1 Otànnugbo Lẹ

¹ADAM, Sẹti, Enọsi; ²Kenani, Mahalalẹli, Jalẹdi; ³Enọki, Mẹtusela, Lamẹki; ⁴Noa, Ṣẹmi, Hami, po Jafẹti po.

⁵Visunnu Jafẹti tọn lẹ; Gomẹli, Magọgi, po Madai po, po Javani po, po Tubali po, po Meṣẹki po, po Tilasi po. ⁶Visunnu Gomẹli tọn lẹ; Asìkenazi, po Difati po, po Togalma po. ⁷Visunnu Javani tọn lẹ; Eliṣa, po Talṣiṣi po, Kitimi, po Lodanimi po.

⁸Visunnu Hami tọn lẹ; Kusi, po Mizlaimi po, Puti po Kanaani po. ⁹Visunnu Kusi tọn lẹ; Seba, po Havila po, po Sabta po, po Laama po, po tíabteka po. Visunnu Laama tọn lẹ; Seba, po Dedani po. ¹⁰Kusi sọ ji Lìmlọdi, ewọ sọ nado yín omẹ hlọnhlọnnọ de to aihọn mẹ. ¹¹Mizlaimi sọ ji Ludimi, po Anamimi po, po Lehabimi po, po Naftuhimi po, ¹²po Patlusimi po, po Kasluhimi po (fie Filistini lẹ sọn wá), po Kaftolimi po. ¹³Kanaani ji Zidoni oplọnji etọn, po Hẹti po; ¹⁴po Jubusinu lẹ po, po Amọlinu lẹ po, po Gilgasinu lẹ po; ¹⁵po Hivinu lẹ po, po Alkinu lẹ po, po Sininu lẹ po; ¹⁶po Alvadinu lẹ po, po Zemalinu lẹ po, po Hamatinu lẹ po.

¹⁷Visunnu Sẹmi tọn lẹ; Elami, po Asuli po, po Alpaksadi po, po Ludi po, po Alami po, po Uzi po, po Huli po, po Gẹteli po, po Meseki po. ¹⁸Alpaksadi sọ ji Ṣela, Ṣela sọ ji Ebẹli. ¹⁹Podọ hlan Ebẹli wẹ yè ji visunnu awe: oyín ode tọn wẹ Pelẹgi; na to azán etọn lẹ mẹ wẹ yè má aigba; oyín nọvisunnu etọn tọn wẹ Jọktani. ²⁰Jọktani sọ ji Almọdadi, po Ṣelẹfi po, po Hazalmavẹ po, po Jela po; ²¹po Hadọlami po, po Uzali po, po Dikla po; ²²po Ebali po, po Abimaẹli po, po Ṣeba po; ²³po Ofili po, po Havila po, po Jobabi po. Ehe lẹpo wẹ visunnu Jọktani tọn.

²⁴Sẹmi, Alpakṣadi, Ṣela; ²⁵Ebẹli, Pelẹgi, Lẹu; ²⁶Selugi, Nahọli, Tela; ²⁷Ablami, (doponẹ wẹ Ablaham). ²⁸Visunnu Ablaham tọn lẹ: Isaki po Iṣmaẹli po.

²⁹Ehe lẹ wẹ whẹndo yetọn lẹ: oplọnji Iṣmaẹli tọn, Nebaioti; whenẹnu Kedali, po Adbeẹli po, po Mibsami po. ³⁰Misina, po Duma po, Masa; Hadadi, po Tema po, ³¹Jetuli, Nafisi, po Kedẹma po. Ehe lẹ wẹ visunnu Iṣmaẹli tọn lẹ.

³²Visunnu Ketula, yọnnuyiyi Ablaham tọn tọn lẹ: ewọ ji Zonlani, po Jọksani po, po Mẹdani po, po Midiani po, po Iṣbaki po, po Ṣua po. Visunnu Jọksani tọn lẹ; Seba, po Dedani po. ³³Visunnu Midiani tọn lẹ; Efa, po Efeli po, po Hanọki po, po Abida po, po Ẹldaa po. Ehe lẹpo wẹ visunnu Kẹtula tọn lẹ.

³⁴Ablaham sọ ji Isaki. Visunnu Isaki tọn lẹ; Esau po Islaeli po.

³⁵Visunnu Esau tọn lẹ; Elifazi, Leuẹli, po Jeuṣi po, po Jalami po, po Kola po. ³⁶Visunnu Elifazi tọn lẹ; Temani, po Omali po, Zefi, po Gatami po, Kenazi, po Timna po, po Amalẹki po. ³⁷Visunnu Leuẹli tọn lẹ; Nahati, Zela, Ṣamma, po Miza po. ³⁸Visunnu Seili tọn lẹ; Lotani po Sobali po po Zibiọni po po Ana po, po Disọni po po Ezeli po po Disani po. ³⁹Visunnu Lotani tọn lẹ; Họli po Homami po: Timna sọ wẹ nọviyọnnu Lotani tọn. ⁴⁰Visunnu Ṣobali tọn lẹ; Aliani, po Manahati po po Ebali po, Ṣẹfi po Onami po. Visunnu Zibeọni tọn lẹ; Aia po Ana po. ⁴¹Visunnu Ana tọn lẹ; Disọni. Visunnu Disọni tọn lẹ; Hamlani po Eṣbani po po Itláni po po Kelani po. ⁴²Visunnu Ezeli tọn lẹ; Bilhani po Zaavani po, Jaakani. Visunnu Disani tọn lẹ; Ulzi po Alani po. ⁴³Dinvie ehelẹ wẹ ahọlu he dù to aigba Edọmi tọn ji, whẹpo mẹdepope do dùahọlu to ovi Islaeli tọn lẹ ji: Bela visunnu Beoli tọn; podọ oyín tòdaho etọn tọn wẹ Dinhaba. ⁴⁴Bela kú, Jobabi visunnu Zela tọn sọn Bozla mẹ sọ dùahọlu to otẹn etọn mẹ. ⁴⁵Jobabi sọ kú, Husami sọn aigba Temanu lẹ tọn ji dùahọlu to otẹn etọn mẹ. ⁴⁶Husani kú, Hadadi visunnu Bedadi tọn, he hò Midiani to odàn Moabi tọn ji sọ dùahọlu to otẹn etọn mẹ: oyín tòdaho etọn tọn wẹ Aviti. ⁴⁷Hadadi kú, Samla Masleka tọn sọ dùahọlu to otẹn etọn me. ⁴⁸Samla kú, Ṣauli Lehobọti tọn to Otọ́ lọ dali sọ dùahọlu to otẹn etọn mẹ ⁴⁹Ẹauli kú, Baali-hanani visunnu Akbọli tọn sọ dùahọlu to otẹn etọn mẹ. ⁵⁰Baali-hanani kú, Hadadi sọ dùahọlu to oten etọn mẹ; oyín tòdaho etọn tọn wẹ Pai: oyín asi etọn tọn wẹ Mẹhetabeli, viyọnnu Matlẹdi tọn, viyọnnu Mẹ-zahabi tọn. ⁵¹Hadadi sọ kú. Ahọvitògán Edọmi tọn lẹ wẹ; ahọvitògán Timna, ahọvitògán Àlia, ahọvitògán Jetẹti; ⁵²ahọvitògán Oholibama, ahọvitògán Ela, ahọvitògán Pinọni; ⁵³ahọvitògán Kẹnazi, ahọvitògán Temani, ahọvitògán Mibzali; ⁵⁴ahọvitògán Magdiẹli, ahọvitògán Ilami. Ehelẹ wẹ ahọvitògán Edọmi tọn lẹ lọ.

¹EHELẸ wẹ visunnu Islaeli tọn lẹ; Leubẹni, Simeọni, Levi, po Juda po, Isaka po Zẹbuluni po; ²Dani, Josẹfu, po Bẹnjamini po, Naftali, Gadi po Aṣeli po.

³Visunnu Juda tọn lẹ; Eli, po Onani po, po Ṣela po; omẹ atọ̀n he yè ji hlan ẹn lẹ sọn Bati-sua Kananiyọnnu de. Eli plọnji Juda tọn, yín mẹylankan to nukun OKLUNỌ tọn me; ewọ sọ hù i ⁴Tamali asi visunnu etọn tọn sọ ji Pelẹzi po Zela po nẹ̃. Visunnu Juda tọn lẹpo yín atọ̀n. ⁵Visunnu Pelẹzi tọn lẹ; Hezlọni po Hamuli po. ⁶Visunnu Zela tọn lẹ; Zimli, po Etani po, po Hemani po, po Kalkoli po, po Dala po: popo yé tọn atọ̀n. ⁷Visunnu Kalmi tọn lẹ; Akali, tukladomẹtọ Islaeli tọn lọ, mẹhe wà nugbigble de to onú dodopà lọ mẹ. ⁸Visunnu Etani tọn lẹ; Azalia. ⁹Visunnu Hẹzlọni tọn lẹ ga, he yè ji hlan ẹn; Jelameẹli, po Lami po, po Kẹlubai po. ¹⁰Lami sọ ji Aminadabi; Aminadabi ji Naẹọni, ahọvi ovi Juda tọn lẹ tọn; ¹¹Nasọni sọ ji Salma, Salma ji Boazi; ¹²Boazi ji Obẹdi, Obẹdi ji Jẹsse; ¹³Jẹsse jì oplọnji etọn Eliabi, po Abinadabi awetọ po, po Simea atọ̀ntọ po; ¹⁴Nẹtanẹli ẹnẹtọ, Ladai atọ̀ntọ; ¹⁵Ozemi ṣidopo tọ, po Davidi sinawetọ po: ¹⁶nọviyọnnu yetọn lẹ wẹ Zẹluia po Abigaili po. Visunnu Zẹluia tọn lẹ; Abisai, po Joabi po, po Asahẹli po, atọ̀n. ¹⁷Abigaili sọ ji Amasa: otò Amasa tọn wẹ Jetẹli Isinaẹlinu lọ. ¹⁸Kalẹbi visunnu Hẹzlọni tọn sọ ji ovi sọn Azuba asi etọn de, podọ sọn Jẹlioti de: ehelẹ sọ wẹ visunnu etọn lẹ; Jẹṣeli, po Ṣobabi po, po Aldọnì po. ¹⁹Azuba sọ kú, Kalẹbi sọ yí Efìati hlan e de, he ji Huli nẹ. ²⁰Huli sọ ji Uli, Uli sọ ji Bazalẹli ²¹Enẹgodo Hẹzlọni yi hòmẹ jẹ viyọnnu Makili otò Gileadi tọn tọn de; mẹhe é yí hlan asi whenuena é yín owhè kandeko mẹho; ewọ sọ ji Segubi nẹ̃. ²²Segubi sọ ji Jaili, mẹhe tindo tòdaho konukunatọ̀n to aigba Gileadi tọn mẹ. ²³Gẹsuli po Alami po sọ yi tòpẹvi Jaili tọn lẹ sọn yé si, po Kenati po, po gbeta etọn lẹ po, yèdọ tòdaho kandeko Ehe lẹpo wẹ visunnu Makili otò Gileadi tọn tọn lẹ. ²⁴To ehe godo Hẹzlọni yín oṣiọ to Kalẹbi-efiata mẹ, whenẹnu wẹ Ábija asi Hẹzlọni tọn ji Ashuli otò Tekoa tọn nẹ̃. ²⁵Visunnu Jelameẹli oplọnji Hẹzlọni tọn tọn lẹ wẹ Lami oplọnji, po Buna po, po olẹni po, po Ozẹmi po, Ahija. ²⁶Jelameẹli sọ tindo asi devo, oyín mẹhetọn yin Atala; ewọ wẹ onọ Onami tọn. ²⁷Visunnu Lami oplọnji Jelameẹli tọn tọn lẹ wẹ Maazi, po Jamini po, po Ekeli po. ²⁸Visunnu Onami tọn lẹ wẹ Samai, po Jada po: visunnu Samai tọn lẹ; Nadabi po Abisuli po. ²⁹Oyín asi Abisuli tọn tọn wẹ Abihaili; é sọ ji Abani po Mọlidi po nẹ̃. ³⁰Visunnu Nadabi tọn lẹ; Sẹiedi, po Apaimi po: ṣigba Sẹledi kú matin ovi. ³¹Visunnu Apaimi tọn lẹ; Iṣi. Visunnu Iṣi tọn lẹ; Ṣẹṣani. Visunnu Ṣẹṣani tọn lẹ; Ahlai. ³²Visunnu Jada nọvisunnu ṣamai tọn tọn lẹ; Jẹteli, po Jonatani po: Jẹteli sọ kú matin ovi. ³³Visunnu Jonatani tọn lẹ; Pelẹti, po Zaza po. Ehelẹ wẹ visunnu Jelameẹli tọn lẹ. ³⁴Dinvie Ṣẹṣani ma tindo visunnu de gba adavo viyọnnu lẹ. Ọẹsani sọ tindo mẹmẹsi, Egiptinu de, oyín mẹhetọn yín Jalha. ³⁵Ṣẹṣani sọ yí viyọnnu etọn na Jalha mẹmẹsi etọn hlan asi; ewọ sọ ji Atai nẹ̃. ³⁶Atai sọ ji Natani, Natani sọ ji Zabadi; ³⁷Zabadi sọ ji Eflali, Eflali sọ ji Obẹdi; ³⁸Obẹdi ji Jehu, Jehu ji Azalia; ³⁹Azalia ji Helẹzi, Helẹzi ji Eleasa; ⁴⁰Eleasa sọ ji Sisinai, Sisinai sọ ji Ṣalumi; ⁴¹Ṣalumi sọ ji Jekamia, Jekamia sọ ji Elisama. ⁴²Visunnu Kalebi nọvisunnu Jelameẹli tọn tọn lẹ wẹ Mẹsa oplọnji etọn, he yín otò Zifl tọn; visunnu Malesa otò Heblọni tọn tọn lẹ. ⁴³Visunnu Hẹblọni tọn lẹ; Kola, po Tapua po, po Lekẹmi po, po Ṣẹma po. ⁴⁴Ẹẹma sọ ji Lahami, otò Jọlkeami tọn; Lekẹmi sọ ji Ṣamai. ⁴⁵Visunnu Ṣamai tọn wẹ Maọni; Maọni sọ wẹ otò Bẹti-zuli tọn. ⁴⁶Efa, yọnnuyíyí Kalẹbi tọn, sọ ji Halani, po Moza po, po Gazezi po: Halani sọ ji Gazezi. ⁴⁷Visunnu Jadai tọn lẹ; Lẹgemi, po Jotami po, po Geẹani po, po Pelẹti po, po Efa po, po Saafi po. ⁴⁸Maaka, yọnnuyiyi Kalẹbi tọn sọ ji Sẹbeli po Tilhana po. ⁴⁹E sọ ji ga Saafi otọ́ Madinana tọn, Ṣeva otọ́ Makbena tọn, po otọ́ Gibea tọn po; viyọnnu Kalẹbi tọn sọ wẹ Aksa. ⁵⁰Ehelẹ wẹ visunnu Kalẹbi tọn lẹ; visunnu Huli tọn, oplọnji Eflata tọn, Ṣobali otọ́ Kiliati-jealimi tọn; ⁵¹Salma otọ́ Bẹtl-lehẹm tọn, Halefi otọ́ Bẹti-gadeli tọn. ⁵²Sobali otọ́ Kiliatijealimi tọn sọ tindo visunnu lẹ; Haloẹ, odá Mẹnuhoti tọn. ⁵³Po whédo Kiliatijealimi tọn lẹ po, Etlinu lẹ, po Putinu lẹ po, po Ṣumatinu lẹ po, po Mislanu lẹ po; yé mẹ wẹ Zolatinu lẹ po Estaolinu lẹ po sọn wá. ⁵⁴Visunnu Salma tọn lẹ; Bẹti-lehẹm, po Netofatinu lẹ po, Atlotibẹti-Joabi, po odá Manahatinu lẹ tọn po, Zolinu lẹ lọ. ⁵⁵Whédo wékantọ lẹ tọn lẹ he nọ nò Jabẹzi; Tilatinu lẹ lọ, Simeatinu lẹ lọ, Sukatinu lẹ lọ, Ehelẹ wẹ Kẹninu lẹ lo he sọn Hamati mẹ wá lẹ, otọ́ owhé Lekabi tọn tọn lẹ.

¹DINVIE ehelẹ we visunnu Davidi tọn lẹ, he yè ji hlan ẹn lẹ to Heblọni mẹ: oplọnji, Amnọni, sọn Ahinoami Jezleẹlinuyọnnu de; awetọ, Daniẹli, sọn Abigaili Kalmẹlinuyọnnu de; ²atọ̀ntọ, Absalọmi visunnu Maaka tọn viyọnnu Talmai ahọlu Gẹsuli tọn tọn; ẹnẹtọ, Adonija visunnu Hagiti tọn; ³atóntọ, Ṣẹfatia sọn Abitali de; sidopotọ, Etleami gbọn Egla asi etọn dali. ⁴Sidopo wẹ yè ji hlan ẹn to Heblọni mẹ; finẹ wẹ é sọ dùahọlu te owhè ṣinawe po osùn ṣidopo po: podọ to Jelusalẹm mẹ wẹ é dùahọlu te owhè gbànnukunatọ̀n. ⁵Ehelẹ wẹ yè sọ ji hlan ẹn to Jelusalẹm mẹ: Ṣimea, po jobabi po, po Natani po, po Sọlọmọni po, ẹnẹ, sọn Bati-sua viyọ-nnu Amiẹli tọn de; ⁶po Iba po, po Elisama po, po Elifẹlẹti po; ⁷po Noga po, po Nẹfegi po, po Jafia po; ⁸po Eliṣama po, po Eliada po, po Elifẹlẹti po, ṣinẹnẹ. ⁹Ehe lẹpo wẹ visunnu Davidi tọn lẹ, mahia visunnu yọnnuyiyi lẹ tọn lẹ dogó! Tama wẹ nọviyọnnu yetọn. ¹⁰Visunnu Sọlọmọni tọn wẹ Lehoboami, Abija visunnu etọn, Asa visunnu etọn, Jehosafati visunnu etọn; ¹¹Jolami visunnu etọn, Ahazia visunnu etọn, Joaṣi visunnu etọn; ¹²Amazia visunnu etọn, Azalia visunnu etọn, Jotani visunnu etọn; ¹³Ahazi visunnu etọn, Hẹzekia visunnu etọn, Manassẹ visunnu etọn; ¹⁴Amọni visunnu etọn, Josia visunnu etọn. ¹⁵Visunnu Josia tọn lẹ; oplọnji Johanani, awetọ Jehọiakimi, atọntọ Zẹdekia, ẹnẹtọ Ọalumi. ¹⁶Visunnu Jehọiakimi tọn lẹ; Jẹkonia visunnu etọn, Zẹdekia visunnu etọn. ¹⁷Visunnu Jekonia, mẹmẹglọ lọ tọn lẹ; Ṣealtiẹli visunnu etọn, ¹⁸po Malkilami po, po Pẹdaia po, po Sẹnazali po, po Jekamia po, Hosama, po Nẹdabia po. ¹⁹Visunnu Pẹdaia tọn lẹ; Zelubabẹli, po Ṣimei po: po visunnu Zelubabẹli tọn lẹ po; Mẹṣulami, po Hanania po; Sẹlomiti sọ wẹ nọviyọnnu yetọn: ²⁰po Hasuba po, po Ohẹli po, po Bẹlekia po, po Hasadia po, Jusabi-hẹsẹdi, atón. ²¹Visunnu Hanania tọn lẹ; Pelatia, po Jesaia po: visunnu Lefaia tọn lẹ, visunnu Alnani tọn lẹ, visunnu Obadia tọn lẹ, visunnu Ṣekania tọn lẹ. ²²Visunnu Ṣekania tọn lẹ; Sẹmaia: po visunnu Ṣẹmaia tọn lẹ po; Hatusi, po Igali po, po Balia po, po Nealia po, po Ṣafati po, ṣidopo. ²³Visunnu Nealia tọn lẹ; Elioẹnai, po Hizkia po, po Azlikami po, atọ̀n. ²⁴Visunnu Elioẹnai tọn lẹ; Hodavia, po Eliasibi po, po Pelaia po, po Akubi po, po Johanani po, po Delaia po, po Anani po, ṣinawe.

¹VISUNNU Juda tọn lọ; Pelẹzi, po Hẹzlọni po, po Kalmi po, po Huli po, po Sobali po. ²Leaia visunnu Sobali tọn sọ ji Jahati; Jahati sọ ji Ahumai po Lahadi po. Ehelẹ wẹ whédo Zolatinu lẹ tọn. ³Ehelẹ sọ wẹ visunnu otọ́ Etami tọn tọn lẹ; Jezleeli, po Isina po, po Idbasi po: oyín nọviyọnnu yetọn tọn wẹ Hazelẹliponi: ⁴Pẹnueli otọ́ Gedoli tọn, po Ezeli otọ́ Husa tọn po. Ehelẹ wẹ visunnu Huli tọn lẹ, oplọnji Eflata, otọ́ Bẹti-lehẹm tọn tọn. ⁵Ashu-li otọ́ Tekoa tọn sọ tindo asi awe, Hela po Naala po. ⁶Naala sọ ji Ahuzami, po Hefeli po, po Temeni po, po Haahaslali po nẹ̃. Ehelẹ wẹ visunnu Naala tọn. ⁷Visunnu Hela tọn lẹ wẹ Zeleti, Izali, po Etnani po. ⁸Hakọzi ji Anubi, po Zobeba po, po whédo Ahalheli visunnu Halumi tọn tọn lẹ po. ⁹Jabọzi sọ yín yẹyinọ daho hú mẹmẹsunnu etọn lẹ: onọ etọn sọ ylọ oyín etọn Jabẹzi, dọmọ, Na yẹn yí awubla do ji i wutu ¹⁰Jabẹzi dawhá ylọ Jiwheyẹwhe Islaeli tọn, dọmọ, Ṣó dọ hiẹ do jlo dona mi nugbonugbo, bo hẹn agboji ṣie klo, podọ na alọ towe ni tin to de e, podọ na hiẹ do jlo whla mi sọn oylan mẹ, bọ é ma na do tin hlan awubla ṣie gba! Jiwheyẹwhe sọ yí enẹ he é biọ nẹ. ¹¹Kẹlubi nọvisunnu ṣuha tọn sọ ji Mẹhili, he yín otọ́ Estọni tọn. ¹²Estọni sọ ji Bẹti-lafa, po Pasea po, po Tehinna otọ́ Ili-nahasi tọn po. Ehelẹ wẹ omẹ Leka tọn lẹ. ¹³Visunnu Kenazi tọn lẹ; Otniẹli, po Selaia po: visunnu Otnieli tọn lẹ; Hatati. ¹⁴Mẹonọtai sọ ji Ofla: Selaia ji Joabi otọ́ Gehalasimi tọn; na yé wẹ gbẹtọ-ananọ lẹ. ¹⁵Visunnu Kalẹbi visunnu Jẹfunnẹ tọn tọn lẹ; Ilu, Ela, po Naami po: po visunnu Ela tọn lẹ po; po Kenazi po. ¹⁶Visunnu Jehalelẹli tọn lẹ; Zifi, po Zifa po, po Tilia po, po Asalẹli po. ¹⁷Visunnu Ezla tọn lẹ; Jẹteli, po Mẹlẹdi po, po Efeli po, po Jalọni po: ewọ wẹ sọ ji Miliami, po ṣamai po, po Iṣba otọ́ Estemoa tọn po. ¹⁸Podọ asi etọn Juyọnnu sọ ji Jelẹdi otọ́ Gedoli tọn, po Hẹbeli otọ́ Soko tọn po, po Jẹkutiẹli otọ́ Zanoa tọn po. Ehelẹ wẹ visunnu Bitia viyọnnu Falo tọn tọn lẹ, he Melẹdi yí. ¹⁹Visunnu asi Hodia tọn tọn lẹ, nọviyọnnu Nahami tọn, wẹ otọ́ Keila Galminu lọ tọn, po Estemoa Maakatinu lọ po. ²⁰Visunnu Simọni tọn lẹ; Amnọni, po Linna po, Bẹn-hanani, po Tilọni po. Visunnu Iṣi tọn lẹ; Zohẹti, po Bẹnizohẹti po. ²¹Visunnu Sẹla visunnu Juda tọn tọn lẹ; Eli otọ́ Leka tọn, po Laada otọ́ Malẹsa tọn po, po whédo owhé yé tọn tọn lẹ po he nọ basi ala dagbedagbe, sọn owhé Aṣbea tọn gbè; ²²po Jokimi po, po omẹ Kozeba tọn lẹ po, po Joaṣi po, po Salafi po, mẹhe tindo ahọluyigba to Moabi, po Jasùbilehẹm po mẹ. Nuflinwé lẹ lọ yín hóhó. ²³Ehelẹ wẹ hònjinọtọ lẹ, po tòmẹnu Nẹtaimi po Gedela po tọn lẹ: finẹ wẹ yé nọ nò po ahọlu po na azón etọn.

