Lomunu Lẹ

¹PAULU, mẹmẹglọ Jesu Klisti tọn, he yè ylọ nado yín apọsteli de, he yè dèdovò hlan wẹndagbe Jiwheyẹwhe tọn, ²(he éko dopagbe etọn dai gbọn yẹwhegán etọn le dali to Owé wiwe lẹ mẹ,) ³gbọn Ovi etọn Jesu Klisti Oklunọ mìtọn dali, he yè ji sọn okún Davidi tọn mẹ, dile agbasalan tọn te; ⁴Bo sọ la nado yín Ovi Jiwheyẹwhe tọn to huhlọn mẹ kẹdẹdi gbigbọ owiwe tọn, gbọn fọ́nsọnku sọn osiọ lẹ mẹ tọn dali: ⁵gbọn mẹhe dali mí ko mọ ojọmiọn po apọstelizòn po yí te, na otónuse do yise go to akọta lẹpo ṣẹnṣẹn, na oyín eton wutu: ⁶omẹ he mẹ mì yín mẹyiylọ Jesu Klisti tọn te ga: ⁷hlan omẹ he tin to Lomu lẹpo, mẹyiwanna Jiwheyẹwhe tọn, he yè ylọ nado yín mẹwiwe: Ojọmiọn hlan mì po jijọho po sọn Jiwheyẹwhe Otò mìtọn de, po Jesu Klisti Oklunọ po.

⁸Yẹn dopéna Jiwheyẹwhe ṣie whé gbọn Jesu Klisti mẹ na mì omẹ pó, na ye to ohó yise mìtọn tọn dọ pé aihọn lẹpo mẹ ⁹Na Jiwheyẹwhe wẹ kunnudetọ ṣie, mẹhe yẹn yí gbigbọ ṣie do to sinsẹ́n to wẹndagbe Ovi etọn tọn mẹ, dọ yẹn nọ to mì flin magbọjẹ to odè ṣie mẹ whepoponu; ¹⁰bo sọ to vẹve, eyín gbọn nudepope mẹ dinvie hlannukọn yẹn nido yín yònnanọ gbọn ojlo Jiwheyẹwhe tọn dali nado wá mì de. ¹¹Na yẹn to jijlo nado mọ mì, na yẹn nido na nunina gbigbọnọ vude mì, na yè nido hẹn mì lódo; ¹²enẹ wẹ, dọ yè nido miọnhomẹna mi hẹ mì gbọn yise dàli, mìtọn po ṣie po. ¹³Dinvie, mẹmẹsunnu emi, yẹn ma jlo na mì ni yín madọnanọ gba, dọ whepoponu wẹ yẹn nọ lẹn nado wá mì de, (ṣigba é glo mi kakajẹ dinvie) na yẹn nido mọ sinsẹ́n vude to ṣẹnṣẹn mìtọn ga, dile é te to Kosi devo lẹ mẹ. ¹⁴Yẹn zùn ahótọnọ hlan Gleki lẹ, podọ hlan akọmasegbe lẹ; hlan nuyọnẹntọ, podọ hlan wunvinọ lẹ. ¹⁵Mọ le é té to huhlọn ṣie me, yẹn ko wleawu nado dọyewheho wẹndagbe tọn hlan mì omẹ he tin to Lomu lẹ ga. ¹⁶Na winyan wẹndagbe Klisti tọn tọn ma hù mi gba; na huhlọn Jiwheyẹwhe tọn hlan whlẹngan we na omẹ dopodopo he yise; hlan Ju whé, podọ hlan Gleki ga. ¹⁷Na emẹ fìne wẹ yè do dódó Jiwheyẹwhe tọn hia te son yise mẹ jẹ yise mẹ: dile yè wlan do. Dodónọ na nọ ogbẹ gbọn yise dali.

¹⁸Na yè do homẹgble Jiwheyẹwhe tọn Hia sọn olọn mẹ do jijọ-madi-Jiwheyẹwhe tọn pó go, po mawàdódó gbẹtọ tọn lẹpo po, mẹhe yí nugbo Jiwheyẹwhe tọn hẹn to mawàdodó mẹ lẹ; ¹⁹na yè do onú he yè sogan yọnẹn gbọn Jiwheyẹwhe tọn dali hia to yé mẹ wutu; na Jiwheyẹwhe ko do e hia yé. ²⁰Na yè mọ onú mamọ etọn lẹ sọn whéwhéwhenu aihọn tọn to wedede, yè to nuyọnẹn onú he yè basi le tọn do to yé yọnẹn, yèdọ huhlọn madopodo po ozònji etọn po; mọwẹ yé yín mamọdọnọ; ²¹na whenuena yé yón Jiwheyẹwhe, yé ma pagigo nọ̀ di Jiwheyẹwhe gba, yé ma sọ dopé; ṣigba yé lẹzun ovò to linlẹn yetọn lẹ mẹ, nulunọyiha yetọn sọ dozinvlu. ²²Yiylọ yéde nuyọnẹntọ, yé lẹzun nulunọ, ²³bo diọ gigo Jiwheyẹwhe magble tọn na obosiọ he yè basi di gbẹtọ he nọ gble tọn, di ohẹ lẹ, okanlin afọẹnẹnọ, po onú he nọ lìn lẹ po.

²⁴Enẹwutu Jiwheyẹwhe jo ye hlan mawe, gbọn wantúntún ayiha yétọn tọn mẹ, nado deyẹyi son agbasa yetọn titi lẹ go to ṣẹnṣẹn yéde tọn: ²⁵na yé diọ nugbo Jiwheyẹwhe tọn na lalo de, bo to sinsẹ̀n bo sọ to taliaina nudida húgan Mẹdatọ, mẹhe yín donanọ hlan owhenu lẹ lọ. Niṣẹ.

²⁶Na ehe wutu wẹ Jiwheyẹwhe jo yé hlan ojlo gbémagbo tọn lẹ; na yèdọ yọnnu yetọn lẹ diọ zinzán jọwamọ do enẹ he jẹagò do jijọ go: ²⁷mọkẹdẹ wẹ sunnu lẹ ga, yé nọ jo zinzán jọwamọ yọnnu tọn do, bo sọ nọ to winwàn to ojlo yetọn mẹ do yénọzo go: sunnu po sunnu po to onú he ma jẹ wà, bo sọ to mimọ to ohò yéde tọn mẹ, ale nusiwà yetọn tọn he jẹ nẹ yí;

²⁸Podọ le yé ma jlo nado tindo Jiwheyẹwhe tó oyọnẹn yetọn mẹ, Jiwheyẹwhe jo yé hlan ayiha gbigbé de, nado wà onú he ma jẹ nẹlẹ. ²⁹Yè yí mawàdódó lẹpo do gó yé, kanyìnylan, nukunkẹn, linlẹnylankan; yé gò na núvẹun, mẹhùhù, avùn, oklọ, homẹha; mẹnúdọtọ. ³⁰Mẹslẹtọ, wángbẹna Jiwheyẹwhe tó, mẹvlẹtọ, saklanọ, goyítọ, awagundotọ, tólivẹtọ hlan mẹjitọ lẹ, ³¹matin wùntùntùn, alẹgbatọ, matin owanyi jọwamọ, madolẹblanunọ: ³²mẹhe, yinyòn ogbèdai Jiwheyẹwhe tọn dọ yé omẹ he plọn onú mọtọn lẹ jẹ na okú, ma wà dopolọ kẹde gba, ṣigba yígona hẹ yé he to yé basi lẹ.

¹ENẸWUTU mamọdọnọ wẹ hiẹ dawe nẹ, mẹdopope he hiẹ yín he to whẹ̀da: na ehe mẹ hiẹ to owhè mẹdevo tọn da te, hiẹ to whẹgbledo dewe; na hiẹ omẹ he to whẹ̀da to onú dopolọ wà wutu. ²Ṣigba mìwlẹ yọnẹn dagbedagbe dọ whẹ̀dida Jiwheyẹwhe tọn tin dile nugbo te to omẹ he to onú mọtọn wà lẹ ji; ³Be hiẹ lẹn ehe dawe, he to owhè omẹ he to onú mọtọn lẹ wà tọn da, bo sọ to dopolọ wà, dọ hiẹ na hòngán sọn whẹ̀dida Jiwheyẹwhe tọn mẹ? ⁴Kavi hiẹ to adọkun dagbewà, linsinsinyẹn, po homẹfa etọn po vlẹ; bo ma yọnẹn dọ dagbewà Jiwheyẹwhe tọn to dido we hlan lẹnvọjọ de? ⁵ṣigba di osinyẹn towe po malẹnvọjọ ayiha tọn po ko bó homẹgble pli do oji hlan dewe dote to azán homẹgble tọn po osọhia whòdida dódónọ Jiwheyẹwhe tọn tọn po gbè; ⁶mẹhe na na hlan omẹ dopodopo dile owalọ etọn lẹ te: ⁷hlan ye mẹhe gbọn homẹmiọn dali to dagbe wiwà me to gigo, yẹyi, maku, po ogbẹ̀ madopodo po din: ⁸ṣigba omẹ he yín aklọnnọ, bo ma setónuna nugbo lẹ, ṣigba bo setónuna mawadódó lẹ, wẹ homẹfiọ po homẹgble po na tin hlan, ⁹nukunbia po owufìẹsa po to alindọn gbẹtọ he to oylan wà lẹpo tọn ji, Ju tọn whé, po Kosi lẹ po tọn ga: ¹⁰ṣigba gigo, yẹyi, po jijọho po hlan omẹ depope he wàzón dagbe, hlan Ju whé, podọ hlan Kosi lẹ ga. ¹¹Na mẹhòpòn gbẹtọ tọn ma tin to Jiwheyẹwhe de gba. ¹²Na omẹ sọha he wàylan matin osẹ́n lẹ, nasọ và ga to matin osén mẹ: podọ omẹ sọha he sọ wàylan to osẹn mẹ lẹ, yé wẹ yè na dawhẹna gbọn osén dali; ¹³(na é ma yín sisètọ osén de tọn wẹ yín dódónọ to Jiwheyẹwhe nukọn gba, adavo wiwàtọ osén de tọn wẹ yè na hia na dódónọ. ¹⁴Na whenuena Kosi lẹ, he ma tindo osén, wà onú he tin to osén mẹ lẹ gbọn jijọ dali, ehelẹ, le yé ma tindo osén, yé yín osén de hlan yéde: ¹⁵to enẹ mẹ yé do azón osén tọn he yè wlan do ayiha yetọn me hia, ayiha yetọn ga sọ to kunnude, linlẹn yetọn lẹ sọ nọ to owhè yenọzo tọn je, eyín é ma yín mọ yé na nọ mọhódọ na yénọzo;) ¹⁶To azán he gbè whenuena Jiwheyẹwhe na dawhè asli gbẹtọ tọn gbọn Jesu Klisti de dile wẹndagbe ṣie te.

