Whẹ̀datọ

¹E sọ wá jọ to okú Jọsua tọn godo, wẹ ovi Islaeli tọn lẹ kanbiọ sọn OKLUNỌ si, dọmọ, Mẹnu whẹwhẹ wẹ na yì aga na mí do Kananinu lẹ ji, nado hòavùn hẹ yé? ²OKLUNỌ sọ domo, Juda na yì aga: day e go, yen ko jó aigba lọ do alọ etọn mẹ. ³Juda sọ dọ hlan Simeọni nọvisunnu etọn dọ, Wá aga hẹ mi biọ mimá ṣie mẹ, na mí nido hoavùn hẹ kananinu lẹ; yẹn domọga na yì aga hẹ we biọ mimá towe mẹ. Mọwẹ Simeọni yì hẹ ẹ. ⁴Juda sọ yì aga; OKLUNỌ sọ jó Kananinu lẹ po Pelizinu lẹ po do alọ yetọn mẹ: Yé sọ hò sọn yé mẹ to Bezeki mẹ sunnu fọtọ̀n ao. ⁵Yé sọ din Adoni-bezeki mọ to Bezeki mẹ: yè sọ hòavùn hẹ ẹ, yé sọ hò Kananinu lẹ po Pelizinu lẹ po, ⁶Ṣigba Adoni-bezeki họ̀nyì; yé sọ yànmọna ẹn, bo wle e, bo sán alọsú etọn lẹ po afọsú etọn lẹ po sẹ̀. ⁷Adoni-bezeki sọ dọmọ, Ahọlu kandegbàn, yè sán alọsú yetọn lẹ po afosú yetọn lẹ po sẹ̀ na, to núdùdù yetọn ṣinyan to tafo ṣie glọ, le yẹn ko wà do, mọwẹ-Jiwheyẹwhe ko sùahọ mì do. Ye hẹn ẹn wá Jelusalẹm, é sọ kú to fine.

⁸Ovi Juda tọn lẹ sọ hòavùn hẹ Jelusalẹm, bo yí i, bo yí onù ohi tọn do hò e, bo sọ sí miyọn tòdaho lọ. ⁹To godomẹ ovi Juda tọn lẹ sọ yì odò nado hòavùn hẹ Kananinu lẹ he nọnọ̀ otò okọta tọn mẹ, podọ to hùwaji, podọ to dòdòklidò mẹ. ¹⁰Juda sọ yì péhẹ Kananinu lẹ he nọnọ̀ Heblọni: (dinvie oyín Heblọni tọn daidai we Kìliati-alba:) yé sọ hò Ẹesai, po Ahimani po, po Talmai po. ¹¹Sọn finẹ é yì pehẹ tòmẹnu Debili tọn. (Dinvie oyín Debili tọn daidai wẹ Kiliatì-sefeli.) ¹²Kalẹbi sọ dọmọ, Ewọ he hò Kiliati-sefeli, bo yí i, hlan ewọ wẹ yẹn na na Aksahi viyọnnu ṣie hlan asi. ¹³Otnieli visunnu Kenazi tọn, nọvisunnu pẹvi Kalẹbi tọn, yí i: ewọ sọ na ẹn Aksahi viyọnnu etọn hlan asi. ¹⁴E sọ wá jọ, whenuena é wá e de, wẹ é hẹn ẹn nado biọ sọn otọ̀ etọn si danji de: é sọ jẹte sọn kẹteketẹ etọn ji; Kalẹbi sọ dọ hlan ẹn dọ, Etẹ wẹ hiẹ to jijlo? ¹⁵Ewọ sọ dọ hlan ẹn dọmọ, Na dona de mi; na dọ hiẹ ko yí mi do aigba hùwaji tọn ji, na asisa osìn tọn mi ga, Kalẹbi sọ na ẹn sìnsisa agadọ̀n po sìnsisa odòdọn tọn lẹ po.

¹⁶Ovi Keninu tọn lẹ, nọvisunnu yọ̀nwhẹ́n Moṣe tọn, yì aga tòn sọn tòdaho détin lẹ tọn mẹ po ovi Juda tọn lẹ po biọ zùngbo Juda tọn mẹ, he tin hùwaji Aladi tọn; yé sọ yì bo ninọ̀ hẹ gbẹtọ ewlẹ. ¹⁷Juda sọ yì po Simeọni nọvisunnu etọn po, yé sọ hò Kananinu lẹ hè nọnọ̀ Zefati, bó và ẹ gbidigbidi. Họlmahi wẹ yè nọ ylọ oyín tòdaho lo tọn. ¹⁸Juda ga sọ yí Gaza po dogboji etọn po, Aṣikelọni po dògboji etọn po, Eklọni po dogboji etọn po. ¹⁹OKLUNỌ sọ tin po Juda po; ewọ sọ yàn tòmẹnu otò okọta tọn lẹ; na ewọ ma sọgan yàn tòmẹnu agbàdomẹ tọn lẹ jẹgbonu gba, na yé tindo kẹkẹ gànyũ tọn lẹ wutu. ²⁰Yé sọ na Heblọni hlan Kalẹbi, dile Moṣe dọ do: ewọ sọ yàn visunnu atọ̀n Anaki tọn lẹ jẹgbonu sọn finẹ ²¹Ovi Bẹnjamini tọn lẹ ma yàn Jebusinu he nọnọ̀ Jelusalẹm jẹgbonu gba: ṣigba Jebusinu lẹ nọnọ̀ hẹ ovi Bẹnjamini tọn lẹ to Jelusalẹm, jẹ azán he gbè.

²²Owhé Josẹfu tọn, yé yì aga yì péhé Bẹti-eli: OKLUNỌ sọ tin po yé po. ²³Owhé Josẹfu tọn sọ do omẹ hlan nado bẹpòn Bẹti-eli (Dinvie oyín tòdaho lọ tọn daidai wẹ Luzi.) ²⁴Amé ewlẹ sọ mọ dawe de tọ́n sọn tòdaho lọ mẹ jẹgbonu, yé sọ dọ hlan ẹn dọ, Dohia mí, mí vẹ̀ we, aliho he biọ tòdaho lọ mẹ, mìwlẹ na sọ yí homẹdagbe do zán hẹ we. ²⁵Ewọ sọ do aliho he biọ todaho lọ mẹ hia, yé sọ yí onù ohi tọn do hò tòdaho lọ; ṣigba yé gbọ dawe lọ ni yì po whédo etọn lẹpo po. ²⁶Dawe lọ sọ yì aigba Hitinu lẹ tọn ji bo do tòdaho de ai, bo ylọ oyín etọn dọ Luzi: ehe yín oyín etọn jẹ azán he gbè.

²⁷Manassẹ ma sọ yàn tòmẹnu Bẹtisiani tọn lẹ po otò etọn lẹ po jẹgbonu gba, kavi Taanaki tọn po otò etọn lẹ po, kavi tomẹnu Dọli tọn lẹ po otò étọn lẹ po, kavi tòmẹnu Ibleami tọn lẹ po otò etọn lẹpo, kavi tomẹnu Megido tọn lẹ po otò etọn lẹ pò; ṣigba Kananinu lẹ jlo na nọnọ̀ aigba nẹ ji. ²⁸E sọ wá jọ, whenuena yè hẹn Islaeli zùn huhlọnnọ, wẹ yé yí Kananinu lẹ do sẹnjọzọ̀n kọ̀n, bo ma yàn yé jẹgbonu patapata gba.

²⁹Eflaimi ma sọ yàn Kananinu he nọnọ̀ Gezeli mẹ lẹ jẹgbonu gba; ṣigba Kananinu lẹ tin to Gezeli to yé ṣẹnṣẹn.

³⁰Zebuluni ma sọ yàn tòmẹnu Kitlọni tọn lẹ jẹgbonu gba, kavi tòmẹnu Nahọloli tọn lẹ; ṣigba Kananinu lẹ nọnọ̀ yé ṣẹnṣẹn, bo sọ lẹzùn sènjọtọ.

³¹Aṣeli ma sọ yàn tòmẹnu Akko tọn lẹ jẹgbonu gba, kavi tòmẹnu Zidọni tọn lẹ, kavi Ahlabi tọn, kavi Akzibi tọn kavi Hẹlbahi tọn, kavi Afiki tọn, kavi Lehobi tọn: ³²ṣigba Aselinu lẹ nọnọ̀ Kananinu lẹ ṣẹnṣẹn, tòmẹnu aigba lọ tọn lẹ: na yé ma yàn yé jẹgbonu gba.

³³Naftali ma yàn tòmẹnu Bẹti-semẹsi tọn lẹ jẹgbonu, kavi tòmẹnu Bẹti-anati tọn lẹ, ṣigba ewọ nọnọ̀ Kananinu lẹ ṣẹnṣẹn, tòmẹnu aigba lọ itọtí lẹ: ṣigba tòmẹnu Bẹti-semẹsi tọn lẹ po, Bẹti-anati tọn po lẹzùn sẹ̀n jọtọ hlan yé.

³⁴Amọlinu lẹ yi huhlọn doglọn ovi Dani tọn lẹ do otò okọta mẹ; na yé ma na dikena yé nado jẹte wá agbàdomẹ gba: ³⁵ṣigba Amọlinu lẹ jlo na nọnọ̀ osé Helẹsi mẹ, to Aijalọni mẹ, podọ to Ẹaalbimì mẹ: gãnṣo alọ owhé Josefu tọn tọn gbawhàn, bọ ye do lẹzùn sẹnjọtọ. ³⁶Dògboji Amọlinu lẹ tọn wẹ sọn agayìyl Aklabbimi tọn, sọn osé lọ kọ̀n, podọ hlanga.

¹ANGELI OKLUNỌ tọn lọ hẹ́ aga sọn Gilgali jẹ Bokimi E sọ dọmọ, Yẹn hẹn mì nado yì sọn Egipti, bo ko sọ hẹn mì jẹ aigba he yẹn whle hlan otọ́ mìtọn lẹ ji; yẹn sọ dọmọ, Yẹn ma to na gbà alẹ̀nu ṣie hẹ mì gba: ²mìwlẹ ma na sọ basi alẹ̀nu de hẹ tòmẹnu aigba he tọn lẹ gba; mì na họ́ agbà yetọn lẹ liai: ṣigba mìwlẹ ma kò tuntóai hlan ogbè ṣie gba: etẹwutu wẹ mìwlẹ wà ehe? ³Nafietọn yẹn ga dọmọ, Yẹn ma to na sọ yàn yé jẹgbonu sọn mì nukọn gba; ṣigba yé na tin di owùn lẹ to adà mìtọnlọ mẹ, yẹwhe yetọn lẹ na sọ tin di omò de hlan mì. ⁴E sọ wá jó, whenuena angẹli OKLUNỌ tọn lọ dọhó hlan ovi Islaeli tọn lẹpo, wẹ gbẹtọ ewlẹ zé ogbè yetọn daga bo viavi, ⁵Yé sọ ylọ oyín ofi nẹ tọn dọ Bokimi, yé sọ sánvọ́ to finẹ hlan OKLUNỌ.

⁶Dinvie whenuena Jọṣua ko kija gbẹtọ ewlẹ yì, ovi Islaeli tọn lẹ yì omẹ dopodopo hlan ogú etọn kọ̀n nado tindo aigba lọ. ⁷Gbẹtọ ewlẹ sọ sèn OKLUNỌ to azán Jọsua tọn lẹpo gbè, podọ to azán mẹho he dóhu Jọṣua lẹpo tọn gbè, mẹhe ko mọ azọ́n daho OKLUNỌ tọn lẹpo, he é ko wà na Islaeli. ⁸Jọṣua visunnu Nuni tọn mẹmẹsi OKLUNỌ tọn, kú, é whẹ́n họ̀ owhè kanwégbàn ⁹Yé sọ di i dodògboji ogú etọn tọn mẹ to Timnati-hẹlẹsi mẹ, to otò okọta Eflaimi tọn mẹ, tó agewaji osé Gaasi tọn tọn go. ¹⁰Podọ yè bẹ́ whẹ̀ndọ nẹ lẹpo pli hlan otọ́ yetọn lẹ: whéndo devo sọ fọ́n to yé godo, he ma yọ́n OKLUNỌ, kavi azọn he é ko wà na Islaeli.

¹¹Ovi Islaeli tọn lẹ sọ wà enẹ he yín oylan to nukun OKLUNỌ tọn mẹ, bo sẹ̀n Baalimi. ¹²Yé sọ gbẹ́ OKLUNỌ dai, Jiwheyẹwhe otọ́ yetọn lẹ tọn, he hẹn yé jẹgbonu sọn aigba Egipti tọn ji, bo to yẹwhe devo hodo, sọn vewhe gbẹtọ ewlẹ he tin lédo yé tọn lẹ me, bo nọ dẹ́ yede do odo hlan yé yé sọ hen OKLUNỌ gblehome hlan àdi ¹³Yé sọ gbẹ́ OKLUNỌ dai bo to Baali po Asitalọti po sẹn ¹⁴Yé sọ hẹn adi OKLUNỌ tọn jimiyọn do Islaeli ji, é sọ jó yé do alọ mẹhẹngbletọ lẹ tọn mẹ he hẹn ye gble, é sọ sà yé do alọ kẹ̀ntọ yetọn lẹ tọn lẹ mẹ lẹ́do, bọ yé ma do sọ sọgan nọte to kẹ̀ntọ yetọni lẹ nukọn ba. ¹⁵Fidepope yé tọ́n yì, alọ OKLUNỌ tọp tin to yé go na oylan, dile OKLUNỌ dọ dò, podọ dile OKLUNỌ ko whle hlan yé: dọ yè sọ bianukunna yé badabadá ¹⁶OKLUNỌ sọ zé whẹ̀datọ lẹ tite, he whlen yé sọn alọ mẹhe to yé hẹngble nẹlẹ tọn mẹ. ¹⁷Gãnṣo yé ma tuntóai hlan whẹdatọ yetọn, lẹ gba, na yé to gàgbe de yì hodo yẹwhe devo lẹ, bo to yede dẹ́ do odò hlan yé, yé diọlò plaun hlan apadopo sọn aliho fiemẹ otọ́ yetọn lẹ Zinzọnlin gbọn, tónusiséna gbèdide OKLUNỌ tọn lẹ; ṣigba yéwlẹ ma wà mọ gba. ¹⁸Whenuena OKLUNỌ zé whédatọ lẹ tite na yé, whenẹnu wẹ OKLUNỌ tin po whẹdatọ lọ po, bo whlẹn ye sọn alọ kẹ̀ntọ yetọn lẹ tọn mẹ to azán whẹdatọ lọ tọn lẹpo gbé: na é blawuna OKLUNỌ na winwẹn yetọn wutu gbọn yé he to nukunbiana yé bo sọ to homẹhẹngblena yé lẹ tọn dali. ¹⁹Ṣigba é wá jọ, whenuena whẹdatọ lọ kú, bọ yé lẹ godo, bo zán gbigble hú otọ́ yetọn lẹ, to hihodo yẹwhe devo lẹ mẹ nado sẹn yé, podọ nado dẹ́ do odò hlan yé; yé ma doalọte sọn wiwà yetọn lẹ mẹ gba, kavi sọn adingbàn liho yetọn mẹ gba. ²⁰Yé sọ hẹn adi OKLUNỌ tọn jimiyọn do Islaeli ji; é sọ dọmọ, Na akọta he ko gbà alẹ̀nu ṣie wutu ehe yẹn degbèna otọ́ yetọn lẹ, bo ma ko tuntóai hlan ogbè ṣie gba; ²¹Yẹn ga sọnfiyì ma to na yàn de sọn yé nukọn sọn akọta he Jọsuà pòdaì lẹ de mẹ whenuena é kú; ²²Dọ gbọn yé dali yẹn nido mọdona Islaeli, eyín yé na pọ́n aliho OKLUNỌ tọn go nado nọ zinzọnlin finẹme, dile eté yetọn lẹ pọ́n e go do, kavi lala. ²³Mowẹ OKLUNỌ pò akọta nẹlẹ dai, máfin yinyàn yé jẹgbonu apla; mọ é ma sọ jó yé do àlọ Jọṣua tọn mẹ gba.

¹DINVIE ehelẹ wẹ akọta he OKLUNỌ podai lẹ, nado mọdona Islaeli gbọn yé dali, yèdọ susọ sọha he ma ko yọ́n awhàn Kanani tọn lẹpo; ²Kiki dọ whẹndọ ovi Islaeli tọn tọn lẹ nido yọnẹn, nado; plọ́n awhànfun yé, to popomẹ yé he to hóhówhenu ma yọ́n onú etọn de; ³Yínylọna, ogán atọ́n Filistinu lẹ tọn lẹ, po Kananinu lẹpo po, po Zidoninu lẹ po, po Hìvinu he nọnọ́ osé Lẹbanọni mẹ lẹ po, sọn osé Baali-hẹlmọni kòn jẹ bibiọ Hamati mẹ ⁴Yé sọ tin na nado mọdona Islaeli gbọn yé dali, nado yọnen eyín yé na tuntóai hlan gbèdide OKLUNỌ tọn lẹ, he é degbèna otọ́ yetọn le gbọn alọ Moṣe tọn: mẹ. ⁵Ovi Islaeli tọn lẹ sọ nọnọ̀ Kananinu lẹ ṣẹnṣẹn; Hitinu, po Amọlinu po, po Pelizinu po, po Hivinu po, po Jebusinu po; ⁶Ye sọ yí viyọnnu yetọn nadọ yín asi yetọn le, bo sọ na viyọnnu yetọn titi le hlan visunnu yetọn lẹ, bo sọ to yẹwhe yetọn lẹ sẹ̀n.

⁷Ovi Islaeli tọn lẹ sọ wà ene he yín oylan to nukun OKLUNỌ tọn mẹ, bo sọ wọnji OKLUNỌ Jiwheyẹwhe yetọn go, bo to Baalimi po Aṣelọti pọ sèn. ⁸Enẹwutu yè hẹn adi OKLUNỌ tọn jimiyọn dọ Islaeli go, ewọ sọ sà yé do alọ Kusani-lisataimi ahọlu Mẹsopotamia tọn tọn me: ovi Islaeli tọn lẹ sọ sẹ́n Kusani-lisataimi hò owhè ṣinatọ́n. ⁹Whenuena ovi Islaeli tọn lẹ sọ dawhá na alọgọ hlan OKLUNỌ, OKLUNỌ zé whlengantọ de tite hlan ovi Islaeli, tọn lẹ, mẹhe whlen yé, yèdọ Otinieli visunnu Kenazi tọn nọvisunnu pẹvì Kalẹbi tọn. ¹⁰Gbigbọ OKLUNỌ tọn sọ wá e ji, é sọ dawhẹ̀na Islaeli; é sọ yì gbonu nado funawhán, OKLUNỌ sọ jó Kusani-lisataimi ahọlu Mẹsopotamia tọn do alọ etọn mẹ: alọ etọn sọ hugan to Kusani-lisataimi ji. ¹¹Aigba lọ sọ tindo gbọjẹ owhè kande. Otinieli visunnu Kenazi tọn sọ kú.