²⁴Visunnu Simeọni tọn lẹ Nemuẹli, po Jamini po, Jalibi, Zela, Ṣauli: ²⁵Ṣalumi visunnu etọn, Mibsami visunnu etọn, Misina visunnu etọn. ²⁶Visunnu Misina tọn lẹ; Hamueli, visunnu etọn, Zakuli visunnu etọn, Ṣimei visunnu etọn. ²⁷Ṣimei tindo visunnu fọtónnukundopo po viyọnnu ẹidopo po; ṣigba mẹmẹsunnu etọn lẹ ma tindo ovi susu gba, mọ whédo yetọn lẹpo de ma jigba to sọjlẹ mẹ do ovi Juda tọn lẹ go gba. ²⁸Yé sọ nọ nò Beẹli-seba, po Molada po, po Hazal-ṣua po; ²⁹podọ to Bilha, podọ to Ezẹmi, podọ to Toladi; ³⁰to Bẹtuẹli, podọ to Họlma, podọ to Ziklagi; ³¹podọ to Bẹti-malkaboti, podọ to Hazah-susimi, podọ to Bẹti-bili, podọ to Ṣaalaimi. Ehelẹ wẹ tòdaho yetọn lẹ jẹ ahọludu Davidi tọn ³²Gbeta yetọn lẹ wẹ Etami, po Aini po, Limọni, po Tokẹni po, po Asani po, tòdaho atón: ³³Po gbeta yetọn lẹpo po he tin lédo tòdaho dopolọ lẹ, jẹ Baali. Ehelẹ wẹ fininò yetọn lẹ, yé sọ tindo whẹndò yetọn. ³⁴Po Mẹsobabi po, po Jamlẹki po, po Josa visunnu Amazia tọn po; ³⁵po Joẹli po, po Jehu visunnu Josibia tọn po, visunnu Selaia tọn, visunnu Asiẹli tọn; ³⁶po Elioẹnai po, po Jaakoba po, po Jesohaia po, po Asaia po, po Adlẹli po, po Jesimieli po, po Benaia po; ³⁷po Ziza visunnu Ṣifi tọn po, visunnu Alọni tọn, visunnu Jedaia tọn, visunnu Ṣimli tọn, visunnu Ṣemaia tọn; ³⁸ylọ gbọn oyín dali helẹ wẹ ahọvi to whédo yetọn lẹ mẹ: owhó otọ́ yetọn lẹ tọn lẹ sudeji talala. ³⁹Yé sọ yí jẹ bibiọ whégbè Gedọli tọn mẹ, yèdọ jẹ adà whèzẹtẹn agbàdo lọ tọn kòn, nado din kanlindùgbo na lẹngbọpa yetọn lẹ. ⁴⁰Yé sọ mọ kanlindùgbo ojonọ dagbedagbe, aigba lọ sọ yín gbigblo, po whiwhẹnọ po, po jijọhonọ po; na yé he nọ nò finẹ daidai lẹ tin sọn Hami mẹ. ⁴¹Ehe yè wlan gbọn oyín dali helẹ wà to azán Hẹzekia ahọlu Juda tọn tọn lẹ mẹ, bo hò ogohò yetọn lẹ, po Mẹunimi he yè mọ to finẹ po, bo và yé gbidigbidi, kakajẹ azán he gbè, bo sọ nọ nò otẹn yetọn mẹ: na kanlindùgbo tin finẹ na lẹngbọpa yetọn lẹ wutu. ⁴²Vude sọn yé mẹ, yèdọ sọn visunnu Simeọni tọn lẹ mẹ, sunnusi fowekànweko, yì jẹ osé Seili kòn, tin tindo Pẹlatia, po Nealia po, po Lelaia po, po Uzlẹli po, visunnu Iṣi tọn lẹ na awhàngán yetọn lẹ.

⁴³Yé sọ hò pipòtọ Amalẹkinu lọ tọn he họ̀ngán, bo sọ to finẹ nò jẹ azán he gbè.

¹VISUNNU Leubeni oplọnji Islaeli tọn tọn lẹ (na ewọ wẹ oplọnji lọ; ṣigba, sọle ewọko flu adọtẹn otọ́ etọn tọn, yè yí jijihuhlọn etọn na hlan visunnu Josẹfu visunnu Islaeli tọn tọn lẹ; ohẹnnu ma sọ tin nado yín hihia kẹdẹdi jijihuhlọn gba. ²Na Juda glonu to mẹmẹsunnu etọn lẹ ji, podọ é de wẹ ahọvi lọ sọn wá; aigba Josẹfu tọn jijihuhlọn yin:) ³visunnu Leubẹni oplọnji Islaeli tọn tọn lẹ; Hanọki, po Palu po, Ilẹzloni, po Kalmi po. ⁴Visunnu Joẹli tọn lẹ; Ṣemai visunnu etọn, Gọgi visunnu etọn, Ṣimei visunnu etọn; ⁵Mika visunnu etọn, Leaia visunnu etọn, Baali visunnu etọn; ⁶Beẹla visunnu etọn, mẹhe Tilgati-pilnẹseli ahọlu Asilia tọn do hẹn mẹglọnọ yì: ewọ wẹ ahọvi Leubẹninu lẹ tọn. ⁷Po mẹmẹsunnu etọn lẹ po gbọn whédo yetọn lẹ dali, whenuena yè hia ohẹnnu whẹndo yetọn lẹ tọn, Jeiẹli, ogán, po Zekalia po, ⁸po Bela, visunnu Azazi tọn po, po visunnu Ṣema tọn po, visunnu Joẹli tọn, mẹhe nọ nọ̀ Aloeli mẹ, yèdọ jẹ Nebo po Baali-meọni po: ⁹podọ hlanwhèzẹtẹn dali ewọ nọ nò yèdọ jẹ bibiọ whégbe zùngbo tọn sọn otọ́ Euflate lẹ mẹ: na kanlinpa yetọn lẹ to jijigbà to aigba Gileadi tọn ji wutu ¹⁰Podọ to azán Sauli tọn lẹ mẹ yé basi awhàn po Haglinu lẹ po, mẹhe jai gbọn alọ yetọn dali: yé sọ nọ nọ̀ ogohọ̀ yetọn lẹ mẹ lẹ́do aigba whèzẹtẹn Gileadi tọn.

¹¹Visunnu Gadi tọn lẹ nọ nọ̀ titegbe yé tọn, to aigba Baṣani tọn ji jẹ Saleka: ¹²Joẹli ogán lọ, po Ṣafami awetọ lọ po, po Janai po, po Safati po to Baṣani mẹ: ¹³po mẹmẹsunnu yetọn lẹ po sọn owhé otọ̀ yetọn lẹ tọn lẹ gbè; Mikaẹli, po Mẹṣulami pọ, po Ṣeba po, po Jolai po, po Jakani po, po Zia po, po Ebẹli-sẹvẹni po. ¹⁴Ehelẹ wẹ visunnu Abihaili visunnu Huli tọn tọn lẹ, visunnu Jaloa tọn, visunnu Gileadi tọn, visunnu Mikaẹli tọn, visunnu Jẹṣiṣai tọn, visunnu Jahdo tọn, visunnu Buzi tọn; ¹⁵Ahi visunnu Abdìẹli tọn, visunnu Guni tọn, ogán owhó otọ́ yetọn lẹ tọn lẹ tọn. ¹⁶Yé sọ nọ no Gileadi mẹ to Baṣani mẹ, podọ to tòpẹvi etọn lẹ mẹ, podọ to agbègbè Ṣalọni tọn lẹ mẹ, kaka jẹ agbó yetọn lẹ ji. ¹⁷Ehe lẹpo wẹ yè hia gbọn ohẹnnu lẹ dali to azán Jotami ahọlu Juda tọn tọn lẹ mẹ, podọ to azán Jeloboami ahọlu Islaeli tọn tọn lẹ mẹ.

¹⁸Visunnu Leubẹni tọn lẹ, po Gadinu lẹ po, po odá whẹndo Manassẹ tọn po, sọn sunnu adantọ lẹ mẹ, sunnu sọgan nado hẹn awọ̀yínu po ohi po, podọ nado sẹ̀ ogá, bo sọ zìn to awhàn mẹ, yín fọtọ́n kandenukunẹnẹ po nuọntọ̀nkẹnnẹ po, he tin sọgan nado tọ́n yì jẹ awhàn. ¹⁹Yé sọ basi awhàn po Haglinu lẹ po, po Jẹtuli po, po Naflẹi po, po Nodabi po. ²⁰Yè sọ gọalọna yé do yé go, yè sọ jó Haglinu lẹ do alọ yetọn mẹ, po yé he tin to yé de lẹpo po: na yé dawhá ylọ Jiwheyẹwhe to awhànfuntẹn mẹ, yè sọ vẹ̀ ẹ sọn yé de; na yé yí tudido yetọn do e mẹ wutu. ²¹Yé sọ bẹ́ kanlinpa yetọn lẹ yì; sọn kanklosọ-póawenọ yetọn lẹ mẹ fọtọ́n kandeao, sọn lẹngbọ lẹ mẹ fọtọ́n fọdekandeao, sọn kẹtẹkẹtẹ lẹ mẹ fọtọ́n awe, podọ sọn gbẹtọ lẹ mọ fọtọ́n kanweko. ²²Na mẹsusu to finẹ wẹ jai alántọṣiọ, na awhàn lọ tin sọn Jiwheyẹwhe de wutu. Yé sọ to otẹn yetọn mẹ nọ̀ kakajẹ mẹmẹglọnọ whenu.

²³Ovi odá whẹndo Manassẹ tọn lẹ tọn nọ nò aigba lọ ji: yé jijideji sọn Baṣani jẹ Baali-hẹlmọni po Senilipo osé Helmọni kọ̀n. ²⁴Ehelẹ sọ wẹ nukọntọ owhé otọ́ yetọn lẹ tọn lẹ tọn; yèdọ Efeli, po Iṣi po, po Ellẹli po, po Azliẹli po, po Jelemia po, po Hodavia po, po Jahdlẹli po, sunnu hlọnhlọnnọ tudido tọn lẹ, omẹ diyín lẹ, nukọntọ owhé otọ́ yetọn lẹ tọn lẹ tọn.

²⁵Yé sọ wàylan do Jiwheyẹwhe otọ́ yetọn lẹ tọn go, bo to yìyì galilọ de mẹ hodo yẹwhe kosi aigba lọ tọn lẹ tọn lẹ, mẹhe Jiwheyẹwhe súdo to yé nukọn lẹ. ²⁶Jiwheyẹwhe Islaeli tọn lọ sọ fọ́nadan gbigbọ Puli ahọlu Asilia tọn tọn daga, po gbigbọ Tilgati-pilnẹseli ahọlu Asilia tọn tọn po, ewọ sọ bẹ́ yé yì, yèdọ Leubẹninu lẹ, po Gadinu lẹ po, po odá whẹndo Manassẹ tọn po, bo hẹn yé wá jẹ Hala, po Haboli po, po Hala po, podọ jẹ otọ́ Gozani tọn kọ̀n, kaka jẹ azán he gbè.

¹VISUNNU Levi tọn lẹ; Gẹlṣọni, Kohati, po Mẹlali po. ²Visunnu Kohati tọn lẹ; Amíami, Izali, po Hẹblọni po, po Uzlẹli po. ³Ovi Amlami tọn lẹ; Aalọn, po Moṣe po, po Miliami po. Visunnu Aalọn tọn lẹ; Nadabi po Abihu po, Eleazali po Itamali po. ⁴Eleazali sọ ji Finehasi, Finehasi ji Abisua; ⁵Abisua ji Buki, Buki sọ ji Uzi; ⁶Uzi ji Zẹlahia, Zẹlahia sọ ji Mẹlaiọti; ⁷Mẹlaiọti ji Amalia, Amalia sọ ji Ahitubi; ⁸Ahitubi ji Zadọki, Zadọki sọ ji Ahimaazi; ⁹Ahimaazi ji Azalia, Azalia sọ ji Johanani; ¹⁰Johanani ji Azalia, (ewọ é yín he wà azọ́nhọ̀ yẹwhenọ tọn to ohọ̀ he Sọlọmọni dó to Jelusalẹm mẹ mẹ:) ¹¹Azalia ji Amalia, Amalia sọ ji Ahitubi; ¹²Ahitubi ji Zadọki, Zadọki sọ ji Ṣalumi; ¹³Ṣalumi ji Hilkia, Hilkia sọ jì Azalia; ¹⁴Azalia ji Selaia, Selaia bọ ji Jehozadaki; ¹⁵Jehozadaki sọ yì mẹmẹglọnọ mẹ, to whenuena Okluno bó Juda po Jelusalẹm po yì gbọn alọ Nẹbukadnẹzali tọn dali.

¹⁶Visunnu Levi tọn lẹ; Gẹlṣọmi, Kohati, po Mẹlali po. ¹⁷Ehelẹ yin oyín visunnu Gẹlṣọmi tọn lẹ tọn lẹ; Libni po Ṣimei po. ¹⁸Visunnu Kohati tọn lẹ wẹ Amlami, po Izali po, po Hẹblọni po, po Uzlẹli po. ¹⁹Visunni Mẹlali tọn lẹ; Mahlì po Muṣi po. Ehelẹ wẹ whédo Levinu lẹ tọn kẹdẹdi owhó otọ́ yetọn lẹ tọn. ²⁰Sọn Gẹlṣọmi mẹ; Libni visunnu etọn, Jahati visunnu etọn, Zimma visunnu etọn; ²¹Joa visunnu etọn, Iddo visunnu etọn, Zela visunnu etọn, Jeatelai visunnu etọn. ²²Visunnu Kohati tọn lẹ; Aminadabi visunnu etọn, Kola visunnu etọn, Asili visunnu etọn; ²³Elkana visunnu etọn, po Ebiasa visunnu etọn po, po Asili visunnu etọn po; ²⁴Tahati visunnu etọn, Uliẹli visunnu etọn, Uzia visunnu etọn, po Sauli visunnu etọn po ²⁵Visunnu Elkana tọn lẹ; Amasai, po Ahimọti po. ²⁶Na Elkana tọn: visunnu Elkana tọn le; Zofai visunnu etọn, po Nahati po visunnu etọn; ²⁷Eliabi visunnu etọn, Jelohami visunnu etọn, Elkana visunnu etọn ²⁸Visunnu Samuẹli tọn lẹ; oplọnji lọ Joẹli, awetọ Abija. ²⁹Visunnu Mẹ-lali tọn lẹ; Mahli, Libni visunnu etọn, Semei visunnu etọn, Uza visunnu etọn; ³⁰Simea visunnu etọn, Hagia visunnu etọn, Asaia visunnu etọn.

³¹Ehelẹ wẹ yé mẹhe Davidi dè do azọ́n ohàn tọn ji to ohó OKLUNỌ tọn mẹ, to ehe godo alki ko tindo ogbọjẹ. ³²Yé sọ nọ yí ohàn do wàdevizọ́n to ogohọ̀tuntún gohọ́ opli tọn tọn nukọn, kaka Sọlọmọni ko do dó ohọ́ OKLUNỌ tọn lọ to Jelusalẹm mẹ: yé sọ nọte to azọ́nhò yetọn kọ̀n kẹdẹdi ohùkàn yetọn. ³³Ehelẹ wẹ yé he nọ nọte, po visunnu yetọn lẹ po. Sọn visunnu Kohatinu lẹ tọn mẹ: Hẹmani hànjitọ lọ, visunnu Joẹli tọn, visunnu Samuẹli tọn; ³⁴visunnu Elkana tọn, visunnu Jelohami tọn, visunnu Ellẹli tọn, visunnu Toa tọn; ³⁵visunnu Zufi tọn, ùsunnu Elkana tọn, visunnu Mahati tọn, visunnu Amasai tọn; ³⁶visunnu Elkana tọn, visunnu Joẹli tọn, visunnu Azalia tọn, visunnu Zefanìa tọn; ³⁷Visunnu Tahati tọn, visunnu Asili tọn, visunnu Ebiasafi tọn, visunnu Kola tọn; ³⁸Visunnu Izhali tọn, visunnu Kohati tọn, visunnu Levi tọn, visunnu Islaeli tọn ³⁹Po Asafi nọvisunnu etọn po, mẹhe nọ nọte to alọ adusi etọn ji, yèdọ Asafi visunnu Bẹlekia ton, visunnu Simea tọn; ⁴⁰Visunnu Mikaẹli tọn, visunnu Baaseia tọn, visunnu Malkija tọn; ⁴¹visunnu Ẹtni tọn, visunnu Zela tọn, visunnu Adaia tọn; ⁴²visunnu Ètani tọn, visunnu Zima tọn, visunnu Ṣimei tọn; ⁴³visunnu Jahati tọn, visunnu Gẹlṣọmi tọn, visunnu Levi tọn ⁴⁴Podọ to alọ aniivon ji mẹmẹsunnu yetọn lẹ visunnu Melali tọn lẹ: Etani visunnu Kisi ton visunnu Abdi tọn, visunnu Maluki ton, ⁴⁵visunnu Hasabia tọn, visunnu Amazia tọn, visunnu Hilkia tọn; ⁴⁶visunnu Amzi tọn, visunnu Bani tọn, visunnu Sẹmeli tọn; ⁴⁷visunnu Mahli tọn, visunnu Muṣi tọn, visunnu Mẹlali tọn, visunnu Levi tọn. ⁴⁸Levinu lẹ mẹmẹsunnu yetọn wẹ yè dè na azón ogohọ̀túntún ohó Jiwheyẹwhe tọn tọn lẹpo.

⁴⁹Ṣigba Aalọn po visunnu etọn lẹ po to avósán to agbà avọ́ nunina mimẹ̀ tọn ji, podọ to agbà nuyọnwán tọn ji, na azón otẹn wiwe gbahu tọn, podọ nado nọ basi ovẹ́sè na Islaeli, kẹdẹdi ehe Moṣe memesi Jiwheyẹwhe tọn degbèna lẹpo. ⁵⁰Ehelẹ sọ wẹ visunnu Aalọn tọn lẹ; Eleazali visunnu etọn, Finehasi visunnu etọn, Abisua visunnu etọn; ⁵¹Buki visunnu etọn, Uzi visunnu etọn, Zelahia visunnu etọn; ⁵²Mẹlaiọti visunnu etọn, Amazia visunnu etọn, Ahitubi visunnu etọn; ⁵³Zadọki visunnu etọn, Ahimaazi visunnu etọn.

⁵⁴Dinvie ehelẹ wẹ otẹn fininọ̀ yetọn kẹdẹdi osladido yetọn lẹ to agbó yetọn lẹ mẹ: hlan visunnu Aalọn tọn lẹ, sọn whédo Kohatinu lẹ tọn mẹ, na yetọn wẹ mimá tintan lọ, ⁵⁵yé wẹ yé yí Hẹblọni aigba Juda mẹ tọn na, po agbègbèji etọn lẹ́do e pó lẹ po; ⁵⁶aigba danji tòdaho lọ tọn lẹ, po gbeta etọn lẹ po wẹ yé yí na Kalẹbi visunnu Jẹfunnẹ tọn. ⁵⁷Yé sọ yí Hẹblọni, tòdaho fibẹ̀tado tọn lẹ na visunnu Aalọn tọn lẹ; Libna ga po agbègbèji etọn lẹ po, po Jatili po, Eṣtemoa po agbègbèji etọn lẹ po; ⁵⁸Hilẹni po agbègbèji etọn lẹ po, Dibili po agbègbèji etọn lọ po; ⁵⁹Aṣani po agbègbèji etọn lẹ po, Bẹti-ṣemẹṣi po agbègbèji etọn lẹ po: ⁶⁰podọ sọn whẹndo Bẹnjamini tọn mẹ; Geba po agbègbèji etọn lẹ po, Alẹmọti po agèbgbèji etọn lẹ po, Anatoti po agbègbèji etọn lẹ po. ⁶¹Pipòtọ visunnu Kohati tọn tọn lẹ wẹ yè yí tòdaho ao na gbọn vòdidè dali, sọn whédo whẹndo lọ tọn mẹ, sọn oda whẹndo lọ tọn mẹ, odá Manassẹ tọn ⁶²Podọ hlan visunnu Gẹlṣọmi tọn lẹ, kẹdẹdi whédo yetọn lọ, sọn whẹndo Isakali tọn mẹ, podọ sọn whẹndo Aṣeli tọn mẹ, podọ sọn whẹndo Naftali tọn mẹ, podọ sọn whẹndo Manassẹ tọn mẹ to Baṣani mẹ, tòdaho wiatòn. ⁶³Yè sọ na hlan visunnu Mẹlali tọn lẹ gbọn vòdidè dali, kẹdẹdi whédo yetọn lẹ, sọn whẹndo Leubẹni tọn mẹ, podọ sọn whendo Gadi tọn mẹ, podọ pọn whẹndo Zebuluni tọn mẹ, tòdaho wiawe. ⁶⁴Ovi Islaeli tọn lẹ sọ na hlan Levinu lẹ tòdaho lẹ po agbègbèji yetọn lẹ po. ⁶⁵Yé sọ na gbọn vòdidè dali sọn whẹndo ovi Juda tọn lẹ tọn mẹ, podọ sọn whẹndo ovi Simeọni tọn lẹ tọn mẹ, podọ sọn whẹndo ovi Bẹnjamini tọn lẹ tọn mẹ, tòdaho helẹ he yè ylọ gbọn oyín dali. ⁶⁶Adade sọn whédo visunnu Kohati tọn tọn lẹ mẹ tindo agboji yetọn lẹ sọn whẹndo Eflaimi tọn mẹ. ⁶⁷Yé sọ na tòdaho fibẹ̀tado tọn lẹ hlan yé, Ṣekẹmi to otò okọta Eflaimi tọn mẹ po agbègbèji etọn lẹ po; Gezẹli ga po agbègbèji etọn lẹ po; ⁶⁸Jọkineami po agbègbèji etọn lẹ po, Bẹti-holọni po agbègbèji etọn lẹ po; ⁶⁹Aijalọni po agbègbèji etọn lẹ po, Gatjlimmọni po agbègbèji etọn lẹ po: ⁷⁰podọ sọn odá whẹndo Manassẹ tọn tọn mẹ; Aneli po agbègbèji etọn lẹ po, Bileami po agbègbèji etọn lẹ po, na pipòtọ sọn whédo visunnu Kohati tọn lẹ tọn mẹ. ⁷¹Yè sọ na hlan visunnu Gẹlṣọmi tọn lẹ, sọn whédo odá whẹndo Manassẹ tọn tọn mẹ, Golani to Baṣani mẹ po agbègbèji etọn lẹ po, Astalọti po agbègbèji etọn lẹ po: ⁷²podọ sọn whẹndo Isakali tọn mẹ; Kedẹṣi po agbègbèji etọn lẹ po, Dabelati po agbègbèji etọn lẹ po; ⁷³Lamọti po agbègbèji etọn lẹ po, Anẹmi po agbègbèji etọn lẹ po: ⁷⁴Podọ sọn whẹndo Aṣeli tọn mẹ; Maṣali po agbègbèji etọn lẹ po, Abdọni po agbègbèji etọn le po; ⁷⁵Hukọki po agbègbèji etọn lẹ po, Lehobi po agbègbèji etọn lẹ po: ⁷⁶podọ sọn whẹndo Naftali tọn mẹ; Kedẹṣi to Galili mẹ po agbègbèji etọn lẹ po, Hamọni po agbègbèji etọn lẹ po, Kiliataimi po agbègbèji etọn lẹ po. ⁷⁷Hlan pipòtọ Levinu lẹ tọn, visunnu Melali tọn lẹ, wẹ yè na, sọn whẹndo Zebuluni tọn mẹ, Limono po agbègbèji etọn lẹ po, Taboli po agbègbèji etọn lẹ po: ⁷⁸podọ to Jọdani gododọ̃n to Jẹliko, to adà whèzẹtẹn Jọdani tọn ji, yè na yé, sọn whẹndo Leubẹni tọn mẹ, Bezẹli to zùngbo mẹ po agbègbèji etọn lẹ po, Jahza po agbègbèji etọn lẹ po, ⁷⁹Kedẹmoti po agbègbèji etọn lẹ po, Mẹfaati po agbègbèji etọn lẹ po: ⁸⁰Podọ sọn whẹndo Gadi tọn mẹ; Lamoti to Gileadi mẹ po agbègbèji etọn lẹ po, Mahanaimi po agbègbèji etọn lẹ po, ⁸¹Hẹṣbọni po agbègbèji etọn lẹ po, Jazẹli po agbègbèji etọn lẹ po.

¹VISUNNU Isakali tọn lẹ; Tola, po Pua po, Jasubi po Ṣimlọni po, ẹnẹ. ²Visunnu Tola tọn lẹ; Uzi, po Lẹfaia po, po Jeliẹli po, po Jahmai po, po Ibsami po, po ṣẹmuẹh po, nukọntọ owhé otọ́ yetọn lẹ tọn, nado dọ, sọn Tola mẹ; omẹ hlọnhlọnnọ tudido tọn lẹ to whẹndo yetọn lẹ mẹ: osọha yetọn k azán Davidi tọn lẹ mẹ yín fọtọ́n konukunawe po nuọntọ̀n po. ³Visunnu Uzi tọn lẹ; Izlahia: visunnu Izlahia tọn lẹ; Mikaẹli, po Obadia po, po Joẹli po, Iṣia, atón: nukọntọ wẹ yé omẹ popo ⁴Yé de, gbọn whẹndo yetọn lẹ dali, kẹdẹdi owhé otọ́ yetọn lẹ tọn lẹ, wẹ ogbó awhànpa tọn lẹ te na awhàn, fọtọ́n gbàntónnukundopo: na yé tindo asi po visunnu lẹ po. ⁵Podọ mẹmẹsunnu yetọn lẹ to whédo Isakali tọn lẹpo ṣẹnṣẹn omẹ hlọnhlọnnọ tudido tọn lẹ, hia dopọ gbọn ohẹnnu dali, yín fọtọ́n kanwesinawe.

