Osọha lẹ

¹OKLUNỌ lo sọ dọho hlan Moṣe to zùngbo Sinai tọn mẹ, to ogoho opli tọn lọ me, to azán tintan osun awẹtọ tọn gbè, to owhè awetọ lọ me godo ye ko yín hinhẹn jẹgbonu sọn aigba Egipti tọn lọ mẹ wá, dọmọ, ²Mì yi osọha agùn ovi Islaeli tọn lẹ tọn lẹpo, gbọn owhedo yetọn lẹ dali, gbọn owhé oto yetọn lẹ tọn lẹ dali, kẹkedi osọha oyìn lẹ lọ tọn, sunnu dopodopo, gbọn ota yetọn lẹ dali; ³sọn owhè òko mẹho podọ humọ, ehe tin sọgan nado tọn yì jẹ awhàn kòn to Islaeli mẹ, hiẹ po Aalon po na yísọhana ye gbọn awhànpá yetọn lẹ dali. ⁴Podọ tọ mì de finẹ we sunnu dopo na te sọn whẹndo dopodopo me; omẹ dopodopo nukọntọ owhé oto etọn tọn ⁵Podọ ehelẹ wẹ oyín omẹ lẹ lo tọn lẹ he na site to mì de: sọn Lẹubeni mẹ; Elizuli visunnu Sedeuli tọn lọ. ⁶Son Simeoni mẹ; Selumieli visunnu Zulisadai tọn lọ. ⁷Son Juda mẹ; Nasoni visunnu Aminadabi tọn lọ. ⁸Sọn Issakali mẹ; Nẹtanẹli visunnu Zuali tọn lọ. ⁹Sọn Zẹbuluni me; Eliabi visunnu Heloni tọn lọ ¹⁰Sọn ovi Jọsefu Tọn lẹ lọ me: son Ẹflaimi mẹ; Elisama visunnu Amihudi tọn lọ: sọn Manasse mẹ; Gamaheli visunnu Pedahuli tọn lọ. ¹¹Sọn Bẹnjamini mẹ; Abidanì visunnu Gideoni tọn lọ. ¹²Sọn Dani mẹ; Ahiezeli visunnu Amisadai tọn lọ. ¹³Sọn Aṣeli mẹ, Pagieli visunnu Oklani tọn lọ. ¹⁴Sọn Gadi mẹ, Eliasafi visunnu Deueli tọn lọ. ¹⁵Sọn Naftali mẹ; Ahila visunnu Enani tọn lọ ¹⁶Ehelẹ wẹ yé he yè ylọ sọn agùn lọ mẹ, ogán lẹ lọ sọn whẹndo oto yetọn le tọn, lẹ mẹ; yé wẹ nukọntọ, whẹdo Islaeli tọn, lẹ lọ tọn. ¹⁷Moṣe po Aalọn po sọ yi omè helẹ he ye ylọ gbọn oyín dali: ¹⁸ye bo sọ pli agùn lọ lẹpo dopo to azán tintan osùn awetọ lọ tọn gbe, yé sọ pitan whẹndo yetọn le tọn kededi whédo yetọn lẹ, gbọn owhe otọ yetọn lẹ tọn dali, kẹdẹdi osọha oyín le lọ ton son owhè oko mẹho podọ humọ, gbọn ota yetọn lẹ; dali ¹⁹Le OKLUNỌ lọ degbèna Moṣe do, mọ wẹ é yísọhana yé do to zùngbo Sinai tọn lọ mẹ.

²⁰Podo ovi Lẹubeni tọn lẹ lọ, oplọnji Islaeli tọn, whendo yetọn lẹ, gbon whédo yetọn lẹ dali, gbọn owhé otọ̀ yetọn le tọn lẹ dali, kẹdẹdi osọho oyín lẹ lọ tọn, gbọn ota yetọn lẹ dali, sunnu dopodopo sọn owhè òko mẹho podọ humọ, ehe tín sọgan nado jẹgbonu yì jẹ awhàn kòn; ²¹enẹlẹ he yè yísọhana sọn yé mẹ, sọn whẹndo Lẹubeni tọn lọ mẹ, yín fọtọ̀n kándeṣidopo po fowekanweko po.

²²Sọn ovi Simeoni tọn lẹ lọ mẹ, gbọn whédo yetọn lẹ dali, gbọn owhe otọ́ yetọn lẹ tọn dali, enẹlẹ he yè yísọhana sọn yé mẹ finẹ, kẹdẹdi osọha oyín lẹ lọ tọn, gbọn ota yetọn lẹ dali, sunnu dopodopo sọn owhè òko mẹho podọ humọ, ehe tin sọgan nado jẹgbonu yì je awhàn kọn lẹpo; ²³enẹlẹ he yè yísọhana sọn yé mẹ, sọn whẹndo Simeoni tọn mẹ, yín fọtọ́n kandefọtọ̀nnukunẹnẹ po fọdekanweko po.

²⁴Sọn ovi Gadi tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; ²⁵enẹlẹ he yè yísọhana sọn yé mẹ, sọn whẹndo Gadi tọn lọ mẹ, yín fọtọ́n kandeatọ́n po nuọntọ̀nkandeao po.

²⁶Sọn ovi Juda tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo: ²⁷enẹlẹ he yè yísọhana sọn yé mẹ, sọn whendo Juda tọn lọ mẹ, yín fọtọ́n kandegbànnukunẹnẹ po nuọntọ̀n po.

²⁸Sọn ovi Issakali tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otẹ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; ²⁹enẹlẹ he yè yísọhana sọn yé mẹ, sọn whẹndo Issakali tọn lọ mẹ, yín fọtọ́n kandewiẹnẹ po fowe po.

³⁰Sọn ovi Zẹbuluni tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhó oté yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sogan nado jẹgbonu yì jẹ awhàn kòn lẹpo; ³¹enẹlẹ he yè yísọhana sọn yé mẹ, sọn whẹndo Zẹbuluni tọn lọ mẹ, yín fọtọ́n kandefọtònnukunawe po fòwe po.

³²Sọn ovi Josẹfu tọn lẹ lọ mẹ, enẹ wẹ nado dọ, sọn ovi Ẹflaimi tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; ³³enẹlẹ he yè yísọhana sọn yé mẹ, sọn whẹndo Ẹflaimi tọn lọ mẹ, yín fọtọ́n kande po fòwekanweko po.

³⁴Sọn ovi Manasse tọn lẹ lọ mẹ, whẹndo yetọn lẹ, gbọn whédo yetọn le dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; ³⁵enẹlẹ he yè yísọhana sọn yé mẹ, sọn whẹndo Manasse tọn lọ mẹ, yín fọtọ́n gbánnukunawe po fọ̀de po.

³⁶Sọn ovi Bẹnjamini tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo, ³⁷enẹlẹ he yè yísọhana sọn yé mẹ, sọn whẹndo Bẹnjamini tọn lọ mẹ, yín fọtọ́n gbanatẹ́n po fòwe po.

³⁸Sọn ovi Dani tọn lẹ lọ mẹ, whendo yetọn lẹ, gbọn whédo yetọn le dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè oko mẹho podọ humọ, ehe tin sọgan nado jegbonu yì jẹ awhàn kòn lẹpo; ³⁹enelẹ he ye yísọhana sọn yé mẹ, sọn whendo Dani tọn lẹ lọ mẹ, yin fọtọ́n kandekonukunawe po nuọntọ̀nkanweko po.

⁴⁰Sọn ovi Aṣeli tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhẹ́ otọ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko meho podọ humọ, ehe tin sọgan nado jẹgbonu yì jẹ awhàn kòn lẹpo; ⁴¹enẹlẹ he yè yísọhana sọn yé mẹ, sọn whẹndo Aṣeli tọn lọ mẹ, yín fọtọ́n kandenukundopo po fòwekanweko po. ⁴²Sọn ovi Naftali tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otè yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; ⁴³enẹlẹ he yè yísọhana sọn yé mẹ, sọn whẹndo Naftali tọn lọ mẹ, yín fọtọ́n kandewiatòn po fòwe po. ⁴⁴Ehelẹ wẹ yé he yè yísọhana, he Moṣe po Aalọn po yísọhana, po ogán Islaeli tọn lẹ lọ po, yín yín sunnusi wiawe: yé tin omẹ dopodopo na owhé otọ́ etọn lẹ tọn. ⁴⁵Mowẹ yé he yè yísọhana sọn ovi Islaeli tọn lẹ lọ mẹ gbọn owhé otẹ́ yetọn lẹ tọn lẹ daíi, sọn owhé òko meho podọ humọ, ehe tin sọgan nado jẹgbonu yì jẹ awhàn kọ̀n to Islaeli mẹ lẹpo; ⁴⁶yèdọ yé he yè yísọhana lẹpo yín fọtọ́n nuọntọ̀nnukunatọ̀n po fòwekantọ̀ngbàn po. ⁴⁷Ṣigba Levinu lẹ kẹdedi whẹndo otọ́ yetọn lẹ tọn wẹ yè ma yísohana to yé ṣẹnṣẹn gba. ⁴⁸Na OKLUNỌ lọ dọhó hlan Moṣe, dọmọ, ⁴⁹Whẹndo Levi tọn lọ kẹdẹ wẹ hiẹ ma na yísọhana gba, mọ hiẹ ma na yí lẹndopọ yé tọn lọ to ovi Islaeli tọn lẹ lọ ṣẹnṣẹn gba. ⁵⁰Ṣigba hiẹ ni dè Levinu lẹ lọ do gohọ̀túntún okunnuhó lọ tọn lọ ji, podọ do aṣọvànu etọn lẹpo ji, podọ do ehe yín é tọn lẹpo ji: yé na nọ zé gohọ̀túntún lọ hẹn, po asọvànu etọn lẹpo po; yé bo nasọ nọ wàdevizọn hlan ẹn, bo nasọ dosla lédo gohọ̀túntún lọ pé. ⁵¹Podọ whenuena gohọ̀túntún lọ dèdo nukọn, Levinu lẹ na yí i wádò: podọ whenuena gohọ̀túntún lọ tin nado yín pinpén, Levinu lẹ lọ na zé e dote: podọ ojónọ he wá dònsòpọ lọ na yín hùhù. ⁵²Podọ ovi Islaeli tọn lẹ lọ na pọ́n ogohò yetọn lẹ, omẹ dopodopo to osla etọn lọsu dali, podọ omẹ dopodopo to awhànsia etọn lọsu dali, kẹdẹdi awhànpa yetọn lẹ. ⁵³Ṣigba Levinu lẹ lọ na pénslahò lédo gohọ̀túntún okunnuhó lọ tọn lọ pó, na homẹgble de ma na do tin to agùn ovi Islaeli tọn lẹ tọn ji to finẹ gba: Levinu lẹ lọ wẹ nasọ nọ payi asó gohọ̀túntún okunnuhó lọ tọn lọ go. ⁵⁴Le wẹ ovi Islaeli tọn lẹ lọ wà do; kẹdẹdi ehe OKLUNỌ lọ degbèna Moṣe lẹpo, mọwẹ yé wà do.

¹OKLUNỌ lọ sọ dọhó hlan Moṣe podọ hlan Aalọn, dọmọ, ²Ovi Islaeli tọn lẹ lọ na pénslahò omẹ dopodopo to awhànsia etọn lọsu dali, po asia owhọ̀ otò yetọn lẹ tọn lẹ po: pànnukọn ogohọ̀ opli tọn lọ wẹ yé na pénslahọ̀ lédo pé. ³Podọ yé he pénslahọ̀ to awà whèzẹtẹn tọn go hlan whèzizẹ dali na yín yé awhànsia osla Juda tọn lọ tọn mẹ tọn, kẹdẹdi awhànpa yetọn lẹ: podọ ogán lọ sọn ovi Juda tọn lẹ lọ mẹ na yín Nasoni visunnu Aminadabi tọn lọ. ⁴Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandegbànnukunẹnẹ po nuọntọ̀n po. ⁵Podọ enẹlẹ he pénslahò sèpo jẹ e de lẹ na yín Issakali tọn lọ: podọ ogán lọ sọn ovi Issakali tọn lẹ lọ mẹ na yín Nẹtanẹli visunnu Zuali tọn lọ: ⁶podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandewiẹnẹ po fòwe po: ⁷po whẹndo Zẹbuluni tọn lọ po: ogán lọ sọn ovi Zẹbuluni tọn lẹ lọ mẹ na yín Eliabi visunnu Helọni tọn lọ: ⁸podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandefọtọ̀nnukunawe po fòwe po. ⁹Ehé yè yísọhana sọn osla Juda tọn mẹ lẹpo yín fọtọ̀n kẹnnẹsidopo po fòwe po, kẹdẹdi awhànpa yetọn lẹ. Yé wẹ tintan he na dèdo.

¹⁰To awànuwàji tọn lọ go wẹ awhànsia osla Lẹubeni tọn lo tọn na te kẹdẹdi awhànpa yetọn lẹ: podọ ogán lọ sọn ovi Lẹubeni tọn lẹ lọ mẹ na yín Elizuli visunnu Lẹubeni tọn lọ. ¹¹Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandesidopo po fòwekanweko po. ¹²Podọ enẹlẹ he pénslahò sèpọ jẹ e de lẹ na yín whẹndo Simeoni tọn lọ: podọ ogán lọ sọn ovi Simeoni tọn lẹ lọ mẹ na yín Ṣelumiẹli visunnu Zulisadai tọn lọ: ¹³podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandefọtònnukunẹnẹ po fọdekanweko po: ¹⁴po whẹndo Gadi tọn lọ po: podọ ogán lọ sọn ovi Gadi tọn lẹ lọ me na yín Eliasafi visunnu Leueli tọn lọ: ¹⁵podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandeatòn po nuontònkandeao po. ¹⁶Ehe yè yísọhana sọn osla Lẹubeni tọn lọ mẹ lẹpo yín fọtọ́n kantọ̀ngbànatònnukundopo po fòwekandeao po, kẹdẹdi awhanpa yetọn lẹ. Podọ yé wẹ awetọ he na dèdo.

¹⁷Whenẹnu ogohò opli tọn lọ na dèdo nukọn, po osla Levinu lọ lẹ tọn po to gblagbla osla lọ lẹ tọn mẹ: le yé dosla do, mọwẹ yé na dèdo nukọn do, omẹ dopodopo to otẹn etọn mẹ, gbọn awhànsia yetọn lẹ dali.

¹⁸To awà whèyìhò tọn go wẹ awhànsia sọn osla Ẹflaimi tọn lọ mẹ na te kẹkẹdi awhànpa yetọn lẹ: podọ ogán lọ sọn ovi Ẹflaimi tọn lẹ lọ mẹ na yín Elisama visunnu Àmihudi tọn lọ. ¹⁹Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kande po fòwekanweko po. ²⁰Podọ sèpọ jẹ e de na yín whẹndo Manasse tọn lọ: podọ ogán lọ sọn ovi Manasse tọn lẹ lọ mẹ na yín Gamalieli visunnu Pẹdazuli tọn lọ: ²¹podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ́n gbànnukunawe po fòde po: ²²po whẹndo Bẹnjamini tọn lọ po: podọ ogán lọ sọn ovi Bẹnjamini tọn lẹ lọ mẹ na yín Àbidani visunnu Gideoni tọn lọ: ²³podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n gbànatọ́n po fòwe po. ²⁴Ehe yè yísọhana sọn osla Ẹflaimi tọn lọ mẹ lẹpo yín fọtọ́n kanwekoatọ́nnukunatọ̀n po kanweko po, kẹdẹdi awhànpa yetọn lẹ. Podọ yé wẹ atọ̀ntọ he na dèdo.

²⁵To awà agewaji tọn go wẹ awhànsia osla Dani tọn lọ tọn na te kẹdẹdi awhànpa yetọn lẹ: podọ ogán lo sọn ovi Dani tọn lẹ lọ mẹ na yín Ahiezeli visúnnu Amìsadai tọn Vọ ²⁶Podọ awhànpa etọn, po enelẹ he yè yísọhana sọn yé mẹ le po, yín fọtọ́n kandekonukúnawe po nuọntọ̀nkanweko po. ²⁷Podọ enẹlẹ he pénslahò sèpọ jẹ e de lẹ na yín whẹndo Àseli tọn lọ: podọ ogán lọ sọn ovi Aṣeli tọn lẹ lọ mẹ na yín Pagieli visunnu Oklani tọnlọ: ²⁸podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ́n kandenukundopo pò fowekanwebo po: ²⁹po whẹndo Naftali tọn lọ po: podọ ogán lọ sọn ovi Naftali tọn lẹ lọ mẹ na yín Ahila visunnu Enani tọn lọ: ³⁰podọ awhànpa etọn, po enẹlẹ he yè yísọhana sọn yé me lẹ po, yín fọtọ́n kandewiatòn po fòwe po. ³¹Ehe yè yísọhana sọn osla Dani tọn lọ me lẹpo yín fọtọ́n kantọ̀ngbànatọnnukunawe po nuọntọ̀n po. Yé wẹ na dèdo gbọn godopatapata gbọn awhànsia yetọn lẹ dali.

³²Ehelẹ wẹ yé he yè yísọhana sọn ovi. Islaeli tọn lẹ lọ mẹ gbọn owhé otọ́ yetọn lẹ tọn lẹ dali: ehe yè yísọhana sọn osla lẹ lọ mẹ kẹdẹdi awhànpa yetọn lẹ yín fọtọ́n nuọntọ̀n nukun atọ̀n po fòwekantọ̀ngbàn po. ³³Ṣigba Levinu lẹ lọ wẹ yè ma yí-ọhana to ovi Islaeli tọn lẹ lọ ṣẹnṣẹn gba; dile OKLUNỌ lọ degbèna Moṣe do. ³⁴Le wẹ ovi Islaeli ton lẹ lọ wà do; kẹdedi ehe OKLUNỌ lọ degbèna Moṣe lẹpo, mọwẹ yé pénslahò gbọn awhànsia yetọn lẹ dali, podọ mọwẹ yé dèdo nukọn do, omẹ dopodopo gbọn whédo yetọn lẹ dali, kẹdẹdi owhé otọ́ yetọn lẹ tọn lẹ.

¹DINVIE ehelẹ wẹ whẹndo Aalọn tọn lẹ lọ po Moṣe po to azán he mẹ OKLUNỌ lọ dọhó hẹ Moṣe toosó Sinai me. ²Podọ ehelẹ wẹ oyin visunnu Aalọn tọn lẹ tọn; Nadabi oplọnji lọ, po Abihu po, Eleazali, po Itamali po. ³Ehelẹ wẹ oyín visunnu Aalọn tọn lẹ lọ tọn lẹ, yẹwhenọ he yè dè lẹ lọ, mẹhe ewọ dèdowiwe nado nọ wàdevizọ́n to azọ́nhò yẹwhenọ tọn lọ mẹ. ⁴Nadabi po Abihù po kú to OKLUNỌ lọ nukọn, whenuena yé yí miyọn alọpadevo na to OKLUNỌ lọ nukọn, to zùngbo Sinai tọn lọ mẹ, yé ma sọ tindo ovi de; Eleazali po Itamali po sọ to devizọnwà to azọ́nhò yẹwhenọ tọn lọ mẹ to nukọn. Aalọn otọ́ yetọn tọn.

⁵OKLUNỌ lọ SỌ dọhó hlan Moṣe, dọmọ, ⁶Hẹn whẹndo Levi tọn lọ sèpọ, bo zé yé do Aalọn yẹwhenọ lọ nukọn, na yé nido nọ wàdevizọ́n hlan mi. ⁷Yé bo nasọ nọ payi asẹ etọn go po asẹ agùn pete lọ tọn po to ogohò opli tọn lọ nukọn nado nọ basi sinsẹ̀n gohọtúntún lọ tọn. ⁸Yè nasọ nọ payi asọvànu ogohò opli tọn lọ tọn lẹpọ go, po asẹ ovi Islaeli tọn lẹ lọ tọn po, nado nọ basi sinsẹ̀n gohọ̀túntún lọ tọn. ⁹Hiẹ bo nasọ yí Levinu lẹ lọ na hlan Aalọn podọ hlan visunnu etọn lẹ: petepete wẹ yè yí yé na hlan ẹn sọn ovi Islaeli tọn lẹ lọ mẹ. ¹⁰Hiẹ nasọ dè Aalọn po visunnu etọn lẹ po, yé nasọ nọ payi yẹwhenọzón yetọn go: podọ ojónọ lọ he wá sèpọ na yín hùhù.

¹¹OKLUNỌ lọ sọ dọhó hlan Moṣe, dọmọ, ¹²Podọ Yẹn, dayi e go, Yẹn ko yí Levinu lẹ lọ sọn ovi Islaeli tọn lẹ lọ ṣẹnṣẹn to otẹn oplónji lọ lẹpo tọn mẹ he hùn adò lọ to ovi Islaeli tọn lẹ lọ ṣẹnṣẹn; Levinu lẹ lọ bo nasọ yín ṣie: ¹³na ṣie wẹ oplónji lọ lẹpo; to azán he gbè yẹn linu oplónji lọ lẹpo to aigba Egipti tọn lọ ji yẹn biọ oplónji lọ lẹpo to Islaeli mẹ hlan dẽ, gbẹtọ po kanlin po: ṣie wẹ yé na ín; Yẹn wẹ OKLUNỌ lọ.

¹⁴OKLUNỌ lọ sọ dọhó hlan Moṣe to zùngbo Sinai tọn lọ mẹ, dọmọ, ¹⁵Yísọhana ovi Levi tọn lẹ lọ gbọn owhé otọ́ yetọn lẹ tọn lẹ dali, gbọn whédo yetọn lẹ dali: sunnusi dopodopo sọn osùn dopo mẹho podọ humọ wẹ hiẹ na do yísọhana yé. ¹⁶Moṣe sọ yísọhana yé kẹdẹdi ohó OKLUNỌ lọ tọn, dile yè degbèna ẹn do. ¹⁷Podọ ehelẹ wẹ visunnu Levi tọn lẹ lọ gbọn oyín yetọn lẹ dali; Gẹlsoni, po Kohati po, po Melaii po. ¹⁸Ehelẹ wẹ oyín visunnu Gẹlsoni tọn lẹ lọ tọn gbọn whédo yetọn lẹ dali; Libni po Ṣimei po. ¹⁹Podọ visunnu Kohati tọn lẹ lọ gbọn whédo yetọn lẹ dali; Amlami, po Izali po, Hebloni, po Uziẹli po. ²⁰Podọ visúnnu Melali tọn lẹ lọ gbọn whédo yetọn lẹ dali; Mahli po Muṣi po. Ehelẹ wẹ whédo Levinu lẹ lọ tọn lẹ kẹdẹdi owhé otọ yetọn lẹ tọn lẹ.

²¹Gẹlsoni ton wẹ whédo Libninu lẹ lọ tọn, po whédo Simeinu lẹ lọ tọn po: ehelẹ wẹ whédo Gẹlsoninu lẹ lọ tọn lẹ. ²²Enẹlẹ he yè yísọhana sọn yé mẹ lẹ, kẹdẹdi osọha oyin lọ lẹpo tọn, son osùn dopo mẹho podo humọ, yèdọ enele he yè yísọhana sọn yé mẹ yín fọtọ́n ṣinawe po fòwekanweko po ²³Whédo Gelsoninu lẹ lọ tọn le na pénslahò to godo gohòtántún lọ tọn hlan whèyihọdali. ²⁴Podọ ogán lọ sọn owhé otọ́ Gẹlsoninu le lọ tọn lẹ mẹ na yín Eliasafi visunnu Laelitọn lọ. ²⁵Podọ ase visunnu Gẹlsoni tọn lẹ lọ tọn to ogohọ̀ opli tọn lọ mẹ na yín gohọ̀túntún lọ, po Ogohọ̀ lọ po, oṣinyọn etọn, po baṣẹ lo po na ohọ̀n ogohọ̀ opli tọn lọ ton, ²⁶po avọ̀dido akanmahó lọ tọn lẹ po, po base lọ po na ohòn akànmahó lọ tọn, he tin to gohọ̀túntún lọ dali, podọ to agbà lọ dali lédo pé, po kànsisló e ton lẹ lọ po na sinsẹ̀nzọ́n etọn lẹpo lọ.

²⁷Podo Kohati tọn wẹ whédo Àmlaminu lẹ lọ tọn, po whédo Izalinu lẹ lọ tọn pọ, po whédo Hebloninu lẹ lọ tọn po, po whédo Uziẹlinu lẹ lọ tọn po: ehele wẹ whédo Kohatinu lẹ lọ tọn lẹ ²⁸Kẹdẹdi osọha Sunnusi lọ lẹpo tọn sọn osùn dopo mẹho podọ humọ yín fọtọ́n sinatòn po nuọntọ̀n po, he to ayipa aṣẹ fiwiwe lọ tọn go. ²⁹Whedo visunnu Kohati tọn lẹ lọ tọn le na pénslahọ̀ do awà gohọ̀túntún lọ tọn go hlan huwaji dali. ³⁰Podọ ogán lọ sọn owhé otọ́ lẹ ton gbè sọn whédo Kohatinu lẹ tọn lọ mẹ na yín Elizafani visunnu Ulieli tọn lọ. ³¹Podọ aẹ yetọn na yín alki lọ, po tafo lọ po, po miyọngbántin lọ po, po agbà le lọ po po nuzinzán fìwiwe lọ tọn lẹ po he yé dò nọ wàdevizọn, po baṣẹ lo po, po sinsẹ́nzọ́n etọn lẹpo po. ³²Podọ Eleazali visunnu Aalọn tọn lọ yẹwhenọ lọ na yín ogán ogán Levinu lẹ tọn lẹ lọ tọn, bo sọ tindo nugopinpọ́n yé he to ayipa aṣẹ fìwiwe lọ tọn lọ go tọn.

³³Melali tọn wẹ whédo Mahlinu lẹ lọ tọn, po whédo Maṣinu lẹ lọ tọn po: ehelẹ wẹ whédo Melali tọn lẹ lọ. ³⁴Podo enẹlẹ he yè yísọhana sọn yé mẹ, kẹdẹdi osọha oyín lẹ lọ tọn, sọn osùn dopo mẹho podọ humọ, yín fọtọ́n ṣidopo po fọ̀de po. ³⁵Podọ ogán lọ sọn owhé otọ́ lẹ lọ tọn gbè sọn whédo Melali tọn lẹ lọ mẹ wẹ Zùlièli visunnú Abihaili ton lọ; yé na pénslahọ̀ do awà gohọ̀túntún lọ tọn go hlan agewaji dali ³⁶Podọ azọ́nhò aṣẹ Visunnu Melali tọn lẹ lọ tọn na yín òwhlẹ gohọ̀túntún lọ tọn lẹ, po ópatin etọn lẹ po, po odòtin etọn lẹ po, po oslò etọn lẹ po, po núzinzán etọn lepo po, po sinsẹ́nzón etọn lẹpo po; ³⁷po odòtin àkan mahó lọ tọn le po lẹ́do pé, po oslò yetọn lẹ po, po osé yetọn lẹ po, po kansislo yetọn le po ³⁸Podọ enẹlẹ he pénslahọ̀ do gohọ̀túntún lọ nukọn hlan whèzẹtẹn dali, do ogohọ̀ opli tọn lọ nukọn hlan whèzize lọ dali, na yín Moṣe, po Aalọn po po visunnu etọn lẹ po he to ayipa aṣẹ fiwiwe lọ ton lo go yèdọ ase ovi Islaeli tọn lẹ lọ tọn; podọ ojónọ lọ he wá sẹ́pọ na yín hùhù. ³⁹Ehe yè yísọhana sọn Levinu-lẹ lọ mẹ lepo, he Moṣe po Aalọn po yísọhana to gbèdide OKLUNỌ lọ tọn ji, gbọn whédo yetọn le dali, sunnusi lọ lẹpo sọn osùn dopo mẹho podo humọ, yín fọtọ́n konukunawe.

⁴⁰OKLUNỌ lọ sọ dọ hlan Moṣe dọ, Yísọhana sunnusi oplọ́nji lọ lẹpo sọn ovi Islaeli tọn lẹ lọ mẹ sọn osùn dopo mẹho podọ humọ bo sọ yí osọha oyín yetọn lẹ tọn. ⁴¹Hiẹ bo nasọ yí Levinu lẹ lọ na mi (Yẹn wẹ OKLUNỌ lọ) to otẹn oplọ́nji lọ lepo tọn mẹ to óvi Islaeli tọn lẹ lọ ṣẹnṣẹn; po kanlinyìnyìn Levinu lẹ lọ tọn lọ po to oten oplọ́nji lọ lẹpo tọn to kanlinyìnyìn ovi Islaeli tọn lẹ lọ tọn ṣẹnṣẹn. ⁴²Moṣe bo sọ yísọhana, dile OKLUNỌ lọ degbèna ẹn do, oplọ́nji lẹpo to ovi Islaeli ton lẹ lọ ṣẹnṣẹn. ⁴³Podọ oplonjisunnusi lọ lẹpo kẹdẹdi osọha oyín le lọ tọn sọn osùn dopo mẹho podọ humọ, enẹlẹ he mẹ yè yísọhana yé sọn yín fọtọ́ni konukunawe po fọ̀dekandegbànnukunatọ̀n po.

⁴⁴OKLUNỌ lọ sọ dọhó hlan Moṣe, dọmọ, ⁴⁵Yí Levinu lẹ lọ to otẹn oplọ́nji lọ lẹpo tọn mẹ to ovi Islaeli tọn lẹ lọ ṣẹnṣẹn, podo kanlinyìnyìn Levinu lẹ lọ tọn to otẹn kanlinyìnyìn yetọn lẹ tọn mẹ: Levinu lẹ bo nasọ yín ṣie; Yẹn wẹ OKLUNỌ lọ. ⁴⁶Podọ enelẹ he tin nado yín fifligò lẹ fọ̀dekandegbànnukunatọ̀n sọn oplọ́nji ovi Islaeli tọn lẹ lọ mẹ, he yín linlán to osọha Levinu lẹ lọ tọn ji, ⁴⁷hiẹ na yí ṣekẹli atón-atón gbọn ota lọ dali; kẹdẹdi sẹkẹli fiwiwe lọ tọn lọ wẹ hiẹ na yí yé (gela òko wẹ ṣekẹli lọ): ⁴⁸hiẹ bo na yí akuẹ he yè yí do fli osọha yé he lán lọ ton na hlan Aalọn podọ hlan visunnu etọn le ⁴⁹Moṣe bo sọ yí mẹflikuẹ lọ son yé he lán to yé he yè fli gbọn Levinu lẹ lọ dali si: ⁵⁰sọn oplónji ovi Islaeli tọn lẹ lọ tọn si wẹ é yí akuẹ lọ te; ṣẹkẹli fọtọ́n dopo po fọ̀dekennẹnatón po, kẹdẹdi ṣekẹli fiwiwe lọ tọn lọ ⁵¹Moṣe bo yí akuẹ yé he yè fli lẹ tọn lọ na hlan Aalọn podọ hlan visunnu etọn lẹ kẹdẹdi ohó OKLUNỌ lọ tọn, dile OKLUNỌ lọ degbèna Moṣe do.

¹OKLUNỌ lọ sọ dọhó hlan Moṣe podọ hlan Aalọn, dọmọ, ²Yí osọha visunnu Kohati tọn lẹ lọ tọn sọn visunnu Levi tọn lẹ lọ ṣẹnṣẹn, gbọn whédo yetọn lẹ dali, gbọn owhé otọ́ yetọn lẹ tọn lẹ dali, ³sọn owhè ogbàn mẹho podọ humọ, yèdọ kakajẹ owhè kandeao mẹho, ehe biọ awhànpa lọ mẹ lẹ nado wà azón to ogohọ̀ opli tọn lọ mẹ ⁴Ehe wẹ azón visunnu Kohati tọn lẹ tọn to ogohọ̀ opli tọn lọ mẹ, gbọn onú wiwe talala lẹ lọ tọn dali: ⁵whenuena osla lọ dèdo nukọn, Aalọn na yì hòmẹ, po visunnu etọn lẹ po, yé bo na dè avọ̀ajlalanọ basẹ lọ tọn do odò, bo yí i do ṣinyọn alki okunnuhó lọ tọn: ⁶bo na sọ yi oṣinyọn ayú seali tọn de do e go, bo na dlẹn avọ̀ ofé tọn dodo de do e ta, bo nasọ yí opò etọn lẹ do e mẹ. ⁷Podọ to tafo aklasọhia tọn lọ ji yé na dlẹn avọ̀ ofé tọn de do, bo yí núsónugbán lẹ lọ do e ji, po sivi lẹ lọ po, po otò lẹ lọ po po kọfo lẹ lọ po nado nọ yí do kòn: podọ akla whepoponu tọn lọ nasọ tin to e ji: ⁸podọ yé nasọ dlẹn avọ́ vẹ́sẹsẹ de do yé ji, bo sọ yí oṣinyọn ayú seali tọn de do ṣinyọn dopolọ ji, bo sọ yí opò etọn lẹ do hòmẹ. ⁹Yé nasọ yí avọ̀ ofé tọn de, bo do ṣinyọn miyọngbántin hinhọ́n lọ tọn, po miyọngbán etọn lẹ po, po obé etọn lẹ po, po agbán miyọngbánkàn etọn tọn lẹ po, po amì núzinzán etọn lẹpo po, ehe yé do nọ wàdevizọn hlan ẹn: ¹⁰yé nasọ yí i po núzinzán etọn lọ lẹpo po do oṣinyọn ayú seali tọn de mẹ, bo na yí i do opatin de ji. ¹¹Podọ to agbà sikanọ lọ ji wẹ yé na dlẹn avọ̀ ofé tọn de do, bo yí oṣinyọn ayú seali tọn de do ṣinyọn ẹn, bo nasọ yí opò etọn lẹ lọ dó e mẹ: ¹²yé nasọ yí núzinzán devìzónwiwà tọn lẹpo, ehe yé do nọ wàdevizọ́n to fiwiwe lọ mẹ, bo yí yé do avọ́ ofẹ́ tọn de mẹ, bo yí oṣinyọn ayú seali tọn de do ṣinyọn yé, bo nasọ yí yé do kòlétin lọ go. ¹³Yé na bé afín lọ sọn agbà lọ kòn, bo sọ dlẹn avọ̀ gefunwunmẹ de do e ji: ¹⁴yé nasọ yí núzinzán etọn lẹpo do e ji, ehe yé do nọ wàdevizọ́n gbọn e dali, ogànzén lẹ lọ, opla olàn tọn lẹ lọ, po kóbànú lẹ lọ po, po oṣiklẹ lẹ lọ po, po núzinzán agbà lọ tọn lẹpo po; yé bo na dlẹn oṣinyọn ayú seali tọn de do e ji, bo sọ yí opò etọn lẹ lọ do e mẹ. ¹⁵Podọ whenuena Aalọn po visunnu etọn lẹ po ko basi opòdo sinṣinyọn fiwiwe lọ tọn de, po asóvànu fiwiwe lọ tọn lẹpo po, le osla tin nado dèdo nukọn; enẹ godo, visunnu Kohati tọn lẹ na wá nado zé e hẹn: ṣigba yé ma na doalọ onú wiwe lẹ lọ go gba, yé nikã kú. Onú helẹ wẹ agbàn visunnu Kohati tọn lẹ lọ tọn to ogohò opli tọn lọ mẹ. ¹⁶Podọ asẹ Eleazali tọn lọ visunnu Aalọn tọn lọ yẹwhenọ lọ na yín amì lọ na hinhọ́n lọ, po nuyọnwán vivi lọ po, po avọ́nunina jinulili whepoponu tọn lọ po, po amì sisá lọ po, asẹ gohọ̀túntún lọ tọn lẹpo, po ehe tin to e mẹ lẹpo po tọn, fìwiwe lọ, po asóvànu etọn lọ po.

¹⁷OKLUNỌ lọ sọ dọhó hlan Moṣe podọ hlan Aalọn, dọmọ, ¹⁸Mì sán whẹndo whédo Kohatinu lẹ tọn lẹ lọ sẹ́ sọn Levinu lẹ lọ ṣẹnṣẹn blo: ¹⁹ṣigba le mì ni wà hlan yé, na yé nido nògbẹ, bo ma kú blo, whenuena yé dọ̀nsẹ́pọ jẹ onú wiwe talala lẹ lọ kọ̀n: Aalọn po visunnu etọn lẹ po na yì hòmẹ, bo dè yé omẹ dopodopo do sinsẹ̀nzọ́n etọn kọ́n podọ do agbàn etọn kón: ²⁰ṣigba yé ma na biọ hómẹ yì nado me onú wiwe talala lẹ lọ gba yèdọ na flikún dopo, yé nikã kú.

²¹OKLUNỌ lọ sọ dọhó hlan Moṣe, dọmọ, ²²Yi osọha visunnu Gẹlsoni tọn lẹ lọ tọn ga, gbọn owhé otọ́ yetọn lẹ tọn lẹ dali, gbọn whédo yetọn lẹ dali; ²³sọn owhè ogbàn mẹho podọ humọ kakajẹ owhè kandeao mẹho wẹ hiẹ na do yísọhana yé; ehe biọ hòmẹ yì nado wà sinsẹ̀nzọ́n lẹpo, nado wà azón lọ to ogohọ̀ opli tọn lọ mẹ. ²⁴Ehe wẹ sinsẹ̀nzọ́n whédo Gẹlsọninu lẹ tọn tọn lẹ, to sinsẹ̀n mẹ podọ to agbàn lẹ zizẹ́hẹn mẹ ²⁵Yé wẹ na nọ zé avọ̀dido gohọ̀túntún lọ tọn lẹ hẹn, po ogohọ̀ opli tọn lọ po, oṣinyọn etọn, po oṣinyọn ayú seali tọn lọ po he tin to e ji aga, po basẹ lọ po na ohọ̀n ogohọ̀ opli tọn lọ tọn: ²⁶po nuzépla akànmahò lọ tọn lẹ po, po basẹ lọ po na ohọ̀n ohọ̀ngbo akànmahò lọ tọn lọ tọn, he tin to gohọ̀túntún lọ dali podọ to agbà lọ dali lẹ́do pé, po kansislo yetọn lẹ po, po núzinzán sinsẹ́nzọ́n yetọn tọn lẹpo po, podọ núdepope he na yín wiwà po yé po, é mẹ finẹ yé na nọ sẹ́n te. ²⁷To gbèdide Aalọn tọn ji po visunnu etọn lẹ po wẹ sinsẹ̀nzọ́n visunnu Gẹlsọninu lẹ lọ tọn tọn lẹpo na te, to agbàn yetọn lẹpo mẹ, podọ to Sinsẹ́nzón yetọn lẹpo mẹ: míwlẹ nasọ nọ dè hlan yé to asẹ mẹ agbàn yetọn lepo. ²⁸Ehe wẹ sinsẹnzón whédo visunnu Gẹlsọninu lẹ lọ tọn lọ tọn to ogohò opli tọn lọ mẹ: podọ asẹ yetọn na tin to alọ Itamali visunnu Aalọn yẹwhenọ lọ tọn lọ tọn glọ.