¹⁷Pọ́n, yè ylọ hiẹ dọ Ju, bo sọ gbojẹ do osén ji, bo sọ to awagundo to Jiwheyẹwhe de, ¹⁸bo sọ yón ojlo etọn, bo yígbe onú he yónwhanpẹ húgan lẹ tọn, hiẹ mẹhe yè plón sọn osén mẹ; ¹⁹bo sọ dotudo dewe go dọ hiẹ yín alihiamẹtọ nukuntọ́nnọ tọn de, hinhọ́n omẹ he tin to zinvlu mẹ lẹ tọn de, ²⁰meplọntọ wunvinọ lẹ tọn de, mẹplọntọ yọ̀pọ lẹ tọn de, he tindo apajlẹ oyonẹn po nugbo po tọn to osẹn mẹ. ²¹Enẹwutu hiẹ he to medevo plón, hiẹ mẹ plón dewe? hie mẹhe dọyẹwheho gbẹto ma do fìnnú, hiẹ to núfìn ²²Hiẹ mẹhe dọ gbẹtọ deayò blo, hiẹ to ayòde? hie mẹhe bosiọ hiọawuna, hẹ to ajojẹ tẹmpli mẹ? ²³Hiẹ mẹhe to awagundo to osén de me, to sénmẹjẹna osén towe tọn mẹ, hiẹ to yẹyide son Jiwheyẹwhe go? ²⁴Na oyín Jiwheyẹwhe tọn zùn nuzán do ogo na to Kosi lẹ ṣẹnṣẹn na hie tọn wutu, yèdọ dile yè wlan ẹn do ²⁵Na owhẹgbo doale nugbonugbo, eyín hiẹ yín wiwàtọ osén tọn de; ṣigba eyín hiẹ yín sénmẹjetọ osén lọ tọn de owhegbo towe lezun owhemagbo. ²⁶Enẹwutu eyín owhemagbo yìn ogbedai osén tọn lẹ, yè ma ka na hia owhẹmagbo eton na owhegbo ²⁷Be owhẹmagbo he gbọn jijọ dali ejín é yìn osén, é ma na dawhèna hiẹ, he yí owé po owhegbo po yín sẹ́nmejetọ osén tọn de? ²⁸Na ewọ ma yín Ju de he yín ode to gbonu gba; kavi owhẹgbo ne, he tin to gbonu to agbasalan me ²⁹ṣigba Ju de we ewọ, he yín ode to homẹ; podọ owhegbo sọ yín ayiha tọn to gbigbọ mẹ, é ma yín to owé mẹ gba; pipa mẹhetọn ma yín gbẹtọ tọn, adavo Jiwheyẹwhe tọn.

¹ENEWUTU ogbọjẹ tẹwe Ju tindo? kavi eté wẹ ede owhẹgbo tọn? ²Susu to ofi popo: tintan popo tọn, yé wẹ yè yí ohó Jiwheyẹwhe tọn do naplọn ³Na núhe eyín ome dele tin matin yisẹ? mayise yetọn na hen nugbowà Jiwheyẹwhe tọn zunvó we? ⁴E yín mọ blo: mọwẹ, mì gbọ yè ni yí Jiwheyẹwhe do nugbonọ, ṣigba gbẹtọ lẹpo lalonọ de; dile yé Wlan en dọ,

⁹Etẹ wẹ lò? Be mìwlẹ pónte hú yé? Lala, é ma yín mọ gba: na míwlẹ ko dindòna Ju lẹ po Kosi lẹ po, bo mọ dọ yé omẹ pó we tin to ylando glọ; ¹⁰dile yè wlan ẹn dọ,

¹⁹Mìwlẹ yọnẹn dọ onú depope he osén dọ, é dọ hlan omẹ he tin to osén glọ lẹ: na yè nido hẹn onù lẹpo bọ̀do, podọ na aihon lẹpo nido yín hinhẹnwá whẹ̀dida Jiwheyẹwhe tọn glọ. ²⁰Na gbọn azón osén tọn lẹ dali, omẹ de ma na tin bọ yè na hia na dódónọ to nukọn etọn gba wutu na osén dali wẹ oyọnẹn ylando tọn tẹ. ²¹Ṣigba dinvie yè hẹn dódó Jiwheyẹwhe tọn matin osén sọawúhia, he yè to kunnudena gbọn osén po yẹwhegán lẹ po dali; ²²yèdọ dódó Jiwheyẹwhe tọn he gbọn yise Jesu Klisti tọn dali hlan omẹ popo podọ to omẹ he yise lẹpo ji: na ode ma tin to ovò: ²³na omẹ pó wẹ wàylan, bo sọ whète do gigo Jiwheyẹwhe tọn go; ²⁴omẹ yè to whẹsuna vọnu gbọn ojọmiọn etọn dali, gbọn ofligò he tin to Klisti Jesu mẹ: ²⁵mẹhe Jiwheyẹwhe zé donukọn nado yín oyẹsunú gbọn yise mẹ, to ohùn etọn mẹ, nado la dódó etọn na jijo ylando hóhó yè wà lẹ do tọn wutu to linsinsinyẹn Jiwheyẹwhe tọn mẹ; ²⁶na didohia lọ, yen dọ, dódó eton tọn, to ojlẹ he mẹ; na ewo nido yín dódónọ podọ whẹsùtọ omẹ hẹ yí Jesu se tọn. ²⁷Fie wẹ aliho awagundido tọn te? Yè ko bẹ ẹ sẹ́. Gbọn osén tẹ dali? azón lẹ tọn la? Lala: ṣigba gbọn osén yise tọn de dali. ²⁸Enẹwutu mìwlẹ hia dọ yè sùwhẹna omẹ gbọn yise dali to matin owalọ osẹn tọn lẹ mẹ ²⁹Kavi Jiwheyẹwhe Ju lẹ tọn kẹdẹ wẹ Jiwheyẹwhe? be ewọ ma yin Kosi lẹ tọn ga? Mowẹ, Kosi lẹ tọn wẹ ga: ³⁰e yín mọ wẹ e te dọ dopo wẹ Jiwheyẹwhe, podọ ewọ na sùwhẹna owhẹgbo sọn yise mẹ, podọ owhẹmagbo gbọn yise lọ mẹ. ³¹Be mí to osén hẹn zùn ovó gbọn yise mẹ wẹ? E yin mọ blo: ṣigba mìwlẹ to osén hẹn lódo.

¹BE etẹwẹ mí na dọ lò dọ Ablaham otọ́ mìtọn na agbasalan go tọn mọyí? ²Na eyín yè sùwhẹna Ablaham sọn azón mẹ, é tindo ofi na doawagun te; ṣigba é ma yín hlan Jiwheyẹwhe dali gba. ³Na etẹwutu wẹ Owé wiwe dọ? Ablaham yí Jiwheyẹwhe se, yè sọ hia ẹ hlan ẹn na dódó. ⁴Hlan ewọ he wàzón yè ma hia ale lọ na ojọmiọn tọn gba, ṣigba ahó tọn wẹ. ⁵Ṣigba hlan ewọ he ma wàzóh, ṣigba bo to ewọ he sùwhẹna mẹylankan yise, yè hia etọn na dódó. ⁶Dile Davidi papajlẹ odona dawẹ lọ tọn do, mẹhe Jiwheyẹwhe hia dódó hlan matin azọn, ⁷dọmọ,

¹ENẸWUTU le yè sùwhẹna mí sọn yise mẹ, mí tindo jijọho to Jiwheyẹwhe dè, gbọn Jesu Klisti Oklunọ mìtọn dali; ²gbọn mẹhe dali ga mí mọ vivo yí gbọn yise dali hlan ojọmiọn he mẹ, ehe mẹ mì nọte te, bo to ayajẹ to tódido gigo Jiwheyẹwhe tọn tọn mẹ. ³E ma sọ yín mọ kẹdẹ, ṣigba mí to awagundo to tukla lẹ mẹ ga, le mi yọnẹn dọ tukla nọ wazọ́n homẹmiọn tọn; ⁴homẹmíọn nọ wàzón whlepón tọn; whlepón sọ nọ wàzón tódido tọn: ⁵tódido ma nọ dowinyanmẹ: na yè ko kòn owanyi Jiwheyẹwhe tọn pó ayiha mìton mẹ gbọn Gbigbọ Wiwe he yè yí hlan mí dali. ⁶Na whenuena mí yín madogannọ, ojlẹ lọ mẹ gẽ wẹ Klisti kú na mẹylankan lẹ. ⁷Na vlavo wẹ mẹde na jlo kú na gbẹtọ dódónọ de: ṣigba eya na mẹdagbe mẹdelẹ yèdọ na hà nado kú. ⁸Ṣigba Jiwheyẹwhe dè owanyi etọn hia hlan mí dali, na, whenuena mí gbé to ylandonọ yin, Klisti kú na mí. ⁹Nẹmunẹmu lo le yè sùwhẹna mí gbọn ohùn etọn dali, yè na whlẹn mí sọn homẹgble mẹ gbọn e dali. ¹⁰Na eyín, whenuena mí yin kẹ̀ntọ, yè gbọwhẹna mí hlan Jiwheyẹwhe gbọn oku Ovi etọn tọn mẹ, nẹmunẹmu, yínyín gbigbọwhẹna, mí na yín whinwhlẹn gbọn ogbè etọn dali. ¹¹E ma sọ yín mọ kẹdẹ, ṣigba mìwlẹ to ayajẹ ga to Jiwheyẹwhe mẹ gbọn Jesu Klisti Oklunọ mìtọn dali, gbọn mẹhe dali mi mọ ovẹ̀se yí te.