⁶Visunnu Bẹnjamini tọn lẹ; Bela, po Bekẹli po, po Jediaẹli po, atọ̀n. ⁷Visunnu Bela tọn lẹ; Ezbọni, po Uzi po, po Uziẹli po, po Jelimọti po, po Ili po, atón; nukọntọ owhó otọ́ le tọn lẹ, omẹ hlọnhlọnnọ tudido tọn lẹ; yè sọ hia yé gbọn ohẹnnu dali fọtọ́n konukunawe po gbànnukunẹnẹ po. ⁸Visunnu Bekẹli tọn lẹ; Zemila, po Joaṣi po, po Eliezeli po, po Elioẹnai po, po Omli po, po Jelemọti po, po Abija po, po Anatoti po, po Alemẹti po. Ehe lẹpo wẹ visunnu Bekẹli tọn lẹ. ⁹Yè sọ hia yé gbọn ohẹnnu dali, kẹdẹdi whẹndo yetọn lẹ, nukọntọ owhó otọ́ yetọn lẹ tọn lẹ, omẹ hlọnhlọnnọ tudido tọn lẹ, fọtọ́n òko po fọde po. ¹⁰Visunnu Jẹdiaẹli tọn lẹ; Bilhani; visunnu Bilhani tọn lẹ; Jeuṣi, po Bẹnjamini po, po Ehudi po, po Kenaana po, po Zetani po, po Talsisi po, po Ahisahali po. ¹¹Visunnu Jẹdiaẹli tọn wẹ eho lẹpo, kẹdẹdi nukọntọ owhé otọ́ yetọn lẹ tọn lẹ, omẹ hlọnhlọnnọ tudido tọn lẹ, fọtọ́n fọtónnukunawe po fọde po, he tin sọgan nado tón yì to awhànpa mẹ na awhàn. ¹²Ṣupimi ga, po Hupimi po, visunnu Ili tọn lẹ, Huṣimi, visunnu Aheli tọn lẹ.

¹³Visunnu Naftali tọn lẹ: Jahzlẹli, po Guni po, po Jẹzeli po, po galumi po, visunnu Bilha tọn lẹ.

¹⁴Visunnu Manassẹ tọn lẹ; Asliẹli, mẹhe asi etọn ji: (yọnnuyiyi etọn Alaminu ji Makili otọ́ Gileadi tọn: ¹⁵Makili sọ yí asi sọn Hupimi po Ẹupimi po de, oyín nọviyọnnu mẹhetọn nọ yín Maaka;) oyín awetọ tọn wẹ Zẹlofehadi: Zẹlofehadi sọ tindo viyọnnu lẹ. ¹⁶Maaka asi Makili tọn sọ ji visunnu de, é sọ ylọ oyín etọn Pelẹsi; oyín nọvisunnu etọn tọn wẹ Selẹsi; visunnu etọn lẹ Ulami po Lakẹmi po. ¹⁷Visunnu Ulami tọn lẹ; Bedani. Ehelẹ wẹ visunnu Gileadi visunnu Makili tọn tọn le, visunnu Manassẹ tọn. ¹⁸Nọviyọnnu etọn Hamolẹkẹti sọ ji Ishọdi, po Abiezẹli po, po Mahla po. ¹⁹Visunnu Ṣemida tọn lẹ wẹ Ahiani, po Ṣekẹmi po, po Likhi po, po Aniami po.

²⁰Visunnu Eflaimi tọn lẹ; Ṣutela, po Belẹdi visunnu etọn po, po Tahati visunnu etọn po, po Eleada visunnu etọn po, po Tahati visunnu etọn po, ²¹po Zabadi visunnu etọn po, po ṣutela visunnu etọn po po Ezẹli po, po Eleadi po, mẹhe omẹ Gileadi tọn he yè ji to aigba lọ ji lẹ hù, na yé jẹte wà nado bé kanlinpa yetọn lẹ yì wutu. ²²Eflaimi otọ́ yetọn nòawublamẹ azán susu, mẹmẹsunnu etọn lẹ sọ wá nado miọnhomẹ nọ̀. ²³Ewọ sọ yì hòmẹ jẹ asi etọn de, é sọ mọhò, bo ji visunnu de, é sọ ylọ oyín etọn Belia, na é yí oylan do yì na owhó etọn wutu. ²⁴Viyọnnu etọn wẹ Seẹla, mẹhe dó Bẹti-holọni agatọn po odòtọn po, po Uzẹni-seẹla po. ²⁵Lefa wẹ visunnu etọn, po Lesefi po, po Tela visunnu etọn po, po Tehani visunnu etọn po; ²⁶Ladani visunnu etọn, Amihudi visunnu etọn, Elisama visunnu etọn; ²⁷Nuni visunnu etọn, Jọsua viéunnu etọn. ²⁸Nutindo yetọn lẹ po fininò yetọn lẹ po wẹ Bẹti-ẹli po tòpẹvi etọn lẹ po, po Naalani whèzẹtẹndali tọn po po Gezẹli whèyìhọdali tọn po, po tòpẹvi etọn lẹ po; Ṣekẹmi ga po tòpẹvi etọn lẹ po, jẹ Aza po tòpẹvi etọn lẹ po: ²⁹podọ to agboji ovi Manassẹ tọn lẹ tọn lẹ dali, Bẹti-seani po tòpẹvi etọn lẹ po, Taanaki po tòpẹvi etọn lẹ po, Mẹgido po tòpẹvi etọn lẹ po, Dọli po tòpẹvi etọn lẹ po. Ehelẹ me wẹ ovi Josẹfu visunnu Islaeli tọn tọn lẹ nọ nò.

³⁰Visunnu Iṣeli tọn lẹ; Imna, po Isva po, po Isvi po, po Belia po, po Sala nọviyọnnu yetọn po. ³¹Visunnu Belia tọn lẹ; Hẹbeli, po Malkiẹli po, mẹhe yin otọ́ Bilzaiti tọn. ³²Hebẹlì sọ ji Jaflẹti, po Somẹli po, po Hotami po, po faua nọviyọnnu yetọn po. ³³Visunnu Jaflẹti tọn lẹ; Pasaki, po Bimhali po, po Asvati po. Ehelẹ wẹ ovi Jaflẹti tọn lẹ. ³⁴Visunnu Ṣemẹli tọn lẹ; Ahi, po Lohga po, Jehuba, po Alami po. ³⁵Visunnu Helẹmi nọvisunnu etọn tọn lẹ; Zofa, po Imna po, po Ṣelẹsi po, po Amali po. ³⁶Visunnu Zofa tọn lẹ; Sua, po Halnẹfeli po, po Suali po, po Beli po, po Imla po; ³⁷Bezẹli, po Họdi po, po Sama po, po Ṣilsa po, po Itani po, po Beẹla po. ³⁸Visunnu Jẹteli tọn lẹ; Jẹfunnẹ, po Pispa po, po Ala po. ³⁹Visunnu Ula tọn lẹ; Ala, po Hanniẹli po, po Lizia po. ⁴⁰Ehe lẹpo wẹ ovi Aṣeli tọn lẹ, nukọntọ owhé otọ lẹ tọn lẹ tọn, sinẹinyan hlọnhlọnnọ omẹ tudido tọn lẹ, nukọntọ ogán lẹ tọn. Podọ osọha yé tọn hihia gbọn ohẹnnu dali na sinsẹ̀n to awhàn mẹ yín sunnusi fọtọ́n koatọ́nnukundopo.

¹BẸNJAMINI sọ ji Bela oplọnji etọn, Aṣbẹli awetọ lọ, po Ahala atọ̀ntọ lọ po; ²Noha ẹnẹtọ lọ, po Lafa atóntọ lọ po. ³Bela tindo visunnu lẹ, Addali, po Gela po, po Abihudi po; ⁴Abisua, po Naamani po, po Ahoa po; ⁵Gela, po Sẹfufam po, po Hulami po. ⁶Ehele sọ wẹ visunnu Ehudi tọn lẹ: ehelẹ wẹ nukọntọ owhé otọ́ lẹ tọn lẹ tọn sọn tòmẹnu Geba tọn lẹ mẹ, yé sọ bé yé mẹglọnọ yì jẹ Manahati: ⁷Naamani, po Ahija po, po Gela po, é bé yé mẹglọnọ yì; ewọ sọ ji Uza po Ahihudi po. ⁸Ṣahalaimi sọ ji ovi lẹ to odàn Moabi tọn ji, godo he é ko do yé hlan yì; Husimi po Baala po wẹ asi etọn lẹ. ⁹E sọ ji Hodẹsi sọn asi etọn de, Jobabi, po Zibia po, po Mẹsa po po Malkami po; ¹⁰po Jeuzi po, po ṣakia po, po Milma po. Ehelẹ wẹ visunnu etọn lẹ, nukọntọ owhó otọ́ le tọn tọn lẹ. ¹¹Podọ sọn Husimi de é jj Abitubi po Elpẹali po. ¹²Visunnu Elpaali tọn lẹ; Ebeli, po Mlẹami po, po Semẹdi po, mẹhe dó Ono po Lọdi po, po tòpẹvi etọn lẹ po: ¹³Belia po Ṣema po, mẹhe yín nukọntọ owhé otọ́ lẹ tọn lẹ tọn sọn tòmẹnu Aijalọni tọn lẹ mẹ, mẹhe gbà tòmẹnu Gati tọn lẹ do; ¹⁴po Ahio po, Ṣasaki, po Jelemọti po; ¹⁵po Zebadia po, po Aladi po, po Edeli po; ¹⁶po Mikaẹli po, po Eẹpa po, po Joha po, Visunnu Belia tọn lẹ; ¹⁷po Zebadia po, po Mẹṣulami po, po Hizki po, po Hebeli po; ¹⁸po Iṣmẹlai po, po Izlia po, po Jobabi po, visunnu Elpaali tọn lẹ; ¹⁹po Jakimi po, po Zikli po, po Zabdi po; ²⁰po Elienai po, po Zilẹtai po, po Elieli po; ²¹po Adaia po, po Belaia po, po Simlati po, visunnu Ṣimei tọn lẹ; ²²po Iṣpani po, po Ebeli po, po Elieli po; ²³po Abdọni po, po Zikli po, po Hanani po; ²⁴po Hanania po, po Elami po, po Antotija po; ²⁵po Ifdeia po, po Pẹnueli po, visunnu Ẹasaki tọn lẹ; ²⁶po Samselai po, po Ṣehalia po, po Atalia po; ²⁷po Jaalesia po, po Ehja po, po Zikli po, visunnu Jelohami tọn lẹ. ²⁸Ehelẹ wẹ nukọntọ owhó otọ́ lẹ tọn tọn lẹ gbọn whẹndo yetọn lẹ mẹ lédo, sunnusi ogán lẹ: ehelẹ wẹ nọ nọ̀ Jelusalẹm mẹ. ²⁹Podọ to Gibeọni mẹ finẹ wẹ otọ́ Gibeọni tọn, Jeieli, nọ nò, oyín asi mẹhetọn tọn yín Maaka: ³⁰po Abdọni visunnu oplọnji etọn po, po Zuli po, po Kisi po, po Baali po, po Nadabi po; ³¹po Gedoli po, po Ahio po, po Zekeli po. ³²Mikloti sọ ji Ṣimea. Yewlẹ ga nọ nó mẹmẹsunnu yetọn lẹ de to Jelusalẹm mẹ, pannukọn mẹmẹsunnu yetọn lẹ. ³³Nẹli sọ ji Kisi; Kisi jì Sauli; Sauli ji Jonatani, po Malkisua po, po Abinadabi po, po Eṣbaali po. ³⁴Visunnu Jonatani tọn wẹ Mẹlibi-baali; Mẹlibi-baali sọ ji Mika. ³⁵Visunnu Mika tọn lẹ; Pitoni, po Melẹki po, po Taleapo, po Ahazi po. ³⁶Ahazi sọ ji Jehoada; Jehoada sọ ji Alemẹti, po Azmavẹti po, po Zimli po; Zimli sọ ji Moza: ³⁷Moza sọ ji Binea; Lafa sọ wẹ visunnu etọn, Eleasa visunnu etọn, Azẹli visunnu etọn; ³⁸Azẹli sọ tindo visunnu ṣidopo, oyín mẹhetọn lẹ yín ehelẹ; Azlikami, Bokelu, po Iṣmaẹli po, po Ṣealia po, po Obadia po, po Hanani po. Ehe lẹpo wẹ visunnu Azẹli tọn lẹ. ³⁹Visunnu Eseki nọvisunnu etọn tọn lẹ; Ulami oplọnji etọn, Jeuṣi aweto lọ, po Elifelẹti atọ̀ntọ lọ po. ⁴⁰Visunnu Ulami tọn lẹ yín omẹ hlọnhlọnnọ tudido tọn, ogásétọ le, bo sọ tindo visunnu susu, po visunnu le visunnu lẹ tọn po kàntọ̀ngbàn. Ehe lẹpo wẹ tin sọn visunnu Bẹnjamini tọn lẹ mẹ.

¹MỌWẸ yè hia Islaeli lẹpo gbọn ohẹnnu lẹ dali; bo, dayi e go, yè wlan yé to owó ahọlu Islaeli lẹ tọn mẹ: yè sọ bé Juda mẹglọnọ yì jẹ Babilọni na séngbigbà yetọn wutu ²Dinvie tòmẹnu tintan he nó nutindo yetọn lẹ mẹ to tòdaho yetọn lẹ mẹ wẹ, Islaeli, Yẹwhenọ lẹ lọ, Levinú lẹ lọ, po Nẹtinimi lọ po. ³Podọ to Jelusalẹm mẹ ninó sọn òvi Juda tọn lẹ mẹ, podọ sọn ovi Benjamini tọn lẹ mẹ, podọ sọn ovi Eflaimi po Manassẹ po tọn lẹ mẹ; ⁴Utai visunnu Amihudi tọn, visunnu Omli tọn, visunnu Imli tọn, visunnu Bani tọn, sọn ovi Pelẹzi visunnu Juda tọn tọn lẹ mẹ. ⁵Podọ sọn Ẹiloninu lẹ mẹ; Asaia oplọnji lọ, po visunnu etọn lẹ po. ⁶Podọ Bọn visunnu Zela tọn lẹ mẹ; Jenẹli, po mẹmẹsunnu etọn lẹ po, nuọntọ̀nkanweao. ⁷Podọ sọn visunnu Bẹnjamini tọn le mẹ; Salu visunnu Mesulami tọn, visunnu Hodavia tọn, visunnu Hasẹnua tọn; ⁸po Ibneia visunnu Jelohami tọn po, po Ela visunnu Uzi tọn po, visunnu Mikh tọn, po Mesulami visunnu Sefatia tọn po, visunnu Leuẹli tọn, visunnu Ibnija tọn; ⁹po mẹmẹsunnu yetọn lẹ po, kẹdẹdi whẹndo yetọn lẹ, fẹnẹkantọ̀n-gbàntọnnukundopo. Omẹ he lẹpo wẹ nukọntọ owhé otọ́ lẹ tọn tọn gbọn owhé otọ́ yetọn lẹ tọn lẹ dali.

¹⁰Podọ sọn yẹwhenọ lẹ mẹ; Jẹdaia, po Jehọialibi po, po Jakìni po; ¹¹po Azalia visunnu Hilkia tọn po, visunnu Mẹṣulami tọn, visunnu Zadọki tọn, visunnu Mẹlaiọti tọn, visunnu Ahitubi tọn, ogán ohò Jiwheyẹwhe tọn tọn; ¹²po Adaia visunnu Jelohami tọn po, visunnu Pashuli tọn, visunnu Malkija tọn, po Maasai visunnu Adlẹli tọn po, visunnu Jahzela tọn, visunnu Mẹṣulami tọn, visunnu Mesilẹmiti tọn, visunnu Imẹli tọn; ¹³po mẹmẹsunnu yetọn lẹ po, nukọntọ owhé otọ́ yetọn lẹ tọn tọn lẹ, fọtọ́n dopo po nuọntọ̀n-kẹnnẹ po; sunnusi nugopétọ lẹ na azón sinsẹ̀n ohò Jiwheyẹwhe tọn mẹ tọn tọn. ¹⁴Podọ sọn Levinu lẹ mẹ; Ṣemaia visunnu Hasubi tọn, visunnu Azlikami tọn, visunnu Hasabia tọn, sọn visunnu Mẹlali tọn lọ mẹ; ¹⁵po Bakibakalì po, Helẹsi, po Galali po, po Matania visunnu Mika tọn po, visunnu Zikli tọn, visunnu Asafi tọn; ¹⁶po Obadia visunnu Ṣemaia tọn po, visunnu Galali tọn, visunnu Jedutuni tọn, po Belẹkia visunnu Asa tọn po, visunnu Elkana tọn, he nọ nò gbeta Nẹtofatinu lẹ tọn lẹ mẹ. ¹⁷Podọ hònjinọtọ lẹ; Ṣalumi, po Akubi po, po Talmọni po, po Ahimani po, po mẹmẹsunnu yetọn lẹ po: Ṣalumi wẹ nukọntọ lọ; ¹⁸mẹhe nọ nọte jẹdinvie to hóngbo ahọlu tọn lọ ji to whèzetendali: yé wẹ họ̀njinọtọ lẹ na osla ovi Levi tọn lẹ tọn. ¹⁹Po Ṣalumi visunnu Kole tọn po, visunnu Ebìasafi tọn, visunnu Kola tọn, po mẹmẹsunnu etọn lẹ po, sọn owhé otọ́ etọn tọn gbè, Kolanu le, wẹ tin to azọ́n sinsẹ̀n tọn ji, hihọtọ hòngbo ogohọ́túntún tọn lọ tọn lẹ; otọ́ yetọn lẹ wẹ ko tin to osla OKLUNỌ tọn ji, hihọtọ figbọnbiọwhégbè tọn lẹ; ²⁰Finehasi visunnu Eleazali tọn wẹ tin to yé ji daidai, OKLUNỌ sọ tin po e po. ²¹Zekalia visunnu Meṣẹlemia tọn wẹ họ̀njinọtọ ohòn ogohó opli tọn lọ tọn tọn. ²²Ehe lẹpo he yè dè nado yín hònjinọtọ to hòngbo lẹ mẹ lẹ, yín fọdewiawe. Ehelẹ wẹ yè hia gbọn ohẹnnu dali to gbeta yetọn lẹ mẹ, mẹhe Davidi po Samuẹli numọtọ po dodogán to azọ́nhò yetọn mẹ. ²³Mowẹ yewlẹ po ovi yetọn lẹ po tindo nugòpọ́n họ́ngbo ohọ̀ OKLUNỌ tọn tọn lọ tọn, yèdọ ohọ́ ogohọ́túntún lọ tọn, gbọn hihọ́ lẹ dali. ²⁴To adà ẹnẹ lẹ ji wẹ hònjinọtọ lẹ te, hlan whèzẹtẹn dali, whèyìhọ́, agewàji, po huwàji po. ²⁵Po mẹmẹsunnu yetọn lẹ po, to gbeta yetọn lẹ mẹ, tin nado nọ wá to azán ṣinawe ṣinawe mẹ sọn ojlẹ de mẹ jẹ ojlẹ de mẹ nado tin to yé de: ²⁶na họnjinọtọ nukọntọ ẹnẹ lẹ lọ, he yín Levinu lẹ, tin to azọ́nhó didè de mẹ, bo sọ tin to abòmẹ lẹ ji podọ to adọkunnu lẹ ji to ohó Jiwheyẹwhe tọn mẹ. ²⁷Yé sọ nọnọ̀ lédo ohó Jiwheyẹwhe tọn pó, na aṣẹ etọn tin to yé ji wutu, podọ yetọn wẹ hùnhùn etọn to afọnnu-afọnnu ²⁸Omẹ dẽlẹ sọn yé mẹ tindo asẹ nuzinzán sinsẹ̀n tọn lẹ tọn; na gbọn osọha dali wẹ yè nọ hẹn yé wá whégbe, podọ gbọn osọha dali wẹ yè nọ bé yé jẹgbonu. ²⁹Adade sọn yé mẹ ga yè dè do asọvànu lọ ji, podọ do nuzinzán fiwiwe tọn lẹ lẹpo ji, podọ do olinfin dagbedagbe lọ ji, po ovẹ̃n lọ po, po amì lọ po, po nuyónwán lọ po, no ozuyá lẹ lọ po. ³⁰Podọ adade sọn visunnu yẹwhenọ lẹ tọn lẹ mẹ nọ wleawuna núvivi sọn nuyọnwán lẹ mẹ. ³¹Podo Matitia, dopo sọn Levinu lẹ mẹ, mẹhe yín oplọnji Ṣalumi Kolanu lọ tọn, tindo azónnawà didè to onú lẹ ji he yè hì to pànu lẹ mẹ ³²Podọ adade sọn mẹmẹsunnu yetọn lẹ mẹ, sọn visunnu Kohatinu lẹ tọn lẹ mẹ, tin to aklaadlọ lọ ji, nado nọ wleawu nẹ́ to gbọjẹzángbè-gbọjẹzangbè. ³³Podọ ehelẹ wẹ hànjitọ lẹ lọ, ogán owhé otọ́ Levinu lẹ tọn lẹ tọn tọn, mẹhe nọ nọ̀ abo lẹ mẹ lẹ bo sọ tin vò sọn sinsẹ̀n devo le mẹ: na yè nọ dà yé to azọ́n yetọn mẹ to okle po ozán po. ³⁴Ehelẹ wẹ ogán owhé otọ́ Levinu lọ tọn lẹ tọn tọn, gbon whẹndo yetọn lẹ mẹ lẹ́do, sunnu nukọntọ lẹ: ehelẹ wẹ nọ̀ nọ̀ Jelusalẹm mẹ.

³⁵Podọ to Gibeọni mẹ finẹ wẹ otọ́ Gibeọni tọn, Jeieli, nọ nò, oyín asi mẹheton tọn nọ yín Maaka: ³⁶po Abdọni visunnu oplọnji etọn po, po Zuli po, po Kisi po, po Baali po, po Nẹli po, po Nadabi po; ³⁷po Gedọli po, po Ahio po, po Zekalia po, po Miklọti po. ³⁸Miklọti sọ ji Ṣimeami. Yéwlẹ ga sọ nọ nò mẹmẹsunnu yetọn lẹ de to Jelusalẹm mẹ pannukọn mẹmẹsunnu yetọn lẹ. ³⁹Nẹli sọ ji Kisi; Kisi sọ ji Sauli: Sauli ji Jonatani, po Malki-sua po, po Abinadabi po, po Eṣbaali po. ⁴⁰Visunnu Jonatani tọn wẹ Mẹlibi-baali: Mẹlibi-baali sọ ji Mika. ⁴¹Visunnu Mika tọn lẹ; Petọni, po Mẹlẹki po, po Tahlea po, po Ahazi po. ⁴²Ahazi sọ ji Jala; Jala sọ ji Alemẹti, po Azmavẹ po, po Zimli po; Zimli sọ ji Moza: ⁴³Moza sọ ji Binea; Lefaia visunnu etọn, Eleasa visunnu etọn, Azẹli visunnu etọn: ⁴⁴Azẹli sọ tindo visunnu ṣidopo, oyín mẹhetọn wẹ ehelẹ; Azlikami, po Bokelu po, po Iṣmaẹli po, po Ṣealia po, po Obadia po, po Hanani po: ehelẹ wẹ visunnu Azẹli tọn lẹ.

¹DINVIE Filistini lẹ to avùnhò hẹ Islaeli: omẹ Islaeli tọn lọ sọ hónyì sọn Filistini lẹ nukọn, bo sọ jai alántọsiọ to osé Gilboa mẹ. ²Filistini lẹ sọ domọna Sauli po visunnu etọn po to godo; Filistini lẹ sọ hù Jonatani, po Abinadabi po, po Malki-ṣua po, visunnu Sauli tọn lọ. ³Awhàn lọ sọ yì sinsinyẹn do Sauli ji, ogásótọ lẹ sọ pla ẹ; yè sọ bianukun nó gbọn ogásétọ lẹ lọ tọn dali. ⁴Whenẹnu wẹ Sauli dọ hlan awhàngbajahẹntọ etọn dọmọ, Dòn ohi towe, bo yi do só mi luntọ́n; whẹmagbonọ helẹ nikã wá bo flu mi. Ṣigba awhàngbajahẹntọ etọn ma jlo gba; na ewọ yín avọ̀satọ gbahugbahu Enẹwutu Sauli yí ohi etọn, bo dé jẹ e ji. ⁵Whenuena awhàngbajahẹntọ etọn mọ dọ Sauli yín osiọ, ewọ ga dé jẹ ohi etọn ji, bo kú. ⁶Mowẹ Sauli kú, po visunnu eton atọ̀n lẹ po; owhé etọn lẹpo sọ kú dopọ. ⁷Whenuena omẹ Islaeli tọn he tin to agbàdo mẹ lẹ mọ dọ yé họ̀nyì, podọ Sauli po visunnu etọn lẹ po yín osiọ, yé gbẹ tòdaho yetọn lẹ dai, bo họ̀nyì; Filistini lẹ sọ wá bo nọ nò yé mẹ.

⁸E sọ wá jọ to aihọngbè, whenuena Filistini lẹ wá nado klọnnú sọn alántọsiọ lẹ go, wẹ yé mọ Sauli po visunnu etọn lẹ po jai to osé Gilboa mẹ. ⁹Yé sọ klọnnú sọn ogo nẹ̃, bo yí ota etọn po awhàngbaja etọn po, bo domẹhlan aigba Filistini tọn mẹ lẹ́do, nado hẹn owẹ̀n jẹ yẹwhe lẹ de, podọ jẹ gbẹtọ lẹ de. ¹⁰Yé sọ yí awhàngbaja etọn do ohọ̀ yẹwhe yetọn lẹ tọn mẹ, bo whè ota etọn do ohò Dagọni tọn mẹ. ¹¹Whenuena omẹ Jabẹsi-gileadi tọn lẹ sè ehe Filistini lẹ ko wà do Sauli go lẹpo, ¹²omẹ tudotọ lẹpo tite, bo zé osiọ Sauli tọn sọ yì, po oṣiọ visunnu etọn lẹ tọn po, bo hẹn yé wá jẹ Jabẹṣi, bo di ohú yetọn lẹ to oaki glọ to Jabẹṣi mẹ, bo sọ blanù azán ṣinawe. ¹³Mọwẹ Sauli kú na sẹ́ngbigba etọn he é wà do OKLUNỌ go, na ohọ́ OKLUNỌ tọn he é ma yìn wutu; podọ ga na ehe é kàn hónamẹ sè sọn mẹde de he tindo gbigbọ aovinọ dè, nado kanbiọ gbọn finẹdali, ¹⁴bo ma kanbiọ sọn OKLUNỌ de gba: enẹwutu é hù i bo gọ̀ ahọludu lọ do Davidi visunnu Jẹsse tọn de.