¹²Ovi Islaeli tọn lẹ sọ wà enẹ he yín oylan to nukun OKLUNỌ tọn: OKLUNỌ sọ nahuhlọn Eglọni ahọlu Moabitọn to Islaeli ji, na yé ko wà enẹ he yín oylan to nukun OKLUNỌ tọn me wutu. ¹³Ewọ sọ bẹ́ ovi Ammọni tọn lẹ po Amalẹki po pli hlan e de; é sọ yì bo hò Islaeli, yé sọ i yí tòdaho détin lẹ tọn ¹⁴Ovi Islaeli tọn lẹ sọ sẹ́n Eglọni ahọlu Moabi tọn owhè fọtọ̀nnukunatọ̀n. ¹⁵Ṣigba whenuena ovi Islaeli tọn lẹ dawhá na alọgọ hlan OKLUNỌ, OKLUNỌ zé whlẹngantọ de daga na yé, Ẹhudi, visunnu Gela tọn, Bẹnjamininu, dawe amiọnlọnọ de: ovi Islaeli tọn lẹ sọ dọ nunina de hlan gbọn e dali hlan Ẹglonì ahọlu Moabi tọn. ¹⁶Ẹhudi sọ basi ohi de na ede he tindo onù awe, ote awàgba dopo tọn; é sọ bla ẹ to awu etọn glọ to agúnsó adusi etọn tọn ji. ¹⁷E sọ yí nunina lọ hlan Ẹglọni ahọlu Moabi tọn: dinvie Ẹglọni yín omẹ he mọawu talala de ¹⁸Whenuena é ko dotana yíyí nunina hlan, é do omẹ he hẹn nunina lọ lẹ hlan yì. ¹⁹Ṣigba ewọ lọsu lé godo son sèkùntẹn he tin to Gilgali dali lẹ, bo dọmọ, Yẹn tindo owèn opá tọn de hlan we, hiẹ ahọlu. Ewọ sọ dọmọ, Do onù abọẹ. Yé he site to e de lẹpo sọ tọ́n yì sọn e de. ²⁰Ẹhudi sọ wá e de; ewo sọ tin to aisinsin na ede dopo to whenọtẹn to gbàngan etọn mẹ. Ehudi sọ dọmọ, Yẹn tindọ owẹn de sọn Jiwheyẹwhe de hlan we. Ewọ sọ fọ́n sọn aisinnu etọn ji ²¹Ẹhudi sọ dè amiọnlọ etọn jẹgbonu, bo yí ohi sọn agúnsó adusi etọn tọn ji, bo ylọ́n ẹn do adọ̀ etọn mẹ: ²²Bikún ga biọ homẹ po ohinù po; ojó sọṣinyọn ohinù lọ ji, na é ma dọ̀n ohi lọ sun sọn adọ̀ etọn mẹ gba; é sọ tén jẹ godo. ²³Whenẹnu wẹ Ẹhudi tọ́n yì biọ awánu, bo sú ohọn gbàngan mẹ ton lẹ do e, bo dogàn yé mẹ. ²⁴Dinvie whenuena e ko jegbonu yì, devi etọn lẹ wá; yé mọ, bo, dayi e go, ohọ̀n gbàngan mẹ tọn lẹ ye kọ dogàn yé mẹ; ye sọ dọmọ, Nugbonugbo é ṣinyọnnudo afọ etọn lẹ tọ ohò whenọtẹn etọn tọn mẹ. ²⁵Yé sọ dọngbàn kaka yé do yín winyannọ: bo, dayi e go, é ma hùn ohòn gbàngan mẹ tọn lẹ; enẹwutu yé yí ṣavi, bo hùn yé: bo, dayi e go, klunọ yetọn ko yín oṣiọ họjai do aigba. ²⁶Ehudi ko họ̀nyì whenuẹna yé to gbàndọn, bo yì zé osekùntẹn lẹ, bo họ̀nyì jè Seilahi. ²⁷E sọ wá jọ, whenuena é wá, wẹ é kún opẹ́n de to otò okọta Eflaimi tọn mẹ, ovi Islaeli tọn lẹ yì odò po e po sọn otò okọta tọn mẹ, podọ ewọ to yé nukọn ²⁸E sọ dọ hlan yé dọmọ, Mì to hihodo mi: na OKLUNỌ ko jó kẹ̀ntọ mìtọn Moabinu lẹ do alọ mìtọn mẹ. Yé sọ yì odò hodo e, bo yí tòpẹsẹ Jọdani tọn lẹ do Moabinu lẹ ji, bo ma sọ dike na omẹ de nado juwayì. ²⁹Yé sọ hò sọn Moabi mẹ to ojlẹ nẹ mẹ nai sunnu fọtọ́n ao, omẹ agbasagbónọ lẹpo, po omẹ asuka tọn lẹpo po; sunnusi de ma họngán finẹ gba. ³⁰Mowẹ yè zín Moabi dai to azán nẹ gbè to alọ Isláeíi tọn glọ. Aigba lọ sọ tindo gbọjọ owhè kande.

³¹To gòdo ewọ tọn wẹ Ṣamgali visunnu Anati tọn, he yí yìnyìnpò de do hò sunnusi nuọntọ̀n sọn Filistininu lẹ mẹ: ewọ ga sọ whlẹn yé.

¹OVI Islaeli tọn lẹ sọ vọ̀ enẹ he yín oylan wà to nukun OKLUNỌ tọn mẹ, whenuẹna Ẹhudi ko yín oṣiọ ²OKLUNỌ ọ sà yé do alọ Jabini ahọlu Kanani tọn tọn mẹ, ehe duahọlu to Hazọli mẹ; awhàngán awhànpa mẹhe tọn yín Sisela, he nọnọ̀ Haloseti Akọta lẹ tọn mẹ. ³Ovi Islaeli tọn lẹ sọ dawhá na alọgọ hlan OKLUNỌ: na é tindo kẹkẹ gànyù tọn fẹnẹkanweko; owhè oko wẹ é do yí huhlọn do bianukunna ovi Islaeli tọn lẹ.

⁴Dinvie Debola, Yẹwhegányọnnu de, asi Lappidọti tọn, ewọ whẹdana Islaeli to ojlẹ nẹ mẹ. ⁵E nọnọ̀ détin Debola tọn glọ to Lama po Bẹti-eli po ṣẹnṣẹn to otò okọta Eflaimi tọn mẹ: ovi Islaeli tọn lẹ sọ nọ wá aga to e de na whẹ̀dida. ⁶E sọ do omẹ hlan bo ylọ Balaki visunnu Abinoami tọn sọn Kedẹsi—naftali, bo dọ hlan ẹn dọ, OKLUNỌ, Jiwheyẹwhe Islaeli tọn, ma ko degbè, dọmọ, Yì bo sẹpọ́ osé Taboli, bo yí sunnusi fọtọ́n ao sọn ovi Naftali tọn lẹ mẹ podọ sọn ovi Zebuluni tọn lẹ mẹ gọ́na we? ⁷Yẹn na sọ dòn sẹpọ́ we to otọ́ Kisoni kọ̀n Sisela, awhàngán awhànpa Jabini tọn tọn, po kẹkẹ etọn lẹ po po mẹsusu etọn lẹ po; yẹn na sọ jó e do alọ towe mẹ. ⁸Balaki sọ dọ hlan ẹn dọ, Eyín hiẹ na yì hẹ mi, whenẹnu yẹn na yì: ṣigba eyín hiẹ ma to na yì hẹ mi, yẹn ma jei gba. ⁹Ewọ sọ dọmọ, Nugbonugbo yẹn na yí hẹ we: ṣigba gbéjizọnlin he hiẹ to yíyí lọ ma na tin na yẹyi towe gba; na OKLUNỌ na sà Sisela do alọ yọnnusi de tọn mẹ. Debola sọ tite, bo yì po Balaki po jẹ Kedẹṣi. ¹⁰Balaki sọ ylọ Zebuluni po Naftali po do Kedẹṣi; to finẹ sunnusi fọtọ́n ao yì aga to afọ etọn go: Debola sọ yì aga hẹ ẹ. ¹¹Dinvie Hebeli Keninu ko klan ede sọn Keninu lẹ go, yèdọ sọn ovi Hobabi nọvisunnu yọnwhẹn Moṣe tọn, bo ko pọ́n gohò etọn dẹn sọ oaku-tin to Zaanannimi mẹ, he tin to Kedẹṣi dali. ¹²Yé sọ dọ na Sisela dọ Balaki visunnu Abinoami tọn ko yì aga jẹ osé Taboli ji ¹³Sisela sọ bẹ̀ kẹkẹ etọn lẹpo pli, yèdọ kẹkẹ gànyù tọn fẹnẹkanweko, po omẹ he tin to e de lẹpo po, sọn Haloseti Akọta lẹ tọn jẹ otò Kisọni kọ̀n. ¹⁴Debola sọ dọ hlan Balaki dọ, Tite; na ehe wẹ azán he mẹ OKLUNỌ jó Sisela do alọ towe mẹ: OKLUNỌ ma tọn yì nukọn towe? Mowẹ Balaki yì odò sọn osé Taboli ji, po sunnusi fọtọ́n ao po to godo nẹ̃. ¹⁵OKLUNỌ bo yí onù ohi tọn do dozin Sisela, po kẹkẹ etọn lẹpo po, po awhànpa etọn lẹpo po mẹ to Balaki nukọn; Sisela sọ jẹte sọn keke etọn mẹ, bo họ̀nyì na atọn. ¹⁶Ṣigba Balaki domọna to kẹkẹ lẹ godo podọ to awhànpa godo jẹ Haloseti Akọta lẹ tọn: awhànpa Sisela tọn lẹpo jai gbọn onù ohi tọn mẹ; sunnusi dopo yè ma pòdai.

¹⁷Ṣigba Sisela họ̀nyì na afọ u jẹ gohò Jaeli asi Hebeli Keninu tọn tọn mẹ: na jijọho tin finẹ to Jabini ahọlu Hazọli tọn po owhé Hebeli Keninu tọn po ṣẹnṣẹn. ¹⁸Jaeli sọ tọ́n yì nado pé Sisela, bo dọ hlan ẹn dọ, Zẹ̀ biọ whégbe, klunọ ṣie, zè biọ whégbe wá dẹ̃; a dibu blo. E sọ zẹ̀ biọ whégbe wá e de to gohẹ mẹ ewọ sọ yí avọtlilli de ṣinyọn nẹ̃. ¹⁹E sọ dọ hlan ẹn dọmọ, Yẹn vẹ́ we, na osìn pẹde mi nado nù; na véhúhú mi. Ewọ sọ hùn ogò yìnnọ́ tọn de, bo na ẹn nù, bo sọ ṣinyọnavọ̀ nẹ̃. ²⁰E sọ dọ hlan ẹn dọ, Ṣite to ohòn gohò tọn ji, é na sọ yín, whenuena mẹde wá bo kanbiọ we, bo dọmọ, Omẹ de tin to ofi ja? wẹ hiẹ na dọ, Lala. ²¹Whenẹnu wẹ Jaeli asi Hebeli tọn yí húngàn gohò tọn de, bo yí gòmẹ de do alọ etọn mẹ, bo zòn dẹdẹ yì e de, bo whè húngàn lọ do tópénu etọn lẹ mẹ, é sọ biọ e mẹ luntón biọ aigba mẹ; na ewọ tin to amlọn lankan de mẹ; mọwẹ é hòkúsù bo kú. ²²Bo, dayi e go, le Balaki domọna Sisela, Jaeli tọ́n wá gbonu nado pé e, bo sọ dọ hlan ẹn dọ, Wá, yẹn na sọ do omẹ he hiẹ to dindin hia we E sọ wá e de; bo, dayi e go, Sisela mlọnai osiọ, húngàn gohò tọn sọ tin to tópanu etọn lẹ mẹ. ²³Mowẹ Jiwheyẹwhe zíndai to azán nẹ gbè Jabini ahọlú Kai ani tọn to ovi Islaeli tọn lẹ nukọn. ²⁴Alọ ovi Islaeli tọn lẹ tọn sọ to sinsinyẹn jànwẹ to Jabini ahọlu Kanani tọn go, kaka yé do sukún Jabini ahọlu Kanani tọn do.

¹WHENẸNU Dẹbola po Balaki vi sunnu Abinoami tọn po jihàn to azán nẹ gbè, dọmọ,

⁷Ogán lẹ gbodo to Islaeli, yé gbòdò,

²¹Otọ̀ Kisọni plọ yé yì,

¹OVI Islaeli tọn lẹ sọ wà enẹ he yín oylan to nukun OKLUNỌ tọn mẹ: OKLUNỌ sọ jó yé do alọ Midiani tọn mẹ owhè ṣinawe. ²Alọ Midiani tọn sọ hugán to Islaeli ji: na Midiani tọn wutu ovi Islaeli tọn lẹ basi odo le na yéde he tin to osé lẹ mẹ po aigbaslo lẹ po, po ofi sinsinyẹn lẹ po. ³Mowẹ e sọ yín, whenuena Islaeli dónú, wẹ Midianinu lẹ wá aga, po Amalẹkinu lẹ po, po ovi whèyìhọ tọn lẹ po; yé wá do ye ji: ⁴yé sọ dosla pànnukọn yé, bo và jideji aigba tọn, kaka hiẹ do wá jẹ Gaza, bo ma pò nudúdù de dai to Islaeli mẹ, Ìengbọ lẹ, kavi oyìnsú, kavi kẹtẹkẹtẹ ⁵Na yé wá aga po kanlinyìnyìn yetọn lẹ po po gohò yetọn lẹ po, yé biọ e mẹ di owèn lẹ na susugégé; yé po kanklosọ yetọn lẹ po tin matin osọba: yé sọ wá aigba lọ ji nado và ẹ. ⁶Yè sọ hen Islaeli wa odò susu na Midiani tọn wutu; ovi Islaeli tọn lẹ sọ dawhá na alọgọna hlan OKLUNỌ.

⁷E sọ wá jọ whenuena ovi Islaeli tọn le dawhá na alọgọna hlan OKLUNỌ na Midiani tọn wutu, ⁸wẹ OKLUNỌ do yẹwhegán de hlan ovi Islaeli tọn lẹ: ewọ sọ dọ hlan yé dọ, Le wẹ OKLUNỌ Jiwheyẹwhe Islaeli tọn dọ, dọ, Yẹn hẹn mì wá aga sọn Egipti, bo hẹn mì tón sọn: owhé meglọnọ tọn gbè; ⁹yẹn sọ whlẹn mì sọn alọ Egiptinu lẹ tọn mẹ, podọ sọn alọ yé he to nukunbiana mì lẹpo tọn mẹ, bo sọ yàn yé jẹgbònu sọn mì nukọn, bo na aigba yetọn mì; ¹⁰yẹn sọ dọ hìafi mì dọ, Yẹn wẹ OKLUNỌ Jiwheyẹwhe mìtọn; mì ma na dibusi yẹwhe Amolinu lẹ tọn lẹ gba, áigba yé mẹ̀he tọn ji mì te: ṣigba miwlẹ ma ko tuntóai hlan ogbè ṣie gba.

¹¹Angẹli OKLUNỌ tọn lọ sọ wá, bo sinai to oaki he tin to Oflahi mẹ glọ, he yín Jòasi Abiẹzlinu tọn: visunnu etọn Gideoni to likún tùn to yẹndanú mẹ, nado whla ẹ sọn Midianinu lẹ de. ¹²Angẹli OKLUNỌ tọn lọ sọ sọawuhia hlan ẹn, bó dọ hlan ẹn dọ, OKLUNỌ tin to de we, hiẹ sunnu asuka hlọnhlọn tọn. ¹³Gideoni sọ dọ hlan ẹn dọ, A klunọ ṣie, eyín OKLUNỌ tin to mí de, whenẹnu etẹwutu Wẹ éhe lẹpo to jijọ do mí go? fie wẹ azón jawu etọn lẹpo he otọ́ mí ton lẹ dọ na mì lẹ te, dọmọ, Be OKLUNỌ ma ko hẹn mí wá aga sọn Egipti? ṣigba OKLUNỌ ko tùn mí hlan, bo jó mí do alọ Midiani tọn mẹ. ¹⁴OKLUNỌ sọ pọ́n ẹn dín, bò dọmọ, Yì to hlọnhlọn towe he mẹ, bo whlẹn Islaeli sọn alọ Midiani tọn mẹ: yẹn ma ka ko do we hlan? ¹⁵Ewọ sọ dọ hlan ẹn dọ, A OKLUNỌ, fietọn wẹ yẹn na do whlẹn Islaeli? dayi e go, whédo ṣie wẹ hẹntọnọ pete to Manassẹ mẹ, yẹn wẹ sọ yín mẹwhiwhe pete to owhe otọ́ ṣie tọn gbè. ¹⁶OKLUNỌ SỌ dọ hlan ẹn, Nugbonugbo yen na tin to de we, hiẹ na sọ hò Midianinu lẹ di gbẹtọ dopo: ¹⁷Ewọ sọ dọ hlan ẹn dọ, Eyín dinvie yẹn ko din ojọmiọn mọ to nukun towe mẹ, whenẹnu bo dó ohia de hia mi dọ hiẹ wẹ mẹhe to hódọ hẹ mi. ¹⁸À yìsọn finẹ blo, yẹn vẹ we, kaka yẹn do wá de we, bo hẹn nunina ṣie jẹgbonu wá, bo tẹ́ ẹ do nukọn towe. Ewọ sọ dọmọ, Yen na dọngbàn kaka hiẹ na sọ gòwá. ¹⁹Gideoni sọ biọ whégbè, bo wleawu gbọgbọevu de tọn po akla hihi madotón efa jinùlìli tọn tọn de po: olàn lọ é yí do oha de me, é sọ yí olànsìn lọ do ozẹ́n de mẹ, bo hẹn ẹn tón wá e de to oaki lọ glọ, bo yí i jó. ²⁰Angẹli Jiwheyẹwhe tọn lọ sọ dọ nẹ̃ dọ, Yi olàn lọ po akla hihi madotón lẹ lọ po, bo yí i do osé he ji, bo kòn olànsìn lọ jẹgbonu Ewọ sọ wà mọ. ²¹Whenenu wẹ angẹli OKLUNỌ tọn lọ dè pòdo opò he tin to alọ etọn mẹ tọn tón, bo do olàn lọpo akla hihi madotón lọ lẹ po go; fine miyọn sọ yì aga sọn osé lọ mẹ, bo fiọ olànlọ po akla hihi madotón lẹ lọ po; angẹli OKLUNỌ tọn lọ sọ yìsọn nukun etọn mẹ. ²²Gideoni sọ mọ dọ angẹli OKLUNỌ tọn wẹ ewọ; Gideoni sọ dọmọ, Hùn, OKLUNỌ Jiwheyẹwhe! sọlehe yẹn ko mọ angẹli OKLUNỌ tọn na nukunu. ²³OKLUNỌ sọ dọ hlan ẹn dọ, Jijọho tin hlan we; a dibu blo: hie ma na kú gba. ²⁴Whenẹnu wẹ Gideoni do agbà de to finẹ hlan OKLUNỌ, bo ylọ e dọ Jéhova-salomi; jẹ azán he gbè é gbẹ́ sọ tin to Eflahi Abiezlinu lẹ tọn mẹ.

²⁵E sọ wá jọ to ozán doponẹ mẹ, wẹ OKLUNỌ dọ hlan ẹn dọ, Yí yìnsú otọ́ towe tọn, yèdọ yìnsú awetọ owhè ṣinawe mẹ tọn, bo họ́ agbà Baali tọn ehe otọ́ towe tindo liai, bo sọ sán Asela he tin to e dali liai: ²⁶bo do agbà de hlan OKLUNỌ Jiwheyẹwhe towe to aga ofi gángán he tọn ji, do alọ titò tọn ji, bo yi yìnsú awetọ lọ, bo yi naké Asela tọn lọ he hiẹ sán liai do na nunina avọ́ mimẹ tọn de. ²⁷Whenẹnu wẹ Gideoni yí sunnusi ao sọn mẹmẹsi etọn lẹ mẹ, bo wàdole OKLUNỌ ko dọhó hlan en do: é sọ wá jọ, na é dibusi whegbetọ otọ́ etọn tọn po omẹ tòdaho lọ lẹ tọn po wutu, sọ mọ dọ é ma sọgan wà ẹ to ókle, wẹ é dò wà ẹ to ozán mẹ. ²⁸Whenuena omẹ tòdaho lọ tọn lẹ fọ́n to afònnu fú, dayi e go, yè ko họ́ agbà Baali tọn liai, yè ko sọ sán Asela he tin to e dali liai, yè ko sọ yí yìnsú awetọ lọ do na nunina avọ́ tọn to agbà he yè do lọ ji. ²⁹Yé sọ to didọ ode hlan awetọ dọ, Mẹnu wẹ wà onú he? whenuena yé dindona bo kanbiọ, yé dọmọ, Gideoni visunnu Joaṣi tọn wẹ ko wà onú he. ³⁰Whenẹnu wẹ omẹ tòdaho mẹ tọn le dọ hlan Joaṣi dọmọ, Hẹn visunnu towe jẹgbonu wá, na é nido kú: na é ko hó agbà Baali tọn liai wutu, podọ na é ko san Asela he tin to e dali liai wutu. ³¹Joaṣi sọ dọ hlan yé he fọ́n do e ji lẹpo dọ, Mì na yíhódo na Baali wẹ? kavi mìwlẹ wẹ na whlẹn ewọ? ewọ he na yifaódọ nẹ, mì gbọ yè ni hù i to afọnnu he eyín ewọ yín yẹwhe de, gbọ é ni yihó ede tọn dọ, na omẹ de ko họ́ agbà etọn liai wutu. ³²Enẹwutu wẹ é ylọ ẹ to gbènẹgbe dọ Jelubbaali, dọmọ, Gbọ Baali ni yíhódọ hẹ ẹ, na ewọ ko hó agbà etọn liai wutu.

³³Whenẹnu wẹ Midianinu lẹpo po Amalẹkinu lẹ po, po ovi whèyìhọ tọn lẹ po bẹ́ yéde pli dopọ; yé juwayì, bo dosla do agbàdo Jezleẹli tọn mẹ. ³⁴Ṣigba gbigbọ OKLUNỌ tọn wá Gideoni ji; é sọ kún opẹ̀n de; yè sọ bé Abiezẹli pli dopọ do godo nẹ. ³⁵E sọ dè mẹdagun lẹ hlan lẹ́do Manassẹ lẹpo: yè sọ bé yé pli dopọ ga do godo nẹ̃: é sọ dè mẹdagun lẹ hlan Aṣeli, podọ hlan Zebuluni, podọ hlan Naftali; yé sọ wá aga nado pé yé. ³⁶Gideoni sọ dọ hlan Jiwheyẹwhe dọ, Eyín hiẹ na whlẹn Islaeli gbọn alọ ṣie mẹ, dile hiẹ ko dọ do, ³⁷dayi e go, yẹn na yí ohló lẹngbọyú tọn de do agbà vẹ̃ndatẹn tọn ji: eyín ahún tin to ohló kẹdẹ ji, bọ é yín húhú to aigba lẹpo ji, whenẹnu wẹ yẹn na yọnẹn dọ hẹna whlẹn Islaeli gbọn álọ ṣie mẹ, dile hie dọ do. ³⁸E sọ yín mọ: na é fọ́n to afọnnufú to aihọngbè, bo há ohló lọ dopọ, bo finyọn ahún sọn ohló lọ mẹ, okloba osìn tọn de gó. ³⁹Gideoni sọ dọ hlan Jiwheyẹwhe dọ, A dike yè hẹn adi towe jimiyọn do oji e blo, whladopo he wẹ yẹn na sọ dọhó: gbọ yẹn ni yí ohló do mọdona whladopo he janwẹ, yẹn vẹ we; dinvie gbọ é ni yín húhú to ohló lọ ji kẹdẹ, bo gbọ ahún ni tin to aigba lẹpo ji. ⁴⁰Jiwheyẹwhe sọ wà mọ to ozàn nẹ mẹ: na é yín húhú to ohló lọ ji kẹdẹ, bọ ahún sọ tin to aigba lẹpo ji.