¹²Enẹwutu le ylando gbọn omẹ dopo de biọ aihọn mẹ, podọ okú gbọn ylando dali; mọwẹ gbẹtọ lẹpo kú do, na omẹ popo wẹ wàylan wutu: ¹³(na jẹnukọnna osén, ylando ko tin to aihọn mẹ: ṣigba yè ma dowhẹ ylando whenuena osén ma ko tin gba. ¹⁴Ṣigba okú duahọlu sọn Adam whenu kakajẹ Moṣe whenu, yèdọ to yé he ma wàylan di osinmẹjẹ Adam tọn tọn ji, mẹhe yín apajlẹ omẹ he ja tọn. ¹⁵Ṣigba le ylando te ma wẹ nunina vọnu lọ te ga gba. Na eyín gbọn ylando omẹ dopo tọn dali omẹ susù zùn osiọ, nẹmunẹmu wẹ ojomiọn Jiwheyẹwhe tọn, podọ nunina gbọn omẹ dopo Jesu Klisti dali, ko zùnsùsù hlan omẹ sùsù. ¹⁶E ma sọ taidi le é te gbọn omẹ dopo he wàylan dali wẹ nunina lọ te gba; na whẹ̀dida tin gbọn omẹ dopo dali hlan whẹgbledo, ṣigba nunina vọnu sọn oylan sùsù; mẹ tin hlan owhẹwhẹn. ¹⁷Na eyín gbọn ylando omẹ dopo tọn dali okú duahọlu gbọn omẹ dopo lọ mẹ; nẹmunẹmu yé mẹhe mọ gege ojọmiọn tọn po nunina dódó tọn po yí lẹ na duahọlu to ogbè mẹ gbọn omẹ dopo Jesu Klisti mẹ.) ¹⁸Whenẹnu mọwẹ dile gbọn ylando omẹ dopo tọn dali whẹ̀dida wá omẹ popo ji hlan whẹgbledo; mọ gbọn owalọ dódó dopo mẹ nunina vọnu wá omẹ popo de hlan owhẹwhẹn ogbẹ tọn. ¹⁹Na dile gbọn tólivivẹ omẹ dopo tọn mẹ yè hẹn omẹ sùsù zùn ylandonọ, yèdọ mọ gbọn tónusise omẹ dopo tọn mẹ yè na hẹn omẹ sùsù zùn dodónọ. ²⁰Humọ osén biọ e mẹ, na ylando nido zùnsùsù; ṣigba ofi he ylando zùnsùsù te, ojọmiọn ko zùnsùsù gbahugbahu; ²¹na le ylando duahọlu to okú mẹ, yèdọ mọ ojọmiọn nido duahọlu ga gbọn dódó mẹ hlan ogbẹ̀ madopodo gbọn Jesu Klisti Oklunọ mítọn mẹ.

¹ENẸWUTU etẹ wẹ mí na dọ lò? Mí ni to yiyi to ylando mẹ, na ojọmiọn nido zùnsùsù.? ²E yín mọ blo. Dẹn sọ nawẹ mìwlẹ he yín osiọ hlan ylando, na nọgbẹ́ to e mẹ do? ³Be mì yín madọnanọ dọ, mí mehe yè baptizi do Jesu Klisti mẹ lọ, yè baptizi mí do okú etọn mẹ? ⁴Enẹwutu yè di mí po e po gbọn baptẹm mẹ dọ okú mẹ; dọ dile yè zé Klisti tite sọn osiọ lẹ mẹ gbọn gigo Otọ́ tọn mẹ, mọ na mí ga nido zinzọnlin to yóyọjẹ ogbè tọn mẹ. ⁵Bé eyín yè do mí dopọ to ohia okú etọn tọn mẹ, mí na tin to ohia fọ́nsọnkú etọn tọn mẹ ga: ⁶to yinyọ̀n ehe mẹ, dọ yè whè gbẹtọ mítọn hohó do satin go po e po, na yè nido sukún agbasa ylando tọn do, dọ sọn dinvie mí ma nado sẹ̀n ylando ba. ⁷Na yè suwhèna ewọ he kú sọn ylando si. ⁸Eyín mí yín osiọ hẹ Klisti, mí yise dọ mí na nọgbè hẹ ẹ ga: ⁹le mí yọnẹn dọ le yè zé Klisti tite sọn osiọ lẹ mẹ é ma sọ kú ba; okú ma sọ tindo ogándu to e ji. ¹⁰Na ehe mẹ é ku, é kú hlan ylando whladopo: ṣigba ehe mẹ é tin to ogbè, é tin to ogbè hlan Jiwheyẹwhe. ¹¹Yèdọ mọkẹdẹ wẹ mì ga ni hia mìde di osiọ nugbo hlan ylando, ṣigba nọgbè hlan Jiwheyẹwhe to Jesu Klisti Oklunọ mítọn mẹ.

¹²Enẹwutu mì dike ylando duahọlu to agbasa kukú mìtọn mẹ blo, bọ mì na do setónu nẹ to wantúntún etọn lẹ mẹ. ¹³Mọ mì sọ jo awutugonu mìtọn di núzinzán mawàdódó tọn hlan ylando blo: ṣigba mì jo mìde hlan Jiwheyẹwhe, di ome he tin to ogbè son osiọ mẹ lẹ, podọ awutugonu mìtọn lẹ di núzinzán dódó tọn hlan Jiwheyẹwhe. ¹⁴Ná ylando ma na tindo ogándu to mì ji: na mìwlẹ ma tin to osén glọ, adavo to ojọmiọn glọ.

¹⁵Lò etẹ wẹ? mí ni wàylan, na mí ma tin to osén glọ, adavo to ojọmiọn glọ wutu? E yín mọ blo. ¹⁶Mìwlẹ ma yọnen dọ, hlan mẹhe mì yí mìde na di afànumẹ hlain tónuse, afànumẹ etọn wẹ mì yín mẹhe mì to tónusena: yín é yín ylando tọn hlan okú, kavi tónusise tọn hlan dódó? ¹⁷Ṣigba opé tin hlan Jiwheyẹwhe, dọ sọle mì ko yín afànumẹ ylando tọn, ṣigba mì lẹzun tónusetọ sọn ayiha mẹ hlan ohia oplọn tọn nẹ fie yè whlẹn mẹ jẹ. ¹⁸Le yè hẹn mì vò sọn ylando sì, mì lẹzun afànumẹ dódó tọn. ¹⁹Yẹn dọhó di owalọ gbẹtọ tọn na madogán agbasalan mìtọn tọn wutu: na dile mì yí awutugonu mìtọn lẹ jo di mẹmẹsi hlan mawe podọ hlan ylando jẹ ylanwà; mọ dinvie mì ni jo awutugonu mìtọn lẹ di mẹmẹsi hlan dódó jẹ owiwe mẹ. ²⁰Na whenuena mì yín afànumẹ ylando tọn, mì vo sọn alọ dódó tọn mẹ. ²¹Be sinsén tẹwe mì tindo dinvie, to onú nẹlẹ mẹ, ehetọn winyan to hùhù mì te? na okú wẹ opòdo onú nẹlẹ tọn. ²²Ṣigba dinvlẹ le yè hẹn mì vò sọn ylando mẹ, bo sọ zùn mẹmẹsi hlan Jiwheyẹwhe, mì tindo sinsẹ́n mìtọn hlan olèwé, podọ opòdo ogbè madopodo. ²³Na okú wẹ ale ylando tọn; ṣigba nunina Jiwheyẹwhe tọn wẹ ogbẹ̀ madopodo to Jesu Klisti Oklunọ mítọn mẹ.

¹KAVI mẹmẹsunnu emi, mìwlẹ yín madọnanọ, (na omẹ he yọ́n osẹn lẹ wẹ yẹn to hódọ hlan) osén tindo ogándu to gbẹtọ ji sọle é nọgbẹ́ dẹn do? ²Na yè sín yọnnu he tindo asu gbọn osén dali hlan asú etọn sọle é togbẹ̀ dẹn do; ṣigba eyín asú lọ kú, yè tún in sọn osén asú lọ tọn mẹ. ³Mọ whenẹnu eyín, whenuena asú etọn tin to ogbé, yè wlealọ nẹ̃ hlan sunnu devo, ayòdetọ wẹ yè na ylọ ẹ: ṣigba eyín asú etọn kú, é vò sọn osén lọ si; sọmọ ewọ ma yín ayòdetọ ba, eyín yè tlẹ wlealọ nẹ hlan sunnu devo. ⁴Enẹwutu, mẹmẹsunnu ṣie emi, mìwlẹ ga ko zùn osiọ hlan osén gbọn agbasa Klisti tọn mẹ; na yè nido wlealọna mì hlan omẹ devo, yèdọ hlan ewọ he yè zé tite sọn osiọ lẹ mẹ, na mí nido hẹn sinsẹ́n jẹgbonu wá hlan Jiwheyẹwhe. ⁵Na whenuena mí tin to agbasalan mẹ, awuvivi ylando tọn lẹ, he tin gbọn osén dali, to azonwà to awutugonu mítọn lẹ mẹ nado hẹn sinsẹ́n jẹgbonu wá hlan okú. ⁶Ṣigba dinvie yè dè mí sọn osén lọ mẹ, bo ko kú hlan ehe yè do sín mí mẹ; na mí nido sèn to yọ́yọ́jẹ gbigbọ tọn mẹ, e ma yín to hóhójẹ owé tọn mẹ gba.