¹WHENẸNU wẹ Islaeli lẹpo pli yede hlan Davidi de jẹ Heblọni, dọmọ, Dayi e go, ohú towe po agbasalan towe po wẹ míwlẹ. ²To daidai, yèdọ whenuena Sauli yín ahọlu, hiẹ é yín he nọ plan Islaeli jẹgbonu bo sọ nọ hẹn wá whégbe: podọ OKLUNỌ Jiwheyẹwhe towe ko dọ hlan wẹ dọ, Hiẹ na yìn Islaeli omẹ ṣie lẹ, hiẹ na sọ yín ahọvi to Islaeli omẹ ṣie lẹ ji. ³Mọwẹ mẹho Islaeli tọn lẹpo wá ahọlu de to Heblọni; Davidi sọ basi aiẹnù de po yé po to Heblọni mẹ to OKLUNỌ nukọn; yé sọ samisisána Davidi do basi ahọlu to Islaeli ji, kẹdẹdi ohó OKLUNỌ tọn gbọn alọ Samuẹli tọn mẹ. ⁴Davidi po Islaeli lẹpo po sọ yì Jelusalẹm (doponẹ wẹ Jẹbusi); Jẹbusinu lẹ lọ, tòmẹnu aigba lọ tọn lọ, tin fìnẹ ⁵Tòmẹnu Jẹbusi tọn le sọ dọ hlan Davidi dọmọ, Hiẹ ma na wá biọ file gba. Ṣogãn Davidi yí ofi gángán Ziọiu tọn lọ; doponẹ wẹ tòdaho Davidi tọn. ⁶Davidi sọ dọmọ, Mẹdepope whẹ hò Jẹbusinu lẹ na yín ogán pò awhàngán po. Joabi visunnu Zeluia tọn whé hẹji yì, yè sọ yí do basi ogán. ⁷Davidi sọ nọ nò ofi gángán lọ mẹ; enẹwutu wẹ ye nọ ylọ ẹ tòdaho Davidi tọn. ⁸E sọ dó tòdaho lọ lédo pé, sọn Milo yèdọ lẹ́do pé: Joabi sọ vọ́ pipòtọ todaho lọ tọn jlado. ⁹Davidi sọ to kiklo bo sọ to susudẹji; na OKLUNỌ awhànpa lẹ tọn tin po e po.

¹⁰Dinvie ehelẹ wẹ ogán omẹ hlọnhlọnnọ lẹ lọ tọn mẹhe Davidi tindo, mẹhe do yede hia huhlọnnọ po e po to ahọludu etọn mẹ, dopọ po Islaeli lẹpo po, nado yí i do do ahọlu, kẹdẹdi ohó OKLUNỌ tọn gbọn Islaeli tọn dali. ¹¹Ehe sọ wẹ osọha omẹ hlọnhlọnnọ lẹ tọn mẹhe Davidi tindo lẹ: Jasọbeami, visunnu Hakinoninu de tọn, ogán omẹ ogbàn de tọn: ewọ wẹ zé owhán etọn daga do omẹ fọdekanweko ji bo hù yé to ojlẹ dopo mẹ. ¹²Ewọ godo wẹ Eleazali visunnu Dodo tọn Ahohinu lọ, mẹhe yín dopo to omẹ atọ̀n hlọnhlọnnọ lẹ mẹ. ¹³Ewọ tin to Davidi de to Pasdamimi, finẹ wẹ yè bé Filistinu lẹ pli do nado fùnawhàn, fìe oglegbàn aigba tọn gọ́ na bale te; gbẹtọ lẹ sọ họ̀nyì sọn Filistini lẹ nukọn. ¹⁴Yé sọ nọte to ṣẹnṣẹn oglegbàn lọ tọn, bo yí i, bo hù Filistini lẹ lọ; OKLUNỌ sọ whlẹn yé gbọn awhànyan daho de dali. ¹⁵Omẹ atọ̀n sọn ogán ogbàn lẹ lọ mẹ jẹte yì jẹ osé Davidi tọn kòn, biọ aigbaslo Adulami tọn lọ mẹ; yè sọ hẹn awhànpa Filistini lẹ tọn lọ dosla to agbàdo Lefaimi tọn mẹ. ¹⁶Davidi tin whenẹnu to odò lọ mẹ, otòwhàn Filistini lẹ tọn lọ sọ tin whenẹnu to Bẹtilehẹm mẹ. ¹⁷Davidi sọ to jijlo, bo dọmọ, Omẹ de do na osìn mi nado nù sọn odòto Bẹti-lehẹm tọn mẹ, he tin to họ̀ngbo lọ dali ¹⁸Omẹ atọ̀n lẹ sọ gbà biọ awhànpa Filistini lẹ tọn lọ mẹ luntén, bo dòn osìn jẹgbonu sọn odòtò Bẹti-lehẹm tọn lọ mẹ, he tin, to hòngbo lọ dali, bo zé e, bo hẹn ẹn wá Davidi de: ṣigba Davidi ma jlo na sọ nù sọn e mẹ gba, ṣigba kọ̀n ẹn jẹgbonu hlan OKLUNỌ, ¹⁹bo dọmọ, OKLUNỌ gbẹ́ ẹ na mi, dọ yẹn nido wà ehe: yẹn ni ka nù ohùn omẹ hẹlẹ tọn he yí ogbẹ yetọn lẹ do owù mẹ? na owù ogbẹ yetọn lẹ tọn wẹ yé yí do hẹn ẹn wá. Enẹwutu wẹ ewọ ma do jlo na nù ingba. Onú helẹ wẹ omẹ hlọnhlọnnọ atọ̀n lẹ lọ wà. ²⁰Abisai, nọvisunnu Joabi tọn, ewọ wẹ ogán omẹ atọ̀n lẹ tọn: na ewọ zé owhán etọn daga do omẹ fọdekanweko ji bo hù yé, bo sọ tindo oyín de to omẹ atọ́n lẹ ṣẹnṣẹn. ²¹Sọn omẹ atọ̀n lẹ mẹ, ewọ yín mẹgbògbéna hú awe lọ lẹ, yè sọ yí i do basi awhàngán yetọn, sogàn é ma sò omẹ tintan atọ̀n lẹ gba. ²²Benaia visunnu Jehọiada tọn, visunnu dawe tudotọ Kabziẹli tọn tọn de, mẹhe ko wà nuwiwà hlọnhlọnnọ lẹ, ewọ hù visunnu awe Aliẹli Moabi tọn tọn lẹ; é jẹte yì ga bo hù kinnikinni de to gblagbla odò de tọn mẹ to ojlẹ osìnmimlin tọn mẹ. ²³E sọ hù Egiptinu de, dawe he tònalun talala, awàgba atọ́n tedidi; podọ to alọ Egiptinu lọ tọn mẹ wẹ owhán de te taidi opọ̀n avọ̀lòntọ tọn de; é sọ jẹte yì e de po opò de po, bo gbi owhán lọ sọn alọ Egiptinu lọ tọn mẹ, bo sọ yí owhán etọn titi do hù i. ²⁴Onú helẹ wẹ Benaia visunnu Jehọiada tọn wà, bo sọ tindo oyín de to omẹ hlọnhlọnnọ atọ̀n lẹ ṣẹnṣẹn. ²⁵Dayi e go, ewọ yín mẹgbògbéna hú ogbàn lẹ, ṣigba é ma sò omẹ tintan atọ̀n lẹ gba: Davidi sọ dè e do ahọluwhàn etọn ji.

²⁶Omẹ hlọnhlọnnọ awhàngbé lẹ tọn lẹ ga; Asahẹli nọvisunnu Joabi tọn, Elhanani visunnu Dodo Bẹti-lehẹm tọn tọn; ²⁷Samọti Halolinu lọ, Hẹlezi Pẹloninu lọ; ²⁸Ila visunnu Ikẹṣi Tekoinu lọ tọn, Abiezeli Anatotinu lọ; ²⁹Sibekai Husatinu lọ, Dai Ahohinu lọ; ³⁰Mahalai Nẹtofatinu lọ, Helẹdi visunnu Baana Nẹtofatinu lọ tọn; ³¹Itai visunnu Libai Gibea tọn tọn sọn ovi Bẹnjamini tọn lẹ mẹ, Benaia Pilatoninu lọ; ³²Hulai sọn tọ̀pẹsẹ Gaasi tọn lẹ mẹ, Abiẹli Albatinu lọ; ³³Azmavẹti Bahaluminu lọ, Eliahba Saalboninu lẹ; ³⁴visunnu Hasẹmi Gizoninu lọ tọn lẹ, Jonatani visunnu Sage Halalinu lọ tọn; ³⁵Ahiami visunnu Sakali Halalinu lọ tọn, Elifali visunnu Uli tọn; ³⁶Hẹfeli Mẹkẹlatinu lọ, Ahija Pẹloninu lọ; ³⁷Hẹzlo Kalmẹlinu lọ, Naalai visunnu Ezbai tọn; ³⁸Joẹli nọvisunnu Natani tọn, Mabhali visunnu Hagli tọn; ³⁹Zelẹki Amọninu lọj Nahalai Bẹlotinu lọ awhàngbajahẹntọ Joabi visunnu Zeluia tọn tọn; ⁴⁰Da Itlinu lọ, Galẹbi Itlinu lọ; ⁴¹Ulia fíitinu lọ, Zabadi visunnu Ahlai tọn; ⁴²Adina visunnu Siza Leubẹninu lọ tọn, ogán Leubẹninu lẹ tọn de, po omẹ ogbàn po po e po; ⁴³Hanani visunnu Maaka tọn, po Josafati Mitninu lọ pò; ⁴⁴Uzia Astẹlatinu lọ, Ṣama po Jelẹli po visunnu Hotami Aloelinu lọ tọn lẹ; ⁴⁵Jediaẹli visunnu Ṣimli tọn, po Joha nọvisunnu etọn Tizinu lọ po; ⁴⁶Ellẹli Mahavinu lọ, po Jelibai po, po Josavia po, visunnu Elnaami tọn lẹ, po Itma Moabinu lọ po; ⁴⁷Eliẹli, po Obẹdi po, po Jaaslẹli Mẹzobainu lọ po.

¹DINVIE ehelẹ wẹ yé he wá Davidi de to Ziklagi, whenuena é gbé to bibẹ̀ na Sauli visunnu Klẹi tọn tọn wutu: yéwlẹ sọ tin to omẹ hlọnhlọnnọ lẹ ṣẹnṣẹn, alọgọtọ etọn lẹ to awhàn mẹ. ²Yè yí ogába lẹ do sénúdogona yé, bo sọ sọgan zán alọ adusi po amiyọn po to ozannu lẹ yínyín mẹ podọ to ogá lẹ sisé mẹ sọn ogába mẹ, mẹmẹsunnu Sauli tọn sọn Bẹnjamini mẹ lẹ wẹ yé. ³Ahiezẹli wẹ ogán lọ, whenẹnu Joaṣi, visunnu Semaa Gibeatinu lọ tọn lẹ; po Jeziẹli po, po Pẹleti po, visunnu Azmavẹti tọn lẹ; po Bẹlaka po, po Jehu Anatotinu lọ po; ⁴po Isinaia Gibeọninu lọ po, omẹ hlọnhlọnnọ to omẹ ogbàn lẹ mẹ, podọ to omẹ ogbàn lẹ ji; po Jelemia po, po Jahazieli po, po Johanani po, po Jozabadi Gedelatinu lọ po; ⁵Eluzai, po Jelimoti po, po Bealia po, po Ṣemalia po, po Sefatia Halufinu lọ po; ⁶Elkana, po Issia po, po Azaleli po, po Joẹzeli po, po Jaṣobeami Kolanu lẹ po; ⁷po Joela po, po Zebadia, visunnu Jelohami Gedoli tọn tọn lẹ po. ⁸Podo sọn Gadinu lẹ mẹ finẹ klan yéde hlan Davidi de jẹ agbó kòn to zùngbo mẹ sunnusi hlọnhlọnnọ tudido tọn lẹ, omẹ yè plón na awhàn lẹ, he sọgan hẹn awọyínú po owhán po go; nukunmẹ mẹhetọn lẹ tin di nukunmẹ kinnikinni lẹ tọn lẹ, yé sọ yín ogèyátọ sò agbànlinsi lẹ to osé lẹ ji; ⁹Ezẹli ogán lọ, Obadia awetọ lọ, Eliabi atọ̀ntọ lọ; ¹⁰Misinana ẹnẹtọ lọ, Jelemia atọ̀ntọ lọ; ¹¹Atai ṣidopotọ lọ, Elieh sinawetọ lọ; ¹²Johanani sinatòntọ lọ, Elzabadi sinẹnẹtọ lọ; ¹³Jelemia aotọ lọ, Makbanai widopotọ lọ. ¹⁴Ehelẹ sọn visunnu Gadi tọn lẹ mẹ wẹ awhàngán awhànpa lọ tọn lẹ: ewọ he yín mẹkinunpete tin sọgbèhẹ omẹ kanweko dopo, podọ mọkiklopete hẹ omẹ fọtọ̀n dopo. ¹⁵Ehelẹ wẹ yé he yì Jọdani gododọ̃n to osùn tintan mẹ, whenuena é gógbà agbègbè etọn lẹpo; yé sọ yàn yé agbàdo lọ mẹ tọn lẹpo do wezùn ji, hlan whèzẹtẹn dali podọ hlan whèyihọ dali. ¹⁶Finẹ sọn ovi Bẹnjamini po Juda po tọn mẹ wá. Davidi de to agbó lọ kòn. ¹⁷Davidi sọ tón yì nado pé yé, bo gblọn bo dọ hlan yé dọmọ, Eyín yè hẹn mì wá dẽ po jijọho po nado gọalọna mi, yè na hẹn ayiha ṣie kòndodopo hlan mì de ṣigba eyín yè hẹn mì wá nado dè mi hia hlan mẹglatọ ṣie lẹ wẹ, mimọ whẹ́gbledo de ma tin to alọ ṣie lẹ mẹ, Jiwheyẹwhe otọ́ mìtọn lẹ tọn ni bo pọ́n en, bo wọhẹ ẹ. ¹⁸Whenẹnu wẹ gbigbọ lọ wá Amasai ji, mẹhe yin ogán omẹ ogbàn lẹ lọ tọn, ewọ sọ dọmọ, Towe wẹ míwlẹ, Davidi, podọ to adà towe mẹ, hiẹ visunnu Jẹsse tọn: jijọho, jijọho tin hlan we, podọ jijọho tin hlan alọgọtọ towe lẹ; na Jiwheyẹwhe towe to alọgọna we. Whenẹnu wẹ. Davidi yí yé, bo yí yé do basi awhàngán ogbẹ́ lọ tọn. ¹⁹Sọn Manassẹ mẹ ga finẹ adade klọn do Davidi de, whenuena é wá po Filistini lẹ po do Sauli ji nado fùnawhàn, ṣigba yé ma gọalọna yé gba: na klunọ Filistini tọn lẹ to hónamẹ ji gò ẹ do godo, dọmọ, E na wa yì Sauli mẹmẹnu etọn de hlan owù ota mìtọn lẹ tọn. ²⁰Le óyìjẹ Ziklagi finẹ sọn Manassẹ mẹ klọn do ede, Adna, po Jozabadi po, po Jediaẹli po, po Mikaẹli po, po Jozabadi po, po Elihu po po Zilẹtai po, awhàngán omẹ fọtọ́n lẹ tọn he yin Manasse tọn lẹ. ²¹Yé sọ gọalọna Davidi do ogbẹ́ alìgbàtọ lẹ tọn go: na yé mẹpo wẹ omẹ hlọnhlọnnọ tudido tọn, bo sọ yín awhàngán lẹ to awhànpa lọ mẹ. ²²Na egbesọegbesọ yé nọ wá Davidi de finẹ nado nọ gọalọ nẹ, kaka é yín awhànpa daho de, di awhànpa Jiwheyẹwhe tọn lọ.

²³Ehelẹ wẹ osọha nukọntọ yé tọn lẹ tọn he yè sọ́nudogọna na awhàn, he wá Davidi de to Heblọni, nado gọ̀ ahọludu Sauli tọn hlan e de kẹdẹdi ohó OKLUNỌ tọn lọ. ²⁴Ovi Juda tọn lẹ he zé awọyínú po owhán po hẹn lẹ yín fọtọ́n ṣidopo po fẹnẹ po, mọsónudogo na awhàn ²⁵Sọn ovi Simeọni tọn lẹ mẹ omẹ hlọnhlọnnọ tudido tọn na awhàn, fọtọ́n ṣinawe po kanweko po. ²⁶Sọn ovi Levi tọn lọ mẹ fọtọ́n ẹnẹ po nuọntọ̀n po. ²⁷Jehọiada wẹ nukọntọ owhé Aalọn tọn tọn, ewọ de we fọtọ́n atọ̀n po nuọntónkanweko po te; ²⁸po Zadọki po, dawe dẹpẹ de hlọnhlọnnọ tudido tọn, podọ sọn owhé otọ eton tọn gbè awhàngán konukunawe. ²⁹Podọ sọn ovi Benjamini tọn lẹ mẹ, mẹmẹsunnu Sauli tọn lẹ fọtọ́n atọ̀n na jẹdinvie gégé sọn yé mẹ to asẹ owhé Suli tọn tọn yìn. ³⁰Podọ sọn ovi Eflaimi tọn lẹ mẹ fọtọ́n òko po fẹnẹ po, ome hlọnhlọnnọ tudido tọn lẹ, omẹ diyín le to owhé otọ́ yetọn lẹ tọn lẹ mẹ. ³¹Podọ sọn odá whẹndo Manassẹ tọn mẹ fọtọ́n fọtọ̀nnukunatọ̀n, he yè ylo gbọn oyín dali, nado wá bo yí Davidi do basi ahọlu ³²Podọ sọn ovi Isakali tọn lẹ mẹ, omẹ he tindo wuntùntùn ojlẹ lẹ tọn, nado yón nuhe Islaeli jẹ nado to wiwà; nukọntọ yé tọn lẹ yín fọde; mẹmẹsunnu yetọn lẹpo tin to gbèdide yetọn ji. ³³Sọn Zebuluni mẹ mẹhunkọ tin sogan nado nọ tón yì to awhànpa lọ mẹ lẹ, he sọgan tò awhàn do tẹnmẹtẹnmẹ; po nuzinzán wunmẹwunmẹ awhàn tọn lẹpo po, fọtọ́n kandeao; podọ; ehe sọgan degbèdo awhàn tẹnmẹtẹnmẹ, bo ma yín omẹ ayiha awenọ. ³⁴Podọ sọn Naftali mẹ awhàngán fọtọ́n, podọ to yé de awọyínú po owhán po fọtọ̀n gbàntónnukunawe ³⁵Podọ sọn Daninu lẹ mẹ he sọgan tò awhàn do hajihaji, fọtọ́n koatọ́nnukunatọ̀n po nuọntọ̀n po. ³⁶Podọ sọn Aṣeli mẹ, mẹhunkọ tin sọgan nado jegbonu yì to awhànpa lọ mẹ, he sogan tò awhàn do hajihaji; fọtọ́n kande. ³⁷Podọ to adà awetọ Jọdani tọn go, sọn Leubẹninu lẹ mẹ, po Gadinu lẹ po, podọ son odá whẹndo Manassẹ tọn mẹ, po nuzinzán wunmẹwunmẹ awhàn tọn lẹpo po na awhànfùntẹn lọ, fọtọ́n kàntọ̀n. ³⁸Ehe lepo yínyín omẹ awhàn tọn, he sọgan degbèdo awhàn hajihaji lẹ, yí ayiha pipé do wá Heblọni, nado yí Davidi do basi ahọlu to Islaeli lẹpo ji: podọ pipòtọ lẹ ga sọn Islaeli mẹ tin sọn ayiha dopo mẹ nado yí Davidi do basi ahọlu. ³⁹Yé sọ tin to Davidi de finẹ azán atọ̀n, to dùdù bo to nùnù: na mẹmẹsunnu yetọn lẹ ko basi awuwle na yé. ⁴⁰Humọ yé he tin sẹpọ́ yé de lẹ, yèdọ kakajẹ Isakali po Zebuluni po po Naftali po, hẹn akla wá to kẹtẹkẹtẹ lẹ ji, podọ to kanklosọ-póawenọ lẹ ji, podọ to otlo lẹ ji, podọ to oyìnsú lẹ ji, núdùdù danudopo tọn, aklahìhì ovòtin lẹ tọn lẹ, po ohín vẹ̃nhúhú lẹ tọn lẹ po, po ovẹ̃n po, po amì po, po oyìnsú lẹ po, po lẹngbọ lẹ po to gégé mẹ: na ayajẹ tin fìnẹ to Islaeli mẹ.

¹DAVIDI sọ dowe po awhàngán mẹfọtọ́n tọn lẹ po po mẹkanweko tọn lẹ po, yèdọ po nukọntọ lẹpo po. ²Davidi sọ dọ hlan agùn Islaeli tọn lẹpo dọmọ, Eyín é sọawuhia dagbe hlan mì, podo eyín é yín sọn OKLUNỌ Jiwheyẹwhe mìtọn de, mì bo gbọ mi ni domẹhlan pétó fipopo jẹ mẹmẹsunnu mìtọn lẹ de he yè pòdai to aigba Islaeli tọn lẹpo ji, mẹhe de yẹwhenọ lẹ po Levinu lẹ po te to tòdaho yetọn lẹ mẹ he tindo agbègbèji lẹ, na yé nido pli yéde dopọ do mí de: ³bo sọ gbọ mí ni sọ vó alki Jiwheyẹwhe mìtọn tọn hẹn wá mí de: na mi ma din do e de to azán Sauli tọn lẹ mẹ gba. ⁴Agùn lepo sọ dọ dọmọ yé jlo mọ wiwà: na onú lọ yín jijlọ to nukun gbẹtọ lẹpo tọn lẹ mẹ. ⁵Mọwẹ Davidi pli Islaeli lẹpo dòpọ, sọn Sihọli tòpesẹ Egipti tọn yèdọ jẹ bibiọ whégbè Hamati tọn mẹ, nado hẹn alki Jiwheyẹwhe tọn sọn Kiliati-jẹalimi wá. ⁶Davidi sọ hẹji yì, po Islaeli lẹpo po, jẹ Baala, enẹ wẹ, jẹ Kiliati-jẹalimi, he yín Juda tọn nado hen alki Jiwheyẹwhe tọn hẹji sọnfìnẹ wá, OKLUNỌ hé sinai to kẹlubimi ji, he yè yiylọ gbọn Oyín dali. ⁷Ye sọ zé alki Jiwheyẹwhe tọn lọ hẹn to kẹkẹalọawenọ yọ́yọ́ de ji, bo hẹn ẹn jegbonu wá sọn owhé Abinadabi tọn gbè: Ùzapo Ahio po sọ to sisẹsisẹ ẹ. ⁸Davidi po Islaeli lẹpo po sọ yí hlọnhlọn yetọn lẹpo; do to aglinjẹ to Jiwheyẹwhe nukọn: yèdọ po ohàn lẹ po, po ajalẹn lẹ po po asiazn hànjinu lẹ po, po akòhun le po, po ajogan lẹ po, po opẹ̀n lẹ po ⁹Whenuena yé wá jẹ vẹ̃ntùn-tẹn Sidọni ton, Uza dè alo etọn jẹgbonu nado hen alki lọ go; na oyín lẹ lọ klẹnnú. ¹⁰Yè sọ hẹn adi OKLUNỌ tọn jimiyọn do Uza ji, é sọ hò e, na é dè alọ etọn jegbonu jẹ alki lọ go wutu: finẹ wẹ é sọ kú te to Jiwheyẹwhe nukọn. ¹¹Davidi sọ yín homẹmahunnọ, na OKLUNỌ ko gbà jẹgbonu do: Uza ji wutu: é sọ nọ ylọ ofi nẹ lọ dọ Pẹlezi-uza jẹ egbé. ¹²Davidi sọ̀ yín avosàtọna Jiwheyẹwhe, to gbènẹgbè dọmọ, Nawẹ yẹn na hẹn alki Jiwheyẹwhe tọn wá whégbe to dẽ do? ¹³Mọwẹ Davidi ma sọ diọtẹnna alki lọ do e de biọ tòdaho Davidi tọn mẹ, ṣigba zé e hẹn jẹla biọ owhé Obẹdi-edọmi Gitinu lọ tọn gbè. ¹⁴Alki Jiwheyẹwhe tọn lọ sọ tin to whédo Obẹdi-edọmi tọn de to ohò etọn mẹ osùn atọ̀n: OKLUNỌ sọ dona owhé Obẹdi-edọmi tọn, po ehe e tindo lẹpo po.

¹HILAMI ahọlu Tile tọn sọ do mẹdagun lẹ hlan Davidi de, po atin kedali lẹ po, po họ̀dótọ lẹ po, po whlẹpatọ lẹ po, nado do ohò de nè. ²Davidi sọ mọhlan dọ OKLUNỌ ko dè e do doahọlu to Islaeli ji, na yè ze ahọludu etọn daga do oji, na Islaeli omẹ etọn lẹ tọn wutu.

³Davidi sọ yí asi dogọ́ to Jelusalẹm: Davidi sọ ji visunnu lẹ po viyọnnu lẹ po dogọ́. ⁴Ehelẹ sọ wẹ oyín ovi he e tindo to Jelusalẹm mẹ lẹ tọn; Sammua po Sobabi po, Natani, po Sọlọmọni po; ⁵po Ibhali po, po Elisua po, po Elpelẹti po; ⁶po Noga po, po Nefẹgi po, po Jafia po; ⁷po Ellsama po, po Beẹliada po, po Elifelẹti po.

