ sọ wleawu nẹ̃ kẹkẹ lẹ po osọ́nọ lẹ po, po sunnusi kandeao po nado to wezundo to nukọn etọn. ⁶Otọ́ etọn mahẹnhomẹgble e to ojlẹ de mẹ to didọ mẹ gba dọmọ, Etẹwutu wẹ hiẹ to mọ wà? ewọ sọ yín gbẹtọ dagbe talala de ga; ewọ sọ yín mẹjiji to Absalọmi godo. ⁷E sọ lẹn hẹ Joabi visunnu Zeluia tọn podọ hẹ Abiatali yẹwhenọ: to hihodo Adonija mẹ ye to alọgọ nẹ̃. ⁸Ṣigba Zadọki yẹwhenọ, po Benaia visunnu Johọiada tọn po, po Natani yẹwhegán po, po Ṣimei po, po Lei po, po omẹ hlọnhlọnnọ he yín Davidi tọn lẹ po, ma tin to Adonija de gba. ⁹Adonija sọ hù lẹngbọ lẹ po oyín lẹ po po kanlinyìnyìn lẹ po to zannu Zohelẹti tọn dali, ehe tin to Ẹn-logeli wàji; é sọ ylọ mẹmẹsunnu etọn visunnu ahọlu tọn lẹ lẹpo, podọ omẹ Juda tọn mẹmẹsi ahọlu tọn lẹ lẹpo: ¹⁰Ṣigba Natani yẹwhegán, po Benaia po, po omẹ hlọnhlọnnọ lẹ po, po Sọlọmọni nọvisunnu etọn po, wẹ é ma ylọ gba ¹¹Whenẹnu wẹ Natani dọhó hlan Batiseba onọ Sọlọmọni tọn, dọmọ, Be hiẹ ma sè dọ Adonija visunnu Haggiti tọn dùahọlu, bọ Davidi klunọ mìtọn ma yọ̀n ẹn? ¹²Enẹwutu wá dinvie, yẹn vẹ̀ we, gbọ yẹn ni na hónamẹ we, na hiẹ nido whlẹn ogbẹ̀ towe lọsu, po ogbẹ̀ Sọlọmọni visunnu towe tọn po. ¹³Yì bo hẹn we biọ whégbe yì Davidi ahọlu de, bo dọ hlan ẹn dọmọ, klunọ È, ahọlu ṣie, be hiẹ ma ko whle hlan deviyọnnu towe, dọmọ, Magblemagble Sọlọmọni visunnu towe wẹ na dùahọlu to godo ṣie, podọ ewọ wẹ na sinai to ofìn ṣie ji? Whenẹnu etẹwutu ka wẹ Adonija to ahọludù? ¹⁴Dayi e go, whenuena hiẹ gbé to hódọ to finẹ po ahọlu po, yẹn ga na biọ whégbe wá to godo towe, bo hẹn ohó towe lẹ lódo. ¹⁵Bati-ṣeba sọ biọ whégbe yi ahọlu de to abò mẹ: ahọlu ko yin meho talala; Abisagi Sunaminu lọ sọ to devizònwà hlan ahọlu, ¹⁶Bati-seba sọ dé, bo kanwhẹbiọ hlan ahọlu. Ahọlu sọ dọmọ, Etẹ́ jlo wẹ hiẹ te? ¹⁷Ewọ sọ dọ hlan ẹn dọmọ, Klunọ ṣie, hiẹ whle gbọn OKLUNỌ Jiwheyẹwhe towe dali hlan deviyọnnu towe, dọmọ, Magblemagble Sọlọmọni visunnu towe na dùahọlu to godo ṣie, podọ ewọ wẹ na sìn ofìn ṣie ji. ¹⁸Dinvie; dayi e go, Adonija to ahọludù; bọ hiẹ, ahọlu klunọ ṣie, ma yọ́n ẹn gba: ¹⁹Ewọ ko sọ hù oyín lẹ po kanlinyìnyìn lẹ po po lẹngbọ lẹ po to gégé mẹ, bo ko sọ ylọ visunnu ahọlu tọn lẹpo, po Abiatali yẹwhenọ po, po Joabi awhàngan awhànpa lọ tọn po: ṣigba Sọlọmọni mẹmẹsi towe wẹ é ma ylọ gba. ²⁰Podọ hiẹ, ahọlu klunọ ṣie, nukun Islaeli lẹpo tọn lẹ tin to ogo we, dọ hiẹ ni dọ na yé mẹnu wẹ na sín ofìn ahọlu klunọ ṣie tọn ji to godo etọn. ²¹Vlavo é na wá jọ, whenuena ahọlu klunọ ṣie na damlọn po otò etọn lẹ po, wẹ yè na yí yẹn po visunnu ṣie Sọlọmọni po do hia ylanwàtọ lẹ. ²²Bo, pọ́n, le é to hódọ po aholu po, Natani yẹwhegán wá whégbe ²³Yé sọ dọ na ahọlu, dọmọ, Dayi e go, Natani yẹwhegán. Whenuena yè hẹn ẹn wá whégbe to ahọlu nukọn, é dẹ̀ ede to ahọlu nukọn po nukunmẹ etọn po hlan aigba. ²⁴Natani sọ dọmọ, ahọlu È, klunọ ṣie, be hiẹ ko dọmọ, Adonija wẹ na dùahoíú to godo ṣie, podọ ewọ wẹ na sín ofìn ṣie ji? ²⁵Na yè hẹn ẹn jẹte yì to egbé bo ko sọ hù oyín lẹ po kanlinyìnyìn lẹ po po lẹngbọ le po to gégé mẹ, bo ko sọ ylọ visunnu ahọlu tọn lẹ, po awhàngán awhànpa tọn lẹ po, po Abiatali yẹwhenọ po; bo, dayi e go, yé dù bo sọ nù to nukọn etọn, bo dọmọ, Jiwheyẹwhe ni whlẹn ahọlu Adonija. ²⁶Ṣigba yẹn, yèdọ yẹn mẹmẹsi towe, po Zadọki yẹwhenọ po, po Benaia visunnu Jehọiada tọn po, po mẹmẹsi towe Sọlọmọni po wé é ma ylọ. ²⁷Be onú he yín wiwà gbọn aholu klunọ ṣie dali, bọ hiẹ ma dohia hlan mẹmẹsi towe mẹhe do sín ofìn ahọlu klunọ ṣie tọn ji to godo etọn gba? ²⁸Whenẹnu we Davidi ahọlu gblọn bo dọmọ, Ylọ Bati-seba na mi. Ewọ sọ wá nukọn ahọlu tọn, bo ṣite to ahọlu nukọn. ²⁹Ahọlu sọ whle, bo dọmọ, Le OKLUNỌ to ogbẹ̀, mẹhe ko fli alindọn ṣie sọn mẹgigla lẹpo mẹ, ³⁰Nugbonugbo dile yẹn whle hlan we gbọn OKLUNỌ dali do, Jiwheyẹwhe Islaeli tọn, dọmọ, Magblemagble visunnu-towe Solọmọni na dùahọlu to godo ṣie, podọ ewọ na sín ofìn ṣie ji to otẹn ṣie mẹ; nugbonugbo mọwẹ yẹn na wà to egbé. ³¹Whenẹnu wẹ Bati-ṣeba dẹ́ po nukunmẹ etọn po hlan aigba, bo kanwhébiọ hlan ahọlu, bo dọmọ, Gbọ Davidi aholu klunọ síe ni tin kakadoi. ³²Davidi ahọlu sọ dọmọ, Ylọ Zadọki yẹwhenọ na mi, po Natani yẹwhegán po, po Benaia visunnu Jehọiada tọn po. Yé sọ wá ahọlu nukọn: ³³Ahọlu sọ dọ hlan yé dọmọ, Bé mẹmẹsi klunọ mìtọn tọn lẹ do mì de, bo hẹn visunnu ṣie Sọlọmọni nado hẹ́ otlosọ ṣie lọsu ji, bo hẹn en jẹte wá Gihọni: ³⁴Bo gbọ Zadọki yẹwhenọ po Natani yẹwhegán po ni samisisána ẹn to fine na ahọlu do Islaeli ji: mì ni sọ yí opẹ̀n lọ do kún, bo dọmọ, Jiwheyẹwhe ni whlẹn Sọlọmọni ahọlu. ³⁵Whenẹnu wẹ mì ni hẹji wá to godo nẹ, ewọ bo na sọ wá bo sín ofìn ṣie ji; na ewọ wẹ na yín ahọlu to otẹn ṣie mẹ: yẹn ko sọ dè e nadò yín ahọvi to Islaeli ji podọ to Juda ji. ³⁶Bẹnaia visunnu Jehọiada tọn sọ gblọnhona ahọlu, bo dọmọ, Niṣẹ: OKLUNỌ, Jiwheyẹwhe ahọlu klunọ ṣie tọn dọ mọ ga. ³⁷Le OKLUNỌ tin to ahọlu klunọ ṣie de do, yèdọ mọwe é ni tin to Sọlọmọni de do, bo hẹn ofìn etọn klo hú ofìn Davidi ahọlu klunọ ṣie tọn. ³⁸Mọwẹ Zadọki yẹwhenọ lọ, po Natani yẹwhegán lọ po, po Benaia visunnu Jehọiada tọn lọ po, po Kẹletinù lẹ po po Pẹlẹtinu lẹ po, sọ jẹte yì, bo hẹn Sọlọmọni nado hẹ́ otlosọ Davidi ahọlu tọn ji, bo sọ hẹn ẹn wá Gihọni. ³⁹Zadọki yẹwhenọ sọ zé azò amì lọ tọn sọn Gohọ̀ lọ mẹ, bo samisisána Sọlọmọni. Yé sọ kún opèn lọ; gbẹtọ lẹpo sọ dọmọ, Jiwheyẹwhe ni whlẹn Sọlọmọni ahọlu ⁴⁰Gbẹtọ lẹpo sọ hẹaga wá to godo nẹ̀, gbẹtọ lẹ sọ to kètè lẹ kún, bo yí homẹhùn daho do to ayajẹ, sọmọ bọ aigba sọn ogbè ye tọn mẹ tlẹn. ⁴¹Adonija po ojonọ he tin to e dé lepo po sè e le vé ko dotana dùdù tọn Whenuena Joabi sè ogbè opẹ̀n lọ tọn, é dọmọ, Etẹwutu wẹ hunhlungbè tòdaho tọn he do tin to zingidi de mẹ? ⁴²Whenuena é tó hódọ, dayi e go, Jonatani visunnu. Abiatali yẹwhenọ lọ tọ́n wá: Adònija sọ dọmọ, Wá whégbe; na omẹ tolu de wẹ hie, bo sọ hẹn owẹ̀n dagbe ja. ⁴³Jonatani sọ gblọn bo dọ hlan Adonija dọmọ, Nugbo nugbo Davidi ahọlu klunọ mìtọn ko yí Sọlọmọni do basi ahọlu: ⁴⁴Ahọlu ko sọ dohlan po e po Zadọki yewhenọ, po Natani yẹwhegán po, po Benaia visunnu Jehọiada tọn po, po Kẹlẹtinu lẹ po po Pẹlẹtinu lẹ po, yé ko sọ hen ẹn nado hé otlosọ ahọlu tọn ji: ⁴⁵Zadọki yewhenọ po Natani yẹwhegán po ko samisisáhá ẹn na ahọlu to Gihọni mẹ: yè sọ hẹn yé heji sọn fine wá po ayajijẹ po, sọmọ bọ todaho lọ sọ vó núdọ. Ehe wẹ hùnhlungbè he mìwlẹ ko to sisè. ⁴⁶Podọ Sọlọmọni ga sọ sín ofìn aholudù lọ tọn ji. ⁴⁷Humọ mẹmẹsi ahọlu tọn le wá nado dona Davidi ahọlu klunọ mìtọn, dọmọ, Jiwheyẹwhe towe ni hẹn oyín Sọlọmọni tọn pónte hú oyín towe, bo sọ hẹn ofìn eton klo hú ofìn towe: ahọlu sọ dẹ́ ede to adọzan ji. ⁴⁸Po ga le wẹ ahọlu sọ dọ dọmọ, Donanọ OKLUNỌ ni yín, Jiwheyẹwhe Islaeli tọn, he ko na dopo nado sín ofìn ṣie ji to egbe, nukun ṣie lẹ sọ to mimọ ẹn. ⁴⁹Ojonọ Adonija tọn lẹpo sọ yín avọ̀satọ, bo fọ́ntite, bo yì omẹ dopodopo aliho etọn. ⁵⁰Adonija sọ to budina Sọlọmọni tọn wutu; ewọ sọ fọ́ntite, bo yì, bo fán azò agbà tọn lẹ. ⁵¹Yè sọ dọ na Sọlọmọni, dọmọ, Dayi e go, Adonija to budina aholu Sọlọmọni: na, pọ́n, é ko tẹ́ do azo agbà tọn lẹ go, dọmọ, Gbo aholu Sọlọmoni ni whle hlan mi to egbe dọ ewọ ma to na yi ohi do hù mẹmẹsi eton gba. ⁵²Sọlọmoni sọ dọmọ, Eyín ewọ na do ede hia ome tolu de, odà sọn e de de ma na flẹ jẹ aigba gba: ṣigba eyín yè din ylankan mọ to ewọ mẹ, é na kú. ⁵³Mowẹ ahọlu Sọlọmọni domehlan, yé sọ hẹn ẹn jẹte wá sọn agbà kòn. E sọ wá bo kanwhébiọ hlan ahọlu Sọlọmoni: Sọlọmọni sọ dọ hlan ẹn dọmo, Yì owhe towe gbè.

¹DINVIE azán Davidi tọn lẹ dọ̀n sẹpo bọ é na do kú; e sọ nasẹ Sọlọmọni visunnu etọn, dọmọ, ²Yẹn jei aliho aihọn lẹpo tọn ji: enẹwutu hiẹ ni yín huhlọnnọ, bo do dewe hia di sunnu; ³bo yìn asẹ OKLUNỌ Jiwheyẹwhe towe tọn, nado nọ zinzọnlin to aliho etọn lẹ ji, nado nọ yìn osẹ́ndoai etọn lẹ, po gbèdide etọn lẹ po, po whẹ̀dida etọn lẹ po, po aṣedai etọn lẹ po, kẹdẹdi enẹ he yè kàn do osẹ́n Moṣe tọn mẹ, na hiẹ nido dota to ehe hiẹ to wiwà lẹpo mẹ, podọ to fidepope hiẹ lé dewe hlan: ⁴Na OKLUNỌ nido hẹn ohó etọn he é dọ gbọn yẹn tọn dali lódo, dọmọ, Eyín ovi towe lẹ́ payi hlan aliho yetọn, nado nọ zinzọnlin to nukọn ṣie to nugbo mẹ po ayiha yetọn lẹpo po po alindọn yetọn lepo po, omẹ dopo ma na dẹ́n we (wẹ é do) to, ófin Islaeli tọn ji gba. ⁵Mọwẹ hiẹ yọnẹn ga núhe Joabi visunnu Zeluia tọn wà hlan mi, yèdọ núhe é wa hlan awhàngán awe awhànpa Islaeli ton lẹ tọn lẹ, hlan Abnẹli visunnu Nẹli tọn, podọ hlan Amasa visunnu Jeteli ton, mẹhe é hù, bo kòn ohùn awhàn tọn dai to jijoho mẹ, bo sá ohùn awhàn tọn do gbaja etọn go, he tin to alinkan etọn, podọ do afọpa he tin to afọ etọn lẹ go. ⁶Enẹwutu wà kẹdedi nuyọnẹn towe, a dike ota wéwé etọn jẹte yì kutòmẹ to jijọho mẹ blo. ⁷Ṣigba do dagbewa hia hlan visunnu Balzilai Gileadinu lọ tọn lẹ, bo gbọ yé ni tin to yé he to núdù to tafo towe kọ̀n lẹ mẹ: na mọwẹ yé wá dè do whenuena yen họ̀nyì sọn Absalọmi nọvisunnu towe de. ⁸Bo, dayi e go, Ṣimei visunnu Gela tọn, Benjamininu, Bahulimi tọn, tin to de we, mẹhe yí dẹhodo adinọ de do hodẹ̀do mi to azán he gbè whenuena yen jei Mahanaimi: ṣigba é jẹte wá nado pé mi to Jodani, yẹn sọ whle hlan ẹn gbọn OKLUNỌ dali, dọmọ, Yẹn ma na yí ohi do hù we gba. ⁹Enẹwutu dinvie a hẹn en matin whẹgbledo blo, na nuyọnẹntọ de we hiẹ; hiẹ na sọ yọn núhe hiẹ mọjẹ nado wà hlan ẹn, bọ hie na sọ hẹn ota wéwe etọn jẹte wá kutòmẹ po ohùn po. ¹⁰Davidi sọ damlọn hẹ otọ́ etọn le, yè sọ di i do tòdaho Davidi tọn me. ¹¹Azán he Davidi dùahọlu to Islaeli ji lẹ yín owhè kande: owhè ṣinawe é do dùahọlu to Heblọni mẹ, owhè ogbàn po atọ̀n po é do dùahọlu to Jelusalẹm mẹ.

¹²Sọlọmọni sọ sín ofìn Davidi otọ́ etọn tọn ji; yè sọ hẹn ahọludù etọn lódo talala ¹³Whenẹnu we Adonija visunnu Haggiti tọn sọ wá Bati-seba onọ Sọlọmọni tọn de. Ewọ sọ dọmọ, Jijọho hiẹ do wá? E sọ dọmọ, Jijọho tọn wẹ ¹⁴E sọ dọ humọ dọmọ, Yẹn tindo núde nado dọ hlan we. Ewọ sọ dọmọ, To didọ. ¹⁵Ewọ sọ dọmọ, Hiẹ yọnẹn dọ ahọludù lọ ṣie wẹ, podọ Islaeli lẹpo wẹ zé nukunmẹ yetọn lẹ do ogo e, dọ yẹn ni do dùahọlu: sọgan yè lẹ ahọludù lọ pé, yè sọ hẹn yín nọvisunnu ṣie tọn na etọn é yín sọn OKLUNỌ de. ¹⁶Dinvie yẹn biọ ovẹ̀nú dopo sọn de we, a whlẹn do mi blo Ewọ sọ dọ hlan ẹn dọmọ, To didọ. ¹⁷E sọ dọmọ, Yẹn vẹ̀ we doho hlan ahọlu Sọlọmọni, (na é ma to na dọ lala na we gba,) dọ ewọ ni na mi Abisagi Sunaminu hlan asi. ¹⁸Bati-seba sọ dọmọ, Dagbedagbe; yẹn na dọhó hlan ahọlu na we. ¹⁹Enẹwutu Bati-seba yì ahọlu Sọlọmọni de, nado dọhó hlan ẹn na Adonija. Ahọlu sọ fọ́ntite nado pé e, bo dẹ́ ede hlan ẹn, bo sọ sinai do ofìn etọn ji, bo hẹn ofìn de nado yín titẹ́ na onọ ahọlu tọn; ewọ sọ sín adusilọ etọn mẹ. ²⁰Whenẹnu wẹ é dọmọ, Yẹn to kanbiọ pẹvi de biọ sọn de we; a whlẹn do mi blo. Ahọlu sọ dọ hlan ẹn dọmọ, Onọ ṣie, to bibiọ: na yẹn ma na whlẹn do we gba. ²¹E sọ dọmọ, Gbọ yè ni yí Abisagi Sunaminu lọ na Adonija nọvisunnu towe hlan asi. ²²Ahọlu Sọlọmọni sọ gblọn bo dọ hlan onọ etọn dọmọ, Etẹwutu wẹ hiẹ to Abisagi Sunaminu lọ biọ na Adonija? biọ ahọludù lọ nẹ̃ ga; na ewọ wẹ nọvisunnu ṣie daho; yèdọ nẹ́, podọ na Abiatali yẹwhenọ lọ, podọ na Joabi visunnu Zeluia tọn. ²³Whenẹnu wẹ ahọlu Sọlọmọni whle gbọn OKLUNỌ dali, dọmọ, Jiwheyẹwhe ni wà mọ hlan mi, podọ humọ ga, eyín Adonija ma ko dọ ohó he do ogbẹ́ etọn lọsu go. ²⁴Enẹwutu dinvie dile OKLUNỌ to ogbè, mẹhe hẹn mi lódo, bo sọ zé mi do ofìn Davidi otọ́ ṣie tọn ji, mẹhe ko basi owhé de na mi, dile é gblọnadan do, magblemagble yè na hù Adonija to egbé. ²⁵Ahọlu Sọlọmọni sọ domẹhlan gbọn alọ Benaia visunnu Jehọiada tọn tọn mẹ; ewọ sọ jẹ e ji, bọ é kú. ²⁶Podọ hlan Abiatali yẹwhenọ lọ ahọlu dọmọ, Hẹn we yì Anatoti, jẹ odàn towe titi ji; na hiẹ tin jẹna okú: ṣigba yẹn ma to na hù we to ojlẹ he mẹ gba, na hiẹ to alki OKLUNỌ Jiwheyẹwhe tọn hẹn to Davidi otọ́ ṣie nukọn wutu, podọ na yè bianukunna hiẹ to popo mẹ fie yè bianukunna otọ́ ṣie te wutu. ²⁷Mowẹ Sọlọmọni dè Abiatali tón sọn yínyín yẹwhenọ hlan OKLUNỌ mẹ; na ewọ nido hẹn ohó OKLUNỌ tọn di, ehe é dọ gbọn owhé Eli tọ́n tọn dali to Ṣilo mẹ. ²⁸Linlin sọ wá Joabi de: na Joabi ko lẹ́ do Adonija godó; le é ma tlẹ lé do Absalọmi godo. Joabi sọ họ́nyì Gohò OKLUNỌ tọn lọ kọ̀n, bo tẹ́ do azò agbà tọn lẹ go. ²⁹Yè sọ dọ na ahọlu Sọlọmọni dọmọ, Yè hẹn Joabi họ́nyì Gohọ́ OKLUNỌ tọn lọ kòn, bo, dayi e go, ewọ tin to agbà lọ go. Whenẹnu wẹ Sọlọmọni do Benaia visunnu Johọiada tọn hlan, dọmọ, Yì, jẹ e ji. ³⁰Benaia sọ wá Gohò OKLUNỌ tọn lọ kọ̀n, bo dọ hlan ẹn dọmọ, Le wẹ ahọlu dọ, Tọ́n wá. Ewọ sọ dọmọ, Lala; ṣigba yẹn na kú to ofi Benaia sọ vọ́ ohó hẹn wá ahọlu de, dọmọ, Le wẹ Joabi dọ, le wẹ é sọ gblọnna mi. ³¹Ahọlu sọ dọ hlan ẹn dọmọ, Wà dole e dọ do, bo jẹ e ji, bo di i; na hiẹ nido dè ohùn lọ sè, ehe Joabi kòndai matin whẹhó, sọn yẹn ji podọ sọn owhé otọ́ ṣie tọn ji. ³²OKLUNỌ sọ gò ohùn etọn do ota etọn lọsu ji, na é jẹ omẹ dódónọ pọntenọ awe hú ewọ ji, bo yí ohi do hú yé wutu, bọ Davidi otọ́ ṣie ma yón ẹn, nado yọnẹn, Abnẹli visunnu Nẹli tọn, awhàngán awhànpa Islaeli tọn tọn, po Amasa po visunnu Jetẹli tọn, awhàngán awhànpa Juda tọn tọn. ³³Mọwẹ ohùn yetọn na gò do ota Joabi tọn ji, podọ do ota okún etọn tọn ji kakadoi: ṣigba hlan Davidi, podọ hlan okún etọn, podọ hlan owhe etọn, podọ hlan ofìn etọn, wẹ jijoho na tin kakadoi sọn OKLUNỌ de. ³⁴Whenẹnu wẹ Benaia visunnu Jehọiada tọn lọ hẹji yì, bo jẹ e ji, bo hù i; yè sọ di i do owhé etọn titi gbè to zùngbo lọ mẹ. ³⁵Ahọlu sọ dè Benaia visunnu Jehọiada tọn lọ do otẹn etọn mẹ do awhànpa lọ ji: Zadọki yẹwhenọ we ahọlu sọ dè do otẹn Abiatali tọn mẹ. ³⁶Ahọlu sọ domẹhlan bo ylọ na Ṣimei, bo dọ hlan ẹn dọmọ, Dó ohọ̀ de na we do Jelusalẹm mẹ, bo nọnọ̀ finẹ, a tọ́n sọn flẹn yì fidepope blọ. ³⁷Na azán he gbè hiẹ yì gbonu, bo juyì tòpẹsẹ Kidlọni gododọ̃n, hie ni yọnẹn na nugbo dọ hiẹ na kú nugbonugbo: ohùn towe na sọ tin to ota towe lọsu ji. ³⁸Ṣimei sọ dọ hlan ahọlu dọmọ, Didọ lọ yín dagbe: le ahọlu klunọ ṣie dọ do, mọwẹ mẹmẹsi towe na wà do. Ṣimei sọ nò Jelusalẹm mẹ azán susu. ³⁹E sọ wá jọ to opòdo owhè atọ̀n tọn, wẹ mẹmẹsi awe sọn Ṣimei tọn lẹ mẹ sí yì Lakisi, visunnu Maaka tọn, aholu Gati tọn. Yè sọ dọ na Ṣimei, dọmọ, Dayi e go, mẹmẹsi towe lẹ tin to Gati mẹ ⁴⁰Ṣimei sọ fọ́ntite, bo blapana kẹtẹkẹtẹ etọn bo yì Gati to Lakisi de, nado din mẹmẹsi etọn lẹ: Ṣimei sọ yì bo hẹn mẹmẹsi etọn lẹ sọn Gati wá. ⁴¹Yè sọ dọ ẹ na Sọlọmọni do Ṣimei ko yì sọn Jelusalẹm jẹ Gati, yè sọ vó hẹn ẹn gò. ⁴²Ahọlu sọ domẹhlan bo ylọ na Ṣimei, bo dọ hlan ẹn dọmọ, Bé yẹn ma hẹn we whle gbọn OKLUNỌ dali, bo sọ sahẽlu hlan we, dọmọ, Yọnẹn na nugbo, dọ to azán he gbè hiẹ tón yì, bo zinzọnlin dlu yì ofi depope, hiẹ na kú nugbonugbo? bọ hiẹ sọ dọ hlan mi dọmọ, Didọ he yẹn sè lọ yin dagbe? ⁴³Etẹwutu wẹ hiẹ ma ko payi whiwhle OKLUNỌ tọn go, po gbèdide he yẹn ko yí do nasẹ we po? ⁴⁴Ahọlu sọ dọ humọ hlan ṣimei dọmọ, Hiẹ yọ́n ylankanwiwà lẹpo he ayiha towe yin kunnudetọ hlan, he hiẹ wà hlan otọ́ ṣie Davidi: enẹwutu OKLUNỌ na gọ́ ylankanwiwà towe do ota towe lọsu ji. ⁴⁵Ṣigba ahọlu Sọlọmọni na yín donanọ, podọ ofìn Davidi tọn na yín hẹn lódo to OKLUNỌ nukọn kakadoi. ⁴⁶Mowẹ ahọlu degbèna Benaia visunnu Jehọiada tọn; ewọ sọ tónjẹgbonu, bo jẹ e ji, bọ ewọ kú. Yè sọ hẹn ahọludù lódo to alọ Sọlọmọni tọn mẹ.

¹SỌLỌMỌNI sọ basi ogúkòndopọ po Falo ahọlu Egipti tọn po, bo yi viyọnnu Falo tọn, bo hẹn ẹn wá biọ tòdaho Davidi tọn mẹ, kaka é ko do dotana didó ohò etọn titi tọn, po ohò OKLUNỌ tọn po, po dòkó Jelusalẹm tọn po lẹ́do lẹ́do. ²Ofi yìaga lẹ kẹdẹ mẹ wẹ gbẹtọ lẹ to avọ́sán te, na yè ma ko dó ohò de na oyín OKLUNỌ tọn kaka jẹ azán nẹlẹ gbè gba wutu. ³Sọlọmọni sọ yiwanna OKLUNỌ, bo to zọnlinzin to oséndoai Davidi otọ́ etọn tọn lẹ mẹ: ewọ gbẹ́ to avọ́sán bo sọ to nuyọ́nwan mẹ́ to ofi yìaga lẹ mẹ kẹdẹ janwẹ.