¹WHENẸNU Jelubbaali, mẹhe yin Gideoni, po gbẹtọ he tin to e de lepo po, fọ́n to afọnnu fa bo dosla do adà tósisa Halọdi tọn go: osla Midiani tọn tin to adà agewaji yé tọn go, to okọta Molẹhi tọn dali, to agbàdo mẹ.

²OKLUNỌ sọ dọ hlan Gideoni dọ, Omẹ he tin to de we lẹ yín susugbahu na mi nado yí Midianinu lẹ jó do alọ yetọn mẹ, Islaeli lẹ nikã hẹn yéde dosakla to oji e, dọmọ, Alọ ṣie titi wẹ whlẹn mi. ³Enewutu dinvie yì, nado lá to otọ́ gbẹtọ lẹ tọn mẹ, dọmọ, Mẹdepope he yín buditọ podọ sisọsisọnọ, gbọ é ni diọkò bo yì sọn osé Gileadi ji. Gbẹtọ fọtọ́n konukunawe sọ diọkó to finẹ; é sọ pò fọtọ́n ao to ai.

⁴OKLUNỌ sọ dọ hlan Gideoni dọ, Gbẹtọ lọ gbé sọ yín susugbahu; hẹn yé wá osìn kọ̀n, yẹn na sọ whle yé pọn to finẹ na we: é na sọ yín, dọ omẹ he tọn yẹn dọ hlan we, ehe wẹ na yì po hiẹ po, doponẹ wẹ na yì po hiẹ po; podọ mẹdepope he tọn yẹn dọ hlan we, ehe wẹ ma na yì po hiẹ po gba, doponẹ wẹ ma to na yì gba. ⁵Mowẹ é hẹn gbẹtọ ewlẹ wá osìn kọ̀n: OKLUNỌ sọ dọ hlan Gideoni dọ, Omẹ he yí odẹ́ etọn do didọ sọn osìn mẹ lẹpo, dile avún de to didọdidọ do, ewọ wẹ hiẹ na dè do ovò na ede; mọkẹdẹ wẹ omẹ he fẹ yì odò to oklò etọn lẹ ji nado nù lẹpo. ⁶Osọha yé he didọ tọn, yíyí alọ yetọn do onù yetọn, yín sunnu fọdekanweko: ṣigba pipòtọ gbẹtọ lẹ tọn lẹpo wẹ dé do oklò yetọn lẹ ji nado nù osìn. ⁷OKLUNỌ sọ dọ hlan Gideoni dọ, Gbọn sunnu fọdekanweko he didọ dali wẹ yẹn na whlẹn mì, bo na jó Midianinu lẹ do alọ towe mẹ: bo gbọ gbẹtọ lẹpo ni yì omẹ dopodopo otẹn etọn mẹ. ⁸Mọwẹ gbẹtọ ewlẹ yí núdùdù lẹ do alọ yetọn mẹ, po opẹ́n yetọn lẹ po: é do omẹ Islaeli tọn lẹpo omẹ dopodopo yì gohọ̀ etọn mẹ, ṣigba bo glọn sunnusi fọdekanweko lẹ dai: osla Midiani tọn sọ tin to odò nẹ̀ to agbàdo mẹ.

⁹E sọ wá jọ to ozán doponẹ mẹ, wẹ OKLUNỌ dọ hlan ẹn dọ, Tite, jẹte yì osla lọ mẹ; na yẹn ko jó e do alọ towe mẹ. ¹⁰Ṣigba eyín hiẹ dibu nado jẹte yì, hiẹ ni bo jẹte po Pulahi devisunnu towe po yì osla lọ mẹ. ¹¹Hiẹ na sọ sè núhe yé to didọ, enẹgodo wẹ yè na hẹn alọ towe lẹ dohuhlọn nado jẹte yì biọ osla lọ mẹ. Whenẹnu wẹ é yì po Pulahi devisunnu etọn po jẹ adà gbonupatapata mẹwleawhànwu lẹ tọn ji he tin to Osla lọ mẹ. ¹²Midianinu lẹ po Amalẹkìnu lẹ po po ovi whèzẹtẹn tọn lẹpo po mlọnai vididi to agbàdo mẹ di owẹ́n na susugégé; kanklosọpoawenọ yetọn lẹ tin matin osọha, di otòkẹn he tin to ohù tó na susugégé ¹³Whenuen Gideoni wá, dayi e go, dawe de tin to finẹ he to odlọ de hódọ hlan hatọ etọn, bo dọmọ, Dayi e go, yẹn kudlọ de, bo, pọ́n aklahihi de sọn gbàdo bali mẹ dahli jẹ osla Midiani tọn me, bo wá gohọ́ kọ̀n, bo hò e bọ é họ́, bo diọ ẹ sotadòna, bọ gohò lọ sọ mlọnai péaigba. ¹⁴Hatọ etọn lọ sọ gblọn bo dọmọ, Ehe ma yín onú devo de adavo ohi Gideoni visunnu Joaṣi tọn tọn, omẹ Islaeli tọn de: alọ etọn mẹ wẹ jiwheyẹwhe ko jó Midiani do, po awhànpa etọn lẹpo po.

¹⁵E sọ yín mọ, whenuena Gideoni sè didọ odlọ lọ tọn, po tadena etọn po, wẹ é litai; é sọ diọkò biọ osla Islaeli tọn mẹ, bo dọmọ, Tite; na OKLUNỌ ko jó awhànpa Midiani tọn do alọ mìtọn mẹ. ¹⁶E sọ má omẹ fọdekanweko lọ do ogbẹ́ atón, é sọ yí opẹ́n lẹ do alọ yé omẹ lẹpo tọn lẹ mẹ, po tọ̀zẹ́n vọ lẹ po, po zòwhán lẹ po do tòzén lẹ lọ hòmẹ, ¹⁷E sọ dọ hlan yé dọ, Mì nọ pọ́n mi, bo nọ wà mọkẹdẹ bo, dayi e go, whenuena yẹn jẹ adà gbonupatapata osla lọ tọn, é na yín dọ, le yẹn wà do, mọwẹ míwlẹ na wà do. ¹⁸Whenuena yẹn kún opẹ́n lọ, yẹn po omẹ he tin to dẽ lẹpo po, whenẹnu míwlẹ ni kún opẹ́n lẹ ga to adà osla tọn lẹpo ji, bo dọmọ, Na OKLUNỌ podọ na Gideoni.

¹⁹Mowẹ Gideoni, po omẹ fọdekanweko he tin to e de lẹ po, wá adà gbonupatapata osla tọn to hihọ́ zánhòmẹ tọn jlẹji, whenuena yé ko ṣẹsẹ dè hihótọ yọ́yọ́: yé sọ kún opẹ́n lẹ, bo gbà tọ̀zẹ́n lẹ hanyanhanyan he tin to alọ yetọn lẹ mẹ. ²⁰Ogbé atón lẹ sọ kún opón lẹ, bo gbà tózén lẹ lọ, bo yí zòwhán lẹ hẹn do alọ amiyọn yetọn lẹ mẹ, podọ opẹ́n lẹ do alọ adusi yetọn lẹ mẹ nado yí do kún: yé sọ dawhá dọ, Ohi OKLUNỌ tọn po Gideoni po tọn. ²¹Yé sọ site omẹ dopodopo to otẹn etọn mẹ lẹ́do osla lọ: awhànpa lẹpo hònwezun; yé dabobo, bo yàn yé do wezunji. ²²Yé sọ kún opèn fọdekanweko lẹ, OKLUNỌ sọ dè ohi omẹ dopodopo tọn do hatọ etọn ji, podọ do awhànpa lẹpo ji: awhànpa lọ sọ hónyì kaka yì jẹ Bẹti-ṣitahi hlan Zelelahi dali, kaka yì jẹ dògboji Abẹli-mẹholahi tọn, to Tabbati dali; ²³Yè sọ bẹ omẹ Islaeli tọn lẹ pli dopọ sọn Naftali mẹ, podọ sọn Aṣeli mẹ, podọ sọn Manassẹ mẹ, bo domọna Midiani to godo. ²⁴Gi deoni sọ dè mẹdagun hlan lẹ́do otò okọta Eflaimi tọn lẹpo, dọmọ, Mì jẹte wá Midiani ji, bo yí to yé nukọn osìn lẹ kaka jẹ Bẹti-balahi, yèdọ Jọdani. Mowẹ yè bó omẹ Eflaimi tọn lẹ pli dopọ, bo yí osìn lẹ kaka jẹ Bẹti-balahi, yèdọ Jọdani. ²⁵Yé sọ wle ahọvi awe Midiani tọn lẹ olebi po Zeebi po; yé sọ hù olebi to osé olebi kọ̀n, Zeebi wẹ yé sọ hù to vẹ̃ndatẹn Zeebi tọn kọ̀n, bo sọ domọna Midiani: yé sọ hẹn ota olebi po Zeebi po tọn wá Gideoni de to Jọdani gododọ̃n.

¹OMẸ Eflaimi tọn lẹ sọ dọ hlan ẹn dọ, Etẹwutu wẹ hiẹ do wà le dọ mí, bọ hiẹ ma do ylọ mi, whenuena hiẹ do yí nado; hòavùn hẹ Midiani? yé sọ tlọnú hẹ ẹ badabada. ²Ewọ sọ dọ hlan yé dọ, Etẹ wẹ yẹn ko wà dinvie to nujlẹdonugo mì tọn mẹ? Be weluwiwe vẹ̃nsinsẹ̀n Eflaimi tọn tọn lẹ ma yín pónte hù vẹ̃njijẹ Abiezeli tọn? ³Jiwheyẹwhe ko jó ahọvi Midiani tọn lẹ do alọ mìtọn mẹ, olebi po Zeebi po: etẹwẹ yẹn sọgan nado wàto nujledonugo mì tọn mẹ? Whenẹnu wẹ adi yetọn huwhé hlan e dali, whenuena é ko dọ enẹ. ⁴Gideoni sọ wá Jọdani, bo juyi, ewọ, po omẹ fọdekanweko he tin to e de lẹ po, agbópó yé, gãnṣo yé módona. ⁵E sọ dọ hlan omẹ Sukọti tọn lẹ dọ, yẹn vó mì, mì na akla gó lẹ hlan omẹ he hodo mi lẹ: na yé yín mẹagbópé, yẹn sọ to módona Zebahi po Zalmunna po to godo, ahọlu Midiani tọn lẹ. ⁶Ahọvi Sukoti tọn lẹ sọ dọmọ, Be alọ Zebahi po Zalmunna po tọn lẹ to dinvie tin to alọ towe mẹ, bọ míwlẹ na do na akla hlan awhànfuntọ towe lẹ? ⁷Gideoni sọ dọmọ, Enẹwutu whenuena OKLUNỌ ko jó Zebahi po Zalmunna po do alọ ṣie mẹ, whenẹnu wẹ yẹn na yí owùn zùngbo mẹ tọn lẹ po vẹunvẹun lẹ po do tlẹn agbasalan mìtọn. ⁸Ewọ sọ yì aga sọnfinẹ jẹ Penueli, bo sọ dọhó hlan yé do mọkẹdẹ: omẹ Penueli tọn lẹ sọ gblọnhó nẹ̃ dile omẹ Sukọti tọn lẹ gblọnhó do. ⁹E sọ dọhó hlan omẹ Pẹnueli tọn lẹ ga, dọmọ, Whenuena yẹn sọ gòwá jijọho mẹ, yẹn na gbà atòhò he liai.

¹⁰Dinvie Zebahi po Zalmunna po tin to Kalkọli mẹ, awhànpa yetọn lẹ sọ tin to yé de, sunnu fọtọ́n fọtọ́n nkọ, popo he yè pòdai sọn awhànpa ovi whèzẹtẹn tọn lẹ tọn mẹ: na omẹ he sún ohi fọtọ́n kantọ̀n wẹ jai to finẹ. ¹¹Gideoni sọ yì aga gbọn aliho yé he nọnọ̀ gohọ́ lẹ mẹ tọn dali to whèzẹtẹn Nobahi po Jogbehahi po tọn go, bo hò awhanpa lọ: na awhànpa lọ ko yín jidètọ. ¹²Zebahi po Zalmunna po sọ hónyì; é sọ domọna to yé godo; é sọ wle ahọlu awe Midiani tọn lẹ, Zebahi po Zalmunna po, bo sọ doflu awhànpa lọ lẹpo. ¹³Gideoni visunnu Joaẹi tọn sọ diọkó sọn awhàn funtẹn sọn agayìyì Helẹsi tọn. ¹⁴E sọ wle sunnu dẹpẹmẹ de sọn omẹ Sukọti tọn lẹ mẹ, bo kanbiọ sọn e si: ewọ sọ jlẹ ahọvi Sukọti tọn lẹ nẹ̃, po mẹho etọn lẹ po, Sunnusi kandegbànatónnukunawe. ¹⁵E sọ wá omẹ Sukọti tọn lẹ de, bo dọmọ, Dayi Zebahi po Zalmunna po go, gbọn mẹhe tọn dali mìwlẹ dọnuagbàgbana mi, dọmọ, Be alọ Zebahi po Zalmunna po tọn lẹ tin to alọ towe mẹ dinvie, bọ míwlẹ na do na akla hlan omẹ towe lẹ he yín mẹagbọ̀pé lẹ? ¹⁶E sọ yí mẹho tòdaho lọ tọn lẹ, owùn zùngbo mẹ tọn lẹ po vẹunvẹun po, yé wẹ é yí do plọn omẹ Sukọti tọn lẹ. ¹⁷E sọ hó atòhó Penueli tọn liai, bo hù omẹ todaho lọ tọn lẹ. ¹⁸Whenẹnu wẹ é dọ hlan Zebahi po Zalmunna po dọ, Omẹ hunkọ tó tọn wẹ yé mẹhe mì hù to Taboli lẹ yín? Yé sọ gblọnhó dọ, Le hiẹ te, mọwẹ yé te; dopodopo di ovi ahọlu de tọn. ¹⁹Ewọ sọ dọmọ, Mẹmẹsunnu ṣie lẹ wẹ yé, visunnu onọ ṣie tọn lẹ: le OKLUNỌ tin to ogbẹ̀, eyín mìwlẹ ko whlẹn yé do ogbẹ́, yẹn ma do na hù mì gba. ²⁰E sọ dọ hlan Jeteli plọnji etọn dọ, Tite, bo hù yé. Ṣigba yọpọvu lọ ma dọ̀n ohi etọn gba: na é dibu, na yọpọvu de jànwẹ ewọ. ²¹Whenẹnu wẹ Zebahi po Zalmunna po dọmọ, Hiẹ ni tite bo jẹ mí ji: na le omẹ te, mọwẹ huhlọn etọn nọ nọ. Gideoni sọ tite, bo hù Zebahi po Zalmunna po, bo yi tósia he tin to nẹgbé kanklosọpoawenọ yetọn lẹ tọn ji lẹ.

²²Whenẹnu wẹ omẹ Islaeli tọn lẹ dọ hlan Gideoni dọ, Hiẹ ni dugán do mí ji, hiẹ po visunnu towe lọ po, po visunnu visunnu towe tọn lẹ po ga: na hiẹ ko whlẹn mí sọn alọ Midiani tọn mẹ, ²³Gideoni sọ dọ hlan yé dọ, Yẹn ma to na dugán do mì ji gba, mọ visunnu ṣie ma na dugán do mì ji gba: OKLUNỌ wẹ na dugán do mì ji. ²⁴Gideoni sọ dọ hlan yé dọ, Yẹn na biọ núkanbiọ de sọn mì si, dọ, mì na na mi sunnu dopodopo tòmẹnu ogblannu etọn tọn lẹ. (Na yé tindo sika tómẹnu lẹ, na yé yín Islaelinu wutu.) ²⁵Yé sọ gblọnhó dọ, Mìwlẹ na jó yé po ojlo po. Yé sọ dlẹn avọ̀ de, bo bé dlan do e mẹ sunnu dopodopo tómẹnu ogblannu etọn tọn lẹ. ²⁶Ojlẹ sika tómẹnu lọ lẹ tọn he é biọ tọn lẹ yín sẹkeli sika tọn fọṣinatọ̀n kanweko, matin tòsia lẹ, po núpipla lẹ po, po avọ̀ gefunwunmẹ lọ po he tin to ahọlu Midiani tọn lẹ go, podọ matin gẹ̀dẹ̀ lẹ he tin to okọ̀ kanklosọpóawehọ lẹ tọn lẹ. ²⁷Gideoni sọ basi awu efọdi etọn de, bo yí i do tòdaho etọn mẹ, yèdọ do Oflahi mẹ: Islaeli lẹpo sọ yì ogàgbé de to e godo to finẹ: é sọ lẹzùn omọ̀ de hlan Gideoni, podọ hlan owhé etọn. ²⁸Mowẹ yè hẹn Midiani tó ovi Islaeli tọn lẹ nukọn yìdò do, yé ma sọ zé ota yetọn lẹ daga gbede ba. Aigba lọ sọ tindo gbọjẹ owhè kande to azán Gideoni tọn lẹ mẹ.

²⁹Jelubbaali visunnu Joaṣi tọn sọ yì bo nọnọ̀ owhé etọn titi gbè. ³⁰Gideoni sọ tindo visunnu kandegbàn yè ji sọn agbasa etọn mẹ: na é tindo asi susu. ³¹Asimọwhla etọn he tin to Ṣekẹmi, ewọ ga ji visunnu de nẹ̃, é sọ ylọ oyín etọn Abimelẹki, ³²Gideoni visunnu Joaṣi tọn lọ sọ kú to yọnhopipò dagbe de mẹ, yè sọ di i do oyọwhé Joaṣi otọ́ etọn tọn mẹ, to Oflahi Abiezlinulẹ tọn mẹ.

³³E sọ wá jọ, plaun le Gideoni yín osiọ, wẹ ovi Islaeli tọn lẹ sọ vọ́ lé, bo to ogàgbé de yì to Baalimi godo, bo yí Baalibẹlìti do basi yẹwhe yetọn. ³⁴Ovi Islaeli tọn lẹ ma sọ flin OKLUNỌ Jiwheyẹwhe yetọn gba, mẹhe whlẹn yé sọn alọ Tẹntọ yetọn lẹpo tọn mẹ to awà lẹpo ji: ³⁵mọ yé ma sọ do dagbewà hia hlan owhé Jelubaali tọn, mẹhe yín Gideoni, kẹdẹdiìe dagbe lẹpo he é dohia hlan Islaeli te.

¹ABIMELẸKI visunnu Jelubaali tọn yì Ṣekẹmi to mẹmẹsunnu onọ etọn tọn lẹ de, bo dọhó hẹ yé, podọ hẹ whédo owhé otọ́ onọ etọn tọn lẹpo, dọmọ, ²Mì dọhó, yẹn vẹ̀ mì, to otọ́ omẹ Ṣekẹmi tọn lẹpo tọn mẹ, dọ, Eyín é pónte na mì, dọ visunnu Jelubaali tọn lẹpo, he yín gbẹtọ kandegbàn, ni dugán do mì ji, kavi dọ dopo ni dugán do mì ji? mì ni flin ga dọ yẹn yín ohú mìtọn po agbasalan mìtọn po. ³Mẹmẹsunnu onọ etọn tọn lẹ sọ Bọlió e tọn helẹ pó to otọ́ omẹ Ẹekẹmi tọn lẹpo tọn mẹ: ayiha yetọn lẹ sọ dó nado nọ hodo Abimelẹki; na yé dọmọ, Nọvisunnu mìtọn wẹ ewọ. ⁴Yé sọ na ojlẹ kandegbàn fataka wọ́wọ́ tọn ẹn sọn ohọ̀ Baali-bẹliti tọn mẹ, ehe Abimelẹki yí do dapà mẹvọnu ohlonọ lẹ, he to hihodo e lẹ. ⁵E sọ yì owhé otọ́ etọn tọn gbè tọ Oflahi, bo hù mẹmẹsunnu etọn lẹ visunnu Jelubaali tọn lẹ, he yín gbẹtọ kandegbàn to zannu dopo ji: adavo Jotami visunnu jivọ Jelubaali tọn wẹ yè pòdai; na é whla ede.