⁸Whenuena Filistini lẹ sè dọ yè yí Davidi do doahọlu to Islaeli lẹpo ji, Filistini lẹpo hẹji yì nado din Davidi: Davidi sè, bo sọ tọ́n yì péhẹ yé. ⁹Dinvie Filistini le ko basi mẹkangbà de to agbado Lefaimi tọn mẹ. ¹⁰Davidi sọ kanbiọ sọn Jiwheyẹwhe de, dọmọ, Yẹn ka na hẹji yì péhẹ Filistini lẹ? hiẹ ka na jó yé do alọ ṣiemẹ? OKLUNỌ sọ dọ hlan ẹn dọmọ, Hẹji yì; na yẹn na jó yé do alọ towe mẹ. ¹¹Mọwẹ yé hẹji wá Baah-pelazimi, Davidi so ho yé to finẹ; Davidi sọ dọmọ, Jiwheyẹwhe ko gbà kẹ̀ntọ ṣie lẹ gbọn alọ ṣie dali, di gbàgbigbò osìn lẹ tọn. Enẹwutu wẹ yé ylọ oyín ofi nẹ tọn dọ Baah-pelazimi. ¹²Yé sọ jó yẹwhe yetọn lẹ dai to fìnẹ; Davidi sọ na gbèdide, yè sọ yi miyọn do mẹ̀ yé. ¹³Filistini lẹ sọ vọ́ mẹkángba de basi to agbàdo lọ mẹ. ¹⁴Davidi sọ vọ́ kanbiọ sọn Jiwheyẹwhe de; Jiwheyẹwhe sọ dọ hlan ẹn dọmọ, Hiẹ ma na sọ heji hodo yé yì gba: lẹ́ sọn yé de, bo hẹji wá yé ji to atin mulbẹli lẹ jlẹji. ¹⁵E na sọ yín, whenuena hiẹ sè ogbè alọzingidi tọn to adadanu atin mulbeli lẹ tọn mẹ, whenẹnú wẹ hie na tọn yì nado funawhan: na yè hẹn Jiwheyẹwhe tọn yì to nukọn towe, nado hò awhanpa Filistini lẹ tọn. ¹⁶Davidi sọ wàdile Jiwheyẹwhe degbèna ẹn do: yé sọ hò awhànpa Filhtini tọn lẹ sọn Gibeọni yèdọ jẹ Gẹzeli. ¹⁷Linlin Davidi tọn sọ di pé biọ aigba lẹpo mẹ; OKLUNỌ sọ hẹn osi e tọn wá akọta lẹpo ji.

¹DAVIDI sọ basi ohọ̀ lẹ nẹ̀ to tòdaho Davidi tọn mẹ; é sọ wleawu otẹn de tọn na alki Jiwheyẹwhe tọn lọ, bo sọ pẹ́n gohọ̀ de nẹ̃. ²Whenẹnu wẹ Davidi dọmọ, Mẹde ma jẹ nado zé alki Jiwheyẹwhe tọn hẹn gba adavo Levinu lẹ: na yéwlẹ wẹ OKLUNỌ ko dè nado nọ zé alki Jiwheyẹwhe tọn hen, podọ nado nọ wàdevizọ́n hlan ẹn kakadoi. ³Davidi sọ pli Islaeli lẹpo to Jelusalẹm, nado hẹn alki OKLUNỌ tọn hẹji wá otẹn etọn mẹ, he é ko wleawu e tọn dai nẹ̃. ⁴Davidi sọ pli visunnu Aalọn tọn lẹ dopọ, po Levinu lẹ po: ⁵sọn visunnu Kohati tọn lẹ mẹ; Uliẹli ogán lọ, po mẹmẹsunnu etọn kàntọ̀n lẹ po: ⁶sọn visunnu Mẹlali tọn lẹ mẹ; Asaia ogán lọ, po mẹmẹsunnu etọn fọdeko lẹ po: ⁷sọn visunnu Gẹlṣọmi tọn lẹ mẹ; Joẹli ogán lọ, po mẹmẹsunnu etọn kàntọ́nao lẹ po: ⁸sọn visunnu Elizafani tọn lẹ mẹ; Simaia ogán lọ, po mẹmẹsunnu etọn fọde lẹ po: ⁹sọn visunnu Heblọni tọn lẹ mẹ; Elieli ogán lọ, po mẹmẹsunnu etọn kènwe lẹ po: ¹⁰sọn visunnu Uziẹli tọn lẹ me; Aminadabi ogán lọ, po mẹmẹsunnu etọn kànwegbànnukunawe lẹ po. ¹¹Davidi sọ dowèn ylọ Zadọki po Abiatali po yẹwhenọ lẹ lọ, po Levinu lẹpo, po Uliẹli po, Asaia, po Joẹli po, Ṣemaia, po Eliẹli po, po Aminadabi po, ¹²bo dọ hlan yé dọmọ, Mìwlẹ wẹ ogán owhé otọ́ Levinu lẹ tọn lẹ tọn: mì le mìde wé, mìwlẹ po mẹmẹsunnu mìtọn lẹ po, na mì nido hẹn alki OKLUNỌ, Jiwheyẹwhe Islaeli tọn tọn lọ hẹji wá, jẹ otẹn he yẹn ko wleawu e tọn dai nẹ̃ lọ mẹ. ¹³Na na mìwlẹ ma wẹ zé e hẹn tintan whenu wutu, OKLUNỌ Jiwheyẹwhe mìtọn ko basi gbágbigbo de to mí ji, na enẹ mí ma din in kẹdẹdi ogbèdai lọ gba. ¹⁴Mọwẹ yẹwhenọ lẹ po Levinu lẹ po le yéde wé nado hẹn alki OKLUNỌ, Jiwheyẹwhe Islaeli tọn tọn lọ hẹji wá. ¹⁵Ovi Levinu lẹ tọn lẹ sọ yí opò lẹ lọ do zé alki Jiwheyẹwhe tọn lọ to abó yetọn lẹ ji, dile Moṣe degbè do kẹdẹdi ohó OKLUNỌ tọn. ¹⁶Davidi sọ dọhó hlan ogán Levinu lẹ tọn lẹ nado dè mẹmẹsunnu yetọn hànjitọ lẹ, po nuzinzán ohàngbè tọn lẹ po, asiazón hànjinu lẹ po ajalẹn lẹ po, po ajògàn lẹ po, he dọnú gángán, bo yí ayá do zé Ogbè daga. ¹⁷Mọwẹ Levinu lẹ dè Heman visunnu Joẹli tọn; podọ sọn mẹmẹsunnu etọn lẹ mẹ, Asafi visunnu Bẹlekia tọn; podọ sọn visunnu Mẹlali mẹmẹsunnu yetọn lẹ tọn lẹ tọn mẹ, Etani visunnu Kuẹaia tọn tọn; ¹⁸podọ to yé de mẹmẹsunnu yetọn sọn oha awetọ mẹ, Zekalia, Bẹni, po Jaazieli po, po Semilamọti po, po Jahiẹli po, po Uni po, Eliabi, po Bẹnaia po, po Maaseia po, po Matitia po, po Elifelehu po, po Mikneia po, po Obẹdiedọmi po, po Jẹiẹli po, honjinotọ lẹ lọ. ¹⁹Mọwẹ hànjitọ lẹ lọ, Hemani, Asafi, po Etani po wẹ yè dè, po ajògàn gànvẹ tọn lẹ po nado zìngbè gángán; ²⁰Zekalia, po Aziẹli po, po Ṣemilamọti po, po Jẹhiẹli po, po Unì po, po Èliabi po, po Maaseia po, po Benaia po, po asiazọ́n hànjinu lẹ po jei Alamoti; ²¹podọ Matitia, po Elifelẹhu po, po Mikneia po, po Obedi-edọmi po, pò Jeiẹli po, po Azazia po, po ajalẹn le po jei Sẹminiti, nado to hànzé. ²²Kenania, ogán Levinu lẹ tọn wẹ to ohàn lọ ji: ewọ wẹ to plọ́nna gbọn ohàn lọ dàli, na ewo yín zìnzìntọ wutu. ²³Belẹkia po Elkana po wẹ họ́njinọtọ lẹ na alki lọ. ²⁴Sebanìa, po Jesafati po, po Natanẹli po, po Amasai po, po Zekalia po, po Benaia po, po Eliezeli po, yẹwhenọ lẹ lọ, wẹ yí opèn lẹ do to kún kún tọ alki Jiwheyẹwhe tọn nukọn: Obẹdi-edọmi po Jehia po wẹ họ̀njimotọ lẹ na alki lọ. ²⁵Mọwe Davidi po meho Islaeli tọn lẹ po, po awhàngán lẹ to mefọtón lẹ ji po, yì nado hen alki alònù OKLUNỌ tọn lọ tọn hẹji po ayajijẹ pọ sọn owhé Obẹdi edọmi tọn gbè wá: ²⁶E sọ wá jọ, whenuena Jiwheyẹwhe gọalọna Levinu he zé alki alẹ̀nù OKLUNỌ tọn tọn hẹn lẹ, wẹ yé yi oyín ṣinawe po agbò ṣinawe po do sánvọ́. ²⁷Yè sọ yí otewu ala dagbedagbe tọn de do na Davidi, po Levinu he zé alki hẹn lẹpo po, po hànjitọ lẹ po, po Kenania hàndotọ lọ po hànjitọ lẹ lọ po: Davidi sọ tindo efọdi ala tọn de to e go. ²⁸Le wẹ Islaeli lẹpo yí abóbó po ogbè afìnván tọn po, po opẹ́n lẹ po, po ajògàn lẹ po, he to núdọ gángán po asiazọn hànjinu lẹ po po ajalẹn lẹ po do hẹn alki alẹ̀nù OKLUNỌ tọn tọn hẹji wá. ²⁹E sọ wá jọ, le alki alẹ̀nù OKLUNỌ tọn tọn wá jẹ tòdaho Davidi tọn mẹ, we Mikali viyọnnu Sauli tọn to gbonu pọ́n to ovẹ́sẹnu, bo mọ Davidi ahọlu to wèdu bo sọ to aglinjẹ, é sọ vlẹ ẹ to ayiha etọn mẹ.

¹YÉ sọ hẹn alki Jiwheyẹwhe tọn lọ wá whégbè, bo zé e do ṣẹnṣẹn ogohó he Davidi ko pọ́n nẹ̃ lọ tọn: yé sọ na avọ́ nunina mimẹ̀ le po avọ́ nunina jijọho tọn lẹ po to Jiwheyẹwhe nukọn. ²Whenuena Davidi ko dotana avọ́ nunina mimẹ lọ pọ avọ nunina jijọho tọn lẹ lọ po, é dona gbẹtọ lẹ to oyín OKLUNỌ ton mẹ. ³E sọ má hlan omẹ dopodopo Islaeli tọn, sunnu po yọnnu po, hlan omẹ dopodopo mlinmlin akla tọn dopo, po kinkan olàn tọn de po, po aklahìhì vẹ̃nhúhú tọn lẹ de po.

⁴E sọ dè sọn Levinu dẽlẹ mẹ nado nọ wàdevizọ́n to alki OKLUNỌ tọn nukọn, podọ nado nọ wàhùnwhe podọ nado nọ dopẹ́ bo sọ nọ pa OKLUNỌ, Jiwheyẹwhe Islaeli tọn: ⁵Asafi ogán lọ, awetọ jẹ e de Zekalia, Jeiẹli, po Semilamọti po, po Jehieli po, po Matitia po, po Eliabi po, po Benaia po, po Obedi-edọmi po, po Jeiẹli po, po asiazọ́n hànjinu lẹ po po ajalẹn lẹ po; Asafi po ajogàn lẹ po, to núdọ gángán; ⁶Benaia po Jahaziẹli po yẹwhenọ lẹ lọ po opẹ̀n lẹ po whepoponu, to alki alẹ̀nù Jiwheyẹwhe tọn tọn nukọn.

⁷Whenẹnu to azán nẹ gbè wẹ Davidi plọn doai nado nọ dopé hlan OKLUNỌ, gbọn alọ Asafi po mẹmẹsunnu etọn lẹ po tọn me:

³⁷Mowẹ é jó Asafi po mẹmẹsunnu etọn lẹ po dai finẹ, to alki alẹ̀nù OKLUNỌ tọn tọn nukọn, nado nọ to devìzọ̀nwà to alki lọ nukọn whepoponu, dole azọ́n azán dopodopo tọn biọ do: ³⁸po Obẹdi-edọmi po po mẹmẹsunnu yetọn lẹ po, kàndekoatònnukunatọ̀n; Obẹdi-edọmi visunnu Jẹdutuni tọn ga po Hosa po nado yín họ̀njinọtọ lẹ: ³⁹po Zadọki yẹwhenọ lọ po, po mẹmẹsunnu etọn yewhenọ lẹ lọ po to gohọ̀túntún OKLUNỌ tọn lọ nukọn to otẹn yìaga lọ mẹ he tin to Gibeọni mẹ, ⁴⁰Nado nọ na avọ̀ nunina mimẹ̀ hlan Okiunọ to agbà avọ́ nunina mimẹ̀ tọn ji to whepoponu to afọnnu po whèjai po, yèdọ kẹdẹdi ehe yè wlan to osẹ́n OKLUNỌ tọn mẹ lẹpo, he é degbèna hlan Isiaeli; ⁴¹podọ Hemani po Jẹdutuni po, po pipòtọ he yè dè lẹ po, he yè ylọ gbọn oyín dali lẹ, to yé de, nado nọ na opẹ́ lẹ hlan OKLUNỌ, na lẹblanu etọn tè doidoi wutu; ⁴²podọ gọ̀na yé Hemani po Jẹdutuni po po opèn lẹ po po ajògàn lẹ po na enẹlẹ he do nọ dọnú gángán lẹ, podọ gèna nuzinzán lẹ na ohàn Jiwheyẹwhe tọn lẹ: po visunnu Jẹdutuni tọn lẹ po nado tin to họ̀ngbo lọ ji. ⁴³Gbẹtọ lẹpo sọ fọ̀nyì omẹ dopodopo jẹ owhé etọn gbè: Davidi sọ lẹ̀gọ̀ nado dona owhé etọn.

¹E sọ wá jọ, whenuena Davidi nọ nọ̀ ohọ̀ etọn mẹ, wẹ Davidi dọ hlan Natani yẹwhegán lọ dọmọ, Pọn yẹn to ohọ̀ kedali tọn de mẹ nọ̀, ṣigba alki alẹ̀nù OKLUNỌ tọn tọn to avọ̀dido lẹ glọ nò ²Natani sọ dọ hlan Davidi dọmọ, Wà ehe tin to ayiha towe mẹ lẹpo; na Jiwheyẹwhe tin to de we. ³E sọ wá jọ to ozán doponẹ mẹ, wẹ ohó Jiwheyẹwhe tọn wá Natani de, dọmọ, ⁴Yì bo dọ na Davidi mẹmẹsi ṣie dọmọ, Le wẹ OKLUNỌ dọ, Hiẹ ma na dó ohọ̀ de na mi nado nọ̀ e mẹ gba: ⁵Na yẹn ma ko nọ̀ ohọ̀ de mẹ sọn azán he gbè yẹn ko hẹn Islaeli hẹji wá, jẹ egbé gba; ṣigba bo ko to yìyì sọn gohò mẹ̀ jẹ gohọ̀ mẹ, podọ sọn gohọ̀túntún de mẹ jẹ devo mẹ. ⁶To otẹn fiemẹ yẹn ko to zọnlinzin po Islaeli po te lẹpo, be yẹn dọhó po depope po sọn whẹ̀datọ Islaeli tọn lẹ mẹ, mẹhe yẹn degbèna nado to ome ṣie lẹ yìn, dọmọ, Etẹwutu mì ma dó ohọ kedali tọn de na mi? ⁷Enẹwutu dinvie le wẹ hiẹ na dọ hlan Davidi mẹmẹsi ṣie, Le wẹ OKLUNỌ awhànpa lẹ tọn dọ, Yẹn yí we sọn lẹngbọpó mẹ, sọn hihodo lẹngbọ lẹ mẹ, na hiẹ nido yín ahọvi to Islaeli ome ṣie lẹ ji: ⁸yẹn ko sọ tin to de we fidepope hiẹ to yìyì, bo ko sọ sán kẹ̀ntọ towe lẹpo sọn nukọn towe; yen na sọ basi oyín de na we, sọjlẹ do oyín omẹ daho he tin aihọn mẹ lẹ tọn go. ⁹Yen na sọ dè otẹn de na Islaeli omẹ ṣie le, bo na sọ dó yé, na yé nido nọ̀ otẹn yetọn titi mẹ, bọ yè ma na sètenna ba; mọ ovi oylanwà tọn lẹ ma na sọ gbà yé de ba di tintan tọn. ¹⁰Podọ di sọn azán he gbè yẹn degbèna whèdatọ lẹ nado tin to Islaeli omẹ ṣie lẹ ji; yẹn na sọ zín kẹ̀ntọ towe lẹpo dai. Humọ yẹn dọ na we dọ OKLUNỌ na dó ohọ̀ de na we. ¹¹E na sọ wá jọ, whenuena yè hẹn azán towe lẹ pé bọ hiẹ mananọma yì nado tin to otọ̀ towe lẹ de, wẹ yẹn na zé okún towe daga to godo towe, he na tin sọn visunnu towe lẹ mẹ; yẹn na sọ hẹn ahọludu etọn lódo. ¹²Ewọ wẹ na dó ohọ̀ de na mi, yẹn na sọ hẹn ofìn etọn lódo doidoi. ¹³Yẹn na sọ yín otọ̀ etọn, ewọ na sọ yín visunnu ṣie: yẹn ma sọ to na yí lẹblanu ṣie yì sọn e de, dile yẹn yí ì sọn ewọ he tin to nukọn towe de do. ¹⁴Ṣigba yẹn na zé e do ohọ̀ ṣie mẹ podọ do ahọludu ṣie mẹ doidoi: yẹn na sọ hẹn ofìn etọn lodo doidoi. ¹⁵Kẹdẹdi ohó he lẹpo, podọ kẹdẹdi numimọ he lẹpo, mọwẹ Natani dọhó hlan Davidi do.

¹⁶Whenẹnu wẹ Davidi ahọlu yì whégbe, bo sinai to OKLUNỌ nukọn; e sọ dọmọ, OKLUNỌ È Jiwheyẹwhe, mẹnu yẹn yín, etẹ owhé ṣie so yín, bọ hiẹ ko do hẹn mi wá jẹ ofi? ¹⁷Onu pẹvi de ehe sọ yín to nukun towe lẹ mẹ, Jiwheyẹwhe È; ṣigba hiẹ ko sọ dọhó owhé mẹmẹsi towe tọn tọn na ojlẹ daho de nado wá, bọ ko sọ ho mi pọ́n kẹdẹdi ohá sọn omẹ tẹndahonọ de tọn mẹ, OKLUNỌ E Jiwheyẹwhe. ¹⁸Eté wẹ Davidi sọgan sọ dọ hlan we ba gbọn gbégbòna he yè wà hlan mẹmẹsi towe tọn dali? na hiẹ yọ́n mẹmẹsi towe. ¹⁹OKLUNỌ È, na mẹmẹsi towe tọn wutu, podọ kẹdẹdi ayiha towe titi, wẹ hiẹ ko do basi kiklo he lẹpo, nado hẹn onú daho helẹ lẹpo zùn yinyọnẹn. ²⁰OKLUNỌ E, mẹde ma tin jijlẹ do ogo we, mọ Jiwheyẹwhe depope ma tin gọ we, kẹdẹdi ehe mi ko yí otọ́ mìtọn lẹ do sè lẹpo. ²¹Podọ akọta dopo de tẹ́wẹ tin to aigba Ji tin jijlẹ do Islaeli omẹ towe lẹ go, mẹhe Jiwheyẹwhe yì nado fli hlan ede na gbẹtọ etọn lẹ de, nado basi oyín de na we gbọn onú daho he dobu lẹ dali, to yìnyàn kosi lẹ tón sọn omẹ towe lẹ nukọn mẹ, he hiẹ fli sọn Egipti? ²²Na Islaeli omẹ towe lẹ wẹ hiẹ ko yí do basi omẹ towe titi lẹ doidoi; podọ hiẹ, OKLUNỌ, sọ lẹzùn Jiwheyẹwhe yetọn. ²³Be dinvie, OKLUNỌ È, gbọ ohó he hiẹ ko dọ gbọn memesi towe tọn dali, podọ gbọn owhé etọn tọn dali, ni yín hẹn lódo doidoi, bo sọ wà dile hiẹ ko dọhó do. ²⁴Bo sọ gbọ yè ni hẹn oyín towe lódo bo sọ yín hẹnklo doidoi, dọmọ, OKLUNỌ awhànpa lẹ tọn wẹ Jiwheyẹwhe Islaeli tọn, yèdọ Jiwheyẹwhe de hlan Islaeli: podọ owhé Davidi mẹmẹsi towe tọn ni sọ vin hẹnlódo to nukọn towe. ²⁵Na hiẹ, Jiwheyẹwhe ṣie È, ko dèhia hlan mẹmẹsi towe dọ hiẹ na dó ohò de nẹ: enẹwutu wẹ mẹmẹsi towe do mọ to ayiha etọn mẹ nado hodẹ̀ nukọn towe ²⁶Podọ to dinvie, OKLUNỌ E, hiẹ wẹ Jiwheyẹwhe bo ko sọ gblọnadan onú dagbe he tọn hlan mẹmẹsi towe: ²⁷Podọ dinvie é ko hẹnhomẹhùn we nado nọ dona owhé mẹmẹsi towe tọn, na é nido nọte doidoi to nukọn towe: na hiẹ, OKLUNỌ è, ko dona, é sọ yín donanọ doidoi.

¹TO ehe godo é sọ wá jọ, Davidi hò Filistini lẹ, bo zín yé dai, bo sọ yí Gati po topẹvi eton lẹ po sọn alọ Filistini lẹ tọn mẹ. ²E sọ hò Moabi; Moabinu lẹ sọ lẹzùn mẹmẹsi hlan Davidi, bo sọ nọ hẹn nunina lẹ wá. ³Davidi sọ hò Hadalezeli ahọlu Zoba tọn jẹ Hamati, le é jei nado hẹn ahọludutẹn etọn lódo to otò Euflate dali. ⁴Davidi sọ bé kẹkẹ fọtọ̀n sọn e si po osọ̀nọ fọtọ́n ṣinawe po, po afọnọ fọtọ́n òko po: Davidi sọ gbodọnklanmẹna osọ̀ kẹkẹ tọn lẹ, ṣigba bo hladai sọn yé mẹ na kẹkẹ kanweko. ⁵Whenuena Silianu Damasku tọn lẹ wá nado gọalọna Hadalezeli ahọlu Zoba tọn, Davidi ho sunnusi fọtọ́n konukunawe sọn Silianu lẹ mẹ. ⁶Whenẹnu wẹ Davidi yí tòwhàn lẹ do Silia Damasku tọn mẹ; Silianu lẹ sọ lẹzùn mẹmẹsi hlan Davidi, bo sọ nọ hẹn nunina lẹ wá. OKLUNỌ sọ to awhàngbà na hlan Davidi fidepope é yì. ⁷Davidi sọ yí awọyínú sika tọn he tin to mẹmẹsi Hadalezeli tọn lẹ go lẹ, bo sọ hẹn yé wá Jelusalẹm. ⁸Davidi bẹ́ gànvẹ susu talala sọn Tibkati podọ sọn Kuni tòdaho Hadalezeli tọn lẹ mẹ, ehe Sọlọmọni yí do basi ohù gànvẹ̃nọ lọ po dòtin lẹ po, po nuzinzan gànvẹ̃ tọn lẹ po. ⁹Whenuena Tou ahọlu Hamati tọn sè dọ Davidi ko hò awhànpa Hadalezeli ahọlu Zoba tọn tọn lẹpo, ¹⁰é do Hadolami visunnu etọn hlan Davidi ahọlu de, nado dọnudo e, podọ nado dona ẹn, na é ko hòavùn hẹ Hadalezeli bo sọ hò e wutu; na Hadalezeli tindo awhàn lẹ po Tou po; ewọ sọ tindo nuzinzán alọpalọpa sika po fataka po po gànvè po tọn lẹ to e de. ¹¹Ehelẹ ga wẹ Davidi ahọlu klandowiwe hlan OKLUNỌ, po fataka po po sika po ko é bẹ̀ yì sọn akọta lẹ mẹ; sọn Edọmi, podọ sọn Moabi, podọ sọn ovi Ammọni tọn lẹ si, podọ sọn Filistini lẹ si, podọ sọn Amalẹki si. ¹²Humọ Abiṣai visunnu Zeluia tọn sọ hò sọn Edọminu lọ mẹ to Agbàdo Ojẹ tọn mẹ fọtọ́n fọtọ̀nnukunatọ̀n. ¹³E sọ yí tòwhàn lẹ do Edọmi mẹ; Edọminu lẹpo sọ lẹzùn mẹmẹsi hlan Davidi. OKLUNỌ sọ to awhangbà na hlan Davidi to fidepope é yì.

¹⁴Davidi sọ to ahọludu Islaeli lẹpo ji; é sọ to whẹ̀dida po dódó po hẹn sọ hlan gbẹtọ e tọn lẹpo. ¹⁵Joabi visunnu Zeluia tọn sọ tin to awhànpa lọ ji; Jehọṣafati visunnu Ahiludi tòn sọ wẹ tòhó wékantọ. ¹⁶Zadọki visunnu Ahitubi tọn, po Abimelẹki visunnu Abiatali tọn po, wẹ yẹwhenọ lẹ; Ṣavṣa, wẹ wékantọ; ¹⁷Benaia visunnu Jehọiada tọn tin to Eelẹtinu lẹ ji, po Pelẹtinu lẹ po; visunnu Davidi tọn lẹ wẹ ogán lẹ́do ahọlu lọ.