²⁹Na visunnu Melali tọn lẹ tọn, hiẹ na yísọhana yé gbọn whédo yetọn lẹ dali, gbọn owhé otọ́ yetọn lẹ tọn lẹ dali; ³⁰Sọn owhè ogbàn mẹho podọ humọ yèdọ jẹ owhè kandeao mẹho wẹ hiẹ na do yísọhana yé, omẹ dopodopo he biọ sinsẹ̀nzọ́n lọ mẹ, nado wà azọ́n ogoho opli tọn lọ tọn. ³¹Podọ ehe wẹ asẹ agbàn yetọn tọn lọ, kẹdẹdi sinsẹ̀nzọ́n yetọn lẹpo to ogohọ̀ opli tọn lọ mẹ; owhlẹ gohọ̀túntún lọ tọn lẹ, po opatin etọn lẹ lọ po, po odòtin etọn lẹ lọ po, po oslò etọn lẹ lọ po; ³²po odòtin akànmahò lọ tọn lẹ po lédo pé, po oslò yetọn lẹ po, po osé yetọn lẹ po, po kansislo yetọn lẹ po, po núzinzán yetọn lẹpo po, podọ po sinsẹ̀nzọ́n yetọn lẹpo po: podọ gbọn oyín dali wẹ mi na yísọhana núzinzán asẹ agbàn yetọn lọ tọn tọn. ³³Ehe wẹ sinsẹnzọ́n whédo visunnu Melali tọn lẹ tọn tọn, kẹdẹdi sinsẹ̀nzọ́n yetọn lẹpo, to ogohọ̀ opli tọn lọ mẹ, to alọ Itamali tọn glọ visunnu Aalọn yẹwhenọ lọ tọn.

³⁴Moṣe po Aalọn po po ogán agùn lọ tọn lẹ po yísọhana visunnu Kohatinu lẹ lọ tọn lẹ gbọn whédo yetọn lẹ dali, podọ gbọn owhé otọ́ yetọn lẹ tọn lẹ dali, ³⁵sọn owhè ogbàn mẹho podọ humọ yèdọ jẹ owhè kandeao mẹho, omẹ dopodopo he biọ sinsẹ̀nzọ́n mẹ, na azọ́n to ogohọ̀ opli tọn lọ mẹ: ³⁶podọ enelẹ he yè yísọhana sọn yé mẹ gbọn whédo yetọn lẹ dali yín fọtọ́n awe po nuọntọ̀nkantọ̀ngbàn po. ³⁷Ehelẹ wẹ yé he yè yísọhana sọn whédo Kohatinu lẹ lọ tọn lẹ mẹ, ehe to sinsẹ̀n basi to ogohọ̀ opli tọn lọ mẹ lẹpo, mẹhe Moṣe po Aalọn po yísọhana kedẹdi gbèdide OKLUNỌ lọ tọn lọ gbọn alọ Moṣe tọn mẹ.

³⁸Podọ enẹlẹ he yè yísọhana sọn visunnu Gẹlsoni tọn lẹ lọ mẹ lẹpo, gbọn whédo yetọn lẹ dali, podọ gbọn owhé otọ́ yetọn lẹ tọn lẹ dali, ³⁹sọn owhè ogbàn meho podọ humọ yèdọ jẹ owhè kandeao mẹho, omẹ dopodopo he biọ sinsẹ̀nzọ́n lọ me na azọ́n to ogohò opli tọn lọ mẹ, ⁴⁰yèdọ enẹlẹ he yè yísọhana sọn yé mẹ, gbon whédo yetọn lẹ dali, gbọn owhé otọ́ yetọn lẹ tọn lẹ dali, yín fọtọ́n awe po nuọntọngbàn po. ⁴¹Ehelẹ wẹ yé he yè yísọhana sọn whédo visunnu Gẹlsoni tọn lẹ lọ tọn lẹ mẹ, he to sinsẹ̀n basi to ogohò opli tọn lọ mẹ, mehe Moṣe po Aalọn po yísọhana kẹdẹdi gbèdide OKLUNỌ lọ tọn.

⁴²Podọ enẹlẹ he yè yísọhana sọn whédo visunnu Melali tọn lẹ lọ tọn lẹ mẹ lẹpo, gbọn whédo yetọn lẹ dali, gbọn owhe otọ́ yetọn lẹ tọn lẹ dali, ⁴³sọn owhè ogbàn mẹho podọ humọ yèdọ jẹ owhè kandeao mẹho, omẹ dopodopo he biọ sinsẹ̀nzọ́n lọ mẹ na azọ́n to ogohọ́ opli tọn lọ mẹ, ⁴⁴yèdọ enẹlẹ he yè yísọhana sọn yé me gbọn whédo yetọn lẹ dali, yín fọtọ́n atọ̀n po fòde po. ⁴⁵Ehelẹ wẹ yé he yè yísọhana son whédo visunnu Melali tọn lẹ lọ tọn lẹ me, mẹhe Moṣe po Aalọn po yísọhana kẹdẹdi gbèdide OKLUNỌ lọ tọn gbọn alọ Moṣe tọn mẹ.

⁴⁶Enẹlẹ he yè yísọhana sọn Levinu lẹ lọ mẹ, mẹhe Moṣe po Aalọn po po ogán Islaeli tọn lẹ lọ po yísọhana, gbọn whédo yetọn lẹ dali, podọ gbọn owhé otọ yetọn lẹ ton lẹ dali, ⁴⁷sọn owhè ogbàn mẹho podọ humọ yèdọ jẹ owhè kandeao mẹho, omẹ dopodopo he biọ sinsẹ̀nzọ́n me, nado wà azón sinsẹ̀nzọ́n lọ tọn, po azón agbàn zizéhẹn tọn lẹ po to ogohọ̀ opli tọn lọ mẹ, ⁴⁸yèdọ enẹlẹ he yè yísọhana sọn yé mẹ, yín fọtọ́n sinatòn po fòwekẹnnẹnko po. ⁴⁹Kẹdẹdi gbèdide OKLUNỌ lọ tọn yè do yísọhana yé gbọn alọ Moṣe tọn mẹ, omẹ dopodopo kẹdẹdi sinsẹ̀nzọ́n etọn, podọ kededi agbàn etọn po azonyíwà etọn po: dile OKLUNỌ lọ degbèna Moṣe do.

¹OKLUNỌ lọ sọ dọhó hlan Moṣe, dọmọ, ²Degbèna ovi Islaeli tọn lẹ lọ dọ yé ni dè opòtọ́nọ lẹpo jegbonu sọn osla lọ mẹ, po omẹ depope he tindo sisà de po, po mẹdepope he yín mawé gbọn oṣiọ dali po: ³sunnu po yọnnu po wẹ mì na dè jẹgbonu, gbonu osla lọ tọn mì na yí yé do; dọ yé flu osla yetọn blo, gblagbla ehetọn mẹ yẹn ninò. ⁴Ovi Islaeli tọn lẹ lọ sọ wà mọ, bo yí yé do gbonu osla lọ tọn: le OKLUNỌ lọ dọhó hlan Moṣe do, mọwẹ ovi Islaeli tọn lẹ wà do.

⁵Podọ OKLUNỌ lọ sọ dọhó hlan Moṣe, dọmọ, ⁶Dọhó hlan ovi Islaeli tọn lẹ lọ dọmọ, Whenuena sunnusi de kavi yọnnusi na wà ylando de he gbẹtọ lẹ nọ wà, nado wà osẹ́nmẹjẹ de do OKLUNỌ lọ go, bọ alindọn nẹ yín whègbledono, ⁷whenẹnu yé na yigbè ylando yetọn ton he yé ko wà: ewọ bo na basi ogòjo na whègbledo etọn to gigọ́ mẹ, bo sọ yí madatóntọ etọn dogó ẹ, bo yí i na hlan ewọ mẹhe tọn wutu ewo ko yín whegbledonọ. ⁸Ṣigba eyín omẹ lọ ma tindo hẹnnumẹ de mẹhe ogòjó sọgan yín bibasi hlan na whègbledo lọ, ogòjó lọ na whègbledo he yè basi hlan OKLUNỌ lọ na yín yẹwhenọ lọ tọn; gọ́na agbò ovẹ̀se lọ tọn lọ, gbọn ehe dali ovẹ̀se na yín bibasi na ẹn. ⁹Podọ avọ́nunina zizédlanga tọn lẹpo sọn onú wiwe ovi Islaeli tọn lẹ tọn lẹpo mẹ, he yé yíwá yẹwhenọ lọ de, ena yín etọn. ¹⁰Podọ onú hihiọ omẹ dopodopo tọn na yín etọn: núdepope omẹ de na yẹwhenọ lọ, é na yin etọn.

¹¹OKLUNỌ lọ sọ dọhó hlan Moṣe, dọmọ, ¹²Dọhó hlan ovi Islaeli tọn lẹ lọ, bo dọ hlan yé dọmọ, Eyín asi sunnu de tọn yì jẹla, bo wà osẹnmẹjẹ de hlan ẹn, ¹³bọ sunnu de zán he ẹ, bọ é yín bibè sọn nukun asú etọn tọn mẹ, bo sọ yín whiwhla, bọ ewọ so yín fuflu, bọ kunnu-detọ de ma tin do e go, mọ ewọ ma sọ yín wìwle to owàlọ lọ mẹ gba; ¹⁴bọ gbigbọ awuwhàn tọn wá e ji, bọ ewọ yín awuwhàntọ asi etọn tọn, bọ ewọ sọ yín fuflu: kavi eyín gbigbọ awuwhàn tọn wá e ji, bọ ewọ yín awuwhantọ asì etọn tọn, bọ ewọ ma yín fuflu gba: ¹⁵whenẹnu wẹ sunnu lọ na hẹn asi etọn wá yẹwhenọ lọ de, bo na hẹn avọ́nunina etọn wá na ẹn, madaotọ efa linfìn bali tọn dopo; éwọ ma na kọ̀n amì de do e ji gba, kavi yí núwhẹnwán do e ji gba; na avọ́nunina jinulili awuwhàn tọn de wẹ, avọ́nunina jinulili oflinnu tọn de, hinhẹn oylankan wá je oflin mẹ. ¹⁶Yẹwhenọ lọ na hẹn ẹn sẹ̀pọ, bo zé e do OKLUNỌ lọ nukọn: ¹⁷yẹwhenọ lọ bo na yí osìn wiwe to nuzinzán òkònọ de mẹ; podọ yẹwhenọ lọ nasọ yí sọn kọgudu he tin to agbà gohọ̀túntún lọ tọn go, bo yí i dò osìn lọ mẹ: ¹⁸yẹwhenọ lọ nasọ zé yọnnu lọ do OKLUNỌ lọ nukọn, bo gbọ odà ota yọnnu lọ tọn ni jẹ wòwó, bo sọ yí avọ́nunina jinulili oflinnu lọ tọn do alọ etọn lẹ mẹ, ehe yín avọ́nunina jinulili awuwhàn tọn lọ: yẹwhenọ lọ bo na tindo osìn ovivẹ́ tọn lọ to alọ etọn mẹ he hẹn dóhodo lọ wá: ¹⁹yẹwhenọ lọ nasọ hẹn ẹn nado whle, bo nasọ dọ hlan yọnnu lọ dọ, Eyín sunnu de ma ko zán hẹ we gba, podọ eyín hiẹ ma ko yì jẹla jẹ mawé kòn gba, to mẹdevo de to otẹn asú towe tọn mẹ, hiẹ ni yín gingán sọn osìn ovivẹ́ tọn he si he hẹn dẹ́hodo lọ wá. ²⁰Ṣigba eyin hiẹ ko yi jẹla, to mẹdevo de to otẹn asu towe tọn mẹ, podọ eyín hiẹ yín fuflu, bọ sunnu de ko zán hẹ we gọ́na asu towe: ²¹whenẹnu yẹwhenọ lọ na hẹn yọnnu lọ yí whiwhle opadido tọn do whle, yẹwhenọ lọ bo nasọ dọ hlan yọnnu lọ dọ, OKLUNỌ lọ ni hẹn we zùn opadido de po whiwhle de po to omẹ towe lẹ ṣẹnṣẹn, whenuena OKLUNỌ lọ hẹn asapada towe yọ̀n, podọ ohòto towe nado ji; ²²podọ osìn he ehe hẹn dẹ̀hodo lọ wá na biọ adọ̀ towe mẹ yì, bo hẹn ohòto towe nado ji, podọ asapada towe nado yọ̀n: yọnnu lọ bo nasọ dọ, Niṣẹ, Niṣẹ. ²³Yẹwhenọ lo bo na wlan dẹ̀hodo helẹ do owé de mẹ, e bo na klọ́ yé do osìn ovivẹ́ tọn lọ mẹ: ²⁴podọ ewọ nasọ hẹn yọnnu lọ nù osìn ovivé tọn lọ he hẹn déhodo lọ wá: osìn he hen dóhodo lọ wá nasọ biọ ohò etọn me bo sọ lezùn vivé. ²⁵Yewhenọ lọ bo na yí avọ́nunina jinulili awuwhàn tọn lọ sọn alọ yọnnu lọ tọn mẹ, bo na zé avọ́nunina jinulili lọ hia to OKLUNỌ lọ nukọn, bo sọ hen ẹn wá jẹ agbà lọ kòn: ²⁶yẹwhenọ lọ bo na yí alọgogo dopo sọn avọ́nunina jinulilì lọ mẹ, di oflinnú etọn lọ, bo mè ẹn to agbà lọ ji, podọ to enẹgodo na hẹn yọnnu lọ nù osìn lọ. ²⁷Podọ whenuena ewọ ko hẹn ẹn nù osìn lọ, whenẹnu é na wá jọ, eyín ewọ yín fuflu, bo ko wà osẹ́nmẹjẹ de do asú etọn go, wẹ osìn lọ he hẹn dẹ̀hodo lọ wá na biọ ohò etọn mẹ bo sọ lẹzùn vivé, ohòto etọn bo na ji, asapada etọn bo na yón: yọnnu lọ bo na yín dẹ̀hodo de to omẹ etọn lẹ ṣẹnṣẹn. ²⁸Podọ eyín yọnnu lọ ma yín fuflu gba, ṣigba yín wiwe; whenẹnu ewọ na yín gingan, bo na mọhò. ²⁹Ehe wẹ osẹ́n awuwhàn tọn lọ, whenuena asi de, yì jẹla to mẹdevo de to oten asú etọn tọn mẹ, bo yín fuflu; ³⁰kavi whenuena gbigbọ awuwhàn tọn lọ wá sunnu de ji, bọ ewọ yín awuwhàntọ do asi etọn ta; whenẹnu wẹ é na zé yọnnu lọ do OKLUNỌ lọ nukọn, yẹwhenọ lọ bo na hẹn osẹ́n he lẹpo sẹ to e ji. ³¹Sunnu lọ bo na yín gingán sọn oylankan mẹ, yọnnu lọ bo na zé oylankan etọn hẹn.

¹OKLUNỌ lọ sọ dọhó hlan Moṣe, dọmọ, ²dọhó hlan ovi Islaeli tọn lẹ lọ, bo dọ hlan yé do, Whenuena sunnu kavi yọnnu na basi opadido talala de, opadido Nazilinu de tọn, nado dè ede do utiwe hlan OKLUNỌ lo: ³e na klan ede sọn ovẹ̃n mẹ po nunùnù sinsinyen po: ewọ ma na nù agó ovẹ̃n tọn de gba, kavi ago núnùnù sinsinyen tọn, mọ ewọ ma na nù ahàn vẹnsinsén tọn depope gba, kavi dù vẹnsinsén pòpọ kavi huhù gba. ⁴To azán didèdowiwe etọn tọn lepo mẹ wẹ é ma na dù nude he yè basi sọn ovẹ̃nsinsẹ́n lẹ me, sọn okun lẹ lọ mẹ yedọjẹ apá lọ me. ⁵To azán opadido oklandovo etọn tọn lẹpo mẹ odalunhi de ma na-wá ota etọn ji gba: kaka azán lẹ lọ yín pipe, ehe me ewọ klan ede dovo hlan OKLUNỌ lọ te, ewọ na yín wiwe, e na gbo odi odà ota etọn tọn lọ lẹ ni wu ditẹ. ⁶To azán he ewọ de ede dovo hlan OKLUNỌ lọ lẹpo mẹ ewọ ma na wásèpọ osiọ: de gba. ⁷Ewọ ma na hẹn ede zùn mawé na otọ́ etọn gba, kavi na onọ etọn, na nọvisunnu etọn, kavi na nọviyọnnu etọn, whenuena yé kú gba: na didèdovo etọn hlan Jiwheyẹwhe tin to ota etọn ji wutu. ⁸To azán didèdovó etọn tọn lẹpo mẹ wiwe wẹ ewọ hlan OKLUNỌ lọ. ⁹Podọ eyín ome de kú ajiji to e dali, bọ é flu ota didèdovo etọn tọn lọ; whenẹnu ewọ na lùn odà etọn to azán lilẹ̀we etọn tọn lọ me, to azán sinawetọ lọ gbè wẹ ewọ na lùn in ¹⁰Podọ to azán sinatòntọ lọ gbè ewọ na hen owhle awe wá, kavi awhànnẹvu awe, jẹ yẹwhenọ lọ de, jẹ ohòn ogohọ̀ opli tọn lọ tọn kọ̀n: ¹¹yẹwheno lọ bo na yí dopo na na avọ́nunina ylando de tọn, podo awetọ na avọ́nunina mimẹ̀ de, bo basi ovẹ̀se na ẹn, na dọ ewọ wàylando gbon osiọ lọ tọn dali, bo nasọ hiọ ota etọn to azán doponẹ gbè. ¹²Ewọ na klandovo azán oklandovo etọn lọ tọn lẹ hlan OKLUNỌ lọ, bo hen lẹngbọvú asú dopo owhè tintan lọ tọn wá na avọ́nunina whègbledo tọn de: ṣigba azán nukọntọn lẹ na yín ovẹ́, na kinklandovo etọn yín fuflu wutu.

¹³Podọ ehe wẹ osẹ́n Nazilinu lọ tọn lẹ́, whenuena azán kinklandovo etọn tọn lẹ yín pipé: ewọ na yín hinhẹnwá jẹ ohọ̀n ogohọ̀ opli tọn lọ tọn kọ̀n: ¹⁴ewọ bo na yí avọ́nunina etọn na hlan OKLUNỌ lọ, lẹngbọvú asu owhè tintan lọ tọn matinazòn na avọ́nunina mimẹ̀ de, po lẹngbọvú asi owhè tintan ton: dopo po matinazọn na avọ́nunina ylando de ton, po agbò dopo po matinazòn na avọ́nunina jijọho tọn lẹ, ¹⁵po òha akla madoton tọn de po, aklahihi linfin dagbedagbe tọn he yè yí amì do hò, po aklawadawada madotón tọn lẹ po he ye yi amì do samisisána lẹ, po avọ́nunina jinulili yetọn po, po avọ́nunina nùnù yetọn le po. ¹⁶Yewhenọ lọ bo na hen yé wá OKLUNỌ lọ nukon, bo na yi avọ́nunina ylando tọn etọn na, po avọ́nunina mimẹ̀ etọn po: ¹⁷é bo na yi agbo lọ na na avọ́sánnu avọ́nunina jijoho tọn le de hlan OKLUNỌ lọ, dogó oha akla madotón tọn lọ: yẹwhenọ lọ na yí avọ́nunina jinulili etọn lọ na ga, po ovọ́nunina nùnù etọn lọ po. ¹⁸Podo Nazilinu lọ ná lún odà kinklandovo etọn tọn lọ to ohọn ogohọ̀ opli tọn lọ ton kọ̀n, bo na yí oda ota kinklandovo etọn tọn lọ tọn bo yí i do omiyọn he tin to avọ́sánnu avọ́nunina jijoho ton lọ lẹ glọ. ¹⁹Yẹwhenọ lọ bo na yí abọ́ agbo tọn lọ he yè sọakúsìn lo, po, aklahihi madotọnno dopo po sọn oha lọ me, po aklawádaváda dopo po, bo na ví yé do alọ Nazilinu lọ ton lẹ lọ ji, godo he é ko lùndana ota kinklandovo etọn tọn lọ: ²⁰yewhenọ lọ bo na ze yé hia na avọ́nunina zizéhia de to OKLUNỌ lọ nukọn; ehe wẹ wiwe na yewhenọ lọ, dopọ po akọn zéhia lọ po po abọ́ po: podọ to enẹgodo Nazilinu lọ sọgan nù ovẹ̃n. ²¹Ehe wẹ osẹ́n Nazilinu lọ tọn lọ mẹhe dopa, po avọ́nunina etọn ton po hlan OKLUNỌ lọ na kinklandovo eton, gọna enẹ he ewọ tin sọgan nado tindo; kẹdẹdi opagbè etọn he ewọ ko do dopa, mọwẹ ewọ do na wà do kẹdẹdi osẹ́n kinldandovo etọn tọn lọ.

²²OKLUNỌ lọ sọ dọhó hlan Moṣe, dọmọ, ²³Dọho hlan Aalon podọ hlan visunnu etọn lẹ, dọmọ, Alopa he ji wẹ mì ná no dona ovi Islaeli tọn lẹ lọ; mì na nọ dọ hlan ye dọ,

²⁷Mọwe yé na yí oyín ṣie do ovi Islaeli tọn lẹ lọ ji do; Yẹn bo nasọ dona yé.

¹E sọ wá jọ to azán lọ gbè he Moṣe ko basi opòdo gohọtúntún lọ zizé dote tọn de, bo ko sámìsisána ẹn bo klan ẹn do wiwe, po aṣọ́vànu etọn lepo po, po agbà lọ po po núzinzán eton lẹpo po, bo ko sámìsisána yé bo klan yé do wiwe; ²wẹ ogán Islaeli tọn lẹ lọ, nu, kọnto owhé otó yetọn lẹ ton lẹ, nanúnina; ehelẹ wẹ yé he tin to yé ho yè yisọhana lẹ ta: ³yé sọ hẹn avọ́nunina yetọn lẹ wá OKLUNỌ lọ nukọn, agbànkẹkẹ ṣidopo he yè bunúdo, po oyín wiawe po: agbànkẹkẹ dopo na ogán aweawe, podọ na ome dopodopo oyín dopo: yé sọ bé ye wá gohọ̀túntún lọ nukọn. ⁴OKLUNỌ lọ sọ dohó hlan Moṣe, dọmọ, ⁵Yí í sọn yé si, na yé nido yín nado wà sinsẹ̀nzọ́n ogohọ opli tọn lọ tọn; hiẹ nasọ yi yé na hlan Levinu lẹ lọ, hlan omẹ dopodopo kededi sinsẹ̀nzọ́n etọn. ⁶Moṣe bo yí agbànkẹkẹ lẹ lo po oyín le lọ po, bo yí ye na hlan Levinu lẹ lọ. ⁷Agbànkẹkẹ awe po oyín ẹnẹ po é yína hlan visunnu Gẹlsoni tọn lẹ lọ kẹdẹdi sinsẹ̀nzọ́n yetọn: ⁸podọ agbànkẹkẹ ẹnẹ po oyín sinatòn po é yína hlan visunnu Melali tọn lẹ lọ klẹdi sinsẹ̀nzọ́n yetọn, to alọ Itamali tọn mẹ visunnu Aalọn tọn yẹwhenọ lọ. ⁹Ṣigba hlan visunnu Kohati tọn lẹ lọ é ma na núde gba: na sinsẹnzón fiwiwe lọ tọn yín yetọn wutu; yé nọ zé e hẹn to abó yetọn lẹ ji. ¹⁰Ogán lẹ lọ yí klandowiwe nunina agbà lọ tọn na to azán he mẹ yè sámìsisána ẹn te, yèdọ ogán lẹ yí avọ́nunina yetọn na to agbà lọ nukọn. ¹¹OKLUNỌ lọ sọ dọ hlan Moṣe dọmọ, Ye ogán lẹ dopodopo na no yí avónunina yetọn na to azán etọn gbè, na kinklandowiwe agbà lọ tọn.

¹²Podọ ewọ he yí avọ́nunina etọn na to azán tintan lọ gbè wẹ Nasoni visunnu Aminadabi ton lọ, sọn whẹndo Juda tọn lọ mẹ: ¹³podọ avọ́nunina etọn wẹ agbanvla fataka tọn dopo, jijlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi sekeli fiwiwe lọ tọn; awelẹ gó na linfìn dagbedagbe he yè yí amì do hò na avọ́nunina jinulili de; ¹⁴ṣivi sikanọ dopo ṣekẹli dopo tọn, gọ́ na nuyọnwán; ¹⁵oyìnsú winyanwinyan dopo, agbò dopo, lẹngbọvú asú owhè tintan lọ tọn dopo, na avọ́nunina mimẹ̀ de: ¹⁶asú dopo sọn gbọgbọẹ lẹ lọ mẹ na avọ́nunina ylando de tọn; ¹⁷podọ avọ́sánnu avọ́nunina jijọho tọn lẹ lọ, oyín awe, agbò atọ́n, alunkùn atọ́n, lẹngbọvu asú owhè tintan lọ tọn atọ́n: ehe wẹ avọ́nunina Nasoni tọn lọ visunnu Aminadabi tọn lọ.

¹⁸To azán awetọ gbè Nẹtaneli visunnu Zuah tọn lọ, ogán Issakali ton, yí nunina na: ¹⁹e yína na avọ́nunina etọn agbánvla fataka tọn dopo, ojle etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn: awelẹ gó na linfìn dagbedagbe yè yí amì do hò na avọ́nunina jinulili de; ²⁰sivi sikanọ dopo ṣekẹli ao tọn, gó na nuyọnwán; ²¹oyìnsú winyanwinyan dopo, agbò dopo, lẹngbọvu asú owhè tintan lọ tọn dopo, na avọ́nunina mimẹ̀ de; ²²asú dopo sọn gbọgbọẹ lẹ lọ mẹ na avọ́nunina ylando de ton; ²³podọ na avọ́sánnu avọ́nunina jijọho tọn lẹ lọ, oyín awe, agbò atón, alunkùn atọ́n, lẹngbọvú asú owhè tintan lọ tọn atọ́n: ehe wẹ avọ́nunina Nẹtanẹli tọn lọ visunnu Zuali tọn lọ.

²⁴To azàn atọ̀ntọ gbè Eliabi visunnu Heloni tọn lọ, ogán ovi Zebuluni tọn lẹ lọ tọn lọ: ²⁵avọ́nunina etọn yín agbánvla fataka tọn dopo, ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gọ́ na linfìn dagbedagbe yè yí amì do hò na avọ́nunina jinulili de; ²⁶ṣivi sikanọ dopo ṣekẹli ao tọn, gó na nuyọnwán; ²⁷oyìnsú winyanwinyan dopo, agbò, dopo, lẹngbọvu asú owhè tintan lọ tọn dopo, na avọ́nunina mimẹ̀ de; ²⁸asú dopo sọn gbọgbọẹ lẹ lọ mẹ na avọ́nunina ylando de tọn; ²⁹podọ na avọ́sánnu avọ́nunina jijọho tọn lẹ lọ, oyín awe, agbò atón, alunkùn atón, lẹngbọvu asú owhè tintan lọ tọn atọ́n: ehe wẹ avọ́nunina Eliabi tọn lọ visunnu Heloni tọn lọ.

³⁰To azán ẹnẹtọ lọ gbè Elizuli visunnu Sedeuli tọn lọ, ogán ovi Lẹubeni tọn lẹ tọn lọ: ³¹avọ́nunina etọn yín agbánvla fataka tọn dopo, ojlẹ etọn yin ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gọ́ na linfìn dagbedagbe yé yí amì do hò na avọ́nunina jinulili de; ³²ṣivi sikanọ dopo ṣekẹli ao tọn, gọ́ na nuyọnwán; ³³Oyìnsú winyanwinyan dopo, agbò dopo, lẹngbọvu asú owhè tintan lọ ton dopo, na avọ́nunina mimẹ̀ de; ³⁴asú dopo sọn gbọgbọẹ lẹ lọ mẹ na avọ́nunina ylando de tọn, ³⁵podọ na avọsannu avọ́nunina jijọho tọn lẹ lọ, oyín awe, agbo atọ́n, alunkùn atọ́n, lẹngbọvu asú owhè tintan lọ tọn atón; ehe wẹ avọ́nunina Elizuli tọn lọ visunnu Lẹubeni tọn lọ.

³⁶To azán atọ̀ntọ lọ gbé Selumieli visunnu Zulisadai tọn lọ, ogán ovi Simeoni tọn lẹ tọn lọ: ³⁷avọ́nunina etọn yín agbánvla fataka tọn dopo, ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gó na linfan dagbedagbe yè yí amì do hò na avọ́nunina jinulili de: ³⁸sivi sikanọ dopo ṣekẹli ao tọn, gó na nuyọnwán; ³⁹oyìnsu vii yanwinyan dopo, agbò dopo, lẹngbọvú asú owhè tintan lọ tọn dopo, na avọ́nunina mimẹ̀ de; ⁴⁰asú dopo sọn gbọgbọẹ lẹ lọ mẹ na avọ́nunina ylando de ton; ⁴¹podọ na avọsánnu avọ́nunina jijọho tọn lẹ lọ, oyín awe, agbò, atọ́n, alunkùn atọ́n lẹngbọvú asú owhè tintan lọ tọn atón: ehe wẹ avọ́nunina Ọelumieli tọn lọ visunnu Zulisadai tọn lọ.

⁴²To azán sidopotọ lọ gbè Eliasafi visunnu Deueli tọn lọ, ogán ovi Gadi tọn lẹ tọn lọ: ⁴³avọ́nunina etọn ọ́wẹ agbánvla fataka tọn dopo, ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gó na linfin dagbedagbe yè yí amì do hò na avọ́nunina jinulili de: ⁴⁴ṣivi sikanọ dopo ṣekẹli ao tọn, gó na nuyọnwán; ⁴⁵oyìnsú winyanwinyan dopo, agbò dopo, lẹngbọvú asú owhè tintan lọ tọn dopo, na avọ́nunina mimẹ̀ de; ⁴⁶asú dopo sọn gbọgbọẹ lẹ lọ mẹ na avọ́nunina ylando de tọn; ⁴⁷podọ na avọ́sánnu avọ́nunina jijọho tọn lẹ lọ, oyín awe, agbò atón, alunkùn atón, lẹngbọvu asú owhè tintan lọ tọn atón: ehe wẹ avọ́nunina Eliasafi tọn lọ visunnu Deueli tọn lọ.

⁴⁸To azán ṣinawetọ lọ gbè Elìsama visunnu Amihudi tọn lọ, ogán ovi Ẹflaimi tọn lẹ tọn lọ: ⁴⁹avọ́nunina etọn yin agbánvla fataka tọn dopo, ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn; awelẹ gọ́ na linfin dagbedagbe yè yí amì do hò na avọ́nunina jinulili de; ⁵⁰ṣivi sikanọ dopo ṣekẹli ao tọn, gó na nuyọnwán; ⁵¹oyin winyanwinyan dopo, agbò dopo, lẹngbọvu asu owhè tintan lọ tọn dopo, na avọ́nunina mimẹ de; ⁵²asú dopo sọn gbọgbọẹ le lọ mẹ na avọ́nunina ylando de tọn; ⁵³podọ na avọ́sánnu avọ́nunina jijọho tọn lẹ lọ, oyín awe, agbò atón, alunkùn atón, lẹngbọvu asú owhè tintan lọ tọn atọ́n; ehe wẹ avọ́nunina Elìsama tọn lọ visunnu Amihudi tọn lọ.

⁵⁴To azán sinatòntọ lọ gbè Gamalieli visunnu Pedazuli tọn lọ, ogán ovi Manasse tọn lẹ tọn lọ: ⁵⁵avọ́nunina etọn yin agbánvla fatuka tọn dopo, ojlẹ etọn yín ṣekẹli kantọ̀nao, oto fai ika tọn dopo ṣekẹli kandegbàn tọn, kẹdedi ṣekẹli fiwiwe lọ tọn lọ; awelẹ gọ na linfin dagbedagbe yè yí amì dọ hò na avọ́nunina jinulili de; ⁵⁶ṣivi sikanọ dopo ṣekẹli ao tọn, gọ́ na nuyọnwán; ⁵⁷oyìnsú winyanwinyan dopo, agbò dopo, lẹngbọvú asú owhè tintan lọ tọn dopo, na avọ́-nunina mimẹ̀ de; ⁵⁸asú dopo sọn gbọgbọẹ lẹ lọ mẹ na avọ́nunina ylando tọn de; ⁵⁹podọ na avọsannu avọ́nunina jijọho tọn lẹ lọ, oyín awe, agbò atọ́n, alunkùn atọ́n, lẹngbọvu asú owhè tintan lọ tọn atón: ehe wẹ avọ́nunina Gamaheli tọn lọ visunnu Pedazuli tọn lọ.

⁶⁰To azán sinẹnẹtọ lọ gbè Abidani visunnu Gideoni tọn lọ, ogán ovi Bẹnjamini tọn le tọn lọ: ⁶¹avọ́nunina etọn yin agbánvla fataka tọn dopo, ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gó na linfin dagbedagbe yè yí amì do hò na avọ́nunina jinulili de; ⁶²ṣivi sikanọ dopo ṣekẹli ao tọn, gó na nuyọnwán; ⁶³oyìnsú winyanwinyan dopo, agbò dopo, lẹngbọvú asú owhè tintan lọ tọn dopo, na avọ́nunina mimẹ̀ de; ⁶⁴asú dopo sọn gbọgbọẹ lẹ lọ mẹ na avọ́nunina ylando tọn de; ⁶⁵podọ na avọsannu avọ́nunina jijọho tọn lẹ lọ, oyín awe, agbò atọ́n, alunkùn atọ́n, lẹngbọvú asu owhè tintan lọ tọn atọn: ehe wẹ avọ́nunina Abidanì tọn lọ visunnu Gideoni tọn lọ.

⁶⁶To azán aotọ lọ gbè Ahiezeli visunnu Amisadai tọn lọ, ogán ovi Dani tọn lẹ tọn lọ: ⁶⁷avọ́nunina etọn yín agbánvla fataka tọn dopo ojlẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kẹdẹdi ṣekẹli fiwiwe lọ tọn lọ; awelẹ gó na linfìn dagbedagbe yè yí amì do hò na avónunina jinulili de; ⁶⁸ṣivi sikanọ dopo ṣekẹli ao tọn gọ́ na nuyọnwán; ⁶⁹oyìnsú winyanwinyan dopo, agbo dopo, lẹngbọvu asú owhè tintan lọ ton dopo, na avọ́nunina mimẹ de; ⁷⁰asú dopo sọn gbọgbọẹ lẹ lọ mẹ na avọ́nunina ylando tọn de; ⁷¹podọ na ovósánnu avọ́nunina jijọho tọn lẹ lọ, oyín awe, agbo atọ́n, alunkùn atọ́n, lẹngbọvú asú owhè tintan lọ tọn atọ́n: ehe wẹ avọ́nunina Ahiezeli tọn lọ visunnu Ámisadai tọn lọ.

⁷²To azán widopotọ lọ gbè Pagieli visunnu Oklanì tọn lọ, ogán ovi Aṣeli tọn lẹ tọn lọ; ⁷³avọ́nunina etọn yín agbánvla fátaka tọn dopo, oilẹ etọn yín ṣekẹli kantọ̀nao, otò fataka tọn dopo ṣekẹli kandegbàn tọn, kedẹdi ṣekẹli fiwiwe lọ tọn lọ; awelẹ gọ na linfin dagbedagbe yè yí amì do hò na avọ́nunina jinulili de; ⁷⁴ṣivi sikano dopo ṣekẹli ao tọn gọ́ na nuyọnwán; ⁷⁵oyìnsú winyanwinyan dopo, agbò dopo, lengbọvu asú owhè tintan lọ tọn dopo, na avọ́nunina mimẹ̀ de: ⁷⁶asú dopo sọn gbọgbọẹ lẹ lọ mẹ na avọ́nunina ylando tọn de; ⁷⁷podọ na avọ́sánnu avọ́nunina jijọho tọn lẹ lọ, oyin awe, agbò atọ́n, alunkùn atọ́n, lẹngbọvú asú owhè tintan lọ tọn atọ́n: ehe wẹ avọ́nunina Pagieli tọn lọ visunnu Oklani tọn lọ.

⁷⁸To azán wiawetọ lọ gbè Ahila visunnu Enáni tọn lọ, ogán ovi Naftali tọn lẹ tọn lọ; ⁷⁹avọ́nunina eton yín agbánvla fataka tọn dopo, ojlẹ etọn yín ṣẹkẹli kantọ̀nao, otò fataka tọn dopo ṣẹkẹli kandegbàn tọn, kẹ̀dẹdi ṣekẹli fiwiwe lọ tọn lọ; awelẹ gó na linfin dagbedagbe yè yí amì do hò na avọ́nunina jinulili de; ⁸⁰sivi sikanọ dopo sẹkẹli ao tọn gó na nuyọnwán; ⁸¹oyìnsú winyanwinyan dopo, agbo dopo, lẹngbọvú asú owhè tintan lọ tọn-dopo, na avọ́nunina mimẹ̀ de; ⁸²asú dopo sọn gbogboẹ lẹ lọ mẹ na avọ́nunina ylando tọn de; ⁸³podọ na avọ́sánnu avọ́nunina jijọho tọn lẹ lọ, oyin awe, agbò atón, alunkùn atón, lẹngbọvú asú owhè tintan lọ tọn atọ́n: ehe wẹ avọ́nunina Ahila tọn lọ visunnu Enani tọn lọ.