⁶Omẹ ṣekẹmi tọn lẹpo sọ pli yéde dopọ, po owhé Millo tọn lẹpo po, bò yì bo yí Abimelẹki do basi ahọlu, to atin oaki dòtin tọn dali he tin to Ṣekẹmi mẹ. ⁷Whenuena yé dọ ẹ hlan Jotami, ewọ yì bo ṣite to aga osé Gelizimi tọn ji, bo zé ogbè etọn daga, bo dawhá, bo dọ hlan yé dọ, Mì tuntóai hlan mi, mì omẹ Ṣekẹmi tọn emi, na Jiwheyẹwhe nido tuntóai hlan mì. ⁸Atin lẹ tọ́n yì to òjlẹ de ji nado doahọlu de do yé ji; yé sọ dọ hlan atin olivieli dọ Hiẹ ni duahọlu do mí ji. ⁹Ṣigba atin olivieli dọ hlan yé dọ, Be yẹn ni jo ojó ṣie dai fietọn gbọn yẹn dali yé nọ gbogbéna Jiwheyẹwhe po gbẹtọ po, boyì nado nọ to mìmì yìgodo yìnukọn to atin lẹ ji? ¹⁰Atin lẹ sọ dọ hlan ovotin dọ, Hiẹ ni wá bo duahọlu do mí ji. ¹¹Ṣigba ovotin dọ hlan yé dọ, Be yẹn ni jo ovivi ṣie dai, po sinsẹ́n dagbe ṣie po, bo yì nado to mìmì yìgodo yìtìukọn to atin lẹ ji? ¹²Atin lẹ sọ dọ hlan ovẹntin lọ dọ, Hiẹ ni wá, bo duahọlu do mí ji. ¹³Ovẹ̃ntin lọ sọ dọ hlan yé dọ, Be yẹn ni jo ovẹ̃n ṣie dai, he nọ doawùyana Jiwheyẹwhe po gbẹtọ po, bo yì nado to mìmì yìgodo yìnukọn to atin lẹ ji? ¹⁴Whenẹnu wẹ atin lẹpo dọ hlan owuntin dọ, Hiẹ ni wá, bo duahọlu domí ji, ¹⁵Owuntin lọ sọ dọ hlan atin lẹ dọ, Eyín to nugbo mẹ mìwlẹ yí mi do doahọlu do mì ji, whenẹnu mì bo wá bo yí tudido mìtọn do oyó ṣie glọ: eyín lala, bo gbọ miyọn ni tón sọn owuntin lọ mẹ, bo fiọ kedali Lebanọni tọn lẹ. ¹⁶Enẹwutu dinvie, eyín mìwlẹ ko yí nugbo po jlọjlọ po do zán, to enẹ he mì ko yí Abimelẹki do basi ahọlu mẹ, podọ eyín mìwlẹ ko zán dagbe hẹ Jelubaali po owhé etọn po, bo ko sọ wà hlan ẹn kẹdẹdi núsọhẹ alọ etọn lẹ tọn tọn; ¹⁷(na otọ́ ṣie hòavùn na mìwlẹ, bo do ogbẹ etọn owu mẹ na mì, bo whlẹn mì sọn alọ Midiani tọn mẹ: ¹⁸mìwlẹ sọ yín mẹfinfọ́n daga do owhé otọ́ ṣie tọn ji to egbé, bo ko hù visunnu etọn lẹ, gbẹtọ kandegbàn, to zannu dopo ji, bo yí Abimelẹki, visunnu deviyọnnu etọn tọn do do ahọlu do omẹ ṣekẹmi tọn lẹ ji, na ewọ yín nọvisunnu mìtọn wutu;) ¹⁹eyín mìwlẹ whenẹnu ko yí nugbo po jlọjlọ po do zán hẹ Jelubaali podọ hẹ owhé etọn to egbé, whenẹnu mì ni bo to ayajẹ to Abimelẹki mẹ, bo sọ gbọ ewọ ni to ayajẹ to mìwlẹ mẹ: ²⁰ṣigba eyín lala, gbọ miyọn ni tón sọn Abimelẹki de wá, bo fiọ omẹ Ṣekẹmi tọn lẹ, po owhé Millo tọn po; bo sọ gbọ miyọn ni tón sọn omẹ Ṣekẹmi tọn le de wá, podọ sọn owhé Millo tọn gbè, bo fiọ Abimelẹki. ²¹Jotami sọ hònwezun yì, bo họ̀nyì, bo yì Beẹli, bo nọnọ̀ finẹ, na osi Abimelẹki nọvisunnu etọn tọn.

²²Abimelẹki sọ yín ahọvi to Islaeli ji họ́ ówhè atọ̀n. ²³Jiwheyẹwhe sọ dè gbigbọ ylanylan de hlan Abimelẹki po omẹ Ṣekẹmi tọn lẹ po ṣẹnṣẹn; omẹ Ṣekẹmi tọn lẹ sọ yí gbigble do zán hẹ Abimelẹki: ²⁴dọ okà he yè wà hlan visunnù Jelubaali tọn kandegbàn lẹ nido wá, podọ na ohùn yetọn nido yín zizé do Abimelẹki nọvisunnu yetọn he hù yé ji, podọ dọ omẹ Ẹekẹmi tọn lẹ ji, he nahuhlọn alọ etọn lẹ nado hù mẹmẹsunnu etọn lẹ. ²⁵Omẹ Ṣekẹmi tọn lẹ sọ do omẹ owu mẹ nẹ̃ to aga osé lẹ tọn ji, yé sọ bẹ́ onú he sọn aliho nẹ ji gbọn yé dali lẹpo: yè sọ dọ na Abimelẹki.

²⁶Gaali visunnu Ebedi tọn sọ wá po mẹmẹsunnù etọn lẹ po, bo juyì Ṣekẹmi: omẹ Ṣekẹmi tọn lẹ sọ yí tudido yetọn do e go. ²⁷Yé sọ tón yì biọ danji, bo plọ Vẹ́ngle yetọn lẹ, bo pótó vẹ̃nsinsẹ̀n lẹ, bo wá hùnwhẹ, bo yì biọ ohò yẹwhe yetọn tọn mẹ, bo dù bo sọ nù, bo; hodẹ̀do Abimelẹki. ²⁸Gaali visunnu Ebedi tọn sọ dọmọ, Mẹnu wẹ Abimelẹki, mẹnu sọ wẹ Ṣekẹmi, bọ míwlẹ na do sẹn ẹn? E ma yín ewọ wẹ visunnu Jelubbaàli tọn? podọ Zebuli azọ́ngán etọn? mi nọ sẹ̀n omẹ Hamọli tọn lẹ otọ Ṣekẹmi tọn: ṣigba etẹwutu wẹ mìwlẹ na sẹ̀n ewọ? ²⁹E do jlo Jiwheyẹwhe dọ omẹ he lẹ tin to alọ ṣie glọ! whenẹnu yẹn na dè Abimelẹki sẹ̀. Ewọ sọ dọ hlan Abimelẹki dọ, Hẹn awhàn towe sudeji, bo tọ́n wá. ³⁰Whenuena Zebuli Ogán tòdaho lọ tọn sè ohó Gaali visunnu Ebedi tọn tọn lẹ, yè hẹn adi etọn jimiyọn. ³¹E sọ dè mẹdagun lẹ hlan Abimelẹki gbọnyẹmẹ, dọmọ, Dayi e go, Gaali visunnu Ebedi tọn po mẹmẹsunnu etọn lẹ po wá Ṣekẹmi; bo, dayi e gọ, yé glọn tòdaho lọ nado yí mimá hẹ yé to oji we. ³²Enẹwutu dinvie, fọ́n to ozánmẹ, hiẹ po omẹ he tin to de we lẹ po, bo tòwu do danji: ³³é na sọ yin, dọ to afọnnu, le owhè kinklẹn ja, hiẹ na fọ́n afọnnufù, bo jẹ tòdaho lọ ji: bo, dayi e go, whenuena ewọ po omẹ he tin to e de lẹ po tón wá oji we, whenẹnu hiẹ nido wà hlan yé dile hiẹ mọ tẹnmẹ do.

³⁴Abimelẹki sọ fọ́nsite, po omẹ he tin to e de lẹpo po, to ozánmẹ, yé sọ tòwu dote na Ṣekẹmi do ogbó ẹnẹ mẹ, ³⁵Gaali visunnu Ebedi tọn sọ yì gbonu, bo site to bibiọ hòngbo tòdaho lọ tọn tọn mẹ: Abimelẹki sọ fọ́nsite, po omẹ hẹ tin to e de lẹ po, sọn wutitò mẹ. ³⁶Whenuena Gaali mọ omẹ ewlẹ, é dọ hlan Zebuli dọ, Dayi e go, gbẹtọ lẹ jẹte wá sọn aga osé lẹ tọn ji. Zebuli sọ dọ hlan ẹn dọ, Oyó osé lẹ tọn wẹ hiẹ to mimọ di dọ gbẹtọ wẹ yé. ³⁷Gaali sọ vọ hódọ bó dọmọ, Pọn, gbẹtọ lẹ tejẹ ja gbọn ṣẹnṣẹn aigba tọn, ogbọ́ dopo gbọn aliho oaki Mẹonẹnìmì tọn tọn dali ja. ³⁸Whenẹnu wẹ Zebuli dọ hlan ẹn dọ, Fie wẹ onù towe te dinvie, bọ hiẹ do dọ dọmọ, Mẹnu wẹ Abimelẹki, bọ mìwlẹ na do nọ sèn ẹn? gbẹtọ he lẹ ma wẹ ehe hiẹ ko vlẹ? yì gbonu dinvie, yẹn vẹ́ we, bo hòavùn hẹ yé. ³⁹Gaali sọ yì gbonu to omẹ ṣekẹmi tọn lẹ nukọn, bo hòavùn hẹ Abimelẹki. ⁴⁰Abimelẹki sọ yàn ẹn, é sọ họ̀nyì to nukọn etọn, alantọ susu sọ jai to finẹ, yèdọ jẹ bibiọ họ̀ngbo lọ tọn mẹ. ⁴¹Abimelẹki sọ nọnọ̀ Alumahi: Zebuli sọ yàn Gaali po mẹmẹsunnu etọn lẹ po jẹgbonu, bọ yé ma na do nọnọ̀ Ṣekẹmi mẹ ba. ⁴²E sọ wá jọ to aihọngbè wẹ gbẹtọ lẹ yì gbonu biọ danji; yé sọ dọ na Abimelẹki. ⁴³Ewọ sọ yí gbẹtọ lẹ, bo má yé do ogbẹ́ atọ̀n, bo tòwu do danji; ewọ sọ pọ́n, bo, dayi e go, gbẹtọ lẹ to tintọ́n jẹgbonu sọn tòdaho lọ mẹ; ewọ sọ fọ́nṣite dòyé ji, bo hò yé. ⁴⁴Abimelẹki, po ogbé he tin to e de lẹ po, dli jẹgbonu, bo site to bibiọ hòngbo tòdaho lọ tọn tọn mẹ: ogbẹ́ awe lẹ sọ dli do yé he tin to danji lẹpo jì, bò hò yé. ⁴⁵Abimelẹki sọ hòavùn hẹ tòdaho lọ lẹpo to azán nẹ gbè; é sọ yí tòdaho lọ, bo hù omẹ he tin to emẹfìnẹ lẹ: é sọ linu tòdaho lọ liai, bo yí ojẹ do dó e.

⁴⁶Whenuena omẹ atọ̀họ̀ Ṣekẹmi tọn tọn lẹpo sè e, yé biọ dòkọdò owhé Elibẹliti tọn tọn mẹ. ⁴⁷Yè sọ dọ na Abimelẹki dọ omẹ atọ̀hó: Ṣekẹmi tọn tọn lẹpo wẹ yè bẹ́ plidopọ. ⁴⁸Abimelẹki sọ hẹn ede yì osé Zalmọni kọ̀n, ewọ po omẹ he tin to e de lẹpo po; Abimelẹki sọ yí asiọvi do alọ etọn mẹ, bo sán ala de sọn atin lẹ go, bo yí i daga, bo zé e do abó etọn ji: é sọ dọ hlan omẹ he tin to e de lẹ dọ, Núhe míwlẹ mọ yẹn to wiwà, mì ni yawu, bo wà dile yẹn ko wà do. ⁴⁹Gbẹtọ ewlẹ pó domọ sọ sán omẹ dopodopo ala etọn, bo hodo Abimelẹki, bo yí yé do dòkọdò lọ kòn, bo simiyọn dòkọdò lọ to yé ji; sọmọ bọ omẹ atòhó Ṣekẹmi tọn tọn lẹpo kú ga, sunnu po yọnnu po yì fọtọ́n nkọ.

⁵⁰Whenẹnu wẹ Abimelẹki yì Tabezi, bo dosla do Tabezi ji, bo yí i. ⁵¹Ṣigba atòhò sinsinyẹn de tin to tòdaho lọ hòmẹ, finẹ wẹ sunnu lẹ po yọnnu lẹpo po hónyì, po yé tòdaho lọ tọn lẹpo po, bo suhón do yéde, bo hẹn yéde yì aga ohòta atòhò lọ tọn. ⁵²Abimelẹki sọ wá atọ́họ̀ lọ kòn, bo hòavùn hẹ ẹ, bo sinyẹnlin do yì ohòn atọ̀họ̀ lọ tọn ji nado yí miyọn do mẹ́ ẹn. ⁵³Nawe de sọ bli gilisé aga tọn de dlan ota Abimelẹki tọn ji, bo gbà otaka etọn. ⁵⁴Whenẹnu wẹ é ylọ sunnu dẹpẹ nuplatọ etọn lọ plaun, bo dọ hlan ẹn dọ, Dọ́n ohi towe, bo hù mi, bọ gbẹtọ ma na dọ na ṣie tọn dọ, Yọnnu de wẹ hù i. Sunnu dẹpẹ etọn sọnú in luntón, ewọ sọ kú. ⁵⁵Whenuena omẹ Islaeli tọn lẹ mọ dọ Abimelẹki yín osiọ, yé klan omẹ dopodopo yì otẹn etọn mẹ. ⁵⁶Le wẹ Jiwheyẹwhe yíahọsu kanyinylan Abimelẹki tọn tọn, he é wà hlan otọ́ etọn, to hùhù mẹmẹsunnu etọn kandegbàn lẹ mẹ: ⁵⁷po kanyinylan omẹ Ṣekẹmi tọn lẹ tọn lẹpo po wẹ Jiwheyẹwhe yíahọsuna to ota yetọn lẹ ji: podọ yé ji wẹ dẹ́hodo Jotami visunnu Jelubbaali tọn tọn wá.

¹TO Abimelẹki godo Tola visunnu Puahi tọn, visunnu Dodo omẹ Isaka tọn de fọ́n nado whlẹn Islaeli; ewọ sọ nọnó Ṣamili mẹ to otò okọta Eflaimi tọn mẹ. ²Ewọ sọ dawhẹ́na Islaeli owhè konukunatọ́n, bo kú, yé sọ di i do Ẹamili mẹ.

³Podọ godo etọn Jaili, Gileadinu fọ́n; ewọ sọ dawhẹ́na Islaeli owhè konukunawe. ⁴Ewọ sọ tindo visunnu ogbàn he nọ hẹ́ kẹtẹkẹtẹ ovú ogbàn ji, yé sọ tindo tòdaho ogbàn, he yè nọ ylọ dọ Havọtijaili jẹ azán he gbè, ehe tin to aigba Gileadi tọn mẹ lẹ. ⁵Jaili sọ kú, yè sọ di ì do Kamọni mẹ.

⁶Ovi Islaeli tọn lẹ sọ wà enẹ he yín oylan to nukun OKLUNỌ tọn mẹ, bo sọ to Baalimi sẹ̀n, po Asitalọti po, po yẹwhe Silia tọn lẹ po, po yẹwhe Zidọnì ton lẹ po, po yẹwhe Moabi tọn lẹ po, po yẹwhe ovi Ammọni tọn lẹ tọn lẹ po, po yẹwhe Filistini lẹ tọn lẹ po; yé sọ gbẹ́ OKLUNỌ dai, bo ma sọ to sinsẹ̀n ẹn ba. ⁷Yè sọ hẹn adi OKLUNỌ tọn jimiyọn do Islaeli ji, é sọ sà yé do alọ Filistininu lẹ tọn mẹ, podọ do alọ ovi Ammọni tọn lẹ tọn mẹ. ⁸Yé hẹnhomẹgblena bo bianukunna ovi Islaeli tọn lẹ to owhè nẹ mẹ: owhè fọtọ̀nnukunatọ̀n wẹ yé do bianukunna ovi Islaeli tọn he tin to Jọdani gododọ̃n lẹ to aigba Amọlinu lẹ tọn ji, he tin to Gileadi mẹ. ⁹Ovi Ammọni tọn lẹ sọ juyì Jọdani godo nado hòavùn ga hẹ Juda, podọ hẹ Bẹnjamini, podọ hẹ owhé Eflaimi tọn; sọmọ bọ yé bianukunna Islaeli badabada. ¹⁰Ovi ìsláèli tọn lẹ sọ dawhá hlan OKLUNỌ, dọmọ, Míwlẹ ko wàylando do we, yèdọ na míwlẹ ko gbẹ́ Jiwheyẹwhe mìtọn dai wutu, bo ko to Baalimi sẹ́n. ¹¹OKLUNỌ sọ dọ hlan ovi Islaeli tọn lẹ dọ, be yẹn ma ko whlẹn we sọn Egiptinu lẹ si, podọ sọn Amọlinu lẹ si, sọn ovi Ammọni tọn lẹ si, podọ sọn Filistininu lẹ si? ¹²Zidọnianu lẹ ga, po Amalẹkinu lẹ po, po Moanitinu lẹ po, bianukunna mì; míwlẹ sọ dawhá hlan mi, yẹn sọ whlẹn mì sọn alọ yetọn mẹ. ¹³Gãnṣo mì sọ gbé mi dai, bo to yẹwhe devo lẹ sẹ̀n: enẹwutu yẹn ma to na sọ whlẹn mì ba gba. ¹⁴Mì yì bo dawhá hlan yẹwhe he mì ko dè lẹ; mì gbọ yé ni whlẹn mì to ojlẹ nukunbibia mìtọn tọn mẹ. ¹⁵Ovi Islaeli tọn lẹ sọ dọ hlan OKLUNỌ dọ, Miwlẹ ko wàylando: wà hlan mí nudepope he sọawuhia dagbe hlan de we; sà ko whlẹn mí, to azán he gbè, mí vẹ́ we. ¹⁶Yé sọ dè yẹwhe alọpade lẹ sọn yé ṣẹnṣẹn, bo to OKLUNỌ sẹ́n: ayiha etọn sọ yín adinọ na oyajiji Islaeli tọn.

¹⁷Whenẹnu wẹ ovi Ammọni tọn lẹ pli dopọ, bo dosla do Gileadi mẹ. Ovi Islaeli tọn lẹ sọ pli yéde dopọ bo dosla do Mizpahi mẹ. ¹⁸Omẹ ewlẹ, ahọvi Gileadi tọn lẹ, to didọ hlan yénọzo dọ, Mẹnu wẹ ewọ omẹ he na ṣẹ nado to avùnhò hẹ ovi Ammọni tọn lẹ? ewọ wẹ na yín ogán to tòmẹnu Gileadi tọn lẹpo ji.

¹DINVIE Jẹfta Gileadinu yín omẹ asuka hlọnhlọn tọn de, ewọ sọ wẹ visunnu gàlọtọ de tọn: Gileadi wẹ sọ ji Jẹfta. ²Asi Gileadi tọn sọ ji visunnu lẹ nẹ; whenuena visunnu asi etọn tọn lẹ whẹ́n, yé yàn Jẹfta jẹgbonu, bo dọ hlan ẹn dọmọ, Hiẹ ma na dugú to owhé oto mìtọn tọn gbè gba; na visunnu yọnnu devo tọn wẹ hiẹ ³Whenẹnu wẹ Jẹfta họ̀nyì sọn mẹmẹsunnu etọn lẹ de, bo nọnọ̀ aigba Tobi tọn ji: omẹ hlonọ dẽlẹ hoplidopọ do Jẹfta de, yé sọ nọ yì gbonu po e po.

⁴E sọ wá jọ to ojlẹ de godo, wẹ ovi Ammọni tọn lẹ fọ́nawhàn do Islaeli ji. ⁵E sọ yín mọ, dọ whenuena ovi Ammoni tọn lẹ fọ́nawhàn do Islaeli ji, mẹho Gileadi tọn lẹ yì nado plan Jẹfta tọ́n sọn aigba Tobi tọn ji: ⁶yé sọ dọ hlan Jẹfta dọ, Wá bo yín ogán mìtọn, na mí nido hòavùn hẹ ovi Ammọni tọn lẹ. ⁷Jẹfta sọ dọ hlan mẹho Gileadi tọn lẹ dọ, Miwlẹ ma ko gbẹwanna mi, bo sọ yàn mi tón sọn owhé otọ ṣie tọn gbè? etẹwutu mì do wá dẽ dinvie whenuena mì tin to nukunbibia mẹ? ⁸Mẹho Gileadi tọn lẹ sọ dọ hlan Jẹfta dọ, Enẹwutu wẹ mí do lẹ wá de we to dinvie, na hiẹ nido yì hẹ mí, bo hòavùn hẹ ovi Ammọni tọn le, hie na sọ yín ogán mìtọn to tòmẹnu Gileadi tọn lẹpo ji. ⁹Jẹfta sọ dọ hlan mẹho Gileadi tọn lẹ dọ, Eyín mìwlẹ sọ hẹn mi gọ̀ wá owhè nado hòavùn hẹ ovi Ammọni tọn lẹ, bọ OKLUNỌ sọ jó yé to nukọn ṣie, be yẹn na yín ogán mìtọn? ¹⁰Mẹho Gileadi tọn lẹ sọ dọ hlan Jẹfta dọ, OKLUNỌ na yín kunnudetọ to mí ṣẹnṣẹn; nugbonugbo kẹdẹdi ohó towe mọwẹ míwlẹ na nọ wàdo. ¹¹Whenẹnu wẹ Jẹfta yì po mẹho Gileadi tọn lẹ po, gbẹtọ ewlẹ sọ yí i do basi ogán nukọntọ do yé ji: Jefta sọ dọ ohó etọn lẹpo to OKLUNỌ nukọn to Mizpahi mẹ.