¹E Bọ wá jọ to onú he godo, wẹ Nahaṣi ahọlu ovi Ammoni tọn lẹ tọn kú, visunnu etọn sọ duahọlu to otẹn etọn mẹ. ²Davidi sọ dọmọ, Yẹn na do dagbewà hia hlan Hanuni visunnu Nahasi tọn, na otọ etọn do dagbewà hia hlan mi wutu. Mowẹ Davidi do mẹdagun lẹ hlan nado miọnhomẹna ẹn gbọn otọ́ etọn tọn dali. Mẹmẹsi Davidi tọn lẹ sọ wá biọ aigba ovi Ammọni tọn lẹ tọn mẹ jẹ Hanuni de, nado miọnhomẹna ẹn. ³Ṣigba ahọvi ovi Ammọni tọn lẹ tọn lẹ dọ hlan Hanuni dọmọ, Hiẹ ka to, linlẹn dọ Davidi to gbégbòna otọ́ towe wẹ, bọ é ko do do homẹmiọnnamẹtọ lẹ hlan we? bé mẹmẹsi etọn lẹ ma ka wá de we na nado din, podọ nado họ́liai, podọ nado bópón aigba lọ? ⁴Mọwẹ Hanuni bẹ́ mẹmẹsi Davidi tọn lẹ, bo luntánna yé, bo sọ sán awugbó yetọn lẹ tó ṣẹnṣẹn mẹ, yèdọ jẹ alinkan yetọn lẹ, bo sọ do yé yi. ⁵Whenẹnu wẹ mẹde yì, bo dọ na Davidi le yè wà hẹ omẹ ewlẹ do. Ewọ sọ domẹhlan nado pé yé; na yè hẹn winyanhù omẹ ewlẹ susu. Ahọlu sọ dọmọ, Mì ni dọ̀ngbàn to Jẹliko kaka yè do hẹn ogbì mìtọn lẹ wú, whenẹnu mì ni gòwá. ⁶Whenuena ovi Ammọni tọn lẹ mọ dọ yé ko hẹn yéde zùn wangbẹna hlan Davidi, Hanuni po ovi Ammọni tọn lẹ po do talẹnti fọtọ́n fataka tọn hlan nado dà kẹkẹ lẹ po osonọ lẹ po na yé sọn Mẹsọpotamia, podọ son Alami-maaka, jlodọ sọn Zoba. ⁷Mọwẹ yé dà na yé kẹkẹ fọtọ́n gbànnukunawe, po ahọlu Maaka tọn po po omẹ etọn lẹ po; mẹhe wá bo dosla to Mẹdeba nukọn. Ovi Ammọni tọn lẹ sọ sinyan yéde pli sọn tòdaho yetọn lẹ mẹ, bo wá nado fùnawhàn, ⁸Whenuena Davidi sèlinlin e tọn, é do Joabi hlan, po awhànpa omẹ hlọnhlọnnọ lẹ tọn po. ⁹Ovi Ammọni tọn lẹ sọ tón wá, bo to awhàn do hajihaji to họ̀ngbo tòdaho lọ tọn ji: ahọlu he yè sọ hẹn wá lẹ tin to ovò na yéde to odanji. ¹⁰Dinvie whenuena Joabi mọ dọ yè zé awhàn lọ do e ji to nukọn podọ to godo, é dè sọn omẹ ṣinṣinyan Islaeli tọn lẹ mẹ, bo tò yé do hajihaji do Silianu lẹ ji. ¹¹Podọ pipòtọ gbẹtọ lẹ tọn é jó do alọ Abiṣai nọvisunnu etọn tọn mẹ, yé sọ tò yéde do hajihaji do ovi Ammọni tọn lẹ ji. ¹²E sọ dọmọ; Eyín Silianu lẹ yín sinsinyẹn gbahu na mi, whenẹnu hiẹ na gọalọna mi: ṣigba eyín ovi Ammọni tọn lẹ sọ yín sinsinyẹn gbahu na we, whenẹnu yẹn na gọalọna we. ¹³Yín tudotọ dagbe tọn, bo sọ gbọ mí ni wàsunnu na omẹ mìtọn lẹ, podọ na todaho Jiwheyẹwhe mìtọn tọn: OKLUNỌ ni wà enẹ he sọawuhia ẹ dagbe. ¹⁴Mowẹ Joabi po omẹ he tin to e de lẹ po dọ̀n sẹpọ́ to Silianu lẹ nukọn jẹ awhànfuntẹn; yé sọ họ̀nyì to nukọn e tọn. ¹⁵Whenuena ovi Ammọni tọn lẹ mọ dọ yè hẹn Silianu lẹ họ̀nyì, yéwlẹ ga sọ họ̀nyì to Abiṣa nọvisunnu etọn nukọn, bo biọ tòdaho lọ mẹ. Whenẹnu wẹ Joabi wá Jelusalẹm. ¹⁶Whenuena Silianu lẹ mọ dọ yè yí yé do gbigble mẹ to Islaeli nukọn, yé do mẹdagun lẹ hlan, bo sọ dòn Silianu he tin to Otọ̀ lọ gododọ̃n lẹ jẹgbonu, po Ṣofaki awhàngán awhànpa Hadalezeli tọn tọn po to nukọn yetọn. ¹⁷Yè sọ dọ ẹ na Davidi; é sọ ṣinyan Islaeli lẹpo pli, bo juyì Jọdani gododọ̃n, bo wá yé ji, bo sọ tò awhàn hajihaji do yé ji. Mowẹ whenuena Davidi tò awhàn do ṣilíanu lẹ ji, yé sọ fùnawhàn hẹ ẹ. ¹⁸Silianu lẹ sọ họ̀nyì to Islaeli nukọn; Davidi sọ hù sọn Silianu lẹ mẹ, gbẹtọ kekẹ tọn fọtọ́n ṣinawe, po afọnọ fọtọ́n kande po, bo sọ hù Sofaki awhàngán awhànpa lọ tọn. ¹⁹Whenuena mẹmẹsi Hadalezeli tọn lẹ mọ dọ yè yí yé do gbigble mẹ to Islaeli nukọn, yé basi jijọho po Davidi po, bo to sinsẹ̀n ẹn: mọ Silianu lẹ ma sọ jlo gọalọna ovi Ammọni tọn lẹ gbède ba.

¹E sọ wá jọ, to ojlẹ wiwá owhè tọn tọn, to ojlẹ whenuena ahọlu nọ tón yì nado fùnawhàn, wẹ Joabi plan huhlọn awhàn tọn lọ jẹgbonu, bo gbà tòpẹvi ovi Ammọni tọn lẹ tọn, bo sọ wá bo glọn Laba do e mẹ. Ṣigba Davidi to gbàndòn to Jelusalẹm. Joabi sọ hò Laba, bo họ́ ẹ liai. ²Davidi sọ yí jẹ́gbakun ahọlu yetọn tọn sọn ota etọn, bo sọ mọ nado jlẹ talẹnti sika tọn dopo, zannu hòakuẹ lẹ sọ tin to e mẹ; yè zé e do ota Davidi tọn: é sọ hẹn ogblannu tòdaho lọ tọn jẹgbonu wá, susu gbahugbahu. ³E sọ hẹn gbẹtọ he tin finẹmẹ le jẹgbonu wá, bo yí ayìnyọ̀n lẹ, po alínkènnọ lẹ po, po asiọvi lẹ po do sán yé. Le wẹ Davidi wà hlan tòdaho oyi Ammọni tọn lẹ tọn lẹ. Davidi po gbẹtọ lẹpo po sọ gò do Jelusalẹm.

⁴E sọ wá jọ to ehe godo, wẹ awhàn de fọ́n to Gezẹli po Filistini lẹ po-í whenẹnu wẹ Sibẹkai Hasatinu lọ hù tíipai, sọn visunnu gbẹtọkungbónọ lẹ tọn lẹ mẹ: yè sọ zín ye dai. ⁵Awhàn sọ vó tin po Filistini lẹ po; Elhanani visunnu Jaili tọn sọ hù Lahmi nọvisunnu Goliati Gitinu lọ tọn, opò owhán mẹhetọn tọn tin taidi opọ̀n avọ̀lọntọ de tọn. ⁶Awhàn sọ vó tin to Gati fie dawe okúngbonọ tọn de sọ tin te, alọviyẹyẹ mẹhetọn po afọviyẹyẹ lẹ po yín konukunẹnẹ, ṣidopo to alọ dopodopo go, ṣidopo mọ to afọ dopodopo go; yè ji ewọ hlan gbẹtọkungbónọ lẹ ga. ⁷Whenuena é ylọavùn Islaeli lẹ, Jonatani visunnu Simea nọvisunnu Davidi tọn tọn hù i. ⁸Ehelẹ wẹ yè ji hlan gbẹtọkúngbónọ lẹ to Gati mẹ; yé sọ jai gbọn alọ Davidi tọn mẹ, podọ gbọn alọ mẹmẹsi etọn lẹ tọn mẹ.

¹SATÀNI sọ fọ́n ṣite do Islaeli ji, bọ sisẹ Davidi nado hia Islaeli. ²Davidi sọ dọ hlan Joabi podọ hlan ahọvi gbẹtọ lẹ tọn lẹ, dọmọ, Mì yì, hia Islaeli sọn Beẹli-ṣeba yedọ jẹ Dani; bo sọ hẹn ohó wá na mi, na yẹn nido yón osọha ye tọn. ³Joabi sọ dọmọ, OKLUNỌ ni basi omẹ etọn lẹ fọtọ́n whla susu sọmọ dogó dile yé yín: aigba, klunọ ṣie ahọlu, mẹmẹsi kluno ṣie tọn ma ka wẹ yé mẹpó? etẹwutu wẹ klunọ ṣie to onú he biọ? etẹwutu é na yín owhẹ̀hó owhẹ́gble tọn de hlan Islaeli? ⁴Ṣogãn ohó ahọlu tọn ṣinyọn Joabi ji. Enẹwutu Joabi fọ́nyì, bo yì Islaeli lẹpo mẹ lẹ́do, bo sọ wá Jelusalẹm. ⁵Joabi sọ yí lẹndopọ hihia gbẹtọ lẹ tọn tọn na hlan Davidi. Yé Islaeli tọn lẹpo yín sunnusi fọtọ́n fọtọ́n po fọtọ́n kanweko po he to ọhi dọ̀n: Juda sọ yín sunnusi fọtọ́n fowekandegbàn he to ohi dọ̀n. ⁶Ṣigba Levi po Bẹnjamini po é ma hia do yé ṣẹnṣẹn gba: na ohó ahọlu tọn yín ahẽlu hlan Joabi. ⁷Jiwheyẹwhe sọ yín homẹmahùnnọ po onú he po; enẹwutu wẹ é ho Islaeli. ⁸Davidi sọ dọ hlan Jiwheyẹwhe dọmọ, Yẹn ko wàylando dahodaho, to onú he yẹn ko wà nẹ mẹ: ṣigba dinvie, yẹn vẹ́ we, dè oylanwà mẹmẹsi towe tọn sẹ́; na yẹn ko yí nulu susu do wà. ⁹OKLUNỌ sọ dọhó hlan Gadi, numọtọ Davidi tọn, dọmọ, ¹⁰Yì bo dọhó hlan Davidi, dọmọ, Le wẹ OKLUNỌ dọ, Yẹn whle onú atọ̀n we; dè dopo sọn yé mọ, na yẹnnido wà ẹ hlan we. ¹¹Mowẹ Gadi wá Davidi de, bo dọ hlan ẹn dọ, Le wẹ OKLUNỌ dọ, Yí ehe hiẹ na jlo; ¹²Owhè atọ̀n ohuvẹ́ tọn; kavi osùn atọ̀n nado yín vivà to mẹslẹtọ towe lẹ nukọn, ojlẹ he mẹ ohi kẹ̀ntọ towe lẹ tọn na pla we; kavi devo azán atọ̀n ohi OKLUNỌ tọn, yèdọ azònylakan to aigba lọ mẹ, bọ angẹli OKLUNỌ tọn to mẹvàsúdo gbọn agbègbè Islaeli tọn lẹpo ji petó. Enẹwutu dinvie yílẹn ohógbè hé yẹn na dọ na ewọ he do mi hlan. ¹³Davidi so dọ hlan Gadi dọmọ, Yẹn tin to jinján daho de mẹ: gbọ yẹn ni jai dinvie do alọ OKLUNỌ tọn mẹ; na daho talala wẹ lẹblanu etọn lẹ: a dike yẹn jai do alo gbẹtọ tọn mẹ blo. ¹⁴Mọwẹ OKLUNỌ do azọ̀nylankan de hlan Islaeli ji: finẹ gbẹtọ fọtọ́n kandegbàn jai sọn Islaeli mẹ. ¹⁵Jiwheyẹwhe sọ do angẹli de hlan jẹ Jelusalẹm nado và ẹ súdo: le ewọ sọ tin awuwle nado vàmẹsúdo, OKLUNỌ pọ́n, é sọ diọlinlẹn nẹ́ sọn oylan lọ mẹ, bo sọ dọ hlan angẹli mẹvatọ lọ dọmọ, E yín pékò; doalọ towe te lò. Angẹli OKLUNỌ tọn lọ sọ ṣite to vẹn-gba Olnani Jebusinu lọ tọn dali. ¹⁶Davidi sọ zé nukun etọn lẹ daga, bo mọ angẹli OKLUNỌ tọn lọ site to aigba lọ po olọn lọ po ṣẹnṣẹn, bo tindo ohi dònsún de to alọ etọn mẹ dindlẹn tón do Jelusalẹm ji. Whenẹnu wẹ Davidi po mẹho lẹ po tin to odẹ́vọ̀ mẹ họ́ ṣinyọn nukunmẹ yetọn lẹ ji. ¹⁷Davidi sọ dọ hlan Jiwheyẹwhe dọmọ, E ma ka yín yẹn wẹ degbè gbẹtọ lẹ nado yín hihia? yèdọ yẹn é yín he ko wàylando bo ko sọ yí gbigble susu do wà; ṣigba lẹngbọ helẹ, etẹ́ yé wà? OKLUNỌ È Jiwheyẹwhe ṣie, yẹn vẹ́ we, gbọ alọ towe, ni tin to ogo e, podọ to owhé otọ́ ṣie tọn go; aigba to omẹ towe lẹ go ma gba, bọ yé na do yín mẹdoazọ̀nna. ¹⁸Whenẹnu wẹ angẹli OKLUNỌ tọn lọ degbèna Gadi nado dọ hlan Davidi, na Davidi nido hẹji yì, bo tùn agbà de hlan OKLUNỌ do vẹ̃n-gba Olnani Jẹbusinu lọ tọn mẹ. ¹⁹Davidi sọ hẹji yì to didọ Gadi tọn ji, he é dọ to oyín OKLUNỌ tọn mẹ. ²⁰Olnani sọ lẹ́ godo, bo mọ angẹli lọ; visunnu etọn ẹnẹ he tin to e de lẹ sọ whla yéde. Dinvie Olnani ko to oli tùn. ²¹Le Davidi wé jẹ Olnani de, Olnani pọ́n bo sọ mọ Davidi bo sọ tón yì sọn vẹn-gba lọ ji, bo dẹ́ ede hlan Davidi po nukunmẹ etọn po hlan aigba. ²²Whenenu wẹ Davidi dọ hlan Olnani dọmọ, Na otẹn vẹn-gba tọn he mi, na yẹn nido dó agbà de do e ji hlan OKLUNỌ: na akuẹta pipé wẹ hiẹ na do na mi: na yè nido hẹn azọ̀ndonamẹ lọ doalọte sọn gbẹtọ lẹ de. ²³Olnani sọ dọ hlan Davidi dọmọ, Yí i do de we, bo sọ gbọ klunọ ṣie ahọlu ni wà enẹ he yín dagbe to nukun etọn lẹ mẹ pọ́n, yẹn na oyín lẹ we na avọ́ nunina mimẹ̀ po nuzinzán vẹ̃ntùnnú lẹ po na nake, po oli lọ po na avọ́ nunina jinulili tọn; yẹn jó e pó pete ²⁴Ahọlu sọ dọ hlan Olnani dọmọ, Lala; ṣigba yẹn na hò ẹ na akuẹta pipe lọ; na yẹn ma na yí enẹ he yín towe na OKLUNỌ gba, kavi na avọ́ nunina mimẹ̀ de matin akuẹzánmẹ. ²⁵Mọwẹ Davidi na Olnani na otẹn lọ ṣẹkle nuọntọ̀n bika tọn gbọn jijlẹ dali. ²⁶Davidi sọ dó ap; bà de do finẹ hlan OKLUNỌ, bo sọ na avọ́ nunina mimẹ̀ lẹ po avọ́ nunina jijọho tọn lẹ po, bo sọ to awhado ylọ OKLUNỌ; e sọ siọ ẹ sọn olọn gbọn miyọn dali to agbà avọ́ nunina mimẹ̀ tọn lọ ji. ²⁷OKLUNỌ sọ degbèna angẹli lọ: ewọ sọ vọ́ ohi etọn zé do apà etọn mẹ.

²⁸To ojlẹ nẹ mẹ whenuena Davidi mọ dọ OKLUNỌ SIỌ ẹ to vẹ̃n-gba Olnani Jẹbusinu lọ tọn mẹ, whenẹnu wẹ é sánvọ́ to finẹ. ²⁹Na gohọtuntún OKLUNỌ tọn lọ, he Moṣe basi to zùngbo mẹ, po agbà avọ́ nunina mimẹ̀ tọn po tin to ojlẹ nẹ mẹ to otẹn yìaga lọ mẹ to Gibeọni. ³⁰Ṣigba Davidi ma sọgan yì e nukọn nado kanbiọ sọn Jiwheyẹwhe de gba: na ewọ yín avọ̀satọ na ohi angẹli OKLUNỌ tọn tọn lọ wutu.

¹WHENENU wẹ Davidi dọmọ, Ehe wẹ ohò OKLUNỌ Jiwheyẹwhe tọn lọ, podọ ehe sọ wẹ agbà avọ́ nunina mimẹ̀ tọ́n lọ na Islaeli.

²Davidi sọ degbè nado bẹ́ ojonọ he tin to aigba Islaeli tọn ji lẹ plidopọ; é sọ dè hódotọ lẹ nado pà zannu anànọ lẹ nado dó ohọ̀ Jiwheyẹwhe tọn lọ. ³Davidi sọ wleawu ogànyù tọn to gégé mẹ na húngàn lẹ na ohọ̀n họ́ngbo lẹ lọ lọn lẹ, podọ na nupipé lẹ; po gànvẹ̃ po to gégé mẹ matin jijlẹ; ⁴po atin kedali lẹ po matin osọha: na Zidoninu lẹ po yé Tile tọn lẹ po hẹn atin kedali lẹ wá Davidi de to gége mẹ. ⁵Davidi sọ dọmọ, Visunnu ṣie Sọlọmọni yọ̀pọ mẹbibọ wẹ, ohò he sọ tin nado yín aidó na OKLUNỌ mananọma yín kiklo talala gba, yindidi tọn po gigo tọn po gbọn oto lẹpo mẹ lẹ́do: enẹwutu yẹn na basi awuwle dai nẹ̃. Mọwẹ Davidi wleawu dai gégé jẹnukọn na okú etọn.

⁶Whenẹnu wẹ é ylọ na Sọlọmọni visunnu etọn, bo naṣẹ ẹ nado dó ohọ de na OKLUNỌ, Jiwheyẹwhe Islaeli tọn, ⁷Davidi sọ dọ hlan Sọlọmọni visunnu etọn dọmọ, Na yẹn tọn, é ko tin to ayiha ṣie mẹ nado dó ohọ̀ de hlan oyín OKLUNỌ Jiwheyẹwhe ṣie tọn. ⁸Ṣigba ohó OKLUNỌ tọn wá dè, dọmọ, Hiẹ ko kọ̀n ohùn dai susugégé, bo ko sọ basi awhan dahodaho lẹ: hiẹ ma na dó ohò de hlan oyín ṣie gba, na hiẹ ko kọ́n ohùn susu do aigba ji to nukọn ṣie wutu: ⁹Dayi e go, yè na ji visunnu de hlan we, mẹhe na yín omẹ ogbọjẹ tọn; yẹn na sọ na ogbọjẹ ẹ sọn kẹ̀ntọ etọn lẹpo si lẹ́dolẹ́do: na oyín etọn na nọ yín Sọlọmọni, yẹn na sọ na jijọho po abọẹninọ po hlan Islaeli to azán etọn lẹ mẹ: ¹⁰Ewọ wẹ na dó ohọ̀ de na oyín ṣie, ewọ na sọ yín visunnu ṣie, yẹn na sọ yín otọ etọn; yẹn na sọ hẹn ofìn ahọludu etọn tọn lódo to Islaeli ji doidoi. ¹¹Dinvie, visunnu ṣie, OKLUNỌ ni tin to de we; hiẹ ni wàdagbe, bo dó ohọ́ OKLUNỌ Jiwheyẹwhe towe tọn lọ, dole é ko dọ do gbọn towe tọn dali. ¹²OKLUNỌ ni sa na hóyọnẹn po wuntùntùn po we, bo sọ na aṣẹ we gbọn Islaeli tọn dali kẹdẹ; dọ mọ hiẹ nido nọ yìn osẹ́n OKLUNỌ Jiwheyẹwhe towe tọn. ¹³Whenẹnu wẹ hiẹ na wàdagbe, eyín hiẹ payi nado nọ wà osẹ́ndoai lẹ lọ po whẹ̀dida he OKLUNỌ yí do naṣẹ Moṣe gbọn Islaeli tọn dali: yín huhlọnnọ po tudotọ dagbe tọn po, a dibu blo, a sọ hanú blo. ¹⁴Dinvie, dayi e go, to nukunbia ṣie mẹ yẹn ko wleawudaina ohò OKLUNỌ tọn talẹnti sika tọn fọtọ́n kanweko, podọ talẹnti fataka tọn fọtọ́n fọtọ́n; podọ sọn gànvẹ̃ po gànyù po mẹ matin jijlẹ; na é tin to gégé mẹ: whlẹtitli ga po zannu po wẹ yẹn ko wleawudai; hiẹ sọ sọgan din dogó. ¹⁵Humọ azọ́ntọ lẹ tin finẹ to de we to gégé mẹ, atinsantọ lẹ po azọ́ntọ zannu po whlẹtitli tọn lẹ po, po omẹ he yín anawàtọ to azọn alọpalọpa tọn depope mẹ lẹpo po; ¹⁶Sọn sika lọ mẹ, fataka lọ, po gànvẹ̃ lọ po, po gànyù lọ po finẹ ma tin osọha de; tite bo to wiwà, OKLUNỌ ni tin to de we. ¹⁷Davidi ga degbèna ahọvi Islaeli ton lẹpo nado gọalọna Sọlọmọni visunnu etọn, dọmọ, ¹⁸OKLUNỌ Jiwheyẹwhe mìtọn ma ka tin to mì de? ewọ ma ka ko na ogbọjẹ mì to awà lẹpo ji? na é ko jó tòmẹnu aigba lọ tọn lẹ do alọ ṣie mẹ; yè ko sọ zin aigba lọ dai to OKLUNỌ nukọn, podọ to omẹ etọn lẹ nukọn. ¹⁹Dinvie mì ni zé ayiha mìtọn po alindọn mìtọn po do nado nọ din OKLUNỌ Jiwheyẹwhe mìtọn; enẹwutu mì tite bo dó fiwiwe OKLUNỌ Jiwheyẹwhe tọn lọ, nado hẹn alki alẹ̀nù OKLUNỌ tọn tọn lọ, po nuzinzán wiwe Jiwheyẹwhe tọn lẹ lọ po, wá biọ ohò he tin nado yín didó hlan oyín OKLUNỌ tọn lọ mẹ.