⁴Ahọlu sọ yì Gibeọni nado sanvó to finẹ; na enẹ wẹ ofi vìaga daho lọ: avọ́ nunina mimẹ̀ fọtọ́n lọ de wẹ Sọlomọni na to agbà nẹ ji. ⁵OKLUNỌ sọ doawuhia hlan Sọlọmọni to odlọ mẹ to Gibeọni to ozánmẹ: Jiwheyẹwhe sọ dọmọ, Biọ núhe yẹn na na we. ⁶Sọlọmọni sọ dọmọ, Hiẹ ko do dagbewà daho hia hlan otọ́ ṣie mẹmẹsi towe Davidi, kẹdẹdi le ewọ zinzọnlin to nukọn towe to nugbo mẹ do, podọ to dódó mẹ, podọ to tenọgligli ayiha tọn mẹ to de we; hiẹ ko sọ payi dagbewà daho he go nẹ́, bọ hiẹ ko sọ na visunnu de e nado sín ofìn etọn ji, dile é te to egbó. ⁷Dinvie, OKLUNỌ È Jiwheyẹwhe ṣie, hiẹ ko yí mẹmẹsi towe do basi ahọlu to otẹn Davidi otọ́ ṣie tọn mẹ: mọ yọ̀pọ ovú de wẹ yen; yẹn ma yọ́n nawẹ nado yì gbonu kavi wá whégbe. ⁸Mẹmẹsi towe sọ tin to ogbla omẹ towe lẹ tọn mẹ he hiẹ ko dè lẹ, gbẹtọ susu de, he yè ma sọgan yónsọha etọn kavi hia na gégé. ⁹Enẹwutu na ayiha wuntùntùn tọn de mẹmẹsi towe nado dawhẹ́na gbẹtọ towe lẹ, na yẹn nido tùnayinúgo to dagbe po oylan po ṣẹnṣẹn; na mẹnu wẹ tin sọgan nado dawhẹ́na gbẹtọ susu towe he lẹ? ¹⁰Hógbe lọ sọ hẹnhomẹhùn OKLUNỌ, dọ Sọlọmọni ko biọ onú he. ¹¹Jiwheyẹwhe sọ dọ hlan ẹn dọmọ, Na hiẹ ko biọ onú he wutu, bo ma biọ ogbẹ́ gà na dewe gba; mọ hiẹ ma ko biọ adọkun na dewe gba, kavi biọ ogbẹ́ kẹ̀ntọ towe lẹ tọn gba; ṣigba ko biọ wuntùntùn na dewe nado tùnayi whẹ̀dida go; ¹²Dayi e go, yẹn ko wà kẹdẹdi ohó towe: pọ́n, yẹn ko na ayiha nuyọnẹn tọn de po sisè tọn de po we; sọmọ bọ mẹde ma ko tin jijlẹ do ogo we to nukọn towe, mọ to godo towe depope ma na fọ́ntite taidi hiẹ gba. ¹³Podọ yẹn ko sọ na we ga enẹ he hiẹ ma ko biọ, adọkun po ogbégbò po, sọmọ bọ depope ma na tin to ahọlu lẹ ṣẹnṣẹn taidi hiẹ, to azán towe lẹpo gbè. ¹⁴Podọ eyín hiẹ na zinzọnlin to aliho ṣie lẹ mẹ, nado payi osẹ́ndoai ṣie lẹ go po gbèdide ṣie lọ po, dile Davidi otọ́ towe zinzọnlin do, whenẹnu yẹn na dotèna azán towe lẹ. ¹⁵Sọlọmọni sọ fọ́n sọn amlọn mẹ, bo, dayi e go, odlọ de wẹ: é sọ wá Jelusalẹm, bo site to alki alẹ̀nù OKLUNỌ tọn tọn nukọn, bo na hlan aga avọ́ nunina mimẹ̀ lẹ, bo sọ na avọ́ nunina jijọho tọn lẹ, bo sọ basi hùnwhẹ de hlan mẹmẹsi etọn lẹpo.

¹⁶Whenẹnu wẹ nawe awe, he yín galọtọ lẹ, wá ahọlu de to finẹ, bo site to nukọn etọn. ¹⁷Nawe dopo lọ dọmọ, Ṣó klunọ ṣie, yẹn po nawe he po nọnọ̀ to ohó dopo mẹ: yè sọ whlẹn mi sọn ovi de si po e po to ohò mẹ. ¹⁸E sọ wá jọ to azán atọ̀ntọ godo yè whlẹn yẹn, wẹ yè whlẹn nawe he ga; mí sọ tin to opọ́; ojonọ de ma tin po mí po to ohọ́ mẹ gba, adavo mí omẹ awe lẹ to ohó mẹ. ¹⁹Ovi nawe he tọn kú to ozán mẹ; na ewọ mlọn e ji wutu. ²⁰Ewọ sọ fọ́ntite to zánhomẹ, bo zé visunnu ṣie sọn de e, whenuena deviyọnnu towe damlọn, bo tẹ́ ẹ do akón etọn mẹ, bo tẹ́ ovi etọn oṣiọ do akón ṣie mẹ. ²¹Whenuena yẹn fọ́ntite to afọnnu nado na anọ́ ovi ṣie, dayi e go, osiọ e yín: aigba whenuena yẹn dowun e mẹ to afọnnu, dayi e go, é ma yín visunnu ṣie he yẹn ji gba. ²²Nawe awetọ sọ dọmọ, Lala; ṣigba visunnu gbẹ́te wẹ ṣie, oṣiọ lọ wẹ visunnu towe. Ehe dọ, Lala; ṣigba visunnu towe wẹ oṣiọ lọ, gbẹ́te lọ wẹ visunnu ṣie. Le wẹ yé to didọ to ahọlu nukọn. ²³Whenẹnu wẹ ahọlu dọmọ, Ode lọ dọmo, Visunnu ṣie wẹ ehe tin to ogbé, visunnu towe wẹ osiọ lọ: awetọ sọ dọmo, Lala; osiọ lọ wẹ visunnu towe, visunnu ṣie wẹ gbẹ́te lọ ²⁴Ahọlu sọ dọmọ, Yí ohi de wá, na mi. Ye sọ hẹn ohi de wá, aholu nukọn ²⁵Ahọlu sọ dọmọ, Má ovi gbẹ́te lọ do awe, bo yí odá na ode, bo sọ yí oda na awetọ. ²⁶Whe-nẹnu wẹ nawe lọ mẹhetọn ovi gbéte lọ yín dọ hlan ahọlu, na ajikan etọn so ẹ do visunnu etọn go, é sọ dọmọ, Ṣó klunọ ṣie, Yí ovi gbéte lọ nè, a hù i lala blo. Ṣigba awetọ dọmọ, E ma na yín ṣie kavi etọn gba; má ẹn. ²⁷Whenẹnu wẹ ahọlu gblọn bo dọmọ, Yí ovi gbóte lọ na ẹn, a hù in lala blo: ewọ wẹ onọ etọn. ²⁸Islaeli lẹpo sọ sè linlin whẹ̀dida he ahọlu ko do dawhé tọn; yé sọ to budisi ahọlu: na yé mọ dọ nuyọnẹn Jiwheyẹwhe tọn tin to ohò etọn mẹ, nado basi whẹ̀dida.

¹AHỌLU Sọlọmọni sọ yín ahọlu to Islaeli lẹpo ji ²Ehelẹ wẹ ahọvi he é tindo lẹ; Azalia visunnu Zadọki tọn, yẹwhenọ; ³Eliholẹfi po Ahija po, visunnu Ọasa tọn lẹ, wékantọ lẹ; Jehọṣafati visunnu Ahiludi tọn, tòwekantọ; ⁴Benaia visunnu Jehọiada tọn tin to awhànpa lọ ji; Zadọki po Abiatali po yín yẹwhenọ lẹ; ⁵Azalia visunnu Natani tọn tin to ogándaho lẹ ji; Zabudi visunnu Natani tọn yín yẹwhenọ, po họntòn ahọlu tọn po; ⁶Ahisaii tin to whédo ji; Adonilami visunnu Abda tọn tin to togbàn ji. ⁷Sọlọmọni sọ tindo ogándaho wiawe to Islaeli lepo ji, he nọ wleawu núdùdù ton na ahọlu po whédo etọn po: omẹ dopodopo tin nado basi awuwiwle na osùn de to owhè lọ mẹ. ⁸Ehele wẹ oyín yeton lẹ: Bẹnhuli, to otò okọta Ehanni tọn mẹ: ⁹Bẹni-dẹkeli, to Makazi mẹ, podọ to Saalbimi mẹ, po Beti-semesi po, po Elọni-bẹti-hanani po: ¹⁰Bẹm-hẹsedi, to Aluboti mẹ; é tọn wẹ Soko, po aigba Hẹfeli tọn lẹpo po: ¹¹Bẹni-abinadabi, to aga Dọli tọn lẹpo mẹ; ewọ wẹ tindo Tatati viyọnnu Sọlọmọni tọn hlan asi: ¹²Baana visunnu Àhiludi tọn, to Taanaki po Mẹgiddo po mẹ, po Bẹti-ṣeani lẹpo po he tin to Zaletani dali, to Jẹzleẹli glọ, sọn Bẹti-seani jẹ Abẹli-mẹhola, dẹn sọ Jọkineami gododọ̃n: ¹³Beni-gebeli to Lamọti-gileadi mẹ; e tọn wẹ tòpẹvi Jaili visunmí Manassẹ tọn tọn lẹ, he tin Gileadi me lẹ; yèdọ e tọn wẹ agbègbè Algọbi tọn, he tin Baṣani mẹ, todaho kiklo kandeko po dòkọ lẹ po po patin gànvẹnọ lẹ po: ¹⁴Ahinadabi visunnu Iddo tọn, to Mahanaimi mẹ; ¹⁵Ahimaazi, to Naitah mẹ; ewọ ga zé Basemati viyọnnu Sọlọmọni tọn hlan asi: ¹⁶Baana visunnu Huṣai tọn, to Aṣeli po Bealoti po mẹ: ¹⁷Jehọṣafati visunnu Palua tọn, lo Isakali mẹ; ¹⁸Ṣimei visunnu Ela tọn, to Bẹnjamini mẹ ¹⁹Gebeli visunnu Uli tọn, to aigba Gileadi tọn ji, otò Sihọni ahọlu Amọlinu lẹ tọn tọn po Ogi ahọlu Baṣani tọn tọn po; ewọ kẹde sọ wẹ ogándaho he tin to aigba lọ ji ²⁰Juda po Islaeli po yín susu, di otọkẹ́n he tin to ohù tó to gégé mẹ, to dùdù bo nùnù bo to aglinjẹ basi.

²¹Sọlọmọni sọ to ahọludu to ahọludù lẹpo ji sọn Otò lọ kòn jẹ aigba Filistini lọ tọn ji, podọ je agbóji Egipti tọn; yé nọ to nunina lẹ hen wá, bo sọ to Sọlọmọni sẹ́n to azán ogbẹ etọn tọn lẹpo mẹ. ²²Núdùdù Sọlọmọni tọn na azán dopo yín ojlẹ ogban linfin dagbedagbe tọn, ojlẹ kandeko jinulili tọn; ²³oyín jonọ ao, po oyín okò po sọn yìndùgbo lẹ mẹ, po lẹngbọ kanweko po, dogó olua lẹ, po tegbọẹ lẹ po, po agbaligba lẹ po, po ohè daho lẹ po. ²⁴Na é tindo ahọludù tọ agbègbè lẹpo ji to Otò lọ wàji de, sọn Tifsa yèdọ jẹ Gaza, to ahọlu lẹpo ji to Otò lo wàji de, é sọ tindo jijọho to awà lẹpo ji lédo e pé ²⁵Juda po Islaeli po sọ yi jijọho do to ninò, omẹ dopodopo to vẹ̃ntin etọn glọ, podọ to ovotin etọn glọ, sọn Dani yèdọ je Beẹli-seba, to azán Sọlọmọni tọn lẹpo mẹ ²⁶Sọlọmoni sọ tindo kanlinpó osọ lẹ tọn lẹ fọtọ́n ẹnẹ na kekẹ etọn le, po osọ́nọ lẹ po fọtọ́n wiawe. ²⁷Ogándaho nẹlẹ wẹ nọ wleawuna núdùdù na ahọlu Sọlọmọni, podo na mẹpopo he nọ wá tafo ahọlu Solọmọni tọn ji lẹ, ome dopodopo to osùn etọn mẹ: yé ma nọ dike núde yín whiwhe gba. ²⁸Bale ga po kanlinma po na osọ lẹ po osọ wezunnọ lẹ po wẹ ye to hinhẹn wa otẹn lọ mẹ fie gandaho lẹ te, omẹ dopodopo kẹdẹdi aṣẹ etọn.

²⁹Jiwheyẹwhe sọ na nuyọnẹn po wuntùntùn po Sọlomọni gége gbọ̀pò, po oklo ayiha tọ̀n po, yèdọ di okẹ́n he tin to ohù tó ³⁰Nuyọnẹn Sọlọmọni tọn sọ húgán nuyọnẹn ovi whèzẹtẹn tọn lẹpo tọn, po nuyọnẹn Egipti tọn lẹpo po. ³¹Na ewọ yín nuyọnẹnnọ hú gbẹtọ lẹpo; hú Etani Ezlahinu lọ, po Hemani po, po Kalkoli po, po Dalda po, visunnu Mahọli ton le: linlin etọn tin to: akọta lepo mẹ lédo. ³²Ewọ dọ hówhínwhén fọtọ́n atọ̀n: ohàn etọn lẹ yín fọtọ́n po atọ́n po. ³³E dọhó atin lẹ tọn, sọn Kedali he tin to Lẹbanọni mẹ yèdọ je hisọpi he tọ́nkùn jẹgbonu sọn adọ́ mẹ de: é dọhó gbekanlin lẹ tọn ga, po ohẹ̀ tọn po, po onú he nọ tintlin le tọn po, po whèvi lẹ tọn po. ³⁴Yé nọ sọn gbẹtọ lẹpo mẹ wá nado sè nuyọnẹn Sọlọmọni tọn, sọn ahọlu aigba tọn lẹ mẹ, he ko sèavà nuyọnẹn eton tọn.

¹HILAMI ahọlu Tile tọn sọ do mẹdagun etọn lẹ hlan Sọlọmọni; na ewọ sè dọ yé ko sámina ẹn na ahọlu do otẹn otọ́ etọn tọn mẹ: na Hilami ko yín mẹyiwannanọ Davidi tọn dai de. ²Sọlọmọni sọ domẹhlan Hilami de, dọmọ, ³hiẹ yẹ́n len dọ Davidi otó ṣie ma sọgan dó ohọ̀ de na oyín OKLUNỌ Jiwheyẹwhe etọn tọn do na awhàn lẹ he tin lẹ́do e pé to awà lẹpo ji, kaka OKLUNỌ do yí yé do oglọ afọgbẹn afọ etọn lẹ tọn glọ. ⁴Ṣigba dinvie OKLUNỌ Jiwheyẹwhe ṣie ko na ogbọjẹ mi to awà lepo ji; mẹglatọ de ma tin gba kavi nujijọ oylan de. ⁵Bo, dayi e go, yẹn to lilẹn nado dó ohọ̀ de na oyín OKLUNỌ Jiwheyẹwhe ṣie tọn, dole OKLUNỌ dọ hlan Davidi otọ́ ṣie do, dọmọ, Visunnu towe, mẹhe yẹn na zé do ofìn towe ji to otẹn towe mẹ, ewọ wẹ na dó ohọ̀ lọ na oyín ṣie. ⁶Enẹwutu dinvie hiẹ ni degbè na yé ni zẹ̀ atin kedali lẹ na mi sọn Lebanọni; mẹmẹsi ṣie lẹ na sọ tin po mẹmẹsi towe lẹ po; ẹn na na azénkuẹ we na mẹmẹsi towe lẹ ẹdẹdi ehe hiẹ na dọ lepo: na hiẹ yọnẹn do mehe wàna nado zé whlẹtitli sẹ́jlẹ do Zidoninu lẹ go depope ma tin to míwlẹ ṣẹnṣẹn gba. ⁷E sọ wá jọ, whenuena Hilami sè ohó Sọlomọni tọn lẹ, wẹ ewọ jaya talala, bo dọmọ, Donanọ OKLUNỌ ni yín to egbé, he ko na hlan Davidi visunnu nuyọnẹnnọ de do omẹ planplan helẹ ji. ⁸Hilami sọ domẹhlan Sọlọmọni de, dọmọ, Yẹn ko sè owèn he hie do hlan mi: yẹn na wà ojlo towe lẹpo gbọn whlẹtitli kedali tọn tọn dali, po gbọn whlẹtitli fìli tọn po tọn dali. ⁹Memẹsi ṣie lẹ na hẹn yé jẹte sọn Lebanọni wá jẹ ohù tó: yẹn na basi yé do asalo le mẹ nado gbon ohù mẹ jẹ ofi he hiẹ na dèna mi, yẹn na sọ hẹn yé nado yín gbigbà to fine, hiẹ na sọ mọ yé yí: hiẹ na yí ojlo ṣie basi, to nina núdùdù na whédo ṣie mẹ. ¹⁰Mowẹ Hilami na whletitli kedali tọn po whlẹtitli fili tọn po Sọlọmọni kẹdẹdi ojlo etọn lẹpo ¹¹Sọlọmọni sọ na ojlẹ fọtọ́n oko oli tọn Helami na nududù hlan whédo etọn, po ojlẹ fọton oko ami dagbe tọn po: le wẹ Solọmọni nọ na hlan Hilami to whèmẹ whèmẹ. ¹²OKLUNỌ sọ na nuyọnẹn Sọlọmọni, dile é gblọnadan nẹ̃ do; jijọho sọ tin to Hilami po Sọlọmọni po ṣẹnṣẹn; yé omẹ awelẹ sọ basi alẹ̀gbè de dopọ.

¹³Sọlọmọni ahọlu sọ fọ́n sẹ̀njọtọ lẹ de sọn Islaeli lẹpo mẹ; sẹ̀njọtọ lẹ lọ yin gbẹtọ fọtọ́n ogbàn. ¹⁴E sọ nọ do yé hlan yì Lẹbanọni, fọtọ́n ao to osùn de mẹ gbọn hamẹ hamẹ: osùn de yé tin to Lẹbanọni mẹ, osùn awe to whégbe: Àdonilami wẹ tin to sẹ̀njọtọ lẹ lọ ji. ¹⁵Sọlọmọni sọ tindo fọtọ́n kandegban he to agbàn lẹ hẹn, podọ fọtọ́n kanwe he yín whlẹdètọ lẹ to osé lẹ mẹ; ¹⁶dogọ́ ogándaho nukọntọ Sọlọmọni tọn lẹ he tin to azọ́n lọ ji, fọtọ́n atọ̀n po kanweko po, he hẹn gándùdù to omẹ he nọ wàna to azọ́n lọ me lẹ ji. ¹⁷Ahọlu sọ degbè, yé sọ dè zannu daho lẹ, zannu akuegégénu le, nado yí zannu ana tọn do tó dòdó ohò lọ tọn. ¹⁸Họdótọ Sọlọmọni tọn lẹ po hòdótọ Hilami tọn lẹ po po Gebalinu le po do yé, bo sọ wleawu whlẹtitli po zannu lẹ po tọn nado dó ohọ̀ lọ.

¹E sọ wá jọ to owhè fòwe-kanwetọ mẹ to godo he yè ko hẹn ovi Islaeli tọn lẹ tón sọn aigba Egipti tọn ji, to owhè ẹnẹtọ ahọlududu Sọlọmọni tọn mẹ to Islaeli ji, to osùn Zivi mẹ, he yín osùn awetọ, wẹ é ṣè nado dó ohọ̀ OKLUNỌ tọn. ²Ohọ̀ he Sọlọmọni ahọlu dó na OKLUNỌ, otè etọn yín awàgbà kandeko, ogbloetọn awàgbà òko, jiylyì etọn awàgbà ogbàn. ³Họnnuwá to tẹmpli ohọ̀ lọ tọn nukọn, awàgbà oko wẹ otè etọn, kẹdẹdi ogblo ohò lọ tọn; awàgbà ao wẹ ogblo etọn to ohò lọ nukọn. ⁴Podọ na ohò lọ é basi ovẹ́sẹ́ ajlalanọ whètlọ tọn lẹ. ⁵Do adó ohò lọ tọn go é dó hònu lẹ lédo, do adó ohò lọ tọn lẹ go lédolédo, templi lọ tọn po tẹnwiwe-gbahu gbahu lọ ton po: é sọ basi abò adàmẹ tọn lẹ lédolódo: ⁶hònu oglọ tọn yín awàgbà atọ̀n na gbìgblo, ṣẹnṣẹn tọn yín awàgbà ṣidopo ẹ Enẹ wẹ, Otenmẹ wiwe lọ na gbigblo, atọ̀ntọ sọ yín awàgbà ṣinawe na gbigblo; na to adà gbonu tọn go é basi dèpò lẹ to adó ohọ̀ lọ tọn mẹ lẹ́dolẹ́do, na lidemẹ lẹ ma na do je adó ohọ̀ lọ tọn lẹ go. ⁷Podọ ohò lọ, whenuena é tin to didó mẹ, zannu yè basi dote sọn sékùntẹn wẹ yè do dó: yè ma sè ogbè gọ̀mẹ tọn kavi asiọvi kavi azónwànú gànyù tọn depope, whenuena é tin to didó mẹ. ⁸Ohòn na abò adàmẹ tọn lẹ to ṣẹnṣẹn tin to adà adusi obò lọ tọn mẹ: yé sọ hẹji yì gbọn ayila sislo lẹ ji biọ abò ṣẹnṣẹn tọn lẹ mẹ, podọ sọn ṣẹnṣẹn tọn mẹ biọ atọ̀ntọ lọ mẹ. ⁹Mọwẹ é dó ohọ̀ lọ, bo dotana ẹn; é sọ yí lidemẹ lẹ po owhlẹ kedali tọn lẹ po do gbà ohó lọ. ¹⁰E sọ dó họ̀nu lẹ do ohọ̀ lẹpo lọ go, dopodopo awàgbà atọ́n jiyìyà: yé sọ zẹ̀nmẹ ohọ̀ lọ po lidemẹ kedali tọn po.

¹¹Ohó OKLUNỌ tọn sọ wá Sọlọmọni de, dọmọ, ¹²gbọn ohò he tọn dali ehe hiẹ tin to didó mẹ, eyín hiẹ na nọ zinzọnlin to oséndoai ṣie lẹ mẹ, bo hẹn whẹ̀dida ṣie lẹ sẹ, bo sọ yìn gbèdide ṣie lẹ nado nọ zinzọnlin to yé mẹ; whenẹnu yẹn na hẹn ohó ṣie lódo to de we, ehe yẹn dọ hlan Davidi otọ́ towe. ¹³Yẹn na sọ nọnọ̀ ovi Islaeli tọn lẹ ṣẹnṣẹn, bo ma na sọ̀ gbé Islaeli omẹ ṣie lẹ dai gba.

¹⁴Mowẹ Sọlọmọni dó ohọ̀ lọ, bo sọ dotana ẹn. ¹⁵E sọ yí owhlẹ kedali tọn lẹ do dó adó ohọ̀ lọ tọn lẹ to hòmẹ; sọn aigba ohọ̀ lọ tọn jẹ adó ozà tọn go, é yí atin do gbá yé do adàhòmẹ tọn go, é sọ yí owhlẹ fili tọn lẹ do tẹ́ aigba ohò lọ tọn. ¹⁶E yí owhlẹ kedali tọn lẹ do dó awàgbà òko do awà godo tọn go sọn aigba jẹ adó lẹ ji: yèdọ ewọ sọ dó yé nẹ̃ to hòmẹ, na otẹn wiwegbahugbahu de, yèdọ na otẹn wiwe gbahugbahu. ¹⁷Podọ ohọ̀ lọ, enẹ wẹ, tẹmpli lọ to otẹn wiwegbahugbahu lọ nukọn, yín awàgbà kande na tedidì. ¹⁸Kedali sọ tin to ohọ̀ lọ go to hòmẹ, he yè pà po sédido po po ovòvo kikè lẹ po: kedali wẹ popo; yè ma mọ zannu de to finẹ gba. ¹⁹Ewọ sọ wleawu otẹn wiwegbahugbahu de tọn to ṣẹnṣẹn ohọ̀ lọ tọn to hòmẹ, nado zé alki alẹ̀nù OKLUNỌ tọn tọn do finẹ. ²⁰To hòmẹ otẹn wiwegbahugbahu lọ tọn awàgbà òko figbọvọ tọn de tin to tedidi mẹ, podọ awàgbà òko to gbigblo mẹ, po awàgbà òko po to jiyìyì etọn mẹ; é sọ yí sika dagbedagbe do tẹ́ ẹ: é sọ yí kedali do ṣinyọn agbà lọ. ²¹Mowẹ Sọlọmọni yí sika dagbedagbe do tẹ́ ohò lọ to hòmẹ: é sọ dọ̀n gẹ̀dẹ̀ sika tọn gbọn agadagla to otẹn wiwegbahugbahu lọ nukọn; é sọ yí sika do tẹ́ ẹ. ²²Ohọ̀ lọ pete wẹ é yí sika do tẹ́, kaka yè do dotana ohọ̀ lọ lẹpo: agbà lọ pete he yín otẹn wiwegbahugbahu lọ tọn wẹ é yi sika do bú ²³Podọ to otẹn wiwegbahugbahu mẹ é basi kẹlubimi atin olivieli tọn awe, dopodopo awàgbà ao na jiyìyì. ²⁴Awàgbà atọ́n wẹ awà kelubimi dopo tọn, podọ awàgbà atọ́n awà awetọ kẹlubimi lọ tọn: sọn obẹ́nu patapata awà dopo tọn jẹ obẹ́nu patapata awetọ tọn wẹ awàgbà ao. ²⁵Kẹlubimi awetọ yín awàgbà ao: kẹlubimi awelẹ tin sọn ojlẹ dopo mẹ po ojlẹmọ dopo po. ²⁶Jiyìyì kẹlubimi dopo tọn yín awàgbà ao, mọwẹ é te sọn kẹlubimi awetọ tọn mẹ. ²⁷E sọ zé kẹlubimi lọ do ohọ̀ lọ hòmẹ dọ̃n: awà kẹlubimi lọ tọn lẹ sọ dlẹn jẹgbonu, sọmọ bọ awà ode tọn jẹ adó ode go, awà kẹlubimi awetọ tọn sọ jẹ adó awetọ go; awà yetọn lẹ sọ jẹ yé nọzo go to ṣẹnṣẹn ohọ̀ hòmẹ lọ tọn. ²⁸E sọ yí sika do bú kẹlubimi lọ. ²⁹E sọ yí bosiọ napipà kẹlubimi tọn po odótin lẹ tọn po po ovòvo kikẹ́ lẹ tọn po do dè adó ohọ̀ lọ tọn lẹpo lẹ́dolẹ́do to hòmẹ po gbonu po ³⁰Agbahòmẹ ohò lọ tọn wẹ é sọ yí sika do tẹ́ to hòmẹ po gbonu po. ³¹Podọ na bibiọ otẹn wiwegbahugbahu lọ tọn mẹ é basi ohọ̀n lẹ sọn atin olivieli mẹ: họ̀ntònuwhlẹ po ohọ̀n dotin lẹ po yín adà madatón adó lọ tọn dẹ. ³²Mowẹ é sọ basi ohọ̀n awe sọn atin olivieli mẹ; é sọ dè anapipà kẹlubimi tọn po odé-tin po po ovòvo kikẹ̀ lẹ po tọn do yé ji, bo yí sika do bú yé; é sọ té sika do kẹlubimi lọ ji, podọ do odó-tin lẹ lọ ji ³³Mọ ga wẹ é basi na bibiọ dotin ohòn tẹmpli tọn lẹ mẹ sọn atin olivieli mẹ, sọn adà madẹnẹ adó lọ tọn de mẹ; ³⁴po ohọ̀n awe po sọn atin fili mẹ; amà awe ohọ̀n dopo tọn yín hiha, amà awe ohọ̀n awetọ tọn lẹ sọ yín hilia. ³⁵E sọ pà kẹlubimi do yé ji po odó-tin lẹ po po ovòvo kikẹ́ lẹ po: é sọ yí sika sohẹ do bú yé to azọ̀n kinkòn lọ ji. ³⁶E so yí haji zannu sinsán tọn lẹ, po haji whlẹtitli lẹ tọn de po do dó awánu hòhomẹ tọn. ³⁷To owhè ẹnẹtọ mẹ wẹ yè do dòdo ohọ̀ OKLUNỌ tọn tọn ai, to osùn Zivi mẹ. ³⁸To owhè widopotọ mẹ, to osùn Buli mẹ, ehe yín osùn ṣinatòntọ, wẹ yè dotana ahọ̀ lọ lédo ndà etọn lẹpo, podọ kẹdedi aṣà e tọn lẹpo. Mowẹ ewọ tin owhè ṣinawe to didó e mẹ.