⁷Be etẹwẹ mí na dọ lò? Be ylando wẹ osén? E yín mọ blo. Lala, yẹn ma yọ́n ylando, adavo gbọn osén dali; na yẹn ma ko yón wántúntún gba, adavo le osén lọ dọ, dọmọ, Hiẹ ma na túnwán, ⁸Ṣigba ylando dindin aklọn gbọn osén lọ dali, wàzón wantúntún hunkọhunkọ to ohò ṣie mẹ. Na matin osén ylando zùn osiọ. ⁹Na yẹn ko tin to ogbé to ola sọn osén de: ṣigba whenuena osén wá, ylando gònọgbé, yẹn bo kú. ¹⁰Podọ osén, he yè doai hlan ogbẹ̀, ehe wẹ yẹn sọ mọ tin hlan okú ¹¹Na ylando, dindin aklọn gbọn osén lọ dali, klọ mi bo sọ hù mi gbọn e dali. ¹²Enẹwutu wiwe wẹ osén, wiwe wẹ asẹ, nugbo wẹ, dagbe wẹ ¹³Be enẹwutu yè ka yi ehe yón do basi okú hlan mi we? E yín mọ blo. Ṣigba ylando, na é nido sọawúhia di ylando, é to azón oku tọn wa to ohò ṣie mẹ gbọn ehe yón ne dali; na ylando gbọn osén dali nido lẹzun ylando he ylan gbahú. ¹⁴Na mìwlẹ yọnẹn dọ gbigbọnọ wẹ osén, ṣigba agbasanọ wẹ yen, he yè sa do ylando glọ. ¹⁵Na enẹ he yẹn to wiwà yẹn ma yigona; na ehe yẹn jlo, enẹ wẹ yẹn ma wà; ṣigba ehe yẹn gbẹwanna, enẹ wẹ yẹn to wiwà. ¹⁶Be enẹwutu eyín yẹn to enẹ he yẹn ma jlo wà, yẹn yigbe hlan osen dọ dagbe wẹ. ¹⁷Be enẹwutu dinvie é ma sọ yín yẹn wẹ to wiwà ẹ ba gba adavo ylando he nonọ ohò ṣie mẹ. ¹⁸Na yẹn yọnẹn dọ IO oho ṣie mẹ (enẹ wẹ, to agbasalan ṣie me,) onú dagbe de ma nọnọ̀ e mẹ: na nado jlo tin to dẽ; ṣigba nado wà enẹ he yọn ma tin ¹⁹Na dagbe he yen jlo yẹn ma wà, ṣigba ylankan he yẹn ma jlo, enẹ wẹ yẹn to wiwà. ²⁰Eyín yẹn to ehe yẹn ma jlo wà, é ma sọ yín yẹn wẹ to wiwà ẹ ba gba, adavo ylando he nọnọ̀ oho ṣie mẹ. ²¹Enẹwutu yẹn mọ osén de, dọ, whenuena yen jlo dagbe nado wà, ylankan tin to dẽ. ²²Na yen hùnhomẹ to osén Jiwhevẹwhe tọn mẹ dile gbẹtọ homẹ tọn te: ²³Ṣigba yẹn sọ mọ osẹn devo de to awutugonu ṣie lẹ mẹ he to awhànfùn hẹ osón ohò ṣie mẹ tọn, bo sọ to hinhẹn mi wá mẹglonọ hlan osén ylando tọn he tin to awutugonu ṣie lẹ mẹ ²⁴Só! taponọ he yẹn yín! mẹnu we na whlẹn mi sọn agbasa okú tọn he si? ²⁵Yẹn dopéna Jiwheyẹwhe gbon Jesu Klisti Oklunọ mìtọn dali. Be mowe yẹnlosu yí ayiha do to osén Jiwheyẹwhe tọn sèn; ṣigba bo yí agbasalan do to osén ylando tọn sèn.

¹ENẸWUTU whẹgbledo de ma tin dinvie hlan yé he tin to Klisti Jesu mẹ lẹ, he ma to zọnlinzin di agbasalan tọn, adavo di Gbigbọ tọn. ²Na osén sọn Gbigbọ ogbe tọn mẹ to Klisti Jesu me ko hẹn mi vo to osén ylando po okú po ton si. ³Na ehe osén ma sọgan wà, na ehe mẹ è yín madogánnọ te gbon agbasalan dali, Jiwheyẹwhe to dido Ovi etọn titi hlan to ohia agbasalan he gó na ylando, podọ na ylando, ko gblewhẹdo ylando to agbasalan mẹ: ⁴na yè nido ẹn ogbèdai osén tọn sọ to mí mẹ, mẹhe ma zinzọnlin di agbasalan tọn, adavo di Gbigbọ tọn. ⁵Na yé he tin gbọn agbasalan dali lẹ nọ pọ́n onú he yín agbasalan tọn lẹ go; ṣigba omẹ he tin gbọn Gbigbọ dali lẹ nọ pọ́n onu he yin Gbigbọ tọn lẹ go. ⁶Na nado yin agbasalan nugopóntọ wẹ okú; ṣigba nado yín Gbigbọ nugopóntọ wẹ ogbẹ̀ po jijọho po. ⁷Na agbasalan go pinpọ́n wẹ okẹn do Jiwheyẹwhe go: na é ma yín mẹmẹglọ hlan osén Jiwheyẹwhe tọn kavi é ma tlẹ sọgan yín mọ lala. ⁸Be whenẹnu yé he tin to agbasalan mẹ lẹ ma sọgan mọ nukundagbe Jiwheyẹwhe tọn gba ⁹Ṣigba mìwlẹ ma tin to agbasalan mẹ gba, adavo to Gbigbọ mẹ, eyín é yín mọ dọ Gbigbọ Jiwheyẹwhe tọn nọnọ̀ mì mẹ. Eyin omẹ de ma tindo Gbigbọ Klisti tọn, ewọ ma yín ode to omẹ etọn lẹ mẹ. ¹⁰Podọ eyín Klisti tin to mì mẹ, agbasa yín osiọ na ylando tọn wutu; ṣigba Gbigbọ yín ogbè na dódó tọn wutu. ¹¹Ṣigba eyín Gbigbọ omẹ he zé Jesu tite sọn osiọ lẹ mẹ tọn nọnọ̀ mì mẹ, ewọ omẹ he zé Klisti tite sọn osiọ lẹ mẹ na gbọn Gbigbọ etọn he nọnọ̀ mì mẹ dali diọ agbasa kúkú mìtọn do ogbẹ́.

¹²Enẹwutu, mẹmẹsunnu emi ahótọnọ wẹmí, é ma yín hlan agbasalan, nado nọgbó di agbasalan tọn gba. ¹³Na eyín mí nọgbè di agbasalan tọn, mì na kú: ṣigba eyín mì gbọn Gbigbọ dali hẹn owalọ agbasa tọn lẹ kú, mì na nọgbẹ̀. ¹⁴Na omẹ sọha he yè hlẹali gbọn Gbigbọ Jiwheyẹwhe tọn dali, yé wẹ ovi Jiwheyẹwhe tọn. ¹⁵Na mìwlẹ ma yí gbigbọ mẹglọnọ tọn na sọ do to budi gba; ṣigba gbigbọ sọdodovi tọn wẹ mì yí, ehetọn dali mí to awhádo ylọ, Abba, Oto. ¹⁶Gbigbọ lọsu sọ to kunnude hẹ gbigbọ mítọn, dọ ovi Jiwheyẹwhe tọn wẹ mí; ¹⁷be eyín mí yín ovi, whenẹnu whédutọ; whédutọ Jiwheyẹwhe tọn, podọ whédutọ dopọ hẹ Klisti; eyín é yín mọ dọ mí jiya hẹ ẹ, na yè nido pagigona mí dopọ hẹ ẹ ga.

¹⁸Na yẹn hia dọ oya whenu dinvie tọn ma jẹ nado yí jlẹdo gigo he yè na sọhia to mí mẹ go gba ¹⁹Na nuku-ndo nudida tọn nọtepọn osọhia ovi Jiwheyẹwhe tọn lẹ tọn. ²⁰Na yè hen nudida yín mẹmẹglọ hlan ovó, é ma yin po ojlo po gba, ṣigba gbọn linlẹn omẹ he yí dopolọ do mẹglọ to tódido mẹ tọn dali. ²¹Na yè na whlẹn nudida lọsu sọn mẹglọnọ hẹngble tọn mẹ do mẹdekannujẹ he do gigo ovi Jiwheyẹwhe tọn lẹ tọn mẹ. ²²Na mí yọnẹn dọ nudida lẹpo péte wẹ to winwẹn bo sọ to ajipanu to awufiẹsa mẹ hẹ mí kakajẹ dinvie. ²³E ma sọ yín yéwlẹ kẹdẹ, aigba mìlọsu ga, he tindo sinsẹ́n tintan Gbigbọ tọn lẹ, yèdọ mìlọsu to winwẹn to ohò mítọn mẹ, bo to tenọpón sọdodovi, enẹ wẹ dọ, ofligò agbasa mítọn tọn. ²⁴Na gbọn tódido dali wẹ yè whlẹn mí; ṣigba tódido he yè mọ ma yín tódido gba: na onú he gbẹtọ mọ, etẹwẹ é sọ to tódo ba? ²⁵Ṣigba eyín mi to tódo ehe yè ma mọ, be mí yí homẹmiọn do nọtepọ́n ẹn.

²⁶Mọdoponẹ wẹ Gbigbọ lọ ga to alọgọna madogán mítọn: na mí ma yón núhe mí na hodè na dile é jẹ na mí do; ṣigba Gbigbọ lọsu yí winwẹn he yè ma sọgan dọpọ́n do to vẹ̀vẹ̀ na mí. ²⁷Podọ omẹ he to ayiha mẹ dinpọ́n yọ́n núhe ayiha Gbigbọ tọn yín, na é to vẹ̀vẹ̀ na mẹwiwe lẹ kẹdẹdi ojlo Jiwheyẹwhe tọn wutu. ²⁸Podọ mi yọnẹn dọ onú lẹpo wẹ to azọ́nwà dopọ na dagbe hlan yé he yiwanna Jiwheyẹwhe, yèdọ hlan yé he yín mẹyiylọ lẹ kẹdẹdi lẹndote etọn. ²⁹Na mẹhe é yọnẹnjẹnukọn, ewọ wẹ é ko dè nado yín mẹkọndopọ hlan apajlẹ Ovi etọn tọn, na ewọ nido yín plọnji to mẹmẹsunnu sùsù ṣẹnṣẹn. ³⁰Podọ mẹhe é dè, yé wẹ ewọ ylọ ga; podọ mẹhe é ylọ, yé wẹ é sùwhẹna ga: mẹhe é sọ sùwhẹna, yé wẹ é pagigona ga.