¹DINVIE Davidi yín mẹho susu bo sọ gó na azán lẹ; é sọ yí Sọlọmọni visunnu etọn do basi ahọlu do Islaeli ji ²E sọ sinyan ahọvi Islaeli tọn lẹpo pli, po yẹwhenọ le po po Levinu lẹ po ³Vè sọ ma sọn owhè ogbàn mẹho mẹ yìaga: osọha yetọn gbọn ota yetọn lẹ dali, sunnu dopodopo yín fọtọ́n gbàntọ́nnukunatọ̀n. ⁴Sọn ehelẹ mẹ fọtọ́n konukunẹnẹ tin nado pọ́n azón ohò OKLUNỌ tọn tọn go; podọ fọtọ́n ṣidopo yín gbonugán lẹ po whẹ̀datọ lẹ po: ⁵podọ fọtọ́n ẹnẹ yín hònjinọtọ lẹ; fọtọ́n ẹnẹ ni nọ yí nuzinzán he yẹn bà, si lẹ do nọ pà OKLUNỌ, nadọ nọ yí do pa, wẹ Davidi dọ. ⁶Davidì sọ má yé do kàntakànta mẹ kẹdẹdi visunnu Levi tọn lẹ; Gelsọni, Kohati, pọ Mẹlali po. ⁷Son Gẹlsọninu lẹ mẹ; Ladani po Ṣimei pò. ⁸Visunnu Ladani tọn lẹ; Jehlẹlì ogán lọ, po Zetanì po, po Joẹli po, àlòn. ⁹Visunnu Ṣimei tọn lẹ; Ẹlelomọti, po Haziẹli po, po Halani po, atọ̀n. Ehelẹ wẹ ogán owhé otọ́ Ladani tọn lẹ tọn lẹ tọn. ¹⁰Visunnu Ṣimei tọn lẹ; Jahati, Zina, po Jeúsi po, po Beliai po. Ẹnẹ helẹ wẹ visunnu Ṣimei tọn lẹ. ¹¹Jahati wẹ ogán lọ, Ziza wẹ awétọ: ṣigba Jeuṣi po Belia po ma tindo visunnu susu gba; enẹwutu yé lẹzùn owhé otọ́ lẹ tọn de to linlẹn dopo mẹ. ¹²Visunnu Kohati tọn lẹ; Amlami, Ihzali, Heblọni, po Uziẹli po, ẹnẹ. ¹³Visunnu Amlami tọn lẹ; Aalọn po Moṣe po: yè sọ klan Aalọn, na ewọ nido nọ lẹ̀ onú wiwe gbahugbahu lẹ wé, ewọ po visunnu etọn lẹ po, doidoi, nado nọ mẹ̀ nuyọnwán to OKLUNỌ nukọn, nado nọ wàdevizọ́n hlan ẹn, podọ nado nọ dona to oyín etọn mẹ, doidoi. ¹⁴Ṣigba na Moṣe omẹ Jiwheyẹwhe tọn tọn, yè ylọyín visunnu etọn lẹ to whẹndo Levi ton ṣẹnṣẹn. ¹⁵Visunnu Moṣe tọn lẹ; Gẹlṣọmi po Eliezeli po. ¹⁶Visunnu Gẹlṣomi tọn lẹ; Ṣẹbueli ogán lọ. ¹⁷Visunnu Eliezeli tọn lẹ wẹ, Lehabia ogán lọ. Eliezeli ma sọ tindo visunnu lẹ devo gba; ṣigba visunnu Lehabia tọn lẹ yín susu gbahu. ¹⁸Visunnu Izhali tọn lẹ; Sẹlomiti ogán lọ. ¹⁹Visunnu Heblọni tọn lẹ; Jelia ogán lọ, Amalia awetọ lọ, Jahaziẹli atọ̀ntọ lọ, po Jekameami ẹnẹtọ lọ po. ²⁰Visunnu Uziẹli tọn lẹ; Mika ogán lọ, po Isia awetọ lọ po. ²¹Visunnu Mẹlali tọn lẹ; Mahli po Muṣi po. Visunnu Mahli tọn lẹ; Eleazali po Klẹi po ²²Eleazali kú, bo ma tindo visunnu lẹ de, adavo viyọnnu lẹ kẹdẹ: mẹmẹsunnu yetọn lẹ visunnu Kisi tọn lẹ dà yé hlan asi. ²³Visunnu Muṣi tọn lẹ; Mahli, po Edeli po, po Jelemoti po, atọ́n. ²⁴Ehelẹ wẹ visunnu Levi tọn lẹ kẹdẹdi owhé otọ́ yetọn lẹ tọn lẹ, yèdọ ogán owhé otọ́ enelẹ tọn sọn yé he yè hia lẹ mẹ lẹ tọn lẹ, to osọha oyín lẹ tọn gbọn ota yetọn lẹ dali, mẹhe nọ wàzọ́n na sinsẹ̀n ohọ̀ OKLUNỌ tọn tọn lẹ sọn owhè òko mẹho podọ yìaga. ²⁵Na Davidi dọmọ, OKLUNỌ, Jiwheyẹwhe Islaeli tọn, ko na ogbọjẹ hlan omẹ etọn lẹ; é sọ nọ nọ̀ Jelusalẹm mẹ doidoi: ²⁶podọ ga Levinu lẹ ma to na sọ jẹtukla nado nọ zé gohọ̀túntún lọ po nuzinzán e tọn lẹpo po hẹn na sinsẹ̀n etọn ba. ²⁷Na gbọn ohó gbọngodo Davidi tọn lẹ dali yè hia visunnu Levi tọn lẹ sọn owhè òko mẹho podọ yìaga. ²⁸Na azọ́ntẹn yetọn wẹ nado nọ nọte to visunnu Aalọn tọn lẹ de na sinsẹ̀n ohò OKLUNỌ tọn tọn, to otògùn lẹ mẹ, podọ to abò lẹ mẹ, podọ to hinhẹnwa onú wiwe lẹpo tọn mẹ, yèdọ azọ́n sinsẹ̀n ohọ̀ Jiwheyẹwhe tọn lọ tọn tọn: ²⁹na akla-adlọ lọ ga, podọ na olinfin dagbedagbe lọ na avọ́ nunina ojinúlili tọn de, eyín sọn aklawadawada madotọ́n lẹ mẹ, kavi sọn enẹ he yè hi to opànu mẹ, kavi sọn enẹ he yè ylọndosìnmẹ mẹ, podọ na alọpalọpa nujlẹnu po ojlẹ lẹpo po tọn; ³⁰podọ nado ṣite to afọnnu-afọnnu nado nọ dopẹ́ bo sọ pà OKLUNỌ, podọ mọkẹdẹ to whèjai; ³¹podọ nado nọ na avọ́ nunina mimẹ̀ lẹpo hlan OKLUNỌ, to gbọjẹzán lẹ mẹ, podọ to osún yọ́yọ́ lẹ mẹ, podọ to hùnwhẹ dido lẹ ji, to osọha mẹ kẹdẹdi aṣẹdai lọ gbọn yé tọn dali, tẹgbẹ̃tẹgbẹ̃ to OKLUNỌ nukọn: ³²podọ ye nido nọ payi aṣẹ ogohọ̀ opli tọn go, po aṣẹ otẹn wiwe lọ tọn po, po aṣẹ visunnu Aalọn mẹmẹsunnu yetọn lẹ tọn tọn po, na sinsẹ̀n ohọ̀ OKLUNỌ tọn tọn.

¹KANTA visunnu Aalọn tọn lẹ tọn lọ we ehele. Visunnu Aalọn tọn lẹ; Nadabi po Abihu po, Eleazali po Itamali po. ²Ṣigba Nadabi po Àbihu po kú jẹnukọnna otọ yetọn, bo ma tindo ovi de: enẹwutu wẹ Elẹazali po Itamali po do yí azón yẹwhenọ tọn wà. ³Davidi po Zadọki po sọn visunnu Eleazali tọn lẹ mẹ, po Àhimelẹki po sọn visunnu Itamali tọn lẹ mẹ má yé kẹdẹdi titò yetọn to sinsẹ̀n yetọn mẹ. ⁴Yè mọ sunnusi nukọntọ susu sọn visunnu Eleazali tọn lẹ mẹ hú Sọn visunnu Itamali tọn lẹ mẹ; le wẹ yè sọ má yé do: sọn visunnu Eleazali tọn lẹ mẹ fọtọ̀nnukundopo tin fìnẹ, ogán owhé otọ́ lẹ tọn lẹ; podọ sọn visunnu Itamali tọn lẹ mẹ kẹdẹdi owhé otọ́ yetọn lẹ tọn le, ṣinatòn. ⁵Le we yè má yé do gbọn agègé dali, hunkọ de gọ́na devo; na ogán fiwiwe tọn lẹ tin fìnẹ, po ogán Jiwheyẹwhe tọn lẹ po, awelẹ sọn visunnu Eleazali tọn lẹ mẹ, podọ sọn visunnu Itamali tọn lẹ mẹ. ⁶Ṣemaia visunnu Nẹtanẹli tọn wekàntọ lọ, mẹhe tin sọn Levinu lẹ mẹ, nọ wlan yé to nukọn ahọlu lọ po ogán lẹ po tọn, po Zadọki yẹwhenọ lọ po, po Ahimelẹki visunnu Abiatali tọn po, po nukọntọ owhó otọ́ yẹwhenọ lẹ lọ tọn lẹ tọn po, po Levinu lẹ tọn po: owhé otọ́ lẹ tọn dopo yín ylyí na Eleazali, yè sọ yí dopo na Itamali. ⁷Dinvie agègé tintan wá gbonu jẹ Jehọialibi de, awetọ sọ jẹ Jedaia de; ⁸atọ̀ntọ jẹ Halimi de, ẹnẹtọ jẹ Seolimi de; ⁹atọ̀ntọ jẹ Malkija de, ṣidopotọ jẹ Mijamini de; ¹⁰ṣinawetọ jẹ Hakọzi de, sinatòntọ jẹ Abija de; ¹¹ṣinẹnẹtọ jẹ Jeṣua de, aotọ jẹ Ṣekania de; ¹²widopotọ jẹ Eliasibi de, wiawetọ jẹ Jahimi de; ¹³wiatòntọ jẹ Hupa dẹ, wiẹnẹtọ jẹ Jesebeabi de; ¹⁴fọtọ̀ntọ jẹ Bilga de, fọtọ̀nnukundopotọ jẹ Immeli de; ¹⁵fọtọ̀nnukunawetọ jẹ Hezili de, fọtọ̀nnukunatọ̀ntọ jẹ Hapizezi de; ¹⁶fọtọ̀nnukunẹnẹtọ jẹ Petahia de, òkotọ jẹ Jehẹzkẹli de; ¹⁷konukundopotọ jẹ Jakini de, konukunawetọ jẹ Gamuli de; ¹⁸konukunatóntọ jọ Delaia de, konukunẹnetọ jẹ Maazia de. ¹⁹Ehe wẹ titò yé tọn to sinsẹ́n yetọn mẹ nado, wábiọ ohọ̀ OKLUNỌ tọn mẹ kẹdẹdi ogbèdai yè na hlan yé gbọn alọ Aalọn otọ́ yetọn tọn dali, dile OKLUNỌ, Jiwheyẹw, he Islaeli tọn, ko degbèna ẹn do.

²⁰Podọ sọn pipòtọ visunnu Levi tọn lẹ tọn mẹ: sọn visunnu Amlami tọn lẹ mẹ, Ṣubaẹli; sọn visunnu Ṣubaẹli tọn lẹ mẹ Jehdeia. ²¹Sọn Lehabia mẹ: sọn visunnu Lehabia tọn lẹ mẹ, Isia ogán lọ. ²²Sọn Izhlinu lẹ mẹ Selomọti; sọn visunnu Selomọti tọn lẹ mẹ, Jahati. ²³Visunnu Heblọni tọn lẹ; Jẹlia ogán lọ Amalia awetọ lọ, Jahẹzlẹli atọ̀ntọ lọ, Jekameami ẹnẹtọ lọ. ²⁴Visunnu Uziẹli tọn lẹ, Mika; sọn visunnu Mika tọn lẹ mẹ, Samili. ²⁵Nọvisunnu Mika ton, Isia: sọn visunnu Isia tọn lẹ mẹ, Zekalia. ²⁶Visunnu Mẹlali tọn lẹ; Mahli po Muṣi po: visunnu Jaazia tọn lẹ; Beno. ²⁷Visunnu Mẹlali tọn lẹ; sọn Jaazia mẹ, Beno, po Sohamì po, po Zakuli po, po íbli po. ²⁸Sọn Mahli mẹ; Eleazali, mẹhe ma tindo visunnu lẹ de. ²⁹Sọn Kisi me; visunnu Kisi tọn lẹ, Jelahmeẹli. ³⁰Visunnu Muṣi tọn lẹ; Mahli, po Ẹdeli po, po Jehmọti po. Ehelẹ wẹ visunnu Levinu lẹ tọn lẹ kẹdẹdi owhé otọ́ yetọn lẹ tọn lẹ. ³¹Ehelẹ mọkẹdẹga dèvò lẹ yèdọ kẹdẹdi mẹmẹsunnu yetọn visunnu Aalọn tọn lẹ to nukun Davidi ahọlu tọn mẹ, po Zadọki po, po Ahimelẹki po, po ogán owhé otọ́ yẹwhenọ lẹ tọn lẹ tọn tọn po Levinu lẹ tọn po; owhé otọ́ ogán lọ tọn lẹ tọn lẹ yèdọ di enẹlẹ sọn nọvisunnu etọn pẹvi mẹ.

¹HUMỌ Davidi po awhàngán awhànpa lọ tọn lẹ po klan dẽlẹ sọn visunnu Asafi tọn lẹ mẹ na sinsẹ̀n lọ, podọ sọn Hemani mẹ, podọ sọn Jẹdutuni mẹ, mẹhe na nọ yí Ajalẹn lẹ po asiazón hànjinu lẹ po, po ojògàn lẹ po do nọ dọdọdai: psọha yé he nọ yàzón lọ tọn kẹdẹdi sinsẹ̀n yetọn wẹ: ²sọn visunnu Asafi tọn lẹ mẹ; Zakuli, po Josẹfu po, po Natania po, po Àsalela po, visunnu Asafi tọn lẹ; to alọ Asafi tọn glọ, mẹhe nọ dọdọdai kẹdẹdi titò ahọlu tọn. ³Sọn Jẹdutuni mẹ: visunnu Jẹdutuni tọn lẹ; Gedalia, po Zeli po, po Jesaia po, Hasabia, po Matitia pó, ṣidopo; to alọ Jẹdutuni otọ́ yetọn tọn lẹ mẹ po ajalẹn po, mẹhe nọ dọdọdai to opé lẹ nina po OKLUNỌ pipa po mẹ. ⁴Sọn Hemani mẹ: visunnu Hemani tọn lẹ; Bukia, Matania, Uziẹli, Ṣẹbueli, po Jẹlimoti po, Hanania, Hanani, Eliata, Gidalti, po Lomamti-ezẹli po, Jọṣbekaṣa, Maloti, Hotili, Mahazioti: ⁵ehe lẹpo wẹ visunnu Hemani: numọtọ aholu tọn tọn lẹ to oho Jiwheyẹwhe ton le me, nado nọ zé azò lọ daga. Jiwheyẹwhe sọ na hlan Hemani visunnu wiẹnẹ po viyonnu atọ̀n po. ⁶Ehe lẹpo tin to alọ otọ́ yetọn tọn le glọ na ohàn to ohò OKLUNỌ tọn mẹ, po ajògàn lẹ po, asiazọ́n hànjinu lẹ po ajalẹn lẹ po, na sinsẹ̀n ohò Jiwheyẹwhe ton ton; Asafi, Jẹdutuni, po Hemani po tintin to titò ahọlu tọn glọ. ⁷Osọha yé tọn, po mẹmẹsunnu yetọn he ye naplón tohànjiji mẹ hlan OKLUNỌ, yèdọ ehe yín zìnzìntọ lẹpo po, yín fọdekanweṣinatọ̀n. ⁸Yé sọ dèvò lẹ na ase yetọn lẹ; popolepo zẹ̀nzẹn, mẹpevi di mẹdaho mẹplontọ di nuplọ́ntọ. ⁹Dinvie ovò tintan wá gbonu na Asafi jẹ Josẹfu de: awetọ lọ jẹ Gedalia de; ewọ po mẹmẹsunnu eton lẹ po pọ visunnu lẹ po yín wiawe: ¹⁰atọ̀ntọ lọ jẹ Zakuli de, visunnu etọn lẹ po mẹmẹsunnu etọn lẹ po, wiawe: ¹¹ẹnẹtọ lọ jẹ Izli de, visunnu etọn lẹ po mẹmẹsunnu etọn lẹ po, wiawe: ¹²atọ̀ntọ, lọ jẹ Nẹtania de, visunnu etọn lẹ po mẹmẹsunnu etọn lẹ po, wiawe: ¹³ṣidopotọ lọ jẹ Bukia de, visunnu etọn lẹ po mẹmẹsunnu etọn lẹ po, wiawe: ¹⁴ṣinawetọ lọ jẹ Jesalela de, visunnu etọn lẹ po mẹmẹsunnu etọn le po, wiawe: ¹⁵ṣinatòntọ lọ jẹ Jeṣaia de, visunnu etọn lẹ po; mẹmẹsunnu etọn lẹ po, wiawe: ¹⁶ṣinẹnẹtọ lọ jẹ Matania de, visunnu etọn lẹ po mẹmẹsunnu eton lẹ po, wiawe: ¹⁷aotọ lọ jẹ Ṣimei de, visunnu etọn lẹ po mẹmẹsunnu etọn lẹ po, wiawe: ¹⁸widopotọ lọ jẹ Azalẹli de, visunnu etọn lẹ po mẹmẹsunnu etọn lẹ po, wiawe: ¹⁹Wiawetọ lọ jẹ Hasabia de, visunnu etọn lẹ po mẹmẹsunnu etọn lẹ po, wiawe: ²⁰na wiatọnto lọ, ṣubaẹli, visunnu etọn lẹ po mẹmẹsunnu etọn lẹ po, wiawe: ²¹na wiẹnẹtọ lọ Matitia, visunnu etọn lẹ po mẹmẹsunnu etọn lẹ po, wiawe: ²²na fọtọ̀ntọ, lọ jẹ Jẹlemọti de, visunnu etọn lẹ po mẹmẹsunnu etọn lẹ pò, wiawe: ²³na fọtọ̀nnukundopotọ lọ jẹ Hanania de, visunnu etọn lẹ po mẹmẹsunnu etọn lẹ po, wiawe: ²⁴na fọtọ̀nnukunawetọ lọ je Jọṣbekaṣa de, visunnu etọn lẹ po mẹmẹsunnu etọn lẹ po, wiawe: ²⁵na fọtọ̀nnukunatọ̀ntọ lọ jẹ Hanani de, visunnu etọn lẹ po mẹmẹsunnu etọn le po, wiawe: ²⁶na fọtọ̀nnukunẹnetọ lọ jẹ Maloti de, visunnu etọn lẹ po mẹmẹsunnu etọn lẹ po, wiawe: ²⁷na òkotọ lọ jẹ Eliata de, visunnu etọn lẹ po mẹmẹsunnu etọn lẹ po, wiawe. ²⁸Na òkonukundopotọ lọ jẹ Hotili de, visunnu etọn le po mẹmẹsunnu etọn lẹ po, wiawe: ²⁹na òkonukunawetọ lọ jẹ Gidalti de, visunnu eton lẹ po mẹmẹsunnu, ẹtọn lọ po, wiawe ³⁰na òkonukunatọ̀ntọ lọ jẹ Mahazioti de, visunnu etọn lẹ po mẹmẹsunnu etọn lẹ po, wiawe: ³¹na òkonukunẹnẹtọ lọ jẹ Lamamti-ezẹli de, visunnu etọn lẹ po mẹmẹsunnu etọn lẹ po, wiawe.

¹NA ọkanta hònjinọto le tọn; sọn Kolanu lẹ me: Mẹṣẹlemìa visunnu Kole tọn, sọn visunnu Asafi tọn lẹ mẹ. ²Mẹṣẹlemia sọ tindo visunnu lẹ, Zekalia oplọnji lọ, Jediaeli awetọ lọ, Zebadia atọ̀nto lọ, Jatniẹli ẹnẹto lọ; ³Elami atọ̀ntọ lọ, Jehọhanani sidopotọ lọ, Eliẹhoenai sinawetọ lọ. ⁴Obẹdi-edọmi sọ tindo visunnu lẹ; Ṣemaia oplọnji lọ, Jehozabadi awetọ lọ, Joa atọ̀ntọ lọ, po Sakali ẹnẹtọ lọ po, po Nẹtanẹli atọ̀ntọ lọ po; ⁵Amieli ṣidopotọ lọ, Isakali ṣinawetọ lọ, Peuletai ṣinatòntọ lọ: na Jiwheyẹwhe dona ewọ. ⁶Yè sọ ji visunnu lẹ hlan visunnu etọn Ṣemaia ga, he dugán to owhé otọ̀ yetọn tọn jl; na yé yín omẹ hlọnhlọnnọ tudido tọn. ⁷Visunnu Ṣemaia tọn lẹ; Otni, po Lẹfaẹli po, po Obẹdi po, Elzabadi, mẹmẹsunnu mẹhetọn lẹ yín omẹ huhlọnnọ lọ, Elihu po Semakia po. ⁸Ehe lẹpo tin sọn visunnu Obẹdi-edọmi tọn lẹ mẹ: yéwlẹ po visunnu yetọn lẹ po po mẹmẹsunnu yetọn lẹ po, omẹ sọgan to huhlọn me na sinsẹ̀n lọ; kandegbànnukunawe sọn Obẹdi-edọmi mẹ. ⁹Podọ Mẹṣẹlemia sọ tindo visunnu lẹ po mẹmẹsunnu lẹ pọ, omẹ huhlọnnọ lẹ, fọtọ̀nnukunatọ̀n. ¹⁰Hosa ga, sọn ovi Mẹlali tọn lẹ mẹ, tindo visunnu lẹ: Simli ogán lọ, (na le é ma tlẹ yín: oplọnji sọ, gãnṣo otò yí i do basi ogán;) ¹¹Hilkia awetọ lọ, Tebalia atọ̀ntọ lọ, Zekalia ẹnẹtọ lọ: visunnu, po mẹmẹsunnu Hosa tọn lẹpo po yín wiatòn. ¹²Sọn ehelẹ mẹ wẹ okànta hònjinọtọ lẹ tọn lẹ te, yèdọ sọn ogán gbẹtọ lẹ tọn mẹ, he tindo asẹ lẹ taidi mẹmẹsunnu yetọn lẹ nkọ, nado nọ wàdevizọ́n to ohò OKLUNỌ tọn mẹ. ¹³Yé sọ dèvò lẹ, mẹpẹvi di mẹdaho, kẹdẹdi owhé otọ̀ yetọn lẹ tọn lẹ, na họngbo lẹ dopodopo. ¹⁴Ovò lọ hlan whèzẹtẹndali flẹ jẹ Ṣelemia de. Whenẹnu na Zekalia visunnu etọn, hónamẹtọ hóyọnẹntọ de, é dèvò lẹ; ovò etọn sọ wá gbonu hlanagewàjidali. ¹⁵Jẹ Obẹdi-edọmi de hlanhùwàjidali; podọ agbànhọ́ jẹ visunnu etọn lẹ dé. ¹⁶Jẹ Supimi po Hosa po de hlan whèyìhọ̀ dali, to hòngbo Salekẹti tọn dali, to aigba he yì aga ji, agbó pannukọn agbó. ¹⁷Levinu ṣidopo tin to whèztendali, to agewàjidali ẹnẹ to gbèdopo, hùwàjidali ẹnẹ to gbèdopọ, podọ na agbànhọ̀ lọ awe awe. ¹⁸Na Okùle hlanwhèyìhọ̀dali, enẹ to aligà lọ ji, podọ awe to okùle lọ ji. ¹⁹Ehele wẹ okànta hònjinọtọ lẹ tọn lẹ; sọn visunnu Kolanu lẹ tọn mẹ, podọ Sọn visunnu Mẹlali tọn lẹ mẹ.

²⁰Sọn Levinu lẹ mẹ, Ahija tin to adọkunnu ohò Jiwheyẹwhe tọn tọn lẹ ji, podọ to adọkunnu onú klandowiwe lẹ tọn lẹ ji. ²¹Visunnu Ladani tọn lẹ; visunnu Gẹlsọninu lé tọn he yín Ladani tọn lẹ, ogán owhé otọ lẹ tọn lẹ tọn he yín Ladani Gẹlsọninu lọ tọn; Jehieli. ²²Visunnu Jehieli tọn lẹ; Zetami, po Joẹli nọvisunnu etọn lẹ po, to adọkunnu ohò OKLUNỌ tọn tọn lẹ ji. ²³Sọn Amlaminu lẹ mẹ, sọn Izhalinu lẹ mẹ, sọn Heblọninu lẹ mẹ, sọn Uziẹlinu lẹ mẹ: ²⁴po Sebuẹli visunnu Gẹlṣọmi tọn po, visunnu Moṣe tọn, wẹ ogán to adọkunnu lẹ ji. ²⁵Po mẹmẹsunnu etọn lẹ po; Lehabia visunnu etọn sọn Eliezeli mẹ wá, po Jẹẹaia visunnu etọn po, po Jolami visunnu etọn po, po Zikli visunnu etọn po, po Ẹẹloinoti visunnu étọn po. ²⁶Sẹlomoti he po mẹmẹsunnu etọn lẹ po tin to adọkunnu onú klandowiwe lẹpo tọn lẹ ji, ehe Davidi ahọlu, po ogán owhé otọ́ lẹ tọn lẹ tọn, awhàngán lẹ to fọtọ́n lẹ po kanweko lẹ po ji, po awhàngán awhànpa tọn lẹ po, ko klandowiwe. ²⁷Sọn ogblannu dùdù to awhàn lẹ mẹ wẹ yé klandowiwe nado jla ohó OKLUNỌ tọn do. ²⁸Podọ ehe Samuẹli numọtọ lọ, po Sauli visunnu Kisi tọn po, pò Abneli visunnu Nẹli tọn po, po Joabi visunnu Zeluia tọn po, ko klandowiwe lẹpo; onú depope mẹdepope klan do wiwe, é tin to alọ Ṣẹlomoti tọn mẹ, podọ to mẹmẹsunnu etọn lẹ tọn mẹ. ²⁹Sọn Izhalinu lẹ mẹ Kẹnania po visunnu etọn lẹ po tin na azón gbonu tọn to Islaeli ji, na gbonugán lẹ po whẹdatọ lẹ po. ³⁰Sọn Heblọninu lẹ mẹ, Haṣabia pó mẹmẹsunnu etọn le po, omẹ tudido tọn lẹ, fọsinatọ̀nkanweko tindo nugopinpón Islaeli tọn to Jọdani gododọ̃n hlanwhèyìhọ̀dali; na azón OKLUNỌ tọn lẹpo, podọ na sinsẹ̀n ahọlu tọn. ³¹Sọn Heblọninu lẹ mẹ wẹ Jẹlija ogán lọ, yèdọ sọn Heblọninu lẹ mẹ, kẹdẹdi whẹndo yetọn lẹ gbọn owhé otọ́ lẹ tọn lẹ dali. To owhè kàndetọ ahọludu Davidi tọn tọn mẹ wẹ yè din yé, yè sọ mọ omẹ hlọnhlọnnọ tudido tọn le yé ṣẹnṣẹn to Jazeli Gileadi tọn mẹ. ³²Po mẹmẹsunnu etọn lẹ po, omẹ tudido tọn lẹ, yín fọtọ́n awe po nuọntónkanweko po, ogán owhé otọ́ lẹ tọn lẹ tọn, mẹhe Davidi ahọlu yí do basi nugopóntọ lẹ to Leubẹninu lẹ jì, po Gadinu lẹ po, po odá whẹndo Manasẹnu lẹ tọn po, na owhẹhó depope he yín Jiwheyẹwhe tọn, podọ na nuwiwà ahọlu tọn lẹ.

