Jẹlemia

¹OHÓ Jẹlemia ovi Hilkia tọn lẹ, sọn Yẹwhenọ he ko tin to Anatoti mẹ lẹ mẹ to aigba Bẹnjamini tọn ji. ²Mẹhe de ohó OKLUNỌ tọn wá to azán Josia ovi Amọni tọn ahọlu Juda tọn lẹ mẹ, to owhè wiatọ̀ntọ ahọlududu etọn tọn mẹ. ³Ehe sọ wá ga to azán Jehoiakim ovi Josia tọn ahọlu Juda tọn lẹ mẹ, kaka jẹ opòdo, owhè widopotọ Zẹdekia ovi Josia tọn ahọlu Juda tọn, kaka jẹ bibẹ́ yì kanlinmọgbénu Jelusalẹm tọn to osùn atóntọ mẹ.

⁴Whenẹnu wẹ ohó OKLUNỌ tọn wá dẽ, dọmọ, ⁵whẹpo yẹn do do we to ohò mẹ yẹn ko yọ́n we; podọ whẹpo hiẹ do tọ́n jẹgbonu sọn adọ̀ mẹ yẹn ko lẹ́ we wé, podọ yẹn ko yí we do dè yẹwhegán de hlan akọta lẹ lọ. ⁶Whenẹnu wẹ yẹn dọmọ, Jé, OKLUNỌ Jiwheyẹwhe dayi e go, yẹn ma sọgan dọhó: na yẹn yín yọpọvu wutu. ⁷Ṣigba OKLUNỌ dọ hlan mi dọ, A dọ, yẹn yín yọpọvu blo: na hiẹ na yì mẹpopo he de yẹn na do we hlan, podọ nudepope yẹn na degbèna we hiẹ na dọ. ⁸A dibu na nukunmẹ yetọn lẹ blo; na yẹn tin de we nado whlẹn we, wẹ OKLUNỌ dọ. ⁹Whenẹnu wẹ OKLUNỌ dè alọ etọn jẹgbonu bo sọ́ onù ṣie. OKLUNỌ sọ dọ hlan mi dọ, Dayi e go, yẹn ko yí ohó ṣie lẹ do onù towe mẹ. ¹⁰Pọ́n, yẹn ko dè we do akọta lẹ ji to egbé, podọ do ahọludu lẹ ji, nado hònadòna jẹgbonu podọ nado tùn liai, podọ nado súdo, podọ nado sisẹ́ liai, nado bépli, podọ nado dó.

¹¹Huganmọ ohó OKLUNỌ tọn sọ wá dẽ, dọmọ, Jẹlemia, etẹ́ hiẹ mọ? Yẹn sọ dọmọ, Yẹn mọ opò de atin almọndi tọn whinwhàn de. ¹²Whenẹnu wẹ OKLUNỌ dọ hlan mi dọ, Hiẹ ko mọ dagbedagbe na yẹn na hẹn ohó ṣie yawu nado basi i. ¹³Ohó OKLUNỌ tọn sọ wá dẽ whlawetọ, dọmọ, Etẹ́ hiẹ mọ? Yẹn bo sọ dọmọ, Yẹn mọ ozẹ́n fifiẹ de; nukunmẹ finẹtọn tin pannukọn agéwaji. ¹⁴Whenẹnu wẹ OKLUNỌ dọ hlan mi dọ, Sọn agéwaji oylan de na gbà jẹgbonu do tòmẹnu aigba lọ tọn lẹ ji. ¹⁵Na, dayi e go, Yẹn na ylọ hẹnnumẹ ahọludu agéwaji tọn lẹ, wẹ OKLUNỌ dọ; yé bo na sọ wá, dopodopo yé tọn na zé ofìn etọn de pannukọn họngbo Jelusalẹm tọn lẹ, podọ jagò do adó finẹtọn lẹ go lẹ́do, podọ jagó do otò dahodaho Juda tọn lọ go. ¹⁶Bọ Yẹn na sọ dọ whẹ̀dida lọ do yé go gbọn okanylan yetọn lẹ dali, ehe mẹ yé ko gbẹ́ mi dai te, bo ko mẹ́ nuwhẹnkún hlan yẹwhe dẽvo lẹ, bo ko litaina azón alọ yetọn titi mẹ tọn lẹ. ¹⁷Enẹwutu hiẹ ni blagbajana adaja towe lẹ, bo fọ́nsite, bo dọhó hlan yé he yẹn degbèna we lẹpo: a dibuna nukunmẹ yetọn lẹ blo, yẹn nikã flu we to yé nukọn. ¹⁸Na, dayi e go, Yẹn ko basi na we to egbé otò dòkọnọ de, po odòtin ogàn tọn po, adó gànvẹ̃ tọn lẹ jagò do aigba lọ lẹ go, do ahọlu Juda tọn lẹ go, do ahọvi finẹtọn lẹ go, podọ do gbẹtọ aigba tọn lẹ lọ go. ¹⁹Bọ yé na sọ hoavùn hẹ we: ṣigba yé ma na pé ogo we gba; na yẹn tin de we, wẹ OKLUNỌ dọ, nado whlẹn we.

¹HUGANMỌ ohó OKLUNỌ tọn sọ wá dè, dọmọ, ²Yl bo dawhá to otọ́ Jelusalẹm tọn lẹ mẹ, dọmọ, Le wẹ OKLUNỌ dọ; Yẹn flinnujẹ ogo we, dagbewà ovuwhenu towe tọn, owanyi alọwle towe lẹ tọn, whenuena hiẹ hodo mi to zùngbo mẹ, to aigba he yè ma pò ji. ³Islaeli yín wiwe hlan OKLUNỌ, po sinsẹ́ntintan sudeji etọn tọn lẹ po: yé omẹ he tlẹn ẹn dù lẹpo na yín whẹ́ylantọ; oylan na wá yé ji, wẹ OKLUNỌ dọ.

⁴Mì sè ohó OKLUNỌ tọn, mì owhé Jakob tọn emi, po mì hẹnnumẹ whédo Islaeli tọn tọn lẹ po emi: ⁵Le wẹ OKLUNỌ dọ, Ylando tẹ́ otọ́ towe lẹ mọ to yẹn mẹ, bọ yè do hẹn yé yì dẹn sọn dè, bo ko do zinzọnlin hodo ylando, bo do lẹzùn ovó? ⁶Mọ yé ma dọmọ, Fie wẹ OKLUNỌ he hẹn mí hẹji sọn aigba Egipti tọn ji te, he do mí gbọn zùngbo mẹ, gbọn aigba zunkan tọn lẹ po odò tọn lẹ po mẹ, gbọn aigba akú tọn de, po oyẹ́ okú tọn de po ji, gbọn aigba he ji omẹ de ma gbọn, fie omẹ de ma nọnọ̀? ⁷Bọ yẹn hẹn mì biọ otò ojijẹ tọn de mẹ, nado dù sinsẹ́n finẹtọn po nudagbe finẹtọn po; ṣigba whenuena mì biọ e mẹ, mì fiu aigba ṣie, bo sọ hẹn ogúigba ṣie zùn osùnú de. ⁸Yẹwhenọ lẹ ma dọmọ, Fie wẹ OKLUNỌ te gba? podọ yé he hẹn osén go lẹ ma yón mi: nukọntọ lẹ ga to ylanwà do mi, yẹwhegán lẹ to yẹwhehódọ gbọn Baali dali, bo sọ to zọnlinzin hodo onú he ma doale lẹ. ⁹Enẹwutu yẹn na hoavùn hẹ mí, wẹ OKLUNỌ dọ, podọ ovivi mitọn lẹ wẹ yẹn na hoavùn hẹ. ¹⁰Na jugbọn lopo Ṣitimi tọn lẹ ji, bo pọ́n; bo domẹhlan Keda, bo whèsọ do lẹnpọ́n, bo pọ́n eyín onú mọtọnnkọ de tin. ¹¹Akọta de ko diọ yẹwhe yetọn lẹ, he ma ko yín yẹwhe de lẹ? aigba omẹ ṣie lẹ ko diọ gigo na enẹ he ma doale. ¹²Yín awujihọ na ehe, mì olọn lẹ, bo sọ yín avosatọ badabada, mì ni yín whéto patapata, wẹ OKLUNỌ dọ. ¹³Na omẹ ṣie lẹ ko wá oylan awe; yé ko gbẹ́ yẹn asisa osìn ogbẹ́ tọn lẹ dai, bo dè otándò lẹ na yéde, otándò gbigbà lẹ he ma sọgan hẹn osìn de. ¹⁴Devi de wẹ Islaeli? jidowhé de we ewọ? etẹwutu wẹ yè gbà ẹ? ¹⁵Kinnikinni ovu lẹ to lili do e ji bo to gbigbó, yé sọ hẹn aigba etọn jẹ̀vọ: otò dahodaho etọn lẹ yín mimẹ̀ matin otòmẹnu de. ¹⁶Ovi Nọfi po Tahapanesi po tọn lẹ ko gbà ojẹgbakun ota towe tọn ga. ¹⁷Hiẹ ma ko kẹalọyi ehe hlan dewe, to ehe mẹ hiẹ ko gbẹ́ OKLUNỌ Jiwheyẹwhe towe dai, whenuena é do we gbọn aliho? ¹⁸Dinvie eté hiẹ tindo nado wà to aliho Egipti tọn mẹ, nado nù osìn Siholi tọn lẹ? kavi etẹ́ hiẹ tindo nado wà to aliho Àsylia tọn mẹ, nado nù osìn fotò lọ tọn lẹ? ¹⁹Oylankan hiẹ lọsu tọn na do mẹplọnlọ ogo we, podọ agọ̀joyìgodo towe lẹ na dèdòna we: enẹwutu yọnẹn bo sọ mọ dọ onú ylankan vivẹ́ wẹ, bọ hiẹ ko do gbẹ́ OKLUNỌ Jiwheyẹwhe towe dai, podọ osí ṣie ma tin to homẹ na we, wẹ OKLUNỌ Jiwheyẹwhe awhànpa lẹ tọn dọ. ²⁰Na sọn hóhó whenu gbọn yẹn ko wẹ́n zógó towe, bo Kija mẹdogàn towe lẹ; hiẹ sọ dọmọ, Yẹn ma to na gbàsẹ́n gba; whenuena hiẹ to dindanpé to okọta, he ylaga dopodopo jí podọ to atin mú dopodopo glọ, to ogà gbé. ²¹Ganso yẹn ko dó we ovẹ̃n yẹyinọ de, okún dagbe pete: nawẹ yè gbọn diọ we zùn nudido agò ovẹ̃n alọpadẽvo tọn hlan mi? ²²Na eyín hiẹ tlẹ yí lie do Lawu, bo sọ yí adí susu, gãnṣo ylando towe yín nudohia to nukọn ṣie, wẹ OKLUNỌ JIWHEYẸWHE dọ. ²³Nawẹ hiẹ sọgan dọ do, dọ, Yè ma hẹn mi flu gba, yẹn ma sọ hodo Baalimi gba? pọ́n aliho towe to agbadò mẹ, yón núhe hiẹ ko wà: kanklosọpóawenọ afọyatọ de wẹ hiẹ he to asado aliho etọn lẹ; ²⁴kẹtẹkẹtẹ gbẹ́mẹ tọn de he zùngbomẹ ko họawuna, he to jẹhọn fú daga to homẹhùnhùn etọn mẹ; to ojlo etọn mẹ mẹnu wẹ sọgan diọkọ nẹ̃? omẹ he to dindin in ma na hẹnnusikọna yéde; to osùn etọn mẹ yé na din in mọ. ²⁵Hẹn afọ towe dote sọn afọpamado mẹ, podọ végo towe sọn sìnnugbla mẹ: aigba hiẹ dọmọ, Otódido de ma tin: lala; na yẹn ko yiwanna ojonọ lẹ wutu, podọ yé wẹ yẹn na nọ hodo yì. ²⁶Le winyan nọ hù ajotọ do whenuena yè wle e, mọwẹ winyanhù owhé Islaeli tọn do; yé, ahọlu yetọn le, ahọvi yetọn lẹ, po yẹwhenọ yetọn lẹ po, po yẹwhegán yetọn lẹ po, ²⁷didọ hlan atin de dọ, Hiẹ wẹ otọ́ ṣie; podọ hlan zannu de dọ, Hiẹ wẹ ko hẹn mi jẹgbonu: na yé ko lẹ́ godo yetọn hlan mi, é ma yín nukunmẹ yetọn gba: ṣigba to ojlẹ tukla yetọn tọn mẹ yé na dọmọ, Tite, bo whlẹn mí ²⁸Ṣigba fie wẹ vodun towe lẹ te he hiẹ ko basi na dewe? gbọ yé ni tite, eyín yé sọgan whlẹn we to ojlẹ tukla towe tọn mẹ: na kẹdẹdi sọha otò dahodaho towe lẹ tọn wẹ vodun towe lẹ te, Hiẹ Juda È.

²⁹Etẹwutu mìwlẹ na yíhódọ hẹ mi? mì mẹpo wẹ ko wàylan do ogó e, wẹ OKLUNỌ dọ. ³⁰Ovọ́ mẹ wẹ yẹn linú ovi towe lẹ; yé ma yí oplọnlọ de, ohi mitọn lọsu ko dù yẹwhegán mitọn le, taidi kinnikinni mẹsúdotọ de. ³¹Owhẹndo E, mì ni mọ ohó OKLUNỌ tọn. Yẹn ko yín zùngbo de hlan Islaeli la? aigba zinvlu tọn de? etẹwutu wẹ omẹ ṣie lẹ to didọmọ, Míwlẹ yín gbigbà kija; míwlẹ ma sọ ja de we ba? ³²Yọnnuasiwhe sọgan wọnji asọdonu etọn lẹ go, kavi yọnnuyọ́yọ́ otabla etọn? gãnṣo omẹ ṣie lẹ ko wọnji ogo e azán susu matin sọha. ³³Etẹ wutu hiẹ to aliho towe dè nado din owanyi towe? enẹwutu yèdọ wẹ hiẹ ko plọn aliho towe lẹ yọnnu ylankan lẹ. ³⁴To avọ̀tó towe lẹ mẹ wẹ yè mọ ohùn gbigbọ ayiha wamọnọ homẹvọnọ lẹ tọn tọn tè: hiẹ ma ko mò en to òten gbigbà biọwhégbè tọn mẹ gba, ṣigba to ehe lẹpo ji. ³⁵Gãnṣo hiẹ didọmọ, Na yẹn yín homẹvọnọ wutu, nugbonugbo yè hẹn homẹgble etọn lẹ́ sọn dẽ. Dayi e go, yen na yíhódọ hẹ we, na hiẹ dọmọ, Yẹn ma ko wàylando de wutu. ³⁶Etẹwutu hiẹ lẹ́pe sọmọ nado diọ aliho towe? Yè na hẹn winyan Egipti tọn hù we ga, dile winyan Asylia tọn hù we do. ³⁷Nugbo, hiẹ na jẹgbonu yì sọn e de, po alọ towe lẹ po to ota towe: na OKLUNỌ ko gbẹ́ tùdodomẹgo towe lẹ, podọ hiẹ ma na wàdagbe to yé mẹ gba.

¹YÉ dọmọ, Eyín sunnu de gbẹ́ asi etọn dai, bọ ewọ yì sọn e dẹ, bo sọ lezùn omẹ dẽvo tọn, bé sunnu lọ na sọ gọ̀ do e de ba? aigba nẹ ma na zùn gbigble gbahugbahu? ṣigba hiẹ ko lọgà họntọn susu; gãnṣo hiẹ sọ vọ́ lẹn nadọ gò do dẽ, wẹ OKLUNỌ dọ. ²Zé nukun towe lẹ daga hlan otẹn he yìaga lẹ, bo mọ fie yè ma ko lọgà hẹ we te? Áliho wẹ hiẹ sinai na yé te, di Alabiatọ de to zùngbo mẹ; podọ hiẹ ko yí ogàlilọ towe le po kanyinylan towe po do hẹn aigba zùn gbigble. ³Enẹwutu wẹ yẹn dọn jikun katakata do godo, bọ jikun agọ̀gbọnẹn ma ko do tin: hiẹ sọ tindo onukọn gàlọtọ tọn, hie gbẹ́ nado yín winyannọ. ⁴Hiẹ ma na dawhá hlan mi sọn ojlẹ he mẹ dọ, Otọ́ ṣie, hiẹ wẹ ogbé ovuwhenu ṣie tọn? ⁵Ewọ na hẹn homẹgble etọn dote kakadoi? ewọ na whla ẹ jẹ opòdo? Dayi e go, hiẹ ko dọhó lẹ, ṣigba bo ko wà onú ylankan lẹ dile hiẹ tin sọgan do.

⁶OKLUNỌ sọ dọ hlan mi ga, to azán Josia ahọlu tọn lẹ mẹ dọ, Hiẹ ko mọ enẹ he Islaeli agòjotọ ko wà? ewọ ko hẹji yì aga osé he yìaga lẹpo ji podọ to atin mú lẹpo glọ, bo ko zán ogàlilọ to finẹ. ⁷Bọ yẹn sọ dọ to ehe godo ewọ ko wà onú helẹ̃ dọ, Gbọ é ni lẹ́ hlan dẽ. Ṣigba ewọ ma lẹ́ gba: Podọ Juda nọviyọnnu etọn danuwàtọ mọ ẹn. ⁸Yẹn sọ mọ, whenuena, na owhẹ̀hó he lọ tọn he Islaeli agòjotọ ko deayọ̀, yẹn ko gbẹ́ ẹ dài, bo sọ na ẹn owé gbédai tọn de; gãnṣo Juda nọviyọnnu etọn danuwàtọ ma sinú, ṣigba e yì bo to ogàlilọ zán ga. ⁹E sọ wá jọ gbọn aslanyìnyìn ogàlilọ etọn tọn mẹ wẹ yè hẹn aigba gble, ewọ sọ to ayọdè hẹ zannu lẹ podọ hẹ atinta lẹ. ¹⁰Podọ gãnṣo na ehe lẹpo Juda nọviyọnnu etọn danuwàtọ ma ko ví ayiha etọn pete do lẹ́gọ̀ do dẽ gba, adavo po oklọ po, wẹ OKLUNỌ dọ ¹¹OKLUNỌ sọ dọ hlan mi dọ, Islaeli agọ̀jotọ ko do ede hia dódónọ hugán Juda danuwàtọ. ¹²Yì, bo lá ohó helẹ hlan agéwaji dali, bo dọmọ, Lẹ́gó, hiẹ Islaeli agọ̀jotọ, wẹ OKLUNỌ dọ: Yẹn ma na hẹn nukunmẹylọn nado flẹjẹ oji we gba: na lẹblanunọ wẹ yẹn, wẹ OKLUNỌ dọ, Yẹn ma na whlá adi kakadoi gba. ¹³Sa yón oylanwà towe sokẹdẹ, dọ hiẹ ko wàylando do OKLUNỌ Jiwheyẹwhe towe go, bo ko vúnvún aliho towe lẹ hlan ojonọ lẹ to atin omú lẹpo glọ, podọ mìwlẹ ma ko sètónuna ogbè ṣie gba, wẹ OKLUNỌ dọ. ¹⁴Diọkọ, mì ovi agòjotọ lẹ emi, wẹ OKLUNỌ dọ; na asú de wẹ yẹn hlan mìwlẹ; Yẹn na sọ yi mì dopo sọn tòdaho de mẹ, podọ awe sọn whédo de mẹ, Yẹn nasọ hẹn mì wá jẹ Ziọni: ¹⁵Yẹn na na lẹngbọhọtọ lẹ mì kẹdẹdi ayiha ṣie, he na yí oyọnẹn po wuntùntùn po do yìn mì. ¹⁶E nasọ wá jọ, whenuena yè hẹn mì sudeji bo sọ jideji to aigba lọ ji to azán nẹlẹ mẹ, wẹ OKLUNỌ dọ, yé ma to nasọ dọ ba dọ, Alkì alẹ̀nù OKLUNỌ tọn tọn lọ; mọ é ma sọ to na wá ayiha mẹ: mọ yé ma sọ to na flin in; mọ yé ma sọ to na bà ẹ pò; mọ yè ma sọ to na basi i depope ba. ¹⁷To ojlẹ nẹ mẹ yé na nọ ylọ Jelusalẹm dọ ofìn OKLUNỌ tọn; yè nasọ bẹ́ akọta lẹpo plidopọ do e de, hlan oyín OKLUNỌ tọn jẹ Jelusalẹm: mọ yé ma sọ to na nọ zinzọnlin hodo tasinyẹn ayiha ylankan yetọn tọn ba. ¹⁸To azán nẹlẹ mẹ owhé Juda tọn na nọ zinzọnlin jọ owhé Islaeli tọn gbè, yé nasọ wá dopọ sọn aigba agéwaji tọn jẹ aigba he yẹn na hlan otọ́ mitọn lẹ na ogú de ji. ¹⁹Ṣigba yẹn dọmọ, Nawẹ yẹn do yí mì do ovi lọ ṣẹnṣẹn do, bo sọ na aigba whanpẹnọ de mì, ogúigba dagbepete awhànpa akọta lẹ tọn tọn lẹ? Yẹn sọ dọmọ, Hiẹ na nọ ylọ mi Otọ́ ṣie; ho ma nasọ lẹ́ sọn hihodo mi mẹ gba. ²⁰Nugbonugbo dile asi de nọ yí danuwiwà do fọ́nyì sọn asú etọn de do, mọwẹ mìwlẹ ko yí danuwiwà do zán hẹ mi do, Mì owhó Islaeli tọn lẹ emi, wẹ OKLUNỌ dọ. ²¹Yè sè ogbè de to aga vọtọ lẹ ji, avi po ovẹ́gbè ovi Islaeli tọn lẹ tọn po; na yé ko hẹn aliho yetọn gble, yé ko wẹ́n OKLUNỌ Jiwheyẹwhe yetọn. ²²Diọkọ, mì ovi agòjotọ lẹ emi, Yẹn na sọ hẹnazọ̀ngbọna agòjijo mìtọn lẹ. Dayi e go, yè hẹn míwlẹ wá de wena hiẹ wẹ OKJUNỌ Jiwheyẹwhe mítọn. ²³Nugbo ovó mẹ wẹ alọgọ lọ te he yè nukundo sọn okọta ji, gbẹtọsusu hlunhlunnọ to osé lẹ go: nugbo to OKLUNỌ Jiwheyẹwhe mítọn mẹ wẹ whlẹngán Islaeli tọn te. ²⁴Ṣigba onú winyannọ ko dù tuklajẹ otọ́ mítọn lẹ tọn sọn ovu mítọn; lẹngbọpa yetọn lẹ po kanlinpa yetọn lẹ po, visunnu yetọn lẹ po viyọnnu yetọn lẹ po. ²⁵Mì gbọ mí ni mlọn ai to winyan mítọn mẹ, bo sọ gbọ oflujẹ mítọn ni ṣinyọn mí: na mí ko wàylando do OKLUNỌ Jiwheyẹwhe mítọn, míwlẹ po otọ́ mítọn lẹ po sọn ovu mítọn yèdọ jẹ azán he gbè: míwlẹ ma ko sọ sètónuna ogbè OKLUNỌ Jiwheyẹwhe mítọn tọn gba.

¹EYÍN hiẹ na diọkọ, Hiẹ Islaeli, wẹ OKLUNỌ dọ, yẹn de wọ hiẹ na diọkọ do; eyín hiẹ na dè osùnú towe lẹ sọn nukun ṣie mẹ, bo ma na sọ dánpe gba, whenẹnu wẹ yè ma to na sótẹnna we gba; ²podọ hiẹ na sọ nọ whle dole OKLUNỌ dọ do, to nugbo mẹ, to whẹ̀dida mẹ, podọ to dódó mẹ; whenẹnu wẹ hiẹ na nọ whle, akọta lẹ na sọ nọ dona yéde, podọ to ewọ mẹ wẹ yé na nọ yígigo te.

³Na le wẹ OKLUNỌ dọ hlan omẹ Juda tọn lẹpo dọ hlan Jelusalẹm, dọ, Mì jlo oglegbọgbé mitọn, bo ma sọ donú do owun ṣẹnṣẹn blo. ⁴Mì gbòwhẹ́na mlde hlan OKLUNỌ, bo dè ayútintan ayiha mìtọn tọn sẹ́, mì omẹ Juda tọn emi, po tòmẹnu Jelusalẹm tọn lẹ po: na adizogbè ṣie nikã tón yi di miyọn, bo to jiji bọ mẹde ma sọgan sí i, na oylan wiwà mitọn lẹ tọn tọn wutu. ⁵Mì ni dọtón to Juda mẹ, bo sọ dèmisẽlu to Jelusalẹm mẹ; bo sọ dọ, Mì kún opẹ̀n lọ to aigba lọ mẹ: dawhá gángán bo dọmọ, Mì bẹ́ míde plidopọ, bo gbọ mí ni yì tòdaho dòkọnọ lẹ mẹ. ⁶Zé asia de daga hlan Ziọni dali: họ̀ngán na ogingán, mì site blo: na yẹn na hẹn oylan sọn agéwaji wá, po vivà daho de po. ⁷Yè hẹn kinnikinni de hẹji yì sọn zunkan etọn mẹ, hẹngbletọ akọta lẹ tọn de; é tin to aliho etọn ji, yè ko hẹn ẹn tón yì sọn otẹn etọn mẹ; nado hẹn aigba towe jẹvó, na tòdaho towe lẹ ni yín vọ́tọ matin tòmẹnu de. ⁸Na ehe yí odévọ̀ do bla we, blawu bo viavi: na yè ma hẹn adi zògbé OKLUNỌ tọn diọkọ sọn mí de gba. ⁹E na wá jọ to azán nẹ gbè, wẹ OKLUNỌ dọ, wẹ ayiha ahọlu lọ tọn na súdo, po ayiha ahọvi lẹ lọ tọn po; Yè na sọ hẹn awuji yewhenọ lẹ, Yẹwhegán lẹ na sọ dọhà. ¹⁰Whenẹnu we yẹn dọmọ, ṣẹ̀, OKLUNỌ JIWHEYẸWHE nugbonugbo hiẹ ko klọ gbẹtọ helẹ po Jelusalẹm po susu, dọmọ, Míwlẹ na tindo jijọho; whenuena ohi jẹ alindọn yetọn de. ¹¹To ojlẹ nẹ mẹ wẹ é na yín didọ hlan gbẹtọ helẹ podọ hlan Jelusalẹm dọ, Jẹhọn miyọnawu de sọn fìyìaga vọtọ lẹ mẹ to zungbo lọ mẹ hlan viyọnnu omẹ ṣie lẹ tọn dali, nado fúafafana ma gba, kavi nado klọwé gba; ¹²Ojẹhọn sinsinyẹn gbahu de na ehe na wá na mi: dinvie wẹ yẹn ga na dọ whẹ̀dida do yé go. ¹³Dayi e go, ewọ na hẹji wá di aslọ lẹ, kẹkẹ etọn lẹ na sọ tin di jẹhọnahizi: osé etọn lẹ yín awuyatọ hú akùn lẹ. Dindọn hlan mi na yè hẹn mì gble. ¹⁴Jelusalẹm E, klọ ayiha towe sọn oylankan mẹ, na yè nido whlẹn we. Nawẹ linlẹn oylan towe lẹ tọn na nò hiẹ homẹ dọ̀n sọ? ¹⁵Ogbè mẹde tọn de tin finẹ he dọtọ́n sọn Dani mẹ bo sọ dèmisẽlu oylan tọn sọn okọta Eflaimi tọn lẹ mẹ: ¹⁶Mì dọ hlan akọta lọ; dayi e go, mì dèmisẽlu do Jelusalẹm go, dọ hihọ́tọ lẹ sọn otò dindẹn de mẹ wá, bo do ogbè yetọn jẹgbonu do tòdaho Juda tọn lẹ go. ¹⁷Di dàngbo de gopóntọ wẹ yé do do do e ji lédo pé; na ewọ ko yín tólivẹtọ do ogo e wutu, wẹ OKLUNỌ dọ. ¹⁸Aliho towe po wiwà towe lẹ po ko dà onú he lẹpo pli hlan we; ehe wẹ okànyìnylan towe; nugbonugbo vivẹ́ wẹ, é jẹ ayiha towe de nugbonugbo.

¹⁹Homẹ ṣie, homẹ ṣie Yẹn na yí homẹfa do nọtepọ́n adó ayiha ṣie tọn lẹ; yè hen ayiha ṣie to zínhò to yẹn homẹ; yẹn ma sọgan nabé ṣie gba; na alindọn ṣie to ogbè opẹ́n tọn sè, zínhihò awhàn tọn. ²⁰Yè to awhá vivà to vivà ji do; na yè hẹn aigba pete gble: ajiji wẹ yè hẹn gòhọ ṣie lẹ gble, po avọdido ṣie lẹ po to adónu dopo mẹ. ²¹Nawẹ yẹn nẹ to asia lọ mọ dọ̀n sọ, bo sọ to ogbè opèn lọ tọn sè? ²²Na oklenọ wẹ omẹ ṣie lẹ, Yé ma yón mi gba; ovi agblinọ wẹ yé, podọ yé ma tindo wuntùntùn de: nuyọnẹntọ wẹ yé nado wà oylan, ṣigba nado wà dagbe yé ma tindo oyọnọn de gba.

²³Yẹn pọ́n aigba, bo, pọ́n, é tin gbọ̀gbó bo jẹvó; podọ olọn lẹ, bọ yé ma tindo hinhọ́n de. ²⁴Yẹn sọ pọn osé lẹ, bo, pọ́n, yé to sisọsisọ, okọta lẹpo sọ to lilé dẹ̃dẹ. ²⁵Yẹn pọ́n, bo, dayi e go, sunnu de ma sọ tin, ohẹ̀ olọn lẹ tọn lẹpo wẹ yè sọ hẹn họ̀nyì. ²⁶Yẹn pọ́n, bo, sọ dayi e go, zùngbo de wẹ Kalmẹli, tòdaho etọn lẹpo wẹ yè sọ gbà liai to nukọn OKLUNỌ tọn, podọ to adi zògbe etọn nukọn. ²⁷Na le wẹ OKLUNỌ dọ, dọmọ, Aigba lọ pete na yín fijẹvò de; gãnṣo yẹn ma to na basi opòdo gigọ̀ de gba. ²⁸Ehe wẹ aigba na blawu na, bọ olọn lẹ to aga yín oyu: na yẹn ko dọ ẹ wutu, yẹn ko kanyihẹ nẹ, podọ yẹn ma ko diọlinlẹn gba, mọ yẹn ma to na lé godo sọn e mẹ gba. ²⁹Tòdaho lọ pete họ̀nyì na zingidi osọnọ lẹ po ọgánọ lẹ tọn po; Yé biọ zùnkan lẹ mẹ yì bo sọ hé aga to osé lẹ ji: tòdaho lẹpo wẹ yè gbedai, omẹ depope ma nọ nọ̀ e mẹ. ³⁰Podọ hiẹ, whenuena yè hẹn we gble, eté hiẹ na wà? Yìn hiẹ tlẹ yí avọ̀-vẹ̃ṣẹẹẹ do ṣinyọnavọna dewe, yín hiẹ tlẹ sọ yí aṣọdonu sika tọn lẹ do doaṣọ, yín hiẹ tlẹ sọ yí osèn do gbò nukun towe lẹ, ovọ mẹ wẹ hiẹ hẹn dewe yọ́nwhanpẹ; wanyinọ towe lẹ to vivlẹwe kò, yé to ogbẹ̀ towe din. ³¹Na yẹn ko sè ogbè de di yọnnu de tọn to ajipa mẹ, awusinyẹnmẹ lọ di ewọ tọn he to ovi tintan etọn ji, ogbè viyọnnu Ziọni tọn tọn, he to hinhanhinhan na gbọfufu, he dlẹn alọ etọn lẹ, bo to didọmọ, Dindòn wẹ yẹn dinvie na alindọn ṣie kusiọ to hlọnhutọ lẹ nukọn.

¹MI hònwezun yinukọn yìgodo gbọn alihogbo Jeluaalẹm tọn lẹ mẹ luntòn, bo pọ́n dinvie, bo sọ yọnẹn, bo sọ dinpé to otẹn gbigblo etọn lẹ mẹ, eyín mi sọgan mọ sunnu de, eyín depope tin finẹ he to dódó wa, he to nugbowà din; Yẹn bo na sọ jona ẹn. ²Yin yé tlẹ nọ dọmọ, Le OKLUNỌ togbẹ̀; lalo wẹ yé do to whiwhle nugbonugbo. ³OKLUNỌ E, bé nukun towe lẹ ma to nugbowà pọ́n? hiẹ ko linú yé, gãnṣo yé ma yín homegblenọ; hiẹ ko fiọ yẹ, gãnṣo yé ko gbẹ́ nado mọ oplọn yí: Yé ko hẹn nukunmẹ yetọn lẹ sinyẹn hú osé de; yé ko gbẹ́ nado diọkọ. ⁴Whenẹnu wẹ yẹn domọ, Wamọnọ wẹ ehelẹ nugbonugbo: oklenọ wẹ yé: na yé ma yòn aliho OKLUNỌ tọn, kavi whẹ̀dida Jiwheyẹwhe yetọn tọn. ⁵Yẹn na hẹn dẽ jẹ omẹ kiklo lẹ de, bo na dọhó hlan yé; na yé yòn aliho OKLUNỌ tọn, po whẹ̀dida Jiwheyẹwhe yetọn tọn po. Ṣigba ehelẹ ko yí okọndo dopo do wẹ́n oglepọ̀nu lọ, bo sọ tlu ogàn lẹ. ⁶Enẹwutu wẹ kinnikinni de sọn nukàn mẹ na hú yé, ohia aigba kukú ji tọn de na hẹn yé gble, opò de na nọ hò tòdaho yetọn lẹ, omẹ depope he tọ́n yì sọn finẹ na yín tintlẹn do flinflin: na oylando yetọn lẹ yín susu wutu, podọ agòjijo yetọn lẹ yín jideji. ⁷Nawẹ yẹn na jona we do? ovi towe lẹ ko gbẹ́ mi dai, bo nọ whle gbọn yé he ma yín yẹwhe lẹ de dali: whenuena yẹn hẹn yé whle, yé dèayọ, bo sọ pli yede to opònọ mẹ do owhé ogàlọtọ lẹ tọn gbè. ⁸Yé tin di osò yìnyìn lẹ bo to sàdè pó: omẹ dopodopo to wantun hodo asi kọmẹnu etọn tọn. ⁹Bé yẹn ma na dlapọ́n na onú helẹ̃? wẹ OKLUNỌ dọ: bé alindọn ṣie má na yín ahọsuyítọ to akọta mọnkọ di ehe go?

¹⁰Mì hẹji yì adó etọn lẹ ji, bo và; ṣigba mì basi opodo gigọ̀ de blo: dè alà etọn lẹ sẹ̀: na ye ma yín OKLUNỌ tọn gba ¹¹Na owhé Islaeli tọn po owhé Juda tọn po ko yí odanú susu do zán do ogo e, wẹ OKLUNỌ dọ ¹²Yé ko mọ̀n OKLUNỌ, bo dọmọ, E ma yín ewọ gba; mọ oylan ma to mí ji na wá gba; mọ mìwlẹ ma to ohi kavi hùvẹ́ na mọ: ¹³yẹwhegán lẹ na lẹzùn ojẹhọn, ohó lọ ma tin to yé mẹ gba: le wẹ é na yín wiwà hlan yé do. ¹⁴Enẹwutu le wẹ OKLUNỌ dọ, Jiwheyẹwhe awhanpa lẹ tọn, Na mìwlẹ dọ ohó he wutu, dayi e go, yẹn na hẹn ohó ṣie lẹ tò onù towe mẹ zùn mìyọn, podọ omẹ he lẹ onake, é bo na sọ dù yé súdo. ¹⁵Pọ́n, yẹn na hẹn akota de wá mì ji sọn aganu, Mì owhé: Islaeli tọn emi, wẹ OKLUNỌ dọ: akọta linsinyentọ de wẹ, akota hóhótọ de wẹ, akọta de ogbè mẹhetọn hiẹ ma yọnẹn, kavi tùnwun nuhe yé to didọ. ¹⁶Ogágò yeton wẹ olídò hùnhùn de, gbẹtọ hlọnhlọnnọ wẹ yé mẹpó. ¹⁷Yé na sọ dù ojijẹ towe lepo, po aklẹ towe po, ehe visunnu towe lẹ po viyọnnu towe lẹ po do dù: yé na dù lẹngbọpa towe lepo po kanlinpa towe lẹ po: yé na dù ovẹ́ngle towe lẹ po ovotìn towe lẹ po: yé na dohẹn tòdaho dokọnọ towe lẹ, ehe go hie dotudo, po ohi towe po. ¹⁸Ṣigba yèdọ to azán nẹlè mẹ, OKLUNỌ dọ, Yẹn ma na basi opòdo gigọ́ de to mì de gba. ¹⁹E na sọ wá jọ, whenuena mìwlẹ na dọmọ, Etẹwutu wẹ OKLUNỌ Jiwheyẹwhe mítọn ko wà onú he lẹpo hlan mí? whenẹnu wẹ hiẹ na dọ hlan yé dọ, Taidi le mìwlẹ gbé mi, bo to yẹwhe jonọ lẹ sèn to aigba mitọn mẹ, mọwẹ mì na sọ nọ sèn ojonọ lẹ to aigba de mẹ he ma yín mitọn.

²⁰Mì dọ ehe tọ́n to owhé Jakob tọn gbè, bo sọ dèmisẽluna en to Juda mẹ, dọmọ, ²¹Sè ehe dinvie, Mì gbẹtọ oklenọ emi, podọ matin ayiha; he tindo nukun lẹ, bo ma mọná; he tindo otọ́ lẹ, bo ma sènú: ²²Mìwlẹ ma dibusi mi? wẹ OKLUNỌ dọ: bé mìwlẹ ma na sisọ to nukọn ṣie, he ko dotẹnna otòkẹn na agbó ohú tọn, aṣẹdoai madopodo de he ma sọgan gble? Yín agbówhẹn etọn lẹ tlẹ to yéde zédlan, gãnṣo yé ma sọgan yla ẹ gba; yín yé tlẹ to gbigbó, gãnṣo yé ma sọgan jugbọn e ji yì gba. ²³Ṣigba omẹ he lẹ tindo ayiha atẹnọ de po tasinyẹnnọ de po; yè hẹn yé ṣiatẹ bo sọ yì. ²⁴Mọ yé ma sọ dọ to ayiha yetọn mẹ dọ, Gbọ mí ni dibusi OKLUNỌ Jiwheyẹwhe mítọn to dinvie, he to ojikun namẹ, nukọntọn po godotọn po, to osã etọn mẹ; he to osè didè ojije tọn lẹ hladai hlan mí. ²⁵Oylanwà mitọn lẹ ko lé onú helẹ, podọ ylando mitọn lẹ ko hẹn dagbe dote sọn mì de. ²⁶Na omẹ ṣie lẹ ṣẹnṣẹn wẹ yè mọ omẹ ylankan lẹ te: yé to hihó, di ohwletọ lẹ to owu mẹ; yé do omò de, yé wle gbẹtọ lẹ. ²⁷Le ohèja de tin gó na ohè lẹ do, mọ wẹ owhé yetọn lẹ gó na oklọ do: enẹwutu wẹ yé do lẹzùn kiklo, bo sọ wàdọkun. ²⁸Yé tin dojo, yé sisé: mọwẹ, yé pèvè to owàlọ kanyinylan tọn lẹ mẹ: yé ma yí owhẹhó lọ dọ gba, owhẹ̀hó tóṣiọvi lẹ tọn, na yé na do dùale: podọ ojlọjẹ agbátọnọ lẹ tọn wẹ yé ma dawhèna gba. ²⁹Bé yẹn ma na dlapọ́n na onú helẹ? wẹ OKLUNỌ dọ: bé alindọn ṣie ma na yín ahọsuyitọ to akọta mọnkọ de di ehe go?

³⁰Àwujiji po obudaho po wẹ yè hẹn wá jọ to aigba lọ mẹ; ³¹yẹwhegán lẹ to dọdai lalo dọ, yẹwhenọ lẹ to gándù to alọ yetọn lẹ mẹ; omẹ ṣie lẹ sọ jlo na tindo e do mọ: etẹ́ wẹ mì na wà to opòdo etọn mẹ?

¹MI hònyi na ogingán, mì ovi Bẹnjamini tọn lẹ emi, tón sọn gblagbla Jelusalẹm tọn mẹ bo kún opèn lọ to Tekoa mẹ, bo sọ zé ohia de daga to Bẹti-hakelẹmi go: na oylan pọ́n hlan gbonu sọn agéwaji, po vivà daho de po. ²Omẹ whanpẹnọ de madogánnọ, viyọnnu Ziọni tọn wẹ yẹn na sán sẹ̀. ³Lẹngbọhọtọ lẹ po lẹngbọpa yetọn lẹ po na wá e de: Yé na whè oslahò yetọn lẹ pánnukọn ẹn lédo; yé omẹ dopodopo na to yìnyin to otẹn etọn mẹ. ⁴Mì lẹ́ awhàn wé do e ji; mì tite, bo gbọ mí ni hẹji yì to whèmẹ. Dìndọn hlan mí I na okle to agòjo, na yè to oyẹ̀ whèjai tọn lẹ hẹn dlẹn jẹgbonu. ⁵Mì tite, mì gbọ mí ni hẹji yì to ozánme, bo gbọ mí ni và hònmẹ etọn lẹ. ⁶Na le wẹ OKLUNỌ awhànpa lẹ tọn ko dọ, mì gbò atin etọn lẹ liai, bo bẹ́ okiti de daga do Jelusalẹm ji; ehe wẹ tòdaho lọ nado yín didlapón; ewọ wẹ awusinyẹnnu pete to ogbla e tọn mẹ. ⁷Le odòtọ de nọ ví osìn etọn lẹ jẹgbonu do, mọwẹ ewọ to kanyinylan etọn hẹn jẹyọyọ do: huhlọnnú po ohẹngble po wẹ yè to sisè to ewọ mẹ; lànmẹzọ̀n po alán lẹ po wẹ to nukọn ṣie whepoponu ⁸Yè ni naplón we, Hiẹ Jelusalẹm, yè nika jó alindọn ṣie hlan sọn de we; yẹn nikã hẹn we zùn ovọ́ de, aigba manọmanọ̀ de.

⁹Le wẹ OKLUNỌ awhànpa lẹ tọn dọ, yé na wéwelu pipòtọ Islaeli ton di ovẹ̃ntin de: sọ lé alọ towe di vẹnhuhúsinyantọ de to jija lẹ ji. ¹⁰Mẹnu wẹ yẹn na dọhó bo dekunnu hlan na yé nido sè? dayi e go, yè ma gbowhèna otọ́ jetọn, yé ma sọ sọgan tuntóai: dayi e go, ohó OKLUNỌ ton tin lẹzùn ovlẹ de hlan yé: yé ma tindo ohomẹhùn de to e mẹ gba. ¹¹Enẹwutu wẹ yẹn ga na homewlu OKLUNỌ tọn, nuṣikọnanọ wẹ yen to hinhẹn dote mẹ: kọ̀n ẹn jẹgbonu do ovi lẹ ji to aligboji, podọ to obẹ́pli yọ̀pọ sunnu lẹ tọn ji dopọ: na yèdọ asú po asi po na yín wiwle, yọnhónọ po ewọ he gọ́ na azán lẹ po. ¹²Yè na lẹ́ owhé yetọn lẹ hlan mẹdevo lẹ, ogle yetọn lẹ po asi yetọn lẹ po dopọ: na yẹn na dlẹn alọ ṣie do tòmẹnu aigba lọ tọn lẹ ji, wẹ OKLUNỌ dọ. ¹³Na sọn mẹpẹvipete yé tọn mẹ yèdọ jẹ mẹdahopete yé tọn ji wẹ yè jó omẹ dopodopo hlan nukunkẹn; podọ sọn yẹwhegán yèdọ jẹ yẹwhenọ ji wẹ omẹ dopodopo to olalo zán. ¹⁴Yé ko hẹnazọ̀ngbọna kikè viyọnnu omẹ ṣie lẹ tọn lẹ dohlà, bo didọmọ, Jijọho, jijọho; whenuena jijọho de ma tin. ¹⁵Yè na hẹn winyanhu yé na yé ko wà osùnú wutu: mọwẹ, yé ma yín owinyannọ lala, mọ yé ma sọ sọgan zùn ùnpẹnnọ: enẹwutu wẹ yé na jai to yé he jai le ṣẹnṣẹn: to ojlẹ he me yẹn dla yé pọ́n yé na dahli, wẹ OKLUNỌ dọ.

¹⁶Le wẹ OKLUNỌ dọ, Mì site to aliho lẹ mẹ bo pọ́n, bo sọ kàn omọ́ji hóhó lẹ biọ, fie aliho dagbe lọ te, bo nọ zinzọnlin to e mẹ, mìwlẹ na sọ mọ ogbọje na alindọn mìtọn lẹ: ṣigba yé dọmọ, Mìwlẹ ma to na zinzọnlin to e mẹgba. ¹⁷Yen sọ dè hihótọ lẹ do mì ji dọmọ, Mì ni tuntóai hlan ogbè opẹ̀n lọ ton; ṣigba ye dọmọ, Míwlẹ ma to na tuntóai gba. ¹⁸Enẹwutu mì akọta lẹ mì sè bo sọ yónẹn, Mì agùn emi, núhe tin to mì ṣẹnṣẹn ¹⁹Sè, Hiẹ aigba: dayi e go, Yẹn na hẹn oylan wá omẹ he lẹ ji, yèdọ sinsẹ́n linlẹn yetọn lẹ tọn, na yé ma ko tuntóai hlan ohó ṣie lẹ wutu; podọ na osén ṣie tọn, yé ko gbé ẹ dai. ²⁰Hlan etẹ́ tamẹ wẹ nuyọnwan sọn Ṣeba do wá dẽ finẹ, podọ atinsinnọ vivi sọn otò dindẹn mẹ? avọ́ nunina mimẹ̀ mitọn lẹ ma sọ yín alọkẹyí gba, mọ avọ́ mitọn lẹ ma yín homẹhùn hlan mi gba. ²¹Enẹwutu le wẹ OKLUNỌ dọ, Dayi e go, Yen na yí zannuagbali lẹ do nukọnna omẹ he lẹ: otọ̀ lẹ po visunnu lẹ po na dahli jẹ yé go; kọmẹnu lọ po họntọn etọn po na súdo.

²²Le wẹ OKLUNỌ dọ, Dayi e go, gbẹtọ delẹ ja sọn otò agéwaji tọn mẹ; yè na sọ fọ́nadan akọta daho de daga sọn aga opòdo aigba tọn pete mẹ. ²³Yé hẹn ogá po owhán po go; okanọ wẹ yé, bo ma tindo lẹblanu de; ogbè yetọn nọ to gbigbó taidi ohù, Yé sọ nọ hẹ́ osọ́ lẹ ji; omẹ dopodopo tò do haji, di dawe de hlan awhànfuntẹn, do oji we, Hiẹ viyọnnu Ziọni tọn. ²⁴Mí ko sè linlin etọn; alọ mítọn lẹ zùn madogannọ: awuvẹ́ ko hẹn mi go, podọ ajlu lẹ di yọnnu de tọn to ajipa mẹ. ²⁵Mì tọ̀n yì dangbo blo, bo sọ zinzọnlin gbọn aliho blo; na finẹ wẹ ohi okẹntọ lọ tọn te, po obudaho po to awà lẹpo ji. ²⁶Viyọnnu omẹ ṣie lẹ tọn emi, Yí odẹ́vò do gbàn dewe, bo sọ hẹn dewe bli to afin mẹ: hẹn dewe blawu, di na visunnu dopoakan de, avi vivé susutalala; na hẹngbletọ lọ na wá mí ji ajiji. ²⁷Yẹn ko yí we do basi whèdodintọ de po figángán de po to omẹ ṣie lẹ ṣẹnṣẹn; na hiẹ nido yọnẹn bo sọ nọ whlé aliho yetọn pon. ²⁸Atẹṣitọ adinọ wẹ yé mẹpó, he to yìyì pé po mẹnúdidọ lẹ po; gànvẹ po ogànyú po wẹ yé: Yé popo yé tọn wẹ yí ogble do to zinzán. ²⁹Yè mè owọhún lẹ po fifiẹ po; yè dù osunmi súdo sọn miyọn me: ovọ́ mẹ wẹ yé kinkòn; na yè ma dọ̀n mẹylankan lẹ sùn sẹ̀ gba. ³⁰Fataka gbédai wẹ gbẹtọ lẹ na nọ ylọ yé, na OKLUNỌ ko gbẹ́ yé dai wutu.

¹OHÓ hewá Jẹlemia de sọn OKLUNỌ de, dọmọ, ²Sitetọ họ̀n gbo ohò OKLUNỌ tọn ton mẹ, bo lá ohó he to finẹ, bo dọmọ, Mì sè ohó OKLUNỌ tọn, mì Juda tọn lẹpo, he nọ biọ whégbè to hòngbo helẹ̃ ji nado litaina OKLUNỌ. ³Le we OKLUNỌ awhànpa lẹ tọn dọ, Jiwheyẹwhe Islaeli tọn, Mì vò aliho mitọn lẹ jlado po wiwà mitọn lẹ po, Yẹn na sọ hẹn mì nò otẹn he mẹ. ⁴Mì dotu to ohó lalonọ lẹ mẹ blo, dọmọ, Tẹmpli OKLUNỌ tọn lọ, tẹmpli OKLUNỌ tọn lọ, tẹmpli OKLUNỌ tọn lọ, wẹ ehelẹ. ⁵Na eyín mìwlẹ jla aliho mitọn lẹ do mlenmlẹn po wiwà mitọn lẹ po; eyín mìwlẹ hẹn whẹ̀dida sọ mlẹnmlẹn to omẹ de po kọmenu etọn po ṣẹnṣẹn; ⁶eyín mìwlẹ ma bianukunna ojonọ, otósiọvi, po asusiọsi po, bo ma sọ kòn ohùn homẹvọnọ to oten he me, bo ma sọ zinzọnlin hodo yẹwhe dẽvo le hlan awugble mitọn titi gba: ⁷whenenu wẹ yẹn na hẹn mì nado nò otẹn he mẹ, to aigba he yẹn ko na hlan otò mitọn lẹ mẹ, sọn hóhówhenu yèdo kakadoidoi ⁸Dayi e go, mìwlẹ to tudo to ohó lalonọ lẹ mẹ, he ma sọgan doale ⁹Be mìwlẹ na to ajojẹ, to mẹhù, bo to ayọde, bo yí lalo do tó whiwhle, bo to nuwhẹnwan mẹ̀ hlan Baali, bo sọ to zọnlinzin hodo yẹwhe devo lẹ mẹhe mìwlẹ ma ko yọnẹn, ¹⁰bo sọ wá bo ṣite to nukọn ṣie to ohọ̀ he mẹ, ehejì yè ylọ oyín ṣie do, bo didọmọ, Yè whlẹn mí; na mìwlẹ nido to osùnú helẹ wà? ¹¹Bé ohọ́ he, he yè yiylọ gbọn oyín ṣie dali, Yè hẹn lẹzùn odò ajoto lẹ tọn de to nukun mitọn lẹ mẹ wẹ? Dayi e go, Yẹn, yèdọ Yẹn, ko mọ ẹn, wẹ OKLUNỌ dọ. ¹²Ṣigba mì yì dinvie jẹ otẹn ṣie he tin to Ṣilo mẹ, fie yẹn hen oyín ṣie nado nọ nọ̀ to whẹwhẹwhenu, bo pòn núhe yẹn wà hlan ẹn na kanyinylan omẹ ṣie lẹ Islaeli tọn. ¹³Podo dinvie na mìwlẹ ko wà azọn he lẹpo wutu, wẹ OKLUNỌ dọ, bọ yẹn sọ dọhó hlan mìwlẹ, finfọ́n to afọnnufú bo to hódọ, ṣigba mìwlẹ ma sè gba; bọ yen sọ ylọ mì, ṣigba mìwlẹ ma siọ gba: ¹⁴enẹwutu wẹ yẹn na wà hlan ohọ̀ lọ, he yè to yiylọ gbọn oyín ṣie dali, ehemẹ mìwlẹ dotudo, podọ hlan otẹn lọ he yen na hlan mì podọ hlan otọ́ mìton lẹ dile yẹn ko wà hlan Ṣilo do. ¹⁵Podọ yen na sọ zé mì dlangbé sọn nukun ṣie mẹ, dile yẹn ko zé mẹmẹsunnu mitọn lepo dlangbé do, yèdọ okún Eflaimi ton lẹpo pete.