¹SỌLỌMỌNI sọ to ohọ̀ etọn titi dó owhè wiatòn, e sọ dotana ohọ̀ etọn lẹpo. ²Na é dó ohọ̀ zunkàn Lẹbanọni tọn tọn; ote etọn yín awàgbà kanweko, ogblo etọn awàgbà kandeao, jiyìyì etọn awàgbà ogbàn, do haji dotin kedali tọn ẹnẹ ji, po kedali whlẹtitli po to dotin lẹ ji. ³Tè yí kedali do ṣinyọn ẹn to aga to whlẹtitli kandeatón ji, he tin to dotin lẹ ji; fọtọ̀n to oha de ji. ⁴Vẹsẹnuvo lẹ sọ tin tò oha atọ̀n ji, hinhọ́n sọ tin pannukọn hinhọ́n to oha atọ̀n mẹ. ⁵Ohòn lẹpo po hòdòtin lẹ po tin zẹnzen to vẹ́sẹ́nuvo mẹ: hinhọ́n sọ tin pannukọn hinhọ́n to oha atọ̀n mẹ. ⁶E sọ basi awà dòtin lẹ tọn; ote etọn yín awàgbà kandeao, gbigblo etọn awàgbà ogbàn; awà de to yé nukọn; dòtin lẹ po whlẹtitli lẹ po to yé nukọn. ⁷E sọ basi awà ofìn tọn fie é na nọ dawhè te, yèdọ awà whẹ̀dida tọn: yè ji kedali do tó ẹ sọn họ̀nu mẹ jẹ hònu mẹ. ⁸Podọ ohò etọn fie é na nọ nọ́, akànmahó awetọ to awá lọ mẹ, yín azón mọnkọ tọn E sọ basi ohò de ga na viyọnnu Falo tọn (mẹhe Sọlọmọni ko yí hlan asi,) kẹdẹdi hlan awá he. ⁹Ehelẹpo yín zannu akuẹgégónu tọn, yèdọ sọn zannu kinkán mẹ, kẹdẹdi ojlẹ, yè yí ayìnyọn lẹ do sán, to hòmẹ po gbonu po, yèdọ sọn dòdo jẹ avọ̀vò kòn, mọ sọ wẹ to gbonu jẹ akanmahó daho. ¹⁰Dòdo lọ sẹ̀ yín zannu akuẹgégónu tọn lẹ, yèdọ zannu daho lẹ, zannu awàgbà ao tọn lẹ, po zannu awàgbà ṣinatòn tọn lẹ po. ¹¹Aga sọ yín zannu akuẹgégónu tọn lẹ, yèdọ zannu kinkán lẹ, kẹdẹdi ojlẹ, po atin kedali po. ¹²Akanmahó daho lọ lẹ́dolẹ́do tindo oha atọ̀n zannu kinkán tọn lẹ, po oha whletitli kedali tọn de po; taidi hòhòmẹ akanmahó ohọ̀ OKLUNỌ tọn tọn, po awá ohọ́ lọ tọn po.

¹³Sọlọmọni ahọlu sọ domẹhlan bo hẹn Hilami wá sọn Tile. ¹⁴Ewọ wẹ visùnnu, nawe asúsiọsi de tọn sọn whẹndo Naflali tọn mẹ, otọ́ etọn wẹ dawe Tile tọn de, azọ́ntọ de to gànvẹ̃ mẹ; yè sọ yí nuyọnẹn po wuntùntùn po po anawiwà po do gó ẹ, nado basi azón lẹpo to gànvẹ̃ mẹ. Ewọ sọ wá ahọlu Sọlọmọni de, bo wà azọ́n etọn lẹpo. ¹⁵Na é tùn dòtin awe gànvẹ̃ tọn lẹ, sọn awàgbà fọtọ̀nnukunatọ̀n jiyìyì tọn mẹ dovòvò: po ohù awàgbà wiawe tọn de po lédo dopodopo yé tọn pó. ¹⁶E sọ basi opòtin kinkọ́n gànvẹ̃ tọn awe, nado zé do aga dòtin lẹ tọn lẹ ji: jiyìyì opòtin ode tọn yín awàgbà atọ́n, jiyìyì opòtin awetọ tọn sọ yín awàgbà atọ́n. ¹⁷Ajlala ylọnkọndu tọn lẹ tin finẹ, po azón gẹ̀dẹ sislo lẹ tọn po na opòtin he tin to aga dòtin lẹ tọn ji; ṣinawe na opòtin dopo, podọ ṣinawe na opòtin awetọ. ¹⁸Mowẹ é basi dòtin lẹ do; oha awe tin lẹ́do to ajlala ylọnkọ̀ndunọ dopo ji nado ṣinyọn opòtin he tin to aga dòtin lẹ tọn ji: mọwẹ é sọ wà do na opòtin awetọ. ¹⁹Opòtin lẹ he tin to aga dòtin lẹ tọn ji to awá lọ mẹ yín azón lilì tọn, awàgbà ẹnẹ. ²⁰Opòtin lẹ sọ tin ga to aga to dòtin awe ji, sẹpọ́ hoto he tin to ajlala ylọnkọndunọ dali: pomeglanate lẹ yín fọde, to oha lẹ mẹ lédo pó to opòtin awetọ ji. ²¹E sọ zé dòtin lẹ dote to awá tẹmpli tọn kòn: é sọ zé dòtin adusimẹ tọn dote, bo ylọ oyín etọn Jakini: é sọ zé dòtin amiyọnmẹ tọn dote, bo ylọ oyín etọn Boazi. ²²Podọ to aga dòtin lẹ lọ tọn ji wẹ azón lilì tọn te: mọwẹ yè dotana azọn dòtin lẹ tọn do. ²³E basi ohù kinkòn awàgbà ao tọn sọn otónu jẹ otónu lódo to loboto mẹ, jiyìyì etọn yín awàgbà atón: hùzizẹ awàgbà ogbàn tọn de lódo e pé. ²⁴Podọ to oglọ otónu e tọn lédo pó wẹ sódido he lédo e lẹ te, na awàgbà ao, lédo ohù lọ pó: sódido lẹ lọ tin to oha awe mẹ, Yè kòn whenuena é yín kinkòn. ²⁵E ṣite to oyín wiawe ji, atọ̀n to pinpọ́n agewaji dali, atọ̀n to pinpọ́n whèyíhó dali, atọ̀n to pinpọ́n hùwaji dali, atón sọ to pinpọ́n whèzẹtẹn dali: ohù lọ sọ tin to yé ji to aga, adà yetọn to godo wàji tin to hòmẹ dali. ²⁶E sọ yín alọgbigblo dopo titli, otónu etọn yè basi di otónu kọfo de tọn, di ovòvo lilì de tọn: é hẹn awulẹtò fọtọ́n awe. ²⁷E sọ basi dòdonu gànvẹ̃ tọn ao; awàgbà enẹ wẹ ote dòdonu ode tọn, awàgbà ẹnẹ gbigblo etọn, awàgbà atọ̀n jiyìyì e tọn. ²⁸Azọ́n dòdonu lẹ tọn yin ehe nkọ: agbègbèji lẹ tin to finẹ to hunkọ lẹ lọ ṣẹnṣẹn: ²⁹Podọ to agbègbè lẹ ji he tin to hunkọ lẹ lọ ṣẹnṣẹn yín okinni lẹ, oyín lẹ, po kẹlubimi lẹ po; podọ to hunkọ lẹ lọ ji opódo de tin to aga: podọ to okinni lẹ po oyín lẹ po glọ wẹ sislo azọ́n pipla tọn lẹ te; ³⁰Dòdonu dopodopo tindo kẹkẹfọ gànvẹ̃nọ ẹnẹ, po kẹkẹpò gànvẹ̃ tọn lẹ po: afọ etọn ẹnẹ lẹ tindo afọligbé lẹ: to ozẹ́nvla lọ glọ wẹ afọligbé kinkọ̀n lẹ te, po azọ́n sislo lẹ po to adà dopodopo mẹ ³¹Onù é tọn to opòtin hòmẹ podọ to aga yín awàgbà dopo: podọ onù etọn tin lédo to godo azón opódo de tọn, awàgbà dopo po odá dopo po: podọ anapipa lẹ tin to onù e tọn ji ga, agbègbèji yetọn lẹ yín adàẹnẹ ma mlin. ³²Kẹkẹfọ ẹnẹ lẹ tin to agbègbèji lẹ lọ glọ; kẹkẹtin kẹkẹfọ lẹ lọ tọn lẹ tin to dòdonu lọ mẹ: jiyìyì kẹkẹfọ de tọn yín awàgbà dopo po odá awàgbà dopo tọn po. ³³Azọ́n kẹkefọ lẹ lọ tọn tin taidi azọ́n afọ kẹkẹfọ de tọn: kẹkẹtin yetọn lẹ, po kẹkẹfọtónu yetọn lẹ po, po ajọnenmẹ yetọn lẹ po, po kẹkẹsẹnsẹntin yetọn lẹ po kinkòn wẹ popo ³⁴Afọligbé ẹnẹ tin to lọnglọnẹn ẹnẹ dòdonu dopodopo tọn tọn dali: afọligbé etọn lẹ sọ tin sọn dòdonu lọsu mẹ. ³⁵Podọ to aga dòdonu lọ tọn lédo loboto jiyìyì odá awàgbà de tọn tin to finẹ: podọ to aga dòdonu lọ tọn otetun etọn lẹ po agbègbeji etọn lẹ po tin sọn doponẹ mẹ. ³⁶To titẹ́ otetun etọn lẹ tọn go, podọ to agbègbeji etọn lẹ go, wẹ é pà kẹlubimi, okinni lẹ, po odetin lẹ po do, kẹdẹdi otẹnmẹ dopodopo tọn, po azọ́nsislo lẹ po lẹ́do. ³⁷Le nkọ wẹ é basi dòdonu ao lẹ do: yé mẹpo tindo kinkọ̀n dopo, ojlẹ dopo, po ohia dopo po. ³⁸E sọ basi ozẹ́nvla gànvẹ̃ tọn ao: ozẹ́nvla dopo hẹn awulẹtò kande: ozẹ́nvla dopodopo yín awàgbà ẹnẹ: podọ to dopodopo dòdonu ao lẹ tọn ji ozẹ́nvla dopo. ³⁹E sọ zé dòdonu lẹ do, atọ́n to adà adusi ohò lọ tọn go, atọ́n sọ to adà amiyọn ohò lọ tọn go: é sọ zé ohù lọ do adà adusi ohò lọ tọn ji to whèzẹtẹn dali, hlan ohùwaji dali. ⁴⁰Hilami sọ basi ozẹ́nvla lẹ, po fẹli lẹ po, po ṣiklẹ lẹ po. Mowẹ Hilami dotana bibasi azọ́n lẹpo ton do he é basi na Sọlọmọni ahọlu to ohọ̀ OKLUNỌ tọn mẹ: ⁴¹Dotin awe lẹ, po apánko awe opòtin tọn lẹ po he tin to aga dòtin lẹ tọn go; podọ azọ́n ylọnkọ̀ndu tọn lẹ nado ṣinyọn apánko awe opòtin tọn lẹ he tin to aga dòtin lẹ tọn go; ⁴²po pomeglanate fode lẹ po na azọ́n ylọnkòndu lẹ lọ; oha awe pomẹglanate tọn lẹ na azọ́n ylọnkọ̀ndu tọn dopodopo, nado ṣinyọn apánko opòtin lẹ tọn lẹ he tin to dòtin lẹ ji; ⁴³po dòdonu ao lẹ po po ozẹ́nvla ao lẹ po to dòdonu lẹ ji; ⁴⁴ohù dopo lọ, po oyín wiawe lẹ po to ohù lọ glọ; ⁴⁵ozẹ́n lẹ, po fẹli lẹ po, po ṣiklẹ lẹ po: yèdọ nuzinzán helẹ pó, he Hilami basi na ahọlu Sọlọmọni, to ohọ̀ OKLUNỌ tọn mẹ, yín gànvẹ sisé tọn. ⁴⁶To odànfafa Jọdani tọn ji wẹ ahọlu kọ̀n yé te, to okò yigba ji to Sokọti po Zeletani po ṣẹnṣẹn. ⁴⁷Sọlọmọni sọ jó nuzinzán lẹpo dai majlẹ, na yé yín susu gbahu wutu: ojlẹ gànvẹ tọn yè ma sọgan dinmọ gba. ⁴⁸Sọlọmọni basi nuzinzán he tin to ohọ̀ OKLUNỌ tọn mẹ lẹpo: agbà sikanọ lọ, podọ tafo fieji akla-adlọ te, sọn sika mẹ; ⁴⁹po miyọngbántin lẹ tọn po, atọ́n to adusi mẹ, atọn to amiyọn mẹ, to fiwiwe gbahugbahu lọ nukọn, sọn sika dagbedagbe mẹ; po võvo lẹ po, po mìyọngbánlẹpo, poobẹ́ lẹpo, sọnsikamẹ; ⁵⁰po kọfo lẹ po, po miyọngbánkòdènú lẹ po, po siklẹ lẹ po, po ṣivi lẹ po, po gànzẹ́n lẹ po, sọn sika dagbedagbe mẹ; po opla lẹ po, na ohọ̀n ohọ̀ hòmẹ tọn lẹ tọn, oten wiwe gbahugbahu lọ, podọ na ohọ̀n ohọ̀ lọ ton lẹ, nado yónẹn, tẹmpli lọ tọn, sọn sika mẹ. ⁵¹Le yè dotana azọ́n he do he Sọlọmọni ahọlu basi do ohọ̀ OKLUNỌ tọn mẹ. Sọlọmọni sọ hẹn onú lẹ wá homẹ ehe otọ́ etọn Davidi ko klandowiwe, yèdọ fataka, po sika po, po nuzinzán lẹ po, bo bé ye do adọkunnu ohò OKLUNỌ tọn tọn lẹ mẹ.

¹WHENẸNU wẹ Solọmọni pli mẹho Islaeli tọn lẹ, po ogán whẹndo le tọn lẹpo po, ahọvi lẹ sọn owhé otọ́ ovi Islaeli tọn lẹ tọn gbè, do Sọlọmọni ahọlu de to Jelusalẹm mẹ, nado hẹn alki alẹ̀nù OKLUNỌ tọn tọn hẹji tón sọn tòdaho Davidi tọn mẹ wá, ehe yín Ziọni. ²Omẹ Islaeli tọn lepo sọ pli yéde do Solọmọni ahọlu de do hùnwẹ lọ kòn, to osùn Etammi mẹ, he yín osùn ṣinawetọ. ³Mẹho Islaeli tọn lẹpo sọ wá, yẹwhenọ lẹ sọ zé alki OKLUNỌ tọn lọ. ⁴Yé sọ hen alki OKLUNỌ tọn lọ hẹji wá, po gohò opli tọn lọ po, po nuzinzán wiwe lẹpo po, he ko tin to Gohọ̀ lọ mẹ; yèdọ ehelẹ wẹ yẹwhenọ lẹ po Levinu lẹ po hẹn hẹji wá. ⁵Ahọlu Sọlọmọni po agùn Islaeli tọn lẹpo po, he yè hẹn pli do e de lẹ, tin to e de to alki lọ nukọn, bo to lẹngbọ lẹ po oyín lẹpo yí do to avósan, heyè ma sọgan dọ kavi hia na gégé. ⁶Yẹwhenọ lẹ sọ hen alki alẹ̀nù OKLUNỌ tọn tọn wá homẹ do otẹn etọn mẹ, biọ otẹn wiwegbahugbahu ohọ̀ lọ tọn mẹ, do otẹn wiwe talala lọ mẹ, yèdọ do awà kẹlubimi tọn lẹ glọ; ⁷Na kẹlubimi lẹ lọ dlẹn awà yetọn jẹ do otẹn alki lọ tọn ji, kẹlubimi lẹ sọ ṣinyọn alki lọ ji po opò etọn lẹ pó to aga ⁸Opò lẹ lọ dite sọmọ bọ yè to obẹ́nu opò lẹ lọ lẹ tọn mọ sọn otẹn wiwe mẹ to otẹn wiwe gbahugbahu lọ nukọn, ṣigba yè ma mọ yé to gbonu gba: ye sọ tin fine, je azán he. ⁹Nude ma tin to alki lo mẹ finẹ hú tafo awe zannu tọn he Moṣe be do fine to Holẹbi, whenuena OKLUNỌ basi alẹnu de po ovi Islaeli tọn lẹ po, whenuena yé jẹgbonu sọn aigba Egipti tọn mẹ wá. ¹⁰E sọ wá jọ, whenuena yè hẹn yẹwhenọ lẹ lọ jegbonu sọn otẹn wiwe lọ mẹ wá, wẹ aslọ gohò OKLUNỌ tọn lọ mẹ, ¹¹Somọ bọ yẹwheno lẹ lọ ma sọgan site nado wàdevizọn na aslọ lọ tọn wutu: na gigo OKLUNỌ tọn gọ ohọ̀ OKLUNỌ tọn lọ mẹ.

¹²Whenẹnu wẹ Sọlọmọni dọhó, dọ, OKLUNỌ ko dọ dọ ewọ na nọ nò zinvlu titli mẹ. ¹³Yẹn nugbonugbo ko dó ohọ̀ ofininọ̀ tọn de na we, otẹn de na we nado nọ nọ́ e hòmẹ kakadoi. ¹⁴Ahọlu sọ lẹ́ nukunmẹ etọn pé, bo dona agùn Islaeli tọn lẹpo: agùn Islaeli ton lẹpo sọ ṣite. ¹⁵E sọ dọmọ. Donanọ OKLUNỌ yín, Jiwheyẹwhe Islaeli tọn, he yí onù etọn do dọhó hlan, Davidi otọ́ ṣie, bo sọ yí alọ etọn do hẹn ẹn sẹ, dọmọ, ¹⁶Sọn azán he gbè yẹn hẹn Islaeli omẹ ṣie lẹ jegbonu sọn Egipti wá, Yẹn ma dè todaho de sọn whẹndo Islaeli tọn lẹ mẹ nado dó ohọ̀ de gba, na oyín ṣie nido tin to fine; ṣigba yẹn dè Davidi nado tin to Islaeli omẹ ṣie lẹ ji. ¹⁷Dinvie é ko tin to ayiha Davidi otọ́ ṣie tọn mẹ nado dó ohọ̀ de na oyín OKLUNỌ tọn, Jiwheyẹwhe Islaeli tọn. ¹⁸Ṣigba OKLUNỌ dọ hlan Davidi otọ ṣie dọmọ, Na nugbotọn é ko tin tọ ayiha towe mẹ nado dó ohò de na oyín ṣie, hiẹ wà dagbe bọ é ko do tin to ayiha towe mẹ: ¹⁹Ṣogãn hiẹ ma na dó ohọ lọ gba; ṣigba visunnu towe he na jẹgbonu sọn adàja towe me, ewọ wẹ na dó ohò lọ na oyín ṣie. ²⁰OKLUNỌ ko sọ hẹn ohó etọn he é dọ lódo; na yè hẹn yẹn tite to otẹn Davidi otọ́ ṣie ton mẹ, bo sọ sín ofìn Islaeli tọn ji, dile OKLUNỌ gblọnadan do, bo ko sọ do: ohọ̀ lọ na oyín OKLUNỌ tọn, Jiwheyẹwhe Islaeli ton. ²¹Yẹn ko sọ zé otẹn de do finẹ na alki lọ, ehe mẹ alẹ̀nù OKLUNỌ tọn lọ te, he é basi po otọ́ mìtọn lẹ po, whenuena é hẹn yé tọ́n sọn aigba Egipti tọn ji wá.

²²Sọlọmọni sọ ṣite to agbà OKLUNỌ tọn lọ nukọn to nukun agùn Islaeli tọn lẹpo tọn mẹ, bo dlẹn alọ etọn lẹ jẹgbonu hlan olọn: ²³Bo dọmọ, OKLUNỌ È, Jiwheyẹwhe Islaeli tọn, Jiwheyẹwhe de ma tin to fine di we, to olon mẹ to aga, kavi to aigba go to oglọ; he nọ yìn alẹ̀nù po lẹblanu po he mẹmẹsi etọn lẹ, he yí ayiha yetọn lẹpo do zinzọnlin to nukọn towe. ²⁴Mehe ko yìn hẹ mẹmẹsi towe Davidi otọ ṣie enẹ he hiẹ gblọnadan etọn nẹ: nugbo, hiẹ yí onù towe do dọhó, bo sọ yí alọ towe do hẹn ẹn sọ, dile é yín to azán he gbè ²⁵Enẹwutu dinvie, OKLUNỌ E, Jiwheyẹwhe Islaeli tọn, Yìn hẹ mẹmẹsi towe Davidi otọ ṣie enẹ he hiẹ gblọnadan etọn nẹ̀, domọ, Sunnusi de ma to na dẹ́n we to nukun ṣie mẹ nado sín ofìn Islaeli tọn ji; eyín ovi towe le gbé payi aliho yetọn go, nado nọ zinzọnlin nukọn ṣie dile hiẹ zinzọnlin to nukọn ṣie do. ²⁶Enẹwutu dinvie, Jiwheyẹwhe Islaeli tọn È, yẹn vé we, gbọ ohó towe ni yín nugbonọ, he hiẹ dọ hlan mẹmẹsi towe Davidi otọ́ ṣie. ²⁷Ṣigba be Jiwheyẹwhe to owàlọ nugbo mẹ na nọ̀ aigba go? dayi e go, olon po olọn olọn le tọn po ma sọgan hen we; whè sọ na ohọ̀ he ehe yẹn ko dó! ²⁸Gãnṣo hiẹ ni tindo hòpọ́n hlan odẹ́ mẹmẹsi towe tọn, podọ hlan óvẹ̀ etọn OKLUNỌ E Jiwheyẹwhe ṣie, nado tuntóai hlan awhá podọ hlan odẹ́ he mẹmẹsi towe to hiho to nukọn towe to azán he gbè: ²⁹Na nukun towe lẹ nido yín hùnhùn hlan ohọ̀ he kọ̀n to ozán po okle po, yèdọ hlan otẹn lọ kọ̀n fìetọn hiẹ ko dọmọ, Oyín ṣie na tin to finẹ: nado nọ tuntóai hlan odẹ̀ he mẹmẹsi towe na nọ hò hlan otẹn he kòn. ³⁰Hiẹ ni nọ tuntóai hlan ovẹ́ mẹmẹsi towe tọn, po Islaeli omẹ towe lẹ tọn po, whenuena yé na hodè hlan otẹn he kọ̀n: nugbo, hiẹ ni sè to olọn oten fininò towe mẹ; whenuena hiẹ se, no jona. ³¹Eyín omẹ de wàylando do kómẹnu etọn, podọ yè zé whiwhle do e ji nado hẹn ẹn nado whle, bọ é wá bo whle to agbà towe nukọn to ohọ̀ he mẹ: ³²Whenẹnu hiẹ ni sè to olọn mẹ, bo wà, bo dawhẹna mẹmẹsi towe lẹ, gbigblewhẹ̀do mẹylankan lọ, nado hẹn aliho etọn wá ota etọn titi ji; po whẹsùsùna dódónọ lọ po, nado na ẹn kẹdẹdi dódó etọn ³³Whenuena yè hò Islaeli omẹ towe lẹ liai to kẹ̀ntọ lọ nukọn, na yé ko wàylando do we wutu; eyín yé sọ vó lé do de we, bo yígbèna oyín towe, bo hodẹ̀ bo basi ovẹ́ hlan we to ohọ̀ he mẹ: ³⁴Whenẹnu hiẹ ni sè to olọn mẹ, bo jona ylando Islaeli omẹ towe lẹ tọn lọ, bo sọ vọ́ yé hẹn wá do aigba he hiẹ ko na yé lọ kọ̀n do otọ́ yetọn lẹ de. ³⁵Whenuena yè sú olọn, bọ ojikun de ma tin, na yé kò wàylando do we wutu; eyín yé hodẹ̀ hlan otẹn he kọ̀n, bo yígbèna oyín tòwe, bo lẹ́ sọn ylando yetọn mẹ, whenuena hiẹ bìanukunna yé: ³⁶Whenẹnu hiẹ ni sè to olọn mẹ, bo jona ylando mẹmẹsi towe lẹ tọn, po Islaeli omẹ towe lẹ tọn po, whenuena hiẹ plọn yé aliho dagbe lọ ehe mẹ yé do nọ zinzọnlin biọ; bo do ojikun hlan aigba towe ji, ehe hiẹ na hlan omẹ towe lẹ na ogú de. ³⁷Eyín ohùvé tọ́n to finẹ to aigba lọ ji, eyín azọ́nvàmẹ tin finẹ eyín azọ̀njẹ́mẹji kavi òdó, owẹ̀n kavi owán de; eyín kẹ̀ntọ yetọn glọn yé do to aigba tòdaho yetọn lẹ tọn mẹ; azọ́nylankan depope, lànmẹzòn depope tin finẹ; ³⁸Odẹ́ po ovẹ́ po depope yè basi gbọn mẹdepope dali, kavi gbọn Islaeli omẹ towe lẹpo dali, ehe na yọnẹn omẹ dopodopo azònylankan ayiha etọn titi tọn, bo dlẹ́n alọ etọn lẹ jẹgbonu hlan ohọ̀ he kọ̀n; ³⁹Whenẹnu hiẹ ni sè to olọn otẹn fininọ̀ towe mẹ, bo jona, bo wà, bo gọ́ do omẹ dopodopo de kẹdẹdi aliho etọn lẹ, ayiha mẹhetọn hiẹ yọnẹn; (na hiẹ, yèdọ hiẹ sókẹdẹ, wẹ yọ́n ayiha ovi gbẹtọ lẹ tọn lẹpo tọn;) ⁴⁰Na yé nido nọ dibusi we to azán lẹpo mẹ he yé do tin to ogbẹ́ to aigba lọ ji, he hiẹ na hlan otọ́ mìtọn lẹ. ⁴¹Huenẹ gbọn ojonọ lọ tọn dali, he ma tin sọn Islaeli omẹ towe lẹ mẹ gba, whenuena é na tọ́n sọn otò dindẹn de mẹ wá na oyín towe tọn wutu; ⁴²(Na yé na sè linlin oyín daho towe tọn, po alọ hlọnhlọnnọ towe tọn po, po awàdindlẹn jẹgbonu towe tọn po;) whenuena ewọ na wá bo hodẹ́ hlan ohọ̀ he kọ̀n; ⁴³Hiẹ ni sè to olọn otẹn fìninò towe mẹ, bo wà kẹdẹdi ehe ojonọ lọ ylọ hlan we na lẹpo; na akọta aigba tọn lẹpo nido yọ́n oyín towe, nado nọ dibusi we, dile Islaeli omẹ towe lẹ to wiwà do, podọ yé nido yọnẹn dọ yè ylọ ohọ̀ he ehe yẹn ko dó lọ gbọn oyín towe dali. ⁴⁴Eyín omẹ towe lẹ jẹgbonu yì jẹ awhànfùntẹn to kẹ̀ntọ yetọn jì, aliho depope hiẹ na do yé hlan gbọn, bọ yé sọ hodé hlan OKLUNỌ hlan tòdaho lọ kòn ehe hiẹ ko dè, podọ hlan ohọ̀ lọ kọ̀n ehe yẹn ko dó na oyín towe: ⁴⁵whenẹnu hiẹ ni sè odẹ́ yetọn po ovẹ́ yetọn po to olọn mẹ, bo gọalọna linlẹn yetọn. ⁴⁶Eyín yé wàylando do we, (na omẹ de ma tin bo ma wàylando,) bọ hiẹ yín adinọ to yé de, bo jó yé hlan kẹ̀ntọ yetọn lọ, mọ bọ yé yí yé do bẹ́ mẹglọnọ yì do aigba kẹ̀ntọ lọ tọn ji, nukọn nukọn kavi yakẹ; ⁴⁷Gãnṣo eyín yé na lẹn yéde mẹ pọ́n to aigba lọ ji fie yè yí yé do bó mẹglọnọ yì, bo sọ vó ló, bo basi ovó hlan we to aigba yé he yí ye do bẹ́ mẹglọnọ yì lẹ tọn ji, dọmọ, Míwlẹ ko wàylando, bo ko sọ ylannuwà, míwlẹ ko yí kanyinylan do zán; ⁴⁸Eyín ye yí ayiha yetọn lẹpo po alindọn yetọn lẹpo po do gọ̀ do de we to aigba kẹ̀ntọ yetọn lẹ tọn ji, ehe yí yé do bé mẹglọnọ yì, bo sọ hodẹ́ hlan we hlan aigba yetọn kòn, ehe hie ko na hlan otọ́ yetọn lẹ, tòdaho he hiẹ ko dè lọ, po ohọ̀ lọ po ehe yẹn ko dó na oyín towe: ⁴⁹whenẹnu hiẹ ni sè odẹ́ yetọn po ovẹ́ yetọn po to olọn otẹn fininò towe mẹ, bo gọalọna linlẹn yetọn; ⁵⁰bo jona omẹ towe he ko wàylando do we lẹ, po sẹ́ngbigba yetọn lẹpo po ehe mẹ yé ko wàylan do we te; bo na awubla yé to enẹlẹ he yí yé do bé mẹglọnọ yì lẹ nukọn, na yé nido tindo awubla to yé ji: ⁵¹Na omẹ towe lẹ wẹ yé yin, po ogú towe po, he hiẹ hẹn tọ́n sọn Egipti, sọn ogblagbla ozohọ́ gànyu tọn mẹ: ⁵²Na nukun towe lẹ nidò yín hùnhùn hlan ovẹ̀ mẹmẹsi towe tọn, podọ hlan ovẹ̀ Isláeli omẹ towe lẹ tọn, nado tuntóai hlan yé to whèdepopenu yé dawhá hlan we. ⁵³Na hiẹ ko klan yé sọn akọta aigba tọn lẹpo go, nado yín ogú towe, dile hiẹ dọhó do gbọn alọ Moṣe mẹmẹsi towe tọn mẹ, whenuena hiẹ OKLUNỌ Jiwheyẹwhe E hẹn otọ́ mìtọn lẹ tọ́n sọn Egipti wá.