¹²Jẹfta sọ dè mẹdagun lọ hlan ahọlu ovi Ammọni tọn lẹ tọn dọmọ, Etẹ hiẹ tindo nado wà po yẹn po, bọ hiẹ do wá dè nado hòavùn hẹ aigba ṣie? ¹³Ahọlu ovi Ammọni tọn lẹ tọn sọ gblọnhó hlan mẹdagun Jẹfta tọn lẹ dọ, Na Islaeli yí aigba ṣie wutu wẹ, whenuena é hẹji sọn Egipti ja, sọn Alnọni yèdọ jẹ Jabbọki, podọ jẹ Jọdani: enẹwutu dinvie sọ gò aigba helẹ jó to jijọho mẹ. ¹⁴Jẹfta sọ gọ̀ mẹdagun lẹ do hlan ahọlu ovi Ammọni tọn lẹ tọn. ¹⁵E sọ dọ hlan ẹn dọ, Le wẹ Jẹfta dọ: Islaeli ma yí aigba Moabi tọn gba, kavi aigba ovi Ammọni tọn lẹ tọn: ¹⁶ṣigba whenuena yé hẹji sọn Egipti ja, bọ Islaeli zinzọnlin gbọn zùngbo mẹ luntọn jẹ Ohù Vẹ̃ tó, bo wá Kadẹsi; ¹⁷whenẹnu wẹ Islaeli do mẹdagun lẹ hlan ahọlu Edọmi tọn, dọmọ, Yẹn vẹ̀ we, gbọ yẹn ni gbọn aigba towe ji luntón: ṣigba ahọlu Edọmi tọn ma tuntóai gba. Mọkẹdẹ wẹ é do omẹ hlan ahọlu Moabi tọn do: ṣigba ewọ ma jlo gba: Islaeli sọ gbọsi Kadẹsi mẹ. ¹⁸Whenẹnu wẹ é zinzọnlin gbọn zùngbo mẹ luntón, bo lẹ́do aigba Edọmi tọn pó, po aigba Moabi tọn pé, bo gbọn adà whẹzẹtẹn aigba Moabi tọn tọn dali, yé sọ whesla do adà awetọ Alnọni tọn go; ṣigba yé ma wá agbohòmẹ Moabi tọn gba, na Alnọni wẹ agboji Moabi tọn ¹⁹Islaeli sọ dè mẹdagun lẹ hlan Ṣihọni ahọlu Amọlinu lẹ tọn, ahọlu Hesibọni tọn; Islaeli sọ dọ hlan ẹn dọ, Mí vẹ̀ we, gbọ mí ni gbọn aigba towe ji luntón jẹ otẹn ṣie mẹ. ²⁰Ṣigba Sihọni ma dotudo Islaeli go nado gbọn dògboji etọn luntọ́n gba: ṣigba Sihọni bẹ́ omẹ etọn lẹpo pli dopọ, bo whesla do Jahazi, bo hòavùn hẹ Islaeli. ²¹OKLUNỌ, Jiwheyẹwhe Islaeli tọn, jó Sihọni po omẹ etọn lẹpo po do alọ Islaeli tọn mẹ, yé sọ hò yé: mọwẹ Islaeli tindo aigba Amọlinu lẹ tọn lẹpo, tòmẹnu otò nẹ tọn lẹ. ²²Yé sọ tindo agbóji Amọlinu lẹ tọn lẹpo, sọn Alnọni yèdọ jẹ Jabbọki, podọ sọn zùngbomẹ yèdọ jẹ̀ Jọdani. ²³Mowẹ dinvie OKLUNỌ, Jiwheyẹwhe Islaeli tọn ko yàn Amọlinu lẹ sọn Islaeli omẹ etọn lẹ nukọn, be hiẹ na yí yé wẹ? ²⁴Hiẹ ma na yí enẹ he yẹwhe towe Semọsi na we nado tindo? mọ mẹdepope OKLUNỌ Jiwheyẹwhe mìtọn ko yàn sọn mi nukọn, yé wẹ míwlẹ na yí. ²⁵Dinvie hiẹ yín onú de pònte hú Balaki visunnu Zippoli tọn, ahọlu Moabi tọn wẹ? be ewọ wò hẹ Islaeli gbede, kavi ewọ hòavùn hẹ yé gbede? ²⁶Whenuena Islaeli nọnọ̀ Hẹsíboni mẹ po gbeta etọn lẹ po, podọ to Aloeli mẹ po gbeta etọn lẹ po, podọ to tòdaho lẹpo mẹ he tin to haji to adà Alnọni tọn dali, họ̀ owhè fọdekanweko; etẹwutu wẹ mì ma do yí yé to ojlẹ nẹ mẹ? ²⁷Enẹwutu yẹn ma ko wàylando do we, ṣigba hiẹ ko wà jagò do mi nado fọnawhàn do oji e: OKLUNỌ, Whẹdatọ, yín whẹdatọ to azán he gbè to ovi Islaeli tọn lẹ po ovi Ammọni tọn lẹ po ṣẹnṣẹn. ²⁸Gãnṣo ahọlu ovi Ammọni tọn lẹ tọn ma tuntóai hlan ohó Jẹfta tọn he é dohlan ẹn lẹ gba.

²⁹Whenẹnu wẹ gbigbọ OKLUNỌ tọn wá Jẹfta ji, ewọ sọ juyì Gileadi po Manassẹ po gododọ̃n, bo sọ juyì Mizpehi Gileadi tọn gododọ̃n, sọn Mizpehi Gileadi tọn gododọ̃n wẹ é juyì gododọ̃n jẹ ovi Ammọni tọn lẹ de. ³⁰Jẹfta sọ yígona pàdido de hlan OKLUNỌ, bo dọmọ, Eyin hiẹ nugbonugbo na jó ovi Ammọni tọn lẹ do alọ ṣie mẹ, ³¹whenẹnu é na yín, dọ nudepope he tọ́n sọn ohọn owhé ṣie gbè tọn lẹ mẹ wá nado pé mi, whenuena yẹn gọ̀ to jijọho mẹ sọn ovi Ammọni tọn le de, é na yín OKLUNỌ tọn, yẹn na sọ jó e na avọ̀ nunina mimẹ̀ de. ³²Mọwẹ Jẹfta juyì gododọ̃n jẹ ovi Ammọni tọn lẹ de nado hòavùn hẹ yé; OKLUNỌ sọ jó yé do alọ etọn me. ³³Ewọ sọ hò yé sọn Aloeli kaka hiẹ do wá jẹ Minmti, yèdọ tòdaho oko, podọ jẹ Abeli-selamimí, po hùja daho talala de po. Mọwẹ yè ṣiatẹ ovi Ammọni tọn lẹ tọn to ovi Islaeli tọn lẹ nukọn.

³⁴Jẹfta sọ wá Mizpahi jẹ owhé etọn gbè, bo, dayi e go, viyọnnu etọn tón ja po akòhún lẹ po po owè lẹ po nado pé e: ewọ sọ wẹ ovi etọn dopokẹdẹ lọ; dogó ẹ ewọ ma sọ tindo visunnu kavi viyọnnu de. ³⁵E sọ wá jọ, whenuena ẹwọ mọ ẹn, wẹ é tlẹn avọ̀ etọn lẹ, bo dọmọ, Kai, viyọnnu ṣie hiẹhẹn mi wà odo patapata, hiẹ sọ yín dopo sọn yé he to tuklado mi lẹ mẹ: na yẹn ko kè onu ṣie hlan OKLUNỌ, yẹn ma sọ sọgan gọ̀yì godo. ³⁶Ewọ sọ dọ hlan ẹn dọ, Otọ́ ṣie, hiẹ ko kè onù towe hlan OKLUNỌ; wà hlan mi kẹdẹdi ene he ko tònsọn onù towe mẹ jẹgbonu; sọle OKLUNỌ ko yíahọsu na we to kẹ̀ntọ towe lẹ ji, yèdọ to ovi Ammọni tọn lẹ ji. ³⁷E sọ dọ hlan otọ etọn dọ, Gbọ yè ni wà núhe na mi: jo mi do họ̀ osùn awe, na yẹn nido tọ̀nyì bo jẹte yì osé lẹ ji, bo sadina gbèjininọ ṣie, yẹn po ogbẹ́ ṣie lẹ po. ³⁸Ewọ sọ dọmọ, Yì. E sọ do e hlan yì hò osùn awe: ewọ sọ tónyì, ewọ po ogbè etọn lẹ po, bo sadina gbèjininọ etọn to osé lẹ ji ³⁹E sọ wá jọ to opodo osùn awe lọ tọn, wẹ é gọ̀ do otọ̀ etọn de, mẹhe wà hẹ ẹ kẹdedi gòyíyí he é do dopà: ewọ ma ko sọ yón sunnu de. E sọ yín aṣà de to Islaeli mẹ, ⁴⁰Dọ ovi Islaeli tọn lẹ nọ yì to whèmẹwhèmẹ nado nọ pà viyọnnu Jẹfta Gileadinu tọn hò azán ẹnẹ to owhè dopo mẹ.

¹OMẸ Eflaimi tọn lẹ sọ bẹ́plidopọ, bo gbọn agewaji dali; yé sọ dọ hlan Jẹfta dọ, Etẹwutu wẹ hiẹ do juyì gododọ̃n nado hòavùn hẹ ovi Ammọni tọn lẹ, bo ma ylọ mí nado yì po hiẹ po? mí na yi miyọn do mè ohọ̀ towe do oji we. ²Jẹfta sọ dọ hlan yé dọ, Yẹn po omẹ ṣie lẹ po ko tin to avùn daho kòn hẹ ovi Ammọni ton lẹ; whenuena yẹn ylọ mì, mì ma whlen mi sọn alọ yetọn mẹ gba. ³Whenuena yẹn sọ mọ dọ mì ma whlẹn mi gba, Yẹn yí ogbẹ̀ ṣie do alọ ṣie mẹ, bo juyì gododọ̃n do ovi Ammọni tọn lẹ ji. OKLUNỌ sọ jó yé do alọ ṣie mẹ: be etẹwutu wẹ míwlẹ ka hẹji wá dẽ to azán he gbè, nado hòavùn hẹ mi? ⁴Whenẹnu wẹ Jẹfta bẹ́ omẹ Gileadi tọn lẹpo plidopọ, bo hòavùn hẹ Eflaimi: omẹ Gileadi tọn lẹ sẹ̀ hò Eflaimi, na yé dọmọ, Mẹjegbé Eflaimi tọn wẹ mì wutu, mì Gileadinu lẹ, to ogbla Eflaimi tọn mẹ, podọ to ogbla Manassẹ tọn mẹ. ⁵Gileadinu lẹ sọ yí tòpẹsẹ Jọdani tọn lẹ jagọ do Eflaiminu lẹ go: é sọ yín mọ, dọ whenuena ome de sọn mẹjègbé Eflaimi tọn lẹ mẹ dọmọ, Gbọ yẹn ni yì gododọ̃n, omẹ Gileadi tọn lẹ nọ dọ hlan ẹn dọ, Eflaiminu de wẹ hiẹ la? Eyín ewọ dọmọ, Lala; ⁶whenẹnu wẹ yé dọ hlan en dọ, Bo dọ Ẹibbolẹti dinvie; ewọ sọ dọ Sibbolẹti; na ewọ ma sọgàn lẹ́dó nado ylọ ẹ dogànji; whenẹnu wẹ yé hẹn e go, bo hù i tó tòpẹse Jọdani tọn lẹ tó: finẹ fọtọ́n kandenukunawe jai te sọn Eflaimi mẹ.

⁷Jẹfta sọ dawhèna Islaeli owhè ṣidopo. Whenẹnu wẹ Jẹfta Gileadinu kú, bọ yè sọ di i do dopo tòdaho Gileadi tọn lẹ mẹ.

⁸To godo etọn Ibzani Betlebẹm tọn dawhèna Islaeli. ⁹Ewọ tindo visunnu ogbàn, é do viyọnnu ogbàn hlan gbéjì, bo sọ hẹn viyọnnu ogbàn sọn gbéji wá whégbe na visunnu etọn lẹ. Ewọ sọ dawhẹ̀na Islaeli owhè ṣinawe. ¹⁰Ibzani sọ kú yè sọ di i to Betlehẹm.

¹¹To godo etọn Elọni Zẹbuluninu dawhẹ̀na Islaeli; ewọ sọ dawhèna Islaeli owhè ao ¹²Elọni Zẹbuluninu kú, yè sọ di i to Aijalọni mẹ to aigba Zẹbuluni tọn ji.

¹³To godo ewọ tọn Abdọni visunnu Hillẹli ton Pilatoninu dawhẹ̀na Islaeli. ¹⁴Ewọ tindo visunnu kande podọ visunnu visunnu lẹ tọn tọn ogbàn, he nọ hẹ́ ketẹkẹtẹvu kandegbàn ji: é sọ dawhèna Islaeli owhè ṣinántọ̀n. ¹⁵Abdọni visunnu Hillẹli Pilatọninu kú, yè sọ di i to Pilatọni mẹ to aigba Eflaimi tọn ji, to otò okọta Amalekinu lẹ tọn mẹ.

¹OVI Islaeli ton lẹ sọ vọ́ wà enẹ he yín oylan to nukun OKLUNỌ tọn mẹ; OKLUNỌ sọ jó yé do alọ Filìstmi lẹ tọn mẹ owhè kande. ²Dawe Zolahi tọn de sọ tin to finẹ, sọn whédo Daninu lẹ tọn mẹ, oyín mẹhe tọn nọ yín Manoa; asi etọn sọ yín wẹ̀nsinọ, bo ma jivi. ³Angẹli OKLUNỌ tọn sọ doawuhia hlan nawe lọ, bo dọ hlan ẹn dọ, Dayi e go dinvie, hiẹ yín wẹnsinọ, bo ma jívi: ṣigba hiẹ na mọhò, bo ji visunnu de. ⁴Enẹwutu dinvie payi, yẹn vẹ̀ we bo ma nù ovẹ̃n depope kavi ahàn sinsinyẹn de blo, bo ma sọ dù onú mawe depope blo: ⁵na, pọ́n, hiẹ na mọhò, bo ji visunnu de; odalunhi de ma na wá ota etọn ji: na ovi lọ na yín Nazilite hlan Jiwheyẹwhe sọn adọ mẹ: ewọ na sọ sẹ nado to Islaeli whlẹn sọn alọ Filistinu lẹ tọn mẹ. ⁶Whenẹnu wẹ nawe lọ wá bo dọ na asù etọn, dọmọ, omẹ Jiwheyẹwhe tọn de wá dè, nukunmẹ etọn sọ tin taidi nukunmẹ angẹli Jiwheyẹwhe tọn tọn, é dobu talala; yẹn ma sọ kanse e dọ fie e sọn, mọ ewọ ma sọ dọ oyín etọn na mi: ⁷ṣigba é dọ hlan mi dọ, Dayi e go, hiẹ na mọhò, bo ji visunnu de; podọ dinvie a nù ovẹ̃n depope kavi ahàn sinsinyẹn de blo; a sọ dù onú mawe depope blo: na ovi lọ na yín Nazilite de hlan Jiwheyẹwhe sọn adò mẹ jẹ azán okú etọn tọn. ⁸Whenẹnu wẹ Manoa vè OKLUNỌ, bo dọmọ, Ṣò OKLUNỌ, yẹn vè we, gbọ omẹ Jiwheyẹwhe tọn lọ mẹhe hiẹ ko dohlan ni sọ vọ mí de gò wá, bo plọn mí núhe mí na wà hlan ovi he yè na ji lọ. ⁹Jiwheyẹwhe sọ tuntóai hlan ogbè Manoa tọn; angẹli Jiwheyẹwhe tọn lọ sọ vẹ́ nawe lọ de gò wá le é sinai to danji: ṣigba Manoa asú etọn ma tin to e de gba. ¹⁰Nawe lọ sọ yawu, bo dowezun, bo dọ na asú etọn, bo dọ hlan ẹn dọ, Dayi e go, dawe lọ ko doawuhia hlan mi, he wá dẽ to azán nemudie. ¹¹Manoa sọ fọ́nsite, bo to yìyì tó asi etọn godo, bo wá dawe lọ de, bo dọ hlan ẹn dọmọ, Hiẹ wẹ omẹ he dọhó hlan nawe lọ? Ewọ sọ dọmọ, Yẹn wẹ. ¹²Manoa sọ dọmọ, Gbọ ohó towe ni sẹ dinvie; nútẹ́ wẹ na yín wàlọ ovi lọ tọn, podọ núté wẹ na yín azọ́n etọn? ¹³Angẹli OKLUNỌ tọn lọ sọ dọ hlan Manoa dọ, Ẹhe tọn yẹn dọ hlan nawe lọ lẹpo gbọ é ni payìdo. ¹⁴Ewọ nidó họ ma dù nudepọpe he sọn ovẹ̃n mẹ, a sọ dike é nù ovẹ̃n kavi ahàn sinsinyẹn blo, kavi dù onù mawe depope blo; enẹ he yẹn degbè nẹ̃ na lẹpo gbọ é ni páyido. ¹⁵Manoa sọ dọ hlan angẹli OKLUNỌ tọn lọ dọ, Yẹn vẹ́ we, gbọ mí ni do we ote, na míwlẹ nido wleawu gbọgbọẹvu de tọn na we. ¹⁶Angẹli OKLUNỌ tọn lọ sọ dọ hlan Manoa dọ, Eyín hiẹ tlẹ do mi ote, yẹn ma to na du sọn akla towe mẹ gba: podọ eyín hiẹ na wleawu avọ́ nunina mimẹ̀ de tọn, hiẹ ma na nọma yí i do sanvọ́ hlan OKLUNỌ. Na Manoa ma yọnẹn dọ angẹli OKLUNỌ lọ tọn wẹ ewọ gba. ¹⁷Manoa sọ dọ hlan angẹli OKLUNỌ tọnlọ dọ, Etẹ wẹ oyín towe, dọ whenuena ohó towe lẹ wá ṣẹ míwlẹ nido gbògbéna we? ¹⁸Angẹli OKLUNỌ tọn lọ sọ dọ hlan ẹn dọ, Etẹwutu wẹ hiẹ to oyín ṣie kanbiọ, mìmọ é yín awujiji? ¹⁹Mọwẹ Manoa yí gbọgbọẹvu lọ po avọ́ nunina jinulili tọn po, bo yí i do sanvọ to osé lọ ji hlan OKLUNỌ: angẹli lọ sọ wà nujawujawu, Manoa po asi etọn po sọ to nupón dĩn. ²⁰Na é wá jọ, whenuena ozòlọ lọ yì aga hlan olọn dali sọn agbà lọ ji, wẹ angẹli OKLUNỌ tọn lọ yìaga to ozòlọ agbà tọn lọ mẹ: Manoa po asi etọn po sọ to nupón dín; yé sọ jai jẹ nukunmẹ yetọn lẹ ji hlan aigba. ²¹Ṣigba angẹli OKLUNỌ tọn lọ ma sọ doawuhia hlan Manoa kavi hlan asi etọn gbede ba. Whenẹnu wẹ Manoa yọnẹn dọ angẹli OKLUNỌ tọn wẹ ewọ. ²²Manoa sọ dọ hlan asi etọn dọ, Mí na kú dandan, na míwlẹ ko mọ Jiwheyẹwhe wutu. ²³Ṣigba asi etọn dọ hlan ẹn dọ, Eyín yè hẹnhomehùn OKLUNỌ nado hù mí, é ma do ko yí avọ́ nunina mimẹ̀ de po avọ́ nunina jinulili tọn de po to alọ mìtọn mẹ gba, mọ é ma do ko do onú helẹ lẹpo hia mí gba, kavi to ojlẹ he mẹ do ko dọ onú mọnkọ lẹ di ehelẹ. ²⁴Yọnnu lọ sọ ji visunnu de, bo ylọ oyín etọn Samsọni: ovi lọ sọ whén, OKLUNỌ sọ dona ẹn. ²⁵Gbigbọ OKLUNỌ tọn ṣe nado hẹn ẹn wàzón to Mahanẹhi-dani mẹ, to Zolahi po Eṣitaoli po ṣẹnṣẹn.

¹SAMSỌNI sọ jẹte yì Timnahi, bo mọ nawe de to Timnahi sọn viyọnnu Filistini lẹ tọn lẹ mẹ. ²Ewọ sọ hẹaga wá, bo dọ na otọ́ etọn po onọ etọn po, bo dọmọ, Yẹn mọ nawe de to Timnahi sọn viyọnnu Filistini lẹ tọn lẹ mẹ: enẹwutu dinvie mọ ẹn na mì hlan asi. ³Whenẹnu wẹ otọ́ ẹtọn Po onọ etọn po dọ hlan ẹn dọ, Yọnnu de ma tin to viyọnnu mẹmẹsunnu towe lẹ ṣẹnṣẹn ba, kavi to omẹ towe lẹpo ṣẹnṣẹn, bọ hiẹ do jei nadọ yí asi de sọn Filistini whẹmagbonọ lẹ mẹ? Samsọni sọ dọ hlan otọ́ etọn dọ, Mọ ẹn na mi; na é hẹnhọmẹhùn mi dagbedagbe. ⁴Ṣigba otọ́ etọn po onọ etọn po ma yọnẹn dọ OKLUNỌ de wẹ e sọn gba; na é to aklòn de din to Filistini lẹ nu wẹ. Dinvie Filistini lẹ wẹ tindo ogándu to Islaeli ji.