¹⁶Enẹwutu hiẹ hodè na omẹ helẹ blo, mọ hiẹ sọ zé awhá daga kavi odè na yé blo, mọ hiẹ sọ basi avùngbò hlan mi blo: na yẹn ma na sè we gba. ¹⁷Bé hiẹ ma mọ núhe yé to wiwà to tòdaho Juda tọn lẹ mẹ, podọ to alihogbo Jelusalẹm tọn lẹ mẹ? ¹⁸Yọpọ lẹ to nake sinyan, otọ́ lẹ to mìyọn pla, podọ yọnnusi lẹ to linfilí ho, nado basi aklahihi lẹ hlan ahọsi olọn tọn lọ, podọ nado kòn avọ́ nunina nùnù lẹ jẹgbonu hlan yẹwhe dẽvo lẹ, na yé nido hẹnhomẹgble mi hlan adi. ¹⁹Bé yé hẹnhomegble mi hlan adi? we OKLUNỌ dọ; be yede ma wẹ yé hẹnhomẹgblena, hlan ofluje nukunmẹ yétọn titi lẹ tọn? ²⁰Enẹwutu le wẹ OKLUNỌ JIWHEYẸWHE dọ: Dayi e gò, adi ṣie po homẹwlu ṣie powẹyè na kòn jẹgbonu do otẹn he ji, do gbẹtọ ji, podọ do gbékanlin ji, podọ dọ atin dangbo tọn lẹ ji, podọ do sinsẹ́n aigba tọn ji; podọ é na to jiji, yè ma na hẹn ẹn ṣi.

²¹Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Yí avọ́ nunina mimẹ̀ mitọn lẹ dogọ́ avọ́ mitọn lẹ, mì ni sọ to olàn dù ²²Na yẹn ma dọhó hlan otọ́ mitọn lẹ kavi degbèna yé to azán he gbè yẹn hẹn yé tón sọn aigba Egipti tọn mẹ, gbọn avọ́ nunina mimẹ̀ lẹ kavi avọ̀ lẹ tọn dali gba: ²³Ṣigba onú he wẹ yẹn degbèna yé dọmọ, Mì nọ tuntóai hlan ogbè ṣie, yẹn na sọ yín Jiwheyẹwhe mitọn, míwlẹ na sọ yín omẹ ṣie lẹ: mì bo sọ nọ zinzọnlin to aliho ṣie lẹpo mẹ he yẹn degbèna mì, na é nido yín dagbe to mì de. ²⁴Ṣigba yé ma tuntóai kavi dotó yetọn ai gba, ṣigba to zọnlinzin to hónamẹ yetọn titi lẹ mẹ podọ to otasinyẹn ayiha ylankan yetọn tọn mẹ, bo sọ to godogọyì nukọnyì ma gba. ²⁵Sọn azán he gbè gbọn otò mitọn lẹ tón sọn aigba Egipti tọn ji jẹ azán he gbè, wẹ yẹn ko to devi ṣie yẹwhegan lepo dohlan mì, tọ fìnfòn afọnnufù egbesọegbesọ bo to yé dohlan yé: ²⁶Gãnṣo y e ma tuntóai hlan mi, kavi dotó yetọn ai gba, ṣigba hẹn okọ̀ yetọn lín: yé wà oylan hugan otọ́ yetọn lẹ.

²⁷Hiẹ na sọ dọ ohó he lẹpo hlan yé; ṣigba ye ma to na tuntóai hlan we gba: hiẹ na sọ ylọ hlan yé ga ṣigba yé ma to na siọ we gba. ²⁸Hiẹ na sọ dọ hlan yé dọ, Akọta he ma ko tuntóai hlan ogbè OKLUNỌ Jiwheyẹwhe yetọn tọn wẹ ehe, bo ma sọ yí mẹplọnlọ: yè hẹn nugbowà súdo, yè sọ sán ẹn sè sọn onù yetọn mẹ.

²⁹Sán ojẹgbakun towe sẹ̀, Hiẹ Jelusalẹm, bọ zé e dlangbé, bo zé avi de daga to fìyìaga vọtọ lẹ go; na OKLUNỌ ko gbódlanai bo sọ hò whẹndo homegble etọn tọn, pla, ³⁰Na ovi Juda tọn lẹ ko wà ene he yín oylan to nukun ṣie mẹ, wẹ OKLUNỌ dọ: Ye ko zé osunu yetọn lẹ do ohọ lọ mẹ; he yè to yiylọ gbọn oyín ṣie dali, nado flu i. ³¹Yé ko sọ dó otẹn yìaga Tofẹti tọn lẹ, he tin to agbado visunnu Hinọmi tọn tọn mẹ, nadò nọ mẹ̀ visunnu yetọn lẹ po viyọnnu yétọn lẹ po to miyọn mẹ; ehe yen ma degbèna, mọ é ma biọ ayiha ṣie mẹ wá gba. ³²Enẹwutu, dayi e go, azán lẹ lọ wá, wẹ OKLUNỌ dọ bọ yè ma na sọ ylọ ẹ Tofẹti ba, kavi agbado visunnu Hinọmi tọn tọn, adavo agbado Ohùjá tọn: na yé na nọ diṣiọ to Tofẹti mẹ, na otẹn dẽvo de ma na tin finẹ wutu. ³³Osiọ omẹ he lẹ tọn lẹ na yín nu dùdù na ohẹ̀ olọn tọn lẹ, podọ na gbékanlin aigba tọn lẹ; mẹde ma na sọdozínyé mẹgba. ³⁴Whenẹnu wẹ yẹn na hẹn nado doalọte sọn todaho Juda tọn lẹ mẹ, podọ sọn alihogbo Jelusalẹm tọn lẹ mẹ, ogbè aglinjẹ tọn po ogbè homehùn tọn po, ogbè asisúnọ tọn po ogbè asiyoyọ tọn po: na aigba lọ na lẹzùn aigbọgbé de.

¹TO ojlẹ nẹ mẹ, wẹ OKLUNỌ dọ, yé na hẹn ohú ahọlu Juda tọn lẹ tọn lẹ jẹgbonu wá, po ohú ahọvi etọn lẹ tọn lẹ po, po ohu yẹwhenọ lẹ tọn lẹpo, po ohú yẹwhegán lẹ tọn le po, po ohú tòmẹnu Jelusalẹm tọn lẹ tọn lẹ po, jẹgbonu sọn oyọdò yetọn lẹ mẹ: ²yé na sọtẹ́yédo owhè nukọn, osùn, po awhànpa olọn tọn lẹpo po, mẹhe yé ko yiwanna lẹ, podọ mẹhe yé ko to sinsẹ̀n, po mẹhe yé ko to zọnlinzin hodo po, podọ mẹhe yé ko to dindin, podọ mẹhe yé to taliaina: yè ma na bẹ́ yé plidopọ gba, kavi yín didi gba; yé na tin na ogbó to nukunmẹ aigba tọn ji. ³Okú na sọ yín didè hugan ogbè gbọn pipotọ he pò sọn whédo ylankan he mẹ, ehe pò to otẹn lẹpo mẹ fiedali yẹn ko yàn yé hlan, wẹ OKLUNỌ awhànpa lẹ tọn dọ.

⁴Humọ hiẹ na sọ dọ hlan yé dọ, Le wẹ OKLUNỌ dọ: Bé gbẹtọ na jai, bo ma sọ tite ba? bé mede, na lé yì, bo ma sọ lẹ́gọ̀? ⁵Whenẹnu etẹwutu wẹ yè hẹn omẹ Jelusalẹm tọn he lẹ sla yì godo gbọn agòjoyìgodo mapotenọ, de dali? Yé hẹn Okíọ go gligli, yé gbé nado lẹ́gọ̀. ⁶Yẹn tuntóai bo to sisè, ṣigba yé ma dọhó jlọjlọ gba: omẹ de ma diọlinlẹn kanyinylan etọn tọn na ede gba, domo, Eté yẹn ko wà? omẹ dopodopo wẹ diọkọ to ali etọn mẹ, di oeọsú de he dowezun dòdli biọ awhànfunten mẹ. ⁷Mowẹ, adọwé to olọn mẹ yọn ojle didè etọn lẹ; podọ owhle po ohọngbó po po adògbó po nọ payi ojlẹ wiwá yetọn tọn go; ṣigba omẹ ṣie lẹ ma yọ́n whẹ̀dida OKLUNỌ tọn gba. ⁸Nawẹ mì dọ do dọmọ, Nuyọnẹntọ wẹ míwlẹ, osén OKLUNỌ tọn sọ tin to mí de? Ṣigba, dayi e go, wókantin lalonọ wékantọ lẹ tọn ko basi olalodo sọn e mẹ. ⁹Yè hẹn winyanhù omẹ nuyọnẹntọ lẹ, yè hẹn yé savo bo sọ wle yé: pẹ́n, yé ko gbẹ ohó OKLUNỌ tọn dlanai; bó nuyọnẹn alopa tó wẹ tin to yé mẹ? ¹⁰Enẹwutu wẹ yen na na asi yetọn lẹ hlan mẹdẽvo, podọ ogle yetọn lẹ hlan yé he na yí yé na nutindo: na omẹ dopodopo sọn pẹvi talala me je daho pete ji wẹ yè jó hlan nukunkẹn, sọn yẹwhegán ji yèdọ jẹ yẹwhenọ ji yé mẹpó wẹ yí lalo do to zinzán. ¹¹Podọ yé ko sọ hẹnazòn awugble viyọnnu omẹ ṣie lẹ tọn tọn gbọ dohlà, bo didọmọ, Jijọho, jijọho; whenuena jijọho de ma tin ¹²Bé yè hẹn winyanhù yé whenuena yé ko wà osùnú? lala, yè ma hẹn winyanhù yé depope, mọ yé ma sọ sọgan zùn wunpẹnnọ: enẹwutu wẹ yé na jai to yé he jai lẹ ṣẹnṣẹn to ojlẹ odlapón yetọn tọn mẹ, yè na zé yé dlẹn aigba, wẹ OKLUNỌ dọ. ¹³Yẹn na và yé súdo gbidigbidi, wẹ OKLUNỌ dọ: ovẹ̃nsinsẹ́n de ma na tin to vẹntin ji, kavi óvosinsén to ovotin ji, amà lọ na yọ; podọ yẹn ko dèna yé enẹlẹ he na wá yé ji. ¹⁴Etẹwutu wẹ mí sinai súdudu? mì bó míde plidopọ, bo gbọ mí ni biọ tòdaho dòkọnọ lẹ mẹ, bo sọ gbọ mí ni súdo to finẹ: na OKLUNỌ Jiwheyẹwhe ko hẹn mí nado súdo, bo ko sọ na osìn ovivó tọn mí nado nù, na mí ko wàylando do OKLUNỌ go wutu. ¹⁵Mí donukun jijọho, ṣigba dagbe de ma wá; podọ na ojlẹ azònhẹngbọ tọn de, bo dayi e go, avosisa ¹⁶Yè sè awọnmẹfìnfin osé etọn lẹ tọn sọn Dani: to ogbè awhádido huhíọnnọ etọn de lẹ tọn tọn mẹ, aigba pete sisọ; na yè hẹn yé wá, bo ko sọ dù aigba lọ po ehe tin to e mẹ lẹpo po súdo; tòdaho lọ po enelẹ he nọ nò e mẹ lẹ po. ¹⁷Na, dayi e go, yẹn na do odàn lẹ, olopa lẹ, hlan mì ṣẹnṣẹn, he yè ma na klondo; yé na sọ henadu mì, wẹ OKLUNỌ dọ.

¹⁸Ṣó na yẹn do sọgan hẹnhomẹmiọn dẽ do awubla go ayiha ṣie tin kusiọ to ohò ṣie mẹ. ¹⁹Dayi e go, ogbè awhá viyọnnu omẹ ṣie lẹ tọn tọn, na aigba he tin to aganu dẹn boboe de tọn wutu: Bé OKLUNỌ ma tin to Ziọni mẹ wẹ? bé ahọlu etọn ma tin to e mẹ wẹ? Etẹwutu wẹ yé yí boṣio pipa yetọn lẹ po ovọ́ yetọn lẹ po do hẹnhomẹgble mi hlan adi? ²⁰Yè hẹn oji ẹ whenu juwayi, yè hẹn bibéwáwhégbè sinsẹ́n alúnlún mẹ tọn lẹ jẹ opodo, yè ma sọ whlẹn mí gba. ²¹Na awugble viyọnnu omẹ ṣie lẹ tọn tọn wẹ yè do gbleawuna mi: awublanọ wẹ yẹn; awujiji ko hẹn ogo e. ²²Bó alángblenú de ma tin to Gileadi mẹ? bó bòkọnọ de ma tin to finẹ? be etẹwutu wẹ yè ma hẹn azònhẹngbọ viyọnnu omẹ ṣie lẹ tọn ton yì aga?

¹SÓ eyín ota ṣie do yín osìn lẹ, podọ nukun ṣie lẹ asisa odasin lẹ tọn de, na yẹn nido viavi okle po ózán po na alántọsiọ viyọnnu omẹ ṣie lẹ tọn tọn I ²Só yẹn do tindo otẹn fininò omẹ gbejizọnlinnọ lẹ tọn de to zùngbo mẹ; na yẹn nido jó omẹ ṣie lẹ do, bo yì sọn yé de na ayọdetọ wẹ yé mẹpó, bédopọ gbẹtọ danúnọ lẹ tọn de. ³Yé sọ dé odó yetọn di e yín ogá yetọn na lalodido; yè sọ hẹn yé whén huhlọnnọ to aigba lọ mẹ, aigba é ma yín na nugbowà gba; na yé to nukọnyì sọn oylan mẹ je oylan mẹ, podọ yé ma yẹ́n mi gba, wẹ OKLUNỌ dọ. ⁴Mì payi omẹ dopodopo kọmẹnu etọn go, mì sọ dotudo mẹmẹsunnu depope go blo: na mẹmẹsunnu dopodopo na nọ to asúfánmẹgo, podọ kọmenù dopodopo na nọ to yìyì po mẹnúdidọ lẹ po ⁵Yé omẹ dopodopo na nọ to kọmẹnu etọn vléko, bo ma na nọ dọ nugbo gba: yé ko plón odó yetọn nado nọ dọ lalo lẹ; yé hẹn agbópó yóde nado nọ wà oylanwà. ⁶Fininò towe tin to gblagbla oklọ tọn mẹ; gbọn oklọ mẹ yé gbé nado yọn mi, wẹ OKLUNỌ dọ.

⁷Enẹwutu le wẹ OKLUNỌ awhànpa lẹ tọn dọ, Dayi e go, yẹn na yé yé, bo whle yé pọ́n; na nawẹ yẹn do ka sọ wà do, na viyọnnu omẹ ṣie lẹ tọn lẹ tọn wutu? ⁸Odé yetọn tin di ogá adínọ de; é nọ to oklọ dọ: mede nọ yí onù etọn do dohó jijoho hlan kọmẹnu etọn, sigbà to ayiha eton mẹ é tọwu nẹ̃. ⁹Be yẹn ma na dla yé pọ́n na onu helẹ? wẹ OKLUNỌ dọ: bé alindọn ṣie ma na yín ahọsuyítọ to akọta mọnkọ de go di ehe?

¹⁰Yẹn na zé avi de po awhálélé de po daga na osé lẹ, podọ na kanlindùgbo zùngbo mẹ tọn lẹ avigbè de, na yè hẹn yé fiọ wutu, mọ bọ mẹde ma sọ to finẹ gbon yì ba; mọ gbẹtọ lẹ ma sọ sọgan sè ogbè whékanlin lẹ tọn: ohó olọn lẹ tọn po gbékanlin lẹ po wẹ yè hẹn họ̀nyì, yè ko hẹn yé yì ¹¹Yẹn na sọ hẹn Jelusalẹm zùn okiti lẹ, otẹn ninò ohia lẹ tọn de; yẹn na sọ hẹn tòdaho Juda tọn zùn adóto de, matin tòmẹnu. ¹²Menu wẹ omẹ nuyọnẹntọ lọ, he sọgan tùnwun ehe? podọ mẹnu wẹ ewọ lọ mẹhe onù OKLUNỌ tọn ko dọhó hlan, na ewọ nido dọ ẹ tón? enẹwutu wẹ yè do hẹn aigba lọ súdo bo sọ hẹn ẹn fiọ di zùngbo de, mọ bọ mẹde ma sọ to finẹ gbọn yì ba.

¹³OKLUNỌ sọ dọmọ, Na yé ko gbé osén ṣie he yẹn zé do yé nukọn dai wutu, bo ma ko sọ sètónuna ogbè ṣie, kavi zinzọnlin to e mẹ gba; ¹⁴ṣigba bo ko to zọnlinzin hodo otasinyẹn ayiha yetọn titi tọn, podọ to Baalimi godo, he otọ́ yetọn lẹ plón yé: ¹⁵enẹwutu le wẹ OKLUNỌ awhànpa lẹ tọn dọ, Jiwheyẹwhe Islaeli tọn, Dayi e go, yen na yí ògbò do yìn yé, yèdọ omẹ he le, bo sọ na yé osìn ovivé tọn nado nù. ¹⁶Yẹn na vúnvún yé ga to akọta lẹ ṣẹnṣẹn, mehe yéwlẹ kavi otọ́ yetọn lẹ ma yọnẹn: yẹn na sọ do ohi lọ hlan yé godo, kaka yẹn ko do và yé sudo.

¹⁷Le we OKLUNỌ awhànpa le tọn dọ, dọmọ, Mì kanyihapón, bo sọ ylọ jọnnusi awublatọ le, na yé nido wá, bo sọ domẹhlan vọnnusi anawàtọ lẹ, na yé nido wá: ¹⁸bo gbọ yé ni yawu bo zé awhálélé de daga na mí, na nukun mítọn lẹ nido yi odasìn lẹ do viavi, podọ nukundama mítọn lẹ ni yí osìn do tún tún jegbonu. ¹⁹Na yè to ogbè awhálélé tọn de sè sọn Ziọni mẹ jẹgbonu, Nawẹ yè hẹn mí gble do! Yè hẹn mí jẹflu gbahugbahu, na mí ko gbé aigba lọ dai wutu, na fininò mítọn lẹ ko dè mí jẹgbonu. ²⁰Gãnṣo mì sè ohó OKLUNỌ tọn, Mì yọnnu lẹ emi, bo sọ gbọ otọ́ mitọn ni yí ohó onù etọn tọn, bo sọ plọn awhálélé viyọnnu mitọn lẹ, podọ omẹ dopodopo avigbè kọmẹnu etọn. ²¹Na yè hẹn okú hẹji biọ vẹsénuvo mítọn lẹ mẹ wá, yè hẹn ẹn biọ ohònmẹ mítọn lẹ mẹ; nado sán ovi lẹ só sọn gbonu, podọ yọ̀pọ sunnu lẹ sọn aligbo Jẹ ji. ²²Dọhó, Le wẹ OKLUNỌ dọ, Oṣiọ gbẹtọ lẹ tọn na jai di ogbó to dangbo gblagada ji, podọ di alọgògò to ọjibétọ godo, mẹde ma na sìnyan yé pli.

²³Le wẹ OKLUNỌ dọ, A dike gbẹtọ nuyọnẹntọ yígigo to nuyọnẹn etọn mẹ blo, kavi a dike gbẹtọ hlọnhlọnnọ yígigo to hlọnhlọn etọn mẹ blo, a dike gbẹtọ adọkunnọ yígigo to adọkun etọn me blo ²⁴ṣigba gbọ ewọ he to gigoyí ni to gigoyí to ehe mẹ, dọ ewọ tùnwun, bo sọ yón mi, dọ yẹn wẹ OKLUNỌ he nọ yí dagbewanyi, whẹ̀dida, po dódó po zán, to aihon mẹ: na onú helẹ mẹ wẹ yẹn hùnhomẹ te, wẹ OKLUNỌ dọ. ²⁵Dayi e go, azán lẹ wá, wẹ OKLUNỌ dọ, bọ yẹn na sayahẹ yé he yè gbòwhẹ̀na lẹpo to whòmagbo yetọn mẹ; ²⁶Egipti, po Juda po, po Edọmi po, po ovi Amọni tọn lẹ po, po Moabi po, podo yé mẹpó he pà lọnglọnẹn odà yeton tọn lẹ, he nọnọ̀ zùngbo mẹ: na whẹmagbonọ wẹ akọta lẹpo, owhé Islaeli tọn lẹpo sọ yín whómagbonọ to ayiha mẹ.

¹MÌ sè ohó he OKLUNỌ dọ hlan mì, Mì owhé Islaeli tọn emi: ²Le wẹ OKLUNỌ dọ, dọmo, Mì plọn ali akọta lẹ tọn blo, mì sọ yín avosatọ to ohia olọn tọn lẹ kòn blo; na akọta lẹ wẹ yè hẹn savo to yé kòn. ³Na ovó oséndoai kosi lẹ tọn lẹ: na atin wẹ ehe mẹde sán, azón sọn alọ azọ́ntọ de tọn lẹ mẹ po asiọvi po. ⁴Yé yí fataka do doasọ nẹ̃ po sika po; yé yí húngàn lẹ po ogòmẹ lẹ po do whè e na é setẹn blo. ⁵Yé tin taidi odotin to ojipa kukumbeli lẹ tọn de mẹ, azón didiọ tọn, bo ma nọ dohó: yè ma sọgan nọma zé yé, na ye ma sọgan yì wutu. Mì yín avosatọna yé tọn blo; na yé ma sọgan wà oylan, mọ e ma sọ tin to yé mẹ nado wà dagbe. ⁶Mẹde pia tin jijlẹ hlan we gba, OKLUNỌ E; kiklo wẹ hie, podọ oyín towe sọ yín kiklo to hlọnhlọn me. ⁷Mẹnu wẹ ma do dibusi we, Hiẹ ahọlu akọta lẹ tọn? na é jèhẹ we: sùsọ le to gbẹtọ nuyọnẹntọ akọta lẹ tọn lẹpo ṣẹnṣẹn, podọ to ohá ahọlu tọn yetọn lẹpo mẹ mẹde ma tin finẹ jijlẹ hlan we gba. ⁸Ṣigba yé tin gbọn onú dopo mẹ kanlinjọmẹ, oklenọ: núpinplọ́n ovó lẹ tọn atinpo de wẹ. ⁹Yè tùn fataka finẹ do agbanvla lẹ he yè hẹn sọn Talsisi mẹ, po sika po sọn Ofili mẹ, azón adaundotọ tọn podọ sọn alọ sikayáwàtọ tọn lẹ mẹ; oféno po gèfunwunmẹ po na avọ́ yetọn; azón gbẹtọ ananọ lẹ tọn we yé mẹpó. ¹⁰Ṣigba OKLUNỌ wẹ Jiwheyẹwhe to nugbo mẹ; ewọ wẹ Jiwheyẹwhe ogbónọ, podọ ahọlu madopodo de: to homẹgble etọn me aigba sisọ, podọ akọta lẹ ma sọ tin sọgan nado dakónna adanjijẹ etọn.

¹¹Le wẹ mì na do hlan yé, dọmọ, Yẹwhe he ma ko basi olọn lẹ po aigba po, ye na và sọn aigba ji to olọn helẹ glọ.

¹²Gbọn huhlọn etọn dali wẹ ewọ ko do basi aigba lọ, ewọ ko hẹn aihọn lódo gbọn nuyọnẹn etọn dali, podọ gbọn wuntùntùn etọn dali wẹ ewọ ko do dlen olọn lẹ jẹgbonu: ¹³Whenuena é do ogbè etọn tón, zingidi osìn lẹ tọn de tin to olọn lẹ mẹ, ewọ sọ hẹn avivi lẹ nado hẹjiyì sọn opòdo aigba tọn lẹ mẹ; é basi abi lẹ na ojikun, bo sọ hẹn ojẹhọn jegbonu wá sọn agbànhò etọn lẹ mẹ. ¹⁴Omẹ dopodopo yín kanlinjọmẹ gbahu nado yọnen; sikayáwàtọ lẹpo wẹ yè hẹnwinyanhù gbọn bosiọ pipa etọn dali: na bosiọ kinkòn etọn olalo wẹ, podọ gbọfufu de ma tin to yé mẹ ¹⁵Ovó wẹ yé, azón ovlẹ tọn de: to ojlẹ odlapón yetọn tọn mẹ yé na súdo. ¹⁶Mimá Jakob tọn ma tin taidi ehelẹ gba: na ewọ wẹ didotọ onú lẹpo tọn; podọ Islaeli wẹ whẹ̀ndo ogúdu etọn tọn: OKLUNỌ awhànpa lẹ tọn wẹ oyín etọn.

¹⁷Bó odì towe pli sọn aigba, Hlẹ tòmẹnu-yọnnu sọn zùnkangbo mẹ. ¹⁸Na le wẹ OKLUNỌ dọ, Dayi e go, Yẹn na mì tòmenu aigba lọ tọn le jegbonu to ojlẹ he mẹ, bo na so bianukunna yé, na yé nido mọ ẹn. ¹⁹Dindọn wẹ yẹn na awugble ṣie adihú wẹ alán ṣie: ṣigba yẹn dọmọ, Òlànmezòn ṣie wẹ ehe nugbonugbo, yẹn do na doakónna en. ²⁰Yè hẹn gòhọ ṣie gble, okàn ṣie lẹpo wẹ yè sọ wén: Yè hẹn ovi ṣie lẹpo jẹgbonu yì sọn dẽ, yé ma sọ tin gba: mẹde ma sọ tin finẹ nado dlẹn gòhọ ṣie jẹgbonu ba, podọ nado zé avọ̀dido ṣie lẹ daga. ²¹Na yè hẹn lẹngbọhọtọ lẹ tin lẹzùn kanlinjọmẹ, bo ma ko sọ kanbiọ son OKLUNỌ de gba: enẹwutu we yé ma ko do yí nuyọnẹn do zán, yè so vúnvún lẹngbọpa yetọn lẹpo. ²²Ogbè lìnlìn de tọn, dayi e go é ja, po zínzínyẹn daho de po sọn oto agéwaji tọn mẹ, nado hẹn tòdaho Juda tọn lẹ zùn adóto dẹ, otẹn fininò ohia lẹ tọn de. ²³OKLUNỌ E, yẹn yọnẹn dọ aliho gbẹtọ tọn ma tin to ewlọsu mẹ gba: é ma tin to omẹ he to zọnlinzin mẹ nado do afọdidè etọn le gba ²⁴OKLUNỌ È, yí whẹ̀dida do hen mi sọgbè; adi towe mẹ ma gba, hiẹ nikã hẹn mi whè. ²⁵Túntún homẹwlu towe jẹgbonu do kosi he ma yón we ji, podọ do whédo lẹ ji he ma nọ ylọ oyín towe: na y é ko dù J akob súdo, mọwẹ, yé ko dù i súdo bo sọ và ẹ, bo ko sọ hẹn kanlindùgbo etọn zùn vótọ.

¹OHO he wá Jelemia de sọn OKLUNỌ de, dọmọ, ²Mi sè ohó alènu he tọn lẹ, bo so dọ hlan omẹ Juda tọn le, podọ hlan tòmenu Jelusalẹm tọn lẹ; ³Hie ni sọ dọ hlan yé dọmọ, Le wẹ OKLUNỌ dọ, Jiwheyẹwhe Islaeli tọn: Mẹhodódo wẹ omẹ lọ yín he ma sè ohó alẹ̀nu he tọn lẹ, ⁴he yẹn degbèna otọ́ mitọn lẹ to azán lọ mẹ he yẹn hẹn ye jegbonu sọn aigba Egiptì tọn ji, tón sọn ogànyú zòhò mẹ, dọmọ, Mì sètónuna ogbè ṣie, bo wà yé, kẹdedi ehe yẹn degbèna mì lẹpo: mọwẹ míwlẹ na yín ome ṣie lẹ, yẹn na sọ yín Jiwheyẹwhe mitọn. ⁵Na yẹn nido hẹn whiwhle ṣie lódo he yẹn ko whle hlan otọ́ mitọn lẹ, nado na yé aigba de he yí oyìnnọ́ po owín po do to sisa, di to azán he gbè. Whenenu wẹ yẹn gblọn, bo dọmọ, Niṣẹ, OKLUNỌ E.

⁶OKLUNỌ sọ dọ hlan mi dọmọ, Lá ohó he lepo to tòdaho Juda tọn lẹ me, podọ to alihogbo Jelusalẹm tọn lẹ ji, dọmọ, Mì sè ohó alẹ̀nù he tọn lẹ, bo sọ wà yé. ⁷Na yen yí vivenu do sàhẽlu hlan otọ́ mitọn lẹ to azán he mẹ yẹn hẹn yé hẹji jẹgbonu sọn aigba Egipti tọn ji wá, yèdọ jẹ azán he gbè, finfọ́n klefu bo to ahèlusa, dọ, Mì ni sètónuna ogbè ṣie. ⁸Gãnṣo yé ma sètónuna gba, kavi dotó yetọn ai gba, ṣigba omẹ dopodopo to zọnlinzin to tasinyẹn ayiha ylankan yetọn tọn mẹ: enẹwutu we yẹn hẹn ohó alẹ̀nù he tọn lẹpo wá yé ji, he yẹn degbèna yé nado wà, ṣigba yé ma wà yé gba.

⁹OKLUNỌ sọ dọ hlan mi dọmọ, Yè mọ núbibla de to omẹ Juda tọn lẹ ṣẹnṣẹn, podọ to tòmẹnu Jelusalẹm tọn lẹ ṣẹnṣẹn. ¹⁰Yè hẹn yé lé godo hlan oylan wà tógbo yetọn lẹ tọn le kòn, he gbó nado sè ohó ṣie lẹ; yè sọ hẹn yé hodo yẹwhe dẽvo lẹ yì nado sèn yé: owhó Islaeli tọn po owhó Juda tọn po ko gbà alẹ̀nù ṣie he yẹn basi hẹ otọ́ yetọn lẹ. ¹¹Enẹwutu le wẹ OKLUNỌ dọ, Dayi e go, yẹn na hẹn oylan wa yé ji, he mẹ yé ma na tin sọgan nado họngán sọn; yé na sọ dawhá hlan mi, ṣigba yẹn ma na tuntóai hlan yé gba. ¹²Whenẹnu wẹ tòdaho Juda tọn lẹ po tòmenu Jelusalẹm tọn lẹ po na yi bo to awhádo hlan yẹwhe lẹ he yé to nuyọnwan na hlan lẹ: ṣigba yé ma na whlẹn yé lala to ojlẹ oylan yetọn tọn mẹ. ¹³Na kẹdẹdi osọha tòdaho towe lẹ tọn wẹ yẹwhe towe lẹ, Hiẹ Juda; podọ kẹdẹdi osọha alihogbo Jelusalẹm tọn lẹ tọn wẹ mì ko do zé agbà lẹ daga hlan oviìnyan, yèdọ agbà le nado nọ mẹ nuyọnwan hlan Baali. ¹⁴Enewutu hiẹ hodè na omẹ he le blo, hiẹ sọ ze awha kavi odẹ daga na yé blo: na yẹn ma na sè yé to ojlẹ he mẹ yé to awhádo hlan mi to ojlẹ oylan yetọn tọn mẹ.

¹⁵Etó meyiwanna ṣie tindo nado wà tó ohò ṣie mẹ, mimọ ewọ ko basi wantúntún hẹ mẹsusu, bo yè sọ hẹn olàn wiwe juyì sọn de we? whenuena oylan towe wá, whenenu wẹ hiẹ to ayaje. ¹⁶OKLUNỌ ylọ oyín towe, Atin olivieli omú de, he yọnwhanpe na sinsẹ́n dagbedagbe: po awhagbè zingidi daho de tọn po, ewọ ko pla mìyọn do e ji, yè sọ wén alà etọn lẹ. ¹⁷Na OKLUNỌ awhanpa lẹ tọn, he do we, ko dọ oylan do ogo we, na oylan owhé Islaeli tọn tọn wutu po owhé Juda tọn tọn po, he yé ko basi na yéde to hinhenhomẹgble mi hlan adi mẹ gbọn nina nuyọnwan hlan Baali dali.

¹⁸OKLUNỌ sọ na oyọnẹn e tọn mi, bọ yẹn sọ yón en: whenenu we hiẹ do wiwà yetọn le hia mi ¹⁹Ṣigba yẹn tin, taidi lẹngbọvu abọenọ de he yè plan hlan liùhùtọ; yẹn ma sọ yọnen do yé ko dowé wédido lẹ do ògọ e gba domọ, Gbọ mí ni và atin lọ po sinsẹ́n etọn po, bo sọ gbọ mí ni san ẹn sè sọn aigba ogbènọ tọn ji, na yè ma na sọ do flin oyín eton ba gba. ²⁰Ṣigba, OKLUNỌ awhànpa lẹ tọn, he nọ yí dódó do dawhè, he nọ whle otù po ayiha po pon, gbọ yen ni mọ ahosúyí towe to ye ji: na hiẹ we yen do ọwhẹhó ṣie hia hlan. ²¹Enewutu le wẹ OKLUNỌ dọ gbọn omẹ Anatoti tọn lẹ tọn dali, he to ogbè towe din, dọmọ, Hie ma na dọ dọdai to oyín OKLUNỌ tọn me gba, na hiẹ ma na do kú gbon alọ mitọn dali. ²²Enẹwutu lẹ́ we OKLUNỌ awhànpa lẹ tọn dọ, Dayi e go, yen na dlapọ́n to yé ji yọ̀pọ sunnu lẹ na kú gbọn ohi dali; visunnu yetọn lẹ pó viyọnnu yetọn lẹ po na kú gbọn ohùvé dali; ²³podọ pipòtọ de ma na tin hlan yé gba: na yẹn na hen oylan wá omẹ Anatoti tọn lẹ ji, to owhè odlapón yetọn lọ tọn mẹ.

¹Dódónọ we hie, OKLUNỌ E, whenuena yẹn to whógbèdo hẹ we: gãnṣo whẹ̀dida le we yẹn na dọ etẹwutu wẹ aliho mẹylankan lẹ tọn do doale? etẹwutu yé he yí odanú susu do to zinzán lẹpo do tin to awubọ mẹ? ²Hiẹ wẹ ko do yé, mọwẹ, yé ko hẹnadọai: yé to whinwhén, mọwẹ, yé hen sinsẹ́n jegbonu wá: hie tin yakẹ to onù yetọn mẹ, bo dèn do otu y, etọn lẹ. ³Ṣigba hiẹ yón mi, OKLUNỌ E, hiẹ mọ mi, bo sọ whló ayiha ṣie pọn hlan dali towe: dòn yé jẹgbonu taidi lẹngbọ na hùhù, bo sọ lẹ̀ yé wé na azán hùhù tọn. ⁴Nawẹ aigba lọ na blawu dèn sọ, bọ omá otò lọ pete tọn na do yé? na kanyinylan yé he nọ nọ e mẹ lẹ tọn, yè và gbékanlin le súdo, po ohẹ le po; na yé dọ wutu, dọ Ewọ ma to na mọ godo mitọn gba. ⁵Eyín hiẹ hònwezun hẹ afọno lẹ, bọ yé ko hẹnagbọpé we, whenẹnu nawẹ hie sọgan péhe osé lẹ do? podọ yín yè tlẹ hen hiẹ gán to aigba jijoho tọn de mẹ, gãnṣo nawẹ hie na wà dó to wuwlu Jodani tọn mẹ? ⁶Na yèdọ mẹmẹsunnu towe lẹ, po owhé otọ́ towe tọn po, yèdọ yé ko yí odanú do zán hẹ we, yèdọ yé ko to awhádo léló to godo towe: hiẹ yí yé sè blo, yíh yé tlẹ dọ onú dagbe le hlan we.

⁷Yẹn ko gbé owhó ṣie dai, yẹn ko zé ogú ṣie dlangbé; yẹn ko jó mẹyiwanna vivé alindọn ṣie ton do alọ kẹ̀ntọ etọn lẹ tọn mẹ. ⁸Yè hẹn ogú ṣie lẹzùn kinnikinni de hlan mi to zùnkangbo mẹ: é ko do ogbè etọn tón do ogo e; enẹwutu wẹ yen ko do gbewanna en. ⁹Bé ogú ṣie hlan mi tin di ohè wlanwlan wẹnyan tọn de wẹ? bé ohè wenyan tọn lẹ tin pannukọn ẹn lédo wẹ? mì yì, bé gbékanlin danji tọn lẹpo pli, hẹn yé wá nado dù súdo. ¹⁰Lengbohọtọ susu ko và vẹ̃ngle ṣie, yé ko zín mimá ṣie dai to afọ glọ, yé ko hẹn mimá whanpẹnọ ṣie zùn zùngbo jẹvó de. ¹¹Yé ko hẹn ẹn zùn oyojẹ de; é to awubla hlan mi, yínyín vọ́jẹ; aigba lọ pete wẹ yè hẹn zùn jẹvó, na omẹ de ma yí i do ayiha mẹ wutu. ¹²Yè hẹn hengbletọ lẹ wá fiyìaga vọtọ lẹpo ji to zùngbo mẹ: na ohi OKLUNỌ tọn to dùdùsúdo sọn opòdo aigba lọ tọn de yèdọ jẹ opodo dẽvo aigba lọ tọn: agbasalan de ma tindo jijọho. ¹³Yé ko do olikún, bo ko gbèn owun lẹ; yé ko yí yede do awufìẹsa mẹ, bo ma dùalena núde: mì ni yín winyannọ, na adi zògbe OKLUNỌ tọn wutu.

¹⁴Le wẹ OKLUNỌ dọ do kọmẹnu ylanylan sie lẹpo go, he doalọ ogú he yẹn ko hẹn Islaeli omẹ ṣie lẹ nado dù go: Dayi e go, yẹn na sún yé sè sọn aigba yetọn ji, bo sọ sún owhé Juda tọn sọn yé ṣẹnṣẹn. ¹⁵E na sọ wá jọ, ehe godo yen ko sún yé sè, yen na lẹ́gọ̀ bo tindo lèblanu to yé ji; yẹn na sọ vó yé henwá, omẹ dopodopo jẹ ogú etọn kòn, podọ omẹ dopodopo jẹ aigba etọn kòn. ¹⁶E na sọ wá jọ, eyín yé na yí sọwhiwhe do plón ali omẹ ṣie lẹ tọn lẹ, nado nọ whle gbọn oyín ṣie, Le OKLUNỌ togbẹ̀, dali; yèdọ dile yé plón omẹ ṣie lẹ do nado nọ whle gbọn Baali dali; whenẹnu wẹ yè na dó yé daga to gblagbla omẹ ṣie lẹ tọn mẹ. ¹⁷Ṣigba eyín yé ma na sè gba, whenẹnu wẹ yẹn na sún akọta nẹ ṣẹ̀, súnsún in daga po vivà po, wẹ OKLUNỌ dọ.

¹LE wẹ OKLUNỌ dọ hlan mi dọ, Yì, bo hò homẹbla alàvò tọn de na dewe, bo yí i do adaja towe go, a yí i do osìn mẹ blo. ²Mọ wẹ yẹn hò homẹbla de kẹdẹdi ohó OKLUNỌ tọn, bo yí i do adaja ṣie go. ³Ohó OKLUNỌ tọn sọ wá dẽ whlawetọ, dọmọ, ⁴Yí homẹbla lọ he hiẹ ko hò, he tin to adaja towe go, bo tite, yì Euíìatesi, bo whla ẹ finẹ to odò osé tọn de mẹ. ⁵Mọwẹ yẹn yì, bo whla ẹ to Euflatesi dali, dile OKLUNỌ degbèna mi do. ⁶E sọ wá jọ to azán susu godo, wẹ OKLUNỌ dọ hlan mi, dọ, Tite, yì Euflatesi kòn, bo yí homẹbla lọ sọn finẹ, he yẹn degbèna we nado yíwhla do finẹ. ⁷Whenẹnu wẹ yẹn yì Euflatesi kòn, bo kùn, bo yí homẹbla lọ sọn otẹn fie yẹn ko whla ẹ do mẹ: bo, dayi e go, yè hẹn homẹbla lọ diọun, é ma yín alènọ na núde. ⁸Whenẹnu wẹ ohó OKLUNỌ tọn wá dẽ, dọmọ, ⁹Le wẹ OKLUNỌ dọ, Le he hunkọ wẹ yẹn na diọunna sakla Juda tọn, po sakla daho Jelusalẹm tọn po. ¹⁰Omẹ ylankan he lẹ, he gbé nado sè ohó ṣie lẹ, he to zọnlinzin to otasinyẹn ayiha yetọn tọn mẹ, bọ yè hẹn hodo yẹwhe dẽvo lẹ yì nado to yé sẹ̀n, podọ nado to taliaina yé, na tin yèdo di homẹbla he, he ma yín alènọ na núde. ¹¹Na le homẹbla lọ tédo adaja omẹ de tọn go do, mọwẹ yẹn ko hẹn owhé Islaeli tọn pete podọ owhé Juda tọn pete nado tédo ogo e, wẹ OKLUNỌ dọ; na yé nido tin hlan mi na gbẹtọ lẹ de, podọ na oyín de, podọ na pipa de, podọ na gigo de: ṣigba yé ma jlo na sè gba. ¹²Enẹwutu wẹ hiẹ na dọ ohó he hlan yé: Le wẹ OKLUNỌ dọ, Jiwheyẹwhe Islaeli tọn, odẹ̀zẹ́n lẹpo wẹ yè na yí ovẹ̃n do gó: yé na sọ dọ hlan we dọ, Bó mí ma yọnẹn dọ odèzén lẹpo wẹ yè na yí ovẹ̃n do gó? ¹³Whenẹnu wẹ hiẹ na dọ hlan yé dọ, Le wẹ OKLUNỌ dọ, Dayi e go, yẹn na yí onùmú do góhòna tòmẹnu aigba he tọn lẹ, yèdọ ahọlu he sinai na Davidi to ofìn etọn ji lẹ, po yẹwhenọ lẹ po, po yẹwhegán lẹ po, po tomẹnu Jelusalẹm tọn lẹpo po. ¹⁴Yẹn na sọ gbà yé ode do awetọ go, yèdọ otọ́ po visunnu lẹ po dopọ, wẹ OKLUNỌ dọ: yẹn ma na wàlẹblanu, kavi hladote, kavi tindo awubla gba, bọ yẹn ma na do và yé. ¹⁵Mì sè, bo na otọ́; mì yín saklanọ blo: na OKLUNỌ ko dọhó. ¹⁶Mì na gigo hlan OKLUNỌ Jiwheyẹwhe mitọn, whẹpo zinvlu ni do do, podọ whẹpo afọ mitọn lẹ na do dahli to osé fliflimẹ tọn lẹ ji; podọ, whenuena míwlẹ to nukundọ hinhọ́n, ewọ diọ ẹ do zinvlu sisosiso mẹ, bo sọ hẹn ẹn zùn zinvlu góhgón. ¹⁷Ṣigba eyín mìwlẹ ma na sè e, alindọn ṣie na viavi to nuglọ na sakla mitọn; nukun ṣie na viavi badabada, bo yí dansìn do sà kọnyìnai, na yè yí lẹngbọpa OKLUNỌ tọn do wle mẹmẹglọ wutu. ¹⁸Dọ hlan ahọlu lọ podọ hlan ahọsi onọ lọ dọ, Mì sinai to odò: na yè hẹn zinvò mitọn lẹ wá odò, yèdọ ojẹgbakun mitọn whanpẹnọ. ¹⁹Yè sú tòdaho huwaji tọn lẹ do, mẹde ma tin finẹ nado hùn yé: yè plan Juda yì mẹmẹglọ popo e tọn: yè plan ẹn yì mẹmẹglọ pete.

²⁰Mì zé nukun mitọn lẹ daga, bo pọ́n yé he sọn agéwaji wá lẹ: fie lẹngbọpa he yè na we te, lẹngbọpa towe whanpenọ? ²¹Eté hiẹ na dọ, whenuena é na dla we pọ́n, mimọ hiẹ lọsu ko naplón yé do oji we, yèdọ họntọn towe lẹ, nado yín ogán to oji we? bó awubla ma na hẹn ogo we, di yọnnu de to ajipa mẹ? ²²Podọ eyín hiẹ dọ to ayiha towe mẹ dọ, Etẹwutu wẹ yè hen onú helẹ wá oji e? na gégé oylanwà towe tọn wẹ yè dọ hùn avọ̀ towe, bọ afọgben towe lẹ do jiyana huhlọn. ²³Bé Etiopianu sọgan diọ agbasayú etọn, kavi opò owhó etọn lẹ? bó whenẹnu wẹ mìwlẹ ga sọgan wà dagbe, he yè plọn nado wà oylan. ²⁴Enẹwutu wẹ yẹn na vúnvún yé, di zinkán he juwayì jẹ ojẹhọn zùngbọmẹ tọn de. ²⁵Ehe wẹ mimá towe, adade yè jlẹ hlan we sọn dẽ, wẹ OKLUNỌ dọ; na hiẹ ko wọn mi wutu, bo sọ dotu to lalo mẹ. ²⁶Enẹwutu wẹ yẹn na hùn awu towe lẹ to nukunmẹ towe nukọn, owinyan towe na sọ sọawuhia. ²⁷Yẹn ko mọ osùnú towe lẹ, yèdọ ayọdide towe lẹ, po winwan towe lẹ po, wantúntún galilọ towe tọn, to okota lẹ ji to dangbo. Dindọn hlan we hiẹ Jelusalẹm! Yè ma na hẹn we zùn wiwe gba; nawẹ é na gbó sọ yín dindẹn sọ?

¹OHO OKLUNỌ tọn he wá Jẹlemia de gbọn akúdido ton dali.

²Juda to awubla, hòngbo etọn lẹ sọ gblekàn, yé sinai yudúdú me to aigba ji; yè sọ hẹn awhá Jelusalẹm ton yì aga. ³Mẹgbõgbo yetọn lẹ do mẹwhiwhe yetọn lẹ hlan na osìn lẹ: yé wá odo lẹ kọn bo ma mọ osìn de; yé lẹ́gọ̀ po núzinzán yetọn lẹ po j ẹvó: y è hen yé zùn winyannọ, oflunọ, bo sọ ṣinyọn nu ota yetọn lẹ. ⁴Na aigba he yè hẹn savo tọn wutu, na dọ jikun de ma ko tin to aigba lọ mẹ, yè hen óglepòtọ lẹ zùn winyannọ ye ṣinyọnnu ota yetọn le. ⁵Mọwẹ, agbànlinsi ga to danji jivi, bo gbé ovi etọn dai na ogbé de ma tin wutu. ⁶Kẹtekẹtẹ gbéme tọn lẹ site to fiyìji jevó le ji, yé hinhanhinhan na jẹhọn taidi ogbévún lẹ; nukun yetọn lẹ kusiọ, na amadùdù de ma tin finẹ wutu.

⁷Yín oylanwà mítọn lẹ tle dekunnu do mí ji, hiẹ ni wàzón na oyín towe tọn wutu, OKIUNỌ È: na agojijo mítọn lẹ yín susu; mí ko wàylando do we. ⁸Hie otódo Islaeli tọn E, whlẹngántọ etọn to ojlẹ tukla tọn mẹ, etẹwutu wẹ hiẹ do tin di wásinu de to aigba lọ mẹ, podọ di omẹ gbéjizọnlinnọ de he dlen gohọ etọn nado dòngbàn na ozánmẹ de? ⁹Etẹwutu wẹ hiẹ do tin di ome awujinọ de, di omẹ hlọnhlọnnọ de, he ma sọgan whlenmẹ? gãnṣo OKLUNỌ E, hie tin to ogbla mitọn mẹ, podọ yè sọ nọ ylọ mí gbọn oyín towe dali; a jó mí do blo.