³¹Etẹ ka wẹ mí na dọ do onúhelẹ go lò? Eyín Jiwheyẹwhe tin na mí, mẹnu wẹ tin agọ̀ do mí go? ³²Ewọ he ma hla Ovi etọn titi do ogbẹ̀, ṣigba bo jo e na mí omẹ pó wutu, na é ma na na onú popo mí vọnu hẹ ẹ ga do? ³³Mẹnu wẹ na sẹ onú de dokò na mẹsinyansinyan Jiwheyẹwhe tọn lẹ? Jiwheyẹwhe wẹ sùwhẹ. ³⁴Mẹnu wẹ ewọ he to whẹgbledomẹ? Klisti wẹ omẹ he kú, nugbo, yè ni kukú dọ, he yè sọ zetite, mẹhe tin yèdọ to adusilọ Jiwheyẹwhe tọn mẹ, mẹhe to vẹ̀vẹ̀ na mí ga. ³⁵Mẹnu wẹ na klán mí sọn owanyi Klisti tọn mẹ? tukla na, kavi nukunbibia, kavi homẹkẹn, kavi huvẹ, kavi omẹjẹ, kavi owu, kavi ohi? ³⁶Dile yè wlan dọ, Na towe tọn wutu yè to mí hù to azán popo gbè; Yè to mí hia di lẹngbọ na hùhù. ³⁷Ṣigba to onú helẹ pó mẹ mí hú awhàngbàtọ gbọn ewọ he yiwanna mí dali. ³⁸Na yè hẹn mi yọnẹn dọ, okú, kavi ogbẹ̀, kavi angẹli lẹ, kavi ogán lẹ, kavi huhlọn lẹ, kavi onú whenu he tọn lẹ, kavi onú he ja lẹ. ³⁹Kavi aga, kavi odò, kavi nudida devo de ma na tin sọgan nado klán mí sọn owanyi Jiwheyẹwhe tọn he tin to Klisti Jesu Oklunọ mítọn mẹ gba.

¹NUGBO dọ wẹ yẹn te to Klisti mẹ, yẹn ma to lalodo gba, ayiha ṣie to kunnu ṣie de to Gbigbọ Wiwe mẹ, ²dọ yẹn tindo nukunbibia po awúbla po to ayiha ṣie mẹ to whepoponu. ³Na yẹn sọgan jlo dọ yẹn lọsu ni yín anatema sọn Klisti de na mẹmẹsunnu ṣie lẹ, hẹnnumẹ ṣie lẹ dile agbasalan tọn te: ⁴mẹhe yín Islaeli tọn lẹ; mẹhetọn sọdodovi, po gigo po, alẹ̀nu lẹ pọ nina osén omẹ po, sinsẹ́n Jiwheyẹwhe tọn po opagbe lẹ po yín; ⁵mẹhetọn otọ́ lẹ yín: podọ sọn mẹhe de Klisti gbọn agbasalan dali wá, mẹhe tin to onú popo ji, Jiwheyẹwhe donanọ kakadoi. Niṣẹ. ⁶E ma yín dọ ohó Jiwheyẹwhe tọn ma tindo huhlọn lala wẹ gba. Na yé omẹ pó he yín Islaeli tọn ma yín Islaeli gba: ⁷mọ é ma yín dọ yé yín okún Ablaham tọn wutu, wẹ yé omẹ pó do yín ovi gba: ṣigba, To Isaki mẹ wẹ yè ná ylọ okún towe te. ⁸Enẹ wẹ, E ma yín he yín ovi agbasalan tọn lẹ, wẹ ovi Jiwheyẹwhe tọn gba: ṣigba oviopagbe tọn lẹ wẹ yè hia na okún de. ⁹Na ehe wẹ ohó opagbe tọn, To ójlọ he mẹ yẹn na wá, Sala na tindo visunnu de. ¹⁰E ma sọ yín ehe kẹdẹ; ṣigba whenuena Lebẹka mọhò gbọn omẹ de dali gbọn Isaki otọ́ mítọn dali; ¹¹(na ovi he yè ma tlẹ ko ji lẹ, he ma ko wà dagbe kavi oylan, na lẹndote Jiwheyẹwhe tọn di mẹdidè tọn nido nọte, é ma yín azọ́n tọn gba, adavo omẹ he ylọmẹ tọn;) ¹²yè dọ hlan ẹn, dọmọ, Mẹho na sèn yọ̀pọ. ¹³Dile yè wlan ẹn dọ, Jakobu wẹ yẹn yiwanna, ṣigba Esau wẹ yẹn gbẹwanna.

¹⁴Etẹ ka wẹ mí na dọ lò? Mawàdódó tin to Jiwheyẹwhe de wẹ? E yín mọ blo. ¹⁵Na ewọ dọ hlan Moṣe, dọmọ, Yẹn na wàlẹblanuna mẹhe yẹn na wàlẹblanuna, yẹn nasọ tindo awubla na mẹhe yẹn na tindo awubla na. ¹⁶Enẹwutu é ma yín ewọ he tò jijlo tọn, kavi ewọ he to wezundo tọn, ṣigba Jiwheyẹwhe he do lẹblanu hia tọn wẹ. ¹⁷Na Owó wiwe dọ hlan Falo, dọmọ, Yèdọ na lẹndote dopo he lọ wutu wẹ yẹn zé we tite, na yẹn nido do huhlọn ṣie hia to hiẹ mẹ, podọ na oyín ṣie nido yín lilá gbọn aihọn lẹpo mẹ. ¹⁸Enẹwutu wẹ é wàlẹblanuna mẹhe é na wàlẹblanuna, podọ mẹhe é jlo é hẹn ayiha sinyẹn na.

¹⁹Hiẹ na dọ hlan mi lò, dọ, Etẹwutu wẹ é gbẹsọ to aklọndin? Na menu wẹ diọnukunsọ ojlo etọn? ²⁰Lala, hiẹ gbẹtọ, mẹnu wẹ hiẹ he to gbèdana Jiwheyẹwhe? Onú he yè do na dọ hlan ewọ he do e, dọ, Etẹwutu wẹ hiẹ basi mi do le? ²¹Ozéndotọ ma tindo huhlọn to okò ji, sọn mimlin dopolọ mẹ nado basi núzinzán dopo hlan yẹyi, podọ devo hlan madoyẹyi: ²²be eyín Jiwheyẹwhe jlo nado do homẹgble etọn hia, podọ nado hẹn huhlọn etọn zùn yinyọnẹn, bọ é miọnhomẹ do núzinzán homẹgble tọn go he yè do hlan hẹngble: ²³podọ na ewọ nido hẹn adọkun gigo etọn tọn zùn yinyonẹn to núzinzán lẹblanu tọn lẹ ji, he é wleawuna dote hlan gigo, ²⁴yèdọ mí, mẹhe é ylọ lẹ, é ma yín sọn Ju lẹ mẹ kẹdẹ, ṣigba sọn Kosi lẹ mẹ ga? ²⁵Dile é dọ ga to Hosea mẹ, dọ,

³⁰Etẹ ka wẹ mí na dọ lò? Dọ alọ Kosi he ma zingbọn ali dódó tọn ji le tọn ko pla dódó yèdọ dódó he yín yise tọn. ³¹Sjgba alọ Islaeli he zingbọn ali osén dódó tọn ji ma ko pla osẹn dódó tọn gba. ³²Etẹwutu? Na yé ma din in gbọn yise dali wutu, ṣigba dile é yín gbọn azón osén tọn lẹ dali. Yé dahli to zannu ahlidida tọn ji; ³³dile yè wlan ẹn do,

¹MẸMẸSUNNU emi, ojlo ayiha ṣie tọn po odẹ̀ po blan Jiwheyẹwhe de na yé wẹ, dọ yè nido whlẹn yé gán. ²Na yẹn dekunnuna yé dọ yé tindo vivẹnu Jiwheyẹwhe tọn, ṣigba é ma gbọn ali oyọnẹn tọn gba. ³Na yínyín madọnanọ dódó Jiwheyẹwhe tọn, bo sọ to dindin nado hẹn dódó yetọn titi lódo, yé ma jo yéde hlan dódó Jiwheyẹwhe tọn gba. ⁴Na Klisti wẹ opòdo osón tọn hlan dódó jẹ mẹdepope he yise de. ⁵Na Moṣe jlé dódó he yín osén tọn dọ, Omẹ he wà onú nẹlẹ na nọgbẹ̀ gbọn yé dali. ⁶Ṣigba dódó he yín yise tọn dọhó dole, dọ, A dọ to ayiha towe mẹ, dọ, Mẹnu wẹ na hẹaga yì olọn mẹ blo? (enẹ wẹ, nado hẹn Klisti jẹte sọn aga wá:) ⁷kavi, Mẹnu wẹ na jẹte yì odò mẹ? (enẹ wẹ, nado vó Klisti hẹn wá aga sọn osiọ lẹ mẹ.) ⁸Ṣigba etẹwẹ é dọ? Ohó lọ tin to de we, yèdọ to onù towe mẹ, podọ to ayiha towe mẹ: enẹ wẹ, ohó yise tọn, he mí to yẹwheho etọn dọ; ⁹dọ eyín hiẹ na yí onù towe do yigbè Jesu Oklunọ tọn, bo nasọ yise to ayiha towe mẹ dọ Jiwheyẹwhe zé e tite sọn osiọ lẹ mẹ, yè na whlẹn we gán. ¹⁰Na ayiha wẹ gbẹtọ do yise hlan dódó; onù wẹ yè do basi ogbèyí hlan whlẹngan. ¹¹Na Owé wiwe dọmọ, Mẹdepope he yí i se winyan ma na hù i. ¹²Na dehlanvò de ma tin to Ju po Gleki po ṣẹnṣẹn gba: na Oklunọ dopolọ to popo ji wẹ wàdọkun hlan omẹ he ylọ oyín etọn lẹpo. ¹³Na yè na whlẹn mẹdepope he na ylọ oyín Oklunọ tọn gán. ¹⁴Nawẹ yé na ylọ oyín mẹhe yé ma yise tọn do? podọ nawẹ yé na yí mẹhe yé ma ko sehó etọn gbède se do? podọ nawẹ yé na sè do matin yẹwhehodọtọ? ¹⁵Nawẹ vó na dọyẹwheho do, adavo yé yín didohlan? dile yè wlan ẹn dọ, Nawẹ afọ yé he dọyẹwheho wẹndagbe jijọho tọn, bo sọ hẹn owẹn dagbe onú dagbe lẹ tọn wá yónwhanpẹ sọ!