⁸⁴Ehe wẹ klandówiwe nunina agbà lọ tọn lọ, to azán he mẹ yè sámìsisána ẹn: te, gbọn ogán Islaeli tọn lẹ lọ dali: agbánvla fataka tọn wiawe, otò fataka tọn wiawe; ṣivi sikanọ wiawe: ⁸⁵agbánvla fataka tọn dopodopo jlẹ ṣekẹli kantọ̀nao, podọ otò dopodopo ṣekẹli kandegban; fataka núzinzán lẹ lọ tọn lẹpo ṣẹkẹli foton awe po fowepo, kẹdẹdi ṣẹkẹli fiwiwe lọ tọn lọ; ⁸⁶ṣivi sikanọ wiawe lẹ, gọ na nuyọnwán, jlẹ ṣekẹli ao-aó, kẹdẹdi ṣekẹli fiwiwe lọ tọn lọ: sika ṣivi lẹ lọ tọn lẹpo ṣẹkẹli kantọ̀n: ⁸⁷oyìn na avọ́nunina mimẹ̀ lọ lẹpo oyìnsú wiawe, agbo wiawe, lẹngbọvú asú owhe tintan lọ tọn lẹ wiawe, po avọ́nunina jinulili yetọn lẹ po: podọ asu lẹ sọn gbọgbọẹ lẹ lọ mẹ na avọ́nunina ylando tọn de wiawe: ⁸⁸podọ oyin lọ lẹpo na avọ́sánnu avọ́nunina jijọho tọn lẹ lọ oyìnsú konukunẹnẹ, agbò lọ lẹ kandeko, alunkùn lọ lẹ kandeko, lengbọvu asú owhè tintan tọn lọ lẹ kandeko Ehe wẹ klandowiwe nunina agbà lọ tọn lọ, to godo he yè sámìsisána ẹn. ⁸⁹Podọ whenuena Moṣe yì ogohò opli tọn lọ mẹ nado dohó hẹ ẹ, whenẹnu wẹ é sè Ogbè lọ to hodọ hlan ẹn sọn aga aisintẹn-lẹblanu tọn lọ he tin to alki okunnuhó lọ tọn ji, sọn kẹlubimi awe lẹ ṣẹnṣẹn: ewọ bo sọ dọhó hlan ẹn.

¹OKLUNỌ lọ sọ dọhó hlan Moṣe, dọmọ, ²Dọhó hlan Aalọn, bo dọ hlan ẹn dọ, Whenuena hiẹ zé miyọngbán lẹ lọ dote miyọngbán sinnwe lẹ lọ na na hinhọ́n to nukọn miyọngbántin lọ tọn. ³Aalọn sọ wà mọ; é zé miyọngbán etọn lẹ lọ dote mọ nado to hinhọ́n na to nukọn miyọngbántin lọ tọn, dile OKLUNỌ lọ degbèna Moṣe do. ⁴Ehe wẹ azọ́n miyọngbántin lọ tọn, azón tùntùn sika tọn; jẹ ozòn etọn lọ, podọ jẹ ovòvo etọn, azọ́n tùntùn wẹ: kẹdẹdi owunmẹ he OKLUNỌ lọ ko dohia Moṣe, mọwẹ é basi miyọngbántin lọ do.

⁵OKLUNỌ lọ sọ dọho hlan Moṣe, dọmọ, ⁶Dè Levinu lẹ lọ sọn ovi Islaeli tọn lẹ lọ ṣẹnṣẹn, bo lẹ́ yé wé. ⁷Podọ le wẹ hiẹ na wà hlan yé do, nado lẹ yé wé: húnhún osìn ovẹ̀se tọn lọ do yé ji, bo sọ gbọ yé ni hẹn dalunhi de nado gbọn olàn yetọn lẹpo ta, bo gbọ yé ni yàn avọ̀ yetọn lẹ, bo lè yéde wé. ⁸Whenẹnu gbọ yé ni yí oyìnsú winyanwinyan dopo, po avọ́nunina jinulili etọn po, linfin dagbedagbe yè yí amì do hò, hiẹ bo nasọ yí oyìnsú winyanwinyan devo dopo na avọ́nunina ylando tọn de. ⁹Hiẹ bo na bẹ́ Levinu lẹ lọ wá ogohò opli tọn lọ nukọn: hiẹ bo na bẹ́ agùn ovi Islaeli tọn lẹ lọ pete-pli: ¹⁰hiẹ bo nasọ bẹ́ Levinu lẹ lọ wá OKLUNỌ lọ nukọn, ovi Islaeli tọn lẹ lọ bo na zé alọ yetọn lẹ do Levinu le lo ji; ¹¹Aalọn bo na zé Levinu lẹ lo hia to OKLUNỌ lọ nukọn na avọ́nunina zéhia de, sọn ovi Islaeli tọn; le lọ de, na ye nido tin nado to sinsẹ̀nzọ́n OKLUNỌ lọ tọn wà. ¹²Levinu lẹ lọ bo na zé alọ yetọn lẹ do ota oyìnsú lẹ lọ tọn lẹ ji; hiẹ ni bo yí ode na na avọ́nunina ylando tọn de, podọ awetọ lo na avọ́nunina mimẹ̀ de, hlan OKLUNỌ lọ, nado basi ovẹ̀se na Levinu dẹ lọ. ¹³Hiẹ bo na zé Levinu lẹ lọ do Aalon nukọn, podọ do visunnu etọ̀n le nukón, bo yí ye na na avọ́nunina zéhia de hlan OKLUNỌ lọ ¹⁴Le wẹ hiẹ na klan Levinù le lọ do sọn òvi Islaeli tọn lẹ lọ ṣẹnṣẹn: Levinu lẹ lo bo na yín ṣie ¹⁵Podọ to enẹgodo wẹ Levinu lẹ lọ na biọ họ̀mẹ yì nado to sinsẹ̀nzọ́n ogohọ̀ opli tọn lọ tọn wà: hiẹ nasọ lè yé wé, bo yí yé na na avọ́nunina zehia de. ¹⁶Na yé yín nina hlan mì petepete sọn ovi Islaeli tọn lẹ lọ ṣẹnṣẹn; to otẹn ehe hùn adọ̀ lọ lẹpo tọn mẹ, yedọ oplonji sọn ovi Islaeli tọn lẹpó mẹ wẹ yẹn ko yí yé hlan dẽ. ¹⁷Na opọnji lẹpo to ovi Islaeli tọn lẹpo ṣẹnṣẹn wẹ ṣie, gbẹtọ po kanlin po: azán lọ gbè he yẹn linú oplọnji: lẹpo to aigba Egipti tọn ji wẹ yẹn klan yé do wiwe na dẽ. ¹⁸Yẹn bo kọ sọ yí Levinu lẹ lọ to otẹn oplọnu lẹpo tọn mẹ to ovi Islaeli tọn lẹ lọ ṣẹnṣẹn. ¹⁹Podọ yẹn ko yí Levinu lẹ lọ: na di nunina de hlan Aalọn podọ hlan visunnu etọn lẹ sọn ọvi Islaeli tọn lẹ lọ ṣẹnṣẹn, nadò nọ to sinsẹnzón ovi Islaeli tọn lẹ lọ tọnwà to ogohò opli ton lọ me, podọ nado nọ basi ovẹ̀se naovi Islaeli tọn lẹ lọ: na azònylankan de ma na do tin to ovi Islaeli tọn lẹ ṣẹnṣẹn gba, gbọn ovi Islaeli: tọn lẹ wiwa sèpọ jẹ fìwiwe lọ tọn daíi. ²⁰Le we Moṣe wà do, po Aalọn po, po agùn ovi Islaeli ton lẹpo po tọn, hlan Levinu lẹ: kẹdẹdi ehe OKLUNỌ lọ degbèna Moṣe lẹpo na Levinu lẹ tọn, mọwẹ ovi Islaeli tọn lẹ lọ wà hlan yé do. ²¹Levinu lẹ lọ bo lẹ̀ yéde wé Sọn ylando mẹ, yé sọ yàn avọ̀ yetọn lẹ; Aalọn bo sọ yí yé na; na avọ́nunina zéhia de to OKLUNỌ lọ nukọn; Aalọn bo sọ basi ovẹ̀se na ye nado lẹ yé wé. ²²To enẹgodo wẹ Levinu lẹ yì hòmẹ nado wà sinsẹ̀nzọ́n yetọn to ogohọ̀: opli ton lọ mẹ to Aalọn nukọn, podọ to visunnu etọn lẹ nukọn: dile OKLUNỌ lọ ko degbèna Moṣe do gbọn Levinu lẹ lọ tọn dali, mọwẹ yé wà hlan ye do.

²³OKLUNỌ lọ sọ dọho hlan Moṣe, dọmo, ²⁴Ehe wẹ enẹ he yín Levinu le lọ tọn: sọn owhè kòatọ́n mẹho podọ humọ ye na nọ yì hòmẹ nado wá sinsẹ̀nzọn lọ to azọ́n ogohọ̀ opli tọn lọ tọn mẹ: ²⁵podọ sọn owhè kandeao mẹho mẹ ye: na doalo azọ́n lọ tọn te, bo ma nasọ sẹ̀n ba gba; ²⁶ṣigba bo na nọ wàdevizọ́n hẹ mẹmẹsunnu yetọn lẹ to ogohò opli ton lọ mẹ, nado no payi asẹ lọ go, bo ma na wà sinsẹ̀nzọ́n de gba. Le wẹ hiẹ na wà hlan Levinu le lọ gbọn aṣẹ yetọn lẹ tọn dali.

¹OKLUNỌ lọ sọ dọhó hlan Moṣe, to zùngbo Sinai tọnlọ mẹ, to osùn tintan owhè awetọ tọn lọ mẹ ehegodo yè hen yé jegbonu sọn aigba Egipti tọn mẹ wa, dọmọ, ²Humo gbọ ovi Islaeli tọn lẹ lọ ni payi juwayi lọ go to osã didè etọn mẹ. ³To azán wiẹnẹto osùn he me tọn, to whèjai awelẹ ṣẹnṣẹn, we mìwlẹ na nọ payi e go to osã didè etọn mẹ: kededi asedai etọn lẹpo, podọ kẹdẹdi oséndai etọn le wẹ mì na do nọ payi e go. ⁴Mosẹ bo so dọhó hlan ovi Islaeli tọn lẹ lọ, do yé ni payi juwayi lọ go ⁵Ye: sọ payi juwayi lọ go to osùn tintan lọ mẹ to azán wiẹnẹtọ osùn lọ tọn gbè, to whèjai awelẹ ṣẹnṣẹn, to zùngbo Sinai tọn lọ mẹ: kẹdedi ehe OKLUNỌ lọ degbèna Mosé lẹpo, mọwẹ ovi Islaeli tọn lẹ lọ wà do ⁶Omẹ dẽlẹ bo tin to finẹ, mẹhe yín mawé gbọn osiọ dawe de tọn dali, sọmọ bọ yé ma sọgan payi juwayi lọ go to azán nẹ gbè gba: yé bo sọ wá Moṣe hukọn podọ to Aalọn nukọn to azán nẹ gbè: ⁷Omẹ nele sọ dọ hlan ẹn dọ; Mìwlẹ yín mawé gbọn osiọ dawe de tọn dali: etẹwutu wẹ yè do glọn mí do godo, bọ mí ma na do yí avọ́nunina OKLUNỌ lọ tọn na to osá didè etọn mẹ to ovi Islaeli tọn lẹ ṣẹnṣẹn? ⁸Moṣe bo sọ dọ hlan yé domọ, Mì nọte whẹ; na yẹn nido sè núhe OKLUNỌ lọ na degbèna gbọn mì tọn dali.

⁹OKLUNỌ lọ sọ dọhó hlan Moṣe, dọmọ, ¹⁰Dọhó hlan ovi Islaeli tọn lẹ lọ, dọmọ, eyin omẹ de sọn mì mẹ kavi sọn whẹndo mìtọn lẹ mẹ na yín mawé gbọn agbasa oṣiọ de tọn dali, kavi tin to gbéjizọnlin de mẹ to aganu boboe, gãnṣo é na payi juwayi lọ go hlan OKLUNỌ lọ: ¹¹to osùn awetọ mẹ to azán wiẹnẹtọ lọ gbè to whèjai awele ṣẹnṣẹn wẹ ye na payi e go; akla madotón po oma po wẹ ye na do dù i: ¹²yé ma na jo ode sọn e mẹ do jẹ afọnnu lọ gba, kavi gbà ohú etọn de gba: kẹdẹdi asẹdai juwayi lọ tọn wẹ yé na do nọ payi e go. ¹³Ṣigba omẹ he yín mawé lọ, bo ma sọ tin gbéjizọnlin de ji gba, bo sọ jódo nado to ayipa juwayi lọ go, alindọn nẹ na yín sinsán sẹ̀ sọn omẹ etọn lẹ ṣẹnṣẹn: na é ma yí avọ́nunina OKLUNỌ lọ tọn na to osã didè etọn mẹ wutu, omẹ nẹ na zé ylando etọn hẹn. ¹⁴Podọ eyín ojónọ de na wáwási to mì ṣẹnṣẹn, bo na payi juwayi lọ go hlan OKLUNỌ lọ, kededi asẹdai juwayi lọ tọn, podọ kẹdẹdi osendai etọn, mọwẹ ewọ na wà do, asẹdai dopo wẹ mì na tindo, na ojonọ lọ, podọ na ewọ he yè ji to aigba lọ ji.

¹⁵Podọ to azán lọ gbè he gohọ̀túntún lọ yín gigla dote aslọ lọ ṣinyọn gohótúntún lọ ji, yèdọ ogohò okunnuhó lọ tọn ji: podọ to whèjai é tin to gohọ̀túntún lọ ji di é yín awusọhia miyọn lọ tọn, kakajẹ afọnnu. ¹⁶Mowẹ é te whepoponu: aslọ lọ ṣinyọn ẹn, po awusọhia miyọn lọ tọn po to ozánmẹ. ¹⁷Podọ whedepoponu yè zé aslọ lọ daga sọn Ogohò lọ ta, whenẹnu enẹ godo ovi Islaeli tọn lẹ lọ jẹgbéjizònlin ji: podọ otẹn lọ mẹ fie aslọ lọ nò, finẹ ovi Islaeli tọn lẹ lọ nọ dosla do. ¹⁸To gbèdide OKLUNỌ lọ tọn ji wẹ ovi Islaeli tọn lẹ lọ nọ jẹgbéjizọnlin ji, podọ to gbèdide OKLUNỌ lọ tọn ji wẹ yé do nọ dosla: dẹn sọle aslọ lọ nó gohọ̀túntún lọ ji do wẹ yé do nọnọ̀ osla mẹ. ¹⁹Podọ whenuena aslọ lọ dọngbàn to gohọ̀túntún lọ jì azán susu, whenẹnu ovi Islaeli tọn lẹ lọ nọ to ayipa asẹ OKLUNỌ lọ tọn go, bo ma nọ jẹgbéjizọnlin ji gba. ²⁰Podọ whedèlẹnu aslọ lọ nọ tin azán vude to gohọ̀túntún lọ ji; whenẹnu kẹdẹdi gbèdide OKLUNỌ lọ tọn wẹ yé do nọ dosla, podọ kẹdẹdi gbèdide OKLUNỌ lọ tọn wẹ yé do nọ jẹgbéjizọnlin ji. ²¹Podọ whedẽlẹnu aslọ lọ nọ tin sọn whèjai kakajẹ afọnnu; podọ whenuena yè zé aslọ lọ daga to afọnnu lọ mẹ, yé nọ jẹgbéjizọnlin ji: kavi eyín é nọai to okle po ozán po, whenuena yo zé aslọ daga yé nọ jẹgbójizọnlin ji. ²²Eyín é yín azán awe, kavi osùn dopo, kavi owhè dopo, wẹ aslọ lọ do nọai to gohọ̀túntún lọ ji, ninó e ji finẹ, ovi Islaeli tọn lẹ lọ nọ dosla, bo ma nọ jẹgbéjizọnlin ji gba. ²³To gbèdide OKLUNỌ lọ ton ji wẹ yé do nọ dosla, podọ to gbedide OKLUNỌ lọ tọn ji wẹ yé do nọ jẹgbéjizònlin ji; yé nọ payi asẹ OKLUNỌ lọ tọn lọ go, to gbèdide OKLUNỌ lọ tọn ji gbọn alọ Moṣe tọn mẹ.

¹OKLUNỌ lọ sọ dọhó hlan Moṣe, dọmọ, ²Basi opẹ́n fataka tọn awe na dewe; azón tùntùn tọn wẹ hiẹ na basi yé do: hiẹ bo na nọ zán yé na yiylọ agùn lọ tọn, podọ na gbéjizọnlinzìnzìn osla lẹ lọ tọn. ³Podọ whenuena yé na kun ye, agùn lọ lẹpo na bé yéde plidopọ do de we to ohòn ogohò opli tọn lọ tọn kòn. ⁴Podọ eyín dọ dopo we yé kún, whenẹnu ogán lẹ lọ, nukuntọ fọtọ́n Islaeli tọn lẹ lọ tọn lẹ, na bé yéde plidopọ do de we. ⁵Podọ whenuena yé kún zínhihò de, osla he tin to awà whèyihọ tọn ji lẹ na yí gbéjizọnlin yetọn. ⁶Podọ whenuena yé sọ kún zínhihò de whla awetọ lọ, osla he tin to awà huwaji tọn lẹ lọ na yí gbéjizọnlin yetọn: yé na kún zínhihò de na gbéjizọnlin yetọn lẹ. ⁷Ṣigba whenuena agùnplidopọ tin nado yín bibẹ́ plidopọ, mìlẹ na kúnpẹ́n, ṣigba mì ma na kún zínhihò de gba. ⁸Visunnu Aalọn tọn lẹ lọ, yẹwhenọ lẹ lọ, wẹ na nọ kún opẹ́n lẹ lọ; yé bo na tin hlan mì na aṣẹdai de kakadoi gbọn whẹndo mìtọn lẹ mẹ. ⁹Podọ whenuena mì yì jẹ awhàn kọn to aigba mìtọn ji hẹ mẹglatọ he to nukunbiana mì lẹ, whenẹnu mì na yí opẹ́n lẹ lọ do kún zínhihò de; mìlẹ bo nasọ yín fìnflin to OKLUNỌ lọ Jiwheyẹwhe mìtọn nukọn, mìlẹ bo nasọ yín whinwhlẹn sọn kèntọ mìtọn lẹ si. ¹⁰To azán homẹhùn mìtọn tọn lọ mẹ ga, podọ to hùnwhẹ dido mìtọn lẹ mẹ, podọ to saunsaunwhenu losùn mìtọn lẹ lọ tọn mẹ, mì na yí opẹ́n lẹ lọ do kúnpẹ́n do avọ́nunina mimẹ̀ mìtọn lẹ ta, podọ do avọ́sánnu avọ́nunina jijọho tọn mìtọn lẹ ta; yé bo nasọ tin hlan mì na oflinnú de to Jiwheyẹwhe mìtọn nukọn: yẹn wẹ OKLUNỌ lọ Jiwheyẹwhe mìtọn.

¹¹E sọ wá jọ to owhè awetọ lọ mẹ, to osùn awetọ lọ mẹ, to azán òkotọ osùn lọ tọn gbè wẹ yè zé aslọ lọ daga sọn gohọ̀túntún okunnuhó lọ tọn ta. ¹²Ovi Islaeli tọn lẹ lọ sọ dèdo nukọn kẹdẹdi gbéjizọnlin yetọn lẹ sọn zùngbo Sinai tọn lọ mẹ; aslọ lọ sọ nọ́ zùngbo Pilani tọn lọ mẹ. ¹³Yé sọ ṣẹ̀ do gbéjizọnlin yetọn ji kẹdẹdi gbèdide OKLUNỌ lọ ton gbọn alọ Moṣe tọn mẹ ¹⁴Podọ to otẹn tintan lọ mẹ awhansia osla ovi Juda tọn lẹ lọ tọn lọ tọn dèdo nukọn kẹdẹdi awhànpa yetọn lẹ; Nasoni visunnu Aminadabi tọn lọ wẹ tin to awhànpa etọn nu. ¹⁵Podọ Nẹtanẹli visunnu Zuali tọn lọ wẹ tin to awhànpa whẹndo ovi Issakali tọn lẹ lọ tọn nu. ¹⁶Podọ Eliabi visunnu Heloni tọn lọ wẹ tin to awhànpa whẹndo ovi Zẹbuluni tọn lẹ lọ tọn nu. ¹⁷Yè sọ hẹn gohọtúntún lọ wà odò; visunnu Gẹlsoni tọn le lọ po visunnu Melali tọn lẹ lọ po, mẹhe zé gohòtúntún lọ hẹn, dèdo nukọn. ¹⁸Awhànsia osla Lẹubeni tọn lọ tọn sọ dèdo nukọn kẹdẹdi awhànpa yetọn lẹ: Elizuli visunnu Sedeuli tọn lọ wẹ tin to awhànpa etọn nu. ¹⁹Ṣelumieli visunnu Zulisadai tọn lọ wẹ tin to awhànpa whẹndo ovi Simeoni tọn lẹ tọn lọ nu. ²⁰Podọ Eliasafi visunnu Deuli tọn lọ wẹ tin to awhànpa whẹndo ovi Gadi tọn lẹ tọn lọ nu. ²¹Kohatinu lẹ sọ dèdo nukọn, zizé fìwiwe lọ hẹn: omẹ devo lẹ sọ ze gohọ̀túntún lọ dote pọ́n wiwá yé tọn. ²²Podọ awhànsia osla ovi Ẹflaimi tọn lẹ tọn lọ dèdo nukọn kẹdẹdi awhànpa yetọn lẹ: podọ Elisama visunnu Amihudi tọn lọ wẹ tin to awhànpa etọn nu. ²³Podọ Gamalieli visunnu Pẹdazuli tọn lọ wẹ tin to awhànpa whẹndo ovi Manasse tọn lẹ lọ tọn nu. ²⁴Podọ Abidani visunnu Gideoni tọn lọ wẹ tin to awhànpa whẹndo ovi Bẹnjamini tọn lẹ lọ tọn nu. ²⁵Awhànsia osla ovi Dani tọn lẹ tọn lọ tọn, he yin godotọ osla lẹpo lọ tọn, dèdo nukọn kẹdẹdi awhànpa yetọn lẹ: Ahiezeli visunnu Amisadai tọn lọ wẹ tin to awhànpa etọn-nu. ²⁶Podọ Pagieli visunnu Oklani tọn lọ wẹ tin to awhànpa whẹndo ovi Aṣeli tọn lẹ tọn lọ tọn nu. ²⁷Podọ Ahila visunnu Enani tọn lọ wẹ tin to awhànpa whẹndo ovi Naftali tọn lẹ tọn lọ nu. ²⁸Le wẹ gbéjizọnlinzìnzìn ovi Islaeli tọn lẹ tọn lẹ yin kẹdẹdi awhànpa yetọn lẹ; yé sọ dèdo nukọn. ²⁹Moṣe sọ dọ hlan Hobabi visunnu Leueli tọn lọ Midianinu lọ, aṣitó Moṣe tọn dọ, Mí zingbéjizọnlinjei otẹn lọ mẹ ehe tọn OKLUNỌ lọ dọmọ, yẹn na na ẹn mì: wá gọ́na mí, míwlẹ bo nasọ wà dagbe na we: na OKLUNỌ lọ ko dọhó dagbe gbọn Islaeli tọn dali. ³⁰Ewọ bo sọ dọ hlan ẹn domọ, Yẹn ma jei gba; ṣigba yẹn na fọnyì jẹ aigba ṣie lọsu ji, podọ jẹ hẹnnumẹ ṣie lẹ de. ³¹Ewọ sọ dọmọ, A jó mí do blo, yẹn vè we; mimọ le hiẹ yón le mí tin nado dosla to zùngbo lọ mẹ do, hiẹ bo na tin hlan mí to otẹn nukun le tọn mẹ. ³²E nasọ yín, eyín hie yì hẹ mí, nugbo, é na yín, dọ dagbe depope OKLUNỌ lọ na wà hlan mí, doponẹ wẹ mí na wà hlan we.

³³Yé sọ dèdo nukọn sọn osé OKLUNỌ lọ tọn kòn gbéjizọnlin azán atọ̀n tọn; alki alẹ̀nu OKLUNỌ lọ tọn lọ tọn to gbéjizọnlin azán atọ̀n tọn yì to ye nukọn, nado din gbọjẹ tẹnmẹ de mọ na yé. ³⁴Aslọ OKLUNỌ lọ tọn sọ tin to yé ta to okle, whenuena yé dèdo nukọn sọn osla lọ mẹ.

³⁵E sọ wá jọ, whenuena alki lọ dèdo nukọn, wẹ Moṣe dọmọ, Tite, OKLUNỌ E, bo gbọ kóntọ towe lẹ ni yín vúnvúnvunvun; bo sọ gbọ yé he gbẹwanna we lẹ ni họ̀nyì to nukọn towe. ³⁶Podọ whenuena é gbọjẹ, é sọ dọmọ, Légò, OKLUNỌ È, do fọfọn ao fọtọ́n Islaeli tọn lẹ lọ de.

¹GBẸTỌ lẹ sọ tin di hunhluntọ lẹ he yín oylan to otó OKLUNỌ lọ tọn mẹ: podọ whenuena OKLUNỌ lọ sè e, yè hẹn homegble etọn jimiyọn; miyọn OKLUNỌ lọ tọn sọ to jiji to yé ṣẹnṣẹn, bo sọ vàmẹsúdo to adà agapetepete osla lọ ton mẹ. ²Gbẹtọ lẹ lọ bo dawhá jẹ Moṣe de; Moṣe sọ dọho hlan OKLUNỌ lọ, miyọn lọ bo sọ huwhé. ³Oyín otẹn nẹ tọn wẹ yè nọ ylọ Tabẹla: na miyọn OKLUNỌ lọ tọn ji to yé ṣẹnṣẹn wutu.

⁴Podọ agùndaho flusọ he tin to yé ṣẹnṣẹn to wántúntún de basi: ovi Islaeli tọn le lọ sọ vó avivi, bo dọmọ, Mẹnu wẹ na na olan mí nado dù? ⁵Mìwlẹ flin whèvi lọ, he mí nọ dù to Egipti mẹ vọ́nu; ojipamẹnú lẹ lọ, opó lẹ lọ, po omá lẹ po, po alubasa lẹ po, po amà lẹ po: ⁶Ṣigba yè hẹn alindọn mítọn hú; núdepope ma tin: mí tindo núde adavo mana he dali nado pọ́n hlan. ⁷Mana lọ bo sọ tin di okún kọliandeli Tọn, wunmẹ etọn sọ di awusọhia zannu-bedeliumi tọn. ⁸Gbẹtọ lẹ sọ nọ dán yì, bo nọ bẹ́ ẹ pli, bo nọ li i to osé lẹ ji, kavi gún ni to odó lẹ mẹ, bọ sọ nọ sọakúsìn in to ozẹ́n lẹ mẹ, bo basi aklahihi sọn e mẹ: odọpọn e tọn tin di odọpón aklahihi yè yí amì do sọ tọn lẹ. ⁹Podọ whenuena ahún ja dọ osla lọ ji to ozán mẹ, mana lọ nọ flẹ po e po. ¹⁰Moṣe sọ sè gbẹtọ lẹ lọ to avivi gbọn whédo yetọn lẹ mẹ lédo, omẹ dopodopo to ohòn ogohò etọn tọn ji: yè sọ hẹn adi OKLUNỌ lọ tọn jimiyọn dahodaho; yè sọ hẹnhọmẹgble Moṣe. ¹¹Moṣe sọ dọ hlan OKLUNỌ lọ dọmọ, Etẹwutu hiẹ ko yí oylan do zánhẹ devi towe? podọ etẹwutu wẹ yẹn ma ko mọ nukundagbe to nukun towe mẹ, bọ hiẹ zé agbàn omẹ he lẹpo tọn lọ do oji e? ¹²Yẹn ko mọhò omẹ he lẹpo tọn? Yẹn wẹ dè yé jẹgbònu, bọ hiẹ do dọ hlan mi dọ, Zé yé hẹn to akón towe mẹ, dile otọ́ vigopóntọ de nọ zé ovivu lọ hẹn do, jẹ aigba lọ ji he hiẹ whlẹ hlan otọ́ yetọn lẹ? ¹³Fie yẹn do tindo olàn sọn nado na hlan gbẹtọ he lẹpo? na yé viavi jẹ dè, dọmọ, Na olàn mí, na mí nido dù. ¹⁴Yẹn ma tin sọgan nado zé omẹ he lẹpo hẹn gba, na é yín pinpọ́n gbahu na mi wutu. ¹⁵Podọ eyín hiẹ zan hẹ mi dole, yẹn vè we, hù mi, sọn alọ towe mẹ, eyín yẹn ko mọ nukundagbe to nukun towe mẹ; bo dike ma mọ otapipò ṣie blo.

¹⁶OKLUNỌ lọ sọ dọ hlan Moṣe dọmọ, Bẹ́ sunnusi kandegbàn, sọn mẹho Islaeli tọn lẹ lọ mẹ pli do dẽ, mẹhe hiẹ yọnẹn nado yín mẹho gbẹtọ lẹ lọ tọn lẹ, po azọ́ngán lẹ po to yé nu; bo hẹn yé wá ogohọ̀ opli tọn lọ kọn, na yé nido ṣite to finẹ po hiẹ po. ¹⁷Yẹn bo nasọ wá odò bo dọhó hẹ we to finẹ: yẹn bo nasọ yí sọn gbigbọ he tin to hiẹ ji mẹ, bo na yí i do yé ji; yé bo na zé agbàn omẹ lẹ lọ tọn hẹn hẹ we, na hiẹ só ma na do zé e hẹn gba. ¹⁸Bo dọ hlan gbẹtọ lẹ lọ dọmọ, Mì klan mìde dọ wiwe na osò, mìwlẹ bọ nasọ dù olàn: na mìlẹ kọ viavi to otó OKLUNỌ lọ tọn lẹ mẹ, dọmọ, Mẹnu wẹ na na olàn mí nado dù? na é yín dagbe po mí po to Egipti mẹ: enẹwutu OKLUNỌ lọ na na olàn mì, mìlẹ bo nasọ dù. ¹⁹Mì ma na dù ma azán dopo gba, kavi azán awe, kavi azán atón, kavi azán ao, kavi azán òko gba; ²⁰ṣigba osùn dopo pete, kaka é do tọ́n jẹgbonu to awọntinslo mìtọn lẹ mẹ, bọ é sọ yín nuṣimẹ hlan mì: na dọ mìwlẹ ko gbẹ́ OKLUNỌ lọ dai wutu he tin to mì ṣẹnṣẹn, bo ko viavi to nukọn e tọn, dọmọ, Etẹwutu wẹ mí do tòn jẹgbonu sọn Égipti mẹ wá? ²¹Moṣe sọ dọmọ, Gbẹtọ lẹ lọ, mẹhe ṣẹnṣẹn yẹn te lẹ, yín afọnọ fọtọ́n nuọntọ̀n; hie bo ko sọ domọ Yẹn na na olàn yé, na yé nido to dùdù osùn dopo pete. ²²Kanlinpá lẹ po kanlinpó lẹ po na yin hùhù na yé, nado pékọna yé? kavi owhèvi ohù lọ tọn na yín bibẹ́ plidopo na yé, nado pékọna yé?

²³OKLUNỌ lọ sọ dọ hlan Moṣe dọmọ, Alọ OKLUNỌ lọ tọn lẹzùn ogli wẹ? dinvie wẹ hiẹ na mọ eyín ohó ṣie na sé hlan we kavi lala. ²⁴Moṣe bo jẹgbonu yì, bo dọ ohó OKLUNỌ lọ tọn lẹ na gbẹtọ lẹ lọ: ewọ bo sọ bẹ́ sunnusi kandegbàn pli sọn mẹho gbẹtọ lẹ lọ lẹ tọn mẹ, bo tò yé lẹ́do Ogohò lọ pé. ²⁵OKLUNỌ lọ bo sọ wá odo to aslọ lọ mẹ, bo dọhó hlan ẹn, bo yí son gbigbọ he tin e ji mẹ, bo yí i do mẹho kandegbàn lẹ lọ ji: é bo sọ wá jọ, whenuena gbigbọ lọ jè do yéji, yé dọdọdai, ṣigba yé ma sọ wà mọ ba gba. ²⁶Ṣigba sunnusi awe pò to osla lọ mẹ finẹ, oyín omẹ ode, tọn wẹ Ẹldadi, podọ oyín awetọ lọ tọn Mẹdadi: gbigbọ lọbojẹ́do yé ji; podọ yé tin to yé he yè wlanwé yé tọn lẹ mẹ, ṣigba ma ko jẹgbònu yì jẹ Ogohò lọ kọn gbà: yé bo sọ to dọdaidọ to osla lọ mẹ. ²⁷Sunnusi dẹpẹ de sọ dowezun finẹ, bo dọ na Moṣe, bo dọmọ, Ẹldadi po Mẹdadi po dọdaidọ to osla lọ mẹ ²⁸Jọsua visunnu Nuni tọn lọ, devizọ́nwàtọ Moṣe tọn lọ, dopo sọn omẹ didè etọn lẹ mẹ, gblọn bo dọmọ, Klunọ ṣie Moṣe, kọna yé. ²⁹Moṣe sọ dọ hlan ẹn dọmọ, Hiẹ yín awuwhànnọ na ṣie tọn wutu? Jiwheyẹwhe dọ jlo dọ omẹ OKLUNỌ lọ tọn lẹpo wẹ yẹwhegán, dọ OKLUNỌ lọ do yí gbigbọ etọn do yé ji! ³⁰Moṣe sọ hẹn ede jẹ osla lọ mẹ, ewọ po mẹho Islaeli tọn lẹ po. ³¹Jẹhọ̀n de sọ tón yì sọn OKLUNỌ lọ de finẹ, bo hẹn asọ̀kle lẹ sọn ohù lọ mẹ wá, bo gbọ yé flẹ jẹ osla lọ ta, sọn gbéjizọnlin azán dopo tọn nkọ to awà he ji, podọ gbéjizọnlin azán dopo tọn to awà awetọ lọ ji, lẹ́do osla lọ pé, podọ sọ awàgba awe to nukunmẹ aigba lọ tọn ji. ³²Gbẹtọ lẹ lọ sọ fọ́nṣite to azán nẹ lẹpo mẹ, podọ to ozán nẹ lẹpo mẹ, podọ to azán awetọ lọ lẹpo mẹ, bo bẹ́ asọ̀kle lẹ lọ pli: ewọ he bẹ́ vude tàla pli bẹ́ ojlẹ homeli tọn ao pli: yé sọ tó yé do gbangba na yéde lẹ́do osla lọ pé. ³³Whenuena olàn lọ gbẹ́; tin to adú yetọn lẹ ṣẹnṣẹn, whẹpo é do yín dùdù, yè hẹn adi OKLUNỌ lọ tọn jimiyọn do omẹ lẹ lọ ji, OKLUNỌ lọ sọ yí azọ̀nylankan daho talala de do hò gbẹtọ lẹ lọ. ³⁴Yè bo sọ nọ ylọ oyín ofi nẹ tọn lọ dọ Kibloti-hataava : na finẹ wẹ yé disiọ omẹ he tunwan lẹ lọ tọn do wutu. ³⁵Sọn Kibloti-hataava wẹ gbẹto lẹ lọ jegbejizọnlin ji jẹ Hazeloti; ye sọ nòte to Hazeloti.

¹MILIÀMI po Aalọn po sọ dọhó do Moṣe go na yọnnu Kuṣinu lọ tọn wutu mẹhe ewọ ko wlealọhẹ na ewọ ko wlealọhẹ yọnnu Kuṣinu de. ²Yé sọ dọmọ, OKLUNỌ lọ nugbonugbo ko dọhó gbọn Moṣe ṣókẹdẹ dali wẹ? OKLUNỌ lọ sè e. ³Dinvie dawe lọ Moṣe yín homẹmimiọnnọ talala hu omẹ he tin to nukunmẹ aigba lọ tọn ji lẹpo. ⁴OKLUNỌ lọ sọ dọhó ajiji hlan Moṣe, podọ hlan Aalọn, podọ hlan Miliami dọmọ, Mì omẹ atọ̀n lẹ ni jẹgbonu wá jẹ ogohò opli tọn lọ kọ̀n. ⁵OKLUNỌ lọ sọ wá odò to odòtin aslọ tọn de mẹ, bo site to ohọ̀n ogohọ̀ lọ tọn ji, bo ylọ Aalon po Miliami po: yé omẹ awe lẹ sọ jẹgbonu wá. ⁶E bo sọ dọmọ, Mi sè oho ṣie lẹ dinvie: eyín yẹwhegán de tin to mì ṣẹnṣẹn finẹ, Yẹn OKLUNỌ lọ na hẹn dè zùn yinyọnẹn hlan ẹn to numimọ de mẹ, yẹn na dọhó hẹ ẹ to odlọ de mẹ. ⁷Devi ṣie Moṣe ma yín mọ gba; nugbonọ we ewọ to ohọ̀ ṣie lẹpo mẹ: ⁸Ewọ wẹ yẹn na dọhó hẹ onù hlan onù, yèdọ to gbangba, bo ma yín to hógbe zinvlunọ lẹ mẹ gba, podọ ojlẹmọ OKLUNỌ lọ tọn lọ wẹ ewọ nasọ mọpọn: whenẹnu etẹwutu avọ̀ ma vo mì nado dọhó do devi ṣie go, do Mọṣẹ go? ⁹Yè bo sọ hẹn adi OKLUNỌ lọ tọn lo jimiyọn do yé ji; é bo sọ fónyì. ¹⁰Aslọ lọ sọ klón sọn Ogohó lọ ta; bo, dayi e go, Miliam yín opòtọ, wéwé di sìnmlinmlin: Aalọn bo sọ pọn Miliami, bo, dayi e go, opòtọ wẹ ewọ. ¹¹Aalọn bo sọ dọ hlan Moṣe dọmọ, Ṣó OKLUNỌ ṣie, yẹn vẹ̀ we, a zé ylando he do mí ji blo, na ehe míwlẹ ko yí núlulu do wà, podọ ná ehe míwlẹ ko do wàylando. ¹²Yẹn vẹ́ we, a dike ewọ tin di omẹ kúkú de blo, olàn mẹhe tọn yè ko dù odá súdo whenuena é jẹgbonu sọn adọ̀ onọ etọn tọn mẹ wá ¹³Moṣe so dawhá hlan OKLUNỌ lọ dọmọ, Jiwheyẹwhe È, yẹn vẹ̀ we, henazọngbọna ẹn. ¹⁴OKLUNỌ lọ bo sọ dọ hlan Moṣe dọmọ, Eyín otọ́ etọn wẹ ko Tuntán do nukunmẹ etọn me ewọ ma do yín winyanmẹ azán ṣinawe? gbọ é ni yín súsú do gbonu osla lọ tọn azán ṣinawe, enẹgodo é na yín hinhẹn wá hòmẹ. ¹⁵Miliami bo yín súsú do gbonu osla lọ tọn azán ṣinawe: gbẹtọ lẹ lọ ma sọ yígbejizọnlin yetọn gba, kaka yè sọ do hẹn Miliami wá hómẹ. ¹⁶Podọ to enẹgodo gbẹtọ lẹ lọ yígbéjizọnlin yetọn sọn Hazeloti mẹ, bo pénslahọ̀ do zùngbo Palani tọn lọ mẹ.