¹DINVIE ovi Islaeli tọn lẹ kẹdẹdi osọha yetọn, nado dọ, ogán owhé otọ́ lẹ tọn tọn lẹ po awhàngán fọtọ́n lẹ tọn lẹ pọ po kanweko lẹ tọn lẹ po, po gbonugán yetọn lẹ po hé nọ sẹ́n ahọlu to owhẹhó okanta lẹ tọn depope mẹ he wá whégbe bo sọ jẹgbonu to sùnmẹ-sùnmẹ gbọn osùn owhè tọn lẹpo mẹ, sọn okanta dopodopo mẹ yín fọtọ́n kònukunẹnẹ. ²To okanta tintan ji na osùn tintan wẹ Jasobéami visunnu Zabdiẹli tọn: podọ to okanta etọn mẹ wẹ fọtọ́n kònukunẹnẹ te. ³Ewọ tin sọn ovi Pẹlezi tọn lẹ mẹ, ogán awhàngán awhànpa lọ tọn tọn lẹpo na osùn tintan. ⁴Podọ to okanta osùn awetọ tọn lọ ji wẹ Dọdai Ahohinu lọ, po okanta etọn po; po Mikloti ogán lọ po: podọ to òkanta etọn mẹ wẹ fọtọ́n kònukunẹnẹ te. ⁵Awhàngán atọ̀ntọ awhànpa lọ tọn na osùn atọ̀ntọ wẹ Benaia, visunnu Jehọiada yẹwhenọ lọ tọn, ogán: podọ to okanta etọn mẹ wẹ fọtọ́n kònukunẹnẹ te. ⁶Ehe wẹ Benaia nẹ, mẹhe yín sunnu hlọnhlọnnọ ogbàn tọn, podọ to ogbàn ji: podọ okanta etọn mẹ wẹ Amìzabadi visunnu etọn sọn. ⁷Awhàngán ẹnẹtọ na osùn ẹnẹtọ wẹ Asahẹli nọvisunnu Joabi tọn, po Zebadaia visunnu etọn po to godo etọn: podọ to okanta etọn mẹ wẹ fọtọ́n kònukunẹnẹ te. ⁸Awhàngán atóntọ na osùn atọntọ wẹ Ṣamhuti Izlahinu lọ: podọ to okanta etọn mẹ wẹ fọtọ́n kònukunẹne te; ⁹Awhàngán ṣidopotọ na osùn ṣidopotọ wẹ Ila visunnu Ikẹṣi Tekoinu lọ tọn: podọ to okanta etọn mẹ wẹ fọtọ́n kònukunẹne te. ¹⁰Awhàngán ṣinawetọ na osùn ṣinawetọ wẹ Helẹzi Pẹloninu lọ, sọn ovi Eflaimi tọn lẹ mẹ: podọ to okanta etọn mẹ wẹ fọtọ́n kònukunẹne te. ¹¹Awhàngan ṣinatòntọ na osùn sinatòntọ wẹ Sibekai Husatinu lọ, sọn Zelahinu lẹ mẹ: podọ to okanta etọn mẹ wẹ fọtọ́n kònukunẹnẹ te. ¹²Awhàngán ṣinẹnẹtọ na osùn ṣinẹnẹtọ wẹ Abiezeli Anatotinu lọ, sọn Bẹnjamini mẹ: podọ to okanta etọn mẹ wẹ fọtọ́n kònukunẹnẹ te. ¹³Awhàngán aotọ na osùn aotọ wẹ Mahalai Nẹtofatinu lọ, sọn Zelahinu lẹ mẹ: podọ to okanta etọn mẹ wẹ fọtọ̀n kònukunẹnẹ te. ¹⁴Awhàngán widopotọ na osùn widopótọ wẹ Benaia Pelatoninu lọ, sọn ovi Eflaimi tọn lẹ mẹ: podọ to okanta etọn mẹ wẹ fọtọ́n konukunẹnẹ te. ¹⁵Awhàngan wiawetọ na osùn wiawetọ wẹ Hẹldai Nẹtofatinu lọ, sọn Otniẹli mẹ: podọ to okanta etọn mẹ wẹ fọtọ́n kònukunẹnẹ te.

¹⁶Hugánmọ to whẹndo Islaeli tọn lẹ ji: sọn Leubẹninu lẹ mẹ wẹ Eliezeli visunnu Zikli ogán lọ tọn: sọn Simeọninu lẹ mẹ Sẹfatia visunnu Maaka tọn: ¹⁷sọn Levi mẹ Hasabìa visunnu Kemuẹli tọn: sọn Aalọn mẹ, Zadọki: ¹⁸sọn Juda mẹ, Ẹlihu, dopo sọn mẹmẹsunnu Davidi tọn lẹ mẹ: sọn Isakali mẹ, Omli visunnu Mikaẹli tọn: ¹⁹sọn Zẹbuluni mẹ, Ismaia visunnu Obadia tọn: sọn Naftali mẹ Jelẹmoti visunnu Azliẹli tọn: ²⁰sọn ovi Eflaimi tọn lẹ mẹ, Hosea visunnu Azazia tọn: sọn odá whẹndo Manassẹ tọn mẹ Joẹli visunnu Pedaia tọn: ²¹sọn odá whẹndo Manassẹ tọn mẹ to Gileadi mẹ, Iddo visunnu Zekalia tọn: sọn Bẹnjamini mẹ, Jaasiẹli visunnu Abnẹli tọn: ²²sọn Dani mẹ, Azalili visunnu Jelohami tọn. Ehelẹ wẹ awhàngán whẹndo Islaeli tọn lẹ tọn lẹ ²³Ṣigba Davidi ma yí osọha yé tọn sọn owhè òko mẹho po whèhu po mẹ gba: na OKLUNỌ ko dọmọ é na hẹn Islaeli jideji jijlẹ do sunwhlẹvu olọn tọn lẹ go wutu ²⁴Joabi visunnu Zeluia tọn sọ nado hia, ṣigba bo ma vò ẹ gba; homẹgble sọ wá Islaeli ji na ehe; mọ yè ma sọ yí osọha lọ biọ olẹnpli mẹ to otànnugbo Davidi ahọlu tọn lẹ mẹ gba.

²⁵Podọ to adọkunnu ahọlu tọn lẹ ji wẹ Azmaveti visunnu Adiẹli tọn te: podọ to adọkunnu to òdanji mẹ lẹ ji, to tòdaho lẹ mẹ, podọ to ogbéta lẹ mẹ, podọ to whéhla le mẹ, wẹ, Jonatani visunnu Uzia tọn te: ²⁶podọ to yé he nọ wà azón odanji tọn lẹ ji na pipọ aigba tọn wẹ Ezli visunnu Kẹlubi tọn te: ²⁷podọ to vẹ̃ngle lẹ jì wẹ Ṣimei Lamatinu lọ te: podọ to jideji vẹ̃ngle lẹ tọn ji na odla lẹ na ovẹ̃n wẹ Zabdi Ṣifminu lọ te: ²⁸podọ to atin oliviẹli tọn lẹ ji po atin sìkomole tọn lẹ po he tin to dòdò mẹ lẹ wẹ Baalhanani Gedelìnu lọ te: podọ to odla amì tọn lẹ ji wẹ Joaṣi te: ²⁹podọ to oyìnpó he nọ dù to Ṣalọni mẹ lẹ ji wẹ Ṣitlai Ṣalọninu lọ te: podọ to oyìnpó he tin to agbàdo mẹ lẹ ji wẹ ṣafati visunnu Adlai tọn te: ³⁰podọ to kanklosọpónọ lẹ ji wẹ Obili Iṣmaelinu lọ te: podọ to kẹtẹkẹtẹ lẹ ji wẹ Jehdeia Mẹlonotinu lọ te: ³¹podọ to lẹngbọpa lẹ ji wẹ Jazizi Haglinu lọ te. Ehe lẹpo wẹ ogán agbàn he yín Davidi ahọlu tọn tọn lẹ.

³²Jonatani tavẹ Davidi tọn wẹ hónamẹtọ de ga: dawe wuntùntùn tọn de, wékantọ de: Jehlẹli visunnu Hakinọni tọn tin to visunnu ahọlu tọn lẹ de: ³³Ahitofẹli wẹ hónamẹtọ ahọlu tọn: Huṣai Alkinu lọ wẹ ohọntọ̀n ahọlu tọn: ³⁴to Ahitọfẹli godo wẹ Jehọiada visunnu Benaia tọn po Abiatali po: awhàngán awhànpa ahọlu tọn lọ tọn wẹ Joabi.

¹DAVIDI sọ pli ogán Islaeli tọn lẹpo, ogán whẹndo le tọn lẹ, po awhàngán ogbẹ́ lẹ tọn lẹ po he nọ sẹ̀n ahọlu gbọn okanta dali lẹ, po awhàngán fọtọ́n lẹ tọn le po, po awhàngán kanweko lẹ tọn lẹ po, po ogán to agbàn po nutindo ahọlu tọn lẹpo po ji po visunnu etọn lẹ tọn po, gọ́na ojọ lẹ, po omẹ hlọnhlọnnọ le po, yèdọ omẹ hlọnhlọnnọ tudido tọn lẹ, do Jelusalẹm. ²Whenẹnu wẹ Davidi ahọlu tite nọte to afọ etọn lẹ ji, bo dọmọ, Mẹmẹsunnu ṣie po omẹ ṣie lẹ po emi, mì sè mi: na yẹn tọn, é tin to ayiha ṣie mẹ nado dó ohò ogbọjẹ tọn de na alki alẹ̀nù OKLUNỌ tọn tọn, podọ na tokloafọligbé Jiwheyẹwhe mìtọn ton; yẹn ko sọ basi awuwle na didó lọ. ³Ṣigba Jiwheyẹwhe dọ hlan mi dọmọ, Hiẹ ma na dó ohò de na oyín ṣie gba, na hiẹ yín omẹ awhàn tọnde wutu, bo ko sọ kòn ohùn dai. ⁴Ṣogãn OKLUNỌ, Jiwheyẹwhe. Islaeli tọn, dè mi sọn owhé otọ́ ṣie tọn lẹpo mẹ nado yín ahọlu to Islaeli ji doidoi: na é ko dè Juda nado yín nukọntọ; podọ to owhé Juda tọn gbè, owhé otọ́ ṣie tọn; podọ to visunnu otọ́ ṣie tọn lẹ ṣẹnṣẹn é yí homẹhùn to yẹn mẹ nado hẹn mi yín ahọlu to Islaeli lẹpo ji: ⁵podọ sọn visunnu ṣie lẹpo mẹ (na OKLUNỌ ko na visunnu susu mi,) ewọ ko dè Sọlọmọni visunnu ṣie nado sín ofin ahọludu OKLUNỌ tọn tọn ji to Islaeli; ji. ⁶E sọ dọ hlan mi dọ, Sọlọmọni visunnu towe ewọ wẹ na dó ohò ṣie po akanmahó ṣie lẹ po: na yẹn ko dè ewọ nado yín visunnu siè, yẹn na sọ yín otọ́ etọn. ⁷Yẹn na sọ hen ahọludu etọn lódo doidoi, eyín ewọ yín tenọtọ nado nọ basi gbèdide ṣie le po whẹ̀dida ṣie lẹ po dile é te to egbé he. ⁸Enẹwutu dinvie, to nukun Islaeli lẹpo tọn mẹ, agùn OKLUNỌ tọn lọ, podọ to sisè Jiwheyẹwhe mìtọn tọn mẹ, payi bo sọ nọ din gbèdide OKLUNỌ Jiwheyẹwhe mítọn tọn lẹpo mọ: na mìwlẹ nido tindo aigba dagbe he, bo sọ jó e dai na ogú de hlan ovi mìtọn lẹ to mì godo doidoi ⁹Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi. ¹⁰Yi ayipa dinvie; na OKLUNỌ ko dè we nado dó ohọ̀ na fiwiwe lọ: yín huhlọnnọ, bo sọ wà ẹ.

¹¹Whenẹnu wẹ Davidi na hlan Sọlọmọni visunnu etọn ohia agbàsẹ tẹmpli lọ tọn tọn, po ohò etọn lẹ tọn po, po adọkunnu etọn lẹ tọn po, po hómẹ aga etọn lẹ tọn po, po abò hòmẹ etọn lẹ tọn po, po otẹn lẹblanu-lipo tọn tọn po: ¹²ohia ehe é tindo to gbigbọ etọn mẹ tọn lẹpo, na akanmahó ohò OKLUNỌ tọn tọn lẹ, podọ na abò lẹpo lédolédo, podọ na adọkunnu ohó Jiwheyẹwhe tọn tọn lẹ podọ na adọkunnu onú klandowiwe lẹ tọn lẹ: ¹³na okanta yẹwhenọ lẹ tọn lẹ ga po Levinu lẹ po, podọ na azón sinsẹ̀n tọn ohọ̀ OKLUNỌ tọn tọn lẹpo tọn, podọ na nuzinzán sinsẹ̀n tọn lẹpo to ohọ̀ OKLUNỌ tọn mẹ: ¹⁴sọn sika mẹ gbọn jijlẹ dali na nuzinzán sika tọn, na nuzinzán hunkọ sinsẹ̀n dopodopo tọn lẹpo tọn; sọn fataka mẹ na nuzinzán fataka tọn lẹpo gbọn jijlẹ dali, na nuzinzán hunkọ dopodopo tọn lẹpo tọn: ¹⁵gbọn jijlẹ dali ga na zogbántin sika tọn lẹ, podọ na miyọngbán etọn lẹ, sọn sika mẹ, gbọn jijlẹ dali na zogbántin dopodopo podọ na miyọngbán etọn: podọ na zogbántin fataka tọn lẹ, fataka gbọn jijlẹ dali na zogbántin dopodopo podọ na miyọngbán etọn lẹ, kẹdẹdi zinzán zogbántin dopodopo tọn: ¹⁶podọ sika gbọn jijlẹ dali na tafo akla-adlọ tọn lẹ, na tafo dopodopo; fataka na tafo fataka tọn lẹ: ¹⁷podọ opla lẹ, po ṣiklẹ lẹ po, po kọfo lẹ po, sọn sika dagbedagbe mẹ: podọ na apánko sika tọn lẹ gbọn; jijlẹ dali na apánko dopodopo; podọ na apánko fataka tọn lẹ gbọn jijlẹ dali na apánko dopodopo: ¹⁸podọ na agbà nuyọnwán tọn sika kinkọ̀n gbọn jijlẹ dali: podọ sika na ohia kẹkẹ tọn, yèdọ kẹlubimi lọ, he kẹ̀ awà yetọn jẹgbonu, bo ṣinyọn alki alẹ̀nù OKLUNỌ tọn tọn ji. ¹⁹Ehe lẹpo, Davidi dọ, we OKLUNỌ hẹn mi tùnwun to wékinkan mẹ gbọn alo etọn mẹ, yèdọ azón ohia he tọn lẹpo. ²⁰Davidi sọ dọ hlan Sọlọmọni visunnu etọn dọmọ, Yín huhlọnnọ po tudotọ dagbe tọn po, bo wà ẹ: a dibu blo, kavi yín núhatọ blo: na OKLUNỌ Jiwheyẹwhe, yèdọ Jiwheyẹwhe ṣie, tin to de we; é ma to na hẹn we whè, kavi gbẹ́ we dai gba, kaka azọ́n na sinsẹ̀n ohọ̀ OKLUNỌ tọn tọn lẹpo do yín vivò. ²¹Bo, dayi e go, okanta yẹwhenọ lẹ tọn lẹ po Levinu lẹ po tọn tin finẹ, na sinsẹ̀n ohò Jiwheyẹwhe tọn lẹpo tọn: finẹ omẹ ojlonọ dopodopo he tindo nuyọnẹn to azọ́n hunkọ lẹpo tọn mẹ, na sinsẹ̀n hunkọ depope tọn, na tin to de we; awhàngán lẹ ga po gbẹtọ lẹpo po na tin petepete to gbèdide towe ji.

¹DAVIDI ahọlu sọ dọ hlan agùn lẹpo dọmọ, Sọlọmọni visunnu ṣie, mẹhe kẹdẹ Jiwheyẹwhe ko dè, gbẹ́ sọ tin to ovu bo sọ bọ, azọ́n lọ sọ yín daho: na ohònmẹ lọ ma tin na gbẹtọ gba, adavo na OKLUNỌ Jiwheyẹwhe. ²Dinvie yẹn ko yí hlọnhlọn ṣie lẹpo do wleawu dai na ohò Jiwheyẹwhe ṣie tọn sika na onú sika tọn lẹ, podọ fataka na onú fataka tọn lẹ, podọ gànvẽ naonú gànvẹ̃ tọn lẹ, ogànyú na onú ogànyú tọn lẹ, podọ atin na onú atin tọn lẹ; zannu oniksi lẹ, po zannu lẹ po nado yín titò, zannu lẹ na azọ́n hòmẹtẹ́, podọ sọn whèkàn hunkọhunkọ lẹ mẹ, po zannu akuẹgégónu wunmẹwunmẹ lẹpo tọn lẹ po, po zannu malble lẹ po to gégé mẹ. ³Humọ ga, na yẹn ko zé ojlo ṣie dote hlan ohọ̀ Jiwheyẹwhe ṣie tọn go wutu, mimọ dọ yẹn tindo adọkunnu ṣie titi sika tọn, po fataka po, yẹn na ẹn hlan ohò Jiwheyẹwhe ṣie tọn, linlan bo sọ sùhú ehe yẹn ko wleawu dai na ohò wiwe lọ; ⁴Yèdọ talẹnti sika tọn fọtọ́n atọ̀n, sọn sika Ofili tọn mẹ, podọ talẹnti fataka kinkòn tọn fọtọ́n ṣinawe, nado yí do bú adó ohọ̀ lẹ lọ tọn lẹ: ⁵sọn sika mẹ na onú sika tọn lẹ, podọ sọn fataka mẹ na onú fataka tọn lẹ, podọ na azọ́n hunkọ lẹpo tọn nado yín bibasi gbọn alọ anawàtọ lẹ tọn lẹ dali. Whenẹnu mẹnu wẹ na po ojlo po nado gọ́ alọ etọn to egbé hlan OKLUNỌ? ⁶Whenẹnu wẹ nukontọ owhé otọ́ lẹ tọn tọn lẹ lọ, po nukọntọ whẹndo Islaeli tọn tọn lẹ po, po awhàngán fọtọ́n lẹ tọn lẹ po po kanweko tọn lẹ po, po ogán tọ azón ahọlu tọn ji lẹ po, na po ojlo po. ⁷Yé sọ na na sinsẹ̀n ohọ̀ Jiwheyẹwhe tọn tọn sọn sika mẹ talẹnti fọtọ́n atón po daliki fọtọ́n ao po, podọ sọn fataka mẹ talẹnti fọtọ̀n ao, podọ sọn ogànvẹ̃ mẹ talẹnti fọtọ́n fọtọ̀nnukunatọ̀n, podọ sọn ogànyù mẹ talẹnti fọtọ́n kanweko. ⁸Podọ yé mẹhe de yè mọ zannu akuẹgégénu tọn lẹ te na yé hlan adọkunnu ohọ̀ OKLUNỌ tọn tọn lọ, to alọ Jehiẹli Gẹlsọninu lọ tọn glọ. ⁹Whenẹnu wẹ gbẹtọ lẹ jaya na ehe yé yí ojlo do na, na po ayiha pipé de po ye do na po ojlo po hlan OKLUNỌ: Davidi ahọlu ga sọ yí aya daho do jaya. ¹⁰Enẹwutu Davidi dona OKLUNỌ to agùn lẹpo nukọn: Davidi sọ dọmọ, Donanọ hiẹ yín, OKLUNỌ È, Jiwheyẹwhe Islaeli otọ́ mìtọn tọn, kakadoidoi. ¹¹OKLUNỌ È, towekiklo yín, po huhlọn po, po gigo po, po awhàngbà po, po gigodaho po: na ehe tin to olọn mẹ lẹpo podọ to wẹkẹ mẹ towe wẹ; towe wẹ ahọludu, OKLUNỌ È, hiẹ wẹ yè sọ zédaga di ota to popo ji. ¹²De we adọkun lẹ po ogbégbò po sọn wá, hiẹ sọ dùahọlu to popo ji; alọ towe mẹ wẹ huhlọn po hlọnhlọn po sọ te; podọ alọ towe mẹ wẹ é te nado hẹn klo, podọ nado na huhlọn hlan popo. ¹³Enẹwutu dinvie, Jiwheyẹwhe mìtọn, mí dopéna we, bo sọ pà oyín towe gigonọ. ¹⁴Ṣigba mẹnu yẹn yin, podọ etẹ́ omẹ ṣie lẹ yín, bọ míwlẹ na do hẹn huhlọn go nado na po ojlo po do mọ di ehe hunkọ? na de we onú lẹpo sọn wá, podọ towe titi mẹ mí ko na we sọn ¹⁵Na ojonọ wẹ mí to nukọn towe, waṣinu, dile otọ́ mìtọn lẹ yín: azán mìtọn lẹ to aigba ji tin di oyè de, teninò de ma finẹ. ¹⁶OKLUNỌ È Jiwheyẹwhe mìtọn, ogégé he lẹpo he míwlẹ wleawudai nado dó ohọ̀ de na we na oyín wiwe towe sọn alọ towe mẹ wá, towe titi sọ wẹ popo. ¹⁷Yẹn sọ yọnẹn ga, Jiwheyẹwhe ṣie, dọ hiẹ nọ whle ayiha pọ́n, bo sọ tindo homehùn to dódó mẹ. Na yẹn tọn, to dódó ayiha ṣie tọn mẹ wẹ yen do jó onú he lẹpo podọ dinvie yẹn ko sọ mọ po ayajẹ po omẹ towe le, he tin to ofile, nado na po ojlo po hlan we. ¹⁸OKLUNỌ È, Jiwheyẹwhe Ablaham tọn, Isaki tọn, po Islaeli po tọn, otọ́ mìtọn lẹ, whla ehe doidoi to aṣàvà linlẹn ayiha omẹ towe lẹ tọn lẹ tọn tọn mẹ, bo sọ wleawuna ayiha yetọn hlan de we: ¹⁹bo na ayiha pipé de hlan Sọlọmọni visunnu ṣie, nado nọ yìn gbèdide towe lẹ, asẹdai towe lẹ, po osẹ́ndoai towe lẹ po, podọ nado nọ wà onú he lẹpo podọ nado dó ohònmẹ lọ, ehe yẹn ko basi awu wle na lọ. ²⁰Davidi sọ dọ hlan agùn lẹpo dọ, Mì dona OKLUNỌ Jiwheyẹwhe mìtọn lò. Agùn lẹpo sọ to didona OKLUNỌ, Jiwheyẹwhe otọ́ yetọn lẹ tọn, bo dé ota yetọn lẹ do odò, bo litaina OKLUNỌ, po ahọlu po. ²¹Yé sọ sán avọ́ lẹ hlan OKLUNỌ, bo na avọ́ nunina mimẹ̀ lẹ hlan OKLUNỌ, to aihọngbè to azán nẹ godo, yèdọ oyìnsú fọtọ́n, agbò fọtọ́n, po lẹngbọ fọtọ́n po, po avọ́ nunina nùnù yetọn lẹ po, po avọ́ lẹ po to ogégé mẹ na Islaeli lẹpo; ²²bo dù bo sọ nù to OKLUNỌ nukọn to azán nẹ gbè po homẹvivi po. Yé sọ yí Sọlọmọni visunnu Davidi tọn do doahọlu whlawetọ, bo sọ samisisá nẹ̃ hlan OKLUNỌ nado yín ahọvi, podọ Zadọki nado yín yẹwhenọ. ²³Whenẹnu wẹ Sọlọmọni sín ofìn OKLUNỌ tọn lọ ji, di ahọlu to otẹn Davidi otọ́ etọn tọn mẹ, bo doale; Islaeli lẹpo sọ sètónu nè. ²⁴Ahọvi lẹpo, po omẹ hlọnhlọnnọ lẹ po, podọ visunnu Davidi ahọlu tọn lẹpo mọkẹdẹ, zín yéde dai hlan Sọlọmọni ahọlu. ²⁵OKLUNỌ sọ hẹn Sọlọmọni klo talala to nukun Islaeli lẹpo tọn mẹ, bo sọ yí gigodaho ahọlu tọn nẹnkọ do e ji, he ma ko tin to ahọlu he jẹnukọn nẹ̀ to Islaeli mẹ depope ji gba.

²⁶Dinvie Davidi visunnu Jesse tọn dùahọlu to Islaeli lẹpo ji. ²⁷Podọ ojlẹ he é do dùahọlu to Islaeli ji yín owhè kande; owhè ṣinawe é do dùahọlu to Heblọni mẹ, owhè gbànnukunatọ̀n é do dùahọlu to Jelusalẹm mẹ. ²⁸È sọ kú to oyónhó dagbe de mẹ, gó na azán lẹ, adọkun lẹ, po gbégbigbo po: Sọlọmọni visunnu etọn sọ dùahọlu to otẹn etọn mẹ. ²⁹Dinvie owàlọ Davidi ahọlu tọn lẹ tintan po godo tọn po, dayi e go, yè wlan yé to otàn Samuẹli númọ tọ lọ tọn mẹ, podọ to otàn Natani yẹwhegán lọ tọn me, podọ to otàn Gadi númọtọ lọ tọn mẹ; ³⁰po ahọludu etọn lẹpo po, po hlọnhlọn etọn po, po ojlẹ he gbọn e; ji yì lẹ po, podọ to Islaeli ji, po to ahọludu otopẹvi lẹ ji tọn lẹpo po.