¹⁶Ṣigba yé omẹ pó ma yí wẹndagbe se gba. Na Isaia dọmọ, Oklunọ, mẹnu wẹ yí ọwẹn mítọn Se? ¹⁷Be whenẹnu yise wá sọn sisè mẹ, podọ sisè gbọn ohó Klisti tọn dali. ¹⁸Ṣigba yẹn dọmọ, Be yé ma sè? Nugbonugbo,

¹ENẸWUTU yẹn dọmọ, Be Jiwheyẹwhe tùn omẹ etọn lẹ hlan wẹ? Jiwheyẹwhe dike blo. Na Islaeli de wẹ yẹn ga, sọn okún Ablaham tọn mẹ, sọn whendo Bẹnjamini tọn mẹ. ²Jiwheyẹwhe ma tùn omẹ etọn he é yọnẹn dai lẹ hlan gba. Mì ma yón onú he Owé wiwe dọ gbọn Elia dali? le é vẹ̀vẹ̀ hlan Jiwheyẹwhe dè do Islaeli go do, dọ. ³Oklunọ, yé ko hù yẹwhegán towe lẹ, bo sọ jlodòna agbà towe lẹ liai; podọ yẹn dopo akàn wẹ pò, yé sọ to gbigbọ ṣie din. ⁴Ṣigba etẹ wẹ ogbègblọn Jiwheyẹwhe tọn hlan ẹn? Yẹn ko hla gbẹtọ fọtọ́n donu ṣinawe dai na dẽ, he ma ko dó kligonu hlan bosiọ Baali tọn. ⁵Enẹwutu yédọ mọ wẹ to dinvie ga adade pò kẹdẹdile mẹdidè ojọmiọn tọn te. ⁶Podọ eyín gbọn ojọmiọn dali wẹ, be whenẹnu é ma sọ yín azón tọn ba eyín é ma yín mọ be ojọmiọn ma yín ojọmion ba gba. Ṣigba eyín é yín azón tọn, be whenẹnu é ma yín ojọmiọn ba: eyín é ma yín mọ be azón ma yín azón ba. ⁷Whenẹnu etẹ ka wẹ? Alọ Islaeli tọn ma ke pla ehe é to dindin; ṣigba alọ mẹdidè lẹ tọn ko pla ẹ, mẹpipòtọ le sọ tọnnukun. ⁸(Eẹdẹdile yè wlan ẹn dọ, Jiwheyẹwhe ko yí gbigbọ oléndẹn tọn de na yé, nukun dọ yé ni ma do mọnú, podọ otọ́ na yé ni ma do senú;) hlan azán he. ⁹Davidi sọ dọmọ,

¹³Na mì Kosi lẹ wẹ yẹn to hódọ hlan, sọle yẹn yín apọsteli Kosi lẹ tọn, yẹn hẹn ogándu ṣie klo: ¹⁴eyín gbọn nudepope mẹ yẹn nido doadihomẹna yé omẹ he yín agbasalan ṣie lẹ hlan awuwhàn, bo sọ whlẹn pẹvide yetọn gán. ¹⁵Na ẹyín tùnhlan yetọn yín whẹgbigbọ aihọn tọn, etẹ yíyí yetọn na yín, adavo ogbó sọn osiọ lẹ mẹ? ¹⁶Na eyín aklahiho yín wiwe, linfín yín wiwe ga: podọ eyín adò yín wiwe, mọ wẹ ala lẹ te ga. ¹⁷Podọ eyín yè fén vude ala lẹ tọn só, bọ hiẹ, he yín atinaminọ nukanmẹ tọn yín tùntùn do e mẹ to ṣẹnṣẹn yetọn, bọ a sọ to adò po ojó atinaminọ tọn po má hẹ yé; ¹⁸a doawagun do ala lẹ ji blo. Ṣigba eyín hiẹ to awugundo, hiẹ ma wẹ zé adò hẹn gba, ṣigba adò wẹ zé hiẹ hẹn. ¹⁹Hiẹ na do lò, dọmọ, Yè én ala lẹ sè, na yè nido tùn yẹn do e mẹ. ²⁰E yón; na mayise wutu wẹ yè fén yé sè, bọ hiẹ sọ nọte gbọn yise dali. A zé dewe daga blo, ṣigba sinú. ²¹Na eyín Jiwheyẹwhe ma hla ala jọwamọ lẹ dote, bo payi na é nikã nọma hla hiẹ dote ga. ²²Enẹwutu dayi dagbe po fifiẹ Jiwheyẹwhe tọn po go: hlan yé he jai lẹ dali fifiẹ; ṣigba hlan hiẹ dali, dagbe, eyín hiẹ nọte to dagbe etọn mẹ: eyín é ma yín mọ yè na sán hiẹ sẹ ga. ²³Podọ yewlẹ ga, eyín yé ma gbọsi mayise mẹ, yè na tùn yé do e mẹ: na Jiwheyẹwhe sọgan vó yé tùn do e mẹ. ²⁴Na eyín yè sán hiẹ sọn atinaminọ go, ehe yín wuju gbọn jọwamọ dali, bọ yè sọ tùn jẹagò do jọwamọ go do atinaminọ dagbe mẹ: nẹmunẹmu wẹ yè na tùn ehelẹ, he yín ala jọwamọ lẹ, do atinaminọ yetọn titi mẹ?

²⁵Na, mẹmẹsunnu emi, yen ma jlo dọ mì ni yín madọnanọ nudabla he tọn gba, na mì nikã yín nuyọnẹntọ to linlẹn mìtọn titi lẹ mẹ; dọ nukuntọ́n jọ do Islaeli go apade, kaka gigọ Kosi lẹ tọn na do wá e mẹ. ²⁶Mowẹ yè na whlẹn Islaeli lẹpo gán: dile yè wlan dọ,

³³Só! na adọkun, nuyọnẹn po zìnzìn Jiwheyẹwhe tọn po siso sọ I nawẹ whedida etọn lẹ yín dinmamọdòna sọ, podọ aliho etọn lẹ sọ húgan dindinmọl ³⁴Na mẹnu wẹ ko yọ́n ayiha Oklunọ tọn? kavi mẹnu we yín lẹnhẹtọ etọn? ³⁵kavi mẹnu whéwhé wẹ yina ẹn, yè nasọ vọ̀ ahó etọn sù hlan ẹn? ³⁶Na sọn e de, gbọn e dali, podọ hlan ẹn wẹ onú popo: hlan mẹhe gigo tin na kakadoi. Niṣẹ.

¹ENẸWUTU yẹn yí lẹblanu Jiwheyẹwhe tọn lẹ do vẹ̀ mì, mẹmẹsunnu emi, dọ mì ni yí agbasa mìtọn do basi avsannu ogbẹ̀nọ, wiwe, alọkẹyi hlan Jiwheyẹwhe, he yin sinsẹ̀n mìtọn gbigbọnọ. ²Podọ mì yín mẹkọndopọ hlan aihọn he blo; ṣigba mì ni yín mẹdìọadana gbọn hinhẹnjẹyúyú ayiha mìtọn tọn dali, na mì nido mọdòna núhe ojlo Jiwheyẹwhe tọn he yọ́n, alọkẹyi, bo sọ sọgbè nẹ yín.

³Na yẹn dọ, gbọn ojọmiọn he yè na mi dali, hlan omẹ dopodopo he tin to mi ṣẹnṣẹn, dọ é lẹn ede tọn glanglan hú ehe jẹ é ni lẹn blo: ṣigba nado len huwhẹ mẹ, kẹdẹdile Jiwheyẹwhe basi ojlé yise tọn hlan omẹ dopodopo do. ⁴Na dile mìwlẹ tindo awutugonu susu to agbasa dopo mẹ, bọ awutugonu lẹpo ma tindo azọ́n dopo; ⁵mọwẹ mìwlẹ, he sù, yín agbasa dopo to Klisti mẹ, omẹ dopodopo sọ yín awutugonu dopo awetọ etọn tọn. ⁶Enẹwutu le mìwlẹ tindo nunina wunmẹwunmẹ dile ojọmiọn he yè yina mí te, yín é yín odọdai, mì gbọ mí ni to didọdai kẹdẹdi ojlé yise tọn; ⁷kavi devizọ́n, mì gbọ mí ni jo mìde hlan devizón mítọn: kavi ewọ he to mẹplọ́n, to mẹpinplọ́n kòn; ⁸kavi ewọ he homẹjladohódọ, to homẹjladohó kòn: omẹ he to mẹna, gbọ e ni yí homẹdopo do wà ẹ; omẹ he dugán, é ni yí pẹ̀sẹ̀ do basi i; omẹ he to lẹblanu sọhia, é ni yí homẹhùnhùn do basi i: ⁹mì gbọ owanyi ni tin matin yẹnuwiwà Mì nọ gbẹwanna onú he ylan: bo joawuna ehe yín dagbe. ¹⁰Mì nọ yí homẹdagbe do yiwanna minọzo di mẹmẹsunnu; to yẹyi mẹ mì nọ na pipa daho mìnọzo; ¹¹mì whleawu to azọn mẹ blo; mì hùnzo to gbigbọ mẹ: bo sọ nọ to Oklunọ sẹ́n; ¹²mì nọ jaya to tódido mẹ; mì nọ miọnhomẹ to nukunbibia mẹ; bo sọ yí tenọgli do gbọsi odẹ̀ mẹ; ¹³mì nọ má hlan matindo mẹwiwe lẹ tọn; mì jo mìde hlan ojohẹmẹ. ¹⁴Mì nọ dona omẹ he to homẹkẹndo mì lẹ; mì nọ dona, mì hodedomẹ blo. ¹⁵Mì nọ jaya hẹ yé he to ayajẹ lẹ, bo sọ nọ viavi hẹ yé he to avivi lẹ. ¹⁶Mì yín ayiha doponẹnọ hlan mìnọzo. Mì donukun onú kiklo blo, ṣigba mì hohuwhé mìde hlan omẹ tẹnmẹwhiwhẹnọ lẹ. A yín nuyọnẹntọ to linlẹn towe titi lẹ mẹ blo. ¹⁷Mì yí oylan do yíahọsu oylan tọn to omẹ de go blo. Mì nọ wleawu onú he yọ́n lẹ tọn dai to gbẹtọ lẹpo nukọn. ¹⁸Eyín é yín wiwà, le é te to huhlọn me na mì, mì nọ nò jijọho hẹ omẹ popo. ¹⁹Mẹvivẹ ṣie emi, mì yíahọsu mìde tọn blo, ṣigba mì kúkú gbọ bo jotẹn hlan homẹgble: na yè wlan ẹn dọ, Ahọsuyí wẹ ṣie; yẹn na suahọ, wẹ Oklunọ dọ. ²⁰Enẹwutu eyín huvẹ hù kẹ́ntọ towe, na núdùdù i; eyín nùgblahu i, na núnùnù in; na to mọ wiwà mẹ hiẹ na bé akán miyọn tọn pli do ota etọn. ²¹A dike yè yí oylan do húgan we blo, ṣigba yí dagbe do húgan oylan.