⁵⁴E sọ yín mọ, dọ whenuena Sọlọmọni ko basi tadona hiho odẹ́ he lẹpo tọn po ovẹ po hlan OKLUNỌ, é tite sọn agbà OKLUNỌ tọn nukọn, sọn jijẹklo to oklo etọn lẹ ji mẹ po alọ etọn lẹ po dindlẹn jẹgbonu hlan olọn kòn. ⁵⁵E sọ ṣite, bo yí ogbè léle do dona agùn Islaeli tọn lẹpo, dọmọ, ⁵⁶donanọ OKLUNỌ yín, he ko na ogbọjẹ hlan Islaeli omẹ etọn lẹ, kẹdẹdi ehe é ko gblọnadan etọn lẹpo: ohó dopo ma gbọvó sọn dagbe adangblọn etọn tọn lẹpo mẹ, he é gblọnadan etọn gbọn alọ Moṣe mẹmẹsi etọn tọn mẹ. ⁵⁷OKLUNỌ Jiwheyẹwhe mìtọn tin to mí de, dile é ko tin to otọ́ mìtọn lẹ de do: mì dike é jó mí do blo, kavi gbẹ́ mi dai blo: ⁵⁸Na é nido gò ayiha mìtọn lẹ hlan ẹn, nado nọ zinzọnlin to aliho etọn lẹpo mẹ, podọ nado nọ yìn gbèdide etọn lẹ, po osẹ́ndoai etọn lẹ po, po whẹ̀dida etọn lẹ po, he é ko degbèna otọ́ mìtọn lẹ. ⁵⁹Gbọ ohó ṣie helẹ he yẹn yí do basi ovẹ́ to OKLUNỌ nukọn, ni tin yakẹ hlan Ọklunọ Jiwheyẹwhe mìtọn de to okle po ozán po, dọ é ni gọalọna linlẹn mẹmẹsi etọn tọn, po linlẹn Islaeli omẹ etọn lẹ ton po, dile azán dopodopo na biọ do: ⁶⁰Na akọta aigba tọn lẹpo nido yọnẹn dọ OKLUNỌ lọ, ewọ wẹ Jiwheyẹwhe; ode de ma tin to finẹ. ⁶¹Enẹwutu mì gbọ ayiha mìtọn ni yín pipé to OKLUNỌ Jiwheyẹwhe mìtọn de, nado nọ zinzọnlin to oséndoai etọn lẹ mẹ, podọ nado nọ yìn gbèdide etọn lẹ, di to azán he gbè. ⁶²Ahọlu, po Islaeli lẹpo po lẹ nọ, sán avọ́ to OKLUNỌ nukọn. ⁶³Sọlọmọni sán avọ́ nunina jijọho tọn lẹ, he é sán hlan OKLUNỌ, oyín fọtọ́n konukunawe, po lẹngbọ fọtọ́n kantọ̀n po. Mọwẹ ahọlu po ovi Islaeli tọn lẹpo po klan ohọ́ OKLUNỌ tọn lọ do wiwe. ⁶⁴Azán doponẹ gbè wẹ ahọlu biọ ṣẹnṣẹn awá he tin to ohò OKLUNỌ tọn nukọn; na finẹ wẹ é sán avọ́ nunina mimẹ̀ te po avọ́ nunina jinulili tọn po, po ojó avọ́ nunina jijọho tọn lẹ po: na agbà gànvè tọn he tin to OKLUNỌ nukọn tin whiwhè gbahu nado hẹn avọ́ nunina mimẹ̀ te po avọ́ nunina jinulili tọn lọpo, po ojó avọ́ nunina jijọho tọn lẹ lọ po wutu. ⁶⁵Mowẹ Sọlọmọni wà hùnwhẹ lọ to ojlẹ nẹ mẹ, po Islaeli lẹpo po hẹ ẹ, agùn daho de, sọn bibiọ whégbe Hamati tọn jẹ tòpésé Egipti tọn, to OKLUNỌ Jiwheyẹwhe mìtọn nukọn, azán ṣinawe po azán ṣinawe po, Yèdọ azán wiẹnẹ. ⁶⁶To azán sinatòntọ gbè é do gbẹtọ lẹ hlan yì, yé sọ dona ahọlu, bo yì gohọ̀ yetọn lẹ kọ́n gọ́nayajẹ po homọhùn ayiha tọn po na dagbewanyi he OKLUNỌ dohia hlan Davidi mẹmẹsi etọn, podọ hlan Islaeli omẹ etọn lọ.

¹E sọ wá jọ, whenuena Sọlọmọni ko dotana didó ohọ̀ OKLUNỌ tọn tọn, po ohọ̀ ahọlu tọn po, po ojlo Sọlọmọni tọn lẹpo po he yè hẹn homẹhùn in nado wà, ²Wẹ OKLUNỌ sọawuhia hlan Sọlọmọni whlawetọ, dile é ko sọawuhia hlan ẹn do to Gibeọni. ³OKLUNỌ sọ dọ hlan ẹn dọmọ, Yẹn ko sè odẹ̀ towe po ovẹ́ towe po, he hiẹ ko basi to nukọn ṣie: yẹn ko hiọ ohọ̀ he, he hiẹ ko dó, nado yì oyín ṣie do finẹ kakadoi; nukun ṣie lẹ po ayiha ṣie po na sọ tin to finẹ jeijeì. ⁴Podọ na we, eyín hiẹ na nọ zinzọnlin to nukọn ṣie, dile Davidi otọ́ towe zinzọnlin do, to blebu ayiha tọn mẹ, podọ tojlọjlọ mẹ, nado nọ wà kẹdẹdi ehe yẹn degbèna wẹ lẹpo, bo na yìn oséndoai ṣie lẹ po whẹ̀dida ṣie lẹ po; ⁵whenẹnu yẹn na hẹn ofìn ahọludu towe tọn to Islaeli ji lódo kakadoi: kẹdẹdile yẹn gblọnadan hlan Davidi otọ́ towe do, dọmọ, Sunnusi de ma na dẹ̀n we to ofìn Islaeli tọn ji gba. ⁶Sigba eyín míwlẹ na lé sọn hihodo mi mẹ, mìwlẹ kavi ovi mìtọn lẹ, bo ma yìn gbèdide ṣie lẹ gba po osẹ́ndoai ṣie lẹ po he yẹn ko zé do mì nukọn, ṣigba bo na yì bo to yẹwhe devo lẹ sèn, bo to taliaina yé: ⁷whenẹnu wẹ yẹn na sán Islaeli sẹ́ sọn aigba lọ ji he yẹn ko na yé; podọ ohò he, he yẹn ko hiọ na oyín ṣie, wẹ yẹn na zédlan gbonu sọn nukọn ṣie; Islaeli na sọ yín hówhínwhẹ́n de po hódọnu de po to akọta lẹpo ṣẹnṣẹn: ⁸podọ le ohò he tlẹ tin jiyìyì sọmọ nẹ, gãnṣo yè na hẹnawuji omẹ dopodopo he jugbọn e dali, bo na gbọ́nyọ́n; yé na sọ dọmọ, Etẹwutu OKLUNỌ do wà le hlan aigba he, podọ hlan ohọ̀ he? ⁹Yé na sọ gblọn dọmọ, Na yé gbẹ́ OKLUNỌ Jiwheyẹwhe yetọn dai wutu, he hẹn otọ́ yetọn lẹ jẹgbonu sọn aigba Egipti tọn ji, bo hẹn yẹwhe devo lẹ go, bo to taliaina yé, bo to yé sẹ̀n: enẹwutu wẹ OKLUNỌ lọ do hẹn oylan he lẹpo wá yé ji.

¹⁰E sọ wá jọ to opòdo owhè òko tọn, ehe mẹ Sọlọmọni dó ohọ̀ awe te, ohọ̀ OKLUNỌ tọn po ohọ̀ ahọlu tọn po, ¹¹(Dinvie Hilami ahọlu Tile tọn ko na kedali-tin lẹ Sọlọmọni po fili-tin lẹ po, po sika po, kẹdẹdi ojlo etọn lẹpo,) whenẹnu wẹ ahọlu Sọlọmọni na Hilami tòdaho òko to aigba Galili tọn ji. ¹²Hilami sọ tọ́n sọn Tile wá nado mọ tòdaho he Sọlọmọni na ẹn lẹ; yé ma hẹnhomẹhùn in gba. ¹³E sọ dọmọ, Tòdaho tẹ́ wẹ ehe hiẹ na mi helẹ, mẹmẹsunnu ṣie? ewọ sọ ylọ yé aigba Kabuli tọn, jẹ azán he gbè. ¹⁴Hilami sọ do talẹnti kandeko sika tọn hlan ahọlu.

¹⁵Ehe wẹ linlẹn osẹ̀njọ lọ tọn he ahọlu Sọlọmọni fọ́ndote; na nado dó ohọ̀ OKLUNỌ tọn, po ohọ̀ etọn titi po, po Milo po, po adó Jelusalẹm tọn po, po Hazọli po, po Mẹgido po, po Gezeli po. ¹⁶Falo ahọlu Egipti tọn ko yì aga, bo yí Gezeli, bo yí miyọn do mè ẹn, bo hù Kananinu he nọ nó tòdaho lọ mẹ lẹ, bo yí i na hlan viyọnnu etọn, asi Sọlọmọni tọn, na mimá de, ¹⁷Sọlọmọni sọ dó Gezeli, po Bẹti-holọni po odòtọn lọ. ¹⁸Po Baalati po, po Tamali po to zùngbo mẹ, to aigba lọ ji, ¹⁹po agbanhọ́ tòdaho lẹ tọn lẹpo po he Sọlomọni tindo, po tòdaho lẹpo po na kẹkẹ etọn lọ, po tòdaho lẹ po na osónọ etọn lẹ, podọ enẹ he Sọlọmọni; jlo nado dó na gbẹ́dùdù etọn to Jelusalẹm mẹ, podo to Lẹbanọni mẹ, podọ to aigba aṣẹdaho etọn tọn ji. ²⁰Na omẹ he yè pòdai lẹpo tọn sọn Amọlitinu lẹ mẹ, Hitinu lẹ, Pẹlizinu lẹ, Hivinu lẹ, po Jẹbusinu lẹ po, he ma tin sọn ovi Islaeli tọn lẹ me; ²¹Ovi yetọn lẹ he yè pòdai to yé godo to aigba lọ ji lẹ, mẹhe ovi Islaeli tọn le ma tin sọgan nado và gbidigbidi, sọn yé mẹ wẹ Sọlọmọni fọ́n osẹ́njọ mẹmẹglọ lẹ tọn de dote te jẹ azán he gbè. ²²Ṣigba sọn ovi Islaeli tọn lẹ mẹ wẹ Sọlọmọni ma basi mẹmẹglọ lẹ de gba: ṣigba yé wẹ omẹ awhàn tọn lẹ, po mẹmẹsi etọn lẹ po, po ahọvi etọn lẹ po, po awhàngán etọn lẹ po, po ogándaho kẹkẹ etọn lẹ tọn po po osónọ etọn lẹ tọn po. ²³Ehelẹ wẹ ogándaho he tin to azón Sọlọmọni tọn ji lẹ, fowekantọ̀ngbàn, he hen asẹ go to omẹ he to wiwà to azọ́n mẹ lẹ ji. ²⁴Ṣigba viyọnnu Falo tọn hẹji sọn tòdaho Davidi tọn mẹ wá jẹ ohọ̀ etọn mẹ ehe Sọlọmọni dó nẹ̃: whenẹnu wẹ é dó Milo. ²⁵Whla atọ̀n tọ owhè dopo mẹ wẹ Sọlọmọni nọ na avọ́ nunina mimẹ̀ lẹ, po avọ́ nunina jijọho tọn lẹ po to agbà he é dó hlan OKLUNỌ ji, mimẹ̀ nuwhẹ́nwán po enẹ po, to agbà he tin to OKLUNỌ nukọn ji. Mowẹ é dotana ohọ̀ lọ.

²⁶Ahọlu Sọlomọni sọ basi awhàn ohún tọn le de to Ezeoni-gebẹli mẹ, he tin Eloti dali, to ohùtó Ohù Vẹ̃ tọn, to aigba Edọmi tọn ji. ²⁷Hilami sọ do mẹmẹsi etọn lẹ hlan to awhànhún lẹ lọ mẹ, ohúntọ lẹ he tindo oyọnẹn ohù tọn, po mẹmẹsi Sọlọmọni tọn le po. ²⁸Yé sọ wá Ofili, bo hẹn sika sọn finẹ wá, talẹnti foweko, bo hẹn yé wá Sọlọmọni ahọlu de.

¹WHENUENA ahọluyọnnu Seba tọn sè sọn linlin Sọlọmọni tọn mẹ gbọn oyín OKLUNỌ tọn tọn dali, é wá nado yí okanbiọ sinyẹnsìnyẹn lẹ do whle e pọ́n. ²E sọ wá Jelusalẹm po aigbahún daho gbò de po, po kanklosọ-póawenọ lọ po he hẹn nuyónwán lẹ, po sika susu gégé po, po zannu akuẹgégénu tọn lẹ po: whenuena yè sọ hẹn ẹn wá Sọlọmọni de, é dọhó hẹ ẹ sọn ehe tin to ayiha etọn mẹ lẹpo mẹ ³Sọlọmọni do okanbiọ etọn lẹpo nẹ: onú depope má tin yín whiwhla sọn ahọlu de he é ma dọ nẹ̃. ⁴Whenuena ahọluyọnnu Seba tọn ko mọ nuyọnẹn Sọlọmọni tọn lẹpo, po ohọ̀ he é ko dó po, ⁵Núdùdù tafo etọn tọn, aisinsin mẹmẹsi etọn lẹ tọn, po lizọ́nyíyí devizónwàtọ etọn lẹ tọn po, po avọ̀dido yetọn po, po kofozetọ etọn lẹ po, po jihihó etọn po ehe dali e do nọ hẹaga yí ohọ̀ OKLUNỌ tọn kọ́n; gbigbọ de ma sọ tin to e homẹ ba ⁶E sọ dọ hlan ahọlu dọmọ, Linlin nugbo de é yín he yẹn ko sè to aigba ṣie titi ji sọn owàlọ towe lẹ mẹ, podọ sọn nuyọnẹn towe mẹ. ⁷Sogàn yẹn ma yí ohó ewlẹ lọ sè gba, kaka yen do wá, bọ nukun ṣie le ko sọ mọ ẹn; bo, dayi e go, yè ma ko dọ odá na mi gba: nuyọnẹn towe po nuyọ́nnamẹ po hugan linlin he yẹn sè. ⁸Jijọhonọ wẹ omẹ towe lẹ, jijọhonọ wẹ mẹmẹsi towe helẹ, he nọ site tẹgbẹ̃ to nukọn towe, po he to nuyọnẹn towe sè lẹ po. ⁹Donanọ OKLUNỌ Jiwheyẹwhe towe yín, he hùnhomẹ to hiẹ mẹ, nado zé we do ofìn Islaeli tọn ji: na OKLUNỌ yiwanna Islaeli kakadoi wutu, enẹwutu wẹ é do hẹn we zùn ahọlu, nado basi whẹ̀dida po odódó po. ¹⁰E sọ yí talẹnti kàntọ̀n sika tọn na ahọlu, podọ sọn nuyọ́nwán lẹ mẹ bépli daho susu de, po zannu akuẹgégénu tọn lẹ po: ogégé nuyọ́nwán lẹ tọn di ehelẹ he ahọluyọnnu Seba tọn na hlan ahọlu Sọlọmọni hunkọ de ma sọ wá ba. ¹¹Awhàn ohún Hilami tọn lẹ ga, he hẹn sika sọn Ofili wá, hẹn susu daho almugitin lẹ po zannu akuẹgégénu tọn lẹ po sọn Ofili wá whégbe. ¹²Ahọlu sọ basi dòtin lẹ sọn almugitin lẹ lọ mẹ na ohọ̀ OKLUNỌ tọn, podọ na ohọ̀ ahọlu tọn, ajalẹn lẹ ga po asiazọ́n hànjinu okannọ lẹ po na hànjitọ le: almugitin mọnkọ lẹ de ma sọ wá ba, yè ma sọ mọ, jẹ azán he gba. ¹³Ahọlu Sọlọmọni sọ na hlan ahọluyọnnu Seba tọn ojlo etọn lẹpo, nudepope he é kanbiọ, dogọ́ enẹ he Sọlọmọni na ẹn sọn jóhẹmẹ nujẹahọlu tọn etọn mẹ. Mowẹ é lẹ́ bo yì aigba etọn titi ji, ewọ po mẹmẹsi etọn lẹ po.

¹⁴Dinvie ojlẹ sika tọn he nọ wá Sọlọmọni de to owhè dopo mẹ yín talẹnti sika tọn nuọntọ̀n kàndekoatọ́n nuktìndopo. ¹⁵Malẹn enẹ he tẹ́nkúntọ lẹ nọ hẹn wá, po ahisi ajótọ lẹ tọn po, podo sọn ahọlu gbẹtọ flusọ lẹ tọn lẹ de, podọ sọn otògán otò tọn lẹ de. ¹⁶Ahọlu Sọlọmọni sọ basi jlẹdonu tùntùn fọde sika tọn lẹ: ṣẹkle nuọntọ̀n sika tọn yí jlẹdonu dopo kòn. ¹⁷E sọ basi awòyinu fọdekanweko sika-tùntùn tọn lẹ; ojlẹnu sika tọn atọ̀n yì awòyinu dopo kòn: ahọlu sọ bẹ́ yé do ohọ̀ zùnkan Lẹbanọni tọn mẹ. ¹⁸Humọ ahọlu sọ basi ofìn daho ajlankúdu tọn de, bo yí sika dagbedagbe do ṣinyọn ẹn. ¹⁹Afọdide ṣidopo wẹ tin to ofìn lọ kọ̀n, aga ofìn lọ tọn yín mimlin to godo: awàdotẹn lẹ tin to adà awe lẹ mẹ to otẹn aisinnú tọn lọ dali, okinni awe sọ to ote to awàdotẹn lẹ lọ dali. ²⁰Okinni wiawe ṣite finẹ to adà dopo go podọ to adà awetọ go to afọdide ṣidopo lẹ ji: yè ma ko basi hùnkọmọ de to ahọludu depope mẹ ²¹Núnùnú nuzinzán Sọlọmọni ahọlu tọn lẹpo tin sọn sika mẹ, podọ nuzinzán ohọ̀ zùnkan Lẹbanọni tọn mẹ tọn lẹpo tin sọn sika dagbedagbe mẹ: ode ma tin sọn fataka me gba; yè ma hia ẹ do núde mẹ to azán Sọlọmọni tọn lẹ mẹ gba. ²²Na ahọlu tindo to ohù mẹ awhàn ohún Talsisi tọn lẹ de, po awhàn ohún Hilami tọn lẹ po: whladopo to owhè atọ̀n mẹ wẹ awhàn ohún Talsisi tọn lẹ, nọ hẹn sika, po fataka po, ajlankudú, po aziza lẹ po, po ahlinhán lẹ po wá. ²³Mowẹ Sọlomọni ahọlu hugan ahọlu aigba tọn lẹpo to adọkun mẹ podọ to nuyọnẹn mẹ. ²⁴Aigba lẹpo sọ nọ to nukun Sọlọmọni tọn din, nado se nuyọnẹn etọn, he Jiwheyẹwhe yí do ayiha etọn mẹ. ²⁵Yé omẹ dopodopo sọ to nunina etọn hẹnwá, nuzinzán fataka tọn lẹ, po nuzinzán sika tọn lẹ po, po awù po, po awhànwu po, po nuyónwán lẹ po, osé lẹ, po otlo lẹ po, sọha de to whèmẹ whèmẹ. ²⁶Sọlọmọni sọ bẹ́ plidopọ kẹkẹ lẹ po osọ́nọ lẹ po: é tindo kẹkẹ fọsinawe, po osọ́nọ fọtọ́n wiawe po, he é bó kọ̀ndo tòdaho kẹkẹ tọn lẹ mẹ, podọ to ahọlu de to Jelusalẹm. ²⁷Ahọlu sọ hẹn fataka nado tin to Jelusalẹm taidi zannu lẹ, kedali lẹ wẹ ewọ sọ hen nado tin taidi atin sikomole he tin to agbadò mẹ lẹ, na ogégé. ²⁸Podọ osé he Sọlọmọni tindo Egipti wẹ yè hẹn yé sọn; ajótọ ahọlu tọn lẹ sọ nọ yí yé to osọha lẹ mẹ, osọha dopodopo to ahìdona de ji. ²⁹Kẹkẹ de sọ nọ hẹaga wá bo nọ jẹte yì sọn Egipti na ṣẹkle fataka tọn nuọntọ̀n, po osé de po na kantọ̀ngbàn: mọwẹ na ahọlu Hitinu lẹ tọn lẹpo, podọ na ahọlu Silia tọn lẹ, wẹ yé nọ hẹn yé tọ́n wá na gbọn osọha yetọn lẹ dali.

¹DINVIE ahọlu Sọlọmoni yiwanna yọnnu jonọ susu, dogọ́ viyọnnu Falo tọn, yọnnu Moabinu lẹ tọn lẹ, Ammọninu lẹ, Edọminu lẹ, Zidọninu lẹ, po Hitinu lẹ po; ²Sọn akọta lẹ mẹ ehe tọn OKLUNỌ dọ hlan ovi Islaeli tọn lẹ dọ, Míwlẹ ma na yì yé ṣẹnṣẹn gba, mọ yéwlẹ ma na wá mìwlẹ ṣẹnṣẹn: na nugbonugbo yé na lẹ́ ayiha mìtọn do yẹwhe yetọn lẹ godo: Sọlọmọni sẹ̀bọdo ehelẹ de to owanyi mẹ. ³E sọ tindo asi nuọntọ̀nkanweko, ahọviyọnnu lẹ, po yọnnuyiyi fọdekanweko po: asi etọn lẹ sọ lé ayiha etọn. ⁴Na é sọ wá jọ, whenuena Sọlọmọni yín mẹho, wẹ asi eton lẹ lẹ́ ayiha etọn do yẹwhe devo lẹ godo: ayiha etọn ma sọ yín pipó to OKLUNỌ Jiwheyẹwhe etọn de gba, dile ayiha Davidi otọ́ etọn tọn te do. ⁵Na Sọlọmọni yì Aṣitoleti godo yẹwheyọnnu Zidọninu lẹ tọn, podọ to Milkomi osùnú Ammọninu lẹ tọn godo. ⁶Sọlọmọni sọ wà enẹ he yín oylan to nukun OKLUNỌ tọn me, bo ma yì gigọ́gigọ́ tó OKLUNỌ godo gba, dile Davidi otọ́ etọn wà do. ⁷Whenẹnu wẹ Sọlọmọni dó otẹn yìaga de na Ṣimosi osùnú Moabinu lẹ tọn, to osé he tin to Jelusalẹm nukọn mẹ, podọ na Molẹki osùnú ovi Ammọni tọn lẹ tọn. ⁸Podọ mọwẹ é sọ wà na asi jonọ etọn lẹ, he nọ to nuwhẹnkún mẹ́ bo sọ nọ to avósán hlan yẹwhe yetọn lẹ.

⁹OKLUNỌ sọ yín adinọ do Sọlọmọni go, na yè lẹ́ ayiha etọn sọn OKLUNỌ de wutu, Jiwheyẹwhe Islaeli tọn, he sọawuhia hlan ẹn whlawe. ¹⁰Bo degbèna ẹn gbọn onú he tọn dali, dọ é ma na do yì yẹwhe devo lẹ godo gba: ṣigba ewọ ma yìn enẹ he OKLUNỌ degbèna ẹn gba. ¹¹Enẹwutu OKLUNỌ dọ hlan Sọlọmọni dọmọ, Sọle yè wà ehe sọn de we do, bọ hiẹ ma yìn alẹ̀nù ṣie po osẹ́ndoai ṣie lẹ po, he yẹn degbèna we, nugbonugbo yẹn na fẹ́n ahọludu lọ sọn así we, bo na na ẹn hlan mẹmẹsi towe. ¹²Ṣogãn to azán towe lẹ mẹ yẹn ma to na wà ẹ gba, na Davidi otọ́ towe tọn wutu: ṣigba yẹn na fẹ́n ẹn sọn alọ visunnu towe tọn mẹ. ¹³Ṣogãn yẹn ma to na fẹ́n ahọludu lẹpo sẹ̀ gba; ṣigba yẹn na na whẹndo dopo hlan visunnu towe, na Davidi mẹmẹsi ṣie tọn wutu, podọ na Jelusalẹm he yẹn ko dè tọn wutu.

¹⁴OKLUNỌ sọ fọ́n mẹglatọ de daga hlan Sọlọmọni, Hadadi Edọminu: ewọ tin sọn okún ahọlu tọn mẹ to Edọmi mẹ ¹⁵Na é sọ wá jọ, whenuena Davidi tin to Edọmi mẹ, bọ yè hẹn Joabi awhàngán awhànpa lọ tọn hẹji yì nado di alántọsiọ lẹ, bo ko sọ ho sunnusi lẹpo to Edọmi mẹ; ¹⁶(na Joabi po Islaeli lẹpo po nọ̀ finẹ họ̀ osùn ṣidopo, kaka é ko do sán sunnusi lẹpo sẹ́ to Edọmi mẹ;) ¹⁷Wẹ Hadadi họ̀nyì, ewọ po Edọminu dẽlẹ po sọn mẹmẹsi otọ́ etọn tọn lẹ mẹ po e po, nadọ yì biọ Egipti mẹ; Hadadi gbẹ́ yòpọvu de yín. ¹⁸Yé sọ fọ́n sọn Midiani, bo wá Palanì: yé bẹ́ gbẹtọ dogọ́ yé sọn Palani, yé sọ wá Egipti, to Falo ahọlu Egipti tọn de; he na ohó de e, bo sọ dlẹnalọdo núdùdù lẹ nẹ, bo na aigba ẹ. ¹⁹Hadadi sọ mọ nukundagbe daho to nukun Falo tọn mẹ, mọ bọ é na nọviyọnnu asi etọn titi tọn ẹn nọviyọnnu Tahpenẹsi ahọsi lọ tọn hlan asi. ²⁰Nọviyọnnu Tahpenẹsi tọn lọ sọ ji nẹ Genubati visunnu etọn, mẹhe Tahpenẹsi deanọ́na to owhé Falo tọn gbè to visunnu Falo tọn lẹ ṣẹnṣẹn. ²¹Whenuena Hadadi sè to Egipti mẹ dọ Davidi damlọn po otọ́ etọn lẹ po, podọ Joabi awhàngán awhànpa lọ tọn yín osiọ, Hadadi dọ hlan Falo dọmọ, gbọ yẹn ni fọ́nyì, na yẹn nido yì otò ṣie titi mẹ. ²²Whenẹnu wẹ Falo dọ hlan ẹn dọmọ, Ṣigba eté wẹ hie gbọagbá etọn to dẽ, bo, dayi e go, hiẹ do to dindin nado yì otò towe titi mẹ? Ewọ sọ gblọn dọ, Núde ma tin: ṣogàn gbọ yẹn ni fọ́nyì to depope mẹ.

²³Jiwheyẹwhe sọ fọ́n mẹglatọ devo daga hlan ẹn, Lezọni visunnu Eliada tọn, he ko họ̀nyì sọn klunọ etọn Hadadezẹli ahọlu Zoba tọn de: ²⁴ewọ sọ bẹ́ gbẹtọ lẹ pli do e de, bo sọ lẹzùn awhàngán to awhàngbé de ji, whenuena Davidi hù yé Zoba tọn lẹ: yé sọ yì Damasku, bo nọ nọ̀ finẹmẹ, bo to ahọludù to Damasku mẹ. ²⁵Ewọ sọ yín mẹglatọ de hlan Islaeli to azán Sọlọmọni tọn lẹpo mẹ, dogọ́ danu he Hadadi wà: ewọ sọ gbẹwanna Islaeli, bo dùahọlu do Silia ji.