¹⁰Le wẹ OKLUNỌ dọ hlan omẹ he lẹ dọ, Yèdọ mọwẹ yé ko yiwanna nado nọ danpé; yé ma ko hen afọ yetọn lẹ jagò gba: enẹwutu OKLUNỌ ma kẹalọyí yé gba; lo wẹ ewọ na flin oylanwà yetọn, bo sọ dla ylando yetọn lẹ pọ́n. ¹¹OELUNỌ sọ dọ hlan mi dọ, A hodè na omẹ he lẹ na dagbe yetọn blo ¹²Whenuena yé blanù, yẹn ma na sè awhá yetọn gba; podọ whenuena yé na nunina avọ́ ninnó tọn po ojinulili po, yen ma na kẹalọyí ye gba: ṣigba yẹn na và yé súdo gbọn ohi dali, podọ gbọn ohùvé dali, podọ gbọn azònylankan dali. ¹³Whenẹnu wẹ yẹn dọmọ, Só, OKLUNỌ JIWHEYẸWHE! dayi e go, yewhegán lẹ didọ hlan yé dọ, Mìwlẹ ma na mọ ohi gba, mọ mì ma sọ to na tindo ohùvẹ́ gba: ṣigba yen na jijọho nugbo tọn mì to oten he me ¹⁴Whenẹnu wẹ OKIUNỌ dọ hlan mi dọ, Yẹwhegán lẹ lọ dọdọdai lalo to oyín siemẹ: Yẹn ma do yé hlan gba, mọ yen ma ko sọ degbèna yé gba, mọ yen ma sọ dọhó hlan yé gba: Yé dọdọdai númimọ lalonọ de hlan mì, po asè po, po onú ovó tọn de po, po oklọ ayiha yeton lọsu tọn po. ¹⁵Enẹwutu le wẹ OKLUNỌ dọ gbọn yẹwhegán le lọ tọn dali he to didọdai to oyín ṣie me dọ, Yen ma do yé hlan gba, gãnṣo yé didọmọ, Ohi po ohùvé po ma na tin to aigba he mẹ gba: Gbọn ohi po ohùvé po dali wẹ yè na và yẹwhegán nẹlẹ súdo. ¹⁶Podọ gbẹtọ lẹ lọ mẹhe ye dọdọdai hlan le wẹ yè na sọ zédlan gbonu to aligbo Jelusalẹm tọn lẹ ji na ohùvé lọ po ohi lọ po wutu; yé ma na tindo mẹde nado di yé, yé, asi yetọn lẹ, kavi visunnu yetọn lẹ, kavi viyọnnu yetọn lẹ: na yẹn na kòn kanyinylan yetọn do yé ji. ¹⁷Hiẹ na dọ ohó he hlan yé dọ, Mì gbọ nukun ṣie lẹ ni yí odasìn do sà; to ozán po okle po, bo ma dike yé gbòdo; na yè yí kikẹ̀ daho de po alán adinọ tàla de po do gbà viyọnnu awhli ome ṣie lẹ ton. ¹⁸Eyín yẹn tón yì biọ danji, whenẹnu dayi e go, aíántọsio lẹ po ohi lọ po I podọ eyín yẹn sọ biọ tòdaho lọ mẹ, whenẹnu dayi olànmẹzòn ohùvé tọn lọ go na yẹwhegán lọ po yẹwhenọ lọ po to ajówà biọ aigba he yé ma yọnẹn de mẹ.

¹⁹Be hiẹ ko gbé Juda dlẹn patapata wẹ? alindọn towe hòwan Ziọni we? etẹwutu wẹ: hiẹ ko hò mí, bọ azònhẹngbọ de ma tin finẹ na mí? Mí donukun jijọho, ṣigba dagbe de ma wá; podọ na ojlẹ azònhẹngbọ tọn de, ṣigba pọ́n avosisa ²⁰Mí yón kanyinylan mítọn, OKLUNỌ E, po oylanwà otọ́ mítọn lẹ tọn po: na mí ko wàylando do ogo we. ²¹A gbékò mí go blo, na oyín towe tọn wutu: a dowinyan ofìn gigo towe tọn blo: flin, a sọ gbà alẹ̀nù towe to mí de blo. ²²Bó to ovó kosi tọn lẹ ṣẹnṣẹn depope tin he sọgan hẹn ojikun ja? kavi olon lẹ sọgan na jikunfinfán? bé hie ma wẹ ewọ, OKLUNỌ E Jiwheyẹwhe mítọn? enẹwutu wẹ mí na do nọtepọ́n we; na hiẹ wẹ ko wà onú he lepo.

¹WHENẸNU wẹ OKLUNỌ dọ hlan mi, dọ, Yín Moṣe po Samuẹli po tlẹ site to nukọn ṣie, gãnṣo ayiha ṣie ma sọgan tin hlan omẹ he lẹ dali gba: zé yé dl; ingbé son nukun ṣie mẹ, bo gbọ yé ni tọn yì. ²E na sọ wá jọ, whenuena yé dọ hlan we do, Fie wẹ inl na tọ́n yì? whenenu wẹ hiẹ na dọ na ye dọ, Le wẹ OKLUNỌ dọ: Ehehunkọ tin na okú, hlan òkú, ehehunkọ tin na ohi, hlan ohi lọ; podo ehehunkọ tin na ohùvé, hlan ohín ẹ: podo ehehunkọ tin na meglọnọ, hlan mẹglọnọ. ³Yẹn na sọ dè whédo ẹnẹ do yẹ yi, wẹ OKLUNỌ dọ: ohi nado hù, podọ avun lẹ nado dòndai, ohọ̀ olọn tọn lẹ, po gbékanlin aigba tọn lẹ po, nado dòntlen podọ nado súdo ⁴Yẹn na sọ hẹn yé nado yín mimimiml hlan nukọn podọ hlan godo to ahọludu aigba tọn lepo ṣẹnṣẹn, na Manasẹ visunnu Hẹzekia ahọlu Juda tọn tọn wutu, na enẹ he e wà to Jelusalẹm mẹ. ⁵Na mẹnu we na tindo awubla to oji we, hiẹ Jelusalẹm? kavi mẹnu we na ví we? kavi mẹnu we na lé japadopo nado kàn jijọho towe sè? ⁶Iliẹ ko gbó mi dlẹn, wẹ OKLUNỌ dọ, yè hẹn we jagò yì godo: enẹwutu wẹ yẹn ko do dlen alọ ṣie jẹgbonu do ogo we, bo sọ và we; yẹn yín núsikọnọ po linlẹndidiọ po. ⁷Yẹn ko yí afàfà de do fú yé to hòngbo aigba lọ tọn lẹ mẹ; yẹn ko fọ́ ovi lẹ sọn yé si, yẹn ko và omẹ ṣie lẹ; yé ma ko diọkò sọn aliho yetọn lẹ ji gba. ⁸Yè to asusiọsi yetọn lẹ hẹnsu hlan dè hugan otòkẹn ohù lẹ tọn: yẹn hẹn hẹngbletọ de wá onọ lọ po yọposunnu lẹ lọ po ji to oklekle: yẹn ko hẹn tuwhélime po obudaho lẹ po nado flẹjẹ e ji ajiji. ⁹Ewọ he ko ji ṣinawe gblékàn; ewọ ko jó gbigbọ do; owhè etọn yè hẹn yì whenuena é gbé sọ to okle yín; Yè ko hẹn ẹn yín winyannọ, oflunọ: podọ pipotọ yé tọn we yen na jó hlan ohi lọ to kẹ̀ntọ yetọn lẹ nukọn, wẹ OKLUNỌ dọ.

¹⁰Dindòn wẹ yẹn, onọ ṣie, bọ hiẹ ko do ji mi omẹ avùn tọn de podọ omẹ nudindọn tọn de hlan aigba lọ pete! Yẹn ma ko yàn to akuẹvinina yi, mọ gbẹtọ lẹ ma ko yàn hlan mi to akuẹvinina ji; gãnṣo omẹ dopodopo yé tọn to dẹ̀hodo mi. ¹¹OKLUNỌ dọmọ, Nugbo pipòtọ towe na tin na dagbe; nugbo yẹn na hẹn kẹ̀ntọ lọ nado basi ovẹ̀vẹ̀ hlan we to ojlẹ oylan tọn mẹ podọ to ojlẹ nukunbia tọn mẹ.

¹²Be ogànyũ sọgan gbà ogànyũ sọn agéwaji, po ogànvẹ̃ po? ¹³Agbàn towe po agbànhò towe le po wẹ yẹn na na na ogblannú de matin akuẹsọha, podọ enẹ na ylando towe lẹpo, yèdọ to agboji towe lẹpo mẹ. ¹⁴Yẹn na sọ hẹn kẹ̀ntọ towe lẹ nado juyì biọ aigba he hiẹ ma yọnẹn de mẹ: na yè hẹn mìyọn de ji to adi ṣie mẹ, he na to jiji, to mì ji.

¹⁵Hiẹ yọnẹn, OKLUNỌ È; flin mì, bo sọ dla mi pọ́n, bo yíahọsuna mi to homekẹnnọ ṣie lẹ go; a dè mi sẹ̀ to lẹblanu towe mẹ blo: yọnẹn do na towe tọn wẹ yẹn ko do hẹn ovlẹko. ¹⁶Yè mọ ohó towe lẹ, yẹn sọ dù yé; ohó towe lẹ lọ sọ yín ayajẹ de hlan mi po homẹhùn ayiha ṣie tọn po: na yè nọ ylọ mi gbọn oyín towe dali, OKLUNỌ E Jiwheyẹwhe awhànpa lẹ tọn. ¹⁷Yẹn ma sinai to ogbó yé he to sangunwhlẹ lẹ tọn mẹ, kavi to aglinjẹ gba: Yẹn sinai ganna na alọ towe tọn wutu; na hiẹ ko yí adanjijẹ do gọ́ mi ¹⁸Etewutu wẹ awufiẹsa ṣie do yín maponù, podọ alán ṣie mahẹngbọ, he gbó nado yín hinhẹngbọ? bó hiẹ nugbonugbo na yín otọ̀pẹṣẹ oklọnọ de hlan mi, di osìn he ma diun lẹ?

¹⁹Enẹwutu le wẹ OKLUNỌ dọ, Eyín hiẹ lẹ́gọ̀, whenẹnu wẹ yẹn na vẹ̀ we hẹn wá, na hiẹ nido site to nukọn ṣie; podọ eyín hiẹ dè nuhọakuẹ sọn gbigble mẹ, hiẹ na tin di onù ṣie: Yé na lẹ́gọ̀ wá de we, ṣigba hiẹ ma wẹ na lẹ́gọ̀ do yé de gba ²⁰Yẹn na sọ basi we adó gànvẹ̃ tọn gángán de hlan omẹ he lẹ; yé na hoavùn hẹ we, ṣigba yé ma na gbawhàn towe gba: na yen tin to de we nado whlẹn we podọ nado de we dai, wẹ OKLUNỌ do. ²¹Yẹn na sọ de we dai sọn alọ meylankan lọ tọn mẹ, yẹn na sọ fli we sọn alọ obudaho lọ tọn mẹ.

¹OHÓ OKLUNỌ tọn sọ wá dẽ ga, dọmọ, ²Hiẹ ma na dà asi de, mọ hiẹ ma na tindo visunnu lẹ kavi viyọnnu lẹ to otẹn he me gba. ³Na le wẹ OKLUNỌ dọ gbọn visunnu lẹ tọn dali po gbọn viyọnnu lẹ po tọn dali he yé ji to otẹn he mẹ, podọ gbọn onọ yetọn lẹ tọn dali he ji yé, podọ gbọn otọ́ yetọn lẹ tọn dali hẹ dè yé tọ́n to aigba lọ mẹ: ⁴Yé na kú okú lànmẹzọn tọn lẹ; yé ma na yín mẹviavina, mọ yè ma na di yé gba; ye na tin di ogbó to nukunme aigba tọn ji: yé na sọ yín vivàsúdo gbọn ohi dali, podọ gbọn ohùvé dali; podọ oṣiọ yetọn lẹ na sọ yín núdùdù na ohẹ̀ olọn tọn lẹ, podọ na gbékanlin aigba tọn le. ⁵Na le wẹ OKLUNỌ dọ, dọ a biọ ohò aiflu tọn mẹ blo, kavi yì nado viavi blo, kavi ví yé blo: na yẹn ko dè jijọho ṣie sẹ̀ sọn omẹ he lẹ de, wẹ OKLUNỌ dọ, yèdọ dagbewanyi po lẹblanu bibọ lẹ po. ⁶Daho po pevi po na kú to aigba he mẹ: yè ma na di yé, mo gbẹtọ lẹ ma na doavigbè na yé, kavi húhú yéde, kavi hen yéde zùn mẹpáta na ye gba: ⁷mọ gbẹtọ ma na kán akla na yé tó awubla mẹ, nado miọnhomẹna yé na osiọ gba; mọ gbẹtọ lẹ ma na na kọfo homẹmiọn tọn yé nado nù na otọ́ yetọn kavi na onọ yetọn gba. ⁸Hiẹ ma na sọ yì biọ ohò hùnwhẹ tọn mẹ nado sinai po yé po nado dù podọ nado nù gba. ⁹Na le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Dayi e go, yẹn na hen sọn otẹn he mẹ, to nukun mitọn lẹ nukọn podọ to azán mitọn lẹ mẹ, ogbè ajogidi tọn po ogbè homẹhùn tọn po, ogbè asisúnọ tọn po ogbè asiyọ́yọ́ tọn po nado doalote. ¹⁰E na sọ wá jọ, whenuena hiẹ na do ohó he lẹpo hia gbẹtọ he lẹ, wẹ yé na dọ hlan we dọ, Etẹwutu wẹ OKLUNỌ do dọ oylan daho helẹ do mí go? kavi etó wẹ oylanwà mítọn? kavi eté wẹ ylando mítọn he mí ko wà do OKLUNỌ Jiwheyẹwhe mítọn go? ¹¹Whenẹnu wẹ hiẹ na dọ hlan yé dọ, Na otọ mitọn lẹ ko gbé mi dai wutu, wẹ OKLUNỌ dọ, bo ko hodo yẹwhe dẽvo lẹ, bo ko sẹn yé, bo litaina yé, bo ko gbó mi dai, bo ma ko yìn osén ṣie gba; ¹²mìwlẹ ko sọ wà oylan hugan otọ mitọn lẹ; na, dayi e go, mì omẹ dopodopo to zọnlinzin tó otasinyẹn ayiha ylankan etọn tọn godo, sọmọ bọ mì ma tuntóai hlan mi gba: ¹³Enẹwutu wẹ yẹn na zé yé dlẹn tón sọn aigba he mẹ biọ aigba he mìwlẹ ma ko yọnẹn mẹ, mìwlẹ kavi otọ́ mitọn lẹ; finẹ wẹ mìwlẹ na tó yẹwhe dẽvo lẹ sẹ́n te to okle po ozán po; fie yẹn ma nado nukundágbe de hia mì te.

¹⁴Enewutu, dayi e go, azán lẹ wá, wẹ OKLUNỌ dọ, bọ yè ma na sọ dọ ba, dọ, Le OKLUNỌ togbẹ̀, he hẹn ovi Islaeli tọn lẹ heji tọn sọn aigba Egipti tọn mẹ wá: ¹⁵adavo, Le OKLUNỌ togbẹ̀, he hẹn ovi Islaeli tọn lẹ hẹji sọn aigba agéwaji tọn mẹ wá, podọ sọn otò lẹpo mẹ fie é ko yàn yé hlan yẹn na sọ vó yé hẹnwá biọ aigba yétọn mẹ he yẹn na hlan otọ́ yetọn lẹ. ¹⁶Dayi e go, yẹn na domẹhlan na whèhùtọ susu, wẹ OKLUNỌ dọ, yé na sọ yí yé dó hùwhèvi; podọ to enẹgodo yẹn na sọ domẹhlan na gbéyàntọ susu, yé na sọ I yí yé do yàngbé sọn osé dopodopo mẹ, podọ sọn okọta dopodopo mẹ, podọ sọn odò osé lẹ tọn lẹ mẹ ¹⁷Na nukun ṣie lẹ tin to aliho yetọn lẹpo ji: ye ma yín whiwhla sọn nukun ṣie mẹ gba, mọ oylanwà yetọn ma sọ yín núglọnú sọn nukun ṣie lẹ mẹ gba. ¹⁸Podọ tintan yẹn na yiahọsuna oylanwà yetọn po ylando yetọn po yẹndawe: na yé ko flu aigba ṣie: yé ko yí osiọ onú hiọkọ yetọn lẹ tọn po osùnú yetọn lẹ po do go gúigba ṣie. ¹⁹OKLUNỌ È, huhlọn ṣie, figangán ṣie, podọ fibẹ̀tado ṣie to azán nukunbia tọn mẹ, de we wẹ akọta lẹ na wá sọn opodo aigba tọn le, bo na didọmọ, Otọ́ mitọn lẹ ma dùgú núde tọn hú lalo, yèdọ ovó podọ onú ehe tọn mẹ ale de ma tin te lẹ. ²⁰Bó gbẹtọ de na basi yẹwhe lẹ hlan ede, ehe gãnṣo ma yín yẹwhe lẹ de? ²¹Enẹwutu, dayi e go, yẹn na hẹn yé nado yọnẹn, whladopo he wẹ yẹn na hẹn yé nado yón alọ ṣie po hlọnhlọn ṣie po; yé na sọ yọnẹn dọ Jehova wẹ oyín ṣie.

¹YLANDO Juda tọn wókantin oganyũ tọn wẹ yè yí do kàn, podọ obénù adamanti de tọn: yè wlan ẹn do tafo ayiha yetọn tọn ji, podọ do azò agbà yetọn lẹ tọn lẹ ji; ²whenuena ovi yetọn lẹ flin agbà yetọn lẹ po asányin yetọn lẹ po, to atin omú lẹ dali to, okọta yìji lẹ ji. ³Osó ṣie he to dangbo È, yẹn na na agbàn towe po adọkunnu towe lẹpo po na ogblannú de, po otẹn yìaga towe lẹ po, na ylando tọn wutu, tọ agboji towe lẹpo lédo. ⁴Podọ hiẹ, yèdọ sọn hiẹ lọsu mẹ, na jágò sọn ogú towe he yẹn na we kòn; yẹn na sọ hẹn we nado nọ sẹ́n kẹ̀ntọ towe lẹ to aigba hẹ hiẹ ma yọnẹn ji: na mìwlẹ ko pla miyọn de to adi ṣie mẹ he na to jiji kakadoi.

⁵Le wẹ OKLUNỌ dọ: Dèhodonọ wẹ omẹ lọ he dotudo gbẹtọ go, bo hẹn agbasalan zùn awà etọn, podọ ayiha mẹhetọn fọ́nyì sọn OKLUNỌ dẹ̃ ⁶Na ewọ na tin taidi tudonú to zunkàn mẹ, bo ma na mọ whenuena dagbe ja; ṣigba bo na nò otẹn húhú lẹ mẹ to zùngbo mẹ, ojẹigba he mẹ yè ma ninò gba. ⁷Donanọ wẹ omẹ lọ he dotudo OKLUNỌ go, podọ tudonú mẹhetọn OKLUNỌ yín. ⁸Na ewọ na tin di atin yè do to osìn lẹ dali de, podọ ehe dlẹn adò etọn lẹ jẹgbonu to otò dali bo ma na mọ whenuena yózo wá, ṣigba amà etọn na yín omú; bo ma na yín tuklanọ to owhè akúdido lọ tọn mẹ, mọ bo ma na so doalọte sọn osinsẹ́n sinsẹ́n me. ⁹Ayiha yín oklenọ hugan onú lèpo, pọdọ e sọ yín awutunọ; tupmpènnọ mẹnu wẹ sọgan yón ẹn? ¹⁰Yẹn OKLUNỌ nọ din ayiha mẹ pọn, yẹn nọ whle homẹ pon, yèdọ nado na omẹ dopodopo kẹdedi aliho etọn lẹ, kẹdedi sinsẹn wiwà etọn le tọn. ¹¹Dile asọkle nọ sín azìn he ewọ ma ko do lẹ ji do, mọwẹ ewọ he tindo adọkun, bo ma gbọn ojlọjẹ dali; to gblagbla azán etọn lẹ tọn mẹ, ewọ na jó yé do, podọ to opòdo etọn ewọ na yín oklenọ de.

¹²Ofìn gigonọ de, yè zé doaga sọn whẹwhewhenu wẹ mtẹh fiwiwe mítọn tọn. ¹³OKLUNỌ È, otódo Islaeli tọn, mehe gbé we dai lẹpo na yín memọwinyan; yé he fọ́nyì sọn dẽ lẹ na yín winwlan to aigba mẹ, na yé ko gbó OKLUNỌ dai wutu, asisa osìn ogbènọ lẹ tọn. ¹⁴Mẹnazòngbọna mi, OKLUNỌ E, yẹn na sọ yín hinhẹnazòngbọna; whlẹn mi, yẹn na sọ yín whinwhlẹn: na hiẹ wẹ opipà ṣie. ¹⁵Dayi e go, Yé didọ hlan mi dọ, Fie wẹ ohó OKLUNỌ tọn lọ te? gbọ é ni wá dinvie. ¹⁶Na yẹn tọn, yẹn ma ko yawu sọn yínyín lengbọhọtọ de mẹ hodo we gba; mọ yẹn ma ko sọ jlo whẹdazán gbẹtọ tọn gba; hiẹ yọnen: enẹ he tón sọn nùflo ṣie lẹ mẹ jẹgbonu wá ko tin to nukunmẹ towe nukọn. ¹⁷A yín núdobu de hlan mi blo: hiẹ wẹ fibẹ̀tado ṣie to azán óylan tọn mẹi ¹⁸Gbọ yé he to homẹkendo mi lẹ ni yín mẹmọwinyan, ṣigba a dike yẹn yín mẹmọwinyan blo; gbọ yé ni yín ofiuno, ṣigba a dike yẹn yín oflunọ blo: hẹn azán oylan tọn wá yé ji, yí kikè awẽpọ de do gbà yé.

¹⁹Whenẹnu wẹ OKLUNỌ do hlan mi dọ, Yì, bo site to họngbo mẹotọ lẹ tọn le mẹ, fiedali ahọlu Juda tọn lẹ gbòn jà whégbè, podọ ehé dali yé nọ gbòn jẹgbonu yì, podo to hòngbo Jelusalẹm tọn lẹpo mẹ; ²⁰bó dọ hlan yé dọ, Mì sè ohó OKLUNỌ tọn, mì ahọlu Juda tọn lọ, po Juda lẹpo po, po tòmẹnu Jelusalẹm tọn lẹpo po, he nọ biọ whégbè gbọn hòngbo helẹ dali; ²¹le wẹ OKLUNỌ dọ: Mi payi na ogbè mitọn tọn wutu, bo zé agbàn de hẹn to gbọjẹzán gbè blo, kavi hẹn ẹn wá whégbè gbọn hòngbo Jelusalẹm tọn lẹ dali blo; ²²mọ mì sọ hẹn agbàn de tón jẹgbonu sọn owhé mitọn lẹ gbè to gbọjẹzán gbè blo, mọ mì sọ wà azón depope blo: ṣigba mì ni hiọ gbọjẹzán lọ, dile yẹn degbèna otọ́ mitọn lẹ do; ²³ṣigba yé ma tuntóai gba, kavi tẹ oto yetọn dai gba, ṣigba hẹn okò yetọn sinyen, na yé ma nido sè, bo ma nido mọ oplọn yí. ²⁴E na sọ wá jọ, eyín míwlẹ yí sọwhiwhe do tuntóai hlan mìj wẹ OKLUNỌ dọ, ma nado hẹn agbàn de wá whégbe gbọn hòngbo tòdaho he tọn lẹ mẹ to gbọjẹzán gbè, adavo nado hiọ gbọjẹzán, ma nado wà azọ́n de to e mẹ; ²⁵whenẹnu wẹ ahọlu lẹ po ahọvi lẹ po na nọ biọ whégbè finẹ gbọn hòngbo tòdaho he tọn lẹ dali do sín ofìn Davidi tọn ji, bo nọ hé kẹkẹ lẹ mẹ po osọ́ lẹ po ji, yé, po ahọvi yetọn lẹ po, Omẹ Juda tọn lẹ, po tòmẹnu Jelusalẹm tọn lẹ po: podọ tòdaho he mẹ na sọ yín ninò. ²⁶Yé na sọ sọn tòdaho Juda tọn lẹ mẹ wá, podọ sọn otẹn lẹ mẹ lédo Jelusalẹm, podọ sọn aigba Bẹnjamini tọn mẹ, podọ sọn agbàdo mẹ, podọ sọn osé le mẹ, podọ sọn huwaji; bo hinhẹn avọ́ núnina mimẹ̀ lẹ wá, po avósannú lẹ po, po avọ́ núnina ojinulili lẹ po, po nujọnwan po, bó to avósannú opé tọn lẹ hẹnwá jẹ ohò OKLUNỌ tọn kón. ²⁷Ṣigba eyín mìwlẹ ma na tuntóai hlan mi nado hiọ gbọjẹzán, podọ ma nado zé agban de hẹn bo biọ whégbè to hóngbo Jelusalẹm tọn lẹ ji to gbọjẹzán gbè; whenenu wẹ yẹn na pla mìyọn de to hòngbo etọn le mẹ, é na sọ dù ohònmẹ Jelusalẹm tọn lẹ súdo, é ma sọ to na yín sisi gba.

¹OHÓ he wá Jẹlemia de sọn OKLUNỌ de, dọmọ, ²Tite, bo jẹte yì owhé zéndotọ tọn gbè, finẹ wẹ yẹn na hẹn we nado sè ohó ṣie lẹ te. ³Whenẹnu wẹ yẹn jẹte yì owhé zéndotọ lọ tọn gbè, bo, dayi e go, é to azón etọn wà to kẹkẹ lẹ ji. ⁴Podọ whenuena yè hẹn núzinzán he é basi sọn Okò lọ mẹ gble to alọ zéndotọ lọ tọn mẹ, é sọ vó yí i do basi núzinzán dẽvo, dile é sọawuhia dagbe hlan zéndotọ lọ do nado basi i.

⁵Whenẹnu wẹ ohó OKLUNỌ tọn wá dẽ, dọmo, ⁶Owhé Islaeli tọn E, bé yẹn ma sọgan wà hẹ mì di zéndotọ he wẹ? wẹ OKLUNỌ dọ. Dayi e go, di okò to alọ zéndotọ lọ tọn mẹ mọwẹ míwlẹ te to alọ ṣie mẹ, mì owhé Islaeli tọn E. ⁷Adónu he mẹ yẹn na dọhó gbọn akọta dè tọn dali, podọ: gbọn ahọludu de tọn dali, nado dòn sùn podọ nado gbà liai podọ nado sú i do; ⁸Eyín akọta nẹ gbọn ehe tọn dali yẹn ko dọhó, lé sọn oylan yetọn mẹ, Yẹn na diòlinlẹn sọn oylan lọ mẹ he yen lẹn nado wà hlan yé ⁹Podọ adónu he mẹ yẹn na dọhó gbọn akọta de tọn dali, podọ gbọn ahọludu de tọn dali, nado doaì podọ nado do e; ¹⁰Eyín é wà oylan to nukun ṣie mẹ, bọ é ma sètónuna ogbè ṣie gba, whenẹnu yẹn na diọlinlẹn sọn dagbe lọ mẹ ehe tọn yẹn dọ yẹn do wàdagbena yé. ¹¹Enẹwutu dinvie, yì nado dọhó hlan ome Juda tọn lẹ, podọ hlan tomẹnu Jelusalẹm tọn lẹ, dọmọ, Le wẹ OKLUNỌ dọ; Dayi e go, Yẹn ṣẹ̀ oylan do mì go, bo sọ bladọ obladọ de do mì go: mì ni lẹ́gọ̀ dinvie omẹ dopodopo sọn ali ylankan ẹtọn mẹ, bo jla ali mitọn le do po wiwà mitọn lẹ po ¹²Ṣigba yé dọmọ, Otódo de ma tin gba: na mìwlẹ na to zọnlinzin hodo núbladọ mítọn lẹ, mí na sọ nọ wà omẹ dopodopo hodo otasinyẹn ayiha ylankan etọn tọn.

¹³Enẹwutu le wẹ OKLUNỌ dọ: Mì kanbiọ dinvie to akọta lẹ ṣẹnṣẹn, menu wẹ ko sè onú mọnkọ lẹ; awhli Islaeli tọn ko wà onú dobu talala de. ¹⁴Bó osìnago Lẹbanọni tọn na gbodà sọn osé danji tọn mẹ wẹ? kavi osìn miọnmiọn lẹ sọn aigba ojonọ lẹ mẹ he sà jẹte na yín húhú wẹ? ¹⁵Na omẹ ṣie lẹ ko wọnji ogo e, yé ko mè nuwhẹnwan hlan ovó; yé ko sọ hẹn yé nado mùsa to aliho yetọn lẹ mẹ, to omó hóhó lẹ mẹ, nado nọ zinzọnlin to núglọmó lẹ mẹ, to aliho yè ma dè de mẹ, ¹⁶Nado basi aigba yetọn awujiji de, podọ pislọdidè de whepoponu; omẹ dopodopo he gbọn fìnẹdali jujei lẹ nayín awujinọ, bo sọ mimí ota etọn. ¹⁷Yẹn na vúnvún yé di po jẹhọn whèzẹtẹn tọn de po to kẹ̀ntọ lẹ nukọn; yẹn na do nẹgbé hia yé é ma yín nukunmẹ gba, to azán oya yetọn tọn gbè.

¹⁸Whenẹnu wẹ yé dọmọ, Wá, bo gbọ mí ni bladọ núbladọ lẹ do Jẹlemia go; na osén ma na súdo sọn yẹwhenọ lọ de gba, kavi ohónamẹ sọn nuyọnẹntọ de, kavi ohó sọn yẹwhegán lọ de. Wá, bo gbọ mí ni yí odó do hò e, a sọ dike mí na ayipa ohó etọn lẹ depope blo.

¹⁹Na ayipa hlan mi, OKLUNỌ E, bo sọ tuntóai hlan ogbè he to avùnho hẹ mi lẹ tọn. ²⁰Bé yè na yí oylan do súahọ na dagbe wẹ? na yé ko kùn odò de na alindọn ṣie. Flin le yẹn site to nukọn towe nado dọhó dagbe na yé do, nado lè homẹwlu towe sọn yé de. ²¹Enẹwutu jó ovi yetọn lẹ hlan ohùvé, bo sọ jó yé hlan na huhlọn ohi tọn; bo sọ gbọ asi yetọn lẹ ni lẹzùn madovinọ, asusiọsi; bo sọ gbọ sunnu yetọn lẹ ni yin alántọsiọ okú tọn, podọ yọ̀pọ sunnu yetọn lẹ mẹhiho ohi tọn to awhànfuntẹn mẹ. ²²Gbọ ogbè de ni yín sisè sọn owhé yetọn lẹ gbè, whenuena hiẹ na hẹn awhànfuntọ de wá yé ji ajiji: na yé ko kùn odò de nado wle mi, bo sọ whla omò lẹ dai na afọ ṣie lẹ. ²³Gãnṣo, OKLUNỌ hiẹ yón hónamẹ yetọn lẹpo do oji e nado hù mi; a jona oylanwà yetọn blo, kavi súnsún ylando yetọn sè sọn nukun towe me blo: ṣigba gbọ yè ni hẹn yé nado mùsa to nukọn towe; zán hẹ yé to ojlẹ adi towe tọn mẹ.

¹LE wẹ OKLUNỌ dọ, Yì, bo hò ogo okọ́nọ zéndotọ de tọn, bo yí sọn mẹho gbẹtọ ewlẹ tọn lẹ mẹ, podọ sọn mẹho yẹwhenọ ewlẹ tọn lẹ mẹ; ²bo tón yì jẹ agbàdo visunnu Hinọmi tọn tọn mẹ, he tin to bibiọ hòngbo zénkla lẹ tọn mẹ, bo lá ohó he yẹn na dọ na we lẹ lọ to finẹ: ³Bo dọmọ, Mì sè ohó OKLUNỌ tọn, Mì ahọlu Juda tọn lẹ emi, po tòmẹnu Jelusalẹm tọn lẹ po; le wẹ OKLUNỌ awhànpa lẹ tọn dọ, jiwheyẹwhe Islaeli tọn, Dayi e go, Yẹn na hẹn oylan wá otẹn he ji, ehe lọ mẹdepope sè, otọ́ etọn na siọ. ⁴Na yé ko gbé mi dai wutu, bo ko sọ hẹn otẹn he dote, bo ko sọ mè nuwhẹnwan to e mẹ hlan yẹwhe dẽvo lẹ, mẹhe yé ma yọnẹn, yé po otọ́ yetọn lẹ po po ahọlu Juda tọn lẹ po; bo ko sọ yí ohùn homẹvọnọ lẹ tọn do gó otẹn he mẹ; ⁵bo ko sọ do ofiaga Baali tọn lẹ, nado nọ mè visunnu yetọn lẹ to miyọn mẹ na avọ́ nunina mimẹ̀ lẹ hlan Baali; he yẹn ma degbena kavi dọhó etọn, mọ é ma sọ wá biọ ayiha ṣie mẹ: ⁶Enẹwutu, dayi e go, azán lẹ lọ wá, wẹ OKLUNỌ dọ, bọ otẹn he ma na sọ yín yiylọ Tofẹti ba, kavi Agbàdo visunnu Hinọmi tọn tọn, adavo Agbàdo Mẹhùvà tọn. ⁷Yẹn na so hẹn hónamẹ Juda po Jelusalẹm po tọn jẹvó to otẹn he mẹ; Yẹn na sọ hẹn yé nado jai gbọn ohi dali to kẹ̀ntọ yetọn lẹ nukọn, podọ gbọn alọ yé he to ogbè yetọn din lẹ tọn mẹ: podọ oṣiọ yetọn lẹ wẹ yẹn na jó nado yín núdùdù na ohè olọn tọn lẹ, podọ na gbékanlin aigba tọn lẹ. ⁸Yẹn na sọ hẹn tòdaho he zùn awujiji de, po pislọdidè de po; omẹ depope he gbọn finẹdali na yín awujinọ bo sọ dèpislọ na azọnylankan etọn lẹpo tọn wutu. ⁹Yẹn na sọ hẹn yé nado nọ dù agbasalan visunnu yetọn lẹ tọn po agbasalan viyọnnu yetọn lẹ tọn po, yé na sọ dù ome dopodopo agbasalan họntọn etọn tọn, to oglọndo lọ mẹ podọ to jinján lo mẹ fie kẹ̀ntọ yetọn lẹ po yé he to ogbẹ̀ yeton din lẹ po na hẹn yé ján do. ¹⁰Whenenu wẹ hiẹ na gbà ogo lọ to nukun omẹ he yì po hiẹ po lẹ tọn me, ¹¹Bo na dọ hlan yé dọ, Le wẹ OKLUNỌ awhànpa lẹ tọn dọ: yèdọ mọwẹ yẹn na gbà omẹ he lẹ po tòdaho he po do dile omẹ de nọ gbà núzinzán zéndotọ de tọn do, he yè ma sọ sọgan hen zùn blebu ba: yé na sọ di i to Tofẹti mẹ, kaka otẹn ma na tin nado disiọ. ¹²Le wẹ yẹn na wà hlan otẹn he, wẹ OKLUNỌ dọ, podọ hlan tòmẹnu etọn lẹ, yèdọ bibasi tòdaho he di Tofẹti: ¹³podọ owhe Jelusalẹm tọn lẹ, po owhé ahọlu Juda tọn lẹ tọn le: po, he yè hẹn flu, na tin di oten Tofẹti ton, yèdọ owhó lepo ohòta ehetọn ji yé ko mẹ nuwhẹnwan te hlan awhanpa olọn tọn lẹpo, bo ko sọ kòn avọ́ nunina nùnù lẹ jẹgbonu hlan yẹwhe dẽvo lẹ.

¹⁴Whenẹnu we Jelemia sọn Tofeti wá fie OKLUNỌ ko do e hlan nado dọdọdai te; é sọ site to akànmaho ohò OKLUNỌ tọn tọn me, bo dọ hlan gbẹtọ lẹpo: ¹⁵Le wẹ OKLUNỌ awhànpa lẹ tọn dọ, Jiwheyẹwhe Islaeli tọn, Dayi e go, Yẹn na hen wá tòdaho he ji podọ topẹvipevi etọn lẹpo ji oylan he yẹn ko dọ do e go lẹpo; na y é ko hẹn okò yetọn sinyẹn wutu, na yé ma nido sè ohó ṣie lẹ gba.

¹DINVIE Pasihuli visunnu Imẹli yẹwhenọ lọ tọn, mẹhe yín ogándaho to ohò OKLUNỌ, tọn mẹ, sè Jẹlemia to onú helẹ dọdai. ²Whenenu wẹ Pasihuli hò. Jẹlemia yewhegán lo, bo, yí i do osópò mẹ he tin to hòngbo Benjamini tọn ji aga, he tin to ohọ̀ OKLUNỌ tọn mẹ. ³E sọ wá jọ to aihọngbè, wẹ Pasihuli hẹn Jelemia tón jegbonu sọn osópò lọ mẹ. Whenẹnu wẹ Jẹlemia dọ hlan ẹn dọ, OKLUNỌ ma ko ylọ oyín towe Pasihuli gba, adavo Magoli-misabibi. ⁴Na le wẹ OKLUNỌ dọ, Dayi e go, yẹn na hẹn we zùn obudaho de hlan dewe, podọ hlan họntọn towe lepo: yé na sọ jai gbọn ohi kẹ̀ntọ yetọn lẹ; tọn dali, nukun towe lẹ na sọ mọ ẹn: yẹn na sọ jó Juda lẹpo do alọ ahọlu Babilọni tọn tọn mẹ, bo na sọ yí ohi do hù yé. ⁵Humọ yẹn na jó adọkun tòdaho he tọn lẹpo, po ale etọn lẹpo po, po onú họakuẹ etọn lẹpo po, mọwẹ, adọkunnu aholu Juda tọn lẹ tọn lẹpo wẹ yẹn na jó do alọ kẹ̀ntọ yetọn lẹ tọn mẹ, he na hẹn yé gble, bo wle yé, bo bé yé yì jẹ Babilọni. ⁶Podọ hiẹ, Pasihuli, po ehe nọnọ̀ ohọ̀ towe mẹ lẹpo po na yì meglọnọ mẹ: hiẹ na sọ wá Babilọni, finẹ wẹ hie na kú do, finẹ wẹ yè na sọ di we do, hiẹ, po họntọn towe lepo po, mẹhe hiẹ ko yi lalo do dọdọdai hlan lẹ.

⁷OKLUNỌ E, hiẹ ko do mi, yẹn sọ yín mẹdido: hiẹ yín mẹsinsinyẹn hú yẹn, bo ko sọ gbàwhàn: yè hẹn yẹn lẹzùn mẹkikò to azán lẹpo gbè, mẹpopo wẹ to yivlẹ mi. ⁸Na whedepopenu yẹn to hódọ, yẹn nọ to awhádo; yẹn dawhá dọ, Huhlọn po hẹngble po: na yè hẹn ohó OKLUNỌ tọn zùn ovlẹ de hlan mi wutu, po aṣagbonu de po, to azán popo gbè. ⁹Podọ eyín yẹn dọmọ, Yẹn ma na dọhó e tọn gba, kavi dọhó depope to oyín etọn mẹ ba, whenẹnu é tin to ayiha ṣie mẹ di miyọn jiji de yè ṣinyọnnudo do ohú ṣie lẹ mẹ, yè sọ yí linsinsinyẹn do hẹn mi zùn nusikọnọ, yẹn ma sọ sọgan hẹn ẹn. ¹⁰Na yẹn ko sè mẹdèpo mẹsusu ton, obudaho to awà lẹpo ji. Blẹ, mìwlẹ na sọ blẹ ẹ, wẹ họntọn vivé ṣie lẹpo dọ, yé he to sinsọn ṣie hó lẹ; eya ewọ na yín dido, míwlẹ na sọ glo e, mí na sọ yíahọsu mítọn to e go. ¹¹Ṣigba OKLUNỌ tin to dẽ di hlọnhlọnnọ de mẹdobu de: enẹwutu homẹkẹndomẹtọ ṣie lẹ na mùsa, yé ma to na glonú gba: yé na yín mẹmọwinyan dahodaho, na yé ma ko yí nuyọnẹn do dùale wutu, yèdọ po ozùn madopodo de po he yè ma na wọn gbèdegbède, ¹²Ṣigba OKLUNỌ awhànpa lẹ tọn E, he nọ whló dódónọ lẹ pọ́n, he mọ otu po ayiha po, gbọ yẹn ni mọ ahọsu towe to yé go; na hiẹ wẹ yẹn ko do whẹ́hó ṣie hia hlan. ¹³Jihàn hlan OKLUNỌ, mì pà OKLUNỌ: na ewọ ko whlẹn alindọn agbatọnọ tọn sọn alọ ylanwàtọ lẹ ton mẹ.

¹⁴Dẹ́hodo ni tin na azán ehemẹ yè ji mi te: a dike azán hemẹ onọ ṣie ji mi te yín donanọ blo. ¹⁵Dẹhodo ni tin na dawe lọ mẹhe hẹn owẹn wá jẹ otọ́ ṣie de, dọmọ, Yè ji ovi sunnu de hlan we; do hẹn ẹn yín homẹhùnnọ talala. ¹⁶Sọ gbọ dawe nẹ ni tin di tòdaho lẹ he OKLUNỌ hùngona, bo ma diọlinlẹn gba: bo sọ gbọ é ni sè awhá de to afọnnu, po zinhihò po to azánda mẹ; ¹⁷na ewọ ma hù mi sọn adò mẹ wutu; sọmọ bọ onọ ṣie na ko yín oyọdo ṣie, podọ adò etọn kiklo whepoponu. ¹⁸Étewutu wẹ yẹn tẹ́n jẹgbonu wá sọn adò mẹ nado to tuklajẹ po awubla po mọ, na azán ṣie lẹ ni do yín vivàsúdo po winyan po?

¹OHÓ he wá Jẹlemia de sọn OKLUNỌ de, whenuena Zẹdekia ahọlu do Pasihuli visunnu Malkijatọn po Zẹfania visunnu Maaseia yẹwhenọ lọ tọn po hlan e de, dọmọ. ²Yẹn vè we, kanbiọ sọn OKLUNỌ de na mí; na Nẹbukadnẹzali ahọlu Babilọni tọn to awhàn basi do mí ji: eya OKLUNỌ na zán hẹ míkẹdẹdi azọn jawu etọn lẹpo, na é nido hẹji yì sọn mí de.

³Whenẹnu wẹ Jẹlemia dọ hlan yé dọ, Le wẹ mì na dọ hlan Zẹdekia: ⁴Le wẹ OKLUNỌ, Jiwheyẹwhe Islaeli tọn dọ, Dayi e go, yẹn na lé adanwànú awhàn tọn lẹ he tin to alo mitọn lẹ mẹ do godo, he mì yí do to avùnhò hẹ ahọlu Babilọni tọn, podọ hẹ Kaldeanu lẹ he glọn mì do, to dòkọ lẹ godo, yẹn na sọ bé yé pli biọ gblagbla tòdaho he tọn mẹ. ⁵Podọ yẹn lọsu na yí alọ dindlẹn de po awà hlọnhlọnnọ de po do hoavùn hẹ mì, yèdọ to adi mẹ, podọ to homẹwlu mẹ, podọ to homegble daho mẹ. ⁶Yẹn na sọ hò tòmenu tòdaho he tọn lẹ, gbẹtọ po gbékanlin po: yé na kú sọn azònylankan daho de mẹ. ⁷Podọ to godo, wẹ OKLUNỌ dọ, Yẹn na jó Zẹdekia ahọlu Juda tọn, po devi etọn lẹ po, po ome etọn lẹ po, yèdọ mọnkọ yè pòdai to todahó he mẹ lẹ sọn azònylankan lọ si, sọn ohi si, podọ sọn ohùvẹ́ niyi biọ alọ Nẹbukadnẹzali ahọlu Babilọni tọn mẹ, podọ biọ alọ kẹ̀ntọ yetọn lẹ tọn mẹ, podọ biọ alọ enẹlẹ he to ogbè yetọn din tọn mẹ: ewọ na sọ yí onù ohi tọn do hò yé; é ma na pò yé dote gba, kavi tindo awubla, kavi tindo lẹblanu gba. ⁸Podọ hiẹ na dọ hlan omẹ he lẹ dọmọ, Le wẹ OKLUNỌ dọ: Dayi e go, yẹn zé aliho ogbẹ̀ tọn po aliho okú tọn po do mì nukọn. ⁹Ewọ he nò tòdaho he mẹ na kú gbọn ohi dali, podọ gbọn ohùvé dali, podọ gbọn azọ̀nylankan dali: ṣigba ewọ he tón yì bo jai yì je Kaldeanu he glọn mì do le de, ewọ na nọgbẹ, ogbè etọn na sọ tin hlan ẹn na nuyanwẹnna de. ¹⁰Na yẹn ko zé nukunmẹ ṣie do tod, aho he ji na oylan, na dagbe ma gba, we OKLUNỌ dọ: yè na jó e biọ alọ ahọlu Babilọni tọn mẹ, ewọ na sọ yí miyọn do mè ẹn.

¹¹Podọ na owhé ahọlu Juda tọn tọn, mì sè ohó OKLUNỌ tọn: ¹²Owhé Davidi tọn È, le wẹ OKLUNỌ dọ, Mì hen whẹ̀dida sẹ to afọnnu, bo sọ whlẹn mẹhẹngble lẹ sọn alọ awusìnyẹnnamẹtọ lọ tọn mẹ, homẹwlu ṣie nikã tón yì taidi miyọn de, bo tò jiji bọ mẹde ma sọgan si i, na oylan wiwà yetọn lẹ tọn tọn wutu. ¹³Dayi e go, Yẹn tin pannukọn we Hiẹ tomenuyọnnu agbàdo lọ tọn, po osé danfáfá tọn lọ po, wẹ OKLUNỌ dọ; mì mẹhe to didọmọ, Mẹnu wẹ na jẹte wá mí ji? kavi menu wẹ na biọ fininò mítọn mẹ wá? ¹⁴Yẹn na sọ sayahẹ mì kẹdẹdi sinsẹ́n wiwà mitọn lẹ tọn, wẹ OKLUNỌ dọ: yẹn na sọ pla miyọn de to zùnkan etọn mẹ, é na sọ và ehe tin lẹdo e lẹpo súdo.

¹LE wẹ OKLUNỌ dọ: Jete yì owhé ahọlu Juda tọn tọn gbè, bo dọhó he to finẹ, ²bo dọmọ, S, è ohó OKLUNỌ tọn, hiẹ ahọlu Juda tọn È, he sín ofìn Davidi tọn ji, hiẹ, po devi towe lẹ po, po omẹ towe lẹ po he to whégbè biọ gbọn hòngbo helẹ dali. ³Le wẹ OKLUNỌ dọ: Mì nọ hẹn whẹ̀dida po dódó pó sẹ, bo sọ nọ whlen mẹhẹngble lọ tọ́n sọn alọ awusinyẹnnamẹtọ lọ tọn mẹ: bo ma wà gbigble de blo, ma wà huhlọnnu de hlan ojonọ, tọsọvi, kavi asúsiọsi, kavi ma kòn ohùn homẹvọnọ to oten he mẹ blo ⁴Na eyín mìwlẹ wà ọnú he nugbonugbo, whenẹnu wẹ ahọlu lẹ na nọ gbọn hòngbo ohò he tọn lẹ dali biọ whégbè sinai na Davidi to ofìn etọn jì, bó nọ hé kekẹ le mẹ podọ to osọ́ lẹ jì; ewọ, po devi etọn lẹ po, po omẹ etọn lẹ po. ⁵Ṣigba eyín mìwlẹ ma na sè ohó helẹ gba, yẹn whle gbọn dẽ dali, wẹ OKLUNỌ dọ, dọ ohò he na lẹzùn ojẹvọ́ de. ⁶Na le wẹ OKLUNỌ dọ gbọn ohò áhọlu Juda tọn tọn dali dọ: Gileadi wẹ hiẹ hlan mi, po ota Lẹbanọni tọn po: gãnṣo nugbonugbo yẹn na hẹn we zùn zungbo de, podọ tòdaho he me yè ma nọnọ̀ lẹ. ⁷Yẹn na sọ klan mẹvà, tọ lẹ do; wiwe do oji we, omẹ dopodopo po adawann etọn lẹ po: ye na sán kedali dagbedagbe towe lẹ liai, bo ze yé dlẹn miyọn mẹ. ⁸Akọta susu wẹ na gbọn todaho he dali, ye na sọ nọ dọ omẹ dopodopo hlan kọmẹnu etọn dọ, Etẹwutu wẹ OKLUNỌ: ko wà le hlan tòdaho gbo he? ⁹Whenẹnu wẹ yé na gblọn dọ, Na yé gbé alẹ̀nù OKLUNỌ Jiwheyẹwhe yetọn tọn dai wutu, bo to taliaina yẹwhe dẽvo lẹ, bo sọ to yé sèn.

¹⁰Mì viavi na osiọ lọ blo, kavi ví i blo: ṣigba mì in viavi badabada na ewọ he tòn jẹi, na ewọ ma sọ to na lẹ́gọ̀ ba, kavi sọ mọ oto etọn lọsu ba gba ¹¹Na le wẹ OKLUNỌ dọ na Jehoahazi visunnu Josia ahọlu Juda tọn tọn, he dùahọlu to otẹn Josia otọ etọn tọn me, he tón jẹgbonu yì sọn otẹn he mẹ: Ewọ ma na sọ lẹ́gọ̀ do finẹ depope ba gba; ¹²ṣigba to otẹn lọ mẹ fie yé ko plan ẹn yì mẹmẹglọ te, finẹ wẹ e na kú do, ewọ ma na sọ mọ aigba he ba gba.

¹³Dindon hlan ewọ he dó ohò etọn gbọn mawadódó dali, podọ abò etọn lẹ gbon mawanugbo dali; he zán sinsẹ̀n komẹnu etọn tọn matin azọ́nkuẹ, bo ma na ẹn azọ́nkuẹ etọn; ¹⁴he dọmọ, Yẹn na dó ohò gbigblo de na dẽ po abò gblagada lẹ po, bo gbò ovẹ́sẹ lẹ na ede; bọ yè yí kedali do tẹzàna, bo sọ yí asavà do gbosèn nẹ ¹⁵Bé hiẹ na dùahọlu, na hiẹ yí atin kedali do to adòndo wutu? bé otò towe ma dù bo sọ nù, bo basi whẹ̀dida po dódó po? whenẹnu we e yin dagbe nẹ̃. ¹⁶Ewọ nọ dawhèna owhèhó wamọnọ po agbatọnọ po tọn; whenenu wẹ é yín dagbe. Bé ehe ma wẹ nado yòn mi? wẹ OKLUNỌ dọ. ¹⁷Ṣigba nukun towe lẹ po ayiha towe po ma tin adavo na ale obiunọ towe, podọ na nado kòn ohùn homẹvonọ, podọ na awusinyẹnnamẹ, podọ na huhlọnnú, nado no wà ẹ. ¹⁸Enẹwutu le wẹ OKLUNỌ dọ na Jehoiakimi visunnu Josia tọn ahọlu Juda tọn tọn dali dọ: Yé ma nà blawuna ẹn gba, dọmọ, ṣẹ̀ novisunnu ṣie kavi Só nọviyọnnu Yé ma na doavigbè na ẹn gba, dọmọ, ṣẹ̀ klunọ kavi Só gigo etọn ¹⁹Yè na yí didi kẹtẹkẹte de tọn do di i, dindòndai po zizé dlẹn gbonu po zè hòngbo Jelusalẹm tọn lẹ gododọ̃n.