¹OKLUNỌ lọ sọ dọhó hlan Moṣe, dọmọ, ²Hìẹ ni do sunnusi lẹ hlan na yé nido bẹ̀ aigba Kanani tọn lọ pọ́n, he yẹn na hlan ovi Islaeli tọn lẹ lọ: omẹ dopo sọn whẹndo otọ yetọn lẹ tọn dopodopo mẹ wẹ mì na dohlan, omẹ dopodopo ogan de to yé ṣẹnṣẹn. ³Moṣe bo do yé hlan sọn zùngbo Palani tọn mẹ kẹdẹdi gbèdide OKLUNỌ lọ tọn: popo yé tọn sunnusi mẹhe yín nukọntọ ovi Islaeli tọn lẹ lọ tọn lẹ. ⁴Podọ ehelẹ wẹ oyín yetọn lẹ: sọn whẹndo Lẹubeni tọn lọ mẹ Samua visunnu Zakuli tọn lọ. ⁵Sọn whẹndo Simeoni tọn lọ mẹ, Safati visunnu Holi tọn lọ. ⁶Son whẹndo Juda tọn lọ me, Kalẹbi visunnu Jẹfunne tọn lọ. ⁷Sọn whẹndo issakali tọn lọ mẹ, Igali visunnu Josẹfu tọn lọ. ⁸Sọn whẹndo Eflaimi tọn lọ mẹ, Hosea visunnu Nuni tọn lọ. ⁹Sọn whẹndo Bẹnjamini tọn lọ mẹ, Palti visunnu Lafu tọn lọ. ¹⁰Sọn whẹndo Zẹbuluni tọn lọ mẹ, Gadieli visunnu Sọdi tọn lọ ¹¹Sọn whẹndo Josẹfu tọn lọ mẹ, ene wẹ nadọ dọ, sọn whẹndo Manasse tọn lo mẹ, Gaddi visunnu Susi tọn lọ. ¹²Son whẹndo Dani tọn lọ mẹ, Amiẹli visunnu Gemali tọn lọ. ¹³Sọn whẹndo Aṣeli tọm, lọ mẹ, Sẹtuli visunnu Mikaeli tọn lọ. ¹⁴Sọn whẹndo Naftali tọn lọ mẹ, Nabi visunnu Vọfsì tọn lọ. ¹⁵Sọn whẹndo Gadi tọn lọ mẹ, Geueli visunnu Maki tọn lọ, ¹⁶Ehelẹ wẹ oyín omẹ he Moṣe dohlan nado bẹ aigba lọ pọn lẹ lọ tọn Moṣe sọ ylọ Hosea visunnu Nuni tọn lọ dọ Jọsua. ¹⁷Moṣe sọ do yé hlan nado bẹ̀ aigba Kanani tọn lọ pọ́n, bo dọ hlan ye dọmọ, Mì hẹ́ji gbọn aliho he to hùwaji mẹ, bo yì aga biọ osé lẹ lọ mẹ: ¹⁸bo sọ pọ́n aigba lọ, núhe é yín; eyín po gbẹtọ he nọnọ̀ e mẹ finẹ lẹ po, yé yín huhlọnnọ kavi madogánnọ, eyín yé yín vude kavi susu; ¹⁹podọ etẹwe aigba he ji yé te lọ yín, eyín é yín dagbe kavi gbigble; podọ tòdaho hè mẹ yé nọnọ̀ lẹ lọ etẹwẹ yé yín, eyín osla lẹ mẹ wẹ, kavi figángán lẹ mẹ; ²⁰podọ nawẹ aigba lọ te, eyín é yín ojinọ kavi kúkú, eyín atin tin to e mẹ kavi lala. Mì ni bo yín tudotọ dagbe tọn, bo sọ hẹn sọn sinsẹ́n aigba lọ tọn mẹ wá. Dinvie ojlẹ lọ yín ojlẹ sinséntintan ovẹ̃n lẹ lọ tọn. ²¹Mọwẹ yé yì aga bo bẹ́ aigba lọ pọ́n sọn zùngbo Zini tọn mẹ jẹ Lehobi, jẹ bibiọ Hamati tọn mẹ. ²²Yé sọ yì aga to huwaji lọ mẹ, bo wá jẹ Hebloni; po Ahimani po, Ṣeṣai, po Talmai po, visunnu Anaki tọn lẹ lọ tin fìnẹ. (Dinvie yè do Hebloni owhè ṣinawe jẹnukọnna Zoani to Egipti mẹ.) ²³Yé sọ wá jẹ agbàdo Ẹskoli tọn lọ mẹ, bo sán atinla de sọn finẹ po ohín ovẹ̃nsinsẹ́n lẹ tọn dopo po, yé sọ zé e hẹn to opò de ji to omẹ awe ṣẹnṣẹn; yé hẹn sọn pomeglanate lẹ lọ mẹ wá ga, podọ sọn ovòtin lẹ lọ mẹ. ²⁴Yè nọ ylọ ofi nẹ dọ agbàdo Ẹskoli tọn, na ohín he ovi Islaeli tọn lẹ lọ sán sọn fìnẹ tọn wutu. ²⁵Yé bo sọ lẹ́gọ̀ sọn bíbẹ́pón aigba lọ tọn mẹ to opòdo azán kande tọn. ²⁶Yé bo sọ yì bo wá Moṣe de, po Aalọn po de, podọ to agùn ovi Islaeli tọn lẹ lọ tọn lẹpo de, jẹ zùngbo Palani tọn lọ mẹ, to Kadẹsi; bo hẹn ohó gò wá jẹ yé de, podọ jẹ agùn lọ lẹpo de, bo do sinsẹ́n aigba lọ tọn lọ hia yé. ²⁷Yé sọ dọ nẹ, bo dọmọ, Mí wá jẹ aigba lọ ji fie hiẹ do mí hlan, podọ nugbonugbo é yi oyìnmó po owín po do to sisà; ehe bo sọ wẹ sinsẹ́n e tọn lọ. ²⁸Ṣigba gbẹtọ he nọnó aigba lọ mẹ lẹ lọ yín huhlọnnọ, podọ tòdaho lẹ lọ odòkọnọ wẹ, bo sọ klo talala: podọ humọ mí mọ ovi Anaki tọn lẹ lọ to finẹ. ²⁹Amalẹki nọnọ̀ aigba huwaji tọn lọ mẹ: podọ Hitinu lọ, po Jẹbusinu lọ po, po Amolinu lọ po, nọnọ̀ osé lẹ lọ mẹ: podọ Kananinu lọ nọnọ̀ ohù lọ dali, podọ to agbègbèji awà Jọdani tọn lọ dali. ³⁰Kalẹbi bo sọ hògbèdonùna gbẹtọ lẹ lọ to Moṣe nukọn, bo dọmọ, Mì gbọ mí ni hẹji yì hadopo, bo tindo e; na mí tin dagbedagbe sọgan nado glo e. ³¹Ṣigba omẹ he yì po e po lẹ lọ dọmọ, Mí ma tin sọgan nado hẹji yì gbẹtọ lẹ lọ ji gba; na yé yín huhlọnnọ hú mí. ³²Yé bo sọ hẹn ogbèdido ylankan aigba he yé ko bèpọn lọ tọn de wá jẹ ovi Islaeli tọn lẹ lọ de, dọmọ, Aigba lọ, ehe mẹ mí ko yí nado bèpón ẹn, yín aigba de he nọ dù tòmẹnu etọn lẹ lọ; podọ gbẹtọ he mí mọ to e mẹ lẹpo yín omẹ he klo bo tónalun. ³³Podọ mí sọ mọ Nẹfilimi lọ fìnẹ, visunnu Anaki tọn lẹ lọ, he sọn Nẹflimi mẹ wá: mìwlẹ bo sọ tin to nukun mí lọsu tọn mẹ di agbònọpatin lẹ, podọ mọwẹ mí bo sọ te to nukun yetọn mẹ.

¹AGÙN lọ lẹpo bo zé ogbè yetọn daga, bo dawhá; gbẹtọ lẹ lọ sọ viavi to ozán nẹ mẹ ²Ovi Islaeli tọn lẹpo lọ sọ to hùnhlun do Moṣe ta podọ do Aalọn ta: agùn lọ pete sọ dọ hlan yé dọmọ, E do jlo Jiwheyẹwhe dọ mí ko kú to aigba Egipti tọn ji i kavi é do jlo Jiwheyẹwhe mí ko kú to zùngbo he me! ³Podọ etẹwutu wẹ OKLUNỌ lọ hẹn mí wá jẹ aigba he ji, nado jai gbọn ohi lọ dali? Asi mítọn lẹ po omẹ flinflin mítọn lẹ po na yín ogblannú de: é ma yín pónte na mí nado lẹ́gọ̀ do Egipti mẹ? ⁴Yé sọ to didọ omẹ de hlan awetọ dọmọ, Mì gbọ mí ni basi awhàngán de, bo gbọ mí ni lẹ́gọ̀ do Egipti mẹ. ⁵Whenẹnu wẹ Moṣe po Aalọn po họ́ jẹ nukunmẹ yetọn lẹ ji to agùnpipli agùn ovi Islaeli tọn lẹ lọ tọn tọn lẹpo nukọn. ⁶Jọsuà visunnu Nuni tọnlọ po Kalẹbi visunnu Jẹfunnẹ tọn lọ po, he tin son yé he bẹ́ aigba lọ pọ́n lẹ mẹ, tlẹn avọ yetọn lẹ: ⁷yé bo sọ dọhó hlan agùn ovi Islaeli tọn lọ tọn lẹpo, dọmọ, Aigba lọ, ehe mẹ mí gbọn luntón nado bèpọn ẹn, aigba dagbe talala de wẹ. ⁸Eyín OKLUNỌ lọ yíhomẹhùn to mí mẹ, whenẹnu é na hẹn mí wá aigba he mẹ, bo na ẹn hlan mí; aigba de he yí oyìnnọ po owín po do to sisà. ⁹Mì vẹtóli do OKLUNỌ lọ go blo jãnwẹ, mì sọ dibuna gbẹtọ aigba lọ tọn lẹ lọ blo; na akla wẹ yé na mí: yè ko klón núglo yetọn sọn yé ta, podọ OKLUNỌ lọ tin po mí po: mì dibuna yé blo. ¹⁰Ṣigba agùn lọ lẹpo dègbè yíyí zannu lẹ do dlanzannu do yé. Gigo OKLUNỌ lọ tọn sọ sọawúhia to ogohò opli tọn lọ mẹ hlan ovi Islaeli tọn lẹ lọ.

¹¹OKLUNỌ lọ sọ dọ hlan Moṣe dọmọ, Nawẹ omẹ he lẹ na to vivlẹ mi dẹn do? podọ nawẹ yé ma na yi mi se dẹn do, na ohia lẹ lọ he yẹn ko basi to yé ṣẹnṣẹn? ¹²Yẹn nasọ yí azọ̀ndèmẹ lọ do ho yé, bo tẹ̀gú yé, bo nasọ basi akọta daho hlọnhlọnnọ he hugan yé de sọn hiẹ mẹ. ¹³Moṣe bó sọ dọ hlan OKLUNỌ lọ dọmọ, Whenẹnu Egiptinu lẹ lọ na sè e; na hiẹ hẹn omẹ he lẹ hẹji sọn ṣẹnṣẹn yetọn wá to hlọnhlọn towe mẹ; ¹⁴yé bo na dọ ẹ hlan tomẹnu aigba he tọn lẹ lọ: yé ko sè dọ hie OKLUNỌ jo tin to gblagbla omẹ: he lo tọn mẹ, na hie ỌKIUNỌ lọ yín mimọ nukun hlan nukun, podọ aslọ towe site to ye ta, hiẹ bo sọ to yìyì to yé nukọn; to odòtin aslọ tọn de me to okle, podọ to odotin miyọn tọn de me to ozanme, ¹⁵Dinvie ẹyin hiẹ na hù ome he le di omẹ dopo, whenẹnu akọti lẹ lo he ko sè linlin towe, na dọhó dọmọ, ¹⁶na OKLUNỌ lọ ma tin sogan nado hẹn ome, he le wẹ aigba lọ me he ewọ ko whle hlan yé wutu, enẹwutu wẹ é ko hù ye to zùngbo lọ mẹ. ¹⁷Podọ dinvie, yen vè we, gbọ huhlọn OKLUNỌ lọ tọn lọ ni yín daho, kẹdẹdile hiẹ ko dọho do, domọ, ¹⁸OKLUNỌ lọ awuwhletọ wẹ nado sadi, podọ susunọ to lẹblanu mẹ, he nọ jona oylanwà po sẹ́nmejẹ po, podọ he ma na dike whẹ̀gbledonọ lọ to alọdepope mẹ ni gán gba; he nọ dla oylan wa otọ́ lẹ lọ tọn pọ́n to ovi lẹ lọ ji to whẹndo atọ̀ntọ lọ ji podọ to ẹnẹtọ lọ ji ¹⁹Yẹn vẹ we, jona oylanwà omẹ he lẹ tọn kẹdẹdi kaklo lẹblanu towe tọn lọ, podo dile hiẹ ko jona omẹ he lẹ do, sọn Egipti mẹ yèdọ kakajẹ dinvie. ²⁰OKLUNỌ lọ sọ dọmọ, Yẹn ko jona kẹdẹdi ohó towe: ²¹Ṣigba to wiwà lọsulọsu mẹ, le yẹn Togbẹ do, podọ le aigba lọ lẹpo na yín yíyí gigo OKLUNỌ lọ tọn do gọ do; ²²na omẹ nẹlẹ lẹpo he ko mọ gigo ṣie, po ohia ṣie lẹ po, he yẹn ko basi to Egipti mẹ podọ to zùngbo lọ mẹ, gãnṣo bo ko sọ whle mi pọn whla ao helẹ; bo ma ko tùntóai hlan ogbè ṣie gba; ²³nugbonugbo yé ma na mọ aigba lo gba he yẹn whlẹ hlan otọ yetọn lẹ; mọ depope yé he vlẹ mì lẹ tọn ma na mọ ẹn gba: ²⁴adavo devi ṣie Kalebi, na ewọ tindo gbigbọ devo to e de wutu, bo ko sọ hodo mi to gigọ́ mẹ, ewọ wẹ yẹn na hẹnwá aigba lọ mẹ ehemẹ ewọ yì: okún etọn bo nasọ tindo e. ²⁵Dinvie Amalẹkinu lọ po Kananinu lọ po nọnọ̀ agbàdo lọ mẹ: to osò mì ni lé bo hẹn mìde jẹ zùngbo lọ mẹ gbọn aliho Ohù Vẹ̃ tọn lọ dali.

²⁶OKLUNỌ lọ sọ dọhó hlan Moṣe podọ hlan Aalọn, dọmọ, ²⁷nawẹ yẹn na miọnhomẹ to whẹndo ylankan he de dẹn do, he to hùnhlun dotana mi? Yen ko sè hùnhlun ovi Islaeli tọn lẹ lọ tọn lẹ, he yé do to hùnhlun dotana mi. ²⁸Dọ hlan yé dọmọ, Le yẹn togbè do, wẹ OKLUNỌ lọ dọ, nugbonugbo le mìwlẹ ko dọhó to otọ́ ṣie lẹ mẹ do, mọwẹ yen na wà hlan mì do: ²⁹ósio mìtọn le na jai to zungbo he me, po ehe yè yísọhana to mì mẹ lẹpo po, kẹdẹdi osọha mìtọn pete, sọn owhè oko mẹho podọ humọ he ko hlun dotana mi, ³⁰nugbonugbo mìwlẹ ma na wá aigba lọ mẹ gba, gbọn ehe tọn dali yẹn ze alọ ṣie daga dọ yen na hẹn mì nò e me finẹ, adavo Kalẹbi visunnu Jẹfunnẹ tọn lọ, po Jọsua visunnu Nuni tọn lọ po. ³¹Ṣigba ome flinflin mìtọn le, he mì dọ na yin ogblannu de, ye we yẹn na henwá hòmẹ, Yé bo na yón a gba he mìwlẹ gbedai lọ ³²Ṣigba na mìwlẹ tọn, osiọ mìtọn lẹ na jai to zùngbo he mẹ. ³³Ovi mìtọn lẹ bo na yín lẹngbọhọtọ lẹ to zùngbo lọ mẹ owhè kande, bo nasọ zé gàlilọ mìtọn lẹ hẹn, kaka osiọ mìtọn lẹ na do yín súsúdo to zùngbo lọ mẹ. ³⁴Hodo osọha azán lẹ lọ tọn ehe me mìwlẹ bè aigba lọ pọ́n tele, yèdọ azán kande, owhè dopo na azán dopodopo, wẹ mìwlẹ na do ze oylanwà mìtọn lẹ hẹn, yèdọ owhè kande, mìwlẹ bo nasọ yon pagbèhẹngba ṣie. ³⁵Yẹn OKLUNỌ lọ ko dọhó, nugbonugbo ehe wẹ yẹn na wà hlan agùn ylankan he lẹpo, he yè bẹ̀pli dopo do oji e lẹ: to zùngbo he mẹ yé na yin súsúdo te, podọ finẹ wẹ yé na ku te. ³⁶Podọ sunnusi lẹ lọ, he Moṣe dohlan nado bẹ̀ aigba lọ pọn, mẹhe legò lẹ, bo sọ hẹn agùn lọ lepo nado hlun dotana ẹn, gbọn hinhẹn gbedido ylankan de do aigba lọ go tọn wá dali, ³⁷yèdọ sunnusi nẹle he hẹn gbèdido ylankan aigba lọ tọn de hẹji wá, ku gbọn azònylankan lọ dali to OKLUNỌ lọ nukọn. ³⁸Ṣigba Jọsua visunnu Nuni tọn lọ, po Kalẹbi visunnu Jẹfunnẹ tọn lọ po wẹ pò togbẹ̀ sọn sunnusi nẹlẹ mẹ he yì nado bẹ̀ aigba lọ pọ́n. ³⁹Moṣe sọ dọ ohó helẹ hlan ovi Islaeli tọn lọ lẹpo: gbẹtọ lẹ lọ bo blawu gbahúgbahú. ⁴⁰Yé bo sọ fontite to afọnnu lọ, bo hẹn yéde hẹji jẹ aga osé lọ tọn, dọmọ, Pọ́n, mí tin to ofi, bo na hẹji yì jẹ otẹn lọ mẹ he OKLUNỌ ko gblọnadanna: na míwlẹ ko wàylando. ⁴¹Moṣe bo sọ dọmọ, Dinvie etewutu wẹ mìwlẹ jẹsẹ́nmẹna gbèdide OKLUNỌ lọ tọn, mimọ é ma na yọ́n? ⁴²Mì hẹji yì blo, na OKLUNỌ lọ ma tin mì ṣẹnṣẹn gba; na mì ma na do yín hihò liai to kẹntọ mìtọn lẹ nukọn gba. ⁴³Na Amalekinu lọ po Kananinu lọ po tin mì nukọn finẹ, míwlẹ bo na sọ jai gbọn ohi lọ dali: na yè hẹn mì lẹ́ godo sọn hihodo OKLUNỌ lọ mẹ wutu, enẹwutu OKLUNỌ lo ma na tin po mí po gba ⁴⁴Ṣigba yé doklinklọnen nado hẹji yì je aga osé lọ ton lọ ji: ṣigba alki alẹnu OKLUNỌ lo tọn lo tọn, po Moṣe po ma fọ́n jẹgbonu yì son osla lọ me gba. ⁴⁵Whenẹnu Amalekinu lọ jẹte wá, po Kananinu he nọnọ̀ oso nẹ ji lọ po, bo hò yé bo linu yé liai yèdo jẹ Holma.

¹OKLUNỌ lọ so dọhó hlan Moṣe, dọmọ, ²Dohó hían óvi Islaeli-ton le lo, bo dọ hlan ye dọmo, Whenuena ye hẹn mì wá aigba fininọ̀ mìtọn tọn lọ lẹ mẹ, he yẹn na hlan mì, ³bo na basi avọ́nunina de gbọn miyon dali hlan OKLUNỌ lo, avọ́nunina mimẹ̀ de, kavi avọ́sánnu dè, to bibasi padido tàla de me, kavi di avọúunina ojlometọn de, kavi to hùnwhẹ dido mìtọn lẹ mẹ, nado basi owan vivi de hlan OKLUNỌ lọ, sọn kanlinpo lọ mẹ, kavi sọn kànlinpá lọ mẹ̀: ⁴whenẹnu ewọ he yí avọnùnma etọn na hlan OKLUNỌ lo na yí avọ́nunina jinulili madaoto efa dopo linfin dagbedagbe tọn de na he yè yí madenẹtọ hini amì tọn dopo do hò: ⁵podọ ovẹ̃n na avọ́nunina nùnù; lo madẹnetọ hini dopo tọn, wẹ hiẹ na wleawuna po avọ́nunina mimẹ̀ lọ po kavi na avọ́sánnu lọ, na lẹngbọvu dopodopo. ⁶Kavi na agbò de, hiẹ na wleawu na avọ́nunina jinulili de madaotọ awe; ẹfa tọn dopo son linfin dagbedagbe mẹ he yè yi madatòntọ-hini amì tọn dopo do hò: ⁷podọ na avọ́nunina nùnù lọ madatọ́ntọ hini ovẹ̃n ton dopo owán vivi de ton wẹ hie na yína hlan OKLUNỌ lọ. ⁸Podọ whenuena hie wleawu oyìnsú de tọn na avọ́nunina mimẹ̀ de kavi na avọ́sánnu de, to pagbè talala de bibasi mẹ, kavi na avọ́nunina jijọho tọn lẹ hlan OKLUNỌ lọ ⁹whenenu wẹ ewo na yína po oyìnsú lọ po avọnunina jinulili de madaoto atọ́n efa dopo tọn sọn linfin dagbedagbe mẹ́ he yè yi amì do hò po oda hini amì ton dopo po. ¹⁰Hiẹ nasọ yína na avọ́nunina nùnù de oda hini ovẹ̃n tọn dopo, na avọ́nunina de yè basi gbọn miyọn: dali, owán vivi de tọn hlan OKLUNỌ lo. ¹¹Le we é na yín wiwa na oyìnsu dopodopo do, kavi na agbo dopodopo, kavi na dopodopo lengbọvu asú lẹ tọn, kavi gbọgbọẹvu jẹ tọn. ¹²Kẹdẹdi osọha lọ wẹ mì na do wleawu, mọwẹ mi na wa hlan dopodopo kẹdẹdi osọha yetọn. ¹³Ehe yin owhévi lẹpo wẹ na wa onu helẹ kẹdẹdi hunkọ he nko, to yíyí avọ́nunina de na mẹ he yè basi gbọn miyọn dali, owán vivi de tọn hlan OKLUNỌ lọ. ¹⁴Podo eyin ojono de wawasi to mi de, kavi mẹhe tin to mì ṣẹnṣẹn depope gbọn whẹndo miton lẹ mẹ, bo na yi avọ́nunina de na hé yè basi gbọn miyọn dali, owan vivi tọn de hlan OKLUNỌ lọ; le mìwlẹ wa do mọwẹ ewọ na wà do. ¹⁵Na agunpipli lọ, aṣẹdai dopo wẹ na tin na mì, podo na ojónọ lọ he; wáwási to mì de, aṣẹdai de kakadoi gbọn whẹndo mìtọn lẹ mẹ: le mìwlẹ te, mọwẹ ójónọ lọ na te to OKLUNỌ lọ nukọn. ¹⁶Osén dopo po gbèdai dopo po we na tin na mì, podọ na ojónọ lọ he wa wasi to mì de.

¹⁷OKLUNỌ lọ sọ dọhó hlan Moṣe, dọmọ, ¹⁸Dọhó hlan ovi Islaeli tón lẹ lọ, bò dọ hlan yé dọmọ, Whenuena mì wá aigba lọ mọ fie yẹn hẹn mì wá, ¹⁹whenẹnu é na yín, dọ, whenuena mìwlẹ dù sọn akla aigba lọ tọn mẹ, mìlé na yí avọhunina zédlanga de na hlan OKLUNỌ lọ ²⁰Mìwlẹ na yí aklahihi de na sọn jinulili ginglin mìtọn tintan mẹ na avọ́nunina zédlanga de: dile mì basi avọ́nunina vẹ̃ngbà lọ ton dò, mọwe mì na zé e dlanga do. ²¹Mì na ná avọ́nunina zédlanga de sọn jinulili ginglin mìtọn tintan tọn lọ mẹ hlan OKLUNỌ lọ gbọn whẹndo miton lẹ mẹ.

²²Podọ whenuena mìwlẹ na buali, bo ma payi gbèdide hélẹ po go gba, he OKLUNỌ lọ ko dọ hlan Moṣe, ²³yedọ ehe OKLUNỌ lọ ko degbèna mì lẹpo gbọn alọ Moṣe tọn mẹ, sọn azán he gbè OKLUNỌ lọ ko na gbèdide, podọ donukon gbon whẹndo mìton lẹ mẹ; ²⁴whenẹnu e na yín, eyín é yín wiwà to nuṣiwà mẹ, matin oyọnen agùn lọ tọn gba, wẹ agùn lọ lẹpo na yí oyìnsú winyanwinyan dopo na na avọ́nunina mimẹ̀ de, na òwán vivi de hlan OKLUNỌ lọ, po avọ́nunina jinulili etọn po, po avọ́nunina nùnù eton lọ po, kẹdẹdi gbèdai lọ, po alunkùn dopo po na avọ́nunina ylando tọn de. ²⁵Yẹwhenọ lọ bo nàsọ basi ovẹ̀se na agùn ovi Islaeli tọn lọ lepo tọn, yénasọ yín jijona; na nuṣiwà de wẹ, yé bo ko hẹn avọ́nu nina yetọn wá, avọ́nunina de yè basi gbọn miyọn dali hlan OKLUNỌ lọ, po avọ́nunina ylando tọn yetọn po to OKLUNỌ lo nukon, na nuṣiwà yetọn: ²⁶agùn ovi Islaeli tọn lẹ lọ tọn lẹpo nasọ yín jijona, po ojonọ he wáwási to ye ṣẹnṣẹn lo po; na é yín wiwa to mayonẹn mẹ to gbẹtọ lẹ lọ mẹ wutu ²⁷Podọ eyin omẹ de wàylando to mayonẹn mẹ, whenenu ewọ na yí gbọgbọe asi dopo owhè tintan tọn na na avọ́nunina ylando ton de. ²⁸Yẹwheno lọ nasọ basi ovẹ̀se na alindọn he buali lọ, whenuena e waylando to mayọnẹn mẹ; to OKLUNỌ lọ nukọn, nado basi ovẹ̀se nẹ; ewọ bo nasọ yin jijona, ²⁹Mìwlẹ nasọ tindo osẹ́n dopo na ewọ he wà núde to mayọnẹn mẹ, na ewọ he yin owhevi to ovi Islaeli ton lẹ lọ ṣẹnṣẹn, podọ na ojonọ lọ he wawiṣi to ye ṣẹnṣẹn. ³⁰Ṣigba alindọn he wa núde po alọ kikla de po, eyín e yín owhevi kavi ojónọ de, dopolọ zannùna OKLUNỌ lo; alindọn nẹ na yín sinsán sẹ̀ sọn gbẹtọ eton lẹ ṣẹnṣẹn. ³¹Na ewọ ko vlẹ oho OKLUNỌ lọ tọn wutu, bo ko sọ gbà gbèdide eton; alindọn nẹ na yín sinsán sẹ́ gbidigbidi, oylanwà etọn na tin to e ji.

³²Podo whenuena ovi Islaeli tọn lẹ lọ tin to zùngbo lọ mẹ, ye mọ dawe de to nakéyẹyẹ lẹ ṣinyan to gbọje lọ zangbe. ³³Yé he mọ ẹn to nakeyẹyẹ lẹ ṣinyan hẹn ẹn wa Moṣe po Aalọn po de, po agùn lọ lẹpo po de. ³⁴Yé sọ yi i dọ hihọ mẹ, na núhe na yín wiwa hlan en ma ko yín lila gba wutu. ³⁵OKLUNỌ lọ sọ dọ hlan Moṣe dọmọ, Dawe lọ na yin hùhù dándán: agùn lọ lẹpo na yí zannu lẹ do dlanzannu do e to osla lọ godo. ³⁶Agùn lọ lẹpo sọ hẹn ẹn wá osla lọ godo; bo yi zannu lẹ do dlanzannu do e, e bo sọ kú; dole OKLUNỌ lọ degbena Moṣe do.

³⁷OKLUNỌ lọ sọdọhó hlan Moṣe, dọmọ, ³⁸Dọho hlan ovi, Islaeli tọn le lọ, bo nagbè yé dọ yé ni nọ basi okẹyẹ́ do Otónu avọ yetọn lẹ tọn mẹ gbọn whẹndo yetọn lẹ mẹ, podọ na yé ni nọ yí kànsisló avọ̀juju tọn de do okẹ̀yẹ̀ otónu dopodopo tọn Ji: ³⁹é bo nasọ tin hlan mì na okẹ̀yẹ̀ de, na mi nido nọ pọ́n ẹn bo do nọ flin gbèdide OKLUNỌ lọ tọn lẹpo, bo nọ basi yé; podọ na mì yì hodo ayiha mìtọn titi blo, po nukun mìtọn titi lẹ po, he mìwlẹ ko nọ hodo yì jẹ ogalilọ de: ⁴⁰na mì nido nọ flin bo sọ nọ basi gbèdide ṣie lẹpo, bo sọ yín wiwe hlan Jiwheyẹwhe mìtọn. ⁴¹Yẹn wẹ OKLUNỌ lọ Jiwheyẹwhe mìtọn, he hẹn mì jẹgbonu sọn aigba Egipti tọn lọ: ji wá nado yín; Jiwheyẹwhe mìtọn: Yẹn wẹ OKLUNỌ lọ Jiwheyẹwhe mìtọn.

¹DINVIE Kola, visunnu Izali ton lọ, visunnu Kohati tọn lo, visunnu Levi tọn lo, po Datani po po Abilami po, visunnu Eliabi ton le lọ, po Oni po, visunnu Pelẹti ton lọ visunnu Leubeni tọn lé lọ, bẹ́ gbẹtó lẹ: ²yé sọ fonṣite to Moṣe nukọn, po delẹ po sọn ovi Islaeli tọn lẹ lọ mẹ, ogán fodekandeao sọn agun lọ mẹ, ylọ hlan agunpipli lọ, sunnusi yínditọ lẹ: ³ye sọ pli yede dopo do Moṣe ji podọ do Aalọn yi, yé bo sọ dọ hlan yé dọmọ, E pé na mì, mimọ agùn lọ lẹpo wẹ wiwe, dopodopo yé tọn, podọ OKLUNỌ lọ sọ tin to yé ṣẹnṣẹn: whẹnẹnu etẹwutu mìlẹ zé mi de daga do agùnpipli OKLUNỌ lọ tọn ta? ⁴Whenuena Moṣe sè e, é họ́ jẹ nukunme etọn ji: ⁵é bo sọ dọhó hlan Kola podọ hlan ogbẹ́ eton lẹpo, dọmọ, To afọnnu OKLUNỌ lọ na do mehe yín eton hia, po mẹhè yín wiwe po, mehe ewọ na hẹn nado wá sẹpo e de ⁶Ehe mì ni wà; mi yí nuwhẹnwangban lẹ, Kola, po ogbẹ́ etọn lẹpo po, ⁷bo yí miyọn do e mẹ fìnẹ, bò yi nuyọnwán do yé ji to OKLUNỌ lọ nukọn to osọ̀: é bo nasọ yíndọ omẹ lọ mẹhe OKLUNỌ lọ na de, ewọ wẹ na yín wiwe: mì visunnu Levi tọn lẹ, mì tọn jẹglanglán. ⁸Podọ Moṣe sọ dọ hlan Kola dọmọ, Sè dinvie, mì visunnu Levi ton le: ⁹onú pevi de e lẹzùn hlan mì, dọ Jiwheyẹwhe Islaeli tọn lọ ko klan mì sọn agùn Islaeli tọn lọ mẹ, nado hẹn mì wá sẹpo ede de; nado nọ wà sinsẹ̀nzọ́n gohọtúntún OKLUNỌ lọ tọn ton, podọ nado nọ nọte to agùn lọ nukon nado wàdevizọ́n hlan yé; ¹⁰podọ na é ko hẹn we wá sẹpọ ẹ, po mẹmẹṣunnu towe lẹpo po visunnu Levi tọn le lọ po hi po? mìlẹ bo sọ to yẹwhenọzọ́n din ga? ¹¹Enẹwutu wẹ ye bẹ́ hiẹ́ po ogbẹ́ towe lẹpo po pli dopọ do OKLUNỌ lọ ji: podọ Aalon etẹ́wẹ́ wutu we mì do to hùnhlun do e ji? ¹²Podọ Moṣe sọ domẹhlan nado ylo Datani po Abilami pó, visunnu Eliabi ton lẹ: yé bo sọ dọmọ, Mìwlẹ ma heji ja gba: ¹³onú pẹvi de é yin bọ hiẹ ko hẹn mí hẹji-jẹgbonu son aigba lọ ji wá he yí oyìnno po owín po do to sisa, nado hù mí to zùngbo lọ mẹ, adavó le hiẹ mananọma, yí dewe do basi ogán de to mí ji ga? ¹⁴Humọ hiẹ ma ko hẹn mí wá aigba de mẹ hé to sisà na oyìnnọ́ po owín po, mọ ma kó ná ogú ogle lẹ tọn mí po vẹ̃npa lẹpo gba hiẹ na dè nukun sunnusi helẹ tọn lẹ jẹgbonu wẹ? mìlẹ ma hẹji ja gba, ¹⁵Moṣe bo sọ yín homẹgblenọ talala, bo dọ hlan OKLUNỌ lọ dọmọ, A hò avọ́nunina yetọn pọ́n blo: yẹn ma yí kẹtẹkẹtẹ dopo sọn yé si, mọ yẹn ma sọ gbleawuna ode ye tọn gba. ¹⁶Moṣe sọ dọ hlan Kola dọmọ, Hiẹ po ogbé towe lẹpo po ni tin to OKLUNỌ lọ nukọn, hiẹ, po yé po, po Aalọn po, to osò: ¹⁷mì omẹ dopodopo ni yí nuwhẹnwángbán etọn, bo yí nuyọnwán do yé ji, mì omẹ dopodopo ni hẹn nuwhẹnwángbán etọn wá OKLUNỌ lọ nukọn, nuwhẹnwángbán fọdekandeao: hiẹ ga, po Aalọn po, mẹdopodopo nuwhẹnwángbán etọn. ¹⁸Yé sọ yí omẹ dopodopo nuwhẹnwángbán etọn, bo yí miyọn do yé mẹ, bo yí nuyọnwán do yé ji, bo nọte to ohọ̀n ogohọ̀ opli tọn lọ tọn kọ̀n po Moṣe po po Aalọn po. ¹⁹Kola sọ bẹ́ agùn lọ lẹpo pli do yé ji jẹ ohọ̀n ogohọ̀ opli tọn lọ tọn kọ̀n; gigo OKLUNỌ lọ tọn sọ sọawúhia hlan agùn lọ lẹpo.

²⁰OKLUNỌ lọ sọ dọhó hlan Moṣe podọ hlan Aalọn, dọmọ, ²¹Mì klan mìde sọn agùn he ṣẹnṣẹn, na yẹn nido sú yé do to jlẹvude mẹ. ²²Yé sọ họ́ jẹ nukunmẹ yetọn lẹ ji, bo dọmọ, Jiwheyẹwhe Èjiwheyẹwhe gbigbọ agbasalan lẹpo lẹ tọn lọ tọn, omẹ dopo na wàylando bọ hiẹ na yín homẹgbletọ po agùn lọ lẹpo po? ²³OKLUNỌ lọ sọ dọhó hlan Moṣe, dọmọ, ²⁴Dọhó hlan agùn lọ, dọmọ, Mì hẹji yì sọn gohọ̀túntún Kola, Datani, po Abilami po tọn dali. ²⁵Moṣe sọ tite bo yì jẹ Datani po Abilamì po de; mẹho Islaeli tọn lẹ lọ hodo e. ²⁶Ewọ sọ dọhó hlan agùn lọ, dọmọ, Yẹn vẹ̀ mì, mì fọ́nyì sọn ogohó omẹ ylankan helẹ tọn mẹ, bo sọ doalọ onú yetọn de go blọ, mìlẹ nikã yín súsúdo to ylando yetọn lẹpo mẹ. ²⁷Mọwẹ yé hẹn yéde hẹji yì sọn gohọ̀túntún Kola, Datani po Abilami po tọn lọ mẹ, to awà lẹpo ji: Datani po Abilami po jẹgbonu wá, bo ṣite to ohọ̀n ogohọ̀ yetọn lẹ tọn kọ̀n, po asi yetọn lẹ po, po visunnu yetọn lẹ po, po omẹ flinflin yetọn lẹ po. ²⁸Moṣe sọ dọmọ, Ehe dali mì na yọnẹn dọ OKLUNỌ lọ ko do mì hlan nado wà azọn helẹ pó; na yẹn ma wà yé sọn ayiha ṣie titi mẹ gba. ²⁹Eyín omẹ helẹ kú okú vótọ gbẹtọ lẹpo tọn, kavi eyín yé yín didlapọ́n kẹdẹdi odlapón gbẹtọ lẹpo tọn; whenẹnu OKLUNỌ lọ ma ko do mi hlan gba. ³⁰Ṣigba eyín OKLUNỌ basi onú yọyọ de, bọ aigba kẹ onù etọn, bo zé yé mì, po ehe yín yé tọn lẹpo po, bọ yé jẹte gbẹte yì odò lọ mẹ; whenẹnu mì na tunwun dọ omẹ helẹ ko vlẹ OKLUNỌ lọ. ³¹E sọ wá jọ, le é basi opòdo didọ ohó helẹ pó tọn, wẹ aigba lọ he tin to oglọ yé tọn zè doawe: ³²aigba lọ sọ kẹ̀ onù etọn, bo zé yé mì, po whégbètọ yetọn lọ po, po omẹ he yín Kola tọn lẹpo po, po agbàn yetọn lẹpo po. ³³Mowẹ yé, po ehe yín yé tọn lẹpo po jẹte yì odò lọ mẹ gbẹte: aigba lọ sọ bọnùdo yé, yé sọ và sọn agùnpipli lọ ṣẹnṣẹn. ³⁴Islaeli he tin to odali yetọn lẹpo họ̀nyì na awhá yé tọn wutu: na yé dọmọ, Aigba lọ nikã zé mi mí. ³⁵Miyọn sọ jẹgbonu sọn OKLUNỌ lọ de wá, bo fiọ sunnusi fọdekandeao lẹ lọ he yí nuyọnwán lọ na.