⁵Whenẹnu wẹ Samsọni jẹte yì, po otọ́ etọn po po onọ etọn po yì Timnahi, bo jẹ vẹ̃ngle Timnahi tọn lẹ mẹ: bo, dayi e go, kinnikinnivu de to gbigbó do e ji. ⁶Gbigbọ OKLUNỌ tọn sọ wá e ji po huhlọn po, ewọ sọ tlẹn ẹn dile ewọ do ko tlẹn gbọgbọẹvu de do, ewọ ma sọ tindo núde to alọ etọn mẹ: ṣigba ewọ ma dọ na otọ́ etọn kavi onọ etọn núhe é ko wà gba. ⁷Ewọ sọ jẹte yì, bo dọhó hẹ nawe lọ; ewọ sọ hẹnhomẹhùn Samsọni dagbedagbe. ⁸To ojlẹ de godo ewọ gọ̀jei nado yí i, é sọ zè apadopo nado pọn osiọ kinnikinni lọ tọn: bo, dayi e go, gégé owín lẹ tọn de tin finẹ to agbasa kinnikinni lọ tọn mẹ, po owín po. ⁹Ewọ sọ yí i do alọ etọn mẹ, bo to yìyì, é to dùdù le é to yìyì, é sọ wá otọ́ po onọ etọn po de, bo yína yé, yé sọ dù: ṣigba é ma dọ na yé dọ ewọ yí owín lọ sọn agbasa kinnikinni tọn mẹ gba. ¹⁰Otọ́ etọn sọ jẹte yì nawe lọ de: Samsọni sọ basi núdùdù de to finẹ; na mọwẹ sunnu dẹpo lẹ nọ wà do. ¹¹E sọ wá jọ, whenuena ye mọ ẹn, wẹ yé hẹn ogbọ́ ogbàn wá nado nọ hẹ ẹ. ¹²Samsọni sọ dọ hlan yé dọ, Mì gbọ dinvie ma sújlu de hlan mì: eyín míwlẹ sọgan dọ ẹ na mi to azán ṣinawe núdùdù lọ tọn mẹ, bo yón ẹn, whenẹnu yẹn na na mì awu alavọ̀ tọn ogbàn po ogbàn didiọ avọ́ tọn po: ¹³ṣigba eyín míwlẹ ma sọgan dọ ẹ na mi, whenẹnu mìwlẹ na na mi awu alavọ̀ tọn ogbàn po ogbàn didiọ-avọ̀ tọn pọ. Yé sọ dọ hlan ẹn dọ, Sújlu towe, na mí nido sè e. ¹⁴Ewọ sọ dọ hlan yé dọ, Núdùtọ mẹ wẹ núdùdù sọn, Podọ huhlọnnọ mẹ wẹ vivi sọn. Yé ma sọ sọgan dọ ojlu lọ to azán atọ̀n mẹ. ¹⁵E sọ wá jọ to azán sinawẹtọ gbè, wẹ yé dọ hlan asi Samsọni tọn dọ, Klọ asú towe, dọ é nido dọ ojlu lọ hlan mí, mí nikã yí miyọn do mẹ́ hiẹ po owhé otọ́ towe tọn po: míwlẹ ylọ mí nado dohẹ́n mí wẹ? be é ma yín mọwẹ? ¹⁶Asi Samsọni tọn sọ to avivì to nukọn etọn, bo didọmọ, Hiẹ gbẹwanna mi, hiẹ ma yiwanna mi gba: hiẹ ko sújlu de hlan ovi omẹ ṣie lẹ tọn, bo ma ko do e na nu gba. Ewọ sọ dọ hlan ẹn dọ, Dayi e go, yẹn ma dọ ẹ na otọ́ ṣie kavi onọ ṣie gba, na yẹn ni ka dọ ẹ na we wẹ? ¹⁷Ewọ sọ to avivi to nukọn etọn azán ṣinawe, ojlẹ he núdùdù lọ dẹnsọ: é sọ wá jọ to azán ṣinawetọ gbè, wẹ é dọ nẹ̃, na é tuklado e glanglan wutu: ewọ sọ dọ ojlu lọ hlan ovi omẹ etọn lẹ tọn. ¹⁸Omẹ todaho lọ tọn lẹ sọ dọ hlan ẹn to azán ṣinawetọ gbè whẹpo owhè do yì odò, dọ, Etẹ wẹ vivihú owín? podọ etẹ wẹ huhlọnnọhú kinnikinni de? Ewọ sọ dọ hlan ye dọ, Eyín mìwlẹ ma ko yí yinsi winyanwinyan ṣie do pọ̀gle, Mìwlẹ ma do ko mọ ojlu ṣiẹ gba. ¹⁹Gbigbọ OKLUNỌ tọn sọ yí huhlọn do wá e ji, ewọ sọ jẹte yì Aṣikelọni, bo hò omẹ ogbàn sọn yé mẹ, bo yí ogblannu yetọn, bo yí didiọ avọ̀ tọn lẹ na yé bo du ojlu lọ lẹ. Ye sọ hẹn adi etọn jimiyọn e sọ hẹji yì owhé otọ́ etọn tọn gbè. ²⁰Ṣigba yè yí asi Samsọni tọn na ogbé etọn, mẹhe ewọ nọ zánhẹ di họ́ntọn etọn.

¹ṢIGBA e wá jọ to ojlẹ de godo, to ojlẹ oli bẹ́whenu tọn, Samsọni yí gbọgbọẹvu de do yì dla asi etọn pọ́n; ewọ sọ dọmọ, Yen na yì hòmẹ to asi ṣie de to abò mẹ. ²Otọ́ etọn sọ dọmọ, Yẹn lẹn nugbonugbo dọ hiẹ gbẹwanna ẹn gbidigbidi; enẹwutu wẹ yẹn do yí i na ogbẹ́ towe: be nọviyọnnu etọn pẹvi ma yín whanpẹnọ hú ewọ? yí ewọ, yẹn vẹ́ we, do otẹn e tọn mẹ. ³Samsọni sọ dọ hlan yé dọ, To ojlẹ he mẹ wẹ yẹn na yín mahùwhẹ́nọ gbọn Filistini lẹ tọn dali, whenuena yẹn wà oylan de do yé. ⁴Samsọni sọ yì bo wle wọ̀tupọẹ fodekanweko, bo yí zòwhán lẹ, bo lé osi hlan osi, bo yí zòwhán de do ogbla osi awe awe ṣẹnṣẹn. ⁵Whenuena é ko simiyọn tufu lẹ lọ, é gbọ yé ni yí biọ gbàdo Filistini tọn he to ote lẹ mẹ, bo mẹ ogetin po gbàdo he to ote po, po ovẹnjipa lẹ po ga. ⁶Whenẹnu wẹ Filistini le dọmọ, Mẹnu wẹ ko wà ehe? Yé sọ dọmọ, Samsọni, yọ́nwhẹ́n Timninu tọn, na é ko yí asi etọn wutu, bo ko yí i na ogbé etọn. Filistini lẹ sọ hẹji wá, bo yi miyọn do mẹ́ ẹn po otọ́ etọn po. ⁷Samsọni sọ dọ hlan yé dọ, Eyín mìwlẹ wà di ehe hùnkọ, nugbonugbo yẹn na ylahọsu to mì go, podọ to enẹ godo yẹn na doalọte. ⁸Ewọ sọ yi hùhù daho de do hù yé súdo: ewọ sọ jẹte yì bo nọnó sizó osé Etami tọn tọn mẹ.

⁹Whenẹnu wẹ Filistini lẹ yì aga, bo dosla do Juda, bo té yéde do Lehi. ¹⁰Omẹ Juda tọn lẹ sọ dọmọ, Etẹwutu wẹ mì hẹaga wá mí ji? Yé sọ dọmọ, Nado bla Samsọni wẹ mí wà aga na, nado wà hlan ẹn dile ewọ ko wà hlan mí do. ¹¹Whenẹnu wẹ omẹ fọtọ́n atọ̀n sọn Juda mẹ jẹte yì odò yì zizẹ osé Etami tọn tọn mẹ, bo dọ hlan Samsọni dọ, Be hiẹ ma yọnẹn dọ ogán wẹ Filistini lẹ yín to mí ji? etẹ ka wẹ hiẹ ko wà hlan mi he? Ewọ sọ dọ hlan yé dọ, Dile yéwlẹ wà hlan mi do, mọwẹ yẹn ko wà hlan yé do. ¹²Yé sọ dọ hlan ẹn dọ, Míwlẹ jẹte wá nado bla we, na mí nido jó we do alọ Filistini lẹ tọn mẹ. Samsọni sọ dọ hlan yé dọ, Mì whle hlan mi, dọ mìlọsu ma na hòzínjẹ oji e gba. ¹³Yé sọ dọ hlan ẹn, dọmọ, Lala, ṣigba míwlẹ na bla we sinyẹnsinyẹn, bo jó we do alọ yetọn mẹ: ṣigba nugbonugbo míwlẹ ma na hù we gba. Yé sọ yí okàn yọ́yọ́ awe do bla ẹ, bo hẹn ẹn hẹaga sọn osé lọ mẹ. ¹⁴Whenuena é wá jẹ Lehi, Filistini lẹ dabobo le yé pé e: gbigbọ OKLUNỌ tọn sọ yí hlọnhlọn do wá e ji, okàn he tin to awà etọn go lẹ lẹzùn miyọnkàn he yè yí miyọn do mẹ, núblanú etọn lẹ sọ flẹ́ sọn alọ etọn lẹ mẹ. ¹⁵E sọ mọ aglànkahú yọ́yọ́ kẹtẹkẹtẹ de tọn, bo dè alọ etọn jẹgbonu, bo yí i, bo yí do hò omẹ fọtọ́n. ¹⁶Samsọni sọ dọmọ,

¹SAMSỌNI sọ yì Gaza, bo mọ galọtọ de to finẹ, bo biọ hómẹ yì e de. ²Yè sọ dọ na Gazanu lẹ, dọmọ, Samsọni wá file. Yé sọ glọn ẹn do, bo tọ̀wu nẹ̃ to ozán lọ mẹ to hòngbo tòdaho lọ tọn mẹ bo whẹsọsó to ozán lọ mẹ, dọmọ, Gbọ ni yín kaka hinhọ́n afọnnu tọn na tin, whenẹnu wẹ mí na hù i. ³Samsọni sọ mlọnai jẹ́ zánhòmẹ, bo fọ́n to zánhòmẹ, bo hẹn ohòn hòngbo tòdaho tọn lẹ go, po dotin awe lẹ po, bo sún yé daga, patin po popolẹpo po, bo zé yé do abó etọn lẹ ji, bo hẹn yé yì aga jẹ aga osé tọn ji ehe tin to Heblọni nukọn.

⁴E sọ wá jọ to godo, wẹ é yiwanna yọnnu de to agbàdo Solẹki tọn mẹ, oyín mẹhetọn yín Dẹlila. ⁵Klunọ Filistini lẹ tọn lẹ hẹaga wá e de, bo dọ hlan ẹn dọ, Doyẹ e, bo mọ fìemẹ huhlọn daho etọn te, podọ gbọn onú tẹ sinmẹ wẹ mí sọgan hugán en te, na mí nido bla ẹ nado bianukunna ẹn: míwlẹ na sọ na we dopodopo mí tọn wọ̀wó fataka tọn fọtọ́n kanweko. ⁶Dẹlila sọ dọ hlan Samsọni dọ, Dọ na mi, yẹn vẹ́ we, fìemẹ huhlọn towe daho te, podọ etẹ yè sọgan yí do bla we nado bianukunna. ⁷Samsọni sọ dọ hlan ẹn dọ, Eyín yé yí whlẹnbàn yọ́yọ́afin ṣinawe he yè ma ko hẹn hú do bla mi, whenẹnu wẹ yẹn na lẹzùn madogannọ, bo sọ tin di sunnu devo. ⁸Whenẹnu wẹ klunọ Filistini lẹ tọn lẹ hẹn hẹaga wá e de whlẹnkàn yọyóafín ṣinawe he yè ma ko hẹn hú, é sọ yí yé do bla ẹ. ⁹Dinvie ewọ tindo wutọ̀tọ́ lẹ to owu mẹ he tìn to abò hòmẹ tọn mẹ. E sọ dọ hlan ẹn dọ, Filistini lẹ tin to oji we, Samsọni. Ewọ sọ wẹ́n whlẹnkàn lẹ dile yè nọ wẹ́n okàn Sekanfun tọn do whenuena e jẹ miyọn go. Mowẹ yè ma yón huhlọn etọn. ¹⁰Dẹlila sọ dọ hlan Samsọni dọ, Dayi e go, hiẹ ko vlẹ mi, bo sọ dọ lalo na mi: dọ na mi lò yẹn vẹ́ we, núhe yè sọgan yi do bla we. ¹¹Ewọ sọ dọ hlan ẹn dọ, Eyín yé yí okàn yọ́yọ́ lẹ kẹdẹ do bla mi, he yè ma ko yí do wà azọ́n de, whenẹnu wẹ yẹn na lẹzùn madogannọ, bo sọ tin di sunnu devo. ¹²Mọwẹ Dẹlila yí okàn yọ́yọ́ lẹ, bo yi do bla ẹ, bo dọ hlan ẹn dọ, Filistini lẹ tin to oji we, Samsọni. Wutọ̀tọ́ lẹ to owu mẹ tin to abò hòmẹ tọn mẹ. Ewọ sọ wẹ́n yé só sọn awà etọn lẹ mẹ di sekan de. ¹³Dẹlila sọ dọ hlan Samsọni dọ, Kakajẹfi hiẹ ko to vivlẹ mi, bo to lalo lẹ dọ na mi: dọ núhe yè sọgan yí do bla we na mi. Ewọ sọ dọ hlan ẹn dọ Eyín hiẹ yí opọ̀n do lọ̀n oda mimlin ṣinawe ota ṣie tọn. ¹⁴Ewọ sọ yí osé dó whè e, bo do hlan en dọ, Filistini lẹ tin to oji we, Samsọni. Ewọ sọ fọ́n sọn amlọn etọn mẹ, bo họn osé zòpọ tọn lọ po opọ̀n lọ po. ¹⁵Ewọ dọ hlan ẹn dọ, Nawẹ hiẹ sọgan dọ, dọ Yẹn yiwanna we, whenuena ayiha towe ma tin to dẽ? hiẹ ko vlẹ mi to whla atón helẹ, bo ma ko dọ na mi fiemẹ huhlọn daho towe te gba ¹⁶E sọ wá jọ, whenuena é yí ohó etọn lẹ do magbọjẹdo nẹ egbesọegbesọ, bo sọ to vẹ́vẹ́ nẹ̃, wẹ homẹ etọn gble jẹ oku ¹⁷E sọ dọ ayiha etọn lẹpo nẹ, bo dọ hlan ẹn dọ, Dalùnhi de ma ko je ota ṣie go gbede; na yẹn ko yín Nazilite de hlan Jiwheyẹwhe sọn adó onọ ṣie tọn mẹ: eyín yè lundana mi, whenẹnu wẹ huhlọn ṣie na yì sọn dẹ, yẹn na sọ lẹzùn madogannọ, bo sọ tin taidi omẹ devo depope. ¹⁸Whe-nuena Dẹlila mọ dọ é ko dọ ayiha etọn lẹpo nẹ, é domẹhlan bo ylọ klunọ Filistini lẹ tọn lẹ, dọmọ, Mì hẹaga wá whladopo he, na ewọ ko dọ ayiha etọn lẹpo na mi Whenẹnu wẹ klunọ Filistini lẹ tọn lẹ hẹji wá e de, bo hẹn akuẹ to alọ yetọn mẹ. ¹⁹E sọ hẹn ẹn damlọn to oklo etọn lẹ ji; é sọ ylọ dawe de, bo lùn oda mimlin ṣinawe lẹ sọn ota etọn; é sọ ṣẹ̀ nado bianukunna ẹn, huhlọn etọn sọ yì sọn e de. ²⁰E sọ dọmọ, Filistini lẹ tin tọ oji we, Samsọni. Ewọ sọ fọ́n sọn amlọn etọn mẹ, bo dọmọ, Yẹn na tọn yì di whenẹnu tọn nkọ, bo whàn dẽ. Ṣigba é ma yọnẹn dọ OKLUNỌ ko yìsọn e de gba. ²¹Filistini lẹ sọ wle e, bo dè nukun etọn lẹ; ye sọ hẹn ẹn jẹte wá Gaza, bo yí afọgàn ganvẹ tọn le do sín in; é sọ to séli to gànhọmẹ ²²Ṣogan oda ọta eton tọn sọ sẹ nado wú godo he yè ko lùndana ẹn.

²³Klunọ Filistini lẹ tọn lẹ sọ bẹ́ yé pli dopọ na nado na avọ́ nunina daho de hlan Dagọni yẹwhe yetọn, podọ nàdo jaya: na yé dọmọ, Yẹwhe mìtọn ko jó Samsọni kẹntọ mìtọn do álọ mìtọn mẹ. ²⁴Whenuena gbẹtọ lẹ mọ ẹn, ye pa yẹwhe yetọn: na yé dọmọ, Yẹwhe mìtọn ko jó kẹ̀ntọ mìtọn po mevàtọ otò mìtọn tọn po do alọ mìtọn mẹ, mẹhe ko hù susu mí tọn. ²⁵E sọ wá jọ, whenuena ayiha yetọn lẹ yín vivinọ; wẹ yé dọmọ, Mì ylọ Samsọni, na-é nido vlẹwọnna mí. Yé sọ ylọ Samsọni tón sọn gànhòmẹ; é sọ to wọnvlẹ to yé nukọn: yé sọ yí i do dotin lẹ ṣẹnṣẹn. ²⁶Samsọni sọ dọ hlan yọpọsunnu he hẹn alo go nẹ̃ dọ, Gbọsọn ogo e na ma tẹ́n dotin ehe ji ohọ̀ te lẹ pọ́n, na yẹn nido zènmẹ yé go. ²⁷Dinvie ohọ́ lọ yín gigo na sunnu lẹ po yọnnu lẹ po; klunọ Filistini le tọn lẹpo tin to finẹ; podọ to ohò ji aga sunnu lẹ po yọnnu lẹ po yì fọtọ́n atọ̀n, he to Samsọni pọ́n whenu é to wọnvlẹ. ²⁸Samsọni sọ ylọ hlan OKLUNỌ, bo dọmọ, Ṣó OKLUNỌ Jiwheyẹwhe, yẹn vẹ̀ we, flin mi, bo nahúhlọn mi, yẹn vẹ́ we, whladopo he kẹdẹ, Só Jiwheyẹwhe, na yẹn nido yín mẹyíahọsuna to Filistini lẹ go na nukun ṣie awe lẹ ²⁹Samsọni sọ hẹn dòtin ṣẹnṣẹn tọn awe lẹ go ehe ji ohò te, bo zènmẹ yé go, ode po adusilọ etọn po, awetọ po amiyọnlọ etọn po. ³⁰Samsọni sọ dọmọ, Gbọ yen ni kú po Filistini lẹ po. E sọ yí hlọnhlọn etọn lẹpo do dé ede; ohọ̀ lọ sọ họ́ jẹ klunọ lẹ ji, podọ jẹ gbẹtọ he tin finẹmẹ lẹpo ji. Mowẹ osiọ he ewọ hù to okú etọn whenu yín susu hú yé he ewọ hù to ogbẹ́ whenu etọn me. ³¹Whenẹnu wẹ mẹmẹsunnu etọn lẹ po owhé otọ́ etọn tọn lẹpo po jẹte wá, bo yí i, bo hẹn ẹn hẹaga wá, bo di i to Zolahi po Eṣitaoli po ṣẹnṣẹn do ṣiọditẹn Manoa otọ́ etọn tọn mẹ. Ewọ sọ dawhẹna Islaeli owhè oko.

¹DAWE de tin sọn otò okọta Eflaimi tọn mẹ, oyín mẹhetọn nọ yín Mika. ²Ewọ sọ dọ hlan onọ etọn dọ, Wọ́wọ́ fataka tọíl fọtọ́nkanweko he yè yí sọn asi we, ehe tọn dali hiẹ dọ dẹhodo de, bo sọ dọ ẹ ga do otọ́ ṣie lẹ mẹ, dayi e go, fataka lọ tin to dẽ; yẹn wẹ yí i. Onọ etọn sọ dọmọ, Donanọ wẹ visunnu ṣie ni yín sọn OKLUNỌ de. ³Ewọ sọ gọ̀ wọ̀wọ́ fataka tọn fọtọ̀nkanweko lẹ lọ jò na onọ etọn, onọ etọn sọ dọmọ, Yẹn nugbonugbo klan fataka lọ do wiwe hlan OKLUNỌ sọn alọ ṣie mẹ na visunnu ṣie, nado basi boṣiọ pipa de po boṣiọ kinkọ̀n de po: enẹwutu dinvie yẹn na gọ̀ ẹ jó na we ⁴Whenuena ewọ gò akuẹ lọ jó na onọ etọn, onọ etọn yí wòwó fataka tọn fọde, bo yí yé na anawàtọ, mẹhe basi bọṣiọ pipa etọn de po bọṣiọ kinkọ̀n de po: é sọ tin to owhé Mika tọn gbè. ⁵Dawe lọ Mika sọ tindo ohò de gó na yẹwhe lẹ, é sọ basi efọdi de, po telafimi de po, bo klan dopo sọn visunnu etọn lẹ mẹ do wiwe, he lẹzùn yẹwhenọ etọn. ⁶To azán nẹlẹ mẹ ahọlu de ma tin to Islaeli mẹ gba: omẹ dopodopo to enẹ he yín jlọjẹ to nukun etọn titi mẹ wà.