²⁰Hẹji yì Lẹbanọni, bo dawhá; bo sọ zé ogbè towe daga to Baṣani mẹ: bo sọ dawhá sọn Abalimi; na mẹyiwanna towo lẹpo wẹ yè súdo ²¹Yẹn to hódọ hlan we to gbèdùdù towe mẹ; ṣigba hiẹ dọmọ, Yẹn ma na sè gba. Ehe ko yín owàlọ towe sọn ovu towe, dọ hiẹ ma sètónuna ogbè ṣie gba. ²²Jẹhọn na dù lẹngbọhọtọ towe lẹpo, mẹyiwanna towe lẹ na yì biọ omẹglọnọ mẹ: whenẹnu nugbonugbo wẹ hiẹ na yín mẹmọwinyan podọ oflunọ na kanyinylan towe lẹpo. ²³Tòmẹnuyọnnu Lẹbanọni tọn E, he basi adó towe to atin kedali lẹ mẹ, nawẹ hiẹ na wèn do whenuena ajlu wá oji we, awufiẹsa di yọnnu de tọn to ajìpa mẹl ²⁴Le yẹn togbè, wẹ OKLUNỌ dọ, Yín Konia visunnu Jehọiakimi ahọlu Juda tọn tọn tlẹ wẹ yín hiadonu lọ to alọ adusi ṣie go, gãnṣo yẹn na dòn we sùn sọn finẹ; ²⁵yẹn na sọ jó we do alọ yé he to ogbè towe din lẹ tọn mẹ, podọ do alọ yé mẹhe hiẹ yín avosatọ na lẹ tọn tọn mẹ, yèdọ do alọ Nẹbukadnẹzali ahọlu Babilọni tọn tọn mẹ, podọ do alọ Kaldeanu lẹ tọn mẹ. ²⁶Yẹn na sọ zé we dlẹn jẹgbonu, po onọ towe he ji we po, biọ otò dẽvo mẹ, fie yè ma ji mìdo; finẹ wẹ mì na sọ kú do. ²⁷Ṣigba aigba lọ fie yé na zé alindọn yetọn daga te, finẹ wẹ yé ma na lẹ́gọ̀ do. ²⁸Bé dawe he Konia yín ozẹ́n ovlẹnọ gbigba de wẹ? bé núzinzán he mẹ homẹhùn de ma tin te de wẹ ewọ? etẹwutu wẹ yè zé yé dlẹn gbonu, ewọ po okún etọn po, bọ yè sọ zé dlẹn biọ aigbà he yé ma yọnẹn mẹ? ²⁹Aigba E, aigba, aigba, sè ohó OKLUNỌ tọn. ³⁰Le wẹ OKLUNỌ dọ, Mì wlanwé dawe he tọn wènsinọ, omẹ he ma na mọdagbe de to azán etọn lẹ mẹ: na ome de sọn okún etọn mẹ ma na mọdagbe, bo sinai to ofìn Dávidi tọn ji, bo na sọ to ahọludu to Juda mẹ gbèdegbède ba.

¹DINDỌN an íẹngbọhọtọ lẹ lọ he và bo sọ vúnvún lẹngbọ yìndùgbo ṣie tọn lẹ wẹ OKLUNỌ dọ. ²Enẹwutu le wẹ OKLUNỌ dọ, Jiwheyẹwhe Islaeli tọn, do Iẹngbọhọtọ he to omẹ ṣie lẹ yìn lẹ go: Mìwlẹ ko vúnvún lẹngbọpa ṣie, bo yàn yé yì, bo ma ko sọ dla yé pon gba; dayi e go, yẹn na dla oylan wiwà mitọn lẹ tọn pòn to mì ji, we OKLUNỌ dọ. ³Yẹn na bé pipòtọ lẹngbọpá ṣie tọn plidopọ sọn otò lẹpo mẹ fie yẹn ko yàn yé do, bo na sọ vó yé hẹnwá jẹ apó yetọn lẹ mẹ; yé na sọ yín sinsẹ́nnọ bo sọ jìdeji. ⁴Yẹn na sọ zé lẹngbọhọtọ lẹ daga do yé ji he na to yé yìn: yé ma to obu na di ba, kavi yín avosatọ, mẹ depope ma sọ to na bú, wẹ OKLUNỌ dọ.

⁵Dayi e go, azán le wá, wẹ OKLUNỌ dọ, bọ yẹn na zetite hlan Davidi nutonkùn dódono de, ewọ na sọ dugán di ahọlu bo yí ivuyonẹn do dugbẹ, bo na sọ hẹn whẹ̀dida po dodowà po sẹ to aigba lọ mẹ. ⁶Azán etọn lẹ mẹ wẹ yè na whlẹn Juda, Islaeli na sọ yí jijọho do nò; podọ ehe sọ wẹ oyín etọn he yè na do nọ ylọ ẹ, OKLUNỌ odódó mítọn. ⁷Enẹwutu, dayi e go, azán lẹ wá, wẹ OKLUNỌ dọ, bọ yé ma na sọ dọ ba dọ, Le OKLUNỌ togbè, he hẹn ovi Islaeli tọn hẹji sọn aigba Egipti tọn ji wá; ⁸adavo, Le OKLUNỌ togbè, he hẹn okún owhé Islaeli tọn tọn lẹ hẹji bo sọ plan jegbonu tọn sọn oto agéwaji tọn mẹ wá, podọ sọn otò lẹpo mẹ fie yẹn ko yan yé hlan; yé na sọ nọ nò aigba yetọn titi mẹ.

⁹Gbọn yẹwhegán lẹ tọn dali, Yè hẹn ayiha to ohò ṣie mẹ gbà, ohú ṣie lẹpo to whinwhan; yẹn tin taidi dawe ahannùmúnọ de, podọ taidi dawe de mẹhe ovẹ̃n gbanwhàn e tọn; na OKLUNỌ tọn wutu, podọ na ohó wiwe etọn lẹ tọn wutu. ¹⁰Na aigba tin gigọ́ na ayọdetọ lẹ; na na odèhodo lọ tọn wutu aigba lọ to awubla; yè hẹn yìndùgbo zùngbomẹ tọn lẹ hú; podọ aliho yetọn yín yinylan, huhlon yetọn ma sọ yín ojlọjẹ. ¹¹Na yẹwhegán lọ po yẹwhenọ lọ po wẹ yè hẹnflu; mọwẹ, to ohò ṣie mẹ wẹ yẹn ko mọ yìnylàn yetọn te, wẹ OKLUNỌ dọ. ¹²Enẹwutu aliho yetọn na tin hlan yé di otẹn didididi lẹ to zinvlu mẹ: yè na to yé yàn jei, bo jai do e mẹ; na yẹn na hẹn oylan wá yé ji, to owhè dlapọ́n yetọn tọn mẹ, wẹ OKLUNỌ dọ. ¹³Podọ yẹn ko mọ alèdida to yẹwhegán Samalia tọn lẹ mẹ; ye to dọdaidọ gbọn Baali dali, bo sọ hẹn Islaeli omẹ ṣie lẹ nado búali. ¹⁴To yẹwhegán Jelusalẹm tọn lẹ mẹ ga yẹn ko mọ onú dobu de; yé to ayọde, bo to zọnlinzin lalo lẹ mẹ, bo sọ nahuhlọn alọ oylan wàtọ lẹ tọn lẹ, bọ mẹde ma lẹ́gọ̀ sọn kanyinylan etọn mẹ: ye popo yé tọn tin lẹzùn hlan mi di Sọdọmi, podọ tòmenu etọn lẹ di Gomola.

¹⁵Enẹwutu le wẹ OKLUNỌ awhànpa lẹ tọn dọ gbọn yẹwhegán lẹ lọ tọn dali: Dayi e gp, yẹn na yí magbọjẹ do yìn yé, bo sọ hẹn yé nù osìn ovivé tọn: na yẹwhegán Jelusalẹm tọn lẹ mẹ wẹ yè hẹn hinhẹnfiu jegbonu sọn yì biọ aigba lẹpo mẹ. ¹⁶Le wẹ OKLUNỌ awhànpa lẹ tọn dọ, Mì tuntóai hlan ohó yẹwhegán he to dọdaido hlan mì lẹ tọn lẹ blo; yé to ovó plọn mì: numimọ ayiha yetọn titi tọn de wẹ ye to didọ, bo ma tọn sọn onù OKLUNỌ tọn mẹ gba. ¹⁷Yé didọ hlan yé tẹgbẹtẹgbẹ he to ohó OKLUNỌ tọn jlo lẹ dọ, OKLUNỌ ko dọmọ, Mìwlẹ na tindo jijọho; podọ hlan ome dopodopo he to zọnlinzin to otasinyẹn ayiha etọn titi tọn mẹ yé dọmọ, Oylan de ma na wá mì ji gba. ¹⁸Na mẹnu wẹ ko site to oplito OKLUNỌ tọn bọ ewọ na do mohlan bo sọ sè ohó etọn? mẹhe ko dohia ohó etọn go, bo sọ sè e. ¹⁹Dayi e go, jẹhọnsinsinyẹn OKLUNỌ tọn, yèdọ homẹwlu etọn, wẹ yè hẹn tòn yì, mọwẹ, jẹhọnsinsinyẹn lépénọ: é na wulà to ota mẹylankan lẹ tọn ji. ²⁰Adi OKLUNỌ tọn ma na lẹgò, kaka ewọ ko do wà ẹ, podọ kaka ewọ ko do basi linlẹn ayiha etọn mẹ tọn: to azán godomẹ lẹ tọn mẹ miwle na tunwun in dagbedagbe. ²¹Yẹn ma do yẹwhegán helẹ hlan gba, gãnṣo yé dowezun: yẹn ma dọhó hlan yé gba, gãnṣo yé dọdọdai. ²²Ṣigba eyín yé ko nọte to hóplonmẹ ṣie mẹ, whenẹnu yé do ko hẹn omẹ ṣie lẹ nado sè ohó ṣie lẹ, bo do ko diọ yé sọn aliho ylankan yetọn mẹ, podọ sọn oylan wiwà yetọn lẹ tọn mẹ. ²³Bé Jiwheyẹwhe to yakẹ de wẹ yẹn, wẹ OKLUNỌ dọ, bo ma yín Jiwheyẹwhe to aganu boboe de? ²⁴Bé mẹde sọgan whlá ede to tẹnmẹ whiwhlá lẹ mẹ bọ yẹn ma na mọ ẹn? wẹ OKLUNỌ dọ. Bé yẹn ma gò olọn mẹ po aigba po? wẹ OKLUNỌ dọ. ²⁵Yẹn ko sè núhe yẹwhegán lẹ dọ, he dọdai lalo lẹ dọ to oyín ṣie mẹ, dọmọ, Yẹn ko kúdlọ, yẹn ko kúdlọ. ²⁶Nawẹ ehe na tin dẹn sọ to ayiha yẹwhegán lẹ lọ tọn mẹ he to dọdai lalo lẹ dọ; yèdọ yẹwhegán oklọ ayiha yetọn titi tọn ínẹ tọn lẹ? ²⁷He lẹn nado hẹn omẹ ṣie lẹ nado wọn oyín ṣie gbọn odlọ yetọn lẹ he dali yé to didọ omẹ dopodopo hlan kọmẹnu etọn, dile otọ yetọn lẹ wọn oyín ṣie na Baali do. ²⁸Yẹwhegán lọ he tindo odlo de, gbọ é ni dọ odlọ de; podọ ewọ he tindo ohó ṣie, gbọ é ni yí nugbowà do dọ ohó ṣie. Eté wẹ oligètin hlan oli? we OKLUNỌ dọ. ²⁹Bé ohó ṣie ma tin tauli miyọn? wẹ OKLUNỌ dọ; podọ taidi ogọmẹ de he nọ gbà osé hanyanhanyan?

³⁰Enẹwutu, dayi e go, yẹn tin pannukọn yẹwhegán lẹ lọ, wẹ OKLUNỌ dọ, he to ohó ṣie lẹ fìn omẹ dopodopo sọn kọmẹnu etọn si. ³¹Dayi e go, Yẹn tin pannukọn yẹwhegán lẹ lọ, wẹ OKLUNỌ dọ, he yí odé yetọn lẹ, bo to didọmọ, Ewọ dọmọ. ³²Dayi e go, yẹn tin pannukọn ye he dọdai odlọ lalonọ lẹ dọ, le wẹ OKLUNỌ dọ, bo sọ to yé dọ, bo to omẹ ṣie lẹ hẹn nado buali gbọn lalo yetọn lẹ dali, podọ gbọn ogoyíyí yetọn ovo dali; gãnṣo yẹn ma do yé hlan, kavi degbèna ye; mọ yé ma na nale omẹ he lẹ lala gba, we OKLUNỌ dọ. ³³Podọ whenuena omẹ he lẹ, kavi yẹwhegán lọ, kavi yẹwhenọ lọ na kanbiọ we, dọmọ, Eté wẹ agbàn OKLUNỌ tọn lọ? whenẹnu wẹ hiẹ na dọ na yé núhe agbàn lọ yín dọ, Míwlẹ wẹ agbàn lọ. Yẹn na zé mì dlangbé, wẹ OKLUNỌ dọ. ³⁴Podọ na yẹwhegán lọ tọn, po yẹwhenọ lọ po, po gbẹtọ lẹ po, he na dọmọ, Agbàn OKLUNỌ tọn, yèdọ yẹn na sayahẹ dawe nẹ po owhé etọn po. ³⁵Le wẹ mi na dọ omẹ dopodopo hlan kọmẹnu etọn, podọ ome dopodopo hlan novisunnu etọn dọ, Etẹ wẹ OKLUNỌ ko gblọn? podọ, Eté wẹ OKLUNỌ ko dọ? ³⁶Podọ agban OKLUNỌ tọn wẹ mìwlẹ ma na sọ dọ ba; na ohó omẹ dopodopo tọn titi na yín agbàn etọn, na mìwlẹ ko sọ hẹn ohó Jiwheyẹwhe ogbènọ tọn lẹ gble, OKLUNỌ awhanpa lẹ tọn tọn Jiwheyẹwhe mítọn. ³⁷Le we hiẹ na dọ hlan yẹwhegán lọ dọ, Etó wẹ OKLUNỌ ko gbíọnna we? podọ, Eté wẹ OKLUNỌ ko dọ? ³⁸Ṣigba eyín mìwlẹ dọmo, Agban OKLUNỌ tọn; enẹwutu le wẹ OKLUNỌ dọ; Na mìwlẹ dọ ohó he wutu dọ, Agbàn OKLUNỌ tọn, podọ yẹn ko domẹhlan mì, dọmọ, Mìwlẹ ma na sọ dọmọ, Agbàn OKLUNỌ tọn gba; ³⁹enẹwutu, dayi e go, Yẹn na zé mì yìaga, yẹn na sọ zé mì dlangbó, po tòdaho he yẹn jó hlan mì lọ po hlan otọ́ mitọn lẹ, sọn nukọn ṣie: ⁴⁰podọ yẹn na hẹn pvlẹ madopodo wá mì ji, podọ owinyan tẹgbẹtẹgbẹ tọn de, he ma na yín winwọn.

¹OKLUNỌ dohia mi, bo, dayi e go, yè ze oha ovòsinsẹ́n lọ tọn awe do tẹmpli OKLUNỌ tọn nukọn; godo he Nẹbukadnẹzali ahọlu Babilọni tọn ko bé Jẹkonia visunnu Jehọiakimi ahọlu Juda tọn tọn yì mẹglọnọ, po ahọvi Juda tọn lẹ po, po anazónwatọ lẹ po po ayatọ lẹ po, sọn Jelusalẹm mẹ, bo ko hẹn yé wá jẹ Babilọni. ²Oha dopo tindo ovòsinsẹ́n dagbe talala lẹ, taidi ovòsinsẹn lẹ he yín bibia tintan: podọ oha awetọ tindo ovòsinsẹ́n ylanylan talala lẹ, he yè ma ṣogan dù, yé ylan sọ mọ. ³Whenẹnu wẹ OKLUNỌ dọ hlan mi dọ, Eté wẹ hiẹ mọ, Jẹlemia? Yẹn sọ dọmọ ovòsinsẹ́n lẹ; ovòsinsẹ́n dagbedagbe lẹ, dagbe talala; po ylanylan lọ po, ylanylan talala, he yè ma sọgan dù, yé ylan sọ mọ. ⁴Ohó OKLUNỌ tọn sọ wá jó dè, dọmọ, ⁵Le wẹ OKLUNỌ dọ, Jiwheyẹwhe Islaeli tọn, Taidi ovòsinsẹ́n dagbedagbe nẹlẹ, mowẹ yẹn na pònnukundagbe mẹglọnọ Juda tọn lẹ, mẹhe yẹn ko dohlan tọn sọn otẹn he mẹ biọ aigba Kaldeanu lẹ tọn mẹ. ⁶Na yen na zé nukun ṣie lẹ do yé ji na dagbe, Yẹn na sọ vò yé hẹnwá jẹ aigba he ji: Yẹn na sọ do yé, bo ma sọ sisé yé liai gba; yẹn na tùn yé, bo ma sọ dòn yé sùn gba. ⁷Yẹn na sọ na ayiha de yé nado yòn mi, dọ yẹn wẹ OKLUNỌ: yéwle na yín omẹ ṣie lẹ, yen na sọ yín Jiwheyẹwhe yeton: na yé na yí ayiha yetọn pete do légọ hlan dẽ. ⁸Podọ di ovòsinsẹ́n lẹ, he ye ma sọgan dù, yé yín yinylan sọ mọ; nugbonugbo le wẹ OKLUNỌ dọ, Mọwẹ yẹn na jó Zẹdekia ahọlu Juda tọn hlan do, po ahọvi etọn lẹ po, po pipòtọ Jelusalẹm tọn lẹ po, he po to aigba he mẹ, po ye he nọnọ̀ aigba Egipti tọn mẹ lẹ po: ⁹lèdọ yẹn na jó ye hlan nado yín núsisi de hlan ahọludu aigba tọn lepo na oylan; nado yín ovlẹ de po hówhinwhén de po, mẹkiko de po dẹ̀hodo de po, to otẹn lẹpo me fie yẹn na yàn yé hlan. ¹⁰Yẹn na sọ do ohi lọ hlan, ohùvé, po azònylankan lọ po to yé ṣẹnṣẹn, kaka yé na do yín vivàsúdo sẹ̀ sọn aigba lọ ji he yẹn na hlan yé podọ hlan otò yetọn lẹ.

¹OHÓ he wá Jẹlemia de gbọn gbẹtọ Juda tọn lẹpo tọn dali, to owhè ẹnẹtọ Jehọiakimi visunnu Josia tọn ahọlu Juda tọn tọn lẹ mẹ: doponẹ wẹ owhè tintan Nẹbukadnẹzali ahọlu Babilọni tọn tọn; ²ehe Jẹlemia yẹwhegán dọ hlan ome Juda tọn lẹpo, podọ hlan tòmẹnu Jelusalẹm tọn lẹpo, dọmọ: ³Sọn owhè wiatọntọ Josia visunnu Amọni tọn ahọlu Juda tọn tọn, yèdọ jẹ azán he gbè, owhè konukunatọ̀n helẹ mẹ, ohó OKLUNỌ tọn ko wá jẹ dẽ, yẹn ko sọ dọhó hlan mifinfọ́n to afọnnufú bo to hódọ; ṣigba míwlẹ ma ko tuntóai gba. ⁴OKLUNỌ ko sọ do devi etọn yẹwhegán lẹpo hlan mì to finfọ́n afọnnufú bo to mẹdohlan mì; ṣigba mì ma ko tuntóai, kavi té otọ́ mitọn dai nado sè gba; ⁵dọmọ, Mì lẹ́gọ̀ dinvie omẹ dopodopo sọn aliho ylanylan etọn mẹ, podọ sọn oylan wiwà mitọn lẹ ton mẹ, bo nọ nò aigba lọ mẹ he OKLUNỌ ko na hlan mì podọ hlan otò mitọn lọ, sọn hóhó whenu yèdọ kakadoi: ⁶bo ma sọ hodo yẹwhe dẽvo lẹ yì nado nọ sèn yé blo, podọ nado nọ litaina yé, bo ma sọ yí azọ̀n alọ mitọn lẹ tọn do henhomẹgble mi blo; yẹn ma sọ to nugbleawu de na wà hlan mì gba. ⁷Gãnṣo mìwlẹ ma tuntóai hlan mi gba, wẹ OKLUNỌ dọ; na mìwlẹ nido yí azọn alọ mitọn lẹ tọn do hẹnhomẹgble mi hlan adi hlan awugble mì lọsu tọn. ⁸Enewutu le wẹ OKLUNỌ awhànpa lẹ tọn dọ; Na mìwlẹ ma ko sè oho ṣie wutu, ⁹Dayi e go, Yẹn na domẹhlan bo sọ yi whédo agéwaji tọn lẹpo, wẹ OKLUNỌ dọ, yẹn na sọ do devi ṣie lẹ hlan Nẹbukadnẹzali ahọlu Babilọni tọn, bo na hẹn yé wá péhẹ aigba he, podọ bẹ tomẹnu etọn lẹ, podọ hẹ akọta nẹlẹ lédo; yẹn na sọ jó yé pete, bo hẹn yé zùn awujinu de, po nudepislọna de po, po ovọ́jẹ lẹ po tẹgbẹtẹgbẹ. ¹⁰Humọ yẹn na hẹn ogbè ajogidi tọn po ogbè homẹhùn tọn po, ogbè asìsúnọ tọn po ogbè asiyọ́yọ́ tọn po, ogbè ogilisé lẹ tọn, po hinhọ́n zogbán tọn po nado súdo sọn yé mẹ. ¹¹Aigba he pete na sọ yín ovòjẹ de, po awujinu de po; akọta helẹ na sọ sèn ahọlu Babilọni tọn hò owhè kandegbàn. ¹²E na sọ wá jọ, whenuena yè hẹn owhè kandegbàn lẹ lọ pó, wẹ yẹn na sayahẹ ahọlu Babilọni tọn, po akọta nẹ po, wẹ OKLUNỌ dọ, na oylanwà yetọn, po aigba Kaldeanu lẹ tọn po; yẹn na sọ hẹn ẹn zùn ovọ́jẹ madopodo. ¹³Yẹn na sọ hẹn ohó ṣie lẹ wá aigba nẹ ji, he yẹn ko dọ do e go, yèdọ ehe yè wlan do owé he mẹ lẹpo, he Jẹlemia ko do dọdọdai do akọta lẹpo go. ¹⁴Na akọta susu po ahọlu dahodaho lẹ po basi mẹmẹglọ sọn yé mẹ, yèdọ sọn yé mẹ; yẹn na sọ suahọ yé kẹdẹdi owalọ yetọn lẹ, podọ kẹdẹdi azọ̀n alọ yetọn lẹ tọn.

¹⁵Na lé wẹ OKLUNỌ dọ, Jiwheyẹwhe Islaeli tọn, hlan mi; Yi kọfo ovẹ̃n homẹwlu tọn he tọn to alọ ṣie mẹ, bo hẹn akọta lẹpo, mẹhe yẹn do we hlan lẹ nado nù in. ¹⁶Yé na sọ nù, bo to osamù hlan nukọn podọ hlan godo, bo sọ yín nulunọ, na ohi he yọn na dohlan yé ṣẹnṣẹn tọn wutu. ¹⁷Whenẹnu wẹ yẹn yí kọfo lọ to alọ OKLUNỌ tọn mẹ, bo sọ hẹn akọta lẹpo nado nu, mẹhe de OKLUNỌ ko do mi hlan lẹ; ¹⁸nado dọ, Jelusalẹm, po tòdaho Juda tọn lẹ po, po ahọlu etọn lẹ po, po ahọvi etọn lẹ po, nado hẹn yé zùn ovọ́jẹ de, awujinu de, nudèpislọna de, po dẹ̀hodo de po; dile é te to azán he gbè; ¹⁹Falo ahọlu Egipti tọn, po devi etọn lẹ po, po ahọvi etọn le po, po omẹ etọn lẹpo po; ²⁰po gbẹtọ lepo po flusọ, po ahọlu aigba Uzi tọn tọn lẹpo po, po ahọlu aigba Filistini tọn tọn lepo po, po Askelọni po, po Gaza po, po Eklọni po, po pipotọ Aṣdọdi tọn lẹ po; ²¹Edọmi po Moabi po, po ovi Amọni tọn lẹ po; ²²po ahọlu Tile tọn lẹpo po, po ahọlu Zidọni tọn lẹpo po, po ahọlu tòtóigba tọn he tin to ohù nukọn tọn lẹ po; ²³Dedani, po Tema po, po Buzi po, po ye he pá lọnglọnẹn odà yetọn tọn lẹpo po, ²⁴po ahọlu Alabia tọn lẹpo po, po ahọlu gbẹtọ flusọ le tọn lẹpo po he nọ nò zùngbo mẹ lẹ; ²⁵po ahọlu Zimli tọn lẹpo po, po ahọlu Elami tọn lẹpo po, po ahọlu Medesi tọn lẹpo po; ²⁶po ahọlu agéwaji tọn lẹpo po, to aganu podọ to yakẹ, ode po awetọ po; po ahọludu owẹkẹ tọn lẹpo po, he tin to nukunmẹ aigba tọn ji lẹ; pòdọ ahọlu Sesaki tọn na nù to yé godo. ²⁷Hiẹ na sọ dọ hlan yé dọ, Le wẹ OKLUNỌ awhànpa lẹ tọn dọ, Jiwheyẹwhe Islaeli tọn; Mì nù, bo sọ yín mùmúnọ, bo sàhò, bo jai, bo sọ tite ba blo, na ohi he yẹn na dohlan mì ṣẹnṣẹn lọ tọn wutu. ²⁸E na sọ yín, eyín yé kò nado yí kọfo lọ to alọ towe mẹ nado nù, whenẹnu wẹ hiẹ na dọ hlan yé dọ, Le wẹ OKLUNỌ awhànpa le tọn dọ: Mìwlẹ na nù dandan. ²⁹Na, pọn, yẹn sè nado to azọ̀n oylan wà to tòdaho lọ mẹ he yè to yiylọ gbọn oyín ṣie dali, bé mìwlẹ na ka yín mẹmasayahẹ gbidigbidi wẹ? Mì mana yín mẹmasayahẹ gba: na yẹn na ylọ na ohi de do tomẹnu aigba lọ tọn lẹ ji, wẹ OKLUNỌ awhànpa lẹ tọn dọ. ³⁰Enẹ-wutu hiẹ ni dọdọdai ohó he lẹpo tọn do yé go, bo dọ hlan yé dọ OKLUNỌ na dogbè sọn oji aga, bo do ogbè etọn sọn fininò etọn wiwe mẹ, ewọ na yí hlọnhlọn do dogbè do yìndùgbo etọn go; ewọ na ná abobo de, di yé he to vẹ̃nsinsẹ̀n le zín, dọ tòmẹnu aigba lọ tọn lẹpo go. ³¹Hlunblun de na wá yèdọ jẹ op do aigba tọn; na OKLUNỌ tindo nudim ọ i po akọta lẹ lọ po, ewọ na dowhègbe hẹ agbasalan lẹpo; na mẹylankan lẹ tọn, é na jó yé na ohi lọ, wẹ OKLUNỌ dọ;

³²Ló wẹ OKLUNỌ awhànpa lẹ tọn dọ, Dayi e go, oylan na tọ́n yì sọn akọta de jẹ akọta de, podọ yè na hẹn ojẹhọnsinsinyẹn daho de tite sọn opòdo petepete aigba lọ tọn dali ³³Podọ alántọsìọ OKLUNỌ ton lẹ na tin to azán ne gbè sọn opodo de aigba lọ tọn yèdọ jẹ opòdo aweto aigba lọ tọn; yè ma to na ví yé gba, kavi dọnpli, kavi di gba; yé na yín ogbó to nukunmẹ aigba lọ tọn ji. ³⁴Gbo mì lẹngbọhotọ lẹ, bò sọ dawhá; mì hẹn míde bludú to afín mẹ, mì megángan lẹngbọpa lọ tọn lẹ: na yè hẹn azán hùhù mitọn tọn wá to gigọ́ mẹ, yẹn na so kija mì, mìwlẹ na sọ jai taidi núzinzán whanpenọ de. ³⁵Lẹngbọhọtọ le lọ ma na tindo aliho de nado họnyì, kavi mẹgángán lẹngbọpa lọ tọn nado hòngán gba. ³⁶Ogbè awhá lẹngbọhotọ lẹ tọn de tọn, podọ gbigbó mẹgángán lẹngbọpa lọ tọn tọn na OKLUNỌ hẹn yìndùgbo yetọn gbògbé. ³⁷Yè sọ hẹn apó jijọhonọ lẹ wá abọẹnọ mẹ na adi zogbè OKLUNỌ tọn wutu. ³⁸Ewọ ko gbé avàli etọn dai, di kinnikinni: na yè hẹn aigba yetọn lezùn awujinu de na ohi nukunbianamẹtọ lọ ton wutu, podọ na adi zògbè etọn tọn wutu.

¹TO whẹwhẹwhenu ahọlu Jehọiakimi visunnu Josia tọn, ahọlu Juda tọn tọn mẹ, wẹ ohó he sọn OKLUNỌ de wá, domọ, ²Le we OKLUNỌ dọ: Site to akanmaho ohò OKLUNỌ tọn tọn mẹ, bo dọhó hlan todaho Juda tọn lẹpo, he wá nado litai to ohò OKLUNỌ tọn mẹ, ohó he yẹn degbèna we lẹpo nado dọ hlan yé; a gbò ohó de pò do godo blo. ³E sọgan yín yé na tuntóai, bo diọ omẹ dopodopo son aliho ylankan etọn mẹ; na yẹn nido diolinlẹn na dẽ sọn oylan lọ mẹ, he yen len nado wà hlan yé na oylan wiwà yetọn lẹ tọn tọn wutu. ⁴Hiẹ na sọ dọ hlan yé dọ, Le wẹ OKLUNỌ dọ: Eyín mìwlẹ ma na tuntóai hlan mi, nado zinzọnlin to osén ṣie me, he yẹn zé do mi nukọn, ⁵Nado tuntóai hlan ohó yẹwhegán devi ṣie lẹ tọn lẹ, mẹhe yẹn do hlan mì, yèdọ finfọn site afọnnufú bo to yé do hlan, ṣigba mìwlẹ ma ko sọ tuntóai gba; ⁶Whenẹnu wẹ yẹn na basi ohò he taidi Ṣilo, bo sọ basi tòdaho he odhodo de hlan akọta aigba lọ tọn lẹpo ⁷Yẹwhenọ lẹ lọ po yẹwhegán lẹ lọ po, po gbẹtọ lẹpo po sọ sè Jẹlemia to ohó hele dọ to ohò OKLUNỌ tọn mẹ. ⁸E sọ wá jọ, whenuena Jẹlemia ko dotana didọ ehe OKLUNỌ ko degbena ẹn lẹpo tọn nado dọ hlan gbẹtọ lẹpo, wẹ yewhénọ lẹ lọ po yẹwhegán lẹ lọ po po gbẹtọ lẹpo po té do e go, dọmọ, Hiẹ na kú dandan. ⁹Etẹwutu wẹ hiẹ ko do dọdọdai to oyín OKLUNỌ tọn mẹ, dọmọ, Ohò he na tin taidi Ṣilo, podọ todaho he na yín ovojẹ, matin tomẹnu? Yè sọ pli gbẹtọ lẹpo dopọ do Jẹlemia de to ohò OKLUNỌ tọn mẹ.

¹⁰Whenuena ahọvi Juda tọn lẹ sè onú hele, ye hẹji sọn owhé ahọlu tọn gbè je ohọ OKLUNỌ tọn mẹ; yé sọ sinai to bibiọ họngbo yọyó ohọ OKLUNỌ tọn ton mẹ. ¹¹Whenenu wẹ yẹwhenọ lẹlọ poyew hegan lẹ lọ po dọho hlan ahọvi le podọ hlan gbẹtọ lẹpo, dọmo, Dawe he tin jẹna okú; na ewọ ko dọdọdai do tòdaho he go, dole mì ko yí oto mitọn lẹ do sè do. ¹²Whenẹnu wẹ Jẹlemia dọho hlan ahọvi lẹpo podọ hlan gbẹtọ lẹpo, dọmọ, OKLUNỌ wẹ do mi hlan nado dọdọdai do ohò he go podọ do tòdaho he go ohó he mì ko sè lẹpo lẹ. ¹³Enẹwutu dinvie mì vó aliho mitọn lẹ po wiwà mitọn le po jlado, bo sètónuna ogbè OKLUNỌ Jiwheyẹwhe mitọn tọn; OKLUNỌ na sọ diọlinlẹn na ede sọn oylan he ewọ ko dọ do mì go lọ mẹ. ¹⁴Ṣigba na yẹn tọn, dayi e go, yẹn tin to alọ mìton mẹ: mì wà hẹ mi le é yín dagbe po ojloje po do to nukun mìton lẹ mẹ. ¹⁵Kiki mì ni yọnẹn na nugbo dọ, eyín mìwlẹ hù mi, mì na hẹn ohùn homevọnọ wa míde ji, po todaho he po ji, po tòmẹnu etọn lẹ po ji: na sọn nugbo de me OKLUNỌ wẹ ko do mi hlan mì nado dọ ohó helẹpo do otọ́ mitọn lẹ mẹ. ¹⁶Whenẹnu wẹ ahọvi lẹ lọ po gbẹtọ lẹpo po dọ hlan yẹwhenọ lẹ lọ podọ hlan yẹwhegán lẹ lọ dọ: Dawe he ma tin jena okú gba; na ewọ ko dọhó hlan mí to oyín OKLUNỌ Jiwheyẹwhe mítọn tọn mẹ. ¹⁷Whenẹnu we mẹdẽlẹ sọn mẹho aigba lọ tọn lẹ mẹ fọ́nsite, bo dọhó hlan obépli gbẹtọ lẹ tọn lọ, dọmọ, ¹⁸Mikaia Molasinu lọ dọdọdai to azán Hẹzekia ahọlu Juda tọn tọn lẹ mẹ; ewọ sọ dọhó hlan gbẹtọ Juda tọn lẹpo, domọ, Le wẹ OKLUNỌ awhànpa lẹ tọn dọ: Ziọni na yín pipò di ogle de, podọ Jelusalem na lẹzùn okiti lẹ, podọ osé ohò lo tọn di otẹn yìaga zùnkan de tọn lẹ. ¹⁹Bé Hezekia ahọlu Juda tọn po Juda lẹpo po hù i dandan? bé ewọ ma dibusi OKLUNỌ bo vẹvẹ́na nukundágbe OKLUNỌ tọn, bọ OKLUNỌ sọ diolìnlẹn na ede sọn oylan he ewọ ko dọ do yé go lọ mẹ? Le wẹ míwlẹ na do wà oylan daho do alindọn mítọn titi lẹ go. ²⁰Dawe de ko tin ga he dọdọdai to oyín Okluno tọn mẹ, Ulla visunnu Ṣemaia tọn sọn Kiliatijealimi; bọ ewọ dọdọdai do todaho he go podọ do aigba he go kẹdẹdi ohó Jelemia tọn le lẹpo; ²¹podọ whenuena Jehọìakimi ahọlu lọ, po sunnu hlọnhlọnnọ etọn lẹpo po, po ahọvi lẹpo po, sè ohó etọn lẹ, ahọlu lọ din nado hù i; ṣigba whenuena Ulia sè e, ewọ yín avọ̀satọ, bo síyì, bo yì biọ Egipti mẹ; ²²Jehọiakimi ahọlu lọ do sunnusi lẹ hlan Egipti mẹ, enẹ wẹ Ẹlnatani visunnu Akbọli tọn, podọ omẹ dèlẹ po ẹ po biọ Egipti mẹ: ²³yé sọ dè Ulia jẹgbonu sọn Egipti, bo hẹn ẹn wá jẹ Jehọiakimi ahọlu lọ de; mehe yí ohi do hù i, bo sọ zé osiọ etọn dlẹn biọ oyọdo visunnu gbẹtọ lẹ tọn lẹ tọn me ²⁴Ṣigba alọ Ahikami visunnu Safam tọn tọn tin po Jẹlemia po na yé ma na do jó e do alọ gbẹtọ ewlẹ tọn mẹ nado hù i gba.

¹TO whẹwhẹwhenu ahọludu Jehọiakimi visunnu Josia tọn, ahọlu Juda tọn tọn mẹ, wẹ ohó he wá Jẹlemia de sọn OKLUNỌ de, dọmọ, ²Le wẹ OKLUNỌ dọ hlan mi: basi aj àkẹn lẹ po okòpla lẹ po na we, bo yí ye do okò towe ji; ³bo do yé hlan ahọlu Edọmi tọn de, podọ hlan ahọlu Moabi tọn, podọ hlan ahọlu ovi Amọni tọn lẹ tọn, podọ hlan ahọlu Tile tọn, podọ hlan ahọlu Zidọni tọn, gbọn alọ mẹdagun lẹ tọn mẹ he wá Jelusalẹm jẹ Zẹdekia ahọlu Juda tọn de; ⁴bo na asẹ de yé hlan mẹmẹnu yetọn lẹ, dọmọ, Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Le wẹ mì na dọ hlan mẹmẹnu mitọn lẹ dọ; ⁵yẹn wẹ ko basi aigba, gbẹtọ lọ podọ gbékanlin lọ he tin to nukunmẹ aigba tọn ji, gbọn huhlọn daho dali podọ gbọn awà ṣie dindlẹnjẹgbonu dali; yẹn sọ nọ na ẹn hlan mẹhe é sọawuhia jlọjẹ hlan mi. ⁶Podọ dinvie wẹ yẹn ko jó aigba he lẹpo do alọ Nẹbukadnẹzali ahọlu Babilọni devi ṣie ton tọn mẹ; podọ gbékanlin danji tọn lẹpo ga wẹ yẹn ko na ẹn nado nọ sèn ẹn. ⁷Akọta lẹpo na sọ nọ sẹ́n ẹn, po visunnu etọn po po visunnu visunnu etọn tọn po, kaka ojlẹ aigba etọn lọsu tọn na wá: podọ whenẹnu wẹ akọta susu po ahọlu dahodaho lẹ po na nọ sèn yéde sọn e de. ⁸E na sọ wá jọ, dọ akọta lọ po ahọludu lọ po he ma na nọ sẹ́n Nẹbukadnẹzali ahọlu Babilọni tọn dopolọ, he ma na yí okò yetọn do oglepònu ahọlu Babilọni tọn tọn glọ, akọta nẹ wẹ yẹn na yí ohi, po ohùvé po, po azònylankan po do sayahẹ, wẹ OKLUNỌ dọ, kaka yẹn ko do hù yé súdo gbọn alọ etọn mẹ ⁹Ṣigba na mìwlẹ tọn, mì tuntóai hlan yewhegán mitọn lẹ blo, kavi hlan dọsẹnọ mitọn lẹ, kavi hlan odlọ mitọn lẹ, kavi hlan apajlẹnọ mitọn lẹ, kavi hlan owọntó mitọn lẹ blo, he to hódọ hlan mì, dọmọ, Mìwlẹ ma to na sèn ahọlu Babilọni tọn gba: ¹⁰na yé dọdai lalo de dọ hlan mì, nado hẹn mì sẹtẹn dèn sọn aigba mitọn mẹ; podọ yẹn nido yàn mì jẹgbonu bọ mì na do súdo. ¹¹Ṣigba akọta lọ he na hẹn okọ̀ yetọn wá oglepọ̀nú ahọlu Babilọni tọn tọn glọ, bo nọ sẹ̀n ẹn, akọta nẹ wẹ yẹn na gbọ podai to aigba yetọn lọsu mẹ, wẹ OKLUNỌ dọ; yé na sọ gẹ́ ẹ, bo nọ nọ e mẹ.

¹²Yẹn sọ dọhó hlan Zẹdekia ahọlu Juda tọn kẹdedi ohó he lepo, dọmo, Hen okò towe lẹ wá oglepònu ahọlu Babilọni tọn tọn glọ, bo nọ sèn ẹn po omẹ etọn lẹ po, bo nọgbẹ̀. ¹³Etẹwutu wẹ mì na kú, hiẹ po omẹ towe lẹ po, gbọn ohi lọ dali, gbọn ohùvé lọ dali, podọ gbọn azònylankan lọ dali, dile OKLUNỌ ko dọ do gbọn akọta lọ tọn dali he ma na sèn ahọlu Babilọni tọn? ¹⁴A sọ tuntóai hlan ohó yẹwhegán lẹ lọ tọn lẹ blo, he didọ hlan mì, dọmọ, Mìwlẹ ma to na sẹ̀n ahọlu Babilọni tọn gba: na dọdai lalo de wẹ yé dọ hlan mì. ¹⁵Na yẹn ma ko do yé hlan gba, we OKLUNỌ dọ, ṣigba yé yí yẹwiwà do dọdọdai to oyín ṣie mẹ; na yẹn nido yàn mì jògbonu, podọ na mìwlẹ nido súdo, mìwlẹ po yẹwhegán mìton he dọdọdai hlan mì lẹ po. ¹⁶Yẹn sọ dọhó hlan yewhenọ lẹ ga podọ hlan omẹ he lẹ, dọmọ, Le wẹ OKLUNỌ dọ; Mìwlẹ tuntóai hlan ohó yẹwhegán mitọn lẹ tọn lẹ blo he to dọdaidọ hlan mì, dọmọ, Dayi e go, núzinzán ohò OKLUNỌ tọn ton lẹ wẹ yè na sọ vó hẹn zandevie sọn Babilọni wá: na yé dọdọdai lalo de hlan mì. ¹⁷Mì tuntóai hlan yé blo; mì nọ sẹ̀n ahọlu Babilọni tọn bo nọgbè: etẹwutu wẹ tòdaho he na do lẹzùn ojẹvọ de? ¹⁸Ṣigba eyín yé yín yẹwhegán, podọ eyín ohó OKLUNỌ tọn tin to yé de, gbọ yé ni basi ovvivẹ hlan OKLUNỌ awhànpa lẹ tọn, na núzinzán he yè pòdai to ohò OKLUNỌ tọn mẹ lẹ, podọ to ohò ahọlu Juda tọn tọn mẹ, podọ to Jelusalẹm mẹ, yì jẹ Babilọni blo. ¹⁹Na le wẹ OKLUNỌ awhànpa lẹ tọn dọ gbọn odòtin lẹ lọ tọn dali, podọ gbọn ohù lọ tọn dali, podọ gbọn ozòn lẹ lọ tọn dali, podọ gbọn pipòdai núzinzán lẹ lọ tọn dali he yè pòdai to tòdaho he mẹ, ²⁰he Nẹbukadnẹzali ahọlu Babilọni tọn ma yi, whenuena e bé Jekonia visunnu Jehọiakimi tọn, ahọlu Juda tọn yì mẹglọnọ mẹ sọn Jelusalẹm jẹ Babilọni, po mẹgbõgbo Juda po Jelusalẹm po tọn lẹpo po; ²¹mọwẹ, le wẹ OKLUNỌ awhànpa lẹ tọn dọ, Jiwheyẹwhe Islaeli tọn, gbọn nuzinzán he yè pòdai to ohò OKLUNỌ tọn mẹ lẹ tọn dali, podọ to ohò ahọlu Juda tọn tọn mẹ, podọ to Jelusalẹm me: ²²Yè na sọ bé yé yì jẹ Babilọni, finẹ wẹ yé na sọ te, kakajẹ azán he gbè yẹn na dla yé pọ́n, wẹ OKLUNỌ dọ; whenẹnu wẹ yẹn na hẹn yé hẹji wá, bo gò yé jó hlan otẹn he mẹ.

¹E sọ wá jọ to owhè dopolọ mẹ, to saunsaun whenu ahọludu Zẹdekia tọn, aholu Juda tọn tọn mẹ, to owhè ẹnẹtọ mẹ to osún atóntọ mẹ, wẹ Hanania visunnu Azuli yẹwhegán lọ tọn, he yín Gibeọni tọn, dọhó hlan mi to ohò OKLUNỌ tọn mẹ, to nukọn yẹwhenọ lẹ tọn po gbẹtọ lẹpo po tọn, dọmọ, ²Le wẹ OKLUNỌ awhànpa lẹ tọn, Jiwheyẹwhe Islaeli tọn dọhó do, dọmọ, Yẹn ko wén oglepònu ahọlu Babilọni tọn tọn. ³To owhè awe gigọ́ mẹ wẹ yẹn na vò hẹn wá biọ otẹn he mẹ núzinzán ohò OKLUNỌ tọn tọn Ìẹpo, he Nẹbukadnẹzali ahọlu Babilọni tọn bé sọn otẹn he mẹ yì, bo hẹn yé yì jẹ Babilọni: ⁴yẹn na sọ vò Jẹkonia visunnu Jehọiakimi ahọlu Juda tọn tọn hẹn wá jẹ otẹn he mẹ, po mẹmẹglọ Juda tọn lẹpo po, he yì Babilọni, wẹ OKLUNỌ dọ, na yẹn na wén oglepònu ahọlu Babilọni tọn tọn. ⁵Whenẹnu wẹ Jẹlemia yẹwhegán dọ hlan Hanania yẹwhegán lọ to nukun yẹwhenọ lẹ lọ tọn mẹ, podọ to nukun gbẹtọ he site to ohò OKLUNỌ tọn mẹ lẹpo tọn mẹ, ⁶ydọ Jẹlemia yẹwhegán dọmọ, Niṣẹ: OKLUNỌ ni wà mọ: OKLUNỌ ni yí ohó he hiẹ do dọdọdai lẹ basi, nado sọ vò núzinzán ohò OKLUNỌ tọn tọn lẹ, po yé mẹglọnọ tọn lẹpo po hẹn sọn Babilọni wá jẹ otẹn he mẹ. ⁷Sogán hie ni sè ohó he he yẹn to didọ do otọ́ towe lẹ mẹ dinvie, podọ do otọ́ gbẹtọ lẹpo tọn mẹ: ⁸Yẹwhegán he ko tin jẹnukọnna mi lẹ podọ jẹnukọnna hiẹ sọn hóhó dọdọdai awhàn tọn, po oylan tọn po, po azònylankan tọn po do otò susu go, podọ do ahọludu dahodaho lẹ go. ⁹Yẹwhegán he dọdọdai jijọho tọn, whenuena ohó yẹwhegán lọ tọn na wá jọ, whenẹnu wẹ yẹwhegán lọ na yín yínyọnẹn, dọ OKLUNỌ wẹ ko do e hlan nugbo. ¹⁰Whenenu wẹ Hanania yẹwhegán lọ yí okòpla lọ sò sọn okò Jẹlemia yẹwhegán lọ tọn, bo wẹ́n ẹn. ¹¹Hanania sọ dọhó to nukun gbẹtọ lẹpo tọn mẹ, dọmọ, Le wẹ OKLUNỌ dọ, Yèdo le wẹ yẹn na wén oglepònu Nẹbukadnẹzali ahọlu Babilọni tọn tọn to owhè awe mẹ sẹ̀ sọn okò akọta lẹpo tọn. Jẹlemia yẹwhegán sọ gbọn aliho etọn yì. ¹²Whenẹnu wẹ ohó OKLUNỌ tọn wá Jelemia de, to godo he Hanania yẹwhegm lọ ko wén okòpla lọ sẹ̀ sọn okò Jẹlemia yewhegán lọ tọn, dọmọ, ¹³Yì, bo dọ na Hanania, dọmọ, Le wẹ OKLUNỌ dọ: Hiẹ ko wén okòpla atin tọn lẹ; ṣigba hiẹ na basi okòpla ogànyù tọn lẹ do otẹn yetọn mẹ ¹⁴Na le wẹ OKLUNỌ awhànpa lẹ tọn, Jiwheyẹwhe Islaeli tọn dọ: yẹn ko yí oglepònu ogànyú tọn lẹ do okò akọta he lẹpo tọn ji, na yé nido to Nẹbukadnẹzali ahọlu Babilọni tọn sèn; yé na sọ sẹ́n ewọ: yẹn ko sọ na ewọ gbékanlin danji tọn lẹ ga. ¹⁵Whenẹnu wẹ Jẹlemia yẹwhegán dọ hlan Hanania yewhegán lọ, dọ, Sè dinvie, Hanania; OKLUNỌ ma ko do we hlan gba; ṣigba hiẹ hẹn omẹ he le nado dotódido to lalo de mẹ. ¹⁶Enẹwutu le wẹ OKLUNỌ dọ, Dayi e go, yẹn na tùn we hlan sẹ̀ sọn nukunmẹ aigba tọn ji: hiẹ na kú to owhè he mẹ, na hiẹ ko dọhó atè do OKLUNỌ go wutu. ¹⁷Mọwẹ Hanania yẹwhegán lọ kú to owhè dopolọ ji to osùn sinawetọ mẹ.