²⁶Jeloboami visunnu Nebati tọn, Eflaiminu de sọn Zeleda, mẹmẹsi Sọlọmọni tọn, oyín onọ mẹhetọn tọn yín Zelua, yọnnu asúsiọsi de, ewọ ga zé alọ etọn daga do ahọlu ji. ²⁷Ehe wẹ owhẹ̀hó he é zé alọ etọn daga do ahọlu ji na: Sọlọmọni dó Milo, bo sọ vọ́ gbigbà tòdaho Davidi otọ́ etọn tọn jlado. ²⁸Dawe lọ Jeloboami yín sunnu hlọnhlọnnọ tudotọ de: Sọlọmọni sọ mọ dawe dẹpẹ lọ dọ é yín azónwàtọ, ewọ sọ na aṣẹ ẹ to azọ́n owhé Josẹfu tọn tọn lẹpo ji. ²⁹E sọ wá jọ to ojlẹ nẹ mẹ, whenuena Jeloboami tón yì sọn Jelusalẹm, wẹ yẹwhegán Ahija Ṣiloninu lọ mọ ẹn to aliho; dinvie Ahija ko yí awu yọ́yọ́ de do na ede; yé omẹ awe lẹ kẹdẹ wẹ sọ to danji ³⁰Ahija sọ hẹn awu yọ́yọ́ he tin to e go go, bo tlẹn ẹn do donu wiawe. ³¹E sọ dọ hlan Jeloboami dọmọ, Hiẹ bẹ́ donu ao: na le wẹ OKLUNỌ dọ, Jiwheyẹwhe Islaeli tọn, Dayi e go, yẹn na fẹ́n ahọludu lọ sọn alọ Sọlọmọni tọn mẹ, bo na na whẹndo ao hlan we: ³²(ṣigba ewọ na tindo whẹndo dopo, na mẹmẹsi ṣie Davidi tọn wutu, podọ na Jelusalẹm tọn wutu tòdaho he yẹn ko dè sọn whẹndo Islaeli tọn lẹpo mẹ:) ³³na dọ yé ko gbẹ́ mi dai wutu, bo ko litaina Aṣitolẹti yẹwheyọnnu Zidoninu lẹ tọn, Kemosi yẹwhe Moabi tọn, po Milkomi po yẹwhe ovi Ammọni tọn lẹ tọn; bọ yé ma ko sọ zinzọnlin to aliho ṣie lẹ mẹ gba, nado wà enẹ he yín jlọjlọ to nukun ṣie lẹ mẹ, podọ nado yìn oséndoai ṣie lẹ po whẹ̀dida ṣie lẹ po, dile Davidi otọ́ etọn ko wà do. ³⁴Ṣogán yẹn ma na bé ahọludu lọ pete sọn alọ etọn mẹ gba: ṣigba yẹn na yi i do basi ahọvi to azán ogbẹ́ etọn tọn lẹpo mẹ, na Davidi mẹmẹsi ṣie tọn wutu, mẹhe yẹn dè, na ewọ yin gbèdide ṣie lẹ wutu po osẹ́ndoai ṣie lẹ po: ³⁵ṣigba yẹn na yí ahọludu lọ sọn alọ visunnu etọn tọn mẹ, bo na na ẹn hlan we, yèdọ whẹndo ao. ³⁶Podọ hlan visunnu etọn wẹ yẹn na na whẹndo dopo, na Davidi mẹmẹsi ṣie nido tindo zògbán de whepoponu to nukọn ṣie to Jelusalẹm mẹ, tòdaho he yẹn ko dè na mi nado yí oyín ṣie do finẹ. ³⁷Yẹn na yí we, hiẹ na sọ dùahọlu kẹdẹdi ehe alindọn towe jlo lẹpo, bo na sọ yín ahọlu to Islaeli ji. ³⁸E na sọ yín, eyín hiẹ na tuntóai hlan ehe yẹn degbèna we lẹpo, bo na zinzọnlin to aliho ṣie lẹpo mẹ, bo sọ wà enẹ he yín jlọjlọ to nukun ṣie lẹ mẹ, nado yìn oséndoai ṣie lẹ po gbèdide ṣie lẹ po, dile Davidi mẹmẹsi ṣie wà do; wẹ yẹn na tin to de we, bo na dó ohó nugbo de na we, dile yẹn dó na Davidi do, bo sọ na Islaeli hlan we ³⁹Podọ na ehe yẹn na sọ bianukunna okún Davidi tọn, ṣigba kakadoi ma gba ⁴⁰Enẹwutu Sọlọmọni to dindin nado hù Jeloboami: ṣigba Jeloboami tite, bo họ̀nyì biọ Egipti mẹ, to Ẹisaki ahọlu Egjpti tọn de, bo sọ tin to Egipti mẹ kaka okú Sọlọmọni tọn whenu.

⁴¹Dinvie pipòtọ owàlọ Sọlọmọni tọn lẹ tọn, po ehe é wà lẹpo po, po nuyọnen etọn po, yé ma ka yin winwlan to owé owàlọ Solọmọni tọn lẹ tọn mẹ? ⁴²Podọ ojlẹ he Sọlọmọni do dùahọlu to Jelusalẹm mẹ to Islaeli lẹpo ji yín owhè kande. ⁴³Sọlọmọni sọ damlọn po otò etọn lẹ po, yè sọ di i to tòdaho Davidi otọ etọn tọn mẹ: Lehoboami visunnu etọn sọ dùahọlu to otẹn etọn mẹ.

¹LEHOBOAMI sọ yì Ṣekẹmi: na Islaeli lẹpo wẹ yè hẹn wá Ṣekẹmi nado basi i na ahọlu. ²E sọ wá jọ whenuena Jeloboami visunnu Nebati tọn sè e, (na ewọ gbẹ́ sọ tin to Egipti mẹ, fie é ko họ̀nyì sọn nukun Sọlọmọni ahọlu tọn mẹ, Jeloboami sọ nọ nò Egipti mẹ, ³Yé sọ domẹhlan bo ylọ ẹ;) wẹ Jeloboami po agùn Islaeli tọn lẹpo po wá, bo dọhó hlan Lehoboami, dọmọ, ⁴Otò towe hẹn oglepònu mìtọn fiẹawu: enẹwutu dinvie hiẹ ni hẹn sinsẹ̀n fiẹawu otọ̀ towe tọn, po oglepònu pinpẹn he é yí do mí ji po, fuahú, míwlẹ na sọ nọ sẹ̀n wé. ⁵Ewọ sọ dọ hlan yé dọmọ, Mì fọ́nyì whẹ na azán atọ̀n, whenẹnu mì ni vọ̀ wá dẽ. Gbẹtọ lẹ sọ fọ̀nyì. ⁶Lehoboami ahọlu yí hónamẹ po mẹho lẹ po, he ko nọ ṣite tó Solọmọni otọ̀ etọn nukọn whenuena é gbẹ́ togbẹ̀, dọmọ, Hónamẹ tẹwẹ mìwlẹ na mi nado gọ̀ gbègblọn hlan omẹ he lẹ? ⁷Yé sọ dọhó hlan ẹn, dọmọ, Eyín hiẹ na yín mẹmẹsi de hlan òmẹ he lẹ to egbé, bo na sẹ̀n yé, bo sọ gblọnhóna yé, bo sọ dọ ohó dagbe lẹ hlan yé, whenẹnu yé na yín mẹmẹsi towe lẹ kakadoi. ⁸Ṣigba é gbẹ́ hónamẹ mẹho lẹ tọn dai he yé ko na ẹn, bo yí hónamẹ po yọ̀pọ sunnu lẹ po he yè hẹn whén daga po e po, he nọ ṣite to nukọn etọn lẹ ⁹E sọ dọ hlan yé dọmọ, Hónamẹ tẹwẹ míwlẹ na, na mí nido gọ̀ gbègblọn hlan omẹ he lẹ, he ko dọhó hlan mi, dọmọ, Hẹn oglẹpọ̀nu lọ he otọ̀ towe ko yí do mí ji fuahú? ¹⁰Yọpọ sunnu lẹ lọ he yè hẹn whẹ́n daga po e po lẹ lọ dọhó hlan ẹn, dọmọ, Le wẹ hiẹ na dọ hlan omẹ he lẹ he dọhó hlan we lẹ, dọmọ, Otò towe hẹn oglepònu mìtọn pẹ̀n, ṣigba hiẹ ni hẹn ẹn fuahú hlan mí; lè wẹ hiẹ na dọhó hlan yé, dọ, Alọviyẹyẹ ṣie pẹvi tin titli hú adaja otò ṣie tọn. ¹¹Podọ dinvie dọ to nugbo mẹ otọ̀ ṣie ko yí oglepònu pinpẹn de do doagbànna mì, yẹn na dèdogò oglepònu mìtọn: otọ́ ṣie yí mehòba lẹ do hò mìwlẹ, ṣigba yẹn na yí aklekle lẹ do hò mì. ¹²Mowẹ Jeloboami po gbẹtọ lepo po wá Lehoboami de to azán atọ̀ntọ gbè, dile ahọlu degbè do, dọmọ, Mì sọ vọ̀ wá dẽ to azán atọ̀ntọ gbè. ¹³Ahọlu sọ yí ogbèylan do gblọnhóna gbẹtọ ewlẹ, bo gbẹ́ hónamẹ mẹho lẹ tọn he yé ko na ẹn; ¹⁴bo dọhó hlan yé kẹdẹdi hónamẹ yọ̀pọ sunnu lẹ lọ tọn, dọmọ, Otò ṣie hẹn oglepònu mìtọn pẹ̀n, ṣigba yẹn na dèdogọ̀ oglepọ̀nu mìtọn: otọ̀ ṣie yí mẹhòba lẹ do hò míwlẹ, ṣigba yẹn na yí aklekle lẹ do hò mì, ¹⁵Mọwẹ ahọlu ma tuntóai hlan gbẹtọ lẹ gba; na é yín onú hẹn wá sọn OKLUNỌ de de, na é nido hẹn ohó etọn lódo, he OKLUNỌ dọ gbọn alọ Ahija ṣiloninu lọ tọn mẹ hlan Jeloboami visunnu Nebati tọn. ¹⁶Whenuena Islaeli lẹpo mọ dọ ahọlu ma tuntóai hlan yé gba, gbẹtọ lẹ gblọnna ahọlu, dọmọ, Mimá tẹ́wẹ míwlẹ tindo to Davidi mẹ? mọ míwlẹ ma sọ tindo ogú to visunnu Jẹsse tọn mẹ: hlan gohọ̀ mìtọn lẹ kọ̀n, mì Islaeli emi: Davidi, pọ̀n owhé towe titi go. Mowẹ Islaeli fọ̀nyì gohò yetọn lẹ kọ̀n. ¹⁷Ṣigba na ovi Islaeli tọn lẹ he nọ nọ̀ tòdaho Juda tọn lẹ mẹ, Lehoboami dùahọlu do yé ji. ¹⁸Whenẹnu wẹ ahọlu Lehoboami do Adọlami hlan, mẹhe tin to osẹ̀njọ lọ ji; Islaeli lẹpo sọ dlọn zannu lẹ do e, bọ é kú. Ahọlu Lehoboami sọ basi awuya nado hẹn ede hẹji yì kẹkẹ etọn kọ̀n, nado họ̀nyì Jelusalẹm. ¹⁹Mowẹ Islaeli ṣiatẹ hẹ owhé Davidi tọn do, kakajẹ azán he gbè. ²⁰E sọ wá jọ, whenuena Islaeli lẹpo sè dọ yè hẹn Jeloboami gọ̀, wẹ yé domẹhlan bo ylọ ẹ do agùn lọ de, bo basi i na ahọlu do Islaeli lẹpo ji: mẹde ma tin he hodo owhé Davidi tọn, adavo whẹndo Juda tọn kẹdẹ.

²¹Whenuena yè hẹn Lehoboami wá Jelusalẹm, é bẹ́ owhé Juda tọn lẹpo pli, po whẹndo Bẹnjamini tọn po, sunnusi ṣinṣinyan fọtọ̀n kẹnnẹko, he yín awhànfuntọ lẹ, nado hòavùn hẹ owhé Islaeli tọn, nado vọ̀ ahọludu lọ hẹn wá Lehoboami visunnu Sọlọmọni tọn de. ²²Ṣigba ohó Jiwheyẹwhe tọn wá Ṣimaia de omẹ Jiwheyẹwhe tọn, dọmọ, ²³Dọhó hlan Lehoboami visunnu Sọlọmọni tọn ahọlu Juda tọn, podọ hlan owhé Juda po Bẹnjamini po tọn lẹpo, podọ hlan pipòtọ gbẹtọ lẹ tọn, dọmọ, ²⁴Le wẹ OKLUNỌ dọ, Míwlẹ ma na hẹji yì gba, mì ma na hòavùn hẹ mẹmẹsunnu mìtọn ovi Islaeli tọn lẹ gba: omẹ dopodopo ni le yì owhé etọn gbè; na dèe wẹ onú he sọn Mowẹ yé tuntóai hlan oho OKLUNỌ tọn do, bo lẹ́ bo yì aliho yetọn, kẹdẹdi ohó OKLUNỌ tọn.

²⁵Whenenu wẹ Jeloboami dó Ṣekẹmi to otò okọta Eflaimi tọn mẹ, bo nọ nó finẹmẹ; é sọ tọ́n yì sọn finẹ, bo dó Pẹnuẹli. ²⁶Jeloboami sọ dọ to ayiha etọn mẹ dọmọ, Dinvie wẹ ahọludu lọ na gọ̀ do owhé Davidi tọn de: ²⁷Eyín gbẹtọ he lẹ to jihẹ yì nado na avọ́sannú to ohọ̀ OKLUNỌ tọn mẹ to Jelusalẹm, whenẹnu wẹ ayiha omẹ he lẹ tọn na vọ̀ diọ hlan klunọ yetọn de, yèdọ hlan Lehoboami ahọlu Juda tọn de; bọ yé na sọ hù mi, bo lẹ́ do Lehoboami ahọlu Juda tọn de. ²⁸Fieji ahọlu yí hónamẹ bo basi oyìnvu awe sika tọn lẹ; é sọ dọ hlan yé dọmọ, E tin sù gbahu na míwlẹ nado nọ hẹji yì Jelusalẹm; pọ́n yẹwhe mìtọn lẹ, mì Islaeli emi, he hẹn we hẹji tọ́n sọn aigba Egipti tọn ji. ²⁹E sọ zé ode do Bẹtẹti mẹ, awetọ wẹ é sọ zé do Dani mẹ. ³⁰Onú he sọ lẹzùn ylando de: na gbẹtọ lẹ to yìyì nado litai to ode nukọn, yèdọ jẹ Dani. ³¹E sọ basi ohò otẹn yìaga lẹ tọn lẹ, bo sọ basi yẹwhenọ lẹ sọn gbẹtọ lẹpo ṣẹnṣẹn, he ma tin sọn visunnu Levi tọn lẹ mẹ. ³²Jeloboami sọ do hùnwhẹ́ de ai to osùn ṣinatọ̀ntọ mẹ, to azán fọtọ́ntọ osùn lọ tọn ji, taidi hlan hùnwhẹ́ he tin to Juda mẹ nkọ, ewọ sọ nọ hẹji yì agbà lọ kọn; mọwẹ é nọ wà do to Bẹtẹli mẹ, bo nọ to avọ́sán hlan oyìnvu lẹ he é basi: é sọ dotẹnna yẹwhenọ otẹn yìaga lẹ tọn lẹ he ewọ ko basi. ³³E sọ hẹji yì agbà lọ kọ́n he é ko basi do Bẹtẹli mẹ to azán fọtọ̀ntọ ji to osùn sinatòntọ mẹ, yèdọ to osùn lọ mẹ he ewọ lẹn to ayiha etọn titi mẹ: é sọ do hùnwhè de ai na ovi Islaeli tọn lẹ, bo sọ nọ hẹji yì agbà lọ kọ̀n, nado mé nuwhẹnkún.

¹BO, dayi e go, omẹ Jiwheyẹwhe tọn de tón sọn Juda mẹ wá gbọn ohó OKLUNỌ tọn dali jẹ Bẹtẹli: Jeloboami ko tin to ote to agbà lọ dali nado mẹ́ nuwhẹnkún. ²Ewọ sọ dawhá do agbà lọ ji gbọn ohó OKLUNỌ tọn dali, bo dọmọ, Hiẹ agbà E agbà, le wẹ OKLUNỌ dọ: Dayi e go, yè na ji ovi de hlan owhé Davidi tọn, Josia gbọn oyín dali; to oji we wẹ e na yi yẹwhenọ otẹn yìaga lẹ tọn lẹ do sánvọ́ te he to nuwhẹnkún mẹ́ to oji we, podọ ohú gbẹtọ lẹ tọn lẹ we yé na sọ mẹ́ to oji we. ³Ewọ sọ na ohia de to azán doponẹ gbè, dọmọ, Ehe wẹ ohia he OKLUNỌ ko dọ lọ. Dayi e go, yè na tlẹn agbà lọ, afín he tin to e ji wẹ yè na sọ kọ́n jẹgbonu. ⁴E sọ wa jọ, whenuena ahọlu sè hódidọ omẹ Jiwheyẹwhe tọn lọ tọn he é dawhá do agbà lọ ji to Bẹtẹli mẹ, wẹ Jeloboami dè alọ etọn tọ́n sọn agbà lọ ji, dọmọ, Mì wle e. Alọ etọn, he é dè jẹgbonu do e ji, hú, sọmọ bọ é ma sọ sọgan vó ẹ dọ̀n do godo hlan ẹn gba. ⁵Yè tlẹn agbà lọ ga, afín sọ kọ̀n jẹgbonu sọn agbà lọ ji, kẹdẹdi ohia he omẹ Jiwheyẹwhe tọn lọ na gbọn ohó OKLUNỌ tọn dali. ⁶Ahọlu lọ sọ gblọn bo dọ hlan omẹ Jiwheyẹwhe tọn lọ domọ, Biọ dinvie nukundagbe OKLUNỌ Jiwheyẹwhe towe tọn bo hodẹ́ na mi, na yè nido vọ alọ ṣie gòjóna mi. Omẹ Jiwheyẹwhe tọn lọ sọ biọ OKLUNỌ, yè sọ vọ́ alọ ahọlu tọn gọjóna ẹn, bo sọ lẹzùn dile é te dai. ⁷Ahọlu sọ dọ hlan omẹ Jiwheyẹwhe tọn lọ dọmọ, Wá owhé gbè po yẹn po, bo nagbọjẹ dewe, yẹn na sọ na ale de we. ⁸Omẹ Jiwheyẹwhe tọn lọ sọ dọ hlan ahọlu dọmọ, Eyín hiẹ na na odá owhé towe tọn mi, yẹn ma to na yì whégbe po hiẹ po gba, mọ yẹn ma to na dù akla kavi nù osìn to ofi he gba: ⁹Na mọwẹ yè naṣẹ mi do gbọn ohó OKLUNỌ tọn dali, dọmọ, Hiẹ ma na dù akla de, kavi nù osìn, kavi gọgbọn aliho he hiẹ gbọn wá gba ¹⁰Mowẹ é gbọn aliho devo yì, bo ma sọ gógbọn aliho he é gbọn wá Bẹtẹli mẹ.

¹¹Dinvie yẹwhegán mẹho de nọ nó Bẹtẹli mẹ; dopo sọn visunnu etọn lẹ mẹ wá bo dọ azọn lẹ he omẹ Jiwheyẹwhe tọn lọ wà to Bẹteli mẹ to gbènẹgbe nẹ̃: ohó lẹ he é ko dọ hlan ahọlu, yé ga yé dọ hlan otọ́ yetọn. ¹²Otọ yetọn sọ dọ hlan yé dọmọ, Aliho tẹwẹ é gbọn yì? Dinvie visunnu etọn lẹ ko mọ aliho he omẹ Jiwheyẹwhe tọn lọ he sọn Juda wá gbọn yì. ¹³E sọ dọ hlan visunnu etọn lẹ dọmọ, Mì blapana kẹtẹkẹtẹ lọ na mi. Mowẹ yé blapana kẹtẹkẹtẹ lọ nẹ: ewọ sọ hẹ́ e ji. ¹⁴Ewọ sọ jẹmọna omẹ Jiwheyẹwhe tọn lọ, bo mọ ẹn aisinsin to oaki de glọ: é sọ dọ hlan ẹn dọmọ, Hiẹ wẹ omẹ Jiwheyẹwhe tọn he sọn Juda wá? Ewọ sọ dọmọ, Yẹn wẹ. ¹⁵Whenẹnu wẹ é dọ hlan ẹn dọmọ, Wá whégbe po yẹn po, bo dù akla. ¹⁶Ewọ sọ dọmọ, Yẹn ma sọgan lẹ po hiẹ po gba, kavi yì whégbe po hie po gba: mọ yẹn ma na dù akla kavi nù osìn po hiẹ po to otẹn he me gba: ¹⁷Na yè ko dọ hlan mi gbọn ohó OKLUNỌ ton dali dọ, Hiẹ dù akla de kavi nù Osìn to finẹ blo, kavi sọ vọ́ lẹ́ nado gbọn aliho he hie gbọn wa yì blo. ¹⁸Ewọ sọ dọ hlan ẹn dọmọ, Yẹn ga yewhegán de yẹn yín dile hiẹ yín; angeli de wẹ sọ dọhó hlan mi gbọn ohó OKLUNỌ tọn dali, dọmọ Hẹn ẹn gọ̀ po hiẹ po biọ owhé towe gbè, na é nido dù akla bo sọ nù osìn, Ṣigba lalodo é te hlan ẹn ¹⁹Mowẹ ewọ gọ̀ yì godo po e po, bo dù akla to owhé etọn gbè, bo sọnù osìn. ²⁰E bo wá jọ, le yé sinai to tafo lọ kọ̀n, wẹ oho OKLUNỌ ton wá yẹwhegán he hẹn ẹn gọ̀ wá godo de: ²¹Ewọ dawhá hlan omẹ Jiwheyẹwhe tọn lọ he sọn Juda wá, dọmọ, Le we OKLUNỌ dọ, dọmọ, Sọle hiẹ ko yín tólivetọ hlan onù OKLUNỌ tọn, bo ma ko yìn gbedide he OKLUNỌ Jiwheyẹwhe towe degbèna we, ²²ṣigba bo gọ̀ wá godo, bo ko dù akla bo sọ nù osìn to otẹn lọ mẹ ehe ton é dọ hlan we dọ, A dù akla de blo, a sọ nù Osìn de blo; osiọ towe ma na wá olidò otẹ towe lẹ tọn kòn gba. ²³E sọ wá jọ, godo é ko dù akla, podọ godo he é ko nù, wẹ é blapana keteketẹ lọ na ẹn, enè wẹ, nado dọ, na yẹwhegán lọ mẹhe ewọ ko hẹn gọ̀ do godo. ²⁴Whenuena yè ko hẹn ẹn yì, okinni de pé e to aliho lọ, bo hù i: yè sọ zé oṣiọ etọn dlan aliho ji, okinni lọ sọ nọte to oṣiọ lọ kọ̀n: yé sọ wá bo dọ ẹ to tòdaho lọ mẹ fiẹ yẹwhègán mẹho lọ nọ nò. ²⁵Bo, dayi e go, gbẹtọ lẹ juwájei bo mọ osiọ lọ zizédlan aliho ji, okinni lọ bo sọ tote to oṣiọ lọ kọ̀n: yé sọ wá dọ ẹ to tòdaho lọ me fie yẹwhegán mẹho lọ nọnọ̀. ²⁶Whenuena yẹwhegán he hẹn ẹn wá gòdo sọn aliho lọ ji sè etọn, é dọmọ, Omẹ Jiwheyẹwhe tọn lọ wẹ, mẹhe yín tólivẹtọ hlan onù OKLUNỌ tọn: enẹwutu wẹ OKLUNỌ jó e hlan okinni lọ, he ko tlẹn ẹn, bo hù i, kẹdẹdi òhó OKLUNỌ tọn, he é ko dọ hlan ẹn ²⁷E sọ dọhó hlan visunnu etọn lẹ, dọmọ, Mì blapana kẹtẹketẹ lọ na mì Ye sọ blapana ẹn. ²⁸Ewọ sọ yì bo mọ osiọ etọn lọ yè zédlan aliho ji, kẹtẹkẹtẹ lọ po okinni lọ po to ote to oṣiọ etọn kọn: okinni lọ ma dù osiọ lọ, mọ é ma sọ tlẹn kẹtẹkẹtẹ lọ. ²⁹Yẹwhegán lọ sọ zé oṣiọ omẹ Jiwheyẹwhe tọn tọ́n lọ, bo tẹ́ ẹ do kẹtẹkẹtẹ etọn ji, bo sọ hẹn ẹn gò: é sọ wá todaho yẹwhegán mẹho lọ tọn mẹ, nado blawu, podọ nado di i ³⁰E sọ tẹ́ oṣiọ etọn do oyọdo etọn titi mẹ, yé sọ blawu to e ji, dọmọ, Núgbẹ́, mẹmẹsunnu ṣie ³¹E sọ wá jo, to godo é ko di i, wẹ é dọhó hlan visunnu i etọn lẹ, dọmo, Whenuena yẹn yín osiọ whenẹnu mì ni di mi do olidò ehe mẹ yè di omẹ Jiwheyẹwhe tọn do; mì ni té ohú ṣie lẹ do ohù etọn lẹ de. ³²Na didọ he é do dawhá gbọn ohó OKLUNỌ tọn dali do agbà lọ ji to Bẹteli mẹ, podọ do ohọ̀ otẹn yìaga tọn lẹ tọn lẹ he tin to tòdaho Samalia tọn mẹ lẹ lẹpo, na wá sè nugbonugbo.

³³To onú he godo Jeloboami ma sẹ sọn aliho ylanylan etọn mẹ gba, ṣigba bo sọ vọ́ yẹwhenọ otẹn yìaga lẹ tọn lẹ basi sọn gbẹtọ lẹpo ṣẹnṣẹn: medepope he jlo, é nọ lẹ ẹ wé, na yẹwhenọ otẹn yìaga lẹ tọn lẹ nido tin to finẹ. ³⁴Onú he sọ lẹzùn ylando hlan owhé Jeloboami tọn, yèdọ nado sán ẹn sẹ́, podọ nado và ẹ sẹ́ sọn nukunmẹ aigba tọn ji.

¹TO ojlẹ nẹ mẹ Abija visunnu Jeloboami tọn jai awutunọ. ²Jeloboami sọ dọ hlan asi etọn dọmọ, Yẹn vẹ we, tite, bo diọunmẹna dewe, bọ yè ma na do yón we nado yín asi Jeloboami tọn gba: bo hẹn we yì Ṣilo; dayi e go, Ahija yẹwhegán tin to finẹ, he dọhó gbọn yẹn tọn dali dọ yẹn do yín ahọlu to gbẹtọ he lẹ ji. ³Bo yí akla mimlin ao po hiẹ po, po aklahúhú lẹ po, po ogò owín ton dopo po, bo yì e de: é na dọ na we núhe na gbọngodona ovi lọ tọn ⁴Asi Jeloboami tọn sọ wà mọ, bo tite, bo yì Ṣilo, bo wá owhé Ahija tọn gbè. Dinvie Ahija ma sọgan mọnú gba; na yè hẹn nukun etọn lẹ míọn gbọn whinwhẹn etọn dali. ⁵OKLUNỌ sọ dọ hlan Ahija dọmọ, Dayi e go, asi Jeloboami tọn ja nado kanbiọ sọn de we gbọn ovi etọn tọn dali; na ewọ yín awutunọ: le po le po wẹ hiẹ na dọ hlan ẹn: na é na yín, whenuena ewọ wá whégbe, wẹ ewọ na diọunna ede nado yín yọnnu devo. ⁶E sọ yín mọ, whenuena Ahija sè ogbè afọ etọn tọn, le é wá whégbe to ohòn ji, wẹ é dọmọ, Wá whégbe, hiẹ asi Jeloboami tọn; etẹwutu wẹ hiẹ diọunna dewe nado yín mẹdevo? na yè do mi hlan wẹ po owẹn pinpẹn po. ⁷Yì, dọ na Jeloboami dọ, Le wẹ OKLUNỌ dọ Jiwheyẹwhe Islaeli tọn: Sọle yẹn zé we daga sọn gbẹtọ le ṣẹnṣẹn, bo yí we do basi ahọvi do Islaeli omẹ ṣie lẹ ji, ⁸Bo tlẹn ahọludu lọ sọn owhé Davidi tọn gbè, bo yí i na we: gãnṣo hiẹ ma yín Davidi mẹmẹsi ṣie, mẹhe yìn gbèdide ṣie lẹ, mẹhe yi ayiha etọn lẹpo do hodo mi, nado wà enẹ kẹdẹ he yín jlọjlọ to nukun ṣie lẹ mẹ; ⁹ṣigba bo ko wà oylan hugan mẹhe tin to nukọn towe lẹpo, bo ko sọ yì bo basi yẹwhe devo lẹ na we, po bosiọ kinkòn lẹ po, nado hẹn mi gblehomẹ hlan adi, bo ko sọ ze mi dlan godo towe: ¹⁰Enẹwutu, dayi e go, yẹn na hẹn oylan wá owhé Jeloboami tọn ji, bo na sọ sán ovi sunnu lẹpo sè sọn Jeloboami de, ewọ he yè súdohòmẹ po ewọ he yè jódai do ote to Islaeli mẹ po, bo na zà owhé Jeloboami tọn sẹ̀ gbidi-gbidi, dile omẹ de nọ zà ogbó sẹ̀ do, kaka yè do hẹn popo yì. ¹¹Ewọ he kú sọn Jeloboami mẹ to tòdaho me wẹ avún lẹ na dù; podọ ewọ he kú to odanji wẹ ohè aga tọn lẹ na dù: na OKLUNỌ wẹ ko dọ ẹ. ¹²Enẹwutu hiẹ ni tite, hẹn we yì owhé towe gbè, whenuena afọ towe biọ tòdaho lọ mẹ, ovi lọ na kú. ¹³Islaeli lẹpo na sọ blawu na ẹn, bo di i; na ewọ dopokẹdẹ sọn Jeloboami mẹ wẹ na wá oyọ̀do kòn: na to ewọ mẹ yè mọ onú dagbe vude wutu hlan OKLUNỌ dali, Jiwheyẹwhe Islaeli tọn, to owhé Jeloboami tọn gbè. ¹⁴Humọ OKLUNỌ na zétite nè ahọlu de do Islaeli ji, mẹhe na sán owhé Jeloboami tọn sè to azán nẹ̃ gbè: ṣigba etẹwẹ? yèdọ dinvie. ¹⁵Na OKLUNỌ na hò Islaeli, dile yè nọ whàn ofán to osìn mẹ do; ewọ na sọ họ̀nadọna Islaeli sọn aigba dagbe he ji, he é na hlan otọ́ yetọn lọ, bo na vúnvún yé jẹ̀ Otò lọ gododọ̃n; na yé ko basi Aṣelimi yetọn, do to homẹhẹngble OKLUNỌ hlan adi wutu. ¹⁶Ewọ na sọ jó Islaeli do na ylando Jeloboami tọn lẹ tọn wutu, he ewọ ko do wàylando, podọ ehe ewọ do hẹn Islaeli nado wàylando ¹⁷Asi Jeloboami tọn sọ tite, bo fọ́nyì, bo wá Tilza: podọ le ewọ wá vẹ̃nlitẹn owhé lọ tọn kón, ovi lọ kú. ¹⁸Islaeli lẹpo sọ di i, bo blawu na ẹn; kẹdẹdi ohó OKLUNỌ tọn, he é dọ gbọn alọ Ahija yẹwhegán mẹmẹsi etọn tọn mẹ. ¹⁹Pipòtọ owàlọ Jeloboami tọn tọn lọ, le é funawhàn do, po le é dùahọlu do po, dayi e go, yè wlan yé do owé otànnugbo ahọlu Islaeli tọn lẹ tọn lẹ mẹ. ²⁰Azán lẹ he Jeloboami do dùahọlu yín owhè konukunawe: ewọ sọ damlọn po otọ́ etọn lẹ po, Nadabi visunnu etọn sọ dùahọlu to otẹn etọn mẹ.