³⁶OKLUNỌ lọ sọ dọhó hlan Moṣe, dọmọ, ³⁷Dọhó hlan Eleazali visunnu Aalọn yẹwhenọ lọ tọn, dọ é ni bẹ́ nuwhẹnwángbán lẹ lọ tọn sọn fifiọ lọ mẹ, hiẹ ni bo sọ vúnvún miyọn lọ hlandọn; na wiwe wẹ yé. ³⁸Yèdọ nuwhẹnwángbán omẹ helẹ tọn mẹhe ko wàylando: do ogbẹ́ yetọn ta do alindọn yetọn titi go, bo sọ gbọ yé ni yín tùntùn do basi flẹgbán lẹ na oṣinyọn agbà lọ tọn de: na yé yí yé na to OKLUNỌ lọ nukọn, enẹwutu wiwe wẹ yé: yé nasọ yín ohia de hlan ovi Islaeli tọn lẹ. ³⁹Eleazali yẹwhenọ lọ sọ bẹ́ nuwhẹnwángbán gànvẹ̃ tọn lẹ lọ, ehe yé he yè fiọ lẹ ko yína; yé sọ tùn yé na oṣinyọn agbà lọ tọn de: ⁴⁰nado yín oflinnú de hlan ovi Islaeli tọn lẹ lọ, hlan opòdo lọ dọ ojónọ de, he ma yín okún Aalọn tọn mẹ tọn ma na wá sẹpọ nado mẹ̀ nuyọnwán to OKLUNỌ lọ nukọn gba; na ewọ ma na do tin di Kola, podọ di ogbẹ́ etọn lẹ gba: dile OKLUNỌ lọ dọhó hlan ẹn do gbọn alọ Moṣe tọn mẹ.

⁴¹Ṣigba to azán awetọ gbè agùn ovi Islaeli tọn lẹ tọn lẹpo to hùnhlun do Moṣe ta podọ do Aalọn ta, dọmọ, Mìlẹ ko hù omẹ OKLUNỌ lọ tọn lẹ. ⁴²E sọ wá jọ, whenuena yè pli agùn lọ do Moṣe ta podọ do Aalọn ta, bọ yé pọ́n hlan ogohò opli tọn lọ dali: bo, dayi e go, aslọ lọ ṣinyọn ẹn, gigo OKLUNỌ lọ tọn sọ sọawúhia. ⁴³Moṣe po Aalọn po sọ wá jẹ nukọn ogohò opli tọn lọ tọn. ⁴⁴OKLUNỌ lọ sọ dọhó hlan Moṣe, dọmọ, ⁴⁵Mì hẹji yì sọn agùn he ṣẹnṣẹn, na yẹn nido và yé to jlevude mẹ ye sọ họ jẹ nukunmẹ yẹtọn lẹ ji. ⁴⁶Moṣe sọ dọ hlan Aalọn, dọmọ, Yí nuwhẹnwángbán towe, bo yí miyọn do e me finẹ sọn agba lọ ji, bo yí nuyónwán do e ji, bo ze e yì jẹ agùn lọ de plaun, bo basi ovẹ̀se na ye: na yè hẹn homẹgble jẹgbonu yì sọn OKLUNỌ lọ de; yè ko sẹ́ dọ azònylankan lọ go ⁴⁷Aalon sọ yí dole Moṣe dọhó do, bo họ̀nwezun biọ gblagbla agùnpipli lọ tọn mẹ; bo, dayi e go, yè ko ṣẹ̀ do azònylankan lọ go to gbẹtọ lẹ lọ ṣẹnṣẹn: é sọ yí nuyónwán lọ do e ji, bo basi ovẹ̀se na gbẹtọ lẹ lọ. ⁴⁸E bo sọ ṣite to oṣiọ po mẹgbè lẹ po ṣẹnṣẹn; yè sọ hẹn azọ̀nylankan lọ doalọte. ⁴⁹Dinvie yé he kú gbọn azònylankan lọ dali yin fọtọ́n wiẹnẹ po nuontọnkanweko po, mahia yé he kú to whẹ́hó Kola tọn dali lẹ dogọ. ⁵⁰Aalọn bo sọ lẹ́gọ̀ jẹ Moṣe de jẹ ohọ̀n ogohọ̀ opli tọn lọ tọn kọ̀n: yè bo sọ hẹn azònylankan lọ doalọte.

¹OKLUNỌ lọ sọ dọhó hlan Moṣe, dọmọ, ²Dọhó hlan ovi Islaeli tọn lẹ lọ, boyi opo lẹ sọn yési, dopo na owhé otọ́ lẹ tọn dopodopo, sọn ogán yetọn lẹpo si kẹdẹdi owhe otọ́ yetọn le tọn lẹ, opò wiawe: hiẹ ni wlan oyín omẹ dopodopo tọn do opò etọn ji. ³Hiẹ na wlan oyin Aalọn tọn do opò Levi tọn ji: na opò dopo é na yín na nukọntọ owhé otọ́ yetọn lẹ tọn dopodopo. ⁴Hiẹ na zé yé doai to ogohò opli tọn lọ mẹ to kunnuhó lọ nukọn, fie yẹn nọ pli hẹ mi te. ⁵E nasọ wá jọ dọ omẹ he yẹn na dè lọ, opò etọn na jòama: yẹn bo nasọ hẹn hunhlun ovi Islaeli tọn lẹ tọn nado doalọte, ehe yé hlun do mì ta. ⁶Moṣe sọ dọhó hlan ovi Islaeli tọn lẹ, ogán yetọn lẹpo sọ na opò lẹ ẹ, dopo na ogán dopodopo, kẹdẹdi owhé otọ́ yetọn lẹ tọn lẹ, yèdọ opo wiawe: opò Aalọn tọn lọ tin to opò yetọn lẹ ṣẹnṣẹn. ⁷Moṣe sọ zé opò lẹ lọ doai to OKLUNỌ lọ nukọn to ogohọ̀ kunnuhó lọ tọn mẹ. ⁸E sọ wá jọ to azán awetọ gbè, bọ Mọse yì ogohọ̀ kunnuhó lọ tọn mẹ; bo, dayi e go, yè hẹn opò Aalọn tọn lọ na owhé Levi tọn lọ jọ̀, bo sọ vlọ́nama lẹ jẹgbonu, bo sọ gbàsẹ́, bo sọ, zé almọndi bibia lẹ hẹn. ⁹Moṣe bo sọ hẹn opo lọ lẹpo jẹgbonu sọn OKLUNỌ lọ nukọn wá jẹ ovi Islaeli tọn lẹpo de: yé sọ pọ́n, omẹ dopodopo sọ yí opò etọn. ¹⁰OKLUNỌ lọ sọ dọ hlan Moṣe dọmọ, Gọ̀ opò Aalọn tọn lọ do kunnuhó lọ nukon, nado yín whiwhla na ohia de do ovi tolivivẹ́ tọn lẹ ji; na hiẹ nido basi opòdo hunhlun yetọn ton de do Ogo e, na yé do ku blo. ¹¹Le wẹ Moṣe wa do: le OKLUNỌ lọ degbèna ẹn do, mọwẹ é wà do.

¹²Ovi Islaeli tọn lẹ lọ sọ dọhó hlan Moṣe, dọmọ, Dayi e go, mí dòn, mí yín tapono, mí mẹpo yín taponọ. ¹³Ome he wá sẹpọ́ lẹpo, he wá sẹpọ jẹ gohọ̀túntún OKLUNỌ lọ tọn kọn na kú: popo mí tọn na ku wẹ?

¹OKLUNỌ lọ sọ dọ hlan Aalọn dọmọ, Hiẹ po visunnu towe lẹ po po owhe otọ́ towe lẹ tọn po gọ́na we na zé oylanwà fiwiwe lọ tọn hẹn: podọ hiẹ po visunnu towe lẹ po gọ́na we na zé oylanwà yẹwhenọzón mìtọn tọn lọ hẹn. ²Podọ mẹmẹsunnu towe lẹ ga, whẹndo Levi tọn lọ, whendo otọ towe tọn lọ wẹ hiẹ na hẹnwá sẹpọ́ de we, na yé nido yin kinkọ̀ndopọ hlan we, bo sọ nọ wàdevizọ́n hlan we: ṣigba hiẹ po visunnu towe lẹ po gọ́na we na tin to ogohò kunnuhó lọ tọn nukọn. ³Ye na payi asẹ towe go, podọ asẹ Ogohò lọ tọn lẹpo: yé ma na sẹpọ́ wá jẹ núzinzán fiwiwe lọ tọn lẹ podọ je agbà lọ kòn jãnwẹ, na yé do kinblo yéwlẹ, po mìwlẹ po. ⁴Yé nasọ yin kinkòndopọ hlan we, bo sọ nọ payi asẹ ogohọ̀ opli tọn lọ tọn go, na sinsẹ́nzọn Ogohò lọ tọn lẹpo: ojóno de ma na wá sẹpọ́ mì de gba. ⁵Míwlẹ na nọ payi asẹ fìwiwe lọ tọn go, po asẹ agbà lọ tọn po: na homẹgble ma nasọ do tin finẹ to ovi Islaeli tọn lẹ lọ ji ba gba. ⁶Podọ Yẹn, dayi e go, Yẹn ko dè mẹmẹsunnu mìtọn lẹ Levinu lẹ lọ sọn ṣẹnṣẹn ovi Islaeli tọn lẹ lọ: nunina de wẹ yé hlan mì, nina hlan OKLUNỌ lọ, nado wà sinsènzọn ogohọ̀ opli tọn lọ tọn. ⁷Podọ hiẹ po visunnu towe lẹ po gọ́na we na nọ payi yẹwhenọzọ́n mìtọn go na onú agbà lọ ton lẹpo, podo na ehe avọ̀ajlalanọ lọ hòme; mìwlẹ nasọ nọ sèn: Yẹn na yẹwhenọzón lọ mì di sinsẹ̀nzọ́n nunina tọn de: podọ ojónọ lọ he wá sẹpọ́ na yín hùhú.

⁸OKLUNỌ lọ sọ dọhó hlan Aalọn, dọmọ, Podọ yẹn, dayi e go, Yẹn ko na asẹ avọ́nunina zédlanga ṣie tọn lẹ we, yèdọ onú hihiọ ovi Islaeli tọn lẹ tọn lẹpo, hiẹ wẹ yẹn yí yé na na mimá de, podọ hlan visunnu towe lẹ di onújọ de kakadoi. ⁹Ehe wẹ na yín towe sọn onú wiwe talala lẹ lọ mẹ, hihladai sọn miyọn lọ me: avọ́nunina yetọn lẹpo, yèdọ avọ́nunina jinulili yetọn lẹpo, po avọ́nunina ylando tọn yetọn lẹpo po, po avọ́nunina whègbledo yetọn tọn lẹpo po, he yé na hlan mi na yín wiwe talala na we podọ na visunnu towe lẹ ¹⁰Di onú wiwe talala lọ wẹ hiẹ na do dù sọn e mẹ: sunnusi lẹpo wẹ na dù sọn e mẹ; é na yín wiwe hlan we. ¹¹Podọ ehe wẹ towe; avọ́nunina zédlanga nunina yetọn tọn lọ, yèdọ avọ́nunina zéhia ovi Islaeli tọn lẹ lọ tọn lẹpo: Yẹn ko yí yé na we, podọ hlan visunnu towe lẹ podọ hlan viyọnnu towe lẹ gọ́na wẹ, di onújọ de kakadoi: omẹ he yín wiwe to owhé towe gbè na nọ dù sọn e mẹ. ¹²Dagbedagbe amì lọ tọn lẹpo, podọ dagbedagbe vẹnsinsén-tọn lẹpo, po gbadó lọ tọn po, sinséntintan yé tọn he yé na hlan OKLUNỌ lọ, hiẹ wẹ yẹn ko na yé hlan. ¹³Bibiatintan sinsẹ́n he tin to aigba yetọn ji lẹpo tọn, he yé hẹnwá OKLUNỌ lọ de, na yín towe; omẹ he yín wiwe to owhé towe gbè lẹpo na dù sọn e mẹ. ¹⁴Onú klandovo to Islaeli mẹ lẹpo na yín towe. ¹⁵Onú he hùn adò lẹpo, sọn olàn he yé yína hlan OKLUNỌ lọlẹpo mẹ, gbẹtọ po kanlin po tọn, na yín towe: ṣigba oplọnji gbẹtọ tọn wẹ hiẹ na fli dandan, po oplọnji kanlin mawé lẹ tọn po wẹ hiẹ na fli. ¹⁶Enẹlẹ he tin nado yín fifli sọn yé mẹ sọn osùn dopo mẹho mẹ wẹ hiẹ na fli, kẹdẹdi ahidona towe, na akuẹ ṣekẹli atón tọn lọ, kẹdẹdi ṣekẹli fìwiwe lọ tọn (dopolọ wẹ gela òko). ¹⁷Ṣigba oplọnji oyin de tọn, kavi oplọnji lẹngbọ de tọn, kavi oplọnji gbọgbọe de tọn, hiẹ ma na fli gba; wiwe wẹ yé: hiẹ na mì ohùn yetọn do agbà lọ ji, bo nasọ nọ mẹ ojó yetọn na avọ́nunina mimẹ de yè basi gbọn miyọn dali, na owán vivi de hlan OKLUNỌ lọ. ¹⁸Olàn yé tọn bo na yín towe, di akón zéhia lọ podọ di asá adusi lọ, é na yín towe. ¹⁹Avọ́nunina zédlanga onú wiwe tọn lẹ lẹpo he ovi Islaeli tọn lẹ lọ yína hlan OKLUNỌ lọ, wẹ yẹn ko na we, po visunnu towe lẹ po po viyọnnu towe lẹ po gọ́na we, di onújọ de kakadoi: alènu ojẹ̀ tọn de wẹ kakadoi to OKLUNỌ lọ nukọn hlan we podọ hlan okún towe gọ́na we ²⁰OKLUNỌ lọ sọ dọ hlan Aalọn dọmọ, Hiẹ ma na tindo ogú de to aigba yetọn mẹ gba, mọ hiẹ ma na tindo mimá depope to yé ṣẹnṣẹn gba: Yẹn wẹ mimá towe po ogú towe po to ovi Islaeli tọn lẹ lọ ṣẹnṣẹn.

²¹Podọ hlan ovi Levi tọn lẹ lo, dayi e go, yẹn ko yí madao lẹpo lọ to Islaeli mẹ nana ogú de to ahósu mẹ na sinsẹ̀nzọ́n yetọn he yé do sẹn, yèdọ sinsẹ̀nzọ́n ogohò opli tọn lọ tọn. ²²Podọ sọndinvie ovi Islaeli tọn lẹ lọ ma na wá sẹpọ́ ogohò opli tọn lọ gba, yé nikã zé ylando hẹn, bo kú. ²³Ṣigba Levinu lẹ na nọ wà sinsẹ̀nzọ́n ogohọ̀ opli tọn lọ tọn, yé bo nasọ nọ zé oylanwà yetọn hẹn: é na yín aṣẹdai de kakadoi gbọn whẹndo mìtọn lẹ mẹ, podọ yé ma na tindo ogú de to ovi Islaeli tọn le lọ ṣẹnṣẹn gba. ²⁴Na madao ovi Islaeli tọn lẹ lọ tọn, he yé yína di avọ́nunina zédlanga de hlan OKLUNỌ lọ, yẹn ko na hlan Levinu lẹ lọ na ogú de: enẹwutu yẹn ko dọ hlán yé dọ. Yé ma na tindo ogú de to ovi Islaeli tọn lẹ lọ ṣẹnṣẹn gba.

²⁵OKLUNỌ lọ sọ dọhó hlan Moṣe, dọmọ, ²⁶Humọ hiẹ na dọhó hlan Levinu lẹ lọ, bo dọ hlan yé dọmọ, Whenuena mì yí madao sọn ovi Islaeli tọn lẹ si he yẹn ko na mì sọn yé mẹ na ogú mìtọn, whenẹnu mì na yí avọ́nunina zédlanga dẹ na sọn e mẹ na OKLUNỌ lọ, madao madao lọ tọn de. ²⁷Avọ́nunina zédlanga mìtọn na yín linlẹn hlan mì, di é yín gbadó vẹngbà lọ tọn, podọ di ogigọ́ ovẹnzinnú lọ tọn. ²⁸Le wẹ mìwlẹ ga na yí avọ́nunina zédlanga de na hlan OKLUNỌ lọ sọn madao mìtọn lẹpo mẹ, he mìwlẹ mọyí sọn ovi Islaeli tọn lẹ de; podọ enẹwutu mì na nọ na avọ́nunina zédlanga OKLUNỌ lọ tọn hlan Aalọn yẹwhenọ lọ. ²⁹Mì ná nọ yí avọ́nunina zédlanga OKLUNỌ lọ tọn na sọn nunina mìtọn lẹpo mẹ, sọn dagbedagbe etọn lọ lepo mẹ, yèdọ ehe hihiọ etọn lọ sọn e mẹ. ³⁰Enẹwutu hiẹ na dọ hlan yé dọmọ, Whenuena mìlẹ zédlanga sọn dagbedagbe etọn mẹ, whenẹnu é na yín linlẹn hlan Levinu lẹ lọ di ojideji ovẹngbà lọ tọn, podọ di ojideji ovẹ̃nzinnú: lọ tọn. ³¹Podọ mìwlẹ na nọ dù i to otẹn popo mẹ, mì po whégbè tọ mìtọn lẹ po: na ale mìtọn wẹ to ahósu mẹ na sinsẹ̀nzọ́n mìtọn to ogohò opli tọn lọ mẹ. ³²Mìwlẹ ma nasọ zé ylando de hẹn na e tọn wutu gba, whenuena mì ko zédlanga sọn e mẹ dagbedagbe etọn lọ: podọ mìlẹ ma na flu onú wiwe ovi Islaeli tọn lẹ lọ tọn gba, mọ mì ma sọ to na kú gba.

¹kOKLUNỌ lọ sọ dọhó hlan Moṣe podo hlan Aalọn, dọmọ, ²Ehe we asẹdai osẹn lọ tọn he OKLUNỌ lọ ko dégbèna, dọmọ, Dọhó hlan ovi Islaeli ton lẹ lọ dọ, na yé ni hẹn oyìnsiwhe vẹ de wá de we matin whẹkan de, ehemẹ azọ̀n de ma tin te, podọ ehe ji oglepọnu ma jẹ gbede: ³mìwlẹ nasọ yí i na hlan Eleazali yẹwhenọ lọ, ewọ bo nasọ hẹn ẹn tón wá osla lọ godo, omẹ dopo de bo nasọ hù i to nukunmẹ etọn nukọn. ⁴Eleazali yẹwhenọ lọ bo na yí alọviyẹyẹ etọn do yí sọn ohùn etọn mẹ, bo mì son ohùn eton mẹ hlan onukọn ogohọ opli tọn lọ tọn dali whla ṣinawe: ⁵òmẹ de bo na mè oyìnsiwhe lọ to nukun etọn mẹ; ayú etọn, po olan etọn po, po ohùn etọn po, po omí eton po, wẹ é na mẹ̀: ⁶yẹwhenọ lọ bo na yí atin kedali, po hisọpu po, po avọ̀vẹ̃sesẹ po, bo na dlan ẹn do gblagbla ojiji oyìnsiwhe lọ tọn mẹ. ⁷Whenenu yẹwhenọ lọ na yàn avọ̀ etọn lẹ, é na do olàn etọn osìn mẹ, podọ enẹgodo é na wá osla lọ mẹ, yewheno lọ bo na yín mawe kakajẹ whèjai lọ ⁸Podọ èwọ he mẹ̀ ẹn na yàn avọ̀ etọn lẹ to osìn mẹ, bo do olàn etọn osìn me bo nasọ yín mawé kakajẹ whèjai lọ. ⁹Podọ omẹ he yín wiwe de na bé afín oyìnsiwhe lọ tọn, bo bé yé do osla lọ godo, to otẹn wiwe de mẹ, é bo na yín whiwhla na agùn ovì Islaeli tọn lẹ lọ tòn na osìn mawé tọn de: avọ́nunina ylando tọn de wẹ. ¹⁰Podọ ewọ he bẹ́ afín oyìnsiwhe lọ tọn na yàn ávọ etọn lẹ bo yín mawé kakajẹ whèjai lọ: é nasọ tin hlan ovi Islaeli tọn lẹ lọ, podọ hlan ojónọ Tọ he wáwási to yé ṣẹnṣẹn na asẹdai de kakadoi ¹¹Ewọ he doalọ agbasa kukú omẹ depope tọn go na yín mawé azán ṣinawe: ¹²omẹ dopolọ na yìn ede po enẹ po to azán atọ̀ntọ lọ gbe, podọ to azán sinawetọ gbé é na yìn wiwe: ṣigba eyin é ma yìn ede to azán atọ̀ntọ lọ gbe gba, podọ to azán ṣinawetọ lọ gbè é ma na yín wiwe gba. ¹³Mẹdepope he doalọ agbasa kúkú omẹ depope hè yín oṣiọ tọn go, bo ma yìn ede gba, flu gohọ̀-túntún OKLUNỌ lọ tọn: alindọn nẹ na yín sinsán sẹ́ sọn Islaeli mẹ: na yè ma mì osìn kinklandowiwe tọn lọ do e ji wutu, ewọ na yín mẹwé; omawé etọn gbẹ́ sọ tin to e ji. ¹⁴Ehe wẹ oén lọ whenuena omẹ de kú to ogohò de mẹ omẹ depope he wá ogohọ lọ mẹ, po omẹ depope he tin to ogohọ lọ mẹ po, na yín mawó azán ṣinawe. ¹⁵Podọ nuzinzán he to nuvo he ma tindo oṣinyọn de to e ji, yín mawé ¹⁶Podọ mẹdepope to odan fafa ji doalọ omẹ he ye yí ohi de do hù de go, kavi agbasa kúkú de, kavi ohú omẹ de tọn de, kavi oyọdò de, na yín mawé azán ṣinawe. ¹⁷Podọ na mawé lọ yé na yí sọn afín fìfiọ avọ́nunina ylando lọ tọn lọ tọn mẹ, podọ osìn sisà nasọ yín yíyí do enẹ mẹ tò nuzinzán de mẹ: ¹⁸gbẹtọ wiwe de nasọ yí hisọpu, bo ylọn ẹn do osìn lọ mẹ, bo mì i do ogohò lọ jì, podọ do núzinzán lẹpo ji, podọ do gbẹtọ he tin finẹ le ji, podọ do ewọ he doalọ ohú lọ go ji, kavi alántọṣiọ lọ, kavi osiọ lọ, kavi oyọdò lọ: ¹⁹podọ wiwénọ lọ nasọ mìsìn do mawénọ lọ ji to azán atọ̀ntọ lọ gbé, podọ to azán ṣinawetọ lọ gbè: podọ to azán ṣinawetọ lọ gbe ewọ na yìn in, é bo na yàn avọ̀ etọn lẹ, bo do ede osìn mẹ, bo na yín wiwe to whèjai ²⁰Ṣigba omẹ he na yín mawé, bo ma na yìn edè gba, alindọn nẹ na yín sinsán sẹ́ sọn gblagbla agùnpipli lọ tọn mẹ, na ewọ ko flu fiwiwe OKLUNỌ lọ tọn wutu: osìn kinklandowiwe tọn lọ ma ko yín mìmì do e ji gba; mawé wẹ ewọ. ²¹Podọ é na yín asẹdai kakadoi de hlan yé: ewọ he sọ mì osìn kinklandowiwe tọn lọ na yàn avọ̀ etọn lẹ; podọ ewọ he doalọ osìn kinklandowiwe tọn lọ go na yín mawé kakajẹ whèjai. ²²Podọ núdepope go gbẹto mawé lọ doalọ nasọ yín mawé; podọ alindọn he doalọ e go na yín mawékakajẹ whèjai agùn lọ pete, wá zùngbo Zini tọn lọ mẹ to osùn tintan lọ mẹ: gbẹtọ lẹ sọ nọ̀ Kadeṣi mẹ; Miliami sọ kú to finẹ, yè sọdiṣiọ etọn finẹ.

¹OVI Islaeli tọn lẹ lọ, yèdo agùn lọ pete, wá zùngbo Zini tọn lọ mẹ to osùn tintan lọ mẹ: gbẹtọ lẹ sọ nọ̀ Kadeṣi mẹ: Miliami sọ kú to finẹ, yè sọ diṣio etọn finẹ. ²Osin de ma sọ tin na agùn lọ gba: yé sọ pli yéde dopọ do Moṣe ji podọ do Aalọn ji. ³Gbẹtọ le lọ sọ to wiwọ hẹ Moṣe, bo hódọ, domo, E do jlo Jiwheyẹwhe dọ mí ko ku whenuena mẹmẹsunnu mítọn lẹ kú to OKLUNỌ lọ nukọn! ⁴Podọ etẹwutu wẹ mìlẹ hẹn agùnpipli OKLUNỌ lo tọn wá zùngbohé mẹ, na mí nidọ kú to finẹ, mìlẹ po kanlinyìnyìn mítọn lẹ po? ⁵Podọ etẹwutu wẹ mi ko hẹnmí nado heji jẹgbonu sọn Egipti mẹ wá, nado hẹn mí wá jẹ oten ylankan he mẹ? é ma yín otẹn okún ton de, kavi ovotin lẹ tọn kavi ovẹ̃nsinsẹ́n lẹ tọn, kavi pomẹglanate lẹ tọn; mọ osìn dépope ma sọ tin nado nù. ⁶Moṣe po Aalọn po sọ yì sọn nukọn agùnpipli lọ tọn jẹ ohọ̀n ogohọ̀ opli tọn lọ tọn kọ̀n, bo họ́ jẹ nukunme yetọn lẹ ji: gigo OKLUNỌ lọ tọn lọ bo sọ sọawúhia hlan yé. ⁷OKLUNỌ lọ sọ dọhó hlan Moṣe, dọmọ, ⁸Yí opò lọ, bo pli agùn lọ, hiẹ po Aalọn nọvisunnu towe po, mì ni bo dọhó hlan osé lọ to nukun yetọn lẹ nukọn, na é nido na osìn etọn jegbonu; hiẹ nasọ hẹn osìn jẹgbonu wá yé de sọn osé lọ mẹ: mọwẹ hiẹ na na nùnù agùn lọ po kanlinyìnyìn yetọn lẹ po. ⁹Moṣe sọ yí opò lọ sọn OKLUNỌ lọ nukọn, dole é degbèna ẹn do ¹⁰Moṣe po Aalọn po sọ bẹ́ agùnpipli lọ dopọ do osé lọ nukọn, é bo sọ dọ hlan yé dọmọ, Mì sè dinvie, mì atẹnọ lẹ; mìlẹ ni hẹn osìn jẹgbonu wá na mì sọn osé he mẹ wẹ? ¹¹Moṣe sọ zé alọ etọn daga, bo yí opò etọn do linú osé lọ whlawe: osìn sọ jẹgbonu wá gégé, agùn lọ sọ nù po kanlinyìnyìn yetọn lẹ po. ¹²OKLUNỌ lọ sọ dọ hlan Moṣe po Aalọn po dọmọ, Na mìlẹ ma yise to yẹn mẹ wutu, nado klan mi do wiwe to nukun ovi Islaeli tọn lẹ lọ tọn mẹ, enẹwutu mìlẹ ma na hẹn agùnpipli he wá aigba lọ mẹ gba he yẹn na yé. ¹³Ehelẹ wẹ osìn Mẹliba tọn lẹ; na ovi Islaeli tọn lẹ lọ wó hẹ OKLUNỌ lọ wutu, ewọ bo sọ do ede hia wiwe to yé mẹ.

¹⁴Moṣe sọ do mẹdagun lẹ hlan Kadẹsi mẹ jẹ ahọlu Edọmi tọn de dọmọ, Le wẹ nọvisunnu towe Islaeli dọ dọmọ, Hiẹ yọn otuklajẹ he pla mí lẹpo: ¹⁵le otọ́ mítọn lẹ jẹte yì Egipti mẹ do, podọ mi nọ̀ Egipti mẹ ojlẹ dindẹn de; podọ Egiptinu lẹ lọ zán mí ylankan, po otọ́ mítọn lẹ po: ¹⁶podọ whenuena mí dawhá hlan OKLUNỌ lọ, é sè ogbè mítọn, bo do angẹli de hlan, bo hẹn mí jẹgbonu sọn Egipti mẹ wá: bo, dayi e go, mí tin to Kadẹsi mẹ, tòdaho de to agapetepete agboji towe tọn lọ mẹ: ¹⁷Yẹn vẹ́ we, gbọ mí ni gbọn aigba towe mẹ luntọ́n: mí ma na gbọn ogle mẹ luntón gba kavi gbọn vẹ́ngle mẹ luntón gba, mọ mí ma na nù sọn osìn odòtọ̀ lẹ lọ tọn mẹ gba: alihogbo ahọlu tọn lọ wẹ mí na gbọn yì, mí ma na lẹ́ do awà de ji hlan alọ adusi kavi hlan amiyọn gba, kaka mí ko do zẹ́ agboji towe go. ¹⁸Edọmi bo sọ dọ hlan ẹn dọmọ, Hiẹ ma na gbọn aigba ṣie mẹ luntón gba, Yẹn nikã jẹgbonu wá oji we po ohi po. ¹⁹Ovi Islaeli tọn lẹ lọ sọ dọ hlan ẹn dọmọ, Mí na hẹji yì gbọn alihogbo lọ ji wẹ: podọ eyín mí sọ nù sọn osìn towe me, yẹn po kanlinyìnyìn ṣie lẹ po, whenẹnu yẹn na na akuẹsọha etọn: ma wà onú depope dogọ́, sà gbọ ma gbọn afọ ṣie le ji luntọ́n kẹdẹwẹ. ²⁰E sọ dọmọ, Hiẹ ma na gbọn luntọ́n gba. Edọmi sọ jẹgbonu wá e ji po gbẹtọ susu po, podọ po alọ sinsinyẹn de po. ²¹Le wẹ Edọmi kó do nado na aliho Islaeli gbon agboji etọn mẹ luntọ́n; enẹwutu Islaeli diọkọ̀ sọn e de.

²²Yé sọ yígbéjizọ̀nlin yetọn sọn Kadẹṣi mẹ: podọ ovi Islaeli tọn lẹ lọ, yèdọ agùn lọ pete, wá jẹ osé Họli kọ̀n. ²³OKIUNỌ lọ sọ dọhó hlan Moṣe po Aalon po to osé Họli mẹ, to agboji aigba Edọmi tọn lọ tọn dali, dọmọ, ²⁴Aalọn na yín bibẹ́pli do omẹ etọn lẹ de: na ewọ ma na biọ aigba lọ mẹ gba he yẹn ko na hlan ovi Islaeli tọn lẹ lọ, na mì ṣiatẹ do ohó ṣie go wutu to osìn Mẹliba tọn lẹ kòn. ²⁵Yí Aalọn po Eleazali visunnu etọn po, bo hẹn yé hẹji wá jẹ osé Họli kòn: ²⁶bo klón sọn Aalọn go awu etọn lẹ, bo yí yé do Eleazali visunnu etọn ji: Aalọn bo nasọ yín bibẹ́pli do omẹ etọn lẹ de, bo na kú to finẹ. ²⁷Moṣe sọ wà dole OKLUNỌ lọ degbè do: yé sọ heji yì osé Họli mẹ to nukun agùn lọ lẹpo tọn mẹ. ²⁸Moṣe bo sọ klón sọn Aalọn go awu etọn lẹ, bo yí yé do Eleazali visunnu etọn ji: Aalọn bo sọ kú to finẹ to aga osé lọ tọn mẹ: Moṣe po Eleazali po sọ jẹte sọn osé lọ ji wá. ²⁹Podọ whenuena agùn lọ lẹpo mọ dọ Aalọn yín osiọ, yé viavi na Aalọn azán ogbàn, yèdọ owhé Islaeli tọn lọ lẹpo.

¹KANANINU lọ, ahọlu Aladi tọn lọ, he nọ nò huwàji mẹ, sè dọ Islaeli gbọn aliho amé lẹ tọn dali ja; é sọ hoavùn hẹ Islaeli, bo bé adade yé tọn mẹglọnọ. ²Islaeli do opagbe de hlan OKLUNỌ lọ, bo dọmọ, Eyín hiẹ nugbonugbo na jó omẹ he lẹ do alọ ṣie mẹ, whenẹnu yẹn na klan tòdaho yetọn lẹ dovo. ³OKLUNỌ lọ sọ tùntóai hlan ogbè Islaeli tọn, bo dè Kananinu lẹ lọ jó; yé sọ klan yé dovo po todaho yetọn lẹ po: oyín otẹn lọ tọn wẹ yè nọ ylọ Họlma.

⁴Yé sọ yígbéjizònlin sọn osé Họli mẹ gbọn aliho lọ dali jẹ Ohù Vẹ̃ lọ kọn, nado lédo aigba Edọmi tọn lọ: alindọn gbẹtọ lẹ lọ tọn sọ yín whlẹndonọ na aliho lọ tọn wutu. ⁵Gbẹtọ lẹ lọ sọ to hódọ do Jiwheyẹwhe go, podọ do Moṣe gó dọmọ, Etẹwutu wẹ mìwlẹ ko hẹn mí hẹ́ji sọn Egipti mẹ wá nado kú to zùngbo lọ mẹ? na akla de ma tin, osìn de ma sọ tin; podọ alindọn mítọn hòwán akla madota he. ⁶OKLUNỌ lọ sọ do odàn miyonnọ lẹ hlan gbẹtọ lẹ lọ ṣẹnṣẹn, yé sọ hẹnadú gbẹtọ lẹ lọ, omẹ Islaeli tọn susu sọ kú. ⁷Gbẹtọ lẹ lọ sọ wá Moṣe de, bo dọmọ, Mí ko wáylando, na mí ko dọhó do OKLUNỌ lọ go wutu, podọ do ogo we; hodẹ̀ hlan OKLUNỌ lọ, na é nido dè odàn lẹ lọ sọn mí de. Mọse sọ hodẹ̀ ná gbẹtọ lẹ lọ. ⁸OKLUNỌ LỌ sọ dọ hlan Moṣe dọmọ, Basi odàn miyọnnọ de na dewe, bo zé e do atin de ji: é nasọ wá jọ, dọ omẹ he odàn hẹnadú dopodopo whenuena é mọ ẹn, na nò ogbẹ́. ⁹Moṣe sọ basi odàn ogàn vẹ tọn de, bò yí i do atin lọ ji: é sọ wà jọ, dọ eyín odàn de hẹnadú omẹ depope whenuena é pọ́n hlan odàn ogànvẹ̃ tọn lọ de, é gán. ¹⁰Ovi Islaeli tọn lẹ sọ yígbéjizọnlin lọ, bo dosla do Oboti mẹ. ¹¹Yé sọ yígbéjizònlin sọn Oboti, bo dosla to Iyeabalimi, to zùngbo lọ mẹ he tin to Moabi nukọn, hlan whèzizẹ dali. ¹²Yé yígbéjizọnlin sọn fìnẹyì, bo dosla do agbadò Zeledi tọn lọ mẹ. ¹³Yé sọ yígbéjizọnlin sọn fìnẹyì, bo dosla do awà awetọ Alnọni tọn ji, he tin to zùngbo lọ mẹ, he jẹgbonu tón sọn agboji Amolinu lẹ tọn mẹ: na agboji Moabi tọn wẹ Alnọni, to Moabi po Amolinu lẹ po ṣẹnṣẹn. ¹⁴Enẹwutu wẹ yè do dọ to owé awhàn OKLUNỌ tọn lọ tọn mẹ dọ,

¹⁸Podọ sọn zùngbo lọ mẹ yé yígbejizọnlin jẹ Matana: ¹⁹podọ sọn Matana jẹ Nahalìeli: podọ sọn Nahalieli jẹ Bamoti: ²⁰podọ sọn Bamoti jẹ agbadò lọ mẹ he tin to dànji Moabi tọn lọ, jẹ aga Pisga tọn lọ, he pànnukọn zùnkan lọ.

²¹Islaeli bo sọ do mẹdagùn lẹ hlan Sihọni ahọlu Amolinu lẹ tọn lọ de, dọmọ, ²²Gbọ yẹn ni gbọn aigba towe mẹ luntón: mí ma na lẹ́ do awà de ji biọ dànji gba, kavi biọ vẹ̃ngle mẹ gba; mí ma na nù sọn osìn odòtò lẹ lọ tọn mẹ gba: aligbo ahọlu tọn ji wẹ mí na gbọn yì, kaka mí ko do zè agboji towe go. ²³Sihọni ma sọ jlo dikena Islaeli nado gbọn agboji etọn luntón gba: ṣigba Sihọni bẹ́ omẹ etọn lẹpo plidopọ, bo jẹgbonu yì péhẹ Islaeli to zùngbo lọ mẹ, bo wá jẹ Jahazi: é sọ hoavùn hẹ Islaeli. ²⁴Islaeli sọ yí onù ohi lọ tọn do hò e, bo so yí aigba etọn sọn Alnọni jẹ Jabọki, yèdọ sọn ovi Àmọni tọn lẹ lọ de: na agboji ovì Amọni tọn lẹ lọ tọn yín sinsinyẹn. ²⁵Islaeli bo sọ jí tòdaho hẹle pó: Islaeli bo sọ nọ̀ tòdaho Amolinu lẹ lọ tọn lẹpo mẹ, to Hẹṣbọni mẹ, podọ to otò etọn lọ lẹpo mẹ. ²⁶Na Hẹṣbọni wẹ tòdaho Sihọni ahọlu Amolinu lẹ lọ tọn tọn mẹhe hoavùn hẹ ahọlu Moabi tọn nukọntọn, bò sọ yí aigba etọn lẹpo sọn alọ etọn mẹ, yèdọ jẹ Alnọni. ²⁷Enẹwutu wẹ yé he dọhó to hówhinwhẹn lẹ mẹ dọmọ,

³⁰Mìlẹ ko ségá do yé; yè va Hẹṣbọni yèdọ jẹ Dibọni, Mìlẹ bo ko sọ hẹn mlọnai jẹvọ́ yèdọ jẹ Nọfa, Ehe yì jẹ Medeba. ³¹Le wẹ Islaeli nọ̀ aigba Amolinu lẹ lọ tọn me do. ³²Moṣe sọ domẹhlan nado bẹ̀ Jazeli pọn, yé bo sọ yí oto etọn lẹ lọ, bo yan Amolinu he tin to fìnẹ lẹ jẹgbonu. ³³Ye sọ lé bo hẹji gbọn aliho Baṣani tọn lọ yì: Ogi ahọlu Basẹm tọn lọ sọ jegbonu yì pó ye, ewọ po omẹ etọn lẹpo po, nado péawhàn to Edlei. ³⁴OKLUNỌ lọ sọ dọ hlan Moṣe dọmọ, Hiẹ dibu nẹ blo: na yẹn ko jo e do alọ towe mẹ, po omẹ etọn lẹpo po, po aigba etọn po; hiẹ bo nasọ wà hlan ẹn dile hiẹ wà hlan Sihọni ahọlu Amolinu le lọ tọn do, he nọnọ̀ Hẹṣbọni. ³⁵Mowẹ yé hò e, po visunnu etọn lẹ po, po omẹ etọn lẹpo po, kaka yè ma do jó dopo dai pò nẹ̃ gba: ye sọ yí aigba etọn.