¹DINVIE ehelẹ wẹ ohó ohówé lọ tọn lẹ he Jẹlemia yẹwhegán dohlan sọn Jelusalẹm hlan pipòdai sọn mẹho mẹmẹglọ lẹ tọn lẹ mẹ, podọ hlan yẹwhenọ lẹ, podọ hlan yẹwhegán lẹ, podọ hlan gbẹtọ lẹpo, mẹhe Nẹbukadnẹzali ko béyì mẹglọnọ lẹ sọn Jelusalẹm jẹ Babilọni ²(godo he yè hẹn Jẹkonia ahọlu lọ, po ahọsi—onọ po, po ojò lẹ po, po ahọvi Juda po Jelusalẹm po tọn lẹ, po anazònwàtọ lẹ po, po ayátọ lẹ po, tónyì sọn Jelusalẹm mẹ;) ³gbọn alọ Elasa visunnu Safana tọn tọn mẹ, po Gemalia visunnu Hilkia tọn po, (mẹhe Zẹdedia ahọlu Juda tọn dohlan Babilọni hlan Nẹbukadnẹzali ahọlu Babilọni tọn de,) dọmọ, ⁴Le wẹ OKLUNỌ awhànpa lẹ tọn dọ, Jiwheyẹwhe Islaeli tọn, hlan meglọnọ lepo, mehe yẹn ma ko hẹn nado yín bibé memeglọ yì sọn Jelusalẹm mẹ jẹ Babilọni. ⁵Mì dó ohò lẹ, bo nọ nò yé mẹ; bo do ojipa Jẹ, bo sọ dù osinsẹ́n yé tọn; ⁶mì dà asi le, bo hẹn visunnu le po viyọnnu lẹ po tòn; bo sọ dà asi lẹ na visunnu mitọn lẹ, bo sọ na viyọnnu mitọn lẹ hlan asú lẹ, na yé nido ji visunnu lẹ po viyọnnu lẹ po; mì ni to susudeji finẹ, bo ma yín mẹhenwhè gba. ⁷Bo nọ din jijọho tòdaho lọ tọn fie yẹn ko hẹn we nado yín bibéyì mẹglonọ te, bo sọ nọ hodè hlan OKLUNỌ na ẹn: na jijọho etọn mẹ wẹ mìwlẹ na tindo jijọho te. ⁸Na le wẹ OKLUNỌ awhànpa lẹ tọn, Jiwheyẹwhe Islaeli tọn dọ: Mì dike yẹwhegán mìton lẹ he tin to ogbla mì tọnmẹ, po dọsẹnọ mìtọn lẹpo klọ mì blo, mọ mì sọ tuntóai hlan odlọ mitọn lẹ he mì do kúdlọ blo. ⁹Na yé dọdọdai lalo hlan mì to oyín ṣie mẹ: Yẹn ma ko do yé hlan gba, wẹ OKLUNỌ dọ. ¹⁰Na le wẹ OKLUNỌ dọ, Godo yè hẹn owhè kandegbàn pe, na Babilọni, yẹn na dla mì pòn, bo sọ yí ohó dagbe ṣie basi hlan mì dali, to hinhẹn mì nado lẹ́gọ̀ mẹ do otẹn he mẹ. ¹¹Na yẹn yọ́n linlẹn he yen lẹn hlan mì dali lẹ, wẹ OKLUNỌ dọ, linlẹn jijọho tọn lẹ, bo ma yín oylan tọn, nado na opòdo godomẹ tọn mì po tódido po ¹²Mìwlẹ na sọ nọ ylọ mi, mì na sọ nọ yì bo hodè hlan mi, yẹn na sọ nọ tuntóai hlan mì. ¹³Mìwlẹ na din mi, bo sọ mọ mi, whenuena mìwlẹ na yí ayiha mitọn lẹpo do to dindin mi. ¹⁴Yẹn na sọ yín mẹdinmọ mìwlẹ tọn, we OKLUNỌ dọ, Yẹn na sọ lẹ́gọ̀ do mẹmẹglọ mìton kọ̀n, yẹn na sọ bẹ́ mì sọn akọta lẹpo mẹ plidopo, podọ sọn otẹn lẹpo mẹ hẹ yẹn ko yàn mì hlan, wẹ OKLUNỌ dọ; Yẹn na sọ vọ̀ mì hẹnwá jẹ otẹn lọ mẹ fie yẹn hẹn mì nado yín bibẹ́yì mẹglọnọ mẹ sọn. ¹⁵Na mìwlẹ ko dọmọ, OKLUNỌ ko ze yẹwhegán lẹ tite na mí to Babilọni mẹ. ¹⁶Na le wẹ OKLUNỌ dọ gbọn ahọlu he sinai to ofìn Davidi tọn ji tọn dali, podọ gbọn gbẹtọ he nọ nò todaho he mẹ lẹ tọn dali, mẹmẹsunnu mitọn lẹ he yè ma hẹn yì po, mì po biọ mẹmẹglọ mẹ; ¹⁷le wẹ OKLUNỌ awhànpa lẹ tọn dọ: Dayi e go, yẹn na do ohi lọ, ohùvé, po azònylankan lọ po hlan yé ji, bo na hẹn yé zùn ovòsinsẹ́n gbigble lẹ hé ma sọgan yín dùdù, yé yín yìnvlan sọ mọ. ¹⁸Yen na sọ yí ohi lọ, yí ohùvẹ́ lọ, po azọ̀nylankan lọ po do jẹmọ́ji hodo yé, bo na sọ jó yé nado yín nudobudaho de hlan ahọludu aigba lọ tọn lẹpó, nado yín dẹ̀hodo de, po awujinu de po, po núdèpislọna de po, po ovlẹ de po, to akọta lẹpo ṣẹnṣẹn fie yẹn ko yàn yé hlan: ¹⁹na yé ma ko tuntóai hlan ohó ṣie lẹ wutu, wẹ OKLUNỌ dọ, ehe yẹn do do devi ṣie yẹwhegán lẹ hlan yé, finfọ́n to afọnnufú bo to yé dohlan; ṣigba mìwlẹ ma jlo na sè, wẹ OKLUNỌ dọ. ²⁰Enẹwutu mì sè ohó OKLUNỌ tọn, mì mẹglonọ tọn lẹpo, mẹhe yẹn ko dohlan sọn Jelusalẹm yì jẹ Babilọni.

²¹Le wẹ OKLUNỌ awhànpa lẹ tọn, Jiwheyẹwhe Islaeli tọn dọ, gbọn Ahabi visunnu Kolaia tọn tọn dali, podọ gbọn Zẹdekia visunnu Maaseia tọn tọn dali, he dọdọdai lalo de hlan mì to oyín ṣie mẹ: Dayi e go, yẹn na jó yé do alọ Nẹbukadnẹzali ahọlu Babilọni tọn tọn mẹ; ewọ na so hù yé to nukun mitọn lẹ nukọn; ²²podọ son yé me Wẹ yè na nọ zé dẹ̀hodo de daga gbon meglọnọ Juda tọn lẹpo dali he tin to Babilọni mẹ, dọmọ, OKLUNỌ ni basi we taidi Zẹdekia podọ taidi Ahabi, mẹhe ahọlu Babilọni tọn hì to miyọn mẹ: ²³na ye ko wà alèdida to Islaeli mẹ wutu, bo kọ sọ deayọ he asi kọmẹnu yetọn lẹ tọn lẹ, bo ko sọ yí lalo do dọ ohó lẹ to oyín ṣie mẹ, he yẹn ma degbèna yé gba; podọ yẹn wẹ ewọ he yọnẹn, podọ yẹn wẹ kunnudetọ, wẹ OKLUNỌ dọ.

²⁴Podọ hlan Semaia Nẹhelaminu lọ wẹ hiẹ na dọhó, dọmọ, ²⁵Lé wẹ OKLUNỌ awhànpa lẹ tọn dọhó do Jiwheyẹwhe Islaeli tọn dọmọ, Na hiẹ ko do ohówé lẹ hlan to oyín towe titi mẹ wutu hlan omẹ he tin to Jelusalẹm mẹ lẹpo, podọ hlan Zẹfania visunnu Maàselẹ yẹwhenọ lọ ton, podọ hlan yẹwhenọ lepo, dọmọ, ²⁶OKLUNỌ ko hẹn we zùn yẹwhenọ do otẹn Jehọiada yẹwhenọ lo tọn mẹ, na mìwlẹ na do yín ogándaho jẹ to ohò OKLUNỌ tọn mẹ, na omẹ depope he yín nulunọ, bo hẹn ede zùn yẹwhegán de, na hiẹ nido yí i do osópò lẹ mẹ podọ do okògàn lẹ mẹ. ²⁷Enẹwutu dinvie, etẹwutu wẹ hiẹ ma wọhẹ Jẹlemia Anatoti tọn, he hẹn ede zùn yẹwhegán de hlan mì. ²⁸Sọle ewọ ko domẹhlan mí de to Babilọni, dọmọ, Oga wẹ mẹglọnọ lọ: mì dó okò lẹ, bo nọ nò yé mẹ: bo sọ dó ojipa le, bo nọ dù osinsẹ́n yé tọn? ²⁹Podọ Zefaíiia yẹwhẹnọ lọ sọ hia ohówé he do otọ́ Jelemia yẹwhegán lọ tọn lẹ mẹ. ³⁰Whenẹnu wẹ ohó OKLUNỌ tọn wá Jẹlemia de, dọmọ, ³¹Domẹhlan yé mẹmẹglọ tọn lẹpo de, dọmọ, Le wẹ OKLUNỌ dọ gbọn Ṣemaia Nẹhelaminu lọ tọn dali: Na dọ Ṣemaia ko dọdọdai hlan mì wutu, bọ yẹn ma do e hlan gba, podọ ewọ ko sọ hẹn mì nado dotu to lalo de mẹ; ³²Enẹwutu le wẹ OKLUNỌ dọ, Dayi e go, Yẹn na sayahẹ Ṣemaia Nẹhelaminu lọ, po okún etọn po; ewọ ma na tindo sunnu de nado nọ nò omẹ he lẹ ṣẹnṣẹn, mọ é ma na mọ dagbe he yẹn na wà hlan omẹ ṣie lẹ, wẹ OKLUNỌ dọ: na ewọ ko dọhó atẹ̀ do OKLUNỌ go wutu.

¹OHÓ he wá Jẹlemia de sọn OKLUNỌ de, dọmọ, ²Le wẹ OKLUNỌ dọhó do, Jiwheyẹwhe Islaeli tọn, dọmọ, Wlan na we ohó he yẹn ko dọ hlan we lẹpo do owó de mẹ. ³Na, pọ́n, azán lẹ wá, we OKLUNỌ dọ, bọ yẹn na lẹ́gọ̀ do mẹmẹglọ omẹ ṣie lẹ Islaeli po Juda po de, wẹ OKLUNỌ dọ; bọ yẹn na sọ hẹn yé nado lẹ́gọ̀ do aigba lọ mẹ he yẹn na hlan otọ́ yetọn le, yé na sọ tindo e.

⁴Ehelẹ sọ wẹ ohó he OKLUNỌ dọ gbọn Islaeli tọn dali podọ gbọn Juda tọn dali. ⁵Na le wẹ OKLUNỌ dọ: Míwlẹ ko sè ogbè sisọsisọ tọn de, obu tin finẹ, jijọho tọn ma gba ⁶Mì kanbiọ dinvie, bo pọ́n eyín sunnusi de nọ zẹ́n jivi; etẹwutu wẹ yẹn mọ sunnusi dopodopo po aíọ etọn lẹ po to adà etọn lẹ mẹ, di yọnnusi de to ajipa mẹ, bọ yè hẹn nukunmẹ lẹpo diọ biọ yìnylọn mẹ? ⁷Hùnun! na daho wẹ azán nẹ, mọ bọ ode ma tin taidi i; yèdọ ojlẹ tukla Jakob tọn tọn wẹ; ṣigba yè na whlẹn ẹn sọn e mẹ. ⁸E na sọ wá jọ to azán nẹ gbè, wẹ OKLUNỌ awhànpa lẹ tọn dọ, DỌ yẹn na wén oglepònu etọn sè sọn okò etọn, bo na sọ tlu ogàn towe lẹ; ojonọ lẹ ma na sọ sẹ́n yéde sọn e de ba gba: ⁹ṣigba yé na nọ sẹ́n OKLUNỌ Jiwheyẹwhe yetọn, po Davidi ahọlu yetọn po, mẹhe yen na zótite hlan yé. ¹⁰Enẹwutu Jakob devi ṣie, hiẹ dibu blo, wẹ OKLUNỌ dọ; mọ a sọ yín avosatọ blo, Hiẹ Islaeli: na, pọ́n, yẹn na whlẹn we sọn aganu, po okún towe po sọn aigba mẹglọnọ yetọn tọn mẹ; Jakob na lógò, bo na sọ tin abọẹ podọ to awubọ me, mẹde ma na sọ hẹn ẹn savọ̀ gba. ¹¹Na yẹn tin to de we, nado whlẹn we, wẹ OKLUNỌ dọ: na yẹn na basi opòdo gigọ́ akọta lẹpo tọn de fie yẹn ko vúnvún we hlan, ṣigba yẹn ma na basi opòdo gigọ́ hiẹ tọn de gba; ṣigba yẹn na yi whẹ̀dida do jla we do, bo na hẹn we matinwhẹgbledo de lala gba.

¹²Na le wẹ OKLUNỌ dọ, Matinhẹngbọ wẹ awugble towe, podọ alán towe vivó. ¹³Mẹde ma tin nado dowhógbena owhèhó towe, hiẹ ma tindo obó kavi alánbjanú de na alán towe, kavi wunbla na. ¹⁴Owanyinọ towe lepo ko wonji ogo we; yé ma sọ din we ba na yẹn ko yí alán okẹntọ de tọn do doalán we, po hihò okanọ de tọn po; na kiklo oylanwà towe tọn, na yè hẹn ylando towe lẹ sudeji wutu. ¹⁵Etẹwutu wẹ hiẹ do to awhádo na awugble towe, na awufiẹsa towe yín matinhẹngbọ wutu? na kiklo oylanwà towe tọn, na yè hẹn ylando towe lẹ sudeji wutu, wẹ yẹn ko do wà onú helẹ hlan we. ¹⁶Enẹwutu wẹ yè na dùsúdo yé he to dùdù we súdo lẹpo, podọ mẹglatọ towe lẹpo, ome dopodopo yé tọn na yì biọ mẹglọnọ mẹ; podọ yé he hẹn we gble lẹ na yín ohẹngble de, podọ yé he to wẹ̀nyàn to oji we lẹpo wẹ yẹn na jó na wènyannú de. ¹⁷Na yẹn na gò agbasalilo jó hlan we, yẹn na sọ hẹnazọ̀ngbọna we sọn alán towe lẹ mẹ, wẹ OKLUNỌ dọ; na yé ko ylọ we mẹyandogbó de wutu, dọmọ, Ziọni wẹ, mẹhe mẹde ma sọ hòpón. ¹⁸Le wẹ OKLUNỌ dọ: Dayi e go, yẹn sọ vó lẹ́gọ̀ do mẹglọnọ ogòhọ Jakob tọn lẹ tọn kòn, bo tindo lẹblanu to otẹn ninò etọn lẹ ji; podọ tòdaho lọ na sọ yín didó do osé etọn titi ji, podọ ohònmẹ lọ na sọ yín ninò kẹdẹdi owàlọ etọn. ¹⁹Yé mẹ wẹ opédido po ogbè yé he to ajogidi basi lẹ tọn na nọ tón sọn wá: Yẹn bo na sọ hẹn yé sudeji, yé ma na yín vude gba, yẹn na nagigo yé ga, yé ma sọ to na yín whiwhè gba. ²⁰Ovi yetọn lẹ ga na tin di nukọntọn, yè na sọ hẹn agùn yetọn lódo to nukọn ṣie, yẹn na sọ sayahẹ yé he bianukunna yé lẹpo. ²¹Ahọvi yetọn lẹ na tin sọn yéde mẹ, ogándùtọ na tón sọn ogbla yé tọn mẹ wá; Yẹn na sọ hẹn ẹn nado dòn sẹ̀pọ́, ewọ bo na sọ tlinsẹ̀pó dẽ: na mẹnu wẹ ewọ he ko yín alọyítọ na ayiha etọn? wẹ OKLUNỌ dọ. ²²Míwlẹ na sọ yín omẹ ṣie lẹ, Yẹn na sọ yín Jiwheyẹwhe mitọn.

²³Dayi e go, ojẹhònsinsinyẹn OKLUNỌ tọn, yèdọ homẹwlu etọn, yè hẹn jẹgbonu yì, ojẹhònsinsinyẹn bépli: é na là do ota mẹylankan lẹ tọn ji. ²⁴Adanjijẹ zògbè OKLUNỌ tọn ma to na lẹ́gọ̀, kaka ewọ ko do hẹnsẹ, podọ kaka ewọ ko do yí olinlẹn ayiha etọn tọn lẹ basi: azán godomẹ tọn lẹ mẹ mìwlẹ na tùnwun in.

¹TO ojlẹ nẹ mẹ, wẹ OKLUNỌ dọ, wẹ yẹn na yín Jiwheyẹwhe whédo Islaeli tọn lẹpo ton, yéwlẹ na sọ yín omẹ ṣie lẹ. ²Le wẹ OKLUNỌ dọ, Gbẹto he yè pòdai sọn ohi lọ mẹ lẹ ko din ojọmiọn mọ to zùngbo mẹ; yèdọ Islaeli, whenuena ewọ yì nado din ogbọjẹ na ede. ³OKLUNỌ sọawuhia sọn aganu hlan mi, domọ, Mọwẹ, Yẹn ko yí owanyi madopodo de do yiwanna we: enẹwutu we yẹn ko yí dagbewanyi do dòn we. ⁴Yẹn na vó we dó, hie na sọ yín didó, Hiẹ awhli Islaeli tọn È: hie na sọ vọ yín meyí tableti towe lẹ do doasọna, bo na sọ tón jẹgbonu to owè yé he to ajogidi basi lẹ tọn mẹ. ⁵Hie na sọ vó ovẹngle lẹ dó to osé Samalia tọn lẹ ji: didótọ lẹ na dó, bo na sọ hẹn osinsẹ́n etọn pò. ⁶Na azán de na tin, bo núhoto lẹ to okọta Eflaimi tọn lẹ ji na dawhá dọ, Mì tite, bo gbọ mí ni heji yì jẹ Ziọni jẹ OKLUNỌ Jiwheyẹwhe mítọn de. ⁷Na le wẹ OKLUNỌ dọ, Mì yí homẹhùn do jihàn na Jakob, bo dabobo do ota akọta, lẹ tọn: mì lá, mì pà, bo dọmọ, OKLUNỌ E, whlẹn pipòtọ Islaeli ome towe lẹ tọn. ⁸Dayi e gọ, Yẹn na hẹn yé sọn oto agéwaji tọn lẹ, bo sọ bó yé pli sọn nukọnnukon aigba ton pete wá nukuntọ́nnọ po sẹkúnọ po, yọnnu hòhonọ podọ ewọ he yí ovi do to zinzèn po yé po dopọ: ogbé daho de wẹ yé na do lẹ́gọ̀ do fìle. ⁹Yé na wá po avi po, Yẹn na sọ yí ovẹ̀vẹ̀ do do yé, Yẹn na hẹn yé wá otọ osìn lẹ tọn lẹ kòn, to aliho jijlọ de me ehemẹ yé ma na dahli te: na otọ́ de wẹ yen hlan Islaeli, Eflaimi sọ we oplọnji ṣie.

¹⁰Sè ohó OKLUNỌ tọn mì akọta lẹ emi, bo sọ dọ ẹ to olopó lẹ mẹ to aganu boboe; bo dọmọ, Ewọ he vúnvún Islaeli na sọ bé ẹ pli, bo to yìnyìn in, dile lengbọhọtọ de nọ wàna lẹngbọpa etọn do. ¹¹Na OKLUNỌ ko fli Jakob, bo sọ fli i gò sọn alo ewọ he yín huhlọnnọ hú i tọn mẹ. ¹²Yé na sọ wá bo to hànji to fiyìaga Ziọni tọn me, bo na fó to sisa dọpọ jẹ dagbewà OKLUNỌ tọn kòn, jẹ azò lọ kòn, podọ jẹ ovẹ̃n lọ kòn, podọ jẹ amì lọ kòn, podọ jẹ ovú lẹngbọpa lọ tọn kòn po kanlinpa lọ po: alindọn yeton na sọ tin di ojipa osìnnọ de; ye ma na sọ blawu depope gbède ba. ¹³Whenenu wẹ awhli lọ na to ayajẹ to owè mẹ, Yọpọ sunnu le po yọnhonọ lẹ po dopọ; na yẹn diọ awubla yetọn do ayajẹ mẹ, bo na mionhomẹna yé, bo sọ hẹn yé jaya sọn awubla yetọn mẹ. ¹⁴Yẹn na sọ yí ojó do hen alindọn yẹwhenọ lẹ lọ tọn mọawu, yè na sọ yi dagbewà do pékòna ome ṣie lẹ, wẹ OKLUNỌ dọ.

¹⁵Le wẹ OKLUNỌ dọ: Yè sè ogbè de to Lama mẹ, avigbè, po avi vivé po, Lakali to avivi na ovi etọn lẹ; é gbó nado yín homemiọnnanọ na ovi etọn lẹ, na ye ma tin wutu. ¹⁶Le wẹ OKLUNỌ dọ: Jagòna ogbè towe sọn avivivi mẹ, po nukun towe lẹ po sọn odasìn mẹ: na yè na nale azon towe, wẹ OKLUNỌ dọ; yé na sọ vó gò wá sọn aigba kẹ̀ntọ lọ tọn mẹ. ¹⁷Todido sọ tin na opòdo godomẹ towe, wẹ OKLUNỌ dọ; ovi towe le na sọ vọ gò wá jẹ agbó yetọn titi ji. ¹⁸Yẹn ko sè Eflaimi to ede ví nugbonugbo dole dọ, Hiẹ ko hò mi, yẹn sọ yín mẹhihò, di oyìnvú he oglepònu ma mádona de: hiẹ ni diọ mi, yẹn na sọ yín mẹdidiọ; na hiẹ wẹ OKLUNỌ Jiwheyẹwhe ṣie. ¹⁹Nugbonugbo godo he yè hẹn mi diọ, yẹn diọlinlẹn; podọ godo he yè naplọn mi, yẹn linu asapada ṣie: yè hen winyanhù mi, mọwẹ, yèdọ jẹflu, na yen hẹnagbàn ovlẹ ovú ṣie tọn wutu. ²⁰Bé Eflaimi wẹ visunnu vivó ṣie? bé ovi homẹhùnno de wẹ ewọ? na whedepopenu yen dọhó do e go, Yẹn nọ to finflin i vivévivé jànwẹ: enẹwutu wẹ yè hẹn homẹ ṣie dọnú na ẹn; Yẹn na tindo lẹblanu to e ji nugbonugbo, wẹ OKLUNỌ do.

²¹Ze alihia lẹ daga na we, basi odòtmalidotọ lẹ na we: zé ayiha towe do pannukọn alihogbo lọ, yèdọ aliho lọ ehe hiẹ gbọn yì: sọ diọ, hiẹ awhli Islaeli tọn E, sọ lé jẹ tòdaho towe hele mẹ. ²²Nawẹ hiẹ na to fidali pọ dondali po yì dẹn sọ, hiẹ viyọnnu agòjotọ E, na OKLUNỌ ko dá onú yọ́yọ́ to aigba lọ mẹ, Yọnnusi de na lédo sunnusi de.

²³Le we OKLUNỌ awhànpa lẹ tọn dọ, Jiwheyẹwhe Islaeli tọn: Gãnṣo yé na sọ vó ohógbè he zán to aigba Juda tọn mẹ podọ to tòdaho etọn lẹ mẹ, whenuena yẹn na lẹ́gọ̀ do mẹglọnọ yeton kòn dọ: OKLUNỌ ni dona we, hiẹ, fininò nugbowà tọn E, Osó owiwe tọn E. ²⁴Juda po tòdaho etọn lẹpo po na sọ nọ nò e mẹ dopọ; oglesi lẹ, po yé he yìyì po lengbọpa lẹ po lẹ. ²⁵Na yen ko hen alindọn nusikọnanọ lọ mọawu, podọ alindọn awublẹnọ lepo wẹ yẹn ko hen góhò. ²⁶Ehe ji wẹ yẹn fọ́n te, bo pọ́n, amlọn ṣie sọ yín vivi hlan mi. ²⁷Dayi e go, azán lẹ wá, wẹ OKLUNỌ dọ, bọ yen na yi okun gbẹtọ tọn po okún gbékanlin tọn po do do owhé Islaeli tọn po owhé Juda tọn po. ²⁸E na sọ wá jọ, dọ taidi le yẹn ko hó yé nado dọnsùn podọ nado hóhai, nado takìtina podọ nado súdo, podọ nado bianukunna; mọwẹ yẹn na sọ hó ye nado do podọ nado do, wẹ OKLUNỌ dọ. ²⁹To azán nẹlẹ me yé ma na sọ dọ ba dọ, Otọ́ ko dù ovẹ̃nsinsẹ́n odéwhá lẹ, yè sọ zé adú ovi lẹ tọn do ojijó ji. ³⁰Ṣigba omẹ dopodopo na kú na oylanwà etọn titi: omẹ dopodopo he dù ovẹ̃nsinsẹn odéwhá lẹ, wẹ adú etọn lẹ na yín zize do ojijó ji.

³¹Dayi e go, azán le wá, wẹ OKLUNỌ dọ, bọ yẹn na basi alẹnù yọ́yọ́ de hẹ owhé Islaeli tọn, podọ hẹ owhé Juda tọn: ³²Kẹdẹdi alẹ̀nù he yẹn basi hẹ otọ́ yetọn lẹ to azán he mẹ yẹn yí alo do hẹn yé nado hẹn yé tón sọn aigba Egipti tọn ji ma wẹ gba; alẹnù ṣie he yé gbà, le yẹn tlẹ yín OKLUNỌ to yé ji do, wẹ OKLUNỌ dọ. ³³Ṣigba ehe wẹ alẹ̀nù he yẹn na basi hẹ owhó Islaeli tọn to azán nẹlẹ godo, wẹ OKLUNỌ dọ; Yẹn na yí osén ṣie do ohò yetọn mẹ dọn, podọ ayiha yetọn mẹ wẹ yẹn na wlan ẹn do; Yẹn na sọ yín Jiwheyẹwhe yetọn, yéwlẹ na sọ yín omẹ ṣie: ³⁴Yé ma sọ to na plọn omẹ dopodopo kọmẹnu etọn, podọ omẹ dopodopo nọvisunnu etọn ba, dọmọ, Yón OKLUNỌ; na yé mẹpó wẹ na yọn mi, sọn mẹwhiwhè yé tọn mẹ jẹ mẹkiklo yé tọn mẹ, wẹ OKLUNỌ dọ; na yẹn na jona oylanwà yetọn, ylando yeton wẹ yẹn ma sọ to na flin ba gba. ³⁵Le wẹ OKLUNỌ dọ, he na owhè omẹ na hinhọ́n de to okle, po asẹdai osùn tọn po po sunwhlẹvu lẹ tọn po na hinhọ́n de to ozánmẹ, he hẹn ohù whiwhé, whenuena agbówhẹn etọn lẹ to zíngidiyẹn; OKLUNỌ awhànpa lẹ tọn wẹ oyín etọn: ³⁶Eyín asẹdai helẹ fọ́nyì sọn nukọn ṣie, wẹ OKLUNỌ dọ, whenẹnu wẹ okún Islaeli tọn ga na doalọte sọn yínyín akọta de mẹ to nukọn ṣie kakadoi. ³⁷Le wẹ OKLUNỌ dọ: Eyín olọn aga sọgan yín jijlẹ, bọ odòdo aigba tọn lẹ yín dindinmọ to oglọ, whenẹnu we yẹn ga na zé okún Islaeli ton díangbé na ehe yé ko wà lẹpo wẹ OKLUNỌ do. ³⁸Dayi e go, azán lẹ wá, wẹ OKLUNỌ dọ, bọ tòdaho lọ na yín didó hlan OKLUNỌ sọn atòhọ Hananẹli jẹ hòngbo lọnglọnẹn lọ tọn ji ³⁹Podọ okàn nújijlẹ tọn lo na gbé sọ yì titegbe hlan okọta Galebi dali, bo na sọ lé pó jẹ Goa. ⁴⁰Agbàdo osiọ lẹ tọn pete, po afín tọn po, po dangbo lẹpo po jẹ tọ̀pẹṣẹ Kidlọni, jẹ lọnglọnẹn hòngbo osọ tọn ji hlan whèzẹtẹn dali, na yín wiwe hlan OKLUNỌ; é ma na vín dindọnsùn gba, kavi siséliai gbèdegbède ba gba.

¹OHÓ he wá Jẹlemia de sọn OKLUNỌ de to owhè aotọ Zẹdekia ahọlu Juda tọn tọn me, he yín owhè fọtọ̀nnukunatọ̀ntọ Nẹbukadnẹzali tọn. ²Dinvie to ojlẹ he mẹ awhàn ahọlu Babilọni tọn tọn glọn Jeiusalẹm do: bọ yè sú Jẹlemia yẹwhegán do hómẹ to awánú ogànhò tọn mẹ, he tin to owhó ahọlu Juda tọn tọn gbè. ³Na Zẹdekia ahọlu Juda tọn ko sú i do hòmẹ, dọmọ, Etẹwutu wẹ hiẹ dọdọdai, bọ dọmọ, Le wẹ OKLUNỌ dọ, Dayi e go, Yẹn nà jó tòdaho he do alọ ahọlu Babilọni tọn tọn mẹ, bọ ewọ na yí i; ⁴podọ Zẹdekia aholu Juda tọn ma na hòngán sọn alọ Kaldeanu lẹ tọn mẹ gba, ṣigba yè na jó e do alọ ahọlu Babiloni tọn tọn mẹ nugbonugbo, bo na sọ dọhó po e po onù pé onù, podọ nukun etọn lẹ na sọ to nukun etọn lẹ pọ́n; ⁵podọ ewọ na plan Zẹdekia jẹ Babilọni, podọ finẹ wẹ ewọ na te kaka yẹn na do dla ẹ pọ́n, wẹ OKLUNỌ dọ: yín mì tlẹ hoavùn hẹ Kaldeanu lẹ, mìwlẹ ma na glonú gba.

⁶Jẹlemia dọmọ, Ohó OKLUNỌ tọn wá dẽ, dọmọ, ⁷Dayi e go, Hanamẹli visunnu Ṣalumi otavẹ towe tọn na wá de we, domọ, Hò ogle ṣie na dewe he tin tọ Anatoti mẹ; na ojlọjẹ ofìfli tọn towe wẹ nado hò ẹ ⁸Mowẹ Hanamẹli visunnu otavẹ ṣie tọn wá dẽ to awánu ogànhò tọn lọ mẹ kẹdẹdi ohó OKLUNỌ tọn, bo dọ hlan mi dọ, Hò ogle ṣie, yẹn vè we, he tin to Anatoti mẹ, he tin to aigba Bẹnjamini tọn mẹ: na ojlọjẹ ogú tọn wẹ towe, podọ ofifli lọ towe sọ wẹ; hò ẹ na dewe. Whenenu wẹ yẹn yọnẹn dọ ohó OKLUNỌ tọn wẹ ehe. ⁹Yẹn sọ hò ogle lọ he tin to Anatoti mẹ sọn Hanamẹli visunnu otavẹ ṣie tọn si, bo sọ jlẹ akuẹ lọ nẹ, yèdọ ṣekẹli fọtónnukunawe fataka tọn. ¹⁰Yẹn sọ doalọ owó lọ mẹ, bo sọ tlẹ ẹ, bo ylọ kunnudetọ lẹ, bo jlẹ akuẹ lọ nẹ to ojlegàn lẹ lọ mẹ. ¹¹Mowẹ yẹn yi owó nuhibò tọn lọ, enẹ he yè tle kẹdẹdile osén po owàlọ po te, po enẹ he yè hùndonùvo po; ¹²yẹn sọ jó owó nuhihò tọn lo hlan Baluki visunnu Nelia tọn, visunnu Mahseia tọn, to nukun Hanamẹli visunnu otavẹ ṣie tọn tọn mẹ, podọ to nukun kunnudetọ he doalọ owó nuhibò lọ tọn le tọn mẹ, to Ju he sinai to awánu ogànhó lọ tọn lẹpo nukọn. ¹³Yẹn sọ nasẹ Baluki to yé nukọn, dọmọ, ¹⁴Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Yí owó helẹ owé nuhihò tọn lọ, enẹ he yè tló, po owó he yè hùndonùvo he po, bo yí yé do okozẹ́n de mẹ; na yé nido nọai azán susu. ¹⁵Na le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Yè na gbó sọ hò ohò lẹ po ogle lẹ po po vẹ̃ngle lẹ po to aigba he mẹ.

¹⁶Dinvie godo yẹn ko jó owé nuhihò tọn lọ hlan Baluki visunnu Nelia tọn, yẹn hodó klan OKLUNỌ, dọmọ, ¹⁷Só OKLUNỌ Jiwheyẹwhe dayi e go, hiẹ ko basi olọn po aigba po gbọn huhlọn daho towe dali podọ gbọn awa dindlẹn jegbonu towe dali; núde ma yín nujawu gbahu na we gba: ¹⁸he nọ do lẹblanu hia hlan fọtónfotón lẹ, bo sọ nọ yíahọsuna oylanwà otọ́ lẹ tọn biọ akónnu ovi lẹ tọn mẹ to yé godo daho lọ, Jiwheyẹwhe hlọnhlọnnọ lọ, OKLUNỌ awhànpa lẹ tọn wẹ oyín etọn: ¹⁹daho to hónamẹ mẹ, podọ hlọnhlọnnọ to azón mẹ: nukun mẹhetọn yín hùnhùn to aliho visunnu gbẹtọ lẹ tọn tọn lẹpo ji; nado na omẹ dopodopo kẹdedi aliho etọn lẹ, podọ kẹdẹdi osinsẹ́n wiwà etọn lẹ tọn: ²⁰he zé ohia lẹ po awujinu lẹ po do aigba Egipti tọn mẹ, yèdọ jẹ azán he gbè, podọ to Islaeli mẹ podọ tó omẹ dẽvo lẹ ṣẹnṣẹn; bo do basi oyín de na dewe, le é te to azán he gbè; ²¹bo sọ yi ohia lẹ, po awujinu lẹ po, po alọ sinsinyẹn de po, po awà dindlẹn tón de po, po obudaho po do hẹn Islaeli omẹ towe lẹ jẹgbonu sọn aigba Egipti tọn me; ²²bo na aigba he yé, he hiẹ whle hlan otọ́ yetọn lẹ nado na yé, aigba de he yí oyìnnọ́ po owín po do to sisa; ²³yé sọ wá e mẹ, bo yí i na nutindo; ṣigba yé ma sètónuna ogbè towe gba, bo ma sọ zinzọnlin to osén towe mẹ gba; yé ma ko wà núde sọn ehe hiẹ degbèna yé lẹpo mẹ nado wà gba: enẹwutu wẹ hiẹ hẹn oylan he lẹpo nado wá yé ji: ²⁴dayi osé lẹ go, yè hẹn yé wá jẹ tòdaho lọ mẹ nado yí i; yè sọ jó tòdaho lọ do alọ Kaldeanu he hoavùn hẹ ẹ lẹ tọn mẹ, na ohi lọ tọn wutu, po ohùvé lọ tọn po, po azònylankan lọ tọn po: podọ yè ko sọ hẹn núhe hie ko dọ jọ; bo, dayi e go, hiẹ mọ ẹn. ²⁵Hiẹ ko sọ dọ hlan mi, OKLUNỌ E; Jiwheyẹwhe dọ, Hò ogle lọ na dewe na akuẹ, bo ylọ kunnudetọ lẹ; mọ yè ka ko jó tòdaho lọ do alọ Kaldeanu lẹ lọ tọn mẹ.

²⁶Whenẹnu wẹ ohó OKLUNỌ tọn wá Jẹlemia de, dọmọ, ²⁷Dayi e go, Yẹn wẹ OKLUNỌ, Jiwheyẹwhe agbasalan lẹpo tọn: Bó onú de tin fìnẹ sinyẹn gbahu na mi?

²⁸Enẹwutu le wẹ OKLUNỌ dọ: Dayi e go, yẹn na jó tòdaho he do alọ Kaldeanu lẹ tọn mẹ, podọ do alọ Nẹbukadnẹzali ahọlu Babilọni tọn tọn mẹ, ewọ na sọ yí i: ²⁹podọ Kaldeanu lẹ, he hoavùn hẹ tòdaho he, na wá bo símiyọn todaho he, bo sọ mó ẹn, po ohò lẹ po, ohòta mẹhetọn yé ko na avọ́ nunina nuyọnwan te hlan Baali, bo sọ kòn avọ́ nunina nùnù lẹ jegbonu hlan yẹwhe dẽvo lẹ, nado henhomẹgble mi hlan àdi. ³⁰Na ovi Islaeli tọn lẹ po ovi Juda tọn lẹ po ko to ene he yín oylan kẹdẹ wà to nukun ṣie mẹ sọn ovú yetọn: na ovi Islaeli tọn lẹ ko yí azón alọ yetọn lẹ tọn do to home kẹdẹ hẹngble na mi hlan adi, wẹ OKLUNỌ dọ; ³¹Na homẹgble adi ṣie tọn de po homẹwlu ṣie tọn po wẹ tòdaho he ko yín hlan mi sọn azán he gbè yé ko dó e yèdọ jẹ azán he gbè; na yẹn nido sẹtẹnna ẹn sọn nukunmẹ ṣie nukọn: ³²na oylan ovi Islaeli tọn lẹ tọn lẹpo tọn wutu po ovi Juda tọn lẹ tọn po, he yé ko wà nado hẹnhomẹgble mi hlan adi, yéwlẹ, ahọlu yetọn lẹ, ahọvi yetọn lẹ, yẹwhenọ yetọn lẹ, po yẹwhegán yetọn lẹ po, po omẹ Juda tọn lẹ po, po tòmẹnu Jelusalẹm tọn lẹ po. ³³Bọ yé ko ló onẹgbé hlan mi, nukunmẹ ma gba: podọ le yẹn tlẹ plón yé do, fìnfọn to afọnnufú bo to yé plón, gãnṣo yé ma ko tuntóai nado yí oplónnamẹ ṣie gba. ³⁴Ṣigba yé zé osùnú yetọn lẹ do ohò he yè nọ ylọ gbọn oyín ṣie dali lọ mẹ, nado flu i. ³⁵Yé sọ dó otẹn yìaga Baali tọn lẹ, he tin to agbàdo visunnu Hinọmi tọn tọn lẹ mẹ, nado hẹn visunnu-yetọn lẹ po yiyọnnu yetọn lẹ po nado ju gbọn miyọn lọ mẹ jẹ Molẹki de; he yẹn ma degbèna yé, mọ é ma wá biọ ayiha ṣie mẹ, dọ yé nido tó osùnú he wà gba; nado hẹn Juda nado wàylando.

³⁶Podọ enẹwutu dinvie le wẹ OKLUNỌ dọ, Jiwheyẹwhe Islaeli tọn, gbọn tòdaho he tọn dali, ehetọn mì dọmọ, Yè jó e do alọ ahọlu Babilọni tọn tọn mẹ gbọn ohi lọ dali, podọ gbọn ohùvé lọ dali, podọ gbọn azònylankan lọ dali: ³⁷Dayi e go, Yẹn na sinyan yé tẹ́n sọn otò lẹpo mẹ, fie dali yẹn ko yàn yé hlan to adi ṣie me, podọ to homẹwlu ṣie mẹ, podọ to homegbíe daho mẹ; yẹn na sọ vọ yé hẹnwá jẹ oten he mẹ, podọ yẹn na sọ hẹn yé nado nọnọ̀ blẹo: ³⁸yé na sọ nọ yín omẹ ṣie lẹ, yẹn na sọ yín Jiwheyẹwhe yetọn: ³⁹yẹn na sọ na ayiha dopo yé po aliho dopo po, na yé nido nọ dibusi mì kakadoi; na dagbe yé tọn po ovi yetọn lẹ tọn po to yé godo: ⁴⁰podọ yẹn na sọ basi alẹ́nù madopodo de po yé po, dọ yẹn ma na diọkò sọn yé godo, nado nọ wà dagbe na yé; yẹn na sọ yí osi ṣie do ayiha yetọn lẹ mẹ, bọ yé ma na do fọ́nyì sọn dẽ gba. ⁴¹Mọwẹ, yẹn na to ayajẹ to yé ji nado nọ wà dagbe na yé, yẹn na sọ do yé do aigba he mẹ to nugbo mẹ hẹ ayiha ṣie pete, podọ hẹ alindọn ṣie pete. ⁴²Na le wẹ OKLUNỌ dọ. Taidi le yẹn ko hen oylan daho he lẹpo wá omẹ he lẹ ji do, mọwe yen na hẹn dagbe he yẹn ko dopagbèna yé lẹpo wá yé ji do. ⁴³Yè na sọ nọ họ̀ ogle lẹ to aigba he mẹ, ehetọn mì dọmọ, E tin ojẹ̀vọ́, matin gbẹtọ kavi gbékanlin; Yè jó e do alọ Kaldeanu lẹ tọn mẹ. ⁴⁴Sunnusi lẹ na nọ họ̀ ogle lẹ na akuẹ, bo sọ doalọ owé lẹ mẹ, bo tlẹ́ yé, bo ylọ kunnudetọ lẹ, tọ aigba Bíiijamini tọn mẹ, podọ to otẹn lẹ mẹ lẹ́do Jelusalẹm, podọ to tòdaho Juda tọn le mẹ, podọ to todaho otò okọta tọn lẹ mẹ, podọ to tòdaho dòdòklido tọn lẹ mẹ, podọ to tòdaho ohuwaji tọn lẹ mẹ: na yẹn na hẹn mẹglọnọ yetọn nado lẹ́gọ̀, wẹ OKLUNỌ dọ.

¹HUMỌ ohó OKLUNỌ tọn sọ wá Jẹlemia de wlawetọ, to whenuẹna yè gbé sọ sú i do awánu ogànhọ tọn mẹ, dọmọ, ²Le wẹ OKLUNỌ he wà ẹ dọ, OKLUNỌ he dọ e nado hẹn ẹn lòdọ; OKLUNỌ wẹ oyín etọn: ³Dawhaylọ hlan dẽ, yẹn na sọ siọ we, bo sọ do onú dahodaho lẹ po sinsinawu lẹ po hia we, he hiẹ ma yọnẹn. ⁴Na le wẹ OKLUNỌ dọ, Jiwheyẹwhe Islaeli tọn, gbọn ohọ̀ tòdaho he tọn lẹ tọn dali, podọ gbọn ohọ̀ ahọlu Juda tọn lẹ tọn dali, he yè họliai nadọ basi odokó de do osé lẹ tamẹ, podọ do ohi lọ tamẹ: ⁵Yé wá nado hoavùn hẹ Kaldeanu lẹ, ṣigba yé tin nado yí oṣiọ gbẹtọ lẹ tọn le do gọ̀ yé, mẹhe yẹn ko hù to ádi ṣie me podọ to homẹwlu ṣie mẹ, podọ na kanyinylan mẹhetọn yẹn ko whla nukunmẹ ṣie sọn tòdaho he de. ⁶Dayi e go, Yẹn na hẹn azọ̀nhẹngbọ wá nẹ̃ bo hẹnazọ̀ngbọna yé; Yẹn na sọ dè ogegé jijọho po nugbo po tọn hia hlan yé. ⁷Podọ yẹn na sọ hẹn mẹglọnọ Juda tọn po mẹglọnọ Islaeli tọn po nado lẹ́gọ̀, bo na dó yé di tintan tọn. ⁸Yẹn na sọ klọ yé wé sọn oylawà yetọn lẹpo mẹ, ehedali yé ko gbọn do wàylando do ogo e; yẹn na sọ jona oylanwà yetọn lẹpo, ehedali yé ko do wàylando do ogo e, podọ ehedali yé ko gbọn do jẹsénmẹ do ogo e. ⁹Podọ tòdaho he na sọ tin hlan mi na oyín ayajẹ tọn de, na pipà de podọ na gigo de, to akọta aigba lọ tọn lẹpo nukọn, he na sè dagbe he yẹn wà hlan yé lẹpo, bo na dibu bo sọ sisọ na dagbe lẹpo lọ podọ na jijọho lẹpo lọ he yẹn hìadote hlan ẹn. ¹⁰Le wẹ OKLUNỌ dọ: Yè na gbé sọ sè to otẹn he mẹ, ehetọn mì dọmọ, E tin ojẹvò, matin gbẹtọ podọ matin gbékanlin, yèdọ to tòdaho Juda tọn lẹ mẹ, podọ to alihogbo Jelusalẹm tọn lẹ mẹ, he yín ojẹvò, matin gbẹtọ podọ matin tòmenu podọ matin gbékanlin, ¹¹ogbè ayajẹ tọn po ogbè homẹhùn tọn po, ogbè asisúnọ tọn po ogbè asiyòyò tọn po, ogbè yé he to didọmọ, Na opẹ lẹ hlan OKLUNỌ awhànpa lẹ tọn, na yínyọn wẹ OKLUNỌ, na lẹblanu etọn tote doidoi: po yé he hẹn avọ̀sánnú opénina tọn lẹ wá biọ ohò OKLUNỌ tọn mẹ lẹ tọn po. Na yẹn na hen mẹglọnọ aigba lọ tọn nado lẹ́gọ̀ di tintan ton, wẹ OKLUNỌ dọ. ¹²Le wẹ OKLUNỌ awhànpa lẹ tọn dọ: E na gbé sọ tin to otẹn he mẹ, he yín ojẹvò, matin gbẹtọ podọ matin gbékanlin, to tòdaho etọn lẹpo mẹ, ofininò lẹngbọhọtọ lẹ tọn de, he to hinhẹn lẹngbọpa yetọn lẹ nado mlọnai. ¹³To tòdaho otò okọta tọn lẹ mẹ, to tòdaho dòdòklidò tọn lẹ mẹ, podọ to tòdaho ohuwaji tọn lẹ mẹ, podọ to aigba Bẹnjamini tọn mẹ, podọ to otẹn le mẹ lédo Jelusalẹm, podọ to todaho Juda tọn lẹ mẹ, wẹ lengbọpa lẹ na gbé sọ gbọn to alọ ewọ he dọ na yé tọn lẹ glọ, wẹ OKLUNỌ dọ.

¹⁴Dayi e go, azán lẹ wá, wẹ OKLUNỌ dọ, bọ yẹn na yí ohó dagbe he yẹn dọ gbọn owhé Islaeli tọn dali tọn podọ gbọn owhó Juda tọn dali tọn wà. ¹⁵To azán nẹlẹ mẹ, podọ to ojlẹ nẹ mẹ, wẹ yẹn na hẹn Alà dódó tọn de nado whén daga hlan Davidi; ewọ na sọ hẹn whẹ̀dida po dódój? o sẹ to aigba lọ mẹ. ¹⁶To azán nẹlẹ mẹ wẹ yè na whlẹn Juda gán, Jelusalẹm na sọ nọnọ̀ blẹo: podọ ehe wẹ oyín lọ gbọn ehe dali yè na nọ ylọ ẹ, OKLUNỌ wẹ dódó mítọn. ¹⁷Na le wẹ OKLUNỌ dọ: Sinsán sè de ma na tin sọn Davidi mẹ gba nado sín ofìn owhé Islaeli tọn tọn ji; ¹⁸mọ yẹwhenọ Levinu lẹ ma na ba sunnu de pò to nukọn ṣie nado nọ na avọ́ nunina mimẹ̀ lẹ, podọ nado nọ mó avọ́ nunina ojinulili lẹ, podọ nado nọ basi avọ́ to whepoponu. ¹⁹Ohó OKLUNỌ tọn sọ wá jẹ Jẹlemia de, dọmọ, ²⁰Le wẹ OKLUNỌ dọ: Eyín mìwlẹ sọgan gbà alẹ̀nù ṣie okle tọn, po alẹ̀nù ṣie ozánmẹ tọn po, sọmọ bọ okle po ozán po ma na do tin to osã yetọn mẹ; ²¹whenẹnu wẹ alẹ̀nù ṣie hẹ Davidi devi ṣie sọgan yín gbigbà, bọ ewọ ma na do tindo visunnu de nado dùahọlú to ofìn etọn ji; podọ hẹ Levinu yẹwhenọ devizónwàtọ ṣie lẹ. ²²Le awhànpa olọn tọn lẹ ma sogan yín hihia do, kavi otọ̀kẹ́n ohù tọn jijlẹ; mọwẹ yẹn na hẹn okún Davidi devi ṣie tọn sudeji, po Levinu lẹ lọ po, he to devizónwà hlan mi lẹ. ²³Ohó OKLUNỌ tọn sọ wá jẹ Jẹlemia de, dọmọ, ²⁴Bé hiẹ ma lẹn núhe omẹ he lẹ dọ, dọmọ, Owhédo awe he OKLUNỌ dè lẹ, é ko zé yé dlangbé? le wẹ yé vlẹ omẹ ṣie lẹ do, na yé sọ do yín akọta de to yé nukọn ba blo. ²⁵Le wẹ OKLUNỌ dọ: Eyín alẹ̀nù ṣie okle po ozanmẹ po tọn ma nọte, eyín yẹn ma ko dè asedoai olọn po aigba po tọn lẹ; ²⁶bé whenẹnu wẹ yẹn ga na zé okún Jakob tọn dlanai, po Davidi devi ṣie tọn po, sọmọ bọ yen ma na sọ yí sọn okún etọn mẹ nado yín ogándùtọ lẹ to okún Ablaham, Isaki, po Jakob po tọn ji gba: na yẹn na lẹ́gọ̀ do mẹglọnọ yetọn de, bo sọ tindo lẹblanu to yé ji.

¹OHÓ he wá Jẹlemia de sọn OKLUNỌ de, whenuena Nẹbukadnẹzali ahọlu Babilọni tọn, po awhànfuntọ etọn lẹpo po, po ahọludu aigba lọ tọn lẹpo po he tin to ahọluigba etọn glọ, po akọta lẹpo po hoavùn hẹ Jelusalẹm, podọ hẹ tòdaho etọn lepo, dọmọ: ²Le wẹ OKLUNỌ dọ, Jiwheyẹwhe Islaeli tọn, Yì, bo dọhó hlan Zẹdekia ahọlu Juda tọn, bo dọ na ẹn, dọ, Le wẹ OKLUNỌ dọ, Dayi e go, Yẹn na jó tòdaho he do alọ ahọlu Babilọni tọn tọn mẹ, ewọ na sọ yí miyọn do mè ẹn; ³hiẹ ma to na sọ hòngán tón sọn alọ etọn mẹ gba, ṣigba na yín wiwle nugbonugbo, podọ jijo do alọ etọn me; podọ nukun towe le na mọ nukun ahọlu Babilọni tọn tọn le, ewọ na sọ dọhó hẹ we onù pé onù, hiẹ na sọ yì jó Babilọni. ⁴Gãnṣo sè ohó OKLUNỌ tọn, Zẹdekia E ahọlu Juda tọn le wẹ OKLUNỌ dọ gbọn hiẹ tọn dali dọ, Hie ma na kú gbọn ohi lọ dali gba; ⁵hiẹ na kú to jijọho mẹ; po mimẹ̀ otọ́ towe lẹ tọn po, ahọlu nukọntọn lẹ he tin jẹnukọnna we mọwẹ yé na basi mimẹ̀ de na we; yé na sọ ví we, domo, Só klunọ! na yen ko dọ ohó lọ, we OKLUNỌ dọ. ⁶Whenẹnu wẹ Jẹlemia yẹwhegán lọ dọ ohó he lepo hlan Zẹdekia ahọlu Juda tọn to Jelualem mẹ, ⁷whenuena awhànfunto ahọlu Babilọni tọn tọn lẹ hoavùn hẹ Jelusalẹm, podọ hẹ tòdaho Juda tọn he yè pòaai lẹpo, hẹ Lakisi podọ hẹ Àzeka; na ehelẹ kẹdẹ wẹ pòai sọn tòdaho Juda tọn le mẹ di tòdaho dokónọ lẹ.