¹MI gbọ gbigbọ lẹpo ni yín mẹ mẹglọ hlan huhlọn daho lẹ. Na huhlọn de ma tin adavo sọn Jiwheyẹwhe de; huhlọn he tin lẹ Jiwheyẹwhe de wẹ è do yé ai sọn. ²Enẹwutu mẹdepope e diọnukunsọ huhlọn, é diọnukunsọ oséndoai Jiwheyẹwhe tọn: podọ yé he diọnukunsọ lẹ na mọ whẹgbledo yí hlan yéde. ³Na ogán lẹ ma yín osi hlan azọ́n dagbe lẹ gba, adavo hlan ylankan. Be hiẹ ma jlo obu huhlọn tọn ni di we? wà ehe yòn, hiẹ nasọ tindo pipa sọn e de. ⁴Na devizónwàtọ Jiwheyẹwhe tọn wẹ ewọ hlan hiẹ na dagbe. Ṣigba eyín hiẹ wà ehe ylan, bo dibu; na ewọ ma zé ohi lọ hẹn yaya gba; na devizònwàtọ Jiwheyẹwhe tọn wẹ ewọ, ahọsuyitọ nado wàzòn homẹgble tọn to yé he wàylan ji. ⁵Enẹwutu mi ma sọgan nọma yín mẹmẹglọ, é ma yín na homẹgble tọn kedẹ wutu gba, ṣigba na ayiha wutu ga. ⁶Na ehe tọn mì to tòkuẹ na ga; na devizònwàtọ Jiwheyẹwhe tọn wẹ yé, ehe lọ go wẹ yé sọ to pinpọ́n to whepoponu. ⁷Enẹwutu mì suahọ mẹtọn-mẹtọn yé: tokuẹ hlan mẹhe yè du tokuẹ do; odekuẹ hlan mẹhe yè du odekuẹ do; osi hlan mẹhe osi yín etọn; ogbégbo hlan mẹhe ogbégbo yín etọn.

⁸Mì duahọ núde tọn do ome de blo; adavo nado yiwanna mìnọzo; na ewọ mẹhe yiwanna mẹdevo ko yìn osén lọ. ⁹Na ehe, Hiẹ ma na deayò, Hiẹ ma na hùmẹ, Hiẹ ma na fìnnúyí, Hiẹ ma na dekunnu lalo tọn, Hiẹ ma na dònukunkẹn; podọ eyín osén devo de sọ tin, madogàna kaka, yè hò e hú do dopo to ohó he mẹ, dọ, Hiẹ na yiwanna kọmẹnu towe di dewe. ¹⁰Owanyi ma nọ wàzòn gbigble hlan kọmẹnu etọn: enẹwutu owanyi wẹ yìnyìn osén tọn.

¹¹Podọ, le mì yòn ojlẹ, dọ ojlẹ finfòn sọn amlọn mẹ whenu ko sò: na dinvie wẹ whlẹngan mítọn sẹpò hú whenu mí sẹsẹ yise. ¹²Ozán ko juwayì susu, okle sẹpọ́: enẹwutu mì gbọ mí ni zé azọ̀n zinvlu tọn lẹ dlan, bo sọ gbọ mí ni zé ogbaja hinhọ́n tọn bla do ogo. ¹³Mì gbọ mí ni zinzọnlin jijlo, taidi to okle; é ma yín to zánzinzọn podọ to ahannúmu mẹ, é ma yín to ayòdide po gbẹdùdù po mẹ, é ma yín to avún po núvẹun po mẹ. ¹⁴Ṣigba mì zé Jesu Klisti Oklunọ do ogo, mì wleawu dai na agbasalan nado hẹn wantúntún etọn lẹ di blo.

¹MÌ nọ yí ewọ he yín madogánnọ to yise mẹ, ṣigba é ma yín hlan nudindọn ayiawe tọn lẹ gba. ²Na omẹ de yise dọ ewọ sọgan dù onú popo; omẹ devo, he yín madogánnọ, to omá dù. ³Mì dike omẹ he to dudù vlẹ ewọ he ma to dùdù blo; podọ mì sọ dike ewọ he ma to dùdù dawhẹna ewọ he to dudù blo; na Jiwheyẹwhe ko yí i. ⁴Mẹnu wẹ hiẹ he to owhè devi mẹdevo tọn da? hlan mẹmẹnu etọn titi wẹ é note, kavi wẹ é jai. Mowẹ, yè na zé e daga na Jiwheyẹwhe sọgan hẹn ẹn nọte. ⁵Na omẹ de pa azán de hú devo: omẹ devo pa azán lẹpo do zẹ̃nzẹ̃n. Mì gbọ omẹ dopodopo ni yòn ede to ayiha etọn titi mẹ. ⁶Ewọ mẹhe to azán hòpòn, to hihò e pòn hlan Oklunọ: podọ ewọ he ma sọ to azán hòpón, hlan Oklunọ wẹ é ma to hihò e pòn. Ewọ he to dùdù, to dùdù hlan Oklunọ, na é yí opé na Jiwheyẹwhe: podọ ewọ he ma to dùdù, hlan Oklunọ wẹ ewọ ma to dùdù, é sọ na opé Jiwheyẹwhe. ⁷Na ode mítọn ma tin to ogbò hlan ede, mọ omẹ de ma sọ nọ kú hlan ede. ⁸Na eyín mí tin to ogbẹ̀, mí tin to ogbè hlan Oklunọ; podọ eyín mí sọ kú, mí kú hlan Oklunọ: enẹwutu eyín mí tin to ogbẹ̀, kavi eyín mí kú, Okluno tọn wẹ mí. ⁹Na ẹhe tọn wutu wẹ Klisti kú, bo fọ́n, bo gònọgbè, dọ é nido yín Oklunọ osiọ po omẹgbò lẹ po tọn. ¹⁰Ṣigba etẹwutu wẹ hiẹ to owhè mẹmẹsunnu towe tọn da? kavi etẹwutu wẹ hiẹ to mẹmẹsunnu towe vlẹ? na mí ome pó wẹ na nọte to whèda-zìnpo Jiwheyẹwhe tọn nukọn. ¹¹Na yè wlan ẹn dọ,

¹³Enẹwutu mì dike mí sọ dawhèna mínọzọ ba blo: ṣigba bo kúkú gbọ bo nọ dawhè he nkọ, dọ omẹ de yí zannu ahlida de do aliho mẹmẹsunnu etọn tọn blo. ¹⁴Yẹn yọnẹn, yè sọ hẹn mi yise gbọn Jesu Oklunọ dali, dọ núde ma yín mawe ededenu: ṣigba hlan ewọ he lẹn onú de nado yín mawe, ewọ wẹ é yín mawe hlan. ¹⁵Ṣigba eyín na núdùdù towe wutu yè hẹn homẹgble mẹmẹsunnu towe, be hiẹ ma yí owanyi do to zọnlinzin gba. A yí núdùdù towe do hù ewọ he Klisti kú na súdo blo. ¹⁶Enẹwutu mì dike yè dọ oylan do dagbe mìtọn go blo: ¹⁷na ahọludu Jiwheyẹwhe ton ma yín nudùdù po nunùnù po gba; adavo dódó, jijọho, po ayaje po to Gbigbọ Wiwe mẹ ¹⁸Na ewọ he to Klisti sẹ̀n to onú helẹ mẹ wẹ yín mẹkealọyi hlan Jiwheyẹwhe, bo yín mẹsùwhena to gbẹtọ de ¹⁹Enẹwutu mì gbọ mí ni nọ hodo onú he nọ wàzón na jijọho lẹ, podọ onú he dali omẹ de sọgan gbọn hẹn mẹdevo dote. ²⁰Á hù azón Jiwheyẹwhe tọn súdo na núdùdù wutu blo. Onú lepo wẹ wé nugbo; ṣigba oylan wẹ é yin na omẹ ne he yí afọklẹnnu do dù. ²¹E yón ma nado du olan, kavi ma nado nù Ovẹ̃n, kavi onú depope gbọn ehe dali mẹmẹsunnu towe dahli, kavi he hẹn ẹn klẹnafọ, kavi he hẹn ẹn zùn madogánnọ. ²²Hiẹ tindo yise? tindo e hlan dewe to Jiwheyẹwhe nukọn. Donano wẹ ewọ he ma gblewhedo ede to onú he é dè mẹ ²³Omẹ he lenawe wẹ yè gblewhèdo eyín ewọ dú, na é ma dù sọn yise mẹ wutu: na nudepope he ma sọn yise mẹ ylando wẹ.