⁷Dẹpẹmẹ de sọ tin sọn Bẹti-lehẹm-Juda, sọn whédo Juda tọn mẹ, mẹhe yín Levinu de, é sọ wáwási to finẹ. ⁸Dawe lọ sọ fọ́nyì sọn tòdaho lọ mẹ, sọn Bẹti-lehẹm-Juda, nado wáwási to ofi he é sọgan mọ otẹn de te: é sọ wá otò okọta Eflaimi tọn mẹ wá owhé Mika tọn gbè, dile é wáwási do. ⁹Mika sọ dọ hlan ẹn dọ, Fie wẹ hiẹ sọn wá? Ewọ sọ dọ hlan ẹn dọ, Levinu de wẹ yẹn sọn Bẹti-lehẹm-Juda, yẹn sọ jei nado wáwási to fie yẹn sọgan mọ otẹn de te. ¹⁰Mika sọ dọ hlan ẹn dọ, Nò dẽ, bo yín otọ́ de po yẹwhenọ de po hlan mi, yẹn na sọ nọ na wọ̀wọ́ fataka tọn ao we to whèmẹ whèmẹ, po osòbẹ avọ̀ tọn de po, po núdùdù towe lẹ po. Mowẹ Levinu lọ sọ biọ whégbe.

¹¹Levinu lọ so yín nupekọnanọ nado nonọ hẹ omẹ lọ; sunnu dẹpẹ lọ sọ tin hlan en di ode to visunnu etọn lẹ mẹ. ¹²Mika sọ klan Levinu lọ do wiwe, sunnu dẹpẹ lọ sọ lẹzùn yẹwhenọ etọn bo sọ tin to owhé Mika tọn gbè.

¹³Whenẹnm wẹ Mika dọmọ, Lò wẹ yẹn yọnẹn dọ OKLUNỌ na wà dagbe na mi, mimọ dọ yẹn tindo Levinu de na yẹwhenọ ṣie.

¹TO azán-nẹlẹ mẹ ahọlu de ma a tin to Islaeli mẹ gba: podọ to azán nẹlẹ mẹ whẹndo Daninu lẹ tọn to ogú de din na yé nado nọnọ̀ e mẹ; na kaka jẹ azán nẹ gbè ogú yetọn ma ko flẹ jẹ yé de to whẹ̀ndo Islaeli tọn lẹ ṣẹnṣẹn gba. ²Ovi Dani tọn lẹ sọ do sunnu atón hlan sọn whédo yetọn mẹ, sọn sọha yetọn pete mẹ, ome huhlọn tọn sọn Zola, podọ sọn Eṣitaoli, nado bẹ̀ppọ́n aigba lọ podọ nado din in mọ; yé Sọ dọ hlan yé dọ, Mì yì, din aigba lọ mọ: yé sọ wá otò okọta Eflaimi tón mẹ, wá owhé Mika tọn gbè, bo nọnọ̀ fine. ³Whenuena yé tin to owhé Mika tọn gbè dali, wẹ yé yón ogbè sunnu dẹpẹ Levinu lọ tọn: yé sọ lé do apadopo hlanfìnẹdali, bo do hlan ẹn dọ, Mẹnu wẹ hẹn we wá fidali? podọ etẹ wẹ hiẹ to wiwà to file? podọ etẹ wẹ hiẹ tindo to ofi? ⁴Ewọ so dọ hlan yé dọ, Le po le po wẹ Mika zán hẹ mi, ewọ ko sọ dàpà mi, bọ yẹn sọ tin: lẹzùn yẹwhenọ etọn. ⁵Yé sọ dọ hlan ẹn dọ, Kàn hónamẹ biọ, sọn Jiwheyẹwhe de, mí vẹ̀ we, na mí nido yọnẹn eyín ali he mí gbọn jei na yín nuyọ́nnanọ ⁶Yẹwhenọ lọ sọ dọ hlan yé dọ, Mì to yìyì jijọho mẹ: OKLUNỌ nukọn wẹ ali mìtọn hemẹ mì gbọn jei te.

⁷Whenẹnu wẹ sunnusi atọ́n ewlẹ fọ́nyì, bo wá Laisi, bo mọ omẹ he tin to emẹ lẹ, le yé tin to jijọho mẹ do, kẹdẹdi Zidonianu lẹ tọn, to abọẹ bo sọ vò; na mẹde ma tin to aigba lọ ji, bo tindo asẹ, he sọgan do; yé winyan mẹ to onú depope mẹ, yé sọ tin dẹn do Zidonianu lẹ lọ, bo ma sọ tindo zinzán de he omẹ depope. ⁸Yé sọ wá mẹmẹsunnu yetọn lẹ de to Zola po Esitaoìi po: mẹmẹsunnu yetọn lẹ sọ dọ hlan yé dọ. Etẹ wẹ mìwlẹ dọ? ⁹Yéwlẹ sọ dọmọ, Mì tite, bo gbọ mí ni hẹaga yì yé ji: na míwlẹ ko mọ aigba lọ, bo, dayi e go, dagbadagbe talala wẹ: míwlẹ sọ tin to abọẹ wẹ? mì yín awuwhlenọ nado yì podọ nadó biọ e mẹ nado tindo aigba lọ blo ¹⁰Whenuena mìwlè yì, mì na wá omẹ vivò de lẹ de, aigba lọ sọ yín daho: na Jiwheyẹwhe ko jó e do alọ mìtọn mẹ: ofi de fie onú he yè jlo to aihọn mẹ depope ma dẹn te.

¹¹Yé sọ yì sọn finẹ sọn whédo Daninu lẹ tọn mẹ, sọn Zola po Eṣitaoli po, sunnu nuọntọ̀n yè yí adánwànu awhàn tọn lẹ do blagbajana. ¹²Yé sọ hẹji yì, bo dosla do Kiliati-jealimi mẹ, to Juda mẹ: enẹwutu wẹ yé ylọ ofi nẹ dọ Mahane dàni, jẹ azán he gbè: dayi e go, é tin to Kiliati-jealimi godo. ¹³Yé so ju gbọn finẹ yì jẹ otò okọta Eflaimi tọn mẹ, bo wá owhé Mika tọn gbè. ¹⁴Whenẹnu wẹ omẹ atọn he yì nado bẹ̀pọ̀n otò Laisi tọn lọ lẹ gblọn, bo dọ hlan mẹmẹsunnu yetọn lẹ dọmọ, Be míwlẹ yọnẹn dọ efọdi de tin to owhé helẹ gbè, po telafimi po, po boṣiọ winwlan de po, po boṣiọ kinkòn de po? enẹwutu dinvie mì ni lẹn núhe mìwlẹ tindo nado wà. ¹⁵Yé sọ lẹ́ do apadopo hlanfinẹdali, bo wá owhé sunnu dẹpẹ Levinu lọ tọn gbè, yèdọ wá owhé Mika tọn gbè, bo kàn jijọho etọn tọn biọ e. ¹⁶Sunnusi nuọntọ̀n yè yí adánwànu yetọn lẹ do blagbaja awhàn tọn na lẹ, mẹhe tin sọn ovi Dani tọn lẹ mẹ, nọte to bibiọ hòngbo mẹ tọn dali. ¹⁷Sunnusi atọ́n he yì nado bẹ̀ aigba lọ pọ́n lẹ sọ hẹji, bo wá whégbe gbọn finẹdaíi, bo yí bosiọ winwlan lọ, po efọdi lọ po, po telafimi lọ po, po boṣìo kinkọ̀n lọ po; yẹwhenọ lọ sọ nọte to bibiọ hòngbo lọ tọn mẹ dali po eunnusi nuọntọ̀n yè yí adánwànu awhàn tọn do blagbajana lẹ po ¹⁸Whenuena ehe lẹ yì owhe Mika tọn gbè, bo yí bosiọ winwlan lọ, efọdi lọ, po telafimi lọ po, po bosiọ kinkòn lọ po wá, Yẹwhenọ lọ dọ hlan yé dọ, Etẹ wẹ mì to wiwà? ¹⁹Yéwlẹ sọ dọ hlan ẹn dọ, Do onù towe abọẹ, yí alọ towe do onù towe go, bo yì po mí po, bo yín hlan mí otọ́ de po yẹwhenọ de po: be é yín pónte hú na we nado yín yẹwhenọ hlan owhé omẹ dopo tọn, kavi nado yín yẹwhenọ hlan whendo de po whédo de po to Islaeli mẹ? ²⁰Ayiha yẹwhenọ lọ tọn sọ yín homẹhùnnọ, é sọ yí efọdi lọ, po telafimi po, po bosiọ winwlan lọ po, bo sọ yì to ogbla gbẹtọ lẹ lọ tọn mẹ ²¹Mọwẹ yé sọ lé bo fọnyì, bo yí omẹ vũvu lẹ po kanlinpa po po agbàn lẹ po do yé nukọn. ²²Whenuena yé ko yì dẹn do owhé Mika tọn, sunnusi he tin to owhé gbè sẹpọ́ owhé Mika tọn lẹ yín bibẹpli dopọ, bo gbomọna ovi Dani tọn lẹ. ²³Yé sọ dawhá hlan ovi Dani tọn lẹ. Yéwlẹ sọ lé nukunmẹ yetọn lẹ, bo dọ hlan Mika dọ, Etẹ wẹ wà we, bọ hiẹ do wá po ogbé mọnkọ de po? ²⁴Ewọ sọ dọmọ, Mìwlẹ ko yí yẹwhe ṣie lẹ yì he yẹn basi, po yẹwhenọ lọ po, bo ko yì, etẹ wẹ yẹn sọ tindo dogó? Na mìwlẹ dọ do whenẹnu hlan mi dọ Etẹ wẹ wà we? ²⁵Ovi Dani tọn lẹ sọ dọ hlan ẹn dọ, A dike yè sè ogbè towe mí ṣẹnṣẹn blo, omẹ adinọ lẹ nikã zọnjẹ mì ji, bọ hiẹ hẹn ogbẹ́ towe bú, po ogbẹ́ whégbetọ towe tọn lẹ po. ²⁶Ovi Dani tọn lẹ sọ wleali yetọn yì: whenuena Mika mọ dọ yé yín mẹsinsinyẹn gbahu na ewọ, é lẹ́ bo gọ̀ yì owhé etọn gbè. ²⁷Yé sọ yí enẹ he Mika ko basi, po yẹwhenọ he e ko tindo po, bo wá Laisi, wá omẹ abọẹ vivòtọ de de, bo yí nukunmẹ ohi lẹ tọn do hò yé, yé sọ yí miyọn do mẹ́ tòdaho lọ. ²⁸Mẹwhlẹntọ de ma sọ tin to finẹ, na é tin fidindẹn sọn Zidọni wutu, yé ma sọ tindo zinzán lẹ de po omẹ de po; é sọ tin to agbàdo he tin to Bẹti-lehobi dali mẹ Yé sọ do tòdaho lọ ai, bo nọnọ̀ emẹ. ²⁹Yé sọ ylọ oyín tòdaho lọ tọn dọ Dani, kẹdẹdi oyín Dani otọ́ yetọn tọn, he yè ji hlan Islaeli: ṣogàn oyín tòdaho lọ tọn wẹ Laisi to whẹwhẹwhenu. ³⁰Ovi Dani tọn lẹ sọ zé do ote na yéde bọsiọ winwlan lọ: Jonatani, visunnu Gelẹọmi tọn, visunnu Moṣe tọn, ewọ po visunnu etọn lẹ po wẹ yẹwhenọ hlan whendo Daninu lẹ tọn kaka jẹ azán mẹglọnọ aigba lọ tọn tọn gbè. ³¹Mowẹ yé zé boṣiọ winwlan Mika tọn do ote na yé ehe ewọ ko basi, to ojlẹ lẹpo mẹ he ohò Jiwheyẹwhe tọn tin to ṣilo mẹ.

¹E sọ wá jọ to azán nẹlẹ mọ, whenuena ahọlu de ma tin to Islaeli mẹ, wẹ Levinu de wáwáṣi to adà nukọnnukọn oto okọta Eflaimi tọn tọn ji, mẹhe yí asimọwhla de hlan ẹn sọn Bẹti lehẹm-juda. ²Asimọwhla etọn sọ lọ̀ga jagò do e, bo yì sọn e de yì owhe otọ́ etọn tọn gbè to Bẹti-lehẹm-juda, bo sọ tin to osã osùn ẹnẹ tọn mẹ ³Asu etọn sọ tite bo domọna ẹn, nado yí pósẹ do dọhó hlan ẹn, nado sọ hẹn ẹn gọ̀, devi etọn po e po, po asúdeaside kẹtẹkẹte tọn de po, ewọ sọ hẹn ẹn wá owhé oto etọn tọn gbè: whenuena otọ́ yọnnuasiwhe lọ tọn mọ ẹn, é jaya nado pé e. ⁴Asitọ́ etọn, otọ yọnnuasiwhe lọ tọn, hẹn ẹn dote; ewọ sọ nò e de azán atọ̀n: mọwẹ yé to dùdù bo sọ to nùnù, bo sọ jẹ finẹ ⁵E sọ wá jọ to azán ẹnẹtọ gbè, bọ yé tite to afọnnufú, bọ ewọ tite nado fọ́nyì: otọ́ yọnnuasiwhe lọ tọn sọ dọ hlan yónwhẹn etọn dọ, Yí nùdo akla tọn de do miọnhomẹna ayiha towẹ, enẹgodo mìwlẹ na wleali mìtọn yì. ⁶Mọwẹ yé sinai, bo dù bo sọ nù, yé omẹ awe lẹ dopọ: otọ́ yọnnuasiwhe lọ tọn sọ dọ hlan dawe lọ dọ, Yín nupekọnọ, yẹn vẹ́ we, bo nọai to ozán he mẹ, bo gbọ ayiha towe ni yín homẹhùnnọ. ⁷Dawe lọ sọ tite nado fọ́nyì; ṣigba asitó etọn sọ nọkòji nẹ́, ewọ sọ vó finẹ dó. ⁸Ewọ sọ tite to afọnnufù to azán atóntọ gbè nado fọ́nyì; otọ́ yọnnuasiwhe tọ tọn sọ dọmọ, Hẹnhomẹhùn ayiha towe, yẹn vẹ we, na mì ni nọai kaka okle ni diọkò; yé sọ dù, yé omẹ awe lẹ. ⁹Whenuena dawe lọ sọ tite nado fọ́nyì, ewọ po asimọwhla etọn po, po devi etọn po, asitọ́ etọn, otọ́ yọnnuasiwhe lọ tọn, dọ hlan ẹn dọ, Dayi e go, tenu to sisẹpọ dinvie, yẹn vẹ́ mì nọai tọ ozán he mẹ: dayi e go, okle to whinwhén jei opòdo, do ofi, na ayiha towe nido yín homẹhùnnọ; to osọ̀ mì ni jẹ aliho mìtọn ji, na hiẹ nido yì owhé. ¹⁰Ṣigba dawe lọ ma sọ jlo na dó to ozán nẹ mẹ gba, ṣigba é tite bo fọ́nyì, bo wá Jẹbusi titegbe (doponẹ wẹ Jelusalẹm): asúdeaside kẹtẹkẹte tọn yè blapana de sọ tin to e de; asimọwhla etọn sọ tin to e de ga. ¹¹Whenuena ye tin to Jẹbusi dali, okle ko yì po; dèvi lọsọ dọ hlan mẹmẹnu etọn dọ, Wá, yẹn vẹ̀ we, bo gbọ mí ni lé do apadopo biọ tòdaho Jebusinu lẹ tọn he mẹ bo dó e mẹ. ¹²Mẹmẹnu etọn sọ dọ hlan ẹn dọmọ, Mí ma na lẹ́ do apadopo biọ tòdaho ojonọ de tọn mẹ he ma yín ovi Islaeli tọn lẹ tọn de gba; ṣigba mí na ju yì Gibea. ¹³Ewọ sọ dọ hlan devi etọn dọ, Wá bo gbọ mí ni sẹpọ́ dopo otẹn helẹ tọn; míwlẹ na sọ dó Gibea mẹ kavi Lama mẹ. ¹⁴Mowẹ yé ju yì bo wleali yetọn; owhè sọ biọ do yé to sisẹpọ Gibea, ehe yín Bẹnjamini tọn. ¹⁵Yé sọ lé doi apadopo hlanfìnẹ, nado yì tòmẹ nado dọ Gibea me: ewọ sọ yì tòmẹ, bo sinai to alihogbo tòdaho lọ tọn ji: na omẹ de ma tin he yí yé do owhé etọn gbè nado dó gba. ¹⁶Bo, dayi e go, dawe yọnhonọ de gò sọn azọn etọn mẹ sọn danji to whèjaì; dinvie dawe lọ yín otò okọta Eflaimi tọn tọn, ewọ sọ wáwáṣi to Gibea mẹ: ṣigba ome ofi lọ tọn lẹ wẹ Bẹnjamininu lẹ. ¹⁷Ewọ sọ zé nukun etọn lẹ daga, bo mọ dawe gbejizọnlinnọ lọ to alihogbo tòdaho lọ tọn ji; dawe yọnhonọ lọ sọ dọmọ, Fiedali hiẹ jei? fie wẹ hiẹ sọ sọn wá? ¹⁸Ewọ sọ dọ hlan ẹn dọ, Míwlẹ gbọn Bẹti-lehẹm-juda wá jei awà nukọnnukọn otò okọta Eflaimi tọn tọn ji; odọ́n wẹ yẹn sọn, yẹn sọ yì Bẹti-lehẹm-juda: podọ dinvie yẹn sọ jei ohọ̀ OKLUNỌ tọn mẹ; omẹ de ma sọ tin he yí mi do owhé etọn gbè gba. ¹⁹Gãnṣo oli po kanlinmahúhú po tin na kẹtẹkẹtẹ mìtọn lẹ; akla po ovẹ̃n po ga sọ tin na mi, podọ na deviyọnnu towe, podọ na sunnu dẹpẹ he tin to devi towe lé de: ojlo onú lẹ tọn ma tin gba. ²⁰Dawe yọnhonọ lọ sọ dọmọ, Jijọho ni tin hlan we; é to depope gbọ ojlo towe lẹpo ni pẹnjẹ oji e; kiki a dó alihogbo ji blo. ²¹Mọwẹ é hẹn ẹn biọ owhé etọn gbè, bo na núdùdù kẹtẹketẹ etọn lẹ: yé klọ afọ yetọn lẹ, bo sọ dù bo nù. ²²Le yé to homẹhẹnhùn ayiha yetọn lẹ, dayi e go, sunnusi tòdaho lọ tọn lẹ visunnu Behali tọn de lẹ, tò lédo owhé lọ, bo to núli ohọ̀n lọ; yé, sọ dọhó hlan mẹmẹnu owhé lọ gbè tọn, dawe yọnhonọ lọ, dọmọ, Hen dawe he wá ohọ̀ towé mẹ jẹgbonu, na mí nido yón ẹn. ²³Dawe lọ, mẹmẹnu owhé lọ tọn, yí yé de to gbonu, bo dọ hlan yé dọ, Lala, mẹmẹsunnu ṣie emi, yẹn vè mì, mì wàylan mọ blo; mimọ dọ dawe he wá ohọ̀ ṣie mẹ, mì wà oylan he blo. ²⁴Dayi e go, viyọnnu ṣie awhli de tin to ofi po asumọwhla etọn po; yé wẹ yẹn na hẹn jẹgbonu dinvie, mì ni huwhẹ ẹ́, bo sọ wà hẹ yé núhe sọawuhia dagbe lan mì: ṣigba hlan dawe he mì wà oylan mọnkọ blo. ²⁵Ṣigba omẹ ewlẹ ma jlo na tuntóai hlan ẹn gba: mọwẹ dawe lọ hẹn asimọwhla etọn go, bo hẹn ẹn jẹgbonu wá yé de; yé sọ yọn ẹn, bo sọ gblealọ do e go to ozán nẹ mẹ kaka jẹ afọnnu: whenuena aimẹ sọ hinhọ́n, yé gbọ e ni yì. ²⁶Whenẹnu wẹ nawe lọ wá to flifli afọnnu tọn mẹ, bo ṣinyọnai to ohòn owhé dawe lọ tọn tọn go to fie klunọ etọn te, kaka owun do kẹ̀n. ²⁷Klunọ etọn sọ tite to afọnnufú, bo hùn ohọ̀n ohọ̀ tọ́n lẹ, bo tọ́n jẹgbonu nado wleali etọn yì: bo, dayi e go, nawe lọ asimọwhla etọn yè hẹn jai do ohòn owhé lọ tọn go, po alọ etọn lẹ po to vẹ̃nlinu ji ²⁸Ewọ sọ dọ hlan ẹn dọ, Fọ́n, bo gbọ mí ni to yìyì; ṣigba mẹde ma gblọn: whenẹnu wẹ é zé e daga do kẹtẹkẹtẹ lọ ji; dawe lọ sọ tite bo yì otẹn etọn mẹ. ²⁹Whenuena ewọ sọ wá biọ owhé etọn gbè, é yí ohi de, bo hẹn asimọwhla etọn go, bo má ẹn do gọ̀nugọ̀nu, adajahú na adajahú do donu wiawe, bo yí i dohlan agboji Islaeli tọn lẹpo lẹ́do. ³⁰E sọ yín mọ, dọ omẹ he mọ ẹn lẹpo to didọmọ Owàlọ mọnkọ ma tin yín wiwà kavi mimọ sọn azán he gbè ovi Islaeli tọn lẹ ko hẹaga wá sọn aigba Egipti tọn ji jẹ azán he gbè gba: mì ni lẹn ẹn, mì yí hónamẹ, bo sọ dọhó.