¹OYI Islaeli tọn le lọ sọ yígbéjizọnlin, bo dosla do danfáfá Moabi ọn lẹ lọ mẹ to Jọdani lọ godo to Jẹliko. ²Balaki visunnu Zipọli tọn lọ so mọ ehe Islaeli wá hlan Amolinu le lọ lẹpo. ³Moabi sọ yín avọ̀satọ na gbẹtọ lẹ lọ tọn, na yé yín susu wutu: Moabi sọ yín nukunbianọ na ovi Islaeli tọn lẹ lo ton wutu. ⁴Moabi sọ dọ hlan mẹho Midiani tọn lẹ domọ, Dinvie wẹ agùndaho he na didọ́ ehe tin lẹ́do mí lẹpo, dile oyin nọ didọ́ ogbé dànji tọn do. Balaki visunnu Zipoli tọn lọ wẹ ahọlu Moabi tọn to ojlẹ ne mẹ. ⁵E bo sọ do mẹdagun lẹ hlan Balaami visunnu Beoli tọn lọ, jẹ Petoli, he tin to Otò: lọ dali, jẹ aigba ovi omẹ etọn lẹ tọn lẹ tọn ji, nado ylọ e, dọmọ, Dayi e go, Omẹ de lẹ jẹgbonu sọn Egipti wá: dayi e go, ye ṣinyọn nukunmẹ aigba lọ tọn, yé sọ tin aga pànnukọn mi: ⁶Enẹwutu wá dinvie, yẹn vè wẹ, hodèdo omẹ he lẹ na mi; na yé yín hlọnhlọnno gbahu na mi: eya yẹn na tinhuhlọn, na mìlẹ nido hò yé, podọ na yẹn nido yàn ye jẹgbonu sọn aigba lọ mẹ: na yẹn yọnẹn dọ ewọ mẹhe hiẹ dona yè dona, podọ ewọ mẹhe hiẹ hodẹ̀do, yè hodẹ̀do. ⁷Mẹho Moabi tọn lẹ lọ po mẹho Midiani tọn le lọ po fọ́nyì po ahosúnu asẹ tọn lẹ lọ po to alọ yetọn mẹ; yé sọ wá jẹ Balaami de, bo dọhó ohó Balaki tọn lẹ lọ hlan ẹn. ⁸Ewọ so dọ hlanyé dọmọ, Mì ni jẹ ofì to ozán he mẹ, yẹn naso hẹn ọhó wá na mì, dile OKLUNỌ lọ na dọhó hlan mi do: ogán Moabi tọn le lọ sọ jẹ Balaami de. ⁹Jiwheyẹwhe sọ wá jẹ Balaami dẹ, bo domọ Mẹnu wẹ omẹ he tin to dewe helẹ? ¹⁰Balaami so dọ hlan Jiwheyẹwhe dọmọ, Balaki visunnu Zipọli tọn lọ, ahọlu Moabi tọn, ko domẹhlan mi, dọmọ, ¹¹Dayi e go, ome, he yè hẹn jẹgbonu sọn Egipti wá lẹ lọ, e ṣinyọn nukunmẹ aigba lọ tọn: dinvie, wa họdèdo yé na mi; eja yẹn na tin sọgan nado hoavùn hẹ ye, bo na yan: ye ton. ¹²Jiwheyẹwhe sọ dọ hlan Balaami dọmọ, Hiẹ ma na yì po ye po gba; hiẹ ma na hodèdo gbẹtọ lẹ lọ gba: na donanọ wẹ yé. ¹³Balaami sọ tite to afọnnu lọ, bo dọ hlan ogán Balaki tọn lẹ lọ dọmọ, Mì yì aigba mìtọn mẹ na mìde na OKLUNỌ lọ kó nado na vivò mi nado yì po mì po. ¹⁴Ogán Moabi tọn lẹ lọ tite, yé bo sọ yi jẹ Balaki de, bo dọmọ, Balaami kọ nado wa po mí po. ¹⁵Balaki so do ogan lẹ hlan dogọ janwẹ, he yín yẹyinọ hú yé. ¹⁶Yé sọ wá Balaami de, bo dọ hlan ẹn dọmọ, Le wẹ Balaki visunnu Zipọli tọn lọ dọ, Yẹn vè we, hiẹ dike núde glọn we sọn wiwá jẹ dẽ mẹ blo; ¹⁷na yen na zé we daga jẹ yeyi daho-talala tẹnmẹ, podọ núdepope hiẹ dọ hlan mi yẹn na wà: enẹwutu, yẹn vẹ̀ we, wá hodẹ̀do omẹ he lẹ na mi. ¹⁸Balaami sọ gblọn bo dọ hlan devi Balaki tọn lẹ lọ dọmọ, Eyín é na na owhé etọn mi go na fataka po sika po, yẹn ma sọgan yì zẹ̀ ohó OKLUNỌ lọ Jiwheyẹwhe ṣie tọn go gba, nado wà whiwhe kavi susu. ¹⁹Enewutu dinvie, yẹn vè mì, mì dọngban to ofì to azán he mẹ ga, na yẹn nido yọn núhe OKLUNỌ lọ na dọ hlan mi dogọ́. ²⁰Jiwheyẹwhe bo sọ wá jẹ Balaami de to ozanmẹ, bo do hlan ẹn dọmọ, Eyín omẹ lẹ lọ tin wa nado ylọ we, tite yì po yé po; ṣigba kiki ohó hẹ yẹn na dọ hlan we, enẹ wẹ hiẹ na wà. ²¹Balaami sọ tite to afọnnu lọ, bo blapana kẹtẹkẹtẹ etọn, bo yi po ogán Moabi tọn lẹ lọ po. ²²Yè sọ hẹn homẹgble Jiwheyẹwhe tọn jimiyọn na ewọ yì wutu: angẹli OKLUNỌ lọ tọn dọtenmẹna ede to áliho lọ mẹ na mẹglatọ de do e: ji. Dinvie ewọ hẹ́ kẹtẹkẹtẹ etọn ji, devi etọn awe le sọ tin to e de. ²³Kẹtẹkẹtẹ lọ sọ mọ angẹli OKLUNỌ lo tọn ṣite to aliho lọ ji, po ohi etọn po dindọnsún to alọ etọn mẹ: kẹtẹkẹtẹ lọ sọ lẹ́ jẹla son aliho ji bo yì ogle mẹ: Balaami sọ linú kẹtẹkẹtẹ lọ nado gò ẹ do aliho ji. ²⁴Whenẹnu angẹli OKLUNỌ tọn lọ fọn ṣite to aliho bibó de jì to vẹ̃ngle lẹ ṣẹnṣẹn, adó de tin to awà he ji podọ adó de to awa nẹ ji. ²⁵Kẹtẹkẹtẹ lọ sọ mọ angẹli OKLUNỌ tọn lọ, e bo sọ tùn ede hlan adó lọ go, bo fìnyọn afọ Balaami tọn do adó lọ go: é bo sọ vọ núli i ²⁶Angeli OKLUNỌ tọn lọ sọ sẹdo nukọn bo ṣite to o, ten jinjan de mẹ, fie aliho de ma te nado lẹ́ hlan alọ adusi ji kavi hlan amiyọn. ²⁷Kẹtẹkẹtẹ lọ sọ mọ angẹli OKLUNỌ tọn lọ, é bo sọ pavava to Balaami glọ: yè sọ hẹn homẹgble Balaami tọn jimiyọn, é yí opò etọn do hò e ²⁸OKLUNỌ lọ sọ hùn onù kẹtẹkẹtẹ lọ tọn, e bo sọ dọ hlan Balaami domọ, Etẹ wẹ yẹn wa do we, bọ hiẹ ko do linú mi whla atọ̀n helẹ? ²⁹Balaami sọ dọ hlan kẹtẹkẹtẹ lọ dọmọ, Na hiẹ ko vlẹ mi wutu wẹ: Yẹn jlo dọ ohí de do ko tin to alọ ṣie mẹ, na yẹn do ko hù we dinvie. ³⁰Kẹtẹkẹtẹ lọ sọ dọ hlan Balaami dọmọ, Kẹtekẹtẹ towe ma wẹ yẹn he ji hiẹ ko nọ hẹ to ogbẹ̀ towe lẹpo me jẹ azán he gbè? bé yẹn ko nọ jlo wà mọ hlan we dai? Ewọ sọ dọmọ, Lala. ³¹Whenẹnu wẹ OKLUNỌ lọ hùn nukun Balaami tọn lẹ, e bo sọ mọ angẹli OKLUNỌ tọn lọ ṣite to aliho lọ ji po ohi etọn po dindọnsún to alọ etọn mẹ: é sọ dé ota etọn dodò, bọ họ́ jẹ nukunmẹ etọn ji. ³²Angẹli OKLUNỌ tọn lọ sọ dọ hlan ẹn dọmọ, Etẹwutu wẹ hiẹ linú kẹtẹkẹtẹ towe whla atọ̀n helẹ? dayi e go, yẹn jẹgbonu wá na mẹglatọ de, na aliho towe sọkòdò to nukọn ṣie wutu: ³³kẹtẹkẹtẹ lọ sọ mọ mi, bo lẹ́ jela to nukọn ṣie whla atọ̀n helẹ: ewọ ma do ko lẹ́ jẹla sọn dẽ, nugbonugbo dinvie yèdọ yẹn do ko hù wẹ, bo whlẹn ewọ dogbẹ̀. ³⁴Balaami sọ dọ hlan angeli OKLUNỌ tọn lọ dọ, Yẹn ko wàylando; na yẹn ma yọnẹn dọ hiẹ site to aliho lọ ji do ogo e gba: enẹwutu dinvie, eyín e ma henhomẹhùn we, yẹn na gò dẽ do godo. ³⁵Angẹli OKLUNỌ tọn lọ sọ dọ hlan Balaami dọmọ, Yì pò omẹ lẹ lọ po: kiki ohó he yẹn na dọ hlan we, enẹ wẹ hiẹ na dọ. Mowẹ Balaami yì po ogán Balaki tọn le lọ po. ³⁶Whenuena Balaki sè dọ Balaami wá, é jegbonu yì nado pé e jẹ tòdaho Moabi tọn lọ mẹ, he tin to agboji Alnọni tọn lọ go, hé tin to adi agapatapata agboji lọ tọn, ³⁷Balaki sọ dọ hlan Balaami dọmọ, Yẹn ma kayi owhlẹndo do domehlan we nado ylọ we? etẹwutu hiẹ ma wá dẽ? Yẹn ma ka tin sọgan nadọ zé we daga jẹ yẹyi mẹ? ³⁸Balaami sọ dọ hlan Balaki dọmọ, Dayi e go, yẹn wá de we yẹn ka tindo huhlọn de dinvie nado dọ onú depope? ohó lọ he Jiwheyẹwhe yí do onù mẹ na mi, ene we yẹn na dọ. ³⁹Balaami sọ yì po Balaki po, yé sọ wá jẹ Kiliati-huzoti. ⁴⁰Balaki yi oyin lẹ po lẹngbọ lẹ po do sánvọ́, bo domẹhlan Balaami, podọ hlan ogán he tin to e de lẹ. ⁴¹E sọ wá jọ to afọnnu lọ, we Balaki yí Balaami, bo hẹn ẹn hẹji wá fiyìji Baali tọn lẹ, ewọ bo sọ mọ sọn fìnẹyì adà agapatapata gbẹtọ lẹ lọ tọn.

¹BALAAMI sọ dọ hlan Balaki dọmọ, Do agbà ṣinawe do ofi na mi, bo sọ wleawu oyìnsú ṣinawe tọn po agbò ṣinawe tọn po dai do ofì na mi. ²Balaki sọ wà dole Balaami ko dọ do; Balaki po Balaami po sọ yí oyìnsú dopo po agbò dopo po na to agbà dopodopo jì. ³Balaami sọ dọ hlan Balaki dọ, ṣitẹ to avọ́nunina mimẹ̀ towe dali, yẹn bo na yì; eya OKLUNỌ lọ na wá nado pé mi, podọ núdepope é dohia mi yẹn na dọ na we. E bo sọ yì aga hùnnukunmẹ de ji. ⁴Jiwheyẹwhe so pe Balaami: é sọ dọ hlan ẹn dọ, Yẹn ko wleawu agbà ṣinawe lẹ lọ tọn dai, yẹn ko sọ yí oyìnsu dopo po agbò dopo po na to agbà dopodopo i. ⁵OKLUNỌ lọ sọ yí ohó de do onù Balaami tọn mẹ, bo dọmọ, Légọ jẹ Balaki de, podọ le wẹ hiẹ na dọhó do. ⁶E sọ lẹ́gọ̀ do e de, bo, dayi e go, é site to avọ́nunina mimẹ̀ etọn dali, ewọ, po ogán Moabi tọn lẹpo po. ⁷E bo sọ zé olo etọn, bo dọmọ,

¹⁰Mẹnu wẹ sọgan hia kọgudu Jakob tọn,

²⁰Dayi e go, Yẹn ko mọ gbèdide yí nado dona:

¹PODỌ whenuena Balaami mọ dọ é hùnhomẹ OKLUNỌ lọ nado dona Islaeli, é ma yì di nukọn tọn lẹ, nado pé hẹ afinyọn lẹ gba, ṣigba é zé nukunmẹ etọn do hlan zùngbo lọ dali. ²Balaami sọ zé nukun etọn lẹ daga, é bo sọ mọ Islaeli dosla kẹdẹdi whẹndo yetọn lẹ, gbigbọ Jiwheyẹwhe tọn lọ sọ wá e ji, ³E sọ yí oló etọn, bo dọmọ,

⁹Ewọ pavava, é mlọnai di kìnnikinni de,

¹ISLAELI sọ tin to Sittimi mẹ, gbẹtọ lẹ lọ sọ ṣe galọ hẹ viyonnu Moabi tọn lẹ lọ: ²na yé ylọ gbẹtọ lẹ lọ do avọ́sinsán vodún yetọn lẹ tọn kòn; gbẹtọ lẹ lọ sọ dù bo dé do odò hlan vodún yetọn lẹ. ³Islaeli so kòn ede dopọ hlan Baali-peoli: yè sọ hẹn adi OKLUNỌ lọ tọn jimiyọn do Islaeli ji ⁴OKLUNỌ lọ sọ dọ hlan Moṣe dọmọ, Yí nukọntọ gbẹtọ lẹ lọ tọn lẹpo, bo zé yé pla aga hlan OKLUNỌ lọ to owhè lọ nukọn, na adi zògbe OKLUNỌ lọ tọn nido diọkọ sọn Islaeli de. ⁵Moṣe sọ dọ hlan whẹ̀datọ Islaeli tọn lẹ lo dọmọ, Mì omẹ dopodopo ni hù omẹ etọn lẹ he ko kòn yede dopọ hlan Baali-peoli. ⁶Bo, dayi e go, dopo sọn ovi Islaeli tọn lẹ lọ mẹ wá bo hẹn yọnnu Kananinu de wá jẹ mẹmẹsunnu etọn lẹ de to nukun Moṣe tọn mẹ, podọ to nukun agùn ovi Islaeli tọn lẹpo tọn lọ tọn mẹ, whenuena yé to avivi to ohòn ogohọ̀ opli ton lọ tọn kọ̀n. ⁷Podọ whenuena Finéhasi, visunnu Eleazali tọn lọ visunnu Aalon yẹwhenọ lọ tọn lọ, mọ ẹn, é tite sọn gblagbla agùn lọ tọn mẹ, bo yí dludlu to alọ etọn mẹ; ⁸é sọ domọna omẹ Islaeli tọn lọ yì avaja lọ mẹ, bo yí só yé omẹ awe lẹ lunton, omẹ Islaeli tọn lọ, po yọnnu lọ po gbọn hoto etọn mẹ luntón, Mowẹ yè hen azònylankan lọ doalọte son ovi Islaeli tọn lẹ mẹ ⁹Enẹle he kú gbọn azònylankan lọ dali yin fọtọ́n konukunenẹ.

¹⁰OKLUNỌ lọ sọ dọhó hlan Moṣe, dọmọ, ¹¹Finehasi, visunnu Eleazali tọn lọ, visunnu Aalọn yẹwhenọ lọ tọn lọ ko lẹ́ homẹgble ṣie sọn ovi Islaeli ton lẹ lọ de, to ehe mẹ é yí awuwhàn ṣie do yín awuwhànnọ to yé ṣẹnṣẹn, sọmọ bọ yẹn ma sú ovi Islaeli ton le lọ do to awuwhàn ṣie mẹ gba. ¹²Enẹwutu dọ, Dayi e go, Yẹn yí alènu jijọho tọn ṣie na ẹn. ¹³E nasọ tin hlan ẹn, podọ hlan okún etọn to godo é ton, alẹ̀nu yẹwhẹnọzón madopodo de tọn; na ewọ yín awuwhànnọ na Jiwheyẹwhe eton wutu, bò sọ basi ovẹ̀se na òvi Islaeli tọn lẹ lọ. ¹⁴Dinvie oyín dawe Islaeli tọn lo ton he yè hù, mẹhe ye hù po Yọnnu Midianinu lọ po, wẹ Zimli, visunnu Salu tọn lọ, ogán de sọn owhe otọ́ le tọn de gbè to Simeomnu lẹ ṣẹnṣẹn. ¹⁵Podọ oyín nawe Midianinu lọ tọn he yè hù wẹ Kozbi, viyọnnu Zuli tọn lọ; nukọntọ gbẹtọ owhe otọ́ lọ tọn de tọn gbè tọn wẹ ewọ to Midiani mẹ.

¹⁶OKLUNỌ lo sọ dọhó hlan Moṣe, dọmọ, ¹⁷Doadihomẹna Midianinu le lọ, bo hò yé: ¹⁸na yé yí oklọ yetọn lẹ do doadihomẹna mì, ehe yé yí do klọ mì to owhẹhó Peoli tọn lọ mẹ, podo to owhèhó Kozbi tọn lọ mẹ viyọnnu ogan Midiani tọn lọ tọn, nọviyonnu yetọn, he yè hù to azán azònylankan lọ tọn lọ gbè to owhẹhó Peoli tọn lọ mẹ.

¹E sọ wá jọ to azònylankan lọ gado, wẹ OKLUNỌ lọ dọhó hlan Moṣe podo hlan Eleazali visunnu Aalọn yẹwhenọ lọ tọn lọ, dọmọ, ²Yí olẹndopọ agùn ovi Islaeli tọn lẹ lọ tọn lẹpo, sọn owhè òko mẹho podọ humọ, gbọn owhe otọ́ yetọn lẹ tọn lẹ dali, ehe tin sọgan nado jẹgbonu yì jẹ awhàn kòn to Islaeli mẹ lẹpo. ³Moṣe po Eleazali yẹwhenọ lọ po dọhó po yé po to dànfáfá Moabi tọn lẹ ji to Jọdani lọ dali to Jeliko, dọmọ, ⁴Mì yí olẹndopọ gbéto lẹ lọ tọn, son òwhè òko mẹho podọ humọ; le OKLUNỌ lọ degbèna Moṣe do po ovi Islaeli tọn lẹ lọ po do, he jegbonu sọn aigba Egipti tọn lọ ji wá.

⁵Lẹubeni, oplọnji Islaeli tọn lọ: visunnu Leubeni tọn lẹ lọ; sọn Hanọki me, whédo Hanọkinu lẹ lọ tọn: sọn Pallu mẹ, whédo Pallunu lẹ lọ tọn: ⁶sọn Hẹzloni mẹ, whédo Hẹzloninu lẹ lọ tọn: sọn Kalmi me, whédo Kalminu lẹ lọ tọn. ⁷Ehelẹ wẹ whédo Leubeninu lẹ lọ ton le: podọ yé he yè yísọ hana sọn yé me yín fọtọ́n kandenukunatọ̀n po nuọntọ̀nkantọ̀nao po. ⁸Podọ visunnu Pallu tọn lẹ lọ; Eliabi. ⁹Podọ visunnu Eliabi tọn lẹ lọ; Nẹmúeli, po Datani po, po Abilami po. Ehelẹ wẹ Datani nẹ po Abilami po, he yè ylọ sọn agùn lọ mẹ, mehe hoavùn he Moṣe podọ hẹ Aalọn to ogbé Kola tọn lọ mẹ, whenuena yé hoavun hẹ OKLUNỌ lọ: ¹⁰bọ aigba lọ sọ kẹ̀ onù etọn, bo ze yé mì dopọ po Kola po, whenuena ogbé nẹ ku, to ojlẹ he me miyọn và sunnúsi fodekandeao, bọ yé sọlezun ohia de. ¹¹Ṣigba visunnu Kola tọn lẹ lọ ma kú gba.

¹²Visunnu Simeoni tọn lẹ lọ kẹdẹdi whédo yetọn lẹ: sọn Nẹmueli mẹ, whédo Nẹmuelinu le lọ tọn: sọn Jamini mẹ, whédo Jamimnu lẹ lọ tọn: sọn Jakini mẹ, whédo Jakininu lẹ lọ tọn: ¹³sọn Zela mẹ, whédo Zelanu lẹ lọ tọn: sọn Sauli mẹ, whédo Saulinu lẹ lọ ton. ¹⁴Ehelẹ wẹ whédo Simeomnu lẹ lọ tọn lọ, fọtọ́n konukunawe po fọde po.

¹⁵Visunnu Gadi tọn lẹ lọ kẹdẹdi whédo yetọn lẹ: sọn Zefọni mẹ, whédo Zefọninu lẹ lọ tọn: sọn Haggi mẹ, whédo Hagginu lẹ lọ tọn: sọn Ṣuni mẹ, whédo Ṣuninu lẹ lọ tọn: ¹⁶sọn Ozni mẹ, whédo Ozninu lẹ lọ tọn: sọn Eli mẹ, whédo Elinu lẹ lọ tọn: ¹⁷sọn Alodi mẹ, whédo Alodinu lẹ lọ tọn: sọn Aleli mẹ, whédo Alelmu lẹ lọ tọn. ¹⁸Ehelẹ wẹ whédo visunnu Gadi tọn lẹ lọ tọn lẹ; kẹdẹdi enẹlẹ he yè yísọhana sọn yé mẹ fọtọ́n kande po fòwekanweko po.

¹⁹Visunnu Juda tọn lẹ lọ, Eli po Onani po: podọ Eli po Onani po kú to aigba Kanani tọn lọ mẹ. ²⁰Visunnu Juda tọn lẹ lọ kẹdẹdi whédo yetọn le wẹ; sọn Ṣela mẹ, whédo Selanu lẹ lọ tọn: sọn Pelezi mẹ, whédo Pelezinu lẹ lọ tọn: sọn Zela mẹ, whédo Zelanu lẹ lọ tọn. ²¹Podọ visunnu Pelezi tọn lẹ wẹ; sọn Hezloni mẹ, whédo Hezloninu lẹ lọ tọn: sọn Hamuli mẹ, whédo Hamulinu lẹ lọ tọn. ²²Ehelẹ wẹ whédo Juda tọn lẹ lọ kẹdẹdi enẹlẹ he yè yísọhana sọn yé mẹ, fọtọ̀n kandegbànnukundopo po fòwekanweko po.

²³Visunnu Issakali ton lẹ lọ kẹdẹdi whédo yetọn lẹ: sọn Tola mẹ, whédo Tolanu lẹ lọ tọn: sọn Puva mẹj whédo Puvanu lẹ lọ tọn: ²⁴son Jasúbi mẹ, whédo Jasubinu lẹ lọ tọn: sọn Simloni mẹ, whédo Simloninu lẹ lọ tọn. ²⁵Ehelẹ wẹ whédo Issakali tọn lẹ lọ kẹdẹdi enẹlẹ he yè yísọhana sọn yé mẹ, fọtọ́n kandekonukunẹnẹ po fọdekanweko po.

²⁶Visunnu Zebuluni tọn lẹ lọ kẹdẹdi whédo yetọn lẹ: sọn Seledi mẹ, whédo Seledinu lẹ lọ tọn: sọn Eloni mẹ, whédo Eloninu lẹ lọ tọn: sọn Jahleeli mẹ, whédo Jahleelinu lẹ lọ tọn. ²⁷Ehelẹ wẹ whédo Zebuluninu lẹ lọ tọn lẹ kẹdẹdi enẹlẹ he yè yísọhana sọn yé mẹ, fọtọ́n kandeko po fòwekanweko po.

²⁸Visunnu Josefu tòn lẹ lọ kẹdẹdi whédo yetọn lẹ: Manasse po Eflaimi po. ²⁹Visunnu Manasse tọn lẹ lọ: sọn Malvili mẹ, whédo Makilinu lẹ lọ tọn: podọ Makili sọ ji Gileadi: sọn Gileadi mẹ, whédo Gileadinu le lọ tọn. ³⁰Ehelẹ wẹ visunnu Gileadi tọn lẹ lọ: sọn lezeli mẹ, whédo Iezelinu lẹ lọ tọn: sọn Heleki mẹ, whédo Helekinu lẹ lọ tọn: ³¹podọ sọn Aslieli mẹ, whédo Aslielinu lẹ lo tọn: podọ sọn Sekemi mẹ, whédo Sekeminu lẹ lọ tọn: ³²podọ sọn Semida me, whédo Semidanu lẹ lọ tọn: podọ sọn Hefeli mẹ, whédo Hefelinu lẹ lọ tọn. ³³Zelofehadi visunnu Hefeli tọn lọ ma tindo visunnu de gba, adavo viyọnnu lẹ: oyín viyọnnu Zelofehadi tọn lẹ lọ tọn we Mahla, po Noa pó, Hogla, Milka, po Tilza po. ³⁴Ehelẹ wẹ whédo Manasse tọn lẹ lọ: podọ yé he yè yísọhana sọn yé mẹ wẹ fọtọ́n kandewiawe po nuọntọ̀nkanweko po.

³⁵Ehele wẹ visunnu Eflaimi tọn lẹ lọ kẹdẹdi whédo yetọn lẹ: sọn Ṣutela mẹ, whédo Ṣutelanu lẹ lọ tọn; sọn Bekeli mẹ, whédo Bekelinu le lọ tọn: sọn Johani mẹ, whédo Johaninu lẹ lọ tọn. ³⁶Podọ ehelẹ wẹ visunnu Ṣutela tọn lẹ lọ: sọn Elani mẹ, whédo Elanmu lẹ lo tọn. ³⁷Ehelẹ wẹ whédo visunnu Eflaimi tọn lẹ lọ tọn lẹ kẹdẹdi enẹlẹ he yè yísọhana sọn yé mẹ, fọtọ́n gbànnukunawe po fòwekanweko po. Ehelẹ wẹ visunnu Josẹfu tọn lẹ lọ kẹdẹdi whédo yetọn lẹ.

³⁸Visunnu Bẹnjamini tọn lẹ lọ kẹdẹdi whédo yetọn lẹ: sọn Bela mẹ, whédo Belanu lẹ lọ tọn: sọn Aṣbeli mẹ, whédo Aṣbelinu lẹ lọ tọn: sọn Ahilami mẹ, whédo Ahilaminu lẹ lọ tọn: ³⁹sọn Sefufami mẹ, whédo Sefufaminu lẹ lọ tọn: sọn Hufami me, whédo Hufaminu lẹ lọ tọn. ⁴⁰Podọ visunnu Bela tọn lẹ lọ wẹ Aldi po Naamani po: sọn Aldì mẹ, whédo Aldinu lẹ lọ tọn: sọn Naamani mẹ, whédo Naamamnu lẹ lọ tọn. ⁴¹Ehelẹ wẹ visunnu Bẹnjamini tọn lẹ lọ kedẹdi whédo yetọn lẹ: podọ yé he yè yísọhana sọn yé mẹ wẹ fọtọ́n kandeatọn po nuọntọ̀n po.

⁴²Ehelẹ wẹ visunnu Dani tọn lẹ lọ kedẹdi whédo yetọn lẹ: sọn Ṣahami mẹ, whédo Ṣahaminu lẹ lọ tọn. Ehelẹ wẹ whédo Dani tọn lẹ lọ kẹdẹdi whédo yetọn lẹ. ⁴³Whédo Ṣahaminu lẹ lọ tọn lẹpo, kẹdẹdi enẹlẹ he yè yísọhana sọn yé mẹ, we fọtọ́n kandekonukunẹnẹ po fowe po.

⁴⁴Visunnu Àseli tọn lẹ lọ kẹdẹdi whédo yetọn lẹ: sọn Imna mẹ, whédo Imnanu lẹ lọ tọn: sọn Isvi mẹ, whédo Isvinu lẹ lọ tọn: sọn Belia mẹ, whédo Belianu lẹ lọ tọn. ⁴⁵Sọn visunnu Belia tọn lẹ lọ mẹ: sọn Hebeli mẹ, whédo Hebelinu lẹ lọ tọn: sọn Malkieli mẹ, whédo Malkielinu lẹ lọ tọn. ⁴⁶Podọ oyín viyọnnu Aṣeli tọn lọ tọn wẹ Ṣela. ⁴⁷Ehelẹ wẹ whédo visunnu Aṣeli tọn lẹ lọ tọn lẹ kẹdẹdi enẹlẹ he yè yísọhana sọn yé mẹ, fọtọ́n kandewiatòn po fowe po. ⁴⁸Visunnu Naftali tọn lẹ lọ kẹdẹdi whédo yetọn lẹ: sọn Jazeeli mẹ, whédo Jazeelinu lẹlọ tọn: sọn Guni mẹ, whédo Guninu lẹ lọ tọn: ⁴⁹sọn Jezeli mẹ, whédo Jezelinu lẹ lọ tọn: sọn Ẹillemi mẹ, whédo Ẹilleminu lẹ lọ tọn. ⁵⁰Ehelẹ wẹ whédo Naftali tọn lẹ lọ kẹdẹdi whédo yetọn lẹ: podọ yé he yè yísọhana sọn yé mẹ wẹ fọtọ́n kandeatón po fowe po.

⁵¹Ehelẹ wẹ yé he yè yísọhana sọn ovi Islaeli tọn lẹ lọ mẹ, fọtọ́n nuọntónnukundopo po nuọntọnkantọ̀nao po. ⁵²OKLUNỌ lọ sọ dọhó hlan Moṣe, dọmọ, ⁵³Ehelẹ wẹ aigba lọ na yín mimá hlan na ogú de kẹdẹdi osọha oyín lẹ tọn lọ. ⁵⁴Hiẹ na na ogú sùhu hlan omẹ súhu, podọ hiẹ nasọ na ogú vude hlan omẹ vude: hlan omẹ dopodopo kẹdẹdi enẹlẹ he yè yísọhana sọn e mẹ wẹ ogú etọn na do yín nina. ⁵⁵Ṣigba aigba lọ na yín mimá gbọn ovò dali: kẹdẹdi oyín whẹndo otọ́ yetọn lẹ tọn lọ tọn lẹ wẹ yé na do dùgú. ⁵⁶Kẹdẹdi ovò lọ wẹ ogú yetọn na yín mimá to mẹsusu po mẹvude po ṣẹnṣẹn.

⁵⁷Ehelẹ sọ wẹ yé he yè yísọhana sọn Levinu lọ lọ mẹ kẹdẹdi whédo yetọn lẹ: sọn Gelṣoni mẹ, whédo Gelṣoninu lẹ lọ tọn: sọn Kohati mẹ, whédo Kohatinu lẹ lọ tọn: sọn Malali mẹ, whédo Malalinu lẹ lọ tọn. ⁵⁸Ehelẹ wẹ whédo Levi tọn lẹ lọ: whédo Libninu lẹ lọ tọn, whédo Hebloninu lẹ lọ tọn, whédo Malinu lẹ lọ tọn, whédo Musinu lẹ lọ tọn, whédo Kolanu lẹ lọ tọn. Kohati sọ ji Amlami. ⁵⁹Podọ oyín asi Amlami tọn lọ tọn wẹ Jokebedi, viyọnnu Levi tọn lọ, mẹhe yè ji hlan Levi to Egipti mẹ: ewọ sọ ji Aalọn po Moṣe po, po Miliami nọviyọnnu yetọn po hlan Amlami ⁶⁰Yè sọ ji Nadabi po Abihu po, Eleazali po Itamali po hlan Aalọn. ⁶¹Nadabi po Abihu po kú whenuena yé yí miyọn alọpade na to OKLUNỌ lọ nukọn. ⁶²Podọ yé he yè yísọhana sọn yé mẹ wẹ fọtọ́n konukunatọ̀n, sunnusi lẹpo sọn osún dopo mẹho podọ humọ: na yè ma yísọhana yé to ovi Islaeli tọn lẹ lọ ṣẹnṣẹn gba, na ogú de ma tin finẹ yè na yé to ovi Islaeli tọn lẹ lọ ṣẹnṣẹn gba wutu.

⁶³Ehelẹ wẹ yé he ye yísọhana gbọn Moṣe dali po Eleazali yẹwhenọ lọ po; mẹhe yísọhana ovi Islaeli tọn le lọ to dànfáfá Moabi tọn lẹ lọ ji to Jọdani lọ dali to Jẹliko. ⁶⁴Ṣigba to ehelẹ ṣẹnṣẹn omẹ de ma tin finẹ sọn yé mẹ he yèyísọ hana gbọn Moṣe dali po Aalọn yẹwhenọ lọ po; mẹhe yísọhana ovi Islaeli tọn lẹ lọ to zùngbo Sinai tọn lọ mẹ. ⁶⁵Na OKLUNỌ lọ ko dọ na ye tọn dọ, yé na kú to zùngbo lọ mẹ dandan. Podọ sunnu yé tọn dopo ma yín pipòdai, adavo Kalebi visunnu Jẹfunnẹ tọn lọ, po Jọsua visunnu Nuni tọn lọ po.

¹WHENẸNU wẹ viyọnnu Zelofehadi tọn lẹ lọ dòn sẹpọ́, visunnu Hefeli tọn lọ, visunnu Gileadi tọn lọ, visunnu Makili tọn lọ, visunnu Manasse tọn lọ, sọn whédo Manasse tọn lẹ mẹ visunnu Josẹfu tọn lọ: ehelẹ sọ wẹ oyín viyọnnu etọn lẹ lọ tọn lẹ; Mala, Noa, po Hagla po, po Milka po, po Tilza po. ²Yé bo ṣite to Moṣe nukọn, podọ to Eleazali yẹwhenọ lọ nukọn, podọ to ogán lẹ lọ nukọn po agún lọ lẹpo po, to ohọ̀n ogohò opli tọn lọ kòn, dọmọ, ³Otọ́ mítọn kú to zùngbo lọ mẹ, podọ ewọ ma tin to ogbẹ́ yé he bẹ́ yéde plidopọ do OKLUNỌ lọ ji tọn lọ mẹ gba to ogbẹ́ Kola tọn lọ mẹ: ṣigba é kú to ylando etọn lọsu mẹ; ewọ ma sọ tindo visunnu de gba. ⁴Etẹwutu wẹ oyín otọ́ mítọn tọn lọ na do yín didè ṣe sọn whédo etọn ṣẹnṣẹn, na ewọ ma tindo visunnu de wutu? Na nutindo de hlan mí to mẹmẹsunnu otọ́ mítọn tọn lẹ lọ ṣẹnṣẹn. ⁵Moṣe sọ hẹn whẹ́ho yetọn wá OKLUNỌ lọ nukọn ⁶OKLUNỌ lọ sọ dọhó hlan Moṣe, dọmọ, ⁷Viyọnnu Zelofehadi tọn lẹ lọ dọhó nugbo: hiẹ nugbonugbo na na nútindo ogú de tọn de yé to mẹmẹsunnu otọ́ yetọn tọn lẹ ṣẹnṣẹn; hiẹ nasọ hẹn ogú otọ́ yetọn tọn lọ nado juyì jẹ yé de. ⁸Hiẹ nasọ dọhó hlan ovi Islaeli tọn lẹ lọ, dọmọ, Eyín sunnu de kú, bo ma tindo visunnu de gba, whenẹnu mìwlẹ na hẹn ogú etọn nado juyì jẹ viyọnnu etọn de. ⁹Podọ eyín é ma sọ tindo viyọnnu de gba, whenẹnu mì na yí ogú etọn hlan mẹmẹsunnu etọn lẹ. ¹⁰Podọ eyín é ma tindo mẹmẹsunnu de, whenẹnu mì na yí ogú etọn na hlan mẹmẹsunnu otọ́ etọn tọn lọ. ¹¹Podọ eyín otọ́ etọn ma tindo mẹmẹsunnu de, whenẹnu mì na yí ogú etọn na hlan hẹnnumẹ etọn he tin sẹpọ́ hlan e de sọn whédo etọn mẹ, ewọ bo nasọ tindo e: é nasọ tin hlan ovi Islaeli tọn lẹ lọ aṣẹdai whẹ̀dida tọn de, dile OKLUNỌ lọ degbèna Moṣe do.

¹²OKLUNỌ lọ sọ dọ hlan Moṣe dọmọ, Hẹ oji yì osé Abalimi tọn he mẹ, bo pọ́n aigba he yẹn na hlan ovi Islaeli tọn lẹ lọ. ¹³Podọ whenuena hiẹ ko mọ ẹn, hiẹ ga nasọ yín bibépli hlan omẹ towe le, dile yè bẹ́ Aalọn nọvisunnu towe pli do. ¹⁴Na mìwlẹ ṣiatẹ do ohó ṣie go to zùngbo Zini tọn lọ mẹ wutu to wiwọ agùn lọ tọn mẹ, nado klan mi do wiwe to osìn lẹ lọ kòn to nukun yetọn lọ nukọn. (Ehelẹ wẹ osìn Meliba Kadesi tọn lẹ lọ tọn to zùngbo Zini tọn lọ mẹ.) ¹⁵Moṣe sọ dọhó hlan OKLUNỌ lọ, dọmọ, ¹⁶Gbọ OKLUNỌ lọ, Jiwheyẹwhe gbigbọ agbasalan lẹpo tọn lẹ lọ tọn, ni dè sunnu de do agùn lọ nu, ¹⁷he sọgan jẹgbonu yì to yé nukọn, kavi sọgan wá hòmẹ to yé nukọn, podọ he sọgan plan yé jẹgbonu, podọ he sọgan hẹn yé wá hòmẹ; na agùn OKLUNỌ lọ tọn lọ tin di lẹngbọ he ma tindo lẹngbọhọtọ de blo. ¹⁸OKLUNỌ lọ sọ dọ hlan Moṣe dọmọ, Yí Jọsua visunnu Nuni tọn lọ, dawe de mẹhe mẹ gbigbọ lọ te, bo zé alọ towe do e ji; ¹⁹bo zé e do Eleazali yẹwhenọ lọ nukọn, podọ to agùn lọ lẹpo nukọn; bo sọ na aṣẹ de e to nukun yetọn mẹ. ²⁰Hiẹ nasọ yí sọn yẹyi towe mẹ do e ji, na agùn ovi Islaeli tọn lẹ lọ tọn lẹpo nido sètónu. ²¹Ewọ nasọ ṣite to Eleazali yẹwhenọ lọ nukọn, mẹhe na biọ na ẹn gbọn whẹ̀dida Ulimi lọ tọn lọ dali to OKLUNỌ lọ nukọn; ohó etọn ji wẹ yé na nọ jẹgbonu yì, podọ to ohó etọn ji wẹ yé na nọ wá họ̀mẹ, ewọ, po ovi Islaeli tọn lẹpo po gọ́na ẹn, yèdọ agùn lọ lẹpo. ²²Moṣe sọ wà dile OKLUNỌ lọ degbèna ẹn do: é sọ yí Jọṣua, bo zé e do Eleazali yẹwhenọ lọ nukọn, podọ to agùn lọ lẹpo nukọn: ²³é sọ zé alọ etọn lẹ do e ji, bo sọ na asẹ de e, dile OKLUNỌ lọ dọhó do gbọn alọ Moṣe tọn lọ dali.