¹ENEWUTU é jẹ na mí he yín huhlonnọ lẹ nado nọ hẹnagbàn madogán madogannọ lẹ tọn, é ma yín nado hen homẹ mìde tọn hùn gba. ²Mì gbọ dopodopo mítọn ni nọ hẹn homẹ komẹnu eton ton hùn na dagbe etọn hlan hẹndote. ³Na yèdọ Klisti ma hẹn homẹ ede tọn hùn gba; ṣigba dileyè wlan en dọ, Ovle yé he to vivlẹ we lẹ tọn flẹ́ je oji e. ⁴Na onú depope he yè ko wlan dai, yè wlan yé na óplọn mítọn, dọ mìwlẹ gbọn homefa po homẹmiọn Owé wiwe lẹ tọn po dàli nido tindo otódo. ⁵Na Jiwheyẹwhe homẹfa po homemiọn po tọn ni na mì nado yín homedoponọ hlan mìnọzo kededi hlan Klisti Jesu. ⁶Na mì nido yí ayiha dopo po onù dopo po do pagigona Jiwheyẹwhe, yèdọ Otọ́ Jesu Klisti Oklunọ mítọn tọn. ⁷Enewutu mì yí mìnọzọ, dile Klisti ga yí mí hlan gigo Jiwheyẹwhe tọn do. ⁸Ṣigba yẹn dọ dọ Jesu Klisti wẹ devizònwàtọ owhẹgbo tọn na nugbo Jiwheyẹwhe tọn, nado hẹn opagbe he yè do hlan otọ́ mítọn lẹ lódo; ⁹podọ na Kosi lẹ nido pagigona Jiwheyẹwhe na lẹblanu etọn; dile yè wlan ẹn dọ,

¹⁴Mẹmesunnu ṣie emi, yẹnlọsu yọnẹn ga gbọn mìtọn dali, dọ mì gọ na dagbewà, yè sọ hen mì gó na nuyọnẹn lẹpo, bo sọ sọgan kohona mìnọzọ ga. ¹⁵Ṣigba, mẹmẹsunnu emi, yẹn ko yí tugbigbo he húgan do wlanwe hlan mì gbọn alidehò, nado hẹn mì flinnú, na ojọmiọn he yè na mi sọn Jiwheyẹwhe de tọn wutu. ¹⁶Do yen nido yín dẹvizónwàtọ Jesu Klisti tọn hlan Kosi lẹ, bo to devizón wẹndagbe Jiwheyẹwhe tọn wà, dọ yíyí mede do sánvọ́ Kosi lẹ tọn nido yín alọkẹyi, na le yè klán ẹn do wiwe gbọn Gbigbọ Wiwe dali do. ¹⁷Enẹwutu yẹn tindo onú he mẹ yẹn sọgan doawagun te gbọn Jesu Klisti dali, to onú he yín Jiwheyẹwhe tọn nelẹ mẹ. ¹⁸Na yẹn ma na ha nado dọhó onú nẹlẹ de tọn he Klisti ma wà gbon dali ṣie, nado hẹn Kosi lẹ setónu, gbon ohó po owalọ po dali, ¹⁹gbon ohia daho po nujawu lẹ po dali, gbọn huhlọn Gbigbọ Jiwheyẹwhe tọn ton dali; sọmọ dọ sọn Jelusalẹm lédo jẹ Illilikumi, yẹn ko dọyẹwheho wendagbe Klisti tọn to gigọ́ mẹ. ²⁰Nugbo, mọ we yẹn ko yí vivẹnu do dọyẹwheho wendagbe tọn, é ma yín ofi he yè ko ylọyín Klisti tọn te gba, na yẹn ma nado dó do dòdó mẹdevo tọn ji: ²¹ṣigba dile yè wlan en dọ,

²²Na ehe wutu ga yè glọnalina mi gbahú nado wà mì de. ²³Sígba dinvie le yẹn ma sọ tindo otẹn de to awà helẹ ji ba, bọ yẹn ko sọ tindo ojlo he klo sọn owhè nẹmudie gbọn nado wá mì de; ²⁴whedepopenu yẹn tónwhẹn jei Spaini, yẹn na wá mì de: na yẹn to tódo nado mọ mì to whẹntónli ṣie ji, bọ yè nado hẹn mi to aliho ṣie ji wá finẹ dali gbọn alọ mìtọn mẹ, eyín yẹn whé na mọ ogbé mìtọn adade ni jọawu mi. ²⁵Ṣigba dinvie yẹn jei Jelusalẹm nado wàdevizọ́n hlan mẹwiwe lẹ. ²⁶Na é ko yín ojlo omẹ Makedonia po Akaìa po lẹ tọn nado basi akuẹjọ de na mẹwiwe wamọnọ he tin to Jelusalẹm lẹ. ²⁷E yín ojlo yetọn nugbonugbo: ahótọnọ yetọn wẹ yé sọ yín. Na eyín yè hẹn Kosi lẹ yín máhẹtọ po yé po to onú yetọn he yín gbigbọnọ mẹ, azón yetọn wẹ é sọ yín ga nado yílizọn hlan yé to aihọnmẹnú yetọn lẹ mẹ. ²⁸Enẹwutu whenuena yẹn ko basi ehe pó, bo ko sọ dohia sinsẹ́n he hlan yé, yẹn na gbọn mì de wá Spaini. ²⁹Yẹn sọ yọnẹn nugbo dọ whenuena yẹn wá mì de, yẹn na wá to gigọ́ odona wẹndagbe Klisti tọn mẹ.

³⁰Mẹmẹsunnu emi, yẹn vẹ̀ mì, na Jesu Klisti Oklunọ wutu, podọ na owanyi Gbigbọ tọn wutu, dọ mì ni dovivẹnu dopọ hẹ mi to odè mìtọn mẹ hlan Jiwheyẹwhe na mi; ³¹na yè nido whlẹn mi sọn yé he ma yise to Judé lẹ de; podọ na azón ṣie he yẹn tindo na Jelusalẹm nido yín alọkẹyi hlan mẹwiwe lẹ; ³²na yẹn nido wá mì de po ayajẹ po gbọn ojlo Jiwheyẹwhe tọn dali, na yè nido doawuyana mi po mì po. ³³Na Jiwheyẹwhe jijọho tọn ni nọ̀ hẹ mì omẹ pó. Niṣẹ.

¹YẸN pa Febi mẹmẹyọnnu mítọn hlan mì, mẹhe yín lizọnyítọ agùn he tin to Kẹnklea tọn; ²dọ mì ni yí i to Oklunọ mẹ, dile é jẹ na mẹwiwe lẹ do, podọ na mì ni gọalọ nẹ to azón depope he é ma na nọmatindo to mì de mẹ; ná ewọ ko yín alọgọnamẹtọ omẹ susu tọn, po yẹn tọn po ga.

³Mì dọnúdo Pliskila po Akuila po, yé alọgọnamẹtọ ṣie lẹ to Klisti Jesu mẹ: ⁴yé he yí okò yetọn bọdai na ogbè ṣie wutu; é ma yín yé he yẹn dopé kẹdẹ, ṣigba agùn Kosi tọn lẹpo ga. ⁵Mì sọ dọnúdo agùn he tin tọ owhé yetọn gbè, mọkẹdẹ. Mì dọnúdo mẹyiwanna ṣie Epenetu, mẹhe yín sinsẹ́n tintan Akaia I tọn lẹ hlan Klisti. ⁶Mì dọnúdo Malia, mẹhe wàzón susu na mì. ⁷Mì dọnúdo Andloniku po Junia po, hẹnnumẹ ṣie lẹ, podọ ogànmẹgbé ṣie lẹ, mẹhe diyín tó apọsteli lẹ ṣẹnṣẹn, mẹhe ko tin ga to Klisti mẹ jẹnukọnna mi lẹ. ⁸Mì dọnúdọ Amplia mẹyiwanna ṣie to Oklunọ mẹ. ⁹Mì dọnúdo Ulbane alọgọnamẹtọ mítọn to Klisti mẹ, po Staki mẹyiwanna ṣie po. ¹⁰Mì dọnúdo Apele, mẹsùwhẹna to Klisti mẹ, mì dọnúdo yé he yín whédo Alistobulu tọn mẹ tọn lẹ. ¹¹Mì dọnúdo Hẹlọdioni hẹnnumẹ ṣie. Dọnúdo yé he yín whédo Nalkisu tọn lẹ, he tin to Oklunọ mẹ lẹ. ¹²Mì dọnúdo Tlifena po Tlifosa po, mẹhe to azónwà to Oklunọ mẹ lẹ. Mì dọnúdo Pelsi mẹyiwanna, he wàzón susu to Oklunọ mẹ. ¹³Mì dọnúdo Lufu he yè dè to Oklunọ mẹ, onọ etọn po ṣie po. ¹⁴Mì dọnúdo Asinklitu, Flegoni, Helma, Patloba, Helme, po mẹmẹsunnu he tin to yé de lẹ po. ¹⁵Mì dọnúdo Filologu, po Julia po, Neleu po nọviyọnnu etọn po, po Olimpa po, po mẹwiwe he tin to yé de lẹ po. ¹⁶Mì yí nùdonùgo wiwe do dọnúdo minọzọ. Agùn Klisti tọn lẹ dọnúdo mì.

¹⁷Mẹmẹsunnu emi, yẹn vè mì, mì nọ payi yé he nọ hẹn kinklan po ahlida po wá lẹ, ehe jẹagò do oplón he mì plón go; bo nọ nọla na yé. ¹⁸Yé he tin mọ lẹ ma to Jesu Klisti Oklunọ sèn gba, adavo adọ̀go yéde tọn; podọ gbọn ohó dagbe po ogbè vivi po dali wẹ yé nọ klọ ayiha mayóndẹnọ lẹ tọn. ¹⁹Na tónusise mìtọn gbapó jẹ gbẹtọ lẹpo de. Enẹwutu homẹ ṣie vivi na mì tọn wutu: ṣigba gãnṣo yẹn sọ jlo na nuyọnẹn ni pé mì hlan ehe yín dagbe, bo yín mayọ́ndẽnọ hlan enẹ he yín oylan. ²⁰Podọ Jiwheyẹwhe jijọho tọn na zin Satani dai to afọ mìtọn glọ to yọ́yọ́vie. Ojọmiọn Jesu Klisti Oklunọ mítọn tọn ni nò hẹ mì. Niṣẹ.

²¹Timoti azóngbé Lukiu po Jasoni po, po Sosipatelu po, hẹnnumẹ ṣie lẹ, dọnúdo mì. ²²Yẹn Teltiu, he to episteli he kàn, dọnúdo mi to Oklunọ mẹ. ²³Gaiu otònọ ṣie, po agùn lọ pete tọn po, dọnúdo mì. Elastu, agbàn otò tọn gopóntọ, dọnúdo mì, po Kuaìtu mẹmẹsunmi lọ po. ²⁴Ojọmiọn Jesu Klisti Oklunọ mítọn tọn ni nè hẹ mì omẹ po Niṣẹ.

²⁵Hlan ewọ he sọgan hẹn mì lódo kedẹdi wẹndagbe ṣie, po yẹwhehodidọ Jesu Klisti tọn po, kẹdẹdi osọhia nudabla tọn, he whlá sọn whenu aihọn ko jọ gbọn, ²⁶ṣigba bọ yè dèhia dinvie, podọ gbọn Owé wiwe yẹwhegán lẹ tọn dali kẹdẹdi osén Jiwheyẹwhe madopodo tọn, yè hẹn zùn yinyonẹn hlan akọta lẹpo na tónuse yise tọn; ²⁷hlan Jiwheyẹwhe nuyọnẹntọ dopolo, gbọn Jesu Klisti mẹ, mẹhe gigo tin hlan kakadoi. Niṣẹ.