¹WHENẸNU wẹ ovi Islaeli tọn lẹpo tón yì gbonu, yè sọ pli agùn lọ dopọ di omẹ dopo, sọn Dani yèdọ jẹ Beẹl-seba, po aigba Gileadi tọn po hlan OKLUNỌ de to Mizpa. ²Ogán gbẹtọ lẹ tọn lẹ, yèdọ sọn whẹ̀ndo Islaeli tọn lẹ mẹ, do yéde-hia to oplitò omẹ Jiwheyẹwhe tọn lẹ tọn mẹ, afọzọ̀ntọ he dòn ohi fọtọ́n fòwe. ³(Dinvie ovi Bẹnjamini tọn lọ sè dọ ovi Islaeli tọn lẹ yè hẹn hẹji yì Mizpa.) Ovi Islaeli tọn lẹ sọ dọmọ, Dọ na mí, na yè hẹn ylankan he wá jọ do? ⁴Levinu lọ, asú nawe he yè do hùhlọn ton lọ, gblọn bo dọmọ, Yẹn wá biọ Gibea he yín Bẹnjamini tọn mẹ, yẹn po asi mọwhla ṣie po, nado dó. ⁵Omẹ Gibea tọn lẹ sọ tite do oji e, bo tò lédo owhé to ozán mẹ do oji; yẹn wẹ yé lẹn nado ko hù, asimọwhla ṣie yé yí huhlọn do hẹn, ewọ sọ yín oṣiọ ⁶Yẹn sọyí asimọwhla ṣie, bo sán ẹn do flínfiín, bo yí i dohlan otò ogú Islaeli tọn tọn lẹpo mẹ lẹ́do: na yé ko basi wántúntún po oylan po to Islaeli mẹ. ⁷Dayi e go, mì ovi Islaeli tọn emi, mì omẹ pó, mì na hólenhẹmẹ mìtọn po hónamẹ po to ofi. ⁸Gbẹtọ lẹpo sọ tite di omẹ dopo, dọmọ, Míwlẹ depope mí tọn ma jei gohò etọn mẹ gba, mọ míwlẹ depope mí tọn ma na diọkò hlan owhé etọn gbè gba. ⁹Ṣigba dinvie ehe wẹ onú he mí na wà do Gibea; mí na hẹji yì yé; ji gbọn vòdidè dali; ¹⁰Mí na yí sunnusi ao sọn kanweko dopo mẹ gbọn whẹ̀ndo Islaeli tọn lẹpo mẹ lẹ́do, podọ kanweko dopo Sọn fọtọ̀n dopo mẹ, podọ fọtọ́n dopo sọn fọtọ̀n ao mẹ, nado hẹn núdùdù wá na gbẹtọ lẹ, na yé nido wà, whenuena yé wá Gibea Bẹnjamini tọn kòn, kẹdẹdi oylan lẹpo he yé ko wà to Islaeli mẹ. ¹¹Mowẹ yè hẹn omẹ Islaeli tọn lẹpo plidopọ do tòdaho lọ ji, hòpli dopọ di omẹ dopo.

¹²Whẹndo Islaeli tọn le sọ do sunnusi lẹ hlan whẹ̀ndo Bẹnjamini tọn lẹpo lẹ́do, dọmọ, Ylankantẹ́ wẹ wá jọ to mì ṣẹnṣẹn he? ¹³Enẹwutu dinvie mì jó ome ewlẹ, visunnu Belialì tọn lẹ lọ, he tin to Gibea mẹ, na mí nido hù yé, bo dè oylan sọn Islaeli. Ṣigba Bẹnjamini ma jlo na tuntóai hlan ogbé mẹmẹsunnu yetọn ovi Islaeli ton lẹ tọn gba. ¹⁴Ovi Benjamini tọn lẹ sọ bẹ́ yéde pli dopọ sọn tòdaho lẹ mẹ do Gibea, nado tọ́n jẹgbonu yì awhànfuntẹn do ovi Islaeli tọn lẹ ji ¹⁵Ovi Bẹnjamini tọn lẹ yè hia to azán nẹ gbè sọn tòdaho lẹ mẹ do sunnusi fọtọ́n koatọ́n-nukundopo he dòn ohi, mahia tòmẹnu Gibea tọn lẹ dogo, he yè hia do sunnusi sinsinyan nuọnrọn kanweko. ¹⁶To omẹ he le mẹ sunnusi ṣinṣinyan nuọnrọn kanweko to finẹ yin amiyọnlọnọ; omẹ dopodopo sọgan yìn zannu lẹ to akòtòpé mẹ pla odà-gbigbló dopo, magbòmagbò.

¹⁷Ọmẹ Islaeli ton lẹ, malẹn Benjamini, yè hia do sunnusi fọtọn fowè he dòn ohi: ehe lẹpo yín omẹ awhàn tọn. ¹⁸Omẹ Islaeli tọn lẹ sọ tite, bo hẹji yì Bẹteli, bo kàn hónamẹ Jiwheyẹwhe tọn biọ; yé sọ dọmọ, Mẹnu whẹwhẹ wẹ na hẹji yì awhànfutẹn na mí to ovi Bẹnjamini tọn lẹ ji? OKLUNỌ sọ dọmọ, Juda whẹwhẹ wẹ; na heji yí. ¹⁹Ovi Islaeli tọn lẹ sọ tite to afọnnu, bo dosla do Gibea ji. ²⁰Ome Islaeli tọn lẹ sọ tọn yì awhànfunten do Bẹnjamini ji; omẹ Islaeli tọn lẹ sọ tò awhan do haji do yé ji to Gibea. ²¹Ovi Bẹnjamini tọn lẹ sọ tọ́n jẹgbonu sọn Gibea, bo và do aigba sọn Islaelinu lẹ mẹ to azán nẹ gbè sunnusi fọtọ́n konukunawe ²²Omẹ ewlẹ, omẹ Islaeli tọn lẹ, sọ dotuhomẹna yéde bo sọ vọ́ awhàn tò do haji do otẹn lọ mẹ fie yé tò yéde do to azán tintan gbè. ²³(Ovi Islaeli tọn lẹ sọ̀ hẹaga yì bo viavi to OKLUNỌ nukọn kaka jẹ whèjai; ye sọ kanbiọ sọn Okluno si, dọmọ, Yẹn ni sọ tó sẹpọ́ nado funawhàn hẹ ovi Bẹnjamini nọvisunnu ṣie tọn lẹ? OKLUNỌ sọ dọmọ, Hẹagá yì yé ji.);

²⁴Ovi Islaeli tọn lẹ sọ wá sẹpọ́ do ovi Bẹnjamini tọn lẹ ji to azán awetọ gbè. ²⁵Bẹnjamini lẹ sọ tón jẹgbonu yì do yé ji sọn Gibea mẹ to azán awetọ gbè, bo sọ vọ́ và do aigba sọn ovi Islaeli tọn lẹ mẹ sunnusi fọtọ́n fọtọ̀nnukunatọ̀n; ehe lẹpọ wẹ dọ̀n ohi. ²⁶Whenẹnu ovi Islaeli tọn lẹpo, po gbẹtọ lẹpo po, hẹji yì, bo wá Bẹtẹli, bo viavi, bo sinai finẹ to OKLUNỌ nukọn, bo blanù to azán nẹ gbè kaka jẹ whèjai; yé sọ na nunina avọ́ mimẹ̀ tọn lẹ po avọ́ nunina: jijọho tọn lẹ po to OKLUNỌ nukọn. ²⁷Ovi Islaeli tọn lẹ sọ kàn biọ sọn OKLUNỌ si (na alki alẹnù Jiwheyẹwhe tọn tọn tin to finẹ to azán nẹlẹ mẹ, ²⁸Finehasi, visunnu Eleazali tọn, visunnu Aalọn tọn, ṣite to e nukọn to azán nẹlẹ mẹ) dọmọ, Yẹn na gbẹ́ sọ vọ́ tón jẹgbonu nado funawhàn hẹ ovi Bẹnjamini nọvisunnu ṣie tọn lẹ kavi yẹn na doalọte? OKLUNỌ sọ dọmọ, Hẹaga yì; na osò wẹ yẹn na jó e do alọ towe mẹ. ²⁹Islaeli sọ tò wuvàtọ to owu mẹ lẹ do Gibea ji lẹ́do.

³⁰Ovi Islaeli tọn lẹ sọ hẹji yì do ovi Bẹnjamini tọn lẹ; ji to azán atọ̀ntọ gbè, bo tò yéde do haji do Gibea ji, di ojlẹ devo lẹ tọn. ³¹Ovi Bẹnjamini tọn lẹ sọ tón yì do gbẹtọ ewlẹ ji, yè sọ dọ̀n yé yì sọn tòdaho lọ mẹ; yé sọ sẹ nado tó hihò bo to hùhù sọn ome ewle mẹ di ojlẹ devo lẹ tọn, to aligbo lẹ ji, ehe tọn mẹde nọ gbọn hẹjiyì Bẹteli, podọ ome devo yì Gibea, to danji, sunnusi ogbàn nkọ sọn Islaeli mẹ. ³²Ovi Benjamini tọn lẹ sọ dọmọ, Yè hò yé liai to mí nukọn, di tintan tọn. Ṣigba ovi Islaeli tọn lẹ dọmọ, Mì gbọ mí ni họ̀nyì, bo do dọ̀n yé sọn tòdaho mẹ hlan aligbo lẹ ji. ³³Omẹ Islaeli tọn lẹpo sọ tite sọn otẹn yetọn mẹ, bo tò yéde do haji to Baal-tamali; owuvàtọ to owu mẹ lẹ sọn Islaeli mẹ túntún jẹgbonu sọn otẹn yetọn mẹ, yèdọ sọn Maalehi-geba. ³⁴Sọn finẹ sunnusi ṣinṣinyan fọtọ́n ao sọ tón do Gibea jt sọn Islaeli lẹpo mẹ, awhàn lọ sọ hùnmiyọn: ṣigba yé ma yọnẹn dọ oylan tin to yé ji sẹpọ gba. ³⁵OKLUNỌ sọ hò Bẹnjamini to Islaeli nukọn; ovi Islaeli tọn le sọ và sọn Benjamini mẹ to azán nẹ gbè sunnusi fotọn koatọ́n é lán kanweko: ehe lẹpo wẹ dọn ohi.

³⁶Mowẹ ovi Bẹnjamini tọn lẹ mọ dọ yè hò yé: na omẹ Islaeli tọn lẹ na otẹn Bẹnjamini wutu, nayé dotódido hlan owutotó to owu mẹ he ye ko tò do Gibea ji lẹ. ³⁷Owutọtọ́ to owu mẹ lẹ sọ yawu, bo dli do Gibea ji; owutọtó to owu mẹ lẹ sọ dọ̀n yede yi bo yí onù ohí tọn do hò todaho lẹpo. ³⁸Dinvie ohia aidè to omẹ Islaeli tọn lẹ po owutọtọ to owu mẹ lẹ po ṣẹnṣẹn wẹ, dọ yé ni hẹn aslo azò tọn daho de tite daga sọn tòdaho lọ mẹ. ³⁹Omẹ Islaeli tọn lẹ sọ lẹ to awhànfuntẹn, Bẹnjamini sọ se nado to hihò bo to hùhù sọn omẹ Islaeli tọn lẹ me gbẹtọ ogbàn nkọ: na ye dọmọ, Nugbonugbo yè hò yé to mí nukọn, di to awhànfunten tintan mẹ. ⁴⁰Ṣigba whenuena aslọ lọ ṣẹ nado tite daga sọn tòdaho lọ mẹ to dotin azò tọn de mẹ Benjamininu lẹ pọ́n godo yetọn, bo, dayi e go, pete tòdaho lọ tọn yì aga jẹ olọn to azọ̀ mẹ, ⁴¹omẹ Islaeli tọn lẹ sọ lé, yè sọ hẹn awuji omẹ Bẹnjamini ton lẹ: na yé mọ do oylan tin wá yé ji ⁴²Enẹwutu yé lẹ́ gódo yetọn lẹ to omẹ Islaeli tọn lẹ nukọn hlan aliho zungbo tọn dali; ṣigba awhàn lọ to hihodo yé to godo gligli; yé mẹhe tón sọn tòdaho mẹ lẹ to yé và to gblagbla yetọn mẹ. ⁴³Yé glọn Bẹnjamininu lẹ do lédo, bo dafọna yé, bo tùnafọ yé ji to gbigbọjẹtẹn yetọn mẹ kaka yì jẹ Gibea titegbe hlan whèzizẹ dali. ⁴⁴Sunnusi fọtọ́n fọtọ̀nnukunatọ̀n wẹ jai to finẹ sọn Bẹnjamini mẹ; ehe lẹpo wẹ sunnu tudotọ. ⁴⁵Yé sọ lé bo họ̀nyì gbọn zùngbo dali hlan osé Limmọni tọn kòn: yé sọ dugbànna sọn ye mẹ to aligbo lẹ ji sunnusi fọtọ́n atón; bó sọ to hihodo to godo gligli jẹ Gidọmi, bo sọ ho sọn yé mẹ sunnusi fọtọ́n awe ⁴⁶Mọwẹ dọ yé he jai sọn Bẹnjamini mẹ to azán nẹ gbè lẹpo yín sunnusi fòtón koatọ́n he dòn ohi; ehe lẹpo wẹ omẹ tudotọ. ⁴⁷Ṣigba sunnusi nuọtòn lẹ́ bo họ̀nyì hlan zùngbo dali yì osé Limmọni tọn kọ̀n, bo nọ̀ osé Limmọni tọn mẹ osùn enẹ ⁴⁸Omẹ Islaeli tọn lẹ sọ vọ́ lé do ovi Benjamini tọn lẹ ji, bo yí onù ohi tọn do ho ye, tòdaho lọ pete po kanlinpa po, po ehe yé dinmọ lẹpo po: humo tòdaho he yé dinmọ lẹpo wẹ yé domiyọn.

¹DINVIE omẹ Islaeli tọn lẹ ko whle to Mizpa, dọmọ, Mẹde sọn mí mẹ ma na na viyonnu etọn Bẹnjamini hlan asi gba. ²Gbeto ewlẹ so wá Bẹteli, bo sinai finẹ kakajẹ whèjai to Jiwheyẹwhe nukọn, bo zé ogbè jetọn lẹ daga, bo viavi badabada. ³Yé sọ dọmọ, OKLUNỌ, Jiwheyẹwhe Islaeli tọn, etẹwutu ehe wá jọ to Islaeli mẹ, bọ whẹ̀ndo dopo na do yín dindón to egbé to Islaeli me? ⁴E so wá jọ to aihọngbe, wẹ gbẹtọ ewlẹ tite to afọnnu, bo tùn agbà de do finẹ, bo na nunina avọ́ mimẹ̀ lẹ ton po nunina avọ́ jijọho ton lẹ po ⁵Ovi Islaeli tọn lẹ sọ domọ, Mẹnu to whẹ̀ndo Islaeli ton lẹpo ṣẹnṣẹn he ma hẹaga to agùnpipli lọ mẹ wá OKLUNỌ de? Na yé ko basi whiwhle daho de gbọn ewọ tọn dali he ma hẹaga wa OKLUNỌ de to Mizpa, dọmọ, Ye na hù i nugbonugbo. ⁶Ovi Islaeli tọn lẹ diolinlẹnna yé na Bẹnjamini nọvisunnu yetọn, bo dọmọ, Yè sán whẹ̀ndo dopo sè sọn Islaeli mẹ to egbé. ⁷Na wẹ mí na wà do na asi na yé he pò lẹ, mimọ dọ míwlẹ ko whle gbọn OKLUNỌ dali dọ míwlẹ ma to na na yé sọn viyọnnu mìtọn lẹ mẹ hlan asi gba? ⁸Yé sọ dọmọ, Dopo tẹwẹ tin sọn whẹndo Islaeli tọn lẹ mẹ he ma hẹji wá OKLUNỌ de to Mizpa? Bo, dayi e go, Mẹdepope ma wá osla mẹ sọn Jabẹsi-gileadi biọ agùnpipli lọ mẹ gba. ⁹Na whenuena yè hia sọha gbẹtọ ewlẹ tọn, dayi e go, mẹdepope sọn tòmẹnu Jabẹsi-gileadi tọn lẹ mẹ ma tin finẹ gba. ¹⁰Agùn lọ sọ do sunnusi fọtọ́n wiawe sọn huhlontọ lẹ mẹ hlan finẹ, bo degbèna yé dọmọ, Mì yì bo yí onù ohi tọn do ho tomẹnu Jabẹsigileadi tọn lẹ, Yọnnu lẹ po yọ̀pọ lẹ po. ¹¹Ehe wẹ onú he mìwlẹ na wà; mì na và sunnu lẹpo gbidigbidi, po yọnnu lẹpo po he ko mlọnai gbọn sunnu dali. ¹²Yé sọ dinmọ to tòmẹnu Jabẹsi-gileadi tọn lẹ ṣẹnṣẹn awhli vú fowe, he ma ko yọn sunnu gbọn aimlọn hẹ ẹ dali: yé sọ hẹn yé wá osla mẹ to Ṣilo, ehe tin to aigba Kanani ton ji.

¹³Agùn lọ pete sọ domẹhlan bo dọhó hlan ovi Bẹnjamini tọn lẹ he tin to osé Limmọni tọn mẹ lẹ, bo lá jijọho hlan yé. ¹⁴Bẹnjamini sọ lẹ́ to ojlẹ nẹ mẹ; yé sọ na yọnnu lọ lẹ yé he yé ko whlẹn do ogbẹ́ sọn yọnnu Jabẹsi-gileadi tọn lẹ mẹ: gãnṣo yé ma sọ sùna yé gba. ¹⁵Gbẹtọ ewlẹ sọ lẹnvọjọna yé na Bẹnjamini, na dọ OKLUNỌ ko basi aivọ́ de to whẹndo Islaeli tọn lẹ mẹ wutu.

¹⁶Whenẹnu wẹ mẹho agùn lọ tọn lẹ dọmọ, Nawẹ míwlẹ na wà do na asi na yé he pò lẹ, mimọ dọ yè và yọnnu lẹ sọn Bẹnjamini? ¹⁷Yé sọ dọmọ, Ogú de mananọma tin na yé he yè hẹn họ̀ngán sọn Bẹnjamini gba, dọ na whẹndo de ma na do yín súnsún sẹ̀ sọn Islaeli mẹ gba. ¹⁸Ṣogan míwlẹ sọgan nọma na asi yé sọn viyọnnu mìtọn lẹ mẹ: na ovi Islaeli tọn lẹ ko whle, dọmọ, Dẹhodonọ ewọ yín he na asi de hlan Bẹnjamini. ¹⁹Yé sọ dọmọ, Dayi e go, hùnwhẹ OKLUNỌ tọn de tin sọn owhè de mẹ jẹ owhè de mẹ to Ṣilo mẹ, ehe tin to agewaji Bẹteli tọn go, to whèzẹtẹn adà alihogbo tọn go he yì aga gọn Bẹteli jẹ Ṣekẹmi podọ to hùwaji Lẹbona tọn go. ²⁰Yé sọ degbèna ovi Bẹnjamini tọn lẹ, dọmọ, Mì yì bo mlọnai to owu mẹ to ojipa lẹ mẹ; ²¹bo pọ́n, bo, dayi e go, eyín viyọnnu Ṣilo tọn lẹ tọ́n jẹgbonu nado dúwè to owè lẹ mẹ, whenẹnu mì ni tón jẹgbonu sọn ojipa lẹ mẹ, mìwlẹ ni wle sunnu dopodopo asi etọn sọn viyọnnu Ṣilo tọn lẹ mẹ, bo yì aigba Bẹnjamini tọn ji. ²²E na sọ yín, whenuena otọ́ yetọn lẹ kavi mẹmẹsunnu yetọn lẹ wà nado fànkoe hlan míwlẹ, wẹ míwlẹ na dọ hlan yé dọ, Mì yí nukundagbe do jó yé hlan mí: na míwlẹ ma yí na sunnu dopodopo yé tọn asi etọn to awhànfuntẹn gba wutu: mọ mìwlẹ ma sọ na yé hlan yè gba; mìwlẹ nikã yín whẹylantọ to dinvie ²³Ovi Bẹnjamini tọn lẹ sọ wà mọ, bo yí asi lẹ na yé, kẹdẹdi osọha yetọn, sọn ye he to wèdú lẹ mẹ, mẹhe yé fọ̀ yì: yé sọ yì bo lẹ́ wá ogú yetọn kọ̀n, bo do tòdaho lẹ ai, bo to ninọ̀ yé mẹ. ²⁴Ovi Islaeli tọn lẹ sọ fọ́nyì sọn finẹ to ojlẹ nẹ mẹ, ome dopodopo yì whẹndo etọn mẹ po whédo etọn po mẹ, yé sọ tón jẹgbonu sọn finẹ omẹ dopodopo yì ogú etọn mẹ ²⁵To azán nẹlẹ mẹ ahọlu de ma tin to Islaeli mẹ gba: omẹ dopodopo to enẹ he yín jlọgjẹ to nukun etọn titi lẹ mẹ wà.