¹OKLUNỌ lọ sọ dọhó hlan Moṣe, dọmọ, ²Naṣe ovi Islaeli tọn lẹ lọ, bo dọ hlan yé dọmọ, Avọ́nunina ṣie, akla ṣie na avọ́nunina ṣie lẹ he yè basi gbọn miyọn dali, owán vivi de tọn hlan mi, wẹ mì na nọ payi e go nado nọ yína hlan mi to osã didè yetọn mẹ ³Hiẹ nasọ dọ hlan yé dọmọ, Ehe wẹ avọ́nunina lọ he yè basi gbọn miyọn dali he mì na nọ yína hlan OKLUNỌ lọ; lẹngbọvu asú owhè tintan lọ tọn matin azọ́n, awe egbesọegbesọ, na avọ́nunina mimẹ̀ whepoponu tọn de. ⁴Hiẹ na yí lẹngbọvu dopo lọ na to afọnnu, hiẹ nasọ yi lẹngbọvu awetọ lọ na to whèjai awe lẹ ṣẹnṣẹn: ⁵Po madaotọ ẹfa dopo linfin dagbedagbe tọn po na avọ́nunina jinulili de yè yí madẹnẹtọ hini amì tùntùn tọn dopo do hò; ⁶avọ́nunina mimẹ̀ whepoponu tọn de wẹ, he yè doai to osé Sinai mẹ na owán vivi de, avọ́nunina de yè basi gbọn miyọn dali hlan OKLUNỌ lọ. ⁷Podọ avọ́nunina nùnù etọn lọ na yín madẹnẹtọ hini dopo tọn na lẹngbọvu dopo lọ: otẹn wiwe lọ mẹ wẹ hiẹ na kòn avọ́nunina nùnù núnùnù sinsinyẹn tọn de jẹgbonu do hlan OKLUNỌ lọ. ⁸Podọ lẹngbọvú awetọ lọ wẹ hiẹ na yína to whèjai: di avọ́nunina jinulili afọnnu tọn lọ, podọ di avọ́nunina nùnù etọn lọ, wẹ hiẹ na do yi i na, avọ́nunina yè basi gbọn miyọn dali de, owán vivi tọn de hlan OKLUNỌ lọ.

⁹Podọ to gbọjẹzán gbè lẹngbọvú asú awe owhè tintan lọ tọn matin azón, po madaotọ awe ẹfa linfìn dagbedagbe tọn dopo tọn po na avọ́nunina jinulili de, he yè yí amì do hò, po avọ́nunina nùnù etọn po: ¹⁰ehe wẹ avọ́nunina mimẹ̀ gbọjẹzán dopodopo tọn lọ, dogọ́ avọ́nunina mimẹ̀ whepoponu tọn lọ, po avọ́nunina nùnù etọn po.

¹¹Podọ to ṣaunṣaunwhenu osùn mìtọn lẹ tọn mì na nọ yí avọ́nunina mimẹ̀ de na hlan OKLUNỌ lọ; oyìnsú winyanwinyan awe, po agbò dopo po, lẹngbọvu asú ṣinawe owhè tintan lọ tọn matin azọ̀n; ¹²podọ madaotọ atọ̀n ẹfa linfin dagbedagbe tọn dopo tọn na avọ́nunina jinulili de, he yè yí amì do hò, na oyìnsú dopodopo; po madaotọ awe linfin dagbedagbe tọn po na avọ́nunina jinulili de, be yè yí amì do hò, na agbò dopo lọ; ¹³podọ madaotọ hunkọhunkọ linfin dagbedagbe tọn he yè yí amì do hò na avọ́nunina jinulili de hlan lẹngbọvu dopodopo; na avọ́nunina mimẹ̀ de, owán vivi tọn de, avọ́nunina yè basi gbọn miyọn dali de hlan OKLUNỌ lọ. ¹⁴Podọ avọ́nunina nùnù yetọn lẹ na yín odá hini ovẹ̃n tọn dopo na oyìnsú dopo, podọ dadatòntọ hini dopo tọn na agbo dopo lọ, podọ madẹnẹtọ hini dopo tọn na lẹngbọvu dopo: ehe wẹ avọ́nunina mimẹ̀ osùn dopodopo tọn lọ gbọn osùn owhè lọ tọn lọ mẹ lẹ́do. ¹⁵Po alunkun dopo po na avọ́nunina ylando tọn de hlan OKLUNỌ lọ; é na yín yíyína dogó avọ́nunina mimé whepoponu tọn lọ, po avọ́nunina nùnù etọn po.

¹⁶Podọ tó osùn tintan lọ mẹ, to azán wiẹnẹtọ osùn lọ tọn ji, wẹ juwayi OKLUNỌ tọn lọ. ¹⁷Podọ to azán fọtọ̀ntọ osùn he tọn mẹ hùnwhè de na tin: azán ṣinawe akla madotónnọ na yín dùdù. ¹⁸Azán tintan lọ mẹ wẹ opli wiwe de na te; mìwlẹ ma na wà hẹkúkúzón de gba: ¹⁹ṣigba mìwlẹ na nọ yí avọnunina de na he yè basi gbọn miyọn dali, avọ́nunina mimé de hlan OKLUNỌ lọ; oyìnsú winyanwinyan awe, po agbò dopo po, lẹngbọvú asú ṣinawe owhè tintan lọ tọn: yé na tin hlan mì matin azọ̀n: ²⁰Po avọ́nunina jinulili yetọn po linfin dagbedagbe yè yí amì do hò: madaotọ atọ̀n wẹ mì na yína na oyìnsú dopo, po madaotọ awe po na agbò dopo lọ; ²¹madaotọ hunkọhunko de wẹ hiẹ na yina na lẹngbọvú lẹngbọvú ṣinawe lẹ lọ tọn dopodopo; ²²po alunkun dopo po na avọ́nunina ylando tọn de, nado basi ovẹ̀se na mì. ²³Mì na nọ yí ehelẹ na dogọ́ avọ́nunina mimẹ̀ afọnnu tọn lọ, he tin na avọ́nunina mimẹ̀ whepoponu ton de. ²⁴Le hunkọ mì na nọ yína do gbèpogbè, na azán ṣinawe, akla avọ́nunina lọ tọn lọ he yè basi gbọn miyọn dali, owán vivi de tọn hlan OKLUNỌ lọ: e na yín yíyína dogọ́ avọ́nunina mimẹ̀ whepoponu tọn lọ, po avọ́nunina nùnù etọn lọ po. ²⁵Podọ to azán sinawetọ lọ gbè mìwlẹ na tindo opli wiwe de; mìlẹ ma na wà hekúkúzọ́n de gba.

²⁶To azán sinséntintan lẹ lọ tọn mẹ ga, whenuena mì yí avọ́nunina jinulili yọ́yọ́ de na hlan OKLUNỌ lọ to hùnwhẹ osè lẹ tọn mìtọn mẹ, mìwlẹ na tindo opli wiwe de; mìwlẹ ma na wà hẹkúkúzọ́n de gba: ²⁷ṣigba míwlẹ na nọ yí avọ́nunina mimẹ̀ de na na owán vivi de hlan OKLUNỌ lọ; oyìnsú winyanwinyan awe, agbò dopo, lẹngbọvú asú owhè tintan lọ tọn ṣinawe; ²⁸po avọ́nunina jinulili yetọn po, linfin dagbedagbe yè yi amì do hò, madaotọ atọ̀n na oyìnsú dopodopo, madaotọ awe na agbò dopo lọ, ²⁹Madaotọ hunkọhunkọ na lẹngbọvu lẹngbọvú ṣinawe lẹ lọ tọn dopodopo; ³⁰alunkun dopo nado basi ovẹ̀se na mì. ³¹Dogó avọ́nunina mimẹ̀ poponu tọn lọ, po avọ́nunina jinulili etọn lọ po, mì na nọ yí yé na (yé na tin hlan mì matin azọ́n) po avọ́nunina nùnù yetọn lẹ po.

¹PODỌ to osùn sinawetọ lọ mẹ, to azán tintan osùn lọ tọn gbè, mìwlẹ na tindo opli wiwe de; mìwlẹ ma na wà hẹkúkúzọ́n de gba: azán kúnkún opèn lẹ tọn de wẹ hlan mì. ²Mìwlẹ nasọ yí avọ́nunina mimẹ̀ de na na owán vivi de hlan OKLUNỌ lọ; oyìnsú winyanwinyan dopo, agbò dopo, lẹngbọvú asú owhè tintan lọ tọn ṣinawe matin azọ̀n: ³po avọ́nunina jinulili yetọn po, linfin dagbedagbe yè yí amì do hò, madaotọ atọ̀n na oyìnsú lọ, madaotọ awe na agbò lọ, ⁴po madaotọ dopo po na lẹngbọvú lẹngbọvú ṣinawe le lọ tọn dopodopo: ⁵po alunkun dopo po na avọ́nunina ylando tọn de, nado basi ovẹ̀se na mì: ⁶dogọ́ avọ́nunina mimẹ̀ osùn yọ́yọ́ lọ tọn, po avọ́nunina jinulili etọn lọ po, po avọ́nunina mimẹ̀ whepoponu tọn lọ po po avọ́nunina jinulili etọn lọ po, po avọ́nunina nùnù yetọn lẹ po, kẹdẹdi ogbèdai yetọn, na owán vivi de, avọ́nunina yè basi gbọn miyọn dali de hlan OKLUNỌ lọ.

⁷Podọ to azán aotọ osùn ṣinawetọ he tọn gbè mìwlẹ na tindo opli wiwe de; mìwlẹ bo nasọ bianukunna alindọn mìtọn lẹ; mìwlẹ ma na wà azọ́n hunkọ de tọn gba: ⁸ṣigba mìwlẹ na yí avọ́nu nina mimẹ̀ de na hlan OKLUNỌ lọ na owán vivi de; oyìnsú winyanwinyan dopo, agbò dopo, lẹngbọvú asú owhè tintan lọ tọn ṣinawe, yé na tin hlan mì matin azọ̀n: ⁹po avọ́nunina jinulili yetọn po, linfin dagbedagbe yè yí amì do hò, madaotọ atọ̀n na oyìnsù lọ, madaotọ awe na agbò dopo lọ, ¹⁰madaotọ hunkọhunkọ na lẹngbọvu lẹngbọvú ṣinawe lẹ lọ tọn dopodopo: ¹¹alunkun dopo na avọ́nunina ylando tọn de; dogó avọ́nunina ylando tọn lọ ovẹ̀se tọn, po avọ́nunina mimẹ̀ whepoponu tọn lọ po, po avọ́nunina jinulili etọn lọ po, po avọ́nunina nùnù yetọn lẹ po.

¹²Podọ to azán fọtọ̀ntọ osùn sinawetọ lọ tọn gbè míwlẹ na tindo opli wiwe de; mìwlẹ ma na wà sinsẹ̀nzọ́n de gba, mìwlẹ nasọ payi hùnwhẹ de go hlan OKLUNỌ lọ azán ṣinawe: ¹³mìwlẹ nasọ yí avọ́nunina mimẹ̀ de na, avọ́nunina yè basi gbọn miyọn dali de, owán vivi tọn de hlan OKLUNỌ lọ; oyìnsu winyanwinyan wiatòn, agbò awe, lẹngbọvu asú owhè tintan lọ tọn wiẹnẹ; yé na tin matin azọ̀n: ¹⁴po avọ́nunina jinulili yetọn po, lintin dagbedagbe yè yí amì do hò, madaotọ atọ̀n na oyìnsú oyìnsú wiatòn lẹ lọ tọn dopodopo, madaotọ awe na agbò agbò awe lẹ lọ tọn dopodopo, ¹⁵po madaotọ hunkọhunkọ de po na lẹngbọvu lẹngbọvu wiẹnẹ lẹ lọ tọn dopodopo: ¹⁶po alunkun dopo po na avọ́nunina ylando tọn de; dogó avọ́nunina mimẹ̀ whepoponu tọn lo, avọ́nunina jinulili etọn lọ, po avọ́nunina nùnù etọn po.

¹⁷Podọ to azán awẹtọ lọ gbè mìwlẹ na yí oyìnsú winyanwinyan wiawe na, agbò awe, lẹngbọvu asú owhè tintan lọ tọn wẹnẹ matin azọ̀n: ¹⁸po avọ́nunina jinulili yetọn po po avọ́nunina nùnù yetọn po na oyìnsú lẹ lọ, na agbò lẹ lọ, podọ na lẹngbọvú lẹ lọ, kẹdẹdi osọha yetọn, kẹdẹdi ogbèdai lọ: ¹⁹po alunkun dopo po na avọ́nunina ylando tọn de; dogọ́ avọ́nunina mimẹ̀ whepoponu tọn lọ, po avọ́nunina jinulili etọn po, po avọ́nunina nùnù yetọn lẹ po.

²⁰Podọ to azán atọ̀ntọ lọ gbè oyìnsú widopo, agbò awe, lẹngbọvú asú owhè tintan lọ tọn wiẹnẹ matin azọ̀n; ²¹po avọ́nunina jinulili yetọn po po avọ́nunina nùnù yetọn lẹ po na oyìnsú lẹ lọ, na agbò lẹ lọ, podọ na lẹngbọvú lẹ lọ, kẹdẹdi osọha yetọn, kẹdẹdi ogbèdai lọ: ²²po alunkun dopo po na avọ́nunina ylando tọn de; dogó avọ́nunina mimẹ̀ whepoponu tọn lọ, po avọ́nunina jinulili etọn lọ po, po avọ́nunina nùnù etọn lọpọ.

²³Podọ to azán ẹnẹtọ lọ gbè oyìnsú ao, agbò awe, lẹngbọvú asú owhè tintan lọ tọn wiẹnẹ matin azọ̀n: ²⁴avọ́nunina jinulili yetọn po avọ́nunina nùnù yetọn lẹ po na oyìnsú lẹ lọ, na agbò lẹ lọ, podọ na lẹngbọvú lẹ lọ, kẹdẹdi osọha yetọn, kẹdẹdi ogbèdai lọ: ²⁵po alunkun dopo po na avọ́nunina ylando tọn de; dogọ́ avọ́nunina mimẹ̀ whepoponu tọn lọ, avọ́nunina jinulili etọn lọ, po avọ́nunina nùnù etọn po.

²⁶Podọ to azán atónto lọ gbè oyìnsú ṣìnẹnẹ, agbò awe, lẹngbọvú asú owhè tintan lọ tọn wiẹnẹ matin azọn: ²⁷po avọ́nunina jinulili yetọn po po avọ́nunina nùnù yetọn lẹ po na oyìnsú lẹ lọ, na agbò lẹ lọ, podọ na lẹngbọvu lẹ lọ, kẹdẹdi osọha yetọn, kẹdẹdi ogbèdai lọ: ²⁸po alunkun dopo po na avọ́nunina ylando tọn de; dogọ́ avọ́nunina mimẹ̀ whepoponu tọn lọ, po avọ́nunina jinulili etọn lọ po, po avọ́nunina nùnù etọn lọ po.

²⁹Podọ to azán ṣidopotọ lọ gbè oyìnsú ẹinatòn, agbò awe, lẹngbọvu asú owhè tintan lọ tọn wiẹnẹ matin azón: ³⁰po avọ́nunina jmuliíi yetọn po po avọ́nunina nùnù yetọn lẹ po na oyìnsú lẹ lọ, na agbo lẹ lọ, podọ na lẹngbọvú lẹ lọ kẹdẹdi osọha yetọn, kẹdẹdi ogbèdai lọ: ³¹po alunkun dopo po na avọ́nunina ylando tọn de; dogọ́ avọ́nunina mimẹ̀ whepoponu tọn lọ, avọ́nunina jinulili etọn lọ, po avọ́nunina nùnù etọn lọ po.

³²Podọ to azán ṣinawetọ lọ gbè oyìnsú ṣinawe, agbo awe, lẹngbọvu asú owhè tintan lọ tọn wiẹnẹ matin azọ̀n: ³³po avọ́nunina jinulili yetọn po po avọ́nunina nùnù yetọn lẹ po na oyìnsú lẹ lọ, na agbò lẹ lọ, podọ na lẹngbọvu lẹ lọ, kẹdẹdi osọha yetọn, kẹdẹdi ogbèdai lọ: ³⁴Po alunkun dopo po na avọ́nunina ylando tọn de; dogó avọ́nunina mimẹ̀ whepoponu tọn lọ, po avọ́nunina jinulili etọn lọ po, po avọ́nunina nùnù etọn lọ pọ.

³⁵Podọ to azán ṣìnatòntọ lọ gbè mì na tindo agùnplidopọ ayidego de: míwlẹ ma na wà azón hẹkúkú tọn de gba: ³⁶ṣigba mìwlẹ na yí avọ́nunina mimẹ̀ de na, avọ́nunina yè basi gbọn miyọn dali de, owán vivi de tọn hlan OKLUNỌ lọ: oyìnsú dopo, agbò dopo, lẹngbọvu asá owhè tintan lọ tọn ṣinawe matin azọ̀n: ³⁷avọ́nunina jinulili yetọn po avọ́nunina nùnò yetọn lẹ po na oyìnsú lọ, na agbò lọ, podọ na lẹngbọvu lẹ lọ na yín kẹdẹdi osọha yetọn, kẹdẹdi ogbèdai lọ: ³⁸po alunkun dopo po na avọ́nunina ylando tọn de; dogó avọ́nunina mimẹ̀ whepoponu tọn lọ, po avọ́nunina jinulili etọn lọ po, po avọ́nunina nùnù etọn lọ po.

³⁹Ehelẹ wẹ mì na nọ yína hlan OKLUNỌ lọ to hùnwhẹ dido mìtọn lẹ mọ, dogó padido mìtọn lẹ, po avọ́nunina ojlo mẹ tọn mìtọn lẹ po, na avọ́nunina mimẹ̀ mìtọn lẹ, podọ na avọ́nunina jinulili mìtọn lọ, podọ na avọ́nunina nùnù mìtọn lẹ, podọ na avọ́nunina jijọho tọn mìtọn lẹ. ⁴⁰Moṣe sọ dọ na ovi Islaeli tọn lẹ lọ kẹdẹdi ehe OKLUNỌ lọ degbèna Moṣe lẹpo.

¹MOSE sọ dọhó hlan nukọntọ whẹndo ovi Islaeli tọn lẹ lọ tọn lẹ, dọmọ, Ehe wẹ onú lọ he OKLUNỌ lọ ko degbèna. ²Whenuena sunnusi de do opa de hlan OKLUNỌ lọ, kavi whle whiwhle de nado yí mẹglọninọ de do dogàn alindọn etọn, ewọ ma na hẹn ohó etọn nu gba; ewọ na wà kẹdẹdi ehe tón sọn onù etọn mẹ jẹgbonu lẹpo. ³Eyín yọnnusi de ga do opa de hlan OKLUNỌ lọ, bo gbọn mẹglọninọ de dali bla ede, tintin to owhé otọ́ etọn tọn gbè, to ovú whenu etọn mẹ; ⁴bọ otọ́ etọn sè opadido etọn, po mẹglọninọ etọn po ehe é yí do bla alindọn etọn, bọ otọ́ etọn whónyín do ogo nó; whenẹnu opadido etọn lẹ na nọte, podọ meglọninọ he é ko do bla alindọn etọn dopodopo nasọ nọte. ⁵Ṣigba eyín otọ́ etọn gbẹ́na ẹn to azán he gbè é sè te; opadido etọn lẹ de kavi mẹglọninọ etọn lẹ he é ko do bla alindọn etọn ma na nọte gba: OKLUNỌ lọ nasọ jona ẹn, na otọ́ etọn gbẹ́na ẹn wutu. ⁶Podọ eyín ewọ yín alọwletọ hlan asú de, whenuena opadido etọn lẹ tin to e ji, kavi ohó yawu dọ nùflo etọn lẹ tọn, ehe é ko do bla alindọn etọn; ⁷bọ asú etọn sè e bo whẹnyín do ogo nẹ̃ to azán he gbè é sè e te: whenẹnu opádido etọn lẹ na nọte, podọ mẹglọninọ etọn lẹ ehe é ko yí do bla alindọn etọn nasọ nọte. ⁸Ṣigba eyín asú etọn gbẹ́na ẹn to azán he gbè é sè e te; whenẹnu ewọ na hẹn opadido etọn he tin to e ji zùn ovó, po ohó yawu dọ nùflo etọn lẹ tọn po ehe ewọ ko do bla alindọn etọn: OKLUNỌ lọ bo nasọ jona nẹ. ⁹Ṣigba opadido asúṣiọsi de tọn lọ, kavi ewọ he yè gbédai tọn, yèdọ onú he ewọ ko do bla alindọn etọn lẹpo, na nọte to kọji nẹ. ¹⁰Podọ eyín ewọ dopa to owhé asú etọn tọn gbè, kavi bla alindọn etọn gbọn mẹglọninọ de dali po whiwhle de po, ¹¹bọ asú etọn sè e, bo whẹnyín do ogo né, bo ma gbéna ẹn gba: whenẹnu opadido etọn lẹpo na nọte, podọ mẹglọninọ dopodopo he ewọ ko do bla alindọn atọn nasọ nọte. ¹²Ṣigba eyín asú etọn hẹn yé zùn malódo podọ ovó to azán he gbè e sè yé te; whenẹnu núdepope he tón sọn nùflo etọn lẹ mẹ jẹgbonu gbọn opadido etọn lẹ tọn dali, kavi gbọn mẹglọninọ alindọn etọn tọn lọ dali, ma na nọte gba: asú etọn ko hẹn yé zùn ovó; OKLUNỌ lọ nasọ jona ẹn. ¹³Opadido lepo po bibla whiwhle tọn lẹpo po nado bianukunna alindọn lọ asú etọn sọgan hẹn ẹn lódo, kavi asú etọn sọgan hẹn ẹn zùn ovọ ¹⁴Ṣigba eyín asú etọn whẹ́nyín do ogo nẹ́ patapata sọn azán jẹ azán; whenẹnu ewọ na hẹn opadido etọn lẹpo lódo, kavi mẹglọninọ etọn lẹpo he tin to e ji: ewọ ko hẹn yé lódo, na ewọ ko whẹnyín do ogo nẹ́ wutu to azán he gbè e sè yé te. ¹⁵Ṣigba eyín ewọ na hẹn yé zùn malódo podọ ovó to godo he ewọ ko sè yé; whenẹnu ewọ na zé ylanwà etọn hẹn. ¹⁶Ehelẹ wẹ asedai lẹ lọ he OKLUNỌ lọ degbèna Moṣe, to sunnu de po asi etọn po ṣẹnṣẹn, to otọ de po viyọnnu etọn po ṣẹnṣẹn, tintin to OVU etọn mẹ, to owhé otọ etọn tọn gbè.

¹OKLUNỌ lọ sọ dọhó hlan Moṣe, dọmọ, ²Yíahọsu ovi Islaeli tọn lẹ tọn to Midianinu lẹ lọ go: enẹgodo hiẹ na yín bibépli hlan omẹ towe lẹ de. ³Moṣe sọ dọhó hlan gbẹtọ lẹ lọ, dọmọ, Mì blagbajana sunnu lẹ sọn mì ṣẹnṣẹn na awhàn lọ, na yé nido yì Midiani ji, nado hẹn ahọsuyí OKLUNỌ lọ tọn ṣẹ to Midiani go. ⁴Fọtón dopo sọn whẹndo dopodopo mẹ, gbọn whẹndo Islaeli tọn lọ lẹpo mẹ, wẹ mì na dohlan awhàn lọ. ⁵Mowẹ yè jó, sọn fọtọ́n omẹ Islaeli tọn lẹ lọ mẹ, fọtọ́n dopo sọn whẹndo dopodopo mẹ, fọtọ́n wiawe blagbajana na awhàn. ⁶Moṣe sọ do ye hlan, fọtọ́n dopo sọn whẹndo dopodopo mẹ, hlan awhàn lọ, yé po Finehasi po visunnu Eleazali yẹwhenọ lọ tọn, jẹ awhàn lọ, po núzinzán fiwiwe lọ tọn lẹ po po opẹ́n lẹ lọ po na zínhihò lọ to alọ etọn mẹ. ⁷Yé sọ funawhàn hẹ Midiani, dile OKLUNỌ lọ degbèna Moṣe do: yé sọ hù sunnusi lẹ dopodopo ⁸Yé sọ hù ahọlu Midiani tọn lẹ po pipòtọ alántọsiọ yetọn lẹ tọn po; Evi, po Lekimi po, po Zuli po, po Huli po, po Leba po, ahọlu Midiani tọn atón lẹ: yé sọ yí ohi lọ do hù Balaami visunnu Beoli tọn lọ ga. ⁹Ovi Islaeli tọn lẹ sọ wle yọnnu Midiani tọn lẹ mẹglọnọ po omẹ flinflin yetọn lẹ po; podọ kanlinyìnyìn yetọn lẹpo, po kanlinpá yetọn lẹpo po, po agbàn yetọn lẹpo po, yé bó na ogblannú de. ¹⁰Podọ todaho yetọn lẹpo to otẹn he mẹ yé nọnọ lẹ mẹ, po oslahọ̀ yetọn lẹpo po, wẹ yé yí miyọn do mẹ̀. ¹¹Yé sọ bé nújawla lọ lẹpo, po ogblannú lọ lẹpo po, gbẹtọ tọn po kanlin tọn po. ¹²Yé sọ hẹn mẹglọnọ lẹ lọ wá, po ogblannú lẹ lọ po, po nújawla lẹ lọ po, jẹ Moṣe de, podọ jẹ Eleazali yẹwhenọ lọ de, podọ jẹ agùn ovi Islaeli tọn lẹ lọ tọn de, jẹ osla lọ kòn to danfáfá Moabi tọn lẹ lọ ji, he tin to Jọdani dali to Jẹliko.

¹³Moṣe, po Eleazali yẹwhenọ lọ po, po ogán agùn lọ tọn lẹpo po, jẹgbonu yì nado pé ye to osla lọ godo. ¹⁴Moṣe sọ yín homẹgblenọ do azọngán awhànpa lọ tọn lẹ go, awhàngán fọtọ́n lẹ lọ tọn le po awhàngán kanweko lẹ tọn lẹ lọ po, he gọ sọn sinsẹ̀nzọ́n awhàn lọ tọn mẹ. ¹⁵Moṣe sọ dọ hlan yé dọ, Mì ko hla yọnnusi lẹ pó dogbẹ́ wẹ? ¹⁶Dayi e go, ehelẹ wẹ hẹn ovi Islaeli tọn lẹ lọ, gbọn hónamẹ Balaami tọn mẹ, nado wà sẹ́nmẹjẹnú do OKLUNỌ lọ go to owhẹ́hó Peoli tọn lọ mẹ, mọwẹ azònylankan lọ do tin to agùn OKLUNỌ lọ tọn lọ ṣẹnṣẹn. ¹⁷Enẹwutu dinvie, mì hù sunnusi lẹpo to omẹ flinfiin lẹ lọ mẹ, bo sọ hù yọnnusi lẹ lọ lẹpo he ko yón sunnu gbọn aimlọn po e po dali. ¹⁸Ṣigba yọ̀pọ yọnnusi lẹ lọ lẹpo he ma ko yón sunnu gbọn aimlọn po e po dali, mì hla dogbẹ́ na mìde. ¹⁹Mì ni sọ dosla do osla lọ godo azán ṣinawe: mẹdepope he ko hù gbẹtọ de, podọ mẹdepope he ko doalọ alántọsiọ de go, mì lé mìde wé to azán atọ̀ntọ gbè podọ to azán sinawetọ gbè, mìlẹ po mẹglọnọ mìtọn lẹ po. ²⁰Podọ na awu lẹ pó tọn, podọ ehe yè basi sọn ayú me lẹ pó, podọ azón sọn ofún gbọgbọẹ lẹ tọn mẹ lẹpo, podọ onú he yè basi sọn atin mẹ lẹpo, mì na léwe na mìde ²¹Eleazali yẹwhenọ lọ sọ dọ hlan omẹ awhàn tọn lẹ lọ he yì jẹ awhànfùntẹn lọ dọmọ, Ehe wẹ asedai osén lọ tọn he OKLUNỌ lọ degbèna Moṣe: ²²gãnṣo sika lọ po fataka lọ po, ogànvẹ̃ lọ, ogànyù lọ, po osùnmí lọ po, ²³onú he sọgan nọhẹ miyọn dopodopo, mìlẹ na hẹn gbọn miyọn mẹ yì, é bo nasọ yín wiwé; gãnṣo e na yín yíyí osìn klandovo tọn do lẹ́ ẹ wé: podo ehe ma sọgan nọhẹ miyọn lọ mì na hẹn gbọn osìn mẹ yì. ²⁴Mìlẹ nasọ yàn avọ̀ mìtọn lẹ to azán ṣinawetọ lọ gbè, mì bo nasọ yin wiwé, enẹgodo mì bo na wá osla lọ mẹ.

²⁵OKLUNỌ lọ sọ dọhó hlan Mo-je, dọmọ, ²⁶Yí olẹndopọ ogblannú he yè bó lọ lọ tọn, gbẹtọ tọn po kanlin tọn po, hiẹ, po Eleazali yẹwhenọ lọ po, po nukọntọ owhé otọ́ lẹ lọ tọn lọ tọn po sọn agùn lọ mẹ: ²⁷bo má ogblannú lẹ lọ do donu awe; to sunnu zìnzìntọ to awhàn mẹ, he jẹgbonu yì jẹ awhànfùntẹn, po agùn lọ lẹpo po ṣẹnṣẹn: ²⁸bo sinyan onújọ de hlan OKLUNỌ lọ sọn gbẹtọ awhàn tọn lẹ lọ si he jẹgbonu yì jẹ awhànfùntẹn mẹ: alindọn sọn fòwekanweko mẹ, gbẹtọ lẹ lọ tọn, po oyin lẹ tọn po, po kẹtẹkẹtẹ lẹ tọn po, po kanlinpá lẹ tọn po: ²⁹yí i sọn odá yetọn mẹ, bo yí i na hlan Eleazali yẹwhenọ lọ, na avọ́nunina zédlanga OKLUNỌ lọ tọn. ³⁰Podọ sọn odá ovi Islaeli tọn lọ lọ tọn mẹ, hiẹ na yí dopo dindọn jegbonu sọn kandeao dopodopo mẹ, sọn gbẹtọ lẹ lọ mẹ, sọn oyin lẹ lọ mẹ, sọn kẹtẹkẹtẹ lẹ lọ mẹ, podọ sọn kanlinpa lẹ lọ mẹ, yèdọ sọn kanlinyìnyìn lẹ lọ mẹ, bo yí yé na hlan Levinu lẹ lọ, he to aṣẹ gohọ̀túntún OKLUNỌ tọn lọ tọn go payi. ³¹Moṣe po Eleazali yẹwhenọ lọ po sọ wà dile OKLUNỌ lọ degbèna Moṣe do. ³²Dinvie ogblannú lọ, he lán bo hugán ojawla lọ yín lẹngbọ fọtọ́n nuọntónkandegbàntón, ³³oyin lẹ fọtọ́n kandegbànnukunawe, ³⁴kẹtẹkẹtẹ lẹ fọtọ́n kandekonukundopo, ³⁵po gbẹtọ lẹpo po dopọ sọn yọnnu he ma ko yón sunnu lẹ mẹ gbọn aimlon po e po dali, fọtọ́n gbànnukunawe. ³⁶Podọ odá lọ, he yín mimá yé he jegbonu yì jẹ awhànkọn lẹ tọn, yin to osọha mẹ, lẹngbọ fọtọ́n fọdekantọ̀nfọtónnukunawe po fowekanweko po: ³⁷podọ onújọ OKLUNỌ lọ tọn lọ sọn lẹngbọ lẹ mẹ yín nuọntọnkandegbàntón. ³⁸Podọ oyin lẹ yín fọtọ́n gbàntónnukundopo; sọn ehe mẹ onújọ OKLUNỌ tọn lọ yín kandegbànnukunawe. ³⁹Podọ kẹtẹkẹtẹ lẹ lọ yín fọtọ́n ogbàn po fòwekanweko po; sọn ehe mẹ onújọ OKLUNỌ tọn lọ yín kandekonukundopo. ⁴⁰Podọ gbẹtọ lẹ lọ yín fọfón fọtọ̀nnukundopo; sọn mẹhe mẹ onújọ OKLUNỌ tọn lọ yín gbẹtọ gbànnukunawe. ⁴¹Moṣe bo sọ yí onújọ lẹ he yín avọ́nunina zédlanga OKLUNỌ tọn lọ na hlan Eleazali yẹwhenọ lọ dile OKLUNỌ lọ degbèna Moṣe do ⁴²Podọ sọn odá ovi Islaeli tọn lọ lọ tọn mẹ, he Moṣe má sẹ sọn omẹ he funawhàn lẹ si, ⁴³(dinvie odá agùn lọ tọn lọ, yín lẹngbọ fọtọ́n fọdekantọ̀nfọtọ̀nnukunawe po fòwekanweko po, ⁴⁴podọ oyin lẹ fọtọ́n gbàntónnukundopo, ⁴⁵podọ kẹtẹkẹtẹ lẹ fọtọ́n ogbàn po fòwekanweko po, ⁴⁶podọ gbẹtọ lẹ fọtọ́n fọtọ̀nnukundopo;) ⁴⁷yèdọ sọn odá ovi Islaeli tọn lẹ lọ tọn mẹ, Moṣe yi dopo dindọn jẹgbonu sọn kandeao dopodopo mẹ gbẹtọ tọn po kanlin tọn po, bo yi yé na hlan Levinu lẹ lọ he to aṣẹ gohọ̀túntún OKLUNỌ tọn lọ tọn go payi; dile OKLUNỌ lọ degbèna Moṣe do. ⁴⁸Azọ́ngán lẹ lọ he tin to fọtọ́n awhanpa lẹ lọ tọn ta, awhàngán fọtọ́n lẹ lọ tọn lẹ, po awhàngán kanweko lẹ lọ tọn lẹ po, sẹpọ́ wá jẹ Moṣe de: ⁴⁹yé dọ hlan Moṣe dọmọ, Devi towe lẹ ko yí olẹndopọ omẹ awhàn tọn lẹ lọ tọn he tin to asẹ mítọn glọ, podọ sunnusi mí tọn dopo ma whè gba. ⁵⁰Podọ mí ko sọ hẹn avọ́nunina OKLUNỌ tọn lọ wá, núhe omẹ dopodopo ko tindo, asọdonú sika tọn lẹ, ogódó sislo lẹ, awàgán lẹ, alọkẹ ohia tọn lẹ, otómẹgàn lẹ, po okòkle lẹ po, nado basi ovẹ̀se na alindọn mítọn lẹ to OKLUNỌ lọ nukọn. ⁵¹Moṣe po Eleazali yẹwhenọ lọ po sọ yí sika lọ sọn yé si, yèdo asọdonu tùntùn lẹpo. ⁵²Po sika avọ́nunina zédlanga lọ tọn lẹpo po he yé yína hlan OKLUNỌ lọ, sọn awhàngán fọtọ́n lẹ lọ tọn lẹ si, podọ sọn awhàngán kanweko lẹ lọ tọn lẹ si, yín ṣekẹli fọtọ́n fọtọ̀nnukundopo po nuọntọ̀nkantọ̀ngbàn po. ⁵³(Na omẹ awhàn tọn lẹ lọ ko yí ojawla, omẹ dopodopo na ede.) ⁵⁴Moṣe po Eleazali yẹwhenọ lọ po sọ yi sika lọ sọn awhàngán fọtọ́n lẹ lọ tọn lẹ si podọ sọn kanweko lẹ tọn lẹ si, bo hẹn ẹn wá ogohó opli tọn lọ mẹ, na oflinnú de na ovi Islaeli tọn lẹ lọ to OKLUNỌ lọ nukọn.