⁸Ohó he wá Jelemia de sọn OKLUNỌ de, godo he ahọlu Zẹdekia ko basi alẹ̀nù de po omẹ he tin to Jelusalẹm mẹ lepo po, nado dèmisẽluna mẹdekannunọ hlan yé; ⁹dọ sunnu dopodopo ni do gbọ devisunnu etọn, podọ sunnu dopodopo deviyọnnu etọn he yín sunnusi Heblu de, kavi yọnnusi Heblu de, ni yì vónu; dọ mẹde ma na do sèn ede sọn yé de, nado dọ, sọn Ju nòvisunnu etọn de de: ¹⁰ahọvi lẹpo po gbẹtọ íẹpo po sọ sètónuna, he ko biọ alónú lọ mẹ, dọ omẹ dopodopo ni do gbọ devisunnu etọn, podọ omẹ dopodopo deviyọnnu etọn, ni yì vónu, dọ mẹde sèn yede sọn yé de ba blo; yé sètónuna, bo sọ gbọ yé ni yi: ¹¹ṣigba ehegodo yé lé, bo sọ hẹn devi sunnu lẹ po deviyọnnu lẹ po, mẹhe yé ko gbọ ni yì vónu lẹ, nado lẹ́gọ̀, bo sọ hẹn yé wá biọ mẹmẹglọ mẹ na devi sunnu lẹ podọ na deviyọnnu lẹ: ¹²enẹwutu wẹ ohó Okluno tọn wá Jẹlemia de sọn OKLUNỌ de, lomọ, ¹³Le wẹ OKLUNỌ dọ, Jiwheyẹwhe Islaeli tọn: Yẹn basi alẹ̀nù de po otọ́ mitọn lẹ po to azán he gbè yẹn hẹn yé jẹgbonu tón sọn aigba Egipti tọn mẹ, tón sọn owhé mẹmẹglọ tọn me, dọmọ, ¹⁴To Opòdo owhè ṣinawe tọn mẹ, mìwlẹ na gbọ ome dopodopo nọvisunnu etọn he yín Ju de, ni yì he ko sà ede hlan we, bo ko sọ sèn we ovhe ṣidopo, hiọ na gbọ ewo ni yì vọnu sọn de we: ṣigba otọ́ mìton lẹ ma tuntóai hlan mi kavi té otọ́ yetọn dai gba. ¹⁵Podọ yè sọ hẹn mìwlẹ lé, bo ko sọ wà enẹ he yín ojlọjẹ to nukun ṣie lẹ mẹ, to didèmisẽluna mẹdekannunọ omẹ dopodopo hlan okọmẹnu etọn mẹ; mìwlẹ ko sọ basi alẹ̀nù de to nukon ṣie to ohó he yè nọ ylọ gbọn oyín ṣie dali mẹ; ¹⁶ṣigba mìwlẹ lẹ bo sọ flu oyín ṣie, bo sọ hẹn ome dopodopo devi sunnu etọn, podọ ome dopodopo deviyọnnu etọn, mehe mìwlẹ ko gbọ ni yì vọ́nu to homẹhùn mitọn mẹ, nado lẹ́gọ̀, mìwlẹ sọ hẹn yé biọ mẹglọnọ mẹ, nado tin hlan mì na devi sunnu lẹ podọ na deviyọnnu lẹ. ¹⁷Enẹwutu le wẹ OKLUNỌ do: Mìwlẹ ma ko tuntóai hlan mi, nado dèmìsèluna medekannunọ, omẹ dopodopo hlan nọvisunnu etọn gba: dayi e go, Yẹn dèmisèluna medekannunọ de hlan mì, wẹ OKLUNỌ dọ, hlan ohi lọ, hlan azònylankan lọ, podọ hlan ohùvé lọ: podọ yẹn na sọ hẹn mì nado yín onúsisi de hlan ahọludu aigba tọn lẹpo ¹⁸Podọ yẹn na sọ na omẹ he ko jesénmena alẹ̀nù ṣie lọ lẹ, he ma ko yí oho alẹ̀nù lọ tọn lẹ wà he yé basi to nukọn ṣie, oyìnvú he yé sán doawe, bo sọ ju gbon oha etọn lẹ ṣẹnṣẹn; ¹⁹ahọvi Juda tọn lẹ, po ahọvi Jelusalẹm tọn lẹ po, ojò lẹ, po yẹwheno le po, po gbẹtọ aigba lọ tọn lẹpo po, he ju gbọn oha oyìnvú lọ tọn lẹ ṣẹnṣẹn; ²⁰yèdọ yẹn na jó yé do alọ kẹ̀ntọ yeton lẹ tọn mẹ, podọ do alọ yé he to ogbè yetọn din lẹ ton mẹ: podọ osiọ yetọn lẹ na tin na núdùdù hlan ohè olon tọn lẹ, podọ hlan gbékanlin aigba tọn lẹ. ²¹Podọ Zẹdekia ahọlu Juda tọn po ahovi eton lẹ po we yẹn na jó do alọ kentọ yetọn lẹ tọn mẹ, podọ do alo yé he to ogbè yetọn din lẹ tọn mẹ, podọ do alọ awhànfuntọ aholu Babilọni tọn lẹ tọn tọn mẹ, he yè hẹn hẹji yì sọn mì de. ²²Dayi e go, Yen na degbè, wẹ OKLUNỌ dọ, bo hẹn yé nado lẹ́gọ̀ jẹ tòdaho he mẹ; yé na sọ hoavùn hẹ ẹ, bo yi ì, bo sọ yí miyọn do mó ẹn: podọ yẹn na sọ hẹn tòdaho Juda tọn lẹ zùn ovójẹ de, matin tòmẹnu.

¹OHÓ he wá Jẹlemia de sọn OKLUNỌ de to azán Jehọiakimí visunnu Josia tọn ahọlu Juda tọn tọn le mẹ, dọmọ. ²Yì owhó Lekabinu lẹ tọn gbè, bo dọhó hlan yé, bo hẹn yé wá biọ ohò OKLUNỌ tọn mẹ, biọ dopo abò lẹ tọn mẹ, bo na ovẹ̃n yé nado nù. ³Whenẹnu wẹ yẹn yí Jaazania visunnu Jẹlemia tọn, visunnu Habazenia tọn, po mẹmẹsunnu etọn lẹ po, po visunnu etọn lẹpo po, po owhé Lekabinu le tọn po pete; ⁴yẹn sọ hẹn yé wá bio ohò OKLUNỌ tọn mẹ, biọ abò visunnu Hanani tọn mẹ visunnu Igdalia tọn, Jiwheyẹwhe gbẹtọ lọ, he tin to abò ahọvi lẹ tọn dali, he tin to aga abò Maaseia visunnu Ṣalumi tọn tọn, hihótọ ovẹ̃ngbà lọ tọn: ⁵yẹn sọ zé kloba he gó na ovẹ̃n do visunnu ówhé Lekabinu lẹ tọn tọn nukọn, po kọfo lẹ po, Yen sọ dọ hlan yé dọ, Mì nù ovẹ̃n. ⁶Ṣigba yé dọmọ, Mìwlẹ ma na nù ovẹ̃n de gba: na Jonadabi visunnu Lekabi otọ́ mítọn tọn dosénna mí, dọmọ, Mìwlẹ ma na nù ovẹ̃n de, míwlẹ, kavi visunnu mìton lẹ gbèdegbède: ⁷mọ mìwlẹ ma na do ohò, kavi do okún, kavi do ovẹngle, kavi tindo depope gba: ṣigba azán mìton lepo wẹ mì na do nò gohò lẹ mẹ; na mì nido nọgbè azán susu to aigba lọ mẹ ehemẹ mì wáwási te. ⁸Míwlẹ ko sọ sètónuna ogbè Jonadabi visunnu Lekabi otọ́ mítọn tọn ton to ehe me é nase mí te lẹpo, nado nù ovẹ̃n de to azán mítọn lepo mẹ blo, míwlẹ, asi mítọn lẹ, visunnu mítọn lẹ, kavi viyọnnu mítọn lẹ; ⁹kavi nado do ohò lẹ na mí nado nọ nọ e mẹ blo: mọ mí ma tindo ovẹngle, kavi ogle, kavi okún gba: ¹⁰ṣigba míwlẹ ko to gohó le mẹ nò, bo ko sètónuna, bo sọ wà kẹdẹdi ehe Jonadabi oto mítọn dosénna mí lẹpo. ¹¹Ṣigba é sọ wá jọ, whenuena Nẹbukadnẹzali ahọlu Babilọni tọn hẹji wá biọ aigba lọ mẹ, wẹ míwlẹ dọmọ, Wá, bo gbọ mí ni yi Jelusalẹm na osi awhànfuntọ Kaldeanu lẹ tọn tọn, podọ na osi awhànfunto Silianu lẹ tọn tọn; mọ wẹ mìwlẹ sọ nọ Jelusalẹm mẹ.

¹²Whenẹnu wẹ ohó OKLUNỌ tọn wá Jelemia de, dọmọ, ¹³Le we OKLUNỌ awhànpa lẹ tọn dọ, Jiwheyẹwhe Islaeli tọn: Yì, bo do hlan omẹ Juda tọn lẹ po tòmẹnu Jelusalẹm tọn lẹ po, dọ, Bó mìwlẹ ma na yí oplónnamẹ nado tuntóai hlan ohó ṣie lẹ? wẹ OKLUNỌ dọ. ¹⁴Yè yí ohó Jonadabi visunnu Lekabi tọn tọn lẹ wà, he ewọ dosénna visunnu etọn lẹ ma nado nù ovẹ̃n, podọ jẹ egbé he yé ma nù núde, na yé sètónuna osén otọ́ yetọn tọn: ṣigba yẹn ko dọhó hlan mìwlẹ, finfọ́n afọnnufú bo to hódo; mìwlẹ ma ko sọ tuntóai hlan mi gba. ¹⁵Yẹn ko do devi ṣie yẹwhegán lẹpo hlan mì ga, finfọn afọnnufú bo to yé dohlan, dọmọ, Mì lẹ́gọ̀ dinvie omẹ dopodopo sọn aliho ylankan etọn mẹ, bo jla wiwà mitọn lẹ do, bo sọ hodo yẹwhe devo lẹ yi nado sẹ́n yé blo, mìwlẹ na sọ nọ̀ aigba lọ mẹ he yẹn ko na hlan mì podọ hlan otọ́ mitọn lẹ: ṣigba mìwlẹ ma ko tó otọ́ mitọn dai gba, bo ma sọ tuntóai hlan mi. ¹⁶Sọle visunnu Jonadabi visunnu Lekabi tọn tọn lẹ ko yí osén otọ́ yetọn tọn wà he ewọ do dosónna yé, ṣigba omẹ he lẹ ma ko tuntóai hlan mi gba; ¹⁷enẹwutu le wẹ OKLUNỌ dọ, Jiwheyẹwhe awhànpa lẹ tọn, Jiwheyẹwhe Islaeli tọn: Dayi e go, Yẹn na hẹn oylan he yẹn ko dọ do yé go lẹpo wá Juda ji podọ tomẹnu Jelusalẹm tọn lepo ji: na yen ko dọhó hlan yé ṣigba ye ma ko sè wutu; bọ yẹn ko ylọ hlan yé, ṣigba yé ma ko siọ gba. ¹⁸Jelemia sọ dọ hlan owhó Lekabinu lẹ tọn dọ, Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: na míwlẹ ko sètónuna osén Jonadabi otọ mitọn tọn wutu, bo sọ yìn gbèdai etọn lẹpo, bo sọ wà kẹdẹdi ehe ewọ do dosénna mì lẹpo: ¹⁹enẹwutu le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Jonadabi visunnu Lekabi tọn ma na ba sunnusi de pò nado nọ site to nukọn ṣie kakadoi.

¹E sọ wá jọ to owhè ẹnẹtọ Jehọiakimi visunnu Josia tọn ahọlu Juda tọn tọn mẹ, wẹ ohó he wá Jẹlemia de sọn OKLUNỌ de, dọmọ, ²Yí odi owé de tọn na dewe, bo wlan ohó he yẹn ko dọ hlan we do Islaeli go podọ do Juda go lẹpo do e mẹ, podọ do akọta lepo go, sọn azán he gbè yẹn dọhó hlan we, sọn azán Josia tọn gbè, yèdọ kakajẹ azán he gbè. ³E sọgan yín dọ owhó Juda tọn na sè oylan he yẹn to linlẹn nado wà hlan yé lẹpo; na yé nido lẹ́gọ̀ omẹ dopodopo sọn aliho ylankan eton mẹ; na yẹn nido jona oylanwà yetọn po ylando yetọn po. ⁴Whenẹnu wẹ Jẹlemia ylọ Baluki visunnu Nẹlia tọn; Baluki sọ wlan ohó OKLUNỌ tọn lọ lẹpo sọn onù Jẹlemia tọn mẹ, ehe é dọ hlan ẹn, do odi owó de tọn ji. ⁵Jẹlemia sọ degbèna Baluki, dọmọ, Yè glọn mi do; Yẹn ma sọgan yì biọ ohò OKLUNỌ tọn mẹ gba: ⁶enẹwutu hiẹ ni yì, bo sọ hia to odi lọ mẹ, he hiẹ ko wlan sọn onù ṣie mẹ, ohó OKLUNỌ tọn do otọ́ gbẹtọ lẹ tọn lẹ mẹ to ohọ OKLUNỌ iọn mẹ to azán nùbibla tọn de gbè podọ hiẹ na sọ hia yé ga do otọ́ Juda lẹpo tọn mẹ he tón sọn tòdaho yetọn lẹ mẹ wá ⁷E sogan yín dọ ovóvè yetọn na fiẹ do OKLUNỌ nukọn, bo na lẹ́gọ̀ ome dopodopo sọn aliho ylankan etọn mẹ: na daho we adi po homẹwlu lọ po he OKLUNỌ ko dọ do gbẹtọ he lẹ go. ⁸Baluki visunnu Nẹlia tọn lọ sọ wà kẹdẹdi ehe Jẹlemia yewhegán lọ degbena ẹn lepo, hihia to odi lọ mẹ ohó OKLUNỌ tọn lẹ lọ to ohò OKLUNỌ tọn mẹ.

⁹Dinvie é sọ wá jọ to owhè atóntọ Jehọiakimi visunnm Josia tọn, ahọlu Juda tọn tọn mẹ, to osùn sinẹnẹtọ me, wẹ gbẹtọ lẹpo to Jelusalẹm mẹ, po gbẹtọ he sọn tòdaho Juda tọn mẹ lẹpo po wá jẹ Jelusalẹmi, dèmisẽluna nùbibla to OKLUNỌ nukọn. ¹⁰Whenẹnu wẹ Baluki hia to owó lọ mẹ ohó Jẹlemia tọn le lọ to ohò OKLUNỌ tọn mẹ, to abò Gemalia visunnu Ṣafini wékantọ lọ tọn tọn me to awánu aga awetọ mẹ, to bibiọ hòngbo yọ́yọ́ ohò OKLUNỌ tọn tọn mẹ, do otọ́ gbẹtọ lẹpo tọn mẹ. ¹¹Whenuena Mikaia visunnu Gemalia tọn, visunnu Ṣafini tọtìf ko sè ohó OKLUNỌ tọn lẹ lọ sọn owó lọ mẹ, ¹²e jẹte yì biọ òhò ahọlu tọn mẹ, biọ abò wékantọ lọ tọn mẹ: bo, pọn, ahọvi lẹpo sinai to finẹ, yèdọ Eliṣama wékantọ lọ, po Delaia visunnu Ṣemaia tọn po, po Elnatani visunnu Akboli tọn po, po Gemalia visunnu Ṣafini tọn po, po Zẹdekia wisunnu Hanania tọn po, po ahọvi lepó po. ¹³Whenenu Mikaia lá ohó lẹpo hlan yé he é ko sè whenuena Baluki hia owé lọ do otọ́ gbẹtọ lẹ tọn le mẹ. ¹⁴Enẹwutu wẹ ahọvi lẹpo do: dò Jẹhudi visunnu Nẹtania tọn visunnu Ṣẹlẹmia tọn, visunnu Kusi tọn, hlan Baluki de, dọmọ, Yí odi lọ do alọ towe mẹ ehemẹ hiẹ ko hia do otọ́ gbẹtọ lẹ tọn lẹ mẹ te, bo wá. Mowẹ Baluki visunnu Nẹlia tọn yí odi lọ do alọ etọn mẹ, bo wá jẹ yé de. ¹⁵Yé sọ dọ hlan ẹn dọ, Sinai dinvie, bo hia ẹ to otọ́ mítọn lẹ me, Mọwẹ Baluki hia ẹ to oto yetọn lẹ mẹ. ¹⁶Dinvie é sọ wá jọ, whenuena yé ko sè ohó lọ lẹpo, yé lé to obu mẹ ode hlan awetọ, bo dọ hlan Baluki dọ, Nugbonugbo míwlẹ na dọ ohó he lẹpo tọn na ahọlu ¹⁷Yé sọ kansè Baluki, dọmọ, Dọ na mi dinvie, Nawẹ hiẹ wlan ohó he lẹpo to onù etọn do? ¹⁸Whenẹnu wẹ Baluki gblọnna yé dọ, Ewọ yí onù etọn do dọ ohó he lẹpo hlan mí, yẹn so yí owésìn do wlan yé do owé lọ mẹ. ¹⁹Whenẹnu wẹ ahọvi lẹ lọ dọ hlan Baluki dọ, Yì, whla dewe, hiẹ po Jẹlemia po; bo sọ dike omẹ de yón fie míwlẹ te blo. ²⁰Yé sọ yì họmẹ jẹ ahọlu de biọ awánu lọ me; ṣigba yé ko zé odi lọ dai do abò Elisama wékantọ lọ tọn mẹ; yé sọ dọ ohó le lẹpo do otọ́ ahọlu tọn mẹ. ²¹Mọwẹ ahọlu do Jẹhudì hlan nado yí odi lọ wá: ewọ sọ yí i tón sọn abò Elisama wékantọ lọ tọn mẹ. Jẹhudi sọ hia ẹ do otọ́ aholu tọn lẹ mẹ, podọ do otọ́ ahọvi lẹpo tọn lẹ mẹ, he site to ahọlu dali. ²²Dinvie ahọlu lọ sinai to ohò avivọwhenu tọn mẹ to osùn sinẹnẹtọ mẹ; miyọn de sọ tin finẹ to jiji to adògbén me to nukọn etọn. ²³E sọ wá jọ, whenuena Jẹhudi ko hia adà atọ̀n kavi ẹnẹ, we ahọlu yí agbòhi do sán ẹn, bo zé e dlẹn miyọn he tin to adògbén lọ mẹ me kaka yè do hẹn odi lẹpo dùsúdo to miyọn lọ mẹ he tin to adògbén lọ mẹ. ²⁴Yé ma sọ yín avosatọ, kavi tlen agawu yetọn lẹ gba, ahọlu lọ, kavi mẹdepope sọn devi etọn lẹ mẹ he sè ohó he lẹpo. ²⁵Humọ Elnatani po Dẹlaia po po Gemalia po ko basi ovóvó hlan ahọlu na ewọ ma na do mè odi lọ gba: ṣigba ewọ ma jlo na sè yé gba. ²⁶Ahọlu lọ sọ degbèna Jelahmeẹli visunnu Hamelẹki tọn, po Selaia visunnu Azliẹli tọn po, po Ṣelẹmia visunnu Abdeẹli tọn po nado wle Baluki wékantọ po Jẹlemia yẹwhegán lọ po: ṣigba OKLUNỌ whla yé.

²⁷Whenẹnu we ohó OKLUNỌ tọn wá Jẹlemia de, godo he ahọlu lọ ko mó odi lọ, po ohó he Baluki wlan to onù Jẹlemia tọn mẹ lẹ po, dọmọ, ²⁸Sọ vó yí na dewe odi dẽvo, bo sọ wlan ohó nukọntọn he tin to odi tintan me lẹpo do e mẹ, he Jehọiakimi aholu Juda tọn ko mè. ²⁹Podọ gbọn Jehọiakimi ahọlu Juda tọn tọn dali, wẹ hiẹ ni dọmọ, Le wẹ OKLUNỌ dọ: Hiẹ ko mó odi he, dọmọ, Etẹwutu wẹ hiẹ wlan do e me, dọmọ, Aholu Babilọni tọn na wá bo và aigba he súdo nugbonugbo, bo na sọ hẹn gbẹtọ po gbékanlin po nado gbòdà sọn file? ³⁰Enewutu le wẹ OKLUNỌ dọ gbọn Jehọiakimi ahọlu Juda tọn tọn dali: Ewọ ma na tindo mẹde nado sinai to ofìn Davidi tọn ji: osiọ etọn na sọ yín zédlan gbonu to okle hlan yózo, podọ to ozánmẹ hlan avivọ. ³¹Podọ yen na sọ sayahẹ ẹ po okún etọn po po devi etọn lẹ po na oylanwà yetọn; yẹn na sọ hẹn oylan he yẹn ko dọ do yé go lẹpo wá yé ji, po tòmẹnu Jelusalẹm tọn lẹ po ji, po omẹ Juda tọn lẹ po ji, ṣigba yé ma tuntóai gba. ³²Whenẹnu wẹ Jẹlemia yí odi dẽvo, bo yí i na Baluki wékantọ lọ, visunnu Nẹlia tọn; mẹhe wlan do e mẹ sọn onù Jelemia tọn mẹ ohó owó lọ tọn lẹ he Jehọiakimi ahọlu Juda tọn ko mè to miyọn mẹ: yè sọ yí ohó susu mọnkọ lẹ do gó yé to finẹ.

¹ZẸDEKIA visunnu Josia tọn dùgán di ahọlu, to otẹn Konia visunnu Jehọiakimi tọn mẹ, mẹhe Nẹbukadnẹzali ahọlu. Babilọni tọn hẹn zùn ahọlu do aigba Juda tọn mẹ. ²Ṣigba ewọ, kavi devi etọn lẹ, kavi omẹ aigba lọ tọn lẹ de ma tuntóai hlan ohó OKLUNỌ tọn lẹ gba, he é dọ gbọn yẹwhegán Jẹlemia dali.

³Zẹdekia ahọlu lọ sọ do Jehukali visunnu Sẹlemia tọn, po Zẹfania visunnu Maaseia yẹwhenọ lọ tọn po hlan yẹwhegán Jẹlemia de, dọmọ, Hodó lò hlan OKLUNỌ Jiwheyẹwhe mítọn na mí. ⁴Dinvie Jẹlemia to whégbè wá bo sọ to gbonu yì to gbẹtọ lẹ ṣẹnṣẹn: na yé ma ko yí i do ogànwhó gba. ⁵Yè sọ hẹn awhànfuntọ Falo tọn lẹ jẹgbonu sọn Egipti wá whenuena Kaldeanu lẹ he glọn Jelusalẹm do lẹ sè linlin yé tọn, yé gbà kija sọn Jelusalẹm. ⁶Whenẹnu wẹ ohó OKLUNỌ tọn wá yẹwhegán Jẹlemia de, dọmọ, ⁷Le wẹ OKLUNỌ dọ, Jiwheyẹwhe Islaeli tọn: Le wẹ mì na dọ hlan ahọlu Juda tọn, he do mì hlan dẽ nado kanbiọ sọn dè; Dayi e go, awhànfuntọ Falo tọn lẹ, he yè hẹn jẹgbonu wá nado gọalọna mì, na lẹ́gọ̀ do Egipti biọ aigba yetọn titi mẹ. ⁸Kaldeanu lẹ na sọ vó wá, bo hoavùn hẹ tòdaho he; yé na sọ yí i, bo yí miyọn do mè ẹn. ⁹Le wẹ OKLUNỌ dọ: Mì klọ alindọn mitọn lẹ blo, dọmọ, Kaldeanu lẹ na fọ́nyì sọn mí de nugbonugbo: na yé ma na inyì gba. ¹⁰Na le míwlẹ tlẹ KO hò awhànfuntọ Kaldeanu lẹ tọn pete he hoavùn hẹ mì lẹ, bo sọ sọnú yé luntón, gãnṣo yé na tite omẹ dopodopo to gòhọ etọn mẹ, bo yí miyọn do mó tòdaho he.

¹¹E sọ wá jọ dọ whenuena yè gbà awhànfuntọ Kaldeanu lẹ tọn lẹ kija sọn Jelusalẹm mẹ na osi awhànfuntọ Falo tọn lẹ tọn, ¹²whenẹnu wẹ Jẹlemia tón jegbonu yì sọn Jelusalẹm mẹ nado yì biọ aigba Bẹnjamini tọn mẹ, nado yí mimá etọn sọn finẹ, to gblagbla gbẹtọ lẹ tọn mẹ. ¹³Podọ whenuena é tin to hòngbo Bẹnjamini tọn mẹ, awhàn gán hihẹ tọn de tin finẹ, oyín mẹhetọn nọ yín Ilija, visunnu Ṣelẹmia tọn, visunnu Hanania tọn; é hen Jẹlemia yewhegán lo go, dọmọ, Hiẹ sí jei Kaldeanu lẹ de. ¹⁴Whenẹnu wẹ Jẹlemia dọmọ, Lalo é yín; yẹn ma sí jei Kaldeanu lẹ de gba; ṣigba ewọ ma tuntóai hlan ẹn gba: mọ wẹ Ilija hẹn Jẹlemia go, bo hẹn ẹn wa ahọvi lẹ de. ¹⁵Ahọvi lẹ sọ yín homẹgblenọ do Jẹlemia go, bo hò e, bo yí i do gànwhé to ohò Jonatani wékantọ lọ tọn mẹ: na yé ko basi enẹ na gànwhé lọ. ¹⁶Whenuena yè hẹn Jẹlemia wá biọ ohò odòmẹ tọn lọ mẹ, podọ biọ gànhò lẹ mẹ, Jẹlemia ko sọ nai finẹ azán susu; ¹⁷whenenu wẹ Zẹdekia ahọlu lọ domẹhlan, bo plan ẹn wá: ahọlu lọ sọ kanbiọ to nuglọ to owhé etọn gbè, bo dọmọ, Ohó de tin finẹ sọn OKLUNỌ de la? Jẹlemia sọ dọmọ, E tin. Ewọ sọ dọ ga dọ, Yè na jó hiẹ do alọ ahọlu Babilọni tọn tọn mẹ. ¹⁸Humọ Jelemia do hlan ahọlu Zẹdekia dọ, Etẹmẹ wẹ yẹn ko wàylando do ogo we, kavi do devi towe lẹ go, kavi do omẹ he lẹ go, bọ mìwlẹ ko do yí mi do ganwhé? ¹⁹Fie wẹ yẹwhegán mitọn lẹ te dinvie he dọdọdai hlan mìwlẹ, dọmọ, Ahọlu Babilọni tọn ma na wá mì ji, kavi aigba he ji gba? ²⁰Podọ dinvie yẹn vè we, sè, klunọ ṣie ahọlu E: yẹn vè we, gbọ ovèvó ṣie ni flẹ do nukọn towe: bọ hiẹ ma na sọ hẹn mi nadolégò do ówhé Jonatani wékantọ lọ tọn gbè gba, yẹn nikã kú finẹ. ²¹Whenẹnu wẹ Zẹdekia ahọlu lọ degbè, yé sọ yí Jẹlemia do awánu ogànwhé tọn mẹ, yé sọ nọ na agó akla tọn dopo e egbesọegbesọ sọn alihogbo akladatọ lẹ tọn ji, kaka yè do zán akla lẹpo tó tòdaho lọ mẹ. Le wẹ Jẹlemia nai do to awánu ogànwhé lọ tọn mẹ.

¹SẸFATIA visunnu Matani tọn, po Gedalia visunnu Pasihuli tọn po, po Jukali visunnu Ẹẹlemia tọn po, po Pasihuli visunnu Malkija tọn po, sè ohó lẹ he Jẹlemia dọ hlan gbẹtọ lẹpo, dọmọ, ²Le wẹ OKLUNỌ dọ, Ewo he nò todaho he mẹ na kú gbọn ohi lọ dali, gbọn ohùvé lọ dali, podọ gbọn azònylankan lọ dali: ṣigba ewọ he jẹgbonu yì Kaldeanu lẹ dena gán, ogbè etọn na sọ tin hlan ẹn na ntiyanwẹnna de, ewọ na sọ gán. ³Le wẹ OKLUNỌ dọ, Yè na jó tòdaho he do alọ awhànfuntọ ahọlu Babilọni tọn tọn lẹ tọn mẹ dandan, ewọ na sọ yí i. ⁴Whenẹnu wẹ ahọvi lẹ dọ hlan ahọlu dọ, Mí vẹ̀ we, gbọ yè ni hù dawe he; sọle ewọ doalọtún alọ sunnusi awhàn tọn lẹ he po to todaho he mẹ, podọ alọ gbẹtọ lẹpo tọn lẹ, to didọ ohó mọnkọ lẹ hlan ye mẹ: na dawe he ma to jijọho omẹ he lẹ tọn din gba, adavo awugble. ⁵Zẹdekia ahọlu sọ dọmọ, Dayi e go, ewọ tin to alọ mitọn mẹ: na ahọlu ma we ewọ he sọgan wà onu depope do mì go gba. ⁶Whenẹnu wẹ yé yí Jẹlemia, bo ze e dlẹn odo Malkija visunnu Hamelẹki tọn tọn mẹ, he tin to awanu ogànwhé tọn mẹ: ye sọ yí okàn lẹ do zlọn Jẹlemia dai. Podọ osìn de ma tin to odò lọ mẹ, adavo ogbòn: Jẹlemia sọ tlọ do ogbòn lọ mẹ. ⁷Dinvie whenuena Ebẹdi-melẹki Etiopianu lọ ojọ de, he tin to ohó ahọlu tọn mẹ sè dọ yé ko yí Jẹlemia do odo lọ mẹ; whenẹnu aholù tin aisinsin to hòngbo Bẹnjamini tọn mẹ; ⁸Ebẹdi-melẹki sọ tọ́n jẹgbonu sọn ohò ahọlu lọ tọn mẹ, bo dọho hlan ahọlu, dọmọ, ⁹Ahọlu klunọ ṣie, omẹ helẹ ko wà oylan to ehe yé wà lẹpo mẹ hlan Jẹlemia yẹwhegán lọ, mẹhe yé ko zé dlẹn odo lọ mẹ; ewọ sọ yín osiọ to otẹn lọ mẹ to fie é te na ohùvé lọ tọn wutu: na akla de ma tin to todaho lọ mẹ ba gba. ¹⁰Whenẹnu wẹ ahọlu degbèna Ebẹdi-melẹki Etiopianu lọ, dọmọ, Yi sunnusi ogbàn sọn ofi po hiẹ po, bo zé Jẹlemia yẹwhegán lọ tẹ́n sọn odò lọ me daga, whẹpo é ni do kú. ¹¹Mọwe Ebẹdi-melẹki yí sunnusi lẹ lọ po e po, bo yì biọ ohò ahọlu tọn mẹ to agbànhò glọ, bo yí avọ̀nù hóhó yè zedlan lẹ po nul ìja yìnyòn lẹ po, bo zlọn ye dai gbọn okan lẹ dali biọ odo lọ mẹ hlan Jẹlemia. ¹²Ebẹdi-melẹki Etiopianu lọ sọ dọ hlan Jẹlemia dọ, Yí avọ̀nù hóho zedlan helẹ po nukíja yìnyòn lẹ lọ po do oglọ awa towe lẹ tọn mẹ to okàn lẹ glọ, Jẹlemia sọ wà mọ. ¹³Mowẹ yé yí okan lẹ lọ do dòn Jẹlemia daga, bo dè e jẹgbonu sọn odò lọ mẹ: Jẹlemia sọ nai to awánu ogànwhé lọ tọn mẹ.

¹⁴Whenẹnu wẹ Zẹdekia ahọlu domẹhlan, bo yí Jẹlemia yẹwhegán lọ do e de biọ bibiọ atọntọ he tin to ohọ OKLUNỌ tọn mẹ ahọlu sọ dọ hlan Jẹlemia do, Yen na kan onú de sè we; a whla nude do mi blo. ¹⁵Whenẹnu wẹ Jẹlemia dẹ hlan Zẹdekia dọ, Ẹyín yẹn dọ ẹ hlan we, bó hiẹ ma na hù mi dandan? podọ eyín yen na ohónamẹ we, hiẹ ma na tuntóai hlan mi gba. ¹⁶Mowẹ Zẹdekia ahọlu whle to nuglọ hlan Jẹlemia, dọmọ, Le OKLUNỌ togbè, he basi alindọn he na mí, yẹn ma to na hù we, mọ yẹn ma to na jó we do alọ omẹ he to ogbè towe din helẹ tọn mẹ gba. ¹⁷Whenẹnu wẹ Jẹlemia dọ hlan Zẹdekia dọ, Le wẹ OKLUNỌ dọ, Jiwheyẹwhe awhànpa lẹ tọn lọ, Jiwheyẹwhe Islaeli tọn lọ: Eyín hiẹ na jegbonu yì ahọvi ahọlu Babilọni tọn tọn lẹ de, whenẹnu alindọn towe na gán, yè ma sọ to na yí miyọn do mè tòdaho he gba; hiẹ na sọ gan, po owhé towe po: ¹⁸ṣigba eyín hiẹ ma na jẹgbonu yì ahọvi ahọlu Babilọni tọn tọn lẹ de gba, whenenu wẹ yè na jó todaho he do alọ Kaldeanu lẹ tọn mẹ, yé na sọ yí miyọn do mè ẹn, hiẹ ma so to na hòngán sọn alọ yetọn mẹ gba. ¹⁹Zẹdekia ahọlu sọ dọ hlan Jelemia dọ, Yẹn yín avosatọ na Ju lẹ he sí yì Kaldeanu lẹ de, ye nikã jó mi do alọ yetọn mẹ, yé bo na vlẹ mi ko. ²⁰Ṣigba Jẹlẹmia dọmọ, Yé ma to na jó we gba, Yen vè we, sètónuna ogbè OKLUNỌ tọn, to ene he yẹn dọ hlan we mẹ: mọwẹ é na yín dagbe na we, alindọn towe na sọ gán. ²¹Ṣigba eyín hiẹ gbé nado jegbonu yì, ehe wẹ ohó he OKLUNỌ ko dohia mi: ²²Dayi e go, yọnnusi he yè pòdai do ohò ahọlu Juda tọn tọn mẹ lẹpo wẹ yè na hẹn jẹgbonu wá ahọvi ahọlu Babilọni tọn tọn lẹ de, yọnnusi nẹlẹ na sọ dọmọ, Sunnusi Jijọho towe ton lẹ ko klọ we, bo sọ gbawhan to oji we: dinvie na yè hẹn afọ towe lẹ tlọ do ogbòn mẹ, yè hẹn ye lé godo yì. ²³Yé na sọ hẹn asi towe lepo po ovi towe lẹ po tẹ́n wá Kaldeanu lẹ de: hie ma sọ to na hòngán tọ́n sọn alọ yetọn mẹ gba, ṣigba na yín wìwle gbọn alọ ahọiu Babilọni tọn tọn dali: hiẹ na sọ yí miyọn do mè todaho he. ²⁴Whenẹnu wẹ Zẹdekia dọ hlan Jelemia dọmọ, A dike omẹ de sè sọn ohó hele me blo, hiẹ ma sọ to na kú gba. ²⁵Ṣigba eyín ahọvi le sè dọ yen ko dọhó hẹ we, bọ ye sọ wá de we bo dọ hlan we dọ, Lá hlan mí dinvie núhe hiẹ ko dọ hlan ahọlu; a whla ẹ do mí blo, míwlẹ ma sọ to na hù we gba: núhe ahọlu sọ dọ hlan we ga: ²⁶whenẹnu wẹ hie na dọ hlan yé dọ, Yen hẹn ovèvè ṣie nado flẹ́ jẹ ahọlu nukọn na ewọ ma na sọ do hẹn mi nado lẹ́gọ̀ do ohò Jonatani tọn mẹ nado kú to finẹ gba. ²⁷Whenẹnu wẹ ahọvi lẹpo wá Jẹlemia de, bo kambiọ ẹ: ewọ sọ dọ na yé kẹdẹdi ohó he ahọlu lọ ko degbè nẹ̃ he lẹpo. Mowẹ yé jó hódidọ hẹ ẹ do; na yè ma yí whèhó lọ dọ gba. ²⁸Mowẹ Jẹlemia sọ nèai to awánu ogànwhé lọ tọn kakajè azán he gbè Jelusalẹm yín yfyi. E sọ wá jọ whenuena Jelusalẹm yín yiyi.

¹(TO owhè sinẹnẹtọ Zẹdekia ahọlu Juda tọn tọn mẹ, to osùn aotọ mẹ, wẹ Nẹbukadnẹzali ahọlu Babilọni tọn po awhànfuntọ etọn lẹpo po wá Jelusalẹm ji, bo glọn ẹn do; ²to owhè widopotọ Zẹdekia tọn mẹ, to osùn ẹnẹtọ mẹ, to azán sinẹnẹtọ osùn lọ tọn gbè wẹ yè basi gbigbà de to tòdaho lọ mẹ:) ³bọ ahọvi ahọlu Babilọni tọn tọn lẹpo wá whégbè, bo sinai to ṣẹnṣẹn hòngbo lọ tọn mẹ, yèdọ Nẹlgali-ṣalezeli, Ṣamgalinebo, Salsekimi, Labi-salisi, Nẹlgali-ṣalezeli, Labi-magi, po pipòtọ ahọvi ahọlu Babilọni tọn tọn lẹpo po. ⁴E sọ wá jọ whenuena Zẹdekia ahọlu Juda tọn po sunnu awhàn tọn lẹpo po mọ yé, whenẹnu wẹ yé họ̀nyì, bo jẹgbonu yì sọn tòdaho lọ mẹ to ozánmẹ, gbọn aliho ojipa ahọlu tọn tọn dali, to hòngbo lọ dali to odòkọ awe lẹ gblamẹ: ewọ sọ tón gbọn aliho Alaba tọn yì. ⁵Ṣigba awhànfuntọ Kaldeanu lẹ tọn lẹ jemòji hodo yé, bo pla Zẹdekia to ofivotẹn Jẹliko tọn lẹ mẹ: podọ whenuena yé ko wle e, Ye hẹn ẹn heji wá Nẹbukadnẹzali aholu Babilọni tọn de jẹ Libla to aigba Hama tọn mẹ, ewọ sọ dọ whẹ̀dida lẹ hẹ ẹ. ⁶Whenẹnu wẹ ahọlu Babilọni tọn hù visunnu Zẹdekia tọn lẹ to Libla mẹ to nukun etọn lẹ nukọn: ahọlu Babilọni tọn hù megbògbo Juda tọn lẹpo ga. ⁷Humọ é dè nukun Zẹdekia tọn lẹ jẹgbonu, bo sín in do afọgàn lẹ mẹ, nado hẹn ẹn yì jẹ Babilọni. ⁸Podọ Kaldeanu lẹ yí miyọn do mè ohò ahọlu tọn po ohò gbẹtọ lẹ tọn lẹ po, bo sọ hó odòkọ Jelusalẹm tọn lẹ liai. ⁹Whenẹnu wẹ Nẹbuzaladani awhàngan ogànwhé tọn lọ bé pipotọ gbẹtọ lẹ tọn he pò to tòdaho lọ mẹ lẹ mẹglọmẹ yì biọ Babilọni mẹ wòvá lẹ ga, he sí je e de, po pipòtọ gbẹtọ lẹ tọn he pò pt. ¹⁰Ṣigba Nẹbuzaladani awhàngan ogànwhé lọ tọn pòdai sọn wamọnọ gbẹtọ lẹ tọn mẹ, he ma tindo núde, dó aigba Juda tọn mẹ, bo na ovẹngle lẹ po ogle lẹ po yé to ojlẹ dopolọ mẹ. ¹¹Dinvie Nẹbukadnẹzali ahọiu Babilọni tọn na asẹ gbọn Jẹlemia tọn dali hlan Nebuzaladani awhàngan ogànwhé lọ tọn, dọmọ, ¹²Yí ewọ bo pọ́n e go dagbedagbe, bo wà awugble de do e blo; ṣigba nọ wà hlan ẹn yèdọ dile ewọ na dọ hlan we do. ¹³Mowẹ Nẹbuzaladani awhàngan ogànwhé lọ tọn domẹhlan, podọ Nẹbusazebani, Labi-salisi, po Nẹligali-salezeli po, Labi-magi, po ogándaho ahọlu Babilọni tọn tọn lẹpo po; ¹⁴yé domẹhlan, bo dè Jẹlemia tẹ́n sọn awánu ogànwhé lọ tọn me, bo yí i hlan Gedalia visunnu Ahikami tọn, visunnu Ṣafani tọn de, na ewọ ni do hẹn ẹn yì owhé: mọwẹ ewọ sọ nò gbẹtọ lẹ ṣẹnṣẹn.

¹⁵Dinvie ohó OKLUNỌ tọn wá Jẹlemia de, whenuẹna yè sú i do awánu ogànwhé lọ tọn mẹ, dọmọ, ¹⁶Yì, bo dọhó hlan Ebẹdi-melẹki Etìopianu lọ, dọmọ, Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Dayi e go, Yẹn na hẹn ohó ṣie lẹ wá tòdaho he ji na oylan, podọ na dagbe ma gba; yé na yín hinhẹnsẹ to nukọn towe to azán nẹ gbè. ¹⁷Ṣigba yen na whlẹn wẹ to azán nẹ gbè, wẹ OKLUNỌ dọ: hiẹ ma na sọ yín jijo do alọ omẹ ewlẹ tọn mẹ avosatọ mẹhe tọn hiẹ yín gba. ¹⁸Na yẹn na whlẹn we nugbonugbo, hiẹ ma na sọ jai gbọn ohi lọ dali gba, ṣigba ogbè towe na tin na nuyanwẹnna de hlan we: na hiẹ ko yí tudido towe do yẹn mẹ wutu, wẹ OKLUNỌ dọ.

¹OHÓ he wá Jẹlemia de sọn OKLUNỌ de, godo he Nẹbuzaladani awhàngan ogànwhé lọ tọn ko gbọ é ni yì sọn Lama mẹ, whenuena é ko yí i yínyín sínsín to okògàn lẹ mẹ to mẹglọnọ Jelusalẹm po Juda po tọn lẹpo ṣẹnṣẹn, he yè hẹn yì mẹglọnọ jẹ Babilọni. ²Awhàngan ogànwhé tọn lọ sọyí Jẹlemia, bo dọ hlan ẹn dọ, OKLUNỌ Jiwheyẹwhe towe dọ oylan he do otẹn he ji: ³OKLUNỌ ko sọ hẹn ẹn wá, bo sọ wà kẹdẹdìle é dọhó do; na mìwlẹ ko wàylando do OKLUNỌ go, bo ma ko sètónuna ogbè etọn wutu, enẹwutu wẹ yè do hẹn onú he wá mì ji. ⁴Podọ dinvie, dayi e go, yẹn tún we sọn ogàn he tin to alọ towe go lẹ mẹ to egbé. Eyín é sọawuhia dagbe hlan we nado wá po yẹn po biọ Babilọni, wá, yẹn na sọ pọ́n ọgo we dagbedagbe: ṣigba eyín é sọawuhia oylan hlan we nado wá po yẹn po biọ Babilọni, bogbò: dayi e go, aigba lẹpo tin to nukọn towe; fiedali é sọawuhia dagbe bo jlọjẹ hlan we nado yì, yì finẹdali. ⁵Dinvie whenuena yè ma tlẹ ko hẹn ẹn yì godo, Yì godo lò, wẹ ewọ dọ, hlan Gedalia visunnu Ahikami tọn, visunnu Ṣafini ton, mẹhe ahọlu Babilọni tọn ko hẹn zùn otògán do tòdaho Juda tọn lẹ ji, bo sọ nọ nò e de to gbẹtọ lẹ ṣẹnṣẹn: kavi yì ádepope é sọawuhia jlọjẹ hlan we nado yì. Mowẹ awhàngan ogànwhé tọn lọ na núdùdù po nunina de po e, bo sọ gbọ é yì. ⁶Whenẹnu we, Jẹlemia yì Gedalia visunnu Ahikami tọn de to Mizpa bo sọ nò e de to gbẹtọ he yè pòdai to aigba lọ ji lẹ ṣẹnṣẹn.

⁷Dinvie whenuena awhàngan awhànfuntọ lẹ tọn lẹpo he tin to danji, yèdọ yé po omẹ yetọn lẹ po, sè dọ ahọlu Babilọni tọn ko hẹn Gedalia visunnu Ahikami tọn zùn otògán to aigba lọ mẹ, bo ko sọ yí sunnu lẹ, po yọnnu lẹ po, po yọ̀pọ lẹ po, yèdọ sọn wamọno petepete aigba lọ tọn lẹ mẹ, sọn yé he yè ma béyì mẹglọnọ mẹ jẹ Babilọni lẹ do oglọ nẹ; ⁸whenẹnu wẹ yé wá Gedalia de to Mizpa, yèdọ Iṣmaẹli visunnu Nẹtania tọn, po Johanani po po Jonatani po visunnu Kalẹsi tọn lẹ, po Selaia visunnu Tanhumeti tọn po, po visunnu Efai Nẹtofatinu lọ tọn lẹ po, po Jezania visunnu Maakatinu lọ tọn po, yé po omẹ yetọn lẹ po. ⁹Gedalia visunnu Ahikami tọn visunnu Ṣafini ton sọ whle hlan yé podọ hlan omẹ yetọn lẹ, dọmọ, Mì dibu nadó sèn Kaldeanu lẹ blo: mì nò aigba lọ mẹ, bo nọ sèn ahọlu Babilọni tọn, é na sọ yín dagbe na mì. ¹⁰Na yẹn tọn, dayi e go, Yẹn na nọ nò Mizpa, nado site to Kaldeanu lẹ nukọn, he na wá mí de le; ṣigba mìwlẹ, mì bó ovẹ̃n po osinsẹ́n alúnlúnmẹ tọn le po po amì po, bo yí yé do núzinzán mìton lẹ mẹ, bo nọ nò tòdaho mitọn he mi ko yí lẹ mẹ. ¹¹Mokedẹ wẹ whenuena Ju he tin to Moabi me: lepo, podọ to ovi Amoni tọn lẹ ṣẹnṣẹn, podọ to Edomi mẹ, podọ he tin to otò lẹpo mẹ, sè dọ ahọlu Babilọni tọn ko pò adade Juda tọn de dai, podọ é ko sọ zé Gedalia visunnu Ahikami tọn, visunnu Ṣafini tọn do yé ji; ¹²whenẹnu wẹ ju lẹpo lẹ́gọ̀ sọn otẹn lepo mẹ fiedali yè yàn yé do lẹ, bo wá aigba Juda tọn mẹ; to Gedalia de, to Mizpa, bó bé ovẹ̃n po osinsẹ́n alúnlúnmẹ tọn lẹ po susu gegó;

¹³Humọ Jonatani visunnu Kalea tọn, po awhàngan awhànfuntọ lẹ tọn lẹpo po he tin to danji, wá Gedalia de to Mizpa, ¹⁴bo dọ hlan ẹn dọ, Bé hiẹ yọnẹn dọ Baali si ahọlu ovi Amoni tọn lẹ ton ko do Iṣmaeli visunnu Nẹtania tọn hlan nado yí ogbè towe? Ṣigba Gedalia visunnu Ahikami tọn lọ ma yí yé sè gba. ¹⁵Whenẹnu wẹ Johanani visunnu Kalea tọn dọhó hlan Gedalia to Mizpa mẹ to nuglọ, dọmọ, Yẹn ve we, gbọ yen ni yì, yẹn na sọ hù Iṣmaẹli visunnu Nẹtania tọn lọ, omẹ de ma sọ to na yón ẹn gba: etẹwutu wẹ ewọ na do ví ogbẹ̀ towe, na yè nì do hẹn Ju he yè bépli do de we lepo yín gbigbakija, bọ adade Juda tọn súdo? ¹⁶Ṣigba Gedaha visunnu Ahikami tọn lọ dọ hlan Jonatani visunnu Kalea tọn dọ, Hie ma na wà onú he gba: na olalo wẹ hiẹ do dọhó do Iṣmaẹli kò.

¹DINYIE é sọ wá jọto osùn sinawetọ mẹ, wẹ Iṣmaẹli visunnu Nẹtania tọn, visunnu Elisama tọn, sọn okún ahọlu tọn me, podọ dopo sọn ogándaho aholu tọn lẹ me, po omẹ ao po to e de, wá Gedalia visunnu Ahikami tọn de to Mizpa; podọ finẹ ye du akla dopọ te to Mizpa mẹ. ²Whenẹnu wẹ Iṣmaẹli visunnu Nẹtania tọn po sunnusi ao he tin to e de lẹ po, yí ohi do ho Gedalia visunnu Ahikami tọn visunnu Ṣafini ton, bo hù i, mẹhe ahọlu Babilọni ton Lo hen zùn otogán do aigba lọ ji, ³Iṣmaẹli hù Ju he tin to e de lepo ga yẹdọ to Gedalia de, to Mizpa, po Kaldeanu he yè mọ to finẹ lẹ po, yèdọ sunnusi awhàn tọn lẹ. ⁴E sọ wá jọ to azán awetọ gbè godo ewọ ko hù Gedalia, bọ omẹ de ma yón ẹn gba, ⁵wẹ mẹdẽlẹ sọn Ṣekẹmi mẹ wá, sọn Ṣilo mẹ, podọ sọn Samalia mẹ, yèdọ sunnusi kanwe, he lùn ogbi yétọn lẹ bọ avọ́ yetọn lẹ tlen, bo doalán yéde, po avo nunina òjmulili tọn lẹ po to alọ yetọn mẹ, nado hẹn yé jẹ ohò OKLUNỌ tọn mẹ ⁶Iṣmaeli visunnu Nẹtania tọn sọ jegbonu yì son Mizpa nado pé yé, bo sọ to avivi le é to yìyì: é sọ wá jọ, le é pó yé, é dọ hlan yé dọ, Mì wá Gedalia visufmu Ahikami tọn de ⁷E sọ yín mọ, whenuena yé wá biọ gblagbla tòdaho lọ tọn mẹ, wẹ Iṣmaeli visunnu Nẹtania tọn hù yé, bo zé yé dlẹn biọ gblagbla odo lọ tọn me, ewọ, po omẹ he tin to e de lẹ po. ⁸Ṣigba sunnusi ao yín mimọ to ye mẹ he do hlan Iṣmaẹli dọ, A hù mí blo: na mìwlẹ tindo ozlin whiwhla lẹ to danji, oli tọn, po bale tọn po, po amì tọn po, po owín tọn po. Mowẹ é jó yé do, bo ma sọ hù yé to mẹmẹsunnu yetọn lẹ ṣẹnṣẹn. ⁹Dinvie odò he mẹ Iṣmaẹli zé osiọ sunnusi mehe ewọ hù lẹpo tọn lẹ dlẹn, to adà Gedalia tọn mẹ, (dopolọ wẹ enẹ he Asa ahọlu ko basi na osi Baaṣa ahọlu Islaeli tọn tọn,) Iṣmaẹli visunnu Nẹtania tọn yí yé he yè hù lẹ do gó ẹ. ¹⁰Whenẹnu wẹ Iṣmaẹli bé opòdai gbẹtọ lẹ tọn lepo he tin to Mizpa mẹ yì meglọnọ, yèdọ viyọnnu aholu tọn lẹ, po gbẹtọ he pò to Mizpa mẹ lẹpo po, mẹhe Nebuzaladani awhàngan ogànwhé tọn lọ ko yí do Gedalia visunnu Ahikami tọn glọ: Iṣmaeli visunnu Nẹtania tọn sọ bó yé yì mẹglọnọ, bo sọ fọ́nyì nado hẹji yì jẹ ovi Amọni tọn lẹ de.