²¹Lehoboami visunnu Sọlọmọni tọn sọ dùahọlu to Juda me. Lehoboami yín omẹ owhè kandenukundopo mẹho whenuena é sẹ nado dùahọlu, é sọ dùahọlu owhè fọtọ̀nnukunawe to Jelusalẹm mẹ, tòdaho he OKLUNỌ ko dè sọn whẹndo Islaeli tọn lẹpo mẹ nado yí oyín etọn do finẹ: oyín onọ etọn tọn wẹ Ntima Ammọlitmu yọnnu. ²²Juda sọ wà enẹ he yín oylan to nukun OKLUNỌ tọn mẹ; yé sọ yí ylando yetọn lẹ he yé ko wà do hẹnhomẹgble e hlan awuwhan, hugan ehe otọ́ yetọn lẹ ko wà lẹpo. ²³Na yéwlẹ ga sọ dó na yé otẹn yìaga lẹ, po dòtin lẹ po, po Aṣelimi po, to okọta yìaga lẹpo ji, podọ to atin mu lẹpo glọ; ²⁴Sọdọminu lẹ ga sọ tin to finẹ to aigba lọ ji: yé to wiwà kẹdẹdi osùnú akọta lẹ tọn lẹpo he OKLUNỌ yàn jẹgbonu to ovi Islaeli tọn lẹ nukọn. ²⁵E sọ wá jọ to owhè atóntọ ahọlu Lehoboami tọn mẹ, wẹ Ṣisaki ahọlu Egipti tọn hẹji wá Jelusalẹm ji: ²⁶E sọ bé adọkunnuvivẹ ohọ̀ OKLUNỌ tọn tọn lẹ yì, po adọkunnuvivẹ ohọ̀ ahọlu tọn tọn lẹ po; yèdọ ewọ bẹ́ popo yì: é sọ bẹ̀ awọ̀yinu sika tọn he Sọlọmọni basi lẹ yì. ²⁷Ahọlu Lehoboami sọ basi awọ̀yínu gànvẹ̃ tọn lẹ do otẹn yetọn mẹ, bo jó yé do alọ awhàngán núhọtọ lọ tọn tọn lẹ tọn mẹ, he to ohọ̀n owhé ahọlu tọn tọn hó. ²⁸E sọ yín mọ, dọ whedepopenu ahọlu biọ ohò OKLUNỌ tọn mẹ jei núhọtọ nọ hẹn yé, bo sọ nọ hẹn yé gọ̀ wá bìọ abọ̀ núhọtọ tọn lọ mẹ. ²⁹Dinvie pipòtọ owàlọ Lehoboami tọn tọn lẹ, po ehe é wà lẹpo po, yè ma ka wlan yé to owé otànnugbo ahọlu Juda tọn lẹ tọn tọn mẹ? ³⁰Awhàn sọ tin to Lehoboami po Jeloboami po ṣẹnṣẹn jeijei. ³¹Lehoboami sọ damlọn po otọ́ etọn lẹ po, yè sọ di i po otọ́ etọn lẹ po to tòdaho Davidi tọn mẹ: oyín onọ etọn tọn wẹ Naama Ammọninuyọnnu. Abija visunnu etọn sọ dùahọlu to otẹn etọn mẹ.

¹DINVIE to owhè fọtọ̀nnukunatọntọ Jeloboami ahọlu yisunnu Nebati tọn tọn mẹ wẹ Abijami ṣẹ̀ nado dùahọlu to Islaeli ji. ²Owhè atọ̀n wẹ é do dùahọlu to Jelusalẹm mẹ: oyín onọ etọn tọn wẹ Maaka viyọnnu Àblẹalomi tọn. ³Ewọ sọ zinzọnlin to ylando otọ́ etọn tọn lẹpo mẹ, he ewọ ko wà to nukọn etọn: ayiha etọn ma sọ yín pipé po OKLUNỌ Jiwheyẹwhe etọn po gba, di ayiha Davidi otọ́ etọn tọn gba. ⁴Ṣogàn na Davidi tọn wutu OKLUNỌ Jiwheyẹwhe etọn na zògbán de e to Jelusalẹm mẹ, nado zé visunnu etọn daga to godo etọn, podọ nado hẹn Jelusalẹm lódo: ⁵na Davidi wà enẹ he yín jlọjlọ to nukun OKLUNỌ tọn lẹ mẹ wutu, bo ma lẹ́ do apadopo sọn onú depope he ewọ degbèna ẹn depope mẹ to azán ogbẹ́ etọn tọn lẹpo mẹ, adavo to whẹ́hó Ulia Hitinu lọ tọn kẹdẹ mẹ. ⁶Dinvie awhàn sọ tin to Lehoboami po Jeloboami po ṣẹnṣẹn to azán ogbẹ́ etọn tọn lẹpo mẹ. ⁷Pipòtọ owàlọ Abijami tọn tọn lẹ, po ehe é ko wà lẹpo po, yè ma ka wlan yé to owé otànnugbo ahọlu Juda tọn lẹ tọn tọn mẹ? Awhàn sọ tin to finẹ to Abijami po Jeloboami po ṣẹnṣẹn. ⁸Abijami sọ damlọn po otọ́ eton lẹ po; yé sọ di i to tòdaho Davidi tọn mẹ: Asa visunnu etọn sọ dùahọlu to otẹn etọn mẹ.

⁹To owhé okotọ Jeloboami ahọlu Islaeli tọn tọn mẹ wẹ Asa ṣẹ́ nado dùahọlu to Juda ji. ¹⁰Owhè kandenukundopo wẹ é do dùahọlu to Jelusalẹm mẹ: oyín onọ etọn tọn wẹ Maaka viyọnnu Abisalọmi tọn. ¹¹Asa sọ wà enẹ he yín jlọjlọ to nukun OKLUNỌ tọn lẹ mẹ, dile Davidi otọ́ etọn wà do. ¹²Ewọ bẹ́ sọdọminu lẹ jẹgbonu sọn aigba lọ ji, bo sọ dè boṣiọ he otọ́ etọn ko basi lẹpo sẹ́. ¹³Podọ ga é sọ dè Maaka onọ etọn sọn ahọlu onọ yínyín mẹ, na ewọ ko basi boṣiọ osùnọ de na Asela; Asa sọ sán bosiọ etọn liai, bo mó ẹn to tòpẹsẹ Kidlọnì kòn. ¹⁴Ṣigba yè ma bẹ́ otẹn yìaga lẹ sẹ́ gba: ṣogàn ayiha Asa tọn yín pipé po OKLUNỌ po to azán etọn lẹpo mẹ. ¹⁵Ewọ hẹn onú he otọ́ etọn ko klandowiwe lẹ wá biọ ohọ̀ OKLUNỌ tọn mẹ, po onú he ewlọsu ko klandowiwe lẹ po, fataka, po sika po, po núnùnú lẹ po. ¹⁶Awhàn sọ tin to finẹ to Asa po Baaṣa ahọlu Islaeli tọn po ṣẹnṣẹn to azán yetọn lẹpo mẹ. ¹⁷Baaṣa ahọlu Islaeli tọn sọ hẹji yì Juda ji, bo dó Lama, na é ma na do dikena mẹdepope nado jẹgbonu yì kavi wá whégbe to Asa ahọlu Juda tọn de. ¹⁸Whenẹnu wẹ Asa bẹ́ fataka po sika lẹpo po he yè jódai do adọkunnuvivẹ ohọ̀ OKLUNỌ tọn mẹ lẹ tọn, po adọkunnuvivẹ ohọ̀ ahọlu tọn mẹ tọn lẹ po, bo jó yé do alọ mẹmẹsi etọn lẹ tọn mẹ; Asa ahọlu sọ do yé hlan Bẹnhadadi de, visunnu Tablimmọni tọn, visunnu Heziọni tọn, ahọlu Silia tọn, he nọ nọ̀ Damasku, dọmọ, ¹⁹họntọ̀nji de tin to yẹn po hiẹ po ṣẹnṣẹn, to otọ́ ṣie po otọ́ towe po ṣẹnṣẹn: dayi e go, yẹn ko do nunina fataka po sika po tọn de hlan we; yì, gbà họntònji towe to Baaṣa ahọlu Islaeli tọn de, na é nido fọ́nyì sọn dẽ. ²⁰Bẹnhadadi tuntóai hlan Asa ahọlu, bo do awhàngán awhàn etọn lẹ tọn lẹ hlan tòdaho Islaeli tọn lẹ ji, bo hò Ijọni, po Dani po, po Abẹl-bẹt-maaka po, po Ṣinnelọti lẹpo po, po aigba Naftali tọn lẹpo po. ²¹E sọ wá jọ, whenuena Baaṣa sè e tọn, wẹ é jó didó Lama tọn dai, bo nọ nọ̀ Tilza mẹ. ²²Whenẹnu wẹ Asa ahọlu basi mìsẽlu de hlan Juda lẹpo; yè ma dè ode hlan: yé sọ bẹ́ zánnu Lama tọn lẹpo yì, po whlẹtlitli e tọn po, ehe Baaṣa ko yí do to didó; Asa ahọlu sọ yí do dó Geba Bẹnjamini tọn po Mizpa po. ²³Dinvie pipòtọ owàlọ Asa tọn tọn lẹpo tọn, po hlọnhlọn etọn lẹpo po, po ehe é ko wà lẹpo po, po tòdaho he é ko dó lẹ po, yè ma ka wlan yé do owé otànnugbo lẹ ahọlu Juda tọn tọn lẹ tọn mẹ? Ṣigba to ojlẹ yọ́nho etọn tọn mẹ yè doazọ̀n ẹn to afọ etọn lẹ mẹ. ²⁴Asa sọ damlọn po otọ́ etọn lẹ po, yè sọ di i po otọ́ eton lẹ po to tòdaho Davidi otọ́ etọn tọn mẹ: Jehọṣafati visunnu etọn sọ dùahọlu to otẹn etọn mẹ.

²⁵Nadabi visunnu Jeloboami tọn ṣẹ́ nado dùahọlu to Islaeli ji to owhè awetọ Asa ahọlu Juda tọn tọn mẹ, é sọ dùahọlu to Islaeli ji owhè awe. ²⁶Ewọ sọ wà enẹ he yín oylan to nukun OKLUNỌ tọn mẹ, bo to zọnlinzin to aliho otọ́ etọn tọn mẹ, podọ to ylando etọn mẹ ehe é yí do hẹn Islaeli nado wàylando. ²⁷Baaṣa visunnu Ahija tọn sọn owhé Isakali tọn gbè sọ ṣiatẹ hẹ ẹ; Baaṣa sọ họ̀ e to Gibbẹtoni, ehe yín Filistini lẹ tọn; na Nadabi po Islaeli lẹpo po ko to oglọndo té hlan Gibbẹtoni dali ²⁸Yèdọ to owhè atọ̀ntọ Asa ahọlu Juda tọn tọn mẹ wẹ Baaṣa hù i, bo sọ dùahọlu to otẹn etọn mẹ. ²⁹E sọ wá jọ dọ, saun, le é yín ahọlu, wẹ é hò owhé Jeloboami tọn lepo; é ma pòdai hlan Jeloboami depope he to gbigbọ, kaka é ko do và ẹ; kẹdẹdi didọ OKLUNỌ tọn, he é dọ gbọn alọ mẹmẹsi etọn Ahija Ṣiloninu lọ tọn mẹ: ³⁰na ylando Jeloboami tọn lẹ heódo wàylando, podọ ehe é yí do hẹn Islaeli nado wàylando; na homẹhẹngblenamẹ etọn wutu ehe é yí do henhomẹgblena OKLUNỌ, Jiwheyẹwhe Islaeli tọn, nado sadi. ³¹Dinvie pipòtọ owàlọ Nadabi tọn lẹ tọn, po ehe é wà lepo po, yè ma ka wlan yé to owé otànnugbo lẹ ahọlu Islaeli tọn lẹ tọn lẹ mẹ? ³²Awhàn sọ tin to Asa po Baaṣa ahọlu Islaeli tọn po ṣẹnṣẹn to azán yetọn lẹpo mẹ.

³³To owhè atọ̀ntọ Asa ahọlu Juda tọn tọn mẹ wẹ Baaṣa visunnu Ahija tọn ṣẹ́ nado dùahọlu to Islaeli lẹpo ji to Tilza mẹ, bo sọ dùahọlu owhè konukunẹnẹ. ³⁴Ewọ sọ wà enẹ he yín oylan to nukun OKLUNỌ ton mẹ, bo sọ to zọnlinzin to aliho Jeloboami tọn mẹ, podọ to ylando etọn mẹ ehe é yí do hẹn Islaeli nado wàylando.

¹OHÓ OKLUNỌ tọn sọ wá Jehu visunnu Hanani tọn de do Baaṣa go, dọmọ, ²Sọle yẹn zé we daga son kọgudu mẹ, bo yí we do basi ahọvi to Islaeli omẹ ṣie lẹ ji; bọ hiẹ ko sọ zinzọnlin to aliho Jeloboami tọn mẹ, bo ko sọ hen Islaeli omẹ ṣie lẹ nado wàylando, nado yi ylando yetọn lẹ do hẹnhomẹgble mi hlan adi; ³dayi e go, yẹn na zà Baaṣa sẹ̀ gbidigbidi po owhé etọn po; yẹn na sọ basi owhé towe taidi owhé Jeloboami visunnu Nebati tọn tọn. ⁴Ewọ he kú sọn Baaṣa mẹ tò tòdaho mẹ wẹ avún lẹ na dù; podọ ewọ he sọ kú na ede to danji we ohẹ̀ aga tọn lẹ na dù. ⁵Dinvie pipòtọ owàlọ Baaṣa tọn tọn lẹ, po núhe é ko wà po, po hlọnhlọn etọn po, yè ma ka wlan yé to owé otànnugbo lẹ ahọlu Islaeli tọn lẹ tọn lẹ mẹ? ⁶Baaṣa sọ damlọn po otọ́ etọn lẹ po, yè sọ di i to Tilza mẹ; Ela visunnu etọn sọ dùahọlu to otẹn etọn mẹ ⁷Podọ humọ gbọn alọ yẹwhegán Jehu visunnu Hanani tọn tọn mẹ wẹ ohọ́ OKLUNỌ tọn sọ wá Baaṣa ji, po owhé etọn po ji, awelẹ na oylan he é kò wà tọn wutu to nukun OKLUNỌ tọn mẹ, nado yí azọ́n alọ etọn lẹ tọn do gblehomẹna ẹn hlan adi, to tintin mẹ taidi owhé Jeloboami tọn, podọ na é hò e wutu.

⁸To owhè koatọ́nnukundopotọ Asa ahọlu Juda tọn tọn mẹ Ela visunnu Baaṣa tọn sẹ́ nado dùahọlu to Islaeli ji to Tilza mẹ, bo sọ dùahọlu owhè awe. ⁹Mẹmẹsi etọn Zimli, awhàngán odá kẹkẹ etọn lẹ tọn, ṣiatẹ hẹ ẹ: dinvie ewọ tin to Tilza mẹ, nùnù mú ededenu to ohò Alza tọn mẹ, he tin to owhédo ji to Tilza mẹ: ¹⁰Zimli sọ yì hòmẹ bo hò e, bo hù i, to owhè koatọ́nnukunawetọ Asa ahọlu Juda tọn tọn mẹ, bo sọ dùahọlu to otẹn etọn me ¹¹E so wá jọ, whenuena é sè nado dùahọlu, saun le é sín ofìn ji, wẹ é hò owhé Baaṣa tọn lẹpo: é ma po ovi visunnu dopo de dai nẹ gba, hẹnnu etọn lẹ de tọn, kavi họntọn etọn lẹ tọn. ¹²Le wẹ Zimli và owhé Baaṣa tọn lẹpo do, kẹdẹdi ohó OKLUNỌ tọn, he é dọ do Baaṣa go gbọn Jehu yẹwhegán lọ dali, ¹³na ylando Baaṣa tọn lepo, po ylando Ela visunnu etọn tọn lẹ po, he yé do wàylando, po ehe yé yí do hẹn Islaeli nado waylando po, nado yí ovọ́ yetọn lẹ do henhomẹgble OKLUNỌ, Jiwheyẹwhe Islaeli tọn hlan adi ¹⁴Dinvie pipòtọ owàlọ Ela tọn tọn lẹ, po ehe é ko wà lẹpo po, yè ma ka wlan yé to owé otànnugbo lẹ tọn ahọlu Islaeli tọn le tọn lẹ tọn mẹ?

¹⁵To owhè koatọ́nnukunaweto Asa ahọlu Juda tọn tọn mẹ wẹ Zimli dùahọlu azán ṣinawe tò Tilza mẹ. Dinvie yè hẹn gbẹtọ lẹ dosla do Gibbẹtoni ji, he yín Filistini lẹ tọn. ¹⁶Gbẹtọ he yè hẹn dosla lẹ sọ sè dọ, Zimli to atẹsi, bo ko sọ hò ahọlu lọ ga: enẹwutu Islaeli lẹpo yí Omli, awhàngán awhànpa lọ tọn do doahọlu do Islaeli ji to azán nẹ gbè to osla me. ¹⁷Omli sọ hẹji yì sọn Gibbẹtoni, podọ Islaeli lẹpo po e po, yé sọ glọn Tilza do. ¹⁸E sọ wá jọ, whenuena Zimli mọ dọ yè yí tòdaho lọ, wẹ é yì biọ whéhla owhé ahọlu tọn tọn mẹ, bo yí miyọn do mẹ́ ohọ̀ ahọlu tọn to e ji, bo ku, ¹⁹na ylando etọn lẹ he é ko do wàylando to wiwà enẹ mẹ he yín oylan to nukun OKLUNỌ tọn mẹ, to zọnlinzinzin mẹ to aliho Jeloboami tọn mẹ, podọ to ylando etọn mẹ he é ko wà, nado hẹn Islaeli nado wàylando. ²⁰Dinvie pipòtọ owàlọ Zimli tọn tọn lẹ, po atẹsi he é basi po, yè ma ka wlan yé to owé otànnugbo ahọlu Islaeli tọn lẹ tọn lẹ mẹ?

²¹Whenẹnu wẹ yè má omẹ Islaeli tọn lẹ do ogbẹ́ awe mẹ: odá omẹ ewlẹ tọn tọn to Tibni visunnu Gìnati tọn hodo, nado yí i do doahọlu; odá sọ to Omli hodo. ²²Ṣigba omẹ he to Omli hodo lẹ gbawhàn omẹ he to Tibni visunnu Ginati tọn hodo lẹ tọn: mọwẹ Tibni kú, bọ Omli sọ dùahọlu. ²³To owhè gbànnu kundopotọ Asa ahọlu Juda tọn tọn mẹ, wẹ Omli sẹ́ nado dùahọlu to Islàeli ji, bo sọ dùahọlu owhè wiawe: owhè ṣidopo é do dùahọlu to Tilza mẹ. ²⁴E sọ hò okota Samalia Ṣẹmeli tọn na talẹnti awe fataka tọn; é sọ dótò do okọta lọ ji, bo sọ yí oyín Sẹmeli tọn, onúnọ akọta lọ tọn, Samalia, do ylọ tòdaho he é dó lọ. ²⁵Omli sọ wà enẹ he yín oylan to nukun OKLUNỌ tọn me, bo yí kanylan do zán hú mẹhe tin to nukọn nẹ lẹpo. ²⁶Na é ko zinzọnlin to aliho Jeloboami visunnu Nebati tọn tọn lẹpo mẹ, podọ to ylando etọn lẹ mẹ, ehe é yí do hẹn Islaeli nado wàylando, nado yi ovọ́ yetọn lẹ do henhomẹgble OKLUNỌ, Jiwheyẹwhe Islaeli tọn, hlan adi. ²⁷Dinvie pipòtọ owàlọ Omli ton tọn lẹ he é ko wà, po hlọnhlọn etọn po he é ko dohia, yè ma ka wlan yé to owé otànnugbo ahọlu Islaeli tọn lẹ tọn lẹ tọn mẹ? ²⁸Mowẹ Omli damlọn po otọ́ etọn lẹ po, yè sọ di i to Samalia mẹ: Ahabi visunnu etọn sọ dùahọlu to otẹn etọn mẹ.

²⁹To owhè gbàntọ́nnukunatọ̀ntọ Asa ahọlu Juda tọn tọn mẹ wẹ Ahabi visunnu Omli tọn ṣẹ̀ nado dùahọlu to Islaeli ji: Ahabi visunnu Omli tọn sọ dùahọlu to Islaeli ji to Samalia mẹ owhè konukunawe. ³⁰Ahabi visunnu Omli tọn sọ wà enẹ he yín oylan to nukun OKLUNỌ tọn mẹ hú mẹhe ko tin to nukọn nẹ lẹpo. ³¹E sọ wá jọ, di eyín é ko yín onu fua de na ẹn nado nọ to zọnlinzin to ylando Jeloboami visunnu Nebati tọn tọn lẹ mẹ, wẹ é do yí Jẹzebẹli viyọnnu Etibaali ahọlu Zidoninu lẹ tọn tọn hlan asi, bo yì bo to Baali: sẹ̀n, bo sọ to taliaina ẹn. ³²E sọ té agbà de na Baali to ohò Baali tọn mẹ, he é ko dó to Samalia mẹ. ³³Ahabi sọ basi Asela; Ahabi sọ vọ́ wàhú nado hẹnhomẹgble OKLUNỌ, Jiwheyẹwhe Islaeli tọn hlan adi hú ahọlu Islaeli tọn lẹpo he ko tin to nukọn nẹ. ³⁴To azán etọn lẹ mẹ wẹ Hlẹli Bẹtielinu lọ dó Jẹliko: é do dòdo etọn lọ ai po hẹnbú Abilami plọnji etọn tọn po, bo sọ zé hòngbo etọn lẹ dote po hẹnbú Sẹgubi visunnu ojivò etọn tọn po; kẹdẹdi ohó OKLUNỌ tọn, he é dọ gbọn alọ Jọṣua visunnu Nuni tọn tọn mẹ.

¹ELIJA Tisibinu lọ, mẹhe tin sọn wásinu Gileadi tọn lẹ mẹ, dọ hlan Ahabi dọmọ, Le: OKLUNỌ, Jiwheyẹwhe Islaeli tọn, to ogbẹ́, mẹhe nukọn yẹn ṣite te, ahún ma na tin kavi jikun to owhè helẹ mẹ, adavo kẹdẹdi ohó ṣie. ²Ohó OKLUNỌ tọn sọ wá e de, dọmọ, ³hẹn we yì sọnfì, bo gò we hlan whèzẹtẹn dali, bo whla dewe hlan tọ́pẹsọ Ẹeliti dali ehe tin to Jọdani nukọn. ⁴E na sọ yín, dọ hiẹ na nù sọn tọ̀pẹsẹ lọ mẹ; Yẹn ko sọ degbèna ohọ́n le nado to yìnyìn we to finẹ. ⁵Mowẹ é yì bo sọ wà do kẹdẹdi ohó OKLUNỌ tọn: na ewọ yì bo sọ nò tòpẹsẹ Sehti lọdali, he tin to Jọdani nukọn ⁶Ohón lẹ sọ to akla po olàn po hẹn wá nè to afọnnu, podọ akla po olàn po to whèjai; ewọ sọ to tòpẹsẹ lọ nù. ⁷E sọ wá jọ to ojlẹ de godo, wẹ tòpẹsẹ lọ hú, na jikun de ma tin to aigba lọ ji wutu.

⁸Ohó OKLUNỌ tọn sọ wá e de, dọmọ, ⁹Tite, hẹn we jẹ Zalefati, he yín Zidọni tọn, bo nò finẹ: dayi e go, yen ko degbèna nawe asúsiọsi de to fine nado gọalọna we ¹⁰Mowẹ é tite bo yì jẹ Zalefati; whenuena é wá hòngbo todaho lọ tọn ji, dayi e go, nawe asúṣiọsi de tin to finẹ to nakeyẹyẹ lẹ sinyan: é sọ ylọ hlan ẹn, bo dọmọ, Yẹn vẹ́ we, hẹnwá na mi osìn vude do nuzinzán de mẹ, na yẹn nido nù. ¹¹Podọ le ewọ sọ jei nado hẹn ẹn wá, é sọ ylọ hlan ẹn, bo dọmọ, Hẹnwá na mi, yẹn vẹ̀ we, nudo akla tọn de to alọ tòwe mẹ. ¹²Ewọ sọ dọmo, Le OKLUNỌ Jiwheyẹwhe towe to ogbẹ́, yẹn ma tin aklahihi de gba, adavo alọgogo linfin tọn de to odla lọ mẹ, po ami vude po to aboun lọ mẹ: bo, dayi e go, yẹn to nakeyẹyẹ awe de ṣinyan, na yẹn nido yì whégbe bo dà ẹ na mi po visunnu ṣie po, dọ mí nido dù i, bo kú. ¹³Elija sọ dọ hlan ẹn dọmọ, A dibu blo; yì bo wà do le a ko dọ do: ṣigba basi na mi sọn finẹtọn mẹ aklahihi de whẹ, bo hẹn ẹn wá dẽ, to enẹgodo basi na we podọ na visunnu towe. ¹⁴Na le wẹ OKLUNỌ, Jiwheyẹwhe Islaeli tọn dọ, Odla linfin tọn lọ ma to na jẹvó, mọ aboun ami tọn lọ ma sọ to na hú, kaka jẹ azán lọ gbè he OKLUNỌ do jikun hlan aigba lọ ji. ¹⁵E sọ yì bo wà kẹdẹdi didọ Elija tọn: ewọ, po e po, po owhé etọn po to dùdù azán susu. ¹⁶Odla linfin tọn lọ ma jẹvọ́, kavi aboun ami tọn lọ, kẹdẹdi ohó OKLUNỌ tọn, he é dọ gbọn Elija de. ¹⁷E sọ wá jọ to onú helẹ godo, wẹ visunnu nawe he tọn, asidaho owhé lọ tọn, to awutujẹ; awutujijẹ etọn yín awufiẹ sọmọ, bọ yè ma hẹn gbọfufu de pòai to e hòmẹ gba. ¹⁸E sọ dọ hlan Elija dọmọ, Etẹ́ yẹn tindo nado wà po hiẹ po, hiẹ omẹ Jiwheyẹwhe tọn È? yè hẹn we wá dẽ nado hẹn ylando ṣie wá hlan oflin, podọ nado hù visunnu ṣie!

¹⁹Ewọ sọ dọ hlan ẹn dọmọ, Na visunnu towe mi, Ewọ sọ zé e sọn akọ́n etọn mẹ, bo hẹn ẹn heaga biọ abo lọ mẹ, fie ewo nọ nọ, bo té ẹ do adozán etọn titi ji. ²⁰Ewo sọ dawhá hlan OKLUNỌ, bo dọmọ, OKLUNỌ Ẹ Jiwheyẹwhe ṣie, hiẹ ko hẹn oylan wá ga do asúsiọsi lọ ji mẹhe de yẹn wáwási te, gbọn visunnu etọn hùhù dali? ²¹E sọ dlẹn ede do ovi lọ ji whlatọ̀n, bo dawhá hlan OKLUNỌ, bo dọmọ, OKLUNỌ É Jiwheyẹwhe ṣie, yẹn vẹ̀ we, gbọ alindọn ovi he tọn ni sọ gọ́ wá biọ ewọ mẹ. ²²OKLUNỌ sọ tuntóai hlan ogbè Elija tọn; alindọn ovi lọ tọn sọ gọ́ wá biọ ewo mẹ, bọ é sọ yín. ²³Elija sọ zé ovi lọ, bo hẹn ẹn jẹte sọn abo lọ mẹ biọ ohọ̀ mẹ, bo jó e hlan onọ etọn: Elija sọ dọmọ, Pọ́n, visunnu towe to ogbẹ̀. ²⁴Nawe lọ sọ dọ hlan Elija dọmọ, Yẹn yọnẹn lò dọ omẹ Jiwheyẹwhe tọn de wẹ hiẹ, podọ ohó OKLUNỌ tọn to onù towe mẹ nugbo wẹ.