¹DINVIE ovi Lẹubeni tọn lẹ lọ po ovi Gadi tọn lẹ lọ po tindo ogégé kanlinyìnyìn lẹ tọn daho: podọ whenuena yé mọ aigba Jazeli tọn lọ, po aigba Gileadi tọn lọ po, enẹ, dayi e go, otẹn lọ otẹn de na kanlinyìnyìn wẹ; ²ovi Gadi tọn lẹ po ovi Lẹubeni tọn le lọ po wá bo dọhó hlan Moṣe, podọ hlan Eleazali yẹwhenọ lọ, podọ hlan ogán agùn lọ tọn lẹ dọmọ, ³Ataloti, po Diboni po, po Jazeli po, po Nimla po, po Hẹṣboni po, po Eleale po, po Sebami po, po Nebo po, po Beoni po, ⁴aigba he OKLUNỌ lọ hò to agùn Islaeli tọn lọ nukọn, aigba de na kanlinyìnyìn wẹ, devi towe lẹ sọ tindo kanlinyìnyìn. ⁵Yé sọ dọmọ, Eyín míwlẹ ko mọ ojọmiọn to nukun towe mẹ, gbọ aigba he ni yín nina hlan devi towe lẹ na nútindo de; hiẹ sọ hẹn mi wá Jọdani godo blo. ⁶Moṣe sọ dọ hlan ovi Gadi tọn lẹ lọ podọ hlan ovi Lẹubeni tọn lẹ lọ dọmọ. Mẹmẹsunnu mìtọn lẹ na yì jẹ awhàn lọ kón, bọ mìwlẹ na sín ofi? ⁷Podọ etẹwutu mìwlẹ hẹnagbọpé ayiha ovi Islaeli tọn lẹ lọ tọn sọn yìyì aigba he OKLUNỌ lọ ko na yé lọ mẹ? ⁸Le wẹ otọ́ mìtọn lẹ wà do, whenuena yẹn do yé hlan sọn Kadiṣ-balnea mẹ nado pọ́n aigba lọ. ⁹Na whenuena yé yì aga jẹ agbadò Eṣkoli tọn lọ mẹ, bo mọ aigba lọ, yé hẹnagbọpé ayiha ovi Islaeli tọn lẹ lọ tọn, na yé ma na do sọgan yì jẹ aigba he OKLUNỌ lọ ko na yé lọ mẹ. ¹⁰Yè sọ hẹn adi OKLUNỌ lọ tọn jimiyọn to gbenẹgbè, é bo sọ whle, dọmọ, ¹¹Nugbonugbo ode sọn omẹ he hẹji jẹgbonu sọn Egipti mẹ wá lẹ tọn, sọn owhè òko mẹho podọ humọ, ma na mọ aigba lọ he yẹn whle hlan Ablaham, hlan Isaki, podọ hlan Jakob gba: na yé ma ko hodo mi petepete wutu: ¹²adavo Kalebi visunnu Jẹfunnẹ tọn lọ Kẹnizinu lọ, po Jọsua visunnu Nuni tọn lọ po: na yé ko hodo OKLUNỌ lọ petepete wutu. ¹³Yè sọ hẹn adi OKLUNỌ lọ tọn jimiyọn do Islaeli ji, é bo sọ hẹn yé sàléle yígodo yìnukọn to zùngbo lọ mẹ owhè kande, kaka whẹndo lọ lẹpo, he ko wà oylan to nukun OKLUNỌ lọ tọn mẹ, yín súsúdo ¹⁴Podọ, dayi e go, mìwlẹ tite to otẹn otọ́ mìtọn lẹ tọn mẹ, osùdeji gbẹtọ ylando lẹ tọn de, nado sọ do dotlanna adi zògbe OKLUNỌ lọ tọn hlan Islaeli dali. ¹⁵Na eyín mìle lẹ́ sọn godo etọn é na gbé sọ jó yé do zùngbo lọ mẹ; mìwlẹ bo nasọ và omẹ he lẹpo. ¹⁶Yé sọ wá sẹpọ jẹ e de, bo dọmọ, Míwlẹ na do lẹngbọpó lẹ do ofi na kanlinyìnyìn mítọn lẹ, po tòdaho lẹ po na omẹ flinflin mítọn lẹ: ¹⁷ṣigba mí lọsu na yín biblagbajana dote nado to yìyì to ovi Islaeli tọn lẹ lọ nukọn, kaka mí ko do hẹn yé wá jẹ otẹn yetọn mẹ: omẹ flinflin mítọn lẹ bo na nọnó tòdaho dòkọnọ lẹ mẹ na tòmẹnu aigba lọ tọn lẹ lọ tọn wutu. ¹⁸Míwlẹ ma na lẹ́gọ̀ jẹ owhé mítọn lẹ gbè gba, kaka ovi Islaeli tọn lẹ lọ ko yígú omẹ dopodopo ogú etọn. ¹⁹Na míwlẹ ma na yígù po yé po to awà dóntọn Jọdani tọn ji gba, podọ donukọn; na ogú mítọn jẹ mi si to awà détọn Jọdani tọn ji hlan whèzẹtẹn dali wutu. ²⁰Moṣe sọ dọ hlan yé dọmọ, Eyín mìwlẹ na wà onú he; eyín míwlẹ na blagbajana mìde nado to yìyì to OKLUNỌ lọ nukọn jẹ awhàn lọ, ²¹bọ omẹ gbajanọ mì tọn dopodopo na juyì Jọdani godo to OKLUNỌ lọ nukọn, kaka é ko dò yàn kẹ́ntọ etọn lẹ jẹgbonu sọn nukọn etọn, ²²bọ aigba lọ yín hihòhuwhéna to OKLUNỌ lọ nukọn: whenẹnu enẹgodo mìwlẹ na lẹ́gọ̀, bo tin matinwhẹ̀gbledo hlan OKLUNỌ lọ dali, podọ hlan Islaeli dali, aigba he bo na yín nútindo de hlan mì to OKLUNỌ lọ nukọn. ²³Ṣigba eyín míwlẹ ma na wà mọ gba, dayi e go, míwlẹ ko wàylando do OKLUNỌ lọ go: bo yin yọnẹnnọ dọ ylando mìtọn na din mì mọ. ²⁴Mì do tòdaho lẹ na omẹ flinflin mìtọn lẹ, po apó lẹ po na lẹngbọ mìtọn lẹ; bo sọ wà enẹ be ko tón sọn onù mìtọn mẹ jẹgbonu. ²⁵Ovi Gadi tọn lẹ lọ po ovi Lẹubeni tọn lẹ lọ po sọ dọhó hlan Moṣe, dọmọ, Devi towe lẹ na wà dile OKLUNỌ ṣie degbèna do. ²⁶Omẹ flinflin mítọn le, asi mítọn lẹ, kanlinpá mítọn lẹ, pó kanlinyìnyìn mítọn lẹpo po, na tin to tòdaho Gileadi tọn lẹ lọ mẹ finẹ: ²⁷ṣigba devi; towe lẹ na juyì gododọ̃n, omẹ dopodopo he yè blagbajana na awhàn, to OKLUNỌ LỌ nukọn jẹ awhànfùntẹn, dile OKLUNỌ ṣie dọ do.

²⁸Mowẹ Moṣe na asẹ gbọn yé tọn dali hlan Eleazali yẹwhenọ lọ do, podọ hlan Jọṣua visunnu Nuni tọn lọ, podọ hlan nukọntọ owhé otọ́ whẹndo ovi Islaeli tọn lẹ tọn tọn lẹ tọn. ²⁹Mòṣe sọ dọ hlan yé dọmọ, Eyín ovi Gadi tọn lẹ lọ po ovi Lẹubeni tọn lẹ lọ po na juyì Jọdani gododọn po mì po, omẹ dopodopo he yè blagbajana jẹ awhànfùntẹn, to OKLUNỌ lọ nukọn, bọ aigba lọ yín hihòhuwhẹ́na to mì nukọn: whenẹnu mì na na aigba Gileadi tọn lọ yé na nútindo de: ³⁰ṣigba eyín yé ma na juyì gododọ̃n biblagbajana po mì po gba, yé na tindo nútindo lẹ to mì ṣẹnṣẹn to aigba Kanani tọn lọ mẹ. ³¹Ovi Gadi tọn lẹ lọ po ovi Lẹubeni tọn lẹ lọ po sọ gblọn, dọmọ, Le OKLUNỌ lọ ko dọ hlan devi towe lẹ do, mọ mìlẹ na wà do ³²Mìwlẹ na juyì gododọ̃n bìblagbajana to OKLUNỌ lọ nukọn jẹ aigba Kanani tọn lọ mẹ, nútindo ogú mítọn tọn lọ na tin mí si to Jọdani godo. ³³Moṣe sọ yi na hlan yé, yèdọ hlan ovi Gadi tọn lẹ lọ, podọ hlan ovi Lẹubeni tọn lẹ lọ, podọ hlan odá whẹndo Manasse tọn lọ visunnu Josẹfu tọn lọ, ahọludu Sihoni ahọlu Amolinu lẹ tọn lọ tọn, po ahọludu Ogi ahọlu Baṣani tọn lọ tọn po, aigba lọ, kẹdẹdi todaho etọn lẹ po agboji yetọn lẹ po, yèdọ todaho aigba lọ tọn lẹpo lẹ́do. ³⁴Ovi Gadi tọn lẹ lọ sọ do Diboni, po Ataloti po, po Aloeli po; ³⁵po Atlotisofani po, po Jazeli po, po Jogbeha po; ³⁶po Beti-nimla po, po Beti-halani po, tòdaho odòkọnọ lẹ, po apó lẹ po na lẹngbọ lẹ. ³⁷Ovi Lẹubeni tọn lẹ lọ sọn Hẹṣbọni, po Eleale po, po Kiliataimi po; ³⁸po Nebo po, po Baali-meoni po, (oyin yetọn lẹ yínyín didiọ,) po Sibma po: bo sọ na oyín devo tòdaho he é do lẹ lọ. ³⁹Podọ ovi Makili tọn lẹ visunnu Manasse tọn lọ yì jẹ Gileadi, bo yí i, bo yàn Amolinu he tin to e mẹ lẹ. ⁴⁰Moṣe sọ yí Gileadi na hlan Makli visunnu Manasse tọn lọ; ewọ bo sọ nọnọ̀ e mẹ. ⁴¹Podọ Jaili visunnu Manasse tọn lọ sọ yì bo yí tòpẹvi etọn lẹ, bo nọ ylọ yé dọ Havotijaili. ⁴²Podọ Noba sọ yì bo yí Kenate, po gbetatò etọn lẹ po, bo nọ ylọ ẹ Noba, kẹdẹdi oyín etọn lọsu.

¹EHELẸ wẹ gbéjizọnlin ovi Islaeli tọn lẹ lọ tọn lẹ, whenuena yé jẹgbonu tón sọn aigba Egipti tọn lọ ji yì gbọn awhànpa yetọn lẹ dali to alọ Moṣe po Aalọn po tọn glọ. ²Moṣe sọ wlanwé tintón jẹgbonu yì yetọn lẹ tọn kẹdẹdi gbéjizọnlin yetọn lẹ gbọn gbèdide OKLUNỌ lọ tọn dali: podọ ehelẹ sọ wẹ gbéjizọnlin yetọn lẹ kẹdẹdi tintón jẹgbonu yì yetọn lẹ, ³Yé yígbéjizọnlin yetọn sọn Lamesesi to osùn tintan lọ mẹ, to azán fọtọ̀ntọ osùn tintan lọ tọn gbè; to azán awetọ gbè to juwayi lọ godo ovi Islaeli tọn lẹ lọ jẹgbonu yì po awà yìji de po to nukun Egiptinu lẹ lọ lẹpo tọn mẹ, ⁴whenuena Egiptinu lẹ lọ to plọnji yetọn lẹ siọdi, he OKLUNỌ lọ ko hò to yé ṣẹnṣẹn: OKLUNỌ lọ sọ hẹn whẹ́dída lẹ ọ sẹ to ovòdún yetọn lẹ ji ga. ⁵Ovi Islaeli tọn lẹ lọ sọ yígbéjizọnlin sọn Lamesesi mẹ, bo whèsla do Sokoti mẹ. ⁶Yé sọ yígbéjizọnlin sọn Sokoti mẹ, bo whèsla do Etami mẹ, he tin to otónu zùngbo lọ tọn. ⁷Yé sọ yígbéjizọnlin sọn Etami mẹ, bo sọ lẹ́ dogodo jẹ Pihahilotì mẹ, he tin to Baali-zefoni nukọn, yé sọ whèsla do Migdoli nukọn. ⁸Yé sọ yígbéjizọnlin sọn Hahiloti nukọn bo gbọn gblagbla ohù tọn mẹ jẹ zùngbo lọ mẹ: yé sọ yì azàn atọ́n gbéjizọnlin to zùngbo Etami tọn lọ mẹ, bo whèsla do Mala mẹ.

⁹Yé sọ yígbéjizọnlin sọn Mala mẹ, bo wá jẹ Elimi mẹ: podọ to Elimi mẹ wẹ owhín osìn tọn wiawe te po odetin kandegbàn po; yé sọ whèsla do finẹ. ¹⁰Yé yígbéjizọnlin sọn Elimi mẹ, bo whèsla do Ohù Vẹ̃ lọ dali. ¹¹Yé yígbéjizọnlin sọn Ohù Vẹ̃ lọ kòn, bo whèsla do zùngbo Sini tọn lọ mẹ. ¹²Yé yígbéjizọnlin sọn zùngbo Sini tọn lọ mẹ, bo whèsla do Dofka mẹ. ¹³Yé yígbéjizọnlin sọn Dofka mẹ, bo whèsla do Alusi mẹ. ¹⁴Yé yígbéjizọnlin sọn Alusi mẹ, bo whèsla do Lefidimi mẹ, fie osìn de ma tin te na gbẹtọ lẹ lọ nado nù. ¹⁵Yé sọ yígbéjizọnlin sọn Lefidimi mẹ, bo whèsla do zùngbo Sinai tọn lọ mẹ. ¹⁶Yé sọ yígbéjizọnlin sọn zùngbo Sinai tọn lọ mẹ, bo whèsla do Kibloti-hattaava mẹ. ¹⁷Yé yígbéjizọnlin sọn Kiblotihattaava mẹ, bo whèsla do Hazeloti mẹ. ¹⁸Yé yígbéjizọnlin sọn Hazeloti mẹ, bo whèsla do Litma mẹ. ¹⁹Yé sọ yígbéjizọnlin sọn Litma mẹ, bo whèsla do Limmoni-pelezi mẹ. ²⁰Yé sọ yígbéjizọnlin sọn Limmoni pelezi mẹ, bo whèsla do Libna mẹ. ²¹Yé yígbéjizọnlin sọn Libna mẹ, bo whèsla do Lissa mẹ. ²²Yé yígbéjizọnlin sọn Lissa mẹ, bo whèsla do Kehelata mẹ. ²³Yé sọ yígbéjizọnlin sọn Kehelata mẹ, bo whèsla do Ṣẹfeli mẹ. ²⁴Yé yígbéjizọnlin sọn Ṣẹfeli mẹ, bo whèsla do Halada mẹ. ²⁵Yé yígbéjizọnlin sọn Halada mẹ, bo whèsla do Makheloti mẹ. ²⁶Yé sọ yígbéjizọnlin sọn Makheloti mẹ, bo whèsla do Tahati mẹ. ²⁷Yé yígbéjizọnlin sọn Tahati mẹ, bo whèsla do Tela mẹ. ²⁸Yé yígbéjizọnlin sọn Tela mẹ, bo whèsla do Mitka mẹ. ²⁹Yé yígbéjizọnlin sọn Mitka mẹ, bo whèsla do Hasinona mẹ. ³⁰Yé yígbéjizọnlin sọn Hasinona mẹ, bo whèsla do Moseloti mẹ. ³¹Yé yígbéjizọnlin sọn Moseloti mẹ, bo whèsla do Bene-jaakani mẹ. ³²Yé yígbéjizọnlin sọn Bene-jaakani mẹ, bo whèsla do Holi-haggidgadi mẹ. ³³Yé sọ yígbéjizọnlin sọn Holihaggidgadi mẹ, bo whèsla do Jotbata mẹ. ³⁴Yé yígbéjizọnlin sọn Jotbata mẹ, bo whèsla do Ablona mẹ. ³⁵Yé yígbéjizọnlin sọn Ablona mẹ, bo whèsla do Ezioni-gebeli mẹ. ³⁶Yé yígbéjizọnlin sọn Ezioni-gebeli mẹ, bo whèsla do zùngbo Zini tọn lọ mẹ (dopolọ we Kadesi). ³⁷Yé yígbéjizònlin sọn Kadesi mẹ, bo whèsla do osé Holi mẹ, to otónu aigba Edomi tọn lọ tọn me. ³⁸Aalọn yẹ whenọ lọ sọ hẹji yì osé Holi mẹ to gbèdide OKLUNỌ lọ tọn ji, bo kú to finẹ, to owhè kandetọ lọ mẹ godo he ovi Islaeli tọn lẹ lọ jẹgbonu sọn aigba Egipti tọn lọ mẹ wá, to osùn atọ̀ntọ lọ mẹ, to azán tintan osùn lọ tọn gbè. ³⁹Aalọn sọ yín owhè kantọ̀nnukunatọ̀n mẹho whenuena é kú to osé Holi mẹ. ⁴⁰Kananinu lọ, Ahọlu Aladi tọn lọ, he nọnọ̀ huwaji lọ mẹ to aigba Kanani tọn lọ mẹ, sè dọ ovi Islaeli tọn lẹ lọ ja. ⁴¹Bó sọ yígbéjizọnlin sọn osé Holi mẹ, bo whèsla do Zalmona me ⁴²Yé yígbéjizọnlin sọn Zalmona mẹ, bo whèsla do Punoni mẹ. ⁴³Yé yígbéjizọnlin sọn Punoni mẹ, bo whèsla do Oboti mẹ. ⁴⁴Yé yígbéjizọnlin sọn Oboti mẹ, bo whèsla do Iye-abahmi mẹ, to agboji Moabi tọn lọ mẹ. ⁴⁵Yé yígbéjizọnlin sọn Iyimi mẹ, bo whèsla do Diboni-gadi mẹ. ⁴⁶Yé yígbéjizọnlin sọn Diboni-gadi mẹ, bo whèsla do Almoni-diblataimi mẹ. ⁴⁷Yé yígbéjizọnlin sọn Almoni-diblataimi mẹ, bo whèsla do osé Abalimi tọn lẹ lọ mẹ to Nebo nukọn. ⁴⁸Yé yígbéjizọnlin sọn osé Abalimi tọn lẹ lọ mẹ, bo whèsla do dànfáfá Moabi tọn lẹ lọ mẹ to Jọdani dali to Jẹliko. ⁴⁹Yé bo whèsla do Jọdani dali, sọn Beti-jesimoti mẹ yèdọ jẹ Abeli-sìttimi to dànfáfá Moabi tọn lẹ lọ mẹ.

⁵⁰OKLUNỌ lọ sọ dọhó hlan Moṣe to dànfáfá Moabi tọn lẹ lọ mẹ to Jọdani dali to Jẹliko, dọmọ, ⁵¹Dọhó hlan ovi Islaeli tọn lẹ lọ, bo dọ hlan yé dọmọ, Whenuena mì juyì Jọdani godo jẹ aigba Kanani tọn lọ mẹ, ⁵²Whenẹnu mì na yàn tòmẹnu aigba lọ tọn lẹpo jẹgbonu sọn mì nukọn, bo sukún zannu winwlan yetọn lẹpo tọn do, bo sọ sukún bosiọ kinkòn yetọn lẹpo tọn do, bo sọ và ofi yìji yetọn lẹpo: ⁵³míwlẹ nasọ yí aigba lọ na nútindo bo nọ nọ̀ e mẹ finẹ: na mì wẹ yẹn ko na aigba lọ hlan nado tindo e. ⁵⁴Mìwlẹ nasọ yí aigba lọ do dugú gbọn ovò dali kẹdẹdi whédo mìtọn lẹ; mì na na ogú sùhu hlan omẹ sùhu, podọ hiẹ nasọ na ogú vude hlan omẹ vude; fidepope ovò lọ flẹ do hlan omẹ de lẹ, enẹ na yín etọn; kẹdẹdi whẹndo otọ́ mìtọn lẹ tọn lẹ wẹ mì na do yígú ⁵⁵Ṣigba eyín mìwlẹ ma na yàn tòmẹnu aigba lọ tọn lẹ lọ jegbonu sọn mì nukọn gba; whenẹnu wẹ enẹlẹ he mì gbọ e pòai sọn yé mẹ na tin di okẹ́n to nukun mìton lẹ mẹ, podọ di owùn lẹ to adà mìtọn lẹ mẹ, yé nasọ dotukla mi to aigba hemẹ mì nọnọ lọ. ⁵⁶E nasọ wá jọ, dọ le yẹn lẹn nado wà hlan yé do, mọwẹ yẹn na wà hlan mì.

¹OKLUNỌ lọ sọ dọhó hlan Moṣe, dọmọ, ²Naṣẹ ovi Islaeli tọn lẹlọ, bo dọ hlan yé dọmọ, Whenuena mì wá jẹ aigba Kanani tọn lọ mẹ, (ehe wẹ aigba lọ he na jẹ mi si na ogú de, yèdọ aigba Kanani tọn lọ kẹdẹdi agboji etọn lẹ;) ³whenẹnu huwaji dali mìtọn na yín sọn zùngbo Zini tọn lọ mẹ to gáji gbọn adà Edomi tọn lọ dali, podọ agboji huwaji tọn mìtọn lọ na yín sọn opòdo Ohù Ojẹ tọn lọ hlan whèzẹtẹn dali: ⁴podọ agboji mìtọn na lékò hlan huwaji jeiaga Aklabbimi tọn lọ dali bo gbọn gàji jẹ Zini: po gbonujẹ yì etọn lẹ lọ po na tin hlan huwaji Kadesi-balnea dali; é bo nasọ jẹgbonu yì jẹ Hazali-addali, bo sọ gbọn gãji jẹ Azmoni: ⁵podọ agboji lọ nasọ lékò sọn Azmoni jẹ tọ̀pẹsẹ Egipti tọn lọ kòn, podọ gbonu jẹ yì etọn na tin to ohù lọ kòn. ⁶Podọ na agboji hlan whèyihọ dali, mì na tindo ohù daho lọ na agboji de: ehe wẹ na yín agboji whèzẹtẹn tọn mìtọn. ⁷Podọ ehe wẹ na yín agboji agewaji tọn mìtọn: sọn ohù daho lọ mẹ wẹ mì na dohia osé Holi na mìde: ⁸sọn osé Holi mẹ mì na dohia jẹ bibiọ Hamati tọn lọ mẹ; podọ gbonu jẹ sọn agboji lọ mẹ yì lẹ na tin to Zedadi: ⁹podọ agboji lọ na jẹgbonu yì jẹ Zifloni, podọ gbonujẹ yì etọn lẹ lọ na tin to Hazalenani: ehe wẹ na yín agboji agewaji tọn mìtọn. ¹⁰Mì nasọ dohia agboji whèzẹtẹn tọn mìtọn sọn Hazalenani mẹ jẹ Sefami: ¹¹podọ agboji lọ na yì odò sọn ṣefami mẹ jẹ Libla, to awà whèzẹtẹn Aini tọn lọ ji, podọ agboji lọ nasọ yì odò, bo na yì jẹ awà ohù Keneleti tọn lọ ji hlan whèzẹtẹn dali: ¹²podọ agboji lọ nasọ yì odò jẹ Jọdani, podọ gbonujẹ yì etọn lẹ nasọ tin to Ohù Ojẹ tọn lọ kọ̀n: ehe wẹ na yín aigba mìtọn kẹdẹdagboji etọn lẹ lẹ́do pé. ¹³Moṣe sọ naṣẹ ovi Islaeli tọn lẹ lọ, dọmọ, Ehe wẹ aigba lọ he mì na yínagú gbọn ovò dali, he OKLUNỌ lọ ko degbèna nado na hlan whẹndo sinẹnẹ lẹ lọ, podọ hlan odá whẹndo lọ tọn: ¹⁴na whẹndo ovi Lẹubeni tọn lẹ lọ tọn kẹdẹdi owhé otọ́ yetọn lẹ tọn lẹ, po whẹndo ovi Gadi tọn lẹ lọ tọn po kẹdẹdi owhé otọ yetọn lọ lọ tọn, ko yí, podọ odá whẹndọ Manasse tọn lọ ko yí ogú yetọn: ¹⁵whẹndo awe lẹ po odá whẹndo tọn lọ po ko yí ogú yetọn to Jọdani gododọ̃n to Jẹliko hlan whèzẹtẹn dali, hlan whèzizẹ dali.

¹⁶OKLUNỌ lọ sọ dọhó hlan Moṣe, dọmọ, ¹⁷Ehelẹ wẹ oyín omẹ lẹ lọ tọn lẹ he na má aigba lọ hlan mì na ogú: Eleazali yẹwhenọ lọ, po Jọsua visunnu Nuni tọn lọ po. ¹⁸Míwlẹ nasọ yí ogán dopo sọn whẹndo dopodopo mẹ, nado má aigba lọ na ogú. ¹⁹Podọ ehelẹ sọ wẹ oyín omẹ lẹ lọ tọn lẹ: sọn whẹndo Juda tọn mẹ, Kalebi visunnu Jẹfunẹ tọn lọ. ²⁰Podọ sọn whẹndo ovi Simeoni tọn lẹ lọ tọn mẹ, Semueli visunnu Amihudi tọn lọ. ²¹Sọn whẹndo Benjamini tọn lọ mọ, Elidadi visunnu Kisloni tọn lọ. ²²Podọ sọn whẹndo ovi Dani tọn lẹ lọ mẹ ogán de, Bukki visunnu Jogli tọn lọ. ²³Sọn ovi Josefu tọn lẹ lọ mẹ: sọn whẹndo ovi Manasse tọn lẹ lọ tọn mẹ ogán de, Hannieli visunnu Efodi tọn lọ: ²⁴podọ sọn whẹndo ovi Eflaimi tọn lẹ lọ tọn mẹ ogan de, Kennueh visunnu Sìftani tọn lọ. ²⁵Podọ sọn whẹndo ovi Zebuluni tọn lẹ lọ tọn mẹ ogán de, Elizafani visunnu Palnaki tọn lọ. ²⁶Podọ sọn whẹndo ovi Issakali tọn lẹ lọ tọn mẹ ogán de, Paltieli visunnu Azzani tọn lọ. ²⁷Podọ sọn whẹndo ovi Aṣeli tọn lẹ lọ tọn mẹ ogán de, Ahihudi visunnu Ẹelomi tọn lọ. ²⁸Podọ sọn whẹndo ovi Naftali tọn le lọ tọn mẹ ogán de, Pedaheli visunnu Ámmihudi tọn lọ. ²⁹Ehelẹ wẹ yé mẹhe OKLUNỌ lọ nasẹ nado má ogú lọ hlan ovi Islaeli tọn lẹ lọ to aigba Kanani tọn lọ mẹ.

¹OKLUNỌ lọ so dọhó hlan Moṣe to dànfáfá Moabi tọn lẹ lọ ji to Jọdani dali to Jẹliko, dọmọ. ²Degbèna ovi Islaeli tọn lẹ lọ, dọ yé ni na sọn ogú tòdaho nútindo yetọn lẹ tọn mẹ hlan Levinu lẹ nado nọnọ̀ e mẹ; podọ agbègbeji na tòdaho lẹ lọ lẹ́do yé pé wẹ mì na na hlan Levinu lẹ lọ. ³Podọ tòdaho lẹ wẹ yé na tindo nado nọnọ̀ e mẹ; podọ agbègbeji yetọn lẹ na tin na kanlinyìnyìn yetọn lẹ, podọ na agbàn yetọn lẹ, podọ na kanlin yetọn lẹ. ⁴Podọ agbègbeji tòdaho lẹ lọ tọn lọ, he mì na na hlan Levinu le lọ, na yín sọn adó tòdaho lọ tọn go podọ hlangbonu awàgba fọtọ́n lẹdo pé. ⁵Mì bo nasọ jlẹ to gbonu tòdaho lọ tọn awàgba fọtọ́n awe na awà whèzẹtẹn tọn lọ, podọ awàgba fọtọ́n awe na awà huwaji tọn, podọ awàgba fọtọ́n awe na awà whèyìhọ tọn, podọ awàgba fọtọ́n awe na awà agewaji tọn, tòdaho lọ tintin to ṣẹnṣẹn. Ehe na yín agbègbeji tòdaho lẹ lọ tọn hlan yé. ⁶Podọ tòdaho he mì na na hlan Levinu lẹ lọ, yé na yín tòdaho ṣidopo fibẹ̀tado tọn, he mì na na na mẹsihùtọ lọ nado nọ họ̀nyì finẹ; podọ mì nasọ na tòdaho kandenukunawe dogò yé. ⁷Tòdaho he mì na na hlan Levinu lẹ pó na yín tòdaho kandeẹinatòn: yé wẹ mì na yína po agbègbeji yetọn lẹ po. ⁸Podọ gbọn tòdaho lẹ lọ tọn dali he mì na na sọn nútindo ovi Islaeli tọn lẹ lọ tọn mẹ, sọn susu lọ mẹ mì na yí suhu; podọ sọn vude mẹ mì na yi vude: omẹ dopodopo kẹdẹdi ogú etọn he é do yígú na na sọn tòdaho etọn lẹ mẹ hlan Levinu lẹ lọ.

⁹OKLUNỌ lọ SỌ dọhó hlan Moṣe, dọmọ, ¹⁰Dọhó hlan ovi Islaeli tọn lẹ lọ, bo dọ hlan yé dọmọ, Whenuena mì juyì Jọdani gododọ̃n jẹ aigba Kanani tọn lọ mẹ, ¹¹whenẹnu mì na dè tòdaho lẹ na mìde nado yín tòdaho fibẹ̀tado tọn lẹ na mì; na mẹṣihùtọ lọ he hù gbẹtọ de gbọn nuṣiwà mẹ nido nọ họ̀nyì finẹ. ¹²Tòdaho le lọ na tin hlan mì na fibẹ̀tado sọn ahọsuyítọ lọ de; na mẹsihùtọ lọ ma do kú blo, kaka ewọ na do ṣite to agùn lọ nukọn na whẹ̀dida. ¹³Podọ tòdaho he mì na na lẹ lọ na yín tòdaho fibẹ̀tado tọn ṣidopo na mì. ¹⁴Mì na na tòdaho atọ̀n to Jọdani gododọ̃n, mì nasọ na tòdaho atọ̀n to aigba Kanani tọn lọ ji; yé na yín tòdaho fibẹ̀tado tọn lẹ. ¹⁵Na ovi Islaeli tọn lẹ, podọ na ojonọ lọ podọ na wásinu lọ to yé ṣẹnṣẹn, wẹ tòdaho ṣidopo helẹ na yín fibẹ̀tado na: na omẹ de he hù gbẹtọ de gbọn nusiwà mẹ nido nọ họ̀nyì finẹ. ¹⁶Ṣigba eyín é yí núzinzán ogàn tọn de li i, sọmọ bọ é kú, hlọnhùtọ de wẹ ewọ: mẹhùtọ lọ na yín hùhù dandan. ¹⁷Podọ eyín é yí zannu de to alọ lọ mẹ li i, gbọn ehedali omẹ de sọgan kú, bọ é sọ kú, hlọnhùtọ de wẹ ewọ; mẹhùtọ lọ na yín hùhù dandan. ¹⁸Kavi eyín é yí adánwànu atin tọn de to alọ lọ mẹ li i, gbọn ehedali omẹ de sọgan kú, bọ é sọ kú, hlọnhùtọ de wẹ ewọ: mẹhùtọ lọ na yín hùhù dandan. ¹⁹Ahọsuyítọ ohùn tọn lọsu wẹ na hù mẹhùtọ; lọ: whenuena é pla ẹ, é na hù i. ²⁰Podọ eyín é sónú in sọn wangbẹ́na mẹ, kavi dlannú do e, vivà do owu mẹ, sọmọ bọ ewọ kú; ²¹kavi to okẹ̀n mẹ yí alọ etọn li i, bọ é kú: ewọ he linú in na yín hùhù; hlọnhùtọ de wẹ ewọ: ahọsuyítọ ohùn tọn lọ na hù mẹhùtọ lọ, whenuena é pla ẹ. ²²Ṣigba eyín é sọ́nú in ajiji matin okẹ̀n, kavi dlẹn onú depope do e matin vivà do owu mẹ gba, ²³kavi dlan zannu de, gbọn ehedali omẹ de pọgan kú, ma mọ ẹn gba, bo dlan ẹn do e, sọmọ bo é kú, bọ ewọ ma yín okẹ̀ntọ etọn gba, kavi to awugble etọn din gba: ²⁴whenẹnu agùn lọ na dawhẹ̀ to núlimẹtọ lọ po ahọsuyítọ ohùn tọn lọ po ṣẹnṣẹn kẹdẹdi whẹ̀dida helẹ: ²⁵agùn lọ bo na whlẹn mẹhùtọ lọ sọn alọ ahọsuyítọ ohùn tọn lọ si, agùn lọ bo na gò ẹ jó hlan tòdaho fibẹ̀tado tọn etọn mẹ, fie yè hẹn ẹn họ̀nyì: é bo nasọ nọnọ̀ finẹmẹ kakajẹ okú yẹwhenọ daho lọ tọn whenu, he yè yí amì wiwe lọ do dè. ²⁶Ṣigba eyín mẹhùtọ lọ to ojlẹ depope mẹ na yì zẹ̀ agboji tòdaho fibẹ̀tado tọn etọn lọ tọn go, fie ewọ họ̀nyì; ²⁷bọ ahọsuyítọ ohùn tọn lọ mọ ẹn to agbóji tòdaho fibẹ̀tado tọn etọn lọ tọn godo, bọ ahọsuyítọ ohùn tọn lọ hù mẹhùtọ lọ; whẹgbledohùntọn de ma na tin nẹ̃ gba: ²⁸na é do ko nọte to tòdaho fibẹ̀tado tọn etọn lọ mẹ kakajẹ okú yẹwhenọ daho lọ tọn whenu wutu: ṣigba to okú yẹwhenọ daho lọ tọn godo mẹhùtọ lọ na lẹ́gọ̀ jẹ aigba nútindo etọn tọn lọ mẹ. ²⁹Onú helẹ na tin na asẹdai whẹ̀dida tọn de hlan mì gbọn whẹndo mìtọn lẹ mẹ to fininò mìtọn lẹpo mẹ. ³⁰Mẹdepope he hù omẹ de, mẹhùtọ lọ na yín hùhù to onù kunnudetọ lẹ tọn ji: ṣigba kunnudetọ dopo ma na dekunnu do omẹ de go na ewọ ni do kú gba. ³¹Humọ mìwlẹ ma na yí mẹwhlẹnnú de na ogbè mẹhùtọ de tọn gba, he yín whẹgbledonọ okú tọn: ṣigba ewọ na yín hùhù dandan. ³²Podọ mìwlẹ ma nasọ yí mẹwhlẹnnú de na ewọ he yè hẹn họ̀nyì jẹ tòdaho fibẹ̀tado tọn etọn mẹ, é nido sọ gò wá nado nò aigba lọ mẹ kakajẹ okú yẹwhenọ lọ tọn whenu. ³³Mọwẹ mì ma na flu aigba ehemẹ mì te lọ gba: na ohùn, é nọ hẹn aigba flu: podọ ovẹ̀se de ma sọgan ín bibasi na aigba lọ gba na ohùn he yè Sọndai to enẹ mẹ, adavo gbọn ohùn ewọ he kọ̀n ẹn dai lọ tọn dali. ³⁴Podọ hiẹ ma na hẹn aigba he mẹ mì nínò lọ gble gba, gblagbla ehe tọn mẹ yẹn nọnọ̀: na yẹn OKLUNỌ lọ nọnọ̀ gblagbla ovi Islaeli tọn lẹ lọ tọn mẹ.

¹NUKỌNTỌ owhé otọ́ lo lẹ tọn lẹ tọn sọn whédo ovi Gileadi tọn lẹ lọ tọn mẹ, visunnu Makili tọn lọ visunnu Manasse tọn lọ, sọn whédo visunnu Josẹfu tọn le lọ tọn lẹ mẹ, wá sẹpọ́, bo dọhó to Moṣe nukọn, podọ to ogán lẹ lọ nukọn, nukọntọ owhe oto ovi Islaeli tọn lẹ lọ tọn lẹ tọn: ²yé sọ dọmọ, OKLUNỌ lọ degbèna OKLUNỌ ṣie nado yí aigba lọ na na ogú gbọn ovò dali hlan ovi Islaeli tọn lẹ lọ: podọ yè sọ degbèna OKLUNỌ ṣie gbọn OKLUNỌ lọ dali nado yí ogú Zelofehadi nọvisunnu mítọn tọn na hlan viyọnnu etọn lẹ. ³Podọ eyín yé yin wiwlealọna hlan visunnu whẹndo ovi Islaeli tọn lọ tọn devo depope sọn ovi Islaeli tọn lẹ lọ mẹ, whenẹnu ogú yetọn na yín didè sẹ̀ sọn ogú otọ́ mítọn lẹ tọn mẹ, bo nasọ yín yíyí dogọ́ ogú whẹndo he tọn yé na yín lọ tọn: mọwẹ é na yín didè sẹ̀ sọn ovò ogú mítọn lọ tọn mẹ. ⁴Podọ whenuena jubile ovi Islaeli tọn lẹ tọn na tin, whenẹnu wẹ ogú yetọn na yin yíyí dogọ́ hlan ogú whẹndo he tọn yé na yín lọ tọn: mọwẹ ogú yetọn na yín didè sẹ̀ sọn ogú whẹndo otọ́ mítọn lẹ tọn lọ tọn mẹ. ⁵Moṣe sọ naṣẹ ovi Islaeli tọn lẹ lọ kẹdẹdi ohó OKLUNỌ lọ tọn, dọmọ Whẹndo visunnu Josẹfu tọn lẹ lọ tọn dọhó jijlọ. ⁶Ehe wẹ onú lọ he OKLUNỌ lọ degbèna gbọn viyọnnu Zelofehadi tọn lẹ tọn dali, dọmọ, Gbọ yé ni wlealọhẹ mẹhe yé lẹn póntehu; kiki hlan whédo sọn whẹndo otọ́ yetọn tọn lọ mẹ we yé na wlealọhẹ ⁷Sọmọ bọ ogú ovi Islaeli tọn lẹ lọ tọn de ma na sẹ̀tẹn sọn whẹndo de mẹ jẹ whẹndo mẹ gba: na ovi Islaeli tọn lẹ lọ dopodopo na sẹ̀awubò hlan ogú whẹndo otọ́ etọn lẹ tọn lọ ton kòn. ⁸Podọ viyọnnu lẹpo, he yínutindona ogú de to whẹndo ovi Islaeli tọn lẹ lọ ton de mẹ, na yín asi hlan dopo sọn whédo whendo otọ́ etọn tọn lọ tọn mẹ, na ovi Islaeli tọn lẹ lọ omẹ dopodopo nido yítindona ogú otọ́ etọn lẹ tọn lọ. ⁹Mọwe ogú dé ma na sètẹn sọn whẹndo de mẹ je whendo awetọ mẹ gba; na whẹndo ovi Islaeli tọn lẹ lọ ton na sọ́awuha omẹ dopodopo hlan ogú etọn titi kòn. ¹⁰Yèdọ dile OKLUNỌ lọ degbèna Moṣe do, mọwẹ viyọnnu Zelofehadi tọn lẹ lọ wà do ¹¹Na Mala, Telza, po Hogla po, po Milka po, po Noa po, víyọnnu Zelofehadi tọn le lọ yín wiwlealọna hlan visunnu nọvisunnu otọ́ yetọn lẹ ton lẹ tọn. ¹²Yé yín wiwlealọna do whédo visunnu Manasse tọn lọ visunnu Josẹfu tọn lọ lẹ mẹ, ogú yetọn bo sọ nọte to whendo whédo otọ́ yetọn tọn lọ tọn mẹ.

¹³Ehelẹ wẹ gbèdide lẹ lọ po whẹ̀dida lẹ lọ po, he OKLUNỌ lọ degbèna gbọn alọ Moṣe tọn mẹ hlan ovi Islaeli tọn lẹ lọ to dànfáfá Moabi tọn lẹ lọ ji to Jọdani dali to Jẹliko.