¹¹Ṣigba whenuena Jonatani visunnu Kalea tọn, po awhàngan awhànfuntọ lẹ tọn lẹpo po he tin to e de, sè oylan he Iṣmaẹli visunnu Nẹtania tọn ko wà lẹpo tọn, ¹²whenẹnu wẹ ye bó sunnusi lẹpo, bo yì nado hoavùn hẹ Iṣmaẹli visunnu Nẹtania tọn, bo sọ mọ ẹn to osìn daho lẹ he tin to Gibeọni mẹ dali. ¹³Dinvie é sọ wá jọ dọ whenuena gbẹtọ he tin to Iṣmaẹli de lẹpo mọ Johanani visunnu Kalea tọn, po awhàngan awhànfuntọ lẹ tọn lẹpo po he tin to e de, whenẹnu wẹ yé yín homehùnnọ. ¹⁴Mọwẹ gbẹtọ he Iṣmaẹli ko béyì mẹglọnọ sọn Mizpa lẹpo gbàkija pé bo lẹ́gọ̀, bo yì Johanani visunnu Kalea tọn de. ¹⁵Ṣigba Iṣmaẹli visunnu Nẹtania tọn họngán sọn Johanani de po sunnusi sinatòn po, bo yì ovi Amọni tọn lẹ de. ¹⁶Whenẹnu wẹ Johanani visunnu Kalea tọn, po awhàngan awhànfuntọ lẹ tọn lẹpo po he tin to e de lẹ, opòdai sọn gbẹtọ lẹ mẹ mẹhe ewọ ko fò sọn Iṣmaẹli visunnu Nẹtania tọn si, sọn Mizpa, godo he ewọ ko hù Gedalia visunnu Ahikami tọn, yèdọ sunnusi awhàn tọn lẹ, po yọnnusi lẹ po, po yọ̀pọ lẹ po, po: ojọ lẹ po, mẹhe ewọ ko sọ vó hẹnwá sọn Gibeọni: ¹⁷yé sọ fọ́nyì, bo nó Gẹluti Ṣimhami mẹ, he tin to Bẹti-lehẹmi dali, nado yì nado biọ Egipti mẹ, na Kaldeanu lẹ tọn wutu: ¹⁸na yé yín avosatọ na yé tọn, na Iṣmaẹli visunnu Nẹtania tọn ko hù Gedalia visunnu Ahikami tọn wutu, mẹhe ahọlu Babilọni tọn hẹn zùn otògán to aigba lọ ji.

¹WHENẸNU wẹ awhàngan Awhànfuntọ lẹ tọn lẹpo, po Johanani visunnu Kalea tọn po, po Jẹzania visunnu Hosaia tọn po, po gbẹtọ lẹpo po sọn mẹpẹvipeie yèdọ jẹ mẹdahopete ji, wá sẹpót ²bo dọ hlan Jẹlemia yẹwhegán lọ, dọ, Mí vó we, gbọ ovóvè mítọn ni flẹ do nukọn towe, bo hodó na mí hlan OKLUNỌ Jiwheyẹwhe towe, yèdọ na opòdai he lẹpo; na pẹvide we yè pòdai na mí sọn susu mẹ, dile nukun towe lẹ to mí mọ do: ³na OKLUNỌ Jiwheyẹwhe nido dohia mí aliho ehemẹ mí do zìn gbọn, po onú he mí do wà po. ⁴Whenẹnu wẹ Jẹlemia yẹwhegán lọ dọ hlan yé dọ, Yẹn ko sè mì, dayi e go, yẹn na hodó hlan OKLUNỌ Jiwheyẹwhe mitọn kẹdẹdi ohó mitọn lẹ; é na sọ wá jọ dọ onú depope OKLUNỌ na gblọnna mì, yẹn na dọ hlan mì; yẹn ma na glọn núdo do godo sọn mì de gba. ⁵Whenenu wẹ yé dọ hlan Jẹlemia dọ, OKLUNỌ ni yín kunnudetọ nugbonọ dódónọ de to mí ṣẹnṣẹn, eyín mìwlẹ ma wà yédọ kẹdedi ohó ehe OKLUNỌ Jiwheyẹwhe towe na do do we hlan mí. ⁶Eyín é yín dagbe, kavi é yín oylan, míwlẹ na sètónuna ogbè OKLUNỌ Jiwheyẹwhe mítọn tọn, mẹhe de mí do we hlan; na é nido yín dagbe na mí, whenuena mí sètónuna ogbè OKLUNỌ Jiwheyẹwhe mítọn tọn.

⁷E sọ wá jọ to azán ao godo, wẹ ohó OKLUNỌ tọn wá Jẹlemia de. ⁸Whenenu wẹ é ylọ Johanani visunnu Kalea tọn lọ, po awhàngan awhànfuntọ lẹ tọn lẹpo po he tin to e de lẹ, po gbẹtọ lẹpo po, sọn mẹpẹvipete yèdọ jẹ mẹdahopete ji, ⁹bo dọ hlan yé dọ, Le wẹ OKLUNỌ dọ, Jiwheyẹwhe Islaeli tọn, mẹhe de mì domi hlan nado tó ovẹ̀vẹ̀ mitọn do e nukọn: ¹⁰Eyín mìwlẹ na gbó nò aigba he mẹ, whenẹnu wẹ yẹn na do mì, bo ma na sọ hó mì liai gba, yẹn na sọ dó mì, bo ma na dòn mì sún só gba: na yẹn diọlinlẹnna dẽ sọn oylan lọ mẹ he yẹn ko wà hlan mì. ¹¹Mì yín avosatọ na ahọlu Babilọni tọn blo, mẹhe mìwlẹ yín avosatọ na; mì yín avosatọ nẹ̃ blo, wẹ OKLUNỌ dọ: na yẹn tin to mì de nado whlẹn mì, podọ nado whlẹn mì sọn alọ etọn mẹ. ¹²Yẹn na sọ na lẹblanu hlan mì, na ewọ nido tindo lẹblanu to mì ji, bo sọ hen mì nado lẹ́gọ̀ do aigba mitọn titi ji. ¹³Ṣigba eyín mìwlẹ dọmọ, Míwlẹ ma na nò aigba he mẹ gba; sọmo bọ mì ma sètónuna ogbè OKLUNỌ Jiwheyẹwhe mitọn tọn gba; ¹⁴dọmọ, Lala; ṣigba mìwlẹ na yì biọ aigba Egipti tọn mẹ, fie mìwlẹ ma na mọ awhàn de te, kavi sè ogbè opẹn lọ tọn, kavi tindo ohùvóhumẹ akla tọn; podọ finẹ wẹ míwlẹ na nọ nò: ¹⁵enẹwutu dinvie mì sè ohó OKLUNỌ tọn, mì pipòtọ Juda tọn emi: le wẹ OKLUNỌ awhànpa lẹ tọn dọ, Jiwheyẹwhe Islaeli tọn, Eyín mìwlẹ zé nukunmẹ mìton lẹ do petepete nado biọ Egipti mẹ, bo yì nado wáwási to finẹ; ¹⁶whenenu é na wá jọ, dọ ohi lọ, he mì to budina, na pla mì to finẹ to aigba Egipti tọn mẹ, podọ ohùvé lọ, ehetọn mì yín avosatọ, na tlin hodo mì; podọ finẹ mì na sọ kú do. ¹⁷Mọwe é na sọ yín po gbẹtọ lẹpo po he zé nukun yetọn lẹ do nado yì biọ Egipti mẹ nado wáwási to finẹ; yé na kú gbọn ohi lọ dali, gbọn ohùvé lọ dali, podọ gbọn azònylankan lọ dali: podọ ode yé tọn ma na nòai kavi họngán sọn oylan he yen na; hẹn wá ye ji mẹ gba. ¹⁸Na le wẹ OKLUNỌ awhànpa lẹ tọn dọ, Jiwheyẹwhe Islaeli tọn; Le yè hẹn adi ṣie po homewlu ṣie po kòn jẹgbonu do tòmẹnu Jelusalẹm ton lẹ ji do, mọwẹ yè na hen homẹwlu ṣie kọn jẹgbonu do mì ji do, whenuena mìwlẹ na biọ Egipti mẹ: mìwlẹ na sọ tin di dẹ̀hodo de, po awujiji de po, po dẹ̀hodo de po, po ovlẹ de po; mìwlẹ ma na sọ mọ otẹn he gbède ba. ¹⁹OKLUNỌ ko dọhó gbọn mitọn tọn dali, mì pipotọ Juda tọn emi, Mì yì biọ Egipti mẹ blo: mì ni sọ yọnẹn nugbonugbo dọ yẹn ko dekunnu hian mì to egbé. ²⁰Na mìwlẹ ko yí oklọ do zán to alindon mitọn lẹ mẹ; na mìwlẹ do mi hlan OKLUNỌ Jiwheyẹwhe mitọn de, dọmọ, Hodè na mí hlan OKLUNỌ Jiwheyẹwhe mítọn; podọ kẹdẹdi ehe OKLUNỌ Jiwheyẹwhe mítọn na dọ lepo, mọwẹ a ni lá hlan mí, mìwlẹ na sọ wà ẹ: ²¹podọ yẹn ko sọ lá ẹ hlan mì to egbé; ṣigba mìwlẹ ma ko sètónuna ogbè OKLUNỌ Jiwheyẹwhe mìton tọn to onú depope mẹ na ehe ewọ ko do do mi hlan mì de lọ. ²²Enẹwutu dinvie mì ni yọnẹn nugbonugbo dọ mìwlẹ na kú gbọn ohi lọ dali, gbọn ohùvé lọ dali, podọ gbọn azọ̀nylankan lọ dali, to otẹn lọ mẹ fiedali mìwlẹ tọ jijlo nado yì nado wáwási to finẹ.

¹E sọ wá jọ dọ whenuena Jẹlemia ko dotana didọ ohó OKLUNỌ Jiwheyẹwhe yetọn tọn lẹpo hlan gbẹtọ lẹpo, ehe OKLUNỌ Jiwheyẹwhe yetọn do do e hlan yé de, yèdọ ohó he lẹpo, ²whenẹnu wẹ Azalia visunnu Hosaia tọn, po Johanani visunnu Kalea tọn po, po sunnu saklanọ lẹpo po, didọ hlan Jelemia dọ, Hiẹ yí lalo do dọhó: OKLUNỌ Jiwheyẹwhe mítọn ma do we hlan gba nado dọmọ, Mìwlẹ ma na yì biọ Egipti mẹ nado wáwási finẹ: ³ṣigba Baluki visunnu Nẹlia tọn wẹ zé we daga do mí ji na nado jó mí do alọ Kaldeanu lẹ tọn mẹ, na yé nido hù mí, bo sọ bé mi yì mẹglọnọ lẹ jẹ Babilọni. ⁴Mọwẹ Johanani visunnu Kalea tọn, po awhàngan awhànfuntọ lẹ tọn lepo po, po gbẹtọ lepo po, ma sètónuna ogbè OKLUNỌ tọn, nado nọ nò aigba Juda tọn lọ mẹ. ⁵Ṣigba Johanani visunnu Kalea tọn lo, po awhàngan awhànfuntọ lẹ tọn lẹpo po, bé pipòtọ Juda tọn lepo, he yè hẹn lẹ́gọ̀ sọn akọta lẹpo me fiedali yè ko yàn yé do nado wáwáṣi to aigba Juda tọn mẹ; ⁶sunnusi lẹ, po yọnnusi le po, po yọpọvu lẹ po, po viyọnnu ahọlu tọn lẹ po, podọ ome dopodopo he Nebuzaladani awhàngan ogànwhé lọ tọn ko pòdai to Gedalia visunnu Ahikami ton, visunnu Ṣafini tọn de, po Jẹlemia yẹwhegán lọ po, po Baluki visunnu Nelia tọn po; ⁷yé sọ wá biọ aigba Egipti tọn mẹ; na yé ma sètónuna ogbè OKLUNỌ tọn gba: yé sọ wá jẹ Tahpanhẹsi. ⁸Whenẹnu wẹ ohó OKLUNỌ tọn wá Jẹlemia de to Tahpanhẹsi mẹ, dọmọ, ⁹Zé ozannu daho lẹ do aíọ towe mẹ, yí obó do tlé yé adaenẹsọzẹn lédo, to nukun gbẹtọ Juda tọn lẹ tọn mẹ; ¹⁰bo dọ hlan yé dọmọ, Le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Dayi e go, yẹn na domẹhlan bo yí Nẹbukadlẹzali ahọlu Babilọni tọn devi ṣie, bo na sọ zé ofìn etọn do ozannu he yẹn ko whla helẹ ji; podọ ewo na sọ dlẹn avàja etọn sisé do yé ji. ¹¹Ewọ na wá, bo sọ hò aigba Egipti ton lọ; ehe tin na okú wẹ yè na jó hlan okú, podo ehe tin na meglọnọ hlan mẹglọnọ, podọ ehe tin na ohi lọ hlan ohi. ¹²Yẹn na sọ pla nnyọn de to ohò yẹwhe Egipti tọn lẹ tọn lẹ mẹ: é na sọ mè yé, bo bé ye meglọnọ yì: ewọ na sọ yí aigba Egipti tọn do doasọna ede, dile lẹngbọhọtọ de nọ yí avọ̀ etọn do ogo do; ewọ na sọ jẹgbonu yì sọn ofi to jijọho mẹ. ¹³Ewọ na sọ gbà odòtin Bẹti-semẹsi tọn lẹ ga, he tin to aigba Egipti tọn mẹ; podọ ohò yẹwhe Egipti tọn lẹ tọn lẹ wẹ ewọ na sọ yí miyọn do mè.

¹OHÓ he wá Jẹlemia de gbọn Ju lẹpo tọn dali he nọ nọ nigba Egipti tọn me, he nọ nò Magdoli mẹ, podọ to Tahpanhẹsi mẹ, podọ to Nọfi mẹ, podọ to otò Patlosi tọn mẹ, dọmọ, ²Lé wẹ OKLUNỌ awhànpa lẹ tọn dọ, Jiwheyẹwhe Islaeli tọn: Mì ko mọ oylan he yẹn hẹnwá Jelusalẹm ji lẹpo, podọ do tòdaho Juda tọn lẹpo ji; bo, dayi e go, egbé ojẹvó de wẹ yé, omẹ de ma e mẹ; ³na kan yìnylan yetọn he vó ko wà tọn wutu nado hẹnhomẹgble mi hlan adi, to ehe yé ko yì nado mè nuyọnwan mẹ, podọ nado sẹ̀n yẹwhe devo lẹ, mẹhe yé ma yọnẹn, yéwlẹ, kavi mìwlẹ, kavi otọ́ mitọn lẹ. ⁴Sogán yẹn do devi ṣie yẹwhegán lẹpo hlan mì, fìnfén to afọnnufú bo to yé dohlan, dọmọ, Só, mì wà onú osù he blo he yẹn gbẹwanna. ⁵Ṣigba yé ma tuntóai gba, kavi tó otọ́ yetọn nado lé sọn kanyinylan yetọn mẹ gba, ma nado nọ mè nuyọnwan de hlan yẹwhe dẽvo lẹ. ⁶Enẹwutu wẹ yè do hẹn homẹwlu ṣie po adi ṣie po kòn jẹgbonu, bo sọ hẹn jimiyọn to tòdaho Juda tọn lẹ mẹ podọ to alihogbo Jelusalẹm tọn lẹ mẹ; yé sọ yín ogbògbó po ovọjẹ de po, dile é yín to egbe. ⁷Enewutu dinvie le wẹ OKLUNỌ dọ, Jiwheyẹwhe awhànpa lẹ tọn, Jiwheyẹwhe Islaeli tọn: Etẹwutu wẹ mì wà oylan daho he do alindọn mitọn titi lẹ go, nado sán sè sọn mì me sunnu po yọnnu po, po yọpọvu po po vianénu po sọn gblagbla Juda tọn mẹ, ma nado jó ode daina mì; ⁸to ehe mẹ mìwlẹ ko yí azón alọ mitọn lẹ tọn lẹ do hẹnhomẹgble mi hlan adi, bo to nuyonwan mè hlan yẹwhe dẽvo lẹ to aigba Egipti tọn mẹ, fiedali yè hẹn mì yì nado wáwási te; na mì nido yín sinsán sè, podọ na mì nido yín dẹ̀hodo de po ovlẹ de po to akọta aigba tọn lepo ṣẹnṣẹn? ⁹Bé mìwlẹ ko wọn kanyinylan otọ́ mitọn le tọn po kanyinylan ahọlu Juda tọn lẹ tọn po, po kanyinylan asi yetọn lẹ tọn po, po kanyinylan mì lọsu tọn po, po kanyinylan asi mitọn lẹ tọn po, he yé wà to aigba Juda tọn mẹ, podọ to alihogbo Jelusalẹm tọn lẹ mẹ wẹ? ¹⁰Yè ma hẹn yé huwhé gba yèdọ je egbé he, mọ yé ma ko sínú, kavi zinzọnlin to osẹn ṣie mẹ gba, kavi to oséndoai ṣie le mẹ, he yẹn zé do mì nukọn podọ do otọ́ mitọn lẹ nukọn. ¹¹Enẹwutu le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Dayi e go, yẹn na zé nukunmẹ ṣie do ogo we na oylan, yèdọ nado sán Juda lẹpo sè. ¹²Yẹn na sọ bó pipòtọ Juda tọn, he ko zé nukunmẹ yetọn lẹ do nado yì biọ aigba Egipti tọn mẹ nado wáwási to finẹ, yé mẹpó na sọ yín dùsúdo; aigba Egipti tọn mẹ wẹ yé na jai do; yé na yín dùsúdo gbọn ohi lọ dali podọ gbọn ohùvé lọ dali; yé na kú, sọn mẹpẹvìpete mẹ yèdọ je mẹdahopete ji, gbọn ohi lọ dali podọ gbọn ohùvé lọ dali: yé na sọ yín dẹ̀hodo do, po awujiji de po, po dẹ̀hodo de po, po ovlẹ de po. ¹³Na yẹn na sayahẹ yé he nò aigba Egipti tọn mọ lẹ, le yẹn ko sayahẹ Jelusalẹm gbọn ohi lọ dali do, gbọn ohùvé lọ dali, podọ gbọn azònylankan lọ dali: ¹⁴mọ bọ pipòtọ Júda tọn lẹ de, he yè hẹn yì biọ aigba Egipti tọn mẹ nado wáwási to finẹ, ma na hòngán kavi pò, bọ yé na do lẹ́gọ̀ biọ aigba Juda tọn mẹ, ehe yé ko zé alindọn yetọn daga hlan: na mẹde ma na lẹ́gọ̀ adavo mẹmọnkọ he na hòngán lẹ.

¹⁵Whenẹnu wẹ sunnu lépo he yọnẹn dọ asi yetọn lẹ mè nuyọnwan hlan yẹwhe dẽvo lẹ, po yọnnusi he site lẹpo po, obépli daho de, yèdọ gbẹtọ he nò aigba Egipti tọn mẹ lẹpo, to Patlosi mẹ; gblọnna Jẹlemia, dọmọ, ¹⁶Na ohó he hiẹ ko dọ hlan mí to oyín OKLUNỌ tọn mẹ tọn, mìwlẹ ma na tuntóai hlan we gba. ¹⁷Ṣigba ohó he yè hẹn jegbonu yì sọn onù mítọn mẹ lẹpo wẹ mìwlẹ na yíwà nugbonugbo, nado nọ mó nuyọnwan hlan ahọsi olọn tọn lọ, podọ nado nọ kòn avọ́ nunina nùnù lẹ jẹgbonu hlan ẹn, dile mí ko nọ wà do, míwlẹ po otọ́ mítọn lọ po, ahọlu mítọn lẹ po ahọvi mítọn lẹ po, to tòdaho Juda tọn lẹ mẹ, podọ to aligbo Jelusalẹm tọn lẹ mẹ: na whenẹnu wẹ mí tindo susu akla tọn, bo tin dagbedagbe, bo ma sọ mọ oylan de. ¹⁸Ṣigba whenuena mìwlẹ ko jódo nado mè nuyọnwan hlan ahọsi olọn tọn lọ, podọ nado nọ kòn avọ́ nunina nùnù jẹgbonu hlan ẹn, wẹ míwlẹ ko bà onú lẹpo pò, bo ko sọ yín dùsudo gbọn ohi lọ dali podọ gbọn ohùvé lọ dali. ¹⁹Podọ whenuena mìwlẹ to nuyọnwan mó hlan ahọsi olọn tọn lọ, bo sọ kòn avọ́ nunina nùnù lẹ jẹgbonu hlan ẹn, wẹ mí basi aklahihi lẹ nẹ nado papajle etọn, bo sọ kòn avọ́ nunina nùnù lẹ hlan ẹn, matin asú mítọn lẹ? ²⁰Whenẹnu wẹ Jẹlemia dọ hlan gbẹtọ lẹpo, hlan sunnusi lẹ, podọ hlan yọnnusi lẹ, yèdọ hlan gbẹtọ lẹpo he ko na ogbègblọn na ẹn, dọmọ, ²¹Nuyọnwan he mì mó to tòdaho Judá tọn lẹ mẹ, podọ to alihogbo Jelusalẹm tọn lẹ mẹ, mì po otọ́ mitọn lẹ po, ahọlu mitọn lẹ po ahọvi mitọn lẹ po, po gbẹtọ aigba lọ tọn lẹ po, bó OKLUNỌ ma flin yé, bó é ma sọ biọ ayiha etọn mẹ wá? ²²sọmọ bọ OKLUNỌ ma do sọgan hẹn ba, na oylan wiwà mitọn lẹ tọn wutu, podọ na osùnú he mì ko wà lẹ tọn wutu, enẹwutu wẹ yè hẹn aigba mitọn lẹzùn 0jẹvó de, po awujiji de po, po dóbodo de po, matin tòmẹnu de, dile é te to egbé. ²³Nà míwlẹ ko mó nuyọnwan wutu, podọ na mìwlẹ ko wàylando do OKLUNỌ go wutu, bo ma ko sètónuna ogbè OKLUNỌ tọn, kavi zinzonlin to osén etọn me gba, kavi to oséndoai etọn lẹ mẹ, kavi asẹdai eton lẹ me; enẹwutu wẹ yè do hẹn oylan he jọ hlan mì, dile é te to egbé he.

²⁴Humọ Jẹlemia sọ dọ hlan gbẹtọ ewlẹ pó, podọ yọnnusi ewle pó dọ, Mì sè óhó OKLUNỌ tọn, mì Juda he tin to aigba Egipti tọn mẹ lẹpo: ²⁵le wẹ OKLUNỌ awhànpa lẹ tọn dọ, Jiwheyẹwhe Islaeli tọn, dọmọ: Mìwlẹ po asi mitọn lẹ po ko yí onù mitọn lẹ do dọhó, bo ko so yí alọ mitọn lẹ do hẹn ẹn sẹ, dọmọ, Míwlẹ nugbonugbo na yí opàdido mítọn lẹ he mí ko do dopà basi, nado nọ mẹ nuyọnwan hlan ahọsi olọn ton lọ, podọ nado nọ kòn avọ́ nunina nùnù lẹ jegbonu hlan ẹn: mì bo hẹn opàdido mìton lẹ lodo lò, bo sọ yí opàdido mitọn lẹ basi. ²⁶Enẹwutu mì sè ohó OKLUNỌ tọn, mì Juda he nò aigba Egipti tọn mẹ lepo: Dayi e go, yẹn ko whle gbọn, oyin daho ṣie dali, we OKLUNỌ dọ, dọ oyín ṣie ma na sọ yín yiylọ to onù sunnusi Juda tọn depope tọn me gbède ba to aigba, Egipti tọn mẹ, dọmọ, Le OKLUNỌ Jiwheyẹwhe togbẹ̀ ²⁷Dayi e go, yẹn to yé hó na ovlan, na dagbe ma gba: podọ sunnusi Juda tọn lẹpo he tin to aigba Egipti tọn mẹ nayín dùsúdo gbọn ohi lọ dali podọ gbọn ohùvé lọ dali kaka opòdo yé tọn de na do tin. ²⁸Podọ yé he hòngán sọn ohi lọ mẹ lẹ na lẹ́gọ̀ sọn aigba Egipti tọn mẹ biọ aigba Juda tọn mẹ, vude to osoha me; pipptọ Juda tọh lẹpo, he yè hẹn yì biọ aigba Egipti tọn mẹ nado wáwási to fine lẹ, na sọ yọn ohó mẹhetọn na nọte, ṣie, kavi yetọn ²⁹Podọ ehe na yín ohia lọ hlan mi, wẹ OKLUNỌ dọ, dọ yẹn na sayahe mì to otẹn he me, na mì nido yọnẹn do ohó ṣie lẹ na nọte nugbonugbo do mì na oylan: ³⁰le wẹ OKLUNỌ dọ, Dayi e go, Yẹn na jó Falo Họfia ahọlu Egipti tọn do alọ kẹ̀ntọ etọn lẹ tọn mẹ, podọ do alọ yé he to ogbè etọn din lẹ tọn mẹ; dile yẹn jó Zẹdekia ahọlu Juda tọn do alọ Nẹbukadlẹzali ahọlu Babilọni tọn tọn mẹ do, kẹ̀ntọ etọn podọ ehe to ogbè etọn din.

¹OHÓ he Jẹlemia yẹwhegán lọ dọ hlan Baluki visunnu Nẹlia tọn, whenuena ewọ wlan ohó helẹ do owé de mẹ to onù Jẹlemia tọn mẹ, to owhè ẹnẹtọ Jehọiakimi visunnu Josia tọn tọn mẹ, ahọlu Juda tọn, dọmọ, ²Le wẹ OKLUNỌ dọ, Jiwheyẹwhe Islaeli tọn, gbọn hiẹ tọn dali, Baluki È: ³Hìẹ dọmọ, Dindòn we yẹn dinvie! na OKLUNỌ ko sọ dè awubla dogó awufiesa ṣie; Yẹn yín gbedonọ po winwẹn ṣie po, yẹn ma sọ mọ ogbọjẹ de. ⁴Le wẹ hiẹ na dọ hlan ẹn dọ, Le wẹ OKLUNỌ dọ: Dayi e go, ene he yẹn ko do wẹ yẹn na hliai, podọ enẹ he yen ko do wẹ yen na dònsùn; podọ ehe to aigba pete mẹ. ⁵Bé hie to onú dahodaho lẹ din na dewe wẹ? a din yé blo na, dayi e go, yẹn na hẹn oylan wá agbasalan lepo ji, wẹ OKLUNỌ dọ: ṣigba ogbè towe wẹ yẹn na jó hlan we na owẹnyànnú de to otẹn fiedali hiẹ to yiyí lẹpo mẹ.

¹OHÓ OKLUNỌ tọn he wá Jẹlemia yẹwhegán lọ de gbọn akọta lẹ lọ tọn dali.

²Na Egipti tọn: gbọn awhànfuntọ Falo-neko aholu Egipti tọn lẹ tọn dali, he tin to otò Euflate dali to Kalsemẹsi mẹ, he Nebukadlẹzali ahọlu Babilọni tọn hò to owhè enẹtọ Jehọiakimi visunnu Josia tọn, ahọlu Juda tọn tọn mẹ.

³Mì jla gáhẹnú lọ po awọyínú po do, bo dòn sepọ jẹ awhànfuntẹn. ⁴Blapana osé le, bo hé yé ji, mì osónọ lẹ, bo sọ site to gbonu po awhàngbakún mitọn lẹ po; mì sún owhán le, mi yí agawu oganlìnlọn tọn lẹ do ogo. ⁵Etewutu wẹ yẹn ko mọ ẹn? Yè hen yé yín avosatọ bo sọ yín lilé hlangodo; yè linú hlọnhlọnnọ yetọn lẹ liai, bo sọ hen yé họ̀nyì ola, bo ma sọ pọ́n godo: obudaho tin to awà lẹpo ji, wẹ OKLUNỌ dọ. ⁶A dike awuyatọ họ̀nyì blo, a sọ dike sunnu hlonhlonnọ hòngán blo; to agéwaji me to otò Euflate tọn dali wẹ yé ko mùsa bo so jai. ⁷Menu wẹ ehe he tite daga taidi Nile lo, osìn mẹheton lẹ to yéde mimí taidi otò lẹ? ⁸Egipti tite daga taidi Nile, osìn etọn le sọ mìmí yéde taidi otò lẹ: ewọ sọ domọ, Yẹn na tite daga, yẹn na inyon aigba ji; yẹn na và tòdaho lọ po tomẹnu etọn lẹ po. ⁹Hẹji yì, mì osú lẹ; bo sọ jẹadán, mì kẹkẹ lẹ; bo sọ gbọ sunnu hlọnhlọnnọ lẹ ni jẹgbonu yì: Kusi po Puti po, he hẹn awọyínu lọ go; po Ludimi lọ po, he hẹn ogá lọ bo sọ dé ẹ. ¹⁰Na azán nẹ wẹ azán OKLUNỌ tọn, OKLUNỌ awhànpa lẹ tọn, azán ahọsuyí ton de, na é nido yíahọsu na ede sọn meglatọ etọn lẹ mẹ: podọ ohi lọ na sọ dùsúdo bo sọ yín opókọnọ, bo sọ nù gigú etọn sọn ohùn yetọn mẹ: na OKLUNỌ, OKLUNỌ awhànpa lẹ tọn, tindo avsánnu de to otò agéwaji mẹ to otò Euflate dali. ¹¹Hẹji yì biọ Gileadi mẹ, bo yí alángblenú, Hiọ awhli viyọnnu Egipti tọn: ovú mẹ wẹ hiẹ to obó lẹ zán te: azònhẹngbọ de ma tin finẹ na we gba ¹²Akọta lẹ ko sè owinyan towe tọn, aigba sọ tin gú na awhá towe: na omẹ hlọnhlọnnọ ko mùsa jẹ hlọnhlọnnọ lọ ji, yè hẹn yé omẹ awe lẹ jai dopọ.

¹³Ohó he OKLUNỌ dọ hlan Jẹlemia yẹwhegán lọ, dọ le Nẹbukadlẹzali ahọlu Babilọni tọn do wá bo hò aigba Egipti tọn do.

¹⁴Mì lá to Egipti me bo dèmisẽlu to Migdọli mẹ, bo sọ dèmisẽlu to Nọfi mẹ podọ to Tahpanhẹsi mẹ: mì dọmọ, Ẹite gbonu, bo wleawuna dewe; na ohi lọ ko dùsúdo lédo we pó. ¹⁵Etẹwutu wẹ yè zà omẹ huhlọnnọ towe lẹ yì? Yé ma nọte gba, na OKLUNỌ zín yé dai wutu. ¹⁶E hẹn mẹsusu nado mùsa, mọwẹ, yé jai ode do awetọ ji: Yé sọ dọmọ, Mì tite, bo gbọ mí ni sọ vọ yì jẹ omẹ mítọn lọsu lẹ de podọ jẹ aigba ajitẹn mítọn tọn, son ohi nukunbianamẹnọ lọ mẹ. ¹⁷Yé dawhá finẹ, awhá tata de wẹ Falo ahọlu Egipti tọn; é ko gbọ ojlẹ didè ju yì. ¹⁸Le yẹn togbè, wẹ Ahọlu lọ dọ, oyín mẹhetọn yín OKLUNỌ awhànpa lẹ tọn, nugbonugbo taidi Taboli to osé lẹ ṣẹnṣẹn, podọ taidi Kalmeli to ohù tó, mọwẹ ewọ na wá do. ¹⁹Só hiẹ he nò hẹ viyọnnu Egipti tọn, basi núzinzán mẹmẹglọ tọn na dewe: na Nọfi na lẹzùn ojẹvú de, bo sọ yín mimẹ̀, matin tòmẹnu. ²⁰Egipti wẹ oyìnsiwhe whànpẹnọ talala de; aigba yè hẹn slegàngàn jẹgbonu sọn agéwaji wá e ji. ²¹Omẹ dàpà etọn lẹ ga to gblagbla etọn mẹ tin taidi oyìnvú apó tọn lẹ; na yè hẹn yé lẹ́ godo ga, yè hẹn yé họ̀nyì dopọ, yé ma nọte gba: na yè hẹn azán oya yetọn tọn wá yé ji, ojlẹ odlapún yetọn tọn. ²²Hunhlungbè etọn na yì taidi odàn lọ; na yé na dèdo po awhànfuntọ lẹ po, bo sọ wá e ji po asiọvi lẹ po, di sinsántọ nake tọn lẹ. ²³Yé na sán zùnkan etọn liai, wẹ OKLUNỌ dọ, na é ma sogan yín dindin gba; na yé tin sù hú owèn lẹ, bo sọ yín madosọha wutu. ²⁴Viyọnnu Egipti tọn wẹ yè na dowinyan; é na yín jijé do alọ omẹ agéwaji tọn lẹ tọn mẹ. ²⁵OKLUNỌ awhànpa lọ tọn, Jiwheyẹwhe Islaeli tọn, dọmọ: Dayi e go, Yẹn na sayahẹ Amọni No tọn, po Falo po, po Egipti po gọ́na yẹwhe etọn lẹ po ahọlu etọn lẹ po; yèdọ Falo, po yé he dotudo e go lẹ po: ²⁶podọ yẹn na sọ jó yé do alọ enẹlẹ he to ogbè yetọn lẹ din lẹ tọn mẹ, podọ alọ Nẹbukadlẹzali ahọlu Babilọni tọn tọn mẹ, podọ do alọ devi etọn lẹ tọn mẹ: podọ enegodo yè na nọ nọ̀ e mẹ, le é te to azán hóhó tọn lẹ mẹ, wẹ OKLUNỌ dọ. ²⁷Ṣigba hiẹ dibu blo, Jakob devi ṣie lọ, bo sọ yín avosatọ bloy hiẹ Islaeli: na, pọ́n, yẹn na whlẹn we sọn aganu, podọ okún towe sọn aigba mẹmẹglọ yetọn tọn mẹ; Jakob na lẹ́gọ̀, bo sọ yín abọẹnọ podọ to blẹo, mẹde ma na sọ hẹn ẹn savo. ²⁸Hiẹ dibu blo, Jakob devi ṣie lọ, wẹ OKLUNỌ dọ; na yẹn tin to de we: na yẹn na basi opòdo gigọ́ akọta lẹ tọn de to fiedali yẹn ko yàn ye do, ṣigba yẹn ma na basi opòdo gigọ́ hiẹ tọn de gba; ṣigba yẹn na yí whẹ̀dida do doplọnlọ ogo we, bo na jó we do masayahẹ lala gba.

¹OHÓ OKLUNỌ tọn he wá Jẹlemia yẹwhegán lọ de gbọn Filistini lẹ tọn dali, whẹpo dọ Falo hò Gaza. ²Le wẹ OKLUNỌ dọ: Dayi e go, osìn lẹ tite daga sọn agéwaji, bo na sọ lẹzùn tòsìsa ogófla de, bo na sọ gbà aigba lọ po omẹ he tin to e mẹ lẹpo po, tòdaho lọ po yé he nọ nò e mẹ lẹ po: gbẹtọ lẹ na sọ dawhá podọ tòmẹnu aigba lọ tọn lẹpo na sọ dohùkuhulu. ³Podọ afọ zingidi omẹ sinsinyẹn etọn lẹ tọn tọn, to zínzín kẹkẹ etọn lẹ tọn mẹ, to lilè kẹkẹfọ etọn tọn lẹ mẹ, otọ́ lẹ ma sọ pọ́n godo hlan ovi yetọn lẹ dali na madogan alọ lẹ tọn; ⁴na azán he wá nado hẹn Filistini lẹpo gble tọn wutu, nado sán alọgọtọ he pò lẹpo sè sọn Tile po Zidọni po mẹ: na OKLUNỌ na hẹn Filistini lẹ, pipòtọ ohù tó Kaftoli tọn tọn gble. ⁵Yè hẹn otapipa wá Gaza ji; yè hẹn Askelọni wá jẹ ovó mẹ, pipòtọ agbàdo yetọn tọn; nawe hiẹ na doalán dewe dẹn sọ? ⁶Hiẹ ohi OKLUNỌ tọn È, nawẹ é na dẹn sọ whẹpo hiẹ yín obọenọ? Yí dewe do apà towe mẹ; gbọje, bo tin abọe. ⁷Nawẹ hiẹ sọgan yín abọẹnọ do, mimọ OKLUNỌ ko na asẹ de e? do Askelọni go, do ohù tó lọ go, finẹ wẹ ewọ ko dè e te.

¹NA Moabi tọn. Le wẹ OKLUNỌ asvhànpa lẹ tọn dọ, Jiwheyẹwhe Islaeli tọn; Dindọn hlan Nebo! na yè hẹn ẹn zùn ojẹvó; yè do winyan Kilìataimi, é yín yiyí: yè dowinyan Misgabi, bo gbà liai. ²Pipa Moabi tọn ma tin ba; yé ko bla oylan dọ do e go to Hẹṣbọni mẹ dọ, Wá, bo gbọ mí ni sán ẹn sè, sọn akọta de yínyin mẹ. Hiẹ ga, Nulunọ E, wẹ yè na hẹnwa jẹ abọẹninọ mẹ; ohi lọ na domọna we. ³Hùnhlun awhá de tọn sọn Holonaimi, hinhẹngble po vivà daho po! ⁴Yè hẹn Moabi và; omẹ fiinflin etọn lẹ ko hẹn awhá de nado yín sisè; ⁵Na gbọn jeiaga Luhiti tọn dali po avi madoalọtena po wẹ yé na do hẹji yì: na to tejijẹ yì sọn Holonaimi mẹ wẹ yé ko sè awusinsinyẹn awhá vivà tọn tọn te. ⁶Hònyì, mì whlẹn ogbè mitọn gán, bo sọ tin taidi tudonú to zùngbo mẹ. ⁷Na, na hiẹ ko dotu to azón towe lẹ mẹ podọ to adọkunnu towe lẹ mẹ wutu, wẹ yè na bó hiẹ ga: Sẹmọsi na jẹgbonu yì biọ mẹmẹglọ me, yẹwhenọ etọn lẹ po ahọvi etọn lẹ po dopọ. ⁸Hẹngbletọ lọ na sọ wá tòdaho lẹpo ji, tòdaho de ma na hòngán gba; agbàdo lọ ga na súdo, fivotẹn lọ na sọ yín vivà; dile OKLUNỌ ko dọ do. ⁹Mì na awà hlan Moabi, na ewọ do na zlọn: tòdaho etọn lẹ na sọ lẹzùn ojẹvó de, matin medepope nado nọ nò e me. ¹⁰Mehodẹdo we ewọ he wà azọn OKLUNỌ tọn po oklo po, podọ mẹhodèdo wẹ ewọ he glọn ohi etọn do godo sọn ohùn mẹ. ¹¹Moabi ko tin to blẹo mẹ sọn ovú etọn, podọ ewọ ko flanyín to agbègbè etọn lẹ ji, bo ma ko yín didiọ sọn núzinzán mẹ jẹ núzinzán mẹ gba, mo ewọ ma kó yì biọ mẹmẹglọ mẹ: enẹwutu wẹ otón etọn nọai to ewọ mẹ, bọ yè ma hen ọwán etọn diọ. ¹²Enẹwutu, dayi e go, azán lẹ wá, wẹ OKLUNỌ dọ, bọ yẹn na do yé he nọ hùngònanú lẹ hlan we, yé na sọ hùngòna wẹ sè; yé na sọ hẹn núzinzán etọn lẹ jẹvọ, bo sọ gbà odèzẹn etọn lẹ hányánhányán. ¹³Winyan Ṣẹmọsi tọn na hù Moabi, dile yè hẹn winyanhù owhé Islaeli tọn dò na Bẹti-ẹli tudido yetọn tọn. ¹⁴Nawe mì dọ do dọ, Sunnu hlọnhlọnnọ podọ sunnu tudotọ na awhàn wẹ mìwlẹ? ¹⁵Yè hẹn Moabi jẹvó, podọ yè hẹn tòdaho etọn le hẹji to azò mẹ, podọ yè hẹn yọ̀pọ sunnu sinsinyan etọn lẹ jẹte yì jẹ hùhùtẹn, wẹ Ahọlu lọ dọ, oyín mẹhetọn nọ yín OKLUNỌ awhànpa lẹ tọn. ¹⁶Oya Moabi tọn tin sepó nado wá, podọ nukunbia etọn sọ to wòzunjì ja ¹⁷Mì mehe tin lédo e lẹpo, mi ví i, po mì mẹhe yón oyín etọn lẹpo po; dọmọ, Nawẹ yè wén ogánpò sinsinyẹn lọ do? opò whànpenọ lẹ ¹⁸Só hie viyọnnu he ye hẹn sinai to Dibọni mẹ, jẹte son gigo towe me wá bo sinai to kọgudu mẹ; na yè hen hengbletọ Moabi ton wá oji we, ewọ ko và figd, ngan towe lẹ. ¹⁹Só tòmẹnu-vọnnu Aljeli tọn, nọte to aliho ta, bo bpón: kansò ewọ he hinhònjei, po ewọ he họngan po; dọmo, Eté wẹ yè ko wà? ²⁰Yè dowinyan Moabi; na yè gbà ẹ liai: dohùkúhulu bo dawhá; mì dọ ẹ to Alnọni mẹ, dọ yè hẹn Moabi jẹvó. ²¹Podọ yè hẹn whẹ̀dida wá otò fivoten lọ ji; do Họloni ji, podọ do Jahzah ji, podọ do Mẹfaati ji; ²²podọ do Dibọni ji, podọ do Nebo ji, podọ do Bẹti-diblataimi ji, ²³podọ do Kiliataimi ji, podọ do Bẹtigamuliji, podọ do Bẹti-mẹọniji; ²⁴podọ do Kẹlioti ji, podọ do Bozla ji, podọ do tòdaho aigba Moabi tọn tọn lẹpo ji, to aganu kavi yakẹ. ²⁵Yè sán azò Moabi tọn sè, yè sọ wén awà etọn, wẹ OKLUNỌ dọ. ²⁶Mì hẹn ẹn nùmú; na ewọ zé ede daga do OKLUNỌ ji: Moabi na sọ hògbòn to oslu etọn mẹ, podọ ewọ na sọ tin to ovlẹko mẹ ²⁷Na be Islaeli ma ko yín ovleko de hlan we? bó yè ko mọ ẹn to ajotọ lẹ ṣẹnṣẹn wẹ? na whedepopenu hiẹ dọhó e tọn, wẹ hiẹ nọ mimí ota. ²⁸Mì tomẹnu Moabi tọn emi, mì jó tòdaho lẹ do bo nọ nò osé lọ mẹ; bo tin taidi owhle he basi adọ́ etọn do adà onù odò tọn lọ tọn mẹ. ²⁹Mí ko sè linlin sakla Moabi tọn tọn, dọ saklanọ talala wẹ ewo, ogoyiyí etọn po sakla etọn po, po awagundido etọn po, po ovinvlọn ayiha etọn tọn po. ³⁰Yẹn yón homẹgble etọn, wẹ OKLUNỌ dọ, dọ núvó wẹ; adángblọn etọn ma wà núde. ³¹Enẹwutu wẹ yẹn na dohùkúhulu na Moabi; mọwẹ, yẹn na dawhá daga na Moabi lẹpo: na omẹ Kili-helẹsi tọn lẹ wẹ yé na blawuna. ³²Hugan avi Jazeli tọn wẹ yẹn na do viavi na we, hiẹ ovẹ̃n Sibma tọn E: alà towe lẹ gbọn ohù ji wáyì, yèdọ yé yì jẹ ohù Jazeli tọn: do alúnlúnmẹ sinsẹ́n lẹ ji podọ do ovẹ̃npa towe ji wẹ yè hẹn hẹngbletọ lọ jai jẹ. ³³Yè dè homẹhùn po ayajẹ po sè, sọn danji sinsẹ́nnọ mẹ podọ sọn aigba Moabi tọn mẹ; podọ yẹn ko sọhẹn ovẹ̃n nado doalọte sọn vẹ̃nzínnú mẹ mede ma na zín po abóbó po gba; abóbó ma na yín abóbó ba gba. ³⁴Sọn awhá Hẹṣibọni tọn mẹ yèdọ jẹ Eleale de, yèdọ jẹ Jahazi de wẹ yé ko diọ ogbè yetọn, sọn Zoali yèdọ jẹ Holonaimi mọ, jẹ Eglati-selisiya mẹ: na osìn Nimlimi tọn lẹ ga na lẹzùn ovọjó lẹ. ³⁵Humọ yẹn na hẹn nado doalọte to Moabi mẹ, wẹ OKLUNỌ dọ, ewọ he nọ na nunina to ofiyìaga mẹ, po ewọ he nọ mè nuyonwan hlan yẹwhe etọn lẹ po. ³⁶Enewutu wẹ aj ìha ṣie dógbè na Moabi taidi Lanjinu okannọ lẹ, podọ ayiha ṣie sọ dógbè taidi hànjinu okànnọ lẹ na omẹ Kili-helesi tọn lẹ: enẹwutu wẹ yè do hẹn ogegé he ewọ ko tindo sudo. ³⁷Na ota lẹpo wẹ pá, podọ ogbi lẹpo wẹ yè pà: alán lẹ tin to alọ lẹpo go, podọ odévò to adà awe lẹ go. ³⁸To ohò Moabi tọn lẹpo ji to aga podọ to alihogbo etọn lẹ ji wẹ avigbò te tọ ofi pópo: na yen ko gbà Moabi taidi núzinzán hemẹ homẹhùn de ma te de, wẹ OKLUNỌ dọ. ³⁹Nawẹ é yín gbigbà liai dol mì dohùkúhulu I nawẹ Moabi ko lé godo po winyan po do! mọwẹ Moabi na lẹzùn ovlẹko de podọ oflunọ de hlan yé he tin lédo e pé lẹpo. ⁴⁰Na le wẹ OKLUNỌ dọ: Dayi e go, ewọ na zlọn di akùn de, bo na dlẹn awà etọn lẹ do Moabi go. ⁴¹Yè yí tòdaho lẹ, bo sọ hen awuji figángán lẹ, podọ ayiha omẹ hlọnhlọnnọ Moabi tọn lẹ ton to azán nẹ gbè na tin di ayiha yọnnu de tọn to awuvé etọn lẹ mẹ. ⁴²Moabi na vín vivà sọn akọta de yínyín mẹ, na ewọ ko zé ede daga do OKLUNỌ ji wutu. ⁴³Obu, po odò lọ po, po omò lọ po, tin to oji we, hiẹ tòmẹnu Moabi tọn È, wẹ OKLUNỌ dọ. ⁴⁴Ewọ he họ̀nyì sọn obu lọ me na jai biọ odò lọ mẹ; podọ ewọ he fọntite tọn sọn odò lọ mẹ na yín wiwle to omò lọ mẹ: na yẹn na hẹnwá ewọ ji, yèdọ Moabi ji, owhè odlapón yetọn tọn, wẹ OKLUNỌ dọ. ⁴⁵Hinhònyì na awhànfuntọ lọ tọn wutu yé site to oyè Hẹṣbọni tọn glọ: ṣigba yè hẹn miyọn de jẹgbonu yì sọn Hẹṣbọni mẹ, ozolọ de sọn gblagbla Sihọni tọn mẹ, bo ko dù lọnglọnẹn Moabi tọn và, po ojẹgbakun ota omẹ zínzínnọ lẹ tọn tọn po. ⁴⁶Dindọn hlan we, Hiẹ Moabi! omẹ Kẹmọsi tọn lẹ yín tapònọ: na visunnu towe lẹ yín bibó yì biọ meglonọ mẹ, podọ viyọnnu towe lẹ biọ mẹmẹglọ mẹ. ⁴⁷Gãnṣo yẹn na sọ lẹ́gọ̀ do mẹmẹglọ Moabi tọn de to azán godomẹ tọn le mẹ, wẹ OKLUNỌ dọ. Le wẹ whẹ̀dida Moabi tọn yì dẹn sọ.

¹NA ovi Amọni tọn lẹ tọn. Le wẹ OKLUNỌ dọ: Bé Islaeli ma tindo visunnu le de wẹ? bé ewọ ma tindo whédùtọ de wẹ? whenẹnu etẹwutu wẹ ahọlu yetọn yí Gadi do dùgú, bọ omẹ etọn lẹ to todaho etọn lẹ mẹ nọ̀? ²Enẹwutu, dayi e go, azán le wá, wẹ OKLUNỌ dọ, bọ yẹn na hẹn zínhihò awhan tọn de nado yín sisè to Laba ovi Amọni tọn lẹ tọn go; podọ é na sọ lẹzùn okiti ojẹvọ de, yè na sọ yí miyọn do mè viyọnnu etọn lẹ: whenẹnu wẹ Islaeli na yí yé do dùgú he yí ewọ dọ dùgú, wẹ OKLUNỌ dọ. ³Hiẹ Hẹṣbọni E, dohukùhulu, na yè hẹn Ai gble; dawhá, mì viyonnu Laba tọn, yí odévò do ogo: doavigbè, bo hònwezun yìnukọn yìgodo to opá lẹ ṣẹnṣẹn; na ahọlu yetọn na yì biọ mẹmẹglọ mẹ, yẹwhenọ etọn lẹ po ahọvi etọn lẹ po dopọ. ⁴Etẹwutu wẹ hiẹ to awàgundo to agbàdo lẹ lọmẹ? agbàdo towe sà yì, Hiẹ viyọnnu agòjotọ È? he dotu to adọkunnu etọn lẹ mẹ, dọmo, Mẹnu wẹ na wá dẽ? ⁵Dayi e go, Yẹn na hẹn obu de wá oji we, wẹ OKLUNỌ dọ, OKLUNỌ awhànpa lẹ tọn, sọn yé he tin lédo we lẹpo mẹ; mì na sọ yín yìnyàn jẹgbonu omẹ dopodopo do oteji, mẹde ma na sọ tin finẹ nado bè ewọ bedanbu pli. ⁶Ṣigba io enẹgodo yẹn na sọ vó mẹmẹglọ ovi Amọni tọn lẹ tọn hẹnwá, wẹ OKLUNỌ dọ.