¹E sọ wá jọ to azán susu godo, wẹ ohó OKLUNỌ tọn wá Elija de, to owhè atọ̀ntọ mẹ, dọmọ, Yì, do dewe hia hlan Ahabi; yẹn na sọ do jikun hlan aigba lọ ji. ²Elija sọ yì nado do ede hia hlan Ahabi. Ohùvẹ lọ sọ yín awuvẹ́ to Samalia mẹ. ³Ahabi sọ ylọ Obadia, he tin to whédo lọ ji. (Dinvie Obadia dibusi OKLUNỌ talala: ⁴na é yín mọ, whenuena Jẹzebẹli to yẹwhegán OKLUNỌ tọn lẹ sán sẹ̀ wẹ Obadia bẹ́ yẹwhegán kanweko bo whla yé kandeao kandeao to aigbaslo de mẹ, bo yí akla po osìn po do to yé yìn.) ⁵Ahabi sọ dọ hlan Obadia dọmọ, Yi gbọn aigba lẹpo ji pé, jẹ asìsa osìn tọn lẹpo kọ̀n, podọ jẹ tọ̀pẹsẹ lẹpo kọ̀n: eya mí sọgan mọ ogbẹ́ bo whlẹn osọ́ lẹ po otlo lẹ po do ogbẹ̀, bọ mí ma na do bú okanlin lẹpo gba. ⁶Mowẹ yé má aigba lọ to yé ṣẹnṣẹn nado gbọn e ji lẹdopé: Ahabi gbọn aliho de yì na ede, Obadia sọ gbọn aliho devo yì na ede. ⁷Le Obadia tin to aliho lọ ji, dayi e go, Elija pé e; é sọ yọ́n ẹn, bo ṣinyọn nukunmẹ etọn ji, bo dọmọ, Hiẹ klunọ ṣie, Elija, wẹ? ⁸Ewọ sọ gblọnna ẹn dọmọ, Yẹn ewọ wẹ: yì, dọ na klunọ towe, dọ, Dayi e go, Elija tin to ofi. ⁹Ewọ sọ dọmọ, Etẹ́mẹ yẹn ko wàylando te, bọ hiẹ na do jó mẹmẹsi towe do alọ Ahabi tọn mẹ, nado hù mi? ¹⁰Le OKLUNỌ jiwheyẹwhe towe to ogbẹ̀, akọta de ma tin to finẹ kavi ahọludù, fie klunọ ṣie ma ko domẹhlan nado din we mọ: whenuena yé sọ dọmọ, Ewọ ma tin to ofi gba, ewọ nọ yí owhle ahọludu po akọta tọn de po, dọ yé ma din we mọ gba. ¹¹Dinvie hiẹ dọmọ, Yì, dọ na klunọ tòwe dọ, Dayi e go, Elija tin to ofi. ¹²E na sọ wá jọ, plaun le yè hẹn yẹn yì sọn de we, wẹ gbigbọ OKLUNỌ tọn na zé we yì fie yẹn ma yọnẹn; mọ whenuena yẹn wá bo dọ na Ahabi, bọ ewọ ma sọgan mọ we, ewọ na hù mi: ṣigba yẹn mẹmẹsi towe dibusi OKLUNỌ sọn ovu ṣie, ¹³Yè ma ka dọ ẹ na klunọ ṣie, núhe yẹn ko wà whenuena Jẹzebẹli to yẹwhegán OKLUNỌ tọn lẹ hù, le yẹn whla omẹ kanweko sọn yẹwhegán OKLUNỌ tọn lẹ mẹ do kandeao kandeao to aigbaslo de mẹ, bo yí akla po osìn po do yìn yé? ¹⁴Dinvie hiẹ sọ dọmọ, Yì, dọ na klunọ towe dọ, Dayi e go, Elija tin to ofi: ewọ bo na sọ hù mi. ¹⁵Elija sọ dọmọ, Le OKLUNỌ awhànpa lẹ tọn to ogbẹ̀, mẹhe nukọn yẹn site te, nugbonugbo yẹn na do dẽ hia hlan ẹn to egbé. ¹⁶Mowẹ Obádia yì nado pé Ahabi, bo sọ dọ nẹ: Ahabi sọ yì nado pé Elija. ¹⁷E sọ wá jọ, whenuena Ahabi mọ Elija, wẹ Ahabi dọ hlan ẹn dọ, Hiẹ wẹ ewọ, hiẹ tukladomẹtọ sọn Islaeli mẹ? ¹⁸Ewọ sọ gblọn dọ, Yẹn ma tuklado Islaeli gba; adavo hiẹ, po owhé otọ́ towe tọn po, to ehe mẹ mìwlẹ ko gbẹ́ gbèdide OKLUNỌ tọn lẹ dai, bọ hiẹ sọ to Baalimi hodo. ¹⁹Enẹwutu dinvie domẹhlan, bo pli Islaeli lẹpo do dẽ do osé Kalmẹli kòn, po yẹwhegán fọ̀wekandeao Baali tọn lẹ po, po yẹwhegán fowe Asela tọn lẹ po, he nọ dù to tafo Jẹzebẹli tọn kọ̀n. ²⁰Mowẹ Ahabi domẹhlan ovi Islaeli tọn lẹpo, bo pli yẹwhegán lẹ dopọ do osé Kalmẹli kòn. ²¹Elija sọ wá sẹpọ́ gbẹtọ lẹpo de, bo dọmọ, Nawẹ míwlẹ gbẹ́zọ̀n linlẹn awe ṣẹnṣẹn dẹn sọ le? Eyín OKLUNỌ yín Jiwheyẹwhe, mì hodo e: ṣigba é sọ yín Baali, bé mì bo to hihodo e. Gbẹtọ lẹ ma sọ gblọn ohó de nọ̀ gba. ²²Whenẹnu wẹ Elija dọ hlan gbẹtọ ewlẹ dọmọ, Yẹn, yèdọ yẹn ṣọkẹdẹ, wẹ pò yín yẹwhegán OKLUNỌ tọn de; ṣigba yẹwhegán Baali tọn lẹ yín sunnusi fowekandeao. ²³Enẹwutu gbọ yé ni na oyìnsisá awe mí; bo sọ gbọ yé ni dè oyìnsisá dopo na yéde, bo já ẹ do flinflin, bo tẹ́ ẹ do nake ji, ma yí miyọn de do oglọ: Yẹn na sọ basi oyìnsisá awetọ lọ, bo té ẹ do nake ji, bo ma sọ yí miyọn de do oglọ. ²⁴Míwlẹ ni bo dawhá ylọ oyín yẹwhe mìtọn tọn, yẹn na sọ dawhá ylọ oyín OKLUNỌ tọn: Jiwheyẹwhe he siọ gbọn miyọn dali, gbọ ewọ ni yín Jiwheyẹwhe. Gbẹtọ lẹpo sọ gblọn bo dọmọ, Yè dọ ẹ dagbe. ²⁵Élija sọ dọ hlan yẹwhegán Baali tọn lẹ dọmọ, Mì dè oyìnsisá dopo na mìde, bo basi i whẹ́; na mẹsusu wẹ mìwlẹ: bo dawhá ylọ oyín yẹwhe mìtọn tọn, ṣigba mì yí miyọn de do oglọ blo. ²⁶Yé sọ yí oyìnsisá lọ he yè na yé, yé sọ basi i, bo to awhádo ylọ oyín Baali tọn sọn afọnnu yèdọ kakajẹ whèdakọ̀, dọmọ, Baali È, siọ mí. Ṣigba ogbè de ma tin to finẹ, mọ mẹdepope ma siọ. Yé sọ tòasla lédo agbà he yè tẹ́ lọ. ²⁷E sọ wá jọ to whèdakọ̀ jlẹmẹ, wẹ Elija to yé vlẹ, bo dọmọ, Mì dawhá gángán: na yẹwhe de wẹ ewọ; eyá nulẹnpọ́n é te, kavi yè hẹn ẹn yì apadopo, kavi é tin to gbéjizọnlin de ji, kavi eya é to amlọndọ, bo mananọma yín finfọ́n gba. ²⁸Yé sọ dawhá gángán, bo sọ yí awhànnọhi lẹ po owhán lẹ po do to awugblena yéde di owàlọ yetọn, kaka ohùn do to kinkán tọ́n to yé go. ²⁹E sọ yín mọ, whenuena yè hẹn whèdakọ̀ jù, wẹ yé to dọdaidọ kakajẹ ojlẹ avọ́ nunina avọ́ whèjai tọn tọn mẹ; ṣigba ogbè de ma tin, mẹdepope ma siọ, mọ mẹdepope ma hòpón. ³⁰Elija sọ dọ hlan gbẹtọ ewlẹpó dọmọ, Mì wá sẹpọ́ dè; gbẹtọ ewlẹpó sọ wá sẹpọ́ ẹ. Ewọ sọ vó agbà OKLUNỌ tọn lọ he yè ko họ́ liai jlado. ³¹Elija sọ yí zannu wiawe kẹdẹdi osọha whẹndo visunnu Jakobu tọn lẹ tọn lẹ tọn, mẹhe de ohó OKLUNỌ tọn wá, dọmọ, Islaeli wẹ oyín towe na nọ yín. ³²Zannu lẹ lọ wẹ é yí do dó agbà de to oyín OKLUNỌ tọn mẹ; é sọ basi avúndoe de lẹ́do agbà lọ, klo sọ na do hẹn ojlẹ okun tọn awe. ³³E sọ to nake do tẹnmẹtẹnmẹ, bo já oyìnsisá lọ do fiinflin, bo tẹ́ ẹ do nake lọ ji. E sọ dọmọ, Mì yi osìn do gọ́ odla ẹnẹ, bo túntún in do avọ́ nunina mimẹ̀ lọ ji, podọ do nake lọ ji. ³⁴E sọ dọmọ, Mì wà ẹ whlawetọ; yé sọ wà ẹ whlawetọ. E sọ dọmọ, Mì wà ẹ whlatọntọ; yé sọ wà ẹ whlatòntọ ³⁵Osìn lọ sọ to sisà lédo agbà lọ pé, é sọ yí osìn do gọ́ avúndoe lọ ga ³⁶E sọ wá jọ to ojlẹ nina avọ́ whèjai tọn tọn mẹ, wẹ Elija yẹwhegán lọ wá sẹpọ́, bo dọmọ, OKLUNỌ È, Jiwheyẹwhe Ablaham tọn, Isaki tọn, po Islaeli po tọn, gbọ é ni yín yinyọnẹn to egbé dọ hiẹ wẹ Jiwheyẹwhe to Islaeli mẹ, podọ mẹmẹsi towe wẹ yẹn, podọ yẹn to onú helẹpó wà to oho towe ji. ³⁷OKLUNỌ È, siọ mi, siọ mi, na omẹ he lẹ nido yọnẹn dọ hiẹ, OKLUNỌ, wẹ Jiwheyẹwhe, podọ hiẹ ko sọ vó ayiha yetọn lẹ́ gọ̀ do godo. ³⁸Whenẹnu wẹ miyọn OKLUNỌ tọn flẹ́, bo fiọ avọ́ nunina mimẹ̀ lọ, po nake lọ po, po zannu lẹ po, po kọgudu lọ po, bo sọ didọ osìn he tin to avúndoe lọ mẹ. ³⁹Whenuena gbẹtọ lepo mọ ẹn, yé ṣinyọn nukunmẹ yetọn lẹ ji: yé sọ dọmọ, OKLUNỌ lọ, ewọ wẹ Jiwheyẹwhe, OKLUNỌ lọ, ewọ wẹ Jiwheyẹwhe ⁴⁰Elija sọ dọ hlan yé dọmọ, Mì bẹ́ yẹwhegán Baali tọn lẹ; mì dike ode sọn yé me hòngán blo. Yé sọ bẹ́ yé: Elija sọ hẹn yé jẹte wá tòpẹsẹ Kisoni kọ̀n, bo hù yé to finẹ. ⁴¹Eiija sọ dọ hlan Ahabi dọmọ, Hẹn we hẹji yì, dù bo sọ nù; na gbèlili ogégé jikun tọn tin to finẹ. ⁴²Mọwe Ahabi yì aga nado dù podọ nado nù. Elija sọ hẹaga yì adadanu Kalmẹli tọn; é sọ dẹ́ ede dodò to aigba ji, bo yí nukunmẹ etọn do okligo etọn lẹ ṣẹnṣẹn. ⁴³E sọ dọ hlan mẹmẹsi etọn dọmọ, Hẹaga yì dinvie, pọ́n hlan ohù dali. Ewọ sọ hẹaga yì, bo pọ́n, bo dọmọ, Núde ma tin to finẹ gba. Ewọ sọ dọmọ, Sọ vọ́ yì whla ṣinawe. ⁴⁴E sọ wá jọ to whla ṣinawetọ ji, wẹ é dọmọ, Dayi e go, aslọ de tite sọn ohù mẹ to finẹ, bo whè sọ alọ gbẹtọ de tọn. Ewọ sọ dọmọ, Hẹaga yì, dọ hlan Ahabi dọmọ, Wleawu kẹkẹ towe tọn dote, bo hẹn we jete, na jikun ma na do glọn we gba. ⁴⁵E sọ wá jọ tọ osã vude mẹ, wẹ olọn yí aslọ lẹ po jẹhọn po do sú yu, jikun daho de sọ tin finẹ. Ahabi sọ dókẹkẹ, bo yì Jezleẹli. ⁴⁶Alọ OKLUNỌ tọn sọ tin to Elija go; é sọ gbàn adaja mẹ etọn lẹ, bo sọ to wezundo to Ahabi nukọn jẹ bibiọ Jezleẹli tọn mẹ.

¹AHABI sọ dọ na Jẹzebẹli ehe Elija ko wà lẹpo, podọ dogọenẹ le é ko yí ohi do hù yẹwhegán lẹ dọ. ²Jẹzebẹli sọ do mẹdagun de hlan Elija de, dọmọ, Mowẹ gbọ yẹwhe lẹ ni wà hlan mi, podọ humọ ga, eyín yẹn ma basi ogbé towe di ogbẹ́ dopo yé tọn tọn to osò to ojlẹ he nkọ mẹ. ³Whenuena ewọ mọ enẹ, é tite, bo yì na ogbẹ́ etọn, bo wá Beẹli-ṣeba, he yín Juda tọn, bo jó mẹmẹsi etọn dai to finẹ. ⁴Ṣigba ewọ lọsu yì gbéjizọnlin azán dopo tọn biọ zùngbo mẹ, bo wá bo sín atin junipeli de glọ: é sọ biọ na ede na é nido kú; bo dọmọ, E tin sù; dinvie, OKLUNỌ È, yí ogbẹ́ ṣie sẹ́; na yẹn ma tin pónte hú otọ́ ṣie lẹ gba. ⁵E sọ mlọn ai bo damlọn to atin junipeli de glọ; bo, dayi e go, angẹli de sọalọ ẹ, bo dọ hlan ẹn dọmọ, Tite bo du. ⁶Ewọ sọ pọn, bo, dayi e go, to finẹ aklahihi to akán lẹ ji de tin to ota etọn, po ogò osìn tọn po. Ewọ sọ dù bo nù, bo sọ vọ̀ ai mlọn. ⁷Angẹli OKLUNỌ tọn lọ sọ vọ̀ wá whla awetọ, bo sọ sọalọ ẹ, bo dọmọ, Tite bo sọ dù; na gbéjizọnlin lọ yín daho gbahu na we wutu ⁸Ewọ sọ tite, bo dù bo sọ nù, bo sọ to yìyì to huhlọn núdùdù nẹ tọn mẹ okle kande po ozán kande po jẹ Holẹbi osé Jiwheyẹwhe tọn kọ̀n. ⁹E sọ wá finẹ jẹ aigbaslo de kòn, bo to finẹ nò; bo, dayi e go, ohó OKLUNỌ tọn wá e de, ewọ sọ dọ hlan ẹn dọmọ, Elija, eté hiẹ to wiwà to ofi? ¹⁰Ewọ sọ dọmọ, Yẹn ko to awuwhànnọ yín talala na OKLUNỌ, Jiwheyẹwhe awhànpa lẹ tọn; na ovi Islaeli tọn le ko gbẹ́ alẹ́nù towe dai, họ̀ agbà towe lẹ liai, bo sọ yí ohi do hù yẹwhegán towe lẹ: Yẹn, yèdọ yẹn ṣokẹdẹ yè pòdai; yé sọ to ogbẹ̀ ṣie din, nado zé e sẹ̀. ¹¹Ewọ sọ dọmọ, Tọ̀n yì, bo ṣite to osé OKLUNỌ tọn nukọn. Bo, dayi e go, OKLUNỌ jùwájei, jẹhọn daho sinsinyẹn de to osé lẹ tlẹn, bo sọ to osé lẹ gbà to OKLUNỌ nukọn; ṣigba OKLUNỌ ma tin to jẹhọn lọ mẹ gba: podọ to jẹhọn lọ godo aigbasisọsiṣọ de; ṣigba OKLUNỌ ma tin to aigbasisọsisọ lọ mẹ gba: ¹²Podọ to aigbasisọsisọ lọ godo miyọn de; ṣigba OKLUNỌ ma tin tò miyọn lọ mẹ gba: to miyọn lọ godo ogbè pẹvi masìsọ de. ¹³E sọ yín mọ, whenuena Elija sè e, wẹ é dọ̀n awugbó etọn do bú nukunmẹ etọn, bo tọ̀n yì, bo ṣite to bibiọ aigbaslo lọ mẹ tọn. Bo, dayi e go, ogbè de wá e de to finẹ, bo dọmọ, Elija, eté hiẹ to wiwà to ofi? ¹⁴Ewọ sọ dọmọ, Yẹn ko yín awuwhànno talala na OKLUNỌ, Jiwheyẹwhe awhànpa lẹ tọn; na ovi Islaeli tọn le ko gbẹ́ alẹ́nù towe dai, họ̀ agbà towe lẹ liai, bo sọ yí ohi do hù yẹwhegán towe lẹ; yẹn, yèdọ yẹn ṣókẹdẹ yè pòdai; yé sọ to ogbẹ̀ ṣie din, nado zé e sẹ̀. ¹⁵OKLUNỌ sọ dọ hlan ẹn dọmọ, Yì, gọ̀ do aliho towe ji do zùngbo Damasku tọn mẹ: whenuena hiẹ wá, hiẹ na samisisána Hazaẹli nado yín ahọlu to Silia ji: ¹⁶Podọ Jehu visunnu Nimsi tọn wẹ hiẹ na samisisána nado yín ahọlu to Islaeli ji: podọ Eliṣa visunnu Safati tọn sọn Abẹli-mẹhola mẹ wẹ hie na samisisána nado yín Yẹwhegán to otẹn towe mẹ. ¹⁷E na sọ wá jọ, dọ ewọ he hòngán sọn ohi Hazaẹli tọn nù wẹ Jehu na hù: podọ ewọ he sọ họ̀ngán sọn ohi Jehu tọn nù wẹ Eliṣa na hù. ¹⁸Gãnṣo yẹn na pò fọtọ́n ṣinawe dai na mi to Islaeli mẹ, okligonu lẹpo he ma ko dẹ́ hlan Baali, po onù lẹpo po he ma ko donùnùgo nẹ̀. ¹⁹Mọwẹ é fọ̀nyì sọnfìnẹ, bo mọ Eliṣa visunnu Ṣafati tọn, mehe ko to glepọ, po glepọ̀nu oyín tọn wiawe po to nukọn etọn, ewọ, sọ tò wiawetọ kọ̀n: Ẹlija sọ juyì gododọ̃n jẹ e de, bo dlan awugbó etọn do e ji. ²⁰Ewọ sọ jó oyìnsisá lẹ lọ dai, bo to wezundo to Elija godo, bo dọmọ, Yẹn vẹ̀ we, gbọ yẹn ni donùnùgona otọ ṣie po onọ ṣie po, whenẹnu yẹn na hodo we. Ewọ sọ dọ hlan ẹn dọmọ, Sọ vọ̀ yì; na etẹ́ wẹ yẹn ko wà hlan we? ²¹Ewọ sọ lẹ́gọ̀ sọn hihodo e mẹ, bo yí glepọ̀nu oyìnsisá lẹ lọ kọn, bo hù yé, bo sọ yí nuzinzán oyìnsisá lẹ tọn lẹ do sọakúsìn olàn yetọn, bo na hlan gbeto lẹ, yé sọ dù. Whenẹnu wẹ é tite, bo hodo Elija yì, bo sọ to devizọ̀nwà hlan ẹn.

¹BẸNI-HADADI ahọlu Silia tọn bẹ́ awhànpa etọn lẹpo plidopọ: to finẹ ahọlu gbànnukunawe tin to e de, po osọ́ lẹ po po kẹke lẹ po: é sọ hẹji yì bo glọn Samalia do, bo hòavùn hẹ ẹ. ²E sọ do mẹdagun lẹ hlan Ahabi ahọlu Islaeli tọn dè, biọ tòdaho lọ mẹ, bo dọ hlan ẹn dọmọ, Le wẹ Bẹni-hadadi dọ, ³ṣie wẹ fataka towe po sika towe po; asi towe lẹga po ovi towe le po, yèdọ whànpẹnọ talala lẹ ṣie wẹ. ⁴Ahọlu Islaeli tọn sọ gblọn bo domọ, E yín kẹdẹdi didọ towe, ahọlu, klunọ ṣie; towe wẹ yẹn, po ehe yẹn tindo lẹpo po. ⁵Mẹdagun lẹ sọ vọ̀ wá, bo domọ, Le wẹ Bẹni-hadadi dọhó do, dọmọ, Yẹn domẹhlan we nugbonugbo, dọmọ, Hiẹ na jó fataka towe, po sika towe po, po asi towe lẹ po, po ovi towe lẹ po na mi; ⁶ṣigba yẹn na do mẹmẹsi ṣie lẹ hlan de we to osò to ojlẹ he nkọ mẹ, yé na sọ gbà owhé towe mẹ pọ̀n, po owhé mẹmẹsi towe lẹ tọn po; é na sọ yín, dọ nudepope he yín whànpẹnọ to nukun towe lẹ me, yé na yí i do alọ yeton mẹ, bo na bẹ́ ẹ sẹ̀. ⁷Whenẹnu wẹ ahọlu Islaeli tọn ylọ mẹho aigba lọ tọn lẹpo, bo dọmọ, Yẹn vẹ̀ mì, mì payi e go, bo pọ̀n le dawe he to danú din do, na é domẹhlan mi na asi ṣie lẹ, podọ na ovi ṣie lẹ, podọ na fataka ṣie, podọ na sika ṣie; yẹn ma sọ dọ̀nhẹ ẹ gba. ⁸Mẹho gbẹtọ lẹpo tọn lẹpo sọ dọ hlan ẹn dọmo, A tuntóai blo, mọ a sọ yígbè blo. ⁹Enẹwutu é dọ hlan mẹdagun Bẹni-hadadi tọn le lọ domọ, Dọ na ahọlu kluno ṣie dọmọ, Ehe hiẹ domẹhlan mẹmẹsi towe na to tintan yẹn na wa ṣigba onu he yẹn ma na sọgan wà gba. Mẹdagun lẹ lọ sọ fọ̀nyì, bo sọ vó ohó hẹn wá nẹ. ¹⁰Beni-hadadi sọ domẹhlan ẹn, bo dọmọ, Yẹwhe lẹ ni wà mọ hlan mi, podọ humọ ga, eyín kọ̀gudu Samalia tọn na pó na alọgogo lẹ na omẹ he hodo mi lẹpo. ¹¹Ahọlu Islaeli tọn sọ gblon bo dọmọ, Do nẹ̃, dọ, A dike ewọ he bla awhàngbaja etọn lẹ do ogo sinadanna ede di ewọ he dè e sẹ̀ blo. ¹²E sọ wá jọ, whenuena Beni-hadadi sè owẹ̀n he, le é to núnù, ewo po ahọlu lẹ lọ po, to gohọ̀ lẹ lọ mẹ, wẹ e dọ hlan mẹmẹsi etọn lẹ dọmọ, Mì tò mìde do haji Yé sọ tò yéde do haji do tòdaho lọ ji. ¹³Bo, dayi e go, yẹwhegán de wá sepọ̀ Ahabi ahọlu Islaeli tọn de, bo domọ, Le wẹ OKLUNỌ dọ, dọmọ, Hiẹ mọ mẹsusu gégé he lẹpo? dayi e go, yẹn na jó e do alọ towe mẹ to egbé; hie na sọ yọnẹn dọ yẹn wẹ OKLUNỌ. ¹⁴Ahabi sọ dọmọ, Gbọn mẹnu dali? Ewọ sọ dọmọ, Le wẹ OKLUNỌ dọ dọmọ, Gbọn yọ̀pọ sunnu lẹ dali sọn ahọvi gbeta tọn lẹ mẹ. Whenẹnu wẹ é dọmọ, Mẹnu wẹ na ṣẹ awhàn lọ? Ewọ sọ dọmọ, Hiẹ. ¹⁵Whenẹnu wẹ é pli yọ̀pọ sunnu le sọn ahọvi gbeta tọn lẹ mẹ, yé sọ yín fọdegbànnukunawe: to yé godo é sọ pli gbẹtọ lẹ, yèdọ ovi Islaeli tọn lẹpo, Yín fọtọ̀n ṣinawe. ¹⁶Yé sọ tọ̀n yì to whèdakọ̀. Ṣigba Bẹnihadadi ko to núnù mú na ede to gohọ̀ lẹ mẹ, ewọ po ahọlu lẹ po, ahọlu gbànnukunawe he to alọgọ nẹ lẹ. ¹⁷Yọpọ sunnu lẹ sọn ohọvi gbeta tọn le mẹ tọ̀n yì donukọn; Bẹni-hadadi sọ domẹhlan gbonu, yé sọ dọ nẹ̃, dọmọ, Yè hen gbẹtọ lẹ tọ̀n wá sọn Samalia mẹ. ¹⁸Ewọ sọ dọmọ, Eyín yè hẹn yé tọ̀n wá na jijọho, mì bé yé gbẹ̀te, kavi eyín yè hẹn yè tọ̀n wá na awhàn, mì bẹ́ yé gbẹte. ¹⁹Mowẹ ehelẹ tọ̀n yì sọn tòdaho lọ mẹ, yọ̀pọ sunnu lẹ sọn ahọvi gbeta tọn lẹ mẹ, po awhàngbẹ́ he hodo yé lẹ po. ²⁰Omẹ dopodopo sọ hù omẹ etọn; Asilianu lẹ sọ họ̀nyì, Islaeli sọ domọna yé: Bẹni-hadadi ahọlu Silia tọn sọ hòngán to osé de ji po osónọ etọn lẹ po. ²¹Ahọlu Isláeli tọn sọ tọ̀n yì gbonu, bo hò osọ̀ lẹ po keke lẹ po, bo sọ yí hùhù daho de do hò Silianu lẹ. ²²Yẹwhegán lọ sọ wá sẹpọ́ ahọlu Islaeli tọn de, bo dọ hlan ẹn dọmọ, Yì, bo nahuhlọn dewe, bo payi, bo pòn núhe hiẹ to wiwà: na to lilẹ owhè tọn ji ahọlu Silia tọn na sọ vọ́ jìhẹ wá ji we.