⁷Na Edọmi tọn. Le wẹ OKLUNỌ awhànpa lẹ tọn dọ: Bó nuyọnẹn de ma sọ tin to Temani mẹ wẹ? bé yè hẹn hónamẹ súdo sọn zìnzìnto lọ de wẹ? be yè hẹn nuyọnẹn yetọn klónyì wẹ? ⁸Mì họ̀nyì, lé godo, whèdin, Mì tòmẹnu Dedani tọn emi; na yẹn na hẹn oya Esau tọn wá oji we, to ojlẹ he mẹ yẹn na dla ẹ pọ́n. ⁹Eyín vẹ̃nsinsénsinyantọ lẹ wá de we, yé ma na jó vẹ̃nsìnsén lẹ ọwelu dai? eyín ajotọ lẹ to ozánmẹ, yé na và kaka yé na dọ tindo pékò. ¹⁰Na yẹn ko hẹn Esau zùn gbògbé, yẹn ko dè otén nuglọ etọn lẹ do bmó, podọ eiọ ma na tin sọgah nado whla ede gba: yè hẹn okún eton gble, po mẹmẹsunnu etọn lẹ po, po kómẹnu etọn lẹ po, ewọ ma sọ tin. ¹¹Jó tó? iọvi towe lẹ dai, yẹn na sọ hla yé dogbè; bo sọ gbọ asusiọsi towe lẹ ni dotu to yẹn mẹ. ¹²Na le wẹ OKLUNỌ dọ: Dayi e go, yé whẹ̀dida mẹhetọn ma yín nado nù sọn kọfo lọ mẹ wẹ na nù in nugbonugbo; bó hiẹ wẹ ewọ he na yì patapata majiya de íala? hiẹ ma na yì yamaji gba, aigba hiẹ na nù dandan. ¹³Na yẹn ko whle gbọn dẽ dali, wẹ OKLUNỌ dọ, dọ Bozla na lẹzùn awujinu de, ovlẹko de, ógbògbé de, po dẹ̀hodo de po; podọ tòdaho etọn lẹpo na sọ yín ogbógbe whepoponu ¹⁴Yẹn ko sè owèndagbe lẹ sọn OKLUNỌ de, podọ yè do mẹdagun de hlan akọta lẹ ṣẹnṣẹn, dọmọ, Mì bó míde plidopọ, bo wá e ji, bo fọ́n tite jẹ awhànfuntẹn. ¹⁵Na, dayi e go, yẹn ko hẹn we zùn pẹvi to akọta lẹ ṣẹnṣẹn, podọ mẹvivlẹ to gbẹtọ lẹ ṣẹnṣẹn. ¹⁶Na obudaho towe tọn, sakla ayiha towe tọn ko klọ we, hiẹ he nò zizè ose lọ tọn lẹ mẹ, he hẹn agayì ókọta tọn lọ go: yín hiẹ na tlẹ basi ogbọjẹ towe yìaga sọ akùn lọ, yẹn na hẹn we jẹte sọn finẹ wá, wẹ OKLUNỌ dọ. ¹⁷Edọmi na sọ lẹzùn awujinu de: omẹ he gbọn e dali lẹpo wẹ na yín awujinọ, bo na sọ dèpislọ do azònylankan etọn go. ¹⁸Di to hihọliai Sọdọmi po Gomola po tọn mẹ po tòdaho sẹpọ́ etọn lẹ po, wẹ OKLUNỌ dọ, omẹ de ma na nò finẹ, mọ visunnu omẹ depope tọn ma na wáwási to e mẹ gba. ¹⁹Dayi e go, ewọ na hẹji wá taidi kinnikinni de sọn agbówhẹn Jọdani tọn mẹ jẹ yìndùgbo madiọ lẹ mẹ: na ajiji wẹ yẹn na yàn yé yì; podọ mẹdepope he yè dè, ewọ we yẹn na dè do; e ji: na mẹnu wẹ tin taidi yẹn? podọ mẹnu wẹ na dè ojlẹ de na mi? podọ mẹnu wẹ lẹngbọhọtọ lọ he na site to nukọn ṣie? ²⁰Enewutu mì sè hónamẹ OKLUNỌ tọn, he é ko yí do Edọmi go; po linlẹn etọn lẹ po he é ko lẹn do tọmẹnu Temani tọn lẹ go: nugbonugbo omẹ flinflin lẹngbọpa lọ tọn lẹ na dòn yé wó dai: nugbonugbo ewọ na hen yìn lagbo yetọn lẹ jiawu na yé. ²¹Aigba sọ sisọ na zínzín aijijẹ yetọn tọn; awhá de tin, yè sè zínzín etọn to Ohù Vẹ̃ mẹ. ²²Dayi e go, ewọ na hẹji wá bo sọ zlọn di akùn lọ, bo dlẹn awà etọn lẹ tọ́n jẹgbonu do Bozla ji: podọ ayiha sunnu hlọnhlọnnọ Edọmi tọn lẹ tọn to azán nẹ gbè na tin di ayiha yọnnu de tọn to awuvé etọn lẹ mẹ.

²³Na Damasku tọn. Yè do winyan Hama, po Alpadi po, na yé ko sè owèn ylankan le, yè hẹn yé yé kónyìngbé: tuklajẹ tin finẹ to ohù lọ ji; é ma sọgan yín abọẹnọ gba. ²⁴Yè hẹn Damasku zùn madogannọ, é lé ede nado honyì, sisosisọ ko sọ jẹ e ji: apò po awubla lẹ po ko hen e go, di yọnnu de tọn to ajipanu. ²⁵Nawẹ yè ma na gbé tòdaho pipàtọn dai dó, tòdaho ayajẹ ṣie tọn? ²⁶Enẹwutu wẹ yọ̀pọ sunnu etọn lẹ na jai to alihogbo etọn lẹ mẹ, yè na sọ hẹn Bunnu awhàn tọn lẹpo wá abọẹninọ mẹ to azán nẹ gbè, wẹ OKLUNỌ awhànpa lẹ tọn dọ ²⁷Podọ yen na sọ pla miyọn de to odòkọ Damasku tọn mẹ, é bo na sọ dù ohònme Bẹni-hadadi ton lẹ và.

²⁸Na Kedali tọn, podọ na ahọludu Hazọli tọn, he Nẹbukadlẹzali ahọlu Babilọni tọn hò. Le wẹ OKLUNỌ dọ: Mì tite, hẹji yì jẹ Kedali, bo hẹn ovi whèzẹtẹn tọn lẹ gble. ²⁹Gòhọ yetọn lẹ po lẹngbọpa yetọn lẹ po wẹ yé na bé; yé na bé avọ̀dido yetọn lẹ yì na yéde, po núzinzán yetọn lẹ po, po kanklosọ-póawenọ yetọn lẹ po: yé na dawhá hlan yé dọ, Obudaho to awà lepo ji. ³⁰Mì hènyì, danbu jẹ aganu boboe, whèdin, mì tòmẹnu Hazọli tọn emi, wẹ OKLUNỌ dọ; na Nebukadlẹzali ahọlu Babilọni tọn ko yí hónamẹ do ogo we, bo ko sọ to linlẹn de lẹn do mì go. ³¹Mì tite, mì hẹji yì akọta he tin to blẹo de de, he nọ nò matin tuklajẹ, wẹ OKLUNỌ dọ; he ma tindo hòngbo lẹ kavi opatin lẹ, he nọ nò gánna. ³²Podọ kanklosọ-póawenọ yetọn lẹ na tin na ogbanna de, podọ susu kanlinpa yetọn tọn lẹ ogblannú de: yẹn na sọ vúnvún hlan o jẹhọn lẹpo de yé he pá lọnglọnẹn odà yetọn tọn lẹ; yẹn na sọ hẹn oya yetọn sọn adà yé tọn lẹpo mẹ wá, wẹ OKLUNỌ dọ. ³³Hazọli na sọ yín otẹn ninò ogbévún lẹ tọn ovójẹ de kakadoi: sunnu de ma na nò finẹ, mọ visunnu sunnu tọn depope ma na wáwási to e mẹ.

³⁴Ohó OKLUNỌ tọn he wá Jẹlemia yẹwhegán lọ de gbọn Elami tọn dali to saunsaunwhenu ahọludu Zẹdekia tọn ahọlu Juda tọn tọn mẹ, dọmọ, ³⁵Le wẹ OKLUNỌ awhànpa lẹ tọn dọ: Dayi e go, yẹn na wén ogá Elami tọn, nukọntọ hlọnhlọn yetọn tọn lọ. ³⁶Podọ Elami ji wẹ yẹn na hẹn o jẹhọn ẹnẹ lẹ wá sọn agbègbè ẹnẹ olọn tọn lẹ mẹ, bo na sọ vúnvún yé hlan ojẹhọn nẹ lẹpo dali; akọta de ma na tin finẹ fiedali mẹyàndogbé madopodo Elami tọn lẹ ma na wá. ³⁷Yẹn na sọ hẹn Elami nado yín avosatọ to kẹ̀ntọ yetọn lẹ nukọn, podọ to yé he to ogbè yetọn din lọ nukọn: yẹn na sọ hẹn oylan wá yé ji, yèdọ adi zògbó ṣie, wẹ OKLUNỌ dọ; yẹn na sọ do ohi ṣie hlan hodo yé, kaka yẹn ko do và yé súdo: ³⁸podọ yẹn na sọ zé ofìn ṣie do Elami mẹ, yen na sọ hù ahọlu po ahọvi lẹ po súdo sọn finẹ, wẹ OKLUNỌ dọ. ³⁹Ṣigba é na wá jọ to azán godomẹ tọn lẹ mẹ, bọ yẹn na sọ vó mẹmẹglọ Elami tọn hẹnwá, wẹ OKLUNỌ dọ.

¹OHO he OKLUNỌ dọ gbọn Babilọni tọn dali, gbọn aigba Kaldeanu lẹ tọn tọn dali, gbọn Jẹlemia yẹwhegán lọ dali.

²Mì lá to akọta lẹ ṣẹnṣẹn bo dèmisẽlu, bo zé asia de daga; mì dèmisẽlu, mì sọwhla blo: mì dọmọ, Yè yí Babilọni, yè dowinyan Bẹli, Yè gbà Mẹlodaki liai; yè dowinyan bosiọ etọn lẹ, yè gbà ovòdun etọn lẹ liai. ³Na akọta de hẹji sọn agewaji ja e ji to finẹ, he na hẹn aigba etọn zùn avọjẹ, bọ mẹde ma na nò e mẹ: yè hẹn yé liònyì, yẹn hẹn yé yì, gbẹtọ po gbékanlin po. ⁴To azán nelẹ mẹ, podọ to ojlẹ nẹ mẹ, wẹ OKLUNỌ dọ, ovi Islaeli tọn lẹ na wá, yé po ovi Juda tọn lẹ po dopọ; yé na to yìyì to aliho yetọn ji po avi po, bo na to OKLUNỌ Jiwheyẹwhe yetọn din. ⁵Yé na to kinkanbiọ gbọn Ziọni tọn dali po nukunmẹ yetọn lẹ po hlanfidali, dọmọ, Mì wá, yé na kòn yéde dopọ hlan OKLUNỌ to alẹ̀nù madopodo de mẹ he ma na yín winwọn.

⁶Omẹ ṣie lẹ ko yín lẹngbọ búbú: lẹngbọhọtọ yetọn lẹ ko hẹn yé nado dánbú, yé ko ló yé yì to osé lẹ ji: yé ko yì sọn osé ji jẹ okọta ji, yé ko wọn ogbọjẹ tẹnmẹ yetọn. ⁷Yé mẹhe mọ yé lẹpo wẹ ko dù yé và: mẹglatọ yetọn lẹ sọ dọmọ, Míwlẹ ma ylannuwà gba, na yéwlẹ ko wàylando do OKLUNỌ go wutu, fininò dódó tọn, yèdọ OKLUNỌ, otódo otọ́ yetọn lẹ tọn. ⁸Mì họ̀nyì sọn gblagbla Babilọni tọn mẹ, bo sọ tónjẹgbonu yì sọn aigba Kaldeanu lẹ tọn mẹ, bo sọ tin di alúnkun to lẹngbọpa lẹ nukọn. ⁹Na, pọ́n, yẹn na fọ́nadán bo sọ hẹn obépli akọta daho lẹ de tọn sọn otò agéwaji tọn mẹ nado hẹji wá Babilọni ji: yé na sọ tò yéde do ohaji do e ji; finẹ wẹ ewọ na yín wiwle sọn: ogá yetọn lẹ na tin di sunnu hlọnhlọnnọ de tọn he basi wènsinọ; he ma nọ lẹ́gọ̀ tata ¹⁰Podọ Kaldea na yín ogblannu de: yé he yí i do dùgbanna lẹpo na yín opékọnọ, wẹ OKLUNỌ dọ. ¹¹Na míwlẹ yín homẹhùnnọ wutu, na mìwlẹ jaya wutu, mì mẹhe wla ogú ṣie emi, na mìwlẹ yín jidetọ di yìnsiwhe to ogbé kòn, bo sọ to awhádo di osósú huhlọnnọ lẹ; ¹²onọ mitọn na yín winyanmọtọ badabada; ewọ he ji mì na sọ yín oflunọ: dayi e go, ewọ yín godotọpete akọta lẹ tọn, zungbo de, aigba húhú de, po ozùnkan de po. ¹³Na homẹgble OKLUNỌ tọn wutu é ma na yín ninò gba, ṣigba é na yín ojẹvó petepete: omẹ he gbọn Babilọni dali jei lẹpo na yín awujinọ, bo sọ dèpislọ do azònylankan etọn lẹpo. ¹⁴Mì tò míde do haji do Babilọni ji lédo pé, mì mẹhe dé ogábá lọ lẹpo, ségá do e, mì pò ogá lẹ de dai blo: na ewọ ko wàylando do OKLUNỌ go. ¹⁵Mì dabóbó do e ji lédo pé; ewọ ko jó alọ etọn, yè hẹn agbó etọn lẹ jai, yè sisó odòkọ etọn lẹ liai: na ahọsuyí OKLUNỌ tọn wẹ; mì yiahọsu to e go; le ewọ ko wà do, wà hlan ẹn. ¹⁶Mì sán núdotọ lọ sè sọn Babilọni mẹ, po ewọ he hẹn agbogọdọẹ lọ go to ojlẹ ojijẹ tọn mẹ po: na osi ohi nukunbia tọn lọ, yé na lé omẹ dopodopo do omẹ etọn lẹ de, yé na sọ họ̀nyì omẹ dopodopo jẹ aigba etọn titi ji.

¹⁷Islaeli wẹ lẹngbọ kikata lẹ de; kinnikinni lẹ ko yàn ẹn yì: tintan ahọlu Ásilia tọn ko dù i và; podọ to ehe godo Nẹbukadlẹzali ahọlu Babilọni tọn ko gbà ohú etọn lẹ. ¹⁸Enẹwutu le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Dayi e go, yẹn na sayahẹ ahọlu Babilọni tọn po aigba etọn po, dile yẹn ko sayahẹ ahọlu Asilia tọn do. ¹⁹Yẹn na sọ vó Islaeli hẹnwá jẹ apó etọn mẹ, ewọ na sọ nọ yìn ede to Kalmẹli po Baṣani po go, alindọn etọn na sọ yín pékọnọ to okọta Eflaimi tọn lẹ ji podọ to Gileadi mẹ. ²⁰To azán nẹlẹ mẹ, podọ to ojlẹ nẹ mẹ, wẹ OKLIJNỌ dọ, oylanwà Islaeli tọn na yín dindin, yè ma na sọ mọ de; podọ ylando Juda tọn, yé ma na sọ yín mimọ: na yẹn na jona yé mẹhe yẹn jódai di pipòtọ de lẹ.

²¹Hẹji yì aigba atẹsitọ tọn ji, yèdọ do e ji, podọ do tòmẹnu odlapón tọn lọ ji: hù bo klandovo, wẹ OKLUNỌ dọ, bo sọ wà kẹdẹdi ehe yẹn degbèna we lẹpo. ²²Hunhlun awhàn tọn de tin to aigba lọ mẹ, po vivà daho tọn po. ²³Nawẹ yè hẹn ogòmẹ aigba pete lọ tọn sán sọn ṣẹnṣẹn bo sọ gbà dole nawẹ yè hẹn Babilọni lẹzùn ovọ́jẹ de dole to akọta lẹ ṣẹnṣẹn ²⁴Yẹn ko do omọ̀ de na we, hiẹ sọ yín wiwle ga, Hiẹ Babilọni E, hiẹ ma sọ yín ayipatọ gba: yè mọ hiẹ, bo sọ wle ga, na hiẹ ko hoavùn hẹ OKLUNỌ wutu. ²⁵OKLUNỌ ko hùn awhànfunnuhò etọn, bo bó awhànfunnu adidùdù etọn tọn lẹ jẹgbonu: na OKLUNỌ, OKLUNỌ awhànpa lẹ tọn, tindo azón de nado wà to aigba Kaldeanu lẹ tọn mẹ ²⁶Mì wá e ji sọn agbègbè lẹpo ji, mì hùn agbànhó etọn lẹ: mì dón ẹn pli di okiti lẹ, bo sọ klan ẹn dovo: mì dike núde yín jódai sọn ewọ mẹ blo. ²⁷Hù oyìnsú etọn lẹpo; gbọ yé ni jẹte yì hùhùten: dindọn hlan yé na yè hẹn azán yetọn wá, ojlẹ odlapón yetọn tọn. ²⁸Ogbè yé he họ̀nyì bo sọ hòngán sọn aigba Babilọni tọn mẹ lẹ tọn, nado lá to Ziọni mẹ ahọsuyí OKLUNỌ Jiwheyẹwhe mítọn tọn, ahọsuyí tẹmpli etọn tọn. ²⁹Ylọ ogásétọ susu pli do Babilọni ji, yé he dó ogába lọ lẹpo; dosla do e ji lédo pé; a dike omẹ etọn de hòngán blo: nahọsu i kẹdẹdi azón etọn; kẹdẹdi ehe ewọ ko wà lẹpo, wà hlan ẹn: na ewọ ko yín saklanọ do OKLUNỌ go, do Omẹ Wiwe Islaeli tọn lọ go. ³⁰Enẹwutu wẹ yọ̀pọ sunnu etọn lẹ na jai to alihogbo eton lẹ mẹ, podọ sunnu etọn awhàn tọn lẹpo na sọ yín hinhẹnwá abọẹninọ mẹ to azán nẹ me, wẹ OKLUNỌ dọ. ³¹Dayi e go, yẹn tin agò do ogo we, hiẹ omẹ saklanọ E, wẹ OKLUNỌ dọ, OKLUNỌ awhànpa lẹ tọn: na yè hẹn azán towe wá, ojlẹ he yẹn na do dla we pọ́n. ³²Bọ Osaklanọ na mùsa bo jai, bọ mẹde ma na fọ́n ẹn tite: Yẹn na so pla miyọn de to tòdaho lẹ mẹ, bọ é na dù mẹhe tin lédo e lẹpo và. ³³Le wẹ OKLUNỌ awhànpa lẹ tọn dọ: Yè bianukunna ovi Islaeli tọn lẹ po ovi Juda tọn lẹ po dopọ: podọ yé he bó yé mẹglọnọ lẹ hẹn yé go gligli; yé kó nado gbọ yé ni yì. ³⁴Huhlọnnọ wẹ oflitọ yetọn; OKLUNỌ awhànpa lẹ tọn wẹ oyín etọn: ewọ na yí owhèhó yetọn dọ mlẹnmlẹn, na ewọ nido na ogbọjẹ hlan aigba lọ, bo sọ hẹn tòmẹnu Babilọni tọn lẹ nabọẹ. ³⁵Ohi de tin to Kaldeanu lẹ ji, wẹ OKLUNỌ dọ, podọ to tòmẹnu Babilọni tọn lẹ ji, podọ to ahọvi etọn lẹ ji, podọ to omẹ nuyọnẹntọ etọn lẹ ji. ³⁶Ohi de tin to ogòyítọ lẹ ji, yé na sọ nọ dèafù: ohi de sọ tin to omẹ hlọnhlọnnọ lẹ ji, yè na sọ hẹn yé jeflu. ³⁷Ohi de tin to osé yetọn lẹ ji, podọ to kẹkẹ yetọn lẹ ji, podọ to gbẹtọ flusọ he tin to gblagbla e tọn mẹ lẹpo ji, yé na sọ lẹzùn di yọnnusi lẹ: ohi de tin to adọkunnu etọn lẹ ji, yé na sọ yín fìnfìnbé. ³⁸Akú de tin to osìn etọn lẹ ji, yé na sọ yín húhú: na aigba bosiọ winwlan lẹ tọn de wẹ, yé sọ yín nulunọ to ovòdun yetọn lẹ ji. ³⁹Enẹwutu wẹ gbékanlin zùnkan mẹ tọn lẹ po kanlin he nọ gbó lẹ po na nọ nò finẹ, podọ gòngo lẹ na nọ nó e mẹ: e mẹ ma na sọ yín ninò gbède kakadoi; mọ é ma na sọ yín ninò e mẹ sọn owhẹ̀ndo jẹ íwhẹndo. ⁴⁰Di whenuena Jiwheyẹwhe sisé Sọdọmi po Gomọla po po todaho sẹpo etọn lẹ po liai, wẹ OKLUNỌ dọ; mọwẹ omẹ de ma na nò finẹ, mọ visunnu visunnu tọn depope ma na wáwási to e mẹ gba. ⁴¹Dayi e go, gbẹtọ lẹ de sọn agéwaji ja; po akọta daho de po, yè na sọ fọnadan ahọlu susu daga sọn adà nukọnpete aigba tọn lẹ mẹ ⁴²Yé hẹn ogába po owhán po go, okanọ wẹ yé, bo ma tindo lẹblanu de; ogbè yetọn to wányẹn taidi ohù, yé sọ hó osé lẹ ji; omẹ dopodopo tò to ohaji, di sunnu de hlan awhàn, do oji we, hiẹ viyọnnu Babilọni tọn E. ⁴³Ahọlu Babilọni tọn ko sè linlin ye tọn, alọ etọn lẹ sọ zùn madogannọ: apè ko té do e go, po awuvó lẹ po di yọnnu de tọn lo ajipanu. ⁴⁴Dayi e go, ewọ na hẹji wá taidi kinnikinni de son osakla Jọdani ton mẹ do fininò sinsinyen lẹ ji, aigba yẹn na hẹn yé dowezun ajiji yì sọn e de; podọ mẹdepope yè dè, ewọ wẹ yen na dè do e ji: na mẹnu we tin taidi yẹn? podọ mẹnu wẹ na dè ojlẹ de na mi? podọ mẹnu wẹ lẹngbọhọtọ lọ he na note to nukọn ṣie? ⁴⁵Enẹwutu mì sè hónamẹ OKLUNỌ tọn, he ewọ ko yí do Babilọni go; po linlen etọn lẹ po, he ewọ ko lẹn do aigba Kaldeanu lẹ tọn go: nugbonugbo yé na dòn yé wó dai, yèdọ omẹ flinflin lẹngbọpa lọ tọn lẹ; nugbonugbo ewọ na hẹn fininò yetọn zùn ovóje to yé de. ⁴⁶To hunhlun yíyí Babiloni tọn tọn ji aigba sisọ, yè sọ sè awhá lọ to akọta lẹ ṣẹnṣẹn.

¹LE wẹ OKLUNỌ dọ: Dayi e go, yẹn na zé tite do Babilọni go, podọ do yé he nọ nò Lẹbi-kamai mẹ lẹ, ojẹhọn mẹvà tọn de. ²Yẹn na sọ do afafanọ lẹ hlan Babilọni he na fú ewọ; yé na sọ hẹn aigba etọn jẹvó: na to azán tukla tọn mẹ yé na tin agò do e lédo pé. ³Do ewọ he dé ogaba go gbọ ogásétọ lọ ni dé ogába, podọ do ewọ he zé ede daga to agawu ogànlinlọn tọn mẹ go: mì sọ hla yopọ sunnu etọn le dai blo; mì klan awhànpa etọn lepo dovó. ⁴Yé na fìẹ jai alántọsiọ to aigba Kaldeanu lẹ tọn mẹ, podọ mẹsọwhán luntón lẹ to alihogbo etọn lẹ mẹ. ⁵Na yè ma gbé Islaeli, kavi Juda dai, sọn Jiwheyẹwhe etọn, OKLUNỌ awhànpa lẹ tọn de gba; le aigba yetọn tlẹ gó na whègbledo do Omẹ Wiwe Islaeli tọn go sọ. ⁶Họnyì son gblagbla Babilọni tọn mẹ, bo whlẹn omẹ dopodopo ogbẹ̀ etọn mì yín sinsán sè to oylanwà etọn me blo: na òjlẹ ahọsuyí OKLUNỌ tọn ton wẹ; ewọ na na ale de hlan ẹn. ⁷Babilọni ko yín kọfo eika ton de to alọ OKLUNỌ tọn mẹ, he hẹn aigba lepo nùmú: akọta lẹ ko nú sọn ovẹ̃n ewọ tọn mẹ: enẹwutu we akọta lẹ yín nulunọ. ⁸Yè hen Babilọni jai ajiji bo và: dohùkũhulu nẹ̃; yí alángblenu na awufiesa etọn, eyín é yín mọ ewọ nido yín mehenazọngbọna. ⁹Mìwlẹ do ko hẹnazọ̀ngbọna Babilọni, ṣigba ewọ ma yín mehẹnazòngbọna gba: mì gbó ẹ dai, bo gbọ mí ni yì omẹ dopodopo biọ otò etọn lọsu mẹ: na whẹ̀dida eton yìjẹ olọn, yè sọ zé e daga yèdọ jẹ agahomẹ lẹ. ¹⁰OKLUNỌ ko hẹn dódó mítọn jegbonu wá: mì wá, mì gbọ mí ni lá azon OKLUNỌ Jiwheyẹwhe mítọn tọn to Ziọni mẹ. ¹¹Mì sún agá lẹ; mì hẹn awọyínú le go gli: OKLUNỌ ko fọ́nadán gbigbọ aholu Medesi tọn lẹ tọn daga; na núblado eton tin to Babiloni go, nado và ẹ: na ahọsuyí OKLUNỌ tọn wẹ, ahọsuyí tẹmpli etọn tọn. ¹²Zé asia de daga do odòkọ Babilọni tọn lẹ go, hen hihọ lọ sinyen, dè hihótọ lọ dotenmẹ, wleawuna ovàme lẹ: na OKLUNỌ ko bladọ bo sọ wà enẹ he ewọ dọ gbọn tòmẹnu Babilọni tọn lẹ tọn dali. ¹³Ṣó hiẹ nọ nò osìn susu lẹ ji, susunọ to adọkunnu lẹ mẹ, yè hẹn opòdo towe wá, ojlẹ nukunken towe tọn. ¹⁴OKLUNỌ awhànpa lẹ tọn ko whle gbọn ede dali, dọmọ, Nugbonugbo yen na yí gbẹtọ lẹ do gó we, di po agbonopatin lẹ po yé na sọ zé abóbó de daga do oji we.

¹⁵Ewọ ko basi aigba gbọn huhlọn etọn dali, é ko hẹn aihọn lódo gbọn nuyọnẹn etọn dali, podọ gbọn wuntùntùn etọn dali wẹ é ko dlẹn olọn lẹ jẹgbonu: ¹⁶whenuena é do ogbè etọn, hlunhlun osìn lẹ tọn de tin to olọn lẹ mẹ, é so hẹn sìnyózo lẹ nado yìaga sọn opòdo aigba tọn lẹ mẹ; ewọ basi abi lẹ na jikun, bo sọ hẹn ojẹhọn jegbonu sọn adọkunhò etọn lẹ mẹ ¹⁷Omẹ dopodopo wẹ lezùn kanlinjọmẹ bo sọ tin matin oyonẹn; sikayawàtọ lẹpo wẹ yè dowinyan gbọn bosiọ winwlan etọn lẹ dali na bosio kinkòn etọn oyèná wẹ, podọ gbọfufu de ma sọ tin to yé mẹ. ¹⁸Ovó wẹ yé, azọ̀n oblẹ tọn de wẹ: to ojlẹ odlapón yetọn tọn mẹ yé na súdo. ¹⁹Mimá Jakob tọn ma tin taidi ehelẹ gba; na ewọ wẹ nukọntọ onú lepo tọn; podọ Islaeli wẹ whẹ̀ndo ogú etọn tọn: OKLUNỌ awhanpa lẹ tọn wẹ oyín etọn.

²⁰Hiẹ wẹ awhànsiọvi ṣie po adánwànú awhàn tọn lẹ po: hiẹ wẹ yẹn na yí do gbà akọta lẹ hanyanhanyan, podọ hiẹ wẹ yẹn na yí do và ahọludu lẹ; ²¹podọ hiẹ wẹ yẹn na yí do gbà osò lọ po hihétọ! etọn po hanyanhanyan; ²²podọ hiẹ wẹ yẹn na yí do gbà kẹkẹ lọ po ewọ he hé e mẹ po hanyanhanyan; podọ hiẹ wẹ yẹn na yí do gbà sunnu po yọnnu po hanyanhanyan; podọ hiẹ wẹ yẹn na yí do gbà yọnhónọ po yọpọvu po hanyanhanyan; podọ hiẹ wẹ yẹn na yí do gbà yọ̀pọ sunnu po yọ̀pọ yọnnu po hanyanhanyan; ²³podọ hiẹ wẹ yẹn na do gbà lẹngbọhọtọ lọ po lẹngbọpa etọn po; podọ hiẹ wẹ yẹn na yí do gbà oglésì po glepònu etọn oyín lẹ tọn po hanyanhanyan; podọ hie wẹ yẹn na yí do gbà otògán lẹ po whepòntọ lẹ po hanyanhanyan ²⁴Yẹn na sọ na hlan Babilọni podọ hlan tòmẹnu Kaldea tọn lẹpo oylan yetọn he yé ko wà lẹpo to Ziọni mẹ to nukun mitọn mẹ, wẹ OKLUNỌ dọ.

²⁵Dayi e go, yẹn tin agò do ogo we, hiẹ osé vivà tọn, wẹ OKLUNỌ dọ, he và aigba lẹpo: podọ yẹn na dlẹn alọ tón do oji we, bo bli we jẹte sọn osé lẹ mẹ, bo sọ hẹn we zùn osé fifiọ de. ²⁶Yé ma to na ozannu de sọn de we na lọnglọnẹn de, vi ozannu de na dòdó lẹ gba: aigba hiẹ na yín ovójẹ kakadoi, wẹ OKLUNỌ dọ. ²⁷Mì zé asia de daga to aigba lọ mẹ, mì kún opẹ́n lọ to akọta lẹ ṣẹnṣẹn, klan akọta lẹ lọ do wiwe do e ji, ylọ ahọludu Alalati, Minni, po Asikenazi tọn lẹ po pli do e ji: dè gbèdètọ de do e ji; hẹn osò lẹ lọ nado hẹji wá di agbònọpatin okènnọ lọ; ²⁸Klan akọta lẹ lọ do wiwe do e ji, ahọlu Medesi tọn lẹ, otògán etọn lẹ, po whépòntọ etọn lẹpo po po aigba ahọludutẹn etọn tọn lẹpo pò. ²⁹Aigba lọ sọ sisọ bo tin awufiẹsa mẹ: na linlẹn OKLUNỌ tọn lẹ do Babilọni go sọ nọte, nado hẹn aigba Babilọni tọn zùn ojẹvọ́ de, matin tòmẹnu. ³⁰Sunnu hlọnhlọnnọ Babilọni tọn lẹ ko gbọ nado hoavùn, yé nọai to figángán yetọn lẹ mẹ; hlọnhlọn yetọn ko pòte; yé tin lẹzùn di yọnnusi lẹ: yè sí miyọn otẹn ninò etọn lẹ; yè sọ wén opatin etọn lẹ. ³¹Odòtin de na hẹn-wezun nado pé awetọ, podọ mẹdagun de nado pé awetọ, nado dohia ahọlu Babilọni tọn dọ yè yí todaho etọn to agbègbe lẹpo ji: ³²yè hẹn awuji tòfinfàn lẹ, yè sọ yí miyọn do mẹ ofánkan lẹ, yè sọ hẹnbudi sunnu awhàn tọn lẹ.

³³Na le wẹ OKLUNỌ awhànpa lẹ tọn dọ, Jiwheyẹwhe Islaeli tọn: Viyọnnu Babilọnitọn tin taidi agbà-vẹ̃nlili tọn to ojlẹ lọ mẹ whenuena é yín tùntùn; gãnṣo whenu vude, ojlẹ ojijẹ tọn na wá nẹ. ³⁴Nẹbukadlẹzali ahọlu Babilọni tọn ko du mí yàj é ko pọtọ mí, é ko hẹn mí zùn núzinzán vọtọ de, é ko zé mí mì taidi odànawànọ de, é ko yí owhànpẹ ṣie do gò adọgbó etọn, é ko zé mí dlẹn gbonù. ³⁵Gblewà ṣie po agbasalan ṣie po ni tin to Babilọni ji, wẹ tòmẹnu-yọnnu Ziọni tọn na dọ; podọ, Ohùn ṣie ni tinto tòmẹnu Kaldea tọn lẹ ji wẹ Jelusalẹm na dọ. ³⁶Enẹwutu le we OKLUNỌ dọ; Dayi e go, yẹn na yí owhẹhó towe dọ, bo sọ yí ahọsu na we; yẹn na hẹn ohù etọn hú, bo sọ hẹn asisa etọn hú. ³⁷Babilọni na sọ lẹzùn okiti lẹ, otẹn ninò na ogbévún lẹ, awujinu de, pislọdidè de, matin tòmẹnu. ³⁸Yé na nọpọ gbó taidi kinnikinni lẹ; ye na lì di ovú kinnikinni lẹ tọn lẹ. ³⁹Whenuena yè hẹn yózo há yé, yẹn na basi hùnwhẹ yétọn, yẹn na sọ hẹn yé nùmú, na yé nido jaya, bo damlọn mapote de, bo ma fọ́n blo, wẹ OKLUNỌ dọ. ⁴⁰Yẹn na hẹn yé jẹte taidi lẹngbọvu lẹ wá hùhùtẹn, taidi agbò lẹ po alúnkùn lẹ po. ⁴¹Nawẹ Sesaki yín yíyi dole bọ awuji pipà aigba pete tọn lọ nawẹ Babilọni tin lẹzùn awujinu de to akọta lẹ ṣẹnṣẹn dole ⁴²Yè hẹn ohù lọ hẹji wá Babilọni ji: yè yí zingidi agbowhẹn etọn lẹ tọn do ọinyọn ẹn. ⁴³Yè hen tòdaho etọn lẹ tin lẹzùn awujinu de, aigba húhú de, podọ zùnkan de, aigba de he mẹ omẹ de ma ninò, mọ visunnu sunnu depope tọn ma ju gbọn finẹ dali gba. ⁴⁴Podọ yẹn na sọ dlapòn to Bẹli ji to Babilọni mẹ, yẹn na sọ hẹn jẹgbonu sọn onù etọn mẹ wá; enẹ he ewọ ko zé mì; akọta lẹ ma na sọ sà plidopọ hlan e de ba: mọwẹ, odòkọ Babilọni tọn na hò.

⁴⁵Omẹ ṣie emi, mì yì sọn gblagbla e tọn mẹ, bo whlẹn míde ome dopodopo sọn adi zògbè OKLUNỌ tọn mẹ. ⁴⁶Bo sọ dike ayiha mitọn kusiọ blo, mọ mì sọ dibuna zingidi he yè na sè to aigba lọ mẹ blo; na zingidi de na wá to owhè de mẹ, podọ to enẹgodo to owhè dẽvo mẹ wẹ zingidi de na sọ wá, po huhlọn po to aigba lọ mẹ, ogandùtọ do ogándùtọ ji. ⁴⁷Enẹwutu, dayi e go, azán le wá, bọ yẹn na basi whẹ̀dida to bosiọ winwlan Babilọni tọn lẹ ji, aigba etọn pete na sọ yín winyannọ; podọ alántọsiọ etọn lẹpo na sọ jai to gblagbla e tọn mẹ. ⁴⁸Whenẹnu wẹ olọn po aigba po, po yé hé tin to e mẹ lẹpo po, na jihàn na ayajẹ to Babilọni ji; na hẹngbletọ lẹ na sọn agéwaji wá e de, wẹ OKLUNỌ dọ ⁴⁹Le Babilọni ko hẹn alántọsiọ Islaeli tọn lẹ nado jai, mọwẹ alántọsiọ aigba lẹpo tọn na jai do tò Babilọni. ⁵⁰Mì he ko hòngán na ohi lọ, mì yì, mì site abọẹ blo; mì ni flin OKLUNỌ sọn aganu, bo sọ gbọ Jelusalẹm ni wá biọ otu mitọn mẹ. ⁵¹Yè dowinyan mí, na mí ko sè ovlẹ wutu; oflu ko ṣinyọn nukunmẹ mítọn lẹ: na yè hẹn ojonọ lẹ wá biọ fiwiwe ohò OKLUNỌ tọn tọn mẹ. ⁵²Enẹwutu, dayi e go, azán lẹ wá, wẹ OKLUNỌ dọ, bọ yẹn na basi whẹ̀dida to bosiọ winwlan etọn lẹ ji; podọ alántọ lẹ na to winwẹn to aigba etọn lepo ji lédo. ⁵³Yín Babilọni na tlẹ hẹji jẹ olọn, podọ yín ewọ na tlẹ doawhànna fìyìaga huhlọn etọn tọn, gãnṣo dẽ wẹ hẹngbleto lẹ na sọn wá jẹ ewọ de, wẹ OKLUNỌ dọ. ⁵⁴Hunhlun awhá de tọn sọn Babilọni, po vivà daho de tọn po sọn aigba Kaldeanu lẹ tọn ji! ⁵⁵Na OKLUNỌ hẹn Babilọni gble, bo sọ và ogbè daho lọ sọn e mẹ; podọ agbowhẹn yetọn lẹ sọ to gbigbó taidi osìn susu, yè sọ to awhá ogbè yetọn tọn do; ⁵⁶na yè hen hẹngbletọ lọ wá ewọ ji, yèdọ to Babilọni ji, yè sọ wle omẹ hlọnhlọnnọ etọn le, yè wén ogába yetọn lẹ gidigidi: na ỌKLUNỌ Jiwheyẹwhe ahọsuyi lẹ tọn de wẹ, ewọ; na suahọ nugbonugbo. ⁵⁷Yẹn na sọ hẹn ahọvi etọn po nuyọnẹntọ etọn lẹ po, otògán etọn lẹ po whèpọ́nto etọn lẹ po, po omẹ hlọnhlọnnọ etọn lẹ po nùmú; yé na sọ dọamlọn mapòte de, bo ma na fọ́n, wẹ Ahọlu lọ dọ, oyín mẹhetọn yín OKLUNỌ awhànpa lẹ tọn. ⁵⁸Le wẹ OKLUNỌ awhànpa lẹ tọn dọ: Odokọ Babilọni ogblọnọ tọn lẹ na yín hinhẹn takitina, podọ hòngbo yìji etọn lẹ na yín yíyi miyọn do mẹ; gbẹtọ lẹ na sọ nọ jẹtukla na ovọ́, podọ akọta lẹ na miyọn; yé na sọ yín gbódonọ.

⁵⁹Ohó he Jẹlemia yẹwhegán lọ degbèna Selaia visunnu Nẹlia tọn, visunnu Maseia tọn, whenuena é yì jẹ Babilọni po Zẹdekia ahọlu Juda tọn po to owhè ẹnẹtọ ahọludu etọn tọn mẹ. Dinvie Selaia wẹ awánugán. ⁶⁰Jẹlemia sọ wlan oylan he na wá Babilọni ji lẹpo do owó dopo mẹ, yèdọ ohó he yè wlan gbọn Babilọni tọn dali he lẹpo. ⁶¹Jẹlemia sọ dọ hlan Selaia dọ, Whenuena hiẹ wá jẹ Babilọni, bo na mọ bo sọ hia ohó he lẹpo, ⁶²whenenu wẹ hiẹ na dọmọ, OKLUNỌ E, hiẹ ko dọhó gbọn oten he tọn dali, nado sán ẹn sè, dọ mẹde ma na sọ nò e mẹ, gbẹtọ kavi gbékanlin, ṣigba dọ e na yín avójẹ kakadoi. ⁶³E na sọ yín, whenuena hiẹ ko dotana owó he hihia tọn, wẹ hiẹ na sín ozannu de do e go, bo zé e dlẹn biọ gblagbla Euflate tọn mẹ: ⁶⁴hiẹ na sọ domọ, Le wẹ Babilọni na siọ do, bo ma na sọ tite ba na oylan he yẹn na hẹnwá ewọ ji wutu Yé na sọ yín gbódonọ. Le wẹ ohó Jẹlemia tọn jd dẹn sọ.

¹ZẸDEKIA yín owhè kònukundopp mẹho whenuena ewọ sè nado dùahọlu: é sọ dùahọlu owhè widopo to Jelusalẹm mẹ, oyín onọ etọn tọn wẹ Hannuta viyọnnu Jẹlemia Libna tọn tọn. ²Ewọ sọ wà enẹ he yín oylan to nukun OKLUNỌ tọn mẹ, kedẹdi ehe Jehọiakimi ko wà lẹpo. ³Na gbọn adi OKLUNỌ tọn mẹ wẹ é wá jọ to Jelusalẹm po Juda po mẹ, kaka ewọ ko do dlẹn yé jẹgbonu sọn nukon etọn: Zẹdekia sọ ṣiatẹ hẹ ahọlu Babilọni tọn. ⁴E sọ wá jọ to owhè sinẹnẹtọ ahọludu etọn tọn mẹ, to osùn aotọ mẹ, to azán aotọ osùn lọ tọn mẹ, wẹ Nẹbukadlezali ahọlu Babilọni tọn wá, ewọ po awhànfuntọ etọn lẹpo po do Jelusalẹm ji, bo dosla do e ji; yé sọ do odòkọ lẹ do e ji lédo pé. ⁵Mowẹ yè glọn tòdaho lọ do jẹ owhè widopotọ ahọlu Zẹdekia tọn mẹ. ⁶To osùn ẹnẹtọ mẹ, to azán sinẹnẹtọ osùn lọ tọn me, ohùvó lọ tin badabada to tòdaho lọ mẹ, somọ bọ akla de ma tin na gbẹtọ aigba lọ tọn lẹ. ⁷Whenẹnu wẹ yè basi otẹnklẹ de to tòdaho lọ mẹ, omẹ awhàn tọn lẹpo sọ họ̀nyì, bo sọ tẹ́n jẹgbonu yì sọn tòdaho lọ mẹ to ozánmẹ gbọn aliho hòngbo lọ tọn dali to odòkọ awe lẹ ṣẹnṣẹn, he tin to ojìpa aholu lọ tọn dali; (dinvie Kaldeanu lẹ tin tòdaho lọ ji lẹ́do pó:) yé sọ gbọn aliho Alaba tọn dali yì. ⁸Ṣigba awhànfuntọ Kaldeanu lẹ tọn lẹ jẹmóji hodo ahọlu lọ, bo sọ pla Zẹdekia to ofivòtẹn Jẹleko tọn lẹ mẹ; yè sọ hen awhànfuntọ lẹpo kata sọn e de. ⁹Whenẹnu wẹ yé wle ahọlu lọ, bo hẹn ẹn hẹji yi jẹ ahọlu Babilọni tọn de to Libla to aigba Hamati mẹ; ewọ sọ dọ whẹ̀dida po e po. ¹⁰Ahọlu Babilọni tọn sọ hù visunnu Zẹdekia tọn lẹ to nukun etọn lẹ nukọn: ewọ sọ hù ahọvi Juda tọn lepo ga to Libla mẹ. ¹¹E sọ dènukun Zẹdekia tọn lẹ jegbonu; ahọlu Babilọni tọn sọ sín in do afọgàn lẹ mẹ, bo hẹn ẹn yì jẹ Babilọni, bo sọ yí i do ogànhọ mẹ kakajẹ azán okú étọn tọn gbè.

¹²Dinvie to osùn atọ́ntọ mẹ, to azán aotọ osùn lọ tọn mẹ, he yín owhè fọtọ́nnukunẹnẹtọ ahọlu Nẹbukadlẹzali tọn, ahọlu Babilọni tọn, wẹ Nẹbuzaladani awhàngan ogànwhé lọ tọn, he nọ note to aholu Babilọni tọn nukọn, wá biọ Jelusalẹm mẹ: ¹³ewọ sọ mẹ̀ ohọ OKLIJNO tọn po ohò ahọlu tọn po; po ohò Jelusalẹm tọn lẹpo po, yèdọ ohò omẹ daho lẹpo tọn, wẹ ewọ yí miyọn do mè. ¹⁴Awhànfuntọ Kaldeanu lẹ tọn lẹpo, he tin to awhàngán ogànwhé tọn lọ de lẹ, sọ hó odòkọ Jelusalẹm tọn lẹpo liai lédo pé. ¹⁵Whenẹnu wẹ Nẹbuzaladani awhàngán ogànwhé tọn lọ bé sọn gbẹtọ lẹ mẹ wamọnọ alọpade yì meglọnọ mẹ, po pipotọ gbẹtọ lẹ tọn po he yè jódai do todaho lọ mẹ lẹ, po yé he wọ̀ yì nẹlẹ po, he wa jẹ ahọlu Babilọni tọn de, po pipòtọ adaundotọ lẹ tọn po. ¹⁶Ṣigba Nebuzaladani awhàngán ogànwhé tọn lọ jódai sọn wamọnọpete aigba lọ tọn lẹ mẹ nado yín vẹnlàdètọ po oglesi lẹ po. ¹⁷Podọ odòtin ogànvẹ̃ tọn le he tin to ohò OKLUNỌ tọn mẹ lẹ, po potin lẹ po po ohù gànvẹ̃nọ he tin to ohò OKLUNỌ tọn mẹ lọ po, wẹ Kaldeanu lẹ gbà hanyanhanyan, bo sọ bé ogànvẹ̃ yt ọn lẹpo yì jẹ Babiloni. ¹⁸Ozén lẹ ga, po fẹli lẹ po, po zọgbánsinú lẹ po, po siklẹ lẹ po, po sivi lẹ po, po núzinzán ogànvẹ̃ tọn lẹpo po he yé do nọ wàdevizn, wẹ yé bẹ́ yì. ¹⁹Po kọfo lẹ po, po ogànzén lẹ pò, po siklẹ lẹ po, po ozẹ́n lẹ po, po zogbántin lẹ po, po sivi lẹ po, po apánko lẹ po; ene he yín sika tọn, to sika mẹ, podọ ene he yín fataka tọn, to fataka mẹ, awhàngán ogànwhé tọn lò bé yì. ²⁰Odòtin awe lẹ, ohù dopo, po yìnsú gànvẹnọ wiawe le po he tin to pòtin lẹ glọ, he aholu Solomọni ko basi na ohò OKLUNỌ tọn: ogànvẹ̃ nuzinzan he lepo tọn tin matin jijlẹ. ²¹Podọ na odotin lẹ tọn, agayìyì odòtin dopo tọn yín awàgbà fọtọ̀nnukunatọ̀n; okàn awàgbà wiawe tọn de sọ lédo e; podọ titli etọn yín alọviyẹyẹ ẹnẹ: é tin sóhòmẹ. ²²Podo ota opò tọn ogànvẹ̃ tọn de tin to e ji; podọ agayìyì ota opo tọn lọ sọ yín awàgbà atọ́n, po azọ́nlinlọn po po pomeglanate lẹ po to ota opò tọn lọ ji lédo pé, popo ogànvẹ̃ tọn: podọ odotin awetọ ga tindo taidi ehelẹ, po pomeglanate lẹ po. ²³Podọ pomeglanate kanwefọtọ̀n—nukun dopo wẹ tin hlan ojẹhọn ẹnẹ lẹ dali; pomeglanate lẹpo yín kanweko to azónlinlọn lọ ji lédo pé. ²⁴Awhàngán ogànwhé tọn lọ so yí Selaia ogán yẹwhenọ lọ, po Zẹfania yẹwhenọ awetọ lọ po, po hihótọ agbàji tọn atọ̀n lẹ po: ²⁵podọ tòdaho lọ mẹ wẹ é yí ojọ de sọn he yè dè do omẹ awhàn tọn lẹ ji; po omẹ ṣinawe po sọn yé he nọ mọ nukunmẹ ahọlu lọ tọn lẹ mẹ, he yè mọ to todaho lọ mẹ le; po wékantọ awhàngán awhànpa tọn lọ tọn po, mehe nọ tòawhànna gbẹtọ aigba lọ tọn lẹ; po sunnu kandeko po sọn gbẹtọ aigba lọ tọn me he yè mọ to gblagbla todaho lọ ton mẹ. ²⁶Nebuzaladani awhàngán ogànwhé lo tọn sọ bẹ́ ye bo hẹn yé wá jẹ ahọlu Babilọni tọn de to Libla. ²⁷Ahọlu Babilọni tọn hò yé, bo sọ hù yé: to Libla to aigba Hamati tọn mẹ. Mowẹ Juda yín bibẹ́ yì mẹglọnọ mẹ sọn aigba etọn mẹ. ²⁸Ehe wẹ gbẹtọ mẹhe Nẹbukadlẹzali bẹ́yì mẹglọnọ mẹ lẹ: to owhè ṣinawetọ mẹ Ju fọtọ̀n atọn po kònukunatọ̀n po: ²⁹to owhè fọtọ̀nnukunatọ̀ntọ Nebukadlẹzali tọn mẹ é bẹ́ gbẹtọ fẹnẹgbànnukunawe sọn Jelusalẹm mẹ yì meglọnọ mẹ: ³⁰tò owhè konukunatọ̀ntọ Nẹbukadlẹzali tọn mẹ Nebuzaladani awhàngán ogànwhé tọn lọ bó gbẹtọ nuọntọ̀nkantọ̀nkòatọ́n sọn Ju lẹ mẹ yì mẹglọnọ mẹ: gbẹtọ lẹpo yin fọtọ́n ẹnẹ po nuọnton po.

³¹E sọ wá jọ to owhè gbantónnukunawetọ mẹmẹglọ Jehọiakimi ton, ahọlu Juda tọn tọn mẹ, to osùn wiawetọ mẹ, to azán kòatọ́ntọ osun lọ: tọn mẹ, wẹ Eyilimẹlodaki ahọlu Babilọni tọn, to owhè tintan ahọludu etọn tọn mẹ, zé ota Jehọiakimi ahọlu Juda tọn tọn daga, bo hẹn ẹn jẹgbonu sọn gànhọ̀ mẹ; ³²é sọ yí homẹdagbe do dọhó hlan ẹn, bo sọ zé ofìn etọn daga hú ofìn ahọlu he tin to e de to Babilọni mẹ lẹ tọn. ³³E so diọ awu ogànhọ̀ mẹ tọn etọn le, bo sọ nọ dù to nukọn etọn whepoponu to azán ogbè etọn tọn lẹpo mẹ. ³⁴Podọ na núdegbèhlanmẹ etọn, núdegbèhlanmẹ whepoponu tọn de tin finẹ nẹ sọn ahọlu Babilọni tọn de, mimá de egbesọegbesọ kaka jẹ azán okú etọn tọn gbè, to azán ogbẹ́ etọn tọn lẹpo mẹ.