²³Mẹmesi ahọlu Silia tọn le sọ dọ hlan ẹn dọmọ, Yẹwhe yetọn yẹwhe okota lẹ tọn de wẹ; enẹwutu wẹ yé yín huhlọnnọ hú míwlẹ: aigba gbọ mí ni hòavùn hẹ yé to dangbo, nugbonugbo míwlẹ na yín huhlọnnọ hú yéwlẹ. ²⁴Bo wà onú he; bé ahọlu lẹ sọ̀ ome dopodopo sọn otẹn etọn mẹ, bo dè awhàngán lẹ do otẹn yetọn me: ²⁵Bo hia awhàngbé de na we, di awhàngbé he hiẹ ko hẹnbú, oṣò na osù, kẹkẹ na kekẹ: míwlẹ na sọ hòavùn hẹ yé to dangbo, nugbonugbo míwlẹ na sọ yín huhlọnnọ hú yewle. Ewọ sọ tuntóai hlan ogbè yetọn, bo wà mọ. ²⁶E sọ wá jọ to lilé owhè tọn ji, wẹ Bẹni-hadadi pli Silianu lẹ, bo hẹji yì Afẹki, nado hòavùn hẹ Islaeli. ²⁷Yè sọ pli ovi Islaeli tọn lẹ, bo donudùdùgbànna, bo yì yé ji: ovi Islaeli tọn lẹ dosla do yé nukọn taidi lẹngbọpa pevipẹvi awe gbọgbọẹvu lẹ tọn; ṣigba Silianu lẹ gọ̀ yi oto lọ mẹ. ²⁸Omẹ Jiwheyẹwhe tọn de sọ wá sẹpò bo dọhó hlan ahọlu Islaeli tọn, bo dọmọ, Le wẹ OKLUNỌ dọ, Na Silianu lẹ dọ wutu, dọmọ, OKLUNỌ yẹwhe okọta lẹ tọn de wẹ, ṣigba ewọ ma yín yẹwhe agbàdòmẹ lẹ tọn de gba; enẹwutu wẹ yẹn na jó mẹsusu gége he lẹpo do alọ towe mẹ, míwlẹ na sọ yọnẹn dọ yẹn wẹ OKLUNỌ. ²⁹Yé sọ dosla ode pannukọn awetọ azán ṣinawe Mowẹ é sọ yin, dọ to azán ṣinawetọ gbè yè kọ̀n awhàn dopọ; ovi Islaeli tọn lẹ sọ hù sọn Silianu lẹ mẹ afọnọ fọtọ́n kanweko to azán dopo mẹ. ³⁰Ṣigba pìpòto lẹ họ̀nyì Afẹki, biọ tòdaho lọ mẹ; adó sọ họ̀ jẹ omẹ fọtọ̀n koatọ̀nnukunawe he yè pòdai lẹ ji. Bẹni-hadadi sọ họ̀nyì, bo wá biọ tòdaho mẹ, sọn abò mẹ jẹ abò mẹ. ³¹Mẹmẹsi etọn lẹ sọ dọ hlan ẹn dọmọ, Dayi e go dinvie, míwlẹ ko sè dọ ahọlu owhé Islaeli tọn tọn lẹ yín ahọlu lẹblanunọ: míwlẹ vẹ̀ we, gbọ mi ni yí odẹ́vọ̀ do adaja míton lẹ mẹ, podo okàn lẹ do ota mìtọn lẹ ji, bo tọ̀n yì ahọlu Islaeli ton de: eya é na whlẹn ogbẹ̀ mìtọn. ³²Mowẹ yé bla odẹ́vọ̀ do adaja yetọn lẹ mẹ, bo yí okàn lẹ do ota yetọn le ji, bo wá ahọlu Islaeli tọn de, bo dọmọ, Bẹni-hadadi mẹmẹsi towe dọmọ, Gbọ yẹn ni nọgbẹ̀, yẹn vè we. Ewọ sọ dọmọ, Ewọ ka gbé sọ tin to ogbù? nọvisunnu ṣie wẹ ewọ. ³³Dinvie omẹ ewlẹ yi sọwhiwhe do payi, bo yawu nado wle eyín é yín ayiha etọn; yé sọ dọmọ, Nọvisunna towe Bẹni-hadadi. Yihienẹnu wẹ é dọmọ, Mì yì, hẹn ẹn wá. Whenẹnu wẹ Bẹnihadadi tọn wá e de; é hẹn ẹn nado wá aga biọ kẹkẹ mẹ. ³⁴Bẹni hadadi sọ dọ hlan ẹn dọmọ, Tòdaho he otò ṣie bẹ́ sọn otọ̀ towe si lẹ yẹn na gọ̀jó; hiẹ na sọ basi alihogbo lẹ na we to Damasku mẹ, dile otọ̀ ṣie basi to Samalia mẹ do. Podọ yẹn, Ahabi dọ, na gbọ hiẹ ni yì po alẹnù he po. Mowẹ ewọ basi alẹnù de po e po, bo gbọ e yì.

³⁵Dawe de sọn visunnu yẹwhegán lẹ tọn lẹ mẹ dọ hlan hatọ etọn gbọn ohó OKLUNỌ tọn dali dọmọ, Yẹn vẹ we, linú mi. Omẹ lọ sọ gbẹ́ nado linú mi. ³⁶Whenẹnu wẹ é dọ hlan ẹn dọmọ, Na hiẹ ma ko sètónuna ogbè OKLUNỌ tọn wutu, dayi e go, ṣaun le yè hẹn hiẹ fọ́nyì sọn dè, kinnikinni de na hù we. Ṣaun le yè sọ hẹn ẹn fọ̀nyì sọn e de, kinnikinni de mọ ẹn, bo sọ hù i. ³⁷Whenẹnu wẹ é sọ mọ omẹ devo, bo dọmọ, Yẹn vẹ we, linúmi. Omẹ lọ sọ hò e, hihò po núhúhú i po. ³⁸Mowẹ yẹwhegán lọ fọ̀nyì, bo nọtepọ̀n ahọlu to aliho ji, bo yí otabla etọn to nukun etọn lẹ ji do blaunna ede. ³⁹Le ahọlu lọ jujei, é dawhá hlan ahọlu: é sọ dọmọ, Mẹmẹsi towe tọ́n yì biọ gblagbla awhànfuntẹn tọn mẹ; bo, dayi e go, dawe de lẹ jẹ apadopo, bo hẹn omẹ de wá dẽ, bo dọmọ, Hẹn omẹ he go: eyín gbọn alọdepope mẹ é yín bapò, whenẹnu wẹ ogbẹ towe tin na ogbẹ etọn, kavi mayínmọ hiẹ na na talẹnti fataka tọn dopo. ⁴⁰Le mẹmẹsi towe yín mavọ̀ to ofi po odọ́n po, yè hẹn en yì. Ahọlu Islaeli tọn sọ dọ hlan ẹn dọmọ, Mowẹ whẹ̀dida towe na yín; hiẹ lọsu ko dotana ẹn. ⁴¹Ewọ sọ yawu bo dè otabla lọ sẹ sọn nukun etọn lẹ jì; ahọlu Islaeli tọn sọ yọ̀n ẹn dọ ewọ tin sọn yẹwhegán lẹ mẹ. ⁴²E sọ dọ hlan ẹn dọmọ, Le wẹ OKLUNỌ dọ, Na hiẹ ko gbọ dawe lọ mẹhe yẹn klan hlan vivà kẹn ni yì wutu, enẹwutu ogbẹ towe na yì na ogbẹ etọn, podọ omẹ towe lẹ na omẹ etọn lẹ. ⁴³Ahọlu Islaeli tọn sọ yì owhé etọn gbè pinpẹn po homẹmahùn po, bo wá jẹ Samalia.

¹E sọ wá jọ to onú helẹ godo, wẹ Naboti Jẹzleẹlinu lọ tindo vẹ̃npa de, he tin to Jezleẹli mẹ, sẹpọ̀ ohẹnmẹ Ahabi ahọlu Samalia tọn tọn whiwhi. ²Ahabi sọ dọhó hlan Naboti dọmọ, Na vẹ̃npa towe mi, yẹn nido tindo e na ojipa omá lẹ tọn de, na é tin sẹpọ́ ohẹ ṣie wutu; yẹn na sọ na vẹ̃npa yọ̀nwhanpẹ hú i de wẹ nẹ: kavi, eyín é sọawuhia dagbe hlan we, yẹn na na ahidona etọn we to akuẹ mẹ. ³Naboti sọ dọ hlan Ahabi dọmọ, OKLUNỌ ni pa ẹ na mi, bọ yẹn na do na ogú otọ̀ ṣie lẹ tọn hlan we. ⁴Ahabi sọ yì biọ ohò etọn mẹ pìnpọ̀n po homẹmahùn po na ohó Naboti Jẹzleẹlinu lọ tọn wutu he é dọ hlan ẹn: na ewọ ko dọmọ, yẹn ma na na ogú otọ ṣie lẹ tọn we gba. E sọ tẹ ede mlọnai to adọzan etọn ji, bo lé nukunmẹ etọn sẹ, bo ma sọ jlo dù akla de. ⁵Ṣigba Jẹzebẹli asi etọn wá e de, bo dọ hlan ẹn dọmọ, Etẹwutu gbigbọ towe yín awublanọ do mọ, bọ hiẹ ma do dù akla de? ⁶Ewọ sọ dọ hlan ẹn dọmọ, Na yẹn dọhó hlan Naboti Jẹzleẹlinu lọ wutu, bo dọ hlan ẹn dọmọ, Na vẹ̃npa towe mi na akuẹ; kavi mayínmọ, eyín é hùnhomẹ we, yẹn na na vẹ̃npa devo we nẹ̃: bọ ewọ sọ gblọn dọmọ, Yẹn ma na na vẹ̃npa ṣie we gba. ⁷Jẹzebẹli asi etọn sọ dọ hlan ẹn dọmọ, Hiẹ ma ka dùgánna ahọludu Islaeli tọn dinvie? Tite, bo dù akla, bo gbọ ayiha towe ni yín homẹhùnnọ: yẹn na na vẹ̃npa Naboti Jẹzleẹlinu lọ tọn we. ⁸Mowẹ é kàn ohówé lẹ to oyín Ahabi tọn mẹ, bo yí ohia etọn do tlẹ yé, bo sọ do ohówé lẹ lọ hlan mẹho lẹ podọ hlan mẹgbògbo he tin to tòdaho etọn mẹ lẹ, po he nọ nò Naboti de lẹ po. ⁹E sọ wlan to ohówé lẹ lọ mẹ, dọmọ, Mì lé nùbibla de, bo zé Naboti do fiyìaga de ji to gbẹtọ lẹ ṣẹnṣẹn: ¹⁰bo dè sunnusi awe, visunnu Beliali tọn lẹ, do e nukọn, bo gbọ yé ni dekunnu do okọ̀ nẹ, dọmọ, Hiẹ gbẹ́ Jiwheyẹwhe po ahọlu po. Whenẹnu mì ni hẹn ẹn jẹgbonu, bo dlan zannu in, na é ni kú. ¹¹Omẹ tòdaho etọn mẹ tọn lẹ, yedọ mẹho lẹ po mẹgbògbo he nọ nọ̀ tòdaho etọn mẹ lẹ po, wà dole Jẹzebẹli domẹhlan yé do, kẹdẹdi le yè wlan ẹn to ohówé he é dohlan yé mẹ. ¹²Yé lá nùbibla de bo zé Naboti do fiyìaga ji to gbẹtọ lẹ ṣẹnṣẹn. ¹³Omẹ awe ewlẹ, visunnu Beliali tọn lẹ wá hẹmọ bo sín nukọn nẹ: omẹ Beliali tọn lẹ lọ sọ dekunnu do okọ̀ nẹ̃, yédọ do Naboti kẹ, to nukọn gbẹtọ lẹ tọn, dọmọ, Naboti gbẹ́ Jiwheyẹwhe po ahọlu po. Whenẹnu wẹ yé hẹn ẹn tọn jẹgbonu sọn tòdaho lọ mẹ, bo yí zannu lẹ do dlanzannu do e bọ é kú. ¹⁴Whenẹnu wẹ yé domẹhlan Jẹzebẹli de, dọmọ, Yè ko dlanzannu do Naboti, é sọ yín oṣiọ. ¹⁵E sọ wá jọ, whenuena Jẹzebẹli sè dọ yè ko dlanzannu do Naboti, bo sọ yín oṣiọ, wẹ Jẹzebẹli dọ hlan Ahabi dọmọ, Tite, yi nutindo vẹ̃npa Naboti Jẹzleẹlinu lọ tọn tọn, he é gbẹ́ nado na we na akuẹ: na Naboti ma sọ tin to ogbẹ́ gba, ṣigba oṣiọ we. ¹⁶E sọ wá jọ, whenuena Ahabi sè dọ Naboti yín oṣiọ, wẹ Ahabi tite nado jẹte yì vẹ̃npa Naboti Jẹzleẹlinu lọ tọn mẹ, nado yí nutindo e tọn.

¹⁷Ohó OKLUNỌ tọn sọ wá Elija Tiṣbinu lọ de, dọmọ, ¹⁸Tite, jẹte yì nado pé Ahabi ahọlu Islaeli tọn, he nọ nọ́ Samalia mẹ: dayi e go, ewọ tin to vẹ̃npa Naboti tọn mẹ, fie yè hẹn ewọ jẹte jei nado yí nutindo e tọn. ¹⁹Hiẹ na sọ dọhó hlan ẹn, dọmọ, Le wẹ OKLUNỌ dọ dọmọ, Hiẹ ko hù, bo ko sọ yi nutindo? podọ hiẹ na sọ dọhó hlan ẹn, dọmọ, Le wẹ OKLUNỌ dọ, dọmọ, To otẹn fie avún lẹ didọ ohùn Naboti tọn te wẹ avún lẹ na sọ didọ ohùn towe te, yèdọ towe. ²⁰Ahabi sọ dọ hlan Elija dọmọ, Hiẹ ko mọ mi wẹ, kẹ̀ntọ ṣie È? Ewọ sọ gblọn dọmọ, Yẹn ko mọ we: na hiẹ ko sà dewe nado wà enẹ he yín oylan to nukun OKLUNỌ tọn mẹ wutu. ²¹Dayi e go, yẹn na hẹn oylan wá oji we, bo na zà we sẹ̀ gbidigbidi, bo na sán ovi sunnu dopodopo sẹ sọn Ahabi de, ewọ he yè glọndo hòmẹ po ewọ he yè pòdai do gbangba to Islaeli mẹ po: ²²Yẹn na sọ basi owhé towe di owhé Jeloboami visunnu Nebati tọn tọn, podọ di owhé Baaṣa visunnu Ahija tọn tọn, na homẹgblenamẹ he hiẹ ko yí do hẹnhomẹgble mi hlan adi, bo ko sọ hẹn Islaeli nado wàylando. ²³OKLUNỌ sọ dọhó Jẹzebẹli tọn ga, dọmọ, Avún lẹ na dù Jẹzebẹli to odòkó Jezleẹli tọn dali. ²⁴Ewọ he kú sọn Ahabi mẹ to tòdaho lọ mẹ avún lẹ na dù; podọ ewọ he kú to danji ohọ́ aga tọn lẹ na dù. ²⁵(Ṣigba mẹde ma tin jijlẹ do Ahabi go, he sà ede nado wà enẹ he yín oylan to nukun OKLUNỌ tọn mẹ, mẹhe Jẹzebẹli asi etọn nọ to dido. ²⁶E sọ yí osù daho do wà to hihodo boṣiọ lẹ mẹ, kẹdẹdi ehe Amọlinu lẹ wà lẹpo, mẹhe OKLUNỌ tùn hlan gbonu to ovi Islaeli tọn lẹ nukọn.) ²⁷E sọ wá jọ, whenuena Ahabi sè ohó helẹ, wẹ é tlẹn avọ̀ etọn lẹ, bo yí odẹ́vọ̀ do agbasalan etọn go, bo blanù bo mlọn odóvó mẹ, bo sọ viavi badabada. ²⁸Ohó OKLUNỌ tọn sọ wá Elija Tlẹbinu lọ de, dọmọ, ²⁹Hiẹ mọ le Ahabi huwhẹ́ ede do to nukọn ṣie? na ewọ huwhẹ́ ede to nukọn ṣie wutu, yẹn ma na hẹn oylan lọ wá to azán etọn lẹ mẹ gba: aigba to azán visunnu etọn lẹ tọn lẹ mẹ wẹ yẹn na hẹn oylan lọ wá owhé etọn ji.

¹YE sọ nọte owhè atón matin awhàn to Silia po Islaeli po ṣẹnṣẹn. ²E sọ wá jọ to owhè atọ̀ntọ mẹ, wẹ Jehọṣafati ahọlu Juda tọn jẹte wá ahọlu Islaeli tọn de. ³Ahọlu Islaeli tọn sọ dọ hlan mẹmẹsi etọn lẹ dọmọ, Míwlẹ yọnẹn dọ mìtọn wẹ Lamọti-gileadi, mí sọ tin abọẹ, bo ma sọ yí i sọn alọ ahọlu Silia tọn tọn mẹ gba? ⁴E sọ dọ hlan Jehọṣafati dọmọ, Hiẹ na yì po yẹn po jẹ awhànfuntẹn jẹ Lamọti-gileadi? Jehọṣafati sọ dọ hlan ahọlu Islaeli tọn dọmọ, Yẹn tin dile hiẹ te, omẹ ṣie lẹ di omẹ towe lẹ, osé ṣie lẹ di osé towe lọ. ⁵Jehọṣafati sọ dọ hlan ahọlu Islaeli tọn dọmọ, Yẹn vẹ́ we, kanbiọ, to ohó OKLUNỌ tọn de to egbé. ⁶Whenẹnu wẹ ahọlu Islaeli tọn pli yẹwhegán lẹ dopọ, sunnusi fowe nkọ, bo dọ hlan yé dọmọ, Yẹn nayì Lamọti gileadi ji nado funawhàn kavi yẹn na jódo? Yé sọ dọmọ, Hẹji yì; na OKLUNỌ na jó e do alọ ahọlu tọn mẹ. ⁷Ṣigba Jehọṣafati dọmọ, Yẹwhegán OKLUNỌ tọn de ma sọ tin to ofi dogọ́, na nido kanbiọ sọn e de? ⁸Ahọlu Islaeli tọn sọ dọ hlan Jehọṣafati dọmọ, Omẹ dopo de gbẹ́ sọ tin gbọn mẹhe dali míwlẹ sọgan kanbiọ sọn OKLUNỌ de, Mikaia visunnu Imla tọn: ṣigba yẹn gbẹwanna ẹn; na ewọ ma nọ dọdai dagbe gbọn dali ṣie gba, adavo oylan. Jehọṣafati sọ dọmọ, A dike ahọlu dọ mọ blo. ⁹Whenẹnu wẹ ahọlu Islaeli tọn ylọ ogán de, bo dọmọ, Hẹn Mikaia visunnu Imla tọn wá plaun. ¹⁰Dinvie ahọlu Islaeli tọn po Jehọṣafati ahọlu Juda tọn po sinai dopodopo to ofìn etọn ji, vivàsọ to otewu yetọn lẹ mẹ, to otẹn gbangba de mẹ to bibiọ hòngbo Samalia tọn mẹ ji; yẹwhegán lẹpo sọ to didọdai toyé nukọn. ¹¹Zẹdekia visunnu? enaana tọn sọ basi azò ogànyù tọn lẹ nẹ̀, bo dọmọ, Le wẹ OKLUNỌ dọ, dọmọ, Ehe wẹ hiẹ yí do sisẹ Silianu lẹ, kaka yè na do và yé. ¹²Yẹwhegán lẹpo sọ to didọdai mọ, dọmọ, Hẹji yì Lamọti-gileadi, bo wàyọnna: na OKLUNỌ na jó e do alọ ahọlu tọn mẹ. ¹³Mẹdagun he yì nado ylọ Mikaia dọhó hlan ẹn, dọmọ, Dayi e go dinvie, ohó yẹwhegán lẹ tọn lẹ dọ dagbe hlan ahọlu po onù dopo po: yẹn vẹ́ we, gbọ ohó towe, ni tin di ohó dopo sọn yé mẹ tọn, hiẹ ni bo sọ dọhó dagbe ¹⁴Mikaia sọ dọmọ, Le OKLUNỌ to ogbẹ́, núhe OKLUNỌ dọ hlan mì, enẹ wẹ yẹn na dọ. ¹⁵Whenuena yè hẹn ẹn wá, ahọlu de, ahọlu dọ hlan ẹn dọmọ, Mikaia, mí na yì Lamọti-gileadi nado funawhàn, kavi mí ni jódo? Ewọ sọ gblọn nẹ dọmọ, Hẹji yì, bo wàyọnna; OKLUNỌ na sọ jó e do alọ ahọlu tọn mẹ. ¹⁶Ahọlu sọ dọ hlan ẹn dọmọ, Whla nẹmu wẹ yẹn na sànùsù do ogo we dọ hie dọ núde hlán mì blo adavo nugbo to oyín OKLUNỌ tọn mẹ? ¹⁷Ewọ sọ dọmọ, Yẹn mọ Islaeli lẹpo gbàpé to òsó lẹ ji, di lengbọ le he ma tindo lẹngbọhọtọ de: OKLUNỌ sọ domọ, Ehelẹ ma tindo mẹmẹnu de; gbọ yé omẹ dopodopo ni gò do owhé etọn gbè to jijọho mẹ. ¹⁸Ahọlu Islaeli tọn sọ dọ hlan Jehọṣafati dọmọ, Yẹn ma dọ na we dọ ewọ ma nọ dọdọdai dagbe gbon yẹn dali, adavo oylan? ¹⁹Ewọ sọ dọmọ, Enẹwutu hiẹ ni sè ohó OKLUNỌ tọn: Yẹn mọ OKLUNỌ to aisínsin to ofìn etọn ji, awhànpa olọn tọn lẹpo site to e de to alọ adusi etọn ji podọ to amiyọn etọn ji. ²⁰OKLUNỌ sọ domọ, Mẹnu wẹ na do Ahabi, na é nido hẹji yì bo jai to Lamọtigileadi? Ode dọ do le nkọ ji; mẹdevo sọ dọ do enẹ nkọ ji. ²¹Gbigbọ de sọ tón wá finẹ, bo site to OKLUNỌ nukọn, bo dọmọ, Yẹn na do e. ²²OKLUNỌ sọ dọ hlan ẹn dọmọ, Gbọnna? Ewọ sọ dọmọ, Yẹn na tón yì, bo sọ yín gbigbọ-lalo de to onù yẹwhegán etọn lepo tọn mẹ. Ewọ sọ dọmọ, Hiẹ wẹ na do e, bo na sọ glónu ga: tón yì, bo wà mọ. ²³Enewutu dinvie, dayi e go, OKLUNỌ ko yí gbigbọlalo de do onù yẹwhegán towe helẹ lẹpo tọn mẹ; OKLUNỌ ko sọ, dọ oylan gbọn hiẹ tọn dali. ²⁴Whenẹnu wẹ, Zẹdekia visunnu Ṣenaana tọn wá sẹpọ́, bo hò Mikaia sọn alaka go, bo dọmọ, Aliho tẹwẹ gbigbọ OKLUNỌ tọn gbọn yì sọn dẽ nado dọhó hlan we? ²⁵Mikaia sọ dọmọ, Dayi e go, hie na mọ to azán nẹ gbè, whenuena hiẹ na yì biọ abò homẹnukọn de mẹ yì nado whla dewe. ²⁶Ahọlu Islaeli tọn sọ dọmọ, Mì wle Mikaia, bo hẹn ẹn gò do Amọni otògán tòdaho lọ tọn de, bo dọ hlan Joaṣi visunnu ahọlu tọn; ²⁷bo dọmọ, Le wẹ ahọlu dọ dọmọ, Yí núhe do gànhòmẹ, bo yí akla nukunbia tọn po osìn nukunbia tọn po do to yìnyìn in, kaka yẹn na do gó jijọho mẹ. ²⁸Mikaia sọ dọmọ, Gigọ̀ eyín hiẹ gò jijọhọ mẹ, bé OKLUNỌ ma dọhó gbón dẽ gba. Ewọ sọ dọmọ, Sè, mì gbẹtọ lẹ, popo mì tọn.

²⁹Mọwẹ ahọlu Islaeli tọn po Jehọṣafati ahọlu Juda tọn po hẹji yì Lamọti-gileadi. ³⁰Ahọlu Islaeli tọn sọ dọ hlan Jehọṣafati dọmọ, Yẹn ha diọunna dẽ, bo yì biọ awhànfuntẹn mẹ; ṣigba hiẹ ni yí otewu towe lẹ do ógo. Ahọlu Islaeli tọn sọ diounna ede, bo yì biọ awhànfuntẹn mẹ. ³¹Dinvie ahọlu Silia tọn ko degbèna awhàngán gbànnukunawe kẹkẹ etọn lẹ tọn lẹ, dọmọ, Mì hòavùn hẹ pẹvi kavi daho blo, adavo hẹ ahọlu Islaeli tọn kedẹ. ³²E sọ wá jọ, whenuena awhàngán kẹkẹ lẹ tọn lẹ mọ Jehọṣafati, wẹ yé dọmọ, Ahọlu Islaeli tọn wẹ ehe nugbonugbo; yé sọ lẹ́ dapadopo nado hòavùn hẹ ẹ: Jehọṣafati sọ dawhá lélé. ³³E sọ wá jọ, whenuena awhàngán kẹkẹ lẹ tọn lẹ mọ dọ ahọlu Islaeli tọn ma wẹ ewọ gba, wẹ yé gọ̀ do godo sọn mọdona ẹn mẹ. ³⁴Dawe de sọ dòn ogá etọn madodego de, bo hò ahọlu íslàeli tọn to opétẹn ogànwu tọn lẹ ṣẹnṣẹn: enẹwutu é dọ hlan kẹkẹdotọ kẹkẹ etọn tọn lọ dọmọ, Lé alọ towe bo hẹn mi tón sọn awhànpa lọ mẹ; na yè dalán ogo na mi badabada. ³⁵Awhàn lọ sọ sinyẹn to azán nẹ gbè: yè sọ hẹn ahọlu dote to kẹkẹ etọn mẹ do Silianu lẹ ji, bo sọ kú to whèjai: ohùn sọ sà tón sọn alán lọ mẹ biọ oglọ kekẹ lọ tọn. ³⁶Awhá de sọ yì lédo awhànpa lọ to finẹ to yìyì odò owhè tọn jlẹmẹ, dọmọ, Omẹ dopodopo do tòdaho etọn mẹ, podọ omẹ dopodopo do otò etọn mẹ. ³⁷Mowẹ ahọlu kú, yè sọ hẹn ẹn wá Samalia; yé sọdi ahọlu to Samalia mẹ. ³⁸Yé sọ klọ kekẹ lọ to tándò Samalia tọn tó; avún lẹ sọ didọ ohùn lọ; (dinvie galọtọ lẹ to awúlẹ̀ to finẹ); kẹdẹdi ohó OKLUNỌ tọn he é dọ. ³⁹Dinvie pipòtọ owàlọ Ahabi ton tọn lẹ, po ehe é wà lẹpo po, podọ ohò ajlankúdu tọn he é dó, po tòdaho he é dó lẹpo po, yè ma ka wlan to owé otànnugbo ahọlu Islaeli tọn lẹ tọn mẹ? ⁴⁰Mowẹ Ahabi damlọn po otóetọn lẹ po; Ahazia visunnu etọn sọ dùahọlu to otẹn etọn mẹ.

⁴¹Jehọṣafati visunnu Asa tọn ṣẹ̀ nado dùahọlu to Juda ji to owhè ẹnẹtọ Ahabi ahọlu Islaeli tọn tọn mẹ. ⁴²Jehọṣafati yín owhè gbànatọ́n mẹho whenuena é ṣẹ̀ nado dùahọlu; é sọ dùahọlu owhè koatọ́n to Jelusalẹm mẹ. Oyín onọ etọn tọn wẹ Azuba viyọnnu Ṣilhi tọn. ⁴³E sọ zin zọnlin to aliho Asa otò etọn tọn lẹpo mẹ; é ma lé dapadopo sọn e mẹ gba, wiwà enẹ he yín jlọjlọ to nukun OKLUNỌ tọn lẹ mẹ: ṣogàn yè ma bẹ́ otẹn yìaga lẹ sẹ̀ gba; gbẹtọ lẹ gbé sọ to avọ́sán bo to nuyọnwán mẹ̀ to otẹn yìaga lẹ mẹ. ⁴⁴Jehọṣafati sọ basi jijọho po ahọlu Islaeli tọn po. ⁴⁵Dinvie pipòtọ owàlọ Jehọṣafati tọn tọn lẹ, po hlọnhlọn etọn he é dohia po, po le é funawhàn do po, yè ma ka wlan yé to owé otànnugbo ahọlu Juda tọn lẹ tọn lẹ mẹ? ⁴⁶Pipòtọ sọn sọdọminu lẹ mẹ, he pò to azán Asa otọ́ etọn tọn lẹ mẹ, é dè yé tòn sọn aigba lọ ji. ⁴⁷Ahọlu de ma sọ tin to Edomi me: whépọ̀ntọ de wẹ yín ahọlu. ⁴⁸Jehọṣafati basi ohún Talsisi tọn lẹ nado nọ yì Ofili na sika: ṣigba yé ma nọ yì gba; na yè gbà ohún lẹ lọ to Eziọn-gẹbeli. ⁴⁹Whẹnenu wẹ Ahazia visunnu Ahabi tọn dọ hlan Jehọṣafati dọmọ, Gbọ mẹmẹsi ṣie lẹ ni nọ yì po mẹmẹsi towe lẹ po to ohún lẹ lọ mẹ. Ṣigba Jehọṣafati ma jlo gba. ⁵⁰Jehọṣafati sọ damlọn po otò etọn lẹ po, yè sọ di i po otọ̀ etọn lẹ po to tòdaho Davidi otọ̀ etọn tọn mẹ: Jolami visunnu etọn sọ dùahọlu to otẹn etọn mẹ.

⁵¹Ahazia visunnu Ahabi tọn sọ ṣẹ̀ nado dùahọlu to Islaeli ji to Samalia mẹ to owhè fọtọ̀nnukunawetọ Jehọṣafati ahọlu Juda tọn tọn mẹ, é sọ dùahọlu owhè awe to Islaeli ji ⁵²Ewọ sọ wà enẹ he yín oylan to nukun OKLUNỌ tọn mẹ, bo to zọnlinzin to aliho otọ́ etọn tọn mẹ, podọ to aliho onọ etọn tọn mẹ, podọ to aliho Jeloboami visunnu Nebati tọn tọn mẹ, ehe mẹ é hẹn Islaeli nado wàylando te. ⁵³E sọ nọ to Baali sẹ̀n, bo sọ to taliai nẹ, bo henhomẹgble OKLUNỌ, Jiwheyẹwhe Islaeli tọn hlan adi, kẹdẹdi ehe otọ̀ etọn ko wà lẹpo.